وخُلقتِ مِن ضِلعي الأعوجُا=خذني بقايا جروح ارجوك داويني * مميزة *

[قال الزهر آآآه]

يوم رجع كان عارف برائتي .. لانه سافر لسلطان .. !!..الباقي نعرفه .. انت ..حاول يمنعني .. ويعتذر بس نفسي طابت ..تذكر وقت تطلقت وجيت عندك ؟؟
ونصحتني اجلس !!.. انا بقرارة نفسي ابي اجلس .. بس احس بجرح .. واجعني ...استخرت وجلست ..
يومها .. الوليد .. تنازل عن املاكه لي ...!! وقال .. انتي اغلا منهم كلهم ... وعدني يجيب حقي ... من الي اذاني وشوه سمعتي .. قطع علاقته بسلطان .. وبقى واحد .. !!.وعلمني عن سالفة الدين وانه ماكان يبيني ابعد ... رجعنا لبعض .. وجلسنا جلسة مصارحه .. قلت كل الي بخاطري له .. واستسمح مني .. سليت انا معكم ومع حمواتي ..وتعب خالتي ...
الين جا اليوم الي عرفت ان الوليد جاب حقي ... خذاه بيده ..هو .. الصراخ الي سجلته انت .. هذا صوت الي تعرض لي .. !!!! لاسمي وشرفي ..!!! وسلمه للسلطات عشان يلاقي جزاه !!
- تابعت . بحس مشحون مدافع ومنتقم ... وهي تحرك اصبعها بتأكيد ...
-شفت هذا الفديو الي انت جايبه توريني إياه .انا اعتبره ..... حق من حقوقي الي وعدني فيها الوليد . هذا حقي ياسعد حق كل دمعه .. وحق كل ليله امرحت فيها وانا اصيح ..مقهوره ومغبونه !!! حق كل بلوى بلاني فيها !!! ليت الذبح حلال عشان يذبحه !!!
حتى البنت الي معه هي الي قد علمتك عنها !!!! وداها لأمها ... وغسل شراعها !!!!
رفعت يدينها ..منهييه كلامها مخفيه ملامحها ... تضغط على مدامعها .. باحساس .منتشي .. فخر وزهو ...ابعدت يدها ملتفته لسعد ..
شافته مستكين حاني راسه .. عالدركسون ..مخفي ملامحه عنها .. رجفت شفايفها .. .. متكلمه ..بحس صادق ..
- انا احبه ياسعد ..!!انت وهو اغلى اثنين بحياتي !!!
همست .. بضعف ..
- سعد ؟؟؟
تحرك .. مبعد نفسه .. فتح الباب .. بعجل وسكره ..
نادت ..بخفوت مضني .. ومجهد لها ..كان لازم تشرح له كل شي صار ..
-سعد !!!
ناظرته يبتعد .. يلف .. عن مناظرها .. ..التفتت لافه راسها .. لقته متساند على شنطة السياره .. كسر روحها ..شوفة .. ظهره المنحني ..
نشقت .. بضيق ... ماودها تخليه يعرف وهو بعيد وش عاشت ..!!
..لكن اجبرها ...لازم يعرف ..الوليد بقلبها ايش ؟؟..وعشانها وش سوى ..اسندت ظهرها .. عالكرسي .. تاركته .. ومعطيته مساحه .. من الصمت ..
متأمله ... اسم ابوها وامها ...
المحفور ومذهب ...
لمعت عينها ... تاركه دمعه وحيده ... تهرب .. من لسع ..حرارة نظرتها
......
سعد ..
وقف .. بعين تاييهه ...يناظر بالخلا ... .. نظرات ..جمد ..فيها كل إحساس..
سكن بقلبه .. الم .. قاهر ...هالك ...اعتراه شي من الذهول ..الموجع ..
تحدرت ..من مدامعه... دمعه ..تتبعها الثانيه ..مارفع يده يمحيها ..عاجز ومقهور .. مرت ثواني .. ثم ..غمض عينه ...و رفع كفوفه يمسح ملامحه ....ويرجع يركب ... بصمت ...
استجلست ... تلبس نقابها .. .. وتنتبه له .. نادت بحس حاني .. مرتجي ..
- سعد ؟؟
رد بحس هادي .. مكتوم ...مغتلق ..
- انا بخير نجلا !! اذا انتي بخير فانا بخير ياخوك !!!
شغل السياره .. محركها ... وساكت .. جت تنطق .. ثم سكتت ..هي بعد ..محترمه صمته .. المقصود ...
.................................................. .................................
قصر ..صخر ال جلمود ...
جناح رنا ... من رجعت وهي بغرفتها ... بكت .. الين ..جفت دموعها ... وانتهت حاقده .. مشتعل فيها الغيض ... معد سمعت شي ... شكله مازال مقدم !!! تذكرت كلام امه واسلوبها !!!حتى مابررت لها ام زناد شي ... !! ماقالت انتي غلطانه !!! لا ..حجمتها .. وصغرتها .. امام نفسها .. وامامها ... حركت راسها تحت المخده ... مغمضه عينها ... تبي تطرد .. التفكير فيهم ... مجهده .. وفيها نوم ... ومانزلت ... قبل قلقانه من الروحه .. الحين راحت وشافتها وصدمت عيشتها .. ليه ماتنام !!!
تعالت نغمة جوالها ... انتفضت رافعه المخده .. منتشر شعرها حوالين مبسمها بفوضويه ...
مين بيدق .. هالوقت .. مدت يدها ... تشوف ..
رقم ..سلطان ... استجلست بعجل ..
- الووو
- السلام عليكم ... اخبارك رنا ؟؟
- هلا سلطان ... اخبارك انت ؟؟!!
- انا بخير .. الحمد الله ... انت يشلونك ؟؟ وسمر وامي ...؟
- كلنا بخير امي .. الحمد الله تتحسن ... ماشاء الله ... دايم تسال عنك تبي تكلمك فديو !!؟؟ليه معيي؟؟!!
- مب لزوم .. بتضضايق .. وبس !! خلها بالصوت احسن !!
- بالعكس سلطان بتفرح ..!! شفت وضعها يوم تعبت كيف فرحانه فيك !! امي كبرت ياسلطان معد هي حمل فراقك !!
- انا بخير هينا .. ومرتاح اكثر .. وهي .. متعوده من متى وانا اجلس بالبيت !! اهم شي انها بخير !!
تنهدت رنا ...متسانده .. على المخاد ...
- الله يعين ... وكيف .. فرنسا ؟؟ انت فرنسا او بريطانيا !!
- مابين وبين .. حلوه ....
- انت صحيح رايح عشان دراسه ؟؟؟؟ او هذي تسليكه عند امي ؟؟؟
- رنا !!! لاتناقشين في شي .. منتهين منه !!!اناكلمتك .. عشان موضوع زواجك !!!
احتبست أنفاسها .. وهو يتابع ..
- انتي موافقه ؟؟؟ تبين زناد بن عبدالرحمن !!؟؟
رطبت شفتها ... بس ذكر اسمه .. اظهر رسم ملامحه امامها ..
- انت اش رايك ياسلطان ؟؟
- انتي اهم شي ؟؟ الرجال ماعليه ... سالت عنه ... واعرفه من قبل ... !!
- موافقه ..
سكت بدون يعلق ..
- متأكده ؟؟؟ تبينه ؟؟؟؟ منتي مجبوره ؟؟ او احد جابرك ؟؟؟ علميني ؟؟
رمشت بعينها ..بفرح .. خافي ...ماتدري ليه .. كانت بتطنق وتقول ..سلطان غير الوليد .. لو تعلمه ؟؟ لو تقول ..
قبل تحكي ..نطق .. صادمها .. لسبب سؤاله ..
- لايكون هالدخيل جابرك رنا!!!!!!؟؟؟ قولي ؟؟؟ غاصبك هو ؟؟
تغيرت نظرتها ... بضيق ... أساس اهتمامه بس عشان يتصيد للوليد ...!!..هذا كل همه ... يدور له الزله ..
تنفست ساحبه انفاس ..
- لا محد جابرني !!! انا وافقت .. لاني ابيه ياسلطان !!!
غمضت عينها ... بقهر ..
- لمتى ؟؟ لمتى ياسلطان تتعادى مع الوليد ؟؟؟ ماتعبت !!!! ماتأثرت .. من تعب امي ؟؟؟ ابوي راح .. تبي امي تلحقه ؟؟؟
-عمركم ماراح تفهمون .... لكن قريب ان شاء الله ...كل شي بيوضح !!! ..وانا مانيب راجع الا اذا ذلف هو !!!!! وطلعته من حياتنا ... !! وقتها ويل الي ينطق اسمه قدامي !!!!!؟؟
- سلطان وش نيتك ؟؟؟ معد نبي مشاكل ؟؟؟
ضحك..بعالي الصوت ..
- سلطان والمشاكل ؟؟؟ دايم هذا تفكيركم فيني ؟؟!!!!!
بس معليه ... ماني مسوي مشاكل يارنا !!! هو الي بينكشف على حقيقته !!!انا مالي يد بشي !!!
- وش قصدك ؟؟
- بعدين يتفهمين .. تدرين ان زناد كان خاطب مرت اخوك ؟؟؟ !!
احتدت نظراتها ..شاده على فكها ..
- ايه ادري ...!! ..
كيف ماتدري وهو سبب زواجه منها !!!! هو سبب حقارته .. معها ..
قبل كانت .. متهيبه وجوده ... الحين حتى امه ... !!! ..
.................................................. .................................
سيارة سعد ...
اثنينهم .. مكتفين بالصمت .... دق جوالها ... طلعته من شطنتها .. الرقم مب مسجل عندها .. بس تعرفه ...
- هلا خاله ..
- الو السلام عليكم ...
- وعليكم السلام ... اخباركم ؟؟
- بخير الحمد الله ...
سالتها نجلا .. بحس .. هادي ..
- اخبار شيهانه ونصوري ونايف ؟؟
- كلهم بخير الحمد الله ... انتي اخبارك وش مسويه ؟؟
- ماعلي الحمد الله ... كل ماجيت ماشوفك ...ولاتروحين معنا ..ليه ؟؟
- انا معد احب الطلعات كثير ... ..!! تعودت عالبيت .. !! وانتي ماقصرتي .. الله يعطيك العافيه ..!!رحت وعادل خذت الي ابي ..!
-الله يعافيك .. يارب ..
- نجلا بنتي .. فيه غرض لك ... جايبينه لبيتنا ... وخذاه ولد ام حسن .. جاي باسمك احدن مرسله!!
قطبت نجلا باهتمام ..
- من مين ؟؟ مافيه اسم ؟؟
تكلمت ام نايف .. بحس .. متلخبط ...
- الظاهر .. الي جابه قال .. من وحدتن اسمها ميثا !!!؟؟ او مضاوي !! أتوقع ميثا وطلب يوصل لك انتي !!!
حبست نجلا أنفاسها ... انشداه ...
سألتها ام نايف ..
- تخبرين .. انتي وحده بهالاسم ؟؟
- ايه اعرف .. وين الغرض ؟؟ .. عندكم ؟؟
- ايه جابوه لي ... شلون اعطيك إياه ؟؟؟ارسله مع نايف ؟؟يعطيه رجبك ؟؟

- لا ...انا بمر اخذه .. ..بشوف سعد كان يجيبني الحين !!! ..
هدت نجلا أنفاسها .. ماتبي سعد ينتبه لحماسها ...
- زين اتحراك الحين ؟؟
- ايه .. ان شاء الله .. !!!
سألت ام نايف ... بمضمون ..مخفي ..
- متأكده ماتبين اعطيه نايف ؟؟؟ يعطيه رجلك ؟؟ احسن من العنوه !!
عاجلتها نجلا ..
- لا لا .... انا باخذه ... مب لزوم تجيبين طاري حتى لنايف !!! هاذي صديقتي !!!
- يعين الله يله اتحراك ... !!
- مسافة الطريق ..خالتي ...
- طيب ..
- مع السلامه ..
- مع السلامه ..
قفلت منها نجلا ...و
نبض قلبها ..بتعالى ... بتشتت ذهني .. .. لفت ..لسعد ..
بحس كله حماس ..
- سعد ودني لخواني .. شوي ؟؟!!..
- هذي مين ؟؟
- مرت ابوي ...
- وش تبي ؟؟
- ماتبي شي عادي ... بس انا بنّزل عندهم شغله .انا قايله لشيهانه وذكرتني ام نايف !!.. !!
- طيب نايف عندهم ؟؟
- مادري والله
- انا بنتظرك تحت ..!!
- طيب..ماني مطوله ... شوي بس !!!
.................................................. .................................
باريس ....
بمكان .. متأسس تحت الأرض قبو ارضي ..مفروش ..دور متكامل .....جدرانه ... عازله .. للحس والاصوات ..كانت هي .. هيناك ..جالسه ...تتجرع منه الضيم ..بصور مجرمه ..ومحطمه .. لها ....ارمشت بعينها ..تريح جيدها المهلك ...قبل يجي ..ويضاعف اجهادها ..ماتدري هي بتموت بهالديار ..؟؟!! بدون تشوف عيالها ؟؟ اشتاقت لهم ... لضحكهم ... ومزحهم ...ضفرت منها دمعه ... خالصه ... اليمه .لدرجة ..تمنت انها .. راحت للوليد !! .. ليتها .. شدت الظهر فيه !!! ..
بدى ..الامل فيها .. يموت .. طالت المده ... وزادت عن الحد .. ..ماحسبت حساب .. انه .. اخبث .. واقوى ... مستحيل يرجعها !!!..مب مخليها تروح ..بيقهره فيها !!! ..معقوله ياميثا ؟؟!!. بتموتين .. ببلاد الكفار ؟؟ بهالمكان الوضيع القذر !!!..رطبت شفتها الجافه ...مطرفه بعينها يم الوجبه الي جايبها لها ..ماياكلها الا البهايم ...يكرهها ..كثر مابين كرهه لها .. قبل .. مايجي شي عند الي يسويه لها الحين ...
غيّر مكانها ..عن اخر مره ...لجل ..يكسرها اكثر ... ويحطم .. امالها ...
حتى الصلاه .. حرمها منها ... المجرم ... صارت تصلي بعينها ... او راسها ..احيان ..غصتها العبره ... بانكسار ...احنت راسها تتامل نفسها ..وذرعانها المدميه ..مريض ... !!.
صوتها انبح ... من مجابببه ... وملامحها .. تأثرت من .. قسوة يدينه ..
سمعت حس وصوت ... عرفت انه هو ... بلعت ريقها ... رافعه عينها له بكره ..
- اووه مانمتي !!!؟؟؟ زين زين .... عندي لك ... مفاجئتين !!!
وحده جاهزه !!! والثانيه بالطريق ... !!!! ابي اشوف أي وحده بتكسر ..راسك !! ياميثا !!؟؟
ناظرته .. بحقد .. مخفيه انكسارها .. وتعبها الواضح عليها ..
- ماتبين تردين ؟؟؟ انتي حره !!!! وفري صوتك .. بسمعه ... لما تشوفينهن !!!!
قرب ..بنظره مشمئزه ... منها ....محطي جهاز .... محمول ..عالطاوله الي جنب السرير ..الي رابط يدها فيه ...
فتحه .. مبتدي ... يضغط باصابعه ...
يتتبع برنامج .. مراقبة بجهازه ... ضغط . يشغل تسجيل فديو محفوظ ..وقربه .. لها .. وهو ييساقف بتنه ويشوفها ..
تمت تترقب وتشوف ... مافهمت .. ليه يبيها .. تناظر رجال غريب عنها .. قطبت هدب عينها ... تحاول تعرف ..
تكلم باستهزاء .. ساخر ..
- ماعرفتيه ؟؟؟ ؟؟!!
سكتت بدون ترد ... وهذي عادتها معه ... ماتخليه يسمعها ابد .. الين يستفز .. ويجسر ويمد يده عليها ..
تابع .. بنفس حسه ..
- غريبه ؟؟؟ عاد الاشباه واضحه ...!!!
رجعت تركز ... واحد جالس معه ... بدون صوت .. يتكلمون بس ماتسمع شي ..
انحنى يقرب الشاشه ..
- تمقلي ؟؟ شوفي من شرفني وزارني .. قبل فتره !!!؟؟
ناظرت بتركيز ... اشباهه مب غريبه ... جمدت .. بدون نفس ... عرفت !! فيه من الوليد ...
تابع ... تعبيرات ملامحها ...
- ايههههه هو ... ولد الفاجر الثاني !!!!!؟؟ يشبهه صح ؟؟ يشبه ولد الفاجر ؟ ؟؟؟ والعالم الله ان الوليد ولد صخر .. صدق!!!! .. ماش ظلمت سلطانه !!!
مب خاينه !!! انتي الخاينه ... !!!!
أخيرا نطقت ... بهمس مجهد ..
- وش تبي منه ؟؟؟ ليه جبته ؟؟
رفع حواجبه ..مستنكر ...
- جا عشان يبي يشهد .. على .. خراب اخوه
؟؟؟ معلمك انا قبل !!!ولد الفاجر .. بيطيح طيحه مب هينه ...!!! ارضه حتى بتنبذه ... مو بس انا !!!
احتدت نواظرها ....ذاكره ... تهديده ... لها ... وجا يوريها انه نفذه ...
- منت قادر ؟؟!! ولدي مب مسويها !!!
ارجفت جيدها ... صفقه .. لملامحها ... اليمه ...
- كم مره قلت لك لاتقولين ولدي !!!!!! احنا عندك ولد واحد اسمه طلال !!!! ..
صرخت ... بحس عالي ..ناقم ...
- الا ولدي !!!! الوليد ولدي !!!!! غصبن عليك ولدي !!!!!
تتابعت ضرباته لها ... بلا توقف ... او رحمه ...
اهتز جواله ... وقف وانفاسه .. تتسابق ... وريحة ..الشراب .. المحرم ..... تفوح منه ...
نفض يده ...
- دايم ... تحديني ... امد يدي !!!! ؟؟
منحني راسها ... منتبهه لقطرات الدم ..تسيل من طرف .. مبسمها ... المجروح ..حاسه بشلل .. وطنييين ... عالي .. باذنها .. من قوة الصفعات ...
سحب جواله ..جايه رسايل من ابوجاسم ..
- هه المفاجئه الثانيه .... شوفي !!!!! ..
سكت ثواني ثم ... نطق بانشداه ماكر ..
- ماشاء الله !!!! ..صدق من قال مافيه مثل بنت البلد !!!! ؟؟؟ قول وفعل ياسعووود !!!
مد يده شاد شعرها .. رافع راسها ..بقسوه ..وموجه شاشة الجوال امام نواظرها ..
فتحت عينها ... لامحتها ... صرخت .. بحس مبحوح ..
- لااااا .... نجلا ... لاااا ...!!!! ابعد عنها .. لاااا ياسعود !!!!

تحركت .. بمتنها الموجوع ... تصارخ بلا شعور .... استهلك .. كل قوتها ... صارخت .. باسمها ... ترتجيه ...بذل ... مهين ...ممرض ... ترجت .. وترجت .. وعينها .. تشوفها ..
نجلا ..عشق الوليد ...
تمازجت صرخاتها ... مع ضحكته .... الشامته ...والمتوعده ...
.................................................. .................................
قبل ... نص ساعه ...
وصلت نجلا ... ونزلت ... بعجل ... بدون تفكير ...
اول مادخلت ...
فتحت نقابها ..
- سلام خالتي ... وينه .. وين الغرض !!؟؟
سكرت ام نايف الباب ...
- هيناك بغرفتي . ادخلي .. . !!
- وين نصوري وشيهانه ؟؟؟
- مب فيه ... بينامون عند الجازي ...
تبعتها نجلا ... لغرفتها ...وكلها حماس .. بتطير منه .. بس ماتقدر توضح لها شي .. ماتبي تشككها بشي ثم .. تجيب طاري لاخوانها ..
...
دخلت ام نايف غرفتها .. جايبه علبه .. مغلفه ..وسط كيس
قطبت نجلا هدب عينها ...
تكلمت ام نايف ..
- هه خذيه ..
رفعت يدينها .. بعد خذته نجلا ..
- الحمد الله الامانه ووصلناها ... منهي بنته ميثا ؟؟ من الجيران ؟؟
اطرفت نجلا بعينها وهي تأخذ الكيس ..
- لا كنت ادرس معها .. ماتعرفونها ..!!مب ساكنه بحينا !!
- وين سعد ورى ماينزل.. اسوي لكم قهوه ..؟؟
- لاخالتي .. مستعجلين تاخرت على بيتي .. بس بدخل الحمام شوي .. قبل انزل ..
خذت الكيس ودخلت به الحمام .. وبعجل ..
... بدت يديها تفتح .. العلبه بعجل وارتجاف ... تلبكت اصابعها .. بربكه .. وهي تفتح الكرتون ..
لقت جهاز جووال . وشاحن ... رفعته .. تضغط فيه .. انفتح .. بدت بيدها .. تبحث وتتدور .. وتفتش كل .. مكان .. .. يمكن راسله لها شي !!يمكن .. لقت لها طريقه وبترجع .. !!
مالقت شي .. الجهاز نظيف ... تنهدت ... بحيره ... ودخلته شنطتها وطلعت ... مستشعره القوه .. والإصرار .. لو تشوفها .. وتكلمها ؟؟ لو تطمن بس !!! ..؟فرحاااانه ... بتطير من الفرح ..

.................................................. ....................

باريس ..
ربط .. شريط عريض ... مابين شفايفها ... بحيث تعجز .. تقول كلمه واضحه ...مط شفته .....
- بعطيك دقيقه ... وحده ... قولي لها الي تبين !!!! ..بس انتبهي ..ياميثا !! لاتطلبين منها تعلم الوليد !!!! ترا مب منظر الا هو وهي !!! .. شفتي شلون قدرت أوصل لها !!!!! هالجهاز الي معها مرتبط بربعي الي هيناك يستلمون منها ويرسلون لي !!! ..بدون حتى تفتحه .. اهم شي مشحون !! طول الوقت اقدر اشوفها واسمعها .. بدون تدري !!! ... عاد ياحي ذا الشوف .. !!
- امممممممم ... ح..قيي....ر.... ل..ا .. تفر...ب نج...لا !!! ..
ضحك بخبث..
- مادري وش تقولين ... يله بيبدا التسجيل !!!! خذي راحتك !!
تكلمت ... بصعوبه ... شاده كل حيلها .. متغافله وجع فكها .. وجرح شفايفها ...
- ن..جل...ا .... ق,,,,ل,,بي .. للو...يد ...... عل....مي.... الو..ليد !! ن..جل..ا... بن...تي ... !!! ..
نشقت ... ببكا ... مهيون .. وهو يسحب الجوال ...
- خلاص ... !!!انتهينا !!!! ..
ضغط ازرار يرسل التسجيل ... ثم التفت لها ..
-..كني سمعتك تقولين قولي للوليد !!!؟؟؟؟ مع اني محذرك ؟؟؟ بس انتي ياميثا عنيده ... !!!! راسك ذا .. يابس .. !!! ماتنهدين ابد .. !!! لين تسمعين حكم قصاص .. ولد صخر ..باذنك !!! ..
ابتسم ... بمزيج كريهه ... من المكر .. والحقد
-انا الحين ماسك عنها .. يدين تبي تطولها عقب شافتها !!!! ..عندهم بالرياض !!! اول مااعطي اشاره والله مايردهم عنها احد !!! يلعبون بحسبتها ويرجعونها .. له !!!

فتحت عينها ... وحسها .. يونّ..بقهر .. ضايج .. .... قفل ... محموله ... وشاله وابتعد عنها ... وهي تصارخ .. بلا شعور وصوت مختفي مبحوح....
.................................................. .................................

بعد ربع ساعه ...
قصر .. صخر ...ال جلمود ...
وصلت نجلا مع سعد ... دخل من البوابات ... سألها .. اذا الأمور تمام ..عند اهله .. وردت موافقه .. معد تكلم معها .. شارد ... وهي بعد شارده .. تهوجس ... فيها شي من مشاعر الصدمه .. والترقب .. والامل ..
- وين تبين اوقفك ؟؟ أي بوابه ..
- عند نفس البوابه الي دايم ..!! ..
التفتت له ...
- سعد ليه ساكت ؟؟
وقف السياره ... والتفت لها ..
مبتسم ... بضيق ..
- وش تبيني أقول ؟؟ عقب الي سمعت .. !!!
- قول أي شي ؟؟
ناظرها .. بتركيز ....حاني .. متأمل ملامحها ...
- سامحيني نجلا !!! ..لاني خذلتك وقت حاجتك لي !!! سامحيني .. لاني ماكنت موجود .. معك بكل ازمه مريتي فيها !! ..
ابتسمت .. فاتحه نقابها ...
- ليش تعتذر ؟؟؟ انا ماعلمتك هالتفاصيل عشان ..تتأسف ياخوي الحشيمه لك ...!!! انا قلته لاني ابي اعلمك .. وش كثر المشاكل الي مرت علينا انا والوليد !!؟؟ ومع هذا متمسكين بهالزواج ونبيه ينجح !!! ..الوليد .. رجل .. ونعم !! انت بنفسك قلتها لي !! وانتوا رجال لكم نظره غيرنا احنا يالحريم !!!
ابتسمت اكثر .. متابعه ..
- بعدين حط بباالك انا صليت استخاره !! ومايخيبّب ..الله من يستخيره !!
ركز بعينها ... مخفي .. الضيق .. الي فيه ..
- ونعم بالله ... اهم شي انتي الحين....اهم شي انتي مرتاحه .. بحياتك !! لسه العمر قدامك .. الله يجعل ايامك كلها سعادة .. وهنا ياوخيتي !!
اشرقت ابتسامتها ..بنظره عاشقه له ... اخوها .. توأم روحها .. أخيرا .. فهم .. وصدق ..
- امينن .. ويسعدك ويرزقك ببنت الحلال ياااارب !!!! .الي تسعدك ياسعد ياولد غازي !!!
- امين .. امين ..
- متى بتمشي بالضبط ؟؟
- طيارتي .. الظهر ..
- والسياره ؟؟ بتخليها ؟؟
- لا بشحنها .. ان شاء الله .. !!
- عاد بتكلمني كل يوم ؟؟ لاتنساني ؟؟!!..يمدحون جيزان .. وبحرها والجزر الي عندها !!!
- مستحيل ... احد ينسى روحه ؟؟ انتي .. قطعه مني ياخوك !!
اطرف بعينه .. لمكان . خلفها ..
اشر .. لها ..
- هذا رجلك جا ...
التفتت .. براسها ..شافت الوليد مقبل .. بخطواته .. شكله ينتظرها .. ترقبته .. ثم لفت لسعد ..
- بتنزل تسلم؟؟
- اككيييد ... !! ..
نطقها وهو ..يفتح الباب ... وينزل ..
ياااه ياشعور الفرحه .. الي .. اعتزتها ...
نزلت .. بعجل .. مستقبله الوليد .. بنواظرها ..
- هلا بو صخر !! ارحب !!
- هلابك زود ... يالله حيه ...
وقفت بينهم . بزهو .. ...تناظرهم ....بعين .. تعشق تفاصيلهم الاثنين .. ..
معشوقها المتسيد العملاق .. ... واخوها ..السند والعضيد ...
راقتبتهم .. وهي واقفه .. ..بعد سلامهم لبعض ..
التفت لها سعد ...
تعالي سلمي ...
قربت .. ماده يده .. له يحتظنها ..
- انزل طيب ؟؟ شلون احب راسك !!
- هه ... يله نزلنا !!! ..
لثمت جبينه ..وهي تدعي له
- الله يحفظك من كل شر ..استودعتك الله ... اول ماتوصل علمني .. !!
- على خير ... يله عاد شرفي ... ابي أتكلم مع الوليد ..
رفعت حواجبها ...
- اها .. تصرفني ؟؟؟
الوليد كان يترقبهم ... بصمت .. وقت دق عليه سعد يبيه ..كان ..نازل .. بيستعد للسباحه بيضيع وقت.. عشان كيذا انتظرهم هشان ..يقابله ..ماوده يفتح مواضيع من جديد .... خصوصا انه اقتنع بروحته واتفق معه ..
تكلم موجه كلامه لها ...
- شوفي خالتي يمكنها قايمه .. !! روحي لها تسأل عنك !!
مطت شفتها .. تراقبه ..
- بروح ..استودعت الله اخوي منك !!!
قطب هدب عينه بضحكه ..
- عجييييب يابنت غازي !!!!
لفت لسعد مأشره ... باصبعها مهدده ..
- وانت ياسعد خله يرجع مروق تكفى !!!!
ضحك سعد ... وهي تمشي عنهم ... داخله ...
تنهدت .. مبتسمه .. وأول ما دخلت أبعدت بسمتها ... راقيه .. جناحها حتى مامرت .. على ام سلطان .... بتروح تخبي الجهاز ... قبل .. يشوفه معها .. بس بتطمن .. على ام طلال ... بتشوف هي وش بتقول ... لها ..
دخلت جناحها بعجل ... متوجهه قبل حتى تفتح عبايتها ... لغرفة الملابس .. وقفت بين .. الدوالايب .. بعين مترقبه ... تفكر وين تحط الجهاز ...
طلعته من شنطتها .. وعينها تدرو فيه أي جديد .. ماوصلها شي ... بحثت عن أي رقم مسجل مالقت ..
ضغطت ازرار عشان تصمته .....تنهدت .. بفرحه ..
- يوووه ياخالتي ميثا ؟؟ متى تدقين ؟؟ !!! ..
فكت عبايتها .. .. واختارت لها مكان وخبته .. فيه .. بتنتظر ..الأوقات الي مايكون فيه معها ... !!
رطبت شفتها .. .. وهي تعلق عبايتها .. وتاخذ لها غيار .. بتتحمم .. قبل يجي .. ... قلبها ينبض .. فرحان .. أخيرا لقت لها طريقه تتواصل معها .. فيها .. ابتسمت .. متخيله .. ان ام طلال .. بتعلمها انها بترجع .. او يمكن .. أبعدت عنه .. وبتعلمها وش تسوي بالضبط .. هزت راسها .. .. طالعه .. لدورة المياه ... منتشيه سرور ..
همست لروحها .. يارب لك الحمد .. أخيرا انتهت ازمة الوليد وسعد ...
يارب تعدي الباقي على خير ...و الله يردك خالتي الحبيبه على خير ..
ارتجف جيدها .. وهي تفكر ان ممكن ام طلال تطلب منها تعلم الوليد .. !!؟؟ كل شي سعيد خطر على بالها وبفكرها .. العذري البريئ....
.................................................. .................................
بالاسفل ..
مكان ماتركت نجلا ... سعد والوليد ...
- لاتتوقع اني .. نسيت اتفاقنا ... انا باقي عليه .. يابو صخر !!
ركز الوليد نواظره فيه .. ثم هز راسه ..
- الله يقويك ...
- كلمتك وحبيت اقابلك عشان اقولك شي .. حاجتين ..
أولا بيض الله وجهك .. يوم خذت حق اختي من الي استحل شرفها بالشينه !!!
وثاني شي .. وداعتك اختي ... الين .. الله ...يكسف الحق .. بينا .. !!
قطب الوليد هدب عينه ... راد ... بهدوووء ..
- شرفها شرفي ... !! ..ياسعد !!! ..لاتشيل همها ... هي بالحفظ والصون ...!!!..
مد سعد يده .. موادع ..
- فمان الله .. اشوفكم على خير ...
- فمان الله يحفظك ...!!
وقف .. مراقبه الين .. اختفت سيارته ... عن مرأى عينه ... ووصلت للبوابه ..
تراجع ... بخطواته ....قابض عصاته .. ماشي .. بركاده .. وهو يفكر ...
توجه .. لحوض السباحه ... اول ماوصل اركن عصاته ... وخذى جواله .. ودق على نجلا ... ماجاه رد ... تركه .. وخذا غياراته .. وتوجه لحمام التبديل .. بيرطب جسمه ..قبل السباحه .. ضيق نواظره .. يتلفت بالمكان ... مافيه احد الحوض اخر قصرهم ...لضمان الخصوصيه .. لهم ..
.................................................. .................................
بعد .. ربع ساعه ..
جناح ... الوليد ونجلا ...
طالعه بروب الحمام ... سمعت .. نغمة جوالها ... توجهت لشنطتها ... مطلعته ... شافت رقمه ..
- الو ؟؟
تكلم بحس هادي هازل
- انا تحت .. عند البركه وينك فيه انتي !!.. !!..
ابتسمت تدري يقلد المسمى الي تسميه .. لحوض السباحه ..
- انا فوق .. كنت اتحمم ..وش الطاري عالسباحه ؟؟
رد .. بنفس حسه ...
- اشتقت للسباحه ...وابي اشتت ذهني ماي افكر كثير !!
- طيب .. اجيب لك لبس معي ؟؟
- لأ عندي ...
- طيب شي تاكل ؟؟
- متعشي .. كان تبين تجين .. تعالي ... !
- طيب ... البس واجيك ..
سكر منها ..... تارك جواله ... متوجه .. للمسبح ... وقف مستعد .. ثم قفز .. بحركه احترافيه ... وغطس تحت .. المويه ... يباري بسرعته .. أمواج الما ...بيريح فكره .. شوي .. بعد .. سكونه وارتياحه .. لموضوع سعد ...
نجلا
بدلت لبسها لابسه بجامه .. قطنيه .. بلون ليموني بارد ..... متورده .. بزهرات .. صغيره بيضا ..مشطت شعرها جادلته .. وطلعت من جناحها بعجل ...
نزلت من الدرج ... مرت على ام سلطان .. لمحتها غافيه .. ومعها الممرضات الي على جوالها والثانيه تشوف التلفزيون ..تبسمت لهم .. وطلعت .. متوجهه لمكانه ...
وصلت عقب .. ركض .. أنفاسها مقطوعه ... بعيد المكان .. تعدت حتى .. المراجيح .. والملاهي ..
استاقفت .. محنيه ظهرها .. متراكيه على ركبها .. تسحب انفاس ... حركتها دايم ان اجهدت من الركض ...
اول ماوقفت .. مشت ... متقدمه ... لمحته ... يسبح ... مانتبه لها ...تابعت .. حركته .. تحت المويه .. اول مره تشوفه يسبح ... انشدت ملامحها ... مترقبته ... بصمت .. وهي تمشي بخطوات .. بطيئه ...حطت جوالها جنب جواله ... شافت روبه ......
ترهبها المويه .. انتفض جيدها وهي تشوف اللون الأزرق .. بسبب العمق ..
وقفت .. عند المسند الي عليه اغراضه .... مرطبه شفتها .. ومقطبه .. شلون يسبح بهالعمق .. ماتدري حتى .. كم عمقه ..
فجاه رفع راسه ... وشافها ... ابتسم ..
بادلته بسمتها ...
-ماشاء الله متعلم السباحه ... اول مره اشوف سباحتك !!
تبسم لها ..ثم سبح .... بجذعه ... ماخذ مسافة طول الحوض ... الين وصل للحافه القريبه منها ...
- اكيد اعرفها ...متعلمها من صغري ... !!
- من علمك؟؟
- جدي الله يرحمه ...
- الله يرحمه ..
- ماودك اعلمك ؟؟؟
هزت راسها .مرتسم الخوف .. بملامحها ..... ..
- لالا .. انا ؟؟ انزل تحت الما !!! مستحيل ؟؟؟ انت حتى تسبح هيناك .. بالعميق ..!! رعب ... كم العمق !!
- اربعه متر ...
شهقت مرتاعه ...
- يمه ... تذكر يوم اطيح بالمويه ... بالمزرعه ؟؟؟ بغيت اغرق ... ماتخيل اني بعيد التجربه !!!
وقف.. مرتفع جيده ... واصله المويه ... الين وسطه ... تأملت .. الما المتهادي .. على متنه .. الشامخ ... لمحت ..القطرات الشارده على .. مستعرض فكه .. المرسوم ... تهات عينها به كله .. نطق لها مو منتبه .. لعينها ..
- لازم تواجهين خوفك ... !! أيا كان ... دام عندك القدره ... والعزم ... والإصرار .. تقدرين .. تتحدين .. الخوف من أي شي ... وتتعلمين !!الين يصير .. شي عادي .. !!
رطبت شفتها ... ترد .. ملتهيه عن .. منظره المبهج لقلبها ...
- الناس يتعلمون السباحه من الصغر ... كبرت انا ماتوقع راح اعرف !!
-غلطانه ... عمر العلم ماكان له رقم عمر معين !!! على كلامك الجاهل الامي ..لايحفظ القران !!! لانه تعدى مرحلة التعليم !! لازم يضل جاهل .. الحفظ .. !!
تنبهت .. لمنطوق يده ... وهو يشرح ... باندماج ... وبحس ..واضح .. صوته .. الي ماله شبيه ...
ردت .. برفض ..
- لا عادي يتعلمون الحفظ غير !! سهل !!
تبسم ...
- سهل لانك تعرفيه ... لانك تعلمتيه ... ولانك واجهتي الخوف من عدم معرفة الحروف ..!! وهم مثلك ... واجهو خوفهم .. وتعلموا ... !! أحيان ..حتى .. ناس كبار .. ياخذون شهادات .. وهم بعمر كبير .. !! مايقولون .. كبرنا يانجلا !!
ناظرته مبتسمه ... بقل اقتناع ...
قطب هدب عينه... متراجع ... وغاطس تحت الما... للجهه العميقه ...
مشت ..تتبعه ...
ارتغع راسه من جديد.. ...
- عادي توقف .. بالمويه ؟؟؟
- أيه ...
هز راسه ... متابع ..
- ابي اعلمك ...!!
قالها مترقب نظرتها ..المتردده
ثم كمل ..
- هذا وانا بعد ..ناوي.. اعلمك .. شلون تطلقين رصاص!!
ضحكت بشهقه .. مستنكره ..
- بعد ؟؟؟ انت مستحيل !!! ماعرف امسكه حتى !!
هز راسه ... بحزم ..
- ببتعلمين ... اسمعيني ... وخذيها مني قاعده ... بالحياه ..في كل امورك ..
تبين .. تتعدين أي خوف مصادفك ... واجهيه...باي موضوع ... !! باي طريقه ممكنه اعرفي .. الطريقه .. الي بتخليك .. تتغلبين عليه ماتدفنيه !!
رفع اصبعه متابع ..
- ترا فيه فرق !!!
لما تتغلبين غير ولما تتدفنين ...غير ..
انتي يانجلا تدفنين خوفك .. بس بيطلع باي لحظه .. ان واجهتي الغرق مره ثانيه !!! لكن لما تتعلمبنه .. بتقدرين .. تسيطرين .. على مخاوفك منه ... عشان تقدرين تنتجين .. وتتقدمين .. لازم .. تتغلبين !!! انتي مب ضعيفه !! انتي قادره !! ..وعندك أراده .. وعزيمه لكن اهم شي ترغبين !!
ابتسم بسمته الشاقيه .. وهو يرفع كفوفه ..مأشر على نفسه ..
- الي تحملت فرعون .. تخاف من السباحه !!!!
قالها وتراجع سابح معطيها مجال .. تفكر ..
ضحكت ... مهتزه متونها ..
تابعت كلامه ... بترقب .. وعين مشدوهه .. بأسلوبه المتفرد ... المقنع ....وطريقة شرحه المبسطه ... هي امام .. رجل الاعمال .. المحنك
الوليد ..آل جلمود ...
حست واستشعرت انه ... يعلمها تجربته ... مع الخوف ... للي تعرض له بحياته ..يبي .. يفهمها ...مختار .. المفردات.. السهله ... الي تناسب مداركها ..
تمازج .. بروحها ..شعور يشابه ..تلقّي .. النسيم .. البارد .. الطارد .. لسموم القيض ..
تم .. يسبح امام مرآى عينها ... يضرب بيده .. سطح الما ..
وقف رافع كفوفه يبد خصلات شعره ..من جبينه ..وعينه
... يناظرها ... بتركيز ... متأمل .. منظرها ...ووقفتها ... عاشق نظرة عينها .المترقبه له وهي .تتابع كلامه باستدراك ..
- لين الحين تفكرين ؟؟
- أخاف اغرق !!
تكلم بحسه الواثق ..
- انا من وسط النار طلعتك .. !! بعجز عنك وسط الما !!!!؟؟
شوفي ... بقولك شي واحد وانتي حره !!!!..انا عارف راسك .. يابس !!
رفع اصبعه وهو يتكلم ..
- قد .. ماتثقين فيني .. بهالحياه ... اقدمي !!!
اختفت بسمتها ...وهي .. تحاكي شعورها ..الملتهب له عشق وثقه .. شلون ماتثق فيه .. وهو .. أساس الأمان بحياتها ..
وقف .. ماشر بيده لها ...
ردت .. بترقب..
- تبيني اطب.. عندك ؟؟ !
- ايه ... طبي .. تقدرين !! انا معك .. لاتخافين من شي !!
تلفتت تشوف المكان ... تكلم .. بهادي الصوت ..
- مافيه احد ... اقدمي ... خلك شجاعه ... !!! ..
التفتت ... له ... متهيبه .. الخطوه الي بتقدم عليها ... تبادت خطواتها راكضه ... له ... طارده خوفها ... الي .. انزوى .. هارب ... قدامه ...
متذكره ... كلامه .. فعلا هي لازم تواجه .. خوفها .. من كل شي .. من سعود .. ومن الجوهره ... ومن خوف الفقد ...هي قويه ... وتقدر ...
ارتفعت رجلها .. عن الأرض .. راميه بحملها .. للما ...وقلبها يرجف ..
تباريه ..ثقتها ...الكامله فيه ..معشوقها .. العملاق ....
تلقتها ايدينه ... تمسكت بجيده ... وهي .. تشاهق .. بحس عالي .. شدد مسكته حولها ..
- انا ماسكك ... اثبتي !!! .. ارخي جسمك !!!..
تمسكت به ..
حاوط خصرها ..بذرعانه .. مثبتها .. تلمست كتوفه .. بيدينها .. مقابله ملامحه .. وانفاسها .. تتصاعد .. من احساسها ببرودة المويه ..
هز راسه .. متكلم .. ببسمه .. شاقيه ..
- ترى .. مانزلتي بالما ولا غطستي !!! هذا الي سويتيه مب شي !!!
اهتزت شفايفها .. برجفه .. من البرد الي تحسه ..
- مب ..قلت ... قد ثقتك .. طبي !!!!
تأمل رجفة شفايفها .. مركز بعمق عينها ...ومبتسم ..
- انا مااقصد .. فوق الما !!! ..اقصد قد ثقتك وانتي تحت الما !!!
امرها .. بعجل وهو .. مستحكم خصرها ..
- خذي نفس ...
مامدها .. حتى .. تأخذ .. الا انحنى لاثم .. مبسمها .. وغاطس .. بها ..
لأعمق ... اعمق ... اعمق .. عمق ...
تمسكت بجييده ..مستلهمه من أنفاسه حياه ..واثقه ..
بشخصه .. ووعده ..وكل مافيه ..

كما
دايم
والى
الابد
/
\
/
\
انتهى البارت ....
قرائه ممتعه ... شيقه ... موثقه ..بنبض .. قلوب ابطالي ..

... انتظر تواجدكم .. ومشاركتكم ... واحساسكم ... ومشاعركم ..
مازال يبحر ..مركب خذني .. معتلي ..كل موج .. محتزم .. بقوة .. عشق .. الوليد ونجلا ..
عشق ابطالي ... سيخوض .. في غمام .. السوء .. الاسود
وسيتوه .. بين .. انفاس الحاقدين ...
هل سينجو ...
؟

[قال الزهر آآآه]

الذين يشاهدون محتوى الموضوع الآن : 358 ( الأعضاء 61 والزوار 297)
‏قال الزهر آآآه, ‏ألين ♡, ‏Sumsum, ‏فاطمه عمر, ‏دلووعة2, ‏سرى النجود, ‏أول م حبيني, ‏صمت الهجير, ‏Jood Aziz, ‏رينـآد #!, ‏koka 88, ‏the dream song, ‏العذرآء, ‏سما وقمر, ‏ضواء القمر, ‏هاجر هجوره, ‏تروف, ‏المها 2, ‏عبق السنين, ‏رجوة2, ‏عبق الرياحن+, ‏العنود محمد, ‏rahafl, ‏دانه البحار, ‏zezeabedanaby, ‏الالف, ‏hind el, ‏الماسه مياسه, ‏البتول22, ‏اخر رد, ‏Norah3li, ‏موريات, ‏Her Majesty, ‏أم نووور, ‏حلم فتاه, ‏عـناقيد+, ‏اكليل الورد2019, ‏za.zaza, ‏المها2020, ‏Nora.10, ‏برق الشمال+, ‏زهرورة, ‏no7no, ‏كرز وفراوله, ‏شوقه1412, ‏أمل باعبود, ‏جنان32, ‏Rooryy, ‏انااااا, ‏bayan safa, ‏زهرةالياسمين, ‏ميرا الخالد, ‏بيااان, ‏نجمهه, ‏رهف أوس, ‏حفصة عزوز, ‏السلطانه لولو+, ‏ام احمد ورؤى, ‏Ghadahibrahim, ‏nadiazin, ‏Calven

شكرا ... لكل وعد قال ... وصدق الوعد ....
قرائه ممتعه ....
وتواجد ... مسعد لقلبي ...
شكرا احباب قال ...
الزوار ... ا300
سجلوا لو تكرمتوا ...وشاركو .... ابي بعدد الحااضريت اشوف مشاركات ....
خذو وقتكم .... ماراح استعجلكم ...

[Deer]

منوووو يزيد
والله يستر من البندري وخططها وليش العنود بذات
يالله كل مافرحنا خفنا من شي
تسسسلمين قالـ عن البارت ي قلبي 💕
لاحرمنا الله من اناملك الجميله

[جنان32]

قال حبيبتي وقلبي
يارب يا حي ياقيوم في هالساعه
الفضيله ليلة جمعة مباركه
اسال الله فيها ان يسعدك سعاده لاتخطر لك على بال
وان يحقق لك كل ما تتمنيه ويسخرلك ملائكة السماء وجنود الارض
فرحت وانا اقرا ادور موت 😰 والله وانا اقرا رجولي
باااااارده من التوتر خوف مب طبيعي < من الحماس
والله ماعاد ادري وس اكتب ش اخلي انصدمت من روعة البارت
مبدعه ورااااائعه اتعب وانا اكتب جمال وقوة وصفك ومشاعرك
لدرجه اكتب كلامي مو مرتب
ويعلم الله انه نابع من اعماق اعماق قلبي
من الساعه 1الى 3 وانا اقراه ما حسيت بالوقت من قوة جمال
اسلوبك
والله ودي انك قدامي واخمك واقبل راسك 😘😘😘
صدقتي يوم قلتي لنا ( ماعادت قال لتشقيكم )
راجعه للتحليل اصبري امخمخ عليه مرتن اخرى
لان فيه اشياء طمرتها اللي تضيق الصدر حقت حصه والبندري
جزاك الله جنة الفردوس ومن يقرأ ووالدينا والناس اجمعين

[جنان32]

والله ياقال جاني توتر مب طبيعي
ما اقولك اني الى الان في خوف على سعد 😢
بقولكم شي عن شعوري تضحكون علي تنقدون< لغير الناطقين تتشمتون 😀
علي بسلامتكمم
شعوري بعد قراءة البارت كني وحده توها طالعه من غرفة ولاده
خدرااااااانه 😅😅😅
شفتي ( قال💘) وش كثر اعجابي بروايتك
وابداعك ماشاء الله لاقوة الابالله عين الله تحرسك باسمه
كني قلبت ام سلطان😄

[ريوم]

رواية جميلة وكاتبة متمكنة

لي عتب بسيط عليك اني كل مرة ادخل اريد ان تكون الرواية مكتملة لاني اكره الانتظار ههههههههه يعني اقرأ جميع الفصول بس بجد يعطيك العافية اتحفتينا ولازلت تبهرينا بالجديد

[جنان32]

عناااقيد قلبي
كيف النفسيه عقب البارت
انت اللي احس انك مثلي متوتره 😂😂
من خلصت البارت جيتي على بالي

[برق الشمال]

قال الزهر يابعد كل العرب🥰

شكرا شكرا شكرا شكرا ولااا توفيك الان انتهيت من البارت بنااام ولا صحيت ارجع لكم مانمت امس وانا اهوجس وش بيصير🥺😊♥


وكالعاده نقول ماابطى بالسيل الا كبره😎

[za.zaza]

آآآه ياقلبي
ليش حظ نجلاء كذا
كل مادقيت في الارض وتد من رداة الحظ تطلع لي حصاه
يعني كل ماقلنا بنخلص من واحد من الاشرار يطلع لنا ١٠ جدد
هي تلقاها من الجوهره والا ام نايف والا كانو والا سعود والاسلطان
.
.
الا كانو ايش تحط لها سحر والا سم
لا وكمان حصه دخلت عالخط بسرعة وعرفت بسالفة العقم ياربي😭
.
.
.والله هالبارت وجع لي قلبي عالوليد .. وجعني احساسه وهو صغير مع اللي تعرض له
واحترت في يزيد هل هو ولده .. او ولد العنود .. بس لو هو ولده ماتركه لانه عانى من ترك ابوه له
.
.
انا من فرط الالم مو عارفه اركز في التعليق
.
.
عالعموم يعطيك العافيه ياقمر .. انا من متابعاتك القديمات قبل قفل الروايه في المنتدى الاول اللي نزلت فيه وحزنت انك ماكملتيها ولما شفت عنوانها بغيت اجن وقراتها من بدايتها واعجبني جدا التطور اللي حاصل
.
.
ننتظرك بإذن الله
بس فرحينا ولو تكه
واقضي لنا على اعداء هالكوبل واحد ورى الثاني
.
.
.
دمتي ماركيزتنا😊

[هند .ربا]

هذا كله هدوء ما قبل العاصفه😭😭😭😭😭😭وربي حماس مره سعود الزفت وش بيسوي 🙂