وخُلقتِ مِن ضِلعي الأعوجُا=خذني بقايا جروح ارجوك داويني * مميزة *

[قال الزهر آآآه]

ضحكت ..بحيا ..
- يس ياواد اختشي ..الله يرزقك ببنت الحلال ..الي تسعدك ..هيا قوم غسل ..ابغا ابوك بكلمة راس ..وخد معاك سيدي منصور خليه يغسل ..
رفض ..منصور ..
- يوووه ياومي ..لسه ححكيكم ..اش سوينا اليوم ..!!
- بعدين ياولدي .. ..ارتاح شويا ..وريح حنكك ..!!
بعد ماتاكدت انهم تركوا المكان ..
جلست مقابله أبو عمار ..
- خير يام عمار ..اش بك ..!!
- يابوعمار ..ابغا اسالك ..اش قصة الوليد ..ليه مانعنا ننظف البيت ..!!حصل منا تقصير لاسمح الله ..او أي حاجه !! او المدام ..مو حابه ..وجودنا !!؟؟ من يوم ..عبيت التلاجه ..ورتبتها ..معد زهمني!!!
هز راسه ..بتفكير ..
- والله ياام عمار هدا طبوا ..!! وانا نفذت ..لكن السبب الله اعلم ..!! بس ..مايعجبوا الشغل لا مستحيل لانوا شكرفيكي كتير ..عشان مهتمه بالتفاصيل ..!! وكل شي ..تركه رجع لقيه ..مكانو!!
تنهدت ..براحه ..
- اه الحمد الله ..الله لايسود لنا وجه معاه ..ويحفظه ..ويرحم اوموا .. ..طيب حتى الطبخ معاد يبغانا نطبخ اشبو؟؟
- علمي علمك ..! هو أساسا مايرجع ..الا ..قرايب الفجر ..ويندر ..الصباح يادوب ينام !!!
- طيب والوليه الغلبانه الي بالبيت من يخدمها ..جابت معها ..احد؟؟؟
- ماعرف والله ..
- البيت كأنو مافيلو احد ..من شرفوا.. ..مافيلو حياه ..بالله في راجل يجي قرايب الفجر ..وهو لساته ماكمل جوازو..حتى ست شهور !!
- البيوت اسرار يام عامر !!! ..واحنا مانعلم المخفي ..!!
- صدقت صدقت ..بس انا القصد ..نروح نسلم عليها حق وواجب كمان ..!! ناخد معانا ..الي يقدرنا ربي عليه ..ونسلم ..
- حستأذنوا وارد لك ..
- على خير ..يلا اغسل ..عشان اجيب لك الشاي ..
.................................................. .........
الرياض ..
السااعه ..3 .. آخر الليل
قصر الوليد ..
بغرفة ام سلطان ..
على سجادتها ..صلت الوتر ..وبيدها مسبحتها ..
دق جوالها ...
قامت ..بصعوبه ..من الم رجلها ..
محد يكلمها بهالوقت ..
- خير اللهم اجعله خير ..ياكريم ..
خذته ..
وضغطت رد ..
رحبت بصوتها الحاني
-..مرحبا ..
- السلام عليكم ..ياوجه الخير ..!!
استهلت ..براعي الصوت ...الغايب ..
- الولييييييد !! يامرحبتين ...يامسهلا ..ويا مرحبا ..ياوليدي ..وينك لاحس ولاخبر ..!! اشغلتني ..يامك ..!!
ابتسم ..بقلب مقبوض ..وصل الليله ..لاشد حالات ..الياس ...
- موجود ..يالغاليه ..موجود ..اخبارك ..واخبار البنات ..والجميع ..
- بخير ..ياوليدي ..كلهم بخير ..
- وانتي ؟؟
- نحمد الله على الصحه ..يامي ..اما الي بالخاطر ..خله بالخاطر !!
- ..له له ..وش الي بخاطرك ..ومكدرك ..لايكون انا ؟؟ ..
- ياولدي ..من طلعتوا عني وانا لالليلي ليل ولا نهاري نهار ..بالي انشغل بكم ..لا جوالاتكم تشتغل ..ولعاد دقيتوا ..تطمنوني ..!! ..يرضي الله ..فعلكم ؟؟يرضيه ؟؟!!
سكت ..هو ..الي فيه ..مكيفيه ..ويزيد...
- لا مايرضيه ..حقكك على هالراس ..!!
- نجلا ..اخبارها ..وش صار عليكم ؟؟ هديتوا ؟؟ احسن ماسويتتوا يوم رحتوا خلكم مع بعض ..تفكرون ..وتقررون ..لو بس ياولدي ..علمتننا ..وطمنتنا !!
- ماعليها ...طيبه ..
قالها ..وهو ..يدرك كذب ..منطوقه ..له عنها أسبوع ...

مبتعد .. ....يكفيه انها ..تحت سقف بيته ...عن كل البشر ..مقطوعه ...
ان شافها مره ثانيه ....بيبطش ..اكثر واكثر ..
فيه ..من الوجع ..الي يجبره يوجعها معه ..
استطردت..
- هي حولك ؟؟ ودي اسمع صوتها ..
- نايمه الحين ..ابشري بخليها تكلمكم ...
- يعني ..نقول خلاص معد به فراق ..
رد بهادي الصوت ..
-....يجيب الله مطر !!
- يارب لك الحمد ..يالله نك عالمن بالحال ...الله يبشرك بالخير ياولدي ...ومتى بتجون ..؟؟
رفع يده ...وغرس أصابعه بشعره...
- الين الان ماقررت ...عندي كم شغله ..هينا ..بجده ..
- لايكون بتسكن هيناك ..يامك ؟؟
تكلم..
- لا ..برجع بعون الله...
- الله يححيكم ..ويبييكم ..فرحتني ...والله يالبنات انهم ..مغتلقات ..ومشتاقات ..دقوا عليكم كم مرا ...مامن رد ..
الحين بيطيرن من الفرح ...
قالتها الا بدخلة رنا ..
- هه هذي رنا ...
تعالي هذا الوليد ..
قدمت رنا ..بسرعه تخطف ..الجوال ..
- هلا اخوي ....السلام عليكم ..
استجلس ..وابتسم ..
- وعليكم السلام ..هلا رنا ..
- هلا بك انت .
.لبا صوتك ياخوي ..وينك ؟؟لعاد اتصلت امي ..لو تشوفها ..معاد بها امي ..!!لعاد تسير ولاتطلع ..مغير تهوجس بكم !!
شد شفته ...بصمت ..
- الله يحفظها ويطول بعمرها ...
تكلمت بلهفه ..
- اخبار نجلا ..هي عندك ؟؟وراها ماترد ..لها وحشه والله ..
تم ساكت ...كل مايذكرونها ..ويذكرون شوقهم ..بنوجع ..كثرهم واكثر ..ليتها ..ماجرحت ..ولا كسرت ..
- طيبه ..!!
عضت رنا شفتها ...حست بصوته..المقبوض...
ضاقت ..
تبي تبعد ..
- يمه بشوف سمر ولهانه مثلي ....
- روحي ..روحي ..ان درت انه كلم ولا كلمته ..بتطيرنا ..
سمع تعليقها ..
وغمض عينه ...هالام ..وبناتها صارو له عيله ..بس معها ..هي ..
تم مغمض ينتظر يسمع صوت سمر ...
- الوليد ؟؟ اخوي ؟؟
قطب اهدابه ..
- هلا ..!!؟؟
بللت شفايفها ..برجفه ..وتصميم ...صوته ..قهرها ..واوجعها ..باين ضايق ..تعرفه صارت ...
- بقولك شي...اخوي ..تكفا اسمعني ..للاخير ..تذكر ليلة العشا ..انا ادري عن الرسايل قريتها مع نجلا ....وانصدمنا ..انا وياها ...
لان أصلا نجلا كانت متحنيه ....وماتقدر تمسك جوالها ..وبعد فيه شي ثاني لكن والله ثم والله ثم والله مالي دخل ...
امي أرسلت الجوهره ..تمر تأخذ أغراض ...ونجلا كانت بجناحي... يوم دخلت علينا ...الجوهره ... نجلا ضاقت وطلعت تاركه جوالها طول فترة تجهيزها بجناحي ..وبعدين قالت لي اجيبه...لها
لاني طلعت ..اجيب للجوهره مسكن ..فجاه تعبت ....سكتتت
بصعوبه تنتظر تعليقه ..
وكملت ..
- انا اشك فيها ...لان الجوال كان عندها بالغرفه ياخوي ...!!
قالتها برجفه ...وارتعاد ..تنتظر يعلق ...
- الوو
- الوو..الوليد..
أبعدت الجوال ..لقته قافل ...
- وين راح ؟؟؟لايكون سمع وقفل ؟؟
رجعت دقت على هالرقم ...طلع مقفل ...
- ياربييييه ...
التفتت الا سمر بوجهها . المصدوم .... ..متنرفز
- توك تتكلمين ؟؟؟!! والله اني عارفه انها غراب البين ..مسويه شي ..هاالئيمه ..!!! كله منك كله منك !!!! كنتي قاطعتها ومريحتنا منها رحتي رجعتيها ..وخربت بيت اخوي ومرته !!!!
وش مرسله ..واي رسايل ..
- اش اش اسكتي لاتفضحينا ..امي لاتسمع ...
- وش لاتسمع ؟؟ الا خلها تسمع ..وتعرف السبب ..!! وليه اخوي ومرته قرروا يتركون !!! ؟؟كله بسببكم ..تسببتو على نجلا ..
مرسله من جوالها لمين !!! علميني والله لاذبحها ...
قولي رنا ..
مرسله لشباب صح ؟؟ هذا الي طير عقل اخوي ....!!!! ياضعيفه يانجلا .
انا حاسه ..من زمان ..انها ناويه نيه ..!!ويوم الوليد ..مايكلمك كان فيه شي ؟؟!! سمعو صوت ارتطام بالأرض....وراهم..
وتلاها ....
صرخات ...
متبوعه ..
بخوف..

.................................................. ................
بجده ..
فيلا ابن عامر ..
بغرفة المكتب ..مكان ماهو جالس ..
سحب سلك الشاحن ..وشبك جواله ..انتهى الشحن و ماسمع ...وش بتقول
من حظه ..انقفل ..ماله ... خلق يرد ان سألو .... عنها ...وطلبوها ..
...تذوق ..هي ..مر ..الي ذاق ..
تذوق الوحده ..والغربه ..
شبك أصابعه ..وتقدم يساند ذقنه ..
كان يوميا يراقب ..
اذا شاف ...اغراض بالمطبخ ..يدري ..هي ..
مبعد عن شوفها ..
وعن القرب ..
لانوم ..ولا راحة بال ..
هو كتلة ..مشاعر ..تحترق ..
بيختنق ..
حتى ..وهو ..لها كااره ...يوم شافها ..نايمه ..بسريره ..
ماقدر يمسك نفسه عنها ....
شلون له خانت ..!!
معقوله ..ماحبته ..!! ..مستحيل ..
وعيونها ؟؟...وهمسها ..؟؟
ملمسها ؟؟..و حسها ..؟؟
وانهيارها بين ايديه ..؟؟!!
بينهم ..
شرار وضيّ..
يشتعل ..
معها ..
بس من نظره !!
وماينطفي ..
حتى
باندماج الأرواح ..!!!
..

رغم ..هذا ..
ليه ..تجاوبت معهم ليه ..
حط راسه بين ايديه ..وضغط ..
وشد اكثر ..مسح وجهه ببطن كفه ..
ثواني ..
ثم ..
سحب يده يشوف ..الساعه ...
بكرا ..الظهر ..طيارته ..
للخارج ...
انرسم ..بالملامح ..
شي يشبه ..الخذلان ..
ممزوج ..بغضب ..
رايح له ...
ناصيه ..
كان..يأخر ...هالمواجهه ..
دايم ..
يمكن ظنه يخيب ..
لكن الان ..
مستحيل ..
بعد الي صار ..
يصبر ..و يتغافل ..
...............................................

بجده ..
فيلا سعود آل صاري ..
- اوه أخيرا رجعنا للحريه ...
تنهدت .. بسمه ..
- صدقتي ..انا كنت شوي ..بنفجر ..
التفتت لها اشواق ..بمكر ..ونكران ..
- تنفجرين؟؟؟ كثري منها ..!! ذبحني برودك ..انا الي مولعه ..ماقدر اتحمل ..!!
مشطت شعرها بسمه ...ورتبته ..وبدت تكرم يدينها ..بمرطب ..
- وش صار على مخططاتك ..!!!؟؟
عضت اشواق شفتها ..وجت استجلست مقابله ..بسمه .
- اووووش لاتسمعك امي ؟؟!!!..كلمت ..طلال ...بس ماعطاني علم ..يقول الوليد مسافر مع زوجته ..
ردت ..باهتمام ..
- علمتيه عن ابوي ..!!
تنهدت ...
وهزت راسها ..
- حتى لو اعلمه ..طلال . غير ..غير ...مايقدر على ابوي بعدين هذا ابوه ..!!! وش بيسوي ..؟؟
..
اشرت بأصبعها ..بتأكيد ..
- ابوي مايقدر عليه الا الوليد ...!!!!ولازم أوصل له ؟؟!!!
ظنك اسال البندري ؟؟عنه ؟؟
- وش دخلها ؟؟؟؟!!!! تستهبلين ..شواقه !!!
هزت كتوفها ...واستطردت ..
- مو هي ..تشتغل معه ..!!! يمكن تعرف له رقم ..او تدري شلون أوصل له !!!
- هي تشتغل ..بالمراسلات ..اتوقع ..مابينهم ذاك التواصل .....مجرد ..تصمم ..وترسل ..!!..
هزت اشواق راسها ..
- ولو !!..الا مابينهم ..اتصال !!!..يتناقشون او شي !!! او ايميل ..تتراسل معه فيه !!
حركت بسمه يدهها ..
- يمكن ..بس شلون تسالينها ؟؟بتشك انه مايكلمنا ....ومنقطع عنا !!!
تنهدت ..
- معد يهمني ...!!!احد ..اهم شي أوصل له ..قبل يجي ابوك ..!!!
وبعلمه ..عن كل شي عن ..حالة ابوك ..وعن الشلل ..الفاسده .. الي بدا يجمعهم ..عندنا ..وعن ..الخراب ..الي هو فيه ..!!!..وعن امي وسواياه فيها ..!!!..
بعلمه ان امي تكذب عليه ..!!! وانها مو بخير ..واحنا مو بخير .....وانها تكابر ..!!
خله يجي يشوف ..بعينه ..الخوافي بحياتنا !!!
قالتها ..بعبره ..و..بتصميم ....
وقامت ..طلعت ..لغرفتها ...
.................................................. ..
الرياض ..
صباح الاثنين ..
الساعه ..9 ..
بالمستشفى ....
بطابق امراض القلب ..والجلطات .. ..
صوت ..بكا ...وانين ..
- امي ..امي ..يارب ..مايجيها شي ...!! ..
مسكت ساره ..كتوفها ..
- خلاص ..اهدوا ..ان شاء الله انها بخير ...
التفتت سمر ..ببكا محروق ..
- وين بخير ؟؟!! ماشفتيهم الين الحين ...ما..قا..لوا شيي ..!!!
عميمه ..لو تموت امي ..وش نسوي !!!..امي ..هذي امي ...!!! اه ...
التفتت لرنا ....الساكته ..
وصرخت .
- كله منها !!!!؟؟؟ كله منها ....!!! امي ..ان راحت ..كله منها ..
قربت حنان ..بهمس ..باكي .
- اششش سمر ؟؟ انهبلتي ؟؟ ترا بيطلعونك !!!
اردفت سمر ..لهم ..
- أي كله منها ...وذيك العقربه ..الله ياخذها !...
تكلمت ساره ..بهدووؤ ..حازم ..
- سمر ..استهدي بالله ..امك بعون الله ..انها بخير !!! ..وكل شي بيتصلح ان شاء الله ..!! والي تسبب ..بكل هذا ..بياخذ جزاه ..!!
رفعت سمر ..عينها الباكيه ..لساره ..
- عميمه ؟؟... أخاف امي تموت ..من قهرها !!!..
انتي ماتدرين ..وش سمعت !!
شدت على ايدينها ...اكثر ..وتكلمت ..
- ادري ..كل شي اعرفه ..!!
شهقت ..سمر بغبنه ..وعينها على رنا ..
- كله منهم ..!! ..الوليد ..تركنا ..وامي ..طاحت منهم !!!
رنا ...تطرف السمع ...وعينها شرقانه ..ومكبوته ..
قلبها مقبوض ..حيل ..كله منها ..هي الي فتحت الطريق ..للجوهره .. ..
غمضت عينها ...بقهر ..وخوف ..
همست ..
- يارب امي ..لاتروح ...يارب ..تحفظها لنا ..يااااا..رب !!!
السلام عليكم ..
التففت ساره وحنان ..
- هلا سعود ...؟؟ كلمتوهم ؟؟
- بشروا ؟؟ وش قالو لكم ؟؟
- ماقالو شي ..لين الان ..بشر انت ردو عليك ؟؟

[قال الزهر آآآه]

- الوليد مقفل جواله ..!! وسلطان مثله ..!!.. أرسلت لهم .. بلغت خالد ..الحين جاي ..
سمر ..بعبره ..
- في احد يقفل جواله !!!..امي بترووووح !!!! كملتها بأنين ..حارق باكي .. ..
سمعها ..سعود ...واسترق لها النظر ...
- تعوذي من ابليس ..يابنت ..عمي ..اذكري الله ..وادعي لها !!
تنهدت ساره ...بضيق ..
- طلعنا ماعلمنا امي لاتدري !! نبهه عليهم .....لااحد يقول لها شي ..لين نشوف ..وضع ..ام سلطان !!
انفتح ..
الباب الي قدامهم ...
وقفوا جميع..وتسابقت خطواتهم ...
.................................................. ...
جده ..
الساعه ..10 الصباح ..
بفيلا ..بن عامر ..رحمة الله عليه ..
بجناحه ..
استعد ..وتجهز ..
لبس بدله من بدله الرسميه .. ..كحلي داكن .. بقميص ..رمادي ..
ترك ..عنقه بدون ربطه ..
وترك .. ازارير ..مقدمة صدره ..مفتوحه ..
خذا عصاه .. وشنطة يده ..ونزل ..
دخل مكتبه ..للي ينتظره ..
وقف أبو عمار ..
- السلام عليكم ..
- وعليكم السلام ياولدي ..صبحك الله ..بالنور ..!!
اشر ..بتقدير ..واحترام ..
- اجلس ..تفضل ..باوعمار ..كم مره اقولك لاتوقف لي !!
جلس أبو عمار ..بابتسامه ..
- زاد فضلك ياابو صخر ..
جلس الوليد وساند عصاه ..ووجه انتباهه..لابو عمار ..
- ..ابو عمار ..انا مسافر ..!!..
أبو عمار بيتكلم ..
رفع يده الوليد ..يمنعه ..ويكمل ..
- راجع ان شاء الله ..ابي ..من ام عمار الله يطول بعمرها ..تهتم باهلي ..وتجي البيت ..تطل ..عليهم !!
تنهد ..ابو عمار ..
- ماطلبت ..الا رضاك يابو صخر ..!! البارحه بس ..ام عمار ..تسال تبغى ..تجي ..وتسلم !!!
هز راسه ..بامتنان ..
- معليه ..انا لهيت هالفتره ..وكنا مشغولين ..
الله يحييها ..!!..وماوصيك ..يابوعمار!!..بغيابي ..لاتستقبلون احد !!...
غريب ..
- ابشر ..ياولدي ..الي ..تطلبو ..حيصير ..!!..تروح وترجع بالسلامه ..!!
واطمن ..ام صخر ..بعيوننا ..!!
انهى كلامه ..بكلمه ..له ..مؤلمه ...
قدم ..وفتح له درج ..
طلع ..مبلغ ..
بضرف .ومد يده ....
- هذا ..لاغراض البيت ..وان احتجتوا أي شي بغيابي ...!!
وأكرر ..واعيد ..
رفع اصبعه ..
- أي احد غريب ..لايدخل !!!
رد أبو عمار ..
- لو اهل المدام ..؟؟ او ضيوف لها ..!!
- ان شاء الله ..لو ..ابو المدام ..!!!!! ..بغيابي ..جنس مخلوق مايدخل ..!!
- ابشر ..تبغى ..مني حاجه تانيه ...؟؟ تامرني على شي !!
- سلامتك ..بلغ عمار يرجع ..و..يجهز نفسه هو بيوديني المطار ..!!!
قام ..ابو عمار ...
- الحين ازهمو..ولا يهمك .. يلا استاذنك ...
تساند ..الوليد ...
- اذنك معك ...
رفع عينه للساعه ..بالسقف ...
ماباقي الا ..شوفها ...ويطلع ..
تنهد..
رفع شنطنته ..المكتبيه ..وفتحها ..
خذت يدينه ..تحرك الأوراق ..تدور ..شي معين ...
سحب ..كم ورقه ..
وحطها قدامه ..يرقبها ..ويتاملها...
ثواني ..
قام ..واستند عصاه ..ودار ..حوالين مكتبه... طالع ..بثقل..
صدره ...قبل رجله ..
.................................................. ......
نفس التوقيت ..
بالرياض ..
شركات العايض ..
الوضع ...في ازمه .....مع ..انسحاب اغلب المساهمين ..وانحدار اسهمهم ..بسبب هالخبر ...
مكتب ..عايض العايض..
غرفة الاجتماعات ...
- هذا ..الانسحاب الي صار ..مو صدفه ..يابوحمدان !!!
تكلم حمدان ..
- مين الي بيعادينا ..يااسامه !!! احنا .دونا دون نفسنا !!!
رفع أبو حمدان اصبعه ..
- طول عمري ..كاف ..وعاف !! ..ماقد ..تعديت على غيري ..تجارتي ..وشغلي نظيف ..!!! مين الي على اخر عمري ..بيفلسني !!!
رد اسامه ...المحامي القانوني ..
- ان شاء الله مايصير الي تقول ..يا أبو حمدان ..!! انا أقول ..واصر ..ان الحاصل بفعل فاعل ..مو شرط عدوا لك ..يمكن افلاسك يوافق مصلحته !!!
سحب الأوراق حمدان ..
- طيب لو فيه ..وهذا صحيح ..اكيد راح نعرف ..!!! مين ..!!
رد اسامه ..بوضوح ..
- حسب ..اذا مقصوده ..يمكن مايظهر نفسه ..!!ويشتغل بالخفا !!!
ظرب حمدان الطاوله ..
- بيكون خسيس!!! ..ان اخفى نفسه ..عنا !!!
أبو حمدان ...
تكلم ..بوقار ..وهدووء..مايعكس حجم الخساره ..
- ماابي انتظر ..الين اشوف ..من الي خلف خسايرنا ..!!
التفت ..لولده ..
واستطرد
- كلم ..عمامك ..بكرا ..فيه اجتماع ..نشوف يمكن نلحق الي نقدر عليه ..!!! وبعون الله ..تعدي هالازمه .. على خير !!
- ابشر يابوي ...!!
.................................................. ..
جده ..
فيلا بن عامر رحمة الله عليه ..


أصبحت ..من الساعه ..من الساعه 9 ..
عادتها كل يوم ..
نومها المتقطع ..
مزعج ..
خذت لها ..شاور سريع ...
..شعرها ..ملفوف ..كالعاده ..
لبست ..
المتواجد ..عندها ..والي جابه ..
بنطلون ..ماسك ..اسود ..وتي شيرت ..ابيض ..ماسك ..الين .الخصر ..
انتبهت لقصره ....
رفعت يدينها ..تبعد خصلتها ...الهربانه ....
حست ان ..التي شيرت يكشف من جسمها ..
من جهة البطن .. سحبته ..اكثر ..
مسكت بطنها ..المشدود.. ..
جايعه ..و..
مالها شف تاكل .ولولا ..الجوع ..الي ..يعصر ..معدتها ..ماقررت تطلع ..
همست ..لنفسها ..
- الين متى ؟؟ بيستمر هالحال !! وش يبي ..يوصل له ..!!..
يعذبني ..وهو الي بيحترق!!!
تقدمت لتسريحتها ...
جلست ..وسحبت المنشفه ..تحرر ..الشلال ..الاسود ..
المتلامع ..
حتى ..ذبول ..الحياه ..في عينها النجلا ..
ما ..قلل ..
حسن التواصيف ..
مدت يدها ..لمشطها ..ولمحت .خاتمه ..
تاركته ....وجوده ..باصبعها ..
مثل لسعة الجمره ...
همست ....وهي ..تمرر ..اسنان مشطها ..بين ..خصلات الشعر ..
بهادي الصوت ..همست

- وحشتوني ..باهل الرياض ..!! ..
خالتي ام سلطان ..ياترا فقدتيني ..
هالوقت ..احيان ..تكون معها ..تتفهوى وتتسامر ..
حبست ..النظر لها بالمرايا ..
وعينها ..بتخذلها ..رغم ..
الوعيد ..
تجمع الدمع ..بيتحدر
سمعت ..صوت ..وسكنت ..
الا بفتحتة الباب ..
بدون شعور ..التفتت ..
و حركتها تجمد..
وتكلمت ..بشهقه .. وبعجل !!
- خيرا!!!؟؟؟
أخيرا ..شرفها ..عقب ..غيباته ..وحقرانه..
تركت المشط ..وقامت ..لفت حول الكرسي ...تبتغي حاجز ..
رفعت يديهاا وكتفتها قدامها ..
باحتياط ..مخفي ..
يخفي ..
الشعور الي تحس ..
لاحظت ذقنه المحلوق ...يدري تعشق ملمس سوالفه..بس شاله ..واعدم وجوده ...
تكلم ..بالصوت ..المهمل ..الهادي ..
يدفن ..معه..
ناره ..الي تكويه ..
رسم ..حس حقرانه ..بكل نظراته ..

- ..سوي لي كاسة شاي ..والحقيني مكتبي !!!
لف تاركها ..واقفه ..جامده ..
أنفاسها ..تسابق ..انفاس .. ..الفريسه ..
الهاربه
من ..بندق القناص ..
رفعت يدها ..لعينها ..تضغطها ..لاتدمع ..
ترجع دمعها بيدها ..

وترفض ..له ..
ينساب..
رفعت شعرها ..ولفته ..بعقده ..مرفوع ..
عن كل ملامحها ..
و
طلعت ..تسوي مطلبه ..
وكلها
ثاير ...
مب ساكته ..تسمع له ...
معه تعلمت ..
وفهمت ..
اشد نوع
للخذلان ..

بعد لحظات ..
تمشي ..متوجهه ..لمكانه ..
- ...بيجي يوم ..واهج ..وتشوف !!
رطبت شفتها ...بعجل ..
وصلت ..لعند الباب ....رفعت راسها ..بكبر ..ينرسم بكل ملامحها ..
تنهدت ..وسحبت هوا ...
مدت يدها فتحت الباب ..
شافته ..مو يمها ..
ولا حتى رفع راسه لها ...
قطبت ..يوم شافت ..التليفون المكتبي بجنبه ..ماشافته قبل ..
تقدمت ..
الين وصلت قدامه ..
تكلم بدون ..لها يشوف .
بصوته الامر الناهي ,,
- ارجعي ...واطلعي ..وطقي الباب !! واوقفي الين تسمعيني آذن لك !!!
ثم ادخلي ..!!
امتلت عينها ....حراره وشرار ..
كتمت نفسها ..لايحس ..بقهرها ..
ولفت ..عطته ظهرها ...
رفع عينه..لها ....وابعد ..
طلعت ..وسحبت الباب باقوى ماعندها ...!!! الين اهتز كاس الشاي ..بيدينها ..
تنهدت ..ودقت الباب بقل صبر ..
انتظرت ..مارد ..ولا سمعت له صوت ..
دقت من جديد ..بعجل ..وبرضه ..ساكت ..
جبرت يدينها ..تهمس الدق ..
همس ..
سمعته أخيرا ..
- تعالي!!!!!!
فتحت الباب ..ودخلت ..
تقدمت ..وبينهم طاولة مكتبه ..وقفت ..وحطت ..الصينيه ..بكاسة الشاي ..
عينها ..عالمكتب ..ماتبي ترفع له نظرها ..
كتفت يدينها ..تهديّ ..هبوط الصدر وعلوّه ....من سبق الانفاس ..
- هاتي ..الكاس ..هينا ..!!
ياذا الكاسه وذا الشاهي ..
قربت ..وهي تاركه المكتب ..حاجز ..وسند ..
مدت له كاسة ..الشاي ..الين قربته قدامه .. وابعدت يدها ..ورجعت ..
بنفس وضعيتها ..ووقفتها ..
اطرف بعينه ....للصينيه ..وقطرات الشاي..حوالين الكاس..متناثره

ابعد الأوراق ..جنب يدينه ..وتراكا ..بمهل..
..رمى قدامها ..الاوراق ..
واستطرد ..
- خذي اقري !!!
قطبت اهداب عينها ..
- اش هذا ؟؟
- اقريه!!!
قالها ....مبعد عينه ..خذا .. . سماعة التليفون المكتبي .. وبدا يدق ارقام ..باصابع ..متمكنه .... قربت خذت الأوراق
رفعتها ..موجهه كل اهتمامها لها ...
ارتاحت اهدابها وتباعدت ..وهي .. ..تقرا ..حست برجفة شفتها السفلى ...تعرف هالتوقيع وراعيه ...خابره خطه ..وحافظته حفظ ..
رمشت عينها ...تقرا ..
انقبض قلبها ..من المكتوب ....شدت شفايفها ...
رجّع السماعه ..وهو يسرق لها النظر ..ماخفى عليه الذبول ..رافعه شعرها ..عناد ..له تدري يحبه ..متهادي ..
تنبه لمحاجرها ..المحفوره .. ونظرته لها ..من كل شعور ...
خاليه
الا ..اليأس..والقهر ..والجرح ..والذكرى ...
وشي ..ثاني ..
يدفنه ..كل مالشمس تغرب ...
رفعت عينها وتشابكت انظارهم ..باختلاف ..معنى كل نظره ..منهم ..
.................................................. ........................
الرياض ...
بشقه ..بأحد الاحياء...
منسدح ...باهمال ...وسط ..كومة ..اكياس ..وبقايا اكل ..وكاسات ..
وقوارير ..خمر...
- سامي !!!!! ؟؟؟ يالخمه!!!!! سكت جوالك !!!! لااكسره ..!!!
فتح عينه ...وهو نعسان ...رفع جواله ..يشوف ..الرقم ..
حك جفونه ..
تكلم ..بهمس ناعس ..من بين أنفاسه ..
- وش يبي ذا بعد !! لااستفدنا منه الا تراب بوجهه!!!...
نورت الشاشه .. بأسم ..
(سلطان ..5)
ضغط ..باستمرار ..الين قفل ..جواله ..وحذفه ..
.................................................. ..........
بالمستشفى ...
رنا ..جالسه بصدمه .. ..وقابضه يدينها ...
سمر ..متسانده ..ماوقفت بكا ....انهد حيلها ...وهي تتذكر وجه أمها ...وصدمة عينها بالي سمعت ...
ونت ..بهمس ..
- اميييييييييييي..اميييييييي يي....امييييييييي..
حنان ..بهمس وعبره ..
عجزت تهديهم ...كل ماسكتت وحده بكت الثانيه ..ومن يلومهم ...؟؟
- سمر ..ياقليبي ..خلاص ..ان شاء الله تطيب وترجع ..مثل اول واحسن !! ادعي ..لاتصيحين ..!!
سمر ..بشهقات ..متتابعه .مالت ..لحظن عمتها ...وارتجف كل ..شي فيها ...
- عميمه..امي ...امي ..ياعميمه..!!! ..اه ..امييي ..اميييي!! ..
لمتها حنان ..وحظنتها اكثر ..وحالها ..مثلها واردى ...
قبل ..يتكلمون مع الدكاتره ..اهون ..لكن بعد ..لا ..كلهم انهاروا....وتقطعت قلوبهم من البكا ..
ساره ..مسحت ..دموعها ...
- يلا بنات ..جلوسنا ماله فايده ..اصلا مانقدر نشوفها ...!! الحين ..ولا راح يدخلونا ..!! خلونا نروح ونرجع ..العصر ..!!
صرخت سمر ..بانتفاض..
- لااااااا ..ماني رايحه عن امي ....اميييي ..ماني رايحه البيت بدونها ...!! ..
جيبو لها الوليد ...جيبوه يمكن تفوق ..!!!
نادت ..بصوت عالي منهار ..
-سعوووود !!! جيب الوليد ياسعوووود !!!
ساره ..قربت منها تحظنها ..
- بس ياحبيبتي بس ..
كلمهم سعود ..وارسل لهم ...محد رد ..بيقرون ..وبيردون..ان شاء الله ..!!!
سمعوا صوت سعود ..
- عمه ساره ..؟؟ فيكم شي ..؟؟ سمر وش تقول !!!
صرخت سمر ...بصياح ..
- جيب اخواني ياسعود ...جيب اخواني ..قبل امي ...تروح ..امييييي بتروح ..اميييييي ..يمه ...يممممه ...
ونت ..بصياح متقطع ...
- وش البيت دونك يمممماااااه....وش الحياه ..بدون حسك ....يماااااه !!!!!
شهقت ساره ...ومسكت شفايفها تحبس العبرات ...لازم تكون قويه لهم ...وعشانهم ...
لبست ..نقابها ..وطلعت ..لسعود ..
- سعوود قرب السياره ..عند البوابه ...ابي اوديهم بيتنا ...!!
قرب خالد ....منهم ....
- ماردوا عليكم ؟؟؟وينهم ؟؟ لاتفجعونهم !!! قولو تعبت تعب خفيف ..لاتطير عقولهم ..!!
هز سعود راسه ..يوافقها ..
- ماعلمتهم ...ياعمه ..وهذا علم ..اوصله لهم !!! الله يعافيها ام سلطان ..ويطول بعمرها ...!!
تكلم خالد ...موجهه لسعود كلامه ...
- كلمت طلال ؟؟
- مارد ..علي ..الوقت الي نبي العالم فيه محد يرد !!!!
شد خالد شفته ...
- رح انت وصل عماتي والبنات ...وانا بروح له ..اكيد انه بالشركه ..الحين !!!
هز راسه ..سعود .
- تمام ..
ساره ...بحزن ... التفتت لسعود ..
- الحين وش يطلع هالبنات ..!!..
سعود ..باهتمام ..
- سمر وينها ..قريبه ..من الباب؟؟
هزت راسها .. بنعم ..
قرب ..من الباب..
- سمر ؟؟..استهدي بالله ..وتوكلي عليه ..!! عمر البكا ..مانفعنا ..!! ..تعالي نطلع ..ونتصدق عنها ...الصدقه الزينه ..!! الرسول ..عليه الصلاة والسلام ..يقول ( داوو مرضاكم بالصدقه )
ماقال ..بالبكا والصراخ ...!!قومي يالله ..انا بجيبكم العصر ..ومتى مابغيتي بجيبك ...!!!
.................................................. ............
جده ..
نجلا ...ناظرته ...تستقبل ..عينه الي معاد تفهمها ...ابد ..
- هذي ..ديون !! على ابوي !!!..متى تجمعت ؟؟ ومن متى !!!! ماقد جاب لنا طاريها ..!!!
ركز ...عينه ..بعينها ..يراقب كل اختلاجه ..بملامحها ...
- جا وقتها ..تطلع !!!!..
- وش تقصد ؟؟
- اقصد ...ان هاالديون ..الي على ابوك لازم تتسدد !!!.
رمشت عينها ...وطرفت ..دمعتها ...رطبت شفتها ...بارتجاف ...
هزت راسها بعدم تصديق...
- انت معلق ابوي بقبره ..ولا تكلمت الا الحين ؟؟؟ وينك قبل ؟؟ ليه ماعلمتنا عنها !!! ..
تساند ...على كرسيه ...وعينه مافارقت ..وجهها ....بهالطريقه بس ...بيمسكها .... رغم ..انه احقر ..شي سواه ...الا انه معها اضطر
كعادتها معه ...ماتشوف الا ..اسوء مافيه ...
- ..الحين علمتك ...ومستعد..ادفعها كلها بشرط!!

[قال الزهر آآآه]

تتمين ..بدون أي ..تصرفات ..غبيه ..!! وتهور !!
غمضت عينها بغصة ..وجع ...
فتحتها ..وتشابكت انظارهم ...نفس عينه جامده ...هي وعدت نفسها مايشوف الكسر فيها ...بس اجبرها ..وشافه ...
هذا ابوهاا..كيف ابوها يتعلق بدينه ..!!! وهو ساكت طول هالمده !!!!
قرب من طاولته ...
- الان ..بتكلمين اخوانك ..!! وام سلطان والبنات !!..بدون تحسسينهم باي شي !!!! ..
وغير كيذا ..انا مسافراليوم .....وام عمار .. بتجيك هينا ..تشوف البيت ..وتنظيفه الي مافلحتي فيه !!!!..
تم يناظرها بجمود ..
- ام عمار ..وابو عمار ..ساكنين هينا ..وهم المسؤلين عن البيت بغيابي !!!!
فاهمه !!!!
تمت تراقبه ...وعينها تتهادى بين ملامح وجهه ...من عينه الين شفته ..وذقنه ...
هو ذا حبيبها ؟؟ الي عشقت ...!! ..
شدت شفتها ..
- ماراح انفذ ولا حرف !! وبقول لاخواني !!!.. وبنسدد دين ابوي ..!! باذن الله !!!
رفع حواجبه ...باستهجان ....
- شكلك ماقريتي الرقم ؟؟!! ارجعي اقريه ...
رجعت رفعتها ...مافيها شي ..خذت الي وراها ....جمدت ..نظرتها ..
وردت ..
- بنبيع الديوانيه ونسدد ..!!!..
تكلم ..بصوت هادي ...وكأنه بهدوؤه ..يتراقص ..ويستطرب ..
- لو تبيعون أنفسكم
حتى ..ماتوفوفنه!!!! ولو مانفذتي ..الي قلت ..بطالب فيه !!
وان عجزتو ..!! انباعت الديوانيه ..والبيت ..وماكفيتوه !!!
واجلسوا بالشارع ..وقتها !!!
ماترك لها مجال ترد ..
رجع يسحب...سماعة التليفون ..ويضغط ....مجموعه ارقام ..
ويسمع ...مبعد عنها عينه ...
محد يرد ...لا البيت ..ولا الجوالات ..لا رنا ..ولا سمر ..ولا ام سلطان ..
تكلمت ..بتحدي له.. ..وهي تمسح دمعتها ..
- ان كلمت اخواني ..اليوم ..بقولهم ..وبنادبهم ...وبيجون ...وبياخذوني ..وبيدورون حل ..!!
فقل السماعه ..
- اجل مافي مكالمه !! ماتستاهلين !!! ...بعنادك هذا ..بتشتتين ..اهلك واخوانك !!!
استطرد ..
-ياقي ..ماكملتي ..قرايه ...!!حذف اخر ورقه ...لها ..
تقدمت خذتها ..بيد ..ترجف ..
قرت ..اقرار نايف ..بتحمل الدين وتوقيعه ..
- تعرفين ..وش معنى ..المكتوب !!! ؟؟ يعني ..لو حتى بعتوا ..وسددتو جزء !!بينرمي اخوك ..بالسجون الين يكمل الباقي !!!!
همست من بين أنفاسها ...
- بتندم ..على كل شي بتندم ..
لفت بتطلع ...مقهوره ...
تم يناظر ظهرها ...قلبه ..وجلان ..غضب ..وقهر..
....ابعد عينه..
.. مد يده ..يلمس ..حرارة كاسة الشاي .. ..
رفعه ..
بالصحن الي تحته ...وخبطه ..عالارض ..
الين تهشم
شهقت ..بصرخه ..
والتفتت له ..
استطرد ..بنفس اللهجه ..
-باااااارد!!!
وش بتنظر منك !!؟؟ تعودتي عالرخا !! ونسيتي ..الي ..علمتك إياه مرت ابوك !!!
ردت ..بحمق ..
- رجعني لها ..مقابلها ابرك من مقابلك!!!
وش حادك ..علي !!
رفع عينه ....ودقق فيها النظر ..وجهّ نظرته ..لهيجان ..انفاسها ..
المضطربه .. بصدرها ...
ووقفت انظاره لعنقها ...مانسى ملمسه ابد ..
- من قالك !! اني ..جايبك اقابلك محتد !!؟؟.!! او بجلس عشان اقابلك !!
جايبك عشان اأدبك ..وأأدب كلابك !!!..!!!

تاملته ...بأنفاس ملتهبه ... يتعمد ..يستفزها ..ويوجعها ,,
رفعت اصبعها ..بتهديد ..واستنكار ..
- ماعاش ولا خلق ..الي ..يأدبني ..انا متربيه قبل اشوفك !!! واعرفك !!!
سكتت ..تهدي النفس ...وفكرها ..قرر له يوجع ..
كملت .. بصوت ..مستكين ..القصد منه الاذيه ..وبس!!...
- ومن الأساس ..انا ماكنت بجلس لك !!..انت الي بغيتني!!!انت اول من طلب ..وصلي !!!! مو انا !!!!انت الي قلت كوني لي حليله!!!
ضرب بيده اليمين .....باقوى ماعنده ....
وصرخ ..
- كنت احسبك تستحقين !!! وتستاهلين !!! مثلتي ..وابدعتي !!!!..حتى ..لو انك قررتي ..تتركين كلابك ..قبلي ..من دخل هالمزبله ..مايتركها بالساهل !!! الا ماتوسّمك ..وتبقى ..معك ..!!!!
.خاطبته ..بعالي الصوت تجاريه ...بحمق اكبر
- هالمزبله ..ماخذتها الا من دنياك !!! وبطلع ..وا تركها ..وبنظف نفسي منكم ..!! ..انت ماتستاهلني !!! كفوك ..بنت عمتك ...مثلك وشرواك !!!!
انهت كلامها ..ودمعتها ..تحرق ..مجرى ..السيل ..الي ينتظرها ..ولها مشتاق ..
شافته يوقف ...
كملت ..
- هي الي تناسبك !! لانها مثلك !!!..انا انظف منكم جميع !!! وصدقني بطلع ..وبروح ..وبرجع لاهلي واخواني !!!..
ويدك هذي ..ماراح تطولني ..!!ماراح ماتطولني!!!!!!!
تحرك من مكانه ..وبحركته..طاحت عصاه عالرخام ...واصدرت ..حس ..صادم ..
لمحت ..نار عينه ..وعرقه النابض ..يدوي..
وماهمها ..تبي تستفزه ..وتوجعه ...وتقهر فيه الغرور ..الي كواها ..
كوي !!!
تراجعت ..وهي تشوفه مقبل ..عليها ..
وكملت .. مهدده ..شخصه ..المجنون ..
- وان تركتك !! فيه منهو ..ينتظرني !!! قبل محبوسه ..لنحسكم ..يابن جلمود الحين لا !!! باخذ شيخ وابن شيخ !!!..يباريك ..بكل شي ..واحسن منك بكل شي !!! ومهري ..هو دين ابوي !! بجيبه لك وارميه بوجهك !!
وعد مني !! يالوليد ..
مدت يدها ..لمست ..اسفل بطنها ..
واستطردت ..بصوتٍ ..جديد عليها ..ماانخلق الا معه ..ولجل يوجعه ..
ناظرت عينه وبس ..
-اوعدك .. .رحمي هذا ؟؟!! الي تبريت من عيالك فيه قبل ينخلقون !!!بيشيل ..عياله ..!!وعد!!!!!
..
انهت كلامها ..بعد ماهالها ..منظره ..وارتجف قلبها ..
لفّت .مبعده ..و.تاركته .....متجاهله ....هيمنته وحظوره ..والشرار الطاير ..من عيونه ...
مسكها ..بقوه ....والتفت ..له ..باجبار ..
صرخت ..صرخة ..المضيوم ..
انغرس..بذراعها ...كفه ..القابض ..
كلمها وصوته يفح ..ويشبه ..فحيح ...الداب
- اجل ينتظرك ؟؟!!! ولد الشيخ ينتظرك ...!! الي يباريني ..واحسن مني ..ينتظرك ..!!
بدا بخفوت الين تعالت ..انفاسه ..وصوته ..علا ...اكثر
استطرد وكل مافيه ينتفض..
- احسن مني بايش؟؟!!! وش المراجل الي فيه !!!! الي يكلم ..محارم غيره رجال !!! الي يدخل البيوت بالحرام رجال!!! ..الي يوصف مرة غيره رجااااال !!!!
انهى كلامه بصرخه ..ارعبت فيها ..قلبها ..المرتجف ...
ماقصدت ..الي فهم ..
رفعها ..بذراعها ..الين ..وصلت ..لارتفاعه ...
- بتشيلين عيال..هالكلب ..الي ينتظرك !!!! هاه !!!!..تتحديني ..!!بوجهن قوي !! .بلا حيا ....!!! وتقولين ظالم !!!!....
صراخه ..ارهبها ...
حاولت تبعده عنها ...
بخوف ..
- ابعد ..يدك ...يالوليد ...ابعد ...
وخرت عينها عن قرب عينه ...وانفاسها عن أنفاسه الي.تحرقها ..بلهيب قربه ..الثاير ..
صرخ ..بعالي الصوت ...

- كل مافيك ...لي !!!..كل حياتك لي !!!.. رضيتي ..او انرضيتي ..يانجلا ..عيشي معي ..مثل الذليله ..لمتعتي انا وبس !!! انا وبس!!!! تفهمييييين!!!
تحركت ..تقاوم ..قوته ..بكل ..ماتقدر
صرخت ..بصوت باااكي ..
- ماني لك ..!!! انا ماني لك ..!!!..ما..ن....ي
قاطعها ..بهجومه ...القاسي ... يقبض...شفايفها ....يبطش..ويستأسد ..ترك ذراعها .. لمّ.. خصرها ..بضغط...آسر ...ومدوي لامس بكف يده ..نعومة ظهرها ..... وبيده ..الثانيه ..مسك ذقنها وشد على خدودها ..بأصابع يدينه ..يضغط اكثر يجبرها تستسلم ....وتتالم ....تمت ..تحارب ..بكل قوتها ..وتعلن ..له ..النفور ..تتراجع ..ويتقدم جهتها اكثر بدون يفلتها
تعاظم ..شدّه اكثر ..وهلاكه ..لها ..الين ..وصلت ..لظهر الباب..رفع يدينه المحاوطه خصرها ..مثل السوط..تهادت على ظهرها ..وفلت شعرها غرس أصابعه فيه....مستقصد ..ومتعالي ..ضغط اكثر ..وآلم ..رسم ملامحها ...الين ..تأوهت ..وونت بألم ..
رفعت كفوف يدينها تحاول تبعد ..اصابع يديه ..
وما ترك .. اندفع اكثر واكثر ..
يحارب ..نفسه ..فيها ..
ويقهر شعوره ..بألمها ...
و
يحرق ..روحه ..بجمرة غضاها ..
.يبي ينهيها .... ويجردها ..من باقي ..
عليائها ...المتمسكه فيه ...
تعبت ..تقاوم ..ودموع عينها ..تحرق محاجرها ...معد تحس ..بنفسها ..انهاها ..
خففت ..لمسها ليده ...
حس فيها
تعاظم فيه ..شعور حاجه ..وشوق ..يأأأئس ...
صار ..يجاريها كعاشق ..انهكه ..طول البعاد ..
..بعد ماكان..غازي مستحل ..

قبضت يدينها ...وضربت ذراعه الموجوعه ..بكل قوتها ...
ترك شفايفها ..مع ونة وجع ..
سمعت ونته ..و حست ..برجفة يدينه ..حوالينها ... جمعت ..مابقى لها من عنفوان وكبر و..رفعت يدينها ..لمست كتوفه ..ودفته ..عنها ..لحظة احساسه بالالم ..
ابتعد عنها ..وهو ماسك ذراعه ..ومغمض ..متألم ..
وانفاسه..تسحب هوا ..مثل الغريق..
تهادا شعرها . مثل شلال ..سيل ثاير ....حوالين ..مبسمها الدامي ..بسرعه فتحت الباب...وسابقت ..حتى أنفاسها ..بالركض ...
اتجهت للدرج ..تدري ..مايقدر يجاريها ...ابد ..
ركضت ..بأنفاس ..محبوسه ..ومقطوعه ...هاربه ..منه ..
ومن الجنون ..اللي ..احتواه ...
لاطريق ..ولا ..سبيل ....تتبعه ..ركضت ..تهرب منها ومنه ..
من قلبها ..المجنون ..فيه ..
والمكسور منه ..
ومن
روحه الي اكتست ثوب الجنون
- نجـــــــــــــــلااااااا اااا !!!
سمعت ..صرخته ..تدوي ..بالصوت الجريح ..ترعد ....ياسمها ..وحثت ..رجولها ..تبعد اكثر ..غطت اذنها ..
بيدينها ...ماتبي تسمع ...
وركضت ..تعتلي ..الدرج اكثر ..واكثر ...
واكثر ...واجهت باب ..دفته بكل قوتها ..
قابلتها ..شمس النهار ...بحرارتها ...
سكرته وراها ..وتساندت ..عليه ..
من حر .ماتوجس ..ماحست ..بحرارة لهيب الشمس ..
تلهب ظهرها ..من حرارة .. الباب ..
يشتعل ..كل مافيها ..
ويحترق ..
حرق ظلم ..وحرق ..غبن ..وحرق قهر ..
وحرق ..شوق خاين ..منزوي ..
صاحت ..وونت ..
جلست ..باكيه ..بعبرات ..ماتوقف ..رفعت يدها ..لشفتها ...
انتفضت ..من الألم فيها ..
غمضت عينها ..
وهمست ..بحس باكي ...
- اكرهيييه . يانجلا ....اكرهيييه .. اكرهييه !!! علمي قلبك ..يكرهه !!!!
يكره حظوره ....حتى اسمه علميه ...يكرهه علميه ...!!!!
ليه..هو يجرح واسكت !!؟؟ وان جرحته ..يجازيني!!!
ونت ..بقهر ..
.................................................. ....................
بنفس ..المكان ..
مسكن أبو عمار ..
- توصّي يام عمار ..!! أبو صخر ..خلى مرتوا امانه ..عندنا !!!
تروحي لها ..انتي والبنات ..وتشوفوا طلباتها ...
- لاتوصي ..حريص ..ياغالي !!!
قمزت ..عفاف ..
- أخيرا ؟؟ حنشوفها !!! ..وربي ..فيني حماااس !!!
ضحكت شريفه ..توأمتها ..
- ..وي منك ..!! تصدقي ياماماتي ..! ماتنام الليل ..تراقب .. بيتهم !!
ام عمار ..يتحذير .... عاتب
- عفّو ..!!
قرصت ..شريفه ..و
رفعت ..عفاف يدينها ..مبتسمه ..
- لا يااومي ..انا اشوف بس يمكن ..يمكن ..تخرج ..تتفرج ..بحديقة ..خاله سُلطانه الله يرحمها ..
شريفه ..بمكر ..
- تخُرج كيف بالله ..وهيا ..حتى ..ماخرجت شبر برا البيت !!!
صرخت عفاف ..بانتصار ..
- هيا شوفي انتي الي تراقبي ..!!!
ضحك أبو عمار ...وبتحذير
- خلاص يابنات ..بالكم ..تخجلوني .. !!
ركضت ..عفاف ..لثمت راسه ..ويده ..
- ماعاش فينا الي يخجلك ياابويا ..ياتاج روسنا ..الله لايحرمنا منك !!!
لحقتها ..شريفه..وسوت مثلها ...
تكلمت ..ام عمار ..ببسمه
- أساسا من حياخدهم معاه ...ماحيروحوا معايا !!
صرخوا باستهجااان ..بصوت واحد ..
- اوووووومي !!!
.................................................. ..........
يالرياض ...
شركات ..الجاسر ..
- لاحول ولاقوة الا بالله ...لاحول ولاقوة الا بالله ...
تكلم خالد ..بضيق...
- من اصبحنا واحنا نحاول نتواصل معه ..مقفل جواله !!! ارسلنا رساله مايرد !!!والي يسلمك ..اذا فيه له رقم ..عطنا !!
تنهد طلال .. هذا ثاني ..واحد يجيه ..
جاه سعد...والحين خالد ..
- مافي رقم ..هو الي يتصل ..علي ..!!! للأسف ...
تذكر ..
رفع يده ..منتبه ..
- لحظه ..!! بجرب ادق ..على الفرع الرئيسي ..يمكن متواجد هيناك الان !!!
سحب السماعه ..
-حولني ..عالمكتب الإداري بجده ..!!!
دقدق باصابعه ...باهتمام ..ينتظر ..استجابه ..
.تغيرت ملامحه ..يسمع ..شد شفته ..
- متى .. ؟؟ اليوم ؟؟!! أي وقت !!!....طيب ..عندك وسيلة اتصال فيه غير رقم جواله المعروف؟؟؟!!!
هز راسه بنفي ..وعينه على خالد ..
- طيب يعطيك العافيه فمان الله !!
تابع ..لخالد ..
- طلع للخارج!!!!؟؟ للأسف !! ومايدرون وين وجهته !!
لف خالد راسه ..بضيق..
- يالله ..دبرتك يالله !!!
.................................................. ....................
شركة ..الكهرباء..
بأحد المكاتب ...
- السلام عليكم ...
رفع نايف راسه ....عن الشغل الي قدامه ..
- عليكم السلااااام ...يالله حيه ..!!
جلس يعد مقابله ..
- زاد فضلك ياخوك !!! ..
- وش سويت ؟؟بالي معك !!!! ..
- ابد رحت لطلال ...مثلنا ..ماعنده خبر ..كلم فرعهم الرئيس بجده ...ماحد يرد ...والي ماعنده خبر !!!
تنهد ...نايف ...بهزة راسه ..
- ماني متطمن ...!!!..ولا مرتاح !!
- انا مثلك ..مني مرتاح !! من راحت معد سمعت لها حس !!! ماتسويها ..!! تدري اني كنت بجيهم !!!
تأفف ..نايف ...بقل صبر ..
سمع ...سعد ...
- عندي ..خطاب ..انتظر يوصل لمقر عملي ..خلال هالايام ...ولازم أكون موجود ..!!..ولا اقدر اخذ اجازه وتوني قاطعها ..لكن اذا وصل ..خذت ..مضطر ..
ومشيت لهم جده !!! ..
حرك نايف يده ..
- تروح لهم وين !!!؟؟ وين بتلقاه ..!! كأنه ..مبتعد متعني !!!
هز راسه سعد ..موافق ..
- هو قايل بنروح نغير جو .اكيد متعني ..ينقطع .. عن العالم ..!! بروح لشركته ..وبسال عنه ..اكيد عنوانه معروف !!!
تساند نايف ...
- على خير !!.. شورك وهداية الله !!
انتبهو لطرق الباب ..ووصول ..شخص لنايف ..
قام سعد ..
- يلا فمان الله ياخوي ..بينا اتصال ..
- فمان الله ...
وجهه نايف انتباهه للي عند الباب ..
- تفضل ...!!
.................................................. ....................
أجر ..الصوت ..
من جرحن.ٍ..براني ..
الا والجرح ...اكبر من.. زماني
ومنين ..ابتدي ..؟
ياجرحي الندي ..
حسبي على الأيام ..والحظ الردي ..
كانت معي..عين وهدب ..كانت معي
كانت معي ..حب انكتب ..كانت معي
واليوم ..
انا عندي خبر ..وعلمنٍ اكيد ..
حبيبتي
في قلبها حبن جديد ..
وآآه...آآه..آآه

..على حبي الي كان ..يازمن مابه امان ...
حسبي على الأيام والحظ الردي
حبيييتي
..ضافت على جرح العمر ..جرحن جديد ..
حبيبتي ..
لاهي صدقت ..باللي وعدت ..
وآنا صدقت ..حلمي البعيد ..
وآهين
آهن ..على وقتن مضى ..
و
وآهن على عمري الي راح ...
................................
بجده ..
الساعه 1الظهر
بمطار الملك عبد العزيز ..

يسمع ..دعاء السفر ...
وبقلبه يردد ...
عينه غايمه ..والضيق ..يخنق ..انفاسه ...بمرّ ..الي سمع ..
منها...!!
..رغم ..الي شافه بجوالها .. .اوجعها .. ..بس !! ردودها .وانكارها ...تعزي فيه ..ضيق الإحساس !!
والحين؟؟
اعترفت ..
و
قالتها ..وذبحته ..واحرقت ....كل دربن ..في عشقها مشاه !..
...وش حيلة ..قلبه ..الي ..لها سلّم ..!!..وليه ..مايقدر ..يفنيه ..ويذبحها ..فيه ..!!انكسر ...فيه ..الشي الكبير ..!!. وانهزم ..كله ..وتحدر.. ..ماتستاهله .. ما تستحق ..القلب والغلا ..الي عطاها .. دفن ..العطا..عدد سنين عمره .... وماشكى!!
حرم نفسه ..وراضي!! مابكى
كان الميت الحي
مااشرقت شمسه الا لها ...وماحيى الا بين حناياها هي ..
..
مسح وجه بكف يده ..الين غطا مبسمه متساند ..
يضغط..يبي يمحي ...ذكرى ..وصلها المٌوجع
ويتناسى
..خمرها ..المنتشي فيه ..
.................................................. ...........................
مسكن ..ابو عمار ..
نادت ام عمار ..
- شريفه يابنتي ..اديني .. الملح ..!!..باقي املحوا ..شويه ..ونعبي ..الغدى .ونمشي !!
- خودي يااومي ..!! ..بسرعه ..استعجلي ..ابغا ,,اشوفها ..!
- عفو ..فين !!
- عفو ..جايه دحين ...اش اعمل ..؟؟دحين ؟؟ كل شي جاهز ..
- خلاص استني ..اروح البس ..وعبي ..الغدى بالحافضات ..!!
تابعت ..تنادي .
- منصووور ؟؟ منصووور تعال ..ياولدي ..عشان تشيل معانا ..!!
.................................................. ..
الرياض ..
قصر الجد ..

ساره ..بجناحها ...
تناظر سمر ..المنسدحه ..والدمع مالي محاجرها ...
همست ..لحنان ..بخفوت ..
- يالله نامت ..مابغت ..تقطعت ..من الصياح !!!
- الله يلوم..الي يلومها ..ياساره ..قلبي ..واجعني ..قبل فتره مافيها شي ..وتكلم امي عادي ..مبسوطه ..بالعشا ..وترحب وتهلي ..وش الي جاها ؟؟!! وش الي قهرها !! ..وليه سمر ..تلوم رنا ؟؟ والجوهره !!
دمعت ..ساره ..
- ..ان كانت المتسببه الجوهره ..ياويلها ..ياحنان ..ويلها !!
ناظرتها حنان ..باهتمام ..

- تعرفين شي ؟؟ عندك علم بشي ؟؟
تنهدت ..
- اتركينا منها ..روحي لرنا ..تراها كاتمه ..بنفسها ..لاتخلينها !!!
يكت حنان ..
- يووه ياساره ..وش هاليوم الشين ..عسى مانفقدها ..تذكرين ..يوم خبر ..وفاة اخوي ..!! فيني ضيقه ..مثل ذاك اليوم ..!!
- الله لايكتبه ياحنان !!! ..الله يطول بعمرها ..!! ..ننتظر اليوم ...يارب تتحسن !! اهم شي ..لاتقولين لامي .انا..نبهت على اخواني وحريمهم ..!!
قامت حنان ..تذكرت ..
- والوليد وسلطان ..؟ مارد خالد !!
- الا رد علي ....الوليد ..سافروا الخارج اليوم !! ومايدرون متى يرجعون ..وسلطان ..مافي أي رد ..جواله مقفل ..!!وتعرفينه عنده مية رقم ..!!!
سمعو وراهم صوت ..سمر ..
منتفضه ..قايمه ..
تسال ..برجفه ..
- الوليد ؟؟ وين !!! سافر برا !!!؟؟؟ مادرا عن امي ؟؟!!..يوووووه ..يايمااه . يا غبنتك يمهه..!!..وسلطان وينه ...؟؟لازم يجون اخواني..!!
سمعوا ..الباب ..وبدخلة رنا ..
التفتت لها سمر ...
وصرخت ..متجهه لها ..
- اخوي راح ؟؟ سافر ..هج !!! فر ..من القهر !!!..كله منك ..يارنا ..!!ليه ..كيذا سويتي ؟؟ليه !!؟
رفعت رنا .يدها تغطي رجفة شفايفها ..
بكت ..بصرخه ..اليمه ..
- ماكنت ادري ؟؟ ياسمر !!! ماكنت ادري ...!! الله ياخذني ..يوم دخلتها ذيك الليله ..!!! الله ياخذني وياخذ عمري !!!
.................................................. ............
جده
\
/
على ..كثر ..العيون ..الي اضحكتلي...مابكت لي عين ..
بكيت .ولا لقيت..لدمعتي ..عيننٍ ..تواسيها ...
غرقت ..ولا لقيت ..لصرختي ..منهو ..يمد ايدين ..
تصوّبني سهوم ..الموت ..مرا ..والف تخطيني
انا وحظي ..رجعنا ..كل .منا خالي الكفين
على كيف الدهر ..من وين مايمشي ..يوديني ..
ذبحني جرحي ..الي ثار بي ..أدمى من الصوبين
بلاني ..وين ..اولّي به ..لعب في حسبة سنيني ..
خطاي اني ..وفيت ..وماعرفت العب على الحبلين ..
خطاي اني ..
اذا حبيت ..احب بكل ..مافيني ..
نعم باقي ..من عيوني لعيونك الف دين ودين ..
لو اجمعها ...جروح الناس ..بقلبي ..ماتكفيني ..
ابد ..مااتبعه ..كذاب ..وصاحب البالين
وش الي اذكره بالخير ..منك لجل تهدّيني
انا تدري ..ربي ماخلقني اتبع المقفين ..
وربي لو رجعت بكلمتي لأقطع شرايني ...
..
فيلا ابن عامر ..
مكانها ..من جلست ..متسانده ..
مرخيه راسها ..على ثنية ركبها ..ولافه ذراعانها حواليها ..
رفعت ..راسها بجهد ..حرارة الشمس ..انهكتها فوق ..انهاك ..
الروح ..مليون ..
دموعها ..ماوقفت ...سيلها جارف ...طعم الملح صاير ملازمها دوم...
همست لروحها ..
- ماكنت اقصد ..!! الي ..فهم !!..ياربي انت ادرى بمقصدي ..يارب!!!
ياربي اوجعني ..شكه ..ياربي ..ياحبيبي ..انصرني ..على من ظلمني ..وانصرني منه ..ياا.ر..ب ...
رفعت عينها ..للسما ..تستقبل سموم القيض..
وهمست .
- سعد ..ويييينك !!
تسارعت شهقاتها ...
وجهها ..احتبس حُمره ..من لهيب الشمس ...ومن جرح ..الهجوم....
غطت ..ملامحها .بيدينها ..وبكت ..قهر ..
وكبت ...
عينها ..تحرقها من البكى ..
قامت ..من مكانها ...جسمها ..يشتعل ..حراره ..زودن ..على لهيب الظلم ..
شعاع الشمس ..
الهبها ....راسها ..من حّر ..الشمس ..
يدوي مثل قرع الطبول ..رفعت يدها ..تمسد ..جبينها ...بثقل ..
مسكت مقبض الباب ...ورغم لسعة الحراره ماحست ..حاولت تفتح الباب .
عيا يفتح ....مسحت دموعها بكف يدها ..مركزه بمقبض الباب ...
جرته ..من جديد ..مافتح ...هزته بخوف اكثر ...مافتح ..مقفول ..عيا ينفتح ...
ضربت بكف يدها ...
برجفة خوف ...وجنون ..قرّب ..يحتويها ..
- الوليد !!!!.....الولييييييد !!!! ..افتح الباب ..!!..
هزته اكثر من مره ..بقلق ..وخوف ..تلفتت حوالينها ..سطح فاضي ...وخالي ..ومهجور
عجزت تدق ..وتخبط ..
صوتها ..من كثر صراخها ..اختفى ..
- الوليد ؟؟؟؟انا هي..نا !!!...الوليي...يد ..!!!؟؟؟الوليييد!!!
ضربت ..الباب ..بيدين..اجهدت...حد الانهزام
-الول...يد..!!!
انهزم جسمها الذويان ..
جوع وحر وكبت وغبن
غشت عينها غير ..الدموع سحابة ..محمله ..
بليل ..اسود ..يحجب الرؤيا ...
أنفاسها ...ضاقت ..اكثر ..
ارتخت ...بكل مافيها ..مستجيبه ..لهالسواد ..
ومستسلمه
للسكون
اخر مانطق ..لسانها
حروف اسمه
تناديه
هاربه ..منه ..
اليه ..
قلبها ..يناديه ..
عقلها ..يناديه ..
كلها ..
يصرخ ..
يناديه
هو..وبس
حتى الجرح
يجر الصوت ..
ينـــــــــــــــــــــــ ــــــــــــــــــــاديــ ــــــــــــــــــــــه
...هو ..
...............................................
قرائه ..ممتعه ..
احب اشوف تعليقاتكم ..
ولايكاتكم ..
واحبكم ..
يا ..رفقاء.... رحلتي ..
يا أوفياء

خذني ..بقايا ..جروح ..ارجوك ..داويني
و
أحباب ...قال
..دمتم ..لي ..
................................
قال...و...عيونها











.................................................. ..................

[amana 98]

لا يجتمع الحب و الاستمراريه بالزواج مع الإساءه
خاصه ان وصلت الإساءه الى الضرب والطعن بالشرف
لا اؤمن بقوه الحب ولا اعتقد ان الحب قادر على التعويض عن الكرامه والاحترام والاحسان والألفه اساس كل علاقه بين زوجين

[كاردي]

حزينه جدا على نجلا استمرار الحياة الزوجية مستحيله بينهم

خصوصا بعد الاهانه والشكوك الي تتعرضلها مهما كانت التضحيات والحب( الحب لايصنع المعجزات)

[قال الزهر آآآه]

المشاركة الأصلية كتبت بواسطة amana 98

لا يجتمع الحب و الاستمراريه بالزواج مع الإساءه
خاصه ان وصلت الإساءه الى الضرب والطعن بالشرف
لا اؤمن بقوه الحب ولا اعتقد ان الحب قادر على التعويض عن الكرامه والاحترام والاحسان والألفه اساس كل علاقه بين زوجين

نورتيني ياحبيبه بتعليقك ...
صحيح ....استمررارهم ..يشبه ..امتزاج الماء بالزيت للاسف..
اما ..الاستسلام ..وعيش المذله ..او الترك ...وعيش الكرامه ...

[قال الزهر آآآه]

المشاركة الأصلية كتبت بواسطة كاردي

حزينه جدا على نجلا استمرار الحياة الزوجية مستحيله بينهم

خصوصا بعد الاهانه والشكوك الي تتعرضلها مهما كانت التضحيات والحب( الحب لايصنع المعجزات)

اهلا كاردي ..العزيزه ..
صحيح...حبني حب الكرامه ....لا المذله والشكوك ...
الحب لايصنع المعجزات ...لكن الفقد يصنع ...

[عائشة عمران]

زناد لي ضى نوره امتي بس تحمسسسسسسسسسست ❤
مشكوره علي بارت الحلو واكتر شي حبيته اليوم جزء زناد وعائلته 🥰
واعتقد معاش في حياة بين نجلا ولوليد حتي لو في حب بس اهم أسس الحياة زوجية معاش في احترام والتقة والتفاهم وفي انتظار تقري عيني بزواج زناد ونجلا 😂😂😂😂😂😂😂

[عائشة عمران]

وبلييييييييييييييييييييز خلها تنزل قيمته وتبعتله مهرها من زناد 😂😂😂😂😂😂😂😂😍😍😍😍😍😍

[موضى و راكان]

الذين يشاهدون محتوى الموضوع الآن : 54 ( الأعضاء 14 والزوار 40)

‏موضى و راكان, ‏سميرة احمد, ‏amana 98, ‏ألين ♡, ‏كاردي, ‏Jood Aziz, ‏حياة العمر, ‏ضواء القمر, ‏قال الزهر آآآه, ‏ألق, ‏ارض اللبان, ‏صدىالاحزان, ‏عائشة عمران, ‏DEE92


أبدعتى يا كاتبتى العزيزة و زادات مرارة القهر بداخلى على نجلا