آخر 10 مشاركات
1041 - ميراث خطر - ستيفاني هوارد - د.ن (الكاتـب : سنو وايت - )           »          البجعة الورقية (129) للكاتبة: Leylah Attar *كاملة & تم إضافة الرابط* (الكاتـب : Andalus - )           »          زهرة النار -قلوب أحلام زائرة- لدرة القلم: زهرة سوداء (سوسن رضوان) *كاملة* (الكاتـب : زهرة سوداء - )           »          ✨الصالون الأدبي لرمضان 2024 ✨ (الكاتـب : رانو قنديل - )           »          317 – صدى الذكريات - فانيسا جرانت - روايات أحلامي (الكاتـب : Just Faith - )           »          مذكرات مقاتلة شرسة -[فصحى ] الكاتبة //إيمان حسن-مكتملة* (الكاتـب : Just Faith - )           »          أنين الهوَى - الجزء 1 من سلسلة تايري -شرقية زائرة -للكاتبة:ملك على* مكتملة & الروابط* (الكاتـب : ملاك علي - )           »          ودارتـــــــــ الأيـــــــــــــام .... " مكتملة " (الكاتـب : أناناسة - )           »          عــــيــــنـــاك عــــذابــي ... مكتملة (الكاتـب : dew - )           »          عيون لا تعرف النوم (1) *مميزة & مكتمله * .. سلسلة مغتربون في الحب (الكاتـب : bambolina - )


العودة   شبكة روايتي الثقافية > قسم الروايات > منتدى قصص من وحي الاعضاء

مشاهدة نتائج الإستطلاع: تمنياتكم لنهاية خذني بقايا جروح؟؟؟
نهايه سعيده ؟؟ 1,309 95.83%
نهايه حزينه؟؟ 57 4.17%
المصوتون: 1366. أنت لم تصوت في هذا الإستطلاع

Like Tree72858Likes
إضافة رد
 
LinkBack أدوات الموضوع انواع عرض الموضوع
قديم 12-07-19, 11:02 AM   #581

قال الزهر آآآه
 
الصورة الرمزية قال الزهر آآآه

? العضوٌ??? » 1793
?  التسِجيلٌ » Feb 2008
? مشَارَ?اتْي » 2,669
?  نُقآطِيْ » قال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond repute
افتراضي


!!!

-لا وجاي يقول !! ناديتي اخوانك ؟؟!!! وغيري لبسك !!! ياعمي روح !!؟ واعتقني !!؟ !! حتى فرحتي فيهم خربتها !! كل شي بحياتي وجودك يخربه !!؟ فارقني فارق !!!
شافته يدخل يدينه بجيوبه .. ويبعد اناظره عنها مستمع .. ومركز ..جلطها ..بالسكون ..الي تمثل فيه ..
ابعدت خصل شعرها الثايره .. متابعه ..
-تهددني بدين ابوي الان!!! وينك قبل ماجبت طاريه !!؟ ليش ساكت عنه !! كل هذا لأيش!! كنت تنتظر مني زله !! عشان تعاقب !!؟ .. وتوجعني فيه !! ماعرفتك !! انا ماعرفتك !! فكرت اني بيوم فهمت كل شي فيك !! بس انا غلطانه !! وندمانه قد شعر راسي هذا ندمانه !!!
سكتت تتابع صمته .. المستفز .. لها .. حتى بسكوته يستفزها .. وقاهرها...
-اطلع ابي ارتب نفسي وانزل ..
رفعت اصبعها تتابع .. تهديدها
-وماراح اغير لبسي !! ولا راح البس خاتمك الي اشغلتني فيه !!؟
رفع راسه يتاملها .. تهادت نظرته ..لنحرها وصدرها .. النافر ..من سباق الانفاس ...
تكلم بصوت حازم .. واضح ..يخالف رسم اجهاده ..
البادي ..
-شوفي نفسك بالمرايا !!!
رمشت عينها .. بارتباك ..
-روحي شوفي !!؟؟؟
مشت بخطواتها العجول .. تدور صورتها ..
انفتحت نواظرها بصدمه .. لاثر قربه الواضح ..مابين النحر ..وصولاً لصدرها ... شدت شفتها بقهر ..
التفتت له ..
-سويت كل هذا !؟ عشان انفذ كلامك؟! هذا قصدك !!؟؟قال اثبتي لي!؟؟؟؟! !! تبي توري اخواني ..انك هايم فيني وانا مبسوطه معك!؟ تبي تخلي كلمتي قدام فعلك ولا شي !!!!؟
رطبت شفتها الجافه ..
-اكرهك !!! اكره فعلك معي وجورك علي !!؟ اصلا ماكنت بكسر فرحة اخواني بشوفتي ..بتهديدك ..لي !!؟ انت الي ماعرفتني انا عشان هلي !! افني عمري معك حتى !!! غصب عني !! وبصبر الين اسده بنفسي واهج ..!!هذا كله بس عشانهم !! اعرف شلون اعطي عشان الي احبهم مو مثلك !! مهجج خلق الله منك حتى الي ارضعتك !! نفرتها من وجودك !!! مابقى احد حواليك ولا راح يبقى !!! محدن يبيك بعالمه !! ومعه!! روح وين ماتروح ..بتضل مع نفسك الين تموت !!!!!
سكتت مستدركه عمق الكلام الي قالت .. شافت جمود عينه عليها ... ولمحت صدمته من ..منطوق لسانها ... ومابرد قلبها لسى .. شوي ماقالت .. ولسى ..ثمن ..اوجاعه لها غالي ...!!! ثمن لياليها الكئيبه غالي ...ثمن دمع عينها الي جرح محاجرها غالي !!!!
بلعت ريقها ... مستغربه صمته .. المقصود
تحركت من مكانها ..
..
وهمست بضيق ..
-اطلع ..وش تنتظر مني !! معد بقا شي ابي اعطيك اياه الا كرهي لوجودك يالوليد !! مهرتك الي دافنها تحت مخدتك ماتت من فعولك !!..ولا يشفع لك شي عندها الا مفارقك حي او ميت !!!؟
جمدت .. بصمت .. مترقب انه مانتبه لكلامها ...
كتمت انفاسها ..
شبك ناظره معها ..
وبهادي الصوت ..
-مثل ماعرفتي اني دافن مهرتي تحت مخدتي وبمرقدي ..!!اعرفي انك مهما دفنتني بقلبك !! مكاني فيه محفوظ .. !!! ومب ساكنه غيري !!!
ثبتت انظارها .. صوبه .. عرف ..؟؟ انها له زارت ودخلت ؟؟! ...تابعت خطوط الاجهاد الي تواجدت برسم وجهه .. ومحجر عينه .. المحفور...
ابعدت عينها .. متجهه لدولابها تنزوي خلفه عن عيونه ... وعن قوة ..احساسها بحظوره .. الكريه!!! والموذي لها !!!
-اطلع لو سمحت ابي ابدل وانزل لهلي !!
سمعت خطواته .. وهو طالع ...
وصل لم عصاته خذاها وطلع تاركها ... مغتاضه قربه وغيضها اكثر اثباته لها ..هو لها وش يكون !!!
هدت نفسه ... يوم عرف.. بنيتها ... مو ناقص ..جدال متأكد انه الغالب فيه ... ايا كان ندّه!!!! وخصوصا اخوانها ... هذا الي مايبيه !! ولو فيه غلب بيعتبر نفسه خاسر !!! عشانها هي !!! توجه لجناحه يتجهز .. وينزل لهم
...
.................................................. ...............
رجعت تشوف الباب وتتاكد يوم راح ... تنهدت .. بضيق ...
دورت .. بين فساتينها .. شي يخفي الي تبي .. عضت شفتها بقهر ..غصب عنها بتسوي الي يبي !! وبتغير ..!!.. متضايقه حيل .. ومغبونه...
جرحها .. وكسر فيها الحلم ... وراجع بهدوووؤه ..يستفز فيها ..اعمق جرروحها ..منّه!!!
مدت يدينها .. تختار .. سحبت فستان .. لف .. يخفي كل معالم ..نحرها والصدر ... مالقت الا هو ..
شالت ورقته .. وبدلت بعجل .. لفته باحكام .. وربطت حزامه .. وشدت عليه .. قد ماتقدر ... يوصل الين كعب رجليها .. لونه اصفر .. وقماشه حرير ..... بدون اكمام ..... مشطت شعرها ... ورفعته بعقده .. مستقصده .. !! حطت قلوس خفيف .. ومسكرا بسيطه وبخت من عطرها بتركيز يفوق كل مره .. ناظرت نفسها ...نظره اخيره .. قد ماتقدر ..حاولت تخفي كل شعور فيها متضارب .. فتحت بابها تاركه جناحها ... بصمت .. بكل مكان يحتويها يترك لها فيه اثر .. الا ما يحفر اسمه بكل ركن تسكنه ...!!! نزلت متجاهله حس الحياه بقسمه ... الي هو فيه ..
وصلت للصاله الداخليه .. الي فيها ام طلال والبنات ...
مالقت احد ... تركت المكان متجهه لاخوانها .. بتنادي شيهانه ..
دخلت والعيون كلها ..توجهت لها ... شافت عيون اخوانها .. متأمله .. ابعدت عينها بعجل ..
-شيهانه تعالي .. يلا..
ركض نصوري يوم شافها ..
-انا ..انا ..ادي !!!
قامت شيهانه ... ونصوري سابقها ... متغافله عن همس العيون ..
طلعت معها بدون حتى تلتفت لهم .. عضت شفتها بحمق .. للصوره الي اعطتهم غصب عنها ..
التفت نايف لسعد ..بصمت ... ضاحك ..
هز سعد راسه ...
-معد به شك من ناحيتي ..!!! قالها ..وانفجر نايف ..ضاحك .. معه ..بلاشعور ... ..
دخلت ..تدورهم معها ..
-تعالي شيهانه من هينا ... !! ادخلي ،، اكيد كلهم جوا بروح اشوفهم ..!! ..
مشت متجهه لقسم المطابخ .. قابلت منصور ..
هزت راسها ..
-وينك مختفي من اليوم!!!
جاها يركض وعينه على نصوري ..
-دا اخوكي !!؟
-اي اخوي اسمه ناصر .. قريب من اسمك انت منصور وهو ناصر ...
سلم عليه ..متحمس يبي يحكيها ... ويعلمها
-روحت مع عمار نصيد سمك ..
قالها وتابع يشرح بحماس ..لها ....
دخلو المطابخ ... شافتهم .. جالسين ...
-سلام ..وينكم دورت عليكم !!؟ شيهانه داخل .. ابي اعرفكم عليها ...
التفتو لها متاملين ...
عفاف ..
-غيرتي !!؟ حلو دا كمان !!؟
-اي ضايقني هذاك ماسك مره!!!
اشواق وبسمه ..يتابعونها ... ببسمه ..مخفيه ...
وقفت اشواق ..
-وينها ؟؟ حمستني اتعرف عليها..
-اشواق ..انتظري ..جايه معك ...
وقفوا شريفه وعفاف
-كلنا جااايين...
ابتسمت نجلا ....
-بتنبسط فيكم ... شيهانه .. الا خاله ميثا وخاله فاتن وين ؟!
اشرت اشواق ..
-راحت امي تشوف قسم الضيوف الي جهز لاخوانك ،،
-يمكن ماينامون هينا ماسالتهم ..؟!بخليهم على راحتهم ؟!
بسمه باستغراب ..
-ليه احسك ماتبين يجلسون ؟!
هزت راسها نافيه
-لا لا مب مقصدي ..انتي بعد شلون افهمك ؟! يمكن يبون ياخذون راحتهم ؟!
تنهدت بعد جملتها ... ماتبي يكثر الاحتكاك بينه وبين اخوانها ..!!
ودتهم عرفتهم على شيهانه ... الي تداخلت بسهوله معهم ... الين دق جوال .. شيهانه ..
ردت ..بسرعه ..
-نجلا يبونك عندهم ..
وقفت ..تاركه سوالفهم ..
-طيب طيب ...
.................................................. ............
قبل بربع ساعه ...
خذا له شاور سريع ... حلق ذقنه ..بتخفيف....بدون حف ... لبس ثوب ... وسحب من خواتمه ..خاتم بفص زمردي ...قبل يطلع تعطر .... ثم نزل ... يستقبل ضيوفه .. .. وانسباه... عارف ان جيتهم ..وراها ..مغزى....واسئله... !!!؟
اقبل على المجلس واصواتهم توصله ...
-السلام عليكم ...يالله حيهم ...
وقفوا لاستقباله ...بلفتة تقدير ...
-يامرحبا ... وعليكم السلام ..الله يبققيك ..
سلم عليه بالتتابع نايف وسعد ..
-نورتوا ..ياغوالي ...
-نورك ..يابو صخر ... بشر عنك الحمد الله على سلامتك ..
-الله يسلمكم ... متى الوصول ماشاء الله ؟!كم لكم هينا!؟
رد نايف ... بابتسامه ..
-ابدن اليوم وصلنا على هينا على طول .. جينا ناصين ..الغاليه ..
ابتسم الوليد..
-يعني مايمدي اخشها عنكم !!
رد نايف بتاكيد مازح ..
-ابدن!!!!! وين ماتخشها بنجي نطلعها ...!
وقف سعد .. بيقهويه بحكم عرج رجله .. مد له ..فنجاله
-سلمت ..ماقصرت ..ماجتكم نجلا ؟! وينها !؟
-سلم حالك ...دخلت تدخل شيهانه قبل تنزل ..
هز راسه .. بتفهم
-بشروا عنكم ..اخباركم واخبار..الرياض ..
-بخير امورنا تسرك .. اشغلتونا بالانقطاع ..
ركز الوليد عينه عليهم ... اشر لسعد
-انا معلمه وقايله له .. بنروح ونقفل جوالتنا ..!!!
رد سعد موافقه ..
-نعم!! اي قاله بس انا بالي انشغل ..معد سمعت لها حس ..مب انا بس كلنا والله !!
قطب هدب عينه ...
-لاينشغل ولا شي حدها معي ارتاحوا ..!
رد نايف ..
-منت مقصر ..يابن الاجواد ...لو حسينا ..ان اختنا ..عندك مب مرتاحه ..ماغمضت لنا عين لين نريحها!!! قالها نايف ..بلين الصوت .. يوصل .. مفاهيمه..
هز الوليد..راسه .. ورفع اصبعه ..بلهجة مزوح..
-انا صقري .. مايطير الا بشوري !!..لو تفصلني عنه بحور وسهول !!!!
ابتسم نايف بهزة راس .. متفهم المنطوق ..
-الله يهنيكم !!.
سعد ..مترقب ..لحال الاثنين ..ومنتبه للمقصود ..
تنهد وهو يحط بيالة الشاهي ...
-ابو صخر ..انا ناصيها وناصيك ..بكلمة راس ..
-ابشر بسعدك ..هات ماعندك ...
ركز سعد بكلامه ...
-العلم الي بقول ..مايطلع الا ونجلا موجوده ...!!
التفت لنايف .. هز راسه .متوافق ..معه ..بالراي ..
سمعو صوته ..الهادي ..المستكين .... وعينه تلمح ..حفيف ..الاحاسيس ...تحرك ..بيوقف ...
-اناديها الان ..
رفع نايف يده ..
-استرح استرح ..!! بكلمهم ينادونها !!؟
طلع جواله وكلم شيهانه ..تناديها لهم ....
شد مقبض عصاته ..مترقب .. حضورها ....
وييده الثانيه فنجال قهوته ....
-السلام عليكم ...
ارتفعت لها انظارهم جميع ..
تكلمت بتوجس ..
-وش فيكم !؟ تبون شي !؟
نادها نايف
-تعالي اجلسي .. معنا ..ماجينا الا عشان شوفك وانا اخوك...
ابتسمت برجفة حبور .. التقت عينها فيه ..متأمل لها ..بصمت .. مايفهمه الا عيونها هي ... لمحت مكان بجنبه .. وشافت اخوانها جالسين على ..الكنب الكبير .. مشت وراسها مرفوع .. ببتسامه ..ترحيب ...لهم ..جلست بينهم متغافله عمدا عن ثالث الحاضرين ..
-الله يحييكم حبايب قلبي نورتوني وفرحتوني والله ..
رد سعد
-ان ماجينا لك نجي لمين ياصغيره..
حركت راسها ..بنفي.. بحيا ..واحراج ..احساسها مختلف الليله بوجودهم حواليها ..
ناظرته .. ترسل مراسيل حبها الاخوي ..
-كبرت انا خلاص لعاد تقول صغيره ..
هز راسه ينفي
-عندي انا ماتكبرين .. انتي نفسك الصغيره الي كنت اجدل شعرها .. !!!
تنهدت .. وهي تتلفت بينهم .. رجفت شفتها ..تذكرت وصف سمر لهم ... (صقور)
عيونهم بس عليها ..وجودها بينهم عز ..ورفعة حظور .. مدت يدها لكف سعد ..
-الله لايورني فيك يوم ..جعل يومي قبل يومك..ياخوي ياحبيبي ..
سمعت نايف ..مستنكر ..
-نحن هنا يابنت غازي ؟!!
التفتت له ..
-كلكم ..ياخواني ..انتم لي سند ..وعزوه ..بعد ابوي الله يرحمه ..
تتكلم مدركه للسامع ... لهم ..بصمت ...
من دخلتها وهو شايف زهوها فيهم وبهم ... ابعد عينه عنها .. الين جلست بينهم ... تعطيه من المفاهيم ..شروح وتفاصيل ...
يرقبها بصمت .. وشعور متحدي ..لها اشعل ..عقله الباطن ..
حرك شفته .. متابع ...
مد فنجاله ..
-نجلا ..صبي قهوه..
رفعت عينها له .. قد ماتقدر حفظت يدينها من رجفتها .. دورت دلة القهوه .. قامت ..بهدووؤ .. خذتها .. وخذت فنجاله بدون حتى تطالعه وهو مثل .. ماناظرها ابد .. صبت ومدت خذاه ..
-هاتي القدوع،،...
رجعت الدله .. وخذت صينية التمور .. مدتها .. له تبي يختاار وترجع تجلس ..
غافلها بمدة يده لكفها القابض الصينيه .. يسحبها .. خذا الصينيه بيد وتم قابض كفها يجبرها لمه تجلس ..
عجزت تحاول تسحب ماقدرت .. شد بحزم ساحبها الين جلست ..بالمكان الي يبي .. منتصر عليها بصمت ..
-هاتي اختار على ذوقي ...
خذا منه ..وترك الصينيه ..بجنب فنجاله ..
وبكفه الثاني تم ماسك معصمها .. رفع راسه لهم ..مبتسم .. يدري انهم غافلين عن حربه الضروس معها ...
التفت لها ..
-اخوانك عندهم علمن يبون يقولونه لي ولك !!!
ناظرته باختلاف نظرتها ..السابقه .. حس بارتباكها .. وعرف انها خايفه من طاري الدين .... تم يناظرها بصمت ..بدون اي تعبير ....حتى بدون يطمن او يفهمها العكس ...
التفت لهم ..منتظر ..وعيونه استدركت منهم الي يبي يوصله ..بكل فعل له .. استند ماد رجله ..
تهادت اصابعه بوسط كفها .. شابكهم سوا ..سحب يدها فوق رجله وكفه معتلي كفها المستلم رهبه ..
ابتسمت وعينها تتهادى بينهم بس اغلب انظارها على نايف ..تحاول تستشف ... منه اي شي ..
تكلم سعد ..
بصوته الهادي ..
-انا كنت بفتح معك هالموضوع بعد العشا يابو صخر ..بس سافرتو ا. قلت انتظر ترجعون ..لكن ماقدرت اصبر لا انا ولا نايف .. !! غير اني واعدها ماقولك شي الا ثاني يوم العشا !!
تم الوليد لهم موجه اهتمامه و .. مستمع ..
وقبضة ايدينه .... ثابته ..
فهمت مقصوده .. تغيرت ربكتها .. لاحساس ثاني ..مختلف ..تذكرت الحوار الي دار بينها وبين سعد .. شدت شفتها ... بنواظر ..حيل تحتاج الي تسمع .. جاي لها عشان يرد عنها الضيم هذا هو دايم يجي لو متاخر بس يجي مايخليها ... مستعد يواجه مين ماكان ولا يخليها ... تنفست بصمت ..مخفي السعاده الي تحس ...
هزت راسها ..
-اي ذكرت .!! صدقت ياحبيبي ياخوي ...!!
ابتسم سعد وتابع ...
-نجلا علمتني عن الرسايل الي تجي لك ولها ..وذيك الليله ..حالها ضايقني .. اختي مغبونه ومقهوره ... هالشي ..ماينسكت عنه يابو صخر !! من هالي مترصد اختي وحياتها !!. .. هز راسه بتاكيد
-ادري انك تصد عنها !! وهالشي اشوفه بعيني ..بس هالحال مايرضينا !! نبي نعرف من الخسيس الي يتجرأ ..عليها !!!! ماخبر بحياتنا من يعادينا فيها !! اختي هذي ربت تحت يديني انا !! انا الي مربيها ..نجلا لونها ذا هي انظف منه وابيض!!!
الكلام ذا اقوله مو عشان ابري لها ساحه. لا!!! اقوله لاني مقهور وابي اعرف من هالكلب !! واحاسبه !! اختي وراها رجال !! وظهر !! تعتزي بهم .. لايرضون بالغلط منها ولايرضونه عليها !!!!!
هو يتكلم وعينها تتبع مفهوم نطقه الي يقول .. هذا الي تبي صاحبها يسمع وعجزت له تقول !! لفت راسها يمّه ..بجرأه غريبه عليها ... تتأمل كل لمحه بعينه وتشوف حسه وادراكه لكلام اخوها ...
تركت نفسها .. مترقبه .. بانفاس محبوسه هو بس يحس فيها ..
سمعت نايف يتابع ..
-انا قالي سعد وانقهرت اني ماعرفت بنفس اليوم مثل هالهروج ماينسكت عنها ويتغافل !! الود ودي مكلمك من ليلتها !!! مارتحت ولا راح ارتاح الين اخذ حق اختي منهم !! وامسح بهم ارضهم الي شادين الظهر بها !!! كل شي ولا اسم اختي !!!
رفع اصبعه .. بتحذير ...
شدت شفتها ..وعينها عليهم .. ودها تنطق وتصرخ فيه وتقول شوف !! انا مو لحالي !!! قلت لك انا مو لحالي !!!؟؟
هز الوليد راسه .. متكلم بجهور الصوت ..
-ونعم فيكم وبحالكم ياعيال بن مجفل !!
وجهه نظر عينه لهم بدون حتى يرمش ..ولا يلتفت لها .. وكنها مو موجوده ...
-كلامكم عالعين والراس ..! وقدره عندي فوق عالي ..! لكن!؟ اختكم طلعت من ذمتكم لذمتي هي تحت صيتي انا !!! انتم عزها مني انا بس !!!لكن من العالم انا لها ظهر !!! المقصود من كلامي مو تقليل من شانكم ولا تنقيص يالاجواد .!! لكن الموذي مصتقصدني انا مب هي !! بس خذاها سبيل لي مالقو لي طريق غيرها !!! التفت لها بلحظه غافلها فيها ... لمح لمعة عينها .. يدري احساسها المقهور منه يعرفه ومدرك لكل شي فيها ...
تابع لهم ..
-ودام مقصدهم انا !! فأنا المسؤل !! وانا الي باخذ حقها .!! ولاتشيلون هم !! طمنوا بالكم عالاخر ..!! واستريحوا !!؟
يقولها ..بحازم ...الصوت ..
رجع يسرق لعيونها النظر ..
-مادريت انها قالت لكم !!؟ واشغلتكم !!! ..
نطقت لعيونه قبل سمعه ..
-اكيد بقول الي يمس سمعتي ..يخص اخواني قبل كل شخص !!! اشرت لهم .. بحبور وزهو يقهر فيه الشعور ..ابتسمت ..
-هذولا صقوري ...اخواني ..وش انا بدونهم بهالدنيا ..!!!
رجعت لعينه.. تستقر ..وتتكلم ..
-انا بدونهم لحالهم اضيع !! انا عزي هلي !! جعلي ماذوق ضيمهم ابد!!!!
تكلم محتوي نظر عينها ...
-الله يحفظكم لببعض !! ويحفظك لي ياام صخر !!
ارتجفت شفتها .. ابتسمت ..بحس ساخر يفهمه هو ...
سمعت سعد
-ونعم فيك يابو صخر والله من شفتك وجلست معك وانا عارف ان فيك ظني مايخيب !!
ابعدت عينها عنه لسعد ..
-قلت لنايف رجلها مامثله بالرجال واختك عنده معززه لاتشيل هم .. !
رجف صدرها ..بخفه .. عقلها منكر ..بدون حس ..
شد كفها .. اكثر ...
-سلمت ماعليكم قصور ..!! الله يرحم ابوكم ..وابوي ..معزتكك من معزته عندي الوالد يغليه وانا مثل ..!
ارتبكت لطاري ابوها ..
رد نايف ...
-والله وهو يغليك الله يرحمه .. مايسمع ..بك ولا في ابوك جعل مثواهم الجنه ..!
امنوا جميعهم ...
تنهد سعد براحه ..
-وانتي سمعتي رجلك ..!! دموعك بذاك اليوم لعاد اشوفها !! عندك شي تقولينه قوليه الحين ..!!
هزت راسها ..
رطبت.. شفتها الجافه ..
حست بحركته ..استند بظهره ..مد ذراعه ورا كتوفها ساندها بظهر الكنب ... بعد ما اافرج عن كفها .. ثواني بس .. جت بتهرب من قبضته .. مسكها بكفه الخالي .. ساحبها لحظنه .. وبأبهامه يتهادى براحة كفها .. يوترها .. .. ويقلق اعصابها ... يشتت فكرها ..يعرف ..
-اوهووووووه اختك مب معك !!؟ نستنا خلاص !!!
غزا ملامحها .. لون الشفق .. توترت ..بقهر .. منه .. !!
سمعت ضحكته يجا ريهم ..
معد قدرت ترفع عينها ... لهم هو يفعلها متقصد ..
استطرد نايف ..يبعد الاحراج..
-...الله يهنيكم ويسعدكم !!
-امين ..
قاطعهم صوت ..
-عمو وليييد !!!
رفعت عينها لمنصور ..المنصدم بشوفة الوليد ..
-تعال.. منصور .. ادخل ..
جا بيدخل .. بس عينه ترقبت الجالسين ..بحماس ..
التفت لنجلا ..مستفسر .!!
-دا اخوكي ودا كمان!!؟
هزت راسها ..
-اي اخواني تعال سلم ..
قرب منهم ماد يده يسلم عليهم الاثنين ..
-هلا منصور ..كيف حالك !!؟
-طيب ..
مد يده لنايف ..
-هلا بالشاطر .. اخبارك طيب !؟؟
هز راسه .. و
تركهم مقرب للوليد يسلم عليه بالاحظان ...
ترك يدها اخيرا .. سحبتها بعجل ..
-تعال اجلس .. علمني وش يسوي ناصر ..
-بس يلعب .!! عادي نخرج نلعب بالتراب ؟!
-الحين ليل بكرا ..اذا برد الجو ...عادي ..!!
-اخبارك يامنصور ..!!
التقت للوليد وعينه تنطق حماس ..
-طيب ..الحمد الله انتا متى جيت !!؟
-من اول انا انا هينا انت وينك وين رحت !!
-رحنا نصيد سمك !!؟ بس اليوم ياعمو كل يوم انا حالس معاها ماخليها !!
ابتسمت .. بحرج ..تدري اخوانها يتابعون الحوار ..
-تعال نروح لهم نشوف العشا ..!!؟ جهز او لا ؟!
لف لها رافض..
-اشبك خليني اقولو ا ..اش سوينا !!
-والله ياعمو كل يوم نلعب .. كل يوم !! اجلس معها من اصحى الين انام ..!! ابدا مازعلتها !!وانتبهت عليها مزببووووط !
لف لها مستمر ..
-مو صصحيح!!! بس هيا اشواق تتريق عليا !! ماحوبها !!!
هزت راسها عينها على اخوانها وعليه ..
-لا مازعلني ..!!صادق !!
خاطبه الوليد .. بحماس يباري حماسه الطفولي
-يعني زي ماقلت لك سويت !! رجال!! قد الوعد !!
يله اطلب الي تبي !!؟
شهق منصور متغافل كل الوجود ..
-ابغا اروح فيلا ابحر !!!؟ ؟؟ واركب المركب واسبح بالبحر !!؟
ضحك الوليد لحماسه ..
-مانسيت !؟ ابحر يامنصور !!؟
حرك راسه نافي ...
هز راسه الوليد ..
-وعد اذا جا يوم وديتك ..
اشر لنجلا .. وعيونه كلها متشوقه ...
-ناخذها معانا ..
رفع الوليد عينه لها ..
-ناخذها ليش لا ... يلا روح شوف العشا جهز عشان ..نقلط الضيوف ..!!
قطب هدب عينه ..
-تعال منصور ...يقصد عشان يتعشون الضيوف ...
-اها ..طيب ...
وقف سابقها وهي وراه .. تهز راسها ... بعجز باسم ..
التفتت لاخوانها المشدوهين ..
-هذا ولد العيله الي يشتغلون عند الوليد ..ومنصور ..اصغر عيالهم ..هو الي موسع صدري اذا طفشت ...
سعد علق باستغراب ..
-حليلهم ..
تابع الوليد وهي طالعه ..
-هالعيله اعتبرها من اهل البيت ..!! ابو عمار يشتغل عند جدي من قبلي ايام شبابه !! بعد ماتوفى جدي ..تموا موجودين مالين البيت علي الين نقلت الرياض ..!! وصرت اعتمد عليهم هينا !!
هز نايف راسه بتفهم .. متأمل هالرجال ..الي يفاجئهم .. بكل موقف .... غلطان يوم شك فيه .. !!
كل مره يصادفه يثبت انه ..عز النسب .. ينرفع به الراس .. مايوطّى...!!!
.................................................. ....................
تمت الليله على خير ... تعشوا جميع ... ووافقوا ينامون بعد حلف الوليد عليهم .... شيهانه توافقت مع الجميع .. ..
وام طلال ..تمت تراقب نجلا ... وروحها ..الوجلى بحضورهم لها ... حاولت تستشف من ملامحها اي شي يخص علاقتها معه الليله مالقت الي يطمنها ابد .. ولا الي يقلقلها ... بعد ...
نجلا ..اخفت قد ماتقدر شعورها ..وحمقها ..الي وصل حده معه ..بجيته قلب كل الموازين لصالحه ... كلهم سحبهم لصفه واحد ورا الثاني ... بكل هدوووء وامام نواظرها .. هي .. متحدي لها تنطق وتعترض ... يحسب انه غلبها ...غلطان!!! !! مابعد،، ابتدت معه الحساب ... ..!!! .. ولا شي يشفي غليلها فيه ولا يرد اعتبارها .. !!! الا مفارقه ..وحرقة قلبه ..عليها ..!!! هي امرأه وتدري يعشقها وتعرف انه مريض شك ؟؟! ومهزوز ثقه !! ماراح تدوس على كبريائها المضيوم عشان تعلمه !!! ولا راح .. تنسى جرحها المفتوح ؟!! منه !! بتنتقم منه بطريقتها هي الين يملها ويترك !!؟ بتستغل كل ماعنده وبتاخذ منه وبتكف العطا !! !!! دوره يتحمل لهيب النار الي اشعلها فيها !!!وراح !!!! الين مابقى فيها الا الرماد !!!
.................................................. ....................
الساعه 2
قسم الضيوف ...
تمت سهرانه معهم بعد ماودعت ام طلال والبنات وام عمار اليوم افراج رجعوا بيتهم ...
بدلت ورجعت مقابله اخوانها ....
-يابنتي عجزنا عجزنا ... ندق!! حتى سمر حماتك دقت ..تسال عنكم !!؟
انتبهت نجلا اكثر ..
-والله!!؟ متى دقت !!
-مدري قبل فتره!!؟ استغربت يعني انتوا حتى لهم ماقلتو وين بتروحون!!؟
هزت راسها تنفي ..
-اصلا انا ماكنت ادري حتى الوليد سافر بي فجأه بعد العشى على طول ..!!
ضحكت شيهانه..
-الله ...اش هالرومانسيه !! الي في رجلك !! الله يهنيك يانجول ..سبحان الله تذكرين اول .. كنتي تنتظرين سلطان ..ازعجتيني ..فيه ..وشوفي نصييك صار مع مين!! يعلمني سعد عن دخلتكم يوم العشا !!! لو تشوفينه وهو يحكي !!! وكيف يوصف كان فرحان ..!! اي صح وجو بيت عم ابوي تذكرينهم !!؟ اصلا ذيك الليله منتي مع العالم !!
ناظرتها نجلا بهزل ضاحك

-شيهانه شوي شوي وش بالعه!!؟ مسجل !!!
ضحكت شيهانه ..والتفتت تشوف جهة غرف اخوانها ..
رجعت بانتباهها لها ...
-تذكرين زناد!!؟ وام زناد !!؟
شدت شفتها ..تحاول تتذكر هالاسم ...
-نسيتي !!! هذا الي خطبك مرتين !!؟ زناد بن عبدالرحمن !!؟
هزت راسها .
-اييي اي تذكرتهم وش فيهم !؟ مانتبهت جت امهم !؟
مطت شيهانه شفتها بعصبيه
-مب اقولك انتي مو مع الناس جت امه وبناتها كلهم .. !! ماقولك والله ياذاك اليوم انك كنتي عروس من صدق !!؟ متى عطاك هالذهب كله ...!!
هدت ملامحها ....وهي تسمع اختها توصف حضور الليله الي فيها كسرها ...وذهبها الي ماتهنت فيه ..قال لها انه ثمن ليلتها معه ... الليله الي عطته فيها ومابخلت .. كثر ماطالب عطت .....!
-نجلا !!!؟ نجلا!!؟
-نعم !؟
-وين رحتي !!؟ ابثرت راسك بالسوالف!؟؟
-لا لا كملي .. ماشفت الذهب الا ذاك اليوم .. مثلكم
-ماشاء الله تبارك الله .. باين هالادمي يحبك عقبالي اختي ..!؟ تنهدت براحه ونظره حالمه ...
راقبتها نجلا بحزن مخفي ...
-الله يرزقك بحظ ازين من حظي اختي ..!!ونصيب اجمل من نصيبي ..!
-امين اختي حبيبتي ...!! ويسعدك يارب ويسخر لك ..!! حمولتك بعد ناس اجاويد ..يحبونك ..ماشاء الله ..!
لمست باطراف اصابعها .. طرف بجامتها ..
تكلمت بحاني الصوت ..
-اي كلهم طيبين ..خالتي ام سلطان والبنات.. وعماتهم .. اشتقت لهم ..
-ليه ؟!ماتكلمونهم !!
سالتها شيهانه تستفسر .. مستغربه ..
-نجلا في مشاكل بينكم !؟ صار شي !؟
ابعدت خصل شعرها بحذر ..
-لالا ماصار شي من خرب جوالي معد دقيت .. والوليد يمكن كلمهم ...
-تبين اعطيك تدقين عليها سمر !؟؟ عندي رقمها ؟!
-متأخر ..الوقت ..اكيد نايمين ..!! خلها بكرا ..
-صادقه .. بروح اودي نصوري .. واجي .. شكل اخوانك رقدوا ..من حطو روسهم !!؟
-نوم العوافي يارب ... انتي بعد روحي نامي .. سهرتك .. بكرا عندنا نكمل سواليفنا .. !!
-طيب ..تصبحين على خير اجل ..
-امشي اقفلي الباب اخاف نصوري يطلع وانتي نايمه ..
انتظرتها تجي تقفل الباب ..
وطلعت .. .. سواليفها مع شيهانه هيضت فيها الحنين والوجع ذكرتها .. بجنون الوليد .. والقهر الي ذاقته منه ....
راحت قسم المطابخ ....عطشانه ..
ماشافته من بعد العشا تركهم ورقى ....
شربت مويه ورقت مجهده ... اليوم كان طويل ومجهد لها ... احلى مافيه شوفتهم وجيتهم ...
مرت ..ابعدت عينها عن جناحه ...باصرار ... الين وصلت باب جناحها قفلته وراها بالمفتاح ...
.................................................. ....................
يوم الخميس
الساعه 2 الظهر ...
نجلا اصبحت مع اخوانها ... مالقته .... ولا سالت ... فطرت معهم ... وقضت وقت الظهريه معهم ... فرحانه بوجودهم .... متناسيه كل ضيق منه ...
الوليد .. طلع من اشرقت الشمس ... لشركته ...
يتابع اشغاله الي اهملها .... من سافر ....شايل بقلبه ..من الهم ....جسور ...معلقه..!!!
شركة الجاسر
الفرع الرئيسي ..
المكتب الاداري ..
شابك جواله ... وهو مقفول ... قدامه شاشة جهازه .. ومجموعه اوراق .. يتابعها .. بوجود سكرتيره ... الخاص ..
-هينا خلصنا ..
شخط بقلمه يرسم توقيعه ..
رفع راسه ..
-خذ الاوراق فيه شي ثاني ؟!
-لا طال عمرك الباقي ..كله سهل انت وقعته قبل مابقى غير تامر نبدا تنفيذ ..!
هز راسه ..
-غيره ؟! فرع الرياض ..جاكم منهم خبر ؟!
هز راسه ..
-كم مره دقو يسالون عنك .. اليوم الي سافرت فيه ..؟! ماعطيناهم معلومات ..؟!
-زين ..ومواعيدي الجايه ؟!
-عندك اجتماع مع ابو خليل ..وبعد بكرا مع مجموعة الغسان .. اذا بتكون متواجد بسوي تأكيد ..
مد يده يقفل شاشة الالب .. ويتساند على كرسيه ..
-الين الان بكون متواجد اي جديد يجد ببلغك !! تفضل مكتبك يعطيك االعافيه ...
-يعافيك طال عمرك ... مشى طالع ... التفت متذكر ..
-اي فيه حمدان العايض .. دق اكثر .. من مره !!؟ يبي يقابلك ؟!
احتدت نظرته ...
-متى ؟!
-كل يوم تقريبا ..!!
-خلوه يدق الين يشبع لاتوصلونه لي !!!! سامع !!!
-ابشر الي تامر به ..!
هز راسه ..باشاره .. تسمح له بالخروج ..
طقطق باصابيعه .. يناظر جهاز السنترال .. يفكر ..
له فتره عن طلال ... ناظر جواله .. مرتاح من ترك اجهزته ....مافقد الا صوت ام سلطان وحسها .. الي تعود يسمعه كل ماضاقت فيه الوسيعه ...
مد يده يسحب سماعة الجهاز ..
-وصلني ...بالمكتب الاداري بالرياض ..
تم ينتظر يفتح الخط ...
سمع حس اخوه ....
-الووو الوليد !!!!؟؟!
-بشحمه ولحمه....
-وينك يارجال ؟!؟! عجزت ابي اوصل لك ؟! ماقالو لك؟!


قال الزهر آآآه غير متواجد حالياً   رد مع اقتباس
قديم 12-07-19, 11:08 AM   #582

قال الزهر آآآه
 
الصورة الرمزية قال الزهر آآآه

? العضوٌ??? » 1793
?  التسِجيلٌ » Feb 2008
? مشَارَ?اتْي » 2,669
?  نُقآطِيْ » قال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond repute
افتراضي






-توني جايهم اليوم ..كنت مسافر ..!!
-اشغلتني قسم بالله اني مغير اهوجس بك ؟؟!
-هذا وانت متعود ..!! خابرني ياطلال ..روحتي وجيتي مب شي جديد عليك ؟!!!!
-صادق بس انت ماتدري وش صاير ..؟! ماكلمت اهلك هينا ؟!
قطب هدب عينه ..مرتقب
-لا وش فيه!!!؟
-ام سلطان ..جتها جلطه .. وتازمت حالتها ...عجزنا نحاول نتواصل معك ؟؟!!! واخوان مرتك كم مرا سالو عنك .. !!!!
رجفت يده ... بصدمة ..الي سمع ..تاهت عينه بالفراغ ....
-ايش؟! من متى ؟! والحين شلونها ؟!
-طلعت من العنايه بس متاثره من الجلطه !!! لاقدرو يوصلون لسلطان ولا لك ؟! هذا الي اعرف !! التفاصيل مدري عنها !!!
تنفس بضيق .. وصورتها امام عينه ... فاقدها من فتره ... !!!
-وموضوع العايض ..
قاطعه الوليد ..
-قلعتهم ....مابي منهم ..علم !!! بطلع الان المطار ..!!ان شاء الله اقدر اجي يلا فمان الله
قفل منه وضغط .. من جديد
-خل السايق يجهز الان!!!!! والغ كل مواعيدي ؟! واحجز الان لي على الرياض اقرب رحله !!!
قفل ..فتح شنطته ..خذا جواله القديم .. الخاص ..المسجل فيه كل ارقام اعمامه وعيال عمه .. وخواته وعماته ...
ضفط فتح ... انتظر وخاطره .. ضايق ... تنهد .. ينتظر يفتح ..
بعد ربع ساعه..
سمع دق عالباب
-ادخل !!!!
دخل سكرتيره ..
-السياره جاهزه طال عمرك .!! والغيت كل مواعيدك !! للاسبوع القادم !!؟ الحجز ماحصلت لكن ان طلعنا لهم الان !! لهم بنلقى اكيد !!؟خصوصا انك راكب واحد !!؟
هز راسه واقف .. سحب عصاته .. ومشى طالع ..
-خلك لاتجي واقفل مكتبي بالي فيه .. ولا احد يدخله !!!
ترك اجهزته ومحموله الشخصي وخذا بس جواله برقمه المعروف للعيله ...
تناسى كل شي الا وجهها الحاني ... شلون غفل عنهم ..وماسأل ؟! تذكر انه دق عليهم من كم مره ومالقى رد ....
وصل للبوابه .. ورمى بثقله ..على عجل ..
-للمطار ؟!
-ابشر !!يابو صخر ..
تحركت السياره ... وانفاسه مقبوضه ... صدره .. يسحب هوا بقل حيله ... اخر مكالمه كلمها كانت ضايقه ..حس فيها .. وهي بعد حست فيه ... !! تذكر وجهها يوم علمها انه مايجيب عيال ..وانهم قرروا الانفصال !!! مانسى كسرة ملامحها ولا نسى دمعة عينها ..!!! ولانسى الرجى بصوتها ..ولا رجفة يدينها وهو يلثمها !! قبل يمشي لها مودع !!!
غمض عينه ...
وهمس ..
-لاحول ولا وقوة الا بالله ... !! يالله ياسامع الصوت الا هي !! يارب ..لاتفجعني فيها !!
رفع يده لذذقنه متراكي ..بعجز ..!!
سحب جواله .. شاف الكم الهائل من المكالمات ... سمر ورنا وساره وحنان ..وسعود وخالد واعمامه !!!
الا رقمها هي .. ماله اثر ..
ضغط رقم سعود .. اكثر مكالمته هي الموجوده
تم ينتظر مترقب ...
-اخيرا يالوليد وينك يارجل !؟!
-وش صار على ام سلطان !؟ بشر عنها ؟! اخبارها الحين ؟!
-كانت بالعنايه ؟!! طلعت الان مالها كم يوم لجناح خاص تعدت مرحلة الخطر لكن مازالت متاثره من الجلطه ؟؟
-يالله سترك !!! شلون متاثره ؟! ياسعود ؟! وش فيها ؟!
-النطق والقسم الايسر كله متوقف عن الحركه!؟
-لاحول ولا قوة الا بالله !!! لاحول ولا قوة الا بالله ..
سمع صوته مؤنب ..
-دقينا عليك الين ابطينا ؟! لا انت ولا سلطان !! البنات حالهم يضيق الخلق ..سمر ورنا ..اول الامر انهارن !! خاصه سمر ..ماعلى لسانها الا جيبو الوليد!! جيبو اخوي ؟!
تحشرجت انفاسه .. بشعور قاسي .. مع نبض عرقه .. بصمت ودقات قلبه تدوي مثل قرع الطبول ؟؟!!!
عجز لسانه ينطق وعجز حاله يعبر ..
يالله جر الصوت ..
-جايكم اليوم ؟! اي مستشفى هي ؟!
-الله يبشرك بالخير ..ان شاء الله تستهل وتنبسط ..ام سلطان بشوفتك ..!! بمستشفى(؟؟؟؟) الطابق الثالث قسم تنويم الجلطات ..
رفع كف يده ..يمسح وجهه بتوتر ..
-على خير ..
-اول ماتركب الطياره ..علمني انا بنتظرك بالمطار ..ونروح سوا
-تم ..يلا فمان الله ..
قفل منه يبي يهدي ..رجفة احساسه والضيق الي اكتساه...!
الي قاله عن خواته .. شرخ فيه الشعور .. ..شرخ وصل ..لاعمق احاسيسه..!!!!
تنهد ..
ورجع يدق على امه ..
-السلام عليكم ...
-هلا الوليد ..عليكم السلام ..مساك الله بالخير !؟
-نقول ان شاء الله خير ؟!!!
-وش في صوتك ؟! فيكم شي !!؟
-انا متوجه للرياض ..مرت ابوي لها فتره جايتها جلطه تو يوصلني العلم !!! هي عندي بحسبة امي !!! نجلا ماعلمتها انا!!!!انتي خابره اهلها عندها ...!! تواصلي معها !! يمه ولاتقولين لها شي !! لاتدري !! هي تحبها ..بكلم اخوانها انا بعد بسترخص منهم روحتي اليوم !!
-لاحول ولا قوة الا بالله الله يعافيها ويشفيها .. اخبارها الحين !!
هز راسه ..
-يقولون ..طيبه ..بروح اشوفها واعرف!!!
-توصل سالم ...على خير ..ان شاء الله ..
-الله يسلمك ..
تمت ثواني صمت بينهم ..
-يمه؟!
-نعم!!؟
-شكراً ..
ماسمع لها رد ...
الا بعد ثانية صمت ..
-العفو ..
قفل منها ....
بعجل يدق على سعد ... مارد ... كمل يدق على نايف ..مالقى رد ...
شد نفسه متساند ... والهواجيس تروح وتجي ..
.................................................. ...................
فيلا ابن عامر ....
-طيب ذوق هذي ؟؟! ترا فرصتكم !! من زمان نجول ماطبخت ؟!!
-والله بهذي صدقتي تزوجتي !!؟ وشفتي نفسك علينا ؟!
التفتت لنايف بتأنيب ..
-تذكر يوم يجون اخوياك واطبخ مع الجازي ؟! ممدا نسيت ؟! انت اكثر واحد كلا من طبخي ؟!
اشر نايف بموافقه ...
-بس فقدته ؟!.. كان يعجبني !!..
تركت الملعقه الي تغرف فيها ...
ووجهت كامل اهتمامها له ..
-جعلك ماتفقد غالي ؟! ماكنت تقول لي هالكلام!!؟ قبل !! كنت كله تسمعني الي يوجعني ؟!
ترك نايف ملعقته ...
-كنت غلطان وانا اخوك !!!. لين الحين تذكرين !!!
شبكت معه النظر ...
-كيف انسى ؟! عشان اعرف قيمة اللحظات الي اعيش بينكم لازم مانسى !!! الحين انا اشكر ربي ليل نهار ..انك تغيرت..!
سمعوا سعد ..
-انا فعليا... نسيت نايف الاول ؟!
عطاه نايف نظرة ..عرفان ...
شيهانه تكلمت تقطع .. الجو المشحون ..
-منتم مطلعينا اليوم !! ماودكم تودونا الكورنيش !!!
جلست نجلا مكانها ... بصمت .. ماتدري ليه .. عجزت تنسى ... هي ماتكرهه بس مستحيل تنسى ماضيه معهم ... رغم هذا تحبه ... وتحمد الله انها وقت حاجتها الفعليه لقته ..حواليها ...
سمعت نايف يعلق ....
-نجلا رجلك وينه؟! كان تطلعين معنا ؟!
هزت راسها موافقه ..تخفي حمقها منه ... مفترض يخلي اشغاله .. ويحشم اخوانها ويقابلهم !! كل شي تحت امره ...
-اي بطلع معكم ..الوليد بشغله احيان مايجي الا الفجر ..،!
-والله مايرتاح الله يعينه ...
-امين ..سعد اجازتك كم مدتها ؟!
-عندي اربع ايام .. نايف مثلي بعد ..!
همست .. بحزن
-يعني بترجعون .. بدري ؟!
تابع سعد ..
-انتم متى تجون الرياض ؟!
-مدري حسب الشغل الي عنده هينا ؟! بشوف كان ارجع معكم .. اشتقت للرياض ؟!
استطرد نايف
-اذا رجلك موافق ..الله ييحيك ..لاتغثينه ولاتحنين!! المره العاقله تتبع نصيبها وين ماكان ..!
حركت شوكتها ببسمه ساخره ... وهو اصلا يعطيها مجال ماتتبعه!!! او حتى يخيرها !!!
هزت راسها .. موافقه ...
سمعت صوته يخاطبها بهادي الصوت ..
-ترا جبت الي طلبتيه معي .. الان اغسل يدي واعطيك اياه ..!!
انشرحت بسمتها ..بخجل .. وحرج
-يعطيك العافيه نايف ؟! ..ماقصرت
-الا مقصر ومقصر واجد بعد !! الله يتوب علي ويغفر زلاتي ياخوك!؟؟ الود ودي يرجع الزمن والله مازوجك غصب عنك!!! كل ماتذكر ذاك اليوم يوجعني قلبي ...! عزاي شوفك مبسوطه ومتهنيه !!
يتكلم .. متغافل عن انفاسها الي هاجت ..متهيضه ...ماحسّ..بثقل الهم الي سكن وسط قلبها المرهوف .. ولا دمعة عينها .. الي تجمعت ... ولا عجزها ..الي مانعها ..لهم تنطق .. وتصارح بمكنون خافقها ..وتشرح صدرها الضايق ..يدينها مكبله ..ومربوطه !!...
تابع .. بنفس الحس والصوت ..
-تدرين ابوي الله يرحمه .. كاتب لي قبل يموت !!! كاتب بالحرف .. انا خصيمك عند الله بعيالي !!!! ان ظلمتهم من بعدي !! ...
ماقدرت تمسك الشهقات ورجفات متنها .. المقهور ..
رفعت كفوف يدينها تغطي ملامح رسمها المغبون !
... تكتم ..همس ونّتها ...المهلكه ..والمدفونه ...
قامت شيهانه .. تقرب لها ..وتخاطبها بعبره..
-يوووه نجلا ...وش فيك احنا جينا ننبسط معك ونسنتاس لاتضيقين !!!
سكت سعد ..يرقبها ...فاهم المكنون ... هو مثلها .. يعرف الي تحس ...
تحرك نايف ..
-نجلا !!؟
مسك سعد ذراعه ..
وهز راسه يأشر له يتركها ... تنفس عن ضيقها المحبوس ...
سكن مكانه ... موجعه ... الي يشوف ...
ماقدر يسمك لسانه اكثر وهو يسمع نشيج صياحها .. المخنوق
-والله ياخوك ..اني ندمان !!! انا غلطان !! ومالي عذر !!! ظلمتك وتجنيت عليكم !! وش تبين وش يرضيك وش الي يخليك تنسين ماسويت!!!!!!
قام بلاشعور ..لثم راسها .. المنحني ...
سحب كفوفها بين ايديه ..
-امسحي دموعك !! تراها تكسرني !!! تبين ابوي يوقف لي خصيم !!! اذا هذا الي تبين انا راضي !!!
هزت راسها نافيه ..
-نزلا ليه صيح !!! نايف دقها!!!
التفت له نايف
-هه جبتي لنا الكلام وش يصك فمه ذا الحين !!!!
ضحكت بشهقه .. وهي تمسح دمعها...
ابعد نايف يدينه ...
-نجلا ناظرني ياخوك !!.
رمشت بعينها تبعد ثقل الدمع المتجمع بهدب عينها ... ورممشها .. المعكوف ...
رفعت راسها ..تناظر فيه وجه وروح كانت فاقدتها .. بكل سنين عمرها العشرين ...
تاملت عينه والحنان ..الي انرسم فيهم ... عكس ماضيها معه ... شلون يهون عليها ..وتسمح للوليد يجره بالسجون ... عناد فيها !!!
-انتي عجزانه تسامحيني !!؟ كل ماشفتيني تذكرين فعولي !!؟
هزت راسها ..وهمست ..
-لا مسامحتك !! انت بحل ..بس تذكرت ابوي !!؟ اشتقت له !! قبل زواجي بليله جاني !! كلامه لي كنه مودع كنه حاس انه بيفارقنا !!!
نزلت دمعه .. وتركتها .. تنحدر ...
نزل راسه ...
-الله يرحمه .. ويجعل مثواه الجنه ..ويرحم خالتي نوره ..ياضي نوره!!!
تغيرت نظرة عينها .. بوجل ..اول مره يطري امها بالزينه ... واول مرا يسميها ضي نوره ... !!! هالاسم كانت تسمعه .. من وحده ..بس!!انمحت ذكراها ...مع كل ذكرى ماضيه ...!!
رطبت شفتها .. وشعور يكوي فيها كل جرح ...
نايف يذر الملح بجروحها غافل !!!
ماتقدر ابد تترك وتمشي !! قدر الوليد يكسرها للمره المليون..!! ماراح تسمح له ..يهين ..ويقهر ..هالوجه الي مقابلها ... يطلب رضاها .. !!
ردت بهمس بعد الي ردوا
-امين ... امين ..
تكلمت شيهانه ..
-خلاص عاد ..خلونا نروق ...!
استطرد سعد...
-وش رايكم ناخذ عمره اليوم !!؟...
رد نايف ... بحماس
-اي والله فكره ..احنا ناوين ناخذها قبل نرجع ..ليه مانروح اليوم ؟! وش قلتن؟! ..
شيهانه .. بفرح..شبكت يدها بحماس ..
-اي والله ..ياريت .. نصوري نوديك بيت ربي ؟!!
وجه نايف كلامه لها ..
-وش رايك نجلا ؟! كلمي رجلك شوفي لازم تاخذين اذنه دام بنطلع برا جده !!؟
هزت واسها ..
-ياليت ...ودي اروح الحرم .. !!
كملت بخاطرها ...
ودي ياربي اشككي لك .. ضيقتي وتسمع ..ودي احب ارض بيتك وانوح من عجزي ...!!
هز نايف راسه ...وطقطق بيده عالطاوله ..
-خلاص تم ... كلمي الوليد واحنا جاهزين !!!.
سمعت منصور يتاديها ..
-خاله نجلا ؟! خودي خاله ميثا تبغاكي ؟!
انتبهت له .. جاي معه جوال ..
سحبت منديل بعجل تمسح وجهها .... وخذت الجوال ..
-هلا خالتي .. وعليكم السلام ..
وصلها صوت نجلا ..
-اخبارك نجلا واخبار ضيوفك ؟!
-بخير الحمد الله .. ماعليهم ..
-تقول ام عمار انتي اليوم مغديتهم ماشاء الله
ابتسمت ..
-اي ..اليوم ذوقتهم من يدي ..اشتاقوا لطبخي .. وماقصرت ام عمار والبنات ساعدوني ..
-ماشاء الله ..لازم تذوقينا ؟؟! تمدحه والله
-ان شاء الله ابشري .. ماطلبتي شي خالتي .. انتم اخباركم واخبار البنات ..
-كلهم ماعليهم حبيبتي الوليد مب عندكم ؟!
-لا من الصبح طلع ماشفته .. هو دايم كيذا متى ماخلص شغله رجع ..
-خليه براحته قابلي اخوانك الله لايحرمك ..منهم !وانبسطي معهم .. بتطلعون اليوم ؟!
لمست طرف جديلتها الي مجنبتها ..جهه تبي تخفي فيها ..مواضع ..قربه الموجع ..
-والله .. نفكر ناخذ عمره ؟! بس لازم اعلم الوليد ؟! المشكله ..
قاطعتها ام طلال ..
-مب قايل شي .. .. خذيها مني واعتمدي كلامي .. روحي اعتمري ..وادعي لنا بنتي ..!
تنهدت براحه ..
-زين ..اجل ..الله ييسرها لنا وابشري بالدعوات الي تسرك ..
-بشرتي بالجنه ..ياقليبي .... يلا سلمي على شيهانه .. فمان الله الله يحفظكم ..!
-مع السلامه الله ...
قفلت ..تدور منصور ..
علقت شيهانه..
-خذا ناصر ..يقول بيلعبه ..
اشرت براسها ..
-وين اخواني ..
-قاموا ..يغسلون ..مانتبهتي لهم ..
-لا خلاص يعني خلصتوا ..؟!نشيل الاكل ..؟!
تهادت عين شييهانه ..
-اي اكل ماشاء الله هو بقى شي ؟! قولي نشيل المواعين ..؟!
-بالعافيه .. يارب .. قومي سكري الباب بناديهم نشيل سوا ..
.................................................. ...................
جناح الضيافه ..
-نايف دق عليك الوليد ؟! لقيته متصل رجعت دقيت مقفل جواله ؟!
خذا نايف جهازه .. يدور ..
اشر ..موافق ..
-اي دق .. من ساعه .. !!! .... غريبه ..ليه داق علينا جميع .؟! دقيت انت؟؟؟
-اي مقفل جواله ... ؟!
ضغط نايف .. للرسايل ..
-مرسل ..يقول انه طلع الرياض مضطر .. وخذوا راحتكم ..ومسترخص منا ..!!

جلس سعد مقابله ..
-الله يعينه ..؟!امس واصل ..وطار اليوم بعد .. !! الله يستر عليه ..ويرجعه سالم ..؟؟! ماقصر ..بن جلمود..!
تابع مستطرد ...
-.. !! نايف بسالك ..؟!وش الي طلبته نجلا وجبته ..؟!
قام نايف لشنطته .سحب سحاب .. الجيب الداخلي ...وطلع ظرف ...
رفعه بيده لسعد ..
-مهرها ؟!!!
قطب سعد هدب عينه ... وحركهم بفهم ..
-نسسييت طاريه ؟!
-مانسيته انا بعطيها اياه وارتاح ؟! مابي شي بذمتي ؟!
-زين ماسويت ..!!والحين وش بنسوي ؟!
-ابد بنروح نحرم وناخذ عمرتنا ..ونوسع صدور ..اخياتنا؟!
حرك سعد راسه .. ببسمه وتفكير ..
-اي والله تغيرت يانايف !!!
احتدت نظره نايف .. بمزوح
-لاتخليني ابدا معك ...بعد ؟!! ترا الكلام الي قلت لك ولها ؟؟!
ضحك سعد .. وجاراه بالضحك ..نايف ...
.................................................. ...............
الرياض ...
فيلا الجد ...
جناح ساره ...
طلعت من دورة المياه .. متوضيه ... ماشافت سمر ..
دق جوالها .. شافت رقم سعود ..توجست .. وردت بعجل ..
-هلا سعود ؟!
-هلابك عمه اخباركم ؟! واخبار البنات ؟!
تنهدت ..
-كل ماشوف اسمك اخاف ..؟! قسم بالله يفز قلبي !! اخاف اسمع شي عن ام سلطان ؟! !!.. ..
سمعت ضحكته ..
-ان كان عن الفزه فهو بيفز ..!!! بس من الفرحه ..؟!
عطيني البشاره ؟!
نبض قليها وهي تشد عالجوال ..
-ايش ياسعود والله اني قاضيه معد بي للمزح ؟!
-بجي وقت الزياره والوليد معي .. !!
شهقت بعالي الصوت ..
-بالله !!!!؟؟؟؟ اخيرا !! جو !! ياربي مابغوا ..الله يبشرك بالخير .. بينهبلون البنات ..عسى ماتطير.. سمرر؟؟!
-لاتعلمينهم ياعمه ؟! هي قالت جيب الوليد ياسعود !!؟ ..ابيها تشوفني جايبه لها مثل ماوعدت ؟!
رفعت يدها لشفتها تكتكم الضحكه ..
-هذا وقتك ياسعود ؟!! بس والله انك تنحط عالجرح يبرا ...ياولد اخوي ؟! وينه هو عندك ؟!
-لا رايح استقبله من المطار وجاينكم على طول ؟! شوفي خلي سمر ورنا بالغرفه الي مطرفه قبل ندخل الجناح .. !! ابي اشوفهم اذا شافوه !
حركت راسها ..
-من جدك انت ؟؟ لا مب صاحي ؟! وش تشوف !! نياح !! وصياح من الحين بعلمك ..!
-معليه مني مطول بس شوي ؟!
ضحكت ...
-الله يجبر خاطرك ياسعود ؟؟! طيب بينا اتصال
- تم!!!وانتبهي عمه لاتقولين لحنان العياره!!؟
هزت راسها بتأكيد ..
-لا مني قايله .. ابشر
-بشرتي بالجنه ..يلا سلام .. بينا اتصال ..
-سلام ..
قفلت منه متنهده براحه ممزوجه بفرحه ..
همست ..
بعبره ..
-وجاب لك الوليد ياسمر .. !؟طلبتيه وجابه !! هالمفعوصه لها وليفنٍ مابان الابالشدايد ...
.................................................. ...........
فيلا جدان الجوهره ....
بجناحها كعادتها .. تدردش .. عالاب.. والكون كله مو هامها .. مستمره مع حمدان ..توجه ضرباتها لرنا ... بمكر ..وخديعه ..وسواد فعول ...
سمعت تخبيط جامد ..سحبت سماعتها ... بقل صبر ..
ونادت بعالي الصوت ..
-خيرررر!!!! انزلي تحت روز ماني فاتحه !!! ومابي غدا!!!! ولا ابي اروح !!!!
سمعت صوت غير روز .... عامله من عاملاتهم...
-افتحي الباب انا مب روز!!!!!!
انتفضت .. بسرعه ...رفعت راسها ..تنهدت اشوى قافله الباب.. رجعت لشاشة الاب....سكرته بسرعه ...
وفصلته ..توجهت الباب ..راسمه ابتسامه .. وشعور ..راجف ..
فتحته ..
-هلا عمي ..؟! !! غريبه ؟! مسرع ماشتقت لي ؟؟
ناظرها راكان .. بحده ...ماغفلت عنها ... الهبت فيها الحس المترقب ...
تحرك داخل ..
-وش ظنك؟! وش الي جايبني ؟!
هزت كتوفها وهي تبعد عشان يدخل ..
-مدري يمكن مقرر تطلعني وتعوضني عن غيابك؟؟!
التفت لها .. بتركيز ..
-لأ!!! سكري الباب وتعالي اجلسي !!!
عضت شفتها ..
-ليه الجديه طيب ؟! وش صاير ؟!
جلس مقابلها ...
-انتي علميني وش الموضوع !!!! وليه قلتي ان ساره تقول لو خلن الدنيا من الرجاجيل ماخذت عمك!!!!
ارتبكت ..مع وضوح الربكه بالملامح ....
-انا؟؟؟!!! ....طيب هي قالت ؟؟!!
قاطعها بحزم ..
-الجوهره !!! عن الكذب !!! البنت ماقالت!!!!
تسرعت بخبث متغافل عن الشخص الي امامها .. ومتباري مع شخصها .. الواطي ..
-ليه انت تكلمها !!!؟؟؟؟
صرخ راكان .. بوجههااا..
-انتي انهبلتي ؟؟!!!! وش هالجرأه وقل الاحترام !!!!
ردت بسرعه وخوف ...
بحياته ماصرخ فيها ...
-طيب وش دراني طلعت ميذا انت تتهمني بالكذب !!! كيف تبيني ارد !! اسكت!!!!
حاول يهدي نفسه .. معها ..يوم شاف ربكتها ...
-مابيك تسكتين !!! ابيك تتكلمين وتقولين الصدق !!! لاتلفين ولاتدورين !!! معي يالجوهره!!!!
انهى كلامه برفعة اصبعه مهدد ..
عضت شفتها .. وهي مدركه ان عمها ماراح يخليها الا لمن يقتنع ..بالي تقول ..وشكله متاكد من كذبها ..!!! لفت راسها ..
وبخبث مايتمثل الا بشخصها هي .. ورجفت بدمعه ..مستحدثه ..جايره ..
-شلون تلومني ؟؟! وانا اشوفك متعلق فيها ..!!! وناسيني ؟!! نسيت الجوهره بنت اخوك ..!! وجا اليوم الي تصرخ علي فيه بسبتها ؟؟!!!من الحين حتى قبل تتزوجها خلتك تعاملني كيذا شلون اذا تزوجتو!!!
على قد ماكان معصب .. الا انه هدى نفسه .. ورقت ملامحه .. الثايره ..
خاطبها بهدووء
-هذا الي خلاك تكذبين؟!
سكتت بدون تعلق ...
رقت نظرته لها .. واستهدى صوته...
-مهما كان السبب مايبرر كذبك !! على خالتك !! ليه ماناقشتيني !! وليه ماعلمتيني وش منه تخافين!!!
التفتت له بعين دامعه ..
-يعني بتعطيني وجه!! ماشفت نفسك قبل شوي !!!
ابتسم بحلاوه تجمل مبسمه ..
-وانا اقدر اتغير عليك !! ياعين عمك!! مين الي واقف بوجه عمانك ويذود عنك غيري !!! مو عشانها انا عصبت واتوقع انك انسانه ناضجه وفاهمه ان تصرفك هو الي استفزني !!!
سكتت بدون رد ..
-يعني خالتك !! ماقالته !!؟؟ردي يالجوهره وهالمره لاتخبين شي !!!
-هي اصلا ماتبي تتزوج احد !! وهالكلام قالته كم مره !! في غيرك كثير ورفضتهم !! وقالته فيهم !!! يعني حتى لو جبت طاريك زيك زيهم !!!
تنهد راكان براحه ...
-يعني ماقالته لشخصي انا !!!!
سكتت ماردت ..بصمت مفهوم ..
خاطبها بهدوووء حازم ..
-الجوهره انتي مو صغيره عشان اعلمك!! ولا انتي بزر عشان تفكرين هالتفكير !! او تتصرفين هالتصرف !!
قاطعته ..بعتب
-ياعمي انت ماتدري وش انت بالنسبه لي !!!
رفع عينه وناظرها ...
-وانتي بعد ماتخبرين مكانتك عندي !! والظاهر انك مرخصتني !! وماتعرفين منهو عمك راكان!!!!!!

مسحت دمعتها الطارفه
-تكفى ياعمي السموحه منك !!؟والله مب القصد اني مرخصتك ..بس.. ان تزوجت خالتي بتنساني !!!
سمعت ضحكته الوجلى...
-ليه لهالدرجه ..هي تاخذ العقل !!!؟؟
رفعت حواجبها ..
-عاديه !!!! جدا عاديه!!
سمعت ضحكته الرنانه..
-طيب ماعلينا !! جهزي نفسك ..بنروح نزور ام سلطان مع امي !!؟
قطبت ..هدب عينها ..
وهزت راسها ..
-لا مني رايحه مالي خلقهم !! يكفي التليفون !!!
-الجوهره!!! هذا حق وواجب !!! وكلمتن قلتها لاتثنينها !!! تجهزي !!!
قالها واقف .. بيطلع ...
-تولمي !!! شوي وتناديك امي!!!!
تابعت خروجه ... برهبه وضيق ... ماتبي تشوفهم عقب كلامهم .. !!!
طلع وسكرت الباب وهي تتنهد بزفره..
-ياربيه منك ياعمي !!!
.................................................. ...................
مطار الملك خالد ..
وصل الوليد لقى سعود باستقباله .... ومتشوق لشوفه ...
-يالله حيه !! نورت الرياض ..!؟ الحمد الله على سلامتك!!
-الله يسلمك من الشر ..وش الاخبار !!؟
اشر بفكر شارد ..
-مشينا ..ودني لام سلطان!!
-معك شنط!؟
هز راسه ..
-مامعي...جيتكم من الشركه على عجل !!
تنهد سعود ...
-الحمد الله رديت ام سلطان تسال عنكم والبنات ..حالهن يضيق الخلق !!!
سكت الوليد بدون يعلق ...
ركبو السياره ...
ومشت متوجهه ..للمبسم الي يشرح الصدر ..طاريه ...
التفت سعود للوليد ..
لمح فيه الجمود والصمت ... والضيق ...
ترك الهروج .. وحط عينه عالطريق ....
.................................................. ...............
المستشفى ....
مكتب الاستشاري ...الدكتور ...
زناد المجفل ...
-هذي اخر ملفات المرضى ...راجعتهم ..كلهم ..تسلمهم ..من يدي ..عشان ..تنتهي مسوؤليتي ..!! ومرا ثانيه حياك الله بينا ...!!
-يعطيك العافيه دكتور محمد ...ماقصرت ؟!! ..
حرك الملفات بين يده ...يتابعها بدون تدقيق ...
-اليوم بتعرف عالمرضى ..
-الله يقويك عالامانه ..ددكتور زناد ..فخر لنا وجودك معنا !!؟ الله ينفع بك !
هز راسه زناد مبتسم ..
-امين الله يسلمك ويبقيك ...!!
-استاذن منك بروح مكتبي ..!!؟ وعلى البركه مقدما ..قبول ..بناء...مستشفاك ؟!
هز راسه بعرفان ...
-يبارك بعمرك ..!!؟
طلع دمتور محمد عنه ...
تناسند على كرسيه ... وعينه على اسمه الي انحط ..تالي الوقت على المكتب ..
وابتدى مشوارك العملي بديارك ..يازناد ....ابتسم بزهو ..
و
رفع يده يشوف ساعته ... شويات ..ويقوم يتعرف على المرضى المسؤل عنهم ...
.................................................. ...............
جناح ام سلطان ....
حنان...خاطبت امها ... بهادي الصوت ..
-والله ؟! بيجون !؟ ..ناظرت ساره ..من بعيد ..
ورجعت تكلم امها ..
-ساره درت؟! عسى مايعيدون بموضوعهم ..!! ترا مب وقته امي !!
تكلمت امها ..بتاكيد ..
-هم ناسن يعرفون المواجيب ..!! مب احنا نعلمهم !!!
-ان شاء الله ؟!
اليوم مافي الا هي وساره والبنات ...ماجو حريم اخوانها ....
دخلت عليهم رانيا ...
-السلام عليكم ...
-وعليكم السلام ...
قربت لام سلطان الي تتابع بعيونها بصمت ..
-سلام خالتي بشري عنك يالحبيبه ..؟!
حركت ام سلطان راسها ... ببسمه مابنات ... وعين متأمله ...
-الله يعافيك ويفرحنا بقومتك .. يارب ..
رفعت يدها تسلم على سمر
-اخبارك سمر ...
هزت سمر راسها ..
-طيبه ..
-وانتي رنا ؟! علومكم .؟!
-الحمد الله ..ماشين ..
قربت اكثر مبعده عن ام سلطان ..
وهمست لرنا ..
-ماجاكم خبر عن العيال ؟!
هزت رنا واسها ..بصمت ..
كل يوم هالسؤال ... ينعاد ...
التفتت سمر .. لرانيا ... وتشابكت انظارهم ..
همست لها ..
-مايدري الوليد لو يدري ترك كل شي وجا ؟! !! حتى سلطان !! مايدرون؟!
رفعت .. يدها بسرعه تمسح دمعتها قبل تشوفها امها ... !!!
دخلت ساره... وعينها على رنا وسمر ...
قربت منهم .. واشرت بعيونها ..هامسه
-رنا سمر تعالو !!؟
ناظرتها سمر بقلق..
-وش فيه ؟!
هزت ساره راسها تعالي .....
ناظرت...رنا سمر ... وقامت عن امها .. بحذر وقلبها .. ورهبة شعورها ...تعتلي كل مافيها .....
لحقتها سمر ...
ووراهم حنان ..
تكلمت رنا ؟!
-وش فيه عميمه ؟! وش صاير ؟؟؟؟
-تعالو ابيكم ؟! شوي
سمر برهبه وخوف ...
-فيه شي عمتي ؟! قالو اامي فيها شي ؟؟؟!
هزت ساره راسها .. نافيه ...
-تعالو ابيكم وش فيكم ..؟! يمكن بيدخل خالد يرد السلام ؟!! وش بكم ؟!
هزت حنان كتوفها ..
-بس ؟!؟ احس عندك علم ...
-تعالي حنان اجلسي معهم .. !! يمكن يجي الدكتور ؟! رانيا متغطيه ..انتي لا ..!!
راحت تسكر الباب الفاصل بين المدخل وقسم الضيافه بالجناح ... جلست سمر ..بعد ماهدت دقات قلبها ...رنا معها جلست تعبث اصابعها بجوالها..رطبت..شفتها الي جفت من الروعه ...
ماتدري ليه فكرت... ان الموضوع يخص الجوهره !!!! وبلاويها !! معد تضمن منها اي حركه وتصرف ....
دق جوال ساره ... ورفعته ..
-اي اي يلا ...


قال الزهر آآآه غير متواجد حالياً   رد مع اقتباس
قديم 12-07-19, 11:11 AM   #583

قال الزهر آآآه
 
الصورة الرمزية قال الزهر آآآه

? العضوٌ??? » 1793
?  التسِجيلٌ » Feb 2008
? مشَارَ?اتْي » 2,669
?  نُقآطِيْ » قال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond repute
افتراضي

قبل بريع ساعه ...
وصلت سيارة سعود ... لبوابة المستشفى ....
نزل الوليد ...وسعود راح يوقف بالمواقف .. شافو خالد ...
-يامرحبا يامرحبا ..الحمد الله عالسلامه ..
بادله الوليد السلام ..
-الله يسلمك ..
-سلامة ام سلطان خطاها السو يابو صخر ؟!
رد الوليد وانفاسه ..تضيق .. وشعور ..طير ..انحبس ..عجز ..يلقى ..له ..للفضا طريق .....
-الله يسلمك ..
جاهم سعود ..
-يلا مشينا ...
قالها والوليد سابقه قبل ينطق...
وصل للطابق...واقبل عالجناح يوصف مكانه سعود ... وهو يحس برجفة يدينه ... قلبه ..كاره هالمكان ... جت عينه على اسم الطابق ...
غمض عينه .. يبعد افكاره ..السودا ... نفسه تلومه .. شلون يسامح النفس .. ان كان هو سبب طيحتها ..!!!
مسك سعود قبضة الباب ... ونادا بصوته ..
-ياولد !!!!
سمر قمزت ..
-عميمه سكري الباب .. !!
وقفت ساره عند الباب تناظر سعود تبيه يبعد .. قبل تلمح عينها زول الحبيب الغايب ...
ابعد تارك للوليد مجال يدخل ...
فتحت ساره الباب بعجل ...
تحركت سمر مبعده.. يوم شافته .. وقفت .. ماشافت.. غير عيونه .. عينها تركت كل مافيه ..وناظرت عينه .. تدور لها منفس ..ومهرب ..
رجفت شفتها .. بصرخه ..
-الوليييد !!!!!!!
رنا مثلها ... تابعت حظوره ودخوله .. بلهفة لوم وعتاب مدفون ..
ركضت سمر ... بصوتها الباكي ... تلقاها .. بفتحة يده ...
-جيت ...!!!جيييت ياخوي !!! اخيرا جيييت!!!
تابعت..
-وينك ياخوي !!! امي !!! تعبت علينا !!! وانت مب فيه ...
لم كتوفها ... باحساس غريب ...
قربت رنا ... وعينها .تلمع ..
اشر لها براسه .. تجي ..
سابقتها الخطوه .. ابعد عصاه .. لساره .. واستقبلها .. حاظن ...
خاطبهم وهو يحاول يحافظ على صوته .. ثابت لهم وعشانهم ... اساسا ماتوقع كيذا استقبال ولا توقع كبر هاللهفه يلاقي ...

-خطاها السو !! الحمد الله انها سلمت !! وان شاء الله انها طيبه ... !! بشوف الان وضعها مع دكتورها !!
شد ايدينه حواليهم اكثر وهو يحس ببكاهم المستلج ...
-وان احتاجت نقل حتى للخارج نقلتها !!!
رفعت سمر عينها له .. وهي تمسح دموعها وتشاهق ..
-امي طاحت عقب رحتو ؟! من سافرتو ا وهي مب امي الي نعرف !!!!
ناظرها بتركيز ... وبحنو الصوت ..
-انا مكلمها ماكان فيها الا العافيه !!! وش جاها !!؟
ناظرت سمر رنا ... ورجعت ناظرته ... وهمست
-نجلا وينها !!؟ امي تسال عنكم الاثنين !؟! ماجت معك ؟! صار شي بينكم ؟!
هز راسه ..
-نجلا بجده اهلها جايين ..زياره ماعلمتها ؟!! عرفت ونصيتكم على طول ؟!
ارتجفت سمر بصياح .. وهي تتلفت على عماتها
-ماقلت لكم لو يدري جا على طول !!!!؟ قلته ولا لا؟!
ابعدت رنا ...
-يوم كلتمنا انا كنت معك عالخط ليه قفلت ؟! ومعد رجعت دقيت ؟؟؟!!! امي تعبت ذيك الليله!!!!
قطب هدب عينه .. متذكر ..
-قفل جوالي ..ومعد فتحته...
سمعو صوت ساره ..
-يلا عاد خلونا نسلم يابنات ؟!!
ابعدت سمر وهي قابضه على ذراعه ..
-ابي ادخله على امي ابي اشوف وش بتقول ؟!! يمكن تتكلم ..
تنهد الوليد بصمت .. وعينه عليهم ..
سلم على ساره وحنان بالتتابع ..
-اخباركم ؟!
-طيبين الحمدالله ..
ناظر مدخل الجناح ..
-فيه احد داخل عندها ؟!
-امي بس ورانيا لحظه اقولها تتغطى
راحت حنان .. تبلغ رانيا ..
شدت سمر على ذراع اخوها ..
التفت لها ..
همست ..
-اشتقنا لك ياخوي !! لعاد تروح وتخلينا ؟! احنا بدونك ولا شي !! انا ارسلت لك ماقريت كلامي ؟!!!
رجع يلم متونها .. بذراعه ..كثير عليه الي يسمع وكثير عليه الشعور الي يباريه بداخل اعماقه ...

-لا ماقريت قافل جوالاتي ... !! خلاص امسحوا دموعكم ؟! هذاني جيت !! من قال اني بترككم ؟!! انا ناويها فتره ؟! وارجع !!
ناظرت سمر رنا ....
الي ابعدت عينها .. بضيق وحرج وندم ...
رجعت تدور سمر عينه ..
-نجلا اخيارها طيبه ؟! ليه قافلين جوالاتكم حتى هي ؟! لاترد ولا تسال ؟!
-نجلا طيبه وبخير .. بس ماعلمتها ..ومقدر اعلمها وانا بعيد ؟!
تابعت ساره معاهم ... تترقبهم ...
رجعت حنان ..
-تعال يابو صخر ..
شدت سمر يدينه ...
تكلمت رنا .. بعد صمت .. انهكها ..
-الوليد !!!؟ ..
لف راسه لها منتبه ..
-ترا امي مب على خبرك !!؟ ..
انهت كلمتها بعبره...
رفع يده لراسها ... وهو ياشر لها ..
-اهم شي انها تعدت اسوء مرحله .. الباقي يجي حبه حبه .. !!! تعالو نروح لها ..
خذا عصاه من ساره ..
ومشى مقرب من باب غرفتها ...
سمع صوت جدته نوره ..
-يالله حيه .. يالله حيه .. تو مانورت الرياض.. ياحبيّبي !!!
اقبل ..يسوق النواظر لم المتون الي الهب العين .. مسداحها ...
شد شفته .. وعينه تلاقي عيونها .. الي تحركت .. برفعة راسها .. كسر فيه حالها .. مابقى من باس !!!
سمر .. بحسها الفرحان ..
-يمه شوفي ..من نصاك وجاك !!!!
تهادت نظراته ليدينها ..الي خلت من حناها المتعود عليه !! وامتلت عقبه ..نقش الابر .. واسلاك الاجهزه ... سحب نفس من ضيق مايوجس .. بهتت نظرة عينه لها مسك كفها الممدود .. وشفته ترجف .. عجز يوقف فيها رهبتها ... عمره ماتخيل يشوف ام سلطان طريحة فراش .. محبوسه !! ولا قد تخيل هالمبسم .. مايل عن البسمات ..وعن حلو الهروج عاجز ..
نبض عرقه .. يحاول يمحي الدمعه قبل ..تاصل .. متعود وقادر .. من صغره .. مايترك لموية العين له طريق ...
-سلامتك يالغاليه ... ليت الي جاك صابني عنك !!؟ وتخطاك !!!
شدت يده .. تحاول تتكلم وتحرك راسها بجهد ..
رفعت حنان منديلها تمسح وجهها .. غصتها العبره غصب ...
التفتت ..لساره الي تراقبهم .. وعينها مثلها واعبر... !!
سمعو صوت جدتهم .. المرتجف ..
-الله يجعلها اجر لها .. !! ويعافيها .. ويبارك لها فيكم ؟!
قرب اذنه منها لجل يسمع لو حتى همس او بعض نطقها الناقص ..
-امري وش بغيتي ؟!! انا مادريت الا قبل ساعات وجيتك راكض تارك الي وراي ودوني !!؟
سمع فحيح صوتها وهي تحاول تسحب الكلمات ..
-ارتاحي يالغاليه لاتتعبين نفسك ؟؟
ابعد شوي لجل يشبك نواظرهم ..
-نجلا طيبه واخوانها عندها بجده !! ماتدري عنك ؟!
تمت تناظره بصمت .. حركت حواجبها .. و.. دمعتها الطارفه .. متحدره .. فوق خدها .. الي ملاه التجاعيد ..
غمض عينه وقرب لم اذنها يهمس ..
-امورنا طيبه لاتشيلن هم ..ومعد به فراق ..نجلا عندي بالدنيا كلها !!!!!!وماتسوى ضفرها .. اي مره!! الله يقدرني اسعدها واعوضها ؟!!
ابعد وهو يسمع حسها الخافت ..
-الح...م..دالله...ا..نا..بخ..ير...? ?ا..مك..
م...بخ..ير....!!!
ناظرها بتركيز ... لثم راسها .. وهو ياشر براسه مطمن ..
لمح محاولتها تبتسم..
شد اكثر على كفها ..
واستقام واقف ..
-ماناقص الا وجودك يايمه!!!؟ ارجعي لنا وتكمل فرحتنا ؟!!
رجفت يدينها بين كفه ..القابض عليها ..
ونزلت غير دمعتها دمعه .. وهي تهز ..راسها ..
-ا..ل..ل..ه ..كر..يم ..
سمع شهاق سمر .. وراه .. ونشيجها بصوت عالي ..
التفت لها ..
-سمر ..!! كيذا تضرينها !! لاتصيحين ..ياخوك ..!
غطت سمر بيدينها عيونها .. وهي تسابق بكلماتها شهقاتها ..
-تدري امي .. تو..ها ..تنطق ... من ..طاحت..!!! مانطقت الا لك !!!
سحبها .. يهديها .. لثم راسها ..
-اشششش...امسحي دموعك .. !! وارفعي راسك!!!!ولاتشيلون هم شي !!! انا لكم بعد الله !! ماينحني لكم راس !! ولا يضيق لكم خاطر !!! امكم بتتحسن !! ياذن الله ..
سكت .. يترك لها مجال تتماسك .. وتهدى ..
رنا رافعه يدينها لشفتها تكتم نفسها ....
ناظرها .. واشر براسه ..
-تعالي !!!
قربت منه .. لثم راسها .. وتحرك متجه لجدته ..
الي تمسح دموعها بلمفعها ... بصمت
..
ارخى نفسه..لها يسلم ..
همست ..
-يلا حيه ..
-حي اصلك ياجده .. بشري عنك .. طيبه ان شاء الله ...
سمعو صوت عند الباب ...
الابدخلة .. عمته حصه ... تتبعها .. شر النفوس .. وسود الاحقاد ...
-لحظه الوليد فيه ..اطلعي برا

سمع حس سمر المعادي !!...
مانتبه اساسا لمين توجه كلامها ...
-السلام عليكم ...
-وعليكم السلام ..
سلم عليها ...
تابعت ...
-هلا الوليد ..اخيرا جيتوا..
تلفتت تدور اثر لنجلا
-مرتك وينها ؟!
وقف بثبات ..
-ماجت ..
-تتسبب عالادميه وماتجي ؟! من سافرتو وعمتك طايحه ؟!! اكيد مالهاك الا هي ..
احتدت .. نظرته ..
-شلون تسببت !!! وش تقصدين؟!
-مب عشانها تركت اهلك وربعك !! كله عشان توسع صدرها !!!
ناظرها بتركيز ...
وتكلم ..يقطع كل لوم وعتب موجه لنجلاه..
-هذا مكتوب ياعمه !!! نجلا مالها دخل !!! نجلا تتبعني انا !!! وانا الي مابي من الرياض اخبار !!!!!
ارتبكت .. وعلقت ..
-اييي الله يكون بالعون!! ...
تلفتت تدور بنتها ...
-وين راحت هالبنت ... !!
ردت سمر..
-طلعت برا ..وش يدخلها والوليد فيه !!!
-هذي رانيا جالسه .. ناديها اساسا برا جدتها وعمها جايين بيزوررن ..،!
-انا بطلع ...
قرب لام سلطان ..
وكلمها بهادي الصوت الرزين ..
- انا طالع ..اشوف دكتورك يالغاليه !!! وراجع !!
هزت راسها .. استاقف .. متجهز ..
اشر لساره ..
-شوفي لي طريق ...
تحركت سمر وهي تراقب رنا بقهر وزعل مكبوت ...
-تعال ياخوي انا بشوف ...
تقدمت .. ولحقها يمشي وراها ..
سمع همسها وهي تشوف الجوهره ..
-الله ياخذك .. يالنسره!!!!
مر .. من جنب الغرفه بكامل هيبته .. وجا بيطلع ..
-الوليد ..؟!
التفت ..
-بترجع ؟! بتجيب نجلا !!؟
ابتسم .. بتطمين رفع يده يلمس طرف انفها ..
-برجع .. ماني رايح الا الليل.. اشر براسه مؤكد ..
ونجلا بتشوفونها .. حتى هي مشتاقه لكم .. ..ارتحتي !!؟
ابتسمت ..بفرح وهي تهز راسها ..
-لعاد اشوفك ضايقه ..!! وسعي صدرك ..!! الامور طيبه ان شاء الله ..
همست .. بخافت الصوت ..
-يعني مابينكم مشاكل ..
تغيرت تعابيره .. وقدر يمحيها بعجل ..؟!!!
-لا مافيه .. الا كل خير .. !!! يلا بروح اشوف الدكاتره ...،!!
-طيب .. ننتظرك ..
سكرت الباب ..
ولفت .. وهي تناظر الجوهره الي تستمع بصمت ..
قربت منها ..
وتكلمت بصوت هادي موزون..
-شفتي ؟! كل تدبيرك طار !!! قلت لك الوليد يعشق النجلا !!! ومايسمع فيها !!!!!
رفعت حاجبها ..وتركتها ... داخله ...
عضت الجوهره شفتها ... بقهر .. وانفاسها تتسارع غبنه وغل .. يعني بعد كل شي بعد مافاد!!! وش هالادمي !!! ماعنده ذرة كرامه !!!!! يقبل بوحده مثلها !!!!! تلعب عالحبلين !!
معليه معليه الا ماتنكشفين ان ماصدتك !!! بيوم !!! ماكون الجوهره !!! وانت ياولد خالي الغبي !!! عاميه قلبك تحسب مافي الحريم مثلها!!!!!
جت بتطلع ..انفتح الباب .. جت جدتها مع عاملتها ... وعمها .. واقف برا ... مع الوليد ..
-تعالي جده .. من هينا حياك ...
اقبلت ساره ..
-يامرحبا الله يحييكم .. تفضلوا
راقبت الجوهره ..جدتها تتامل ساره .. وترد عليها ..
-الله يبقييك يابنيتي ..!! بشري عن العلوم يالله انها تسر !!؟
-تسر ان شاء الله تفضلي .. خاله ..
.................................................. ....................
-سعود ..!؟ مين دكتورها !!
-تغير حولوا حالتها لاستشاري ثاني .. اليوم سالت ..!! بس ماعرف اسمه ..
لف ناظره لركان ..
-استاذن منك !! وسلمت ماقصرت ... وجهك ابيض !!
تابع لسعود ...
-انا رايح اسال .. ابي اقابله شلون يتناقلون حالتها على كيفهم !!!! مفترض يمسكها استشاري واحد !!!!
.................................................. ...................
مكه ..
وباطهر بقاع االارض ....وازكها ... في المكان ... الي تنسى الروح فيه قمة وجعها ... وبالارض ..الي ..تخجل النفس الاماره بالسوء تاطاها ....ارتجفت ..للبروده الي اناسبت بين ثنايها ...
علقت مبتسمه بشهقه ...
-شيهااانه!!!! سبحتيني !!!باااارد!!!!!
-هو كيذا ..خله يبرد ..الحر !!! تعالي كبي علي !!؟
التفتت لها تاخذ منها كاسة ..ما زمزم ...
وتصبه عليها .. جوا عباتها ...
انتفضت شيهانه
-اوووه ..يابرده برداه ....
-قلت لك ... مرا بارد ..
-معليه معليه ..يلا نكمل الاشواط ... كم لنا تذكرين ..
-بقى واحد ..ونخلص ... هه شوفي نايف وسعد وناصر ...!!
التفتوا شافو اخوانهم ..
ناظرت نجلا سعد وبجنبه ..نايف شايل نصوري فوق متونه ..
رجعت ..تتامل نايف ..وبسمته ..ومعه كتيب .. ادعيه ..
ابتسمت تحت غطاتها ... تذكرت ..يوم يقبض ذراعها .. ويسحبها لم الحجر الاسود حاول وتدافع الين وصلها له ...وتركها .. تنسى نفسها هيناك ... وتدعي خالقها .. وتشكي همها للباري .. ..
ارتجفت ..دواخلها .. وهمست
والله ماترك له فرصه ..ياذيكم ياخواني !!! ويقهركم !! عشاني !!
-وش !!؟؟ماسمعتك!!؟
التفتت لشيهانه..
-ماقول شي استغفر ..يلا ..خل نخلص ...
رجعو ا ..يتابعون ... ولسانها ..يردد بهمس ..
اللهم اني مغلوب ٌ فانتصر !!!
.................................................. ....................
الرياض
بالمستشفى ....
مكتب الاستشاري ..زناد ال مجفل ..
جالس يراجع اخر ملف ... للحالات الي تحت يديه ..
سمع دق عالباب..
-تفضل ..
دخلت الممرضه ..
-دكتور في شخص بيقابلك .. بيستفسر عن حالة مريضه قريبه ...
هز راسه .. وهو يشوف الساعه ...
-خله يتفضل ...
-حاضر ..
رجعت سكرت الباب ..
ثواني ....
وانفتح الباب ...
رفع عينه للداخل ووقف .. وهو يركز النظر ..باستغراب وترحيب ..
-يالله حيه .. يامرحبتين ؟؟!
تقدم ..ماد يده ..
-الله يبقيك ويحيك ..
رد له السلام ...بنفس التقدير والاحترام ..
-تفضل ..عسى خير يابو صخر !؟! امرني !!؟
رد الوليد ..باهتمام وتركيز ..هو مثله يوم سمع الاسم ..قبل يدخل ..تفاجئ...
-مايامر عليك عدو ..يابن الاجواد ..؟! قالو لي انك ماسك حالة الوالده .؟! وجيت اسال عنها ..
بانت معالم التفكير .. على محيا زناد ..
-لاه!!؟ سلامتها ..الله يعافيها ويمدها بالصحه والعافيه !!!
هز راسه شاكر ..
-امين ..امين جزاك الله خير ..!!
تابع زناد .. يشرح ..
-اليوم باشرت .. الحالات .. اي مريضه ؟!عطني الاسم ..؟!
-مُهره بن مصلح ..ال ضاري ..
قطب هدب عينه .. يبحث باصابعه بين الملفات ..
سحبه ..
وهو يفتحه ..يقلب الاوراق ..
توه قاري ملفها ...
ومنتهي منه ...
وجه انظاره للوليد ..
وخاطبه بصوته الجهور الواضح ...
-هي تعرضت لجلطه .. بالرجل اليسار ..للاسف تعتبر قويه .. عليها نظرا لكبر سنها .. والحمد الله انها تعدت المرحله الصعبه .. لكن!! اثار الجلطه .. هي االازمه الان .. القسم الايسر من جسمها متضرر .. ورجوعها للحركه يعتمد على رغبتها هي .. واقبالها عالحياه ..كثير مرضى مراو علي كانو رافضين العلاج من الصدمه بعد الجلطه واحساسهم انهم ..ثقل وحمل غير مرغوب فيه ..وكثير بعد الي اجتهد على نفسه .. وتعب ..الين رجع ..مثل اول واحسن وهذا يكون بالمرضى الي اعمارهم صغيره .. اما الكبار نادر ...!!
تقدم متساند على ذرعانه ..ومسترسل بالشرح للمستمع بصمت ..واهتمام ..
-يعني ..بما انا تخطينا الصعب طال عمرك .. ومازالت في طور تقدم العلاج .. الباقي يعتمد على اجتهادها هي الله يطول بعمرها .. اولا ثم على المحيط الي حواليها لابد من انها تبتعد عن الضغوط ..وعن التوتر .. تلتمون حواليها ..تلتزمون بالتعليمات ..كامله من ناحية التغذيه السليمه .. وناحية العلاج الطبيعي .....!!
الوليد استمع لكل كلامه ... باهتمام .. وحرص
ركز بعينه سائل ....
-يابو عبدالرحمن .. هل الكادر الطبي الموجود هينا ..كادر ممتاز ؟!
هز زناد راسه ..
-هينا بتلقى كل شي وافضل من برا ؟! خذها مني ؟! بهالمستشفى.. كل شي متوفر ؟! حتى قسم العلاج النفسي الي راح تحتاجه و الطبيعي الفزيائي الي لابد انها تتقبله ...لانه راح يكون مؤلم بالبدايه ...ومرحله صعبه .. لابد من تواجدكم حواليها..!!
شد بيده مقبض عصاه ...
-على خير ...كل شي راح يكون مثل ماهو مطلوب ..!!! قوموا بالمطلوب ..واحنا مثل !!؟
اشر براسه زناد موافقه ..
-هذا الي راح يصير ..ابشر بسعدك !!!
وقف الوليد مستاذن ..
-يعطيك العافيه ..الله يقويك .. !! مشكور .؟!
وقف زناد ..
-بالخدمه طال عمرك .. انتو اهل قبل تكون محرد مريضه عندي ؟!
-سلمت يالذيب .. بارك الله فيك .. ونعم ؟!!
-والنعم بحالك .. انا بعد الزياره راح ازور الطابق .. كامل .. وان شاء الله خير ... وان جد اي شي خذ رقمي ويصير بينا تواصل ..
.................................................. .................
جلس الوليد .. الين انتهت الزياره .... جلس ..مع خواته وعماته ... وتم مع ام سلطان .. يسولف ..بانشراح الصدر ..يحاول يخفي .. مكنون النفس المدفون ... يحاول يرسم له صوره عكس واقعه الي يعيش ....ويخفي حزن الشعور ..وضيق ..الانفاس .. !!!!
طلع يوصل مع سعود خواته الين بيت جده ..واتفق معهم .. يتواصل معهم يبرنامج اتصال فديو ..مع نجلا ..عشان ام سلطان .. بس يرتب الموضوع ..
زار اعمامه .. وتم يناقشهم ببعض الامور المتأجله ... لانه ترك شركتهم .. بعهدة عمه ابو سعود ..
طلع منهم ..ضايق ومغتلق .... بعد كل المشاوير .. والضغط .. النفسي ..راح لطلال ....
جالس متراكي .. ورافع راسه .. وسابل اجفان عينه .. بجهد ...
-ماودك تأجل الروحه لبكرا .. نام اليوم ؟!
فتح عينه .. وتم ثابت ثواني ...
-اهملت ضيفاني ببيتي ؟! مب زينه بحقي وحقهم .. !؟
-بلغهم ..بيعذرونك ..!؟الي مر معك مب سهل ؟!!
هز راسه رافض .. وهو ..يفرك محاجر عينه ..
-لأ...
راقب طلال .. اخوه ... بتركيز ..
تنهد ..
-لو تعطيني العلوم الي بصدرك يالوليد ..؟!!! خلني اشيل معك الحمل ياخوي ؟! لاهو اول حمل ولا اخره ؟!!! وش الجديد هالمره !!!
تساند الوليد على ثنية ركبه ..
-هالمره محد يقدر يشاركني فيه !!! وحتى لو تدري عنه .. حملي ثقيل ياطلال!!!
حرك طلال راسه ..
-الله يعينك ..
فتح كف يدينه يتلمس جرحه .. بفكر سالي ...
-قابلت امي وخواتي ؟!!!
استجلس طلال .. يستمع باهتمام
تابع الوليد ...
-.. ودخلو بيتي ..؟! وقابلوا مرتي ؟!
رفع طلال حاجبه .. باستغراب ..مدهوش
-انت صادق ؟!!! يالوليد ؟؟؟؟؟ ..
رفع عينه لمّ طلال ...
-تقدر تقول احنا بهدنة حرب !!!!
ابتسم طلال ..
-الله يطولها !!!
شد شفته .. يتامل فرحة اخوه .. وامنيته ودعاه ...
يستحيل تطول حد ابوه يبطش ويغلط !!! ماراح تنتهي الين يحرر امه من وجوده القذر!!! والين يتعاقب ..على كل فعل سواه بماضيه وحاظره!!!!
بس سكت .. يأشر براسه .. بتوهان ...
غرس اصابعه بشعره الكث ... الغزير ...
رفع ساعده يشوف الوقت ..
-يلا مشينا ؟!
-ماسالتني عن العايض ؟؟!!!
احتدت نظرته ...
رافع كف يده ..
-مب الان !!!! استمر بالي قلت لك الين اعلمك!!!!
سكت طلال .. عن التعليق ...
وحتى لو علق ..بيبطي ..يعرف ..بخافي ..الوليد

-جاهز ؟؟! نمشي !؟
-نعم جاهز شغل سيارتك لاحقك.!!...
راقب ظهر وهو يترك المكان ... ويسبقه ..نازل
واحساس..خافقه يحاكي .. خاطره المكسور ..
وتسال ياطلال عن همي !!
انا الي ..قسى وقتي علي وشكيت الضر !!
والعربان يهدم ..حلمها شين واقعها
ياخوي الزمن جافي وقاسي وطعمه مر
يخلي الحرار الشقر تكره مواقعها
تبي الصدق !!!؟؟
لاتبلش وتنشب وتطلع حر !!!
تموت الحرار !! وروسها في براقعها!!!!!
ابعد عينه عن الفراغ الي تبع طلال .. وقام متنهد .. يتبعه طالع ...
.................................................. ..................
مكه ...
ابراج البيت ...
بطابق المطاعم ...
خلصو عمرتهم ... وصلو العشا ... وتمشوا شوي .. بالاسواق حوالين الحرم .. اسعدوها بوجودهم ... وغيروا جوها نسوها الهم من جو !!!....
بطريق االرجعه ...
جالسه .. تتابع السيارت وتسمع سواليف اخوانها .. مره تشارك ومره تسكت مستمعه ...
نصوري نايم بحظنها .. وممدد رجوله و شيهانه على جوالها ...





















































































.................................................. ..........

































قال الزهر آآآه غير متواجد حالياً   رد مع اقتباس
قديم 12-07-19, 11:13 AM   #584

قال الزهر آآآه
 
الصورة الرمزية قال الزهر آآآه

? العضوٌ??? » 1793
?  التسِجيلٌ » Feb 2008
? مشَارَ?اتْي » 2,669
?  نُقآطِيْ » قال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond repute
افتراضي

التقت لها نايف ..
-نمتو!!؟؟؟
-لا صاحيه ..
-ما علمك رجلك ..متى يجي من الرياض ؟!!
قطبت حواجبها ..مستغربه ..!!!
ردت .. بعجل ..
-لا ..
-الله يعينه والله ..يتعب من هالمشاوير !!!
سكتت بدون تعلق .. عضت شفتها ... بضيق ..
-وش دراك انه رايح متى قالكم!!؟
-ارسل لنا رسايل يتعذر منا !!! قالك هو او لا!!؟
هزت راسها كاذبه وهي تستشيط .. من قهرها..
-اي ..
-ارسلت له قلت خذ راحتك !!! ماقصر هو بعد !
احنا جينا بدون نعلمكم !!
ردت بعجل وبصوت ثابت ..
-انتم تجون اي وقت بدون استأذان !!! بيتي مقتوح لكم !!!
تكلم سعد ..مشارك معهم ..
-ولو وانا اخوك!! معه حق نايف !!!
سكتت بدون تعلق .. مقهوره منه ..راح لهم ... بعد مافرقها عنهم .. وقال لاتقربين خواتي تنجسينهم!!!
مانست كل كلمه صدرت منه!!!! ولا ملامح ام سلطان .. وهي توادعها ..! !!! تنهدت ملتفته للطريق بضيق !!!!! وقلبها يهدد ويتوعد ..!!!
.................................................. ....................
الرياض ....
ملبق سيارته ... ينتظر .... بيشوف اخرتها معه .....
منقطع عنهم له اسابيع !!!!
زفر بقل صبر ... يتذكر كلام .محاميهم ..
عن بن جلمود ...
تساند يناظر بوابة العماره الي انتقل لها حمدان ... ينتظر يشرف !!! هز راسه بتفكير !!
وبهمس
-الله يستر لايكون انت ورا مصيبتنا ... ياحمدان!!!! بيروح ابوي فيها !!! وامك بعد !!! هالمره مقدر اسوي لك شي !!!!!!!
.................................................. .................


قال الزهر آآآه غير متواجد حالياً   رد مع اقتباس
قديم 12-07-19, 11:18 AM   #585

قال الزهر آآآه
 
الصورة الرمزية قال الزهر آآآه

? العضوٌ??? » 1793
?  التسِجيلٌ » Feb 2008
? مشَارَ?اتْي » 2,669
?  نُقآطِيْ » قال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond repute
افتراضي





جده ..
فيلا ابن عامر ...
الساعه 2 الفجر ...
تحرك مقبض الباب...وانفتح ...معلن حظور راعي الدار ...ووصوله ..
جر رجله ..بتعب ...اليوم ...واحداثه ...بكفه ..وكل الي صاير معه بكفه ... ..المدخل مظلم ....بلا حياه ...مشى ..بيدخل ...للمصعد ...وبطريقه تناها له ...اصوات ...ميز من بينهم ...حسها ...سمع ضحكها ...ونبرة صوتها ...وهي تتكلم ..بدون يفهم ..اصل الكلام ايش...التفت للمكان...الي جاي منه الصوت ...
قسم الضيافه ...الارضي ...
حسها متمازج مع أصوات اخوانها ....تخيل بسمتها ...الي فارقت دنياه ..من فعل يده ..!!!..شد شفته ولسه ..باكر لازم يعلمها عن الي صار !!!..تابع طريقه ...يبي يوصل لجناحه ...واصل التعب معه ..لاقصى الحدود ....يبي يبعد عن مدى الأصوات ...ويهرب عن عيون الليل ...ويقفل على نفسه ...تعب!!!!!...
طول الوقت ماسك نفسه ...عشان خواته ...مافارقت عينه صورة ام سلطان ..وعينها ..تدور الصدق في عيونه ...
فتح باب جناحه ...
ترك عصاته ...طرف بعينه ..للمكان الي انزوت فيه يوم ...
مشى للكرسي المقابل ...رمى بثقله . ساحب شماغه ..وراميه ....ترك مفاتيحه ..عالطاوله الجانبيه ..
فك فردة جزمته من رجله العرجا ..ومدها..تساند ...تارك الثانيه ...
تنفس بصمت ....يحاكي الوحده الي يحس ...مر امام ناظره ...
سلطان ..والكره الي يكنه له ...وظلمه الي ..طغى فيها !!!وكبر الفجوه الي بنفسه ..اسس اول قواعدها !!!...وام سلطان ..والمصاب الي ..هدّ حيلها بسبب جنونه هو ....وخواته ..وضياعهم ..الي شاف ....!!..
وأبو طلال ..والشر الي وراه ...!!
اسند راسه ..ووجه ..رسم عينه للسقف ..يحاول يحبس ..الضيق بانفاسه....ويهرب من لسع ملح العين !!..
غمض ..بتنهيد ..مسموع ..
رفع ذراعه ...يخفي شعاع النور ..عنه ثواني ...الين هدت فيه الانفاس ..وارتخى حسه ..بصمت ...مُثقل ....عن الوجود ....
.................................................. .................................
جناح الضيوف ...
تحديدا بالصاله ...
لمحت شيهانه تتثاوب ...
- جاك النوم ..؟؟ يعني ؟؟ من جدك بترقدين!!! ..
ردت شيهانه ...والنوم مثقل متنها ..
- انتي كنتي ترقدين بدري وش جاك عالسهر ...!!!
ابتسمت نجلا ...مبعده خصلتها ...
- هذي طرده صح ؟؟ اول خوانك تسحبوا !! والحين انتي !!
رفعت شيهانه يدها ...
- لالا بس تعبانه والله مهدود حيلي !!! ماتعبتي مثلي رجولي توجعني من العمره اليوم !!
تنهدت نجلا ..متأملتها ..
هي بعد النوم مقطعها ..بس ماتبي تنزوي بغرفتها ..وتذكر الي تبي تنساه ....
- اجل بخليك...ارقدي نوم العوافي !! بس هاه !! من اصبح وانا جايه اصحيك !!!
هزت شيهانه راسها ...بعين مغمضه ..
- زين سوي الي تبين ...
ضحكت نجلا ...على شكلها ..
- والله شكلك كنتي تجامليني !! واضح !! واصله حدك !!
- وش اسوي يعني !النوم سلطان ! يلا نجلا بكرا اشوفك !!! ان فتحت لك مجال والله ماتخليني !!!
قطبت ..هدب عينها ..
- ليه ماترقدين هينا !!!..
مطت شفتها ...بتفكير ..
- والله مب شينه ..؟؟ خلي الباب مفتوح بجيب لحافي واسكر المكيف واجي !!!!

رقت ..بعجل لجناحها ...وقبل توصل ..لمحت جناحه منور وبابه مفتوح ...
وقفت ..بترقب ..ترهف السمع ....ماسمعت غير دقات قلبها ...احتدت نظرتها ...بقهر ...
توه يجي ..؟؟ !! عالاقل يحشمها عند اخوانها مب يخليها ..غافله ..عايشه دور الغبيه ..!!!
قبل حتى تقرر ..وين تروح ...سبقتها ..رجلها ..لجناحه ..وكل مافيها ثاير ..
مسكت مقبض الباب ..توسع مساحة الدخول .....باحساس ....مقبوض من تصرفاته ....الي زادت ..عن حدها ...معها
وقفت قبل تخطي ..داخل ...اسندت كتفها متأمله ....وجوده ...لمحت عصاته ..عالارض ...ورجعت عينها تتهادى ..عليه وحواليه ...مرخي متنه ..بكامل لبسه ...حبست أنفاسها ..لايحس فيها ....وتركت . الجناح .بخطوات ..مستعجله ..دخلت جناحها ...وعينها ..وصلت للي تبي قبل ..رجلها ...قربت مدت يدها خذت الظرف ...والورقه الي كتبتها..ووقعتها ....
رجعت ..له ...ويوم قربت ..تسحبت ..بخفه ...الين وقفت مواجهته ...
عينها على كف يده ...واذنها ترهف أنفاسه المستكينه ...
عرفت انه نايم ...
قربت ...واحنت ..نفسها ...تبي تترك الظرف ..وورقتها ..الي كتبتها ....ووقعتها ....
مدت يدها ..بصمت ..وحبس انفاس ...
جمدت فجاه ..من حركته ..وقبضة يدينه لمعصمها ...
ولقيا ..نواظرهم ...سوا ..
تم يناظرها بتوهان ....مثل الحلم ...قربها وتواجدها ...
كتمت أنفاسها ...اكثر ...هالها منظر عيونه ..الي اكتساها الحمار ...ابعدت برهبة شعور ...تحاول تسحب ..يدها ...من قبضة يدينه ...
سمعت ..حسه ..الخافت ..بصوته ..الناعس ..
- وش جابك ؟؟؟!!
ردت ....محاوله تبعد أصابعه ...
- فك يدي ...
ترك يدها فجاه ..واستقعد ...وكانه ..بدا يفوق ...ويدرك تواجدها ...الواقعي ...
فرك نواظره باصابعه ...ثم مسح ..وجهه ..براحة يدينه ...
التفت لها ...مكرر سؤاله ...بصوت أوضح ..مايخلو من بحة..نعاسه ..
- وش جابك ؟؟؟!!
وقفت ..تاشر عالظرف ...الي بجنبه ..
- جيت اعطيك هذا ..
انتبه له ..
- اش هذا ؟؟؟
مد يده ..له ..فتحه ..بعين ثاقب نظرها ...رجع يناظرها ...!!!
تابعت قبل ينطق !!!هي تكتف ..يدينها مثل الدرع ...
- هذا ..اول الدين !!!جبته لك !! وابدا احسب الين اخلص منه واسدك !! ثم بعدها ...مالك علي ممسك !!!
اشرت براسها للورقه ..
- وهذي معها ...تعهدت اني اسددك إياه ...اسحب تعهد نايف !!! واترك اخواني وابعد عنهم !!!! رفعت اصبعها ..مهدد ..
- ولا تقربهم يالوليد !!!!!
ترك الظرف ..وخذا الورقه ...فتحها ...يتابع .. المكتوب ...
تمت تتامل أصابعه ..وعينه ....وهي تحاول قد ماتقدر تحبس ..انفاسها ..المتجمعه ...فيها حرّه ..تبي تطلعها ..
انفتحت عينها ...وهي تشوفه ...
يثنيها ...ويشقها ..نصفين ..واكثر ...
شهقت ...
- عسى خير ..!!! ..
تكلم ....بهادي الصوت ..رافع عينه لها ..
- كلام فاضي !!!! ..اطلعي وسكري الباب وراك !!!
اهتاجت أنفاسها اكثر ...اطلقتها بصرخة استنكار ..
- ليش شقيتها ؟؟؟؟ وليه كلام فاضي !!!هذا الي لازم يصير ...انت لازم تتركنا بحالنا ....!! وان كان بتكسرني بدين ابوي ...فانا بسددك إياه ....
وهذا مهري !!! ماصرفته خذه لك ...اعتبره اول دفعه مني لك !!
سكتت ..تنتظر منه رد فعل ...
تم يناظرها ...بتركيز ...
زادت حدة نبرتها ...وهي تتابع ..
-او اعتبره ..ثمن ..الايام الي قضيتها انت معي !!!!
تم يناظرها ..ونظرته كل مالها تزداد حده ...وضيق صبر ...
تناهى لها صوته الآمر ..
- اطلعي نجلا !!!!!!
تابعت متجاهله ...امره ..ونبرة ..الضيق فيه ..
- طبعا ..اطلعي ينجلا ؟؟؟!!! وش عندك تقول !!! مالك وجه !!! تقول انك عرفت اني بريئه !!! بس الي قدرت عليه ..اطلعي نجلا !!! ماعندك القدره تواجه !!! لانك عارف ان خطاك كبير هالمره !!! وعارف انك ظلمتني !!!
وتدري اني كارهه وجودي عندك ...!!!!..
سكتت مهتاجة الانفاس ...وهو متابع ..يتأمل كل مافيها ...رفعت كفوف بدها وصفقت ...بهزة راس ..
- ايي اصفق لك صراحه !!..عرفت شلون ..تجيب اخواني بصفك !!! ..واليوم رحت الرياض ...تاصل اهلك ..وياعالم ..وش قلت عني !!! ...
انهت كلامها ..بعبره ..مخفيه ...تجاهد ماتبين ..
مسح وجهه بكفوف يدينه ...
هامس ..
- اللهم صبرك ياروح !!
رجع التفت لها ...
- خلصتي ؟؟!! اطلعي نجلا بكرا اتفاهم معك ..!!
تفاجئت ..ببروده ....المستفز ...
ردت بحمق ..يفوق ..ضيقها ...منه ..
- ماني طالعه !!! الين ...تاخذ بكلامي !!! انت وش انت ؟؟!!ليه ماتحس !!! وش هالقلب الي عندك !!! ارخت نفسها تسحب الظرف وتطلع ..المبلغ ..الي فيه ..
متابعه ..
- اقولك هذا اول دفعتي للدين ....وتقول كلام فاضي !!!! ...
انهت كلامها ..بتركها ..للدراهم ...تتطاير حواليه ....وتحت رجوله ....!!
متغافله انها بحركتها ...قطعت اخر ..شوط من أشواط ...حدود صبره ..
ضرب بكف يده ...الطاوله ..بصوت مسموع ..ووقف ..
- اقولك اطلعي برا !!!! ماتسمعين !!!!!! ...من كم مرا قلت لك ..ان شفتيني ..ثاير اطلعي واتركيني !!!!!
رجفت شفتها برهبه ...بكل قوه منعتها تبان ..
- ياسلام !!! بس انت الي تثور !!! اصحى على نفسك !! ترا الدنيا ..ماوقفت عليك ..وعلى طبعك الثاير !!!! فوق !! واطلع من القوقعه الي عايشها ومعيشيني فيها !!!! ..بس وش بتوقع منك !!! فاقد الشي مايقدر يعطيه !!! وانت فاقد كل شي زين بهالحياه!!!!عكسي انا !!!! ..حب هلي وقرب خواني كفاني ..حتى عن وجودك !!! تصدق حتى وانت طالع اليوم مافقدتك ..نسيتك !!!! ..ونسيت همك !! ورحت الحرم ...ووقفت عند المحب ..ودعيت الله ..يقلعك من حياتي !!!!!
انهت كلامها ..برجفه ...متأمله ..فيه الصدمه ...تلحقها الصدمه ...بقلبها له شي ...تعجز ..تتغافل عنه ...مقهوره ...وماشفى غليلها ...ابد !!..
...لامحه بعينها ..قربه ..ونبض عرقه ...المهتاج ...
ابعد عينه عنها ...وارتخى ..وبنفس اللحظه ..ابعدت مجفله ...
سحب مفتاحه . ولبس جزمته ...ومشى مار من جنبها ...وتاركها ...
رفعت حواجبها ...مصدومه من بروده رغم كل ماقالت ...
- اهرب !!! .. عاده عندك !!! مثل ماهربت من امك !! وتركتها وتركت اخوانك بتهرب الحين !!! القهر انك خليتني اشبهك !!! اجبرتني اهرب واترك الرياض ...وغصبتني ..اهرب من عيون خالتي ام سلطان واحني راسي !!! غصب عني !!! ..تبلوا علي وصدقت فيني !! كسرتها ..فيني تبلي وظلم !!!
انهت كلامها ...بانفاس مقطوعه ...
وعبره ..عجزت ..تمسكها ...ليلة فراق الرياض ...الين الان ..تصرخ ..بذاكرتها ...
وقف ...جامد ..فاض فيه ..السمع منها ...لو جته بيوم ثاني ...كان عادي ..تركها ..تجرح ..وتبطش ...
الضيم ..ان جروحها اليوم ..فوق ..طاقته الف ...
التفت لها ...بعين ...الهبها ..الشرار ..
خاطبها بعالي الصوت ..
- وش تتوقعين من واحد ..مثلي ...شاف ..الي شفت !!!..
جارته بصوته ...وبكل ..حرّة ..ضيق ..
- توثق بالي تحب !!!وماتصدق !!! لو تشوف ..الي تشوف ..مفترض ..انك ماتصدق !!!انت تعرف وش مرينا فيه ...ومع كل هذا ..اجرمت بحقي ...وسطيت !!!!وش ذنبي انا تشوه سمعتي عند الناس الي عشت معهم ..وحبيتهم وحبوني !!! وش ذنبي !!! تقهرني ..وتقول لاتنجسين خواتي !!! انت مارحمتني ...!!! ..
رفع يده لصدره ..
- انا اشوه سمعتك !!!؟؟؟
هزت راسها ...
- ايه انت !!! نسيت يوم رحنا نسلم على خالتي ام سلطان !!نسيت وجهها !! وعيونها !!! كانك نسيت انا لا !! مانسيت !! ..
رفعت يدها ..
- حتى ماخليتني ..اتكلم ..كتمتني !!! ..؟؟ ذيك الليله ..مت الف مره !!! وانا اشوفها ..تحاول تحبس دمعتها !!! ..وش قلت لها !!!.. وش جنيت فيني !! عندها !!! ؟؟؟واليوم رحت لهم ...واكيد قابلتهم ..وش قلت يوم سالوك عني !!؟ ...قلت ..لعابه ...وساتر عليها !!!!
قطعت كلامها الصارخ ...تشوفه متقدم منها بجهد ...وعينه ...محتويها ...حمار العروق ...
- نجلا !!!..رجال مثلي ...يجيه اتصال يوصف مرته ...ويوصف كل شي فيها!!! وش تبين أقول وش اسوي !!! غيري بيطلق ..ويجحد بنفس اللحظه ....!! ..!! رجال ..يقرا بجوال مرته ..مراسلات ...!!! ؟؟ وش تنتظرين منه !!! الصح اني اطلقكك واقلعك من حياتي لكن انا وش سويت !!!..قولي وش سويت !!! هجيت بك ...من الديره بكبرها !!! ماسالتي نفسك ليش!!!! ...
تسمعه ...برجفه ...وهي تتراجع وهو يقدم ....الين وصلت للجدار ...وهو يتابع ..بصوت ثاير جريح ...
- ماقلتي ليه ..؟؟ ماتركني !!! ماقلتي وش يبي فيني !!!؟؟؟ ..
سكت يسحب أنفاسه ...
وتابع ...
- انا رغم الي شفته وسمعته ...تمسكت فيك !! ..وماتركت ...
قاطعته بصراخ ..باكي ..
- لاتتمسك ...من قالك تمسك !!! انت ذبحتني !! ..؟؟ دفنتني حيه !!! ليتك تركت وورحت كان جرحك ارحم !!!! انت حتى ماعملتلي قيمه عند خالتي ام سلطان ولا عند البنات ...!!! ولا عند ربعك ..وجماعتك !!..وطيت راسي !!!
ضرب بيده ..الجدار ..صارخ ..
- من قالك ؟؟ اني وطيت راسك !!! تدرين وش قلت ؟؟؟ قلت اني عاجز !!! قلت اني ماجيب عيال !!! قلت ان نسلي بيوقف !! واسمي ماراح يمتد من عقبي !!!!! هذا الي قلت !!!! انا ..عشان استر عليك ...علمت عن اوجع اسراري !!! عشان احفظ اسمك !! عند الناس ...!! ؟؟ علمت عن عقمي !!!..انتي تحسبين انك لحالك ..الي مات بذيك الليله !! ان كنتي متي الف فانا ..اضعاف موتك ملاين !!!! انا اجرحك !! ماكذبتي !! لكن ان جرحتك فانا انزف عقبك !!! انتي تنجرحين وانا الي انزف عنك !!!!!!
وقف ..ساكت ..يجاهد فيه ..الضيق ..وحر اللهيب ...الي حرق فيه ..حتى الانفاس ...
ضرب من جديد الجدار بكف يده ..مره ومرتين وثلاث ..
- الي مثلي ..وش تسمينه نجلا ؟؟؟؟ قولي ؟؟؟ الي مثلي ..وش تقولين عنه !!!! قووووووولي !!!!!ردي نجلا ...جاوبيني !!!!
كانت تتامله ..بانفاسها الي تسابق ..انفاسه...
وعينها ..تلتهب ..من حرارة الدمع ..الي ..عيا ينمسك ...
رمشت عينها ...تتابع ..رسم ملامحه الثاير ....وسباق أنفاسها ...
رفعت نواظرها ..لم عينه الي ..احتوت ..فيها حتى الدمع ...
مرت بينهم ثواني صمت ...
تاهت عينه ...فيها من جبينها ..الين ..مبسمها ....
همس لها ..بصوته ..المجهد ..
- ردي ؟؟؟؟
همست ..بحزن مكسور .. وهي ترفع كف يدها وتلمس ..صدرها ..المعتلي من قوة أنفاسها ..ورهبة الإحساس الي جامعهم ..
-كل هذا مايشفع لك ..هينا ..!!..
اشرت مكان ..قلبها الخاين الموجوع..
وتابعت ...تجلد بسوطها ...قلبه ..
-انت مو عجزك ..بس عقم !!! انت عجزك حتى بالمشاعر ..وحتى بالاستقرار ..!! حتى الأمان عاجز تعطيه لي ..!! انت عاجز عن كل شي ..بالنسبه لي !!!!
انهت كلامها ...الموجع ...له ....وهي تشوف ..كسرة نفس ...انرسمت ..بنظرة عينه لها ...ارخى ..هدب عينه ...
مبعد ...عنها ..ومتراجع ...شافته بفتح ..ازرار ثوبه ...ويلف تاركها ...
بعرج ..واضح ..ناسي يأخذ ..مسنده الي يستند عليها ...
رفعت يدها ..تكتم ..شهقتها ...
غمضت عينها ...تبعد حرارة الدمع ... لحظات مثل الدهر ..
فتحت عينها هامسه ..بصدمه ..رافعه يدها لمبسمها ..المرتجف ..
- نجلا .. وش سويتي ؟؟؟ صرتي حتى ..بشين فعوله .. تشبهينه!!!
غشت عيونها ..سيول دموع ...منعتها من الرؤيا ...بس مامنعت ..خطوتها ..تتحرك ..بعجل ..
ولا منعتها تنحني ..تمسك عصاه ...
ولا منعتها ...تتبع ..خطوته المتعثره ......الي سبقتها ...
قالها لها ...
قبل بعمر ..
انتي تنجرحين وانا انزف بدالك ..!!..
وقالها الليله ..بعد ..
رغم اختلاف الازمنه ...
لسانه عاد ونطقها ..من جديد ...
ركضت ...تنزل الدرج ...يمكن تقابله ..بالمصعد تحت ...
ماتدري له وش بتقول ... .ولا تدري ..حتى ليه تتبعه ..
وصلت لاخر الدرج ...
سمعت صوت صفقة الباب ...
رفعت كفها تمسح عينها ...وهي تحث رجولها ...توصل ..قبل يرحل ...
انصدمت بشوفة ...سعد ..
- نجلا وش فيكم ؟؟؟اصواتكم وصلتنا !! رجلك كن ميت له احد!!! وش صاير ؟؟
رفعت عينها الباكيه له ...
تكلمت برجى ..
-بعدين ياخوي!!...ابي الحق الوليد.. قبل يروح !!!
ركضت ...تسبق الخطوه ..
فتحت الباب ..بانفاس متقطعه ....
شافته ..يفتح باب سيارته ...الي جو فيها من الرياض ...
نادت ..بعالي الصوت ...
- الوليييييد ...!!!!...
وقف.. فجأه ...بدون يلتفت .. للصوت ...
سكتت ..تنتظر منه نظره ..
رجف قلبها ...وهي تشوفه يحني متنه ويركب ...
دخل سيارته ..
عادت ..تنادي ..برجفة صوت ..
- الوليد ..
سمعت صوت محرك السياره .......
راقبت ..خروجه من المواقف ....
وسمعت ..صوت ..دعس الفرامل ...
نشف ريقها ...
وهي تتبع ...نظرتها ..طريقه الي سلك ...
سمعت ..حس اخوها ...يناديها ..
-نجلا ؟
التفتت ..والتقت بعينه ...
لقته ماسك ..مفاتيح ..
- تبين نلحقه ؟؟؟ ..اعجلي قبل يطلع من البوابه ...!!!
- أي ..بجيب عبايتي ..
تركت عصاته ..و
ركضت ..للغرفه الي تعرفها ...غرفته وغرفتها ...
دخلتها سحبت عبايتها بعجل ..ولحقت اخوها ..
ركبوا سيارتهم ....
وقلبها المجنون ...يدوي ...ماسالها سعد ..اكثر ...شغل سيارته ...
وحركها ...بعجل ..
كورت يدينها ..بقبضات مشدوده ...
مارتخت الا يوم شافت ..انوار سيارته ...طالعه من البوابه بتلف ....
اشر سعد ...للامن ..يترك البوابه ...
وتبعه ...
لجل عين . اخته .النجلا ...
تبعه ..
متغافل ..ومايدري وش الأسباب ..بس يكفيه ..الي شاف بعيونها من خوف ..ووجل ..
\
/
\
/

انتهى ..البارت..
قرائه ممتعه ..
انتظر ..تعليقاتكم ...ومشاعركم ...لو حتى حرف ..واحد ..لاتحرموني إياه ...
وأتمنى ..تسجيل الزوار ...
ورفع صفحة خذني ومشاركاتها ...حبا لها ..لا اجبارا ...
اما أعضاء روايتي الحبيبب ..
احباب قال وعيونها ..
لاتنسوني ..
عبروا ..عن خواطركم ...
محبتكم قال ...
اعتذر عن التاخير فهو خارج عن ارادني فانا ..تابعه لا متبوعه ..وخارج مملكتي ..
لو كنت فيها ..عرفت ..اتصرف ..
هههههه ..
دمتم لي ..
.................................................. ...............................






























قال الزهر آآآه غير متواجد حالياً   رد مع اقتباس
قديم 12-07-19, 02:02 PM   #586

ريما الشريف

? العضوٌ??? » 385097
?  التسِجيلٌ » Nov 2016
? مشَارَ?اتْي » 280
?  نُقآطِيْ » ريما الشريف is on a distinguished road
افتراضي

ابداع ان شاء الله تستمرين في الكتابة

ريما الشريف غير متواجد حالياً   رد مع اقتباس
قديم 12-07-19, 02:02 PM   #587

هند .ربا

? العضوٌ??? » 448449
?  التسِجيلٌ » Jul 2019
? مشَارَ?اتْي » 29
?  نُقآطِيْ » هند .ربا is on a distinguished road
افتراضي

وش هالبارت الحلو يجنن مره مره الله يسعدك وننتظرك دايم💜

هند .ربا غير متواجد حالياً   رد مع اقتباس
قديم 12-07-19, 02:48 PM   #588

قال الزهر آآآه
 
الصورة الرمزية قال الزهر آآآه

? العضوٌ??? » 1793
?  التسِجيلٌ » Feb 2008
? مشَارَ?اتْي » 2,669
?  نُقآطِيْ » قال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond reputeقال الزهر آآآه has a reputation beyond repute
افتراضي

الذين يشاهدون محتوى الموضوع الآن : 73 ( الأعضاء 30 والزوار 43)
‏قال الزهر آآآه, ‏BIGKITE, ‏جدايل, ‏^_*, ‏لين الورد 25, ‏سَراب ح, ‏Ameera__e, ‏Booo7, ‏Efttan0, ‏ريوفة بنت فهد, ‏الماسه مياسه, ‏هند .ربا, ‏هند عامر, ‏MS_1993, ‏Aigbal, ‏سعود2001, ‏ام هنا, ‏وهج الصباح+, ‏soso200, ‏كامل الزين, ‏قربي عمران, ‏روز1414, ‏سرى النجود, ‏ارض اللبان, ‏zezeabedanaby, ‏الاميرهه, ‏باسم محمد ابراهيم, ‏دموع عذراء, ‏يارا عبدلله, ‏the dream song

متابعه ممتعه ...وحضور اجمل اسعدتوا قلبي ... احباب قال ..


قال الزهر آآآه غير متواجد حالياً   رد مع اقتباس
قديم 12-07-19, 03:05 PM   #589

جدايل

? العضوٌ??? » 323196
?  التسِجيلٌ » Aug 2014
? مشَارَ?اتْي » 37
?  نُقآطِيْ » جدايل is on a distinguished road
افتراضي

الله على جمال البارت ابدعتي قال
متشوقين للجاي


جدايل غير متواجد حالياً   رد مع اقتباس
قديم 12-07-19, 04:43 PM   #590

وهج الصباح
 
الصورة الرمزية وهج الصباح

? العضوٌ??? » 405133
?  التسِجيلٌ » Jul 2017
? مشَارَ?اتْي » 30
?  نُقآطِيْ » وهج الصباح is on a distinguished road
افتراضي

يا الله متتتتتتتتتى البارت الجاي
وش ذا يا قال وش ذا حرام عليك حراااااااام خلاص
متى بتزين الاوضاع مو قادرة اتحمل الاحداث ارحمينا
ياربي قسم بالله ماعندي تعليق يوصف اجرام البارت هذا !
وبعدين وش هالقفلة ما تخافين الله فينا وفي قلوبنا خلاص
ابدعتي في حرق اعصابنا اهنييييك صراحة
الله يسامحك بس
ننتظر ابداعك على احر احر احر احر احر احر احر احر احر من الجمر


وهج الصباح غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 12:03 AM



Powered by vBulletin®
Copyright ©2000 - 2024, vBulletin Solutions, Inc.