آخر 10 مشاركات
|
| |||||||||||||
| مشاهدة نتائج الإستطلاع: تمنياتكم لنهاية خذني بقايا جروح؟؟؟ | |||
| نهايه سعيده ؟؟ |     | 1,310 | 95.83% |
| نهايه حزينه؟؟ |    | 57 | 4.17% |
| المصوتون: 1367. أنت لم تصوت في هذا الإستطلاع | |||
 |
| | LinkBack | أدوات الموضوع | انواع عرض الموضوع |
19-09-21, 10:21 AM
| #11801 | ||||
 
|  ترقب بدر .. مسير السياره ... مقطب هدب عينه ... التفت لامه بقلق ..مستمع لهمسها .. -يالله سترك يالله يالله سترك !!!.. ياولدي وش هالطرقات؟؟هو وين رايح ؟؟؟ هذي مب طرقات بيوت !!! شد مبسمه ... محني يده جنب كرسيه متلمس عجرة خشب .. محتفظ بها !!.. رجع يسوق ... بتوتر ... وهو يشدد يده عالدركسون ... التفتت له امه.. -هو بيسرقها يابدر !!! كلم الشرطه لاتروح لحالك ياولدي !!! مانعرف من معه !!!؟؟ نطق بحس يزبد وعينه عالسياره قده انتبه لعراك المره والسايق ... بس ماحب يخوف امه .. -يخسى !! تعالى حس جوالها ... -ذيتا ابوك الحين !!!.. -لاتردين يمه بيخاف اسكتي عنه !!! -انتظرت لين سكر ..ثم التفتت له .. -خل اكلم الرقم الي دقت عليه ياولدي وش رايك .. ادق ؟؟ وياظني انها صادقه !!! نطق وهو متوجس ... -دقي يمه دقي ..!!! ابتدت تضغط اتصال ... انتظرت الين انتهى الخط ... همست بضيق - مايرد مايرد !! ثواني الا تعالت نغمتها .. هتفت ..لولدها .. -بدر هذا الرقم ؟؟؟ الي دقت منه !!!.. -هاتي عاجلته راده هي ... -الو !!؟؟ من انت ؟؟؟ -أي أي انا داقتن عليك انت الوليد ؟ !! أي أي انا لقيت بنتن بالامل جايبها اخوها تقول بكلم رجلي !!! دقينا مارديت طلعنا وهي طلعت هجت عن اخوها !!!..لحقناها ..راكبتن مع سياره ..لحالها ... الله حسيبه بيسرقها انت رجلها ؟؟ هتف بدر ... -هاتي يمه هاتي ..الله يصلحك !!! خذا الجوال منها وهي تنطق .. -رجلها ذيا رجلها يالله ان تستر يالله يالله تستر كللم الشرطه البنت مسروقه ياولدي ..!! -الو نعم !! أي احنا لاحقينها ... وراها احنا ابشر بسعدك ابشر .. تعرف .. (؟؟؟؟؟) شكله متوجه له ... أي خابر خابر ... نوع السياره ... (؟؟؟؟؟) لونها ... (.؟؟؟؟) مرت ثانية صمت .. -والله ماتركها والله !! ابشر ابشر . يارجال والله مايصيبها شي !! قفل منه .. وحس امه ... يدعي .. -يالله سلم يالله ذا رجلها ؟؟ -ايه ايه يمه !!! جاي ورانا بيبلغ عالسياره !! حسبي الله لععنة الله على شيطانك يالخسيس !!! -يالله تحفظها يالله وينه رايبح ياولدي !!! -بيوديها لخلا اكيد بيستفرد بها لعنة الله عليه الفاجر الكلب !!!!طمع بها الداشر !!! -ياويل قلبي ويلاه لا تروح عنك السياره ياولدي لاتروح اسرع اعجل اعجل !!! نطق بتوتر .. -يمه انا ماشي وراه لاتوترينن !!! ؟؟ دق جوالها من جديد .. مد يده خذاه ..شاف نفس الرقم ... -ايه وراهم لايهمك الكلب متوجه للخلا !!!..انت وينك ؟؟؟؟ .................................................. ................................. قبل بوقت .. مجمع الامل ... استند سعد يترقب مدخل دورة المياه ... متنهد .. بقل صبر ..تقدم طاق الباب ..مره ثانيه .. -نجلا ؟؟؟ نجول ؟؟؟نجلاااااا ؟؟؟؟؟ دق الباب .. فتحت العامله بمكنستها .. -فيه حرمه جوا ؟؟؟ اختي انا ؟؟؟ كان هينا !! -مافي هيا اطلع سوا هرمه !!!! -حرمه ؟؟؟ -ممكن روح هيناك استراحه !! التفت بتوتر .. -وين ؟؟ هيناك .. تركها بعجل بخطوات مرتعده .. هاتف باسمها من ورى الحاجز .. -نجلا ؟؟؟ !!!..نجلا !!!!نجلا !!!!! تلقفت عينه سواد العبايات المتواجده مافيه الا كم وحده وده يدخل .. هتف .. بحس سائل .. -ياجماعة الخير اختي نجلا عندكم ؟؟؟ يمكن مغمى عليها ؟؟؟ سمع ردود .. -مابه احد !!! هتف حس ثاني .. -ادخل تعال شف ... دخلا بلا شعور وعين مرتعبه تبحث عن زولها .. -نجلا !!!! نجلا ؟؟؟؟؟ نجول ؟؟؟ ياخوك وينك ؟؟؟؟ نجلا !!.. وقف بعين شاخصه وباحثه ... طلع بعجل ... ناشف ريقه ... يدور وينادي بالممرات .. -نجلااااااا .... نجول ؟؟؟ نجلا !!!! قرب من ممرضين .. -اختي اختي ماشفتوها دخلت معي قبل شوي جبتها للحمام !!!!؟؟ -لا والله ..!!ماشفنا احد !!! -الا شفتها الي جت معك ؟؟ -ايه ايه .. -طلعت للاستراحه ومعها ام كبيره ماسكتها بيدها مب أمها هي ؟؟ هتف بصوت خايف ... ورعب داخل روحه .. -أمنا ماتت مالنا ام !!!! وين راحوا ؟؟وين ؟؟ اشرت له الممرضه -للاستراحه ... هز راسه ... مبتعد ..ينادي بحس عالي .. -نجلاااااااا .... نجوووول ... جاه صوت ثاني .. -يمكن طلعت اسال حراس الامن !!!! تقدم بلا شعور ... خطواته تاخذه لكل مكان .... عينه تايهه بخوف ..مامعها جوال ولاشنطتها حتى ولااثباتاها ولا شي وينها ؟؟؟ تقدم لحارس الامن .. -لوسمحت اختي انا داخل معها انت شفتنا قبل شوي .. -مب انا انا توني مستلم !! متى جيتو أي وقت !! -قبل شوي شوف مسجل اسمي عندك .. -عطني الاسم .. -سعد بن غازي ال مجفل .. !!.. ترقبت عينه ... وروحه وقلبه ونبضه .. ومسامعه كل حرف .. - لحظه اكلم الي قبلي انتظر .. -الووو خالد دخل قبل شوي واحد اسمه سعد ال مجفل اخر ناس كتن معه وحده صح مالقاها شفتها طلعت !؟؟ قطب هدب عينه بترقب ... -طيب طيب .. -مانتبه يقول طلعوا حرمتين ورجال بنشوف الكميرات تعالي ياخوي ... لف سعد ... برهبه داخل له ... متوجه يم التسجيلات دق جواله ... سبحه بلاشعور شاف رقم نايف ... صمته وعينه يم الشاشه ..وحارس الامن يعيد ... التسجيل .. جمدت أنفاسها وهو يشوفها ... تطلع ... -هذي هي !!!!هذي هي !!!هذي اختي شلون طلعت مانتبهتوا!!!!!!!.. مريضه اختي مريضه !!!تراجع ...راكض باقوى ماعنده.... هاتف يناديها ووراه حارس الامن .. -نجلااااااااا !!!!! .... نجوووول امشي ياخوك لاتخافين !!!!! -بنسال البوابه الي برا استهد بالله ...!! كن ماخليتها دايم يهجون المدمنين قبل يدخلونهم !!! التف براسه وعينه تترقب المكان يمكن رجعت للسياره راح لها مالقها .. توجه للبوابه ... راكض ... وقبله لقى حارس الامن ... شافهم منحنين على شاشه .. وواحد ينطق .. -شفها ركبت مع هالسياره !!!؟.. قرب سعد جامده أنفاسه ... يترقبها ..التفت له حارس الامن .. -تعرف راعي السياراه ؟؟؟؟.. قرب من الشاشه ... حاس بنبضه بيوقف ... راحت نجول مع مين ؟؟ -لا ماعرفه .. نطق الثاني .. وقف يوم شافها عالشرع تنتظر احد او تكسي او لموزين نادر هالشارع يمر فيه لموزينات !!.. ناظرهم سعد ..ناطق ..برعب .. -اختي ماتدل الشوارع مرييضه !! مامعها جوال !! -بلغ الشرطه قدم بلاغ الحين !!!! وقف حاس بجفاف ..متذكر حالتها وبكاها ... دق جواله من جديد ... رفعه هالمره راد .. -ناااايف نجلا !!! نجلا طلعت من الامل !! -انت وينك ياسعد انا بالمجمع ؟؟ -انا عند البوابه وشلك فيني اقفل ببلغ الشرطه معي رقم السياره !! صرخ نايف .. -هالكلب سارق اختك للخلا !!!!! الوليد وراها امش اطلع اطلع !!!!!انا بالشارع !! طلع سعد وهم يهتفون وراه .. -تعال ياخوي بلغ ؟؟؟ -وراه راح ؟؟؟ يمكن لقوها !!!!حاله والله مصايب !!! -الله يستر علينا ياكثرهم مفترض منتبه لها يارجال تلقاها كلمت لها احدن تعرفه وراحت !! -لاتدخل بذمتك يارجال الظليمه شينه واحنا رمضان !!!! -استغفر لله العظيم .... خلنا منهم .. تسحرت او بتتسحر متأخر ؟؟ -خلاص ساعه ونتسحر لانبطي عشان يمدي نهضم .. خل التسجيلات بيطلبونها اكيد !! -أي بتنحفظ هي صلا !!!.. تباد خطوات سعد بلاشعور وبلافكر ماقدامه الا خوف نجلا ..وكلام نايف ... شاف سيارة نايف اول ماشافه قربت منه السياره... دخل بعجل ..ومشت السياره ... نطق نايف بعصبيه صارخ .. -انت وش هببت ياسعد !!!! وش سويت اختك ركبت مع كلبن اجرب طمع بها !!! جمدت انفاس سعد ... وعينه عليه .. -وينها ؟؟وينها الحين !؟ ضرب نايف الدركسون ... وهو يسرع بممشاه ... -معه الكلب فيه ناس لاحقينه متواصلين مع الوليد !!! انت وش حديتها عليه ياسعد !!جايبها للامل للامل !!!!!!!؟؟؟ -كلمه كلم الوليد شوف وينها ؟؟؟ مسكوه او لا ؟؟ -ردعلي ماعليك من الوليد لو تهمك كان كلمته وتفاهمت معه !!!مب تهج وتتصرف من راسك هي بعد مرته ياعسد !!!!! صرخ سعد باحساس مستنكر .. -مرته ذي اختي !!!! اختي يانايف اختي !!!! انت تدري عن حالها !!! مغير عما قلبك بهالدراهم وانا قلعني جيزان !!!! نجلا مدمنه !!! تتعاطى وهو يسقيها من هالسم وانتم ولاهينا !!!!انا شفت وسمعت كل شي انت وينك ؟؟؟وينك ؟؟؟؟؟ لاتقول ولاكلمه لي !!!! وش عرفك انت بالي احسه !!!! نجلا ياما انظلمت منك !!! مره ومرتين وثلاث !!! حتى يوم اجيكم بشوفتها للكلب الثاني !! انت بفسك سعيت لهالنسب الي ايشرف اختي ان ضاعت انت معهم سبب !!! ترقبه نايف طول ماهو يصرخ ويتكلم باندفاه منصدم من كلامه وليه ينصدم هو بعد مرعوب عليها وومصدوم من هالاخبار المفجعه الصادمه لهم !!! استمسك الدركسون .. رافع جواله ... داق عالوليد .. -الووو وينك يالوليد وصلتوا لها ؟؟؟ جايكم انا جاي !! قفل حاذف جواله .. -وصلوا لها ؟؟؟؟ انطق نايقف لاتهبل بي !! صرخ نايف بقل حيله -لا !!!! لااا!!!! الله يستر الله يستر !!! -والله لاذبح من يلمسها والله لانحره بيديني !!! شد نايف مبسمه .. مضطرم فيه شعاع الضيق ... ورعب .. متخيل بس ان اخته تنلمس من قذر اشتدت مسكه ضاغط عالبنزين متعدي السرعه حتى ..وصارخ بعجز .. -اااااااااااااااااااه ا ااااااااااااااه !!! شد سعد مبسمه بقبضة يدينه ...... وعينه تسلك هالطريق المظلم الي تمشيه سيارتهم .. نجلا ؟؟؟؟ خذاها هينا ؟؟؟؟ وش حالها الحين ... قالت خايفه ... كررت وعادت !!وماسمع انحنى ضارب راسه ..وشاده بين رجوله .. بحسرة رعب مهين قابض على انفاسهم ..الاثنين واه ياكره وخوف ورعب الشعور الي يعيشونهالاثنين وصدمتهم كلهم لو ماكانت بنفس الوقت .. | ||||
|  |
|
19-09-21, 10:40 AM
| #11802 | ||||
| قبل بوقت ... سيارة الوليد ... سكر من نايف ... مستشعر اضطرام أنفاسه ... محتده نواظره ... مترقب الشارع ... ومسير السيارا ت ... غضب مكتسي كل فكره .. هالمره مب جيزان لا المره بيسجنه صدق وبيمنع سفره !!!!هالجاهل المتسرع !!! نطق آمر ...بحس نافر ... -اعجل تحرك بسرعه ...!!!زيد اسرعه زييييد !!! -زحمه الشوارع طال عمرك ليلة رمضان !!؟ احتدت نظراته زود ... رجع لجهازه تبع التتبع ... يتابع مسار تتبع جوالها..شد مبسمه ... يغضب ... متنفس بصعوبه ... اعتلى حس جواله شاف رقم سعد رفعه بعجل ... ناطق بشرار الغيض ... محاول يكبت حس صدره الصارخ ..وناطق بصوت آمر ..زاخم بكل ..مشاعر الوعيد .. والترصد ... -سعد لاتتهور واسمع مني !! نجلا وينها !!!؟؟ وصله الرد ... الحامق -نجلا معي يالوليد بوديها اعالجها .. خلاص كلمتهم وبيستقبلونا الحين !! غمض الوليد عينه ثانيه ثم رفعها قابض على صبره بيد من حديد .. نطق بحس آمر مرعد .. محاول يضغط على نفسه وماينفعل .. معه .. -اسمعني!!!؟ لاتسويها انت تضر نفسيتها !! انا بحجز لها وخالص ومتفق معها ومعلمها !! وصله حس سعد المتباعد الواثق -انا ابخص لاتعلمني وش يضر اختي وايش الي مايضرها !!!وخلاص أساسا هي ..موافقه تدخل المركز!! بتدخل الامل !!!صح ياخوك ؟؟ شد مبسمه بترقب لسماع صوتها وحسها ... متعالي نبض قلبه .. زود وزود وزود عاجله سعد راد بضيق .. -ماتبي ترد عليك !!... خلاص يالوليد الين هينا ووقف !! انا تحاديت معك قبل وصار الي انا مب خايف منه ؟؟ لا صار الأعظم !!! انا بوديها .. وبدخلها الليله اوراقها بقدر اجبرك تجيبها اذا اثبتت انها اختي ومب صعبه اثبت !!!لاتصعبها !! اذا انت فعلا تقدرها خلها تتعالج !!.. طول ماهو يتكلم ... وباله وسمعه ينتظر حسها هي ... يبي يسمعها خايفه اكيد خايفه ومتشتته .. هالغبي بيضرها مب نافعها !!! قاطعه.. متجاهل كل كلامه ..كله .. ومنادي اسمها ..وبس .. -نجلا !!!..؟؟ ترقب صوتها ... رجفت نظرته وهو يسمع شهقاتها ..وحس بكاها ... اشتدت يدينه لمبتدى ظهر عروقه ..معتليه فيه كل شرارت الغضب .. النافره والي بتشق صدره شق وقت سمع حسها تنطق .. -انا...اسسسسفه .... اسفه والله اسفه .. قفل جواله .. شاده بين يديه ... كان لازم يقفله لجل ماتسمع الي كان وده يقوله لسعد وتخاف زود ... !! عارف وداري ومتاكد خايفه !! نبض عرق اسفل رقبته بلاشعور متسارع بعجل ... معد حس حتى بالعرق .. من قوة غضب روحه هالمره ... ترك جهازه مبتدي .. يتواصل مع الدكاتره الي قابلهم بمجمع الامل ... ترقب يرد عليه واحد فيهم بيستفسر منه ..!!! فقط يبي يسال !!! يبي يترقبونها بدون يمسونها بشي ... يبي يحتوون خوفها لين يوصلهم ... رد عليه واحد ورا الثاني تم يناقشهم بحذر واستفسار ..قاطعه اتصال اكثر من مره بس تجاهله ... بالعاني ... الي يسويه اهم من كل شي ... ومن الجميع والعالم اجمع .... مرت لحظات اكثر من الدقايق ... والثواني .. قفل .... مستمسك جهازه بحمق متساند على كفه بملامح مكفهره .. كل الظنون جت بباله وراسه حالتها وتحديه له هالمره بقواة باس .. وقل تصرف صاحي ... تعالت نغمة جواله .. شاف رقم ام سلطان ..تجاهلها .. مجبر وهو يشد جبينه ... انعاد حس جواله من جديد ... رفعه شاف رقم سمر ... رفعه ..راد .. -وش تبين سمر ؟؟ -هاه وش صار لقيت نجلا !! -لقيتها بجيبها واجيكم سكري مانيب فاضي !! -طيب ترجعون بالسلامه يارب !!! قفل منها ... مفكر بضيق ... كاره بعمق ..هالزحمه المتوقعه من أساس .. هم طالعين من احياء مزحومه ..الي مهديه انه تواصل معهم واتفق .. ان كان سعد يفكر انه مايقدر يطلعها فهو غلطان يقدر ويقدر ويقدر !! استند بصمت ... متذكر حسها وهي تتأسف منه .. غمض عينه .. بغضب .. منه شلون اجبرها ؟ وكيف طلعت معه من أساس !!!هتف صوت بروحه .. -يمكن هي راحت صدق ؟؟ وعلمته ؟؟ وانفعل ؟؟ يمكن صارحته !!؟؟ قاطع أفكاره نغمة جهازه ... ارخى راسه يشوفه شاف الرقم ضيق نواظره ... متضاربه هواجسه مب فاضي .. يكلم احد ... رفعه جا بيرد انقطع الاتصال ... شد مبسمه ضاغط عالرقم ... بقل صبر .. رافعه .. لمسامعه ... رد عليه صوت حرمه ... -الو !!؟؟ من انت ؟؟؟ .................................................. ................................. بعد بوقت ... وعقب تم التواصل الوليد .. هتفت ام بدر ... -ياولدي بيروح !! بيدخل ذا داخل !!!! الشرطه وينها ؟؟وين امن الطرق يابدر !!! عجل بدر بالسرعه ... بيحاده ...وهو ينطق .. - والله مايدخل يام بدر !!!! -لاتسرع ياولدي ... !!! - ان دخل يمه مصيبه!!..تلقينه جامع له احد بحاده !!!.. رجلها قريب !!! دعس بنزين ... مسرع .... منتبهه عينه برهبه للدوريات من وراه ...وظهورهم ... هتف براحه .. -جت الدوريه !!!! جاك الموت ياتارك الصلاه !!!! جاك الموت يالعربيد يالكلب !!!! ابتدت أصوات سيارتين دوريه تعتلي ... تمشي معهم بسرعه محايده .... مستاضحه ..هتفت ام بدر .. -يالله استر لاتسرع يابدر يالله سلم ... ضحك بدر وعينه عالسياره والدوريات تتعداه وحس عالي من الميكرفون ..يصدح .. -جنب السياره يالتاهو !!!! قطب هدب عينه .. -وراهم يوقفونا احنا ... !!!! -بتوقف ؟؟؟ هذاهم يلحقون السياره الي قدام !!!يلحقونها !!!؟؟ شفهم يلحقونها ... شد مبسمه فاتح الشباك ناطق بصراخ ... -معه بنتن سارقها يبي يخطفها !!!! معه بنت بنت !!!!!!!!! هز راسه له العسكري الي بالدوريه ... فاهم وعارف من قبل ينطق ... عاجله راد .. -احنا بنتولاه هد السرعه يالتاهو ... هد هد ...!!! قالها له وتعداه تابع سيارة الدوريه الثانيه وسط مسير السيارات مانعينه يدخل أي مدخل . مظلم ... محادينه من الجهتين ... خفف بدر السرعه ... -يمه هاتي جوالك ... خذاه داق على رقم الوليد .. -الوووه .... وصلت له الشرطه .... !!!!!وينك ماشوفك !! قالها ملتفت .... لسياره متعديته ..تطرق له بواري ... بنتلي ... .. مستبرقه بمسيرها .... متوجههه ... للدوريات الي جنبت .... -ذولا أهلها يمه هذا رجلها !!!! الي روح !!! ترقبتهم ام بدر ... برهبه .. -يالله ان تحفظها يالله .... يارب استرنا بسترك .... استاقف بدر وهو يشوف راعي البنتلي ينزل اول ماستاقفت سيارته ... شاف العساكر يطلعون السايق من السياره .وراعي البنتلي يتوجه للباب الخلفي .. صارخ بامر ينفتح له ... فتح الباب وهي ثواني الا لف .. حوالين السياره .. متوجه للسايق تاله من يدينهم .... هتف بحماس..غاضب - والله ماخليه له لحاله !!!! فتح الباب ..ساحب عجرته معه صرخت امه تناديه .. -الشرطه يامهبوووول !!! يابدر ... سكت حسها وهي تشوف هالرجال الي نزل ومن نزل وهو يجلد بالسايق ... والعسكر يبون يمسكونه وولدها متوجه له ..من الجهه الثانيه ... هتفت برعب .. -يالله سترك ... اطرفت بعينها يم ... السياره والبنت الي فيها ... فتحت بابها نازله ... بلاشعور ..رافعه عباته فوق راسها ... متوجهه جهة البنت .. انتبهت لصوت فرامل سياره ... توقف واثنين زود يطلعون في لحظه صار تجمع ... وسيارت وبوااري تصدح بالراس ... وحس صارخ ... مستشيط .... واصوات متعاليه ... تهتف ... بلا هواده ..وبتتابع ... -يابن الحلال فكه من يدك !!البنت بخير !!!سلمت سلمت !!!! -صل على النبي يرجال !!!! الي معه سالمه مالمسها الكلب !! هتف حس ثاني ... -الشرطه بتاخذه بيأدبونه !!! تبادى حسه المرتعد ...الصارخ ... مهيب ... متنافر .. ومتراعد ...بغضب جامح .. تسرمد بصدره لوقت طويل حيل طويل ..قنبله ..من الغضب ..وانفجرت .. بلاهواده ...بايع معها كل ادراك وعقل ... وفهم ..ومرحب بجنونه المحتبس جيده بلا رحمه \ / \ / انتهى البارت قد مسهُ الوهن حتى رأسهُ اشنعلت فامنن إلهي على الملكوم بالفرجِ | ||||
|
| |
|
19-09-21, 10:52 AM
| #11804 | ||||
 
| 🤕🤕🤕🤕🤕🥺🥺🥺🥺🥺🥺🥺🥺🥺🤭🤭🤭🤭🤭🤭🤭🤭🤭 اقسم بالله بارت يحبس الانفاس صدق تعبت وانا احدث الصفحة عشان ينزل البارت الله يسامحك ياقال اجرمتي فيني اليوم والله اني لسى مانمت من امس واعصابي فلتت 😂😂😂😂نفسي متسارع كاني كنت معهم في المطاردة😂😂😪😮💨😪😮💨😪 😮💨😮💨😮💨تعبت وربي خليني اريح شوي ولي عودة للتعليق😞😮💨😮💨😮💨😪 🥱😴مادري كيف انام وانا جسمي كله يرجف من الخوف على نجلا🥺🥺 | ||||
|
| |
|
19-09-21, 10:54 AM
| #11805 | ||||
| اعصااااااااااااابي مشدوووووووده من الموقف كل شيء ورى بعض خوف رعب تشتت سعيدان الله لايسعدك كانك نكبت اختك وحطيتها في موقف هي في غنى عنه بتصرفك الارعن هدمت مابناه الوليد الله ياخذك الله ياخذك لاحسن تصرف ولا عندك علم صرت عسكري عرفت تشخص المدمنيين اختك ادمانهاغير لا احد يقول لاتلومينه اخته وديت اختك في ستين داهيه ارعبتها وخوفتها واجبرتها الله ياخذك دايم تصرفاته همجيه ماعنده تركد للامور 😭😭😭😭😭😭😭😭😭 | ||||
|
| |
|
19-09-21, 11:03 AM
| #11806 | ||||
| يالله ويش هالقفلة الخطيرة قال ويش بصبرني على الاسبوع الجاي والله سعيدان سو مشكله كبيرة دايم يفهم غلط ومتسرع حسيتي نفسي وياهم في المطاردة متحمس ابغى اشوف موقف نجلا اذا شافت الوليد وسعدونايف مسكينة نجلا فضحه سعيدان وهذا ماتبغى احد يدري كل العلى والملا بيدرون وسبب اخوها وف | ||||
|
| |
|
19-09-21, 11:04 AM
| #11807 | ||||
| -يابن الحلال فكه من يدك !!البنت بخير !!!سلمت سلمت !!!! -صل على النبي يرجال !!!! الي معه سالمه مالمسها الكلب !! هتف حس ثاني ... -الشرطه بتاخذه بيأدبونه !!! تبادى حسه المرتعد ...الصارخ ... مهيب ... متنافر .. ومتراعد ...بغضب جامح .. تسرمد بصدره لوقت طويل حيل طويل ..قنبله ..من الغضب ..وانفجرت .. بلاهواده ...بايع معها كل ادراك وعقل ... وفهم ..ومرحب بجنونه المحتبس جيده بلا رحمه .…………… قال لها قبل ان جاك شي بنجن قال لها قبل انا مثل القنبله اي شي بيصيبك او ينهيك بتنفجر هالقنبله وهذا هي انفجرت😭😭😭😭😭😭😭😭😭😭😭😭😭 مشحوووووووووون كااااااااتم وكابت ومتحمل كل شيء عشانها ضااااااغط على نفسه بكل ما أوتي من قوه وعشانها 😭😭😭😭😭😭😭😭😭😭😭 انفجر غضبه على السواق وليت يلتفت لسعيدان يعطيه حقه سعيداااان حده على اقصاه الله يقصف عمره ////////////////////////////////// بناااات مريتو بنفس شعوري توتر شد اعصاب بردوة اطراف حسيت اني معهم من قمة توترهم وخوفهم شعووووووور لايوصف ابد ابد مهما كتبت عنه | ||||
|
| |
|
19-09-21, 11:06 AM
| #11808 | ||||
| الله عليك وعلى اناملك الذهبيه يا مبدعه يا قال اعصابي مشدودة وانا اقرا وعيوني في ترقب لكل حدث ، ودي نجلا تصير احسن وودي سعد يتفهم الوليد وبخاطري يكون كابوس او حلم ويصحى منه الابطال ليوم جديد مشرق ، لكن هيهاااات هيهااات وتبقى اعصابنا على نار للبارت القادم .. الاحداث كلها حماسية ، وقلوبنا ضعيفه هشه لا تتحمل كل هذا يا اخت قال ، يعطيك العافيه على البارت الجمييييل رغم انه مليئ بالالم ، مليئ بالحزن ، لكنه لذيذ لقلوبنا أن نرى حروفك وكلماتك تعانق بصرنا بكل شغف وترقب .. اوعدينا ببارت يفرحنا في اللقاء القادم ، بارت مليئ بالامل والسعاده ، كلنا أمل فيك ، دمتي بخير وحفظك الله واحبابك بكل سعاده وعافيه . | ||||
|
| |
|
19-09-21, 11:10 AM
| #11810 | ||||||
| آآآآآه يا ربي وش ذا السباق اللي دخلناه من الصبح!!!! جسمي عورني من القراءة بس ماراثون انصبت عظامي وعضيت لساني مليون ألف مرة فار دمي فااااااااار عيوني بغت تطلع من مكانها وكل شوي نقزت وأنا أحدث الصفحة الحمدلله الحمدلله الحمدلله القفلة هالمرة ردتهم لبعضهم مثل العادة وإلا والله العظيم كان بتصير لي حاجة شكرا شكرا شكرا زهر على هالقفلة الله لا يغير علينا وبكل نهاية جزء تجمعينهم كذا ما تتخيلين لمعة عيوني ورجفة يدي وانا اشوفه واصلها بالأخير قلبي بغى يوقف الله يسعد قلبك بالخير مثل ما أبهجتينا الله يصب عليك الرضا والعافية بدون مقياس ولا عدد الله يجبر بخاطرك مثل ما بردتي خواطرنا يا رب يا كريم يا رب طبعًا كل اللي صار بكوم والعنود وهي تدعي بالتسخير بكوم ثانية قطع الله ذاك الوجه الودر اللي ما دل للزين طريق اه يا من يمسكني إياها! يا زين من محطها بالنعال ولا خلا فيها عظم صاحي ليتها منسدحة جنب ذا السواق ومتوليهم الوليد ناقصين عاهات احنا لا سلمنا من المهبولات قبلها ولا من اللي محسوبين علينا صاحيات ماني ناقصتها الخسيسة هي ومراهقتها على كبر قال ابشر قال .. جعلنا نتباشر بفرقاك لا عاد اشوفها داعية بالسعادة مع الوليد وإلا أسلم لنا ولها نشوفها ميتة أبطالنا بكبرهم يتامى ما على ولدها شر عقبها بيعيش طبيعي ما ينحسب تعليق ولي رجعة بإذن الله والحمدلله على السلامة جميعًا حضن جماعي لكم وحدة وحدة اليوم نُعتبر سَلمنا من دوامة | ||||||
|
| |
|
| أدوات الموضوع | |
| انواع عرض الموضوع | |
|
|
73007Likes
العرض العادي
