آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
17-04-19, 03:21 AM
| #21 | ||||||||
| مراقبة عامة ومشرفة منتدى الروايات المنقولة  
|  الفصل التاسع عشر.... كارمن بعند : لا مش نزلا.. انت جايبني هنا ليه !! ليث بضيق : مش هاكلك .. انزلي انا مش فاضي للهبل ده.. كارمن بغضب وهي تعقد ذراعيها علي صدرها... -هبل !!!! وايه اللي جبرك روح انت وانا هاخد تاكسي وارجع البيت... امسك ليث بذراعها وسحبها للخارج...نظرت حولها حتي تقرر خطوتها التاليه فلم تجد احد فقررت المقاومه ولكنه لم يعطها فرصه نزل ليث قليلا وحملها فوق كتفه... شهقت كارمن بخضه : انت اكيد بتهزر احنا في الباركينج ..نزلني قبل ماحد يشوفنا.. ليث بضيق : ومفكرتيش ليه في كده ..لما عصبتيني برا ..... ما أن دخل بها الي الاسانسير حتي انزلها.. كارمن بعدم تصديق ووجه احمر : اووف انت مش طبيعي... رفع لها 3 اصابع وهز رأسه.. -كارمن بعدم فهم : نعم ؟!! -الغلطه التالته انهاردة... ضحكت كارمن ضحكه عدم تصديق : انا !!!! لترفع كل اصابعها في الهوا.. -معنديش صوابع تانيه ارفعها عشان اعد غلطاتك... صعد بهم الاسانسير فسحبها من ذراعها مرة اخري الي داخل الشقه... ما انا قفل ليث الباب حتي بدأ يخلع ملابسه ، نظرت له كارمن بعينها الزرقاء الواسعه .. -انت بتعمل ايه ؟! كان يخلع قميصه ويقترب منها فركضت كارمن من امامه بينما ابتسم ليث ابتسامه المفترس عندما يلهو بفريسته .... وقفت خلف السفره وقالت بحزم... -اوعي تقرب مني .. رفع ليث حاجبه : ليه مش انتي مراتي بردو.. كارمن بغضب : لا مش مراتك ..روح شوف واحده تحبها الاول وبعدين اتجوزوا ... كانت تلف حول الطاوله وهو وراءها لم يوقف تقدمه منها... -بس انا بحب مراتي.. كارمن وهي تحاول ان تتماسك والا تضعف.. -لا انا سمعتك بوداني وانت بتقول لماما فوزيه مش بحبها ...وعلي فكرة انا كمان مش بحبك.. ضحك ليث ضحكته المثيره لغضبها : طيب تعالي وانا هثبتلك العكس.. نظرت له بوجه احمر : انسي يا ليث ..انا مش صغيره يا بتاع سالي.. دخلت المطبخ فلم تجد مخرج ارادت العوده للباب ولكنه وقف بسرعه امامها وهو يبتسم... رفعت اصبعها وهي ترجع للوراء : لو قربت مني هصوت والم الناس عليك.. -صوتي انا عامل الجدار عازل... كارمن وقد لمست الجدار بظهرها ولم تجد مفر حيث اقترب ليث العاري الصدر منها ووضع يداه علي جانبيها.... نزل فأنفه يستنشق شعرها وعطره الذي يعمل كالمخدر بالنسبه له ... ليث بحب : بحبك اوي علت دقات قلبها وتعالي صوت انفاسها ولكنها امسكت لسانها بين اسنانها حتي لا ترد.. استكمل ليث حديثه وهو يلعب بخصله من شعرها ... -وبحب عنادك وبحب وشك اللي بيحمر ده اول مااقرب منك.. لمس باطراف اصابعه وجهها ومال برأسه يقبل خديها برقه .. سأل بصوت خافت بين قبلاته : بتكرهيني ؟ كارمن وهي تحاول السيطرة علي قلبها ولسانها .. ردت بصوت دون ان تفتح فمها الخائن كباقي جسدها .. -امممم.. ابتسم لنفسه و قبلها قبله يظهر بها حبه لها ....ثم ابتعد عنها وسأل.. -بتكرهيني ؟ كانت تلتقط انفاسها وهي تشعر بخدر في كل جسدها ..ارادت ابعاده عنها بيدها..ولكنه امسك يدها يقبلها ووضعها فوق رأسها.. اعاد سؤاله هذه المرة وهو يمسك ذقنها وينظر في عينيه بكل ما في قلبه من حب وعشق لهااا .. -بتكرهيني ؟ تاهت كارمن في سواد عيناه والحب المشع نحوها كالسهام واستسلمت لقلبها الضعيف كل الوقت امامه وهزت رأسها بالرفض ... ابتسم ليث بسعاده ووضع يده علي صدرها ليشعر بدقات قلبها ... ليث بحب وهو ينظر الي عينيها :ده بيدق عشاني انا وهيفضل يدق ليا انا وبس... امسك يدها ووضعها علي قلبه المضطرب كقلبها تماما.. ليث: و ده عمره ما دق غير ليكي انتي ومش هيدق لحد غيرك ابدا... ابتسمت كارمن وهي تستشعر دقات قلبه المترابطه بدقات قلبها .. تركت يده لتلف ذراعيها حوله في عناق دام طويلا بينهم و احتاجه ليث قبلها... قطع لحظتهم رنه جرس الباب...تركها ليث واتجه لفتح الباب لتوففه كارمن بسرعه .. -ايه ده انت هتعمل ايه احنا معندناش رجاله تفتح الباب من غير هدوم ادخل استر نفسك.. ضحك ليث وهز رأسه غير مصدق مايخرج من فم حبيبته وفتح الباب .. البواب : الحاجات وصلت يا ليث بيه .. اخذها ليث منه .. -ماشي روح انت دلوقتي... تدخلت كارمن سريعا بابتسامتها المشرقه : احم ا يا عم الحاج... قفل ليث الباب فنظرت له بغضب ووضعت يدها بجانبها ..رفع حاجبه باستغراب وتساؤل .. -مش هاين عليك تقول للراجل الغلبان ..بطل غرورك ده شويه.. -هو بياخد فلوس عشان اشكره هي شغلته يوصلني الحاجه هو مش بيخدمني لله كده.. -حتي لو الكلمه الحلوة حسنه .. -ماشي يا حسنه .. فتح الاكياس واخرج ايس كريم .. كارمن بفرحه : الله ايس كريم..عرفت منين اني عايزة اكله.. ضحك ليث : الشعب كله عرف ده انتي عينك كانت هتطلع عليه والناس بيكلوه ...الحمدلله العربيه مفرقعتش بيهم.. كارمن بغضب مصطنع : قصدك ايه ..انا عيني وحشه.. ليث بضحك : قطع لسان اللي يقول كده ، ده انا مراتي عينها زرقه.. -ههههههههههههههههه ماشي قلسس تاني قلس.. اكلت الاثنان معاا فاقترب منها ليث بعيون شقيه .. -هاتي حته .. كارمن : ما انت مش بتحبه مش لازم مش لازم .... -انتي طفسه ليه كده !! انا عايز حته صغيرة.. -لا انت بوقك كبير وهتاكله كله لكن انا بقا بوقي صغنن بياكل حتت صغننه علي قدة.. ليث بمكر : لا انتي بقك كبير انا متأكد.. كارمن بغضب : نعم !! انا بوقي صغير وزي القمر .. اقترب منها ليث يختطف قبله اذهبت عقلها ... -اممم روعه الايس كريم ده ..بس تصدقي بوقك اصغر فعلا انا اتأكدت... ضربته بخفه : تسمحلي اقولك يا سافل ولا هتتقمص.. ليث بخبث : علي حسب لو اتقمصت هتصالحيني ازاي .. كارمن :هجبلك ايس كريم ياقلبي... ضحك كلاهما ... ساد الصمت بينهم للحظات..وتكلمت كارمن .. -ليث ممكن اسألك سؤال ؟؟ -اممم -البت اللي بعتت الفيديو دي ..كنت بتحبها.. امسك ليث بيدها يقبلها وقال بصدق : والله العظيم ماحبيت حد غيرك من وانتي صغيرة وانا حاسس اني مسؤل عن راحتك وكل اللي بتتنمنيه ..انا مش هنكر اني غلط بس مفيش انسان كامل مش بيغلط... -انا مصدقاك بس اوعدني انك هتفضل مخلص ليا انا وبس.. -اوعدك ... -وكمان تبطل تحرق دمي بكلامك اللي زي الدبش ده.. -والله انا دبش ..علي اساس انتي بتنقطي سكر .. -ههههههههههه انت السبب انا كنت قطه مغمضه وديعه.. -طول عمرك قطه بس بحبك بردو حتي لو بتخربشي طالما الخربشه دي ليه انا وبس عايز القطه دي بحلوها ومرها... ابتسمت بخجل وطبعت قبله علي خده .. -ربنا يخليك ليا وميحرمنيش منك ابدا وتفضل حنين عليا كده علطول ... ليث بضيق : ولو اضايقت شويه تقولي طلقني صح !!! كارمن بإحراج : خلاص بقا وبعدين بغير عليك ..انت اللي بتجنني ... رن هاتفه وجد معتز.. -الو يا معتز عامل ايه ؟؟ رد معتز من الجهه الاخري : الو ..انا تمام جبتلك اخبار العريس ..عشان تعرف اني اجدع من المحقق كونان ذات نفسه.. -طيب ننجز بقا وتقول ولا هترغي كتير.. -يا ساتر علي دبشك يا جدع...المهم الواد زي الفل نضيف من كل حاجه واخوه دكتور برا مصر وبيجي كل فترة وابوة غني عن التعريف طبعا.. ليث :تمام .. يامعتز.. اغلق الهاتف معه ونظر الي كارمن ... كارمن وقد سمعت المكالمه بجانبه قالت بلؤم : انا موافقه.. -موافقه علي ايه.. - علي العريس.. -والله هو انتي العروسه وانا معرفش .. -هههههههه انا وهي واحد ولو هي بتحبه انا كمان بحبه .. ليث بضيق : حبك برص ..انتي تحبيني انا بس انتي سامعه.. كارمن بدلال : ايه ضاااه ..انت بتغير عليا ياقلبي.. ليث بحده : مش بغير ولما اغير انتي اللي هتندمي ... نفخت كارمن : هنرجع للدبش تاني ..خلاص غير السيرة دي ويلاا نروح الوقت متأخر اوي.. ليث بثقه : لا مش هنروح انهارده ..احنا هنبات هنا.. -ليه ؟؟ ليث بابتسامه مريبه اقلقتها : كده.. كارمن بلعب : انت فاتح بقك وسنانك الكبيره اوي كده ليه... ضحك ليث بشده من قلبه ورد قائلا : عشان اكلك بيهم.. ضحكت كارمن واسرعت تهرب منه ولكنه كان خلفها ولن يتركها حتي تصير ملكه وله هو وحده.. .............. استقظت كارمن في الصباح وقررت عمل افطار شهي له...جهزت كل شئ واتجهت نحوه توقظه ..نظرت له وهو نائم كالطفل البرئ وخصلات شعره علي عينه فاعادتها بيدها وقبلت رأسه .. كارمن بصوت خفيف : حبيبي اصحي يلا الساعه بقت 10... انقلب ليث نحوها ووضع يده علي يدها وهو نائم.. -عادي سيبيني انا شويه .. -ازاي انت اتأخرت علي الشغل اوي.. -انا صاحب الشغل يعني اروح ما اروحش انا حر.. -يوووة شكلك هتتعبني .هتقوم ولاااااا.. ابتسم ليث في نومه : هتعملي ايه.. -هعيط وهلم عليك الناس هاه.. -ههههههه لا خلاص انا صحيت اهوه ارتاحتي.. كارمن بسعاده : ايوة ..يالا ناكل بقاا..عشان نلحق نرجع البيت.. ليث بضيق: مش فاهم عايزة تروحي ليه محسساني اني خطفك.. -هههههههه يا حبيبي عايزة افرح صفاء واقولها مبروك. رفع حاجبه : انتي مش طبيعيه علي فكرة.. -مالكش دعوة اختي وعايزة افرح بيها..بص انت تكلم عادل وهو يجيب اهله بكرة يتخطبوا اسبوع ولا اتنين ونجوزوهم.. -ايه يابنتي الدلقه دي انتي عايزه تفرحي بيها ولا تخلصي منها.. كارمن وهي تمط شفتاها : اسكت انت مش فاهم حاجه .. -هههههههه لا مش عايز افهم واتفضلي نفطر عشان نروح ياهانم.. ضحكت كارمن : حبيبي انت يا مدلعني... ....................... في قصر السوهاجي..... جلست صفاء في حديقه القصر تقص لاحمد حكايتها مع عادل صفاء : بس كده.. احمد : ماشي بس انا زعلان منك..انا كنت فاكر احنا اقرب من كده وكان المفروض اعرف علطول.. صفاء بخجل : انا اتكسفت مش اكتر ..انت اخويا حبيبي..وعارف ان اسراري كلها معاك انت وكوكو.. -طيب وابيه ؟ -هو مبدئيا موافق ..بس هيسأل عليه.... احمد بثقه : بس عايزك متزعليش لو ابيه موافقذ لانه عايز مصلحتك.. -مممم موعدكش الصراحه.. -هههههه ان شاء الله خير.. -تسمحيلي بقا اخلع زمان ابيه في الشركه وهيطلع عيني علي التأخير ده ..كله من رغيك انتي مصدقتي.. -يخربيت الوطينه روح روح انا غلطانه وعشت دور الاخت والاخ كتك القرف.. ضحك احمد : سلام يا ام السعد.. صفاء اخرجت له لسانها : سلام يا توتو.. دخلت تبحث عن هاتفها لتتأكد ان عادل لم يتصل فقد اخبرها انه لن يتحدث معها حتي يتصل عليه ليث ويخبره بموافقهته... فجأه ......... -عااااااااااااأاا... صرخت صفاء من الخضه والتفتت لتجد كارمن تضحك بشده وتمسك بمعدتها.. صفاء بغضب : واللهي ماهسيبك ياباردة قرصتها صفاء واستمرت كارمن في الضحك اكثر.. صفاء بطفوليه : وانتي اللي كنتي وحشاني ..مش هكلمك تاني.. هدأت كارمن قلبلا لتلتقط انفاسها... -ااااه هموت من الضحك...معلش يا صوفي مقدرتش اقاوم مخضكيش... -كتك القرف في غتاتك.. -خلاص متزعليش مووووواه ده انا كوكو حبيبك اللي جيبالك خبر بمليون جنيه.. لمعت عين صفاء : قولي بسرعه طيب.. -هاتي بوسه الاول وقوليلي انتي احلي اخت في الدنيا و هقولك.. -امووووواه انتي احلي اخت في الدنيا ، قولي بقاا.. -ماشي مع انه من غير ضمير بس هقولك ياستي..احممم اخوكي الكبير الاستاذ ليث بيه السوهاجي علي سن ورمح...وافق علي عاااادل وهيكلمه اول مايوصل الشركه وياخد منه معاد يجي يتقدملك رسمي.. دق قلب صفاء وكادت تكير من الفرحه ..عانقت كارمن بشده .. -بجد يا كارمن ..ربنا يخليكي ليا ياقلبي والله مش عارفه كنت هعمل ايه من غيرك... -هههههههههههه ايوة دي طالعه من قلبك ..يابنتي انتو تتشحططوا من غيري ... صفاء بحماسه وسعاده بالغه : يلا نطلع نقول لماما ... صعدت الفتاتان واخبرا فوزيه التي سعدت من اجل ابنتها وباركت لها ... | ||||||||
|  |
|
17-04-19, 03:23 AM
| #22 | ||||||||
| مراقبة عامة ومشرفة منتدى الروايات المنقولة
| الفصل العشرين والاخير في المساء اجتمع ليث بعائلته علي طاوله الطعام... ليث بسلاسة وكأنه يخبرهم عن حاله الطقس .. -اعملوا حسابكم تفضوا بعد بكرة.. -احمد بتساؤل : ليه يا ابيه ؟؟ -مفيش فرحي انا وكارمن .. شرقت كارمن وسعلت بشده ونظرت له بعد تصديق ... فوزيه بفرحه : مبروك يا حبايبي ..انا كنت عارفه انك مش هتزعلني.. ليث : انا كنت عايز الفرح يتأجل عشان ماجد اللي رجع وقلب تفكيري مش اكتر.. وانتي عارفه يا امي اني كنت موافق ..انا عايز الناس كلها تعرف اننا اتجوزنا .. امسكت صفاء يد كارمن تضغط عليها بفرحه : مبروك يا كوكو.. كارمن بسعاده : الله يبارك فيكي.. فوزيه : كل حاجه متظبطه من المرة اللي فاتت مش ناقص غير اننا نستلم فستان فرح كارمن اللي اختارته ... صفاء : انا هكلم البيوتي سنتر احجز بعد بكرة .. ذهبت بسرعه لتجري اتصالاتها وتدعو اصدقائهم... -سعدييييه تعالي طلعيني فوق بسرعه ورانا حاجات ..ايوة صحيح الاوضه الجديدة هخليهم يجبوها بكرة ..انا عارفه انك رفضت تعيش برا او انك تجدد العفش بس علي الاقل نغير اوضتك السم دي عشان تليق بكارمن ... -هههههههه اوضتي بقت سم دلوقتي ..علي العموم شوفي اللي يريحك انتي وكارمن..انا هطلع ارتاح شويه.. بعد ساعات طويله من المتالتجهيزات صفاء وكارمن وفوزيه...صعدت الي غرفتهم فوجدت ليث نائم...اقتربت منه وقبلت خده .. وقالت يصوت خافت : ربنا مايحرمني منك... فتح عيناه وامسك ليث بوجهها يطبع قبله علي شفتيها الرائعه ... -ومايحرمنيش منك ... تعالي نامي انتي اتأخرتي كده ليه.. كارمن بخجل : احم لا ماهو اصل ماما قالتي هنام في اوضتي لحد بعد بكرة.. ليث بغضب : و ماما مالها ؟؟ -عشان الفرح و كده.. -بقولك ايه متستفزنيش ونامي وانتي ساكته.. كارمن وهي تعلم انه لن يستسلم لرغبتها :طيب بس علي الاقل ننام بس ..ارجوك ..انا مش بحب ازعلها مني.. ليث بضيق : حاجه بيني وبين مراتي هتعرفها منين اصلا ؟؟ -عشان خاطري ياليث. نفخ بضيق : طيب اتفضلي عايز اتخمد ..انا اللي جبته لنفسي.. -ههههههه ربنا يخليك يا عسل انت.. ................... مر الوقت سريعا وجاء يوم الفرح .... احمد بنرفزه : لا بجد حرام عليك هنتأخر مش وقت شغل.. نظر له ليث ببرود و الذي كاان يرتدي بدله سوداء رائعه وبكامل اناقته ... -بس يا أحمد .. متخلنيش اندم انك معايا دلوقتي.. -اصل ياابيه مش معقول كده صفاء كلمتني من نص ساعه بتقول خلصوا... ليث بضيق : وانت بتصدق عادي كده تراهن اننا هنروح كمان نص ساعه وهما هيكونوا لسه بردوا .. احمد بثقه : ايوة اراهن صفاء مأكدالي.. قفل ليث الملف بيده بثقه اكبر... وارتدا ازرار بدلته .. -يلا بينا ...انت بقيت ذنان جداا... احمد بضيق : يلا بس قبل مانتأخر وكارمن تموتني دي بعتاني مخصوص.. ابتسم ليث : قدامي ياخويا... وصل الاثنان الي القاعه المزينه بالورود الحمراء والبيضاء الرائعه من الخارج والداخل .. احمد بانبهار : ايه ده دي امي طلعت معديه جداا...عملت ده كل في يوم.. ليث : كيدهن عظيم يا أحمد متستبعدش حاجه..اتفضل اطلع قولهم اننا جينا.. صعد احمد وجد الكوافيرة تضع اللمسات الاخيرة علي طرحه كارمن..فمنعته صفاء من رؤيتها حتي تنزل بالاسفل... احمد بضيق : انتو بتهزروا اكيد ..انتي مش كلمتيني من ساعه وقولتي يلاا.. بتكدبي ليه.. صفاء وهي تضع مسكرا : خلصنا بس اللمسات الاخيرة.. -ايوة عليكم ..شكلي هيبقي زباله قدام اخوكي السوسه ده... نزل احمد بإحراج نحو ليث الذي دخل مكتب المدير وطلب قهوة في انتظار عروسته..عندما رأه ليث وضع ساق علي الاخري وقال ... -اسبوع هغيب في شرم الشيخ كل يوم الساعه 7 بالدقيقه تكون في الشركه..عشان تحرم تراهن علي حاجه متعرفهاش... احمد بصوت ضعيف : انت تقضي شهر عسل وانا اتنفخ.. ليث بحده : بتقول حاجه ؟!! -لا يا ابيه تروحوا وتيجوا بالسلامه هههههه... بعد ربع ساعه انتظار بدأت الموسيقي وانطلقت أغنيه طلي بالابيض طلي يا زهرة نيسااان مع نزول كارمن والذي وقف ليث بانتظارها اسفل السلالم .. انبهر بجمالها الخلاب و فستان الابيض المطرز بالالمازالملائم لجسدها ويجعلها كاسندريلا تنزل لاميرها والسعاده تشع من عيناها الزرقاء المرسومه بالاسود والفضي والابتسامه مرسومه علي شفتاها المطليه باللون الاحمر الكرزي ..... ما ان وصلت امامه حتي نظرت له بحب وسعاده فامسك يدها يقبلها امام الجميع وصار بها الي مكان الرقص ليعيشا معا رقصتهما الاولي... وقفت صفاء بجانب عادل تشاهدهم بسعادة بالغه ...وتدعي لهم بالحياة السعيدة في سرها..مالي عليها عادل .. -ايه الجمال ده كله ؟؟! انا كده هغير ... ابتسمت بسعاده : بجد عجبك الفستان الروز ده... -لا عاجبني اللي جوا الفستان الصراحه ... -عادل اتلم ماما واقفه جنبنا... -مش عارف انا اخوكي اتجوز واجلنا اسبوع ليه ماكنت جيت وخطبتك بقا .. -طيب ما احنا في حكم المخطوبين مش هو وافق يبقي تمام.. -لا مش تمام واعملي حسابك شهر شهرين بالكتير وهنتجوز انا الشقه جاهزة ..مش عايزك تتأخري زي البنات احنا ننزل نجيب كله في شهر ونجهز في شهر.. صفاء بذهول : ايه حيلك حيلك انت مستعجل ليه كده ... وبعدين الخطوبه هتبقي 6 شهور عشان اتعود عليك.. عادل بضيق: نعم يااختي امال اللي بينا ده كان ايه..مالك كده؟؟!! صفاء بمرح : مش عارفه الفستان ده غيرني شويه واندمجت.. -عارفه لولا ان امك واقفه كان هيبقي ليه تصرف تاني معاكي ياام فستان.. -هههههههههه هو اللون الروز بيعمل فيه كده اعمل ايه انا بس!!! -انا هروح اقعد مع اهلي قبل مااتشل.. صفاء بسرعه : لالا ونبي خلاص انا بهزر يا دوله ...وبعدين متهربش عشان هرقص سلو يعني هرقص سلو.. -اتلهي علي عينك بلا سلو بلا نيله قلت لاخوكي الحقودي ارقص معاكي سلو قالي اذا كان انا مرقصتش مع مراتي لحد دلوقتي هترقص انت !! ضحكت صفاء وحاولت كبت ضحكاتها عن الجميع : خلاص يبقي هرقص مع توتو.. عادل بقرف : ايه توتو ده الكلب ؟!!! صفاء بغضب مصطنع : كلب في عينك ..انا اقصد احمد اخويا... ضحك عادل: الراجل ده مظلوم معاكي.. -طيب اسكت بقا خليني اتفرج علي العرسان.. مال عليها وقال في اذنها : واضح جدا انهم بيحبوا في بعض...تعالي نعمل زيهم.. -ابقي اعمل زيهم في فرحك يا خويا.. -اخويا !!! قاطعهم احمد : ايه ياعصافير بترغوا في ايه بقالكم ساعه.. عادل : لا والله حاجه اختك كانت فرحانه بالعرسان بس.. احمد بغيظ : طيب عن اذنك بقا ارقص مع اختي شويه.. سحب صفاء وبدأ يرقصان سلو بجانب العرسان.. هز عادل رأسه : انا وقعت في عيله هبله اصلا... اقتربت صفاء وهي تراقص احمد من كارمن وليث التائهان في اعين بعضهم البعض... -احم احم نحن هنا.. نظر لها ليث بحده : نعم ؟!! صفاء بيراءه : ايه يا ابيه انت مش هتشيل العروسه.. -لا... قلبت كارمن وجهها علي رفضه وقالت بصوت رقيق .. -دبش... -سمعت علي فكرة ؛ بس انا مش هشيل مراتي قدام الناس اللي بتاكلك بعيونها ..انا بدأت اندم اني عملت فرح ..كان المفروض اخبيكي من الناس دي كلها.. ابتسمت كارمن ووضعت رأسها علي صدره تسمع دقات قلبه وتنتشي بها وكأنه اروع الحان الموسيقي... قالت بخفوت : بحبك اوي ياليث.. قبل رأسها ووضع ذقنه عليها : وانا بحبك وبعشقك ومش لاقي كلام اقوله عن حبي ليكي... ثم عاد ليقول بمكر : بس معانا اسبوع هحاول اعمل كام حاجه كده اعبر لك بيهم عن مشاعري.. كارمن بفرحه : ايه ده انت هتاخد اجازة اسبوع... ليث بابتسامه : وهنسافر فيهم كمان... كادت ان تقفز بين يديه من الفرحه : الله بجد !!! هنروح فين .. ضحك ليث بينما نظر له المعازيم يتعجبوا من ضحكاته التي لم يروها من قبل .... -لو اعرف انك هتفرحي كده كنت سفرتك من زمان...هنروح شرم الشيخ بما انك كنتي هتموتي وتروحيها بس اوعدك كل فترة هنسافر مكان جديد.. احتضنته كارمن ونسيت الناس حولهم وقالت : انا فرحانه اوي ربنا يخليك ليا يا حبيبي... ليث بابتسامه : ويخليكي يا سندريلااا... -هههههههههههه ايه سندريلا دي ...انا بيلااا.. ليث باستغراب : هما عملوا اميرة تانيه وانا معرفش... -يييوة كتيررررر بس احنا ملناش دعوة بسندريلا احنا قصه مختلفه.. -قصه ايه بقا ان شاء الله... كارمن بحب ولعب وابتسامه : الجميله والوحش... قهقه ليث بشده ونظر لها بحب : ماشي يا كارمن لما يتقفل علينا باب بس... نظرت حولها بابتسامه وجدت فوزيه تشير لها بسعاده ... -تعالي نروح لماما عايزة ابوسها.. اخذها ليث من يدها واتجها الي فوزيه فقبل كلاهما يدها ورأسها... كارمن بسعاده : المكان روعه يا ماما ..ربنا يخليكي متوقعتش الجمال ده كله .. ليث بثقه : بس انا كنت عارف ان ماما هتعملك احسن حاجه عشان بتحبك جدا.. فوزيه بحب : هههههههه ربنا يسعدكم انا عندي مين اغلي منكم عشان افكرله ...بس عايزاكم تتجدعنوا كده وتجبولي حفيد بسرعه انا كبرت خلاص وعايزة اتهني بباقي عمري معاهم.. ليث بابتسامه : ربنا يديكي طوله العمر ياامي ... انتهي الزفاف واتجه العروسان بعد تغير ملابسهم الي المطار للاتجاه الي شرم الشيخ مقر شهر عسلهم ... عاش ليث وكارمن اسعد لحظات حياتهم سويا خلال هذا الاسبوع...واعتاد ليث علي الاستيقاظ دائما وهي في احضانه واعتادت هي علي تقبيله كلما كانوا لوحدهم...وكما وعد ليث فقد استطاع ان يعبر لها عن حبه دون الحاجه الي الكلمات الكثيرة...(هيييييييح فهمني طبعا��) .................... بعد مرور سنه علي زواجهم .... كارمن بألم : اااااااااه همووووت ياكفررررررة ... حاول الطبيب تهدئتها : ياهانم اهدي ابوس ايدك جوز حضرتك هيرتكب جنايا براا ...احنا مسكينه بالعافيه... -اااااااه طيب ولدني وخلصني انا بموت... -حضرتك سيبي دراعي واديني فرصه اعمل اي حاجه ...انا كان مالي ومال التوليد ...انا اصلا كان نفسي ادخل طب اسنان ... - يلااا معاااياا واحد اتنين تلاتتتته قولي ااااه جامد.. -ااااااااااااااه امممممممممم سمع الطبيب تكسير في الخارج فحاول الاسراع وهو يتذكر تهديد ليث له.. فلاش باك منذ نصف ساعه.. امسك ليث بياقه الطبيب وقال بغضب هز جدران المشفي... -انا هطربق المستشفي دي علي دماغكم كلكم لو مراتي وابني حصلهم اي حاجه والورقتين اللي انت جاي تمضيني عليهم عشان سلامه مراتي هتبقي بمثابه شهادة وفاتك لو حصلهم حاجه ...انت فااااهم.. الطبيب بخوف : فاهم والله يا فندم انت متوتر ليه انا بولد كل يوم ناس كتير.. -بس مش كل يوم هتولد مرات ليث السوهاجي اللي في ايده يمحيكم كلكم من علي وش الدنياا... -حاضر سيبني طيب عشان ادخل للمريضه... تركه ليث وظل يمشي ذهابا وايابا وهو يكاد يجن عندما يسمع صرخاتها التي تؤلم قلبه بشده... وقفت فوزيه بجانب صفاء يدعون لها بالسلامه هي وحفيد عائله السوهاجي..نكزت كارمن احمد ... -روح هديه شويه الناس خايفه تدخل عندهااا.. لحمد بفزع : انتي اتجنيتي روحي هدي انتي انا مش مستغني عن عمري..ولا اقولك خلي جوزك يروح يهدي انا هبقي مبسوط.. نظرت له شزرا واتجهت الي عادل الذي يحمل قهوة وعصير في يده .. عادل بتوتر : مفيش اخبار ؟؟! -لسه ادينا مستنيين...بقولك ايه ماتروح تهدي ليث شويه شكله اتجن... -ماشي خدي اشربي العصير ده واهدي انتي عشان اللي في بطنك متعذبوش معاكي، وانا هكلمه.. تركها عادل وما ان وصل الي ليث حتي سمع الجميع صرخه مدويه وصوت صراخ طفل ... ركض ليث الي الباب يحاول الدخول ...ولكن الممرضه سبقته عندما خرجت بابنه الصغير الباكي ملفوف في قطعه من الملابس كقطعه اللحم الصغيرة.. الممرضه بسعاده ان كل شئ تم علي خير وانه لن يقتلهم.. -ابنك يافندم اهووه الف مبروووك .. وقبل انا يسأل علي كارمن بغضبه المرير...سبقته الممرضه تطمئنه.. -المدام زي الفل عشر دقايق وهتكون في اوضتها وتقدروا تدخلولها... اعطته الطفل وعادت الي كارمن مرة اخري ..التف الجميع ليري صغيرهم المنتظر ( ادم )... فوزيه بحب : بسم الله ماشاء الله كله انت بس واخد عين امه الشقيه... ابتسم ليث ولم يبعد نظره عن ابنه حتي فتح الباب وخرجت كارمن ...اعطا الطفل لامه وذهب نحوها يمسك بيدها وهي ذاهبه نحو غرفتها.. ساعد الممرضين في وضعها علي سريرها وغطاها ثم مال عليها يقبل رأسها.. ليث بحب : حمدالله علي سلامتك ياحبيبتي.. ابتسمت كارمن بارهاق : الله يسلمك ياحبيبي ...شفت ادم.. -شفت واخد عنين امه.. -ههههههه وواخد شقاوة ابوه ده فضل يرفص في الدكتور مش عاجبه اننا ازعجناه واضح... ليث بضحك : متأكده انها شقاوة ابوة مش امه اصلك كنت متعوده ترفصي وانتي صغيرة.. امسكت يده تقبلها فقبل يدها هو الاخر وقالت بحنان ... -ربنا أنعم عليه بكل ما اتمناه الاول اجمل ام واخت واخ وبعدين اتمنيتك انت من وانا عندي 15سنه وجبنا عيال ...واضح ان ربنا بيحبني انا انه كرمني بيكم كلكم.. -ربنا يخليكي لياا.. دخل الطبيب بتوتر وقلق : حمدلله علي السلامه ياهانم .... ضحكت كارمن عندما تذكرت حديث الدكتور فنظر لها ليث باستغراب... -انا متشكرة اوي يادكتور انك استحملتني انا والبهدله اللي حصلت ...احم ليث مش عايز تقول حاجه للدكتور... ليث بجمود : لا.. ضغطت علي يده : متأكد.... -ايوة .. -اااه انا شكلي هتعب... نفخ ليث ونظر بضيق للطبيب: .. نظر الي زوجته : مبسوطه كده... ابتسمت ابتسامه كبيرة : جدااااا جدااا....... عاش ليث وكارمن في سعاده و حياه لاتخلو من مواقفهم السعيدة وغيرة ليث القاتله التي لن تتغير ابدا وعناد قطته الصغيرة وشقاوة ابنهم وثمرة حبهم ادم ليث السوهاجي..... النهاية...... خاتمه ..... ليث بغضب : ولد انزل روح عند تيتا ... ادم ذو ال 5 سنوات يحاول محاكاه غضب ابيه : لاااا انزل انت .... كارمن تكاد تموت ضحكا وتضع الغطاء علي فمها : بس ياولد يلا اسمع كلام بابي وانزل من علي الغطا تحت طنط صوفي جايه وهتجبلك النونو ... ادم بفرح : بجد يا مامتي انتي جميله اوي هاااتي بوسه... اعطي والدته قبله ونزل من فوق ابيه النائم علي السرير مع والدته .... توقف فجأه وهو عند الباب وقضب حاجبيه تماما كأبيه وزم شفتيه كوالدته واشار بأصبعه لابيه ... -انا نازل !!! اوعي تقرب من ماما تاني..دي بتاعتي انا ... كاد ليث ان يرد عليه بغضب فوضعت كارمن يدها علي فمه قبل ان ينفجر ... كارمن بضحك : يلااا بسرعه واقفل الباب وراك... ابتسم لها ادم الشقي وخرج واغلق الباب .... ما ان اغلق الباب حتي ازال ليث يدها بضيق وضمها ليه من خصرها لتميل فوقه ... ليث : والله وانتي سابياه يقولي بتاعتي كده عادي !!! كارمن بضحك علي سخافه زوجها وغيرته حتي من ابنه الصغير... - ومااله مش مامته وملكه هو مغلطش الراجل يعني.... عض ليث علي كتفها فاطلقت صرخه مفاجأه وانفجرت من الضحك... ليث : لا غلط انتي ملكي انا وبس انتي فاهمه !!! -فاهمه فاهمه ياقلبي انت.. ليث بابتسامه : نزل محدش هينجدك مني دلوقتي... كارمن بخضه : ولد ايه اللي رجعك تاني !!! ابتعد عنها ليث بسرعه ليبحث بعينيه عن هذا العنيد المتمرد فلم يجد احداا....وقبل ان يأخذ رد فعل كان كارمن خارج السرير وتركض نحو الباب خرجت وقبل ان تقفل ... - ههههههههههههههههه عشان تحرم تقولي صحيت وتنام تاني وتفضل مخليني طالعه نازله ... اخرجت له لسانها واغلقت الباب لتنزل وتستقبل حبيبتها وابنها الصغير...بينما ابتسم هو لنفسه علي حبيبته الشقيه وابنه الذي يشبهه كثيرا و ينافسه علي امتلاكها.... | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
العرض العادي
