وخُلقتِ مِن ضِلعي الأعوجُا=خذني بقايا جروح ارجوك داويني * مميزة *

[قال الزهر آآآه]

لاندري هالسم وشهو أصلا ولاتدري وضعها هي الحين ايش ؟! رفعت راسها ماسحه دموعها بقهر مستاقفه وماخذه الحبوب والي معه متوجهه لجهة سرييرها وقفت بتوهان راسها مضغوط صداع وضغط ضغط يضغط نفسها ويكتمه..!
وين تحطهم ؟! عند ملابسها تخاف يشوفها هو شاف الجوال قبل !!
مب مصدقه الي جالسه تفكر فيه بعد !! تحس انها بكابوس ودها تفوق منه !!! ياترى لو راحت مع سعد من البدايه ذا كله صار!!!؟؟؟
دست الأغراض تحت مرتبتها واستجلست نافضه شعرها الرطب حتى ماتمشط ولالها خلق تلمست رقبتها عينها على غرفتها وجناحها ... شوي تصيح وشوي تسكت تفكر بتأمل مظلم .. ضايج ضايج عقلها وقلبها وكل شي !! على وسع هالكون وكبر هالجناح الا انها محشوره .. صدرها ثقيل .. تراكت على ظهر السرير وعقلها يحاول يستوعب حجم الفاجعه الي هي تعيش !!
مدمنه!!!!
هي احتمال مدمنه !!! لامو احتمال اكيد!!! الجوهره مب نافعتها بتضرها !!
استوحدت نظراتها حرارة شعور قيض الدمع المتجمع رجفت شفتها وهي تثني رجولها تهوجس هتاف عالي وصارخ وسط راسها وش تسوي وش تسوي كيف تتصرف؟!!
جا ببالها سعد !! ان قالت له مب فاهم!!! بيلوم الوليد ويجبرها تطلع!!
طب نايف!! ؟؟ رجف فكها ماتدري بيحن عليها او بيرجع زي قبل مب واثقه !! تذكرت ماضيها معه وكيف كان يشك فيها كيف الحين ان عرف !! ؟وش بيقول ؟؟؟
استنشقت بحس عاااالي ومع نفضتها طرا لها اسمه
الوليييييد
انزوت ملامحها بعبرات شاده مبسمها وجيدها يهتز من الكتمه والغلقه .. ماتقدر تقول له!!! ليه تقول !!! وش بيسوي !!!! الجوهره قدرت توذيها بنفسها لكن هي يستحيل تخلي هالاذى يوصل للوليد
استحاله تخليه يعرف !!! بتتصرف هي بتتصرف !!
تحركت بتوهان تبي محمولها لازم تتطلع لازم تقرا أي شي !! اول ماوقفت حست برجفه ودوخه!! تحركت بلاشعور رجولها هي الي تمشيها بدون تفكير دخلت الصاله تبحث عن محمولها من زمان مافتحته تنقلت بنظراتها وخطواتها تتهادى تدور وينه .. اطرفت يم الادراج تحت الشاشه شافته تحركت بعجل له ساحبته وانفاسها تسابقها تبي لو طرف خيط تبي تتاكد او يعاكسها الشعور فتحته بعجل واطرافها ترجف .. مغمضه عينها ماتدري وش تكتب تحاول تجمع افكارها ابتدت اناملها تضغط كاتبه
اعراض الإدمان
جمد حسها ونفسها وهي تقرا بتركيز رغم ضوجان عينها واحمرارها وجهدها ...
برودة اطراف / احمرار العين/ جفاف الفم / رجفه بكامل الجسم/ استفراغ/ اوجاع متنقله / نوم / عدوانيه السلوك/
تراجعت متسانده بعين فارغه ..
همست بس لمين ؟؟
-وش ...اس...وي !!!
رجعت تناظر الشاشه المضويه امام نواظرها ثم اطرفت لاناملها وخصوصا اصبع خاتم سلطانه
ترقبت متأمله .. ومتذكره كلامه لها عنه امنيته انه يخلق لها معه شان وقصه تنذكر تمحي سابقتها الي يكره .. رجفت شفتها غاشي عينها الدمع .. مدركه وموقنه صدق كلامه هي نقطة ضعفه أصلا ..الكل يجازيه عن طريقها هي !! الكل يبي ياذيه عن طريقها هي !!!
وش تسوي ؟!
اهتز متنها رافعه يدنيها تضغط محاجر عيونها وانّه بصوت مكتوم
-امممممممممممممممم
صاحت وصاحت وصاحت وصاحت الين اختل ثقلها وزاد اكثر واكثر .. جاهله هي واقفه فوق أي طريق جاهله شلون تتصرف ..!
شلون تغلبها الجوهره !!! كيف استغفلتها
هتفت بحشرجه انفاس
-الله لايسامحك!!!!! الل...ه لايسا...محك !!
طيب الجوهره نفسها دنيه !! لكن كانو!!!!! هي احسنت لها واكرمتها !!! كيف تطعنها بالظهر !! وتوذيها
؟؟؟
استجلست ماسحه دموعها مستدركه انها ضعيفه هذا السبب طيبها الغبي وصلها هالمواصيل !!! بلعت ريقها الثقيل قافله محمولها وحاذفته لمكانه وقايمه .. مب عارفه وش بتسوي هي بكرب عظيم .. ومصاب جلل
اخرتها مدمنه!!! هي مدمنه!!!
توجهت .. وسمعت دق على باب جناحهم .. التفتت له بصمت تبادى لها حس سمر ورنا
-نجول ؟! قايمه؟! الوليد يقول ردي عالسنترال !!!
نجول ؟!
وقفت جامده ماتبي ترد .. حتى ماسمعت هالسنترال توجهت لغرفتها منتبهه لحسه بلعت ريقها ماسحه دموعها وخطواتها تتحرك له تنفست ساحبه انفاس ثقيله ثقل همها الي عرفت رفعت الجهاز ناطقه بهدووووء ساكن طارد حشرجة نفسها وكاتمه
-هلا!!
وصلها حسه النافر الهادي
-نجلا ماريتا كانت عندك فوق !!!
-أي أي انا شفتها وناديتها تساعدني فوق ببعض الأشياء !!! ليه؟! فيه شي؟! هي قالت مستر وليد يبيني !! قلت معليه تعالي معي بعدين انزلي !!ليه فيه شي الوليد؟!
مرت ثواني صمت ..
-وش سوت عندك وش عندك انا قلت لك ريحي يمدي على كل شي!!
-عادي الوليد رتبت لي بعض الأغراض تدري جناحنا مقفول وقت سفرنا !! ليش معصب انت؟!
استكانت أنفاسه بهدووء
-منيب معصب ..اساأل بس ! وليه مانمتي لين الحين؟! انسدحي لين الصلاه !!
-أي بنسدح انت متى تجي وش تسوي تحت؟!
-شوي وجاي عندي شغله ضروريه!! بمكتبي تحت !!
-طيب ...انا بنام .. قومني للصلاه!!
ماسمعت حسه .. الين نطق
-نجلا ! صوتك فيه شي انتي صايحه!!!؟
رجفت شفتها راده بعجل مستنكر
-لا!!!
تبادت لها أنفاسه
-انا جايييك
جت تنطق معترضه الا قفل الخط ..
تركت الجهاز .. وتوجهت للسرير .. بصمت ساحبه اللحاف بدون حياه بحركاتها مات فيها اليوم شي كثير كثير محبطه وضايجه صدرها مزدحم واحساس اسود مافيه أي لون حاشرها اندست رجولها سادحه نفسها معطيه جهته ظهرها ودافنه أنفاسها باللحاف بدون أي نفس وحس ولاحتى ترقب ..
.................................................. .................................................
قبل بوقت .. بمكتب الوليد
ناظرهم ناطق بعتب
-انا شاكي لكم ؟!! واصلا ماوليتكم عالبيت عشان تتصرفون من روسكم!! انتي وياها!!!! بزر انا عندكم تتقررون انتم اعرف ولاماعرف!!!!!
تمسكت سمر باصابعها بشده وهي تسمع حسه الغاضب من تصرفهم ورنا مثل ماقدرت ترفع له عينها تابعت تسمع منطوقه الغضبان والمستاء من تصرفهم
-أي شي يخص البيت ويحصل فيه مب انتن الي تقررن وتتصرفن انتم مالكن دخل !!! تدرون ان علي مسائله!!! وكان بالإمكان اجيبها لو ماطالت مدة هروبها!!!
رفعت رنا راسها عقب سكت
-الوليد مابغينا تتضايق وانت مسافر حتى امي والله ماقلنا لها !! وبعدين الجوازات معك !! افترضت
قاطعها صارخ
-لاتفترضين!!! محد قالك فكري بدالي !!! انتم مالكم دخل !!! لكن الشرهه مب عليكم على خالد الي ترككن تسيرونه !!
هتفت سمر برجى
-اسفين الوليد!! مانقصد !! كل همنا تنبسط انت ونجلا !!
ناظرها مابين غضب وهدووء تباينت نظرته لرنا الي نطقت رافعه يدها
-والله العظيم معد نتعودها !! أصلا قلنا انتم جايين قريب ادري غلطت ياخوي سامحني والله ماقصدت !!
ناظرتها سمر وتابعت له
-صادقه رنا انا..معدني مخبيه عنك شي بالبيت !!
اهتدى حسه ونطق وعينه مركزه فيهم
-أساسا يكفي انكم ماتتدخلون!! انا ماطلبت منكم تعلمون فقط لاتدخلون!!! انتم تصرفتم من روسكم ومنعتو حتى الحراس الامن يعلموني !! تدرون وش جنيتو عليهم ؟!!! انا فصلتهم بسبتكم!!!
شهقت سمر برهبه
-انطردوا!!!
نطق لها بحس نافر
-ايه ايه لما يكون فيه تسيب بالعمل انا ماارحم !! هم يتلقون اوامرهم مني انا !!! وغلطوا يوم خذوها منك انتي وياها !! فجاز عليهم الطرد !!!
بلعت ريقها عاجزه تتكلم امام غضبه الي يحاول يتماسك وماينفجر اكثر فيهم
بس نطقت كلمه وحده
-اسفه ياخوي !!
ناظرتها رنا بضيق ونطقت له هي بعد
-المعذره منك !! وش يرضيك ياخوي ونسويه!!
جا ينطق الا بدق الباب.. التفت بحده ناطق
-ادخخخلل!!
انفتح الباب ووراه ماريتا ..
ناظرها بتركيز
-وينك فيه..من اول انا قلت تجين هينا عندي!!!!
ترقبتها سمر بتركيز ملاحظه خوفها وربكتها همست لرنا
-جاك الموت!! ماتنلام !!
التفت الوليد لسمر مضيق نواظره بنظره محتده جمدت أنفاسها مرخيه نظراتها ابعدها عنها
-تعالي ماريتا اجلسي !!!
-مستر انا سوى سوى مدام ازلا!!! هيا قول تأآآلي فوق!!
-مدام نجلا!!!؟؟
هزت راسها داخله بتاكيد ..
-أي مستر !! الهين انا نزل !!
ترقبها بتركيز ثم أشر لها بنظرات نافره مرعبه لها وثابته
-تعالي اجلسي !!
تقدمت تدور لها مكان
-هينا هينا اجلسي !!
قالها مبتدي يرفع جهاز سنترال القصر ضغط زر وانتظر يسمع حس رن ورن ورن بدون فايده ..
لف بنطراته لسمر ورنا
-ارقوا خلوا نجلا ترد عالسنترال!!
وقفت سمر بعجل
-ابشر الحين اروح لها !!
وقفت رنا ناطقه بهدوء
-ابشر ..
ناظرهم وهم يطلعون بصمت ثم رجع لماريتا يترقب ربكتها سائل بهدوء والسماعه باذنه مازالت ينتهي الخط ويضغط من جديد..
-ليه راحت كانو ماريتا!!!؟؟
نطقت برهبه
-مااارف مستر!! هيا في مسكل في بلد!!
جا يتكلم الا سمع حسها الهادي راده
-هلا!!
.................................................. .................................
زفرت سمر رافعه يدها على صدرها
-ياربيه ياربيه !!! والله توقعت يزعل بس مايعصب كيذا ليتني ماقلت اسكتي!!!
ناظرت رنا الجالسه
-الله يعين ضقت انا صراحه بسبتنا طرد الحراس !! واكيد بيتهاوش مع خالد يافشيله عنده والله هو ساكت عشانا !!!
قربت سمر هاتفه
-مب عشانا يارنا احنا عشان ينبسطون بس !! وش درانا هالبلوه وراها مصيبه !!
-اكيد وراها شي الوليد شاك شاك زينا!!
-جعله مب ان شاء الله جعل كل تفكيرنا غلط مستحيل كانو تضر احد فينا كم لها عندنا رنا كم ؟؟ سنين!!!
هزت وانا راسها ..
-يوم ضرت عاد تضر نجلا!!! تخيلي بس !!! فعلا مالها سبب نجلا أصلا معهم غير غير مستحيل تضرها سمر !!! السالفه مب الي ببالنا فيه شي بس مب تفكيرنا الشين ذا !!..
كتفت سمر يدها
-نجلا ماردت اكيد نايمه !!
تراكت رنا زافره
-احس بضوله ضوله تدرين عجزت انطق عند الوليد ويحق له يعصب علينا ليتني ماسمعت كلامك !!!
انتفضت سمر
-يعني صرت انا الغلطانه !!! لا بالله انتي بعد مفترض حتى امي عندها خبر !!! متعنيه انتي !!
.................................................. .....
جناح نجلا .. والوليد
قبض مقبض باب الجناح فاتحه مستشعر سكون المكان وظلامه .. الجو معتدل حار وعادي التكيف مب شغال بالقسم قطب هدب عينه مراكي عصاته وقافل الباب ومبتدي يتقدم بخطواته .. يم غرفة نومهم .. مهنا أي حس بس روحه استشعرت كأآبة الوجود .. تهادت خطواته بصمت منتبه ان النور مفتوح والباب مفتوح .. اطرف بعينه.. لها مترقب جيدها المندس تحت اللحاف مب باين منها شي .. قرب بهدوء وخطوات هاديه ..
وعينه تستمهل النظر لها مد يده بخفه هامس
-نجلا؟!
النتبه لنظراتها الساهيه .. ومحاجر عينها .. تأكد من صدق منطوقه صايحه وبعد الين اجرمت بهالعين من حدة بكاها
ناظرته ناطقه بهمس ناعس
-نعم!!
ركز بها النظر بصمت .. ماد يده يتلمس اطراف يدها المشدوده
-بردانه اجل ؟!! ماشغلتي التكييف !!
سحبت يدها تحت خدها
-عادي فيني نوم مجهده مانتبهت !!
تبسم برحمه لها وضيق يشتل صدره مدرك شعورها
-شكلك تنتظريني !! ؟
قالها مترقب هيجان شعرها وعدم ترتيبه .. وملامحها الناعسه الذويانه
ثواني مرت بينهم وهو يتأملها بضيق وتركيز مايدري ليه اصلاواقف قدامها ويجاريها بالكلام !! يبحث فيها عن نجلاه اللعوب المزوح مالقاها شاف غيرها ومايلومها .. ضغط وضغطت هي ..
تابع قبل تنطق له شي
-ببدل واجيك الليله بقرا عليك انا !!
ماردت ابد ولاسمع لها حس .. مشى بثقل .. واصل لغرفة التبديل خذا غيارته بعجل وراح دورة المياه.. غاسل جيده من غثا السفر بثواني ومبدل .. باله معها ومع هاللخبطه ببيته !! والعوق الي صار..!!!
بكره بكره بيوديها او يجيب لها هينا كادر طبي للكشف !!
دخل جناحها مطفي الانوار سمع حسها مطالب
-الوليد خل النور!! مابي ظلام !!
لفت لها مانتبه لسكونها ... ترك الاضاءه .. وتقدم جهته مستجلس بثقله
-ماتبين التكييف بعد!!!
انهى كلامه مبعد اللحاف مستدرك بعدها لطرف السرير وظهرها المنحني ومجنب !!
اول مارمى حيله بخفه سمعها تهمس
-مابي شي !! بس ابي انام !! التفت جهتها.. مترقب جيدها المتباعد
-نجلا!؟
شدت مبسمها محتره محاجرها ..
هامسه بحس متحشرج
-ابي انام يالوليد !!
قرب ماد يده تحت ظهرها وناطق باهتمام هامس وهادي وواضح
-بتنامين بس بمكانك !!! هينا عندي !!
سحبها لافها تقابله .. دست راسها بعجل بصدره .. العاري .. ماتبي تشوف عينه ابد ..
كتمت أنفاسها المتحشرجه ..واصل بها...الضيق اقصى مراحل والعجز ابلغ مكمن وكره الروح وضياع الحيله .. صدمه تعيشها لحالها ماتقوى تخليه يذوقها ابد .. غمضت عينها بقوه اقوى ماتقدر وهي تحس بيدينه حواليها تلمها لصدره .. حرك يده رافع جواله .. متنفس بكتمه وضايج هو بعد كل الهواجس تضرب بفكره وترعد ومايبي يبين لها شي ابد بيعرف .. هو
بحثت عينه كاتب بحث عن آيات السكينه
نطق بهادي الحس سائل جابر حسه يكون عادي وسؤاله عابر
-ماريتا مارقت مويه معها؟! او عصيرات للثلاجه؟! عادتهم الدايمه؟!!
جمد نفسها مرتهب فكرها .. كاتمه حشرجة النفس ثم نطقت
بهمس مختنق يشبه خنقة النعاس له
-لا ..!!
تمت عينه يم جهازه .. مجهز الايات يبي يقراها بس قبلها نطق بهادي الحس ويده تمسد متنها فوق اللحاف
-تبين نتكلم نجلا!؟ مب طلبتي اعلمك تبين احيكك كل شي !!؟
اجترت غصتها خانقتها عاجزه تنطق به شي بس همهمت بحسره مكتووووومه و مغبونه
وهي تحرك راسها وتمتد بمسمها لمنحنى نحره داسه سحبة النفس بين خصلات شعره الرطبه وخلف اذنه لف وجهه حاظن ملامحها متلاصق خده بخدها ..
-لا!!!!
احتظنت يدينها الثنتين فوق صدره .. ثم رفعت اناملها كاتمه مبمسها بصمت
شد يدينه حواليها .. ملاحظ رجفتها .. قطب هدب عينه ساحب اللحاف اكثر
-ترتجفين انتي !!! نجلا !!
تحرك متراجع اكثر يبي يشوف ملامحها ..
تذكر وقت انهيارها يوم عمته نفس رجفتها بس بس ذاك اليوم بحس وانين الحين كل مابها مكتوم .. بحثت عينه عنها مبعد خصلها يناظرها بعين مرجفه تلمس جبينها .. ورجفة شفتها الي تزداد معها صدمه !!! هاله منظرها ماتوقع وانصدم ان هالبسمات وبرقة العين تحت تخفي وراها هالضيق الكبير !!
نطق محاول يبتعد..
-قومي بنروح المستشفى !!
تمسكت بيده بشده اول ماسمعت هذيانه البعيد
-مابي!!!!
شدت نفسها اكثر .. له حاظنته هالمره
-مابي... اطلع ...لمكان !!!
نطق بحزم
-نجلا معك حمى !! انا بوديك !!
ناحت بضيق
-ماااابي يالوليد مابي !!!! قلبي يعورني بس قلبي !!! مايقد..رووون مايقدرون يسسون شي لقلبي !!!
انا ضايييقه ضايقه !! وش اسووووي !!!
دست راسها بصدره ناشجه بقوة صادمه له .. تركته عاجز مب قادر ينطق وهويسمع انينها
-وش اسووووي!!!!!! و...ش اسووووي!!!!
ترقب ارتجافها وابتدت يدها تلمها له لدرجة حس بحرارة نحيبها وسخونة دمع عينها الي يصب بلاشعور
تمت تون وتنطق بحشرجه مميته لمسمعه
-فيني !!! ضييييييق....قه !!! ضييييقه ضيييقه !!!
ترقبها برهبه مجفله متصاعد لقلبه شي كثير من اللوم
-انسي انسي نجلا كله ماضي !!!
ليش هالضيقه ذي كلها منه!!! كلها أيام سودا راحت ومرت علي انا !! انا مب سسسيء!! قلت لك تعديت !! انتي تخافين اضرك!!!
زاد نشيجها الباكي بدون تنطق احتبس ضيقه وهو يجرها ساحبها ومبعدها يبي يشوف عينها وينطق
-ناظريني انتي تخافين اسوي بك مثلهن!!!!؟؟ عشان سويتها مره؟!!!؟؟
هتف بعصبيه مجفله لها
-ناظريننييي!!! انا مب سييييء !! يديني ذي مب موذيتك نجلا!!!
ترقبته بغشاوه ثقيله حيييل فوق عينها وفوق صدرها ومابين أنفاسها بعد هوو وينن فكره وهي وووين
هتف بحس هامس مبحوح ضايج
-انتي تحسبيني بفعلها معك !!! ماسويها !!!
انحدر دمعها الثقيل وعينها جت على اثار حروق متنه المتفرقه
-ارفعي راسك وناظريني !!!!وردي علي !!!
رفعت زي ماطلب متلاقيه بنواظره منتببه لحمار اجفانه وجهده البالغ

تصارع افكارها !! تقوله وش عرفت؟! تقول مخاوفها ؟! تشكي رعبها وصدمتها !!! ؟؟ او تسكت !! ؟ وتذوقه طعم الخيانه والغدر حتى من الخدم !!! مب يكفيه؟! بهالدنيا مصابه تزيده هي؟! ليه وين مايدورون النفس تضغطهم الأرض وتسحبهم تدقنهم زود !!!
نطق بغضب مبتدي يعلو كاتم حسه
-ردددي !!! رديي!! هز راسه بجهد متعب ونطق متابع
-ولاتقولين الي افكر فيه !! ان كان بتنطقينه اسكتي !!
رفع يده ضاغط مبسمها المرتجف بخفه
-اكتميه لاتقولينه لي !!!!
ترقبته بعجز صامت ..

رفعت يدها مبعده كفه وناطقه بثبات متحشرج
-الوليد ضمني !! مابي أخاف من شي !!
قربت منه داسه راسها وجانب ملامحها بصدره

-بس ....ضمني !!
حست بجمود حركته وكتمة ضيق أنفاسه لا..حظنها ولا رفع حتى يدينه حوالينها
نطقت بهمس مغمضه عينها
-انت ماتوذيني !!! بس كل شي حواليك يوجعني !!! وش اسووووي!!!
شد مبسمه متنفس فاهم عمق حروفها
رفع يده محاوطها ومتساند شدها اكثر .. له .. تارك بينهم مساحه مقطوعة المفهوم ..
لافيه منطوق بشرحه هو ولافيه منطوق بيشرحها هي
احتظنها بهدووء وصمت مايدري لكم مر الوقت وعينه فارغه ينظر قدامه بلااحساس بعمق السكون الي ضاج بهم واحتواهم ..
أخيرا عقب هالصمت نطق قال كلمه وحده بس بعيييددده بحسه منها!! بس قريبه!!
قريب من روحها المصدومه ومن سمعها ومن نبض قلبها المهزوز
-اسف
هتفت ضاغطه نفسها ناشجه بهمس صارخ
-انا... بعد آسفه.... اسفه انك خذتني انا !!!! اسفه جبت لك الهم زود فوق ه....م...ك !!
رفع يده غارس أصابعه بشعرها وفوق راسها هاتف بحس مبحوح
-بس !! بس نجلا... ارحميني !!! ولاتقولينه !!! هالاكلام لعاد تقوليينه!!
اسمعي وش اتفقنا عليه بالسياره؟! مب قلتي اقرى علي ؟! الحين اقراها !!
هزت راسها بشهقات مكتومه موافقته
بدون تنطق ..
وهو رفع جهازه ضاغط راسها لصدره مستشعر كل غصاتها المكتومه فوق جيده ونبضه الي تعلق بها
ابتدى بحسه الثابت يقرا .. مبتدي مع كل حرف من كلام الله يباري ضيقته وضيقتها معه .. استنطق بعمق وفهم وادراك يدور سكينة الرحمن الرحيم تبادى حسه فوق ضيق شعورهم .. متخللها زفرات صدر نجلا الي تطلع غصب وثبات رصانة صوته الصادح ..
.................................................. ................................

اشرقت صباح هاليوم مبعده ظلام ليله طوييييله موجعه مهلكه متعبه ومجهده .. و .. مقلقه لروحين
وهانيه لروح عظيمه محبه ..
جناح ام سلطان الأرضي ..
-خلوهم لاتصحونهم !! متى رقدوا البارح !!!! اكيد متأخر !!!
هزت سمر راسها
-ايه يمه كلنا متأخر !! مامر عليك الوليد؟ الفجر ولا بعد الصلاه!!
-لا ماشفته ماشاء الله ماقصر زين جلس لين العشا هو ونجلا !!
التفتت لرنا ..
-جهز فطورهم ؟!
-ايه يمه كل شي جاهز !! بس متى نرقيه؟؟
-خله اذا قام اخوكن او نجلا !!
تعالي ارسلي له ولها رساله علميهم ان الفطور جاهز لاينزلون بنرسله لهم !!
قامت سمر تصب لها شاي مطرفه عينها يم العصير من امس وهي ماتداني طاريه شلون جابوه بعد !!!!
ابتدت رنا تنفذ كلام أمها .. وبهالوقت دخل عليهم سلطان
-السلام عليكم !!
رفعوا روسهم له
-عليكم السلام !!
-عليكم السلام !!!!
-عليكم السلام ورحمة الله وبركاته!!! وينك من البارح؟؟!! اخوك وصل !!
هز اكتافه عينه عالطاوله واصناف الفطور الفاخر سحب كرسي مستجلس غامر المكان بروايح عطره الصباحي ..
-نمت عند خوي لي !!! ولاجيت !!
ترقب سمر بتركيز
سمر هاتي الخبز الي عندك!!
ماناظرته مدت السله بصمت وقامت معها شاهيهاناطقه بقل اهتمام
-الحمد الله !!
ناظرها ببسمه
-وين ؟؟اجلسي عالاقل معي !!
هزت راسها بدون تلتقي به
-مابي خلاص بقوم عندي تجيهزات!!
-تجهيزات لايش بعد اخوك وجا وش فيه غيره!!
تقدمت جالسه مقابله درج امها وفاتحته متجاهله حسه ماتبي ترد
ناظرته رنا راده
-تقصد السله الغذائيه وترتيبها !! هذا غير ان سمر هالسنه بتفتح خيمه للافطار للصايمين !!
رفع هدب عينه وهو مبتدي ياكل
-والله؟! وش الكلام الجديد ؟! مشروع يعني ؟! اكيد راس المال من اخوك !! لايكون ضاحك عليكم وقايل من عندي بعد ؟؟!!
زفرت سمر متنفسه ومستجلسه عقب خذت الي تبي وهي أوراق تخصها
-ترا مب كل الدنيا فلوس!! ذا مشروع خيري نذرته يوم مشت امي على رجولها !!! واكيد من حلالي انا !! وبعد اكيد عطاني إياه الوليد بطيب خاطر !!
ارخت نواظرها تقرا الأوراق
وامهم تترقبهم بصمت ..واول ماخلصت سمر منطوقها
-جزاك الله خير يابنيتي !!
تبسمت لها سمر رافعه راسها
-مب شي امي حبيبتي الله يتقبلها بس !!
تنفست مستشرقه نظرتها
-مدري اليوم فيه سحور او لا!! وش ظنكم بكره رمضان ؟!
تبادت نظراتها بين رنا وامها متجاهله وجود سلطان
ضيق سلطان نواظره حاسس بشعور الاستفزاز منها متقصده تستفزه وتتجاهله بالعاني ترك الخبزه من يده ونطق
-سمر قسم بالله ان استمريتي ....بحركاتك العوجا!!! لأ.....
قاطعه حس جهور واضح وظاهر
-وش بتسوي !!! ؟؟
التفتو كلهم جميع الا سلطان ترقب يده بنظره مبتسمه باستحقار لراعي الصوت رافع هدب عينه مدرك هذا حس مين
-السلام عليكم ياميمتي !!
تقدم الوليد .. داخل .. مستمك عصاته بكامل .. حظوره واناقته لابس ثوبه وشماغه .. انحنى لاثم جبين ام سلطان الي ردت له السلام
-وعليكم السلام .. يامرحبا !!
استاقف وسمر جنبه قربت تسلم
-هلا اخوي صباح الخير ..!
ناظرها بحزم ..منحني تارك لها مجال تلثم جبينه
-صباح الخير او مسا الخير ؟!
تبسمت بحذر
-الي تبي اهم شي انت متى صحيت هو ذا الصباح ياخوي!!
رفع هدب عينه مستقبل وراها رنا
-صباح الخير !!
انحنى لها مثل ..
ثم وقت جا يلف لسلطان نطقت مهره
-ماجتك رسالة رنا من جوالي؟! فطوركم والم ياولدي بغيت يرقونه فوق !!
-مانتبهت مافتحت اجهزتي لسه !! هلي راقدين وانا منيب طالع بالديوانيه بتواجد !!..
اهم شي افطرتي انتي !!
هزت راسها بحاني النظره
-الحمد الله ..!! نحمده ونشكره ..!
اشر بعينه لها ببسمه هاديه ماوصلت لبرقة نواظره
-لاتشيلين همي بفطر .. !
التفت لسلطان وترقبتهم سمر ورنا برهبه مسكت اوراقها بيدها وقبل ينطق تكلمت هي
-الوليد شوف أوراق خيمة الإفطار حقتي !!! عبيبت الأماكن الي طلبها خالد ولد عمي !! شوف بالله !!
قربت رافعه الأوراق وهو ترقب الي بيدها بصمت مطلع ..
هز راسه
-باقي هينا عبي هالمكان !!
ناظرتها معه هاتفه
-احطك انت صح!! اقصد اسمك !!
هز راسه
-ايه ..! برسل لك رقم الهويه او حطيها بمكتبي بكملها !!
شدت مبسمها بفهم
-طيب ..طيب..!
لف لام سلطان ...
-تامرين شي يالغاليه ؟!
ترقبته بصمت حاني
-اليوم عندك احد بيتغدى بالديوانيه؟!
-والله ماعندي علم الي بقابله الحين من الشغل الربع ماهقيت يعرفون اني وصلت وبفتحها !!
-الله يسهل دروبك ويسمح حظك !!
تبسم لها
-امين ومن يقول ..!
سمر ساكته بترقب ونبضها معتلي تنتظر يطلع بدون يصير أي تصادم عينها جت بعين سلطان ولمحت فيهم شعور كاررهه وضعه ووجوده بينهم شدت مبسمها مبعده نظرتها لأمها الين سمعت حس الوليد الامر
-اذا خلصت فطورك الحقني عالديوانيه!!؟
قالها متراجع بعصاته وطالع تارك المكان مغتشي بروايح عودته وورده وعطره الفواح الفذ .. لدرجة غطت على شذى عطر سلطان المترقب بصمت غاضب وكارهه
نطقت ام سلطان
-افطر ياولدي وشوف اخييك وش عنده يمكن يشاورك بشغل !! او عازه تخص حلالكم !!
هز راسه متابع اكله مايبي يعلق ويرد ثاير من داخل منقهر لحد الكره الي يكبر ويزيد رافض ينقص !!! عوقه فقط امه الموجوده ويخاف عليها ..
تنفست سمر براحه متلاقيه نواظرها مع رنا ..!!
اهتز جوال سمر ..سحبته من جيبها .. مضيقه نواظرها .. رافعته بعجل
-هلا!
وصلها حس نجلا الهامس الهادي
-سمر اذا الوليد عندك لاتعلمينه اني انا!!
-طيب ..
سمعت تنهادها .. ثم سؤالها من جديد
-هو عندك؟؟؟
-لا !!
-زيين طيب عادي ترقين لي تبيك ضروري امانه سمر رنا لاقولين لها شي ولالخالتي ارقي كنك لغرفتك!!
اشتعل حماس سمر بارتهاب وترقب
-طيب طيب ...
-اسمعي لاتبيينن شي ابد فهمتي سمر !!! انابسالك وردي علي ايه او لا!
رطبت شفتها مدركه ان البقيه مستمعين لها فابتدت تنطق
-اشرت الكتاب انا .. مع الاستاذه بجيبه معي الاحد !! اذا تبينه ارسلي السايق لي !!
-سمر؟!! وش ببلاك!!! احد يسمعك!!
-ايه !!
-طيب اسمعي الوليد طلع من البيت ؟! مب برا برا!!! اقصد الديوانيه راح لها ؟؟
-ايه
-زين يله تعالي !!!انتظرك!!
-زين فمان الله
قفلت بعجل ورفعت راسها شافتهم مترقبينها نطقت بقل اهتمام
-بنت الدعجان معي بالمدرسه غايبه وقت خططنا وتبي كتابي!!!
زفرت تعدد الأوراق تمثل الانشغال بهم
-خلصت اوراقي بقا أوقع بس !!
استاقفت لافه لامها الي تسبح بمسبحتها
-يمه تبين شي برقا !!
-لامابي رنا عندي روحي بنتي!!
مرت من عند سلطان رفع راسه يناظرها من جديد .. أبعدت نظرتها وتقدمت .. اول ماطلعت من الجناح ركضت .. يم الدرج
.................................................. ............................................

[قال الزهر آآآه]

قبل بوقت ...
جناح نجلا والوليد
غرفة نومهم الي اجتمعت فيها صراعاتهم وحزنهم وعشق ارواحهم وعلى فراشهم الي احتوى ضيقهم وانهياراتهم بأحضان بعضهم وتقبّل دموع عيونهم .. واحتضن بنعومته خشونة مشاعرهم المستفرده
استكان بجيده معها بعد ليله طويله مجهده له ولها منهكه نفسيا .. ومع ذلك ولأنها معه غفت عينه .. اول من استشعر الصحيان هو !! سبقها هالمره .. فاتح عينه مرمش .. حاسس بانفاس ساخنه وهاديه متباديه ..فوق صدره.. ارخى نواظره مستشعر اطراف يدها المحاوطه جيده باستملاك .. تذكر جهازه التف براسه يبحث عنه مالقاه اخر عهده وهو يقرا منه ايات السكينه .. اطرفت عينه يم شباكهم تحت الستار الكاتم متنبه لضي الشمس ضيق نواظره مدرك ان الصلاه جماعه فاتته!!..رفع كفه يمسد عينه بنعاس .. ثم ابتدى يبحث عن جواله .. عالمفرش بحركات هاديه الين تلقفه بيده رافعه يشوف الوقت ..
قطب هدب عينه مبعده عالكمودينو..
ومرخي نواظره لها من جديد ابعد خصلها الضايجه عن ملامحها .. هامس لها
-نجلا!! ..
ترقب سكون أنفاسها .. وبهتان محاجر عينها ياكم بكت هالعين و شقت ..واشقت!!! تدرجت نظراته لكتفها... العاري بسبب ميلان فتحة الروب الي لابسته فوق قميصها ..
انحنى بمبسمه لاثم راس كتفها ثم تدرج دافن راسه بنحرها الصغير بس يكفيه يكفي ملمس شفايفه ويحتوي ذقنه المستعرض أصلا هو له وانخلق قد عرض فكه بالتمام .. ابتدى يستنشق جيدها بتوهان لذيذ .. هامس بحسه الصباحي المبحوح.. روح وصوت
-احبك نجلا.....!
استنشق بشرتها المرمريه .. المضويه لعينه وروحه وحس شجن نبض عضلته الصغيره
ابتدى بانفاسه يلثم بشرتها برقه متناهيه .. يستنطق بقربه منها حروف كلمك احبك لكن بأبجدياته هو !!! تعمق هامس وقت وصل لعرقها النابض برتابه هاديه ضغط مبسمه عنده وكنه يستمد حياة نبضه من نبضها واندفاع الدم بهالشريان .. جدد قربه منها عنده بلثمات عميقه هامس بروح وجلى ماهي بحاجة وصل حسي ابد!! لا!! هي حاجه عظيمه متفرده ومهلكه ومشقيه روحه وسنين عمره ..حاجة صبره وثباته !!! حاجه انخلقت معها دون كل الحريم الي لمسهم بيدينه ذي !!
حس بحركتها ويدها على رقبته .. رفع راسه مترقب تفتح عينها وأول مافتحت .. تبسم لها هامس ..
وهو يلثم مبسمها امام نواظرها النعسى ..
-ياصباح الخير !!..تبسم متابع ..
-ابي ...صباحي... منك نجلا !!
أبعدت منتببهه لقربه وكنها تو تفوق .. ترقبته محاوله تبعد بس ماعطاها مجال قرب منها اكثر معتلي مبتدى جيدها .. مانعها تتحرك وتبتعد همست بترقب وهي مقطبه هدب عينها
-كم ..الساعه!؟
ارتفع مقدار كم سم.. وعينه بعينها ..
-الضحى !
-فاتتني الصلاه !! ليه ماصحيتني ؟!
ترقب عينها ناطق
-انا فاتتني توني اصبح !!
تنفست بخفه .. محاوله تتحرك رفعت كفوف يدها ماسكه اكتافه بخفه ومبتسمه بتوهان حرج
-طيب عادي تقوم ؟!
هز راسه نافي ثم نطق
-لأ!!!
قطبت هدب عينها بحرج اكثر مرخيه نواظرها
-قوم ربي له حق علينا !!!
هز راسه ببسمه
-غلبتيني!!
استبعد ببطء عنها .. وهو بترقبها ..
بتركيز مشغلته كما دايم ..
زحف عنها وتحركت هي مبعده خصلها .. وهامسه
-كم الساعه الحين؟!بالضبط يعني !!
-الساعه ١١ وعليها !
استجلس .. منحني بظهره .. لاف راسه وعينه عليها وهي تزحف برجولها لين نزلت واستاقف متوجهه خارج غرفتهم اما هو تم يترقبها منحني بمتنه ويدينه ممدوده متسانده بجانب رجله عالمفرش..تأمل خطواتها الناعمه وفيضان اضطراب خصل شعرها الأسود.. هو يكره السواد حتى يكررهه بنفسه مع انه متوسم ملامحه ولون عينه والهدب بس هي خلته يحبه خلقة الله فيها تركت لهاللون وصف جميل ومعنى اجمل اصبح يعشقه من سواد عينها ورموشها وافتحام شعرها ..
تنفس بهدووء مستدرك وضعها خذا جواله بعجل .. ضاغط الازرار باصرار ..رفع الجهاز لمسامعه وهو يضغط بيده الثانيه مابين عيونه منتظر الرد ..
-السلام عليكم
ابتدى بحسه يأمر مدير مكتبه بارسال كادر طبي لبيته ..
فيمابين هي تستمع حسه برهبه شاده شفايفها ونبضها معتلي .. خوف .. تمت واقفه تسمع أوامره .. المتباديه بسلاسه متناهيه !! بيجيب لها لانها ترفض المستشفيات !!! أبعدت متسانده عالجدار وحسه مستمر يوجه تعليماته الي تخص شغله ..ترقبت رجفة يدها وقبلها النفس اول ماسكت حسه تقدمت يم سجادتها بعجل تلبس الشرشف وتلفه بتصلي وتدعي مايصير شي يزيد ضيقهم ضيق .. تبي هي قبل تتأكد يمكن كله مب صح!!! يمكن شي بيضر لكن مب مخدرات!!! لازم تتواصل معها لو هي تكرههه .. !! ابتدت تكبير منهيه حوار فكرها وتصميمها ..
ترقبها وهو مار متوجه لدورة المياه .. اطرف بعينه لغصنها الواقف .. ومر بصمت ..
مرت دقايق .. خلصت صلاتها وبالها مشغول مشغول ..
توجهت لغرفة الملابس .. فاتحه دولابها بفكر شارد .. عينها تايهه بين الألوان .. محتظنه كتوفها تمسدهم وهي تترقب وتفكر بريق جاف .. شلون الحين تعرف عنها وتروح لها ؟! وايش بتواجه !! واساسا شلون تتخلص من هالتحاليل !! تلمست صدرها متحركه بتفكير .. اول مالفت جت عينها بعينه وهو داخل .. تبسم لها مضيق نواظره
-وش فيك ؟! مرتبكه؟!!
وقفت عند المرايا بلاشعور وأول ماشافت نفسها هالها منظرها المبعثر ..
-مافي شي !! اهوجس تهقى رمضان بكره او بعد بكره؟!
ابتدت اطراف يدها تلملم شعرها برجفه خفيفه .. متابعه
-ابي اشوف التجهيزات..اذا بكره!! واذا مب بكره ناوين نطلع انا وخواني !! بكلمهم اشوف وعدت سعد امس !!
التفتت شافته واقف مكتف يدينه مستند على باب دولابه .. يترقبها ..
تلاقت نواظرها به ونطقت
-تتوقع بكره!؟؟
-احتمال وارد !!بنعرف عالمغرب !!
لاحظ ارتباكها وهروب نظراتها منه ..
-جوالي وين الوليد ؟! اغراضنا بعد !
-بيطلعونها الحين فوق !!
ابتدت تمشط شعرها بخفه
-صح الوليد وش بغيت بماريتا امس ؟!
ترقبها مركز بحركات يدها اكثر
-بسألها عن كانو ليه هربت!!
التفتت له بعجل وهو يتابع مترقبها بتركيز
-اكيد علمتك يوم ناديتها !!
-ايه قالت !! حتى انا مستغربه بس مادققت مجهده امس !! طيب؟؟! وبعدين وش قالت ؟!
-تقول ماتدري لكن انا بعرف اجيبها !! وقريب ان شاء الله!!
بلعت ريقها مبعده نواظرها ..
تعافر مع شعرها وخصلاتها العوجا. لمس اكتافها فجأه ..
-هاتي هاتي انا بمشط اشعرك!!
خذا منها المشط .. واحتظن كفها ساحبها تجلس عالكرسي وهو وراها استجلس رافع رجل وماد رجله العرجا امام نواظرها سحب خصرها ثم رفعها بخفه فوق رجله المثنيه وابتدى يمشط من فوق .. ارتبكت يدينها شادتهم مع بعض ..ساتره صدرها بروبها
وهي تسمع حسه .
-نمتي زين البارح؟!
-ايه الحمد الله ...وانت؟!
تخللت يدينه بعض الخصل يفرقهم ببطء وحنو
-الحمد الله نمت انا بعد ..وكل مافقت حسيت بك حولي غطيت من جديد !!
استحس صمتها الهادي وتابع
-أقوم اتطمن انتي بردانه او لا !!
ترقبت بنظراتها زوايا المكان مبتديه تستشعر شكه بوضعها وكله منها ..
-يردانه الحين؟!
-لا ..!
-طيب افتحي روبك ليه لامته عليك كيذا !!؟
بلعت ريقها .. مرتهبه امس من حرقة اعصابها حكت جلدها بحده ..
-عادي خله مب مضايقني !!
ابتدت أصابعه تجدل شعرها بخفه مبعد كل العقد الخفيفه .. بصمت وعينه تترقب ظهرها ماصدق يخلص .. ثم مد طرف الجديله لها
-هه خذي حطي لك بكله ! قومي !!
وقفت بعجل متوجهه لتسريحتها .. خذت اول ربطه طارفه وربطت شعرها ..
-نجلا تجيك حالات استفراغ !! زايده عن الي شفت انا!! ؟
-لا عادي !!
غمضت عينها متأكده الحين انه يشك بوضعها وتعبها ذا !! يارب يخلف ظنه وظنها معه..
-بيجي كادر طبي نسائي عشان تحاليلك!! بما انك ماتحبين المستشفيات جبتهم لين عندك !!
وقفت حركتها ماتبي تبين انها درايه التفتت له مبتسمه
-الله يعطيك العافيه والله ماله داعي !! هذا ارهاق ارهاق!! وترا صدقت اكره المستشفيات !! من يحبها يالوليد !؟
تراكى على ركبه يناظرها
-محدن يدانيها صدقتي !! عشان كيذا جبتهم ابي اتطمن عليك !
قالها مستمهل النظر بملامحها .. المذويه ..
رطبت شفتها .. ببسمه خفيفه ..
-انا بخير وبتشوف !!
تقدمت لدولابها من جديد
-محتاره وش البس !! وبعد فيني نوم ابي اكمل !! مدري انزل او لا!!
-لا تنزلين ..! ريحي ..يمدي على تحت !
التفتت ببسمه مستنكره
-اذا مانزلت بترقا لي سمر تصحيني اخبرها !! تبيني اشوف الللبس الي وصينا عليه من اللامارت!!
استاقف .. متقدم قابض كفها ومبتدي يمشي
-مب جايتك هالعوبا!! تعالي
-وين الوليد ؟!
لف لها راسه
-ابيك ترقدين شوي على بال يجون لتحاليلك ..!
-طيب الفطور ؟! اكيد تحت ينتظرونا!
-بعد التحاليل !!
تنفست برهبه وهي تشوفه يتقدمها .. ويسحبها معه.. الين سريرهم
استجلس ساحبها ثم رفعها وساعدته هي زاحفه بخفه ..
-وانت بعد بترقد ؟!
-لامنيب راقد بتفرج عليك لين ترقدين !!!
فتحت عينها باندهاش باسم
-وليه ان شاء الله ؟! روح عادي أساسا فيني نوم !!
انسدحت مقابلته ويدها تحت خدها .. تترقبه
لف بجيده كله مقابلها بنفس حركتها .. متلاقيه نواظرهم .. بصمت ..
تدري فيه شي بصدره زيها هو بعد متهيب وضعها باين وواضح عليه .. عصره داخل روحها اوجعتها وهي تشوفه محطي كف يده تحت خده زيها بالضبط وينظر لها بصمت باسم .. وحاني ..نطقت بلاشعور وبلا ترتيب
-انت تحسب اني اذا عرفت أي شي عنك بتركك صح؟؟؟
لاحظت جمود نظرته وبساطة وضوح الصدمه لو هي صغيره
تابعت .. تشرح نفسها اكثر له تبي تكون ثابته ماتبي تضعف قدامه ابد
-انا..مب زي ماقلت انت!! منيب خايفه تعيد ذاك االفعل لي او تسوي الي سويته معهن لي ...سكتت تنطق بصعوبه لذكرهن على لسانها ثم تابعت
-لهن !! اقصد زوجاتك يعني.. شدت مبسمها متابعه
- !! انا بس انصدمت !!
رد عليها بنفس رتن حسها
-خفتي بعد !! لاتنكرين انا شفت الخوف بعيونك!!
ركزت بعينه راده بثقه بدون خوف بس بحس هادي شارح مكنون خاطرها له
-مانيب كاذبه عليك أي خفت!!
لمحت رسم عينه وشد مبسمه تابعت بعجل قبل ينطق
-خفت يكون اثر عليك لدرجة سويت مثله يعني لحقته ! يعني ..اقصد غصب عنك مو بكيفك !!! ..قطع كلامها بحس ضايج
-اغتصب يعني ..ان..ا....!!؟
رفعت كفها لمبسمه تمنعه يكمل
-لااااا لاتقول كيذا !! افهمني !!
غمض عينه محاول يضغط نفسه ومايثور من ضيق هالمسمى المجحف بحقه لكنه حقيقه لكن هو مب مغتصب!!! ابد لو نهج بعض من أسلوب الاخذ بالقوه لكن مب مغتصب!!! ضاجت روحه لانه شاف نفس خوفها موجود بس تنكر .. فتح عينه على حسها وهي تتابع
-هذا طبيعي ورد فعل طبيعي يصير لكل احد مر بالي مريت فيه انت !! وانا مالومك وقتها ابد!! ولااوجه لك شي يالوليد !! انا بس الوم شخص واحد بس واحد !!
شدت مبسمها مبتدي يرتجف بضيق ماتبي يفهم غلط
-خالتي ميثا !!!! كل ضيقتي امس موجهه لها هي دون الكل !!! مب لك انت!! انا ماضيق منك اضيق عليك بس منك لااا!!!
ارخت نواظرها لجيده مبعده يدها وشاده مقابض اناملها وهي تتابع
-صح انت تزوجت بالحلال ومارست فعلك عليهم برضاهم !!! ومالومك !!! ومالي حق عليك أصلا!!! عشان احاسبك !! هو برضاكم أساسا انتم الاثنين ..
ارتجف حسها بعبره كاره ذكره او تخيله مع غيرها مجهد صدق هالشعور وممرض بعد !!
رفعت عينها له تركز بنواظره مبتدي دمعها يشكل طبقه رقيقه بس ثقلها عالروح كبير
-بس اني اتخيل هالشي يوجعني !! لاني احبك يالوليد!! مب بس انا أي زوجه زيي وبوضعي ذا بتضيق !! انت فاهمني صح؟!!
سحبت انفاس بحذر مترقبه عينه وهو ينطق لها بحس زاخم هادي
-فاهم ...!
-مره قلت لي انك قربتني اول مره عشان تثبت لنفسك شي ماافهمه انا !!
سكتت تشوف فحوى كلامها وتأثيره .. ثم نطقت .. بتردد
-هالشي نفسه الي يخليك قبل تتزوج وطلق وتلمسهم كيذا!؟
سكتت وجمد حتى نفسها بترقب مهيب .. حتى النبض فيها تسارع يبي يسمع اجابته يحتاج كل مافيها يسمع حتى مسامات بشرتها الي تشربت بصماته واستسلمت لغزوات روحه لها استسلام مرحب مهتني به ومعه .. بلعت ريقها بترقب منتظره ..
اما هو ركز بكل لفته فيها بتعمق نظراتها الحايره خوفها الي تبي مايبان له حسها وصوتها الضعيف شافها مثل الطير الصغير المنفرد بعش كله اشواك !! نطق بهادي الحس
-نجلا ؟.. الله خلق الرجل مختلف بكينونته عن المرأه ..! في كل شي ..انا ماراح اتلكم عن الكل بقولك بس عن الي يخص موضوعنا!! المرقاد عند الرجل يعتبر شي أساسي مثل الاكل والما!! حاجه ضروريه ! لابد منها طبعا تختلف قوة طاقتها من رجل لرجل !! لكن لابد منها حتى لو الرجل ماحب المره الي قدامه ومعه عادي جدا عنده يقدم ويفعلها ..! بعيدا عن محبته لها عدمها من وجودها مالها دخل !! عكس المرأه .. اذا أعطت تعطي بمحبه ورحمه وتفضل انها تعطي هالشي خاصه لانسان وزوج تحبه وترغبه !! وبعد ماننكر انها تقدر تعطي لشخص بدون محبه اذا خافت العقوبه من الله لان حق الزوج واجب!! بس هالي بتقدمه ماراح يسعدها ابد ولا يضويها بتكون مجرد أداء واجب !! ومثلها الرجل يقدر لكن ان حصل وصادف انه يتشارك هالتواصل العميق والمجرد والي تتعرى فيه الأجساد والروح مع مره قلبه وعقله متفقين على محبتها والرغبه فيها بتكون غير وعلاقه ساميه طاهره قويه وعميقه!!
انا يوم كنت اتزوج مب عن حاجه فقط لا كنت اتصرف بطريقه عنيفه وكني احارب سعود داخلي !! انام معهن بلاشعور رغبه فقط مجرد تفريغ وطرد ..!! وماحس بالرضا ابد!! كان سلوك ممرض لي يهد حيلي لانه خطى!! الله اوجد هالعلاقه الساميه لجل تنحصر بطريق واحد نظيف وواضح !! هالطريق بحثت عنه مالقيته الا معك انتي !! انا قبل اقربك قلت لك اني ارغبك وقلت لك اني طلعت من عندكم ومقرر ابعدك من راسي لاني كنت ..
سكت ثواني .. مدرك ترقبها وسماعها له بانصات عميق
-كنت خايف تكونين انتي الطريق الصح!! وانا ماضمن حياتي أصلا !! طريقي مب سهل لاني ماراح استسلم وانسى !! انا نجلا ...مابغيتك لشي جسدي وبس !! لكن كنت أقول بنفسي الا لانك مبطي وهالبنت صارت حليلتك وغصب عقلك بيفكر بها وبيتخذ هالطريق بتفكيرك !!
ذيك الليله انا دخلت ثاير عقلي معمي وأول ماشفتك وابتدينا نتلاجد لساني معك صح بس عقلي كان بوادي ثاني صراع بداخلي ينكر الي سمعت !! فيه شي يحدني اثبت غلط وساوسي تجاهك !! حتى لو ضد رغبتك انتي !! قربي منك كان مختلف وغير غير عنهم جميع !! انتي الوحيده الي ماكرهت نفسي عقبك بس كرهت نهج تصرفي معك!! .. انتي نوري نجلا!!!
لمن المسك واقرب منك واخذ حاجتي ماتكون حاجه والسلام لا!!؟ يكون راحه لي سكون بصدري وعقلي ! شي مختلف انتي !!
انتي كل مافيني يتفق انه يبيك ويبي يسعدك ويحافظ عليك من كل اذى
انتي الرحمه المذكوره بكتاب الله والي ماذقتها واستشعرتها الا معك ..!!!
انتي هي !!!
ذيك الليله ماتشبه أي يوم بعمري كله نجلا !! تكرهينهاا وتسمينها اغتصاب بس انا لا !! مع ان سلوكي فيها غلط واجحاف بحقك !! بس هي كانت خلاصي من حيرتي ومرضي
لاني لقيتك !! .. لقيت الشي الضايع مني !! الصح انتي !! الطهاره انتي
الموده انتي !!
وقت يجتمع القلب والعقل على شي يصير الفكر قانع لدرجة يستحيل يتخذ أي تصرف مخالف لهم
هالقناعه تكون مثل الدستور او الفكر المسلم به !! انتي كل هذا نجلا!!
جيتي محيتي من قبلك واستمريتي داخلي تكبرين صادقتي روحي الي خذاها سعود !! واحتضنتيها ! جاورتيها ..ومازلتي تتعمقين بها ..!
انتي وقت تبعدين ماتفارقين شيخ بن جلمود !! ولد صخر الي كتب عليك وعقد !! عشان خزي اخوه !!
سكت مركز بعمق نظراتها وناطق بهمس هزيل
-انتي تبعدين عن الوليد الصغير المنتهك !!
ترقبت تدرج حسه وصوته من ابتدى يشرح لها نفسه والمختلف عن كل مره .. استأسدت روحها مرتقيه لاعلى مراتب وجع الروح ..فاهمه هي فاهمه .. ونادمه انها كررت ذاك المسمى الشنيع وهي مفترض تعرف انه مدرك خطاه وشين فعوله !! مب كيذا يعامل الي مثله !!!؟ الي وقف ضد نفسه الاماره بالسوء وضد سلوكه الباطش المريض وانتصر مب كيذا يعامل ابد ولايستحق !!
همست غير مدركه لدمعتها ونظرتها الرحوم له
-انا احبه الوليد ذا !! احبه من قلب قلبي !! نفسي اضمه كل وقت وأقول له انا فيه !! ومنيب رايحه !!
تبسم برجفة فك وبرقة عين وشموخ منطوق وصوت
-دايم تقولينها له!! كل مره رجعتك خطوايك له قلتيها وسمعها منك !!
اهتز متنها برجفة ضحكه خفيفه خفيفه جدا .. وهي ترفع يدها تمسح دموعها
-دايم برجع !! دايم!!! لانه الصح والحق برجع!! دام يبيني ويحتاجني برجع!!
نزلت يدها ورمشها يتبارق من دمعها الي مسحت متابعه بثقه وصوت منشرح
-أصلا انا الي احتاجك وابيك بحياتي !! مب انت لحالك !!
تبسم ناطق لامسها بكل نظره عميقه بدون يمسكها .. فقط من مجرد النظر!!
-انا موجود دايم !! اشر ببسمه حانيه وتابع
-وحطي ببالك انا رجل موحد !! زوجه وحده تشبه وجه البدر ووجودها مثل ضي القمر بحياتي !! تكفيني وتغنيني عن كل الحريم بهالدينا!! حرك هدب عينه ناطق
-مكتفي بك انا مكتفي ومنك ماشبع ابد!!
استمهل النظر لمبسمها الي يعشق قربه وملمسه ويشوفه مركز بوح يقدر من خلاله يوصل لها الي يعجز يهرج به لها ويبي تفهمه !!!
انتبه لزحفها جهته وقربها وعينه تترقب فعلها دست نفسها مبعده يده عن مكانها لجل تريح راسها بمنحنى عنقه الساخن .. هامسه وهي تلثم بشرته بهادي الحس
-فهمت !! كل شي قلته فهمته انا يالوليد !! ..
ابتدت يدينها تحظنه .. باشتداد وهو يبادلها الحظن بصمت ملهب لشعوره منتهي مابينهم من نطق ..
ومبتدي نهج ثاني متفرد مابين ارواحهم .. مختلف وله وجه جديد وثقل غالي عليهم الاثنين .. لانه استوحد نبضهم وقرار عقلهم اصبح غالي وحيل معتلي ومرتقي يشابه وضوح اعترافاته وعمق فهمها وادراكها للمنطوق الي تسلسل من روحه لفكرها وقبله قلبها الي احتواه
محبه ورحمه وموده ..
.............. .................................................. ...............................

[قال الزهر آآآه]

قصر الجد
صخر
-هنيك العقلان يامهره بجيتهم !!الحمد الله على سلامتهم ..
-هنيك خير ياخالتي الله يسلمك من كل شر !! والله ان دخلتهم علينا البارح فرحت قلوبنا !! قلبي مارتاح لين شفتهم!! طيبين وبخير طول هالايام وانا اهوجس بهم!!
-زين الحمد الله الي ردهم سالمين وقبل رمضان بعد !!
-اييه الله يلحقنا خير ويبلغنا صيامه وقيامه يارب !!
-عاد لاتنسون فطورنا بكره!! انتي والبنات!
-والله ياخاله عندي شور
-هاتي
-وش رايك نأجل فطوركم كم يوم العيال توهم واصلين ابي يريحون وليالي رمضان وش كثرها بنتلاقى على خير ان شاء الله
-اجل ظنك؟!
-أي بالله ياخاله وانا بعد تحالييلي قريبه واتعب قبلها وبعدها !!
-اجل شورك وهداية الله .. شوفي يوم وعلميني لابد تجون ونجتمع عالفطور او سحور !!
-أي ابدن ان شاء الله الله يجمعنا على خير دوم!!
تمت رنا تترقب سوالف أمها مع جدتها ويدها على جوالتها الاثنين تترقبهم بتركيز مبهوت .. بكره رمضان وجا الوليد اكيد زناد بيكلمه عن موعد زواجهم الي يبيه .. حاسه بتوتر كل ماتشوف جهازه وتقرا رسايله .. ماتبي تتذكر الحوار الي صار بينهم معد تعرف من الغلطان ومن الي صح!! معد تعرف شي ابد ابد .. !
تراجعت متسانده وعينها على أصابع يدينها .. وخاتمها .. اول ماسكرت أمها الخط ..
انتبهت لكلامها لها
-بكره مافيه فطور عند جدتك اجلناه عشان اخوك ونجلا!! يمدي لاحقين خير!!
تركت أجهزتها واستجلست
-صادقه امي !! يعني نرتب لبكره ؟!
-أي أي جهزوا نفسكم فطورنا ببيتنا !ان تأكد انه رمضان !!
-عماتي اخبارهم مالهن حس !
-طيبات ماعليهن عمتك حصه ببيت عمك !! جدتك ماتجيب طاريها وانا ماسألت عنها !!
مطت رنا شفتها .. بتفكير ضايج ثم رفعت عينها لأمها
-رانيا تقول الجوهره بالمستشفى !!
-لاحول ولاقوة الا بالله !! من ايش؟!
ترقبت رنا .. انامل يدها بنظره باهته
-أتوقع من عمها منصور عمتي حنان ماقالتها بصريح العباره بس انا فهمت!!
رفعت عينها لها متابعه
-عمها منصور شديد يمه اذكرها ماتحبه ولاتدانيه !!..
تنهدت مهره بحس هادي
-وحصه عمتك ؟! مابه اخبار عنها؟!
-درت عن بنتها !!
سكتت بتمهل ضاغطه شفتها ثم تابعت
-الوليد اخوي قدم شكوى وطالبينها للمحكمه واتوقع نجول بعد لازم تحظر !!
قطبت أمها هدب عينها ..
-نجلا ليه تروح؟! وش يدخلها المحاكم ؟!
-يمه لازم لانها طرف بالموضوع مب عشان شي !! لكن هذي ضوابط يمشون عليها بكل قضيه او شكوى !! عادي حالها حال مشاكل الطلاق والنفقه وكيذا!!
سكتت بترقب
استهدت نواظر أمها مرخيه عينها
-لاحول ولاقوة الا بالله هذا الي ماعملتي حسابه ياحصه ! ومتى هالكلام بيصير ؟!
هزت رنا اكتافها
-مدري اكيد الوليد عنده علم!
-الوليد ياعيني عنه وش يلاحي !! انتي شفتي سلطان لاوقف له يحشمه ولاسلم عليه ؟!هالولد مدري متى يصطلح حاله ؟!
-يمه لاتهوجسين فيه الوليد عارفه ويفهم عليه شوفيه مكبر عقله ومب معطيه مجال ابدا يستفزه !!
-خابره خابره!!
-سمروه رقت معد نزلت كل ذا وش تسوي ؟!
-هي معي من أصبحت يمكن تريح ! بالها مشغول بالتفطير الله يحفظها
تبسمت رنا
-ايييي متحمسه سمروه حتى ماتبي احد يشاركها ولايقلدها !!
ضحكت بخفه ..
لفت لها أمها تترقبها
-أبو عبدالرحمن اخباره ؟! كلمك !
-نادر امس بس يتحمد باالسلامه للوليد !
هزت ام سلطان راسها
-أي دق علي وهناني!!
فتحت رنا عينها بصدمه
-متى ذا ؟!
-الصبح مبكر ؟!
تنفست بهدوء مترقبه تسمع
-اااايه وبعدين؟! بس يتحمد ؟!
-ايه !! يقول ان غدا رمضان بكره بيكلم بعد !!
ضحكت ام سلطان بهادي الحس
ورنا تترقبها بصمت ..
.................................................. ..........
قبل بوقت ...
جناح نجلا والوليد
تبادت خطواتها بعجل متحركه بتوتر .. تبي سمر تجي بسرعه ..
وقفت نافضه شعرها بحركتها المعتاده ومنحنيه .. متخلله اناملها خصلاتها الرطبه .. ثواني ثم ارتكزت ساحبه المشط وهامسه
-وينك سمر!!! تعالي بسرعه!!! اوووف ؟!
ترقبت نفسها بالمرايا مرطبه شفتها .. بتوتر جت عينها عالساعه وبثانيه سمعت دق عالباب ...
تركت الي بيدها .. متوجهه للباب .. فتحته بعجل
-وش فيك نجول خرشتيني ؟! بتوزعون الهدايا!!!
مدت نجلا يدها ساحبه ذراعها مدخلتها
-تعالي بسرعه بقولك شي
قفلت الباب والتفتت لها
ترقبتها سمر باستغراب
-وش بك ؟!
-ادخلي ادخلي بقولك شي !!
تقدمت سمر وتبعتها نجلا متوتره .. ماتدري هي بتسمع لها او بترفض ..
جلست سمر تناظرها بترقب
-نجول وش فيه وترتيني!!!! قولي ؟!
قربت وجلست
-بقول بقول !!!
ناظرتها بترقب
-اسمعي سمر انا قد طلبت منك شي قبل ؟!
هزت سمر راسها نافيه
-لا
-طيب ابي منك خدمه تهمني مره ودي تنفذينها لي !!؟
تنفست برهبه متابعه
-هاه وش قلتي ؟!
هزت سمر راسها بربكه
-طيب ..طيب ..شهي يعني خل اعرف ؟!
ناظرتها نجلا بتركيز بعمق عينها مبتديه تنطق
-شوفي سمر الوليد جايب لي ممرضات عشان يحللون لي ويسون لي كشوفات مبدأيه !!
هزت راسها شارحه
-يبي يطمن ويدري ماحب المستشفيات !! المهم انا مابي يسوون لي شي ابي..
قاطعتها سمر هاتفه
-ايش ؟؟؟ وش تبين ؟؟ أقول له ماتبينهم بدالك ؟؟؟
ناظرتها نجلا بتركيز ... لدرجة رفعت سمر هدب عينها بفهم ...واستدراك
-تبين أكون بدالك؟!؟؟؟؟؟ هاه؟!
هزت نجلا راسها وعينها تترقب برجى
-ايه هذا طلبي تسوينه؟!
وقفت سمر معترضه ...
-لا ...نجلا انهبلتي ؟! ليه طيب خلهم يسوونها وش فيه يعني ؟!
رطبت نجلا شفتها محاوله تثبت لجل تقتنع سمر بمنطوقها الكاذب
-سمر!! اسمعيني ؟! انا شاكه بنفسي حامل !!
فتحت سمر عينها ببسمه فرحانه ومصدومه
-طيب حلو؟! ياسلام انتي حامل صدق نجول!؟؟؟
زفرت نجلا مقربه
-اشششش لايجي يسمعك سمر انا شاكه شاكه ماقلت اني حامل !!! مابي يكشفون حملي له بهالشكل ودي انا اعلمه بطريقتي ؟! فهمتي ؟!
ترقبتها بنظره ترجي خفيفه متابعه وهي تمسك كف يدها
-هاه وش قلتي ؟! تخلينهم يحللونك مكاني ؟!
تاهت نواظر سمر بصدمه تفكر
-طيب واذا درى الوليد !!!! نجلا ماتدرين انتي امس مهزئنا!! عشان سكتنا عن هروب كانو !! مقدر !!
تنهدت نجلاا بنظره راجيه وثاقبه
-سمر يعرف شلون؟!!! مب داري انتي هينا معي مب مخلينه يدخل معنا !! فهمتي ؟! انا ترا مافيني الا العافيه بس هو حرص !!! خله يرتاح وانا احلل براحتي مع نايف اخوي
اوف سمر مابي يدري عن حملي بهالطريقه فهمتي ؟!
ترقبتها سمر. ببسمه حانيه
-صدق تحسين نفسك حامل نجول ؟! يالبيه بيجيكم نونو؟!
رطبت نجلا شفتها بالعه غصتها الضايجه والي اعتلت فوق لصدرها بسرعه
-نقول ان ششاء الله !! هاه وش قلتي سمر ؟! موافقه؟!
-طيب الله يعيني عليكم انتي وورعك الي ببطنك من أولها بيتحكم بي !!!؟
ضحكت بخفه اما نجلا وقفت مرتهبه ضاغطه نفسها ماتبي تدمع عينها ابد تنفست ملتفته وهي تلم شعرها
-زين اتفقنا هم اكيد بيجون الحين !!
-طيب ترا فطورك جاهز امي علمت الوليد وارسلت لكم انا رسايل اخليهم يرقونه؟!
-لا الوليد يقول بعد التحليل يحسبني راقده !!
هزت واسها ماتبي تنتبه سمر لبرقة عينها وضوجانها
-عاد نمت أساسا شوي !! نزل افطر معكم ؟
تساندت عالكنب سمر ناطقه
-لا سلم على امي ونادا سلطان للديوانيه وبس ؟!
قطبت هدب عينها
-عشان ايش ماقال شي ؟!
مطت سمر شفتها زافره تناظر اوراقها ثم رفعت راسها مأشره بيدها عالكنب جنبها
-تعالي اعلمك وش صار بينا أتوقع الوليد مناديه عشان كيذا ؟!
قربت نجلا منها مستجلسه مبتديه تسمع لها بانصات الين خلصت كامل سالفتها
-الله يهديه اخوك سلطان عاد يمد يده ؟!!! غريبه هو كيذا دايم؟!
-لاااا نجلا سلطان مستحيل يضرب بس انقهر مني عشان دافعت عن الوليد !!
-الله يعينه على نفسه اهم شي لايضيق خلق الوليد !!
رفعت لها سمر عينها تترقب اثار قرب اخوها الواضح ونجلا تحاول تفيه بشعرها تبسمت مبعده نظراتها بحرج
-الوليد اخوي يعرف له !! الله يصلحه سلطان وبس ترا مب مضيق خلق امي الا هو ؟!
-امين .. سمروه؟!
-همم
تنفست نجلا متلاعبه باطراف شعرها
-تدرين عن الجوهره ؟! يعني اخبارها عقب ذاك اليوم هي وامها ؟!
تساندت سمر مكتفه يدينها بضيق لطاريهم
-اخر شي سمعته انهم شالو رحمها !!
بهتت نظرة نجلا بصدمه رافعه راسها
-شالوه؟؟؟؟ سمر صادقه انتي ؟؟؟
حركت سمر هدب عينها
-ايه للأسف ..بسبب ضرب عمها !! ووحده من عيونها معد تشوف منها ؟!!!
شهقت نجلا برهبه .. مبرقه نظراتها
-سالتك بالله؟؟؟؟؟ وش عمها ذا ؟!!!
هزت سمر كتوفها ماسحه ملامحها بضيق
-من اول عمها ذا اقشر وهي تتحداه !!! ناظرت نجلا وملامحها. هتفت
-نجلاااااا انتي مالك دخل ومب ذنبك !!! انتبهي ترحمينها هي مارحمتك!!!
لاتنسين !!!! بغت تموتك تذكرين !!!! يوم تضرب حصان الوليد نيتها تموتين هي اعترفت !!! انتي مالك دخل بشي يخصها !!!
أبعدت نجلا نواظرها بتفكير مب فاهمه سمر الضيق الي داخل روحها ليه .. ويستحيل تنطق تعلمها شي
-ماضقت بس ماحبيت الي وصلنا له !! وبس !! طيب هي يعني ببت عمها ذا ؟!
-لا بالمستشفى !!! راحوا لها عمه حنان وساره !! مدري طلعت الحين أولا !!
احتدت نواظر نجلا هاتفه بقل اهتمام
-أي مستشفى؟!
-مدري ولاساألت !!
-يمكن نفس مستشفى خالتي ؟؟؟ تهقين هي فيه ؟؟
-مادري والله نجول ولايهمني !! هي جنت على نفسها !!
تبادى حس السنترال وقفت نجلا بعجل
-اكيد جوووو جوالي مب معي يقول الوليد بيرقونه مع اغراضي !!
تبادت خطواتها بعجل راده من غرفتها
-هلا
-زين قمتي !!
-بس غفيت شوي قمت اتجهز عشان صلاة الظهر !! وجعت يالوليد هم وينهم ؟!
-وصلوا بيرقونهم لك انا بالديوانيه مضطر اجلس بس هم فاهمين شغلهم لاتعصلقين معهم فهمتي ؟! الي يطلبونه نفذيه !!
-يعني وش بسوي مثلا!! ابره وخلصنا ؟!
-المهم خلهم ياخذون راحتهم ويخلصون !! او بنفسي برقى لك !!!وبوديك للمستشفى !!!
تنهدت زافره
-لا لا بسوي الي يطلبون خلك عند شغلك انت وبتشوف ان ماصار فيني الا العافيه اجهاد وفقر دم بس انت عنيد !!
وصلها حسه الثابت المتوعد
-وصلنا لللغلط !!!
ضحكت بخفه ..
-سجبتها سحبتها !!! طيب ابشر وحاظر وتم !!!
سمعت حسه الهادي
-نجلا لاتشغليني انا صادق ترا انتي ماخذه كل تفكيري والشغل قدامي !!! الي مايتأجل جبته الين البيت عشان هالتحاليل تخلص !!ونرتاح !!
احتنت نظرتها طارده انفاس كاتمه صدرها
-طيب ابشر !!
-يله تحريهم سلام ...
-الوليد طيب واخواني ؟؟؟عادي اكلم نايف ؟! او سعد !!بجتمع معهم اليوم ؟
-عادي مع ان وراي اجتماع مع نايف بس بأجله عشانك !! والاجتماع ماودك يكون بالمزرعه ؟؟! انا مب جايكم بس بخليهم يجهزون المكان لكم !!
-الله لايحرمني يارب !! يعني انت بتعوقنا بشي ؟؟؟
-عشان تاخذين راحتك معهم شيهانه امس ماجلست معك بسببي !!
تبسمت محيي شعورها حسه وتدرج أسلوب نبرته الدايم
-فديت الذوق رجلي!!
ضحك ضحكته الهاديه ..
-ماشي...! يله بسكر منك .. اذا خلصتي تبين تنزلين انزلي !! امي مهره تحراك !
-طيب ..
هتفت قبل يسكر
-صار شي عشان كانو ؟!
وصلها حسه الرصين ..
-لأ!!
-طيب يله سلام!
سكرت وسمعت حس الباب وسمر
-نجوووول تعالي شكلهم وصلوا يله تعالي حليها انا لساني مب ناطق !!!
-جيتك ..جيتك !!!
.................................................. .................................................. ...

[قال الزهر آآآه]

مرت فترة الظهيره على افضل وجه من وجهة نظر نجلا .. التحاليل تمت لكن مب لها لسمر .. طول ماهم عندها كانت خايفه ترقى رنا وتكشفهم .. بس ماصار .. الحظ محالفها وسمر صدقت .. كذبتها .. ماودها انها دخلتها معها بس هي تشوف انه ضروره ..تبي تعرف هي أساسا الين الان مب مستوعبه حجم المصيبه الي كشفتها ..
تواصلت مع خوانها وتواعدت معهم العصريه بالمزرعه .. بينزلها الوليد وهو بيتوجه للاسطبلات .. معد شافت ماريتا .. ولاجاها الوليد من طلع .. بعد التحاليل نزلت هي تحت ..
-السلام عليكم
-يامرحبا وعليكم السلام هلا نجول !!
قربت تلثم جبين خالتها .. ثم استنشقت حنا يدينها
-امممم محلى هالريحه !!
رفعت راسها مبتسمه
-هلابك خالتي اخبارك ؟! بشري عنك عسى مااجهدناك امس ؟!
-الحمد الله اموري طيبه انتي افطرتي ؟! مارقوا لك الفطور؟!
هزت راسها
-افطرت توني نازله خليتهم ينزلونه !! الي جوني جدد غير ماريتا هي وين؟!
دخلت رنا .. على سؤال نجلا ناظرتها
-تشتغل هي وكانو..!
تلاقت نواظرهم بفهم بينهم
-اه زين !! الي جوني رتبت معهم اغراضي ..!
-شفتي مخاوريك ؟!
تبسمت ملتفته لام سلطان
-ايه تهبل خالتي اعجبتني !!
-بقا حناك !! ولاهونتي خلاص من الحنا ؟!
رفعت يدها من حجرها تترقبها ..
سمعت حس رنا ..
-تبين احنيك والم تراه !!!
-كم يبيله يعني وقت العصر بطلع !
-بيمديك حنا اصلا ذا حده ثلاث ساعات ويطبع نسيتي !!؟
تنهدت بتفكير مستشعره فرصتها تسال عن الجوهره براحه
-طيب .. عادي !
اشرت لها رنا على لبسها
-غيري البسي شي عادي عشان مايطبع !
-طيب
-الحين يله قومي عشان يمديك تطلعين!!
دخلت سمر عليهم وبيدها كاسة عصير ..
-سلام !!
-هلا بنتي وينك ابطيتي فوق وش عندك رقدتي ؟؟
ناظرت نجلا واستجلست
-لا انسدحت اقرا يمه ..! عطشت عاد ونزلت اشرب عصير اشتهيته وانا ..
هتفت نجلا قاطعتها برهبه وخوف مستدركه انها يمكن غلطت ويمكن سمر زيها بعد
-من سواه لك ؟!
ناظرتها سمر
-انا !!
-ز..ين !
سكتت تفكر مبعده نواظرها .. شلون ماتأكدت من ماريتا !!! الي يحطونه ذا لها لحالها او سمر معها !!!
تنهدت بضيق
-نجول يله ؟! قومي ننجز !
-ايش وش بتسوون
ردت ام سلطان .. ببسمه وعينها بينهم
-بتحنى نجول !
فتحت سمر عينها
-ايييي شوفي نجلا تحنيت أخيرا !!!
-حلو ماشاء الله
-عاد مب زيك حنا العيد مختلف شوي ؟!
قامت نجلا متوجهه لغرفتها
-بغير واجيكم رنا وين بتحطه هينا او تجيني فوق ؟! اخاف سلطان يبي يدخل لخالتي ؟!
-طيب صادقه بجيك انا
-اووف نجول كنت بقول لك نزلي من بيتفور اختك شوي
تبسمت لها هازه راسها
-تعالي خذي !!
تركت سمر عصيرها عالطاوله
-بجي معك مره وحده !! انتظري
قالتها متقدمه لها وطالعين سوى
زفرت بحس مسموع
-وش بك سمر؟!
-متوتره مره مره أخاف الوليد يكشفني !! وبعد سلطان شفته يطلع اكيد راح للوليد مدري وش بيصير بينهم !!!
مشت نجلا شاده ذراعها بخفه وتاكيد منطوق
-مب داري اذا مابينتي وتكلمتي سمر !! اما سلطان جعله مايضيق خاطر رجلي وبس!!
ضحكت سمر بخفه غامزه بعينها
-لبوه لبوه والله !! حمشه مرت اخوي !!
ضحكت نجلا بخفه
-نجول ؟ تهقين كانو ليه هربت ؟!
أبعدت بسمتها ناطقه وكاذبه ..
-مدري مدري سمر ودي اعرف انا بعد !! لو ماقالت عندي مشاكل كنت بقول احد ااغراها !! بس وش حدها مدري !!
.................................................. ........................
فيلا غازي آل مجفل ..
-لبستك للمره الكم نصوري خلااااص لاتحوس لبسك اذا وسخته منت رايح لنجول !!!
-لا اروه اروه!!!
-خلاص اجل اجلس عند التلفزيون عاقل!!!
زفرت متحركه شايله ملابسه الي اعدمها بالعصير ودتها للسله ..
دخلت الجازي عليها
-خلصتوا؟!!! نايف ينتظرك تحت !!
-خلصت بس ابي احط غيارات لنصوري !! خساره جيتي انتي وبنروح !!
-عادي ببات !!
-والله احلفي؟!
-أي ان شاء الله يذون حلفان فهد عنده انتداب للباحه كم يوم!! برمض اول الأيام معكم !!! أي جبت لنجول كرتون رقاق نايف ركبه معه جبته عندي فايض!!
تبسمت شيهانه بفرحه
-جبتي معك رقاق الثريد؟؟ زييين زين بتفرح نجول !! تراها تسلم عليك على فكره!!
-الله يسلمها واحشتني قسم بالله !! تدرين اني منحرجه منها عقب سوايا اخواني معها !!
كشرت شيهانه بهزل
-نجلا ترا اكبر من انها تحقد او تربط فعل امي بأحد ثاني !! شوفي انا ونايف تحبنا من وعت عالدنيا!!
-ايه وهذا الصح
تبادى حس نايف ينادي من اسفل الدرج
-شيهااااانه اخلصي بنمر سعد بعد !!
-طيب طيب
يله نصوري انزل بسرعه
تحرك نصوري راكض بخطواته العجلا
التفتت للجازي هامسه
-خاله جلستي مع امي ؟!
-أي ماجابت طاري شي ابد !! نقول ان شاء الله وقفت وملت !!
تنفست شيهانه لافه طرحتها
-وين ماهقيت الحين هي تهوجس بخالي عادل هذا الي مخليها هاديه !!
-انا بعد اهوجس به امي منشغله عليه تقول متى يرجع من السفر مب عادته مايكلمني !!
رفعت شيهانه هدب عينها
-الله يعين رجل نجلا مب متنازل لو ايش!!
-حقه بعد !!
-يله بنزل !! خالتي بالله لاتخلين امي لحالها !!
-لا لا لاتشلين هم توني مركبه القهوه تفوح بسنتر عندها !!
-زين
نزلت بعجل ماره عليها شافتها جالسه بالصاله
-سلام يمه يله بطلع تبين شي ؟!
ترقبتها غاده بصمت ثم نطقت
-مابي شي !! بس لاتبطون !! مب تنسيكم ان لكم امن هينا لحالها!!
تنفست شيهانه بنظره هاديه
-عمرنا مانسيناك نجول بالعكس تذكرنا فيك دايم !!
يله مع السلامه ..
مرت المطبخ خذت السله الي مسويه فيها فطاير وسوت لسعد من البتي فور حشته مربى فراوله زي مايحب !!
مرت من جديد على أمها وهي لابسه نقابها
-استودعتك الله امي !!!
قالتها طارده احساسها .. من قلبها الضايق .. تبيه ينشرح تبي تطرد كل هم !!! رمضان مقبل؟؟ والأمور كلها ساكنه اختها مبسوطه واخوانها طيبين وامها مستكينه عن شرها الدايم وش تبي اكثر ...؟؟
ركبت السياره
-اربطي حزامك !
قالها نايف وهو يحرك السياره بيمشي
-طيب الحين سعد بيركب معنا !! خل اركب ورا مره وحده!!
-لا بسيارته بنمر ويمشي ورانا !!
تساندت لافه تحط السله ورا انتبهت لهدووء نصوري
هتفت ببسمه تحت نقابها
-الله من الادب !!! كل هذا عشان الحصان !!
رجعت تلتفت لنايف .. هاتفه بحماس ..
-متحمسه مره لشوفتهم !!

[قال الزهر آآآه]

قبل بوقت ..
الديوانيه ...
الوليد جالس مع بعض افراد القبيله والي عرفوا عن مجيه ..
استاقفوا جميع وهو معهم
-كثر الله خيرك يابو صخر وطول الله عمرك !! نورت الديره !!
-الله يسلمكم جميع كلفتوا على أنفسكم
!! يكفي اتصال !!
-لا ابدن هذا واجب ولاتنسى موعدنا !! انت عطيتنا كلمه جعلي فدا ذا الراس !!
-ابشر ابشر !! على خير ان شاء الله
-يله نستودعك الرحمن الله يحفظك !!
-الله يحفظكم حياكم يامرحبتتين!!
قرب منه كبيرهم متكلم بحس هادي وهو محتظن يد الوليد
-ياطويل العمر لي عازتن ابي اشرحها لك واحنا لحالنا فرادا!!
ترقبه الوليد
-ابشر وش بغيت ؟!
ابتدى ينطق له بتتابع هامس وهو يترقبه و
.. .. فكره مشغول وباله اكثر يبي يعرف نتايج تحاليل نجلا متوقع يستعجلون ويردون له خبر !!! هز راسه مستمع مايدري كم الوقت الان .. واعد نجلا يوديها للمزرعه ومادخل البيت من طلع الضحى !!! وطبعا ماجاه سلطان !! يعاند !! قرب منه القهوجي
-اصب قهوه طال عمرك ؟!
رفع راسه
-لا شوف الضيفان الموجودين !! وازهم لي داود !!
-ابشر الحين اروح طياره!!
تبسم له الوليد هاز راسه
-..سلمت !! ورجع ماسك يد الي يتكلم معه يعطيه من جزل الكلام الصويب
-الله يطول بعمرك يابو صخر !! عز الله اني عارف ان مقدمي لك هو الخلاص باذن الله!!
هز الوليد راسه ..
-لا تبشر تبشر !! كل شي بيتسهل ان شاء الله !!
-سلمت يابن الكريم !! ياحي ذا الراس !! يله نستاذن منك !!
جا بيستاقف ..ماسك عصاته الا بحس مساعد
-السلام عليكم عمي !!
رفع الوليد هدب عينه باستشراق باسم
-هلاااا وعليكم السلام وبركاته !! يامرحبا يالله حيه !!
وقف مساعد عند الباب بتردد وعينه يم فخامة المجلس والضيوف الواقفين ومتجهزين للخروج ماقد دخل برجله داخل ابد شغله كله عند المواقف وبين السيارت .. اول ماعرف انه موجود بالديوانه ركض بدون يسال من معه !! تردد بنواظره وعينه فرحانه
هز الوليد راسه ماد يده
-اقلط ياولدي ادخل !!!حياك !!
تحرج من جزمته انحنى يفتح رباطها .. بخفه .. سمع حس وراه يامره ..
-اذلف ياولد عن الطريق !!
لف براسه .. بيشوف .. تبسم له ناطق بلاحذر خابر ذا اخو عمه الوليد
-ابشر ياعم لحظه بفك جزمتي !!
اول مالف راسه تقدم سلطان راجفه برجله
-قلت لك اذلف مب قلت لو سمحت يارخمه!! مابقى الا اشكالك انتظره !!!
اول ماشاف المتواجدين ارتكز ظهره ناطق بجهور الصوت
-السلام عليكم !!
تهاوى جيد مساعد مهتز الين طاح على رجله ونظرته مبهوته بصدمه!!والم ! واحراج !!! جا بيوقف
تبادى حس الوليد الآمر ..
-خلك مكانك مساعد !!
لف سلطان للوليد متلاقيه نواظرهم اشر له الوليد ناطق بهادي الحس وعينه مركزه بسلطان
-تأسف منه واسنده لين يوقف !!
هتف مساعد
-لا ياعمي حاشا لله انا غلطان اسف!!
تصاعد حس الوليد المرعد
-مساااااعد !!! اقضب ارضك واسكت!!!
رفع سلطان هدب عينه باستنكار
-انت تبي اتسأف منه!!!؟
جت عينه عالمترقبين ثم رجعت للوليد بغضب
-انت ناسي انا مين!!!؟؟؟ مثلي مثلك بهالمكان!!!!
ترقبه الوليد بصمت .. وأمر هادي رصين
-اعتذر منه سلطان!!!!
استاقف عند المدخل داود الي انصدم من شوفة مساعد وتواجده بهالمكان الي مايدخلونه ومعه وقف القهوجي يترقب برهبه ..
شد سلطان مبسمه مبتسم ابتسامه جانبيه ... متحديه ..
قرب من مساعد .. المترقب له بخوف ورهبه
مد له يده ..
-عطه يدك مساعد خل يسندك لين توقف !!
التفت مساعد للوليد الي ياشر له براسه
اول ماعطاه يده ووقف
غافله بكف حامي تل جيده تل
-هذا عشان مره ثانيه تعرف قدر نفسك وماتوقف قدام اسيادك !! ياقليل الأصل!!!
استاقف مساعد ببرقة عين ورجفة فك .. عينه مبهوته برعب وسلطان يتقدم له صارخ
-لاتناظرني !!!!!! لما اكلمك حط عينك بالأرض !!!
تسمع!!!
هز مساعد راسه بتتابع وعبراته مستاضحه
استاقف سلطان هاز يده ونافضها والتفت للوليد بنظره كارهه متحديه
متشفقه
-داااود !!
-سم طال عمرك !!!
-اجمع لي العمال كلهم حتى حراس الامن كلهم هينا !!!
-ابشر ابشر
ابتعد داوود متخوف بحسره .. وضايج من مساعد أصلا وش جابه هينا وش خلاه يحط دوبه من دوب سلطان وهو ماينتخارش قد حذره منه وراه مايفهم !!!
مرت دقايق الين التمو جميع ..
دخلوا كلهم .. اول مادخل داوود كان سلطان يامر القهوجي لجل يتقهوى ومساعد واقف منكس راسه والبقيه مستجلسين ..! والوليد معهم ..! يترقب سلطان بصمت هااادي مضطرم شعوره بس ماسك نفسه بقوة وجهد عظيمه .. اول ماشافهم مجتمعين اشر لداود
-قفل الديوانيه !!
تبادى له نظرات سلطان بتحدي وبسمه جانابيه هاز راسه باستهتار
-اوووه خوفتني ياشيخ بن جلمود!!
سمع الوليد حس ضيفه
-انا استرخص منك ياطويل العمر هالامور بينكم انتم اهل !!
التفت له الوليد ناطق
-انت ضيفي ومن اهلي يابو ضاري !! خلك مكانك الي حصل صار قدام عينك وبينتهي قدام عينك !!
استاقف الوليد شاد عصاته مبتدي بخطواته يتقدم لمساعد
-ارفع راسك مساعد ..!!
اول مارفع راسه الهب صدره نظرة الانكسار الي شافها
اشر ليده ببسمه
-يدك شلونها !!! بها قل صح؟!!!
قطب مساعد هدب عينه بقل فهم
-يدك مساعد الي تشتغل بها سليمه!! او بها قل صح !!
-زينه زينه!!
قبض الوليد يده
-تعال خذ حقك بها !!
تقدم لسلطان ووقف قدامه
مد سلطان قنجاله للمقهوجي بتهميش للوليد المقبل له
-صب قهوه !!!!
مرت ثانيه وهو ماد يده وفجأه حس بلسع الحراره وقف صارخ
-ياكلب!!!! ماتشوف
التفت الا الوليد ماسك الدله وناثرها كلها فوق يدينه ..!
ترك الدله تندثر ومد يده قابض جيب صدر سلطان
-انت بتعتدر والحين من مساعد وقدام الحاظرين !! كلهم !!
استاقف ساحبه يوقف قدامهم جميع
-اعتذر !!!
ترقبه سلطان بانفاس مفحومه
هز الوليد جيده بثقل عظيم صارخ بحس مرعد
-اعتذررر من مساعد !!!!!
ناظره بنظرات تصدح شرار ناطق بكره
-تخسى ويخسى اعتذر له
ترك الوليد عصاته رافع يده ضاربه كف صادح حسه ثم جذبه من جديد
-بتعتذر !!!! ياسلطان !!!! تأسف !!!
هز سلطان راسه صارخ
-منيب معتدر تخسسسس
قاطعه ضربه جديده اقوى من الي قبلها .. لدرجة حس بضوجان راسه !!!
ارتجف فكه ناطق بحشرجة غضب
-منيب معتذر !!!
شد الوليد مبسمه تاركه اول ماحرك سلطان رقبته بيبتعد الا جذبه من جديد ثم صدمه بضربة كف اقوى من الي قبلها لدرجة سمع طنين موذي يدك راسه
تبعتها ظربه ثانيه .. بدون حس مجرد طنيييين ورا طنييييين
الكل كان منصدم وساكت حتى الانفاس ثابته مساعد فقط الي يرتجف بخوف ورهبه وضيق .. تبدلت فرحته لمشكله عويصه بسببه هو !!
انهد جيد سلطان وحس الوليد صارخ
-بتعتذر ياسلطان !!!! انا فاضي وجالس لك ان كان ابوي مارباك تحشم الناس انا قلتها لك واكررر انا اربييييييك !!!! انا !!!!
جا بيرفع يده الا بحس سلطان
-اس..ف !!
استاقف الوليد وانفاسه تعتلي بثوران ..
-مااسمع!!!! عيد !!!
-اااسف !!!
التفت الرليد لمساعد آمره بنظره محتميه
-تعال خذ حقك !!!!!
تلبك مساعد ناطق بخوف
-ياااعمي خل
-تعال خلك رجال وخذ حقك !!!!
تقدم ينظر لسلطان ويد الوليد الي ماسكته ..
-عطه زي ماعطاك !!!! يله مسااعد!!! انت رخمه!!!؟؟؟ او رجال ولد رجال ؟؟؟!
ترقبهم مساعد برهبه .. ناطق لسلطان
-انا رجاااال !! منيب رخمه!!
مد يده رافعها ضارب سلطان بنفس الخد الي ضربه فيه .. هاتف بحشرجة انفاس وثبات
-انا رجال ياعمي !!!
هز الوليد راسه لمساعد
-كفو ياولدي !!!
رفع اصبعه له
-راسك لاينكس وانت ماغلطت!!!! عمرك بهالدنيا لاتعتذر وانت ماغلطت !!! تسمع يامساعد !!!!
هز مساعد راسه وعينه عالوليد
-ايييي اسمع !!
التفت الوليد ساحب سلطان ومنحني ناطق يم مسامعه
-هذا بس لمساعد حق سمر باقي ياسلطان !!!
استشعر أنفاسه الممتزجه بنكهه كريهه همس له بفحيح الصوت ..
-المنكر الي تقحنه اقحنه برا بيتي !!!!
قالها حاذفه بعيد ونافض يده منه
وانفاسه تضطرم
تردت خطوات سلطان باحساس بينفجر .. وعينه تتبادى حوالين الموجودين صرخ
-افتحوا الباب !!!
اشر الوليد براسه لداود الي يناظره وفتح له الباب طلع من عندهم بخطوات عجلا وقبل يطلع التفت لهم جميع رافع يده
-هذاااااا الي انتم شادين به الظهر !!!! قسما بالله لأموته بيدي !!!!! ياأنا ياهو !!!
طلع بعجل تارك الجميع مبهوت بالي حصل قدام عينهم .. تنفس مساعد برهبه .. ورجفه .. متلاقيه نواظره مع داود
تراجع الوليد
-عطني عصاتي مساعد لاهنت !!
تقدم مساعد منحني ومعطيه .. خذاها منه وقبض يده ماشي معه ..
ترقب ضيوفه
-هذا مساعد رجال ونعم يدرس ويشتغل !! ويساعد ابوه واخوانه!!!
وبعون الله يصير رجل امن ينشد ينشد به الظهر !!
نطق واحد منهم وكبيرهم
-ماشاء الله تبارك الله يالله حيه !!
الله يطرح به البركه ويرزقه بر والديه !!
تبسم الوليد بوجهه رغم اضطرام داخله .. الاا انه بسببب شوفته لنظرة الكسر قبل بوقت !! عسف كل مشاعره وابتسم بزهو !!
-ايه متوسمن فيه الخير الكثير باذن الله !!
-بيض الله وجهك يابن جلمود !! عز الله ابيك ماتهنى وشافك !! الشاهد الله انك فخرن كبير لنا كلنا !!
نطق الوليد بثابت الصوت
-سلمت يالغالي ..!! الظليمه شينه وطعمها قاسي يابو ضاري !! ومامن روح تنصاني واستبيح ظلمها بكيفي !!! الا مايجيها حقها وهي تحت سقف بيتي !!!
هز راسه ضيفه مبتسم وماد يده مسلم
-كفيت ووفيت جعل من رباك بجنات الفردوس !! الله يرحمك يابن عامر !!
هز الوليد راسه بثبات ونظره هاديه مستكينه وشامخه
-امين والسامعين اجمعين !!
-يله عن اذنك نستاذن اكرمك الله ياطويل العمر !! ماقصرت كما دايم الله يعزك ولايعز عليك !!!
-اللله يحييكم يامرحبا حياكم الله !!
ابتدوا يمدون يدهم له ثم لمساعد الساكن جنبه بسبب مسكة يد الوليد له .. مروا بتتابع .. هادي وحس تراحيب ودعاء وفخر بشيخهم الي مايرضى بالظلم والاهانه رفعة روسهم جميع .. طلعوا كلهم .. الا داود والقهوجي الي خذا دلته وابتدى ينظف المكان ..
التفت الوليد لمساعد مبتسم له
-اجلس مساعد يالله حيه
هات قهوه
ادخل داود !!
تقدم داود
-تسلم ياطويل العمر الله يسلم هالراس !!!
ترقبه مساعد برهبه وزهو فاخر وشعور عجيب مزتهي محبه صادقه للهالرجل ..
-المعذره منك ياعمي انا ما
نطق الوليد بجامد الصوت
-اشششش اسكت!!!
لاتعتذر !!!! انت غلطت؟؟؟؟ لااا مايعنذر الا الغلطان !!! عمرك ماتعتذر الا ان اخزيت والاعتذار رفعه لك وشرف وحشيمه لنفسك انت قبل كل شي !!! هذا بس اذا انت غلطان !!!
سمعت ياولدي !!؟
هز مساعد راسه .. ببسمه وصدمة شعور ولخبطة إحساس هو مان بس بيبشره والحين اختبص كل شي
-هاه يامساعد بشر عن اخبارك ودراستك !! والاهل عساهم بخير ؟!
-بخير الله يسعدك ويحفظك ياعمي كلهم بخير !! انت دريت سعيد جاله ولد ؟!
تبسم الوليد
-ماشاء الله تبارك الله مبارك عليكم الشبل !! ايه خابر كلمته وباركت له !! وان شاء الله له حق الزياره قالي عالتمايم بس قدني حاجز وقلت لهم لايتعطلون عشاني !!
هتف مساعد ناطق وعينه بعين الوليد
-انا سميته ياعمي !!!! سميته الوليد !!! وتمايمه بكره على خير !!
تتااابع حس مساعد ناطق بعجل وفرحه .. صدمت الوليد الي رفع هدب عينه بنظره مشرقه ..
-سميته الوليد !!؟؟
هز مساعد راسه
-ايه سميته عليك تستاهل من يسمي عليك !! أي بالله نستاهل وعساه يشرفنا ويغدي عليك ياعمي !!!
ترقبه الوليد بحنو زاخم متباديه نظراته بين داود وبينه ..
-ان شاء الله يجي حظه احسن من حظي ياولدي ويغدي ازين مني !! الله يجعله بار بوالديه وعبدن صالح مثل عمه !!
ضحك مساعد بخفه
-لا ياعم انا ابيه عليك ابيه حتى يشبهك كلك !!
ضحك الوليد بهادي الحس متابعه داود ومساعد .. بنفس الرتن الضاحك الهادي
-الله كريم .. الله كريم !! ابشر جايكم بكره باذن الله نشوف السمي !!
انهى كلامه ببسمه وصلت للعين واشرقتها
هتف مساعد لاف لداود
-مب قلت بجيي عمي قلته انا !!!؟؟
رفع الوليد راسه لداود
-اكيد بجي هذا السمي وعمه مساعد الغالي !!! الباربميمته!! عساك ترد على امك وطمنها !!؟ان دقت عليك ؟؟
رفع يده بسوال
-أي والله اني ارد واطيب خاطرها افا عليك ياعمي أصلا رضاها علي هو الي جابك لي !!
سكت منهي كلامه وهو يتحرك يلثم جبين الوليد بلاشعور
ترقبه الوليد بحنو .. تارك كفه ولامس كتفه
-سلمت الله يبيض وجهك !! جزا الوالدين بالدنيا وبالاخره !! كله بنشوفه !! رضاهم كله توافيق !! عندك أبواب الجنه موجوده استغلها !!
هز مساعد راسه
-ابشر ابشر ماطلبت شي !!! يعني بكره اتحراك ياعم ؟!
هز الرليد راسه مأشر بتصميم
-لاتحراني انت بتركب معي وبنروح سوى من هينا نسيت انك ساكن عندي !!
تبادت فرحة مساعد وانفاسه المعتليه بحبور
-ايه ايه بروح معك !!!
........................................

[قال الزهر آآآه]

جناح نجلا والوليد
مستجلسه وتحتها مركاة بالضبط تحت ثنية ركبها مترقبه حناها
-رنا ماخلصنا ؟! تاخرت والله شفتي شيهانه كم دقت من مره؟!!!
-مرتين بس ولسه ترا ماوصلوا المزرعه !! انتظري يبيلك شوي !!
تنفست ماده شفتها .. عجزت تأخذ منها علم وكن رنا بالعاني ماتبي تطري الجوهره ابد !! بس هي مضطره لازم لازم !! اول عقبه وهي التحاليل عرفت تطلع منها بقى الجوهره !! قرت هي لازم تعرف نوع هالسم !!! اذا هو فعلا سم !!!
-رنا؟!
تركت رنا جوالها
-هلا ؟!
هزت نجلا راسها
-بصراحه انا ابي اسال عن الجوهره !! عرفت عنها !! بس ودي اقابلها !!!
رمت رنا جوالها متقدمه ومستجلسه
-ليه نجلا ؟! وش تبين بها ؟! فيه شي ؟!
ترقبت نجلا حنا يدها
-مافيه بس ابي أقول لها شي بخاطري !!
-نجلا شلون ؟ هي بالمستشفى الحين ؟! كيف تروحين الوليد يحسب كل حركاتنا تدرين ان السواق الي محطيه لنا يراقب كل شي !! طبعا انا ماطلعت بس سمر تعلمني !!!
تنهدت نجلا رفعه عينها لها
-بروح مع اخواني !! مب ضروري يدري بعدين ماسويت غلط انا !!! شي عادي بروح أقول لها عازه بنفسي !!
تراكت رنا تترقبها بحذر
-نجلا وش بتقولين ؟! خوفتيني ؟! اكيد فيه شي ؟!
ناظرتها نجلا بتفكير
-رنا ! الجوهره اذتني كثير !! لو بروح أتكلم معها هذا واجد علي ؟!!؟ او من حقي !!!
رطبت رنا شفتها
-أي بس وش تبين نجلا اطوي ايامها خلاص راحت عنك صارت ذكرى ذيك الأيام !!!
أبعدت نجلا عينها ساحبه انفاس مرجفه شفتها بس طردت احساسها قدام رنا
-ادري بس هو شي بنفسي رنا اذا ماقلته بيتم بخاطري ابي انههيه مره وحده !!!!
-دريتي انتي وش صار صح علمتك سمروه؟!
-ايه علمتني !! بس ماتعرف هي أي مستشفى ؟! رنا هي بمستشفى رجلك؟!
ارمشت رنا بصدمه
-مدري ؟! شلون اعرف ؟! اساله يعني ؟!
-تقدرين رنا ؟! اسأليه بالله ؟! بيوفر علينا نعرف !! اذا نفس مستشفى خالتي اسهل لي الروحه!!
-تبين اسال عمتي ساره ؟!
التفتت لها نجلا
-لالا بتشك اعرفها عمه ساره !! اذا قدرتي حاولي تستدرجين عمه حنو !! مب شاكه !!
زفرت رنا
-والله مدري وش اقولك عسى ماتورطينا بمصيبه نجول الوليد لاعن جدنا امس !!
تبسمت نجلا ضاحكه
-يوووه انتي وسمر على ذا الهرجه !!! ماشفتن شي أصلا !!!
بس مب داري !!! بروح مع اخواني وانتي اعتبري اني ماسالتك ابدن !!!
بس اعرفي اول التفاصيل !!
-طيب بشوف
-استعجلي رنا اليوم اليوم بالله !!
-طيب بحاول اليوم !! قومي يله نغسل حناك !! بس فكي هالبلوزه ليه لابستها ؟!!!
توترت حركتها وهي تحاول تستاقف
-خليها عادي مب مضايقتني !!!
-دام بردانه طفي التكييف ؟!
-لاتدققين رنوش قومي ساعديني !! تدرين حتى هداياكم ماطلعتها احس الوقت ضيق سبحانه!!
-أي صح سمر ناسيه ترا غريبه ساليه عنك مدري وش عندها فيه شي مخبيته ترا ملاحظتها عندها علم !!!
اطرفت لها نجلا
-وش عندها سمروه ماتخبرينها ؟! بتتذكر وتجي ! بس لاهيه بخيمتها !!
ابتدت رنا تفك القماش عن يدها ببطء..
تعالى حس الما واستضاح لون الحنا بيدها .. ترقبته نجلا بعشق جميلل يشبه تفاصيلها
-الله يهبل حناااااي !! يسعدك رنا !! ً
حركت رنا هدب عينها
-اليدين الي تهبل يانجول ماشاء الله !!
تمت تفرك اناملها تبعد بقايا الحنا الجامد .. بخفه ..
-والله حتى انتي تتقنينه مرتب بيدي !!
انحنت رنا لرجولها تسحب الاكياس
-ارفعي رجلك نجول !!
رفعت رجلها اليمين بخفه وهي متسانده عالمغسله ..
-رنا اسمعي كيف رمضانكم وضعكم كيف فيه انتم؟!
خذت الكيس داسته بسلة المهملات وهي تهز اكتافها
-عادي نسوي قائمه كامله ونعطيها الطباخين !! جهزتها خلاص من اول !! وطلعنا المواعين وكل شي !!
ابتدت نجلا تخطي بهدوء تبي توصل للحوض ..
-عادي رنوش اخرب مخططاتكم ؟!
قطبت رنا هدب عينها متراكيه عالمغسله بوسطها ومبتسمه
-كيف يعني وش بيخرب بالضبط ؟!
فتحت نجلا المويه ورفعت رجلها رافعه رجلها وذاخلهروسط الحوض وجالسه هالطرف مغطسه رجولها مبتديه تترقب اندثار عجينة الحنى واختلاط حبيباتها بالما الصافي
-اقصد انا ابي اطبخ !!
تبسمت رنا مكتفه يدينها
-تطبيخن انتي ؟!
-أي رنا انت ابي اشرف عالسقره كلها !! طبعا بمساعدتكم ؟! انتم تطبخون؟!
-لا والله عمري ماطبخت برمضان !!! اشرف بس واطلب الطبخات !!
تنهدت نجلا مبتديه تفرك رجلها
-لا انا اطبخ اجل واشرف بنفسي على كل شي !! ابي هالسنه اطبخ بعد ودي يعني !! اذا مايضايقكم !!
قطبت رنا هدب عينها
-يضايقنا بايش ؟! عادي !! هذا بيتك نجول ؟!!!
-الله يسعد قلبك ..!! اجل شوفي اذا بكره رمضان باذن الله برتب الاطباق انا واشوف وش بسوي ..!! فيه أشياء معينه يحبها الوليد بسويها ان شاء الله !!
-ااييييه تدرين اول مره يصاددف الوليد معنا اول يوم ؟!
ارتكزت نجلا بجهد .. بعد خلصت
-رنا ناوليني بالله المنشفه الي وراك !!
تحركت رنا .. ماده يدها ومعطيتها ..
-هه .. خذي !!اي بالعاده يكونرمسافر او ماتصادف يعني !! بس بكره بيكون يوم مميز !!! عاد انتي بتطبيخن !!؟
-رنا حتى اكل خالتي بسوي لها طباختها بخليها معي لان اكلها بقلل فيه الأشياء الممنوعه عنها او طلبو يققلونها!!
تبسمت رنا لها وعينها عاى رجولها وقتنة منظر الحنا
-حتى انا بساعدك .. !
-زين ..
-يهبل حناك شوفي ماشاء الله شلون صار ؟!
ارخت نجلا نواظرها يم مقادمها .. متذكره شي
-رنا تعالي بالله ابيك تسوي شي ؟!
قربت رنا منها ..
-شوفي بالله شعري فيه شيب !!!!
نفضت شعرها من جديلتها ناثرته
رفعت رنا هدب عينها باستنكار ضاحك
-شيييييب؟!!! عسى خير وش يجيبه لك ؟!
-تعالي بالله الا فيه الرليد يقول فيه ؟!
قريت رنا وعينها تترقب ويدها مبتديه تبحث
-يلعب عليك الوليد يمازحك تلقينه وانتي صدقتي ؟!
سمتت نجلا شاده مبسمها
-هاه لقيتي شي ؟!
استاقفت رنا ضاحكه
-قومي يابنتي قومي !!! مافيك الا العافيه لاشيب ولايحزنون !!!
تلاقت نواظرهم ونجلا تستاقف
-ظنك يعني ؟!
-أي مافيك ابد !! تعالي برا اشغلتيني بسالفتك !!
تقدمت ونجلا وراها ..
التفتت لها اول ماوطلعوا
-نجول تعالي انا مارتحت لسالفة روحتك للجوهره !! امشي عطيني العلم !!
شدت نجلا مبسمها .. بقل حيله. وجهد شلون تقنعها !!
-رنا كيذا بخاطري كلام بقوله لها !! صعب ذا ؟! عادي !!!
كتفت رنا يدها ..
-مدري نجول أخاف تصير مشكله !!
-مب صاير شي رنا علامك انا بروح مع اخوي !!
لاتشتقين وسعي صدرك انتي بس جيبي أي مستشفى وانا بتصرف !!
ترقبتها رنا بصمت ماتدري وش تفكر فيه مااقتنعت ابد بكلامها ..
ركزت النظر بعين نجلا
-نجول !! الجوهره صفحه وانطوت خلاص !!! انسيها !!
أبعدت نجلا نظراتها مبتده تخطي يم غرفة ملابسها
-مين يقدر ينسى الجوهره رنا !؟؟؟؟ مينن علميني !!! انتي ااكثر وحده انظريتي تقدرين تنسينها ؟!
قتحت الباب ضاغطه الازرار وداخله ..
تبعتها رنا بصمت
-نجووول الي ابي أقوله انتبهي منها !! الجوهره حاقده وبتحقد عليك اكثر !! مابي تطرك!!مره ثانيه
-شدت نجلا مبسمها مرتجف نبضها بضيق ونظرتها مزداده سواد ناقم
-لاتخافين ماتقدر تظرني !!! أساسا يارنا ضررها دايم وباقي ماينسى !!
-هي حاجه بقولها لك انا مب مرتاااااحه ابد !!!
اختارت نجلا فستان باكمام طويله .. مبتديه تترقبه بتركيز
-رنا تطمني خلاص لاتفكرين انتي شيلي هالطاري دام معي اخوي انسي الخوف !!!
استاقفت رنا .. وعينها عليها بتفكير
-طيب انا بنزل ! تمرين امي تشوف حناك قبل تروحين؟!
تبسمت ملتفته لها ..
-أي ان شاء الله .. اكيد !!
هزت رنا راسها ..
-انت بنزل اجل لقسم المطابخ بعلمهم الخطه الجديده !!
-زين انازبعد اذا رجعت علمتهم وش ابي
تراجعت رنا بتفكير
-يلا سلام ... سلمي على شيهانه ..
-مع السلامه
استاقفت نجلا بعد ثواني والفستان بحظنها .. حاسه بضغط ضغط يشل اعصابها هي تعيش دور مب دوراها ولايمثلها !!!! تخطط هينا وتقنع هينا !!! وتكذب هينا !!!
شهقت مستجلسه .. عالكرسي بغرفة الملابس .. حاسه بضيق الانفاس ماتدري وش تسوي ؟! كل شي بتسويه الا انها تقول له انا مدمنه !!!
هتف حس يتكرر دوم
يمكن مب ادمان ؟! يمكن سم هاري بعد !!! يسبب لها موت بطيييئ!!
رفعت يدها كاتمه ملامحها ومغمضه عينها .. زافره ورغم قوة الزفرات وخروج النفس مازال المكان ضيق ضيق ويكتم الروح
أبعدت يدينها .. ساحبه طرف الكم .. وابتدت تتلمس الخدوش الي سببتها لنفسها !! مع معرفتها العله معد تستنكر شي فيها. .. ابد لاالرجفه ولا الوجع الي يدك جيدها وقت يجي طلب جسمها للجرعه
عضت شفتها وقت وصلت لهالتفكير مهتز متنها وباكي يحشرجه
-اممممم ياربيييييه !!!
زفرت ماسحه مدمعها طارده ضعفها كله وواقفه تراكه الفستان !! لازم تروح لسمر تبي تنبهها ماتنطق حتى رنا شاكه ان عندها شي !!
توجهت لدورة المياه عاسله مبمسمها وعينها رفعت راسها تشوف نفسها كارهه .. رغم بياض بشرتها وجمال لونها الا انه صار باهت مع بهتان محاجر عينها صفيان البياض مختفي
تراجعت بعجل متوجه لغرفة الملابس تبادت خطوتها لدرج تسريحتها ساحبه الادراج ومبعثره مكياجها الي نادر تستخدمه سحبت مصحح عيوب وابتدت تخفي اثار تعبها الواضحه ومعها اثر لمسات روح روحها .. انتهت بعجل متحركه وطالعه من الجناح لازم تأكد على سمر تنتبه من رنا .. توجهت لجناح سمر وعقلها يودي ويجيب .. تفكر وتهوجس .. وصدمتها انها شافته وتلاقت نواظرهم جمدت أنفاسها ونظرتها برعب ونبض معتلي باحساس غريب بس كريه .. طعمه مر .. تراجعت الا بحسه يستنطق ناطق بلاهواده وبعجل ..

[قال الزهر آآآه]

قبل بوقت
جناح سمر ..
تنهدت بتفكير ضايج راسها ... ماتدرين هي سوت صح ؟! او غلط !!
زفرت بحس واضح .. متعبها التفكير وبعد فيها خوف متذكره حس الوليد ونظرته لها هي وعدته شلون ترجع تخبي ؟!! بس مب نجول تقول حامل ؟!!
تبادت نظراتها بتفكير بكلام مرت اخوها وحماسها .. ماتدري ليه ناغزها قلبها .. مارتاحت ابد ابد ...
-يووووه وش ذا التوتر !!!! الله يصلحك يانجول !!
عضت شفتها بتفكير اكثر واكثر .. طيب وان ماطلعت حامل ؟! وان فعلا هي تعبانه؟! تذكرت حال نجلا وشكلها لو ماتكلموا بوضوح بس ملاحظ فيها شي غريب .. ذويانه ونظراتها بارده !! فيه شي طافي مب موجود
تذكرت رجفة يدها والتفتاها المفاجئ..
رفعت يدها تتلمس ذقنها برهبه وتفكير ..يمكن هذا وحم ؟!! أي أي وحم ؟! اكيد وحام الي نسمع عنه !!!
فجأه .. قطع هواجسها حس دق عالباب صادح وصاير
قمزت من مكانها متباديه خطواتها اول ماجا ببالها الوليد عرف !!!
-ميييين ؟! جايه مين؟!
تعالى حس سلطان الصارخ
-افتحي الباب !!!! سمروه !!!!!! افتحي !!!!
افتحي ياببببنت!!!!!
وقفت برعب وحس مهتاج ..هامسه بخوف
-سلطااان؟!!!
تبادى الضرب عالباب لدرجة حسة بنفظة الخوف توصل لمعدتها ..
-افتحي !!!!!! افتحي الباب !!! رحني له؟؟؟؟؟ فزعتي به ضد اخوك!!!! افتحي البببااااااب كانت اختن له افتحي الباااب !!!! وريني طولك يالمنتوفه!!!! افتحي افتحي لأكسره فوق راسك!!!
رجفت شفتها ... متنفسه بخوف .. ونظراتها طايره بكل مكان وهي تسمع حسه الصارخ ..
-افتحي الباب افتحييييييييه!!!افتحيييييي? ? !!! كانك اخت هالرمه الي تخت افتحي الباب !!!
احتمت أنفاسها بضيق .. متقدمه فاتحه الباب .. ماعطاها محال حتى تنطق تقدم صارخ جاذب شعرها
-انا تشتكين مني عنده!!!؟؟؟ انا تطالبن حقكك ليني منه!!؟
ارتجف فكها وهي تشوفه بيرفع يده .. همست بخوف
-امي تحتتت!!!! لاتسمع امممي !!
نزلت يده متهاويه على خدها ومعرذلكرثبتت ماتبي تصرخ ويسمعها احد خاصه أمها ..!!
-انا ؟؟ ياسمر تبين حقك مني ؟!!!!؟ هه خذي حقك مني ؟!!!
ضربها من جديذ وهي شاده مبسمها ونظراتها مرعوبه .. كاتمه انفتسها باستحكام .. وغضب ضايج ..
جذبها هازها صارخ
-وراك ماتكلمين ؟!!! خايفه؟!!!! انربط لسانك!!!
ناظرته وقكها مجروح مبتدي دم شفتها يظهر .. ناطقه بحشرجه ثايره وهامسه
-أي انا اخته اخت الوليد !!! اخته انا !!!! انا ماعرف كيف انت ربيت برحم !!! امي !!!! ان...
قاطعه ظاربها من حديد بتتابع مهلك لها .. وهي كانمه أنفاسها .. ماتبي حسها يبان
-طز فيك اخت !!! أصلا انتي عاله مب اخت !!!! تابعه مالك راييي وشخصيه !!! انا غصبن عليك اعلمك قدر اخوك سلطان!!!! سااامعه!!!!
هزها مرجف جيدها .. المتحشرج الباكي ...
-تسمعييييين !!!!! اخوك منهو؟؟؟؟؟؟ منهو؟؟؟؟؟؟؟؟ وديييي
هتفت بشهقات متتتاليه
-اخووووي الولييييد !!!!!
رجف بها بغضب نافر لدرجة نسى ضعف بنيتها .. وتناسى الرابط المقدس الغليظ الي ببينهم حقده وكره بهالحظه اعمت كل منطق وفكر مب منتبه انها .. معد حست فيه ولا بظربه .. ابد !!
تنفس بانفاس مدويه.. وعينه تنطق شرار فاحم صارخ بها وهاتف
-قولي يله وينه ؟؟؟ وينه اخوك ؟؟؟ وينه !!؟؟
انسلت من بين يديه .. مثل الجثه .. ترقبها بعين ضايجه هاتف
-بنت؟!!!!! سمررررر!؟؟؟؟؟ بنت ؟!!!! فزي ؟؟؟؟ بنت!!؟؟
تبادى حسه النافر
-سمرررررر!؟؟؟!!
انتبه أخيرا انها فاقده الوعي .. تراجع برهبه وصدمه مترقب يدينه .. هاتف بشعور ضايج
-سمر!!!!! مو وقتك !!! بنت؟!!!! فزي قومي!!
اانحنى لها .. محركها شاف بقع دم من مبسمها .. .. استاقف برعب وضوجان وغضب يفح يعتلي ويتزايد .. مب منه كله مب منه !!! كله بسبب الوليد ..سببه هو !!!! شتتهم وفرق بينهم !! كره اخته فيه !!
خلى امه تستقله وتنظر له بشفقه كنه محتاج رحمه!!!!!
تبادت خطواته طالع كاره هالقصر والانفاس الي فيه قبل كان ملكه جنته ومسكنه والحين صاار له سجن كرييه كل زاويه فيه تطعن روحه طعن!!! معد له مكان بينهم ولا محل يخصه وسطهم ومعهم !!
تنافض جيده المرعد فجأه منقطع كل سبل تفاكيره وقت تلاقت نواظرهم .. جمد فيه النفس رغم اضطرام الشعور وضيق الافاق .. كانت له ؟!! اسمه مرتبط باسمها ..!! نطق لها بلا شعور متجاهل الوجود كله ومتغافل رعبها وتشتت ذهنها وضعف هيئتها وبهتان النظره ..اول مالمح تراجعها نطق بمكنون صدره العاصي وفكره المظلم .. متجاهل شيم المروه والمرجله وكثير أشياء !!
-انا بنفسي عطيتك له!!!!! وبرجع اخذك منه؟!!!!! بيوذيك هالوصخ!! مثل مااذاني !!!! بس برجع !!!! باخذك نجلا!؟؟؟!!!
انهى كلامه متقدم مار من عندها وتارك المدخل كله ... تبادت نظراتها برجفه زود على رجفتها .. ابتدت تأخذ نفس متلمسه صدرها هاتفه برعب وهمس
-اوووووف يالله!!!! اوووف !!!
تقدمت بعجل يم جناح سمر .. اول مادخلت نادت برجفه
-سمر ؟!!!!! سمر؟!!
أساسا بابها مفتوح .. استنطقت هاتفه بحسها المرعوب
مازالات تحاول تهدي نبضها من شكله المجفل لقلبها .. طارده أساس تفكيرها الي بيوديها لايام جمعتها معه باحلامها وزوايا بيتهم وأركان روحها
فتحت عينها برعب وهي تشوف سمر عالارض
-سمررررر؟!!!! سمر ؟!!!
قربت منحنيه محركتها مرتجف فكها وهي تشوف دم شفتها .. وملامح وجهها المضروب همست بحشرجه ضارب عندها صدع يجرح مذكرها بماضي قدييييم فكر بس مازال قريب منزوي هتفت محركتها اكثر بعبره
-سمر ؟! قومي سمر ؟!!!!
شهقت باكيه بلا شعور مستجلسه عندها
-سمر ضربك ؟! سلطان ضربك مره ثانيه ؟!!! سمر قووومي !!!
استاقفت بعجل تبي تتصرف .. ركضت طالعه من جناحها متوجهه لجناحهم الخاص اول مادخلت بحثت عن جوالها تشتت ذهنها وهي تحرك بيدها المخاد عالكنب ماتدري رنا وين حطته عقب مكالمة شيهانه.. شافته منزوي بزاوية الكنب سحبته بيد ترجف مبتديه تدق عالوليد ..
رفعته لمسامعها وعينها تحرقها خافت وتذكرت أشياء كرييههه توجع ..
-هلا وغلا!!!
هتفت بحس باكي مستغيثه
-الوليييييد !!
شهقت بتتابع مع سماع حسه. الآمن!
-سلطان ضرب سمر !! ضربها مررره زي ضرب نايف !!!
نطق بحس رصين مرعد سائلها
-وينكم فيه ؟! امي مهره وين ؟! تحت انتم؟!
-لا محد سمعها ماسمعناها انا رحت لها ولقيتها دايخه !! ومضرووبه يالوليد ؟!!! جناحها فوق !! كلنا فوق !!
-جايكم انا !!
-ط..يب..!
قفل منها .. وركضت راجعه لسمر .. اول مادخت شافتها تحاول تستجلس .. هتفت لها منحنيه
-سمر ؟!! قمتي ؟!!!
رفعت لها راسها .. متلاقيه نواظرهم اول ماشافت يمر دموع نجلا وخوفها .. شهثت ناشقه باعتراض
-ضربني !!!! مره ثانيه ؟!!!!
شهقت بغصه حاميه وهي تتلمس شفتها وتشوف دم مبسمها ..
تمت عبراتها تتوالها برعب مجفل لنجلا الي استجلست
-هو علامه !! ليه كيذا سوا!! وش صار ؟!
اهتز متن سمر منحني راسها على ذراعها وباكيه
-منهبببل !!!! منهبببل !!! عشاني !!! شكيته للوليد !!!
امممممم ان..ا سكت يحسبني ..!!! ض...عيفه !!! بس ..وا..لله..تحم..لت ..عشا..ن امي ..عشان امي نجلا!!!
رفعت راسها رافعه اصبعها ودموعها منحدره بضيم شعور
-يسالني يقول اخوك من؟!!! منقهر !!! سكت سمت بس قلت اخوي الوليد !!!! عدتها الين انهبل !!!!
ترقبتها نجلا برحمه .. رفعت يدها ماسحه دموعها تبي تشوفها زين
-طيب قومي قومي غسلي !!
-نجلا احد درا؟!! عسى امي مادرت؟!!! سمعتونا انتم؟!!
هزت نجلا راسها
-لالا انا بس جيت وشفتك ؟!!
بانت الراحه على ملامحها .. متراجعه تتساند وتصيح بغلقه
-اوجعني الحيوان!!!! قهرني نجلا قهرني !!!! ابوي عنره ماضربنا!!! ولاامي !!! يجي هو يضر..بني !!!!!
انهت منطوقها المتحشرج بغضب متقطع وغصات متباديه ..
استجلست نجلا اكثر متربعه
-سمر !! قومي غسلي وجهك قومي يله!!
نشقت رافعه راسها وعينها ورى نجلا .. هتفت قايمه بحس صادح باكي
-الوليييييد !!!! ضربني سلطان !!! جا هينا وضربني !!!
تحركت له بعجل وعينها باكيه وحسها ناشج يشتكي
-انقهر لاني شكيته لك !!!! ناااظر !!! وجهي ناظر !!!!!
ترقبها الوليد .. ناطق
-تعالي ياخوك ماعاش من يبكي هالعين !! ابشري بحقك !! وش يرضك منه علمنيني !! الحين علميني وش يرضيك!!
قربت منها منحنيه ليده الممدوده .. جذبها له لام اكتافها .. اعترضت بضيق وحشرجه
-ثوووبك بيتوسخ !!!
سحبها اكثر لامها له
-فداك !!! كل شي يفداك !!
انهى منطوقه الي ادمى روحها من القهر .. نشجت بغصه مكتومه ..
تلاقت نواظر نجلا والوليد ثم ابعدها عنها هامس لسمر مهاديها
تاهت ضايعه اكثر باقكارها !! هي صح!! ايه صح !!! يكفيه من هالهموم!! تجي هي بمصيبتها فوق راسه بعد!!! تأملت محاجر عينه واسوادا نظرته الرعدا تدري واصل قيضه من الغضب
-لاتبكين ياخوك جعل عيني ماتبكيك!!
تراجعت سمر ماسحه دموعها بحرج
-انا سكت له مابغيت اصرخ عشان ماينتبه احد !!! كتمت داخلي يالوليد بس قهرني قهرني !!! منهبل سلطان مب طبيعي ؟!؟ ليه ذا كله ليه يعني ؟! وش هالحقد والكره؟!! تدري بحياة ابوي ماكنا كيذا !!! كل شي غير وضعنا غير حتى هو غير غير !!! ليه صار كيذا ؟!!
ناظر بعمق رسومها المتوسمه ..راد وهو يحتظن جيدها
-لاني انا فيه !!! تغير عشاني جيت !!! وش يرضك ياخوك علميني ؟! تبين اطلع من البيت !! عشان ترجع حياتكم زي قبلي ؟!
ابتعدت بعين غايره ناطقه باندفاع وحشرجه
-لاتقول كيذا انت !! وين تروح وتخلينا ؟!! ماقلت لك انت زي ابوي !!؟؟ انا اليكم كلكم ابي اخواني !! وابي امي طيبه وبخير !! ليش هالدنيا ماتجي مثل مانبي يالوليد !!! ليش كل مانبي ها تزين تشين لنا !!!
شهقت بونه رافعه يدها مخفيه رسومها ..
فيما بين نجلا واقفه تترقبهم بها ضيقه بعدها ثاني فيها كتمه موجعه .. وهي تستلمح ضيقتهم الاثنين .. محشوره .. جت عينها عليه وهو يبعد يدين سمر ويلثم جبينها ويكلمها بهادي الحس انتبهت لبقع الدم على ملابسه واسترقت السمع لصوته وقفت ورفم هدووء نظرتها الا ان داخلها حروب ساطيه تضطرم ومشاعر متداخله
-اسمعي ياسمر !! الدنيا هذا حالها ياخوك يوم معك ويم عليك!!! ماتصفى لأحد !! واحنا الحمد الله احسن من غيرنا !! حالنا بخير نحمده ونشكره !! امك طيبه وانتم طيبين وسلطان ضايع ومبتلى ادعي الله يرده له ردا جميلا!! ماله الا الدعا والتقويم الشديد !!
هز راسه لها بنظره حانيه
-انتي آمريني وش تبين ؟! اجيبه اجلده قدامك؟!! تبين بيدك ذي تاخذين حقك؟!! الي تبينه انا اسويه لك !! بس لاتبكي هالعين ياخوك دامني حي !!؟
ترقبته وعينها بعينه .. مشتعل صدرها غصه كبيره ثقيله اتبعت لسانها
-انا احبك يالوليد !!! والله ياخوي اني احبك !! من زمان من قبل تجي !! من يوم ابوي يهرج عنك!!! قسم بالله اني احبك وكثير بعد !! انت يوم قلت بحياة ابوي ماقصدت انت وجيتك !! انا اقصص
هز راسه بنظره حنون غامره كل ضيقها مسك اكتافها وانحنى بكامل هيبته
-فاهم عليك وخابرن مقصدك !!! وانا رديت عليك عشان اعلمك شلون هو يفكر !!مب عشان تفهمين الي فهمتيه!!
-انا مابي منه شي ابي بس اخواني كلهم !! احبه وربي يشهد هذا اخوي كيف يقول ماحبه؟! كلكم تسوون عيوني الثنتين ؟! حت يوم ضربني الي غبني ان حالنا ليه وصل كيذا ؟!!!! سلطان مايضرب ليه وصل لكيذا يالوليد!!! متى يعتدل ومتى يدري ان احنا كلنا نحبه ونبيه !!!
هز راسه رافع يدينه ماسح دموعها ..
-نقول الله كريم بيفهم باذن الله وبيعرف!! وسعي خاطرك وانا اخوك !! ومايكون الا خير ان شاء الله !! اغسلي وجهك .. وتولمي بطلع معك مشيوير!!
نشقت هاتفه بضيق
-الوليد بتتانشب معه؟!! طلبتك اتركه عنك !! مب عشانه عشانك انت وامي !!! ترا امي تحس بك انا اقدر اصرف بس هي تعرفك والله تدري انكنت ضايق قسم بالله انها تعرف وتحس !!
تبسم ناطق بحسه المطمئن الوقور الهادي المنسكب دفا وسط العروق المجمده ..
-ابشري بسعدك !! لاتهتمين !! ولاتشيلين همي ابد !!! بعرف اتصرف ! واصلا حققك باقي ماخذته منه !! حسابي معه كله مايخصك انني !! هو غلط على عامل عندي وخذا جزاه!!
ناظرته سمر مقطبه هدب عينها ..
-ضربه ؟!!
هز راسه نطقت معاجلته
-مب قلت لك ؟؟ سلطان مب طبيعي !! اكيد يالوليد يأخذ شي !! شكله حتى مب طبيعي !! ينتفض ويصارخ عيونه تخوف !!
ارتهب شعور نجلا .. منحنيه بنواظرها .. جت عينها بكل مكان الا لهم الاثنين .. تبادى رنين جوالها .. رفعته ساحبه انفاس .. معطيتهم ظهرها .. وراده تدري أصلا غافلين عنها حوارهم اوجع قلبها واكثر ضيق مدارك استيعابها ..
-هلا سعد ؟!
-هلابك السلام
-وعليكم السلام ..
-طلعتي ؟! احنا متوجهين للمزرعه ..!
-شويات بطلع ادخلوا انتم متجهزين لكم هم ؟! أصلا مافيه احد الا العاملين ؟!
-طيب لاتتاخرين علينا !! اذا رجلك مشغول ارجع اخذك عادي !!؟
نطقت بهادي الحس
-ابشر ..يله اشوفكم على خير
-علا خير ان شاء الله .. استودعتك الله ياخوك!!
-مع السلامه ..!
بلعت ريقها منتبهه انهم مازالوا يتكلمون.. ابتدت خطواتها تتهادا بتطلع .. منكتمه .. وحاسه بشعور غريب مره .. رفعت اناملها تشد كم لبسها .. اقبلت عالمدخل وصلها حس الوليد ..
-نجلا!!
وقفت لافه تناظره
-تجهزي جاي اوديك الحين ؟!!
هزت راسها ببسمه جانبيه
-ابشر ..
ترقبت سمر .. متلاقيه نواظرهم .. تبسمت لها سمر بنظره باهته
-مكياجي لرمضان وش رايك بالله نجول ؟!
ضحكت نجلا مجبره تبعتها سمر .. معد نظرته طلعت من جناح سمر تجر رجلها .. اول ماوصلت لجناحها توجهت لغرفة الملابس مبدله بعجل ..
حاسه بجفاف ريقها متحدر خاطرها اكثر انها هالمره بتاخذ هالسم وهي تدري وتعرف !! وتدرك !! ممشاها الي تمشيه !!
رفعت يدها تشوف طرف الخدش !! خذت مناديل .. مبتديه تحك المكان وكل مكان منتببه ماتبي تخدش جلدها بس فيها حكه ودافع انها تحك هالجلد .. تأوهت .. بتوهان .. منهييه هالفعل جابره نفسها تتقدم لسريرها مغصوبه
ماتدري ماريتا كيف حطت لها بس ماتقدر تكثر مدت يدها ساحبه الكيس برهبه وعين مستبرقه ..حركت اناملها بعجل ساحبه حبه ومذوبتها بغرشة مويه .. وشاربتها .. بزفرة نفس متشابك .. أبعدت المويه ماسحه مبسمها .
سمعت حس الباب استاقفت .. راميه الغرشه بسلة المهملات . ومتقدمه بتشوفه ..
ترقبته يجنب عصاته .. ويشيل شماغه وعقاله ... معلقهم ثم ابتدا يفتح ازرار ثوبه العلويه .. جت عينه بعينها .. نطق بفكر مشغول
-تولمتي ؟!
تساندت على طرف المدخل
-أي جاهزه؟! الوليد اذا بتنشغل مع سمور عادي سعد يجي ياخذني !!
انهت كلامها وهو مقبل وبيمر من جنبها ..
قبض يدها .. ساحبها منحني ومحتظن جيدها .. داس راسه بمنحنى رقبتها بلعت ريقها رافعه يدينها تتلمس ظهره ..ناطق بهمس ومستنشق برشتها بتوهان واضح مستقصد
-ياخذك سعد ليه !!! وانا موجود ؟!!!!
رفعت يدا اكثر غارسه اطراف يدها بشعره واليد الثانيه على مستمله على اكتافه ..
-عشان اريح لك !! تأخذ وقتك مع سمر !!! رحمتها زين بتغير جوهها ومابي اععطلكم؟!!
نطق ببحة حس وهو يدفن مبسمه خلف اذنها .. وبجانب منابت شعرها الخلفيه مشدد احتظانه ولمها لجيده
-حتى !! الاشباء البسيطه الي يبي يسويها الرجال لمرته تبين تحرميني منها؟!!!
قطبت هدبت عينها
-لا انت فاهم قصدي بس تتشره عالفاضي !!
رد بهادي الحس
-لا انا مانيب فاهم شي!!! انا تعباااان!!!
رطبت شفتها .. هامسه
-سلامتك من التعب !! ضقت من سلطان صح؟!! ..
ماجاها رد. تابعت هامسه وهي تحتظنه اكثر
-طيب وش بتسوي ؟!
-بضمك !!
تبسمت بحنو
-الوليييد صدق اسالك وش بتسوي معه؟!
نطق بثبات الصوت ..وهو يسحب انفاس ويرجع يدفن مبسمه بمنحنى عنقها ببطء
-لاتساليني عن شي نجلا !! اذا دخلت من هالباب وجيتك لاتساليني !!
همست برحمه عارمه ..
-طيب .. تامر ...
-نجلا؟!
-همم
-عادي تأخرين روحتك لاخوانك شوي ؟؟؟
قطبت هدب عينها .. متلمسه اكتافه .. ومتراجعه تدور عينه
-ليه وش فيك ؟! تعبان مره؟!
تلاقت نواظرهم
رفعت كفها .. لجبينه
-عليك حراره؟!
قطب هدب عينه ببسمه منتبه لشذى ريح حناها
همس بخفه
-تحنينتي ؟!!!
استشرقت نظرتها .. ساحبه يدها ..
-ايه توني غاسلته قبل شوي ؟! راح القديم وجددته !!
استاقف متلمس كفها ورافعه يستنشقه ..
نطق بحشرجة مجهده و ثابته ورغبه عارمه تتجدد معها دوم
-وتسالين ليه تعبان؟!!! انتي علتي !! انتي ساس البلا كله !!
ترقبته برهبة شعور .. ونبض يعتلي ..
ابعد يدها وعينه بعينها ..
همست بحنو نظره
-وش تبي طيب ؟!
اسودت سوادة نواظره وهو يترقب مبسمها وعينها المستلسمه .. له بوطاعيه ..وناطق بهادي الحس ..
-ابيك ...انتي !!
رفع هدب عينه يشرح نفسه الضايجه
- مضغوط ..احس بخاطري ضايق !!
تبسم باستغواء شاقي مجهد وعينه لها
-ماودك توسعين خاطري شوي ؟! اذا مانيب ثقل عليك !!؟رفعت اناملها ماسحه تقطيبة هدبه المرسوم ..بلمسه حانيه ..ثم
تبسمت مستمهله نواظرها بعمق سواد عينه وبياضها المتخالط بالاحمرار..

رفعت نفسها اكثر .. لاثمه ذقنه ثم قرب مبسمه .. مستمهله ترقبه ونظرته لها المزداده رغبه واحتياج ..
ناطق لها
-اذا بتسحبين وتبين الروحه من الحين ابعدي عني !!
ضيقت نواظرها مترقبه اكثر نظرته لها .. تبسمت
هامسه
-لأ !!! ابي أوسع خاطرك .. وابيك بعد !!
قربت اكثر لاثمه مبسمه .. بخفه .. حاسه باشتداد يدينه حواليها شددت من حظن جيده لها ..
-لاتطلب مني !!! اذا جيتني مره ثانيه خذ ولاتشاور !!! تعال ابي اضمك انا ..!!
انهت منطوقها ضامته بعمق عمق روحها ولايكفي !! مستشعره لمسات يدينه المستملكه .. تركت
.. نفسها له وبين يديه وتحت امره ..استسلمت له واندمجت بسمو ورقي شفافيتها متضاده مع ضيقته الي ضاجت بروحه .. وغلبتها كما دايم .. مب قال لها عقب قربها يلاقي السكون والراحه مب علمها انها النور والموده والرحمه والطريق القويم الصحيح ؟؟!!!!!

.................................................. .......................

[قال الزهر آآآه]

جده
فيلا ابن عامر
-مافي مافي رد عجزت ادق !!!! اول عالاقل يرد علينا الحين ابد!!!
-بسمه خلينا نكلم الوليد !!
التفتت لها بسمه ممتنعه بنظراتها رافعه يدها
-لااااا اشواق الوليد قال بجي خلاص اجل ابثره كل شوي ؟! اهله بعد لهم حق !! وبكره رمضان !!!
تنفست بحجشرجه ساكته .. مبعده نواظرها .. ثم همست
-رمضان !!! وامي مب فيه ؟!!!!!! انتي متخيله؟!!!؟؟
ترقبتهم ام عمار .. بضيق رحوم غطت قدرها وتقدمت
-اشبكم يابنات استهدوا بالله !! الديار دي بعيده يمكن النت عطلان !!!؟ او جوالو خرب !!
هزت اشواق راسها
-أي انا أقوله بعد بس بسوم تهوجس واجد ؟!!
تبسمت لها ام عمار
-شوفوا اش رايكم اسوي حشوة السمبموسه ونحشي من بدري وتحشو معايا برا !!!
اشر رايك يابسمه؟؟؟
التفتت لها بسمه ببسمه جانبيه ماوصلت لعينها
-طيب !!
ترقبتها وتابعت
-اشغلناك خالتي فاتن عن بيتك وابوعمار ؟!!
-اخس عليكي يابنتي اش دا الكلام !!! ازعل منكم وربي
شريفه وعفاف ذحين جايين راحوا يجهزوا الجلسه برا !!
-زين يعطيهم العافيه !!
التفتت بسمه لاشواق. رافعه اصبعها
-اشواق انتبهي تكلمين الوليد من وراي !!! هالمرهراسمعي شوري فهمتي ؟! هو دام وعدني يجي يرمض معنا كم يوم خلاص !! ننتظر !!
هزتراشواق راسها بصمت
-طيب !! خلاص وسعي صدرك انتي انا اشتق اذا شفتك ضايقه اختف بسمه ؟!!!
تبسمت لها واقفه
-لاتخافين يعني وش بيصير اكثر من الي صار !! بتتطلق امي من ابوي ونرتاح !!!
تراكت اشواق بتفكير يضايق .. ياكيف كلامهم سهل عن الطلاق لا ويتمنونه بعد !!!
جت عينها على طهر اختها الين اختفت من الباب وهي تلف .. استاقفت تشوف ام عمار وش عندها .. قربت لها تساعدها
-خالتي فاتن ؟! تتوقعين فيه بنات زينا يتمنون طلاق أهلهم ؟
معقوله فيه ؟؟
التفتت لها فاتن تاركه تقطيع البصل
-الدنيا يابنتي فيها ياما مصايب وبلاوي بس ربك ساتر !! لو ربي يفتح علينا حنشوف العجب العجاب !!!..

[قال الزهر آآآه]

هزت راسها بتأكيد لها وحس حاني
-ياما ازواج تفرقوا يابنتي الدنيا مليانه ..وبينهم أولاد وبنات كبروا وتعلموا وكمان اتجوزوا!! وعاشوا حياه مستقره مختلفه عن أهلهم !!
هتفت اشواق
-صدق خاله فاتن؟! يستقرون العيال؟!!
هزت راسها بتأكيد وبسمه حانيه
-ايوه يابنتي !! هوا توافيق من الله !! وكمان من الساس الطيب !!
ارخت اشواق نواظرها بخيبه راده
-ووووين الساس الطيب فينا ياخاله!؟
ارتهب شعورها وقت حست بيدين اموعمارالحانيه تلمص مكان نبض قلبها منتببه لصغرها واثر الجد والكرف فيها رفعت راسها مستمعه
-هينا الساس يابنتي !!! قلب الانسان الطيب هو الساس !! المؤمن الكيس هو الساس والاساس يابننتي ؟!! هوا البني ادام انهخلق واختار امو وابوه!!!! طبعا لا !! أساس الانسان قلبه الطيب والي يخاف الله ويراعيه !! وانتم ماشاء الله تبارك الله قلوبكم اصفى من اللبن الأبيض!!
رجفت شفة اشواق بعبره
-يووه خالتي فاتن !!
هزت راسها بتاكيد باسم اكثر
-ايوه ايوه !! حفكرك بكره تحكيني عن حلاوة حياتك وسعادتك مع جوزك !! وشقاوة ولادك !! همن امنعك انا تضربيهم !!! سامعه يابت!!
ضحكت اشواق بروح عامره امل وضي ساكن من حس وكلام ام عمار ..
سحبت امرعمار يدها
-وي يابنتي زفرتك بريحة البصله !!
تمسكت اشواق بيدها مانعتها
-لاتقولين كيذا خالتي فاتن!!
قربت يدها لاثمتها
-انتي مثل امي وش احنا بدونك بهالايام علميني !!
سمعو تصفيق .. التفتوا الا بعفاف وشريفه مستضحكات
-الله الله شوشو اش بتعملي ؟؟! اشبك يابت جالسه تقنعي بامي على ايش بالضبط!!!
جت تسحب ام عمار يدها وعينها مستبرقه بدمع خفيف
تمسكت بها اشواق هاتفه لهم
-كنت أقول لها ان احنا بدونها ماكنا نعرف وش نسوي هالايام !!
رفعت ام عمار يدها تمسك اكتاف اشواق ..
نطقت شريفه ببسمه
-وي عليكي يااشواق بكيتي ماما !!
قربت عفاف .. هاتفه
-اش بكم جوكم قلب رومنسي !!!!
صفقت بحس ضاح ك وبعبره
-حيوانه ياشواق دايما أقول انا عفشه !!! شوفي عيني بكيتني !!!!
فتحت شريفه عينها ضاحكه
-كدابه من البصل شوفو الداهيه جايه جنب البصل تتبكبك!!!!
ضحكوا جميع .. ووقتها اقبلت بسمه ... عليهم
-يله يله يابنات خلونا نبدا شغلنا ونرتب سفرة اول يوم !!! قوام قوام لازم نتشارك !! التعاون يجيب البركه هيا قوامي يبناتي !!!
تعالى حس منصور صارخ
-اوووومي !!!!! اومممممي !!!!
التفتوا جميع باستهجان
-اشبك منصور !!
-منصور حدبحك وربي فجعت قلبي اش فيييييي!!!!!
دخل بعين تتبارق هاتف
-قوام تعالو ابويا جاب اللحمه كتييييير كتييييييرررر !!! اومي اش صار قالوا رمضان؟!!!
تحركت عفاف مندفعه رافعه يدها
وربي دبح !!!! الصراخ دا عشان لحمه يافقري !!!
ركض صارخ وهي وراه وحس ضحكاتهم متبادي ... مبتدين يدي بيد يجهزون للشهر الفضيل اجمل استقبال .... رغم كل ضيقه الا ان تواجد بعض الأرواح الزكيه العطوف تعتبر رحمه عظيمه لايستهان بها ورزق من الله اعظم ...
.................................................. ............................
احد الشقق السكنيه ..
استاقفت .. مخلصه ترتيبها للأغراض ... قفلت اخر شنطه .. سمعت حس صالحه
-خلاص ياعنود جهزتي ؟!!
التفتت لها العنود
-اييي خلصت !! يزيد وينه اجل ؟!
-بغرفتوا كمان هوا خلص !! كم حتجلسي هيناك؟!
هزت العنود اكتافها بلاعلم
-مادري والله ماعندي خبر !! شدت صالحه مبسمها متقدمه لها
-وسعي خاطرك خلاص ماقصرتي كنتي باره بابوكي !! الله يرحمو دحين جا وقت ولدك هوا بحاجتك اكثر دحينا!!! وعين العقل الي عمليته!!! الولد لازم يربى عند ابوه!!!ومع ابوه!!
ناظرتها العنود رافعه يدها مبعده خصلها .. تاركتها تتكلم باريحيه أساسا هي ماتعرف الخوافي ابد !! لو تدري انها هاجه من ابوه ورايحه للي مب ابوه ولايعرق له بعرق واحد !!!
-الله يسهل الأمور !! الحين اجازتي خذتها لمدة ست شهور قالو بربع راتب ورافقت !! لين اشوف وضعي هيناك هل بيعجبني او ارجع بعد لهالبيت!!
-اعوذوا بالله ان شاء الله تنبسطي الله يوالف مابين قلوبكم !!
ترقبتها بتركيز اكثر ونطقت بهمس
-انتي تحوبيه يالعنود !! واضح عليكي !! انا ماكنت اعرف انكم انفصلتم !! ودحين راحعينراجعين احسب بس زعل بسيط !! عمرك ماحكيتني ومالومك حياتك الخاصه !! بس ابغا انصحك نصيحة اخت!!
تعالي اجلسي هيا
تقدمت .. العنود .. وهي حاسه بضيق وشعور غريب مجتمع داخل صدرها وساكن وسط هالعضله المرجفه بثبات متزعزع...
مدت صالحه يدها ماكسه كف العنود..
-اسمعي ياصاحبتي .. انتي ذحين حرمه لوحدك وقررتي ترجعي لجووزك وأبو ولدك ودا احسن خيار !! قرارك في مكانوا وباين عليكي تحوبيه!! ماقصرتي في ابوكي وجا وقتك انتي وولدك عيشي حياتك يالعنود !! غيري نفسك ونفسيتك البسي زاهي واضحكي يكفيكي هم يابنت الناس!! ابوك راح لربو الكريم اكرم منك ومني ومن لناس اجمع !! مكتوبو ويومو!! اسعي لسعادتك يالعنود محد راح ينفعك!!
طول ماهي تنطق كانت العنود شارده بفكر ثاني ومستمعه بصمت ووقت نطقت قالت بحس هامس
-بس هو متزوج!!!!
-وي ؟ ويعني؟! ازا متزوج؟! خير وبركه يكون لكي يوم ترتاحي من غلبة الرجال!!! وتحبي نفسك فيه وتخرجي وتنبسطي !!! اخلقي لك عالم ياعنود وخليه هو شريك بعالمك دا!!! هل انتي روحتي ضربتيه على ايدوا قلتي رجعني!!؟
هزت العنود راسها رافعه عينها
لا ماقلتي خلاص يابنتي استهدي بالله وتوكلي نصيحه مني اصحك تجيبي طاري مرتو او تساليه عنها خليه يدخل بيتك يعيش حياه تانيه انسي انو متزوج ولاتفكريه !!! ازا جاكي استقبليه بمحبه وازا راح خلاص بكيفوا!!
شدت اكثر على يدها هامسه ببسمه حانبيه
-وانتي ماشاء الله تنطقي الصخر تبارك الله وربي خودي كلامي رجع عشان مو قادر ينسىاكي !!! لاتستقلي نفسك!!! بالله اوقفي وشوفي نفسك بالمرايا!!! ولاتنسي الي حفيت رجولهم يتقدموا وترفضيهم !!! خلاص عيشي عيشي ياعنود دام جا حبيب قلبك اكسبيه وحوبيه دا حلالك !!
تبادت نظرات العنود .. برهبه وشعور جديد مبتدي يستضاح .. نبهتها صالحه على شي مهم صدقت فيه.. هي بين جنس النسا فتنه وقبل تعرف شلون استجذبته دون الجميع !! هو معها استمر !! وعطته من روحها الكثير رجف قلبها مستذكره وجوده حواليها ومعها .. رغم صمته هي فهمته وعرفت ان داخله موجوع لو مانطق !! ويمكن لو علمته عن ييزيد من البدايه كان استمر معها وأصبحت هي مكانها الحين !! كان اندفاعه لها هي !!
-عنوووود !!! تسمعيني!!! فين روحتي ؟!
التفتت لها ببسمه
-صادقه صالحه!!! والله صادقه !! هو زوجي بيكون يحق لي صالحه أعيش معه حياه كريمه بعيدا عن حياته الثانيه صح من حقي صالحه صح!!
-ايوه ايوه من حقك يابت دا شرع ربنا اشبك روحي وتستتي واسعدي واسعديه!! انتي زكيه وقادره تجذبيه لكي بدون ماتظلمي احد !!! خليه يدور حظنك ومكانك !!! خليه بطيب اصلك يرتاح ينام بفررشتك !! الرجل في الوقت ذا ودايما أساسا زي الطفل الصغير الشقي يحتاج حنان وحلم وصبر !! مو هو جاكي أخيرا!!! ادعي ربي واحسني نيتك ولاتظلمي احد !! عنود حبيبي ترا من حقك حيكون جوزك على شرع الله الي حتسويه عشان تستميله لكي بدون ماتِأآذي احد مباح ومن حقك!!! وماشاء الله يبان من كلام يزيد عنو انو كويس ومهندم وقادر !!
هزت العنود راسها
-أي مابه عيب صالحه كل شي فيه ربي خلاه كامل !!
هزت صالحه راسها ببسمه ماماكره قارصه يد العنود
-وعين الرضا عن كل عيب كليله
هزت واسها اكثر بنظره محتده وضاحكه
-ولكن عين السخط تبدي المساويا
تبسمت العنود ناطقه بهادي الحس
-ماعمري شفته بعين السخط ابد!!! من عرفته حبيته وماكرهته!!
-وييييييي عليكي يابنتي شوقتيني اشوفو ماعندك لو صوره؟!
التفتت لها هاتفه
-عندي .. لحظه اجيبها !!
ثواني ورجعت من غرفتها بشنطة يدها
اول ماحلست قتحتها مطلعه بوكها وفاكته وساحبه صوره
تأملتها بحبور ونظره عاشقه
-شوفيه ؟!
مدت صالحه يدها رافعه هدب عينها
-ماشاء الله تبارك الله يالعنود !!! اش دااااا ؟؟؟؟ يابت اش داااا؟؟؟؟ هيبه يابنتي يحرق شيطانك!!! هو الي زي دا يتساب !!!! عينك في ركبك يابنت!!؟؟ ولا ايه!؟ ماتشوفي ؟! كيف سبتيه دا !!!؟؟سبحان الله مافيلو شبه من ولده ابدا!! يديد يمكن شيه ابوكي صح!!
خذت الصوره تتأملها ..هازه راسها مازلت تتذكر يوم تصوريها لها وكيف صورته بدون يدري وقتها كان جايها ببدله رسميه كحليه .. ماخذها من جامعتها .. نزل يشتري غرض وأول مااقبل صورته بكمرا الجامعه والي فيها تطبيق مشروعها وتستخدمها له!! كانت اسعد لحظه لها لانها قدرت تصوره مثل ماتشوفها عينه دايم منفرد هيبه ومرجله وحظور !!
-هو تركني صالحه مب انا!! كنت غلطانه غلط كبير ورفض يسامحني !! عيا يتنازل!!
-ودحين اهو جا وقدم تنازلات كمان شوفي كيف حجز لكي وزبط كل امورك بالشغل !! الرجال دا شاركي ياعنود وربي مانسيكي وقولي صالحه ماقالت!!
تنفست بامل جديد لا موجديد هو موجود من عرفته أساسا كان منزوي !! ووقت قرر يرحع يدخل حياتها وبالحلا من جديد رجع يستشرق ويستنير !! هي تحب بعد وقلبها يحق له يحب بتطلب الله يلين خاطره عليها ويعطيها من عمره لو ربع يومه راضيه بس يكون فيه !!!
استعلت نغمة جوالها ارتبكت مبعده الصوره
-هينا هينا جوالك خودي !! خلاص جا وقت الوداع ياصحبتي !!
مدت يدها ماخذه جوالها شافت رقم مشعل ودت بعجل هادي
-نعم
-ام يزيد جاهزين نحرك ؟! الطياره جاهزه معنا وقت معين حاجزين مسار الطيران لوقت محدد!!
-ايه خالصين خلهم يرقون ياخذون الأغراض !!
-ابشري طال عمرك الحين !
هتفت اول ماقفلت
-يزززززديد يله بنمشي الرياض !! انزل لاستاذ مشعل !!!
تنفست بربكه وعين صالحه تترقبها بفرحه
-تنفسي تنفسي يخرب بيتك مالومك وربي !!
هتفت العنود ضاحكه
-اذكري الله يابنت !!!
-ماشاء الله عيني عليكي بارده تتهني فيه يارب الله يسخره قادر ياكريم ويوشفك ياعنود اجمل الحريم !!! واكملهم يارب !!

يتبع على هذا الرابط

https://www.rewity.com/forum/t441838-1119.html

[قال الزهر آآآه]

فيلا ندى
صالون المعيشه
-حتى بنادي بنات اختي !!! وفضحتيني عندهم!!!
رفعت هدب عينها باستخفاف
-مالهم لزمه تبين بعد يكسرون راسي!!!!؟؟؟ تمادوا بنات خالتي !!! راحت وفلتتهم علينا!!!
-انشبي البندري وانكتمي!!!! فيك قل احترام يفشل!!! انا ماربيتك كيذا وش حاصل وراك انهبلتي!!!!؟
-امي حبيبتي لو لاحظتي هم الي تهجموا علي انا بس عطيتهم الحقايق ماكذبت عليهم !!!! هذا ابوهم وهذا واقعه !!! امي تكفييييين ورجااااء كبير اذا بنفتح موضوعهم ترا برقا غرفتي !!!! هم حتى قطعوا الهامي وربي !!! عاجزه ارسم أي شي أي شي منهم !!!
-لاتعليق يالبندري !!! انا مصدومه فيك !! ماعندك كرامه ابد كيف تتعلقين فيه وهو رافضك !!! لا والادهى انك تلومينه بعد !!!
فتحت البندري عينها برجفة فك وضيق
-اميييي!!!! تكفيييين تكفيييين لاتجيبين طاريه !!! مب تبيني انسى!!! خلوني انسى لاتذكروني فيه !!! انا انفجرت صدق فيهم بس ذا كله ضغط ورا ضغط متجمع!!!! ليش كل شوي اشوف بعيونك تلوميني !!!! وخواتي مثلك تدخل الوحده تبلق عينها فيني كني قاتله لهم احد !!! ليش يحسسوني اني عقبه بطريقهم وانتي معهم!!!
زفرت ندى بقل صبر
-لاتحاولين البندري معد ينفع استعطافك ذا انتي كبرتي لازم تتغيرين للافضل مو الاسوء !!! هذاني اعلمك واحذرك لعاد تطرين الوليد ونجلا بالشينه ولااختي ولا بناتها !!! بكره ان قالو رمضان بروح افطر معهم وانتي خلك نفري الناس منك !!!
ابرقت نظرات البندري لها هاتفه بعتب
-هذا وانتي امي !!!! تقولين لي كيذا!!
رفعت ندى يدها بقل حيله
-وش اسوي بك احترت بك بنتي احترت!!!!! فاض صبري معك !!! وش تبين اسوي انتظر تجيبين لي مصيبه وتحطين اللوم عالوليد !!! الي مب يمك ابد!!!
ارتجف فكها بضوجان ماده يدها ضاغطه زر بكرسيها ومتحركه هاربه من وجع هالكلام الي صدمتها أمها فيه !! يفكرون بتستلم ابدن!!! موضوعه بالنسبه لها اثبات وجود !!! معد تبي الا تثبت صدق حدسها اختياره فاشل وقلبه يوم عشق ماعشق الا اضعف روح !!! لاهي مثلها ولا طرفها !! وش تعرف من الألم والوجع !!!؟؟هالصغيره الببزر!!!
........................................

الرياض ..
قصر صخرآل جلمود ...
-مانزل لكم ؟!
-ابد ماشفناه ولاجا طرف جناح امي !!!
ترقبتها رنا بحنيه وصدمه اربكت شعورها
-سكتتي ياسمر كتمتي نفسك مع كل هالضرب !!! ؟؟
عين سمر على جهازها تنتظر الوليد بس يدق عليها زي ماقال ..
-أي سكتت !!!
رفعت عينها لرنا
-رنا الي شفناه وعشناه مع امي شوي !؟؟؟! تبين ترجع بسبب هالمبلي سلطان!!!! تخيلي الوليد يقول مبتلا!!! لاسبه ولاذمه ولاقال فيه كلمه شينه!!! قال ادعي له !!!
شدت مبسمها حاسه بعبره مشحونه بصدرها
-مب طبيعي سلطان الي شفته وجاني مب اخوي !!!؟ شخص ثاني حاقد وكاره عيونه تنطق شر!!! لا وضارب واحد يشتغل عند الوليد !!
شهقت رنا .. باستنكار
-احلفي بالله!!!
-الوليد علمني !!! لا ويقول وش تبين مني تبين اطلع من البيت عشانه!!؟
يالببييييييه ياخوي يالبببيه !!! انا مب نادمه ابدا اني قلتها بوجه ابد!!!! ماسكتت قلت الي بخاطري !!! حتى لو ضربني !!!
زفرت رنا تناظر ملامحها
-الحين تونا ارتحنا من الاثار وجت اشد منها وش بنسوي بهالوجه!!!
هزت سمر اكتافها
-الله يخلي المكياج ويسعد الي سواه!!
ترقبتها رنا برحمه راده بسمتها لها حتى وهي ضايجه تبتسم وتدور المزوح
-طيب وين بتروحون الحين؟!
-بنودي نجلا المزرعه وبعدها مدري وين بيوديني!!
تلمست طرف طرحتها الدانتيل باناملها ساليه وناطقه بهادي الحس
-رنا!؟ يازين حظن الوليد !!... اذا ضمني احس بشعور غريب تجيني الصيحه مره!! شفتي لمن تحسين باعتزاز وفخر !؟ ويجيك شعور يرفرف بصدرك زي كيذا !!! خاصه ان جاك هالحظن عقب قهر !!
حسيت بأمااااااان اخوي قوي بعد الله لي أخاف !!؟ ليش اضيق وذا اخوي رنا!!!؟
رفعت راسها متلاقيه نواظرهم ..
-ادري سمر !! وجود الوليد امان بعد الله!! عزوه اخونا عزوه !! صح تحسين انك تتقلبين اذا شفتي او سمعتي شي يوذيه!؟
هزت سمر راسها
-اييييي هو ذا قسم ان يفور دمي يفوووور وهو يتعمد يقلل منه!! بس ماعطيته مجال!!!
تبادى حس جوال رنا ارتبكت رافعته اول ماشافت رقم رانيا استكانت ناسيه انها عطتها رقمها الجديد توقعته زناد ..
-مييين؟!
استاقفت ناطقه
-وحده من صديقاتي!! بكلمها انا بغرفتي !!
لفت لسمر ..
-اذا طلعتي علميني عشان انزل لامي تحسبك راقده وتحسبني احني نجول مريتها منسدحه كانت!!
هزت راسها موافقه ثم هتفت
-رنا تهقين بكره رمضان !!!
ردت رنا بعجل
-هلا لحظه شوي بس !!
كتمت الصوت وضيقت نواظرها لسمر بحس لعوب
-والله من أفعال سلطان اليوم ماهقيت اخبر الشياطن تصفد ليلة رمضان!!
ضحكت سمر متدرج حسها .. وفجأه حست بوجع فكها
-احححححح وجعني أي بالله شياطينه صدقتي اجل بكره مب رمضان!!!
ضحكت لها رنا
-يله طالعه وسعي خاطرك لاتضيقين كل شي ينحل !!
-طيب !!
ترقبتها الين سمعت حس باب جناحها .. متباديه نظراتها .. بسكون تفكر وتعيد ذاكرتها كلام الوليد معها .. رغم زين منطوقه الا ان فيها ضيقه استعرت سخونه تطغى وتحاوط اجفانها زقرت رافعه يدها ماسحه دموعها بسرعه ..
-الله يردك له ردا جميل ياسلطان!!! انا تضربني !!! ؟؟ يووه يابوي لو عشت وشفت !!؟
نشقت بالعه غصتها بضيق ومتنفسه بعمق تطرد دموعها وتشتت النفس ..

.......
(جناح رنا
-الحين مافهمت بتروحين لها انتي ؟!
-أي بتطمن بس رانيا لو اشوفها من بعيد لاتنسين كانت قريبه مني !!؟
-لا مانسيت والله اني راحمتها قسم بالله بس وش بيدنا!!؟ هي تتحمل اغلاطها للأسف !! والله يارنا لو تشوفين جو البيت كئيب مره مره!! ماكن رمضان مقبل ! عميمه تصيح نسمع نياحها باليل تصيح من قلب مقهوووره على الجوهره!!
شدت رنا مبسمها بضيق
-وعمي ؟!
-ياروحي روحه عمي يحزن بعد رنا تحسينه مغلوب بقهر !! لو تشوفينه كيف يمشي محني ظهره يارببببي يعور القلب رنا مره!!!
خذلته عمه حصه وقهرته!!
-عمتي وبنتها خذلونا كلنا رانيا كلنا!! لو انا مشيت وتبعت الجوهره باشياء كثير كان انا مكانها ومعها !!
سمعت تنهيده من رانيا
-اشوى تراني من قبل اشوف فيكم اختلاف ماتتماشون رنا !!
-ييسر الله أيام!!!! راحت !!! وش بقولك ؟ عمتي شكت بشي؟!
-لا قلت لها بزورها بيوديني خالد؟!
قطبت هدب عينها باهتمام
-يوه وان سالت خالد!!
-بتصرف انا لاتشيلين هم!
-ياضعيف ياخالد نكبناه رانيا ماعلمك؟!
-على موضوع شغالتكم؟! الا قالي الله يعين عاتبه الوليد وضاق خلقه والله!!!
-والله ماقصدنا شي يضره بس عاد جت كيذا!! عسى ماتلاجد مع الوليد بقوه؟!
-لا بس عاتبه بمحبه يعني خالد يعز الوليد مره ترا هو وسعود مايسمعون فيه!! اما صالح من وين لوين يجي خبرك دراسه!!
-زين طمنيتني حرصي خالد بس هاه لاتجيبين طاريي ثم يروح يعلم الوليد كل شي !!
ضحكت رانيا بخفه
-لا وش دعوه بتصرف لايهمك انتبهي لنفسك اهم شي !! وان قدرتي سلميني عليها !!
-ابشري يله سلمي على امك والجميع مع السلامه
-مع السلامه
سكرت منها متنفسه بهدووء .. تفكر .. ترقبت جهازها نجلا محذرتها تدق منه وصتها ترسل المعلومات لحوال شيهانه من جهاز زناد !!
ابتدت تكتب التفاصيل لها .. ماتقدر تخاطر وتقابلهم فوق بيكشفها الوليد في شوي !!
ضغطت ارسال وتساندت .. عينها عالفراغ قدامها .. دق جوالها رفعته تحسب شيهانه الا رقم مهره.. استجلست بارتباك..
تترقب الشاشه بغباء تم يرن رفعته منتبهه لشرودها بالوقت الغلط
-هلا!!
-السلام عليكم مرت اخوي الحلوه!!
تبسمت ببسمه وصدمه خفيفه
-هلا وغلا! وعليكم السلام !!
-اخبارك ياحلو؟! والوالده واختك؟!
-الحمد الله بخيييير انتي اخبارك والبنات وخالتي ؟
-الحمد الله طيبين قلت ماترد على رسايلي خل ادق عليها ؟!!
-متى ارسلتي ؟ مانتبهت والله!! المعذره
سمعت ضحكتها
-مالومك والله اكيد زناد ماخذ وقتك تلقينه مب مخليك تفتشين الجوال من زحمة الوقت!! الله يسعدكم !! ماعلينا دقيت ابي اعرف التفاصيل الي تبينها بالزواج .. والقاعه الي تبينها وشهي ؟! عطيني كل الي تبينه وترغبينه؟!
سكتت رنا بصدمه رافعه هدب عينها
-م..ادري مافكرت؟!
-بذمتك رنا!!! الزواج ثالث العيد !!!
ياربي منكم يعني متى !؟ هو حط العلم عندنا وقال تفاهمي مع رنا والي تبيه يصير سووه!! وانتي تقولين مافكرتي!!؟ رنوششش؟؟؟ لايكون ماحددتي الموعد معه؟! ترا اعرف اخوي ان بغا الشي ماشاور !!
-لااا متفقين قايل لي بس لهيت مهره بتجهيزات رمضان واستقبلنا اخوي ومرته من السفر !!
-اييي المزيونه ضي نوره؟! يالبيها اخبارها ! والحمد الله على سلامتهم !
-طيبه ماعليها بخير !
-خذتو ضي نوره واحنا خذنا عيون مهره!!
ضيقت رنا هدب عينها بقل فهم
-عيون مهره مين انتي؟!
-يوه رنا وش بك انتي انتي عيون مهره امك!!! انتي خذتي من زين امك واجد ماشاء الله !! الله يطول بعمرها
تبسمت رنا برهبه منتشيه لطاري أمها
-امييين يارب
-المهم ماعلينا أتوقع بكره مب رمضان الين الحين الراصدين مااعلنوا شوفي الللليه اللليله الله يرضا عليك لاتردين على زناد ابدا سوي انك راقده وقرري واختاري وش تبين من الى عشان ابي انجز رنوش رمضان عباده مابي اضيع وقتي وعندي بعد تجهيزات العيد عيدنا كبير مره حموووله !!
فهمتي ؟! امانه بالله لاتردين خل ينزل علينا تحت تدرين مانشوفه ابد يجي عالفجر !! منهد ويرقد! اليوم طنشي حبيبك خل نشوفه وحشنا!!
ردت رنا مستجلسه ..
-طيب مهره ابشري !!
هنفت بهمس
-لايكون زعلتي مني ! ادري بثره انا !!
ضحكت بخفه
-لالا والله اقولها من صدق !!
-زييييين الله يبشرك بالي يسرك ويرضيك يامرت الحبيب الغالي !!
-طولت عليك بسكر وراي اشغال لليل !! سلمي عالجميع وبوسي لي امك قولي من سميتك هالبوسه!!
-طيب تبشرين سلمي على خالتي والبنات!!
-اه رنا يازين هالرد تبشرررين !!! ابشري يوصل ماتبين أوصل السلام لأحد ثاني ؟؟؟. واحد الليله بتطنشينه وبتسوين نفسك نايمه!؟
ضحكت رنا بهادي الحس
-لا مب لزوم!! وصليه لعمي عبدالرحمن بعد !!
-تم يوصل !! يله فمان الله!!
-مع السلامه ..
قفلت منها رافعه هدي عينها ومنسدحه على سريرها عينها عالسقف .. تراودت بها الأفكار .. وين يروح ذا ؟! اجل يرجع الفجر !!!؟
تحركت طارده التفكير فيه مناغشها قلبها يحدد الأخ ويعلمهم وبعد يخطط ويجهز من صدقه ناوي يحجرها بالبيت ويخلصون اشغالها هم ؟! مب صاحي مب صاحي !!؟ )