وخُلقتِ مِن ضِلعي الأعوجُا=خذني بقايا جروح ارجوك داويني * مميزة *

[قال الزهر آآآه]

-سعد موجود بتفاهم معه لاتشيلين هم !!! انتي لاتشيلين هم ابد !!! روحي لبيتنا وانتظريني اذا جيت تكملنا وسولفنا وقتها قولي كل الي بخاطرك!!
هزت راسها .. بتعب متسانده بجيدها عالمرتبه .. استاقف وعينه عليها قده ضاغط على رجله ومبتديه توجعه خاصه الي تعرج !! غير وجع راسه الي يدك بعروقه دك .. تنفس ببطء وعينه عليها مرخيه عينها .. سمع حسها الهامس
-الوليد ؟!
مسك الباب منحني مرخي راسه مقطب نواظره
-نعم نجلا!
ناظرته بسكون يعاكس ضوجان الخوف الي مازال يتملكها مب مرتاحه الين تدخل بيتهم وتشوفه بعد معها .. نطقت بهدووء ساكن وباهت
-انا معد اثق في أي احد!!! الا انت!!! بس انت!!!
احتنت نطرته من منطوقها الجزل المهيب لروحه وادراكه
وكن شراينه تتمازج مع موية نهر عذب تتبارى وتتسابق لجل تطفي شرار غضبه الي يجيش بصدره
ابتسم بسمه جانبيه ناطق بثبات رغم ضوجان فكره
-هالشعور متبادل نجلا! مثلك انا واحس الي تحسينه بالضبط!!
تاملت منظره .. مطرفه عينها يم الدم .. بثوبه
نطق بعجل مهاديها ومطمنها
-دم الكلب الاجرب الي فكر يطير بك !! جلدته وريض بعد !!
همست وعينها مطرفه للدوريات
-الشرططه!!
-لاتفكرين بها
قاطعه حس نايف ..
-الوليد ..نجلا اخبارها؟!
تراجع الوليد مسكر الباب وملتفت لنايف
الي تقدم … منه .. نطق له قبل حتى يعيد السوال
-نجلا انت بترجعها للبييت بيتي انا !! ولاتفتح معها أي نقاش نايف!! او حتى سؤال! انا بفهمك كل شي خل بس الم الفضايح الي سواها سعد اخوك!!!
وقف نايف بتوتر هاز راسه
-هي بخير !؟ ابي اتطمن وش الحاصل أصلا!!!؟ سعد مسكوه بياخذونه معهم ومعترض !! يتهدد بك!! ونجلا هينا مادري عنها وش صاير يالوليد !؟ ابي اعرف بشيب راسي !!؟
تقدم منه الوليد مترقبه بثبات وناطق بأمر واضح صريح
-نايف!! لاتزيد غثى هالليله !! انا بعلمك اهم شي الان نجلا سلمت من هالكلب ومن تهور اخوك الارعن!!! والله مامسكني عنه الا انه اخوكم!!! وهي تحبه !!! اقضب ارضك الله يصلحك لاتصير مثله!!! الحين ودها البيت وهاديها بكره انا بتواجه معك ونتكلم !!!
هز نايف راسه وعينه تطرف لها ..
ربت الوليد فوق كتفه ..
-ارجع بسيارتي أأمن !! سيارتك خلها ارجع لها بعدين او بخليهم يرجعونها هات مفاتيحك !!!! بروح اشوف اخوك وش مهبب !!!
أعطاه نايف المفاتيح ..عينه تاييه مابين سعد وبين الوليد وبين نجلا وجيدها المنسدح ..تحرك الوليد
متقدم فاتح الباب من جديد منحني ومحتنيه نظرته لها
-نجلا هذا نايف بيوديك وزي ماقلت لك الامور طيبه !انا بتصرف !!
هزت راسها له سائلته بهمس
-متى بتجي ؟! و
-اول ماخلص منيب مطول !! انتي روحي ارقي جناحنا وارتاحي حاولي تنامين الين اجيك!!
هزت راسها بجهد
-طيب !!
انحنى اكثر ساحب عصاته .. ثم تراجع مقفل الباب ومتوجه مع نايف للمقدمه بيسحب اجهزته
ترقبها نايف بحسره وضيق وغضب مستكن هاتف بثبات حاسس بالذنب العظيم تجاه هالبنت ورغم شعورها تجاهه الا ان عمق تأنيب روحه له كبير عيا يبرا !!
-الوليد نجلا وش وصلها لهينا!!! !!؟
التفت له الوليد
-مب قلت بشرح لك؟!! نايف تراني اثق برجاحة علقك وفهمك اختك الحين تحتاج تتطمن لاتنتكس حالتها الي فضح ببها سعد !!! انا لي كم اداري جا هو بلحظه شتت وضيع كل شي لكن الله يستر من فعوله!!
تنهد نايف وعينه عليها
-وش يقول الواحد بس!!!
-لاتقول شي انت اخبر واحد بي وانا معلمك كل شي وتدري بكل شي !!! والي صار أصلا مفترض مايطلع ومحدن يدري عنه لكن تسرع اخوك نكبنا !!..
رفع اصبعه مندد ومتابع
-وانا والله ماهمني احد الا هي !!! شفت الي صار كله لو يدرون عنه العالم اجمع مايهمني !!! نفسيتها هي الي تهمني فقط!!!!
ترقبه نايف بقل حيله .. وضيق وتشتت استيعاب .. مبتدي جهازه يدق زي كل شوي شيهانه تدق ويصمته من جديد
فتح الباب خذا اجهزته .. جت عينه عليها لقاها منسدحه احتنت نظرته ساحب جوالاته ومتراجع تارك مجال لنايف الي دخل ..
وهنف
-سلام ياوخيتي سلمتي من الشر !! يارب لك الحمد !!
همست بحشرجه بدون تنطق
شد مبسمه هاز راسه وهو ينطق وعينه عالوليد
-بوصلها يابو صخر وارجع لكم !!
-على خير ترفق بالطريق يانايف !! اذا وصلتو كلمني !! جوالها وينه؟!
-ابشر !! ماخذته مع سعد اكيد !!
هز الوليد راسه مسكر الباب مطرف بعينه لها ترقب سكونها وهي مغطيه عيونها تحت اجفانها ورموشها
تقدم بخطواته يم سيارات الدوريه المتوقفه لاحظ ان مافيه احد من المتفرجين مافيه الا سيارة بدر .. قطب هدب عينه وهو يشوفه يتقدم منه .. كان واقف مع العسكر .. قرب منه الوليد
- انت النشمي بدر ؟!الي تواصلت معي !؟
هز بدر راسه ومد يده
-هلابك أي انا بدر !!
نطق الوليد شاد يده
-كفيت ووفيت يابن الاجواد !! ماقصرت !!لا انت ولا الوالده الله يطول بعمرها ويحفظها لكم!!
-واجبنا الله يحفظك !! الناس لبعضها !! والله انها هي الي حلفت نلحقهم!!
هز الوليد راسه
-اقديت !!الله يجزاكم خير !!
-ابد الي تبيه حاظرين !!
ترقبه الوليد شاد يده وناطق بثبات
-ابي منك ماتجيب طاري الي صار حتى لهالعسكر !!! انت قلت شي ؟؟؟
-لا والله ماخذو من لساني كلمه بس يبون نروح معهم مركز الشرطه !!
هز الوليد راسه
-أي تعال مب صاير شي ان شاء الله مجرد اجرائات روتينيه وبيخلونك!! لكن طاري الي صار كله لاتقوله !!! أصلا بطلعك انا لاتشيل هم !! بارك الله فيك !! ماقصرت لا انت ولا الوالده!!
تبسم بدر مستبشر
-ماسوينا شي واجبنا ياخوي !!
-الله يجزاها خير بلغها سلامي وان شاء الله لنا تواصل بضروف افضل لكم حق !! يجود به ذا الراس !!!!
-ماتقصر يابن جلمود !! أبو مين انت !!
نطق الوليد بلا شعور ..
-أبو محمد !!
-ونعم !!
-ينعم بحالك !! حقكم موجود ووااجبكم قايم باذن الله !!
-على خير تزين الأمور ولايهمك يابومحمد!!
هز الوليد راسه ساحب يده ..
-الحقنا زي ماقالو لك انا بمشي معهم بعد !!
هز بدر راسه متراجع متهيب شعوره.. اطرف الوليد بانتباه لسيارته الي تحركت من مكانها جت عينه بعين نايف هاز راسه له ثم توجه لمناوشات سعد مع العسكر منتبه لسيارة الاسعاف والمسعفين حوالين السايق عالارض لكم تمنى يروح ويكون سبب بقبض روحه وليته يبرد جوفه بس اشغله حس سعد مع هالعسكر .. نفض مقابض يدينه متوجه بخطوات هاديه تارك ثقل رجله على عصاته وعينه عالعسكر الي استاقفو له احترام اول مانتبه لحس سعد قرب اكثر
جاره بكل قوته .. وهامس له بحس مبحوح مرتعد
-سعععدد!!! ياسعد!! النفس واصلتن حدها منك!! الغلط راكبك انت ياولد غازي !! اثبت لأدخلك بالتوقيف وبعدها والله ماتشرق لك شمس الا وانت وسط سجونك!! الي انت خابرها !!!
صرخ سعد مبعد يدينه
-اييي انت تبي تحامي عن نفسك !!! تسكر السالفه لانك اساساها !! مالفضايح الا انتم ونسبكم !!!
ترقبه الوليد بحمق .. محرك هدب عينه
-يالله الصبر يالله !!
تقدم منه رافع يده وقابض جيب صدره ساحبه..
-اركد اركد والله مارحمك من يدني الا ان اختك نجلا !! الان بتركب مع هالعسكر بدون نقاش !! لاتحدني عالشينه ياسعد!! اركب معهم انا جاي معك أساسا وبتنفاهم!!!
انحسب من يدين الوليد بحمق هامس
-منيب رايح !!! تبي توهمني انك طالع منها
التفت للعسكر
-شيلوه شيلوه هو !!!! !!! هو المتسبب بهالسم على اختي انا ابي اشكيه!! واكتب محظر !! اختي هجت عشان مدم
قبل يكمل سعد منطوقه تقدم الوليد لىبلاشعور قابض يبد وضاربه !! لجل يكتم لسانه وتهوره !! ياكم حاول يبتعد انه مايتصادم معه ؟! لكن هو يجره وحده يوصل هالمواصيل
هتف سعد بغضب
-تمد يدك!؟؟!
نطق له الوليد بتحذير
-اسكت اقضب لسانك !!لاتنطق !! ياسعد اسكت !!
وقبل يسمع منه رد
التفت الوليد للعسكر اشر لهم لسعد.. تقدمو منه قابضين يدينه وهو يصرخ بلا شعور
-امسكوه هو امسكوه هو !! انت مين !!! عشان تامرهم ياخذوني !!؟
شد الوليد مبسمه يترقبه بصمت الين اجبروه يركب السياره مكبل ثم
تقدم يم السايق وناره تعتلي اكثر واكثر متذكر اثر يدها وخوفها وزعزعة امانها شافه على سرير بينقولنه قرب اكثر واقف بطريق ممشاهم ومسك جيبه مقرب منه سائله بحس فاحم وهامس يم مسامعه
-وين كنت بتوديها !؟ تبيها ؟!!! هاه!!؟ تبيها!؟
تلمس معصم يده ضاغطه باقوى مايجهد به روحه ثم
رفع قبضة يده
معاجله بضربه مميته مهلكه بمنطقته (!!!) صدح من السايق صرخه
قرب منه المسعف

[قال الزهر آآآه]

-لو تكرمت !!!! الي تسريه غلط !! حاول تمسك نفسك !! بياخذ جزاه باذن الله!! انا مقدر وضعك بس لاتزيد الأمور وتصعبها! عليك!
انهى منطوقه له ورغم ماقال مابردت حرته ضغط معصمه جابره يلتوي ثم ضرب من جديد مكانه الحساس و
كتم أنفاسه بيده هالمره وناطق بحس مجفل هامس
-بجيك …بجيك ….انتظرني !!! ياكلب !!!
استاقف متنفس مطرف بعينه يم سياررات الدوريات والعسكري المتقدم منه ..
-بنرسل مع الإسعاف عسكري سيادة العميد !! وانت بتلحقنا؟؟
-بجي معكم !!
نطق العسكري
-طيب الي كانت مع!!!
انقطع هرجه وقت ماحتدت نواظر الوليد جهته مقاطعه
-الي كانت معه تنسى حظرتك انها كانت موجوده !! وهذا امر مني !! أي نقاش سواء منك او من العسكر الي معك بسكون لي توحه ثاني معكم !! انا اطالبكم بالسريه والا!!
هز العسكري راسه
-ابشر ابشر حاظر !!
تابع الوليد
-وجهنا لمركز ؟؟؟ وابي اسمائكم كلكم!! يله مشينا !! وش اسمك انت!!
-عادل الذبياني طال عمرك!!
هز الوليد راسه
-ونعم !! يله تقدم !!
تحركت سيارت الدوريات متتابعين .. ورى بعض .. وهو معهم .. وبدر معهم لاحقهم بسيارته
-الحين وش بيصير ياولدي ؟!
-ابد بنروح نشوف وش يبون ونتوكل ان شاء الله !!
ترقبت ام بدر مسير السيارت برهبه وهي تسبح وتستغفر ثم نطقت
-شلت الله يدينه تدري يابدر ضاربها!!!؟ ناويلن لها نيتن قشرا!!!؟ الله ارسلنا لها هالبنيه !! وانت ظنيت بها الظن الشين يامك!!! تعلم لاتحكم عالمظهر !! شفت رجلها!!!؟ والي معه!!؟ ذولا عالمن صاحيه !!
هز بدر راسه وهو مستحكم المقود
-شفتهم !! الله يتوب علي !!
-امين ياولدي كلش الا ظن السو!!!
-رجلها مب هين بعد شكله ضابط او له مركز !!
ماشاء الله تبارك الله والله انه جاد عليه بالجلد !!ولد الحرام الي مايخاف الله !!روع الضعيفه المسلمه !!
التفت مبتسم لأمه
-لكن ماقصرت ام بدر!! والله انه دعا لتس !!
هزت راسها وعينها عالطريق
-الله يحفظها لهم وحسبي الله على من تولاهم ومارحمهم!!
-امين
تبادى حس مجوالها ..
-هذا اكيد ابيّك !! عجز وهو يدق وش اقوولوه!!؟
-ردي يمه قولي مبنشر الكفر وبنوقف عند ورشه !!! اذا ضبط مشينا ومسكنا درب !!!
تنهدت وعينها عالشاشه
-بعد اخرة عمري سذوب !!!!! الله يكون بالعون !! لا وبعد ليلة رمضان!!!
تبسم بدر وهو يسمعها ترد على ابوه مطرف بعينه لها .. ومتابع طريقه تابعهم…

[قال الزهر آآآه]

…..................
قصر صخر آل جلمود
تنفست سمر بعمق حاكه مدامع عيونها بقل صبر
-ياربيه وينهم لين الحين !!! مغير يرهبون الواحد كنه ناقص!!! ذي ماترد وذا مايرد !!
سمعت حس رنا ..
-سمر!!؟ خلاص وترتيني !! مب قال بيجيبها ؟! لاتزيدينها يختي اكيد سوء فهم !!
ابعد سمر يدها ولفت لرنا هاتفه
-ماسمعتيه انتي يوم سال عنها صوته يرعد رنا!!وكنه منصدم !!
هزت رنا يدها
-تلومينه؟!! نجلا تعبانه ومحد يدري !! شلون تطلع وهي وضعها كيذا !!! وان تعبت مع اخوها وش بيصير ؟!
تساندت سمر
-مالومه لا ابد مالومه بس مدري ليه قالت علمناه!! نجلا ماتكذب يعني او يمكن ناويه تقول لاخوها رنا!؟
ممكن ترا !! مب بعيد اخوها يحق به يدري خاصه انه اقرب واحد لها ؟!
سكتت رنا تفكر شاده مبسمها اطرفت بعينها يم الاجهزه
-الحين وش بيصير مع هالي تحت؟!
-مب صاير شي ننتظر الوليد اذا قال خليهم يشتغلون سمعت كلامه!! معد اثق بأحد انا أصلا !!! اوووف تلخر الوقت متى بيجون !! وش جابك انتي عن امي ؟!
حركت اصابعها تلعب بازراز جوالها
-تصلي امي مب يمي ابد !!!
تنفست سمرواقفه عينها على رنا بترقب ...
-رنا ؟؟ معد تواصلتي مع زناد ؟؟؟
رفعت رنا راسها نافيه ..
-لا !!
قربت منها مستجلسه ومتربعه ...
-شوفي بقولك شي يقرقع بروحي لازم أقوله ... !!
-هاتي وش عنك سمروه ..!!
تمت تترقب جهازها .. مدت سمر يدها ساحبه الجهاز ..
-اتركيه عنك واسمعيني .. ! ترا كلامي الي قلته لك قبل صدق !! لاتضيعين الفرص من يدك بتفكيرك الغلط !!!!
ترقبتها رنا بهدوووء ..معاكس ضيقها من هالطاري ..
-وش تبين اسوي يعني؟؟
-رنا ؟؟ انا اقصد خفي شوي وامسحي رايك الشين فيه من عقلك !! عطي نفسك فرصه معه !! من الوقت لبساهاي سمعته ذاك اليوم احسك شاده مره وتكلمينه بطريقه غلط !!! اذا ماتبينه اطلبي منه الانفصال وخلصنا مع اني اقولك إياها تداركي وضعك معه اشوفه شخص كويس !!! انتي ماتشوفين كيف مع امي ؟؟؟؟ يختي بالعقل بالعقل هل بيضر امي ؟؟؟؟ فيك ؟؟؟؟ مستحيييييل !!! والله اني متأكده انه شاريك ويمكن اغراضك حرقها وخلص منها !!!
ناظرت اختها تفكر بصمت مرخيه نواظرها ...
-مادري سمر !! بس كل شي اشوفه غلط مابينا حوار !! كله مفقود !ادنى كلمه يطوش وارد انا !!
تحركت يدينها بلاشعور تتلمس سلسالها .. متذكره منطوقه ..ونظرته لها
وقت لبسها إياها .. شدت مبسمها مستمعه لسمر ..
-يختي اخلقي الحوار انتي ؟؟؟ انا اعلمك رنا ؟؟؟ بقولك شي بس لاتزعلين مني !! شوفي نجول ؟ شلون تفاهمت مع الوليد؟؟ امانه مايجي ببالك وضعهم ؟؟؟ وكيف قبل مستحيل يستمرون؟؟والحين شلون؟؟ خذي كل شي بركاده !!ولاتسيئين الظن والله حياتنا كلها ماخربت الا من سوء الظن يارنا !!!!الا طبعا الجوهره الحقيره كل ظني فيها صادق !!!
تبادى حس جوال سمر .. فزت من مكانها تركض رافعه جهازها ... هتفت ناطقه برهبه ..
-الولييييد !! الووو
-سمر نجلا جايتكم بالطريق انتبهوا لها مجهده حصل معها عارض وتعبت شوي
هتفت بعجل ..
-وش فيها ؟؟ وش صار ؟
-اسمعيني لين اخلص !! اول ماتجي بعلمك وش تعطينها حطي لها بالمقدار الي بقولك بدون تحس او تستشعر شي منك !!
شدت مبسمها بضيق تدري وتعرف وش يقصد يبيها تعطيها بيدها من هالسم حست باشتداد اسنانها على شفتها وهي تسمع له ..
-سمعتي ؟؟ الي قلت لك ! هي تدري انكم تدرون بس ماقالت لكم شي خليها على ماتحب ولاتسألونها تراها مجهده اول ماتدخل وتريح عطيها على طول !!
-طيب الله يأخذ الجوهره يالوليد شوف وش حدتنا عليه ؟؟؟ قمنا نعطيها إياه بيدنا !!!!
مرت ثانية صمت .. مضطرم مشحون
-سمر !! اقدر اعتمد عليك او لا ؟؟
نشقت رافعه يدها الي ترجف ماسحه دموعها وعينها على رنا ..
-ايه اكييييد !! لايهمك بسوي الي تقول !!انت متى تجي ؟
-بخلص واجيكم اذا طولت وان حصل رقت جناحنا ارقي معها سمعتي ! ولاتدققون فيها كثير او تنبهونها انكم عارفين وضعها خلوها على راحتها !!
-طيب طيب الي تبيه بيصير ! بننزل تحت ننتظرها الحين ..!
-خالتي اخبارها ؟ داقه علي مارديت !ماقدرت ارد !!
-ماعليها تصلي تحت الحين بننزل نجهز السحور !..
-ان سالت طمنوها لاتشيل هم !!
-ابشر !!
-رجعي الاجهزه للخدم وخلهم يشوفون شغلهم انا متحري عنهم خالص !
-طيب بس امي رافضه احد يطبخ تبي هي تسوي كل شي ؟؟
-خليها على راحتها ... يله مضطر اسكر منك اذا جت نجلا وعطيتيها الي وصيتك دقي علي عطيني وضعها !!
-طيب !! ابشر
قفل منها بعجل أبعدت جهازها شاده مبسها بكره ... تناظر رنا ..
-تخيلي انا بعطيها مخدرات يارنا !!! انا انا بيدي بعطيها !! لوين وصلتنا هالجوهره ؟؟
استاقفت رنا ...

[قال الزهر آآآه]

-وش يقول الوليد ؟؟
-يقول بيجون اقصد نجلا بتجي وتعبانه شوي مدري وش صار معهم مايبي نقول لها شي ابد .. ! ووصاني اعطيها من هالسم بروح اجيبه قبل تجي !!
ترقبتها رنا متنفسه بضيق وتابعتها ..
-هو هينا سمر ؟؟عندنا بالبيت .
-تخيلي !!!!! وبجناحهم ... وبتجوري الوليد !!!..
انزلي رنا لأمي انتظريني !!
-بنزل بخلي الباب مفتوح ...
-رنا ؟ الولد يقول عطو الخدم اجهزتهم خذيها بالله انتي وعطيهم بس زي ماقالت امي احنا بنجهز اكلها !!
هزت رنا راسها بصمت مترقبه دخول سمر جناح الوليد ومتراجعه هي تأخذ الاجهزه وتنزل تحت بعجل ... متنهده بضيق طارده كل شعور شين مكتنفها فيه طاري زناد ...
اول مادخلت جناح أمها لقتها جالسه ... منتهيه من صلاتها ... وتسبح وتهلل بصمت وعينها عالحرم والساحه الي متواجده بشاشة التيفي ..
-السلام عليكم .. خلصتي امي ؟
-ايه ماكلمتكم نجول ؟؟؟
قربت رنا جالسه ... شارحه لها وعينها عليها ..
-الا بتجي علم الوليد سمر يبي نستقبلها يقول تعبانه لاتقولون قدامها شي او تسالونها خلو الوضع عادي !!
تنهدت ام سلطان ناطقه بهادي الصوت وعينها يم سبحتها ..
-حسبي الله ونعم الوكيل !! يالله اني وكلتك عليهم جميع !!..
مدت رنا يدها لركبة أمها تشد عليها بخفه ..
-امين امي ...
تبسمت متابعه ..
-بتطيب ان شاء الله وتتحسن ... وترجع احسن من قبل ونخلص من هالهم ... !!..
-ان شاء الله ..
تبادت نغمة جوال رنا .. توترت لانهم ب جهازها الي بيده لا جهاز زناد الي عالطاوله قامت بخطواتها وعينها عليه رفعته تترقب الرقم ..
-مين ؟
-زناد امي !!
ناظرت أمها بتوتر وحرج ... تبسمت ام سلطان ..
- ردي يابنتي وسلمي عليه .. !..
جت ترد الا رن جرس بابهم ... توترت ملتفته من جديد ونغمتها مستمره ..
-نجول جت !؟؟؟
-ردي وروحي فكي !!!
تحركت بتوتر ..ضاغطه ..زر الرد .... وبنفس الوقت شافت سمر تتقدم بعجل .... هتفت ..
-سمر افتحي برد على زناد ... !!
هزت سمر راسها متقدمه وهي رفعت الجهاز ..
-الو
وصلها حسه الهادي ..
-السلام عليكم
-وعليكم السلام ..
-وراك ابطيتي تردين ؟
تنفست .. بتوتر وبالها مع نجلا وضايجه منه .
-كان بعيد عن الجوال ...
-اخباركم ؟ وخالتي عساها بخير..
-طيبين الحمد الله انتم اخباركم ؟؟
جاها حسه .. المعاتب ..
-اخبارنا مفترض انتي تعرفينها قبل ادق عليك !!
ارتبكت راده بتوتر .. مجهد فكرها مب ناقصه أي شد معه ولا اخذ وعطا ..
-طيب؟؟؟
-ووشهو الي طيب!!! انا اعلمك الأصول الي المفترض تعرفينها !؟؟
تنهدت .. رافعه هدب عينها ..
-انا سفه غلطانه !! بس انت نسيت انك اخر مره قلت كلامك ماراح يكون معي ولاتبي تتواصل معي وبتكلم الوليد بنفسه !!
مرت ثانية صمت ... ثم نطق ..
-ماقصدت تكلميني رنا خالص انا من طريقة تفكيرك ونظرتك للامور !!!
هتفت مقاطعته ..
-اش تقصد طيب ؟؟
-اقصد يازوجتي المصون مفترض منك دقيتي باركتي لعمك وعمتك بالشهر ! او انا غلطان ؟؟؟
شدت مبسمها متراكيه عالمدخل الي وصلت له عينها تترقب ظلام المكان .. همست راده
-لا منت غلطان اسفه معليش انشغلت شوي !!بكلمهم الحين في شي ثاني ؟؟
-وش فيك رنا ؟؟وش صاير امك بخير ؟؟؟
تنهدت بصمت .. مغمضه عينها .. وفاتحتها ..
-أي كلنا بخير مافي شي... !!..عادي ترسل لي رقم عمي ؟؟ خالتي رقمها عند امي بس هو لا !!..
رد عليها مخالف الجواب الي تبي تسمعه ..
-طلعتي مكان رنا ؟؟
جمدت نظرتها بتوتر ثم نطقت له ..
-ايه صلينا بمسجد الوليد التروايح !!..
-طبعا بدون شوري وبدون اذني انتي ماخذه سلتوح ماله كلمه وشور !!
جت تنطق الا سمعت حس سمر
-رنا !..
التفتت لها متقدمه ناحية النور مترقبه .. ملامحها وعينها ودموعها .. ارتهبت ..هاتفه
-لحظه زناد !!!
سدت السماعه وعتفت بخوف ..
-وش فيه سمر ؟
قربت سمر ..منها ..
-تخيلي نجلا صاير معها شي يروع رنا !!!!يرروع !!!
رفعت سمر يدها تسد مبسمها وتسحب انفاس ... بضيق ..
رجعت لزناد وهي تهز راسها ..
-زناد عادي بسكر مشغوله انا !!
جاها .. حسه النافر ..
-رنا انا أتكلم معك اي كان الي يشغلك مب اهم مني !! ولارديتي على كلامي وبعدين معك ؟؟
همست بحشرجه ضيق ..
-انا اسفه ... غلطت طلعت بدون اذنك وغلطت عادي تسامحني ؟؟ مب متعودتها ولانيب طالعه مكان ان شاء الله انقبر بهالبيت ولااطلع منه ابد بعد !!! ارتحت ؟؟؟ بسمع كل كلامك وبسوي الي تبي بس اعتقني انا طفشت من كل شي !!!
نشقت .. شاهقه منفجره ... فيه ... ناطقه بحس منقطع ..
-بسكر ..ممكن ؟؟؟ بعد اذنك يعني !؟؟ ولاتشيل هم بكلم اهلك واحد واحد ابارك لهم بالشهر !!! خلاص ؟؟
-وش فيك رنا ؟لاتسكرين !!..وش صاير ؟
نطقت بحمق كاره ضعفها ..قدامه ..والي اجبرها غصب يبان ..
-طفشانه منك !!! طفشت طفشت !!!! طفشانه من حياتي ومن كل شي !!!! ارتحت ؟؟؟ وش تبي مني ؟؟؟ وش تبي ؟؟ اعتقني بسوي كل شي تببيه بس اعتقني !!!!
شهقت ماسحه دموعها ...
-بسكر ..!!!
تنفست بضيق تنتظر رده ... لها ..نطقت ..بحشرجه ..غاضبه وضايجه
-زناد ؟؟بسكر انا !!
هتفت بقل حيله ..
-زناااد ؟..
أبعدت الجهاز عنها لقته مسكر ... تنفست براحه ..رافعه يدها ماسحه دموعها ..تقدمت للمغاسل تتبعها سمر ..
-وش فيكم رنا وش صار بعد ؟؟
انحنت تغسل ملامحها ... بيدنيها ..ساكبه الما البارد .. بعجل ..
-مافينا شي وش قلتي انتي ؟؟وش صاير مع نجلا ؟؟ ..
التفتت لها متسانده عالمغاسل ..والمويه تقطر من ذقنها ... سحبت مناديل بعجل .. وعينها على سمر الي تتكلم ..مقرره ماتقول شي نطقت متردده
-أي شفايفها مزرقه زي وضعي بس هي اخف شوي .. وشفت بيدها اثر .. !! تعالي شوفي بنفسك امي صرفتني
-عطيتيها دواها ..؟؟
-أي دوا ذا بالله دوا ؟؟؟ ذا سم الله ياخذك يالجوهره جعلي اشوف فيك يوم عساك ماتتهنين يارب !!!
عادت تسال بقل صبر وضيق ..
-الي هو !!!عطيتها إياه سمر ؟؟
-عند امي..شفتي مشروب الأعشاب حق امي حطيت لها فيه !
تقدمت ماشيه وسمر تتبعها ... اول ماقبلوا..عالجناح .تبادى لهم حس امهم المحتني .. جمدت رنا واقفه تناظرها .. وهي محنيه راسها بحظن امهم ... وتنشج بحس مكتوم ... التفتت لسمر ثم رجعت تلتقي بنظرات ام سلطان .. الي اشرت لهم يطلعون ..تراجعت مب قادره تسمع اكثر من صياحها ... سحبت معها سمر ... وطلعت ... من المكان ...
اول مادركت انهم بعيد ..نطقت بضيق غاضب ..
-اكرهني سمر انا اكرهني اكره ضعفي وشخصيتي الي تبعت هالكلبه !!!
ترقبتها سمر بصمت ضايق ... ناطقه ..
-رنا ترا وضع نجلا طبيعي لحالتها قريت اليوم كل شي .. نفسيا وجسديا بتتعب تحتاج منا عون !!! ..
سكتت مبعده عينها ..عن رنا ماتبي تقول لها الي سمعت ... بلعت ريقها وتابعت ..
-اهم شي انتي ادركتي غلطك صح اليوم صلت عليك بس غص عني من حرتي والله !!
شدت مبسمها ..تترقبها فعلا هي زادت عليها الضغط ...وهي أساسا مضغوطه من هالزيجه .. قربت منها ماده يدها فوق كفها المتشابك ..
-ترا والله مب قصدي اني ازيد عليك !!! ماكنت ادري عن وضعك مع زناد !! وش رايك نروح المطبخ ونجهز ؟؟ نشغل وقتنا دام امي ماتبينا معهم !!

[قال الزهر آآآه]

رفعت رنا راسها ... لها ...
-يله كود هالضيقه تروح عني ... !..
-بتروح باذن الله ... والله يارنا اني اشوف زناد مره وين !! ترا ينعرف الرجال !! انتي يمكن لانك ماتشوفين من نفس مكاني !!! كنتي مضغوطه من كل جهه !!
.................................................. ......................
قبل بوقت ...
بالسياره مع نايف ... جابره عينها تغمض بس مع كل غمضه حراره تلسع اجفانها ..ضييييقه متوسده روحها واحساس بالخذلان .. وروعه متشعبه بكامل تفاصيل فكرها ... كل ماجت تنسى تذكر اهوال اللحظات الي مرت عليها ... لو مالقاها ؟؟؟ لو مالحق ؟؟وش كان بيصير ؟؟ بتضيييع .. جت عينها يم معصمها والاثر المزرق .. شهقت ...
لافته نظر نايف الي يترقبها ... وعلى قد مايقدر ماسك نفسه حتى جواله صمته مايبي ازعاج واتصالات ...
-نجول ؟؟ عساك احسن الحين ؟؟ وش صاير لك ياخوك !؟؟
شدت مبسمها .. وهي تسمع .. له ... جمعت جمعت غصتها ثم انطلقت ..بلا حساب ... سمعته .. يهتف ..
-خلاص لاتضيقين صدرك .. مب لزوم تقولين شي ... كل شي بيتحسن !..
همست بحشرجه ..
-نايف ؟؟
-لبييييييه ياعين اخوك نايف !!
-يوم قبل !! شهقت .. ثم تابعت ..تطرد غصاتها ..الكرييهه ..
متابعه ..
-يوم امك قالت اني .... اني افتش بال..باص واخلي ... السيارا..ت تلحقنا .. ..صدقتها صدق !!!؟؟
جمد فيه النظر لمنطوقها .. الي ماتوقع .. سمع حسها المطالب ..
-قول الصدق انت وقتها ضربتني !!! كنت مصدق فيني صح !!
شدد يدينه مسكة الدركسون ... وعينه على الشوارع ...
-ايه نجلا كنت اصدقها .. !!..
-والحين ؟؟ اذا اح..
قاطعها بحس نافر ..
-لا منيب مصدق فيك شي ولاني مصدق أي احد حتى امي !!! تدرين ليش؟؟ لاني اعرفك قبل ماكنت اعرفك ياخوك !!! الحين غير وقبل غير !!....سكت محاول يهدي أنفاسه .. متماسك ..ومتشتت فكره ..تابع ..بعد ثواني من الصمت يتخلهه شهقاتها ..
-وش فيييك نجووول؟؟ علميييني ؟؟
انتبه انها تكتم أنفاسها ... بضيق ..ثم نطقت بثبات ..وحس يرتجف ..
-ابيك تقول لسعد انه خذلنني !!..علمه انه جرحني .. قول له ان الي سواه هو لحاله اكبر من الي سويته انت وامك يانايف ..!!!
انهت كلامها باهتزاز وحس ناشج .. معتلي كل جيدها ..
كتم .. منطوووقه شاد مسكة الدركسون ... وعينه ثابته يم بوابة القصر المقبل عليه ... عجز لسانه ينطق وهو يحس ان الي سمعه كثير وواجد عليه ... وش سووويت ياسعد ؟ !!
رد بعد فتره وهو يدخل من البوابه ..
-ابشري ... الي تبينه يوصل له بوصله .. بس لاتضيقين ياخوك !..هو يمكن..
قاطعته بحمق ..موجوع ..
-لاتقول شي !!!.. مابي اسمع شي ..ودني بيتي وبس!!
-وصلنا نجول وين تبين تنزلين ..
حاولت تستجلس .. وعينها تبحث اول مالمحت الانارات والاضائات ... والممر الطويل ... وجهة مدخل باب النساء ..استكانت روحها ... تمت تترقب كل شي هامسه ..
-وقفني عند باب الحريم بنزل هيناك .. !
ايتبطت السياره الين وقف ..
زحفت ..واندفع هو طاله فاتح لها الباب ..
انتبه انها تغطي يدينها عنه .. تلاقت نواظرهم .. همس برحمه..
-نجوول؟
-انا بنزل .. يعطيك العافيه ..
استاقف ويده تحاوطها من بعيد ..يخاف باي لحظه تنهار منظرها مايوحي بالثبات ابد ...
استاقفت رافعه راسها له .. مبعده نواظرها .. والرجفه تتخلل كل جيدها .. الإرهاق وكبت الخوف ..وبواقي روعتها ..موجوده ..الين الحين ..
-خلاص بقدر ادخل روح انت ...
ابتعد عن طريقها .. حاسس بالذنبن ... نطق وهو يشوفها تمشي وتتخطاه ..
-سامحيني ياخوك ..!!.. وش بيدي انا الحين عشان اكفر عن ذنوبي معك أحاول اسوي كل شي ! ..
وقفت ملتفته له قابضه بيدها ..ممسك عبايتها ..ترقبت ملامحه .. وهو يتابع ..
-ليتني من قبل كل شي وقفت لك وله انا ضيعتكم الاثنين وشتت نفسياتكم ....
سكت متلاقيه نواظرهم ..نطقت بلاشعور ..حاسه بانهلاك روحي داخلها ..وارتعاد مكتنف كامل جيدها المجهد..
-تثق برجلي ؟؟هاه نايف !تشوفه رجال ونعم ؟؟
احتزمت نظراته ..وهو يرد ..بثبات..
-ايه اثق ويسوى قبيله بعد واكثر !
ردت ناطقه .. بهدووؤ..
-هذا عوضي منك ..ثقتك فيه تخليني ماتذكر أي شي منك ضرني نايف !
جا يمد يده تراجعت رافعه يدها .. انتبه لمعصمها ..
هتفت بحرج ..

[قال الزهر آآآه]

-لاتلمسني ..انا بدخل .. تعبانه ... جيب لي جوالي واغراضي من سعد .. مابي اشوفه قول له مابي اشوفه ...
تراجعت معطيته ظهرها .. تاركته يضرب اسداس وباخماس .. وعاجز حتى يستفسر الشعور المتغلغل روحه مخليه عاجز امامها .. وكنه مازال يشوف نفسه صغير حيل قدامها ..
ترقبها الين وصلت للباب ضاغطه الجرس... تمت ثواني ... ثم انفتح الباب ودخلت ...
قبل بوقت ...
سمعت سمر حس الجرس ... تراكضت خطواتها بعجل ... انتبهت لرنا .. تكلم وتاشر لها ..تعلمها ..هزت راسها متوجهه للمدخل بعجل .. فتحت الباب بسرعه هاتفه ..ببسمه ..
-هلا نجول ...ادخلي ..
تراجعت وعينها تترقبها .. كلها .. منتبهه انها تبعد نواظرها عنها ..
سحبت غطاها نقابها .. شهقت سمر ..
-وش ذا ؟؟
رفعت نجلا يدها باستسلام ..هامس ..محاوله تبعد عبراتها .. ومتماسكه ..
-لاتسأليني سمر
هزت سمر راسها ..
-طيب طيب هاتي عبايتك.. بعلقها ...
-لا خليها عادي .. بس عطشانه سمر ابي مويه ..
شدت سمر مبسمها ..
-طيب بجيب لك ادخلي داخل .. تبين ترقين ؟ امي تحت ترا ..
هزت سمر راسها قاطعه الكلام مدركه هذرتها ..
ناظرتها نجلا ..
-خالتي قايمه ؟
-ايه ايه تعرفين امي ماترقد وبنسوي السحور الحين ..
تقدمت خطواتها .. بدون أي كلمه ...
تابعتها سمر متحركه وراها ... الين دخلت عند أمها ..
تقدمت نجلا مدركه ان سمر تتبعها .. مشت تجر رجلها وعينها تترقب المكان والزوايا ..بيتها كانت اليوم بتنحجر لحالها والحين ربي كتب لها ترجع لهم من جديد ..
اول مادخلت تبادى لها حس ام سلطان ..
-ياهلا ... ياهلا ..جيتو؟؟
تبسمت نجلا ...
-هلا خاله انا بس الوليد ماجا ...!..
بهتت نظرة ام سلطان على ملامحها المتوسمه ..
وقفت نجلا تناظرها شاده شفايفها .. منحدر دمعها الحار .. بعجل رفعت طرحتها ومسحته ..
-زلقت من درج بالممشى ..!
ترقبتها مهره بثبات حاني ..مستنطقه وهي تشوفها تتقدم ..
-الف لاباس يامي !! الف لاباس .. تعالي اجلسي .. امشي ...
وجهت كلامها لسمر ..
-سمر جيبي المخلوط حقي .. ابريق واحسبي لنجلا ..تشربين يابنتي ؟؟
استجلست نجلا .. هازه راسها ..
-ايه ..عادي ..
لاحظت ام سلطان حالتها ... برحمه انتبهت لرجفة يدها ووضعها المتضعضع ..حتى عبايتها تاركتها عليها ... نطقت سمر ..
-ابشري يمه الحين اسويه ...
تراجعت طالعه ... والتفتت ام سلطان يم نجلا ..المترقبه يدينها ..تكلمت حتى قبل تسالها ..هامسه ..
-يمه ؟؟
احتنت نظرة ام سلطان لها ..
-لبيه يابنيتي !..
رفعت راسها تناظرها ...ركزت بعمق عين ام سلطان حاوطت كل مراكن نظراتها لها .. مستنطقه ..
-انا مد منه !..
ردت ام سلطان بحاني الصوت وهي تهز راسها ..
-خابره يامي !..وبعون الله ورعايته ولطفه بتطيبين ! عوقك هين ماهوب صعيب !..
-عادي عندك ؟؟ تجلس في بيتك مدمنه زيي؟؟
تبسمت ام سلطان .. هاتفه بحنو عامر..
-ياعز مالي يامي انتي هذا بيييتك ! وهذا مطرحك ومكانك !! ان ضاقت بك الدنيا احطك وسط صديري يابنيتي !!
انحدرت دمعه ساخنه و محتبسه ..وهي تسمعها ..ثم تابعت ..
-سعد اخوي كذب علي ...! قال بوديك نشتري هديه للوليد بس وداني للامل وقال انتي مدمنه هم بيعالجونك !!..
قطبت ام سلطان هدب عينها ..وتابعت نجلا ..
-بس هربت منه ركبت سياره .
سكتت تتجمع غصاتها ..وهي تشرح .. متابعه ..بصعوبه ..وجهد ..
-ماعرفت اوصف المكان .. !!تصدقين؟؟ ..
ارخت نواظرها شابكه يدينها تتلمس خواتمها برجفه .. وخاصه خاتم امه .. تدحرجه بصمت متحشرج ..تسحبه بخفه ورجفه وترجعه ..بشويش... رفعت راسها شافت ساحة الحرم ..والطواف ..والكعبه المتوسطه وسع المكان .. وفجأه التفتت ..لها ..
-كان بيسرقني !!
سمعوا شهقه ..كانت لسمر الي جمدت عند الباب وتبادت خطواتها بهدوو ووجه مصدوم وهي تسمع لها ..
فيما بين نجلا بعيده كل البعد عن وجودها من أساس.. تابعت وعينها بعين ام سلطان .. مرتجفه شفتها ..
-هو ضربني !..
رفعت يدها المتوسمه امام نواظر ام سلطان .. ..
-هينا مسكني بعد !!..
هتفت ام سلطان ... بشتات وخوف ..
-لاحول ولاقوة الا بالله ... الله حسيبه الله حسيبه
قربت من نجلا مستجلسه ..ماسكه يدها الي سحبنها بعجل ..وهتفت بهمس..هازه راسها ..بضيق ..
-لاتسلمين انا مب نظيفه !!مب نظيفه !!..لازم اغسل نسيت بقوم الحين !
مسكت ام سلطان يدها قابضه ممعصمها وناطقه ..بثبات مرتعب وحاني ورحوم
-ارفقي بعمرك يابنتي وش صار علميني !!..

[قال الزهر آآآه]

همست بحشرجه .. غاشيها دمع تحس لونه اسود مثل سواد شعورها ..الي اجبرتها الجوهره تعيشه إحساس سقيم ممرض ...
-انا احسني مب نظيفه ..حتى داخلي شييين سعد يقول مدمنه يقولها كني انا انا الي ادمننننت !! والحين شوفي يديني !؟؟ لمسني رجال غريب عني !!..تبيني انتي ؟؟؟ لين الحين تبيييني !؟؟
-اييييه ايه...يامي ابيك شلون مابيك .. احدن يعوف ظناه يابنيتي !!انتي عطيتن وجزيتن من رب العباد !!
نشجت نجلا بحس مغلوب ..مرتعد يرتجف ..كل مافيها ...
مدت ام سلطان يدينها رغم ثقل حركتها جاذبه جيد نجلا محتظنه راسها ... الساخن .. ضمتها لدرجة حست بحراة تسعر جبينها وكن جافوخ راسها يبخ من حر مايونس هالفكر وهالعقل ..
مسدت ام سلطان بكفوف يدها جبين نجلا..وراسها ..
-جعل من ضرك يشل ربي يدينه !!ياجعل من ضرك يابنت غازي من ردا لردا !؟؟؟
نشجت نجلا دافنه راسها بحظن ام سلطان مستسلمه .. بدون اعتراض ...
-بسم الله عليك الرحمن الرحيم ... بسم عليك الرحمن الرحييييم ...
نطقت نجلا ..بنشيج متقطع ...
-س...عد .... ود...اني ..... كذب ... ع..لي .... اخو...ي كذب....ع...لي .... ...
تراجعت ... ناشجه بكبت مشحون ...
-وداني وداني ...وكان يبي يخليني هينااااااك !!..كذب علي !!! كذب كذب !!!...
قربت سمر بامر من أمها .. وجابت معها كاسه .. شاي المخلوط ... والي حطت فيه دوا نجلا ..
خذته ام سلطان ... واشرت لها أمها تترك المكان لهم
-ماعليه يامي ماعليه اخيييك يحبك وخايفن عليك !!..
رفعت نجلا يدها تشرح ..
-بس كذب كذب !! كذب علي انا خالتي كذب !!!! تدرين لو ماجا الوليد وش صار فيني ؟؟؟ تدرين وين بكون الحين ؟؟؟
رفعت ام سلطان يدينها ..
-مب صايرن فيك الا كل خير !! الله حافظك يامي !! رجعك لين عندي وجنبي ومعي وحولي !!
سكتت نجلا بحس مكتوم ... هازه كتوفها ..
-انتي تقولينه صدق ؟؟ انتي صدق صدق تحبيني ؟؟ علمييني قولي ! لاتخبين ! مب جيت انا وزاد كره سلطان للوليد ؟؟؟ قالي هو ؟؟ قال انه نادم ! هو يكرهه مني؟؟ انا فرقت عيالك !! ولين الحين تحبيني؟؟؟ تبيني صدق ببيتك ؟؟
مسكت ام سلطان يدها ... بشده ..
-ايه احبك وابيك وبسافر معك وبتطيبين كلنا يابنتي بنروح معك وكلنا نبيك !! انتي منيتب رخيصه ولاهين انتي بنت غازي وشيخة بن جلمود ؟؟ اسمعييني .. وافهمي كلامي ...
ركزت فيها النظر اكثر ..ناطقه بحزم حاني ..
-هالبيت كله قايمن بك !! انتي الين الحين ماطلعتي لربعنا وماتداخلتي معهم بس يسمعون بك والي يسمعونه عنك كله خير وبيجي يوم وبمجالس بن جلمود بتطلعين انتي وبتحكين انتي وبتمثلين رجلك انتي !! وعشان كيذى لزمن تقوين وتطيبين !!!..الظربه الي توجعك يامي تقويك !! وانتي عودك اصيل ماينكسر ..قووووي !!
رجف فك نجلا وهي تستمع لها ... راده بهمس ..
-معد ابي اصير قويه ! تعبت انا تعبت ....
نشقت بعمق ثم كملت ناطقه ..
-خالتي ؟ انا كل ماقلت بصير قويه ..تصير مصيبه !! وتكسرني !!...
شدت ام سلطان يدها ..مقربه الكاسه منها ..
-استهدي بالله واشربي هذا بيهديك ويريحك ..ترقبته نجلا رافعه يدها .. ناظرتها .. متباديه عينها مابين ام سلطان والكاس ..
-ه

ذا هو صح ؟؟ قالوكم شربوني ؟؟

[قال الزهر آآآه]

-اشربيه يمي ذا علاجك !..
-تدرين ان ماشربته بتعب ؟ عشان كيذى غصبن عني اخذه .. وغصب عنكم تعطوني !!.
-ايه يابنتي بنعطيم وبنصبر معك وبنتعب معك لين تتحسنين
قاطعتها نجلا ..
-سعد ماصبر !! وداني ورماني وقال مدمنه سمعته يعلمهم !!..
رفعت الكاس لمبسمها .. مبتديه تشربه برشفات متقطعه .. وعقل شارد ضايع ...
-سعد معذور يابنتي ..
هتفت نجلا ... باعتراض ..
-لاااا مب معذور سعد فضحني !! ..خالتي انا اشوف كابوس !! حدني اروووح مع رجال ماعرفه !! حدني اترجى ناس يعطوني جوال عشان اكلم !!! سعد جردني من كل شي خذا مني كل شي !!!..انا تعباااانه ... كل شي يتعبني !!مب ان صار الي يبون يمكن ارتاح ؟؟...يعني هم وش يبون مني ؟؟؟ ..يبون اترك الوليييد ؟؟؟ صح ؟؟؟ حتى سعد صار زيهم !!!..
تركت الكاسه رافعه يدينها مخفيه رسومها ...ضاغطه مدامعها ..
-ترفقي بنفسك يابنتي ...
همست نجلا مبعده يدينها ..
-انا مترفقه بس هم مارحموني !!..مارحموني !!!...
تعبت وش اسوي ...؟؟ خالتي وش اسوي ؟؟
-قولي حسبي الله ونعم الوكيل !! وكلي امرك للقادر البصير .. الله رزقك برجلن يعزك ويحبك ويحشمك ويخاف عليك من نفسه !! م بذيا رضا ؟؟ مب ذيا عوض يابنتي ؟؟
-لمتى بيتحمل هو ؟
هزت ام سلطان راسها ..
-بيتحمل بيتحمل الوليد تبارك الله معطيه ربي من الحلم الشي الكثير .. محزمك قوي وثابت اسنديه ولاتخلينه يشوفك امهزومه !!.. هو ينهد برا وان جاك يبي يشوف سندك له عطيه دافع يستمر بقوته يامي !!..
هتفت نجلا ... هازه راسها ..
-انا اعطه أحاول ..بس شوفي حالي وش القوه الي يبيها من وحده زيي؟؟ ناظري خالتي ناظري .. !!
اشرت ماسكه صدرها ...
-بصدري هينا فيه شي حار يعور ياخالتي ..صحت واجد واجد وعيا وجعه يروح .. !! متى بيروح هالضيق !؟
ترقبتها ام سلطان منتبهه ليدينها الي ترتجف ووضعها الموجع .. نواظرها الباهته من كثر البكا وشعورها الضايع وعمق كسر روحها من فعل اخوها .. نطقت لها بحازم النبره الحانيه ..
-بيروح يابنتي كله بيروح المؤمن مبتلى ..!!..صيحي كود الصياح يريح قليبك !..
ناظرتها نجلا .. راده بتوهان ..
-قاي لي هو لاتصيحين ! بس صحت وباقي فيني صياح باقي خالتي دموعي ماتخلص !! ماحسها تطلع من عيني والله
لمست صدرها .. ناطقه بضيق وغصات متابعه ..
-من هيييينا !!!! من هيييناااا تطلع وتوجع .. ماتريح ابد !!
هزت اكتافها ..
-حتى اني اسمع كلمته وماصيح ماقدرت اطبقها !!!..
احسني تعبااانه ..
رفعت يدها تمسح ملامحها ..ويدها ترجف ..
-كله بيروح هالي تعحسين به طبيعي يامي ..تعالي هاتي راسك على رجولي ! خل بسوي لك الي اسويه لعيالي ان ضاقو .. او جوني يشكون من هوشتن مع صديقاتهم ..
أبعدت يدها متلاقيه نواظرها بنظر ام سلطان ...
اشرت لها مهره رابته على فخوذها ..
-امشي يامي ..هاتي هالراس جعلي ماخلى منه ماحييت !!
قربت نجلا بليا شعور ... منحنيه ومتوسده براسها حظن ام سلطان ..حاسه باليدين الي تحاوط اكتافها .. مبتدي حسها الحاني يعتلي بهزيج الحان حانيه .. ويدينها تمسد جبينها وتبعد خصلها بلطف ..
-ياربي يارحماني ..ارحم ظناي الغالي ...
استمرت تهاويد ام سلطان بحسها الحاني ... المتماسك ..تبي تبث فيها شي من الأمان الي لاحظت انه منها مخفي ومب موجود ..
دست نجلا راسها ... ساحبه طرحة ام سلطان مخفيه معالم وجهها الباكي ... متحشرج حسها بضيق ... كل ماغمضت عينها شافت وجه السايق المرعب .. وزاد نشيجها المكتوم ... مازال فيها خوف ... وقل حيله وتشتت ..وغضب من سعد وشعور مخذول ..هو الوحيد الي ماتوقعت يغشها ابد بس غش!!!

[قال الزهر آآآه]

مركز التوقيف حي ( ؟؟؟؟)
من جابوه وهم محطينه بهالغرفه وتاركينه يحس بضغط نفسي وحمق وغضب وخوف مايدري هي وش غدا عليها !! ولايقدر يتواصل معها !! حتى سبب وجعها والي غدر بها معد شافه ياكم توهجت بروحه مشاعر كره اليمه وعميقه !! كيف قدر يستحوذ عليها بهالشكل ويضرها !!
تنفس رافع واسه وعينه تترقب الباب انتفض واقف متوجهه له هذي المره العشرين الي يطالب يجيه أي احد حاول يفتح الباب اول مانفتح شاف الوليد تلاقت نظراتهم المحموقه انتبه لهيئته تراجع وهو يستنطق
-انا مابي اتقابل معك انت ابي مدير االمركز الضابط نفسه ابيه يالوليد !!
تقدم الوليد مسكر الباب بكل هدووء .. مستدرك وجع رجله وضاغط علىيها ومتقدم الين استجلس وهو يستمع لحس سعد الكاره ..
-اجلس ياسعد ! ولاتحدني عالصعب معك !!
اسند عصاته ومد رجله .. ونظراته موجهها لسعد
تقدم سعد بثوران
-انا مابي اجلس معك ولا ابي اسمع لك انت وش انت ؟! كل شي حولك يجيب المصايب من تزوجتك اختي وهي بهم !! أولها ذكرن شين واخرتها مدمنه!!! اختي انا تدمن!!؟؟
ترقبه الوليد ثم قاطعه بحس محتد
-لسانك لايطول !! احشم نفسك واحشم ذكر اختك بهالمكان!! اقصر صوتك يكفي فضايح !!
رفع اصبعه ناطق بحس نافر
-اول شي نجلا مب مدمنه !!!
هتف سعد وهو واقف متقابل مع الوليد
-شلون مب مدمنه !!! انا سمعتها شفتها بعيني وهي اعترفت لي بالسياره !!!
قاطعه الوليد
-انت حدتيها انت اجبرتها ارهبتها !!!
سكت يسحب انفاس ثم تابع بعتب محموق
واتهام واضح
-انت الي حديتها تتكلم هي ماجتك شاكيه لاتكذب!!
تنفس سعد ناطق بعصبيه
-وش يفرق !!؟؟؟! كان قالت هي او عرفت انا وش يفرق !!!
نطق الوليد راد بنفس النبره
-يفرق واجد !!! ماجتك شاكيه انت غشيتها وغدرت بها !!!! انت ضغطتها ياسعد !!! شوف تهورك لوين وصلها !!! نجلا لو مالحقتها كا!!..
سكت محتدمه انفاسه محاوط نظر عينه شرار من الغضب
تابع مستنطق ببطء مهلك لشراين فكره
-كان بيعتدي عليها تعرف انت وشهو الاعتداء تدري انك سهلت له طريق يوصل لها هو واشكاله!!! انت حديتها تركب معه!!!! انت !!!
تعالى حسه بغضب سافر متوجه بنواظره لسعد الي يستمع له وتابع
-اختك ادمانها غصب عنها وعني كنا جاهلين فيه!!
قاطعه سعد
-بس كله من طرفك انت!!! جاها من طرفك ومن ناسك !!!
-ماانكر ولااقول لا!!! جاها منهم لكن غصب عنا!!!
-كيف غصب عنك يالوليد !!! الا هذا تقصير منك انت!!! انت تعطيها بعد هي قالت لي !!علمتني نجلا كل شي !! لاتنكر !!
جمدت نظرات الوليد
-وش قالت لك؟!
هز سعد راسه متابع بحمق وهو يتقدم له
-قالت تعطيها منه اجل وشلون هي صامله لا ورايحه تصلي بعد !!! الي زيها مب ذا حاله!!! انت تضرها وجاي تقول اني غشيتها!!!! انا غشيت!!!! مانكر انا تركتها لكم تعثون فيها !!! لكن والله في سماه منيب تاركها لك يالوليد!! لأوقف بوجهك وبطلقها منك!!
ترقبه الوليد بصمت مهيمن.. غضيب .. مضيق نظر عينه
-خلصت ؟!
-انا خالص منك من زمان يالوليد انت الي ناشب لي ولها!!
ارخى الوليد نواظره يم يده مطرف لخاتمها وضيق محاوط مدارك فهمه وادراكه وصوله الى انه استنفذ كل طاقات الصبر معه مضايقه وجدا
استمر سعد يتكلم ..
-طلق نجلا !! انا اضمن لك اذا طلقتها بسكات بدون مشاكل ماقدم عليك محظر !!
رفع الوليد عينه له ..بحده مستمع له بصمت
-مانيب جايب طاريكم أصلا بحاول اخليها تنساكم ..!!
وش قلت ؟!!! قول ليش ساكت !!؟
استنطق الوليد بحس نافر هادي وثابت

[قال الزهر آآآه]

-يعلم الله اني صبرت عليك لين استنفذت معك كل صبري ومازلت صابر مب عشانك عشانها هي !! كلك على بعضك ياسعد ماتهمني هي الي تهمني !! والحين عشانها جالس وضابط نفسي وماسك يدي ذي عنك !! وبقولك شي انت بنظري تستحق الي بيصير للهالكلب الردي الي خذاها واكثر !!
تقدم سعد صارخ باستهجان
-مييين انت عشان تغلط علي !!! انا تشاكلني مع واحدن صلبي مثله!!!! انا الي سرقت بنات الناس !! انا ضربتهن!! ؟؟؟؟ انا شكيت بشرفهن!!! انا انا!!!؟؟؟
هذا كله من راسك انت !!! اتركها اترك اختي مابينكم حياه !!! الحين وينها !؟؟؟ وي وديتها !!!؟ رجعتها بيتك عشان تعطيها هالسم صح!!! لكن منيب مخليك بشتكي عليك وتشوف !!!
تراجع سعد ..متقدم يم الباب بس جمدت أنفاسه وقت نطق الوليد بحسه المرعد
-انا امنعك تشوفها !!! نجلا من اليوم مب شايفتك ياسعد !!!
التفت سعد بضحكة استنكار هاز راسه
-انت !؟ بتمنعني عن اختي ؟!! وين احنا فيه !!؟؟؟ مين انت الا مجرم خاين وطن مدسوس علينا انا لو اقدم الي عندي ضدك لواحد صاحي شالك بكبرك !! لكن انت مرتكز على ظهرن فاسقن مثلك!!
استاقف الوليد محتده نظرته وعرق يضرب اسفل رقبته ووجع يدك براسه وعصب ممحتدم رجله .. وفوقها هم خوفه المتجلي لحالتها الي وصلت لها
-انت أصلا كارهيني ومع ذلك مايهمني !! غلطتك انك حطيت نجلا بيني وبينك !! انا دايم ابعدها وانت تجيبها وتحطها من جديد وماتتعلم!! اتعبتها وارهبتها اجهدت نفسيتها واليوم انت تسببت عليها !!! انا اعطي وانت تأخذ الي عطيت !!! ضيعت الي سويته لها بعنادك وخبالك !! وتسرعك!!! تقول بتاخذها ؟! وين بتوديها !!؟ وش عندك أصلا عشان تاخذها !!! اقصى ماسويت جرجرتها غدر لمركز مدمنين وليتك صدقت معها !!! كذبت عليها ياسعد !!! شلون تشوف نفسك اخ !!! وقبل تكون اخ كيف تتصرف مع مدمن حسب نظرتك الخايبه بعالمنحنى المغلوط!!!! شلون تجرها اجبار شلون تسحب جوالها !!! شلون تفرض عليها العلاج!!! هذا ادمان !!! ادمااااااان يافاهم يامتعلم !!! وينك عنها يوم نايف جلدها !!! وينك يوم جاكم سلطان !! ؟؟ وين دورك وينه!!! مرت ابوك يوم انها تجلدها ليل نهار وينك عنها!!!! وييين !!!؟ يوم تلسع اختك وتحرقها وينك وينك!!!؟ نجلا من تزوجنا بمصايب على قولك لكني معها ماتركتها حتى والمصيبه مني انا معها ماتخليت عنها وتركتها !!! حتى وانا شاك فيها ماتركتها !!! حتى وانا كاره وجودها ماتركتها !!! ماتركتها مثلك ياسعد !!! انت وديتها وجردتها من كل شي انت اليوم خليتها تخسر احترامها لك !!
رفع اصبعه متابع بحس محموق مجتري ومرعد
-انت خليتها تخسر اخوها الي تحبه !!! الي يمشطها ويحنيها نجلا اليوم انت وصلتها للشديد الي مابيها توصله !!! عنبو حييك انا صبري عليك عشانها هي!! انا تجاهلت نظرتي لك مره ومرتين وثلاث وشفتك من عيونها هي !!! وعشانها هي !!! وانت وش سويت ياسعد !! ؟؟ ضيعت كل محاوله مني لها عشان ترجع تطيب !!! لاتقول اختي وانت مب كفو اخوه!!!؟؟ سكت ملهبته أنفاسه .. ثم نطق بحس ثابت ممتزج به بحة قهر
-انا اقدر احطها بينا مثلك وادري وعارف بتختارني انا عليك مثل كل مره!! لكن منيب جابرها تدري ليه!؟ قلتها لك قبل!!! يوم كنت احسبك بتفهم لكنك بهيييم!!!
سكت وصدره يعتلي ويهبط بحمق متابع