وخُلقتِ مِن ضِلعي الأعوجُا=خذني بقايا جروح ارجوك داويني * مميزة *

[قال الزهر آآآه]

-ماقال شي .. عادي !! انلجم لسانه قدام الوليد !!!
ضحكت حنان ... بتكشيره ...
-ترا صورتك سمر بلا كذب كنا نطل عليكم شفنا من كان ساكت زي ماتقولين !! مره ساكت وانتي منطلقه !!
التفتت رنا لسمر باستنكار ..
-سمروه صورتيني ؟؟ !!! حيوانه من قالك !!! ؟؟
تراجعت سمر ... مكشره برهبه ..
-علامك صورنا وقت وقعتي بس ماعليك من عمه تضحك عليك !!! يله يله ننزل وكملي علمينا .. اشرت للكيسه والعلبه تبع الهدايا ..
-وش جاب لك ؟؟؟ جوال صح ؟؟؟ يوووه ياشين حركات هالمتزوجين الحين ترا يحسب انه شاري الخط حتى الي بيكلمك منه !!! يعنني مايبيك تكلمين من جوال هلك !!
ضحكت حنان ... على تعليقها ... اما رنا هزت راسها بقل صبر ..وتقدمت تطلع ... وهم تابعينها ... أصلا ماتبي تتذكره حاسه بثقل .. اسمه على لسانها حتى ..
-رنا امشي وش جاب لك طيب أي نوع !!..رنا !!!! بنت !! انتبهي تسحبين علي !!! علميني اساسيات الزواج والحب تكفين !! حبكم من اول نظره ترا عندي إحساس !!!
وقفت رنا ملتفته لها ...
- يامهبوله اسكتي لايسمعونك ياخبلا ناقصين هبال ونقل هروج !!!
تكلمت حنان متقدمه من رنا ... ونظراتها بكل مكان .. عارفه ان مافيه احد ... رجعت بنظراتها لها وكملت ..
-يابنتي هي تقصد حب من اول نظره يعني حبكم حلال ترا ... قدامنا كلنا وعشان كيذا كل شي يصير عشان يكبر هالحب من طرفك عالاقل لازم نعرفه معك مايصير تتركينا بنص الطريق !!!
رفعت رنا راسها ماسكه راسها ...
-عمه علامك ؟؟؟ تجارينها لاتعطينها وجهه وش حبه وش خرابيطه امشن او اجلسن انا بنزل ..
قالته تاركتهم وهالمره ابد ماقدروا يوقوفنها بكلامهم المستفز الضاحك ... رغم ضيق الامس ... فيه شي بقلوبهم استشعر ضي الامل والحق اليوم ....عشان كيذا استبهجت ارواحهم ..جميع ....
.................................................. .................................
جناح الضيافه ...
تنهدت حصه ... منشغل بالها .... الين الحين ماجات ... رزان ... رفعت جوالها تشوف كان دقت وهي بالحمام ... قطبت هدب عينها ... ضاغطه اتصال ..
-الووووو هلا بنتي وينك ؟؟؟ ليه ماجيتو ؟
-هلا ماما يله جايين بالطريق انا والدادا ...
- زين جبتي اغراضي الي قلت لك ؟؟ كلها .. ؟؟
-أي أي .. وش السالفه ماما وش فيه احد يسوي عزيمه عالصباح ؟؟
هزت حصه كتوفها .. بشرح ..
-أي عادي زمان خالك كانت عزايمه عالصباح ... عادي .. كنتي صغيره وقتها ...!!.. يله سكري وأول ماتجين ارقي لي فوق انا.. تخبرين الجناح الي نبات فيه دايم مع جدتك ؟؟
-ايه بجيك فيه ... !! ماما فيه احد عندكم الحين ؟ قايمين البنات ؟؟
-لا مابعد نزلت يله بروح لجدتك تنادي ...
سكرت منها ... متوجهه لغرفة النوم ... اطرفت بنواظرها سامعه حس أمها ينادي ..
-حصه ؟؟؟ ...
-هلا يمه اصبحتي ؟؟؟ صباح الخير ... عساك رقدتي زين ؟
استجلست ام صخر بمساعدة ... حصه ...
-ايه خذت المقسوم ... نحمده ونشكره ... رفعت راسها ... تترقب حصه ..بتركيز ..
-وانتي ؟؟؟ مارقدتي مغير تهوجسين ... بسوالفك الي اوجعتي راسي بها !!!
استاقفت حصه وهي تساعدها توقف ..
-لا وجع راس ولا شي الله يهديك يمه مفروض تفرحين لبنتك ... !!
ناظرتها أمها بتركيز اكثر ...
-وش افرح به؟؟ على خراب البيوت ؟؟؟
-الله يهديك يمه الي نعيده نزيده .. اول تحول خلاص .. احنا باليوم ..انا بسكت وبتشوفين .. مانيب قايلتن كلمه ولاني باديه الين ينطلب مني ... !!! بعدين ياميمتي .. الله يجزاك بالجنه .. مافرحتي لبنيتي مسكينه ؟؟؟ هالمنبوذه !!! ماودك ترجع تجتمع معنا زي العالم والناس !!! ..؟؟
وصلوا لدورة المياه ...
-اييييه الله يعين ... ويسهل .... خلاص لاتتبعيني بدخل لحالي اعرف اسنع نفسي ... خلي شغالتي تجي ...تجهز اغراضي ابي انزل !!..
تبسمت حصه باشراق ملامح ...
-ابشري يمه ابشري حتى انا بنزل اشوف التجهيزات تحت ...مدري هو فطور وغدا او فطور ؟؟؟ محدن عطانا علم ... !!! الجوهره بعد بكلمها ...
هزت أمها يدها .. بقل صبر ..
-يابنتي !! ارفقي بي ... واطلعي عني ..
حركت حصه حواجبها بتكشيره باسمه ... مانتبهت انها لحقت أمها الين داخل دورة المياه ... ماعطتها فرصه حتى .. تأخذ راحتها ...
-طيب طيب ... معد بي عقل افكر به يمه تلوميني .... بخليك يله ...
تراجعت مسايفه الباب ... ومتراجعه ..بالها مشغول مره ... طرا عليها الجوهره ...بعد وينها ؟؟؟ أصلا هي مارقدت من يقول قدرت تنام ... بقلبها غل غل الا مايبرد اليوم بروحها حره ... على بنتها ...مانست شلون تجبر وطغى ... عليها عشان خاطر بنت الفقر ... تذكرت .. كلامه لها ... كله مانسته ... وكنه قايله لها الحين وغارس بقلبها نفس الوجع !! اجل مثلها يشيخها عليهم ؟؟؟ تخسى ... تأخذ مكان مانكتب لها من أساس .... لكن معليه كل غلطه تتعدل ... وهي يستحيل ترضى بالقليل ... بتخليه يرجع مكانة بنتها .. وبتشرط عليه .. الحق !!! وبتطلبه ينفذ لها الي يلوق فيها من الأول ... ومن البدايه ... ماراح يرجع حق بنتها الا ... زواجه منها ..وتشييخها عالكل وعالجميع ...
استاقفت ساحبه انفاس ... حاسه بعلو شعورها المتبادي ... مبرقه نظرات عينها بكل مكان ... متسيد الشعور الي تعيشه
وين يحصل مثل بنتها ؟؟؟ !! وين يلقى الي تصونه صح .. وتحفظه .. لا وتعشق الأرض الي يمشي عليها .. ابرقت نواظرها متذكره ملامح بنتها وضيقها .. الي عاشته معها ... بسبب هالزيجه الغلط ... قطبت هدب عينها متذكره انه ... عقيم .... كيف بترضى ؟؟ تزوجه الجوهره ؟؟ هزت راسها تطرد هالافكار ... بنتها بكيفها هي الي تقرر وش تبي بالعيال ... والحلال والخير وراعيه بين يديها ... هذا قرار بنتها أولا وأخيرا ...
... تبسمت ... قافله على أفكار .. عقلها الباطن ومقرره ... أرسلت للدور الأرضي لجل ترقى لها عاملة أمها ... وهي .. رتبت نفسها وبتنزل تشوف ... وش المستجدات ...اول مادخلت عليها العامله ...
-من فيه تحت جا احد ؟؟
-لا مدام بس مدام سمر حنان ورنا !!..
-ماما .. ام سلطان قامت ؟؟
-ايوه قوم ...
هزت راسها .. - ادخلي ماما بالحمام ... اذا خلصت نزليها .. !!..
قالتها ونزلت مبتهجه ... ونواظرها بكل مكان ... توجهت لجناح .. ام سلطان سامعه هزيج أصوات .. تنفست مرتكز جيدها ... حتى مررت اخوها .. قصرت بحقها ...وقللت من حشيمتها ... بعد .. !!.. واليوم بعينها بتشوف الحق مع مين
.................................................. .................................
قبل بوقت ...
قبل تدخل رنا ..جناح أمها شافت الانوار ... وضي الشمس ... منور ... ابتسمت لافه ... لحنان وسمر ..
- هششششش امي صاحيه ... لاتكثرن هرج .. !!..
دخلت مبتسمه .. وهم تبعوها ..انتبهت للممرضات ... جالسات ... وركزت بامها اكثر ... جالسه مستكينه بيدها سبحتها .. باين صاحيه من بدري ..
- صباح الخير يمه ..اخبارك يوم اصبحتي ... !!..
تبسمت أمها ...
-الا قولي السلام عليكم ... يابنتي ... اول بدي السلام ... ثم صبحي ..
قربت لاثمه ... جبينها ..
-السلام عليكم يااجمل ام بهالدنيا ... يااعظم ام ... انحنت لاثمه يدينها الثنتين .. سامعه حس حنان وسمر ...
-السلام عليكم ...
-السلام يااطيب قلب ... أصلا احد يصبح .. قدام الصبح نفسه ؟؟؟ امي لحالها نور وصباح لنا .. جعلنا مانفقدها يارب اخبارك يمه ... ؟؟
تبسمت ام سلطان مطرفه بنواظرها لهم جميع ..
- وعليكم السلام .... يالله حيهم .... بناتي ...
قربت سمر منها لاثمه راسها ... ويدها ... ومثلها حنان ... الي ضحكت .. شارحه ..
-انا بعد تراني مثل بنتك يامرت اخوي .... امي جابتني على كبر ... ترا ..!!..
هزت ام سلطان راسها ..
- كلكن مثل بناتي ...
سمعوا حس ساره ... وراهم ...
-حتى انا ... يامهره الحبيبه ... لاتنسيني ... !!!..
التفتتوا جميع لها ... نطقت سمر ..
- لااااه عاد ياعمه انتي عاد صعبه .... انتي امي رقم اثنين !!!..
حركت ساره ..هدب عينها ونظراتها على ام سلطان ..
- انا امك مربيتني بعد ... !!! اشبههها انا ... فيني من اطباعها كثير ... صح يامرت اخوي ؟؟ !!..
ردت ام سلطان .. وهي تستند ... على ظهر سريرها ..
- أي بالله انتي رابيتن بين ايدينني .. !!..كلكن الله يحفظكن وياقاكن من كل شر ... !! ..
ردت ساره وهي تجلس ..قريبه منهم ... مبتسمه .. وعينها عليها ... مارقدت زيها .. تمت معها تحت .. عجزت ترقد ... قلبها شاغلها على نجلا والوليد ... بقلبها غصه .. من شافت .. منظرهم الاثنين .. مابردت الا وقت نزلت وسولفت مع ام سلطان .. شوي ... مثلها هي منشغل بالها ... بعد ...ومب هذا الي صدمها ... !! الي الهههاها اكثر .. شوفتها لأام سلطان تحاول توقف .. مع الممرضات ... على عكاز خاص للمشي ويساعد عليه ... وقت دخلت عليها ..
- امين ... يالغاليه ... !!..
عاجلتها حنان ... سائله ..
-وينك ساره .. ماشفتك جيتي ابد ... نمتي عند امي ..وحصه ؟؟؟ !!
-لا انسدحت هينا عند مرت اخوي ... شفتها صاحيه جلست وياها نتسامر ... !!
علقت سمر ... بتكشيره ... هازله ...
-اجل فاتني حش على أصول !!!! اكيد .. اكيد .. سولفتوا واجد .. !!!.. علمووووني بالله ... يمدي بشارك يمه ... !!
التفتت رنا لامها ..مركزه فيها النظر ... ملاحظه سكون ملامحها ... وهدوووؤها ..بس ماغاب عنها .. برقة عينها ... ابد ... فيها شي غير .. مختلف .. شي يذكرها بايام اول وقت حياة ابوها .... رجفت شفتها ... لرهبة الشعور الي حسته ... وقت استدركت هالاحساس... الحلو ... أمها الي تخبر .. وتعرف .. قدامها الان ..حتى لو المرض هد حيل موطى مقادمها ...
- ابدن ماحشينا .. والعياذ بالله مغير بالي مع مرت اخيك واخيك .. !!
شدت سمر مبسمها ... ماحيه ..الهزل من رسومها ... نطقت ... سائله ..
- وش فيهم يمه ؟؟؟ ليه تهوجسين ..فيهم ؟؟؟ قالوا لك شي؟؟؟ نزل الوليد ؟؟؟
توجهت عيونهم جميع لام سلطان ... بتركيز ...
ارخت نواظرها ... مفكره ... يم مقادمها ... جيته لها .. امس وتالي الليل .. شوفتها له ..وانصاتها .. لكلامه ولنبرة .. الوعيد ..بحسه ...خلتها تدرك انه ..هالمره مو زي الي فاتت ..وقت دخل عليها .. وجاب نجلا .. توادعها ..نطقت لهم ... رافعه نواظرها ...
-لا مانزل ... ودي اتطمن على نجلا بس دامه معها فهي بخير ان شاء الله ... !..


يتبع على هذا الرابط

https://www.rewity.com/forum/t441838-902.html

[قال الزهر آآآه]

مطت سمر ... شفتها بتفكير ... مبعده عينها ...يم الممرضه الي قاطعتهم ..تسال ..وبيدها .. عكاز المشي ... اذا تبيه او لا عشان تبعده ... قطبت هدب عينها ...
تكلمت رنا ... موجهه كلامها لامها ...
- يمه فيك حيل تستخدمينه اليوم ؟؟ او مب لازم .. !..
تبسمت ساره بصمت ... بدون تنطق .. لو يدرون انها وقفت .. وجربت تمشي فيه .. ومشت ... وش بيسسون ... ماتكلمت لان ام سلطان نفسها ماقالت ... شي .. ابد ...
-ايه خليه على جنب .. لاتبعدينه ... منيب يمه الحين !!
هزت رنا راسها ... ملتفته لهها تكلمها ... وتوجه امرها لها ...
-Leave it near here
وقفت حنان ... تتمغط .. بحماس ..
- خل نفطر جعنا .... قومي رنا مب جيتي تشوفين التجهيزات ..؟؟؟ كلميهم يجيبون فطورنا هينا !!..
هزت رنا راسها موافقه ... الين عاجلتها ساره ..
- انا وامك افطرنا... من بدري افطروا انتم ... !!.
تبسمت رنا قايمه ...
-بالعافيه عليكم ... بشوف وش مجهزين ... مدري فيه احد ننتظر يجي ؟؟ او لا !!..
جت ساره تعلق الا بصوت ... كلهم عارفينه ... رد ..بحبور .. وانتعاش وثقه ...
-أي اكيد فيه !!! مادريتي ..بنت عمتك زينة البنات بتجي ؟؟؟؟
احتدت نواظر رنا ... ومثلها سمر ... الي ارخت نواظرها ..متلمسه طرف روبها بضيق ...
-السلام عليكم !!!! ... تلفتت عليهم ... ونظراتها تجول بينهم جميع ... مبتسمه .. بنواظر مشرقه .. ومبتهجه ...
-مصبحين ماشاء الله .... يازين هالصبح الحلو ذكرني بايام اخوي الله يرحمه ... !!.. تذكرين مهره ؟؟؟ وقت يجمعنا نهاية الاسبوووع !!!! لا عاد جمعة السحور والفطور عندكم لها طعم ثاني ... يازينها ... أخيرا هه .. جت بعض من هالايام تذكرنا .. بالي راح .. !!.. اشوى به امل !!
تكلمت رنا ... مبعده ..احتداد نظرتها ...
-متى بتجي ؟؟ يمكن افطرت ... احنا ..جو..
قاطعتها عمتها ... باستنكار هازل ..
-شلون تفطر والفطور اليوم على شرفها هي وعشانها ؟؟ !!!.... قربت جالسه مقابله ام سلطان الي تترقبها .. ببسمه ماوصلت لعينها ...
- مهره ..مادريتي ؟؟؟ الوليد خص نص طلب تجي الجوهره .. من تشرق الشمس !!! ..التفتت لحنان وساره ... تبي يأييدون كلامها ...
- صح بنات ؟!!! قاله هو ؟؟ عاد اشرقت الشمس ماجت بنتي حبيبتي !!..
انهت كلامها بضحكه ... هزلا ... متغافله .. نواظرهم .. لها ... اطرفت سمر ..شاده مبسمه ... ثم ابتسمت راده .. برجفة هزل منفعل ..
-الا قاله ... !!.. نسيتها أساسا انها بتجي عالفطور !! بس يمكن تمر تأخذ لها قهوه من أي مكان !!!.. تخبرين بنتك عمه مره هاي كلاس !!! جوها .. مب يمنا !!!ولا تشابهنا !!!
رفعت حصه يدها ضاحكه ..
-اه منك ياسمر!! ياحبك للملاوق !!!بنتي كلها منكم وفيكم ... لبا قليبها !!! بس ...!! الحين بتجي ..رزان ... وشغالتي .. ابيها تجي قبل .. ابوها عشان يمديني اجهز !!.. شدت مبسمها متنهده ... ومتسانده ملتفته لام سلطان ..
-الا ماسالتيني ... يامرت اخوي الغالي ... وش مناسبة هالعزيمه من الوليد ؟؟؟ !!.. ماعلمك !!
ركزت مهره فيها النظر ... راده ..
-عطاني طرف علم !! يشورني !! وقلت له .. اقدم ياولدي !! ليه قايلك شي ؟؟
تبسمت حصه مشرقه نواظرها .. بفرحه ... عجيبه .. واضحه للجميع .. لدرجة قامت .. تحب راسها بليا شعور ..
-يالبيه يالبيه يامرت اخوي !!! اشهد انك مع الحق دوم !!! الله يطول بعمرك .. ويحفظك !!! ..رجعت تستجلس موجه تركيزها واهتمامها لام سلطان ...
-لا ماقال لي انا بس قال للبنات ... انا ماشفته أصلا ..بعد عقد الشيخ زواج رنا !!! الود ودي شايفته .. !!بس واضحه يام سلطان ... اليوم بترجع الحقوق ويبان المستخبي !!! الظليمه مب هينه ولابد من الواحد يتراجع عنه !!! وولد اخوي مغمى على عينه لكن الحين تغير الوضع !!
تسارعت انفاس سمر .. وهي تترقبها ... بصمت سامعه كلامها ... اشتعل فيها كل شي ... ودها تنطق .. وتتكلم ... بس رنا ناظرتها ..تاشر لها بهدب عينها ... عضت شفتها .. مرخيه نواظرها ... مب قادره تجلس بتنفجر ... قامت بعجل ..
- بروح اشوف الفطور ... يمه اخليهم يجيبونه هينا ؟؟؟ !!!
تكلمت أمها مبعده نواظرها عن حصه ... راده بهادي الصوت ..
-لايجيبن شي لين تنزل ام صخر !!!
اشرت حصه بيدها ...
-قامت امي عندها عاملتها تجهزها بتنزل الحين خلهم يولمونه .. والجوهره بعد ابطت .. وهالرزان مدري علامها تاخرت ... !!..
جت تسحب جوالها ... من جيب .. لبسها .. الاسمعت ام سلطان توجه كلامها لها ..
-انا مب اقصد خالتي ..انتي تخبرينها ماتفطر الا اكلن خاص لها !!! انا ميد ضي نوره !!.. نجلا مرت الوليد !!!
بهتت نواظر حصه رافعه راسها بملامح منصدمه ...
اشرقت نرات سمر ومعها رنا ... متابعين بصمت ... وحنان تترقب .. بهادي الملامح ... اما ساره .. هدوووؤها يشابه سكون حس مهره .. وكن ام سلطان تنطق بلسانها هي ... !!
نطقت حصه معاجلتها ... ببسمه مبهوته .. ونظره متشفيه ...
-ويييين تنزل ماهقيت ... الود ودها تهج الحين لكن هيهات !!! جاك الموت ياتارك الصلاة !!!
ردت عليها ام سلطان ... بتأكيد ...
-ان مانزلت رقيت انا لين عندها ونزلتها بنفسي لاتشيلين همها !!!
بانت الصدمه على ملامح حصه بس استدركتها ببسمه فرحانه حيل فرحانه ... أخيرا مهره .. تراجعت .. صدق لدرجة ترقا تجرها لتحت جر ... ردت متنهده ..
-ماتقصرين ..دايم سباقه للخير والحق جعل عمرك طويل !!!
هزت ام سلطان راسها ... وردت بهادي الحس وهي ترخي نواظرها يم سبحتها ..
- امين !!..
رجعت حصه ... تدق على بنتها ... وسمر تلاقت نظراتها مع رنا ... ببسمه حبووور حيل ..شاقيه وانفاس معتليه .. ... لدرجة رجعت تجلس .. مكانها تبي تسمع وتترقب .. عمتها .. وبنتها ... ماتبي اليوم شي يفوتها ابد الود ودها تنطق وتتكلم وتحامي وتدافع .. وتصد ... استنكرت حال عمتها العجيب ... حتى ماذكرت انها غلطت على نجلا وكن الي سوته من اكبر حقوقها .. اما رنا الي ارخت نواظرها ..وانفاسها ..تعتلي .. متذكره بكا نجلا وذكر أمها ... رفعت عينها لامها ... مبرقه نواظرها ..اه لو نجلا بس تدري وش ينتظرها ولو تشوف أمها شلون تحت .. تنتظر وجودها .. ولو تعرف .. ان هم حتى ... ماقد شافوا هالسكون والهدوووء .. الي محتوي امهم .. ولا قد ..اسشعروا ..هالقوه الي .. تشع .. من حواليها .. الا لها وللوليد !!!.حست برهبه .. لذيذه .. مجفله .. ماتدري ليه ابرقت عينها والتمعت .. تلاقت نواظرها .. مع ام سلطان .. الي ابتسمت لها ..مقطبه هدب عينها .. ثم نطقت .. لها ..سائله ...بحاني الصوت
-علامك ..؟.. ياام عبدالرحمن !!..
غصب ..هينا .. اهتز متن رنا ضاحكه ..بخفه كاسره .. افكارها .. وقفت .. متوجه لامها .. امام الجميع ... متغافله ومتجاهله هرج عمتها حصه لبنتها .. قربت الين ارخت نفسها تلثم .. جبين أمها .. وعين أمها وكل ملامح مامها ..باحساس زاخم ..
-مافيني شي ... بس احبك يمه ... احبك الله يطول بعمرك .. ويحفظك لنا !!!..
وقفت رافعه يدها بعجل معطيه الكل ظهرها .. أمها بس الي لمحت برقة عينها ودمعتها الطارفه الي مسحتها بعجل ... بس هي ... الي فهمت مكنون صدرها ...
سمعت صفقه ... عجلا ..وحس يصفر ..
- ياربببيه امي ماعندها وقت ..جابت عبدالرحمن وانتي توك مادخلتي ديره !!!!
اول مره تضحك رنا ... بدون تعصب على سمر .. مافيها من تعصيب شعورها الي تحسه .. غامر .. ياكيف .. قدرت تطغى وتسطى بحق نجلا .. وهذي أمها !!!؟؟ ... التفتت لهم ..ضاحكه ... لأول مره ... تبعد حسها الباكي ...
- امي تجيب الي تبي ... مسموحه ... الي تبيه يجي!!
فتحت سمر عينها ... باستغراب هازل ... التفتت بعجل لحنان وساره ..
هامسه ..
-شفتوا هالنصابه ماعرف لها الا امي !!! تراهنون انها هي الي جابت راسه مع امي ؟؟؟ بس قدامنا يعننني مابيه !!!..

[قال الزهر آآآه]

ضحكت ساره ... وحنان معها ... معلقه
- مب بعيده ... يعني ظنكم اشوف لي واحدن قادح .. وانصى امي بس يبنات !!!..
لفت لها ساره .. هازه راسها ..
-يالله دبرة العقل ..ياناس ... !!!
قامت حصه بدون ينتبهون لها ... جت بنتها ..وراحت تستقبل اغراضها الي معها ... وتبي تدق عالجوهره بعد ... تشوف وينها ...
- ادخلي ادخلي انا تحت .... يله مع السلامه خل اكلم اختك ابطت !..
تنهدت قافله ..متوجهه لبوابة استقبال النساء بتشوف رازان ...
وبنفس الوقت دقت ... على الجوهره ...
-هاه بنتي وينك ..اشغلتيني ؟؟
-هلا يمه ...ابد مريت اخذ لي كوب قهوه الحين جايتكم ... فيه احد يمه ؟؟ شفتيها ؟؟؟ نزلت لكم ؟؟؟
ضحكت حصه متذكره كلام سمر ..
-والله سمر قالته ..بتمر تأخذ قهوه ... !!! لا مانزلت وهي لها وجه .... التفتت تشوف احد حولها او لا ... ثم .. رجعت تهمس لها ..
- العالم الله حتى ولد خالك مب عندها ماله حس ... العلم كايد بنتي !!خلاص بانت مواريها .. بنت ال مجفل !!..
- بالله يمه ؟؟؟ شفتيه انتي ؟؟؟ تهقين عرف كل شي ؟؟ يمه تتوقعين يطلقها عاد ؟ ياكثر مانبهتهم ماعليهم مني !!
-لالا هالمره متأكده مرت خالك تصدقين تتوعد بها !!! وتتمهزا بها ..تسميها ام صخر !!! بتمهزي !!!
-قولي والله يمه ... !! ..
دخلت رازان مع العامله ..امام مرآى حصه ..
- لحظه اختك جت توها داخله .... مع اغراضي!!
وجهت الكلام لرزان ..
-هلا بنتي .. اخبارك يمي .. ادخلي خلها ترقي اغراضي فوق ... !!..
-حلو لبسي ماما ؟؟ وش رايك ؟
-زين زين ... ادخلي سلمي على مرت خالك وخالاتك كلهم داخل !!
رجعت ..للجوهره عقب وجهت امرها لعاملتها تأكد عليها ..ترقي الأغراض كلها فوق ..
- .... عساك لبستي لبسن صاحي !!!
-وش تتوقعين امي حبيبتي ... اكيد لبست .. !! تنهدت بحس مسموع ... ثم تابعت ..
- اليوم يمه زي الحلم ... كل مااتذكر دخلتها بيتنا .. تضحك عالكل بصياحها ... وهبالها ... الين صدقوها وكذبوني يمه !! انا من البدايه ماحبيتها وماصدقت حركاتها ابد !!
تبسمت حصه ... بشماته ...
-اييييه ... بنتي بردي قلبك اليوم بتاخذين حقك .... !!
رفعت حاجب ... ودها تنطق وتعلمها الي تفكر فيه ..بس سكتت ماينقال عالجوال ..
-انتي وينك الحين بالضبط قربتي ؟
- يعني يبغالي .. عشر دقايق .. !!..
-زين تعالي ... عندي لك هرجه بيني وبينك !!
- ايش؟ يمه وش فيه بعد ؟؟
-مافيه الا الي بيرضيك ... ان شاء الله ... !! امك وراك بنتي مثل السد يذود عنك لاتخافين ابد !!!..
تنهدت الجوهره .. شاده مبسمها ...متوجسه كلام أمها المدفون ..
-الله يخليك يارب ..عالاقل عطيني شي بسيط بعرف يمه لاتشغليني بالطريق تكفين !!
مطت حصه شفتها ... مقرره تسالها .. فقط ..
-بنتي انتي لك شف بولد خالك ؟؟
قطبت الجوهره هدب عينها برعب .. جا ببالها الكل الا الوليد ..
- وش قصدك يمه ؟؟؟أي واحد !! وش جاب الطاري لي الحين !!! وش دخل أصلا .. !! كلهم مابيهم يمه من جدك ؟؟؟ تساليني هذا وقته بالله !!!
-ارفقي يابنت الحلال انا اقصد ... الوليد ولد خالك صخر !!! مابه غيره الي يلوق بك بنتي !!
جمدت مسامع الجوهره ... تاهت حتى نظراتها .. بالطريق الي تشوف ... جاها السؤال مفاجئ.. ومجهد ومهلك لمشاعرها الي عجزت تنحرها .. وترجع تحييا من جديد ..
-هاه بنتي علامك اسبطي ؟؟ ردي علي !!..
- ليه يمه ؟؟ وش الطاري علميني !!؟؟
-الطاري اني ابيه لك بنتي ... ومازلت ابيه لك ... ماشوفك مع غيره ابد !!!.. وان كانه تراجع وعرف قدرك ومكانك فشرط رضاي ومسامحتي له زواجه منك !!! انتي الاصلح له .. هذا الي اشوفه انا !!!
عضت شفتها بتوهان ... متذكره كلامهه لها ... ارتعشت أطرافها ... بضيق ... هامسه .. بثبات ..مرتجف إحساس وشعور ..
-يمه احد لمح لك شي ؟؟ او كيذا من راسك ؟؟؟
-والله بنتي احس الكل يسمع مني ويأكد هرجي بسكوته !! .. اليوم محدن رد علي كثر ماطشت وذبيت من هالهروج ساكتين يابنتي مالهم كلمه متفشلين انهم وقفوا بوجهي !!! اقولك حتى مرت خالك نفسها ساكته ومتحسفه ليتك تشوفينها وهي تكلمني .. مريختن راسها ومنحرجه حسبي الله على الي كانت السبب !! ماعلينا بنتي ابي اعرف ردك !!..
هزت الجوهره راسها ... مبتدي يستضاح لها مسرى طريق القصر الي حلمت تكون له راعيه من جا الوليد وشافته ... نظرتها اليوم للطريق حتى غير .. ردت بثبات الصوت ..
-احبه يمه وتدرين ماني كاذبه عقب كل الي صار !!! بس ابد ماراح اجيه خانعه ابد !!! هو الي بيجييني بنفسه يمه !!!
تبسمت حصه حاسه بزهو يتعالى .. لدرجت تسارع نبضها الفرحان مفتخره ببنتها ..واحساس الكرامه والكبر فيها ...
-الي تشوفينه بنتي !!! مالك الا الي يرضيك اوعدك ان ماسكنتي هالقصر .. ماكون حصه بنت الوليد !! والله ان ماخذت حقك اليوم لانساهم جميع !!!
تبسمت الجوهره ... مرتجفه شفتها ... وهي تقبل عالبوابه .. وتشوفها تنفتح ..بكل اترحيب ... وحبور ...
-امين يمه امين ... الله لايحرمني منك ... !! دخلت من البوابه ... انتي وينك فوق او تحت !!! ..
-انا تحت برقا الحين قربتي انتي مره تبين استناك ؟؟ او تجيني فوق !!..
- فيه احد صاحي ؟؟؟
-ايه ايه مرت خالك وبناتها .. وخالااتك !! امي بتنزل الحين بعد يمكن نزلت !!كان ماتبين تشوفين احد بنتظرك !!
رجعت الجوهره تتساند وعينها تترقب .. الوصول الين المدخل ... لامحه بمسير سيارتها ... سياراته ... مرصوصه ... وديوانيه والرجال حواليها الي يشتغلون عنده .. القصر والديوانيه مصبحين من بدري .. رطبت شفتها ... راده ...
-كيف ماشوفهم ؟؟ عالاقل ببارك لرنا بنت خالي وجها لوجه يمه !!! الا بدخل رافعه راسي .. مب انا الي اتخفى عنهم كلهم بروح احط عيني بعينهم وياويل وحده تتكلم بس !!
هتفت حصه .. بفرحه .. وفخر ..
- هذي بنتي !!! بس هاه لاتردين عالي اكبر منك !! أصلا محدن قايل لك شي كلهم عرفوا غلطهم ... وان جاكرتك سمروه اسفهييها سفيه ماعليها شرههه !!!... يله وصلت جناحنا اذا بغيتي ترقين ارقي ماعليك من احد تصرفي براحتك مثل قبل محدن بيمنعك !!
- طيب .. يله بنزل .. اشوفك ... !! ..
قفلت الجوهره .. ملتفته لعاملتها .. مدت لها كوب قهوتها ..
-ارميه خلاص ... !!,, فتحت الباب نازلهه ومتوجهه بخطواتها .. المدويه .. بارتكاز وشعور .. ثابت ... تنتظر وتعد الثواني والدقايق .. لجل تشوف طردتها .. بعينها .. !! قالتها لرنا قبل !!! ولها هي بعد !!! بتطردها وتقلعها من حياتهم ... وتنهي حسها وتمحيه !!!.. أخيرا بتدخل هالمكان ياكم تخيلت وتولهت على كل ركن فيه ... !!.. جاته مستعده .. ومرفوعة الراس .. كما دايم وكما راح تضل وتستمر .. قويه .. ماتهاب احد !! ولاتترك احد يدوس لها على طرف .. رجعت ترجع مكانها بهالقصر .. والاهم مكانها الي بتخلقه بحياة راعيه ...
.................................................. .................................
قبل بوقت ...
جناح نجلا والوليد ...
تقدمت .. راجعه من غرفة الملابس بعجل .. جايبه روب من اروابه .. الي لقته قبل رطب .. خذت غيره ورجعت عقب لبست روبها .. وطلعت من عنده .. بصعوبه .. بالياله سمح لها تنسحب من بين ايديه ..قال لها امس روشيني .. بس ماتوقعت .. مقصده .. يجرها معه .. بالمروش .. ويسيطر على كل حركاتها .. بقواة باس ... ابتسمت .. ضاحكه تتذكر .. جنانه الغريب .. بثواني ..ولحظات قضتها معه .. انستها مر الامس ووجع الفجر .. دخلت بخطوات هاديه .. سامعه
صوت الما ..
تكلمت هاتفه .. بحس هادي ..
- جبت روبك !!..
... تمت عينها تترقب انسكاب الما حوالين جيده الشامخ تأملت .... ظهره .. واكتافه .. الواسعه ... تنهدت .. مضيقه نواظر عينها يم الحمار .. المتواجد الين الان ... عضت شفتها لامه روبه مرجعته بين يدينها .. ثم تساندت عالجدار ..
تتامله بصمت .. مدركه انه ماسمعها من أساس ...ترقبته ..غافيه ومتغافله ..وتاييهه .. بايام مضت ... خذتها هواجيسها ..والذكرى ... لليوم الي خذى منها عذرية مبسمها الي كان له كاره ...شدت شفتها بلاشعور ... تتذكر تفاصيل ذاك اليوم .. ..وقت كان قربه كما لسع النار .. والحين مثل الشهد يرويها بليا حساب ..تذكرت وقفته .. قدام نايف ووعيده لعادل ومرت ابوها .. تذكرت خوفها .. وارتعابها ... استشعرت ..نفس الشعور بس هالمره بثقه وفهم وادراك وايقان .. انه بيوقف بوجه الكل عشانها ..كانت اول مره تسمعه يقول انها امانه !! امانته هو !!!.. شلون بتقدر .. تكذب وهي تناظر عيونه ؟ كيف تقدر تنكر وجود هالجهاز الي يوصلها لاقرب قريب له !! جرحه الي ينزف منه ومازال يتعمق .. ويسلبه راحة البال ...!! شلون بتسكت ؟؟ وكيف بتحمي امه من سعود ؟؟ الي تجرا .. واوجعه قادر انه ياذيها !! بكل سهوله بس عشان يحرق قلبه عليها ويقهره !!.. انتبهت لكفوف يدينه ..مساندهم ..عالجدار ..تارك المويه تتناثر حوالينه ..بصمت رغم انها كانت معه الا.. ان وقفته ..بهالشكل .. ارهقت روحها .. المرهقه خلقه ..عاجلتها دمعه طارفه مسحتها بعجل . معشوقها العملاق .. حبيبها ..والرجل الوحيد الي تسيد عليها وعشقت وجعه قبل طيبه !!..هي حبته قبل حتى يعرف من تكون وقبل يعشق وجودها !! هي الي سعت له ..روحها الي تسرمدت .. بين حناياه !! عشقها الي ابتدى من جبروت قربه لها !!؟ نظرتها له وادراكها انه مختلف بكل شي !! هي الي اعمت عينها عن وجع بداية وصله الموجع ..!!!.... قاطع افكارها ... فجاه وقت قفل المويه .. وابتدى يملس شعره المتهادي على جبينه .. ثم يمسح رسوم ملامحه ... ومع هذا كله .. تمت تترقبه بصمت..
التفت لها .. مقطب هدب عينه ..ومضيق نواظره .. ماد يده .. قارص ارنبة انفها .. بخفه ومخاطبها بحسه الفخم المتوعد الهازل .. ساحب اللون المبهج لملامحها بحرج .. مزلزل بنظرته ..الشاقيه .. نهايات اعصابها المجهده بعشق منه ومعه ..!!
-غضي النظر يالمزيونه !!! انا متزوج ! مانيب متاح !! ابد !!
اهتز متنها ضاحكه بخفه .. هاديه و .. بحرج .. مبعده راسها .. وهاربه بنظراتها ..منه ..
-قلت غضي !! بس عطيني الروب !!!لآخذ منك روبك .. جايزن لي وبه ريحتك !الي احب !!!
مدت يدها .. موجهه كلامها له ..
-من اول انتظرك انا !!... وكلمتك ماسمعتني !!!
خذاه منها وابتدى يلبسه .. .. ونظراته تترقبها بحده باسمه .. تجفل قلبها ..
أبعدت عينها عن عينه مرتخيه يم حمار جيده .. شدت مبسمها .. متراجعه معطيته مجال .. يتقدم ..
-ماقلت لي من وين هالحمار بوجهك .. وكتوفك ؟؟ وش انكب عليك ؟؟
مد يده ..ساحب منشفة راسه .. ومبتدي يجفف شعره .. وعينه ماشلها عنها ..

[قال الزهر آآآه]

-

تبين تعرفين يعني منتي مصدقتني ؟؟
اشرت براسها مقطبه هدب عينها ..
-ايه من ايش ؟؟ ملسوع صح ؟؟ مب حساسيه زي ماقلت لي !!!
مد يده قابض معصمها بدون تحس .. ومبتدي يمشي ...
-منت محلق ؟؟
هز راسه .. وهو يوقف امام المرايا ... يتامل ملامحه ... ويحرك فكه .. بترقب ...
- لا ..مب لازم ... مالي خلقه ... ! يله تعالي نطلع معد بقا وقت العالم قدها وصلت !!..
جرها بيده وهي مشت تابعته ...الين وصل لغرفة الملابس ... ضيق نواظره .. مطرف يم دولابها .... ثم التفت لها ..
-مرهمك وينه ؟؟ برا او هينا !!!..
اشرت بيدها ...
-بدولاب الإسعافات بالحمام !! ..
فلت يدها ...
-روحي جبيبه .. !! ..
نراجعت بعجل ..يم دورة المياه ... داخلتها تبحث عنه ... الين لقته .. دقايق .. ورجعت له .. شافته مازال الروب ... جالس .. بالكراسي الموجوده ... ينتظرها ...
-جيت !!
التفت لها ..
-هاتيه !!..
-انا بحطه لك .. شيل روبك ..شوي .. ابتدى يبعده .. امام مرآى عينها ... وهي بعد فتحت الغطا .. مبتديه تسحب منه كميه .. وتمسد كتوفه ... ومبادي صدره .. بتقطيب .. همست ...
- انت منكب عليك شي واضح ... !!..
سكت ماعلق ... مستكينه أنفاسه ... وهو يحس باطارف اناملها تتهادى فوق جيده .. من شوي وهو بحظنها .. ومع ذلك .. ماشبع من لمساتها .. الحانيه ابد ولايمكن بيوم يشبع .. او يمل ... راح يستمر ويضل يحتاح احساسه فيها دايم ..اصبحت له كما شرب الما.. لا غناة عنه ...
نطق لها .. بدون .. حساب .. شارح .. مكنوز قلبه .. ومجاوبها بكل صدق هالمره ...
-وقت علموني .. عنك خواتي ورقيت شفت حالتك !!..فار دمي ... !!
سكت ثواني ... اما هي جمدت أنفاسها تسمعه ... ارتخت بمتنها جالسه على ركبها ..امام عينه .. وبين رجليه لجل تقدر توصل لصدره ..وتدهن المناطق الي تضررت ..لسبب مجهول جالس يشرحه لها ..
ركز فيها النظر ... ماد يده اقبض معصمها .. ومتابع ...
- انا جيت وكنت بنزلك تحت .. تاخذين حقك وقدام الجميع !! ماتوقعت اشوفك بهالشكل !!..عمتي شلون وصلتك للمواصيل الي شفتها نجلا ؟؟ !!.
سكت مترقب .. نواظرها ... وجرح خدها ... واثار الضرب على ملامحها ... وشفايفها ..المستبان فيها وعليها اثار وصله واستملاكه لها الين الحين ..شد مبسمه ثم تابع ... مشدد على كل حرف ينطقه .. لها ..
-وش اكثر شي قالته .. وخلاك تنهارين نفس انهيارك عقب فقد ابوك الله يرحمه !!!
رجفت شفتها .. مترقبته .. وانفاسها مشلوله حتى تنسحب وتوضح .. كله اوجعها .. كله !! واشده .. ادراكها انها عارفه .. بموضوع عقمه !!..
كرر بحاذر الصوت ..الآمر
-قولي نجلا !!!؟؟.
همست ..له .. وهي تحس بحرارة ..اجفانها ... مرخيه نواظرها يم كفه الي ماسك معصمها على صدره ..
-كله يالوليد !!كل كلامها ..اتعبني !! والي يقهر انها غافلتني وضربتني بدون وجه حق !!مب مره ؟؟؟لا مرتين !!!..
اطرفت نواظره يم الاثار الواضحه .. بتركيز .. متكلم .. بحمق.. مستكين ..
-عشان كيذى انا جلست تحت الما الحار !!! الين حسيت بلسع الحراره ولاشفى غليلي من الضيق !!!..
رفعت نظرتها لها ..بعجل ... تاركه دمعتها تنساب بدون تحس حتى رغم حرارة جفونها .. تابع منطوقه شاد يدينها اكثر .. ضاغط عليها بحمق ثاير .. مااستبان بحسه .. المتوعد ..
-وعشان كيذى ابيك تنزلين بوجهك هذا ..انتي دخلتي هالبيت شيخه عالجميع وعالكل بنفس هالملامح المجروحه !! واليوم بعد بتثبتين نفسك فيها .. !!!.. سواء كانت موجوده او لا ... انتي راعية هالبيت !!! وانتي الأساس !!!.. انتي بنت غازي ونوره الي تربت على الطيب !!!والي رغم كل التهايم الي جتها !! ماانحنت ولا انكسرت !!! انتي خذتي حقك مني انا بكبري منتيب عجزانه تاخذينه من غيري !!!!؟؟ .. لاتخافين ولاتهابين دامك على حق وتدافعين عن سمعتك !! وتاكدي يابنت غازي اني وراك ومعك واقف .. !! لو يبين للكل انك غلط ولي حتى !! انا بكون معك امام الجميع وبقول انك صح رغم انف و وضد الجميع !!!.. ترك يدها ... مشدد فوق كتوفها .. بكفوفه... وشاد عليهم متابع ...
-وقبل كل شي وقبل ننزل .. !!! قولي لي علميني !!! فيه شي بخاطرك ؟؟ تبين توصلينه لي ومب قادره تطلعينه !! لاتخبين شي ابد علميني انا بفهم وبعرف منيب عجل ومتهور !!!
ارمشت بعينها ... وهي تسمع له ... بايقان ... عاجز انه ينطق مكنون الروح ... الي تعيشه وتستشعره ... تجاه هالانسان الي انوجد بحياتها يستحق انها تضحي وتتحمل وتسكت لجل جرحه من امه يبرى ويستطيب حتى لو على حساب كرهه فعلها ويمكن كرهها هي !!... قربت منه ... وقت سكت .. تلثم جبينه ... برجفه .. ثم انحنت مستكينه بانفاسها بوسط منحنى رقبته ... ومحاوطه رقبته بذرعانها ...تاركه حسها يهمس ..بحشرجة انفاس .. عاشقه له حد النخاع ...
-بقولك ...!! اني..... اعشقك ....يالوليد !!! ومالي غناه عنك ابد !!! لو يصير الي يصير لاتتركني !!!وحتى لو يوم تركتني بنتظرك دايم !!!..
احتدت نظرته ... ويدينه ... تتلمس ظهرها وتنغرس أصابعه بشعرها الكث المتهادي .. المتبعثر .. الرطب .. مشدد حظنها وقربها له .. اطرفت نواظره يم مكان الجهاز ... بصمت مقبوض حاسس بعمق قلبه ان عندها شي !! الخوف والرعب الي استشعره فيها قبل بوقت .. له منبع ومغزى شد مبسمه مغمض نواظره طارد الفكر فيه الحين الي قدامه يكفيه .. ... نطق بحس .. ثابت ..حاذر ..عميق .. يشابه عمق احساسه وادراكه ..
-معلمك انا وقايل لك ناظريني !!! كل شي شفتيه بعينك مني وحسيتيه بين يديني يشرح لك وش انتي !!! لي !!! استمري ناظريني اليوم وش بسوي !!! وتاكدي قد ماعشقتك وسلمتك ياضي نوره بضرب بيد من حديد !!!!
ابعدها ببطء .. يدور نواظرها .. رافع ذقتها متابع ..
ركز فيها النظر ...
-تدرين نجلا وش الي يهلك حيل الرجال !!!؟؟ .. تامل عمق عينها ... بدون يرمش ثم تابع ...
-لما تجيه الضربه مغافله بس مب من عدو!!! لا من قريب واللي ينهييه انها بقوة يدينه الحديد الي ضرب فيها ومارحم!!!!لجل هالقريب !!
ضيقت نواظرها ... بارتباك .. عاجلها .. متقدم ومنحني لاثم مبسمها بخفه ..مشتت تفكيرها تاركها تتوه تحاول تفهم مغزى كلامه وعمق السواد بنظرته لها .. .ثم ابعد ووقف ..ساحبها .. معه توقف
-قومي البسي نجلا معد بقى وقت نظيَعه !!!
ابعد عنها ..متوجه لدولابه ... يطلع غياراته من جديد ...
اما هي مشت .. يم دولابها فاتحته ... برهبه استاجست من كلامه مع انه بالاكيد مايعنيها ... أي أي اكيد مايقصدها !!! يقصد سلطان .. !! .. وام طلال..
تنفست .. طارده عقيم فكرها .. ماده يدها تتخير ... لها لبس ... بتركيز ... اطرفت بنظراتها يم مكان الجهاز ماتدري وش جد ؟؟ يمكن أرسلت لها خالتها ... انتبهت للوليد المتمهل .. بلبسه ... التفتت له ..
- الوليد اساعدك ؟
ناظرها مبتسم .. وناطق بهزل جهور
-تعالي !! ساعديني ليش لا!!
ضيقت نواظرها هازه راسها .. وضاحكه ..
-طيب وش اختار لك ؟ !! هذا الثوب او أي واحد !؟ اشر لي !
اشر بعينه ..
-جيبي الي بدون كبك شوفيهم الجهه الثانيه !!!
تقدمت متحركه ... تنفذ كلامه ...
شلون شكت بلحظه انه يوجه لها الكلام ؟؟ مستحيل !!! ... مزاجه .. معها .. مختلف ويضل متفرد ... هالنظره بعينه نظرتها هي حقتها ملكها مايوجهها الا لها !! نظرته المتسيده المستملكه الخاصه فيها ... والي تقول لها وتفهمها ان هالشخص هو امانها ..وبيتها وسكناها
.................................................. .................................
جناح ام سلطان الأرضي ...
تهادى حس ساره ... باهتمام ..
-انا قلت لهم كل الي تبينه يام سلطان .. جهزوا كل شي .. !!
هزت ام سلطان راسها ..لها ..مبتسمه ..
-زين يعطيك العافيه ... ياساره .. اربهم بس يسوونه مثل ماابي !!
التفتت رنا لها ..
-وش يمه ؟؟ وش تبين بشوف انا اتاكد !!
تكلمت ساره .. شارحه ..
-تقصد مجلس الضيافه للنسا .. تبي يتجهز ... قلت لهم وبروح اشوفه شويات .. !!
تساندت رنا رافعه خصلها ...
-اها .. لا خلك عمه انا بروح اشوف .. !!..
وقفت سمر .. بحماس ..
-احس جعت .... مره .. مقدر انتظر صراحه ... !!.. بشوف لو يجيبون لي عصير الأقل ... !!..
وقفت متوجهه للسنترال متواصله .. مع قسم المطابخ ..
علقت حنان عليها .. مطالبه ..
-سمر خلهم يجيبون لي .. معك ... ريقي نشف قسم بالله .. !! ودي ارد على حصه وماقدرت !!
لفت لها سمر بحس واطي ... وعينها تطرف لامها وعمتها ساره ورنا .. الي قامت بتطلع من المكان ..
-اسكتي ياعمه انا بغيت اجيب العيد بس مسكت نفسي !! شفتي الي اشوف ياعمه ؟؟ مره عمتي حصه ماشيه مليون وماهمها تحسب اليوم بتطرد نجلا !!!
هزت حنان راسها بقل صبر ..
- الله يهديها .. هالحصه .. مره واثقه مره .. !!.
اشرت سمر شاده مبسمها بنظره تاييهه ..
- كله بتشوفه اليوم عمتي اذتنا جميع !!.. قهرت اخوي وبنتها تسببت على امي ... !!..تدرين عميمه ؟ أحيان الوم رنا بعد !! بس على الأقل رنا تراجعت وندمت واعترفت .. !! بس القهر انها هي الي اعطتهم مجال وفتحت لها الطريق لحياتنا !!.. ترا رنا عميمه تحس بالذنب مازالت .. ماتلاحظين ؟؟
رفعت عينها لحنان .. الي تسمع لها بصمت ..
-الا ملاحظه .. رنا مسكينه مرت بعد باوقات صعبه .. سمر شوفي مب عيب نغلط عادي ترا .. بس العيب انا نستمر ومانتراجع !! ورنا اختك ماشاء الله عليها شخصيتها تغيرت تغيير جذري أصلا كانت تابعه للجوهره بعد عرفت وش طريقة تفكيرها انصدمت وماقدرت تستمر ابد .. !! ماعاونتها ابد ... وهذا الزين .. !!
تنهدت سمر ..راده ثم التفتت .. تشوف كانو الي دخلت بعصيرها ..
-صح صدقتي عمه ... !!..
وجهت كلامها لكانوا لمقبله ..
-أخيرا جيتي !! هاتيه هذا حقي وهذا عطيه عمه حنو !!
.................................................. ................................
قبل بوقت ... طلعت ..رنا ... تشوف التجهيزات .. عشان تريح قلب أمها ... اقبلت طالعه متوجهه .. لقسم الضيافه .. الخاص ... بس جمدت ..نظرتها وهي تشوف الجوهره مقبله ... ببسمه ... واثقه ..ونظره منرسم فيها الإصرار ..
-اهلا... اهلا ...بالعروسه ؟؟؟
اشتدت مقابض رنا واقفه تترقب قدومها الواضح ...
-اهلين !!!!...
مدت الجوهره يدها ..مقربه تسلم بحماس..
-بس؟ اهلين !! وش هالبرود يختي سلمي لك وحشه !!! كل شي بهالمكان له وحشه !!
مدت رنا يدها مبادلتها السلام .. والقرب .. بصمت ..
-عمتي رقت جناح الضيوف اذا بترقين لها خل اتأكد ان ماقدامك احد !!!
قطبت الجوهره هدب عينها ..بمكر .. متكلمه بمعاني متخفيه ..
-وليه الرسميات رنا !! بدل ماتقولين يالله حيها نورتي البيت .. اشتقنا لك !! .. اتركك من زعلك امس معليش مقدره وضعك انصدمتي اكيد !!!
زفرت رنا ... راده ... باحتداد نواظر
-مني رسميه معك انا الجوهره لكن اكلمك بالشكل الي يناسبك !! واساسا ليه نشتاق لك ببيتنا ناسيه انه مب بيت ابوك ؟؟ هذا بيتنا بيت ابوي انا !!!
اسودت نظره الجوهره .. بس مسكت اعصابها .. معليه بتتغاضى عنها ..تدري انها مصره توقف مع هالنصابه الي غشتهم ..من البدايه ..
-عاذرتك رنا ... كل شي سويته لي عاذرتك فيه !!!.. وانتي بعد اكيد بتعذريني اذا عرفتي كل شي اليوم !! وتأكد كلامي كله قدام الجميع !!!!وعلى فكره مااقول هالكلام استعطفك لا ابدا !!! حتى لو توضح كل شي لكم من صغيركم الين كبيركم ماتهموني !!! مايهمني الا شخص واحد بس !!! وهو بالأساس مب منكم ماجاكم الا متأخر !! هذا الي يهمني امره !!

[قال الزهر آآآه]

كتفت رنا يدينها ... ناطقه بحمق ..
-اسمعي الجوهره !!! كل كلامك الي قلتيه بيدخل هينا ويطلع من هينا !!..انتي بكبرك وكلك لاتهمينا ولاتهمين راعي هالبيت !!..رغم كل شي صار مازال عندك .. قوة عين .. تجين تجادليني !!!! وتتكلمين عنه كن موضوعه معك شي مخلوص منه !!!امرك عجيب !!الرجال متزوج !!!
اشرت باصبعها متهمه بحس ثاير هامس ..
-انا مانسيت الي سويته معي اتركي نجلا هي قادره ترد عليك انا أتكلم عني انا !!! الي كنتي ناويته لي وبتسوينه معي ماراح اسامحك عليه ابد !!!
رفعت الجوهره حواجبها .. مكشره بهزل .. واستعجاب ..
- اوووه ماشاء الله !! عاد انتي بالذات .. مفترض تصلين صلاة شكر يوميا !!! نفذتي سبحانه !!! !!
احتدت نظرتها وتابعت بحمق ..
- رنا ياغبيه من الي قالك لاتروحين ؟؟؟ مب انا !!! انا الي نبهتك !! وهذا معناه اني مابعتك يالغبيه !!!! انا مازلت شاريتك حتى وانتي تطرديني من حياتكم !!! انتوا الي معميه عينكم ماتشوفون !!!! شوفي حتى تيسرت حياتك وتزوجتي انسان مطمح على ماسمعت لكل بنت !!! لكن الاغرب صراحه ماتوقعت تجركم لدرجة تتزوجين من قبيلتها !!!!
نطقت رنا .. نافره من كلامها ..
- الجوهره !!! الله الي حماني من قذارتك مب انتي !!تدرين ليه لاني تبت وندمت وطلبت منه الغفران !!!والحين اقولك حدك !!! احشمي نفسك !!! ولاتغلطين انا لو علي ماستقبلتك من أساس !! كلنا كلنا مانبيك احفظي هالشي براسك هالخبيث !!!
ضحكت الجوهره بعالي الصوت .. هازه راسها ..
- ماتهموني !! حبيب القلب يبيني !! وطالبني بالاسم !!! على فكره فيه أشياء يخبرها هو ماتعرفينها حصلت بيني وبينه !!
احتدت نواظر رنا ... شاده مقابض يدينها ..حاسه بانفاسها تتسارع عجلا من القهر ..
-تخسين !!! الوليد مابينه وبينك شي !! فوقي لنفسك عمره اخوي ماحطك بباله ولاشافك مره له من قبل لاتجي نجلا ! كيف عاد يوم جت!!!!
اشرت باصبعها مادته لصدر الجوهره مأشره ببطء ..
-انتي ابد مب ند لنجلا الي قدرت تسوي الشي الي عجزتي عنه طول هالسنين !!! هي سوته بكم شهر بس !! وتوك ماشفتي شي !!!
أبعدت الجوهره اصبعها بحمق .. شاده مبسمها .. باين اسوداد نظرتها ...
-نشوف يابنت الخال !! لاتشدين الظهر فيها واجد !! بينكسر اليوم !!! .. انا مااعتب عليك ابد عتبي على الأيام الي جمعتني بك وعلى الأوقات الي قضيتها مع وحده بلا شخصيه مثلك !!
تبسمت رنا متراجعه ...وهي ترفع يدينها تسحب بكلتها وتعيد ترتيب شعرها موجهه نظرتها المتحديه ببطء ..
- هالي بلا شخصيه .. حفا عشانها ..مطمح البنات على قولك !!! تممت ترتيب شعرها ونزلت يدها تسحب تي شيرتها بتهذيب وترتيب بطييئ.. وتتابع ..
-جاني وطلب يدي من اخوي وجاب معه جااههه وربع وتحسبينه انتظر!! ماقدر تمم وعقد علي !!وقبلها تل الخسيس الي ارسلتيه لي من مزبلتك بالسجن !!.. حاجه وحده اعرفيها يالجوهره !!
الله ان عطا ورزق .. يعطي على النيات والرزق مثل .. !! عشان كيذى افهمي .. الوليد بعيييد عنك بعيييد لعاد تطمحين له ابد .. انا بنفسي شفت شلون يعشق نجلا !!! الوليد مب نفسه الي قدرتي تسوقين عليه خبثك قبل !! اخوي الحين مايتنفس الا بوجودها !! ..تنهدت بقل صبر .. متابعه مدركه الشرار الأسود الي بيحرق انفاس الي قدامها ...
-بعدين وش تبين فيه ؟؟؟ وش فيه زود عن الرجال الباقين ؟؟ تراه انسان طبيعي عادي اعتقيه من خيالاتاك الي مالها داعي !!.
تقدمت الجوهره .. نازره بحمق ..ماسكه ذراع رنا وناطقه بشرار مجنون ..
-لاتقولين وش تبين ؟؟ لاتقولين وانتي كل شي تعرفينه !! الوليد انا الي حبيته الزود الي فيه اني انا الي حبيته اول مب هي !!! انا الي بغيت أكون له من البدايه واتتي تعرفين !!! وش سويت ؟؟؟ اجرمت ؟؟؟؟ عشان بغيته بالحلال !!! ؟؟؟...انا الي حبيته قبلها انا !!!!الكل يعرف انه كان بيتزوجني انا مب هي !!! كله من اخوك البلوه سلطان الي رماها بطريقنا !!!..العيب مب مني انا العيب فيكم انتم !!!
أبعدت رنا يدها بعجل نافره من بين يدها ..
-ابعدي يدك كلامك كله خرابيط وهبال مايدخل العقل !!! ومفروض ماينقال من أساس !!! وين العيب الي تعرفينه !! ؟؟ انا كنت معك قبل يتزوج وقبل اعرف معدن خلقك زين وياليت ماجاريتك بشي ابد !!!انا الي جبت المصايب لاهلي وبيت اخوي بنفسي ونادمه !!! كثر شعر راسي نادمه اني دخلتك حياتهم !!صرتي تتكلمين عنه بلاخجل وحيا !!! مريضه انتي يالجوهره ... !!! بس ابعدي امراضك عنا ... !!وفارقي عني.. مب فاضيه لك !!!
قالتها رنا مبتعده .. بخطوات عجلا وهي حمقانه بتفقور .. فعلا مب مصدقه شلون كانت قبل عميا وماشافت هالمرض المجرم الي فيها كيف تغافلت وتعامت !!!!
تنفست الجوهره بعجل .. تحاول تهدي نفسها وهي تراقب ممشاها وخطواتها المبتعده ..... ماتبي تتصرف وتغلط وهي جايه تصلح كل شي ..قديم حصل ... بتمررها لها بكيفها مب غصب عنها .. يمدي تحاسب الكل على اغلاطهم تجاهها كله قدام ان شاء الله ...!!استاقفت .. تتنفس .. بتسارع .. تبي تهدى .. تقدمت مغيره رايها ماتبي تشوف احد منهم لازم تهدا .. رقت متوجهه للمصاعد ... متذكره كلامها وهي تقول تشوف لها طريق !! حتى ماتبيها تلتقيه لو صدفه .. !!! هالقصر كله .. حافظته وعارفه كل ركن فيه كل زاويه وكل مكان تعرفه .. بسبب عشقها لراعيه .. شدت مقابض يدينها على سير شنطتها .. وعباتها .. متقدمه لقسم اجنحة الضيافه اول مافتح الباب وعينها مطرفه بحمق اسود يم جناح القصر الرئيسي...تهادت خطواتها ... بعجل يم جناح الضيافه الي فيه أمها ..
اول مااقبلت شافت جدتها .. وعاملتها .. سمعت حسها المرحب .. على طول طردت رسم الحمق بملامحها ... وتبسمت ..
-يالله ان تحييها الغاليه الاميره !!.. هلا ..بك يابنتي !!
زادت الجوهره خطواتها ..يمها ..
-هلا جده اخبارك ....
انحنت تلثم جبينها ..بشوق .. وفرحه طردت الحمق الي فيها ..
-انا بخير يارب لك الحمد انتي بشري عنك يالله ان تحييك يابنتي ..انورت واسفرت .. !!.
تراجعت الجوهره واقفه مقابلتها ..
-نورك جديده حبيبتي ...
-وراك راقيه ..الجماعه تحت مابه الا ميمتك جيتي لها ؟؟
هزت راسها ... مطرفه بعينها ..بعيد ..عن نواظر جدتها ..
- ايه كلهم تحت شفت رنا .. بس برقا لامي شوي وبنزل معها ..ان شاء الله ..
-زين ... زين ..
التفتت لعاملتها ..
-يله امشي ننزل .. رجعت توجه كلامها للجوهره .. بتاكيد ..
-لاتبطون عاد انزلن .. !!..
-ان شاء الله ...
قالتها متقدمه تاركه جدتها ..وداخله على أمها وقافله الباب ...
تناها لها صوت ..من بعيد ..
-مييين ؟؟؟ الجوهره ؟؟
-ايه يمه انا من غيري يعني !!..
تقدمت الجوهره لها داخله ...
-وراك رقيتي عسا محدن غثك بنتي ؟؟؟
ناظرت أمها .. بثقه ..
-لا محد شفت رنا بس .. وتلاجدت شوي معها !! وجيت !!..
-ليه وش قالت بعد ؟؟ ..
-عادي يمه لايهمك مب اكبر همي هي !! .. الحين وش السالفه يعني هو عزيمه او ايش بالضبط فيه غيرنا؟؟ !!
هزت أمها كتوفها وهي تترقب شكلها بالمرايا .. وتتاكد من كامل اناقتها ..واستعدادها .. لابسه تايورها الأحمر .. بتوقيع مصمم .. عالمي ..اكثر لبس تعشقه .. وتحبه
-ماتوقع به احد !! وش يجيبهم !!؟؟بس احنا ... اهم الموجودين والي لازم يعرفون قيمتك فيه وش نبي بالباقي .. محدن يعرف شي من هالمشاكل والمصايب !! غير الي فيه !!
تنهدت الجوهره راميه شنطتها ..
-زين .. نرفزتني .. هالغبيه بنت اخوك !! يمه .. بس سكت عنها مالي خلقها ابد انتظر بس وقت اشوف هالنجلا واعلمها قدرها !! ابي الوقت يمشي !! .. اوووف !!..وبس !!
جلست عالكنب .. ساحبه الشنطه ومطلعه جوالها ... تفرفر فيه ..
تمت حصه تراقب عصبيتها ..
-عين العقل !! اسفهييهم ماعليك منهم انا يابنتي مالومهم اذا امي وهي امي بغت تطردني بسبتها !! وهذي امي الي مايخفى عليها شي ... كيف .. هن !!!؟ ..ابتسمت ... هازه راسها بحماس..
-قومي وريني لبسك خل اشوف ...
وقفت الجوهره فاكه عبايتها ..
-هه وش رايك ؟؟ يوه يمه تحسسيني اني بزر .. !! لبسي تخبرينه وتعرفينه !!..معروف ذوقي ..!!
-ماعليه عاد خل اتفاخر بك .. اليوم تدرين انه غير !!..
ضيقت الجوهره نواظرها ..مقربه من أمها ..
-أي يمه علميني وش سالفة سؤالك لي ؟؟
-تعالي اجلسي .. اقولك !!..
.................................................. ................................
قبل بوقت
رقت ساره ..تبدل لبسها وتتجهز ... كانت تحت بلبس بيتي عادي ..اطرفت بنواظرها يم قسم الوليد ونجلا .. حنت نظرتها ..بضيق.. ليت تقدر تتطمن .. عالاقل .. تذكرت كلام مهره .. صدقت هي دام نجلا مع الوليد فهي بخير .. تقدمت تبي تخلص ..وفكرها ماخذها .. يم ..كلام ام سلطان لها .. ونيتها .. تبسمت .. ودها تشوف نجلا والوليد والبنات وقت يشفونها ..
انفتح الباب فجاه .شافت . حنان داخله ...
-يمه !! حنان روعتيني طقي الباب يختي !!!؟؟
مطت حنان شفتها .. داخله بعجل ...
-طيب جيت بسرعه ابي البس ... وانزل ... !!
ناظرتها بتركيز ثم تابعت بحماس..
- ساره ماعندك علم كيذا ولا كيذا !! انتي جلستي تحت اكيد شفتي الوليد !!
اطرفت لها ساره بطرف عينها ..
-ايه شفته .. مافيه جديد .. بتشوفينه كله اخلصي تجهزي بروح البس وانزل ... !!
التفتت لها تتابع ممشاها ..
- طيب ليه فتحتوا مجلس الضيافه ؟؟ تبع النسا !!! عادي كنا بنجلس بجناح ام سلطان وش فيها !!!؟؟ اووه صح اكيد شايلين هم مهره لاتتأثر صح وبيكلمهم بدونها ؟؟؟ اوف !! ساره تخيلي عاد تنتكس الله لايكتبه يارب !!
لفت لها ساره .. هازه راسها ...
- بس بس حنان وش ذا ؟؟؟ بسم على المره الله يحفظها .. علامك !!!.؟؟
-طيب طيب هدي خلاص بروح البس .. !!!
.................................................. .................................
ديوانية الرجال الخارجيه ...
الاغلب وصل اعمامه ... وعيالهم ...ونايف ... الي جالس .. يتسامر معهم .. مابقى الا زوج حصه وجد واعمام الجوهره ... تبادت أصوات المتواجدين مابين سوالف .. وقهوه ... المقهوين واقفين ومستعدين لاي طلب .. امتلى المجلس بروايح العوده الاصيله ...
ابوخالد ..التفت لاخوه .. يرد على كلامه ..
-البارح حنا عنده !! ماجاب لي طاري ياخوك !!
ترك أبو سعود فنجاله ..
-ولا انا !! غريبه ومحدن بعد كلمني من أي عايله عشان اتدخل او شي بالعاده الوليد يعطينا خبر !!قبل نجتمع ..
-يمكن شي جا بعجل !! الحين نشوف الركاده زينه !!.. نسيبه بعد موجود !! ماشفته ؟
-الا مب جا يسلم ..؟؟ ونعم فيه له دخل اكيد نشوف الحين !!وش هالسالفه !!..
علت نغمة الصوت لجوال نايف ..
-لحظه خالد .. !!
سحب جواله يشوف الا برقم الوليد .. قطب هدب عينه ..
-ارحب .. يابو صخر ..
قطب هدب عينه مستمع ... ثم نطق ونواظره مابين خالد وسعود ...
-ابشر.. الحين اجيك .. انت بالمجلس الحين ؟؟
سكت ثواني ثم رد .. هاز راسه .. ومستاقف ..
-تم جايك انا ... !!
ترقبوه خالد وسعود .. باستغراب ... الوليد مانزل لهم وغريبه كلم نايف ..يطلبه داخل ..
قفل نايف .. ووجه كلامه لهم وهو رافع حواجبه باستغراب مثلهم ..
-الوليد يبيني ادخل للمجالس .. استأذنكم يالربع .. بشوف وش عند النسيب .. !!
تكلم خالد ..
-ماقال وش يبي ؟؟
هز نايف راسه ..وهو يتقدم ..
-لا والله بروح اشوف ..
اشر سعود لخالد بكتفه ..
-يعني الحين يوم تسأله انت !! تبي يعلمك ؟؟
لف له خالد راد ..بوضوح ..
-ايه اجل ليه اسال ؟؟ عادي يعني .

[قال الزهر آآآه]

-الوليد لو يبي ندري كلمنا معه يالنسيب ... !!! اترك عنك اللقافه ..بس !!
ضيق خالد نواظره .. بسعود ... متكلم .. بترقب ماكر لملامحه ..
-ولو العلم خطبتن جديده ؟؟ وش قولك ؟؟
-وش تقصد ؟ خطبة مين .؟؟
تراجع سعود مفكر .. بتوجس ... وجه له خالد نظرات .. مابين المكر والجد ..
-مب رنا توكلت ؟؟ خلاص مابقى الا مييييين ؟؟؟؟
هز سعووود راسه باستهجان ... وشي من الحمق عقب فهم مغزى خالد الماكر ..
-لا يارجال ؟؟؟ افلح بس !!!والله ماتاخذ غيري !!
ضحك خالد .. لملامحه ... الجديه ... هاز راسه ...
-طيب.... طيب لايطق بك عرق !!! .. دخل عيوناتك لاتطلع من مكانها ثم تعوفك هي!!!!
.................................................. .................................قبل بوقت ...
جناح نجلا والوليد ...
ترقبت ملامحها .. بالمرايا ... بصمت ...مدركه وجوده حواليها ... ماطلع ابد .. ابد .. تنسى انها تشوف الجهاز وتطمن ... دامه موجود ... أبعدت هالفكره من بالها ... ورجعت تنتبه لشكلها .. تأملت عمق نظرة عينها ... والاثار الي زادت ووضحت وتوسمت ..رفعت شعرها زي ماطلب .. كله مشدود تاركه خصل بسيطه تتهادى حوالين ملامحها .. ثاني مره تظهر بهالمظهر تذكرت وقت كانوا بجده يوم ترفعه نكايه فيه .. !! دايم يحب شعرها حوالينها متهادي وهي بعد ..تحب!!.. لبست فستان اسود ..مقفول من الصدر والنحر ... وماسك ..حوالين متنها .. بأكمام دانتيل فرنسي .. طويله .. ومتواجد بعد حوالين النحر ..مخفي معالم نحرها .. ولمسات استملاكه جميع ..تدري وعارفه بقرارة نفسها انها تكره هاللون .. وانه يذكرها بالليالي الي قضتها بعيد عن العالم وقت كان حتى هو معاديها .. وعشان كيذا لبسته ... لان جوها الي تستشعره يشابه سواد هالفستان ..اليوم ان سألها بتكذب وعينها بعينه ..وبدون أي تردد ..وش يشابه بالله كذبها ؟؟ رد حس بداخلها مناقض لها ...
يشابه الخيانه نجلا !!! انتي الي قربتي منه وصرتي له اقرب من الوريد والحين بتغشينه ...وبتكذبين !!!..شدت مبسمها .. رافعه يدها تملس هدب عينها بترتيب ... ماحطت شي ابد .. بس استخدمت مرطب .. لشفايفها ..وشوي روج نيود لجل تخفي به معالم قربه .. العذب ..سمعت حسه ..
-خلصتي ؟؟
التفتت له مبرقه نواظرها له بتأمل شافت طوله الجادل وشموخه المتمثل بنظرة عينه لها ... وياكم تعشق هالنظره وخوافيها ..لبس شماغه .. وتجهز ... بس بعيونه لها شي مختلف ... وكنه يشد من ازرها بدون ينطق ... لمحت تأملها لها من الجبين الين مقادمها ..الين نطق .. بهادي الصوت ..
-وش مالبستي يزها بك !!..
تبسمت ... ناطقه ..بهدوووء يعاكس الرياح العاتيه بدواخلها ..
-عشانك تحبني تشوف كل شي علي زين !! لانك انت داخلك زين تنعكس روحك علي وتقول كيذا !!
ضيق نواظره .. وهو يتقدم لها ناطق ..ومتسائل
- ابي اعرف ..هالاسلوب انتي من وين تعلمتيه !؟؟ كلامك الي تقولينه هذا كيف تصيغينه ؟؟؟ من معلمك !!
ترقبته مبتسمه بحرج وراده ..
- مدري يجي كيذى ..يطلع من نفسه !!
ضحك بخفه هاديه مستعجب بهزل
-افا !!! صدمتيني !! قوليا تعلمته من شفتك !!!؟؟و من حبيتك ! ؟ هه ببلعها !!
ضحكت ... رافعه هدب عينها بعجب ... شلون من شافته وهي معه كانت مثل شرار النار مايلتقون ...
تأملت تقدمه
.. بخطوات هاديه ..يتخللها عرجه .. الي مانقص من كمال رجوليته أي شي .. الا يمكن زاده .. من الاوصاف اعلاها وازهاها ...شدت مبسمها بخفه تترقب قدومه ... الين وصل لها ..
وقف امامها مابينهم الا كم خطوه .. رفع كفها مبسطه لها ..
-هاتي يدك ..تبسمت معطيته .. شبك أصابعه ..محتظن كفها الصغير البارد ..قطب هدب عينه مستفسر ..
-جسمك صاير يبرد كثير !! كل مالمستك بارد ؟؟ انتي تحسين بهالبرد ؟؟
رجفت شفتها وقت حست بدفا يده ..
-ايه ابرد دايم ...
احتظن كف يدها .. بحزم .. محتويه كله ... يدفيه...
-اجل لازم اخفف التكييف بالجناح ... !!
تابع .. منطوقه .. لها ..
-عندي شي لك ... بعطيك إياه ..
قطبت هدب عينها ...
-ايش؟؟
ابتدى يمشي ... معها ... شاد يدها يحثها تتبعه ..
-بوريك الحين !!! كنت ناوي اعطيك إياه بوقت .. ثاني .. !
ارخى نواظره يم الظاهر من جمال رسم سيقانهاالمبرومه ... وتضارب ضي بشرتها مع حدود نهاية سواد فستانها الي وصل لأأسفل الركبه فقط ... ثم اشراق لون الحنا .. بمواطي مقادمها ..
-بس ..معد بي صبر .. انتي تخلفين حتى حدود الصبر عندي ..!!!
رفع راسه .. لها ثم ابعد نواظره متوجه بها يم غرفة نومهم ... اول مادخل اشر .. على ثوبه .. وهو يجلس .. على الجلسه الي مقابله .. سريرهم ..
-هاتي ثوبي ..
رجفت شفتها بحرج كاسي ملامحها وقت اشر للمكان الي طلب منها ماتنسى نظرته لها ... التهبت اطراف مسامعها .. حاسه برفرفة تشابه جناح الطير متذكره تفاصيل .. عاشتها بين ايديه .. أبعدت فكرها وتقدمت .. ساحبه الثوب .. لامته بيدينها الثنتين ماتبي حتى يسحب طرفه عالارض ... توجهت.. له مدركه ترقبه لها ... عينه .. الي احسن الباري رسم خلقتها اصبح مكانها الدايم بعيونها هي .. تارك كل ملامحها وبس مركز نظرته بعينها ... عطته بعجل ..ووقفت .. بترقب .. وشي من الحماس .. والاستغراب .. وش بيعطيها الثوب مافيه شي .. ماحست ان فيه شي...
عينها على يده ..واصابعه الي دخلها جيب صدره .. جمدت نظرتها وقت شافت شي يشابه السلسال .. قطبت هدب عينها ببسمه خفيفه ..
رفع نظراته لها تارك الثوب ومتكلم ... شارح ..بهادي الصوت .. الزاخم وكنه فهم تساؤلها وبيجاوب عليه ..
-خلخال !!!..من شفت الحنى برجلك ذيك الليله ... يوم لبستي الأصفر ... وانا مقرر اجيبه لك !!!
بهتت نظرتها .. له وهي تسمعه يوجه امره لها .. ويشرح متابع ..
-اشتريته وقت زيارتنا لعماتي !!..هاتي رجلك .. ارفعيها !!..
هاتي ؟؟؟
تلبكت ... بتضارب مهيب ... داخل صدرها ... وهي ترفع له رجلها .. مد يده ساحب مقدمها ..فوق ركبته .. ومبتدي يلبسها إياه بتأني .. تمت تترقبه عاجزه تتكلم .. شل بتصرفه .. لسانها ... هل يستاهل .. انها تكذب ؟؟ يستاهل ..حبه لها تنكر ؟؟ وتخبي عليه حالة ام طلال ؟؟؟ !!!.. شكواه من القهر من سلطان ومنها ... !!!! يستاهل انها تسكت وماتقول الي تعرف وتعلم ؟؟ .. عضت شفتها وهي تشوفه مرخي راسه .. الين لبسها بثواني .. ماتغافلت عن نظرة عينه لها بتقدير .. ولا تغافلت عن لمسه لرجلها وكنه شايل اغلى مايملك ... !!! كثير عليها الي يسويه هالانسان ..واجد ووعميق وكبير .. حيل ... !!!! عشقه لها اكبر حتى من عشقها هي له ... !!!..غشت عينها غمام من الدمع .. العاصي الي يعارض كل توجهاتها وفكرها المنتهج الصمت ... وزادها منطوق لسانه الي قاله .. لدرجة ماحس بدموعها .. ماشال نظرته من تبارق لمعة الخلخال.. وجماله وهو يتكلم ..
-نايف اخوك بيجي ... !!!..تذكرين .. يوم جيتكم وطلبت منه محد يمد يده عليك !؟؟ وقلت له بيكون لي تصرف ثاني ؟ .. ناديته عشان يشوف ..ويتأكد من صدق كلامي .. !! رفع راسه لها ... سحبت رجلها .. رافعه يدها بعجل تسمح دموعها ... متلاقيه بنواظره ..
تابع .. متكلم بتوعد ..
- ابيه يشوف ان وعدي بمحله !! ولو كان الي سواها قريب لي .. !!! الي يمس شعره منك نجلا .. بيتمنى انه ماشافك يوم ولاعرفك !!!.. من فعلن بيجيه مني !!..
وقت سكت معد قدرت .. حتى تنطق ... رفعت يدينها تغطي معالم رسومها حتى عينها الخاينه ماتبيها تشوفه قطعت تواصلها معه !! ... بكت بقهر ..وغل وحقد على كل شي... وش تبي من الدنيا ؟؟ الا سلامة روحه من كل اذى ... !..عضت شفتها بحسره .. وصوت بكاها الناشج مالي المكان ...بكت عجز ..وبكت ضعف .. وبكت رحمه عشانه وله ..
ماعرفت متى يدينه احتوت ..متنها .. ولاعرفت متى دست راسها بصدره .. باكيه ... بنشيج ..مجفل ... كاتمه صرخة روحها .. وقامعه التحذيرات الي يسيرها لها عقلها من الاستمرار بالصمت .. حست بيدينه حوالينها تهاديها ..
-الي بخاطرك كله طلعيه ... هينا عندي !! دموعك هذي مابي اشوفها برا جناحنا ابد ..وما ابي احد يشوفها أصلا!!ودموعك لاتنزل الا على شي يستاهل وغالي لاترخصينها ابد ضعفك هذا وكسرك خبيه عن الناس خليه بينك وبين الله .. ثم عندي !! الي بصدرك من ضيق طلعيه نجلا ... لاتخلين شي بنفسك .. !!
قالها وهو يشد من حظنه لها .. سامع نشيجها وانين روحهاالي زاد وقت طلبها ماترف الدمع الا لغالي جاهل ان اعمق كسر متغلغل .. بروحها بسببه هو .. وان هالدموع الي حرقت جفون عينها كلها له .. !! تم يهاديها بلمساته ..الحانيه .. يدري مازالت مقموعه من القهر .. مانسى وقت قالت له ان عمته غالفتها وضربتها بغل !!..يعرف وفاهم ان نفسها رهيفه .. ماتحملت الاهانه !!ويوقن انها كثر ماهي موجوعه .. قدرت تحتويه وتبري شي من ضيقه الي انفجر به بين حناياها .. قبل بوقت ..
مسد بكف يده ظهرها ... وكفه الثاني ضام راسها .. لصدره .. ارخى مبسمه لاثم جبينها ... ومتكلم ..بحس ماكر باسم .. وهازل ..
-يعني تبين اغير ثوبي؟؟؟ قلت لك روشيني بس عاد مب مرتين !؟؟
حس بهزة متنها .. ومحاولتها كتم شهقاتها ... زادت بسمته .. متابع ..
-اقولك شي تجهلينه ؟؟ تراني كل ماشوفك تصيحين ..تهيج نفسي.. ومايسكنها الا قربك الكامل .. !!! ..
شهقت .. بخفه مبتعده عنه ...
ضحك ضحكته الطروب الي تشابه .. همس هتان المطر ...ثم تابع .. وعينه عليها وهي تنحني تأخذ مناديل .. وتخفي نواظرها

[قال الزهر آآآه]

-

مب موصيك صياحك لاااشوفه برا الجناح؟؟؟ عشان ايش ظنك ؟؟ !! ارفقي بي و ..ارحميني يابنت غازي .. شايبك به قل صح لايفطس ويخليك !!
ضحكت .. برهبه ..مبعده المناديل .. ونواظرها له متكلمه بحس مختلج .. من البكا .. وخنقة الهواجيس..تحس راسها من كثرالضغط .. والبكا بينفجر ..
-الله لايقوله ... جعل ربي يطول بعمرك ..
قرربت مندفعه ... ضامته .. حاسه بنبض قلبها بيفر .. حظنته .. مستشنقه شذى عطر جيده .. وعطوره .. سامعه نبضات قلبه .. ومتكلمه ..
-جعلي ماشوف هاليوم .. يالوليد .. احبك انا ... لدرجة احس بقلبي الحين يوجعني .. يعورني صدري وقلبي ..!والله !..
شدد احتظانها ..بلمسات حازمه وحانيه ..مستهل بطرب منطوقها ..المتبادي ..الله كفاه بها عن كل مخلوق ..صبر وصبر ووقت العطا جاه العوض بعشقها له الي ملى كل استنقاص وكل فراغ كان خالي ومطموس..
تراجعت .. تدور نواظره .. متكلمه بلا وعي .. مب منتبهه لتأمله ثقل رموشها .. وحمار اجفانها .. وهي تنطق .. بليا شعور ..
-بعلمك شي والله انه عن طيب خاطر.. اذا .. الشي الي بتسويه لي وعشاني .. بينقد فيك احد او يقلل من قيمتك عند ربعك وهلك .. لاتسويه .. اعرف انا انك تحبني وهذا يكفيني والله !!! ..لاتخرب وصية ابوك عشاني انا !!!.. اوعدني اذا صار الي ماتبيه لاتقول بترك المشيخه !!!! .. اوعدني يالوليد ...
تلمست كفوفه لاثمتها برهبه ..ورجا ..
-لاتعادي اعمامك عشاني !!
قاطعها ...بحازم النبره .. مبعد كفوفه ..وماسك كتوفها ..
-نجلاااا !!! ارفعي راسك .. وناظريني !!!..
سكتت وعينها تترقبه .. تكلم .. متابع .. بعمق ثقيل .. يبي يوصل لحس الفهم الواعي .. بروحها .. يبي تعرف انه اليوم بياخذ حتى حق امه المسلوب قدامهم جميع ... يبي تستشعر .. وتفهم داخله وش يعيش..وكيف يحس ..
-انا .. باخذ اول حق من حقوقي الي ضيعوها جميع.. !! ومن حياتي الي اكره ذكرها !! بوقف وقفة رجال واخذ حقك وحق امي وسمعتها !!الي خابت هينا ظلم !!اليوم كل من بيناظر بعيني
مب شايف.. الا روح سلطانه بنت محمد !!! الي ماتت بحسرتها لان ابوي ماوقف لها هالوقفه .. افمهيني يابنت الاجواد ..اليوم الي وعدت ابوك فيه .. يختلف عن اليوم الي ابوي وعد به جدي .. انا غير وابوي غير !!!.. انا مب مثله ولا مثل ام طلال !! انا اعرف شلون اصون واوفي !!!
سكنت أنفاسها جامده نظرتها ..بتوهان ..خايف .... مترقبته وهو يشرح ويتكلم .. تابع .. ناطق بهادي الحس ..
-تذكرين يوم تقولين لي .. بنسيك كل شي بنسيك إياه وبجلس مكانه ؟؟
هزت راسها .. موافقته .. تذكر شلون ماتذكر ..
تلمس ذرعانها بكفوفه نزولا لكفوفها .. شاد عليها .. ومبتسم .. بنظره واثقه .. شامخه مبهجه لروحها ..
-انتي من دخلتي حياتي وانتي تشفين لي جرح جرح . والي بسويه اليوم مب للجرح الي وسم وجهك وبس؟؟ بعد للي وسّم حياتي قبل اعرفك !!..
هز راسه .. شارح لها .. بحس محتزم به .. رهفة شعورها .. وبرقة عينها ..
-قبل كل شي .. لازم تعرفين ان الله قوي ويحب المؤمن القوي لاالضعيف .. !! الابتلائات بحياتنا .. بنشوفها باي شكل كانت وبتوجعنا ..وبتقهرنا .. وبنحس بالضيق وتسود الحياه بنظرتنا ويمكن ننهزم ونطيح الا في حاله وحده بس..
ترك كفها ورفع يده متوسد بباطن كفه مكان قلبها مستشعر نبضها .. وناطق ..بشرح ثابت ومؤمن بصدقه ..ويبيها تحسه معه ..
- ان كان الايقان والايمان الي هينا يتحدى وساويس الشيطان !!..
ترك صدرها وتابع لامس راسها بأشاره باصبعه .
-وهينا نحارب النفس الاماره بالسوء بتصميمنا وعزمنا ..ان اجتمعن هالاثنين ماننغلب بعون الله ابد .. !!..
ترقبته مزتهي فيها الإحساس عنده قدره .. يباري بكلماته فيها الخوف والشك والضيق ومع هذا .. يسالها عن اسلوبها .. من وين تعلمته ؟؟ ..نطقت .. مبتسمه ..بادراك ..
-فهمتك ...
تم يترقب نظرتها له ونطق
-مابي تفهمين وبس! ابيك تحسنين الظن بالله وتتركين الخوف من الجاي هو يتولاه !
هزت راسها بتاكيد
استاقفت .. ساحبه انفاس وهوا .. رافعه راسها .. بتصميم يشابه عنفوان الاراده المتمثل بحبيبها الشامخ رغم سود فعول ماضيه .. وتشتت حياته .. وقلة حيلته الي داس عليها لجل يتطهر من نجاسة العلقم المتمثل بكوابيسه وقبح طفولته
شدت يده .. زايده بسمتها .. دافنه اناملها بوسط كفه ..
-يله ننزل ناخذ حق امي سلطانه مع بعض !!..
تعمقت نظرته لها ...وقت نادت امه ..بهالمسمى ..تبسم ..ناطق .. شاد على كفها ..
-بننزل لاخوك نايف ..هو اول واحد بتشوفينه !!.. جيبي جوالاتي كلها .. !!!
.................................................. ................................



احد اجنحة الضيافه ..
عطت نفسها نظره اخيره ... ثم سحبت شنطتها تدور عطرها ... وبخت منه ... قد ماحاولت تستدرج ساره عجزت ابد ماتعطيها فرصه حتى ... مسبطه ... مطت شفتها وهي تترقبها بالمرايا ... ماسكه جوالها ومركزه فيه ماتدري من تكلم هالوقت ومن تراسل ..
-يله ساره ننزل ؟؟ .. ماردت عليها .. عادت .. تنادي ..
--ساررره ؟ !!!
رفعت لها راسها ..
-نعم ؟؟

[قال الزهر آآآه]

عاجلتها حنان ..
-يله ننزل ..؟؟
-انزلي انتي اسبقيني .. وانتبهي لامي ... شيكي على فطورها ... جهزوه ؟؟ او لا !!!
تأففت حنان .. ناطقه .. بريبه ..
-تدرين بعد شايله هم امي ؟؟؟ ودي اعرف الوليد وش بيسوي .. يعني و اقصى شي ؟؟ بيخليهم يعتذرون منها ؟؟ او ايش ؟؟ أخاف على امي بعد تذكرين يوم تعصب على حصه تعبت شوي .. !!
ضيقت نواظرها ساره مب معها ابدا ..
- ساره وش مشغلك على ذا الصبح من تكلمين ؟؟
رفعت لها ساره راسها ... وهي توقف ..
-الوليد .. ارسل يبي يعرف جت الجوهره او لا ؟؟
شهقت حنان لافه بكامل متنها ومتقدمه ..
- وانا لي كم ابيك تنطقين وساكته ؟؟ وش يقول وينه بينزل ؟؟ نجلا طيب وينها ؟؟
-يووه حنان علامك ابثرتيني .. !! انزلي لو يبي شي منك بيرسل لك اعجلي يله .. بروح اشوف حصه خل تنزل .. تحت واتاكد من بنتها جت او لا !!
طلعت عنها وحنان تترقبها .. ثم تبتعها بس خالفت مسيرها .. وتوجهت نازله ... الي تبي تعرفه بتشوفه خلال وقت قصير .. خاطرها بس تتطمن على نجلا .. ونفسيتها عقب الي شافوه امس ماتنكر انها متضايقه لحالهم ذا .. لكن الغلطان لابد يتحاسب ..
ساره توجهت لجناح الضيوف الي فيه أمها ..واختها ... دقت الباب .. ماسمعت حس .. دقت مره ثانيه تنادي ..
- حصه انتي فيه ؟؟
انفتح الباب .. بوسع وعينها تلاقت بنواظر الجوهره .. شافت الثقه العوجا الي مب بمكانها .. ولا زمانها ..
- هلا خالتي الحبيبه الي تسال عني دايم .. !!
قالتها يعتب خفيف ..
تقدمت تسلم وتلثم راسها ..
- هلا الجوهره ... متى جيتي ؟؟
- قبل شوي ..
اشرت متراجعه لامها ..
- جيت عند امي اخذ علومها ... واشوف وش سالفة هالجمعه .. مب مصدقه خالتي أخيرا أخيرا .. هالطامه بتذلف ..!!.. قلت لامي انا وراها الين تنكشف !!..
دخلت .. وساره وراها .. تسمع لها بصمت ... نظراتها بينها وبين حصه .. الي تأآزر بنتها بالنظرات .. والحماس .. الين نطقت ..معها .. تأأأيد ..
- ماعلى الله صعب .. العلم الردي مايتخبى بنتي الا مايطلع مهما احد حاول يدفنه مثلها ؟؟ الحمر الله ربي فتح عين ولد اخوي .. يارب لك الحمد .. !!
تنهدت ساره بقل صبر .. هازه راسها ..
-انزلوا يله الكل تحت ... !!
عاجلتها حصه بحماس والجوهره بنظرات مترقبه .. بتطير وتوقع تبي تعرف من الكل بالضبط .. اذا نجلا ؟؟ فياويلها منها .. صدق ..
-نزل ولد اخوي ؟؟؟ والمنحوسه وينها ؟؟ معه ؟؟ تلقينه مب طايق يشوف وجهها ... !! ومتفشل مني .. بس معه عذره وانا عمته بحسبة امه الله يرحمها بسامحه .. لكن بشروطي ..
عجزت ساره امام مكابر الخطا الي قدامها تنطق .. انلجم حسها مب عشان ماتعرف او ماتقدر لا ؟؟ لكن لان الوليد منعهم يتصرفون أي تصرف .. او يعطونها بس خير .. يعز عليها وصول الحال .. للمحال الموجع .. هي هينا تشوف الي قد سمعته يتكرر .. وينعاد .. نفس سالفة سلطانه .. تتكرر ..
لفت ساره للجوهره ..
-انزلي الجوهره .. ابي أتكلم مع امك شوي .. !!وخلي عباتك وغطوتك عليك !!
شدت الجوهره شفايفها .. مبعده شعرها الكث .. عن ملامحها .. المستشرقه ثقه .. وادراك .. انها اليوم بتعتلي فوقهم كلهم ..
-خالتي لو سمحتي عاد !! ان كنتي يتدافعين عنها فمب لزوم !! امي هالمره شافتها بعيونها .. معها جوال وتكلم فيه .. !! الين متى تدافعون ؟؟ خالتي انا بنفسي مره شفت رسايل بجوالها من رقم رجال .. صدقيني نجلا مب زي ماتتخيلون ؟؟ ابدا !! ماتفكرون ليه سلطان .. تردد فيها ؟؟ مب شي غريب ..؟؟
تنفست .. ساره بحمق .. موجهه.. كلامها للجوهره ..
-الجوهره .. ان بعض الظن اثم .. خافي ربك ولاتقولين شي انتي ماتعرفين خوافيه !! ابد ..
اهتز متن الجوهره .. بحس مستنكر ..
- والله ؟؟؟ أخاف ربي ؟؟؟ خالتي هذا واضح وضوح الشمس اقولك انا سمعت صوته بنفسي ... خالتي سالتك بالله انتي تحبينها اكثر مني ؟؟؟ توقفين قدام كلمتي ؟؟ وانا بنت اختك ... انا ماقول اني ماغلطت انا غلطانه ادري .. وسويت لها أشياء استفزها وكنت ابيه يطلقها لكن والله العظيم وجعلي الحق ابوي بقبره انا سمعته هالرجال وقريت رسايله والله العظيم والله !!!
اهتز متنها .. بعبره ..وضيق .. وهي تضيق نواظرها وتقرب من ساره ..رافعه يدها .. ولامه اصابعها ..بشرح مستهلك ..
-انا قسم بالله سمعت صوته وشفت رسايله ؟؟ نبهت امي ونبهت الوليد على قد مااقدر .. ماصدق ابد !!! مدري شلون تطلع منها ؟؟او مين يساعدها بهالشي .. !! تراها خبيثه .. مب هينه هالنجلا !!..
ابرقت نواظرها ..بس رفعت يدها بعجل تتلمس الدمع تبعده لجل مايعدم ترتيبها ..
شدت ساره مبسمها... سامعه حصه .. تعاجل وترد ..
- ساره ؟؟ شوفيني انا ساكته وماقلت شي اليوم .. ولاني قايله الين هو ينطق انا متاكده انه كشفها .. أصلا عندي له كلام بقوله له .. هالمره مب انا لحالي سمر شافته معي هالجوال .. عيت تطلعه ابد .. البنت ذي مب من ثوبنا .. دخلت وفرقتنا .. ماجمعت ... الوليد صار معد يداني يكلمني .. وتغير علينا .. !! هي سوت كل هذا .. !! مرت اخوي ليه طاحت من ايش ..؟؟ من سود فعلها الي درت عنه !بس اخبر .. مهره تكتم ماتتكلم الا بوقت الجد واليوم جا !!!
استكانت .. انفاس ساره ..مدركه انها امام هالثنتين وعقلياتهم لايمكن تفوز .. ابد ..نفوسهم متشربه الظلم والكره لنجلا ... انعموا من كثر ماهم كارهييين وجودها .. وزواجها من الوليد الي ماكان لها فيه يد ...ناظرتهم ..بصمت .. فاقده الامل .. ثم نطقت .. موجهه كلامها للجوهره .. بهادي الصوت ..
-اطلعي الجوهره ... !!!
ردت حصه ..مقربه ..جنب بنتها ..
-قولي ساره قدامها وش تبين تقولين !!! يكفي تتقيون على بنتي !! .. دايم روحي الجوهره لاتجين الجوهره !!بنتي مكانها المفروض دايم معي !!!وش تبين تقولين لي ؟؟هاتي الي عندك !!
سكتت ساره..تترقبهم بهزة راس ثم تكلمت وعينها بعمق نواظر حصه ..
-حصه لاتغلطين غلطك القديم مع اخوي صخر !! لاتعيدينه مع الوليد لان الوليد مايشبه صخر ابد !!!انا اشوف ان الي قد سمعته يتكرر اليوم بس المختلف ان هالمره الي تتهمينها مب سلطانه لا؟؟؟ مرت ولدها الي طلعت فيه من الدنيا !! وماشافته ابد !! والي انتي كنتي السبب بطلعتها من الرياض بلا رجعه !!!
افتحمت حصه .. رافعه اصبعها محذره ..
-ساره لاتقارنين !!!! فيه فرق !!! ..
قاطعتها بحازم الصوت ..
-وش الفرق ذيك بعد شفتيها انتي داخله بيت شباب !!! مثل ماشافت بنتك وسمعت رسايل نجلا وهالرجال !!!!.. اعتلت أنفاسها متابعه ... بنفس الحس ..
-حصه انتبهي انا احذرك مب كره فيك لا والله انا احبك انتي اختي الكبيره ومارضى عليك لكن لاتكررين نفس الي سويتيه !!!تراجعي تكفين !!!
اعتلى حس حصه الثابت ..
-ابببببدااااا!!!!! ....والله والي رفع السما وثبتت ماتراجع !!! الي سوته نجلا ماينغفر ومافيه مقارنه بينها وبين سلطانه ابد !!! سلطانه ضعيفه شخصيه لعبوا عليها .. غيري!! انا كنت مادري !!لكن نجلا مقويه وخبيثه تبطن غير ماتظهر !! لو شفتيها امس كيف طردتني !! وحده زيها تطردني من بيت اخوي !!! ليييييه !!!!!!؟؟؟؟؟ والله لو اخوي عايش مارضاها لا منها ولا من ولده !!!!

تكلمت ساره ... بثبات ... واضح ونظره ثاقبه .. .. تعاكس العلقم الي تحسه وهي تسمع وتتذكر انهيار نجلا بين ايديها ونفس الصوره الي عجزت تخليها تغمض وترقد .. تجسدت امام عينها ا لحين ... دمعة الوليد الي شافتها .. لايمكن بيوم بحياتها تنساها ...نبرة الوعيد بلسانه خلتها تتأكد ان حصه اليوم مقبله على شي عظيم .. لو تعيش عمرها كله تتوقعه ماجا ببالها .. ابد
-براحتك ... لكن انا مع نجلا !!!..ان كنتي تحسبينها بدون احد غلطانه .. !!! تأكدي انتي وبنتك كل كلمه وتهمه بتوجهوها لها بتلاقوني قدامكم .. !!!ان ماقدرت قبل ادافع عن ام الوليد فانا الحين بقول كلمة الحق لمرته !!
سمعت حس الجوهره المستنكر .. بتوهان ..
-خااااالتي !!!!!!! لهالدرجه يعني !!!! وش فيها هالنجلا !!!! ليه كيذا انتم معها !!!! ؟..كيذا بتششتتين الوليد وهذا الي بيخليه ينخ زي دايم لها !!!! انتم تبون تجيب لكم فضيحه تفضحكم فيها عشان ترتاحون !!!!
رفعت حصه يدها لبنتها ..
- بس الجوهره اسكتي ... الوليد مانادانا الا وهو عارف وفاهم .. ويدري ان كل كلامي الي قلته قبل صحيح !!! سمر مب كاذبه هي شافت معي !!!! ولو يجيبون المصحف والله لاحلف !!حلف يمين بالي شفته !!
وجههت كلامها لساره ..
-وانتي اخر شي توقعته منك يااختي المتعلمه الفاهمه العاقله ... توقفين مع بنت الاغراب ضدي .. انا اختك من لحمك ودمك لكن معليش بنعيش بهالدنيا وياما بنشوف ... !!!!
يله بنتي ننزل ...
قالتها ساحبه الجوهره وراها ..وطالعه .. بشموخ كاذب .. انبنى .. فوق ظلم نجلا وكسر روحها .. فقط ...

اشتدت .. شفايف ساره ..حاسه بضيق ... بتنكتم ... هازه راسها ..رفعت يدينها تمسح ملامحها ..بجهد .. جتها للمره الاخيره تحاول تثنيها عن جنونها وظلمها لكن هيهات ... !!! الكره ملى عينها ... من متى اختها كيذا ..!! او هي من أساس متجبره وطاغيه بس ماعرفوا !!!ماتذكرت بهاللحظه الا سلطانه الي وقفت بينهم بلا ام وبلا سند ..وبلا عون ... ام الوليد الحبيب ..شافتها بهالثانيه .. نجلا ... المكسوره امس ...!!. .
تنهدت طالعه .. تتاكد من خلوا المكان ...ثم نزلت بعجل ... متوجهه لمكان ام سلطان ... اول مااقبلت ... شافت الممرضات حواليها ... ومحد عندها ..
-مافيه احد ازين ...
-قلت لرنا ينتقلون لمجلسي .. للضيافه !! ولحدن يطلع منه ..!!
رفعت ام سلطان راسها .. انتبهت ساره لها كيف .. مرتبه نفسها .. ولابسه اللبس المتعودين عليه قبل بايام مضت .. ..كاحله عينها ..من متى ماكحلتها ؟؟ من مات صخر !!! .. ذكرتها بمهره القديمه قبل الفقد وقبل التعب والمرض ... تبسمت ..
-ماشاء الله يامرت اخوي وش هالحلا وش هالزين !!! رجعتي ام سلطان الي نخبر !!!
تبسمت .. هازه راسها ..
-انا زي مااانا ماتغيرت !!! والي يجي من الله كله زين !! كل هالتعب الي جاني يوم ان الله يحبني ويبي يعلي مراتبي !!! والحمد لله الله يجعلني من المحبوبين في ارضه !!
قربت منها ساره .. معجزها كبر الفرق .. الي عاشته خلال اللحظات الي راحت وبين الحين .. فرق كبير بين مهره وحصه ... شي يشابه اختلاف الغيمه الممتليه مزن ومطر والبركان الثاير الي يحرق كل من حوله وبالاخر يحرق نفسه .. وينهيها ... لكن بالاخير الا مايختفي من رحمة الله الي تمثلت بهالغيمه .. الكريمه ...
-امين ... الله يطول بعمرك ويحفظك ويمدك بالصحه والعافيه ... يام سلطان !!..
سكتت ام سلطان .. واشرت للمرضه .. تجيب لها كرسيها ...
أبعدت ساره .. تترك لهم مجال ....ثم سمعتها .. تنطق .. منطوقها الي صدق صدق الجمها بعمق ... !!!لدرجة غصه مخنوقه عاشقه لروح هالانسانه وقفت بصدرها .. الزحوم .. ضيق ..
-اليوم انا ام الوليد ونجلا منيب ام سلطان وبس !!!
-الله .. .. لايحرمهم منك !!! انتي ....انسانه عظيمه ياام الوليد ... !
اهتز متنها ضاحك بفرحه ونشوه عجيبه .. وكن كلام ام سلطان اثلج شي من الحرقه الي بقلبها بسبب شوفة دمعته الفجر ..
قربت موجهه كلامها للمرضات .. بعد ماجلسوها عالكرسي ..
- Leave her, I will help her now
هزت الممرضه راسها مبتسمه ..
-Yes ma'am
مسكت يدين الكرسي .. الكهربائي .. أساسا ام سلطان تقدر توجهه بس لشعور غريب بساره الود ودها تشيلها فوق راسها ... مو بس تدف كرسيها ..
-نرقى الحين ؟؟ خلاص؟؟ هم فوق اخرت الوليد شوي !!بدون يحس !!
نطقت ام سلطان .. بحس ثابت .. حازم .. وحاني ...
- يله وديني لعيالي .. مشغلين قليبي من الصبح !!!.. خل ييجيبون عكازتي !!!
-ابشري ابشري يالغاليه ماطلبتي الا رضاك ... !!..
التفتت ساره لوحده منهم .. آمرتها تجيب معهم عكازها الي يساعدها عالوقوف ... وتجهت ... للمصعد ... بشعور غريب متشوق لشوفة نظرة عين حبايبها ...الاثنين .. قلبها يرفرف بشكل عجيب ... تدري كون ان ام سلطان بنفسها ترقى لهم ... وش بيعني لهم ... !!!.. ودها تطير بها فوق بعجل ... دخلت المصعد مع وحده من الممرضات بدون حتى احد يشوفهم ..
شددت مقبض يدينها وهي تسمع همسات ام سلطان الذاكره والمهلله والمسبحه بهمس واضح .. غشا جيدها شي .. من الجمال الآسر الي تمثل بهالانسانه العظيمه .. الي كل مره تكبر بعينها اكثر ... واكثر ..واكثر ...


.................................................. .............................

فرنسا
قطب هدب عينه ... وهو يشوف الاتصال .. ينعطى مشغول ... مستغرب .. للمره الكم حاول يتواصل معه ماعطاه رد ... من قرا رسالته ... وهو يحاول يبي يفهم !! شلون يقول له ... اذلف ثم يتراجع ... كثر مايحاول تفكيره بعض الأحيان .. ماينجح .. !!! يدري انه يخطط لشي .. بس ايش هو اكيد يقصد شي !!!... رفع جواله ... يقرا رسالته من جديد ...
(خذ اول طياره وارجع السعوديه عاجل )
تنهد ... مفكر ..ليه مايرد الوقت عندهم الان صباح اذا مب بااحد شركاته او مزرعته .. وينه اجل !!..رفع أصابعه يمسد جبينه ... بتفكير .. وضع امه الغريب ..كيف الوليد يبيه يخليها ؟..متأكد انها قالت كلامها مجبوره .. نظراتها مختلفه ..اسلوبها بالكلام غير .. وجود وهيمنة ابوه وقت كلامها مرعب .. وهالشي يدركه باعمق مكان بصدره .... يحس نفسه عاجز .. وش يسوي ؟؟ ليه هالوليد مايرد .. ماتعود يتصرف من راسه الا مايرجع له ..!! هل مقصده يرجع ؟؟هذا طلبه ؟؟ ارهقت روحه نظرة امه!! معقوله الي قالته يمكن يصدق ؟؟ هل تعبت لدرجة محت كل شي وتناسته!!؟؟ بفكرها بمحاوله منها تشتيت الوليد وابعاده من محيط ابوه ؟؟؟ ... زفر .. بقل حيله الوليد الي يعرفه كلامها ماراح يوقفه الا بيزيده جنون ارعن مجفل .. ويمكن يقرر ينسى الحليب الي شربته إياه بعد !!!!
رفع جواله راسل رساله للمره الثالثه ... وعسى يلقى رد ..
.................................................. .................................

[قال الزهر آآآه]

فيلا غازي ...آل مجفل ..
فكرها .. مرتعد .. ومتهيب .. من درت ان الوليد منادي نايف ببيته ..عالصبح .. ماعرفت شلون ترجع تنام .. مع ان الوضع عادي يعني نايف أولا وأخيرا يشتغل .. عنده وزوج اخته وش فيها ان عزمه عنده فطور ..؟؟ .. اجل ليش هي متهيبه ...
كانت بالمطبخ تشغل نفسها .. وتجهز فطور .. أي شي بس تشتت ..فكرها .. تدري ان ماخوفها الا استغراب نايف نفسه ..مب شي ثاني ... وقفت امام ابريق المويه فوق القز .. تناظر زراق الشعله تحته ..وهي تفكر ... بعمق ... تنهدت ..مانتبهت ...ان المويه فارت من وقت .. الين سمعت حس شيهانه ...
-يمه ؟؟؟ يمه ....
انتبهت مبتعده لليد الي طفت النار ..
-يمه من اول اكلمك وش فيك مانتبهتي !!؟؟ شوي بتنشف المويه معد تكفي ؟؟
ترقبتها طارده فكرها ...
-اهوجس عادي مب من شي .. نصوري نايم ؟؟؟
-ايه راقد ... وراك قمتي غريبه ..
تلفتت ..تشوف استعدادها للفطور .. ضيقت نواظرها ..
- بيجي احد اجل ؟؟ ليه نفطر مبكرين ؟؟
-لا مب جاي انا اشتهيت افطر ... امشي ساعديني .. طلعي السفره وزيدي موية الشاهي !!
تقدمت شيهانه ... وهي تتكلم ... وعينها عالاغراض ... اطرفت بعينها يم أمها ..بشك ثم نطقت ..
-خالتي الجازي .. ماكلمت ؟؟ ماقالت بتمر علينا او شي ؟؟
أبعدت نواظرها مرخيه نفسها .. تصب مويه من الجركل .. الين سمعت أمها ..
- الا ..تقول بتمرنا هالاسبوع كاثرتن مكالماتها مدري وش عندها ... الله يستر لاتكون متمشكله مع فهد.. وماتبي تعلمنا !!
استاقفت شيهانه ... شاده مبسمها ...
-يمكن !! او يمكن تبي تجينا تجلس عندنا !! كني سمعتها مره تقول رجلها عنده انتداب .. وماتبي تروح المجمعه !!.
لفت لأمها ... تشوف رد فعلها ..
-زين خلها تجي ... خالك عادل بعد هينا .. مب عند امي ... ليته بالمره يجيب امي !!..
زادت شيهانه المويه وشغلت الغاز ... والتفتت متسانده ..
-زين ..خل يجون يغيرون جونا شوي ... احس البيت صار فاضي ..مره .. خاصه ان نجلا معد تجي تنام زي قبل !!
انهت كلامها وعينها على أمها بترقب ...
-براحتها .. يمكن ماتبي ترا بنتي مهما يظهر الواحد لابد بخاطره شي وبقلبه يخبيه .. اختك يمكن سامحت بس ماتقدر من داخلها زي اخوك سعد !!! شوفيه هج من الرياض .. حتى ماجانا هينا .. يبارك برجعتنا للبيت .. !!
-تلومينه يمه ؟؟ ..تنهدت ..ثم تابعت ..
-الله يرده سالم ويسعده وين ماكان ... ويحفظ نجول من كل شر ... تصدقين يمه .. انا ادعي ان ربي يحفظ اخواني بكل وقت اجابه !! بين الاذان والاقامه وتالي الليل .. والضحى ..!! كل وقت كل وقت ادعي !! ..مني مصدقه ان نجلا رضت على نايف ..وان نايف تغير معها !! انتي تشوفين كيف تغير ؟؟ نايف صار مايرضى عليها ويحبها لو شفتيه بجده كيف استسمح منها !!!! تدرين ان احنا رحنا جده عشان انقطعت بس !! انا ماعلموني بس سعد ون ايف ..راييحن ومقررين عشان يشوفون اخبارها .. !!.. لا ونايف قال ان كان فيه مشكله ونجلا متضايقه برجعها معي والله ماتجلس عنده يوم !!!
سكتت حاسه بانفاسها .. تتسارع ..مع قوة منطوق الشرح .. تمت تناظر أمها بترقب .. لجميع ملامحها ...
لاحظت شرودها ..الواضح لدرجة حست بشي يعصر قلبها ..ويوجعها .. بصدرها ..مدركه ان الي ينقال عليها أمها ..بتوجع قلوبهم باختها وكثير بعد ...
كملت ..تتكلم .. وهي تبتسم ..
-عاد رحنا ولقيناها مبسوووطه وفرحانه ساكنه بذاك البيت الي ماشاء الله وتعرفنا على ناس يشتغلون عند الوليد يهبلون بعد الله يذكرهم بالخير !!
نطقت ام نايف وهي تتحرك بتطلع من المطبخ .. وبالها شارد ..
-انا بروح غرفتي حطي الفطور وناديني ان جهز .. بشوف خالك كانه قريب يجي يفطر معنا !!
هتفت ..شيهانه بعجل ..
-يمه ؟؟ ليه خالي عادل مايجي يجلس هينا .. بدل يستأجر دام عياله مب معه !!! المجلس فاضي ...
هزت ام نايف راسها ..
-بشوف بشوف ..
قالتها طالعه من المكان ... كل مابها من فكر يتضارب ... ماتدري عمق التصرفات والنوايا الي نوتها لهانجلا بتنكشف او بتتم او لا ... لازم تحرص عادل .. !..تنهدت ..ماشيه .. وماقدام عينها .... الا نوره ..ونظرتها العاشقه لغازي .. والاشد على روحها .. جنون غازي بها .. !!.. ليه هالدنيا ماتعدل ؟؟ وش معنى هي ثم بنتها .. يعيشون هالحظ ؟؟ ليه مب شيهانه ؟؟الي تزوجت وجاها هالحظ وليه مب نايف ؟؟ الي اشتغل وصار ضابط مثل سعد !!
.................................................. .................................
جده ..
مكتب السكرتاريه النسائي .. شركة النافع ..
تنهدت متقدمه ... بعقل مشغول ..بحال ابوها ... الي مب راضي يتحسن ... كم لها منقطعه عن شغلها ... ترقبت بنواظرها المكان ...
-هلاااا العنود .... نورتي .. يابنت !!
تبسمت ..راده على .. حارسة الامن المتواجده عند الاستقبال ..
-اهليييين هلابك ... !! اخبارك عبووور !!
-بخير الحمد الله ..انتي كيفك ..؟؟ اش اخبار ابوكي دحين ؟؟؟
هزت راسها ..
-على حاله .. ادعي له عبير مره متازمه حالته .. الله يعافيه يارب !!..
-يووه الله يعافيه حبيبتي ..ويحفظه لكم .. ويزيد كيفه ؟؟
-يزيد ماعليه ..كابر .. رجال البيت .. !!.. اشرت للمكاتب
داخل .. سائله عن مديرة القسم
-جت شعاع ؟؟
-لالسه انتي اول وحده . من البنات فيه مساعدتها منيره .!!ادخلي ..وقعي !!
وافقتها .. معلقه ..
-طيب .. يله سلام ...
دخلت متوجهه لمكتب الاداره ..شا فت منيره على مكتبها ..
-سلام .. منور ؟؟
رفعت راسها لها ..
-وعليكم السلام .. هلا العنووود .. الحمد الله على سلامة الوالد اخباره ؟؟
- زي ماهو ...
قالتها متقدمه .. ومرخيه جيدها تدور اسمها توقع .. !!
- الله يعافيه يارب ..
- امين ... كيف الشغل ؟؟
-الشغل ماشي ومتكدس يعد .. !! عليك مهام وش كثرها ... مجهزينها لك ..
كشرت العنود بهزل .. ضايج ..
- مره يعني .. ؟؟ نفسي اغيب وارجع مالقى علي شي !!..
هزت منيره كتوفها ..
-والله كلنا يالعنود .. بس هذا رزقنا وش نسوي مضطرين نكرف !! هزت راسها متابعه ..
-عاد انتي افضل وحده عندنا التوصيات عليك مستمره .. من المكاتب العليا !!!
اطرفت بنواظرها منيره يمها بتركيز ...
وقفت العنود ... ملتفته لها ...
-الحمد الله معارف ابوي الله يسعدهم مايقصرون !!
هزت منيره راسها .. بقل اهنمام ... ومشت العنود عنها متوجهه لغرفة مكتبها ... تدري انهم يتسآلون دايم عن الي داعم اسمها ... اجل لو يعرفون انه الي حفظها من الضياع وانه مدخل ابوها افضل مستشفى بالغربيه ... !!..ولو يدرون انه مدخل ولدها .. افضل المدارس ... !! ولو يعرفون ان قلبها الين الحين له ينبض ..بس لطاري اسمه !!!.. ؟؟ كل عالمها الماضي معه كوم ... والي سمعته وعرفته الحين كوم ثاني .. !!. والطامه الوجلى .. حسه الطاغي .. ونبرة صوته .. المجفله لنبض قلبها العاشق تفاصيله جميع ... واه لو يرجع الزمن !!.. كان ترجته اكثر .. تبقى معه ..لو من بعيد ... !!..ماتلوم جنون البندري .. ابد.. !!.. معد سمعت عنه شي من ذاك اليوم .. !!.فكرت بهاجس البندري المجنون ... ياترى متى تقول لها .. وش ناويه عليه صدق ؟؟ حتى لو هي بقرار نفسها ماتبي له اذيه يمكن تقدم عشان بس تشوف وتعرف الانسانه الي ملكت فيه الي عجزت هي تملكه وش تكون ؟؟ وش منطوقها ؟؟ مازالت مستبعده انه يمكن يكون مستقر ... وسعيد ... الوليد الي تعرف مايدل للسعاده طعم ابد ... !!..اكيد تزوجها .. عشان وضعه الي جد عليه .. اكيد ... !! ويمكن الظاهر غير والمخفي غير ... !!استحاله يحب واستحاله روحه المشوهه تجاه الحياه الطبيبعه تستكين ..مع أي انثى !!!هزت راسها طارده افكارها فيه ... ملتفته بكل ادراكها يم اشغالها الفايته ... اهم شي الحين صحة ابوها ... الي تراجعت منتكسه .. بشده ...!! والاهم الأهم ان رغم .. كل شي قدرت .. تنفذ من ماضي اليم .. اجمل مافيه .. قربها منه ... فقط .. وولدها الي مضوي دنياها وجوده ... وبس!
.................................................. .....................
الرياض ..
جناح نجلا والوليد ...
واقفه ... متهيبه الخروج من هالباب .. وحسه يتكلم مع اخوها ... نايف ... ماتدري ليه حست بهالخوف ... قبل كان نايف يوسم ملامحها ... ليه مب حاسه بشي .. ناحية انه يشوف رسومها المتوسمه ضرب !! هو كان يمد يده .. ويبطش ..يعني وش بيفرق شوفته لها ... بداخل قلبها .. الموجوع ..ماتبي هالخطوه ابد .. يمكن الوليد مايدري بوجعها هذا ولايعرف انه ضرب نايف لها مازل يدك حصون ذكرياتها .. !! هي سامحت بس مانست ... والحين لما تناديه وتقول شوف ؟؟ انت استسهلت مدة اليد والناس كلهم صارو مثلك ؟؟ ارمشت بعينها .. مبعده فكرها .. ملتفته يمه .. شافته مركز بجواله عقب قفل .. من نايف .. رفع راسه لها ..
-عمتي ساره تقول تعالو للصاله .. الي فوق .. تبي تطمن عليك؟؟ تبين تروحين ؟؟ او ننزل مره وحده لاخوك وبعدين تشوفينهم ؟؟
ابتسمت طارده فكرها بنايف .. الا تبي شلون ماتبي .. النفس وقت كسرها ان فاقت اول ماتتذكر الحظن الي أعطاها ومابخل ..
-الا عادي ... ابي اشوفها ..امس كانت معي هي .. اكيد قلقت .. !!
تقدم ماد يده لها ..مأشر لرشاشه والطلقات .. الي دخلها بشنطه خاصه لهم .. قبل بوقت .. ومعهم علبة ختم المشيخه الخاص فيه ...
-بشيل اغراضي مره وحده .. اجل !!!..
انحنى شايل الشنطه بيد ... وماسك عصاته بيد ...
اشر لها ..
-خذي علبة الختم معك .... !!
تقدمت ماخذتها .. وماشيه معه .... الين طلعوا من الجناح شافته يوقف ... ويسند عصاته ثم يقفل الجناح ...
ضيقت نواظرها بتوجس .. مقربه منه ..
- ليه تقفله ؟؟
التفت لها ...ناطق .. بوضوح ..
-عشان محدن يفكر يدخل يدس لك شي تحت المراتب .. !!
انلجم لسانها ... متفاجئه ... تدري يقصد الجوهره ... وفعلها السابق ..
مسك عصاته .. وتقدم معها ... بصمت...متعاكس شعورهم الاثنين .. هو محتزم .. بوعيده وقوة حزمه الي ماتخفى على الرائي ..وهي ..كنها تساق لأكره ثواني بتمر عليها بحياتها معه ... رسمت بسمتها قبل تقبل عالصاله .. لجل تقابل ساره ... بس الي شافته ... زلزل كل شي فيها ... شتت فكرها الخايف .. واشعل .. ضي ... ساطع ... ممتتد يمحي بامتداده الوجع الي عاشوه جميع ... ابرقت ...نظرتها ... بثبات مذهل ... متباشر ..لدرجة نشف ريقها ..عاجز ينطق لسانها مبهووووت ...النظر حتى ... لدرجة نبض قلبها المتسارع بيوقف ... قبل حتى تنطق او تقول شي ... لفت بليا شعور لأول روح قريبه منها ... مب مصدقه .. وكن عيونها تدور بنظرته صدق الشوف ... !!.. همست .. بحس مب سامعه الا هو ..
- الولييييد!!!
ومع ذلك ماسمعها ابد ... واقف ..بشموخه الي مايخفى على احد .. بس داخله ثوران ... من المشاعر المتضاربه ... بصدمه ... جامد كل مابه ... شوفته ... للغاليه ... الحبيبه .. الي احتوت .. غربته من سنين .. واقفه بحيلها ... ومبتسمه له .. بنظره حانيه ... شلت مافيه ... الين نطق .. يهادي الصوت .. المنشرح .. وبنغمته الي ماتبان الا معها ولها ...
-مشيتي .... ياميمتي .. !!!...
تبارقت نواظر ساره مابينهم .. الثلاثه ... بفرحه عامره ... وهي تشوف نجلا والوليد كيف مصدومين بام سلطان الواقفه لهم .. تنتظرهم ..وتترقبهم بشوق ..
نطقت .. هاتفه .. وشارحه .. بحس .. مختلج ..
-ام سلطان أصرت الا تجيكم فوق وتطمن على نجول !!!..
تبسمت ام سلطان .. فرحه لشوفة فرحتهم .. الي تمنت تشوفها وشافتها .. موقنه ومدركه كانت وصدقت ... شعورهم الي تسطر على ملامحهم اشفى بروحها الكثير .. تبسمت لهم شوق وتبسمت لهم فرحه .. وتبسمت لهم عون وذخر .. شدت يدينها على ممسك العكاز الخاص بالمشي .. وتقدمت برجل ثابته ... متوجهه لهم .. تدري نظراتهم يم رجولها وكيانها كله ... مشتعل .. وضاوي ... ركضت لها نجلا .. تاركه الي بيدها .. وهاتفه ..
-خاااااااالتي .... مشيييتي ..... !!! انتي تمشيييين ... !!! رجعتي تمشين .... !!

تلقتها ام سلطان بيد وحده .. وساره ورى ظهرها تسندها ..
-اييه يامي اجل بتم محشورتن بكرسييي !! اول ممشاي جيتكم ياعيالي .. الله لايحرمني منكم ... !!.. يالله حيها .. يالله حي نجول بنتي ومرت ولدي !!
دفنت نجلا راسها .. منحنيه تاركه راسها يتوسد عنق ام سلطان الحاني ... مستنشقه ... ريحتها ..بشوق ..ملهب ...مايشابه شذاها أي شي ... ابد .. نشجت .. بفرح ... عامر تل صدرها بقوه .. حست بانتفاض يدينها واطرافها .. الود ودها تطير وتاخذها معها فوووق وفووق ... حست كف ام سلطان على ظهرها .. واستشعرت لثمتها على راسها .. المنحني ..
-ياجعلي مابكيك يابنيتي ... لاتبكين ياعين امي لاتبكين !!!.. ارفعي راسك .. جعل ماتبكيك عيني !!امسحي دمعياتك .. وافرحي .. اليوم يوم فرحتي بممشاي ..!! انحنت هامسه .. عند اذن نجلا .. متكلمه بثبات الصوت ..
-اليوم انا..امك الي بتوقف لك وبتذود عنك !!! بتشوفين امك مهره وش عشانك بتفعل وتسوي !! ؟؟ ...
اهتز متن نجلا ..مع ان الوليد محذرها الا ان شوفة ام سلطان وحسها وكلامها المثلج لجمر صدرها المتجمع ... فاق كل حدود فكرها وعقلها
همست بنشيج ... متقطع .. دافنه راسها اكثر ولامتها بعمق حاجه .. عجيب ... وكنها غرقانه ماسلمت الا بهالحظن .. الدافي ...ماعرفت ولافهمت .. مكنون هالشعور ابد .. الا ان لسانها نطق .. بليا شعور ...
-ايه .. انتي امي ... ايه ابيك دايم .. امي .... وكل يوم...خالتي ...!!!
اشتدت يد ام سلطان ... لامتها بحب ام خالص .. وطاهر .. بدون أي شائبه مخفيه ... او غرض دنيوي سطحي ... ناطقه بحس حاني وحازم ..
-انا امك يابنيتي من دخلتي هالبيت .. ويشهد الله علي ... !! عيوني ماتشوفك الا بنتن لي واخت لسمر ورنا !! الي يضيمك يضيمني والي يقهرك يقهرني !!!.. ارفعي راسك ياحبيبتي ... الحين بننزل انا وياك سوا .. يدي بيدك .. وبتدخلين مجلسك .. يابنت غازي .. وانا معك وجنبك انا امك وظهرك ..رحمي ماشالك ولاربيتك صحيح لكن الله رزقني بك والله كريم وانا استهال العطى الي تمثل بك وبالوليد !!!
أبعدت نجلا .. متشتته ملامحها .. مضرجه حمره .. وخصلها متشابكه برطوبه ..من دموعها .. ونظراتها .. تاييه بفرح ... على ملامح ام سلطان ... قربت بلا شعور تلثم جبينها .. خدها .. بهمس ..
- الله لايحرمني منك ... الله لايحرمني خالتي ... احبك والله اني احبك .. !!
- ماحبيتي الا الي يحبك يانجول .. !!..
ناظرت نجلا ساره المبتسمه ورافعه يدها تسمح دموعها .. نطقت بفرحه .. مغتمره كل ركن بهالمكان وحس مختلج فرحه عظيمه ... وشعور طاغي .. مجنون .. وهايج .. سرور ... وامتنان ..
- هذا هو ياعمه ؟؟؟ هذا حظن الام صح ؟؟؟ زي حظن خالتي صح ياعمه !!!؟؟
هزت ساره راسها ... بضحكه ..وجلا فيها من السرور الباكي ..
- ايه ايه ... الله لايحرمك منه نجلا .. !!انتي والوليد .. !..
تذكرت نجلا الوليد .. التفتت له ... تحاكي بسعادتها .. نظرته الساكنه .. بثبات .. مهلك لها ... همست .. له .. وهي تشوفه يترك الشنطه .. الي بيده ويتقدم لها .. بنظره ثابته .. مظهرها لكن متذبذه بمشاعر عميقه مابانت الا لنجلا ومهره الواقفه له ببسمه مستقبله ..
-يالله حيه ... يالله حي الوليد بن صخر ...
نطق ..بصوت مختلج ..مبهوت .. فرحه .. ماسك يدها الممدوده منحني لاثم كفها .. الدافي .. حاسس بجلدها وطهارته من كل منجس ..
- مشيتي ... ياميمتي ... !!.. مشيتي !!..حياك يابعد الدنيا ..
لثم راسها .. وقبل يتراجع .. حس بيدينها تلم جيده .. لها .. وتتكلم بحس واضح وثابت .. ممتزج بحنوها الساطي .. والمتبارق ...
-ايه مشيت و... ماجابني لك الا شوقي لضمتك.. ياولدي ..!!
ابتعدت نجلا ... مبهوته ..بصدمه .... غريبه ... مزلزله وهي تشوف ام سلطان كيف تحظنه لصدرها بعمق .. متمسكه فيه ماتبي حتى يبعد .. جت عينها بعين ساره ... المغشيه دمع .. ثم اطرفت لهم ... الاثنين محد يعرف عمق .. الشعور الي يعيشه الا هي ... هي الي فهمت وش داخله الحين ... رجفت شفتها .. وهي تشوف يد ام سلطان تسحبها .. لها .. تقدمت .. محاوطتهم الاثنين .. ضاحكه .. بفرح ...
- رجعت خالتي يالوليد مشت مشت ... !!!!...
ماكان مع الدنيا ولا حاسس بالوجود من أساس... شعور مهلك حد التشتت بليا حساب ..وتفكير .. مكانه ووجوده واحساسه بهالحظن الي حتى بالحلم ماتوقع انه يتحقق !!! وسماعه هالحس الحاني .. المحيي لكل شعور طفولي يتيم فيه .. ازهق روحه حد .. سعادة الوجع الا متناهي .. .. سمع حسها .. ناطق ..وكنه موجه فقط له هو ..
-والله ياضمتك انها العافيه ياولدي ... من شفتك وقلبي متعلق بك وفرحان بك ياسندي ياعضيدي !! ابوك راح الله يجعله بالجنه !! بس تركك لي عطاني الله عقبه .. حسك ووجودك بهالدنيا .. جعلي مابكيكم ياعيالي !!!
تراجع الوليد .. ونظرته لها شامله ...مبسمها .. وبسمتها ونظرة عينها .. المبرقه .. دمع .. متجمع ..موجهه له هو ... عجز لسانه ينطق ..حس بيد تتلقف كفه وتشد عليها .. يدري يد معشوقته ..النجلا ... انحنى لاثم ..جبين ام سلطان ...

[قال الزهر آآآه]

-والله انه اجمل شي صار على هالصبح ... شوفتك تمشين ياميمتي ... !!..
حاول قد مايقدر .. يخفي ثوران روح الطفل .. داخله ... بس عطاه مجال يبتسم ... ونظرته الحانيه .. المحتاجه ... تشرق لها دون غيرها ... وهو يرفع كفها .. له .. ويلثمه .. بعمق ..
-يالله يارب تحرم هاليدين على النار ... !!!..
همست نجلا ...
-امين ..
عاجلتهم ساره ناطقه ...
-وش رايكم ؟؟؟ فاجئتكم ام سلطان صح ؟؟؟ ليتكم شفتوا وجيهكم وقت شفتوها يوم دخلتوا !!..
تبسم الوليد متراجع .. ساحب شماغه على كتفه ... .. حاسس باشتتداد ضغط كف نجلا ..
- احلى مفاجئه ...ماكانت على الباب ولا الخاطر !!!
نطقت نجلا ..بفرحه مستعجبه .. وهي تمسح دمعتها .. وباقي دموعها ..
-ولا انا توقعتها ... ياعمه ... !!! .. مستحيل اتخيل حتى ان خالتي بتجينا فوق !!! ..
هزت ام سلطان راسها ..
-الا اجيكم واجيكم .. !! ليه ماجيكم !!؟؟ ..
ترقبتها بعين ثابته تتأمل ملامحها المضروبه .. وهي تتكلم .. اشتد مبسمها .. بحزم .. متكلمه ..
-انا طول عمري مامديت يدي على عيالي ولا خليت احد يمد يده !!! كيف سطت حصه .. وتجرت !!!.. ؟؟؟ ..تمد يدها عليك !!!
رجفت شفة نجلا .. بنظره باهته .. وهي تتابع كلامها ... حاسه بشعور محرج ودها الأثر يختفي مايبان ..
-والله ان تأخذ جزاها مني قبل الجميع !!!.. لاهي !!؟؟ ولا بنتها الرعنا !!!... حسابي معهن مب عشان امس وبس حسابي معهن طويييل طويل !!!! ..
نطق الوليد ... بنظره هاديه حازمه وحانيه ..
-انا مابيك تتعبين اعصابك .. يالغاليه .. انا بتصرف !!!
قاطعته .. بنظره تشابه نظرته واكثر ..
-انا خابره انك مب مقصر ابد ...انتم عيالي والام ان احدن ضر عيالها ماتسكت وانا والله ماسكت ولعادني ساكته !!! عمتك .. محدن وقفها عند حدها من سنين .. وتمشي بنفس الدرب الي مشته مع امك !!! قبل محدن قالها حدك اوقفي لكن هالحين انا بقوله ... قبل امك مالها ام لكن نجلا الحين لها ام وامها مب هينه ولا سهله ... ماعرفتني لكن اليوم بتعرفني زين !!!!..
التفتت نجلا للوليد ... مدركه انه مايعرف من أساس ... استغربت حتى ان ام سلطان صارحته بهالشي .. حست بضغط يدينه على كفها ... وعصره وسط كفه بشده غير مدرك الي بين يده ايش .. ... حتى ساره ترقبته برهبه .. الين نطق بهادي الصوت ..موجه نظرته لام سلطان ..
- هي الي اتهمت امي بشرفها ؟؟؟وقالت لابوي هالولد مب ولدك ؟؟؟ !!!..
هزت ام سلطان راسها ..
-هذا الي سمعته .. من ابوك الله يرحمه ..
ابعد نواظره .. يم نجلا ...مخاطبها ... وكن الي سمعه مب شي ابد ...
-بتنزلين الحين ...مع امي ..وانتي راسك مرفوع .... !!....ادخلي معها ..ووصليها ثم الحقيني لمجلس الرجال .. !!..
هزت راسها .. موافقته ...
تكلم موجه كلامه لام سلطان ..
-كفيتي ووفيتي الله يمد بعمري واجازيك وارد لك شي من هالي تسوينه لنا !!.. يكفيني عقب كل شي بسويه اليوم رضاك انتي وبس !!!..
هزت مأشره براسها ... بتأكييد ..
-اقدم ياولدي يدي بيك .. مابعد شورك شور وكلام !!!
هز راسه .. موافقها .. متراجع ...
-انا بنزل للمجلس ...اخوك ينتظرني ... لاتتأخرين نجلا ... !!..
تراجع ... امام نواظرهم تارك يدها ... ومتقدم ... بيطلع من الصاله ...
لحقته .. بخطواتها ... منحنيه بعجل شايله الختم ...
وطالعه ... وراه ... شافت ظهره ... نادت هاتفه ..بهمس ..
- الوليد .. !!..
وقف ملتفت لها ... بنظره موجعه مهلكه لصدرها .. النابض .. لمحت حمار نواظره .. الحاده .. ... جت بعجل عنده ...
-بقولك شي ... !!.. ...
رطبت شفتها ... بعجل .. وتابعت ... موجهه نظرتها لعينه ... بعمق اكيد ..
-ادري انت غضبان .. واعرف وش داخلك .. تكفى ... بقولك شي قوله تكفى قبل تنزل .. !!..
قطب هدب عينه مضيق نظراته لها ... أساسا بقلبه نار مشتعله .. وكون انه مب نازل معهم تحت .. هذا يدل انه مثبت عقله لايطلع من راسه .. ويولع بالمكان كله ..بليا شعور ...
-ايش نجلا ؟؟؟ وش فيه ؟؟
تكلمت بثبات .. ماسكه كف يده الي شاد به على عصاته ...
-قول معي تكفى .. كرر كلامي .. الله يخليك ...
قالت رجاها مبتديه تنطق .. بأول شي خالجها قلبها تقوله .. وقت شافت هالنظره المهلكه .. نابعه من عمق روحه تدري مقهور وغاضب .. ويمكن بهالغضب .. ينسى نفسه ويترك للشيطان له طريق .. وووسواس.. الي عرفه مب هين ... ابد .. ابد .. لو اظهر غير كيذا!!؟ لكن هي تدري واخبر ...
-اللهم اخرجني من حولي الى حولك ... ومن عزمي الى عزمك ..ومن ضعفي ..الى قوتك ... .... هزت راسها ...
-قول يله الوليد ... ؟؟
كرر معها كلامها .. محتنيه نظرته لها .... متابع منطوقها ... متأمل شفايفها ونظرتها له ... وهي تكمل ..بايقان وادراك عجيب .. وثقه بالرحمن ...
-ومن انكساري الى عزتك ... ومن ضيق اختياري اليى براح ارادتك ... يارب امين ... !!!!...
ارمشت بعينها .. وهو يكرر منطوقها بحس ثابت هادي ..
- ومن انكساري الى عزتك ... ومن ضيق اختياري اليى براح ارادتك ... يارب امين ... !!!!...
تبسمت .. له ..
-امين يارب ..استودعتك الله من كل غضب وضيق وقهر .. الله يحفظك لي !!..
تبسم لها ... جار يدها .. ساحبها لحظنه .. مشدد قربها اكثر .. له .. ناطق ..بثبات الصوت .. الزاخم المجفل لروحها العاشقه له ..
- يعلم الله اني استحي اطلب من الله عقبك شي ؟؟ !! يابنت غازي ... !!
تبسمت .. مشدده حظنها ..
-وانا بعد ..معد ابي شي بس اطلب يحفظك وبس !!!
الين تراجع .. شاد كتفها ... متكلم ..
-الختم خليه معك ... ولاتسمحين لاحد ينزل دموعك قبل شوي عذرتك عشان خالتي .. !!
قاطعته بحماس هاتفه .. بفرحه .. تسابق نظراتها له ..
- امنا .. امنا ..هذي يالوليد !!!...
سكت شاد مبسمه مبتسم ..مشاركها عمق احساسها الفرحان .. وهاز راسه ..
- امنا !! وعشانها امنا صحتي وماقلت شي لكن تحت لاتسمحين لاحد يستفزك .. ابد ... انزلي مجلسك .. بنفس هالنظره الي اشوفها بعينك الحين .. !!
زادت بسمتها ..له ..
-ابشر ...
-بشرتي بالجنه ..يله ارجعي .. لهم انا نازل اتحراك لاتبطين علينا ... !!..
-طيب..
تركها متقدم .. يم جهة المصعد ... وهي تراجعت ... داخله االصاله ... ببسمه مشرقه ... شافت ام سلطان ..جالسه .. وساره .. بعد .. اول مادخلت ..
تكلمت ام سلطان ..
-يله نزلنا يام صخر ؟؟
تهادت نواظرها بينهم الثنتين ...
-يله خالتي .... !!!..
وقفت ساره وتقدمت نجلا معها يم ام سلطان ...
.................................................. ................................
مجلس النساء ....
عبق روايح العوده والبخور ... بكل مكان ...
سمر ... مكتفه يدينها .... مبعده نواظرها عن عمتها المزتهيه بحبور والجوهره الي تناظرهم وتبحث عن تركيز نواظرهم وكنها تنتظر أي شراره تبدا عشان تنطق .. بس ... تتفست بحمق ... ثم جت عينها على رنا الي حارسه الباب ... بشكل غريب ... كانت تبي ترقا تبدل صحيح مب يستاهلون تبدل عشانهم لكن عالاقل عشان نفسها هي ... اشرت لرنا .. وهي توقف وتقرب منها ..
-رنا عسا خير ... بفر بهج من اثيابي ..ابي اطلع احس اني بولع فيها حريقه هالجوهره !!!!
ناظرتها رنا ... مبتسمه ...
-لاتوضحين قهرك بملامحك ترا عيونها علينا ...عادي ابتسمي مثلي ... خلك بارده ... سمر .. علامك عاد انتي شاطره برفع الضغط وينه الحين ؟؟؟
اشرت سمر مكشره بهزل واضح يعاكس منطوقها ...
-ليه ماسكه الباب انتي ؟؟ وش فيه ؟؟؟ الوليد قالك ؟؟؟ صدق صدق علميني .. !!..
-امي قالت لي .. خل يدخلون مجلس الحريم ولايطلعون !!.. يمكن بتتكلم مع الوليد او شي مادري والله !! امي تطلب وانا مالي الا الطاعه !!
تنفست سمر .. مرخيه ملامحها ...
-اها ... قولي كيذا دام أوامر مهره .. اجل تم وحاظر ... !!.. قربت حنان .. منهم ..
-وش عندكم ؟؟؟ واقفات هينا اجلسوا ؟؟ !!..
لفت لها سمر ..
- مقدر عمه مقدر !!! تشوفين الجوهره كيف تسوي بعيونها !!! ؟؟؟ مقويه مره !! ولاعميمه شوي وتعطيها عصا تجلدنا بها !!!! وش ذااااا !!!!..
تعالى حس حصه مناديه ...
-سممممر !!! تعالي ... ابيك !!..
قطعت سمر هرجها مقطبه هدب عينها وهي مقابله حنان ورنا .. همست بحده ..
-احد ينايني...
اشرت رنا وعينها على عمتها والجوهره ..
-ايه عمه حصه روحي لها .. وانتبهي تقولين شي الي تقوله لك قولي طيب وبس !!
سحبت انفاس ..وهي تلف ... متقدمه ببسمه ماوصلت لعينها ...
-لبيه عمه ؟؟
هزت حصه راسها ..
-تعالي ابيك بقولك شي .. امشي اجلسي هينا جنبي !!
قربت سمر متجاهله وجود الجوهره كليا .. داعيه ربها يثبتها .. لاتقوم تجلدها صدق .. بقلبها حره مب هينه ...
جلست ... هامسه لرزان .. ببسمه ..
- معليش خذت مكانك الحين بقوم !!!
-لاعادي اجلسي بروح لجده اسولف معها !!
تكلمت حصه موجه كلامها لرزان ..
-ايه روحي بنتي ..اقديتي ... !!.. تبسمت الين قامت بنتها .. ثم التفتت لسمر بنظره حازمه .. ونطقت ..
-سمر ؟؟ !! انتي كل شي امس شفتيه بعينك .. !!
هزت سمر راسها .. بحس جامد
-ايه شفت!!
هزت حصه راسها بقل صبر فاهمه زين جمود بنت اخوها ..
-انتي ماشفتي ترا كل شي من البدايه جيتي عالاخير !! نجلا معها جوال وشفتيه بنفسك سالتها تطلعه وتبينه عيت ماتبي !!! وهذا يدل على ايش ؟؟؟ انها تخبي شي ماتعرفونه انتم !!! صح او لا ؟؟؟
اشتدت نظرة سمر .. مطرفه بنظرتها لرنا الي تناظرها من بعيد ومدركه اذن الجوهره الي تتسمعهم ..بدون ماتبين شي ..
-مدري عمه مدري !!
-كيف ماتدرين ... ؟؟؟ انتي قد شفتي معها هالجوال الغريب ؟؟؟
هزت سمر راسها ...
تابعت حصه .. شاده كف سمر .. يحنان حازم ..
- سمر البنت هذي خراب !!! تعرف شباب .. تراها وتكلم من ورى ظهر اخوك وياعالم بعد وش تسوي ؟؟ انا اتكم كيذى من خوفي عليكم يابنات اخوي انتم امانه لنا عقبه .. !!! امك ضعيفه هدها المرض والتعب ..شايفه حالها انتي ... شلون لاتقوى توقف ولا تقوى تهرج ... !!! من بيقدر يوقفها هالخبيثه عند حدها ؟؟ !!! .. هاه ؟؟ مين ؟؟ اخوك الي غسلت مخه ؟؟ او انتن الضعيفات .. او امكن الي عاجزتن حتى توقف على حيلها ...
هي تتكلم ... وسمر اصابعها تفتك ببشده وسط باطن كفها .. لدرجة تجرح من اضافرها .. كثر الحمق الي تحسه .. بتنفجر باي لحظه ... الي تسمعه والوصف الي تقوله عليهم جميع ... شاط بها للحد الامعقول ... معد تقدر تتحمل ... رفعت راسها لرنا .. بتفهم عليها اكيد ان صرخت الحين باعلى صوتها .. امام هالسم الي ترميه عمتها باذنها ... لكن اول مارفعت عينها .. جمدت نظرتها ... بصدمه ... مدويه ... حتى صوت عمتها وتهايمها الكرييهه معد تسمعها ابد ... غشاوه .. من الشعور .. المتجدد ... والمتبارق .... وقفت صارخه ... بحس متعالي .. واضح ...
-يمااااااااااه ....مشيتتتتتي !!!!!!!!..
ركضت ... من اقصى المجلس بليا شعور ... ماقدامها .... الا صورة أمها الحيه ... وهي تتقدم ... برجولها الثنتين ... ونجلا جنبها ... صرخت هاتفه بجنون ... عظيم يتمثل بفرحتها ..
-يمه .... مشيتي ..... !!!!متى يمه وقفتي ..؟؟ متى .... !!!!
تلقفتها ... حاظنتها .. ببكى ..واضح ...
-يالبيهههه .... يمه يالبيه .... !!!! ..تراجعت وعينها تتأملها ... متغافله حس رنا وساره وحنان وجدتهم والجميع ..الكل .. تغافلت عنه الا نجلا ..وامها