23-03-19, 12:10 PM
| #1 | ||||
 
|  لميس رواية ((لميس💔)) . الحلقة 1 . في الساعة ٣ فجرا استيقظت مريم((والدت لميس)) . مريم ذهبت الي غرفة لميس وجدتها بتذاكر و لم تنم بعد .. . مريم ببتسامة و بطمئنان:صغيرتي انتِ لسه مانمتش ..كفاية حبيبتي مذاكرة اليوم و روحي نام ارتاحي عشان تعرفي تصحي للمدرسة حبيبتي . لميس و هي مركزه بالكتاب بتذاكر :حاضر يا ماما انا هخلص الصفحه دي و بعدها هنام علي طول . مريم راحت باست بنتها من خدها و قالت ليها متتعبيش نفسيك ولازم ترتاح ((لميس بنت مجتهدة و بتحب الدراسة و حلمها ان تصبح مهندسة معمارية.. و بتتمني ان تحقق امنيتها )) . بعد شوية لميس قامت و راحت علي سريرة و نامت .. ...... في مكان اخر . كان يتنفس بصعوبة و يرى كابوس..:االا لا..لا... . استيقظ و كان يتنفس بصعوبة..اخد كباية المية لكنه انكسرت منه بسبب عدم استطاعته ان يتحكم باعصابة من الكابوس الذي رأي .... . ((حاليا تقولوا مين اللي كان بيحلم كابوس؟!.. لكن لن اخبركم الان انتظروا مع الاحداث سوف تتعرفوا علي الشخص)) . في اليوم التالي . لميس صحيت بدري و استعدت لكي تذهب الي المدرسة باست مامتها و باباها و فطرت معاهم و ذهبت الي المدرسة..((عائلة لميس من الطبقة المتوسطة ليسوا اغنياء و ليسوا فقرا )) . لميس ماشية و رايحه لطريقها للمدرسة و كانت مبتسمه للحياة و سعيدة و تتامل في خلق الله _سبحانه و تعالي_..مثل كل يوم تنظر الي الشجر و الي السماء الزرقاء الصافية و تبتسم و تحمد ربنا علي كل شي يحدث معها و طول طريقه تقول الحمدالله ..لا حول ولا قوة الا بالله ..يارب كون معي و قويني و حقق حلمي..اللهم اشفي كل مريض و حقق كل شي ما يتمنه .... . ******** نذهب الي عند جود في الشركة اللي كان بيزعق لوالد لميس عمر((والد لميس)) . جود بحدة و عصبية:انت ازاي تعمل كده يا عم عمر ازاي ..انهاردة في صفقة مهمة و انت جايبلي الورق ناقص ..فين باقي الورق .. . عمر بحزن و كان يشعر بالم في صدره:اسف جود باشا ماكنش قصدي..انا كنت حاطط الورق في مكان امن في البيت و ذي ما اخدته من حضرتك حطيته والله مابصتش فيه حته..ولا عندي اولاد صغيرين يلعبه بالورق ياباشا .. . جود بحده و غضب :يعني انا بكدب ياعم عمر ..يعني انت تضيع الورق و انا واثق فيك و مأمنك اياه تضيعه طب انا اعمل ايه دلوقتي... اسف بتاعتك اصرفها منين انا هااا..انت عارف الخساير اللي ممكن تحصل بسبب ايهمالك ...هتقدر تعوض الخساير دي 😡 . عمر بحزن و احراج:لا سمح الله متقولش علي نفسك كده.. يا جود باشا ..والله انا ماكان قصدي انا مش عا...... . جود قاطعة كلامة بحده:انت مطرود..انتها وقتك تقدر تمشي و مش عاوز اشوف وشك في الشركة تاني او حوليها تقدر تطلع... . عمر حس بالظلم و بالم في صدرة لم يستطيع ان يدافع عن نفسة و لم يعرف كيف في ورقة مختفي و هو مقربش من الورق بتاع جود ذي ما خده رجعه ... . عمر كان لسه هيمشي بس جيه الم شديد في صدره مقدرش يستحمله ..ف وقع علي الارض مغمي عليه في مكتب جود بالتحديد قصاد باب المكتب . جود بخضه و قلق:عم عمر ..عم عمر فوق مالك ..اطلبه الاسعاف بسرعة اطلبه الاسعاف . في الحظة جود شك ان عم عمر جالة ازمة قلبيه بس ماكنش متاكد.... . ********* خلصت لميس المدرسة و روحت علي البيت فضلت تخبط علي الباب البيت بس ماكنش في حد بيرد ..لميس قلقت ف لقت جارتهم طلعت و هي مبتسمه ليها ..و باين ان في كلام علي لسانه عاوزة تقوله . جارتها:ازيك يا بنتي مالك . لميس ببتسامة خفيفة ممزوجه مع شوية قلق:والله الحمدالله اخبار حضرتك ..ماتعرفيش ماما راحت فين . جارتها :والله يا بنتي شوفتها بتجري علي السلم و خايفة لما سالتها ماردتش . لميس قلقت بذيادة من كلام جارتهم و حست ان في حاجه حصلت ولازم تعرف في ايه.. . لميس بتوتر:طب ممكن تليفون حضرتك اكلم ماما اشوفها فين . جارتها ببتسامة:اكييد يا بنتي اتفضل طب ادخل كلميها . لميس بقلق و توتر:تسلميلي يارب بس عاوزه تليفون اكلمها . جارتها:اتفضلي يابنتي . لميس فضلت ترن علي مامتها مرة ورا مرة ورا مرة ..ف ذاد قلقه ..في اخر مرة ردت مامتها . لميس بلهفة و خوف:الوو ماما سامعاني . مريم بصوت مببحوح و يادوب ظاهر:ا..ايوه سامعه . لميس بخوف و قلق من نبرة صوت مامتها:ماما انتي فين .. طنط سعاد بتقولي انها شافتك بتجري علي السلم خير ياماما في حاجه . مريم بحزن و بكاء:لميس تعالي علي مستشفي...........و انا هفهمك بس تيجي . لميس بصدمة و خوف و دموعها تجمعت في عنها:مستشفي ..خير انتي كويسة في ايه..و ليه انتي بالمستشفي؟؟؟؟ . مريم بحزن و بكاء:تعالي انتي الاول ..انا هقفل مش قادرة اتكلم . لميس بحزن و دموع تتساقط:شكرا ياطنط باي . وذهبت لميس علي المستشفي اللي قالت عليها والدتها ..و اول ما وصلت لقت مامتها قاعدة بتعيط في الاستقبال.. . لميس بخوف جريت علي مريم و حضنتها و دموعها بتتساقط:خير ياماما في ايه انتي كويسة حصل ايه متقلقنيش بالله عليكي ياماما اتكلمي ..متفضليش ساكته كده . مريم ببكاء شديد و بتتكلم بالعافية:لميس..حبيبتي ..كله قضاء ربنا ....كله قضاء ربنا . لميس بستغراب و قلبها بيوجعه من كلام مامتها:و النعم بالله بس حصل ايه قلقتيني..بالله عليكي يا ماما اتكلمي طب ..طب الموضوع يخص بابا ..بالله عليكي متخليش الافكار الوحشة تتجمع في عقلي ..بالله عليكي قوليلي انتي هنا ليه و بتعيطي ليه كده ياماما ..متقلقنيش اكتر من فضلك اتكلمي😢 . و هنا جيه جود و كان واقف سامع كلام لميس لمامتها . جود بحزن و مش عارف ايه هيقول:احم يا انسة . و هنا بصت لميس و فكرت جود دكتور . لميس قامت بسرعة و بخوف:خير يا دكتور هو فيه ايه ماما ليه هنا هو بابا جرا له حاجه ولا ماما في حاجه تعباها و مش بتقولي.. ولا ايه متقلقونيش اكتر مش عاوزة افكار وحشة تيجي ببالي اكتر من كده ..😭 . جود بحزن عليها و شفقه:البقاء الله . لميس بصدمة و تجمدت في مكانها:ق..قصدك ايه ..مش فاهمه انت بتقول ايه ..بتقول ايه ..ماتفهموني في ايه . مريم جمعت نفسها و بدموع تتساقط علي وجها:بصي يالميس يابنتي..كل شي قضاء ربنا سبحانه و تعالي ولازم نرضي بيه ..عمر ابوكي... و هنا سكتت مريم و بقت تبكي بشده و جلست مرة اخر علي الكرسي و اعصابها كلها تلفة . لميس بصدمة دموعها بتنزل وبتعيط بصت علي مامتها المنهارة و بصت علي جود اللي بيبص ليها بشفقة علي حالتها..فجاة بقت الدنيا تدور فيها و ترى سواد ..و هوووب اغمي عليها من شدة الصدمة ... عمر توفي بسبب الاذمة القلبيه..و قبل ماتيجي الاسعاف بحوالي ٣ دقايق قلبه مستحملش ..ف مات ..و حاوله معاه بالصدمات الكهربائية و و بكل الطرق بس للاسف قضاء ربنا... ...********* و عدي اليوم 40 علي وفات والدها ..بعد وفاته بقت لميس فتاه باهته حزينة ..وردة كانت مفتحه و بتحب الحياة ..بقت ترى كل شئ اسود لا يوجد الوان ..لدرجه ان لبسها اصبح كله اسود او ابيض لا مكان لباقي الالوان ..بقت وردة باهته.... . *********** في شركة جود . علي بستغراب:هااالووو ..انت هنا ولا الف و ارجع تاني . جود بحدة:مالك عاوز ايه ياعلي مش وقتك . علي بستغراب:جود يا صاحبي مالك من بعد وفات عم عمر و انت في الحال ده ...مالك هااا لدرجادي كنت بتحبه يعني؟! . جود بحزن و بحده:انا كنت بثق فيه و بحترمه بس في يوم اللي اتوفي فيه انا كنت اصلا صاحي متعصب من الكابوس اللي شوفته ف لما لقيت الورق ناقص اتعصبت بذيادة و لما جاتله الازمة القلبية و مات حسيت بالذنب اكتر و حاسس اني سبب موته و فوق ده و ده مراته و بنته ..انت ماشوفت ازاي مراته كانت منهارة ..ولا ازاي بنته اتلقت صدمة عمرها خسارة ابوها انا مشوش يا علي مش عارف اعمل ايه ولا اتصرف ازاي .... . علي بستغراب وحزن عليه:ياااااه يا جود كل ده جواك ..انت عمرك ما كنت كده ..ده انت قلبك ميت ..بس دلوقتي اكتشفت ان عندك قلب و عندك مشاعر . جود بعصبية:اطلع برا ياعلي انا غلطان اني بحكيلك حاجه اتفضل اطلع . علي ببرود:يا عم براحه متزقش..طب بقولك بتفكر تعمل ايه يعني . جود بتفكير بص لعلي :انا حاسس بالذنب من نحيت موت عم عمر .. ف هتكفل مصارف بنته و مراته و ههتم بدراسة بنته لغاية ماتخلصها و مراته لو ناقصها او احتاجة حاجه تتجاب ليها ..حتي لو اقلل شعور بالذنب 😢😢 . علي بستغراب:جود انت معملتش كده مع...... . و هنا قطع كلامه جود:ممكن متفتحش السيرة دي و ماسمعاهاش تاني . علي بحزن علي صديقه:ماشي يا صحبي ذي ما تحب يلا هطير انا و فكر بموضوع سلمي بما انك عاوز تساعد عم عمر افتكر اللي حصل لسلمي سلام . ((ياترا مين سلمي و ليه جود مش عاوز يسمع عنها حاجه و ايه موضوع الكابوس كمان هتعرفوا من خلال الاحداث )) . و بعد سنتين من وفات عمر .. مريم تزوجت رجل اسمه جاسر عنده ٤٥ سنة اكبر منه بسنة واحده ..و طبعا دلوقتي لميس تانية كلية هندسة .. . تعالوا نرجع فلاش باك من سنة و هتكون الاحداث سريعة شوية.. . لميس دخلت الكلية الهندسة اللي كانت بتحلم فيها .. بس كانت حزينة كان نفسها اول سنه كلية ليها ان والدها يكون جنبها و هو اللي يوصلها الكلية ..كانت بتحلم باليوم اللي هتدخل فيه الكلية و عمر يكون معاها ..بس للاسف الحلم راح من بعد وفاته ..ف كانت باهته حزينة ..مكونتش صداقات و كانت بتعد عن التجمعات الكتير كانت بتفضل قاعدة لوحده ..بس علي قد المحاضرة و خلاص مابتتكلمش كتير دايما حزينة ولابسة اسود ..في تاني اسبوع من الكلية لما روحت لقت والدتها قاعدة بتستناها و باين عليها في كلام كتير عاوزة تقوله .. لميس بستغراب :ماما خير في حاجه ..انتي تعبانه مالك . مريم ببتسامة و هدوء:لا الحمدالله بخير حبيبتي تعالي عاوزة اتكلم معاكي بموضوع . لميس بستغراب :موضوع ايه . مريم بتاخد نفس عميق :بصي ياحبيبتي انتي دلوقتي دخلتي الكلية بالمنحه لانك مجتهدة و طبعا في مصريف البيت و انتي عارفة اني مبشتغلش ولا بعرف اعمل حاجه لوحدي و ان ابوك الله يرحمه و يحسن اليه ..كان محوش قرشين و قربه يخلصوا و المصاريف كل مالها بتذيد ..ف في حاجه عاوزة احكيلك عليها بس تفهمي و متزعليش لان ربنا محلل الحاجه دي . لميس بستغراب من طريقة كلام مامتها و انها بتحاول تقول حاجه و خايفة .. . لميس قربت من مريم و مسكت ايدها بطمنها انها هتتفهم . لميس ببتسامة خفيفة و في مية سؤال براسها عاوزة تفهم مريم عاوزة توصل ل ايه:متقلقيش انا مش هزعل طول ماربنا محلل الحاجه دي و غير كده حضرتك ست كبيرة و عارفة الصح من الغلط ..بس ايه الموضوع ؟؟ . مريم بتاخد نفس عميق:انا هتجوز . لميس بصدمة و سابت ايد مامتها و رجعت لورا و الدموع تجمعت في عينه:....... . . انتظروني بقلم ابنتي | ||||
|  |
|
23-03-19, 12:17 PM
| #2 | ||||
| رواية ((لميس💔)) . الحلقة ٢ . لميس بصدمة و سابت ايد مامتها و رجعت لورا و الدموع تجمعت في عينه:تتجوزي!!..انتي عارفة بتقولي ايه؟! ..عاوزة تتجوزي؟!!..قدرتي تنسي بابا ..قدرتي تنسي العشرة و الحب اللي كان بينكوا؟..قدرتي تنسي؟؟؟ ..ماما.. انتي عارفة بتقولي ايه !؟..عارفة ان بابا بقاله سنة متوفي !..انا ماكنتش متوقعة منك كده..عمري ماتوقعة انك هتفكري تتجوزي مرة تانية..عمري مافكرت ..ولا حتي جيه في بالي...انا مستحيل اوافق علي حاجه ذي كده..عمري ما هتخيل راجل تاني هتتجوزيه و يعيش معانا..عمري ما هتعامل عادي..بالعكس انتي هتخصريني..بس يوم ماتحتاجي حاجه هتلاقيني تحت رجلك..بس.... . مريم بحزن و بحده :لا مانستش بس انا وانتي لوحدينا بالبيت و محتاجين راجل في ضهرنا يحمينا ..ماعنديش ولد او راجل في البيت...مافيش غير انا وانتي اتنين ستات لوحدهم و الكلام الناس عمره مابيخلص و كل ما استاذ جود هيفضل يساعدنا الناس هتذيد هكلامها ..و غير كده مش عاوزة اشيل جميل لحد.. استاذ جود كتر خيرو بس بردو ماينفعش هيجي اليوم و هينسانا ولا هيفتكرنا ..و هيتجوز و هيكون له عيلة خاصة بيه و مسؤليات و هينسانا .... . لميس بحزن و عياط:ماتخفيش انا هشتغل و هصرف علي البيت و هخلي بالي عليكي متقلقيش ..و كمان مش هقصر بالمذاكرة بتاعتي متقلقيش.. . مريم بحزن:يعني انتي هتفضل جنبي طول العمر... انتي مصيرك تتجوزي و تعيشي مع جوزك و تسيبيني..هفضل لوحدي هتقوليلي لا مش هيحصل..هقولك انك هتنسيني بسبب بيتك و جوزك و ولادك... يابنتي افهمي انا محتاجه حد يقضي معايا اللي باقي ليا من عمري ..و عاوزين سند ..لان يوم ماحد هيتقدم هنسال مين عليه هاا.. احنا مالناش حدا هنا حتي عمامك نسيونا بعد ما اخوهم اتوفي مابقوش يعرفونا نسيونا ..اخواتي كل واحد ملتهي ببيته و ماحدش بيسال علينا و كلهم مسافرين و وين و وين لما حد بيتصل علينا منهم او يفتكرنا حتي😞😔 ..مافيش غيري و غيرك بالدنيا دي ..و احنا محتاجين راجل ..انتي فهماني؟! . ((لميس شافت ان والدتها مصره علي موضوع الزواج ف مهما هترفض مش هيفيد و ممكن والدتها تتجوز و تحطها قدام الامر الواقع ف اطرت انها مطره توافق علي زواج مامتها.. مع انها مش مرتاحه لموضوع زواجها "بس ما باليد حيله" 😞 )) لميس بصت علي مامتها و كل عنيها دموع و حزن :اللي حضرتك شيفاه صح اعمليه ..انا رايحه انام تعبت انهاردة . مريم ببتسامه خفيف:ربنا يخلي ليا اللي بيفهم ..بس انتي لسه ماكلتيش . لميس بهدوء:ماليش نفس عن اذنك . لميس سابت مريم قاعدة لوحده في الصالون . لميس مجرد ما دخلت اوضتها و قفلت الباب انفجرت من العياط ..عيطت جااااامد ..عيطت اكتر من يوم وفات عمر ..افتكرت زكريات كتييير من عمرها ..افتكرت لما كان عندها ٧ سنين لما كانت بتجري و عمر بيجري وراها و بيلعبه استغماية ..و افتكرت لما كان عندها ١٤ لما كانت في تالته اعدادي بعد الامتحانات لما طلعت النتيجه و كانت طالعه الاولي علي المدرسة ازاي عمر شالها و جاب ليها الفون و لاب توب اللي بتحلم فيهم اللي كان واعدها يجيبهم ليها ..و افتكرت لما مات عمر ازاي الدنيا جت عليها اخدت الضحكه و اخدت اعز الناس ليها اخدت سندها بالدنيا ..فضلت تفتكر كل الزكريات و ازاي كانوا عائلة سعيدة و مبسوطة ازاي كان الناس بتحسد علي عيلتها ..من بعد وفات عمر حاجات كتير اتغيرت ..وخلاص الزمن مابيرجعش ..فضلت تعيط.. تعيط جامد ..و تتكلم مع ربنا و تعيط بحرقها..كانت حاسه ان قلبه هيطلع من مكانه..انفاسها سريعة غير منتظمه ..فضلت تطلب من ربنا انها تحلم ب عمر عشان تقول له كل اللي واجعها و كل حاجه مديقاها ..."اااااه يا دنيا ااااااه علي الزمن ااااااه علي الضحكه و الفرحه اللي راحت من البيت بعد وفاتك يابابا واحشتني ..واحشتني اوووي ..واحشني حضنك اللي لما كنت بخاف كنت باجي ليك و كنت تاخدني بحضنك و مامي تمثل انها غيرانا مني اااااه علي احلا ايام ...واحشتني اووووي" . قامت لميس اتوضت و صلت و فضلت تعيط و هي بتصلي و تدعي ربنا يريح قلبها ... نامت علي سريرها و مضت رجليها نحيت صدرها و كانت بتعيط كان كل يوم الالم بيكبر جواها..اااااه يازمن ........ . في مكان تاني في الڤيلا تحديدا في غرفة جود.** . بالتحديد الساعة ١٢:٣٠ بعد منتصف اليل . كان نايم علي السرير .. سرحان و مغمض عينه.. بيفتكر عم عمر ..كان بيفتكر ازاي مريم كانت منهارة و ازاي اغمي علي لميس ..ازاي مات عم عمر فضل يفتكر كل حاجه حصل من سنه** ... و مرة واحده تفكيرة فضلت علي لميس فضلت يفتكر كل تفصيل حصل في اليوم ده..افتكر ازاي كانت حزينة و كانت خايفة ازاي لما اغمي عليها هو لقها و شالها ..و كان خايف عليها..هو حتي الان ميعرفش ليه طول الوقت بيفكر فيها لدرجه انه كل فترة و التانية بيحلم فيها هو مستغرب نفسه اوووي.... . و هنا خبط الباب . جود فتح عينه و بص نحيت الباب:اتفضل . الدادة خديجة:استاذ جود ..استاذ علي جيه . جود قام و عدل هدومة:شكرا يا دادة قوليله اني نازل . دادة خديجة:حاضر . ((جود بسره:عاوز اي ده على اخر اليل ..علي صبح و كمان بليل لا كده كتير ..اما اشوف اخرته؟؟)) . جود نزل و سلم على علي . جود بحده:عاوز ايه؟! . علي بيتصنع الحزن:اخص عليك يا صحبي هو انا بتاع مصالح بردو . جود بستغراب :ايه جابك ما انا طول النهار معاك في الشركة كمان لحقني علي البيت كمان...خير عملت مصيبة تاني و عاوزني اساعدك صح؟! . علي عدل قعدته و بان عليه علامات الحزن :سبت البيت ..كنت هروح علي الشقة اللي انا اشترتها من كام شهر..و مش عارف كنت رايح علي طريقها مرة واحده لقيت نفسي قصاد بيتك..مش عارف ازاي ده حصل ..عندك مانع ابات اليوم معاك . جود حط ايده علي خده و بيتكلم بهدوء:اممممم يعني مش هخلص منك اليله و لا من رغيك . علي بمدايقة:اخص عليك ياجود و انا اللي مفكرك حبيبي و صاحبي و هترحب بيا ..فينا من كد ..... . جود قطع كلامه:هتفضل على الحال ده لامتي !؟؟.. . علي بحزن و بيتهرب من السؤال:انهي حال ياجدع..المهم عندك ايه يتاكل.. اصلي واقع من الجوع ..جعاااان.. . جود بحزن عليه:انت هتفضل كده كتير ..هتفضل تيجي علي نفسك كده..هتفضل خايف علي زعل ابوك و تتحمل كلام مراته..هتفضل لغاية امتي متحمل..هتفضل لغاية امتي تهرب و تبعد..ده انت سبت شركة ابوك و جيت تشتغل معايا و بقينا شركاء..علي انت لازم تحط حد لكل اللي بيحصل ده.. . علي مقاطعة و علامات الحزن باينه علي وشه و دموع في عينه حتي جود لاحظ المعه اللي في عينه:جود انت عارف اللي فيها ..و انا اتخنقت مستحملتش ف سبت البيت كل يوم نفس الموال..امال انا ليه اشتريت شقة خاصة بيا و معرفتش حد عنها ولا حتي ابويا يعرف اني اشتريت شقة..انت اكتر واحد عارف انا مريت ب ايه في حياتي.. انت اكتر واحد وقف معايا و ساندنا..انت عارف اني وصلت لمرة اني عاوز انتحر وانت وقفتني..و فهمتني الصح من الغلط اللي عمره ابويا قاله ليا..فهمتني حاجات كتير انا كنت غافل عنها..و لما بديق الدنيا عليا بجيلك لاني عارف اني هرتاح بالكلام معاك و هترشدني علي الطريق الصح . جود بحزن علي صاحبه:انت يالا..انت اخويا عارف يعني اخويا مش مجرد صديق..و انا هفضل معاك و عمري ما هسيبك هتلاقيني دايما واقف في ضهرك و ساندك.. . علي قام وقف و الدموع متجمعة في عينه:ربنا يخليك ليا ياجود انت بجد اجدع انسان شوفته بحياتي . جود قام و ابتسم و حضن علي..و مجرد ما جود حضنه عيط..عيط جامد . علي بحزن:انت عارف ازاي انا الصدمة وفات ماما ماثرا عليا لغاية دلوقتي.. .. . جود بيغير الموضوع : بقولك اولا مافيش عياط..احنا مش هنقض اليله دي نكد..ثانيا هطلب بيتزا هاا ايه رايك ناكل بيتزا و نفتح فيلم رعب و نسترجع ايام الكلية ايه رأيك.؟! . علي ببتسامة:ماشي يا معلم ..بقول نفتح فيلم توايلايت ..بعشق الفيلم ده اتفرجت علي كل الاجزاء .. . جود ضحك:ههههه لسه بتحلم تشوف مصاص دماء في الحقيقة ولا ايه ههههههههه . علي بضحك:ههههه انت لسه فاكر ده كان زمان و جبر 😂😅 . و عدي شهر على ابطالنا و مريم تزوجت جاسر كان كويس جدا بالمعامله مع مريم و لميس ..و لميس كانت بتتجاهل وجودة اغلب الوقت و ماكنتش تقعد معاهم ولا تقرب منه ..كانت بتكره ماكنتش بطيق تشوفة ..و طبعا مريم كانت ملاحظة تصرفات بنتها و حالتها النفسية اللي تحت الصفر .... . و بعد خمس شهور من زواج مريم ..بدا جاسر يتغير ..بداء يقل ادبه و يقول الفاظ وحشة و مد ايده علي مريم مرتين بس بغياب لميس و ماكنتش تقول لبنتها ولا حتي لحد و كان عايش معاهم في نفس البيت..البيت اللي اتولدت و تربت لميس فيه .. . ونرجع . دلوقتي لميس تانية كلية هندسة ..حياتها صعبه مابتتكلمش مع حد و شايلة حمل تقيل عليها اووووي مدايقة دايما..((واللي هي بتستحمله فوق طاقتها و عمر ما حد استحمله)) ..و مش بتفضفض لحدا مخليه مشكلتها لنفسها ..و غير كده جاسر ايدو بدات تطول كمان علي لميس لو عملت حاجه مش عجباه او لو نداها و هي مسمعتوش او مردتش يقوم يضربها و اوقات ياخرها عن الكلية او يمنعها انها تطلع من البيت و يمنعها تروح الكلية.. و اوقات يحبسها لوحدها في اوضة ضلمه..و لميس بتترعب من القعدة لوحدها في الضلمة او تكون في مكان مغلق لوحدها.. كان بيعذبها و لما كانت مامتها تتكلم او تدافع عن بنتها كان يضربها .. لميس بقت ضعيفة اوووي..بقت بتخاف من حاجات كتير..نفسها بحضن يحتويها..نفسها تتخلص من جوز امها ... . ......... جود خارج من الشركة و بيلبس النضارة الشمس ..الشوفير بيفتح الباب له عشان يركب و تحرك الشوفير..و كان في اربع عربيات فيها بودي جاردات عربيتين قدام و عربيتين ورا و عربية جود بالنص((مع العلم جود دايما معاها حراسة بسبب ان اعدائه كتيير..حتي الڤيلا بتاعته عليها حراسه مشدد مش اي حد يقدر يدخل او يخرج غير لما يكون متاكده مين هو..و وين ما بيروح بيكون عليه حراسة)) .. و وصلوا علي كلية الهندسة.. . جود نزل من العربية و كان في قمت الوسامه..لدرجه كل بنات الكلية فضلت تبص عليه و يتكلمه عن وسامته و شخصيته..و كان في حراس عليه كمان . عميد الكلية استقبل جود .. . عميد الكلية :اهلا اهلا استاذ جود اتفضل حضرتك . جود قعد و قلع النضارة :حضرتك انا عاوز طلبة المتفوقين علشان يدربوا في شركاتي . العميد ببتسامة:طبعا طبعا حضرتك..طلبة سنة رابعة في منهم 9 من المتفوقين .. . جود بتفكير :بص حضرتك في طالبة اسمها لميس عمر ابو حلوان موجودة في الكلية دي . عميد بستغراب:طب معلش حضرتك هتاكد من اسامي الطلبة عشان حضرتك عارف ان الكلية ماشاءالله كبيرة ف هشوف اسمها . فعلا دور العميد علي اسمها و لقه العميد:حضرتك دي في سنه تانية لسه . جود بحدة:تمام انا عاوزها من ضمن المتدربين . العميد بستغراب:بس حضر.... . جود قاطعة:من غير بس .. ممكن تستدعيها . فعلا العميد استدع لميس . لميس بهدوء راحت علي اوضة العميد و كل بيتكلم عليها و بيقوله ان العميد استدعاها..و بيساله ليه..و بيبصه عليها . لميس دخلت بكلم هدوء خبطت علي الباب . العميد:اتفضل . لميس بحزن :ايوه حضرتك استدعتني . العميد ببتسامه:لميس..استاذ جود عاوزك من ضمن المتدربين عشان تدربي في شركته..و هو طلب اني استدعيكي.. . جود بحدة:بعد اذنك عاوز اتكلم معاها علي انفراد . العميد ببتسامه و استغراب:تمام حضرتك . خرج العميد.. . جود بهدوء:اتفضل اقعدي . لميس باصه في الارض و بحزن :حاضر . جود لاحظ الحزن في عنيها و ملامح وشها الدبلانه و لبسها الاسود... . جود بحده :بكرة الساعة 9 تيجي علي الشركة اللي والدك كان بيشتغل فيها عشان تبداء التدريب . جود وقف و لبس نضارته و مدهاش مجال ليها توافق او ترفض.. . لميس استغربة بس فضلت ساكته . ولما روحت قالت لمامتها..و مريم وافقت ماعترضتش . تاني يوم......... . اتمني انها تعجبكم . | ||||
|
| |
|
23-03-19, 12:19 PM
| #3 | ||||
| رواية ((لميس💔)) . الحلقة ٣ . تاني يوم.. . جيت لميس تخرج عشان تروح التدريب...و كانت الساعة 8 و نص.. . جاسر بخبث:بسسس ياقطه فين رايحه هاا . لميس بخوف:ر..رايحه شركة اللي بابا كان بيشتغل فيها ..لان عندي تدريب فيها .. . جاسر بغيظ:لا والله ..ابوك فوق عند ربنا خلاص مات و نسيكي ربنا يجحمه مطرح ما راح ..و انتي لسه فاكرة كان بيشتغل فين ؟؟اممم و المعاد امتي؟؟ . لميس بعصبية و الدموع محبوسة في عينها رفعت صباعها قصاد جاسر:دي اول و اخر مرة تجيب سيرة بابا علي لسانك القذر او تذكرة في حاجه وحشة هو كان احسن منك و كان عنده ضمير مش ذيك معدوم الضمير ولاحساس..انا سكت كتير بس هنا و اوقف مفهوم..وانت مش هتقولي اعمل ايه و معملش ايه ماسمحش ليك..و انا مستحملاك عشان وعدت ماما وعد و مقدرش اخلفة مفهوم يا... مش عارفة اقولك ايه خصارة فيك كل الاسامي لانك مش انسان.. . لميس كانت هتسيبة و تمشي مسكها جامد من دراعها... . جاسر النار بتطلع من عينه و بعصبية..ضرب لميس بالكف و مسكها من شعرها و قام زاققها في الاوضة الضلمة و قفل عليها بالمفتاح.. . لميس كانت بتعيط و بتصرخ: ياا واااااطي طلعني من هنا..انت مش راجل انت مش بني ادم..والله ربنا لغير يحرقك بنار جهنم..طلعني من هنا..طلعني انت مش بني ادم..طلعني ..حسبى الله ونعم الوكيل فيك.. . جاسر بستهزاء:انا مش راجل..طب والله يا كلبة لخليكي اليوم هنا من غير ولا اكل ولا شرب ذيك ذي الكلب يا كلبة.. . ((للعلم لميس عمراها ما علت صوتها او زعقت لجاسر ..حتي لما كان يضربها او يزعق او يشتمها كانت تسكت..لانه ماجبش سيرت ابوها قبل كده..بس لما حست انهاردة انه بيهين ابوها و بيدعي عليه ..نار قادت جواها ..عارفين لما الوحش يكون نايم و يصحي و ينفجر..هي كانت كده..عند اي حد يجي نحيت طرف لعيلتها استووووب ممنوع الاقتراب)) . و جيت الساعة 9 ونص بليل.. . كانت لميس تعبانه اوووي.. عطشانه.. بتعيط..بتدعي ربنا انه يخلصها من جاسر.. . جاسر فتح الباب . جاسر بضحك و سخرية :قوم يا بت انتي..قوم كفاية كده حاليا..صعبتي عليا..عشان تعرفي اني بحبك و مقدرش اني اعذبك..يلا قومي . لميس بصت عليه و بتعب:والله انت شيطان منك لله..حسبى الله و نعم الوكيل فيك يا ظالم ..يا شيطان . لميس جمعت قوتها اللي باقيه و وقفت مسحت دموعها و عدلت شعرها . لميس بتعب:انا مش هفضل في البيت ده وانت فيه ..مش هفضل معاك في سقف واحد.. حسبى الله ونعم الوكيل فيك . لميس خرجت من البيت و مش عارفة تروح او تيجي منين.. و مرة واحدة و هي بتعدي السكة ..كان في عربيه ماشية و داست فرامل ..و وقفت العربية . لميس بصت علي عربية و اغمي عليها . الشب نزل يشوف مالها..و ليه اغمي عليها مع ان العربية مخبطتهاش ولا لمستها حتي.. . شالها و ركبها العربية و راح بيها علي المستشفي . الدكتور دخل كشف عليها و ركب ليها محلول و خرج . الشخص:خير يا دكتور حصل ليها ايه . الدكتور:اولا باين عليها ماكلتش ولا شربت حاجه من الصبح و باين عليها الارهاق الشديد ..عشان كده اديتها محلول اول ما يخلص تقدر تمشي . الشخص بستغراب:و ده سبب الاغماء . الدكتور:ايوه حضرتك و كمان بسبب حالتها النفسية السئية ..حمدالله علي سلامته . و فاقت لميس بس كان في صداع براسها..و مفتحتش عينها كويس من الالم . لميس حاطة ايدها علي راسها و بالم:انا..انا..فين . الممرضة:حضرتك بالمستشفي و الاستاذ جابك هنا ((و شاروت علي الشاب))..بالسلامة . لميس بالم:اااه راسي..راسي وجعاني . الشاب ببتسامة خفيفة:حمدالله علي السلامة ياقمر ان شاءلله عدوينك ولا انتي . لميس فتحت عينها بستغراب:انت مين..ايه اللي حصل . الشاب ببتسامة:بصي ياستي اولا انا علي..ثانيا وانتي بتقطعي الطريق انا وقفت و انتي اغمي عليكي ف جبتك هنا . لميس بحزن:شكرا . علي بصطناع الحزن:لا والله شكرا و بس..هو ينفع كده بردو..يعني انقذتك و جبتك هنا و تقوليلي شكرا..لالالا انا زعلان . لميس بستغراب و بحد:امال عاوزني اقول ايه..و بعدين محدش قالك تسعدني اصلا..كان ممكن تسبني و تمشي.. . علي بصدمة و استغراب:انتي افوشة ليه كده..خليكي فري شوية . لميس بستغراب:حضرتك عاوز مني ايه..شكرا لمسعدتك..ولا مشتني مني حاجة مثلا . علي ببستامة خبيثة:عندي شرط واحد ☝عشان امشي بعديها . لميس بنفاذ صبر:اتفضل . علي بهدوء:انا وانتي هنخرج من هنا ..هنروح علي مطعم نتعشي سوا هااا موافقة..؟! . لميس بصدمة بصت يمين و شمال بعدها شاورت علي نفسها:انت بتكلمني انا..((كملت بعصبية و حده))اولا فوق لنفسك يا شاطر مش معني انك ساعدتني يبقا خلاص ممكن اخرج معاك..لا والله ناقص تقولي تعالي الشقه معايا..بص يا استاذ اعرف انت بتكلم مين و انا بنت مين و بعدين ابقا اتكلم . علي بستغراب:ايه ايه راحه يا حبيبتي..اعصابك ليطق ليكي عرق..و بعدين انا عاوز اعرف انتي مين و بنت مين . لميس بعصبية:لا والله بش ماشي انا لميس بنت عمر ابو حلوان عارف يعني..يعني اللي بيقرب مني ممكن اموته فاهم.. . علي بصدمة:انتي لميس بنت عم عمر..احلفي . لميس بستغراب مردتش عليه و فكت الكيلونه و جت تقف داخلت..و كانت هتقع بس علي مسكها . لميس زقت علي بعيد عنها و قعدت علي السرير و كانت باصه في الارض . علي بحزن عليها و افتكر كلام جود:انسة لميس..اولا انتي فهمتيني غلط..انا لما قولت ليكي نتعشي لان الدكتور قال انك ماكلتيش حاجه من الصبح و ده سبب الاغماء..عشان كده عرضت عليكي العشا..ثانيا انا اعرف عم عمر ربنا يرحمه..كنت بعزة جدا و كان شخصية محترمة و انا زعلت عليه اوووي والله..((ضحك))ثالثا صفي نيتك ..انا مش ذي ما انتي متخيلة يعني . لميس باحراج:احم بعتزر على عصبيتي..و شكرا على المساعدة..انا عاوزة اروح.. . علي ببتسامة:تمام استني نعمل اوراق الخروج بعدها هوصلك . لميس بحزن:لا شكرا مش عاوزة اتعبك معايا . علي بهدوء:ولا تعب ولا حاجه..بس انا لسه عند شرطي((و غمز ليها و مشي و مداهاش مجال توافق او ترفض)) . لميس بستغراب و بضحكه:والله مجنون 😅 . راحت لميس و علي على مطعم 🍴 . لميس قاعدة مكسوفة و مدايقة و خايفة احسيس كتير ببعض مالهاش تفسير.. . علي لاحظ خوف و قلق لميس و قرر يكس السكوت اللي بنهم . علي ببتسامة:ممكن اسالك سؤال . لميس بقلق:اتفضل . علي :انتي ليه لابسة اسود في اسود كده..بمعني بنطلون و شميز و كوتشي كل اسود ليه كده . لميس بحزن:لان مافيش مكان للالوان بحياتي..لبسي عنوان لحياتي . علي حس بوجعها و حزنها ف سكت و محبش يجرحه . لميس و علي اتعشوا و خلصوا..و خرجوا من المطعم . علي بهدوء:يلا خليني اوصلك . لميس بهدوء:شكرا لحضرتك على العشا ..ف كفاية كده متشكرة لحضرتك و اسفة اني تعبتك معايا.. . علي بستغراب:طب انتي ازاي هتروحي . لميس :متقلقش باي . مشيت لميس و مدتش مجال لعلي انه يتكلم . علي راح لجود . جود بيفرك عينه لانه كان نايم:ايه يابني.. كمان قَلق منامي..حرام عليك يا اخي . علي بيشد جود و بيقعدوا في غرفة الضيوف . علي بهدوء:عارف شوفت مين اليوم . جود حط ايده علي خده:اااه شوفت ميرنا ولا شهر ولا نرمين هااا ولا تعرفت علي وحده جديدة بالكبارية بتاع كل مرة هاا و اكيد حصلت مشكلة هااا صح . علي بيتصنع الحزن:انت دايما فاهمني غلط.. . جود بهدوء:امممم مين قولي . علي بهدوء و ابتسامة:لمييس . جود بستغراب و عدل قعدته:لميس مين . علي:بنت عم عمر رينا يرحمه . جود و وظهرت علامات الغضب و الغيظ علي وشة :........... . اتمني انها تهجبكم . تا | ||||
|
| |
|
24-03-19, 12:24 PM
| #7 | |||||||||
| عضو ذهبي
| قرأت ال٣ فصول وعجبتني ..يعني لميس سابت البيت بس حتروح فين ومريم ازاي تسمح لواحد زي جاسر انه يتطاول عليها وعلى بنتها بحتقر النوعية هاي من النساء ..وعمر اتوفى بسبب ازمة قلبية طب برضه معرفناش الورق راح فين ..استمري حبيبتي وموفقة ان شاءالله😘😟 | |||||||||
|
| |
|
25-03-19, 02:01 AM
| #8 | |||||
| اقتباس:
| |||||
|
| |
|
25-03-19, 02:04 PM
| #10 | ||||
| نجم روايتي 
| رواية جميله 💐و لميس تتعرض لقسوة من زوج الام اللى أخطأت باختيارها لجاسر كان لازم يعنى تتزوج كل اللى قالته حجج فارغه يا ترى جود سينقذ لميس من حياتها الصعبه ولم نتعرف على ماضيه الذى يطارده بانتظار القادم بالتوفيق 🤗 | ||||
|
| |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
