آخر 10 مشاركات
|
| |||||||||||||
| مشاهدة نتائج الإستطلاع: تمنياتكم لنهاية خذني بقايا جروح؟؟؟ | |||
| نهايه سعيده ؟؟ |     | 1,311 | 95.83% |
| نهايه حزينه؟؟ |    | 57 | 4.17% |
| المصوتون: 1368. أنت لم تصوت في هذا الإستطلاع | |||
 |
| | LinkBack | أدوات الموضوع | انواع عرض الموضوع |
11-04-19, 01:57 PM
| #21 | ||||
 
|  يعطيك العافية يارب بارت رجع الذكريات نحتاج تركيز علشان نربط الشخصيات الجديده في بعضها عندي تعليق على شخصيه شيهانه ماحبيتها احذفيها تكفين :/ ^ اهم شيء اني اطلب انك تحذفينها تحمست مره ههههههه احسها مالها فايده الا رفع الضغط استفزتني سلبيتها صراحه ونايف طبعاً مايحتاج اكيد مكروه اتمنى الي بيصير لسعد في الاحداث القديمه يصير له هو لوكنتِ راح تغيرين حدث مفصلي هذا الي اتمناه صراحه :-) وزي ماقلت قبل ابي اعرف وش بيصر عليهم عقب اخر بارت  بمووووت من الحماس كل يوم نزلي بارت لين يبرد قلبي ههههههه وشكراً وننتظرك على احر من الجمر | ||||
|  |
|
11-04-19, 04:54 PM
| #22 | |||||
 
| اقتباس:
. مرحبا ً ياوهج ... هههههههه حبيبة قلبي .. جميل استرجاع الذكريات ... الشخصيات الجديده فقط نايف وشيهانه...اما عن شيهانه فسلبيتها موجوده بكل بيت توجد فيه ام مثل ام نايف وراح تتضحح شخصيتها معنا باذن الله ..نايف كذالك سيكون له دور في حياة نجلا ..اما عن اخر بارت فماغليك سوى الانتظار ..لو ماتبّقى الا انتي متابعه وفيه سأكملها باذن الله ... دمتي لي ياحبيبه | |||||
|
| |
|
12-04-19, 12:07 AM
| #24 | |||||||||
| عضو ذهبي
| مبرووك روايتك جميلة جدا 💖💖..مسكينة نجلا شافت العذاب من الكل حتى ابوها شاف مرته وابنه يظلموها وسكت😖😖 بس مافهمت ايش الحيلة الي عملتها ام عادل او عادل وسلطان عشان يشوهوا سمعة🤔🤔 نجلاء وبعدين كل من جه واتهم نصدقه والوليد يعني اخذ الكلام زي ماهو من غير مايتأكد ويظلم بنت الناس وسلطان باين حقير هو وغادة ونواف وشيهانة وحدة منافقة فالحة بس تقول حىام وتسكت 😡😡..الرواية قصتها جميلة😍😍 متابعينك واتمنى لك التوفيق 😘😘 | |||||||||
|
| |
|
12-04-19, 02:40 AM
| #25 | ||||
| كتير مبسوطة انك ارجعت وبدك تكمليها هذي الرواية كانت من اول الروايات الي قرائتها وسبحان الله ضلت عالقة بذاكرتي مو راضية تروح كل مرة بحكي خسارة انها مو مكتملة وحتى من كم يوم حظرت على بالي سبحان الله أكيد منتظرين جديدك في الرواية خصوصا الشخصيات الجديدة موفقة حبيبتي ❤ | ||||
|
| |
|
12-04-19, 03:31 PM
| #29 | ||||
| الفصل الأول (ابطال الروايه) قبيلة آل جلمود الجده /نوره آل جلمود الجد / الوليد آل جلمود الأولاد (صخر /عبدالكريم /عبدالله/حصه /ساره/حنان) عائلة صخر المتوفى ... زوجته الثانيه .. / مهره .. الوليد :38 عام ..من زوجته المتوفاه سلطانه سلطان : 29 عام .. من زوجته الحاليه مهره رنا /26 عام سمر /19 عام عائلة عبدالكريم(أبو سعود) زوجته/ام سعود سعود/29 عام صالح/27 عام رانيا / 23 عام .. متزوجه ..من ولد عمها عائلة عبدالله(أبو خالد) زوجته /ام خالد خالد /30 عام زوج رانيا ابتسام /22 عام رهف /13عام عائلة حصه زوج حصه /أبو صالح متزوج من أخرى حصه هي الزوجه الثانيه رازان /16 عام الجوهره ابنة حصه من زوجها المتوفى السابق تبلغ من العمر /26 عام ...... ساره /ارمله 33عام حنان / 26 عام .................................................. ................... عائلة سعود آل صاري (أبو طلال ) ميثا ..مرضعة الوليد وابنة عم سلطانه طلال /34عام بسمه /30عام اشواق/22 عام .................................................. .......... الشيخ محمد بن عامروالد سلطانه زوجة صخر المتوفاه... متوفى .................................................. ............ قبيلة آل مجفل عائلة غازي آل مجفل غاده (ام نايف ) زوجته الأولى نايف /29 عام شيهانه /22 عام ناصر / 3 أعوام نوره آل مجفل .. زوجته الثانيه المتوفاه سعد/ 26 عام نجلا /20 عام .. .................................................. .............................. عائلة عبدالرحمن آل مجفل شيخ قبيلة .. آل مجفل (أبو زناد) (ام زناد..) زناد/ 35عام عقاب /26 عام العنود/ 24 عام مهره / 22عام الهنوف / 19 عام يتبع التعديل الأخير تم بواسطة **منى لطيفي (نصر الدين )** ; 13-10-20 الساعة 01:34 AM | ||||
|
| |
|
12-04-19, 03:39 PM
| #30 | ||||
| (عُد بي الى حيث كنت قبل ان التقيك ثم ارحل !!) قصر ..صخر .. آل جلمود .. وتحديدا مكتب الوليد المتواجد .. بالقصر .. تبادى ..صوته .. الرجولي الساطي .. وحسه .. الغزلي .. الشاقي ..القادر على ان يمحي ..خوافي نفسه الدنيَه .. وعمق خبثه اللعوب .. - وانا اقدر استغنى عنك ياروحي؟؟ انا احبك !!!! تفهمين وش معنى احبك ؟؟يعني ماقدر أعيش هالحياه بدونك !!انتي نصيبي من هالدنيا كوني واثقه !! تراجع .. يتساند ..على كرسيه .. الي جالس عليه امام طاولة مكتب ..ترتقي .. للفخامه ... تابع بنفس الحس .. الغزلي .. المبهم .. -ان شاء الله في القريب العاجل بس عندي طلب ؟؟!! .. انهى كلامه منتظر من الطرف الثاني جواب ثم تابع ...غير مدرك وغافل عن .. الطرف الثالث الي يستمع بصمت .. -ودي اشوفك مره ثانيه ؟؟ المره الي راحت ماشبعت منك ابد !!وابشري بااللي يغرقك .. بالي تبين ان بغيتي فلوس موجود !! وان بغيتي ذهب موجود !! الي تتمنين !! ارضيني وتشوفين !!! انهى كلامه .. صامت ثانيه .. ثم اتبعها بضحكه جهوريه ...راضيه .. متابع - الي تبين انا حاضر ..!! تابع بابتسامه ..جانبيه .. ونظره ..لعوب .. -يعني انتي متوقعه من واحد .. بمركزي يكذب ؟؟ ماحبيتها منك !!انا كلمتي وحده !! انا سلطان بن صخر !!! سكت ثانيه ثم تابع .. - شوفي انتي تجهزي وانا بمر عليك !! ابتسم بانتصار ..واكمل - بس اسمعي؟؟ البسي الي شريت لك !غيره مااقبل !!! وفجأه ..... اعتلى حس ..عالي ... صادر من صوت الباب الي انفتح ..!! التفت .. بصدمه وتقطيب اهداب ..... يبي يعرف ..من الي تجرأ ..ودخل بهالشكل ... تلاقت .. عينه ... بالشخص الكريه لقلبه ... ترقبه باستهجان واستنكار واضح .. وبرقة عين ممزوجه بكره عميق .. متأصل ... للأخ الي يعتبره عليهم دخيل !..للشخص الي عجز يتقبل وجوده بينهم ...ويرفض ومازال .. يبغض حظوره وسطهم ومعهم .. اخوه الي جاهم ...من بعد عمر .. واخذ منه المشيخه الي من حقه .. واستلم كل أمور قبيلة آل جلمود ..بعد وفاة ابوهم .. اخوه المنبوذ بنظره من جا والى الابد .. !!! وقف الوليد بهيبة حظوره ..وجزل عمق الكبر والعنفوان .. المتبادي .. بشخصه .....يبادله .. النظر ... ماسك نفسه بجهد ..مدرك .. للقبح الي سمع ..ومازال .. يضغط .. ويضغط على نفسه .. وروحه .. لجل وصية ابوه .. ويتحمل .. صغر فعول اخوه سلطان لجل .. مرت ابوه .. الغاليه .. لكن الى متى ؟؟ الى متى يغطي .. ويمحي ..الخزي الي يرسمه سلطان .. بيده بلا أي حساب !!؟؟وصل حده من الصبر تكلم بحس حاذر .. وهادي .. يخفي .. ضيقه الظاهر .. وعينه ..مركزه النظر .. بسلطان .. - انت ماتمل ؟؟ ولاتكل ؟؟ !!.. قاطعه سلطان .. باستهتار .. مفتعل .. وقل اهتمام ... ونظره .. هازله مرتسم فيها .. حس الخبث .. الهادي.. -عادي !! وش فيها ؟؟ اذا الواحد يكلم البنت الي ممسوكتن له !!هذي حليلتي !!! قطب الوليد هدب عينه ... بتركيز ... مضيق نواظره -من متى هالعلم ؟؟ماقد سمعت به !!! شد سلطان شفته ...متابع .. تدرج .. نظرات الاستنكار .. بملامح اخوه .. -من قبل تجي !!! مب كل شي لازم تسمع به !! واساسا الموضوع يخصني انا !!! تابع الوليد نواظره .. المركزه .. ناطق ..بنفس الحس الهادي الحاذر - حتى ولو ممسوكتن لك ؟!!انت صاحي ؟!!! تطلع مع بنت ماعقدت عليها ولابينكم شي رسمي كله مجرد كلام !! !!!؟؟ تبي تفضحنا سلطان ؟؟ الين متى . تتصرف بهالطيش ؟؟انت شلون تسمح لنفسك .. تدخل البيوت من فوق جدرانها !!؟؟ قاطعه سلطان ببسمه جانبيه ونظره .. ملهبه كارهه - مافيها شي انا اعرفها .. من قبل الخطبه !!وشي طبيعي بطلع معها .. واشوفها ..بعيني !! لايكون متوقع .. او يجي ببالك .. اني انا ممكن انصدم بالي بتزوجها بدون اشوفها او حتى اقربها ؟؟؟ معد فيه هالامور بهالوقت !!! استهجن ..بضحكه ساخره .. مدرك اثارته .. لضيق .. الي واقف قدامه .. مستمتع ... لحد السرور .. الجازل .. - الان البنت هي الي تحرص تشوف شريك حياتها !! ابتسم باستخفاف كاذب ..وعينه .. تنظر للوليد بترقب ... تأمله الوليد بصمت .. وهو يستمع لكلامه .. وشي من الضيق ..مبتدي .. يطغى عليه .. تكلم ..بحس مهدد .. ومتحاذر .. - سلطان !! لما اكلمك ترد علي بجديه وتترك عنك التمهزي !! بعدين وين خوفك من الله !!!؟؟فعلك هذا مايجوز !!شلون تكلمها وتطلع معها .. بدون رابط او عقد شرعي يجمعكم ؟؟؟ انت وين عايش ؟؟فيه أصول ؟؟ ومواجيب .. مفترض ماتتخطاها !! فيه شرع الله !!! وجه له سلطان نظرته .. الكارهه .. العاجزه تختفي ..من ملامحه ... - انا واثق ثقه عميا ان حليلتي شريفه !!انا مااقدم على شي الا واكون انا اول من جربه !!! قاطعه الوليد .. بحس عالي .. مستنكر - انت ماتخجل ؟؟ تماري بخزيك قدامي ؟؟انت مدرك هالفعل المخزي وش اسمه ؟؟!!! رد ..سلطان واقف بنفس حسه المستفز ... - انا حر !!! اطلع معها !! اهج بها !!! اناااا حر !!! تابع الوليد .. مستمع ..لحس الاستفزاز .. المهلك لاعصابه ... فاض فيه الصبر وطفش ولابد يحط حدود ... تقدم .. ماد يده ..ماسك ياقة ثوبه .. وبيد قابض عصاته .. - انت بتجيب راسنا للأرض !!اسمع ياسلطان !!؟البنت هاذي مين ماكانت بنته ..لعاد تكلمها الين تملك عليها !!؟ لاتنزل سمعة ابوك ولاتوطيها !!ماتعب عشان حظرتك ..تجي تضيع صيت له سنين يبنيه بشين فعولك !!؟؟ قلعتك انت والي تبيها وتشوف انها كفو لك لكن الأصول أصول !!وسمعة صخر آل جلمود تضل مرفوعه .. !!وتبقى رايته بيضا !!؟؟ ترقبه سلطان بحمق ... - فك يدك ؟!! نزل الوليد يده ... وعينه .. عليه ..بدون تفارقه.. تابع سلطان بنفس الاستهجان ... المستفز .. - أولا هذي حياتي .. مب حياتك !!!!لاجيت انت تتزوج سو الي تبي !!! وبالطريقه الي تبي !! سكت .. يترقب الوليد .. بنظره .. مدويه .. ترسم مرار الكره .. وتابع .. -ولا انت أصلا ماراح تتزوج !!من يقبل برجل راح نص عمره ..تلاحقه حكايا .. وفضايح !!! خلك عالمسيار!!!. يضبط معك اكثر !!! رسم بسمه ...ممتزجه بسواد الغل الي يعيشه امام اخوه ... مدرك ان الي بيقوله .. موجع ... له .. - وغير كيذى ..عاااااجز !!! عقيييم !!! اسودت نظرة الوليد ... وهو يتابع ... حس الكره ... ويحس ويستشعر قوة عمق النبذ ... الموجع .. منه ..قد ماحاول .. يتدارك البعد الي بينهم ... وقد ماحاول ..يدفن عمق الفجوه .. يفشل !!! .. ويضل عاجز !! تابع سلطان ... باستهتار ... مستهجن ... ومستحقر .. - لا واعرج !! أساسا مب راضي فيك الا الاشكال الي اعرفهم انا !! تحركت عينه ... يتتبع .. أسلوب .. التحقير .. الكاره .. - ياكثرهم يجونك بالاشاره من اصبعك !!ومثل النحل .. يجلسون تحت رجلك !!اذا تدفع !!وانت كريم وهم يستاهلون عشان مضطرات يتحملون وجودك وعنجهيتك ونقصك !!!! قاطعه كف حامي ... موجع ... صادم له رغم انه عارف انه لأول مره يتمادى ..بهالشكل خاطبه الوليد ... بحسه الفاحم .. مخفي ..مرار الشعور .. وعمق الجرح .. -طاري حياتي يتعذرك !!لاتجيبه على لسانك !! والله معد يشفع لك انك ولد ابوي !!ولاتفكر اني عجزان اربيك من جد وجديد !!! وبسويها !! دامك تماديت معي .. الين هينا ويكفي!!!! اشر بأصبعه مهدد ... ومتابع -خذ العلم مني البنت الي رضيت بها بهالشكل !!مب جاي اخر الشهر الا وانت عاقد عليها !! وخلنا نشوف من كلامه الي بيمشي !صحيح حياتك مب حياتي وانا ان فكرت بيوم اتزوج ثق باني باخذ الي تستحق تكون لي حليله وتستحق انها تكون لآل جلمود شيخه !!! صرخ سلطان .. باستهجان .. - تمد يدك علي ؟؟!!انا اصغر عيالك !! ضحك باستحقار غاضب ..وثاير ...متراجع .. -الا اي عيال !!؟؟انت عاجز من جميع النواحي ... ياشايب آل جلمود !!!! بتعجز وبتموت وحيد بلا ولد ولا تلد !!! قال شيخة ال جلمود !!!!؟؟ استهجن سلطان بضحك هستيري ..مضطرب .. مؤذي .. تكلم الوليد بحس صارخ ... كاضم .. جمر غيضه .. لايشيط اكثر .. - اطلع برا !!! مابي اتمادى معك اكثر !! الحشيمه مب لك !! لأمك !! والبنت هذي بتتزوجها ومالك الا هي وقسما بالي احل القسم ان ماحددت ملكتك عليها مااكون الوليد !!! تراجع سلطان ... راد .. بضيق .. مخفيه .. سواد كررهه -هذا شي مالك شورن فيه !!! يخصني انا !! املك عليها ارميها احجرها اتزوجها اعنسها اربطها احرقها !!! أولا وأخيرا يخصني ... سكت يترقبه .. وهو يرفع حاجبه .. ينتظر .. يشوف تأثير كلامه .. على شخص اخوه الكاره له .. ركز الوليد نواظره .. اكثر .. متكلم بحسه الحاذر الهادي ..المتوعد .. يخفي شرار .. ثورته الي اعتلت فيه .. اعلى مكامنها ... - تخسي الا انت !!!انا مانيب سامح لك تفضحنا بفعولك وسواياك !! مط سلطان شفته مقرر يهدي ..داري وعارف ..انه بيستفزه ..متابع .. - حظ الي بتكون من نصيبي ... هي تاصل أصلا !!! ولو تكرمت .. انت تماديت بالغلط .. على الي بتكون ام لعيالي !!!ولااشوف لك دخل باختياراتي ... انا اعيدها من جديد لك هذي وصية ابوي !!ترك لك الكرف وترك لي الهنا !!!! شدد الوليد قبضة ايده على مسكة عصاه ..بترقب .. ماقد سمع من جاهم ... أي تلميح يخص هالموضوع !! لاسوالف خطبه .. ولا وصيه لأبوه !!! ترقبه سلطان ... بصمت ... مدرك انه .. يفكر ... وموقن انه اوجعه .. بالصميم ... تقدم ... متكلم .. - خلصت حكيك ؟؟ !!لعاد تتعرضني مسألة زواجي انا ابخص بها يكفي تدخلاتك بحياتنا !!مب عشان امي سامحه لك تحسب الكل مثلها ؟؟ ناظر وافتح عينك !! حتى خواتي مايبونك !! لايقابلونك ولا يطيح لسانهم بلسانك !! انهى كلمته ... باستحقار مجحف ... كارهه .. اليم .. تشابكت نواظرهم ... بصمت ... الين نطق الوليد بحس هادي ... موزون - انت تماديت !! وانا سمحت لك بما فيه الكفايه .. !! لحد اليوم وخلاص !!وعزة الله في سماه مالك الا هي لأشكالك مين ماكانت بنته !! جا سلطان ينطق ... الا بحس امه يتعالى .. من جهاز على طاولة المكتب ... -الوليد !! احتدت نواظره لسلطان .. الي ترقبه بصمت وهو يسمعها ... تنادي اخوه الكريهه تقدم الوليد .. متعديه ..منحني ضاغط .. زر الرد ... وناطق متحكم بثوران حسه ..لجل ماتحس بشي ... - ارحبي يالغاليه !! انا مشغول .. شويات أكون معك !! رفع سلطان حاجبه ..وويده تعدل ياقة ثوبه .. -مدة يدك هذي بتدفع ثمنها !!انت تقول اني نزلت راس ابوي !!لكن انا بعلمك شلون راسك انت الي بينزل !!كل الهيلمه الي انت عايشها من حقي انا !!والمشيخه الي اخذتها بدون وجه حق هي من حقي !!وزود على هذا كله .. جاي تتحكم بأسلوب حياتي !!! اتزوج واطيه ؟؟ اتزوج بنت ناس !! شي بكيفي .. ضحك بسخريه .. وتابع .. - عاجبتني اهم شي ابتدت معي وبي وبتنتهي معي انا !!؟؟ قالها وتقدم طالع و ..فاتح الباب وصافقه وراه .. تم الوليد واقف ... مجتلي .. بروحه .. ضيق ... وغضب ... تقدم ماشي بخطواته العرجى .. مجنب عصاته ... وجلس .. امام طاولة مكتبه ..تارك لأنفاسه الي حرقت .. مبادي صدره ... الحريه .. كود يهدى نبض قلبه .. ..تقدم بمتنه .. اسند يدينه فوق مكتبه واسند ذقنه وهو يفكر بمصايب اخوه ..الي ماتخلص كل فتره لاحقه بفضيحه عجز ينظف وراه وصل عمره 29 ومازال مستهتر يخطي ويعيد !! متى بيفوق .. لنفسه .. ويحقق هدف عمره ..المضنيه !!!كم له يأجل ويأجل .. ويأجل !!متى بيرتاح !!.. تنهد.. بصمت ..متابع تفكيره ..كل شي سواه لجل ينظف وراه بكفه ..و هالموضوع .. المخجل .. الي يسود الوجه ..بكفه !!لقى الي مثله .. وشرواه ..الا مايزوجه إياها .. عشان يعرف ان الله حق قطب هدب عينه مفكر ... يبي يتذكر أي طاري او تلميحه لهالموضوع طوال مدة وجوده بينهم ماسمع .. أي شي .. ولا تذكر أي شي !!! اخذ نفس ..وهو مقرر ينهي هالمهزله ويقفل موضوعهم لازم يزوجه لايجيب له مصيبه عظمى المسأله وصلت.. للاعراض !!دام هو راضي بهالشاكله يتحمل نتجة اختياره !!هذا غير ان اسم ابوه بالوسط ..!! مرت ثواني ... جالبه له ... شواهد من ماضي ... حظر هو فيه .. تاهت عينه بالفراغ ... بفكر مبتعد عن الحاضر ... ممتزج .. بضيق .. ساكن بوسط ضلوعه عيا لاينمحى او يغيب ... متذكر ... اول يوم ... زار فيه قصر ابوه .. مع جده ابن عامر ... وهو بعمر 23...متذكر ... وقت .. دخل مجلس الضيافه ... ومتذكر ..وقت تعالت الهمسات ... لهيبة حظوره ..وغرابة ..تواجده رغم ..البعد .. والفراق ..لايمكن ينسى او يتغافل .. ذكريات ... التراحيب .. وترديد .. اسمه بين .. الافواه .. وهو يمر على كبارية ..وشيوخ قبايل .. الحضور ..بمشي بثقته .. الظاهره ..لكل عين ..وروح .. يخطو خطواته .. مخفي كل شعور دفين .. مزلزل لكيانه .. بسبب وجوده .. بهالمكان ..الاليم لجل يشوف ابوه .. بعز مجلسه ..ويواجهه .. وجه لوجه .. تهادت خطواته الين صدر المجلس .. يتبع جده .. ابن عامر .. وقف .. يترقب بعين ... تخفي كل مكامنها ... ملامح ابوه ... صخر شيخ آل جلمود .. ابوه الحاضر اسم الغايب حمايه وربى ... كثير شافه بالصور .. ولمحه بمجالس الضيافه .. عند جده ابن عامر ..كان يتاأمله وقتها ببعد مختلف عن الحين ... اقترب منه ... متأمل جيده.. الشامخ ..ملاحظ عمق الشبه بينه وبين ابوه ..ترقبت نواظره ...رسم ملامحه المستأسده ..الي تشابه ..رسمه هو .. ياكم اخذ منه ..هيبة .. حظوره .. طوله الفارع ..جمال رسم جيده وتكوينه ..ارثه .. مثل كل .. أولاد صلب آل جلمود ... تقدم بصمت .. ملاحظ ... نوواظر ابوه الي تعلقت به ..انتبه .. لرسم المرار بنظرته .. مد يده ... لصخر الواقف بصدر المجلس مع اعيان المشايخ ....متصدر .. اجتماع رؤوس الافواج ... وكبار القبايل ... اطرف بعينه .. لامح الولد الواقف جنبه .. اخفى الشعور المرتسم بنواظره ..بعجل ... متمم سلامه ..استحكم .. حظن.. كف ابوه المرتجف .. -يامرحبا مليون ..يالله حيه الوليد بن صخر سمي ابوي الغالي .. !!! تاهت عين صخر ..بترقب ملهوف لملامح رسم الوليد .. بشوق واضح ... وفخر أوضح ..تابع بنفس حسه ... المتباهي ... الفرحان .. - يالله حي ابن عامر ... انورت المجلس ... بقدومك ... يالطيب الغالي !! ابتسم ابن عامر ... وهو واقف مزتهي ..بحفيده .. الحاظر ... ملاحظ ... زهوة حظوره ... واثر وجوده عالجميع ... بمجلس ابوه ... متأمل ومدرك ..قوة ..الهيبه .. في ... ولد سلطانه ..الي تمازج ..رسمه ..بملامحها .. الابيه ..مختلط .. برعونة ..اشباه بن جلمود .. -حي شانك يابن جلمود !!! كرر ... بحسه الحاذر ... المحتمحي بضوجة فكره .. الشاقي .. ضيق وترقب .. -حي شانك يابو سلطان !! شدد على ذكر المسمى ... بعين ..مترقبه ... منتبه للعيون ... الشارده .. والنفوس السائله ... والمتسائله ... عن سبب عمق الغياب ... لولد صخر بن جلمود الكبير .. ركز صخر .. نواظره في بن عامر ... متكلم ومشدد ... - انا أبو الوليد ياعمي محمد!! تابع ..بحس عالي ومرحاب ... وفخور .. - حيا الله الوليد يالله ان تحيي زولك ياولدي ...!! هز الوليد راسه متقدم لاثم جبينه وهو يرد ... - حي شانك وملفاك .... ارتخت عينه ...يم اخوه .. الي واقف ... بجنب ابوه ... مستلم .. السلام ..عقبه ..ابتسم .. بسمه جانبيه .. - هذا اخوي سلطان ؟؟؟ سمع سلطان يعلق ..وعينه متوجهه بينه وبين ابوه .. - هذا هو يبه ؟؟هذا اخوي الوليد المسافر ؟؟؟ سمع رد ابوه .. المتفاخر .. - أي ياولدي هذا هو !! سلم على اخوك يابوي !! سلم على سلطان ... ولاحظ ... قرب ابوه .. منه هامس .. -خلك معي بصدر المجلس اجلس جنبي يالوليد !!! انتبه لنظرة سلطان المستهجنه ابتسم يصمت ...متقدم جالس .. بالمكان .. الي .. يلوق ..له ... مع انه عارف .. ان سبب هالاجتماع ... رغبة ابوه ان الكل يشوفه ... لكن هو جا لجل شي واحد بس .. !! تواجد عشان يرفض .. القرب ... الي جا متأخر ... حيل حيل متأخر تمت الاجتماعات ... بنجاح ..مكلل .. وجمع مهيب بين القبايل .. ابتدى صخر كلمته ..الي كان ينتظرها الوليد ... بصمت وترقب ... -الله يحي من تعنا ولقانا ..يشهد الله ان دخلتكم علي كما العيد ...واجتماعنا هذا .. بيكون غير كل الي سبقوه !! شد على كف الوليد ... ثم تابع .. متكلم .. - اليوم رجع لي ولدي ..عقب غياب ...!! بكري واكبر عيالي !! ولايخفى على كل منكم وجوده !! لكن قدر الله وماشاء فعل !! السبب الي خلاني أوافق انه يتربى عند جده .. ابن عامر .. وصية امه الشيخه سلطانه ..بنت الشيخ محمد .. طول الله عمره ..الله يرحمها ويجعل مثواها الجنه ..يشهد الله اني راضي عليها وماشفت منها الا بياض الوجه !!! ترقب الوليد ابوه بصمت ... متابع له ... مدرك ... الطلب .. الجاي من لسانه وهو مستعد للرد .. عم المجلس الهدوؤ الي مايخلا من الهمسات .. وترديد الرحمه على سلطانه .. تابع صخر .. - انا اليوم اشكر عمي ابن عامر الله يعز شانه وقدره .. التفت للوليد متابع ... -واطلب من ولدي السموحه والعفو !!واقول له ارجع .. هينا مكانك !! تتالات الهمسات .. واختلفت الأصوات ... حول اعتذار ابن جلمود ... الواضح ..كل شخص حاظر مدرك وموقن ... ان الاجتماع ... رد اعتبار .. لاسم .. غاب تحت التراب ... وقف الوليد ... منحني لاثم جبين ابوه ..ومتكلم ..هاز راسه .. - محشوم ... يابوي ... محشوم !!! وقف صخر .. متابع .. - اليوم انا وبحظوركم وبموافقة اخواني وبأسمي اطلب من ولدي يبقى معي ..ويكون بعدي .. لقبيلة آل جلمود شيخ !!ويرجع لأهله وعشيرته !! سكت .. مترقب ... عينه على ولده ... تلاقت نواظرهم ثواني ... قبل يطرف بعينه لجده ... ويتكلم بجهور الصوت .. - الله يححي قدرك يابو الوليد ... اليوم جيتك واصل ماجيت ابي شيخه ولا رفعه !!الله يمد عمرك بالصالحات .. ويحفظك لنا !! لكن انا اعتذر جيت مجلسك ضيف !! وبطلع ضيف !!والله يقدرني على برك ووصلك ماحيييت ..!!! تتالت الردود .. والاصوات مابين معارض وموافق .. ومستعجب .. لثم الوليد راس ابوه .. ورجع لمكانه .. منهي الاخذ والعطى .. في رأيه ... همس ابن عامر له .. -الوليد ياولدي ابوك طالبك !!!شد على كفه وتابع .. - كون مثل ماربيتك انت نعم الرجل !!! وهذا ابوك والضفر مايطلع من اللحم انسى الي صار لاترجع تعيد وتزيد !!! التفت الوليد لجده .. مركز نواظره ... مخاطبه بحسه الهادي .... - ياحي ذا الراس ... ياجدي ...يشهد الله .. ان تربيتك ..ماتضيع !!لكن هو شي بنفسي.. مانيب قابله !!! شدد حظن كف جده .. رافعه ولاثمه .. ثم رجع يستند ... يترقب بعينه ... الثاقبه .. كل همس ... الين الان وبعد مرور الوقت ..وهالسنين .. مانسى .. هاليوم .. فتح عينه ... طارد الذكرى ... بعيد ...لأبعد ..مدى ... ومكان ... تنهد وهو يسحب ... درجه ... يبي يطرد ..ذكرى كلام سلطان .. الي قاله له .. وتقصد يوجعه فيه ... سحب أوراق .. من ملف ... مبتدي يترقبها .. بعينه .. ويتلمسها باطراف يده ... بتركيز .. اخذ قلمه من جيبه ... وابتدى يوقع .. عقود تخص شركاته .. وفكره انشغل .... بهالبنت وعيلتها !!!! وطاري ابوه وووصيته بها !!! .................................................. ................................. قبل بدقايق دخل سلطان جناحه ... فاتح الباب ... بضيق .. متبادي .. رمى بثقله .. عالصوفا .. عايد يضفط نفس الرقم ... منتظر ..حسها .. يرد ... ابتسم .. للصوت .. الي وصله .. -معليش انقطع من عندي !!! رحت مكان اشرح صدر اكلمك ..منه !!!!وين كنا ياروح سلطان ؟؟ .................................................. ........................... بمكان مختلف .... لكن بنفس الزمن ... والوقت .. بوسط احد االاحياء المتوسطه ... جالسه و .. مرخيه جيدها ... باريحيه ... على سريرها ..مابين .. الصحوه والنعاس ... ارمشت بعينها ...بخفه ... ثم مدت يدها .. يم المنبهه بأحساس متحسر ... ودها تكمل نومتها ..هامسه لروحها ... يالله ... لو اكمل نومتي بس !!؟؟ انتظري نجول ..اذا نادت قومي ... ممداها .. تنطق بهاجسها الا سمعت الحس العالي الناشز ... ابتسمت .. متذكره اخوها الغايب .. يوم يطلق عليه هالمسمى ... شدت شفتها مغمضه عينها مرهفه السمع ... بتحسر عالنوم الي بيضيع .. -نجلااااااااااااااااااا !!!! ووجع ان شاء الله !!!!!! فتحت عينها .. هازه راسها بضيق ... راده .. بحسها ... الناعس العالي - طيب ...طيب ... بغسل وانزل !!!! استجلست ...مبعده لحافها ... عن مبادي رسمها الفاتن ... دخلت دورة المياه ... خذت لها دش طارف ... وعجل ... لجل تطرد نعاسها .. وتستقبل اليوم ... المضني لها كالعاده ... طلعت بعجل ... وهي تنفض شعرها ... بحركه لااراديه ... بحيث .. تنحني بثقله للأرض ... تاركه اناملها تتدرج بين خصلها الكثه الرطبه ... ثم ترتكز ... تاركته يهتدي على متنها ... بهجوم مباغت ... لجل يحاوط .. رسم ملامحها ... متنهده و ... ساحبه الفرشه ... تمشطه بعجل ... بتلحق تنزل قبل تسبب لها مرت ابوها مشكله هي في غنى عنها ... اختارت لها لبس ... بعجل ... ونزلت ... تتهادا خطواتها ... بسرعه عالدرج ... اطرفت بعينها ... يم المكان .... تدور مرت ابوها ... توجهت ... للصاله ... اول ماشافتها ... اكتسى ملامحها شي من البرود .. المرسوم .. -هلا خالتي وش تبين ؟؟؟ التفتت لها .. ام نايف ... بضيق ..وهي مضيقه نواظرها ... متأمله .. انتعاش نجلا الظاهر ... وجمال ملامحها الي يشابه .. شروق ضي الشمس ... -تخلخلت عظامك يانجول !!!! فتحت نجلا عينها ... بتوتر متضارب ... عجب لهالادميه ... ردت باستعجاب .. -والله انا احترت صراحه !!!! وش تبين بالضبط اناديك ؟؟؟ مب عند الجيران طلبتي أقول خاله ؟؟؟؟ ان حترمنا وقلنا خالتي ماعجب !! وان قلنا غاده ماعجب !!! قاطعتها ... ام نايف بعجل ... -أقول انثبري !! بلا هذره زايده !!قولي ام نايف !!!! وروحي اشرفي عالفطور وحظريه !!من عرفتك وانتي نوم في نوم !!!وقولي لشيهانه تجيب النواقص بس انتي الي بتحظرين الفطور وانتي الي بتطبخين الغدا وراها اختبارات ..ايه .. وغسلي عبايتي !! ولاتناظريني متنحه !!اذلفي سوي الي طلبت !!!! نجلا ترقبت وهي واقفه طلبات مرت ابوها المتتابعه ...بصمت .. ضايج .. تنتظر تنهي .. اوامرها .. ردت بهادي الصوت - طيب !!يعني شيهانه ماتقدر تغسلها ؟؟؟ اتركي المطبخ واشغاله عادي بقوم بها بس عبايتك عجزانه هي تغسلها ؟؟؟ قاطعتها ام نايف باستهجان مستنكر ... -حره انا كيذا !! وش عندك ؟؟غير الراحه ؟اشتغلي وتسنعي بكره يجي اليوم الي تذلفين بيت رجلك لاتسودين وجه ابوك !!! ومالك دخل بشيهانه !!!!! قطبت نجلا هدب عينها ... متذكره .. طاريه الي مايفارقها ابد ... حلمها المنزوي الظاهر .. فرجها المنتظر والمرتقب .. مطت شفتها ... بهدوء وردت .. مستنكره -اتسنع من غسيل عبايه ؟؟؟ ياخاله من جدك ؟؟ تبسمت .. ساخره .. بهزل ..استفز وجوده ام منايف .. - ان شاء الله اكب الرمل وتجمعينه بيدك حبه حبه !!! بكيفي !!!.. واغسليها بيدك جعل ياكلها الدود !!! شدت نجلا شفتها باصمه ... ماتبي توجع راسها اكثر ..هي بالها طويل .. ومهما كانت غلطانه بتقلبها عليها بالاخر ... تحركت .. متوجهه للمطبخ تشوف شغلها ... ... وعين ام نايف تترقب جيدها ومظهرها بحسد ... ووغيض وحسره ... مخاطبه روحها ... بهمس وسط القلب ومتمنيه .. هالزين الغالب فيها مخلوق ببنتها هي !!ودها حتى تسرق منها النصيب الي انكتب لها من خلقت !! تعالى ... صوت ... - ماما ....ماما .... آآآآآلي !! وقفت ...بحيلها وراده .. -طيب نصوري ماما جايه !! .. صوتت لنجلا .... بحسها النافر .. - نجلا !! بروح لناصر ابي ارجع واشوف الفطور قدامي !!!! وبعدها ركبي القهوه !!! تهادت نواظر نجلا ... بالمطبخ وعينها ... تطوف ... حول المواعين المتجمعه بالمجلى...مب مستوعبه شلون يراكمها نايف بهالشكل ؟؟؟ حتى مرت ابوها وكنها تتقصد !!!.. همست لنفسها ... - يالله صباح خير ..البنات في بيت ابوهم معززات !! وانا أقوم اكرف !! بس معليش نجلا !! كلها فتره وتروحين لسلطان ... تقدمت ..تخوض في غمار شغلها اليومي ...مرت الدقايق .. وهي تحظر .. وتجهز ... سكنت ثواني .. متسانده .. على المجلى ... غمضت عينها .. ببسمه ارتسمت لذكراه ... الي ماتفارقها ابد ... معشوقها العملاق ... شلون تنساه ؟؟ ..حست بحركه ... فتحت عينه .. ملتفته .. شافت شيهانه .. مقبله ..اختها من ابوها ... - غريبه صاحيه بدري ؟؟ ناظرتها شيهانه ... وبتكشيره ضايجه وهزلا - بالله الي يجلس بهالبيت يقدر ينام ؟؟صوت امي واصل الين عندي ؟؟؟ ابي اعرف نجول ليه ترادينها ؟؟تدرين انها تبي تستفزك ليه تردين عليها ؟؟؟ تنفست نجلا متابعه غسيلها ... وهي ترد ... بهدوووؤ يعكس .. شرار .. الذكرى .. لطاري سلطان .. - ماتعرفين امك ؟؟ شيهانه قولي كلمة حق ؟ مره وحده بس ؟؟ مالقت رد ..كملت ويدها .. باديه ترتب الصحون وتفرزها عشان تغسل .. - امك تقول روحي مع نايف جيبي الناقص !! وقفت شيهانه .. مرتقبه ظهر نجلا ... بصمت ثم نطقت .. - نجلا وش تبين مني أقول ؟؟ انتي شايفتني كافيه خيري شري !!! مابي مشاكل !! تنهدت نجلا والصحون تتخابط بين يدها .. -مابي شي منك خلاص راح الغالي وش اكثر من كيذا !!!؟ سكتت تاركه اختها تتنهد بصمت .. ثم سمعتها .. ترد - انتي لو تتركين العناد والمرادد فأانتي بخير !!تراها مهما تسوي بحسبة امك !!انتي تستفزينها نجلا ؟!! شهقت نجلا باستنكار .. ملتفته ... تاركه خصلها تتهادى بلاشعور .. - لا والله ؟؟علميني وش الام الي تكرف بنتها ليل نهار ؟؟ والثانيه مرتاحه ؟؟هذي انتي ماتخليك تمسكين شي !!بس انا !!شيهانه ؟؟؟ الظليمه شينه انتي زييهها بعد تسببتي على سعد وخليتيها تجبرني اترك دراستي !!..يمكن ماقلتي شي يضرني صح لكن سكتي عن الي يضرني انا واخوي .. تفرجتي علينا ساكته!!! توترت شيهانه ... راده .. بضيق .. - ياربيه نجلا ؟؟؟ كل طاري تذكريني انتي وانتي وانتي !! وش تبين اسوي انتي تعرفينها !! وشايفه الوضع شلون انا مقدر ارد عليها ياخوفي بعد تجلسني معك !!! مب بعيده !!! علميني بالله وش اسوي !! هزت نجلا راسها بملل ... محبط ..كالعاده .. -الله يعين .. خلاص اقصريها هالسالفه !!وخليني !!!! لفت بمتنها ... يم المجلى تكمل ... بعقل شارد .. ممتعض .. عصيان ... -مب ظلم انك تشوفين كل شي وتسكتين ؟؟ شدت شيهانه مبسمها ..ناطقه بقل حيله .. - انا بروح ... اجيب الأغراض !! ناظرتها نجلا نظره فارغه ... بصمت .. وتابعت شغلها ... والأفكار .. براسها تودي وتجيب .. رجعت صورته .. الي تجر اسمه .. ببالها .. اخوها سعد ... الحبيب .. درعها الحامي .. المضطهد .. المقهور .. همست رافعه يدها تبعد خصلها المتهاديه ... .. وسط ضولة الغسيل .. - وحشتني ياخوي .. لو اشوفك .. بس !!! أشرفت .. وحظرت سفرة الفطور ... بالصاله .. وراحت جناح ابوها ومرت ابوها .. تأخذ العبايه .. تغسلها .. بالحمام الخارجي .. وقفت .. بجيدها الصغير .. .. الضاوي .. تعصر بيدينها العبايه من المويه عشان تحطها بالنشافه .. .. هامسه بضيق مستهجن .. - يعني بالله من جدها !! فيه غساله اتوماتيك وتجبرني اغسلها بيدي !!!! الله من شي بقلبك يامرت ابوي !! ماانتبهت لأخوها الصغير نصوري .. الا يوم سمعت حسه .. قريب منها .. لفت براسها مرخيه نواظرها ببسمه شاقيه .. تسطر .. حسن .. انوجد .. بمبسمها -بالله وش جابك انت؟؟ الله يعيينا على امك بتشرشحنا !!! ضحكت بغمزه .. - ادلا العب ..مويا !! هزت نجلا راسها ... بتكشيره راجيه وهازله - دخيلتك نصوري لاتجي للمويه !!لاااااا ؟؟؟ وقفت مشدوهه مابين ضحك .. وبين .. خوف .. همست بحسها الهازل ..الحاذر..لنصوري .. -يعني وش بيفكني من امك الحين ؟!! بلل نفسه ... بطشت الصابون ... انحنت ..بخفه ضاحكه تشيله ... الا بدخلة ام نايف ...عينها على نجلا المبتسمه .. تستشيط .. ضيق وغير ..روحها .. المكضومه عجزت تتقبل بنت ضرتها .. ولاراح تنسى أيام دخلتها عليها ... والادهى والامر .. موتها وتركها هالاثنين عله على قلبها .. المغبون ... - الله ياخذك يانجلا !!!! ياجعلي اشوف فيك يوم !!! دايم .. تسوين الي يقهرني !!! جعل رحمن شالك ماياطى الجنه...؟؟... قاطعتها نجلا منتفضه ..وواقفه .. بحسها .. الثاير .. - الا امي !!!! كل شي الا ذكر امي !!! ... تنفست ... تسحب هوا تحاول تضبط حمقها الثاير ... متراجعه .. بضيق .. - معليش ام نايف !!! انا مانتبهت الا وهو جاي لاحقني غاطس .. بالصابون !!! قطبت ام نايف هدب عينها باستهجان واضح .. - لا ولك عين تتكلمين؟؟؟ ...ودك تسكتيني !!! ؟؟ ياجعلي اشوف لك أيام سودا !!! ماتخلص!!!! .. قربت داخله ماخذه ..نصوري المتابع لهم ... بلعب .. لاهيته الما ... انحنت تشيله ... وقبل تطلع .. مدت يدها بحمق ... بدفه .. موجعه لنجلا ... مساعدها .. الصابون الي معبي الأرض ... فزلقت .. صارخه .. - آآه ... - احسن ! ياليتك تنكسرين !!عشان مايلقى فيك ولد الحسب شي ويرميك !!!! مدت نجلا يدها تسند نفسها ..مدركه ان الما .. انسل .. وبلل ملابسها .. ماوجعتها الطيحه قد مااوجعها كلام مرت ابوها ... هينا عجزت .. مثل دايم ... مهما .. تصد الا مايكسرها .. كبر الحقد ... وسواده ... حست .. بعبره خانقه .. تسابق نفسها ... كارهه لضعفها الي بيستاضح امام مرت ابوها ... هزت راسها .. باستنكار مستعجب .. موجع .. - حرام عليك انا وش سويت لك ؟ عشان هذا كله ؟؟ ليه تكرهينا ؟؟ اخوي وخليتي ابوي يطرده !! كرهتي اخوي فينا !! سكتي شيهانه عن كلمة الحق !!!! قالتها وشفتها ترجف بعبره .. تبي تدفنها وماتطلع ... اشرت ام نايف ... باصبعها .. - بكيفي انا حره !! أصلا الود ودي تذلفين عن عيني الله يلحقكك امك وعقبال ماتطلعين وترجعين مهيونه !!!! انا ادري انك فرحانه .. وتنتظرين ولد ال جلمود!!!! لو الشور لي عطيتهم شيهانه !!! عضت نجلا شفتها ... بضيق .. مغمضه عينها .. تبعد حرارة .. جفنها .. الي يهدد بينزل دمعتها .. - يالله وش كثر انتي حقووود !!!! فاجئتها ... صفعه مدويه ... شلت ملامحها .. لحقها الم ... وطنين .. يدوي بمسامعها .. - اص ولا كلمه لاتخليني اشب النار بينك وبين ابوك !!! اذا جا !!! كملي شغلك واذلفي فوق رتبي جناحي ولا اشوفك قدام وجهي !!! خذت ناصر .. الي كان ماسك طرف .. قميص نجلا ومبتدي يتعبر .. معترض .. وطلعت .. تاركتها .. تحارب .. قهر .. ضيقها الي غصب بان .. قد ماوعدت نفسها .. ماتبين وش كثر هي تكسرها .. الا عجزت !! قامت .. بعجل صافقه باب الحمام .. وركضت ركض .. تسابق أنفاسها .. مغبونه ..حيل مغبونه .. وصلت غرفتها .. واسندت نفسها .. عالباب .. رفعه يدها بحمق تبعد دموعها المتجمعه ... قد كسرها قد ماحمقت من نفسها .. شلون سمحت لعينها قدامها تنكسر ؟؟؟ !!هي تحملت !! هي قويه وتقدر تصبر !!.. زفرت ..ناشقه .. هامسه لروحها ... بعين ..معميها .. غمام الدمع .. هانت يانجلا هانت .. الي خلاك تصبرين قبل يصبرك الحين ..رفعت اطراف اناملها متلمسه .. خدها .. تقدمت بخطواته ..وعينها .. تلمح الحمار الي اكتسى .. جانب رسم ملامحها الأيمن ..شافت الأثر ... رفعت يدها تمسح دموعها بعجل ..عاكست افكارها .. ونواظرها تتلاقا .. هامسه .. بغبن .. - لا يانجلا انتي مو قويه !! الي كان يصبرك راح الي يمسح دموعك ويضحك عيونك راح وماتدرين وين أراضيه !!! رجفت شفتها ... مرتسم في فكرها ملامح سعد ... !! .. معد كلم تأخر عليها ... استبطته .. حيل ...مازالت تتكرر صور ذكرا ذاك النهار المظلم ... بكل طواريه .. الي حرمها من ظهرها .. وسندها .. ملفى شكواها .. وضيقها .. حتى هو ماسلم . بس كان يطيب خاطرها ... من طلع مطرود..قبل سنتين ... واخر مره شافته قبل اربع شهور ..همست بضيق .. - وينك ياسعد ؟؟ حتى دراستها ماخلتها تكملها .. حرمها ابوها منها بسببها ... !! - تدري يبه انها تظلمنا وتتغافل ؟؟ !! ماتدري شلون خذتها خطواتها يم .. شباكها .. مقربه .. وساحبه ستايرها .. وفاتحته .. غصب نواظرها .. تدرجت يم .. المكان .. الي شهد .. طردة اخوها من البيت ومن حياتها .. شلون تنسى هالذكرى .. الي قضت مضجعها .. ليالي ..ومازالت .. رجفت شفتها ... مستحظره .. الذكرى (وقتها كان ظهر ... وتوهم راجعين من المدرسه .. اول مارن الجرس ... انفتح الباب ... واجهت .. نايف الي سحبها يجرها يدخلها بحمق ثاير .. سكر الباب .. بحس مدوي ..عقب دخلت شيهانه.. فكت غطاها ...مطرفه .. بعينه لامحه ام نايف .. - وش فيه ؟؟ قرب منها .. تارك معصمها وشاد شعرها .. بحمق .. مستشيط ... يجرها .. - تعالي ياقليلة التربايه !!! صحيح ابوي عجز عنك لكن انا بربيك !!!! التهبت نواظر نجلا ... مرتسم بها الخوف ... وش ثاني .. يشابه .. العجز .. - ليه هالكلام نايف !!؟؟ وش صار ؟؟ استنطقت ام نايف الواقفه ... بحمق .. ونظره متشفيه .. ومغتاضه .. - ولك عين بعد ؟؟!!! ام حسن جارتنا كلمتنا تتوذى !! وتقول ان السيارات بلاحقون باص المدرسه !!! سكتت تشوف .. رد فعلها .. الي مازال .. مبهم .. ومرسوم على ملامحها .. بدون فهم ... نجلا التفتت لأختها شيهانه .. لمحت عينها تبعد عنها .. شدت شفتها ... تدري ومدركه مراح تساعدها ولا تصد عنها ابد كما دايم .. وتدري انها بتواجه .. هالغضب والضيم لحالها كما كل مره .. !! نطقت .. مستنكره ... بضيق - انا وش دخلني ؟؟ اروح في حالي واجي وانا بحالي !!! عاجلتها .. ام نايف مستنكره ... - وش الي وش دخلك !!!!بنتها تقول انك تكشفين ومن تشوف السيارات .. طلتك وانتي تأشرين لهم !!يلحقون الباص وياذونه...!!! جت تنطق ناكره وهي تسحب نفسها من اخوها .. الا بحسه الثاير .. -اص !!! اسكتي ولا كلمه زياده !! تراجعت ... رافضه انها تسكت وتتحمل .. هالتهايم .. اشرت باصبعها لنفسها ... -انا اشرف من كل بنت ركبت !!! انتبهت لنايف الي متقدم .. لها .. يبي يوصل لها .. علقت بهلع .. موجع .. قبض ملامحها بيده ... يشدد ضغطه .. عليها .. رفعت يدها تحاول تبعده ... بصعوبه ... ارتجف جيدها وهي تسحب نفسها من بين يديه .. وتصرخ .. -ليه ؟؟؟ ليه تصدقها !!!! ذولا بنات الله يستر عليهم مب انا !!!! ؟ صرخ نايف ... مقدم .. ساحبها - بس !!! لاتكذبين امي !!! ادخلي واقصري حسك يا ..؟؟.. قاطعته ام نايف بعتب .. - شفت ياولدي ؟؟ شفت بعينك ؟؟ مب قلت لكم قبل بتفضحنا ؟؟ ضفوا اختكم !!! ياما قلت لأبوك ولك !!! لاتزعل نفسك خلها تقعد بلاها هالمدرسه !! الي بتجيب لنا الفضايح !!! حاولت نجلا تفك يده .. وتتلفت عينها تدور شيهانه ... يمكن توقف هالمره بصفها .. لان هالمره غير .. !! الان في سمعتها .. وذكرها الطاهر !! تلاقت عينها بها ..همست لها بعجز .. - شيهانه ..!! انا سويت ... شي ؟؟ ... ردي شيهانه !!ردي لاتسكتين !!انا اختك مالي غيرك هينا انتي الي معي وشفتي !!! قاطعتها ام نايف بحمق .. وهي تقرب وتوقف قاطعه نواظرهم .. - لاتدخلين بنتي في شي !!! بنتي بريه من افعالك !!الي موطيه راس ابوك !!! صرخت نجلا منتفضه قادره تسحب نفسها أخيرا ... من نايف .. - لااااااااا انا الصح وانتم الغلط !! التفتت لنايف ... بانفاس باديه تسابق عبراتها ... وللمره الالف .. تقهرها روحها وتبين انكسارها امامهم .. - نايف !!! الين متى ياخوي !! امك تكرهنا لكن انت !!! ليه تصدقها .. وتجاريها بكذبها علي !!!!! صدمها ... بكف .. عاجل يمنع .. حتى عبراتها .. - وترادين امي وتكذبينها قدامي !!!!!امي كذابه ؟؟؟ تخسين وتعقبين نجلا !!! هاه !!! تقولين امي كذابه !!!؟؟ قاله وكرر كلامه .. وهو يضرب ويضرب .. ثاير مستشيط .. مثل بركان وانفجر ... صرخت هامسه .. بوجع ... وهي تحاول تصد الضربات .. - انا ماسويت شي !!! تكذب !!!! ما,,س,,ويت !!!! صرخ بعالي الصوت .. يتكر كلامها ..ويده تستجري .. وتبطش ... ضاق من كثر الزن ..كل مره جايبه لهم مصيبه .. كل مره !!! - ولا كلمه !!!اص!!! - خلاص ... ن..ايف .. بس !!! .. لاتضرب !!! ..تكفى لاتضرب !!! ... بكت وبكت ... تحاول تتحاشى ضرباته الموجعه لجيدها ... تحركت .. من جميع الجهات .. عجزت تصد وعجزت .. تبعد .. تهادت بمتنها .. عالارض .. يمكن تصد عنها .. انفلتت شنطتها قبلها .. وعباتها .. همست برجا ..موجع ..اليم ... قاهر .. يرسم مر العجز .. وحر اليتم .. ومرار الضيق .. - خلاص نا..يف !!! .. الا بدخلة سعد .. الي وصله حسها ... ركض .. لها .. ووصلها ووقف بينها وبين نايف ... تكلم بحس .. ملهب .. وشايط ... وعينه لامحه .. مدة اليد الي جارت على اخته .. الصغيره .. قطعه منه .. وامانة امه له ... - وش صاير نايف !!! وقف !!! وقف ضرب !!! - وخر عني خل اربيها !!! خلت الناس يتشمتون بنا .. ويجيبون طارينا بالشينه !!!.. اختك خلت سيرتنا على كل لسان بالحاره !!!!! التفت سعد لأخته منحني يحاول يرفعها .. - نجلا علميني وانا اخوك !! هزت راسها .. باين القهر بملامحها .. خصلها ترطبت من سيلان دموعها .. وملامحها .. ملتهبه .. حمار .. واثر .. - ماصار ... ماصار ياسعد كل الكلام الي يقولونه كذب !!!! تلاقت نواظرهم ... اوجعه ..حالها .. اخته اقرب له من وريده وشريانه هو الي عارفها وموقن صدق التبلي عليها ... يدري بكذبهم دون يسأل ... صرخ نايف .. بحمق - نزلت راس ابوي وراسنا بالأرض وخر خلني اشفي غليلي منها !!!... وخر !!!!!!! قالها صارخ ... ثبت سعد بجيده الشامخ بينهم ... - علمني هي وش سوت ؟؟ - خلت الشباب يلحقون الباص وتسببت على بنات خلق الله وتكذب بعد !!! لها وجه تكذب امي قدامي !!! ابعد !!!! وخر ياسعد !!! ابتدى نايف يهزه ويبعده ... عن طريقه .. عشان يوصلها .. جمد سعد .... مستنكر فعول اخوه ... وقبلها كلامه... الموجع .. له ولاخته .. كل شي يتوقعه منهم الا انهم يجيبون طاريها بالشينه هذي اخته ..نجلا الصغيره هو الي يعرفها اكثر منهم كلهم .. تكلم بحس عجز يخفي ثورانه .. وضيقه .. -لا ينايف !!! اختي مافي مثلها !!! نجلا الشرف يقول لها تعالي اجلسي مكاني !!!! تلاقى بنواظر اخوه... مستدرك ومكمل ... - انا ربيت معها اعرف اختي !!! انا الي ربيتها نجلا ماتسويها !!! ثواني .. الجمها حس صفعه مدويه ... لملامح لسعد من نايف .. قد ماهي اليمه الا ... عمق .. وجعها ابلغ من الكسر .. ناظره بصدمه ... - نايف تضربني ؟؟؟ !!!! .. حاول يتماسك .. لايضعف قدام نجلا ... بس القلب فاض من كثر تجريحه وكثر الدق يوجع علقت ام نايف بحس شامت ... - أصلا انت الي مقويها !! مدلعها ومكبر راسها !!!.. لكن شقول ؟؟ من بنته هي!!!!؟؟التفتت لنايف .. مكمله .. - نايف يامي لايجي ابوك ... خلاص بلاش منها مدرسه وريح راسك ياولدي !! لايضرب فيك عرق !!! صرخ سعد بحمق ... - لاتتدخلين !!!!! ونجلا بنت نوره !!! الي اسمها يشرف قبيلتكم كلها !!!! قالها صارخ من حر مايوجس .. رد نايف بصراخ .. -انا اضربك !! واكسر راسك !!! يالي ماتستحي وترد على خالتك الي ضافتك وضافه اختك قدامي !!!! ابتدى ... يدفه بيدينه .. الين .. تشابكوا باليدين .. كل هذا ونجلا متابعه برهبه ... اول مره تسمع حس اخوها الثاير العالي ... ارتجف جيدها واقفه ... بجهد .. كل شي تتحمله في سبيل .. عزة اخوها الي يحاولون يكسرونها ... قدامها .. تقدمت .. تتدخل وسطهم .. تحاول تفكهم .. - نايف خلاص !!لا نايف .. تكفى خله !! انا ماني رايح والله معد اكمل هالدراسه !!!... خلااااااااص منيب رايحه ... نااااايف !!!! حاولت تباعدهم وتلمس يد سعد وهي تسمع حس ام نايف .. تدعي .. وترعد ... كررت .. بحس مرتجي ... باكي .. - نايف اترك سعد ياناااايف !!!! بسوي الي تبي اترك اخوي اتركه !!!! وبغمضة عين صار اندفاع طاحت منه وطاح نايف .. رفع يده يمسك راسه المدمي وهو يسابق أنفاسه بغضب .. اسود شل كل مداركها .. وقف سعد .. وعينه .. ثايره نواظرها .. - هذي اختي انا !!!لااسمع فيكم واحدن يغلط عليها !!!! وقف نايف متقدم يدفه وحس ام نايف يتعالى .. وصراخ شيهانه .. الباكي .. - حسبي الله عليكم من ذر !!! الله لايبارك فيكم !! تمد يدك على اخوك الي اكبر منك !!! اطلع من بيتي .. واذلف عن عيالي !!! استمر نايف يدف سعد ..تحركت نجلا وقفت بينهم ... وعينها ترتجي ..بخوف .. مهلك .. - نايف ..تكفى ... نايف !! .. سحبها من شعرها ... يبعدها .. - انتي انقلعي ادخلي داحل حسابك بعدين!!! ياسويدة الوجه! رفعت له يدها تحاول تخفف الضغط .. على شعرها .. ركض سعد يدور شي يبي يبعد يده عن نجلا .. فار دمه واستشاط اكثر ... خلاص معد يقدر يتحمل اكثر ويصبر ..لقط حديده .. ورجع راكض .. استاسعت انظار نجلا برعب ... مهلك ... مد نايف يده يصد الضربه ... الا بدخلة ابوهم ... وعينه تترقب المشهد الحاصل .. ترك نايف نجلا ... ركضت بعجل يم سعد تسحب منه الحديده وترميها ..التفتت لأبوها .. وهي تحتضن كف سعد ... وتشدها .. عينها ضايعه ...نواظرها ورسم الهلع فيها ... ماتبي يصير شي اكبر ..همست بخوف ورجى باكي مرتجف .. - خلاص سعد ... ! انا بسوي الي يبون ... اسكت تكفى ..اسكت !!!! تكلم سعد ... وانفاسه تضوج .. - يبه ولدك هذا غلطان ومرتك لاتمد يدها على اختي !!!!! والله لأكسرها لهم !!! ... انهى كلامه بانفاس ثايره ... واحساس الخوف ..بصدر نجلاه اعتلى .. فوق فوق .. .. تكلم ابوه ..بعتب .. - يالله خير انا ماخلص منكم ؟؟ ومن مشاكلكم ؟؟؟ انا فيني الي مكفيني !!!!! رد سعد مكرر .. - لايمدون يدهم على نجلا !!!!!يبه لايمدون !!!!! اطرف نايف بعينه على ابوه .. - يرضيك بنتك تسود وجهك ؟!وين اودي وجهي انا بذا الحاره !!! بنتك خلت سيرتنا على كل لسان !!!! الجيران .. مالهم سالفه الا هي !!!! وقف .. يستقطع أنفاسه ... ثم تابع .. - وينه ولد خويك ؟؟ذا الي بيتزوجها ؟؟خل ياخذها لاتجيب فينا العيد !!! لايكون سحبوا عليها !!!! تابع وعينه مطرفه لها ... بضيق .. - زوجها يبه ؟؟ لازم هالناس!!؟؟ زوجها وفكنا من سواد الوجه خل تذلف بذمة رجال يربيها !!!! عاجله سعد بالرد .. - تخسى الا انت !!!اختي ماتتزوج الا برضاها ومايخذها الا الي لها كفو !!! ومحدن له حكم عليها غير ابوي !!! شدد سعد احتضان يدها ..اكثر .. علقت ام نايف .. بحمق .. - انت أساس الخراب !! انت مقوي شوكتها البنت فلتانه جابت لنا الهرج !! صرخ سعد ... بحسه الثاير .. - انتي لاتتدخلين !!! لاتدخلين !! أساس البلا فيكم انتم !!! اختي اشرف منك ومن بنتك !!!! غافلته صفعه ..مدويه ثانيه بس هالمره الكسر اعظم ... لانها جته من ابوه .. لمس خده ... بصدمه ... وعينه تترصد .. نواظرهم الشامته .. حس بجمود نجلا ... وخوفها .. ومبتدى حسها الباكي ... همست بخوف .. - سعد ... !! - يرضيك يابو نايف !!! لمتى اربي واكبر والقى هالكلام !!!؟؟ انا ام عيالك ينقالي هالكلام !!! حسبي الله ونعم الوكيل !!! ابتدى حسها يتعالى بكا وعتب ... انسحبت شيهانه من المكان عاجزه تتحمل الي بيصير ... تكلم أبو نايف ... بحس حاذر .. - اطلع من بيتي !!!! شهقت نجلا ... بخوف - لا .. لا يبه .. انا اسفه .. لا يبه تكفى !!.. ركضت له منحنيه تبوس يده .. الا بسحبة نايف لها - انتي تنطقين هينا !!! ودراسه معد فيه انا بربيك يانجلا !!!! همست برجفه ... وضيق .. مبعده عينها عن سعد ... - اه ... نايف بسوي الي تبي !!! ابعد يدك ... يبه ؟؟؟ يببببه !!!لا يطلع سعد ... انا بجلس انا اسفه !! انا اسفه نايف !!! خالتي اسفه اسفه ... لايروح سعد !!! مسك نايف معصمها مشدد مسكته ... اكثر ... سمعته حسه أخيرا - اتركها نايف !!!!! اخوها حبيبها ... اه ياحر القهر ... والضيق .. اه ياكبر العجز ... خاطبه ابوه ..رافع اصبعه .. - البيت الي ماتحشم راعيته وأهله اطلع منه !!! بيتي يتعذرك !!!! ابتدت .. تنشج بحس باكي .... مرير.. - لا يبه ... لا ... تكفى يبه ... شدها نايف .. - انطمي !!!ولا كلمه ... دفها وعينها على سعد ... - اخوك العاق ذا بيطلع من بيتنا ومن بيفكك مني يانجلا !!! اشر لسعد .. - اطلع خل الشوارع تعلمك !!!! تشابكت نواظره بابوه ... مخاطبه .. بهادي الصوت مخفي ..مرار القهر .. - يبه يتهمون نجلا بالشينه !!وتبيني اسكت ؟؟ ردت ام نايف معاجلته .. - ماتبلينا الجيران شاهدين !!! التفتت لزوجها متابعه - قلت لك خل نزوجها طلابها وش كثرهم ... مب أبو زناد يبيها لولده !!! ليه انت متمسك بهالناس !!! رجع نايف ..بعد ابعد نجلا ... ودخلها .. - ماطلعت؟؟؟ تم سعد مترقب ابوه ينتظر بشي من الامل المنزوي ... - يبه ماتخاف العقوبه ؟؟؟ - انا تعلمني انت الخوف من الله ؟؟ وصلت فيك ياسعد انك تعلمني !!!!!؟؟ اطلع لابارك الله في اليوم الي جبتك فيه !!!!انا تعبت منكم ... اشقيتوني !! تراجع سعد مبتعد ... رافع عينه يم .. شباكها ... ثم ارخى نواظره .. لهم .. وهو يسمع .. ابوه مواصل .. - اطلع !!! ان عرفت قدر مرت ابوك الي حاشمتك ومربيتك !!وحشمت ابوك خلني وقتها اشوفك !!!! - لو تدفنوني حي ماارجع لكم ولا عشانكم !! ان رجعت برجع اخذ نجلا منكم !!!! حرك راسه .. رافع نواظره يشوفها .. من بعيد ... ملتقي .. بمرار الكسر الي جمعهم .. الاثنين ... مرت ثواني صمت .. بينهم .. مهلكه .. لهم .. لأن هالمره غير كل مره ... الحين بيطلع بدون رجعه ... ابعد عينه عنها منحني يأخذ كتبه واغراضه ... رجف متنها وهي تلمح ظهره مفارقها ... تتالت شهقاتها ... بحس عالي ... شتت كل مداركها ... اول مره تتزايد شهقاتها بحس عالي اول مره تترك نفسها الي تصبرها وتكتمها عشان ماينتبه او يلاحظ .. ) هزت نجلا راسها تطرد ذكرا ذاك اليوم ... رفعت يدها تمسح دمعتها ... زفرت رافعه كفوفها .. تمنع مدامعها ... تسيل من جديد ... كثر مامر الا انها عاجزه تنسى .. نظرته .. لها .. وعاجزه تمحي مرار القيض .. الي سكن جوفها وجوفه .. تنهدت متراجعه ..جلست على سريرها .. وهي تناظر ملامحها بالمرايا.. تفكر اش المصيبه الي بتجيها اليوم من ام نايف !! واضح انها ماتبي تعديها على خير ... دام جابت طاري أمها !! فهي .. ناويه نيه .. لها ... وقفت متوجهه لدولابها .. فاتحته ورافعه يدها .. لابعد مكان .. دست اناملها .. تحت الملابس ..المركونه .. الين لمست .. الي تبي .. سحبته .. بخفه ..وانفاسها تتسابق ... دايم بعز ضيقها .. مايطرى عليها الا هو ... موعودها .. الحبيب .. بدت اناملها تفتح ..الورقه ..مترقبه بنواظرها الضايجه .. الصوره المطبوعه الباهته ... قد جابتها لها شيخه .. بطلب منها .. طبعتها ...من حساب له .. ارمشت ببرقة عين ...هامسه ..بضيق -متى تجي ياسلطان ..! .................................................. ................................. تحت بالصاله .. تعالى صوت .. نغمة جوال ام نايف .. - الو .. هلا ومرحبا .. ردت .. عليها ام حسن ... - هلابك .. ..السلام عليكم .. - وعليكم السلام ... هلا ام حسن ... اخباركم ؟ - ياكافي ..كل هالوقت .. مارديتي والله اني باغيتن اسكر !! وينك ؟؟ - ويني يعني ؟؟ اكيد لاهيه مع هالعله الي عندي !!! جابت لي المرض ... بيجي يوم بيجيني الضغط منها !!! ردت ام حسن .. باستنكار هازل - مين ؟؟؟ نجلا ؟؟ الا قولي القمر الي عندي ماشاء الله !!! حمقت ام نايف .. راده - لاتحريني تراه واصلتن معي !!! - ليه ليه ؟؟ ليه ذا كله ؟؟ وش سوت ؟؟ !!؟ - يختي تحرني .. !! تحرني وتقهرني !!كل شي تسويه يقهرني كل شي فيها يذكرني بأمها نفس عنادها !! نفس كل شي فيها !! ماانسى دخلتها علي ضره انشبتني بحياتها وماتت وانشبتني بعيالها !!! - والله العالم يام نايف انك تغارين منها !!! تراها ضعيفه مالها ذنب !!!مايكفي انك سحبتيها من الدراسه !! وكله من هروج ماصدقت !!! استنكرت ام نايف .. بحمق .. - وشو ؟؟؟ عيدي ؟؟ وش قلتي .. يام حسن ؟؟ انا غار منها ؟!!يارب لك الحمد الله رازقني بنت ولا كل البنات !!! ضحكت ام حسن بخفه .. - طيب طيب ماتغارين ..الله يعينكم ..وبس ..كانكم مغير شيل وحط !! قالتها ام حسن وهي مدركه وعارفه .. انها تغار منها .. وتحقد عليها .. كل جيرانهم ومعارفهم .. عارفين هالشي وواضح لهم .. لدرجة حبستها بالبيت .. معد تنشاف ابد .. قد ماحاولت تخفي ضيها .. الا ان الكل عارف .. انها كل ماتكبر تزداد .. فتنه ... واشراق ... وصلها حس ام نايف ... الي سحبها من هواجيسها .. - ام حسن انتي معي ؟؟؟ !! - ايه ايه معك ؟؟ - لا بالله منيب معي !! ابد !! اقولك انا محتره بي غبنه .. بتاخذ ولد آل جلمود ... !! وراه ماهوب من نصيب بنتي ؟؟؟ بنتي اكبر واعقل منها ... وزينه ..ماعليها قاصر !!! هذا كله سمعتيه مني ؟؟؟ لا بالله ماسمعتيه وش توهجسين به !!!؟ - وسعي صدرك .. يابنت الحلال ... النصيب الله كاتبه ..بعد لو انك سامعتن كلامي ومعطينا إياها ..لولدي حسن !!والله انه زينة الشباب.. بعدين تعالي بقولك ... ترا هالعالم كباريه .. مره .. مره .. لاهوب من ثوبكم ولاهم من ثوبهم ..ابي اعرف وش جابهم يمكم ؟؟ استطردت ام نايف .. بحمق ظاهر .. - جت على ولدك يام حسن ؟؟ الي يبيها واجد واجد ... بس ابوها رابطها لهم ... وبعدين وش الي كباريه ؟؟ ابوه صديق أبو نايف من سنين سنين !!! -وراه من خطبها بعد ؟؟؟ -شيخ قبيلتنا خطبها لولده من كم مره .. رجال ماشاء الله دكتور برا الديره الحين !!هذا غير اخوي عادل بعد !!! كلهم ردهم هم وغيرهم وعلمهم انها مخطوبتن لولد الشيخ صخر .. !! استنكرت ام حسن .. بحس مستغرب .. -ام نايف !! انتي صاحيه !!؟؟ اخوك عادل ماغيره وش كبره عليها !!! ويلك من الله !!!حرام عليك !! -وليه حرام ؟؟ والله انها تبطي ماتلقى مثله !! نعومها لو خذاها بعدين ماضر أمها العمر !! خذت رجلي وهو شايب!!جت على بنتها !!!! أصلا لو تزوجها بتهبل عقله مثل ماسوت أمها الله لايربحها !! -استغفري الله يام نايف الميت ماتجوز عليه الا الرحمه !! عاجلتها بالرد .. - لاتلوميني !!!! فيني قهر .. قلبي مشتب !!! - اسمعي حايلي ابوها زني عليه ترا كثر الدق يلين الحديد !!! - ايييييه وين يغير رايه !!! يابنت الحلال ابوها وده يزوجها اليوم قبل بكره !!!!اصلا احسه مب مصدق ان خويه الله يرحمه طلبها لولده أيام الرخا .. والراحه .. !!تبينه الحين يرفضهم !!!انا ماعلمتك سالفة خطبتها هالمقروده ؟؟ - لا بالله ماعلمتيني .. هاتي العلوم حتى انا ابي اعرف .. !! -اجل اسمعي ياطويلة العمر قبل تغير الاحوال ابونا وابو سلطان اشتغلوا سوا قبل الخساير الي نكبتنا فيها ام هالمناحيس ..حملت بسعد وشرف !!! ومنعوها الدكاتره تحمل عشانه خطر عليها وام المقروده بعد سوء الاوضاع حملت شفتي الخباثه والعناد تحسب فيه ورث يتقسم لهالمناحيس الي عندي طالعه عليها ماجنن ابونا الا هي سالبه عقله يام حسن ... ونفس كلام الدكاتره طلبو منها تجهض ببداية الحمل ورفضت عيت تنزله حتى اذكر ابو نايف اغتم ياشين ذيك الليالي الله لايذكرها بالخير ووقت الولاده جاها نزيف خبرك بعد سوء الاحوال وابو نايف نصى خويه ابو سلطان ونقلها ابو سلطان على حسابه لكن بعد ايش !! توفت من النزف وصار معها تسمم وقف معه ابو سلطان الين جت المقروده وقال ابونايف لابو سلطان هذي بنتك سمها انت!! سماها نجلا وجه النحس وكم مره زارنا هينا وشافها وزرناهم اذكر اخر مره قبل 15 سنه .. وطلب ابو نايف تكون من نصيب سلطان ولده من كثر مايبيه ابو نايف عطاه وقال تم وهذانا الين يومك الرجال مات وشبع موت وماجانا خبر منهم مغير السوالف الي تسمعون..!!! سمعت حس ام حسن ..الضايج -والله قطعتي قليبي ..عليها !! وراحت وخلت عيالها ياقلب الام ماقدرت تجهض جنيّنها!! عاجلتها ام نايف بحمق ثاير .. - الله لايردها من جابتها واحنا ماعينا خير ابونا في ديون بعنا كل شي وشانت اوضاعنا حسبي الله ونعم الوكيل اجل انا اترك بيتي بعد العز والراحه!!! -ياكافي .. هذاك بخير يابنت الحلال ... وعيالك حواليك ... ورجلك هذا هو صفا لك . والحال مايدوم لأحد .. .وترا الميت ماتجوز عليه الا الرحمه ياغاده ... !! نطقت بقهر وغبن ..متمثل بحسها .. الضايج .. -مقدر مقدر اذكرها بالخير .... !!! هذي دخلت بيتي وفرقت بيني وبين رجلي ... والحمد الله الله خذاها ... وارتحت ... لكن شوفي الحين هذي بنتها بتناشب بنتي بكل شي ... !!! والله اني قلت لابو نايف .. ان جا وقت الجد وجوا !! عطهم شيهانه بس ماش!! مايبي يقول كلمتي وحده !!!! عاجلتها ام حسن بتوجس .. وتشكيك ... -عاد ولدي مايمدح ولدهم ..سلطان !!بس اخوه الكبير الي هو شيخهم ... شي شي ياغاده .. صيته حان وران !! ماشاء الله ...وواصل .. !!! قطبت ..هدب عينها .. باستغراب .. - أي ولد ؟؟؟ ماخبرت عنده غير سلطان !!؟؟ منين طلع ذا ؟؟ - الا يابنت الحلال عنده كان مع امه الظاهر !! عاد والله ياعليه ذكر ومدح عكس اخوه !! شدت ام نايف شفتها بتفكير ..ناطقه -ماعلي منه اهم شي خايب الرجى الي بياخذ هالنجلا !!! قولي امين الله يبشرك بالي يسرك !!! ...هاتي عطيني العلم وش فيه مب زين ؟؟ - انتي من صدقكك؟؟؟ اقولك مايمدحون الرجال وتفرحين !!!!؟؟؟ -أي من صدقي ياجعلها ترجع عندي مكسوره ومهيونه ومدبوجه جعل عينها هالي تبورق بها ان جا طاري هالسلطان تنكسر من الضيق والقهر !!!!فيها عنجهيه هالبنت ... مهما حاولت اكسرها الا انها ماتنكسر ابد عكس شيهانه!!!! في كل شي !! استطردت ام حسن متابعه .. - والله ياام نايف .. يقول لعاب ... وراعي بنات .. يلعب بهن لعب والعياذ بالله !!! انتفظت ام نايف ..بفرحه وجلا .. -يوه يوه توك نعلميني هالعلوم الي تسر الخاطر !!! هذي حوبتي من أمها !!! الله مايبقي حق احد !!! الظليمه شينه وجا وقت الحساب !!! تأففت ام حسن بقل صبر .. -أي حوبه والمره ماتمت مع الرجال الا كم سنه !!! ثم راحت بخيرها وشرها !!! شهقت ..ام نايف باستنكار .. -ليييييه ؟؟ دخلتها علي هينه ؟؟؟ شوفتي لرجلي طايرن بها مايشوف بهالدنيا الا هي سهله علي ؟؟؟ الله لايسعد لها قلب هالبنت .. مثل أمها مقويه .. كل شي خذته من أمها !!! لكن معليه انا بسكت هالمره منيب عايدتن الهرج على أبو نايف !!! ننتظر ونشوف اخرتها دام هذي علوم عريس الغفله !!!واصلا ماتلوق لهم ابد ومب لايقتن معهم .. من كثر ماقلت له عطها من رجال قبيلتنا .. نشف ريقي .. !! لكن دام هذي علومه عريس العز !! احسن صدق من قال وافق شن طبقه !!!يالله يارب ترجع لي مهيونه عشان اعرف اكسر شوكتها !!!مغير طايرتن بهالنسب .. !! وهي مب شي عندهم ...!! المهم اتركينا من طاريهم الي يجيب الهم !! تنهدت ام حسن ... بضيق .. - ااييييه الله يصلح الحال بس يام نايف !! تعالى صوت جرس الباب .. ببيت أبو نايف .. - هذا جرسنا يدق خل أقوم الحق واتجهز يمكنه ابونا !!! - يووووه نسيت اقولك ..انا راسلتن شغالتي تجيب لنا لزوم وقلت لها تمركم عطيها اغراضي الي عندك الله يسلمك !!! ايه صح ولاتنسين جمعة ام سليمان.. رجعت تتساند ام نايف راده .. - زين زين ابشري مجهزتهن اغراضك .... ام حسن ؟؟؟ - لبيه وش بغيتي ؟؟ - الله يسعدك ولد لايجيب طاري لنايف ولدي عن ولدهم !!!خله يسبط ... حتى لسعد !!!كانه يعرف وينه هالنتوف لايعلمه !!! عاجلتها ام حسن راده .. - الله يعين عليك يام نايف متى بترحمين هالبنت !!!!؟؟؟ اكيد ابوها بيسأل عنه ان جاكم مرتن ثانيه !!!انا منيب هارجه وبذكر ولدي !!مايتدخل !! ضحكت ام نايف ... - ابوها طايرن بالعجه ... ينتظرهم على نار ... يالله ان تخلف وبس !!! ايييه يالله فمان الله شغالتك نشبت عند الجرس !! - مع السلامه ... قفلت منها ... مناديه بحسها ... وهي قايمه .. - شيهانه ؟؟؟ امشي شوفي الجرس شغالة ام حسن !!! بروح اشوف نجيل وين حطت عبايتي !!! .................................................. ................................. غرفة نجلا ... جالسه بزاويه بسريرها ... ثانيه رجولها ... وذقنها ساندته على ركبها ... تاركه نواظرها تتأمل بالفراغ ...غاشيها لمعة دموعها الي عيت تجف .. سمعت حس ام نايف ..الصارخ ... تنهدت رافعه كفها تمسح دمعتها الطارفه .. وبعجل توجهت لدورة المياه تغسل ملامحها بعجل ... - نجووووول !!! نجووول وصمخ !!!! تسوين نفسك ماتسمعين !!!!!بتنزلين يابنت الاميره !!! او اجي اجرك من شعرك !!!!!؟؟ طلعت من دورة المياه تجفف ملامحها ... الضايجه .. فنحت الباب بسلاعه راده بحس مكتوم ..عالي .. - طيب طيب !!!! خلاص سمعتك بنزل !!! نشقت .. حاذفه المناديل بسلة المهملات رفعت شعرها من جديد تلمه اكثر ... وفكرها الضايق طارف .. يم ذكرى اخوها الحبيب ... شدت شفتها طالعه ... زافره ..بنفس .. يبي يفر من الضيق ... هامسه ... لروحها .. بتوهان .. يشابه الحلم .. -يارب صبرني ... واحفظ لي اخوي وطمني عليه !! .................................................. ................................. بأحد احياء الرياض الراقيه ... وخصوصا امام احد الكافيهات .. المأهوله ... وقف بسيارته ... ملبقها بالمواقف ... وجواله بيده .... متكلم بحس .. رخيم .. ثقيل .. واثق .. ومتطلب .. -لا مايرضيني الا شوفه لك مره ثانيه !!!وين الواحد يشبع منك !! فكري ياروح سلطان !!! بخليك الان مضطر انزل ... وردي لي بالشي الي ابيه غيره انسي !! قفل منها ... وطفى محركات سيارته ...بينزل عند اخوياه .. المواعدهم ... دقايق وصل لهم ... - سلااام ... !! التفتوا جميع رافعين راسهم ... له .. رد عليه .. سامي - هلا ارحب .. حياك ...صيفت علينا ياولد !! علق احمد ...بترحيب .. -هلا والله وين الناس ... ؟؟ وش هالغياب !!! تقدم ساحب كرسي ...مبتسم بزهو وغرور .. -فاضي لكم انا ؟؟ عندي أمور اهم !! سمع تعليق احمد المستنكر .. -افا !!! الحين يعني مستغني عنا ؟؟؟ ولا من لقا احبابه نسى أصحابه ؟؟؟!! التفت له سلطان بضحكه .. باهته .. -هذاك قلتها .. لاهي مع صيدة هالشهر !! بادله سامي الضحك ... راد باستهجان ضاحك .. -ياخي ماتمل ؟؟؟ مب انت خاطب ؟؟ ماشبعت من اللعب !!؟؟ اطرف له سلطان.. وهو يأشر .. للجرسون عشان طلبه .. -يعني عشان خاطب !! اضيق خلق خوياتي !!! لا مخطي !!! شارك احمد .. -ماعليك منه ان اعرس تغير !!!واذكرك !!كل كلامه ذا بيتغير !!! رد سلطان بهدوووء واثق .. -ماانخلقت الي تمشي سلطان على كيفها !!! قطب سامي هدب عينه ... راد .. بعجل .. - ويوم انك عارف نفسك ليه تظلم معك بنت الناس !!؟؟لاتتزوج ياأخي !!!! اطرف له سلطان بنواظره ... شاد شفته .. ومتكلم .. -اظلمها؟؟؟ هي يحصل لها سلطان آل جلمود !!!!تحمد ربها ليل نهار .. !!!وابوها لو اعيشها بزريبه راضي بي !!!!! شاركهم سامي هاتف .... بعجل .. -على طاريكم ياآل جلمود ... اخبار اخوك ؟؟؟ -اسكت بس تلاقطت انا والوليد !! معد صرت اقدر اتحمله زود !!! ناشب لي مثل الشوكه بحلقي !!! - ايوه وبعدين وش صار ؟؟ -وش بيصير بعد طنشته !!! كالعاده وقفلوها سيره مابي اسمع طاريه ابد !!!ابي افطر وانا مروق .. !! عاجله سامي ضاحك ... - ماشاء الله عليك ماقصرت مفطر على صوت حبيبتك !! ابتسم سلطان ذاكر راعية الصوت ... الي كان معها قبل شوي ... -اقرب اوريك إياها ... هذي عاد صيد من نوع فاخر !!! ناوله جواله ... مبتسم باعتزاز ... منتبه .. لملامحهم .. الاثنين .. رد سامي ..بغيره .. - ول عليك ياسلطان !!!! وين تحصل هالاشكال انت !!!؟؟ تعالت ضحكة سلطان ... يغرور ... زاخم .. - ليه هو انا قليل ؟؟ !!! انا سلطان بن صخر !! كل بنات الرياض يبون مني بس اشاره !!!!؟؟ شد احمد شفته ... - أقول تراك زودتها من جيت وانت انا وانا !!!! قاطعهم ... حس ..شخص مقبل عليهم ... -السلام شباب ؟؟ اخباركم ... - هلا أبو عابد !! علومك ؟؟ تعال اجلس فكنا شوي من سيرة هالادمي المغرور !!! جلس خويهم عبد الله مبتسم بعين ماكره مترقب لسلطان .. -والله ياعندي لك علووووم!!! مادري انت تعرفها او لا !!؟؟ قطب سلطان هدب عينه ... وهو يمد كوبه لشفايفه .. تارك جواله عالطاوله .. - علوم ايش؟؟؟جايبن لي صيدن جديد !!! اشر عبدالله بحواجبه ... نافي .. وراد . -لا !!! هالمره علومي عن اخوك الوليد !!! زفر سلطان بقل صبر ... -لا تكفى عاد !!! انا الي ميت على علومه !!! احسبك جايبن شي صاحي !!!! عاجله عبدالله .. -أتوقع انها اخبار ماتعرفها !!! لو تعرفها كان علمتنا !!! - وهالفقران يجي من وراه اخبار !!! جاي على كبره ويبي يناشبنا بحلالنا !!!! استهجن عبدالله بنواظره بينهم الثلاثه ... -فقرااااان؟؟؟؟؟ والله مالفقران الا انت !! اخوك يالحبيب ملياردير !!!! انهى عبدالله كلامه يبي يشوف تأثير كلمته على سلطان ..الي رد باستنكار ..واضح ... وضحك ... -أي ملياردير !!!! الظاهر انك مخرف !!! هز عبدالله راسه ... متكلم .. - والله انت المخرف تعرف محلات راماس للالماس؟؟؟!!!! اختفت ضحكة سلطان مستعجب .. -وش دخله بالالماس!!!؟؟ شد عبدالله ضفته متكلم ..يثقه ... ونظره .. مترقبه .. -المحلات هذي الي بكل ديره تبعه هو راعيها !!!!! وتعرف شركات الجاسر للمقاولات الي ماليه البلد !!! هذي لأخوك ..ياعمي !!!!!هذا غير الأملاك الي عنده ... لا وبعد يشتغل في الخيول !!! يدرب خيول سباق عالميه !! ويبيع ويشتري بالخيول الاصيله !!! لا والوالد يقول توه شاري له مزرعه .. وش كبرها بواجهة الثمامه !!! وعنده مربط ... اسمه مربط آل جلمود للتدريب !!! هه هالعلوم انت تدري عنها ؟؟!!!! تاهت عين سلطان بصدمه ..كارهه للي يسمع .. حس برجفة الضيق بصدره .. اطرف بعينه يم عبدالله ... - انت متأكد ؟؟؟ - ايه نعم متأكد !! عاد هذا كله من وين علمي علمك !!!! عاجلهم احمد معلق .. - وش بلاك سلطان مبلم ؟؟!!! معقوله كل هذا ماتدري ؟؟؟ كم له سنه عندكم !!!!؟؟؟ وماتعرف !! مارد سلطان بس التفت لعبدالله ... متابع .. -وانت من وين جايب هالاخبار الي مثل وجهك !!!؟؟؟ ابتسم عبدالله بتكشيره .. هزلا .. -اجل وجهي وش زينه !!!! عاجله سلطان بحمق .. -انا احر ماعندي ابرد ماعندك !!! اخفى عبدالله ابتسامته ..راد .. بهادي الصوت يشرح .. - خلاص لاتعصب يابن الحلال ..واحنا وين نشوفك أصلا انت تسرح وتمرح ماتعدري عن شي واحنا ندبك ونشتغل !!! البارح كنا بشركات ..سابك ..والتقينا فيه ..حاظرين اجتماع ...سوا .. شفت ابوي يهلي ويرحب فيه .. وسالته عنه وعلمني هالعلوم !!!! -عاد توك تعلمني؟؟؟ !!! -يابوي امس الي شفناه !!!! وانت لك كم رقم ماتثبت على واحد !!!تصدق ابوي يقول والله مايضيع لهم شي ان مسك حلالهم الوليد !!!! شد شفته ... واقف ... بحمق حاول قد مايقدر يخفيه ..عن الجميع.. - على وين افطر ياسلطان !!! -انسدت نفسي !!!! وراي شغله ... سحب مبلغ ... رماه عالطاوله وتركهم متوجه لسيارته ... فيه من الضيق الي بيشل اركان نبضه ... امتلا قلبه حقد وقهر ... ماكافا هالوليد انه جا واستحل كل مكان يخصه !! والحين حتى الناس يثنون عليه ومتقبلينه !! وشايفين انه افضل منه واحق !! لا وبعد جاي يتحكم بزواجه .. واختياراته .. ركب سيارته .. وبعقله إصرار انه يكسر له كل كلمه تخص تخطيطه لحياته الخاصه .. .................................................. ................................. قصر صخر ..آل جلمود ... مكتب الوليد .. انتهى من توقيع اغلب .. الأوراق .. اطّلع بعد عالايميلات الخارجيه المهمه ... ورد عليها ... تراجع ..متساند وتارك قلمه ...اطرف بعينه موجهها يم الصوره الي مقابلته بجانب مكتبه ...متأمل رسم ملامح الشخص الموجود فيها ... رافض انه يشيلها رغم عدم تواجد هالروح .. وكأنه يذكر نفسه .. بمكانه الأساسي والي ماينتمي له هينا !!!...تاهت نواظره ..متعمق بفكره ... وراجع .. لجزء من ماضيه الي يكره ..مبتديه الصور تتهادى ..متذكر .. اليوم الي اخلف فيه كل تخطيط له وأجله .. بسبب جية ابوه .يطالبه بالرجعه من عقب النبذ والبعد .. .. (جده .. المكتب الإداري الرئيسي ... لشركة الجاسر ... توه منتهي ... من اجتماع وفد فرنسي .. وراجع مكتبه من جناح الاجتماعات ... تساند ... مفكر الا .. بصوت دق الباب ... تكلم بحسه الامر .. - تفضل !!! ركز بعينه ... عالداخل .. بترقب .. صامت .. اقبل سكرتير مكتبه ..الخاص .. يوسف .. -طال عمرك فيه .. شخص ينتظرك من بدا الاجتماع ... رافض انه يأخذ موعد !!! وغير كيى جدولك مزحوم .. الين اخر الداوم !! قطب هدب عينه ... - تبع أي شركه يمكن مندوب جايب غرض او وصايه ؟؟ كان استلمتها عني وخلصنا !! اشر يوسف نافي براسه ... -لا المشكله انه رافض يعطيني سبب المقابله وبعد معيي يعطيني اسمه !! غير كيذا رجال كبير بالسن مستحييل يكون مندوب باين عليه تاجر او مسؤل .. معه السايق تبعه يخدمه !! تقدم الوليد متساند ... راد بحازم الصوت .. -لو كان مين ماكان النظام يمشي عالجميع .. !!! اذا ماعطاك اسمه والغرض من جيته .. بلغه اني رافض اقابله .. ولازم يلتزم بالنظام !!! -ابشر طال عمرك ...! طلع قافل الباب وراه ... اما الوليد توجه بنواظره يم شاشة الكبيوتر المكتبي ... يبي يطلع عالتصاميم لمجوهرات الألماس .. المدرجه له عشان يوافق عليها ..مرت دقايق .. الا بحس الباب من جديد ... رد بدون يرفع عينه .. - تفضل !!!! اقبل يوسف بتردد ... مقرب .. من المكتب وراعيه .. المركز بالشاشه ... -تكلم يوسف .. !! -يقول اسمه صخر آل جلمود .. !!! جمدت نظرات الوليد ...وحركة أصابعه ...رفع النظر ... مدقق بالي قدامه .. بملامح .. رزينه ..وجامده ...نطق بهادي الصوت -ثلاث دقايق ... وخله يتفضل ... !!! تراجع يوسف ناطق ... -ابشر طال عمرك .... قالها طالع وتارك الوليد ... تسبقه النواظر للباب ..بجمود ... وضيق ..محتد .. واستغراب ... رفع حواجبه ..بتفكير باهت ... مايدري وش جاب ابوه لحد عنده .. والان !!!!! ؟؟ ... ماقد سواها ..ابد .. لانه يرفض .. رسايله ... وعقد أي اجتماع معه ... شد شفته.. متراجع ... وواقف ... وكأن .. وقوفه بطوله الشامخ .. درع له ... يحميه من كل المشاعر .. المدفونه الي تضرب ليله .. ومجمع كوابيسه ... وعمق الكره ..بصدره لماضيه .. والي يشوف اكبر أسباب ضيمه بُعد ابوه عنه بسنين عمر طفولته ... !!.. تنفس ساحب ... هوا .. بهدوووء ... منتظر ..دخوله ...ثانيه وسمع ..دق عالباب التفت ... وعينه متوجهه يم المدخل ... ناطق بحسه .. -تفضل !!!!! انفتح الباب ... جت عينه على يوسف المتقدم ابوه ...ممهد له الطريق .. -تفضل طال عمرك .... احتدت نواظره ...و نطق بصوته المرحاب مخفي معالم روحه وهيجانها ... ماد النظر ومستمهل ... يتأمل .. الانسان الي المفترض يكون له اقرب له من دم الوريد .. -يالله حي أبوالوليد !!.. تدرجت نظراته .. لهيئته ..المهيبه ... مستبان ...عمق النظره الحانيه ... المتوجهه له ... منه ... تقدم صخر .. بخطوات ... هاديه ... لاتخلو من .. اجهاد الكبر ... وحنية الظهر .... ابتسم برجفة شفه ... جانبيه ... متأمل شخص ولده .. وجيده المتبادي ... شموخه وهيبته ووقفته ... ونظرة عينه القاسيه .. ومايقدر يلومه ابد .... -الله يحيي اصلك ياولدي .. قطب الوليد هدب عينه .. لامح ..جهد خطوات ابوه .... شاف يوسف ... يمد له يده .. لجل يساعده .. عالخطوات ... تقدم بلا شعور ... قاطع المسافه ... الين وصل له انحنى لجيده المنحني لاثم راسه بخفه ..ثم ... تكلم بحس امر ليوسف .. -يعطيك العافيه يوسف ..خلهم يجيبون القهوه ... رفع صخر راسه ... متكلم .. -مابي قهوه جيت ابي أتكلم معك !! اطرف الوليد بنظرته يم يوسف .. -اجلها الين اكلمك ... ولاتمرر لي أي اتصال ... !!! -تراجع يوسف ..هاز راسه .. ببسمه .. هاديه .. - ابشر ... سكر الباب وراه .. ومسك الوليد كف ابوه يسنده .. مستغرب حالته ... منتببه لنظراته الضايجه .. وجهده الواضح ...رجفت شفة صخر ناطق ... مبتسم -كبرنا .... ياولدي ..وصرت ادور لي سند ... !! شد الوليد شفته ... بفكر متضارب .... رفع يده يبعد طرف شماغه على كتفه ... متكلم ... وراد .. -الله يطول بعمرك .... !! ..البركه .. بسلطان الله يحفظه لك !!! قالها متقدم به الين جلسه .... عالكرسي المقابل جانب مكتبه ... استطرد ... باستغراب .. - جاي مع مين ؟سلطان ... ؟؟ هز راسه رافع نواظره للوليد و ... مستجلس .. مبتدي بيده يلف طرف شماغه .. - جيت ع سواقي الخاص ... بر مانيب اداني الطيران !!!! استاقف الوليد .. متراجع وجالس عالكرسي الي مقابل كرسي ابوه ..وعينه تستمهل النظر بتركيز للحاله الي هو فيها .. ... تكلم بحس حاذر ..رخيم .. -وش صاير ؟؟؟ وش حادك ؟؟؟ تطرق هالمشوار ؟؟ عسى خير !!فيكم شي؟؟ اخواني وعماني بخير ؟؟ ارخى صخر .. نواظر عينه ... بصمت ... ثواني ... ثم فع راسه .. متكلم بهادي الصوت ... - كلهم بخير ... ويسألون عنك ... !! سكتت بتررد باين بعينه وواضح بسكوته ... ركز النظر بالوليد .. وتابع -انا الي مانيب بخير ياولدي !!وجيتك .. طالب !!ومتأمل بك خير ... لان الي رباك .. اكيد عالطيب علمك !!! لاحظ الوليد رجفة يد ابوه ... مستمع لكلامه ... ومستدرك ... لو شافه بحال افضل كان رد عليه برد .. اقسى يوازي قساوة لياليه العوجا .. ..لكن منعه .. منظره .. المتراخي ... مب هذا ابوه الي يخبر ابد ... !!! نطق بحس هادي حاذر ... ونظراته .. مركزه بكل تفصيله ... - عسى لاباس..؟؟ حس ..بتوتر ...الملامح .... وهروب نظرة العين ...وكن ابوه يبي يهرب .. من نظرة اللوم المدفونه ... فيه ..تكلم ..مشجعه ... بهادي الصوت ... -آمر يبه !!؟ وش بغيت !!؟؟ اطرف صخر بعينه يم ولده ...متكلم ... بضيق مستضاح وباين .... وصوت .. مرتجي رغم .. عمق الشموخ الممتثل فيه ... -سامحني ..!!!! ..ابيك تسامحني ....!!!!ياكم حاولت اصلح الي خربته بيدي ...لكن مافي فايده !!! امك رحمة الله عليها باعت ..ومعها حق !!! كم تمنيت ... ماتطلع من بيتي ..وكم تمنيت انك تربى عندي .. ومعي !!!بس مالله كتب !!!! احتدت نواظر الوليد ... متنفس بهدوووء يعاكس قوة التشتت الي داخله ... ويباري .. هيجان .. القيظ .. الموجع .. بأقصى ..مكامن روحه ... المحتزمه سواد .. عاجز ينطق ... ويرد !!! ... ياسهل نطق السماح ... وياصعب .. رده موافق !!!شلون .... يسامح ؟؟؟؟ !!! على ايش بيقدر يسامح !!!!؟؟ نبض عرق بمبتدى فكه المستعرض ..مخفي تراكم الغضب .. الضايج ... المستلج ..نطق بليا شعور وكن الروح .. الصارخه .. تعلن .. استنكارها .. هالطلب .. بسيط الظاهر صعب العمق ... لا بل موجع ... للحد .. المهلك ..لروحه ..هو ... - اسامحك ؟؟!!!!! تابع ابوه ... بحس ..حاني ... ومرتجف .. ومحتزم ... -ادري وعارف ...اني قصرت ..وغلطت ..وبطشت وتجبرت ... !! استمهل الوليد النظر بتركيز بعمق عين ابوه ... وده يصرخ .. بعالي الصوت .. بس مايقدر مكتوووم .... حيل بيختنق ... نطق .. بهادي الصوت ... يباري حدة النظر .. -علمً طيب انك تعرف هالشي عن نفسك .. يابوي !! لكن للأسف انك ماتعرف عني ولا شي !!!وش احب ؟؟ وش اكره ؟؟ متى نطقت؟؟ اول ماطحت من سندني !!!! انا عجزت حتى انطق بكلمة ابوي لجدي رحمة الله عليه !! ماتعرف انت متى انكسرت انا ولا متى قويت !!!!ماتعرف عني شي !!الا اشباهي .. لانها عليك !!! اشتدت مقابض يدينه .. حتى بروز العروق ... تبارقت ... العين ... برسم ابوه ...ناطق بعجز ... - انا جيتك وبغيتك !!!! بس امك وصيتها ماتبي تربى عندي !!! .. ابتسم بطرف شفته .... راد .. بحس ساخر .. يجلد به أنفاسه .. -ضعت انا بين .. عناد اثنين !!! ماجا ببالك انها تبي تعاقبك ؟؟ وين حكمتك ؟؟ وين ندمك ؟؟ انا ولدك !!! ؟؟ ابعد عينه ... يم الفراغ ... متابع .. -معد بالكلام فايده .. يابوي ... انا هينا ربيت وهينا ولدت .. قلتها لك .. قبل سبع سنوات واقولها الحين .. مابي شيخه ومابي حلال ماعلي قاصر ... مكاني هينا !! وان كان عالسماح .. فانت ابوي حاشا لله اعاديك بالزعل !!! شي واحد قلته انت وصدقت فيه !!! جدي جعل مثواه الجنه .. عالطيب رباني !!! رجع متلاقي بنواظر ابوه ... ومتابع -لاتشيل هم زعلي ... اهم شي امي الله يرحمها قبل لاتموت سامحتك ؟؟؟!!!! جمد .. لشوفة الدمع .. متجمع .. بمدمع ابوه ...ارتعش جيده ...سامع حسه الراجف .. -انا غلطت بحق ميمتك كثير !!!!!... تركت للعذال بينا طريق !!!وماقول الا حسبي الله ونعم الوكيل !!!.. تنهد ... رافع يده يضغط مابين مدمع عينه .. بعجل .. ثم ارتكزت انظاره للوليد .. متابع ومتكلم .. -انا بحاجتك ياولدي ... جيتك ناصيك ... طالبك ...لاتردني خايب .. !!! معد بالعمر قد الي راح !!! تعال شوف اخوك .. الي هد حيلي بفعوله !! وتعرف على خواتك ... انت اخوهم الكبير .. !!مكانك وسطهم ... انت الي لهم من بعدي ... ماعاد بي حمل ياولدي !! امك شرطت اني ممااخذك .. عشان تسامحني وتحللني عند الله واقابله ورايتي من ناحيتها بيضا !!! انا دفعت الثمن غالي .. وحيل غالي !!! يكفي يالوليد !!جدك محمد الله يرحمه اكثر واحد يعرف .. وش بقلبي لك !!! ابتسم بطرف شفته .. باستنكار ..داخلي موجع ... وش يعرف ابوه عن .. حرقة الثمن الي دفعها هو !!!!!؟؟؟؟ هو دفع ثمن غالي بدون أي وجه حق ..!!! ضحيه مابين اثنين كل واحد فيهم اعند من الثاني !!!انهوا بعضهم فيه هو ... !!! هو الخسران الوحيد ... نطق .. بهادي الصوت .. - مقدر اوعدك ... صعب .. !!! قاطعه صخر ... برجى .. - اسمعني .. يابوك ... انا ماقولك تعال استقر !!! بس تعال خلهم يعرفونك هم اهلك وربعك وانت الحين كبير .. لازم تعرف ان لك عزوه وقبيله ومنصى واهل !! شد شفته ... بصمت مفكر ... ومستمهل ..ليه مايروح يشوف الحياه الي المفترض كان يعيشها هيناك !!؟؟ يحتاج يعرف هو قد ايش خسر .. ودفع .. لجل يكبر حقده اكثر واكثر ..ومايندم على أي خطوه بيقدم عليها ... قده خسران من أساس ... وان فقد حس الحياه ..وش يعني ؟؟؟ ولد وحيد وراح يظل طول عمره وحيد ...الين يموت !!!وش يفرق ان تهور .. وخذا حقه ..!! مل من الصبر مل !!ليه مايروح .. لجل يرجع .. ويكمل طريقه الي وقفه بحياة جده .. مثل ماهو مقرر ... !! تابع صخر ... وهو متأمل تدرج الأفكار .. بنظرات الوليد .. - انا محتاجك ياولدي الحمل صار علي ثقيل !!!! واخوك مايعتمد عليه ..هاد حيلي .. بكثر الغلط منه !!! تعبت من هالدنيا ... ابي ارتاح ...الصحه معاد بها قادره تتحمل اكثر ..وضعي في تدهور ... وانا يستحيل اتنازل لشخيتي لغيرك !!!! ان كنت رافضها بحياتي .. فهي لك بعد موتي !!! هذي وصيتي ووصية الميت دين على رقبتك ياالوليد !!!! تعال شوف الوضع يمكن ترتاح ... وان مابغيت ارجع .. بس لاتردني !! .. نطق الوليد ..بحاذر الصوت ..ونظره خاويه من كل شعور -قلت لخواني ؟؟عن جيتك لي !!؟؟ يمكن مايتقبلون شوفتي حتى !!!؟؟ ركز صخر فيه النظر .. مايقدر يعلمه ان سلطان له كاره .. ونافر ..هو يبي يواجههم ببعض بحياته قبل مماته .. يبي يرتاح من ناحية هالولد .. الغايب بدنياه الحاظر بقلبه ... - ام سلطان تدري !!.. رفع الوليد حواجبه ... اجل لازم يستعد لانه بيلاقي نبذ جديد من صنف النسا ... عاجله سائل ..بحذر -وش قالت ؟؟؟ هز صخر راسه ... بابتسامه .. حانيه ..ونظره مرتسم فيها التقدير .. وشي من المحبه .. والثقه .. -مرحبتن فيك وتنتظرك تجي معي !! استهجن بهدوووؤء .. - اجي معك ؟؟؟ لهالدرجه ..متقبله وجودي !!؟؟ -ام سلطان اجوديه مرتن تخاف الله ... ان شفتها بتعرف مقصدي زين !! هز راسه .. بتفكير ..صامت ... مبعد عينه .. للفراغ ... ترقبه صخر ... تاركه يفكر ... قال الي عنده .. وينتظر ... ماغاب عنه .. هيمنة الحظور بولده ولاهيبته ... وزين منطوقه ... كل تفصيله برسمه تشيهه في شبابه ..جاذبيته طوله وعرضه ..وسامته ونظرة عيونه الي تصيب بسهامها القلب وماتخيب .. تكلم ... بحس حاني وحازم ... متمني انه ماينرد .. جاي له من اقصى الرياض .. ناصيه .. ومنتخيه .. تعب من بعد هالولد .. وغيابه الجاير .. - وش قلت ياولدي ..بترجعني خايب !! او معتزي بك ومحتزم !! اطرف له الوليد .. بعجل .. فاهم مضمون كلامه ... تابع ابوه .. رافع يده .. -انا مابي منك شي تعال بس فتره ثم ارجع ... ماتدري يمكن الله يقبض روحي !! وترتاح من عوقي وكثر مطالبي الي اكررها .. !! ريحني يابوك الله يريحك !! نطق الوليد .. معاجله .. بحسه الحازم .. -لاتقول هالكلام الله يطول بعمرك .. ياشيخ بن جلمود ... !!.. تنهد ... شاد مبسمه ... ثم رد .. -تم برجع معك !!!لكن مااوعدك اتم بالرياض واستقر ... فالله يطول بعمرك .. يابوي لاتحدني لشي فوق طاقتي !!!ومالي رغبتن فيه !! ارتخت ملامح ابوه ... بنظرة فرح ... مهتنيه وواعده ... استلمح الوليد رجفة بسمته ... سامع حسه ... -الي تبيه ... هو الي بيصير ...لكن اوعدني .. ان الله خذا عمري .. تمسك مكاني ..الي هو أساسا بيكون لك انت !!عطني كلمتك ..والحين !! ركز الوليد النظر .. فيه .. يدري استحالة ..فقده ..بيضطر يوعده ..مايدري أساسا يمكن هو الي يفارق هالدنيا قبل ... -لك كلمتي .ان تيسرت لي و. الله يمد عمرك على الطاعه !! عاجله صخر .. بحسه .. الفرحان ..المستبشر .. -الله يرضى عليك ياولدي ... ويعز شانك دنيا واخره !! تقدم الوليد ..مبتدي يتكلم ..ببسمه عابره ...هايمه ..تعاكس ..مرار احساسه ..مايدري ليه قلبه مقبوض ..وماحس بطعم الفرح .. ياكم انتظر .. وتخيل ورسم .. لحظة قراره انه يكون مع ابوه دايم ومستقر .. ابد مب مثل أحلامه الطفوليه ... اكتشف الان انه فعلا كبر .. وشابت معه أحلامه واختفت متورايه .. للامد البعيد ... -ماسويت شي ...هذا واجبي اني البي طلبك !! أيا كانت أسباب .. تباعدنا تظل ابوي .. ولك علي حق البر والطاعه !! هز صخر راسه .. - ونعم فيك .. ياولدي ..هذا العشم .. -متى ناوي ترجع ؟؟ ..لان عندي ارتباطات لازم انهيها .. قبل ارجع معك !! كان تسبقني انت .. قاطعه ابوه .. بعجل .. - لا ابي ترجع معي يدك بيدي ...ماعندي مانع بجلس الين تتم ارتباطاتك .. ونرجع سوى !! تراجع الوليد متساند ... بتفكير .. لازم يمسك طلال .. اموره .. الين يرجع ... هو الوحيد الي يعتمد عليه بادق تفاصيل شغله ... اطرف بعينه يم ابوه سامعه ... يعلمه عن عادته المتعود عليها ... -بس انا طبعي كاره الطيارات ... ترفع الضفط عندي ... !! فمااسافر الا بالسياره .. واساسا قطعت السفر من زمان الحين .. مايروح الا المدراء الي موكلهم بالشغل !!كانك انت تبي تروح جو شوف وضعك يابوك عشان الحجز !! هز الوليد راسه مجاوب .. بتركيز .. -لاتشيل هم .. متأقلم انا على كل شي وكل الظروف ... برجع معك واشحن سيارتي ..للرياض ..او استأجر لي سايق خاص هيناك !! -الله يريحك .. ياولدي ..مثل ماريحت ابيك ...! -امين .. تم الوليد .. يتأمله ..بصمت ... كثير الشعور المتمازج .. وغريب ... وشهو شعور الانتماء .. للاب ؟؟!! عاجز يشعر به او حتى يحس فيه ... ياعالم وش النبذ الي بيواجهه ... عندهم .. !! .. جا بباله طاري مرت ابوه... اكيد شايلتن هم .. يجي يكوش عالحلال .. والمكانه .. الي كارهها .. بس هذا مايمنع .. يستكشف .. حلمه المنزوي لمعرفة .. مكانه الي المفترض يكون فيه .. وقت ..كان هو هينا يقاسي ... !! وين كان مفترض يكون !!! رايح فقط .. لجل يشفي فضول لااكثر ولا اقل !!... قافل على قلبه بقفل حصين ... امام كل شعور ..وتوقع ..من زمان .. من تعلم شلون يقسى ..!! وهو مرتاح ..ومتحصن .. ومتحزم ..بظاهره عن كل مخفي ومدفون ... .................................................. ............................. بعد مرور أسبوع ... كامل بلياليه .... تمم الوليد .. باقي ارتباطته المفترض تواجده فيها ... ثم سلم العهده لطلال .. لجل يستمر على راس العمل طوال فترة غيابه القصيره ... مازال .. نفس الشعور يسكنه ... ومازال إحساس الفرح معدوم ... ومختفي ... جا اليوم الموعود .... يوم الرجوع ... يوم الفرح ... بالنسبه لصخر ... والترقب ...الممتزج .. بلهيب الصمت ... للوليد ... رفض ابوه انه يجلس ورى ... فجلس مع سايقه بالامام ... اطرف بعينه لابوه ... بصمت .. سامع حسه وهو يذكر له ويكي له عن اعمامه .. وعالمه المخفي عنه ... ساكت كان ومستمع فقط ... وان رد ... فرده يكون مقتضب .. وهادي ... اول مره ... يسافر بر ... ابتسم بمراره .. ..مب عارف ليه .. رفض يرجع جو .. اريح !! لكن روحه من داخل تدري وتعرف ... انه يبي القرب من هالروح الجالسه بالامام ... سكت ابوه وهو التفت للطريق .. بصمت .. لحظات وسمع حس السايق ...عصام .. -أبو سلطا... .. سكت بعجل ثم تابع .. -أبو الوليد شكلك ياطويل العمر تعبان ... وش رايك ترجع تريح ورا !!! التفت الوليد مقطب هب عينه ... منتبه لنداء عصام وتردده ..متكلم ..بحسه الحازم .. - انا بعد اشوف انه افضل لك ... ترجع .. ترخي متنك .. بالمرتبه الخلفيه اريح لك !! قدامنا طريق !! كم باقي عصام !!! -بقى تقريبا 500 كيلو طال عمرك !! لف الوليد لابوه وهو مركز النظر فيها .. -ماودك ترجع !!؟ هز صخر راسه ... موافق .. - برجع اريح ... حاس بجسمي مجهد ... !مارقدت زين البارح ... من فرحتي ياولدي !! قاله لاف راسه للوليد ... متلاقي بنظراته ... تكلم عصام مبتسم .. -الله يجعل الفرح دايم بحالك ياعمي صخر !!.. اطرف صخر لعصام ماد كفه لكتفه .. - امين ياعصام ... الله يرضى عليك ياولدي ... !! ابتسم عصام ....متغافل ... ومو منتبه ... للطريق ... وبغمضة عين .. ولمح البصر ... انتبه الوليد ... لتخبط السياره الي قدامهم .... وتراجعها ... بعجل واضح ... تكلم بحس عالي منبه عصام .. -عصام انتبه .... !!!!!!!!!!!... التفت عصام متأخر ... عاجز يتدارك ..الاصتدام..المحتم .... قبض الدركسون ... وبثانيه ..حرك مسارها ... بعجل .. تاركها تنحرف ... وغير قادر يتحكم .. بمسيرها ... تقلبت ... السياره مره ومرتين وثلاث ... ومعها .. تداركت نواظر الوليد ... متن ابوه ... واصتدامه .. المتكرر ... وصور ..متتابعه .... لشريط حياته ... وسواد ذكرياته .... كيف بيروح ؟؟؟ كيف كيذا ينتهي !!!! باقي حقه الضايع !!!..تتابعت احداثه ... حاول يذود عن ابوه عجز ... قوة الاندفاع اقوى منه ... تاهت الصور المتخبطه ... امام عينه ..طلال .. امه ميثا .... جده محمد ..واخرهم .. احساسه بالضيق وحتمية موته ... اخر رسم تمركز امام عقله الواعي ... شخص سعوود .. انقطعت عقبها الانفاس ... وغشى نواظره ظلام حالك ... مجفل ... اندفن ... وسطه بعمق .... .................................................. ................................. بعد مرور شهرين ... مستشفى (؟؟؟) .. بقسم العنايه ... المركزه ... محتظن جيده ... اسلاك ... الاجهزه الطبيه ... محتوي متنه .. لحاف ابيض يعاكس .. ظلامه .. وفكره وكل ظنونه ... اصوا ت يسمعها .. متكرره .. حس امه ميثا .. وصوت طلال ... اخوه .. واصوات مختلفه .. مايعرفها .. يمكن يحلم ؟؟ او يتهيأله .. استشعر .. الم ...الم .... الم ..ا.. يدوي ... براسه ... يشابه .. طرق اللحام .. مايكن ولايهجد ... حاول يفتح .. اجفان النواظر ..عجز ... حاسس بثقل .. مهين .. لجيده .. القوي الصامد ... ركز اكثر يبي .. يرفع اجفانه .. قدر .. ببطء .. مهلك .. يفتحها ببطء عاكسه شعاع الضي ... تسارع النبض .. واصل لحسه ... أصوات قياس نبضه .. وصوت مبتدي .. يصفر .. بتتابع ... فتح عينه بضيق ... يحاول يستذكر .. او يعرف هو وين ... قطب هدب عينه مغمض ... مبتدي سيل الذكريات ... يهتدي ..له ... بتتابع سريع ... جية ابوه ... وحوارهم الطويل ... وموافقته .. لجل يرجع معه ... ثم ضرب .. سوط قاسي .. ملهب .. لذكرى يوم الرجعه ...لحظات ... وسمع حس أصوات حواليه .... سمع حس ..يخاطبه ... -الوليد ؟؟؟ الحمد الله على سلامتك !!!... حاول تفتح عينك ببطء ... !!! استدرك الأصوات ايقن انه بمستشفى ... سمع حس يعرفه وقريب منه .. -كيف يادكتور ؟؟؟ بشر ؟؟ !! - المؤشرات الحيويه مرتفعه ... فاق الحمد الله ... بننتظره يفتح عشان نعرف .. وضعه ويتم الكشف عليه !!! - الوليد ؟؟؟ قم ياخوك الحمد الله على سلامتك ... !!! حاول يفتح اجفانه .. متضايق من سطوع الضي ...ماقدر .. ضغط اكثر و فتح ..من جديد نواظره بمحاولات ... ناجحه ... اول ماشاف ملامح طلال ... والشخص الي جنبه وواضح انه دكتور ... انتبه لطاقم التمريض الي حواليه وسمع حس الدكتور يوجه تعاليمه ... - الولييييد ؟؟؟ الحمد الله على سلامتك طلعت من الشر ياخوك !!! حرك راسه .. منتبه .. للبياض الي كاسيه ... -الحمد الله على سلامتك اخ الوليد ... انت بالمستشفى حاليا ..تعرضت لحادث ..وربي سلمك .. توك فايق من غيبويه استمرت شهرين .. اهدى .. ولاتتوتر ... !! .. قطب هدب عينه ... محاول ينطق ... اول ماتذكر .. عين ابوه .. الفرحان برجوعه ... اطرف بعينه يم طلال .. ملتقي نواظره الملهوفه .. تكلم بحسه المبحوح ..سائل -اب...وي ... !! طلال... ابووي ..اخب..اره !! .. سكت طلال ... وعاجله الدكتور راد .. مقرب ..منه .. يكشف على عينه .. - الان انت ارتاح ... واتركنا نكشف عليك ... .. احتدت نواظره ... مستنكر .. خضوعه .. لاي امر .. -ابي .. اعرف... وضع الي كانوا معي يا...دكتور !!! بلغني لو تكرمت !!! وقف الدكتور بتردد .. عاجله إصرار الوليد الثابت ... -لاتخبون علي شي !!! ابوي .. وعصا...م .. بخير؟؟؟ شد الدكتور مبسمه ثم قرر ينطق بهادي الصوت .. - للأسف الي معك مانجوا !! توفوا بوقت الحادث !!! ولانك كنت بالمرتبه الخلفيه .. طلعت من السياره بامر الله !!! غمض عينه .. ضاغطها حاس .. بمراره عميقه .. مرعبه .. ومهلكه .... موجع الي يحسه ..حيل شعور موجع .. سمع حس طلال .. - الوليد هذا عمرهم ياخوك .. عظم الله اجرك .. بابوك وبالي معه !! .. مكتوب ومقدر .. !!! نطق ببحة صوت .. -لاحول ولاقوة الا بالله ...انا لله وانا اليه راجعون ... !!.. فتح عينه ... بجمود ..النظره . الخاويه ....تارك الصمت ..الطاغي .. يحتوي احساسه ... وضيقه .. -الساعه كم ...ال..حين ؟؟ موعد...اي صلاه!!! ركز طلال بنواظره ..ناطق ... -العصر ابعد الوليد ... نظراته ... بتقطيب ... سالي ... ثم نطق .. بقل تركيز -اطلعوا واتركوني ... ابي أقوم اصلي ..!!!! ترقبت نواظره .. جيده المنسدح ... حاول يحرك نفسه ..حس بتشنج .. - ارتاح يااخ الوليد .. لاتحاول تحرك اطرافك بيجي الان دكتور العظام .. انت تعرضت .. لظربه قويه بالظهر .. نطق مقاطعه ...بضيق .. وحس ممتزج بحمق .. وغضب .. -لاتقول صرت مشلول وعاجز عن الحركه بعد !!!! انهى كلامه ... يترقب ملامحهم بعين ضايجه حاس بغشاوة وهج ..بسبب الضي الي ماتعودت عليه عينه تابع .. منطوقه -هات كل العلوم ابي اسمعها لاتخبي علي شي !!!قد ايش انا ... قطع كلامه حاس بموجة الم براسه ... قطب هدب عينه ... ثم تكلم .. -وش الاضرار الي حصلت لي !!!!؟؟ هز الدكتور راسه بتطمين .. مبتسم بحزم .. - لا ابشرك .. من ناحية القدره عالمشي ان شاء الله انك قادر ... الله سلمك بمعجزه ... !! لكن عندك عرقوب مفصل القدم .. فيه خلل .. وانعطاب ... مانعرف قد ايش الضرر الي حصل له الين نشوف وضعك معه .. يوم صحيت !! -يعني ؟؟ وش مشكلته ؟؟!! -تكلم الدكتور شارح باسهاب .. - ممكن يصاحبك عرج ... وهذا احتمال كبير ... راح ..تستند على عكاز بالبدايه ... وشوي شوي راح تتدرج ويمكن تستخدم عصاة ... الين نشوف وضعها هل قادرين نجري لها عمليه او لا .. !!!.. واالواضح انك انسان رياضي ... لكن الان مع هالخلل راح تظطر تترك حمل الاثقال .. وممارسة الحركات الثقيله .. لجل ماتتضرر اكثر ... !!..سكت مطرف لعينه لطلال ... المتابع معهم ... متردد .. احتدت نواظر الوليد ..مع ازدياد وجع راسه .. مخاطبه .. -فيه شي ثاني بعد ؟؟ !!!؟؟ . حس بجفاف ريقه .. وعطشه .. تكلم ..متابع ... - ابي مويه .. !! عاجله الدكتور .. - مانقدر تشرب دفعه كبيره ... لنا شهراين نمد جسمك بالسوائل .. من خلال .. الوريد .. !! بالبدايه .. حبه حبه .. لجل ترجع .. تاكل بسهوله ... وحتى الشرب كذلك .. التفت .. للممرض ... الي جنبه ... يتكلم معه ... اطرف الوليد ... لطلال المتابع بصمت .. شافه يمد يده ويتلمس كفه .. ويشد عليه.. - الف لاباس عليك .. يالغالي .. !! - الله يسلمك .. -امي جت !! وشافتك ..وتسأل عنك ..!!وعيال عمك وربعك !! - احنا وين بالرياض ولا جده ؟؟ !! - الرياض ... !! -جو خواتك الي هينا !!! وجدتك ومحارمك كلهم أتوقع !! قطب هدب عينه ... - فيه شي يوجعك ؟؟ - راسي .. بينفجر ابي مسكن ... !!سلطان ماجا ؟؟؟ !! -لا .. ماشفته !!.. غمض عينه ... شوي وسمع ..اصوات وتراجع طلال .. لجل يسمح لهم يرطبون ..مبسمه .. الجاف .. العطشان .. ترقبه طلال بفرحه وصمت حامد الله وشاكره ... مب مصدق انه فاق أخيرا وسلم كان متخوف من رد فعله وقت يعرف بموت ابوه بس تفاجئ... بهدوووؤه وصمته ..وجمود نظراته ... مر شهرين .. بعد مدة التشافي الي قضاها الوليد ... بالمستشفى ... جا اليوم الموعود لخروجه ... كان بمكتب الاستشاري .. المتابع حالته .. -رجلك ممكن .. واحتمال كبير نجري لها .. عمليه وترجع افضل ... باذن الله !!..اما .. مسألة العقم .. ونسبته بحالتك .. فعلميا لاتتأمل كثير الضربه كانت قويه على ظهرك ..!! لكن مافيه شي بعيد عن الله ... وعالعموم لزم تسوي كشوفات كامله وتتابع عند عيادة العقم والانجاب عشان تتأكد اكثر بس انت رافض !! احتدت نواظره ... مطرف بعينه يم عصاته .. الي أصبحت تلازمه .. من كم يوم بعد استخدامه للعكاز ... فتره .. معينه .. سمع حسه متابع ... -اذا حاب انك تتراجع عن قرارك ... قاطعه الوليد ... بحس حازم .. -لأ !!! .. وقف ... مستعد .. للخروج ومستأذن ... - شكرا دكتور .. ماقصرت معي خلال هالفتره ... يعطيك العافيه .. وقف الدكتور بدوره .. - لاشكر على واجب حبيبنا ..!!! الا انت الي مشكور تحملتنا ... !! وكنت صابر معنا .. !! خطاك الشر !!وان شاء الله انها .. ماتنعاد !! هز الوليد راسه وهو يمد يده مسلم ... - ان شاء الله ... يله فمان الله ... طلع عقب لقائه .. يمشي بخطواته العرجا ومعه عصاته .. رجع بهيبته المتعارف عليها .. وقف بكل شموخ لابس ثوبه .. رفع يده يبعد طرف شماغه .. اقبل عليه... طلال ... -يله مشينا ؟؟ على وين تبي نروح ؟؟ -اول شي ابي ازور قبر الوالد .. !!.ثم بروح اعزي مرت ابوي واخواني !! ثم نرجع لجده .. ونقفل هالسيره للابد!!!.. قطب طلال هدب عينه متسائل ... -يدرون انك بتجيهم اليوم ؟؟ -ايه بلغهم خالد ولد عمي ... !!.. سكت ثم ارتسمت بسمه جانبيه باستهجان .. وتابع .. -طبعا زي ماتوقعت نظرتي ماتخيب سلطان كاره وجودي لدرجة انه ماعتب يزورني ابد !!! واكيد ماراح القاه موجود !!ليته خلاني اشوفه عشان أقول له اني مابي من حلال ابوه شي !!!! تنهد طلال ..بتفهم ... -الله يعين لاتفكر في احد الا نفسك يالوليد انت طلعت من ازمه بمعجزه من الله ريح بالك خلاص ... خل نرجع لحياتنا وننسى الي مر علينا !! - بنرجع بنرجع ...بس لازم اسوي الي قررته تصدق حتى خواتي يوم جوني عيونهم ماتجسر تجي بعيني !!! بينا حاجز ماراح ينهد ابد !!!مالي مكان وسطهم وابوي الله يرحمه جايبني بيفرضني عالجميع !!! -الوليد ياخوي بكيفهم اهم شي سوو الواجب معك الي ابي أقوله لك هل مازلت مصر تتنازل عن ورثك ؟؟ وتترك كل شي ؟؟ !!هذا حق من حقوقك !!! ترقبه الوليد بتركيز ... راد بحازم الصوت - وش ابي بالحلال ياطلال ؟؟؟ وراعيه راح !!؟؟ اطرف بعينه يم اخوه ... متابع .. - جهزت الأوراق ؟؟ ترقبه طلال .. هاز راسه .. -كل شي والم وجاهز ... !! معي بالسياره !! اول ماوصل للبوابه .. تبع الخروج ... وقف .. متمهل .. تارك شعاع الشمس .. يضوي .. مدارك .. انظاره .. تنفس ..بعمق.. ثم سحب نظاراته الشمسيه .. لابسها .. - انتظرني شوي ... بقرب السياره.. !!.. اطرف له .. هاز راسه بصمت .. ترقبه وهو يبتعد ... مفكر ..بهوجاس .. طول الفتره الي جلسها ... كان يستقبل الزوار .. اعمامه .. وعيالهم ... شركاء ابوه .. عالم جديد عليه ناس مايعرفهم ..غير معارفه .. الي نصوه خص نص من جده .. ومن غير جده .. بيرجع .. لحياته ..بعد.. الفقد .. رغم انه ماعاش معه !! لكن فيه وجع مخفي محدن حاس فيه .. غيره ... ولا احد مستدرك ... عمق الضيق المدفون فيه ... النظره الي شافها بعين ابوه قبل .. الحادث بثواني ... مازالت تتجسد .. امام عينه ... اقبلت سيارة طلال ... طرد الأفكار ..متقدم .. باستمهال .. محاول يتعود على تواجد .. مركازه الي راح يصاحبه .. فتره ... او يمكن عمر بعد .. ساعتين ... وعقب مازار قبر ابوه .. توجه للقصر الكبير ... قصر شيخ آل جلمود صخر ابوه ... متذكر تفاصيل اخر زياره له ... تتابعت الصور ... والذكرى ... شد مبسمه .. محتزم ومستعد يقابلها .. مرت ابوه ... مدرك ومتأكد انها كارهه وجوده .. لكن هي مب اكثر منه !! حتى هو كاره .. تواجده بهالمكان ... اقبل طلال على بوابة القصر ... ترقب الوليد ... المكان والشوارع ... والحراسه .. الي فتحت له بدون أي سؤال ... الا تمموا سلامهم له وترحيبهم برحابة صدر ... التفت له طلال .. ببسمه جانبيه .. -يعرفونك هم ؟؟ -لا!! -غريبه متبسمين وفتحوا بدون حتى يسالون !! تكلم الوليد وعينه ترقب المكان بحده - معلمينهم بجيتي اكيد !!! تنبه للاضائات .... المنوره بكل مكان .... التفت للديوانيه ... لاستقبال الضيوف مفتوحه ...اضائاتها ضيق نواظره .. مركز .. بتقطيب وهو يشوف القهوجيه ... والمشرفين ... وكأن فيه عشا راح يقام ... وصل لباب الرجال ... قابله .. واحد يرحب فيه ... ويهلي ... قبل حتى ينزل .. فتح الوليد شباكه .. ببسمه خفيفه .. - يالله حيه الشيخ الوليد تو مانور القصر يابو صخر ... قطب بنظراته .. راد ... مستنكر ومستعجب هالترحاب .. الغريب ... -انا المسئول عن ركن السيارات ..طال عمرك .. تفضل تفضل وعطوني المفاتيح ..انا جيتك زرتك مع العيال !! تذكرني طال عمرك ؟؟ فتح الوليد الباب ونزل بثقله ... واقف .. بكل عنفوان ... مترقب المكان ... حاسس بكتمة انفاس ... متذكر اخر مره جا هينا ... وطلب ابوه منها انه يجلس ..ورده عليه ... مد يده يسلم ....يحاول يتذكر ..قد مر عليه هالوجه ... ابتسم .. مرحب -هلا بك .. يالله حيه شلووونك ؟؟ عساك طيب .. يالذيب ؟؟... انا بدخل اخوي بيتم بسيارته ... -الله يحييه يقلط لمجلسك طال عمرك نقوم بضيافته ونقهويه ونقوم معه بالواجب ... - يالله حي اصلك .. ماتقصر ... التفت لطلال ... -اقلط عندهم تقههو دقايق ربع ساعه اخلص واكلمك تجي ونطلع !! - طيب خلاص ادخل انت وانا بروح البق هيناك بسيارتي ... هز الوليد راسه .. بتفهم ... انحنى يأخذ الظرف الي فيه أوراق التنازل ... واستقام بطوله الفارع .. مخفي نواظر عينه خلف نظارته ..الشمسيه .. تقدم ... يم الباب سمع .. الي وراه .. يكرر -الله يححيك يابو صخر الباب مفتوح تفضل مابه احد العم سلطان مب فيه مسافر ... هز الوليد راسه ... وتقدم داخل ... غشت أنفاسه ريح العوده ...دخل بخطوات هاديه ...انتبه للاضائات .. جهة احد المجالس ... والباقي معتمه توجه لها ساحب نظارته مبعدها ... متوجه للمكان ...اول مااقبل ... جمدت نظرته يم التقديمات والصياني الفاخره .. والدلال ... قطب هدب عينه باستغراب ... اكيد جايهم معاكس يومهم ومزاحمهم ارخى نواظره بقل اهتمام وتقدم جالس .. بهدوووء ومجنب عصاته ... بعد ربع ساعه ... كان مازال جالس .. بالمجلس الداخلي ... ..متباري .. بهيبة حظوره ووجوده .. جمال المكان ... وفخامته ... منتظر تواجدها ... دام سل طان مب متواجد فبيضطر يقابلها هي .. ابتسم بطرف شفته .. وشي من المراره .. خابر ان اخوه كارهه ..ورافض يقابله ... يحسب انه طمعان بالي يخصهم مايدري انه كاره كل شي يخصهم ويبي يبعد على عجل من المكان ... ويبتعد ... سمع حس ... رفع راسه .. منتبهه للمقبله .. وحسها المرحاب .. -السلام عليكم ... ارتخت نواظره ..واقف ...متابع دخولها ... الجمه صوتها الممتزج فيه حس الفرح والتراحيب ..تابعت بنفس الحس .. .. يالله ان تحيييه ولد الغالي ... يالله حيه ... تو مانور البيت يابو صخر ... !! استبانت .. الصدمه .. بنظراته ..لها .. استاقف مستقبلها .. -يالله حيها ... شد مسكة عصاه متقدم .. لها .. -خلك ياولدي انا جايتك .. لاتعب نفسك اجلس !! الحمد الله على سلامتك !! الود ودي زايرتك بس انت عارف الحال الحداد الله يرحم ابييك ويجعله بالفردوس .. خف حسها برجفه .. وعبره .. وقف .. بلا أي شعور يترقبها وهي مقبله عليه ... بنظره حانيه ... ملهوفه رزينه ... تضاربت احاسيسه باستغراب بس مابين .. اتخ الحذر له طريق .. يمكن خوف منه شد مبسمه ... راسم بسمه ثابته مخفي اضطراب روحه ..ومستحكم كل تفاصيل جيده ولفتاته .. -عظم الله اجرك ياخاله .. !! الله يرحمه .. ويجعل مأواه ...الجنه .. !!معذوره الحق لك !!! والمعذره منك انتي !!! ماقدرت ازوركم الا الان !! مدت يدها له ... وبادلها يمد مرحب استحكمت كفه بكفها الصغير المتجعد الحاني شاده عليه ومتكلمه بحاني النبره والنظره .. - امين ....امين .. واحسن الله عزا في بيييك ياولدي ... وش كثر يحبك ويشيل همك حتى لو انك بعيد .. !! .. غديت له واجد !! الله يحفظك لشبابك ويقويك !! مدت يدها .. تأشر .. - تفضل .. الله يحييك ... جلس مجنب عصاته والظرف الي بيده... وشي من شعور الضياع المصدوم .. متخطيه ... جسلت مقابلته .. الا بدخلة العاملات ... بالقهوه وصياني التمر ... والرطب ... رتبوها .. بطاولة الضيافه .... تبعهم ... حس ثاني ..وملامح مبتسمه بحذر -السلام عليكم ... هلا الحمد الله عالسلامه ... وقف مبتسم بحذر يعرفها جاته تزوره رنا اخته ... - يالله حيها شلووونك ؟؟ عساك طيبه ؟؟ !! قربت مدت يدها ... تسلم .. الا سمع أمها ... تامرها بحزم .. -سلمي على راس اخوك يامي !! -انا بخير الحمد الله اخبارك انت طيب !! تبسمت رنا بحرج .. مقربه .. احنى راسه .. لها بشعور غريب وجديد ... كل ماله يتفآجئ.. - انا بخير الحمد الله قطب هدب عينه ... وهو يشوف بنت واقفه و... مبتسمه .. يدها حول جدايلها ... عرفها بعد اخته سمر الصغيره ..اصغر خواته عمرها 10 سنوات -السلام عليكم ؟؟ عضت شفتها بحرج ... وعينها على أمها .. ثم عليه ... - وعليكم السلام ... - ادخلي سلمي على اخوك الكبير يابنتي ... !! يله ياسمر !! تقدمت بحرج ... ورهبه مسلمه ... وهاربه جنب أمها ... تبسم وجلس ... بمكانه ... تحركت رنا يم دلة القهوه انتبه انها بتصب له .... فيه إحساس غريب مهيب .. كاسي مشاعره ... شي من الالفه الي تشابه الحلم ... ترقبهم بصمت ..شاف سمر تحكي أمها بهمس ونظراتها عليه .. ابعد بسمته يتأمل قربها ويلاحظ نظرة ام سلطان الحانيه ..لها وهمسها ... ضرب فيه وتر ... موجع ... اليم بعيييد بأقصى مدارك اعماقه ... مايدري ليه شاف شي من حلمه البعيد المستحيل ... شد مبسمه مستحكم احساسه .. وضيقه الي سير عليه .. بدون ميعاد ... قربت منه رنا ماده فنجاله ... تبسم ماد يده ... - قهوي الوالده قبلي !! سمع حسها المعترض -لا بالله ماتصب لي الين تصب لك انا قهوتي مابها زعفران عشان حدادي ياولدي كني سامعه ان الزعفران زي الطيب يلبق ومايجوز .. اشرت على دله ثانيه ... - هذي قهوتي ... -انا ماابي اعطلكم..بشرب هالفنجال عشانك .. ياخاله .. ماجيت واتقهوى جاي اعزيكم .. وبمشي ..وراي سفر !! قطبت هدب عينها .. وهي تلف مسفعها بترتيب .. ورنا تمد له صينية القدوع بحذر وترقب ... مخفيه رهبتها من وجوده ... -وين تمشي ؟؟ وين تروح ؟؟؟ هذا بيتك !!!! - انا اتفقت مع الوالد الله يرحمه ... قاطعته .. بحاني الصوت الحازم .. مقطبه هدب عينها باهتمام .. -ابييّك جعله بالجنه موصيني ... وموصيك !!! وشلون تكسر وصاته ياولدي !!!ويين تروح وتخليني ؟؟وتخلي خياتك واخوك !!! الجمه منطوقها ترقبها بصمت محاول .. يفهم .. ويستدرك ... الي توقعه شي والي جالس يسمعه ويشوفه شي ثاني ..يعتبرها صدمه ... له .. واخر شي توقعه ومع هذا مازال يتوقع انه لجل الوصيه والمشيخه والحلال امكيد متوقعه انه جاي وناوي لهم نيتن قشرا ...!!.. شد مبسمه كاره لهالمشاعر الي تتلاعب فيه ..بضيق ..هو في غنى عن كل هالتمثيل .. واساسا جته ضيقه وده يطلع .. ويبعد ... ويهرب ويترك .. تابعت كلامها ... -هو معلمني ... قبل يسافر لك ... وقايلن لي انك بتمسك الشيخه عنه ان الله خذا امانته !!! شلون تكسر كلمته وهو بقبره ؟؟ انت هينا لك اهل وخوات واخو ..يحتاجونك !!! .. سكتت ... ثواني .. ثم تابعت ... -وانا احتاجك ياولدي !!! انت رجال البيت عقب ابوك !! اعرف انك ماتبينا وكارهنا لكن مطلبي منك تحكم الله .. ثم ضميرك !! من لنا بعد الله غيرك !!!الشيخه لمين تتركها ؟؟؟ وابوك مايبيها الا لك !!!؟؟ تسارعت نبضات قلبه ... بعجل مدوي ...محتده نواظره وهو يستمع بدون أي اشاره .. توحي بمكنون صدره .. رفعت كفها الأيمن .. .. جامعه اصابعها .. ومتكلمه .. - انا ابيك تعدني مثل امك !!! ولو ماتبيني مثلها .. شوفني مرتن كبيره .. تبي منك خدمه وناصيتك !!! وهي بحاجتك !! ماظن ياولد سلطانه وصخر تردني خايبه !!! شد شفته حاس .. بعرق كفوفه .. نطق بهادي الصوت ..الحازم ..مخفي تضعضع شعوره لايبان .. -آمري .. وابشري بالي تبينه !! يا ام سلطان !! رفع اصبعه .. بتشديد ناطق ... بحسه البادي .. وبجمال حظوره وهيبته .. -قبل كل شي تطلبينه لازم تعرفين شي واحد وهو من أسباب جيتي اليوم !! مع ان ادري جيتكم وانتم مزحومين ... والواضح عندكم عشا فمابي اطولها علي وعليكم ... سكت مركز بنظراتها ..له ... رجف قلبه بنبض .. وهو يشوف تظراتها تترقبه باحساس غريب عليه ... وكبير كبير حيل وثقيل ... اطرف بالنواظر لسمر وترقبها له وهي تندس ورا شيلة أمها ... واطرف لرنا الي ارخت نواظرها برهبه .. تابع راد النظر لها .. وماد يده للظرف... يبيه يعطيهم إياه وينهي هالمسرحيه ..كلها ... رفعه ..امام نواظرهم ... -هينا موجود تنازلي عن كل شي ..لاخواني !!! انا مابي من حلال ابوي أي شي ولا ريال !!!! متنازل عن كل شي لهم !!! وعن الشيخه للي يستحقها من عيال آل جلمود ... !! اهم شي تكونون بخير وان اعتزتوني بتلقوني جايكم ..وقريب وان شاء الله منتب بحاجتي !!! عشتوا بدوني عمر !!! انهى كلامه ... باانفاس ثابته ...ونظره هاديه ... تخفي وراها تضارب شعور واحاسيس .. احتزمت نظرتها له ... بثبات..ناطقه ومخاطبه رنا وونواظرها ثابته عليه .. -رنا !!! هالتي الظرف من اخوك ! اطرف بنواظره للأرض ... ادرك صدق احساسه ...ثانيه ورفعها يترقب رنا المقبله مد لها الظرف ... مترقب بهدوووء ... الين اعطته أمها ... الي ابتدت باناملها تفتحه امام مرآى عينه حتى مانتظرت .. يطلع .. يمكن تبي تتأكد ..من صدق كلامه ..شد قبضته .. بملل ..معاجله .. يبي ينهي هاللقاء ..بعجل ..بس بلحظه جمدت نظرته بصدمه لفعلها المتقصد ... سحبت ام سلطان .. الأوراق بدون حتى تشوفها ... وثنتها ثم شقتها امام نواظره ... بكل ثبات ... تعالى فيه حتى النبض .. تكلمت بدون تعطيه مجال حتى يفهم ... - انا مابي الا سلامتك .. وجلستك معنا !!!انا بسلمك كل شي الخيط والمخيط .. وكل أمور ابوك الي حافظهن عندي قده طالب مني اعطيك إياهن .. من قبل يموت .. تراخى حسها برجفه ... مبرقه نواظرها .. قد ماحاولت تتماسك قدامه الا انها فشلت .. رفعت يدها ساحبه منديل .. ماسحه عينها .. متابعه .. برجفة صوت .. - ابوك كان يحبك ويطريك .. لاتخيب له رجا وهو بقبره !! سلطان قليل دبره ومايصلح لهالمكان الا انت !!! نطق بهادي الصوت .. مركز النظر فيها .. بجمود صادم لروحه وهو يشوف الأوراق متبعثره ... حوالينها ...وكأنه يعاكس احساسه الي مايبي يصدق - وش يظمنك يام سلطان ؟؟ فيني !!يمكن ماكون الشخص الي يستاهل !! مرت ثواني صمت .. وعينها تترقبه .. ثم ردت .. بحازم الصوت الحاني .. -انا ابخص .. بمخابر الرجال .. واعرفك !! قطب هدب عينه .. باستغراب .. -وش عرفك فيني ؟؟؟ ماقد شفتيني !!! ولا عاشرتيني !! - لا بالله شفتك .. يوم جيتنا وسمعت كلامك بمجلس الرجال ... اخبرك . من نظرة عينك .. انت رجال نظيف .. وقلبك خلي ويخاف الله !!! وسمعت عن امك جعلها بالجنه وادري عن جدك الله يرحمه وجميع اموات المسلمين !! والحين انا متأكده انك خير سلف لابوك رحمة الله عليه !! انا آمنك انت بعد الله على حلالي وحلال اخياتك هالي تشوفهن !! انت كبيرهن وعزوتهن !!!وظهرهن ومحزمهن .. سكتت ... مركزه بنواظره ... ثم تابعت ... بتشديد ... -وسندي عقب الله بذا الدنيا انت استقامة ظهري ان انحنى ويشهد الله انه عقب ابوك انحنى !!!! انهت كلامها برجفه ... وحس ثابت ..وبترقب شديد له .. رجفت طرف شفته .. غاشيه إحساس غريب ... انخلق .. بلحظات ... تم مركز النظر فيها ومترقب .. يبحث في مواري كلامها .. اثم.. مخفي .. نطق ..متكلم ..ومكرر بثبات الصوت -انا جاي ومتنازل عن ورثي لاخواني .. ومابي أي حق .. من حلالكم !! قاطعته بعجل .. - حلالنا هو حلالك وانت كبيرنا !!! انت الشيخ الوليد بن صخر .. رحمة الله عليه ..ووولد سلطانه بنت محمد .. !!!!.. هينا بيتك وهذا مكانك .. من أساس !!! جمد فيه كل شعور .. ضايج ... تارك إحساس .. غريب .. يزتهي .. في محاني صدره .. ونبضه .. !!! تابعت مخاطبته ... ماده يدها للمكان .. -انت تقول بيجينا ظيوف وصدقت !! اليوم انا معشيه اعمامك وهلك على شرف رجعتك لنا ..انت الي بتستقبلهم الضيفان ضيفانك انت ياولدي !!) رجع لحاظره ... وهو مازال يتذكر كل تفصيله من ذاك اللقاءالي قلب موازينه ..متذكر كل شعور غزاه وكذبه هو الين صدق اثبتت له طيب قلبها ومحبتها الغير مجبوله له وغير قراره بالرجوع .. مرت ثمان سنين و الين الان ماندم .. ولا راح يندم انه لبا لها .. مطلبها .. تستاهل .. مرت ابوه .. هي الي وثقت فيه بعز .. وجعها وسلمته .. الظاهر والمخبر .. بلا خوف .. ماخافت يأخذ كل شي ويتنكر .. اعطته الشعور الي بنى لها فيه عمق أساس الغلا .. والتقدير ... .. تساند على كرسي مكتبه ... متأمل الفراغ ... تأكد الان ان سلطان .. عرف بموضوع عقمه من المستشفى اكيد ... وقت ماكان بغيبوبه .. وفاقد الوعي .. بس ليه الان نطق ليه انتظر !!؟. ارخى راسه غارس أصابع يدينه بشعره الكث الغزير مغمضه عينه بجهد مظني ومتعب قاطع أفكاره .. حس دق الباب ... - تفضل !! اطرف بعينه يم الباب سمع حسها ... وهي تفتحه .. - الوليييد انت مارحت الين الحين والله اني احسبك سلطان ؟؟ تقدمت داخله ... - لا يالغاليه مارحت .. طرى لي شغله وجلست اكملها ... !! وصلت مقابلته .. وجلست .. - علامك ياولدي باين عليك ضايق ...! محى كل اثر للضيق من حوار اخوه ..معه ...نطق لها مبتسم .. -ابد مافيه الا كل خير بس الشغل كاثر هالايام ... ترقبته خابره انه .. متلاجد مع سلطان بس مستحيل ينطق ويعلمها وهذا حاله من جاهم ... يكتم ويخفي ... تكلمت بحاني الصوت .. -ياولدي من كم مره قلت لك وعدت وزدت .. العمر يخلص والشغل مايخلص ارتاح ... !!وريح نفسك .. خل الي تحتك يشتغلون !!!! ابتسم متقدم .. متساند على طاولة مكتبه .. - لاتشيلين همي ... انا مابيك تحاتين ابد ... !!مرتاح واحب الشغل هو من اساسيات يومي !! - الله يرضى عليك يالوليد وين احاتي .. وانت موجود ؟؟؟ الله يطول بعمرك .. ياجعلي افرح بك .. عاجل مابطا !! ترقبها مستمع لدعوتها الدايمه .. بصمت .. بباله سؤال .. وده يذكره لها ويستفسر ... - الله كريم ... ودي اسالك عن موضوع يالغاليه !! - آمر ..!! - مايامر عليك عدو !!سمعت من اعمامي ان سلطان خاطب ... سكت مترقب ردها .. وتفاصيل .. ملامحها .. لسماع كلامه.. هزت راسها مواقفه .. - أي بالله صحيح .. خاطبين له ..بنت أبو نايف .. غازي آل مجفل !!صديق ابوك الله يرحمه .. كان خويه الروح بالروح ...لكن قدر الله عليه وخسر كل شغله ... وماقصر ابوك معه .. كان له نعم الصديق .. تكلم بعجل محتد .. - العم غازي ماغيره ؟؟؟ المدير المالي بشركات ابوي ؟؟ - ايه هو هو .. شد شفته .. بضيق .. وشعور نافر غاضب .. متذكر كلام سلطان ... مجفله شعور الخزي ... يعرف هالرجال .. ويخبره .. زين .. محترم ومحشوم ..وله قدره .. بين الموظفين واعمامه والادراه.. تابعت ام سلطان متغافله .. شروده .. الضايج .. -ابوك الله يجعل مثواه الجنه ..كان ناوي يزوجهم ... بس يبيك ترجع اول .. ويكبر اخوك وتكبر البنت ... كنت انت شغله الشاغل ... لكن حكم ربك سبق !!وبيني وبينك اخوك ماقد طرا لنا رغبته بالعرس .. والبنت ذي ابوك يغليها ويعز ابوها ...بالحيل .. رفعت يدها شارحه .. - هو الي مسميها نجلا . .. !!ونعم القبيله والبيت .. !! شد مبسمه ... دافن عمق القسوه بنظراته ..من الضيق .. وشي من الاشمئزاز .. المتبادي .. لذكر طاريها ... ابوها ونعم الرجل والمعشر !! ياكيف .. سطت .. وقدرت .. تتلاعب من تحت جناحه ... بهالشكل !!! .. ؟؟ حتى لو انها ماليه يدها من اخوه !!وين دينها وخوفها من الله ..كيف رضت على نفسها .. تختلي برجل مب محرم لها !!!؟؟تاهت أفكاره ... الغايمه سواد ..الين انتبه لحس ام سلطان . . -الوليد ؟؟؟ الوليد ؟؟وين سهيت ؟؟ اطرف بعينه الحانيه لها ... مقرر يعلمها بالقرار الي اتخذه وبينفذه ... -في بالي علم ابي أقوله لك ... قطبت هدب عينها باهتمام ... تابع ... بتركيز .. وحس هادي ... - انا ابي اتمم هالزواج ... !.. دام الخطبه موجوده والعالم موافقه ... وسلطان الان كبر ... واكيد البنت مثله ... دام هذا اختيار ابوي .. وهو موافق ... ليه ننتظر ؟؟؟ -وسلطان ؟؟؟ يمكن مايبي ماقد طرا لي انه يبي يتزوج ؟؟ اشر براسه ... موافق .. - الا مواريه بيوافق خليه علي ... !! واذا رفض فنبلغهم بفسخ الخطبه لجل ماينتظرونه !!! ابتسمت ... بتفهم .. -ليته والله ياولدي ... اشتقنا نفرح ... كم لنا ؟؟ من راح ابوك الله يرحمه مرت ثمان سنين .. !! ركز مضيق نواظره .. ومبتسم .. -دام انتي موجوده من وين يجي الحزن ياالغاليه ... ابوي راح لكن بقيتي انتي وفيك الخير والبركه .. كفيتي ووفيتي !!! تبسمت .. بعين حانيه .. يعشق شوفتها ... وهي من أسباب عزوفه عن تركهم .. والانسحاب عنهم ... - لا بالله انت الخير والبركه ...ويشهد الله ان قلبي يحبك ... من جيتنا معاد ذقنا حزن .. وروحي مرتاحه الله يحفظك لنا ويطول بعمرك ... !! ويسخر لك !! تبسم ...راد بهدي الصوت .. -الله يسلمك ويبقيك ... !! - طيب متى بتكلم سلطان ؟؟ قريب يعني ؟؟ -خلال يومين بالكثر .. لاتشيلين همه اتركيه علي ... !!وبتتم الأمور حسب الأصول وعلى اكمل وجه !! -لا بالله ماشلت هم ... داريتن بك وخابرتك الله يسعدك .. منتب مقصر ... !! سكتت .. وبعينها ... سؤال .. منعت نفسها تنطقه وتقوله ... ركز فيها النظر خابرها وعارفها ... -قولي ياالغاليه .. كل الي بخاطرك هاتيه !! -ماشاء الله عليك .. فطين .. مايفوتك شي .. ياولدي !! ضحك بخفه .. هاديه .. -اني خابرك .. ... قولي الي تبين ... لايردك عنه شي !! ناظرته .. مرسله بنواظرها .. شي من الحنان .. المحتوي كل كلمه نطقتها .. -أقول يالوليد ماودك ..تخلي الفرحه فرحتين ؟؟ سكتت تشوف رد فعله ... ومثل ماتوقعت .. اختفت كل لمعه .. بارقه .. ماتدري ليه .. وايش السبب .. الي يخليه يعزف عن الزواج وهو ماعليه قاصر ... كامل والكامل الله ... ابتسم .. مخفي الشعور .. -ليه ياخاله اجل طفشتوا مني !!؟؟ ردت بعجل حاني .. ومرتجي .. لجل يفهم .. مقصدها .. -لا والله !! ويعلم الله انك جيت وعوضتنا عن مكان ابوك الله يرحمه ...والله يامقابلك انه يشرح الصدر ويسر الخاطر ...بس ودنا نفرح فيك ياولد الغالي ... ونشوف عيالك ... !!العمر يمشي ... وانت الكبير لابد لك من عيال يشيلون اسمك ..ابوك الله يرحمه الود وده مزوجكم كلكم .. !! سكت ... وهو قادر يتحكم .. بخوافي سكنت صدره ... من الأساس ماكان .. ناوي يتزوج زواج استقرار.. وعيله هالنوع من الارتبطات مب له ولا هو لها ... !!! وكن القدر شاء انه يعلمه بصدق ظنه ...فاصبح عقيم !!!بعيده هالحياه عن مضامين .. فكره ... حيل بعيد ... !!!.. - هاه يالوليد وش رايك ؟؟؟ ماودك ياولدي ؟؟ ترا الرجال لابد له من رفيِقه تشاركه أيامه .. وحياته تونسه وتسعده ..مب يتم لحاله !! ناظرها .. مركز .. .. بهدوووووؤء... وببسمه جانبيه ... مايتوقع انه يتعاشر من أساس ..ولا يبي ..نطق بهادي الصوت الحازم ... - دام كلمتيني اجل عندك لي عروس !!!؟؟ زادت بسمتها باشراق .. -والله مب انا ... امك نوره عندها عروستك ... وطالبتني اكلمك .. فيها !!واخذ رايك !! ضيق نواظره مقطب ... -من هي ؟؟ -الجوهره بنت عمتك حصه ؟!! ارتفعت حواجبه ... باستدراك ... وهو يرد .. - والله يالغاليه ماودي اكسر خاطركم لكن انا شايل هالموضوع من بالي مره !!!ولأني ماافكر فيه ... نهائي .. ماابي اجبر نفسي واظلم بنات الناس معي !!!! عاجلته بالرد ... معاتبه .. - وليه الله يهديك ... تظلم ؟؟ وش فيك منقود !!!؟؟؟ كامل والكامل الله !! رد بحازم الصوت ... -مابه منقود يام سلطان لكن انا رافض هالفكره من أساس ... !! تابع مغير .. الموضوع ... -وين اجتماعكم اليوم ؟؟ هزت راسها ... ببسمه .. -اني داريتن بك تصرفني ... !! لكن معليه !!! .. اليوم الجمعه عند امك نوره !! تبسم ...بحس مازح .. - اجل وش بيفكني الليله !!!؟؟؟ - أي بالله مب تاركتك الا وهي ماخذتن منك علم يبسطها !!!؟؟ شبك أصابع يدينه ... - ماعليه خليها علي ... الحين انتم افرحوا بسلطان ... !! جت ترد ... الا قاطعهم دق عالباب ... نطق بحسه .. الامر .. -ادخل .. !! اقبلت كانو ... -مدام ؟؟ ماما نوره في تليفون ابغا انتا ضروري !! اشرت له ام سلطان بعينها .. - هه جدتك تنتظر العلوم مني !!! ضحك متراجع يتساند بخفه ... وعينه مافارقتها .. - لا طمنيها وقولي الوليد كلمته وحده ...ونصيبه مكتوب ومقدر من يومه برحم امه !!!؟؟ - ليتها تقنع ... نشوف الحين ... فمان الله .. ! قالتها طالعه وتاركته ... اختفت بسمته ... ببطء ...متابع خروجها ... دقدق باصابعه على طاولة المكتب .. متخذ قراره خلاص ... .................................................. ................................. بصالة الجلوس ... وبعد ماتركت ام سلطان الوليد بمكتبه ... توجهت تكلم الجده .. ام صخر ... - يامرحبتين يالله حياها ... -الله يبقيك ويسلمك ... هاه بشري ؟؟ عطيني علمن يفرح قليبي !! -الله عليك ياخاله .. انشدينا اول عن الحال ؟؟ وعن اخبارنا ؟؟ -اها عن التصريف انتي عارفه انه مشغلني هالولد ... !! -والله ياخالتي ابشرك به عرسٍ قريب !! -الله يبشرك بالخير والسرور ... اجل خل ابشر حصه .. -لا لحظه ياخاله !! مب هو العريس !!؟؟ جاها حسها المنصدم .. باستهجان .. - وشووو ؟؟ منهو اجل ..!!؟؟ - سلطان .. ولدي !! - افا ياذا العلم ؟؟؟ الحين يزوج اخوه قبله ؟؟؟ والله قايله هالولد ماينلعب عليه وماهمه في احد !!! ماله الا براسه !!!مثل عناده ماشفت !!؟؟ - والله ياخالتي اني ناصيته بكلمه بموضوعه .. وقلبها على سلطان .. مير يقول رافض فكرة الزواج وشايلها من راسه !!! - ماعليه ..ماعليه !! دواه عندي .. ! انا مازوجته ماكون ام صخر !!؟؟ ان كان باسه قوي فباسي اقوى منه !!!.. - الله يعين ... -اليوم لاتتاخرون علينا تعالوا بدري ... !!نجتمع من مبكر .. !!وعلمي بناتك ان تأخرن منيب مدخلتهن !!! ضحكت ام سلطان بخفه .. - ابشري ابشري مالك الا الي يرضيك !! - بشرتي بالجنه يله فمان الله .. - فمان الله .. .................................................. ................................ الساعه 1 الظهر .. فيلا .. غازي آل مجفل .. اقبل نايف بحسه ينادي ... -يمه ؟؟؟ يمه !!!.. شاف امه نازله من الدرج وشايله اخوه ناصر ..باين نعسانه .. ويالله تنزل .. -هينا هينا علامك ياولدي .. !!؟؟ من دخلت وانت تصارخ ؟؟ - وينكم ؟؟؟ الواحد يجي لاعيشتن والمه ولاقهوه ولا شي !!!؟؟ -والله اني تعبت من الصبح وانا اعافر بهالبيت... ماريحت جسمي الا عقب صلاة الظهر .. وهذاك جيت طيرت النوم من عيني !! نطق باستنكار .. - ونجلا وشيهانه وينهم ؟؟؟ !!ليه مايشتغلن عنك ؟؟ - شيهانه تعبانه .. من البارحه مب عاجبتني .. حما وكحه ناشبتن بصدرها !!ونجلا انت خابرها مقويه ماتبي احدن يامرها ابد !!! أقول لها انتبهي لاخوك لين اخلص .. راحت بالعاني وعناد خذته وخلته يلعب بالما بالحمام الخارجي !! لو طاح ؟؟ او زلق وجاه شي !!مغير ترادد لسانها وش طوله علي !! تنفس ..بحرقة أعصاب .. ضايج من تصرفاتها العوجا الي ماتخلص ... متى يعني يرجع البيت ومايسمع منها شكوى كثر مايتحاسب معها ويحذرها ماعليها منه ضاربه بكل كلامه وتسوي الي براسها .. معاد قادر يحتمل كل شي الا طولة اللسان على امه !! صرخ بعالي الصوت .. - نجلاااااااااا !!!!!! بنت !!!!! نجلااااااا !!! - اتركها عنك منت قاويها !! لسانها وش طوله .. انا بحط لك غداك !! قاطعها صارخ .. -نجلاااااااا ووجع !!!! قبل دقايق... نجلا .. توها خالصه .. جهزت كل شي ... ورقت ترتاح وتستكين لحالها .. ماتبي تسمع شي يغثها ..انتفض جيدها ... رهبه من حس نايف تدري ان مرت ابوها مب مخليتها اليوم .. وناويه تنكد عليها مع اخوها .. الي يصدق فيها كل عذروب .. بلعت ريقها مرطبه شفتها ... فزت من مكانها رافعه شعرها .. بعجل .. وطالعه .. راده بحس عالي .. لجل يسمعها .. زين .. - جايه نايف ... تحركت بعجل .. متهاديه خطواتها .. اطرفت يم باب غرفة شيهانه الي انفتح .. بترقب .. - وش فيه بعد ؟؟ هزت نجلا كتوفها ... بعجل .. - امك اكيد مكثره على نايف .. ياتجين تشهدين لي او ادخلي لااشوفك تتفرجين وتسكتين !! وصلها حسه الصارخ .. من جديد ... -نجلااااااااا اجيك يعني ؟؟!!! تنهدت متحركه ... ونازله .. تابعت شيهانه نزولها .. بضيق ... سكرت الباب .. رافع يدها كاتمه الصوت عنها ..ماتبي تسمع ... شي .. ابد .. ابد .. نزلت نجلا ... مقبله ... اول ماجت عينها على مرت ابوها لمحت نظرتها .. الخبيثه ... ثم اطرفت يم نايف المستشيط ... الثاير ... قربت مقبله ... اكثر .. - سم ياخوي وش في...!! .. قاطعها .. ماد يده ساحب شعرها ... وجارها .. - انتي وبعدين معك ؟؟؟ وبعدين ؟؟ لين متى نجلا ؟؟؟ طولة اللسان وقل الاحترام لأمي ؟؟؟ !!!! رفعت كفوفها حاسه بوجع شد شعرها ... ناطقه بعدم انصياع .. - ابعد يدك نايف !!!! انا ماغلطت هي الي تغلط علي !!!!!! ... ابعد يدك ... !! - ماني باعدها !!! انا زهقت من المشاكل .. طفشت كل ماارجع الاقي مصيبه مسويتها !!!! متى تتربين انتي متى !!!! شدت نفسها ... مبعده وصارخه .. - انا متربيه .... لاتقول تتربين !!! امك تكرهني .. وتكرهك فيني !!!! انا ماسويت شي !!!! فلت شعرها قابض ذراعها ... -لايطول حسك !!! هذا بعد وانا موجود !!! ورى ماتساعدينها ... ؟؟ امي مب شغالتن لك !!! ولسانك هذا بقصه لك !! شلون تقولين امك حاف !!!؟؟؟ هذي بحسبة امك !! احشميها !! احتدت نواظرها ... متبارقه ... بوجل ... وانفاسها تسابق .. النبض .. المعتليها ... -مب امي امك مب امي امي ماتت ... امي انا ماتت محد فيكم مثل امي !!!! رفع يده .. ضاربها .. كف مدوي ... صارخ .. -قلت لك لايطول لسانك .. !!! لايطول !!!!!! علي !!!لايطوووول !!!! تابع ..ضرباته لها .. وهي تتراجع رافعه يدينها تحاول تصد عنها ... - ماسويت شي اسمعني !!!! انت .. اسمعني !!!! ثبتت يدينه ... ساحبها .. من معصمها .. - مابي اسمعك .. يكفيني .. لسانك الي يبيله قص !!! انتي الي جنيتي على نفسك !! يختي احمدي ربك ضافتك ومربيتك ومستقبلتك !! وقفت ساحبه يدها منه .. -ماربتني ... محد فيكم رباني ولااحد فيكم له منه علي هذا بيت ابوي والي رباني سعد اخوي !!!! لاانت ولاهي ... !! !!!! عاجلته امه .. معلقه .. -شفت شفت ؟؟ قواة باسها ؟؟؟ عشان تصدقني ان علمتكم !! التفتت لها نجلا .. بانشداه ... اليم وقهر .. رجعت تطرف بعينها يمه .. -عطني فرصه ابي اعلمك !!! .. انا قايمه من الصبح... قاطعتها ... -خوفي الله لاتكذبين !!! يالله قمتي !!! صرخت .. بحس حاير .. -لا ماكذبت ... نايف اسمعني ... مره وحده اسمعني ياخي انا اختك !!! عاجلها راد .. بحمق ثاير من ضيق امه ... وطولة لسانها ... وقوة ردها ... -وهذي امي !!!! الي لازم تحشمينها غصبن عنك !!! ولا والله العظيم .. !!! صرخت .. ثايره بحمق مظلوم ... -ايش ؟؟؟ وش بتسوي بترميني بالشارع مثل سعد !!!!! .. ارموني ابرك الشارع ابرك لي منكم !!!! ثارت ..مباديه لحسها .. ومطلبها ... سحب عقاله ... - هذا الي تبينه انتي !!!!! تبين نتركك تسرحين وتمرحين !!!! - مابي شي منكم ابي تتركوني .. ياخي اتركوني يوم واحد انساني انت وامك !!!!! -لسانها معووج وترااد معروف من جاذبها !!!! اطرفت بعين شرقا من الدمع ..بحس ضايج .. يباري عمق الكسر داخلها .. -لاتجيبين طاري امي بالشينه !!!! تقدم قابض .. يدها ... ساحبها .. - شب ولاكلمه !!!! .. تصرخين عليها قدامي بلا حشيمه !! ؟؟ تهادت خطواتها .. وراه وحس صياح ناصر يتبعها ... وصوت امه الكريهه .. - نايف وسع صدرك .. اتركها عنك هالبليه .. لين يجي ابوك !!! ويشوف له حل معها !!! .. نادت نجلا ... رافعه راسها .. بعالي الحس .. -شيهاااانه !!! شيهااااااانه تعالي !!!! - لاتنادين بنتي و ش تبين بها ؟؟ تبين تشبينها بين عيالي بنتي مب كذوب مثلك !!! سبحها جارها ... وهو ناطق .. - عجزت بك نجلا متى تنعدلين !!!! .لاتدخلين اختي تبينها تكذب زيك !!!؟؟ وصل بها ... للملحق الي برا .. جرها داخل معها ... نافض يدينها ... - وش بتسوي ؟؟ وش بقى ماسويتوا ؟؟؟ صدمها بضربه ... طارفه على رسم خدها ... صرخت بحرقة ضيق ..لامسه خدها .. بكف يدها .. -هي تكرهني ... !! وتكرهكم فيني افهم انت ليه ماتبي تفهم !!!!؟؟؟ ليييييه !!! قرب منها نافض جيدها ... باشتداد ... مجحف .. ومجفل ... -انتي الي جبتيه لنفسك !!! هلكتينا من جيتي مارتحنا مغير مشاكل في مشاكل انت واخوك معك !!! - اسكت عن اخوي مالك دخل فيه !!! خلاص طيرتوه من البيت أصلا ماكان يوقف بوجهك الا هو !!! دفها رامهيا .. بعجل وضيق وحمق فاير دمه .. -تخسين انتي وياه !!! انا الغلطان الي ماربيتك بنفسي !!! لكن من يوم ورايح ... بوريك يانجلا ... قالها ورجله ترجف بها ... بلا رحمه ... واستكنان .. عجزت تنطق .. سمعت حس مرت ابوها الكريهه ..من بين ضيم أنفاسها ... -اتركها عنك اتركها لاتجيب لك مصيبه .. حسبي الله عليها !!!! .. تلمست بطنها تحميه من ضربات رجله ... تلوت عالارض .. عاجزه .. ومكنومه ... معد تقدر تجابه اكثر ... ليتها تموت ... ليتها تفنى من هالعيله الي تكرهها .. ابتعد عنها عقب .. سحبت ذراعه امه .. وانفاسه شايطه بضيق ... وتعب .. ترقبت عينه .. منظرها ... باحساس حيل ضايق .. طلعته من طوره كما دايم .. شد يدينه .. -اتركها خلاص ... لاتبلا نفسك بها ياولدي ... انا غلطت يوم علمتك !! ابعد متراجع .. -خلها تنطق لاتطلع ابد ... كود تتربى ..!! طفشت من مشاكلكم يمه !!! متى الواحد يدخل البيت مروق !! طلع وامه وراه ..ساحب الباب وراه وتاركها ... تارك .. جيدها .. المضيوم .. الضايق .. وحسها الملكوم ... ضغطت على معدتها ..حاسه بوجع .. والم .. غير وجع .. الضربات .. المتباديه .. بذرعانها ... حست بالالم بفك مبسمها .. رفعت يدها .. تتلمس ملامحها .. المدميه .. من اثر ضرب يدينه الساطيه .. اول مالمحت حمار الدم .. غشاها .. شي من اللوعه .. عجزت تمسك نفسها .. عاجلتها .. موجة استفراغ ... هاجمه بليا رحمه .. حست بضلوعها تنبض .. وعضلات معدتها .. تنتفض..شعور مهلك الي تعيش ... ضيق وقهر .. وعمق الظلم ... تبارقت دمعاتها ... تتبعها شهقات وجلى كسيره ..حاولت تستند .. بس حست بوجع ..ابعدت عن مكان استفراغها زاحفه .. ونشيج بكاها .. يعتلي ... مكتوم ...بكت وبكت وبكت ... الين تناهى .. عن مسامعها كل حس .. اجهدت فيها حتى الانفاس .. كم تمنت .. يأخذ الله روحها ... معد تبي تعيش ... فاض فيها الصبر ... معد بها طاقه تتحمل اكثر ... يستحيل تجابه كرههم لحالها ... حتى حلمها .. المنزوي .. ماعاد يقدر يصبرها ... غشاها ... سواد ..كاتم مخفي كل ادراك ... الين غابت في غياهب .. بعيده .. متمنيه انها ماتفوق ابد ... .................................................. ................................. بعد ساعتين ... طلعت شيهانه من غرفتها ... متوجهه لغرفة نجلا .. اكيد تناشبت مع أمها كالعاده .. ونايف هاوشها ... للمره المليون ماقدرت تصد عنها .. ابد ... ماتعرف .. ولا تقدر تخاف .. !! دقت الباب تنتظر .. نجلا .. - نجلا ؟؟؟ افتحي ... نجول .. ضغطت المقبض فاتحه الباب .. وعينها تترقب المكان ... فاضي مافيه احد ابد ... - نجلا ؟؟ باين انها مب فيه التكييف طافي .. شدت مبسمها متراجعه ... ونازله ... بخطوات عجلا ...راحت للمطبخ مالقتها بس شافت المواعين متراكمه ... قطبت هدب عينها ... تراجعت سامعه .. حس ناصر .. وامها ... توجهت لهم .. اقبلت .. متكلمه .. .. - يمه نجلا وينها ؟؟؟ مالها حس !!!.. تهاوشت مع نايف !!!؟؟ اطرفت لها أمها ... وبيدها فنجالها ... -طولت لسانها وعاقبها اخوك !!! قطبت هدب عينها ... باستغراب ... -شلون عاقبها ؟؟؟ !!! هاوشها يعني ؟؟؟ زفرت أمها تاركه فنجالها ... -حسبي الله عليها طلعته من طوره الين صار معد يشوف قدامه !!! خلته يمد يده ! قاطعتها شيهانها ... بشهقه .. -ظربها ؟؟؟؟ !!! ظربها يمه !!!!؟؟؟ ليه يمه تخلينه يظرب ليه !!!؟؟ وينها ماشوفها فوق !!! -مرزوعه بالملحق اخوك يقول لاتطلع منه !!!.. تنهدت بضيق ... - ابوي طيب بيجي وبيدري ... مب حرام يمه الين متى يعني تتناشبين معها !!؟؟ -أقول ولاكلمه ؟؟ مابقى الا انتي بعد !!! اختك مب متربيه ... تستاهل من يأدبها !!! رافعتن راسها على ايش مدري !!!! هزت شيهانه راسها .. متراجعه .. -بروح اشوفها ... ابوي بيضيق منكم ترا هذاني علمتك !!! انهت كلامها الا بدخلة ابوها .... سكتت بعين ... مرتهبه ... ورجفة انفاس ... اشرت لها أمها تسكت - السلام عليكم ... -هلا يبه عليكم السلام ... اقبلت لاثمه جبينه ... ومثلها ناصر ركض له ... - بابا دا بابا دا !!ايف اد ادلا !!! - وشهو ؟؟ قطب هدب عينه ...وعينه تتهادى بينهم .. - نجلا وينها اجل بالعاده تستقبلني !!... - نجلا نايف ظربها يبه !!! .. تكلمت ام نايف بعجل ... - هي الي طولت لسانها .. وماحشمته ... خلته يمد يده بابو نايف !!! .. استاقف ... بنظرات ... حامقه .. - وينها ؟؟؟ من كم مره قلت لكم لاتمدون يدكم عليها ... !!! عجزت فيكم !!! علموني انا ليه يمد يده !!! روحي ناديها !!!! - ابشر يبه ... طلعت ... متوجهه للملحق ... الي برا ... تهادت خطواتها بعجل ... ساحبه باب السحب ... - نجول ... ارتهبت نظراتها ... وهي تشوفها .. عالارض بلا حراك .. !! قربت داخله ... ومنحنيه .. هاتفه .. - نجلا ؟؟؟ نجول ... نزلت لها ... تحركها ... اول ماابعدت شعرها ... ولفت راسها هالها منظر ملامحها ... شهقت برعب .. -يالله !!!! نجلا ؟؟؟؟ نجول ؟؟ .. ياربيه .. ! اطرفت بعينها يم مكان استغراغها ... وشكلها .. الي يكسر الخاطر ... شدت مبسمها طالعه وراكضه ... للبيت .. تنادي بعالي الصوت .. -نجلا ماتتحرك .. الحقوا يبه .... !!!! ... تعالوا شوفها ماتتحرك !!! .. انتبهت لنزول نايف ... مقطب هدب عينه ... وحس ابوها ... -لاحول ولاقوة الا بالله بعد جالسه بالملحق ؟؟؟ !!!! ... انا وش اسوي بكم ؟؟؟ حسبي الله ونعم الوكيل !!!. قالها طالع متوجهه ... للملحق ... يدري انها تخاف من الحبس ... ومن كم مره محذرهم ... عجز فيهم ... سمع حس ام نايف .. - يابن الحلال ماحبسناها ..الشمس طالعه ... والمكان منور ... مطولتن لسانها على اخوها الكبير لاحشمته ... ولاقدرته .... وعلي بعد !!!! تبعهم نايف ... بتوتر ... ناطق ... بحزم .. -الا انا معاقبها وقايل لها لاتطلع ... تستاهل ... ماجاها ... نتفه مثلها ... تمد لسانها علي !!! وش كبري طول بعرض لااحترام ولاتقدير !!! اول ماوصلوا .. سكتت أصواتهم .... وتهادت نظراتهم بصمت ... دخل أبو نايف بعجل ... هاتف .. - نجلا ؟؟؟ نجلا !!!حسبي الله عليكم من ذر !!!! ... وش مسوين بالبنت ... ؟؟ وش تبون منها ارميها بالشارع عشان ترتاحون !!!!؟؟؟ التفت لنايف .. صارخ بحمق ... رد على ابوه ... بهيجان انفاس ... وضولة ضيق ... -زوجها !!!! وفكنا من هالمشاكل !!! -شهيانه !!! جيبي عباتها !!! .. اطرف لنايف ... -وانت تعال جيب اختك نوديها المستشفى .. عاجلتهم ام نايف .. -بتفوق بتفوق ... شيهانه جيبي عطر معك !! -غااااده !!!!!!؟؟؟ .. اقضبي ولدك وادخلي داخل ...والحساب لارجعت !!! تقدم نايف ... وعينه عليها ... شد شفته ... محتبس فيه شعور غريب ... لمنظرها ... كارره لنفسه ولكل شي ... شلون قدر يوسم جيدها ومبسمها وملامحها .. غمض عينه .. شاد نفسه وهو يشيلها ... جت شيهانه ... - اروح معكم يبه يمكن تفوق لحالها ... وتخاف !!! التفتت لها أمها .. -لا انطقي وراك شغل مابها الا العافيه مغمى عليها !!! وبتفوق !!!! قالتها متراجعه ومعها ناصر الي ابتدى يصيح ... يبي يجلس معهم معترض ... لبستها ونايف شايلها ... عجزت تمسك دمعتها .. لشوفتها بهالمنظر .. همست لنايف .. المترقب نجلا .. -شلون قدرت تضربها نايف !!!؟؟ .. انهت لبسها على صوت ابوها ... -يله يله اعجل ... تاخرت مافاقت ... !!!!.. غطت ملامحها ... مبتعده عن طريقه ... تقدم بعجل ... -شيهانه هاتي مفتاح سيارتي !!!قاطعه ابوه .. بضيق ..وحمق ..وخوف ... -بنروح على سيارتي ... اخلص !!!... تابعت خروجهم .. لاحقتهم ... الين سكرت الباب ... عضت شفتها ... رافعه يدها .. تمسح دمعتها ... المطرفه ...ثم تراجعت مقرره تنظف الملحق .. وبقع دم اختها ... محتبس شعورها وضايج ... حاسه باحساس العجز ... فوق طاقتها الي يصير .. حتى سعد ماله رقم ... ليت رقمه فيه تدق عليه وتعلمه ليته ياخذها .. معه .. بدل هالقلق الي عايشتن فيه معهم !!! .................................................. ................................. بعد نص ساعه ... شركة آل جلمود ..الفرع الرئيسي... مكتب المدير العام ... متساند على طاولة مكتبه .... منهيي توقيعه على اغلب الأوراق ... ومنتظر .. حظور أبو نايف الي ... طلب تواجده .. تعالى .. دق الباب ... تكلم ... وهو مازال يكمل تواقيعه ... -تفضل !!!!.. كان متوقع يشوف أبو نايف ... اول مارفع راسه مبتسم ... شاف طلال .. -هلا طلال مارحت ؟؟؟ -كنت بروح ورجعت ابلغك .. ترا تغير موعد .. اجتماع ... وفد الصين بنظطر احنا نسافر لهم .. !!.. أي صح قابلت .. سكرتيرك ... كان بيدخل ... بيقولك ان أبو نايف طلع !! .. قطب هدب عينه ... بتركيز .. - طلال الله يحفظك جيب لي رقمه الشخصي !! - مين رقم أبو نايف ؟؟ -ايه نعم ابيه ضروري ... !! - طيب وموعد الوفد !! تقدم متساند ... - خلاص دام تحدد ماعندي مشكله اهم شي لايتعارض مع مواعيد سابقه !! لاني ماراح الغيه عشانهم !!!يتحملون هم نتايج التغيير !!! هز طلال راسه موافقه .. -طبعا دايم هذا طبعك .. حامي عالجميع ..حتى لو فيها خساره لك !!! شبك أصابعه متساند ... -مب مسألة حامي !!! لكن انا مع النظام !!!تعطي موعد خلك قد كلامك او تحمل نتيجة الضعضعه والتغييرر !!!لو برخي الحبل .لكل شارد ووارد. ماوصلت للي انا فيه ياخوك !!! هز طلال راسه ..موافقه .. - صدقت الله يقويك !!.. طلع .. يجيب له مطلبه .. وهو كمل ... توقيع باقي الأوراق ... مقرر يأخذ موعد من أبونايف ... ويتكلم معه ... يستحيل يسمح لأخوه يلحقهم بفضايحه ... وينزل اسم ابوه القاع ... دام ..هذا اختياره ..وبرضاه .. وغلط معها ..يصير رجال .. يتمم كل شي حسب الأصول والشرع ..!!!وبعدها هو حر معها !! .................................................. ................................. مستشفى (؟؟؟؟؟) قسم الطوارئ... - بشر .. يادكتور ؟؟؟ وش وضعها ؟؟؟ فاقت بنتي !! ركز الدكتور المناوب ... بابو نايف ... ونايف .. مرسل نظرات ريبه ... - انت والدها ؟؟؟ - ايه نعم انا انا !!! وش صاير لها طمني !!! هز اكتافه باستهجان .. - انا المفترض .. أوجه لكم .. هالسؤال .. !!ابغى اعرف اش سبب الرضوض ... الي ماليه جسمها ... !! الواضح انها بفعل فاعل .. او نتيجة تعرضها لتعنيف !!! واذا صدق حدسي فلابد نبلغ الشرطه وينفتح محضر تحقيق !!! اطرف أبو نايف .. بعينه لنايف بحمق ... مخفي .. هاز راسه ... جا ينطق نايف مستعد يعترف ... مد ..ابوه يده قابض ذراعه وناطق .. -طايحه من الدرج يادكتور !!! هذا الي صار !!!! ارخى نايف نواظره ... بضيق ..ماتحمل نظرات ابوه اللايمه ..ابد ... هز الدكتور راسه ... -مستحيل !!!! هذا بفعل فاعل ...!!! تشخيصي علمي مب شخصي يااخ ؟ الاسم الكريم ؟؟ -أبو نايف ... أبو نايف ... ياالطيب هي طاحت ... وش بيكون يعني ؟؟ عالجوها ..وطمنونا عليها بدون مشاكل وشرطه .. ويين على اخر عمري .. اتجرجر .. بهالاماكن !!! - معليش انا اسف ... نزاهتني تمنعني اخفي هالمعلومات !!!.. ينفتح محضر ووقتها يققرون هم معكم !!! تشخيصي .. يقول انه تعنيف !!! انت تدري انها ممكن تكون تعرضت لنزيف داخلي !!!! ننتظر نتايج الكشوفات والاشعه!!! نبي نتأكد خلوها من الكسور لكن اهم شي النزيف !!!! ارتخت كتوف أبو نايف من هول الي سمع ... - لاحول ولاقوة الا بالله ... !!لاحول ولاقوة الا بالله .. !! تراجع الدكتور تاركهم ... جمد نايف ... سامع حس ابوه الضايج ... -منيب محذرك يدك عليها ماتنمد !!!! غثيتوني بسعد وطيرته لكم من البيت هالبنت تبونها تموت عشان ترتاحون !!!!؟؟؟ - انا بعترف يبه .... شي سويته بقوله مانيب خايف من احد !!! اطرف له ابوه بحمق ... -تبي تفضح بنتي ؟؟؟ من بيصدق انك ظاربها عشان جنان امك !!!!؟؟البنت بغت تروح من يدي وياعالم وش بيغدي عليها الحين !!! رفع يده .. بحمق معاتب .. - انتم بتقصرون عمري فوق ماهو همٍ على غم !!!! تقدم أبو نايف .. يجلس بوهن ... وضيق ... مب عارف شلون يطلع من هالمصيبه ... وش بيقولون .. ؟؟ .. وان سمع احد هالعلم وش بيصير .. !! هذا غير ..بنته ..الي ماعينت خير من جت على هالدنيا !!!! بعد ... ربع ساعه .... وصلت الشرطه بعد تقديم بلاغ من المستشفى ... لحالة نجلا ... كان نايف معهم واقف ... وأبو نايف راح يتطمن على اخبارها ... ونتايج تحاليلها ... تطمن ان مافيها كسور ولا نزيف لكن رضوض عميقه ... اقبل عليهم ... مختلج فيه الشعور وضايق شاف نايف يتكلم معهم ... تنهد بصمت ... الا بحس نغمة جواله ... تتعالى ... سحبه من جيبه ... كان يظن انها شيهانه ... بس شاف رقم .. شيخ بن جلمود ... قرب منهم ... وحس النغمه يتواتر بتتابع .. سمع طرف الكلام ... واعتراض نايف .. عالاتهام بالتعنيف ... شد مبسمه بتوتر ... ماقد دق عليه الوليد من جواله الخاص .. وخارج وقت الدوام ... رفع .. جهازه .. - ارحب يابوصخر .. ؟؟ وصله حسه .. الرخيم .. -السلام عليكم ورحمة الله وبركاته .. - وعليكم السلام والرحمه ...يالله ان تحييه أبو صخر .. !! - مسيت بالخير ياعم غازي .. !! - مسيت بالنور والسرور .. يالله ان تحييه ... آمرني ياولدي ..!! فجأه .. علا حس نايف ... محتد النقاش ...اقبل عليهم اكثر .. زاد توتر أبو نايف ... -انا ماني متحرك من هينا !!!مالكم أي حق تاخذوني معكم انا بجيكم !!! مانيب هربان !!! عاجله أبو نايف ... مهديه .. - اهدى يانايف .!! قطب الوليد هدب عينه .. -عسى خير .. يابو نايف ؟؟ وش فيه ؟؟ !! تاهت عينه مابين .. الشرطي الواقف .. يبي نايف يتوكل معهم ... والثاني الي وجه له ... الكلام .. -انت ابوها ؟؟؟ حتى انت لازم تتفضل معنا !!!ولدك معترض .. الين نسمع اقوالها !! واحنا راح نسمعها ماراح نعديها اكيد بس وضعها للأسف مايسمح بسبب العنف الي تعرضت له !! ابعد أبو نايف .. الجوال ثواني .. - ابشروا ابشروا !!! الحين نجي معكم !! عطنا ثواني بس !! اطرف لنايف بحمق .. هادي .. - نايف !!! انتهينا ... !!! تراجع ..رافع الجوال .. - ابوصخر المعذره منك ... - وش غادي عليكم يابونايف ؟؟؟ وش فيه ؟؟ - مابه شي ان شاء الله خير .. بالغالي ... بغيت شي مني ؟؟ امرني ! شد الوليد مبسمه ...باقتضاب ... كان سامع الحوار الي حصل وحاسس انه .. بمشكله .. -ياعم غازي؟؟ انا سمعت .. قسم شرطه !!؟؟ وبعض الكلام ؟؟ حاصل معك شي علمني لاتخبي شي !!!؟؟ غمض أبو نايف عينه بتشديد ... وضيق ... واحساس مكتوب ومقبوض ... وش يقول ؟؟؟ - تكلم أبو نايف ؟؟ نعين ونعاون !!! فيه مشكله او شي؟؟ عطني العلم !!! ان كان بيدي شي منيب مقصر !!!والناس لبعضها !!! علامه نايف !! تنهد فاتح عينه .. مقرر يعلمه .. بهادي الصوت .. -والله ياولدي .. انا بهم .. !! لكن الله يعد يه!! البنت عندي طايحه من الدرج وجبناها .. للمستشفى .. والدكتور الي كشف عليها رافض الا يستدعي الشرطه ويقدم بلاغ .. انه تعنيف !! وانا يابو صخر مب حمل شرطه ودخول اقسام عقب هالعمر !!.. ضيق الوليد نواظره ... باحتداد ... وتركيز مستمع ... له بهدووووؤء .. -ان شاء الله خير ... !! وينكم فيه أي مستشفى ؟؟ - احنا الان بمستشفى ... (؟؟؟) واحتمال نطلع الحين مع العسكر الي هينا !! .. - هم عندك الان ؟؟؟ وصلني لأحد العسكر المتواجدين .. الله يحفظك ! - ابشر .. الله يجزاك خير ياراعي الاوله ويرحم ابوك !! شد الوليد مبسمه ... بحزم .. وانفاس ضايجه ... وهوجاس ... ياخوفه يكون الي يفكر فيه الا صحيح ... -امين امين ... تبشر بسعدك ياعم غازي لسه ماسويت شي ... لكن ابيك تطمن ان شاء الله الوضع بيهدا !! تقدم أبو نايف .. لهم .. -السلام عليكم .. أي واحد فيكم المسؤول ..!! - انا ياعم .. تفضل !! .. لابد نحرك الان .. انتم كيذا تأخرونا !! مد جواله ... له .. -تفضل كلم ..الي معي عالخط .. !! رفع حاجبه باستهجان .. ناكر -ماينفع الوسايط بهالامور ان ثبتت التهمه انها عنف .. راح يتعاقب المتسبب !! خذا الجوال .. باستعلاء .. واضح ... وحدة انظار ... - نعم !!!!! قرب نايف .. وعينه تتهادى مابين الضابط وابوه . - مين يبه ؟؟؟ اطرف له .. راد بهدوء .. - أبو صخر !!!! .. شد نايف شفته بحمق .. - وليه الله يصلحك يبه تدق عليه !!! .. قادرين نحل امورنا لحالنا !!!!ناقصنا فضايح عندهم !!! مب هم الي بياخذونها !!!!؟؟؟ مب قلت وش بيقولون ؟؟؟ تكلمهم ليه الله يهديك يبه !!! -نايف !!!!! مب انت الي تعلمني !! انت اكثر واحد مفترض مايهرج ولا ينطق !!! متسبب على اختك !! وبعد تاحجني !!!! الله يعديها على خير !!!ان صار لنجلا شي .. مانيب مسامحك طول عمري !!! جمدت نظرات نايف ... باستنكار ... شدد قبضة يدينه .. بضيق ... مكتف يدينه ... وساكت .. ومتراجع ... اا أبو نايف .. التفت .. للضابط الي .. أعطاه الجوال .. برتم مختلف .. عن قبل شوي .. - تفضل .. يابو نايف .. !!بنروح الان احنا .. !!معكم اليوم ... كله ننتظركم تشرفونا .. بالمركز .. (؟؟؟؟) انت والاخ نايف !!! قطب نايف هدب عينه ... ملاحظ اختلاف لهجته حتى .. معهم ... هز راسه موافق ... وتابع انسحابهم الهادي سمع همساتهم .. بين بعضهم .. - وش صار ليه نرجع بدونهم ؟؟؟تقرير الدكتور واضح ؟؟!! حرك خويه حواجبه .. راد .. -نسيبهم واصل وواسطتهم قويه وواصله !!لو تعرف شبك الخط مع مين امش اطلع واعلمك !!! ابتعدوا عن مدا سمعه .... جامد كل مافيه ... من الي سمع .. ... التفت لأابوه الي كان يكلم أبو صخر .. مديره .. واخو الي يقولون انه خاطب اخته !!يعني أخيرا نطقوا ؟؟؟ !!! وذكروا هالنسب الي اشغلهم ابوه فيه !! -أبو نايف .. تم حل الموضوع .. لاتشيل هم ... انا بحظر معكم .. !! واذا مافيه عندكم اشكاليه ... الأفضل الان نتوجه للقسم !! -على خير الي تشوفه ..جزاك الله خير .. بس ليه تتعب نفسك !! .. ؟؟ احنا بنروح !!.ماقصرت .. !! قاطعه الوليد .. بهادي الصوت .. المرتخي .. -ياعم غازي .. روحتكم للقسم كلها مجرد روتين وشكليات ... فقط .. ماراح يتخذون معكم أي اجراء ّ .. فقط مشهد حظوري لااكثر وجودي معكم ضمانه فقط لاغير !! .. انا بحرك الان .. ونتواجهه بالقسم ... !! - ابشر .. الله يجزاك خير ... - بشرت بالجنه ... يله فمان الله ... مسافة الطريق!!!يمكن أكون سابقكم .. اذا وصلتوا تواصلوا معي !!! - فمان الله ... جزاك الله خير !! قفل منه ... ونايف يتقدم له .. -وش صاير ؟؟ -بنروح الحين للقسم .. أبو صخر قدامنا .. هيناك الحين بيتوجه لهم !! الله يعدي هاليوم على خير !! التفت.. بنواظره ... يبي يتوجه لمكتب الدكتور بيشوف وش استجد ... ثم بيحركون .. .................................................. ................................. بعد ..ساعه ... الوليد متواجد بالمركز الرنيسي .. للاستجواب .. وتحديدا .. بمكتب .. المقدم المسووؤل المناوب .. -انا اطلعت الان عالتقرير الاولي .. !! والطبيب يأكد ان .. الي تعرضت له المذكوره .. تعنيف .. من الدرجه الأولى .. وحالتها الان متدهوره .. مابين كدمات .. وجروح !!صعب انا نتغاضى .. عن قضيه بهالشكل !! الا اذا هي فاقت .. وقدمت تنازل او ماشتكت !! فلازم تنسأل !! - مافي اشكاليه انها تستجوب ..انا معك واعرف النظام .. لكن احنا مانبي نكبر الموضوع !! تعرف هالامور .. تضل خاصه ..بين الاهل .. !!وفي محيط الاسره ..وبيني وبينك .. راح يكون بينا وبينهم نسب .. !! وانا ارفض التعرض لهم وتوجيه أي تهمه .. !! غير كيذا يمكن هي ماتتجاوب معكم !! وترفض ويكون فعلا زي ماذكر انها تعرضت لسقوط من الدرج !! وش بيكون موقفكم ؟؟!! استجلس .. بارتكاز ... متابع .. - ياسعادة المقدم انا ابي نحصر الموضوع .. بود .. بدون فتح محظر .. وكلام زايد .. مجرد قرصة اذن منكم بالكلام يوجهه للمتسبب يكفي !! وانا اضمن لكم ان كان فعلا ثبت انه متوورط !!! ان هالشي مايتكرر !! خذوا كلمتي ضمانه !!! لحظات ... وتواصل أبو نايف مع الوليد ... تقابل معهم .. وتمت الاجرائات بشكل هادي .وودي ... مثل ماطلب الوليد .. بعد ساعه طلع متوجهه معهم للمستشفى ... مقابل .. الدكتور الي اشرف عليها ... مقرر ينقلها لمستشفى خاص .. كل حدسه .. صحيح ... يعرف .. نظرات .. الخزي والضيق .. ويفهمها ... البنت مضروبه ..واضح ... ياعالم وش عرفوا !!؟؟ .. اكيد لقوا ممسك عليها ... !! .. والأكيد الغلطان .. ماغيره سلطاااان !!!!!! ثاير .. داخله ... ومستلج ... اخذ على نفسه عهد انه يكون اخر خزي يغطيه له !!! .. راح يتدخل فقط عشان ابوه وحق الصحبه ....الي جمعته بابو نايف !! وتحقيق لمطلبه الي ماتم .. !! دام تلاعب بالبنت .. بيجبره يصلح غلطه .. لاتكبر الفضيحه اكثر ... ويزيد الغلط اكثر واكثر ... كان مستمع بصمت مخفي حجم الضيق الي يحسه -والله البنت حالها مايسر .. !!الرضوض والضربات ماليه جسمها ... !! هذا غير الألم النفسي !!اي احد عاقل مو طبيب راح يدرك انها متعرضه لضرب !!! الين الان نعطيها مسكنات .. ومهدئات !!!ماصحت معنا بوعي كامل !!! شد الوليد .. مبسمه .. مخفي .. ضيق اشمئزازه .. وقهره من سلطان .. حاسس بعمق .. الفعل .. المخزي فيه .. ويتباها به .. !!ويحاول يبعد نظرته المستهجنه لذكرها ... ياكيف له سلمت واستسلمت وصدقت ..وين خوفها وين تربيتها وين وووين وووين ؟؟؟!!!! - انا الحين جاي ابي اطلب نقلها .. لمستشفى (؟؟؟) على مسوؤليتي الكامله !!! تقدم الدكتور متساند .. - بصفتك ايش ؟؟ ؟؟ التفت لابو نايف ... سائل .. -انت والدها راضي ؟؟ اطرف الوليد .. لابو نايف ..هاز راسه .. ومتكلم - بصفتي .. نسيبهم وقريب لهم ... !!! جمدت نظرات .. أبو نايف بصدمه .. ..مأكد ... بهادي الصوت .. - انا موافق .. عالنقل ! ! - اجل الان نتمم اجرائاتها ... ونتواصل مع المستشفى !!. قاطعه الوليد .. - هيناك مستعدين لأستقبالها ... والان !!!... لكن الشغل عندكم انتم ... حاولوا تستعجلون بالاجرائات !!! هز الدكتور راسه ..متكلم بتركيز .. - تبشر ..حاضر .. مع ان .. احنا هينا قادرين نعالجها ... -عارف انكم مب مقصرين ... بس انا ابغى الوالد يتطمن اكثر !! وابي اضمن لها خصوصيه وراحه عن الزحمه .. هينا ك!! - ان شاء الله ... !! رجع نايف .. للبيت ..بعد طلب ابوه ... اما هو تم مع الوليد ...يتمم اجرائات النقل .. كامله .. .................................................. ............................ بعد ..ساعه .. فيلا غازي آل مجفل ... تعالى رنين .. تليفون البيت الثابت ... - الوووووووو!!! - هلا نصوري اخبارك؟؟؟ !! -ال..واااا -ايه نصوري حبيبي ..انا سعد .. كيف حالك ؟؟؟ -تيب ...تيب !!! انت وين ؟؟ ديب حلاوه ؟؟؟ -ايه بجيبك لك الي تبي !!! حلاو وبسكوت ... ناد نجلا !!! منتظر يسمع رده ..او حسه ... لكن خاب ظنه وسمع حسها الكريهه .. -الووو!!!! غمض عينه .. بكره .. وفتحها راد .. -السلام عليكم .. !! انا سعد ابي اكلم اختي !! ناديها !! - خير ياطير!!!؟؟ مب قلنا لك لعاد تدق !!!!؟؟ شد مبسمه بضيق ماسك نفسه مايبي يتهور بالكلام يبي يجاريها لجل يسمع حس نجلا المشتاق له .. - ام نايف عطيني نجلا !! أي اتطمن عليها !!! - تطمن على ايش !!!؟؟ اختك مافيها الا العافيه !!! ومشغوله الحين لاتشغلها !!!ماتدق الا وقت الشغل انت !!!! تحسب العالم فاضيه مثلك !!!! لعاد تكلم .. ان صار فيها شي شين بتسمع به !! - الله لايكتبه ويحفظها !!!! وش هالفال يام نايف !!! هي وينها بكلمها شوي بس !! زفرت بحمق .. - قلت لك مشغوله ..!!وراك ماتستوعب الهرج !!! - لا اله الا الله !! طيب عطيني شيهانه !!! - حتى شيهانه مشغوله !!! وانا بعد مب فاضيتن لك ... ! لعد تشغلنا !!!! قالتها قافله ..السماعه ... بحمق ... مب ناقصها بعد يعرف .. وش مسوي نايف ثم يجي .. ينشب لهم ويسبب مشاكل بينه وبين ابوه !! .................................................. ......... سجون الرياض ... بعد ربع ساعه ... -علامك ياسعد من قفلت من المكالمه وانت متكدر ؟؟؟ كلمت اختك عسى امورها طيبه؟؟؟ !! رفع راسه ... من الأوراق الي يراجعها ... بضيق .. - لا والله ماكلمتها ....طلعت انت وقفلت انا من هينا !!!من اخر ماشفتها كملت اربع شهور !!! خايف عليها وشايل همها مب بالعاده ... انقطاعها غريب !!!اول ان دقيت ترد الحين مره ابد ماترفع السماعه !!!! - الحين انت مب رتبت وضعك وخذت شقه .. ؟؟ خلاص رح بنفسك جبها عندك خلها تعيش معك عشان ترتاح !! -ياليت هالموضوع بالساهل..المشكله اني ما سممعت صوتها من ذاك اليوم..وانا عارف ومتأكد ان مرت الوالد ونايف مبهذلينها..وياليته على كيذا حتى الوالد..احياناً يتغافل عنهم ..والي قاهرني..ان اختي تغيرت..موب الي اعرفها..صارت مكسوره..مغبونه..مهما حاولت تكابر ...الي اعرفها غير...نجلا..الي كبرت معها يوم بيوم..فرفوشه..الضحكه ماتفارقها..ولا العناد..ياما سبب بينا خلافات.كنت احذرها منه ...ويضايقني !!..والحين اتمناه.. اتمنى اشوفها تضحك بدون مشاكل لسانها معد تسمعه ..!! -تعلمني ..اعرفها..كان لسانهها يوصل للشارع لما تهاوش مع شيخه!!! -شفت..هذا كله اختفى ..من بعد المشاكل الي صارت وسببها مرت ابوي !!! ..والله يا احمد..انا عشانها تحملت..الضيم..لين ماصار الي صار..واحتديت..اطلع...!!! -الله لا يجزاها خير ..مرت ابوك حتى شيخه مانعتها من زيارتها..!!! تنهد سعد بضيق .. متابع .. - وليته على هذا بس !!! تصدق الرجال الي ناوي يزوجه ابوي اختي ماعجبني !!! ناظره احمد بتركيز ... شاد مبسمه ... - والله كنت ابي افاتحك بهالموضوع بالذات .. !! قطب سعد هدب عينه بتوجس ... -ليه وش انت سامع ؟؟!! -زي الي سمعته انت اكيد !! أصلا معروف هو ..باوساط الشباب !!!والي اعرفه انا بعد ماعجبني !!!ابوك الين الحين مصمم يزوجها إياه !!! احتدت نواظره ..بضيق ... ناطق بحمق .. - على جثتي !!! نجلا الي بياخذها لازم يعرف قدرها اختي مب قليله .. غاليه وقدرها محشوم !!!والله يااحمد الود ودي ماخذها من زمان ... !!! ليه اعطيها واحدن مايعرف قدرها ولاهو كفو لها !!!! - طيب وابوك ؟؟؟ وش بتسوي معه ؟؟؟ غير اخوك نايف !!!لا وحط ببالك الدوره الي جايتك !! ابعد سعد عينه بتفكير ... -وهذا الموضوع الي شاغلني الحين...بصراحه.....انا ودي آخذها معي للدوره الي بروح لها..تعرف بطول فيها..وماراح يهدالي بال الا لما تكون معي.....لكن المشكله في ابوي ونايف قل ابوي ممكن يسمح بس نايف مستقوي عليها كله من امه !!وانا لازم اخذها ..لاني اذا خذتها بقدر اطلعها من الهم .الي..هي فيه..والهي ابوي عن سالفة ...سلطان ..شوي..والحين ابي طريقه عشان اقدر اكلمها واسمع صوتها!!!بس بسمع حسها !!! - طيب كيف بتقدر ترجع للبيت ؟؟ تكلمت مع ابوك ؟؟ هز راسه بشرح .. - ابوي امره هين .. يبيني اعتذر من نايف وامه !! وانا مستعد !!عشان نجلا بس بسوي الي له كاره !!! - وسع صدرك الا ماتلاقي طريقه وحل !!وتوصل لها !! ... - الله كريم !!! .................................................. ................................. في احد احياء .. قصور الرياض ... .. لعائله من العوائل باذخة الثراء... تكلمت الجوهره بحس ..ضايج ونافر ... -يعني شلووون ماني رايحه ؟؟؟ !!! وش هالطفش ذا !!! اعوذ بالله !!! عاجلتها دلال بنت عمها.. بالرد ... -باشيخه خل نروح نتسوق ونتعشى برا ..بلاها جمعة خوالك!!! اطرفت لها الجوهره بحمق ... -وش سوقه الله يصلحك ... تدرين اني مااحب افوت جمعاتهم !!! رفعت دلال حواجبها .. ببسمه ماكره .. -والله ؟؟؟ كل ذا حب فيهم ؟؟؟!! او عشان طويل العمر !!!شيخ بن جلمود الي صاجتنا فيه !!! ابتسمت الجوهره .بتنهاد .. بنشوة شوق وفرح لطاريه ... شاركتهم عبير ... بحس .. مستعجب .. - اسكتواا لحد يسمعكم .. !!! مصيبه انتن !!! اطرفت لها الجوهره بحمق .. - ليه عسى خير وش سوينا !!؟؟ انا احبه صدق ليه اخبي !! لاتنسون احتمال واكيد بعد انخطب منه قريب !!!! ضحكت دلال .. بخفه هاديه ..ونظره ماكره .. -هذي سالفتك من جاكم !! ولين الحين سي السيد مسبط !!!!لاخطب ولا شي !!! - وهو فاضي ؟؟ من جا وهو ماسك كل كبيره وصغيره ترا كون انه مسك الشيخه عقب خالي صخر مب شي سهل !!!! استهجنت عبير .. -عاد 8 سنين مارتب نفسه ووضعه ؟؟؟ يمكن له شف بوحدتن هينا ولا هينا !! ناظرتها الجوهره .. بضيق .. - مب راعي هالسوالف .. الوليد ولد خالي رجال صيته يزهى بكل مكان !! ياكثر الي عرضوا بناتهم عليه ومطنش !! مب يم اللكاعه !!بس اكيد قريب بيتقدم لي .. هذا احساسي ... !!وامي نوره بعد .. مأكده لي هالشي !! عاجلتها دلال مقربه ... وهامسه .. - جويهر نسيتي حمدان !!!؟؟ ممدا !!! شهقت .. باستنكار ... رافعه يدها تبعد خصلها المتهاديه .. -وش جاب الثرا للثريا !!!!!! تحركت .. متراجعه مكانها ... وراده .. -الجوهره اسمعي حس خالاتي اكيد جو اجلسي بالله بنسهر للصبح رقص وسوالف وسعة صدر !! -الحبن جمعتهم الي راحت ماحظرتها ... وانشغلت عن امي بعد بطلعاتكم .. وخرجاتكم !!! امي حتى لي أسبوعين ماشفتها !!!! ضحكت عبير .. -يابنت الحلال كثري منها مشتاقه لأمك !!!.. احنا عارفين وانتي عارفه !!! تنهدت .. بضيق تشرح لهم ... -طيب دام انتم عارفات ليه واقفات مثل العلقم بحلقي !!!! ياربيه ... منكم ... لاتكثرون علي الكلام اطفش والله !!! عاجلتها عبيربالرد .. - الجوهره ..صدق عاد بقولها لك ... شوفي حياتك ..والله هو مب يمك ولا يم زواج أصلا !!! شوفي كم عمره الحين كبير صح !!؟؟ يمكن مب ناوي يتزوج ابد لاانتي ولاغيرك !!! رفعت حاجبها ... بكبر ... وثقه .. -اذكركم ان ماصرت .. حرم الشيخ الوليد آل جلمود ..!! جت .. دلال ترد الا بنغمة ..جوال الجوهره ... يعتلي .. التفتت تسحب جوالها .. بعين ملهوفه ... ردت بعجل ... -هاه رنا ..وش صار ؟؟ - سلمي اول ... ثم اسألي ..!!! -اوف منك السلام عليكم ... !! - وعليكم السلام ... وينك فيه ؟؟ وصلتي !!؟ -امي هيا .. تبي احظر جمعة عماني اليوم عيت اجيكم تقول جدك عيا !!!عاد هي تعرفينها ان عندت !! -عاد الوليد بيجي اليوم .. توني متأكده من امي !!! تصاعدت نبضاتها ... بحماس .. - قولي والله ؟!!.. من جدك ؟؟ - أي والله بيجي ...تذكرتك وسوالفك وتخطيطك !!! شلون بتسوين الحين ؟؟؟ او هونتي !! -وين اهون ؟؟؟ لي أسبوع افكر واهوجس !! ياربييه .. ياشين هالحاله !! يوميا اطلع واخذ راحتي اليوم مستقعدين لي !!! - حطي ببالك ... يمكن مايحظر الجمعات الجايه تخبرينه ... يالله يلاقي وقت !! من حظك هالمره انه مب مسافر !!! تنهدت ... بتفكير ... عاجلتها رنا .. -ليه ماتخلين عمتي تكلمها !!؟؟ - بشوف ..دقيت على امي ماترد لاهيه اكيد مع رجلها .. !! - ان شفتها قلت لها ... !!واخباربنات عمانك ؟؟ اطرفت لهم بعينها ... -هذاهم قدامي يحايلوني اجلس !!! تصاعد .. حس دلال ... هازل ومازح .. - لا بالله روحي يختي .... رنا اذا ماجتكم .. بتنكد علينا اللليله !!! - سمعتيهم ؟؟؟ ضحكت رنا بخفه .. - ايه .. ايه الله ييسر جيتك ...من زمان عنك أصلا !!!اشتقنا لك !! شدت شفتها .. ببسمه جانبيه .. - ماشتاق لي الا انتي ... كل شي اعرفه رنا !!! محدن يدانيني عشان امي نوره تفضلني عالكل !!! - الله يعين ... لاتفكرين كيذا ... كلنا نحبك !!! - طيب طيب .. ماعلينا ... خل ادق على امي .. اشوف ..احس اني بفر ان ماجيتكم اليوم !!! حتى امي نوره اكيد بتستفقدني متأكده انا !!! -أي اكيد ... يله كلمي عمتي حصه ... وردي لي !!وانا بعد بعلم امي تقول لامي نوره !! .................................................. ................................. قصر .. صخر آل جلمود .. اقبلت ام سلطان على جناح .. رنا .. فاتحه الباب .. -ماخلصتي بنتي ؟؟؟ تأخرنا .. !!حتى اختك خالصه .. !! طلت سمر تابعتها ..وهي تدخل ... - يوه رنا .. اخلصي نبي نروح بدري !! التفتت رنا لهم ... تنفض شعرها .. بعجل .. -خلصت خلصت ... الحين بنزل .. كنت اكلم الجوهره !! تخيلوا جدتها عيت تخليها تجي !!! ضاقت نواظر ام سلطان .. -وراه ؟؟الأسبوع الي راح ماجت بعد ..وش عندها جدتها ؟؟ انحنت رنا تأخذ شنطتها ... وتضيف اغراضها .. فيها .. -ابد عمانها وعماتها مجتمعين !! تأففت سمر ..بضيق .. - يالله يمه .. رنا بالله فكينا من الجوهره وسوالفها خلاص مب لزوم تجي !!! انا بنزل !! التفتت لها رنا .. بحمق .. - احد أصلا وجه لك كلام ؟؟؟ انا أتكلم مع امي !!! اطرفت بعينها لأمها من جديد ...متكلمه بحس راجي .. -يمه ودي اقولك شي ؟؟ -وش يابنتي قولي !! - عادي تكلمين امي نوره تكلم جدتها .. يمكن تقتنع !!! ضعيفه من زمان عن جمعتنا !!!وهم أصلا اذا ماشافوا احد سأل ومهتم يقلقونها .. عشان ماتجي !! هزت سمر راسها ياستنكار .. - يقلقون مين ؟؟ الجوهره ؟؟؟ لا معليش يعني .. مدري شلون تشوفينها انتي !!!! الجوهره .. سوسه ومقويه الي تبيه تسويه ..!! تتمسكن عندك بس !!! - سمر!!!!! مب قلتي بتنزلين !!!؟؟؟ روحي فارقي !!!! وقفت سمر ... رافضه تنزل .. - هونت بنزل مع امي مره وحده ... !!.. التفتت ..لأمها ... -سبحانه يمه ... الجوهره ماكانت تداني جمعاتنا ... وقشرا ... اذكرها وانا صغيره !!! ماصارت تجي الا يوم جانا الوليد وسكن عندنا عقب وفاة ابوي الله يرحمه !!!! ناظرت اختها بطرف عين ... خاطبتها أمها .. بحس حازم .. - سمر !! عن الكلام الي ماله داعي ... انزلي تولمي بنزل وراك !! تنهدت .. ماده شفتها ... -طيب بنزل قلت الي ابي أقوله ... أساسا !!!! ناظرتها رنا بحمق ... هازه راسها بقل حيله ..رجعت توجه الكلام .. لأمها .. - يمه وموضوع الجوهره ؟؟ هزت راسها .. -بكلم جدتك بالسياره ... !!! يله انزلي عقبي على طول تأخرنا !!! .................................................. ................................. بعد ..نصف ساعه ... قصر الجد ... اقبلت ساره ... لصالة الضيافه ... المجهزه لاستقبال الضيوف ... زوجات اخوانها .. واختها .. وبناتهم ... انتبهت ان أمها ...كانت تكلم .. - سلام يالغاليه ... من كلمك ؟؟ رفعت أمها راسها ... -مرت اخوك ام سلطان !! .. تعلمني عن جدة الجوهره .. معييتن عليها تجي جمعتنا عشان جمعتهم هم !!! والاسبوع الي فات ماشفناها بعد !! ماش فيهم طبايع ماتعجبني !!! مدري علامهم عليها !!! جلست ساره ... مركزه بملامح أمها ... - غريبه والله ...وش عندهم .. !!؟ هزت راسها .. بتأكيد .. - اني بكلمهم بشوف وراها ماتبيها تجي عندنا !! عقدوا هالبنت !!! انا بس لو ولد اخوك يطيعني ... والله لاخطبها له وازوجه إياها .. في أسبوع !!! شدت ساره شفتها ..ببسمه جانبيه ... عارفه ومستدركه تخطيط أمها واختها .. من قابلوا الوليد .. واثبت نفسه وتواجده كشيخ .. لقبيلتهم ..ذايع صيتها .. ومزتهي به ... بس هو رافض فكرة الزواج من أساس ... ومايعطيهم مجال .. يفتحون عليه باب السؤال حتى ...!!.. -يمه الله يبرد على قليبك ... ترا الوليد .. مب يم زواج ... ابد وشكله مب ناوي من أساس .. عجزتي انتي وحصه تلمحون له .. ويجاريكم .. لاتضغطون عليه .. ثم ينفجر فيكم وتزعلون !! خبرك فيه .. نفسه ثقيله واصلا يمه الجوهره ماتناسبه ابد ابد !!! استهجنت .. أمها باستنكار .. ضايق .. - وليه ان شاء الله !!! وش زينها الجوهره شيخة البنات ان بغيتي زين فيها وان بغيتي رزه وعقل فيها كل شي يتمانه الرجال فيها ماشاء الله تبارك الله !!! هزت ساره راسها .. بتأكيد .. - هو يمه بعد ماعليه قاصر ... بس شخصياتهم غير متناسبه ... !!انا ادرى واعرف !! تناهى حس حنان داخله ... -السلام عليكم ... - وعليكم السلام .... تهادت نظراتها بينهم ... - وش فيكم ؟؟؟ من مزعل امي حبيبتي !! ابتسمت ساره .. -مازعلتها بس علمتها راااي بموضوع الجوهره والوليد !! قطبت حنان هدب عينها سائله بعجل .. - وش فيهم ؟؟ وش جاب الجوهره للوليد !!؟؟ لايكون نفس الموضوع !!! هزت ساره راسها موافقه .. - ايه نفسه ... ..!! جلست حنان حاطه رجل على رجل ... -والله لاتحاولون هذاني اقولها لكم ... الوليد مب حق زواج ... أصلا ماينفع .. احسه كاره فكرة الزواج!! يمه ماتنتبهين اذا ..كلمتوه شلون ..يتغير المود حقه !!؟؟ واحيان يسكتكم !! ماتعبتوا من الزن فوق راسه !! - أقول بس قومي خليهم يشبون جمر ...!! ..هذا الي اخذه منكن ... اطرفت لساره .. - وانتي تعالي دقي لي على ..ام ناصر ..جدتها ..خل اشوف وش عندها .. عقدوا بنيتنا ... جابوا لها المر والمراير ... وان الله قاله .. انه بيتزوجها وبيشيخها عالكل الي عاجبه والي مب عاجبه !! زفرت حنان ... هازه راسها وهي تقوم بتطلع .. - ياكافي ... مب احنا وبس هوراس المال مايبي !!! كم عمره الحين ؟؟ تراه كبير مب صغير تخططون له !!! زوجيها سلطان .. يناسبها مطيور زيها !!! كشرت حنان .. بهزل .. - ونفس الموال بينفتح خلني اروح .. مب ناقصه علومها .. وبثارتها !!! قالتها طالعه وتاركتهم ... - هي ماتبي سلطان !! البنت راغبتن بالوليد اخبرها انا!!!! تكلمت ساره وهي .. تدور الرقم .. - ماتنلام ...الله يحفظه .. ويسخر له ... !!ترا يمه حتى انا أتمنى ينزوج و..يكون اسره .. ودي تحسبين مانبي ؟؟؟ بس الجوهره انا اخبرها والله ماتنفع له ..!! ضغطت .. الرقم .. وعطت أمها الجوال ... - انتم وراكم ماتحبون الجوهره .. مير انتي اهون ..!! بس اختك مره ماتداني طاريها !! يتبع .. التعديل الأخير تم بواسطة **منى لطيفي (نصر الدين )** ; 13-10-20 الساعة 01:33 AM | ||||
|
| |
|
| أدوات الموضوع | |
| انواع عرض الموضوع | |
|
|
73029Likes
العرض العادي
