وخُلقتِ مِن ضِلعي الأعوجُا=خذني بقايا جروح ارجوك داويني * مميزة * - الصفحة 4

قال الزهر آآآه · 12-04-19, 03:47 PM

- انتم وراكم ماتحبون الجوهره .. مير انتي اهون ..!! بس اختك مره ماتداني طاريها !!
- عاد يمه مستحيل نكرهها بنت اختنا بس مانحب تصرفاتها .. اساليبها ماتعجبنا !!
-مب منها يابنتي .. من الظروف الي عاشتها عشان كيذا ابيها تتزوج الوليد وتجي عندنا وقدام عينا وتعيش مبسوطه !!الجوهره يلوق لها واحدن مثله شيخ ولد شيخ !!شيخ طبوع وشيخ فعول !!
هزت ساره راسها بقل حيله يستحيل أمها تقتنع ... بالصح .. الي هم شايفينه وعارفينه ...
- اذا هو نصيبها بتاخذه .. واذا لا والله لو تسوي الي تسوي مب ماخذته ... كل شي بإرادة الله يمه !!.
- ونعم بالله ..
.................................................. .................................
فيلا غازي آل مجفل ...
- السلام عليكم ..
رفعت ام نايف .. راسها ... منتبهه لدخول نايف ..
- ياهلا ياهلا ... وينكم ماتردون علي لا انت ولا ابوك وراكم ابطيتوا !!!!؟
التفتت براسها تدور غازي .. ماشافته ..
-ابوك وينه ؟؟
دخل متقدم ... وجالس وهو يتنهد ويشيل شماغه ...
عاجلته شيهانه ...
-ماجبتو نجلا ؟؟؟ وينها ؟؟ ابوي وينه ؟؟
لفت لها أمها بعتب ..
-وش بلاك ؟؟ ارفقي توه داخل ؟؟
نطق وعينه عليهم يبي يعلمهم ... بالي عرف .. من ابوه ..
رفع حواجبه .. متكلم ..
-ماعليها .. الشرطه بغت تتدخل .. وسالفه وش طولها ... !!
شهقت ام نايف .. برهبه ..
- شرطه !!!!!! وراه .. وش دخلهم ؟؟؟ وش صاير ياولدي قول اعجل !!
-الدكتور الي شافها قال متعرضه لضرب !! ولازم يبلغ..
قاطعته .. امه .. بحمق ..
-حسبي الله عليه ذا بعد وش دخله تنظرب تنجلد بعد وش عليه !!!اهم شي يطببها !!
ترقبت شيهانه ... بصمت وتوجس ... تبيه يكمل ...
- طيب نايف وش صار ؟؟هي شلونها ؟؟
-ماعليها ..انا رجعت من عندهم وهي مافاقت معطينها مسكنات ... انا هالمره كثرت عليها ماقدرت امسك نفسي !!!
تنهدت ام نايف ... ونظراتها مابينه وبين شيهانه ..
- وهي خلتك تمسك نفسك !!!! لسانها لسانها مستفز !!!!لاتضيق ياولدي ..!!كان جبت ابوك ثم رجعت تجيبها !!!ليه جاي لحالك ..؟؟
تقدم ..يتساند على ركبه شابك يديه .. ونواظره عليها ..
-ابوي مع الوليد بن جلمود !!بالمستشفى !!
بهتت نظرتها ...
-يافضيحتنا !!!! الله حسيبها هالبنت جابت لنا الفضايح والكلام !!! الحين اكيد بيعافونها !!!!تستاهل ياعوين ابوك وبس وش يلاحي !!!
-مب عايفينها ... الا جا وعرف نفسه على انه من انسبانا!!!
التفت لشيهانه ...
-روحي جيبي القهوه !!
- طيب ...
قامت شيانه ونبض قلبها يتسارع ..ببسمه جانبيه ..وجلى ..اخيرا بتروح ... جا ببالها .. صور نجلا وهي تتغنى بذكر سلطان ... وانتظارها له ...
-وش انسبانا ؟؟؟ علمني شلون وش صار بالضبط !!!
-ابد جا وراح معنا القسم ... وقفلنا عالموضوع ...له معارف .. وزبطها لنا وطلعنا بدون قلق !! رجع مع ابوي المستشفى ونقل نجلا على حسابه .. مستشفى خاص !! بيكملون الاجرائات ... ابوي معد يبي اجلس !! وهي بترقد هيناك !!!
رفعت يدها ... باستنكار ... وغيره ..
-الله الله نقلها ؟؟؟؟ ليه ان شاء الله ؟؟ عسى خير !!!! اهم شي ماقال لكم شي ؟؟تحسه حس وش بلاها ؟؟
-اكيدعرف انها مضروبه !!! ..بس باين عليه رجال شايفن نفيسته ... ماتدخل او انه مااهتم ولا يهمه !! بعد ماندري يمكن قالها كيذا عشان يمشي الأمور .. ويين احنا وهم ويييين لو تشوفينه يمه تقولين امير من وجاهتن فيه !!! خل يجي ابوي ويعلمك !!
تبارقت ..نظرتها .. بحقد ..متبادي ..ومدفون ..ودها يجي النصيب الطاحي ويوجع كل مابها ويطفي حس الحياه المبتهج بزينها ..ويذويه ..
-زين ان شاء الله ياخذها ولدهم ... وتنستر .. ونرتاح من الشد والقلق بهالبيت !!
.................................................. ................................
بقصر ... جد الجوهره ..
جناحها الخاص ..
اندق الباب .. وتعالى حسها ..الامر ...
-ادخل !!!! مين ؟؟
انفتح الباب الا بنت عمها .. الصغيره .. ابتهال ..
-الجوهره امي هيا تبغاك تحت !!
تبارقت نواظرها ... برهبه .. وترقب ..
-اكيد كلموها !!! يله بنزل .. روحي قولي بتجي !!
تراجعت ابتهال راكضه .. وقافله الباب ...
ابتسمت لها دلال ...
-اجل بتروحين دام نادت عليك ..
هزت كتوفها واقفه ... تنثر شعرها حواليها ... ببسمه غنجا ..شاقيه ..
-أي اكيد ... أصلا عارفه اني بروح ... بس ابيها تجي منهم هم ... مب من زني انا !!مابي امي هيا تشك بشي !!
رفعت عبير حواجبها ..
-ذكيه ..عساك توصلين للي تبين ..!!
التفتت لنفسها ... تتأمل زين رسومها ... ماده يدها لمشطها ... مبتديه .. تمشطه بهدوووء .. كثيييير ..محاولاتها لجل تلفت نظره ... ماتنعد ..ولاتحصى ...لكنه يضل مثل ماهو يصد ومايشوف ابد ولا يشعر ولايحس ولايسمع ...لكن الليله .. الا ماتبهت فيه النظر .. لسه ماشاف زينها وماشاف ..الحسن الي زاهيها ... ولاف روس ..غيره وجايبهم لحد عندها !!!
تركت المشط من يدها والتفتت لهم ..متكلمه بتصميم ..هازه راسها بنبره واثقه وعين .. تبرق ..ثقه..
-بوصل ..بوصل !! واذكركم !!!!بنزل تحت ..اخر وحده تطلع تقفل بابي ...وتجيب معها مفتاحي ...
قالته نازله ... وتاركتهم ... دقايق ووصلت لمجلس الضيافه ..
-السلام عليكم ..
اقبلت .. بكبر .. وبسمة غرور .. مبتديه تسلم .. على عماتها .. وزوجات عمانها ... الين وصلت لجدتها .. ونبضها معتلي ودها تطير .. بعجل ..وتاخذ العلم وتطلع من القصر بكبره ... فيها من الفرحه الشي الكثير ..
- تعالي الجوهره .. بنتي ..!!
اشرت لها بجنبها ...
تقدمت جالسه ..
-سمي امي هيا وش بغيتي ؟؟
-وينك مانزلتي من اول ؟؟ يعني لازم نزهمك ؟ عشان تجين تشوفين عماتك ؟
التفتت لها بهمس هاددي ..
-مالي خلق والله احس بضيق .. امي واحشتني والله وانتم ماتبون اروح ليه يامي هيا ؟؟
ركزت جدتها فيها النظر .. بتمعن ..
-انتي ادرى !! خابرتن جدك ليه مايبيك تروحين مكان !!
شدت شفتها .. راده .. بقل صبر .. وعتب ..
-مب خلصنا من هالسالفه ؟؟؟ وعلمتكم انه هو الي هاوشني !! يامي هيا انا كبيره منيب اصغر عياله !! عمي ماقلنا شي بس مب كيذا !! انا اكبر من عياله كلهم !! ياحبيبي يابوي الله يرحمك وبس !!
-اها عاد .. عمك مايقصد ..خايفن عليك وانتي لسانك متبرن منك !!
تنهدت .. متبارقه نظراتها .. بتعمد ..
-ايه معليه .. بنته مايكلمها مثلي !!! وهي اصغر مني ومن حفله لحفله !!! وطلعات وش كثرها مب مثلي !! خل يجي عمي راكان ويصير خير !!!
- الله يجيبه سالم ..والحين شالدبره !! جدتك داقه تبيك تجين ؟؟
رفعت يدها تمسح دمعتها بعجل ..
-وش قلتي لها ؟؟
-وش أقول بعد .. علمت جدك .. انها طالبتك ويالله وافق !!
تبسمت .. بفرحه ... حاولت قد ماتقدر ماتبينها ...
-زين زين يعني .. بروح ؟؟؟
-ايه بس هاه يقول لاتبطي ولاتقول برقد !!! مب تروحين هيناك .. وتعاندينه !! والله ان يجيك بنفسه يتلك تل !!!
- لالا بجي ... من بيوديني ؟؟ مابي عمي ابي سواقي مافيني من مجادل معه من جديد !!!
تنهدت ... جدتها ... هازه راسها ..
-معليه لاهي الحين ...مع عمانك .. ورجال عماتك .. روحي مع السواق وخذي شغالتك معك !!
حركت خاتمها ... بتوتر .. يرجف في سماها .. ويرسل .. مراسيل .. موعوده .. لفرحتها بس انه بيكون موجود ...
-طيب ابي يسوق سيارتي .. مابي سيارتك !!
-معليه سوي الي تبين ..!
قربت منها بعجل لاثمه جبينها ..
-الله لايحرمني منك .. ياااارب !!!
.................................................. .................................
بعد دقايق ....
اقبلت بخطواتها ... تسابق .. الانفاس والنبض ...
فتحت الباب بعجل ...
التفتوا لها جميع ... ثم ابتسموا ... بهزل ..
- اوووه بتروح بتروح اكيد !!!
علقت عبير ...
-هي خابره انها بتروح ... بس تتمسكن !!
سفهتهم وتوجهت لغرفة ملابسها .. وهم لاحقينها ... تهات نواظرها .. تختار وش تلبس واي لون .. مشكلتها ماتعرف هو أي لون يحب ..ماتعرف عنه ولا شي ولا شي .. ماتدري عينه تزتهي باي لون ...
ضحكت دلال ... بحس هازل ..
-على فكره تراك رايحه تقابلين البنات مب ..حبيب القلب !!
اطرفت لها .. لافه براسها .. بنواظر كبر ..
-وش عرفك ؟؟ يمكن يلمحني .. قايمه او جالسه !!!
شدت عبير شفتها معلقه ..
-ترا اذا هو رجال صدق مب معجبه تترززين بكل مكان !!!
التفتت لهم مقابلتهم ... مكتفه يدينها ..
-الوليد سيد الرجال !!!! مااسمح لكم تقولون فيه كلمه وحده !!! وبعدين انا مو بزر ولاهبلا !!! كني تركت لكم مجال تتمادون !!!
رفعت دلال يدها ..
-لالا خلاص تووبه !!!
اشرت على شفايفها اشاره للصمت ...
تبسمت دلال ... بنظره ماكره ..
-ماعليه تحملينا نمزح معك ..عارفينك وندري انه مامثله ابد !!!
.................................................. ..............................
سيارة الوليد ..
- الله يجزاك خير .. ماقصرت يابو صخر !!
يده مستحكمه الدركسون .. مركز بالطريق .. ومنتبهه لابو نايف ..
-ماسوينا شي .. ياعم غازي احنا قبل يكون بينا مصالح .. احنا اهل !! انا ادري .. بعلاقتك بالوالد رحمة الله عليه ..ومن حسن البر خدمتك عند الحاجه !!
عاجله أبو نايف بالرد ..
-حشا ياولدي .. تخدمني !! مقامك عالي .. مثل مقام ابوك وقدره .!!
سكت .. مطرف بعينه يم الوليد .. بنواظر .. كاسيها شي من الضيق والحرج ..داري ان الدكتور علمه ويعرف انه فاهم وعارف وش حاصل لنجلا .. حاسس بضيق .. على هالموقف الي انحط فيه .. اجل هو يجتري يمد يده على بنته !! وش بيقول عنهم .. !!
تابع. ..بحس منزوي ..
-البيوت اسرار ومابه بيت مابه مشاكل بابوصخر !!
رفع الوليد يده .. مقاطعه ..
-اسمح لي يابونايف .. انا ماجبت أوقف معك عشان تبرر لي .. ولايحق لي اطلب منك أي تبرير يخصك .. ولاهذا من سلومي وطبايعي .. ابيك ترتاح .. بغض النظر عن الي صار والي حصل .. لكم اعتبر اني ..ماشفتك اليوم ..ان كان هذا بيريحك !!
جمدت .. رسوم أبو نايف .. بتقطيب .. فاهم ..مقصده ..اشتدت شفته ..هز راسه ..وهو منصت ...
-الله يجزاك خير ....!! مالي انا وجرجرة الشرطه .. بهالعمر !!؟؟ لكن مااقول الا الله يستر عليك دنيا واخره !!
اشتدت مقابض يدين الوليد .. بصمت .. مهلك .لاحساسه .. بشعور أبو نايف .الضايج .. المحرج..نطق بهادي الصوت الواضح ..
-الله يطول بعمرك .. عالطاعه .. وان شاء الله اخر مره تزورها !! وانا اقولها لك .. أي ..عازه او حاجه .. او شغله .. تعصلق معك كلمني !! لايردك شي !! الي بقدر عليه بسويه !!..
هز أبو نايف راسه .. مبعد نواظره يم الطريق ..
-الله يطول بعمرك ..ويرحم ابييك صحيح من خلف مامات !!ماقصرت .. ياراعي المواجيب ..!..
تم معه يتسامر .. بسوالف .. سطحيه .. الين ابتدى يوصف له .. وصف بيته .. وصله الوليد لباب الفيلا .. موادعه ... مقرر انه .. يتخذ موقف .. صارم مع سلطان . فيه من الغضب .. اللي بيحرق كل مكمن صبر خصوصا عقب .. رؤيته أبو نايف عن قرب .. وحواره معه ..مايستاهل .. لاكبره ولاشيبته .. هز راسه .. بضيق ..هامس ..
-الله يعينك على بلوتك بهالبنت يابو نايف !!!..
ويصلحك ياسلطان !!
مد يده ... ساحب جواله ... بتصميم ... ضاغط رقم ... ومنتظر الرد ..
نطق بحازم الصوت ...
-وينك فيه ؟؟
جاه الرد .. بحس مستمهل .. كاره
-نعم يالوليد !!!
-الله ينعم عليك !!!انت وينك الان !!! جاوب على قد السؤال !!!
- والله انا في ارض الله الواسعه !!! مالك علي فيها امر !!!!
استرعدت فيه النواظر ..كاتم اعصابه ..
-اسمع ياسلطان .. واترك عنك الخبث ..وقل الادراك !!! انا بسألك .. سؤال واحد وجاوب عليه !!! بدون لف ولا دوران !!!
-خير ان شاء الله !!!
-الكلام الي قلته لي الصبح عن بنت غازي صحيح !!!انت متمادي معها !!! خلك رجال مره وحده وتكلم بالصدق!!
وصله حسه .. الضايج ..الضاحك ..
-والله ماشاء الله عليك رايح تسال من وراي وتجيب العلوم !!! كان سالتني منهي وانا اعلمك من بنته !!! وبعدين وش تقصد ؟؟ منيب رجال انا !!!؟؟
-اخلص وجاوب !!!
- ايه .. انا ..صادق ..وغيرها كثير بعد ..!! تعرف انت وخابر ..اني رجال غصبن عنك !! وماعندي شي يمنعني ..!!ولاني معيوب عشان ..اتمسير بالخفى !!
اشتدت نواظر الوليد مستمهل مسير سيارته .. الين جنب عالطريق ..مهدي السير ... ووقف ... يعجز يسوق .. والغضب معتلي اعلى مكامن روحه ...
تكلم بحس حاذر .. وهادي ..
-هي هذي مرجلتك ؟؟ !!في اللعب ببنات الناس!!!؟؟ ان كنت رجال صدق!!؟؟ قابلني بعد صلاة العشا ببيت جدي !!هذا ان كنت رجال !!!!!
وان ماجيت .. فاانت كل مافيك خرطي!!!
قفل الخط ... تارك جواله بهدوووء مستحكم .. مبتدي ..عرق ..نبضه ..يستشيط ..بيجبره اليوم .. يصلح غلطه ..معها ..مب عشانها .. لجل حق الصحبه ولجل ان غازي صديق ابوه .. اما هي !! كفوها ..الدرب الي سلكت ..دام تركت له عليها منفس وطريق ..شد شفته بأشمأزاز .. متذكر .. حال ابوها وهو يتعذر ويدور ..موية وجهه !!! واستشاطت روحه ..لقرف ..المحيط ..الي محاوط اخوه .. رجع مستحكم ..عجلة القياده .. ومحرك سيارته ..
.................................................. .................................
فيلا ..غازي آل مجفل ..
بالصاله الداخليه ..
-هو قاله .. لهم .. بس ماجاب طاري لي ابد .. !!
قطبت هدب عينها ..بتوجس ..
- ظنك هونوا يابو نايف؟؟ تصدق الا اكيد هونوا .. فضيحه أصلا .. !!! وش بيقولون ..؟؟ مطقوقه ليه !!؟؟
احتدت .. نواظره .. بحمق ..
-مطقوقه لان ..كلن يتصرف من راسه !! ليه بعد؟؟ انا معلمكم وقايل لكم ومحذركم ماتنمد يدكم عليها !!!
-انا وش دخلني ؟؟ ماقد مديت يدي !! هذا اخرتها ؟؟هذا جزاي ... !! اييييه معليه .. تحملنا .. وسكتنا .. ورضينا بالهم .. وبعد مب عاجب !!! لكن سبحانه .. شوف ربي شلون !!الله عالم !! لكن بقولك شي ..ان سحبوا من هالخطبه الي مر عليها سنين وهم مسبطين ماكون ام نايف !!!وانت ضيعت خطاب وش كثر !!عشانهم !!!
زفر متنهد ..
-الي الله كاتبه بيصير !!وانا راضين به شان او زان !!!الله يكتب الي فيه الخير !!

اطرف بعينه يم شيهانه ...
-قومي يابوك تولمي ... بترافقين اختك الليله هي لحالها !!
عاجلته ام نايف باستهجان ...
-وين بتوديها ؟؟ ومن بيقوم بالبيت !!! نجلا ماعليها خوف وش بيصير لها مب المستشفى خاص وبفلوس !!؟؟ بيهتمون بها اكثر منك حتى !!!
-لاحول ولاقوة الا بالله ... لاحول ولا قوة الا بالله !!! قومي شيهانه اعجلي !!
تهادت نظراتها بينهم ... بترقب .. عين أمها عليها تحذرها ..
ناظرها ابوها منتظر تسمع له ...
-انتي تسمعين ؟ ولا ماتبين تروحين بعد ؟؟؟؟
-الا يبه بروح ابي اشوف اخبارها !!!
اشتدت نواظر ام نايف بتوعد ... كشرت شيهانه بقل حيله بدون ابوها يلاحظ وقامت تتجهز .. حتى هي تبي تتطمن .. .
.................................................. .................................
قصر ..صخر آل جلمود ..
وصل لقصره ... ملبق سيارته .. امام مدخل النساء..
دخل مافيه غير الخدم .... متوقع انهم راحوا جميع ... من قبل الصلاه .. توجه لجناحه .. الخاص اكبر جناح .. بالقصر .. أصرت .. ام سلطان يكون له ..تبادت نظراته .. بوسط السكون .. تقدم له بهدووء..مستدرك عمق الصمت .. بالمكان وجزل الظلام ... فتح الانوار .. مسند عصاته .. ومتهادي بخطواته العرجا .. متوجه لغرفة النوم .. الين وصل للسرير ..وجلس عالطرف .. مرخي متنه ..وجيده .. المجهد .. حذف مفاتيحه ورفع يده ساحب شماغه ..تاركه عالسرير .. ثم ابتدى ..بنواظر ....ثابته .. يفتح كبكاته .. ..تعالىت نغمات جواله ..
سحبه من جيبه مقطب هدب عينه ..ابتسم اول ماشاف الاسم ..
رد بصوته المرحاب .. معاكس ..شعوره الضايج ودافنه .. بعيد ..عن ادراك ..وفهم أي روح ..
-هلا وسهلا !!
-ياهلابك ... وينك ياولدي .. ابطيت علينا الكل موجود !! وراك تاخرت !؟
-الحين جايكم .. عطيني نص ساعه واكون عندكم باذن الله !!
سمع حسها العاتب ..
-بعد بتتأخر زووود ؟؟ الحين مب كلهم يشتغلون مثلك ؟؟ وراهم مسنترين عندي من قبل الصلاه وانت لا !!
ضحك ..بهادي الصوت .. على وصفها للجميع ..
-باخذ لي .. هه ..شاور خفيف وجايكم ان شا الله !!
-وشو ذا ؟؟ وش شاوره ؟؟
عاجلته ضحكه .. خفيفه .. وهو يفتح ازرار ثوبه ..
- بتحمم .. توني داخل البيت والله .. ماخلصت الاشغال اليوم الا متأخر .لكن مايهمك بجيك واجلس معك !!
- ايييييه فهمت وانا وش يدريني ياولدي .. بذا الاسامي الي تقولون تحورفون وتغيرون ..قل بتروش وبفهم عليك !!
- ابشري ...ماطلبي شي .. !!
-وبعد ترا مقابلك مايبرد قليبي مغير تجي طاير .. وتروح طاير الليله اجلس معي جلستن صاحيه !!
-ابشري ابشري ..
- يله بنتظرك .. لاتبطي مابفى الانورك ..
-يكفيهم نورك انتي ياغاليه !!
-زين هاللسان وراعيه .. اييي بالله صدق من قال هذا الشبل من ذاك الأسد !!
توارت ..نواظره بصمت .. متأمل .. بفكره .. دوم يسمعونه هالكلام ... كان مايتقبله ابد .. الين عود نفسه يكون بليد شعور ... لانه يعرف انه يستحيل يكون يشبه ابوه ..يمكن تواصيف لكن فعول .. ابد .. ولايتمنى ولا يبي .. واستحاله .. يعرف ..لانه ماراح يشوف الظنى ابد ..
استاقف بجهد .. مبعد ثوبه .. وراميه عالسرير .. ومتوجه لدورة المياه ...بخطوات عرجا .. مستكينه ..
.................................................. .................................
بالمستشفى ...
جناح .. نجلا الخاص ...
في غياهب الامل .. المجروح ...والي ابتدى .. يضعف .. ويختفي ..معد بقى بالروح .. حيل .. وصبر ..انكسر كل مافيها ..من ..كبر يتيم ..يحاول .. انه مايبان انكساره ... الا انها عجزت .. وصلت للحد .. المستكين .. بلا ثوره وبلا مطالبه .. وبلا .. حتى رجى ...
مستكين ..جيدها .. المهدود .. والمضروب بلا وجه حق ..
معد تحس ..بشي ... مافي الم .. ولا نبض وجع .. ولااصواتهم .. كلها اختفت ..ضاع صراخ نايف .. معاد به موجود .. او يمكن هي الي اختفت !!؟؟ اشتدت اجفانها ..حاسه بثقل.. يوووه يعني حيه ؟؟ يانجول !! مامتيَ !!
ارمشت بعينها ..بثقل ..يياري.. ثقل أنفاسها .. وعمق ..الضيق .. الي واصل لاقصى .. مكان .. !!
تنبهت .ببطء .. انها ..بمكان غير غرفتها .. وغير الملحق .. .. قطبت هدب عينها .. لامحه وحده لابسه .. لبس تمريض .. واقفه .. توازن .. سير الغذايه .. تحركت .. رجفت شفتها حاسه بألم ..بجسمها ...حركت راسها ...
وصلها حس ..هادي .. ناعم .. لين ..
-فقتي حبيبتي ..؟؟
جت تنطق حست بجفاف ريقها ..
-ابي مويه .. عطشانه ...
تقدمت منها ... ماده يدها يم .. علبة المويه .. وفاتحتها لها .. قربت اكثر تسندها لجل تشرب براحه ...
صدرت منها آآهه خفيفه ..
تأملتها ... الممرضه برحمه ... ناطقه بحس حاني ..
-يله اشربي بالعافيه .. !!
شربت ...ترطب شفايفها وريقها ..
ثم سألت ..بصوت خاوي ...
-من متى انا هينا ؟؟
- من العصر .. وصلتي ولاتجهدين نفسك كثير وتتحركين .. عشان الرضوض الي بجسمك ..ماوتجعك !
ارخت نجلا نواظرها بحرج .. موجع .. يعني ..شافوها .. ؟؟! جت عينهم على .. جيدها .. ؟؟ .. وعرفوا انها مظروبه ..؟!
رجفت شفتها ... هامسه ..
-متى بطلع ؟؟
-اول شي الحمد الله على سلامتك ... وبكرا ان شاء الله ..يشوفك الدكتور الصباح .. ونعرف !!
تراجعت .. تسند نفسها .. انتبهت ان شعرها مجموع .. بدون ترتيب ..تحت ..طاقية راس .. تبع المستشفى ..
ترقبت نظراتها بالمكان ..بتوجس .. وضيق .. همست ... بحس مكسور سائل ..
- مافي احد معي ؟؟
- لا والله ماشفت احد ..
اشتدت شفايفها .. تكتم عبرتها .. عاجزه توقف لمعة عينها .. المبتديه تلمع ..من الدمع .. وكن العين تتشره .. وترجى منهم خير .. وهي اكثر وحده شافت ظلمهم كله ..
- لا لا ..لاتبكين .. علميني من مزعل هالزين !!؟؟
تحدرت دمعتها .. رفعت اناملها بعجل تمسحها ..بحرج ..هامسه ..بحس شبه مسموع ..وبرجفة يدين ..
-ياكثرهم .. كلهم زعلوني ..!
مدت لها مناديل ..
- الله يهديهم .. ويصلحهم .. الحين انسي الزعل .. عشان تتحسنين وتطيبين ..والحمدالله مافيك كسور .. من طيحتك ..ربي سلمك ..
هزت نجلا راسها ..ماخذه المنديل منها .. وسائله ..
-من جابني هينا وين اهلي ؟؟
-جابك زوجك والوالد ...
قطبت هدب عينها ... وضحكت ضحكه مخنوقه ... متخيله بس ان نايف زوجها .. يمسيها بضرب ويصبحها بضرب بدون مايسأل ويعرف ..
مابها حيل حتى تقول الله لايكتبه .. قالته بروحها وبوسط قلبها المضيوم ...
- انا بروح الحين اشوف باقي المرضى .. اذا احتجتي أي شي .. اضغطي على هذا الزر وبجيك طوالي ؟؟ طيب ..
هزت راسها ... موافقه ... بصمت .. أساسا ماتبي عينها تجي بعين احد .. مره متضايقه ومحرجه ..وحاسه انها عريانة مشاعر ... مجهده .. ومتكدره .. وضايجه ..
اول ماطلعت عنها ... غمضت عينها .. وبلمح البصر جت صور الاحداث كلها متتابعه .. فتحتهم بسرعه تطرد ..توارد الذكرى الكريهه ..
رفعت يدها لذقنها .. تتلمس لصق جروح ...
حركت خصل .. هربت .. من ممسكها .. ورجعتها ورا اذنها .. وهي ترفع اللحاف .. بتحرك رجلها ..تأوهت ..
جت عينها عالكدمات .. الي ماليه رجولها وساقها .. مدت يدها ترفع اللبس .. شافت الاثار .. المتوسمه بافخاذها ..
وكن وجع الظرب رجع .. امتلت عينها دموع القهر .. اول مره تتمنى انها تموت .. دايم تصبر .. وتتحمل .. والظاهر . لعاد فيه سعد ولاعاد فيه سلطان..احترقت جفونها من حر ماتوجس .. تركت اللحاف رافعه كفوفها .. مخفيه ملامحها ..بنشيج ..مدمي .. قاهر ..
معد تبي تتحمل .. خلاص .. هلكت .. ونت .. بهاجس .. قوي .. استشعرته بهالثانيه .. راجيه ومرتجيه ..
- ليتني... امووووت ياربي .. ليتني اموت !!!!
جا ببالها ملامح سعد ..فز قلبها ..و أبعدت يدها .. ماسحه عينها .. حتى لو تدري وينه ..وش بتقول له ؟؟ بتقهرره اكثر ؟؟يكفي انه انطرد بسببها ..كم له معد سأل عنها .. اجل لها عنها .. وسلا وارتاح من همها !!؟؟
أبعدت اللحاف بحمق ... وعينها تشوف الاثار من جديد رافعه روب المشفى .. الين وصلت لمحيط خصرها .. متمعنه ..باالكدمات .. الزرقا ..المتباديه .. متذكره كل ركله ومن رجل نايف .. لها .. تسارعت أنفاسها .. وشهقاتها ... بقهر .. مغبووونه ... حيل مغبونه ...مقهوووره من احساسها .. الكسير .. والعاجز ..امام .. غفلة ابوها .. وكره نايف .. الي .. انهكت نفسها ...عشان تبعده وتمحيه ... تبيه يعرف انها تحبه .. بس امه الي تغلبها بالكره .. بكت .. بحيل مهدود ..من اختها ودورها المهمش ... الي تشوف ولا كنها تشوف ... كم تمنت يقبض الله الانفاس .. هالحظه.. آآه لو تحقق ..وصار ..
.................................................. .................................
قصر الجد ...
مجلس ضيافة النساء ...
تعالى حس الجده ... معلنه ... بصوت ..مزتهي .. ومترقب ...ببهجه وشوق ..
-الوليد بيجي الحين .. !!
عاجلتها ساره ... مستفسره ..
- يمه ماكنت عجلتي عليه ؟؟؟ بدري
- لابدري ولا شي .. يعني ماتخبرني ارقد مبكر ؟؟ متى يمديني اجلس معه ... ؟؟
ام سلطان ... تسمع بصمت عارفه .. وش نية خالتها ..معه ... تكلمت بحس هادي .. مستلين ...
-والله ياخالتي كان بتفتحين .. معه الموضوع الي بالي بالك ... هذاني اعلمك ..بيعرف يطلع منها !! وانتي مب ماخذتن منه لاحق ولاباطل ..!!
عاجلتهم ام سعود مشاركه ... بعتب ..
-افا ؟؟ وش الي بالك وبالها .. وشعندكم خالتي ؟؟ وش السالفه .. ؟؟
التفتت لها ام سلطان مبتسمه .. وهامسه ..
-موضوع زواج الوليد يابنت الحلال !!
-اييه مانسيتوا هالسالفه ؟؟ الله يعين ..
ردت الجده .. بعجل ..
-وش ننسى ؟؟ هالموضوع بالذات ..ماينغفل عنه ... ابد .. لكن الله يجيب البشاير .. والعلوم الطيبه .. !!
التفتت .. لساره ..
-البنات وينهن ورا ماينزلن ..؟؟
-عند حنان فوق ... شويات .. اكيد بيجون !!
اقبلت ... الجوهره ... بحسهاا الي سمعوه قبل .. ينتبهون .. لشخصها ... المبهرج .. والملفت ..
-سلاااام ...
-ياهلا ياهلا ... تو مانور البيت يابعدي ... !!
قربت مبتسمه ..مبعده طرحتها ...
-انتي عاد لك سلام خاص يامي نوره .. اخبارك .. وش مسويه ...
انحنت لاثمه راسها ..بخفه ..
- بخير ياحبيبتي .. انتي اخبارك ؟؟ بشري عنك .. اخبار جدانك وعمانك .. وربعك ؟؟
استاقفت .. مبتسمه ..
-كلهم بخير الحمد الله ...
لفت مطرفه لخالتها ساره ...
-اهلين خاله ..اخبارك ؟؟
-هلا والله .. علومك ... وش مسويه ... وراك ابطيتي عنا !!
-عاد .. مشاغل ... ابيكم تشتاقون لي !!
تقدمت لأم سلطان ..ببسمه جانبيه وعين تبرق ...
-هلا خالتي .. اخبارك ؟؟
-هلابك يابنتي ... بخير ..عساك بخير ...
تخطتها مسلمه على ام سعود ...
- اخبارك .؟؟ وش مسويه بنتي ؟؟
استاقفت .... ناثره شعرها بيدها ..
-بخير الله يسلمك ...
تلفتت ..
-وين البنات اجل ..؟؟
عاجلتها جدتها ... بالرد ..
-بينزلن الحين ...!!..تعالي تعالي عطيني علومك واخبارك ...
مدت يدها لعاملتها ..
-تعالي خذي اغراضي ...
لفت لجدتها ...
-حتى امي وينها ماجت ؟؟
-بالطريق ..!! حتى الوليد جاي بالطريق ... !!
تبسمت .. بنظره .. لها الف معنى ومعنى ..
أبعدت الجوهره ..نواظرها ... برهبه ..ورجفة انفاس ...
هزت ام سلطان راسها .. مطرفه بنواظرها يم .. ساره .. هامسه ..
- الله يهدي خالتي تمني البنت .. والرجال ماعطانا كلمه ولاهوب معطي !!
تنهدت ساره ... بتفهم .. مطرفه بنظراتها للجوهره ..منتبهه لطاري الوليد وش يخلق فيها تابعتها الين جلست عند أمها .. وابتدوا يتهامسون ...
لفت للقهوجيه ...
-ام حاتم هاتي القهوه ...
- ابشري ...
بعد دقايق ...
- امي نوره برقى للبنات تأخروا ... بناديهم وننزل .. !!
-ابدن خذي راحتك البيت بيتك ..
وقفت ... مرتبه نفسها باطراف يدها ... وماشيه ... بخطوات مغناج ... مدركه انها .. للعيون .. مطلب .. ومهتوى ...
طلعت ... والنواظر ..حواليها ...
التفتت الجده .. لام سلطان وام سعود ..وساره ... مخاطبتهم بحس متباهي ..
-شفتن ماشاء الله هالبنت مزينها .. زين على زين ... تبارك الله ياذكر الله عليها ... !!
هزت ام سلطان راسها ...ببسمه .. صدوق..
-أي ماشاء الله الله يحفظها ...
.................................................. .................................
بعد دقايق ...
رقت الجوهره متوجهه لجناح خالتها حنان ...
اول مادخلت ..
-السلام عليكم ..جميعا .... !!
التفتوا جميع ...
-هلا وعليكم السلام ...
قامت لها رنا ... مبتسمه بفرح ..
- هلا والله ...تونا بطاريك ..!!
قطبت هدب عينها ... باستعجاب .. مغتر ...
-وش جايبين طاري الجوهره فيه ...؟؟عسى خير ان شاء الله !!
-ابد بكل خير استبطيناك ... !! وش هالزين يختي ... كل مالك تتجددين .. !!؟؟تختفين وترجعين بشكل ثاني !!
راقبتهم سمر مستمعه ... نطقت .. بحس هادي
-شوي شوي عالبنت يارنا ... كليتيها بالمدح !!!
التفتت حنان .. الي جالسه على تسريحتها ..
-عاد تعالي سلمي ...نحن هنا !!!
اشرت براسها ...
-سلام خاله اخبارك ..
تركت حنان الي بيدها .. معترضه ..بيدينها الي محاطتها .. حوالين جوانب خصرها ..
- وش خالته ؟؟ ليه وش شايفتني تراني معك بنفس العمر !!!
ضحكت سمر بخفه .. مقربه من عمته ... ومبتسمه ..
- حاشا لله وش عجوزه انتي اجمل حنو بالوجود !!!

اشرت حنان باصبعها .. لسمر ..بهزل ..
- انتي لا قولي ياعمه لكن الجوهره .. بعمري لاتقول !!!
تقدمت الجوهره ...
-صارت سالفه ... انسى تراني ..انك ماتحبين أقوله لك ... !!عادي مشيها ...!! لاتدققين .. !!
اطرفت لها حنان ... ملتفته ماخذه عطرها .. لجل تتعطر ..
قربت منها رنا ..هامسه ..
- وافقت جدتك بسرعه ؟؟
-مابغت .. الين دقت امي نوره الله لايحرمني منها ..!!
ابتسمت رنا ..بسمه عاتبه .. هازه راسها ...
-لاتنسين انا بعد ماقصرت .. ترا امي الي داقه عليها !!
-مانسيتك ... ابد ... !! شكرا ... !!!
استجلست ..ببالها سؤال ... مدركه انهم بينتبهون لها ... لكن بتسأله لان محد له دخل فيها وبأيش تحس ..هي حره ..
- رنا أي سايق جابكم ؟؟؟ حقكم ؟؟ او حق الوليد ؟؟
التفتت لها سمر ..مسنده ملامحه على كفها بترقب ... تدري وش مغزا الجوهره ... عاجزه تتقبل تعلقها الواضح بالوليد ...الي هو أصلا ماعطاهم .. من نفسه عشان يلقيها بال ...
- بسواقنا !!!..
- اها ... لان امي نوره تقول الوليد بالطريق ... قلت يمكن رجع يسوق عادي !!؟؟
قطبت سمر هدب عينها راده ..
- هو يسوق أصلا... بس أحيان حسب مزاجه اذا رجع مجهد .. يجي مع سايقه الخاص .. !!
هزت راسها ... بتفهم ..
- رنا ماقد ركبتوا معه ابد ؟؟؟ !!!
هزت رنا راسها ..
-لا ابدا !!! تراه مشغول مانشوفه أحيان يمر شهر او أسابيع .. مانتقابل معه وان تقابلنا ... كلمه ورد غطاها ...
علقت سمر ..
- شخصيته صعبه .. على فكره ... ماتعرفين وش يجوز له .. !!
ابتسمت حنان عارفه ... هالسوالف ... ياكثر ماتنعاد ... بكل مجلس مع الجوهره ... لاتكل ولاتمل ... من طاريه ...
- انا بدخل اتوضى مره وحده وونزل .. أتمنى اذا طلعت تكونون خالصين من ترصدات حياة الوليد !!!
شدت الجوهره شفتها ببسمه .. ماكره .. حامقه ..
قامت سمر ...
- وانا بنزل اسبقكم .. حافظه سواليفكم ذي !!
الين راحت .. خالتها .. وسمر لفت لرنا بهمس ..
- اكيد بيجي ؟؟ عطيني اخباره ؟؟
تساندت رنا ... بحماس تحكي لها .. اخر علومه ... الفتره الاخيره ... مع انها تكرر وتكرر انها ماتجلس معه الا ان الجوهره ماتستوعب هالشي .. ابد ...
بعد دقايق ... دخلت عليهم ابتسام بنت عم رنا وخال الجوهره ...
- السلام عليكم ... !!!
- هلا والله ..
- اهلين ...
اقبلت حنان ... وراحت تسلم عليها ...
التفتت لهم ...
- يلا انزلوا كلنا متجمعين .. يسالون عنكم ... !!
سألتها حنان ..
- جا خالد ورانيا ؟؟؟
- ايه ... تحت ... كلنا حتى ابوي ... !يوم اقبلنا على مدخل الرجال ... شفت سلطان ولد عمي بعد ... !!
استهجنت حنان .. باستغراب .. هادي ..
- والله ؟؟ غريبه .. سلطان حاظر جمعتنا !!!
قطبت رنا هدب عينها ...
-اكيد فيه سالفه !!!
التفتوا لها جميع ..
سألت رانيا .. بحرص ..
- ماشفتوا الوليد ؟؟ او سيارته تحت !!! جاي بالروز او البنتلي يمكن !!
هزت راسها نافيه ..
- لا مانتبهت ...
كتفت يدينها متسانده ...
- غريبه والله ... سلطان اخوي مايجتمع مع الوليد بمكان واحد !!! اجل على كيذا يمكن مايحظر الوليد !!
جت الجوهره تنطق ... الا دخلت رانيا ...
- السلام عليكم ...
سكتت بغيض ... ياخوفها بعد اليوم مايجي وهي مخططه تبي .. يشوفها لو حتى يلمح طرفها ...
- هلا الجوهره اخبارك عاش من شافك !!
- هلابك ... وش الاخبار ..
- طيبين الحمد الله ... شلونك رنا ؟؟
- طيبه الحمد الله ...
ناظرتهم رانيا ... ببسمه ..
- وراكم جالسين يلا ننزل ... جت امك الجوهره ... توها داخله تسال عنك !!
ردت حنان ... متقدمه ..
- الحين كنا بننزل ... يله خل نلحق عالسوالف ... وسعة الصدر ..
وقفت الجوهره ...
- انا بعد ابي اروح اشوف امي ... بسبقكم ..
مرت دقايق... الين نزلت .. متوجهه .. للمجلس ..
اقبلت ..هاتفه ..
- هلا يمه .. تاخرتي ..!!
التفتت لها حصه ..
- هلا هلا هلا والله ببنتي حبيبتي القمر .. الغالي ..
اخبارك بنتي ؟؟؟ علومك ؟؟
عاجلتها الجده قبل ترد الجوهره ..
- ابد علومها كله تسر الخاطر ..وهو يجي من هالزين علمن شين !!؟؟
ابتسمت حصه بزهو وعينها .. منتبهه لنظرات حريم اخوانها ..
- لا والله مايجي .. الله يحفظها لي ويخليها !!
اطرفت الجوهره يم صوت ام خالد.. تكلمها ..
-ماسلمتي علي .. يالجوهره .. !!؟؟
- هلا خالتي ..ماشفتك عشان امي .. !!
تقدمت ..لها .. تسلم ..
همست حصه لأمها ..وهي تترقب زين بنتها المتفرد .. وتدري ان العيون تترقبها ..
-هاه يمه ماصار شي .. على موضوعنا !!؟؟
-الين الحين ماصار شي .. بس لاتشتقين .. كل شي بوقته !!!
-ومتى وقته يمه ؟؟ عمانها كل يوم جاينهم ..خاطب .. يبونها ..عجزت ترد عن نفسها وانا وش بقى عندي اعذار مابه شي ابد !!
هزت راسها .. أمها ..بتأكيد ..
-اليوم ان شاء الله نحسم موضوعهم الاثنين !!
استجلست .. براحه ..
- اييه ان شاء الله ... الله يوفقهم .. ويارب يجعله من نصيبها !!
من شفته يمه وانا قلبي فازَ!!.. بغيته لبنتي .. الله يجعله لها يارب !! خل بنتي تتهنى بعز وحلال اخوي .. وفوقه .. الوليد .. الي مامثله ابد !!
- أي بالله انا اشهد مامثله ابد .. معليه ان شاء الله ان الأمور طيبه .. !!
القهوجيه .. تدور .. والي معها يقدمون .. الحلا ... وصياني التمر ... والبنات متجمعات بركن سوالف وضحك ...
قربت ام خالد لأم سلطان .. متكلمه ..ببسمه ..
-ماشاء الله يام سلطان .. خالد يعلمني .. عن المزرعه الي شراها الوليد ماشاء الله يقول فيها مربط .. خيول بعد !!
ابتسمت ام سلطان ..
- والله علمي علمك .. مادريت الا منك !! لاني اخذ علومه منه ... وهو مايحكي .. ابد !!
التفتت الجوهره ... بحماس ... لرنا .. والبنات ..
- سمعتوا ؟؟ اجل رنا الوليد شاري مزرعه ماعلمتيني ؟؟!!

قطبت هدب عينها ...
- وش دراك ؟؟ مدري عنه !!
رفعت حنان حواجبها ..
-شلون ماتدري الجوهره ؟؟؟ اذنها مب معنا هيناك .. عند امك !!! بس جسمها معنا !!
تنهدت سمر بضيق .. ابد ماتحب تصرفاتها واندفاعها .. المستهجن الواضح ... لأخوها الي ماعطاهم وجه من أساس .. !!
ابتدوا كلهم .. يستمعون .. لكلام جدتهم ...
-اجل لزمن نزورها هالمزرعه ... اكيد بيعزمنا لها !!
-والله ياخالتي ماعندي علم هي خاصه !!؟؟ او للشغل !!.. وتخبرينه ..راعي واجب ومايقصر ابد !!

.................................................. .................................
بالمسشتفى ...
جناح نجلا ...
انفتح الباب ...
- تعالي ادخلي ... هذا جناحها ..
ترقبت شيهانه المكان ... بانشداه .. لاحقه ابوها ... اول مادخلت ابتدت نواظرها تدور نجلا ... شافتها .. بلاحراك .. فز قلبها .. لهدووؤها ..
- يبه شكلها مافاقت ..
تقدم .. لامحها ... بهدوووء.. منتبه للكدمات .. الي بملامحها .. هز راسه .. بضيق ..
- الله يصلح الحال !!..
قربت ..من ورى ظهره .. شيهانه .. تتأملها .. نايمه على جنبها ..وكفها محتظن خدها الأيمن .. انتبهت .. لملامحها الباهته المتوسمه بزراق .. مخضر .. رجفت شفتها ..
- نجلا ؟؟ نجول ؟؟
- خليها خليها تنام ... !!
- وش قالوا برا لك يبه ؟؟ هي بخير ؟؟
- ايه طمنوني يقولون قامت ورجعت تنام ...
اشر لها ..
- هذا سريرك .. اجلسي معها ... أي شي تبوه او حصل شي دقي علي .. بترك جوالي .. عام !!
هزت راسها طيب ..
قرب منحني .. لاثم جبينها ... ومتنهد ..
متغافل ومو منتبه .. انها تتنفس .. بضبط أعصاب .. ماتبي يعرف انها فايقه ... ولاتبي يشوف الكسر الي مايحسه ولا يشعر فيه ابد ... وش استفادت تبين وتعلم ... معد ينفع الحكي ولا الكلام ..

استاقف ... متراجع ...
- يلا بمشي انا وراي بكره شغل ...
-طيب يبه .. ابشر ..
طلع تاركهم ... توجهت .. تاركه الأغراض على سريرها ... وتقدمت لنجلا ...
عارفه انها صاحيه ... منتبهه لرجفة رمشها المعكوف ..
- نجول ؟؟ قومي ادري قايمه ! اخبارك الحين ؟؟
فتحت عينها .. بنظره خاويه .. ممتلي بنظراتها الحمق ..
-ليه جيتي شيهانه ؟؟؟ عشان تعلمين امك .. وش غدى علي ؟؟؟ !!
ردت ..باستنكار ..
- انا نجلا ؟؟؟ انا مب كيذا جيت ابي اتطمن عليك !!
استجلست نجلا بعجل متغافله الم جيدها .. مكشره بملامحها تضغط على نفسها .. ومبعده اللحاف .. عنها ..
نفضت يدها برجفه .. تبعد اللحاف اكثر وتبين .. آثار ضربها .. وحس .. ضايج .. وملكوم ومتماسك ..
- شوفي ..!! شوفي !!! هه علميها !! دقي عليها قولي ..!! نجلا كل جسمها متلون !!! خليها ترتاح !!! قولي خساره سلمت نجلا !!!! المره الجايه لايقصر نايف !!!
همست شيهانه ... بتوتر ..مشحون ..
- نجلا ...يختي..
ردت ..بصوتها الثاير .. المكتوم ..
- وش يختي وش يختي !!!! لاتقولين اختي !!! انا مب اختكم !!! .. عمركم ماحبيتوني ولاشفتوني اخت !! انا الي حبيتكم !! انا !! تدرين ليه لان سعد ماعلمني اكره !!!
- طيب اهدي خلاص ... تكفين ... والله ماكنت ادري بيصير كيذا !!
ضحكت بحس لكي .. مستهجن ..
- والله ؟؟ !! وان دريتي ؟؟ ياكثر ماعرفتي وسكتي !!!! ليش جايه شيهانه صدق ليه جايه !!!
- ابوي قالي .. وبعد ابي اتطمن عليك !!
- لا انتي جيتي تراقبين !!! يمكن لي معارف ..او احد .. !!
فتحت شيهانه عينها .. باستنكار ..
- نجلا مب لهالدرجه !!!
- الا انتم كيذا اكيد امك راسلتك !!مدري متى يختفي كرهها لي !!! متى بترتاح !!! ..اليوم بس تمنيت اموت شيهانه !!!
- لا نجلا استعفري ربك !!
-ليه أعيش بذالدنيا !!! علميني ؟؟ كل شي زين ماشفته الا من سعد وخذتوه بعد !!! وش بقى ... !!
تكلمت شيهانه بحماس ..
-سعد فيه مازال .. وان شاء الله يارب تتزوجين .. وتعيشين مبسوطه !!
رفعت يدها ضاحكه ضحكه مخنوقه .. تمسح دموعها ...
-خلاص معدني منتظره احد ... طفشت ..من كل شي .. كل شي .. يارب ياخذ روحي عشان افتك !!وترتاحون !!
قربت منها جالسه وماده اللحاف ... ساتره .. جيدها ..الظاهر ..
- لا ان شاء الله ... بيجيك النصيب ...... انا سمعت شي اليوم !!
أبعدت اناملها من ملامحها ... مترقبه شيهانه ... باستغراب .. مبهوت
-ايش !!! ليكون خالتي تبي تزوجني احد تعرفه !!!؟؟
هزت راسها شيهانه ..
- لالا ...
تلفتت بالمكان ... بمقصد ..
- مااستغربتي .. المستشفى الي انتي فيه ؟؟ تدرين من الي نقلك هينا !!! ؟؟ اخو سلطان !!!
قطبت هدب عينها ... هامسه ..
-ايش؟؟!!
هزت راسها موافقه ... بحماس ..
- ايه ..ايه تخيلي كانو بيجيبون الشرطه .. وتدخل هو .. لا وقال ان احنا انسباه !!
جمدت انفاس نجلا محتبسه ... ونبضها مبتدي يعتلي ويعتلي ... ويعتلي ...
- طيب ؟؟
-وش طيب نجلا ؟؟ وش يدل عليه هذا ؟؟؟ يبين انهم مقدمين .. وانك بتتزوجين .. سلطان .. الي خاطبك من ولدتي !!!!
شدت شفتها مبعده نظراتها ... ومتبارقه ..متبادي لها شعور غريب وجميل .. ... انخلق وسط إحساس .. الضيق .. مثل .. المطر .. الي يجي من عقب .. العجاج ..ويزيله... مجسد عقبه ... أطياف الوان ... تشابه احلامها الورديه .. بسلطان .. معشوقها العملاق ...رفيق هواجيس .. ليلها .. الحلو.. تابعت شيهانه ..حسها .. الهادي ..
- بترتاحين نجلا أخيرا من بيت هلي .. ومنا !!..من كره امي .. وحقد نايف !!!..بتطلعين وتتركين هالحياه ... حتى ضعفي الي مافادك بترتاحين !!
اطرفت لها نجلا ... مبتدي .. يتجمع الدمع .. بمحاجر تواظرها ...
هامسه ..
-صحيح شيهانه ؟؟ او تمزحين ؟؟
- لا صحيح صحيح والله انا سامعه نايف يعلم امي ... !!
نطقت .. بتوهان .. سعيد .. بين .. خيالاتها ... الصافيه ... المخلوقه ..مابين ملامح .. الروح الي عشقتها .. من الصغر ... شافته مره بس ..بس مره ..وجها لوجه ..مازالت تذكر هيبته وطوله ...و..مازالت الذكرى محفوره ..عيت تبهت وتنمحي ..
-وبتواصل مع سعد ...وبنرجع نشوف بعض ... بعد بخليه يجيني ...وبكمل دراستي اكيد !! تعرفين هم .. ناس كباريه !! اكيد يحبون العلم .. والشهادات العاليه .. !!
تأملت شيهانه ... مبسمها .. ورجفة شفتها .. وذقنها المكدوم .. واللصق الي مخفي جرح ..شافت .. روحها شلون ضوت نواظرها ..وقت علمتها الي سمعته اليوم ... كرهت ضعفها امام أمها واخوها .. كرهت نفسها .. بهاللحظه .. حيل حيل كارهه ...
مدت شيهانه يدها تتلمس كفها .. بعبره .. ماتبيها تطلع ..
- ايه .. كله بتسوينه ... باذن الله ... راح الكثير مابقا الا القليل ... !كل شي كل شي .. !!
تحركت ساحبه يدها وعينها تتأمل اثر الضرب بذرعانها ...
- تتوقعين .. بيجون قريب ؟؟ وجسمي ؟؟ الاثار بيشوفونها شيهانه !!! ..
شدت شيهانه مبسمها .. تاركه دمعتها .. تنحدر ماقدرت تمنعها .. وهي تشوف الأثر المزرق .. بكل مكان .. مدركه ان اختها تحملت بما فيه الكفايه ...
همست بحشرجة روح ..
- بتروح نجلا بتروح ... !! يبيها كم يوم ...
شهقت .. متذكره ..
- شيهانه ؟؟ !!! وش قالوا لاخوه ؟؟؟ درا ان نايف ظاربني ؟؟ !!!
- لالا . قالوا طايحه من الدرج ..
تنفست براحه ماسكه صدرها ..
- ايييه اشوى ... حتى انا بقوله أي احد يسأل بقول .. طحت معد ابي أتكلم بالي راح ..بفكر بس بالجاي ..
ابتسمت .. بتوهان ..
هزت شيانه راسها .. ووقفت .. معد تقدر تجلس .. ثانيه ...
- بروح الحمام هو وينه ؟؟ !!
-هيناك لفي يمين ..
تهادت خطواتها بعجل .. متوجهه للمكان الي قالته ..
اول مادخلت قفلت الباب .. وبكت .. توجهت للمغسله فاتحتها .. لجل ماتسمعها نجلا .. اوجعها حالها .. وشوفتها .. اول مره تحس ان نجلا ضعيفه .. ومهزومه .. كسرها شوفة كبر الفرحه بعينها ..وقت جا طاري سلطان .. وهله ..
تهادت نظرات نجلا بالمكان وكنها اول مره تشوفه .. بروح ثانيه .. مشرقه وفرحانه ومستبشره ... هذا وهم لسه ماقابلوها .. نقلوها هينا .. وتكلفوا .. قطبت هدب عينها شلون مانتبهت .. للمكان .. تذكرت .. كلام الممرضه يوم قالت زوجك ..
عضت شفتها .. هامسه لروحها ..
-اجل تحسب اخوه هو زوجي ؟؟
ابتسمت يحرج ..متراجعه تتساند .. عالمخاد ..
أسندت
راسها .. رافعه نواظرها للسقف .. غمضت .. منرسم .. امام الخيال .. رسومه المبهوته ..الي بصعوبه تحاول تتذكرها .. تذكر انه غير الصوره الي تعرف..تغير يوم كبر ...
رطبت شفتها هامسه .. بحس شبه مسموع
-الله يجمعني بك ..على خير ...
.................................................. .................................
قصر .. الجد ..
قسم ضيافة الرجال ...
القهوجيه ... بكل مكان يدورون .. عالرجال ..
الوليد بصدر المجلس مع اعمامه ....
تبادى سؤال عمه أبو سعود ..
- اخبارك يالوليد ؟؟ !!
ابتسم له .. بهدوووء ..
-بخير عسااااك بخير ... بشر عنك انت ياعم !! شلوونك عساك طيب !!
- انا بخير يالله لك الحمد ... والمنه ... انت وشلون الشغل معك ؟؟ بشر ماتحدد الاجتماع السنوي ؟؟
- الشغل ماشي .. تمام ... والاجتماع الين الان .. ماتقرر .. !!
-والله انك ونعم فيك وانا عمك ...!! قول وفعل .. قدرت ماشاء الله عليك .. توافق بين شغلك .. واشغال .. العيله .. !!شلت عني وعن عمك أبو خالد حمل وش كبره !!
- افا عليك ياعم !! مابها منه ولا شكر هذا حلال اخواني .. وواجب علي !!!
تبادى حس .. سلطان .. بين الحظور .. مستهجن ومستنكر ..
- لا يكون اخوانك بزران واحنا ماندري ؟؟؟ !!!
ارخى الوليد نواظره قبل يرفعها له .. من الأول وهو مستحكم نفسه ومتحكم .. ومخفي .. عمق الضيق منه ... ضيق نواظره له ... مدرك.. ان الكل مترقب .. أي صدام ..ممكن يجي من سلطان لأن هذا .. نهجه دايم .. بكل اجتماع .. نادر يجمعهم ...
- لا منتم بزران !!..انت مخصوص !!..رجال وتكانه وذيب !!
جا... يعلق سلطان ...التفت الوليد للجميع رافع راسه ...
- عمي أبو سعود!! عمي أبو خالد !! .. والجميع الموجود الليله معنا ...
عندي لكم علم... وابي أقوله .. دام الكل متجمع ... واساسا هذا سبب تواجد اخوي راعي المراجل سلطان الليله !!
جمدت انظار سلطان ... بترقب ... مب عارف .. وش مقصده ... يستحيل .. يقصد انه بيقول كلامه والاعتراف الي سحبه منه ... !! كيذا بيضحك على نفسه الكل !!! اهتدت نظرته .. بمكر .. متراجع .. وسامع بصمت بدون اعتراض ... حتى يوم اطرفت العيون له ... ماانكر ولا تجاهل ..كلام اخوه .. اشر براسه .. مقصده بيصغر اخوه ويضحك عليه .. المتواجدين ... اجل جاي وجامعهم عشان يقتن عليه مثل البزران ويشكيه !!!
خاطبه عمه أبوخالد .. بجهور الصوت ..
-سم وانا عمك !!! هات ماعندك !!!
سكت الكل مترقب ... كلام الوليد ...
اطرف بعينه للجميع متجاهل سلطان تماما ... ثم وجه نواظره لاعمامه ..
- الكل عارف ان الوالد مر على وفاته .. سبع سنوات واكثر .. رحمة الله عليه ..وانتم اخبر بعد .. انه خاطب لسلطان بنت العم غازي ..!! والان جا الوقت الي اخوي الذيب !!! يتمم هالخطبه ويقدم عالزواج !!تنفيذ لرغبة الوالد !! والأكيد اني سائله وماخذ العلم منه ... والرجال مقدم وماعنده مانع ويتشرف .. بهالنسب !!
قال كلمته الاخيره ... ملتفت لسلطان .. بنواظر .. ساكنه ظواهرها ..وملهبه بشرار عمقها الي واصل لسلطان فقط ..
احتدت نواظره ... وهو يقابل نظراته عرف الحين ليه مناديه ..!! عشان يحرجه .. امام عمانه .. والجميع ويجبره يتمم مطلب ابوه تبعا لكلامه الي قاله له !!! سمع همهمات اعمامه ... ورايهم ...
تابع الوليد مبعد نواظره ..
-وانا قررت .. اني اتمم هالزواج ... خلال شهر .. !! من الان .. ان صارت الأمور على مانبي .. فخير البر عاجله !!! كل شي موجود ومتوفر .. والرجال جاهز ووالم ... !! انهى كلامه .. مطرف بعينه يم اخوه .. متحديه ينطق .. لو بكلمه ..
عاجله ابو خالد ..
- صدقت وانا عمك .. صحيح .. هذي رغبة ابوك الله يرحمه .. والود ودي محدن يطلع من القبيله ..لكن ابوك خطب .. وطلب البنت .. وابوها وافق ... وأبو نايف ونعم الرجال ... والقبيله والنسب ... !
اشتد مبسم الوليد .. بهدووووء وعينه تترقب اخوه...بصمت .. ساكن ..
مجفل .. لروح سلطان الكاره ... لتدبيره الي ماتوقعه ابد ..
شاركهم أبو سعود ...
-أي بالله والنعم .. وبعد هو رفيقه وصديقه ... من سنين !!
هز الوليد راسه ... مأكد هالكلام ...
نطق سلطان ...
-انا بعد الود ودي ..ياعماني اني اتزوج عقب الوليد !! بما انه هو كبيرنا وشيخنا ... والمفترض الحيين عياله جنبه !!! ..
هز راسه الوليد .. ببسمه جانبيه .. خابر مضمون المنطوق
-وانا اهم شي رغبات ابوي ... نفذت الي علي وجيت مسكت الشيخه بقا الي عليك انت !!! وزواجي لايشغلك يمدي علي !!
- وين يمدي؟؟!! الي بعمرك عياله .. طوله الحين !!؟؟
ابتسم بطرف شفته منهي كلامه المسموم ...
هز الوليد راسه .. متكلم بهدوووء يعاكس .. طوفان روحه الغاضب .. مستغرب ومستعجب .. قل المروه ..وقل الدين ..الي وصل اخوه لهالمرحله ..
-عشان كيذى لاتغلط غلطتي ... لايروح عمرك .. بدون عيال .. توصل لعمري وتلقى نفسك مثلي !!! ..تزوج .. واسس اسره وعيله .. !!واملى قصر ابوك عيال !!!
سكت ... مبعد نواظره ... يم عمه الي تكلم .. موافقه على تخطيطه ..
-زين ماسويت بالوليد ... وفعلا خير البر عاجله ... اقديت ياسلطان .. ازين ماسويت .. خلك ترتاح من السفر والطردي من ديره لديره !! بعد لو نفرح فيكم سوا ياولدي مب احسن !!!ماودك نخطب لك اشر بس!!!
رد بحازم الصوت ...
-يجيب الله مطر ... !!! .. الحين .. خل نفرح بسلطان !!
- أي بالله .. مبطين مافرحنا !!!
التفت الوليد موجه كلامه لعمه أبو سعود ..
- جعل الافراح .. بحياتكم عامره .. ان شاء الله !!
- بوجودك ياولدي !!
التفت خالد لسلطان ... الساكن ...
- يله ياعم بتلحقنا قريب !!! مبروك مقدما !!!
سلطان ...تايه بأفكاره الضايجه ... هذا الي قدرت عليه يالوليد !!؟؟هذا اقصى ماعندك !! تجيبني وتجبرني .. !!!؟؟ شد مبسمه ... ببسمه جانبيه ..متهدد ومتوعد ... بداخله ...
- سلطان !!! .. علامك وين رحت !!؟؟
انتبه لحس خالد ...
- نعم ؟؟
-افا من الحين بديت تسهى !! ؟؟ .. يامالك من الخير !! يامالك من الهواجيس والتفكير !!
ضحك سعووود ... ماد كفه فوق كتف سلطان .. بخبطه خفيفه ..
- مبروح مقدما ياولد العم ... منك المال ومنها العيال !!!!
تبسم خالد ...
-عقبالك !!
رفع يده ... باعتراض ..
- لا فكوني منكم بدري علي !!! خلوني أعيش حريتي !!!
تعالت أصوات اعمامه ..
- الله يكتب الي فيه الخير ياسلطان .. تكلمتو مع أبو نايف !؟
- انا مادري العلم كله عند الوليد !!
التفت له ... مترقبه ... بحمق مخفي ..
- ان شاء الله بنكلمه ونقرر ونحدد .. وانتم اول العارفين باذن الله !!!
هز أبو سعود راسه ...
-ماشاء الله عليك يالوليد ... كفيت ووفيت ... الله يرحم ابييك وجدك !!سديت مكان ابوك بهاليوم !!! ليته عايش ويشوفك شلون تسعى لقبيلتك واهلك عز الله انه بيرفع بك راسه !!
التفت لسلطان المستمع بصمت .. قاهر .. وكاره ... لجنس مخلوق اسمه الوليد ...
تابع .. أبو سعود ..
-المفترض تحمد ربك .. عندك هالشيخ الي ساندك بكل مكان !!
رد بهادي الصوت مبتسم .. متلاقي بنواظر الوليد .. الساكنه ..
-الله يطول بعمره ... ويخليه لي !!! وان شاء الله انه بيشهد على عقد قراني !!!
- على خير ... ان شاء الله ..
ثواني ... ورجع حديث المجلس ..مابين ..سوالف ... وهروج .. متباديه ..
تراجع الوليد ..متساند ... مبعد عينه عن سلطان ... مفكر ..بصمت .. ماتوقع انه يرضخ بهالسهوله ..!! الا كان متأكد انه .. بينجبر يجبره .. امام الجميع ...
تعالى حس جواله .....مد يده .. يرفعه .. شاف رقم طلال ...
رد بصوته المرحاب ..
- مرحبا ...
.................................................. .................................
صالة ضيافة النساء ... وبعد سفرة العشا ...
- وش تقول انت ياولدي ؟؟؟ من الي بيعرس !!؟؟
- أقول يمه سلطان سلطان ولد اخوي صخر ... ان شاء الله ان عرسه قريب !!!
ردت باستغراب ..
- وش هالعلم ؟؟ من يقوله ؟؟؟ الحين نزوج الصغير قبل الكبير ؟؟ !! وش هالطبايع ياولدي !؟
- ان الوليد يالغاليه يبي يتمم كلام ابوه .. بما انه خطب من سنين بعد مب زينه تتم البنت معلقه .. الرجال والم وهي والمه خلاص نزوجهم ونقدم الله يوفقهم .. ويطول بعمر الوليد الي قايم بكل شي وشايلن حمل ابوه رحمة الله عليه !!
- أي الله يرحمه عز الله انه ينشد بولده الظهر خابرته .. !!من جا وشفته وانا عارفه انه تكانه ورجال !!
- يله عاد بسكر انا .. قلت خل ابشرك .. قبل الجميع خابرك تحبين الاخبار الي توسع الصدر !!
- بشرت بالجنه ... وهو وينه ؟؟ ادق عليه جواله مشغول !!
- منهو ؟؟
- الوليد ..
- جاه اتصال .. وطلع يكلم ..للمجلس الثاني !!
- زين اهم شي لايطلع .. ماجاني !!!؟؟ .. قله وذكره .. !!
- ابشري .. تامرين شي ثاني !؟؟
- لا سلامتك مايامر عليك عدو .. ياوليدي !!
- يله فمان الله ..
- وداعتك الله ..
قفلت منه ... ملتفته للجميع ...
عاجلتها ام سعود .. ببسمه ..
- هاه ياخالتي وش عنده أبو سعود .. من الي بيعرس !!؟؟
رفعت الجده ..نوره ..يدها ..
- ابشركم سلطان عرسه قريب !! بياخذ بنت غازي آل مجفل !!!
رهف كانت .. مريحه جيدها جنب أمها ..اول ماسمعت الكلام فزت .. راكضه ...لمكان البنات .. وتجمعهم ...
اقبلت عليهم بعجل ..
-بنات .. امي نوره .. تقول ...فيه عرس قريب .. من العيله .. فيه احد بيتزوج !!!
استجلست سمر ..بحماس ..
-قولي والله ؟؟!!مين !!!؟؟
هزت رهف راسها ..
- تعالي اسمعيها ... والله قالته تو ..!!
شدت الجوهره مباسمها ... سامعه رنا تعلق ..
- طيب مين مين .. ماقالت !!!
اطرفت الجوهره بنواظرها لرنا .. ونبضها معتلي .. واصل لاقصى مكامن سمعها ..يضرب مثل دوي الطبول .. حست بانفساها .. تتسابق .. ورجفه باطراف اناملها ... شدت يدينها .. تهدي ..روحها ..
وقفت رهف بنظره ماكره ... ماسكه خصرها ..
-مين توقعون ؟؟؟ !!
شاركت ابتسام ... بعجل ..
-يله رهف اخلصي ماصارات .. !!!؟؟
حركت حواجبها ..بهزل ..
- سلطان !!
قطبت رنا هدب عينها .. بصمت ملتفته للجوهره ..
تكلمت سمر واقفه ..
-متى ذا .. ؟؟ متى قرروا ماقالت امي شي أصلا !!
ترقبت حنان .. ملامح الجوهره .. المبهوته بصمت .. ابتسمت بطرف شفتها ..
-وراكم منصدمين .. مين توقعتوا ؟؟؟
ناظرتها الجوهره ..بحمق ..صامت ثم أبعدت نظراتها .. سامعه همس رنا ..
-اكيد الوليد يبي يزوج سلطان ثم هو .. !!
- اسكتي رنا .. عمه حنان تتسمع لنا !!!
اطرفت رنا لحنان الي أبعدت عينها هازه راسها ... باستخفاف ..
شاركتهم رانيا ..
-غريبه متى أصلا صارت الملكه عشان يصير العرس قريب .. ؟؟
لفت سمر وهي واقفه ..
- علمي علمك رانيا احنا ماندري .. بروح اشوف السالفه .. !!
وقفت حنان ..ساحبه رانيا ..
- قومي ..نروح لهم ناخذ العلم زين .. !!
لحظات وتعالت نغمة جوال رانيه .. سحبت جوالها من جيبها ..
تبسمت ... بخفه .. ساحبه يدها ..
- لحظه حنو .. خالد يدق .. !
تبسمت حنان ...
- سلمي عليه ... بروح انا خذي راحتك !..
هزت رانيا راسها مبتعده عنهم .. وراده ..
-هلا والله !
جاها حسه الي تعشق .. وتحب ..
-هلا بس ؟؟
تبسمت ... اكثر ..
-هلابك يانور عيني ..ياخالد .. هلا بحبيب الروح ... هلا..
قاطعها ... بحس .. حازم .. وشاقي ...
-يابنت العم ترى ..بترك العشى واجيك ... ؟؟؟!!!!
استنكرت بهزل ..
- وين تجي فيه ؟؟؟ ببيتنا احنا ؟؟ انتبه !!
- ببيتنا ولا مب ببيتنا انا جايك جايك !!
رفعت كفها لامسه جبينها ..راده بضحكه ..خافته ..
- خالد بلا جنان .. لاتفضحني ... وش تبي علمني !!
جاها حسه الهادي ... الثابت ..
-ابد وحشتيني .. !! وش عندي بعد !!مامدانا نجلس سوا اليوم !!
اختفت بسمتها .. متكلمه ...
-انت بعد وحشتني ...!! عاد شغلك وش اسوي ؟؟
-الحين بعلمك وش تسوين ؟؟
- ايش ؟؟
-انزلي قسم الرجال .. !!
تنهدت ... بحرج ..
-انزل وين .. لاتمزح بالله ... !!اصلا انا تحت ... عند الحريم !!
- خلاص اجل تعالي مدخل الرجال بسرعه !! والحييين!!
- خالد انت .. من جدك ؟؟
-رانيا اعجلي .. ولا جيت داخل .. وطلبتك ... !!!
رطبت شفتها .. مغمضه عينها ...بحمق ..
- طيب طيب .. بجي .. عطني دقايق ... بشوف وش عندك !! ..
- كل شي عندي .. بس تعالي !!
قفلت منه .. بصمت ..اليوم فعلا ماجلسوا مع بعض .. تناقشت مع خالتها وسمعتها كلام يسم البدن.. وماعلمته ولاجابت طاري ... كالعاده ..
دقايق واقل .. تهادت خطواتها .... يم قسم الرجال ... توجهت للباب الفاصل بينهم ... مسكت المقبض .. فاتحته ... عاجلها الظلام بكل مكان ... محد موجود ... أساسا كلهم .. بالديوانيه الخارجيه ..
تقدمت هامسه .. بحس خافت ..
-خالد ؟؟ ... خالد وينك ؟؟
شهقت .. وهي تستشعر .. ذراعين .. تحاوط جيدها .. ابتسمت ..بخفه خابرته .. تعرفه من طيب أنفاسه وعطره وشذى جيده .. ومتنه .. العاشقه له ..
استحكم حظنها .. دافن ..راسه ..بحنايا عنقها .. مستطيب .. بها ومعها وبقربها ..
همست ..برهبه ..
-خالد ؟؟!!
تلمست باطراف يدها كفوفه .. لافه .. له .. متهاديه نظراتها .. تحاول تدقق في معالم رسمه بالظلام ..
-هاه وش بغيت ؟؟ اعجل أخاف يجي احد ..!!
رفع كفوفه .. ماسك كتوفها ... منحني ومركز فيه النظر ..
هاز راسه .. بخفه ..
-وش ابي بعد ؟؟ وش متوقعه اني ابي ؟؟
تبسمت تايه بها النظر ..
-تعبت شكلك اليوم !! عسى خلصت شغلك عاد !!
هز راسه ..
-ايه خلصته .. بكرا ان شاء الله بكون موجود .. ان الغاليه الحبيبه بدت ..عليك برد عنك ..
قطبت هدب عينها .. مبعدتها ..
نطق بانفعال هادي ..
-داري داري يارانيا .. وش تقول لك امي !! مايخفى علي شي !!
انرسم بعينها ..شعور ضايج .. أبعدته بعجل ..
- ناظريني ..
سمعت كلامه .. متلاقيه بنواظره .. الجزلا لها .. حاسه .. بقرب متنه ..الشامخ ..
-مابيك تزعلين من امي رانيا .. هي مره كبيره .. التمسي لها العذر عشاني حتى لو غلطت .. ببعض الهروج .. !! عشاني انا !!
رجفت شفتها .. بصمت ..
- مستحيل ازعل منها .. هي مثل امي بعد ... اضيق بالبدايه ..بس بعدين اهدى .. وانسى ..
هزت كتوفها .. باستدراك ..
-هي ام وتبي تشوف عيال ولدها .. ماتنلام .. !!
ارخى نواظره اكثر بتركيز .. ماد يده رافع ذقنها ..
-ولدها ..مايبي غير رانيا .. ثقي برغبته .. وافهميها .. !!
ابرقت نظراتها ..بلمعه .. ورجفه ..له دايم ودايم هذا حاله .. معها .. يهاديها ويطمنها .. انه معها دوم ..
قربت له حاظنه .. وهامسه ..
- الله لايحرمني منك ... ورانيا بعد ماتبي الا خالدها ...
شددت احتظانه ... تنهد .. محتزم بها .. ومقربها اكثر ... ياكثر العشق بقلبه لهاا .. حبه من الصغر .. ليتهم يتركونه .. ويتركونها .. من قط الهروج ..
-انتي عمري .. الجاي .. دايم كوني ثابته معي ... لجل عمري يستقيم .. ويطيب ..
اهتز متنها .. ببحة صوت .. هامس ..
-ابشر ..
تراجع منتبه لدموعها ..
- كل شي احبه فيك الا دموعك ذي .. مابي اشوفها ايد .. !!
رفعت كفها بعجل تمسح دمعتها الطارفه ..
- مابكيت .. مشي .. مشي .. لاتدقق ..
رفع أصابعه متلمس .. رطوبة الدمع .. مستهلك روحه عبراتها الي تحاول تخفيها ..
-لو تدرين بس وش تسوين بي .. وانتي بهالحاله !!
قرب منها ..اكثر منحني ... ناوي .. ومتقصد .. يوصل .. لشفايفها ..
رفعت يدها لصدره .. محذره .. بهمس ..
-خالد!!! احنا مو بالبيت ؟؟تأخرت تراني اكيد حطو العشا ..!!
ضيق نواظره ... شاد مبسمه ..
-معك حق ... وانتي تخلين بخالد عقل !!!
استاقف ..رافع يدها ولاثم كفها ...
- روحي ..بس بشرط ... !!
قطبت هدب عينها ..
- ايش ؟؟
-بعد العشا ... تطلعين .. على طول .. بتلاقيني عند البوابه ..ولاتقولين بجلس مع البنات !!!
تنفست .. مبتسمه .... بفرح .. خجلان ..
-طيب .. خلاص .. على طول ..بطلع ..
هز راسه .. رافع ايدينه محتوي .. ملامحها .. مقرب لاثم جبينها .. ومبعد ..
- يله روحي ...
ناظرته .. باستدراك .. كامل .. لعمق عشقها له .. كثير الي تحسه معه وله .. معطيها من قدر الاحترام .. والحشمه الشي الكثير .. مغرقها .. بعشقه .. المتجدد .. دايم ودوم ..
تراجعت .. داخله بعجل مستنده عالباب ..رفعه يدها لصدرها ..ببسمه .. خافته ان كانت ضايجه من كلام امه .. فهو بكل بساطه جا ومحى كل ضيق .. كما دايم .. تحركت متقدمه راسمه بسمه شاقيه .. على مبسمها .. الصغير .. وراجعه لهم ...
اقبلت عليهم ... لمحت حنان .. مقبله عليها ..
- رانيا وينك ؟؟؟ العشى !! حطوه .. من شوي ..
انتبهت حنان .. للوهج .. المبتسم برانيا .. قطبت هدب عينها .. وعينها وراها .. تتابع هي من وين جايه ... ابتسمت ..بمكر ..
-خالد ناداني .. ورحت له .. يله بجيكم الحين اسبقيني ..
زادت بسمة حنان .. متكلمه بحاني الحس ..
- اها ...دام الدعوه فيها خالد .. اجل .. ماعليك لوم .. !!يله تعالي امك تسأل عنك وامي بعد !!
.................................................. .................................
فيلا غازي آل مجفل ..
تعالت ..نغمة تليفون البيت ...
-الو .
-السلام عليكم ... وينك ام نايف ماحظرتي .. اليوم !!
قطبت هدب عينها ملتفته لابو نايف المستكين بجلسته ...
- وعليكم السلام ... بخير الله يسلمك ..كلنا بخير ... همست .. بحس خاقت متابعه ..
- بعدين اعلمك .. يام حسن أبو نايف عندي ..
- ايييه طيب طيب ماعليه .. يله فمان الله ..
تابعت ام نايف بحس عالي ...
- ايه بخير والله .. يارب لك الحمد ..
- طيب لاتتاخرين علي بالعلوم ...
- على خير يله فمان الله ..
- فمان الله ..
قفلت منها ... وقامت تجلس عند أبو نايف الي اطرف لها ..بنواظره ..
- وش عندها ام حسن ؟؟
- ابد تسال ليه ماجيت اليوم الجمعه .. تبع الجيران !!
هز راسه ..بصمت ..مكمل عشاه ..
تذكر .. حال نجلا الي شافه ... شد مبسمه متراجع .. وواقف ..
- علامك يابو نايف كمل عشاك !!
-معد لي نفس .. !!
قالها تاركها متوجه للمغاسل ..
تنهدت بحمق وتفكير ... كله من هالنجلا .. اقلقته وضيقت خلقه .. واحرجته عند .. شيخ بن جلمود .. هزت راسها .. هامسه بحمق .. وهي مبتديه تشيل ..
- اخرتها انا الي اشيل واحط .. مصيبه تاخذك ياانجيل .. !!
.................................................. .................................
قصر ... الجد ..
الصاله الداخليه ... ...
الجده ..جالسه بعد راحوا الجميع ماعدا حصه وبناتها ... وحنان وساره .. ورنا وسمر
التفتت ..لحصه ..
-وين بنتك ؟
-يمكن فوق عند حنان ... بنات اخوي ماراحن .. فيه !
التفتت الجده لرزان ..
-روحي قولي للجوهره انزلي لحالك تقول امي نوره !!
عاجلتها حصه ...
-ليه يمه وش فيه ..؟؟
هزت راسها مبتسمه بنظره .. لها .. مقصد ...مدت يدها تعطيها جوالها ..
-دقي لي عالوليد ... ابيه !!
ابتسمت حصه بمكر .. ماخذه الجوال .. تنفذ مبتغى أمها ..
ضيقت ساره نواظرها ... بصمت .. هزت راسها بلا اهتمام ... ماتدري متى يملون .. من هالسالفه ... ولد اخوها مب يمهم ولا يم زواج ولا يم شي ابد .. أبعدت نظراتها بهوجاس ..دايم .. تفكر فيه .. ماتدري ليه هو .. بفضل .. الوحده ... دايم ليه ماتزوج الين الحين ... ودها تعرف .. وش بقلبه .. وتفكيره ..لاهي تعرف بدون يقول ولا هو بيعطيهم من نفسه ... ابد ...
.................................................. .................................
ببيت الشعر ... بجانب ديوانية الرجال ...
الوليد ... مع زوج حصه ... وسعود ...
عينه على جهازه ... ضاغط باصابعه ... متنقل ..بن الرسايل ... الا بأضائة .. الشاشه تنور .. مستقبل اتصال ... ابتسم مقطب هدب عينه ... وراد ..بحازم الصوت الجهور المرحب ..
- هلا وسهلا .
-هلابك يالغالي ...هاه وينك ؟؟ تعال معد بقا عندي الا عمتك حصه .. ابطيت علي !!
-ابشري ... انا انتظر اتصالك .. عشان اجيك ... والله اني مجهد .. بس لجل عينك منتظر!!
-ياجعل هالعين ماتشوف الضيم ..ياولدي .. الله يجبر بخاطرك !!
ارخى نواظره .. بهدووء..
-امين .. يله جايك ..
قفل منها .. ملتفت .. لهم ..
- انا بدخل .. اسلم .. على جدتي ..استأنكم ..
استاقف ... سعود
-انا بعد بطلع .. تأخرت وراي مقام ...
استاقف ..معهم .. زوج حصه ..
-والله كلنا ... بنمشي ... يله خلونا نشوفكم ...
هز راسه الوليد ماد يده لعصاته مستند بحمله عليها وواقف ... ثم مد يده ..
-فمان الله .. نشوفك على خير ...
تركهم ..متوجه .. للداخل ... ماشي بخطواته الثابته ..ا لساكنه برتم .. هادي ... عارف .. وش مقبل عليه ..وفاهم .. وش تبي جدته ... شد مبسمه ... ببسمه هاديه ... راكزه ... لابد يواجه كل مره ..اصرارها .. على تزويجه المستحيل ... مرت دقايق ..الين وصلهم ...
رفع يده يعدل طرف شماغه ... داخل ..
-السلام عليكم !!!!...
اقبل .. ملتقي بنواظره عمته وجدته ...
تبسمت حصه وقفت ..
- هلا والله بولد الغالي .. يامرحبتين
تقدم .. محتزم عصاته .. مبتسم ... مرحب ..
- هلا بك زود ..يالله حيها... استريحي ياعمه !!
قرب منها منحني لاثم جبينها ...
نطقت جدته مرحبه
-هلا هلا والله ... ابطيت يالله ان تحييه .. تو مانور المكان .. ياوليدي !!
اقبل عليها .. منحني لاثم جبينها ... بخفه ...استاقف ... عينه تتهادى يم ساره الي قربت منه ..
-هلا الوليد ... اخبارك ..
مد يده لاثم جبينها .. ضحكت مبتعده ..
-لالا لاتبوس راسي ... تحسسني اني كبيره .. يكفي اليد .. يالغالي !!
تبسم ..
-هذا حق وواجب .. ماله دخل بالعمر لك الحشيمه .. ياعمه صغرتي او كبرتي !!
هزت راسها ... متراجعه ..
-الله يعز قدرك ... اجلس اجلس وش اصب لك نعناع ..؟؟
-لامابي شي .. جيت اشوف الغاليه ... الي تبيني ..
-ايه تعال اقرب ياوليدي .. تعال هنيا جنبي ... تعال يا شيخ الرجال ..
قرب .. جالس بالكرسي الي جنبها ... ماد رجله .. ومسند عصاته .. بجنبه .. رافع يده يسحب طرف شماغه ...
-هاه بشريني عن اخبارك يالغاليه ؟؟ عطيني علومك
- ابدن علومي تسرك ان شاء الله ... انا مناديتك ابي علومك انت ..!!
- علومي ان شاء الله انها تسرك .. ماعلي خلاف ... مابين المشاغل والبيت والديوانيه .. !!
عاجلتهم حصه مشاركه ..
- ماشاء الله عالبركه يقولون شاري مزرعه يالوليد ..؟؟
اطرف مبتسم لعمته حصه ..
- ايه شريت ..الله يبارك بعمرك ..
علقت جدته ... بحس حاني ..
- الله يعطيك من خيرها ياولدي ...
- امين .. يارب .. ان شاء الله تنورونها ... جميع ..
جت بترد .. الا بدخلة الجوهره ... وحسها ...
-امي نوره تبيني !!!!
كان منتبه ومترقب لرد جدته .. ومن سمع الحس التفت .. بلا شعور .. معهم .. تلاقت نواظره ... بعين المقبله .. ابعدها بعجل مرخي نواظره ..
وقفت الجوهره ... بعجز ..مب قادره تتحرك ... رجولها ... ماتوقعت أساسا تلاقيه بهالشكل .. لو جلست شهر تخطط ماصار بهالشكل .. حست بنضبات قلبها تعتلي ... رجفت يدها .. منتبهه .. للجميع يناظرونها الا هو ... تراجعت بحرج ... تاركتهم ... وقفت عند المدخل متسانده .. رافعه يدها لصدرها تبي تهدي ..تسارع نبضها المجنون ..لدرجه خافت يسمعوونه ... تبسمت .. لشوفته .. الجزلا .. يالله وش كثر تعشق حظوره .. شلون مانتبهت .. لوجوده .. دايم تعرف وتنتبه قبل تشوفه باي مكان ... همست لنفسها ..
- اهدي .. اهدي ...
رفعت يديها تبعد شعرها .. مقربه تستمع ... لهم ... بتطير ..من شوفته .. أخيرا لمحها .. اول مره تجي عينه بعينها .. اول مره .. !!! .. تزلزل كل مافيها .. ان كانت تظن انها .. له عاشقه .. !! فهي .. تعيش له شعور اكبر من العشق الي يقولون ...
يستحيل تتعايش مع هالشعور مع غيره ولغيره ... مامثله ابد .. ولا بتشوف ولا بتلقى ... نصيبها المنتظر مستعده تنتظره .. الين اخر عمرها ..
ابتسمت حصه بفخر ... ونظراتها تراقب الوليد .. عارفه ان بنتها .. بتلفت نظره اكيد .. جت عينها بعين ساره الي تراقبهم ... بصمت.. ثم تشاغلت بجهازها ماتبي تتصادم مع حصه ... منتظره باقي المسرحيه ...
ضحكت الجده بحس حاني ..هامس بدون يسمعها
- هي علامها بنتك ياحصه ارتاعت ؟؟!! محدن غريب مغير الوليد !! كان عطيتها عباتك .. عالاقل تسلم !!!
انهت كلامها مطرفه للوليد ... الساكت ..بجمود ..مستدرك مقصد جدته ... بس ماتوقع انهم يتمادون .. لدرجة يعرضونها له عرض .. شد مبسمه ... منرسم امامه ملامحها ... ونظرة عينها له... قطب هدب عينه ... مستنكر نفسه شلون يهوجس بها من أساس .. ولا وحده يستحق .. تكون معه .. !! قافل على .. قلبه .. باستحكام ..هذا غير انه .. مبتعد عن ..جنس الحريم من جا .. !! للرياض ..معد له شف بقربهم ابد .. لابيتحملون شخصه .. ولابراحمهم ابد .. قاطع هواجيبه ... حس جدته ..
- ماودك تعرف من هالغزال !!!؟؟
رسم بسمه .. مخفي معالم ..تفكيره ومبعدها ..عنهم جميع ..
-الله يحفظها لأهلها من ماكانت !!!
هزت راسها بزهو ..
-ان شاء الله ان الله حافظها ورافع لها النصيب .. الزين .. بس مارديت علي .. ماتبي تعرف ؟؟
ركز النظر فيها .. راد بحازم الصوت ..
- انا عندي اربع خوات !! وهي الخامسه !!كل بنت في هالعيله ..ماشوفها الا اختن لي !!
استطردت برد حامق .. مستنكر .. هجومي ..
-وش اختك الله يهديك !!! .. لا بالله محدن من بنات عيالي خواتك الا بنات ابوك وبس!!! هذي بنت عمتك حصه ماشاء الله زينة البنات !!!كلهن !!!
ابعد نواظره ..بتفكير...متذكر .. كلام ام سلطان وتخطيط جدته ... ابتسم ابتسامه جانبيه ..
اشرت حصه لامها .. له ..مبتسمه .. فاهمه ابتسامته .. بالشكل الي تبي ...
عاجلته .. جدته ..
-ماودك نخطبها لك ؟؟
ابعد بسمته .. موجه نواظره لهم ... متكلم بحازم الحس
-انا مابي اتزوج الان ياميمتي !!
- وراه ؟؟ ماناقصك الا زوجه ياولدي ..كل شي عندك .. !!تزوج وافرح وفرحنا معك !! خلنا نشوف عيالك .. لاتنسى انت مب أي احد !!! انت شيخ بن جلمود !!! تروح تزوج الي اصغر منك وتجلس انت !!!
اشتدت مقابض يده ... مستحكم بملامحه ..البارده ... الهاديه ..
-هذا الموضوع بالذات .. يالغاليه .. لااحد يناقشني فيه ... !! قلتها اول واقولها تالي ريحي عمرك وارتاحي !! مانيب يم زواج .. ابد !!
ردت حصه بعجل محموق ..
- وراه وش يمنعك ياللوليد !!
اطرف لها بحده .. استدركت عجلتها ... تابعت .. بصوت متهادي ..
- اقصد .. ماشاء الله الف من تتمناك ياولد اخوي .. !!
ركز النظر فيها مدرك توترها ...
- مايمنعي شي !! هذا الي ابيه انا وبس !!!ولااحد يناقشني فيه من جديد !!
هزت جدته راسها ببسمه تلطف .. الجو المتكهرب .. بينهم ..
-ان شاء الله الي تبيه ... هالاشياء مكتوبه ومقدره ...
التفت لها ..هاز راسه ..
- ونعم بالله ... الحين قدامنا سلطان افرحوا به .. !!الله يتمم له ويصلحه !!

تكلمت ساره كاسره حدة النقاش بينهم ..
-ماشاء الله ... الله يهنيه ..كلمتو يعني اهل البنت !!
التفت لها ..
-على وشك ... هي أساسا الخطبه من زمان خالص موضوعها .. بس جا الوقت نتممها وهالشي لازم يبتدي منا احنا !!
هزت راسها ...
-صادق وسلطان شلون ؟؟ مستعد يدخل القفص الزوجي !!
ردت أمها مقاطعه ..
-وش قفصه ؟؟؟ الزواج .. سنة الحياه ..!! وش الحياه من غير عيال ورفيقتن للرجال تعينه وتعاونه !!
شد مبسمه ... راسم بسمه .. ماوصلت للعين ... مستمهل .. للأخير ..
اشرت ساره ..لأمها .. بتنبيه .. تسكت ..لانها حست ان الوليد .. ابتدى يتضايق ..
تابعت أمها ..
- الله يوفقه .. ويسعده ويهديه بعد ... !!ان شاء الله تجيه هالمره .. وتمسكه عن هالسفريات ويقر بديرته !!
استجلس ماد يده لعصاته ...
- نقول ان شاء الله .. تامرين شي ..؟؟ يالغاليه ؟؟ انا بطلع .. ابي اروح اريح ... !!
- لا ياولدي .. اهم شي شفتك وخذت علومك .. ان جد علمن جديد على اخييك علمني !!
هز راسه موافق ..
- على خير ان شاء الله ...
سحب جوا له يدق .. على رنا وسمر ماحصل رد ...
تابع ..
-يله استودعكم الله ... جميع ..
التفت .. لساره ..
-ياعمه خل البنات ينزلون لي انا برا !!!
تكلمت حصه ... مقاطعته ..
-هن بيرجعن مع الجوهره بنتي بالسواق !! خلهن يسهرن !!
اطرف بعينه .. لها راد بحازم الحس ..
- ماعندي بنات يرجعن بسووايق تالي الليول !!
وقفت ساره .. بعجل ..
- ابشر ... الحين اناديهم ...
بدا يتقدم ... بخطواته ... تارك المكان ...
تحركت الجوهره ..مبتعده ..بعجل ..ونار تسعر روحها من الضيق من سمعت كلامه .. ووصفه لها بأنها اخته !!! بعد كل هذا يقول اخته ؟؟؟ لا ماني اختك يالوليد !!! ..ماني اختك !! مصيرك تكون لي !! شدت مبسمها داخله راقيه الدرج بعجل متغافله المصعد من كثر ماهي محتره ..
ترقبت حصه ... ظهره الين طلع ... ثم التفتت لأمها ...
- يمه ؟؟ شفتي ؟؟ وش قال ؟؟اجل بنتي هالزين كله !! ولاحركت فيه ساكن !!! مير كنه ماشافها !!! وراه هو مايشوف احد ابد !!!
- ماعليك منه ... مصيره بيتزوج .. وماله الا هي !!
همست بتقطيب ..
- يمه تهقينه متزوج بجده ؟؟؟ وماجابها هينا ؟؟ !! او ماخذ مسيار او عنده مره بباله !!
-لا ماظنيت وشوله مايجيبها لو عنده وش يحده ؟؟ هو رجال يقدح من راسه .. !! لكن يمكن هه .. عنده وحدتن بباله !!
زفرت حصه ...
-هذا الي انا خايفتن منه !! وهالبنت الي تعلقت به يمه !! معد تبي أي احد ولا تشوف الا هو !!
اطرفت لها أمها ..بتركيز ..
-ان شاء الله انه من نصيبها ومكتوبها وش معجلنا !!.هزت راسها مفكره .. ومتابعه ..
-.لو في باله وحده ماجلس الين الحين ينتظرها كان اقدم وتزوجها من ماكانت بنته !!!
.................................................. .................................
بعد ساعه الا ربع ..
نزلوا بعجل بدون حتى سوالف معه ... كالعاده بعيد عنهم هو وهم بعاد ... توجهه .. للصاله .. عارف ان ام سلطان تنتظره كما دايم ... ماتنام الا عقب يمرها .. ويسامرها ... كثر ماهو مجهد الا انه مثلها ينتظر .. هالوقت .. ويحبه .. ويعتبره من اهم اوقاته ...
رقت سمر جناحها .. مبدله لبسها .... ثم بعجل توجهت لجناح رنا ...
دخلت تدورها ..
- رنا ؟؟ بنت ؟؟ وينك ؟؟
-هينا تعالي وش عندك ؟؟
قربت سمر جالسه عالكنب .. متربعه ...
- وش عندي يعني اهوجس .. بهالعرس .. الي جا فجأه !! رنا متى بيمدينا نتجهز !!! ونعتمد المصمم الي نبيه !! ييوه هذا غير العروس نفسها .. شلون يمديها !! تصميم القاعه وكل الترتيبات .. احسهم استعجلوا بتحديد الوقت وش هالعجله !!!؟؟
هزت رنا كتوفها ...
-كل شي يجهز .. متى مابغينا !! .. انا باخذ تصميم جاهز مابي اوجع راسي !! ..
رفعت سمر ..حواجبها ..
- انا اشتري شي مصمم لغيري ؟؟؟ مستحيل ... من الحين بدور .. واشوف اخبر كذا وحده ... !!
قاطعتها رنا ... اول مادق جوالها ..
- طيب قرري وشوفي وظعك ثم علميني يلا اطلعي ..
قطبت هدب عينها .. باستغراب .. وحمق
- مين ... ؟؟
- الجوهره !! .. تدق اخلصي سمر اطلعي ابي اكلمها !!
تنهدت سمر قايمه ...
-منصدمه مالومها تحسب هي العروس والوليد المعرس !!!
حمقت رنا ... راده ..
- سمر !!! ليتك ماتدخلين .. بالشي الي مايخصك !!!
رفعت حواجبها .. باستهجان .. متنهده .. ومتوجهه للمدخل بتطلع ..
-انا غلطانه شايله همك معي وجايه اسألك !!
طلعت .. متقدمه ... شافته مقبل من اجهة المصعد ...
وقفت برهبه .. مبعده عينها ..
عاجلها سائل بحس هادي ..
- وراك مانمتي ؟؟
رفعت راسها .. .له ..متلبكه ..
- كنت عند رنا نتشاور بتجيهزات زواج سلطان !!..
هز راسه بتفهم ..مبعد نواظره متوجه لجناحه ...
هتفت له .. بحس خافت ..
- تصبح على خير !!
اطرف بعينه لها .... ببسمه جانبيه ..
- وانتي من اهله ...
ترقبته الين ابتعد ... ثم تنفست بهدوووء ... وزفرة انفاس ...
هامسه ..لنفسها ...
-لمتى .. تهابينه يعني لمتى !!!..
توجهت لجناحها بصمت ...
دخل الوليد جناحه .. صادفه الظلام ... والسكون ... الهادي ... ضغط يفتح الانوار ... متقدم بهدوووء ... قافل الباب وراه ... اسند عصاته ... متوجه لغرفة الجلوس بجناحه ... توجه للصوفا ... وهو ..يسحب شماغه ... ويجلس ... بحمله ... متساند بمتنه ... ونواظره للفراغ ... يهوجس .. بكلام جدته الي اسمعته إياه ...
(خلنا نشوف عيالك )
ثبتت النظره بعينه ...بدون حتى يرمش ...ترائت له ملامح لها كاره ...
حيل كاره ...كيف أصلا ممكن يتمنى .. يكون له عيال .. وسعود مازال موجود ... متهني وعايش .. يسرح وبمرح ...
تراجع .. مرخي متنه .. وراسه .. ونواظره للسقف ... ممتليه سواد يشابه .. لياليه ... طرا له طاري عقم جيده .. وفوقها عقم روحه ..واستحكامه ..لنفسه ..ضد أي .. رغبه .. تتملكه تجاه .. انثى .. أي انثى ... !! كل حاجته لهم يعتبرها مجرد اثبات وجود ... غريزي ... يكرهه ويحتقره ..لانه يذكره بترسبات .. طفولته ..المسمومه ...الموشومه بحروف سعود .. !!..
رفع يده ممسد جبينه طارد ... كل فكر ... حاس باجهاد .. يحتاج يرتاح ... قدامه .. سلطان وعناده ... ماراح يستقر تفكيره الا لمن يزوجه .. ويقفل .. فضيحته .. قبل .. تعتلي .. في سماهم ..وهو مب ناقص ...
.................................................. .................................
صباح يوم جديد ...
الساعه 11
جايب معه ... تباشير ..لروح !!!!... وللروح الثانيه .. يعتبر كما كل صباح من صبحاته .. المستهلكه ...
الوليد ... بمكتب شركاته ...
خلص اجتماع .. عارض ... ورجع مكتبه ... مشغله .. قراره ..بخصوص سلطان مب مرتاح الين يتكلم مع أبو نايف ... معطيه اليوم .. اجازه ... بسببها ...
جالس على مكتبه ... طقطق اصابيعه ... بتفكير ... مايبي يأجل اكثر من اللازم ... ولا واثق ..بحسن تدبير سلطان ..دام خذا كلمته قدام عمانه!! لابد يقدم بلا تأخير .. لجل يتحمل .. سواد فعوله .. وهي تتحمل ..ثقل الرخص الي ..وصلت له مع اخوه ... !!!
سحب جواله ... الخاص .. وضغط رقم أبو نايف .. وهو يطرف للساعه ..
-السلام عليكم ورحمة الله وبركاته ...
- يامرحبتين وعليكم السلام وارحمه ... يالله حيه أبو صخر ..
-بشر عنك يابو نايف !! اخبارك وكيف الأمور معك !!؟؟
- بخير ياطويل العمر الله يسلم عمرك ...
تابع .. بحس شاكر ..
-كل شي بخير بوجودك ...
-تسلم ...
شد مبسمه ... ثم تابع ...
- ياعم غازي!! ابي أتكلم معك بموضوع ... تأجل اكثر من اللازم .. وجا وقته الان !!!
- آمرني يابو صخر ... وش بغيت ؟؟ تبيني اجي لين عندك ؟؟
-لالا .. حاشاك ... الي ابي اكلمك فيه مايخص الشغل ... !!ولا ينفع اناقشك فيه بالشركه !!
- علمني وين تبي امرك فيك فيه !!
-محشوم يابو نايف انا الي بمرك ... هو بخصوص التسب الي بينا .. واتفقت عليه انت والوالد رحمة الله عليه .. !!
- الله يرحمه .. ويجعله من اهل الجنه ..
تابع الوليد ..
-امين .....
تابع الوليد
-ابي احدد معك موعد لجل نجي نخطب خطبه رسميه ونتمم .. هالزواج على خير باذن الله !!
واجه صمت .. تابع بحس حازم ..مستدرك تردده .. الضايع .. شد مبسمه ثم تكلم ..
-هذا ان كان انت الين الان موافق .. وباقي عالعهد الي بينك وبين ابوي !! وهذا المتوقع !!
-الله ييحييك ... هذي الساعه المباركه ... اكيد باقي عالعهد الي بيني وبين ابوك .. مب كلمه وبس !! بينا رفقه وصداقه .. وايام خير جمعتنا !!
والبنت من بغاها لسلطان وهي له !!ويشهد الله ان نسبكم .. ماينرد يابو صخر !!
شدد كلمته .. باحساس .. هادي ... مستلج
-ونعم فيك ... يابو نايف .. !!
-حددوا أي وقت تبون انا حاظر ...
- والله انا ودي مانأجل اكثر من كيذا ... اليوم يناسبك !!!؟؟ لاني بكره مضطر اطلع للخارج .. وابي انهي الموضوع معك واحدد كل شي !!
- اليوم يناسبني الله يحييكم ..
-الله يبيقيك ويسلمك !! بنجيك انا وعماني .. وسلطان ... عقب صلاة العصر بأذن الله !!
-على خير .. هذي الساعه المباركه طال عمرك !!
قفل منه الوليد ... وتواصل مع اعمامه جميع ... متفق .. ومتمم .. قراره ... تبقى سلطان ..
اسند جيده متراجع على كرسيه .. ثم ضغط اتصال ...
منتظر يسمع حسه ..
.................................................. .................................
بأحد الكافيهات .. الفاخره ..
تعالت نغمة جوال سلطان .. ارف بعينه ... ثم تركه بدون اهتمام ...
انتبه له صاحبه عبدالله ...
-رد وراك مطنش ... ؟؟
- واحد غثيث... مالي خلقه !!!
رجعت النغمه تتعالى من جديد ...
شد شفته تارك كوب قهوته ... ساحب جواله ..
-نعم !!!
- الله ينعم عليك !! ليه ماترد !!
- مشغووول عندي الي اهم !!!! وهذاني رديت عليك .. وش تبي !!؟؟
وصله حس الوليد المحتزم بثبات ...
-بحط عندك علم !!! اليوم موعدنا مع أبو نايف ... لجل نتمم خطبتك !!! وتصير رسميه !!لاتتأخر .. ابيك قدامي قبل أتوجه هيناك !!!
- فيه شي ثاني ؟؟؟
- لأ!!!!
قفل الوليد الخط ... ابعد سلطان جواله بحمق .... ثاير ..
شد مبسمه بعين تايهه ... متوعد .. بصميم روحه انه .. ينزل له راسه هالمره .. صدق ... تبسم بطرف شفته .. متحمس .. لهاليوم الي .. بيكر فيه كلمته ... ويصادمه .... بجبروته ... وعناده .. جته الفرصه انه يصغره ... ويحجمه هالدخيل ... ناسي انه ... ساحب معه بحربه مع اخوه طرف ثالث .. بلا وجه حق .. وبلا أي ذنب غير ان اسمها انربط .. فيه من خلقت ..وجت عالدنيا ... قاطع هواجيسه .. حس عبدالله ..
- وش يبي اخوك ؟؟
اطرف بنظرة استخفاف ..
- ابد الأخ مسوي خطابه وبيروح يتمم خطبتي على بنت أبو نايف الفقران !!!!
رفع عبدالله حواجبه ...
-ماشاء الله الين الحين مانسيتوا هالسالفه !!؟؟والله فيك الخير ياسلطان !! بس ياخي انت وين والزواج وين !! انت مقدم يعني ؟؟
رفع سلطان حاجبه باستنكار هادي ..
- اكيد فيني الخير !!!! هذي وصية الوالد الله يرحمه !!!
قالها ماد يده لكوب قهوته ببسمه .. شاقيه .. نظره سودا ... شارده ..
استعجب عبدالله رضوخ سلطان ... وهو يعرف زين .. وخابر منهج سلطان وممشاه ..
-يعني انتي موافق ..سالتك بالله !!!خلاص بتودع ايامك المجنونه !!؟؟
التفت له سلطان ... مركز النظر فيه ..
- موافق ... اكيد موافق !!
.................................................. .................................
فيلا .. غازي ..آل مجفل ...
سمعت ام نايف صوت أبو نايف يناديها ...
-سم يابو نايف علامك ؟؟
-اليوم بيجون أل جلمود يخطبون نجلا خطبه رسميه !!..
وقفت جامده ... بترقب ... مشدوه
-وين يجون ؟؟
-وين يعني الله يهديك هينا .. !! .. جهزوا المجالس ... وولموا الأمور وان نقص شي علميني الحين !!
-وش معجلهم البنت بالمستشفى !!!! هو مايدري انها بالمستشفى ؟؟؟
اطرف لها بحمق ...
- وش دخله فيها ... ؟؟!!! الناس جايين لي انا !!! زي ماقلت لك جهزي المكان ... !! ابي ادق على ولدك .. اشوف وينه !!
- الحين وش اسوي بنتك شيهانه مع نجلا !!!
-كلمي اختك تجيك .. شوفي أي احد يساعدك انا بحاسبهم !!!
طلع تاركها ... واقفه ... نار .. فيها تستليظ ... هذي اخرتها .. بتقوم بضيافة خطبتها !!! لو هي بنتها ابرك ... مابرد حرتها ... الا .. العلوم الي سمعتها عن .. سلطان .. عريس الغلفه ... تبسمت ..بطرف شفتها متوجهه للتليفون .. تبي تكلم الجازي اختها ..تعينها ..
.................................................. .................................
المستشفى ...
جناح نجلا ...
جالسه .. لافه يدينها حوالين ركبها المثنيه ...
تهوجس ..بتفكير .... وصمت ... دخلت شيهانه ... توها مخلصه صلاة العصر ..
- نجلا وش فيك ؟؟ وراك تفكرين ؟؟
انتبهت لها نجلا مطرفه بنواظرها لها ...
-ماكلم ابوي ؟؟
هزت شيهانه راسها ..
-لا محد كلم ...لاابوي ولانايف اكيد كلهم بالشغل .. !!
أبعدت نواظرها .. عنها .. بضيق .. متابعه
- مشغولين صدقيني ..
- ماعلي من نايف .. انا اسأل عن ابوي .. !! امس حسيت كنه شايل همي وخايف علي !!
شدت مبسمها .. المرتجف .. رافعه يدها بسرعه تمنع الدمعه المقبله ..
تنهدت شيهانه ..
-الا والله خاف عليك وانقلق .. وهاوش نايف اكيد ..
ابتسمت بطرف شفتها .. مركزه النظر بشيهانه ..
-يهاوش نايف عشاني ؟؟؟ مستحيل !! امك أصلا مب مخليته !!
قربت شيهانه تجلس على طرف سريرها ..
- نجلا وسعي صدرك ... امس كنتي مبسوطه ... وش صار الحين ؟؟؟ ابوي وهاذا هو !! متعودين عليه دايم بشغله .. !!
تحركت نجلا بتقطيب حاسه بوجع وهي تمد رجولها تحت اللحاف ... وترفع ..خصل جديلتها ...
-حتى سعد تصدقين معد سأل عني؟؟ شيهانه تتوقعين مل ؟؟
-لااااا مستحيل .... اكيد يدق عالبيت اكيد !!!
- ليه اجل ماكلمه !!..
قطعت كلامها .. مركزه بشيهانه اكثر مستدركه ..
-شيهانه؟؟!!! يدق صح وامك .. ماتخليه يكلمني ؟؟؟
-مره بس .. وكنتي مشغوله ... انتي !!
ابتسمت نجلا بضيق ..
-حتى ان ماكنت مشغوله مب مخليته يكلمني !!
هزت راسها .. متابعه ..
- عرفت الحين ... !! .. اوووف...
حركت راسها ..بتوهان ونواظرها تتأمل المكان ...
-متى بنطلع من هالمكان اكره المستشفى ... ليه ماجو يخاذونا !!
-نجلا مب الدكتور قال بتجلسين يومين زياده !! وش لك بالرجعه .. ارتاحي دام الوضع يسمح لك !!!
تساندت عالمخاد ... ويدها تتلمس طرف جديلتها ...
-شيهانه ؟؟ ودي اعرف وش صار ؟؟ على موضوعي ؟؟ احد كلم ابوي ؟؟!! او حصل شي ؟؟ ابي اعرف !!
- تبين ادق على امي ؟؟
رفعت يدها ... تأشر ..
- لالا ... حتى لو تعرف .. بتقول شي يضايقني مابي اسمع شي خلاص !!
ناظري ماخف الي بوجهي شوي ؟؟
تأملتها شيهانه ... بحاني النظره ..
-يعني شوي .. بيخف مع الأيام ... وبيرجع وجهك الحلو .. من جديد !! الي يحر امي !!
قالتها بحس هازل ... لجل تضحكها ..
ابتسمت نجلا ... راده ..
-كانها تكرهني عشانه ليته ..مب حلو ابد !! خالتي تكرهني عشان امي عشان امي وبس !!!
سكتت .. بنظره ساليه .. ثم تابعت ..
-شيهانه . ..دايم افكر لو انا مت مع امي .. والاجيت على هالدنيا ابد .. مب احسن ؟؟ بس مسكين سعد بيكون لحاله !!
-اعوذ بالله لاتقولين كيذى ...
-ليه ؟؟ وش استفدت من حياتي ... !! .. أصلا انا مب عايشه !!
تنهدت شيهانه ... بضيق ..
- اوووف نجلا تكفين لاتقولين هالكلام !!! .. افرحي يختي .. اهم شي بدا يتحقق لك الي تبين ... وش قلنا امس ؟؟؟ !!..
رطبت نجلا شفايفها .. متذكره طاري سلطان ... حلمها .. الساطي .. بكل يوم يمر عليها ... اشراق صبحها هو ... ذكره ... وصيته ... واسمه .. وكل مايخصه ... جا ببالها طاري اخوه ... هل علمه انها ... بالمستشفى ؟؟؟ يمكن هو الي اصر .. تكون بهالمكان ...استكانت افكارها .. لهالطاري ... معقوله هو ينتظرها بعد ؟؟؟ ومتحمس لحياته معها ؟؟
.................................................. .................................
فيلا ... غازي آل مجفل ...
مجلس الرجال ...
وريح العوده .... المتمازج .. بقوة الحظور ...كبارية آل جلمود ... المتمثله بشيخهم .. والاعمام .. وبعض .. كبار العوايل ..
تعالى حس أبو نايف ..
-يامرحبا ... يالله ان تحييهم ... ارحبوا ... ياالغالين ... !!
رد أبو خالد ... بجهور الصوت .. المتباشر ..
-زاد فضلك ... يابو نايف ... الله يسلمك ويبقيك ...
شاركه .. أبو سعود ... والي معه ..
- الله يبقيك ...
- الله يسلمك ...
تقدم له الوليد بيهبته المتمثله بطوله وجمال رسمه وبشته المصنوع لجله وبس ..لبس بشت لونه ترابي جملي مزهيهه شماغه المتوسد راسه المرفوع كما التاج .....مد يده مسلم ... قابض كفه ..بحزم
-ارحب يابو صخر .. يالله ان تحييه ..
-هلا بك زود شلووونك ؟؟؟ عساك طيب ؟؟؟ هذي بالله ابرك الساعات !!
- الله يسلمك ويبقيييك يابو صخر تو مانور بيتي وتشرف !!
دخلوا الجميع للمجلس ... المفتوح لهم بترحيب ...
همس أبو نايف لنايف ..
-مارد عليك سعد ؟؟!!و
قطب نايف هدب عينه ... متذكر ..
- نسيت ادق عليه أصلا !! وش يجيبه يبه ... ان درى عن نجلا .. بتكبر مشاكلنا ... !! خل الأمور تتسهل وتتم هالخطبه ونشوف !!
تنهد ابوه هاز راسه وداخل ... متقدمه ...
اشر نايف للقهوجيه .. الي جايبهم ...
-يله قههوا الرجال ...
دخلوا .... يقهونهم .... بينما الكل جالس والكل متواجد ... واولهم الوليد ... وسلطان ... المترقب .. بصمت ... هادي مستكين ... مبعد نواظره عن الوليد ... قاصد ومتقصد يهاديه ويمشي معه للأخر ...
ترك الوليد فنجاله ... بدون يشربه وتبعه أبو سعود ... وأبو خالد ... وسلطان المبتسم بطرف شفته ... مراقبهم ..
-تقهوو يابو صخر ...
التفت الوليد ... لعمه .. الكبير .. أبو خالد .. هاز راسه ... لجل يبتدي يتكلم ...والي بدوره .. تعالى صوته الجهور .. ناطق .. بمطلبهم ..
-والله قهوتك يالنشمي ماتنرد ... لكن احنا ناصينك اليوم طلابين .. ونبي منك الرد !!
-ابشروا بالي تبون ... يالاجاويد ... اشربوا قهوتكم ومايصير الا الي يرضيكم ... بعون الله وبأذنه !!
ابتسموا ..جميع ... شاربين قهوتهم ...
اطرف الوليد بعينه يم ... سلطان ... المستكين ... مب مرتاح لهدوووؤه ... الواضح والباين ... تلاقت نواظرهم .. اشر سلطان براسه .. ببسمه جانبيه ... ركز فيه الوليد النظر ... ثم ابعد متوجه بنواظره يم أبو نايف ...
مستجلس ومتكلم بجهور الصوت ... الواضح ..
-أبو غازي ... اليوم انا جايك وناصيك وجايب معي هالوجيه الطيبه ... عشان اخطب لأخوي سلطان ... كريمتكم ... الي تمم خطبتها منكم الوالد وعطيتوه ... !! وشقولك ؟؟
ابتسم أبو نايف ... بزهو ..
-قولي ... الله يحييكم ... ونعم بمن جا ونعم بمن خطب ... الولد ولدكم والبنت بنتكم من جت باللفه ... وهذا وعدي لأبوك الله يرحمه ... ويغفر له ..
تكلم أبو سعود ...
-الله يبقيك ... ويرفع قدرك .. بعد انا ودي لو تأخذ شور البنت وتتأكد ... !!
اطرف نايف بعينه يم ابوه ... بصمت ...
تكلم ابونايف ... بحسه المنشرح ... منتبه لنظرات الوليد المترقبه ...اشر الوليد اشاره مخفي عن الكل كتطمين لغازي ... الي تابع كلامه ..
-البنت من جت وهي مكتوبتن له واحنا وافقنا وعطينا وان شاء الله انها موافقه ...!!
ارخى الوليد نواظره ... متأكد انها يستحيل ترفض !! شلون ترفضه .. وهي معه ... طغت ... وغلطت .. وتدنست ..قبل يجمعهم .. شرع .. !! اشتد مبسمه ..بأحساس .. محتقر ... كاره وده يخلص من هالمعمعه ... وبعدها يصير الي يصير ... اهم شي يتحمل اخوه نتيجة غلطه معها ...
تكلم ..رافع راسه .. مستحكم شعوره الي يحسه ودافنه ... بأقصى مكان ...
-انا عندي راي وشور ... بما ان الخطبه من زمان ... الود ودنا تكون الملكه والزواج بيوم واحد !!! وش رايك ؟؟
قطب نايف هدب عينه ... مترقب .. الحظور .. مستغرب هالاستعجال ... من ناحيه فيه شي مرتاح ... أخيرا بتخف هالمشاكل ... وبنفس الوقت ماصاروا مضحكه ... وصدقوا هالقبيله بكلمتهم ... وجوو خطبوها ... لو تعاكست الأمور وين بيودون وجيههم من قبيلتهم الي ردو ولد شيخها حتى .. !!
هز أبو نايف راسه ..
-انا معك ان شاء الله ... بس ..
قاطعه الوليد ...رافع يده .. يشرح ..
-من حقكك تشوف الوقت الي يناسبك .. لكن انا لاني مضطر طول الشهور الجايه اسافر ... فاخترت هالوقت لاني بكون موجود باذن الله .. !!
سكت أبو نايف ..مفكر ...سامع أبو خالد .. يشارك ولد اخوه الراي ..
-خير البر عاجله يابو نايف ... كل شي جاهز والي تطلبونه لكم .. ليه التأخير ؟؟ دام شيخنا مرتبط .. بأشغاله ..
هز أبو نايف .. راسه .. مطرف بعينه يم سلطان .. الي ابتسم .. ناطق ..
-وانا أقول بعد .. خير البر عاجله ..!! اهم شي عندي يكون اخوي الشيخ الوليد موجود وشاهد على عقد زواجي ياعم غازي ... !!
التفت له الوليد ...مترقبه بصمت ...محتد ..ساكن ...
شاركهم أبو خالد ... وأبو سعود ..
-ونعم القول ياولد اخوي ...
- هذا العشم .. بك الله يحفظكم لبعض ..
تشابكت .. نواظر سلطان والوليد ... ثواني ... محد عارف وش بينهم ... ابد.....ولا صراع اثبات .. الوجود من ناحية سلطان ... للوليد ... الساكن الهادي ...
ابعد عنه مطرف لابو نايف ... المتكلم ..
-خلاص تم ... الي تشوفونه ...
.................................................. ................................
مرت اربع ليالي ... من رجوع نجلا ... من المستشفى ..بدون احد يفتح معها موضوع ... بأمر من .. أبو نايف ... يبي هو يكلمها ...
ويعلمها ..
بغرفتها ... جالسه ومستكينه ... مستغربه ان ام نايف ماعاكستها ولا جتها ... تضايقها كالعاده ... كل شي سوته من الطفش رتبت دولابها .. وغرفتها ... ترقبت أي خبر عن اخوها سعد ...ماجاب طاريه لها الا نصوري ... تأكدت اكيد انه يكلم ..ويسأل عنها ويبيها ... ويمنعونه ...حتى ابوها مستغربه ... وينه لاهي عنها ... مغير شيهانه ... ترقى لها ... بالدس ..خوف من أمها ... كتفت يدينها على صدرها ... سانده راسها على ظهر السرير .. تفكر ... طفشت من الهواجيس ... .. اطرفت بعينها يم ..كدمات ..ذرعانها .. البيضا ... اختفى الوجع شوي بس بقت متوسمه ...بالوان .. خافته ..راسمه فوق البياض .. لوحه ..كريهه ..لروحها ولنفسها .. تنهدت مبعده نواظرها عنهم .. ماده يدها تسحب اكمامها ..متعنيه لابسه شي يسترهم ماتبي تشوفها ابد ..
سمعد دق عالباب ... قطبت هدب عينها ... باستغراب استجلست فازه يمكن ابوها .. رتبت خصلها بعجل ...
-مين؟؟ ادخل !!!
انفتح الباب ... تلاقت نواظرها بعين نايف .. رجف قلبها .. متهيب ...
هتفت ..
-نايف ؟؟ وش فيه !!
- ابي أتكلم معك .. اجلسي ..!!
ترقب خوفها ... متأمل مبسمها ..المجروح .. ونظرة عينها المتهيبه ...
-ماجيت اسوي لك شي ... !!!
اشر .. للكرسي ..
-بجلس .. بتكلم بس !!
همست بخوف ... مستغربته ...
-سعد فيه شي ؟؟؟
ناظرها بتركيز وهو يدخل ويسكر الباب ...
تقدم وتراجعت جالسه .. بعجل وعينها تترقبه ... انتبه .. لابتعادها وخوفها منه ... تقدم .. جالس ..بضيق داخل نفسه وموجعها ...
-مدري عنه ماجيت أتكلم عنه ... !!
جلس .. مقابلها ..مركز النظر فيها ...
-اخبارك الحين ... !!
تمت ساكته ثواني ... حاسه بجفاف ريقها ... ماتدري وش المصيبه الي صايره ... ورا هالهدوووء ...
- انا اسألك نجلا !! اخبارك الحين ؟؟ماجيت عشان اسوي لك شي !!!
شدت شفتها ... بنظره ملتهبه ..مبتديه ترفع اكمامها ... بضيق ... هادي
-وش اخباري ؟؟ زي ماتشوف !!ناظر !! وش رايك ؟؟
تأمل .. اثار .. ظربه لها ....
ابعد عينه ... لعينها ...
-اسمعيني ... انا ابي ابدا معك صفحه جديده ... !! الحين بتتزوجين
قاطعته .. بعجل ... هاتف ... ورهبه ..واضحه ..
-اش تقول ؟؟؟؟ !!!زواج ايش ؟؟
قطب هدب عينه مستغرب ...
-ابوي ماكلمك ؟؟ !!
رطبت شفايفها ... بعجل ..
-لا وش زواجه نايف !!
-حتى امي ؟؟؟ وشيهانه ؟؟
أبعدت نواظرها متذكره الخبر الي جابته لها شيهانه ... رجعت له تناظره راده ..ومنكره متغافله ..نبض قلبها المصتعصي ...
-محد محد قالي شي !!!!
ترقبته ..يتقدم ويتساند على ركبه ... وعينه مركزه فيها ... توترت اعصابها ... من نظراته ... تحاول تستشف منها أي شي ... خابره الضيق فيها تعودت عليه ... بس تركيزه الحين ... خوفها اكثر ... تعبت من انتظار كل شي ..ملت وزهقت ... جمدت أطرافها وقت نطق ...
-ماتدرين ان خطبتك صارت رسميه مع بن جلمود !!!!
بهتت نواظرها ... بصدمه ..مجفله ... لروحها ... مع ان هذا الي كانت تنتظره وتبي تسمعه ... بس كون انه صار واقع أخيرا ..عقب كل الي مرت فيه ... معد حست بشي ... حتى الشعور فيها جمد ... زي الحلم ... تابع بحسه .. الثابت ..
-والزواج بعد 26 يوم من الحين !!
رمشت بعينها مو مصدقه ... الي يقول .... تخاف انه يشووهه كما دايم يخرب عليها كل شي زين ... أبعدت نواظرها ... عنه ... شابكه يدينها ...
التفتت لحسه المتكلم ..
-الوليد اخو سلطان ... ارسل المهر اليوم ...مع امي هي بتساعك ... بالتجهيز !!..
قطبت هدب عينها ... جت تنطق .. رفع يده مقاطعها ..
- اسمعي نجلا !! معد نبي مشاكل ... الحين بتروحين وبتفارقينا لبيت رجلك .. أيا كان الي بينك وبين امي .. انهييه !!! اكبري .. واعقلي خلاص !!! انتي رايحه لعرب وحموله !! اركدي ولاتوطين روسنا عندهم بعد !!
خنقتها عبرتها ... حاسه بتجمع دموعها ... لكلامه لها ... مازال مثل كل مره يحط عليها اللوم ..
همست باستنكار ..
-امك ..
قاطعها ..
-امي مثل امك !!! خلاص الين هينا ويكفي !! احشميها واحترميها ماقصرت فيكم !!! لا انتي ولا سعد !!! المفروض تلاقي منكم الفعل الزين !!!انا تعبت من كثر مشاكلكم وابوي صار يدفن نفسه بالشغل بسبتك !! ريحينا !!!
جت تتكلم ... وهي ترفع يده تمسح دمعتها ... الا بصوت الباب ينفتح ...
التفتتوا جميع ..تلاقت نواظرها بابوها ... فزت له .. قايمه ..مخفيه معالمها الضايجه ..
- هلا يبه .....
قربت تلثم جبينه بخفه ..
-هلابك بنتي بشري عنك الحين احسن كل ماسالت عنك قالت خالتك راقده وراك ماتنزلين !!!؟؟
انرسم .. بعينها النكران .. ابتسمت بطرف شفتها مافي فايده فيها مرت ابوها ...
- مجهده ... كثر خيرها شيهانه ..خلتني ارتاح من شغل البيت !!
التفت لنايف ...
- وش عندك هينا ؟؟
عاجلته بالرد ..
- جا يطمن علي يبه ..
قاطعها نايف .. وهو يوقف ..
-جيت وانا احسبها تدري عن خطبتها !!! ماعلمتوها اجل !!؟
- انا قايلن لامك انا الي بعلمها !! بس يله انت لها مثل الوالد !!
تمت تراقبهم الاثنين ... جت عينها على نايف .. تشوف رد فعله عقب كلام ابوه .. مالاحظت أي شي .. جمود فقط جمود ... تدري يكرهها من كره امه لها ... ارخت نواظرها ..سامعته ..
- الله يوققها .. ولا يضيع لك ربى !!يابو نايف !!
هز أبو نايف راسه ..
-امين الله يتمم لها ويوفقها ...
تكلمت بتردد ..
-يبه وسعد ؟؟
قاطعها نايف ...
-محد قاله شي !!! بكيفه دامه قاطعنا .. ورافض يعتذر من امي قلعته !!!
رجفت شفتها ... كاتمه عبرتها ... ودها تنطق وتعارض ...
تكلم ابوها ... شارح ...
- حتى انا معد كلمني !!وهو عارف انا وش طالب منه .. !!
ماعلينا الحين .. خلينا بالمهم ...
خالتك بتعينك وتعاونك على تجهيزك .. العرب يبون الزواج قريب ..!!
- علمتها يبه .. عن موعدهم !!كثر خير امي .. الله يجزاها ..خير ماتقصر !! اطرف بعينه يم نجلا ... الي ابعدت نواظرها عنه ودمعه طارفه بجانب عينها ..
تابعت كلام ابوها بتشويش .. غريب ..
-وخالتك تقول كل شي عندك ... متوفر .. وماتلبسينه جديد !! لاتطلعين ولا شي .. المهر عندها هي بتسنعك بطريقتها اسمعي منها .. !!هي اكبر منك واعلم !!
شدت مبسمها ... كاتمه أنفاسها .. الضايجه ... حاسه بكبت عظيم قابض أنفاسها وفوق قلبها ...
-يله .. بخليكم برقد ... وراي مشاغل لليل بكره !!
ترقبته طالع .. ونايف وراه ... بصمت ... الين سمعت صوت الباب ...
تراجعت .. يم الشباك .. ساحبه الستاره مختنقه .. وضايجه ... تبي تتنفس .. سحبت الشباك فاتحته ... زافره ... باحساس مكظوم .. مب هذا اليوم الي كانت تنتظره وتستنى تسمع اخباره !!!؟؟ طيب ليه مب فرحانه !!! ليه فيه شي كابس على أنفاسها مانعها تعيش الشعور الي تبي !! رجفت شفتها متذكره كلامهم عن سعد ..رفعت يدها تتلمس نحرها .. فيه شي يشابه ظلام هالليل ..بروحها ..وشهو؟؟فيه همس موجع .. يعلمها ..ان الفرحه الي كانت تنتظرها مب موجوده .. !!! ليه حست انهم يبون الفكه منها .. وكنها سلعه .. مو فرحانين .. ابد .. !! لا ونايف الي يقول .. اركدي واكبري !!!! ..
.................................................. .................................
بعد مرور ... أسبوع ....
بمركز التسوق ...
-يالله منك يدلال لاتأخريني !!!
- يالجوهره حرام عليك ابي ارتاح شوي وش ورانا !!! ؟
- مابي ارتاح ابي اخلص كل شغلي اليوم ... مب جدي محرص علي اقلل طلعاتي !!!! ؟؟ ..
تعالت نغمة جوالها ... رفعته ... شدت مبسمها ... بضيق ,, مستهجن ..
- وش يبي ذا بعد !!!؟؟
- مين ؟؟
رفعت الجوهره حاجبها .. ببسمه خفيفه ..
- من غيره بعد !!؟؟ مجنون شوق !!!
عاجلتها دلال ...
- حمدااان !!!!؟؟
- من غيره بعد !!!؟؟
قربت منها دلال ...
-الجوهره وقفي ... بالله عليك ليه ماتردين وتنهين علاقتك فيه ؟؟؟ مايكفي انه يلاحقك بكل مكان !!! ماتخافين يدري انك تتلاعبين فيه ؟؟؟
وقفت خطواتها الجوهره ... وعينها على دلال ... بتركيز ..
- دلال !!! مب معنى اني اشاركم بعض الأمور يعني تصدقين عمرك .. وتتدخلين بخصوصياتي !!!
- هدي الجوهر مو قصدي اتدخل !!! بس انتي كنتي ميته عشان يعطيك وجه !ويوم جبتي أقصاه الحين تحقرينه مستغربه انا بس !!!
- دلال !!..معد يجوز لي وانتي تعرفين انا مين ابي !! حمدان مجرد تسليه !!! تحدي بيني وبين نفسي بس !!! والحين مصيره يمل ويطفش !!
ابتدت تمشي ودلال تمشي معها ... تابعت .. بنفس حسها ..
-وتكفين لعاد نتكلم فيه اتركيني مبسوطه اليوم شوفي هذا اخر محل باخذ منه غرضي ونطلع نتعشى !!
تنهدت دلال ... مانعه نفسها تعيد وتزيد ...
-البنات كلمتيهم !!!
-أرسلت لهم الي تبي تجي .. حياها !!! قالتها داخله المحل تابعتهم عاملة الجوهره الخاصه ..
شايله اغراضها .. ..
.................................................. .................................
قصر ... أبو خالد ...
رانيا نازله من جناحهم اليوم خالد تأخر .. وطفشت .. بدونه تفقده ان غاب ..... قالت لها ابتسام ان عندهم .. خالتهم .. اخت ام خالد ... ماتحبها بس لابد تحشمها من حشمة رجلها ... تلمست لبسها .. بتنهيده .. ترتبه .. وتهدي رجفة يدينها ... قبل تدخل .. تدري انها بتواجههم كالعاده ويامالها من قط الكلام ... قربت بتدخل بس استاقفها طاري اسمها ...
-ورانيا ؟ ياختك لمتى تصبرون عليها ؟؟!!!
-والله مادري ياخويتي لمتى نصبر !!! الولد متعلق فيها مره !!!
عاجلتها ام سليمان ... باستهجان ...
- انتم اهله ... أولى الناس انكم تتدخلون !! كم لهم الحين خمس او ست سنين !! العمر يمشي يام خالد !! متى يجون ويكبرون ويربيهم !!!جالس كيذى لاهو عارف راسه من رجليه !!!
ردت ام خالد ... بضيق ...
-وانتي تحسبين الحال جايزن لي ؟؟؟ لا بالله مب مرضيني !! رحمها مايمسك شي ابد كل ماحملت اجهضت !! معد افرح ان قالوا حامل !!! سكت من كم مره ابيها تنطق تقول ؟؟ تستحي !! مير مره ماجابت لي طاري !!
عاجلتها اختها ..
- والله انتي امه ولك عليه كلمه بكره بيندم اتلرك من خبال هالعيال هالايام حبني واحبك والله ان كبر وتلفت مالقى له سند وش الفايده !!
- والله انه مايرضى فيها كلمه !!!
- أصلا الوضع مايتسكت عليه ياخيه !!.. رحمها مجفي !! مثل الأرض البور الي ماتزرع ولاتحصد !!!
-عارفه يام سليمان عارفه ... انتي على بالك بسكت .. لا والله بخطب له .. واحطه عند الأمر الواقع رضت زين مارضت محدن له علينا كلمه ولااحدن يقدر يلومنا !!!
تمت .. مستمعه ... شاده مقابض يدينها ... حابسه أنفاسها تطلع وتحرقهم كلهم ... لكن تركت دموعها تحرق اجفانها هي ... ليه مايحسون ؟؟ ليه مايشعرون ؟؟ ان هالشي فوق طاقتها !! ولا هو بيدها هي !!! ؟؟
تراجعت ... متوجهه للدرج ... راكضه بعجل مهلك لها يشابه رجفة أنفاسها .. وقوة ضيقها من كلامهم ومن عجزها الي تكرهه ... وتداريه دايم وهم يتكلمون فيه .. بكل اريحيه ...!!وصلت جناحها ..داخلته مسكره الباب راكضه بكل مافيها دافنه ملامحها .. بلحاف السرير ..كاتمه نشيج روحها الضايج ... مستحيل خالد يتركها .. ويرخصها !! نفس اسلوبهم .. يستحيل تشوفه مع غيرها وتجلس !!
بكت وبكت وبكت كاتمه أنفاسها ..من القهر ... تلمست رحمها.. المكان الي عجز يحفظ لها لو طفل ؟؟ طفل واحد بس راضيه بس يحفظه مايسلبه ويطيح !! شدت عليه بضيق .. ليه مايرحمون .. ليه يجلدون ؟؟؟ الكل يعرف وضعها صعب .. وهالشي مب بيدها ابد .... ليه مايحاسبون ويقطون عليها الكلام مثل الجمر ... !!!..شهقت شهقه من اقصى عمق الروح ..
مانتبهت لصوت الباب يفتح ولا تداركت حسها الباكي قبل .. يدخل ويشوفها بهالشكل !!
-رانيا !!!!!
جمدت كاتمه أنفاسها رافعه يدها يم مبسمها ...وبعجل استجلست .. رافعه اناملها تمسح مدامعها .... ماتبي يشوف شي ابد ولا تبيه يحس ...
قرب منها ... مقطب هدب عينه بضيق ..
-علامك وش يبكيك ؟؟!!!!
ارخت راسها ويدها تخفي الأثر كله ... هامسه ..بحس مكتوم .. متذبذب ..
- مافيه شي عادي ضايق صدري !!
لمحت رجله وخطواته وهي تتقدم لها ... انحنى جالس .. امامها .. وعينه تترقب كل مافيها ... سحب شماغه ..مبعده ... وناطق .. بحذر ...
-وش مبكيك .. ياروح خالد ؟؟؟ علميني وش مضيق خلقك ؟؟؟
مد كفه يحتوي قبضة يدينها .. المشدوده ...شد عليها بحزم ... مكرر وناطق ..
-علميني ليه ضايقه ؟؟ قولي ؟؟ امي قايله شي صح ؟؟؟ وش قالت لك ؟؟؟
ضيق نواظراه وهو يمد يده يسحب كفها من ملامحها ... مدقق فيها النظر ...
-رانيا ؟؟؟ علميني ؟؟ وش صاير تدرين مااداني شوفتك بهالمنظر !!! قولي !!
ابتسمت بطرف شفتها رافعه راسمه مطرفه عن نواظره تدور مناديل ..
-لا لاتغتم ... عادي اسفه .. ضيقت خلقك وانت جاي من الشغل !!!
شدد مسكته لها ... مركز فيها النظر ..
- امي قالت لك شي عن الحمل ؟؟ !!!
شد مبسمه لشوفتها مكسوره ... مايدري متى يفهمون ؟؟؟ انه حر بحياته وان هذا اختياره هو ... وراضي به .. متى يعرف الكل انه سيد نفسه .. وان الذريه ان ماجت منها فهو مايبيها وراضي !!!... الا مايضايقونه فيها ... والاشد والاعتى ان الي يتسبب عليه ..امه !!!! تعب يباري من الجهتين ويسدد ويقارب بينهم ... يدري انها تتحمل كثير .. وماتعلم ويعرف انها انهارت من كثر الدق .. !!وش الحل يطلع؟؟ من عندهم ويبعد ؟؟ !!
ارتكز رافع جيده ماد ايدينه محاوط راسها ثم تقدم لاثم جبينها ...
منتبه انها مرخيه نواظرها تهرب فيها بعيد عنه ..
-رانيا !!!
رجع يستجلس ساحب كف يدها .. وموجه باطنه عند نبض قلبه يبي تشعر وتحس ..
-اسمعي يابنت عمي ... !! لو كل الناس .. يوقفون ضدك وينبذونك .. بيضل هينا بيتك وهينا مكانك !!! بقلب خالد !!
تحدرت من عينها دمعه طارفه رفعه راسها ... ملتقيه بنواظره المركزه فيها ..تابع بحازم الصوت ..
-مهما سمعتي من الكلام ومهما انقال لك .. من امي وغير امي ... مكانك ثابت محد بيزحزحه ومحد بيشاركك فيه .. ابد !!
ويارب قلبك هاالي احبه مايشاركني فيه احد !!الا عيالي ان جوو منك !!
تبسمت برجفة شفايف ..
-محد بيشاركك ابد ابد !!حتى هم !!
هز راسه شاد على يدها .. ومتكلم ..
-اجل خلاص ... ابي منك عهد كل كلمه تسمعينها تقطينها ورى ظهرك !!! لاتأثر فيك ابد !!! دام انا وانتي راضين ببعض الغير لايهمونك !! وان كان على امي ودي وارتجي من طيب اصلك انك تتحملينها وتقطين في بحر .. !!اهم شي انا رانيا !
ركزت في النظر ... بتوهان ... عميق ..ياكثر حبها المدفون له ..وياكبره ...
همست بثبات ..
-ابشر ..
هز راسه .. مبتسم ...
-تبشرين بالجنه .. وانا معك فيها باذن الله .. !!
مد يده قارص خدها بخفه ..
-دموعك ذي مابي اشوفها !!! يله قومي وصيهم يرقون عشانا فوق مانيب نازل اتعشى تحت !!!بحشرك بهالجناح تحمليني عاد!!
اهتز متنها بضحكه هزلا خافته ..وهي تمسح باقي دموعها وتشوفه يوقف .. يتابع ..
-بدخل اتحمم اشيل شوي من هالجهد !!وابي اطلع اشوف ضحكتك الي تشرح الخاطر !!!
ترقبته وهو يتوجه لدورة مياه جناحهم ...ووقفت بحماس ..متنهده ..براحه ... تنفذ الي طلبه منها ... صادق هو !! هو اهم شخص وهو الي لازم تضيق من كلامه او تفرح غيره مايهم ... مايهم ابد ..
.................................................. .................................
مرت الأيام ... وابتدى العد التنازلي ..لليوم الموعود....الحلم ... المنتظر .. قرب ... والقرب المرغوب ... صار واقع ماهو ..سوالف ليل وهواجيس ... الكل في حالة استنفار ... وتجهيزات ... لاحصر لها ... لليوم المنتظر ... اليوم الي راح يتم ويتحقق فيه اكبر أحلام نجلا ... اليوم الي راح تهرب فيه من واقعها الكريه ... لجل تبني أساس متين .. تعطي فيه قد عمرها الي راح واكثر ... توزعت الدعوات على شيوخ القبايل وعلى المعارف ... والشركاءوكبارية القوم .. ... واستعد الجميع ... لزواج نجل الشيخ المرحوم صخر آل جلمود ...
قصر صخر آل جلمود ...
جناح ام سلطان ...
-والله يمه مادري شلون قضت هالدراهم !! مااحسها كفت ابد !! حتى الي جمعته من اول راح احس تكلفت مره !!ويستاهل صراحه مابقى احد ماعزمته !! واولا وأخيرا زواج اخوي الوحيد !!!
التفتت لها أمها ... بتركيز ..
-الله يوفقه ويسعده ويتمم له .... وعقبال اخوك الوليد ان شاء الله !!
شدت رنا مبسمها ... مستجلسه بهدووء ... ونظراتها لأمها بتركيز ...
-تتوقعين يجي يوم ويتزوج يمه ؟؟
-ايه ان شاء الله ليه لأ؟؟!!.كل شي مكتوب !!
أبعدت نواظرها مرخيتها يم اصابعها .. تتأملها ..
-ليته والله انا اشوف الجوهره..تناسبه مره خاصه انه مستعده تتحمل شخصيته !!
قطبت أمها هدب عينها ... باستغراب ..
-ليه وش فيه يارنا ماشوف شخصيته بها معيوب الا ماشاء الله تبارك الله يابخت منهو حلالها !!!الا انا الي اشواف انها ماتناسبه ابد !!
رطبت شفتها بحذر..
-امي نوره قايله لها انه بيكون من نصيبها الحين او بعدين !!
-الله يهديها امك نوره ... !!الوليد لاهو يم الجوهره ولاغيرها الحين .. مغير تعلق البنت عالفاضي !!!
جت رنا تنطق.. الا بدخلة سمر ...
-سلام ... وش عندكم ؟؟؟
-وعليكم السلام ..
- ماعندنا شي أقول لامي ان فلوسي خلصت وابي زياده باقي لي أغراض !!!
قربت سمر بعجل مضيقه نواظرها بهزل ..
- اييييه يمه تكفين حتى انا خالصه ابي خل يحولون لي !!!
تنهدت امهم ... بتفكير ..
-عاد اخوكن مسافر !!
عاجلتها سمر ...
-ليه بيرفض يعني ؟؟؟
-لا هو معلمني الي نبيه نطلبه بدون ننتظر !!! بس هو الي يسنع اموري ويجيب لي الدراهم ان بغيت !!
جلست سمر شاده شفتها بتفكير ...
-متى بيجي هو ؟؟ دقي عليه يمه !! عادي هو يسمع منك انا مابي اكلمه ابد!!
ردت رنا مشاركه ..
-مب راد هو فاضي لنا ؟؟ هو مايفضى هينا كيف برا !!!
رفعت امهم جوالها ... بتفكير ..
-هو معلمني أي ديره رايح .. الظاهر انها يونا !! والله العالم !!
ضحكت سمر بخفه ..
- اليونان امي الحبيبه اليونان !!
تابعت بحماس ..
-يمه لاتكلمينه ولا شي قولي لسلطان دامه موجود !!!فعلا ترا انا احتاج العشره الي معي كلها راااحت !!!!
.................................................. .................................
بأحد الاستراحات ... الفاخره ...
جالس ... متأمل الضوله الي حواليه بصمت ..يفكر ... وكل فكر يدور براسه ياكثر مافكر وفكر وفكر ... وخطط ...ودبر ...كل مايتذكر ملامح اخوه والثقه الي يتكلم عنه فيها .. يشيط .. بينفجر من الضيق ..
الا ماينكس راسه عند الكل ... ويعلمه قدره هالدخيل .. !!
جا الوقت الي لازم ينفذ مبتغاه ... بس مايمنع انه يشوف هو وش بيأخذ على نفسه تستاهل الي يسويه او لا ...متأكد انها تنتظره كما غيرها ... شلون بس فكروا ان واحد مثله وبمقامه بيناسبهم .. بيقدم ويتصرف ويشوفها .. او عجبت!! عادي بعد الفضيحه مستعد ياخذها كم ليله ويوم وان ماعجبت خل يتحملون جرأتهم عليه ويتحمل الي اسمه شيخهم .. نتايج تهوره وعنجيته .. والغطرسه الي رافع خشمه بها على الجميع !!
رفع جواله ... مبتدي يضغط على اسم .. متأكد انه بيجاريه ..
ضغط اتصال ... رافع الجوال عند سمعه ..بترقب .. لوتيرة الاتصال ..
جاه الرد ..
-الو ؟
-السلام عليكم ورحمة الله وبركاته ..
-هلا وعليكم السلام ... !!
-نايف بن غازي ؟؟
-أي نعم ... من انت يالطيب ؟؟
-معك سلطان بن صخر !!
-هلا ومرحبا يالله حيه .. !!
- هلابك زود ...
قطب هدب عينه ... متنرفز مأشر يرخون الصوت .. ثم قام من مكانه متوجه لبرا المكان ... بعيد عن الصجه ..
- كيف الأحوال يالنسيب ؟؟
شد سلطان مبسمه باستخفاف ...
-بخير الحمد الله ... انت اخبارك واخبار الوالد !
- يخير الله يسلمك آمرني !
-مايامر عليك عدوا يالنسيب ..
قالها مبتسم بطرف شفته .. مقرر انه مايتراجع .. وبيقدم ..
تابع بحس ثابت ..
-والله يالحبيب ..من الخطبه وانا ناوي اكلم .. الوالد وانشغلنا للتحظيرات وانتم بعد انشغلتم .. عندي مطلب منك يالغالي !!
-حياك وش بغيت يابو صخر .. !!
شد سلطان مبسمه بتصميم ... ناطق بحازم الصوت ..
-تعرف انت الخطبه كانت عجلا ...وكل شي مستعجل ..وتدري اكثر من خطوة الشوفه بينا تعديناها والمفترض انها تصير !!.. لكن عاد هي الظروف عاكستنا !!....سكت ثواني ثم تابع ...
-انا الود ودي اتمهها .. وتصير واجي اشوف كريمتكم وهي بعد تشوفني !!
انهى كلامه بترقب شديد ... وانفاس .. محبوسه ...
قطب نايف هدب عينه مفكر ... فعلا هالشي ماصار ..وهذا طبيعي .. بس مايدري ...
-ابشر ان شاء الله ... بس خل اشوف الأوضاع وارد عليك ... !!
-تم بس الله يرضى عليك لاتتاخر ماعندي وقت فاضي الا .. بكره .. بعدها المشاغل بتاخذني تعرف وراي مقام وزواج .. حان ران !!
ابتسم نايف بتفهم ..
-ابشر .. طال عمرك .. انتظر مني خبر ..
-تمام مع السلامه ..
- الله معك ..
قفل منه ... يفكر ... التفت ... سامع حس امه ...السائل ..
-مين ؟؟ أبو صخر ذا ؟ مب هو شيخ بن جلمود ؟؟
هز راسه .. تارك جواله بتفكير ..
-لا اخوه العريس !!
-وش يبي ..؟؟
ركز فيها النظر ... متابع يرد ..بتفكير
-يقول يبي يشوف نجلا !! شوفه قبل الزواج !!
- طيب ؟؟ وراه ماكلم ابوك ؟؟
-مدري يقول لهيت ماقالك ابوي شي ؟؟
-ابوك تعبان هالايام ماتشوفه يرقد بدري مجهد مدري علامه !! سكتت .. تفكر ... اكيد جاي يشوفها ويتطمن .. على ماسمعت انه لعاب وراعي خراب ... دام الحين تكلم اجل بيشوف هو وش مقبل عليه .. تبسمت ثم تكلمت .. مبعده بسمتها ..
-وانت وش بتسوي ؟؟ ابوك وراه مواعيد واشعه بكره !!مب فاضي .. !!
-من يقول؟؟
-هو معلمني .. !!اصريت عليه انا انت طبعا ماتجلس بالبيت عشان تعرف اخبارنا ماتنلام مطيرتك .. بنت نوره !!
زفر بقل راحه ..
-يمه الله يرضا عليك خلاص البنت بتروح بيت رجلها وبتريحك وارتاح انا !!! تراني مشغووول ومب فاضي عندي هم الله يعيني عليه !!
-وش عندك علمني يمكن اعينك !!
-عادي وراي دين لازم اسدده قريب وباحل فيه .. !!
ردت بعجل هاتفه ..
-عندي بسلفك كم تبي ؟؟كم دينك ؟؟
ناظرها بحده..
-من وين لك ؟؟؟
-ماشاء الله مهر اختك ...وش كثره بقى منه ماتبيه .. بتخليه على جنب لين تحتاجه بعطيك إياه وتقدر ترجعه !!
لمس ذقنه بتفكير.... تابعت تقنعه ..
- خذه ولاتفكر ... محدن داري ... بيمديك ترجعه ان شاء الله .. !!
تنهد .. مشغول فكره ..برايها ..
-طيب ورجلها وش اسوي معه ؟؟ اعلم ابوي ؟؟
- لالا خله يجي الزواج بعد كم يوم ..وهذا من حقه ياولدي ... هي شوفه دقايق او ربع ساعه وانت موجود وخلصنا يتوكل !!! ترا الشوفه جايزه بالشرع ماطلب شي حرام من حقه !!
سكتت تشوف تأثير كلامها عليه ... ودها يوافق .. لجل يتم هالزواج .. ويصدق حدسها .. وتاخذ هالبنت هالادمي الفلتان ... لجل ترجع مضيومه .. تحت جناحها من جديد وقتها صدق بتقواها ...!!!
- رد عليه رد قل بكرا خل يجي ... !!
هز راسه .. موافق ... قايم من سفرة العشا ..
-الحمد الله شبعنا ... خل شيهانه تجي تشيل ... !!
.................................................. .................................
صباح يوم جديد ...
شركة الجاسر ...
المكتب الإداري العام ....
طلال ... جالس يراجع .. أوراق .. بعض المناقصات ... ويدققها ...
تعالى .. صوت نغمة جواله ...
اطرف بعينه يمه رافعه بيده .. تبسم وهو يلمح اسمه ..
-هلابك يالله حيه ياخوي ...
-هلابك زود .... وش الاخبار ؟؟
-كلها تسرك ...ماشيه تمام ... كالعاده وكنك موجود يالوليد !!
-سلمت يالذيب !!
-انت بشر خلصت ؟؟؟
-ايه بقا كم اجتماع واحد ... بغيته اليوم بس مافي مجال .. !! بضطر انتظر عالموعد !!وبعدها بجي عشان الزواج !!
-بيميدك ان شاء الله.. الله يقويك ..انا والله ودي اني رايح بس انت تبي كل شي تحت نظرك خابرك !!!
- ماتقصر يكفيني انك ماسك اغلب الشغل .. كفيت ووفيت ياطلال !!اخبار الوالده ؟؟
شد طلال مبسمه .. متكلم بهدوووء ..
-ماعليها .. بخير والبنات بخير ... !!
مرت ثواني صمت ثم سمع حس اخوه ..
-زين الله يديمهم بخير ... انا دقيت بعلمك ان رحت الرياض بيجيك خالد ..ولد عمي ... ابيك تعطيه .. ملفات الاستيراد ... تبع شركات اخواني مجهزها انا بالدرج الثالث بمكتبي !!!
- ابشر ماطلبت شي ..اي الوليييد؟؟؟ ..
-هلا
-قبل اروح الرياض ... بسالك وش الخيول الي تبي تنقلها للمربط بالرياض !!!
- جاك خابرها متفق معه انا .... بس عيد عليه وكرر عشان يتذكر القائمه الي أرسلتها لهم بالايميل !!! واهم شي وقبل الجميع الوافي !!!
ابتسم طلال ...
-عاد هذا الأساس كم لك عنه !! انت تاركه من سنين !!
سكت الوليد ... عارف انه من أساس كاره يتواجد بجده كثير ...
- المربط كله ماخذته الا عشان اجيبه هو !!! ..يكفيه سباقات ..ماقصر .. !!
- مازال ماشاء الله ... ويقدر !!
-خابر .. المهم اجي الاقيه متواجد بالمربط ...
-تبشر ياخوي
- بشرت بالجنه يله فمان الله بريح شوي ..
-مع السلامه الله يحفظك ..
.................................................. .................................
فيلا غازي آل مجفل ..
بغرفة نجلا ....
توها صاحيه من نومها .... مستغربه حال مرت ابوها ... معد تزعجها ابد ... تاركتها على راحتها هالايام ... تبسمت بطرف شفتها .. باستغراب ساخر مدركه انها تسوي كيذا بسبب قلة مهرها وتجهيزها الناقص ..؟؟ ماصدقت تبي الفكه منها ومع هذا .. بتخليها تروح .. جهازها ناقص .. احتدت نظرتها بضيق متذكره الثوب الي تبيها تلبسه صحيح الجازي ماقصرت وجابته ونظيف ومشتقه عشانها.. بس هي مب هذا الفستان الي تبيه ولاتبي تلبس مستعمل وبامكانها تشتري جديد وعلى ذوقها .. تنهدت و... أسندت
يدها عالمغسله .. تتأمل رسم ملامحها .. بالمرايا ...تهادي روحها ... بصمت .. اصبري يانجلا ..هانت ... بعد كم يوم بتصيرين على ذمة حلمك طول هالسنين.. تبسمت ..بتوهان رافعه يدها تتلمس خصلها المتهاديه ..بنظره حالمه زاهيه .. وبخيالات .. أخيرا بتتحقق بعد طول انتظار ... سمعت دق عالباب .. تراجعت بسرعه ..ساحبه منشفتها تجفف ملامحها .. من المويه ... طالعه من حمامها ..
- مين ؟؟
-افتحي نجلا !!
شدت مبسمها ... بتقطيب ... نايف وش عنده الحين .. ؟؟
-طيب .. لحظه ..
رتبت شعرها بسرعه متوجهه للباب.. فاتحته ...
- اش فيه نايف ...
تاملها ... بصمت .. متكلم ..
-سلام ابي أتكلم معك شوي ...
فتحت الباب .. بتوتر ... وعينها تترقبه ... تلفتت عالاكياس والاغراض والفستان .. المعلق .. ترقبت عينه .. تتامل معها المكان ... دخل .. متوجه لطرف السرير وجالس ... مقابلها ..عكس ثباتها وهي تترقب كلامه شافها مازالت واقفه عند الباب .. بعين متوجسه ..
-امشي بتكلم معك !! سكري الباب !!
تنفست بهدوء وهي تسكره ..متسانده عليه ... هامسه
-ايش؟؟ فيه شي ؟؟
ركز فيها النظر ..
-تعالي اجلسي ..
اشر على كرسي تسريحتها ..
أبعدت نظراتها متحركه ..وجالسه ... ويدها تتلمس اطراف جديلتها ... بتوتر ... ماتدري وش يبي فيها ... معد تبي مشاكل معهم ابد ..تبي السلامه والراحه وبس ... هدووؤه مخوفها .. ياخوفها تصير مرت ابوها قايله شي بعد او تبي تفركش هالزواج .. سمعت حسه ...
-سلطان بيجي يقابلك اليوم !!
قطبت هدب عينها بنظرات مصدومه ..
-شلون ؟؟ ليه ؟؟يجي ؟؟ ماملكنا ؟؟
-بيجي شوفه شرعيه .. عادي مافيها شي !!! الرجال كلمني واستأذن مني !! وهذا من حقه !! ماتدرين يمكن انتي بعد ان شفتيه مايجوز لك او ماتجوزين له وينتهي كل شي قبل تروحين لهم !!!! افضل !!
جمدت نظرتها ناحيته ... وتفكيره ... هامسه بهدوووؤ يعاكس ثوران ضيقها ... كثر ماتحب هالانسان الي قداامها الا انه عنها بعيد حيل بعيد ..ويبتعد دايم ..
-انت ماتبيني ارجع ابد صح !!!
ركز فيها النظر ثواني .. ثم ابعدها ... شابك يدينه ومتساند على ركبه ..
- انا معد ابي المشاكل !!! دام هذا نصيبك الي ابوي يرفض الناس بسبته .. خل يجي .. وتروحين تشوفين حياتك !!!
ماتدري ليه حست بغصة النبذ ... كم تمنت يكون سعد موجود ... ليه شعور الخذلان يقتل كيذا ... ليه يوجع بهالشكل ... عالاقل ليته بين شي من غلاها .. لو قليل ..
رطبت شفتها مبعده نواظرها ... ثم رجعتها له ...
-نايف ماتدري عن سعد ؟؟
-لا !!! لو فيه خير سأل كنه ماصدق !! بالاول يجي الحين .. مره قاطع !!! لو يبيك جا وتعذر من امي !!!
حست ببرقة عين .. وهي تسأل بلهفه .. وتبرر ..
-يمكن يتصل بس امك
قاطعها بضيق وحمق ..
- امي ذي تصير خالتك الي بحسبة امك !!!! وش ظنك؟؟ امي يعني مانعته عنك ؟؟؟؟ مب رجال هو يجي ويدق الباب !!
ارخت راسها .. ورجفه بلسانها مانعتها تتكلم ...
وقف ...
-المهم استعدي بعد المغرب .... والبسي شي ساتر ... !!
طلع تاركها ... بهواجيسها ... على طول رفعت يدها تمسح دمعتها الطارفه ... سمعت حس شيهانه ...
-وش فيكم ؟؟ نجلا وش يبي نايف ؟؟ وراك ؟؟؟
نشقت نجلا .. رافعه راسها ... بعين تاييهه ..وحامقه ..
-بيجلطني نايف !!! تخيلي يقول بيجي سلطان يشوفني اليوم شوفه شرعيه !!!! كيف يجي واحنا ماملكنا شيهانه ؟؟؟ !!!!
هزت شيهانه كتوفها ..
- عادي نجلا تذكرين خالتي الجازي كيذا بعد جا فهد يشوفها !!شي طبيعي ترا لاتتأزمين !!
تنهدت نجلا واقفه ...
-ابوي فيه ؟؟؟
هزت راسها ..
-لا طلع من الفجر .. ماشفته من راح يصلي !!!
قطبت هدب عينها ملاحظه توتر وضيق نجلا ..
-نجلا وش فيك ؟؟؟ ترا صدق عادي !!
-شيهانه وش معنى الحين ؟؟؟وينه من تكلموا مع ابوي ؟؟؟
-يمكن قال لهم وصرفوه نسيتي الاثار الي بوجهك وجسمك ؟؟؟؟
ارمشت بتفكير ...
- مادري قلبي مقبوض ... ماارتحت مدري ليه !!! احس بخنقه شيهانه !!!
رفعت يدها لصدرها تتنفس بعمق ....
-انتي توسوسين بس ترا نايف مستحيل يتصرف بدون علم ابوي بشي !!!
همست بتوتر ...
-لو سعد فيه بس !!
هزت شيهانه راسها رافعه يدها باستغراب ...
-مير سعد كن الأرض انشقت وبلعته !!! اختفى مره !!
ناظرتها نجلا بحده ...
-مستحيل ماكلم متأكده دق وامك منعته انا مااستبعد شي منها ومن نايف!!
تقدمت شيهانه ...
- نجلا !! مب صار الي تتمنينه الحين ... ؟؟ خلاص بتاخذين الي تبين فكري بالي جاي لاتدققين ان شاء الله كل شي يتيسر وتزين الأمور بينهم شوي شوي !!!
تلمست رقبتها ... بخفه ...
-مادري ليه ضايقه انا !!! تخيلي بيجي اليوم سلطان !!
ابتسمت شيهانه .... مقربه اكثر ..
- تجهزي انتي واستعدي... ولاتفكرين اما ابوي ودي ماتقولين له شي او تعلمينه بضيقتك !!! احسه مجهد هالايام يكفيه الشغل وزعله على سعد !!!
شدت نجلا شفتها .. بتفكير ... تاييهه تتذكر صورته المبهمه المرسومه بذاكرتها ... بيجيها اليوم ... ناصيها خص نص ..لجل يشوفها ... تنهدت ..
- الله يعين ...
-امين انا بنزل اشوف امي اكيد .. تبي شي ... انتي براحتك لاتنزلين عروس عاد بندلعك !!!!
تبسمت نجلا ... برجفة شفايف ونظرات خاويه ... متابعتها الين طلعت مسكره الباب ...
.................................................. ..............................
بعد المغرب
صدح صوت نايف مهلي ومرحب ....
-تفضل طال عمرك الله يحييك ....
تهادت نظرات سلطان ... بصمت ..مخفي .. استهجانه ..للمكان الي جايه برجليه...
هز راسه ..بعين ثابته ..
-يزيد فضلك ...
- الله يحييك ....
مارد سلطان وكنه اول مره ينتبه للبيت الي دخله سابقا ... اجل هو بيناسب هالناس !!! معقوله وين عقل ابوه فيه !!!؟؟؟
دخلوا مجلس الرجال ... جلس هو ... باستعلا واضح ... ونايف دخل يجيب القهوه ...
- خلصت القهوه يمه ؟؟
-ايه ايه والمه ... شفها قدامك ...
التفت للطاوله متقدم ومنحني ياخذها ...
سمع صوت الجرس ... استاقف بتقطيب ..
-يمكن ابوي جا!!! انتي علمتيه ؟؟ مارد علي يوم دقيت !!
- ابوك مب فاضي ... قايل لي بيتاخر اليوم !!! ومعه مفتاحه !!.. يمكن ام حسن راسله شغالتها ... روح ود القهوه وافتح وصرفها قول تعالي بعدين !!!
تنهد متقدم ..
-طيب ..
دخل حط القهوه ... واستاذن ... لجل يفتح الباب ..
جمدت نظرته ..اول مافتح الباب ...
- سعد ؟؟
واقف سعد ...بثبات ... وحس هادي ...
-جيت اشوف نجلا اختي ... دقيت من كم مره وامك تقفل السماعه ولا تناديها !!!!
- ابوي يدري انك جاي ؟؟
ركز سعد فيه النظر ...
-نايف انا اجل اعرف خبر زواج اختي من الجرايد والناس ؟؟؟ !! ليه ماعلمتني !!!! انا اخوها مثلك واكثر !!!
-والله العلم كله عند ابوي .. لو يبي يعلمك علمك انا شايل يدي من كل شي !!!
-مثل العاده مافي جديد يدك بس ماتستقوى الا نجلا الظعيفه !!
زفر نايف ...
-انت داري انها مخطوبه من زمان لهالعيله !!! هذا شي مالي يد فيه .. !!! وش جابك ياسعد تبي مشاكل ؟؟ انا ماصدقت تتزوج هالبنت عشان نرتاح !!!
- جاي اشوف اختي واتطمن عليها !!! انا بسافر معد يمدي ااجل سفري واليوم دريت عن موعد زواجها !!!! والحين بتم واقف برا بالشارع ؟؟؟
التفت .. يم السياره الموقفه جنب بابهم ...
-من عندك ؟؟؟
-عندي سلطان النسيب جاي يشوف نجلا الشوفه الشرعيه ؟؟ !!
قطب سعد هدب عينه ...
- توه الحين يتذكر الشوفه الزواج بعد بكرا !!!!
- عاد هذا الي صار ... وش نقول نمنعه ؟؟؟ من حقه !!
تنفس بضيق وتفكير
- طيب وخر ابي اروح لها ..
-اسمع ياسعد تراني مابي قلق ولا مشاكل ..!!!
ترقبه سعد بقل حيله ...
-نايف !!!ابي نجلا ممكن !!! وانا الي بدخلها لسلطان هذا !!! وبقابله معك بعد !!!! هذا من ابسط حقوقي !!
تراجع نايف....
-تفضل .. بس لاتوجع روسنا !!! واحشم راعية البيت !!!
دخلوا المجلس جميع ...
-السلام عليكم ...
رفع سلطان راسه ..مترقب الجاي ...
- هذا سعد اخوي طال عمرك ..
وقف ... يسلم
- هلابك سعد ... يالله حيه !!
مد سعد يده ... بنظرات ثابته ومترقبه ..
- هلابك زود ....
-ماشفتك بالخطبه عسى لاباس ؟؟
اطرف بنظراته يم نايف ثم رجع له يرد ..
- مامداني انشغلت وانا عسكري وخبرك مجال عملنا مابه لعب !!!
ترقبه سلطان بصمت ..
-الله يقويك !!
جلسوا جميع .... وابتدى نايف يصب القهوه ... وقف سعد ياخذها منه ..
-هات عنك نايف ... عطاه الدله وجلس ... مترقبه بهدوووؤ ...
صب سعد القهوه ... ومد لسلطان ونايف واستجلس ... بثبات ...
قد ماهو مشتاق لشوفتها الا ان عنده شكوك يبي يمحيها .. وجته الفرصه لحد عنده ...
ناظر سلطان .. بترقب مبتدي كلامه ...
- طبعا انت الحين يابو صخر واحد منا وفينا !! بتاخذ بنتنا
ترقبه سلطان بصمت يعاكس نفوره من هالمكان والتواجد فيه من أساس
هز راسه ببسمه خفيفه ..
- صحيح
تابع سعد ..بتركيز على كل كلمه يقولها ...
- ابي اصارحك ... بالي عندي ... انا واصلني عنك كلام ماهو بطيب ... !! وش رايك انت ؟؟
قطب سلطان هدب عينه ..
- وش سمعت ؟؟ مع اني متوقع كل شي يجيكم .. تعرف دايم الكباريه مثلنا تلحقهم هالسوالف !!! لكن الواقع غير !!!!
هز سعد راسه ملاحظ نبرة الثقه ... بحس سلطان ..
- أتمنى ... !!!
- كون واثق ... ياسعد انا نار على علم !!! واكيد بيلحقني الشين والزين !!!! والي مايعرفك يجهلك !!!
ترقبه سعد بتركيز .... ثم تكلم مدرك نظرات نايف ..له ...
-اختي نجلا هذي مثل الماس نادره وغاليه زينة البنات تسوى عيوني الثنتين!!انا الي مربيها هي اختي الوحيده من امي وابوي !!!..وعشانها وعشان خاطرها لكل شي مستعد له !!!
استهدت نواظر سلطان ... مخفي استهجانه ... من سعد ونبرة الكبر فيه ... وده يرد عليه الرد الي يريحه لكن مسك نفسه يبي الأمور تتم .. وفق ماخطط لها ....
-مانصيتكم لبيتكم الا شاري !!!
هز سعد راسه ... متابع .. كلام سلطان ..
-ان شاء الله انها بتكون بعيوني ...
- ان شاء الله ...
وقف سعد ... موجه نظراته لنايف ..
- انا بدخل ... فيه احد قدامي نايف ..؟
وقف نايف مستاذن وتابع سعد ...
طلعوا برا المجلس ...
- وش هالكلام الي قلته له ؟؟ ياسعد لو ابوك مب راضي عنه ماعطاه اختك !!
وقف سعد ملتفت له ...
- ومع هذا كله ماني مرتاح له .. !!ابوي وينه ؟؟؟ غريبه مب فيه ..؟؟
- عنده شغل مب جاي ... !!
- أساسا انا عندي دوره ونيتي اخذها معي منين طلعت سالفة هالزواج !!!!
- زين عشان ترتاح مره وحده أخيرا بتروح لنصيبها !!! وانت تشوف نفسك بعد ولاتنربط !!!
-انا الود ودي اني ماخذها من سنتين !!!!وينها فيه ؟؟؟ تحت او فوق !!!
-فوق بغرفتها ... !!
تركه متوجه لها ... مر عالصاله بدون حتى يسلم شاف مرت ابوه تكلم ...
- عبرنا !!! سلم !!!
اطرف بعينه لها ..
-السلام عليكم ...
انتبه له نصوري وركض له ..
-ثأد .... ثأد ...
-هلا هلا ... نصوري ...
سلم عليه بعجل ... وتركه

رقى الدرجات بعجل كبير يسابق فيه لهفته وشوقه لو بيحس انها ماتبي بياخذها الحين معه ... والي يصير يصير !!!ولهان حيل ولها لشوفتها ...
اول ماوصل لباب غرفتها ... دق الباب منتظر يسمع حسها بابتسامه ...
- ادخل !!
فتح الباب ببطء ... وعينه تترقب كل ركن توصل له ..
ابتسم بااجمل شعور ... وهو يلمحها تمشط شعرها الشلال ... تركت الي بيدها ملتفته للباب .. تبارقت عينها اول ماشافته صارخه وهي توقف ..
- سععد !!!!!!
فزت من مكانه تاركه الي بيدها متوجهه له ... بوله يسابق أنفاسها ...
-سعد متى جيت ؟؟ وينك طولت الغيبه علي ياخوي !!!
رمت نفسها بحظنه المستقبلها ...
شاد يدينه حواليها ... بلهفه ... ضاحكه ...
-اخبارك ياوخيتي !!!! موجود انا بس الله اعلم بالحال !!!
دفنت راسها .. بصدره ... عاجزه .. تمسك دموعها ...
-وحشتني ... مره ياسعد !!!
تراجعت ... بنظرات ملهوفه ...
-كنت تدق صح ؟؟؟ بس مايخلونك تكلمني !!!
هز راسه موافق ..
- كنت متاكده والله والله متاكده قلت لشيهانه بعد !!..
تراجع محتظن كفها ومسكر الباب ...
-اكيد اني بكلم واسال عنك !!!
- ادري ادري مرت ابوي ماتبيك تكلمني عارفه انا !!! والله لو عندي رقم لك كان كلمت انا ؟؟؟ ليه ماجيت طيب !!!
- ناوي اجي من اول تعالي نجلس ...
جلسوا عالسرير ... متقابلين ... بنظرات ملهوفه ...
-ليه ماجيت طيب ؟؟
- بعلمك الحين ... بس اول شي علميني اخبارك ... اجل بتتزوجين يانجول ؟؟
ارخت نوظرها .. بحرج .. مفاجئ...
ناسيه كل ضيق ... وكن الشعور المكتسيها من ثواني انمحى بشوفته ...
- انتي راضيه وموافقه نجلا !!
عجزت ترفع عينها ... له ..هامسه ..
-أي..
-ناظريني ياخوك !! هالموضوع بالذات مافيه حيا ابي اعرف انتي موافقه او لا !!ارفعي راسك نجول !!!جاوبيني؟
رفعت راسها .... متهيبه نظراته ...
-ايه موافقه سعد ... تطمن ابوي ماغصبني على شي اذا كنت خايف !!
تنفس بهدوووء لحسها ... الواثق ...
دقق في ملامحها النظر ... بنظرات حانيه ...منتبه لبرقة الدمع بين رموشها
-ليه محاجر عيونك سود ياخوك ؟؟؟ فيك شي ؟؟؟ منتيب نجلا الي اخبر !!! علامك ؟؟
- مافيني شي عادي ... قل نوم وتفكير وشغل البيت كالعاده !!
شد على يدينها ...
- عاد بعد الزواج مافي كرف ولاشغل ... بتروحين عندهم اميره .. مخدومه ومحشومه !!!
لااوصيك ياخوك ... انتي الحين بتصيرين على ذمة رجال .. بنحفظينه وتحفظين بيته وسمعته ... انا ادري بك ... لكن الي ابي أقوله .. أيا كان لاتخبين عني شي يضايقك واقدر اتدخل فيه لمصلحتك !!
رجفت شفتها متأملته ..اخر مره تدخل عشانها انطرد من البيت كله ...
كرر على مسامعها ..هو يشد على يدينها
-اوعديني !!!
هزت راسها ... بهمس ..مرتجف ..
-اوعدك ..!!
تنهدت .. بحماس..
-انت علمني اخبارك ... وش مسوي بهالدنيا ؟؟
-ابد اخباري طيبه ان طبتي وشينه انت شانت علومك !!!
ابتسم ... بحنان ..واضح ..
-لا صدق أتكلم ...
- وانا بعد صادق ... وجهك مب جايز لي احس فيك شي ...
سحبت يدها تتلمس صدرها .. بشرح ..
- صراحه فيني رهبه ... يعني ناس ماعرفهم من زمان شفتهم ... ماتذكرهم ..ياسعد ..
هز راسه ... بتطمين ..
- طبيعي هالخوف ... بعدين هم ناس اجاويد .. واكيد ابوي لو مب خابرهم مازوجك منهم !! تذكرين عمي صخر الله يرحمه ؟؟
ابتسمت ..
-ايه اتذكره هو الوحيد الي اذكره مانسيته ..الله يرحمه
!!المهم انت وين اراضبك الحين وين جالس خذت لك شقه ؟؟اخبر اخر مره قلت بتغير السكن حقكك !!
- بيجيك العلم.. استجد موضوع ... ... ابوك
يبي اقدم عريضة اعتذار وش كبرها لحرمه المصون !!
ضحكت نجلا بوجل ... شرح صدره ..
ناظرها بتركيز متكلم بجديه ...
- انا خذت شقه واستقريت فيها وابوي طول هالفتره عارف مكاني .. بس ماخذ على خاطره .. حبتين يبي اجي اعتذر .. لمرته اما هو راضي علي راضيته !!وانا ياخوك مافيني اقدم لها ولا شي ولا ابي !!!بس كنت بقدم عليه عشانك ... نيتي اخذك من عندهم وتكملين دراستك بس جاهالزواج ..وسالفته !!!سبقوني آل جلمود عليك!!!
ابتسم وكمل ..بنفس حسه .. الثابت
-عندي دوره لفرنسا ... خلال هاليومين رايح ..
سكت يترقب ملامحها المصدومه ... ثم تابع ...
- أصلا بغيت اخذك معي .. هيناك من وافقت عليها .. وعلى أساس اروح قبلك ثم اجي اخذك ... قاطعته بهمس ..
-منت حاظر زواجي ؟؟؟
ضحك رغم ضيقه لشوفة عبرتها ...
-تبين اكنسلها واقابلك يوم عرسك أخاف رجلك يكرهني عاد !!! يقول وش هالنشبه !!! ..
ضحكت ..برجفه ..وحيا مرخيه نواظرها ...
تنهد متكلم ..
-دام انتي مبسوطه الحمد الله وامورك تمام ... هذا اهم شي .. انا لاني مقدر اكنسلها ... تعرفين شغل العسكر !!! شينه بحقي اذا اعتذرت عنها بدون سبب !! خاصه قبل يومين من السفر !!!..
الا عاد اذا مصره بكنسلها عشانك وبكيفهم ..
- لالا ... مو لهالدرجه اهم شي شغلك بعد !!
-انتي الأهم ياوخيتي !! علمني اذا ماتبين والله لاجلس !!
بلعت عبرتها ... برهبه شعور ...
-لا لاتجلس روح لشغلك انا بخير ..اهم شي شفتك ..صحيح ودي تحظر معي لكن دام مضطر الشكوى لله .. !! هذا مستقبلك ياسعد !!
هز راسه بينطق الا انفتح الباب ...
رفعت راسها شافت نايف ... مقبل ..
-يلا نجلا ؟؟ تعالي !!
ارتجفت اوصالها جميع رهبه وخوف .. وترقب ... كل الشعور الغايب حظر .. وتجمع كثير عليها الي تعيش شوفة سعد الي ترد الروح خطبتها وجية سلطان ...
تاهت نواظرها بربكه مابين سعد ونايف ...
مد سعد يده يشد على كفها ..
- قومي بنزل معك ... !!
- صدق ؟؟
ابتسم هاز راسه ..
- اكيد اجل اخليك خل يعرف ان بنت آل مجفل وراها ظهر !!
ابتسم ... ضاحك .. يباري بسمتها الخجول ... تحت نواظر نايف لهم ...
وقف ووقفت معه ...
تقدم منحني لاثم جبينها ..
- الله يوفقك ياعين سعد ...
-الله لايحرمني منك ياخوي ....
مد يده لجيبه ... ساحب جهاز صغير جوال ..
- خذي هذا فيه رقمي ... وشريحه جديده كلميني منه ..الين يجيك جوال اكيد رجلك بيطلع لك ... !!
اطرفت بعينها يم الجهاز ماده يدها برجفه ...
-يله تجهزي انتظرك برا ...
تلمس كتوفها .. بحزم ... وعينه ماتفارق ملامحها ...
-اعرفي يانجول اني بس لو حسيت انك مجبره والله لاخذك معي الليله ولا اخليك !!! وابيك تتاكدين ان سعد الي طلع قبل سنتين مب نفسه الي الحين !!! انا قادر اشيلك فوق راسي ياخوك !!
رجفت شفتها غصب تاركه دمعتها تنحدر...بغصه ...
تقدمت حاظنته ... بوجل ...
-الله لايحرمني منك يارب قول امين !!
شدد بايدينه حوالينه .. لاثم راسها ..
- امين امين ولامنك ... يله تولمي ...
تراجع تاركها ..عاجز يخفي شعوره مايبي تحس .. بخفوقه شلون يرتعد .. بسببها ...
تقدمه نايف وطلع وراه يتركها تتجهز ...
اول ماسكر الباب مسك يد نايف ..
-نايف !! انتوا متاكدين منه ؟؟؟ انا سمعت واجد سوالف عنه !!!
- ابوك ادرى واعلم بهم ... بعيدن هالسالفه من سنين واحنا نسمعها ليش الحين جيت تقول شاك فيه !!؟؟
ابعد سعد يده ...
-ماني مطمن بس دام ابوي راضي اكيد هو ابخص !
بس انا خوفي انه هالكلام صدق وتصير ضحية هالزيجه اختي وبس !!!
تنهد نايف بقل صبر ..
-اذا عندك احتجاج بلغ ابوي وفكنا من التدقيق كل شوي !!!
انفتح الباب ... التفتوا جميع .... اشرقت ..نظراته لها متأملها ... بفستانها النيلي ..اكمام طويله دانتيل ... بفتحة صدر ضيقه ... ماسك الفستان وملتف حوالين خصرها الضامر ... ثم مبتدي يتههادى بوسع ... حوالين محانيها الصغيره ..رغم نحفها الظاهر الا انه تعاكس مع ضي بياضها وجمال رسومها وسواد شعرها المتبادي حوالينها كما الشلال ...
همس ... بحس ثايت ..وواضح ...
-ماشاء الله تبارك الله ... الله يحفظك يازينة بنات آل مجفل !!!
ارخت نواظرها بحرج ..تاملها نايف ..بصمت .. معاكسه شعور غريب ... عاجز يتركه ياضح ... ويبان ... تكلم بثبات متقدمهم ..
- يلا لطعنا الرجال ووراه مشاغل !!!
تقدم منها سعد ماد يده محتوي كفها حس ببرودتها ورجفتها شد عليها .. مطمنها ..
- انا معك ..يلا امشي ..لاتخافين ارفعي راسك وخلك نجلا الواثقه الي ربيتها انا !!!
ابتسمت شاده كفه ... صحيح مثل ماقال رباها هو ... واحسن تربيتها ناظرته بترقب وهي تخطي معه .. يم حلمها المعهود ...
دخلوا المجلس ورا نايف ...
عجز فيها النفس ... يستشعر الاكسجين ..جمدت كل أطرافها ... مب قادره حتى ترفع نواظرها ... له ..
سمعت حس نايف ..
- تاخرنا عليك المعذره منك !!
- لا عادي خذوا راحتكم ...
سمعت حسه ... الهادي ... كما السيل الي غزى سد روحها الولهانه ... لشوفته ..
- تعالي نجلا !!! اقربي ..
سمعت حس نايف ... اطرفت لسعد .. تاركه شعرها يخفي جمال رسومها ...
تقدم سعد هامس لها
- تعالي ..ارفعي راسك نجول !!!
ترقبها سلطان بحماس ... ملهب لمشاعره واحساس غريب ... هل هي مثل ماتقول امه وسمعت !!! ... ثبت النظر ... وهو يتامل جيدها المختفي ورى متن سعد اخوها ...
تكلم نايف .. بهادي الصوت ..
- ادخلي نجلا هذا مب غريب كم يوم ويصير رجلك !!!
تقدم سعد ساحبها وواقف جنبها شاد كفها بفخر .. وعينه يم سلطان بثبات ..وكنه يبلغه هي وش هي له بالضبط ..
تكلم سلطان ... بترقب .. شديد ..
-السلام عليكم نجلا !!
همست .. برجفه ...
-وعليكم السلام ..
تكلم سعد بوضوح الصوت ..
- ارفعي راسك ياخوك ... وعلميني فيه قبول او لا !!!
رفعت راسها ... متهاديه نظراتها يمه .. مدركه انه قدامها ويترقبها ... حست برهبه ... موجعه ... سقيمه ... وعينها تلتقي بنواظره ... الثابته فيها ... عجزت تستنطق شعورها ... قدامه ... هاجمتها احاسيس ..مرهبه مهلكه ..معاكسه .. شرار نظرته المصدومه ..بجمال رسمها ماقد توقع او حتى شك ان اوصافها الي سمعها من امه تكون اقل من الواقع ... مثل مايشوف ..فاقت كل توقع وكل خيال ... تأمل جيدها الناعم ..برهبة شعور تبرق في ميادينه ... هل يتراجع ؟؟؟ عن تخطيطه ؟؟ هل يتركها كما السلاح يباري فيها اخوه لجل يكسر كلمته قدام الكل !!!؟؟ معاد يعرف وش يفكر وكيف يفكر ...
استحكم نفسه ... ملاحظ توترها وتباعد نظراتها .... ماقدر حتى يشبع من شوفها ... بيصبر ..هي له وين بتروح ... الا مايلقى عذر ودرب عشان يرجع لها لكن حقده تجاه الوليد وكلمته الي لازم يكسرها .. بيتممها !!!.وبياخذها بالوقت الي هو يبي مب اخوه يبي !!!
ابتسم بثبات نظرات ...
-ارفعي راسك نجلا واسالي كان عندك أي شي تبين تعرفينه عني !!
رفعت راسها ... وقت سمعت اسمها بصوته ... تلاقت نظراتهم ... تزلزل كل ادراك فيها ... تراجعت بخفه ساحبه يدها ومبعده عن سعد ..تاركه المكان ..برهبه ...وووجل عظيم ... ماتدري هي بحلم ؟؟ياكيف تحقق كل شي بعجل ... ويقول ان كان تبي تسأل !! ؟؟ لا ماتبي تسأل ابد ..هي تنتظره أساسا شلون تسأل ؟؟
دخلت راكضه بعجل ... كاره بالصاله ..
شافتها ام نايف ...
- بسم الله وش فيك ..؟؟؟ روعتي اخوك ؟؟؟
- مافيني شي... ابعدي عني برقا فوق !!!
قطبت ام نايف هدب عينها ...
-طاولن لسانك !!
هزت نجلا راسها بقل حيله متعديتها ... وراقيه الدرج بخطوات عجلا تسابق ضربات قلبها الوجلان ...
دخلت غرفتها مسكره الباب ... رافعه كفوفها تبي تهدي نبضها المجنون ..
سمعت دق عالباب ..
- نجول ؟؟؟ افتحي ..
أبعدت تترك مجال وهي ماسكه صدرها ...
دخلت شيهانه بعجل ..
- هاه وش صار ؟؟؟
همست برهبه ..وعينها على اختها ..
- احس قلبي بيفر من مكانه ... تعالي امسكي شوفي ...!!
مدت يدها ترفع كف شيهانه ...
الي ضحكت بخفه ...
- أخيرا يعني الي تمنتيته جا لعندك !!
- مو قلت لك شيهانه ... الا مايجي اليوم الي برتاح فيه !!!؟؟
شدت نجلا شفتها .. مغطيه رسومها بيدينها ... تاركه شيهانه وهامسه بفرح ..
-أخيرا ...اخيرا ..جاك سلطان يانجول ....
...تم جيدها يتهادى بوجل ..مثل الفراشه ... المزتهيه بحلاوة الشعور العميق المكتمل في سماها أخيرا ... سمعت حس شيهانه الضاحك لشوفتها تدور حوالين نفسها ... رفعت يدها بسرعه تبعد دمعتها ... ماتبيها تبان قدام نجلا ..
همست بفرحه ...
-الله يتمم لك ... !!!
سمعوا دق عالباب ...
جمدت نجلا عينها عالباب ... والتفتت شيهانه الا بدخلة سعد ... فتحت عينها بحماس ...
- سعد ؟؟؟ متى جيت ؟؟؟ !!!
تقدمت تسلم عليه ... بلهفه ..
- اخبارك وش مسوي ... ؟؟
- بخير الحمد الله اخبارك انتي وش مسويه ؟؟
- انا بخير الحمد الله ... انشغل بالي عليك والله !!
هز راسه وعينه تدور نجلا ..
-لاينشغل بالك الحمد الله الأمور تمام .. !!
تقدمت نجلا منهم .... وعينها عليها ...
- بتتعشى معنا صح ؟؟
- لا ياخوك مب ماديني وراي اشغال لازم ارتبها ..قبل السفر ...
عاجلتهم شيهانه
-أي سفر ؟؟وين بتسافر ياسعد !!
التفت لها ... موضح
-عندي دوره لفرنسا .. جيت اسلم عليكم قبل اسافر واتطمن على نجول قبل تتزوج !!
اطرف بعينه لها ... مبتسم ملاحظ حمار مبسمها وملامحها ... واشراق نظرتها رغم الاجهاد الي واضح عليها لكن مااخفى جمالها ابد ..
قرب منها لاثم جبينها ...
وعينه تترقبها ... شد على كفوفها ... وكنه يبي يحفر نظراتها بذاكرته للابد ...
-لاتنسين دراستك ...!! كمليها بتكلم مع سلطان وبوصيه عليها !! كوني مثل ماربيتك يانجلا ارفعي راسي كما دايم من صغرك ... !!
رجفت شفتها ..وهي تستشعر حسه الي يحاول يكون ثابت ... مدركه شعوره .. الي يشبه مشاعرها بهاللحظه ...
هزت راسها ... تاركه دمعتها ... تنحدر بلا حذر
-ابشر ياسعد ... !!
نشقت ... بشهقه مفاجئه ..
- تروح وترجع سالم ياخوي !!
ابتسم ..
-له له هذا الي مابي اشوفه قبل اطلع ياخوك !!! لاتخليني اترك هالشغل كله عشانك !!!
سحبها لحظنه يشد ذرعانه حواليها ... تاركها تنفجر ... باكيه ..
- بتوح..شني ..ياسعد .. !!
- بكلمك دايم ...ورقمي عندك كلميني لسبب وبدون سبب ... !!
تراجعت ... عينها على ثوبه ...
-وسخت ثوبك بدموعي ... !!
ضحك بخفه ...
-فداك ... !!!
رفعت يدينها تمسح دموعها ... وعينها عليه ...
شيهانه تترقبهم ... بضيق ...
-يووه منكم خلاص عاد ان شاء الله بيرجع نجول ... يمكن تسافرين له انتي بعد قولي لرجلك عادي تراه قادر ماشاء الله !!!
اطرف سعد لشيهانه ... متكلم بحس هازل
-بعد شكلي بشرط عليها يسفرها شهر عسل لفرنسا عشان اشوفها !!!
ضحكت نجلا بخفه ...
- ايه كيذا اضحكي يانجول جعلي ماعدم هالضحكه وهالمبسم يابنت ابوي وامي !!!
ودعهم ... ونزل ... تارك نجلاه الصغيره ... تواجه اول خطوات دنياها الجديده لحالها ...
حاسس ان قلبه موجوع ..وضايج ... كم تمنى انه ياخذها معه ... ويطير بها يعوضها عن سنين الغم الي شافتها بهالبيت ...
دخل المجلس شاف سلطان ونايف ...
- يالله انا استأذن منكم ....
قرب من سلطان الي وقف له ومد يده له ... استحكم كفه مخاطبه بثبات الصوت ... المحتزم .. بشده ... وثقه ..
-لا اوصيك ياسلطان نجلا حطها بعيونك اختي ماخلق مثلها ثنتين نادره !! بين البنات !!ودانه ثمنها غالي !!!هي اغلى حتى من روحي انا !!!
شد سلطان مبسمه ..بامتعاض مخفي ... مايدري ليه ماعجبته نبرة سعد ابد ...
-وانا اكثر من راح يصون هالدانه هذي !!!نشوفك الخميس ان شاء الله !!
-والله انا اعتذر كان ودي احظر بس عندي دوره لفرنسا ... ومايمدي اعتذر عنها السفر قريب جدا !!
-خساره والله .. ودي انك تكون موجود !!
شدد سعد مسكته ..متابع ..
-يكفيني تعز اختي ولاتظلمها وتكون لها نعم الرجل !!! هذا يكفي ويغني عن الحظور ... وبعد دراستها يابو صخر خلها تكملها !!
-ان شاء الله !!!
هز سعد راسها ساحب يدينه ..
-يالله فمان الله ... مع السلامه نايف ...
قالها مطرف بنظراته لنايف .. الي يترقبه بصمت ... وقف هو الثاني .وقت ماقال سلطان ..
-انا بعد استأذن سلمني عالوالد يانايف !!
تبعهم نايف ... وهم متقدمينه ...
-سعد !!!
التفت سعد وهو يفتح الباب ... تلاقت نواظرهم ... بثانية صمت ..
-هلا؟
-استودعناك الله !!
ثبتت نظرته ..مخفي شعوره المحتويه ... هز راسه ... وطلع ... تارك روحه الصغيره ... بهالبيت ... الي يكره دخوله ويكره ذكرياته فيه ...
طلع سلطان لسيارته ... وحرك مبعد عن حيهم ومكانهم ...
دخل نايف ... قابلته امه ...
-هاه بشر وش صار ؟؟
-ماصار شي كل شي زين الله يتمم ..
-واخوك وش يبي ؟؟
-يبي يسلم بس بيسافر فرنسا دوره !!!
-مب حاظر العرس !!؟؟
-لا مب ماديه ... انا بطلع خل البنات يشيلن الأغراض بالمجلس !!!
- وين بتروح تعال علمني الاخبار !!
-مافيه اخبار يمه ... الناس ماشاء الله باين انهم مطانيخ والرجال ماعليه كلامه ومنطوقه واحدن صاحي مابه خلاف الله يتمم لهم !!!
قالها لاف وطالع ... تاركها تفكر بهوجاس اجل ام حسن جايبتن لها علومن خرطي ؟؟!!! .. تنهدت بضيق داخله تناديهم ...
-نجوووول !!!!امشي لمي المجلس وحوسته !!!

.................................................. .....................
قصر صخر آل جلمود ...
تهادى حس رنا بقل حماس ...
-هاه يمه وش رايك ؟؟؟
تحركت لجل تعطي أمها مجال تتأمل فستانها ... بوضوح على متنها ...
هزت ام سلطان راسها ... ببسمه زاهيه ..
-حلو ماشاء الله ماعليك ... الله يحفظك وياقاك يابنيتي ... التفتت لسمر ... متابعه ..
-وانتي ياسمر روحي البسي خل اشوف فستانك !!!
هزت سمر راسها ...
-يمه حبيبتي قد شفتي مره الشمس تطلع بالليل ؟؟؟ مستحيل مب وقتي يمه ابدا !!!
ضحكت رنا بخفه ... مطرفه لامها الي تحول تفهم ..
-ماما حبيبتي ترها تقصد انها هي الشمس !!!
رفعت سمر حواجبها ... بهزل ..
-أي والله اني الشمس ...عندك مانع رنا !!؟؟
عاجلتهم امهم بالرد ...
-كلكن فيكن البركه انتي الشمس وهي القمر !!!
هزت رنا راسها ...
-ايوووه يمه هو ذا .... لبا قلبك والله !!!
-لاتشلين هم يمه فستاني حلو مره ... الا صح سلطان معد ينشاف وينه ؟؟؟
- علمي علمك يابنتي حتى انا منيب اشوفه الا نادر !!!
استجلست سمر ...
-يمه حتى مارتب جناحه ولاجهزه انتي الي جهزتي لهم وغيرتي وراه مب مهتم !!؟؟
-الا مهتم بس مب فاضي يتجهز واكيد انهم بيسافرون ومعتمد الشغل وقت شهر عسلهم بس انا استعجلت من راسي !!!
-الله يطول بعمرك يارب ويخليك لنا !!!
التفتت سمر لرنا ..
-رنا المركز كلمتيه متى بيرسل عاملاته ؟؟؟ تراني ابي صوفيا مابي غيرها !!!
-كلمتهم بتجي بس بتمر الجوهره اول !!..
قطبت سمر هدب عينها ... بضيق ... زافره ...
-الجوهره ورانا ورانا !!! تركت كل المراكز وحطت عينها على الي نتعامل معه !!!
ناظرتها رنا ... بتركيز ..
-سمر لاتدققين مافيها شي بيمدي ... ان شاء الله !!!
هزت كوفها ... بملل ..
-شكلي انا الي بروح لهم مب يجون لين هينا !!وش رايك ؟؟
.................................................. .................................
بعد مرور ثلاث أيام ...

فيلا .. غازي آل مجفل ...
-بشري خلصتو شغلكم او باقي ؟؟؟
استجلست ام نايف ماسكه سماعة التليفون بيدها ...
-أي خلصنا ماشاء الله حتى الفستان مااحترنا فيه خذت حق ..اختي الجازي يجنن وش زينه كنه جديد مالبس!!
سمعت استهجان ام حسن ..
- من صدقك يام نايف ؟؟؟ وش دعوه ؟؟ تلبسينها فستان ملبوس ورجلها قادر يلبسها شي صاحي اجل ماعطوكم مهر محرز او ماكفى ؟؟ !!
-ليه ؟؟؟ وش فيها والله يافستان الجازي يهل مفصلينه بذيك القيمه مكلفنا حول ثلاثه !!
-انتي الظاهر مبخصتهم حقهم يام نايف ؟؟؟ مب انتي تعرفينهم زين ؟؟؟ ثلاثتك ذي خليها عندك العالم أتوقع يجيبون لبسهم من الخارج ... !!! الله يصلحك بس !!!والصالون وش بتسوين ؟؟ حجزتو او بعد بتتمكيج بالبيت ؟؟
-بنروح للقريبه الي عندنا ... تخبرينها صالون القمر بعد مايملكون بنمشي لها عالعصر بيمديها تخلصها !!
-الله اكبر يام نايف ... مالقيتي الا هي ؟؟؟ هاذي شغلها عادي قد علمتك عنها!! ورى ماحجزتو الي اعطيتك ؟؟
-غاليه علينا اجل عروس بحول سبعه ليه ؟؟؟ الله لو انها بتخلق وجهن جديد !!
ردت ام حسن ...بضيق ..
-أصلا نجلا ماشاء الله مب حاجة بهرجه واجده ماشاء الله بس عاد هذي ليلة العمر !!
قالتها وخاطرها ضابيق من تصرف ام نايف ... ماتدري وش الحوبه الي بتلحقها من ظلم هالبنيه ...
- يله زين اشوفكم .. على خير ...
-عاد انتي تعالي بدري ارتزي معي تراك مب غريبه !!
-على خير ان شاء الله ...
سكرت ام نايف الا بدخلة أبو نايف ...
-يامرحبا ياهلا ... وينك يابو نايف ابطيت !!!
اقبل عليها باين عليه الاجهاد ...
-ويني يعني ؟؟ بالشغل ولدك وينه ادق عليه مايرد !!تعبت ..و جيت مع سواق الشركه !!
-مادري كان فيه المغرب ... مانتبه لجواله اكيد ....
قربت منه ملاحظه ملامحه ... قطبت هدب عينها .. باهتمام ..
-غازي علامك ؟؟؟ وجهك مب عاجبني !!
شد نفسه واقف على حيله..
-مدري وش فيني ... هالايام .. جسمي منهد ... وتعبان ... برقى اريح ورانا مقام بكره جهزت ي شغلي ؟؟
- يه ايه ...
سكتت ثم تابعت باهتمام
-تبيني ادق عليه مره ثانيه ؟؟ خل يوديك المستشفى !!! نطمن عليك !!
-لا مب لازم اذا تم هالزواج على خير رحت لهم مرتن ثانيه !!! ..
عاد يكرر عليها من جديد ..
جهزتي شغلي انتي ؟؟
-ايه ايه ..كل شي جاهز ...!!
تراجع بيلف ... بيرقى لغرفتهم ... بجهد متضاعف ... حاس بضيق ... وانفاسه ثقيله ..وده يمر عليها ... بس قبلها بيجيب شي يخصها ..عنده .. محفوظ ..
.................................................. .................................
نجلا
بغرفتها ... منسدحه ... تتهادى الأفكار ... ببالها ....متوتره ... للحد الامعقول ... حاسه بوحده ... اليمه ... ترقبت السقف بصمت ... يعاكس ضوجة تضارب افكارها .... بكرا يومها الي كانت تنتظر بكرا بتكون حليلة عاشقها العملاق .. سلطان ... حبيب طفولتها الي تعلقت فيه ... من الصغر حلمها الي كبر يوم بعد يوم ... تنفست ..برجفه رافعه يدها لصدرها ... حاسه باحساس غريب ... مجفل ... هل هو من بعد سعد ؟؟؟ وعدم تواجده ؟؟ ليه يوم قرب هالحلم .. صارت تضيق بها الانفاس ... وزادت الهواجيس .... اطرفت بعينها يم الفستان .... تبارقت نظراتها .. تترقب الغرفه ... والاغراض ... الناقصه ... رجفت شفتها ... فيها ضيقه ... عجزت تدفنها ... هل عشان أمها مب فيه ؟؟؟ ياترى لو هي عايشه ..كيف بتكون الليله ... غمضت عينها حارقه اجفانها دموع .. يتمها والوحده الي تحس فيها ... سكون المكان متعب ... تذكرت مبسم سعد ...وضحكاته الي تنعد عالاصابع ..وفرحتهم النادره ... رفعت اناملها تمسح .. دموعها بضيق ... شاده اللحاف .. الين رقبتها ... تبي تطرد الهواجيس عنها ... الا ماتذوق طعم السعاده الا ماتعيش حلمها الي دوم منزوي بكرا الشمس بتشرق مرتين ... مره عالدنيا ومره بدنياها هي عقب طول انتظار ...
سمعت دق عالباب ..جمدت ..ثواني ... ثم سمعت حسه ...
-نجلا ؟؟ نمتي يابنتي ؟؟ !!
فزت من مكانها ...
-ادخل يبه صاحيه مانمت ... !!
انفتح الباب ..شافته مقبل استاقفت ..
-هلا يبه حياك ...
دخل مبتسم ... سكر الباب ... وتقدم لها ..
-اجلسي اجلسي ...
تراجعت جالسه ... بلعت ريقها ... تترقبه ... ملاحظه ملامحه ..باستغراب ...
-وش فيه يبه ؟؟ في شي ؟؟
تأملها ... بصمت ... وبنظره موجعه لصدره ..يدري انه مقصر فيها وقصر كثير ...
جلس ... مقابلها ...
ترقبته بصمت ... ودقات قلبها ترجف ...
-مافيه الا كل خير .... ان شاء الله ...
قالها وهو يتأمل الأغراض والشنط ... والاكياس ...توقفت نظرته عند فستانها المعلق ... مايدري ليه صابه ..رعشة اطراف .. اطرف بعينه لها ... شاف نظرتها الخايفه ...
- تعالي نجلا اقربي جنبي ...
وقفت مقربه ... مافي مجال تجلس الا .. عند رجله ... جلست ...
-يبه وش فيك ؟؟؟
تأملها .. بصمت .. هادي ... ثم نطق ..
-مافيني شي يابوك ...مافيني الا كل خير ...
ترقب ملامحها ..ببطء وكن العين تحفظ رسمها المحفوظ اكثر ...
خاطبها حسه الهادي ..
-والله وكبرتي .. ياضي نوره وبتتزوجين وبياخذك زينة الرجال !!
تاملت ملامحه مستمعه ... بصمت ... رافعه راسها يمه ...
تابع كلامه ...
-الله يوفقك ويسعدك .. ويحفظك من كل شر ... راضيه ومرضيه .. يابنت نوره يشهد الله اني عليك راضي .. وعلى اخوك راضي ...
مد كفه فوق راسها ..
-الله يحفظك وياقاك ... من شر هالدنيا ...
ارتجف شعورها ... غازيها إحساس غريب ..حيل غريب ..ورهبه معه ..تابع كلامه وس ذهولها ..
-ادري اني مقصر بك واجد ... ولاهي عنك .. !! حرمتك من دراستك ..ومن اشيا واجد !!!
قاطعته بخوف ...
-يبه ليه كيذا تقول .. تخوفني ؟؟ عادي انت أصلا مشغول ماتدري عن شي ... !! معذور يبه معذور عاذرتك والله !!
ترك راسها ولمس كتفها ...
-لاوصيك يابنتي .. انتي بتدخلين حياه جديده وبتروحين لعالم غريب عنك ..وبتتبعين رجال تجهلينه كوني نعم المره مثل امك الله يرحمها ... انتبهي لحياتك ... وكوني مره صالحه ..تعرف الي لها والي عليها ..ودراستك انا بكرا بشترط تكملينها !!!
الناس الي بتروحين لهم ونعم العرب ونعم الحموله ناس اجاويد ...
تأملته بصمت مستمعه ... ومترقبه ... بشعور مقبوض غريب ... نظرته لها غريبه عليها وحسه بعد ... فيه شي كتم على أنفاسها عجزت تبعده عنها ... استحكم حنايا جيدها ..كما الجاثوم ...
-يبه انت تعبان ؟؟؟ فيك شي احس فيك شي ؟؟؟
تبسم ... متلمس باصابعه .. خدها .. بخفه ..
-مافيني الا كل خير جيت اكلمك كلام من أبو لبنته قبل تطلع من ذمته ... لغيره ... بكرا بتنشغلين مب لاقي وقت لي معك !!
شدت مبسمها ... يعني حرمها طول سنينها العشرين منه والحين جاي يسرق الوقت ... ياكبر الضيق .. يابوي ... دفنت احساسها ..ماتبي تنطق ولاتعاتب .. ابد .. بتطوي الليله كل ذكرى اليمه وبتبدا من جديد ... حتى معه بتبتدي صفحه جديده ...
قامت تلثم راسه .. ثم كف يده ..
-الله لايحرمني منك .. ويطول بعمرك يبه ...
- محدن يدوم بهالدنيا ... !!ابيك تعرفين شي واحد ... هالبيت مفتوح لك ان جار عليك هالرجال لك منصى ... وملفى !!!
انتبهت انه ... يسحب من جيبه شي ...قطبت هدب عينها ... بترقب لمحت علبه صغيره ... بلعت ريقها ... بترقب ..
-هذي كانت لامك الله يرحمها .. ... ومكانها الحين عندك ...!!
ارمشت بعينها ملهوفه ... ماده يدها ... تتلقاها ..فتحتها برجفة انامل ...
شافت تعليقة فراشه .. مزينه بفصوص .. تتبارق ملونه ...
همست .. تتلمسها بطرف اصبعها ..
-هذي لأمي ؟؟
-ايه الله يرحمها ... كلها الماس ... جبتها لها وقت العز .. !! بعنا كل شي الا هالشي مابغيت ابيعه !! وصتني اعطيك إياه !!
رجفت شفتها ... وانفاسها بدت تخونها ... اول مره يكون لها شي يخص أمها .... وأول مره يناديها بضي نوره ... رفعت راسها تدور في ملامحه .. مكامن تريحها ...
-يبه كنت تحبها ؟؟؟
هز راسه ... متأملها ... بتركيز ...
-ايه ..كانت لي الشوف ..خذتي منها كل مافيها !!!
رفعت حواجبها ... باستعجاب ... عاجلته ناطقه برجفه وعجل ..ثم ندمت ..
-ماشفت من حبك لها شي !!!؟؟
ارخى نواظره ...تكلمت بعجل
- اسفه يبه ماقصدت .... سامحني !!!..
تلاقت نو اظرها بنواظره ...
-لو أقول سامحيني بتسامحيني يابنتي ؟؟
رجفت أطرافها ...
شاده مبسمها بقوه ماتبي تطلع غصتها ... بس ماقدرت ... عاجلتها الغصه والشهقه كما الاعصار وكن الضيقه تنتظر السماح لجل دموعها تهل وكن الخوف الي تعيشه انهل ورفض ينمسك ...
قربت مرخيه راسه على رجول ابوها ...كاننت صدق تنتظر ابوها صدق تحتاجه حتى لو جاها متأخر ... لا مو متأخر .. هي حياتها الحين بتبتدي ... الليله بتودع كل ذكرى كرييهه وبتبدا دنياها تتلون بالوان الطيف ... واحلام الطفوله ... البارقه في سماها ضي
بكت الين .. عجزت توقف ... انهلكت من الصياح ... كل الي بصدرها كل خوفها رهبتها ... ضياعها وحدتها ... انفجرت ..تبيه وبتسامحه كيف ماتسامح ؟؟ !!! أخيرا بتضحك لها الدنيا ... حست بيدينه تتلمس شعرها ..
همست بنشيج واضح ...
-أي مسامحتك يبه لاتقول كيذا انت ابوي وانا احبك .. الله يخليك لي !!!
- الله ويوفقك ... ويسعدك .. الله يرزقك االرضا والنصيب الي يستحقك ياضي نوره !!!
تنهدت ..رافعه راسها متلمسه كف ابوها ..
-يبه سامحت سعد انت ؟؟؟ شهقت متابعه .. بعين نجلا ونظره وجلا ..
-يعني لو يرجع بعدين ..بتكون معه زين ؟؟ زيي الحين ؟؟
-ايه انا راضي عليكم يابنتي الله يرضا عليكم دنيا واخره ... !!لاتبكين جعل عيني ماتبكيك يابوك !!!امسحي دميعاتك وقومي اغسلي وجهك وصلي لك ركعتين !!
هزت راسها مبتسمه .. وهي تمسح دموعها الي عيت توقف .. أبعدت خصلها المتهاديه الرطبه ... برجفة مشاعر ...
- ابشر .. يبه ابشر ... وانت بعد نام وارتاح ..
كثير الي تعيش ... واجد عميق ..وجزل الشعور .. متضعضع كل مافيها ... ياكم تمنت حظن سعد ... الي حست به قبل كم يوم ...
بس هي اقوى من هالشعور يكفيها جية ابوها الين عندها ... ابتسمت .. بفرحه اليمه غريبه ... مهلكه .. ..تنتظر باكر وش بيجيب لها من توافيق الاحلام .. ومضامين .. الاماني ...
.................................................. .................................
بنفس ... الوقت ... لكن بمكان ... مختلف ... اجتمع فيه ... سود الفعول .. وشين .. النفوس ... وقل الطاعه ... وبعد عن الرحمن ...
- يابن الحلال روح ارقد بكرا عرسك !!!! انت صاحي احد يشرب قبل عرسه بيوم !!!!
تحرك سلطان بخفه ... مطرف بعينه له ...
-ان..ا اشو..فك ... ارب..ع ... الحين !!!
هز احمد راسه بقل صبر ...
-منت صاحي ... ياسلطان !!!! ناوي تجيب العيد !!!
- علامك..!!! خلن...ني اودع ... العز,بي...يه !!!
قالها سلطان ... ببعثرة حروف متأثر من الشرب ...
ضحك بخفه ....
- يعني الحين انت ماتركت الشرب .. وهالي تقحنه !! بتترك العزوبيه حقتك؟؟؟ كثر منها يابن جلمود !!!
ضحك سلطان .... بعالي الصوت ..
-صح انت صح !!!!!.. سلطان ؟؟؟ يترك حبايبه !!!! مستحيل !!! وهي حالها !! حالهم !!
ضحك احمد ... بخفه ... واستهجان ....
- الله يعينها بنت الناس !!!
جا طاريها .... تذكر سلطان ... ملامحها ... الي عجز ينساها ... لكن للأسف كرهه للوليد فاق كل تصور يدري بيرجع وبيلقاها أساسا من بياخذها عقب الي بيسويه .... مافيه الا هو ... موعودها الأكيد !!!!
استاقف .... محاول يركز ...
-وين بتروح ؟؟؟؟ بترقد ؟؟
التفت لهم ..
-عندي شغل !!!! وش دخلكم !!!! خلكم في ..حالكم !!!!
علق واحد منهم ..
-بيروح يشرب حليب نياق ... بكرا ليلته !!!!
تعالت الضحكات ... المستهزيه ... شاركهم ... ضحكهم ..ثم طلع عنهم ...في باله شي ..لازم يتممه ...
ركب سيارته .... مدرك ... للوضع الي هو فيه .... سحب جواله ... ضاغط ..رقم ...
-أي... عمر!!!! خلصت الي قلت .... لك!!!؟؟
-ايه خالص ... تجي تاخذه ..؟؟
-ارسله لي ...
وصف له المكان ... لان مافيه حيل يسوق الان يبي يرجع يشرب قهوه يفوق لجل ينفذ باقي خطته ...
اسند رااسه ... منتظر ... الين جاه ... عمر بالمطلوب ....
خذاه وحاسبه ... حسب المتفق عليه ... فتح درج سبارته مخفيه ... انتبه للظرف .. الموجود ... ترقبه بصمت .. ساحبه بيده ... متأمل المكتوب ...
روحه الكارهه ... تتوعد ... لشخص يكرههه ... ويتمنى انه يزول من على وجه البريه ... كره مهلك اسود عقيم معميه عن الروح البريئه الي .. بيحرقها سواد الحقد المدفون لاخوه ... ناسي ومتناسي ... وغافل ومتغافل ..ان هالروح .. اطهر .. من عرف بيوم ... بتنهلك ...وبتنكسر بليا .. سبب وذنب .... ذنبها الوحيد ان اسمها ارتبط باسمه ... ذنبها الوحيد انها جت بوقت .. رغبته بتنكيس راس اخوه امام الجميع .. تفوق رغبته فيها ..لدرجة يتركها بالمرتبه الثانيه المهزوزه ...!!!!
.................................................. .................................
وجا اليوم الموعود ..
قصر الجد ...
-هانت ... اليوم زواج سلطان الله يتمم له ... وبعده ان شاء الله ان ربي كتب زواج الوليد والجوهره ... باذن الله !!
تنهدت حصه .. وهي تشرب قهوتها ..
-الله يسمع منك يمه ..
قطبت ساره هدب عينها ...
التفتت لها ..حصه ...
- وش فيك ؟؟؟ مب عاجبك كلامنا ؟
تكلمت ساره بهدووووء..
-انتم عارفين ان شخصيه مثل شخصية الوليد ماينجبر ابد !!!
- وليه نجبره ؟؟؟ على بالك بنتي طايحه !!!! والله ياكثر مايجيها ... بس انا رافعتها له !!!
هزت ساره راسها ..
- عجزت فيكم انا !!! سوو الي تبون ... انا بتولم .. واستعد !!!
هزت أمها راسها ...
-الله يصلحك ياساره ... مير الوليد هو الي بيقول ابيها ومابي غيرها واذكركن !!! والله انه يوم لمحها ابتسم ذيك الابتسامه الي تبرد القلب !!!
دخلت حنان ... مترقبتهم ..
-ساره متى بيجون ؟؟
-شوي ... بروح اتحمم انا ..
ناظرتهم حنان ... راجعه تعيد على اخر كلام سمعته ..
-ايوه تقولون الوليد يبي مين ؟؟؟
- مايبي احد دام ماسمعتي الهرج من اوله ... لاتسألين ..
تنهدت حنان مطرف بنظراته لساره الي تلاقت معها قبل تطلع ...
-طيب الكل راح الحين ؟؟؟
- أي راحوا ... شويات ويتملكون !!
.................................................. ................................
فيلا ..غازي آل مجفل ...
الساعه 1 ....
الكل اجتمع .... لحظور الملكه ....
الوليد ... اول الحظور ... واعمامه ... وزوج عمته .... وطلال ..اخوه ...
بالمجلس ...
بروايح العوده .... المرحبه ... بالضيوف ... وحس نايف ... المهلي والمرحب ... وشذى الهيل والزعفران ..وفوح البن الأصيل ... وبصدر المجلس ...جالس . بهيبته .. وهددووءه وبكامل اناقته المعهوده ..وسط مجالس الرجال .. ساند عصاته ... ومترقب بصمت ...متفق معه .. يكون متواجدد عالساعه 12 ونص وبعد صلاة الظهر .. امام بيت غازي...!! خذا منه كلمه ... وعلم ... ويدري انه يستحيل يتنكر الحين !!! ولايقدر يسويها .. شد مبسمه ... ثم ابتسم ... مستقبل فنجال القهوه ... طارد كل هوجاس .. مبتدي يرد على عمانه وسوالفهم ...
مر الوقت بعجل وصل المملك ... وعلى انتظار وصول .. سلطان ...
ترك الوليد جهازه للمره الثالثه يدق ويبلاقيه مقفل ...
سمع حس طلال ...
-الوليد علامه اخوك ؟؟تأخر!!؟؟ مارد عليك !!!؟؟
اطرف الوليد لطلال .. بنظره محتده .. رفع حاجبه .. بأشاره نافيه..
متكلم بهادي الصوت ..
-ناوي يجيب آخرته هالسلطان !!!
- تركد ياخوي ..ان شاء الله انه بيجي ماتوقع يكون مستهتر لهالدرجه عاد!!!
ابعد الوليد نواظره ... مدرك نظرات أبو نايف ونايف ... قطب هدب عينه منتبهه لشخص ..معهم جالس .. مايدري وش هو لهم بالضبط ... نسيبه يمكن خالها !!..مارتاح له ابد ...ولا ارتاح لمواريه ... بس استبعد التدقيق فيه لانه مايهمه من أساس ... شد يدينه ...وهو يسمع حس عمه أبو خالد ... التفت ...
- الوليد كلمت اخوك !!؟؟ مفترض يكون اول الموجودين !!!
تكلم بهادي الصوت الثابت ... المعاكس .. ضمور ثورانه المعتلي ... والمهدد يثور ...
-المفروض ياعم !!! المفروض !!!
رفع يده يشوف ساعته ...
الساعه 2ونص ... مفترض الان تملكوا وطلعوا يستعدون لليله الكبيره ... الي عزم فيها كبارية القبايل والمعارف .. والشركا... وكل من يعز عليهم ... احتدت نواظره ... ساحب جواله يعيد الاتصال ...
القهوجي الي جابه نايف يدور عالجميع ...
تقدم نايف من الوليد ..
-تقهو يابو صخر ...
اشر الوليد ماد فنجاله ..
-زاد فضلك ..
أيضا مقفل ...
التفت أبو نايف للوليد ..
-أبو صخر دق على سلطان تأخر ...!!
- لاتشيل هم يابو نايف على وصول باذن الله والغايب عذره معه !!!
هز أبو نايف راسه .. باجهاد ... متأمل المجلس ... المتلي ..جيرانه المقربين .. ونسيبه ... وقبيلة آل جلمود وانسابهم ... تكلم أبو زناد .. شيخ قبيلة آل مجفل ...
-أبو نايف معرسكم وينه ؟؟؟ ابطى !!! اتفاقكم مب الظهر ؟؟
هز أبو نايف راسه ..
- ايه الظهر ... اكيد شي الهاه !! على وصول اكيد !!
اشر لنايف .. يقهوي أبو زناد ...
ترقب نايف المجلس حاس بالتوتر ... وهو بعد متوتر تأخر سلطان والمجلس مليان والمملك بدا بتضايق وراه مواعيد ... رفع يده يشوف ساعته ... مقطب هدب عينه بتفكير ...
شد مبسمه ... وعينه تتامل المتواجدين ماغفل عن .. شيخ بن جلمود ... وهيبة حظوره ...المتسيده صدر المجلس ...فيه شي ملاحظه .. حدة نظرته ... الواضحه ..مايدري ليه حاس ان فيه شي صاير..
التفت لأبوه لامح توتره هو بعد واجهاده... الباين المتبادي ... زفر بقل صبر ... ..
.................................................. .................................
بمجلس الحريم
- شفتي يمه حظها وشلون قايل !!!!؟؟؟ كل هالمجايييب لها باسمها جايه !!!
تنهدت بضيق وحمق مدفون ...
اطرفت لها أمها ... بنظره هاديه ..
-كلن يأخذ نصيبه ياغاده !! وعلى كلامك الي قلتيه لي ماهوب تامتن معه ابد الا بترجع لك مع سواد الوجه كالعاده !!! بس هااه ان رجعت زوجيها اخوك ابرك من الغريب عاد مطلقه من بياخذها تحمد ربها عاد !!!كود بعد رجلك يتنزل ويناسبنا !!! مغير رافعن خشمه بهالعالم !!!
- يوووه يمه هي ترجع بس ..!!! والله لازفها لعادل اول ماتخلص عدتها !!!! .تدرين انهم ماخذين افخم قاعه بالرياض مايخذها الا أمرا وناس فوق فوق !!! كله من فوقها والله مالت على بنتي وبس !!!!
-وسعي صدرك وافردي وجهك .. لايشوفك رجلك مكشره .. !!!ثم والله ان يصدق فيك كل الي حكو بك !!!!
زفرت .. بضيق وعينها حمقانه ... من القهر ... من شافت .. الي انجاب لنجلا وهي متضايقه ومحموقه هذا غير المهر الي انعطت .. وش بقى بعد ..!!..؟؟
- هي وينها الحين ماشفتها من جيت !!!
-فوق عايشه الدور ... من انخطبت معد اشوفها ست الحسن تتصدد .. وانا وبنتي نخدم ضيوفها !!!!!
لكن هين معليه معليه بترجع واوريها !!
الا بروح اناديها ... !!!
شيهانه بالمطبخ ...تجهز تقديمات الرجال للقهوه والشاي ...
وصلت لها ... اول مافتحت الباب..
لمحتها متسانده عند الشباك وعينها عالحوش ..
نزرت بحس .. نافر ..
- وراك مسويه مناحه !!! لايكون ماتبين تفارقينا !!!
التفتت لها نجلا ... مترقبتها ..بصمت ... ماتدري متى كرهها ينضب وينتهي ..خلاص هذ هي بتروح وتتررك لها البيت بالي فيه ...
تكلمت بهادي الصوت مافيها من مجادل ابد .. ضايجه فيها ضيقه عيت تنزاح .. دقت على سعد مقفل .. الرقم ... مستغربه ليه ماكلمها ابد واعدها يدق عليها ..
- ام نايف لو تكرمتي اطلعي واتركيني !!!
رفعت ام نايف حواجبها باستنكار
- بعد بعد !!! والله وصدق صدقتي انك رايحه لهالعالم لسانك .. منعدل !!!
تنهدت نجلا مافيها من مجاكرها ابد ... تركتها ورجعت تلتفت ونواظرها بنفس المكان الي انطرد اخوها ..منه ... لو زادت عليها تكه بس بتنفجر ...
قربت ام نايف منها بحمق ظاهر ... دزتها باصبعها ..
- انتي لما أتكلم معك تكلميني باحترام ... !!! وماتطنشيني !!! مب ورعه عندك انا !! هزي طولك وانزلي ساعدي شيانهه !! بنتي مب شغاله عندك ..!!
التفتت لها نجلا وعينها على يدها ... بتنفجر ...
تكلمت بحس هادي يعاكس كل مافيها ..
-لعاد تمدين يدك وتلمسيني !!! ؟؟
رفعت ام نايف حاجبها باستنكار ...
- والله وطلع لك لسان يابنت نوره !!!
-ايه طلع لي لسان ... وظلمك الي كنت اتحمله معد بتحمل منه اكثر احشمي شيباتك وانزلي عني !!!
- ايش ايش ايش !!!؟؟؟
- الي سمعتيه ... مابي مشاكل معك بيوم زواجي اطلعي برا وخليني !!!
-لا والله انك ماتستحين ...
مدت يدها .. بتلمس جديلها تراجعت نجلا بعجل ...
الا بدخلة الجازي ..
-وش فيكم ؟؟؟ غاده عسى خير ... قولي لااله الا الله اليوم زواج نجلا لاتكدرينها ..!!
التفتت ام نايف ... لها ..
-أقول لها تنزل تساعد اختها !! وش فيها !!؟؟ لسانها متبري منها !!!
- انا جيت الحين بنزل انزلي انتي ... !!!
واتركي نجلا عنك !!!
تراجعت ام نايف ..
- بترجعين بترجعين هالي انتيب رازتن فيه .. بيلعب بك الين يمل منك وبيرجعك !!!
رجفت شفة نجلا ... مانعه دموعها .. تنزل قدامها ... أبعدت نواظرها ... متنفسه ... بضيق .. معد بها طاقه تتحمل ... ابد ... ليش ضايعه هي اليوم ... ليش فيها هالضيقه الي عيت تفارقها مب اليوم زواجها من سلطان ... حلمها ؟؟؟ وش فيها اجل وش صاير ..؟؟ رفعت يدها .. تتلمس عينها ومدامعها ... بعجل ..شدت الجوال بيدها راجعه تدق ... بتشوف يمكن يرد عليها سعد ...
طلعت ام نايف بدون تتنتبه نجلا تابعتها الجازي ... دقايق الين تماسكت ثم سمعت حس الجازي ..
-سلاااام ياعروسه !!..لا عاد وش بلاك ؟؟ كيذا حزنانه ماعليك من غاده ... لاتخلينها تأثر عليك !!..
التفتت لها نجلا ببسمه .. هاديه ..
-سلام اخبارك ...
- بخير بخير ... نجول وسعي صدرك اليوم يومك ... والله بتغدين اجمل عروس !!!باذن الله !!
هزت نجلا راسها .. مبتديه .. ترد على الجازي .. واستفسارتها .. الجازي مع انها اخت مرت ابوها الا انها تفرق عنها وعن أمها ... ولا كنها منهم ... تعاملها زين .. وطيبه وصادقه ..معها ...
.................................................. .................................
مجلس الرجال للضيافه
الوقت يمشي ... وتاخر سلطان ... التوتر .. غلب الحضور ... ونظرات الجميع تتسأل ... موجهه التساؤل ..لشخص واحد فقط ...
الوليد ...
الجالس .. بمكانه ..بقوة ضبط أعصاب وهدوووء ... مستكين ...مخفي ببرود نظراته شرار القيض المعتليه استهجان واستنكار لتمرد سلطان .. وتصرفه المتصابي ... !!
أبو نايف عينه عالوليد ... بسؤال صامت .. المملك ابتدى يتضابق .. من التأخير الغير مبرر ... اتفاقه معهم بعد صلاة الظهر والان الساعه 3 .. مضطر يمشي ويتركهم ..لكن صبر لجل .. انه صديق لشيخ بن مجفل ..
تعالى صوت رنات الجرس هتف ..ابو نايف ...
-هذا المعرس اكيد !!
اشر لنايف ... واستاقف ... ببشته وهيبة .. عمره الكبير ... مب قادر يصبر بيروح يشوف ليه تأخر ... سلطان عليهم ... تهادت خطواته خلف نايف ولده ...
نايف اقبل ... والحمق .. واصل حده بس مهتدي مايبي يسوي قلق اكيد عذره معه مب لعب عيال الموضوع ... لكن كون انه مايرد ومقفل جواله هذا قل احترام .. فتح الباب ... قطب هدب عينه ..ماشاف احد ..زفر بضيق ..وهو يتقدم ويتلفت ... تراجع ..
-مين نايف ؟؟؟
جا يسكر الباب الا انتبه للظرف .. الموضوع .. بالاسفل ... قطب هدب عينه ..
- محد يبه ..
قالها متناول الظرف ..باستغراب ... وهو يقرا ...
(يسلم لغازي
آل مجفل )
- وش ذا يانايف ؟؟؟ من جابه ؟؟
التفت لأبوه ... وعينه متسائله ..
-مكتوب يسلم لغازي !! هذا لك يبه !!
تقدم غازي باستغراب ... تارك بشته .. يتهادى مد يده ياخذه .. باطراف .. مهزوزه .. بسبب الجهد الي يحسه ...
- منين جاينا هالظرف !!!؟؟
ابتدت اطرافه تفتحه ... ونايف واقف مترقب ... بصمت ....
-تلقاه دعوه يبه لزواج ..!!
سكت وهو يستشف معالم ابوه ونظراته للورقه الي طلعها من الظرف ...ثواني مرت ..
زادت رجفته ... بمنظر مهيب لنايف ... شاف ابوه يرفع كفه يمسح وجهه .. بضيق ...
- وش فيه يبه ؟؟؟ وش ذا !!!!؟؟
بالمجلس ...
لاحظ الوليد ... تأخر .. أبو نايف ونايف .... مستشعر التوتر الحاصل ... والضيق والاستفسار ...
-الوليد اخوك وينه ؟؟؟ هو بيجي او وش صاير معه !!خل نعرف تتاجل هالملكه او تتم !!
استاقف الوليد .. ساحب عصاته .. متكي عليها .. بثقل جيده .. ماسكها بتشديد لدرجة عروق يده وضحت .. التفت لعمه ..بحازم النظره ..
- الملكه اليوم بتتم باذن الله !! عن اذنكم !!
التفت للمملك وشيخ آل مجفل ...
-لاتواخذونا يالوجيه الطيبه ... دقايق وراجع لكم !!!
قالها طالع ... مستدرك .. التساؤلات ...
التفت خالد لسعود ...
-والله شكل ولد عمك بياكلها..وبيتمرغ وجهه صدق !!!سلطان مب جاي !!
احتدت نواظر سعود ملتقت له ... هامس بحزم مصدوم
-هقوتك يسويها ؟؟؟ !!مايجتري ان سواها ليقلب عليه الوليد ويمسحه مسح !!
ترقب خالد المتواجدين... هامس ..
-من حظر سلطان الخطبه وانا مستغرب أسلوبه ... تصرفه كان غريب وكن بينه وبين الوليد شي .. !! او موضوع !!! يقول غير الي يضمره !!! الحين تأكدت وبتشوف !!! سلطان يبي ينكس راس الوليد ويكسر هيبته وكلمته الي مانكسرت من جا ابد!! قدام عماني وشيوخنا وشيوخ آل مجفل !!!وان ماجا فهو فعلا بيسويها !!!
علق سعود .. بتوتر مشحون ..
-الله يستر .. !! الله يستر !
تابع خالد ... بتفكير ..
-الله يعديها على خير هالليله فضيحه ان سواها..سلطان !!! الوليد بيكون بموقف جلل !!!
- يابن الحلال اتركك من اليوم عسى ماتصير مذبحه بين هالاثنين !!! الوليد صابر من جا على أفعال سلطان ازرى وهو يغطي عليه !!! الله يستر بس ! !!
طلع الوليد ... شاد بشته .. بيده... متقدم ... ناوي يتواصل مع معارفه لجل..يعرف موقع اخوه وين بالضبط .. اطرف ونواظره تدور أبو نايف ونايف ... شافهم الاثنين واقفين ... لمح منظر أبو نايف والحاله الي هو فيها وعينه المتوجهه للي بيده ..ونظرة نايف المترقبه ... والشرار الي بيطلع من نظراته
-يبه وش فيها الورقه عطني اشوف !!!
رفع أبو نايف راسه ..بنظرات تاييههه خاويه ...
..شد مبسمه .. بنظره ثابته محتده ... لهم وهو يتقدم ...
- وش حاصل يابو نايف ... !!!!
التفت له أبو نايف ... والورقه بيده ... تارك الظرف يتهادى ... من بين ايديه ...
اطرف الوليد بعينه يم الظرف ... انحنى يشيل الظرف ... يقرا المكتوب بالخلف ... رفع عينه يم أبو نايف ...
مستدرك ان المكتوب من سلطان .. غدر فيه وطعنه بالظهر ماحسب حساب ان الخسه وصلت فيه لهالمواصيل ..ابد ...
تقدم ساحب الورقه قبل ياخذها نايف ..
لفها يم نواظره ماسكها بثبات ..
(أبو نايف .... انا الشيخ سلطان ولد الشيخ صخر ... مااتشرف اناسبككم..ياقبيلة آل مجفل )
احتدت نواظره ... والتهبت أنفاسه ... لو هو قدامه ثور فيه .. وانهى حتى أنفاسه بليا ندم ... او حسره .. !!!
اشتدت مسكته ... على ممسك عصاه ...
-يبه ؟؟؟ علامك !!!
التفت الوليد له ... متكلم بحازم الصوت ..
-تركد يابو نايف ... مب صاير الا الي يرضيك !!!!
رفع أبو نايف يده يتلمس رقبته ..حاس بكتمه تعادل صدمته ... الي يعيش ...الكلام يتكررويتكرر ... هو الي مسك بنته عشانه ..!! يقابله برداة هالفعول !!!
- وين اودي وجهي من العربان !!!؟؟
- يبه وش فيه وش مكتوووب !!!!
تقدم بحمق ماد يده يبي يأخذ الورقه ... ابعدها الوليد ... عن مرمى يدينه ... ملتفت له ..متكلم بحسه الجهوري الحاد ...
وقف نايف يترقبه باستغراب مبهم ...
- انتظر !!! نايف !!!! تركد!!!!
اهتز أبو نايف ... وهو يهتف ..ويكرر
-لاحول ولاقوة الا بالله ... لاحول ولاقوة الا بالله ... !!
تهادى متنه .. حاسس بضمحال قوته..
تقدم الوليد سانده ... وطاحت الورقه منه بعجل ...
-استهد بالله يارجال !!! ..
قرب نايف يسند ابوه مب فاهم وش الي حاصل ..
- يبه علامك وش فيك !!!
الا سمعوا حس .. يتكلم ..بشماتة صوت ..
-اجل ؟؟ ولد الشيخ مايتشرف بكم ؟؟؟!!!! سبحانه يارب الله رافع لي الخير زين انكم ماوفقتو وعطيتوني أي...
قاطعه نايف.. بحامق الصوت ... وقت التفت له ... شاف معه الورقه ..
-ياخال وش تقول ؟؟؟ !!!
رفع عادل .. الورقه قدام نايف ... وعينه مابينه وبين ابوه بشماته .. مستفزه ..
-ولد الشيخ مايبي نسبكم اختك ماتشر..!!
قاطعه هالمره صوت الوليد الثاير ... المحتزم .. بثبات النبره ..
- يخسى الي مايتشرف بنسب أبو نايف !!!!... اسمع يا..
ناظره عادل ..بتركيز ... متكم بلهجه هاديه
-عادل معك طال عمرك ...معذو..
قاطعه الوليد من جديد ..وهو يترك ابونايف ..
-اسند ابوك نايف !!!
ترجل بيده .. لام كم بشته ومتقدم بين عادل وأبو نايف ... مرخي نواظره بثبات ...
غطا أبو نايف وجهه ... برجفة أصابع ...
-ماتنفس ... !! ناي..ف !!
التفت نايف له ... يفتح له ازراره ...
-يبه استهد بالله لاتضيق نفسك !!!
شد الوليد عصاته ماد يده يقبض كف أبو نايف ...
-اسمع ياعادل!!!بنت أبو نايف بنت رجال اشرف من همزمك ولمزك!!!
سكت وهو كما البركان ... ثاير ... عرف سلطان شلون يربط يدينه لكن هالمره دخل معه سمعة عرب وناس تابع ..بنفس الحس المحتد ... جابر نفسه يتخذ قرار بلا ثانية تفكير لجل يرفع بطش الخساسه عن شيبة أبو نايف الي ماله ذنب ..
تابع ... متكلم بثبات النظره والصوت ... الجهور .. الواثق ...
-وان كان الله مب كاتبها لسلطان ... فهي بتكون من نصيبي انا !!!!
قالها مدرك لعمق المعنى المتصدر لكلامه والي مايقدر ابد يتراجع عنه ... ولا راح يتراجع ... شد مسكته ... مستحكم اعصابه ... بقوة ضبط من حديد ...
التفت لابو نايف وملامحه المصدومه بانشداه ... ونايف المصدوم ..
- هاه يابو نايف توافق تحط يدك بيد شيخ بن جلمود !!!! وتشرفني بموافقتك !!
شد مسكته على كفه مترقب حسه يبان ...
تأمله أبو نايف بصمت .. مهلك قاهر ... عاجز ... ومقهور ... الود وده مايكون بهالموقف !! بس وين يودي وجهه وعادل قرا وعرف ومصيره ينشر هالكلام وتصير سمعتهم على كل لسان .. قاصي وداني ...
كرر الوليد بتشديد وثقه ..
-موافق يابونايف !!!!
ارخى أبو نايف نواظره متكلم .. بحس مهزوزو..
-الي تشوفه طال عمرك ..
شد الوليد مبسمه ... متكلم ..
-ارفع راسك يابو نايف .. انا مقدم واتشرف بك يله تأخرنا عالرجال ...داخل !!!
التفت لعادل ...قبل يتحرك .. رافع اصبعه ...
-جنس مخلوق لايعرف الي صار !!! ..ان طلع هالعلم بعرف انه منك ياعادل !!!!
قالها ملتفت لنايف ..
-نايف عطني الورقه لاهنت ... !!!
أعطاه نايف عقب جابها ..من الأرض ..خذاها الوليد مثنيها ومخفيها بجيبه ومتقدم ...
-تفضل أبو نايف ... نملك !!!
اطرف بعينه يم عادل المتصنم بصدمه من التهديد المبطن .. تقدموا تاركينه ... ودخلوا المجلس ..
تكلم معاجلهم أبو خالد ..
-وينكم ياولدي ابطيتوا عالعالم اخوك جا ؟؟؟
علق معه أبو سعود ..
-يله بله خل اخوك يجي !هو وينه ؟؟
تعالى صوت اللمملك ...
-يالله يااخوان انا مرتبط ..مع كم عائله تأخرت عشانكم والله اذا ماجا الين الان انا اعتذر مضطر اطلع !!!
وصل الوليد لصدر المجلس ... وعينه تترقب الجميع .. تكلم بثابت الصوت ..
-المعذره منكم عالتاخير ... بنبدا الان ... !!
الكل استضاح عليه الاستغراب شلون تتم والعريس ماشرف الين الان ...
قبل احد ينطق ..تكلم بجهور الصوت ... مانع أي احد حتى يستفسر او يسال ..
- والد العروس موجود والمعرس موجود ... ناظرهم بثابت النظره المحتده ... ثم كمل ..
-انا !!!
خمدت الهمسات ..بالمجلس ... الين نطق المملك ..
-وش السالفه وش حاصل ؟؟وش اللبس الي صاير !!!؟؟
- مافيه لبس ولافيه شي حاصل ... والدها متواجد وانا متواجد وافضل نبتدي الان كتابة العقد .. معد معنا وقت وورانا مشاغل وحفل !!
هز اللملك راسه بصمت مطرف بعينه يم أبو عبدالرحمن ..
هز أبو عبدالرحمن راسه ... وعينه على أبو نايف ... الي حرك راسه بموافقه ...
تكلم أبو عبدالرحمن ..بحاذر الصوت ..
-على بركة الله ... يله ياشيخ اعقد ...لبنتنا والله يبارك لنا ولكم على هالنسب المشرف !!
أبو نايف رجفت يده ... من الضيق منكتم ... وحاسس بجهد غاشي متنه فوق الجهد اضعاف اضعاف ...
تقدم جالس ... وأيضا تقدم الوليد ... امام مرآى الجميع ...
همس سعود لخالد ...
-شفت ؟؟؟ مب قلت لك !!!
رد خالد عليه ... بحاذر الصوت ..
-شفت بس الوليد ماعطاه مجال ابد عرف ولد العم شلون يتصرف انا اشهد انه مطنوخ الفعايل كريم المبادي !!!
تنهد سعود ... مترقب الوضع ... مستغرب هدوووؤ الوليد وثباته ولا ..كن شي صاير ابد ...
جلسوا وتمم كل شي ..بينهم ... نطق سائلهم ..
-الان البنت موكلتك يابو نايف ؟؟؟ بالموافقه !!
علق نايف ..اخيرا ...
-البنت موافقه ياشيخ ..
رفع المملك راسه ... له
-معليه انا استفسر من ولي امرها !!
اطرف ابونا يف يم الوليد متلاقي بنواظره .. بقل تركيز ..اشر الوليد براسه يوضح موافقته .. على هالكلام ...
-راي البنت مهم الموافقه او الرفض ..بتتم منها شخصيا !!! وعلى مسامعك ياشيخ !!!
قالها متعني ومتقصد ..مدرك انها بترفضه ..لسواد وجهها وفعولها ..ماقصر سوا الي عليه وازود لجل يسترها ..
وقف أبو نايف ..ورجله تجر الثانيه ... لام بشته حاس بثقله على متونه ...
تقدم خذا الدفتر والقلم .. وتوجه للداخل ..
-غاده ؟؟؟ ياغاده ؟؟؟
-هلا بو نايف ...
وقفت متوجهه له ... عند المدخل الفاصل ..
قطبت هدب عينها ... لامحته
-علامك ؟؟؟ وجهك وش فيه ؟؟؟ وراكم تأخرتو؟؟
-روحي نادي نجلا ... بسرعه !!
زفرت بضيق ..مستعجبه حاله ...
تراجعت مصوته لشيهانه ..
- قومي نادي ست الحسن بسرعه!!
رقت لها شيهانه ..بعجل ... فاتحه بابها ...
-نجول ابوي يبيك ...
ابتسمت لها بحماس ...
صفقت الجازي ... بغمزه ...
- جا اجمل وقت التوقيع ياعروس !!!!
وقفت برهبه ... وضربات قلبها بتطير وتوقع ... خذت نفس ... مب عارفه وش تسوي .. سحبت المنشفه من راسها تاركه شعرها الرطب يتهادى ... مشطتت ثم لمته بعجل ..وتركته مرفوع ... بدون ترتيب ... أبعدت خصلها وهي تسمع شيهانه
-يله نجلا تراه واقف تحت بسرعه ..!!
تنهدت بربكه ... وشفتها ترج ف .. مبتسمه ..
-طيب طيب يله .. بتجين الجازي ؟؟
-روحي انتي .. الحين ابي اخلص عشان تبدا فيك تاخرنا !!!!
أبعدت نواظرها طالعه تاركه المكان ..متهاديه خطواتها ... رفعت يدها لصدرها ياكم تمنت وجود سعد ... وامها حواليها ... انقبض قلبها لطاريه ... عجزت تتواصل معه ماقدرت ... ابد .. نزلت الدرجات ...
مرت عالصاله شافت نظرات ام نايف وامها .. واقفين عند الباب ... دخلت على ابوها ووقفت بتقطيب منتبهه له أطرافها ترجف ... بحماس مهلك .. وخوف غريب ...
خذت انفاس ..هاديه ..
- هلايبه ...
- تعالي يابنتي ادخلي ...
قربت منه ... بتوتر .. وترقب رفعت اناملها تبعد خصلها ... ممداها حتى تلبس وتغير ...لابسه روب قطني بارد وردي الين نص الساق ... بدون اكمام ... شافت الدفتر ... غزاها شعور غريب ... شي من الرهبه .. واحساس ثاني .. لايوصف ... منظر ابوها ..مااعجبها ...
تكلم وهو مقابلها ...
-اسمعي يابنتي ... بيسالك الشيخ ... ابيك الحين ان سالك ردي ووافقي !!بس هالليله وبعدها يحلها الله !!
شدت مبسمها بعدم فهم تايهه نظرتها ..
-كيف يبه مافهمت ؟؟شلون هالليله بس!!
-انتي اسمعي كلامي لاتنكسين لي راس يابنيتي انا مجبور !!يعلم الله اني مجبور !
تبارقت نظراتها بخوف ...هامسه
-يبه وش فيه ؟؟ ليه كيذا تقول مجبور على ايش ؟؟
- كله من قليل المروه لعنة الله عليه الله لايسامحه !!
جا ببالها سعد وملامحه بلعت ريقها ... الجاف ..
-يبه قول انت تخوفني وش فيك ؟؟؟
سمعت حس نايف ...
-يبه يسال الشيخ تاخرتوا !!
اطرفت له نجلا بنظراتها ... ابعد نابف عينه عنها يم ابوه ...
مد أبو نايف يده محتزم كفها ..
-تعالي اقربي ..خل يسمعك ...
مشت معه ... وعينها على نايف وعليه ... حتى نايف .. حاله غريب ...
همست له ... بضيق ..
- نايف وش فيكم ؟؟؟
ناظرها ... بتركيز ...
-وش فينا بعد مغير سواد الوجه الي لاحقنا بسبتك !!
جمدت اطرافها وانفاسها وكل مافيها من كلامه .. الي يرميه بلا حساب ..
وقف ابوها ووقفت هي ..مطرفه بعينها يم ظهره المنحني ..
-جت ياشيخ موجوده !!!؟؟
شد الوليد مقابض يده بنظرات جامده ..و... بترقب ... متأمل ..رفضها الأكيد ... روحه ثايره كما البركان .. وانفاسه تعصف .. كما إعصار .. مزلزل نبضات قلبه .. الي رافض ينصاع لقراره كاره عقل وفكر ... !!!
تعالى صوت الشيخ ...
-يابنتي انتي نجلا بنت غازي آل مجفل ؟؟؟
شد ابوها يدينها ملتفت لها ...
تكلمت بهمس واضح ..
-ايه
نطق الشيخ سؤاله المبرق في سماها رعود مرهبه كل فكر وكل حلم وكل امنيه تجسدت لجل تزتهي روحها بهاليوم ...

...- انتي موافقه على ان يكون الوليد بن صخر آل جلمود ... زوج لك على سنة الله ورسوله ؟؟؟
جمدت نظرتها ..برعب ... وربكه جت عينها على ابوها تبي تفهم ...ليه الوليد مو سلطان ...
غمض الوليد عينه بترقب ..مهلك ..ضاغط على ممسك عصاته ... وانفاسه مكتومه .. بجهد طاغي منه ... منتظر يسمع الرفض منها ..
ياكيف تكون وحده مثلها حليلتن له وغصبن عنه شلون قدر سلطان يلوي له ذراعه .. ويجبره هالمره يصحح بنفسه ويتنازل يرتبط باالي باعت شرفها له !!!..لجل الفضيحه الي بتلحق أبو نايف ..
بركان .... داخله بركان ... محد حاس بالي يعيشه الحين ولااحد يدري بالي قرر يسويه وهوممتنع عنه وماحيه ويوم صار صار مع وحده مثلها هي!!!!
فتح اجفانه .... ثبتت نظراته على عادل ...احتدت نواظره ... بثبات ... مترقبه بصمت متحديه بس ينطق بلسانه ..
ابعد عادل نواظره ... بتوتر ...
نجلا ... نشف ريقها ... عاجزه ترد ... لمعت عينها ... مب قادره حتى تتكلم وهي تشوف نظرات ابوها المرتجيه ... وكلامه يتكرر ببالها .. من الي اجبره؟؟ مين الي نكس راس ابوها المرفوع دوم ...مين المصيبه الي جابرها تتزوج غير سلطان !!
كثير الاسئله قاطع شرودها الأليم حس الشيخ .. يكرر بهادي الصوت ..

-بكرر السؤال ... انتي يابنتي موافقه على زواجك من الوليد بن صخر آل مجفل ؟؟!!!
ناظرت ابوها متشابكه نواظرهم ... رجفت شفتها ... لامحه بياض وجهه وجهد نظرته ورجفة متنه ..
- وافقي يابوك وافقي !!
همست بغصه ... ضايعه ... حاسه بثقل بانفاسها ...
-ليه ..يبه ... حرام الي يصير ... !!
تساند ابوها بمتنه عالجدار ... هامس
-لاحول ولاقوة الا بالله .... يالله يارب..
عينها عليه وعلى نايف ... وضربات قلبها ترجف رجف ... كما الطبول تقرع في ميادين السمع ...
-ردي نجلا عالشيخ اعجلي !!!!اسمعي كلام ابوي !!!
خاطبها الشيخ بحس ثابت ...
-ردي يابنتي ؟؟؟انتي موافقه او لا اذا مالك رغبه قولي محدن بيجبرك على شي ماتبينه !!!
شد ابوها يدها بين يده ...
رفعت راسها له
-وافقي يابنتي ...
ارتجفت روحها ... بعجب مهلك غريب ... ماحست بالدمعه الساخنه الي انسلت من مدامعها ... ولاسمعت حسها الناطق ... وكن الي تكلمت غيرها .. مو هي وكن الي سلمت نفسها لرجل غير حلمها الموعود مب هي ..
-موافقه !!!
-على بركة الله ... يله وقعي ...يابنتي !!
جاه الرد كما الصاعقه ... معد فيه رجعه .. خلاص .. خسر هالمره امام سلطان حتى لو المكسب .. ستر شرف غازي !!كون انه يتمهزا به ويربطه بقليلة الشرف الي كان يحاسبه على ممشى اشكالها هذا بحد ذاته ضربه موجعه له ..لكن هيهات .. تخسى مثلها تكون له حليله ليوم الدين !!!
نجلا
مدت يدها ... بانامل ترتجف ..
اشر لها نايف ...
-هينا عند اسمك ...!!
انتفضت أنفاسها وهي تلمح اسمه ... وتوقيعه المهيب المتجسد مكانه ..
وقعت ... بعجل راميه القلم كن الي لامسته جمر يحرق .. اناملها .. خذاه نايف ..ووداه .. اما هي .. تراجعت ..حاسه بشد ابوها على يدها .. عجزت تقابل عينه ..ماتبي فيها من اللوم والعتب ..و الكسر والضيق الشي الكبير كسرها كما دايم ...
غمضت .. محترقه النواظر ..بليا فهم ... يعني هم من اول ناوين ؟؟؟ او شلون .. ؟؟ رفعت يدها تكتم عبراتها وشهقاتها ... هذا هو خوفها الي حاسه فيه من اول !!! هذا هو الثقل الي كاتم على انفاسها !!! شلون وكيف ماتتزوج سلطان ... شلون تصير لغيره ..شلون !!!تشوش كل تفكيرها وكل ادراكها ... صواعق مرعبه ... ودها الله يقبض أنفاسها وتختفي ..ودها هربت مع سعد وتركت الكل والجميع ...
انرسم امام نواظرها ملامح سلطان وحسه وصوته ..

ممداها تغوص وتتشتت هواجيسها الا حست بيد ابوها تنسحب منها فتحت عينها ..بصدمه ... مهلكه وهي تشوف متنه ... ينحني .. ضارب بالأرض ... بلاحول ولاقوه ... صدرت منها صرخه ...
-يبه ... !!!!
هالها منظره ...ونظرته ... ورجفته ... انحنت ... صارخه ..بخوف .. مذعور ..
-يبه وش فيك ؟؟؟ وش فيك ؟؟؟ يبه !!!!
تاهت نواظرها ... دخل نايف شافها منحنيه وابوه ممد جيده عالارض بلاحول قرب منه ..
-يبه ... يبه علامك ..؟؟؟ .. يبه !!
رفعت راسها ..لنايف ..
- نايف ابوي وش فيه ..؟؟؟ وش صاير ... يبه .. رد ... ليه مايرد نايف !!!
- ابعدي شوي وخري نجلا .. هذا ..الي كسبناه منك !! !!!!
أبعدت يدها بقل ادراك ..وهي تشوفه يفتح ازارير صدره ... بعجل ...
-يبه وش فيك ..كلمني قول شي !!
مسك نايف راسه ورفعه ... شافت عينه تدورها ..تلاقت معه بنظرها المرتعب الخايف عينه عليها وكنه بيقول لها شي ... بس مو قادر ... ارتفت يده يمها .. قربت ماسكتها بيدينها الصغيره ...

-هاه يبه وش بغيت ... وش فيك ؟؟
سمعت نايف ينطق بضيق ..
-ان جا ابوي شي فهو منك يانجلا !!!
ارتعبت نواظرها بصدمه ..همست بضيق وعبره ... وعتب ..
-باي حق !! تقول هالكلام لي ؟؟؟
قاطعها حس ابوها المجهد ...
-ن..ج....لا... بن..تي ....
ارخت له النظر ... ورفعت يدها بعجل تمسح المدامع تبي تشوف زين ..
-هاه يبه سم امر ... لاتتكلم ارتاح ... الي تبيه بسويه ... والله مانكس لك راس ابد !!! ارتاح ..
لمحت برقة عينه ... نظره غريبه موجهها لها ...ورجفه بمتنه اهلكتها ... لفوق طاقتها ... همست بعبره مرتجيه ..
- يببببببه ... !! لاتروح تكفا !!!تكفا تكفا تكفا تكفا لاتروح !!!
قالتها بنشيج مسلوب انفاس ..
شهقت رافعه راسها غاشيها الدمع لنايف .. هامسه برعب ..
-الإسعاف ..!! كلم الإسعاف !!!
تكلم ابوها من جديد متوجه لنايف ..
-ن..اد.. الولي...د!!!
شافت نايف يستاقف بعجل ...مب عارفه وش الي جالس يصير شدت على يد ابوها ..
- يبه ... لاتتكلم ... كثير بيجي الإسعاف وبتطيب .. والله لااسوي الي تبي والي يرضيك تكفى يبه .. لاتروح انت بعد تكفا !!!
تلمست صدرها .. ماسكه سلسالها .. ناطقه بعجل ملهوف ..
- شوف ؟؟ لبست سلسال امي يبه .. على طول لبسته !!! عشان ابيك تشوفه وانا لابسته اليوم.. !!
- بنت..ي اسمع..ني ...
دخل نايف المجلس ... منتبه لل عيون المترقبه ...
هتف أبو عبدالرحمن ...
-عسى خير يانايف ؟؟؟
- الوالد تعب شوي .. تعالت الأصوات ..
-لاحول ولاقوة الا بالله ...
-الله يشفيه ..
-وش صار ؟؟ عليه ؟؟؟
- الف لاباس ؟؟..
هز نايف راسه .. بلااستيعاب ...
-الله يسلمكم جميع ...

...
التفت للوليد ... بعين راكزه ..وحس ثابت ..
-يابو صخر تعال الوالد يبيك .. !!
تنفس الوليد .. بجمود ... مستاقف و..تارك بشته مستمسك عصاته ومتقدم بخطوات .. متهاديه وثابته .. ... خلاص صارت مرته ... حليلته ... محرمها .. ويجوز له الشوف .. وكل شي هو له كاره .. ..
اقبل ... داخل ... قطب هدب عينه بصدمة نواظر وهو يشوف أبو نايف .. عالارض ... ثبت لحظات ..واقف ..جامد فيه كل حس ..وهمس ..يعاكسه شعور كاره .. مجحف .. ثاير ..حقد انولد بثواني ..يوازي بعمقه الكره والاشمئزاز الي انخلق لذكرها ومسمى فعولها مع اخووه ...!!تأملها بثبات .. عاصف ..ونظره متملكها سواد الكره ..الي انوجد لها بشكل اكبر واعمق بهاليوم ..... جسم صغير منزوي ومنحني ..... بحس باكي ..سمع حس .. نايف يعلن وجوده ...ابعد نواظره يم ملامح أبو نايف ...
-يبه جا الوليد ...
رفعت راسها ... لسماع اسمه الكرييه .. تلاقت نواظرهم .. بتشابك اليم ... يجمع كل شعور محتويهم ..متبارز ومتشبع كره ونفور .. قابلته باحتداد النظره .الملهبه لروحها .. كما الكابوس المقبل لها ... احتدت نظرتها واطرافها ... مرتسم بملامحها عمق الوجع والخوف من نظراته لها .. .. حست بيد ابوها ..ارخت راسها قاطعه تواصلهم الكريه ..وغصتها كاتمتها ... الحين اهم شي ابوها ...يطيب بس ..
.....كانت تدري بيصير شي احساسها مايخيب فرحتها دايم يتيمه ...
-يبه .. !!
رجفت من حس عصاته الي ضربت بالأرض وقت جلس ..
رفعت راسها ... بعجل ..رجفت شفايفها وكل جيدها من احساسها بقربه الطاغي.... التهبت نواظرها ... المدمعه...تشابكت نواظرهم ثانيه ... ثانيه بس ... تضاربت وتبارت اهازيج مشاعر ..متفاوته مابين كره مدمي من طرفها ونظرات كاررهه حاقره من طرفه ..سمعت حس ابوها ..
-نجلا ..ب..نت..ي !! اس..معي..ني !!..الولييد !!
ارخت نواظرها .. قاطعه التواصل الكريه ...المرعب لروحها ...
سمعت حسه النافذ .. لامحه هيبة جيده المنحني بدون ترفع راسها ..
-سم يابو نايف !!الف لاباس ... !!
قاطعته ... بليا اهتمام ... بحسها الباكي ..
-يبه لاتتكلم واجد ... لاتتعب يبه !!
ترقبها ... بجمود ... مستمهل بنظراته .. فوق جيدها المنحني واطرافها .. المبرومه انصدم لصغرها الواضح ..كيف منها تطلع هالدواهي !! اول مانرسم امام عينه ... نظرات سلطان ... وبسمته المستفزه ... وكلامه عنها ...استضاح عرق رقبته النافر .. لعجزه الكريه واضطراره انه يكون بهالمكان .معها .. ابعد نواظره ..منتبه لكلام أبو نايف .. تجاهلها وكنها مو موجوده..ابد حقر كيانها المنهار ... كأنها لم توجد من أساس ...
.................................................. ..............................
اقبلت ام نايف ...
-وشفيكم ؟؟ شيهانه وش صاير تملكت أخيرا ؟؟
التفتت شيهانه ... وبكاها واضح ..
- يمه ابوي تعب عليهم طايح هينا بالمدخل ... !!
شهقت ام نايف برعب .. متقدمه ..
-علامه !!!! وينه بشوف !!!!
.................................................. .........................
تكلم أبو نايف بصعوبه ...
-بنت..تي ...
شدت يدينه ...
-يبه لا لالا ... لا لاتتكلم لا ... !!

نطق نايف ...
-نجلا اسمعيه اهدي خليه يتكلم عشان يرتاح كلمت الإسعاف جاي !!
مد يده الثانيه يدور كف الوليد ...مدها لوليد له وقبض كفه لاحظ برودتة اطرافه ... استحكم تركيزه معه ... شاك بحالته الي يشوف ... ناظره بتركيز ..
حرك أبو نايف راسه بصعوبه .. يبي ينطق ...
-بن..تي.. !.. نج... ل..
هز الوليد راسه بصمت منتظر ...
تاهت نظرات ابوها بينهم الاثنين ... وده ينطق يبي يتكلم قبل .. يوادعهم جميع ... قرب اجله وحان موعده ..وهو عارف ...
همست برعب ..
-يبه ..!!!!!! يببببه يبببه يبه !!!
ناظرها ابوها .. متكلم بصعوبة انفاس ...
-سا.. س..ا... سا..م.. ح...ي..
قاطعه الوليد ... بثبات الصوت مشدد على كل كلمه يقول
ها ...
- قول لااله الا الله .... تشهد يابو نايف .... !!! ..
مد يدينه ..يبي يوجهه لليمين ... وهو ينطق ويكرر ... مدرك ان أبو نايف يحتضر ... من نظرات عينه ..
-تشهد يابو نايف .... انطق معي ...
قاطعته صارخه تبعد يده بيهجان ...
-وش تقول انت !!! وش تقول؟؟ ابوي حي !!!!

ابعد يدك ابعد عن ابوي ابعد وخر يدك وخرها !!! ابعد روح !! يبه ... يبه .. لاتروح ... يبه لاتروحوووح ...
رفعت راسها تستنجد بنايف .. بصراخ ..
- نااايف ..خليه يبعد خليه بروح ذبح ابوي !! نايف ... يبه يبه .. ناظرني لاتروح يبه تكفا ... لاتروح وتخليني يبه ...!!
تابع الوليد متجاهل ضرباتها ... الي ماتاثر فيه ... وصرخاتها .. المنهاره ..وحسها الباكي ...
- أبو نايف !!!! انطق معي .... تشهد ... !
تاهت عينها .... بجمود ..موقفه صراخها ..بينهم الاثنين ... كابوسها الأسود .. المرعب الي تمثل فيه ... وابوها ... الي يوادع ... سمعت حسه يعيد ويكرر ..
- سام..حي...
خنقتها غصه مهلكه ... وصوته يكرر الشهاده لابوها ...
مب مصدقه ... الرعب الي تعيشه ... جت عينها على يدينه المجفله ... المستحكمه جيد ابوها بكل اريحيه ... مافاقت الا على حس ابوها يتشهد ... هينا الصاعقه ... هينا الوجع ... هينا الصدمه صحتها من توهانها ... وانفجرت ..صارخه ...
-اشهد..د.. ان ... لا ..الاله الا الله .... واشهد ان ..محمد رسول الله ...
قالها ونطقها بثبات يعاكس نبرات صوته ... الموادع ... تلاها صراخها المجنون وضرباتها ليدين الوليد ..
حاولت تفك يدينه من يد ابوه ... وهي تنشج برعب ..
- وخر يدك وخر يدك عن ابوي ... وش تقول انت ابوي حي مو ميت .. يبه!!! يبا لاتموت يبه!!! ..
جمدت وهي تشوف ابوها يوادع أنفاسه ونواظره تشخص للسما ...
صرخه اليمه مهلكه لروحها ... وهيجان مظلم تمثل بالموت الي قدامها متجسد بشخص هالكابوس ..ونظرات عينه الكارهه لها ...
- يبه ..... يبه لاتموت لاتموت ... يبببه ..ابووووي امس بس جيتني يبه!!! امس مب جيتني باليل ..توصيني !!! مب ضميتني ؟؟؟ يبه لاتروح تكفا لاتروح !!!
تلمست متنه ..بيدينها تلمه ... تحرك .. ملامحه..بلا تصديق ..
-يبه !!! قوم يله جا الإسعاف يلا قوم ...
التفتت لنايف ..
-نايف يلا تعال شيله مب جايين تاخروا احنا نوديه بروح معكم شوف داخ مسكين .. قوم وده يله نايف يله يله !! قوم نودي ابوي ....
تعالت الصرخات ... من ورا الباب بصوت شيهانه وام نايف ...
اما نايف جامد بمكانه بصدمه ... الوليد الوحيد الي كان مدرك لكل تفصيله ...
-لاحول ولاقوة الا بالله ... لاحول ولاقوة الا بالله ...
مد يده .. بثبات محتوي كتوفها ...
-تركدي هذا امر الله .. كيذا تاذينه !!!
صرخت بعالي الصوت ..
-لاتلمسني !!!! ابعد عنا !!!! ابعد !!!
الكل سمع ... الصراخ ... والانهيارات ... باهل البيت ...
نطق أبو خالد ..
-لا حول ولاقوة الا بالله !! وش حاصل ..
شاركه أبو سعود .... بضيق وصوت جهور..
-انا لله وانا اليه راجعون ...
هز أبو عبدالرحمن راسه ...
-انا لله وانا اليه راجعون ...
تبعه المملك ... بنفس الحس .. والكلام .. تتالت الدعوات ...
جلست مهلكه ..محتظنه راسه ... وعينها تترقب عينه المفتوحه ... عاجزه عن الحركه .. تسمع صراخهم .. من بعيد ...ودموعها غاشيه النواظر مانعتها من الادراك ... امس بس قال لها سامحيني انا مقصر ... بس امس قال لها ضي نوره!!! امس بس قال انا مقصر !!!ويبيها تكمل دراستها .. !!كيف يروح ويخليها الحين ... !!
تأملها الوليد ... بضيق ... تحرك مبتعد ... ساحب شماغه .. يبي يغطي أبو نايف الميت له حرمه ...
قبلها مد يده بيسكر عينه .. انتفضت مبعدتها ..
-ابعد انت ابعد مين انت !!!!! انت مين عشان تمسك ابوي .. وخر وخر وخر !!
سحبت شماغه تحذفه بعيد عنها وعن جيد ابوها ... لمته لحظنها دافنه راسه ... تتنشق كل مافيه ...
-يبه لاتموت تكفا لاتموت ...
استاقف ساحب عصاته وشماغه ... مرخي نواظره ... يمها ..عجز يبعد عنها النظر ... ونبض عرقه ينبض .. نطق بحازم الصوت ..
-تركدي واستهدي بالله ... !!
قاطعته رافعه راسها تصرخ .. باستهجان ...
-مين انت ؟؟؟ انت مين !!!وش دخلك حياتنا ... اتركنا روح فارق !!!
انهت كلامها بنشيج مدمي ... وصياح مقهور ...
نايف .. ثابت مكانه ... ملتهبه نواظره حمار ...ماقد تخيل بيوم يحظر موت ابوه كمتفرج .. ويشوف كل شي ... ويدرك انه فارقه للابد ...
نجلا تركت نفسها الضايعه ... تباري حزنها بالفقد ... صاحت وصاحت وصاحت الين تقظعت .. أنفاسها ... ماتغافلت حس مرت ابوها الكاره لها ... والصارخ .
-حسبي الله عليك ..كله من سبايبك !!! تسببتي على ابوك الله لايسامحك يانجول الله لايسامحك !!! جبتي له المرض الين راح وخلانا !!!,,,ماصدق يرتاح منك وجبتي اجله !!! اللله يوفقك عساك بالموت !!! عساااااك بالموت !!!!...

ارتجفت اواصالها ... بكى ... وتشتت وضياع متجاهله وجود رجل .. جسد لها اسوء كابوس مشؤوم تعيشه الحين ... رجل ؟؟!! اجبر ابوها .. الي طول عمره راسه مرفوع .. رجل؟؟ !! خلاها تشوف قهر ابوها قدامها ... حتى الألم الي تحسه .. مات ... استكان بداله ..بركااان .. محموق .. يهدد بالانفجار ..فاض فيها الحيل خلاص ..وقت فاضت الروح لباريها .. انتهى كل شي .. راحوا أبواب جنتها .. راحو جميع ..تاركينها لحالها .....
الوليد مازال واقف .. بهيمنة حظوره ..عينه عليها بثبات مابين قهر الرجال الي استحكم وجوده وخلاها تصير له حليله ومابين احتقار لشخصها .. الضايع وأخيرا .. رحمه .. لحالها وحال اهل بيتهم ..
ابعد عينه ..عنها ... مطرف لنايف المصدوم .. متساند عالجدار .. قابض مدامع نواظره ..بصمت .. مهلك ..تنهد .. ساحب .. جواله .. لازم يتصرف .. تقدم من نايف .. مد يده لكتفه ..
-الله يرحمه ... شد حيلك واثبت .. انما الصبر عند الصدمة الأولى ..!! يابو غازي .. وخلك ثابت انت بتشيل الحمل وبتمسك مكان ابوك !!!
ابعد نايف يدينه .. متلاقي بعين الوليد ... هز راسه .. بثبات ..كاتم أنفاسه ..
-الله يرحمه ..انا لله وانا اليه راجعون ... انا لله وانا اليه راجعون .. !!
التفت الوليد لها .. مترقبها بصمت ... ثم انسحب .. بيبلغ الجميع بالي حصل ... ويرجع يشوف الترتيبات .. اللازمه .. بحكم انه نسيبهم الان يحق له يحظى بسمعه شريفه وقت موته ... ادرك بنفسه ان الي سواه صح .. وان الي اقدم عليه بيمر بلا ندم وحسره .. قدر الله وماشاء فعل .. !!
دخل عليهم المجلس .. معلن بجهور الصوت ..
-العم غازي يطلبكم البيحه ... !!
تعالت الأصوات ... وتهادت من كل ركن بالمجلس ... تابع الوليد ... بنفس حسه ..
-الان بنرتب العزى ... راح يكون ببيته هينا للناس الفراب والاقارب ... وبعد بيكون بقصري ومجلسي وديوانيتي!! .. للمعارف والانساب والشركاء ..
انهى كلامه مأشر لخالد .. وسعود ...
اول ماوصلوه..
-انتم رتبوا بيان عزى باسم قبيلتنا .. لكل شركائنا ووجوهم لمجلس ضيافتي ...
وانت ياسعود .. ابيك تتواصل مع سكرتيري الخاص .. وتلغي كل حجوزات اليوم وتتعذر ... لكن اهم شي سدد كل المبالغ .. لاتاخذ ولا شي ولا تسترجع شي ... !!
- ابشر .. ياولد العم ..
هز الوليد راسه ..
- بشرت بالطيب ..
-طيب الحين الصلاه وشلون بنلحق عليه .. المغرب !!
-ان شاء الله .. الإسعاف على وشك يوصل ... انا بتم هينا وانتم تحركوا سوو الي قلت .. !!
قرب منه طلال ... ماد يده لكتفه ..
-الله يكون بعونك ياخوك !!
التفت له الوليد ... بنظره ..ثابته ...هاز راسه ..
-اميين .. طلال ابي منك شغله ... الغى كل الدعوات وبلغ الجميع بالوضع ... وتعذر من الوفود الي جت تحظر من مناطق بعيده ... ممدد لهم السكن على حسابنا وضيافتهم كلها علينا حتى تذاكر رجعتهم ... !!
هز طلال راسه ..
-ابشر ابشر ..
طلعوا جميع ... بقى .. أبو عبدرالرحمن شيخ قبيلة ال مجفل ... غادرهم المملك ..بعد ماخذا رقمه الوليد لجل استلام العقد ..
تراجع داخل .. بيشوف نايف وش سوى ... تمم اتصالاته ... للتبليغ ... عن حالة الوفاه ..
اول مااقبل .. هتف بعالي الصوت ..
-ياولد !!! نايف فيه احد ..
-لحظه يابو صخر ..
سمع صياحهم .. واصواتهم ونايف وحسه الامر لهم يدخلون ...
-تفضل يابو صخر ...
اقبل الوليد شافها على نفس الوضع .. بمكانها ... ونايف جنبها ..منحني عند جيد ابوه .. !! تراجع قافل الباب الي بينهم وبين المجلس ...ثم تقدم لهم من جديد ..ناطق بحزم
- نايف جا الإسعاف الان ... لازم ياخذونه ويحددون سبب الوفاه !! يله عشان نلحق المغسله والصلاه عليه الليله !!اكرام الميت دفنه يانايف!!
اول ماسمعت كلامه ومنطوقه ..وخاصه سبب الوفاه ... ارتجفت أطرافها .. لامه جيد ابوها .. اكثر .. كاتمه عبرتها ... كارهه حسه المتكلم وصوته الكريه ووجوده وشذا عطره الي ملى المكان .. رافضه تقوم عن مكانها ..ماتبي قربه ولاتبي يقرب ابوها ابد ...
شد نايف مبسمه ناشق بحس مسموع .. كاتم ضيقه وكبر الكسر وعمق الفقد الليله ...
-يله نجلا قومي ادخلي ..بيدخلون ياخذونه .. !!
همست .. بعبره .. مشتته .. وشهقات متتاليه ..
-م..ا..بي..هم ..يا..خذو..نه .. !!
تكلم هالمره بحزم ...
- معد ينفع نجلا خلاص راح ابوي قومي يله ادخلي !!
تمسكت فيه اكثر .. بعين تاييه متجمع فيها الدمع ... قربت تلثم جبينه ..ونواظره .. وكل ملامحه .. بلا شعور .. تدرجت لثماتها الين شيباته ..الي بذقنه .. رفعت يده.. وتلمستها ... شافت اصبعه المرفوع متشهد ..
قاطع نظراتها وكل ادراكها صوته الكريه...
-اذكري الله ... !! هذا قضاء الل..
رفعت راسها ... ودموعها مانعه عنها الشوف ... وقلبها حيل حيل مليان ... عجزت نواظرها تظهر مدى .. وعمق الكره الي يجيش بصدرها .. له ..اشرت بأصبعها .. له ... متكلمه بحس حامق ثاير مجروح ..
- انت السبب !!انت !!!! وش دخلك حياتنا !!؟؟؟ ابوي انت الي قهرته !!!! انت الي اجبرته !!! وكسرته اليوم !!! انت الي ذبحت ابوي انت !!!!
انهت كلامها بحس صارخ عالي ...
تأملها بصمت مستمع لتهايمها ... مستعجب بعمق ادراكه قوة حقارتها .. ووسع وجهها ..
تكلم نايف قبل ينطق الوليد ..
-نجلا !!! قومي يله بلا كثر هروج ... !!!
التفتت بحمق لنايف ... معدها خايفه خلاص ... فاض فيها الكيل والصبر والروح ضاجت ..منهم جميع ... تركت ابوها بخفه لاثمه جبينه .. ووقفت .. متوجهه له .. بعنفوانها الضاري ..
تكلمت بحس ثاير .. هامس .. ثابت ..
-ابوي مات بسبتك انت !!!وشلون وصل فيك الخبث تسوي الي سويت فينا !!!! مين انت ؟؟؟ عشان تجبر ابوي على خستك معنا !!!!ويزوجني اياك!!!
انهت كلامها بشهقه ..اليمه ... عاجلها بالرد .. الثابت ... ونظرته الجامده الي اخفى فيها كل شعور .. لها كاره ... لوما حالهم الي هم فيه .. كان عرف شلون يسكتها ويقص لها لسانها .. ويتركها عاجزه .. مب هو الخمام الي تعرفهم ..ان كانت جاهلهتن فيه فبتعرفه .. قريب ...
- اقصري الصوت ...
قاطعته صارخه بعناد .. ثاير ...
-مالك كلمه علي !!!!!
تابعت رافعه اصبعها وهي تمسح دموعها ...
-مالك أي حق علي !!!! اطلع برا بيتنا !!!! اطلع !!!!!
صرخت بكلامها الثاير .. متناسيه ومتجاهله وجود الكل ... بايعتها من أساسا ولعاد يهمها شي ... حلمها الي كانت تنتظره راح ... وابوها راح واخوها مختفي وش عاد بقى بهالدنيا لجل تحاسب وتصبر ...
تابعت بصريخ ..
-براااااا اطلع براااااا ..
صرخ نايف ...
-نجلااااااا!!!!
اقبل عليها ..بحمق ساحب ذراعها ... متكلم بثوران ..
- اطرمي على تراب وانطمي !!!!
انتفضت من بين ايديه ... ومع نفضتها .. انسدل شعرها ... حوالين متونها ... بثوران ... مهلك حاسس بضيق راعيته ... وانكسارها ..
تابعت بحسها الثاير .. وانتفاضها .. المجنون
-لاتستقوى علي !!!!روح له هو الي قهر أبوك ليوم !!!! هذا الي قهره هذا..خل مرجلتك لهالخسيييي..
انقطع حسها .. بكف حامي مجفل لها .. مانعها تنظق زود ...
رفعت يدها تتلمس خدها ...
- هذا رجلك الي ابوي اختاره لك !!!!اسكتي واحشمي ابوك الميت !!
أبعدت عنه ... صارخه ..
- احشمه انت !!! ابوي مااختاره هو الي اجبر ابوي !!! ابوي بيزوجني سلطان وانت عارف !!!! كلكم تعرفون !!!
كان مترقبها بصمت مكضوم ... يضرب برقبته شريانه الثاير ...ويدوي دوي ويدك يكسر جبال ... رمش عينه ثابت ونظرته لها بس بس هي ...
- معد فيه سلطان الحين ادخلي داخل .. لاتفضحينا !!!
صرخت بجنون ..
-الا فيه فيه فيه ففيه سلطان فيه ... !!!
التفتت للوليد بنظرات حاقده كارهه وحس ممزوج بحقدها الكاره لشخصه .. المرعب .. الي واقف امامها كما السد ..
-أصلا انا مستحيل أكون لك !!! ولا راح اخضع لك ابد !! الي سويته اليوم مايسويه رجال !!!
تعالى صوت نايف الثاير رافع يده ...
- اقطعي لسانك يانجلا !!!
دوت على ملامحها صفعه .. مهلكه ... اقوى من سابقتها اخفت عنها الضي .. وغرقتها في متاهات .. موجعه .. توازت مع وجعها وضيق أنفاسها ونبضها ..المجنون ..... تهاوى جيدها .. يمه .. وبين ايديه .. تحركت يديه بعجل يحتوي متنها الملكوم ... تهادى شعرها حوالينها مخفي كل رسمها ... ترك عصاته تنسل من بين ايديه .. شايلها مدرك انها فقدت الوعي ...رفعها بخفه ..اطرفت نظراته ..المحتده يم اشراق ملامحها وقت انسلت خصلاتها هاربه..لما رفعها ..لمح حمار خدها ..من صفعات نايف ..وانتبه لثقل الدمع بين مدامعها ...
سمع حس نايف .. مقرب ... وهاتف
-نجلا ؟؟ !!! فوقي .. نجلا!! ... هاتها عنك بدخلها ... !!!
اشتدت يدين الوليد حواليها ناطق له سائل ..
-أمها داخل ؟؟
جمدت نظرة نايف ..بتوهان ... راد ..بعجل ..
-أمها ميته من زمان !! فيه امي واختي بدخلها لهم .. !!
شد بسمه ...مطرف لها بنظرات ..خاليه من كل شعور ... جامده بجمود احساسه .. اليتيم المنزوي ...
انتبه لسيل الدم من مبسمها ...تعالت ضربات نبض قلبه بجنون ..جاهل ..ابعد عنها النواظر لام جيدها بحذر ...و
وجه كلامه لنايف ..بحس حازم وحاذر ..
-اخر مره اسمح لك تمد يدك يانايف !!! قبل حتى تفكر بتلقاني قدامك !!!!..
اشر ..عليها .. وهو يضغط على رجله ويحتوي متنها الخفيف ...اكثر ..الين انزوى راسها لصدره ..منسل من جرحها سيل دمها ..الثاير ..اثر ضربة نايف الاخيره ..تعالى جنون النبض فيه ... تابع ..بنفس حسه الصادم لنايف ..
-ماراح تجلس هينا هاتو عبايتها .. بتوجه بها للمستشفى مع الوالد ... اعجل لو تكرمت !!!
جمد نايف ..بنظراته ... شد مبسمه متراجع ... ينفذ الي قال ...
تمت هي بين ايديه ..ارخى نواظره ...لها ... بجمود ..متأمل ..كل مافيها ...بليا شعور ..حاسس بضربات قلبه الثايره ... المعترضه ... مثلها هو ثاير وهايج بينفجر باي لحظه ...تأمل رسمها ..المجروح ...باحساس غاضب ..متماسك ..متضارب فيه كل شعور ..
دخل نايف معه عبايتها ...
-يله اعجل ودخل رجال الإسعاف تاخرنا !!!هات معك اثباتها واوراق ابوك واثباتاته!!! والحقوني مع الإسعاف !!!!
سمع الوليد أصواتهم وبكاهم ... شد مبسمه ونظرته لنايف ... يلبسها عبايتها ...
-مب لازم نقابها حط طرحتها بس ...
نفذ الي قاله ...
ناظره الوليد بتركيز سائله ...
-مالكم باب ثاني اقدر اطلع بها منه !!!
- الا فيه من هينا تعال معي ... !!
- عطني عصاتي الله لايهينك !!
انحنى نايف يمدها له ...
- خلها معي انت شايل نجلا ..
هز الوليد راسه بتفهم ...تقدمه نايف
.. وهو مشى وراه وهي بين ايديه ... غافله عن ضياع روحها المكسوره .. متمنيه ماتفوق ولا تصحى ابد ...
طلع بها الوليد ... شاف سياراة الإسعاف ... والسيارات .. للي باقي ماطلعو ... تحرك .. لسيارته ... اشر لسايقه يفتح له الباب دخلها ... بعجل .. ثم التفت .. يأخذ عصاته من نايف ..
ووجه كلامه لسايقه ..
-انت ارجع للقصر مع العيال جهزوا لديوانيه ... عندنا عزا راح يقام !!!
- ابشر طال عمرك ...
اطرف لنايف ..
-نايف انا بتقدمكم للمستشفى بيجبونه هيناك هم ... القاك هيناك .. لاتتاخرون !! ...سكت مركز فيه النظر ... ثم تابع ..
-شد حيلك .. انت قدها !!!وهالطريق كانا ماشين له !!الله يجعل مأواه الجنه !! هذا وقتك انت وعشان هالشي يلقب الاب باسم بكره يابو غازي !!!خلك قد المسؤليه ..واجمع نفسك واثبت !!!وانا معك موجود ..!!
شد على كتفه .. ثم ابعد يده ... بثبات .. بنظرات حازمه ..
هز نايف راسه ناطق .. بتشتت ..
-جزاك الله خير .. يا بو صخر !!
تراجع ... باين عليه الضيق ..وكبر الحمل ..
- يله على خير ..اشوفكم بالمستشفى دق علي !!
تلفت بعين ثاقبه ..يترقب المتواجدين مافيه الا الجيران والي عرفوا بالخبر ...
اقبل عليه واحد من الجيران معه .. البشت حقه ..
-سم طال عمرك ..
- سلمت ..
- الحين الصلاه وين ..
-بنعلمكم ان شاء الله اول مانجهز .. بنبلغ الجميع ...
هز راسه وراح عنه.. لف بجيده .. فاتح باب سيارته ... رامي حمله كله .. ومجنب عصاته .. وحاذف بشته ..وشماغه..
اطرف بعينه لجيدها المستريح ..بالمرتبه الخلفيه ..
ثم حرك سيارته ... متقدمهم جميع ...شدد بمسكته عالدركسون ...
وصور جمعتهم تتكرر ..بفكره صدمة فقد غازي .. امام حظوره ..غمض عينه بثقل ..يترحم عليه ....حسها الصارخ المتعالي ... وكلامها .. المتمادي ... يضرب فيه كما السوط ... أنفاسه ثايره تهدد وتتوعد .. فيها .. سكوته .. امامها كله بكيفه .. وبمزاجه .. ومراعاه للفقد الي صايبهم ... حتى غازي مناديه يطلب منه السماح ... وكلام المره الي تعالى يدعي عليها ..
اشتدت قبضته ... اكثر ... واكثر ... ياما قابل مثلها وكثير .. بيعجز عنها !!!!؟؟؟ مصيرها ترجع لمكانها المعهود ..
قطب هدب عينه .. منتبه لحس الإسعاف وراه ... وسيارة نايف .. تتبعها .. زاد سرعته بدون يفسح لهم مجال ... مترقب الطريق بثبات ... يباري
سكونه الدايم ... شرار القيض .. فيه معتلي ... ناظر بحده من المرايا ... متاملها ...بحده...
مستحقر .. هجومها ..وتهايمها ...وقوة تماديها ... وثباتها امامه ..
ابعد نواظره يم الطريق .. وقدامه مايشوف الا الكره المتغلغل بصدره ..لحالته الي وصلها بسببها وسبب سلطان ..
هو الوليد !! المستحكم عمره وقراراته .. وحياته..
ينجبر!!!؟؟
شد اكثر عالدركسون .. متذكر .. تكرارها لاسم سلطان .. بكل قوة عين .. وبقل حيا وحشيمه .. مدرك انها مخطيه .. وتبري ساحتها .. بكل تواقح ...!!!لجل يركبه الخطى
الا مايدفعها ثمن اغلاطها واستخفافها ..فيه .. الواضح المستبان ... دامها دخلت عالمه برجلها وبموافقتها ..!! مستقله فيه
كل نفس ياخذه .. هو له كاره لانه معها بنفس المكان .. شي بقلبه .. ينتفظ .. يزلزل كل خوافيه ..
من ضيق وقهر .. واحساس .. معتلي .. بيثور مايدري متى بينفجر وباي لحظه .. موتها ان
استفزته من جديد ..
ماراح يقدر يستحكم غضبه
ابد!!...ولا راح يقدر يهدي ..جلموده الي دفنه من سنين !!
.................................................. ...................
قصر صخر آل جلمود ...
-غريبه تأخروا بس الهقوه انهم انشغلوا لا الوليد يرد وسلطان مير مقفل جواله !!
-ماعليك منهم اهم شي انتي خالصه ... !! انشغلوا ..انا جالستن لحالي ..انتظر اول مايأذن المغرب بصلي وامشي القاك قدامي هيناك لاتبطين !!
-أي على خير ان شاء الله انا بعد والمه بسبق البنات مع الوليد!!
-يالبا عينه اخباره .. عقب جا من السفر ..؟؟
-والله جا البارح ماريح ..ولا امداه .. !!
-بلاه غلطان الله يحفظه احد يرجع قبل الزواج بليله ؟؟!!
-يقول مب كيفه اضر يتأخر عاد تحسبينه ياعوينه يقول تعبان؟؟؟ لا بالله مايقول ابد .. من جا اهالولد وهو شايل حمول وساكت مايشكي جعل عيني ماتبكيه !!
- امين امين الله يرحم والديه .. عز الله انك ماقصرتي يابنت الاجواد .. نشميه انتي يامهره .. انا ابي له الراحه لو يتزوج ويستقر .. ان رجع لقا الي تنتظره تسامره وتوسع صدره ..الله يعين بس راح يزوج الصغير قبله !!!
سكتت ام سلطان ... متنهده ... بليا تعليق ..
-ايييه هوذا مغير ان جبت طاري زواجه سكتي !!
-وش أقول ياخالتي الله العالم انه مب على كيفي شوره من راسه .. ماعاد به صغير من جاني وهو كبير قول وفعل الله يحفظه !!!
- ماعلينا الحين اليوم نبي نفرح بسلطان ... وان شاء الله الجايه الوليد ..
-ان شاء الله .. الله يوفقهم جميع ..
- يله القاك على خير .. هيناك
-فمان الله خالتي ...
قفلت منها.... تهوجس ... بهالي مايردون عليها ... البنات مب فيه .. والساعه .. 5 ... ومحدن..جا من العيال الوليد طالع من قبل صلاة الظهر ... وسلطان من صبح البارح ماشافته ... انشغلت بتفكيرها بهم ...
تعالت نغمة جوالها ... رفعته .. تشوف ... تبسمت ورفعت الخط بعجل ..
-هلا بك ياولدي وينكم ابطيتوا!! المغرب بيذن وانا ناويتن اروح من قبل المغرب ...!!
.................................................. ........................
قبل ساعه
المستشفى ....
وصل الوليد ... مع الإسعاف ونايف ...
نايف تم معهم لجل يسلم .. ابوه لهم ويخلص أوراقه بعد الكشف ...
والوليد دخّل نجلا وتركها بين أيديهم بدون أي سؤال وتم مع نايف لجل يخلص أوراق غازي بعجل .. .. رغم انهيارها ... وتوهان فكرها عن الحاظر ... وكبر الصدمه .. الي تعرضت لها ... ماوعت لوجوده ابد ... مثله وكنه يبي يمحي اصل فكرة قربها الواقع منه ...وهي بعد
مابين كسر مهُلك ...وفقد موجع ... تواجدت هي .. ضايعه .. روحها عاجزه تتقبل واقعها الي صار ... معد تقدر تتحمل اكثر ... كل ثباتها القديم وصبرها المستمر ..انهزم اليوم ..وقت فقدت حلمها بارتباطها بعشقها العذري .. ومعه خسرت روح ابوها ...الي بروحته تمم القدر يتمها الكامل ..صوتها .. وحس بكاها مالي الغرفه الي هي فيها .... وعت بمكان غريب عليها ..
-اهدي حبيبتي اهدي عشان نعرف نعطيك علاج يهديك ... !!
-ابوي مات دكتوره ..مات ابوي اليوم !!!
- الله يرحمه حبيبتي الله يجعل مأواه الجنه ... يومه ياحبيبتي انتي !!
رفعت راسها .. بضيق مبعده خصلها الرطبه ومبعده بها عن ايدين الممرضات ..
وجهت نظراتها المكسوره ..الضايجه .. للي واقفه قدامها ..مخاطبتها بنشيج باكي .. مهموم...
-ليتني امووووت .... ليت ربي ياخذني معد ابي هالحياه انا !!!!..
-لا تقولين هالكلام .. انتي اسمك نجلا صح ؟؟
اشرت نجلا بعبره موافقه بدون صوت ..
جت تنطق الدكتوره .. الا بدخلة نايف عليها ...
ارتهبت نواظرها سائله ... ودها يكون كابوس الي صار
-نايف ليه جيت هينا ابوي وين؟؟
دخل مسكر الباب وراه ونواظره عليها .. ثابته ..انتهبت لحمار اجفانه .. ونظرته الجامده لها ..
تكلمت الي واقفه ... موجهه كلامها له ..
-انت اخوها زين جيت ابي اعطيها مهدئ رافضه .. الله يصلحها .. !!
عاجلته نجلا قبل يرد ..
- نايف ابوي مات صدق ؟؟؟
تطق بجامد الصوت ..لايم وضايج ..
-ايه مات !! وبسبتك مات !!..
حركت نجلا راسها .. نافيه ... بشهقات متتابعه ..
-لا انا ماسويت انتوا الي سويتوا ... انتو الي خذتوه ا !! انتو الي تسببتوا عليه !! ذاك الحقير ....هو تسبب ....على ابوي !!! ...
انهت كلامها بصراخ ثاير ,,,
قربوا الممرضات متخذين تعليمات الدكتوره الي معهم ... تعالى صراخ نجلا نافي .. وباكي ...
-ابووووي راح منه !!! منه هو !!
التفتت له الدكتوره ..
-لو تكرمت ليتك تطلع برا تو بس هدت والان رجعت تنهار لازم تراعي حالتها البنت معها انهيار شديد وان زاد راح تسوء حالتها اكثر والشي هذا مانبي نوصل له !!!! اطلع برا لو تكرمت !!!!
تم نايف يترقبها ... تارك دمعته تنحدر .. بدون يرمش ... انتبه لصراخها وتوهانها ... ومعالم ضربه على ملامحها ...تراجع بدون ينطق ... طالع وتاركها ... بدون كلمة جبر خاطر ... اول طلع واجه الوليد مقبل ...
رفع يده بعجل يمسح مدمعه بطرف شاغه .. بلا اهتمام ...تقدم له ...
ناطق ..
-معها انهيار عصبي ..شكلها بتجلس الليله هينا !!!
ضيق الوليد نواظره للباب وهو يشوفه ينفتح وتطلع منه ممرضه بعجل سامع حسها الباكي ... شد مبسمه مقطب هدب عينه بتفكير ...
- من معها داخل ؟؟
تلاقت عين نايف بعينه .. بقل اهتمام ..
- دكتوره وممرضاتها يبون يعطونها ابره مهدئه !!
ارتخت نظرته وسمعه يسمعها ... مازال ... تكلم ونواظره راجعه لنايف ..
-مافي مبيت بالمستشفى !!! العزى اليوم بيبدى ومحدن فاضي يجي معها هينا بتنتقل لبيتي !!!!
تنهد نايف ... بحس خافت ..
-لاحول ولاقوة الا بالله ... الله يرحمك يابوي .... !!..
رجع يناظر الوليد بتركيز ..
-مستحيل تطلع معك بيتك !!
احتدت نواظر الواليد مستمع له وهو يكمل ..
-هي الحين تقول انت السبب !!! مب طالعه الا بفضيحه ..!! ..منا ناقصين فضايح بعد!! ابي تمر أيام العزى على خير !!! انا اذا دفنا ابوي جيت خذتها بتطلع معي !!
رفع الوليد كفه لامس كتف نايف ...
-ماعليك انت خلك مع العزا وتجيهزاته هي الحين طلعت من ذمتكم لذمتي انا بتصرف معها!!
شد نايف مبسمه بتفكير ... تعالت نغمة جواله ... من جا هينا وجواله ماوقف .. الا دقايق ... الي يسال والي يتأكد متى الدفن ... الوضع انقلب وسبحان من يبدل حال الى حال ...
تراجع نايف يرد مستأذن ... هز الوليد راسه .. له وانتبه بنفس الوقت لخفوت الصوت الي اختفى ... انفتح الباب ... تمت عينه تترقب الدكتوره وممرضاتها .. توجه لها بخطوات ثابته ...
- السلام عليكم دكنوره!.. ابي استفسر عن حالتها !!
قطبت هدب عينها وهي تشوف اثر بقعة دم على صدر ثوبه ... وتكلمت شارحه وضعها ..
-البنت معها انهيار شديد ... ماقدرنا نهديها ... للأسف والاخ الي دخل زاد عليها ... حاولت اني مااعطيها أي xxxx مهدئ ماقدرت أتوقع انك سمعت صوتها ...
قاطعها.. سائل ..
- والين متى بيستمر معها هالي حاصل ؟؟
-الين تهدى مامعها احد حتى يخفف عنها ابد لاامها ولااحد تعرف انت فقدت ابوها هي الله يرحمه !! مالها خوات وامها وين ؟؟ لابد يكون معها احد ترتاح له عشان الخوف الي فيها يقل ونفسها تتطمن شوي !!!
سكتت شوي وتابعت .. بحذر .. وحس حازم ..
-هذا غير انها متعرضه للضرب .. انا اعرف ان في أي حالة وفاه تكون فيه صدمات لاهل المتوفى لكان ماتوصل للضرب هذي طفله !!!!
قاطعهم حس نايف ...
-مب طفله عمرها 20 سنه !!!
التفتت له الدكتوره بحق ..
- تعتبر انسانه ماتستحق الضرب ... !!! اتمنى انك ماتدخل عليها من جديد الان فقط هدت ونامت !!! ومجبره بسبب الي حقنتها فيه !!
تكلم الوليد بثبات ..
- محد بيدخل عليها غيري !!
التفتت له ونايف معها ...
-وماله داعي يكتب لها تنويم !!! اليوم بتطلع باذن الله !!
تكلمت مقاطعته باعتراض ..
-بس حالتها مب سهله البنت حتى تتمنى الموت !! لو تجي أمها عالاقل !!..اختها أي احد !!
قاطعها الوليد .. ناطق بهدووؤ يعاكس ضيجان روحه الغاضبه ..
-مالها احد !!!
جت عينه على نايف ... ناطق .. له ..
-توكل الان انت شوي وبتطلع جنازة الوالد للمغسله ... اتبعهم انا بخلص امورها والحقك ... !!
تمت الدكتوره تناظره بضيق .. كارهه تسلطه ...
-ممكن اعرف ولي امرها ابي أتكلم مع ولي امرها ... !!!
التفتت لنايف ..
-انت اخوها وانا أقول لابد تجلس كم يوم عالاقل الين بكره دام مالها احد لاتطلعونها لمحيط تكرهه بتزيد حالتها النفسيه !!!
تنفس نايف ... مأشر للوليد الي يناظرها بثبات مب ناقصها اخر شي ينقص عليه .. احد يفاصله بقرارته ..يكفيه ماجاه من جهد للآن ..
-هذا زوجها وهو ولي امرها !!
بانت الصدمه على ملامحها ... التفتت تواجه الوليد بضيق ...
حركت حواجبها بخفه وهزت راسها .. متكلمه ..
-انا احذرك ان زادت حالتها اكثر سوء انت المسؤول !!!
رد بحازم الصوت ..
-لاتشيلين هم ماعليك ملام وان سائت جبتك لحد عندها !!! وبالمكان الي هي فيه !!! لكن الان واليوم بتطلع !!!
سكتت عاجزه عن النطق ثارت احاسيسها ..رحمه لهالبنت معد عرفت اش تقول ... تابع الوليد .. ناطق بنفس حسه ..
- أتمنى تجهزونها الان ... راح تنقل بسيارة اسعاف ومعها ممرضه!!
شدت مبسمها ... راده ..
-هذي الأمور تتخذ من إدارة المشفى ؟؟؟!!! ماقدر اتصرف انا
-ماطلبت تتصرفين انا اعطيك علم تجهزونها الان ... !!
تنهدت بصمت متراجعه حاسه بكتمه كارهه تواجده المزعج .. قلبها موجوع .. بسبب حالة هالبنت وهالاشكال الي حواليها ... لااخ صاحي ولازوج صاحي .. قطبت هدب عينها بتفكير .. هل مزوجينها غصب ؟؟!! يوم شافته توقعته عم لها او خال استبعدت انه يكون لها زوج ... شدت مبسمها تعطي تعليماتها ... راحت تبي تتأكد .. من كلامه عن سيارة الإسعاف ولو بيدها شي راح تقوله للاداره كل شكوكها فيهم راح تقولها ...
بعد راحت التفت الوليد لنايف ..
-روح تمم الي قلنا ...الله يعينك ويقويك اول ماوصلها لبيتي ..بلحقك.. !!
هز نايف راسه... بتفكير .. وصمت ..
- على خير بينا اتصال ... !! ان صار معك شي بخصوصها علمني عادي لو اجيكم !!
قطب هدب عينه .. مركز بنواظر نايف ..
-بتجي وش تسوي نايف ؟؟ زي ماسويت بالبيت !!!؟.. سكت ثانيه ثم كمل ...
-اختك معد احد له عليها كلمه غيري انا وانا قلتها لك ..مااتمنى اني اشوف المنظر الي شفته مره ثانيه لانه ان حصل !!ماراح أكون ساكت ابد !!!
تفهم نايف نبرة الوعيد منه ..
- الله يسهل الأمور .. انا ادري انك انجبرت ..
قاطعه الوليد ... بحازم اللهجه ..
-انا ماانجبرت ابد !! وتصرفي حاسب حسابه من نطقته لابوك الله يرحمه !!فالي ابيه منك !؟؟ ان تنسى كل شي انحكى بذاك الوقت ... لان الحكي فيه مضره لأختك ولابوك قبل يكون لي !!! سمعتها الان من سمعتي انا !!محدن راح يمسها بالشينه !!! فهمتني نايف !!؟؟
ترقبه نايف مستمع لكل كلمه يقول ... بس كان نفسه يعرف ليه تراجع سلطان !!؟؟ وهو جاي لحد عندهم .. وماخذ منه كلمه !!!
نطق بهادي الصوت أساسا وراه مشاغل لليل هذا غير البيت وامه واخته ... والفقد الموجع لههم والي ماتوقعوه ابد ... .وغير سعد الي مقفل جواله ولايعرف له رقم وطريق ... ..
- بيض الله وجهك .. يله فمان الله .. !!
- الله معك .. أي شي معك يتلدد كلمني على طول يمكن اقدر انفعك !!
- ماتقصر ...
تراجع تاركه ... بخطواته .. الضايقه متوجه لاستلام ابوه واوراقه ..وتوجييهه للمغسله .. تم الوليد يترقب سيره بنظرات خاويه ... ثم التفت للباب المغلق يترقبه بهدوووء ضايج ... معد حاول يتصل بسلطان ابد ... فيه نار تضطرم بصدره .. كل ماتذكره ... جاته اتصالات من جدته ومن ام سلطان مارد ابد .. وش يقول ؟؟ !! ..لازم يكلم ام سلطان لجل تستقبلها بالقصر .. يستحيل يخليها تغيب عن عينه وهي على ذمته !!! لازم تكون تحت انظاره الين يقلعها من حياته مثل مادخلتها بليا استئذان !!!
تحرك بخطواته ... العرجا بثبات الين وصل لمقبض الباب .. حركه بهدووء فاتحه ... شاف طرف السرير .. واللحاف ... دخل قافل الباب وراه ... بلاحس ... تقدم بصامت الصوت ..الين استبانت له ..بوضوح ...مشرقه كما شمس الصباح ..تأمل شعرها المنثور حواليها .. وقف ..على جانب سريرها ... منتبه انها غافله عن كل شي .. انتبه لمدمع نواظرها المثقل بالدموع الطارفه ... تعالت نغمة جواله ... سحبه من جيبه مصمته ... ثم تراجع للكرسي المقابل جنب سريرها ... رامي حمله .. وثقله .. بسكون ... ارخى متنه ... وعينه عليها ثابته ماترمش ... تم يترقب .. ويتأمل ... كل مافيها ... بصمت يشبه ..السكون الكريييه في احلك لياليه ... مايدري ليه يحس بلسع حار بجيده وكن اثار كل حرق فيه حيت من جديد وابتدت تنبض وتوجع ...ركز فيها النظر .. متذكر صراخها ونظراتها الثايره له ...نبض عرق عنقه .. بتوتر مجنون ..مهلك .. ومدوي .. يعاكس شرار نظرته الهاديه لها ...ساورته الشكوك حول حالها مع اخوه هل استدرجها ولعب عليها ؟؟!!! هل سلمت له بطواعيه بسهوله ؟؟؟ الين مل منها وانسحب كما حاله الدايم !!!؟؟ تذكر صورة فقدها لابوها وانينها المجفل..تذكر هرج سلطان ..اهتز كل مافيه ..مغمض عينه بثبات ... مبعد كل تصور وكل صوره ممكن تجمعهم الاثنين ... قاهره إحساس الموقف الي انوجد فيه ... بينهم ...اول ماغمضت عينه تعالى حسها بذاكرته وهي تنطق اسم سلطان بكل وقاحه وثقه ورغبه ..اشتدت مقابض يديه .. ماسك نفسه عن أي اذى ممكن يسببه لها بلا نيه قابض على ايدينه بثبات ... حاسس بغدر سلطان له واستصغاره له امام الجميع ...
تعالى حسها بذاكرته ..
-فيه فيه فيه فيه فيه سلطان !!
قبل ثواني ...
أصوات .. براسها تسمع ... حس سعد ... وحس ابوها ...وينه ابوها ووينه سعد .. ؟؟!! .. ضربه بنبض قلبها موجعه وقت تذكرت انها فقدته اليوم ...مااعجل ماحست بحرارة اجفانها ..الثقيله جيدها كله خامل ثقيل ... مافيه إحساس للالم الا بقلبها فقط ... روحها ضايعه .. همس لسانها .. بحس خافت ..بليا شعور ...
-س..لط..ان..!!
دوى صوت تلامس عصاته عالرخام فزت فاتحه .. مدامعها برهبه ... ملتقيه نواظرها الشقيانه بنظراته الثايره .. لها ..فز قلبها خايف .. ارمشت حاسه انها بكابوس عاجزه تصحى منه .. تمثل في هالانسان الي قدامها .. وانوجد باجمل يوم لها كسر كل حلم وانهى كل امنيه .. غمضت عينها وفتحتها .. يمكن كابوس ..لكن مااختفى !!!؟؟ مازال موجود ويوجه لها نظراته المجفله لروحها ... حست بانحدار دمعتها .. وغصه كاتمه أنفاسها ..امتلت نظراتها لكل وصف للكره ...ممكن تعرفه ...نطقت بحسها الخافت الكاره لوجوده .. مثل العلقم هو ... كابوس ممرض .. كئيب ..
-انت ..الي .. أجبرت ابوي.... وسلط..
قاطعها بحسه الفاحم المهلك ..المتوعد المرعب لها قبل تكمل نطق الاسم .. رافع اصبعه بتحذير .. وهو يوقف ..ويتقدم بعرج اجفلها فوق خوفها اضعاف ..
-انتبهي تنطقين اسمه قدامي !!!او تسول لك نفسك ان تتهربين من رداة فعولك وتنسبينها لي ولاسمي !!! ابوك راح لان هذا يومه والسبب انتي
اشر عليها باتهام .. مجرم ..وهو واصل لها مرخي نواظره لها حاس برهبتها وخوفها منه .. ورجفة شفايفها وعجزها عن النطق ..
رجف قلبه لاحساسها الي يشوف لكن شعوره الغاضب طغى وتجبر ... تابع .. بتوعد ..
-الي وثقتي فيه راح وخلاك لسواد وجهك وفعولك !!!
تم يترقبها ويتابع ..
-انا تنزلت وخذتك لجل راس ابوك ماينتكس فقط لاغير !! وش يخليني اجبر ابوك واصلا انتي منزله راسه !!! وش الي فيك زود عشان اجبره !!! انتي مجرد نكره خانت ابوها بوسط بيته !!!ابوك ماكان له وجه حتى يرد ويرفض معروفي !!
نطقت بعجل .. مفاجئها ... وغبنه كابسه أنفاسها .. للكذب الي تسمعه ابوها بس قبل كم ساعه جاي لحد عندها يتعذر منها وهذا يقول انها سودت وجهه ..
-انقلع !!! برا !!! ..ياخسيس!!..ياحقيييير!!..انقلع واطلع ..ان...ت
بغمضة عين ..مد كفه كاتم مبسمها ... فتحت عينها برعب .. انحنى يم مسامعها .. مرتجف جيده ..بجنون غاشي أنفاسه مزيج شذى جيدها الملكوم نطق بفحيح الصوت المتوعد ... معد تركت له مجال يتصبر او يهدا بتماديها .. فوق انها مخزيه .. مازالت ترمي عليه التهايهم حتى وهي مكشوفه ومعه لحاله بدون اخوها !!..
- اغلطي مره ثانيه !! بقص لسانك بنفسي !! ثقي اني مااستخدم مره مستهلكه مثلك باعت نفسها وتكابر بالعيب !!مره نزلت شرف ابوها بالأرض عند الله وبين العربان !!! مره خلته يروح يقابل ربه وهو غضبان عليها !!!! وحده خسيسه حدت ابوها يتعذر ويطلب مني السماح لجل اني سترت شرفه !!! هذي مكانها تحت الرجلين !!!
ترقبت همسه المجرم ... برعب وانفاسها مكتومه رفعت يدينها تتلمس كفه ..تصارع ..ثقل يده الكاتمه مجرى تنفسها ... ودها تصرخ بعالي الصوت وتقول كذاب ...ابعد يدينها بكفه الحر قابض معاصمها الاثنين ورافعهم بقيد كفه الحازم لفوق راسها ...
.. انّت بوجع مكتوم ... حاسه بلهيب أنفاسه الحاره عند عنقها ومسامعها .. حركت راسها تحاول تنتفظ وهو يتكلم بنفس الكره ..
- اثبتي !!!!
ثبتت وقلبها ينبض مثل المجنون... لدرجة حست انها تسمع دقاتها..
تابع بثبات بحسه الرخيم الحاذر المرعب لها ..

-عندي استعداد اذبح!! لكن ماستهلك نفسي وصبري على ذبح خايسه شرذمه مثلك !!!!
شهقت تدور مطلب انفاس ..حاسه انها بتنكتم من كبر كفه الكاتم شافيفها وواجعتها ايدينها القابض عليها ..بليا رحمه ومانع مساحه صغيره من انفها لجل مجرى الهوى ..
ارتفع بجيده عن مكانه الين تواجه بنظراتها قريب منها حيل وعينه منرسم فيها عميق الكره والاستحقار ولوم الخزي ..
تبارقت مدامعها قهر ..ضعف ..وخوف منه..وسرت رجفه بكل جيدها ... مثبته نواظرها له ... اساساهو قريب لدرجه بتشرق بريح جيده المعتق عوده وورد .. وقرب أنفاسه الي مثل شرار النار .. تلفح كل ملامحها .. ..ارهبها قربه الموجع الجديد عليها ..ونظرة عينه لها...الكارهه
تابع منطوقه .شاد ممسكها زايد وجعها ... وهو حابس نواظرها بنواظر عينه.. بجمود .. غير مدرك لروحها الجريحه الي بين ايديه ... وغير موقن بعظم الظلم الي تتعرض له منه وتعرضت له قبل شوفه ..بعد ...
-من هينا بتطلعين لبيتي وبتتمين معي بلا أي اعتراض و حركاتك الي سويتيها مع اخوك !! لاتتكررينها عندي !!!انا ماراح ارحمك مثله بكم كف الين تهجدين !!! بسوي فيك الأعظم !!!
سكت ثواني ثم تابع ..
-ببعد يدي الان حسك لااسمعه يابنت غازي او بتلحقينه الليله وفضيحتك بتكون على كل لسان !!
ترقب فيها كل شي ..كل شي ... ومع هذا حس واستشعر لهيب يحرق اقصى خوافيه .. كما السوط يجلده...ويحرك فيه كل مكمن للغضب .. لجل ياذيها ناره الي شابه بين ضلوعه يبيها تحرقها وتحولها لرماد كود يبرد .. شوي
ابعد يده ببطء مستاقف ..فالت يدينها الي احمرت متأثره بمسكته ابعد حتى نظراته عنها ..كاره فعله ووجوده لها ومعها .. هي الي حدته هم الي حدوه هم الي يستفزون اسوء مافيه وخافيه
شهقت بتتابع ... وانين ... موجع
رفعت اللحاف كاتمه نفسها خوف لايلتفت من جديد ويرجع لها .. غمضت عينها برهبه ماتبي حتى تشوفه ابد ابد ..كابوس تعيش اسوء من كل شي شافته بسنوات عمرها العشرين ..
تحشرجت أنفاسها ناطقه بغضب مرعوب وموجوع .. مشحون ومكتوم ..
- ياااارب .... اموووووت .....
يااااارب...خذني .... ياااارب...!!

سمعت حسه ... ينطق ... بثبات ...
-الموت ماياخذ الا الطيبين لكن الوسخين امثالك يجلسون عشان يسلط الله عليهم الي مثلي لجل تجلدهم الدنيا !!!
قالها بكل هدوووء وهو يرتخي بمتنه يرفع عصاته بدون يلتفت لها ..
صرخت بانين مجفل مثقل بالجهد .. كاره لكل شي .. ... لدرجة انفتح الباب وتتابعوا الممرضات .. حواليها يهدون صرخاتها وانينها وبكاها .... وهو تابع بخطواته طالع تاركها بعد مااجفل روحها بلا رحمه .. كل غضب استكان فيه .. اسقاها إياه ولسه .. بتشوف منه الأصعب ان تمت تمثل دور انظف منها وتسوق عليه التهايم بلا وجه حق.. الين يرجعها لقرفها وينشال اسمها من ذمته ..
خذته خطواته ... بعيد عن جناحها .. مهلكه حسها الصارخ .. هو بعد يبي يصرخ بعالي الصوت .. ويبطش بسلطان .. الغادر .. المستهتر ..
قالها له ... مالك الا الي اعرفهم انا !!! وفعلا خلاه يربط اسمه بوحده منهم ..
سحب جواله ... ضاغط .. رقم معين ..
وصله حسها .. الملهوف ... الخايف ..
-هلا بك ياولدي وينكم ابطيتوا!! المغرب بيذن وانا ناويتن اروح من قبل المغرب ...!!
تكلم بثبات ... يشابه ثبات شموخ وقفته ... وهدووؤه المعاكس ضولة احاسيسه ...
-التغى الزواج يالغاليه ... !! توفى أبو نايف اليوم بعد الملكه !!
- لاحول ولاقوة الا بالله ...لااله الا الله يالله سترك يارب سترك ... لاحول ولاقوة الا بالله ... !!!وش غدا به علامه ماكان فيه الا العافيه !!
شد بيده ممسك عصاته متابع..
- هذا الي صار .. مقدر ومكتوب يومه ياخاله مانقدر نعترض على امر الله !!
-يالله دبرة الخير ... لاحول ولاقوة الا بالله ... اكيد سلطان لاهي ياقلبي قلبه هالولد دايم اموره ملدده !! الله يرحمك يابو نايف الله يرحمك والحين وينكم فيه ؟؟
سمعها وهي تتوجد على حال سلطان وهو كاتم غيضه ولسانه لايغلط قدامها هي الي عشانها ضل معه متساهل الين طاح الفاس بالراس وتمادى بالردى..
-بالمستشفى .. عشان نستلم أبو نايف بعد الكشف عليه ... بنطلع الحين للمغسله ... ابي منك عازه يالغاليه ..!!
-امرني ياوليدي!!
-مايامر عليك عدو الحين انا بقوم عزى عندي بديوانيتي ... وبعد ببيت غازي فيه ... أرسلت العيال يستعدون اكيد بيوصلون قريب ... الي ابيه بنت غازي تعبت وهي معنا بالمستشفى برسلها بسيارة اسعاف واستقبليها !!
سألت بحس ملهوف رحيم ..
-بنتنا عروسنا !!؟؟
-أي نعم !!
- ياعوينها هالضعيفه .. ياقلبي عنها .. ايه بستقبلها كيف ماستقبلها بينور البيت فيها .. مرت ولدي .. يالبا عينها عسى لاباس ؟؟ ؟؟
شد مبسمه ..متابع بدون يصحح لها أي شي هو في غنى عن الشرح .. ولا يبي يشرح شي ...
-معها انهيار .. بيتوجه الإسعاف لكم ..واحنا بنلهى للعزى ..وافضل نفتح مجال عزى للحريم ...
-ايه ماعليه ماعليه انا بجهز كل شي لاتحاتي ياوليدي .. الله يرحمه أبو نايف الله يرحمه ياعزتي لعياله ...ومريته ..
- هذا المكتوب .. الله يرحمه ..بضطر اسكر منك بلغي انتي عماتي والي تعرفون انا وصيت الكل يبلغون بإلغاء الزواج .. والحفل ... انتم بعد بلغوا الي تقدرون عليه ..
- ايه ايه ان شاء الله ... بكام امك نوره بعد توها مسكرتن من عندي ...
-زين يله بخليك ..
-لاحول ولاقوة الا بالله و الله يكون بعونك ياوليدي مارتحت انت بعد ... وسلطان ادق عليه قافلن جواله تلقاه منفجع الله يصببرهم ويرحمه !!
شدد قبضته .. ماسك لسانه ينطق بالشينه ... يبي يقفل بعجل ..
-امين فمان الله ..
- مع السلامه ياولدي ..
ابعد جهازه ... متوجه يتمم نقلها عالسريع ... براسه مليون شغله وشغله .. قفل على ضيقه والغضب .. يبي يوقف وقفة رجال بعزى صديق ابوه...ولأنه يستحق ..
متجاهل وجودها ومكانتها الجديده لدرجة انه ماذكر هالشي لام سلطان ...
راح يعتبرها نكره .. لانها أساسا نكره ماتستحق يعتلي شانها كما شانه
بغرفة نجلا ...
-مين كان عندها ؟؟؟ توني معطيتها حقنه شلون رجعت من جديد ؟؟
تكلمت وحده من الممرضات ..
-كان فيه واحد بعصا بس ماقال لنا شي .. طلع عادي حتى ماهتم فيها !!
زفرت الدكتوره وهي تتأمل نجلا بضيق ورحمه ... بعد مااعطتها حقنه ثانيه مفعولها اقوى لجل تهدا ...
-لاحول ولاقوة الا بالله ... وش حظ هالبنيه بهالدنيا !! أصلا مارتحت له ابد تخيلي هدى مزوجينها واحد وش كبره !! كبير عليها اكبر منا احنا !!!
التفتت لها صديقتها دكتوره بنفس القسم ...
-حسبي الله ونعم الوكيل .. تنرحم شوفي محلاها واجملها شلون كيذا حالها توها بنت بعمر الورد حسبي الله ونعم الوكيل !!!ليش يزوجونها شايب تهقين عشلن فلوس ؟؟
اعترضت ..راده ..
-لا مب شايب .. الا رزه وهيبه مره مرجله تمشي على الأرض !! بس عليها هي كبير !!وشكله اليوم براسه ابليس !!!
-مدري عنك والممرضه الي قبل شوي تقول معه عصا !!
-يعرج ويتكي على عصاة خلك معي وبتشوفينه الحين سمعت يجهز نقلها ماعجبته سيارات الإسعاف عندنا واستأجر لها سيارة اسعاف خاصه من مستشفى المملكه بتجي لحد هينا تنقلها مع طاقمها الطبي !!!
- بعد ؟؟؟ !!! ..طيب ليش حالها كيذا تنرحم تقطع القلب شوفي تشاهق حتى وهي منومه!!
تأملتها برحمه .... ناطقه ...
-ابوها متوفي اليوم !!
التفت هدى بصدمه ..
-بالله ؟؟ يالله احسب منهاره ماتبي هالرجال !!!
كتفت دكتورتها يدينها ... بنظره رحوم موجهتها لها ..
-لا عشان ابوها !! ولامعها احد بس اخوهاجا و يقول لها انتي السبب في موت ابوي تصدقين ؟؟؟ !!!
-ياربي وش هالبليه ؟؟ يمكنها مسويه شي ؟؟
-وييين ماهقيت باين ضعيفه هالبنت شوفي وجهها شلون مضروب !!! طايره بوهتها بس تصارخ .. لا ورحت قلت للاداره شكوكي والله بس رجلها شكله واصل خلو كلامي بالجدار .. الله حسيبهم بينقلها بالاسعاف الان غصب طيب !!! ويتحداني يقول ان تعبت جبتك لها !!!! تصدقين !!!يروع رجلها لو تشوفين نظراته شوي احسه ويكتم انفاسي عشان ماتكلم !!!..

-ضعيفه ياما بهالدنيا مظاليم الله يفك عوقهامالها رقم !!؟؟نقدر نوتواصل معهاا بعدين ؟؟
-لا هي الحين مب بوعيها منهاره ... !! مافيه لها ولا رقم للأسف الا ارقامهم هالاثنين الي كانوا معها !!!

تموا يناظرونها وهي غافيه في عالم آخر الود ودها تنام وماتقوم ولاتصحى ولاتحس ولاتشعر ...
بعد ربع ساعه ...
سيارة الإسعاف تتبعه وهو متقدمها ... متوجه لقصره ... تمم اتصالاته المهمه ... للتجهيز وتطمن على كل شي .. بيدخل يبدل ويطلع من جديد لجل يلحق الصلاه على غازي .. اطرف بنظراته يم دمها المطبوع على صدره بشعور جامد ..
مر الوقت ... اقبل على قصره ... وهي تتبعه مشيوله و ملكومه ومضيومه غافله وضايعه بتوهان اكبر..كوابيسها الي تمثلت بوجوده ومعه ..
دخلت بجيدها بلا روح يم مسكنه ومكانه وسجنه المتسيد فيه ..
اقبلت سيارة الإسعاف داخله من خلال البوابه الرئيسيه
ل
قصر الشيخ
الوليد بن صخر آل جلمود ..
شايله بوسطها
النجلا
زينة بنات آل مجفل
ضي نوره
الي بيرعد ويبرق..
ويزلزل سكون جلموده
قبل ..
ارضه وقصره ..
ودنياه المتمثله بسنين عمره
الثمان والثلاثين

انتهى الفصل

سعود2001 · 12-04-19, 03:59 PM

نورتينا قال الزهر و عودا حميدااا
ننتظر اكمال روايتك بكل حب و تقدير

قال الزهر آآآه · 12-04-19, 05:06 PM

انتهى الفصل الأول اتمنى ينال اعجابكن شكرا لكن 🌹🌹

ebti · 12-04-19, 05:29 PM

جمعة مباركة عطرة بذكر الله والصلاة والسلام على رسول الله صل الله عليه وسلم....

عزيزتي هل قمت بإعادة تنزيل الفصل الأول؟

بانتظار ردك.....

قال الزهر آآآه · 12-04-19, 05:45 PM

اقتباس:

المشاركة الأصلية كتبت بواسطة سعود2001

نورتينا قال الزهر و عودا حميدااا
ننتظر اكمال روايتك بكل حب و تقدير

مرحباً مرحباً يالله اسمك رجع لي ذكريات ياسعود انت من الزمن الجميل اخي الكريم بحثت عن تواجدكم انت واقدار .... نورت صفحتي ... شكرً لك شكراً

قال الزهر آآآه · 12-04-19, 06:01 PM

اقتباس:

المشاركة الأصلية كتبت بواسطة زهرورة

مبرووك روايتك جميلة جدا 💖💖..مسكينة نجلا شافت العذاب من الكل حتى ابوها شاف مرته وابنه يظلموها وسكت😖😖 بس مافهمت ايش الحيلة الي عملتها ام عادل او عادل وسلطان عشان يشوهوا سمعة🤔🤔 نجلاء وبعدين كل من جه واتهم نصدقه والوليد يعني اخذ الكلام زي ماهو من غير مايتأكد ويظلم بنت الناس وسلطان باين حقير هو وغادة ونواف وشيهانة وحدة منافقة فالحة بس تقول حىام وتسكت 😡😡..الرواية قصتها جميلة😍😍 متابعينك واتمنى لك التوفيق 😘😘

زهوره الحبيبه
تعليقك نبهني للخطا في النقل ... ارجعي اقري الموقف الي ذكرته محذوف ..

قال الزهر آآآه · 12-04-19, 06:03 PM

اقتباس:

المشاركة الأصلية كتبت بواسطة ندى طه

كتير مبسوطة انك ارجعت وبدك تكمليها هذي الرواية كانت من اول الروايات الي قرائتها وسبحان الله ضلت عالقة بذاكرتي مو راضية تروح كل مرة بحكي خسارة انها مو مكتملة وحتى من كم يوم حظرت على بالي سبحان الله أكيد منتظرين جديدك في الرواية خصوصا الشخصيات الجديدة موفقة حبيبتي ❤

. حبيبتي .. انا اكثر .. سعاده بعودتي لاكمالها ..بنتظارك دائما ..

قال الزهر آآآه · 12-04-19, 06:09 PM

اقتباس:

المشاركة الأصلية كتبت بواسطة هب الريح

صباح الخير
مش مصدقه للحين انها انه بترجعي تكمليها يمكن مش انا الوحيده الي لهذا الرقت
بترجع تعيد اخر فصول الروايه من كم سنه على امل انها تكتمل
كثير فرحانه انه اخيرا بنرجع نتابعها

. مساء الخير ..
يافرحتي بتواجدك ... ان شاء الله ستكتمل .. وسنعود ..

زهرورة · 12-04-19, 07:50 PM

جمعة مباركة حبيبتي💖💖 روايتك كثير مشوقة اتمنى تنزلي بارتات يوميا😍😍 ..متشوقين نعرف رد فعل الوليد على كلام نجلاء واصلا هي مجنونة مافكرت انه سلطان ماحضر وان الوليد انقذ سمعة ابوها غبية ..دمتي بخير 💐💐

Hanan alotaibi · 13-04-19, 02:03 AM

صباح الورد ،
بدايه جميله جداً من جميع النواحي ،
و ممكن تحددين اي يوم لتنزيل البارت

مشاهدة نتائج الإستطلاع: تمنياتكم لنهاية خذني بقايا جروح؟؟؟
نهايه سعيده ؟؟	1,311	95.83%
نهايه حزينه؟؟	57	4.17%
المصوتون: 1368. أنت لم تصوت في هذا الإستطلاع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري