08-03-19, 05:27 PM
| #1 | ||||
|  رواية أقسى أقدار العمر السلام عليكم هذي اول رواية لي اتمنى تنال إعجابكم ١ في احد البيوت ، دخلت المطبخ وهي تمشي بهدوء رفعت راسها لما حست فيه احد فجاة وبدون سابق إنذار صرخت صرخه من اعماقها : يااا كككلللبب دخلت امها تركض زي المجنونه لما انفجعت من صوتها: وشفيك يا رهف رهف وهي بتبكي وتاشر على اخوها: سلطان الحيواان خرب التجربه حقتي شوفي سلطان وبضحكه: بالله ذا وش ريحته خايس بعد وش حاطه فيه انتي ترى بس حطيت مويه عشان تخف الريحه امهم : والله عيب عليك اختك يومها كله وهي تصلح فيه وانت تجي كذا وتلعب بتعبها رهف : ححققييرر لازم ما نحركه الا بعد عشر ساعات يلا والله ترجع تسويه لازم اكتب النتايج اللي طلعت وبكرا اعطي الاستاذه سلطان : وخري لالعن شكلك هذا اللي ناقصني اسوي تجارب ريحتها خايسه ههههههههههههههههههههههههه ههههههههههههههههههههههههه هههههههههه جلس ع الارض يبي يقهرها زياده طلعت وهي تسب فيه سمعوا صوتها : ورب الكعبه ما اداوم بكرا اوريكم انا ام سلطان : وشفيك عليها سلطان ؛ يمه ما كنت ادري يلا طالع اصلا بتغيب خلاص طلع وامه تدعي الله يهديهم محد يسوي مشاكل في البيت الا هم بمكان ثاني جالسه عند ابوها وتبكي بالم وتستنجد بامها اللي تبكي بقلة حيله تكلمت برجاء وتوسل: تكفى تكفى يا ابو عبدالله اتركها واوعدك انها ما تعيدها تكلم بغضب وصوت عالي : هذي قليله اددب ويبيلها تربيه من اول و جديد التفت لبنته بعصبيه وين جوالك ؟؟ غمضت عيونها بخوف رجع وتكلم: حنااانن اخر مره اسال وين الجوال قامت وهي تترنح بمشيتها من كثر الضرب ومن الخوف من ابوها لو يفتح جوالها اتجهت لتحت سريرها مدت يدها بتعب وطلعت الجوال وهي ترجف سحب الجوال بقوه ناظر فيه : افتحي الرمز فتحت الجوال ودموعها زادت ناظر فيها بتعب وقهر : وش قصرت عليك فيه وش طلبتي مني ورديتك قوليلي وش اللي حادك تسوين كل هذا نزل عيونه للجوال وهو يسمع شهقاتها فتح عيونه بــصدمـــه . وهو يشوف صور بنته بملابس تفضح اكثر من انها تستر ،، صورها في حفلات وبارتيات ومعها واحد طاح الجوال من يد? هذا كله متى؟؟ ام عبدالله وهي تشيل الجوال صرخ ابو عبدالله بصوت عالي اتركييييه واطلعي براا تركت الجوال وهي تحس ان الموضوع اكبر من مكالمات لسى ما تدري عن الطلعات والخافي اللي كلهم ما يعرفونه. اخذ الجوال وسكر الباب عليها وهو يفتش في الجوال لعله يعرف مين هو الشخص اللي بنته تحملت الضرب كله عشان بس ما تقول مين هو ، لكن بما انها عطته الجوال معناها بدت تخاف وبيعرف كل شي بس تركها لانه يحس لازم يفكر بطريقه افضل من الضرب.. ٢ صباح اليوم الثاني .. كانت العايله مجتمعه كلهم على الفطور وكالعاده مافي ازعاج الا من سلطان ورهف اللي ما يتعبون من الهواش ابو سلطان بحزم : سلطان سلطان : سم يبه ابو سلطان : والله ان ما تسكت اليوم الا امسط ظهرك بالعقال سلطان :على خشمي ام سلطان: اقول روان وراك ماتجهزتي اليوم للجامعه روان : الدكتورة اعتذرت اليوم ما راح تجي ابو سلطان ناظر لرهف واستغرب: هذي وعندها سبب ما تروح انتي وش عندك ما تقومين تلبسين لبس المدرسه رهف وهي تاكل: حتنا ما راح اروح تخيل يبه امس سويت تجربه للكيمياء ولازم تجلس عشر ساعات بدون ما تتحرك وولدك النذل راح وخربها وما كان عندي وقت اسويها ،وبصراحه انا احب الاستاذه هذي وما ابي اتفشل معها فقلت اغيب احسن من اني اروح بدون ما اجيبها ابو سلطان :بس حتى ولو داومي عشان المواد الثانيه احسن ما تنقصين فيهم كلهم روان : عادي يبه يوم واحد بسيطه خلها تستانس اليوم خميس ابو سلطان وهو يقوم : توسطت لك روان ولا كنت بخليك تداومين ام سلطان : سلطان ، امس اتصل على محمد ما يرد كلمته انت سلطان : كلمته قبل امس وقال ما في شبكه عند يطلع مقفل بعدين يمه هو ف صحراء ما في وقت للمكالمات كل واحد مركز ف شغله قنابل وصواريخ الله ييسرها بس ام سلطان دمعت عيونها: الله يوفقه والله اني ادعي له ليل نهار ، باقي له ثلاث شهور الله يعدييها ع خير بعيد تماما عنهم في جيزان ورا جبال الخوبه جيش عسكري مكتمل بجميع انواع الاسلحه ويتصيدون العدو امامهم ،كل واحد فيهم ترك اهله واللي ترك عياله عشان يحمون وطنهم تجي مجموعة وتروح مجموعة بطلنا كان جالس ويراقب المكان بهدوء جلس جنبه صديقه: اقولك حمود قوم من هنا خلاص دور ناصر قام محمد بتعب وجلسوا ف مخيم صغير علي صديق محمد : ياخي الشبكه هنا منعدمه مره ادق على اهلي كلمه اسمعها وكلمه لا محمد وهو يطلع جواله ويدق على امه انتظر شوي وردت بشوق: الووو محمد كيفك يمه محمد : هلا يمه بخير شخباركم انتم ام سلطان : بخير بنعمه مشتاقين لك والله وشفيك ما ترد علي امس محمد وهو ما يسمع زين : حتى انا مشتاق لكم كيفه ابوي ام سلطان : الحمد لله كيف الشغل يا يمه محمد بتعب يخفيه: ابشرك كله تمام ام سلطان : البنات يسلمون عليك ارتاح ي قلبي وقت راحتك اهم شي انك بخير محمد ببتسامه : الله يسلمهم سلمي عليهم كلهم ،مع السلامه علي: زين طمنتهم عليك محمد : والله انهم خايفين، طمنتهم او لا علي : يلا كلها فتره وتعدي و ترجع لهم ان شاء الله.. روابط الفصول الفصل الأول ... اعلاه الفصل الثاني ... بالأسفل التعديل الأخير تم بواسطة ebti ; 17-03-19 الساعة 07:02 PM | ||||
|
|
08-03-19, 05:41 PM
| #2 | ||||
| اشراف القسم 
| اهلاً وسهلاً بك بيننا في منتدى قصص من وحي الأعضاء ان شاء الله تجدين مايرضيك موفقة بإذن الله تعالى ... للضرورة ارجو منكِ التفضل هنا لمعرفة قوانين المنتدى والتقيد بها https://www.rewity.com/forum/t285382.html كما ارجو منك التنبيه عندما تقومين بتنزيل الفصول على هذا الرابط https://www.rewity.com/forum/t313401.html رابط لطرح اي استفسار او ملاحظات لديك https://www.rewity.com/forum/t6466.html واي موضوع له علاقة بروايتك يمكنك ارسال رسالة خاصة لاحدى المشرفات ... (rontii ، um soso ، كاردينيا73, rola2065 ، رغيدا ، **منى لطيفي (نصر الدين )** ، ebti ) اشراف وحي الاعضاء | ||||
|
|
|
17-03-19, 03:50 PM
| #3 | ||||
| رواية أقسى أقدار العمر الغرفة بارده واللمبات طافيه ومافي الا نور خفيف جاي من الدريشه و صوت شهقاتها المكتومه ، كانت جالسة ع الارض وسانده ظهرها على دولابها قامت وشغلت اللمبات، ومشت الين وقفت عند مرايتها الطويله اللي ماخذه جزء من الجدار ، ناظرت لنفسها بحزن ودموعها تنزل اضعاف كلمت نفسها وهي تقول : مستحيل اترك ابوي يعرف عن زياد لازم اسوي كل اللي اقدر عليه عشان اطلع زياد من السالفه غمضت عيونها بقوه وهي تحاول تتذكر وبهمس انا تركت محادثاتي يعني اكيد شاف اسمه اكيد عرف الاماكن اللي اروح لها . واكيد بيجي يسألني مسكت راسها مستتححييلل بلقى حل للمصيبه انا غبيه كيف عطيت ثقتي للحقيره رغد تذكرت شي وابتسمت بقوه وراحت تركض لكرسي تسريحتها سحبته بسرعه وحطته قدام الدولاب وقفت عليه وسحبت الصندوق بتعب ونزلته ع سريرها وفتحته وجلست تدور بين الأغراض اللي كانت عباره عن شواحن وسماعات ويدات بلاشتيشن ضحكت بفرحه لما لقت الشي اللي تبيه حنان: الحمدلله لقيت الجوال القديم بس ما في شريحه بفتح الشبكه فيه واحمل اي برنامج رفعت الصندوق وكل شي حطته مكانه فتحت الجوال وكان يعلق في البدايه شبكت على واي فاي البيت وحملت السناب ودخلت بحسابها علطول وصلتها الرسايل اللي اكثرها من زياد ردت عليه وهي خايفه : زياد حبيبي ابوي كشفني ومدري وش اسوي زياد ارسل لها صوت: حنان انتي وش تقولين رحنا فيها بس شلون ترك الجوال معك حنان ارسلت له: هذا جوالي القديم دخلت حسابي فيه، المشكله مو انه كشفني انا خايفه يعرف الشاليهه اللي نروحه حاول تدبر حل طلع كل الشباب الموجودين وخل بس البنات يبقون . زياد: حتى لو طلعت العيال اكيد شاف الصور حنان : الصور كلها بنات مافي الا صوره وحده انا وانت وماكان باين الا تشيرتك وشوي من شعرك زياد بتفكير : لقيتها تذكرين البويه مشاعل مو ملامحها كنها ولد اذا صار شي ولا شي قولي هذي صورتها والشاليهه الحين ادبر وضعه بس محادثاتنا كيف؟ حنان وهي تذكر: انا احذف المحادثات ما بقى الا اللي قبل يومين روح شيك عليها والسناب عليه رمز والانستا ما فيه شي البلا في القروبات خلهم يطلعوني زياد بفرح : خلاص ي قلبي ازهليها انتظري مني رساله بعد ساعتين حنان : اسفه اني دخلتك بمشاكل زياد : لا تعتذرين ي روحي مع السلامه حنان فقلبها : جعل روحك تطلع يالحقير اصبر لي بس طفت الجوال ورجعته محله وجلست براحه وهي متاكده ان زياد بيطلع من السالفه همست بكره : لسى ما خلصت منك عشان كذا ما ابيك تنفضح عند ابوي ، اما رغد فأنتي جنيتي على نفسك وتحملي اللي بيجيك مني.. - - نروح للبيت اللي جنبهم بالضبط كميه ازعاج وكركبه وعمال طالعين وعمال داخلين كان يشرف عليهم تكلم بصوت عالي : خلاص حطه هنا وانت شيل الطاولة وحطها في المجلس اللي قبل شوي جته اخته تركض : نواف امي تقول لازم تخلصون الحين عشان ابوي بيسوي عشا وعيال عمي كلهم بيجون نواف عصب: سمر يا غبيه ليش تطلعين ما تشوفين العمال سمر : امي قالت لي وش اسوي وبعدين ما تشوفني لابسه عبايه ومتغطيه طيب وش باقي عشان اقول لامي . نواف : بس مجلس الرجال شوي ويطلعون وانتم رتبوا وضعكم راحت ورجعت بسرعه : اذا راحوا دق علي نواف قفلت معه: سمر بتنقلعين ولا كيف ترانا لسى الظهر اهجدي. راحت وهو وده يسطرها سمع جواله يرن شاف انه اخوه :هلا طلال طلال : ابوي دق علي يقولك روح معه عشان تاخذون الذبايح وبعدها توديها للمطعم نواف كشفه ؛ هو قال انا اروح معه طلال بكذب : ايه نواف : انا اقول اقلع رح معه لانه لو يبيني دق علي ما يحتاج اللف والدوران طلال : بلا نذاله ياخي توني طلعت من الجامعة وبروح اطلع عبير من جامعتها وبريح شوي واكيد امي ما راح تتركنا روحوا ورحوا نواف : حتى انا تعبت من الصبح وانا مع العمال يدخلون الاثاث وجبت سمر واثير من المدرسة والحين لسى واقف معهم . طلال : اوك اوك الايام بيننا والله تطلبني اردك علطول نواف :انقلع بس وش واطلب منك بالله قفل بوجهه وهو يشوف العمال خلصوا عطاهم فلوسهم وطلعوا دخل البيت طلعت سمر واثير بوجهه: ها خلصوا نواف :ايه روحوا شيلوا الكراتين وامسحو الارض . اخذت سمر المنظفات والاشياء اللي يحتاجونها عشان ينظفون. طلعت اثير شافت المجلس وعجبها شكله جت سمر وراها : يوه احس ما راح اتأقلم مع ذا البيت صح انه كبير وحلو بس بيتنا الاول غير اثير : من جد والله كل ذكرياتنا فيه، غمزت لها بس عادي نبني ذكريات هنا سمر بضحكة جميله: لا لا انا ما ابي ابني شي ، يلا يلا خلينا ننظف التعديل الأخير تم بواسطة ebti ; 17-03-19 الساعة 06:58 PM | ||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
