وهم الاقدار / للكاتبة جوري ، رواية من جزئين ، عراقية مكتملة

[لامارا]

البارت ١٧
بقلم جوري

-الهام: اليوم عمتي خابرتني وكالت اقاربهة عدهم عرس وعزمتنة وياهة
- اي شكو بيهة روحو
- اي وكلت اروح للسوك اشتريلهم ملابس ماعدهم شي حلو
- ميخالف انطيج فلوس وروحي اشتريلهم اخذيهم وياج
- خوش لعد اليوم العصر نروح للسوك
- بكيفج بس ديري بالج عليهن عينج عليهن ولا تتأخرين ياذن الاذان انت بالبيت
- لا توصي حريص
بنات تحضرو ساعة ب ٣ العصر تكونون جاهزات والا اعوفجن
صار العصر وطلعن للسوك تسوكن وكملن كل وحدة اشترتلهة احتياجاتهة
- الهام: يلة ماما كافي بعد حيصير الغروب وابوكم مايقبل نتأخر وهماتين الفلوس خلصت
- جنات: لا ماما بعدلي بس قراصات واكسسوارات
- لج والله ماعندي فرغ الجيزدان
- مااا ماامشي اذا ماتشتريلي
- عوبة ماينكدرلج امري لله اشتريلج بس شلون نرجع بتكسي
يلة امشي من هذا المحل
- اييي فدوة اروح لماماتي الحنينة
- ولي لوكية يلة ماضل وكت شيخلصنة من الضابط يعلكنة بالبنكة اذا تاخرنة
- نوران: هههههه اليسمعج ينقهر عليج يكول مسكينة زوجهة الضابط شكد ضالم ميدري هو العكس صحيح بابة جوة ايدج
- ادب سز لو يسمعج ابوج يطيح حضج شنو اشايفة ابوج محبس بيدي لوما اني هيج ارجف من اسمع صوتة يلة امشن
طبينة محل واشتريتلهن قراصات وطلعنة كتلهم خل نمشي هذا الفرع ونطلع على الشارع العام ناخذ فورت(قبل جانت فورتات هسة كيات ) يوصلنة لفرعنة
ودنمشي وصلنة نهاية الفرع صارت هوسة بين جهال يلعبون طوبة وصارت بينهم بالحجار ناس ترمي على ناس واحنة فايتين جان توكع الحجارة براس جنات
اني متحملت المنضر بنتي الدم بطولعة ووكعت على الارض بدون شعور ضليت بس اصيح جنااات بنتي كومي جنااات فدوة اروحلج شجاني وفوتتكم من هل طريق عزة بعيني شكول لابوج شحجيلة بنتي راحت واضرب على وجهي الناس التمت علينة
- جنان: لج جنة فدوة اروحلج كومي يا بعد خيتج لا
تتركينة 😢😢
الناس كامت تتراكض علينة واليشوفنة بس نسوان مانكدر نشيلهة صح ناعمة بس منكدر واحد من الشباب شالهة وطلع ركض بيهة واحنة نركض وراه وكف تكسي وصعدهة واحنة وياهة ليورة وهو ليكدام ماتركنة
الطريق كلة امي تنوح وتبجي واحنة وياهة وجنة ماصحت التفت على امي حاجاها خالة لاتخافين مبيهة شي بس نوصل مستشفى وبالطوارئ يشوفوهة صارت عينة بعيني مثل التفاجئ واني هم تفاجئت كلش طلع الولد ياسر 😮
شكد فشلت منة شلون دنية صغيرة من دون كل الشباب يجي ياسر يسعف جنات وصلنة للمستشفى وبعد ساعات شفت جنات تحسنت وانتبهت النة كمت كلسع اكول الامي ماما خطية الولد كليلة يروح تعبناه امي تكولة بس هو مايقبل يكللهة الة اطمن عليكم ويجي رجال وياكم يلة اروح ضليت اني اتابعة كل شوية اباوعلة ابد ماشال عينة علية ولا باوعلي شكد مؤدب هلولد ولا كانما هذا نفسة الجان يوصلني يومية الحب واضح بعيونة شو اليوم تفاجئت بي متغير ماشال راسة ولا صارت عينة علية بكلبي ضجت كلت يمكن لكة غيري
ياسر
جنت واكف بباب المحل مالتي ومن بعيد شفت هوسة ولد يتعاركون وبهل اثناء فاتت مرة بناتها وتصوبت وحدة منهم بحجارة اني هذا طبعي هميم وكلهة تعرفني يسموني ابو الهمة ماكدرت اتركهم ركضت عليهم من بين الناس اخذتهم بتكسي عفت محلي على العامل كسرت خاطري الاماية منهارة على بتهة التفتت احاجيهة وا اسيهة اتفاجئت بجنان صارت عيني بعينهة بس مااهتميت كملت كلامي وكأنما مااعرفهم
وصلنة مستشفى ودخلنة نتراكض جان منتهي الدوام وماكو دكاترة شافني مضمد ساعدني دخلنة لغرفة وعالج جرحهة خليت امهة يمهة واني رحت اشوف دكتور من الدكاترة المقيمين لكيت دكتور وجبتة وياي شرف على حالتهة وتابع وضعهة وكال جيبولهة بطل دم اني ماتركتهم مو لان اهل جنان بس اني هذا طبعي مااعوف الناس الة اقدملهم المساعدة البنية شوية حالتهة استقرت وامهة تشكرت مني كالتلي روح اخذ راحتك ابني تعبناك
مقبلت كتلهة شنو هلحجي انتو اهل مدينتي شلون اعوفكم مااروح الة يجي رجال وياكم
المهم اني رحت لمصرف الدم جبت دم للبنية والام راحت اتصلت على زوجهة يجي
مرتضى
صار الغروب والهام ماكو عصبت بداخلي واني وصيتهة ماتتاخر كلت هذول النسوان متصيرلهم جارة يموتن بالسواكة صارت الدنية ضلمة بديت اقلق عليهن افكار تودي وافكار تجيب جان ماكو مبايلات بعدنة مانازلة مبايلات ضليت حاير اطلع ادورهن وين الكاهن خابرت اهلي ميعرفون شي ضليت الوب اتمشى ذهاب واياب وسمعت رنة الهاتف☎️📞 رحت اركض عليه اول مااجة صوت الهام انفجرت بيهة لان واصل مرحلة الغضب😠😠 وينكككم ليش تاخرتووو شكتلكم اني
- على كيفك عيني مرتضى احنة بالمستشفى
- شنووو ليش شبيهم البنات
- لا يضل بالك جنات تصوبت براسهة بس هسة زينة الحمدلله بس تعال للمستشفى خطية الولد الساعدنة خل يرجع لاهلة تعبناه
( طبعا الهام ماشايفة ياسر فلذلك معرفتة محد شايفة بس جنان )
- هسة جاييكم مسافة الطريق انو وين بيا مستشفى (...) هسة جاي
ياسر من سمعت ابوهم جاي صرت اتابعهم من بعيد كلت بس يدخل اني اسحب روحي بالختلة واطلع ماريد يشوفني اني ضايج لان رفضوني بس سويت هل شي اكسب اجر عند الله
　
""نحيا ونحمل في الدنيا أمانينا
لعلّ فضلاً من الرحمــن يروينا
ماضاع قلبٌ قضى الأيام منتظراً
(وعد الإلــه) وهذا الوعد يكفينا""
- جنان : ماما تدرين منو الولد الساعدنة
- لا شعرفني بي بس مبين كلش خوش ولد الله يحفظة لاهلة ويستر عليه
- ماما هذا ياسر الخطبني قبل فترة
- ياا عزة بعين بليس شكد عيب منة
اي هذا ابوج وصل
مرتضى وصلت وسالت مكانهم ودلوني اجيت اركض بالي يم جنة من شفتهة وزينة يلة ارتاحيت حاجيتهة كالت زينة الحمدلله
ليش هيج الهام مابلغتيني شصار بية
- مكدرت والله انخبصت بيهة وجانت فاقدة ولو شايف سبحت بدمهة وانوب فاقدة ساعتين يلة صحت وانتبهت علينة شصار بينة بعد مكدرت اخابرك مخبوصة وذني مجلبات بية يبجن فصعبة تليفون بعين علينة لمن صحت واطمأنينة عليهة يلة كدرت اخابر
- صدك وين الولد خل اشكر منة
- ياا صدك وين ياسر شو ماكو خاف طلع بس ماسلم علينة
- يا ياسر بسلا هو
- اي غير هو الجابنة والله ولا ندري هسة جنان كالتلي واشوفة خجلان ومبتعد بس شلون وليد فدوة شنو من حنية شايل
- الله يستر عليه لازم اروحلة للمحل باجر واشكر منة على هل وكفة
وطلعو من المستشفى وصلو للبيت - يلة جنة تنامين يمنة بالغرفة
- لا بابا بغرفتنة اروحلي وبفراشي ماعلية شي
- لا ماما ميصير لازم يمنة خاف باليل تحتاجينة
- لا ماما اذا احتاجيت اصيح عليكم ماارتاح يمكم خليني بفراشي اروحلي
- يلة براحتج بس اني كلسع اجيج بليل يلة تصبحين على خير
- وانتم من اهل الخير
ثاني يوم الصبح راح مرتضى لمحل ياسر وجان كاعد ابو ياسر هم كعدو يسولفون ابو جنان وابو ياسر وتعرفو على بعض وطلع يعرفهم ابو ياسر من زمن اجدادهم وكلش ارتاح ويا بالسوالف
اجة ياسر كعد بصفي كتلة
- اني اجيت لحتة اتشكر منك على وكفتك بلمستشفى وية بنتي
وكفتك حلوة مارح انساهة طول العمر ومااعرف شلون اجازيك
- ياسر: عمي ماريد مجازاة اريد اصير ابنك اذا قبلت بية
- ابو جنان: مادام هيج اني موافق من بعد وكفتك ويانة تعرفت عليك اكثر وعرفتك خوش انسان واذا امنت يمك بنتي حتصون الامانة والله يا ابني اني من رفضت لشي واحد هو كلت بنتي صغيرة بس من سولفتلي عليك امهة بيوم المستشفى وشلون داريتهم وصرتلهم مثل اخوهم كلت هو هذا اليحافظ عليهة ويحميهة يلة ابني توكل على الله وجيب اهلك وتعالو خطبوهة
التفتت على ابوياسر كتلة اهلا وسهلا بيكم نتشرف بيكم وبنسبكم
جاوبني
- النة الشرف خوية ونتشكر منكم ومن طيب اصلكم
ترخصت وطلعت
رحت للبيت وكتلهة الالهام كالت
- لعد وجنان مااخذت رأيهة راسن وافقت
كتلهة البنية رأيهة من رأي اهلهة بعدين اني ماضلمتهه انطيتهة الناس مثقفين ويحافضون عليهة هسة اروح لجنان واكوللهة
رحت للغرفة وطرقت الباب ودخلت لبناتي كعدت يمهم اني كل فترة ادخل غرفهم واكعد اسولف وياهم لان تجي ايام يلتهن يدرسن ومايطلعن من غرفهن فاشتاقلهن صفنت بوجه جنان هي حست عندي كلام ضلت متفاجئة وتباوعلي لان صفنتي وياهة ابتسامة يعني مو خالية 🙄🙄
كلتلي
- تفضل بابا احس عندك شي تريد تكولة
كتلهة
-اي بابا اجيت اكلج شنو رأيج بياسر بس قبلهة اني مرتاح الهم وراضي بيهم ووافقت عليه
- جنان : جاوبتة واني خجلانة ومدنكة راسي كتلة بابة رأيي من رأيكم انتو اهلي اعرف بمصلحتي وقراركم هو يكون الصائب بابا انتو شتفصلون اني البس
شفت بابا فرح ووكف على حيلة وكال
- هاهية هسة اطمانيت اني ماجبرتج وانت راضية بقراري اني كتلهم تفظلو لبيتنة ورح يجون يخطبون واحنة اني وامج موافقين
- كيفكم بابا بس اريد شغلة وحدة
-شنو هية كوليهة
- دراستي واقدم على كلية واكملهة حتلو يمهم خاف بعدين يطلع معقد ومايقبل اكمل دراسة فليكدام هذا شرطي ويكون بالسانك قبلو قبلو ماقبلو بذاك الوكت اكمل دراستي ابيت اهلي ومافكر بالزواج
- طبعا بابا قبل ماتكولين اني هيج فكرت اطماني مايكون خاطرج الة طيب يلة بابا هسة اكوم اني
-الله وياك بابا حبيبي
يتبع...

لاتنسون التصويت
واذا علقتو بعد احسن
هههه اتخيل نفسي مجدية اجدي تعليقات بالله يا محسنين

[لامارا]

البارت ١٨
بقلم جوري



ياسر: تفاجئت بجيتة للمحل ومن
اتشكر مني وكلي شلون اجازيك ضليت متردد اكلة اريد اصير ابنك اذا قبلت بعدين اتشجعت وكتلة ومن وافق ماصدكت والفرحة ماسايعتني ترخص الرجال وطلع شافني ابوية فرحان مبين علية مثل الطفل وجايبيلة لعبة جديدة مامصدك حصير زوجتي جنان ابوي فرحلي وباركلي وكال
- مبينين خوش ناس مدام وافقو خلنستعجل بلخطبة
- اي بابا ياريت اليوم قبل باجر تخطبولياهة
- هههه ابني شبيك كلش مستعجل يلة امشي خل نرجع للبيت ونفكر
عزلنة المحل منوكت ورجعنة للبيت تفاجئت امي بجيتي اني كل مرة اتاخر برجعتي ابوية يرجع المغرب واني ابقة لساعة ب٩ بس اليوم من الفرحة عزلت ورجعت
- ام ياسر : اليوم طالع علينة البدر منور حبيبي يسو
خير شبيكم تضحكون وفرحانين تعالو فرحوني وياكم
- ابو ياسر: خير اليصيبج اي ام ياسر خير ان شاء الله يدخل الفرح والسرور لبيتنة ياسر حنخطبلة ان شاء الله يفرحنة بي ويتمم عليه وعلينة
- ام ياسر : والله احلة فرحة يوم عيد واروح اخطبلة وافرح بوليدي مكتولنة منو البنية ووين شفتوهة شو جايين من المحل جايبين اخبار حلوة ليكون وحدة جاييتك للمحل وماتعرف اصلهة وفصلهة ( ابمجتمعنة قبل لا يخطب الولد يفصلون العروسة تفصال يسألون عن عشيرتهة وعن اقاربهة ومنين مامنين مو راسن يخطبون يخافون لا اهلهة عليهم سمعة او شي )
- ياسر: لا يمة هاي جنان نفسهة الرحتيلهم قبل كم شهر
-لا يمة لا بعد كلت التوبة ومااعتب بابهم فشلونة رفضونة شني يمة قحط شجلبت بيهة
-لا يوم الوضع تغير وحصلنة موافقة مو سولفتلج قبل فترة عن طفلة انضربت وبقيت وياهة بلمستشفى هاي تكون اخت جنان بس مجنت ادري وتفاجئت وما كتلج كلت هسة تكول انت متقصد بس والله مجنت ادري وتعرفيني اني شلوني وعزت نفسي ماتسمحلي
- جذاب اكيد متقصد تلوكتلهم هذا الحب كلشي يسوي يخبل الشباب مايبقي عقل براسهة
- ليش هيج يمة تاخذين علية نضرة موحلوة بعدين قابل اني زعطوط واسوي هيج علمود الحب
- شبيك ابني بسع اضوج غير امك وتريد مصلحتك
- اليوم اجاني للمحل يتشكر مني وكلي شلون اجازيك كتلة انطيني بنتك وقبل الحمدلله وتعرفين يا امي جنان دخلت قلبي وعقلي من زمان وماكدرت انساهة
-دولي ابو عزة نفسي 😝😝( وكامت تقلد على كلامة ) لعد وين عزة نفسك من كتلة انطيني بنتك
- ليش هيج يمة ابدال ما تفرحيلي وتكملين علية الفرحة نغصتيني وقهرتيني ليش بعدين الحب مايفكر بعزة نفس ولا شي يوكف بوجهة من يذكر حبيبتة
- ابو ياسر :شبيكم صلو علنبي شبيج ام ياسر هذا ابنج الوحيد وفرحان بخطوبتة ليش تكسرين واهسة المفروض انت اول وحدة تفرحلة حصل اليحبهة
- لا يمة طبعن اني فرحتلة هواي وهذي امنيتي اشوفة عريس وفرحان بس اني ضجت من رفضو وعندي ابني الف وحدة تتمنى لوش ابقة عليهة بس بعد مدام وافقو وانت فرحان فاني هم فرحانة فرحتي من فرحتكم انتو اعز مااملك على الخير ابني الف الف مبروك الله يتمم على خير ان شاء الله وحضنتة وبوستة
باجر ان شاء الله اخابرهم واشوف شلون نتفق علة الخطبة
- مينا: واخيرا حنخطبلة وتصير عدنة كنة بالبيت والله كلش حبيتهة من شفتهة بالمرة السابقة فقيرة مؤدبة تنحب
- ام ياسر: يلة ابني تعشة وصلي وارتاح
ثاني يوم خابرت ام ياسر على بيت ام جنان وطلعتلهة
- الهام : الوو
- الوو هلة ام جنان شلونج خية وسلمت عليهة وعرفتهة على نفسهة وفرحت بيهة الهام
- الهام : ياهلة ومية هلة تشرفت بمعرفتج
واتفقن يجوهم يوم الجمعة العصر يتشاوفون ويحجون بلخطبة ويتفقون علة الفلوس ويايوم الحفلة مال عقد وسدت التليفون☎️
اليوم جمعة
خل نتكلم شوية عن ياسر ومشاعرة واهلة وبعدين نتحول لبيت جنان نتكلم عنهة
ياسر: صبحت صباح يوم الجمعة كعدت من غبشة رغم سهران وعندي ارق بداية اليل بسبب الحب وتفكير بالحبيبة رغم السهر بس كعدت من وقت بكل نشاط وحيوية وفرحان وبس اتصفن وافكر اليوم اشوفهة ويا ترا يخلونة نكعد سوية واحجي وياهة واسمع صوتهة اوو احس كومة كلام ضامة الهة
نزلت جوة اتريك ولاكيت اهلي مبتسمين ويباعولي وفرحانين وياي ومينا كلسع تنصب علية ويكومون يضحكون اهلنة خلصت ريوك كمت كتلهم الف عافية من رخصتكم طالع
- الجميع: الله وياك
- امي: يوم ياسر عود انروحلهم ساعة ب٤ احسب حسابك ترجع وتتغدة وترتاح
-اي يوم ان شاء الله يلة في مال الله
　
في بيت مرتضى
جنان: اني الحد الان مامتاكدة من مشاعري مااعرف ساعات ينتابني خوف وتفكير بالمستقبل والحياة الجديدة الدتنتضرني وساعات الكة نفسي فرحانة وصافنة وافكر بي
نزلت جوة للمطبخ لكيت امي مخبوصة وتحضر المعجنات وتركض منا ومناك بس كلت صباح الخير كالت اييي كعدت العروس يلة كومي يمة ساعدينة نوران دتنضف البيت وجنات طلعت للطرام والشارع طلعي وياهة للطرام مااعتمد عليهة شغلهة موشي
- ليش بالعكس شو اشوفهة شاطرة وشغلهة حلو احسن مني اني توني عود كمت اعرف اشتغل وهي زغيرة وشاطرة
- اني ميعجبني العجب يلة ومن تكملين من الطرام تعاي ساعديني دااسوي معجنات فد شكلين و وراي طبخ الغدة
بدينة بلشغل وخلصنة سوينة البيت مراية
ورحت ساعدت امي سويت الكيك ولفيت كليجة وياهة و خلصنة تغدينة وكلمن دخل غرفتة فترة الاستراحة الضهرية اني ضليت افكر شالبس وشاسوي وشلون اتصرف وحتة اتدربت على المشي واني لابسة كعب عالي واقدم العصير بالجذب ونوران تضحك علية 🤗
كملت لبسي وترتيبي صار العصر وكاعدة اتاني وجسمي يرجف خايفة وامي وخواتي يضحكون علية
لهناك وسمعنة صوت دكت الباب يمة زادت دكات كلبي طلع بابا فتحلهم الباب كلهم جايين هو وامة وابو واختة ستقبلناهم وفرحانين بيهم
- مرتضى : اهلا وسهلا بيكم تفظلو تفظلو
- زاد فضلك ابو جنان الورد
دخلو وكعدو بلصالة كعدو بابا وابو ياسر يسولفون سوالف عادية وتعارف وقصص عن اهلهم ونسونة ههه اني ركبتي تعبت مدنكة ماشلت راسي اخجل بس حفضت شكل الحذاء مالتة ههه تكرمون هلكد ما مدنكة بس حذائة تكرمون اكدر اشوفة
المهم خلصو حجيهم وكعدو يتفقون على المقدم والمؤخر المقدم كان مليون والمؤخر مليون ونص
( اعزائي القراء بذاك الوقت كانت النقود الهة قيمة يعني المليون يكفي كلشي مو مثل هسة ١٠ ملايين وماتكفي )
- ام ياسر: فتحت الجنطة وطلعت ٥٠٠ الف تفضلي ام جنان هاي فلوس اشترولهة ملابس وذهب
- مشكورة عيني ام ياسر
- بالعافية عليهة واذا تردون اني اوديكم على صايغ خوش صايغ نعرفة وذهبة حلو
الهام :اي خية تعاي ويانة لان اني لاطالعة ولا شايفة فماعندي خبرة بلمشتريات انت ويانة نطلع للذهب والملابس
ام ياسر : اي خية تدللين اجي عليج باجر ونطلع نشتري احتياجات المهر وهم نطلع بعد طلعات نشتري ونجهزهة لان مانلحك بيوم واحد واني اعرف خياطة جيراني خوش خياط حلو نخيط يمهة
- خية المهر يايوم تردون يصير والله ياسر مستعجل ويكول الجمعة الجاية
- الهام : لا خية وين انلحك
- عيني ام جنان نلحك قابل شعدنة هو يومين نطلع نادي كم شغلة لمن نكمل كلشي
يوم نسوك ملابس ويوم نحجز صالون وبدلات ويوم تروح تحف واذا يعجبهة تميش لمن نخلص كلشي قبل الجمعة
- الهام: والله كيفكم الله كريم ان شاء الله بالاتمام
ابو ياسر : يلة نترخص في امان الله
ابو جنان: الله وياكم نورتونة واتشرفنة باصلكم و بنسبكم
ابو ياسر : النة الشرف حبيبي ابو جنان
جنان: ومن ثاني يوم بدت الخبصة والهوسة والتفكير وطلعات يومية نسوك بيهة
واجتنة بيبي ام بابا من يوم الخميس وباتت يمنة وبيت خالو جاسم هم اجوي علمود مهري وجانت الفرحة ماسايعتني واشوف اهلي مهتمين وفرحانين
لحد يوم الجمعة الصبح اجاني ياسر واختة مينا ودوني للصالون اسمة (بغداد) ارقى صالون بالكوت
طلعتني اميرة اكيد حتكولون مغرورة بس ترة واقع حال ابد مو غرور (مقصودة😉)
والحمدلله جنت كلش مقتنعة بشكلي ومكياجي وتسريحتي وبدلتي والاهم شي حفلة مهري جانت حلوة اجو هواي ناس من اقاربهم واحنة هم عزمنة اقاربنة وصديقاتي وجبنة ملاية سوت مولود
وكلسع تنب نبات للنسوان نباتهة حلوة وبيهة تضحك مثل خل انطيكم وحدة اذكرهة (ياام ياسر جنج حكومة من شافج ابو ياسر شكك هدومة🤣)
وزعو كيك وببسي وضرف بي كرزات وجكليت لكل مرة والزلم ينطوهم جفية هم بداخلهة شوي كرزات وجكليت هذني على اهل ياسر واحنة علينة اللفات وصة بابا من المطعم على لفات ووزعناهة وتمت الحفلة بحمد الله وصار ياسر زوجي شرعا
سلمت لك قلبي و وصيتك عليه .
قلبن سليمن ما عرف الخيانه .'
امسك وصاتي ثم حبه وداريه .
وان جازلك خله في حبك امانه

منقول

يتبع......

[لامارا]

البارت ١٩
بقلم جوري

صباح يوم السبت

الهام

كعدت و طلعت من غرفتهة شفت سميرة توهة كاعدة صبحت بوجهة وابتسامتهة شلونكم خية علتعب تعبناكم ويانة وشغل وهوسة

- سميرة ياا موعيب هلحجي قابل اني غريبة بعدين تعب الفرح يروح بوكتة يارب دوم افراح ابيتكم وننجمع وياكم يلة امشي نحضر الريوك علما يكعدون ونتريك
-الهام اي خية امشي
راحن سون الريوك وحضرن السفرة وحطنهة والبيض والاجبان وشاي وراحن يكعدن اولادهم وازواجهم والتمو علسفرة وهم فرحانين
سميرة: احم احم مدام كاعدين كلنة كلت افاتحكم بموضوع
- الهام وابو جنان: شنو الموضوع كولي
- سميرة: واللة يا ابو جنان بناتك وردات وشحلاتهن اكول حرامات يرحن للغريب جنان جتهة قسمتهة وان شاء الله يوفقهة ويسعدهة بحياتهة هسة اريد الحك على نوران وجنات طبعا محجوزة لخالد بس نوران اريدهة لابن اخوية هو شايفهة مرة واني حجيتلة عليهة وعجبتة ورايدهة اذا تقبلون تنطوهة النة
- مرتضى: والله يا اختي ام خالد وين نلكة احسن منكم والنعم منكم ومن اصلكم بس ترة نوران زغيرة تدرين انت جنان مجنت قابل ازوجهة بس بعد انحرجت هواي من اهل ياسر وكم مرة طلبوهة وقنعت نفسي هية بقالهة بس السادس اهم شي ومن بعد ماتاكدت يخلوهة تكمل يمهم يلة وافقت
- سميرة : اي احنة هم ابن اخوية ماعدة مانع يخليهة تكمل وهم ماعدة مانع ينتضرهة سنة من تكمل سادس بس المهم يحجزهة الة اذا وافقتو حتة ماتروح من ايدة
- مرتضى: اي هية الكم كبعو واخذو بس تكمل سادس يمنة واذا انقبلت كلية تكمل يمكم
الكريب احسن من الغريب و النعرفة احسن من المانعرفة
- سميرة : مشكور خوية نتشرف بنسبكم
خطية الولد هسة يكيف من اكلة حجزتلك نوران لان كلش رايدهة ومفكر بيهة
- جاسم: سميرة حضري نفسج الضهر نطلع
الهام : خوية شعدكم مستعجلين خلوهة باجر طلعو الصبح احسن الكم
- لا الهام باجر عندي شغل مااكدر لازم اليوم نطلع
صار الضهر تغدو وكملو وطلعو بيت جاسم
الهام
مرت فترة الخطوبة مال جنان جانت كلش مرتاحة ويا ياسر يحبهة هواي ومدللهة يجيهة كل اسبوع ولازم يجيبلهة هدية ويا ورا ثلاث اشهر كال لازم نزوج شننتضر الغرفة جاهزة وماكو داعي نتاخر وجنان انقبلت صيدلة وفرحانة كلش هم عروس وهم انقبلت صيدلة
وافقنة تزوج لان بعد الولد كلشي مكمل وبدت تحضيرات العرس والتهينة بيهة
واجة يوم الزفة ودعناهة بدموع الفرح ونفس الوقت حزن على فراقهة
( الله يساعدهة موقف كلش صعب والله بناتي زغار ومن هسة افكر شلون يجي يوم وازوجهن والله صعبة الله يساعد امي شلون فاركتنة )
جنان
طلعت بفستان العرس الابيض بابا كايدني وسلمني لياسر ووصا بيه وبوستة من راسه وودعتة ودموعة على خدة
- ياسر لاتخاف عليهة عمي اخليهة بعيوني وان شاء الله اكون عد حسن ضنك وصعدت السيارة ومشت خواتهة وامهة صعدن بسيارات الزفة وراحو وياهة
( معلومة للمايعرفوهة اغلب العوائل وخاصتا محافظات الجنوب عدهم عيب الاب والاخ يزف بنتة او اختة يودعوهة من الباب بس الام ضروري تروح علمود بتهة وتطمن عليهة)
الهام
وصلنة بيت العريس حلو وجبير ومرتب كعدنة بالصالة
ومن صار العشة صعدناهة فوك
ترتاح وتتحضر يزفون العريس يمهة بلغرفة غرفتهة حلوة واثاثهة جديد
(بهاي الفترة اكثر العرايس اثاثهم مستعمل لان جانت اكثر الناس حالتهم ضعيفة بس جنان لان رجلهة نجار فغرفتهة عمل ايد ياسر وجديدة)
لهناك وصاحو حيزفون العريس وسمعنة الهوسة والنبات وصل ياسر ويا امة وخالاتة واختة دخلو يصفكون ويهوسون وبعدين كالو يلة نطلع ونخليهم وطلعو بقيت بس ااني
( لازم الام تكون موجودة بهاي الفقرة اخر لحضة قبل الزواج توصي العريس على بتهة وتعلم بتهة كم معلومة وتطلعلهة الشغلات التحتاجهة )
خلصت شغلهة الهام وطلعت وتركتهم وصتهة يمة جنان ايشي تحتاجين خابريني اني لازم ارجع للبيت ماابقة خطية ابوج وحدة واني هم استحي ابقة باجر من الصبح نجيج صيري حبابة ومطيعة يلة بنيتي بيضي وجهي تصبحون على خير
جنان: طلعو كلهم وبقيت وحدي ويا خفت وخجلت كلش منة صحيح بلخطوبة جان يجينة بس نكعد بلهول والباب مفتوحة وطابين طالعين علينة اهلي فممتعودة عليه وكلش اخجل منة هسة شلون ياربي ساعدني ضليت بلبدلة والتسريحة وكاعدة بطرف السرير اجة كعد كبالي وكلي
-حبيبتي مامصدك اني وياج تجمعنة غرفة وحدة وتحت سقف واحد
- اي حبي اني هم فرحانة
بعدين انتبهلي ارجف وخايفة كلي
-شبيج ليش خايفة قابل عوعو كدامج
حبيبتي لاتخافين مااسوي شي الة برضاتج
عاد شوية ارتاحيت
- ياسر: خلنكوم نبدل وحتة نتعشة
كمت اريد افتح البدلة مااكدر انوب متت بدمي حس علية كلي شبيج اني زوجج ميصير هيج تستحين مني
اجة فتحلياهة بطيئ كلش احسة عينة دتحفظ جسمي بعدين كام يبوس بضهري علكيفة شهكت من الخوف عاد انتبه هو ووخر مني لبست السيت قبل ماتوكع البدلة وكعد يفكلي التسريحة ووداني للصينية تعشينة
- حبيبتي اهلي دينتضرون البشارة اريدج تساعديني حتة ماتتاذين خلنكوم نصلي ركعتين لوجه الله كمت واني ارجف صلى واني وراه وبعدين سحبني للسرير وضل يحجي وياي كلمات غزل خلاني اطير للسماء بكلامة وبدة ووو
(يامتابعيني شو تونستو وكاعدين تقرون عبالكم حكمللكم لا عيب بابا تادبو مرة ورجال بيناتهم احنة شكو ندخل 🤣😅😉)
صبح الصبح كعدنة على صوت دك الباب شفتهة ساعة ب٩ الصبح كمت اركض دخلت حمام وياسر فتح الباب طلعت امة وهلهلت وكالت
　
- يلة اجو اهلهة وجايبين الريوك وياهم نزلو سلمو
- اي يوم هسة جايين
نزلنة سوية وسلمت على اهلي وجانو فرحانين بية ولزمتني امي اسألة على ليلة امس وكانما تحقيق صارتلي محقق كونان واني خجلانة كوة تطلع الحجاية خلصنة ريوك واهلي اطمنو عني وطلعو
مشت الايام والهام ضلت ضايجة على فراق بتهة جنان بكلشي تذكرهة وتكعد تبجي وماتصدك انو بتهة ازوجت وصارت ابيت زوجهة كلما تصب الاكل تخلي ماعون لجنان ومن تذكر تدمع عينهة ومن يصير وقت الشغل والتنضيف تصيح جنان ولهناك تذكر جنان عرست تكعد تبجي ضلت على هل حال هي ونوران نوران هم نفس الشي متاثرة بفراق اختهة وصديقتهة وشريكتهة باسرارهة وسوالفهة وضحكهة وفرحهة وحزنهة
ابو جنان ضاج من هل وضع فاقترح عليهم ياخذهم سفرة لكربلاء هم يزورون وهم يغيرون جو ويرتاحون
- ابو جنان: الهام هاي سنة الحياة شبيج كل سالفة وذكرتيهة وبجيتي يعني ترديهة تعنس وتكعد كبالج هي هاي يمج شوكت متشتاقين تجيج لعد انت مو فاركتي امج واجيتي للكوت وبعد المسافة عنهة الله يساعد امج شلون تحملت فراكج
عوفي البجي وادعيلهة بالسعادة ويرزقهة الذرية الصالحة
- الهام: اي والله صح كلامك مرتضى الله يساعد امي بس اني هم رح اعاني نفس المعانات من تزوج نوران هم بعيدة بالموصل الله يسعدهن شريد غير سعادتهن المثل يكول بنتي سعيدة وعني بعيدة
- ابو جنان: هسة اني فكرت اخذكم سفرة لكربلاء هم تزورون وهم تتونسون اخذ اجازة يومين من الدوام
-الهام : اي والله النفسية محتاجة لهيج سفر وخطية البنات هم قبل الدوام خل نونسهم
( الهام صح من غير طائفية بس من ازوجت تبعت زوجهة ومبادئة وهم منوع مو متشددين واصلا بذاك الوقت مجان اكو طائفية ولا يعرفون شنو طائفية فالهام عادي تحب تزور الائمة وتنخيهم وتسوي ثوابات على ارواحهم)
ورا يومين سافرو لكربلاء وارتاحو وزارو وراحو بقو يومين ورجعو شوية الهام ارتاحت وكامت ماتبجي على فراق بتهة
ورا ما رجعو وبدة الروتين اليومي اضافة الى عرايك نوران وجنات وبدت سوالف الرويسية والعرايك مدري شمالهة وية جنات خطية ماترغبلهة بس هي فقيرة وحبابة يكعدن يدرسن ولهناك تعاركن على القلم وهاي تصيح مالتي وذيج تكول مالتي لو ضاع الدفتر كالت نوران اني شفتج فتحتي جنطتي وين خليتي دفتر العربي وكبت العياط بينهم همزين غرفتهم فوك
بعيد عن اهلهم ويتعاركن بيناتهن
جنات: نزلت الصبح اتريك واساعد امي نوران هلفترة داخلة دورات مال سادس لان السنة التجي سادس فبلعطلة دخلت دورات ومحاضرات استغليت الفرصة اكعد يم امي وحدي واشكيلهة من نوران
كعدنة نتريك سوة وبدت امي تنطيني شغل
- اليوم نظفي البيت تنظيف زين دفعي القنفات والطبلات ومسحي جواهم
- اي يمة بس خل اتريك وابلش
يوم اريد اشكيلج من نوران هواي تضوجني والله ليش هلبنية شادة وياي يمة بس كليلي ليش خواتي ميحبوني شسويتلهم اني كلشي ضاعلهة ذبتة براسي وتتعارك وياي على اتفه شي اذا جنت ادرس وشوية طلع صوتي كلبت الدنية عبالك جنت اقرة بسماعة لو شاعلة ديجي يم اذنهة هو صوت بس اليمي يسمعة ومو مزعج
يلة يمة اتحملي خيتج هي بس هل سنو وسنة الخ تزوج وتصير بعيدة تكومين تشتاقيلهة وصيحين افيش على عرايكج ياريد لو يرجع بية الزمن فلا اضوج منج
- لا يمة مااكول وداعتج اتاني يوم يوم وتزوج وافتك منهة
ياكثر ما نخفي من اوجاع ودموع
وياكثر ما نشكي ولا احـد سمعنا
.
ماجـور ياقلب من الحــزن موجوع
نوفي لهـم بــس الوفا ما نفـعنا..
(منقول)
- يمة انت تتخيلين خواتج يكرهوج هذا مو كره لا بس دائما الخوات كل ثنين يصيرون حزمة وحدة وهم يعتبروج زغيرة مايحجون كدامج حجيهم مال مراهقات يستحون منج فتشوفيهم مايردوج عبالج يكرهوج وهاي العرايك مال نوران عادي اصير باغلب البيوت لازم الاخوان الرويسية عرايك
يمة انت صبري وصيري حبابة يمة انت اشوفج احسن وحدة بيهم رزنة وعاقلة رغم صغر سنج لاتهتمين لمشاكلهة يمة كسبي خواتج واللج غيرهم يمة اني مادايمتلج
- لايوم اسم الله عليج لاتكولين هيج عمرج طويل
- يمة دشوفيني صحتي بالنازل وكل ست اشهر اروح اجيك ويكلولي المرض ٥٠ بالمية راجعلج واني خايفة عليكم انت واخوج لان خواتج اطمانيت عليهم يم ازواجهم
( نوران صارت خطوبتهة رسمية بس بقو يتانوهة تكمل سادس وياخذوهة طبعا يسوولهة حفلات مهر وعرس )
ديسولفن الهام وجنان وجان يسمعون صوت طبة قوية من الشارع طلعن يتراكضن ويعيطن

يتبع ...

حبيت اشكر منكم كلش هواي على تفاعلكم وتعليقاتكم واسف. اذا ماارد عليكم

[لامارا]

بارت ٢٠
بقلم جوري⚘⚘



طلعن يتراكضن الهام وجنات يشوفن شنو الصار لان صوت قوي مثل الانفجار
الهام
طلعت للشارع واشوف الناس ملتمة وهوسة والجيران تصيح اسم الله اسم الله ني مطمئنة ماعندي احد بالشارع بنات وابوهم دوام
افتهمنة المحولة مال كهرباء طاكة
واكو واحد مااعرفة متضرر وواكع بالكاع والناس ملتمة عليه وتتصايح وبعدين اجة صوت يتحمدون سلامات سلامات ابو جنان اني سمعت هيج تخبلت طلعت اركض بين الناس اصورت المتضرر مرتضى وادخل بالازدحام واصيح مرتضىىى وينك حسيت واحد لزمني من ايدي بس اني منتهية وجنت اتدافع بين الناس اريد اوصل للمكوم بالكاع مااهتميت لليجرني من زندي
مرتضى
صار عندي واجب خارج دائرة الجنسية وطلعت من كمل الواجب اخذت زمنية ساعة كلت امر للبيت ارتاح وارجع وصلت قريب بيتي لكيت واكفين جيراني وكفت اسولف وياهم جانت المحولة عاطلة وواكف كهربائي يصلحهة وانة واكفين يمة طكت المحولة والولد تاذة واني كلش قريب يمة احتركت ايدي طلعت من بين الناس واشوف الهام منهارة وتحاول تدخل بينهم عرفت خايفة علية اجر بيهة ماتنطيني مجال تالي صحت بيهة الهاااام شبيج
- التفتت الة وحضنتة بدون شعور امام الناس كلهة ويباعون الي منضر يدمع العيون
حبيبي انت بخير ضل بالي اتصورت انت المتضرر
وحاضنتة حيل
- لج امشي للبيت خجلتينة العالم تباوع امشي
دخلنة للبيت
- ههه شسويلة ماضل عقل براسي خفت عليك تعال اداويك
- لتخافين ماكو شي حرق بسيط
- الف الحمدلله والشكر
ضمدتة وارتاح مقبل يبقة
- لازم اروح للدوام
- يمعود يادوام اخذ اجازة شوف حالك
- كلشي مابية لازم اروح
- الله وياك دير بالك على نفسك من التلوث
(تسريع الاحداث )
بعد مرور عام
في عام ٢٠٠٣
عائلة ابو جنان نفسهم مامتغير شي بس نوران ازوجت من سنة بالموصل وعدهة ولد وعيالهة موزينين وياهة ومامرتاحة وياهم وزوجهة مايقبل يطلع منهم لان هلولد لاهلة وهاي المسكينة كاعدة وياهم متحملة لخاطر زوجهة وابنهة متحملة مشاكل حمواتهة وغيرتهم ويوزون امهم واخوهم عليهة وهي توكع بالرجلين
عائلة جنان
جنان صار عدهة ثنين بنات وزوجهة وعيالهة يموتون عليهة شايليهة بالصلوات ويحبون بناتهة وهي دتدرس صيدلة وماعدهم احد عمتهة توفت من ٩ شهور بسبب السكر وجلطة دماغية شكلت ويا وراحت دار حقهة ومينا مخطوبة على زواج تنتضر تطلع سنة امهة فميبقة احد بلبيت غير عمهة وزوجهة وعمهة فقير من اهل الله
رغم سعيدة جنان بحب رجلهة الهة وعيالهة لاكن دائما السعادة ماتكتمل عند اي شخص جنان بنتها البكر ولدتهة مريضة معاقة ولاديا ومحست بيهة الة بعد سنة ونص من عمرهة لان تاخرت بالمشي وحجي ماتحجي مجرد (اما يعني ماما و امم يعني ممة)
عرضوهة لاطباء هواي وجانت الصدمة الكبرى من بلغوهم بتكم معاقة اسمهة رند بهل فترة جانت حامل برانية البنت الثانية حاليا رانية عمرهة شهرين وجنان هلكانة وميته تعب بين اطفال ودراسة صعبة وبيت ومسؤولية رغم مينا مساعدتهة بجهالهة
نرجع لبيت ابو جنان
الهام جانت كل ست اشهر تراجع وتجيك ورحهة بس بعدين الاطباء كلولهة بعد كل ثلاث اشهر تابعي حالتج واذا تاكدنة من المرض راجعلج لازم تاخذين الجرعات لاعبالج مثل المرة الاولى قبل كم سنة على العلاج والدعاء تشافيتي بس مدام رجعلج تصير خطورة على حياتج لازم تاخذين الكيمياوي باسرع وقت عاد كامت اقل من ثلاث اشهر تروح تجيك نفسهة وابو جنان وياهة
جنات صارت١٣ سنة مراهقة وجسمهة ناضج وهي من نوع خشنة شوي فتبين اكبر من عمرهة وبيهة معاني الانوثة بارزة وبدت تمر بفترة المراهقة وتفكر بخالد وزاد الحب والاعجاب بكلبهة لخالد وتنتضر لقائاتهم يوم يوم يعني من يجوهم لو هم يرحون للموصل عدهة يوم عيد من يلتقون
المكان: بيت ابو جنان
　
الزمان : صباحا جانت الهام ملتهية تحضر اكلات ونمنمات لان باجر يجوهة بناتهة نوران انطتهم خبر تجي تزورهم وجنان تجي تشوف اختهة وفرحانة بجيتهم تشعر بالسعادة لان حتشوفهم رغم الحزن عليهم وشايلة همهم من تذكرهم وحدة عدهة بنت معاقة والثاني مشاكل مستمرة وية زوجهة وعيالهة وبعيدة عنهم تموت قهر الهام من تسمع بمشاكلهم
- ابو جنان دخل المطبخ: ها الهام داشوف الفرح والسعادة بعيونج 😍
- الهام: طبعا لعد شلون ماافرح وباجر نلتم لمتنة الحلوة مع بناتنا واحفادنة الله يديمهة ويتممهة على خير دااتحضر كل وحدة بيهم تحبلهة اكلة واكيد محرومة منهة جنان مافارغة للاكلات ونوران عيالهة خبثاء وبخلاء مايخلوهة فخليهم يتمتعون ابيت ابوهم وياكلون من ايد امهم وحدة تحب بسبوسة سويتلهة ووحدة تحب لقم القاضي (احنة نسمي كوكو مااعرف منين طلع هل اسم بس كل عشيرتنة تعرفةبس من ازوجت وسويتة لعيالي وكتلهم كوكو مقبلو كالو لقم او لقيمات )
وسويت قالب كيك ولفيت دولمة هم يحبنهة ومشتهياتهة
- ابو جنان: عاشت ايدج والله يساعدج على التعب زين سويتي خل ياكلن ابيت ابوهن ليش تبقة بنفسهن
اني متندم لان زوجتهن وهن صغار والله حيل ندمان بكد شعر راسي احس غلطت من زوجتهن خطية بعدهن بعمر الورد وهيج ماارتاحن بزواجهن والقاهرني هذا الحقير سعد زوج نوران ماخلاهة تكمل دراسة ليش مو جان شرطنة تكمل جامعة يمهم مو جان هسة تدرس هندسة ليش حرامات ضيع مستقبلهة اخ شكد ضايج انوب هاي الفاهية قابلة ومقتنعة وصايرة عبدة جوة رجلهم تخدم بيهم ومتلحك وياريت لو قابلين مايغزر بيهم
- الهام: اي والله اني هم مقهورة بس هاي قسمتهم شنسوي مانكدر نعترض على امر الله العلينة ندعيلهم بالحفظ والستر والسعادة
هسة اريد بس اشوف نوران ماادري شفكر الف حسبة ابالي هاي امريكا يومية تهدد باجر نقصف العراق والله خايفة لا تنسد الطرق وبعد منشوفهم الله يستر
- ابو جنان: شو جنهم بس حجي هاي صارلهم كم شهر او بالاصح كم سنة يمكن من ثلاث سنين كالو نقصفكم
- الله يكفينة شرهم
-يلة لهومة اني رايح محتاجة شي من هذا المحل لو البقال اني طالع هنا بالمنطقة يم الجماعة اكعد وياهم جمعة وكلهم كاعدين
- لا حبيبي سلامتك مامحتاجين شي مسواك خير من الله قبل يومين اسوكتلنة
- يلة في امان الله
- الله وياك
جناات جنااات وينج
- هااا ماما
-شبيج صايرة تختفين وتتاخرين بالكعدة الة اني اصيحج يلة تجين ترة كبرتي اعتمدي على روحج كومي ساعديني نظفي اشتغلي شنو هلكسل ساعة حصير ١٠ونص وانت مابينتي يلة تريكي علسريع وابدي نظفي باجر خواتج جايات وتلتهين وياهم وماتشتغلين عاد عوضيني اليوم راويني شطارتج تنظيف زين
- اي ماما لزمتيني حاصل فاصل خل اتريك وابدي انضف هسة اني يايوم مامنظفة بس انت ولاتعلمتي على طبعي يومية نفس الرنة من الصبح
- لج شو لسانج طولان ماتستحين هيج تحاجين امج
- اوي هسة اني شكلت وبسرعة ضجتي
- يلة كافي لغوة كومي على شغلج
- اي كمت امري لاالله
- لج حمدي ربج علية باجر عكبة ومانعرف الله شضاملج وتتندمين على رزالتي الج
جنات: كمت على شغلي انضف واكنس وامسح واسعف كلهن اسويهن يلة ترضة امي وتحسبة شغل معدل اني تعودت على الشغل ومن ابلش بي ياخذني الواهس واكملة واحب النظافة اكثر من خواتي جانن همهن دراسة وقليل يشتغلن بس مشكلتي الزاعجة الوالدة لان اكعد متاخرة ايام العطلة فتضوج تريد تلكاني من الصباحيات كاعدة المهم لليل يلة خلص الشغل وطبيت غرفتي استريح لان متت تعب امي مخلت شي ماطلعتليا انظفة اخر شي صعدتلي تشوفني قبل ماانام
- الهام: ها جنونة ههه حبيبتي تعبناج شنسوي ماعدنة غيرج بنيتي الوردة المعدلة خوما ضجتي مني والله اني المصلحتج حتة تتعلمين تشتغلين حتة من تزوجين ماتواجهين صعوبة مثل نوران خطية مالحكت تتعلم على الشغل وشلون حضت بعيال ذابين كل البيت عليهة مسويهة خدامة
- جنات: لا ماما بلعكس ليش اضوج ادري بيج لمصلحتي وعادي اني احب الشغل واتونس بي بس مشكلتي تنبل وموبيدي العطلة بسع تخلص منحس بيهة فنشبع نفسنة نوم الصبح
- يلة حتركج تنامين ترتاحين وتشبعين نوم تصبحين على خير
باجر خواتج يجون الصبح
- يمة خليني على راحتي اكعد لا هم تصيحيني وانت من اهل الخير
♧♧♧♧♧
في صباح اليوم الثاني المصادف يوم السبت في دار ابو جنان
وصلو بناتة جنان ونوران والهام طايرة بيهم وشايلة احفادهة وفرحانة بيهم
-ابو جنان: رايح للداوم وساعة ب١٢ نص اطلب اجازة ارجع علمودهم مشتاقلهم اريد اشبع منهم لان نوران بس يومين وتسافر ماتطول لان زوجهة العكرة مايقبل جنت متحلفلة من يجي ارزلة على مداراتة البتنه وشلون صاين الامانة بس الفطيرة ماقبلت ووصتني مانضوجة ونستقبلة علبو عيب جاييكم خطار وترزلو ببيتكم والخاطرهة حنسكت ونعديهة على خير بس اني كلش كارهة لسعد
هذه الكلمات لجنات لان خلوهة نايمة محد كعدهة
"شو محد اجاني ودگ علية الباب
ولا كلمة اشلونج جتي من يمهم
شلون الگعدة تكمل واني ماموجودة
معقولة الاحبهم صرت ما اهمهم"
(منقول)

يتبع...



متابعيني الكرام غيرت اسم القصة واتمنى يعجبكم
غيرتة لسبب يومية يجوني خاص او بالتعليقات يكلولي جنات البطلة وانت مخليتيلهة دور مهم هسة اجاوبكم جنات دورهة يبدي بعد وفات اهلهة ويبدي القدر يلعب دورة وياهة فكلت لحل الافضل اغير الاسم وجان من فكرة ام صوفي هي اختارتلي الاسم Weaam-N-t وعجبني عاشت ايدهة
وتعذروني كمت مااجاوب تعليقاتكم لان كثرت ماشاء الله وهل شي يسعدني كلش بس كلهة اقراهة وافرح بيهة واجاوب الاكدر عليه اشكركم لتفاعلكم وهاي هدية مني الكم طبق الحلو كنافة 😘

[لامارا]

البارت ٢١
بقلم جوري



في صباح يوم السبت في دار ابو جنان
بعد وصول البنات وفرحتهم وفرحة اهلهم بيهم نوران جياتهة قليلة كل خمس شهور يلة يجيبهة زوجهة ففرحانين بيهة امهة وخواتهة كاعدات ويسولفن ويضحكن الهام وبناتهة طبت جنات
شكل جنات من كاعدة من النوم
👇

ههه مالكيت صور او مقطع حقيقي يمثلهة فخليت رسم يمثل شكلهة
كوة فاتحة عيونهة وتتثاوب وبصوت خشن
- صباح الخير شعجب محد كعدني الضاهر ماعدكم مصلحة وياي جهالكم عاقلين بعدهم ههههه
- الهام: خزرتهة شبيج جنات هو هيج تستقبليهم
- غير اشاقة وياهم
كمت بوستهن وبوست جهالهم وصدك فرحت بوجودهم يمكن الجهال اكثر يفرحني وجودهم
احجي وية نفسي خل اكوم اتريك قبل لا يبدن يصخرني على جهالهن لان هن حبهن الي مصلحة من عدهن شي يكومن يتلوكنلي ويدلعني جنونة من اسمع جنونة اعرف عدهة شي اكثر شي جنان لان عدهة ثنين ماتكدرلهم ورند تحتاج رعاية اني ماعندي شي وياهم احب اساعدهم بس مرات انقهر لان اشوفهن مصلحجيات بس الكلام لاالله جنان احسن من نوران
صار وقت الاذان
- الهام: يلة كافي سوالف كومو صلو وذكرة الله حتة نكمل ونتغدا ابوكم هم على جية كال اجي ب١٢
وكامو البنات بقت جنات بالمطبخ اجة ابوهم فتحتلة الباب وهو الضحكة مالية وجهة سالهة اجن خواتج
- اي اجة الجيش العثماني بقيادة اختي الكبرى وتبعه الجيش الروماني بقيادة اختي الصغرى
- منيلهن جيش هو يادوب طفل وطفلين وبعدهم صغار ماصارو جيوش هههه
دخل مرتضى وبيدة هدايا للبنات والاحفاد وتلكو بوسو ايدة وفرحو بي ورى دقايق اجو النسبان ياسر وسعد استقبلهم وكعدهم وحضرو الغدة البنات وامهم ونصبو السفرة وكعدو والكعدة حلوة بس يافرحة ماتمت
خلصو الغدة وكعدو يشربون الشاي ويتناقشون بامور عادية وفتح موضوع الدراسة ابو جنان وعاتبة لسعد
- مرتضى:ليش هيج بطلتهة من الدراسة احنة شتفقنة مو جان شرطي تكمل دراسة لو ماازوجهة وواعدتني تكمل يمك ليش بطلت
- سعد: اني زوجهة ومسؤول عنهة واني طبعي مااقبل زوجتي تطلع من البيت الزوجة دورهة تربي اطفالهة وتداري زوجهة بعدين اني ماقاصر وياهة بفلوس او مصرف وحالتي زينة ومتمكن بعد شسوي بدراستهة وراتبهة
وانت هم عمي لو نسيت من بطلتهة لخالتي الهام من ازوجتهة
- اهنا عصب مرتضى: الزم حدودك اولا اني عمك لاتعلي صوتك ثانيا لاتحجي شي وانت مامتاكد خالتك هي مرادت تكمل دراسة لان مجانت الهة واهس ولا عدهة طموح اني مجان عندي مانع لو تكمل دراسة بس الوضع يختلف عن نوران لان جان شرطنة قبل الزواج تكمل دراسة
وعلت الاصوات وبدة المصايح وضلو الهام وياسر والبنات يحاولون يهدوهم
- نوران: اتاذت معرفت ويامن اطبك اذا وية زوجي يزعل ابوية اذا وية ابوية ادري زوجي حيكتلني
ضلت حايرة بينهم
ابو جنان وسعد واحد ميحب الثاني بكلبهم بس بلوجوه يحاولون مايبينون الخاطر نوران بس على ابسط شي يتناكرون يصيرون حساسيين
المهم هدأ الوضع
- ابوجنان: اترخص اني اروح بغرفتي اتمدد ارتاح والعصر اجيكم لان متعود اخذ قيلولة الضهر
- الجميع: مرخوص اخذ راحتك
والهام اخذت بناتهة فوك سوتلهن جلسة سمر ( جلسة نسوان يتسامرن نيالهم شكد احب جلسات الحبايب وبيت اهلي )
- الهام: يلة ولدي تعالو بالصالة فرشتلكم نامو ارتاحو لمن يصير العصر ونكعد سوة
كعد ياسر يسولف وية عديلة سوالف عن الشغل والعمل والسيارات ومااعرف شنو المهم سوالف رياجيل مااحبهة هههه
المهم شو ياسر هم ماارتاح لسعد يمكن بي طبع شايف نفسة كعدو سولفو لمن نامو
نرجع لالهام وبناتهة
- نوران: مقهورة من الصار بين ابوية وزوجي
- الهام: لاتضوجين عادي مصار شي وابوج كلبة طيب هسة يكعد العصر ناسي كانما ماصاير شي
- نوران: بس سعد مرح ينسة هذا كلبة قاسي واكيد من نرجع حيطلعهة بية ويطلع السفرة من عيني مثل كل مرة يجيبني اتونس واشوفكم ومن نرجع يناغصني كمت حتة ماريد السفر اهم شي ارتاح لان من نرجع يدورلي مشاكل من جوة الكاع وامة وخواتة مايصدكون يشوفو يتعارك وياي يزيدون عليه ذيج الجية قبل ٦ اشهر من رجعنة جانت عمتهم موجودة واني ادري بيهة بس كلت خل افوت لغرفتي اعدل نفسي لان كتلني الحر وعركت بالسيارة وتعرفون جنت حامل سبع اشهر دخلت اسبح شو اجاني مثل البركان انت ماتستحين وماتقدرين الضيف وتدرين بعمتي وماسلمتي وانت اشايفة نفسج
اني بس صافنة ودموعي تجري كتلة لا والله مو هيج بلعكس احب عمة عايدة وافرح بجيتهة بس كلت اسبح وارتب روحي لان عركت بس ميفيد وضربني راشدي طير وجهي بي هي امة الوازتة ادري بيهة بس سوت نفسهة ماتدري شكو وصعدت ها سعد شبيك توك جاي وصوتك لسابع جار شصاير
كاللهة العوبة شايفة روحهة ماتسلم هي جاوبتة اي والله اني واكفة يمهة ولا جنهة شايفتني عافتني وصعدت اني تفاجئت كتلة والله خالة ماشفت احد كدامي وماقاصدة شي بس ردت اسبح وانزل اسلم ماعدي شي وياكم ضلت تحجي وتصيح والتمو كلهم اخر شي صعدت عمة عايدة حجت عليهم وحضنتني وبوستني ونزلتني جوة ضلت ترزل بيهم ليش هيج حامل وتعبانة هيج تاذوهة
والله يمة بس عمة عايدة احبهة بيهم حبابة وتحن علية حرامات بس مرة بالاسبوع تجينة
- الهام ودمعتهة بعينهة : يلة امي تحملي شسوين هاي قسمتج والله هاي سميرة السبب اكيد تعرف هيج طبعهم وماكالت كون اشوفهة واعاتبهة بس شلفائدة انوب خاف تطلع مثلهم وتشلع قلب جنات
　
- نوران: لاتخافين على جنات جنات قوية وهذا خالد ادري بي يحبهة اكيد يوكف وياهة واهم شي الرجال اذا يحب مرتة ويقدرهة بعد شحدة اليمس شعرة منهة
خلصت سالفتهة نوران والتفتو على جنان حايرة برندة رندة عايشة بس على الحليب والشوربات متكدر تمغض الاكل وكاعدة توكلهة شوربة وكوة تبلع وانقهرت الهام وهم كعدت تواسيهة
- بلكت اكو علاج شي يفيدهة
- جنان: لا ماما مرض ماالة علاج تبقة هيج وكلما تكبر يزيد الحمل علية ادعولي الله يعيني ويصبرني.
- الجميع: الله كريم الله هو المعين .
- الهام: يلة بعد خل ننزل نحضر الجاي وعندي كيك سويتلكم البارحة نحضر العصرونية
- نوران: اي امشو ننزل هذا سعد ميعرف ينام وهسة اكيد ضاج
نزلو همة وامهم حضرو الجاي والكيك وكعدو ازواجهم وكعدو ياكلون ويسولفون
- ابو جنان : اني ضايج من هل وضع مديعجبني كلهة غش وكلمن النفسة والله لو اكدر اطلع تقاعد ( ابو جنان بالحزب البعث)
وفتح مواضيع سياسية وجاب طاري الطائفة وهم صارت جدال بينة وبين سعد وسعد ضاج وطلع
هذا الحقير سعد كوم وروح اشتكي على عمة كللهم هذا ضايج من صدام ويكول لو اطلع تقاعد واخلص بس هو اثول مافكر انو الحكومة تغدر بي وتاخذة وياهم لان هو يمهم ومرتة وابنة يمهم
بيت ابو جنان
جانو كاعدين يتعشون وكلهم موجودين البنات وامهم وابوهم والنسبان سعد كاعد بس وجهة ثكيل وابو جنان متحملة لخاطر نوران وجان تندك الباب قوي اخترعو
- مرتضى : شكو ياستار منو هيج يدك
كامو الرياجيل يفتحون الباب جان يشوفون الامن جايين ويصيحون عليهم يكلولهم يلة كلكم خونة على ابوكم يلة كومو ضلو واحد صافن بوجه الثاني
- ابو جنان: شكو ليش خونة
الامن: يلة امشو كلكم ويانة ماعدنة وقت يلة يلة كامن النسوان تتراكض تلبس عبيهة
- ابو جنان : اخذوني اني لاتاخذون الحريم
الامن: هذا امر صدر الكل يجي حتة الاطفال يلة بسرعة وخلوهم كلهم بالسيارة ناس صافنة بوجه ناس ومتعجبة😲😲
وصلو السعد دفعو
- اني مو وياهم والله وية عمي صدام
- الامن: امشي لك يا حقير يا خاين ودفعو للسيارة
حال بيت ابو جنان صار لا يسر عدو ولا حبيب النسوان يتباجن والجهال يتعايطون والرياجيل ياسر وعمة متفاجئين وميعرفون السبب
والخوف كاتلهم لان يدرون اليوكع بيد الامن وصدام مايرجع سالم
" لاتشكي الجرح وتعد الجروح
ماتلگه اليضمك بس يلجمون
ولاتبچي بنهر ودموعك تروح
شيهمة النهر لوتحفر عيونك
سولف عل الفجر والشاهد
ذوله وياك عشرة وماينكرون
وفتح باب گلبك للمجانين
عوف اهل العقول المايفهمون
*منقول*

يتبع....

اسفة جدا على التاخير عندي ضروف ماكدرت اكتب
شكر خاص لليتفاعلون اليوم هديتهم طبق تمن كشري 😉
اليقرة باجر وصايم مشكلتة هههه

فديت تعليقاتكم الحلوة

[لامارا]

البارت ٢٢
# وهم-الاقدار
بقلم جوري🌼🌼



اخذوهم للمركز ونزلوهم وهم مايعرفون سبب وجودهم بمركز الأمن والشرطة
الهام
الاطفال تبجي وبناتي خايفات ويلمن بنفسهن لحكن يخلن حجاب براسهن وبالدشاديش اخذوهن بس اني خالة عباية بالباب للاحتياط من تندك الباب جريتهة ولبستهة
ابو جنان
بس صافن واباوع بوجوه نسباني ومااعرف شنو السالفة
دخلوهة على الظابط الجبير مالتهم
جان كاعد على المكتب ودخل الشرطي كلة سيدي واخذلة تحية وكلة جبتهم الك
كلة خليفوتون جوة
رفع راسة باوع بعين ونص خزرهم
الهام: الخوف كاتلنة😢😢 دخلونة كلنة على الضابط والضابط بس نضراتة وخزرتة رجفتنة🤐
حسيت رجلي كوة شايلتني مااريد اخسر احد من عايلتي وذول كلهم الشر عاميهم وزاد خوفي على بناتي لان هذا الضابط يباوعلنة احنة النسوان بعيون نكسة ضليت بس اقرة آيات قرانية اناجي الائمة العلمني زوجي التجأ الهم عند مصابي وهاي اكبر مصيبة اجتني لان معروف بالامن وجماعة صدام مايتركونة بحالنة وماتهمهم ارواحنة ولا شرفنة ضليت ادعي الله وانخي الائمة واذكرت الامام الكاظم (ع) قاضي الحوائج نخيتة وتوسلتة عند الله اباوع لزوجي ماضل دم بوجهة وصافن على الضابط🤤🤤
- ابو جنان: خير سيدي ليش جبتونة شمسوين
- الضابط: الك عين تحجي هاي عود انتة الجبير مالتهم وصعدوك رتبة وهيج تطلع منك تكول ضايج من صدام واريد اعوفهم واتقاعد
- ابو جنان: تفاجئت🤤🤤 اني كلت شوكت والله ولا كايل هيج منين هلحجي
- الضابط : ههههههههههههههه وصلتنة اخبار ههههههه تدري منين
ههههههه الفتن عليك يكون منك وبيك
- ابو جنان: انصدمت وبعدين التفتت اباوع لعائلتي واحد واحد من وصلت عيني لسعد هو ارتبك ودنك عرفتة هو واذكرت اليوم صار خلاف بيناتنة وهو اكيد كرهني بس ماحسب حسابهم ياخذو ويانة
خزرتة بعيوني وعصبت حيل😠😠 كتلة حقيررر هاي جزاتي انطيتك بنتي تالي هيج تسوي بية
انحكم عليهم سجن الاب سنة ونص والانسوان ثلاث اشهر والنسبان ست اشهر
الاطفال كتلهم الجوع ماتكفيهم رضاعة جنان ونوران حليب صدرهم قليل معلميم جهالهم مميات وية صدرهم بالسجن حارو بيهم بس على الصدر ومايشبعون ويكضوهة بواجي ورند هم اكلهة خاص سوب وشوربات وهم حليب فتعذبت جنان وية اطفالهة وتبجي على بجاهم
ونوران كذلك ولو اهون من اختهة لان طفل واحد وتحاول ويا ترضعة
عند بيت ابو ياسر
الزمان العاشرة ليلا
مينا: صارت ساعة ب١٠ وبيت ياسر ماكو ضل بالي ادري جنان ماتبقة لهل وقت ترجع ب٩ علمود جهالهة كلت جائز التهو وية اختهة هسة ب١١ يجون صارت ب١١ وماكو
هنا ضل بالي وضليت افكر وينهم وليش تاخرو انوب ابوية من ساعة ب١٠ يحوم بلبيت وكلسع يسألني
- مااجو بيت ياسر
- لا بعدهم بابا ماجايين
وترني اكثر كلت هذا مديكدر ينام الة يطمن عنهم خل اكلة خابرتهم
- بابا خابرتهم وكالو توهم طلعو منيمنة عاد
- خوش لعد بوية اني رايح انام تعبان انت انتضريهم من يجون فتحيلهم الباب وقفلي وراهم بوية اعتمد عليج قفلي زين
　
كتلة اي وراح لغرفتة وخلصت بس اني القلق كاتلني لان ادك عليهم من تليفون الارضي ماكو جواب يدك ومحد يشيلة
صارت ب١١ونص بعد متحملت كلت اخابر خطيبي محمد واكلة يشوفلي جارة يروح لبيت ابو جنان يشوفهم
خابرت واني فشلانة وخايفة لايطلعلي احد من اهلة بس لحسن حضي طلع هو
- الووو
- الوو ها مينا شعجب متصلة من وقت احنة موعدنة ساعة ب١٢ ههههه لازم اشتاقيتي بس لو الله يهديج وتوافقين نزوج
- محمد كلامك ابد مووقتة محمد اني بياحال بيت ياسر مااعرف وينهم ليهسة مااجو
- محمد: ليش وينهم
- راحت الاهلهة من الصبح وهي كالت ما ابات وترجع ب٩ مامسويتهة لهلوقت واخابر عليهم من ساعة ب١٠ يدك ومحد يشيلة واني خايفة لا صارلهم شي حتة ابوية كوة قشمرتة ونيمتة
وهسة اني وحدي مكابلة الباب اتامل يجون بيت ياسر
- هسة رح اطلع واروح لبيت اهل جنتكم واسئل عليهم
- لا شيطلعك بهليل واهلك يضلون يسئلون وين وليش طالع وبعدين تروح وفات الوقت شسوي تدك الباب شتكللهم
خاف طالعين سفرة وماكالولنة لذالك ميشيلون تليفون ماموجودين نصبر للصبح وروح
صار الصبح ومينا ماشافت نوم وخطيبهة ماعافهة كل شوية يخابرهة ساعة ب٨ راح لبيت ابو جنان دك الباب محد طلعلة طلع واحد من بيت الجيران سألة وين اهل البيت شو ماكو احد
كلة
- والله ياابني البارحة العصر اخذوهم الامن كلهم
تفاجئ محمد
- ليش شكو شمسوين وياخذوهم
جاوبة الرجال ماادري هم ناس كلش فقرة وطيبين ماشايفين عليهم شي بس يكلون مطلع عليهم كلام زور وجذب ومبلغ الامن واجت عليهم خطية جانو يمهم بناتهم ونسبانهم اخذوهم كلهم حتة اطفال عمر شهرين اخذوهم ومانعرف عنهم شي من البارحة.
- محمد اشكرك عمي واترخص هة اروح اسال عنهم
مينا: ماداومت ماالي واهس اداوم ومااعرف شي عن اخوية وعائلتة لان فتحت دفتر لستة الهاتف وطلعت رقم بيت جد جنات اهل ابوهة واتصلت بيهم الصبح وماعرفو شي عنهم وخطية هم قلقتهم ولكيت رقم بيت خالهة جاسم بالموصل كلت جائز راحو الهم وهم مايعرفون شي عنهم القلق اخذ نص حيلي واتاني محمد على نار
سمعت طرق على الباب كمزت اركض للباب وابوية وياي يلوب خطية الصبح حجيتلة
طلع محمد
- هاا محمد احجي شصاير شو وجهك مايبشر
محمد: ضليت حاير اروح لمينا وشاكوللهة وماينطيني كلبي اصدمهة لان اني نصدمت الامن تاخذهم وليش بس شسوي امري الى الله رحت وطلعتلي مينا وخايفة وتتوسلني احجي وتتمنة اطمنهة بس شاطمنهة الاخبار ماتبشر بالخير كعدتهة هي وعمي وحجيتلهم نفس الحجاه جيرانهم عمي كلش تاذة وضل يصيح ليش ابني شمسوي راد يتخربط وخفت عليه كوه هدئتة
- امشي وياي عمي نشوفهم ونفتهم قضيتهم وبلكي نكدر نطلعهم
عند بيت ابو سعد عيال نوران
في صباح اليوم التالي
جان موعد رجوع سعد للموصل واهلة ينتضرو سميرة من خابرتهم مينا تسأل على اخوهة ضل بالهة كامت اتصلت ابيت اخوهة ابو سعد طلعتلهة ام سعد
- ها خية شلونكم اخباركم بيت سعد شخبارهم وصلو
- ام سعد : لا بعدهم جائز ماطلعو من وقت هسة الضهر لو العصر يوصلون
- سميرة: والله خية مااعرف شاكولج وحايرة بس لازم اكلج الصبح ساعة ب٨ خابرتني اخت ياسر زوج جنان تسأل على اخوهة وعائلتة تكول البارحة طالعين لاهلهة ومارجعو لليوم وماتعرف عنهم شي تخابر ماكو رد وضال بالهة خابرت عبالهة جايينة زيارة للموصل كتلهة لا والله مااجونة وضليت لحد هلوكت اني اتصل ابيت حماتي وفعلا ماكو جواب مردت اقلقج اكول عسى ولعلى احصل خبر عنهم بس ايست وخابرتج جاسم ماكدر يصبر من ساعة ب١٠ طلع للكوت يشوفهم واني ضليت على نار تالي اذكرت الكاشف يطلعلي رقم بيت عيال جنان بالهاتف وطلعتة واتصلت طلعتلي حماتهة وتبجي كالت خطيبهة رايح للبيت والجيران كالولة اخذوهم الأمن
- ام سعد : دكيت على صدري يمة شتحجين يمة وليدي سعد يمة حفيدي وين هسة ليش اخذوهم ماعدهم شي مامسوين شي ياربي سترك استر عليهم
اوف سميرة شتحجين اذا صدك اخذوهم الامن هاي هية راح ابني راحو بعد مايرجعون .
"ترة التنزل دمعتة هواي احس محظوظ
من يبچي السوالف كلهة يحجيهة
بس كلش خطية ومدري وين يروح الماتنزل دمعتة ويختنك بيهة"
يتبع...

لاتنسون تصويت
حبايب بارت لعيونكم اليوم فارغة وكتبتلكم اتمنة مااقصر وياكم

[لامارا]

بارت ٢٣
#وهم_الاقدار
بقلم ⚘جوري⚘



المكان: مركز الشرطة
الزمان: ١١:٠٠ صباحا
محمد: واكفين اني و ابو ياسر ونتوسل بالظباط وماكو فائدة للكلام انطونة الأذن الطرشة
اذن من طين واذن من عجين
- زين بس النسوان والاطفال ميصير وهم مامسوين شي ذول الاطفال حيتاذون ويموتون جوع
-الظابط: موبكيفنة هذا قانون وماشين على النظام
جاسم
وصلت مجنت اعرف اخبار اختي لان طلعت قبل لا تخابر سميرة على مينا
وصلت لبيتهم وهم الجيران كالولي ورحت ركض للمركز🏃‍♂️🏃‍♂️
- جاسم: شفت ابو ياسر ومحمد سلام ياجماعة شنو صاير واللة خفت ومااعرف شصاير واجيت من الموصل
- ابو ياسر : والله شحجيلك ماادري منو مبلغ على مرتضى ويكولون خاين
- جاسم: خاين😲 منين جابو هلحجي بعد هذا مرتضى وعدكم الحساب شلون ايخون
- ابو ياسر: يكلون عود كايل اني ضايج من صدام واريد اعوفة واطلع تقاعد
- جاسم: بس مرتضى مايسويهة
- بعد هذا حضهم وحضنة
- محمد: عمي انت بالمركز استر علينة لاتحجيلك حجاية وتروح بيهة
ضلو الثلاث حايرين شيسوون
مرت الايام وهم بالسجن وحالتهم حالة والاطفال تمرضت وجاعت بس الله وكف الهم ماماتو
بعد مرور شهر على حبس مرتضى وعائلتة
واليوم هو تاريخ ١٩/٣/٢٠٠٣
هو تاريخ ضربة بوش للعراق وصارت الحرب الحواسم او يسموهة حرب الخليج الثالثة
سقط نظام البائد والوضع تغير وطلعوهم من الحبس عائلة مرتضى وشكو ناس محبوسة دون ذنب طلعت
(هلا هلا كلللللللوش رضاوي يا جكليتة حامض حلو اباكيتة هههه ترة ماعرسنالة بس فرحانة بي طلع من الحبس🤣😄 )
الزمان: التاسعة صباحا
المكان : مركز الشرطة
اليوم صدر افراج عنهم
واجو جاسم وابو ياسر ونسيبة وابو سعد علمود اولادهم طلعو بالساحة والتقو بيهم عائلة مرتضى
- مرتضى : هلة شلونكم
-ابو ياسر وابو سعد: شلونك ابو جنان الحمدلله على سلامتكم
- مرتضى: وهو منحني ضهرة ومدنك جاوبهم الله يسلمكم اشكركم
تسالمو وسلمو على النسوان وكلواحد حضن ابنة وراحو اتجهو لدار مرتضى
في دار مرتضى ملتمين اهل الهام واهل ياسر واهل سعد
ذبحولهم ذبيحة على سلامتهم وسميرة طبختلهم وفرحانين بيهم
بالنسبة للوضع في العراق تأزم الامريكان سيطرو على كافة مناطق العراق
والوضع صار من اسوء الى الاسوء
وصار الوضع يخوف وبعدهة بدة الشعب يلعب بذيلة كامو يقتلون بالاحزاب وشكو احد بحزب صدام فجرو بيتة واذا عندة جريمة قتل بسببة قتلو بس مرتضى ماعندة شي وكلهة تعرفة مامأذي احد ولا مقتول احد بسببة
صارت مشاكل بين الطوائف وصارو ناس تقتل ناس لان من غير طائفية
نرجع لعائلة مرتضى
- مرتضى: احنة لازم نطلع من العراق الوضع موزين وخايف عليكم او اذا صارلي شي منو الكم
- اسم الله عليك عمرك طويل لاتحجي هيج
- هي الاعمار بيد الله بس دشوفي يومية اسمع واحد من جماعتي مقتول شنو ابقة ساكت وانتضر دوري لازم نطلع من العراق
-صعبة شلون نطلع وين انروح وبناتنة شلون
- نروح السوريا هواي ناس طلعت لسوريا وبناتج شكو عليهم كل وحدة يم زوجهة ازواجهم ماالهم دخل بالحزب خصوصا نوران امني عليهة بس جنان اكول لياسر بلكت يقتنع يجي ويانة
- 😢 صعبة اعوف نوران بضيم عيالهة وزوجهة وجنان اكيد مايقبل ياسر يعوف اهلة و وهم ماعدهم شي وهنا شغلهم ماشي يرحون هناك بيش يعيشون
- اذا هناك واذا اهنا قابل شتكدرين تسويلهة لنوران نفس الشي بكل الاحوال هي متدمرة وجنان حتلو مااجو لسوريا هم اهنا ماعليهم شي محد اياذيهم هو ياذون بس جماعة صدام هذا قرار اخير حضري نفسج بهل اسبوع نطلع بس اجهز الفيز وارتب اموري واهلي وياي
- ابكيفك التشوفة يوالمنة سوي
- اي نتوكل على الله ونرتب امورنة
بدو يرتبون امورهم عائلة مرتضى والهام اتصلت باهلهة وسوتلهم واهس قنعتهم يجون وياهم ووافقو بيت جاسم يرحون لاكن جنان ونوران ماوافقو ازواجهم وحزنت الهام على فراقهم بس ما في اليد حيلة ودعت الهام بناتهة والدموع تجري كالنهر لم ينقطع مجراه
سافرو الى سوريا مرتضى وعائلتة واهلة وبعد ايام لحكوهم اهل الهام امهة وابوهة وعائلة اخوهة جاسم
استقرو جميعهم في ريف دمشق سكنو بمجمع سكني اكثرهم عراقيين مهجرين نوعا ما ارتاحو اهناك وتعاونو بالعيشة والشغل جاسم ومرتضى فتحو كافترية بسيطة ويشتغلون بيهة هم ونسوانهم تساعدهم بالمطبخ يمكن تتعجبون ضابط والة هيبتة بس اليريد ايعيش كلشي يسوي
جنات
فرحتي ماتنوصف لان خالد صار قريب علية ويومية اشوفة هنا هو عمرة ١٨ سنة وقدم على كلية بسوريا وكام يداوم مرحلة اولى واني عمري ١٣ بس ابين ١٦ سنة يومية نروح للكافترية نساعد اهلنة هم بسوريا عادي عدهم النسوان تشتغل هيج شغلة
- خالد شلونهة الكلية حلوة
　
- اي والله كلش حلوة عالم ثاني
- الله شوكت ادخل هذا العالم
- اممم اغار عليج مااريد تدخليلة
- ليش لعد بس انت تكمل وتحصل شهادة ومستقبل
- الله كريم منا لذاك الوكت
- اممم خالد
- هاا جنة
- مكتلي ليش تغار علية
- 😊😊 مااريد احد يشوفج غيري
- شنو يعني هسة اني مو كاعدة بالكفترية ويشوفوني
- جنة بالكلية الوضع يختلف يلة خلينة نكمل شغلنة الزبائن تنتضر حيصيحون بينة بابا وعمو
- اممم اي يلة خل نكمل
جنات : ردت يعترفلي بس ماينطيني مجال ويغير الموضوع مثل كل مرة اني احس بي عندة مشاعر اتجاهي بس اخاف لا يطلع احساسي خاطئ ويعتبرني اخت
لا بس هو كلي اغار عليج ومااريد احد يشوفج غيري
اممم بس مرات الاخ هم يغار على اختة اهووو شلع كلبي دكلي احبج وريحني والله تعبت شوكت يحس بية
بس هو يدري احنة محجوزين ودائما امة تحجيهة وتكلة خطيبتك او تلمحلة وهو يضحك
الهام
احنة استقرينة وارتاحينة ومن اشوف لمتنة وية اهلي وعيالي كلش ارتاح بس ناقصني شوفة بناتي كلبي يتكطع عليهم اتصال بيهم بصعوبة مبايلات توهة نزلت وغالية بسنة ٢٠٠٤ ومو كلهم يشتروهة واغلب البيوت يشترون نقال واحد لرب الاسرة من يطلع ياخذة ويا حتة لا يضل بالهم لان الوضع موامان
خل اتصل بيهم من الارضي بلكت احصل ولو وحدة بيهم من نقالات ازواجهم
- الوو
- الووو
- الوووو تسمعني ابني سعد اني عمتك الهام
- الووو
- خرب كلشي مااسمع شبكة ضعيفة اهاا اجة الصوت هلة ابني شلونكم بالي يمكم
- هلة عمة زينين هاج نور وياج
- اي انطينياهة
- الو هلو ماما شلونج
- هلة بنورة فدوة الصوتج شلونج ابنج شلونة
- زينين الحمدلله لا يضل بالج
- يمة كوة احصلكم وشبكة موزينة بالي يمكم اختج شلونهة ولا حصلتهة انت تتخابرين وياهة ؟
- اي نتخابر كل يومين ثلاث البارحة تخابرنة زينة الحمد لله ماكو شي بس تكول مدتكدر تداوم وحتاجل السنة زاد الثقل عليهة وجهالهة متعبيهة وحامل طلعت
- يااا حبلت خرب ببليسهة وينهة وين الحمل حضهة اني شايلة همهة انوب حامل
- اي شسوي من كلتلي جانت تبجي ومنهارة تكول مووقتة الحمل وقنعتهة كتلهة هذا رزق من الله حرام تعترضين وسكتت ورضت بالامر الواقع
- اي خطية شسوي بعد الفاس وكع بالراس الله يعينهة ويستر عليهة ويحفظ بنياتهة
- اميين
- انت شلونج اخبارج ولو يمكن متكدرين تحجين الكاع محضورة
- اي ماما
- اهاا يعني زينين ان شاء الله
- اي لا يظل بالج زينين تعودنة
- الله يجعلكم
- يلة ماما اترخص سعد يريد الموبايل يخابر بي
- يلة بنتي الله وياج بوسيلي وليدج مع السلامة
- مع السلامة
سدت التليفون والتفتت المرتضى
- شبي هذا الولد شسوينالة فوك ماانطينا وردة هيج يجازينة
- شنو عليمن تحجين
- اكو غير سعد
- شبي شصخم هسة
- مابي بس اسلوبة معجبني من شال التليفون رغم اضوج منة لان موزين وية بنتي بس الله شاهد متلهفة عليه ومشتاقتلة اجيت اسلم عليه هو هلة عمة هاج نوران بلة شاكول عليه
- يولي يطبة طوب شكو مضوجة نفسج المهم حاجيتي بنتج
- بعدنة مامكملين وكالت يريد المبايل ايخابر وسديناه
اوووف المشكلة مو اهنا المشكلة جنان حامل وينهة وين الحمل هم اثنين وشايلتلهة هم شكبرة انوب حامل واني بعيدة عليهة محد وياهة مينا ازوجت
- الله موجود هو يوكفلهة وانت ادعيلهة
- ماناسيتهم ادعيلهم كل يوم



يتبع....



بعد اشتردون داانزل يومية بس حبابين لا تتعودون يومية خاف يصيرلي ضروف شي والله اليوم دست على روحي وكتبتلكم والله عيوني متساعدني بيهة مي ابيض وحدة مسويتهة عملية والثانية بعدهة واخاف اسويهة 😭

[لامارا]

البارت ٢٤
#وهم_الاقدار
بقلم جوري ⚘⚘


مشت الايام كما هي نفس الروتين
عائلة مرتضى يشتغلون بالكافترية ولامين عيشتهم هو وبيت جاسم
ونسوانهم واولادهم يساعدوهم ومرتاحين
المكان: بيت ياسر
- جنان : تعبت احس مخنوكة اهئ اهئ
-ياسر: حبيبة قلبي اتحملي لخاطر بناتج هاي امر الله مانعترض
- كلما اكول اتحمل واصبر بس اوصل مراحل ينفذ صبري واختنك من التعب بس رندة يريدلهة رعاية خاصة وعندك الحساب بيت وعمي ورانية وكحة واركض وراهة وحامل اني شاصير 😭😭
- ياروحي حمدي ربج وشكري اكو اتعس من حالتج واني دااحاول اساعدج بالاكدر عليه من ارجع
- الله يحفظك الي وميحرمني منك مامقصر استغفر الله العضيم مو قصدي اشكي همي
- يلة ياروح ياسر ورانة سهرة كومي نيمي الجهال ورتبي امورهم
- خرب حضي ويني وين السهرة هو اني صايرة سهرة
- هههههه😉😉
نرجع لسوريا
جنات
صارلنة سنتين بسوريا ودااحس خالد متغير علية مو نفسة خالد وانوب صار عندة نقال وطول وكتة راسة بي ويراسل
- خالد
- نعم جنات
- امممم ليش مو جنة
- نفس الشي عادي اكلج جنة او جنات
- ليش متغير احسك مو نفسك خالد الاعرفة الجنت اسولف ويا واكضي وكتي ويا هسة احسة مشغول عني
- اي مشغول دوام ودراسة وارجع تعبان وشغل بالكافترية مافارغ للسوالف
- اممم والمبايل
شو هذا عصب😠👺 وكام يصيح صدمني
- شعليييج بالمبايل المبايل خط احمر لا تلزمي ولا تجيبين طاري
- خالد على كيفك شبيك شجاك اني مالازمتة ولاشايفتة فضحتنة العالم على صوتك صفنت علينة اروح للمطبخ احسن
رحت للمطبخ كعدت على الكرسي وكمت ابجي اجت امي متعرف السالفة بس سمعت خالت صيح علية
- شبيج ماما ليش تبجين وخالد شبي وياج
- ماادري كتلة شو صاير متسولف وحاير بمبايلك شو انفجر بية مبايلي خط احمر واني شعلية اذا احمر او اخضر ميهمني
يلة بنتي لا تهتمين ولا تضوجين يجوز تعبان من الدراسة يوم يومين ويرجع كما كان
طبت خالة سميرة
- سميرة: يمة شبيهة جنتي تبحي منو مزعلهة
- ماكو شي خالة شوي خالد عصب علية وضجت
- شلون يضوج الحلوة اني اعلمة
- لا خالة لا تحاجي اني زينة وحكوم على شغلي
مرت يومين وثالث ونفس الحال خالد متجنبني ومن اني موجودة يسوي روحة مشايفني ولا اعتذر مني ولا راد يصالحني
بدة يبين علية التعب والحزن بس احاول الهي روحي بالشغل واخذت حتة شغلهم اكللهم روحو امي وخالة سميرة ارتاحو اني واكفة بالمطبخ احاول انسي نفسي بس شنسة حبة انزرع بگلبي من الصغر صعب انساه
ورا اسبوع واني كاعدة انضف واحنة مأجرين بيت جبير وبي سويتات على كدنة اربع عوائل ( بيت جدو اهل بابا وبيت جدو اهل ماما وبيت خالي واحنة )
وسمعنة حس صياح خالتي سميرة وخالي على خالد الصوت عالي وقريب يعني نفتهم شيحجون واني حالتي نفسهة متغيرت ضعفت واكلي مو هلكد وصفناتي زادت
- سميرة : انت شنو متستحي مو هاي خطيبتك كدامك شلون تخونهة
- انت بكيفج سويتيهة خطيبتي دون متاخذين رأيي منو كلج اريدهة يجوز احسبهة اخت
- موبكيفك هاي تصير مرتك وتزوجهة وخلص
- اني مو طفل وامشي على مرامكم اني احب وحدة واختاريتهة على مرامي
- جاسم : دروح ابو مرامي وين تلكة احسن من جنة
- مااحبهة افهمونييي مااريدهة لا تجبروني
جنات
سمعت هل كلمة دموعي تصب من وحدهة مثل الشلال ينزل من اعلى جبل
- سميرة: لو جنة لو ماازوجك ولا اقبل عليك دنية واخرة اتبرة منك ولا اروح واخطبلك شوف منو رح ينطيك مرة امك مقابلة عليهة
- ليش هيج تسوين مو اني ابنج الوحيد هيج تاذيني اكلج احبهة جنة مايوم حبيتهة او حسيت بمشاعر اتجاههة اعتبرهة اخت
- جاسم: عوفي لا تعصبين وتاذين نفسج خلي هو وحدة يدبر حالة اني هم متبري منة اذا فكر يزوج غير جنة
مرتضى كام بعد متحمل ودك الباب حيييل
- مرتضى: هايهية خلص انتهى الموضوع ماعندؤ مرة يمة 😠😡
- يمعود على كيفك هذا زعطوط خوما نمشي بكلامة

- كلت انتهى كلشي الزواج مو اجبار بنتي ماناقصهة شي والف من يتمناها
- سميرة : خوية على كيفك ماصار شي شغلة سهلة وتنحل الولد مايعرف مصلحتة
- كلت انهى الموضوع ماالكم مرة واني طالع من هل مجمع واسد الشراكة
- سميرة والهام : ليش ابو جنان لا تتسرع صعبة العيشة وين نروح
- الهههام اسكتي اني ادبرهة لا تخافين متموتين جوع
- 😭😷😷
- يلة امشييي للغرفة باجر اطلع من الصبح ادور سكن
الهام
بعد الصار انهاريت كلش بين بيت اخوية وزوجي وبين بنتي الي دااشوفهة من ايام متأذاية وانوب سمعت بالصار تاذت بالزايد الله يساعدهة
- جنونة حبيبتي شلونج
-🙁
- جنة بنتي مو دااحاجيج ليش ما تجاوبين
جنات
مريت بحالة صدمة بس اباوع بعيوني مااحاجيهم يحاجوني بس ايمع وفاكة عيوني ومرات تنزل دموعي
- الهام: حبيبتي انسي ميفيدج الله يعوضج بالاحسن منة لا تضوجين ولا تنقهرين مايستاهل دمعة منج
-🙁😢
- جاوبيني ريحيني البية مو قليل
يلة اكوم انت ماتحجين
جنات
صرت مثل الطير المكسور جنحانة يريد يطير بس مايكدر
او مثل الغرقان ومتشبث بكشاية
جان هذا حالي


ها ياكلب ليش انت حبيت
واني ادري بمحبتك من طرف واحد...
كتلك مايحبك افهم شبيك
تعرف مايريدك لكن تعاند...
اه..شكد صعب من تعشك انسان
وتحسة بمحبتك يجهلك قاصد...
حيل اتعذبت بس انت ماحسيت
لأن بنار كلبي وكلبك البارد....
اه... شكد صعب من تعشك انسان
و تعرف تالي حبك من طرف واحد!
منقول*
***************
العراق بيت نوران
- نوراااان وصمممخ
-اجيت اركض🏃🏻‍♀️🏃🏻‍♀️هاا سعد خير
- هو من ازوجتج اني ماشفت الخير هدومي ليش مامكويات
- ليش شوكت شفتهم اني كويتهم قبل ساعة كلهم
- دولي على شغلج كاعدة تحقق شوكت شفتهم
- لا ماحقق بس عبالي شفتهم هسة مامكويات زين او ناسية شي
- طبعن مامكويات زين شغلج مبي خير يلة ولي لا تضوجيني
اووف اني شسويت حتة الله يعاقبني هيج 😢 زين ليش هيج معاملتة الي شو مامقصرة ويا اكلتة لبستة نضافة بيتة معتنية بي وبابنة شيريد بعد اهئ اهئ بس الله اليعلم بحالي هو من جهة واهلة من جهة ومرة حماي من جهة ليش كلهة التمت لييش شسويت اخخخ
خلصت شغلي وكعدت كبالة صحتة
- سعودي
- خير شرايدة
- خير اليصيبك
- احجي وفظيني بدون مقدمات شرايدة
- اممم حبي كلهن صار عدهن مبايلات خواتك وخواتي وكل النسوان اني هم اريد مبايل احتاجة من تطلع اخابرك لو اخابر اهلي
- اش اسكتي هذا الموضوع اعتبري منتهي مبايل ماكو
- ليش حتة ماازعجك من اخابر بمبايلك
- كلت اسكتي لا تخليني حتة مبايلي امنعج منة تريد مبايل هلة هلة تريد تتمعشك براسي
- انت شنو تحجي حس على دمك شنو اتمعشك اشايفني انت ماتعرف اني منو وبت منو وشنو تربايتي
طاااك صوت ضربة انضربت نوران خطية دومهة لسانهة بالعتة بس من وصلت للشرف ماكدرت تسكت ودافعت عن نفسهة وحصلت كتلة غسل ولبس
- طاااك طااك تعلين صوتج علية
اموتج بيدي وميرفلي جفن اكدر اشمرج على اهلج متهميني انت واحرمج من ابنج اني تعلين صوتج علية طاااب بالتعلاقة مال ملابس الخشب وشكو شي كدامة شمرة عليهة
- اخخ والله مااسوي بعد بس عوفني اخر مرة اعلي صوتي اخ يمة حموت
وهو مابطل لمن صلخ جلدهة ودماهة وحس بتعب يلة تركهة الله ينتقم منهة
نوران
اذاني هواي وعافني ماكدرت اكوم بقيت امددة بلكاع واون وابني يبجي على حالي صار عمرة تقريب ثلاث سنين وبعد مصار غيرة كلما احبل يصير اسقاط بسبب معاملة سعد الي هو ميحبني كارهني رغم مجان هيج اول سنة زواجنة جان زين ومداريني مااعرف شكلبه عليه

يتبع...

شلونكم احوالكم اخباركم
اشكر تفاعلكم وهاي هديتكم

[لامارا]

البارت ٢٥
# وهم_الاقدار
بقلم جوري

المكان سوريا

الهام
بعد الخلاف الصار بين جاسم ومرتضى علمود خالد وجنات مرتضى كلش ضاج منهم وقاطعهم وثاني يوم طلع من الصبح يدور سكن ثاني بعيد عنهم اني صح انقهرت من خالد بس اكول بيت اخوية ماالهم ذنب
- مرتضى الدسوي مو بصالحنة العيشة صعبة واحنة تونة استقرينة وهم بيت جاسم ماقابلين على خالد بلعكس جانو مقابلين على ابنهم ويتعاركون وياه
- لا هم صوجهم صوج تربيتهم ناطي عين ابنهم عايفي على راحتة يتصرف
- لا بلعكس متشددين ويا وسميرة دائما تكولة جنات خطيبتك بس يجوز وحدة من الجامعة ضحكت عليه وقشمرتة وحبهة
- شنو الشاف بالبنات ماشافة بجنة شعايزة شو خلق واخلاق ادب وهدوء ورزانة وجمال صح شكلهة مو مثل خواتهة شگر وعيون ملونة بس اني عندي جنة احلة وحدة بيهم واحسنهم
- لا تنقهر ابو جنان ان شاء الله يعوضهة بالاحسن ترة ماوكفت الدنيا على خالد
- ان شاء الله اني ماقاهرني غير وضع جنات تخربط كلش لا تاكل لا تحجي لا تضحك مثل الوردة ذبلت
- والله تعبانة ووضعهة ابد معاجبني خل ناخذهة تغير جو ونزورهة السيدة زينب ع والسيدة رقية
- ان شاء الله بس ارتب امور السكن وناخذهة اكو شقة حلوة ومأثثة ومكانهة زين بس غالية وزغيرة متكفي احنة واهلي
- شوف غيرهة بلكت تلكة احسن منهة
- اي وصيت واحد جان زبون عدنة وتعرفت عليه كال اني ادورلك عندي معارف هواي ويدبرولك
- الله كريم
مرتضى
رحت اشوفهة الجنة بس كلعادة احاجيهة متجاوبني
بنتي مايسوة تتعبين نفسج وتاذين نفسج على واحد باعج مايستاهل دموعج بنت دموعج غالية علية
انت دتاذيني حتة امج من نشوف حالج نتاذة عليج صيري قوية ومارسي حياتج ولا تفكرين باحد اهتمي بدروسج يجوز الله ضاملج الاحسن يلة ادري ماتجاوبين فكري بكلامي اني رايح
جنات
مرت ثلاث ايام من المشكلة واني معزولة واهلي تعبو وياي وبالهم يمي
صفنت وفكرت بيهم شنو ذنبهم يتاذون علية وامي سودة علية عايفة عليهة الشغل والبيت وهي تعبانة
وابوي يزيد الثقل عليه من يشوف حالتي
على شنو اتعب روحي علة واحد باعني مايستاهل ااذي نفسي علمودة ولا يستاهل كل الصار وياي لازم اقوي نفسي واكوم
كمت دخلت للمطبخ جانو ماما وبابا كاعدين يتريكون كلش فرحو بية
- ياا اجت جنونة نورت المطبخ تعاي ماما كعدي دااسويلج ريوك
- تعاي حبيبة بابا تعاي يمي
وكعدت بصفة وهو حاضني ويحاجيني ومبين كلش فرحان بطلعتي من سباتي
- اي بنتي اريدج قوية انت قوية احسن من خواتج مااريد احد يلزم عليج نقطة ضعف مايسوة تحزنين على واحد مايوم فكر بيج
- اي بابا اني حكون قوية ومنا وغاد بعد متشوف دمعتي
ورجعت لحياتي طبيعية وكمت اداوم والتهيت دراسة وصادقت صديقات سوريات بالمدرسة وكلش حبيتهم وهم سبب خلوني انسة شي اسمة خالد ومن اذكر جان حبة وية النفس واسمة يجري بدمي وصوتة من يجي باذني يدك على رنتة طبول گلبي اكول اني ثولة وغبية
الهام
مرتضى لكة شغل بشركة اهلية وشغلة مرتبة مكتب خاص وعليه المحاسبة وراتب زين شايلنة يعني ماشي الحال احنة خمسة حمواتي مزوجات قبل لا نجي لسوريا
************
العراق
بيت جنان
- ياسر اكو طبيب يكولون زين يفتهم ببغداد افكر احجز يمة وناخذ رندة الة بلكت نشوفلهة جارة
- شيودينة والله اخاف من الاوضاع
- كلشي ماكو ناس رايحة جاية

- كيفك احجز
حجزو طبيب بس ميفيد كلشي مرض مزمن الله يعينهة بس كتبلهة مقويات ومنشطات ورجعو للكوت
-😢😢اهئ اهئ بنتي ميصيرلهة جارة تبقة معوقة كافي ياسر يومية مودينة طبيب وارجع متحطمة نفسيتي هاي هية قسمتة وراضية بيهة فدوة اروحلك كافي لا تكلي اوديهة طبيييب
- شبيج تبجين ترة اني هم تعبان مثلج واتاذة عليهة بس لازم ارضي ضميري واراجع بيهة ليش بعدين ضميري يانبني لو احد يكلي تركتهة وما عالجتهة عند اطباء
- ماادري اني ام والام كلبهة رقيق ماتتحمل ويمكن لان حامل فاعصابي تعبانة انقهر هواي واتاذة
- يرة يروحي هذا امر الله حرام نشتكي او نعترض الشكوة لغير الله مذلة
- هو اني بس الك لان انت ابوهة وتحس بالاني احس بيه ماشاكية لاحد غيرك ومرات من ادعي اشتكي لرب العالمين
- يلة يروحي لا تفكرين بشي تعاي نامي
- اي اجيت
شلت رانية من حضني وخليتهة بالنص لان من اضوج اريد وحدي مااحد يطخني ولا يحاجيني افكر واصفن وادعي ربي كلهة جوة اللحاف محد يحس بية فخليت حاجز هو رانية
- هاي ليش هل حاجز ادري من تزعلين تخلين حاجز بس ترة اني مازعلتج لا تحسسيني اني المذنب اني شعلية مجنت ادري تجي معوقة
- لا مو هذا قصدي بس اني من ضايجة وتعبانة اري وحدي انعزل لمن ارتاح واستعيد نفسي
- براحتج تصبحين على خير
******
بيت نوران
نوران
بعدة جسمي مورم اثر الضرب وهو ابد ماعندة احساس كل هذا السواه بية يجي يطالب بحقوقة مايفكر متاذية مااكدر مرضوض جسمي اي حركة اصيح منهة وهو ولا جن
اهلة همزين ماموجودين مسافرين لاقارب خالتي ام سعد عدهم عرس ورايحة هي وبناتهة وابنهة وجنتهة البيت فارغ خلشت منهم وكالو ثلاث ايام ويجون بلكت اطيب مااريد يشوفون حالي ويشمتون بية
كلش يكيفون من ابنهم ياذيني يشجعو ويوزوه الله يطلع حوبتي بيهم
- ماما دوعان
- يابعد امك تجوع وكت النوم وبعد شعدك طلبات مدام حكوم واني مكسرة بس لخاطر عيونك كلشي يهون
- دوعان وببي
- خرب حضي ههه يعني لازم ببي هم يلة امشي للتواليت
- ماما وين بابا اريد باباتي
- باباتك طالع هسة يجي كال من اجي اجيب وياي جكليتة لحموشي يلة نام حبيبي ومن يجي بابا اخليلك جكليتة جوة فراشك تلكاهة الصبح من تكعد
- هة هة اني حب بابا
- هو هم يحبك ياروح امك تعال نام
هو ابو كلشي ميطلع من جيبة اني اشتري جكليت كميات واضمهة لابني واقشمرة من ابوك من بيبيتك وهو فرحان ويحبهم
اه واخيرا نام القمر
احس مثل الطير يشعر بالحرية اثناء طيرانه
(هذا حال كل ام اعتقد واني منهم من ينامون جهالي اشعر بالسعادة لا تنوصف انطلق الحرية واذا تاخرو وسهرو بذاك اليوم شدو روسكم ياكرعين هههه اتعصب واضل بس اصيح بيهم لا ومن اجبرهم ينامون كلسع وحدة تكلي ماما جوعانة والثانية ماما عطشانة وترجع الاولى ماما محصورة وديني تواليت تكرمون وهكذا حالنة واخر شي يتعاركون على حضني هاي تريد تنام بي وذيج تبجي هم تريدة)
نرجع لنوران
رغم قساوتة واذيتة بس اني احاول ازرع محبة بكلب ابنة مدام طفل ومايفهم رغم كل مشاكلنة امام عينة ويشوف ابو يضربني بس احاول بالكلام اخلي يحب ابو مهما يكون هذا اب حتلو كان بقمة الحقارة.....

يتبع....

ادري بارت قصير بس ردت ابقة انشر بشكل يومي ومااقصر وراح الوكت اضطريت اختم البارت
شلونكم اخباركم شنو رايكم بالرواية الحد الان
متابعيني الخلف الكواليس ولو عطسة منكم ولو بس تصويت فظلا وليس امرن

[لامارا]

بارت ٢٦
#وهم_الاقدار
بقلم جوري



المكان : العراق
نوران
اليوم يجون عيالي واني حايرة بروحي بعدني كوة اتحرك رضوض بجسمي بس كمت سويت الاكدر عليه طبخت ورتبت البيت وصار الضهر سمعت صوت سيارتهم صعدت لغرفتي هم اول وتالي ميحبوني ولا يردون شوفتي مرة عمتي كالت بس اشوفج تنسد نفسي جانت تاكل
متحبني لان جانت ناوية تخطب بت اختهة لسعد بس سعد جان شايفني ومعجب بية وخالتي سميرة محشية دماغة تحشي فكال لو هية لو ماازوج وجبرهم يخطبوني فمن هاي ضلت عمتي عداوة وياي
ضليت بغرفتي لمن صار وكت الغدة كلت انزل
- ام سعد: اييي صلاوات نزلت المسعدة ليش نزلتي جان بعد فدمرة انصعدلج غداج وننزل ماعينج ونغسلهة
ماجاوبتهة بس اجيت اسلم عليهة وابوسهة دفعتني حيل
- وخري مني مااريدج شنو هل وصخ اكيد ثلاث ايام نايمة ومامنضفة وشطابخة ويييع حشة نعمة الله بانيات يسبحن بالشط شياكلهة
- عمة تعبانة مثل مدشوفين كوة امشي
- شبيج جنج حصان لا تقشمرينة
لو لان عفناج
- والله عمة مافكرت بهيج بس وكعت من الدرج ويمكن جسمي مرضوض
بصوت عالي كلش تصيح
- هاي ماتمشي علية ليش تجذبين شمعنة من سافرت وكعتي يلة كومي جنج العافية هسة تنضفين البيت اريدة يلمع
- سعد: يووم😡 شعدج وياهة عوفيهة دتكلج تعبانة نووورا كملي غداج وصعدي لغرفتج منا لمن اطيبين ماتلزمين شي
نورا
سمعتة هيج كال رغم تفاجئت بي معقولة هيج هذا القاسي الكلبة من جليد هيج يطلع منة يعني اكو رحمة بكلبة رغم من حاجاني بعصبية اني بعد صعدت ركض حتة دون مااكمل اكلي وعفت عمتي متخبلة
- ام سعد : عزة بعيني عفت البيت ثلاث ايام اجيت لكيتهة مخربطة كلشي خربت شغلي خربت الرجال ليش هيج شوداني امداج يا نجوة لو ما الملحة مالتج الة ترحين للعرس شفتي شصار سعد يحامي لمرتة ويصيح على امة
وتعيط وتضرب علة وجهة وتكول خربت شغلي مافهمت شتقصد بس ميهمني شي لا ني ولا ابنهة عندي ابني وبس
***********
المكان سوريا
الهام
مر اكثر من ست اشهر على الزعل وية بيت اهلي وبعد ماشفتهم رغم هو يكلي روحيلهم بس مااكدر ادري بكلبة حيضوج ويكول ماوكفتي ويا زوجج
بس ضليت على اتصال بينهم من يطلع مرتضى اخابر امي وسميرة واشوفهم شلونهم
هو اكيد حاس بس مغلس لان ميكدر يمنعني ذول اهلي وماالهم ذنب خالد هو المذنب
مرتضى استمر بدوامة وارتاح بي واني ملتهية وية عمي وخالتي واداريهم
وجنة الحمدلله زينة وملتهية بالدوام ودراسة وصار عدهة صديقات
صوت الباب يندك
- عمي شوفي منو بالباب
- اي عمي هسة اكوم هذا ابو جنان اكيد
　
- مرتضى: السلام عليكم شلونك بوية
- بوية مثل مدشوفني اني ضايج اريد ارجع لوطني اشتاقيت لتراب العراق هذا بلدنة وخيراتنة شلون نعوفهة
- بوية هي وين الخيرات هو احنة اشفنة منهة
- ميخالف بوية رجعني اذا ماتجي وياي اني وحدي اني وامك
- بوية تريد تضحي اكيد بس ارجع يقتلوني حالي من حال جماعتي الانقتلو دون سبب ءنبهم جانو بالحزب مع صدام
- الام : اي يمة اني هم مامرتاحة رغم سورية حلوة والاوادم زينين بس ياابني اني كبرت وخاف اموت اريد اموت ببلدي
- شنو هل حجي امي عمرج طويل
- الاب: لا ابني هسة خلصو العالم من سنتين يقتلون بجماعة صدام
- شيخلصون ذاك الاسبوع وبالاخبار شفت داخلين لبيت حزبي وجاريهم اهل البيت من شعرهم ومطلعيهم بالشارع ومفجرين بيتهم رغم ابوهم مقتول بس ما برد كلبهم اجو على عائلتة بهذلوهم ويكولون اصلا جان ابوهم فقير ومامسوي شي بس تلفيق وتزوين مصايب عود هو السبب
- لا بوية تلكي هو مشرك بكل مصايب صدام بس انت ماعندك شي وية احد خلينة نرجع
انتهى النقاش ابو مرتضى مصر يرجع وقرر يرجعون كلهم سوة
بعد مرور ثلاث سنين بسوريا قررو العودة الى الوطن
جنات
سمعت بقرار اهلي ناوين يرجعون اختنكت كلش وتاذيت اولا صح اتضاهر نسيت خالد بس مو معناهة طلعتة من كلبي بهل سهولة حب انزرع من الطفولة والجذور وصلت مشت بداخل كلبي مثل النخلة وتنزرع وبعدين تجيت تكصيهة بس متكدريت تمحين كل اثارهة لان جذورة غميجة فمااكدر اعوفة بسوريا واروح للعراق صح مااشوفة بس مرات من اروح للدوام اشوفة خطف من بعيد
وثانيا صديقاتي توني بديت اتعلق بيهم وارتاح وياهم اوف صعبة من افكر حنرجع للعراق
الهام
بعد قرار عمي نرجع فكرنة نرجع والنة الله رجعنة للعراق ومتلهفة على شوفة بناتي اول ماوصلنة للكوت جريت حسرة طويلة اشتاقيت المكاني وبيتي الربيت بي بناتي واحلى ذكريات بي الحمدلله رجعنة
دك الموبايل
- الوو
- الوووو هلو ماما شلونكم وين وصلتو طك كلبي عليكم اريد اشوفكم اول ما توصلون
- ال يمة والله اني هم كلش مشتاقتلكم احسب ساعات حتة اشوفكم
- وينكم هسة
- قريبين ان شاء الله ركبنة سيارة من كراج يم مطار بغداد هسة احنة قريبين النعمانية
- خوش يعني نص ساعة وانتم يمنة اني البارحة رحت ونضفتلكم البيت ورتبتة وهسة هم رح اروح افتح الاجهزة
- ليش اتعبين نفسج انت وساحلتلج ثلاث اطفال
- لا ماكو تعب ياسر وياي يساعدني بيهم
- نشكركم ينطيكم العافية شلونهم جعالج علاوي شلونة
- زينين يبوسون ايدج
- تبوسهم العافية يلة مع السلامة
نوران مقطوعة اخبارهة لو تكدر تخابر كل اسبوع لو لا اذا خافرت دقيقتين كلش هواي ويبقة كاعد على حلكهة شتحجي يحاسبهة
وصلنة وستقبلونة بيت جنان وفرحانين هواي بجيتنة
مشت الايام والوضع بدة يسوء وهسة احنة بسنة ٢٠٠٦ واليوم فاتحين تلفزيون على الاخبار وسمعنة تفجير الامامين العسكريين بسامراء
شطنة وتاذينة كلش بهذا الخبر
الله ينتقم منهم
ومن هذا اليوم وبدة العراق يدخل بالضيم والقهر كمنة نشوف ونسمع العجائب اواها الطائفية الي ماجنة نعرف شنو طائفية والمشاكل الصارت بين السنة والشيعة وباقي المذاهب
والخطف وابشع الجرائم الصارت
اخ ياعراق هم يجي يوم ونستقر
- مرتضى: الوو
- الاب : الو هلة ابني شلونك
- ها بوية سمعت بالاخبار
- الاب: اي بوية سمعت مفجرين مرقد العسكرين الله ينتقم منهم
- شفت شلونة الوضع شفت العراق شصار بي
- اي بوية بس هذا بلدنة وهاي ارضنة لازم نرجع وخوما تبقة تلومني هاي هية اتقبل بالامر الواقع النة الله

يتبع...

ادري قصير بس ماضل وكت لازم اختم وانشر بارت الجاي بي مفاجئة