آخر 10 مشاركات
583 - دور القدر - باتريسيا ويلسون - ق.ع.د.ن ( إعادة تنزيل ) (الكاتـب : * فوفو * - )           »          فتاه ليل (الكاتـب : ندي محمد1 - )           »          وريف الجوري (الكاتـب : Adella rose - )           »          لك بكل الحب (5) "رواية شرقية" بقلم: athenadelta *مميزة* ((كاملة)) (الكاتـب : athenadelta - )           »          445 - غرباء في الصحراء - جيسيكا هارت ( عدد جديد ) (الكاتـب : ^RAYAHEEN^ - )           »          الجبلي .. *مميزة ومكتملة* رواية بقلم الكاتبة ضي الشمس (فعاليات رمضان 1436) (الكاتـب : قصص من وحي الاعضاء - )           »          دين العذراء (158) للكاتبة : Abby Green .. كاملة مع الروابط (الكاتـب : nagwa_ahmed5 - )           »          لقاء الخريف / الكاتبة : طرماء و ثرثارة ، كاملة (الكاتـب : taman - )           »          لا تتحديني (165) للكاتبة: Angela Bissell(ج2 من سلسلة فينسينتي)كاملة+رابط (الكاتـب : Gege86 - )           »          Caitlin Crews - My Bought Virgin Wife (الكاتـب : silvertulip21 - )


العودة   شبكة روايتي الثقافية > قسم الروايات > منتدى قصص من وحي الاعضاء

مشاهدة نتائج الإستطلاع: تمنياتكم لنهاية خذني بقايا جروح؟؟؟
نهايه سعيده ؟؟ 1,309 95.83%
نهايه حزينه؟؟ 57 4.17%
المصوتون: 1366. أنت لم تصوت في هذا الإستطلاع

Like Tree72885Likes
إضافة رد
 
LinkBack أدوات الموضوع انواع عرض الموضوع
قديم 17-10-21, 02:35 AM   #12531

قال الزهر آآآه
 
الصورة الرمزية قال الزهر آآآه

? العضوٌ??? » 1793
?  التسِجيلٌ » Feb 2008
? مشَارَ?اتْي » 2,669
?  نُقآطِيْ » قال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond repute
افتراضي


للدور الثاني ومتوجه لجناحهم .. رفرفه بصدره .. مبتديه تضوي نواظره .. مايبي يخلي تمرد العنود .. يستفزه .. شد مبسمه بوعيد .. هو ساكت لجل ماتتراجع وتخرب خططه المتمركزه على شخصها وولدها قبلها .. بس يعقد عليها .. بيحجمها ..بالمكان الي تعرفه ..ويعرفه من قبلها .. هو ... قبض مقبض الباب... وفتحه ..باتساع ... داخل بخطوات بطيئه .. هاديه .. تقدم ببطء.. ونواظرخ تستلمح المكان ... تنفس بعمق .. يعشق .. الشذى الزاكي بجناحه ... الي يرجع لها هي ... ريحتها .. الي يحب .. مالقها بغرفة الجلوس .. ولالها حس اكيد نايمه ... راح وعينه تستمهل النظر اول مادخل عند مدخل غرفتهم ..احتنت نظرته .. مترقبها .. تراجع مايبي تقوم .. الحين .. غير لبسه .بصعوبه بسبب رجله ..احتبس ..شي من..التوتر بجبينه ..شاد مبسمه .. لو صاحيه ساعدته .. استاقف ..مد يده لعصاته ..ضاغط على نفسه ... خذا جهازه العام وترك الباقي بغرفة الملابس..
تلاقى ويها وهو طالع ... ترقبها ببسمه ..
-قمتي ؟؟ توني بجيك اصحيك ..!!
ترقبته بحرج .. مبتسمه ..
-كان صحيتوني تاخرت ..!!نزلوا كلهم ؟؟؟ الخيمه !!
ناظرته واقف ويدينه الثنتين فوق ممسك عصاته واقف .. باستقامه ..
-ماعندي خبر ... وش معجلك عليهم ؟ اقعدي معي !!
تبسمت فجاه باستغراب .. مرخيه نظراته يم رجله ..منتبهه للرباط ر
-رجلللك !! رحت دكتور عظام ؟؟؟
حرك هدب عينه .. بوعيد هازل .. ممتزج بالعتب ..
-زين انتبهتي !! مستعجله عالنزله قبل تسالين عني !!
ضحكت بخفه .. متقددمه وهي تبعد خصلها ..بترتيب ..
-الا بسال كنت بس قمت مفجوعه بسرعه توقعت سمر تجيني تقومني باي لحظه !! متى جيت ؟؟ عشان كيذا تاخرت عشان رحت للمستشفى !!
-والله كنت صابر انتظر الي تطببني بس اخلفت وعدها ورحت لغيرها !!
تلمست ذراعه .. جاذبته يمشي يجاريها ..
-تعال نجلس .. !!
وقفت مشدوه .. وعينها عليه ..
-الله اكبر !!! انت رحت عني مب انا !..سحب يدها من ذراعه قابض كفها .. وماشي معها ..
-عندي اشغال ماتوقعت تأخذ وقتي !!
شبكت اناملها بيده .. كانت بتمشي لغرفة الجلوس بس غير مساره لغرفة النوم .. شدت مبسمها بترقب ..حاني .. وفاهم ..
-ماريحت صح ؟؟
احنى راسه لها ..
-لا بنسدح شوي .. ابيك شوي منيب حاجرك عن تحت !!
ناظرته بتقطيب .. خافت .. رفع راسه .. وتمم مشيته الين السرير .. استجلس تارك يدها .. خذت عصاته ..
-هاتها .. ماريحت نفسك ترا الصباح كنت محموم !!!..
رمى جيده باريحيه وراسه عالمخاد ..
رفعت رجوله .. غمض عينه رافع أصابعه بين عيونه ..
-شغل وراي شغل مايخلص !!!
ترقبته واقفه .. قدمت فجاه ..
-عليك حراره ؟؟
تلمسته .. لقته ساخن بس مو للدرجه العاليه ... !!
رفع يده يسحب يدها ..
-تعالي اجلسي ..هينا ..
اشر للمكان بجنبه من الجهه الثانيه ... تبسم باجهاد ..
-لو بي حيل شلتك طيرتك هينا .. لفي يامره وتعالي يله !!
تراجعت لافه بخطواتها ...مبتسمه بحبور ..رفعت نفسها جهتها وزحفت ثم استجلست متربعه .. كان يترقبها ..بصمت متخلل حركاتها حس خلخالها..
مد أصابعه يتلمسه .. تسارع نبضها وهي تستشعر لمساته البطيئه حوالين هالخلخال .. ناظرته موجه نواظره يم يده ..
هتفت .. بحنو ..
-فيه شي مضايقك !؟ علمني ؟؟
رفع عينه لها .. مركز بنواظرها ... بنظرات ثاقبه .. ماعرفت وش يدور براسه من هواجس .. شافت عينه تترقبها ثم فجأه تبسم بسمه جانبيه سائل ..
-وش بتسوين يعني ان عرفتي وش مضايقني !!
رفعت هدب عينها هاتفه .. مستدركه حركة يده الي مازالت ترسم بتوهان حوالين ساقها ..
-بسمع لك !!!..
-وبعد !!!
-وبخفف عنك واشوف الموضوع الي مضايقك من جميع الجوانب .. !! اقصد ببسطه لك واخليه شي سهل ومقدور عليه !!
زادت بسمتها ..متابعه بهزل
-زي لمن بسطت لي موضوعي وخليته مافي اسهل منه !!!
سكتت تدري بموضوع طلال الي مضايقه .. لكن ماتعرف ليه كاتمه ماقاله لها .. الين الان .. يعني شايل هم نفسيتها ؟؟ وضيقها عقب الاحداث الاخيره الي مرت عليهم ..
خفت بسمته مترقبها .. بسكون ..
-وش فيك يالوليد علمني !.مابي نزل تحت بسولف معك !!..
وقفت لمساته ..ساحب يده ..وقبل يبعدها اكثر مسكتها هي .. احتظنتها بين يدينها .. جت عينها الجروح الشبه ملتأمه ..
-بحط مرهمك ..
تراجعت زاحفه ساحبه المرهم من الكومدينو وبحركتها كشفت .. ساقها .. وجرحها القديم تحت ثنية الساق ..
ترقبه بصمت ..يهوجس..
ابتدت تففتح المرهم .. بتركيز ..
-هات يدك
سحبتها قبل يمدها وابتدت تدهن كل جرح بخفه .. ترقبها بهدوووء..جميل ..خفيف و لو داخله مثقل .. حاسس بلمساتها الحانيه محاوطه يدينه .. باهتمام ..انتهت وقفلت المرهم .. مبعدته .. بس تمت تمسد يدينه بخفه
-يله علمني !!..
ناظرته بتركيز ..
-علمممني ؟؟؟ فيك شي ؟اوبس اجهاد من الحمى ورجلك ؟؟
حرك أصابعه .. مبتدي هو يتلمس اناملها وباطن يدها ..
-اجههاااد !!! فيني اجهاااد !!!
رطبت شفتها ..مترقبته بحنو ..
-سلامتك ..الله يمدك بالعافيه يارب !! خفف شوي على نفسك !! الدنيا ماتستاهل !!
تبسم رافع هدب عينه ..
-اذا رجعنا وانتي طيبه برتاح !!! باذن الله !!
ثبتت نظرتها بعينه .. ثم ارختها يم يدينهم ..
-بطيب ان شاء الله .. وبرجع نجول الي تحب !!
رفعت عينها مبتسمه بهزل .. بطيئ ومتابعه ..
بس سكتت وقت شافته يمد يده يفتح رباط روبها .. تلميت يده .
وجاها أمره ..
-افتحييييه !!!!!..
بلعت ريقها تدري وش مقصده .. مايبي تخفي .. يدينها او حتى هزال اذرعها ..
-يله اسحبيه عندي لاتغطين يدينك !!!..
نطقت بحرج ..
-طيب ..خلاص بفتحه ... !..
سحبته وخذاه منها حاذفه بقل صبر .. تلاقت نواظرهم الاثنين .. ثواني.. ودها تهرب .. من مكانها ..ولاينظر لها ..بهالتركيز .. الي ماستوعبته ولافهمته ... ليتها تقدر تجرجره اكثر بالكلام ..
-الحين بنجلس كيذا نتمقل ببعض !؟
-تبسم مضيق نواظره ..
-متعتي هذي!!!!
هزت اكتافها ..
-انا اتوتر ماحب .. !!
مد يده محاوط خصرها وساحبها .. جنبه ثم بيدنيه رفعها تعتليه .. حاوط متنها ..
-وش تسوي .. رجلك ؟؟ !!!
-ماعليك من رجلي .. ناظريني .. !!
رفعت راسها .. ونظراتها تستمهل النظر لصدره ثم ذقنه .. ثم عوارضه .. وبحرج يم عينه ..
-هاه !..
اعجبني البيتين الي كتبتيهم لي عالفطور !!!
- زين !!
توترت لهدوووؤه .. ونطقت .. بقل حيله حاسه بحرارة جيده العاديه تنبعث وتحتويها ..
-يله وش مضايقك علمني ! لاتقول لي قصيد ترد علي ابي تعلمني صدق صدق ..
فاجأه قابض منحنى رقبتها .. يمه ولاثم مبسمها .. بعمق .. صادم ..ومتمكن ..رفعت يدها ..بحنو ..وقت فلتها وسمعت حسه الاجش الحاني.. فتحت عينها ..
-مب مهم وش مضايقني !.. الأهم ..انك موجوده عشان يروحح !!!
استشعرت .. قربه ..وهو يرجع يستحكم قربها .. بحنو .. هادي ..مرت لحظات ..تحركت يدينها باعتراض خفيف .. ابتعد فجأه مستغرب حركتها ..متضاربه أنفاسه مع أنفاسها المقطوعه .. ترقبته بتوهان ناطقه .. بهمس .. عجول مرتبك .. وضوله بمسامعها تشابه موج البحر .. متمثله بانفاسه المهتاجه ..
-الولييييد ...ادري .. !!..
حستت بتردد وهي تستلمح نظراته المحتده .. تابعت ..
-اقصد اعرف .. انك واقف معي وتحبني والله اعرف ومتأكده !
نطق ببحة صوت مقاطعها ..
-يعني!!
جت عينها ..على شفايفه المشدوده بترقب .. ثم رعتهم يم عينه ونطقت .. بحنو مبهوت .. واعتراف
-امس ....اثبت لي ....والله !.
سكتت متردده برجفة حرج حاسه ان مسامعها .. تبث بخار من تركيزه وترقبه المحموق وكنه عارف وش بتقول بس ينتظر تنطقه بنفسها ..
نطقت أخيرا.. بحس هادي مضطرب وعجول ..
-مب لازم تثبت لي كل يوم !!!!!..
احتدت نبرته وعينه مركزه بعينها ..
-اشرحي كلامك مافهمت !!!
رطبت شفتها .. تبي تتراجع وتقوم عنه بس شدد حصارها .. ماد يده لخلف رقبتها مثبتها .. وناطق .. بحس نافر ..
-وضحي قلت مب قومي !!!!!
تلمست اكتافه ..بلاشعور باطراف اناملها .. ثم ناظرته ..
-اقصد انتظر .. اطيب وترجع صحتي زي قبل .. انا ناحفه !..وانت تحي جسمي وق...
قاطعها .. بحركه مفاجئه .. وهو يلتف ويعتليها .. ماد يده قاض رقبتها ...
شهقت برهبه وصدمه وهو يستنطق شاد يدينه حوالين رقبتها ..
-بذبحك انا ان جا يوم بذبحك !!!!بكسر رقبتك بيدي نجلا !!!!!
ناظرته برهبه ...من حسه .. المعتلي .. وشعور الغضب المتراقص حواليه ومحاوطهم حست بقل حيلتها ..وتسرعها ..
-اش فيه الوليد .. انا اقص..
قاطعها منحني .. لاثم مبسمها .. بعنف .. ضايج ...وكنه يعاقبها .. ويقتص منها على منطوقها ..الين حست انها بلاحول ولاقوه .. فلتها متراجع .. وناطق ..
-ياانك غبيه !!!؟؟ او انا الي رافع حجم توقعاتي منك !!!!
ارتبك شعورها .. بضوجان من تشديده على كلامه بهالاستهجان الضاري .. لمعت عينها .. بضيق ..
-منيب غبيه !!افهم !!
صرخ بحده .. مرهبها !!
-لاماتفهمين !!!!
صرخت بلاشعور ..
-الا افهم افهم !!! بس انت الي ماتفهم ... !!
ابتدت تحاول تبعده بيدها ... قبض يدينها الثنتين رافعهم فوق راسها .. شهقت بخوف هاتفه ..
-وش بتسوي ؟؟؟
زادت حدة أنفاسه .. وارتهاب نظرته .. باسوداد .. عظيم ...
-وش ظنك بسوي ؟؟؟ !!!
تنفست .. وعينها تنظر لملامحه المجهده ..نطق بحس متوعد هادي حذر وغاضب انتظار اجابتها ..
-وشهو الي ماافهمه نجلا !!
انسلت دمعتها ... امام نواظره وكرهت نزولها بعمق روحها ودها تنقلع هالدمعه !!.. رتبت انفسها .. المرتجفه وشعور جيدها بتواجده المهيمن وتأثيره الطاغي ..عليها ..
تكلمت بصوت .. غريب ماتدري شلون طلع منها من قوة ثباته .. وهدووؤه ..
-انت تشغل نفسك فيني وانت الهم فوق راسكم اكثر مني !!!! ارتاح يالوليد انا افهمك !!! فهمت انك عزوتي وسندي ادري خلاص وقف لاتضغط نفسك مب لازم تثبت لي شي !!
احتنت نبرتها ..
-انا فهمت والله فهمت !! بس انت تضغط نفسك لين هدتك هالسخاين !! اقلك علمني وش مضايقك مصر تسكت وتكتم .. وفوق هذا ..تبي تقربني !! ليش تضغط نفسك كيذا ؟؟ لعاد تثبت لي شي انا عرفته وتاكدت منه !!
نطق بحس مستهجن اول ماسكتت مانعها تتابع ..
-انتي غبيه !!!
جت تنطق .. هتف لغضب ..
-اصصص ولاكلمه !!!...
بلعت ريقها .. تترقبه برهبه ..
-انا اجيك وادورك مب عشان اثبت لك شي !!! أصلا كون انك زوجتي الين الحين يكفيك نعرفين وش انتي !! انا .. ياغبيييه اجيك لاني ..ماستغنى عنك وعن قربك ..!! لان وجودي معك يخفف ضيقي كل رجل له طرق مختلفه انا طريقتي انتي !!!.. لكن انتي
قاطعته ..هاتفه بهمس محموق..
-لاتقول غبيه !!! انتبه !! خلاص عاد !!!هذي اهانه لي !!!!
شد مبسمه .. هاتف بغضب ..
-والي تقولينه لي مب اهانه !!!!؟..واذا صح كلامك وش فيها انا حر بنفسي ان شاء انفجر من الضيق مالك دخل !!! انتي زوجتي واجبك يفرض عليك طاعتي أي وقت متى مابغيتك تجين ماتعارضين وتدققين وتستنتجين !!!!
ردت بعجل ..معترفه مدركه انه يبي يبعدها لمنحنى مختلف لكن ماتبيه يحيد عن الضيق الي المفترض يقوله لها ..
-ادري طلال خذاه سعوود !!!
احتدت نظرته ...وهي تتابع ..خفف مسكة يدينها ..وهي تستنطق .. بهدووؤ حاني
-قلته لي الصباح وانت تهذري وسط حماك !!! اشك لي وعلمني !! وجهك حتى باين عليه !! لاتكتم ! ان طق فيك عرق من القهر وش تستفيد انت وانا وش بستفيييد !!!!!
تنفست برجفه متابعه .. مدركه صمته .. وترقبه لها وفوق هذا قربه واستحكامه جيدها ..
-فضفض .. ياكثر مافضفض لك انا !!! ..من مدري كم !!! وانا اشكي واشكي واشكي وانت تسمع !!!
سحبت يدها .. بخفه ..وابتدت تتلمس ملامحه .. وترتب باناملها هدب عينه ..وتبعد الخطوط مابين عيونه ..
نطق بهادي الحس ..
-وش قلت بعد ؟؟
-بس هذا ..في شي اكثر منه !!!؟؟اعرف ان فيه لكن هذا الي اتعب اعصابك مع موضوعي الي امس والي قبله وقبله وقبله !!!
ابتعد ..عنها لاف جيده رامي نفسه جنبها متساند على ظهر السرير رفع يدينه ومسح ..ملامحه بخفه .. متأوه ..بحس خافت ..انتابها شعور الحرمان منه لفت جيدها مقربه منه ومستجلسه ساحبه يده .. وعينه عليها .. تربعت مركزه فيه النظر بصمت .. وهو مثل ترقبها ببطء بملامحها الي يحب وبعثرة شعرها .. حواليها قميصها السماوي الخفيف ..
-طلال راح يقابل ابوه .. تعرفين قبل قلت لك
هزت راسها وهو يتابع ..
-فيه من رجالنا شافوه مشيول مع رجال من عصابات هالكلب الاجرب !!! ومن يومها مايدرون عنه وايش وضعه.. بيد هالخسيس !!مااضمنه !!
سكت مرخي نواظره يم يدينهم.. ومتابع ..
-الصبح عرفت ..!
احتنت نظرتها له..
-مب موذيه مايقدر !!! هذا ولده يالوليد !! يمكن يجبره يجلس عنده بس انت ابخص بطلال من اول وهو معك مستحيل يخونك او يقول له شي عنك !!! انا أتوقع تهاوشوا يبيه يجلس ... ورفض طلال وتصرف سعود الحقيير وخلاه يفقد الوعي عشان مايرجع !!!
شدتت يدينه ..
-وانا متأكده طلال بيرجع لانه ذكي ويعرف ابوه لو مب كيذا ماتركه من البدايه !!! سعود يبي يقهرك بس انت لاتنقهر بيرد على سالفة الجوال الي خلاه يدخل بيتنا !! وانت كشفته .. !!!يبي ينتقم منك لكن مستحيل يوذيه !!
تأملها ..كلها ..
-نقول ان شاء الله ..
-انا متأكده متأكده ...!!..باذن الله هو بخير !!!
شدت يده متابعه ..
-وبعد غيره وش مضايقك ؟؟ لاتذكر الي صار امس ..
قشر جسمها ..تطرد الصور والاحداث ..
-حتى انا مابي أتذكر شي .. ابد ..
تبسمت باشراق ..
-بس بذكر انك جيت ..واني شفت دم هالحيوان يعني تاكدت انك جلدته عشان يعرف ان الله حق !!!
الوليييد انا معد فيني ضيقه ابد ..عقب شفتك اليوم تعبان هان كل شي علي صار صغييير مره صغيير ... وبيروح لانه مؤقت !!..وعارض؟؟لكن تعبك انت وضيقتك لا جت لانك ضاغط على نفسك وبكيفك !!
وهذا غلط !!!!
نطق بثبات ..وعينه تستمهل النظر فيها ..عيونها وشفايفها ..ورموشها السوود المعكوفه ..
-انا ماتكلم صحيح لكن ان جيتك ارتاح حتى لوني ساكت وماقلت لك !..
وش يعني كلامي نجلا ؟؟؟
نطق قبل حتى تفكر ..
-يعني اني انا اجيك لاني ابيك انتي مب عشان اثبت لك شي معين راح وقت الاثباتات تعديناها !!!وش اكثر من اني عطيتك املاكي الي شقيت عشان اكونها !!! واسمي وسمعتي !!
ارتبكت بحرج من عتابه الواضح لمنحنى تفكيرها ..
-على طاري الأملاك وش صار مع مساعد !!!
أبعدت نواظرها شد يدها .. بعمق موجع ..مدرك انها تصرف .. ويدري فهمت ..ترك يدها .. رافع ذراعه ورا راسه ..
-وين جوالك ؟؟
اشرت للكودينو الي جنبه .. لانه منسدح بمكانها ..
-هذاك !!
التفت ماد يده الحره ..ساحبه ..ومبتدي يفتحه ..
-ماشفتي رسايلي الي أرسلت عالواتس !
-لا مامداني أرسلت صورته مانتبهت والله !!
لف الجوال لها .. وامام نواظرها ..
بهتت نظرتها باشرق ..وهي تشوفه شايل مولود ملفوف .. وصغييير حيل صغير وهو بين محاني صدره الواسعع .. نظرته المبتسمه ..وشكله المبهر..الفذ ..
-يالبيييييه .... ياصغره ماشاء الله !!..
فيه صوره لوجهه من قريب ...
ابتدى يحرك الصور ..
انحنت جنبه وراسها على كتفه .. تشوف ..
-ماشاء الله يهبل كنه ارنوب !! صغير مره !!
وراها كل الصور متتابعه ..
نطق بثبات ..
-بكره يكبر ويغدي رجال !!
رفععت راسها وهي مازلت سادحته على كتفه مواجهه جانب ملامحه ..
-هم سموه عليك عشان يغدي عليك وان جا مثلك اكيد بيصير رجال !!
رجال ونعم بعد !!
التفت لها متلاقي بتواظرها ...تبادت نغمة جواللها ..شتت نظرتهم وتواصل نواظرهم القصير ..
التفتوا له جميع ..كانت سمر .. تدق ..
نطق بهدوء .. وببسمه جانبيه ..
-هه سمر !! يبونك تحت !!
رفع اصبعه بيرد .. الا سبقته رافعه يدها .. تمنعه ..
-لاترد ..مانيب نازله !!
التفت لها بتقطيبه خفيفه ..
تابعت بجرأه ..عاشقه لتفاصيل اجهاده وحسه وصوته وحاجته الي تستشعرها ..معه ..
-مابيهم ابيك انت !!!
رفعت نفسها .. مقربه منه ولاثمه ذقنه ..ابعدت بخفه .. همس لها .. بوضوح ..
-أخيرا فهمتي ؟؟
تبسمت راده ..عن طريق لثمها مبسمه ..باستحكام ..وعمق ..موجهه قوة محبتها لهالرجل هالمره بممبادرتها هي !!..حست بيدينه تحاوطها .. بثبات ..وقوه ..مستمعه لحسه ..الهامس ..وقت جت تعدل نفسها ..بين احظانه ..
-طبّي... انتي ...طبّي !!..سمنتي او نحفتي !! شنتي او... زنتي !..
شدد احتظانها ..باصرار ..ويدينه تحتوي ..محانيها .. بمحبه جزلا ..عاشقه وراغبه ..غايبين عن العالم اجمع .. سارقين عمرهم الخاص متغافلين حس جوالها .. المعترض ..والي مالقى له صدى او رد !!
.................................................. .................................

الخيمه ...


أبعدت سمر جوالها ...
-ماترد ... معقوله راقده ؟؟ !!
تبادى حس ام سلطان ..بقل راحه ..
-لاتكون تعبانه ... !!؟؟
تركت سمر الجوال برهبه ...
-شلون يعني !! الوليد أعطاها ... اكيد دواها !!!
نطقت رنا ... مساقفه ..
-بروح اشوف الوليد يمك بمكتبه !!!
وقفت سمر معها بعجل ..
-بدق عليه اشوف اكيد بيرد !! هو قايل لاتصحونها !!!
ترقبوها كلهم ... منتظرين ..
-يرن ..
جت عينها عليهم .. وهي تتحرك ويدها على خصرها ...
-مايرد .. !!يمه لاتكون تعبانه !!!
-سمر الوليد بمكتبه بروح له اعلمه ... !!
طلعت رنا ... والتفتت سمر لام سلطان ..
-يمه بروح له
-طمنوني !!
طلعوا بعجل متوجهين لمكتبه ... وانفاسهم تتسابق ...
-هي أصلا تعبت نفسها اليوم ...
-رنا قلت لها والله بس عنيده هالبنت ... !!
وصلوا عاجلتها سمر بخطواتها ...
داقه الباب ..
-الوليييد ؟؟؟
-الوليد عادي ادخل !!!..
-افتحي سمر ..
فتحته سمر .. تاهت عينها بالمكان ... شدت مبسمها .. متنفسه بهدووء..
-الوليد رقا مب هينا اكيد عندها فوق !!
رفعت يدها لصدرها ..
-اكيد عندها ... اوه ياربيه تعبت ..
-يمكن طلع سمر !!
ناظرتها سمر ..
-لو طلع كلمني ونبهني اعرفه انا من ادق يرفع الجوال !! فوق فوق عندها ...
-زين بكيفهم متى مانزلوا خل يجون .. !!
ناظرتها سمر ..
-امشي نرجع لامي .. نطمنها .. !.. اكيد بينزلون عالسحور او نرقيه لهم زي امس ..
.................................................. .................................
مرت اول ليله ... بسكون موعود كما حال اول أيام الشهر الكريم دايم ..
وقت يزور القصور والبيوت ... وكل مكان .. يعم الهدووؤ والطمأنينه والسكون ..روح كل مؤمن ..
اشرقت مواري شمس ثاني أيام رمضان ... راسمه معها آمال .. وامنيات جديده .. لروحين تعلقت .. قلوبهم .. بقلب رجل واحد ... وروح مختلفه .. عنهم مخذوله .. اصبح كل يوم يمر كما السم .. والعلقم ... كارهه وناقمه ... ...
مر اليوم كما الامس .. نجلا بقلبها طفا الغضب لكن وجع الخذلان موجود .. بس تطرده امام اجميع ووقت تكون لحالها تستقبله بترحيب ... موجعها بقوه ..كل ماتذكرت .. اندفاعه وهجومه ..ونظرة الكره بعيونه ان جا طاري زوجها .. تتعب .. وتضيق من داخل ... منهلكه بقوه .. من هالشعور .. زايد معها وجع جيدها المتذبذب .. ساعه تضحك بلاشعور وساعه تلوم بلا إحساس... بس مانست كلام أمها مهره ..تعتبره سنا لنور الشمس اذا اقبل الليل ...
ومثلها .. فيه روح حاسه بالنبذ .. ممتزج بها شي من الكره روح ناقمه .. ثايره .. تجمع وتجمع وتجمع ... حاول يتواصل مع سمر لكن مامن رد ..وقبلها امه .. مهرة القلب ... تتركه يتكلم بدون يسمع حسها ابد .. بس يستشعر نفسها .. هذا اول رمضان .. مايقابلها عالسفره ومايضحك معهم جميع ... كل لحظه يتنفس بعمق مستهجنه روحه .. الخساره الي تزيد يوم عن يوم .....


قال الزهر آآآه غير متواجد حالياً   رد مع اقتباس
قديم 17-10-21, 02:47 AM   #12532

قال الزهر آآآه
 
الصورة الرمزية قال الزهر آآآه

? العضوٌ??? » 1793
?  التسِجيلٌ » Feb 2008
? مشَارَ?اتْي » 2,669
?  نُقآطِيْ » قال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond repute
افتراضي


فيلا منصور الهواري ...
-الحين بتجي .. ؟؟؟ غريبه بابا وافق !!
التفتت لها أمها ...
-وليه مايوافق ابوك عاد مب ظالم !! عشان يمنعها من أهلها !!!
شدت مبسمها .. سماح. بتفكير ..
-اه يمه وين وصلنا له !! عمري حتى بالاحلام ماتوقعت توصل حال الجوهره كيذا !! كانت مدلعه وعمي راكان .. يحامي عنها ويحبها والحين شوفي لاامي هيا ولا عمي راكان يجي قاطعوها يمه !!!
تنهدت أمها .. تتلمس شيلتها ..
-الله يصبرها جدتك وعمانك ويكفينا شر من فيه شر ... !!
-يمه صدق ابوي بيزوجه ؟؟؟
رفعت أمها عينها لها باستهجان ..
-وش يخصك بهالسوالف ؟؟ والله ان سمعك ابوك بيزعل منك !! يله قومي شوفي جهزوا المجلس او لا !! بنت خالها بتجي قريب ... !!!
-طيب هي ماتدري يمه .. !..اعلمها !!
رفعت أمها اصبعها بتحذير ..
-ولاتقولين شي ؟؟ الي يقوله ابوك بس يتنفذ ... !!!
ناظرتها سماح ..بقل حيله وشي من اللوم ..
-علامك تناظريني كني ذابحتها ؟؟؟ انا يابنتي ماظلمتها مماكله شاربه ... حتى يوم قال ابوك خلها تشتغل هي مارضيتها أخاف العقايب !! وش تبين مني اسوي ... !!!
تنهدت .. سماح.. مرخيه نواظرها ثم قامت بنظرة تقدير تلثم راس أمها ..
-اسفه يمه ماقصدت !! سامحيني أي والله انك ماقصرتي فيها وهي لسانها وش طوله ماتحترم !!
- ماعلينا يابنتي منها اهم شي فعلنا امام الله مصيرها تتوكل بيت رجلها ... هي بعد كافي عليها الي بيصير والي صار !!!
تنهدت أمها بحس مسموع ..وهي تدعي ..
-الله ييستر عليها وعليكم يابناتي ويبعد عنكم عيال الحرام يارب ... !!!
- امين ..
قامت .. عن أمها ..تشوف التجهيزات ... من جتهم محدن جاها ... الي مستغربته ابوها مع شدته عليها كيف وافق ..هزت اكتافها بتفكير وهي ترفع شعرها وتربطه من جديد ... شي طبيعي لازم بتشوف احد او بتنجن فوق ماهي منجنه ... مرت اللحظات ... وترتبت التجيهزات ... ووصلت ضيفتها .. .. . ودخلوها المجلس ... عرفتها ... رنا بنت خالها صخر ... استضاحت بعيونها حكايا سابقه عن الجوهره مع عيلة خالها ذي.. بس الجمتها ودفنتها .. مب هو كبيرهم الي بسببه وصلت هالحال !؟؟ بيده رماها ابشع رميه .. ولأأسوء مصير ...
- تفضلي ارتاحي بنتي ... الحين نناديها ..
تبسمت رنا بحرج امام هالوجيه البشوشه وكرم نفسهم ... هل فعلا استحق عمها تصرفات الجوهره ... ؟؟ وين الاضطهاد الي قد قالت لها عنه وعن بيته وحياته ؟؟ الي تشوفه من دخلت عكس .. الا محبه بين الام وبناتها ... البيت هادي ويعمه السكون .. قمة الرفاهييه ..حتى سألوها عن أمها وجدتها ... شدت مبسمها برهبه .. متلمسه طرحتها .. مرتبتها .. جت عينها التجهيزات والاستقبال ...
دق جوالها .. ارتبكت .. لانه جهاز زناد .. سحبته من شنطتها .. قطبت هدب عينها وش يبي الحين .. ؟؟ يدري هو وين بتروح ..
رجفت شفتها رافعه الجوال ..
-هلا ؟؟
هامسه بهدووء..
-جت عمتك ؟؟
-لا توها بس انا !!..
نطق بتتابع .. مستهجن
-لاتكثرين مع هالبنت كلام .. انا مستغرب من الوليد ! يعني وش التاثير الي بيجي منك عليها !!!عشان يخليك تروحين لها !!..
شدت مبسمها
-كانت صديقتي وهو يعرف !!
-صديقة السوء!!!
غمضت عينها بربكه وقل صبر ثم فتحتها ..
-زناد مضطره اسكر .. بيدخلون علي الناس وعمتي بالطريق يمكن بعد عند الباب !!
سمعت تنهيده ..
-وان سكرت متى ياحظرة الرنا اقدر اتواصل معك ؟؟ وانتي ماتردين ؟؟
بلعت ريقها ... منتببه لدخول عمتها ساره .. تبسمت لها .. ووراها دخلت مرت منصور .. وبنتها سماح ..
همست ..
-جو !! جت عمتي بسكر !!
نطق بوعيد هادي لعوب
-سكري سكري.. كلها كم يوم وانتي عندي بالبيت !!
هتفت .. بضيق ..
-بسافر مع هلي منيب جايه بيتك !
ماحصلت رد أبعدت الجهاز ..لقته قافل .. رفعت راسها على حس عمتها ..
-هلا رنا اخباركم ..
وقفت لها ..
يامرحبا عمه بخير الحمد الله كل عام وانتي بخر .. اخباركم واخبار جده عساها رضت عقب كلمتها ؟؟
-أي الحمد الله .. تخبرين امي ضايقه من شي ثاني !! اجلسي .
جلسوا.. لاحظت رنا عدم وجود احد ... ترقبت عمتها بحذر ..
-رنا تتوقعين الجوهره تسمع لك يعني ؟؟
هزت رنا اكتافها مبعده نزاظرها .. مخفيه كرهها لطاريها ..
-تسمع ولا ماتسمع شي راجع لها .. لو ماطلبت الوليد اجي كان كان تحلم تشوفني .. هو شي بخاطي بقوله لها .. !!
ترقبتها ساره ..
-كلمني الوليد .. يقول وعد حصه يخليني ازورها ..كلم جدها .. ! ماتدرين متى راح لعمتك ؟؟ماتدرين !!
-ماعرف والله بس سمعته يسولف مع امي !! ويوم طلع قلت له ابي اجي معك !!.حتى امي وسمر مايدرون ولانجلا !!
أبعدت رنا نظراتها يم الباب بصدمه .. مرهبه وقت شافت الجوهره .. وعينها اليمين بشاش.. ومشيتها ببطء.. جمدت أنفاسها .. ونبضها وهي تشوف حالتها المختلفه .. بثانيه طردت هالرهبه واستبدلتها بكره عميق .. ممتز بشي من الضيق الكرييه .. وش وصلهم لهينا !!!!؟؟ قطع تفكيرها حس الجوهره والتفت عمتها لها ..
-اخيييرا !!!! جا احد منكم يسال !!!
نطقت ساره .. لها بهدوووؤ..
-هلا الجوهره .. اخبارك ..
مدت ساره يدها ورنا جالسه تترقبهم .. اطرفت يم رنا ثم يد خالتها ..
متقدمه وجالسه مقابلتهم ومهمشه ..يدينها ..
-بخير ..!!
رفعت يدها وقت لمحت صدمة خالتها .
-عن الشكليات الي تكذبون فيها !!! يدك هذي مامديتها وقت صار فيني هالشي الي تشوفينه !!!..
نطقت ساره بحمق..
-الجوهره !!
-لالالا لاتقولين شي انا عارفه وانتم عارفين !!!
ناظرتهم بعدائيه ... ثم ركزت النظر برنا ...
-وش جابك ؟؟؟
رجف فكها وهي تتابع بنظرات كرييهه ..
-جيت مع عمتي ساره !!
-اها مرافقه يعني !؟؟ او تتشمتين !!!
جف ريق رنا .. وعينها تترقبها بضيق كاره .. ودها تقوم وتعطيها كفوف على هالبرود .. ودها تصرخ عليها .. وتتهمها بالي سوت بس بلعت كل استهجان بروحها .. مستمعه لعمتها ..تتكلم ..
-الجوهره اسمعيني احنا جينا عشان امك !! لو علي ماجيتك !!
ترقبتهم الجوهره .. بخذلان مكروه .. ممتزج بشعور شي من الغدر ..
-انتم أصلا تخليتوا عني !!.. وهي مثلكم !! وش تبي مني الحين ؟؟ وش تتوقع مني !!!؟لا وراسلتكم انتم !!!! ؟؟ أي اهتمام هذا .. !!
انا بنتها بنتها !! مفترض تجي تاخذني من هالمكان الزريبه !!!!ليش راسلتكم ..
قاطعها ساره ..بحس ثابت ..
-امك ممنوعه من الطلعه زيك !!! امك محبوسه ببيت خالك !! لاجوال ولا أي وسيلة اتصال !!! تلقت مادريتي ؟؟ واختك مع ابوها !!
ناظرته بنظره مصدومه .. بس ابعدتها بقوة باس ..
-خلها تروح مع ابوها احسن لها .. عالاقل عايش!!! بيتولاها !!
وامي ..
-امك تحاتيك وشايله همك !!!
ضحكت الجوهره باستهجان مجنون ... بلا شعور ... تمت تتعالى ضحكاتها .. وعين رنا عليها ..
-ام..ي... شايله ..همي !!!! ... امي تحب ... نفسها ... وبس !!!!
-عيب الجوهره ..
جمدت ضحكتها وعينها المدمعه بعين خالتها ..
-نسيتي اني ماعرف العيب !!.. درت امي انهم بيزوجون العيب بكبرها !! والي هي انا !!!!
احتدت نظرتها بكره لرنا ..
-جايه تتشمتين عشان تعلمينها صح ..؟؟ .. اخبارها الحين ؟؟ على ماهي عليه ؟؟
استضاح شي من المكر بنظرتها لرنا شدت رنا ممسك عبايتها وسير شنطتها بحمق ..ثاير ..
-بخير مثل الورده زي ..زي يوم تنزف من درج بيتنا تذكرينها !!!
احتدت نظرة الجوهره بكره .. هاتفه ..
-كذابه !!!
تبسمت رنا .. بنظره حذره ..ماتبي عمتها تنتبه ..
-لا منيب كذابه !! نجلا مضويه البيت واخوي يارب لك الحمد طار بها ومتهني !! يارب لك الحمد .. !!
انهت منطقوها .. وعمتها تتكلم ..
-ماجينا نتكلم عن نجلا يالجوهره اتركي طاريها واسمها حتى انسيها هالبنت انسيها !!
هتفت بهمس .. مرهب وعينها عليهم ..
-انساها !!!؟ ..
رفعت هدب عينها ..مرخيه نظراتها يم اصابعها .. وداخلها مشتعل حق ..
تنهدت ساره .. مقربه .. منها ..
-الجوهره .. علميني انتي موافقه تتزوجين ؟؟ الرجال الي جابه عمك !؟
رفعت راسها بحده ..
-اموت ولااخذه جعل روحه تروح وافتك !!!
-واذا عمك اصر !!
احتدت نظرتها وحسها الفاحم ينطق..
-بذبح نفسي.. !! سمعتي خالتي !! الليله الي بدخل فيها بيت هالمهبول بذبح نفسي !!!
ارتعبت ساره من كلامها وهيئتها ..
-الجوهره انتي صاحيه ؟؟
هزت راسها ..
-ايه وبقوه بعد ..
رفعت اصبعها ..
-بذبح نفسي .. خلوكم تعيشون تاكلون يديكم من إحساس الذنب.. وبروح لابوي ..
ارتجف فكها .. حاسه بحرقة دموع مقبله ... عجزت رجفة فكها توقف حاسه باختناق..هازه راسها ا
-بروح لابوي ..يه بروح له !! بعلمه كل شي بعلمه !!..بقول ..له كيف اخوه حرمني رحمي !!! وعين...ني !!!!
ترقبتها ساره .. بثبات ..
-انتي مشيتي بهالطريق !!! انسي هالخبال الي تتكلمين فيه !..
هذا بدل ماتتوبين يالجوهره !! تطرين الموت !!!!
ناظرت رنا بعين غاشيها الدموع .. ناطقه بغضب ..
-لاتكذبين رنا !!!! انا شفتها بعيني مسلولة الصحه !!!..
قطبت ساره هدب عينها .. ورنا ارتبكت ..
-منهي ؟؟
عاجلتها رنا بتمثيل مبهم ..
-مدري عنها عمه !! من تقصدين الجوهره !؟؟
-تعرفين من اقصد الدخليه الكلبه !!
-مااسمح لك تتكلمين عن مرت اخوي ؟؟؟؟ !! الزمي حدك .. !!!
-اجل لاتكذبين !!!!
تبسمت الجوهره بمكر ..
قاطعتها رنا ..
-أي صدق ..نجول بخير .. يارب لك الحمد ... وازيدك من الشعر بيت ..
هي الي ماسكه كل صغيره وكبيره بالبيت .. امي سلمتها كل شي... !!! هي الامره الناهيه !!!
رجف فك الجوهره بكره .. لها ..
-وش جابك رنا ؟؟ لاتقولين تتطمنين لانك كذابه اعرف عيونك واعرف نظرتك الي ماتبين انتبه لها واضحه مره !! قولي الحين وش جابك !!
رفعت يدها تمسح باقي دموعها ..
بلعت رنا ريقها .. بتوتر وعينها يم عمتها ..
-جيت لان امك بتكلمك عن طريقي !!.. الوليد عندها ..
انفرجت اسارير ساره ..
-زين وافق عبدالله ..
اطرفت لها رنا .. بثبات ..
-أي وافق عقب كلمه الوليد ..
استهجنت .. الجوهره ..
-الوليييد ؟؟ مسوي معروف يعني !؟؟ وش الطاري !!
هزت رنا راسها .. بعدم اهتمام ..
-امك وضع امك ترجته عمتي بشكل ماتتصورينه !!!
شدت الجوهره يدها بضيق ..
-هذي هي امي !!! تنكس راسها للي مايسوى !!!
-دامه مايسوى ليه غثيتيه بحياته ؟؟ وتسببتي على نفسك !!
--كنت احسبه كفو !!!
ارتكزت رنا ..
-اخوي كفو وفوق الكفو !!
أبعدت الجوهره عنها بكره يم خالتها الي نطقت ..
-يكفي الجوهره .. شوفي انا واعده نفسي مااارجع ورجعت !!
تبسمت الجوهره بهزء..
-خالتي الحنونه !!!!..
ترقبتها بتظره ثاقبه ...
-عمي راكان بيتزوج دريتي ؟؟
شدت ساره مبسمها بنظرات محموقه ..
-الجوهره !!!!!... الزمي حدك !!! وش علي من عمك !!!!
التفتت لرنا ..
-رنا كلمي اخوك وينه او انا بكلم حصه ..
هتفت رنا ..
-لا بكلمه انا عمي شارط يخليها تتكلم عن طريق الوليد ياعمه !!
استبرقت نظرات ساره باستغراب لحظي .. ثم تنفست بهدور صادق اخوها ماتقدرتلومه على أي شي .. !!
تبادت نغمة جوال رنا ... ارخت نظراتها .. مدخله يدها بعجل.. انتبهت للرقم .. استاقفت .. بدون ترد ..
فتحته بعحل ماده يدها .. للجوهره ..
-خذي امك !!!
سحبت الجوهره الجوال .. رافعته لمسامعها ..
-جت رنا جلست جنب عمتها ..تبي تشغلها ..شوي ..
-عمه اذا خلصت خل نمشي ... انا احس بكتمه !! عمرها ماراح تتغير !!
وقت ماقربت الجوهره الجهاز ..
-الو !!
جمدت أنفاسها .. بربكه .. ملتفته لرنا وخالتها معطيتها ظهرها .. تلاقت نواظرهم .. لمعت عين رنا برجفه .. متابعه ..
-مخنوقه ياعمه .. صدق ودي اطلع !!
-ميخالف رنا .. تبن مويه .. خذي ..
استقامت ساره جايبه غرشه ..
اما الجوهره .. شت مقابض يدينها مستمعه .. للطرف الثاني ..
-بخير يمه .. !!
عينها اطرفت لرنا من جديد وهي تتكم ..
-كيف يعني ؟؟
اشتد مبسمها ....مستمعه باسهاب .. التفتت لها خالتها ..
رجفت يد رنا وهي ماسكه الغرشه تخاف عمتها تحس وتشك !! بس وين تشك نست هي الجوهره مين ؟؟
-طيب يمه .. يكون خير !!
ترقبتها ساره بهدوور الين خلصت ..
-وش قالت امك ؟؟ غريبه ماهجتي !!!
استبرقت نظرات الجوهره .. بدمع غاشي عينها .. رافعه راسها يم .. خالتها ..
-تبقى امي بالاخر .. !!
احتنت نظرة ساره ..تابعت الجوهره ..
-تقول بتطلعني من هينا !!!..بس لازم اصبر ...وبتمنع زواجي !!!!
ارتاحت انفاس ساره ..
-ان شاء الله تقدر !!
نطقت الجوهره وهي تمسح دموعها .. كارهه تمثيلها الممرض لروحها الي حاقده وتمقت وجودهم كلهم ..
-بتقر ليه ماتقدر ووراها شيخكم !!! مب هو الي رماني هالرميه !! قادر يطلعني !!!
انهت كلامها وعينها على رنا !!!
استاقفت رنا هاتفه ..
-يله عمه انا بمشي .. ..
بحركه مب واضحه ..سحبت الجوهره الجوال لجيبها .. بصمت ..
وقفت ساره ..
يله .. اسمعي كلام امك دام قالت بساعدك زين !! هذي فرصه لك يالجوهره !!!
نطقت الجوهره بحمق ..
-رجعي رحمي لي !! عشان احكم عليها انها فرصه !!!
هزت ساره راسها ..
-لاتفكرين بالي خسرتيه خلاص ! حاولي تطلعين من الي انتي فيه لاتتعكر حياتك بهالزواج من هالشايب !!
-عرفتي انه شايب ؟؟ اثاري الاخبار عندكم ؟؟ !!
هزت ساره راسها .. بقل حيله ..
-الشين مايندس يالجوهره .. !!!
لفت لرنا الي لبست نقابها وخذت جوالها ..تبع زناد .. دسته وعينها يم جهازها الخاص الثاني .. استعدت ..بتطلع .. شافت الجوهره ..واقفه..
دخلت مرت عمها ..
-على وين ياساره ؟؟ ماقمنا بضيافتك .. التفتت للجوهره..
-وراك ماضيفتي ضيوفك ؟؟
نطقت برد نافر ..
-حتى لو بضيفهم مب ماخذينه يحسبون بنسممهم !!
انهت كلامها وعينها بعين رنا ..
شهقت مرت عمها ..
-لا والله ؟؟ وش هالحكي !!
جمدت نظرات ساره عليها .. ناطقه ..
-ماعليك منها وماقصرتوا والله بس مستعجلين .. بمر بيت اخوي بعد .. !!كفيتو ووفيتوا !!!
تقدمت ساره مع مرت عمها متخطيه الجوهره ورنا .. مشت بخطواتها وراها .. وفجاه قبضت الجوهره على ذراعها .. ناظرتها رنا ..شاده يدها همست لها بحس ضايج ..
-ليش تساعديني ؟؟ بلعت رنا ريقها .. راده ..ويدها فوق يد الجوهره .
-ارد دينك الي علي !!!
ركزت فيها النظر ..متابعه ..
-وحده بوحده يالجوهره .. بس الفرق انك ذاك اليوم كنتي بتغدرين فيني !! وهالمره انتي جبتي لنفسك هالبلا مب انا !!!!
أبعدت يدها بحمق ..وهي تسمع لها ..
-من وين جاب رقمك حمدان !!! هو طلع من السجن !!؟؟
-دام كلمك اكيد طلع !! لاتنسين وراه ظهر !! هذي اخر شي مني يالجوهره !!! وعدني معد يمس سمعتي اذا وصلته لك !! وانا وفيت بوعدي جبت لك شاكلتك والي يبيك ومازال !!
ترقبتها بحمق متابعه ..
-خذي الي يبيك قاعده احفظيها لاتسعين ورا الي عايفك ابد !!
انهت كلامها .. مرتجفه .. وطالعه تابعه عمتها ..
ترقبتهم .. الجوهره ... وأول ماطلعو .. سحبت الجهاز تصمته .. وتدسه من جديد .... اذا عشان تهج من هالجحيم ..ترجع لحمدان .. ناره ولا نارهم .. عالاقل يبيها .. وبيساعدها .... تنتقم منهم جميع !!! م بيبي جيدها !! خل ياخذه معد يهمها شي .. الا النار الي تستعر بروحها ووسط خفوقها .. لدرجة صارت تحس ان نبضها كما لسعات الجمر متوسد صدرها ..
.................................................. ................................
قبل بوقت ..
ترقبه الوليد .بنظرات ثاقبه ... منتظر .. يخلص .. وأول ماسكر حمدان .. تلاقت نواظرهم ..
-تقول طيب !!
شد الوليد مبسمه .. رافع اصبعه .. وهاز راسها ..
-حتى لو قالت ماضمنها ولااضمنك عشان كيذى عيني عليكم الاثنين أي غلطه ياحمدان ..
سكت مستبرقه نظرته .. له .. نطق حمدان مرطب شفته وعينه على يده ..
-انا وعدتك !! وعد رجال !!
ترقبته الوليد بنظره حاده .. مرتكز بجلسته ..
-أحسن لك !!! تصدق !!!.. هذاني طلعتك !!لك الساحه يالذيب !!..
دق اصبعه عالطاوله امامه ..
-كل خطوه وتقدم معها .. تبلغني !!.. فيها !!..
حرك هدب عينه .. متابع ..
-لاتنسى ان رجالي حولك وحواليك !!!
قطب حمدان نظر عينه .. بجمود
-رجعت يالقناص اجل !!!
احتدت نظرة الوليد .. ناطق بهادي الصوت ..
-احذر من اوليد الف مره واحذر من القناص مليون مره !!! خابر انت هالمجال مابه خساره ابد !!
هز راسه ببسمه حاده ..
-انت اكيد عندك خبر !.. وش باعي فيه !!
هز حمدان راسه بتفهم .. وصمت .. وضيق ..
-فهمت يابن جلمود .. وصلني الي تبيه يوصل .. !!!
تراجع الوليد .. متساند .. مأشر بيده ..
-افلح ياحمدان الدرب مفتوح !!!
ترقب خروجه خلال ثواني ... وضيق مستليظ .. داخل صدره .. استاقف .. ساحب عصاته .. واجهزته .. وشعور الضيق محاوط فكره .. ومستجلي بخطواته ..
طلع من شركته .. وعينه يم السايق المعروف له .. وسيارته ..ماله خلق حتى يسوق ووجع رجله مايسمح له .. ماوده يدين رجله وتمشي للطريق الي بيخون كلمته معها .. شد مبسمه ومشعل .. يتقدم له .. ماد يده .
-يالله حيه يابو صخر !!
مد الوليد يده .. قابض كفه ..
-حمد الله عالسلامه !!..كيف الأمور ؟؟
-كل شي جاهز .. وبالتنظيم الي تبي !!
هز الوليد راسه .. بثبات ..جامد ..
-سلمت !!.
-سم طال عمرك ..
ركب .. ماد رجله ..ومجنب عصاته ..حاذف جوالاته عالمقعد الي جنبه .. تسكر الباب .. اول ماستجلس .. نطق هادي الحس والي يعاكس ضولة احساسه ..
-حرك السياره !!!
.................................................. ................................
فرنسا ..
باريس ..
امتلى القصر المصغر .. حرس وافراد .. عصابات .. وداخل وطالع ...
استجلس .. سعود .. بصدر المجلس .. مستقبل الزوار المعزين .. بعد مااعلن وفاة زوجته وهو يعتبر منهم وفيهم .. وجيتهم لتقديم التعازي شكليات لابد منها حتى لو انه مكروه من البعض ...
-روتين فارغ !! يعني كن هالناس مايدرون انك ذابحها !!!
التفت له سعود بحمق ..
-اقطع صوتك ناسي وجود السفاره ياثور !!! تبي تفضحنا !!!
سكت خويه ..محرك هدب عينه .. ومستجلس .. وعينه تترقب الحظور ... بحذر ..
همس ..
-مافيه خبر .. عن القناص !!
-لا !!!.. مختفي هالفتره مدري وش مشغله !!!
قطب هدب عينه .. بكره ..هاتف ..
-حتى نسى من عندي هينا هالخسيس الواطي !! هالخبلا لين جفت عينها وفارقتها أنفاسها وهي تصرخ ولدي وولدي !! والثاني متمسكن به ..وينه !!!! ماشوفه جا يدورهم !! خسيس وضعيف شخصيه مثل ابوه !!!.. كان يستخدمهم عشان يوصلني وهم اغبيا !!
نطق ل خويه بنفس الهمس .. وقت تقدموا رجال من السفاره .. يعزون ..متغافلين هالشخصيه المطلوبه لكن خابرينها وواثقين انها السبب بهالوفاه لكنه محصن وتحت يدين صعبن يطولونها .. غير انهم مأمورين .. !
استاقف سعود مودعهم .. الين راحوا .. ثم جلس مكانه ..أمر الساقين .. يوزعون الشراب ..عالمتواجدين..
التفت لخويه .. الي سأله ..
-ولدك وينه ؟؟ ماحظر عزا امه !! او مايدري !!!
ابعد سعود نواظره بكره .. لطاريها ..
-امه الفاجره .. لعد تجيب طاريها قدامي تستاهل الموت والمفروض من قبل !!! ..
تنفس ثم شرب من كاسته بعجل .. محموق ..
-مرزوع تحت .. !! لين يرحع عقله براسه ..وبعدين !!!وان عرف يعني ؟؟ وش بيده !!!
اتركك منه هو امه .. واطاريهم .. شوف هالورود المقبله ..
ناظر خويه نظره ماكره .. هاتف ..
-يله نبدى الانس من بدري .. !!..يكفينا حزن كاذب على وحدتن مثلها !!!!
..
نفس البقعه الغير مباركه .. بس بغرفه بعيده .. احد غرف القبو السفلي .. وسط جدران عازله الصوت .. جناح مفروش .. بفخامه تضاهي الدور الأرضي .. رفع راسه .. مترقب بحذر .. مفتاح الباب وهو يدور بالقفل ..
غمض عينه بخفوت وحذر.. وترقب ..
اول مانفتح الباب .. جت عينه بعين هالادمي .. الي ملازمه طول هالفتره ..
انقفل الباب .. وتقدم من طلال .. جت عين طلال عالابره الي بيده .. استهزأت نظرته .. ناطق ..
-لين الحين مستمر ؟؟ مامل !! لوين يبي يوصل اكثر !! شكل تمثيلي مب عاجبه !!
نطق له المواجه له ..
-ترى الجدران لها آذان .. والكميرا تنتبه لشفاتك كم مره نبهتك !!
ارخى راسه بسكون تمثيلي ... ناطق بخفوت ..
-وش صار ؟؟ متى بطلع من هالزنزانه !!!
امتدت يده لم ذراع طلال .. باحث عن عرق ..
-انا مثلك منفطعه اخباري عن الفرقه الي معي !!ادع الله ماننكشف !! واثبت !!! هذا الي اطلبه منك !!
غرس اابره .. وعينه يم عين طلال !!..نطق طلال .. بهدووء.
-ابي اعلمه !! بعلمه اني ماخنته !!!
-مين هو ؟؟
رد بهذيان ..
-اخوووي !!..
-بتطلع ان شاء الله وتبلغه .... ان شاء الله مايستبدلوني وقتها بتكون ورطه صدق !!..
نطق طلال حاساس ببرودة الماده المحقونه بوريده ..
-غريبه اليوم ماخذ راحت..ك ..بالسوالف !!
ترقبه هالانسان الواقف .. شاد مبسمه .. مترقبه بحذر ..
-اليوم القصر مليان عالم مب اليوم من قبل بعد !!
قطب هدب عينه .. طلال ونبضه مبتدي يعلى اجل جا الوليد !!؟؟ ..كتم تساؤله أصلا هو مب واثق .. بهالرجال ..
بلع ريقه .. ورمى راسها عالسرير .. بجهد ..
-تشتغل تبع من انت !!!! من فوق راسك !!؟؟
-ماتعبت من السوال !!!!؟؟
هز طلال راسه ..
-تعرف اخوي منهو !!!
ترقبه الرجل بحذر .. متابع حالته .. تابع طلال .. ناطق ..
-القناص !!...اخوي !!!..
.................................................. .................................
الرياض ...
فيلا العنود ..
الساعه 12 ..
مجلس الضيافه .. استجلس الوليد .. والشيخ الي كتب عقدهم ...ومقابله زناد بن عبدالرحمن الشاهد الأول .. جت عينه عالشاهد الثاني ..
نايف بن غازي ..
ترقبه نايف ..بحزم .. ثم ابعد نظراته يم الشيخ وهم ..يعلن .. تمام عقد الوليد ..
اشتدت مقابض يدينه .. بضيق .. مستمع .. لهاعلان ..
- بارك الله لكما وجمع بينكما على خير ..
محد رد وراه ..كلهم تركوا الصمت يحاكي ..مضمون الشعور .. ..
ثانيه ورد نايف ..بحس فاحم مموق ..هامس .. وعينه يم الوليد
-امين ..
احتدت نظرة الوليد له .. ثم ارخى نواظره يم الشيخ الي استاقف ..ومعه زناد ..وهو مثل ..
-سلمت ياشيخ ..الله يبارك بعمرك !!
حياك..
سحب جواله داق بعجل .. ثانيه جا مشعل ..وجه له الوليد آمره ..
-وصل شيخنا !!
مرت دقايق ..ودع مشعل الشيخ .. وطلع معه .. ناظر الوليد نايف .. ثم اطرف لزناد المتقدم ..له ..
-استأذن انا يابو صخر ..
مد يه محتزم يد الوليد ..
-سلمت يابوعبدالرحمن .. ماقصرت !..كفيت ووفيت !!
-مابه كلافه يالنسيب !!
سلم على نايف مدرك ..شحنة الجو المتكهرب بينهم الاثنين ..وطلع ..تلاقت نواظرهم ..الاثنين
الوليد ونايف .. شد مبسمه و
نطق .. ..
-اذا الي سواه سعد ذبحها .. انا نحرت اختي يالوليد !!عالاقل هو بدون علم لكن انا بعلم !!!
شد الوليد مبسمه وهو متماسك ..ضاغط اعصابه .. لاينفجر فيه .. هو يحسبه مقدم بكيفه ولرااحته!؟؟ أساسا هو مكبوت ..وحمقان ....
استجلس ماد رجله ومجنب عصاته .. سحب شماغه على كتفه .. ونطق ..بحس حاذر ..
-مااثق الا فيك بعد الله !! لو طلال موجود جنبتك هالضيق !!
ترقبه نايف بحمق .. ثانيه ثم هز راسه ..
ونطق ..
-وش بقى فيها يالوليد !!؟؟ علمني !! اختي وش بقى بها !؟؟
رفع يده .. شارح ..
-انا معك ومن البدايه معك .. لكن نجلا !.. انت تمشي بطريق وعر وهي معك تمشي وتذوي !!
نطق الوليد مقاطعه .. بحس نافر ..ببحة غضب..
-تحسب اني جايز لي فعلي !!! ؟؟ هاه نايف !!!؟؟ ..
هز نايف راسه واستاقف حاس بخنقه ..
-متى بينتهي ذا كله يالوليد !!..؟؟
ارخى الوليد نواظره لخاتمها ..
-بعلم الله !!
رفع نايف ..يده .. بقل حيله وغضب..
-يعني هذي بتتم لمتى على ذمتك !!؟؟
احتدت نواظر الوليد ..ناطق بحامي النبره ..
-هذي تراها مرتي يانايف !! حشمتها من حشمتي !! انا مقدر ضيقك ووضعك !! لكن امسك نفسك يكفينا مافينا !!..
ترقبه نايف ... وعينه تستبرق الضيق .. اطرف بنظراته للطاوله وتجهيزاتها .. استنشق ريح العوده ....تبسم بهزء .. هاز راسه ... حرك هدب عينه .. مستاقف يبي يستأذن مايقدر يجلس اكثر .. تبادى له حس .. سمعوه الاثنين ..مع دقات ..عجلا ..
-ابوي الوليد !! عادي ادخل !!؟؟
تلاقت نواظرههم الاثنين ..جمدت انفاس نايف .. ...فيما بين الوليد يرد ..
-تعال يزيد ..!!
ترقب نايف دخول ولد ..بعمر صغير قطب هدب عينه وهو يشوف اشراق واظره ..وعينه تتبادى مابينهم الاثنين ثم التقت للوليد مقبل عليه ..
-جييييت يابوي أخيرا جيت !!
تبسم الوليد متقدم ..ماد يده ..
-هلاا وسهلا ... !! اخبارك يالذيب !!
سلم يزيد بحماس عليه .. ولثم جبينه ..
- بخير .. الحمد الله ..
ناظر الوليد يزيد ..
-هذا صديقي أبو غازي !.. بيطلع الحين .. سلم عليه ووصله للباب!!
تقدم ومد يده لنايف ..
ترقبه نايف..بدون شعور ولا أي شي يقدر يوصف شعوره ..واحساسه .. الي يعيشه الحين .. مب امس شكت له الحال !! ثم طلبت يثق برجلها وهذا هو وثق !! بس وش الي يشوفه الحين ويجاريه فيه .. ؟ لو تدري هالثقه الي طلبتها وين بتوديها ..؟؟ ..
مد يزيد يده ..
-حياك الله .. ياعم !! نورتنا !!
ارخى نواظره يم يده الممدوده ..
اطرف يم الوليد .. الي رد الله النظره بكبر ..وراس شامخ .. انتبه للعرق الساطي الي ينبض .. اسفل فكه .. مد يده بعجل ..
-هلا .. فيك .. اجلس عند ابوك انا يلطلع لحالي .. !!
ترك يده ..
نطق الوليد منادي .. بحس حاد وحاذر ..
-نايف !!
التفت له نايف عند المدخل رافع يدها ومحرك هدب عينه بضيق .. وناطق ..
-كيذا كثير يالوليد !! كثير !! ان درت ..
قاطعه الوليد .. بهدووؤ..
-الشرع محلل لي فوقها ثلاث !!..ولاراح تدري ان ماحكيت انت !!
ابوك سواها من قبلي وانا منيب احسن منه بشي !!
انلجم نايف مترقبه باستغراب ..وشرار بروحه .. ثاير .. ناظر هالولد المترقبهم ..بصمت فاهم ..
ثم نطق بحاذر الصوت .. وهو يركز على كل كلمه يقولها
-ان حصل وعرفت من مين ماكان .. ! وطلبتني ..
نطق الوليد ..مقاطعه ..
-ماراح تطلبك !! انت شاهد وعارف !!من البدايه !!


قال الزهر آآآه غير متواجد حالياً   رد مع اقتباس
قديم 17-10-21, 02:51 AM   #12533

قال الزهر آآآه
 
الصورة الرمزية قال الزهر آآآه

? العضوٌ??? » 1793
?  التسِجيلٌ » Feb 2008
? مشَارَ?اتْي » 2,669
?  نُقآطِيْ » قال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond repute
افتراضي



شد نايف مبسمه ..بحمق ..ضايج .. مضيق نواظره ..
-تساومني انت يالوليد ؟؟
هز راسه .. بقل حيله .. ومتابع ..
-والي يشيب بالراس ! ويحر انها قالت ان وثقت به يكفيني عن الي راح منك وضرني !!!..
رفع يده .. باستهجان .. ماشر ليزيد المترقبهم
-هذي اخرة الثقه !!!
مانتظر كلمه او تبرير لانه عارف ان الوليد ماراح ينطق او يستسلم او يشرح اكثر من الي يبيه له ..
تراجع .. عن المكان .. بخطوات عجلا .. فار وهاج من المكان .. وش حاصل مع الوليد ؟؟ البارح الي يشوفه يقول بينجن ان صابها شي وفعله اليوم وحدته ومنطوقه .. تختلف !!
اول ماطلع من بيتهم .. ومن مجال الحرس.. استنشق من هو ربه .. ومع ذلك منكتم .. هل هو قد هالحمل ؟؟ قد انه يظلمها حقبه جديده من الزمن؟؟؟؟!!!.. !!؟؟؟..
ركب سيارته محركها .. بقل صبر تارك الشارع والحي .. بيهج لكن مب عارف وين .. سعد طلع من التوقيف وصد عنه .. طلب يبعد .. والبيت بيضغط أنفاسه .. وين يروووح ... !!!
مشى ومشى بالطرقات ... ومن شدة ضيقه .. خفف مسير سيارته .. وجنبها .. استمسك مقود الدركسون بشده .. وعينه تترقب امامه .. متغافل انوار السيارات .. الرايحه والجايه ..
.................................................. ................................
فيلا العنود ..
وتحدييدا المجلس..
-شفت الفيفا ؟؟ اقدر العبه بسهوله تعديت كل مراحله !!
يتكلم والوليد مركز بتفاصيله .. بنظرات ممتزجه بضوجان واجهاد .. من كبر الضغوط .. الي اليوم ..وقوة كبته .. حاسس باعصابه .. مهلكه ..
-لانك هاوي لعب ...
تبادى حس يزيد .. مستمر .. يجيب أي طاري يبي يستغل تواجد الوليد الي افرح قلبه ..
فيما بين .. العنود مترقبه ومستمعه لهم من خلف الباب .. قلبها ينبض ينبض .. برهبه .. من زوجها الشيخ لغاية اخر كلامه مع نسيبه ..
استشعرت عمق قوة هالرجل الي اصبح حليلها لدرجة فرض وجودها حتى على نسيبه .. ؟؟ !! أي عشق يتكلم عنه .. واي حب !!؟؟ تنفست بهدوء مستنتجه ..
الوليد مثل ماهو مايعرف للحب طريق .. يمكن معجبته لشي معين بس حب ؟؟ وجايب اخوها يشهد عيني عينك ؟؟
غمضت عينها لامسه صدرها الي يعلوا ويهبط .. براحه وشي من الترقب المشحون .. المستشيط ..يفصلها عنه فقط هالباب .. صوته الهادي .. مع وحس يزيد .. زي الحلم .. ومب أي حلم .. شعور يتفوق على كل همسه همستها وسط روحها وتمنتها .. بليالي وحدتها .. المظلمه..رجف فكها .. وقت اقبل يزيد .. رفعت اصبعها تأشر مايطلع حس .. سحبته متوجهه معاه داخل ..
- وراك رجعت ؟؟ راح عمك ؟؟
هز راسه بعجل ..
-لالا .. نام وانا أتكلم !!..
قطبت هدب عينها .. باستعجاب ..هاتفه
-نام ؟؟
-ايه امي نام مغمض عينه !!! جيت اعلمك !! ..
ابتسم وتابع ..
-علمته عن طريقة لعبي ومدرستي وعن شلتي بالمدرسه ..
هز اكتافه ..
-عاد مدري سمع كل شي او لا .. !!..
رفعت يدها تبعد خصلها ..
-طيب زين ماسويت يا ولدي .. عادي أحيان الواحد مع التعب .. ينام كم دقيقه .. روح ارقى خله يريح شويه !!
هز راسه ..بفرحه
-سعنس بينام عندنا !!!!؟؟
تبسمت بربكه .. وهاجس مشحون .. ينذرها .. لاتفرح ولاتستبشر ..
-مادري نشوف .. !! ارق انت بدل لبسك .. !!.. عشان تنام .. دام تسحرت وشبعت !!
-ابشري !!
ربتت فوق راسه باسمه ..
-بشرت بالجنه يابوي ... !
تحرك ..معه ايباده .. الي دخل فيه .. متوجه داخل .. ترقبته وقلبها ينبض وينبض .. ساحبه انفاس بخوف .. وراسها يلتف جهة المجلس .. رجف فكها ..برهبه ..وهي تتقدم ..بخطوات .. مستحكمه .. مهتابه .. وصلت للباب .. رفت يدها .. قابضه ممسكه رجف كل جيدها وهي تغمض عينها بترقب وخوف .. ماتدري ليه خافت من أساس!!..سحيته .. بخفه بطيييئه .. وتظراتها تبرق .. وقلبها بعد .. جمدت أنفاسها ورجفت روحها .. وقت جت عينها عليه وشافته .. همست بلا شعور .. بحس صدحت به أنفاسها اكثر من لسانه ..
-الوليييييييد ...!!
رفعت يدها بعجل تكتم مبسمها واساسا الصوت ماطلع .. !!..وقفت تترقبه ..بقلب نابض .. وعين عاشقه حظوره الغايب .. استندت على اطار الباب .. مجهد تحقق الاحلام .. يتلف الروح السقيمه الي تشبهه روحها .. بلعت ريقها .. ونظراتها ..تتحرك وتستمهل ..هيئته .. المههيمنه ..عضت شفتها .. ثم ارخت راسها تفك شوزها العالي ..ماتبي يحس بها ويقوم .. باين انه غافي .. ابتدت خطواتها تتقدم .. والنبض وسط ضلوعها يتسارع ويتسارع .. ويتسارع .. وش حده يغفى وسط بيتها .. لا !؟ مب بيتها بيته هو .. هي أصلا في حماه هو ..
وصلت .. امامه غير مستجر~ه تجلس جنبه .. بس عينها توسدت محانيه بلا خجل .. ملامحه .. متغيره.. الون الفضي الممتزج .. بعوارضه .. ماكان موجود .. الخطوط حوالين مبسمه .. وعينه ماكانت فيه .. !! تقطيبته الواضحه .. سحبت نفي بدون حس متخيله يدها تمتد تبعدها هالتقطيبه العصبيه .. اطرفت يم عصاته .. بتقطيب .. ثم يم رجله الممدوده ..والضماد الي حواليها .. عضت شفتها .. بقلق رجعت تترقبه ..
إحساس داخلي .. سحبها .. معه .. وخلاها تتقدم ..بليا شعور ...مدت يدها .. يم جبينه ..وقبل تلمس بشرته تبادى حس جوال عالطاوله .. فتح عينه .. بحده .. قابض معصمها ..هتفت بخوف .. وصدمه .. من حدة نظرته لها ..
-آآه... وجعت يدي .. !!!
-الولييييد !!!!
ضغط عليها .. بحمق ..ثم نفضها .. عنه .. لدرجة تراجع جيدها كم خطوه وهي تصرخ بخفوت .. هامس ونتتلمس معصمها بتفطيبه ضايجه ..
-احححح .. وجعت يدي يالوليد !!..ماكنت بسوي شي !!..ادري ماتحب المسك حافظه قوانينك !!..
بلعت ريقها وفكها يرجف من نظرته ..
ارخى نواظره يم جواله وهو يسحبه ويرتكز بظهره .. شاف اسمها .. اطرفت يم يده وتردده ..نطقت بليا شعور ..وحس ميت ..
-عادي اذا هي رد عليها ! انا مب شي عشان تتردد !!
صمت الجهاز وحطه عالطاوله ناطق محذر ..
-لاتستفزيني يالعنود !!
استمرت تتلمس معصمها .. وهي ترد .. ثم أبعدت شعرها ..
-ماستفزك انا أقول الصدق !!!..
لاحظت عينه الثاقبه ..وسط عينها .. استاقفت ..بكبر .. مبعده شعرها الكث ..مدركه جمال طلتها .. لكن من كثر الضيق وعمق نظرته الغضبى لها معد يهمها شافها زينه او لا !! ودها تدفن راسها بهاللحظه ..
-يزيد وينه ؟؟
-طلع غرفته .. يحسبك نايم !!!
-سكري الباب ..
استاقفت ....ببطء ..مدركه عينه ..تستمهل بها النظر .. اهتاج شعور ثاير .. حاسه برفرفه .. قويه .. وشعور مهيب وصل لمعدتها .. تعرفه هالاحساس .. تدرك معانيه .. مايثيره الا هو .. ..قد فارقها من سنين ورجع الحين بكل قوه يحتويها روج وجسد ..
,آه ياثقل الشعور وخفته .. وآه من ياجماله وقبح فعله ..!!!
سكرت الباب .. ويوم التفتت اطرفت له ..متلاقينه نواظرهم .. رجف قلبها .. حاسه بغشاوه مهيبه ..لحظوره وتمكنه من انه يهز ويزلزل ..معاني عمق الإحساس الميت المدفون .. موتها ورجع يحييها .. بكل عنف .. وجرأه .. بلا حد او حدود ..او استئذآن...
اشر لها عالكراسي الي قدام ..ونطق بحس آمر
- اجلسي .. !!
مشت بخطوات هاديه لو داخلها يرجف ومهزوز .. من هالرجال .. الي اشعل فيها ..ماضي يوجع .. بس تعشقه !!!.. استجلست لافه .. ورافعه رجل على رجل .. وعينه تترقبها ..بدون مايظهر فكره مضمون هوجاسه ..
نطق .. بحس هادي .. وواضح ..رخيم وثقيل .
-السوالف الي راحت هاليومين .. ؟ المكالمات والجرأه انك تخوضين بشي مالك خص فيه امنعينا منه !!..
تقدم .. متساند .. على يد الكنب وعينه تستمهل النظر بمحانيها .. بثبات ..
-هالخلق الي اتي لابسته .. لايفدم ولايأخر !!..ولايأثر لامن بعيد ولامن قريب !!
ترقب صدمتها ورجفة فكها .. واحمرار محاوط اجفانها .. همست .. برهبه .. وضيق ..
-الوليييد!!انت تهيني !


قال الزهر آآآه غير متواجد حالياً   رد مع اقتباس
قديم 17-10-21, 02:53 AM   #12534

قال الزهر آآآه
 
الصورة الرمزية قال الزهر آآآه

? العضوٌ??? » 1793
?  التسِجيلٌ » Feb 2008
? مشَارَ?اتْي » 2,669
?  نُقآطِيْ » قال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond repute
افتراضي

-انتي هاينه نفسك ..من فكرتي تلمسني !!من اقبلتي وخذتك الجرأه تنحنين حولي !!هاينتها !!
ريح يده على فخذ رجله الممدود ..مترقبها ..مزلزل سكون دواخلها ..ومجفل عمق نبضها ..بحسه المكضوم ..
-انا انظلمت بحياتي كثير !!
قاطعها ..بجمود..
-هذي اختياراتك مايخصني !!بها
حركت راسها بقل حيله ..وحس مبهم .. مستنكر معاتب ..
-بس انا اخترتك !!! من زمان اخترتك هذا جزاي !!..
نطق بلا هواده
-كثير اختاروني بس انا ماخترت ولا وحده فيكم !!!
خاصه انتي !! تركتك بمحض ارادتي وادراكي !!
رجفت شفتها شاده يدها ..
-تركتني عشان يزيد عشان عرفت عنه!!وعرفت ابوه !!
لاتنكر كنا متوالفين ومتفاهمين
سكتت مرخيه نظراته امام نواظره الثاقبه المترقبتها تحس انها تجردها من كل شي ..وكن عينه تدخل داخلها وتكشف عورة روحها قبل جيدها .. طول عمره كيذا وهذا هو ..قاسي .. مجرم ..
سمعت حسه .. سائل ..
-تبين تعرفين وشهو قدرك ومكانك معي !!!؟؟
رفعت راسها بخوف .. مهتاب ..وترقب .. وقت شافت نواظره ..
هز راسه ..
-مع اني وضحمته لك لكن انتي بتصرفاتك تحتاجين إعادة تحجيم !!
شدت مبسمها وهي تشوفه .. يسحب جهاز من جيبه .. ارتهبت أنفاسها بخوف ..وابتدا صدرها يعتلي ويعتلي ..
-الوليد بتكلم مين ؟؟
ناظرها ..
-لايطلع حسك واسمعي .. !!
بلعت ريقها .. وهي تستمع .. للخط ضغط وظعية مكبر الصوت ..
احترقت أنفاسها وابتدى نبضها ينبض ..بس هالمره .. رعب .. جهور واضح اسقى رسم ملامحها البهيه .. خوف وارتباك..وقت تبادى حس الطرف الثاني راد ..
-نعم !!
نطق الوليد وعينه عليها بثبات .. وش كثر كان ينتظر هاللحظه وش كثر !!
-مشهووووور !!!
مرت ثانية صمت .. ثم نطق ..بنزق..
-مين انت !!!
شد الوليد مبسمه .. محتده نواظره ..
-بن جلمود !!! او القناص !! الي تبي !!
وصله اترباك الطرف الثاني وصدمته ..
-وش يضمن لي انه انت !! يمكن انت خسيس واطي (؟؟؟)..
تركه الوليد يكيل الشتايم .. ببسمه شيطانيه مرعبه لسكونها اكثر واكثر ..
-اكرم عن كل ماقلت !.. اسمعني زين !..
تابع بدون يعطيه مجال ..يكمل ..
-الي تبيه ويوصلني انك حارقن دمك عليه عندي !!! وتحت ممسك يدي !! ووببيتي وبحماي !!
-يزيد ولدي يويد عندك !!
رفعت يدها مهتز جيدها بخوف هامسه مأشلره برعب .. نافيه براسها ..
-عندي !!!..
-ابيه ولدي يالقناص !!! ماخبرت انك خسيس !!وتدخل عوايلنا بالي بينا !!!
-لا خسيس واحس من الخسيس !!.. ماكلمتك عشان عتابك الي مثل وجهك !!ولدك عندي وادري بك تبحث عنه .. وعني !..هذاني كلمتك وعلمتك منهو انا !!
-ابي ولدي يالوليد !!! امه وين ؟؟؟ العنود وينها !!
رفعت يدها تغطي ملامحها حانيه جيدها ببكا مكتوم سماع اسمعها على لسانه كما السوووط يجلدها بماضيها .. ويوجعها ..
سمعت حس الوليد .. الثابت .. المرهب ..
-موجوده!!!..
رفعت راسها وانفاسها تجتر من صدرها جر ..
حست بغشاوة دموعها تنزل .. بلا ثبات ولا ركيزه ...
-السلوقيه بنت الكلب !!! الش؟؟؟؟
-تبيها ؟؟
وصله حسه الصارخ ..
- ايه ايه ايه ابييها ... وش تبي وش مطلبك اجيبه لك وجيبها هي لي !!! وولدي قبلها !!!تسمع يالقناص .. جيبها قبل ولدي !!
فتحت عينها ..ونظراتها تلومه وتعاتبه ..اهلك ميادين ضيقها .. وفكرها ارهبها بماضي هو يخبر وش قاست منه .. ماتوقعت على كبر وعظم قساوته يفعل هالفعل .. معها .. !!
نطق .. مسكر مبكر الصوت .. ورافع الجهاز لمسامعه ..
-ابي ولد المطنوخ !!!!طلال !!
هذا الحين وبعدها فيه الي ابيه قد ماهو عندك هالظنى غالي لي مطاليب !!!
-ماشفته ولده من سنين !!! توني طالع من العزى !!!!
جمدت نظرته ..بثانيه وهو يستمع .. له .. انتكس حتى رسم ملامحه ..
هاتف بحس ميت ..
-عزا مين ؟؟
جته الاجابه كما الصاعقه ..تصعق مبادي روحه .. وغمام فكره .. جاه الرد كما سكاكسن تطعن بصدره وظهره .. وكل صوب..
-حرمه المصون !!!
-متأكد ..انت !!
-ايه ! خلنا بالمهم الحين انا بعرف اجيب اخبار ولده !! لكن وش يضمن لي انك صادق .. !!
نطق راد متجاهل منطوقه .. وعينه تشتب حمار ..
-شلون ماتت !!!!؟؟ هو تسبب عليها!!
وصله الرد بقل اهتمام ..
-كلب اجرب المطنوخ .. يسويها !!! كل شي جايز !!!
-وولده ؟؟
-ماله حس بالاوساط !!! من خبرته ولده مب معه !! وش دخلك فيهم انت ليه تبي ولده ؟؟
اشتدت تظرات الوليد .. واحتوى روحه شي من الظلام الفاسد .. المهلك .. كل حس تمثل بصوتها .. الي فارقه .. وابعد باختيارها .. هي .. !
-مايعنيك ومايخصك .. جيب لي خبر ولده !! ابيه ولده ابيه !! اذا تبي ولدك وامه عطني طلال بن سعود !!!
-يعني انت صادق ؟؟ يزيد عنك انت !!!
-من سنين !!!..هذا اخر كلام عندي ..ولاهوب طلال عقبه لي مطالب بيدك انت تقدر تجيبها عشان قطعنك الفاسده الي عندي !!!
استهجن مشهور ..
-والله ورجعت يالقناص ومثل عادتك تضرب بالوجه !
-اهم شي خدك يثبت لطماتي لك واجد يامشهور !!
-تخسى !!
-مايخسى الا انت !! جايكم قريب ..الي بيوطي راسه كما النعامه .. بتعرف منهو .. !! انا ولا انت وشاكلتك !!وانتبه لاتوطيه وسط ارض صلبه دسّه بالوحل ! االارض الصلبه ..تكسر روس اشباه الرجال امثالك !!!لكن تنخّ وتلين لامثالي !!! وانت اخبر !..راسي ماينحي لا لفردن صمد !!!
ضغط اقفال .. برجفة يد .. واحساس ثاير ..وصدمه ..موجعه .. تدك روحه من داخل .. وصله حسها الباكي ..
-بتعطيني له ؟؟ هاه ؟؟ وش مرجلتك انت !!!! وين رجولتك ؟؟ شلون تسلمني لرجال غيرك وانت زوجي !!! وش هالدياثه!
رجف فكه .. ناطق ..بتحذير وحس به بحه ..رصينه .. تتمثل بسهام قاضيه اوجعت داخله..
--اذلفي عن وجهي !!!!
استاقفت بحمق .. هاتفه .
-اذلللف !!!!! ليه !! اذلف اوجعك كلامي صح !!! ؟؟
قاطعها ..بحس متوعد ..
-اطرمي على تراب واذلفي .. !!
تابعت بحمق .. متغافله منظره المرعب أصلا مانتبهت جرحها منه كبير .. ارخصها وخلها كما السلعه رخبصه .. وبيسلمها لواحدن واطي .. ساعدها طول هالسنين عشان نفسه وبس ..!!
-انا سلمت لك وجيتك مب عشان ترخصني عند هالواطي .. هالذكر الي بدون مرجله !!! وش فرقك عنه وش فرقك ؟؟!!! انت بعتني بعتني !!!! وانا على ذمتك !!! على اقل هو احسن منك وانا على ذمته ماساوم بي احد !!
قاطعها صارخ مرهب عروق جيدها ..مأشر لها ..
-اطرممممميييي على ترااااااب !!!! واذلفي !!اقولك اذلفي يالعنود !!
رفعت يدها شاهقه .. غيضها وكسر روحها مانع عنها الشوف .. تابعت باهتيجاج..
-ليه تصارخ !! تحسبني أخاف زي قبل !! منت مرهبني يالوليد !!! انت من البدايه معي عشان توصل لهينا !!! تصرف وماخذ دور الابو لولدي عشان تذل مشهور !! انت خسيس !!!
استاقف الوليد .. وبلايا شعور تقدم لها وصلها بغمضه عين قابض ذراعها .. وناطق بحس مرهب ..
-اكتمي حسك لاتحديني عالي تكرهينه مني !!
زادت أنفاسها .. مستلج جيدها من لمسته وقبضة يدها .. رفعت يدها تحاول تبعده ..
-هذا انت انا أقول الصدق .. !! حتى الي عندك مرتك بيجي يوم وتساوم عليها !!
قاطعها بكف حامي .. زلزل رعبها اكثر .. مد يده عقب انحنا شاد شعرها .. وناطق .. بحس صارخ ..
-مرتي اشرف منك !! ومن مستنقعك الي شلتك منه !!! تكرم عنك مرتي تكرررررررم !!!!!!
شد راسها .. بمسكة شعرها ..
-تسمعييييييييين !!!!!!!
نفضها عند ..يده بقوه وتبادت رجفاتها الشاهقه .. ويدها تحاوط اكتافها وذرعانها ..
تابع بحسه الصارخ ..
-انا خسيس لامثالك انتي !!!! وفعلي تستاهلينه لانه قدرك !! عمرك لاتحلمين اطاك واقربك !! عمررررك !!
تبادت شهقاتها بخوف وغضب ..محموق ... ودموعها تصب ..من كبر الغيض وعمق الجرح ..
-قلتها قبل عمرك ماراح تتزوج وتزوجت !!! انت مب قد كلامك يالوليد !!!
مد يده قابض مبتدى فستانها .. الين تقطعت سيوره من كثر شده ..
رفعها الين تساوت مباسمهم .. ونواظرهم .. لدرجة تلامست انفاسهم .. عينها مسترهبه قربه وفلبها يدوي كما قرع الطبول ..
-استمهل النظر فيها من جبينها متوسده نظراته بجرأه عينها وهدبها .. وكامل رسومها ووصولا لشفايفها الي ترجف مقابل شفته الساطيه ..ونطق ببحه .. ملهبه ومرعبه ..
-تزوجت ..الي قربها يحيني يالعنود ..معك ومع غيرك كنت ميت !!! ميييت !!!مييييي...
بغمضة عين كتمت حسه .. لاثمه مبسمه .. ثواني .. الا حست بجيدها يضرب بقساوة الأرض.. شهقت .. شقات متقطعه .. صرخت بالم .. .رافعه راسها له بصدمه من نفسها قبل تصير منه ..
رجف فكها خوف .. وهي تشوف نظراته وهيمنها ومنظره المجفل لها .. همست ..
-ماقصدت !!! ماقص..
شافته بيده يمسح مبسمه .. بقرف .. واضح .. ناطق بشرار مجفل ..وحس هادي ..
-هذا انتي !!! رخيصه !!! شوفي مكانك بالنسبه لي !! بالقاع !!!..ناظري هيئتك !! واستعراض جسمك لي !!! واحكمي منهو الرخيص فينا ومنهو الخسيس !!!..
رفع اصبعه .. متابع ..
-والله لوما حاجتي لجيفتك ذي كان مانربط اسمك باسمي !!!
انحنى بجهد .. ساحب شماغه .. وعقاله .. مبعد نواظره عنها .. خذا اجهزته .. وعصاته وطلع من المكان الكرييه بكبره .. طلع ومشاعر الغضب تحاوطه من كل جهه .. والصدمه شاله روحه وتفكيره .. رفع يده من جدي ماسح مبسمه بشماغه .. بقرف .. ثم حاذفه باقرب .. سلة قمامه ..
مبسمه متشنج .. منقرف من طعم قربها .. الاثم لروحه ..اول ماطلع .. فتح له مشعل الباب .. ركب .. بدون حس .. استجلس ماد عصاته ...
-اطلع مشعل من السياره !!
طلع بعجل .. وهو استحكم بيده واصابعه ضاغط جهازه الخاص تبع شغله ..منتظر .. يسمع حس .. بينفجر لو مارد .. اول ماجاه الصوت ..
-هيثم !!!! مرت المطنوخ ماتت او لا !!!!
-والله علمي علمك يالوليد ..هو الوضع عنده زحمه هاليومين بس مراقبينه ماشفنا مسار جنازه !! ولا شي !!!..
بهتت نظرة عين الوليد .. بسكون عجيب .. مرتجف فكه ..
-تاكد لي هيثم حاول تتاكد يدي مربوطه هينا !!!!
-بحاول ابشر بجتمع مع الفريق عقب شوي .. انت خابر متحاوطين من التجسس أي غلطه منا بتخليهم يحذرون الف مره !!
-طز بهم وبحذرهم .. هيثم جيب لي العلم !!!جيبه لي !!!
-الله ييسر الأمور .. هد نفسك سيادة العميد مر علينا الي اكثر !! وان صدق هذا عالمهم وصخ لايمسكهم قانون ولادين !!
احتدت مقابض يد الوليد ..لدرجة تبادت عروقه ...حاسس بحرقه بعينه .. متذكر ملامحها .. وحسها ..وصوتها ..مواقفها .. ترجيه لها .. حسه الصادح هو يناديها .. استمثله امام مسامعه .. صوته الصغير المغدور .. غمض عينه ..وشواط حار يكبس على مشاهد جمعتها معه ....ضلوع صدره ثقيله .. والنفس اثقل .. وجالس يثقل .. ويثقل ..
-جيب خبرها لي انا مااطلبك كشريك عمل !! لا !! كصديق واخ!!
-ابشر بسوي الي اقدر عليه .. واكلمك ..
قفلوا من بعض ... حذف جواله .. مطرف لمشعل ..ضغط عالشباك ..
-اركب
اول ماستجلس مشعل .. تبادى حسه الامر .. رغم عمق الضيق..
-توجه لقصري !!!...
.................................................. ......................
ترقبت حالها ... بقل حيله ..وشعور مقيت ..كريه .. رفعت يدها لمبسمها .. – ليه يالوليد اهنتني !!!!!..اهنتمي ليييه !!!..
شهقت ..بونه .. وعينها تطرف يم لبسها الي كشف مبتدى صدرها .. ومانيها .. تلمست باصابعها سيور فستانها .. استاقفت بجهد وهي تشاهق .. بضيق وصدمه .. مرعوبه منه .. صور لها قدرها وآذاها .. مشت بخطواتها بعجل .. ماتبي تشوف احد .. لين وصلت جناحاها.. دخلت قافلته وباكيه بحس عالي ..ناشجه كما طير مجروح .. مسلوب الاراده .. صاحت ..بحس مقهور .. وعينها تترقب هيئتها .. رفعت يدها تشوف اثر أصابعه على خدها .. وروجها المحاوط مبسمها ..كحلها السايل ..حوالين عيونها الجميله .. لا ؟ الي كانت مشرقه بس لشوفته او حتى صوره له .. حجمها .. واهانها ..صغرها حتى امام نفسها العاشقه تفاصيله وروحه المسقومه !.. رفعت يدها ضاربه مبسمها بصياح.... تبادت يدينها فاصخه لبسها بحمق .. وحاذفته .. بغضب مكيسور .. يسيره شعورها الي خلقه فيها الليله .. توجهت لسريرها وهي عاريه روح وعارية جسد ..دافنه نفسها وناشجه بالم مهلكها .. الم جيد والم شعور ..والم عشق ممرض كريه تسرمد داخله .. هي حتى لعنفه عاشقه ..لكن اهانته ؟؟ همست ببكا..محرور
-صعببببب.... علي!!..يالولي...د ...صع...ب!!!!!!
.................................................. .......................
قصر ..صخر آل جلمود ...
مكان ما الحياه مبهجه .. والروح غامرها السكون ... وعقود الانوار .. مستوطنه ومحاوطه كل ركن ... جنه وسط هالوطن.... استمثلت بأرواح مستبرقه امل ومشتعله حماس ...
امام حوض السباحه الخارجي ...
انسل جيدها ... تحت المويه المستزرقه ..بسبب انعكاس العمق ... فتحت سمر عينها ..بانشداه ..
-والله تعلمت !!!! شفتي رنا !!!!..
هتفت لامها الي جالسه بجلسه خارجيه رتبتها بعد اليوم نجلا ..
-عمه ساره يمه شفتوها كيف تغوووص !!!
تبسمت ام سلطان ..
-ماشاء الله ..
نطقت رنا ..شايله الدله بيدها .. وعينها على نجلا وسط الما .. مترقبه انبلاج خروجها .. عشان تأخذ انفاس .. استهدت روحها .. وابتسمت متقدمه لعمتها ..
-هاتي عمه فنجالك !!
-خذي والله يالقهوه معك يامرت اخوي ماتنمل ! وهالجلسات الي مسوينها وش زينها !!!..
مدت رنا فنجالها ..واستجلست وحس سمر ونجلا .. وسط الما .. مبهج المكان ..
-هذي نجول الله يسعد قليبها !! انا سويت الخيمه وهي هالجلسه اليوم سنعتها !!
-أي زييين تغيييير والله المكان والهوا يرد الروح !!! وهالانوار بكل مكان يالومكم ماتبون تجونا !! مستقبلين رمضان بهالشكل !!
ماشاء الله تبارك الله !!
ضحكت ام سلطان رافعه يدها ..شارحه ..
-انا بعد مرتن كبيره ياساره كبروا عيالي وبناتي .. هينا لمتهم !..
تبارقت عينها بسؤال ..
-سلطان اخباره ؟؟ كلمكم !!
هدت ملامح مهره .. تاركه فنجالها وهي تستنطق..
-ماعليه سالن بارض الله الواسعه .. ! على عهده الله يصلح شانه وحاله !!
شدت ساره مبسمها مطرفه يم رنا .. تبسمت ناطقه ..
-امين .. رنا وراك ماتسبحين ؟؟ انزلي معهم خلي انا بصب ..وادردش مع امك !!
-مالي خلق سباحه ..
تبسمت ساره .. مكشره بنظراتها بضحك ..
-والله لو تدري حنان ويني فيه ان تنهبل !!! ضحكت بخفه متابعه ..
-ماتوقعت امركم وراي اشغال بجيبها لامي !!بس يازينها من جيه !!
-الله يححيك هذا بيت اخييّك .. تنورينه أي وقت !!
-الله يبقيك يارب .. الوليد وينه ؟ متى يجي عاده !!
رفعت رنا يدها تشوف ساعتها .. بتوتر ..
-تونا .. 2 عالسحور يمكن يجي !!
صرخت سمر بحس متبادي ..
-ياجماااااااعه .... شوفو ... بنطب انا ونجول !! احسبو لنا ..كم بنجلس تحت الما !!
استاقفت نجلا .. برجفه كامل جيدها وحماس مضوي روحها .. مشرقه ملامحها ..
-سمر لاتغشين اوقفي .. تراك تركضين قبلي !!
التفتت لها سمر فتحه عينها وقطرات الما .. تحاوطها ..
-بلانصب !! انتي تمشين على بيض وش اسوي بك
كشرت نجلا مبعده جديلها ..
-والله انتي النصابه ... التفتت لهم ..
-رنا عدي انتي هي تاكل الرقم الأخير قبل تقوله وتركض !!!
ضحكت رنا ..هاتفه ..
-اخبرها ماتشوفيني ماسبحت !!! ترا هذا وضعها دايم تحب تعيش شعوور الفوز !!
التفتت نجلا لسمر المصدومه ..
-اها انا أقول !! لان معليش يعني الوليد معلمني السباحه زين اتقنتها انا !!!
ناظرت رنا ..
-يله رنا ... ابدي ...!!..
تبادى حس جوال نجلا ..شقهت صارخه باعتراض..
-لحظه لحظه ... يمكن الوليد !!!
هتفت سمر .. بقل صبر ..
-نجلا كلاني البرد اخلصي .. !! دقي اذا خلصنا !! عندي إحساس انك ذروق منتيب قد التحدي !!!
خذت نجلا جوالها من الكراسي الي عليها اغراضها .. شافت .. رقم .. نايف ..
-هذا نايف اسكتي سمر خل ارد !!
-هلا نايف ..
-هلابك ياخوك السلام عليكم
-وعليكم السلام والرحمه .. حياك ياخوي !!
-اخبارك اليوم عساك احسن !!!كنت ابي امرك وانشغلت يمكن بكره ان شاء الله !!
-انا بخير اشوى الحمد الله !! انت اخبارك..
تردتت ..ثم تابعت ..مبعدها قطرات المويه ..عنها ..
-سعد اخباره !!
-مشلى سعد لجيزان .. !!
شدت مبسمها بضيق .. هامسه ..بخذلان صح قالت لاتشوفه بس ماتوقعت يروح بدون يطمح يشوفها ..!!!
-راااح ؟؟متى راح !!
-بالطريق .. الحين الله يستر عليه ويحفظه !!
سمعت تنهيده .. منه
-انتي ياوخيتي طمنيني عقب الي صار وش وضعك .. !!
نطقت محاوله تثبت رجفة شفايفها من شعور البرد .. بسبب رطوبة جيدها ولبس السباحه الي لابسته ..
-بخير بخير الحمد الله انا مره بخير !! يارب لك الحم ربي حماني ياخوي !!
-وتعبك ؟؟
شدت مبسمها متابعه ببسمه ..مشرقه وعينها يم المكان ..كله .. والأشجار والنسيم البارد اطرفت عينها موقفه يم ام سلطان ومبسمها الباسم وهي تسولف مع ساره .. راده بقوة شعور ..
-تعبي بيروح لاتشيل هم !! كله بيروح وتصير هالايام حلوم عصريه !!
نطقت منطوق حبيبها .. بثقه ..
-ان شاء الله باذن الله كلنا حواليك ومعك ياعين اخوك !!
ارخت نواظرها .. حاسه بقشعريره مبهجه من حسه الحنون وصوته الرجولي الاخوي المطمئن ..
-الله لايحرمني منكم كلكم !!
- امين ...
-كنت ابتطمن وبعلمك ترا جية الهواري تاجلت .. الين ترجعون باذن الله !!ولما أقول تأجلت يعني لوقت معين حقك بيجيك بيجك منهم !!
-سلمت يانايف .. ادري حقي بيجيني كيف مايجني وزوجي واخواني حولي !!ويصدقوني !!
مرت ثانية صمت .. ثم نطق بحس هادي ..
-الله يحفظك من كل ضيق ويسعدك يله بسكر .. انتبهي لنفسك وان بغيتي شي دقي علي !!اي شي !!
-ابشر .. سلامتك مابي الا سلامتك !! سلم على نصوري وشوش !!
-يوصل ...
قفلت منه .. مترقبه تشوف اذا دق الوليد او ارسل .. وهي مب منتبهه ماشافت شي تركت الجهاز ورجعت لسمر الي تتحلطم وسط الما ..
-طبييييت !!! يختي انتي طولتي ذبحني البرد ..
هتفت نجلا بحمق هازل ..
-اطلعي اطلعي يله ... لاتتهربين من التحدي ... اعجلي علي .. !
طلعت سمر ... واستعدوا .. ورنا حسها معتلي بعد بالندريج ..
وقت انهت العد ..ثواني .. وهم يتقدمون للحوض الجهه العميقه .. غطسن الثنتين .. بدت تحسب لهم .. ثانيه ورا ثانيه .. قربت خطواتها ..تشوفهم .. مفطبه ..وهاتفه بقلق ..
-سمر نجول اطلعوا بلا خبال !!!!
بناااات !!!!!
قربت ساره ...
-وينهم وينهم ..
-تحت ياعمه تستفزني سمر اخبرها بس نجول مدري عنها !!
فتحت ساره جزمتها ..متقدمه يم الدرج ..
ناظرتها رنا بادراك ..
-بتنزلين ؟؟ !!
-ايه بشوف هبالهم ذا .. لوين بيوصل !!!
نزلت ساره .. الا طلعت سمر وعقبها نجلا ... وكل وحده يدها تمسح ملامحها وحس رنا صارخ ..بعتب ..
-ليش تاخرتوا !!! عمه ساره جتكم !!!
ابعد نجلا يدها وقطرات المويه .. سابحه يم الحاجز ومرتكزه عليه بضحك ..
-بالله ليش يعني نعرف نسبح !!! هي وينها !!
ضحكت سمر وقت شافت راس عمتها ..
-اوبا ياعمه ... !!!
نطقت ساره ..
-ليش تغوصن كيذا !! لو وحده فيكم جاها شد عضلي !! ترا غلط !! هالتصرف !!
ناظرتهم الثنتين .. تبسمت نجلا عاضه مبسمها ..
-اسفه عمه والله مابي تخافين هي لععبه تحدي بيني وبين سمر !!
قربت سمر محاوطه ساره ..
-يااااااعمه ..ياعممممه يازين هاللعبه الي خلتك تسبحين !!
الت
فتتو لام سلطن بكرسيها .. مع رنا ..


قال الزهر آآآه غير متواجد حالياً   رد مع اقتباس
قديم 17-10-21, 02:54 AM   #12535

قال الزهر آآآه
 
الصورة الرمزية قال الزهر آآآه

? العضوٌ??? » 1793
?  التسِجيلٌ » Feb 2008
? مشَارَ?اتْي » 2,669
?  نُقآطِيْ » قال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond repute
افتراضي

-اطلعن الله يصلحكن .. ماخلصت !! السحور جهز الحين داخل !!!ابتدت سمر تقرص خصر ساره قرصات متتابعه
-ياعممممه ياعمممممه يالحب الكبير !!!
وساره تهتف ..بصرخه
-سمروه !!! حيوانه !!! ابعدي !!! حيوانه هالبنت !!
ضحكت نجلا مهتز متنها .. بحرج من تصرفات سمر ..
-مالي دخل فيها انا بلطع ادري بها نكبه هالبنت !!..
هتفت سمر تاركه ساره ..
-ميييين النكبه ؟؟؟ لايكون انا !!! .. جايتك نجول تعرفين السباحه بس ماتقدرين تجاريني !!
تحركت نجلا بعجل ضاحك ... راقيه الدرج بعجل قبل توصلها .. التفتت لها رافعه يدها ..
-اسمعي سمروه انتي تتهربين التحدي فزت فيه انا !!!!
توجهت لروبها ساحبته .. ورابطه وسطها بعجل .. تدفي جيدها .. شافتهم .. يطلعون .. وسمر تعطي عمتها الربو حقها ..
-خذي عمه ..بجيب لي انا ...
سمعت حس ام سلطان ..
-نجول يامي بدلي لبسك .. !! لاتبردين !!
شالت اغراضها .. وجوالها .. دسته بجيب الروب .. رفعت شعرها بمنشفة الشعر ..
-باخذ دش عجل هينا عشان الكلور جايبه صوابيني ثم .. برقا فوق ... خالتي !! ابدل وانزل على طول
رفعت يدها تشرح ببسمه ..
-ميته ميته من الجوع !!!
-سم الله عليك .. يله يله .. اعجلي ..
ابتدت رنا تدف أمها ...
-سمر عطي عمه ساره من لبسي ...مايمدني ارقا ...بشرف عالسحور ... !!
-طييييييب !!!
.................................................. .................................
خلصت نجلا .. من تحت .. طالعه من حمامات .. التبديل وهي تسمع حس سمر وساره ... مالمحتهم .. فقط أصواتهم .. طلعت بخطواتها .. تترقب المكان ببال مشغول .. سعد راح ؟؟!!.. حتى ماارسل شي ..!! سمع كلامها !!
شدت مبسمها مشدده ربطة روبها ..حواليها .. رفعت يدها تتلمس منشفة راسها لاتطيح .. سحبت جوالها تشوف الوقت ..حتى الوليد مارد اتصالها .. غريبه ...
دخلت أخيرا من المدخل الخلفي ... مطرفه يم قسم المطابخ .. ريقها ناشف .. شدت مبسمها مقبله .. شافت رنا ..
توجه العاملات .. هتفت لها ..
-رنا باقي من عصيرات اليوم ؟؟؟ عطشااانه مره مشتهيه عصير !!
سكتت بحرج ..
-فيه فيه او تبين اعصر لك جديد !!
تراكت نجلا بيدها عالباب...
-لا دام فيه جيبوه بشربه وارقى !
ترقبتها رنا .. ثم هتفت هازه راسها ..
-لا بسوي لك انا ..
-يووه رنا !!
ناظرتها رنا ..
-معد نثق بأحد ياحبيّبتي !!!
شدت نجلا مبسمها .. داخله .. تتفرج عالاطباق ..
-هذي مين سواها ؟
تنفست رنا .. باشراق ..وهي تجهز الاله للعصير .. وتامرهم .. يجبون الفاكهه الي تبي ..
-انا بس تحت اشراف امي !!!اجلسي نجول !! اذوقك !!
تساندت نجلا على ذقنها ..
- عطيني من محشي الكرنب هذا !
اعطتها صحن بعجل .. وابتدت تذوقه ..وهي تشوف رنا تعصر والعاملات منتشرات .. بكل مكان ..
-امممممم لذييييذ !! عشق المحاشي عشق !! رنا خلهم يحطون ليمون معها !!
-أي اكيد بيحطون !!!..
مرت ثواني .. ثم عطتها عصيرها ..
-هه خذي بالعافيه ...
-يعافيك رنا شكرا !!
-مايحتاج .. شكر ولا شي .. ليت مروه الملسونه تتعلم منك !!
ضحكت بخفه .. وتبعتها رنا .. ترقبت الحركه ..بالمطابخ .. ووجيه العاملات ..كانت تدخل دايم وتشوف كانوا وماريتا .. عضت شفتها طارده الشعور الي يجيها من طاريهم شربت كاستها .. وأنهت صحنها ..ووقفت .تدور رنا .. ماحصلتها اكيد بغرفة الطعام ..
وصلت للمصعد دخلته.. ضاغطه الزر ..اول ماتسكر تساندت على جدرانه متأمله ملامحها مازال الاجهاد واضح ومازال حوام الإدمان متبادي .. سحبت جواله .. ضاغطه اتصال عليه .. رفعته لمسامعها بصمت مترقب ..وصلها حس المجيب الالي .. مقفول !!!!!
أبعدته
محركه هدب عينها ..هامسه ..
-يعني بمصعد نجلا اكيد مقفول !!
انفتح الباب طلعت عايده الاتصال ... وبرضه مقفل .. دسته بجيبها متوجهه .. لجناحها .. فتحت .. الباب وعينها تستبرق المكان ..هدووووء ... يعني ماجا وحتى لو جا اكيد بيمر ام سلطان ويمرهم تحت .. دخلت متوجهه لجلستهم .. مالقته ...اطرفت يم مكتبه الباب مسايف وظلام المكان .. تنهدت ..يعني ماجا الين الحين ....خذتها خطواتها يم .. غرفة نومهم ... بعد مب فيه .. تقدمت تشوف علاجاته .. مفترض يجي عشان ياخذها .. لو تدري بيتاخر عطته منها .. !! ياغبيها ليتها سالت نايف يممكن بالمربط !!..
قطبت هدب عينها ..منتببه لطرف دفترهم .. ماكان هينا وقت نزلت قبله اليوم .. كان مسنود عالجدار ورا الاباجوره .. تقدمت مستجلسه وماده يدها .. مبتديه تفتحه باناملها .. تذكرت جلستهم ذيك الليله .. حركت أوراقه .. بتتابع .. خفيف وبطييء.. طلعت لها ورقتها الي كتبتها لهم عالفطور .. ابعدتها منتبهه للكلام المكتوب .. ارتهبت روحها وعينها تسرق النظر بعجل يم حروف يده وخطه المعهود .. تتبعت باصبعها كلكاته وقلبها يرفرف .. متذكره اتفاقهم ..قد قالو بيكتبون فيه شلون نست !!.
خلوها تنسى بس لا ذاكر ..
قرت بروحها قبل عينها .. ممتزج مع نفسها .. شي يعتلي ويتصاعد من اقصى جيدها .. ليه ؟؟ لانها مع كل كلمه تتذكر ملامحه .. وتسمع صوته .. تشوف عينه .. وتحس بلمساته .. بكل فعولها ..
تبسمت .. عايده بلا شعور ..
(ولأنكِ مادةُ روحي ..خامتها ولُبّها ومتنها وحواشيها ..ولأنكِ بادئتي وأصلي وجذوري وماء طيني وغصني الأخضر ..وثماري ..ولأنكِ أنقى ماتقوم عليه حياتي ..!!
لا أملك إلا ان احبك بعاطفه ليس من ورائها مقصد !وليس من أسبابها طمع ..
أحبك هكذا لأانكِ انتِ!!!
مثلما انتِ ومثلما كُنتِ)
رفعته لصدرها .. لامته بعمق .. اكيد كتبه لها قبل يطلع هي نزلت قبله .. اليوم .. نشقت حاسه بسيلان انففها سحبت مناديل .. ماسحه .. وقلبها يرفرف...
مخاطبه روحها ..يوم يحبني ليه مايرد اجل !! ..
رجعت قصاصتها وسط الدفتر ونفس المكان الي حطها فيه ثم قفلته .. ورجعته هي بعد بتكتب له اذا روقت وفضت .. وبتحطه بمكان عشان يقراه ..
ابتدى جوالها يرن ..سحبته بعجل متحمس .. قطبت هدب عينها .. رقم مسجل باسم خالتهم ندى .. تبسمت ..مرطبه شفتها .. بحرج نست حتى تبارك لها بالشهر ..
-الووو سلام خاله .. !!
مرت ثانيه من الصمت .. ثم تبادى حس مختلف ..
-انا البندري نجلا !
جمدت نظرتها وهي .. تنتظر بصدمه ..
-هلا البندري ..حياك !!
وصلها حسها الهادي ..
-هلا فيك ..
-كيفكم ؟؟ خالتي ندى طيبه !!
-كلنا بخير ... الحمد الله انتي اخبارك !!
-الحمد الله .. خواتك بخير !؟
-كلنا كلنا الحمد الله .. اه صحيح كل عام وانتي بخير !!
ردت نجلا بتقطيبه خفيفه ..
-وانتي بخير .. !
-نجلا كلمتك عشان ابي اقولك شي ..
-ايش ؟؟ خالتي ميثا رجعت ؟؟
-لالا مارجعت .. مايخص خالتي وبناتها .. يخصك انتي !!
-وشهو؟؟
-متى بتجين جده ؟؟ انا انتظر جيتك بس ابطيتي !!
-مادري احتمال مب قريب بس انتي وش تبين ؟؟ وشهو الي يخصني عندك !؟
- هو ...شي يخص رجلك ..
احتدت نواظر نجلا .. ببطء..
-ايش الي يخص رجلي وعندك انتي ؟؟لاتتكلمين بالالغاز يالبندري .. هاتي وش تبين تقولين !!
-والله ماكنت ابي اصدمك بهالخبر انا بس لاني اعرفه من قبلك اقصد الوليد !! ومحدن يعرفه كثري !!! بضطر انبهك !!
استرخت ملامح نجلا .. بسكون ..ثم نطقت بهدوووء..
-قصدك زواجاته الي قبلي !!!!؟؟
هتفت البنري..
-تعرفين ؟؟ تدرين عنها !!
-انا اعرف رجلي اكثر منك اكيد بعرف عنها !!! واقصد كل شي عنها كل شي !!!
-تدرين انه..
قاطعتها ..نجلا باستهجان ..
-ادري عن كل شي كل شي ... !! ونصيحه مني .. لعاد تدقين لاني منيب راده عليك حتى لو برقم امك وان رديت وطلع انتي بقفل بوجهك !!!
أبعدت الجهاز
هتفت البندري..صارخه
دقيقه دقيقه لاتسكرين .. اسالأيه عن زوجته وولده !!
قطبت نجلا هدب عينها مب متاكده وش سمعت .. ولده؟؟ ولد مين ؟؟ هزت راسها مبعده الجوال بحمق .. ثم مسحت ملامحها .. بضيق ..
-ماراح تسمح لاحد يستغفلها وينقل لها أمور بعيده عن الحقيقه .. مين البندري يعني ؟؟ حالها حال الجوهره هم صورتين لعمله واحده ....كلهم نفس الشرور ونفس الأحقاد ونفس قل الحيله والاجرام ..
ارخت جيدها ساحبه منشفتها .. وتاركه شعرها .. ابتدت تباعد خصله .. ثم رفعت راسها .. مستشعره دوخه .. بسبب حركتها .. رمت جيدها عالسرير وعينها عالسقف.. غمضت عينها مستنشقه بعمق .. فتحت عينها فجأه .. شامه ريحه .. مب غريبه تعرفها .. قد شمتها قبل .. رطبت شفتها مستجلسه .. ريحة دخان سجاير اكيد جاها من الشبابيك .. هزت راسها .. ماتدانيه يذكرها بايام ماتحبها ببيت ابوها مع نايف .. وقفت تسكر .. الشابابيك بكل مكان .. اكيد جتها من برا .. تهادت خطواتها .. الين الصاله .. مدركه تعمق وثقل الريحه .. تنفستها من جديد .. وهي تنظر لكل ركن .. اطرفت عينها يم .. جهة باب مكتبه .. تقدمت .. بخفوت .. قبضت ممسك الباب.. مستشعره قوة تواجد ريحة الدخّان .. ارتبكت .. جت ترفع يده تفك النور الا سمعته ..


قال الزهر آآآه غير متواجد حالياً   رد مع اقتباس
قديم 17-10-21, 02:57 AM   #12536

قال الزهر آآآه
 
الصورة الرمزية قال الزهر آآآه

? العضوٌ??? » 1793
?  التسِجيلٌ » Feb 2008
? مشَارَ?اتْي » 2,669
?  نُقآطِيْ » قال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond repute
افتراضي

-لاتفكين النور !!
همست هاتفه .. ويدها عالجدار .. قبل تضغط ..
-الوليييد انت هينا !!
ماوصلها رد .. تقدمت وفكرها مصدوم وضايج .. من متى هو هينا ؟؟ وليه يشرب دخان .. بسرعه جت ببالها ذيك الليله .. ووضعهم ..
تنفست بهدووء..
-وييينك وين جالس .. ماشوف زين .. !!
وصلها حسه الهادي ..المتباعد ..
-ماتحبين الدخان انتي اطلعي نجلا !!
-وينك انت !!!؟؟ ..
قربت بخطواتها مبتديه عينها تستلمح هيئته وهو جالس .. عالكنب الكبير .. وضو سيجارته المتوسده براحه بين أصابعه ..استرهبت .. مقربه .اكثر ..
بلعت ريقها ..
-الوليد علامك !! ليش جالس بالظلام كيذا !!!
مارد عليها واجهها بالصمت .. ثم الصمت .. رطبت شفتها مقربه ومستجلسه ..على طرف الكنب جنبه ومقابلته ..تلمست ركبته المثنيه ..
-اش فيه الوليد ؟؟
مدت يدها لجبينه ..
-رجعت لك السخونه !!
تلمستت خده وجبينه .. بانامل بارده .. استشعرت قطرات عرق ..فاتره
-او راسك يوجعك ! وش فيييك !؟
شدت مبسمها وهي تشوفه يرفع السجاره لمبسمه .. ويشفطها بعمق ..صامت .. ونواظره غايصه بالظلام ماتقدر تلمح شي واضح .. ابد مجرد هيئه مظلمه ومااعجبتها ابد ..
همست بخوف ..
-وش صاير ؟؟
رد بحس هاااادي .. بلا حياه ..
-ماصار شي !!
همست بنفس الحس الخافت وكنها تخاف تزعج هدووءه المظلم ..
-دقيت عليك ما رديت !
-كنت مشغول !!
-وبعد الحين مقفول جوالك !؟
-قفلته يوم جيت .. !!مابي ازعاج !
تقدم بجيده يدفن سيجارته .. بصحن او طفايه مب واضح .. قدامها ...شافته يسحب من كرتون جديده.. وبيده الولاعه يشغلها .. اول ماقربها لمحت نواظر عينه المحمره .. رفعت يدها له .. تمسك يده ..
-لا يالوليييد لاتدخن .. تكفا !!.. انتبهت لرجفة فكه ..
تقدمت مستجلسه . فوق الكنب .. ساحبه راسها لها ..ولامته .. بدون كلام !! مايحتاج يتكلم أصلا .. حظنته بقوه .. بقوه .. ويدينها .. تلم متنه .. حاسه بجموده .. نطقت ويدها الثانيه تسحب السيجاره من مبسمه
..والولاعه من يده ..
-لاتدخن انت ماتشرب دخان ابد !!
حذفتهم .. وتلمسته بيدها ضاغطه راسه جهاتها .. ناطقه بعبره محاوله تبلعها ..
-وشش فييييه ؟؟!!! ..
تلمست قماش روبه الناعم ....وامتدت اناملها يم شعره .. وجانب ملامحه وذقنه .. جذبته لها بعمق .. هاتفه .. باصرار ..
-علمنيييي !!!!!
حست بانفاسه .. تتسارع .. مستشعره هيجان بروحه .. وثوره .. معتليه ..مب سخونه لاااا شي مختلف ثاني ...
أبعدت متراجعه .. محنيه مستجلسه كما جلسة السجود ..
بحثت عن نواظره .. وتلمست بيدينها الحانيه ذقنه ..
-وش فيه يالوليد ؟؟ فيك شي ادري .. !!
حركت اناملها بين هدب عينه .. ووقت وصبت لخط الرمش جمدت مستشعره رطوبه .. خفيفه ..
وكنه استشعر صدمتها .. نطق .. بحس ثابت رصين .. واضح وساكن مايشببه شعوره ولايمثل حالة الضيق الي يعيش..
-امي ماتت !!
الجمها منطوقه .. مبتدي يتجمع بمحاجرها طبقه كثيفه ..
رجفت شفتها تبي تتكلم... عاجلها راد ..
-هي !! هي .. نجلا !! ميثا !!!!
شهقت ..متراجعه برعب .. وصارخه ..بضيق..
-خالتي ...ماتتت !!!!؟؟
ابعد نواظره ..وتابع ..بحس مكبوت ممتزج بغضب .. باااارد ..ناقم ..
-ايه ..ماتت !!..ماتت بعيد عن ارضها ووطنها !! بعيد عن بناتها !!!عن اختها والناس الي يحبونها !! .. ..
سكت ..ترقبته مبعده بيدها دموعها الي تنزل فيها غصة بكا بس عشانه كاتمتها .. هو ليه كيذا يتكلم بهالجمود .. ؟؟
-حتى مدري صلوا عليها صلاة المسلمين او لا !!!
اطلقت أنفاسها المكتومه بلا حس ..
وهتفت بضيق ..
-لاحول ولاقوة الا بالله ... لاحول ولاقوة الا بالله ..!!
همست .. برجفه .
-يالله ياخااالتي !!
-هي اختارت نجلا ليش تصيحين ؟؟ !!راحت معه بكيفها .. ورضاها !!..
سكت ثواني .. ثم صدمها بنطوقه ..
-تستاهل !!
قربته منه .. رافعه يدها لملامحه ولافه وجهه لها ..
-ليه كيذا تقول !!! لا غلط يالوليد !!
ضمت راسه لصدرها .. بعمق .. هامسه بحشرجة انفاس ...
-الله يرحمها الله يرحمها ..
التفت يدينه أخيرا حولها .. رافع كفه قابض باصابعه عنقها ..مبتدي ..يلثمها بلثمات متتابعه ..عنيفه ..
امسكت اكتافه ..
-الوليد ..لحظه ..
تحرك فجأه محاوطها بيده ومعتلي جيدها .. دافن مبسمه .. بعنقها .. ومندفع .. بلمسات جردا عاريه موحشه ..سقيمه .. غمضت عينها ويدها تحاول تبعدها ..
-الولييييييد ...
ابعد .. نفسه متلاقيه نواظره بها ..
-مب كيذا .. امك توفـ...
قاطعها منحني .. قابض مبسمها باجرام .. موجع .. شاد باصابعه راسها .. ورقبتها ..ماسايرته لانها مفجوعه ومصدومه .. قبض . ذقنها يجبرها .. تحكايه .. بس استمرت بيدينها تبعده وتون بكتمه ..
-اممممم ..
اشتد قربه اكثر .. وبلا شعور استسلمت له .. تاركته .يتعمق ..بقربه .. اكثر واكثر وكنه يعاقبها هي على شعور فقده ..استشعرت غضب لمساته .. بضيق ..ماتدري .. انه يمحو لمسة غيرها .. يطمسها ويحقرها ويطردها .. وكيف بيكون !! لاطهارة الما نزعت شعوره .. لكن طهرتها هي .. زوجته وحبيبته .. غير .. قادره تبعدها عنه قادره تمحوها وكأنها لم تكن ..
قام فجأه مبعد عنها .. تنفست بانفاس مقطوعه ومشحونه .. تستلج مع انفاس صدره هو .. ابعد عنها واقف .. ومتحرك بعرج ..قامت بعجل .. راكضه .. يم الباب .. سكرته .. وقفلته وسحبت المفتاح .. تساندت عليه ..
-منت طالع ... منت طالع !!!.
-وخري نجلا .. ابي اطلع .. !!
فتحت النور .. بيدها وهالها منظره .. الممجفل .... عيونه الحمر .. وانفاسه الضايجه ..
نطق بتحذير..
-وخري ...نجلا !!!
-ماني مبعده !!! طلع الي بخاطرك قول عبر !!! قول امي ماتت !!راحت وخلتني قول عادي !!!! حس بنفسك انت وش جالس تسوي !!؟؟؟
لاتكتم بتمرض بتمرررض !!!..
قرب منها .. بعرج .. تساندت عالباب ..ويدها قابضه المفاتيح لدرجة حست بتنغرس وسط باطن كفها ..
-هاتي المفاتيح !!!
-لا ..
نشقت ..بخوف ..
-منيب معطيتك وين بتروح !!!..
تطق بغضب .. ضايج ..
-مابي امد يده واخذها .. منك بالعاني !! هاتيها !!
نطقت بحشرجه ..
-لا مافيه مكان روح له وين بتروح !!!
صرخت وقت ضرب بيده جانب راسها ..ضربات متتاليه ..وصرخ ..
-هاتي ..المفاتيح !!!!هاتيييها !!!

جت تتحرك .. قبض خصرها بذراعه ..ثم مسك كفوفها .. بشده ..
-لا يالوليد .... توجعييني .... توجعني انت ..
تركها ,, وانفاسه .. تضوج ..
-عطيني إياه مابي اعورك هاتيه اسمعي الكلام يابنت الناس وهاتيه !!!
تقدمت بعجل .. مبعده عنه مدركه وجع رجله وقدرتها تسبقه بكم خطوه ..
نطقت ببتابع انفاس .. وعين مبرقه .. اجهاد..
-اذكر ذاك اليوم .. وقت كنت ابي اخذ سمي !! عيت تخليني اطلع لاني بضرر نفسي !! وانا زيك مابيك تطلع !!! قول !!! قول انك ضايق تكلم !! قول راحت وخلتني !!! انطق قول ماتت بعيد عني !!! قول خذاها سعووود قول !!! بس لاتقول تستاهل !! محد يستاهل الظلم يالوليد لاتظلمها هي راحت الحين !!
رد صارخ ..رافع يده
-راحت برجولها هي راحت برجولها نجلا !!!ندري انه مجرم وراحت له !!!
قاطعته هاتفه ..
-راحت عشاااانك انت !! عشااانك راحت !!
تقدم .. بخطواته وروحه ضايجه .. محتره .. مكسوره .. للحد العظيم من السقم ..
-ماطلبتها تروح عشاننني !!! ماقلت روحي قلت تعالي معي !!
هزت راسها .. هاتفه .. رافعه يدها تشرح ..
-ادري ادري بس هي راحت لانها تحبك هي حبتك كيذا يالوليد !!!
حرك هدب عينه .. ماشر بيده وبسمه كرييه مرتسمه بملامحه ..
-قال تحبني !!! ..
صرخ متابع
-لعاد يحبني احد !!!..الله يأخذ الحب الي مثله !! و الله ياخذني بعد نجلا !!! وياخذ كل من حبني مثلها !!.. هاتي المفاااتيح جيبيهم !!!!
هزت راسها .. حاسه بدمعتها تنزل ..
-لا ... مابي..
انتفض جبده .. بغضب واضح صريح ..
-مامزح معك انا !!! عطيني المفاتيح تسمعين او لا !!!
رفع يده .. محذرها ..
-لاتتمادين معي هاتي المفاتيح !!ول..
قاطعته .. بحس ميت ..
-بتضربني !؟
استاقف بعين محتده .. راد بصوت نافر..
-ايه بضربك !!
رجف فكها .. حاذفه المفتاح .. له .. وعينها تترقبه ونفسها يضيق ....وهو ينحي بصعوبه ياخذه .. بلعت غصتها .. ماسحه دموعها وعينها تشوفه يتقدم للباب و معطيها ظهره ...
تقدم ضاغط رجله .. يبي يطلع ويبتعد .. فوق ضيم .. الفقد .. يحس .. يعينه ماتسطى.. تجي بنواظرها ابد .. كاره شعور الغدر .. الي صدر منه !! مع انه مقدم من زمان ومخطط لكن وقع الفعل ..عالروح مختلف .. وطعم إحساس .. التنفيذ .. يقصم الظهر .. ويحنيه .. خاصه له من جهتها .. ليته ماحبها هالحب كله ! ليته ماتعلق بها .. !!.. انين الوجع .. داخله .. متمجه .. وكنه سهام متتابعه .. تطعن .. مايلحق يسحب واحد الا ينغرس غيره .. !..
.اول ما .. قبضت يدينه الباب.. سمع حسهها ..
التفت .. بنظره محتده .. انرسم .. بملامحه البهتان .. وشي من الصدمه .. وهو يستمهل النظر بجيدها .. العاري .. وروبها تحت رجولها ..سمعها ..
-انا تو وخرتك صح !! عشان ابعدتك بتروح ؟؟ هه خذ .. !!.. يعني انا مافهم كيف يفكر كل رجل .. ومادري ليه انت تبي تنام معي ..عقب دريت عن خالتي !! مني فاهمه ليش !..
هزت راسها ناشقه .. ومتعريه جردا روح وجردا جسد ..
-اول يعني.. اقصد .. قبل .. امس.وقبله .. فكرت .. انه . . أي ضيق انا اقدر اساعدك لان هذي طريفتك .. بس .
شافته يلف بكامل جيده ويتقدم منها مبعد نواظره عن عينها لكن .. كلها متوسده جيدها ..
عجزت تتابع تبس توصل شعورها وكيف تفكر هي ..
-يعني ..هذا ..موووت .. ! راحت خالتي لو انت ..
قربت خطواته .. انلجم لسانها .. وهي تشوفه .. يفصخ روبه .. ويغطيها .. رفع يدها يدخلها .. من الجهتين بصمت ..كاظم ؟..وغضيب .. ملامحه مكفهره .. ناظرها .. تابعت .. بثبات ..مجهد لها ..فوق ماتتحمل ..
-بس لوانت بتجلس ماتطلع .. سو فيني الي تبي .. !!
جرها له .. ضامها .. لصدره .. وانفاسه تعتلي .. رفعت يدينهاها .. تحاوطه .. بشده .. سانده خدها .. مستشعره شعيرات صدره .. ونبض قلبه .. وسخونة دمه من تحت جلده حاسه انه يفووور من الضيق .. مو سخاااين جيد لا سخونة روح .. !!!!
همس .. ببحه .. مستهجنه .. مغمض عينه .. بقهر .. حاسس بشرر اجفانه .. يضغط عليه .. اكثر .. ويسحب منه .. مويه ماااله حارقه .. حتى مايمدي تنزل الا تجف من قو الغضب الي يستشعره ..شلون يشرح لها .. !! ؟ ان كيانها الرهيف يختلف عن كيانه هو ..!! شلون يعلمها ان دموعه الي تبي تشوفها قد جفت من زمان من قبل تجي هي !!ليش ماتتركه يبعد!! ضيقته تختلف عن كل مره .. وعمق الغضب .. والقهر .. مايبي هالمره يشاركها فيه .. ..
-غبيييه انتي ماتفهمين يانجلا !!!..
ضمته لها رافعه يدها لاكتافه .. متراجعه .. وجاذبه راسه .. لها ..سحبته وهو استجاب منحني .. دافن ..مبسمه .. مابين خصلاتها ونحرها .. مستشنق .. بقوه .. طارد .. صوره كرييه .. انرسمت امامه .. حتى لو طرد تجي عقبها ملامح ..ميثا .. ويرجع نبضه يثور من جيد ..
- انا كل شي تبي بس لاتروح !!..ماافهم .. فهمي على قدي ..وعقلي قدي .. ماني زيك !! مره اعرف لك وعشر لا !! والحين مافهمك بس تكفى ادري انك مقهور وضايق لاتروح خل نصلي ركعتين ....
سكتت حاسه بتشديد يده حواليها .. ثواني ... ثم فجأه تركها .. فتحت عينها .. وهو يلف ماشي.. ويجلس عالكنب .. رامي ثقله .. ودافن راسه وسط يديه ..
وقفت مكانه تترقبه .. ثم ابتدت تخطو جلست على يد الكنب المقابله .. نطق .. بدون يرفع راسه ..
-انا كنت ابي ارد .. على رسالتها !! عندي لها كلام وش كثره بوجهه لها !!
رفع راسه .. مستند على يدينه .. وعينه علارض ..متابع ..
-بعلمها ان صبرها كله خرطي !! بقول لها انها ام فاشله !! لا عرفت تضفني ولاعرفت تضف عيالها !!


قال الزهر آآآه غير متواجد حالياً   رد مع اقتباس
قديم 17-10-21, 03:06 AM   #12537

قال الزهر آآآه
 
الصورة الرمزية قال الزهر آآآه

? العضوٌ??? » 1793
?  التسِجيلٌ » Feb 2008
? مشَارَ?اتْي » 2,669
?  نُقآطِيْ » قال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond repute
افتراضي

عضت شفتها .وعينها تدمع .. رفعت يدها تمسح .. . وهو يتابع ..
-اختياراتها فاشله .. !!..
رفع راسها ملتقس نواظرها .. وناطق ..
-ابي اقولها ليت ابوي ماعرفك !! وليتها كلها مانخلقت ولاعرفتها انا !!!
هتف بغضب .. مرهب ..
-اكرهها .. انا .. !! ..وش استفادت !! يوم راحت !!؟ مازلت انا انا .. ومازلت بذبح سعود .. منيب متراجع عشانها !!! يعني كل ممشاها خرطي !!!
الله لايسامحها !!!
شهقت نجلا .. بصدمه .. للي تسمع ولعمق الكره الي تستشفه منه ..
-راحت عند ربي !! هو يحاسبها يالوليد !!سامحها عشان خواتك واخوك .. عشان بسمه واشواق باقي هم لك !!
حرك يده مستمهل بذقنه ..
ثم تراجع سادح راسه ومغمض .. فالت يده .. عالجوانب ..
نطق ..بهادي الصوت ..الحاذر ..
-لاشوف منك دمعه عليها !!
شدت مبسمها هامسه .. بخنوع .. واستسلام ..مدركه حالته .. وشياط غضبه ..
-طيب ..
ترقبته .. منتبه لهدووء أنفاسه .. وتقطيبة هدب عينه .. تقدمت .. متوجهه لبكت الدخان ..شالته .. بهدووء.. ودسته تحت الكنب.. مؤقتا ....
ارتكزت شاه روبه الكبير حواليها .. اطرفت يم روب الحمام .. راحت له شالته من الأرض .. .. حاذفته بهدووء عالكنبه ..
التفتتله شافته فاتح عينه يترقبها .. بصمت .. اطرفت يم المفاتيح .. بيده ..
انتبه لنظرتها ..
حذفها .. عالطاوله القريبه منها .. وغمض عينه .. ناطق بحسه الامر ..
-روحي تسحري .. عشان علاجك .ابي اجلس لحالي !!ا
احتنت نظرتهها ..
قربت منحنيه ماخذه .. المفاتيح .. فتح نواظره .. مترقبها وهي تنسحب بهدوؤ.. وتفتح الباب .. ..
سكرت الباب .. متنهده .. .. تهادت خطواتها .. يم السنترال .. طلبت سحورهم فوق .. ردت رنا عليها .. استكانت أنفاسها .. وعينها تتبارق ..بضيق .. تمشي وتمسح دموعها .. بقوه ... دخلت غرفة الملابس فاتحه روبه .. ومبدله لبسها بعجل .. رفعت شعرها .. بشباكه .. بصوره مبعثره ..
توجهت لدوة المياه .. غاسله ملامحها .. ترقبت شكلها .. رشت المويه فركت عينها .. ممتزج دمعها الساخن ببرودة الما ..
سمعت دق .. عالباب .. اول مافتحته .. شافت عربه .. جايبتها عامله مع رنا ..
-جبتها معها للحرص .. هه دخليها نجول .. خفيفه ..
جت عينها عالاطباق ..
-يعافك رنا ..ويسعدك ..
ترقبته رنا .. بتفهم غير متغافله .. ملامحها وعجلتها .. تنهدت ماتدري وش حالهم .. الحين ..وليه اخوها مامرهم ..
-الوليد طيب ؟؟
هزت نجلا راسها وهي تسحب العربيه داخل ..
-ايه طيب ..بس مجهد بينام ..
-زين يله بالعافيه مقدما واذا بغيتوا شي دقي جوالي !!
-طيب شكرا رنا ..
تبسمت لها رنا بحنو ..
العفو ..
سكرت نجلا الباب ... دافه العربيه .. متوجهه للمكتب .. فتحت الباب .. وسبحت العربيه .. رفع راسه ينظر لها .. بضيق ..
-جبت سحورنا هينا ..
بلعت ريقها .. لمنظره .. وهو يترق عينها ..دون كل شي.. أبعدت نواظرها .. متقدمه .. جايبه العربه ..
-انا كليت بعد قبل ارقى ..
نشقت كاتمه عبرتها تطرد صور ميثا ..عنها بس مخنوقه صعب تطردها ..
ابعد نواظره .. يم الاطباق الي صفتها عالطاوله قدامها ..
استاقفت ..
-وين حقي الي اخذ!! انا بجيبه .. كل انت لازم عشان الصيام !!!السحور سنه !!
جا يستاقف هتفت ..
-انا بجيبه ..
احتدت نظرته لها ..
-اجلسي كلي بجيبه انا ..
لف بجيده ماشي بخطوات ..عرجا واضحه .. توجه للتجوري .. فتحه .. خذاه وهو يسمعها ..
-انا ملاحظه ان وضعي حتى احسن من كانو يعطوني إياه .. متحسن وضعي .. الحمد الله ..
التفت لها .. متقدم .. الين وصل .. للطاوله .. سحب الجيك وصب لها عصير..
-من مسويه ذا !!
-رنا !!
خلط الكميه المدروسه .. ورفعه لها ..واستاقف ..
-اجلسي كلي واشربيه وسط الاكل .. منيب جوعان بصلي ركعتين ..
استجلت امام نواظره مع ارتباكها ..مب مشتهيه حتى هي ..بس قدامه بتاكل .. تم ثواني .. ثم توجه لدورة المياه الي بالمكتب .. ..
دقايق وطلع منها تارك المكتب امام نواظرها .. التفت له .. كانت بتطنق بس سكتت .. تركت الي بيدها .. وهي ترفع الكاسه تشربها .. وش وضعهم هذا !!؟؟ يارب تطيب .. هي وتطيب جروحه هو .. الي كل ماغاصت تداويها انفتح لها جرحن جديد اكبر واعمق ..
راحت ميثا !!!.. شدت نفسها .. كاتمه شهقتها تخاف يسمعها ..
تمت تهوجس .. بضيق .. دقايق .. طويله .. تحشر أنفاسها ...
وشلون بيعلم خواته !؟ سمعت صوت رفعت راسها شافته .. لابس .. بيجامه .. ساتره كامل جيده .. شافته يتقدم ويجلس مكانه ..ورى مكتبه ....رفع شنطته امام نواظرها .. وفتحها ثم اطرف ..يم كاستها وصحنها ..
نطقت بعجل ..
-شبعت ..ماتبي تاكل انت ؟؟
-لا ..طلعيه لهم .. !!ونامي انتي .. عندي شغل بسهر عليه .. !!
شلون يطلبها تنام بكل برود ... واضح لروحها تصريفه البارد .. وغرابة وضعه .. بس ليه تستغرب .. !!!
استاقفت .. بعجل موديته ..غسلت ورجعت اول ماقبلت وقفت عند الباب تتامله بدون يحس.. شافته فاتح محموله .. ومركز فيه .. وكنه يتجاهل الوجع كله .. تصرفه يشابه شي من فرط الجنون .. عاجزه اليله تفهمه .. بس تدري انه مقهور .. وحزين وفاقد لو مااعترف ولايبي يعترف .. ولا يعبر ..
أبعدت تراقبه .. ماتبي تضغطه اكثر ..اهم شي هدت نفسه لو ظاهريا .. تساندت عالجدار .. تتأمله .. بصمت ..كتفت يدينها .. ثم رفعت يدها تبعد دمعتها .. ماعندها مشكله تجلس تراقبه طول الليل والين تصبح شمس خالقهم .. ومعها شمس دنياهم .. . .. وشمسه هو .. ! بتنتظر حتى لو ليله طال واستوحد به .. واظلم روحه .. بتتمم تنظر له باأشراق وثقه ..
وفخر ..صمودها بهالحياه ..
تحرك .. رافع راسه فجأه .. وتلاقت نواظرهم .. احتنت نظرته .. وقت شافها واقفه ونظر لهيئة وقوفها وانتظارها .. ونظرتها المرسومه قبل تنتبه انه انتبه لها ولقطها .. حروف ..وكلمات .. تتابعت بين نواظرهم بدون منطوق .. تراجع . بكرسيه .. ناطق ..
-تعالي نجلا ..
بلعت ريقها متقدمه .. ماشيه بخطواتها يمه .. مد يده جاذبها .. بخفه .. مجلسها .. على رجله .. حاوطت راسه بذراعها وضمته لها .. وهو استكان بجبينه بلا كلام .. كفاه بس يقول تعالي .. تنفس بعمق ..شاد يدينه حولها .. دافن مبسمه بعنقها .. وهي مثله ضمته .. لها .. بسكون .. مهيب .. تنهد بحس مسموع .. تلمست باناملها جانب ملامحه .. بلمسات حانيه .. جمد نبضها .. وقت حست برطوبه .. خفيفه .. على بشرة عنقها .وانفاسه ساكنه ..متحشرجه .. بكتمه ... دست يدها بشعره ..جاذبته اكثر بدون تنطق .. عارفه هي عارفه .. حرارة هالدمع قد لسع بشرتها وقت علمها عنها .. وشكا .. والحين زادت حراره .. لانه عاجز يشكي فقدها ..
شددتت احتضانه .. حانيه راسها فوق راسه ..
هامسه .. بروح تحمل له .. المحبه الجزله الكبيره ..
- وانا احبك لأنك انت !! مثل ماانت !!وبحبك كيف ماكنت !!
سكتت ثانيه ..ثم تابعت بتأكيد وهي تلم راسها .. لروحها مو لجيدها
..... -ياحبيبي ... !
سكت منطوقه بس كان رده .. هدوء حشرجة نفسه .. متجاوز رجفته ومتعمق .. يستشعر سكون روحه .. وسط محاني .. اكبر واعمق علاج له ..بعد ايمانه الراسخ .. بباريه الي جابها !!
رزقه الي انصبت فيه كل بركه ..
والمتمثل ..
بزوجه ..تشاطره كل كسر .. وتصمد له .. ومعه .. وعشانه ..
عاشق هو كل تفاصيلها ..
حامد وشاكر ..
وطامع بكرم الله ..
تبقى له .. لين يأخذ الله
الانفاس ..
وبعد الانفاس ..
/
\
/
\
انتهى البارت

اُحبك
فوق
ماوسعت ضلوعي
وفوق
مدى يديّ وبلوغُ
ظنّي



قال الزهر آآآه غير متواجد حالياً   رد مع اقتباس
قديم 17-10-21, 04:41 AM   #12538

جنان32

? العضوٌ??? » 463217
?  التسِجيلٌ » Mar 2020
? مشَارَ?اتْي » 2,522
?  نُقآطِيْ » جنان32 is on a distinguished road
افتراضي

سلمت أناااااملك مبدعتنا
كلمات الثناءوالاطراء لن توفيك حقك
بارت يحمل في طياته كمية من المشاعر المحزنه
لدرجة اني😭🥺 بكتب لك تعبير عن مشاعري ماقدرت


جنان32 غير متواجد حالياً   رد مع اقتباس
قديم 17-10-21, 06:06 AM   #12539

أم عبدالل

? العضوٌ??? » 483380
?  التسِجيلٌ » Jan 2021
? مشَارَ?اتْي » 311
?  نُقآطِيْ » أم عبدالل is on a distinguished road
افتراضي رد

ششكراً قااااال على هالبارت المشبع والمؤثر ماقدر اعبر اكثر الى الإن ماطلعت من جوووو الباااارت دائماً مميزه ومبدعه سلمت اناملك ❤❤

أم عبدالل غير متواجد حالياً   رد مع اقتباس
قديم 17-10-21, 06:26 AM   #12540

قلب لايصدأ
 
الصورة الرمزية قلب لايصدأ

? العضوٌ??? » 479638
?  التسِجيلٌ » Oct 2020
? مشَارَ?اتْي » 382
?  نُقآطِيْ » قلب لايصدأ is on a distinguished road
افتراضي

سلمت يمينك على هذا البارت الرائع
😭😭🥺اوووه ياكبر هم الوليد يالله ان تفرجها عليه وعلى نجلاه
لي عودة باذن الله بعد مااعيد قراءة البارت
♥♥دمتي بود


قلب لايصدأ غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 03:11 PM



Powered by vBulletin®
Copyright ©2000 - 2024, vBulletin Solutions, Inc.