07-07-19, 12:00 AM
| #1 | |||||
|  قهرة الزوجة الاولى قهرة الزوجة الاولى من الصعب على نفسيه الزوجة أن تجد زوجها قد تزوج عليها بعد ما عانت معه فى أول حياته سواء كان فى فقر او فى مرض او فى أشياء أخرى لتستفيق من هذا كله لتجد نفسها تمتلك نصف رجل ونصف جسد ونصف قلب غير هذا الشعور المؤلم الذى يستقر فى قلبها كأنه خنجر وقد حاولت فى هذه الكلمات أن أعبر عما فى داخلها من صراعات نفسيه وهذه هى الكلمات أوعى تفتكر أنى هسكت وأنى أكتم ألمى فى صدرى وأنى هستحمل عشان عيالى ووجع قلبى وقهرته هيفضل كده وهيكون ده حالى أنا مش زعلانه عليك * أنا زعلانه على نفسى اللى خلتها خاتم فى ايديك زعلانه أنى ضحيت بعمرى معاك وابتديت من الصفر واياك أزاى أنا هونت عليك * أزاى بالسهوله دى تفتكر أنى هقبل حد يشاركنى فيك متقوليش ان ربنا حلله أنا عارفه * وربنا برده حط للجواز التانى حدود شوف اللى عليك قبل ما تشوف اللى ليك هو أنت عشان تبنى بيت تانى تخرب بيت أولانى يا أكبر إنسان أنانى قول إن الفلوس جريت فى إيديك وعاوز تدوق واحده تهنيك عشان أنا مبقتش قد المقام ونسيت العشره والأيام ونسيت سهر الليالى عشان تعرف تنام ونسيت أنى كنت بديك من نصيب أكلى عشان تكون شبعان ونسيت إنى كنت بحوش جنيه ورا جنيه عشان أجبلك هديه تمام وكنت بفكر فيك طول الوقت وبقول ياعينى أد إيه هو تعبان فى الشغل وسهران عشانا أد إيه هو بيحبنى وأنا بحبه كمان ومسحت بأستيكه كل تضيحاتى معاك وقاعد أنت عاشق وولهان بواحده تانيه أنت أكيد عايز تجبلى جنان خلينى أعترفلك إنك فعلا كسرت حاجه جويا بس هخليها عشان اتقدم لقدام مش عشان أبص ورايا بس اوعى تيجى بعد كده وتقولى أنتى ليا وأنا ليكى وهنكون مع بعض أجمل حكايه ودمعلى دمعتين وتقولى خلاص أنا عرفت قمتك ويايا ورب الكون ما هسمحك وهقتص منك يوم القيامة عشان قدمتلك كل حاجه عمرى وقلبى وحياتى وكل ما تتمناه معايا ورميت كل ده ورا ظهرك وقفلت عينك ومسكت سكينه تلمه وغرستها فى قلبى وبكيت عشان ترحمنى قولتى باى أنا عاوز أتجوز تانى ودى كانت النهايه وبدايه جديده عشان أعشها لنفسى وأهتم بيها ومخلهاش لعبه فى ايد حد تانى الموضوع منقول من مدونتي انتي لازم تتغيري | |||||
|  |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
