وخُلقتِ مِن ضِلعي الأعوجُا=خذني بقايا جروح ارجوك داويني * مميزة *

[قال الزهر آآآه]

-مثلك انا اتغاضى عشان وضعها يالوليد!!
-لاااا انت مب مثلي !! انا انسحب بالشي الي يخصني معها!! انت مفترض الشي الي يخصني معها تنسحب عنه وماتتدخل !! هذا الصح والمفروض!! ..
هز راسه بصمت .. متفهم
-مرت وماضرت الحمد الله لاتشق بنفسك !!
-هالمره مرت والي قبلها مر !! وكل مره بتعطيني هالهرج!! حط ببالك انا بلغتك وفتحت مداركك فيما يخصني مب عشان تتصرف بقل دبره نايف!!! وضعي صعب ابي الي يعيني مب يخلفني !!
-ابشر … غلطه مب متكرره يابو صخر !!
شد الوليد مبسمه بضيق ..
-تمام !! ان شاء الله مايتكرر !! شوف انا بلغت العيال مايتكتمون على وضعي ! لين ارجع البيت ان شاء الله !! اي احد اي احد بالشغل يسأل قولوا مسافر !!!
-ابشر ..!
جا بينطق الا بممرض دخل
-انتهى الوقت لازم يرتاح المريض وينام !
نطق نايف
-طيب طالع الحين !! التف للوليد
-بمشي بودي محمولك ! واروح البيت بجيك الصبح ان شاء الله !!تامر شي ؟؟
-سلامتك !! ان سالتك قول طيب وبخير واموره ممتازه!!
-ابشر !
-سلمت
-فمان الله استودعتك الله. الله يفرحنا بقومتك سالم !
اشر الوليد بنظرته له وهو يترقبه يطلع !
اسند راسه مغمض نواظره .. فتحهم يشوف الوقت .. متى يمشي ؟! ..رفع عينه للساعه المتواجده .. ثوانيها مثل دقات قلبه ..يحاول يتجاهل صوت النبض المعتلي …شاف وده يمشي الوقت … حرك هدب عينه متوحش المكان … بكبره … سحب انفاس بعمق .. وشد يدينه ثم ارخاها … ببطء … تبادت هواجيسه بتتابع … متفرد … قرب موضوع سعد وهو هينا!!! بتنربط يدينه !! ودام ازف وقت التنفيذ
فهم قربوا وموجودين !!! الي مطمنه انها آمنه في بيته باذن الله . ! تنهد .. يعجز يطرد الضيق .. الي بصدره مهما حاول .. تبسم مبسمه فجأه وحسها يتبادى بفكره وهي تقول محنك قيادي !! .. موقن انها بتتذكر منطوقها الي سطره عالورق !! .. استجلس عقله .. يسحب له ايام جمعتهم … بمواقف متتابعه …. ادرك من خلالها انه لها مندفع الاندفاع الي بيوذيها!!! لابد يتراجع ويغير مسار حياته معها عشانها مب عشانه! بيحزم معها ويشد لجل تدرك غلطاتها الي وصلتهم لهالمسار !! قادر هو وبيتحمل !! ولجلهم الاثنين بيتغير .. معد صارت روح وحده اصبحوا روحين !! فتح نواظره .. ضاغط زر .. النداء … اقبل الممرض ..
-ابغا مصحف !! ماعندكم هينا !
-بجيب لك ابشر !!
طلع وهو يترقب خروجه … بصمت …
…………………………………………� �…………..
قصر صخر ……..
-اخباره؟! انت شفته او عطوك الاغراض ؟؟
-لاشفته بنفسي !! طيييب وبخير ومستعد بروح عاليه الحمد الله !!
ناظرها بحنو شايف محاجر عينها …
تابع بتاكيد
-كلها بكره الظهر ونطمنكم !!
-بتروح له انت الصباح!
-اي اكيد بكون معهم الين يطلع بالسلامه ان شاء الله ! لاتشلين هن ابد ياخوك انتي ارتاحي !!
همست بحشرجه
-شلون ارتاح؟!! ماقدر !! تدري من فاقده نايف !! سعد !! طوول مره غيابه وش هالدوره وهالشغل!!! اليوم اكثر اثنين اعجز اتواصل معهم !!! احسني خايفه مره !!
-لا لا وانا وين رحت ياخوك !!
-حتى وانت فيه هن بعد مكانهم خالي !!! شي صعب يانايف ! انك تعجز تلكم الناس الي تحبهم !!! مره صعب يوجع ويخوف !!! كل شي شين يجي ببالي !!! الوليد من جده وضغطه يرتفع !! وسعد مره ارسل وسمعته وعقبها انقطع حتى العيد ماجا منه شي !!! فيني ضيقه عيت تروح ومب رايحه !!! لين اشوفه واشوف الوليد داخل من باب البيت !!!
-بيدخل ان شاء الله وبتشوفينه وتتطمنين !!!
-تاخرت انت مارحت له المغرب ؟!
-لا كنت عنده بس مادخلت الا متاخر عنده واحد من اصدقاه !! ثم دخلوا العيال سعود وخالد ! انا اخرهم !!
هزت راسها ..
-نجلا ياوخيتي مضطر اطلع للبيت عشان امي ! ماودي اخليك ونفسيتك كيذا !!
-لا روح روح فيه خالتي والبنات !! حتى لو تجلس معي مافي فايده !! لاتلومني !!! غصب عني
شد مبسمه مستاقف وهي وقفت ماسكه شنطته بيدها
تبعته الين الباب .. مترقبه خروجه
قرب منحني لاثم جبينها ..
-يالله فمان الله الله يحفظك !! ارقدي مبكر اغصبي نفسك وفكري بالزين !! ياخوك!!
اشرت براسها بدون حس .. التف طالع وعينها عليه الين ركب سيارته وسكرت الباب … شدت بيدها ممسك شنطته رافعتها لصدرها .. ثم لمبسمها لاثمتها بعمق … مستنشقه ريحتها يمكن يغشاها من شذى جيده شي !!
تنهدت متقدمه وداخله … شافت عامله
-روحي خذي الاغراض من المجلس !!
تعدتها … ورقت .. لجناح مهره ..
قابلتها سمر فازه من مكانها ومستلمحه شنطة الوليد
-هاه نجلا وش قالك ؟!
-يقول اموره زينه ونفسيته بعد طمني الحمد الله !!
-ليه تاخر عليك طيب !
-مادخل عليه الا متاخر !! كانو عنده خالد وسعود !!
استجلست سمر .. واطرفت نجلا يم ام سلطان الغافيه
-نايمه؟!
هزت سمر راسها .. هامسه
-لا صلت الوتر تو .. ورجعت تنسدح !! ضايقه امي بس ساكته !!
رطبت نجلا شفتها …
-الله يطمنا جميع !! يارب يارب
-نجول تعالي نامي هينا انا برقد عالكنب انتي مع امي عالسرير !!
-ببروح جناحي احط شنطته وارجع !!
-طيب ! استني بروح اجيب لك المفتاح !!
-تعالي لي هيناك
-طه
سبقتها سمر وهي
توجهت طالعه من المدخل .. .. بخطوات ثقيله … وفكر مجهد … مجموع كل الشعور وسط بعضه ومتجانس وقابض انفاسها … مادخلت جناحهم من الصباح .. اطرفت .. يم ظلام المكان … متذكره خطواتهم دايم منه ارتجف مبسمها .. بقشعريره موذيه جارحه … ياكم وقفت عالمدخل تترقب مقدمه ومجيه .. انتفضت بضيق …
-اوووه ياربيه !!!
-جيت بفتح لك
انحت سمر مدخله المفتاح بالقفل وهي مسحت دموعها بعجل .. اول مانفتح باب المدخل تهادت عينها عالباب المكسور .. وقفت ثواني .. وحسه الصارخ ينعاد … شعورها ذاك اليوم يتجدد احساسها المتصاعد الغاضب .. ابتدى صوته وعينه تنحفر امام نواظرها .. ( جلست معها اربع سنين)
-يله نجول هاتي احطه انا جيبي
اطرفت لها .. بانشداه ..
-رتبتوا كل شي ؟!
-ايه ايه كل شي هاتي شنطته بدخلها واجي او مب لازم بحطها هينا يله نطلع
رفعت راسها لصورته … ناطقه
-سمر تدرين هالصوره راسمتها بنت خالته بجده !
-مين ؟! اي وحده فيهم؟!
-ماشفتيها !! ماتحبني ذيك البنت وادري انها الي راسمتها ومهديته اياها !! بس من كثر ماحبها خليتها هالصوره كانت اول شي لفت نظري يوم دخلت هالجناح!!!
رجعت سمر تناظرها .. متنهده
-يله نطلع فيه شي تبينه منه ؟! اجيبه لك !!
انسلت دمعتها بضيق
-ابي راعيه سمر وش المكان دون راعيه !!
تحركت سمر بعجل ساحبتها ..
-بيجي راعيه ان شاء الله .. منيب مقفله باب المدخل بخليه ! يله امشي
-سمر عادي تفتحين الانوار !! كلها افتحيها لاتطفون شي !!
-طيب
رجعت فاتحها الاضائات كلها … داقايق ورجعت معها حوض صغير
-نرجسك الجميل شوفي وين حطيته !!
خذته نجلا منها …ومشت لافه تاركه المكان ….
-ابي اصلي الوتر .. ارجعي سمر جيبي قراني بطاولة الصاله !!
-طيب اجل روحي جناحي بجيك الحين
تقدمت نجلا تاركتها بعقل سارح بحزن ضايج .. دخلت وراحت تتوضا تاركه النرجس عالمدخل …
…………………………………………� �………………….
بعد بوقت ….
جناح ام سلطان …..
من عرفت مسار العمليه احتواها الضيق وشتات الخوف …. رغم ثباتها … الظاهر داخلها متضعضع … عاجز بس لسانها ذاكر وداعي ومتأمل …. يسوق الله له العافيه ويتمم فرحته بشوفة هالضنى !! ويريح باله من الي حشارن سواده وسط روحه !! تذكرت ذاك الليل الاقشر يوم علمها بعقمه !! استمهلت النظر لسبحتها …. ثانيه واعتلى حس جوالها اطرفت له
-هاتيه هاتي جوالي!! من بيدق بهالليل الله يجعله خير !!
قربتها منها ممرضتها ..
رفعته بعجل ..
-الووو
-السلام عليكم
-الولييد!؟ يامرحبا يامي !! وش حالك يابوي!
-بخير الحمد الله انتم اخباركم ! البنات ونجلا!
-طيبين كلنا بخير انت علومك بشرني يقول ابو عبد الرحمن عمليتك مب هينه !!
-الله يصلحه !! زناد لا بسيطه ان شاء الله جاني الاستشاري وتكلمنا وشرحوا وضعي الامر سهالات باذن الله لاتشتقين !!
-والله اني ابي اكلمك جوالك مقفل يقول خذوا جهازك بالنا معك ياولدي!!
-خذته منهم عشان اكلمكم واطمن عليكم!!
-بخير ياولدي نحاتيك هذا حالنا !! ودنا ان احنا معك !!
-لا لحدن يجي الموضوع مايستاهل ياميمتي حتى وانتم فيه منيب شايفكم فالبيت احسن لكم !! انا اموري زينه يالغاليه !! ومرتاح بالي دامكم بخير وبالبيت ماعليكم خلاف ان شاء الله !!
تنهدت ضايجه مستبشره بصوته خير
-الله يقومك سالمن غانم !! ياجعل دخلتك علي ياولدي ماتفارقني!!
-امين … امين …. عاد عقب وش يريحك منا بنغثك بالصغيره او الصغير !!
-يااااااالبيه ولبا منهو ولدن له !! عسى مماني له ملفىى ومنصى !! جعلي ماخلى من شوفه وحب عيونه!!
مرت ثواني صمت .. وهمس
-امين ،، نجلا وينها عندك ابي اكلمها!
-كانوا هنيا وطلعت مع سمر !!
-شلونها ! ؟
-ضايقه بس ماتركناها لحالها بترقد هنيا الليله !!
-اي لاتخلونها مع هواجيسها ماينفعون يلتمون مع بعض تجلس تاخذها الظنون بي ثم تشق بي ياميمتي وانا ابي
اطلع وتريحني !!
ضحكت بخفه حانيه
-الله يحفظكم هي مير عارفتن غلطها يابوي !! اصبر عليها انت العاقل الفاهم !!
-نصبر من يقول مانصبر !! لكن بعض الصبر يورد للهلاك يالغاليه
-لا لاتقوله الله يبعد عنك هالهلاك جعله في عدوينك ومن يبي ضرك !!! قادر ياكريم !
سمعت تنهيدته
-نايف جاكم عطاها اغراضي!
-اي جانا من قبل ساعه اظني !!.. خل اناديها لك زين دقيت نسمع صوتك ياولدي !! والله ان قليبي شاب سمعت حسك وارتحت
-افا !! وش دعوه ياميمتي ان غبت عنكم فانا تارك عندكم الي اغلى مني !!! مودعك النفيس الغالي !! هو وامه !! تاكدي اني بخير وبدخل عمليتي وانا مرتاح دامي متطمن انهم عندك وحولك !!
-الله يردك سالم وتفرح بهم ومعهم ياجعل حملها تيااسيير مابه تعاسير !!
-امين ويطول بعمرك ويحفظك اجل بسكر واخليك ترقدين بشوف ادق على سمر لاتنادين احد ارتاحي!!
-بكرا ياولدي علمهم اول شي يسونه عقب عمليتك يطمنونا ويبشرونا !! زناد مير ماهوب يرد علينا !! الا باليالله
!
-ابشري على هالخشم !! امري وش تبين زود
-سلامتك وعافيتك وردتك مجلسك وبيتك بابوي !! هذا الي ابيه !! وابي تبرد قليبك وتتوكل على ربك الدنيا ذي لو بنصاليها محدن بيبقى حي !!!
نطق بحس هادي
-الله كريم … الله كريم … يعين الله !! .. نامي وارتاحي انا خذت الجوال مخصوص خابرك شايلتن همي دقيت ابي اطمنك وترقدين !! وبكره ان الله كتب انتظروا البشاير !! بعون الله ! بكلم نجلا من جوال سمر اشوف اخبارها !! ثم اتريح !
—الله يحفظك ويطمن بالنا وبالك ! ياولدي ! الله يسر قليبك بالعافيه الي سمعتني صوتك بهالليل الاقشر !!
فمان الله ياولدي
-فمان الكريم .. !
…………………………………………� �…………..
نجلا جلست مع سمر بجناحها …. من دخلت وتوضت .. طلعت شافت سمر مستجلسه تتقرا بالمصحف … تقدمت بصمت شافت السجاده مفروشه … انحنت بلاشعور شايلتها مع الشرشف … ومصحفها وطلعت بلكونة جناح سمر … فرشتها بروح وجلانه … ولفت شرشفها بيدين ترجف متعاجله لقاء باريها لانه بيسمعها وبيفهمها وعالم بخوافيها ومكنون خوفها وضيقها بيطمنها … وبيحتوي ضيقها وجنون فكرها الي اجرم فيها وبعقلها وروحها …
صلت وسجدت وتاهت في عالم يخصها هي دون غيرها مع خالقها …. راجيه ومستغيثه … استلجت مشاعرها باكيه بدون شكوى فقط رجوى …. ماتدري لكم جلست الين جف ريقها يمكن ؟! او الين استهلكت طاقتها … تماما … حاسه بانغلاق وسع السما حوالين ضلوعها … وكل خلقتها …
انتهت سمر من قرايتها قامت تشوفها سمعت همسها وحشرجة صوتها ماحبت تتطفل على مساحتها الخاصه الي اختارت مكانها …. رفعت راسها للسما مستشعره غمام الضيق … الي مخاوطهم الخوف والترقب والتوتر …! شي مهلك للروح عاشت هالشعور جربته !! مؤذي الاحساس !! قاهر !! وقاسي !! تبادى حس رنين جوالها تنهدت مطرفه لنجلا وسكونها … متراجعه بهدووؤ …. حركت هدب عينها ساحبه منديل تمسح مدامعها قبل تمسك جوالها متوقعتها رنا … انحنت وجمدت انفاسها وهي تشوف اسمه … التفت يم البلكونه وحركة الستاير المتهاديه ابعدت بخطواتها داخله غرفة نومها رافعه الجهاز
-الو الوليد ؟؟
-بعينه وعلمه !!
تحشرج صوتها ..
-اخبارك ؟! انت طيب ؟؟
-بخير ياخوك طيب مابني الا كل خير !! افكر وش احط شروط لزواجك !!! ابي شي تعجيزي تخبرين انتي غاليه عندي!!
حركت هدب عينها مهتز متنها !!
-مب لزوم تحط وتفكر !! من يقول اني ابي افارقكك!!! انا توني ماشبعت منك ياخوي !!! ابي اعيش معك سنوات واجد !!!!
ضحك بخفه ..
-يعني ظنك اردهم واحجرك عندي ؟! مب شينه ياخوك !! عالاقل يعاشرك ولدي وياخذ منك خفة الدم الي تنقصني !!
ضحكت ببكا ..
-ان جو مثلك غنيمه يالوليد !! مافي شي ينقصك !!! احنا الي ناقصين بدونك !!! كل شي ناقص !!! هالبيت بكبره كله ناقص !!! الله يردك سالم !!!
مرت ثانية صمت يتخللها ضيق انفاسها
-ان شاء الله .. كم يوم بالكثير وانا مسنتر عندكم !!! ليل نهار !!!بتتحمليني !!!؟ مجبره تتحملين مالي الا انتم !!!
-بعيوني احطك يالغالي !!! بشيلك والله من الارض شيل !!!
-الله لايحرمني منك !! شلونكم ليه سهرانه ؟! مفترض رقدتي عشان يمشي الوقت !!!
-شلون نرقد غريب كلامك !!!
-عشان يمشي الوقت وتجيكم اخباري الي تسركم !!
-مانقدر ننام !!! مافيني نوم !!! انت اخبارك عساك طيب !!
-انا ؟؟ بخير انتظر الصبح عشان ادخل عمليتي !! ان شاء الله مايلطعوني !! ابي الخلاص!! ماتعودت عالمسكه !! ولا احب اجواء المستشفيات !!
-محد يحبها !!
-عشان كيذا ابي يستعجلون وارجع لكم !!
رفعت يدها تمسح دموعها
-بترجع ان شاء الله وبنستقبلك احلى استقبال !!!
استشعرت حسه الحاني المبتسم
-هذا الي محمسني !! احتاج تدلعوني !!
-تجي انت بس وتشوف !!
-ان شاء الله الله كريم !! مزيونتي وينها !!؟ نامت ؟؟
-الوليد ؟؟؟؟ من جدك تنام !!! مستحيل ترقد نجول !! فارشه سجادتها بالبلكونه … صلت وجالسه تقرا قران !! لها ساعه وشوي !! مانامت حتى ويالله كلت !!! بس لاتشيل همها انا معها ماخليتها وبترقد عندي الليله!
-اقديتي !! عطيها الجوال ابي اكلمها !!
-ابشر … طيب الحين بسالك .. جوالك بنقدر ندق عليك الصباح او لا !؟
-ممكن بس انا بدق عليكم !! وان مادقيت لاتشتقون !! العمليه سهالات !
-وين سهالات شفتها باليوتيوب !! صعبه عمليتك !!
-صعبه عالضعيف ياخوك اما المؤمن المتوكل عليه مب صعبه الا هينه ان شاء الله !!!

[قال الزهر آآآه]

-ان شاء الله
تهادت خطواتها … الين البلكونه … هامسه له
-انا عندها .. لحظه … الوليد ؟!
-لبيه !
شدت مبسمها بارتجفاف..
-الله لايحرمني من هالصوت قول امين !!
-امين !!
-انتبه لنفسك وابعد الي يضايقك ترا نفسيتك لها دور كبير !! بالشفاء
-هذا الي انا قاعد اسويه ياخوك !! اتشافا بكم !!
غصه استحكمت وسط حلقها .. عاجزه ترد .. تنفست بعمق ..
-نجول ؟!
اطرفت لها نجلا وهي تتقدم ..
-هاه؟! فيه شي ؟ نامي سمر انا بجلس !! مافيني نوم اذا نعست رقدت !!
تبسمت لها سمر
-الوليد يبي يكلمك !
-وينه ؟! يكلمني وين
اشرت لجوالها وتحركت نجلا بعجل مستاقفه وهي تمسك شرشفها ومصحفها بيدها ..
مدت لها الجوال رفعته لمسامعها بقل تصديق
-الوليد !!
-عيونه !!
تتباع منطوقها الملهوف
-اخبارك ؟! مانمت ؟! كنت متاكده بتدق !! شلونك الحين ؟
-روحي جناحنا عشان اعلمك اخباري !! وادخلي مكتبي بدق عليك على تلفوني الخاص المكتبي !!..
-انت طيب ..؟؟؟
-ردي هيناك واعلمك يله !! بسكر وادق !!
-طيب يله بروح !!
قفل منها عطته سمر … المترقبتها …
-بيكلمني بجناحنا برروح !! خذي مصحفي !!
رفعت شرشفها ماسكته وخطواتها تتهادى بعجل
-نجول انتبهي لاتطيحين من الشرشف !!
-طيب …. طيب ..!
ترقبتها سمر وهي تطلع عجله … بضيق … سارح …
………………………………..
دخلت نجلا الجناح بعجل …. متناهي لمسامعها رنين الهاتف المكتبي الي يخصه … فتحت الباب بخطوات عجلا … مستجلسه على كرسيه … ورافعه السماعه ..
-الووو
-اي معك …
-اخبارك علمني ؟! عمليتك قلب مفتوح ادري !!!
-اول شي اخباري عندك !! ثاني شي هالقلب قد فتحتيه انتي !! وش عاد عمليه نجلا !! سهالات ان شاء الله !!
انسلت دمعتها وهي تسمعه ماتبي تنطق تبيه بس يهرج وهي تسمع ..
-لابسه شرشفك !!
بهتت نظرتها بصدمه وتابع
-شرشف الصلاه اقصد !
نطقت برجفه
-اي كنت اصلي الوتر وادعي لك !
وصلها حسه الهادي
-اكيد تشبهين اليوم الي جيتكم فيه ودخلتي علي لابسه الشرشف !! متاكد يومها كنتي تصلين وتدعين تفتكين مني !!
جمدت انفاسها متذكره ذاك اليوم …
-لا كنت ادعي ربي يحميني وجيت انت !! قلت اني اخصك !! حذرت نايف مايوذيني ولا يضربني!!
مرت ثواني وانفاسها مشحونه …
نطق بنفس الحس
-نظرة عينك ذاك الوقت كانت اول امالي نجلا !!
واليوم صار للامل عندي صوت !! تدرين منهو هالصوت؟!
همست بخفوت
-مين ؟!
-هالنطفه الي فيك !! النفيس الغالي على ماتقول ميمتي !! هو عندي صوت الامل !! لي !!
سكتت بدون ترد
-جالسه على كرسيي انتي ؟!
-امم ايه .. مادخلت الا مره جناحنا ماقدرت !!
-مفترض تحيينه وتدخلينه ! لاتهجرينه هذا مكاني ومكانك !!
ردت بعجل ونظره حانيه
-وولدنا بعد او بنتنا !!
-لا انسي !! قايلك بحطهم بالجناح البعيد !!! لاتحاولين !! كلامي مب متراجع عنه !! محدن بيشاركني مكاني معك حتى هالجلمود الصغير !!
ضحكت بخفه …
-ايه اضحكي !! احتاج اسمع هالصوت !! لاتصيحين انا طيب وبرجع
قاطعته برجا
-ان شاء الله !! اي وقت عمليتك؟؟
-ودي انها الحين !! ابي افتك !!
-عيا يمشي الوقت يالوليد !!! مب راضي !!
-بيمشي وبيمر هالليل الكريه !! كيف الجو ؟! برا يوم صليتي ؟؟
-حر مب زين !! مافيه نسمة هوا !! مره حر !! ماينطلع به اساسا !!
ضحك بحس خافت فاهم مقصدها …
-ذكيه انتي!!! بس منيب اعرف ليه معي تتغيبين !؟
شدت مبسمها …
-قلت لك يوقف عقلي!! اي شي يخصك معد يشتغل !!!
-لا ابيه يشتغل انا !! ويفكر !! ويعرف!! ابيه يفهمني ويتحملني!! ويصبر معي!!! انا اقوله لك وادري انه يسمع ويطنش!! بس بعرف اتفاهم معه !! بعون الله !! خل ارجع البيت !! ولي شغلن واجد معه !!
رقت نظرتها ..
-حلالك !!!
-وشهو الي حلالي ؟؟
-عقلي !!!
مرت ثانيه ونطق راد
-انتي كلك بكبرك وكل مافيك الشي الوحيد الي حلالي !!
حبست انفاسها بتوتر تدري يرمي مضامين فكرها لاماكن عالمن فيها وهي تبي تتناسها ..
-جاب لك نايف اغراضي؟!
-ايه جابهم !!
-دفترنا بشنطتي !!
-كتبت انت فيه شي؟!
-ايه بس لاتقرينه الحين !! خليه بكره ان دخلت عمليتي اشغلي نفسك فيه !!
انسلت دمعتها بضيق ..
-متأمله بربي خير .. كل شي بيصير زين !!
-ونعم بالله !! عجزت ارقد انا !! حاولت ماقدرت !! قريت وصليت !! ماقدرت !!
همست بشحنة انفاس ترتجف
-لازم تريح عشان عم…
قاطعها .. بحس حازم هادي
-أحتاج ايات السكينه !!! بغيت انادي ممرضه مناوبه تقراها لي !!
-كان ناديتها !! بهيتمون فيك مريضهم انت !!
نطق برد هادي قاطع
-مابي !! هي مب مثلك !!!
كشرت ببكا صامت مدركه وش يقصد … هامسه بخفوت
-انت تعاقبني !!
-لا مااعاقبك انا اقول الصدق !! انا مااعاقب وانا بعيد لازم يديني تبطش..بك !!
ضحك بهادي الصوت…
-بقراها لك الحين !!
-شوي مب الحين !! شفتي مكتبي ؟ تذكرين يوم ترقصين لي ؟!
قطبت هدب عينها مستجلبه ذيك الذكرا البعيده راده
-ايه اذكر !!
-نسيت اعلمك وقتها اني حبيت رقصك اعجبني !! جدا !!
-الوليد؟ ادري تشتت ذهني عشان مافكر بوضعك فاهمتك انا !!
تنهد ..
-تفهميني !! بس ماترحميني !! مشكله ذي !! واصعب مشكله مرت علي عاجزن احلها معك !!
تبسمت بعبره
-ان جيت بنحلها انا وياك ان شاء الله !! وعد مني بتنحل !!
ضحك ناطق
-دام وعد منك اجل من الحين اقولك مامن حل !!
-منيب راده عليك وعلى كلامك هذا !!… بس بقول شي واحد انت مايعجزك شي خاصه انا !!
ضحك بحس متبادي .. متتابع … رسم بسمتها بتوهان
-خبيثه انتي !!
-لا مسكينه انا ويتيمه ووحيده زوجي مرقد بمستشفى واخوي مدري عنه !!
-يجيب الله مطر ان شاء الله !! شالوا الشعر الي تحبينه بصدري!!
-كيف ؟!
-حلقوه لي!! عشان العمليه !!
-عادي بيطلع بعدين !!
-بيغيرون شرايني مدري عاد بيغيرون معها شين ثاني او لا !! ترقبي يمكن ان قمت ماتلقين نفسك فيه !!
زمت شفايفها متهاديه خصلها عقب انسل مربط شرشفها
-تسمع صوت نبضك ؟؟ انا اسمعه مشغلينه لك ؟؟ صح تسمعه انت!!؟؟؟ انا هو ! شلون بالله بيشيلونه؟! بس ربي قادر هم لا !!!
تنهد بحس مسموع ساحب انفاس بعمق …
-هذا الي بيجنني منك !! انك تعرفين !!
سكتت بدون ترد …
-موعد تحليلك يمكن اكون ماطلعت لسه ! بيسونه لك بالبيت !!
-اي موعد ؟؟ آه ذكرت !! طيب عادي يجوون !
-بخليهم يجون ان شاء الله !
تلمست يدينها مكانها الجديد الحبيب …
-وش شعورك نجلا علميني !! وش تحسين فيه وانتي حامل وبتصيرين ام !! ؟
تبسمت شاده المكان ودها توصل لهالتكوين العظيم وتحظنه ونطقت بثبات
-احس اني ملكت كل شي حلو بالدنيا !!! مو مصدقه كاني احلم !! فيني شعور غريب مابي يجيه شي ابد ولايضره شي !! بحتويه واحبه بكل مافيه ! بعلمه وبحفظه القران !! وبكون معه دايم !! بكل شي !!! ابي اكون قويه ابي اكون ام قويه زي امي مهره!! ولدي بيكون ان شاء الله طفل قوي !! زي ابوه !! انت طبعا بتعلمه يركب خيل وبتدريه زي مادربتني !!! وبيروح معك المسجد !! يعني بجهز لبسكم الاثنين!!! واجد اشياء بسوي عاد سواء كان ولد او بنت !! بخليها تعبر وتقول وتعرف تتكلم منيب كاتمتها ابدا !! يتكون مؤدبه وعاقله وحره بيت ابوها !! معززه مكرمه !! بتعيش قويه بنتي باذن الله !! وانا بكون معها !! بحنيها حنا العيد !! وانت اشتر لها خلخال!! ..
سكتت ثواني وسمعت حسه
-وبعد ؟!كملي
-بنحبها احنا الاثنين !! كلنا بنتشارك بتربيتها !! صح بتتدلع علينا بس يحق لها !!!
-متى يبدا يكبر بطنك؟!
-مادري ماعرف ؟!
-ان شاء الله اشوفه !
-اي ان شاء الله بتشوفه وين بتروح؟!
سكتت مضيقه نواظرها …
-منيب رايح مكان وين اروح !!؟ وان حصل رحت يرجع !! فيه بيتي وراحتي لابد ارجع لهم !!
الواحد مايرتاح الا ببيته ومرقده !!
-ان شاء الله ..! بتجي انا اعد الايام من الحين!..
تحشرج حسها
-ليتني مارحت !!!! لو مارحت كان قلب
قاطعها بحزم
-عندي يتضرر منك ولا من غيرك !!! بعدين لاتددقيين بالعكس خيره ! وغير كيذا صار عندي لسته مرفوعه لك ! تخبرين انتي متشوق انا اعاقبك !
ضحكت بخفه
-ياذا العقاب !! نفسي اعرفه والله !! وشهو عقابك لي ؟!
-تمهلي لاتستعجلين الوعد قدام !!!
رقت نظراتها
-مايهمني !! دام انت بخير ؟؟ وانا ووصوت الامل بخير ؟؟ بقبل على الحياه بكل قوتي معه ومعه وبعقابك بعد !!
هتف بانشراح
-ونعم الام والزوجه!!!
زادت بسمتها … وتطقت
-الوليد بسالك ! تذكر قلت لي ليلة العيد انا اتحدى العالم بك واتحدى نفسي فيك ؟! خسرت التحدي انت صحح!!
انتظرت رده بضيق صامت .. مترقب
-خسرت بواحد بقى واحد !! كسرني واحد وبيجبر كسر واحد !!! مازلت اتحدى العالم بك !! رغم الشواهد الي حصلت !! بس عندي امل !
خفتت ابتسامتها …
-بس الواحد هذا ابعدك الحين !!
-خلي الثاني نجلا يرجعني !! السبحه بين يدينك مانفرطت لين الحين !! جوديها !!!
سكت ثواني ثم تابع
-اذا تركتيها وانفرطت مامن رجعه لو عقدتيها مليون عقده !!بتضل العقد موجوده كما العلقم بالصدر !
شدت مبسمها ..
-وش تحتاج الحين وش ودك فيه ؟؟
تتفس بهدووء يتخلله مسار نبضه الهادي
-احتاج ايات السكينه فقط !!! هي المتوفره لي منك !!
انحنت سانده راسها على طاولة المكتب مهدود حيلها ..
-اقراها لك طيب ؟!
-اقري … لاتوقفين !!
احتنت نظراتها .. مسميه ومبتديه تقراها بحس هادي حاني .. يمتزج بحنو … ويتناغم مع انفاسه .. الي توصلها وتهادي خوفها وروحها ….
…………………………………………� �………………………….
بعد بوقت …..
وصلوا التفتت له ..
-طمني لاتنسى !!! بننتظرك !!
هز راسه بتاكيد
-ان شاء الله …
ترقبته هاتفه برجا
-اكثر شي مريحني ان انت موجود معه !!!
ركز بنواظرها بصمت … وتابعت
-واثقه باذن الله ان ربي حطه بين يدين امينه !!
-الله يقدرنا على الطيب !! يستاهل ابو صخر !! من يوقف له !!
هزت راسها … ماسكه مقبض الباب … وفاتحته
-مع السلامه .. انتظرك
-فمان الله …
طلعت مسكره الباب مترقبته اشر براسه وكف يده لجل تدخل .. بلعت ريقها وتوجهت للمدخل … انفتح الباب لها الا بسمر وهو حرك مسار سيارته لاف ومتقدم بها …
-ادخلي رنا حرصتيه يعلمنا مايطنش مثل امس!!
-ايه ايه بيكلمنا ان شاء الله … وبنكم جالسين فيه ؟
-عند امي .! نجلا راحت !!
التفت لها وهي تسحب طرحتها وسمر تسكر الباب
-وين راحت!!!!
-اخوها جا خذاها قبل شوي !! الوليد يبي يشوفها !! هو الي طلب !!
ارخت نواظرها .. بفهم
-متى ؟؟ زناد يقول عالساعه ٨ بيدخلونه !!
-من شوي مشت !! لها ربع ساعه !! تو نا سبع الحين !!
تعالي!! تبين فطور امي صايمه وانا بعد !!
-مابي شي مالي نفس اكل شي ابد
-كلنا والله …
تقدموا لجهة الصاله …
-غريبه الوليد طلب يشوف نجول ! معد بقى شي على عمليته
-مادري رنا ! كلمني وقال نايف تحت خل نجلا تنزل !! ماكلمها حتى لو تشوفينها بغت تطير !!! ماصدقت !!!
دخلوا الصاله اقبلت رنا مسلمه
-سلام امي حبيبتي اخبارك ؟!
انحنت لاثمه جبينها ..
-عسى نمتي ؟! وتسحرتي !!
-هلا بنتي !! الحمد الله ! طيبه اخبارك ورجلك!؟
-بخير
استجلست تاركه شنطتها
-راح الله يستر عليه يسلم عليك !! بيدخلون الوليد عقب ساعه !! غريبه كلم يجيبون نجلا !!
-وراه ؟! مامن شين غريب !! مريته بيشوفها قبل يدخل !! الله يطمنه ويسر قليبه !!
استلست سمر ماده رجولها ومكتفه يدينها …
-اي احسن دخلت عليها مكتب الوليد الي فوق لقيتها غافيه عليه والسماعه باذنها !! كان يكلمها !! قبل اتكلم فزت من مكانها !! تحسبه عالخط !! وهو قده قفل !!
-كلمكم ؟! زييين ! اخباره ؟!
-اي كلم امي وانا ونجول ! ماعليه يمزح ويسولف عادي !! يبي يطمنا !!
تنفست رنا بهدووء
-الله يطمنا عليه يارب متفائله خير !!
نطقت سمر بعبره ضايجه
-انا لا !! احسه لحاله !!! ماحب كيذا !!! هو يحتاجنا الحين هيناك عنده !!! حتى يوم كلمنا بس يمزح ويضحك والله العالم وش فيه من ضيق !!! اكره هالشعور !! بس هو مايترك لنا عليه مدخل !!! … دايم يسوي كيذا دايم يكتم !!! اكيد متوتر اكيد عشان كيذا كلم تجيه نجول !! اشوى راحت له !!
رفعت يدها تمسح دمعتها !!
-الله يعافيه يارب حرصت زناد يعلمنا ويرد علينا !!! معلمني قال من الساعه ٨ احسبو ست ساعات وشوي !! وان شاء الله اقل !!
رفعت سمر كفوفها ماسحه ملامحها
-يالله ياشين الانتظار الوقت بيمشي بشويش!!! ذكرت عملية امي !!! كنا هيناك معها الحين احسنا مربوطين !!!
نطقت مهره
-بيحفظه الله !!! بنتي !!! قليبي متطمن !!
ابعدت سمر يدينها مطرفه لها
-صدق امي ؟! احساسك انتي دايم صحيح !! تحسين بتنجح عمليته يمه؟!
-ايييييه ان شاء الله !! خيره ان ربي كشف عوقه مبكر !! هذا كله في صالحه هو !! والعلم بنتي تطور !! يارب لك الحمد !!
الله يطول بعمره ويمده بالصحه والقوه !!
-امين ..
التفتت مهره لرنا
-اخبار رجلك وهله ماكلمهم !!
-لا ولا احد وانا مارديت الا على خالتي مشتقه ضعيفه طمنتها علينا !! قلت لها منشغل بالمستشفى ماسافرنا !! عمي زعلان عليه زعلن كايد !!
-الوالدين بنتي مايزعلون !! يطلع الهرج منهم من ضيقن سكن قلوبهم بس مايزعلون !!! خلك مع امه طمنيها وكلميها !! وخواته ضعيفات !! ان هدت الامور سايريه وعينيه عالبر وعلى رضا والديه !!
هزت راسها بتفكير .. سالي … بوضعهم الغير مستقر .. تجاهله لها ونفوره هي بيدها جنت ووصلتهم لهالحال !! ضيقه تكتنف روحها حتى وهو قريب لانه بعيد بعالمه المنغلق عنها !!! ماكلمها الا كلمات معينه تخص وضع الوليد !! طمنها اكثر من مره .. مدركه انه يتباعد عنها وبداخله نار ضايجه من الكل واولهم هي !!!
…………………………………………� �……………………
تبادت نظراتها بترقب وشعور مهيب وهم يدخلون من البوابه… انفاسها ترتجف ملهوفه… مب مصدقه انها بتشوفه !! .. التفتت اول ماوقف نايف بموقف
-نايفهو فيه ؟ شي ؟؟ علمني ؟!قول الصدق !!
سحب مفتاح مبتسم
-مافيه الا العافيه بيسلم عليك قبل يدخل وبس!!
رفع اصبعه محذر
-من نطلع عنه لاتقولين بجلس كلامه لي واضح يبي ارجعك البيت على طول !!
هزت راسها مستوعبه كثر محاذيرهم جميع … من قبل تطلع وسمر تحرصها وتوصيها .. وهي تسمع وروحها ترجف ….عينها تطرف يم الشارع .. والمواقف ومسير بعض الممرضين والدكاتره ..
-سمعتني ياخوك؟!
-اي طيب نايف يله ننزل !!
قبضت ممسك الباب … وهو مثل نزل وعينه تترقب السياره الي وقف قريب من موقفهم .. مضيق نواظره .. هاز راسه له.. ومبعد نواظره .. ماشي قايض كف يدها
-يله من هينا تعالي !!
تبعته .. تبي تخطي بعجل …
-افطرتي ؟؟
-كليت شوي !
-بحطك عنده واروح افطر ثم برجع لك !! ان دق علي !! مب مخليني اجلس اساسا!!
-طيب ..
مشت معه داخلين غاشيها براد المدخل مستعمق بانفاسها .. واصل لحر جوفها ومايكفي … صعدوا المصعد .. وهي وراه .. انفتح تقدمها ساحبها معه .. عينها طافت بالمكان .. لمحت الي واقفين ..
فعت يدها ساحبه طرحتها بعجل مستمهله الخطوات ورا نايف ومتخفيه .. عرفتهم عيال عم الوليد خالد وسعود ومعهم كم واحد !!
همس نايف موقفها
-خلك هينا شوي !! بجيك
ابتعد عنها تارك يدها وراح لهم ماتدري وش قال لهم … عقب سلم عليهم جميع ثم وابتعدوا عن المكان ..
لمحت دكتور طالع من باب كهربائي سحب ركزت وقت شافت نايف يسلم عليه ويتكلم معه .. عرفته !! زناد بس لابس ومتجهز .. طلع دكتور ثاني وسلم عليه نايف .. دقايق تكلم معهم ثم سلم عليهم وابتعدوا ماشين .. التف راجع لها تقدمت بلاشعور وعينها بينه وبين الباب الي وراه يطلعون منها الممرضين !! ويدخلون !!
-يله تعالي .. رقم غرفته ٦ .. ادخلي سيده ثم تجيك عاليمين !! بيجهزونه عقب شوي !!

يتبع على هذا الرابط

https://www.rewity.com/forum/t441838-1738.html

[قال الزهر آآآه]

استبرقت عينها .. واعتلى نبضها عاجزه ترد .. شعور مستلج وتوتر كاسيها ورهبة خوف .. ابتدا يتجلى بكل روحها .. يزداد ويزداد .. فتح لهم ممرض الباب ونطق
-شخص واحد يدخل !!
-اي هي بس !!
شد يدينها ..
-بكون قريب ..! ياخوك يله الله يحفظك !!
سحبت يدها اول مانفتح الباب مسحوب داخله وقلبها يعتلي بنبضه عينها تقرا الارقام بتاابع لين شافتها انتبهت لسرير مجهز امام غرفته وطاقم تمريضي.. يتكلمون فيما بينهم مشغولين عنها ..
-دكتور حاتم وينه ؟! مفترض يدخل غرفة العلمليات قبل نجيبه !!
-لسه بغرفة العلمياات رقم ٢ .. بيطلع منها على اربعه على طول !!
تاهت نواظرها ماره من عندهم وهي تشوف السرير الي بينقلونه عليه .. ارتجف فكها دداخله .. بعجل !! هاتفه
-الوليييد !!!!
شافته جالس على السرير مبعدين الاسلاك عنه .. تلاقت نواظرهم
تبسم .. بنظره جزله
-بيطلعوني واخرتهم انتظرك !!
تهادت خطواتها له .. مقربه منه ومنحنيه ضامته بعجز تااااااااام …. شاهقه بضجيج موجع … مب قادره انها تتماسك !!! احتظن معتلى جيدها بعمق …
ناطق .. برجفة صوت
-وانا اقول جيبها يالوليد تصبرك !! وتعطيك شين ايجابي !!
تحشرت انفاسها … شاده جيده اكثر .. واكثر …
-طيب خل اشوف وجهك ؟؟ فكي غطاك !!!
تراجعت .. وهو رفع يده يبعد نقابها .. استمهلت نواظره مدامعها .. سحبت يدها تمسح دموعها
-وش فيه الوليد ؟ ليه تبي اجي !! علمني وش تبي تقول لي ؟! لاتخوفني !!! طول الطريق ماعرفت افكر !!! خفت طول الطريق خايفه !!!
ابعد طرحتها .. امام نواظرها مظهر شعرها .. تارك خصلها تتهادى بعصيان جاحد حوالين ملامحها الضايجه..
ترقبها بنظره حبور .. متنفس بعمق.. تحرك وتراجعت .. تستمهل النظر بصدره المتجرد من كل شي … .. استجلس رافع روب المستشفى .. اطرفت يم اثر ذراعه .. المزرق ومايل للخضار .. الخفيف.. رجعت تناظره هامسه
وهو يوقف رافعه نواظرها له..
تلاقت عيونهم .. همست بثبات
-عساك نمت شوي !!
-يعني غفيت جوالي باذني !!! وانتي نمتي وارتحتي !!
-مثلك نمت والسماعه عند اذني !!
نطق بتنهيده اليمه محتاجه
-آه يالله!!!
قبض ذراعها جاذبها .. منحني دافن انفاسه .. بمنحنى نحرها .. وضامها بعمق رصييييين قوي!!! محاوط بيدينه كامل جيدها .. ناطق بأجش الصوت
-ابي اشم ريحتك قبل ادخل !!! ابي اضمك مدري متى بقدر اضمك زي كيذا لصدري !!!
تحشرجت روحها هالمره مو الانفاس ماقدرت تخرك يدينها لانه جاذبها معهم كلها محاوطها باذرعه ..
استشنق شذى بشرتها .. بتعمق منتاابع .متمسك بها .. ناطق بنفس الحس
-ادعي… لي اطلع سالم نجلا!!!.. ابي اعيش !!! ابي اشيب واربي جنيني !!! ابي اشوفه ننجلا مابي اموت !!! ابي اكون معكم !!!
امتلت انفاسها بغصه ثقيله .. هامسه برهبه من قو المشاعر الي تمتلي بها ونطقت بكلام متضعضع .. مرتجف
-بتعييييسش!!!! وبشيب راسك كله بيصير ابيض!!! بنعيش كلنا !! ان شاء الله بنعيش كلنا !!! وتشوف !! بنجيب بعد غيره واجد !!! الي عطانا واحد بيعطينا غيره كثير !!!
نطق ضاغط مبسمه اكثر
-مابيه يعيش مثلي !!! ابي اكون فيه !! ابي اشوفه يكبر !!! مابيه يعرف اسمي ولاينادني ان احتاجني !!! ابي اكون فيه فيه !!!!
-بتكون فيه يالوليد !!! كيف يعطينا ربي ثم يحرمنا !!! الظن فيه كبير !!
شدد احتظانه اكثر .. لين حست بدك عظامها .. وعجز انفاسها … ثم فجأه خفف وابتعد .. حركت يدينها ضامته من جديد ..
-كلها كم ساعه وتقوم !! وتشوف!! بطلع اتصدق بشتري كراتين مويه واوزعها !! وبتشري وجبات واوزعها !! بتصدق بفلوس !! وكل شي !!! الصدقه تدفع الشين !!
تراجعت ويدينها تتلمس اذرعه
-وبستودعك ربي !! والحين وبعدين بعد !!!
ناظرته .. لامحه نظره سقيمه اهلكت داخلها .. رفعت يدينها محاوطه رقبته جاذبته لاثمه مبسمه .. بحنو .. استملك انفاسها .. باندفاع .. مختلف عن كل اندفاعته السابقه … شعوره غيييييير وطعمه غير …. انسحبت مع انفاسها روحها له ..ابتعد باجهاد مرغم لاثم ملامحها بتتابع عجول … راسم بحدود لثماته كامل خلقة الله فيها … تنفس ناشق .. مبعد
وعينه تدرر نواظرها قابض راسها بين كفوفه
-انتظريني !! برجع البيت !! ان جيت ابي اشوفك اول الناس اول الكل !!
هزت راسها بتاكيد منسله دمعتها
-ان شاء الله طيب !!! عسى ماسنتر عند البوابه!!
ضحك بخفه ..
-تسوينها !! مقويه وكل شي يجي منك!!
سكت مترقب نواظرها بعمق ..
-انتبهي لنفسك
مد يده لبطنها وتابع
-ولهالصغير !!!سولفي عليه بدالي !! لين اجي علميه عني !!
استبرقت نظراتها بدمع وشعور خوف مجهد
-انت .. بتعلمه !!
هز راسه… متابع
-ان وصلتي روحي اقري الي كتبت اخر صفحه كتبها البارح!!
-ابشر
ركز بنواظرها ثواني وكنه يحفر صورتها براسه ثم تنهد
منحني لاثم جبينها ببعمق ثقيل
-الله يحفظكم لي !!! يله اطلعي لنايف !! وروحي البيت على طول !! لاتنتظرين هينا ان طلعت وشفتك مايحصل لك خير !!
ضحكت برجفه .. رافعه يدها تمسح عينها
-حتى وانت بتروح تهددني !!! وتتوعدني ! خلاص كبرت انا !!
حرك اصبعه مشدد امام نواظرها
-لين يشيب شعرك الاسود ذا !!! بتكبرين عالكل الي علي !! سمعتي !!! لاتحدين نايف ولاتحرجينه !! بركبك انتي الغلط قسم !!! وهو قبلك!!! ثم عاد وش يفكمم من شري ياعيال غازي!!
هزت راسها مبتسمه برجفه ضايقه
-بروح بروح!!
تنفست بعمق حاظنته دافنه راسها بصدره .. مطالبته برجى دافي
-تعال ابي اشم مكاني !!احب ريحتك هينا !!احبها احبها !!
انحنى تاركها تتنفس قربه دافنه مبسمها مابين سمعه ومنابت شعره المستطال .. تنفست بعمق وتراجعت
لاثمه مكان نبضه
-استودعتك ياربي قلب زوجي وحبيبي !!
ابعدت وعينه تترقبها ببسمه.. ممزوجه بقل حيله ..
اندق الباب وابعدت
تعالى حسه الصادح
-لحظه!!!
سحبت نقابها .. ثم لفت طرحتها ويدها ترجف .. استجلس عالسرير مرخي يدينه بوسطه ..
-غطي عينك زين!
-طيب
-علمتي نايف انك حامل ؟؟
اشرت نافيه !! ثم همست
-اول سعد بعلم !!! .. ابعد نواظره … بهروب ..عن عينها متشتت… وهي
قالتها تسحب طرحتها .. ترقبها الين تغطت ونطق بعالي الصوت
-تفضل !!
دخل ممرض
-يله الحين بنزلك !!! ينتظرونك تحت جا دكتور التخدير !!
ارتجفت يدها ..مستشعره الخوف ..
-يله جاهز .. انا
-بندخل السرير .. هينا لحضات بس
طلع متراجع يفتح الباب ويشرعه ..
اطرفت عينها له هتف بأمر
-اطلعي !!نجلا روحي لنايف.. ولاتلفتين ابد!!!
سكت ثواني ثم تابع ..
-الله يحفظكم !!!
-ويحفظك يارب !!
هز راسه .. باستسلام ..
-امين
انتبهت لهم داخلين .. بتتابع ..
-اختي ممكن تطلعين الان بنجهز المريض !!
قاطعه الوليد بحزم
-بتطلع الحين !! تعال خلص شغلك معي !!!
هزت راسها طالعه بشهقات متاابعه مكتومه عن سمعه حاسه بانشلاع روحها معه ..معد تشوف … قال لها لايطلع ويشوفها !!! وقفت عند باب السحب ضغطوه لها وانفتح مبهوت النظر التفت عاجزه تمتنع عن الشوف !!شافتهم يطلعونه .. وصلها حس نايف المنادي
-هينا نجلا !!!
تحركت طالعه تدور الصوت ..
مسك يدها مقرب
-شفتيه؟؟ تطمنتي الحين!!
هزت راسها عاجزه تنطق .. خوف امتلك شعورها بلارحمه تاهت عينها بالمممرات .. وكل مكان …
-يله بوديك وارجع له !!! الله يقومه بالسلامه !!
ماردت خرس اصاب روحها … وتجلى بكامل محيطها … طلعت كارهه!!! مجبوره !!! يسحبها نايف جسد بلا روح … …………………………………………� �………….
غرفة العمليات …
استضاحت الانوار كما الشمس … واكتسى البياض جدرانها مسقيه الررح شعور قارس بارد …
مسك زناد سريره مبتسم رابط شعره بربطه مخفي معالم وجهه بكمام طبي
-هاه يالنسيب !! نتوكل على الله مستعد!!!
-اعقلها وتوكل !!
شد فوق يده
-ونعم بالله بالسلامه ان شاء الله !!
التف يخاطب دكتور التخدير
-دكتور حاتم يله جاهز !! تفضل
ترقبت نظرات الوليد سقف المكان بلا شعور … بارد احساسه وباهت .. ومتباعد … وحيد ! بعيد عن الدفا ..بعيد .. ذيك المحاني الي يحب !!وعن شذى الرايح الي تسكره ويهيم فيها !!!
-بنخدرك الحين مرارح تحس بشي بس تنفس بعمق !!
اشر براسه مطرف يم الابره الي تندس بالوريد .. بيده الممدوده ..
-تنفس بعمق اسحب انفاس …. نستودعك الله .. نشوفك قريب !!!
تبسم له الدكتور مترقب وضعه .. صوت نبضاته المعتلي نواظر زناد والي معه .. واصواتهم
بهتت نظرته جاذبه نواظره الكشاف الي انسحب وتوجه له ..
استجلب عقله المبعد عن الادراك .. ملامح بضيها تشابه هالضي … تنفس مدرك انحسار.. الضي .. بغمام اسود يسحبه .. عن زين رسمها وخلقها …
ترقبه زناد بحذر منتظر .. نطق دكتور حاتم
-يله فقط ثواني وابدوا!!!
رفع دكتور خالد راسه للجميع
-يله ياجماعه سمو بالرحمن !! الحاله الي عندنا سهله باذن الله ولاهي اول مره نجتازها بنجاح !! ندعي الله مايواجهنا اي مفاجئات !!! .. دقايق ونبدا .. جهزتوا كل الاحتياطات!!
-اي دكتور كل شي جاهز
اطرف يم زناد ..
-ان شاء الله عمليته ناجحه !! كل اموره مطمنه !!
هز زناد راسه … مبتدي يركب جهاز الدوره الدمويه باسفل البطن ..
بعد بوقت …
مد دكتور خالد كف يده
-بسم الله … حسام !!!!!مشرط رقم ١ ..!!!!
…………………………………………� �……………………………

بعد بوقت …
٤فتحت سمر الباب مشرعته
-هاه نجلا !!! تعالي شفتيه!؟؟ تكلمتي معه اخباره صدق زين ؟! نفسيته شلون!!
ابعدت نقابها داخله
هازه راسها
-شفته زين ماعليه !! طيب يقول انتظروني !!
-دخل العمليات زناد كلمنا علمنا من ثلث ساعه!!
-اي يوم رحت كانو مطلعينه من غرفته !!
مشت بخطوات … ضايجه لحقتها سمر
-تعالي معنا احنا هينا جالسين !!
-برقا فوق جناحي شوي واجيكم !!
-نجول لاتجلسين لحالك خلنا نسمع البشاير سوا !! تكفين
-طيب سمر ادري !!! بروح اسوي شي موصيني عليه وانزل !!
-زين نستناك !!
تقدمت للمصعد ضاغطه الزر اول مانفتح دخلت مسكرته وراقيه .. انفتح .. طلعت منه متوجهه لجناحهم بروح خاويه.. اول مادخلت جت عينها على شنطه محموله خذتها وراحت للصاله ماتدري شلون رمت نفسها مستجلسه ويدها شلون فكت السحاب تدور شي تحتاجه تبيه .. شي منه يخصها … بحثت ودورت فتحت الجيب الجانبي لقته سحبته بعجل .. اول مافتحته شافت قلمه .. الي عطته سمر .. رفعته تلثمه بخفه
-يالبيه الله يحرم يدينك عالنار !!
ابعدته لحظنها وتهادت يدينها وهي تتساند عينها تبحث عن مكاتيبه .. اخر شي قرته ذاك اليوم .. وصلت له .. وبرجفه تعدت الورقه نظراتها تتهادى .. لجمال خطه .. مبتديه روحها تقرا بصمت .. متعمن ..
اطرفت يم التاريخ .. بتوقيعه .. ورجعت تقرا بلهفه .. مستلجه كل كلمه داخلها تبطش وتفعل!!


تفجرت في داخلي بعض الاوهام
وانكشفت لعيني خفايا كثيره
ناس نحسبهم لنا درع وحزام
وصاروا علينا كالسيوف الشطيره
مالومهم!!؟ ماني من الناس لوام
ومشيّل حموله على اكتاف غيره
ان كان ماني للمهمات مقدام ؟!
لاخير باصحاب النفوس الكسيره
واللي على الخيبه يسوقون الاقدام
اهل الصغيره يتبعون الصغيره
ارتجف جيدها وانسلت دموعها بزود لين عجزت تقرا رفعت يدها ماسحه بحمق ضايج
وانا على دربي تحديت الايام
ووقفت في وجه الظروف العسيره
رفضت اكون بصفحة الظلم منضام
الحر ماله دور الا مطيره
لو حاولوا منعي قليلن الافهام
لاعاش من سلم لغيره مصيره
ورغم الجروح الي بقلبي والا لام
اخفيت مابي من جروح خطيره
مايشعر بحزني صغيرين الاحلام
لاني كبير!!! وامنياتي كبيره!!
….
ونت بانين قاهر .. مطرفه يم توقيعه ..
-آآآآآه …. ياربي !!!
( ناس نحسبهم لنا درع وحزام .. وصاروا علينا كالسيوف الشطيره))
اهتز متنها بشقهات متاابعه !!!
-يالله يالوليد !!! ياربييييييه!!
اسشرقت انفاسها بغصات عاليه متتابعه مجرمه …
عاجزه تسبق انفاسها .. شهقاتها .. المتسابقه .. بضيق
حركت الورق وحبست انفاسها ... شايفه صورة السونار .. ارطفت يم الورق ..منتبهه انه كاتب زود ..حطتها بحظنها و
مسحت دموعها بعجل ساطي تستبرق النظر
قاريه ..
وغدا سيجري دمع عيني فرحة
وأرى السحائب بالاماني امطرت
وأرى ضروف الامس صارت بلسما
وهي التي اعيتني حين تعسرت
سأقول سبحان اللذي رفع البلا
من بعد فقدي للرجاء تيسرت
….
ارتجف فكها وقت قرت هامش مكتوبه!! بخط واضح
( حياك الله ياولدي)
اهتزت بكامل جيدها وروحها … مدركه انه كتبها وقت عرف بحملها وبشرته ام سلطان !!!
-آآآه يالله !!! الله يردك لي سالم !!
بلعت ريقها تعيد قرايتها من جديد .. ببسمه موجله .. حركت الصفحه بلاشعور ومنها تبحث تبي مكنونه وداخله المسطور …
استمهلت النظر ببرقة شعور …
( هذي لك نجلا )
لمست باصبعها اسمها بخطه .. جميل خطه و يشبهه
(اكتب مفاريد القوافي فداها
شعرن اسوقه من صميم الفوادي
انتِ القصايد لك تلبي نداها
وضحن تدرهم لازهمها منادي
كم سقتها لك والقلم هو عصاها
لك ساقها نادر قصايد جدادي
جاتك حروفي ..تعبر ..غلاها
جريييييتها صوتن حنون وهادي
تحلا حياتي في عيوني معها
من دونها غيمه كساها سوادي
تفرق طبايعها ويفرق داهها
تبقى بوادي والعذارى بوادي
مافيه من يسكن بقلبي سواها
تبقى ضلوعي سجنها الانفرادي
بنت الشيوخ الي على مستواها
تنجب لنا شيخٍ محنك قيادي
اهتزت ضااحكه بعبره مخنوقه .. مستذكره كلمتها له ووصفها الي قالت …
استهملت متسابقه عينها تقرا بوجل شاقي

(تصبر على ضيم الزمن لو كواها
تشفي جروحي كنها لي ضمادي )
………….
رجعت تقرا من جديد بشعور غير يرتقي بها فوق … اطرفت يم توقيعه … وكلمه صغيره بجانبه استجلبت انسكاب دموع جديده فارقه ..
(لمزيونتي )
/
/
/

انتهى البارت

[السدين]

(وتشاءُ
أنت منُ البشائِر
قطرةٌ
ويشاءُ
ربُك أن يُغيثك
بالمطر)

الله الله. مقدمه مبشره بالخير

الى الان ما قرأت الفصل بس المقدمه ابهجت روحي

🏃‍♀🏃‍♀🏃‍♀🏃‍♀عن اذنكم بروح استمتع بالجمال 😍

[برق الشمال]

صباح الخييييييير
على الوعد جيتكم مع موعد البارت الجديد
كيفكم جميعاً < لو اني زعلانه منكم كلكم >>> اللي غلطو وليدي كلهم كلهم كلهم زعلانه منهم وليدي اليتيم محد رحمه💔 مير حتى ماشفت من سال عني شكلكم مني سليتو خلاص🌚🌚

بسم الله وابدا اقرا البارت الان 😢 التقيكم بعد مااخلصه💔

[برق الشمال]

الذين يشاهدون محتوى الموضوع الآن : 533 ( الأعضاء 181 والزوار 352)
‏برق الشمال, ‏ورد العامودي, ‏صباح مشرق, ‏خشيف الريم, ‏أول م حبيني, ‏سارة بنت محمد, ‏مــــــلاك, ‏ريمين, ‏جمانه_, ‏شموخ امرأة, ‏فناء الروح, ‏ام هارون, ‏ام املاك, ‏ريمية الفلا, ‏اوكسيتوسن, ‏Rahafll, ‏الميرا, ‏نعومة الحياة, ‏الورقا, ‏عسجد العسجد, ‏ساجده جميل نجار, ‏عطر النداء, ‏د/عين الحياة, ‏ام هناي, ‏samam1, ‏الحازميه, ‏ليال الود, ‏هدوء الصمت222, ‏مُمطرة, ‏am.rakan0777, ‏لارينسا الفيصل, ‏نورة بنت أحمد, ‏ريمويلا, ‏خديجه شعيل رزيق, ‏نقاءء, ‏عيوش السهلي, ‏رغودة رغد, ‏نور الحاره, ‏غرك, ‏سرى النجود, ‏دموع عذراء, ‏أم بثينه, ‏دوجي مختار, ‏نونونولالالا, ‏شموخ ريما, ‏إيقاع السحاب, ‏ننههى, ‏رحـاب القرآن, ‏سفره الليل, ‏روناد, ‏اكليل الورد2019, ‏عبير ستتغير, ‏غنى محمد, ‏رحاب فودة, ‏نانا, ‏آم اللول, ‏ارض اللبان, ‏أمة الحبيب, ‏Reefy, ‏فله بنت احمد, ‏أم سجادد, ‏زهراء يوسف علي, ‏همسة حوووب, ‏بيور نور, ‏الربيع الجميل, ‏غيث ومطر, ‏Om aliAyah, ‏ام شوقرو, ‏مكاويه, ‏الوضيحي, ‏هاهاي, ‏emily55, ‏نور الحيالي, ‏ام مودى., ‏Wafaa elmasry, ‏وراقة, ‏العذرآء, ‏وردة كانون, ‏jewa, ‏تاااجي, ‏Jays, ‏سهى ام مريم, ‏نور الهدى الباشا, ‏ام هنا, ‏k_meri, ‏ترانيم الزمان, ‏غيّمة, ‏ترانيم السحر, ‏S-6, ‏جديلة ورد, ‏لآلئ, ‏روووبى, ‏اسى الهجران, ‏هاجر!, ‏بنت حاكم, ‏ساميرااا, ‏NJN, ‏العنود محمد, ‏عاشقة برد المشاعر, ‏مريم عبدالرحمن, ‏أم عبدالل+, ‏زهرة الاركيد, ‏Sarah Sarah, ‏Drsma, ‏ذِكْرَى, ‏روز1414, ‏ضرخ كوك, ‏الجوهر الماسي, ‏أم الغالي, ‏سراااااااب, ‏عروس الشرق, ‏Modi11, ‏السدين, ‏داليامحمود, ‏قطوف ،, ‏سرااااب, ‏امل حمي, ‏zazarim, ‏دكتورة صيدلانية, ‏إيلياااء, ‏^_*, ‏همسة., ‏جنان32, ‏كيان العمر, ‏راء!, ‏هدى ورحمة, ‏مدام بشرى, ‏قال الزهر آآآه+, ‏أم مودي النضرة, ‏ريـــهـــام, ‏Hazar Maani, ‏Batol210, ‏أم كلثوم2, ‏ام عهد وعلي, ‏زكيه ع .ق, ‏هيافهد, ‏shoagh, ‏Toto9900, ‏Ameera__, ‏Ghadahibrahim, ‏المها 2, ‏دوري.7, ‏هيفاء الحربي, ‏مرام فهد, ‏روح مفنّدة, ‏معين هتان, ‏عواشه الكويتيه, ‏ريم الحمدان, ‏Eatedal, ‏الصلاة نور, ‏ام تركي العتيبي, ‏DeLulu, ‏دلال العبدالله, ‏موضي ال, ‏حلم فتاه, ‏MLS, ‏موكاااا, ‏دلووعة2, ‏نينادي, ‏ميمي بيوتي, ‏إشتياق, ‏حلا القهوة, ‏som kimo, ‏لورا ابراهيم, ‏عذرا ياقلب, ‏غريبه يا بحر, ‏حنان م د, ‏نووررهه+, ‏hozon, ‏Bit alameen, ‏خفوق انفاس, ‏ام جنى وجنان, ‏Rahaaff, ‏أمانينا, ‏نوره ام عبدالمجيد, ‏غدي16, ‏عهود حربي, ‏هنوفيتا, ‏السلام ع, ‏Al3eoon

قراءه ممتعه يارفاق 🤍

[Sims]

احلى شيء نبدأ فيه الاسبوع جاري قراءة البارت 😍

[سرى النجود]

جزاك الله خيرا وبارك الله فيك

[جنان32]

عنوان هالبارت(رُبّ محنه تحمل في طياتها منحه)
وَكَمْ يُسْرٍ أَتَى مِنْ بَعْدِ عُسْرٍ
‏فَفَرَّجَ كُرْبَة َ القَلْبِ الشَّجِيِّ
‏وكم أمرٍ تساءُ به صباحاً
‏وَتَأْتِيْكَ المَسَرَّة ُ بالعَشِيِّ
مباااااااااااااارك يا القيادي المحنك يا اعظم أب
وحُق له أن يفخر بك أباً له 😭😭😭😭😍😍
😭😭😭😭😭😭😭 اعجز اعجز اعجز واظل
عااااااااجزه عن التعبير عن مشاااااعري
فرحه رحمه خوف
اجمل مشهد مر علي بخذني
مشهد وقت طلعت مهره تبشره بحمل نجلاء

فرحه مع رحمه 😍😭
دمعت عيوني لاشعوريا
ماااااااقدر ابد اعبر عن شعوري
بكتب ماقدرت 😭
لعلي اهجد واستكين وارد اكتب عن مشاعري
حاليا وضعي😭😭 مع 😍😍😍

[عذروب]

المشاركة الأصلية كتبت بواسطة ررهاووي

يابعد روووحي الله يرفع قدرك ويعز شانك

وانا والله عشانك غيرته

لكل واحد من اسمه نصيب

وانتي حاشاك العذروب والنقص

انتي العذوبه كلها♥

تسلمين ياقلبي،الله يسعددك🤎