(( خااااص للمرأه .. فقط للمرأه ))

[قطر الندئ]

بصراحة القصة مضحكة جدا




فاااااااااااااااااااااااا اصلة هاللي كاتبة القصة













في احد ايام رمضان المبارك كنت ماخذة اجازة من الصيام,و خلصت صلاة الفجر ..وذهبوا افراد العائلة كلٌ إلى مرقده كما أعتقدتx

هم راحوا لغرفهم من هنا..وانا انطلقت للمطبخ من هناكx

أخذت لي فيمتو و شبس و طلعت لغرفة التلفزيون مبتهجة




وبينما أنا في خضم البلع والقحن والكركرة على مسلسل كوميدي كنت اتابعه وداخلة جووو

الا وينفتح الباب واشوف وجه كذا >>>>>>>>>>>x




ويطلع أخوي " يونس " -طالب في المرحلة المتوسطة يميل الى الامتلاء يملك عيون عسلية و حواجب كحلية - كان يونس في أشد الدهشة والانبهار والتعجب حتى ظننت انه قد يموت بسكتتن قلبية




يونس :xماصمتييييييييييييي !!!!!!!x




أنا وفي يدي كأس مليء بالثلج وكيس شبس كبر وجه أخوي يونس :xليه أنت صايم ؟؟x




يونس :xوجع ..من جدك تسألين هالسؤال ؟x




أنا بكل ثقة وبجاحة:xوالله انت بعد سألني نفس السؤالx




يونس: والله انتي اللي جالسة تبلعين وتشربين موب اناx




ممممممم شفت الولد ماعنده نية يفهم ,استوعبت انه يااما انه كان غايب في درس الفقه منهج سادس ابتدائي ..يااما ان مدرسهم طمر الدرس , ولا وش ذا الدلاخةx




ومافيه مجال أصير ناسيه وأنا مجهزة العدة,كاس ثلج وسترو ومنقيه الشبس اللي أبيهx




المهم قلت في نفسي والله لو يموت مااعلمه انا عن ذا العلوم..مو لهالدرجة انا وسيعة وجه

فما كان مني الا اني فجأة قلت له




: اسمع بقولك سر بس بذمتك لايدرون امي وابوي ولا احد ,أوعدني ماتعلم احد وانك تحفظ سري هذا لين أموت.. ان مت علم اهلي ,عاد خلاص مايقدرون يسوون لي شيx





واللللللللللللللللللللللل لللله ماأقول لأحد ..اقسم بايات الله وبالقران والكعبة وجعلي اموت اني مااقول لااحد اذا علمتينيx< خرجت هذه الكلمات من أخي يونس بحماس مشبع بالسعابيل المتناثرة التي لامست وجهي





:أجل شف بصراحة أنا مسيحيــــــــةx




:لا والله !! قولي قسم بالله





:انا مسيحية ولا أقدر أحلف لان ديني غيركمxx< عشت الدور على طولx

بس بقولك القصة يمكن تخف روعتك شوي
وتقدر تتفهمني و تحتويني وتحتضنيx(حسيتني بخرب الولد)





القصة ومافيها .. أني انا يوم كنت صغيرة ,ترى أهلي ماكانوا مهتمين فيني زيك, كانوا بس يخلوني

عند التلفزيون ويروحون يتمشون..تعرف انا اول طفل لهم وامي وابوي كانوا توهم صغار وطايشين
و طفرانين ببعض وانا حسوني دخيلة بينهمx
ماادري ليه جابوني بسرعة اذا هم مايبغونيx
فجأة شفت عبرة خنقت يونس ذو القلب الكبير وهو يتابع بصمت وفضول وغباء




طيب ليش أجل تلبسين عبااااااية !! وانتي منتيب زيناx< قاطعني أخي يونس بكل دلاخة




رديت بنفس النبرة الكسيرة :xحتى الفلبينيات يلبسون عباية..انا كنت البسها زيهم احسبها يونيفورم لسعوديات




ورجع من جديد بسؤال أذكى قليلا من السابق :xطيب ماعلموك المدرسة الاسلام ؟!!!




:لا كنت أنام في الحصص وفي الاختبارات أغشx




واستطرد في القصة..فلما كبرت وجيت أنت ..حبوك أمي وابوي من كل قلبهم وخافوا من أني انتبه لهالحب أو احسدك عليه فقام أبوي يبي يلهيني بشكل أكبر ..حط لي نت وقال لي هذا لكx

اما هذا لنا "مشيرا بأصبعه المشعر إليك " وخذوك معاهم ورحتوا تتمشونx





يونس >x





المهم صرت أحس فيه سر لازم أعرفه وصرت أدور في هالنت و انتشر هنا وهناك واتبعثر واتبخر واتكور الى ان أخذتني رياح الأقدار الى امراءة تدعى الأم تيريزاx




وقلت لها قصتي واحتوتني واعطتني الحنان اللي حرموني منه اهلي اللي يكرهوني ويحبونك انتx




بعدها صرت أحبها واسميها ماما ..ومع الوقت علمتني المسيحية وقالت اعتنقيها ياابنتيx

واعتنقتهاxxوأهلي مايدرون وللحين مايدرون





يونس بلم وهو في حيرة وده يرد ولا هوب عارف خاصة انه حس نفسه السبب وتعاطف معايx

صمت لبرهة وبرهات وفجأة قال
:xطيب ماتفكرين تسلمين ؟x





لا أخفيكم سرا ..جتني ضحكة كبيرررررررررررة الا أني بلعتها لدرجه صبت دموعي وسويت نفسي أبكي,قلت له بصوت مخنوق :xبس ماأعرفه ..أنا ماأعرف في هالحياة الا أمي تيريزاx




داخ راسي من كثر الخرط عليه وجاني النوم ..قمت وعطيته كاسي بعد ماشربته كله وقلت خذ رجعه للمطبخ أنا تعبت من الصياح بروح أنامx




@#$%#@#$%@#$%@#$%@





جاء يوم غد ..وفجأة أسمع شي يخربش تحت باب غرفتي ..حامت كبدي حسبته صارور ..قمت ابشوف مادريت الا كتيب ديني يندعس تحت البابx




واشوف ..الا عنوانه Islam ???!!




وافتح الباب بسرعة بشوف من اللي حاطه , الا واسمع صوت باب غرفة يونس يتسكر بقوةx




ههههههههههههههههههههههههه ههههههههه ياانا ضحكت ضحكة بغت تنكسر شبابيك غرفتيx

خلاص معد استحمل ,هالولد تحفة لازم تنحط في متحف اللوفر ,لعنبوا بليسه وش ذا المخ




طيب يوم انك بتدعوني ليه جايب لي كتاب دعوة بالانجليزي ,شايفني شغالة ,على باله يوم صرت مسيحية معد افهم عربي ,ماادري ذا الولد مخه وينx





المهم انا عقب هالضحكة نسيت الكذبة ,ولهيت بمشاغل الحياةx< مشكلة البزي ومن




ومر كم يوم , وصدفت ان يونس مر جنب غرفتي وانا لابسة جلالي وأصلي,وأنا أسجد

مادريت الا بصوت رجول تراكض متجه نحوي ,واجلس من السجود الا ويونس يصيح ويحب راسي




أنا خلااااااص بفطس من الضحك ,يالله كملت التشهد وسلمت ,الا وياخذني بالاحضان يونس صاحب القلب الكبير




الحمداللللللللله أسلمتي ,الحمداللللللللله أسلمتيx




ودموعه تتقاطر على كتفي ( ياكثر مايوصخني ذا الولد يابتفال يابدموع ..الله يصبرني )

بس والله رحمته جاني الصياح صدق ,ماأدري هو أن عشت الدور ولا صياحه صيحني




ويمر أبوي قدام هالمشهد التراجيدي وينهبلx

وجععععععع خير انهبلتوا ..وش صايرx




ويونس من هول سعادته كب العفش والعشا والقش كله





بنتك أسللللللللللمت أسلللللللمتx





وللأسف انجلدت بعدها بس عادي التعب عاديxxمايجي شي عند هالخرطة اللي كبر حمار ومشت على يونس الفتى صاحب القلب الكبير هو و كتيبه الدعوي ببروزه عندي و اهدده فيه اذا استبثر علي في المستقبلx

[ترحاب 1]

ههههههههههههه
يونس صاحب القلب الكبير مسكين مشت عليه الكذبه
الله لا يحطني مكانها بنت أم تريزا 😂😂
موقف لا تحسد عليه بصراحه

[Hayat aye]

ههههههههههه ضحكت كثيرا على القصة
كانت قصة ممتعة وجميلة
يونس الطيب ههههههههه
يعطيك العافية على القصة الرااااااااااااائعة
شكرا وبارك الله فيك قطر الندى

[عشقي بيتي]

والله ضحكت من قلبي من جدتحفه هاليونس مشت عليه الكذبه وبنت الام تيريزا ماوقفت كذبتهاواصلتهاوحكت وطولت الحكايه ههههههههه الله يسعدك غاليتي ويوفقك يارب

[chouchou23]

😂😂😂😂😂

الله بسعدك مثل ما اسعدتينا

[قطر الندئ]

الله يديم ضحكاتكم يالغوالي ..
يازيني رسمت البسمة ع شفاكم ..
وباخذ لي اجر ضحكاتكم هههه
الله يسعدكم دنيا واخره
لاحرمنا حضوركم
خالص ودي

[قطر الندئ]

الذين يشاهدون محتوى الموضوع الآن : 3x( الأعضاء 3 والزوار 0)‏
قطر الندئ, ‏chouchou23, ‏ترحاب 1
منووورين كثيررر.

[سارة الحالك]

هههههههههه ضحكت من قلبي
و الله البنت هاذي تفكيرها خطير بدل هاذي اللفة كانت قالت الصراحة و خلاص هههههه
يونس هذا نادر جدا ابو قلب طيب واجب المحافظة عليه هههه
الله يسعدك يا غالية

[همس القوافي]

السلام عليكم
موضوع ممتع حقا ...وياللفكره الخطيره ....مسيحيه مرة وحدا هههه...ولا اخوها على نياتو وصدقها ...وجايببها كتاب عن الإسلام هههه
تسلمي حبيبتي نونا على القصه الطريفة
ودائما مواضيعك.ممتعة ومرحه مثل روحك غاليتي
تحياتي ومودتي لك

[queen of darkness]

هههههههههههههههههه, قصة مضحكة جدا و ممتعة جدا

شلون جا على بالها هاذي الكذبة ولا أخوها المسكين صدق كل شيء ههههههه

تسلمين حبيبتي على الموضوع العسل زيك 🌹🌹🌹🌹🌹🌹