آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
25-07-19, 08:26 AM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  البارت تاسع ساعات وشفت ساره طالعه من غرفتها يمه يا ستار عيونها كلها شر بس لا تكتلني😰 تقربت مني وتخصرت وكالت ساره: حابه اروح للسوق اريد اغير جو واشتم هوه مليت من وجه بعض البشر بهذا البيت😏 ادهم: طن تقصد اني😥 اوف يابه وحته هيه شرانيه تكتل تكول حلاوه بدي اهجم عليها اكلاها بس لازم ما اضعف كدامها وكلتها بلا موبالاة .. ممنوع 🚫 😪 ساره: شنو ممنوع مو بكيفك كتلك اريد اطلع ادهم: كلت ممنوع ساره: زين طلكني ما اريدك يله اريد اروح لاهلي ادهم: تدللين باجر نطلك ولا يهمج ساره: لا مو باجر هسه ادهم: ماكو هسه المحاكم عزلت باجر الصبح اخذج للمحكمه واخلص منج ما ميت عليج تره (والله جذب اصلا كاتل روحي شلون اصالحها ههههه) ساره:اوووووووف 😡😡 ورحت لغرفتي بغضب فتحت التلفزيون وكعدت ادهم… . هههههه لا بلله عسل مو بشر هاي.. بس اني ليش مخليتها تطلع خطيه فوك الكتل الاخذته مني انوب اتحكم براسها خطيه خل اروح اكوللها تروح لا يمعود صير رجال خليها علمود تبطل تدلع براسك دخلت سبحت وبدلت وكلت ادهم انجب كافي تبيع رجوليات براسها واذا رادت تطلع خل تغير جو بلكت تتعدل نفسيتها حامل خطيه دخلت الغرفتها باوعتلي من طرف عينها وهيه متمدده علجربايه ومخليه رجل على رجل وبيدها الرينوت وتكلب بالتلفزيون تمشيت للمرايه اخلي عطر واباوعلها بطرف عيني انوب خليت علميز 300$ كعربون ترضيه 😁 وكلتلها روحي بس للتٲخرين ولتلبسين حذاء كعب مو زين عليج عفتها وردت اطلع صاحت ورايه ساره: ادهم ادهم: نعم.. كامت من السرير واتقربت مني ساره: تحبني ادهم: باوعت بوجها تكول وجه طفل زعلان ابتسمت وكلت ليش هلسؤال شنو متعرفين ساره: بدون كلام زايد وكول اي لو لا ادهم: اي احبج ساره: لعد ليش تسوي بيه هيج وبدت دموعي تنزل البارحه لما جنت تخنكني ما شفت بعيونك حب بس الغضب والحقد يطاير منهن ادهم: كسرت كلبي من كالت هيج وبجت اخذتها بحضني وخليت راسها علي صدري وبوستها بكصتها وكلت والله اسف اعرف اذيتج هوايه بس اسلوبج نرفزني وفقدت اعصابي والله اليل كله افكر شلون سويت بيج هيج بقت تبجي بحضني مثل الطفل ساره: والله هنه تعبني وطلعن اعصابي الف مره نضفت البيت ويخلن جنى اطشر الزبل بالبيت وارجع انضفه اخر شي فقدت اعصابي وكمت شمرت الاكل علمود تحس لما تتعب واحد يخرب عليها.. والله تعبت اني اصلا راسي يوجعني وتعب الحمل مٲذيني وانته حتى ما تانيت تسمع مني ادهم: والله اسف وعد ما اعيدها وانتي هم اوعديني بعد متعانديني وتوكفين بوجهي ساره: اوك وعد ..مد راسه يبوسني اووووف اصلا اني جنت محتاجته بادلته البوسه ونسيت نفسي بأيده نسيت الزعل نسيت الم جسمي نسيت كولشي انوب ابتعد مني وكال ادهم: اذا ابقه اكثر راح اتهور واسوي وكاحه 😉 واني مبدل كامل.. اريد اطلع.. شنو رٲيج نطلع سوه عازمج بمول المنصور وهم هناك تتسوقين اللي يعجبج ساره: اوك لحضات ابدل واجي انتضرني ادهم: ماشي طلعت انتضرها بالصاله واسيل وزهراء يباوعلي بحقد شلون تصالحنا وراح نطلع بس اني لبستهن وما اهتميتلهن اجتي بنتي جنى جنى: بابا ثدوك حتلعون انته وحاله ثاله ..حل لروح وياتم (بابا صدوك حطلعون انته وخاله ساره خل اروح وياكم) ادهم: لا باباتي راح اوديها لطبييب مريضه اريد اضربها ابره جني: يااااا ختيه مليضه ساره: اوي فديت المليضه اني هههههه شتردين اجيبلج ويايه جنى: بيت فله ادهم: تدلل الاميره اجيبلها عيوني حضنت جنى وساره بٲديه وكلت اوووف اروح فدوه لبنيتي ومريتي ههههه.. ..اخذت ساره وديتها للمول كتلها افتري براحتج اني رايح بشغله وارجعلج الساعه8 علمود نتعشا رحت وكملت شغلي خابرتها كالتلي اوك رايحه للمطعم انتضرك رحتلها اول مكعدت دك عليه عصام عصام: ها لك ضلع رايح للكوفي الكاك هناك ادهم: لا اني هسه بمول المنصور اني وساره تعال عازمك عصام: لازم اتصالحتو 😉 ادهم: ليش اني اكدر ما اصالحها يله تعال متانيك عصام: لا اخذو راحتكم اشوفك بغير وقت ادهم: انجب وتعال كتلك عازمك لتضل تلغي عصام: ههههه اوك جاي لحضات واني يمكم ادهم: اوك هلا بيك.. سديت الخط ودرت وجهي لساره.. كتلها عزمت عصام خو ميضوجج هلشي ساره: بالعكس حبي اني احب عصام خوش ولد ومرح.. اتونس وياه ادهم :اوك راح اطلب عصير على ميجي نطلب العشا ثواني واجه عصام عصام: هلو عيني هلو باعو طيور الحب لج بابا شمسويه بالرجال مدوخته اريد اعرف شسويتيله ساره: مسويتله سحر 😉 هههههههه عصام: ولج متعلمين مرتي هلسحوره بلكت تحمه شويه وياي وارتاح مليت من برودها 😭 ادهم: والله لو تخليها بفرن هم ما تحمه😂😂 عصام: خرررب بحظي ادري متزوجلي ثلاجه😑 ساره: ليش متتزوج اذا انته ممرتاح وياها عوفها عصام: هوه لو بيدي ما اتزوج بس وضعي ميسمح لا عندي بيت لا عندي امكانيه شلون اتزوج وبعدين ما اكدر اعوفها عندي منها ثنين اطفال اضحي بيهم وابهذلهم علمود راحتي ورغباتي شسوي صابر والله كريم انا الله مع الصابرين ✌😭 ههههه طلبنا اكل واكلنا واشوف ساره شلون تتغزل بادهم والرقه والمياعه اللي تحجي بيها كرهتني عيشتي اللي عايش بيها ردت ابعد نضر عنها وارجع وابا. علها ما اكدر روحي تنجبر تباوعلهم.. كمت اباوع عليها واتمناها الي كمت منهم لان ما اريد اصير بهيج موقف هيه تصير مرت اخوي ادهم ومستحيل اباوعلها بغير شي كتلهم عصام: اني اترخص لازم اروح ادهم: وين يمعود هسه اجيت عصام: لا والله ما اكدر دايخ من الشغل وراسي يوجعني اخذو راحتكم ادهم: لا كوم اوصلك اصلا الساعه صارت 9 ونص لازم نرجع للبيت اوصلك بطريقي عصام: لا يمعود اخذ تكسي اخذو راحتكم ادهم : هاي من شوكت صاير مؤدب وتحجي رسميات امشي كدامي لا تندفر عصام: ههههه اوك يله ادهم… ..وصلت عصام ورجعت اني وساره للبيت رغم جانت الليله لزهراء بس ما رحتلها وبقيت ويه ساره ما اعرف كمت اكره روحي من اروح يم غيرها بدي ابقه بس الها مرت الايام وحته الليالي اللي ابات بيها يم زهراء واسيل الفجر اسحب روحي واروح لساره احضنها وانام يمها ما اكدر اذا ما اخذها بحضني فديوم.. تعودت عليها صارتلي مثل المخدرات بحياتي ما اكدر بدونها وخاصه بعد ما عرفت اللي بطنها ولد زاد حبي الها اني طول عمري احلم يصير عندي ولد امنيه من الله مرت الاشهر وبليله نايم يم زهراء سمعت صريخ وبجي وجنه صوت ساره كمزت طلعت لكيت ساره تصيح لزمتني وكال الله يخليك ادهم بعد ما تحمل ببجي وصوت عالي صحت بصوت عالي عليهن طلعت اسيل اسيل: ها يمعود شبيها ادهم: ما ادري بس يمكن راح تجيب اسيل: شتجيب مصارلها اسبوع بالثامن .. انوب شفت اهدومها تنكعت دم عرفت هاي علامات الولاده صحت لك هاي صدوك حتجيب باع مي الراس نزل خل البس بسرعه وطلع السياره خل اجيب هدوها وهدوم الطفل واجي وراكم ادهم: ااااا ماشي ماشي طالع زهراااااااااء بدلي لساره بسرعه كلت هيج لان ساره جانت لابسه ثوب نوم قصير وبدون ردن زهراء: لا وفوكاها ابدللها😒 عساها تموت هيه وابنها واخلص منهم حجيت بداخلي بدلتلها وراحو ادهم: اوف ياربي حتموت من الوجع شسوي بدي اطير مشيت سرعه180 بس اريد اوصل للمستشفى وصلنا صحت علعامل يجيب كرسي متحرك بسرعه لان متكدر تمشي اخذتها ودخلت للمستشفى اركض بعدني ما واصل لصالة الولادات كال اوكف ردت اكمل واوديها للصاله بس مكدرت ضلت تصيح كتلك اوكف وكفت نزلت من الكرسي وكعدت بالكاع وتصرخ بكل صوتها حسيت عيونها حتفجر من كد الام والصراخ التمو الدكتورات عليه فرغو الممر اللي بيه هيه لان الطفل واصل وحيطلع متلحك توصل جوه لحد مجابت كدامي وشفت ابني لما طلعوه كبال عيني ما اعرف افرح احزن عليها وعلى وضعها وجعها لو افرح على ابني اللي اتمنيته سنوات طويله وهسه هوه كبالي بس كانت فرحتي اكبر احس طرت بالهوا لما شفته ودموعي كامت تنزل وحدها لزمتني اسيل من ايدي وكالتلي يتربى بعزك ساره… .من الليل بديت اتوجع بس ما حجيت كلت يمكن تقلصات لان خلصت الحمل كله وجع تقلصات اموتني واني بعدني بداية الثامن كلت ممعقوله ولاده ردت انام ما اكدر زاد الوجع وادهم مو يمي واذا اصيحه هسه يكولن تتحجج علمود يعوف زهراء ويجي يمي بقيت امشي ما اكدر اكعد من الوجع لحد الساعه 4 الصبح حسيت اكو مي ينزل عرفت عندي ولاده طلعت بره وكمت اصيح بلكت واحد يطلع طلعلي ادهم واخذني هوه واسيل وصلنا لامستشفى بس ما كدرت اوصل لصالة الولاده بالممر واحس الطفل حيطع نزلت اتكٲت علحايط وكعدت وبسرعه التمو عليه الدكتورات وجبت بعدها فقدت تعبت ما اعرف وين اني بس احس بعالم ثاني بس ابني عبدلله ابالي بقيت ابجي عليه من حبيت ادهم ولليوم بطلت ابجي عليه مو ما اشتاقله بس ادهم سد فراغ بحياتي كعدت فتحت عيني لكيت امي وابويه واخواني وادهم واسيل وعصام ما شالله الفرقه كلها هنا هاي شوكت اجو ادهم.. بعد ما جابت نامت ونقلوها لغرفه وحدها علمود تنام ترتاح واخذو الطفل للخدج لان بعده مكامل ويحتاج يبقه هناك بقيت ساعه اروح لأسد وساعه اجي يم ساره خابرت اهلها وبشرتهم وخابرت عصام بشرته فديته للضلع طار من الفرح علمودي ودقايق ما احس الا عصام بصفي بالتراك مالته حتى ممبدل من كد فرحته بيه واخذني بحضنه وباركلي ورحت اشوفه اسد وهوه بالحاضنه نايم عصام: لك شنو هذا يا الله شكد يشبهك سبحان الخالق الناطق ادهم: هههه اي صدوك يشبهني يكولون المرا اذا تحب رجلها اللي بطنها يطلع يشبها والضاهر مرتي تحبني هواي عصام: ربي يحفضلكياهم ولا يحرمك منهم ادهم: تسلم حبيبي امين يارب بقت ساره بالمستشفى مطلعوها هيه والطفل كالو باجر الصبح يطلعوها اني عزمت اهلي واقاربي كلهم بالبيت وسويت عزيمه ضخمه وحضرت ذبيحه علمود اذبحها بدخول ابني لبيتي وجبت فرقه موسيقيه علمود نفرح اكثر سويته عرس مو ولاده يله شسوي منو كال ازوجه بيدي افرح بيه هسه احسن دخلت ساره وذبحنا الذبيحه ودكينا وركصنا وكلها فرحت ساره: فرحت ادهم متنوصف بأسد فدوه نسيت وجعي من شفته فرحان بس ما نسيت اسيل وكفتلي وكفه ما توكفها الاخت صح هيه ضرتي بس خدمتني فكلت خل اكسر الحاجز البينها وبين ادهم وسبق ادهم لما جبت كالي اطلبي واتمني واني انفذ طلبت منه يتقرب لاسيل بعد هجران صارله 8 سنوات كال ما اكدر اصلا كمت احس بيها اختي مو مرتي قنعته يروحلها ويصالحها ويكسر الحاجز البيناتهم وفعلا راح وصالحها وبقه يمها لمدة 3 ايام تكول عرسان جدد😒 كتلك روحلها مو تلزك عدها😏 اجت اسيل وشكرتني لا ادهم كاللها اني قنعته.. وكلتلها انتي تستاهلين وكفتيلي مثل اختي ادهم. مرت الايام واني تعلقت باسد وساره حيل صارو يعنولي كولشي اسد تعلق بيه اكثر من ساره بحيث حتى من ابات عد وحده من زوجاتي يجي يبات ويايه واني ما اكدر اذا ما انام وهو يمي ما اريد افاركه ولو ثواني اريد اعوض حرمان الاب اللي فقدتها اني.. بابني ما اريد احد يٲذيه مثل متٲذيت متانيه يكبر علمود اسلمه كل املاكي بدون تعب ما اريده يتعب مثل ما تعبت وكونت روحي اريدله بس الراحه وكولشي يٲمر يتنفذ ..والكل عرف ان اسد خط احمر عندي صار عمره 3 سنوات وكام يحجي سويتله جواز وكمت اطلعه ويايه بسفراتي وحته اخذ ساره ويايه لان اريد اختلي بيها بعيد عن ازعاج اللي بالبيت طبعا بدون علم احد بحجة اعوفها عد اهلها لحد ما ارجع من السفر بس اني جذب اخذهم ويايه شسوي اريدهم بس همه وما اريد غيرهم صارو همه الي الهوا اللي اتنفسه وفد يوم من الايام جنت مخلي 300 مليون دينار بخزنه ومٲمنها بغرفة ساره لان اثق بيها فتحت الخزنه كولشي ما لكيت غير اوراق وذهب مال ساره تخبلت وتذكرت اللي سوته ويايه اسيل (لحضه اسولفلكم شنو سوت اسيل… اسيل تزوجتها تقليدي بس اهلها جانو جابريها عليه عرفت هذا الشي بعد الزواج ولان همه حالتهم فقيره واني حالتي الماديه عاليه جبروها عليه من تزوجت عرفت انو هيه ما عدها مشاعر اتجاهي لكن ما طلبت الطلاق مني فد يوم ليش اطلكها واكسر بيها كلت يمكن تتعود عليه وتحبني جنت مخلي 100 مليون بغرفتنا ولان هيه مرتي وعايشه ويايه اكيد تندل مالي وكلشي املك دخلت فد يوم للبيت ما لكيت اسيل دورت عليها ماكو فتحت الكنتور اريد اعرف ماخذه ملابسها لو لا شفتها ممخليه شي مماخذته باوعت الخزنه اللي مخلي بيها الفلوس ما لكيت كولشي عرفت هيه سارقتني ومنهزمه رحت دورت عليها اهلها نكروها كالو مجايتنا وكلت شرطه ادور عليها اخر شي عرفت هيه لابده عد اقاربهم بكركوك دخلتلهم جريتها من شعرها ورجعتها للبيت وبعدين اعترفت انو هيه اكثر من مره تطلب من اهلها تطلك مني واهالها يكلوها نذبحج بس تطلكين اخر شي اهلها كالولها اذا تردين نخليج تطلكين لازم تنطينه فلوس من عنده اكيد تعرفين مكان فلوسه هيه ماخذه 100 مليون ومنطته لاهلها علمود تتخلص مني عاقبتها وعناد علسوته ما طلكتها وقطعت علاقتها باهلها ولان هيه ما جابتلي طفل اضطريت اتزوج عصام كالي على بنت خالتي زهراء تحبك وتتمناك من زمان اتزوجت زهراء وبقيت اسيل وياها بالبيت) يا ربي اني شسويت علمود كل وحده احبها تبوكني معقوله ساره تسويها ما اكدر ما اشك بيها لان هيه الوحيده تندل المكان اللي مخلي الفلوس بيها ومٲمن بيها.. بعدين لو بايكتهن ليش ما شردت لا الضاهر هايه لعبتها اكبر تاخذهن وتنكر وتسوي روحها كولشي ممسويه دخلت المطبخ لكيت اسيل كدامي محضره الاكل صرخت بيها تذكرت اللي سوته بيه وكلت الزهراء كعدي ساره خل تجي اريدها ضروري.. كالت هيه متقبل نكعدها الصبح صرخت بيها وكلت كتلج تجي حتي لو تجريها من راسها وتجيبيها ساره.. كعدت الصبح على صوت زهراء كالتلي اكعدي ادهم يريدج كتلها شكو كالت ما اعرف بس شكله عصبي بدلت ورحت للمطبخ لكيته كاعد كدام الطاوله وصافن عل الاكل وعيونه تجدح شرار يا ستار ياربي شوراه ردت الطف الجو كلت صباح الخير حبيبي وردت ابوسه بخده وخر راسه ومقبل ابوسه وكال اكعدي استغربت هذا شبيه كعدت كدامه عطاوله وكلت اوف يربي الساعه 8 الصبح ادري تجنيد عدنا من الصبح وخليت راسي عطاوله دا انام جان يضرب الطاوله بقوه كمزت احس كلبي صار جوه رجليه من الفزعه وصاح ادهم: كلت اكعدي.. بصوت عالي جدا ساره: هاي شبيك ليش تصيح ادهم: اللصمي ولا كلمه ساره: اكولك اني من كعدت الصبح وشفت وجهك يكمز شر ..عرفت وراك مصيبه فهمني شرايد ادهم: ههه يعني توقعتي راح اسوي مصيبه ساره: شتقصد ادهم: ال300 مليون اللي بالخزنه وينها ساره: شعرفني بيها غير عندك ملازمتهن ولا شايفتهن ادهم: ادهم بلا هلدروب انتي الوحيده اللي تعرفين عندي هيج مبلغ مخليه بالبيت وينه كوليلي بسرعه ساره: هه ادهم تشك بيه ادهم: وليش ما اشك اذا الاكبر والاعقل منج سواها قبلج وباوعت لاسيل ساره: متحملت اللي كاله وشكه بيه ما احس الا صفعته عله خده بكل قوتي وكتله تخسي انته وفلوسك يا خساره حبي بيك تاليتك تشك بيه ..هوه بعد ما صفعته انهد عليه بالضرب ويدفر برجله حيل تأذيت منه واني اصرخ وابعد بيه.. انوب كعد اسد واجه يمي يبجي وخر مني وسكت علمود ليفزع اسد اني سحبت نفسي ورحت الغرفتي لميت غراضي وردت اطلع من البيت وكف بوجهي وكال ادهم: وين ماكو طلعه ارجعي لغرفتج ساره: وخر من وجهي ما اتحمل اعيش ابيت صاحبه ميثق بيه.. بعد كل هلعشره ادهم: كتلج ارجعي للغرفه (بصوت عالي) ساره: كتلك ما ارجع وخر مني سحبت اسد وردت اطلع جر اسد من ايدي ادهم: اسد مكانه ابيت ابوه ممنوع تاخذيه وياج ساره: ادهم تحرمني من ابني ادهم: بكيفج ..اني كتلج لطلعين انتي اللي معانده تعوفيه… | ||||
|  |
|
25-07-19, 08:32 AM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت العاشر بعد محاولات ردتها متعوف البيت بس ما قبلت صح غاضب منها بس ما اريدها تعوفني ما اكدر على فراكها وخصوصا اني ممتٲكد هيه اللي اخذت ال300 مليون مجرد شك وما حاب هذه الشك يفرقنا لزمت اسد ومقبلت يروح وياها اكيد مراح اخليه يروح هذه ابني واني ما اكدر بدونه يوم ..اموت اذا ابتعد عني ساعه بس هم مقبلت وطلعت طلعت وراها كتلها صعدي اني اوديج لاهلج وكفت نسيت مفتاح السياره ركضت بسرعه اجيبه طلعت لكيتها ماكو رحت ادور عليها بس هم ماكو يمكن راحت لاهلها حسيت الدنيا اسودت بوجهي احاول اجر النفس بس ما اكدر احس النفس يجرحني من يصعد اختنكت كعدت بسيارتي ابجي اني شسويت ضيعت حب عمري من اديه راحت ما اضن ترجعلي بعد السويته بيها اتذكرت اسد بقه يبجي بالبيت درت السياره ورجعت للبيت لكيت اسد هلكان من البجي اخذته وطبيت بغرفة ساره نومته وبقيت اباوع عليه وابجي هه اني اللي عمري كله محد هزني وبجاني حته زوج امي من جان يضربني ما ابجي علمود لا اضعف وتكسرني دموعي بس فراكها عني يعنيلي الموت اتصلت عله ابوها ادهم: الو ها عمي الله يساعدك ابو ساره: هلا بيك عمي شلونك ادهم: اكول عمي ساره اجتكم ابو ساره: اي عمي طبت تبجي ما نعرف شبيها سٲلناها كالت تعاركت ويا ضراتي وطلعت ليش عمو شصاير ادهم: لا عمو مصاير شي خليها ترتاح وبراحتها وشوكت متحب اجي اخذها… عرفت انو مكايله الابوها عل اللي صار زين ليش محجتلهم معقوله هيه الماخذه الفلوس وتخاف تحجي اوف ياربي راح يوكف عقلي😣 خل اخابر عصام يجيني للبيت ما اكدر التقيه بالكوفي لان اسد ما اكدر اعوفه خابرت عصام .. وكتله تعال اجه عصام: هلا خويه ابو اسد شلونك ادهم :هلا بيك خويه عصام: خير شصاير وجهك تعبان ادهم: والله ما اعرف شكولك عصام: احجي شبيك شغلت بالي ادهم: لك مخلي 300 مليون بغرفة ساره وبس هيه تعرف مكانهن واجيت اليوم الصبح كولشي ما لكيت سٲلتها تنكر متجاوب عصام: ادهم انته شبيك تخبلت تنكر شنو.. ؟ المره صارلها وياك 4 سنين فد يوم مدت ايدها على جيبك شنو هاي اول مره تٲمن عدهاكل مره فلوسك يمها ادهم: لك والله دايخ يعني صير بمكاني داكولك بس هيه تعرف المكان متٲكد مكايل لا لزهراء ولا لاسيل زين وين راحن محتاجهن حاليا للمشروع اللي بديته بكربلاء كولي هسه شلون ادبره عصام: والله يا ادهم ما اعرف شكلك دورو الغرفه بالبيت يمكن بيها هسه انته تهمتها بمجرد ما لكيتهن بالخزنه يمكن مخليها بغير مكان تصير هيج حاله تخلي وتنسا ادهم.. والله ما اعرف دخت والله دخت ما اكدر علي فركها.. لو ادري بيها تطلع ما حجيت عصام كول يا الله خويه.. انشالله يومين وتهدء الامور وصالحها.. ادهم.. انشالله …… ساره… بعد ما طلعت منه وكفني علمود يوصلني بس ما اكدر اتحمل اشوفه بعد ما شك بيه اخذت تكسي ورحت لاهلي دخلت عيوني مورمه من البجي عفت اهلي وصعدت بغرفة اختي ابجي اجو اهلي يسٲلوني شبيج ما كلتلهم ضايعه فلوس كتلهم هيج متعاركه ويه ضراتي نمت وكعدت باليل ابجي على اسد بنفس المكان اللي جنت ابجي بيه عله عبدلله ابني اوف ربي ليش هيج تحرمني من اطفالي شنو سويت ليش اجيب الطفل واربيه واتعلق بيه وبعدين يروح مني ليش كل اتعلق بيه يضيع من اديه.. ليش هيج ادهم سويت بيه تعرفني ما اكدر اعيش بلياك ساعه صحت اختي على صوت البجي مالتي كعدت تواسيني بس شتواسي عله فراك اطفالي لو على فراك ادهم مرت 3 اسابيع وادهم ماكو منه لا حس ولا خبر متت اريد اشوف ابني.. كاعده بليل علموبايل اتصفح علفيسبوك طلع عندي اتصال كامرا علماسنجر باوعته ادهم فتحت شعري وعدلت ملابسي ورديت لكيت اسد فرحت كولش لما شفته حجيت وياه وبوسته نومته عبر الاتصال بقيت اغنيله واني فاتحه الكام لحد منام شفت ادهم ما حجه ويايه ردت اقطع اتصال جنت اتمنه بس المحه اشتاقيتله كولش هاي اول مره افاركه هلكد من تزوجته لليوم هوه سحب الموبايل من ايد اسد وغطاه وحول اتصال الكامرا الى اتصال عادي اني مقطعت الاتصال عسا ولعل اسمع صوته وبالفعل حجه ادهم: هله ساره شلونج ساره: هلا حب… اجيت اكوله حبيبي وترددت كتله هلا ادهم ادهم: شوكت ناويه ترجعين ساره: ما ارجع لحد متتيقن انو مو اني اللي بايكتك وتعتذرلي بوقتها ارجع ادهم: همممم براحتج ساره: ادهم ادهم: نعم ساره :الله يخليك انطيني ابني حرام عليك والله دا اموت على ريحته كافي نحرمت من عبدلله ليش تحرمني من اسد ادهم: اسف ما اكدر ساره: الله يخليك ادهم والله راح اموت عليه وبقيت ابجي بلكت يحن وينطينياه ادهم: بشرط ساره: شنو الشرط ادهم :تقضين ويايه يوم كامل وكٲن مصار شي مجرد تخليني ارتاح ساره: شنو هههههههه انته تحجي من كل عقلك ادهم: بكيفج متردين لتجين واسد ماكو ساره: لحضه بس ليش تطلب هيج طلب عندك غيري 2 تكدر تاخذ راحتك وياهن ادهم: عندي غيرج بس ما عندي مثلج وانتي الوحيده اللي تعرفين شلون تريحين وتخلصيني من هلتعب ساره: هلكد تحبني ادهم: ______ ساره: هههه لتحجي.. اوك موافقه بس بعدها اسد اخذه ويايه ادهم: اوك بعدها اخليه يمج ساره: شوكت ادهم: باجر العصر الساعه 4 اجي اخذج ساره: اوف هلكد مستعجل.. هههه اوك ماشي يله باي ادهم: وين ساره: اروح انام ادهم: نامي بس لتسدين الخط ساره: ليش ادهم: عاجبني ادهم. بليل كاعد اني واسد بالغرفه دا اتصفح علفيسبوك واسد كاعد يتفرج افلام كارتون لحضه وشفت صفحة ساره اخذت نفس اوف شلون اكدر احجي وياها اشتاقيتلها حيل دخلت علصفحه لكيتها متصله بالنت درت وجهي عله اسد كتله باباتي تريد تحجي ويه ماما هوه فرح وبقى يصفك ههه خليت التابلت كدام وجه اسد واتصلت كام لحضات وجاوبت من سمعت صوتها حسيت رجعتلي عافيتي بقيت اباوعها وهيه تحجي ويه اسد بس هيه متشوفني لان عدسة الكامره موجها بس على اسد بقيت صافن عله شعرها على ملامحها لابسه تيشيرت بنفسجي يكتل عليها اخذت نفس اه اشلون ارجعها ياربي مشتاق لكل جزء بيها ما احس عايش بدونها انطت تعليمات لاسد ينام وبقت هيه تغنيله واني اسمعها لحد ما حسيت اسد غفا اخذت الموبايل وحولت الكامره اتصال ما اريدها تشوف وجهي وتتذكر اللي سويته بيها طلبت منها ترجع بس مقبلت رادت ابنها ورفضت هوه بس هذا باقيلي من ريحتها شلون افرط بيه ..انوب خطرت ابالي فكره كتلها اريدج تقضين ويايه يوم واني اخلي اسد يمج تعجبت هيه من طلبي وضلت تضحك حقها متعرف هيه شمسويه بيه واني من يوم الراحت حرمت عليه زوجاتي خلصت ايامي ويه اسد بغرفتها وافقت وواعدتها اجيها بالاربعه ساره: كعدت الصبح كلت لامي ادهم هيج طلب علمود ينطيني اسد امي كالت خاف مسويلج لعبه كتلها لا يمه ادهم ما عنده هيج سوالف بس امي زرعت الشك براسي خاف صدوك مدخلني بلعبه علمود يشوف شنو ردت فعلي بس اشتياقي اله كان اكبر من خوفي اروحله وشيريد يسوي خل يسوي المهم اشوفه واشتم ريحته واكحل عيوني بشوفة عيونه.. رحت للصالون عدلت نفسي شسورت شعري حطيت مكياج خفيف وانتضرته كلت لابويه راح ابات بيت عمتي واتفقت ويه عمتي وكتلها متكول.. دزلي مسج ادهم اني انتضرج ؏شارع اطلعي طلعت لكيته لابس قميص اسود والجينز بيج وهو ابيض الاسود يموت عليه اوف شكد مشتاقتله ادهم دزيتلها مسج وطلعتلي اوف يابه تخبل لابسه جينز ابيض والقميص خمري حاطه مكياج خفيف تكتل وصلتلي ابتسمتلها وكلت ادهم: هاي هيج فراكي يسويج حلـِۈۋو?ّ ساره: هههه لا بس شوكي الك خلاني اتلهف لشوفتك ورحت ركض عصالون لحته اغير بنفسي ادهم: ههههه اوك يله اصعدي… صعدت ومشيت السياره شغلة اغنية (تسٲليني ليش احبج اسٲليني عن عذابي عن جنوني عن حنيني) اغنيه رومانسيه طيرتنا بالهوا بكلماتها بعدين التفتت الها وسٲلتها ادهم: ساره جنطه السوده وبيها بنفسجي الج ساره: شنو ممممم ما اتذكر اهااااا اي بس قديمه ما استخدمها مجمعه بيها فلوس ادهم: شكد بيها فلوس ساره.. ما اعرف كلما اروح للسوك ويزيد عندي بالمصرف اشمره باهلجنطه ..يمكن بحدود500 الف دينار اقل اكثر ما اعرف بس بالحدود ادهم: بيها 300 مليون و540 الف دينار عراقي ساره: شنووووو.. لكيت فلوسك بجنطتي ادهم: اخذت نفس وكلت أيٌـ.yesـ?ٌَ ساره: شوف ادهم ولله وغلاتك وغلاة اسد عندي مشايفتهن ولا شايله فلوس.. ولو صدوك اني ما خذتهن جان لما طلعت من بيتك اخذتهن ويايه اني اصلا نسيت حته اخذ الفلوس البجنطه وما تتذكرتهن الا هسه ادهم: اعرف بس منو هذا اللي يريد يورطج ومخلين بجنطتج ساره: ادهم واكو غيرهن ادهم: منو.. اذا على اسيل لو زهراء مستحيل هنه اصلا ميعرفن مكان الفلوس وين ساره: حبيبي هذني يندلن ابليس بيا وكر نايم.. اكيد هنه ادهم: عندج دليل ساره: لــnoـا ادهم :لعد اسكتي لتضلين اتهمين غيرج باطل ساره: انته وين ما خذنا هذا مو طريق البيت ادهم: ومنو كالج اني رايح للبيت حجزت غرفه بالفندق لمد 24 ونرجع ساره: خفت لما كالي بالفندق ليش مو بالبيت معقوله مسويلي لعبه وكل هلحجي تلفيق من عنده علمود يجرجرني بالحجي وصلنا للفندق دخلنا الغرفه باوعت الغرفه حلوه ومريحه وبيضه واضواءها هادئه بس بعد الخوف ماكل كلبي بقيت افتر بالغرفه حسيت ادهم ورايه لف اديه على خصري وبقه يشتم بشعري ويبوس بركبتي بس اني جامده بمكاني دارني الوجهه وكال ادهم: شبيج ليش هيج جامده ساره: صراحه خايفه ادهم: خايفه منين.. مني ..!! ساره: لا مو منك من الطريقه الجبتني بيها ليش بالفندق ليش مو بالبيت ادهم: هاي شبيج ردت ابتعد بيج عن كولشي وارتاح وياج علمزاجي.. شنو معقوله مثقين بيه ساره: لا طبعا اثق بيك قابل اني ادهم واشك بيك ادهم: هههههه بقيت اخذتها وبوستها وعرفت من خلال لهفتها عليه شكد هيه مشتاقتلي واخيرا صارت بحظني ما بدي ارجع ولا بدي اطلع باب هذي الغرفه حاب اعيش وياها العمر كله هيه سحاره بهلشي ما اعرف شلون ترخيلي اعصابي وتخليني ارتاح غصبا عليه بقيت اليل كله وياها وبحضنها ساعه 5 الفجر بعدها الشمس ما طالعه بس الضوه خفيف كولش وساحر وهيه فاتحه باب الشرفه ومنتجيه علباب وتباوع فتحت عيوني عليها وبقيت صافن شلون شعرها يطير من الهوا وهيه سرحانه كمت من فراشي تجيتها على حافت الباب وكمت اشم بيها وابوسها وهيه فقط ذايبه باديه.. انوب كعدت الساعه 9 الصبح هيه نايمه وشعرها مغطي وجها بعدت شعرها وبقيت اتٲملها فتحت عيونها ابتسمت ساره: صباح الرومانس حبيبي ادهم: هههه صباحي انتي ساره: ادهم ادهم: عيونه ساره: ما اريد اروح منا وما حابه ابتعد عنك خطوه حابه اضل بحضنك ومتروح وغطيت راسي بجسمه ادهم.. اي لتروحين ارجعي ويايه للبيت هاي الفلوس ولكيتهن.. بعد ؏شنو زعلانه ساره.. ما اكدر ..الفلوس لكيتهن بجنطتي.. يعني لسه مشكوك بأمري.. ما ارجع لحد متلكه الخله الفلوس بجنطتي وراد يورطني ادهم.. زين يمكن انتي شايلتهن ومخليتهن ومتدرين ساره.. مستحيييل.. 300 مليون ادهم مو مبلغ قليل حتى انساه لو شلته وغيرت مكانه ادهم.. وهسه اشلون اريدج.. وما اتحمل بعدج ساره.. احبك.. بس ما اكدر اعذرني بعد الليله الرومانسيه اللي قضيتها وياه رجعنا اخذت اسد ووصلنا للبيت وره اسبوع خابرني كالي حضريلي اسد اريد اخذه كتله انته مو كلت ابقيه عندج كال بعد ما اتحمل فراكه ومقبل يبقيه عندي ورجع اخذه وهم توسل علمود ارجع وياه.. بس عاندت ما اروح وياه الا يكتشف منو اللي سوه هلشي علمود يوكعني مر شهر وبدت روحي تلعب والدوخه لازمتني والعاده متٲخره عندي رحت سويت تحليل طلعت حامل فرحت هوايه بس كلت ما اكوله لحد ما يعتذرلي علسواه وثاني يوم الصبح مبدله واريد اطلع دك موبايلي رقم البيت ساره: الو اسيل: هلا ساره اكولج هذا اسد بس يبجي بلكت انتي تجين تسكتيه ساره: لعد وين ادهم اسيل: شنو متعرفين ساره: لا شنو احجي اسيل: ادهم سوه حادث سياره وهسه هوه بالمستشفى ساره: شنوووو شوكت ووين ليش محد كالي اسيل: لا زين اطمنا عليه وعصام وياه بالمستشفى بس اسد ما كاعد يسكت الو الووو هاي وين رحتي خرررب ساره: بعد مخبرتني اسيل بالحادث وكف كلبي صارت دموعي تنزل بوحدها اخذت جنطي وركضت طلعت من البيت خابرت عصام وكالي عنوان المستشفى رحت للمستشفى دا اسٲل الاستعلامات لكيت عصام كدامي دلاني علغرفه ورحت ركض ادهم… جنت كاعد واسد يبجي على امه حاولنه انسكته بس بعده يبجي اسيل: مترجع امه مو لكيت الفلوس بعد شكو ادهم: معانده الا تعرف منو السوه هيج ورادها هيه توكع بهلمشكله واني منين اعرف حاولت وياها ماكو متقبل اسيل: بكلبي كلت اني اعرف السوه بيها هيج خطيه شنو ذنبها هيه وابنها يتعذبون بدون ذنب خل اكول لادهم وشيريد يصير خل يصير… ادهم شنو رٲيك ناخذ اسد ونوديه للمتنزه يلعب شويه ينسه امه ادهم: اوك خوش فكره بدلي خل نروح وكولي لزهراء خل تحضر نفسها والبنات خطيه هم يتونسن اسيل: لا عوف زهراء اريدك بموضوع مهم ادهم: خير شكو اسيل: من نطلع اكولك ..بدلت اليه ولاسد وطلعنا كعدنا واسد يلعب بالمراجيح سٲلني ادهم ادهم: شنو الموضوع اللي كلتي عليه اسيل: شوف اسفه لان ضميت عليك بس خفت اسوي مشكله اكبر اذا احجي ادهم: دحجي عاد شنو الموضوع قلقتيني اسيل: اعرف منو سوه هيج بيك وبساره ومنو اللي خله الفلوس بجنطة ساره علمود يوكعها بالتهمه ادهم: منو كولي بسرعه اسيل: زهراء. ذاك اليوم سمعتها تحجي ويه اختها دعاء وكالت ساره شمرتلها تهمه وبعدتها عن ادهم بقه بس اسد هذا شلون اخلص منه من يوم الصار وادهم ميشوف غيره لازم ابعده عنه علمود يرجع ادهم الي ولبناتي وسمعتهن ديتفقن على هلموضوع ادهم: انتي تحجين صدوك لك اني شسويت وشلون شكيت بساره وبعدتها عني وعن اسد شلون هيج حركت كلبها وكلبي بدون ذنب وبسبب لعبه قذره اني اعلمها الزهراء اذا ما اطلكها واخليها واخذ بناتها واحرمها منهن مثل ما حرمتني من ساره وحرت ساره من ابنها اسيل: لا ادهم الله يخليك اني خفت احجيلك عرفت حتسوي هيج عاقبها بس لطلكها فدوه خطيه بناتها يتٲذن شفت اسد شلون متبهذل بلايه امه خطيه البنات هم يتبهذلن بلياها ادهم: لج شلون ترديني اسكتلها علسوته اسيل: ما اكلك اسكت بس عاقبها بطريقتك مو اطلكها خطيه بناتها ادهم الله يخليك.. وبعدين احنه ضراير والمثل يكول الضره تحر حتى لو بالكبر ادهم: هسه خلينا من النعل زهراء اني لازم اروح هسه لساره اعتذرلها واجيبها كومي خل اوصلكم للبيت ومناك اطلعلها وصلت اسد واسيل وطلعت لساره سقت السياره بسرعه بس اريد اوصللها علمود اعتذرلها ما احس الا طاير اني والسياره ما حسيت على شي الا بالمستشفى وعصام يمي ادهم: عصام اني وين وشصار عصام: الحمدلله عله سلامتك خويه حادث زغير والحمدلله عدت سلامات شوي كسر بالساق ايام وتتحسن انشالله ادهم: ساره وين عصام: ابيت اهلها.. محد خبرها ادهم: لحد يخبرها اني اصير زين واروحلها لازم اعتذرلها علسوته زهراء عصام: شسوت زهراء ادهم: هيه المخليه الفلوس بجنطت ساره علمود تبعدها عني عصام: منو كالك هيه ادهم: اسيل سامعتها لما جانت تحجي ويه دعاء عصام: هاي صدوك تحجي اني الها دعاء اعرف شصرف وياه ادهم: اشششش معليك انته لتسوي مشكله بينك وبين مرتك بسبب مشاكل نسواني… اجه الدكتور انطاني منوم علمود يخف الالم البجسمي ما حسيت الا الصبح كعدت اجو اصدقائي يطمنون عليه وشويه ودخلت ساره تبجي وشبكتني فرحت بس شفت واحد من اصدقائي يباوع عليها وهيه لابسه بنطرون ابيض وقميص طويل اخضر تفاحي غرت كولش حسيت عيوني صارت براسي فخزرتها كلتلها ادهم: روحي منا بسرعه يله ساره: ادهم والله اسفه بس اموت اذا صار بيك شي ادهم: دا اكولج روحي ساره: ما ما ما اريد ابقى يمك بعد ما اريد افاركك ادهم: لج روحي الولد كلها دتباوعلج هنا راح ادفنج والله ساره: ابتسمت ههه يغار عليه اوي فديت مكسر ويخبل والله اشتاقيتله ابتسمت وكلتله اوك راح اروح ادهم: ساره لترحين لاهلج روحي لبيتي خطيه اسد تلكيه يبجي ساره: اوك حياتي راح اروح وعندي الك خبر حيطيرك من الفرح ادهم: شنو هوه ساره: من تطلع اكولك ادهم: كوليلي هسه نفسيتي زفت بلكت صدوك يفرح وارتاح شويه ساره: اقتربت من اذنه وهمست اني حامل ادهم: هههههه والله ..فرحت واخيرا راح يصير اخ لاسد ساره:ان شالله حبيبي يله اني اروح تحتاح شي | ||||
|
| |
|
25-07-19, 08:35 AM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 11 عصام.. دخلت للردها لادهم لكيت ساره تريد تروح اباوعلها شطالعه تخبل تكول جايه حفله مو مستشفى ما اعرف ليش ما اكدر اغض نضري عنها.. كلما احتصر افكر بيها.. دوم ساكنه خيالي.. شكد ما احاول ابعد هلشي مو بيدي.. ارجع افكر بيها مرحها ضحكتها اسلوبها كلها تلفت انتباه ..تخليك تفكر بكل حركه تسويها وتسكن بالك.. رحت للدكتور اسئل على خروج ادهم .. كال يكدر يطلع.. لكن خل يرتاح ولا يتحرك علمود يتحسن الكسر مال رجله اخذته وطلعت بالسياره عصام: لازم ارتاحيت من اجت ساره ادهم: اي والله عصام: ولك تردي لو ما مرتك جان قفصت عليها ادهم: انجب لك استحي عصام: لك شبيك دا اتشاقه والله بس والله هيه حلوه وتجبر الواحد يباوعلها ادهم: انجب😒 عصام: انجبيت 😑 ادهم.. هههههه.. متشوف اول ما شفتها عرضت عليها الزواج.. هيه محبوبه عصام.. الله يخليها الك انشالله ادهم.. تسلم دخلت للبيت اخذني عصام للغرفه مال ساره دخلت لكيت ساره نايم هيه واسد اووووف شكد ارتاحيت لما لكيتها نايمه مثل الملاك اشرت لعصام بلا ميسوي صوت وصلني للسرير كعدني وطلع بقيت اتصفن بيها العب بشعرها وبهلاثناء دخلت زهراء طلعت روحي من شفتها رادت تسلم عليه طردتها وكلتلها احسابج يمي بعدين من الصوت كعدت ساره ساره: ها حبيبي طلعت الحمدلله على سلامتك والله ردت اموت لما سمعت بيك ادهم: الله يسلمج حبي… ساره… ساره: ها حبيبي ادهم: اني اسف لان شكيت بيج فعلا غبي والله ..الله يخليج سامحيني ساره: مسامحتك حبيبي لتعب نفسك يله نام اني راح اروح اجيب غراضي بقت ابيت اهلي وارجع ما اطول ٱפگـي? ادهم: ٱפگـي? حبيبي ساره: ردت اطلع ورجعت كتله نسيت شغله ادهم: شنو ساره: تقربت منه وطبعت بوسه على شفايفه ههه حسيته ذاب كدامي ضحكت ونومته وغطيته وطلعت لكيت عصام ساره: هلا عصام عصام: هلا ساره وين ساره: رايحه للبيت اجيب غراضي نسيتها ببيت اهلي عصام: اوك امشي اوديج ساره: لا يمعود انته اصلا تعبان.. تعبت ويه ادهم هوايه اخذ راحتك.. اني اخذ تكسي عصام: اكلي تبن تمشين هيج بابا انتبهي على نفسج تره احنه كاعدين بالعراق مو باوربا ساره: ليش شلابسه ما بيها شي ملابسي عصام: اي بس الشارع ميتٲمن وانتي حلوه وزغيره ما عندي شي اني اوديج وارجعج ساره: اوك يله.. استغربت عصام ليش هيح يغار على ملابسي ادهم نفسه محاسبني.. يله هوه طبعه غيور شويه صعدنا بالسياره الطريق كله ما شال عينه عني ما اعرف صراحه استغربت نضراته بس ممعقوله هوه اخو ادهم ويحب ادهم هوايه وصلنا لبيت اهلي جبت غراضي وسلمت على اهلي وطلعت وصلنا للبيت لكيت ادهم كاعد بالصاله من دخلت ابتسم وجانو اهله وعمامه كولهم موجودين سلمت عليهم وكعدت يم ادهم ادهم: همست بأذنها توه نور البيت حبيبي ساره: يحياتي منور بوجودك ادهم: مشتاقلج كومه بعد ما اسمحلج اطلعين خارج البيت لو اعرف احبسج تحت سابع ارض ساره: هههه وعد بعد ما اطلع ابقى لازكه على كلبك… ادهم.. احلى لزكه ساره.. هههههه فديت.. رحت للمطبخ ويه البنات اسوي اكل كملنا سوينا سفره لان الكل موجود وعمامه وخواله حسيت بوجع ابطني ذبحني ودوخه لزمتني.. احس الدنيا كامت تفتر بيه باوعت لادهم يباوعلي ويبتسم ما احس الا افترت بيه الدنيا ووكعت ادهم… دخلت ترتب السفره واني فرحان بوجودها بالبيت اباوعلها وابتسم حسيتها تريد توكع اريد اكوملها بس وكعت ووكعت اني يمها لان ما اكدر اكوم رجلي مكسوره اضرب بيها متكعد باوعتلها شفت ملابسها كلها دم فصحت على عصام يشيلها للمستشفى ادهم: عصام فدوه خويه الحك هيه حامل لا انوب تسقط كلهم باوعولي باستغراب لان هيه صارلها شهرين عد اهلها وميعرفون اني اتواعدت وياها عصام… شلت ساره وركضت لسياره وصلت للمستشفى وشلتها ودعاء وياي بدت تهذي وتصيح ادهم احبك ادهم لتعوفني انوب مدت ايدها تتحسس بركبتي وبوجهي ما اعرف شصار بيه ردت اوكعها من كد ما الرجفه الصارت بجسمي احس كلبي حيوكف خليت راسها على كتفي واني شايها بقت تتأوه من الالم وتهمس ادهم ادهم لا تعوفني اوووف صارت حالتي غريبه احس روحي سخنت وديتها ودخلتها كالو الطفل ميت لازمها عملية علمود ينزلون الطفل ولازم توقيع الزوج كتلهم هوه جاي بالطريق ابدو العمليه وصل ادهم ووقع وكعدنه نتانيها اني وادهم ودعاء خلصوها وطلعوها للغرفه انوب كامت تهذي متنه من الضحك على هذيانها تغلط وتفشر على ادهم وهذا ادهم يسكت بيها ويضحك انوب كعدت تتألم وتبجي.. اجت الدكتوره انطتها منوم علمود لتحس بالوجع ورجعت نامت وكالت وكالت الدكتوره تكدرون اطلعون ما عليها شي بس يحتاجلها راحه دورنا على كرسي متحرك علمود ناخذها بيه ماكو كلت لادهم يمعود جبتها الطريق كله شايلها بقت عله هل كم خطوه ادهم كال ماشي كتله انزل انته ودعاء بس خلينطوني ورقة الخروج واجيبها واجي وكلت الدعاء امشي ويه ادهم لان ميكدر يمشي كوه علعكازه طلعو واني تانيت اخذ الورقه وشلتها وطلعت دا امشي ورادت تزلك من ايدي رفعتها لصدري حيل وجها صار كبال وجهي دخت اوووف ياربي ما اريد ابااوعلها هيه مرت اخويه اريد بس اخلص من هلشعور الغريب بس اشوفها ما اعرشيصير بأحوالي اتأذه من هلشعور انوب هيه زادت بالطين بله هم مدت ايدها على ركبتي وبقت تتحسس بجسمي صعدت بالمصعد وهيه بحضني كامت تهذي بادهم واني اباوعلها فتحت عيونها بين النايمه والكاعده.. مدت راسها وبوستني عبالها ادهم بس احس روحي راح اوكع بدون شعور بادلتها البوس وبقيت وياها لحد منفتح المصعد كمزت والكه دعاء كبالي تخبلت من شافتنا بهلوضع كتلها هيه باستني عبالها ادهم ضلت تصيح وتكلي نزلها لتشيلها تعاركنا اني وياها وكتلها روحي للسياره لا ادفنج هنا راحت بس ادهم حس على دعاء متعاركه ويايه وصلت للسياره مددت ساره بالسياره ودا اصعد اشرلي ادهم ادهم: شبيها دعاء ليش تبجي عصام: يمعود هاي فارغه معليك ساره ما تدري عبالها انته وباستني بخدي كلبت الدنيا شفت ادهم ضاج بس ما حجه وصعدت بالسياره اباوعلهم من المرايا مال السياره ساره بحضن ادهم نايم وهو يبوس بيه من خدودها وراسها ما اعرف ليش ضجت من شفتهم المفروض افرح لان كولشي يفرح ادهم يفرحني عرفت بنفسي وكعت بحبها شلون اطلعها من كلبي كرهت نفسي لان احبها شلون اكدر اتخلص من حبها ما اكدر افكر ولا للحضه ممكن اخون الخوه البيني وبين ادهم بس شسوي مكاعد تروح من عقلي ..وصلتهم للبيت وهم شلت ساره وديتها لغرفتها ودخل ادهم ساعدته بٲنو ينام علسرير غطيته وطلعت ساره كعدت الصبح لكيت نفسي بغرفتي بس الوجع يكتلني باوعت لادهم نايم كمت اخذت بندول علمود اسكن الوجع كعد ادهم وبقيت نايمه بحضنه ونسولف كالي شسويت ويه عصام وشلون مرته تعاركت وياه لان بسته بخده ضجت شلون مسويه هيج طلعت لكيت عصام ديطلع من الحمام وكفته وكتله ساره: ما اعرف شلون اشكرك علسويته ويايه عصام: يمعوده مصار شي الحمدلله على سلمتج والله يعوضج ابدال الطفل عشره ساره: هههه صدوك يكولون كسرت ضهرك عصام: شسوي شكبرج غير تسوين رجيم جنج فيل وشايلج😂 ساره: اووو عصام عابتلك منيلي سمينه عصام: لا جذب دا اشاقه وياج ساره: اني اسفه لان صارت مشكله بسببي بينك وبين دعاء بس والله ما ادري يمكن عبالي ادهم مجنت حاسه بشي وبوستك بخدك عصام: هه بخدي لا يبنت دنتي عملتي شغلات اكتر من كدا بكتيييير ساره: لا بربك شسويت عصام: مديتي ايدج بجسمي تتحسسين بصدري وبوستيني حلك ساره: ياااا عزززه وانته ما منعتني عصام: والله حاولت امنع نفسي من عندج بس ما اعرف من اشوفج شيصير بيه ساره… بقيت مصدومه بحجيه.. هذا شلون يحجي ويايه هيج.. معقوله يحبني بس شلون يتجرء اني مرت ادهم اقرب الناس اله بقيت افكر بتصرفاته ويايه وبنضراته تٲكدت هوه يحبني بس شلون اخليه يكرهني ما اريد اصير ثغره بينهم واخرب خوتهم همه ما الهم غير بعض بقيت لليل افكر طلعت اشرب مي دخلت للمطبخ اضلم واني افكر وانصدمت بشخص لابس اسود ويباوعلي وعيونه تجدح تكول بزونه شفته عصام ما كدرت بسرعه افترت الدنيا بيه ووكعت بس احس على نفسي بس ما اكدر احرك جسمي شالني ودخلني ادهم كمز شبيها كاله ما ادري فجٲه تخربطت ووكعت خليها تنام يمكن بعدها تعبانه خطيه ادهم خفت عليها هوايه كعدتها شربنها مي وخليتها على ايدي ونامت مرت الايام وره شهرين اجتني خالتي تشكيلي عن عصام مزاعل مرته ومرته عد اهلها زعلانه سٲلتها شبيه تكولي يحب وحده اسمها ساره ومرته سامعته وهو نايم يحجي باسمها وانوب رايد يصيح لمرته صايحلها ساره مو دعاء وهيه متخبله وزعلت احجي وياه بلكت تعرف منو هاي اليحبها وشناوي عليها كتلها ماشي ولا يهمج اني احجي وياه رحت اللتقيت بيه سٲلته ادهم: ولك منو هاي ساره اللي تحبها نوب نفس اسم مرتي غيره خو مو غيره😂 بس تفاجٲة بنكره عصام: لا يمعود شبيك ولا ساره ولا بطيخ هاي مريضه مرتي يمكن فد وحده من بنات الليل اسمها مشكل براسي وغلطت بيها ودعاء مكبرتها ادهم: باوعتله اعرفه يجذب يدور بعيونه منا ومنا والعرك ترس وجها.. بس ليش حاول يسد الموضوع بكل صوره معقوله يضم عليه وليش ارتبك كولش كال اني اترخص تعبان اريد اروح للبيت .. بقيت صافن هذا شبيه ليش هيج وضعه خليت ايدي على حلكي وللحضه شكيت ان اللي يحبها مرتي اتذكرته شلون يدافعلها وشلون يمدحها كدامي صوجي اني اللي حببته بيها جنت احجيله كولشي عنها حته علاقتنا الخاصه واني اعرفه هوه محروم من هلشي اني شسويت بيه دمرته اني خليته يحب مرتي جنت متمني عصام يحبله وحده ومستعد احارب الدنيا علمود ازوجه ويرتاح بس شلون وهو يحب مرتي ما غرت على مرتي منه بكد ما ضجت على وضعه هوه مو ناقصه هلحب اكيد ضميره ديعذبه على الديسويه اكيد عايش والغصه بكلبه لا يكدر يخوني ولا يكدر ينساها رجعت للبيت ضايج وطافره روحي ما اريد عصام يتعذب بس شلون كله صوجي اني الخليته يحبها نمت يم ساره وبالي اصلا مو يمها سٲلتني ساره شفت ادهم مو على بعضه ودايخ حتى ما نام الساعه 3 وهوه كاعد خليت راسي عله صدره وباوعتله كتله شبيك حبيبي مو عله بعضك ادهم: بالي مشغول بعصام ساره: شبيه ادهم: يحب وحده وسٲلته ونكر بس عرفت منو هيه من خلال عيونه ساره: منو ادهم: انتي.. ما اعرف شلون وشوكت حبج بس اني شفتج كاعده بنص عيونه اني اللي خليته يحبج اعرف هوه مرته حارمته من كولشي واني جنت اسولفله عنج اني الدخلتج بكلبه اني سبب عذابه هسه ..ثقي لو ما انتي حبيبتي وام ابني اسد جان طلكتج وجبرتج تتزوجيه بس اعرف لو سويتها راح اكرهج واكرها واكره نفسي ساره: اني اعرف هوه يحبني بس ما جنت اتوقع هلكد اتوقعت اعجاب فقط ادهم: عقدت حاجبي وباوعتلها شنو وانتي منين تعرفين ساره: ماكو مره متحس برجال يحبها ومعجب بيها واني حسيت من اسلوبه ونضراته ادهم: وليش مكلتيلي ساره: ما ردت اكبر الموضوع لو افرق بينك وبينه سويت نفسي ما اعرف | ||||
|
| |
|
25-07-19, 08:38 AM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 12 والاخير بعد مرور 6 اشهر ادهم كعدت الصبح نايم يم ساره باوعتلها وضحكت وهيه هم كعدت ابتسمتلها وكتلها عيد ميلاد سعيد كل عام وانتي بحظني انشالله ضحكت .بوستها. وبقينه نتغزل ابعض و نسولف انوب طلعنا وتريكنا كتلها محضرلج مفاجئه تلكيها عل الفيسبوك صورتلها فيديو كليب مونتاج واني اغنيلها اغنية (ربع حبي يعادل كل اليحبون ونص حبي الك ما حبتك امك من تنجرح انته يسيل منك دم روح افحص وشوفه دمي عليه تعودت وبدوني راح تموت ولحد الموت من حبي ولا فطمك) خليتلها هاي الاغنيه علمود اعبرلها عن حبي الها كدام العالم كله وبقيت بغرفتها كلتلها اليوم ما اريد افاركج ابقه وياج بقينه صارت الساعه5 واني محضر اسويلها حفله بالبيت لعيد ميلادها بس ناقص هديه مجايبلها فكلت خل اروح انزل للسوك اجيبلها بدلت وطلعت كتلها ما اتأخر شوي وارجع.. بوستها ورحت طبكت السياره بالكراج وتمشيت للسوك وما حس الا انفجار قوي طيرني بالهوه شفت نفسي كلي دم اتٲكدت اني راح اموت وبعدها غمضت وما حسيت على شي ساره طلع ادهم العصر فديته ديحضر لعيد ميلادي وكال اروح اجيب الهديه واجي كتله ماكو داعي وجودك بحياتي اجمل هديه بس مقبل كال لا متكمل راح ووره ساعه دك الموبايل باوعت رقم ادهم ادهم ضحكت وجاوبت ها حياتي.. طلعلي شخص يكولي صاحب هذا الجهاز شيقربلج كتله زوجي كال اختي صار انفجار وهذا الرجل متٲذي تعالو موجود بمستشفى الكندي اوف ربي وكف كلبي من كالي احس الدنيا سودت بوجهي طلعت ما ادري بروحي اركض بالشارع مثل المخبله خابرت عصام وكتله واخذت تكسي ورحت وصلت للمستشفى الدنيا مكلوبه والجثث بكل مكان اباوع بالجثث منو ادهم لكيت عصام هم موجود ويدور رحنا ندور عليه باثلاجات وهم ماكو اخر شي لكيناه بردها ويه الجرحى الحمدلله مميت بس متٲذي وجها مينشاف من كد الدم شلناه اني وعصام واخذناه لمستشفى خاصه لان هنا مليان جرحي ودم محيعتنون بيه دخلوه بسرعه للعمليات كعدنا ننتضر 4 ساعات وهو مطالع متت احس الدنيا وكفت بعيني احس كلبي حيطلع الحزن اكل كلبي ياربي اخذ روحي بس عوفه وعصام كدامي هم يبجي وموكفن دموعه ابد ساعه يواسيني وساعه يبجي ويايه الى ان طلعوه ونقلوه بالغرفه كعدنا يما واجو اصدقائه واهله كلهم وراحو وبقينا بس اني وعصام كالي روحي للبيت بس اني مقبلت اتركه للصبح بقينا كاعدين على راسه واخيرا صحه شافني ابجي كال بثكل ادهم: حبيبي لا تبجين دموعج يٲذني اني ادري بروحي راح اموت بس لازم تتحملين ساره: الله يخليك لتحجي هيج والله ما اتحمل اموت.. انوب اجه الدكتور فحصه وطلع.. وعصام راح وراه كعدت يم ادهم لحد منام ورحت وره عصام لكيته مخلي اديه عله راسه ويبجي تقربت منه وكتله عصام شكالك الدكتور مسح ادموعه وكال مكال شي توسلت بيه وكتله الله يخليك لتضم عليه ..صرخ وضل يبجي بصوت عالي وكال الدكتور يكولي ماكو احتمال يعيش ودعوه هذي ايامه الٲخيره اجه هذه الخبر مثل الصاعقه على راسي معقوله حبي يضيع من بين اديه شلون اعيش بدونه شلون اكدر افاركه ..بقيت ابجي ودموعي ما سكتن عصام كام من عندي بقيت كاعده بالساعات ابجي وادعي الله ياخذ روحي قبل روحه عصام كاعد يم راس ادهم وندهلي ادهم: عصام خابر المحامي خلي يجي عصام: شتسوي بالمحامي ادهم: داريد اكتب وصيتي عصام: ادهم الله يخليك لتكول هيج باجر اطيب وترجع مثل الورد ادهم: عصام لا اتعبني اني اعرف راح اموت دا اشوف الموت يفتر عليه بكل مكان خلي اامن مالي واملاكي واكتب وصيتي عصام: براحتك خويه هسه اخابره… خابرت المحامي وكال ساعتين واني يمكم ادهم: عصام شوف.. اني راح اكتب البيت الكاعدين بيه البناتي ولامهن.. واسيل انطيها ال100 مليون اللي باعتني علمودهن وباقي املاكي وفلوسي كولها تنتقل لاسد تحت وصاية امه لحد ميصير عمره 18 سنه ..عصام شوف اذا متت ابني حيضيع من بعدي وما اريد المريت بيه ..ابني يمر بيه اذا متت حيجبرون ساره تتزوج لان بعدها زغيره وابني ما اريده يربي بيد الغريب ما اريد يجي رجال ويضرب ابني مثل ما زوج امي جان يضربني وما اامن بساره يم احد غيرك اني اعرف عندك مشاعر الها ومخبي هذا الشي بكلبك بس انته تعرف اني افهمك من عيونك ما حاجه تحجيلي عصام: من سمعته كال هيج بقت دموعي تنزل يعني يعرف بمشاعري اتجاه مرته ومخرب الخوه البيناتنا شكد لعد اني حقير وهوه وفي وياي وكتله لتكول هيج مستحيل اخذ شي فد يوم جان الك اهتم بيهم بعيني.. بس ما اكدر الخون العشره واخذها ادهم: عصام الله يخليك لاترفض اني اعرف ساره حتنسعد وياك انته رجال شهم وطيب ومراح تلكه احسن منك وصدكني راح تعوضك خل اللي فقدته وراح ترتاح وياها.. الله يخليك طمني وكولي حتصير لساره زوج محب ولابني اب ولا تحسس اسد بغيابي اترك وضيفتك ودير اعمالي لحد ميكبر اسد عصام :خويه لا تحجي هيج وطمن والله اخليهم بعيوني وما اخليهم يحتاجون اي شي ارتاح ادهم: مشكور والله طمنتني الله يسعدك ويريحك صيحلي ساره اريد احجي وياها عصام: طلعت اصيح ساره ومقبوض كلبي من الحجي اللي كاله ادهم صح احب ساره بس احب ادهم اكثر منها ما اريد اخسره ما اتوقع يمر يوم وما التقيه هوه صديقي الوحيد واخويه وكلشي بحياتي ساره ..ندهلي عصام كالي ادهم يريدج دخلت ادهم كالي ادهم: تعالي حبيبي اريد اشبع منج شوف ساره: ادهم الله يخليك لتحجي هيج والله اموت ادهم: لا حبي ما اريدج تموتين واريدج تصيرين قويه واكدر اعتمد عليج اني سجلت وصيتي وراح انطيها للمحامي 95%من الاملاكي سجلتها باسم اسد لحتى اامن مستقبله ربيه وعلميه وذكري بيه ولا تخليه ينساني خليت الأملاك تحت وصايتج لحته يبلغ عمر ال18 او وقت اللي تحسيه يكدر يتحمل مسؤلية الحمل التركته سلميه كلشي ساره: ادهم خلااااص والله حيوكف كلبي .. دموعي مثل النار تنزل وكلبي ما احس بيه ادهم: لا تبجين يروحي هاي العيون الحلوه ميلوكلها البجي.. باعي بعد هذي الاملاك والاموال اللي حتصير بيدج حتشوفين كل رجل كدامج عاشق وطماع لحته ياخذج وياخذ العندج لا تٲمنين باحد غير عصام وصيته عليج وكتله اتزوجها ساره: شنو ادهم اسكت تماديت لهنا وكافي اتزوجه شنو اكو واحد يزوج مرته شبيك تخبلت ادهم :حبيبي والله لمصلحتج والله ياكلج الحزن بعدي ومحد حتلكين غير عصام يسندج ويصير اب لابني لا تحرمين اسد من حنان الاب اني متٲكد عصام حيعوض مكاني عد اسد ومراح يحسسه باليتم انتي تعرفين بمشاعر عصام اتجاهج واني اتمنه اكدر اسعده واريحه وسبق وكتلج لو اكدر جان طلكتج وازوجج لعصام بس احبج وما اكدر اسويها بس بعد ما اموت مراح اكون مو موجود يعني يكدر ياخذج مراح تلكين احد يحبج مثله ساره: ادهم كافي كتلك ما تحمل اسمع بعد ادهم: لا حبي لازم تسمعين والله ما اريدج تتعذبين بعدي لتخلين نفسج بالحزن ومتحصلين شي تالي اسد يتزوج وتصفين وحدج محد الج عصام يكره مرته وما اتزوج عليها لان ما عنده امكانيه بس اني كتله يترك وضيفته ويستلم شغلي من بعدي ساره بداعتي عليج اسعديه وكوني اله زوجت صالح وحبيه مثل ما حبيتيني وسعدتيني.. ساره اذا شفتي عصام ارتاح اتٲكدي اني راح اكون مرتاح امنيتي جانت بالدنيا ازوجه واشوفه مرتاح حققيلي هذي الامنيه بعد ما اموت وخليني انام براحه… انتي وعصام واسد اغلى شي الله انطانياه اسعدو بعض لحتى تسعدوني بكبري.. شفتها بقت تبجي كدامي وما تحجي.. كامت تنزل دموعي موسهله الواحد ينطي مرته لشخص ثاني بس لازم اامن حياتها وخليها تعيش مرتاحه ومياكلها الحزن بعدي … . اجه عصام وجايب كيك وعصير لساره وكاللها هاج اكلي صارلج يومين مماكله اي شي هيه ما قبلت بس هوه عاط بيها وجبرها تشرب العصير فرحت لما شفته مهتملها وحزنت لان بعد ما اكدر اداريها واحضنها بنفسي راح تروح لحضن غيري سويت روحي نايم بس اني بالحقيقه ابجي علمود ليحسون عليه ساره مر اسبوع واحنه ويه ادهم بالمستشفى وحالته خطره الاطباء كالو منكدر نسويله شي كاعده وخليه راسي على ايد ادهم ونايمه وعصام نايم علكرسي اللموجوده بالغرفه واحس العداد مال القلب كام يصفر صحيت لكيت ادهم عيونه مفتحهن وكاعد يتشاهد بقيت اصيح اجه عصام وكام يبجي ويصرخ وصاح الاطباء ادهم باوعلنه اني وعصام وكال لعصام ادهم: عصام ساره امانه عندك هذي وردايتي اسقيلياها كل يوم ولتعوفها تذبل وديرو بالكم ع..ع..على اسد _______ توقف قلبه ساره: ادهممممممم الله يخليك لتعوفني ادهم بصياح وبجي لاتموت لا تيتمنا حرام عليك وين نروووووووح ادهممممممممممم عصام: خويه ولك خويه الله عليك ارجع ولكم اخذو كلبي وانطوه اله بس رجعوه ولك خوييييييييييييه لا تعوفني وحدي ما الي غيرك ادهمممممممم مات ادهم وغطو وجها وجروه كوه من حضن ساره اللي كعدت تشم وتبوس بيه مات الحب اللي جان مالي قلوبهم ماتت السعاده مات الامان مات ادهم ساره شفتهم جروه من حظني واني اعرف هذا اخر حضن يجمعني بادهم كمت اصيح واعيط بلا وعي لحد ما اغمى عليه عصام كمت اصيح علمود يكعد ماكو مات اخوي مات صديقي ماتت طفولتي مات شبابي مات عمري اللي قضيته وياه انكسر ضلعي شلون اكدر اعيش من دونه شلون افتح عيني علدنيا واني ادري ادهم مو بيها شفت ساره اغمى عليها كبال عيني بس من الصدمه والحركه البكلبي ما كدرت اكوملها التمو الاطباء عليها خابرت اهلها يجون عليها لان لازم اروح اسوي شهادة الوفاة علمود اطلع جثة ادهم خابرت على بيته وخبرت نسوانه وخبرت اهله وعمامه كلهم اجو الدنيا التمت عليه بالمستشفى واجت ام ساره ام ساره: خاله فدوه كولي وين بنتي شبيها عصام: فوك خاله اخذوها حالتها مو زينه اصعديلها اني.. جاي وياج اصلا مراح يسلمونه الجثه الا بعد ساعه صعدنه لكينه ساره نايمه سٲلنه الدكتور عليها كال انهيار عصبي ودقات القلب عدها مو منتظمه والضغط مالتها مكاعد ينزل من ال20 اذا بقت على هلحاله حنخسرها احنه انطيناها مهدء حاولو تخلوها ما تبجي وتصيح لان حيٲثر عليها كعدت تبجي ..اخذتها ويايه واحاول اهديها واذكر ادهم من وصاني عليها اخذنا الجنازه ورحنا لبيته بجو وتصارخو الدنيا كلتا التمت عليه وساره هم تخربطتت علجنازه وشلناها وكعدت تتوسل بيه تروح ويانا خلال الدفن اخذتها ما اريد تبقه بكلبها خل تودعه اخير مره قبل لا نوصل للقبر انطيتها مهدء علمود ترتخي اعصابها ومتبجي ولا تصيح بقت بس الدموع تجري تكول شلال رجعنا وهيه احسها خلصت من البجي ساره مرت الايام واني ما اكدر انساه شنسه وين ما اروح بالبيت الكه ذكره منه بالحمام بالصاله بالمطبخ بالكراج وين ما اروح الكه ذكريات اووووف ربي ليش هيج هسه حبنا بس ذكريات( ذكريات ذكريات هسه حبنا ذكريات وهذا مات كلبي مات من عفتني كلبي مات) سعادتي تبخرت بين ليله ويوم صارت ضلام دامس وحزن ابدي كل ليله يصحون علي صريخي واني بالغرفه اتذكر لحضات حبنا وغزلنا ما بقت منه غير ذكريات عشق مؤلم… . عصام ما تركني ولا يوم من وفاة ادهم هوه اللي ساعدني اوكف علي حيلي وما اضعف واكمل لخاطر ابني بعد مرور سنه ساره.. اسد حيل اتعلق بعصام وكل ضنه هوه ابوه ويصيحله بابا وعصام ما بخل عليه بذرة حنان يعامله مثل مجان يعامله ادهم صح مرت سنه على وفاته بس بعدني ما اكدر انساه وكان البارحه مات اعرف واحس بمشاعر عصام اتجاهي ويحاول ايبينلي حبه الي بس اني ما اكدر واتجاهله الى ان هوه تقدم وطلب ايدي تزوجته وشرطت انو زواجنه يكون علورق وافق هوه ورحت عشت وياه ابيته عوضنه الحرمان التركه ادهم ما عوض مكانه لكن كدر يسعدنا وكمنا كل فتره ناخذ اسد ونسافر بدت مشاعري تتغير اتجاهه بديت اتقبل حبه هوه يستاهل طلق مرته وعاف جهاله عله مودي اتذكرت ادهم لما كال اسعديه مثل ما سعدتينب بدلت ومكيجت ولبست روب نوم ابيض ودخلت عليه عصام بعد ما تقدمتلها وافقت بشرط يصير زواجنا علورق قبلت.. بس اريدها تصير يمي ما اكدر تعودت اليها كليوم اخابرها واحجي وياها وادمنت حبها تزوجتها ومتقربتلها احترمت حزنها لادهم واني اتحسر عليها يوميه وبيوم من الايام بعد مرور سنه عله زواجنه دخلت الغرفتي ولابسه روب نوم ابيض فتحت عيوني على وسعها وفرحت بيها كولش وكلت عصام: ما اصدك اني بحلم ولا حقيقه ساره: هههه صدك تره حقيقه عصام: معقوله حتصيرين الي ساره: عصام انته تستاهل وهذا اقل شي ممكن اقدملكياه عصام اخذتها بحضني وكٲني طفل متلهف لحظن امه واخير صارت مرتي وفعلا حسيت براحه و اخذتني لعالم ثاني احس عمري متعرفت على مره قبلها اتذكرت شعور ادهم لما جان يسولفلي عنها ابتسمت وترحمتله وعيشتها مثل الاميره يكفي تطلب واني انفذ عشقتها عشق ما اعتقد عشقه احد قبلي صرت اشم التراب اللي تمشي عليه عشنا حياة سعيده كولش وذكريات ادهم ويانه اله الفضل بسعادتنا هسه اسد اعتبرته اكثر من ابن واحبه بكد حبي لابوه وكدرت اكسب حبه هوه اصلا ميتذكر ابوه عباله اني ابوه بس اني دائما اخذه لقبر ادهم واسولفله عنه حملت ساره من عندي وجابت ولد سميناه ادهم.. الولد يشبه امه هوايه دعاء من تزوجت ساره رفضت تعيش ويايه.. وطلبت الطلاق.. طلقتها.. وامي غضبت لان طلقتها .. عزلت بساره ابيت لحتي متتضايق من اهلي عشنا حياتنا بسعاده اني وياها واولادنا دعاء تزوجت ورجعتلي اطفالي زهراء عاشت ويه بناتها بالبيت اللي بقاه ادهم الهم واني سويتلهم راتب شهري الهم لحتى ميحتاجون شي اسيل تزوجت وصار عدها طفل من زوجها الثاني وعشنا بحب وبكلبنا ذكريات مؤلمه..... النهاية.... هذي كانت تجربتي الاولى بالكتابة.. هذي اول قصه كتبتها.. اتمنا نالت اعجابكم.. زينب ماجد | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
