14-04-19, 09:58 AM | #281 | |||||||||
مشرفة وكاتبة في منتدى قصص من وحي الأعضاء ومحررة واعدة بعمود الأعضاء
| اقتباس:
كلامك صح جدا وجع تهاني و اشرف مش بس من اللي حصلهم قد ما هو من تصرف اقرب الناس ليهم الحمد لله العسلية عقلت 😂😂😂😂 و النجم حط رجله على اول سلمة عقبال الباقي منوراني يا قمرة 😘😘😘😘 | |||||||||
14-04-19, 10:05 AM | #282 | |||||||||
مشرفة وكاتبة في منتدى قصص من وحي الأعضاء ومحررة واعدة بعمود الأعضاء
| اقتباس:
صباحك سعادة و ضحكة حلوة يارب فعلا هي خطوات مرسومة نفكر بالعقل لا نخاف بزيادة و لا نتصرف من غير تفكير الوسط دايما حلو ههههههه لا حس موسيقي اية انا اخر مرة سمعت اغاني كان صيف 2012 و من بعدها لو سمعت بتبقى صدفة و كلها حاجات قديمة بس فعلا فيه ناس صوتهم بيليق لاغاني و اغاني تانية لا هههههههههههه و فاندام هيعرف الساقية منين هو و لا سلطان هما متعلمين بس مش مثقفين و لا معتمين بالحفلات و الأمسيات الشعرية و الحو ده تهاني فعلا قصة مكررة الاتنين الادلي اعرفم زيها الخمد لله كان ازواجهم عاقلين و متفهمين و محصلش حاجة خالص بالعمس استنوا لخد ما راحو لدكتورة عشان تشرحلهم كيفية التعامل 😂😂😂😂😂 سلطان و نعنع كابل حبار الصراحة وجودك بالرواية له نكهه و طعم مختلف شكرا لمتابعتك و تعليقاتك الحلوة و مفيش اي تقصير طبعا 😘😘😘😘😘😘 | |||||||||
14-04-19, 11:29 AM | #283 | |||||||||
مشرفة وكاتبة في منتدى قصص من وحي الأعضاء ومحررة واعدة بعمود الأعضاء
| اقتباس:
تسلميلي يارب مبسوطة ان الشخصيات الجديدة عجبتك اشرف بيعاني من فقظان الثقة باقرب الناس و فعلا حاحة توجع القلب مالك فكر بالعقل و مدخلش القلب لكن هنشوف هيقدر يستمر او لا تهاني عانت من فباء و تخلف و جهل المحيطين بيها و اكيد ربنا هيجازيها هير على صبرها منوراني يا سكرة 😘😘😘😘 | |||||||||
14-04-19, 11:30 AM | #284 | |||||||||
مشرفة وكاتبة في منتدى قصص من وحي الأعضاء ومحررة واعدة بعمود الأعضاء
| اقتباس:
هههههههه اخب ابشرك ان عسلية ربنا هداها لكن ده ميمنغش ان فاندام هيكشفها 😂😂😂😂 ام تهاني هنولع فيها متقلقيش ههههههه | |||||||||
14-04-19, 10:05 PM | #287 | |||||||||
مشرفة وكاتبة في منتدى قصص من وحي الأعضاء ومحررة واعدة بعمود الأعضاء
| اقتباس:
مساء الجمال و السعادة بفرح اوي بتعليقك بتحسسيني اني سبب قي فرحتك و دي احلى حاجة هههههه نعمة هنقزل لية دماغها مفوته مدحت هنشوف الدنيا هتبدا معاه ازاي مع تهاني امعا ترفع ضغط بلد كاملة ههههههههه مالك فعلا بين نارين تعرفي احنا زمان كان عندنا تجمع عائلي يوم الخميس لحد ما خلصنا جامعة و بعدها اتجوزنا و اللي سافر و اللي حياته شغلته و خلاص مبقناش نشوف بعض الا مرة بالسنة عيوني انا اصلا بحب الشرنوبي اوي و بغشق صوته ابقى احطلكوا لينكات لاغاني بحبها منه متوراني دايما ادينا يا جميل 😘😘😘😘 | |||||||||
14-04-19, 10:06 PM | #288 | |||||||||
مشرفة وكاتبة في منتدى قصص من وحي الأعضاء ومحررة واعدة بعمود الأعضاء
| اقتباس:
| |||||||||
14-04-19, 10:32 PM | #289 | ||||||||
مشرفة وكاتبة في منتدى قصص من وحي الأعضاء ومحررة واعدة بعمود الأعضاء
| الفصل الرابع الاسكندرية منزل رنا تقدم له القهوة كما يحبها و جوارها عدة قطع من الكيك و هي تقول بحزن : يعني خلاص يا مالك هتسافر و تسيبني!! نظر لها نظرة ذات مغزى و قال : لو عايزة تسيبي هنا و تيجي معايا انا مش هاقول لاء . قالت بتهرب : و اسيب ماما و بابا لمين . قال بتهكم : على اساس انك بتروحيلهم ... انتِ لو روحتي مرة في الشهر بنعمل احتفال بالمناسبة دي . قالت بتخاذل : ماهي بتبقى ظروف يا مالك . قال بانفعال : ظروف ايه و زفت ايه هو أنا عبيط ... ما كلنا عارفين انه مش بيسمح ليكي تزوريهم إلا بطلوع الروح وانتِ هتفضلي غبية سيباه يتحكم فيكي ... افتكري إن أهلك هما اللي باقين ليكي يا رنا و انتِ بتبيعي الغالي عشان الرخيص . قالت بدفاع واهن : ماهو برضو جوزي و الدين بيقول لازم اسمع كلامه . رد بغضب : و هو الدين بيقول انه يضربك و يهينك ... الدين بيقول انه ميصرفش على ابنه طول الفترة دي مليم واحد ... الدين بيقول انه يحرمك من أبوكي و أمك ... و الاهم من كل ده الدين بيقول انه ميصليش و يفتكر ربنا بس وقت ما يبقى عايز يذلك . امتلأت عيناها بالدموع و هي تعلم جيدا صحة كلامه تعلم أنها ضعيفة ... متخاذلة ... غبية ... تشعر بالقرف من الإنسانة التي تحولت لها ... تتذكر من عدة سنوات مضت كيف كانت قوية و تحافظ على كرامتها و تحترم أنوثتها ... كيف كانت تتهم وفاء بالضعف و التخاذل لتنقلب الأدوار و تستطيع وفاء النجاة بنفسها بينما هي هنا عالقة بين كرامة مهانة و حب مشوه و أنوثة مدمرة لتتحول لكائن هش ضعيف الشخصية ... معدوم الإرادة خوفا من الفشل ... خوفا من الندم ... خوفا من الإبتعاد .... لتبتسم بمرارة داخلها ... ألم تفشل في بناء أسرة سعيدة ... ألم تندم على تصديقها انه سيتغير ... ألم تبتعد عن كل ماهو جميل لتستبدله بالقبح المحيط بها . تنفست بعمق و قالت في محاولة لتغيير الموضوع : وسلمى!!! خلصت حكاياتك معاها على كده . رد بتهكم : فارق معاكي أوي علاقتي بسلمى ... بصي يا رنا أنا بحبها و مش متخيل حياتي مع غيرها ... بس مقدرش أحط إيدي في إيد أخوها عشان أتجوزها ... مش هاقدر أنسى إن أخوها هو الشخص اللي دمر حياة اختي ... حتى لو أختي موافقة و راضية بده . جادلت : انت كده بتظلمها . قاطعها : و لو اتجوزتها هاظلمها أكتر و أكتر و كل خناقة بينكو هي هتدفع تمن جزء منها . الحل الوحيد إني أبعد عن هنا و أنا مقدرش أطلب منها تسيب أمها و تقاطع أخوها و تبعد عن حياتها عشان تتجوزني . ردت بامل : إديها حق الاختيار يا مالك . رد بأسف : انتِ و هو اختارتو سياسة الأمر الواقع محدش فيكو فكر فينا و لا فكر ياخد رأينا ... يمكن هو اناني مش بيفكر إلا في نفسه ... لكن انتِ اختارتيه هو و نسيتي أخوكي و أخته و صحبتك و مفكرتيش غير في نفسك . قالت ببكاء : مكنتش متخيلة انه بيكدب عليا .. كنت مصدقة انه هيتغير ... كنت مصدقة انه بيحبني و انه كان كده مع وفاء لمشاكل بينهم ... كنت غبية و عيشت نفسي في الوهم اللي بدفع تمنه دلوقتي . قال بصراخ : و ايه اللي مانعك تطلقي و تعيشي بكرامتك ... لا معاكي منه طفل زي وفاء و لا اهلك رافضين طلاقك زي وفاء و لا محتاجة له ماديا زي وفاء اللي برغم كل ده عملت المستحيل عشان تتطلق . ردت بانهيار : وفاء محبتوش لكن أنا حبيته . قبض بيديه على ذراعيها و هزها بعنف : ده مش حب ده مرض ... وباء ... سرطان بينخر فيكي لحد ما هيسيبك من غير روح و لا قلب مجرد طيف بيمشي مش حاسس بحاجة . أبعدت يده عنها و جلست بتهالك و انفجرت بالبكاء قائلة : عارفة كل ده و كل يوم اقوم اقول انهاردة اخر يوم معاه و على اخر اليوم انسى و اقول يمكن بكرة يكون احسن و يوم بيجر يوم لحد ما كرهت نفسي . دلك جبهته بإعياء و التقط مفاتيحه و علبة سجائره و قال : يا ريتك تكرهيه هو زي ما عرف يخليكي تكرهي نفسك . | ||||||||
14-04-19, 10:34 PM | #290 | ||||||||
مشرفة وكاتبة في منتدى قصص من وحي الأعضاء ومحررة واعدة بعمود الأعضاء
| تقف أمام المرأة تتأمل هيئتها برضا تتخيل نفسها بيوم تقف أمام الميكروفون و تغني لتصبح من المشاهير . حركت رأسها بتأكيد و لما لا فهي تجد ان صوتها لا يقل جمالا عن شيرين أو قوة عن انغام واخذت تتمايل بدلال و هي تتدندن : ماشية السنيورة كدة كدة اهو عايزالها صورة كدة كدة اهو بصت في العدسة كدة كدة اهو راحت مكسورة اوام كدة اهو قطع لحظتها صوت هشام القائل : خير يا سنيورة فرحانة بنفسك كده ليه ... قربتي تتجنني من وقفتك قدام المراية . وضعت يدها على صدرها قائلة : بسم الله الرحمن الرحيم ... مش تصفر و انت داخل بدل الخضة دي . ازاحها بمشاكسة و عدل ياقة قميصه و قال : لقيت الباب مفتوح و انتِ عماله تغني و لا ميادة الحناوي في زمانها رفعت يدها قائلة : يسمع من بوقك ربنا يارب ... ها مش ناوي تعرفني على هادي يمكن يكتشفني زي ما هيكتشفك كده قال بتأكيد : انسي يا هدية ... انا لا يمكن اوافق تمشي في السكة دي و لو انا اتهبلت ووافقت لا ابوكي و لا اخوكي الكبير هيوافقوا . قالت بشراسة : ليه بقى ان شاء الله ... ماهم موافقين ليك و بيدعولك تتشهر و الدنيا كلها تسمع صوتك ... ثم ان صوتي ميقلش عن صوتك في حاجة . قال لها بصدق : صوتك أحسن من صوتي كمان بس الفرق ببساطة إنك بنت و انا راجل . قالت بغضب : هو انتو لسه عايشين في القرون الوسطى!!! ياما ستات بتغني و خارجين من مناطق شعبية زينا و بينجحوا و يكسروا الدنيا . حاول يوضح لها للمرة الألف برغم تاكده بعدم تفهمها لكنه يريدها مقتنعة و راضية : و عاجبك اللي بيعملوه ... في الأول بيطلعوا معتمدين على صوتهم و بس و لما الشهرة بتاخدهم بيتجننوا يقلعوا هدومهم و يخسروا أخلاقهم و يغيروا خلقتهم و كل سنة بجوازة . دبت بقدمها على الأرض قائلة: و مين قالك هاكون زيهم انا هاحافظ على نفسي و اخلاقي و بعدين انا قمر هغير في شكلي ليه!! قال بقناعة تامة : الشهرة بتغير التفكير و النفوس بتخلي الواحد يعمل اي حاجة عشان يحافظ على شهرته و يزودها ... تحوله لإنسان مغرور و طماع وقتها اللي بيتحكم فيه مش عقله و فكره ... فهمتي!! نظرت له بذهول و قالت : و لما انت عارف كده عايز تتعرف و تتشهر و تغني ليه !!! قال ببديهيه و فكر تربى عليه : انا راجل زي ما قلتلك غروري هيوديني فين لا هالبس عريان و لا هاروح انفخ شفايفي و اشيل حواجبي كبيري احلق حلقة جديد ... اسهر برة البيت للفجر ... اكون في سهرة فيها بنات صايعة او حتى خمرا . ردت بقوة : و عشان تحافظ على شهرتك هتعمل ايه هتشرب خمرا و تخون زينه مع واحدة تنتجلك و لا اصلا هتسيب زينه عشان توصل أسرع . رد بسرعة : انا لا يمكن أسيب زينة أو اخونها دي هي اللي اتحملت كل ظروفي ... الوحش قبل الحلو . أعادت له كلماته بنفس طبقة صوته : الشهرة بتغير التفكير و النفوس بتخلي الواحد يعمل اي حاجة عشان يحافظ على شهرته و يزودها تحوله لانسان مغرور و طماع وقتها اللي بيتحكم فيه مش عقله و فكره . تأفف هشام من جدالها و هو يؤكد لنفسه أنه من المستحيل ان يخون زينة فهي حب حياته . نظر لساعته و قرر إنهاء الحوار و قال : بصي انا بقولك اللي عندي و حتى لو انا وافقت ابوكي مش هيوافق و اهو عندك إقنعيه لو قالك أمين من بكرة أكلم هادي عنك و تركها و خرج . إرتمت على الكرسي خلفها بحزن شديد هل ستدفن موهبتها بسبب رفضهم و خوفهم عليها ... هي ليست صغيرة و تعرف جيدا كيف تحافظ على نفسها و لا تغرها المظاهر و الشهرة هي تحب الغناء ... تشعر بنفسها تطير بالسماء و هي تغني ... سعيها للغناء للشهرة نعم لن تنكر ... للمال بالتأكيد فالمال من أهم مقومات الحياة ... لكن بالأساس لأنها تحب الغناء ... تحب الحياة ... تحب الحرية طالما لن تضرها أو تضر غيرها . تنهدت بحزن و هي تفكر ... الحل الوحيد هو الأمر الواقع ... تذهب بنفسها لهادي هي تعرف مكان الأستديو الخاص به و رقم هاتفه بعد أن صورت الكارت الذي أعطاه فاندام لأخيها ... إذن هذا هو الحل ... تجد اي حجة للخروج و على استعداد تام للوقوف أمام الأستديو طوال اليوم حتى تراه المهم ان لا يراها هشام و لا يعلم هادي انها أخته . لينك باقي الفصل https://www.rewity.com/forum/t440100-30.html | ||||||||
أدوات الموضوع | |
انواع عرض الموضوع | |
|
|