للعشق وجه آخر ، للكاتبة / سحر فرج "مصريه " (مكتملة)

[فيتامين سي]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته اعضاء روايتي الغالين نقدم لكم رواية (( للعشق وجه آخر )) للكاتبة/ سحر فرج قراءة ممتعة للجميع ...

[فيتامين سي]

رابط لتحميل الرواية هنــــــــــــــا





انا سحر كاتبه {احزان رهف }رجعالكم بقصه جديده اتمني تعجبكم وهتنزل يوميا الساعه ٥ انتظروني
روايه 🌹🌹🌹للعشق وجوه أخرى


الحلقه 🌹 1 🌹
بقلم // ✍🌼✍ سحر فرج


فى إحدى احياء الاسكندريه الجميله كانت تعيش الهام و جوزها احمد وأبنائها الثلاثه يسر و همس وكريم.
وكان أحمد من أصول صعيديه وابن عائله كبيرة جدا من عائلات الصعيد الجميله. لكنه أكمل تعليمه فى خارج مصر .
وعندما عاد من الخارج قابل الهام بالاسكندريه واعجب بها وتزوجها منذ أكثر من 18 عاما.
وفى حى من ارقى احياء الاسكندريه عاشت هذه الأسرة فى فيلا جميله .
كان يسافر احمد كل فترة لقريته بالصعيد للاطمئنان على والدته وإخوته بعد وفاه والده.
وفى صباح هذا اليوم طلب من زوجته الهام أن تقوم بتجهيز شنطه السفر واخبارها بأنه سيقوم بزيارة عائلته بالصعيد .
احمد.... الهام لو سمحتى جهزى كام طقم وغيارات فى شنطه السفر و خلى الشغاله تنزلهم فى العرببه .
الهام .... حاضر يا حبيبى ثوانى واكون جهزتهم .
احمد... تسلمى يا حبيبه قلبى تعبك دايما معايا ..
الهام.... تعبك راحه يا قلبى.
وخرجوا من اوضتهم ونزلوا تحت علشان يفطروا مع اولادهم.
الاب... صباح الخير يا ولاد .
يسر .. صباح الخير يا بابى.
همس .... صباح الخير يا حبيبى.
كريم ... صباح الخير يا بابى.
يسر..... حضرتك مسافر ولا ايه يا بابى.
الاب... ايوا يا حبيبتى هاروح اطمن على أمى وعمك وعمتك واجى.
كريم.... نفسى اروح الصعيد يا بابا واشوف تيته وعمو وعمتو هما ليه مش بيجوا عندنا ولا احنا بنروح عندهم ؟؟؟
الاب .... انشاء الله يا كريم المرة الجايه هاخدكم كلكم تزوروا تيته ونقعد كام يوم معاهم.
الام.... خلاص بقى يا كريم افطر وانت ساكت علشان بابا يلحق يسافر .
وانت تلحق مدرستك.
وخلصوا فطارهم وكل واحد راح على مدرسته .
يسر وهمس كانوا توام وكانوا فى ثانويه عامه .
وكريم كان فى المرحله الابتدائيه.
وبعد ما خلصوا فطارهم
سلم عليهم احمد وراح ركب عربيته علشان يسافر.
وبعد مرور عده ساعات كان وصل احمد على بلدته فى الصعيد ووصل نحو قصر فخم وجميل جدا فى شكله وترازه الصعيدى .
وعلى بوابه القصر استقبله الحارس واقبل عليه واخد منه الشنط ورحب بيه
حمد الله على السلامه يا احمد باشا.
احمد.... الله يسلمك يا عم منصور.اخبارك ايه وازى ام جبل عامله ايه وازى جبل ومراته وعياله.
منصور.. الحمد لله يا احمد باشا بيبوسوا اديك .
سابه احمد ودخل القصر علشان يشوف والدته واخواته .
اول ما دخل لقى والدته قاعده على الكرسى اقبل عليها وقبل يديها ورأسها وخدها فى حضنه وضمها لصدره وقالها وحشتينى اوى يا امى اوى اوى.
الام.. وانت يا ابنى وحشتنى اوى وكان نفسى اشوفك واشوف عيالك . خايفه اموت من غير ما اشوفهم يا احمد يا ابنى .
احمد ... بعد الشر عليكى يا امى ربنا يديكى الصحه ويخليكى لينا واوعدك انشاء المرة الجايه هاجبهم معايا وتشوفيهم وتشوفى الهام كمان.
الام.. انشاء الله يا حبيبى.
اهلا. اهلا باحمد اخويا نورت دارك يا احمد.
احمد.... حسين
اخويا وحشتنى كتير عامل ايه؟؟؟؟
واخبارك ايه وازى عيالك ومراتك ؟؟؟
وكان حسين اخو احمد الكبير وكان عنده ولدين هما فارس وكرم .
كان فارس عنده 25 سنه.
وكان معاه بكالوريوس هندسه
.
وكرم كان عنده 23 سنه
وكان خريج حقوق.
وكانت امهم بنت خال احمد وحسين وكان اسمها ملك.
حسين... الحمد لله يا حبيبى بيسلموا عليك وهاينزلوا يسلموا عليك دلوقتى.
ولمح احمد أخته سلمى وهى جايه عليه ومبتسمه وجرى حضنها وباسها وقالها وحشتينى يا سوكه عامله ايه يا قمر ؟؟؟
سلمى كانت أخته الصغيرة وكان عندها 27 سنه اتجوزت وهى صغيرة بس ربنا ما اردش وما خلفتش وجوزها اتجوز واحده تانى وطلقها .
سلمى... اخويا حبيبى انت اللى وحشتنى كتير والله.. وكان نفسى اشوفك واطمن عليك وعلى اخبارك انت وعيالك.
وجه باقى أفراد الأسرة مرات اخوه وعياله وسلموا عليه .
وكان لسه فى واحده مجتش تسلم عليه وفجاه جت وجريت عليه وحضنته وهو كمان حضنها وباسها وقالها عامله ايه هيام.
هيام ... الحمد لله يا ابن عمى اخيرا افتكرتنا وجينا على بالك يا احمد يا حبيبى.😱
احمد..... معلش يا هيام انتى عارفه الشغل كتير اد ايه فى الشركه وانا لوحدى المهم انتى عامله ايه وازى اخبارك.
_______________
اتجمع اهل القصر كلهم على السفرة.
الام . واحمد.وحسين ومراته ملك وأولاده
كرم وفارس
وسلمى اختهم
وهيام.
بعد ما فارس وكرم جم من المصنع وسلموا على عمهم احمد .
وفضلوا يتكلموا وبيضحكوا وهما بيتغدوا وبيفتكروا زكرياتهم وهما صغيرين مع بعض
واد ايه كان ابوهم بيحبهم وفى نفس الوقت كان شديد جدا عليهم.
وبعد ما خلصوا الغدا استأذن احمد علشان يقوم يستريح شويه من تعب السفر وراح على. اوضته.
وفجاه بعد ما دخل لقى الباب اتفتح ودخلت هيام وقفلت الباب وراها وجريت عليه وحضنته وباسته.
حضنها احمد وقالها وحشتينى يا هيام اوى ووحشتنى ضحكتك الحلوة دى يا بنت عمى.
هيام.... انت اللى وحشتنى اوى يا احمد . كل الفترة دى وانت بعيد عنى وما اعرفش عنك اى حاجه علشان انت مانعنى أنى اتصل بيك.
يرضيك كده يا حبيبى.
احمد.... معلش يا هيام انتى عارفه ظروفى كويس ومش كل لما اجى تفتحى معايا الموضوع ده احنا هانفضل لحد امتى نتكلم فيه ؟؟؟
هيام ... خلاص يا حبيبى حقك عليا مش هافتحه تانى خالص المهم انك جيت وشوفتك بخير علشان انت كنت وحشنى اوى اوى اوى❤
احمد.... وانتى كمان وحشتينى اوى اوى اوى يا حبيبتى .
وخدها فى حضنه وضمها لصدره وباسها بشوق ولهفه
هى كانت مشتاقه ليهم منه وراحوا فى دنيا تانيه بعيد عن كل اللى حوليهم.
وفى المساء نزل احمد هو وهيام وكان باين على وشهم الفرحه والسعادة .
والام اول ما شافتهم فرحت من جواها أن احمد بيقدر يسعد هيام ويفرحنا ويعوضها عن الفترة اللى بيكون بعيد عنها ومع مراته التانيه وأولاده.
وقعدوا مع بعض كلهم وبعد فترة طلب أحمد من حسين أنهم يقعدوا مع بعضهم شويه فى اوضته المكتب .
حسين قاله ماشى يا اخويا تعال ندخل جوه شويه ونتكلم لوحدينا .
قام احمد هو واخوه حسين ودخلوا اوضه المكتب وقفلوا الباب عليهم .
حسين ... خير يا احمد فى ايه شكلك كده كنت عاوز تقولى حاجه مهمه ؟؟؟
احمد.... خير يا حسين يا اخويا .
الصراحه كنت عاوز مبلغ كبير شويه علشان شغلى فى الاسكندرية وكنت ناوى ادخل مناقصه كبيرة اوى وكتير يتمنوا أنهم يخدوها .
حسين ..... بس كده يا احمد انت تؤمر يا حبيبى انا رقبتى سداده يا خوى.
كل اللى تحتاجه انا تحت امرك من جنيه لمليون جنيه.
احمد.... ربنا يخليك يا حسين ومايحرمنيش منك واصل.
حسين... عاوزك تنزل معايا المصنع بكرة انا والولاد وتشوف احدث الماكينات اللى جبناها من برا. وتقولى رايك فيهم ايه؟؟
احمد.... انشاء الله يا خوى وانا هاصحى بدرى وانزل معاكم باذن الله.
وخلصوا كلامهم وخرجوا كملوا سهرتهم برة مع الام وملك وسلمى وهيام.
وفارس وكرم خرجوا يسهروا مع صحابهم على الكافيه اللى فى البلد .
وفى اخر السهرة راح كل واحد على اوضته ودخل احمد وهيام مراته على اوضتهم وقالها صحينى بدرى يا هيام لو سمحتى علشان هانزل مع حسين والاولاد المصنع .
هيام.... حاضر يا احمد انشاء الله.
وطلع النهار وصحيوا كل اللى فى البيت وطلبت الام من الشغالين انهم يعملوا كل حاجه احمد بيحبها والأكل اللى بيحبه وبذات البسبوسه بالقشطه اللى بيعشقها.
وفطروا كلهم وفرح احمد اوى من الاكل وشكر امه وقالها أن اد ايه الاكل ده كان وحشه جدا.
وبعد نصف ساعه حسين خد احمد فى عربيته وفارس وكرم راحوا مع بعض فى عربيه فارس لحد ما عربيته تتصلح.
ووصلوا المصنع ونزل الكل من العربيات.
وبدا حسين يفرج احمد على المصنع وعلى الماكينات الجديده وفجاه وهما بيلفوا من مكان لمكان وقف احمد فجاه ومسك قلبه وبص حسين لاخوه وشافه ماسك صدره
😱😱
جرى عليه ومسكه قبل ما يقع ونده فارس وكرم بسرعه علشان يسندوا عمهم احمد لما كان هايقع على الأرض من شده الالم .
وخلال لحظات همس احمد لاخوه حسين بصعوبه وقاله خلى بالك على الهام والعيال يا حسين.
وسكت عن الكلام خالص. 😱
حسين..... احمد. .. احمد اخوى.
وطلب من فارس وكرم يتصلوا بسرعه بالدكتور.

[فيتامين سي]

🌹 للعشق وجه اخر
الحلقه 🌹 2 🌹
بقلم ✍✍ سحر فرج
🍀🍀🍀🍀🍀🍀

طلب حسين من فارس وكرم أنهم يجيبوا بسرعه الدكتور لكن مع الأسف لما الدكتور جه قال أن احمد مات نتيجه سكته قلبية فجاه 😱
حسين مكنش مصدق أن احمد مات كده فجاه وهو معاه ومكنش قادر يفكر خالص ان ازاى هايبلغ والدته بكده وهيام مراته وسلمى أخته .
وبالاخص .. مراته الهام وعياله فى اسكندريه اللى عمره ما شافهم خالص .
خدوه فى عربيتهم وركب حسين جنبه
ووصلوا للقصر.
وشالوه ودخلوا بيه وحمد ربنا حسين أن مكنش فى حد فى مدخل القصر من الحريم.
ودخل بيه على اوضه موجوده جمب اوضه المكتب وقفل الباب عليه وخرج.
وطلع الاول على اوضه والدته وخبط على الباب.
الام... ادخل ياللى بتخبط ؟؟؟
حسين فتح الباب ودخل وقرب من امه وباس ايدها .
الام.... خير يا ابنى انت رجعت من المصنع بدرى ليه كده وفين احمد اخوك ؟؟؟
حسين ... وطى رأسه فى الارض ومسك أيد امه وبدأت عيونه تتملى دموع. 😢😢
الام ... فى ايه يا حسين اخوك جراله حاجه !!!
حسين .... اخوى ...اخوى
الام... انطق يا حسين قلبى هايقف .
حسين... اخوى تعيشى انتى يا امى البقاء لله وبدأ يعيط جامد وبصوت عالى.
الام... مش متخيله الكلام لحد اللحظه دى ..
انت بتقول ايه يا حسين ؟؟؟
اخوك ايه ؟؟
وبكل ما فيها وبكل وجعها على ابنها صرخت صرخه هزت القصر كله وجه كل اللى فيه على صوتها ده.
فتحوا الباب بسرعه وجريت ملك وهيام وسلمى عليها وبصوا لقوا حسين على الأرض وعمال يعيط على اخوه والام فى حاله فظيعه وعياط فظيع ..
والكل فى نفس واحد فى ايه ؟؟؟؟؟
حسين ... احمد اخويا مااااات
احمد اخويا مااااات.
وبدا الكل بالصراخ والعويل وبدأ فارس يهدى فى هيام وكرم يهدى فى ملك وفى عمته سلمى .
وحسين قرب من امه وخدها فى حضنه وبدأ يطبطب عليها ويهديها. ويقولها ادعيله بالرحمه يا امى هو راح للى ارحم من الكل.
وعدت فترة وبدأ حسين فى إبلاغ الجميع بوفاه اخوه وان الدفنه هاتكون تانى يوم الصبح لحد ما أولاده يجوا من السفر.
وطلب حسين من فارس ابنه انه يسافر الاسكندريه ويجيب مرات عمه وولاد عمه بس ما يبلغهمش باللى حصل لعمه احمد لحد ما يجوا هنا الاول.
ويبلغهم أن احمد طلب منه أن يجبهم علشان يشوفوا ستهم علشان هى تعبانه شويه وعاوزة تشوفهم.
وفعلا طلع فارس وغير هدومه وخد العنوان من ابوه وركب عربيته وراح على الاسكندريه.
وفعلا بعد.كام ساعه كان وصل فارس على بيت عمه .
دق جرس الفيلا وجه البواب فتحله وطلب فارس أنه يبلغ الهام هانم ان فى واحد عاوزها ضرورى.
وفعلا راح البواب وبلغها وامرته أنه يدخل ويجيبه.
ودخل فارس الفيلا وكانت الهام فى استقباله وعرفها بنفسه أنه بيكون فارس ابن حسين اخو احمد.
الهام .... اهلا وسهلا بيك يا فارس عمك حكالى كتير عنك وعن كرم اخوك اتفضل .
ودخل فارس وبدأ يحكى لمرات عمه على اللى ابوه قاله عليه يعمله.
بس الهام استغربت أن احمد مكلمهاش وبلغها بنفسه فاستغربت لمده.
وسالت فارس طيب ليه عمك ما بلغنيش بنفسه كنت جهزت نفسى انا والولاد ؟؟؟؟
فارس اصل الصراحه عمى احمد وابويا ملخومين جدا بتعب الحاجه اللى جه فجاه ده .
الهام ... طيب هاكلمه فى التليفون واقولها ؟؟؟
فارس ... الشبكه عندنا وحشه جدا حتى هو كان هايكلمك بس معرفش.
الهام.... خلاص يا ابنى انا هاروح ابلغ يسر وهمس وكريم
ويجوا يسلموا عليك وبعدها نجهز نفسنا للسفر معاك .
وفعلا طلعت الهام وبلغت البنات وكريم ونزلوا سلموا على فارس وكانوا فرحانين جدا أنهم اخيرا هايسفروا ويشوفوا ستهم وعمهم وولاد عمهم وعمتهم سلمى اللى باباهم كان بيحكى على طول عنهم..
وفعلا بدؤا يجهزوا نفسهم وشنطهم وخدوا بعضهم وركبوا العربيه مع فارس .
_____________
وبعد فترة كان الليل دخل عليهم و وصلوا على القصر فى القريه وبدؤا ينزلوا من العربيه وامر الحارس أنه يخرج الشنط.
مسكت يسر ايد مامتها وكريم مسك ايد همس وكان معاهم فارس .
واول ما وصلوا عند باب القصر لاحظوا أن فى ناس كتير جدا رجاله وحريم فاستغربوا ليه كل الناس دى وازاى يبقوا موجودين فى الميعاد اللى متأخر ده !!!!!!!!
وكان فى استقبالهم عمهم حسين اللى قرب منهم وبدأ يرحب بيهم وسلم على الهام مرات اخوه وعيال اخوه بعد ما عرفهم فارس بيه.
حسين ... اهلا بيكم يا جماعه حمد الله على السلامه.
الهام ... اهلا بحضرتك يا حاج حسين اومال فين احمد مش واقف معاك ليه ..
حسين .... اتفضلوا الاول على جوه الحاجه مستنياكم من بدرى .
وفعلا دخلت الهام مع ولادها واتجهوا لاوضتها علشان يسلموا عليها ويطمنوا على صحتها .
وهما داخلين لاحظوا كميه الحريم اللى لابسه اسود وقاعدين يعيطوا .
وقربت منهم واحده كانت لابسه اسود وكانت بتعيط وسلمت على الهام وقالت انها بتكون سلمى اخت احمد .
رحبت بيها الهام ورحبوا بيها البنات وجرى كريم عليها وقالها انتى بقى عمتوا سلمى اللى بابا بيحكلنا عنها كتير اوى ..
سلمى بدأت تعيط جامد لما كريم قالها كده 😢😢
فاستغربوا ليه هى بتعيط وليه الناس دى كلها موجوده .
وخدتهم سلمى وطلعوا على اوضه الام وخبتط على الباب ودخلت .
والام اول ما شفتهم فتحت ايدها الاتنين وخدتهم فى حضنها وفضلت تبوس فيهم وتقولهم يا حابيبى يا ولاد الغالى وبدأت تعيط جامد وهى حضناهم .
الهام استغربت اوى من كل اللى بيحصل حواليها وبدأ قلبها يحس أن فى حاجه حصلت وسالت عن احمد .
الهام .... احمد فين ؟؟؟
احمد فين يا جماعه حد يرد عليا ؟؟
احمد جراله حاجه ؟؟؟
بدأت الام وسلمى فى العياط جامد وفى ثوانى كانت الهام واقعه على الأرض مغمى عليها وصرخت البنات على امهم وعلى اللى بيحصل كله من حوليهم.
وبدأت البنات فى العياط على منظر امهم وعلى كل اللى بيحصل حوليهم .
بدؤا يهدوهم ويفوقوا الهام وبدأت الهام تفتح عينيها ولقت البنات وحماتها وسلمى جمبها وفعلا اتاكدت أن احمد مات وأنه سابهم لوحدهم😢😢
وطلبت الهام منهم أنها تشوفه وتودعه قبل ما يدفنوه وعلشان بناته يشوفوه هما كمان
وسلمى اخدت كريم معاها فى اوضتها علشان كان عمال يعيط وكان عاوز يشوف باباه.
وفعلا سمح حسين لالهام وبنات اخوه أنهم يودعوا لآخر مرة
ودخل معاهم وبدؤا يعيطوا اول ما شافوه وهداهم حسين وخد بنات اخوه فى حضنه وطبطب عليهم وقالهم ادعوله يا بنات ربنا يرحمه ويغفر له ويسكنه فسيح جناته .
وطلع النهار و كانوا راحوا المقابر ودفنوه وجه ناس كتير رجاله وحريم من اهل القريه والاهل والاقارب ليؤدوا واجب العزاء.
وانتهى اليوم وجه عليهم الليل وكانت لسه الهام مصدومه من كل اللى حصل ليهم فى اليوم ده من ساعه ما راح لهم فارس الاسكندريه لحد ما وصلوا القصر وكأنها بتحلم بكل ده.
وماكنتش مستوعبه أن احمد مات وسأبهم لوحدهم.
وان اول لقاء لأهله دول يكون هو مش موجود معاهم.
ومسكت تليفونها واتصلت باخوها عبد الرحمن علشان تبلغه بكل اللى حصل .
وكان عبد الرحمن اخو الهام الصغير وكان دكتور امراض نساء مشهور جدا فى الاسكندرية.
وبلغته الهام بخبر وفاه احمد واتصدم عبد الرحمن من الخبر ده وبلغ أخته أنه على الصبح هايكون عندها علشان يقوم بواجب العزاء لاخوات احمد ووالدته .
والبنات كانت حزينه ومش مبطله عياط وكانوا مع جدتهم فى اوضتها اللى كانت حابه أنهم يفضلوا معاها .
ودخلوا كل واحد على اوضته ودخلت الهام مع كريم اوضه والبنتين دخلوا اوضه لوحدهم.
وطلع نهار يوم جديد على جميع من فى القصر وبدؤا يصحوا .
واول لما صحيت الهام خدت بعضها ونزلت على تحت ولقت حماتها قاعده فسلمت عليها. ...
كانت سلمى وملك وهيام فى المطبخ بيجهزوا الفطار لاهل البيت.
وشويه ونزلت البنات وكريم وسلموا على امهم وعلى جدتهم وشويه نزل حسين وفارس وكرم .
واتجمعوا كلهم على السفرة وبدؤا يفطروا مع بعض لكن كان كل واحد مكسور وحزين وبياكل بالعافيه.
وبعد الفطار طلبت الام انها تدخل مع الهام وحسين اوضه المكتب علشان يتكلموا شويه .
وفعلا دخلوا وحكوا لالهام على كل اللى حصل لاحمد من ساعه ما جه لحد ما مات .
الام.... يا بنتى كان نفسى اشوفكم من زمان انتى وولاد الغالى والنصيب أنى ما اشوفكوش غير فى ظرف زى ده .
وعاوزة اقولك يا الهام يا بنتى أن ده بيتك وبيت اولادك وكان بيت احمد الله يرحمه .
انتى هنا يا بتى فى وسط اهلك وعيلتك .
حسين .... طبعا يا حاجه ده بيت احمد اخويا الله يرحمه وولاده زى ولادى وربنا يعلم معزتهم عندى اد ايه....
فامش عاوزك تحسى انك غريبه ولا فى بيت حد غريب لأنه بيتك فعلا وكلنا تحت امرك ولو عزتى اى حاجه انا موجود ورقبتى سدادة لأى شىء.
شكرتهم الهام على كلامهم ده وأنها فعلا كانت بتتمنى انها تشوفهم من قبل كده .
وشويه وباب الاوضه خبط ودخلت الشغاله بتبلغهم أن فى واحد اسمه عبد الرحمن عاوز الست الهام.
الهام..... ده عبد الرحمن اخويا جه لما عرف باللى حصل لاحمد الله يرحمه.
وخرج حسين والهام واستقبلوا عبد الرحمن وسلم على كل اللى موجود وجريت عليه يسر وهمس وحضنوه وفضلوا يعيطوا وهو يطبطب عليهم ويهديهم.
فارس كان عمال يبص على بنات عمه اللى كانوا صعبانين عليه اوى وعلى منظرهم وعلى اللى حصل لهم وبالأخص كانت نظراته كلها ليسر. ...
اللى اول ما شافها لفتت نظره من جمالها وحلاوتها مع انها هى وهمس تؤام لكن يسر شدته ليه هو مش عارف.
يسر كانت حلوة اوى وكانت عيونها عسلى فاتح هى وهمس وشعرهم كستنائى .
شويه وخرجت يسر وهمس وراحوا فى جنينه القصر اللى كانت لافته نظرهم من جمالها واشجارها وظهورها الجميله.
شويه وجه فارس وقرب منهم وقالهم انا اسف على اللى حصل لعمى احمد الله يرحمه واسف اننا اول مرة نشوف بعض نشوف بعض فى ظروف زى دى .
يسر.... شكرا يا فارس
احنا كمان كان نفسنا نشوفكم ونقعد معاكم ومع جدتى وعمى حسين .
همس.... فعلا يا فارس كان نفسنا نشوفكم اوى .
وفضلوا يتكلموا ويتعرفوا على بعض اكتر ويعرفهم هو خريج ايه وبيشتغل مع والده فى المصنع هو وكرم اخوه .
وفى داخل القصر كان الكل موجود وبيتكلموا بس لاحظت الهام نظرات هيام ليها واد ايه هى كانت نظرات كره .
وشويه استأذن حسين ليقابل الناس اللى جايه تقدم واجب العزاء وفضل عبد الرحمن مع الهام والحاجه وسلمى .
ولاحظت سلمى نظرات عبد الرحمن ليها فقامت واستاذنت ودخلت مع ملك وهيام المطبخ علشان يجهزوا للغدا .
يا ترى ايه اللى هيحصل وتواقعتكم ايه ؟؟؟
وايه نظرات عبد الرحمن لسلمى دى؟؟؟
s . F

[فيتامين سي]

🌹للعشق وجه اخر
بقلم ✍✍ سحر فرج

الحلقه 🌹 3 🌹


وبعد مرور أسبوع من وفاه احمد اتعودت البنات والهام على كل اللى فى القصر وحبوهم كلهم الا هيام هى اللى كانت واخده موقف منهم وبالذات من الهام .
وكانت معاملتها غريبه معاهم.
الموضوع ده كان شاغل الهام جدا وكانت عاوزة تعرف سبب معامله هيام ليها ولعيالها كده ليه وبسبب ايه.
فراحت لحماتها علشان تسألها عن السبب ده وقالت اكيد هى اللى هاتوضحلى كره هيام ده سببه ايه .
وفعلا راحت الهام على اوضه حماتها وبعد ما خبطت على الباب والام سمحت لها بالدخول.
الهام .... ازي حضرتك يا دلوقتى يا ماما يارب تكونى بخير؟؟
الام ... الحمد لله يا بنتى بخير طول ما انتم معايا ومنورين عليا القصر كله.
الهام .... الصراحه يا ماما كنت عاوزة اتكلم معاكى فى موضوع مهم ملحظاه من ساعه لما جينا؟
الام.... اتفضلى يا بنتى اسألى على كل اللى انتى عاوزة تعرفيه وانا تحت امرك .
الهام ... الصراحه يا ماما من ساعه لما جينا وانا ملاحظه معامله هيام ليا ولاولادى غريبه شويه وعلى طول قالبه وشها لينا وقليل اوى لما تقعد معانا فى مكان واحد.
الام..... مش عارفه اقولك ايه يا الهام الموضوع ده مقفول عليه من زمان.
وماكنتش عاوزة افتحه تانى خالص بس.......... وسكتت !!!!!!!!!!
الهام.... خير يا ماما فى ايه وانا لازم اعرف بالضبط ايه اللى بيدور حواليا يمكن انا زعلتها فى حاجه وانا مش قصدى.
الام.... لا يا بنتى انتى مالكيش ذنب فى حاجه. انا هاحكيلك كل حاجه حصلت.
!!!!!!!!!!!
الام.... الموضوع ده حصل من عشرين سنه من ساعه ما احمد خلص دراسته وكان عاوز يسافر بلاد بره.
ولما فتح الموضوع مع ابوه . ابوه ماكنش راضى انه يسافر وكان عاوزه يفضل هنا و يكمل دراسته.
بس احمد صمم على السفر .
فالأب شرط عليه شرط أنه علشان يسمحله بالسفر لازم يتجوز بنت عمه الاول وبعدها يسافر.
😱😱😱
احمد الصراحه ماكنش موافق على الجواز دى وأنه كان بيعتبر هيام بنت عمه دى زى سلمى بالضبط .
واخته اللى اتربت معاهم من ساعه ما عمه ومرات عمه ماتوا فى حادثه وهما فى الحج.
واتربت مع احمد وحسين وسلمى .
بس الاب كان مصمم على جواز احمد من هيام وبالذات لان حسين كان اتجوز ومعاه عيال.
ولما احمد لقى تصميم ابوه على الجواز ده وافق علشان كان نفسه يسافر بلاد بره ويحقق حلمه.
وبعد جوازهم بفترة ربنا ما اردش ليها انها تخلف من احمد وودناها لداكترة كتير بس ما حصلش نصيب .
وبعد مرور سنه من جوازهم كان سافر احمد ومرجعش غير بعد كام سنه لحد ما خلص دراسته.
وكان فى الوقت ده شافك وحبك وطلبك للجواز وأبوه وافق على الجواز بس بشرط أن هيام تفضل على زمته .
وكان بيجى كل كام شهر علشان يطمن عليها وعلى اخواته وعليا .
حتى بعد ما ابوه مات .
وده كان السبب اللى مخلكوش تيجوا وتشوفونا ونشوفكم العمر ده كله يا بنتى.😢😢
وطول الوقت اللى الام كانت بتحكى فيه كانت الهام دموعها نازله وماسكه نفسها بالعافيه .
ومش قادرة تصدق أن احمد يعمل معاها كده.
الام... انا عارفه انها صدمه كبيرة ليكى يا بنتى بعد العمر ده كله بس احمد مالوش ذنب فى حاجه وأبوه هو السبب.
الهام.... انا مش قادرة اتخيل أن احمد يكدب عليا ويخبى عنى حاجه زى كده العمر والسنين دى كلها.
مش قادرة. مش قادرة يا ماما 😢😢😢😢
الام.... خدتها فى حضنها وطبطبت عليها وقالت لها ليكى حق تزعلى يا بنتى بس السبب فى ده كله الاب لأنه كان شديد جدا. جدا ومحدش يقدر يرفضله طلب .
سامحيه يا بنتى واطلبوله الرحمه .
الهام .... مش هاقدر يا ماما سامحيني هو كدب عليا وخبى عنى حاجه مهمه زى كده السنين دى كلها اقول للبنات ايه دلوقتى !!!
أقولهم ابوكوا كان متجوز من بنت عمه ومخبى علينا السنين دى كلها؟؟؟
انا لازم امشى ؟؟؟
الام.... تمشى فين يا بنتى استهدى بالله.
الهام .... اخد عيالى وارجع اسكندريه انا مش هقدر اقعد هنا دقيقه واحده 😢
الام فضلت تهدى فيها وتترجاها انها تفضل عايشه معاهم علشان هى اتعلقت بالعيال ومش هاتقدر أنهم يبعدوا عنها تانى بعد ما حبتهم وعرفتهم وشافتهم وبالذات أنهم من ريحه المرحوم .
الهام خدت بعضها وراحت على عيالها علشان تبلغهم باللى هى عرفته بس وهى راحه شافت هيام وهى مع كريم وعماله تلعب معاه وبيضحكوا ويهزروا فاستغربت اوى من المنظر ده
وقالت لنفسها أن هيام ملهاش ذنب فى اللى حصل .
واحمد هو اللى خبى عليها الموضوع من الاول وكان لازم يعرفها وياخد رأيها قبل الجواز منها .
قربت منهم وابتسمت وقالت لكريم تعال يا كريم علشان تغير هدومك ونجهز شنطنا علشان السفر.
فاستغربت هيام من كلام الهام وأنهم ممكن يسافروا تانى ويفضى البيت عليهم تانى.
بس كان فارس واقف هو كمان على بعد وسمع كلام مرات عمه وأنهم ماشين وراجعين على الاسكندريه بعد ما بدا يتعود عليهم وبذات على يسر اللى خلال الاسبوع ده كان بدأ يعجب بيها وبدأ قلبه يحبها.
راحت الهام على اوضتها وبعد شويه لقت الباب بيخبط ففتحت الباب واتفجأت من اللى شافته واستغربت .
_______________
فتحت الهام الباب واستغربت لما شافت هيام هى اللى على الباب
هيام.... ممكن نقعد مع بعض شويه ونتكلم.
الهام... اه طبعا اتفضلى ادخلى.
هيام ... انا كنت عند مرات عمى وقالتلى انها قالتلك على كل حاجه وانك عرفتى موضوع جوازى انا واحمد الله يرحمه.
انا ماليش ذنب فى كل اللى حصل يا الهام .
انا بالعكس أتحرمت من حاجات كتير اوى .
أتحرمت من جوزى اللى اتجوزته يا دوبك لمجرد سنه واحده وبعدها سبنى وسافر بلاد برا.
أتحرمت من الحب والحنان اللى اى واحده بتشوفه من جوزها بعد الجواز لان احمد كان معتبرنى أخته على طول.
أتحرمت من نعمه الخلفه اللى اى واحده ست بتتمنى يكون عندها عيل وتفرح بيه وتلعبه وتربيه ويكبر اودام عنيها.
أتحرمت من حاجات كتير اوى يا الهام وكنت بتجنن طول ما هو بعيد عنى ومعاكى انتى وكنت بسكت ومش بتكلم.
وعارفه أن انتى كمان ملكيش ذنب فى حاجه لأنك ماكنتيش عارفه .
انا ماليش اخوات يا الهام وبتمنى اننا نكون اخوات لانى اتعودت عليكم وبذات على كريم حبيته اوى وحسسنى بحاجات كنت محرومه منها فعلشان خاطرى اوعى تمشى
وتخديه وتسبينى تانى فى الوحده اللى كنت عايشه فيها ارجوكى يا الهام ارجوكى.
وفضلت تعيط جامد على حالها وعلى كل اللى هى مرت بيه.
الهام دموعها نزلت هى كمان على حاله هيام وصعبت عليها فقربت منها وخدتها فى حضنها وقالت لها ماتخفيش يا هيام مش هامشى وهافضل معاكم .
بصت لها هيام وفرحت اوى من كلامها وباستها وحضنتها وشكرتها على القرار ده واتفقوا أنهم ينسوا الماضى واللى حصل فيه لأنهم ملهومش ذنب فيه هما الاتنين.
فارس كان قاعد زعلان من كلام مرات عمه احمد وحاول أنه يكلمها ويخليها تغير رأيها .
شويه ولقى الهام وهيام نازلين من فوق والإبتسامة على وشهم فاستغرب لمنظرهم ده لأنه عارف كل حاجه .
قربت الهام وسلمت عليه وطلبت منه أنه يشوف يسر فى الجنينه برة .
وفعلا راح فارس على الجنينه وشاف يسر وهى قاعده تحت الشجرة وسرحانه .
فارس.... احم. احم خير يا يسر سرحانه فى ايه ؟؟؟
يسر... ابتسمت وقالت ابدا مفيش حاجه بس خايفه من نتيجه الامتحانات لأنها هاتظهر بكرة.
فارس... يا ستى اطمنى وانشاء الله خير. انتى ناويه على كليه ايه او حابه تدخلى ايه ؟؟؟
يسر... انشاء الله نفسى ادخل صيدله حابه اوى المجال ده.
فارس.... ايوا بقى يا دكتورة يسر.
يسر... احم. احم.. احنا هانتريق ولا ايه يا استاذ.؟؟
فارس ضحك وقالها ابدا والله انا بهزر معاكى.
يسر.. اه بحسب .
فارس بص ليسر وشاف ابتسامتها واد ايه هى جميله ورقيقه .
فلاحظت يسر نظرات فارس ليها فاتكسفت ووشها احمر وحاولت انها تغير الموضوع.
فارس لاحظ توتر يسر وقرر أنه يعترف لها باعجابه ده .
فارس... كنت عاوز اقولك على حاجه .
يسر.. اتفضل يا فارس انا سمعاك.
فارس الصراحه انا معجب بيكى وبشخصيتك اوى وبطريقه كلامك وطموحك ومستقبلك.
يسر... اتكسفت اوى من كلامه وبصت فى الارض وماكنتش عارفه تعمل ايه .
فارس.. ايه هاتفضلى ساكته كده.
يسر... الصراحه يا فارس انا مش بفكر فى الموضوع ده خالص .
انا الدراسه أهم عندى دلوقتى.
فارس حس بالحرج وحب يغير الموضوع
فارس... خلاص يا يسر انا مش قصدى حاجه
غير أنى اعبرلك عن مشاعرى .
وعدت فترة على وفاه احمد ونتيجه البنات ظهرت .
ودخلوا كليه صيدله هما الاتنين.
وكل مادا بيقربوا من بعض ومن كل اللى فى القصر .
وام احمد كانت فرحانه جدا بيهم وبرقبهم من بعض .
وهيام والهام بقوا يعاملوا بعض كويس .
وجه الوقت اللى لازم يرجعوا فيه للاسكندريه .
وجهزوا شنطهم ونزلوا وسلموا على كل الموجودين ووعدتهم الهام انها تحاول تيجى كل فترة وتطمن عليهم كلهم.
وخدوا بعضهم ومشيوا ورجعوا الفيلا بالاسكندريه.
وفى أول يوم دراسى فى كليه الصيدله بدؤا يتعرفوا على بنات كتير وأصدقاء.
وكانوا فرحانين جدا أنهم دخلوا الكليه اللى حابينها.
وفى يوم وهما واقفين فى الكليه بعد ما حضروا سكشن ليهم .
كانت واقفه يسر وهمس وبنتين صحابهم رضوى وهدير .
بصوا فجاه شافوا عربيه اخر موديل ونازل منها شاب زى القمر ❤ وهو شريف
بنات كتير وولاد جريوا عليه وكانوا فرحانين بيه ووقفوا وقعدوا يهزروا وينكتوا وهو يحكلهم عمل ايه امبارح فى النادى.
وهو بيحكى كانت يسر وقفه تتفرج عليه وعلى طريقه كلامه .
ومن جواها اعجبت بشخصيته وبطريقته واستايله .
هدير خدت بالها من نظرات إعجاب يسر بيه .
هدير ..ايه نحن هنا يا ست يسر.
يسر... هه
رضوى... هى فيها هه
😉😉
همس ايه يا بنات سيبوا يسر فى حالها.
يسر.. ايه فى ايه بتقولوا ايه يا بنات.
هدير... لا ابدا ولا حاجه يا اختى يالا بينا.
وهى ماشيه مع البنات واختها لفتت نظر شريف .
من جمالها وحلاوتها وشياكتها .
ولما وصلوا الفيلا ..
دخلوا البنات وسلموا على امهم وعلى كريم والهام طلبت من سماح الشغاله انها تجهز الغدا.
وطلعت يسر وهمس على اوضتهم علشان يغيروا هدومم قبل الغدا.
وفجاه تليفون همس رن وبصت فى التليفون ولقت اسم كرم ابن عمها حسين.
همس.... الوا ازيك يا كرم عامل ايه.
كرم .. الحمد لله يا همس انا قولت اطمن عليكم .
همس.. احنا تمام الحمد لله .
كرم ... وحشتينى .
همس.... نعم بتقول ايه؟؟؟
كرم... قصدى وحشتونا
همس.... اه بحسب
كرم ..... انا ممكن انزل اسكندريه بعد يومين اخلص مصلحه للمصنع واكيد هاعدى عليكم علشان اسلم على طنط الهام وعلى كريم ويسر.
همس..... بس كده مفيش حد تانى ولا ايه نحن هنا.
كرم.... لا طبعا ازاى
وفضلوا يهزروا ويضحكوا .
وبعد لما خلصت مكالمتها مع كرم كانت يسر غيرت هدومها ونزلت على تحت .
وسماح جهزت لهم السفرة ونزلت همس والهام وكريم وبدؤا يتغدوا مع بعض .
همس....كرم اتصل بيا يا ماما وبيسلم عليكم كلكم .
وقالى أنه كمان يومين نازل اسكندريه فى شغل وهايعدى علينا.
الهام ... انشاء الله يجى بالسلامه الصراحه هو وفارس شابين محترمين جدا .
يسر كانت سرحانه فى الشاب الوسيم اللى نزل من عربيته ولم عليه نصف بنات الكليه.
وكان عاجبها ولفت نظرها اوى.
الهام خدت بالها من سرحان يسر.
الهام... يسر مالك؟؟؟
؟؟؟؟؟؟؟؟؟؟؟؟
يسر...... ابدا يا ماما مفيش حاجه صرحت شويه .
همس .... ضحكت وغمزت لها 😉
_______________
وفى النادى كان قاعد شريف مع كام واحد من صحابه.
وعمال يفكر فى البنت اللى لفتت نظره وشدته دونن عن البنات كلها اللى كانت حوليه .
وقال لنفسه زيها زى غيرها هاتفرق ايه عنهم هاشغلها شويه واخد اللى انا عاوزه ولما ازهق منها اشوف غيرها.
ومسك شريف الموبيل بتاعه وراح طالب رقم يسر .📱
______________________________
يا ترى ايه اللى هيحصل ورد فعل يسر هايكون ايه ويا ترى شريف هايسبها فى حالها ولا هايقرب منها .
توقعاتكم ايه؟؟؟؟

[فيتامين سي]

للعشق وجه اخر 🌹
الحلقه 🌹 4 🌹


الهام : مالك يا يسر
سرحانه فى ايه ؟؟
يسر : ابدا يا ماما مفيش حاجه .
الهام.. اخبارك فى الكليه ايه ؟؟؟؟
يسر .... تمام يا ماما الحمد لله.
خلصوا غداهم وطلعوا على اوضهم .
ومع بدايه يوم جديد.
صحى الكل وبدؤا يجهزوا علشان يروحوا كليتهم.
وكريم يفطر ويستنى الباص و يروح على مدرسته.
وهما فى الكليه كان شريف واقف وحوليه بنات واولاد كتير واول ما يسر وهمس وصلوا قرب منهم وراح علشان يتعرف عليهم.
شريف : صباح الخير يا بنات انا شريف ممكن نتعرف؟؟
همس : انا همس ودى اختى يسر .
شريف : ابتسم وقالهم انتم توأم صح ؟؟
همس : ابتسمت وقالتله اه عندك مانع !!
شريف : لا ابدا
كل ده وكانت يسر ساكته خالص ما بتتكلمش .
شريف : ايه نحن هنا انتى مش معانا ولا ايه ؟
يسر : ابتسمت وقالت لا ابدا انا معاكم .
هدير ورضوى كانوا جم وسلموا عليهم واتعرفوا بشريف.
وفضلوا شويه يتكلموا ويتعرفوا على بعض.
وعرف أنهم بيروحوا نفس النادى اللى هو بيروحه .
وشويه شريف استأذن علشان كان وراه محاضرة ولازم يحضرها .
واول ما مشى اتنهدت يسر وده اللى خلى البنات ضحكوا عليها وعلى سهم الله اللى كان نازل عليها طول ما شريف كان واقف معاهم .😉😉
وفى القصر كانت الحاجه ام احمد طلبت من سلمى أن تتصل بالهام وتطمن عليها وعلى العيال .
وفعلا اتصلت سلمى وطمنتها وقالت لها أنهم ممكن يجوا يقضوا معاهم يومين اخر الاسبوع .
وفى الكليه كانت يسر قاعده لوحدها فى الكافيتريا علشان البنات سبوها وراحوا يتمشوا شويه بين المحاضرات.
وفجاه شافت شريف جاى ناحيتها وقرب منها وقالها ؟؟...
شريف ...ممكن اقعد معاكى شويه ؟
يسر.... اه طبعا اتفضل.
شريف ... ايه هما سابوكى وراحوا فين ؟
يسر ... راحوا يتمشوا .
شريف .... وليه ما روحتيش معاهم؟؟؟؟
يسر... عادى مش قادرة الف معاهم فى الكليه وقولت اقعد هنا واشرب اى حاجه.
شريف .... حد قالك قبل كده انك حلوة اوى .
يسر... اتكسفت وبصت للأرض وقالتله انت جرىء اوى على فكرة .
شريف .... حرام اشوف حاجه حلوة وماقولش لصاحبها انها حلوة .
يسر.... متشكره يا سيدى.
شريف ... انتى بتروحى النادى امتى.
يسر.... بنروح يوم الخميس والجمعه علشان الدراسه وكده. .
شريف .. طب خلاص نبقى نتقابل هناك بقى !!!
يسر .. انشاء الله.
شريف ... ممكن تدينى رقمك .
يسر.. فكرت شويه كده وادتهوله .
وشويه وجت البنات واستاذن شريف لما نده عليه واحد زميله زميله .
هدير... ايه ده ايه اللى حصل من ورانا اعترفى؟؟
رضوى .... ان غاب القط العب يا فار ولا ايه يا ست يسر ؟؟؟؟
همس ... بشويش عليها يا بنات هى هاتعترف بكل حاجه دلوقتى اعترفى ؟
يسر ... فى ايه واحده واحده عليا.
مفيش اى حاجه اتكلمنا شويه وخد رقم موبيلى بس.
همس ..... ايوا بقى يا يسر هانم هى حصلت ولا ايه.
هدير .. .. استنى بس يا همس خليها تحكلنا بالتفصيل عن اللى حصل بالضبط ؟؟
رضوى .... بس بقى يا بنات بطلوا رخامه على يسر هى هاتحكيلى انا الاول .
وفضلوا يضحكوا ويهزروا لحد ما خدوا بعضهم ومشيوا بعد.ما خلصوا محاضرتهم.
وفى اوضه يسر كانت قاعده سرحانه فى الكلام اللى قاله لها شريف ومن جرأته وطريقه كلامه ومن الاحساس اللى هى حست بيه ناحيته من اول مرة شافته فيها وفجاه !!!!!!!!!!
رن التليفون بتاعها واستغربت لما بصت فيه ولقت اسم شريف .😱😱
يسر .... الو
شريف .... احلى الو سمعتها فى حياتى.
يسر .... وبعدين معاك
شريف. .... حرام اقول الحقيقه يعنى
يسر .... لا ازاى ودى تيجى
شريف .... يسر انا معجب بيكى من اول ما عينى جت عليكى.
مش عارف انتى عملتيلى ايه بالضبط
انا شوفت بنات كتير قبل كده لكن مفيش حد عمل معايا اللى انتى عملتيه فيا ده .
يسر. .... شريف انا عملت فى ايه
شريف. ... عيون شريف وقلب شريف يا يسر.
يسر ...... وبعدين معاك بقى
شريف. .... كل خير انشاء الله.
انا لازم اشوفك واقعد معاكى بعيد عن الكليه ونتكلم براحتنا يا يسر.
يسر ... انا مش بخرج لوحدى خالص ولو خرجت مش بروح غير النادى .
شريف .... خلاص هستناكى بكرة فى النادى بعد ما تخلصى الكليه علشان انا مش هاروح بكرة معنديش حاجه مهمه.
يسر. .... سيبنى افكر الاول.
شريف. .... نعم انتى بتهزرى صح
يسر. ... لا مش بهزر
شريف. .... خلاص مش عاوز حاجه منك يا يسر شكلك خايفه منى ؟؟
يسر. .... لا ابدا وهاخاف منك ليه ؟
شريف. ... خلاص نتقابل بكرة زى ما اتفقنا.
يسر. .......... سكتت شويه
شريف ..... ايه روحتى فين انتى لسه بتفكرى ولا ايه ؟؟؟؟
يسر. .... لا ابدا خلاص ماشى هاقبلك بكرة فى النادى .
همس كانت قاعده فى الجنينه بتاعه الفيلا وفجاه لقت كرم ومعاه فارس راحت عليهم ورحبت بيهم.
همس..... اهلا وسهلا ايه المفاجاه الحلوة دى ؟
كرم ... اهلا بيكى يا همس والله مفاجاه فعلا انا كنت لسه هاجى بكرة لولا فارس كان وراه مشوار مهم فى اسكندريه هنا فقولت اجى معاه بالمرة .
فارس .... ازيك يا همس وازى طنط الهام ويسر وكريم
رحبت بيه همس وخدتهم ودخلت على جوا وسلموا على مرات عمهم .
ونزلت يسر من فوق ورحبت بيهم .
وطول ما هى كانت قاعده كان فارس عمال يبص لها بشوق ولهفه جامد من كتر ما كان مشتاق ليها وكانت وحياه اوى اوى.
وكان طول القاعده كرم وهمس مش مبطلين شد مع بعضهم زى العيال الصغيرة وكل شويه كرم ينرفزها .
وقضوا اليوم مع بعض وكانوا خلاص عاوزين يقوموا علشان يروحوا اى فندق يباتوا فيه .
الهام ما رديتش ابدا أنهم يمشوا وخلتهم يباتوا عندهم فى الفيلا .
بعد ما كريم فضل يتحايل عليهم كتير أنهم يباتوا معاهم.
وطلعت شمس يوم جديد وجهزت البنات علشان يروحوا على كلياتهم ولبسوا وراحوا.
وخرج كرم وراح المشوار اللى حتى علشانه .
وفارس راح يخلص كام مشوار بخصوص المصنع .
خلص اليوم وروحت البنات واستاذنت يسر انها تروح النادى علشان هاتقابل زميلتها هناك.
امها وافقت وقالت لها خدى همس معاكى .
همس.... لا يا ماما مش قادرة خالص وتعبانه وشويه .
الهام .... خلاص يا يسر روحى وماتتاخريش وتعالى بدرى علشان ولاد عمك هنا .
يسر حاضر يا ماما ساعتين تلاته كده وهاجى على طول .
______________
فى النادى كان قاعد شريف مستنى يسر وكل شويه يبص فى ساعته .
يسر.... بصت على بعد لقت شريف قاعد على تربيزة قربت منه وسلمت عليه.
شريف .... ياااااه كل ده يا يسر وحشتينى اوى
يسر....... بلمت من كلمته واتكسفت وبصت فى الارض
شريف .... يسر انا بحبك.
يسر... انت بتقول ايه احنا لسه عارفين بعض من يومين اتنين .
شريف .... هو ده الحب اللى من اول نظرة.
يسر... ههههههههه
شريف.... انتى بتضحكى ليه ؟؟؟؟
يسر. .... لا ابدا اصل كلامك ده بيفكرنى بفيلم ابيض واسود .
فجاه جت عليهم سالى وقربت من شريف وحتط ادها على عنين شريف.
سالى..... حزر فزر انا مين يا شوشو؟؟؟؟؟
يا ترى مين سالى دى ؟؟؟؟ وعاوزة ايه من شريف ؟؟
ورد فعل يسر هايكون ايه من تصرف سالى مع شريف ده ؟؟؟

[فيتامين سي]

الحلقه 🌹 5 🌹
روايه / للعشق وجه اخر .
بقلم ✍ سحر فرج
__________
فاجأه جت عليهم سالى وقربت من شريف وحتط اديها على عيون شريف.
وقالتله حزر فزر انا مين يا شوشو ؟؟
شريف مسك ايدها ولف نفسه وقالها اهلا يا سالى اخبارك ايه. ؟
يسر... عن اذنك بقى يا شريف انا ماشيه.
شريف... استنى يا يسر ماشيه ايه احنا لسه ماتكلمناش.
سالى.... احسن برضوا علشان انا عوزاك يا شريف فى موضوع مهم اوى اوى اوى.
قامت يسر وخدت بعضها ومشيت بس كانت من جواها شايطه على الاخر ومتغاظه من اللى اسمها سالى دى ومن طريقه كلامها مع شريف .
شريف ..... شاف يسر قامت ومشيت قام رايح وراها بسرعه وقالها...
يسر استنى انتى ماشيه ليه هو احنا لسه قعدنا مع بعض يا بنتى ولا اتكلمنا فى حاجه ؟؟؟
يسر... لا خليك قاعد مع ست سالى بتاعتك يا شوشو 😡😡
شريف.... سالى ايه وبتاع ايه دى بنت خالى وهى بت رخمه وبتحب تستزرف شويه لما تشوفنى وبذات لما تشوفنى مع واحده زيك زى القمر ❤
يسر .... لا والله ماليش فيه خليها تنفعك يالا سلام.
شريف ..... يا بنتى استهدى بالله انتى عليكى عفريت اسمه سلام اصبرى شويه علشان خاطرى انا ما لحقتش اشبع منك .
يسر.... مش هينفع يا سى شوشو علشان انا اتأخرت يالا باى.
مشيت يسر وكان شريف على آخره من ست سالى دى وطريقتها معاه وبذات اودام يسر.
وهو واقف سرحان فى اللى حصل
جاله عادل صاحبه وقاله ايه يا عم سرحان فى ايه مالك ؟؟؟؟
هى المزة اللى كانت معاك راحت فين ؟؟
شريف .... بقولك ايه انت كمان هى مش نقصاك سيبنى فى حالى دلوقتى يا عادل وحيات ابوك اصل عفاريت الدنيا كلها بتتنطط فى وشى.
_________
يسر رجعت على البيت وراحت على اوضتها وشويه خبتط عليها همس وسألتها مالها .
همس. .... مالك يا يسر مش على بعضك ليه وبعدين مش انتى قولتى انك هاتتاخرى ساعتين تلاته. ؟؟
ايه جيتى بدرى يعنى ؟؟
يسر قعدت على سريرها وقالت أنا هاحكيلك على كل حاجه يا همس وقوليلى رايك ايه واعمل ايه علشان انا محتارة اوى ومش عارفه اعمل ايه ...
حكت يسر لاختها على كل اللى حصل معاها واللى هى حاسه بيه ناحيه شريف .
وهل فعلا شريف معجب بيها ولا زيها زى اى بنت بيكلمها ؟؟
همس..... الصراحه يا يسر انتى غلطانه لان احنا عارفين من الكليه ان شريف بتاع بنات وانتى شوفتى بعينك البنات بتبقى حواليه اد ايه فى الكليه .
وازاى تروحى النادى وتقابليه الناس تقول عليكى ايه ؟؟؟
يسر .... مش عارفه بقى يا همس انا اتشديت ليه وعجبنى شخصيته وطريقته واستايله.
همس. ..... مش كفايه انك تعجبى بيه وانتى عارفه كويس اوى أنه بتاع بنات.
الهام ..... بعتت الشغاله علشان تنادى على البنات علشان ينزلوا يجهزوا معاها السفرة علشان فارس وكرم هايجوا يتغدوا معاهم.
فعلا طلعت الشغاله وخبتط على باب الاوضه وقالت للبنات أن الهام هانم عوزاهم تحت علشان الغدا وعلشان ولاد عمهم جاين على الغدا.
نزلت البنات وفعلا بدؤا يجهزوا السفرة وشويه وجم الشباب واتجمعوا على السفرة واتغدوا .
بعد الغدا طلعت الهام على اوضتها .
قعدت يسر وهمس وكرم وفارس مع بعض وفضلوا يضحكوا ويحكوا على حاجات مرت بيهم وهما فى الكليه وهما على البحر فى اسكندريه .
همس ... انا مهما روحت اى بحر أو شط فى مصر كلها أو برة مصر .
مش بحب غير اسكندريه وشواطئ اسكندريه وبحرها وناسها وجوها ورملها.
كرم ... هى فعلا جميله اوى وبحرها جميل جدا وناسها اجمل واجمل وقام غامز بعينه لهمس .
همس خدت بالها من عنين كرم فاتكسفت وبصت على يسر اللى كانت فى عالم تانى خالص .
وكان فارس واخد باله من يسر وأن شكلها زعلان من حاجه .
كرم طلب من البنات ومن فارس أنهم يخرجوا باليل يغيروا جو شويه ويتمشوا شويه على الكورنيش.
بس بعد ما يستاذنوا من مرات عمه الاول علشان هى دى الاصول
همس .... واااااو. انت بتتكلم بجد احنا بقالنا كتير اوى ما خرجناش.
فارس .... اول مرة تقترح حاجه عدله يا كرم ياريت والله نخرج نغير جو شويه .
يسر. ..... روحوا انتم انا ماليش مزاج أنى اروح اى حته .
همس. .... بطلى بواخه بقى يا يسر لازم تيجى معانا .
كرم .... فعلا لازم تيجى معانا يا يسر ومش هانروح فى حته الا وانتى معانا .
فارس قام واستاذن انه هايقعد شويه فى الجنينه .
همس خدت بالها أن فارس زعل لما يسر قالت كده وأنها مش عاوزة تروح معاهم .
همس..... بقولك ايه يا بت انتى لازم تيجى معانا انا بقولك اهو انتى فاهمه .
الهام.... تيجى معاكم فين انتم خارجين ولا ايه من غير ما تقولولى ؟؟؟؟
كرم .... انا كنت لسه هاستاذن من حضرتك يا طنط أنى اخد البنات انا وفارس ونخرج شويه ونتمشى على الكورنيش .
ايه رأى حضرتك؟؟؟
الهام ... ده انا لسه قافله دلوقتى مع عبد الرحمن اخويا وفرح اوى انكم موجودين هناك وهايخلص عيادته بدرى شويه ويجى يسلم عليكم.
همس .... خلاص يا ماما بقى نخرج دلوقتى ونيجى بدرى ومش هانتاخر ايه رايك .
الهام. ... خلاص يا كرم اللى تشوفه يا حبيبى بس اهم حاجه تخلى بالك من بنات عمك وتيجوا بدرى .
همس جريت على أمها وخدتها فى حضنها وباستها وقالت لها شكرا يا ست الكل .
كرم .... حاضر يا طنط اكيد طبعا .
الهام .. اومال فارس فين ؟؟
همس ... برة فى الجنينه يا ماما طلع يغير جو شويه اصل هنا القاعده رخمه ومش عجباه وغمزت ليسر اختها .
الهام خدت بعضها وراحت تشوف فارس.
الهام. ... شافت فارس قاعد تحت شجرة وسرحان على الاخر وما حسش بيها لما جت
نحن هنا ايه يا فارس مالك فى حاجه مزعلاك ولا ايه ؟؟؟
فارس جاى يقف مرات عمه قالتله خليك زى ما انت قاعد وقامت خدت بعضها وقعدت جمبه.
الهام .... مالك يا فارس فى ايه شكلك مدايق من حاجه احكيلى فى ايه يمكن اقدر اساعدك.
فارس .... فكر شويه فى الكلام اللى هايقوله لمرات عمه وأنه فعلا زعلان من حاجه .
فارس... الصراحه يا طنط انا بعزك جدا زى والدتى ومش هاخبى عليكى حاجه لانى فعلا نفسى اتكلم مع حد ويفهم اللى جوايا واللى انا حاسس بيه.
فارس .... الصراحه يا طنط انا بحب يسر من اول يوم شوفتها فيه ومن قبل كده كمان من ساعه لما عمى احمد الله يرحمه كان بيتكلم عليها كتير .
فارس .... واد ايه يسر عجباه وعجبه شخصيتها وأسلوبها والإعجاب ده قلب بحب .
وحب اوى كمان وبيتمنى انها تحس بيه وبشعوره ده تجاهها.❤
الهام. .... اقولك على حاجه يا فارس وتصدقنى .
انا اتمنى انك تقرب من يسر انا بعزك جدا وبحترمك انت وكرم وعارفه ومتأكد انك هاتحبها وهاتحافظ عليها وهاتكون سند وضهر ليها فى الدنيا دى كلها .
فارس ... فرح اوى من كلام مرات عمه بس فى نفس الوقت الفرحه دى كانت خوف من جواه أن يسر مش حاسه بيه وبالحب الكبير ده .
فارس ... بس انا كنت لمحت ليسر بالاعجاب ده وهى اتهربت من كلامى وغيرت الموضوع خالص .
الهام ... معلش يا فارس يسر لسه صغيرة ومش عارفه مصلحتها فين كويس .
على العموم سبلى الموضوع ده وانا هاحاول اتكلم معاها .
فارس ... معلش يا مرات عمى سيبى الموضوع ده ليا واوعدك مع الوقت والأيام انا هافتح تانى الموضوع معاها واشوف رأيها ايه.
______________
عادل يالا يا شريف الشله كلها جاهزة وهانروح نسهر فى الكافيه اللى على الكورنيش.
شريف .. ماشى يا عدوله هاجهز واجيلكم على هناك وهات كام حته طريه معانا كده لزوم القاعده اصلى مخنوق وعلى أخرى.
لبست البنات وركبوا العربيه مع فارس وكرم وراحوا على الكورنيش وركنوا على جنب ونزلوا يقعدا على البحر شويه .
كرم .... الله ما شوفتش احلى ولا اجمل من المنظر ده سبحان الله.
همس .. انت لسه شوفت حاجه يا ابنى دى اقل حاجه عندنا .
كرم. .. هههههههه يا ابنى بقى كده ماشى ماشى يا همس هانم .
ضحكت يسر على طريقه كلام كرم وهمس مع بعض فضحك فارس هو كمان على ضحك يسر وفرح من جواه أن يسر بدأت تضحك من جواها تانى .
كرم .... استنوا يا شباب هنا هاروح اجيب ترمس وذرة مشوي من الراجل اللى هناك ده.
همس ... هاتلى حمص شام يا كرم معاك وانت جاى وخليه يزود الشطه.
كرم.... نعم يا اختى تعالى معايا هاتى اللى انتى عوزاه انا هاشيل كل ده ازاى لوحدى .
همس ... اووووف عليك يالا امشى اودامى يا بيه .
كرم ... بت انتى لمى نفسك بدل ما احدفك فى البحر ده انتى فاهمه .
همس ..... يا مامى خوفت انا .
ضحكوا كلهم وراح كرم وهمس علشان يجيبوا الحاجه مع بعض .
وفضل فارس ويسر لوحدهم قاعدين يبصوا للبحر وجماله .
يا ترى ايه اللى هيحصل وتوقعتكم ايه ؟؟؟
ويا ترى فارس هيفاتح يسر فى حاجه تانى ولا هايصبر عليها .
رايكم يهمنى
s * f

[فيتامين سي]

الحلقه 🌹 6 🌹
روايه /. للعشق وجه اخر
بقلم ✍ سحر فرج


راح كرم وهمس علشان يجيبوا الحاجه اللى هما عاوزنها.
فارس .... مالك يا يسر فى حاجه مزعلاكى ؟؟
يسر .... ابدا مفيش حاجه.
فارس .... اصل شايفك حزينه وعلى طول سرحانه .
يسر ..... ابدا مفيش اصل افتكرت بابا الله يرحمه.
فارس ... الله يرحمه
انا جمبك يا يسر ولو عزتى اى حاجه هاتلاقينى جمبك فى اى وقت .
شريف كان سايق عربيه وجمله عادل
وكانوا رايحين على الكافيه اللى على الكورنيش.
شريف.... مش عارف الدنيا زحمه كده ليه النهارده.
عادل .... يا عم دى على طول زحمه كده .
شريف ... فاجأه وهو سايق لمح يسر وهى قاعده مع فارس على الكورنيش.
ركن عربيته ونزل منها بسرعه وراح ناحيه يسر.
شريف ... الله. الله يا ست هانم ايه ده انشاء الله .
ايه هو انتى الصبح مع واحد وباليل مع واحد تانى ولا ايه ؟؟؟؟؟
يسر اتخضت لما شافت شريف وبرقت بعينيها وبصت لفارس.😱😱
يسر .... شريف !!!!
فارس بص لشريف وبعزم ما فيه ضربه حته بوكس وقعه على الأرض .
نزل عادل من العربيه بسرعه وراح ناحيه شريف وقومه .
شريف ... انت حيوان انت مش عارف انا مين ؟؟؟
فارس ... مسكه من لياقة القميص بتاعته وقام رازعه بوكس تانى على وشه وجه عادل يقرب قام واخده بوكس هو كمان .
كرم وهمس كانوا عاملين يضحكوا ويهزروا وهما جايببن الحاجه وشيلينها .
فاجأه كرم شاف فارس وهو عمال يضرب فى اتنين شباب وهما بيضربوا فيه .
رمى اللى فى أيده بسرعه وراح ناحيه فارس وحاول أنه يهدى الموقف ويعرف ايه اللى بيحصل ده .!!!!!!!!
يسر كانت عماله تعيط جامد من المنظر اللى كانت شيفاه .
همس جريت على اختها وحاولت تفهم منها ايه اللى بيحصل هى كمان 😱😱😱
همس .... بصت للشباب وبرقت لما لقيت شريف وعادل هما اللى بيتخانقوا مع فارس .
همس ..... شريف خلاص بقى فى ايه لده كله.
.فارس ....انتى تعرفيه يا همس ؟؟؟؟
همس ... ايوا يا فارس دول زمايلنا فى الكليه.
فارس .... وايه كمان يا همس ؟؟؟
ايه علاقته بيسر.؟؟؟؟
شريف خد بعضه ومشى هو عادل بعد ما هدومه اتقطعت وركب عربيه ومشى.
كرم ... فى ايه يا فارس مالهم العيال دى ؟؟
يسر ... انا عاوزه اروح حالا .
فارس .... مفيش مرواح من قبل ما تقوليلى مين ده وبيكلمك كده ازاى .!!!!
يسر ..... انا مسمحلكش انك تكلمنى بالمنظر ده انت مين انت علشان تكلمنى كده .؟؟؟
فارس خد بعضه ومشى وسابهم بعد كلام يسر ليه .
كرم ... فارس .... فارس .
استنى رايح فين ؟؟؟
مشى فارس وماردش على اخوه .
كرم خد البنات وركبهم العربيه ورجعوا على الفيلا .
اول لما دخلوا الفيلا شافتهم إلهام وشافت منظر يسر ..
يسر خدت بعضها وطلعت على اوضتها وطلعت همس وراها .
الهام فى ايه مالكم ايه اللى حصل وفين فارس يا كرم ؟؟؟
كرم .... قالها اهدى بس يا مرات عمى مفيش حاجه اقعدى وانا هاحكيلك على كل اللى حصل .
قعدت الهام وحكى لها على كل اللى حصل من ساعه ما راحوا على البحر لحد ما مشى فارس وسابهم.
الهام ... ومين شريف ده اصلا يا كرم وازى يتكلم مع يسر بالمنظر ده ؟؟؟
كرم .... همس قالت إنه زميلهم فى الكليه .
الهام ... حتى لو زميلهم فى الكليه ازاى يتكلم معاها كده بصفته ايه وازاى يسر تسمحله بكده !!!!!!!
دخلت يسر على اوضتها وجريت على سريرها وفضلت تعيط جامد
جريت عليها همس وحاولت تهديها وتطبطب على كتفها .
همس .... اهدى يا يسر مفيش حاجه حصلت للعياط ده كله .
يسر ... انتى بتقولى ايه انتى مش عارفه شريف قال ايه عليا
😓😓
همس .... قالك ايه ؟؟
يسر ... قالت لاختها على كلام شريف ليها وأنه افتكر أن فارس واحد هى ماشيه معاه .
همس ... انتى بتقولى ايه ؟
انتى خايفه على زعل شريف وأنه يفتكر انك مع واحد تانى .
ومش زعلانه على اللى قاله ليكى وطريقه كلامه معاكى اودام فارس .
انا لو منك ما اتكلمش معاه تانى ابدا.
يسر .... انتى بتقولى ايه يا همس أنه بحبه ومش عوزاه يبعد عنى.
انا لازم اتصل بيه وافهمه على كل اللى فهمه غلط وان فارس ده ابن عمى وان انتى وكرم كنتم معانا ومش لوحدنا انا وفارس .
همس ..... انتى مجنونه الظاهر عليكى.
همس... انتى لازم ما تتكلميش معاه تانى وتوقفيه عند حده وتفهمى فارس الموضوع من أوله لاخره .
علشان ما يخدش عنك فكره وحشه .
يسر .... فارس ايه وبتاع ايه ما يزعل ولا يتفلق حتى مايهمنيش زعله انا المهم عندى شريف وبس .
_______________
طلع النهار وجه يوم جديد وبدأت البنات تجهز نفسها علشان تروح كليتها .
الهام ..... يسر.
يسر ... نعم يا ماما
الهام .... انا عاوزة اعرف شريف ده عاوز منك ايه وازاى تسمحيله أنه يتكلم معاكى كده .
يسر .... ابدا يا ماما ده زميلى فى الكليه.
الهام .... وايه كمان يا يسر ؟؟؟؟
يسر ..... ابدا يا ماما هو كلمنى واحنا فى الكليه وقالى أنه معجب بيا.
الهام .... انا عوزاكى توقفيه عند حده ومالكيش دعوة بيه تانى خالص انتى فاهمه.؟؟
يسر.... حاضر يا ماما .
راحوا على الكليه واول لما دخلوا لقوا شريف واقف هو وأصحابه ومعاهم كام بنت واول لما شاف يسر وهمس قرب منهم ومسك يسر من ايديها وقالها.
شريف .... تعالى عايزك.
همس .... فى ايه يا شريف سيبها وسبب ايديها انت اتجننت.
شريف ... بقولك تعالى عاوزك.
يسر .... قالت لهمس استنى يا همس هاشوفه عاوز ايه واجى على طول .
همس .... انتى بتستهبلى تشوفى مين ده واحد مجنون .
يسر... معلش يا همس هاشوفه على طول واجى .
راحت يسر مع شريف ووصلوا على الكافيتريا بتاعه الكليه وقعدوا على تربيزة .
شريف ... ممكن تفهمينى يا هانم مين اللى انتى كنتى معاه ده .
يسر... وده يهمك ؟؟؟
شريف ... يسر ما تجنينيش انطقى مين ده وكنت معاه ليه؟؟
يسر.... خافت من طريقه شريف معاها.
وقالتله ده فارس ابن عمى وكان معانا كرم وهمس وخرجنا نتمشى شويه على البحر.
شريف .... ابن عمك وبس ولا بينكم حاجه تانيه ؟؟؟
يسر ... لا طبعا مفيش اى حاجه بينا.
شريف ..... يسر انا بحبك ومش عاوز اشوفك مع اى حد غيرى تانى انتى فاهمه.
يسر.... بس ده ابن عمى مش اى حد يا شريف.
شريف ... حتى ولو ابن عمك انتى سمعانى.
_________
كرم ..... اهدى بقى يا فارس انت هتفضل كده لامتى.
احنا من ساعه ما جينا من اسكندريه وانت قالب خلقتك دى.
والكل بدأ يلاحظ أن فيه حاجه.
فارس ... انا هاتجنن يا كرم ازاى الحيوان ده انا سبته من ايدى كان لازم اخلص عليه .
كرم .... يا سلام وتودى نفسك فى داهيه علشان واحد حمار زى ده.
حسين ... ماله فارس يا ملك من ساعه ما جه من اسكندريه وهو مش على بعضه.
ملك .... الصراحه يا حسين انا حاسه بحاجه كده ويارب يكون احساسى مظبوط.
حسين... خير يا ملك حاسه بايه ؟؟
ملك ... انا حاسه ان فارس بيحب حد من بنات عمه بس مين فيهم انا مش عارفه.
وفى اوضه هيام كانت بتتكلم فى التليفون مع واحد.
هيام ..... وحشتنى اوى يا كريم .
هاتيجوا امتى انا هاتجنن واشوفك يا قلبى.
كريم ... وانتى وحشتينى اوى يا طنط هيام.
هيام ... انا جبتلك لعب كتير اوى علشان لما تيجى نلعب بيهم انا وانت
.
كريم ... شكرا اوى يا طنط هيام .
سلمى .... ختى العلاج يا ماما بتاع الضغط .
الام ... ايوا يا سلمى يا بنتى خته من ساعه كده.
سلمى..... مالك بس يا ماما شكلك مش عاجبني بقالك فترة.
الام.... هيكون ايه بس يا سلمى .
موت اخوكى هدنى يا بنتى
ومش عاوزة حاجه تانى من الدنيا غير أنى اطمن عليكى .
سلمى .... الله يرحمه يا ماما هو احنا هانعوضه تانى كانت حنيه الدنيا فيه .
_________
شريف.... يسر اوعدينى يا يسر انك ما تسبنيش مهما يحصل .
يسر.... اوعدك يا شريف.
وعدى كام شهر من الدراسه وشريف ويسر بيتكلموا على طول مع بعض وعلى الموبيل و فى الكليه والنادى كمان .
وبقى الكل عارف أن يسر حبيبه شريف الجديده
مع تحظيرات همس على طول ليها .


الحلقه 🌹 7 🌹
روايه /للعشق وجه اخر
بقلم📝 سحر فرج


طول الفترة اللى فاتت فارس ما كنش يعرف حاجه عن يسر ولا حاول يروح اسكندريه تانى أو حتى يتصل بيها .
ولما كانوا بيجوا زيارة لجدتهم ما كنش بيقعد فى البيت علشان ما يشوفهاش .
وفى الفترة دى كان كرم وهمس بيتكلموا مع بعض على طول فى التليفون.
أو كرم يعدى عليهم فى اسكندريه كل فترة .
وفى مرة طلب من همس أنهم يتقابلوا فى مكان هادى بعد لما تخلص الكليه علشان عاوزها ضرورى.
كرم.... الوووو.
ايوا يا همس انا فى اسكندريه انتى فين ؟
همس ... الوووو
ايوا يا كرم انا فى الكليه ولسه مخلصه
كرم .... ويسر فين ؟؟؟
همس .... يسر ما راحتش النهاردة عندها شويه برد ونايمه فى السرير.
كرم ....... طيب انا هاعدى عليكى دلوقتى ايه رايك ونقعد فى اى حته نتكلم شويه .
همس .... ماشى يا كرم بس الاول
هاتصل بماما واقولها أنى معاك .
كرم .... ماشى يا همس عقبال لما اجيلك تكونى
كلمتيها وانا مسافه السكه اكون عندك .
راح كرم لهمس ونزل من عربيته وسلم عليها وفتح لها باب العربيه وركبت.
راحوا على مكان هادى على البحر وقعدوا على تربيزة قريبه من المنظر الجميل بتاع البحر .
كرم .... همس عامله ايه ؟؟؟
همس ... الحمد لله يا كرم .
كرم ...
الصراحه يا همس انا طلبت أنى اشوفك النهاردة علشان اقولك على حاجه مهمه اوى .
همس ... خير يا كرم فى ايه ؟؟
كرم ... الصراحه كده يا همس انا معجب بيكى اوى وعلى بلاطه كده ومن غير لف ولا دوران انا بحبك اوى اوى.
همس ......... سكتت خالص واتكسفت من اعتراف كرم ليها بحبه .
كرم .... همس.
همس ... نعم
كرم ..... ايه رايك فى اللى انا بقوله ده ويا ترى ايه شعورك من ناحيتى ؟؟؟
همس ..... انا ......
كرم .... انتى ايه قولى يا همس ؟
همس .... انا كمان
كرم ... انتى كمان ايه انطقى ؟
همس .... بحبك
كرم .... يااااااه اخيرا سمعتها منك يا حبيبتى.
همس ... احم. احم
كرم .... بحبك اوى اوى يا همس.
ومسك ايديها وباسها ووعدها انها هايسعدها ويحافظ عليها .
واتفق معاها أنه يكلم ابوه ويجوا يخطبوها من مامتها وحالها عبد الرحمن .
خدها كرم وروحها على الفيلا وسلم على مرات عمه وعلى كريم وسأل على يسر وعرف انها فى اوضتها نايمه علشان تعبانه .
وحكى لمرات عمه على اللى اتفق عليه هو وهمس وقالها فى أقرب وقت هايجى هو وأبوه علشان يخطبوا همس.
الهام فرحت اوى من كلام كرم علشان هى عارفه انهم رجاله ويقدروا يحافظوا على بناتها كويس اوى .
____________
فى اوضه يسر كانت ماسكه موبيلها وعماله تتكلم مع شريف فى التليفون
واتفقوا أنهم يخرجوا مع بعض شويه باليل .
بس هى قالتله انها تعبانه ومش قادرة .
شريف .... نعم يا اختى تعبانه يعنى ايه انا لازم اشوفك.
يسر ..... بجد والله يا شريف تعبانه مش قادرة .
شريف .... براحتك يا ست يسر .
وقفل السكه .
كرم ركب عربيته ورجع على القصر وكان من جواه فرحان اوى من كلامه مع همس وان همس بتبادله نفس الحب ده .
كرم .... سلامو عليكو.
حسين ..... وعليكم السلام اهلا يا كرم حمد الله على السلامه .
ملك .... حمد لله على السلامه يا ابنى .
الجده ... حمد لله على السلامه يا حبيبى ازى بنات عمك وكريم .
هيام .... اه والنبى يا كرم كريم عامل ايه وحشنى اوى اوى ونفسى اشوفه .
كرم ..... هاتشوفبه قريب اوى يا طنط هيام .
سلمى ... اللى هو ازاى ده يا كرم بيه .
وغمزتله بعنيها .
سلمى كانت عارفه كل حاجه وعارفه أن كرم بيحب همس و هى اللى شجعته أنه يتكلم معاها .
حسين ... خير يا كرم يا ابنى فى ايه شكلك كده مبسوط وعاوز تقولنا على حاجه ؟؟؟
كرم .... الصراحه يا حاج ومن غير مقدمات كده انا عاوز اتجوز همس بنت عمى ❤
حسين .... وخير ما اخترت يا ابنى وانا عمرى ما هلاقى حد احسن من بنات اخويا احمد الله يرحمه .
ملك ..... الف مبروك يا حبيبى عقبال ما نفرح بفارس هو كمان .
فارس دخل وكان جاى من برة .
فارس .... عقبالى فى ايه بقى انشاء الله .
سلمى بفرحه وهى بتتكلم .
كرم هايخطب همس بنت عمك يا فارس .
فارس .... خد اخوه فى حضنه وقاله الف مبروك يا معلم وربنا يتمملك بخير .
كرم ... عقبالك يا كبير أنشاء الله انت كمان .
وفرح الكل وقاموا باركوا لكرم وهنوه.
كرم راح لجدته وباس ايديها وباس رأسها وقالها ادعيلى يا جدتى بكل خير .
واتفق حسين وكرم على انهم يروحوا كلهم على اسكندريه علشان يتقدموا لهمس و يعملوا الخطوبه على اخر الاسبوع .
كرم كان حكى لهمس على كل اللى حصل لما حكى ليهم على الموضوع ده واتفق معاها أنه يرجع خلال يومين ويشتروا احلى فستان للخطوبه واحلى شبكه فى الدنيا كلها.
عدى كذا يوم وبدأت الهام تجهز الفيلا لاستقبال حسين وحماتها وملك وكل اللى فى القصر علشان الخطوبه.
صحيت البنات بدرى وراحوا على الكوافير علشان يجهزوا نفسهم للخطوبه.
وشويه ووصلوا كلهم على الفيلا ورحبت بيهم الهام وكان فى استقبالهم عبد الرحمن اخوها .
عبد الرحمن .... يا اهلا وسهلا بيكم نورتم والله يا جماعه .
الهام .... وحشتينى اوى يا ماما وانتى يا سلمى وحشتينى اوى .
وقربت من هيام وخدتها بالحضن وانتى والله يا هيام كنتى وحشانى اوى.
وكريم مش مبطل زن علشان يروح عندكم البلد علشان يشوفك لولا الدراسه . .
الهام .... اومال فين فارس يا جماعه مجاش معاكم ليه ؟؟؟؟
الصراحه فارس مقدرش يجى وقال فى الليله الكبيرة انشاء الله.
كرم كان واخد بعضه وهايروح علشان يجيب همس ويسر من الكوافير
ويادوبك خارج من باب الفيلا لقى فارس اخوه واقف جنب عربيته ومرزوق العربيه احلى زواق بالورد والتل 🌸🌼🌸
كرم اتفاجأ لما شاف فارس وشاف العربيه .
فارس .... ما ينفعش اسيبك لوحدك فى يوم زى ده يا اخويا .
كرم .... قرب من أخوه وحضنه وباسه وقاله ما اتحرمش منك يا كبير ابدا وعقبال ليلتك انشاء الله .
وصلوا على الكوافير ورن على همس .
كرم ... الوووو وهو.
همس ..لقيت تليفونها بيرن فاتكسفت وأدت الموبيل ليسر وقالتلها رودى انتى عليه .
يسر ...... الوووو ايوا يا عريس فى حاجه .
كرم ... يسر .... ازيك ايه الاخبار خلصتم .
يسر ...... اه خلصنا
كرم... طيب انا مستنيكم برة انا وفارس .
يسر .... ماشى يا كرم دقيقتين ونكون عندك.
وقف كرم هو وفارس يستنوا البنات اودام الكوافير . وفجاه بيبص لفارس لقاه متنح .
بيلف علشان يشوف فارس بيبص على ايه .
كرم...... بقى همس ويسر خارجين من جوه وشملهم عامل زى الملايكه .
همس كانت لابسه فستان دهبى وحاطه مكياچ حلو اوى و تاج على شعرها مخليها عامله زى الاميرات اللى فى الحواديت .
يسر .... كانت لابسه فستان اسود طويل ومسيبا شعرها على ضهرها وحاطه مكياچ خفيف مخليها حلوة اوى اوى هى كمان 👸
قرب كرم من همس وباس ايديها .
فارس قرب منهم وسلم على همس وباركلها وسلم على يسر .
ركب كرم وهمي فى العربيه من ورا وركبت يسر فى الكرسى اللى جمب فارس .
وركبوا العربيه ووصلوا عند الفيلا .
ونزلوا كلهم وكرم مسك ايد همس ودخلوا على جوه.
الكل بارك لهمس وكرم على الخطوبه .
وشغلوا الاغانى والعروسه والعريس رقصوا مع بعض شويه .
عبد الرحمن ... طول السهرة ما شلش عينه من على سلمى وكل لما سلمى تبص عليه تلاقيه باصص لها فاتتكسف وتبص على الأرض . .
فارس هو كمان كان طول الوقت بيبص على يسر واد ايه كانت وحشانى وكان نفسه يشوفها اوى .
الكل كان فرحان وسعيد . وبالأخص
الجده كانت فرحانه اوى اوى الخطوبه كرم وهمس .
يسر كانت ماسكه موبيلها فى اديها وفجاه التليفون رن .
يسر .... ايوا يا شريف فى ايه .
شريف .... انا برة اودام الفيلا اطلعى لما اشوفك .
يسر ... انت اتجننت برة فين انت بتستهبل لا طبعا مش هاطلع .
شريف .... اطلعى يا يسر بدل ما ادخل انا عندك جوه .
يسر ..... انت الظاهر عليك عبيط أصبر طيب انا خارجه .
فعلا خرجت يسر وطلعت برة لقت شريف واقف اودام الفيلا بعربيته.
يسر ... ايه يا شريف انت ايه اللى جابك .
شريف .. وحشتينى قولت اجى اشوفك.
يسر ... خلاص شوفتنى يالا بقى امشى قبل ما حد ياخد باله أنى مش موجوده.
شريف ... بس ايه يا بت الحلاوة دى .
يسر ... يالا بقى يا شريف بلاش غلاسه .
فارس عمال يدور على يسر ماكنش لاقيها وقال لما اطلع اشوفها برة فى الجنينه .
يادوبك لسه خارج للجنينه شاف يسر .
يا ترى ايه اللى هيحصل ويا ترى فارس هايشوف شريف مع يسر ؟؟؟؟
تواقعتكم ايه

[فيتامين سي]

الحلقه 🌹 8 🌹
روايه
للعشق وجه اخر
بقلم ✍ سحر فرج


فارس كان عمال يدور على يسر فى كل حته مكنش لاقيها
خرج الجنينه علشان يشوفها لقى يسر جايه من برة .
فارس .... يسر كنتى فين ؟؟
يسر ... ابدا طلعت اشم هوا برة شويه .
فارس ..... هوا دلوقتى يا يسر فى الوقت المتاخر ده ؟؟
يسر ..... اه هوا يا فارس عندك مانع .
سبته يسر ودخلت على جوى .
فارس وهى معديه من جمبه مسك دراعها بقوة وقربها منه وقالها ؟؟
فارس .. يسر انا بحبك . عارفه يعنى ايه بحبك ❤
ومش بحبك بس ؟
انا بعشقك يا يسر .
ونفسى تحسى بيا وبحبى الكبير اوى ده ليكى . نفسى يا يسر .
وقربها منه وبص فى عنيها وقرب بشويش من شفايفها وباسها .
يسر كان نزل عليها سهم الله من اللى حصل وراحت فى دنيا تانيه خالص .
بس فى لحظه فتحت عنيها وزقت فارس بعيد عنها وقالته انت اتجننت .
انت ازاى تعمل كده ؟
فارس .... انا بحبك يا يسر ومستعد اضحى بعمرى وروحى علشانك .
يسر.... انا مش بحبك يا فارس ولا عمرى هاحبك افهم بقى .
فارس ... ادينى فرصه يا يسر أنى أقرب منك وتحسى بحبى ده وشعورى نحيتك .
يسر ... اسفه يا باشمهندس انا مش ليك وعلى فكرة كده انا مرتبطه وبحب واحد زميلى فى الكليه وهايتجوزنى.
فارس ..... يبقى الواد اللى قابلنا على البحر . صح يا يسر ؟
يسر ... والله شىء ما يخصكش .
فارس .... لا يخصنى انتى بنت عمى قبل ما تكونى حبيبتى ولازم اعرف عنك كل حاجه.
يسر... مش من حقك يا استاذ انا حرة ومالكش دعوة بيا.
مالكش فيه اصلا انت سامع .
وسابته ومشيت ودخلت على جوة وفضل فارس برة شايط من كلام يسر.
ومن استفزازات يسر . ليه وبالأخص من الزفت اللى هى مرتبطه بيه ده .
خلصت الليله على خير ودخلوا ناموا كلهم بعد ما اتفقوا أنهم يصحوا بدرى قبل الزحمه .
و يقضوا تانى يوم على البحر كلهم .
طلعت شمس يوم جديد وبدأت الكل يجهز نفسه علشان ينزلوا كلهم زى ما اتفقوا.
اتجمع الكل على السفرة علشان يفطروا بس كان فارس مش موجود .
حسين ... اومال فين فارس يا كرم هو لسه نايم ولا ايه ؟؟؟
كرم ... الصراحه يا حاج انا صحيت الصبح ما لقتهوش فى الاوضه وافتكرت أنه نزل تحت.
الهام .... ممكن يكون قاعد فى الجنينه برة.
سلمى...... انا هاروح اشوفه كملوا انتم فطاركم .
خرجت سلمى برة فى الجنينه وفضلت تدور على فارس
لحد ما شافته قاعد سرحان وفى دنيا تانيه خالص .
سلمى.... انت هنا يا فارس واحنا قالبين عليك الدنيا جوه.
فارس ... اهلا يا عمتى .
انا صحيت من بدرى وقولت انزل اشم هوا الصبح .
سلمى .... مالك يا فارس بقالك فترة مش عاجبني ؟؟
فارس.... ابدا يا عمتى مخنوق شويه .
سلمى ... اقولك انا وتقولى صح ولا غلط.
فارس ... قولى يا عمتى.
سلمى ..... انت بتحب صح؟
فارس .... اه يا عمتى ومش بحب وبس انا بعشقها .
سلمى .... طيب ما تقولها انك بتحبها واعترف لها بالحب ده يمكن بتحبك .
فارس .... قولتلها يا عمتى وهى مش بتحبنى ولا حاسه بيا اصلا.
والأمر من كده انها بتحب واحد تانى وشكلهم متفقين على الجواز .
المشكله كمان أن الواد ده انا مش مستريحله وشكله كده بتاع بنات.
سلمى ..... هى مين دى يا فارس ؟؟
فارس .... انا بحب يسر يا عمتى وبعشقها من وانا صغير من قبل حتى ما اشوفها .
من كلام عمى احمد.الله يرحمه عليها وانا بحبها.
سلمى .... وهى انشاء الله بتحب مين بقى ؟؟؟
فارس .... بتحب واحد زميلها فى الكليه انا شوفته قبل كده وضربته .
سلمى .... يا لهوى يا فارس ضربته !!!!!
خرج كرم وهمس علشان يشوفوا سلمى وفارس
كرم .... ايه يا عم انت بندور عليك من الصبح كنت فين ؟؟؟
همس ..... ايه يا عمتو روحتى تشوفيه قعدتى معاه والفطار جاهز جوة .
سلمى .... احنا هاندخل اهو انا وفارس ونفطر مع بعض.
كرم ..... بسرعه بقى وحيات ابوك يا فارس علشان نقضى اليوم من أوله على البحر .
فارس ... لا انا مش هاروح ماليش مزاج يا جماعه روحوا انتم .
همس ..... ما تبقاش بايخ بقى يا فارس .
وحياتى عندك لاتيجى معانا ونقضيه كلنا على البحر .
سلمى ..... هو هايجى طبعا معانا مش كده يا فارس .
فارس .... حاضر يا عمتى .💔
_______________
شريف ..... ايه يا عادل انا هنا من بدرى فى النادى مش جاى ولا ايه ؟؟؟
عادل .... لا جاى يا شريف اهو انا بلبس هدومى مسافه السكه واكون عندك .
شريف قفل السكه مع عادل وطلب من الجرسون يجبله عصير فريش .
بعد ربع ساعه وصل عادل .
عادل .... هاى شريف مبدر يعنى النهارده مش عاويدك .
شريف ..... انا مانمش اصلا لحد دلوقتى .
عادل ... ليه يا باشا مين اللى مطير النوم من عينك ؟؟
شريف .... هو فى غيرها .
عادل .... انت قصدك يسر .
شريف .... ايوا ست زفت .
عادل ... ما تخلص بقى يا عم انت اول مرة واحده تقف معاك كده وتطول .
شريف ... هانت يا عادل قربت اوى .
واتفقوا على حاجه يعملوها علشان يوقعوا يسر .
__________
على البحر كان الكل متجمع تحت الشماسى .
كانوا فرحانين اوى من المنظر الجميل للبحر والسماء مع بعض .
وهزار وضحك على منظر كرم وهمس مع بعض فى المايه .
كانوا عمالين يرشوا بعض بالميا وهمس تجرى منه .وكرم يرش اكتر ويغرقها.
وهيام كانت قاعده على الرمله هى وكريم وعمالين يلعبوا وسلموا بيوت من الرمله .
وكريم يروح يجيب مايه بالجردل بتاع البحر ويديه لهيام ويبنى معاها .
يسر كانت قاعده ماسكه الموبيل وفى دنيا تانيه خالص بعيد عن اللى حوليها .
فارس كل لما يشوفها ماسكه الموبيل يشيط اكتر ويتاكد انها بتكلم الزفت بتاعها ده .
موبيل الهام رن .
الهام ... الو يا يا عبد الرحمن .
عبد الرحمن ... ازيك يا حبيبتى انتم فين اتصلت بالفيلا محدش رد عليا .
الهام ... احنا هنا مع الجماعه وقاعدين على البحر فى المعمورة .
عبد الرحمن ... ايه ده بجد طيب انا هاجى اقضى اليوم معاكم ايه رايك .
الهام ... اه طبعا تعال يا عبد الرحمن.
عبد الرحمن .... طيب مش عاوزين اجيبلكم اى حاجه وانا جاى .
الهام ..... لا يا حبيبى احنا معانا كل حاجه تعال انت بس .وقفلت السكه .
سلمى سمعت اسم عبد الرحمن وشها جاب ميت لون .
امها خدت بالها من وشها اول لما الهام قالت اسم عبد الرحمن .
فرحت من جواها أن بنتها بدأت تفرح تانى وتنسى اللى هى مرت بيه .
بعد ما جوزها طلقها علشان موضوع الخلفه اللى هى ملهاش ذنب فيه .
بعد حوالى ساعه كان وصل عبد الرحمن عندهم على البحر .
عبد الرحمن ... السلام عليكم .
حسين .... وعليكم السلام ورحمه الله وبركاته ازيك يا دكتور عبد الرحمن.
عبد الرحمن .... الحمد لله يا حاج حسين .
الام.... وعليكم السلام يا ابنى.
عبد الرحمن ..... ازيك يا حاجه اخبارك ايه واخبار صحتك ايه .
الام.... الحمد لله يا بنى ربنا يخليك .
قعد عبد الرحمن جمب فارس بعد ما سلم عليه وقعدوا يتكلموا شويه عن البلد واللى بيجرى فيها وعن الشباب وعن شغلهم هما الاتنين .
وكان طول ما عبد الرحمن بيتكلم كانت سلمى واخده بالها منهم .
ومن كلامهم وكذلك عبد الرحمن كان كل شويه يبص عليها وعرف اد ايه هى جميله ومؤدبه وبنت عيله محترمه .
بس فى نفس الوقت كان دائما شايفها حزينه ومكسورة .
خلص اليوم وكان الكل فرحان وسعيد
ورجعوا على الفيلا بعد ما اتفقوا أنهم يجهزوا نفسهم علشان يسافروا بكرا بدرى.
علشان المصنع لوحده ومفيش حد فيه منهم .
اول ما وصلوا الفيلا طلع حسين وملك على أوضتهم علشان يغيروا هدومهم من تعب اليوم من رمله البحر .
الهام كانت قاعده هى وعبد الرحمن وسلمى فى الريسبشن وعمالين يتكلموا .
الهام .... ايه رايك يا سلمى تفضلى قاعده معانا هنا شويه فى الاسكندرية بدل ما ترجعى على طول كده احنا مالحقناش نقعد مع بعض .
سلمى ... ياريت يا الهام انا نفسى والله بس حسين اخويا وامى مش هايرضوا .
عبد الرحمن .... ياريت والله وانا مستعد الففها اسكندريه كلها واوريها احلى الأماكن فيها .
واوديها جامع المرسى ابو العباس اللى الناس بتيجى ليه من اخر الدنيا .
ومش فى مصر بس ده من الوطن العربي كله.
الهام ... خلاص احنا هاستاذن من ماما الحاجه وهى مش هاتقول حاجه .

[فيتامين سي]

الحلقه ( 9 )
روايه /للعشق وجه اخر


الهام خدت بعضها وطلعت على اوضه حامتها علشان تستأذنها أن سلمى تقعد معاهم شويه .

الهام .... خبتط على باب الاوضه اللى حامتها قاعده فيها .

الام ... ادخل يا اللى بتخبط .

الهام .... ازى حضرتك يا ماما يارب يكون اليوم عجبك ؟؟؟

الام ... ياااه يا الهام اد ايه انا فرحانه باليوم ده .

كفايه أن انتم كنتم كلكم حواليا وفرحانين .

ويا سلام على البحر وجماله اد ايه جميل سبحان الله .

الهام ... الحمد لله يا ماما والله انا كمان فرحت اوى بيكم كلكم وبلمه العيله دى .

كنت اتمنى أن احمد يكون معانا ويقضى اليوم ده فى وسطنا .

الام .... الله يرحمه يا بنتى ويخليلك عيالك.

الهام .. ماما ممكن اطلب من حضرتك طلب صغير ؟؟

الام .... اه طبعا يا الهام عنيا ليكى يا بنتى انا تحت امرك فى اى حاجه تطلبيها.

الهام ... الصراحه يا ماما نفسى سلمى تقعد معانا شويه انا والولاد .

انا شايفه أن هى دايما حزينه ومكسورة ونفسى انها تغير جو شويه ونفرجها على اسكندريه كلها .

ايه رايك يا امى ؟؟؟؟

الام.... مع أنى مش بقدر استغنى عنها ابدا الا ان انا برضوا نفسى انها تفرح وتبعد عن الحزن اللى هى فيه ده وتسعد وتتهنى دايما.

الهام ... يعنى رايك ايه يا ست الكل .؟

الام... انا مقدرش ارفضلك طلب يا الهام ولو طلبتى روحى اديهالك انتى أو عيالك.

الهام ....الله عليكى يا ماما ربنا يخليكى لينا يارب وما ننحرمش منك ابدا .

الهام ... اه بس الحاج حسين ممكن يعترض على كده ؟؟؟؟

الام... مالكيش دعوة بحسين انا هاكلمه وهو مش هايقول حاجه هى هاتقعد فى بيت اخوها وولاد اخوها مش فى بيت حد غريب .

طلع نهار يوم جديد وبدأ الكل يستعد وينزلوا فى الشنط فى العربيات..

الهام بتسلم عليهم وبتودعهم هى والبنات .

وحسين ... بيوصى سلمى انها تخلى بالها من نفسها ومن ولاد اخوها وعلى اخر الاسبوع هايبقى يبعت كرم أو فارس علشان يخدوها.

هيام....هاتوحشنى اوى يا كريم انا مابقتش اقدر استغنى عنك ابدا يا حبيبى.

كريم .... وانتى كمان والله يا ماما هيام .

هيام ....😱
انت بتقول ايه يا كريم. انت بتقولى ماما ؟؟؟

كريم ... انا اسف مش قصدى يا طنط هيام .

هيام بدأت دموعها تنزل وقالت لكريم

انت بتتاسف على ايه يا حبيبى بالعكس أنا فرحت اوى أن انت قولتلى كده .

هيام ... ياااه يا كريم لو تعرف انا بحبك اد ايه 😢

مشيوا الكل والفيلا فضيت عليهم تانى بس فى نفس الوقت كانوا فرحانين اوى أن سلمى فضلت معاهم.

شريف وعادل كانوا سهرانين فى النايت كلاب اللى متعودين يسهروا فيه لحد الصبح.

شريف .... ايه يا عدوله ايه السهرة ناشفه كده ليه النهارده .

عادل ... مش عارف يا صاحبى هى البنات راحت فين .

شريف طلب من الجرسون يصب ليه اى حاجه علشان دماغه كانت مصدعه جامد .

عادل ... خد دى كمان خليها تضبطك شويه .

شريف .... اه والله يا عادل اصلى بقالى كام يوم مش طايق نفسى وتعبان على الاخر.
_____________
وبعد يومين .

كل يوم كانوا بيخدوا سلمى يلفوا بيها اسكندريه كلها ويفرجوها على احسن الاماكن السياحيه اللى فيها والنهارده اتفقوا أنهم يروحوا القلعه .

عبد الرحمن رايح بظروفها وشافهم وهما لابسين ورايحين على القلعه

عبد الرحمن ...

يا خونه ايه ده كنتم رايحين من غيرى مش كفايه الكام يوم اللى فاتوا دول روحتوا من غير ما تقولوا .

يسر ... الصراحه يا خالوا احنا قولنا أن انت مشغول بالشغل وكده .

الصبح فى المستشفى وباليل فى العياده .

عبد الرحمن .... انت مالك انت يا ام لسان أن وجهتلك كلام انا بكلم اختى ومسكها وضربها على كتفها وهو بيضحك .

سلمى ضحكت اوى على منظر يسر وعلى كلام عبد الرحمن ليها .

يسر ... عجبك كده يا عمتو شوفتى بيعمل ايه معايا وانتى واقفه .

سلمى ... ههههه. معلش يا يسر خالك بقى ولازم تستحمليه .

عبد الرحمن ... ايه فى حد معترض هنا ولا حاجه .

سلمى ... لا. لا مفيش .

الهام .... يالا بينا بقى هانتاخر وايه يا عبده هاتيجى معانا ولا وراك حاجه.

عبد الرحمن ... لا. جاى طبعا وراشق معاكم كمان وبعدين لازم يكون معاكم راجل .

همس ... هههههه ضحكتنى يا خالوا يالا يالا لما نشوف اخرتها ايه معاك .

خدوا بعضهم ومشيوا وكان فرحانين اوى وركبوا مع الهام فى العربيه بتاعتها همس وكريم .

وركب مع عبد الرحمن يسر وسلمى.

وصلوا عند القلعه وركنوا العربيات على جنب وجرى كريم عاوزة يشترى ايس كريم 🍦 .

عبد الرحمن ... استنى يا كريم هاروح اجبلك انت والبنات .

تليفون همس رن وكان كرم بيطمن عليها وعلى الكل .

همس .... الوووو ايوا يا كرم ازيك.

كرم .... حبيبتى عامله ايه انا قولت اطمن عليكى.

همس ... الحمد لله انا كويسه ده احنا فى القلعه دلوقتى كلنا ده حتى خالو عبد الرحمن معانا .

المهم انت اللى عامل ايه واخبار اللى عندك ايه .

كرم .... كلنا بخير الحمد لله . بس انتى وحشتينى اوى اوى يا همس هاتجنن واشوفك .

همس ... احم. احم ..يا ابن عمى .

كرم ... ايه ابن عمى دى مفيش حبيبى .

همس ... فى بس مكسوفه يا كرم.

كرم ... يا عيون كرم وقلب كرم من جوا يا همستى.

همس .... اقفل بقى دلوقتى وبطل كلامك اللى بيدوخنى ده علشان اروح امسك مع خالى الايس كريم .

كرم ... ماشى يا ستى نكمل كلام باليل ما تتأخرش عليا علشان مشتقالك اوى .

وسلمى على كل اللى معاكى .

همس ... حاضر يا كرم يالا سلام .

جاب عبد الرحمن الايس كريم وادى الهام والبنات الايس كريم بتاعهم وراح علشان يدى سلمى بتاعها وفضل واقف جنبها.
عبد الرحمن ... منورة يا سلمى اسكندريه كلها.

سلمى ... متشكرة اوى بس على فكرة هى منورة بيكم انتم.

الهام خدت بالها أن عبد الرحمن وسلمى بيتكلموا فطلبت من يسر وهمس انهم يتمشوا شويه على البحر .

وفعلا راحوا مع امهم وسابوا سلمى وعبد الرحمن لوحدهم .

سلمى .. ايه ده هما رايحين فين وسيبنا هنا لوحدنا ؟؟؟؟

عبد الرحمن ... ايه يا بنتى انتى خايفه منى ولا ايه على فكره انا مش بعض حد .

سلمى ... لا ابدا مش خايفه .

بس ما يصحش اننا نفضل مع بعض لوحدنا كده البنات تقول ايه.

عبد الرحمن .... عادى خالص مفيش مشكله احنا واقفين على البحر وفى وسط الناس كلها ومش بنعمل حاجه غلط احنا بناكل ايس كريم بس.

سلمى ... اتكسفت ووشها احمر وبصت فى الارض .

عبد الرحمن ... ايه فى ايه انتى بدورى على حاجه وقعت منك على الأرض ولا ايه.

سلمى .... لا ابدا

عبد الرحمن .... طيب يالا كملى الايس كريم قبل ما يسيح .

سلمى ... حاضر .

عبد الرحمن ... سلمى كنت عاوز اسالك على حاجه ممكن ؟

سلمى ... اه اوى اتفضل .

عبد الرحمن ... انتى ليه حزينه دايما وحاسس دايما انك اتجرحتى .

سلمى .... اتخنقت بالعياط ومسكت نفسها بالعافيه .

عبد الرحمن لاحظ الدموع اللى ملت عيون سلمى

وحب يهديها وقالها انا اسف من سؤالى ولو مش عاوزة تقولى حاجه بلاش .

سلمى .... لا ابدا يا عبد الرحمن انا هاحكيلك على كل حاجه .

وفعلا حكت لعبد الرحمن على كل حاجه من ساعه لما اتجوزت لحد ما جوزها طلقها واتجوز عليها .

ده انسان حقير ازاى يسيبك كده بسبب حاجه زى اللى انتى قولتيها دى .

عبد الرحمن .... انا اسف اوى يا سلمى بس الطب اتقدم جدا وحالتك دى بقى ليها علاج على فكره

ولو مش موجود فى مصر نجحت جدا بره حالات كتير نفس حالتك.

سلمى ... انت بتتكلم جد يا عبد الرحمن .

عبد الرحمن ... سلمى انا دكتور ومتأكد من الكلام اللى بقوله كويس .وانتى الف واحد يتمناكى يا سلمى .

سلمى اتكسفت من كلام عبد الرحمن الاخير ووشها احمر تانى .

عبد الرحمن ... ايه ده هو انا كل لما اكلمك وشك يحمر كده وتبقى حلوة اوى كده .

على فكره يا سلمى انا معجب بيكى اوى وكنت مستنى اللحظه اللى اعترفلك بكده .

انا بحبك يا سلمى ومستعد اطلب ايدك من الحاج حسين .

وانا عمرى ما هلاقى واحده أفضل ولا اجمل ولا احسن منك يا سلمى ..

سلمى اتكسفت اوى اوى ووشها احمر تانى ..
ضحك اوى عبد الرحمن من منظرها ده واد ايه بيزود جمالها اكتر واكتر .

وطلب منها تفكر كويس وترد عليه علشان يتقدم لها ويطلب ايديها من اخوها .

رجعت الهام وفرحت اوى أنها أدت عبد الرحمن وسلمى فرصه أنهم يتكلموا مع بعض شويه .

علشان هى حاسه ان اخوها معجب بيها وهى تتمنى أن سلمى تكون زوجه لاخوها .

همس ... غمزت لخالها وقالت له ايه يا عم انت بتعمل ايه هنا وسايبنا لوحدنا .

يسر ... ايه يا عمتو مجتيش يعنى واتفرجتى معانا على القلعه من جوا افضل من القاعده هنا اصل هنا فى هاموش كتير اوى وبيقرص .

عبد الرحمن .. مسك يسر وهمس من افاهم وقربهم من بعض وفضل يخبط فيهم رايح جاى

لحد ما جريوا منه وهو فضل يجري وراهم .

والكل فضل يضحك على منظرهم هما التلاته وعلى جرى عبد الرحمن وراهم والناس اللى كانت واقفه على البحر فضلوا يضحكوا على شكلهم .

رجع الكل على الفيلا بعد ما وصلهم عبد الرحمن .

وقبل ما يستأذن طلب من سلمى انها ترد عليه فى اسرع وقت علشان نفسه أنه يقرب منها اكتر ويكون بعلم الكل.

ووعدته سلمى انها هاتفكر كويس وترد عليه خلال اسبوع كده .

عبد الرحمن .. نعم يا اختى اسبوع ايه ده هو بكره هاجى باليل يكون الرد جاهز انتى سامعه ؟؟؟

سلمى ... ايه يا دكتور سيبنى براحتى افكر وادينى فرصه .

عبد الرحمن .. هى كلمه واحده وخلصنا فاهمه يا سلمى .

سلمى ... فاهمه يا عبد الرحمن.

دخلوا على الفيلا وراح عبد الرحمن على عيادته بعد ما قضوا احلى يوم فى حياتهم وبالذات عند عبد الرحمن وسلمى .
❤❤❤❤❤
يا ترى تواقعتكم ايه. ويا ترى سلمى هاتوافق بعبد الرحمن

s 🌴 f

[فيتامين سي]

الحلقه // 10
روايه / للعش وجه اخر .


دخلت سلمى على جوا بعد ما عبد الرحمن مشى علشان يروح على عيادته.
يسر وهمس مسكوا عمتهم وفضلوا يتحايلوا عليها علشان تحكى ليهم اللى حصل بينها وبين خالهم .
همس ... والنبى يا عمتو احكلنا قالك ايه وقولتيلوا ايه .
يسر .... يالا يا سوسو ماتخبيش علينا حاجه احنا بس عاوزين نعرف من طقطق لسلامة عليكو .
سلمى .... بس يا بنتى انتى وهى بطلوا استزراف مش هاقول حاجه لحد فيكم .
الهام دخلت عليهم فجاه وقالت لها ؟؟؟
الهام ... ولو قولتلك علشان خاطرى يا سلمى. هاتقولى ايه ؟؟؟
سلمى ... انتى كمان يا الهام هاتعملى زى العيال دى بردوا .
فضلوا يتحايلوا عليها لحد ما ضعفت قصادهم وقالت لهم كل اللى حصل معاها هى وعبد الرحمن.
همس ... احم احم يا عمتو ايوا بقى.
يسر .... يا سيدى يا سيدى ماشيه معاكى يا سوسو .
الهام .. بطلى رخامه انتى وهى يا بت وخدوا بعضكم وروحوا على اوضتكم وسيبونى انا و سلمى لوحدنا شويه .
فعلا البنات سمعت كلام امهم و مشيت على اوضتهم .
الهام .... سلمى مش هقولك انا بعتبرك اختى ولا علشان انتى اخت احمد الله يرحمه ولا عمه البنات .
انا بحبك جدا يا سلمى وكنت اتمنى فعلا بأن يكون ليا اخت ومش هلاقى افضل منك اخت ليا لانى بحبك وبحترمك جدا .
وعبد الرحمن اخويا حنيه الدنيا فيه وطيب جدا وفى نفس الوقت راجل يعتمد عليه وتقدرى تتسندى عليه بقيت حياتك .
مش هتلاقى حد افضل منه زوج ليكى والله يا سلمى
سلمى انا فعلا معجبه بيه وبشخصيته بس ........
الهام ... بس ايه يا سلمى ؟؟؟؟
انا اتجوزت قبل كده وانا كده هابقى بظلم عبد الرحمن معايا لأنه لسه ما اتجوزش قبل كده.
ده غير موضوع الخلفه ده خايفه لا نتجوز وما يحصلش نصيب .
الهام .... كله بأذن الله وربنا كريم وانشاء الله هايرزقكم بالعيال بس قولى يارب.
وبعدين يا ستى الطب اتقدم جدا جدا فى الحالات دى ومتنسيش أن عبد الرحمن دكتور نساء كبير وعارف عن الحاجات دى كتير.
انا عوزاكى تفكرى براحتك وتخدى وقتك .
سلمى ... انشاء الله يا الهام
_______________
طلعت شمس يوم جديد وفى القصر كان صحى الكل وحسين طلب من فارس بعد ما يخلص الشغل يروح على اسكندريه علشان يجيب سلمى من هناك
.
كرم .... لا والنبى يا حاج خلى فارس واروح انا علشان اشوف همس.
حسين ... لا يا كرم انا عاوزك ضرورى فى المصنع وبذات النهارده ابقى روح انت فى اى يوم تانى .
فارس ... حاضر يا حاج اللى تشوفه .
الام ... ولو جدع يا فارس اقنعهم أنهم يجوا معاك يقضوا معانا كام يوم علشان بيوحشونى اوى .
فارس .... حاضر يا جدتى اللى تؤمرى بيه ينفذ .
كرم اتصل على همس .
كرم ... ايوا يا حبيبتى اخبارك ايه وحشتينى اوى.
همس ... كرومه ازيك انا تمام الحمد لله .
كرم ... كان نفسى اجى النهاردة واشوفك بس الحاج عاوزنى فى المصنع ضرورى .
همس ... كنت عوزاك تيجى ونخرج مع بعض ونلف شويه بالعربيه على البحر وناكل ذرة مشوى .
كرم ... اه يا هبله
هو انا خاطب عيله وانا معرفش .
ذرة ايه يا ام ذرة وانا بقولك وحشانى وهاموت واشوفك انتى هبله .
فضلوا يضحكوا ويرخموا على بعض
بس ودعها وقفل السكه لما الحاج حسين نده عليه ونسى يقولها أن فارس جاى علشان ياخد عمته .
عدى كذا ساعه وفارس كان قرب يوصل على اسكندريه .
تليفون يسر رن وبصت لقت رقم غريب بيرن عليها .
يسر ... الو مين معايا ؟؟؟؟
.... ايوا يا يسر انا عادل صاحب شريف.
يسر .. اه ازيك يا عادل اخبارك ايه ؟
عادل .... الحمد لله انا كويس بس شريف تعبان اوى ومش عارف اعمله ايه !!
يسر .... تعبان يعنى ايه ؟؟ فى ايه يا عادل شريف ماله ؟؟؟
عادل سخن اوى اوى وجسمه متكسر ومش عاوزنى اجبله الدكتور يكشف عليه فى البيت ؟؟؟
يسر ... طيب فين مامته ولا باباه ؟
عادل ..... راحوا مشوار بس شريف مش عاوز يقلقهم عليه لامه يحصلها حاجه من الخضه عليه .
يسر .... طب عاوزنى اعمل ايه دلوقتى ؟؟
عادل ... هو عمال يهلوس بيكى وعمال يقول. يسر. يسر من السخونيه خليه يموت بقى .
يسر ... بعد الشر عليه يا عادل ما تقولش كده .
يسر .... طيب يا عادل اوعى تسيبه لحد ما اجيلك ادينى العنوان .
وفعلا عادل أداها العنوان ولبست هدومها ونزلت بسرعه من غير ما تقول لحد هى راحه فين .
وهى خارجه من باب الفيلا كان فارس وصل وكان بيركن العربيه وشافها .
ويادوبك بينزل من العربيه كانت يسر ركبت تاكسى.
استغرب اوى والاكتر استغرب انها خارجه فى الوقت ده وركبت تاكسى .
ركب عربيته بسرعه ومشى ورا التاكسى علشان يشوف هى راحه فين .
يسر طلبت من السواق يركن على جنب اودام الفيلا دى ووقف فعلا السواق ونزلت يسر .
وقف فارس بعربيته وشاف يسر وهى نازله اودام الفيلا دى.
دخلت يسر الفيلا وخبطت يسر على الباب وفتح لها عادل ودخلها وقفل الباب.
يسر ... ايه يا عادل اخبار شريف دلوقتى؟
عادل ..... هو لسه تعبان .
ده انا كنت هاروح اجيب العلاج ده بسرعه من الصيدليه واجى بس ما كونتش عارف اسيب شريف لوحده .
يسر ... طيب هاته وانا اجيبه من الصيدليه .
عادل ..... لا انا هاروح بالعربيه بسرعه واجى وانتى اعملى ليه شويه كمادات .
يسر .... طيب يا عادل بس ما تتأخرش عليا علشان الحق ارجع البيت.
خرج عادل ويسر قفلت الباب ودخلت على شريف الاوضه .
فارس شاف عادل وهو خارج وفضل يفكر هو شاف الشخص ده فين قبل كده .
يسر ... الف سلامه عليك يا شريف مالك يا حبيبى .
شريف .... عمل نفسه تعبان ورد عليها بالعافيه قالها تعبان شويه وسخن اوى حتى شوفى .
قربت منه يسر وحطت اديها على راسه وفجاه مسكها شريف من دراعها وشدها عليه جامد .
يسر .... شريف انت بتعمل ايه يا مجنون ؟
شريف .. مجنون بيكى يا يسر انا هاموت عليكى انتى اول واحده تطول معايا كده .
انتى مش هاتكونى لحد غيرى انا .
يسر حاولت تبعد عنه بس هو كان أقوى منها وشدها جامد عليه وقطع لها هدموها وفضل يبوس فيها ويحضنها ويقلع فى هدومه .
يسر بدأت تصرخ جامد وكانت خايفه جدا .
فارس وهو فى العربيه افتكر عادل وافتكر ان هو ده الشخص اللى كان مع شريف وقت ما اتخانق معاه
وفى نفس اللحظه سمع صريخ يسر جاى من جوه الفيلا .
نزل بسرعه ودخل على جوه وفضل يرزع على الباب لحد ما كسره.
انكسر الباب ودخل يدور على يسر لحد ما دخل اوضه ولقى شريف ولقى يسر فى السرير وهدومها مقطعه .
جرى على شريف وفضل يضرب فيه جامد لحد ما الدم غرق الدنيا ووقع على الأرض .
بص ليسر اللى كانت مصدومه من كل اللى بيحصل حوليها وشاف هدومها المقطعه وجسمها المكشوف .
قلع الجاكيت بتاعه ولبسه ليها ومسك ايديها وخرجوا من الفيلا وركبوا العربيه .
ركبت يسر العربيه مع فارس وكانت عماله تعيط جامد طول الطريق .
بس محدش اتكلم خالص ولا هى ولا فارس .
لحد ما وصلوا الفيلا وقالها انزلى .
يسر.... فارس ارجوك ما تفهمش غلط انا ماليش ذنب فى حاجه هو اللى ضحك عليا هو وعادل .
فارس .... صوته على وقالها انزلى يا يسر مش عاوز اسمع صوتك انتى فاهمه .
يسر ... ارجوك يا فارس اسمعنى .
فارس ... بقولك انزلى وقام ضربها بالقلم على وشها .