آخر 10 مشاركات
عندما يعشقون صغاراً (2) *مميزة و مكتملة *.. سلسلة مغتربون في الحب (الكاتـب : bambolina - )           »          جاك...كارا (114) للكاتبة: Lynn Raye Harris (ج5 من سلسلة دماء سيئة) *كاملة* (الكاتـب : Gege86 - )           »          زوجة بالميراث (127) للكاتبة: Sara Craven *كاملة* (الكاتـب : Gege86 - )           »          أُحُبُّكِ مُرْتَعِشَةْ (1) *مميزة & مكتملة * .. سلسلة عِجافُ الهوى (الكاتـب : أمة الله - )           »          وأشرقت في القلب بسمة (2) .. سلسلة قلوب مغتربة *مميزة ومكتملة * (الكاتـب : Shammosah - )           »          شهم الطبايع يا بشر هذا هو الفهد *مميزة و مكتملة* (الكاتـب : Aurora - )           »          زهر جبينها المكلل- قلوب أحلام غربية (118) [حصريا] للكاتبة Hya Ssin *مميزة ومكتملة* (الكاتـب : Hya ssin - )           »          وابتسم القدر(وعندما اقتربت النهاية...ابتسم القدر) *مميزة ومكتملة* (الكاتـب : فاتن عبدالعظيم - )           »          غمد السحاب *مكتملة* (الكاتـب : Aurora - )           »          1011 - ها قد اتت المتاعب - ديبى ماكومبر - د.نـــ (عدد جديد) (الكاتـب : Dalyia - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات العربية المنقولة المكتملة

Like Tree1Likes
إضافة رد
 
LinkBack أدوات الموضوع انواع عرض الموضوع
قديم 08-03-19, 04:47 PM   #1

هنادي عمار

? العضوٌ??? » 431590
?  التسِجيلٌ » Sep 2018
? مشَارَ?اتْي » 9
?  نُقآطِيْ » هنادي عمار is on a distinguished road
Rewitysmile25 تسأليني/ للكاتبة سوزان المندلاوي، عراقية، مكتملة








بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته




جمهور روايتي احم الصراحة اول مره انقل رواية هنا ويمكن اول مرة اشارك
الرواية لكاتبة عراقية تنشر اعمالها على الفيسبوك وايضا على الواتباد وجيت انقلها هنا لان اثرت بيه حيل ....
الكاتبة سوزان المندلاوي تاخذ قصص نساء ورجال من العراق وتكتب قصة حياتهم يعني ابطال القصة حقيقين....






ندى تدى likes this.


التعديل الأخير تم بواسطة لامارا ; 17-04-22 الساعة 12:06 AM
هنادي عمار غير متواجد حالياً   رد مع اقتباس
قديم 08-03-19, 04:49 PM   #2

هنادي عمار

? العضوٌ??? » 431590
?  التسِجيلٌ » Sep 2018
? مشَارَ?اتْي » 9
?  نُقآطِيْ » هنادي عمار is on a distinguished road
افتراضي

رابط لتحميل الرواية

هنـــــــــــــــــــــــ ـــــــــا



#تسأليني ...
#الفصل_الاول
#الجزءالاول ..
#سوزان_المندلاوي

جانت دنيا صبح ..ورايحه للمعهد ..الجو بارد ..
وبي نثات مطر ...خفيفه ..وامشي بشارع ...وحدي الشارع فارغ ...
كملت فرع بيتنه ..وطلعت ع اليسرة ...
ريحه المطر والتراب ..ترست ..رئتي اعشقها ..
كمت امشي سريع تبللت ..
حتى اوصل ..لراس الشارع يوكفلي ابو الخط ..
ميكدر يفوت كلها مسدودة بصبات ..
جنت لابسة .قميص ابيض ..وتنورة رصاصي وشايله الفكس..بايدي ...
دامشي بسرعه اباع ع الساعه ..7/30..وكع عليها مطر
وكمت امسحها بهدومي ...
هف يادوب الحك ..وعندي امتحان
ماحس بروحي الا تكومت بلكاع بنص طين ..
ع ركبي ..وكعت ..
اسمع واحد يكول الله الله اخيتي خوما صارشي ..
رفعت راسي ..والدمعه بعيني ..
شاب ..لابس شورت وفانيلا ..اسمراني ضخم وطويل ..
اني بقيت صافنه عليه ...
مد ايدة يكومني ..
كتله لا شكرا ...
كمت عدلت روحي ..
ضحك ..كال ماتكومتي الا بهلنكرة ..جان فتي من هينه..
وعبرتي النكرة ...
ماعرف شجاوبه ضجت حيل ....ومقهورة ع روحي ..
هدومي كلها ..طين ومي ..والتنورة ..شويه نشكت ..
كمت اعدل ..بروحي ..
ضحك ..كال ..
ماترهم ..ترحين لدوامج هجي ..
رفعت راسي عليه ..
كتله وانت شعليك جاي تواسيني لو تضحك عليه ..
لا لا اخيتي ..بس حالج مو مال دوام ..
كمت اتلفت بشارع ..يمنى يسرى ..
ماكو ..احد ..
افف ياربي ..ماكو غير حل ارجع للبيت ..
الولد .لم غراضي من الكاع و.انطاني غراضي ..الفكس ..والجنطه ..
باوعت عليه واخذتهن ورجعت ..امشي ..
واعدل بهدومي وانفض بيها ..
صااح يولو ...
انداريت عليه ..
هاذ قلمج ..ويبتسم ..
عفته ومشيت حايرة بدوامي ..
كمت امشي سريع ..وصلت ..للبيت ..
طبيت امي كاعدة ..
ياا شبيج .قمر.وكعت ع حظي وطينت ..
خرب دكومي بدلي ودوامج ..ماما ماعرف ..
بدلي هسة اكعد ابوج يوديج ....
اي ..
طبيت ..بدلت هدومي وغسلت ..
وكعد ابويه ..يحجي علية ...
شبيج ..
بابا تاخرت خلي اغسل اني واكفه بصفه وهوة يغسل ..
عفيه بسرعه عندي امتحان ..
افتهمت انطي صبر ..
كمل ..طلعت ..رحت ..للمعهد ..المعلمات ..
طبيت ..بي ..كوة الحارس دخلني علمود تاخرت..
المديرة ...واكفه بلممر...
عفيه يوميه ..متاخرة ..ست ..قمر
الي يسمع يكول بيتكم بلهند ..
ست والله ضرف ..صار واضطريت ..اتاخر ..
يله يله لصفج ..
اني امشي واقلد عليها لصفج لصفج ام سنون ..
طبيت المحاضرة باديه ..
باوعت عليه ست سناء ..ونزلت المناظر شويه ..ع خشمها
واشرت باديها اتفضلي ..برنسيسة ..مو معهد ..صار ..استراحه ..
طبيت ..
البنات تلكوني ها ..كتلهم اسكت ..اليوم من اوله طين ..
ضحكت استلمي ..ست سناء اطين الباقي ..اليوم..
كملنه المحاضرة ..
ودخلنه ثانيه ..وامتحنت ..وجاوبت الي جاوبته ..
يوم متعب وممل..سنه ثالثه بعد سنتين واتخرج ..
جانت صديقه الي مقربه ..مروة حجيت الها الي صار ..
كتلها ولهجته ماعرف شلونها يولو ..وهينه وتكومتي ..
هههههه ولج ماعرف بيهن اني ..
اي ولا اني ..
مراوي ميته جوع امشي ناكل ..
جانت اكو كافتريا عود ..صبات ..اسمنت ..وكشك ..
مشلع ..ويبيع علينه لفات وببسي ..والاحلى مغلفي بنايلون ..
واحنه فرحانين بي ..
اكلنه االفات وبقينه نسولف ...
كتله باجر ..امتحان عربي ..هف ياربي شوكت نرتاح من هلضغط اعصابي تعبت والله ..
يلا حبي مضل شي كله كم شهر ونكمل ..
مروة ..عاجبني اصبغ ..احمر ..
صفنت عليه ..اي حلو يلوك الج ..
اني قمر.عمري 17سنه ..طولي 173..مرببه ..بضخامه ..بيضه وشعري ..كاريه ..
عيوني ناعسة ..وشفتي متروسه ..
يكولون حلوة ...
بقينه نسولف اني ومروة كملنه الفرصه ..
وطبينه المحاضرات ..
خلص الدوام ورجعنه ..للبيت ..رجعت وي الخط وكتله تاخر ت بسبب..صار ماكلت وكعت مافشل روحي ..دوامي يخلص ب2الظهر ..
وصلني ..للشارع العام وطبيت ...
براس شارع العام كشك ...ملمومين عليه الجهال يشترون ..
وكفت اخذت ..منه كم شغله تمتوعه لليل ..
وكملت مشيتي ...
وصلت للمكان الي وكعت بي ...
اباع الحفرة ماكو ..
اندار ع البيت ..الباب نفسها..
البيت جان جبير وبناءة حديث دبل فاليوم ..واكو حديقه ..خارجيه مستطيلة ..
والباب سودة وبيها ذهبي ...
شفت ..طابوك ..والحفرة ..مسويها ..
عبرتها ..
اسمع واحد صاح ..يابنت ..
يابنت اكفي ..
انداريت ..نفسه الولد الي صبح شفته ..
نعم ..
كال طميتها ..
نعم ..
النكرة ..طميتها ..
ي والمطلوب شنو ..
صفن عليه ..
كال اني قائد ..
بقيت اباع عليه ..
اخي المطلوب شنو مني ..قائد ع نفسك ..اني شعليه ..
اف ..بقى تتكاونين وياي ..
شنو ..
ماله لازم ..اني طميت الحفرة ..
ي شكرا ..بس مو حفرة ابويه هيه ..والله يالله ..
عفته..ومشيت ..
شبي هذا شديحجي ....بطران ..واذا ماطميتها ..
انتبهت ع شكله ..عيونه كبار ..وشوارب ..عندة ..
هسة اني شعليه موكفني ع حفرة ..
طبيت للبيت ..
سلمت ع اهلي ..وذبيت الغراض ..ماما ميته جوع ..
يلا غسلي وبدلي ..دا صب غدة ..
كمت ..ذبيت هدومي ولبست تراك ..ولزكت بصف الصوبه ..
نعسانه وجوعانه ..وتعبانه ..
صاحتني امي ..كعدت اكل ..
اخويه كلي يكولون اليوم واكعه ..
اني باوعت عليه ولكمه بلحكي ..
ي.
هههههه حيل مامتي شو ..
اهووو ماما ليش كلتي اله هسة يخبلني بسوالفه ..
امي كالت ..ولك ..عوفها ..لا تلح ..احمد ..
حيل والله لو شايفج اموت ضحك ..
مو اكل طلع ..هذا سم ..
اوكفي ..وين وكعتي ..
معليك ..
عليج الله ..
شمدريني ..ودليته ..
هااا يم بيت قتيبة..
منو هذا ..
جماعه مو منا ..كاعدين جديدين ..
ها مين لعد ..من الرمادي ..
هاااا ..
ي ..
كملت الاكل ..وكمت اريد انام ...
رحت للغرفه ..طفيت الضوة ..وخليت راسي ..ع المخدة ..
.....ضليت ..اتكلب وبية سوله قبل لا انام العب بشعري ...
سالت روحي بله اني ليش هيج جاوبت الولد..
عيب هوة سوة مساعدة ..
نمت ماحسيت الا امي تكعدني ...
كمت ..من نومي ..غسلت ..وكعدت ادرس ..
وشغلت الاغاني ...
كملت دراستي ..وطلعت ..يم اهلي ..
كعدت اخويه طالع ..بقيت ..يم امي واختي ..
انهار ..جانت ..طالبه كليه ..وهم ملتهيه بدراستها ..
وابويه ..مدمن طوبه ...اربعه وعشرين ساعه يباوع ..
ويعصب ..ويفرح ...هم جنت اتابع ويا الدوري الانكليزي والاسباني ..وكاس العالم ...لان من الصغر تعلمت ع الطوبه والتشجيع ..
سوينه عشا ..ورحت اغسل هدومي واحضرهدوم لثاني يوم ..التنورة انعدمت بعد ..متنلبس بعد نشكت ..
غسلت القميص ..وشريته ..
اذكرت جنت لابسه لفاف اسود صوف وبنهايته وردة ..
دورت ماكو ..اف وينه ..
بس لا وكع يم هذا ابو الهينا ..
لو اطين ..وذبه بلزبل ..
طلعت ..تعشيت ..وي اهلي ...
وكعدنه نسولف ..شويه ...وراها طبيت ..غرفتي ..
اريد انام ..طفيت الاضويه ..وشغلت ...التيبلم ..
وكعدت ..اقرة رواية.
من روايات عبير ..
وادخل بعالمهم ..وانسى ..عالمي ...اقرهه
لحد ماغفى ....
كمت ثاني يوم مثل كل يوم ..
كمت غسلت ..
واجيت احضر روحي اني دائما فاتحه شعري
لان قصير ..وخليت كحل خفيف وبس ..وبدلت هدومي ..
لبست تنورة سودة قصيرة ..وقميص .ابيض وسترة قصيرة..كابوي..
ولفاف ع الركبه ..مهم اعشق الفافات ..
ولبست وبوت .بعدها مغيمه ...وتعطرت وطلعت ....
الكل نايمه ...فتحت الباب ..وقفلته وضميت المفاتح .
ومشيت ..بلطرمه ..طلعت وسديت الباب ..
وطلعت امشي ..الهوى بارد وريحه مطر بلشجر ..وغيم ..
مشيت ..وصلت ..للشارع ..
من وصلت للمكان الي وكعت بي ...
طلعلي جلب .اسود جنه ذيب ...ينبح عليه ..اني عطت بنص ..الشارع وركضت ع الرصيف وكعت الفكس والغراض من ايدي ..
.طلع وراه الولد ..من بيتهم ..
بلاك تعال ولك ..واجه جرة من يمي ..
اني واكفه ولازمه قلبي احسة راح يوكف من الخوف ..
ونفسي سريع ...اجه يمي خوما خوفج ..
رفعت راسي ..عليه ..كوة اجر النفس ..
كتله بربك هاي عمله ناس عاقله ..
ضحك ..لا تخافين مايعض ..يعرف ريحتج وجاج ..
بقيت اباع عليه ..وخرة منا عفيه اريد اولي لدوامي ..
راح اموت ..
اسم الله عليج ..عيني ..
جرة وطببه جوة بلبيت وسد الباب ..
اني رحت اخذت غراضي من الكاع ..
كال اني اسف ..
اني بعصبيه وحديه كتله انت متعمد هيج تسوي ..
هاي اذا ماانت سويت الحفرة ..
ضحك لا يابوي ..هههههه شنو السالفه ..
اخذتهن ومشيت ...واحجي عليه مخبل ..
اسمعه يكول يولو ..
اني منداريت ..
يابنت ..
كلت خاف وكعت شي درت وجهي ..
كال شسمج ..
اني اشرت اله ..بأيدي ..
مخبل ..
ابتسم ..
واني مشيت ...
عفته ومشيت وبكلبي اكول هذا مخبل موطبيعي ..
يمه شون جلب هد عليه ..هف ..شجلب بيه وشنو هلسوالف التعبانه ..كملت ...
وصلت ..لراس الشارع ..
صعدت ..السلام هليكم ..
هلو ..قمر..
هلو حبي ..
ابو الخط كال ..قمر دانتظرج هوايه شنو السالفه ..
والله يا ميثم ..مو اني ..بس سوالف تعبانه تصير ..
طلعلي جلب ..وخرعني ..
ضحك ..خوما عضج ..
ههههه لا ..طلع صاحبه وطببه
سلامات سلامات ويضحك ..
مشينه..الجو بارد ..حلو ومغيمه ...
وصلت للمعهد زين طبيت ..وي الدوام متاخرت ..هوايه ..
جان اكو استاذ يجينه ..استاذ لؤي ..
كلنه جنه من نشوفه نفتح حلكنه من الجمال بيوم المحاضرة الكل تبدل وترتب روحها ...
جان كلش حلو ..طول وجسم وابيض ..جميل بمعنى الكلمه ..يشبهه هيثم يوسف ..
فلكل جضر روحه ..اليوم استاذ عمار ..
طبينه للصفوف ..
اكو بنيه ويانه ..اسمها سمرجانت كلش حلوة ..
وتكعد اول ..رحله ..وترفع من تنورتها وتكعد كبال الاستاذ..عود تسويله اغرائات..
طب النه ..
السلام عليكم ..
وعليكم السلام استاذ ..
هاي تكول ياعسل ..وهاي تكول ياكيك ...
تصنيف ...
بدة ويانه بلحصه ..ويشرح النه عن علم النفس بلطفل ..
وهاي سمر ترفع بهدومها ..
والاستاذ يمسح بلعرك ويباع عليها ..
تسطرة سطر ..ويكوم حتى ميعرف يشرح ..
ويترك الدرس علينه مكطم واحنه نضل نضحك ..
لحد ماتخلص الحصة ..
وتكول اجيبه اجيبه ..لهذا العسل ..
سحر جانت كلش بيضة وناعمه وعيونها صفرة عبالك بزونه ..وملامح وجهها كلها نازكه

بزونه ..وملامح وجهها كلها نازكه وناعمه ..
جانت تحب ولد يمنه بلمعهد..
مو راحه مخلة وحدة بينه ما حاول وياها ..
بس شيفيد تحبة هيه ...
كملنه باقي المحاظرات بشقه وسوالف ..
لحد الظهر ..ب2 طلعنه ..
بيتنه جان بعيد ع المعهد ..
علما اوصل اني و3 بلبيت ...
طلعت كعدت بسيارة ..
وبالي يم هذا لا ارجع ..وهم يطلع بسالفه ..
خاف من الجلب ..هف لو شيطلعلي بسالفه ..
تمشي السيارة وعيني ع الشباك ..
وصلني ع الشارع ..نزلت..
ميثم جان عينه عليه ..
هوة طالب بلكلية ..تربيه رياضيات ويشتغل ..بخط ..
سيارته ..جانت بي ام ..ماخذني اني ..واخته وبعد بنات اثنين ويانه من المعهد من غير ..مرحله .
اخته حنين جانت دائما تكولي ..ميثم يسال عليح..
والطريق كله يباع علية بلمرايه ..
شكلة جان عادي بس اكرع ومزين صفر هوة ..
اني بالي لا يمه ولا يم اي احد ..
ابالي ..اتخرج وادخل جامعه ..وراها عود اقرر ..
حياتي حلوة وهادئة ..وجنت اتمنى يجيني هذا الحب ..
الي يهز كياني ويحيني من جديد الي يعيشني بعالم الروايات ...وشويه يبعدني عن الواقع الممل ..واتمنى فديوم قصه حياتي ..
تصير روايه ..
وصلنه نزلت ..مثل كل يوم اروح للكشك اشتري كم حاجه وراها امشي ..هلمرة امشي بقلق لا يطلعلي ..بشي ...
امشي وايدي ع كلبي..واتلفت وافز الف مرة جيت اوكع ...من الخوف .. ..منه .
امشي واتلفت واباع عبالك راح يطلعي وحش ...
مشيت ..وصلت ..لمكان بيتهم ..حتى اسمه طار من بالي ..
شسمه ياربي ..نقيب ..لا يانقيب ..
هف ..عبرت ع الرصيف مقابيل ..البيت ..جانت بنايه مو بيوت ..
امشي واباع ع الباب ..
خطوتين ..عديتها واحس ..صوت يم رجلي ..
جمدت بمكاني ..نزلت راسي ..الجلب واكف ..ولسانه طالع ويهز بذيله ..اريد ارجع ماكدر ...اريد اتقدم ماكدر ..
اسمع واحد يصيح بلاك ..ويعيط عليه ..
راحله ركض..غمضت عيوني اخذت نفس عميق ..
هلمرة الدمعه بعيني من الخوف ..
منداريت اريد ..اجمع قوتي حتى ..اركع راسه بطابوكه شي ابرد كلبي ..اسمع يكولي والله ..ماطلعته ..هو من سمع صوت اجدامج ..طلع ..الج ..
انداريت عليه ...اباع ..شفت الجلب ماكو ..
كتله قسم بالله اذا مرة ثانيه طلع عليه الجلب لو انت تعرضت الي بطريقي والله اشتكي عليك ..
عيب استحي ..احنه جيران وهاي حركات مزعطه ..
اسمعي ..والله ماطلعته ..انا ..هو..طلع ..اه ..يولو ..
كضبته بعد ..مايطلع ..لا تخافين
دحكي علي ..انا مو زعطوط ولا جاهل .لا تتمادين ..اف
مو لسان ..تكول ..رشاشه ..
...اني بديت افقد ..
فريت بايدي ومشيت ..عنه وادردم وي روحي ع تصرفة
مشيت وبقيت ادردم ..
هم جلب وهم اسود ..يمه ..
وصلت للبيت ...
شفته ..ورايه ..الولد يمشي انتظرت يصير يم بابنه ..طبيت وركعت الباب ..حيل ...بوجهه
ومشيت ..بلطرمه طبيت ..
اتلكتني امي ..
شبيج طابه ..عصبيه ..
ماكو شي ..نزعت الحذاء .وذبيت الغراض وطبيت ..
كعدت ع التخم ..
شكو شصار ..ها مزفته ..بلامتحان ..
لا ماما ماكو شي والله شبيج ..يامتحان
بس طفرت روحي ..
من شنو ؟
سلامتج حبي ..ميته جوع ..ماما ..اروح اغسل واصب ..
ولج ..قمر انتظري اخوانج وابوج ..هسة جاين..
ماما باجر عطله اريد اكل وانام ..هلكانه ..تعب وجوعانه نووم ..
هاي شنو راح نطلع ..
كمت الم بغراضي ..داروح للغرفه ..امي تحجي واني امشي
وين .طلعون .صحت بلممر..
سمعت بيت عمج ..
عرفت طلعه تعبانه كملت المشي ..
طبيت للغرفة..ذبيت روحي ..ع الجربايه ..
واذكر الموقف والجلب ..
هذا لاكف مو طبيعي ابد ..والله ..
بداخلي يفور عليه ....فوكاها يمشي ورايه ...
هوة وكرشه ..خرب ..مال اهد عليه اسد واشوف شيسوي ابو يولو ..ماعرف اكول لاخويه يلزمه عد حدة شو زيدها هذا عبالك الشارع بس اله ..كمت ..بدلت هدومي ..
ورحت غسلت ..بالي يم الموقف ..كون اخلي اخواني يلعبون بي طوبة ..ميستحي ..فوكاها جبير مو صغير ..
طلعت اتغديت وي اهلي ..طبت اختي من الدوام ..
ابالي افكر ..هم الجلب يطلع الها ..
كتلها ها شونه الشارع ..
ياشارع ..
اقصد الازدحام ..خنكه يمعودة ..موزين باردة بعد كم يوم ننحمس بلحر وامتحانات ..
اي والله ..اكولج شفت جلب ..ودليتها المكان ..شفتي ..
لا ..ماكو ..
هاااا ..لعد بس عليه طلع ..
رجعت حاجيت امي ماما يلا صبي راح اموت جوع ..
كعدنه ناكل اني واني وانهار ونسولف ع الدوام ..والدراسه ..
ولج انو ترحين لبيت عمي ..
ترحين انتي ..
لا ..
ولا اني
خوش ..لعد العصر ..ندز على فلم ونكعد نتابع ..
ايي..
بس والله اكولها الج من هسة ..
اذا ..كمت اسوي اكل ومكمتي ويايه اعلكج بلبنكه ..
دومج اني ينكسر ظهري وانتي كاضيتها بس تاكلين ..
كامت تضحك يمه من لسانج ..
لا اساعدج ..
اي مبين ..
كملت ورحت نمت...
اجتي ورايه ..اختي ...انهار .ناعمه ونازكه ...
قمر ..ها ..
اكولج ..انو نعسانه اريد انام لا ضلين ..تكمزين فوك راسي ..احجي ..
لا هيج ..
ولج احجي ...
اكو واحد بلجامعه ..اني وخرت المخدة فوك راسي ..اي اسمع شبي ...
مابي شي ..بس اليوم من فتت ..
اي ولج ..
كال ..
دحجي شكال ..شو هاي صارت حمرة ..
كال من فدوة لهل الشعر ..
صفنت عليها ..بيش اركعها ..هاي ..ضربتها بلمخدة ..
وانتي صار ساعه ىسارحه علمود هلكلمتين ..
ولج عالكه يمنه ..طين ..وجلاب ..وانتي ع هاي ..
ياجلاب ..انو نامي ..ام شعر لا ازينج صفر ..
اووف فوك ماكلج ..ودارت راسها ...
رجعت افكر بابو الجلب لو بس اذكر اسمه ..ياربي ..
ماذكر قائد ..نقيب ..المهم اكو رتبه بلموضوع ...
نمت ماحسيت الا ..ورة الغروب ...
كمت ..اباع اختي نايمه ..بعدها عفتها خطيه
طلعت ..من الغرفة ..رحت للهول ..شفت اخواني كاعدين ..
هااا قمر سويلنه جاي ..
اني عيوني محوله .هسة .امي وين ..
طلعو ...هااا ..
احنه ..3ولد ..2بنات ..
سجاد ..و عبدلله ..واحمد ..
كلهم طلاب ..اكبرنه سجاد ..
واصغرنه احمد ..
والدي موظف ..وامي معلمه ....
.حودي .روح جيب النه فلم ...حباب اليوم عطله ..
احمد اندار عليه ..اهووو انتي بطرانه ..اكعد افرفر واشوف فلم ..وتاليها تكول محلو ..
حباب شيطلعني ..مابيه حيل ..
يمعودة ..هوة يانه السوك روحي ..انتي ..
عبدلله ..كال اني طالع ..اجيبلج ويايه ..
ياريت ..
شنو ..تردين ..بس سوي جاي يمعودة
رعب ..
ولج ..انتي تموتيني .وتاليها تكولين محلو ..
حباب ..كون حلو ..
جتي انهار ..
ليش مكعدتوني هسة شراح ينومني ..
كتلها شفتج نايمه عفتج خطيه ..
قمر..خلي نطلع نجيب كم شغله ..
راح اوصي عبدلله ع الفلم ..
لا ولج ..كم شغله واريد استنسخ هم ..
هااا ..لعد خلي اسبح ونروح ..
رحت ...سبحت ..
احنه الاسواق قريبه كلش علينه ..سوك صغير ..اسواق .ومكتبه .ونفسه يبيع سي ديات ..
مطعم صغير ..ومخضر ..سوك صغير كل شي بي ..
كملت ..وبدلت ..وطلعنه اني وانهار ...
وصلنه للسوك ...
هيه راحت للاسواق واني طبيت ع ابو سي دي ..
السلام عليكم ..
وعليكم السلام ..
شنازل جديد ..
هاي مجموعه جديدة اشكال بيها ...
رعب ..
اي اشكال ..
رحت اكلب بيهن عارضهن ...حسيت واحد بصفي ..
هم يكلب ..
اني اقرة ..معجبني شي ..
انداريت ..كتله ..حسن ..شو هاي مو رعب ..
الولد الي بصفي كال ع كيف ..وبصوت ناصي
هووة انتي رعب ..
رفعت راسي ..عليه ..
هوة نفسه ابو الجلب ..
ضليت اخنزر عليه ..
رحت ع حسن ..بعصبيه ...كتله ماكو شي حلو ..
كلها ..افلام تعبانه ..وقديمه ..
لا..ليش ..يمعودة اعصابج ...
اجه يمه ..الولد ..
كال اريد هذول ...افلام حب ..هيه مال رعب بهلزلك ...
اني صافنه عليه ..شعليه ..هوة ..كوة لزمت لساني ..
عيب من ابو المحل شيكول ..عليه
كتله ..حسن عيني ..انطيني ع ذوقك ..
كام الولد يكلب بيهن ..ويختار ..الي..
انطاني 3افلام ..مدها بايدة ..خذي هذول ..
موقف محرج ..لا بيه اتجاهله ولا بيه اخذها ..
..مديت ..ايدي اخذتهن..
ضل لازم الاقراص ..
كتله بصوت ناصي ..وخر ايدك ..
صافن ..يااا وخر ايدك يمعود ..

كتله اني كلت حسن مو انت ..
كال حبيت اساعدج ..دحكي هذول ..حلوات توالمج ..
طبت انهار ..
ها ..لكيتي ..
الولد ابو الجلب ..سلم ع حسن وطلع
ضليت ساكته ..ورحت دفعت حساب اللقراص لحسن ..كال واصله ..
انهار بصفي ..انحرجت ..
كتله حسن هاك عيني والي دفع حسابها انطيها اله ..مامعتازة احد اني ..والله يالله ..
ضحك واخذهم مني ..
وطلعت اردرم ..ولج شبيج اختي تكولي ..
ماكو شي ..هذا واحد ..استغفر الله ..
ولج احجي ..
امشي هسة خلي نرجع ..مال اركع براسه الافلام ..
قائد ..جان ..
شكله ..حنطاوي ..طويل ..وضخم ..وعندة شوارب ..وعيونه ..سودة ..وعندة ..كرش ..صغير ..
الطريق كله ..ادردم ..ماعرف اضحك ..ماعرف ..شسوي ..
هوة ..ورانه ..
استحي ..اندار ..عليه .هسة يكول مصدكت .....طبينه ..للبيت ..اختي ثولتني ..
شكو .شكو ..
خفت ..لا اخواني يشوفو ..
جانو بلباب ....
فتت ..اني ..وايدي ع كلبي ..
اجه الولد وكف وي اخواني ..
اسمع يكولوله ...هلا قائد ..
يمه ..يعرف اخواني ..
طبيت ..ركض ..
اختي ..تزن شكو ..
لزمتها حجيت الها الي صار ....مختصر ..
كالت يمه ..ع لسانج منو يعاشرج ..موزين لكيتي معجب ..
وتضحك ..عليه ..
بيومها ..لا كدرت ..اشوف الافلام ..بالي يم تصرفاته ..
واكثر..اروح وارجع اباع ..ع اخواني من الشباك ..
اشوفه بعدة لو لا ..
اجوي اهلي ..من بيت عمي ..ولتهينه وهياهم ..وسوالف
والكل ..كعد..بغرفته ..
سويت العشا ..اكيد وحدي اختي حايرة بس تاكل ..موتتني ..
وكعدنه نباع الفلم ..
جان اكشن ..مو الشي الي احبه ..كله طلقات وعصابات بله هذا يوالمني شافني ..هذا ..
بالي وتفكيري يمه ..ويم كلامه رعب ..اني ..رعب
خرب ليش هيج ..يكول ..
بيومها ...فكري صار بي وبتصرفاته وجرئته ..مامسبوقه قبل ...
ثاني يوم جمعه ..والكل يمنه ..بيت خالي ومرته وجهاله ..
جان ..بشار ابن خالي ..يريدني ..
والكل تكول قمر لبشار ..
بس اني ولا ابالي هو. ..
متعجبني شخصيته ..ويتحشك يمنه ويكضيها ..سوالف ..
بس بقى ..يحطلي مكياج ..
ماارغب اله ابد ..شكد جان يحاول ..يسولف لو شي ..
اصدة بشقه ..وجانت عندي ميانه ويا ..احسبه اخويه ..
وارزل بي ...
اني ..ربيت بين اخواني اخذت منهم هوايه ..
ماعرف اجامل ..ابد ..
مرات يكولولي انتي رابعتنه..
ويصيحولي ..ابو كمرة ..
ماعرف ليش ..
طبعي عفوي ..مابي لواكه ودلع .ودلال .ابد ..
بس بقى ..ابالي ..موضوع الرعب ..
بقيت الوب اريد اسال ع قائد...
مين يعرفو اخواني ..
بس ..ماحجيت شي ولا بينت الهم ..
بليل ...بعد ماخلصنه ..من بشار ..والزكه مالته ...
البيت انكلب ..عود اختي طبت ..تنظف ..
وهيه ..تكضيها تفرفر ..وماكو شي ..
طلعت ..بلطرمه اغسلها ...
اندكت الباب .. .. ..
صحت منو ..
احد كال اني...
تقربت ..بابنه عاليه ..منو انت ..
قائد ...
عزة بعينك المن جاي ..
فتحت الباب ..
يضحك ..هاي العزة عليه ..
اي عليك ..شو انت فد مرة سويتها ..
ههههههههه يولو ..صحيلي ..سجاد..
تخوصرت اله ..ومين تعرف سجاد ..بله ..
يابويي ..شنو انتي ..هدي ..علي ..
وضربني ..جم ..مكوار ..
هااا...
وله اطيج .البرنو ..ويضحك ..
انت شدتحجي ..
شفت نفسي طولت ..وفاكه حلكي بكلامه ..
كتله ..ماكو ..
وركعت الباب وطبيت ..جوة امي كالت ..
شكو ..
كتلها ..واحد ..مكدي ..
يامي حرام هيج ..اطردي ..مخبله ..
امي اخذت فلوس من المجر ..وطلعت ..
ضليت اصيحها راح راح ...تعاي راح
ماكو...ماما ... فتحت الباب ..
الولد كاعد ع دراجه..
انداريت عليه ..
وين المكدي ..هذا مكدي
قائد ..صافن ....مديفتهم شكو
كتلها يمكن راح ..
لعد هذا منو ...
قائد ..
سلم ع امي وسال ع سجاد ..
امي كالت ..طالع ..
مشكور حجيه .. ..
ويباوع عليه ..
طبيت جوة ميته ضحك من الموقف ..
حيل بي ..
خلصت اليوم فرحانه كلش ..احس بنصر ..عليه ..
شسوة بيه ..
اليل كله عشته برعب ..من ثاني يوم ..
اخاف لا يسوي بيه شي ..
راح يطلعلي ..قرش يمكن ..
نمت بعد ماقريت روايه ..حب ..
بعيدة عن ..واقعنه ..

اعيش وياها ...واتخيل نفسي البطلة ...
اذكر اسمها الاعمى والحب ...
نمت حسيت ع المنبهه ..
كمت ..من نومي غسلت ..
وبدلت ..جان اللبس زي ..لو تنورة رصاصي ..لو سودة ..
وقميص ابيض ..
لبست ..تنورة وقميص ..وسترة ..
ولفاف ..
واكلت ..تفاحه ع السرعة وطلعت ..
امشي ..احس بخوف ..

وصلت للشارع ..كمت امشي بسرعه ..
عبرت باببهم ..كمت اتبسم ..عرفت ماكو شي ..
ارتاحيت ..
مشيت ..سيارة اجتي بوجهي ..
مارسدس دب لونها فيلي ..
اني صعدت ع الرصيف ..
وكف بصفي نزل الجام ..
اباعه هوة ..
كال..
الضيف ..يمكم مكدي .والله خوش مضيافه
.ويرفع بحاجبه ...
عافني ومشى بسيارة ...
وللحكاية بقيه



التعديل الأخير تم بواسطة فيتامين سي ; 17-04-22 الساعة 04:37 AM
هنادي عمار غير متواجد حالياً   رد مع اقتباس
قديم 09-03-19, 09:40 PM   #3

هنادي عمار

? العضوٌ??? » 431590
?  التسِجيلٌ » Sep 2018
? مشَارَ?اتْي » 9
?  نُقآطِيْ » هنادي عمار is on a distinguished road
افتراضي

#تسأليني
#الفصل_الاول
#الجزءالثاني
#سوزان_المندلاوي ...

عافني وراح ..اني هم مشيت ولا هتميت ..شعليه بي ..
طلعت الصبات وصعدت بلخط ..
هلو ..
وكعدت ..ولا حجيت شي..حسيت بضوجه ..
وميثم يباع عليه ..بلمرايه ..
درت وجهي ..وافكر ..
لعد هوة هد عليه جلب ..وطلعني رعب شو مزعلت ..
هف وشبيه اني مهتمه اله ..خلي يولي ..
ابو يولو ....قائد ع روحهه ..خوما عليه عايش الدور اسم الله عليه ..
صديقتي ..دغتني ..شبيج ..
مابيه شي ..
لعد كضيتيها صفنات ..
لا ماكو شي ..
وصلنه للدوام..
طبيت ...
كعدت يم مروة..
كالت ..ولج اشتريت موبايل ..هلا هلا ..
هاي شنو ..مين الج ...
اشتريت والله ..اهلي واخيرا حنو عليه ..
شنو اشوفه ..
بلبيت ..
شسمه ..نوكيا ..
هنيالج ..قابل مثل حظي ..كاضيتها افلام وقصص..
هههههه يوم الالج ...
بلعافيه حبي ..
ودخلت المدرسه ...وبدت المحاضرة ..
خلصت ...الحصص..وكت الفرصه الاستراحه ..
اكيد ..رحنه ع الفلافل والببسي..البطاله كزيز ..
نكعد ..ناكل ونكركر ...
كالت مروة ..شبيج ..قمر..اليوم ..
شومعبسة ..
مابية ..
احجي ..ابو يايولي ..شبي ..
اختنكت ..بلببسي ...
ضلت ادك ع ظهري ...
ولج شصاير ...
يمه خلي اخذ نفس ..اوكفي ..
نعلا على ..قائد ...
عزة بعينج ياقائد ..
هوة قائد ..ابو يولو ..
قائد مال شنو ..
خرب ..ولج اسمه قائد ..
يومه ..شون اسم ..
اي اسم الله عليج ..عايش الدور ..كلش ..
شصار ...
حجيت ..الها ...
كالت ..من امداج ..لشوكت ضلين هيج ...ماخذة العالم ..
بلسانج ..المفروض يسموج ..غضب ..مو قمر ..
ولج ليش ...
طلعنه نتمشى بساحه ..
كالت موهيج ..كسري وجبري ..
مرة هينه ومرة هينه ..
ضحكت ولج ياهينه ..
ثوله ..انطي مجال بلكي تعيشين قصه حب ..من رواياتج ..
لو تنكلب فلم رعب ..اكيد ..
ههههه ...مو صوجج ..صوجي اني ..
ولج بس بقى يهد عليه ..اسد ..
خيه ..هذا بدايه الحب ..
ياحب ..هههههه هذا ..بدايته جلاب ..
نهايته ..شنو ...اتحول زومبي ..
دمشي هوة انتي مال رومانسيه ..ابو كمرة ..
هاي انتي هم ..عليه ..
اني لو سوالفج ..صيري حارس كولجي ...وفضيها ..
دمشي ..لا ادفرج ..واكول بيج ..
سديت الموضوع وياها بشقه ..محبيت ابين الها اني ضايجه من تصرفه الي ..
كمت انتظر ..الوكت حتى ارجع واشوفه...شيسوي ..
حسيت الدوام ..صار قرن ...
مروة تكولي شبيج بس سرحين ...
ماكو ولج ..هف ضوجتيني ..
هناك ..واذكر يكولي خوش تكرمين الضيف ..
ورافع تك حاجب ..يمه ..ابو شوارب يخوف عبالك يهدد.
خلص الدوام ..بسرعه ..اخذت غراضي وركضت ع الخط ..
وكعدت ....
ميثم استعجل بلرجعه اندار عليه خير شكو ..
ماكو شي ..بس خطار يمنه ..
هااا.تدللين ..انتي وخطارج ..قمر ..
تسلم .....
دغتني ..صاحبتي دنيا ..وتغمز الي ..
شكو ولج ..
شاورتني يحبج ..
اي خشمج مو ...
هههههه..لا تعرفين تدللين ..اليوم السيارة يسويها صا روخ ..
مهتميت الها ...
كتله ميثم اول وحدة اني نزلني ..
خير خوماكو شي ..
لا ماكو سلامتك ..
دنيا ..كالت اليوم ..يمشون عليها ..وكرصتني ..
اني انداريت عليها ..
كال شيمشون ...
ميثم يقرون الفانتحه خطوبتها ..
اباع ع الولد ..ازرك ..مو اصفر ..
كال صدك ..
اني اضحك ..كتله لا ...جذابه هاي
عليج الله قمر خطوبتج ...
لا ياعمي ياخطوبه ..هاي تشاقه ..
عليج الله..اني ضجت من ملحته ...
كتله ..لا يمعود اكو شي ميثم ...
ها لا ماكو بس عبالي صدك ونبارك الج ..
لا عيني مازوج اني ....
الطريق كله دنيا تضحك والباقيات هم ..وهوة كل شويه يباوع ..وصلنه ..
ذبني اول وحدة ....طلعت كبل لا شتريت ولا شي ..
اريد اوصل واشوفه ..هيج ..
وصلت ...تقربت ..امشي عود وماباع بس عيوني ادور ..
ماكو لا بلاك طلع ولا قائد ..والباب جانت مفتوحه تعديت الباب كمت امشي بطيئ ..ماكو ولا بين ...
وصلت لفرعنه ..طبيت ...كملته ..وكفت يم بابنه اباع ماكو ..
فوكاها زعل بعد احسن ..اووي عيني ..
طبيت جوة ....
مثل كل مرة ..ابدل واكل ...
البيت الي بي شباب طلباته هوايه ..جنه كل اسبوع نعزل البيت ..تعزيل ..تمام..اني وانو ...
ويوميه قبل لا انام ..انظف شي خفيف ..
مغاسل ..وكنس ..وهلاشياء ..بلشتا يخف الشغل واكثرنه اكبار...بس يبقون اخواني بيئه مال جراثيم ..الهدوم مشمرة ..والاوراق ..والكتب ..وخاصتا حودي ...احمد ...
يسويها سينما ..بيتنه ..مساحته 200متر ..بي اربع غرف نوم ..اني واختي بغرفه ارضيه ...وغرفتين فوك ..وحمام ..
عود للولد ..شو الولد نايمين بلهول ..صبح ولليل يصعدون ..يزعبلون هدومهم وينزلون ...جوة ..ماعدا ..
الجاي والماي ..وهلطلبات الي متخلص..
امي معلمه ..بروضه..تمهيدي..ومعاونه بيها ....ترجع قبلنه ..من الدوام ..وتحضر الغدة ..
واكيد بليل ..تحضر الاكل ..وتعلمنه منها ع التحضير الليلي ..بكل شي ..تنظيف والطبخ ...حتى السبح بليل ..
نكمل كل شي اني وانو ..ونروح للغرفه ..انام ..
اني اقرهه..روايه ..واختي ..مرات تقرهه ..ومرات تسمع اغاني ..ومرات ..تنام ..ومرات تبجي ...ماعرف ليش ..بس هيه تختلف عني عاطفيه بشكل ..وحساسه ...
اني بقيت افكر ..بقائد اخذ حيز من تفكيري ..
معقوله زعل ..ع شنو ..
اوي اني اضل هيج ...
كملت روايتي ..ونمت ..
وثاني يوم نفس الشي ..بس هلمرة ماكو ..
ولا شفته ..مر اسبوع...اكثر وهوة ماكو ...
سجاد وعبدلله عدهم موبايلات ..جان الموبايل اول هدة اله وقليل عدهم ..وتوهم نصبو الشبكات ..بلعراق ..
ااني وانهار واحمد ..بعد مامستحقين نشتري ..
اخر شي يلوحنه السرة ..
اذكر اخويه عندة ..110 ابو الايت ..وبي لعبه مال حيه ..
يعني ..فدشي مواصفاته ..ورسائل ..يدز ..عجيب ..
جنت اخذة منه اكعد ..اكلب ..بي ..ماخلي مكان مادخل اله ..اما ..عبدلله عندة طابوكه ..نوكيا ...
واني اكضيها العب بيهن ياطفي وتطلع الايد يااشغل ..واباع الايد ..واسمع النغمه ..
والعب العاب بي ..لحد..ماخلص شحنه ويكوم يوصوص ..
واكل رزله مرتبه .
فديوم ..مروة..بلدوام كالت قمر عليمن هيج ضلين اسالين اخذي رقم قائد من اخوانج ..
كتلها منو يكول عندة ..موبايل ..
جربي شخسرانه ..
اي وشسوي بي ..
اني اجيب ..الفون وندك ..عليه ..
ي
وتردين ادك عليه ..
اي شكو بيها ..اعتذري منه ..
شونج انتي اعتذر ..عود ..فد شي هوة ..
ماريد عيني خلي افكارج الج ..
بقيت افكر بسالفتها ..اسويها لو لا ..
لا عليمن فوكاها هوة ابو الراهي عليه ..
خلص الدوام ..
رجعت ..رغم هو موقفين .ويا ..
بس ترك طابع بيه ..ماعرف شنو اسوي ..
نزلت امشي ....وصلت ..لشارع ..شفت السيارة ..
اباع يمها ولد اثنين ..بقيت اباع ..من بعيد ..
وصلت قريب شفته هوة وواحد ..يمكن داخلي فرح ..
هوة من شافني ..انتجى ع السيارة وانطاني ظهرهه..
عفته وكملت مشي ..طبيت بفرعنه ..
قريب قبل لا اوصل بيتنه ..شفت ام انس ..
ام انس ..بكل شي حاطه روحها ...
شافتني ..هلا..بكمرة ..شونج خاله ..
هلو خاله ..
هيه ..سمينه وقصيرة ..وسمرة طوخ ..نص وجهها خشم ..
كالت ..امج شونها ..
زينه خاله ..
بذاته امج لو اني اسال عليها لو هيه لا ..
اف اني تعبانه وهذا ضوجني بس اريد اطب ..جوة
كتلها ملتهيه دوام وبيت ..
كالت.مازوحتي ...
ههههه لا خاله شزوج بيوم وليله ..
فرت باديها ..مدري العالم عميه ..مدري عاكدين قسمتكم ..
اني ..بقيت ساكته ..
اخوانج ماخطبو ..
ها لا خاله ..
كالت دوكفي ..خلي ..اجي وياج امج بلبيت مو..
ي ..
مكالت ..باطل ..سدت بابها وجتي ورايه ..
طبينه ...امي شافتنه ...
طبيت الاول اني ..وطفرو اخواني ..من المطبخ
امي طلعت الها رحبت الها ..
اني طبيت كبل للغرفه ..
ذبيت هدومي ..وجنت ضايجه من موقفه ليش هيج ..
اهووو هسة شجلبت اني ..بي ..كبرت راسه ..ابو كرش ..
بدلت هدومي ..وطلعت يم امي ..
اسمع امي تكولها بعدهم صغار ..نزل اخويه ..
كال هاي بعدها ..وياشر ع خشمه ..
ضحكت كتله اي ...
كال دصبي غدة النه متنه جوع ..
خوش ..
رحت ..صبيت الهم غدة ..وانطيته الهم ..ياكلون فوك ..
ام انس اذا تلزم واحد متهدة ..اذا متعرف ..اخبار..العشيرة ..
رجعت يمهم بلمطبخ ..انتظر انهار تجي ..وابويه وبلكي هاي تروح ..ونتغدة ..اريد ادرس مالحك حتى انام عندي امتحان ...شفت ..ع الميز الفون مال اخويه ..
ضليت اباع عليه والعب بشعري ..اريد اخذة اشوف رقم قائد ...موجود ..ترددت ..شفت امي ..ملتهيه ..
اخذته..وخليته بجيب التراك . وركضت بغرفتي ..
سديت الباب ووكفت وراها ..
طلعت الاسامي...
دورت ..يمه كلبي شبي يرجف وايدي ترجف وعركت ..
لكيته اسمين ....قائد ابو جراح والثاني ..قائدنفط ..يمه ..شنو هاي ..
خاف مو هوة .. دخت ..ياربي ..
ضليت صافنه بله هاي مروة شخلت ابالي ..ناقصني رجف اني ..ضليت صافنه ..كلت خلي ارجعه ..شلي بي اني ..
داطلع من الاسماء ..طلعت..وخليته بايدي ..
عدلت روحي لان صفريت ..
وطلعت ..مشيت خطوتين ..الفون دك بايدي ..
رفعته شفت ..قائد ابو جراح يتصل بك ..
رجعت للغرفه..وخليته جوة المخدة لان صوته عالي ..وعفته ..الا ان سكت ..
شنو ..هاي ..فتحته شفت اني داكه ..الظاهر بلغلط ..
دكيت ..يااا شون هسة ..شسوي ياربي ..
بقيت حايرة ..دك مرة ثانيه ..
عزة هذا بس لا هوة ويضل يدك ..
يبو.... فضحني ..شجاني وهيج سويت ..
امي صاحت ..
قمررر..تعاي ..غسلي امواعين اخوانج ..
يمه كمت اكمز .وافتر بلغرفه وخانكه الفون جوة المخدة ..يعني كملو غدة وهسة ينزل ..
يرد فونه ..ويدك عليه الولد ويكوله لا انت اتصلت بيه ..
يمه شورطت روحي ..دك ..من جديد راسا رفعت خط ..
اسمع الو ..سجاد ..الو ..
جاوبت بصوت ناصي ..الو ..
كال منو ..
انتي..داكه علي ..هذا جوال سجاد ..
بصوت ناصي ..ي..
انتي منو ..قمر ..
يمه هوة والله..
اني دم ماكو بجسمي ..احس حرارة صعدت براسي ..
ايدي ترجف ..
ها..ي ..قمر ..
وشعدج ..داكه علي،..
كتله عيني مداكه ..عليك ..هاي الجهال ..
ضحك ..طلع السانج ..
والله انا مدري عدكم جهال ..
عدنه جهال خالتي ..
ها بيها الخير ..
لاتكول عفيه ..صار اتصال بينه ..
لا تخافين ..ولا ترجفين ..
المكدي ..مايدك .دكه نواقيص ..
سكتت كلامه مستفز ..جان
اسفه ع الازعاج ..
هلا ..مصار شي ..
سديته ..
يمه ..نص حيلي انهد ..حذفت الرقم والاتصالات ..وطلعت ..خليته بجيبي ..بلهوسه ..شمرته ..
ع الميز ..ام انس تون وزن مو تسولف مخلت شي ماحجته ..طبت انهار ..سلمت ..كالت..ام انس خاله ..مازوحتي ..
انو صفنت عليها ..امي كالت ..لا ام انس شنو السالفه ..
والله يام اسجاد ..انقهر ع بناتج حلوات ..
ولحد هسة بلايا زواج ..
امي ضحكت ليش تنقهرين ..بعدهن ..صغار ..
ياا شصغار ..بكدها اني عندي 2والثالث ابطني ..
اني دغيت انو كتلها ..بربا شاطر ..صارت ..
كامت تضحك ..وطبت ..جوة ..
رحت وراها ..
اخويه صاح ..ابو كمرة ..جيب الفون ..
رفعت راسي ..عليه ..
كتله ..ولك ام انس هنا لا تخليني اذبك بحلكها ..
واكولها عينك ع بنتها هدى ..
يمه دخليج اني ابو كمرة .وابو الجنيب هم .جيبي الفون قمورة ..
اي هسه ..لحضه ..واشر بايدي ..
رحت ..احس عبالك راح يعرف شصار ..
جريته ..فتحته تاكدت ماكو اي اتصال ..
شفت رساله جايه ..عين ع اهلي وعين ..ع الفون ..
فتحتها ..انتظر اتصال منج ..
عزة هذا هوة يبوو شراح يخلصني منه ..
اكيد ماكدر اتصل بي ولا راح اتصل ..
حذفتها ..و رحت انطيته لاخويه الفون ..
بيومها لا اكلت مثل الناس ولا درست ولا مر اليوم عادي ..
خفت لا خويه يدري لو عباله هذا خطي ويسويلي مصيبه ..
حتى مقريت ..روايه ..ونمت مصدعه ..وراسي يون عليه ..
كمت ثاني ..يوم .بدلت وطلعت بسرعه ..
اريد احاجي اكوله عفية بلغلط دكيت لا تلح عليه ..
وهذا مو الي الفون واخاف من المشاكل ..
لا عليمن هيج ابين اله اني خايفه لا احجي ويا بقوة ..
واكولة ابو الهينه رقم اخويه لا دك رجاءا ..
كملت وطلعت ..وصلت يمهم ..ماكو احد ..اباع الشارع فارغ ..ودنيا باردة ..كلش ..
مشيت عرفت مموجود ..ويجوز جان برسالته يقصد اخويه ..احس احد يمشي ورايه ..مدرت وجهي اكثر الناس تروح لشغلها ..ودوامها
صار قريب ..
بسبس ..يولي ..يولو ..
يمه هوةدرت وجهي ..
عليه ..شكو ..وامشي
صباح الخير الناس الصبح ترة ..
سكتت ..ماعدج جوال ..
شفت ماكو احد ..وكفت ..
كتله باع اني مو من هذني ..امهات العلاقات ..
اه ..صبر ..راح تستلميني ..سالتج ..سؤال مو تهدين علي
لا ومشيت ..ودرت وجهي اضحك ..فاتت سيارة ..راح من يمي ..راحت السيارة رجع ..
كال ..وتالي وياج ..
يمشي ويحجي ..
الله الوالي ..
شتريد انت ..مني ..
وصلت قريب الصبات ..كتله روح راح اصعد بلخط ..
كال..انتظرج ..اتصلي ..
عفته ومشيت ..مهتميت اله ...شتصل ..يالله
طلع كدامي ..وكف..يم الكشك
..اني عبرت الصبات ..ومشيت ع الشارع العام ..صعدت وعيني عليه ..
شفته .وكف يم ولد اباع ..
هذا ..امير مو ..؟؟
شجابه هنا ومين يعرفه ..
عزة ...

يمه امير شوكفه يمه ..
امير ..جنه سوةندرس ..بكلوريا ..جان يشاقه وياحاول يتقرب الي ..اني جنت اصدة ..مرت الايام ..والامتحانات كمت اشاقة واضحك..ع المدرسه ..او ع الطلاب ..لا اكثر ولا اقل من هذا اني ويا ..اني طبعي هذا ..مرحه
خلصت الامتحانات سمعت حجي عود عندي علاقه بي ..
وسوالف تعبانه كلش ..وصلت عود يتقربلي جان ..
واصلا غير الشقه ماكو ..شي بيناتنه ..
بعد مدة اكتشفت هوة حاجي ..اني ماسكتت مرة شفته..
طيحت حظه ..كدام مجموعه طلاب ..من يومها امير مجاز مني بين فترة وفترة اسمع حجي ذابه عليه ..
بقيت ..افكر هلمرة امير شراح يكول ويصخم ..
يعني اني جبت دوخه الراس لروحي ..وصلت للمعهد ..ضايجه كلش ..
اول حصه امتحان ..لوما الغش ..اني راسبه ..
كملت الامتحان ..وطلعت ..
استراحه ..بقت مروة تقرهه براسي عادي وخابري وشكو بيها ..من ينام اخوج اتصلي بي ..
اني اشوفها صعبه ..مترهم ..اتصل بي ومين من اخويه
هلا هلا ..حتى ..انكلف وانسحل ..
كتلها مروة مو اخ واحد واكدر اعبرها 3..وفوكاهم ابوية ..
اي حتى انسحل والله ..
كالت انتي الي تريدي شنو ..
هاا ماريد شي ..
لا مبين ..من نكعد لحد مايخلص الدوام سوة قائد وحجة قائد ..قمر استقري ع قرار ..
~مالج شغل بيه يمعودة ..عوفيني اسولف ..
هسه ع السوالف راكضه ورايه ..
~اوي بكيفج انتي ..شعليه ..اكولج جيبي ..رقمه ..
وهنا نتصل متقبلين ..شسوي الج ..
اني عفتها ومشيت ..وجان اكو شاغر ..كعدت ادرس بي ..
واحل الدروس ..لحد ماطلعنه ..من المعهد ..
صح اكو شي بداخلي تغير ..انتظر وكت الرجعه للبيت حتى اشوفه ..اف ياربي شسويت بروحي اني ..
فوكاها خايفه لا يحجي امير كدامه شي ..
زين اني ليش خايفه والله يالله ..هوة شكو ..
بيناتنه حتى اخاف ..خلص الدوام وطلعت ..
بقيت الطريق كله .حسبه جيبني وحسبه توديني ..
ساعه اكول اي .اتصل بي اشوفه شيريد مني ..
وساعه اكول لا ..عليمن اكبر راسه ..
اوي ياربي حيرة بداخلي اكثر من الواقع ..
نزلت من الخط ..مشيت ..بسرعه اريد اوصل يم بيتهم ..
قبل لا اوصل لبيتهم ..شفته واكف ..وياشر الي تعاي ..
اكو فتحه ..جانبيه..جانت بشارع ..بيها كابينه مال كهرباء ..
يصيحني يكولي تعالي..اني مشيت ..هذا مخبل عاقل ..
اجه ..يمي جرني من زندي ..
عزة بعينك وخر ايدك يمعود ..
حدري هينه ..(تعالي هنا)
شحدر دوخر ايدك ..شبيك ..مخبل عاقل ..
اسف ..وخر ايدة ..
انت شتريد مني ..عفيه شنو هلتصرفات ..مال جهال
كال اسمعي ..مد ايدة بجيبه اني اباع عليه ..
ماعرف شنو الي موكفني ويا ..وبقيت احجي ..
كال هذا جوال وبي سيم كارت ..
خذي واتصلي ..علي ..بقيت صافنه عليه ..
كتله انت صدك تحجي ..
قبل لا تهدين ..
دحجي علي (باعي عليه)..مابيها شي..
لا عيني انت مفتهم غلط ..ماخذ اني شي من احد ..
ول يابه انا مو احد انا قائد ..
واذا قائد ..خوما رئيس جمهورية ..ومجبورة اسمع الك
ضحك...زلمه ويتكاون ..مو مرة ..
كتله اني مو منهن ..عيني ..
قمر انا..مو جاهل عمري 26سنه ..واعرف الاوادم عدل .
لا ضنين غير شي ..
اعذرني اسفه ..ماخذ منك شي ..
عفته ومشيت ..
يابنت وتالي وياج ..
مشيت ..عنه ومستغربه من تصرفه والجرئه ..
يمه نص حيلي انهد ..
جان لابس تيشرت احمر ..نص ردن ..ويا ..بنطرون.كابوي .. رغم الدنيا باردة ..وكله جان يلبس صيفي ..
عفته وطبيت للبيت ..اول ماطبيت..ذبيت الغراض ..
ورحت .. غسلت وجهي ..
من الموقف الي صار ..
امي اجت ورايه شبيج ..مابيه ..بس راسي يوجعني ..
يلا بدلي ..بيت خالتج جاين ..
داغسل ..وبعيوني الصابون درت وجهي خير شكو ..
ماكو شنو نطردهم ..
لا بس مابيه يامي ..خدمه وهذا بشار يكعد ع الحلك ..
مارتاح من موجود ابد ..
ديلا يمه كملي وتعاي ساعدني ..
يامي صدك تحجين ..ترة تعبانه ...هلكانه ..من الدوام ..
يلا قمر ..
اي اي افتهمت ..خرب .بحظي ..
.كالت لو بكد متحجين تشتغلين اني بخير ..
عفتها ورحت بدلت ..تعبانه ومالي واهس شي ..هنوب هذا طلعلي القائد...عزة خاف شافني احد..
يمه ..شسوي ..
طلعت بسرعه ..امي واكفه تطبخ ..
ماما وين الولد ..
بلدوام ...
ها وانهار ..
هسة جايه بلطريق ..
وبابا ...
شبيج قمر وين..وين .. يعني بشغل ..غير ..ياتاخر ..
اي ..تعالي ..اوكفي ع طباخ ..عني ..
شوكت يجون بيت ..خالتي ..
فد شويه ع غدة..
خير شصاير ..
هاي شبيح قمر ..مالج شغل انتي ..ليش وشنو ..
خوش ماما ..
بس هذا لا يجلب الي ..وجهه الطاسه ..
ضحكت ..لا ميجلب بيج ..
وكفت عاونتها ..
شفت ..احمد ..طب علينه ..
كتله هاي انت بلبيت ..
اي لعد وين اولي ..
عبالي ..طالع ..
وبقى احمد يمنه يسولف ..
اني كملت شغلي ..واني ابالي قائد ..ليش جاب الي الفون ..
شيقصد ...واخاف احد شافني ويروح يكول لاخواني مصدكت سالفه امير انطمرت تطلع الي هاي ..اوف يالله .واني راح اضل هيج افكر بي هلكد ..والله تعبت ..هلكد مافكر ..
طبو ..الولد ..وبطبتهم ..طبو بيت خالتي ..
اني كلبي لعب لا واحد بيهم حاس بشي ..
بعد ماسلمت ع بيت خالتي ..
كمت اشاقة وياهم ..
احس اكو شي لو لا ..
هف ياربي اني راح اضل هيج شجابرني عايشة برعب ..
كضينه اليوم عادي ..
بين سوالف وغدة ..
اني كوة كاعدة وتعبانه ..
بس عيني ع الفون ..مال اخويه اريد اخذة واتصل بي ..
بشار ..اخذ اخواني وطلعو ..
بهاي الفترة ..الدنيا تغيرت..انفتحت محلات موبايلات ..
و..مكان بي ..اللعاب والناس تكعد بي ..
صاله العاب ..
فلولد راحو بي ..بقينه بس احنه ..
اني جريت فون سجاد وبسرعه سويته صامت وضميته ..
قبل لا يطلعون ..
من طلعو..ضل يدور عليه ماكو..
تاليها كال شوف وين شمرته اني ..
وطلع ..
يمكن بلحضتها حسيت بفرحه مو طبيعه ..لان راح اخابرة
اخذته ..بين الهوسه وطبيت ..بلغرفه ..بعد ماتاكدت ..الكل ملتهي ..
اتصلت بي ..دك دك ...خوف وتوتر ..ورحت باخر ..زويه بلغرفه ..ونصيت صوتي وشغلت مسجل حتى يضيع الحجي ...
جاوب ..
الو ..
الو..
ياهلا ..
شونج ..
تمام ..وانت ..
هسه بخير ..من سمعت حسج ..
ليش ماخذيتي مني الجوال..
ماترهم ..
ليش ماترهم ..ماريد اسبب الج مشاكل ..
سكتت ..
شكد عمرج ..قمر ..
17..
صغيرة يولي ..
شنو هاي يولي ويولو ..
ضحك ..
ترة مو كل كلامك افهمهه ..
ليش ..
مابيها ليش اسمع اني ماكدر اتصل بيك دائما ..
وبكل هاي سالفه توكفلي وجرني شنو السالفه ..
الشارع خزما الك وحدك ..
لا يابو..مو الي ..بس ..تعبت واريد احجي وياج ..
يلا اني اروح..
اكفي ..بالله عليج خذي الجوال مني واتصلي بيه ..
بل تعاندين .واذا تردين هسة اجيبه وازتو ..الج (اذبه او اشمرة ).الج ...
لا عيني ماريد دخيل الله ..جوز مني ..
قمر ..انا ..معجب بيج ..وصار شهر تارك ديرتي .وهلي ومجابل ..هلفرع ..
يابنت .وكعتيني بحبج ..
سكتت..
ههههه ..هاي بس يمك الحب بيوم وليله شتعرف عني انت ..
امي صاحتني ..
كتله اروح اني ..وسديته ..
قبل لا اطلع حذفت ..كل شي ..وفتحت الفون ..
كضيت اليوم اتبسم ..عبالك كاعد كبالي هوة ..
ويسولف الي ..
ثاني يوم ..حضرت روحي وطلعت ..
كمت احب ااشارع واحب المعهد ..واحب كعدة الصبح ..

مرت الايام ..وبقى قائد ..يوميه من اروح وارجع يحجي ويايه..واني بديت ..اتعلق بي رغم هيه كلمات ..ونظرات ماتعدت غير شي ..
وكمت ..بلبوكه اخذ فون اخويه واتصل بي دقايق ..واسدة
لحد مافديوم اخذت منه ...الفون
وصار اتصال بينه ...
اول مرة اخابرة ..
قبل لا يكول الو ..
كال احبج ..
ليش تحبني ..
قبل لا اسمع كلامه سديته ..منه ..وغلقت الفون
توتر ع قلق ..ع خربطه ..ماعرف شنو ..
كمت ضميت الفون فوك الكنتور بين الفرش والغراض
ثاني يوم ..الصبح من طلعت .من باب بيتنه ..
شفته بسيارته ..يفتر ..ومصعد الجلب بسيارة ..
الجو جان بارد ..اول ماشفته ابتسمت اله ..
ومشيت ...الجو .حلو ..وغيوم ..
ضل يمشي ويايه ..بسيارته ..من يوصل يمي ..يبطئ..
ومشغل اغنيه ..تسأليني ..ليش احبج ..
ويباع عليه ..
هنا كلبي دك اله ..ودك للدنيا ..ودك ..للاغنيه ..ودك ..لكل شي ..حلو ..احس ..الشارع فارغ بس النه ..
احس الحياه بس الي ..اني ويا ..

مرت الايام ..وبقيت احجي ويا .
سوالف عاديه ..وشقه وضحك ..مرات اشكي اله همي
مرات هوة يشكيلي ..عن حاله ...
قائد ..الجبير لاهله وبس هلواحد ..والدة متوفي ...
وعندة خمس خوات من سكنه الغربيه ..
بسبب الاحداث ..الي هناك اجه بيت خالته ..
الي همه بيت ..قتيبه ..
بس جان ..قتيبه اصغر منه ..
وعدهم بعد اخوان ..اكبر من قائد ..
بقيت ..ويا ومشت الايام ..ابوك نفسي واتصل بي ..
ومن البيت يفرغ ..اخابرة ...
محد حس عليه ..
بديت اتعلق بي ..يوم ورة يوم ..
تجي مدة يرجع ..للرمادي ..
يكول اشوف اهلي ..
اتوقع امه وخواته ..هناك مطلعو منها ..
يبقى اسبوع ويرجع يمنه بغداد ..
بقينه نتصل ..
فديوم ...عرفت من اهلي راح يطلعون الكل ..
اني تحججت ..بلامتحانات ..رغم ثاني يوم عطله ..
بس بقيت بلبيت حتى ....اكبر فرصه احجي ويا..
بيها ..
نمت .ورة مارجعت من الدوام
..احس امي تكعدني ..راح نطلع ..
رفعت راسي .كلتها.كلكم ..
كالت ..اي ....
كمت وراها ..
قفلت الباب ..وطلعو ..
تاكدت راحو ..
رحت ..طلعت الفون ..
ورحت للمطبخ اسويلي لكمه ..
وخابرته ..
هلو ..قائد ..
هلا ياروحي ..
شلونك ..
انا من اسمع حسج اصير بخير ..
بربك ..
امبله ..
هههههه...
شعجب ..خابرتي ..
اهلي كلهم طلعو ..
هاا..بيها الخير ..
وكمت اسولف واضحك ويا ..واحضر اكل لروحي ..
كام يغني الي..
صوته ..حلو ..يخبل ..بي بحه ..
تساليني ..ليش احبج تساليني ..
تساليني ..عن عذابي ..عن جنوني عن حنيني ..
اني اسمع اله..اعيش بغير عالم ..عالم بس اني ويا ..محد بيها . ..اول علاقه الي ..اول مرة بحياتي اسمع ..
كلمه احبج ..اول مرة اعيش احساس معايشته قبل ..
يمكن اني هم بديت احبه ..واتعلق بي ..
مابي شي ينكرهه..
كلامه ..شكله ..شخصيته ..كل شي بي محبوب ..
بقيت اسمع اله ..
ااحس احد ..ورايه واكف اني بيدي الفون ..
وداحمي الاكل ..ع الطباخ ..

انداريت ..شهكت يمه ..
عبدلله ..واكف بظهري ..بقيت واكفه ..
جر الفون من ايدي ..
صاح الو ..الو....



التعديل الأخير تم بواسطة لامارا ; 09-03-19 الساعة 11:40 PM
هنادي عمار غير متواجد حالياً   رد مع اقتباس
قديم 16-04-22, 11:41 AM   #4

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

تسأليني
الجزء 3
سوزان المندلاوي ...


عافني وراح ..اني هم مشيت ولا هتميت ..شعليه بي ..
طلعت الصبات وصعدت بلخط ..
هلو ..
وكعدت ..ولا حجيت شي..حسيت بضوجه ..
وميثم يباع عليه ..بلمرايه ..
درت وجهي ..وافكر ..
لعد هوة هد عليه جلب ..وطلعني رعب شو مزعلت ..
هف وشبيه اني مهتمه اله ..خلي يولي ..
ابو يولو ....قائد ع روحهه ..خوما عليه عايش الدور اسم الله عليه ..
صديقتي ..دغتني ..شبيج ..
مابيه شي ..
لعد كضيتيها صفنات ..
لا ماكو شي ..
وصلنه للدوام..
طبيت ...
كعدت يم مروة..
كالت ..ولج اشتريت موبايل ..هلا هلا ..
هاي شنو ..مين الج ...
اشتريت والله ..اهلي واخيرا حنو عليه ..
شنو اشوفه ..
بلبيت ..
شسمه ..نوكيا ..
هنيالج ..قابل مثل حظي ..كاضيتها افلام وقصص..
هههههه يوم الالج ...
بلعافيه حبي ..
ودخلت المدرسه ...وبدت المحاضرة ..
خلصت ...الحصص..وكت الفرصه الاستراحه ..
اكيد ..رحنه ع الفلافل والببسي..البطاله كزيز ..
نكعد ..ناكل ونكركر ...
كالت مروة ..شبيج ..قمر..اليوم ..
شومعبسة ..
مابية ..
احجي ..ابو يايولي ..شبي ..
اختنكت ..بلببسي ...
ضلت ادك ع ظهري ...
ولج شصاير ...
يمه خلي اخذ نفس ..اوكفي ..
نعلا على ..قائد ...
عزة بعينج ياقائد ..
هوة قائد ..ابو يولو ..
قائد مال شنو ..
خرب ..ولج اسمه قائد ..
يومه ..شون اسم ..
اي اسم الله عليج ..عايش الدور ..كلش ..
شصار ...
حجيت ..الها ...
كالت ..من امداج ..لشوكت ضلين هيج ...ماخذة العالم ..
بلسانج ..المفروض يسموج ..غضب ..مو قمر ..
ولج ليش ...
طلعنه نتمشى بساحه ..
كالت موهيج ..كسري وجبري ..
مرة هينه ومرة هينه ..
ضحكت ولج ياهينه ..
ثوله ..انطي مجال بلكي تعيشين قصه حب ..من رواياتج ..
لو تنكلب فلم رعب ..اكيد ..
ههههه ...مو صوجج ..صوجي اني ..
ولج بس بقى يهد عليه ..اسد ..
خيه ..هذا بدايه الحب ..
ياحب ..هههههه هذا ..بدايته جلاب ..
نهايته ..شنو ...اتحول زومبي ..
دمشي هوة انتي مال رومانسيه ..ابو كمرة ..
هاي انتي هم ..عليه ..
اني لو سوالفج ..صيري حارس كولجي ...وفضيها ..
دمشي ..لا ادفرج ..واكول بيج ..
سديت الموضوع وياها بشقه ..محبيت ابين الها اني ضايجه من تصرفه الي ..
كمت انتظر ..الوكت حتى ارجع واشوفه...شيسوي ..
حسيت الدوام ..صار قرن ...
مروة تكولي شبيج بس سرحين ...
ماكو ولج ..هف ضوجتيني ..
هناك ..واذكر يكولي خوش تكرمين الضيف ..
ورافع تك حاجب ..يمه ..ابو شوارب يخوف عبالك يهدد.
خلص الدوام ..بسرعه ..اخذت غراضي وركضت ع الخط ..
وكعدت ....
ميثم استعجل بلرجعه اندار عليه خير شكو ..
ماكو شي ..بس خطار يمنه ..
هااا.تدللين ..انتي وخطارج ..قمر ..
تسلم .....
دغتني ..صاحبتي دنيا ..وتغمز الي ..
شكو ولج ..
شاورتني يحبج ..
اي خشمج مو ...
هههههه..لا تعرفين تدللين ..اليوم السيارة يسويها صا روخ ..
مهتميت الها ...
كتله ميثم اول وحدة اني نزلني ..
خير خوماكو شي ..
لا ماكو سلامتك ..
دنيا ..كالت اليوم ..يمشون عليها ..وكرصتني ..
اني انداريت عليها ..
كال شيمشون ...
ميثم يقرون الفانتحه خطوبتها ..
اباع ع الولد ..ازرك ..مو اصفر ..
كال صدك ..
اني اضحك ..كتله لا ...جذابه هاي
عليج الله قمر خطوبتج ...
لا ياعمي ياخطوبه ..هاي تشاقه ..
عليج الله..اني ضجت من ملحته ...
كتله ..لا يمعود اكو شي ميثم ...
ها لا ماكو بس عبالي صدك ونبارك الج ..
لا عيني مازوج اني ....
الطريق كله دنيا تضحك والباقيات هم ..وهوة كل شويه يباوع ..وصلنه ..
ذبني اول وحدة ....طلعت كبل لا شتريت ولا شي ..
اريد اوصل واشوفه ..هيج ..
وصلت ...تقربت ..امشي عود وماباع بس عيوني ادور ..
ماكو لا بلاك طلع ولا قائد ..والباب جانت مفتوحه تعديت الباب كمت امشي بطيئ ..ماكو ولا بين ...
وصلت لفرعنه ..طبيت ...كملته ..وكفت يم بابنه اباع ماكو ..
فوكاها زعل بعد احسن ..اووي عيني ..
طبيت جوة ....
مثل كل مرة ..ابدل واكل ...
البيت الي بي شباب طلباته هوايه ..جنه كل اسبوع نعزل البيت ..تعزيل ..تمام..اني وانو ...
ويوميه قبل لا انام ..انظف شي خفيف ..
مغاسل ..وكنس ..وهلاشياء ..بلشتا يخف الشغل واكثرنه اكبار...بس يبقون اخواني بيئه مال جراثيم ..الهدوم مشمرة ..والاوراق ..والكتب ..وخاصتا حودي ...احمد ...
يسويها سينما ..بيتنه ..مساحته 200متر ..بي اربع غرف نوم ..اني واختي بغرفه ارضيه ...وغرفتين فوك ..وحمام ..
عود للولد ..شو الولد نايمين بلهول ..صبح ولليل يصعدون ..يزعبلون هدومهم وينزلون ...جوة ..ماعدا ..
الجاي والماي ..وهلطلبات الي متخلص..
امي معلمه ..بروضه..تمهيدي..ومعاونه بيها ....ترجع قبلنه ..من الدوام ..وتحضر الغدة ..
واكيد بليل ..تحضر الاكل ..وتعلمنه منها ع التحضير الليلي ..بكل شي ..تنظيف والطبخ ...حتى السبح بليل ..
نكمل كل شي اني وانو ..ونروح للغرفه ..انام ..
اني اقرهه..روايه ..واختي ..مرات تقرهه ..ومرات تسمع اغاني ..ومرات ..تنام ..ومرات تبجي ...ماعرف ليش ..بس هيه تختلف عني عاطفيه بشكل ..وحساسه ...
اني بقيت افكر ..بقائد اخذ حيز من تفكيري ..
معقوله زعل ..ع شنو ..
اوي اني اضل هيج ...
كملت روايتي ..ونمت ..
وثاني يوم نفس الشي ..بس هلمرة ماكو ..
ولا شفته ..مر اسبوع...اكثر وهوة ماكو ...
سجاد وعبدلله عدهم موبايلات ..جان الموبايل اول هدة اله وقليل عدهم ..وتوهم نصبو الشبكات ..بلعراق ..
ااني وانهار واحمد ..بعد مامستحقين نشتري ..
اخر شي يلوحنه السرة ..
اذكر اخويه عندة ..110 ابو الايت ..وبي لعبه مال حيه ..
يعني ..فدشي مواصفاته ..ورسائل ..يدز ..عجيب ..
جنت اخذة منه اكعد ..اكلب ..بي ..ماخلي مكان مادخل اله ..اما ..عبدلله عندة طابوكه ..نوكيا ...
واني اكضيها العب بيهن ياطفي وتطلع الايد يااشغل ..واباع الايد ..واسمع النغمه ..
والعب العاب بي ..لحد..ماخلص شحنه ويكوم يوصوص ..
واكل رزله مرتبه .
فديوم ..مروة..بلدوام كالت قمر عليمن هيج ضلين اسالين اخذي رقم قائد من اخوانج ..
كتلها منو يكول عندة ..موبايل ..
جربي شخسرانه ..
اي وشسوي بي ..
اني اجيب ..الفون وندك ..عليه ..
ي
وتردين ادك عليه ..
اي شكو بيها ..اعتذري منه ..
شونج انتي اعتذر ..عود ..فد شي هوة ..
ماريد عيني خلي افكارج الج ..
بقيت افكر بسالفتها ..اسويها لو لا ..
لا عليمن فوكاها هوة ابو الراهي عليه ..
خلص الدوام ..
رجعت ..رغم هو موقفين .ويا ..
بس ترك طابع بيه ..ماعرف شنو اسوي ..
نزلت امشي ....وصلت ..لشارع ..شفت السيارة ..
اباع يمها ولد اثنين ..بقيت اباع ..من بعيد ..
وصلت قريب شفته هوة وواحد ..يمكن داخلي فرح ..
هوة من شافني ..انتجى ع السيارة وانطاني ظهرهه..
عفته وكملت مشي ..طبيت بفرعنه ..
قريب قبل لا اوصل بيتنه ..شفت ام انس ..
ام انس ..بكل شي حاطه روحها ...
شافتني ..هلا..بكمرة ..شونج خاله ..
هلو خاله ..
هيه ..سمينه وقصيرة ..وسمرة طوخ ..نص وجهها خشم ..
كالت ..امج شونها ..
زينه خاله ..
بذاته امج لو اني اسال عليها لو هيه لا ..
اف اني تعبانه وهذا ضوجني بس اريد اطب ..جوة
كتلها ملتهيه دوام وبيت ..
كالت.مازوحتي ...
ههههه لا خاله شزوج بيوم وليله ..
فرت باديها ..مدري العالم عميه ..مدري عاكدين قسمتكم ..
اني ..بقيت ساكته ..
اخوانج ماخطبو ..
ها لا خاله ..
كالت دوكفي ..خلي ..اجي وياج امج بلبيت مو..
ي ..
مكالت ..باطل ..سدت بابها وجتي ورايه ..
طبينه ...امي شافتنه ...
طبيت الاول اني ..وطفرو اخواني ..من المطبخ
امي طلعت الها رحبت الها ..
اني طبيت كبل للغرفه ..
ذبيت هدومي ..وجنت ضايجه من موقفه ليش هيج ..
اهووو هسة شجلبت اني ..بي ..كبرت راسه ..ابو كرش ..
بدلت هدومي ..وطلعت يم امي ..
اسمع امي تكولها بعدهم صغار ..نزل اخويه ..
كال هاي بعدها ..وياشر ع خشمه ..
ضحكت كتله اي ...
كال دصبي غدة النه متنه جوع ..
خوش ..
رحت ..صبيت الهم غدة ..وانطيته الهم ..ياكلون فوك ..
ام انس اذا تلزم واحد متهدة ..اذا متعرف ..اخبار..العشيرة ..
رجعت يمهم بلمطبخ ..انتظر انهار تجي ..وابويه وبلكي هاي تروح ..ونتغدة ..اريد ادرس مالحك حتى انام عندي امتحان ...شفت ..ع الميز الفون مال اخويه ..
ضليت اباع عليه والعب بشعري ..اريد اخذة اشوف رقم قائد ...موجود ..ترددت ..شفت امي ..ملتهيه ..
اخذته..وخليته بجيب التراك . وركضت بغرفتي ..
سديت الباب ووكفت وراها ..
طلعت الاسامي...
دورت ..يمه كلبي شبي يرجف وايدي ترجف وعركت ..
لكيته اسمين ....قائد ابو جراح والثاني ..قائدنفط ..يمه ..شنو هاي ..
خاف مو هوة .. دخت ..ياربي ..
ضليت صافنه بله هاي مروة شخلت ابالي ..ناقصني رجف اني ..ضليت صافنه ..كلت خلي ارجعه ..شلي بي اني ..
داطلع من الاسماء ..طلعت..وخليته بايدي ..
عدلت روحي لان صفريت ..
وطلعت ..مشيت خطوتين ..الفون دك بايدي ..
رفعته شفت ..قائد ابو جراح يتصل بك ..
رجعت للغرفه..وخليته جوة المخدة لان صوته عالي ..وعفته ..الا ان سكت ..
شنو ..هاي ..فتحته شفت اني داكه ..الظاهر بلغلط ..
دكيت ..يااا شون هسة ..شسوي ياربي ..
بقيت حايرة ..دك مرة ثانيه ..
عزة هذا بس لا هوة ويضل يدك ..
يبو.... فضحني ..شجاني وهيج سويت ..
امي صاحت ..
قمررر..تعاي ..غسلي امواعين اخوانج ..
يمه كمت اكمز .وافتر بلغرفه وخانكه الفون جوة المخدة ..يعني كملو غدة وهسة ينزل ..
يرد فونه ..ويدك عليه الولد ويكوله لا انت اتصلت بيه ..
يمه شورطت روحي ..دك ..من جديد راسا رفعت خط ..
اسمع الو ..سجاد ..الو ..
جاوبت بصوت ناصي ..الو ..
كال منو ..
انتي..داكه علي ..هذا جوال سجاد ..
بصوت ناصي ..ي..
انتي منو ..قمر ..
يمه هوة والله..
اني دم ماكو بجسمي ..احس حرارة صعدت براسي ..
ايدي ترجف ..
ها..ي ..قمر ..
وشعدج ..داكه علي،..
كتله عيني مداكه ..عليك ..هاي الجهال ..
ضحك ..طلع السانج ..
والله انا مدري عدكم جهال ..
عدنه جهال خالتي ..
ها بيها الخير ..
لاتكول عفيه ..صار اتصال بينه ..
لا تخافين ..ولا ترجفين ..
المكدي ..مايدك .دكه نواقيص ..
سكتت كلامه مستفز ..جان
اسفه ع الازعاج ..
هلا ..مصار شي ..
سديته ..
يمه ..نص حيلي انهد ..حذفت الرقم والاتصالات ..وطلعت ..خليته بجيبي ..بلهوسه ..شمرته ..
ع الميز ..ام انس تون وزن مو تسولف مخلت شي ماحجته ..طبت انهار ..سلمت ..كالت..ام انس خاله ..مازوحتي ..
انو صفنت عليها ..امي كالت ..لا ام انس شنو السالفه ..
والله يام اسجاد ..انقهر ع بناتج حلوات ..
ولحد هسة بلايا زواج ..
امي ضحكت ليش تنقهرين ..بعدهن ..صغار ..
ياا شصغار ..بكدها اني عندي 2والثالث ابطني ..
اني دغيت انو كتلها ..بربا شاطر ..صارت ..
كامت تضحك ..وطبت ..جوة ..
رحت وراها ..
اخويه صاح ..ابو كمرة ..جيب الفون ..
رفعت راسي ..عليه ..
كتله ..ولك ام انس هنا لا تخليني اذبك بحلكها ..
واكولها عينك ع بنتها هدى ..
يمه دخليج اني ابو كمرة .وابو الجنيب هم .جيبي الفون قمورة ..
اي هسه ..لحضه ..واشر بايدي ..
رحت ..احس عبالك راح يعرف شصار ..
جريته ..فتحته تاكدت ماكو اي اتصال ..
شفت رساله جايه ..عين ع اهلي وعين ..ع الفون ..
فتحتها ..انتظر اتصال منج ..
عزة هذا هوة يبوو شراح يخلصني منه ..
اكيد ماكدر اتصل بي ولا راح اتصل ..
حذفتها ..و رحت انطيته لاخويه الفون ..
بيومها لا اكلت مثل الناس ولا درست ولا مر اليوم عادي ..
خفت لا خويه يدري لو عباله هذا خطي ويسويلي مصيبه ..
حتى مقريت ..روايه ..ونمت مصدعه ..وراسي يون عليه ..
كمت ثاني ..يوم .بدلت وطلعت بسرعه ..
اريد احاجي اكوله عفية بلغلط دكيت لا تلح عليه ..
وهذا مو الي الفون واخاف من المشاكل ..
لا عليمن هيج ابين اله اني خايفه لا احجي ويا بقوة ..
واكولة ابو الهينه رقم اخويه لا دك رجاءا ..
كملت وطلعت ..وصلت يمهم ..ماكو احد ..اباع الشارع فارغ ..ودنيا باردة ..كلش ..
مشيت عرفت مموجود ..ويجوز جان برسالته يقصد اخويه ..احس احد يمشي ورايه ..مدرت وجهي اكثر الناس تروح لشغلها ..ودوامها
صار قريب ..
بسبس ..يولي ..يولو ..
يمه هوةدرت وجهي ..
عليه ..شكو ..وامشي
صباح الخير الناس الصبح ترة ..
سكتت ..ماعدج جوال ..
شفت ماكو احد ..وكفت ..
كتله باع اني مو من هذني ..امهات العلاقات ..
اه ..صبر ..راح تستلميني ..سالتج ..سؤال مو تهدين علي
لا ومشيت ..ودرت وجهي اضحك ..فاتت سيارة ..راح من يمي ..راحت السيارة رجع ..
كال ..وتالي وياج ..
يمشي ويحجي ..
الله الوالي ..
شتريد انت ..مني ..
وصلت قريب الصبات ..كتله روح راح اصعد بلخط ..
كال..انتظرج ..اتصلي ..
عفته ومشيت ..مهتميت اله ...شتصل ..يالله
طلع كدامي ..وكف..يم الكشك
..اني عبرت الصبات ..ومشيت ع الشارع العام ..صعدت وعيني عليه ..
شفته .وكف يم ولد اباع ..
هذا ..امير مو ..؟؟
شجابه هنا ومين يعرفه ..
عزة ...

وللحكاية بقيه ..


لامارا غير متواجد حالياً   رد مع اقتباس
قديم 16-04-22, 11:49 AM   #5

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

تساليني..
الجزء 4..
سوزان المندلاوي ...


يمه امير شوكفه يمه ..
امير ..جنه سوةندرس ..بكلوريا ..جان يشاقه وياحاول يتقرب الي ..اني جنت اصدة ..مرت الايام ..والامتحانات كمت اشاقة واضحك..ع المدرسه ..او ع الطلاب ..لا اكثر ولا اقل من هذا اني ويا ..اني طبعي هذا ..مرحه

خلصت الامتحانات سمعت حجي عود عندي علاقه بي ..
وسوالف تعبانه كلش ..وصلت عود يتقربلي جان ..
واصلا غير الشقه ماكو ..شي بيناتنه ..
بعد مدة اكتشفت هوة حاجي ..اني ماسكتت مرة شفته..
طيحت حظه ..كدام مجموعه طلاب ..من يومها امير مجاز مني بين فترة وفترة اسمع حجي ذابه عليه ..
بقيت ..افكر هلمرة امير شراح يكول ويصخم ..
يعني اني جبت دوخه الراس لروحي ..وصلت للمعهد ..ضايجه كلش ..
اول حصه امتحان ..لوما الغش ..اني راسبه ..
كملت الامتحان ..وطلعت ..
استراحه ..بقت مروة تقرهه براسي عادي وخابري وشكو بيها ..من ينام اخوج اتصلي بي ..
اني اشوفها صعبه ..مترهم ..اتصل بي ومين من اخويه
هلا هلا ..حتى ..انكلف وانسحل ..
كتلها مروة مو اخ واحد واكدر اعبرها 3..وفوكاهم ابوية ..
اي حتى انسحل والله ..
كالت انتي الي تريدي شنو ..
هاا ماريد شي ..
لا مبين ..من نكعد لحد مايخلص الدوام سوة قائد وحجة قائد ..قمر استقري ع قرار ..
~مالج شغل بيه يمعودة ..عوفيني اسولف ..
هسه ع السوالف راكضه ورايه ..
~اوي بكيفج انتي ..شعليه ..اكولج جيبي ..رقمه ..
وهنا نتصل متقبلين ..شسوي الج ..
اني عفتها ومشيت ..وجان اكو شاغر ..كعدت ادرس بي ..
واحل الدروس ..لحد ماطلعنه ..من المعهد ..
صح اكو شي بداخلي تغير ..انتظر وكت الرجعه للبيت حتى اشوفه ..اف ياربي شسويت بروحي اني ..
فوكاها خايفه لا يحجي امير كدامه شي ..
زين اني ليش خايفه والله يالله ..هوة شكو ..
بيناتنه حتى اخاف ..خلص الدوام وطلعت ..
بقيت الطريق كله .حسبه جيبني وحسبه توديني ..
ساعه اكول اي .اتصل بي اشوفه شيريد مني ..
وساعه اكول لا ..عليمن اكبر راسه ..
اوي ياربي حيرة بداخلي اكثر من الواقع ..
نزلت من الخط ..مشيت ..بسرعه اريد اوصل يم بيتهم ..
قبل لا اوصل لبيتهم ..شفته واكف ..وياشر الي تعاي ..
اكو فتحه ..جانبيه..جانت بشارع ..بيها كابينه مال كهرباء ..
يصيحني يكولي تعالي..اني مشيت ..هذا مخبل عاقل ..
اجه ..يمي جرني من زندي ..
عزة بعينك وخر ايدك يمعود ..
حدري هينه ..(تعالي هنا)
شحدر دوخر ايدك ..شبيك ..مخبل عاقل ..
اسف ..وخر ايدة ..
انت شتريد مني ..عفيه شنو هلتصرفات ..مال جهال
كال اسمعي ..مد ايدة بجيبه اني اباع عليه ..
ماعرف شنو الي موكفني ويا ..وبقيت احجي ..
كال هذا جوال وبي سيم كارت ..
خذي واتصلي ..علي ..بقيت صافنه عليه ..
كتله انت صدك تحجي ..
قبل لا تهدين ..
دحجي علي (باعي عليه)..مابيها شي..
لا عيني انت مفتهم غلط ..ماخذ اني شي من احد ..
ول يابه انا مو احد انا قائد ..
واذا قائد ..خوما رئيس جمهورية ..ومجبورة اسمع الك
ضحك...زلمه ويتكاون ..مو مرة ..
كتله اني مو منهن ..عيني ..
قمر انا..مو جاهل عمري 26سنه ..واعرف الاوادم عدل .
لا ضنين غير شي ..
اعذرني اسفه ..ماخذ منك شي ..
عفته ومشيت ..
يابنت وتالي وياج ..
مشيت ..عنه ومستغربه من تصرفه والجرئه ..
يمه نص حيلي انهد ..
جان لابس تيشرت احمر ..نص ردن ..ويا ..بنطرون.كابوي .. رغم الدنيا باردة ..وكله جان يلبس صيفي ..
عفته وطبيت للبيت ..اول ماطبيت..ذبيت الغراض ..
ورحت .. غسلت وجهي ..
من الموقف الي صار ..
امي اجت ورايه شبيج ..مابيه ..بس راسي يوجعني ..
يلا بدلي ..بيت خالتج جاين ..
داغسل ..وبعيوني الصابون درت وجهي خير شكو ..
ماكو شنو نطردهم ..
لا بس مابيه يامي ..خدمه وهذا بشار يكعد ع الحلك ..
مارتاح من موجود ابد ..
ديلا يمه كملي وتعاي ساعدني ..
يامي صدك تحجين ..ترة تعبانه ...هلكانه ..من الدوام ..
يلا قمر ..
اي اي افتهمت ..خرب .بحظي ..
.كالت لو بكد متحجين تشتغلين اني بخير ..
عفتها ورحت بدلت ..تعبانه ومالي واهس شي ..هنوب هذا طلعلي القائد...عزة خاف شافني احد..
يمه ..شسوي ..
طلعت بسرعه ..امي واكفه تطبخ ..
ماما وين الولد ..
بلدوام ...
ها وانهار ..
هسة جايه بلطريق ..
وبابا ...
شبيج قمر وين..وين .. يعني بشغل ..غير ..ياتاخر ..
اي ..تعالي ..اوكفي ع طباخ ..عني ..
شوكت يجون بيت ..خالتي ..
فد شويه ع غدة..
خير شصاير ..
هاي شبيح قمر ..مالج شغل انتي ..ليش وشنو ..
خوش ماما ..
بس هذا لا يجلب الي ..وجهه الطاسه ..
ضحكت ..لا ميجلب بيج ..
وكفت عاونتها ..
شفت ..احمد ..طب علينه ..
كتله هاي انت بلبيت ..
اي لعد وين اولي ..
عبالي ..طالع ..
وبقى احمد يمنه يسولف ..
اني كملت شغلي ..واني ابالي قائد ..ليش جاب الي الفون ..
شيقصد ...واخاف احد شافني ويروح يكول لاخواني مصدكت سالفه امير انطمرت تطلع الي هاي ..اوف يالله .واني راح اضل هيج افكر بي هلكد ..والله تعبت ..هلكد مافكر ..
طبو ..الولد ..وبطبتهم ..طبو بيت خالتي ..
اني كلبي لعب لا واحد بيهم حاس بشي ..
بعد ماسلمت ع بيت خالتي ..
كمت اشاقة وياهم ..
احس اكو شي لو لا ..
هف ياربي اني راح اضل هيج شجابرني عايشة برعب ..
كضينه اليوم عادي ..
بين سوالف وغدة ..
اني كوة كاعدة وتعبانه ..
بس عيني ع الفون ..مال اخويه اريد اخذة واتصل بي ..
بشار ..اخذ اخواني وطلعو ..
بهاي الفترة ..الدنيا تغيرت..انفتحت محلات موبايلات ..
و..مكان بي ..اللعاب والناس تكعد بي ..
صاله العاب ..
فلولد راحو بي ..بقينه بس احنه ..
اني جريت فون سجاد وبسرعه سويته صامت وضميته ..
قبل لا يطلعون ..
من طلعو..ضل يدور عليه ماكو..
تاليها كال شوف وين شمرته اني ..
وطلع ..
يمكن بلحضتها حسيت بفرحه مو طبيعه ..لان راح اخابرة
اخذته ..بين الهوسه وطبيت ..بلغرفه ..بعد ماتاكدت ..الكل ملتهي ..
اتصلت بي ..دك دك ...خوف وتوتر ..ورحت باخر ..زويه بلغرفه ..ونصيت صوتي وشغلت مسجل حتى يضيع الحجي ...
جاوب ..
الو ..
الو..
ياهلا ..
شونج ..
تمام ..وانت ..
هسه بخير ..من سمعت حسج ..
ليش ماخذيتي مني الجوال..
ماترهم ..
ليش ماترهم ..ماريد اسبب الج مشاكل ..
سكتت ..
شكد عمرج ..قمر ..
17..
صغيرة يولي ..
شنو هاي يولي ويولو ..
ضحك ..
ترة مو كل كلامك افهمهه ..
ليش ..
مابيها ليش اسمع اني ماكدر اتصل بيك دائما ..
وبكل هاي سالفه توكفلي وجرني شنو السالفه ..
الشارع خزما الك وحدك ..
لا يابو..مو الي ..بس ..تعبت واريد احجي وياج ..
يلا اني اروح..
اكفي ..بالله عليج خذي الجوال مني واتصلي بيه ..
بل تعاندين .واذا تردين هسة اجيبه وازتو ..الج (اذبه او اشمرة ).الج ...
لا عيني ماريد دخيل الله ..جوز مني ..
قمر ..انا ..معجب بيج ..وصار شهر تارك ديرتي .وهلي ومجابل ..هلفرع ..
يابنت .وكعتيني بحبج ..
سكتت..
ههههه ..هاي بس يمك الحب بيوم وليله شتعرف عني انت ..
امي صاحتني ..
كتله اروح اني ..وسديته ..
قبل لا اطلع حذفت ..كل شي ..وفتحت الفون ..
كضيت اليوم اتبسم ..عبالك كاعد كبالي هوة ..
ويسولف الي ..
ثاني يوم ..حضرت روحي وطلعت ..
كمت احب ااشارع واحب المعهد ..واحب كعدة الصبح ..

مرت الايام ..وبقى قائد ..يوميه من اروح وارجع يحجي ويايه..واني بديت ..اتعلق بي رغم هيه كلمات ..ونظرات ماتعدت غير شي ..
وكمت ..بلبوكه اخذ فون اخويه واتصل بي دقايق ..واسدة
لحد مافديوم اخذت منه ...الفون
وصار اتصال بينه ...
اول مرة اخابرة ..
قبل لا يكول الو ..
كال احبج ..
ليش تحبني ..
قبل لا اسمع كلامه سديته ..منه ..وغلقت الفون
توتر ع قلق ..ع خربطه ..ماعرف شنو ..
كمت ضميت الفون فوك الكنتور بين الفرش والغراض
ثاني يوم ..الصبح من طلعت .من باب بيتنه ..
شفته بسيارته ..يفتر ..ومصعد الجلب بسيارة ..
الجو جان بارد ..اول ماشفته ابتسمت اله ..
ومشيت ...الجو .حلو ..وغيوم ..
ضل يمشي ويايه ..بسيارته ..من يوصل يمي ..يبطئ..
ومشغل اغنيه ..تسأليني ..ليش احبج ..
ويباع عليه ..
هنا كلبي دك اله ..ودك للدنيا ..ودك ..للاغنيه ..ودك ..لكل شي ..حلو ..احس ..الشارع فارغ بس النه ..
احس الحياه بس الي ..اني ويا ..

لحد ماوصلت للخط ..هو. ويايه ..
وكام يجي يم المعهد ...

مرت الايام ..وبقيت احجي ويا .
سوالف عاديه ..وشقه وضحك ..مرات اشكي اله همي
مرات هوة يشكيلي ..عن حاله ...
قائد ..الجبير لاهله وبس هلواحد ..والدة متوفي ...
وعندة خمس خوات من سكنه الغربيه ..
بسبب الاحداث ..الي هناك اجه بيت خالته ..
الي همه بيت ..قتيبه ..
بس جان ..قتيبه اصغر منه ..
وعدهم بعد اخوان ..اكبر من قائد ..
بقيت ..ويا ومشت الايام ..ابوك نفسي واتصل بي ..
ومن البيت يفرغ ..اخابرة ...
محد حس عليه ..
بديت اتعلق بي ..يوم ورة يوم ..
تجي مدة يرجع ..للرمادي ..
يكول اشوف اهلي ..
اتوقع امه وخواته ..هناك مطلعو منها ..
يبقى اسبوع ويرجع يمنه بغداد ..
بقينه نتصل ..
فديوم ...عرفت من اهلي راح يطلعون الكل ..
اني تحججت ..بلامتحانات ..رغم ثاني يوم عطله ..
بس بقيت بلبيت حتى ....اكبر فرصه احجي ويا..
بيها ..
نمت .ورة مارجعت من الدوام
..احس امي تكعدني ..راح نطلع ..
رفعت راسي .كلتها.كلكم ..
كالت ..اي ....
كمت وراها ..
قفلت الباب ..وطلعو ..
تاكدت راحو ..
رحت ..طلعت الفون ..
ورحت للمطبخ اسويلي لكمه ..
وخابرته ..
هلو ..قائد ..
هلا ياروحي ..
شلونك ..
انا من اسمع حسج اصير بخير ..
بربك ..
امبله ..
هههههه...
شعجب ..خابرتي ..
اهلي كلهم طلعو ..
هاا..بيها الخير ..
وكمت اسولف واضحك ويا ..واحضر اكل لروحي ..
كام يغني الي..
صوته ..حلو ..يخبل ..بي بحه ..
تساليني ..ليش احبج تساليني ..
تساليني ..عن عذابي ..عن جنوني عن حنيني ..
اني اسمع اله..اعيش بغير عالم ..عالم بس اني ويا ..محد بيها . ..اول علاقه الي ..اول مرة بحياتي اسمع ..
كلمه احبج ..اول مرة اعيش احساس معايشته قبل ..
يمكن اني هم بديت احبه ..واتعلق بي ..
مابي شي ينكرهه..
كلامه ..شكله ..شخصيته ..كل شي بي محبوب ..
بقيت اسمع اله ..
ااحس احد ..ورايه واكف اني بيدي الفون ..
وداحمي الاكل ..ع الطباخ ..

انداريت ..شهكت يمه ..
عبدلله ..واكف بظهري ..بقيت واكفه ..
جر الفون من ايدي ..
صاح الو ..الو....
وللحكايه بقيه ..
شهرزاد ...

غير مبري الذمه ..الي ياخذ القصه ويحذف اسمي ...
راح يتوقف النشر بسبب الامتحانات ..بدون وعد ..
اذا كدرت اكتب ..اكمل الكم ...

لنا عودة ..ثانيه ...ان شاء الله
😘😘😘😘


لامارا غير متواجد حالياً   رد مع اقتباس
قديم 16-04-22, 12:45 PM   #6

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

تسأليني..
الجزء 5
سوزان المندلاوي ...

جر من ايدي الفون بقيت جامدة ...
اسمعه يكول احجي ..الو ولك جاوب ..
اني رجعت لزكت بحافه الكاونتر ماعرف شسوي ..
كمت ارجف .
.اجة جرني من شعري ..
ياشر ع الفون ..هذا منو ..
حيوانه ....
منو هذا احجي ..
اني ساكته شكول ..ياربي ..
جرني ..من شعري حيل ودفعني ..وكعت بلكاع ..
وضل يغلط عليه ويصيح ..
احجي منو هذا ..
شو نخرستي ..
جمدت ..ماكدر اكول شي ولا احجي اي شي ..
شمر الفون عليه ..نضربت بي ..بين عيني وبين وجنتي ..
خليت ايدي ..ع وجهي ..خفت راح يضربني ..
اول مرة بحياتي انضرب ..من اخواني صدك ..
بس بشقه يضربون ..
ضل يعيط ويصيح عليه ..
اني ابجي ..
اجه كعد كبالي ..كلي وخري ايدج
داحاجيج ....شداحجي وياج وخري ايدج
منو هذا ..
كمت ابجي..
احجي منو ..اهله مين ..مين تعرفي ولج ..
هم مصادقه وهم جايب الج فون ..
ممماعرفة ..
لا تكفرينه ..وتخليني ..اذبحج منو
شنو ماعرفه احجي ..
عبدلله ..ماعرفه ..اسمعني
اي اسمعج احجي
اليو مو رجعت من الدوام ..
ي ..
شفت فون واكع ..بلكاع بلمنطقه ..
اي ..
وتربع وكعد كبالي ..وعيونه تجدح نار ..
اني شلته ..
اي كملي ..عاد ..مو حجايتين وسكتين ..فضيني
رجعت البيت ..
اوف ياربي شكول هسة ..شون ..
ولج كمليييي بصوت عالي ..ويعيط ..
كلت لامي لكيت هذا الفون كالت بقي يمج بين ميجون اخوانج ..ويرجعو لصاحبه ..
وبس ....
ولج شنو بس مو طبيت عليج ..سارحه ..والفون باذنج ..

انت من طبيت عليه شفت ..خوما شفتني داسولف واقصقص...واضحك .
ششفت ..واكفه تصخمين ..وجالكه حلكج ..جريته بس كلت الو انسد ..
ارتاحيت مسمع شي .وصدك جنت اسمعه يغني الي ..
فضيني وكملي عاد ..لا تخليني اطلع من طوري
اني من كعدت ..من النوم..الكل طالع ..
كلت خلي ..اشوف شبي مابي..هذا الفون بين ميجون ..الولد
اي ..وراها شصار
شفت مكالمات اكو ..
فتحتها واتصلت كلت اكيد ..صاحبه مضيعه ..
دكيت ..طلع ولد ..كتله عدكم فون ضايع وهذا رقمه ..شو هذا ساعه يكول اي وساعه يكول لا وضل يلح كل شويه ويدك ..واني ضحكت لان كال كلام يضحك .
وبقى ..كل شويه يدك ..
مو قصدي اضحك وله اسوي شي والله ..
التوبه بعد لو اشوف ذهب بلكاع ماشيله ..
كام من يمي ..فتر ..بلمطبخ ..
اني عيوني مداشوف بيها من البجي ..
وماعرف مين اجه هلكلام براسي وحجيته ..
وحسيت بي شويه برد ..
كال خوش هذا كلامج ..
اكيد الفون اله صاحب وراح يدور عليه ..
خلي نشوف وين صاحبه ..
خوش قمر ..هيه تبين ...ان صدك لو كذب
بس والله ان طلع جذب الي كلتي ..
الله كتبها عليج بعد..
بقيت صافنه عليه ..ماعرف شكول ..
لا مداجذب عليك ..عبدلله ..
خلي نشوف ؟
كام لم الفون وخله البطاريه بلجهاز .ورجع الكفر ..
وفتحه ..
وضل يكلب بي ..
كال شو مابي اسماء هذا ..
اني جنت امسح كل شي مابقي لا رساله ولا شي ..
حتى رقم قائد ..ماكو ممخزون لان حفظته ..ع الغيب
كمت من مكاني ..كعدت ع كرويته .جنه.خاليها بلمطبخ ..
كال راح ادك ع اخر رقم ..
اي ..
وجعي ..اسمعي ..
كولي الو ..
هااا..
وعلاه.كولي ..الو وبس ..
ميخالف ..
هنا اني متت ..مابقى بيه لا دم ولا روح ولا نفس ..
اتمنى بلحضتها كون ..ميته ..كون صار بيه شي ..
هسة.يدك..واكول الو ..ويكولي حبيبي ..
يمه يمه ..لو بيدي انهزم ..
دك ...ضل يدك واني بس اباع عليه ..
كلي شو محد جاوب ..
كتله ماعرف ..
رد دك ..
جاوب ..واحد ..
الو ..خله اذانه يمي ..عبدلله
دغني كولي الو ..
بصوت يرجف ..وبي خوف كلت الو ..
الولد .كال الو ..منو..تفضلي ..
جرة مني .اني حيلي انهد وراح ..
اخوية ..جاوب ..
كله هذا فون لكيناه ضايع ..
الي ..فهمته..كله ..ي هذا النه ومال والدي ..

وتفق يجي ياخذة منه ..
بدة يرجع الدم بيه بس بعد مامتت ..
ضليت بداخلي اشكر الله ..واحمدة نجاني ..منها ..
سدة ..واخذ الفون ويا وطلع ..
اني ..متت ..ورجعت عشت ..
اتاكدت منه راح ..طكيت بجي ..بله اني شسويت بروحي..
من عزة بعيني ..الله سترها من يمه ..ومنو هذاالي جاوب ..
مو قائد مو حسة ..يمكن.عرف انلكفت ..
ياربي دخيلك وابجي..
كمت غسلت..وجهي..اباع ..مكان الضربه وارم ..
وصاير احمرر..
طبيت لغرفتي ماعرف شسوي بقت امي ..
شون اذا سالها ..ياربي ..
هسة تكوله لا مجابت لا فون ولا شي ..
وراح يلتمون عليه ..هل مرة محد يطلعني منها ..
اجه عبدلله اسمع الباب انفتحت ..
وصاح ..عليه ..كال اريد جاي ..
رحت ركض اني ..اريد اعرف شصار ..
واكف جان بلمطبخ بصف الثلاجه ..
كال اجه واحد اخذ الفون ..
ي..الحمدلله ..
وصدكت بكلامي ..ماعندي شي ..
قمر ..كلبي ديلعب ممرتاح ..اجه واحد مهتلف ..واخذة ..
لو ما اعيب اله ينطيني ..الاوراق مالته وارجعه ..

سويت اله جاي ..ورحت طبيت للغرفه ..
بقيت ..ابجي ..وادعي لحد ماجوي ..اهلي..
طلعت شويه ..
سمعت صوت السيارة ..
رحت ..ركض ..وطبيت بلغرفه وسويت روحي نايمه ..
ورة مدة ماذكر شكد .. ..واسمع امي تكول قمر
اريد اطلع راسي ماكدر..اريد اكول ها نخرست بعد ..
جرت الغطه مني ..اني خاله المخدة فوك راسي ..
كالت قمر كومي
وخرت المخدة ..من راسي
اشوف امي ..وياها عبدلله ..
اندارت ع عبدلله ..
انكسرت ايدك هاي شمسوي بيها ..
كلها يمه ..انتي مشفتي الي شفته ..
انجب مدام اني عايشة .وابوك عايش.محد اله حق يضرب ..وحدة من البنات .
اني ..كمت كعدت ..
بديت احس ..بأمان ..
كالت ..كالت الي اني اعرف ..بسالفه ليش هيج ضاربها ..
وضلت ترزل بي ..
اباع ع عبدلله بعيونه الندم..عليه ..
طلع عبدلله ..وسد الباب ..
امي ..كالت ..بصوت ناصي حسابج بعدين ..اصطبري الي ..
طلعت ..امي ..
حسيت بندم بلي سويته ..
وغلطت من اخذت الفون من قائد ..
اووف ..
طبت انهار نفس الشي ..ورزالة ..
هنوب ..خلصت من عبدلله طلعت الي امي ..
خلص النهار اني ابجي وبلهبطه عايشة ..
واكول هوة مرتاح وديكذب عليه اكيد ..
واني اكلتها وحدي شراح يخلص اليوم عليه ياربي ..
تالي الليل الكل..نام ..
طبت امي علينه ..
كالت ..اسمعج منو هذا ..وتبجي ..
هاي جزاة تربيتي ولج ..
هيج جازوني ..بسوالف مكسرة .وبكل صلافه جايبه الفون للبيت ماخفتي ماكلتي امي ابويه اخواني ..
اني بس ابجي ..ماعرف شحجي وشكول الها..
احجي راح جلطيني منو هذا وجايب الج فون فوكاها ..
عزة بعينج ..شنو من كوة وصلافه عدج ..
احجي يلا ..
وتريد تضربني وانهار اجرهها ..
حجيت الها منو ..وشلون ..
كامت تطلم ..عزة بعينج هذول ..الدليم ..
اشر الها اي ..من صخام بوجهج ..شجابج عليهم ..
ابجي ..
لا تتبجين احجي .
كالت دوام ماكو بعد ..ورجلج اذا خطت الباب ..
اكسرها ..وانعل ابوج لابو المعهد ..
لابو الي يخليج طلعين ..من البيت ..
ماعرف الله شون طلعج من اخوانج ..
ولج تردين تخزينه ووين من المنطقه ..
اني بس اشر براسي اي ..
كالت لانهار وانتي الثانيه عينج عليها ..
اني اعرف ..شسوي ..بسيطه ..
الا ازوجج لبشار ..واخلص منج ..
سهله قمر ..
طلعت حضنت انهار وابجي شون انو شراح يخلصني
وشورطت نفسي اني ..
فدوة ساعديني ..
شساعدج ..قمر ..هذول يلعبون ..
شعبالج خوما يزوجج ..انتي بعدج صغيرة ..
ليش ماحجيتي وكلتي الي ..
حتى اعرف اصرف اني ..
بقيت الليل كله ابجي ..
صدك حسيت وي قائد بحب ..وجنت احسه ميكذب
معقوله كذب..وحتى اذا صدك ..شيريد يسوي ..
شو من اول هدة انهزم وخله غيرة يجاوب ..
بقيت اكل بنفسي وتندمت ع الي صار ..
شون هيج سويت ..
للصبح اني منايمه ..وابجي ..
خسرت ثقه امي وخسرت دوامي وياها ..
واخويه ..نزلت من عينه ..
ثاني يوم كمت عيوني وارمه اكثر وصايرة زركه ..
تخوف عبالك مضروبه بوكس ..
حتى ماطلعت ..من الغرفه ..
من شافتني انو هيج عيوني ...كالت لا طلعين منا
رحت شفتها وارمه ومنايمه وباجيه ..كلها ملتمه عليه ..
عدلت شعري ولميته ..
امي طبت عليه ..
كالت ..ولج اسمعي من اطلعين كولي انضربت ..
بشباج ..التبريد ..بلطرمه
لان اذا عبدلله كلبة ..طيب وصدك ..بفنونج ..
سجاد يذبحج ..ماكو يمه ارحميني بعد ..
ميخالف ماما ..
ورحت دابوسها ..دفعتني كالت وخري من كدامي ..
لا اخلي اخوتج ..هسة يذبحوج ..
عفتها بعدها معصبه مني
طلعت وياها ..
ياهوة الي،يشوفني يشهك..ويسال شصار
واكوله الي صار
ابويه ضل يسالني ..خوما تاذيني اوديج ..للدكتور اكوله لا مابيها شي وداشوف عدل ..بس جرج ويروح
وصح جان بي شك خفيف ..
لان الفون ثكيل ..جان ..
وضلو يقلدون عليه..اخواني عورة والعميه
بس اني مالي واهس شي
واحس روحي محصورة
وفاكدة شي ..
يوم واحد محجيت ويا احس الدنيا فارغه بدونه ..
واحس ..كل شي مابي طعم .بدونه ..
وكل شويه اتخيل وكفته ..ع السيارة ويباع عليه..
من لابس ..نظارات شمسيه ..ومسوي لحيه خفيفه ..
جان شعره ..حلو..واسود وسرح ويكلبه ليفوك....
من افوت من يمه ..يضل
يغمز الي ..لو ..يضحكلي ..واضحك اني هم ..
لو يذب حجايه الي ..
هناك ..اذكر الي صار
وترجع روحي ..تحتصر ..
بقيت ..هيج ..واحس بعبدلله متندم ..من الي صار ..
اامي عقابها جان غريب ..
ذبت عليه شغل البيت كله ..مخليت فوك جوة هدوم ..
اكمل شي تلزمني غيرة ..
اخر شي ..كالت نضفي الحديقه والطرمه ..
واني من كعدت للعصر بس اشتغل ..
كل ما اشوف ماكو احد
ابجي ..على .الي صار بيه ..ودوامي وقائد..
كمت اكنس والم الورق ..
داشتغل ..واسمع واحد من السياج يصيح يولو .. ..
اني عبالي ..داتخايل رفعت راسي ..يمه هاي منو ..
ضليت اتلفت ماكو ..اباع ع السياج ..
اباع ..عيون وشعر يمه فزيت ..طلع راسه
كال قمر اني قائد..
اشرت اله بمكناسه روح روح ..ومدنجه ..
وكفت ..كتله روح ..حباب
خله ايدة اثنينهم ..ع راسة وفتح عينه كلها ..
هاي شمسوين بيج .اف ..يولو ..
رووح ...قائد ..فدوة..روح
وكمت ابجي ..
كال..اف...ول يابه..
يصير خير
سهله ...
وراح ..
انداريت يمنه يسرى ماكو احد ..
طبيت جوة ..الولد مددين بلهول ..
من طبيت عليهم ..ها ابو عورة ..ويضحكون ..
مو ابو كمرة ابو عورة احسن ..
وضلو يقلدون ..عليه ..
بس عبدلله ولا رفع راسة عليه ..وساكت
اتاكدت ماكو شي ..ولا احد شافني ..
امي نايمه وابويه ..
ارتاحيت ..
رحت كملت شغلي ..
غسلت الطرمه ..كملتها وبديت انشف بيها وفكري يم قائد هذا شديسوي ياربي ..راح يوكعني بمشاكل مراح تخلص ..
ولا يخاف ابد ..
اسمع الباب ادك ..مرة مرتين ..
سمعت صوت من البيت ..
شوفي منو يدك الجرس ..
رحت فتحت الباب ..
قائد .واكف ..بلباب ..بعيد عليه
ضليت صافنه عليه وبيدي الماسحه ..ورافعه بجامتي ..
جان لابس ..برمودة ..كابوي ..وتيشرت ..نيلي ..
عزة شجابك ..روح ..
يباع عليه بعصبيه ..روحي صحي ..خوانج ..
وياشر بايدة ..
يمه اسم الله روح .شصيح ..عفيه سدينه الموضوع ..

انا مامتحرك من هينه ..عدل ..يابه..الا يطلعولي
هل زلم ..ويشمر بايدة ..
ولك شدتحجي ..روح بلا خبال ..فدوة قائد ..
رووح ..
دزي ..عليهم اريدهم ..
اخويه مد راسه ..هاي منو ..
بقيت ساكته ..
قمر منو ..
صصاحبكم ...
اندرايت على قائد بس شفافي تحجي ..
روح ..منا ..فدوة ..

وللحكاية بقية ..


لامارا غير متواجد حالياً   رد مع اقتباس
قديم 16-04-22, 12:48 PM   #7

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

تسأليني
----6----
سوزان المندلاوي ...

انداريت ع الباب شفت سجاد..ديلبس ..شحاطته ويطلع ..
صرت بلنص بين قائد وسجاد ...جانت الباب مردودة ..شويه مفتوح منها ..احس كلبي ..راح ينفجر..
وحسيت بدوخه. .موطبيعيه ابد ..والدنيا تغوش ..
مشيت خطوتين ..انتجيت..ع الحايط ..
اجه سجاد ..كال شبيج ..قمر ..
رفعت راسي ..كتله ..عيوني غوشن ..
هاي من الضربه ..خرب بيومج بس لا صار بلشبكيه مال عينج شي ..
دمشي ..مشيت ويا ..طببني ..جوة كعدت ع كرويته ..
ماكو احد ..نايمين ..والولد بلهول ..كاعدين ع البلي ..جانو يلعبون ..
اريد ..افتهم شنوالي راح يصير مداعرف شي ..
هذا قائد شيريد يسوي ..اوف ربي راح اطك ..
ياربي سترك ولطفك ..
شورطت روحي وي مخبل يمه ..
كل شويه امد ..راسي ..من باب المطبخ ..
اشوف ..مردودةالباب ..وبعدة سجاد ..برة ..
اجه عبدلله ..عليه ..
شبيج قمر ..
ماكو شي ..عبودي ..بس ..عيوني غوشت ..
كولي والله ..
رفعت ..عيني ..علية ..
حسيت مثل الي ..ديوقعون ع اعدامه ..
كتله ..اي ..
اجه..كال فتحيها ..داشوفها
فتحتها ..ضل يباوع ..كال مابيها شي بس جوة احمر ..
شمدريني ..حظي هذا ..
ضل يحرك بصبعه يمنه يسرة ها شوفين ..
كتله شنو السالفه اشوف ..
فكري يم قائد ..شراح يسوي ..
يمه متنلام ..مروة من كالت مخابيل ..
عزة بعينج ..قمر ..يمه ..
ضل عبدلله يمي ..يحجي ..
بالي مو يمه ..
حسيت ..نسدت الباب البرة ..
وصوت رجلين ..بلطرمه ..طب ..سجاد ..وسد الباب ..
عبدلله ..كله منو هاي ..برة ..
اني ..ماعرف شسوي ولا شكول .ولا شداحس ..
الي يطخني اطك بجي ..
كله ..قائد ..هذا ..
شبي ..
هيج ..تعال بلهول ..
اخذة وراح اني بس اباع ..عليهم ..
اريد امشي ..اروح اسمع شصار ..ماكدر ..
بقيت ع كعدتي ..ماعرف شنو الي سواه والي كاله قائد..
بس سمعت ..صوت عبدلله يكول لابله. .بس بقه علينه هذا ..شنو مدافتهم ..
وسجاد يرد عليه ..كله شبيك ..غير نفتهم ..
طبكت رجلي ..وحركتهن كوة ..
ومشيت ..يم الهول ..
اسمع ..سجاد يكوله شبيك ..انت شو تخبلت ..
كله ماكو ماعدنه نسوان ...للزواج ..
الله اكبر ..شبيك غير افتهم ..
لا تفتهم ولا افهمك ..ماكو ..
ومنو يريد بلة ..
ماعرف كال حددو يوم واحنه نجي ..
هااا هذابطران يسولف من حاله ومنو ينطي بله ...
عبدلله .لا بكيفك ولا بكيفي ..بكيف ابويه وامي ..
اني مشيت للغرفه ..فرحت ..لان مجان يلعب عليه ..
وانقهرت من كلام ..عبدلله ..
طبيت للغرفه ..رحت ع انهار ..جانت نايمه ..
انهار كومي ..ولج ..
شكو شبيج ..
قائد ..
شبي عزة ..
اجه خطبني ..
جذب
والله ..كامت ..صدك تحجين ..
اي والله ..
ولج شون ..
ماعرف هسة اخوانج يحجون ..اجه ع سجاد وكله ..
والله ابن اوادم هذا ..
ابتسمت بوجهها ..
يمه لا ضحكين ..جنج اعور الدجال..
انجبي ولج ..
وانتي هسة فرحانه لو لا ..
ماعرف عبدلله اتخبل من سمع ..
ليش ..
ماعرف ..
طب عبدلله ..علينه ...
اني كاعدة بصف ..انهار ..سد الباب .
اول مطب شال ..نعاله وشمرة عليه ..
اني الج اني اربيج ..
واجه عليه ..ختلت ورة انهار ..
نفس ماريد ..جرني من شعري ولج من البارحه لليوم ..
كلبي ..مورم عليج .والوم بروحي ..
طلع هوة مو ابو الفون شون فنون وصدكت اني ..ولج انتي بطول الشبر ضحكين عليه ..
وضربني راشدي ..انهار ..بقت تحجي عليه ودفع بي ..
ع صوتنه ..احمد طب ..
جر عبدلله كله شبيك مخبل دطلع قهرك بيه.
هيه شعليها ولك ..
وخر احمد ..اريد اشوف اشاف منها واجه ..يريدها ..
اجه سجاد ..وكعدت امي ..وبقى عبدلله يحجي ..
بس مكال بسالفه الفون ..
كوة جرو مني ..
اني بس ابجي وانو ع بجيي تبجي ..
مدافتهم شبي وليش هيج يسوي ..
احترك البيت مو عبالك جاي ..خطابه ..
عبالك جاي ..ديذبحني
امي ..طبت عليه ..
ولج شسوي بيج حتى ابرد كلبي ..
ماما شسويت ..فدوة ..
ولج اخوج عرف بسالفتج ..
وهذا المخبل يريد يخطبج ..
ماما شكو بيها انطوني وخلصو مني ..
هاي فوكاها تحجي ..وطلع لسانها ..
ولج شننطي ..وترحين للرمادي تعيشين هناك ..
ابوج اول ماسمع كال كولو اله لا يجي ولا يتعب نفسة ..
ليش ماما ..حرام عليكم ..
من حرمت عليج عيشتج ..
شتعرفين عنه ..هاي قشمرج بحجايتين احبج ماحبج ..
ولج خوما طابه وطالعه ويا ..
لا والله بلحرام ..
شلون وتعرفين الحرام انتي ..
ماما ..والله ماكو شي بينه ..
سدي الموضوع وانسي خلص ..ابوج مينطيج ..الهم ..
واذا انفتح بعد ..هلموضوع ..يطيحون حظج ..
حمدي ربج كوة سكتت عبدلله ماحجة شي ..عافتني وطلعت ...
مرت الايام اني محبوسه بلبيت ..بروحه وبلجيه ..
عبدلله ..يغم بيه ..لو ..يرزل بيه ..
والظاهر سدو الموضوع وكالو اله ..
اني هم ..مابيدي شي اسوي الكل ضدي بلا سبب مقنع ..
مر اسبوع ..واني بلبيت وقائد اختفى ..
فديوم دنيا ..عصر ..
ندك الجرس ..
طلعت امي ..
طبت تركض ..كالت ..رياجيل بلباب ماعرفهم ..
طلع احمد ..
صاح ..علينه كعدو ابويه ..
ضلينه نباع منو ..
وامي تصيح احمد تكوله منو منو ..ياشر الها طبي ..
طبت ..وحايرة..كعدت ابويه ..جان سجاد وعبدلله طالعين ..
مموجوديين بلبيت ..
كعد ابويه يكول منو هذول ..
مفتهمنه شي ..طلع ابويه الهم ..
واحمد فتح باب الاستقبال ..
اني بقيت اباع من البردة اريد اشوف منو ..
اباع رياجيل
من طبو ..شفت رياجيل اثنين ..
وثالثهم قائد ..اني ممتاكدة منو هذا ..
فتحت عيني كلها ..هذا قائد ..
ربي شجابه ..هذا شديسوي هنا ..
يمه ..حبيبي فدوة لكلبه ..
يعني جايب رياجيل ..وجاي ..هلمرة ...
فدوة لعمرة ولا مل ..ولا وبطل ..
اجه احمد ..
كال هذا قائد ..
امي .كالت شيريد ..
اندري ..شيريد ..يمكن خطابة ..
ع قمر ..
اني بيناتهم .بس اباع ..
امي كالت خابر اخوانك خلي يجون ..
خوما ابوك وحدة ..
اخذ ماي ..وكال سوو جاي ..
وراح ..امي جتي عليه كفختني كالت هذا وين لكيتي ..
راح يسوي مشاكل النه احنه وين وهوة وين ..
من انعل يومج اكيد لحد هسة تتصلين بي ..
لا والله يامي ولا اعرف عنه شي والله ..
خلي نشوف ..
شويه وجوي اخواني طبو ..
عبدلله محجة شي ..
بس سجاد كال هذا شجلب ..مدايفتهم ..
راحو كعدو ..ساعه اكثر من ساعه همه ..جوة ..
واني ايدي ع كلبي وادعي الله ابويه يوافق ..
ماعرف ليش رافض ..
ليش قافل هلقفله ..
احنه منفرق بلمذاهب ابد ..ليش هيج ديسوي ..
بقت امي ترزل بيه وسب وتتوعد الي ..
اكثر من ساعه وطلعو ..
وبقو الولد بلاستقبال ..اني استحي وماكدر اطب افتهم شصار ..
امي طبت يمهم ..
وبقو يحجون بصوت عالي ..
رحت لغرفتي ماكو احد يمي ..
انهار ..يم بيبيتي ..رايحه ..لان بيبي وحدها ..
وبس اني بلبيت ..
بهلهوسه طب احمد ..
احمد ..عمرهه 15سنه صغير ..
اجه يمي ..
وسد الباب ..وقفلها ..
اني خفت لا حاجي شي قائد وهم راح انضرب ..
كال قمر ..لا تبجين ..تعاي اكعدي ..لاتخافين ..
كتلة والله ممسويه شي ..اني ..
كال اعرف بيج والله ..
اكعدي ..كعدت يمه ..
كال قمر ماعندي احد بس انتو وانتو قطعه من روحي ..
اني مو علمود صغير ..واحجي لا .بس اني بشر ..واعرف واحس الشي موطبيعي ..احجي الي كل شي بلكي اكدر اساعدج ..
ليش شصار ..هسة ..
اسمع منج الاول ..
تعرفي ..
كمت ابجي ..قمر قسم بالله ماضربج ..ولا اذيج ..
هزيت راسي اي ..
سكت ..جر حسرة ..كال هم ..وسكت ..يعني طالعين سوة ..
لزمت ايدة ..يرحم عليه ..اذا طالعه ويا وراسكم ..
خوش ..
تحبي ..كمت ابجي اكثر ..
كال هذة هوة فهمت ..
بس قمر ..لا تتاملين شي ..هوة صح خوش ادمي واجاج من الباب ومالعب ..رغم انتي غلطتي ..
بس شريف ..
اي ..احمد ..
ترة ابويه قافل ..والي قفله عبدلله اكولها الج ..لو تبقى عليه اني وسجاد نزوجج..
ليش ..
يكول مو ثوبنه ومتكدر تعيش وياهم وصغيرة ..
وهسة ..شصار ..
مصار شي..عود هذول اعمامه ..جاين وخاله ..لان والدة متوفي ..
اي ..
هم مقبل بيهم ..وكال البنية صغيرة ومحجوزة لابن خالتها ..ي ..احمد ..
مابيها شلون ..
صدك ميفيدج ..قمر .ذبتهم غيرنه ..ومتكدرين تعيشين
حياتهم صعبه ..
واصلا قائد مزوج ..وعندة اطفال ..
مترهم ..ياختي ..اريد منج ..تنسي وبلا مشاكل ..
اني من كال مزوج افتر راسي ..
كتله منو مزوج ..
كال قائد ..لعد شعبالج ابوج واخوج ليش رافضين ..
وتنزلين ضرة ..ومشاكل ..قمر ..
من امدة حظج والله ..
بقيت ساكته مداعرف احجي شي ..
معقوله ..مزوج وكذب عليه ..
شلون يكعد يحب ..ويريد يزوج فوكها..
انقهرت كلش انقهرت ع روحي ..الي حبته ..
وع القهر الي شفته وتاليها مزوج ..
احمد كلي ها ..شبيج ..
مابيه ..شي ..
قمر هذولي مو مثلنه تلكي من عمرة ..18سنه مزوج وجهالة بطوله .ويزوج وحدة واربعه..هم
هسة مو داكولج ميفيدج لا تفكرين بي ..
اي ..
خلص ابويه هم ختمها ويا ماتوقع يجي بعد ..
اي ..
ماكو محجيت شي بعد مصدومه. .من كلامه..
عافني وطلع ..من يمي ..
بقيت كاعدة وحدي ..
اتمنى اشوفه واحجي ويا واكوله ليش
كذبت عليه وليش خليتني اتعلق بيك واحبك ..
اريد اعاتبه اريد اعرف السبب شنو..
لازم اطلع من البيت واحجي ويا .
لازم اكوله ليش ..
واكوله اني بعد ماريدك ..
مو اهلي ..وجوز منه ولا توصل بعد ..
هناك وكلبي يحن الة واشتاق ..
واحس ناقصني شي ..بغيابه ..
ومن اذكر مزوج انقهر ..لان كذب عليه ..
اهلي سكتو محجو شي ويايه لا عبدلله ولامي ..
بس بقيت ..متهمه بشنو ماعرف ..
بقيت ..بعينهم ..غلاطنه وماكو ثقه ..
اخواني تغيرو ويايه ..بس احمد ..عادي ..
امي ..نفس الشي كل حجايه والثانيه ..
تذكرني بقائد ..عبالك .سويت جريمه ويا ..
وجنت اتوسل بيها ارجع للدوام متقبل ..
وكدام اخواني ..كالت ..
رسبت ..وحلفت اكعدها هلسنه ..
عبدلله يعرف السبب.
وابويه ميقبل الها ..
عاد ..ابويه كال ..ع اسبوع الجاي رجعي لدوامج
وكولي جانت عدنه وفاه ..
اني فرحت ..كلش ..ع الاقل اطلع ..من البيت اختنكت ..
منه ..
بس مارجعت نفس فرحتي ولا نفس ضحكتي ..
تجربتي بقائد اخذت مني هواية..
وحلفت التوبه بعد ..لا اعرف احد ..
ولا اخلي اي شخص يلعب بمشاعري وياذيني ..
مرت الايام ..
واجه اليوم الي لازم اداوم بي ..
اتفاجئت الصبح ..احمد ..موصي يوديني ..
ويرجع ينتظرني ..
بدلت

وكملت ..بس الحزن بعيني ..
المرايه الي جانت تعكس الفرح والامل ..
كامت تعكس حزن ..ودموع محبوسه ..
تخاف تنزل ....
طلعت شفت احمد كاعد ينتظرني ..
يلا داوصلج ..
اي وراك ..
مشى ومشيت ويا ..طلعنه فرعنه ..
مشيت ..بشارع ..احس كلبي يريد يطك ..
من الرجف ..من وصلنه لبابهم شفته مسدود..
كلبي نكسر ..واختنكت ..
عبرنه بيتهم ..احمد كدامي يمشي ..
طلعت الشارع كله ..شفت واكف ميثم ..
صعدت ..ويا وراح احمد ..
البنات ضلو يبوسون بيه ..واخذو من خاطري
ويسالون ليش غبت هلكد ..
وميثم هم نفس الشي ..
كتلهم ..خالي توفى ..وسافرنه لمحافظتهم وبسبها غبت ..
كالو ندري ..لان امج اجتي واخذتلج اجازة ..
اني بقيت ..ساكته ..
ماعاد يهمني شي ..
الطريق كله ..ميثم يباع علية ..
اني روحي ..طافرة ..ومخنوكة ومشتاقه لمروة اريد
اشوفها واشكيلها الي صار بيه ..
وصلنه ..نزلو الكل ..
ميثم كال ..قمر بس لحضه من وقتج ..
اني بقيت اباع عليه ..
نزلو البنات وراحو ..
كال شبيج شصار ..
بقيت اباع عليه ..
هاي مو قمر كدامي منو الي ماذيج ..
كتله مابية شي ..
قمر والله اني اعزج هوايه احجي بلكي اساعدج بشي .
شكرا ..ماكو شي وفاه عدنه ..واسفه اريد اروح ..
عفته ورحت ..
نزلت ..اني بيا حال وهذا بيا حال ياربي
طبيت للمعهد الي فهمته امي ماخذة الي اجازة والكل اخذ من خاطري ..
بس مروة ..جانت تعرف ..
وكالت ..يوميه جان قائد يجي يسال عليج ..
وكلي ..الي صار ..
وقبل يومين ..كطع بعد ماجه ..
ميفيد بعد ابجي لو انقهر ..
مرت الايام ..يوميه احمد يوديني ويجيبني ..
وقائد ماكو اختفى ..ماكو ..
ورة اكثر من 10ايام شفته ..
واكف ..يم ..الباب ..مالتهم ..
وجان ..احمد ويايه من رجعت من الدوام ..
شافني ..تبسمر ..بمكانة ..
اني قلبي ..طار ..من الفرح ..
احمد من شافه ...كلي امشي ..بسرعه ..
اني نثولت ..ماعرف شلون ..امشي ..
مكدرت اشوفه ..ولا اباع عليه .
بس لمحته ...ومشيت سريع من يمه ..
حسيت روحي عفتها يمه ..
ورجعت للبيت..
مقهورة كلش تمنيت احجي ويا واعرف بس السبب ..
ليش ..كذب ..
بس بديت اتعلم وماريد ..اسبب لاهلي مشاكل..
ومر اليوم نفس الشي ..مقهورة ..
لا سالفه صحكني ولا روايه تعيشني ..بقصتها ..
ولا فلم يونسني ..حياتي فرغت ..من كل شي حلو
ثاني ..يوم الصبح مشفته ..يم بابهم ..
رحت للدوام عادي ..ووصلني ..احمد..
مثل كل يوم ..وصلت ..للمعهد ..
نزلت ..من السيارة ..
اباع هاي سيارة قائد ..
ياربي شلون .واكف مقابيل المعهد ..
مشيت ...ورة مراح الخط ..
وصلت قريب ..يمه ..
كال..قمر ....
اني مشيت ..كال ..تعالي يمي اريد احاجيج ..
خفت لا احد يشوفني ويوصلها لاهلي ..
مشى ..بسيارة ..طب بفرع ..
رحت وراه وكلبي كاتله الخوف لا احد واكف الي ..
من اخواني اهلي ..احد يشوفني ..
وكف ..وكفت يمه ..
كال ..صعدي ..
لا قائد روح فدوة شصعد ..
دحكي علي ..بس احاجيج ..
روح ..الي بينه انتهى ..وانسى ..كل شي
كال قسم بذات الله ..ما .متحرك من هينه..
اذا ماتجين ..عدل ..يابه ..
يولي ..قمر ...حدري بس احاجيج .جلمتين .و.ردي.لدراستج
عفته ورجعت ..للمعهد..
..يولو..اكفي قمر لا تخليني ..اطلع خبالي ..هينه ..
كمت امشي ..اسرع ..
شفته.رجع سيارته. نزل من السيارة ..
واجه عليه ..بسرعه ..


وللحكاية بقية


لامارا غير متواجد حالياً   رد مع اقتباس
قديم 16-04-22, 09:39 PM   #8

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

تساليني
الجزء 7
سوزان المندلاوي .....

اكفي مو احاجيج ..تعاي ..
جرني من ايدي ..
دفعته ..كتله وخر عني ..
اريد ارجع لدوامي .
وخر قائد ..تاخرت ..
شبيج يولي بس احاجيج ..والله ..
شفت سيارة اجتي ..وخرت من يمه ..
راحت رجعت احجي ويا ..
خزيني بعد ..قائد ..انت مفتهم غلط ..
لا اني الي اطلع وافرفر ..لا الزم حدك ويايه ..
الصوج مني خليتك تلعب ع مشاعري وعدك بيت ..وجهال
اهوووو .انا شحجي وهي شتفكر ..
لا اسمع انت مزوج ارجع لبيتك ومرتك ..
ضل يباع عليه ..
عرفتي ..
اي عرفت ..
عدل ..كلامج انا مزوج ..والشرع حلل لي اربعه وانتي وحده منهن ..هذا الشارب مايبقى علي اذا ماخذتج ..
لو اعرف اسويها دمايه ..
عاقل ..مخبل هذا ..كلامي وياج ..
روحي ..هسة ..ردي ..لدوامج ..
بقيت ..صافنه عليه ..
راح ..يم ..سيارته ..
معصب ويباع عليه ..بطرف..عينه ..
رحت يمه ..مشيت ..كبل ..ماعرف وين اروح ولا اعرف شلون راح احلها ويا ..بس مخبل ..
وصلت ..يم فرع مسدود..
اريد اشوف تالي اخباله شنو
.كم يوم مر تعبني كلش..
طبك السيارة ..كبالي ..ونزل ..
انتجه ع الباب ويحاجيني ..
كتلة قائد ..فدوة اذا تحبني روح ..
سكت ..
كال .. لان احبج ..مراح اروح ..
انا اريدج ..افتهمي ..يولي ..
احبج ..لاالي جرمت ولا .سويت ذنب..وردتج ع سنه الله ورسوله ..
مزوج من زمان من بنت عمي ..زواج تقليدي ..
لا اقصر وياها ولا اقصر وياج ..ان صرتي مرتي ..
ومادك كلبي الا وياج .والشرع حللي اربعه ..
..كتله قائد مزوج او لا ميهمني ..انت كذبت عليه ..
لو كايل من البدايه مجان وصلنه لهنا ..
عوف كذبك ..اهلي ميقبلون ..بيك ..
ليش..شغله مذاهب ..
لا موهيج علمود مزوج ويكولون ..متكدرين تعيشين وي ضرة
هسة انا قابل كعدتج وياها خل يقبلون عمي اكعدج يم اهلج ..
سكتت..
شفت سيارات رايحه وجايه ...
كتله خلي ..نطب بلفرع ..
عبرت الصبات ..وعبر ورايه ...
شفت شجرة جبيرة ..رحت ..كعدت جواها وبقى واكف كبالي ..
كتله جان كلت الهم ..
هوة انا بقى شي ماكلته لو ماحجيته مايفيد ..وكالو مخطوبه ..
..ومنو هذا الي مخطوبه اله ..
محد ..
يعني ..جذب ..
اي ..
انا الهم ..شنو بكيفهم ماينطون ..
كمت .اضحك
انت مخبل موطبيعي ..طبعا بكيفهم خوما بكيفك ..
هااا..لا بكيفي وانتي الي وماتصيرين لغيري ..
لو اعرف انهبج من اهلج واخذج ..
شنو تنهبني مدافتهم ..جوز مني شنو تورطت بيك ..
كال صرت ورطه هسة لو عايفج ومسال عليج ..
جان كلتي علي مو رجال ..
وتركني وحدي ..
قائد ..كل شي ضدنه اهلي رافضيك ..ليش ..تلح ..
جتف ايدة ..كال ..
لان احبج ..
..قمر ..وانتي تحبيني ..
احبك صح ..بس مشاكل ..قائد ليش
تاذيني وتاذي روحك..
مالنه قسمه ..ودربي ودربك مسدود..
ليش نتعب روحنه ..
هذا قرارج اعوفج واروح ..
اي افضل النه ..لو اهلي بيهم مجال اكول نحاول ..
وعبدلله عرف ..بينه كافي ..قائد ..
ترة ع راسي واكع كل شي ..
ضل يباع يمنى ويسرى ..
اخ يابه اخ ..
كافي قائد خلي ارجع لدوامي ..
ساكت وبس يباع عليه ..
قمر احبج ..
كعدت ع الرصيف وخليت ايدي ع وجههي ..
وكمت ابجي ..
اتمنى اروح بحضنه .وابجي .اضيع .بين صدرة
.واطلع قهري كله ..

كال من احتركو ..اهلي واهلج وراحو فدوات لدموعج ..
لاتبعيني ..وتكسرني قمر ..
انا شاريج ..والله للوحه وياج ..
لا تبجين ..الي تردي يصير الج ..
اخذت نفس ..
كتله عوفني ..
ماكدر ..شوفي غيرها ..عايف ..اهلي ..
وبيتي ..وكاعد..بلدرب وتكولين ..عوفني ..ماعوفج ..
كافي فدوة اروح الك ..
لا تاذيني ..
قمر ..نوم مدانام ..اضل الليل كله اتكلب ..
اكول اذوها قهروها ..ولج انتي قطعه من روحي ..
من شفت ضاربيج ..جيت اجتلو ..لاخوج .واحسب الله ماخلقو ..قسم بالله ..حركتي روحي بدمعاتج قمر ..
شحجي وياك كولي لا تخوفني بكلامك هذا ..
بس ..
بلا بس ..عوفيها علي ..انا ارد اجيب شيوخ ..
وزلم ..ونشوف تاليها ..ويا ابوج ..
توكع براسي والله لحد اليوم اهلي محاربني ..
دحكي ..علي ..انطيج جوال ..ونحجي بي بلدوام بس ..
صفنت عليه ..ماكو امل يقنع ..
قائد ..نفس الشي ونفس المشاكل ..
نكطع احسن..
انت ارجع لبيتك واهلك..
واني اقبل بابن خالتي ..وازوج ..
وحق هذا الله الي فوكاج ..احركج بثوب عرسج ..
انتي ويا ....
خلي اروح ..للمعهد ..
اكفي الساعه عبرت ال9 ..
اهووو ..هف وتالي ..
ابقي هنا ..ماترضين تصعدين ويايه ..
وابقى يمج لحد مايخلص دوامج ورجعي ..
لبيتكم ..وانا احلها من يمي ..
بقيت ساكته ماعرف شسوي ..
ابقى بشارع ..وين اروح ياربي ..
وشلون اخلص من هلورطه ..
وشلون ننجمع اني ويا ..وكل شي ..مسدود..
بقيت ..بشارع ..اجه كعد يمي ..وبقينه نسولف ..
اوف ربي شكد ..حلو كلامه وشخصيته وهيبته
وكلامه ..بس اخاف منه من يتوعد .لاهلي ..
لان جربته ..الي يكوله يسوي ..
كال ..امشي ..ناكل شي ..
خنزرت عليه ..
..ضحك ول يابة بطلت ..اروح اجيب واجي ..
ماريد ..اني
انا جوعان ..نبطل مناكل بعد ..
لا اكل انت ..
شلون اعوفج بوحدج واروح ..
شعليه راح ياكلوني قابل ..
امشي ويايه ..
لا لا
ابقي ابقي ..هف..
وخله ..ايدة ع شعرة ..
ماعوفج ..هينه وحدج ..
بس عطشت ..
قائد ..روح لا تحيرني ..روح جيب وتعال ..
اني هنا انتظر الدوام يخلص ..وارجع ..
راح عليه اليوم..
كال هسة اجي لا تتحركين ..منا ..
شغل سيارته وراح ..بقيت كاعدة وحدي ..
انتظرة يجي ..جانو اكو ناس تفوت بس ..
مو بلفرع الي ..كاعدة بي
ع الشارع ...تفوت ..
المكان الي كعدنه بي..جانت مدرسه ..بظهرنه ..
وبنايه كبالنه ..بس هيكل ..مكامله ..والفرع مسدود صبات ..
شويه واجه جايب علاليك ..
وكف كبالي ابتسم ..
كال هيج الله ..ويوكف ويايه ..
واجي..الكاج بغرفتي ..
ضحكت ..كلمته ..زرفت كلبي ..زرف ..
ضل يباع عليه ..
كال من سموج قمر منلامو ..
قمر ويضوي..
هههه ..هذا غزل لو شنو ..
هذا حب ..هذا الوله
قائد ..
عيونه ..
مابيه مشاكل بعد ..
لا تهتمين اني احلها ..
ومكانج يمي ..والي ومو لغيري ..لو منا لميه سنه ..
واذا ع اهلج ..دبارهم يمي ..واريد اشوف وين تصل ..وياهم ..
بقينه سوة ..لحد ماخلص الدوام .
اول مرة بحياتي ابقى وي ولد وحدي ..
حتى لو بشارع ..بس ..ممسويتها قبل ..
يمكن حبه الي واصرارة ..خلة بيه هاي الجرئة ..
ماكدر اعوفه ..وهوة مشتريني ..
صعب ..
خلص الدوام ..
ودعته وكتله هاي اخر مرة تخليني بهيج موقف ..
وقبل لا سوي شي وي اهلي اذكر المشاكل براسي توكع ..
اقتنع او لا ماعرف ..
بس مثله ماشفت ولا راح اشوف بعمري ..
حبه ..وجرئته ..ميخاف ..من شي ..
ومخبل ..بتصرفاته ..
بهوسه الطلعه ..رحت يم البنات..
هوة فات من يمنه ..وطلع ..
شافتني ..مروة كالت ولج انتي هنا لو غايبه ..
وين جنتي ..
حجيت الها وكلتلها بقيت بشارع ..
امداج مخبله ..انتي ليش مطلعتو بمكان شي
مروة شنو السالفه متعرفيني ..انتي ..
اتخبل من هلسوالف هنوب اطلع ويا..
اخذت منها الواجبات ..وضليت خاتله ..بين البنات ..
لا تفوت ..مدرسه شوفني ..
اول ماجه الخط رحت صعدت بي ..
وصعدو البنات ..
شو مشفناج اليوم ..
كتلهم بقيت بصف مطلعت ..
شبيج خيرج ..
مابيه ..شي ..بس شويه مالي خلك ..
ميثم كال لا قمر هوايه متغيرة ..ولا عبالك انتي
شقاج وضحكج ..كلهن راحن ..
كتله ماكو شي بس تعب الامتحانات ..
ميثم الطريق كله يباع وبعينه الف حجايه..
وسؤال ..
بس لا عرفتها ولا كدرت افسرها ..شنو ..
حتى لو يكول احبج اني لا بالي يمه ولا قلبي ..
هناك عفت كلبي ..يم قائد ..
جنت فرحانه لان كضيت النهار وياه ..
ومقهورة ..من اهلي ورفضهم ..اله ..
رجعت لكيت ..احمد واكف الي ..
مثل كل يوم ..اخذني ..من وصلنه يم ..بيت قائد ..
شفته واكف هوة وبلاك ..
بس لازمه ..لا اكدر اباع عليه ولا شي ..
مشيت ..
ورجعت للبيت ..
مرت الايام ..بقيت بعيدة ع قائد ..
بس من اروح اشوفه ..ومرات يجي للمعهد ..
ومرات يختفي ..
ماكو بيناتنه اي اتصال بس النضرات ..
قائد بهاي الفترة مابطل ..ضل ..يدز لاهلي ..
عالم ..ونفس الشي ..
بس يرفضون مثل كل مرة ..
احس الشغله كبرت ..وصارت اعناد ..
وبدت تصير مشاكل ..ومدتنحل
اخر مرة اجه ..وجاب وياه ناس هوايه ..
من طلعو ..
ابويه ضل يحجي هذا شجلب وليش هيج يسوي شنو ماكو نسوان بس بناتنه ..لو شنو ..
عبدلله كله ..عناد سواها ويانه مبينه ..
سجاد كله بابا والله خوش ناس انطيها وخلي يكعدها يمنه ..قائد يشتغل بسيارات الجبيرة يعني شاغول وخوش انسان ...وكبت بين عبدلله وسجاد ..
الى فديوم رحت لابويه ..
جان كاعد ..بلهول هوة واخواني ..
مكدرت اسكت بعد ..
اشوفه ديحارب ويسوي ..واني بس كاعدة ..
لازم اسوي شي ..
كتله بابا اريد احجي وياك ..
خير بنتي شكو ..
باوعت ع الكل ..
احمد فتح عينه عليه ..
احسه يكولي اسكتي..لا تحجين شي ..
كتله بابا ..
شكو قمر احجي ..تريدين فلوس ..
لا بابا ..
اريد ..
اي دحجي عاد شنو الي تردي ..
عبدلله كال عوفها يابه ..هاي لاكفه ..
لا مو لاكفه ..
اريد اعرف ليش ترفضون قائد ..
ابويه صفن عليه ..
..اني بقيت بس اباع ..
كام عليه ..عبدلله ..
ابويه كله ارجع اذا واحد بيكم طخها ..
لا اكسر ايدة ..
اطلعو منا ..
بابا خلي تولي هاي ادبسز الا اربيها من جديد ..
المهم سجاد ماكو وياهم ..
اسمع من حقها تعرف السبب ..ممسويه شي غلط هيه
والولد ديلح ..عليها ..خلي افهمها ليش ..ماقبل بي ..
كعدت ..
كال بنتي ..ميفيدج ..
ليش ..
لان مزوج ..تقبلين اني اجيب مرة ع امج ..واكسرها ..
سكتت ..
جاوبي ..واعوفها واروح يم الجديدة ..
هذا حال مرته يصير ..لو ماعندة اطفال اكول ميخالف ..
هم مزوج وهم اطفاله كبار ..
والي يزوج اثنين ميهمه يوميه يزوج ..بعد ..
وتردين انتي تروحين تعيشين هناك مترهم ..
الف طلابه ومشكله تصير الج ..
قمر انتي صغيرة ..
لا شوفي يلح ويريدج ..
عبالج هذا هوة هيج الحياه ..
باجر عكبه هذا كلامي تذكري ..
اذا عايش تدعيلي بصحه ..
واذا ميت تترحميلي ..
فتهمتيني ..هسة لو اعيد ..كلامي ..
قمر بعدج ..جاهله ..
وانسي قائد وروحته وجيته ..

كلامه ويايه صح بهدوء ولا صرب ولا سوة شي ..
بس مداقتنع ..اريدة ..
البيت صار بس للضيم ..
وشكل قائد ..ضل ابالي وتصرافاته وكلامه ..
تعبت كلش ....
كملت امتحانات نص السنه وقائد ..مو مثل الاول يروح ويجي عليه ..
امي اذتني هوايه ..بلبيت ..عبدلله نفس الشي ..
عبالك بس اني ..بلحياه ..حبيت وجان ..قصدة شريف ويايه ..حتى من القهر اختي ..راحت يم بيبي وكامت مناك اداوم ..
بقه القهر ع راسي بس ..
خلصت الامتحانات ..ونحبست بلبيت ..
بس ..اشتغل ..ومضل بيه لا روح ..ولا واهس ولا شي ..
فديوم ..التمو يمنه بيت خالتي ..
وعطله ..وتنفقنه نطلع سوة ..
يمكن اليوم الوحيد ..الي شويه ..ارتاحيت بي ..
جان عبدلله ..يحب ..بنت خالتي ..ندى ..
وعينه ..عليها .واكو بيناتهم اتصالات وحب ..
من اصفن واباع عليهم ..اكول ليش الانسان يحلل ..
لنفسه ويحرم لغيرة ..
ميشوف نفسه شلون يحب ..
كالو خلي نطلع ..الجو ..حلو وبي شمس اليوم ..
اني كيفت ..
مهمني وين بس يمكن اشوفه وارتاح صار
كومه مشايفته ..
تعبت بدونك قائد اريدك يمي اريد اشكيلك ..
اريد اسمع كلمه يولو منك يمكن ترد روحي بيها ..
بدلت ..لبست ..بنطرون اسود ..
وبدي ..بيجي ..وفوكاه ..سترة سودة ..
جنت مامكيج ..بس كحل اخلي وحمرة ملمعه ..
وطلعت..
انتظر الباقي يجهز ..
طبيت ع امي تبدل ..
كالت ..قمر ..لا ضلين كالبه خلقتج ..وي بشار ..
شنو ..
ي اسمعي ولج ..اليوم كلت لخالتج ..نريد ندى لعبودي ..
اي ..بيها الخير واني شعليه ..
سدي الباب وتعاي احاجيج ..
مسدودة ..ماما ..لا قفليها ..
قفلتها ..ورحت يمها ..كعدت ع الجربايه ..
باعي ماما ..انتي كبرتي ومن صغيرة العين عليج والبنيه ..سترها الزواج وشفتي شون ..اذوج اخوانج ع سالفه هذا المخبل ..
اي ..امي كملي شكو ..
حسيت كلبي نعصر ..
كالت اتفقنه اني وابوج واخوانج ..
اخوج ياخذ ندى ..وانتي للبشار ..
اني كمت ..
كتلها مو بكيفكم ..ماريدة ..
وماحبه ..
هااا لعد تحبين ..هذاك ..ابو المشاكل ..
لا هذا ولا هذا ..امي ماريد ازوج خوما كوة ..
كامت ..فتحت الكنتو. خلت ريحه ..
وتكول شعليه اني ..يم ابوج واخوانج ..
ولبست شالها وكالت يلا كومي ..
اني بقيت كاعدة ..انضربت ع راسي ..
مدااستوعب كلامها ..
يعني جرعت كل هلمر وتاليها ازوج..
صاحتني ..يلا دنطلع ..
كمت ..ومشيت ..لزمت دموعي كوة ..
طلعنه صعدنه بسيارتين ..والدي جان عندة كورلا قديمه ..
وبشار ..عندة سيارة جديدة من هذني المنفيس...
الي طبن جديدات ..ماحجيت شي ولا كلت ..
طلعنه من غير مكان ..لان من جهتهم مسدودة..
حتى ماشفته ..ولا شميت عطرة الي من راس الفرع يبين ..
الطلعه كلها ..اني ..بغير عالم ..
ومتندمه لو معارفته لو محابته ..
لو ولو ..
ميفيد الحجي بعد ..
بس ..راح اوكف بوجهم وارفض ..بشار ..
بقينه نفتر بسيارة ..وين انروح ..
اخر شي ودونه لمدينه الالعاب ..
الكل التهه يتونس ..
بس اني كاعدة وحدي ..
اجه يمي بشار ..
كال كومي نركب ..سكه الموت ..
بكلبي كتله ..من عساك بي ..الموت واخلص ..
ويضحك بوجههي ..
ماريد اركب ..
لعد راح ضلين هيج ..
ويحرك بايدة ..
كتله بشار جوز مني رحمه لاهلك ..
مالي واهس ..لا اركب ولا العب ولا شي ..
شبيج قمر ..شنو مضوجج..
ماكو شي ..
قمر ..
من ماتت قمر وخلصت شكو شتريد ..
هيج ..
احجي ..شكو ..
امج كالت الج ..
شكالت بشار..
اني ا يدج ..
رفعت راسي عليه ..مايوم حسيت بي احسه مثل اخويه ..
سكتت..
انتي قابله بيه قمر ..
بشار تر يد الصدك ..
اي طبعا ..وكعد يمي ..
كتله احسبك واحد من اخواني ..
اندار عليه صدك تحجين ..
اي والله ..
ويعني ..
كمت ..من يمه اباع ..ولفيت ايدي بردت ..الدنيا ..
ماعرف الموقف بردني ...
كتله ..يعني اخويه انت..
وياريت من يمك تكولهم مار يدها ..
..كال صدمتيني ..
احنه ربينه سوة ..بشار ..من جنه جهال ..
اي صح ..
كال
ومن جنه جهال ..
اسمع انتي الي ..واني احبج ..
ضليت اباع عليه ماعرف شكول اله ..
عفته ورحت بقى كاعد هوة رحت يم اهلي ..
المهم حجيت وارتاحيت الي بداخلي ..
ضليت يمهم ..يركبون ويلعبون ..
واني بغير عالم ..عالم ماعرف شنو..ولا اعرف شون اصرف ..
راحت راحتي ..نسلبت مني السعادة ..
انعل ابو الحب منو يكول حلو بس قهر وقهر وقهر ..
طلعنه من الملاعيب ..
رحنه ..اخذنه عشا ورجعنه لبيتنه ..بيومها بيت خالتي ..
عود يباتون يمنه ..
تعشو وكملو ..وبشار كال لاهله يلا ..
امه كالت شبيك بيشو ..
مو تفقنه انبات ..
كال لا ..نرجع غير مرة ..خالتي اشرت النه ماعرف شبي ..
امي حاولت وياهم ..بس مقبل ..
وكامو راحو ..
رحت لغرفتي ...
ذبيت هدومي ..
وبدلت ونمت ع الفراش ..
بقيت ابجي .وحاضنه المخدة اريدة ..
يمي مشتاقه اله ..ياربي ..ساعدني ..
اقل الساعه ..
ودخل عليه عبدلله ..ركع الباب ..
يمه اخترعت ..
شكو ..
وامي وراه ....
جرني من شعري وكعني بلكاع وبقه يدفر بيه ..
مداعرف شكو ..اسمع بس عياط امي عليه
يعيط ويكول شحجيتي ..
ولج وخليتي الولد يطفر ..
اني ..بس ضامه وجهي مداعرف الضربه مين تجي
اريد اشوف منو الي ميزوج بشار ..
ع الهوسه طب احمد ..وجرة مني ..
وخر من يمي ينهت اسمع نفسه ..
كومني احمد ..من الكاع ..
وطلعو برة ..لعبدلله ..
امي ..كامت تبجي عليه ..
واحمد فوك راسي ..
كوموني كعدوني ..ع الجرباية ..
امسح الدم من حلكي ..
كتله ابويه وين ..احمد ..
كال ..طالع ..هوة وسجاد ..هسة يجون ..
اني اله الا اكوله لابويه ..
مسح ..حلكي ..
امي ..طلعت بقى عبدلله يحجي ..
ويسب بيه ..
اني من حركه كلبي ..
كتله اي..احبه ..لقائد ..
انت تحب حلال واني احب ..حرام ..
احمد سد حلكي ..
وكام سد الباب ..
كتله كافي احمد ..كافي مسويت غلط ..
اشش.اسكتي ..هسة ..
شلون ترحين تكولين لبشار ما ريدك
ماريدة كوة خوما كوة ..
اجه يمي حضني..
كمت ابجي ..بصوت عالي وضرب راسي بصدرة ..
اريد اموت واخلص احمد ..
محد حاس باحد ...
اسكتي كافي ..
وخرت من يمه ونمت بفر اشي ..
مداحس باللم ولا شي ..
داخلي موجوع اكثر ..
هاي الفترة ..صعبة ..جانت ..اشبهه بواحد خانكي والخلاص ..جان بشار ..
انتهيت ..وحيل مضل بيه ..محد رحم بيه ..
بس احمد وميكدر يسوي ..
حتى انو من اجتي وعرفت الي صار ..
كالت زوجي بشار وخلصي ..قمر ..
واصلا قائد ماكو اختفى ..
ترة مل وراح ..
والكل يكولون ..سافرو ..للاردن ..
بعد ماتاكدت صدك ..مسافرين ..
عرفت تعب ومل وراح ..ونسى ..ماكدر الومه ولا اسوي
هم حقه ..
بس بشار مازوجه ..
مرت العطلة سودة عليه ..
وجبروني اغير كلامي لبشار ..
ع تستحي....ودلع بنات .. وكالت مثل اخويه ..
ومن هلحجي وشرطت عليهم ..اذا اقبل
ورة ماكمل المعهد ..
بعد عناء طويل قبلو وخطب اخويه ندى ..
وارتاح ..وصارت ..اله ..
جان اكو عتاب بداخلي لاخويه ..بس مكدرت احجي .
اريد اكوله ضكت طعم الحب ..
ليش حرمتني منة لعد ..ليش ..
كل هذا ..ودست عليه حتى توصل للي تحبها ..
من يومها ..قررت ماحجي ويا بعد اكثر واحد اذاني ..
عبدلله ..وصعد عليه حتى يوصل ..لندى ..
خلصت العطله ..و
قائد ..ماكو ..اختفى ..
من قبل امتحاناتي
ماكو هوة ..
داومت ..اول يوم ..وعيوني جانت ادور عليه ..
بروحه والجيه ..وماكو ..
شهر ورة شهر ..ولا بين ..
هنا عرفت ..راح ..بعد ..مامل وتعب ..
اني ..هم ..بديت اقنع ..بغيابه ..وعاذرته ..
بس داخلي يسال ..عليه ويريدة ..وينه ..
ماريد شي ..بس اشوفه ..
مرت ..الايام ..ورجعت ..لحياتي بس دائما ..بيها شي ..
ناقصني ...صعب ..ترجع حياتي وضحكتي ..مثل قبل ..
اهلي ..بقو ..يلحون عليه ع بشار ..
بس مو فارس احلامي ..جان ولا هذا الي اريد اكمل حياتي ويا ..
يمكن ..بشار الخلاص الوحيد الي ..
بديت ..افكر ..ببشار ..
واخذت اكثر من رأي ..الكل ..يكول اقبلي بي ..
ماخذت اي قرار..بقيت انتظر ..قائد..
فديوم ..دنيا ظهر ..
اندكت بابنه ..
اني بقيت جوة ..
طلعت امي ..شفت مرة بلباب ..
ودتحجي وياها ..
منو ..هاي ..
معرفت ..ضليت اباع من بعيد ..
شفت امي اندارت علية ..وتحجي ..
طلعت مشيت ..
وصلت يمها ..
بقيت واكفه ..
مرة ..مشايفتها قبل لابسه جبه ..سودة ..وربطه وياها ..
كالت هاي المحروسه ..قمر ..
امي تخنزر علية ..مفتهمت شي ..
كالت الها مثل ماكتلج ..ام سجاد ..
خلي بتكم ..تكف بلاها ..عن ابنه ..
شتريد من واحد مزوج وجهالها بطوله ..
اني بقيت جامدة ..مدافتهم الي ديصير ..
وشتقصد ...

وللحكاية بقية...


لامارا غير متواجد حالياً   رد مع اقتباس
قديم 16-04-22, 09:50 PM   #9

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

تسأليني...
ج/8
سوزان المندلاوي ....

بقيت صافنه هاي شدتحجي .. ..
امي كالت الها ..
عيني منو ذابه بلاها ..عليكم ..
هوة ابنكم يوميه داك بابنه ..والمنطقه تشهد ..
ويتوسل بينه علمود ننطي مرة ..
المرة كالت ..ي طبعا من سحورتكم ..هاي ..
والولد صار شهر ..مريض مدنعرف اله ..علة.
امي كالت الها ..اطلعي برة ..عيب هذا الحجي ..
اني بيناتهم ساكته ..وحدة ترادد الثانيه ..
وهذيج تكولها ..همزين بشارع مو بيتج طابه وطردين بينه ..هاي المرة كلام مرة ثانيه فعل ..
واشهركم بلمنطقة ..شهر
امي سدت الباب بوجهه..ودردم
ودفع بيه ..هاي الي ردتيه تخزينه ..
ع تالي الشيبات نتخزة ومن منو منج يبوووو ..
علية ....امشي ..كدامي ..
امشي وتدفعني حيل ..من ظهري ..
طبينه جوة ..
امي تخبلت ..صار وجهه دم ..احمر ..
اله اكول لابوج ع سوايتج هوة يكدر الج شو محد بعينج انتي ..واني اطمطم الج ..
اذا ماخليهم يذبحوج ..
اني بس ساكته ..وهيه رايحه جايه وتفرك باديها ..
هنوب كامن يجن نسوان ..بعد ..شراح يجينه ..
الجيش ...عزة لطام بوجهج ..
خزيتينه ..بلمنطقه
كعدت ..كالت جيبلي مي ..
رحت ركض جبت الها ..نطيتها ..
اشوفها ..تخربطت ..
ماما .شبيج ..
غسلت وجهها ..
ماما فدوة شكو ..ركض جبت الها حبايه ..وانطيتها ..
اشرت الي اثنين ..انطيتها شربت ..
بقيت يمها ..شويه وهدئت امي من تعصب يصعد ضغطها ودائما ..جانت تاخذ الفاليوم ..
وينزل ..عليه ..
استقرت حالتها ..
كالت قمر ..راح تموتين واحد بينه ..
كتلها والله يامي مو اني ..هوة اني شعليه ..
كالت لوما انتي لحد هسة تحجين ويا ميلح..هلكد
حسيت بيها راح يصعد ضغطها مرة ثانيه ..
سكتت ..
كالت راح اخابر خالتج باجر يخطبوج ..
ونقرة الفاتحه ..احسن حل ..ع الاقل هوة يبطل منج ..
وبعد نخلص من هلمشاكل ..
كمت ابجي ..
وهزيت براسي اي ..
سو الي تريدو ..
اريد اخلص تعبت ..ماكو شي يفيد ..
طب احمد .من برة سال شكو شصار ..
امي كالت اله ..راح انطيها لبيت خالتك ..
كلها يامي اكعدي واسمعي ..مني لا تستعجلين ..
خلي نفتهم وتكمل دراستها والله كريم متكوليلي شبيج ..مستعجله ..
احسن احمد خلي نفضها ..تعبتني ..
اصبري لخاطري ..
شصبر ولك راح تموتني ..
كلها كومي اوديج يم بيبي .
شكو شصار ..مصار شي ..يس تريدج ..
تكول اريدها تسبحني ..
مو انهار يمها ..
يامي مدتقبل توني جيت من يمهم ..
يلا امشي ..
امي ماعدهم لا اخ ولا اخت بس همه الاثنين ..
وبيبي ..بيبي جبيرة ..ويمها انهار ..
هسة ..ومن تروح ..انهار تروح غير وحدة من بنات خالتي ..يدارون بيها .
راحو بقيت وحدي بعد ماسمعت كومه حجي منها ..
احمد واكف ويايه ..بس لازم اقبل ..وارضى ..واخلص ..
رضيت ..اي رضيت .مو جبر .بس ..بلئم ..رضيت ..
مثل الطير مكسور جناحه والتمو عليه ..
ميريد يموت ..بس راح يرضى ويرضخ للاول مفترس ..
ياخذ روحه ..اني هيج حالي ..
لا دموع تشفي ..
ولا كامت القصص..طلعني من واقعي ..
ماكو غير ملاذ واحد هو. النوم وبس ..
كمت انام ..واحلم واعيش احلامي الي محققتها بلواقع ..
لكل خيبه ..امل ..لكل قهر ودموع وحزن ..
هناك ..اكو عتاب وشهكه وحزن بيني وبين مخدتي ..
هناك جانت تنزل الدمعات بعد ماتجوي خدي ..
هناك جان عتاب لقائد ..
ليش .؟...
بقيت اليوم كله ..الوب ..اريد اعرف منو هاي وليش اجتي ..شتريد ..
ثاني يوم ..من رحت للدوام ..
رحت ع مروة كلت الها جايبه فونج ..
ليش شصار ..
مصار شي جايبته لو لا ..
اي جبته ..بس ماكدر اطلعه هنا ..
طبينه للصفوف ..كعدت يمها ..
كتله بس يخلص الدرس خلي بجنطتي ومعليج انتي ..
شكو قمر لا تخبليتي ..
ماخبلح ...بس سوي الي اريدة ..
الدرس كوله بالي مو الي ..
ليش هيج يسوي بيه شيريد مني ..
هذا مو حب هاي اذيه ..
كافي لهنا وبس ..
وين تريد توصل بعد لازم احجي وياه وافتهم لازم ..
خلص الدرس ..
اتعذرت من المدرسه ..بحجة ..معدتي ..توجعني ..
طلعت..وخليت الفون بجيبي ..
ورحت للحمامات ..
طبيت جوة ..
طلعت الفون ..اني خافظه رقمه ..
دكيت علية ..
يدك ومحد يجاوب ..
مرة الثانيه نفس الشي ..
سديته ورجعته بجيبي ..
اريد اطلع ..كلت لا اخر مرة خلي ادك
واذا ماكو ادز اله رساله ..
رديت اتصلت ..
مارتاح اليوم الا احجي ويا ..
دك ..
جاوب .بصوت تعبان الو ..
كتله الو ..
قائد ..
قمر ..
اي ..ثنينه سوة كلناها ..
شونج ..يولي..
قائد ..لا شونج ولا شي ..اسمع مني هلكلمتين ..
بس..
شكو قمر ..ترة اني ..
ادري بيك مريض .سبب مرضك سحري ..
شنو هل حجي ..
اسمعني ..راح ازوج ..
حلو ..ومخابرتني شنو ..دتبشريتي ..
مخابرتك داكولك.دمرتني
وبسببك ..رضيت ..طيحت حظي ..
تعرف معناها لو لا ..
شصار ..احجي عدل ..مافتهمج ..شكو ..
ماكو عيني انت مرتاح والقهر علية بس ..
اخ يابه ..احجي ..
شوف المن داز علينه البارحه ..من نسوانكم ..
قمر شجاي تحجين ..
حجيت اله الي صار ..
بيها الخير ..عوفيها علي ارد اشوف منو الي .فك حلكه وياكم لا اكص لسانو كص ..
سمعت صوت احد اجه.للحمام سديته ..
مابيه حيل ..بعد مشاكل ..
ضل يدك ..
دزيت اله رساله ..
انتظر اني بلحمام مال معهد ..دقايق وادك ..عليك ..
دكيت عليه ..
وين رحتي ..
شبيك مو كتلك بلحمام ..
اسمعي ..منهو اجه عليكم اوصفيلي شكلها ..
كتله ..بيضه يطلع عمرة ثلثينات ..وعيونها ..كبار ملونه ..
اكفي ..عرفتها ..اكفي لا سدي..
صاح ..سماح ..سماح ..
اسمع صوت يمه ..
كالها انتي شمسويه ..المن دازه ع بيت قمر ..
مداسمع الطرف الثاني شيحجي ..
كال من انعل ابوج لا بوها ..اصبري اله ..افج راسج ..فج ..
انجبي ..سمعت صوت بجي وتكول الله لا يوفقها
يمكن ضربها هوسه مداسمع شي ..انخرسي ويغلط عليها ..تاج راسج هاي ..لا تهددين بخوانج واحدهم مثني ومثلث ..روحي ..عساج لا رديتي ..
خلي اسمع بعد ..احد واصل صوبهم ..لااكسر رجلو ..
واسمع الباب ..نسدت ..
وراها كال الو ..
والله اي يندك بيج ويوصل الج لا امحي واحسب الله ماخلقو ..
قائد منو هاي ..جانت ..الي حجيت وياها ..
مرتي ام جراح ..
انت صدك تحجي ..اني ..مداستوعب .الي ديصير ..
شورطت روحي ويا ..صدك مصيبه هاي ..
اي والله ا ريد اشوف منو الي..تفك حلكها بعد ..
بس بقى عليه النسوان تزامط ..
قائد انت مخبل ..
عجل منو كلج عاقل ..
كافي اروح الك فدوة ..
ليش ..ماكلت الي اني مزوج من الاول ..ليش وصلتنه لهنا ..
مرتك خطيه مالها اي ذنب..حرام عليك ..ليش تاذيها
تساليني ..قمر ..ليش
انا احبج وخلص ..ولا تسالين بعد ..
رووح واتركني ..راح ازوج هاي اخر مرة تسمع صوتي بيها ..
اكفي احاجيج ..دحكي علي ..
شكو..كافي فدوة ..كمت اخاف منك كاافي...
باجر انا جاي لبغداد ..
سديتة ..سمعت صوت بنات ..
بقيت محبوسه بلحمام ..
صار هدوء ..طلعت دورت ..ماكو احد ..
رجعت اتصلت بي ...
الو وين ترحين انتي ..
قائد ..اني بلحمام شبيك ..
هذا جوال من ..
صديقتي ..
الله يرضى عليج ..خلي اجيب باجر وياي واحد ..
لا يمعود ..
يولو اسمعي ..دفتري بكد الشخاطه ..ماريد منج شي بس اسمع صوتج وبس ..
خرب شبيك ..هاي اخر مرة احجي وياك بيها ..
قمر ..لا تدللين علي ..بس ..
مو دلال والله بس كاافي ..ولك انت مدتحس بلي يصير بيه ..
وانا كلتها كلمه واسويها ..لو اخر يوم بعمري انتي الي ..
فهمتي عدل ..
بقيت ساكته ..
ماعرف انت شتريد الي اكوله الك ..خطوبتي بعد كم يوم ..
وخلص الي بينه انتهى ..خلص ..
خوش ..روحي واريد اشوف منهو للي ياخذج يازلمه ..
هذا ..ومن ياظهر طالع ..
اووف وتالي وياك ..
قمر مسالتي وين جنت مختفي ..
كلت اعوفج وابتعد احسن حل ..النه ..
بس تمرضت .ماكدرت ع فراكج وجايه تكولين ازوج ..
يوميه جدامي ..تاخذني الكم ..وارجع واكول انسى ..
لا انا نسيت ..ولا انا تناسيت ..
البعد زادني تعب ومرض ..وشوك ..وهلج كالو ..
راح نزوحها ..اني تعبت وانتي تعبتي ..
بس يابنت ..ماكدر ..

كتله كافي رحمه لاهلك ..اترجاك لا تاذيني بعد .

عجل يابة العشك مو عيب
لليعرف حدود الحك
وعجل يابة العشك مو عيب
لليعرف صدك يعشك
الصلاة بحضرة العشاك مقلوبة
جا عباس مو عاشك
عاشك ناصر أهل الدين انطة الجف وانطة العين
وانة امشي أعلى خطواته عدل ماميل
وتسأليني ..
احبج ي احبج حد جنون الحب العشك مثل عنتر بنفسه يعيل
علت بكليبي من حبج
بعت الولد بعت الاهل بعت الروح حتى الحيل راح الحيل

ابد مادوريت وياج هيج وهيج
جن هلال عيد وياج كلش صافية النية
كتلج مااعوفج لابد هيهات
هم سمعانه روج يعوف شاطيه

يانبض الكلب ياخط المحبين
يابلسم جرح لليتيم
ياسهرة كمر للنجمات ليلية
من عشكج
جنون العاشك الولهان كلهن جودرن
بية
وكتلهم احبج موت
لا والموت ارحم من فركاج يبنية
الساعة بفراكج شهر
والصبر وشل الصبر
جن أم ولد وتاني ع الباب الظهر
مامش خبر من وحيدهة
هيج اني حالي من الهجر
لارفجة لا أهل اليسر
كالة تجنن بالعشك
شوفولة منهو يريدهة
كالو لي مخطوبة ولك
بطل انسى لاتحن
بطل ولك كافي حزن
مخطوبه باجر تمتحن
عكبك ترى يزفونهة
حسيت غربة هالوطن
ضاكت علية الوسعه
شكيت بنفسي كمت اجن
الدمع بلل وجنتي وياج مامش رجعة؟
سكتت..والاذيه زادت ..عليه ..

ماعرف اجاوبه ولا شكول ..
باي ..قائد ..

وسديته وطلعت ..من الحمام ..مخنوكه وتعبانه ..اكثر ..
ماوصلت ويا لقرار حتى ارتاح وهوة هم يرتاح ..
الحب ..الي،بينه وصل بمكان ..اشبهه بلانتحار واكف ع حافه هاويه ..صعب ..ادوس ع مرته واقبل .بي .وصعب اتحدى اهلي وصعب ..انساه ..
لازم اقبل بشار ولو ماحس بي ابد ..
بس اريد اعوفه خلص ..
جتي ..مروة ولج وين صرتي ..
عوفيني ..الله يخليج ..ماريد اسمع شي ..
شكو ؟
مصايب ..مديفتهم ..ولا راح يفتهم قافل ..
وتالي ..ماعرف ..مروة ..
كالت ..والله مابيج خير انتي ..
لو منج احارب الدنيا علمودة .
ولج شحارب واول وتالي خسرانه شبيج ..
ماكدر هذا مخبل مو عاقل ..
صح احبه بس جني تورطت ..بي ..
ولج مشاكل ..
كالت ..حظ والله لو اني محد يكلبني ..
لة انتي فريق ..
امير ..و ميثم وقائد ..وبشار .
مجنصه ..
مروة مو بحال شقاج قلبي خلصان ..
شون ماشوف راح ..اقبل ابشار وخلص ..
خلص الدوام واني ولا درس طابه كضيتها برة ..
رحت صعدت بلخط ..
جانت كاعدة يمي ..

حنين اخت ميثم ..
ابو الخط ..كلت الها حنين .باجر ماداوم ..
اخاف لا يجي يسوي شي يم المعهد ...
شكو شصار خير ..
ماكو شي بس هلاسبوع خطوبتي ..
جذب ..
اي والله المن ..
لابن خالتي ..هاي شنو ..
اي ..شعجب ..
شنو شعجب ..
هاي قسمتي بعد ..
اباع ع ميثم يباع عليه ..من المرايه ..
بيومها ميثم وصل الكل وبقيت اني ..
واخته ..
وكف ..كال قمر اريد احجي وياج اسمعيني ..
شكو ..ميثم ..
شنو سالفه خطوبتج ..
اني احبج واريدج ومستعد اليوم اجي اتقدم الج ..
اذا مراضية ..بابن خالتج ..
اني تعرفين طالب ..وداشتغل خط واكعد وي ولد صاحبي ..بليل ..بحلاقه ..وبيتنه ملك
يعني ..الحمدلله ..مراح اقصر وياج ..
بس كولي اي ..باجر امي يمكم ...
بقيت ساكته ماعرف شكول اله ..
نزلت من الخط وفوك السطرة مسطورة اكثر ..
اباع يمنه يسرة احمد ماكو مشيت
مشيت ..شفت .واحد واكف باب ..بيت..قتيبه ..
كلبي كام يرجف ..
اخاف قائد ..وصلت ..
لا مو قائد ..هذا ..
يمكن قتيبه ..وصلت يمه ..
شو هذا يباع الي من فوك ليجوة بنظرات استحقار ..
عفته ومشيت ....
طبيت بفرعنه ..
ورحت لبيتنه ..
احس نفسي .تعب.مخنوكه ..
مداعرف اسوي شي ..
اول ماطبيت كلت لامي ..
انتي مو تريدين زوجني ..
صفنت عليه شكو ..شبيج ..
ماكو شي مو تردين زوجني ..
اي ..
خطبني ابو الخط ..ارتاحيتي ..
وعفتها ومشيت ..
ولج تعاي مو احاجيج منو هذا انوب علينه ..
رجعت امي مو تريدين زوجيني ..ميثم ابو الخط خطبني ..
واني قابله بي زوجيني وخلصي ..مني ..
وابن خالتج ..
ماريدة ..مثل اخويه يامي ماريدة ..
عقتها وطبيت للغرفة ..بدلت وطلعت غسلت ..
صاحتني ..وهذا هم تعرفي ..
بقيت اباع عليها عرفت ..صارت علية علامه من اهلي ..
لو شحجي محد يصدك بيه ..
لا ماما ماعرفه ابد ..
وحجيت الها الي اعرفه عليه ..
كمت احس بيها تقتنع ..او بس تريد تزوجني ..
صرت عليها فد ههم جبير ..تريد تخلص مني
كتلها اني راضيه بي ..
وانتي كولي لاخواني ..وابويه ..
المهم ندى صارت لعبدلله ..وعوفي بشار ماريدة ..
وعفتها ...
مرت الايام ..ع هلحال ..
وامي تعذرت من اختها كوة ع حاسبته مثل اخوها ..
وماكدر اجبرها ..عليه ..
وصارت حزازيات ..بس عدت ع خير ..
عبدلله ..جاز مني ..لان ندى اله ..وضمنها ..
وقنعو اهلي بميثم ..ورحبو بي ..
ملاذ امن صار ميثم الي ..
وصارت سالفتي وي ..ميثم ..
واجوي اهله ..بس النسوان
واتفقو ..بس بداخلي
ماكو فرحه ..ولا راحه ..
المهم اخلص من قائد واخلص اهلي منه ..واخلص من اهلي
تعبني ..كلش ..
بهاي الفترة..قائد ..مابطل ..ابد ويوميه يوكف ..
الصبح ..الي والظهر ..
قائد صار ..مرض الي ..
لو اعرف بي مزوج لا اعرفه ..ولا احبه..ولا اقبل بي
صح احبه بس كمت اخاف منه ..
فديوم الصبح ..
رايحه للدوام ..
شفته ..واكف الي ..كمت من اشوفه ماحس بحب ..
احس بخوف ..منه ..
اشر الي تعاي ..اني مشيت ..
اجه عليه ..جرني من ايدي ..
مو حاجيج ليش ماتردين
كتله شتريد ..مني ..
كال ..راح تزوجين مو ..
اي مالك دخل بية عوفني ..شنو بس الله خلقني الي ..
روح ع غيري ..وخلصني منك ..الي بي انت مو حب الي يحب مياذي ..وانت دتاذيني هيج ..
قمر ..لا تتحديني ..متقبلين بي ..مو بكيفج ..تزوجين
لعد بكيف منو ..
بكيفي الي ..
عوفني اريد اروح ..
المن مطيورة ...اله ..تردين ترحيله
كال
لخاطرج تركت كلشي وكسرتي بيه ..خوش حزام انتي ..
فرحان بيج واتباه بيج تاليها تبيعيتي ..شليتي حالي شل ..
عوفني اريد اروح ..
روحي ..بس ..قسم بالله ..ماصيرين اله ..
هاي انا وهاي انتم ..ونشوف ..تاليها ؟؟؟؟

وللحكاية بقية


لامارا غير متواجد حالياً   رد مع اقتباس
قديم 16-04-22, 09:54 PM   #10

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

تسأليني
ج 9
سوزان المندلاوي ..

قائد..بقيت اباع ..ع الطريق يمنى يسرى ..
اروح فدوة الك ..اذيتني ..
وحق الله ..تعبت ..اكثر منك اذا انت ..
معذبك الحب ..
كل شي معذبني
سكتت ..
شفت سيارة ....اجتي ..
رحت ....ع جهه وكفت ..
كتله راح اخابرك بس اوصل ..للمعهد ..
قمر ..
احبج ..حيل حيل ..
اذا تحبني صدك ..عوفني ..
عوفني اريد اشوف حياتي قائد ..
مشيت ..وابجي ...
انداريت عليه ..شفته خال ايدة ع راسه ..
رحت قريب ع الصبات ..
مكدرت اعبرها ..واني ابحي ..
ضليت واكفه اخذت نفس ومسحت دموعي ..
وعبرت شفتهم واكفين ..
دنجت ورحت صعدت ..
بسيارة ..
صباح الخير ..
جاوبوني صباح النور ..
حنين كالت ..بعد كعدي ليكدام ..انتي خطيبتة هسة ..
سكتت واباع ع الطريق اريد اشوف وين راح اوصل ..
ووين ...
ميثم كال ..قمر شبيج ..
كتلة مابيه شي بس متوجعه ..
خيرج ارجعج ..
لا ...
وسكتت..
اريد اعيط واكول كلبي يوجعني ..
هنا الوجع الي خنكني هناااا ..
وصلنه للمعهد ..
شفت ..سيارة قائد ..
لزمت كلبي ..قبل لا انزل ..
ميثم كال اوكفي احاجيج ..
عين ع ميثم وعين ع قائد ..
اخاف منه ..
كتله من اطلع احجي ميثم ..
باوع ع الساعه كال بعد وكت اصبري ..
شبيج قمر ..
قائد فات من يمنه ويباع عليه ..
صخنت ..واحس جسمي نار ..من الخوف ..
كتله مصخنه بس داومت علمود الامتحان ..
رجع قائد ..
بلاثناء ..ميثم مد ايدة ع راسي ..
جريت روحي منه ..
اني عيني ع قائد ..
شافنه ..اي شافنه ..
كال ..لا مابيج شي ..خاف راح تنشلين ..يمكن
ماعرف ..من اطلع نسولف ..
اتاخرت ...
باي ..
نزلت بسررعه ..اتعثر وطبيت للمعهد بقيت ورة الباب ..
اباع لا قائد يروح يضربه ..
طلع ..ميثم ..وبقى قائد راح جاي ..
الحارس كلي شبيج مطبين ..
اي اي هسة طابه ..
ترددت ..اريد اروح احجي ويا ..اكوله روح كافي لا تعيشني برعب ..خليك ذكرى حلوة ..
اباع الساعه ثمانيه الا عشرة ..
شفت الحارس ملتهي ..
طلعت بسرعه ومشيت..بسرعه ..فتت بظهر المعهد و طبيت ..بلفرع ..
شافني قائد ..اجه ورايه ..بسيارة
وكف ..صعدت ويا ..كعدت ..وسديت الباب
كتله اطلع ..
يلزمج مو ...من احتركو هلج .وهلو وعشيرتو ..
اطلع منا ...
شحط السيارة وطلع مداعرف شداسوي وشداصرف ..
اثنينه ..متاذين ..
يلزمج مو ..
قائد ..وتالي ..
من احتركو ..هلي ..من انعل رسي ..وعشيرتي ..
انداريت عليه ..
ماعرف شيريد اكوله ..
وانتي كاعدة وفرحانه ..اله
قائد ..هذا راح يصير رجلي ..
ع جنازتي ..تصيرين مرة اله ..
قمر لا ..تحركين دمي ..
كتله متعبت ..كولي مكافي الي صار ..ليون ناوي توصل كولي ..
اوصل الج هاي غايتي ..
يحجي ويضرب ع ستيرن ..اريدج حلالي ..
كفرت ..خوما كفرت ..
دحكي ..لا انتي ..ولا عشيرتج توكف عليه ..
اني تعبانه ..
وانا المرتاح ..عجل ..
قائد رجعني ..للمعهد ..
اندار علية ..ماترجعين ..لا للمعهد ولا لهلج ..
درت وجهي ..عزة بعينك ..شدتحجي انت ..
اي ماترجعين ..اخذج لديرتنه ..واعقد عليج ..
واشوف يازلمه يلطلعلج ..لا اخلي الفشك ..
من الرمادي لبغداد ..
دخيل الله اعقل ..واسمعني ..اني جيت وياك اريد افهمك ..
قائد ..كمت اخاف منك..موتت الحب بخوف
وعيوني نترست دموع ..
وين راح نروح ..
عفيه رجعني ..حباب ..
استغفر الله ..وفتح الجكمجه ..شفت سلاح..
شهكت ..شراح يسوي كمت ارجف ..
طلع جكاير ..وسدها حيل ..
كعد يدخن ..
صار سنتين تركتها ..ورجعتني عليها ..
من اشتعلو ..
انداريت عليه ..
جان مربي لحيه ..والسهر ماخذ من العيونه تعب ..
ولابس ..قميص مربعات ..
سكتت انتظرته ..يبرد ..
ساكت هوة هم ..
اباع عليه كتله وين توديني ..
ارجعج يابنت الناس ..
ارحعج ..اباع عيونه متروسات دموع ..
يمكن ..هلكد ماتمنيت اعيش قصه ..
الحب اجاني ابقصه ..حركتني حرك ..
لزمتني العبرة ..
قائد ..احبك ..
كافي قمر ..دمرتيني ..الي ..ودمرتي حياتي ..
شنو الي سويته الك ..اني ..انت دمرتنه من البدايه
انتي ماوكعتي بنكرة لا وكعتي بنص كلبي ..
من اول يوم ..انتي ماكو شالج يمي ..ينام بحضني
حضي الاغبر ..جابني عليج ..قمر ..حظي ..
قائد مرتك واطفالك مالهم ذنب ..الغلط منك ..
طب بفرع ووكف ..
كال غلط ..هذاك الله .وياشر من الجامه للسما
.حاجي شنو حرام اعشك لو حرام ازوج ..
عجل يمنه الديرة ..كلها مزوجه ..ثلاث واربع ..
صفت يمي حرام ...
وتعي اكلج منهو كلج انا مقصر وي حرمتي ..
انا قبل 3سنين نويت ازوج ..حياتي وياها ..هي والماكو ..
ليش ..
هاي اليش ..سالفتها طويله ..
قمر انتي ماحبيتيني ..بكد حبي الج ..
لا مو هيج ..
لا هيج ..انتي ماصبرتي ولا سويتي شي ..
شريد اسوي كولي صير بمكاني ...
اندار ضحك ..بستهزاء ..
شجاي اسوي هينه لعد ..اللعب دعبل ..
عمي اسكتي ..انا هناك محارب اهلنه كلهم ..
بيني وبين نسابتي ..ولد عمي ..حلال وكيعان.وشغل وفلوس ..
تركته وماهمني شي ..ولحد هسة نتكاون ..
روحي دحكي هناك شكو وتعاي احجي قمر ..
ماردت شي ..ردت ..اطب لبيتي واشوفج ..
ردت من ارجع..تعبان من شغلي اشوفج ..
و اسمع كواك الله منج ..
يمكن بلحضتها ..مايضل تعب ..حتى روحي ترتاح ..
قمر عمري 27مو جهال ..ولا صغير ..
ولا مقصر وي اهلي بشي ..وتشهد الديرة. علية ..
منو قائد ..قمر ..انا بس وياج ضعيف ..
وهسة ..دانازع وياج ..
مثل الي يجتلو ..وتضل الروح معلعله ..وينازع بيها ..
هيج حالي وياج ..
وكلتها واعيدها ..للوحه وياج وماسكت ..

وهذا الي معرف مين جبتي ..دبارة يمي ..
..كتله مكافي بعد مدشوف طرقينه ..مسدود ..
هذا براسج مسدود انا اسوي كل شي ..
بس لا ترضين بي وتنزفين لغيري ...
اصبري اقنعهم ..اصبري ماريد شي ..منج ..
ماكدر بعد اهلي حاصريني ..وياذوني بيك ..
شبعت رزاله ..وضرب واهانه ..قائد ..
ارحمني وارحم نفسك ..
قمر ماتخيل غيري يمج .وينام ..بصفج ..ويشم عطرج ..
يولو احترك حرك ..من جدمي لراسي ..
انتي ارحميني ولا تقبلين بي ..
والي عليه كلته الج ..ماخاف ..والايام تثبت لهلج ..
صفنت عليه كتلة اذا اتحبني ..كاافي ..
واريد وعد منك تعوفني ..
ضحك ..وخله راسه ع الستيرن ..
يابه ..اخذي مني وعد .تنزفين بدم .
شنو يعني ..
كافي اتهدد راح يموتوني من وراك ..
منو يتدنه الج وانا بظهرج ..
قائد ..اذا تحبني ليش تاذيني هلكد فهمني .
ياحب هذا ..الي تحجي بي ..وتهدد وتخوف بيه ..
خلص ..هذا قفل ..مامنه ردة ..
لا تهدد ..
بقي طيب بيناتنه لا تخلي الحب يموت ..
لا تزوجين ..
ماذيكم ..ثاري ماهو وياج ..وي هلج ..
واحد واحد ..انا ماخاف ..من شي ..ياشر ع السما ..
الله الي نطاها وهو الي ياخذها ..
خوفي عليج ..بس ..
اسمعي ....

ترعد سماي وتمطر ابارود
اطشركم وذر ع الكاع لوهديت
انة مورث فشك ماخاف
انة مكمط مشاكل وراضع الفزعات
لوادري مو كد الحجي محجيت

انة مسودن عشك بيج....
انة السور العظيم البيه احاميج

انتي لو الي لوجنة الفردوس
ذايب بالعشك والصيت عالي الصيت
ادكن بيتك واخذج لبعيد
أرض الله واسعة من مندلي لهيت
وتسأليني .... ليش؟
وتكليلي
بانت حقيقة رايتك
سودة وابد لا ماصفت نياتك
حبيتك انة بكل صدق
وانت تدوس أعلى العشك بسوايتك
تدمرني ليش
وسمعتي ماهمتك
مو انه عرضك وك جنت
مو هذي هية حجايتك

ي انة كد حجايتي من احجيتهة
من يسألونج علي كولي أصل باصل
انة دجلة من الخوف هم بجيتهة
ماريد غيرج أي بدل
لو اخذو الروح وروحي تريدها
أهلج ماجوز منهم انه قفل بقفل
كاتل أو مكتول اني نويتها
هذا العندي وأعتقد كلشي وصل
باقي يمج كولي لا كون اسمع منج انة حجيتها
النار البكلبي الج تشعل شعل
صحرا الانبار ب زلم غطيتها
ضاعت الكلمات من روس الجمل
الورد يابس بالحدايق لان مامريتها
عيونج الحلوة المليانة كحل
خاف بالج ياهو يجي يشوفها
أكلب الدنيا عليكم عندي كلش سهل
حاولو وامج بجهنم ريتها
اغسل ذنوبي بدم امج غسل
لا ولا اسمح لغيري يشم كذلتج والزلف
انطي عمري وأخذ أطراف الكصيبة
تعرفينة لقائد شكد صلف
انتي الي كيفهم يرضون مايرضون
قسم بالله وهذا آخر حلف
خايف ركابكم دمهة لرجاب اهلي يصير
ويشتمل بارود في كل السلف....

قائد ..انت تخوفني ..
قمر ان رضيتي بي ..عقل ماكو براسي ..
ويحترك الاخضر واليابس ..
بعد بكيفج ..
رجعني قائد ..وادعي الله يموتني واخلص ..
ارجعج ...
شغل سيارة ..ومشه ..
بقيت عيني ..ع الشارع ..
كال ..لا تخشين بخطيت ..هذا ..الارول الي مدري مين جبتي وجيتي ..
شنو جبته عيب هلحجي ..ومالك دخل بي ..
وماخاف منك شنو ..تورطت بيك اني لا اول وحدة ولا اخر وحدة تحب ..انت كضيتها عليه تهديد بتهديد ..
اي سوي الي تريدة بلكي اموت ويكتلوني ..
لو تحب متاذيني ..مو مخليني مكفخه ..لاهلي ..
خوش ..قمر..دبارهم يمي والله كريم ..
شتقصد..
ماقصد شي ..هسة وين ترحين راح وكت دوامج ..
نزلني ومعليك بيه وين اروح ..
بعد بعد ..دوسي ..عليه ..
خوش ..انزلي ..
طبك بظهر المعهد ..نزلت ..
بس ماعرف وين اروح ..
كعدت ع الرصيف ..
شويه واجه ..وطبك السيارة كدامي ونزل وانتجى ع السيارة ...واني كاعدة ع الرصيف ماعرف شون اصرف ويا ..بعمري مسامعه هيج ولا راح اسمع ..هيج حب
ضل يدخن ..وجر ..فونه طلعه ..واشوفه يتصل ..
ويحجي ويشمر بايدة بعصبيه ..اني مدافتهم شي ..
سمعت لو انتم زلم انطوها ..لغيري
اني وكفت رحت يمه ..
كتله هاي منو ..
مالج شغل بمنو
منو قائد ..
اخوج ..
ياخو عزة بعينك ..
سجاد ..
بربك ..
اي والله ..اريد اشوف المن تنزفين ..
ضليت اباع عليه ..
لا انت مخبل رسمي ..انت دتجرم بيه ..
كال مخبل واحبج حب حب يهدم الحيل ..
عاد انتي قيسي وشوفي حب المخابيل ..
دك فونه ..
كال شوفي منو ..
قريت سجاد يتصل بك ..
جاوب هلا ..
بعيني تدلل ..جرب وشوف النسوان شخلفن ..
كلامك عدل رحم الله والديك ..
الي عليه كلته .وهذاكمه اهلي ..روح ..
وانا موجود ماخاف
بعيني ..اقل الساعه ويمك
وسدة ..راح افتر ..ع السيارة
ركضت وراه انت شدسوي ..وضربت ع وجهي

قمر روحي ..اريد اشوف تاليها ..
عفيه انت ليش هيج سوي ..ماريدك .ماحبك جوز مني ..
وكف ..صدك تحجين ..
اي ماريد اذينك ..كافي ..اترجاك بس ..وعوف اخواني ..
خوما الدنيا بس الك ..
يعني مترديني

قائد افتهم كلامي ماريد الاذيه .منك ..اني مرة ماكدر اتحدى الكل جوز مني شنو كفرت عرفتك .ماريدك . عفيه ..
لا كلتيها ماريدك ..وماحبك
كولي ماريدك ..ماحبك ..
قائد ..
من انعل سلف قائد..واهلو وعشيرتو ..احجي ..
غمضت عيني ..اي ماريدك ....اريد بس اخلص منه ..
مو قصدي اجرححه حبه اذاني ..
سكت ...
عجل . انا المن محارب وشايل ..سيفي ..
عجل انا المن تركت اهلي.وبيتي ..ومجابلج ..
عجل انا لخاطرج ..داذي بروحي ..
خلص ..روحي ..
مع الاسف عليج ..
موصوجج صوجي انا حبيت وحدة مثلج ..
ماتسوى ..وخاينه ..العشرة ..
ماتستاهل تعب ..انتي ماتسوين شي ..
انا الج ..ياقمر ..
شحط سيارته وراح ...
باوعت عليه ..راح ..
بقيت ..مثل المحروك اريد اروح اشوف شسوة وشراح يسوي..اباع الساعه بعد كومه علما يخلص الدوام ..
بقيت بشارع وحدي ..شسوي ياربي ..
هذا شراح يسوي ..الخوف كتلني ..
اخ الله شجاني وورطت روحي بي ..
يمه كل كلمه بيها تهديد ..
شسوي ..اروح اكوله لميثم عليه ..وبلكي يتفهم ..
اصلا اني لو اعرفه هيج ماحبه ..
يمه ياربي اذيته ضيعت كل شي ..
ياربي حلها من يمك تعبت اني ..
ضليت بشارع ..
خلص الدوام وهم رحت وختلت بين البنات وركبت بلخط ..
بس مو ع بعضي ابد الخوف كتلني ..بس اريد اوصل ..
حتى منطيت مجال لميثم ..
وطلبت من ميثم بيومها يفرني من غير مكان ويوصلني ..
للبيت ..صح ازدحام وابعد الفرة ..بس ماريد ارجع مشي ..
ميثم بعد ماوصل الكل وداني ..وطبكنه بلباب ..
شفت كومه ولد ..اريد انزل ماكدر ..
ميثم كال خير شكو شصاير..
كتله ماعرف وارجف ..
نزلت من السيارة ..ونزل ميثم ..اريد افتح الباب ماكدر ..
تخيلت واحد من اخوتي ميت ..
وكف ميثم يم الولد ..اني اباع عليه ..
طبيت جوة ...
بلممر ..طلعت انهار ركض عليه ..
كالت روحي ..روحي ..
بقيت اباع عليها وين اروح ..
شصار ..جرتني وطببتني بلحديقه ..
شكو ..انهار ..
شكو راح تموتين واحد منه ..
احجي فدوة ..
هذا المخبل ..قائد ضارب سجاد ..
براسه ..وخياط ودنيا ..
ضربت وجههي ..شون انهار وين اروح ..
ماعرف لا طبين هسة
شنو ..
اي من عمت عينه هذا مخبل ..وكله من وراج شتحشين براسه انتي ..ويجي يسوي هيج ..
حب مخابيل ...هذا ..
كتلها ميثم برة ..
يبووو بس لا يفتهم ..
ضربتني ع جتفي فضحتينه ..خزيتينه وهسة خايفه
الله يموتج ..امشي كدامي طبي ..
مشيت طب ميثم
سلم ع انهار ..
وطب..للبيت جوة وطبيت ويا ..
فتت اني.وانهار الاول .. من فتت ..كام عليه ..
عبدلله ..من طب ورايه ميثم ..كعد ..
وفات سلم ع الولد ..وضل كاعد يمهم ..
اباع ع سجاد راسه مضبر ..
وكعدو يحجون اني بس كاعدة ..
اسمع عود متعاركين وطاخ سيارتنه ..
وهيج واني اعرف شجذب ..
وميثم كال ان شاء الله العصر يمكم احنه والاهل ..
وطلع تمنيته ميطلع ..
ويبقى ..اني من كام سلم ع الولد ركض طبيت جوة بغرفتي ..وقفلت الباب ..
وادعي الله وابجي ميسون شي ..
دقايق والباب نهجمت عليه افتحيها ..
حتى ابويه يعيط ..
ماسويت شي بس احس جسمي صار ثلج ..
من الخوف وارجف ..
حسيت الباب راح تنخلع ..
يدفر بلباب سجاد ويغلط عليه ..
الظاهر افتهم كل شي ..
ماعرف ليش مشيت ..
ورحت فتحتها يمكن ردت اموت حتى اخلص ..
قائد مو حب بحياتي بس لا موت ..وسكرات الموت هوة
فتحتها سجاد بوجهي ..ماعرفت شنو الي انضربت ..
بي ..ماحسيت ع روحي ..
الا واني ..نايمه بفراشي ..
شنو ليش ..شصار مادري ..
فتحت عيوني انهار يمي وتبجي ..
كتلها شكو..شصار ..
تبجي ..
احجي شصار ..
ماكو شي ..ابجي ع حظنه والي صار ..
شصار انو اخواني وين ..
لا سالين ..ابد ..
مين جبتي النه هذا المخبل مين ياحب هذا ..
ولج ..حاجي حجي يم سجاد ..
ومتلازمين ..وهذاك ..يكولون ..اصابيعه مكسرة ..
واخوج راسه مشكوك ..
شحاجي ..كولي ..
شحاجي ..وسالين كايل عندج علاقه بي وطبه وطلعه ..
خارط اشكال عليج ويكوله سترو عليها وانطوها الي ..
ولج شنو هذا اعرف يحبج بس مو هيج ..
بعد الي صار ..والاذيه الي شفتها ..
كمت اكرهه كل شي يتعلق بقائد ..
بس ماكرهته ابد ..جنت احاول اكرهه
احساس غريب ..جان ..الخوف منه وخوف من اهلي وخوف من مستقبل ..
مرت الايام وانشهرت يم اهلي ..
والكل كرهني وتغير تعاملهم الي ..
حتى الباب ماشوفها ..وعاندو اكثر وي قائد ..
عشت وياهم بسجن وعقوبه عليه واتحملها ..
لو ما ميثم وخطوبته حتى المعهد انرحم منه ..
وضكت ضيم وضلايم من الكل
بهاي الفترة ..قائد يوميه يم المعهد ..
الكل عرف بلمعهد عليه وع قائد من البنات ..
يوميه الصبح اشوفه ..والظهر..صدك كالها تركت كلشي ..
وكابلتج ..وكل الي صار وميخاف ..ابد ..
تالي الليل يفوت بفرعنه جان ةيشغل اغاني بصوت عالي ..
تساليني ليش احبج ..
ماعرف مفهوم الحب شنوعندة ..وشلون ..
وكلما احد من الولد يشوفه ينكلبون عليه ..
تمنيت ازوج واخلص متت متت عشت بعذاب ..
قائد جان سكرات الموت الي ..

استعجلنه بخطوبتي وي ..ميثم ..
وصار يوم الموعود .النيشان .الكل ..جان مفرحان ..
وبس يريدون يخلصون مني ..
بس ميثم واهله ..فرحانين ..
بداخلي ..
بس اكو خوف ..وقلق وتوتر ..
من كلام قائد الاخير ..
وللحكاية بقية..
شهرزاد ..
جزء ☝☝ طويييل ..
رجاءا ..لا ضغطون عليه خلي اكمل القصه براحتي ..
بعض الكلام يطير من راسي القصه ...
لا تخلوها مثل قصه ..ولاني امراه ..انختمت وماخذت حقها ..
انطوني مجال ..اكتب واسرد التفاصيل ...
القصه حقيقه ..وتستاهل التعب ...ولازم تاخذ حقها
و
ماحلل ولا اوهب الي ياخذ القصه ويحذف اسمي
الشعر اكيد ..لحبيبتي المبدعه ام علاوي ❤
تحياتي احبنكم ❤ عرض أقل


لامارا غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 06:04 PM



Powered by vBulletin®
Copyright ©2000 - 2024, vBulletin Solutions, Inc.