جبروت الشيخ وقلبي ، للكاتبة/ بنين الطائي "عراقية " (مكتملة)

[فيتامين سي]

البارت العاشر

مساؤؤ فراشاتي ..بصراحه بس حبيت احجي شغله صغيره ..بنات ادري بيكم مندفعين كلش اتجاه غاليه وتصرفاته وشهاب ..
بس خلوا بالكم ان القصه هاي مجرد بدايتها ..
فلا تحكموا سريع ..
تابعوا للاخير وبنهاية لو مابيها عبرة وقصه مختلفه ماطرحها عليكم حبيباتي ..وخلوها بالكم ان قصص حقيقيه ميه بالميه ..وكل الكتبته واقع ملموس بس صار وانتهى ..
متابعه طيبه حبيباتي بنين الطائي ❤ 🦋
………………………… .

شهاب .. بعد طلاقي من دموع انطيتها كل مهرها ..مبلغ محترم اول ماشفوا اهله نسوا كلشي واجه ابوها حاير شلون يشكرني عفته وطلعت ..

بعدها حاولت اصالح علي بكل الطرق ..صح يسلم عليه ونكعد بالديوان ..بس مايتعامل وياي مثل قبل حتى اي شي يحتاجه لومشكله كام يكلف بيها جهاد لو مرتضى ..يعني بعدني عنه ..وكتها روحي طلعت وضجت ..لان علي جان مو بس اخويه ..احسه ابوووي هم وسندي ..

المهم كضيتها دوام ومن اخلص ارجع على زيدون ..لواروح ابات ويه واحد من جماعتي .. اشتاق للعمارة وامي بس ماالي قابليه اشوفن علي ويتعامل وياي مثل الغريب ..
بيوم رجعت للبيت جان زيدون بالبيت ..
شهاب ..سلام .. شلونك

زيدون ..هلاا بوويه وين مختفي ..

شهاب .. جنت يمه ولد صديقي

زيدون ..جااا خووش صديقك هذا كل وكتك مكضي يمه

شهاب ..هههههههه انجب ولك ..اكول شنو هاي الهوسه اريد يوم اطب للبيت والكي نظيف ماكوا ..

زيدون ..لاالبارحه جانوا بايتين يمي جماعتي ..من الحله ..وطريق بعيد كتلهم بيت وحدي بي تعالوا باتوا كلما تتاخرون برجعه ..

شهاب ..هو كل عمره بيتك هيج ..الباتت بي احد والمابات..اكول يمتى تسافر

زيدون ..بس اكمل شغلاتي هنا واسافر ..

شهاب ..خوش

زيدون ..اكول ..اني قررت اخطب اريد اربطها بيه قبل لاسافر ..تدري ابقى افكر لوسافرة اخاف واحد غيري يسبقني ..

شهاب .. شكوا بيها ..بس انوي كلنه نكفلك ..بس الاول لزم تسال عنها بنت منو ..واهلها منين

زيدون .. من هاي الناحيه اطمن اعرفهم زين ..ابوها دكتور جامعي يداوم بالحقوق ..وامها استاذه هم ..يعني عائله محترم كلش ..

شهاب ..لعد بووية ..هي طالبه عندك ..لوشفته بالجامعه بينكم علاقه لو هيج

زيدون ..لاا خويه هي دكتوره جامعيه دوام وياي ..وانا معجب بيها من اول ماجيت .. هو مااكوا علاقه بس تلميح ..وهي هم لمحتلي ان ماعدها مانع ..

شهاب .. خوش بس انطيني اسمها الكامل وعنوانهم اسال عنها ..ويصير خير

زيدون .. ابوها دكتور رائد سعيد ال… وامها استاذه رغد بس ماعرف ابوها ..هم من سكنت الكراده ..بس عدهم اقارب بالكاظميه ..




شهاب حسيت هاي الاسماء مو غريبه عليه… احس اعرفهم .. اسمائهم موغريب علي
زيدون ..اي احتمال ..لان كتلك عدهم اقارب بالكاظمية ..بس عندي مشكلة وحده واريدك تفف وياي

شهاب .. شنو ..كول

زيدون .. هي مطلقه ..يعني متزوجه مره ومامتفاهمين وهي جانت صغيره بوكت .. واني جدا معجب بشخصيته ماريد اخسرها .. ماكوا غيرك يقنع امي وعلي ..هم ياخذون حجايتك ..

شهاب .. بويه علي شنو اقنعهم اذا انت مقتنع بعد ياهوو الدخله بيك .. بعدين دام البنت تعرفها وتكول متربيه وبنت ناس .. جااا شنو بويه واذا مطلقه بالعكس هاي اوجب بالسستر .. لان تكون مكسورة جناح .. الله يسعدك خوويه

زيدون .. الله يسلمك ..والله طمنتني جنت شايل هم تدري باامك واخوك ..هسه يبقوا يحجوا براسي وعفت بنات الديره والبنات كله وماخذلك مطلكه ..

شهاب .. خوويه روح فالك وعوف امك واخووك انه اقنعهم

زيدون .. الله يطمن كلبك .. والله ماعرف شلون اجازيك على هاي وفقتك يمكن عمري كله ابقى مديونلك..

شهاب .. بوويه شبيك احنه اخوان نسيت لو شنهي ..

زيدون ..والله ونعم الاخ

بيومها بتت يم زيدون ومن فرحته بقى كاعد ويحجيلي للثنين بليل ..تالي غفيت وعفت يحجي وحده ..
ثاني يوم كلت اروح امر علي فاتن اطمن عليه ..واخذتله وياي حلويات وكرزات واخذت حلويات للجهال ورحت ..

اول مدخلت استلمتني ليش ماتسالون ليش محد يمرعلي ..وانه وانه سطرتني تالي صحت بيها… بوويه موكل اجازه اجي اشوف واسالج شمحتاجه وشيلج كل شهر حصتج وانطيها بيدج .. جااا بعد شتردين مني هم دووام وهم ابو جدي محترك ..ومية شغله بوراي ..

فاتن .. اروح فدوة الك بعد كلبي هو بس انت حنين ..انت الوحيده تسال وتجي ..انه احجي علي باقي اخوانك ولايسالون عود قريبين عليه ..

شهاب .. مهند مو كالي مر عليج ..بالجمعه وزيدون عنده دراسه موفارغ خطيه نوبات يبقى ثاني يوم بلا نوم يقرا ..وعلي تدرين بي مايطلع من العمارة

فاتن ..اي هو مهند اجه بس مابطه من الباب بس وراح ..خوب مرته الحيه ماتجي ولاطب علي احد تكول بينه مرض معدي .. خايبه شايفه نفسه عود دكتواره الغسل وزيدون مقدره وضعه الله يساعده وعلي ماعتب علي ادري بيه ..

شهاب .. خلص انتي دائمج دورين اخوتج وتسالين عليهم ..روحي لبيت زيدون ونظفي اطبخيله اكل وكعدي يمه وطمني علي ..وعلي واهلج تكدرين ترحلين خميس وترجعين السبت اذا دوام جهالج .. جااا بس تعرفين تعاتبين ماتنطي بس تاخذين..

فاتن .. اي صدك شخبار مرتك ..ماحبلة

شهاب ..بوويه شبيج صارلي شهرين كاعد هنا منين تحبل بلاسلكي




فاتن ..هههههههه يااا ماجوز من سوالفك ..اي خطيه شنو عايفه هناك وكاعد هناا اجروا هناا وكعدوا

شهاب .. بوويه شنو اجر هنا اول شي هنا دوامي مجبور اكعد ..بس هناك امي واختج شلون اعوفهن ..وحدهن وكعد هنا ..

بقيت يمه فاتن لليل ..وبعدها اجه امير كضينها اركيله وضحك وسوالف للوحده ..هم غفيت وعفت يحجي وحده ..
ثاني يوم اخذت اسم البنيه من زيدون واسم ابوها ..وكلفت واحد من شرطه يبحثلي عن كلشي عنها ..طبعا اني عندي علاقات كلش هواي ..فسهل علي اعرف كلشي عنها ..

زيدون يوميا يسالني شسويت وكله باجر لوعكبه توصلني المعومات .. بعدها جنت بالواجب ..جنه لزمين حراسه على مكان كلش خطر ..المهم دك موبايل برقم مااجوبة ..لاهناك جانت كامرات مراقبه بكل مكان ماكدر اخذ راحتي دك تقريبا مرتين عفته ..وكملنه الواجب ..صارالدنيا الصبح ..كتله جهاد خلي نروح للمقر مانكدر نطلع بعد .. رحنه ..ونسيت المكالمه .. ثاني يوم الصبح هم لزمنه واجب..هناك مكان كلش خطر ..من انت تكون مكشوف مومثل ماتتختل وتهاجم هناك مكشوفين .. لذلك بقيت حذز ومالتهيت بااي شي ..رجعنه وراها يوميا من بعد سهر ليله علي ليله لان جذب مانكدر نام واحنه اورحنه مخلينه بدينه ..

اول مارجعنه ..جان اقرب شي علينه بيت عباس واحد من جماعتنه .. بتنه يمه نمنه كل احنه بالسطح بحيث نمنه بملابسنه واحذيتنه .. من تعب مااحسينه ثاني يوم الفجر كعدنه ..جلب بينه هو وعائلته وامه خطيه بالقوه طلعنه من يمهم ..لان كل احنه ورانه طريق ..عفت سيارة الجيش يمه عباس كتله جيبه وياك للدوام ..ورحنه عبريه كل احنه وصلنه شارع العام ركبنه سيارات كبل ذبتن بكراج الكاظمية .. جماعتي كلمن نزل بمكان بقينه انه وجهاد وعقيل .. كتلهم خلي خلي نفوت نتريك

جهاد .. اي والله بووويه.. غير مشتهي باكله ودهن ..

عقيل ..دمشينه اني اندل واحد هنا طيب اكله على طريق الكراج

راحنه نتريك وصدك جان اكله طيب ..رجع دك علي الرقم ماجوابته ..

جهاد.. ماترد جاي يدكوا عليك يجوز شي مهم

شهاب ..تلكي واحد يريد مصلحه ..عوفه مالي خلك

بعدها راحوا هم للكراج ركبوا كل واحد مكان ..وانه جلب بيه جهاد ارجع ويه كتله اني ارجع بس اصفي كم شغله هو اني هم اشتاقيت لامي ..

المهم رجعت للبيت نمت شويه حسيت على صوت الموبايل ..فتحت ..طلع واحد كلي سيدي خلصت المعلومات اذا تريد ارسلهن الك للبيت ..كتله لا اني جايك ..

بدلت بنطرون وقميص عايفهن بيت زيدون لكيته لبس بنطروني اخذت من بناطيره وطلعت ..اول ماوصلت للمقر لكيت امير ابن عمي ..كعدنه اني ويه نحجي وشربن جاي

اجه الشرطي جابلي الفايل بي معلومات ..

كعدت اقرا وكمزت على حيلي ..




امير .. شكوا شبيك ..وشنو هاي المعلومات العندك

شهاب ..ولك راح اتسودن ..معقوله ..جاي يصير

اخذت السويج والموبايل وركض للسيارة ..لكني امير وهو يصيح ..اوقف يمعود شبيك ..
كتله ماعندي مجال ..لزم اطلع بسرعه ..
ركب يم وهو عيونه علي ..سقت بسرعه وقفت مقابل ببتهم ..
امير ..شنهي السالفه دفهمني احس مثل المطي بالنص

شهاب .. غير اتسد حلك شويه ..وهسه تشوفن بعينك

امير ..والله انت مسودن احلف عليك

بقيت واقف بنص ساعه لحد مااجتي ..مريه متوسطه بالعمر نزلت من سيارته بقيت اباوع عليها ..
شهاب .. واخيرا ..لكيتها الكلبه هاي

امير ..منو

شهاب .. شوفها ماعرفتها ..هاي ماتذكرك بوحده

امير ..مادري يخووي احسن شايفها بس مادري وين

شهاب .. هاي التكريتيه .. مراة عمك الشردت

امير .. ششلون ..معقوله منين عرفت عنوانها ..

شهاب .. من هاي المعلومات ..

امير ..بووويه فهمني كلش ماافتهمت

شهاب .. هاي الكلبه شكد دورنه عليها ..تالي طلعت هنا كدام عيونه بغداد..

امير ..فهمني منين عرفت عنوانها

شهاب .. طلعت بنتها الي زيدون يردن يخطبها ..

امير ..لا صدك ..معقول سبحان الصدفه

بقيت واقف شويه وشرف رجلها ..قبضت ايدي بقوه ...شكد اتمنى هسه اخذ سلاحي واخلي طلقه براسه وبراسه ..قوه لزمت نفسي وامير بقى يهدي بيها ..علي ابو مو وكتها نلكه فرصه زينه ونعملهم ..صح موكتها يرادلي اذلها وخليها شلون جلبه ..اني اعلمها ..

رجعت ..وكلفت واحد من ربعنه يرقبهم بس من بعيد ..ويجبلي كل صغيره وجبيره عليهم ..

رجعت للبيت تعبان ومية شغله بالي .. دكيت على امي جنت مشتاقه لصوته ..واريد اسمع اخبارهم ..حجينه وكالت البنات عدهم امتحانات ..وملتهين ..هم حجت عليه ابوليش هيج كاطع بينه ..وعدت ارجع قريب بس اخلص شغلي ..

صاحلي زيدون كلي تعالي تعشاء ..كمت واني بس افكر شراح اسوي ..وشلون اتصرف وياهم ..

زيدون كل شويه يسالني شسويت كتله بعدني مارحت شفت
ماجنت اريد احجيله ..اعرف زيدون تفكيره ..عفته
ورحت نمت ..بس الافكار ماتركت بالي ولا دقيقه
فكرت بهواي طرق ..بس جنت محتاج وكت ..بعد يومين جنت راجع من الدوام ..بدلت وكعدت ادور بالمطبخ شي اكاله .. انتبهت البيت اليوم نظيف ومرتب ..
شهاب ..اليوم البيت نظيف شعجب

زيدون ..اليسمعك يكولن جنه عايشين بمزبله

شهاب .. لعد شنهي ..بعدلك يوميا وتطلع عليك دوريات مكافحت القذاره ..




زيدون ..هههههههه بالله انجب ..صارلي اسبوع احاول انظف مالحك .. اجتي فاتن نظفت وسوات اكل ..وخلت راسي شكبره من لغوتها ..

اشهاب .. اسكت انت اكثر واحد مقصر ماتلم ماتجي عليك ..بوويه روح كل فتره اطمن علئ علي اختك ..حتي كدام رجلها تفتخر بيكم اخوانه يسالون عليه ..حقها بعيد عن اهلها تريد تحس على الاقل اخوانها يسالوا عليها

زيدون .. والله شوفتك عينك ..مالحك انظف البيت ..بس اخلص دراستي هل سنه ..وانشاا الله اتفرغ للكل ..

شهاب .. انشاا الله

زيدون .. شسريت على سالفه امل ..خلصت

شهاب .. يااامل هاي

زيدون ..خووويه شبيك ..البنت الي اريد اخطبها

شهاب .. اتركها هل بنت ماتفيدك

زيدون .. بوويه انت كل عقلك تحجي .. شجاك وشغيرك انت مو جنت موافق

شهاب .. اي بس من شفته بالي ماتصلحلك ..احسن شي تسوي طلعها من بالك وتنسئ

زيدون ..انت تحجي صدك لو تشاقه .. بوويه اكلك صارلي سنتين بالي هل البنت ومقتنع بيها .. واذا مالكه سبب مقنع للموت ماتخله عنها ..

شهاب .. شبيك تسودنت هي كله حرمه تروح وحده تجي عشره ..لاتضل واكع على وجهك تاليتك سوده وتصير بيد نسوان ..

زيدون .. خووويه اني مو مثلك ..اتزوج يوميا وحده وتركها .. اني مقتنع بوحده اريدنها العمر كله ..مااكعد يوميا اطلعلي حجه على البنت حتى اخذلي غيرها ..

شهاب بغضب .. وانه كتلك هل المراه ماتصير الك لو اخر يوم بعمري .. وتدرين من احجي سالفه ماارد بيها ..

زيدون .. بس انطيني سبب واحد مقنع .. احد كلك عليها سالفه .. سمعت على اهله شي ..امي لوعلي كلولك تسوي هيج ..فهمني

شهاب بصياح .. كااافي وسد الموضوع ..مااترهملك وبس ..لاتكعد تعيد وتزيد قابل الله ماخلق غيرها

زيدون بغضب .. لا ماخلق غيرها ..اني عيني ماتشوف غيرها واذا ماكوا سبب مقنع كتلك ماعوفه لو اعرف موتي يصير على ايدها ..

شهاب بعصبي ..بوويه انت عندك عقل من موتك يصير على حرمه اغسل ايدي منك ..وهاي لسه مااخذته وهيج لو صارت الك شسوي ..من الاخير هاي ماتصير الك ولااني ولاحد من اخوتك راح يوقفوا وياك حتي امك ..وتدريني حجايتي امشيها على الكل ..

زيدون بصياح ..وطز بيكم كلكم ..اني اخذها وغصب عنكم .. وشوف شلون تمنعني وراح سافر اني وياها

دخل وسد الباب قوي ..بقيت اعاين علي ..بعدها بدلت واخذت سيارة وبقيت اسوق بعصبيه واني اكرط بنفسي ..هذا يسويها ..وحتي لو عرف ماراح يهتم امها شسوت باابوي ..مبين غاسله عقله مثل ماامه قبلها غسلت عقل ابوي ..بس لا لواعرف اموت مااخلي واحد ثاني يوكع بشباكهن هذني يعرفن شلون يلعبن على زلمه وياخذنه وبعدين يجيبله العار ..اني اعرف شلون اوقفهن عد حدهه




شفتها صارت ال١١ رحت على بيت فاتن ..دكيت طلعلي امير ..جانوا كلهم نايمين ..طلعنه باره نحجي وسوالفتله
كالي لزم تصرف هذا زيدون من نوع مايفكر بعواقب يذب نفسه بدون تفكير ..

المهم بعد تفكير طويل ومشورات اتفقنه اني وامير وجهاد واخذت ولد ويانه من جماعتي ثقه كلش ..واتفقنه ان نسوي اقتحام على بيتهم بس جان لزم عدنه سبب قوي حتى نقتحم بيت .. فاامير تكلف بهاي الشغله ..واجه بلاغ للمركز ان بيتهم بي اسلحه مضمومه بي
اول ماوصل البلاغ اجتي برقيه تفتيش ..وطبعا اني وجماعتي مضبطين سالفه ان احنه الي نتولى المهمه ..
المهم اخذت سيارة شرطه وسيارتنه مال القياده ..ودخلنه للفرع مالتهم جانت تقريبا ساعه ٩ بليل ..
دكينه الباب بعد ماتوزعت الشرطه والجيش داير ميدور البيت ..جنه ملثمين كلنه بس امير ماملثم

طلع هو الساقط اجيت اهف بوكس اكسر سنونه بس امير سحبني وحجه .. سلام عليكم ..عدنه ابلاغ بحيازت هذا المكان على اسلحه وعدنه امر بتفتيش ..لوسمحت سويلنه طريق حتى نفتش

دكتور رائد ..وعليكم السلام ابني .. الله يبعد عنه الاسلحه ..هذا بلاغ كاذب والغرض منه تشويه سمعتي اني دكتور معروف والي اسمي ..وماعندي مانع تفضل فتش ..بس خلي اسويلكم طريق ..

راح وراه تقريبا عشر دقايق اجه فتح الباب .. اني اشرت بس امير وجهاد وعباس يدخلون الباقين يبقوا بره

دخلنه بيتهم جان من بيوت الكراده الضخمه ..اكيد شردت ويه علمود فلوسه ..المهم جانن هي وبنت كاعدات بالصاله ويبوعون علينه .. وخاتلات وراه ضهره ثنينهن ..طبعا مفرعات ..ولبس مدري شلون ..صعدنه احنه للسطح ..من هناك اشرت للسياره ..ونزلت

دخلت للصاله وجهاد وامير يمشون مسافه عني ..
وقف كبالي وكلي ..هاا ابني لكيتوا شي ..

باوعتله وماحجيت ..تقربت ضربت بووكس شمرته لهناك ..هن كامن يعيطن وركضن علي رفعنه ..وكامت تصيح ..الله لا ينطيك رجال بكد ابوك ليش هيج تسوي بي ..شمسويلكم .. اذا تريدون شي اخذوا وطلعوا بس لاتاذونه

باوعتله ورجعت سحبت منها ..اجتي تركض تريد تاخذه من يدي ..امير وجهاد سحبوا قسام من المسدس وخلوا براسه ..كتله ..رجعي وكعدي هناك حسابج جاي بعده

اجتي تركض بنت اخذت امها بحظنها وصارت تصرخ علي .. الله لاينطيكم ياسفله ..شتريدون منه تردون فلوس اخذوا وعوفوا ماعدكم اب ..ام ..شنو من بشر انتم

باوعتله جانت حلوة .. من هاي الاستاذ لزك عليهاا عيونها ملونه وشعرها اشكر وبيضه ..تكول مصبوبه صب ..الايدين بيض ولابس نفنوف طالع نص ايدنها منه .. استغفرالله .. دنكة ورجعت خزرتها

لج انجبي وكعدي لااسحل بيج الكاع انتي وهاي امج الساقطه ..عاد هو رجع علي ..احترم نفسك ..هاي بكد امك ..باوعتله كتله ..امي هاي ماتجي انعالها الساقطه




راد يضربني لزمت وجتفت وضربت على رجلي ..وكعدت على ركبه وخليت اسلحي براسه وكعدت على تخم ..هن كامن يصارخن ..امير صاح الي طلع صوت افرغ مسدسي براسها .. سكتن بس يبجن

صاحت هي .. فدوه كلي شتريدون اني انطيكم بس عوفوا بحالنه ..بس شوفه بكد ابوك كلبك مانكسرعلي لوانتم ماعدكم كلوب مثل البشر ..

صحت بيها ..لج ابوي اشرف منك انتي وهذا السافل ..نسيتي لمن شردتي ويه ..ماكلتي كلبه ينكسر وماكتلي شلون اجيبله العار هو جبير قومه ..ماكلتي شراح يصير بي من شردتي ..خليتي يموت بحصرته وهو مدنك راسه ..علمود هذا العار رجلج ..

بقت صافنه وتبالع ماحجت كلمه ..رجعت صحت بيها ..اي احجي لو هسه السانج انبلع ..
حجت بخوف .. انت منو ..وشلون عرفت
بنتها بس تباوع ومستغربه ..عفت السلاح ..وكعدت مرتجي على القنفه ..وعفته كبالي وجهه كله دم من اثر ضربتي .. كتله ..اي احجيلي شلون شردت انت وياها من العمارة ..وشلون ماكدرنه نلكي الكم اثر ..

بقى ساكت ماحجه بس يباوعلي ..دفرت كل قوتي واني لاعب حديد هواي فجسمي صلب وضربتي توجع ..طفرته مسافه ..وصحت بي سافل من دخلت على بيت رجال ثاني واخذت مراته وطفرت مافكرت شراح يصير بي مافكرت بالعار الي راح يركبه العمر كله ..إ
اجتي بنت تركض وحظنتها وهي تبجي الضربه قويه وهو بالقوه رفع نفسه من الكاع .. صارت تبجي وتحجي ..بابا شنو يحجي هذا .. واي مراه هاي ..رد عليها بصوت خافت ..هيج بنتي ماكوا شي ..

باوعلي ..وكلي خلي بنتي تروح الغرفته ..واحنه ننفاهم علي كلشي ..ماريدها تسمع هل الحجي ..هي اشرتله بلا وجلبت بقميصه .. مااعوفك بابا وحدك وياهم

باوعلي .. اترجاك ..

حجيت برود .. لا تبقي غير تعرف تاريخ امها وابوها ..المشرف ..بعدين انتم هم فكرتوا بولده من انهزمتوا
ردت هي انت ياهو منهم .. علي لو مهند لوزيدون ..
باوعت وكشفت وجهي ..كتله ..لا هذا وذاك اني شهاب اصغرهم ..ماتعرفيني ويمكن ماتذكريني .. بس وعد من اليوم ماعاد نذكرين غيري ..

قامت تبالع ..تتوسل هو باوعلي وكلي احنه ماسوينه شي غلط ابوك هو الي اخذ شي مواله ..كمزت علي وتوليته دفرات بنته اجتي تدفعني ..لزمتها ودفعتها للكاع ورجعت علي ..ولك طاري ابوي لاتجيبه بلسانك ..

لزمني امير وكلي كافي يمعود راح تموته ..كتله والله لو روحه تطلع بيدي ماجوز منه ..
هو ماكدر يدافع عن نفسه بقى ممطول بالكاع ..جتي هي تركض علي تريد ترفعه ..سحبت اقسامي وخليته براسها
كامت تبجي وتتوسل .. كتله ولج ساقطه بقيتي عايشه ويه سنتين وانتي على ذمة رجال ثاني ..شلون كدرتي ياساقطه

ماردت باوعتله ..كتله ..تدرين كتلج انت وهو ماراح يشفيلي غليلي ..ولا راح يشوفكم عذاب ابوي الي شافه بسببكم ..

كعدت على تخم ..باوعتلهن شبكنه وكامن يبجن ..وهن يتلمسن بي خومامتاذي .. اني شطت لعد ابوي محد حس بالم بقى يقهر بنفسه لحد مامات ..




نهضته على رجليه وهو يباوع ويكلهن مابي شي ..قمت تقربت علي ..نزلت دنكت علي .. كتله تدري شنو راح خليك تحس بنفس الالم والعار ..السويته قبل باابوي هيج تعرف شحس غيرك من اخذت عرضه وشردت بي

هو فك عينه يباوعلي .. يريد يفتهم قصدي ..رفعت نفسي مبتسم ..ولزمت بنته من شعرها ورفعتها ..كامت تصيح وتضرب بيه ..ماهتميت سحلته وياي ..وامها اجتي تركض جلبته بيها تتوسل تكلي اخذني شسوي بيه سوي بس اترك بنتي مالها ذنب .. وهو كام يزحف يريد يوصللها ..اشرت لامير وجهاد ..جهاد دفها بعيد وامير سحب اقسام كلهم الي يتحرك اصلي هنا ..

اخذته وطلعت ..ركبنه سيارتنه الخاصه ..شمرته وره وسديت الباب .. الباقين صعدوا بغير سياره ..واني وامير جنه بالصدر…
حركنه طلعنه ..امير باوعلي ..شراح تسوي بيها
شهاب .. خلي نطلع منا وبعدين اكلك

خابرت على صديق الي عنده شقه فارغه من اربيل الولد نوبات يجي يكعد بيها .. كتله اريد مفتاحها .. دزه بيد واحد من كرايبه قريب علي ..المهم اخذت وشمرتها هناك ورجعت .. على جماعتي .. سالني جهاد هم شراح تسوي وياها .. وكلي لاتصير مثلهم وتركتب غلط تتندم علي بعدين ..

كتله ..لا تخاف ماراح اسوي اي غلط انه ابن شيوخ ومو من عاداتنه هاي ..

بقيتها بالشقه تقريبا ٣ ايام ..جنت اوصللها اكل بيد وحده تشتغل مفتشه ويانه .. تسد عليها وترجعلي المفتاح

ابوها اجه يتوسل اكثر من مره بس طفيته ..اخر شي رجعت للبيت ولكيت زيدون واقفلي بالطرمه ..اول ماشافني انهد بيه .. شسويت انت السبب اكيد صالها ٣ ايام مختفي ..اكيد هددتها وخافت

شهاب جاوبت ببرود .. ياستار وكفلي باب البيت تكول بيك شي

زيدون ..احجي شهاب .. شسويت

شهاب .. مااسويت شي

زيدون .. لعد امل ليش مادوامت من ٣ ايام الي انت مختفي بيهن
شهاب .. لعد انه ادري بيها ست الحسن مارحت دور عليها

زيدون .. هو هم هيج بس تري لو عرفت انت الك دخل ماراح يصيرن خير ..

دخل زيدون للبيت واني بقت بالحديقه ادخن .. شويه ودخلت وراه ..

ثاني يوم راحت للشقه فتحت بالمفتاح بعدين دكيت الباب ..شويه واجتي صاحت منو ..كتله انه افتحي

مافتحلي وهي تحجي .. اتصور عنك المفتاح شكوا دك
ماحجيت دخلت ..كعدت وحجيت ..شوفي ..باجر ترحين ادومين ..بس ممنوع تحجين ويه احد اي شي ..وثاني شي لاتفكرين تنهزمين ..لان اهلج مهدور دمهم عشائرين ..فيحقلي اكتلهم اثنيهم ..وحاط عليهم حراسه ٢٤ ساعه ..يعني انسي شغلة ان تنهزمين

امل .. انت شرايد مني ..

شهاب .. بلا لغوا زايده .. باجر دامين واخاف يشوفج زيدون ويسالج عن شي ممنوع السانج يفلت ويه بكلمة ترى اكصه وشمره سمعتي ..تبتعدين عنه نهائي

امل ..شمعرفك بزيدون ..وشدخله بالي صار
شهاب .. انه رايح اذا احتاجيتي شي بلغي المفتشه هي جيبه الج ..

وفعلا داومت ثاني يوم .. ورغم تحذيري بس زيدون رايح وحاجي وياها ..

جنت مسلط ناس تراقبها من داخل الكليه .. وشافهم واكفين سويه .. اول ماجتي للشقه ..كتله ..انه مو حذرتج ليش ماتسمعين الحجي
بجت وصارت تحجي..اني ماعليه هو اجه وجان يلح يحجي وياي .. وكتله اشوف شيريد

كتله .. اي وكلج شراد
ردت علي .. كلي يريد يزوجني
لزمتها من شعرها وكتله ..لج هاي سالفه تنسيها ..وبالج تنطي مجال ..اطفي وتكليله اني مرتبطه ..
ردت .. وانت ليش تريدني اكول هيجي .. انت منين تعرف زيدون
كتله .. يصير ابن الي امج شردت منه
امل ..يعني اخوووووك
شهاب .. من اليوم كل علاقتج بي تقطعيها
ثاني يوم بليل رحت للبيت ..وتعارك وياي زيدون بيومها جانت امل رافضته ..وكاطعه علاقته بي .. بس هو جان مقنع انه سبب رغم تصرفت ويه ببرود وماانطيته مجال ..بس بقى مصر على اني السبب ..وكلي راح يتزوجها غصب عن الكل حتى يبلغ بيه لودخلت ..

ثاني يوم قررت اتصرف مااجه بالي غير هل الحل ..جان لزم اعقد عليها واخلص من سالفه زيدون لان اكيد ماراح يفك منها ياخه ..اخذت سيد ورحت للشقه اول بدايه ماقبلت وعنادت بس هددته وكتله ابلغ شيوخ العشيره مكان امج راح يكتلوهم .. قبلت ..وعقدنه ..وعفتها بالشقه علي وضعها ..وبقت داوم بس فرضت عليها تغير لبسها وتتحجب .. بالاول اعترضت وصارت تحجي ..بس بالاخير كلمتي مشت ..ومره من المرات راقبها زيدون وعرف بيها كاعده بشقه واني اتردد عليها هجم علي وصار يسب ويغلط .. بس كتله صارت مرتي وخلص

وبيومها خابر علي وصار يحجي .. فجنت مظطر اخذها للعماره ويصير الي يصير ..

يتبع…… .
للكاتبه بنين الطائي .....
🦋🦋…………………… ………… ..🦋🦋

[فيتامين سي]

البارت ١١


واخيرا كدرت ارجع انشر مااتتخيلوا فرحتي ..يالله والله ماكدرت انام من القهر ..
فديت كل البنوتات الوقفن وياي وكعدن يسوا متابعه وتصويت وتاكات احبكم يااحلى متابعين ..بنات بس حتى ماتتكرر المشكله سوا متابعه لحسابي وصوتوا للبارت ..اذا شفتوها القصه تستاهل اعوفكم ويه البارت الي تاخر عليكم واعتذر كلش رغم مو بسببي. .
متابعه طيبه حبيباتي ❤ 🦋
الكاتبه بنين الطائي
............ .............

غاليه .. جنه كاعدين بالصاله ..وزيدون كدامنه مدنك راسه ويهز برجلي قوي ..وعلي مقابيله ..وخالتي كاعده بالكاع ..ودك علي رجلها ..بعد مادخل شهاب وهاي الويه لغرفة خالتي ..
حجه علي .. احجي فضهه خلي افهم ..شصاير

زيدون رفعه راسه وعيونه صايرات حمر ..وقوه يحجي جسمه كله يرجف .. الصار ..جنت منعجب ببنيه وياي ..دكتوره ..اكثر من سنتين احنه اكوا استلطاف بينه .. وجنت مقرر ازوجها بس اخلص دراستي ..وهل حجي يدري بي هل الخسيس ..وبسبب سفري حتي اكمل دراستي ..كلت خل اخطبها ..ومن ارجع اتزوجه ..وتفقنه ان يقنعكم انه رايدها ..وكال راح اجمع معلومات عنها ..
وبعدها اجاني كلي انساها وهاي ماتفيدك ..طبعا اعترضت وكتله انطيني سبب مقنع واني اتركها .. بس كالعاده ماهتم بحجي ..اني بقيت مصر علي راي ..البنت بعدها ختفت ب٣ ايام .. وراها رجعت قالبه علي حتي ماراضيه تباوع بوجهي ..عرفت اكوا سبب جنه علاقتنه كل زينه ..كلت اكيد مهددها حتى تبتعد عني ..بس من راقبتها بعد ماشفت لبسها تغير وحتي تحجبت شكيت اكوا شي صاير

بس تفاجت بهذا السافل متزوجها ..ومسكنها بشقه وتردد عليها كل فتره ..من بين كل نسوان مااجه غير علي المريه الي حط عيني عليها ..ليش يعني حتى تقهرني لو تنافسني ساقط ..والله اليوم اموته خلاص ..

كلنه بقينه مصدومين ..اني ماعرف صدمتي بيمن بزواجه لو بتصرفه ويه اخوا ..معقوله هذا شهاب ..احس اديني كامن يرجفن الحالهن ..معقوله تزوج نوب لا وحده حاط اخوه عينه عليها .

علي صاح ..بويه انتم من كل عقلكم ..كل هاي واحد راح يكتل الثاني علمود مره ..باوع علي خالتي وحجه بعصبيه .. افرحي خلفتي زلمه عليهم العتب ..متذابحين علي حرمه ..

زيدون .. انه موبحال المراه .. خلي تاخذ المن ماتريد ..بس مواخوي ..انه حجيله عنها واكله اريد اخلص عمري وياها ..يروح ياخذها ماعنده غيره يزوج وحده اخوا يريدها..

ماحسينه غير شهاب جفت زيدون وكعه بالكاع ..وكعد علي يخنك بي من ياخته ويصيح ..ولك منو ماعنده غيره .. ولك انه لو ماعندي غيره جان خليتك تاخذه ..بس ادري بيك اغم ..ومضحكه مال نسوان اخذتها اني ..

علي راد يفكهم ماكدر وزيدون حاول يخلص نفسه من ادين شهاب بس هم ماكدر .. زيدون صح اكبر منه بس شهاب اضخم واخشن ..زيدون ضعيف كلش ..ومابي حيل بحيث كام يلهث .. بس شهاب ضخم وتكول وحش من يجفت واحد .. اثنينهم ماكدروا يسحبوا ..
تالي دخلت خالتي كامت تصيح ..انهجم بيت النسوان ..شلون خلن الاخوه تتذابح بينهم ..شهاب والله الماعفت اخوك لغضب عليك ليوم الدين ..




شهاب نهض من زيدون ..وزيدون استغل الفرصه وضربه بوكس لشهاب ..وهم تلزموا ..واحد يخنك بالثاني بس شهاب مسيطر على زيدون بحيث زيدون وجهه نطعن وهو اصلا اعصاب صاير ويرجف ..وكته كلش استخطيته وحسيت شهاب ظالم ..شكد حقدت علي ..حرمات كل لحظه حبيته بيهاا ..خالتي كام تصيح ..وتدافعوا ..علي فكهم ..وصاح بشهاب .كله انت متجوز والغلط راكبك من ساسك الراسك .. كلي شني سبب تروح تاخذ البنت الي يريدها اخوك ..لا وجايبها وجاي علينه احجي خلي شنو موجنت كارهه طاري زواج بوويه شجرالك هسه ..

شهاب ببرود .. هسه ماكدر احجي سبب ..بس لو تسمع تعذرني شغله صارت واني عندي غايه بيها ..خلوني اتصرف بكيفي ..لحد يدخل

علي ..شنهي مالنه دخل بيك ..طالع من فطر الكاع ..لو مالك رداد ..لوتحجي شنو سبب الخلاك تتجاوز على اخووك لو بعد رجلك ماتعتب هذا الباب ..وتنسئ عندك ام واخوان ..

شهاب باقي بنفس بروده ..انتم ليش تضغطوا علي ..تروكني لحالي اني اتصرف ..اني موطفل هستوه جاي يتعلم.. بوويه اني لزمه اعرف شريد وجاي اسوي

علي التفت لخالتي ..سمعتي رد ابنج ..يانعم التربيه ..والله وطلعتي زلم علينه..

ماطول هجي روح اتصرف وحدك ..بس ممنوع يوم دك علي وتكلي تعال ..وممنوع رجلك تعتب باب هذا البيت ..روح تصرف وحدك دامك تدري جاي تسوي ..

شهاب ..ابو حسين .. تطفني من بيت ابوي

علي صاح بيه وصار عصبي ..وحط طلقه بيك هم ..اني الي يطلع من شورنه ويروح بكيفه وتصرف ويغدر بااخوا ويظلم بنت عمه ويه ..مااتشرف بي كوم يالله واخذ هاي البليه الجبته وياك ..يالله لاقسم بالله اخلي طلقه براسك هسه..

شهاب كاام وصاح عليها وطلع ..بسرعه عصبي وركع باب المطبخ وراه كل قوته وحرك وراح بسيارته ..

راسا علي وكع على قنفت التخم ولزم صدره ..علي اصلا مريض عنده تضخم بالكلب ..وانخفاض بضغط الدم ..علمود هاي ابد محد يجهده ولايصدمه بخبر ولاشي

عفنه كلشي وركضنه علي ..وهو صاح مابيه شي لاتخافون هيج الم بسيط ..بس مبين حتى داخ بعد ماايتزن ..خالتي كامت تلطم وتبجي ..وهو يكله يمه شبيج مابيه شي على كيفيج ..اباوع على زيدون كام يرجف وبالقوة مسيطر على اعصابه ..بس علي ضغط علي ..كله كافي ..وياشره علينه ..بمعنى راح تخبلهم ..اني عيوني اصلا يردن حجه كامت دموعي عشره عشره ..بس رقيه سانده علي ..وتعيط علي زيدون تكله اخذه للمستشفى بسرعه ابد مابجت ..

اخذوا ..وخطيه لكوا ضغط هواي هابط ضربوا ابر ..وشاديله مغذي ..وجابوا علينه وخلته خالتي بغرفته وسوتله خيار وحطت بيها ملح شويه ..
بيومها بات يمنه ..كال مابيه اروح هناك ..ولابيه احجي عاد خالتي خابرتهن نسوانه كلتلهن بايت اليوم هنا ..

ماغاب لحظه من بالي بقيت بحصرتي فرحتي مال نجاحي راحت وتحولت ماساة كامله ..شبعت بجي واجتي رقيه تحظن وتبوس بيه ..كلتلي هم الخسرانين صدكي باجر عكبه يتندموا ..بس انتي لاتضوجين نفسج ولاتقهرينها ..خليج مثلي ..لبسته مثل النعال صح حبيته بكد الهواء وجنت اتمنى اكضي عمري يمه ..بس ولج فكري بعقلج الي شتريني اشتريه والي بيعني ابيعه ..انسي وعيشي حياتج وفرحي بناجحج الشي حققتي انتي بارادتج وهو المهم ..




حجيها طمني بس يبقى بداخلي جرح جبير والم مايطيب بيوم او يومين .. مامقسولي افرح وهل شي جربته بكل مره افرح يصير شي يخرب فرحتي ..بس التهيت بيومها بحجي رقيه وهي تحجي وتبجي عفت نفسي وبقيت اسكت بيها واهديها ..

&&&&&&&&&&

امل ..اسمي امل رائد عمري ٢٨ سنه دكتوره جامعيه بجامع المستنصريه بغداد من سكنت الكراده ..اعيش ويه ماما وبابا عندي اخ اصغر مني عمره ٢٢ سنه عايش بالمانيا متزوج هناك وعنده اطفال اثنين ومستقر ..كل فتره نطلع نشوفه ونرجع ..مطلقه تزوجت اول ماتخرجت بقينه سنه ونص ..ماعجبني اسلوبه ..وحياته وكله يسوي لزم امه توافق علي ..كرهته وتطلقة منه وحلفت ماتزوح بعد اذا موشخص اكون اعرف كلشي عنه ..ويعرفني كل زين ويعرف شحب وشكره ..المهم بعد تقريبا فتره سنه بدا يداوم ويانه بنفس القسم طالب ماجستير ..كلش حباب وراقي ..بالبدايه جانت بيني وبينه مجرد سلام ..اكثر من مره حاول يلمح انه معجب بيه ..بس بصراحه من عرفته شروكي ..وساكن العمارة ..ابتعدت عنه ..حتى صرت اتجنبه

لان عادتهم وتقاليدهم ..واسلوبهم غير عنه اني اصلا ماخذه حريه كامله بالبس وحتى اطلع وين مااحب ..اهلي ماايدخلون بي ..بس بعدين اكتشفت ان عند خواله ببغداد ..وهو اصلا عايف محافظته وعايش هنا وحده ..اطمنت شويه ورجعت علاقتي بي ..بس كان مجرد مجاملات واحديث وديه ..ماوصلين اكثر من هيج ..بس جنت احس بي يريدني بس منتظر ياخذ الدكتوراه ويفاتحني ..واني هم ماعترضت

بس فجاه بيوم اسود نقلبت حياتي ..بسبب هل الهمجي هذا الي اسمه شهاب ..جاب عصابته للبيت ضرب بابا وسب ماما ..واخذني غصب ..ونوب تزوجني وفرض علي اتحجب واني ماحجيت خوفا على حياة اهلي لان عرفت باامي شارده من والده بعد ماتزوجها وابوي مهزمها وبعدين من تطلقت تزوجوا .. بحكم عادتهم الفاشله وتقاليهم المتخلفه ..لزم ماما وبابا ينقتلوا ..جنت محتاجه وكت حتى افكر شلون اخلص من هذا الهمجي ..

فجاءه اجه وكلي كومي وياي ..من سالت وين ماارد علي ..وطلع بينه على العمارة ..من وصلنه شفت بيتهم صح جبير وحديقتهم كلش حلوو ..بس ناس هناك مو مثلنه ..بحيث اول مانزلت بقن يباوعن علي احسهن راح ياكلني ..كعدت وهن صافنت بوجهي ..ومن كالهن مرتي تكول دعمتهن سياره ..

اكبر صدمة حسيت بيها وكت العرفت بزيدون اخو هل همجي هذا ..زيدون هادئ وعاقل ورزن عكس هذا بس يصيح ويتامر ..ونوب مايباوع علي ومن اسال مايرد
من وصلنه بقى واحد بعدين عرفت اخوا ..يصيح علي ..شويه ودخل زيدون وصاروا يضربوا ..واحد يسب بالثاني

شكد همج ..ولعبت نفسي منهم كلهم ..ردت انهزم منه بس خفت على اهلي ..اخر شي اخو طفه ..من بيتهم
اجه اخذني وهو يصيح ..واني شكوا اووي شكد مله تعبانه بس كيفت رجعني للشقه بغداد ..

بقى يضرب الطريق كله بالستيرن مال سيارة ..وعصبي ذبني وراح ..بقيت يوم وثاني يوم ..حاولت افتح الباب مقفول .. جعت دورت شي اكول ..ماكوا بقيت ادور بلكي اكوا جهاز موبايل بالبيت شي ..مالكيت شي ..متت جوع يوم كامل بلا اكل يوم ونص
ثالث يوم بليل سمعت الباب انفتح ..ركضت لكيته دخل وبيده علاكه ..شمره هي وسويج على ميز وكعد يتصرف ولاكانوا عافني يوميا بلا اكل بطني جانت تقطع بيه




صحت ..انت شنو من بشر ..ماكلت اكوا انسانه هنا ..تريد تاكل تشرب ..وبعدين شكوا تقفل الباب ماراح اشرد يعني انت حط ايدك على اهلي وين اولي اني بس احسب صار شي بشقه حتركت ماراح اكدر اطلع لان حضرتك قافله علي...

ماحسيت غير كمز من مكانه ولزمني من شعري وحجه من بين سنونه... صوتج مايعلى لاكسر راسج ..وشغله ثاني اقفل الباب اعوفه مفتوحه اني حر ..وانتي لاتحسبين نفسج زوجتي ترى حالج من حال الفصليه ..وتعرفين شنو فصليه يعني ماله اي حقوق ..بس تكعد وتسكت

فلت شعري ..وراح يمشي للغرفه وسد الباب وراه ..جان شكله كلش تعبان .. ونزلت للكاع ..شسويت يربي وهيج يصير بيه ..شنو ذنبي
بقيت مكرفه على نفسي ودموعي نزلت و تقريبا ساعه .. كمت غسلت واجيت فتحت العلاكه كتلني جوع بعد ماتحمل ..
لكيت لفات كص ..ومقبلات وعصاير ودجاج شوي ..طلعت واكل ..صرت كال منه وكال شويه منا احس نفسي صرت همجيه ..كل من وراه هل همجي

كملت وبقيت افتر ساعات بالشقه وهو بالغرفه ماطلع ..رحت فتحت باب على كيفي ..باوعتله جان نايم بطرك الشورت مالته ..وحاط ايده على عيونه ..بقيت اباوع علي شكله جسمه رياضي ..وهو طويل وضخم ومعضل .. سديت الباب بسرعه
بقى ثاني يوم على نوم وحده يمكن مانايم زين... كعد الظهر جنت جاي احمي الدجاج حتى اتغدا
دخل للمطبخ بلا مايباوع علي ..غسل وجهه وكعد على ميز ..ناش الخاولي من على كاونتر وتنشف

صاح ..وين الاكل ..صبلي جوعان

باوعتله ورفعت حاجبي ..بالاول الناس تكول صباح الخير مساء الخير ..وهياته الاكل راح يستوي

شهاب ..دصبي بلا لغوا زايده

كمت طلعته ..وطلعت صمون هم جنت حاميته هو جابه ويه هم ..وكعد ياكل ..كعدت مقابيله وهم كمت اكل ..بقيت كل شويه اختلس النظر اله ..ماجنت مركز بي ابد

اباوعله بقيت صافنه شكله شكد جذاب ..عيونه كبار ونرجسيات ..وشعر ناعم ونازل على كصته مهوش ..تقاسيم وجهه كله بارزه ..وخشم وعيونه ناعمات ..بقيت كل شويه اصفن بي .. يربي شكله حلوو لو ماسلوبه الهمجي جان صار شخصيه خياليه...

باوعلي لكني صافنه علي ..شنوو لزم عجبتج ..هواي تصفنين بيه

بسرعه غيرت نظري على الاكل ورديت ..لا بس اباوع واحجي بداخلي ..شلون بشر هيج ياكل ومرتاح ..وهو تهجم علي بيت شخص ثاني وضربه وهانه. زوجة وخطف بنت ..اخو تعارك ويه ..اهل طفوا من بيتهم ..ويتصرف يكل هذا البرود

سك سنونه علي وحجه .. كلمة ثاني اكوم اسحلج هنا .. هذا الشخص واحد ساقط وماعنده غيره ومرته موشريفه لو شريفه ماتنهزم من رجله ويه واحد ثاني ..واقل شي سوته اخذت بنت بس انه مو ناقص كتبت عليها على سنة الله ورسوله ..ماخذته من رجله ونهزمت
واهلي لاتدخلين. بيني وبينهم ..

كاام غسل وشمر الخاولي حيل على ميز ..اني بقت بس دموعي تصب .. جنت اتمنى ارد من حجه بس خفت منه ..بعد دقايق سمعت الباب نركع وطلع ..




نزلت للكاع ابجي وشهك ..وتالي شلون راح بقى ويه يربي خلصني ارجع لاهلي .. شبكت رجليني وبقت ابجي
وكتها بقيت يوميا وحدي .. جان اكوا مسواك جايب ويه
بس متت من الضوجه والوحده مامتعلمه ابقى هيج ..

&&&&&&&&&&

شهاب ..

بعد الصار كرهت الدنيا ونفسي .. اريد احجي وكلهم بس ماكدر احجي جان لزم اني اتصرف وحدي ..زعل علي مني وزيدون اذاني كلش .. والاصعب امي ادك عليه ماترد علي ..بقيت ادك صبح وليل وماتشيل ..
تدمرت نفسيتي حتى نوم ماانام لوساعه لو ساعتين ..رحت على بيت فاتن ..طلعت سلمت علي وهم بقت تحقق وياي بس مانطيتها. نتيجه ..سالت على اهلي وامي كالت زنين ..ورادت تحجي شي بس امير سكتها ..وكلي اطمن يوميا نخابرهم كل الزنين
حاولت احجي ويها عن طريق موبايل فاتن بس سدته اول ماسمعت صوتي

اختنكت وكرهت الدنيا اني كلش متعلق بامي احسها الهواء بلياها اختنك
ترخصت من امير وفاتن رغم جلبوا بيه ..بس جنت مختنك اول ماركبت السيارة وحركت نزلت دمعه..مسحته بسرعه وباوعت على طريق ..واتذكر امي واهلي اقرب شي لي من ماهم مو بحياتي احسها فارغه وضلمه
شلون ارجعهم الي وشلون اقنعهم ارجع للبيت
ثاني يوم رحت مهند كتله حاول تحجي وياهم .. بس مهند ماانطوا اثنينهم مجال ..جنت متاكد ماراح يسويلي شي ..مهند رغم دكتور بس حجيه مايعرف يحجي ..ماعنده سلوب اقناع ولا يحب يحجي هواي كلامه مختصر مفيد

تركت ورحت الفاتن ..فاتن عكسه تمام بس تحجي وتخرط بدون فايدة .. وكالعاده خيبه جديده ماانطوها مجال ..

بقيت اكل بنفسي وبس افكر ..نوب من دخل شقه واشوف هاي بيها اضوج اكثر واحس استعجلت اتزوجت جان اكدر ابعدها عن زيدون بطريقه ثانيه ..

كل يوم احاول ماستسلمت جان لزم اخذ فرصه احجي وياهم ادري بيوم العركه جنت ماادري بنفسي بس هواي خربطت بالحجي ويه علي ..وهو حسابه اب مو بس اخ

قررت اروح احجي ويهم وجهه لوجه احسن .. ثاني يوم طلعت من الصبح الطريق كله افكر واحسب بيها ..تصرفت بستعجال جان اكدر اسوي الف حل ولا هيج اخلي نفسي بموقف ..صح ردت اشفي غليلي من امها وابوها وعذبهم ..بس نسيت اخوي تعذب اكثر وهو يشوفني خاينه وماخذ البنيه العينه عليها ..

وصلت للبيت بالعاده احنه نخلي حارس للبيت انطي راتبه كل شهر لان دنيا تخوف مو امان وهن بس نسوان وحدهن فاول ماوصلت اشرتله ركض فتحلي الباب .. دخلت من باب المطبخ عندي مفتاحه ناسخه بجيبي ..دخلت صنته ماكوا احد جانت تقريبا الساعه ب١١ ..باوعت جداري الطبخ تفور علي نار يابه صار هواي ماماكل اكل بيت بس افتر واكلي اغلبه بالمطاعم ..

دخلت جنت لابس بنطرون وقميص ماالحكت ابدل ..فتحت غرفه امي جانت نايمه ومنداره للجهه ثاني تقربت منها شكد مشتاقلها ..ومشتاقه انام بحضنها
كعدت جوها على ركبي هي غافيه ..اخذت ايدها وبستها
شويه وندفعت الباب ..باوعت بسرعه غاليه بقت مصدومه وتباوع علي ...اتقربت مني وحجت بصوت ناصي




غاليه .. شهاب شسوي هنااا

رديت عليها .. ليش شنو الغريب بالموضوع مو بيتي هذا
غاليه .. بس خالتي تعبانه ..وخاف تشوفك وتتعب بالزايد
شهاب .. شنو شبيها امي
غاليه .. مابيها شي ..شويه تعب وقلق
عليت صوتي ..شلون يعني تعب وقلق ..يعني امي مريضه ومحد حجالي .. ليش محد كال

علي صوتي وحست وامي وكامت رفعت نفسها تريد تكعد زين .. اجيت اسندها ماخلتني دفعتني ..تقربت منها غاليه وسندتها ..

شهاب .. يمه شبيج ..صدك مريضه ..وليش ادك ماتفتحين علي خط ..ترى انه ماسويت جريمه

امي ..ماعليك بيه لاتحسب عندك امك بعد ..ليش السويته شويه هيج هان عليك اخوك ..تحرك دمه وتوكع دمعته.. لو اخوك الجبير بحسبت ابوك راد يموت من وراك بيومها .. هيج جازيهم ..هذواله ربوك وانت بعدك ماخطه شواربك ..تاليك كبرت وكبرت عليهم ..لو هاي المسكينه اليوميا حاركه كلبها بمراه جديده ..روح من كدامي ما اريد اشوفك بعيني

شهاب ..يـيـمه والله موبقصد ..اني مااردت ايصيركل هذا ..بس اعترف استعجلت وتندمت ..انطيني فرصه اصلح الصار .. واني لو حجيتلكم راح تفهموني

ام علي .. روح يمه انت كلت لحد يدخل بيه اني اعرف اتصرف .. لاتجي هسه وتريد تبرر ..روح اطلع مااريد اشوووف وجهك على الحرگه حركت بيها كلوبنه ..بعد ماااريد شوفت وجههك

امي كامت تصيح ..واني حاول اهديها ماانطتني مجال احجي ..اجتي رقيه عللى صوتها وصاحت بيها هي وغاليه ..طلعنه بره غرفتي ..مااريد اشوووفه

ماقبلت اطلع ..بس رقيه سحبتني من ذراعي وكلتلي تعال هنا لايروح يصير بيها شي ..
دفعتني للمطبخ وكعدت على كرسي لزم راسي .. ليش هيج ماعدها ثقه بي ..مانطتني فرصه احجي حتى

رقيه ..خوويه خلص روح ..انت اختاريت طريقه وتزوجت بدون حتى ماتبلغ اهلك ..بعد عوفهم لاتبقى تلح ..امي بسببك مرتين تخربطت علي نقلنه للمستشفي كله من قهرهم عليك .. اترك سالفه تبرد عود يحلها الف حلال

مااجوبته ..عافتني ومشت بقيت كاعد مادري شسوي مو هين علي اترك امي وروح وهي زعلانه مني

غاليه ..طلعت من غرفة خالتي بعد ماخليتها ترتاح وتكعد ..بس ادري ماراح يرتاح كلبه مشتعل نار وحقها ..اني صرت مادري اوسي نفسي لو الي داير مدايري

باوعت لكيته بعده كاعد بالمطبخ ..وحاط ايدي على راسه ومنتجي بعكوسه علي ميز ومدنك .. رغم كل الصار كلبي رف علي .. واستخطيته واتمنى اكوا سبب الكل سواا
تقربت جنت اريد اسال ..بس شلون كرامتي ماتسمحلي احجي حتى ويه ولا ابوع بوجهه بس شكله منكسر واول مره اشوفه هيج مو مال واحد متزوج وفرحان
كعدت على كرسي بصفه واني مرتبكه بعدين طلع بالقوه صوتي ... ليش... شنو السبب

شهاب رفعت راسي علي صوت غاليه باوعت ..شنو ليش

غاليه .. ليش تزوج وحده ماتريده مره ثانيه




شهاب ماعرف ليش بقيت صافن اخذت نفسي ..ضروف جبرتني ..اضطريت اسوي هيج ..

غاليه .. وانت راح تبقى حياتك تمشي هي وضروفها ..مارح تحسب حساب للجاي بعدها... ..شنو ضروفك الجديده

شهاب ..ملاحظه نفسج ..جاي تحسبيني
غاليه .. هم صح .. شدخلني اني ..

غاليه ماراح يتغير ..كمت من مكاني وكلت بكلبي مايفيد حتي الحجي ..ردت اروح بس قبل ما اطلع لزم ايدي ..باوعت على ايده ..سحبني وكعدني على كرسي بصفه

شهاب من كامت تريد تروح حسيت ان اريد غاليه تعرف كلشي ..
وعجبني تصرفه ببرود مامبينه متاثره بزواجي ..

شهاب .. مو قصدي ..راح احجيلج الصار كله ..بس الي راح اكوله يبقى بيني وبينج ما اريد احد يعرفه سمعتي ..واريد تحجين ويه امي وتفهميها غاليه ..اي احجي ..فظه
شهاب ..لج احجي عدل ..
غاليه بلعت ريقي... اي موقصدي بس سويتها شطولها ..احجي يالله لاتخاف محد راح يعرف
حجيت كلشي لغاليه ..وهي جانت اول شخص احجيله غير جهاد وامير ..

غاليه نصدمت من عرفت بنت مراة عموو الشارده لا واستاذ شهاب راح تزوجها باوعت علي وقفت على حيلي ..كون البنيه طلعت حلوة فكلت خوش فرصه اجتي ..فتزوجتهاا ..والله لو شكله مرعبل جانت هم اخذتها لو فكرة تزوجها ..

شهاب كمزت لزمتها من ذراعها ..لج لاتصيحين تردين تفضحينه ..بعدين وعلي اكسر راسج علي هل حجي ترى الحلوات تارسات الشوارع مابقي على بنت النعال هاي ..بس كبري عقلج شويه بحياتي فكرت بوحدة من افكر مالكه غير الي امها انهزمت من ابوي ..والي اخوي حاط عينه عليه ..هيج تشوفين عيني فارغه وماعندي غيره

غاليه غطيت بخجلي ..صرت قريبه منه كلش .. وريحته صارت تهف علي دخت وماعرف اتوازن بعد .. يالله شهل المصيبه مالتي شبيه انسى نفسي بقربه اله جاذبيه غريبه تشل عقلي وفكري ..نسيت حتى شنو جنت احجي لو هو شحجه بس دنكة وكتله ... اسفه ..موو قصدي

هدني وكعد ..حجه ..اكعدي

ماكعدت بقيت واقفه .. ماعرف ليش هيج اني ضعيفه كدامه بكلبي جان كومه حقد وحجي وجنت اريد بس اشوفه اثور بوجهه هسه كلشي طار وراح ولاعبالك شي صار شجاني يالله علي وخالتي احسن مني ثاروا علي واني مااجاي اكدر ..جفلني صوته ..

..صاح كعدي مواحجي وياج ولج

كعدت بالكرسي البعيد عليه ..وحجيت واني حاول ماارتبك .. شنو شتريد مني انت غلطت ويه الكل ماجان لزم تظم عليهم ..هم حقهم يعرفوا كلشي

شهاب تحجي وهي تخاف تتقرب مني .. كاعده بعيد ومبين عليه متوتره ومرتبكه وتفرك بديهه وبالقوه طلع الحجايه ... رغم الي بيه بس ابتسمت من تصرفاتها ..وكمت وكعدت بالكرسي البصفه وتقربت منه وحجيت بصوت خافت ...شبيج تخافين ماراح اكلج ترى

غاليه يبوو .. ماعرف شصار بيه ..صوته وهمسه خلاني دايخه وماجمع ..خجلت وصرت حمره ماعرف شسوي بعد واصلا تيهت كل الحجي... وماكدر اباوع بوجهه اخجلت كلش .. من يصير يمي اضيع الكوا ماكواا
مارديت علي بقيت ساكته .. افرك بديني من الخجل
شهاب ماعرف ليش عجبني خجلها مني رغم كل العمر عايشين سويه ..بس دائما جانت مبتعد عن الكل وعايشه وحدها ..ماتقرب من واحد زياده اول مره ا تقرب منهاا ..

حجيت بصوت خافت ..غاليه ..شكلج مااضايجه وجاي تحجي وياي عادي ..ومع المفروض انت اول وحده تضوج وتزعل ..وجاي تعرفين اسبابي ..كنماا تعرفين سابقاا اكواا سبب

غاليه رفعت راسي اباوعله .. مبين عليك مجبور عليها..نظرتك نفسه مثل مااهي ماتغيرت ..

شهاب استغربت .. يعني شلون

غاليه .. يعني ..نفس نظرتك الي ..والدموع ..وهسه هم نفس نظرات .. مبين شكلك مال واحد ضايج مو فرحان

شهاب بتسمت على كلامهاا .. لاا مبين مركزه هواي على نظراتي..

غاليه بخجل ..هاااا ..لااا ..موو..

قاطعتهاا .. تقربت حجيت بهمس .. بس ..غلطتي ..نظرتي مووحدة ..

غاليه من همس قريب مني خجلت وعظيت على شفتي من توتري .. وبقيت ساكته ..انعكد الساني ..

شهاب بقيت صافن على حركته .. وخجلهاا وخدودهاا صار حمر .. بعدين انتبهت على نفسي ..وكمزت ..احــم ..

.جااا انه ..راح اروح هسه وانتي حاولي ويه امي هي وتاخذ بكلامج ..ومن اتصل جاوبني وبلغيني كل الي يصير ..واذا صار شي رمشيلي انه ادك..فهمتي لو اعيد
غاليه ..اي مااشي
كمت وطلعت اريد اروح بس تذكرت شغله ورجعت ..لكيت غاليه واقفه تغسل على سنك من شافتني نزت

غاليه ..يمه ..انت مو طلعت شرجعك
شهاب ..جااا شبيج شفتي جني ..روحي جيبلي من ملابسي بسرعه ..
غاليه ..اي لحظه ..

رحت ورجعت وراه عشره دقايق ..حطتهن بجنطه مالتي مال عسكريه ..
اخذتهن وطلعت ..وصلت بغداد تقريبا ساعة ٦ مغرب ..رحت كبل لبيت فاتن اكلت وسبحت وبدلت وطلعت ..اني وامير فترينه ودكلنه نشرب اركيله بالكازينوا
رجعنه بليل كلش ..بيومها جنت مقهور علي امي وبالي يمها ..باوعت ساعه ب١١ دكيت عليه كلت بلكي حن كلبه علي وترد...

يتبع...
الكاتبه بنين الطائي

🦋🦋..................... ........... ..🦋🦋

[فيتامين سي]

البارت الثاني عشر ١٢

بس بنات اطلب منكم صوتوا للقصه وتعليق ومتابعه لحسابي حتى اكدر استمر بالنشر انشاء الله
متابعه طيبه حبيباتي ❤ 🦋
الكاتبه بنين الطائي
…………………

غاليه جانت ساعه تقريبا ب١١ ونص لمن حسيت على صوت موبايل خالتي جانت نايمه ..واني وياها جنه نسوالف وظاهر غفيت بصفه وبلاماحس ..خطيه مغطيتني باوعت منو يدك بهل الوكت ..لكيت شهاب ..مااجوبت عفته يدك ..جنت متوتره اتمنى احجي ويه ونفس الوكت ما اريد وبقيت بقلق وبالي افكار وين وشسوي بس نفس الوكت ابطل وكول انسي شحصلتي منه
خلصت الدك الاول واكوا صراح بين عقلي وكلبي وبقيت اكل بديني شويه ..ودك مره ثانيه ..بقيت متردده اخر شي فتحت خط اجاني صوته كال الووو ..لو نشليت مدري شبي ماجوبت قفلت الخط بوجهه
احس كلبي صار طبل من الخوف ..باوعت خالتي نايمه وتشخر ..دك نوب بقيت الواب اخذت وطلعت على كيفي لصاله ..بعدين صفنت شبي اني عبالك حبيبي وتختل احجي ويه ..هم ياريت صدك والله اضحك رجلي وماااجرا افتح خط علي مرتبكه منه على ضايجه على ماعرف شريد ..اخر شي فتحت خط وهو هم صاح الووو ..يمه
رديت بصوت متوتر..لا اني.. غاليه ..خالتي نايمه
شهاب ..لعد ليش فتحتي وسديتي الخط
غاليه ..هااا.. لابالغلط انسد
شهاب جنت كاعد بالسيارة احجي ..رجعت راسي على كرسي وحجيت
شهاب .. شلونه امي هسه ..خوماتخربطت لو تعبت وراي
غاليه .. لا زينه .. الحمدالله ..
شهاب ..حاولي تحجين ويه غاليه ..تري تعبت اني احس نفسي مربوط كلها ضدي
غاليه ..الله كريم
شهاب ..ونعم بالله .. روحي كملي نومتج من يصير شي خابريني يالله مع سلامه
غاليه ..مع سلامه

سديت وبقيت صافنه ..جنت اتمنى اساله هو وين ..وجاي يسوي ..اريد اعرف هم سوا لو لا .. بس ماكدرت ..اتمنى اعرف هم يروح عليها لويحجيهاا صدك من كالي ماوصلت يمها وعايفه بشقه وحدها ارتاحيت ..بس لسه بداخلي ناري اتمني اعرف كلشي جاي يصير ويه ..
صرت يوميا افتح الموضوع ويه خالتي حتي ترجع تصالحه بس ماتنطيني فرصه وتكلي نص زعلتي علمودج ..وانتي تردي يرجع ..اني ماكواحد يحس بيه اتمنى يرجع اشوفه كبالي واسمع صوته هاي كافي عندي ..احسن مايبقى بعيد مادري جاي يسوي ..

غاليه بقينه تقريبا اسبوع هو يوميا يتصل يسمع اخبار خالتي وعلي ..وكلشي يصير ..نوبات مرتين يتصل باليوم ..صرت ارد علي عادي مومثل بالبدايه ..بس مانحجي اكثر من ان يسالني واجوبه ويسد ..لحد مايوم لكيت هواي مكالمات داك على خالتي .. بس بيومهاا جان عدنه هواي خطارر .. ولد عمي كلهم وعماتي وعمي ..اجواا علمود يودعون زيدون ..جان مقرر يسافر بعد يومين ..
ماجان عندي وكت ارد علي ..
بعد يومين .. من راح كلمن البيته ..اخذت الموبايل بالبوكه من خالتي .. وانتظرت رقيه تنام .. لان تابعني مثل ظلي ..ماايخفي عنهاا شي .. نامت بالوحده ..

اني دكيت .. بقى يدك .. مااكوا جواب
بالدكة الثانيه .. فتحت خط
كتله .. الووو
رد علي صوت وحدة ..وكالتي الووو ..منو انتي
اني صوتي انبلع بعد ماعرف شحجي ..رديت بغضب .. انتي منوو ..وين شهااب
هي جاوبت .. اني زوجته ..هو بالحمام ..انتي اخته موو
من كالت هيج ماعرف شصار بيه ..جسمي كله كام يرجف ..اريد احجي ..الساني انعكد ..معقولة كلشي كاله جان جذب .. غمضت عيوني وبقت دموعي تنزل لحالهاا من
سمعت صوت حجه ..منوو هذا
جاوبته هي .. هاي يمكن اختك هااك
جاوبني بصوت هادي ..الووو ..رقيه
بغصه جابوبته .. لاااا ..اني
شهاب .. غاليه .. شعجب داكيتي بعد وكت
اتفاجت بكلامه ..واحس بعد بغصه بكلبي ورجفه بجسمي حجيت بصوت مقطع .. اسفه .. اظاهرر ..دكيت بوقت مو مناسب




شهاب .. جااي ..تمسلتين انتي ..شو صار يومين ماجوبين وهسه جاي تكليلي داكه بوقت مو مناسب ..شبيج بوويه مو وكت ثولج هسه

صدك فار دمي ..شايف نفسه .. والله صوجي يعني كلهم صاروا ضدا وعرفوا شنو من بشر ..واني مثل الخبلة بعدين اركض وراه ..جاااوبت ..اي ..صدك ..حقك ..صح اني غبيه وثوله..اعترف ..بس كافي غباء ..بعد ماالي دخل بيك ..ولا الك دخل بيه ..انتهى ..كافي عاد للصبر حدود وصبري انتهى خلص
وسديت ..واني دموعي تنزل واباوع على موبايل واشهق
ماحسيت غير صوت رقيه ..

رقيه .. خلصتي ..بجي ..موكافي ..مية مره حذرتج ..وكعت فجوجي واني احجي ..ابعدي عن هذا البشر عووفي ..ماااجنيتي منه بس الاذى والعذاب ..ماتسمعين مني ..يعني عبالج ماادري بيج ..من طلع من البيت لليوم واني تتواصلين ويه ..

فتحت عيوني باوعتله وحجيت واني عيوني تصب دموع .. تتتدرين ..شلون ..وليش مااحجيتي شي

رقيه .. كلت خليهاا .. تحس لحالها ..جنت متاكده بالاخير مااراح تحصدين غير هل الدموع ..والحصره ..بس نوبات الواحد يحتاج هيج ضربه حتى يصح زين

غاليه .. صدكت كل كلماته .. وكلبي حن اله من جديد .. والله مو بيدي احبه ..شسوي كلبي يحبه ويضعف من كلمه ويسلم كلشي بدون مقابل ..وماياخذ غير الاذى والرفض والبرود
حطيت ايديني على عيوني وصرت ابجي واشهق ..اجتي رقيه تركض وكعدت بصفي وخذتني بحضنهاا

رقيه .. اووف ..سوده عليه .. والله حاسه بيج

غاليه جنت ابجي بحضنها واحجي ..والله ماايجي ربع الي حسيته ..ماتدرين شكد صعبه تحبين شخص وهو مايبدلج بس الاصعب من تلكي بااحظان كل مراه بس اهم شي مو انتي ..هاي المراه ..

رقيه .. بس كافي ..حبيبتي هو الخسران ..يولي ..والله مايستاهل دمعه من عيونج ..ونوب اذا يتصل لاتردين ولاتتصلين بي سمعتي ..

هزيت راسي ..بااي

رقيه بضحكه ..ياالله ..كومي ..واسكتي ..لا اروح هسه بهل ليلة اسحل هو وياهاا الج واجيبهم كدامج ..شسوين بيهم سوي حرك ..طعن بالسجاجين بكيفج ..

ضحكت صدك على حجيه .. هاي على اساس صرتي سوبرمان ..طيرين وجيبهم سحل ..

رقيه ..ولج ..سوبر ومن ..فضحتينه ..بس وحق الله اصيرلج سوبر ومن اذا تريدين
نهضت من حظنها واني مبتسمة على حجيها .. كليلي شلون عرفتي ..جنت اتواصل ويه طول هاي الفترة ..
رقيه وهي رافعه حاجبه .. شنو مو بعينج ..اني ..بعدين حبيبتي انت فطيره وماتعرفين بهاي سوالف ..سهله هاي ..مجرد جنت اخذ موبايل امي ..واقرا المكالمات وطول المكالمة وقتها اعرف كلشي حتى بليل بيش ساعه دكين ..

غاليه شهقت وضربته على ايدهاا ..بيج بله ..ولج اني صدك طلعت غبيه وكلشي مادبر ..

لزمت خدودي وهي تعصر بيهن .. انتي مو غبيه ..انتي طيبه وعلى نياتج ..والي يكلج غبيه هذا هو الغبي لان ماجاي يفرك بين الطيبه والغباء ..
ابتسمت على كلامه ..بيومهاا ..رغم كل الي حسيته نمت واني مرتاحه ..لان اكوا هواي اشياء ربي عوضني بيهاا
يجوز ماكدرت اكسب قلب الي احبه ..
وماكدرت احصل على زوج يحبني وعيش علاقة حب خياليه ..بس عندي هواي ناس حولي يحبوني ويهتموا الي ..وعندي مستقبل كدامي واشياء هواي لزم احققه
بالاخير الحب مو كلشي بالحياة ..لان لو عشنه على شي واحد راح نخسر هواي اشياء
واني خسرت شي واحد ..بس لسه اريد اخذ كلشي اكدر علي ..وحاول اسعد نفسي والي حوالي على كد ماكدر ..




&&&&&&&&&&&

امل .. جنت عايشه ويه عذاب .. ماعنده غير العصبيه والصياح .. مااشوفه كل فتره من يتعب ويحتاج ينام يجي
واذا حاولت احجي لو بس افك حلكي .. مااحس غير على بركان ونفجر بوجهي مايتحمل مني نص كلمه
جنت اكره كلش .. وحاولت اتخلص منه اكثر من مره ..بس جان يعرف كل خطوة اخطيهااا ..مثل جن ..بكلشي يدري ..حتى ناس الي احجي وياهم ..والي اختلط بيهم
مراقب كل تصرفاتي وافعالي ..

بس خلال وجودي ويه .. اكتشفت ان هذا القسوة جوهاا انسانة كلش حنين وعطوف ..طبعااا هذا من خلال
دردشتي المستمرة ويه المفتشه ..الي جان يدزهاا الي يومياا
نوبات تبقى تسوي اكل وتطبخ يالله تروح ..
فكعدت ابوك السانه وعرف معلومات عنه .. وكل حجايه وثانيه جانت تقصلي قصص عن موافقه ويه ناس ومساعدته لكل واحد يطلب منه المساعدة ..وعرفت ان هي نفسهاا جانت تشتغل تخدم ببيوت الناس وعن طريق زيدون تعرفت علي ..
والظاهر ان هو مطلع ابنهاا من سجن ..وقصتلي قصتهم شطوله ..بس فهمت من خلال كلامه ان شهاب ..شخص كلش محترم .. وناس تهابه ..والظاهر اله تاثير كلش قوي
ومعارف بكل مكان ..وهل شي تاكدت منه من كل تحركاتي يعرفهااا ..

مادري ليش بقيت طول الوكت ارقب تصرفاته
شكد احاول افهمه وعرف طريقه اتفاهم ويه ماكوا ..بس احجي كلمة لو حرف يسوي يوم اسود علي
قريت ان اسلوبة همجي .. مايتغير وان كان يساعد ويقف ويه الفقير والمحتاج بس وجودي ويه اكبر غلط اني وهو مثل المي ونار مانتراهم سواا

بيوم جان اخر ايام الدوام ..لان خلص لزم نكعد نعطل
طلعت من الجامعه ومثل كل مره جان تجي سيارة
تاخذني تذبني باب الشقه ..
باوعت شفته سيارة الي جنت انتظرهاا ..واقفه بجهه اشرتلها ..اجتي طبقت يمي
بسرعه ركبت ..وصحت ..اطلع بسرعه ..بسرعه ..
وصلنه مسافه ..وقف والتفت حظني
شمرت نفسي بحظنه وصرت ابجي ..بابااا… حبيبي اشتاقيتلك ..والماما ..
ابو امل .. واحنه اشتاقينه الج كلش هواي ..امج من يوم الرحتي لليوم مابطلت تسال عنج

امل .. حبيبتي ..جنت احجي وياها يوميه من مبايل صديقتي .. المهم ..بابا سويت كل الي تفقنه علي

ابو امل .. اي اطمني ..سحبت كلشي ..وجهزت اوراقنه ..وجوازاتنه وفيزة .. بس باجر الصبح نوصل اربيل..ومن هناك ..بعد محد يكدر يوصلنه نطلع مباشر للخارج

امل .. اخيرا راح اخلص من هذا الكابوس ..احس شي جان خانكني ..بابا ..شكد ماحجيلك ماراح اوصلك معاناتي ويه هل الانسان ..شخص همجي مايتفاهم ابد ومحسسني ان مشتريني بفلوسه لو ماخذني حتى يذلني ويكسركم ..اخ يابابا شفت ايام مجنت متخيل راح اعيشهااااا

ابو امل .. كاافي حبيبتي خلص ..انتهى هذا الكابوس ..وجانت مرحله وانشاء الله عبرنهاا ..كل بسببنه حبيبتي تعذبتي ..بس وعد راح اعوضج عن كلشي مريتي بي

امل .. لاااا حبيبي ماحجيت حتى احسسك بالذنب بس جنت افضفص وياك ..بس مثل ماكلت مرحلة وخلص انتهت ..ويالله ياحلوو نروح لعند ماما اكيد هسه عايشه بقلق وجاي تنتظرنه ..
ابو امل .. اي والله ..ورانه طريق طويل يالله نحرك ..
وصلنه عند ماماا ..جانت تنتظرنه بفندق جان امن حل النه ..طبعاا بعد ماابابا كدر يامن طريق خروجه هو ماما ..
وبقينه ليلتنه هناك والفجر ..طلعنه
والطريق كله اخذنه حجي ..وتفصيل عن كلشي صار بهذي الفترة ..وشراح نسوي من نوصل وشلون نمشي امورنا ..جان بابا مهيه كلشي ..
رغم ماحسيت بتحرري ..وجعت لحظن ماما وبابا ..وراح ترجع حياتي لسابق عهدهاا ..
بس شي بداخلي موفرحان ..واحس حياتي رغم جانت مره وصعبه وقاسي ويه ..بس بيهااا طعم ..شي غريب يجذبني ..مثل المغناطيس ..
غمضت عيوني واتذكرت كل تفاصيله ..عيونه بيهاا نظرة تخلي اكبر وحده تيه كل حروفه ..
شكد جنت السان واكابر واموت ولااحد يقيد حريتي ..
بس ويه جنت منصاعه كلش ..جنت اكدر اسوي هواي شياء بس جنت اطيعه ..واحس نفسي ملزمة بكل كلمة يكولها اله هيج تاثير ماتخليت ان بيوم احد يكدر ياثر علي بهذا الشكل
غير هواي بمفاهيمي ..واول شي لبسي وطريقة كلامي ..ماحسيت غير على بابا ضرب بريك ..




فتحت عيوني ..وحجيت ..شكواا بابا ..شصاير
ماجان يرد علي ..بس عيونه خارج السيارة تباوع ..
هستوني التفت ..ماحسيت غير ملثمين بكل مكان
صرت اصرخ ..واجلب بوب السيارة ..بابااا ..الحكني ..باااااباااا
وهم يسحبواا بينه خارج سيارة ..
بعد ماكسروا الجام سيارة علينه وطلعوااا كلنه
بابا بس يحاول يفتهم شنوو ومنوو هذواله ..صار يحجي وياهم .. مروتكم… تركونه واخذوا كلشي ..مااتقتلوااا
وهم بدون كلام ..سحلونه لسيارتهم جتفواا وسدواا عيونه
وشمرونه وراه ..واسمع بس صوت بجي امي ..وهي تهمس بااسمي ..واسم بابااا
ردينه عليه ..وتقربن واحد من ثاني ..مانشوف بعض لان سيارة وراه ضلام كلش
بقينه مسافه ..وبعدين حسيت بيهم فتحواا السيارة ..وسحبواا
ماما وبابا من يمي ..صرت اصرخ ..واحجي لاااا وين ماخذينهم ..لااا باباااا مااااماااا
حطوااا لازك على حلكي ..وشي على راسي
وبقواا يمشوا بيه ..اخر شي وقفوا ..وصارلواا يمشوا بيه
بس وين مادري
عقلي افترر ..ودخت من كثر مااايصعدوني وينزلوني
مااعرف وين صرت
لحد ما واقفوا ..ودفعوني داخل مكان ..وسمعتهم سدواا بابا وراهم .. وصوتهم ابتعدواا
حاولت انهض ..وفعلا كعدت على ركبي
بعدهااا ..سمعت صوت اقدام اتجهت باتجاهي ..خفت ..ورتعبت ..احس روحي طلعت خلص راح اموت هنااا
بس نسحب الكيس الي على راسي ..وبقيت شويه حاول اركز ..حتى اجمع نظري
وجتي عيني عليه ..فزيت وكعت بالكاع ..ااانت ..شلوون
باوعت لكيت نفسي بنفس الشقه ..وهو كاعد على تخم وعينه مركزه علي ..
امل .. شهااب ..شلوون لكيتنه ..وماااامااا وبااابااا وين ..شسويتلهم
شهاب بهدواء .. لاتخافين ..العار عمر طويل ..ماراح يموتون بسرعه
امل بخوف ..وينهم لعد
شهاب .. انه لو بدلج ..اخاف على نفسي ..بالاول
امل ..بلعت ريقي ..ليش ..شناوي علي .. ترى اصرخ والم ناس عليك
شهاب ..ببتسامة شيطانيه .. يالله توكلي بالله .. منوو راح يسمعج
امل بخوف .. انت .. شتريد منه ..ماكافي السويته بيه ..
شهاب .. لااا ..الظاهر ماجان كافي ..لوماجان عدتي سالفه امج من جديد ..هم نهزمتي من بيت زوجج
امل .. كااافي ..عاد ..امج ..وامج .. الصار الصار ..بعد ..وانت جاي تحاسبني علي .. وبعدين اي زوج هذاا ..تدري تزوجتني غصب .. مااريدك ..ولا اطيقـ….. بعدني مامخلصه الكلمة اجاني راشدي ..ركعني بالكاع

وحجه وهو يصك على سنونة .. مااتتريدين ..سهله ..اني اعلمج شلون تحترمين .. وطعين كل كلمة كوله
الا خليج تتندمبن ..على سويتي ..وكل كلمة طلعت من حكلج ..
لزمني من شعري .. واخذني سحل للغرفه مال نوم ..

&&&&&&&&&&

شهاب .. من يوم مارجعت لليوم ..واني اسمع اخبار اهلي وكلشي عن طريق غاليه ..
بس اليوم جنت ادك هواي بس محد يرد ..
بقيت اليوم كله تقريبااا ..واني حط الموبايل بيدي احاول اتصل عليهم بس محد يرد ..عصبت وجانت اكوا طابوكه بصف رجلي طفرته كل قوتي ..اجتي قريب من جهاد فجاا يمشي علي هو يحجي ..

جهاد .. شنوو ..هاي بمنوو ملتهي من الصبح لسه دك ..وهيج معصب منه ..

شهاب ببرود .. محد ..بعدين منو كلك معصب




جهاد .. لا مبين عليك ..كلش موعصبي ..بحيث طابوكة اجتي تجي براس الا شويه ..جااا لزم ماردت عليك حقك اخر مره لو ماوصلين بالوكت المناسب جان وصلت حدود وطلعت ..

شهاب .. جااي تمسلت انت .. ياااهي هااي

جهاد .. شكواا غير مرتك جديده

شهاب .. يانعال ..اصلااا مو بالي ..ولاتخاف سويتله درس بحيث بعد ماتفكر تعيدهاا

جهاد .. بس كلي تالي شنوو .. انت ناوي تكمل وياهااا لو شنو

شهاب بعصبيه.. شبيك ..شكمل وياهاا وهو اصلا اني بداية حتى كمل ..ترى كل سالفه انت تدري بيهاا

جهاد .. بوويه لعد انه ليش اسالك .. مااصارت سالفه هاي الي ردت سويته ..واهله سويتلهم عبره على سوايتهم ..والبنت خلص تعذبت فماايكفي وانه هم موياك بيهاا لان هي ماله ذنب .. بس خلص السالفه وارجع راضي اهلك احسن

شهاب .. لسه شويه .. لزم يضوكون شويه من نارر الي شفناهااا ..والسنين الجانت تمر على ابوي مثل السم ..لسه لزم يتعذبواا ..وبنتهم لاتخاف عليها مثل امة نسخه وهل شفت شلون انهزمواا لو ماجنت مخلي ناس تابع كل تحركاتهم جان مااعرفنه وين مكانهم اصلاا ..بعدهم ماصرتلهم عبره ..

جهاد .. زين ماكلتلي ..لعد على منو جنت تتصل

شهاب .. على اهلي ..بس محد يرد

جهاد .. ليش شوكت ترضيت ويه عمتي .. حتى تحاجيك

شهاب .. ماتحجيني .. بس غاليه ترد علي

جهاد .. غااااليه ..صدك تحجي

شهاب .. اي… شنووو الغريب بالموضوع

جهاد .. ههههههه والله انتم نكته ..يعني انت طافيك من البيت لان متزوج وحده ثانيه بدون علم اهلك .. ومايحجوا وياك .. بس مرتك الاول تحجي وياك ..وعادي الوضع ..

شهاب .. اي ..لان تعرف كلشي ..حجيتله لان امي مارضت تسمع حرف مني ..وجنت محتاج اعرف كلشي عنهم واخبارهم ..فضطريت اخبرهاا بكلشي ..

جهاد .. اي هيج سالفه ..اي بس محد يرد عليك ..لان الجماعه ملتهين اليوم

شهاب ..ملتهين !… ليش شكووااا

جهاد .. اتصور راحوا ..علمود التقديم مال جامعات ..وهاي سوالف ..هيج سمعت

شهاب .. اااي صح ..نسيت هم نجحوااا ..والله التهيت بالمشاكل ..ومااادري بيهم

جهاد .. انت وين عايش لعد ..طبعااا نجحووا ..غاليه طلعت بالتسعينات واتوقع طلع طب ويه مرتضى ..ورقيه بالسبعينات ..اتصور تربيه ويه حسين ..

شهاب .. هااا ..جااا بيه الخيرر ..

جهاد .. شبيك شكلك مافرحت ..ماتكيف مرتك راح تصير طبيبه ..

شهاب بعصبيه .. امشي نشوف الوضع احسن ..من هل الخرط ..
لزمنه مواقعنه .. واني افكر .. ليش مااحسيت فرحان مادري ..شي بداخلي ضايج ..
ثاني يوم نزلنه ..رحت على امير ..بقينه سواا لليل




اجتي فاتن وجهال بقينه نحجي

شهاب .. فاتن ..شوكت حجيتي ويه اهلي اخر مره وشخبارهم ..

فاتن .. اليوم العصر.. والله هم زنين ..بس

شهاب .. بس شنوو ..ماتحجين

فاتن.. والله يااخوي .. صار حجي وبصراحه اني مااقدر اضم بكلبي بعد ..

امير بسرعه خزره وحجه .. فااتن ..لزمي السانج… والتفتلي ..مااكوا شي خويه لا يظل بالك

شهاب حطيت ايدي افرك راسي ..وحجيت ..احجواا فضوني ..ترى اول وتالي راح اعرف ..بس ويلكم اذا ظامين انتوا الاثنين علي شي ..

فاتن .. خوويه انه ..مادخلني ..لحظه هسه اجيك
راحت فاتن جواا .اني اخذت نفس شكل صاير شي ..باوعت على امير هو شكله يريد ينهزم من نظراتي ..هسه اريد اساله ..

دخلت فاتن بالموبايل وهي تحجي .. يمه ..هذاا هو يمي ..دخذي فهمي ..لاااا انتي احسن ..
انطتني الموبايل فاتن
اخذته وصحت الوووو

اجاني صوت امي استفربت شعجب حجتني ..الووو

شهاب ..همزين حجيتيني ..غير وكعدت اديني ..ادك ومااجوبني ..جاا شلونج شلون صحتج ..

امي ..هلاا ..مااجاي احجيلك لان رضيت عليك ..لا تدري بعملتك السويتهاا مو شويه

شهاب ..جاا شسويت ..اليسمعج يكول ارتكبت جريمة

امي .. والله ارتكبت بس بحقك نفسك اولا وبحق هل اليتيمة ثانياا

شهاب .. شبيج يمه ..ماتنطوني فرصه احجي ..ولا ادفع عن نفسي ..بسرعه حكمتوا علي ..بالاول لزم تعرفين ليش سويت هيج ..

جاي احجي وامير ..وفاتن طلعواا وسدوا الباب وراهم طبعاا امير سحب فاتن وطلعها والا هي حط اذناتهاا يمي ..

امي .. ادري شتريد تكول ..واني ماراضيه عن تصرفاتك ..يعني انت حكمت وحدك ورحت تنفذ هم .. عبالك من رحت وزوجت بنت التكريتيه ..هيج ظمنت حقك وحق ابوك .. تريد تاخذ حق ابوك منهم ..اخذت وزايد ..وخلص كافي ظلم ..ولك يمه انت ابني وقطعه مني لو صار بيك شي احس بيه ..ولمن تظلم احس نفسي اني الغلطانة لان اني الربيتك ..

انصدمت من كلام امي وهي تعرف كلشي شلون ومن كاللها بسرعه اجتي بالي غاليه ورديت… يمه منوو كالج ..شلون عرفتي ..ومن شوكت

امي ..مايهم ياهو الكالي ..المهم انت لزم تعرف ان جاي تسوي غلط واكبر حرام ..انت جاي تكرر غلطت ابوك نفسهاا ..وظلمت هواي ناس اولهم انت والبنيه الخذته غصب من اهلها وبتهديد السلاح واخوك ضلمته وياك .. وبنت عمك ومرتك ضلمته وياك وللمرة الثانيه ..كل هذا وتريدني ارد عليك شلون وباي وجه واني شايفه كل اخطاءك كدامي .. انت بالاول اعرف سالفة كله وبعدين روح سوي الي تريده .. وابوك هم غلط وهواي ..وربك هو ارحم الرحمين يغفرالله عن ذنوب الجميع منو انت وتحاسب اله ..




شهاب بعصبيه .. يمه شبيج .. ابويه انت جنتي ويه لحظه بلحظه .. وشفتي شكد تعذب وشكد انذل .. وكله من هاي الساقطه .. وهسه جاي تكولين هو اذنب ..ترى مايستاهلون هل السافلين كل رحمه .. والصار بيهم مايعادل ربع الشافه ابووي

امي .. شوف شهاب ..اني دكيت عليك حتى اكلك ماعندك غير حلين .. اماا تنهي كلشي سويته وترجع لبيتك ولاهلك ..ومرتك وتتعامل وياهاا بمايرضي الله .. لو تكمل هذا طريقك وتنسى اهلك ..وطلك بنت عمك خلها تشوف طريقه حرام الي جاي يصير بهل اليتيمة

شهاب وهو قابض على ايده بغضب .. الظاهر السالفه كله هناا ..علمود بنت اختج ..تروحين وترجعين على موضوعهاا .. سهله مو تريدينهاا تطلك .. الي تريدي يصير

امي بعصبيه .. والله حرام التعب بيك

وسدته .. بقيت على اعصابي واحس نار بصدري .. اول مره امي تغضب مني وتسمعني هيج كلام .. واول مره تصير بينه هيج مشددات ..

صحت بصوت ..فاااااتن
اجتي تركض ..هااا خووويه امررر
عصرت ايدي بقوة واني احس نار تطلع مني .. منووو الي حجه لامي ..على سالفه زواجي
فاتن كامت تبالع .. والله… ماااااادري… ماااااعرف
شهاب بصوت ..تحجين ..شلوون
امير ركض على صوتي ..وسحب فاتن من كدامي وخلاهااا وراه ضهرهااا .. اهدى وصلي على نبي ..ترى فاتن ماااتعرف شصاير ..اليوم يالله درت

شهاب بعصبيه .. وخرر من كدامي امير .. وطلع مرتك لوتدرون ..وعلي اذا ما حجيتووا ..الا اطبكم واحد على ثاني ..وعفسكم بيدي ..احجوووا

امير وهو يسحل فاتن كدامه واقف لزم جتوفهاا .. لحكي ..على اخوج راح يتحول علينه غول .. كظي يمعودة مابيه حيل ..

فاتن .. اااي هدني .. والله يخووي ..ماادري منو الكالهاا ..بس خابرتني وجانت تحجي وزعلانه .. وتكول ..كافي يظلم بنات العالم .. ويوميا ماخذله وحده بحجه شكل بس حتي… .

شهاب بغضب .. حتى اقهرهم مو .. جااا مايفيد الحجي ويالنسوان .. وانه استاهل بلشت نفسي وياجن

فاااتن .. لحظه ..يخووي .. امي تكول ..ان ابوي جبرها للتكريتيه حتى يتزوجهاا ..وهي جانت ماريدته ..فكالت ان ابوي هم غلط بحقاها ..و… قاطعه شهاب بصوت

شهاب .. بس عاد .. ماريد اسمع هل الحجي الماسخ هذا ..ابوي كلنه نعرف الصار بيه والمر بيه ..بس امي حتى تخليني اتراجع وعوف الي بديته كلشي كامت تحجي ..وحتى لو ابوي غلط بحقهاا ماجان لزم تسوي السوته ماينغفر ونستاهل الموت علي ..مو بس الي سويته شي قليل بحقه هي وهذاك السافل رجلهاا ..
يالله اني مااشي

فااتن ..لحظه ..يخوي اقف ..ابقى وين رايحة لسه ماخلصنه حجي .. لحظة شهااب

طلعت بسرعه وركبت سيارة ..هستوني حركت لكيت امير كاعد بالصدر
باوعتله بخزره ..نعم ..شرايد ماتنزل لمرتك وجهالك




امير بابتسامة .. لاا مالي خلك وجع الراس لان اكيد اختك راح تاكل كلبي عليك ..فكلت اختصرهاا من الاخير وابقى وياك ..

حركت بلا ماحجي .. وبقيت اسوق بدون وجهه بس اسوق .. اريد العصبيه تروح مني .. احس عيوني مغوشات من كثر الضوجه والقهر .. وكلمات امي محفورة بدماغي
قاطع فكري صوت امير ..

امير .. وين راح تظل تفتر بوويه صار سابع مره تدخل بهذا الشارع

شهاب .. مااكتلك تجي

امير .. اي هم صدك ..بس شسوي مجبور نصه صوته وحجه .. هو الله باليني بهاي العائله انت واختك شخلصهاا وياكم

شهاب بخزره .. كلت شي امير

امير .. لااا يخويه شحجي .. عايف نفسي… . بس اكول ليش مانروح نستفسر عن الحجي السمعته ..خلي نتاكد

شهاب .. شقصدك .. وانت مصدك السمعته

امير .. اي مابيه شي نتاكد .. ويمك مرتك ..روح افهم منها كل سالفه .. احسن ماخسران شي

شهاب .. بعد سويته بيها البارحه .. مااظن اخذ منهاا حجي .. يفيد

امير .. عود مية مره وصيتك لاتاذيهاا .. شسويت الله يستر منك

شهاب .. شتريد اسوي مثلا مراه منهزمه من بيت رجلهاا وتريد تشرد هي واهلها ..اطبطب على ظهرهاا مثل

امير .. وبعدين .. مااعندك حل ثاني غير تروح مباشر على ابو الانه ..وتساله

شهاب .. قصدك امهاا .. لااا مستحيل وشتتوقع راح تحجي اكيد من جانبهااا

امير .. ماخسرانين شي ..خلي نروح

باوعت على امير وفكرت بحجي امي وفاتن ..وكلت خلي نشوف تاليهاا .. وتوجهت على بيت اهلهاا

بعد ماطلعواا وجانوا اثنينهم وجوهم صفراء .. وخايفين

ابو امل .. بس طمني بنتي بخير .. خوماا صاير بيهاا شي

شهاب .. لا تخاف عليه مثل امهاا ..مايصير بيهن شي

ام امل .. ادري انت شلون تشوفني هسه .. بس بنتي مالها دخل بكل الصار .. وموذنبهاا .. اترجاك تتركها ..وكافي الصار بيهاا لحد هسه

شهاب .. ماجاي حتى نحجي بهذا الموضوع .. وسالفة اعوفهاا لو لا هاي بقت يمي ..نسيتي هي هسه مرتي ..ومانسي سالفة اخذتوهاا ونهزمتوا بيهااا .. لو انتم متعلمين وعدكم عادي .. واحتمال شايفيلها واحد ثاني وتردون تنهزم ويه .. هو تاريخ يعيد نفسه

ابو امل .. حقك مالومك .. بس لو تسمع كل الحجي .. جان عذرتنه .. وامل من خوفهاا علينه وعلى نفسها رادت تنهزم .. وماابالها غير تخلص من هذا كله وتبدي من جديد .. وهي مامتعلمه على هاي الحياة .. تربت وكبرت على حياة الثانية فصعبه عليها تتعلم على حياتك .. خاصه وانت غاصبها على زواجها منك .. وكل فكرك تنتقم من اهلها .. فلا تلومهااا على هذا القرار





شهاب .. المهم انه ماجاي احجي بهذا الموضوع مثل ماكلت .. انه اريد اعرف ليش سويتواا هيج

ام امل .. قصدك شنوو مافهمت

امير .. شوفي ام امل .. احنه نريد نسمع قصتج انتي وعمي الله يرحمه .. وشنو الصارر

ام امل .. جنت اتمنى تسالني .. واحجيلك كل موقفي يمكن وكتهااا .. على الاقل ماتظلم بنتي وياي .. وتتفهم اسبابي

وقف شهاب بعصبيه .. ترى مااجاي اتفهم شي .. اعرف شغله وحده وهي ان انتي سويتي مااينغفر شماا حجيتي ماراح يعوض الشي الشافه والدي والذل والعار الحس بي صغريتي وذليتي لحد ماتعب وتمرض واخر شي مات وهو مارافع عينه بعين واحد منه ..

امير وهو يلزمني بيدي يكعدني .. اهدى شهاب .. جااي نفتهم شصاير .. ومجرد نسمع محد راح يعوض الصار .. بس خلينه نسمع ..مسحت على وجهي احاول اتمالك نفسي واسمع بدون ماتعصب ..كعدت واحاولت تماسك

امير .. كملي ام امل ..خلي نسمع منج

ام امل .. اني من تزوجت ابو علي عمري صغير بعدني ب١٨ سنه .. بس وكتهااا اني جنت مخطوبة لابن خالتي .. ابو امل .. رائد واني جنه نحب بعض من الطفولة .. ودائما تتردد باذنه امل لرائد ورائد لامال .. وكتهاا ابو امل جانوا من سكنت بغداد .. واني جنت على طول يمهم .. فجنه مانكدر نستغني عن بعض .. وتقدم وخطبني لان والدي سوا مشاكل هواي من سمع بعلاقتنه .. ورفضه لان جان طالب بعده يدرس .. بس بعد اصرار من والدتي ودخلوا ناس وافق .. وبيوم الاسود الي نهزمنه بي من ديرتنه .. جانت ايام سوده .. جنه نتختل بيهااا بالبيوت .. وبفضل اقارب ابوي .. جابواا الشيخ عشيرتهم وكال محد يحلها غير شيخ شاكر .. والكل تحلف باسمه واله سمعته وناس تهابه .. وبقه يتردد على بيتنه هواي .. وبيوم شافني وسلمت علي وحتى وكتهاا شفته رجال جبير وكتله عموو
بس الظاهر ماشافني هيج ..
المهم .. بعد ماخلصت شغلتنه وكدر الشيخ يحل المشكلة بمعارفه وطريقته ..
اهلي كلش جانواا متشكرين منه .. وحاروا شلون يردون فضله ..
فطلب منهم ايدي .. وابوي طبعاا ماصدك ..بنت تاخذ شيخ مثل شيخ شاكرر .. ورغم ان مخطوبة بس انطاني
وحتى اخواني وافقوا .. ومن سمعت تخبلت .. وحاولت المستحيل بس كلمة ابوي هي المشت .. واخذني ابو علي
وعشت ايام كلها عذاب ماكدرت اتقبله زوج واني احب شخص ثاني وكلبي ملكه .. حاولت هواي افهمه بس ماجان يفهم دائما يكلي .. مراهقه هاي باجر تكبرين وتنسين ويصير عندج جهال وتلتهين بيهم ..
حاولت وهواي .. وبدات تبجي .. بس ماكدرت لان ابو امل مو حب مراهقه ولاحجي هذا ربه وياي واحسه جزء مني .. وكلبي صار نار علي ماكدرت
وحاولت اسوي اي شي مشاكل وافرض علي شروط وكلشي حتى بس يزهق مني ويطلقني .. بس مااكوا تحمل كلشي مني .. اخر شي قررت انتحر ..لان لو صار عندي طفل منه جان انجنيت .. وفعلا اخذت حبوب ونقلوني للمستشفى ..
ورائد بوكتها .. جان متخبل من سامع بيه .. ومدور علي بس محد منطي عنواني .. بس من سمع بيه حاولت انتحر ودخلت مستشفى كدر يوصلي .. و
من وصلني .. اتفقنه ان نهرب .. لان اذا ابقى اموت روحي ماكدر اعيش بدونه .. وصدك اتفقنه واجاني اول ماطلعت ونهزمنه .. وبقينه لحد ماتاكد ان زوجي طلقني يالله تزوجنه جنت عايش ويه خالتي .. والدتي تدري بس والدي واخواني مايعرفواا وحرموا علي دخلت بيت وشوفتهم .. ومات والدي وهو غضبان علي .. واخواني لسه وبعد ماايحجوني .. صارت تبجي وتشهق
وتقرب عليه رجله وخذها بحضنه ..
اني ماكدرت ابقى بعد السمعته .. طلعت مباشر .. وامير يركض وراي وحركت وطلعت




امير .. اكول ..شرايك بالحجي سمعته .. هم حقهاا ترى عمي مااانطه فرصه وجبرها للمراه .. و..

قاطعته .. امير .. كافي مااريد اسمع شي ..سد الموضوع
توجهت على جماعتي

لكيتهم بيت واحد من ربعنه مجموعين اسمه سلام ..هذا واحد ماعنده احد ابو مزوج وعايف البيت وامه مزوجه وهم تاركته ..وباقي هو بوحده بالبيت يداوم وينه ..واحد بايع ومخلص ..وين ماتخلي يروح لا يخاف ولايدير بال ..وبيت مخلي كله سكر وطربكه ..مااملتزم بكلشي راكع دنيا جلاق ..رحت لكيت عباس وبعد اثنين كاعدين يمه ضحك وسوالف ..وهو واثنين ويه جاي يشربوا ورايحين بعالم ثاني ..بس يشاقوا ويفشروا ..وهو جايبله وحده بالغرفه كل شويه ودخل عليها ..لعب نفسنه ..وصوتهم يوصل لوين ..وهذواله ناصبين علي ..وهو يضحك

كتلهم انطوني قوطيه ..بقوا صافنين ..ردت اي شي ينسيني هل الوضع الزباله ..بس اكل بنفسي

رد امير ..دخيلك شيخنا انت وينك وين سكر ..

عباس ..دعوفه شكله الزواج جاب مفعوله ويه ..هههههه

سلام ..دعوفه ولد الكح…. خلي يرتاح… هاااك بعد كلبي ..تعال اوديك مكان ..تنسى نفسك بي ..

شهاب… لا مايحتاج بس جيب هاي ..

كعدت اشرب .هم يضكوا هاي تالي تشرد من نسوان وكعنك ..صحت بيهم ولكم تخسون ..ماعشت الي يوكعني شهاب .. بس مقهوررر ..منين ماااوجها سوده مصخمه .. ولكم الحجي… خلص مااايفييييد

جاااا وين ابو العود جيبه يدك هناااااا

عباس… هههههههههه سكر الاخ

شهاب ..منو ولك ..اصلا صاحييييييي ..وجاااااي اروح اجيبه يعزف اااالكم هنااااا

امير ..اي بعد اخوك جيبه نريد طرب علي هل كعده هاي هههههههههه

&&&&&&&&&&&&

امل .. كمت من سرير بعد ماجنت طول نهار بي .. وقررت اسبح .. ودخلت اخذت دوش دافي .. لان جسمي كله يوجعني ..

بقيت بالحوض واني اتلمس مكانات الضربني بيهمن وتذكر وابجي .. شلون هجم علي .. اول مره واحد يضربني بحياتي محد مد ايده علي ..
بس اني مااسكتله وبقيت اغلط واسب بي وبالقوة يالله خلصت نفسي منه ..
طلعت من حوض واباوع على جسمي بالمرايه بي اثار مال ضرب .. الله لا ينطي ياذي بضربه ..
بس اني هم غلطت ماجان لزم انهزم بهاي الطريقه ..بالاخير يبقى هو زوجي .. واذا اظل تعارك ويه ماراح نوصل نتيجه .. يمكن لو احجي ويه بالين والعقل يتفهم ..جربت كلشي بقت على هاي خلي نجرب بلكي يتفاهم ولو شكله همجي مابي تفاهم بس ماخسرانه شي

قطع صوت افكار .. من سمعت يفتح باب البيت
طلعت بالخاولي .. ورحت للغرفه .. طلعت دشداشه نوم خفيفه وقصير .. وربع ردان ..
ولبستها وطلعت لكيت جاي يدخل .. بس مامتوازن يروح يمين ويسار
بالبداية ظنيته مريض واجيت اركض احاول اسنده
امل .. شهاااب .. بيك شي .. لزمت من ايده وسندته

باوعلي وهو يضحك.. ياااهلاا .. وسهلااا .. منوو انتي

اشتميته كل ريحة شرب بعدت وجهي عنه ..اني مرتك .. شنو نسيتني

حاولت اكعده على كرسي بس استند علي وباوعلي من فوك ليجوااا بنظرت تعجب ..

شهاب .. جاااا شووووكت .. كبرتي… توني عفتج ..طفله

امل .. جاي تمسلت .. شنو طفله ..كل هاي وتكول طفله

شهاب .. انه ادررري ..شتررريدين… موعبالج… جاااي تقررين بررراس امي ..تريدين تطلقييين مووو ..تريدين تاااخذين وااااحد ثاااااني ..

امل… اكيد اريد اطلق .. واريد اشوف حياتي .. انتـ….

قبل ماكمل لكيت سحب ايدي وصار عصبي .. مااااكوااا طلااق .. وماااتصيررين لووواحد ثاااني ..اذبحج والله ..انت… الي ..ووووبس

تعجبت وبقيت بس اباوع علي .. وتوترت من نظراته الي والاكثر بقيت فاتحه عيوني مصدومة من اخذني بحظنه .. وصار جسمي كله غاط باحظانه .. واحس بنفاسه صارت برقبتي .. وريحة عطرت سكنت انفاسي .. وذبت بحظانه حسيت بشي غريب .. كنما طفله ولكت الامان ..والحنان شكد احظن بابا بس ماحسه بحظنه بهيج احساس وامان نسيت كلشي وقته وبقيت بس مرتخيه بحظنه ولكيت نفسي ابادله الاحظن مثلي مثل اي امراه تلك رجل يحتويهاا

بعد وجهه عن رقبتي .. وقرب مني وهمس .. اااريدج .. وبنفس الوووكت .. اريد ابعد عنج ..عايش صراح من ورراج

جنت بغير حالم .. وذايبه بي .. وحجيت ..لااا تبعد عني ابد
قرب مني .. وحسيت شفايفه لمست شفايفي ..
وصار يبوس بيه بكل حب ولهفه ..وحنان ..
وصرت بيده مثل عجينه .. ابدله ورفع نفسي حتى اسيطر علي شكد مااكدر ..
وبلا مااحس صرت امشي ويه .. واحنه على نفس الوضع
لحد ماااا… ..

… .... يتبع
للكاتبه بنين الطائي

🦋🦋…………… …………………..🦋🦋

[فيتامين سي]

البارت الثالث عشر ١٣

بس رجاءاا رجاءا اقروا هاي الفقره لان جنت مااناويه انشر وبسبب البطله مااحابه انشر بعد بالقوة قنعتها ابقى انشر .. بس رجاء لا تكتبوا كلام جارح بحق البطل .. كافي احجي والله هاي مو شخصيته بعدين راح تعرفوا حقيقته .. شنو تكتبوا الله ياخذا ليش هل حجي بنات ..معقول تقبلوا واحد يدعي عليكم .. بس حابه احجي شغله صغير كلش ترى اغلب الزلم عدهم علاقات اكثر مماتتخيلوا واذا شهاب تزوجهن فهم يعشوا وياهن بالحرام يوميا وحده شكل وجيبلي رجال واحد منزه وماعند اخطا .. بس اخبركم شي ان شهاب شخص كل شجاع وانسان ماتعرفوا شكد طيب بحيث هو مامنع نزول القصه رغم شكد انتقاد بس هو معترف بكل اخطا وجان يكدر يظم عليكم هواي احداث ومن حقه بس كلي نزلي كلش مثل مااصار .. لان يريد يبين شصار ويه ..بس خلوني اكمل الكم راح تعرفواا
اعرف حجيت هواي بس لزم تعرفوا ان كاعده اعاني من هيج انتقادات جارحه كلش وماحبه انطي بلوك لاحد اريد الكل يستمع بالقراا
اسفه طولت عليكم متابعه طبيه ❤🦋
…… .

وتوترت من نظراته الي والاكثر بقيت فاتحه عيوني مصدومة من اخذني بحظنه .. وصار جسمي كله غاط باحظانه .. واحس بنفاسه صارت برقبتي .. وريحة عطرت سكنت انفاسي .. وذبت بحظانه حسيت بشي غريب .. كنما طفله ولكت الامان ..والحنان شكد احظن بابا بس ماحسه بحظنه بهيج احساس وامان نسيت كلشي وقتها وبقيت بس مرتخيه بحظنه ولكيت نفسي ابادله الاحظن مثلي مثل اي امراه تلكه رجل يحتويهاا
بعد وجهه عن رقبتي .. وقرب مني وهمس .. اااريدج.. وبنفس الوووكت .. اريد ابعد عنج
جنت بغير حالم .. وذايبه بي .. وحجيت ..لااا تبعد عني ابد
قرب مني .. وحسيت شفايفه لمست شفايفي ..
وصار يبوس بيه بكل حب ولهفه ..وحنان ..
وصرت بيده مثل عجينه .. ابدله ورفع نفسي حتى اسيطر علي شكد مااكدر ..
وبلا مااحس صرت امشي ويه .. واحنه على نفس الوضع
لحد ماااا دخلنه للغرفه
وماحسيت غير اني على سرير وهو فوكي .. شلون وصلت مااحسيت باي شي
جسمي .. ويه حسيت ان اني انثى وبيد رجل بمعنى كلمة .. رجل مسيطر بكل افعاله
فقدت كل حصوني .. واستسلمت اله بكل كياني .. بحيث ضعت وبعد مالي وجود كلي صرت تحت رحمته
جان من نوع الزلم الي اذا لمسج يخلي اثر ماتنسين طول عمرج اله سحر بلمساته وخلاني اضيع بكل تفاصيله ..
اول مره احس هل احساس كل جسمي جان متفاعل ويه وكل طاقتي ..خلصت ويه .. بحيث اول مابتعد عني .. صرت بالقوه اتحرك .. وبقيت مكاني .. احاول اخذ نفسي وانهض
لميت جرجف السرير على جسمي .. ونهضت احس بتعب بقيت احاول اخذ نفسي كلش صار مثل الحلم ..
باوعتله لكيت نايم ولا كانوا جان بكل هذا نشاط من شويه
ابتسمت .. وقربت بسته من شفته الي حرمني منهاا طول العلاقه ..
حبيبي يحب يسيطر بكلشي .. بقيت نايمه على صدر .. وبوس بي ..
لحد .. مانهضت بالاخير .. ورحت اخذت حمام .. وبدلت ورجعتله .. بدلتله ملابسه بسرعه ..وترتبت نومته
ورحت نمت واني جنت اتمنى هل ليلة اقضيها بحظانه .. بس مبينه علي فقد .. وتعبان فتركت يرتاح ..
صبح .. لااول مره بحياتي .. نهضت واني نشطه وكلي طاقه ..
دخلت للمطبخ .. وصرت افتر بي .. وحضر الريوك




من كملت ورتبت السفرة .. اتجهت الغرفته ..فتحتهاا ..وعلى وجهي ابتسامة عريضه ..
اول مادخلت تفاجت .. ان ماهو ماله وجود بالغرفه .. كلت احتمال بالحمام .. رحت توجهت للحمام .. دكيت علي بس محد جاوبني .. فتحت الباب ..ماجان موجود ..
استغربت وبقيت افكر .. ياربي وين راح ..وليش طلع هيج بدون مايبلغني .. معقولة تندم على ليلة البارحه ..
لااا بعد السوا وياي وليلة العشت من احلى ليالي عمري ..وكلامه وياي يثبت ان يريدني ومامستعد يستغنى عني

بقيت بقلق .. بعدهاا سمعت الباب تندك استغربت .. منو يدك عليه .. باوعت الساعه بالتسعه .. واصلا ماعندي مفتاح يم شهاب ..
وصلت يم بابا وكلت منوو
ردت علي .. هلوو ست امل ..اني انتصار افتحيلي
امل بستغراب ..لحظة
فتحت الباب ..وانصدم ان ماجان مقفول مفتوح
انتصار .. صباح الخير ست امل اجيت حتى انظف الشقه لان استاذ اشهاب كال راح تتركونهاا
امل بستغراب .. انتصار ..اكدر اخذ موبايلج ..اريد احجي ويه شهاب شويه

انتصار .. لااا ..ست مايحتاج ..وطلعت من جنطتها موبايلي .. تفضلي ..استاذ اشهاب كلي اسلمج موبايلج الخاص
اخذت من ايدهاا واني احاول استوعب الي جاي يصير
بعد بيدي ودك
امل بلهفه .. الووو ..شهاااب ..انتــ…..
ابو امل .. هااا بابا ..حبيبتي شلونج ..شخبارج
امل .. بابا ..الحمدالله بخير .. شمدريك بيه عندي الموبايل .
ابو امل .. شهاب اتصل بيه ..وكال اتصل بيج ..حتى ترجعين للبيت .. وخلص يابابا ..ماعاد اله شي علينه ..قرر ان ينهي كلشي ..وكال باقرب وقت راح يطلقج
امل خذت دموعي تنزل ويه كل كلمة ينطقهاا والدي ..وحجيت ..لاااا بابا ..شهاب مايطلقني ..هو البارحه كالي مااقبل تتركيني ..ماراح تصيرين لاحد غيري انتي الي وبس .. بااابااا ..هو يحبني ..وحتى كلي اريدج من زمان بس جنت مانع نفسي عنج ..وخلص صرت اله ..هوو كلي انتي الي ..هووو ماراح يتركني ..هو يحبني بابااا

ابو امل .. اامل ..اصحي انتي جاي تحجين ..اي حب هذا ..نسيتي هو جبرج على زواج ..نسيتي كل سوا بيج ..موكلتي اريد انهزم وعيش حياتي بعيد عن حياته وكلشي هناا .. اجتج الفرصه بنتي .. كليلي وين عنوانج حتى اجي اخذج ..
امل .. لااا بابا ..اني اريد ابقى ويه زوجي ..واذا هو مارادني هو يرجعني ..اني ماراح اترك بيته
ابو امل .. بكيفج بنتي ..ماراح اجبرج على شي ..بس خلي بالج ..ان زوجج انسان جاف وقاسي وماراح ينسى ولايتخطى الصار بوالده بسببنه لهذا لاتتوقعين ان راح يكون الزوج الي تتمني

امل .. لاتخاف بابا ..اني اعرف شلون اخلي زوج الي اتمنى وانسي كل الصار ونتخطى سوا
ابو امل .. ماشي بنتي .. لاتخبرين امج بهذا القرار حاليا ..واذا سالتج كليله ان انتي بس تحصلين فرصه تحجيلها
امل .. ماشي الله وياك حبيبي
ابو امل .. مع سلامة خلي بالج على نفسج
سديت من بابا وبسرعه دكيت على رقم شهاب بعد ماخذته من انتصار
هي جانت مشغوله تشتغل واني دكيت
اجاني صوته لو حسيت كل جسمي رجف وتذكرت كل لمساته
شهاب .. الووو ..الووو ..منوو
امل برجفه .. الووو اني امل
شهاب .. هاا شتردين ..بعد ..موردت تتخلصين مني ..وهل انه انطيتج حريتج ..وبلغت اهلج يجواا ياخذوج




امل .. لا ..ماراح اروح لمكان ..ولااا راح اطلع من بيتك ..اني مرتك ..وانت زوجي ..وبعد الصار بينه مايحق لشخص يدخل بينه ولاشي يجبرك تتركني
شهاب .. شبيج انتي جاي تحجين ..هو شصار بينه ..وانتي تدرين من الاول غايتي شنو من زواج بيج .. بس خلص مااريد اخسر الناس داير مدايري علمود شي مايسوا ..

امل .. لااا انت جاي تشاقه اكيد .. وكلامك البارحه .. وتصرفاتك ..وليلة الكضينه سواا ..شنو ناوي تنكر هل شي هم

شهاب بعصبيه ..انه جاي انتظري ..مايفيد الحجي بالموبايل
سديت واني افتر معقولة ..لا ماراح اخلي احد يفرق بينه اكيد اهله هم الي ضغطوا علي حتى يتركني ..بس مستحيل اتركك ..
اول مادخل ركضت كدامه ..وهو جان مبين علي الغضب والعصبيه ..
جان بالي اهجم واحجي وماانطي فرصه .. بس وكت شفته نسيت كل غضبي ..وصرت مثل طفله وحاول اتماسك بنفسي ..
امل .. شهااب .. شلون تريد تتخلى عني ..بعد كل الصار ..وبعد كلامك وياي ..انت الي كلت مستحيل اطلقج ..ولااخليج تصيرين الغيري

شهاب وهو يقبض على ايده .. بس ..كااافي ..ششصارر الباررحه .. انه ماتذكر اي شي .. ولا شنوو صار كلشي عن البارحه تبخرر من دماغي
امل بدموع .. انت عترفت ان ماتريد طلقني .. وانت تريدني بس مبتعد عني .. غصب عنك … انت اخذتني باحظانك .. وعشتني احلى احلام .. وصرنه واحد .. صرت زوجتج من صدك وانت صرت زوجي ..وهمسة بااذني احلى كلمات ..

شهاب بغضب .. بس ..انتي جاي تخربطين ..هذا شي مستحيل ..مستحيل اسوي هل شي ..انه مااتذكر صح ..ويمكن ماجنت بوعي ..بس مستحيل اغلط هيج غلطه .. وبالااخيررر راح اتذكررر وياويلج اذا طلع كلامج جذب وكتهاااا راح تتمنين الموووت ..

امل .. ياريت تذكر ..واعتقد انت تحس بداخلك هل شي ..وانت تريد تبقى وياي ..بس من ضغط اهلي واهلك قررت تتركني .. بس اني مااراح اسمحلك ..وراح ابقى وياك وماراح اخلي شي يفركنه

شهاب وهو ينهض ويفرك بوجهه .. انتي جاي تخربطين ..انت تعرفيني منو انه .. اذا ردت شي محد يوقف بوجهي ..ولا احد يجبرني على شي .. ترى كلشي اسوي برضاتي وقتناعي .. وماال قصة انت وانه انسيهاا اصلا انت مو بالي .. ولا راح تصيرين .. وماانسي لحد اليوم سالفتج انت واخوي زيدون .. وحتى لو ادري مابينكم شي لان مستحيل ارضى على نفسي اخذ وحده بينها وبين اخوي شي .. فمراح يجي بالي اسويج مرتي ..ولا راح اقبل تصيرين شي ..بحياتي ..كل الصار هو غلط ..وانه ماجنت واعي وشحجيت جان حجي بدون معنى ..

امل وهي تبجي .. واني كل الي حسيت بي والي حسستني بي جان جذب .. لا اني متاكدة انت تريدني بس واقفه بينه هاي العثرات واحنه راح نتجاوزهاا ووصدكني اني وزيدونـ..

شهاب بعصبيه .. بوويه خلص كافي ..انتي مااتحسين جاي اكول مااريدج ولاعمري فكرت بيج .. وكل السويته ماجان بوعي ..كومي اوصلج لاهلج كاعدين ينتظروج .. وانه راح اطلقج وانتهى كلشي وين ماتريدين تروحين روحي ..




امل بصوت .. مااروح لاي مكان .. وماراح اخليك طلقني .. واذا اظطريت اروح احجي لاهلك وشوف يرضوا بهذا الحجي بعد كل سويته وياي ..جاي تكلي رجعي لاهلج وراح اطلقج .. واريد اشوف من يسمعوا بشيخهم وابنهم هيج يكلي شنو موقفهم

شهاب وصار يغلي نار تقرب مني وجر شعري وصار يصيح علي .. والله رجلج اكصهن اذا وصلتي نص حجايه لااهلي … ما راح خليج انتي واهلج تعشوا يوم واحد براحه .. لو نسيتي شكدر اسوي ..جاي تهدديني نسيتي نفسج انت الظاهر لان شفتيني اخذ وانطي وياج بالحجي

وكتها تاكدت ان شهاب شايل هم لاهله ..وان اهم شي عنده مايعرفوا بالي جاي يسوي

رديت علي بهدواء .. خلص تركني يمك ..وماتتركني ..واني اوعدك اكون الزوجة الي تتمناهااا

قربت منه ..خليت ايدي على وجهه ..وصرت اتلمس بي ..وهو جان متفاجى مني

كتله واني ذايبه بي .. احبك شهااب ..والله احبك واكدر ابعد عنك

هو عقد حواجبه وبعد عني مستغرب وحجه انت ..جاي تحجين ..كل عقلج

مالكيت نفسي غير حظنته وحجيت ..اي كل عقلي احبك ..واريدك بس الي ..ومااريد اي شي يفرك بينه .. مستعده اسوي اي شي حتى ابقى وياك ..

دفعني عنه وحجه ..انت شجاي تحجين تخبلتي اكيد ..مااتفهمين جاي اكلج مااريد اشوفج .. روحي لاهلج وخلص انتهينه ..اي حب اي خرابيط ..

امل .. واني ماراح اروح مكان ..ومثل مكتلك اذا جبرتني اروح لاهلك ..وكلهم على كلشي

شهاب بعصبيه .. ماااشي انت جنيتي على نفسج

طلع وهو عصبي ..وركع الباب وراء .. بقيت اباوع من شباك وراه .. اجه لابس زيه العسكريه وجانت اول مره اشوفه بي .. شكد حلوو وهيبه ..احس رغم كلشي كلبي اول مره يدك هيج .. وماامستعده اتخلى عنه ابد ..

&&&&&&&&&&&&

شهاب .. بعد ماا حاولت اصلح الصار .. وكعدت بمشكلة اكبر .. ماعرف شنو صار بوكتهاا
مركلشي كدامي مثل الحلم .. وماذكر من هذا اليوم الي تهمتني بي امل ..ان صارت بيني وبينهاا علاقه
مانكر ان انصدمت الصبح من كعدت ولكيت نفسي بملابس ثانية ..بس كلت مستحيل اتقرب منهاا
اصلا ماطيقهاا ..وكل علاقتي بيهاا جانت حتى اذيهاا
وعذبها هي واهلهاا ..نصدمت بالصار وحاولت اتذكر ورجع بذكرتي بس مااجه بالي غير ..كلام امي الي سمعته منهاا..
وحجي التكريتيه .. وكلامهاا عن والدي .. بعدهاا تقريبا فقدت ذاكرتي وتبخر كلشي بيهاا
وماكدر اتصرف شي ويه امل بدون ماذكر الصار .. موخوف منهااا ..ولا من تهديدهاا ..اكدر اسوي الي اريده ومحد يعترض ..
بس لزم اعرف شصار .. مااريد اغلط مره ثانيه ..جان بالي يدور سوال واحد شنو شصار بيني وبينها اني ماافقد ابد ويه وحده شلون يصير بس جان بالي ان هي جاي تلعب علي ..
جنت اسوق ..واجه بالي ادك على امي ..اريد افهم شصاير
دكيت ونفتح خط
شهاب .. الووو ..يمه
غاليه .. الووو .. لا خالتي نايمه
شهاب .. غاليه .. لج وين جنتي مختفيه همزين سمعت صوتج
غاليه بتوتر .. اسفه .. بس جنت اقدم قبول للجامعه ماالحك بيك من تتصل
شهاب اخذت نفس .. مااشي .. مبروك على نجاح
غاليه .. الله يبارك بيك
شهاب .. كملتي قبولج ..منوو راح وياكم
غاليه .. لااا بعد لسه .. بس رحنه سوينه فحوص ومعاملة.. راح ويانه .. شيخ علي ..ومرتضى وحسين
شهاب .. جاا خوش .. بعدين كليلي منو حجه لامي عن سالفة زواجي
الغريب ان وكت سمعت من امي جنت عصب ونار تغلي بداخلي ..بس هسه احجي ببرود وهدواء ..ولا كانوا جنت كلش مزعوج
غاليه .. ماااعرف ..والله .. اصلااا مااكدر احجي اني ..ماااعيفه نفــــ…. قطعت الحجي مثل الي نتبهت على نفسهاا
ابتسمت اني على كلامهاا
بس حجيت بعصبيه .. كملي ..ليش سكتي ..مااعايفه نفسج ليش سامعه علي .. اكل بشر
غاليه بارتباك وخوف .. لااااا ..مووو قصدي .. المهم ..مااحجيت اني والله حتى سال امير وفاتن ..
بسرعه رديت واني عاقد حواجبي .. اميرررر ..وفاااتن ..اي كولي هيج ..ذوالي زوج الهم يد بالسالفه
غاليه بخوف اكبر .. لاااا ..لااا ..موقصدي ..يووو عادي مااعرف منين عرفت وخلص ..تكعد توكع بلساني ..
ابتسمت على حجيهاا غمضت عيوني واخذت نفسي احس طفله وتحجي وياي .. امشي ولي ..لا ابتلي بيج ..والله
غاليه .. يالله مع سلامة
سديت واني ابتسم استغفرالله يربي ..
بعدهااا ..بقيت بيت امير يومياا ..وراها دومت بالقوه خلصت من زن فاتن وراي تريد تعرف شصار وشويت ووشنو راح يصير ..
بعد شهر ..





بقيت هاي الفترة .. على اتصال مستمر بغاليه .. اعرف منهاا كل اخبار اهلي .. وشنو يصير ..وضع امي
ابدا مااغابوا عن بالي لحظه .. كل وكت اتابع اخبارهم .. وخبارعلي ادري بي تعذب وحده وتعب ..
امل ماجنت ازورهاا غير قليل ورغم محاولته المستمرة لحتى تتقرب مني .. بس مالي نفس بيها ومااكدر اتقبلها
بس ماهجرتها ..بقيت اتواصل وياهاا
بس مابات يمهاا ابد .. وتقريبا خليت انتصار تتولى كلشي يخصهااا ..

&&&&&

امل جنت عايشه ويه على هامش مايباوع بوجهي ابد ..ولايوصل يمي ..وشماا احاول الفت انتباهه واحس بوجودي مايحس وصار يتهرب ..لحد كمت مااشوفه ..بقيت بقهر والم .. وكلت لزم اسوي حل ..لزم اخلي يرجع الي ..اني متاكدة يريدني ويحبني مثل مااني صرت اعشقه ..بس مشكلة مايكدر يتجاوز الي مرينه بي ..
لزم اني اكسر كل قيود ورجعه لحظاني من جديد ..
مالكيت غير نفسي رحت للصيدلية واخذت منهاا حبوب
تسوي اغماء .. وخربطه بالضغط .. وبقيت يوم كامل بدون اكل .. جان لزم اتحمل اذا ردت هل شي ينجح

كمت ادوخ كلماا اقف .. بس تحملت على نفسي وانتظرت انتصار تجي ..
اول ماشفته من شباك العمارة .. اخذت الحباية .. وانتضرت يشتغل مفعولهاا
اول مادخلت هي .. اني نهضت اريد اوصل يمهااا .. بس دخت .. اتوجيت بالكرسي واجتني تركض
انتصار .. خير ست امل بيج شي ..وجهج تعبان ..واصفر شكلج مريضه ..تريدين اخذج للمستشفى
امل .. لااا مايحتاج .. بس كليلي ..شنو اخبار شهاب ..وين هو حالياا
انتصار .. والله ست امل ماعرف .. بس ادري البارحة نزل اجازه .. يجوز يم اهله ..
امل طلعت فلوس من جنطتي وانطيتهاا ماقبلت تاخذ بس اصريت عليهاا .. هذا حقج ..جاي تتعبين وياي هواي
انتصار .. تسلمين ست ..بس استاذ شهاب مامقصر يشهد الله علي .. الله يوفقه ويرزقه يارب
امل ابتسمت واني احس عيوني خوشت وبعد صرت مااشوف زين .. شوف انتصارر ..اي شي يصير بيه ..مااريد تسوين شي .. اتصلي على شهاب فورااا ..هو يجي ..سمعتي زين

انتصار بااستغراب ..اسم الله ست امل مايصير بيج غير العافيه
امل ..سوي مثل ماكتلج ..سمعتي
انتصار.. اي تدللين ..من عيوني
اخذت نفس ..واجيت اتحرك من يمهاا ..بس ماسيطرت على نفسي وروحي ماعت ..وعيوني راحن خوشن
وكعت بالكاع ..مااشوف بس خواشه ..بس اسمع صوته بااذني تصرخ وتهز بيه ..وتحجي ..سست امل ..ست امل
بعدين اتصلت على اشهاب ..واصارت تحجي وتبجي ..وتكله وكعت ست امل من طولهااا وجهه اصفر وجسمهاا يرعش الحكني استاذ ..
سمعت صوت قريب مني ..هوو يكله جاااي جاااي
بعدهااا رحت بعالم ثاني ..
صحيت واني بالمستشفى .. فتحت لكيت كاعد على كرسي كدامي ..
اجاني وحجه .. شلونج ..شلون صرتي هسه
ابتسمت بوجهه .. مدام شفتك صرت احسن
شهاب .. شصارر ..ليش هيج ضغطج هبط ..دكتور كال ماخذه شي ..وشارب شي ..مااكوا هيج هبوط مفاجئ
امل بارتباك .. ماادري .. بس احتمال ..من القلق والتعب النفسي ..حتى نوم مااكدره انام ..وانت مااجاي تنطيني مجال حتى احجي وياك كلمة ..
شهاب ويحاول يلزم نفسه .. بوويه سدي الموضوع هسه ..موكتهاا ..
امل وهي تنهض وتكعد على السرير مرتجيه على الحايط الي بظهرهاا .. هسه موكتهاا ..وبالبيت اصلا ماتتوجد ولااشوفج ..شوكت اكدر احجي وياك ..شوكت اكدر اعيش وياك حياة طبيعيه مثل اي اثنين متزوجين ..ونحاول نوصل حل لمشاكلنة ..





شهاب وهو ياخذ نفس .. شوفي ..راح اقدر وضعج الحالي ..و انتي مريضه حاليا ..وراح اكتفي بالكلام بهدواء جااا انت مشكلج تعرفين شنو .. تحسبين ان انت وانه ممكن نجمع سواا .. ومااجاي يدخل دماغج .. ان بعمري ماراح تقبل تكونين زوجتي .. بالقوة كدرت اضغط على نفس وعوف كلشي ..واكتفي بالي سويته وماعاقبكم اكثر .. تفهمين شنو ضغطت على نفسي حتى اكدر اترك اهلج واتركج تروحوا هيج بسهولة .. مو نوب اتقبلج زوجة ..مااتدخل مخي بس فكرة مو نوب حقيقه ..
امل .. لو مااجنت تتقبل الفكرة .. شلون اخذتني بحظانك ..شلون كتلي ان ماراح تقبل اطلق منك لو مهما يكون ..وكل الكلام الي حجيت وياي وكتهاا ..والي صار بينه والي حسستني بي بكل حنانك وحبك ولهفتك ..جنت بين اديه مثل الي جان ينظر فرصه صغير بس ..حتى يملك كلشي بيه ..

شهاب بعصبيه .. بس خلص ..لاتعيدين الصاررر ..كلت مية مره ماجنت بوعي ..والانسان من يكون بدون وعي ماايتعاقب على افعاله لان مااجان يدري شسوي وشحجي ..
امل .. بالعكس انت مو جنت مو واعي ..انت جنت اكثر مره واعي بيهاا ..لان طلعت كل الي بكلبك ..وتصرفت على طبيعتك
شهاب ويحاول يتحكم بغضب .. انت مصدقه نفسج ..انسي كل صار ..وروحي عيشي حياتج ..لان جاي تعبن نفسج وتخسر حياتج على لا شي سراب تركظين وراه ومصدقه بي ..
امل .. اني لو اعيش وياك ..وباوعتلي بكل تحدي ..لو اموت بدونك ..ماعندي اي حل ثاني ..
اجيت ارد عليهاا .. بس قاطعني دوخل والدهاا ..والدتهاا
وصارواا يبوسون بيهاا ويتحمدولها على سلامة
عفتهم ومشيت ياخذون راحتهم ..

&&&&&&&

امل بالمستشفى ..حاولوا امي وابوي يقنعوني اترك شهاب ورجع وياهم .. وان هو ماايريدني ومااراح يحبني بحياته
بس اني رفضت .. وكتلهم راح اكدر اكسبه الي
بس امي صارت عصبيه علي وكلتلي خلص ماراح تبقين ويه بعد .. لو المره الثانيه نجي ناخذج بتابوت
جانواا يحجوا واني بالي يمه ..شلون اكدر افاركه مستحيل ..بعدين مادام ماطلكني لسه معناها يريدني ابقى ..
ماراح يتخلى عني اني متاكده ..
امي بقت تحجي علي وعلى اسلوبه ماا يشبهاا حتى ابوه على الاقل ابوه عنده حنيه ودلل امي دلال بس هي مارادته
وتكول ماكدرت اتحمل عيشتهم وعيشت
مو نوب انتي وشهاب ..ماجوبتها
بس قاطعنه دوخله ..جايب دواء .. واجه حط كدام ..وانطاني علاكه ..كلي اكلي ..لان جسمج تعبان كلش ومحتاج تغذيه .. ولزم تاخذين علاج
وكتها شكد فرحت كدام اهلي .. وحسيت هذا شخص ثاني غير الي جان قبل شويه يحجي الي حبيته هو هذا حنين وكلبه يرجع بسرعه ..
باوعت على اهلي واني ابتسم ..وطلعت واكلت ..وكمت اسويله لفات ياكل وياي ..
استغربت ان مافشلني واخذهن من يدي وصار ياكل .. ماما وبابا ماقبلوا ياكلوا كالواا متغدين ..
بقيت اكل وانطي ياكل وياي .. مااعترض وصار ياخذ من ايدي وياكل ..
ماما وبابا حسيتهم تغيرت نضرتهم ..وبابا ترخص من شهاب وباس راسي وكلي بالي على نفسج وطلع ..
وماما هم ورغم جنت مشتاقتلهم لو بغير ظروف جنت بجيت .. بس من شفت تصرفاته وياي تغيرت .. راح كل الحزن والتعب ..





بقيت يومين بالمستشفى .. وشهاب جان يجي يطمن علي يوميا وماما تبات يمي وتروح الصبح .. وبابا هم يروح ويجي .. بس جنت فرحانه ان شهاب ماتركني لوحدي..
بس بقيت اباوعلهاا وارقبه طول الوكت ملتهي يدك .. ويبقى عصبي وضايج ..ومال خلك يحجي ..
ماجان احد يرد علي .. رغم هواي دك ..وتقريبااا كل الوكت .. صرت احوس اريد شوف منوو .. وليش هيج يضوج من محد يجاوبه ..
وبيوم طلعنه للبيت اجه اخذني .. وماما .. بعدين بقينه بالشقه بس اني وماما .. ليل دكت علي ..وكلتله راح اروح ابقى ويه امل ..لايصير بيهاا شي ومااتدري بيهاا انت

رغم يحجي ويه ماما كله من وراه خشمه ..بس عذرته ماايكدر ينسى السوته ماما .. بس وراه تقريباا نص ساعه اجه ..
وراحت ماما .. دخل هو وجان هادي كلش جاب ويه عشاء

كعدنه ناكل على سفره ..
جان ساكت هو فحجيت اني
امل .. اريد اشكرك ..على كلشي سويته وياي هاي فتره ..تعبتك وياي
شهاب .. مااصار شي ..بعدين دائم انت بذمتي فانتي مسووله مني وموانه الي اتخل عن مسولياتي .. انه ابن اصول وشيخ قبل كلشي واعرف شلون اتحمل مسولياتي كاملة ..فماله داعي الشكرر ..

امل ببتسامة .. وتلومني من اكلك احبك .. غيرك يملك كلشي بالمراة .. ويخليهاا تنفذله كل مطالبه من اكل وراحه ومتعه ..وبالاخير ابسط مسوليته يتخله عنهااا ..عكسك ماتطلب مني اي شي .. بس مقدر مسوليتك اتجاهي وماتركني لحالي بكل الضروف ..

شهاب .. كلمن وتربيته ..وانه الرباني علمني اول شي احترم المقابيلي حتى لو ماجان اهل للاحترام ..واتحمل مسولياتي حتى لو جنت مامجبور بيهن ..

امل .. لزم اروح واشكره لاعمي الله يرحمه ..لان سوا انسان مثلك
شهاب .. مو لهاي الدرجه..بس لاتشكرينه هو ..اصلاا مااجان اله علاقه بيه كلش قويه ..
امل .. لعد منو غير هو الي رباك
شهاب .. لزم تعرفين ان سويتي مااغير ولاراح يغير شي ..
فلا تخلين دماغج يفكر ان اني صرت اعتبرج زوجة وجاي اهتم بيج .. خلي بالج الي صار ماراح يعدي على خير ادري تقصدتي تدخلين مستشفى ..بس حتى ارجع للبيت ..فلا عبالج هاي طرق تمشي وياي
صاح بيه صوت كمزني من مكاني ارجف .. ولاااا تتصورين انه اخاف غير بس من الله ..ومااحسب حساب لكل بشر .. وحسبي حسابج وقتج وياي بدا ينفذ ..

مانطقت حرف بس اباوعله وابلع بريقي ..من خوفي عيونه كامن يجدحن ..وبسرعه تحول من الهدواء للعصبيه يربي دخيلك شنو من بشر بسرعة .. يتغير الظاهر ان راح اتعب واني احاول افهمه
كام وراح يسبح ..واني عيني على موبايله التركه وراه ..
اول ماسمعت سد الباب مال حمام ..
اخذته وصرت احاول افتحه .. بس بي رمز شويه ودك رقم
باوعت كاتب علي امي الغاليه
سويته صامت ..وكلت يجوز رقم وحده ..ومسجله تنويه بقى يدك مااجوبت .. وثاني دكه فتحت خط ..

جاني صوت وحده .. كالت الووو

رديت .. الووو ..منو انتي

غالية .. انتي منوو ..وين شهااب




امل .. اني زوجته ..هو بالحمام ..انتي اخته موو

فجاءه رفعت راسي شفت دخل للمطبخ وعيونه مخنزره علي ..

وكلي ..منوو هذا

جاوبته واني احاول ابتسم بوجهه من ارتباكلي .. هاي يمكن اختك هااك

باوعلي بغضب عرفت ضاج ..لان لكه بيدي موبايله

اخذ من ايدي ..ودخل للصاله يحجي

حاولت اسمع .. بس ماكدرت

بعدين سمعت صوته كام يصيح .. وماحسيت غير الموبايل انركع بالحايط وصار طشار ..

نزيت وكمت اركض علي .. شكواا ..شصاير

شهاب بغضب .. انت شلووون تلزمين موووبايلي بيدج ..وشلوون تفتحين خط ..هااا

امل بقيت احاول اجمع ماكدرت وصرت اتات .. ورجع ليوراه لان تقدم علي ..

وحجيت بسرعه .. ماا جان قصدي ..بشفت رقم والدتك ..وانت بالحمام .. فكلت خطيه ادك ومحد يجاوب ..فتحت علي خط ..وهذا الصار

لزم شعري وحجه وعيونه يطلعن شرار .. هل مره سويتها مره ثانية ..اكسر اديج اذا مديتيه على حاجه الي ..سمعتي لو اعيد

امل .. هو شنوو ..شبيك ..هيج ضجت لزم ضاجت لان سمعت صوتي الخاتون ..ومسميهاا بسم امك ..حتى محد يشك

شهاب .. يرادلج واحد يكسر راسج حتى تعرفين شلون تحجين .. وانت منو حتى جايه تحسبيني ..ترى وجودج مثل عدمج ..لا والله عدمج اهون بهواي ..

تركني وتحرك اخذ بقايه موبايله الي صار نصين من الكاع والسويج .. وتحرك يطلع

كمزت من مكاني وصرت كدام الباب امنعه يطلع ..

امل .. وين رايح .. لاتطلع احتاجك يمي

شهاب .. بوويه انتي شنو سالفتج متقصده تخليني امد ايدي عليج لو جلدج حاكج على كتله .. ترى لسه واقف بعيني كونج توج طالعه من مستشفى والا جان شفتي شي ثاني مني ..

امل .. بس ..لحظه

بدون مايسمع مني دفعني وطلع ..

بقيت بالبييت احوس وانتظره شوكت يرجع .. بس صارت الساعه فوك ال١٢ وهو ماكواا ..

قررت استسلم ونام .. بس بقت الوب وافكر وين راح وجاي يسوي ..

&&&&&&&&&

شهاب .. بديت احس حياتي صارت مخربطه .. ومادري بعد شريد وشسوي .. كل الي اريده الكي نفس عكس مسوي والكل ماريده .. الكي روحي مجبور علي ..صرت بصراع نفسي وبداية احاول اجمع طاقتي حتى اعيد ترتيب حياتي ..

احس من دخلت نسوان بحياتي واني حياتي انقلبت راسا على عقب ..

طلعت من شقه واني اصفن .. من ذيج الي لو الزمها حاليا الي خليها زرقه على كلامها الاكبر من حجمهاا





ومن هاي الي كلما تذكر الصار بين .. والي سويت ابقى جامد بمكاني .. مااجنت بوعي صح بس شلون كدرت اغلط هيج غلطه .. مااكدر اصدك .. ولا اعقلي جاي يستوعب ..

طلعت كبل على امير ..

كتله امشي نروح نفتر لان الدنيا طالع من عيني ..

امير ..جااا شناوي علي ابن عمي

جنت اسوق ورديت علي ..شنوو ..عليمن قصدك

امير ..اي شنهي سالفتك وتالي ..هل صار الي تريده ..خليناهم يعيشون عذاب الي شافه عمي واكثر ..وخلص ياابن عمي فضها للاسالفه ..ورجعلهم بنتهم ..ماعيزين مشاكل اكثر ..كافي ترى اهلك هواي يلحوا بسالفه

باوعت علي ..جااا لزم ثقلت عليك ابن عمي

التفت علي بسرعه ..جاا هذا الفهمت من حجي ..بويه اني خايف عليك ..حياتك كله تخربطت من يوم السالفه هاي ..ومليت انه من كثر مااجيب واحط اعذار بدالك لاهلك ..كل يوم يسالوني ..ليش هجي سوا ..وليش وشنو السبب ..بوويه خلص امك واخوك هم متعذبين بلياك ..

اخذت نفس ..بوويه ادري .واني اتمنى يخلص كلشي اليوم قبل باجر .. بس ماجنت محسب الكل الصار
امير حط ايده على جتفي ..مااشي ابن عمي ..بس كون ماطول سالفه اكثر ..
ماجوبته ..وكملنه الطريق ..وصلنه هناك لكيت الجماعه كله ملتمه بقيت وياهم وكضيتها لليل ..باوعت على امير
شفت كام كمز لزمته من جتفه ..جااا شبيك كرصتك حيه
باوعلنه وهو مصدوم… ولكم ولد النعل الساعه صارت ١ بالوحده ..واني عبالي بعدها ب١١ ..شخلصها اليوم
عباس ..هلا بالنجر ..ولك شنو تخاف من مرتك بالله ماستحيت ضابط وشكبرك وتخاف من مراه

سلام ..ط… ..لا هاي هي ..حميتوا البلد ..واحدكم يرجف كدام مراة ..دكعد ..عبالي بيك شي ..

امير ..لك انجب انت ويه ..باجر تزوجوا وشوف مراجلكم تكدروا تاخرون لهيج وكت ..

سلام ..دكافي عيب على زلم ..ولك هاي لو مرتي الالزكها براشدي افر وجهه لجهه الثانيه ..وكلمة ثانيه الا طلقه وشمرها على اهل…. بعدما مكمل لزمته من ياخته

باوعت علي بغضب… جااا شنو ..عيد.. مااسمعتك

ضحك امير.. هااك استلم حتى يطلعك اخوها ويكسرلك شكوا ضلع صاحي بجسمك

سلام بضحكه ..لا ..خويه جنت اشاقه ..جنت اقصد مرتي المستقبليه ..اصلا لو رضيعتك تصير مرتي غير احط على راسي والله

تركت ياخته وعدلته وجبت راسه كدامي ..كل تبن ..لو اخر واحد بالدنيا مانطيك رضيعتي ..

عدل ملابسه وهو يباوعلي ويبتسم ..مقبولة منك ..اي شي منك مقبول وروح بيبيتي

عباس ..هههههههه ..دكوم ولي طلعت بوخه

سلام وهو يكعد ..لا يم شهاب وتوقف الهنبله





ضحكوا علي واني تحركت للباب ..يالله امير ..امشي اروح وياك

جنت ناوي اشرب ويه سلام .. بس تذكرت صار وبطلت وامير هم ماخلاني فبطلت ..

امير.. جااا بعد كم يوم وتصير مدمن ..يمعود صدك جذب ..اول تالي شو جنت تصلي وتصوم ..شجاك ..شرب وسهر ..

اشرتله ..ذبني هنااا
نزل وياي وقف يباوع على المكان ..جان هادئه ومي يضرب بي اضواء من كل مكان وهواء يجي بي برود بليل
امير .. كلي شنو شصاير ..مبين عليك مخنوك

شهاب .. هو شنو مااصاير .. حياتي كلها تخربطت

امير .. والله ابن عمي انت جايبها نفسك .. جاي هواي تغلط بحق نفسك والي داير ميدورك .. صار سنين اعرفك وادري داخل هل القسوه والبرود انسان طيب وقلب حنين ..ليش تصنع هل القسوه وليش جاي تتهرب من الناس تحبك وتروح على ناس مو من طينتك ..

جنت ادخن وكعدت على الكاع .. تدري من عمري عشر سنين جنت اطلع ويه والدي للصيد ..جان ينطيني اسلاح ويكلي هاي فريستك روح صيدها ..تخيل ابقى نهار كامل افتر وراها وبالاخير اذا ماصدتها اتعاقب .. وكل يوم لحد مااكمت ماتضيع مني فريسه اصيد كلشي تجي عيني عليه ..اخواني جانوا اكبر مني بس مايدبرون هاي السالفه .. فيوميا يخليكم ابوي يشتغلوا بالبيت مثل النسوان كنوع من العقاب ..مااجانت عند اي رحمه ولا ليونه جان قاسي كلش ويانه ..الي يغلط ينضرب بالحزام ..كل ظن هو جاي يسوي زلم
امي لمن دافع عنه وتتعارك ويه .. يكله لا تدخلين اريدهم يصيروا زلم براسهم خير ..
جنت اكثر واحد ياكل كتل تدري ليش .. جنت شكوا مشكله تسويها رقيه وغاليه اني اتحملها واكول اني وانكتل بدالهن ..
.. وجنت احاول بكل طريقه اخلي يرضى عني ..
جنت اشوفه مثلي الاعلى
بس من نهزمت مرته ..انكسر وصار بدنيا غير دنيتنه تخيل واحد مثل ابوي بكل هل جبروت والقسوة وينكسر مره وحده .. عاف كلشي حتى العشيرة ..اخواني خلصوا منه ومن ضغطه عليهم وصاروا يذبوا كل همهم على دراسه ..
اني جنت اكثر واحد متاثر بوضع والدي ..
بس رغم هذا بقى يتعامل بقسوة ويانه واقل غلط ننكتل ..
بس تمرض وتركنه بعد وفاة عمي
عمي من انتقل يمنه .. تعلقت بي اكثر من والدي لان جان طبعه رحيم ويه ناس وشجاعه عنده مااكوا عد احد .. تدري اذا تدخل سلابه على القريه ..جان اول واحد تشوف واقف بوجهم ..
هو علمني شلون اوقف بوجهه الظلم وقف ويه المظلوم ودافع عن حقوق الناس .. صرت اطلع ويه الكل مكان وخاصه الصيد
بعدين من شاف خالتي عقل طار بيها ..جانت مثل نسمه دافية تجي على جبل ثلجي ..
عمي جان جاف ويه نسوان وطبعه حاد ..بس ويه خالتي ذابت كل القسوة ..وراحت كل الثلوجه وتحولت براكين حب .. مااتتخيل شكد قاتل علمودهاا وحارب كل ناس حتى تصير اله ..جنت صغير بس فاهم واعي ..حبيت علاقتهم ..وخاصه من شفت خالتي تحبه وتريده ..
بس نظرتي تغيرت من سمعت امي تطلب من خالتي ترجع وتنسى والا تصير دم و اول واحد يروح بيها عمي ..
بس عاندت وقالت ماتركه ..ونهزمت ويه بعدها اهل امي هدروا دمها هي وعمي
وكتها خفت كلش على عمي ..جنت متعلق بي هواي .. بعدها اجتي خالتي منهزمه من عمي وتريد ترجع لا هله ..
وشكد ابوي حذرها ..وكلها اكعدي هنا يمنه بالقريه لا يصير شي مو زين ما سمعت الا تروح عافت غاليه يمنه وراحت ..وكتها حكمت بالموت على نفسها وعمي وياهاا
تدري اخر كلمه كالها عمي قبل ماايروح وياها
كلي عمي ..ابد لا تسلم كلبك لحرمه ..لان حتى لو تاخذك للموت راح تمشي وياهاا ..
كل الي عشت بي كوم وبعد مااراح والدي وعمي كوم ثاني .. مااشفت راحه يوم واحد من صغري تحملت مسوليات اكبر مني بهواي .. كلها صارت فوق راسي .. كلي بعد هذا كل شراح اطلع

امير .. كل هاي بكلبك ..مادري شكلك غير ربي يعينك على هل صراع العايش بي
بقيت ويه امير كاعدين للخمسه الصبح

&&&&&&&&&&

كعدت الصبح مفزرعه .. باوعت الساعه بثمانية الصبح ..
ومبايلي جاي يدك .. رفعت باوعت علي وفتحت خط
امل .. الوو ماما ..صباح الخير
ام امل .. الوو هلوو حبيبتي صباح الانوار .. يالله ماماتي مو عندج موعد عند الطبيب يالله تحظري وامر عليج بعد نص ساعه ..
امل ..مااشي ماما ..بس ابدل ونزل الج .. بس الاول لزم اخبر شهاب
ام امل .. هم نعال .. تركي هل همجي هذا اسلوب ماعنده ..مامفروض هو الي ياخذج .. من يشوفج مريضه ..مو تاركج نص ليل وحدج بالبيت ..والله لو ابوج يدري الا يجي ياخذج ..

امل .. ماما .. خلص كتلج موضوعي اني ويه يرادله وكت حتى يتغير .. واني احبه ومستعده اتحمله لحد ماايتغير وياي

ام امل .. ظلي انتي بهل عيش هاي ونتظرين شوكت يحن عليج .. ولج قحط زلم بس تركي وشوفي من باجر ازوجج تاج راسه ..

امل .. ماما خلي اروح اغسل واستعد وعوفي هل موضوع هذاا ..

ام امل .. ماشي حبيبتي اهم شي ديرين بالج على صحتج .. هو الافندي بيش ساعه شرف بليل ..

امل .. يالله ماما ..اروح استعد
سديت من امي .. متحاشيه كلامهاا ..لان اصلا ماعرف بيش ساعه وصل ..واذا جان هنا اصلا ..
طلعت .. بسرعه فتحت باب غرفة جان نايم .. تقربت منه وحجيت ..شهاب ..شهاااب

يتبع .......
الكاتبه بنين الطائي
🦋🦋............................🦋🦋

[فيتامين سي]

البارت الرابع العشر

بنات بس تابعوني وصوت للقصه اكوا مشكله ان مو كل البارتات جاي تطلع للبنات ..الي يعرف شنو سبب هم يكتبلي
المهم اشكركم من كل قلبي ان احترمتوا طلب البطله ومااحجيتوا غير تعليقات حلوة مثلكم للعلم جاي تابع كل تعليقاتكم وتكول ماجنت متوقعه ان بنات هيج راح يتفاعلن ويه قصتي وانشاء الله بالنهايه انزللكم كلماتها
المهم تابعوني لا تنسوا
متابعه طبيبه حبايبي ❤ 🦋 ....
………………… ..

شهاب ..امممم
امل .. ماما راح تمر علي اروح للطبيب عاد
شهاب .. وين ماتريدين روحي ..واذا ماترجعين بعد احسن
جان يحجي وهو مغمض .. اخذت نفس وطلعت نزلت لكيت ماما تنتظرين ..رحت للطبيب جان صديق بابا ..بعد الفحص وتدقيق ..
حجه وهو يبتسم .. منا وجاي لزم تهتمين بنفسج اكثر ..
امل .. خير دكتور ..اكوا شي ..
جان يقلب باوراق التحليل وحجه….
امل .. خير دكتور .. اكوا شي
الدكتور .. لا ..ماكوا شي صعب ..كله شويه تعب ..ويحتاجلج راحه شويه ..

ام امل .. دكتور .. متاكد بنتي مابيها شي ..لعد ليش لسه تعبانه وماتكدر تتحرك
الدكتور .. شي طبيعي ..لان عدهاا فقر دم .. حاد الظاهر الزواج ماثر عليها ومنسيهاا حتى تاكل
جان يحجي ويبتسم ..
ام امل .. اشكرك دكتور ..تعبناك ويانه
الدكتور .. لاا امل مثل بنتي .. واكثر عن اي تعب تحجين .. بس خلي بالكم عليها وعلى تغذيتهاا ..والافضل ان تشرفواا على علاجهاا ..لان الظاهر ناسيه نفسهاا وهاملتهاا ..
ام امل .. انشاء الله دكتور
امل نهضت عن الكرسي اني وماما ..تسلم دكتور تعبت وياي ..
الدكتور ..تعبج راح بنتي ..
امل ..مع سلامة سلمنه على الاهل
الدكتور ..الله يسلمكم يوصل ..
طلعت ..من الدكتور وامي طول الطريق تحجي علي وعن الحالة الوصلت الها..وخابرت بابا كلتله الظاهر جانت عايشه ويه بالظيم حتى فقر دم صاير بيهاا.. ماجنت احجي اي شي ..
وصلنه للبيت ..دخلت اني ابدل ..وماما دخلت وراي ..وهي تحجي ..
ام امل ..يعني مصره تبقين هناا ..كتلج روحي وياي كم يوم تصيرين زين وعود ارجعي للشفيه ماطاير
امل ..مااما ..فدوة لايسمعج ..بعدين كتلج اني راح اخذ كل علاجي ..واهتم باكلي لاتخافين حبيبتي ..
ام امل .. هو وين هسه
امل .. يجوز طلع ..لو لسه نايم
ام امل ..اي طبعا من سهر البارحه ليش ماينام
امل ..مااماا ..فدوة ماريد مشدادات بينكم ممكن
ماما وهي تعوج بحلكه ..ماشي ..خلي اروح للمطبخ احط الاكل الجبته الج ..وحظره تاكلين ..شوفي وجهج شلون صاير عبالك بيج ابو صفارر..
امل ..ماشي حبيتي
طلعت امي ..واني كملت تبديل ..وطلعت باوعت لكيت شهاب هستوا طالع من حمام ..جاي يفرك بشعره بالخاولي
وقفت كباله واني اغلي
امل .. وين جنت البارح الليل كله
شهاب ..مو شغلج
امل .. ليش انشاء الله ..مو مرتك
وخر الخاولي وشمره بقوه على الكاع وحجه ..لااا ..وعمرج ماصرتي ولا راح تصير ..فهمتي لوعيد

دفعني ..وتوجه للغرفه ..
ركضت وراه ..واني احجي

امل .. لاا مرتك ..والشي الصار بينه والحجي الحجيت كله صحيح ..ولاتحاول تتهرب مني ..لان مايفيدك الهرب




شهاب بغضب ..ترى اذا اكوا شي ندمان علي بحياتي ..فهو الشي سويته ويااج ..تدرين لو لااا

امل ..كذاب ..واكبر كذاب ..وكتهاا جنت تحجي كل الي بقلبك ..
غمض عيونه بقلة صبر ..وصار ينزع بقميصه يبدل .. جنت اتابع كل حركاته ..التفت علي وحجه ..روحي من كدامي ترى مو متحمل اشوفج كدامي ..ولاتذكرين بالي صارر ..
طلعت واني اغلي .. اريد اعرف ليش هيج جاي يسوي متاكده ان يحبني ويريدني بس جاي يحاول يبعدني عن طريقه ..
سمعت صوت يحجي بالموبايل
قربت اذني اتسمع ويه منو يحجي وشنو يكول

شهاب .. هستوني جنت ابدل اريد اطلع وخلص من هل مصيبه الشمرت نفسي بيها
دكت على فاتن ..باوعت مو كتها هسه تاكل راسي بسالتها
فتحت واني اخذ نفسي .. الووو
فاتن .. هلوو ..انت وين ..الام مكلوبه وانت مختفي هلكد عاجبت ست الحسن لزك يمها

شهاب .. موكتج ترى ..كولي شتردين داكه

فاتن .. امي تكول دائمه اختار مرته الجديده ..خلي يطلك بنت عمه ..هم خطيه شنو ذنبها هل المسكينه تبقى معلقه وياك ..خلها تشوف حياته مثل ما شايف حياتك ..

نهضت عن سرير واني عصبي نار .. واني مااطلك كليلها..وادري كل الزين هاي سوالف امي و غاليه لا طلبت تطلك ولا راح تطلب ..ومااريد احد يدخل بالنص ..

فاتن .. يعني نعوفك براحتك يوميا ماخذ وحده وقاهر هل المسكينه

شهاب .. استغفر الله .. بوويه شي بيني وبينها لا تدخلن انت ..يالله مع سلامه

فاتن .. لا ..لحظه شهاب لا تغلق ...
سديته وشمرت الموبايل على الميز ..

امل من سمعته يحجي وكال مرتي ومااطلك
لو عقلي طار ..وصار جسمي كل يرجف وفتحت الباب واني اصيح
امل .. شنووو هاي ..منو غاليه هاي.

شهاب بهدواء .. وانت شنو ..شي مايخصج

امل بصياح ..يخصني ونص ودامك اختريني كزوجه من حقي اعرف كلشي يخصك ..واعرف منو هاي وشدخلها بحياتك

شهاب ..شوفي اني مو مجبور اوضح ولا احجي اي شي ..بس اذا تردين تعرفين فهااي بنت عمي ومرتي

امل ..مبين عليها وحده مااتسوا الحجي لان لوتحترمها لو عندك اي احساس اتجاهاا ماجنت تزوجتني ..ولا حتى تقربت مني ..بس ظاهر ان حالها حال اي وحده تعرفها بحياتك

نهض علي وعيون تجدح نارر ..لج ..احترمي نفسج احسلج ..وكلمة ثانيه والله خليج عبره لغيرج

ركضت علي وجلبت بقميص واني اصيح وانفض من القهررر .. لاااا ..ماااسكت ..انت شلوون ..تكدررر تسوي هيج مستحيل عندك مشاعر الها … انت جنت قبل ايااام تهمس بااذني وتكلي انت الي ماااتصيررين الغيررري… وهسه جاااي تكول متزوج و عندك وحده ثانيه بحياتك ..والله الا افضحك ..الااا اروححح على اهلك واحجيلهم على كل سووووالفك ..كلشي سويته… خلي المنطقه كلهااا تسمع ..اذااا ماخليت سيرتك على كل السااان مااااطلع اامل
ماااحسيت غير لزم شعري وبعدني عنه ..وضربني راشدي من اثر وكعت بالكاع ..وصرت وابجي واحجي واغلط
وهو كام يغلط ويسب ولزمني من شعري مره ثاني ..وصار يتهدد علي ..صار مثل الثور الهايج وصوته وصل لسابع جارر ..
مااحسيت غير بابا وماما داخلين
ماما اجتي تركض اخذتني بحظنهاا وهي تصيح ..يمه بنتي ..الله لا ينطيك ..كون ضربه بقلبك ..ماشفنه راحه لامنك ..ولامن ابوك ..عوفنه بحالنه ..الله لاينطيكم ..





شهاب صار يصيح ..دنعل ابوج ..لابو بنتج ..ساقطات ..الله بلانه بيجن ..

بابا كام يتهددعلى شهاب ..وشهاب عصبي ..خفت منه ..هو بدون كلشي قوة متحملهم
ماما حجت ..كومي اخذج وياي ..ماتبقين بيت هذا الهمجي دقيقه بعد ..

شهاب ..دخذيهاا خفتن وراحه ..ولاتظلين تمسلتين ترى لسه محترمج لان حرمة جبيرة ..

ابو امل ..خلص كوم نطلع ..بعد رجلج ماتعب هنااا ..كومي .. وانت طلقه ماتبقى بعد على ذمتك دقيقه وحده بعد

شهاب .. والله تسوي فضل

تخبلت من سمعت ..ماادري شصار بيه ..ماردت توصل الامور هيج درجه ..مااريد اطلق منه ..اني احبه مو بسهوله اتركه .. ودري بي يحبني بس جاي يتهرب مني لان بسبب سوا ماما وبابا ماراح يتقبلوني اهله ..
بابا وماما جبروني اروح وياهم ..وخفت اعاند تصير مشكله اكبر ..
فضطريت اطلع وياهم لان بابا كلش صار عصبي ..وشهاب اصلا مايتحمل كلمة ..فرحت وياهم للبيت واني احس بنار تاكل بيه ماردت يصير كل هذا ..

&&&&&&&&&

شهاب .. بعد مااطلعت امل واهلها ..ابد ماضجت بالعكس احس هم ونزاح من عليه .. ماامتحمل وجودها بحياتي ..بس متحمل لخاطر ادري اني غلطت وياهاا ..
عفت وطلعت على امير ..
مالكيت فاتن بس امير بالبيت
شهاب .. لعد ام لسان وين هي وجهال
امير .. ليش ماتدري .. صارلهاا ..يومياا يم اهلك مهوسين هناك ..
شهاب بخوف ..ليش شصاير .. خوماامي مريض
امير .. لا بوويه امك بخير والحمدالله .. بس زيدون راح يسافر ..فنجمعت كل الوادم تودعه ..
شهاب بحزن .. راح يسافر ..
امير .. ااي .. ليش مااتتصالح انت ويه قبــ…..
قاطعت .. عوفها على الله ..سالفه ماتنحل بسهولة ..خاصه بهذا الوكت
امير .. ليش شصار .. صوتك بي شي غريب
شهاب .. مااكوا ..شي ..وخلني نام عندي دوام الصبح
عفت وغفيت .. وثاني يوم التحقت بالوحده مالتي ..
انقطعت اخبار اهلي عني نهائي .. خاصه بعد المخابره الاخيره بيني وبين غاليه ..جنت بيومها مزعوج منها ومعصب عليها لان ادك يوميا ومحد يفتح خط علي .. بعدين عرفت ان اهلي والقرايب كلها ملتمين بيتنه واكيد كلها مهوس لذلك ماكدرت تفتح خط .. رغم تندمت تسرعت وحجيت عليهاا .. بس جان جوابها الي لسه وبعد يرن براسي .. شلون هيج ترد علي .. بس خلي ارجع ويصير خير ..

شويه ودك موبايلي .. باوعت شفت رقم امل اخذت نفس ورديت من وراه خشمي ..
شهاب .. الوو
امل .. الووو شهاب ..ليش ماترد علي صار يومين
شهاب .. مايعجبني ارد ..شتردين
امل .. ليش هيج تحجي .. ترى انت الي خنتني وظربتني وهسه تريد طلقكني .. ليش فوكهاا يعني ..

شهاب .. بويه السانج شطوله وحجي الكتي لو مااهلج جان ابتليت بيج .. واهلج هي اجتي منهم يردون يطلقوج .. تدرين جنت متحمل بالقوة وساكت ... بس مااريد اغضب رب العالمين واستعجل .. بس انتي الي زنيتي على خراب عشج ..بعدين خيانة شنو بوويه ترى انتي الي تعتبرين خيانه ذيج مرتي وانتي النزوه .. وغلطه يمكن كل عمري راح ابقى اتندم عليها ..ولزمت وسديت الخط ..قبل مااتحجي ..




بعد مااخلصت دوامي واجتي اجازتي ..دك علي ابوهاا .. وبقى يحجي ويمسلت ماانطيته مجال .. وراد مني اطلقهاا وبقى يزن على راسي واشتكي واسوي واسوي .. تالي هددته وانطيته عين الحمره سد حلكه..لعبت نفسي منهم ومن يوم الاسود الوصلت بي البابهم ..اول شي سويته من نزلت اجازه اخذت امير .. ورحنه على السيد اخذت وياي ..اول ماادخلنه طلعت امهاا بقت تحجي ودردم الا شويه اكوم الزكهاا بالكاع .. بس كلت خلصت ماااريد اغلط وياهم ..اني جبتها لنفسي…

واخيراا طلعت من بيتهم ..واني خلصان منهم ..
وبقى عندي ارجع على اهلي لان اشتاقتلهم بكل رحمة الله
رجعت للبيت يم فاتن ..
كبل رحت نمت بالدوام محروم النوم .. كعدت المغرب على صوت جهال فاتن صحت بيهم ركضواا من يمي ..
كمت على حيلي ودخلت للصاله لكيت مهند وفاتن كاعدين يسولفون ..
دخلت سلمت على مهند ..
مهند .. هلا بوويه .. صارلي شكد ماشايفك وين مختفي
شهاب .. والله تدري دوام والتزامات
مهند .. الله يساعدك .. امي كلما خابرهاا تضل تسال عليك .. كافي يخوي شلعت كلبها عليك .. ارجع وصالحهم .. علي تعبان وحده .. تدري مريض ومايتحمل طلايب وهوسات
شهاب بحزن .. انشاء الله خلصت
فاتن .. يعني ناوي تروح انشاء الله خوويه
شهاب .. انشاء الله ..وانت ماناويه تغدين اليوم ترى كاتلني الجوع ..

فاتن بفرح .. اي مو تدلل من عيوني ..بس مااكتلي وين رحتواا انت وامير اليوم الصبح
شهاب .. رحنه بشغله
فاتن .. هااا ..خوش لعد
راحت جابتلي الاكل وكعدت تحجي ..واني اكل ..
فاتن ..لعد روح ويانه ..احنه الاسبوع الجاي نروحن لهناك ..
مهند ..جا اذا يروح شهاب ..انه مااروح

فااتن ..شجاك انت ماتصدك ..تريد تبقئ مااتشبع منها ..اخذها وياك ..لو دكتواره مو من مستوها تجي ويانه

مهند ..هي شعليها ..شبجتيهاا كلها ..بوويه اني هم عندي عياده ومراجعين مااكدر اضل يوميا رايح يوميا وتلاثه ..
شهاب ..انت علئ شنو رايح

فاتن .. علمود تقديم الجامعات مال البنات وتدري علي مابي حيل يظل يفتر وياهن .. وماترهم يدزهن وحدهن ويه مرتضى وحسين ..
مهند .. اذا رحت انت تكمل كلشي .. بعد شسوي اروح
شهاب .. خير انشاء الله
فاتن .. اي خطيه انشلع كلب علي بين العشيره وبين البنات ..صدك شهوبي ماتدري مرتك طلعت طب
شهاب تفاجت ان غاليه طلعت طب يعني ادري شاطره بس مااجه بالي تجيب طب ... هااا اي بيها الخير
ماادري ليش احس ضجت من سمعت حجي فاتن ..
واحاول اعرف شبي ضايج مااكدر استوعب .. يمكن لان احس تخليت عن اغلب مسوليتي وتركت اهلي وحدهم ..مادري
.فاتن ..راحت الجهالها ومهند طلع يخابر ..واني بقيت علئ وضعي ..مادري شنو احساسي جان لحظته ..بس هو بين فرح وغضب ..ماعرف ليش ..بس بكد مافرحت ضجت وبقيت احاول افهم السبب ..ماكدر اعرف ..هيج احس صارت نغصه بكلبي ..من غير اني اصلا طالعه الدنيا من عيني ..وكلما تذكر ..الصار هاي الفترة..اختنك وكره حتئ نفسي ..اني وصلت نفسي لهيج وضع ..كملت غدا ..وخابرت جماعتي كتلهم راح اقطع الاجازه واجي ..كله بقت تحجي انت هم عندك عقل ..اكوا واحد يقطع اجازه ..ويجي يداوم ..مارديت ..اخذت ملابسي من الجنطه الجانت بالسياره ..وتذكرت وكتها غاليه من جانت تحطهن بالجنطه ..سحبت السحابه ..وحجيت بداخلي ..هسه ليش اجتي بالي ..يمكن لان حجوا علئ جامعه ..وشنو يعني قابل شتغير ..واني احجي ويه نفسي ..صاح مهند ..جااا هنياله لكثر الشيخ يفكر بي





ابتسمت علئ كلامه ..تدري ..نسيت اصلا اني شيخ الاحجيت يالله تذكرت
مهند ..جنت تذكر صار ساعه احجي ويااك وانت صافن ..
رديت ..تذكرت العمارة والعشيرة وطلايبهم والقربه واهلها ..
مهند ..تدري ..نوباات هوواي احسدك اكول هنياله ..عايش بعده بثوب العشيره والشيخه ..وتعامل ويه اهل القريه ناس بسطاء ..وبنص اهلك وناسك تحس هيج بامان غريب ودنيا سهله ومريحه

رديت علي واحنه ندخل ..جااا شمانعك ترجع وياي ..وعيش ويانه ..وهل جدك ماقصر تركلنه حلال واراضي خير من الله ..بيع عيادتك وبيتك ..واخذ هناك بيت وعياده ..وتبقى بنصن ..وبينه ..موحسن مااكل واحد بيكم بديره

مهند .. بعد ماابيها ..هنا الي اسمي..ومراجعيني ..ماكدر اجازف واروح ..يالله استعجل ترى عندي دوام ب٤ بالعياده ..
بدلت ..ورحت ويه ..حتى يوصلني بطريقه للكراج ..ذبني بكراج الكاظميه وطلع هو كبل ..ولتحقت ..
ثاني يوم رجعت للدوام ..وبالي كله ارجع للبيت لان شتاقيت هواي لامي واهلي كلهم ..
بالي يم اخويه .. والعشيرة والجاي يصير بيها بغيابي ..ادري بعلي ماايكدر يتحمل مشاكلها الحاله ..والباقين ماايعرفوا يتصرفوا بهواي حالات لان مامتعودين علئ اهل القرية ومشاكلهم ..

المهم بيوم اجازتي وراء مكضيت عشره ايام بالدوام ..دخلت على فاتن وحجيت ..سلام عليكم ..متحضر حتى نروح ..
ردت وهي تركض وراء ابنها ..سلام هلوو شهوبي ..تعال ..غير تتغدا تبدل تسبح ..ونروح

حجيت ..لا يالله ورانه طريق عود هناك ابدل ..

طلع امير سلم علي وحجه ..دتعال يمعود من الباب ..شبيك طارت الدنيا

رديت ..لا ..بس ورانه طريق ..اكلك ماتجي ويانه ..شعندك باقي هنا وحدك جنك بومه ..

ضحك وحجه… ولك غير دوام ..بس تدري والله شتاقيت لاهلي صار فتره ماشايفهم

رديت واني ادخل ..خلص بوويه جااا..خابرهم اخذ اجازه وتعال ويانه ..وهو باجر مهند يلحكنه هم ..

حجه ..والله ماادري .. تسوي واهس للواحد انت

كعدت وبتسمت ..بوويه مابيه حيل اسوق ..
كعد بصفي ..كل عمرك نذل ..بس غبي كل مره اوكع بنفس الشبجه ..
رفعت حاجبي وحجيت ..امير حجيت شي
رد وهو يضحك ..لا بوويه ..اسوق وانه الممنون
وطلعنه كلنه من بغداد ..للعمارة ..وصلنه يم بيتنه ..وقبل ماننزل حجه امير ..ماتجي نروح للشيخ ..وبعدين ننزل للبيت

جنت تعبان لان جاي من الدوام قبل للعمارة بس فرصه اصالح علي وحجيله الصار كتله ..مااشي خلي نطلع بس نزل فاتن بالاول ..وباوعتله لاتكولين لاحد اجيت ..

ردت وهي تنزل ..لاخلص مااكول

رديت وانه انزللها غراضها ..مو السانج متبري منج ..لاتحجين الا اني اجي

امير وهو يضحك ..وشهد شاهدا من اهلها ..هاي اخوج اعترف بلسانه

اخذتهن من ايدي وردت ..لا خوويه شجاك ..ماكلهم اطمن .ودنكت علي امير ..بعدين نتحاسب امير






امير ..اشاقه وياج حبيبي ..شعندي غيرج

فاتن بضحكه. ..اي احجي عدل حبيبي

شهاب...دفوتي جوا كافي ..وانت يالله خلصت المكانات واقفين تحبوا بالشارع

امير وهو يضحك ..روحي حبي ..هذا يغار من حبنه ..وكعد يسويلها بوسات بالهواءوهي تتمضحك يم الباب

عاد صحت بيها ..بوويه طبي فضحتينه ..وانت اثقل شويه ..لاحظ انه كاعد

حرك ومشى وهو يحجي ..بوويه احد كالك اكعد بالنص ..واحد هو ومرته ..انت شكوا

شهاب ..دمشي ..لاتخليني اتصرف بطرق ثانيه

رد ..لابوويه ..مششينه ..مااعايف نفسي انه

وصلنه علي بيت الشيخ علي ..اول مادكينه وفتنه ..اجانه حسين يركض ..بوسة واجتي اخته شهد على صوتي هم بوسته ..وكتلهم ابوكم وين ..كالوو بالمضيف يم ناس ..دخلنه اني وامير ..واول ماادخلنه ..وسلمنه كله ردت ..وناس نهضت تسلم علي ..منور شيخ ..وين هل غيبه ..كتلهم جان عندي شغل ..عفتهم وتقربت على علي ..ودنكت بسة راسه وكتله احسبها علي خوويه ..لزمني وحظني ..وبوسني ..كلي ولك انت مو اخووي ..انت ابني ..لو شسوي مااازعل منك ..انت عضدي وذراعي وعيني الشوف بيها ..يحجي وعيونه مدمعه ..واني هم دمعة على حجيه ..شكد جنت مشتاق لصوته ولحظنه احس فعلا ابوي مو اخوي ..

حجه امير ..جااا كاافي خلي اسلم ..لوهي بس لشهاب
تركني وتوجهه على امير وحجه .. كل الهلا باابو سجاد ..منور العمارة
رد امير ..منور بيكم ..هلابيك شيخنه ..الك وحشه والله
علي ..بوويه احنه نفس مكان انتم الي تكطعوا ..واحدكم بس طلع من القريه ..بعد مااشفنه ..تفضلواا ليش واقفين اهل بيت انتم ..
كعدنه كلنه وامير حجه ..شنسوي غير دوامات ومسوليه ..لو ماادوام جان يوميا يمكم ..اكوا احلى من هواء وناس العمارة

بقينه كاعدين ويه علي لحد ماراحت الناس من يمه ..وكعدت بصفه وحجيتله كل صار ..طبعا من عدا الصار بينه ..وامير وياي ايد كلامي كله
علي بالبدايه ماقبل على سوينه وحجه ..بوويه انتم زمايل ..شكوا تصرفوا من كيفكم ..غير تبلغوا واحنه ونتصرف والله ماعرف شحجي وشكولن ..مااتبطلوا تتصرفوا من كيفكم

شهاب ..جااا بعد الصار ..صار ..واني شفت هيج انسب حل ..وانت تعرف زيدون لو شما تحجي ويه ..راح يكلك ماله ذنب ..وصار ننسي ..وجان اخذها ..وغصب علينه كلنه ..بس هيج خلص ماعاد يفكر بيها ..انه مااجان بالي اتزوجها ..غير من شفته مصر عليها ..وماايقبل احجي عنها ..وبعد اني سويت شفته صح وكتها ..
علي وهويضحك ..والله صدك السماك ذيب ..بوويه روح فالك ..اخذت حيف ابووك وزايد ..وخلصت اخوك من مصيب جان راح يذب نفسه بيها ..

شهاب ..يعني مااكوا بكلبك شي عليه

علي ..بوويه من شوكت اشيل بكلبي عليك ..بعدين هاي الفتره الغبة بيها ..عرفت صدك قيمتك .. بدونك العشيره ضايعه ..اني ماالي خلك اركض وراء هذا وذاك ..الحمدالله من خلصت علي خير





كتله انه اروح اشوف البيت ..عود اجيك بعدين ..امير هم كام وياي وحجه ..اي انه هم اروح لاهلي لسه مااشفتهم ولاسلمت عليهم..

حجه وهو يشر نكعد ..وين كعدوا ثنينكم تغدوا وروح وين ماتريدون ..

رديت علي ..جااا لا والله اروح اشوف امي ..صار شكد ماشايفها ..كلش شتاقيت اله ..ماااكدر ابقي بعد ..وعود اجيك

وامير هم رد ..والله ماكدر لزم اروح اشوف اهلي ..

سلمنه علي وطلعنه ..امير ذبني يم الباب كتله فوت ماقبل كلي اني اجيكم العصر ..وراح

فتحت الباب من فوك ..ودخلت ..شفت باب المطبخ مفتوح وبي صوت ..دخلت من المطبخ ..اني من امشي مااطلع صوت ابدا ..فدخلت باوعت شفت وحده واقف على الطباخ ودندن ويه نفسها ..لابس ثوب لحد الركبه وربع ردن ..رافعه شعرها اسود كلش ومبين طويل صاير طوبه فوك راسها ..ونزلت خصل بكل مكان منها ..بالبدايه بقيت اباوع ..احاول اعرف منو هاي..بعدين استغفرت الله وبعدت عيني ..يجوز وحده من بنات عمتي لو كرايب ..وحمحمت ..من التفت علي وهي مرعوبه ..وشهقت من شافتني....وكع الماعون من ايدها ونكسر ..وهي ارتبكت وخجلت ..بقت مدنكه ..مارفعت راسها
بقيت صافن ..غاليه ..

غاليه ..عدت فتره ..واحنه ماعرف اي شي عن شهاب ..غير حجي من امير ويكول زين مابي شي ..ومهند هم نفس شي ..وفاتن نوبات تكول يبات يمي ..غيرها ماعاد سمعت صوت ولاحجينه ..واني هم التهيت ..خاصه بيوم الي طلعت قبولتنه ..جان من احلى ايام حياتي ..وكتها من خابرنه مهند وكاله ..غاليه طلعت طب..كعدت بالكاع ابجي ..من فرحي ..حسيت بفرحة عمري شكرت ربي على ان ماضيعلي تعب ..ولاسهر ..صح جنت اتمنى اطلع صيدله بس الكتبه ربي جان احسن واحلى..ويومها كلنه بجينه من فرحتنه خالتي حظنتني وبجت ورقيه ..حسيت اخيرا تغيرت حياتي وكدرت امشي بطريقي بيدي ..بعدها صارت ناس دك وكله تهني ..من غير عماتي الي اجني كلهن بيومها ..وباركلي ..وجانت الفرحه بعيون الكل صدك حسيت ان سويت شي افتخر بي ..

بس جانت اكوا نغصه بكلبي من شهاب ..و المشكله ابد مااتغيرت مشاعري تجاه وهل شي عذبني اكثر ..ومن سمعت خالتي تخابر فاتن تكله كليله خلي يطلق غاليه ..بعد ما تبقى على ذمته ..
وكتها كلت ان هذا احسن حل على الاقل ابعده عن فكري والتفت لنفسي ودراستي
خلصت خالتي حجي وجيت كعدت يمها
وحجيت ..خاله احسن شي ان نطلق ..هيج نرتاح احنه الاثنين اكثر

خالتي .. ولج انت صدك تحجين ..يمه لا عبالج الطلاق شي سهل لان حبيبتي اصعب قرار بالحياة هو هذا .. عبالج لو تطلقتي تنحل امورج وترتاحين يمه راح نسد باب بس بالمقابل راح ينفتح علينه الف باب ..راح كلها تكوم تتحكم بحياتج حتى الي نكول علي ماله شغل وكتها يفتح ويكوم يتحكم ..وهل شفتي بعدج بنيه وبلنج على عمرج وتهمنج لو تطلكتي راح يحيروا شحجوا ..اي يمه لا تستغربين احنه عايشين بمجتمع مربط المراه من كل ناحيه مااشفتي شلون اكوا نسوان عايشه بالظيم ويه رجولته بس صابره وساكته لان يدرن الناس ماترحم المراه وكل اليجي يحط على حملها حمل محد يعينها فتكلك ابقى بظل رجال ولا ذل الناس .. والله حتى دراستج تصير صعبه اذا مااخلوج تكعدين .. على الاقل ابن عمج منج وبيج وانت تحت جنحه منو يحجي نص كلمه لو يدخل بيج ..




غاليه .. لعد خاله انتي ليش كلتي لفاتن خلي شهاب يطلها اذا تعرفين كل هذا ..

خالتي .. قابل صدك ..ادري لو كلت هيج راح يرجع يركض ..
غاليه .. وليش يرجع يركض ..مافهمت

خالتي .. دخلي نتاكد بالبدايه بعدين تعرفين ليش ..

بعدها باايام ..جنه كاعدين حاله من حال باقي الايام ..خالتي قبلها خابرت مهند حتى يجي يسجلنه للجامعه ..هو قبل ..وكال اسبوع الجاي اجي ..فبهذا اليوم ..رقيه جانت فوك متابعه مسلسل تركي ..وخالتي نايمه بالغرفه ..دخلت فاتن فجاءه نززتني اول ماسلمت علي ..باوعت ركضت حظنتها ..وحجيت ..مشتاقيلج ام سجاد ..اخيرا اجيتي

هي ردت ..والله اني هم اشتاقيتلكم ..بعدين الف مبرروك بدكتورتنه الحلوه ..

باوعتلي ..جااا هيج جامعه تحلي ..ماشاء الله صايره كيكه

انتبهة على نفسي بملابس البيت ..احنه من ماكوا احد يمنه فناخذ راحتنه باللبس بس من حجة ركضت على درج لزمت ايدي ..وين ولج ..تعالي محد اجه وياي ..ابقي هيج ..وغمزتلي ..طالع لعابه ..جااا وين جنتي ضامه هل جمال هذا ..

ابتسمت ..اكلج ..صدك محد وياج ..لعد جابج

ردت ..ولج جابني امير بس راح لاهله مايجي الايخابرني ..لاتخافين ..امي وين لعد ..مشتولت الصفحه الثاني وين

اشرتله علي غرفه خالتي هنااا ..ورقيه فوك تباع مسلسل ..تدرين بيها اذا ماتخلي الصوت يلعلع ماتابع ..فخالتي ماتخليها تفتح تلفزيون البصاله . .

رحت الغرفة خالتي ..وصاحت جهاله ..روحوا صيحوا خالتكم خلي تجي ..اسلم عليها ..

رحت اكمل غدا اني ..جانت خالتي مسويه برياني وتشريب دجاج ..وراء شويه كعدنه كلنه بغرفة خالتي نحجي ونضحك ..وفاتن طلعتلنه هداية كل وحده جايبتلها سيت جنطه وحذاء ..بس كلش حلوات ..اخذناهن وحجيت ..ماله داعي ..كافي جيتج وكلمة المبرووك كلشي كافي

ردت ..حبيتي هن هذني شنو مامحسوبات هدايه هاي من طلعنه للمول شفتهن وعجبني وكلت اخذ الج ورقيه ..قابل شعندي غيركم ..

ردت رقيه ..لعد انتي جايبه جايبه ..غير تجيبلي الشالات مالتهن وياهن

فاتن ..باع الطماعه ..بالجذب كولي شكرا ..لو ماتعرفين

رقيه وهي تضحك ..عمي شكرا ..بس مااحسوبات ماوياهن شالاتهن

فاتن ..مواكول طماعه ..من يوم يومج ..تامرني يابه ..من تجوا علينه اخذلكم ..صدك انتم اكيد راح تجوا تاخذون ملابسكم من هناك ..احسن وموديلات هواي ..واسعار زينه

خالتي ..انشاء الله ..هو بس ترجعين ويكملن تقديم اخذهن ياخذن ملابس ..
فاتن ..اي انشاء الله

بقواا يحجوا ..وكلت رقيه تقوم تفرش السفره بالصاله ..واني رحت اصب ..جنت واقف على طباخ ..من سمعت صوت حمحم ..وكع كلبي وفزيت التفت ..من شفت شهاب ..مادري شصار بيه وكتها ..اتمنى تنشك الكاع وتبلعني على كد الفشله والخجل الصرت بي ..بقيت مدنكه ..واحس الدم كله صعد لراسي ..وخدودي شتعلن نارر ..وهو واقف بمكانه ..غير يتحرك ..يمشي ..ماكواا ..اخر شي رفعت راسي ..اباوعله ..لكيت عيونه بيها..نظرات غريبه ..من حرت شسوي وخلص كعدت بسرع على ركبي ..واني الم بالكزاز مال ماعون ..ومن خجل ماارفعت راسي ..بس حجيت ..خالتي جوو اذا تريدها ..





مارد علي ..بس حسيت بي من عبر من يمي وراح للغرفه ..وكتها اخذت نفسي ..وكمزت حطيت الكزاز التكسر بسلة النفايات ..وركضت للدرج غيرت ملابسي ..لبست دشداشه طويله ولفيت شالي ..ونزلت لكيت رقيه هم جاي تصب ..عاونتها ..ونقلنه الاكله للسفره بالصاله ..وسمع صوت خالتي تعاتب بشهاب ..ونوب بجت ..ركضنه على صوتها اني ورقيه ..لكينها حاضنها وهي تبجي ..وتشتم بي ..تكله رايحتك ماراحت من خشمي من غبت لليوم ..شلون انطاك كلبك تبعد عني ..واني كل وكت بالي يمك لاليلي ليل ولانهاري نهار ..

دنك باس راسه وحجه ..جااا حقج علي انه اسف ..وكلشي تحجي وتكولي حقج بي ..بس ماجنت ادري هيج قلبج قاسي علي ..يعني اجيج للبيت وطرديني ..ترضينها انت ..وواسطلج ولدج حتى تحجيني وماتقبلين ..ماجنت ادري بيج هيج تشيلين علي بسرعه ..نستيني ولاجني ذاك شهاب الي جنتي تكولين انت ويه النفس ..

خالتي شهقت بالبجي وحظنته ..ولك يااشيل عليك ..غير احجي من وراء كلبي ..واسال هاي بنت عمك واختك اذا عيني غفت يوم مابيها دمعه ..ولا ضحكت ولا سولفت مثل ناس ..غير الدنيا سودات بعيني احجي والله يمه لمصلحتك ..حتى لوقسي عليك بس ادري بي يصيحك على وكتك ..خلي تعذب بي اهم شي انت توعه لنفسك ..اني شعندي غيركم ..والله انتم النفس الي اتنفسه لوصار بيكم اقل شي ليلي مانام من قلق والتفكير ..

جنه نسمعهم ..ونبجي كل احنه اني بس اريد حجه دموعي بسرعه تنزل عشره عشره ..
بس رقيه مسحت دموعه وحجة بسرعه وهي تضحك ..لا جذبين انتي بس شهاب ياكل ويشرب وياج ..وكلما كمتي وكعدتي حجيتي بي .. والله لوغيب عنج سنه مادوريني

خالتي وتمسح بدموعه وتضحك ..والله انت اكيف اخلص من السانج هذا ..شفايتلي يجي واحد وياخذج الانطيج من الصبح ..وحطت ايدها على شهاب وحجت ..هذا وليدي وسندي شعندي غيره

هو حظنها وحجه ..جااا ماعليج ببها لويجيها ابونجم الا انطيهيه ..حتى توب تحجي

رقيه ..والله على كلبك ماازوج ..

ضحكوا كلهم على سوالف رقيه ..وبعدها توجهنه للسفره ناكل ..بس طول الوكت متجنبه احجي ويه ..وهو حتى ماسلم علي ..واني بقيت هم خجلانه منه على ضايجه على غضب كلت احسن شي اتجنبه ولا كانه موجود وبعد نهائي ماارفعت راسي وباوعت بوجهه ابد

بعد الاكل ..هو طلع كال رايح شويه اشوف المنطقه ..واشوف جهاد ..طلع وبقينه بس احنه
حجت فاتن ..يمه شنو رايج اخذ البنات ونروح للصالون ..اني هناك ماكدر اطلع من البيت ..هنا على واهس ..وهم خلي يسون تغير بعد صارن كليات وباجر ياخذهن شهاب يقدمن ..عيب يدخلن للجامعه بهاي وجوهن ..
كمزت رقيه ..اي والله ..عفيه والله حجيج ذهب .. فدوه رحتلج

خالتي ردت عليها ..كيفت على سوالف صالونات ..ودكيتي جفيه

رقيه ..يووو.. يمه انتي كاعدتنه علي ركبه ونص ..موهاي البنات كلشي يسوا ..وبعدين احنه خلص داخلين دجامعه والحسين اذا اضل بهذني حواجبي ..بالعباس مادوام ..غير اصير منصبه للجامعه كله

ردت خالتي وهي تضربها علي جتفها ..دكافي شويه ثقلي ..ولج هاي غاليه ..مووياج ..حتى هي احق منج وماحجت يوم ولاكالت احف وعدل ..بس انتي كلبج طاير ..

فاتن ..غاليه ماشاء الله حواجبها راجعات مثل قبل ..هسه يطلعن يخبلن بس شويه تعديل ..

حجيت ..عفيه ماريد ..اصلا شكلي تشوها بالعرس بقيت شهرين ماعرف نفسي ..شسوت بيه هاي ام صالون شوهتني ..همزين عمتي جابتلي ماده رجعت شعري لونه الطبيعي ..وبالزيوت والمداره يالله رجع طبيعته ..
ردت خالتي ..يمه اخذتيهن الوحده زينه ..ولاتلعبين بشعرهن ابد وحواجبهن بس تعديلات بسيطه ..

فاتن ..مااشي يمه
بعد ماالحت علي فاتن ورقيه رحت وياهن ..بس جنت خايف يخربن شكلي ..بس حلفت هل مره مااسكت ..شويه واجه امير ..جنه نبدل ..نزلنه سلمنه علي ..واخذنه ..وذبنه يم وحده صالونها كلش جبير وبالسوق على شارع العام ..
دخلنه وسلمنه ..وبعدين اجتي وحده عامله اخذت فااتن تشتغلله بشعرها ..واني كلت رقيه ..روحي انتي قبلي ..خلي اشوف شراح سويلج ..فاتن التهت بنفسها ونست حتي توصيها بينه ..صعدت رقيه وحفتله وجهه وكملت ..قبل ماتسويله حواجبها حجت ..مااريد تخففيهن بس مجرد تعديل ..ترى اني مامتزوجه ..طالبه كليه ..عاد وكتها نطقت فاتن وكلتله… فدوه امي مية مره وصتني ترى عدها اخواني كلش نحسين ومايقبلون ..بس تعديل بسيط ..

عاد هي ام صالون كامت ..كلتله عوفي اني ارتبهن اله ..كامت وسوتهن ..من خلصت رقيه ..تعجبت طلعت تجنن ..ماخففتن بس رفعتهن شويه ..بقت رقيه تباوع على نفس بالمرايه وتضحك ..هاي اني ..يالله شكد تغير شكلي ..والعباس اليشوفني مايعرفني ..صدت علي ..ولج شوفي طلعن عيوني اكبر من عيونج ..واني حاسدتج عليهن ..ماصدك ..ههههههه ولج هاي اني ..

رديت عليها واني اضحك ..كبر شبيج تخبلتي ..شويه استحي عيب فضحتينه..

باوعتلي ام صالون كلتلي انتي هم تسوينهن ..كتله ..اي
كلتلي تعالي من دخلتي لسه ناصب عليج ..عيونج وحواجبج يجنن ..وكل شويه اريد اسالج ..تسويهن ..ابتسمت وكعدت كتله من ذوقج هذا ..بس فدوه مثل رقيه سويهن

رقيه باوعتلي ..هاا غرنه ..وهي بس تباوع بالمريه

بدت تشتغلي ..وكملت وجهي وسوتلي حواجبي ..بس غيرشكل طلعت صدك اكوا صالون تشوهج ..وحده تقلبج ١٨٠ درجه ..بقيت صافنه بوجهي ..ماعرف شكول ..اني زيدتلي الرفعه لان حواجبي اثخن من رقيه بهواي ..فبرزن اكثر ..والمشكله عيوني واسعه كلش بقيت متعجب شلون طلعت ..

حجت رقيه ..باوعلي ولج ..صديت عليها ..وكالت يالله تخبلين ..ولج تكولين عيون غزال ..شدعوه هلكدهن ..جان انطتيني شويه ..

فاتن رفعت راسها وكلتلي شو اشوف غاليه ..صديت عليها
كتله هااا خوما موحلوات
شهقت وكلتلي ..اللهم صلي على محمد وال محمد ..ولج شطالعه ..همدنه مااجبنج بالعرس هنااا ..بووويه اذا شافج شهاب الا يضرب راسه بالحايط من القهرر هههههه
خزرتها ..فااتن ..جوزي مني ..ولاتشبجين ..سالفه خلصت وانتهت

ام صالون سمعت ..وبقت تحوس مزوج ياعيني مامبين عليه وبعدها صغيره فدوه ..وبدات فاتن تشرح قصة عرسي ..مااخلصنه الا راسي ورم ..ماحجيت ولا شاركت عفته وحدها تحجي ..

رجعنه للبيت تقريبا ساعه ب٦ ..تلكتنه خالتي باب المطبخ ..ليش هيج تاخرتن ..شهاب جو وكل شويه يسالني ..واكله هسه على جيه والله صاير مثل النار ..شراح يخلص اليوم
يتبع… .
الكاتبه بنين الطائي
🦋🦋……………………………… ..🦋🦋

[فيتامين سي]

البارت الخامس عشر
اسفه .. تاخرت بالبارت شويه انشغلت المهم
متابعه طيبه حبيباتي ❤ 🦋

......................
رجعنه للبيت تقريبا ساعه ب٦ ..تلكتنه خالتي باب المطبخ ..ليش هيج تاخرتن ..شهاب جو وكل شويه يسالني ..وكله هسه على جيه والله صاير مثل النار ..شراح يخلص اليوم

رقيه ..والله كل صوج بنتج هاي ..كل تاخير منها والله اني وغاليه ماطولته ساعه ..هي ساعه صبغ وتخصيل وتنعيل ..هي تدخل تحجي ويه ..
فااتن ..جااا خايفه منه ..اي احجي ويه ..غير رجلي وياي هو وداني وجابني ..شكوا بعد
رديت ..لعد ادخل احجي كدام هذا الحجي
خالتي ..يالله فوتن امشن ..لايججن لهنا
دخلت فاتن ..واني ورقيه خاتلين وراه ضهرها ..ومجلبين بعبات ..حجت ..دوخرن هواني قوه واقفه
اول مافتن من المطبخ للموزع ..كدام باب الستقبال جان واقف بالستقبال اول ماشافن كمز اجه علينه ..اني ختلت اصلا وراه فاتن ورقيه ..باوع علي وجهه صاير نار كبره ومبين علي العصبيه ..
راس صاح بفاتن… وووين ..لحد هسه ..بوويه هاي الدنيا مو ليل
فاتن وهي تحاول تحجي… والله ياخويه ماامنتبهين على وكت لان بداخل الصالون ضوه قويه مااينعرف ليل من نهار ..وبعدين اني متفقه ويه امير بس انخلص ..ادك علي يجي ياخذني ..وهو هل وصلني ماصار شي يعني ..

شهاب ..جاا انتي من كل عقلج ..ماتعرفين الوكت شلون صار ..والدنيا موامان ..وانتن كومة نسوان يعني لو طبكت عليكم سيارة ..شيكدر امير يسوي ..بس شكول صوجه هو الاغبر ..حاطله كومة نسوان ويفتر بيهن لهل الوكت ..

ام علي ..يمه على كيفك ..مادام اجوي بخير الحمدالله مااتسواه ضيجت خلك ..وانتن يالله صعدن فوك ..امشن اركضن ..
فاتن ..خوويه طول بالك ..شنهي سالفتك ..كله ساعه ماتعدت السته ..وماتسوا كل هاي العصبيه وهاي اجينه وماصار شي والحمدالله ..
شهاب اخذ نفس ورفع ايد على شعره يمسح بي ورجع حجه ..خويه اني من خوفي عليكم حجيت ..هاي موبغداد هاي العمارة ..وهنا ماكوا طلعه بليل ..فهمتي لو عيد ام سجاد
فاتن ..لا خلص خويه حقك اول واخرمره ..يالله يابنات اصعدوا لغرفكم ..
ماصدكنه اني ورقيه ..ركضنه اثنينه على الدرج .. بعدنه ماوصلين نهاية الدرجات سمعنه صوته صاح بينه
شهاب… ووين ..مااتجن تسوا زقنبوت لوتردن العشاء يجي يمجن ..
بقينه متصنمين على درج لا بينه نصعد لو نرجع لحد مااجه صوت خالتي
خالتي… ااي ..خلي يبدلن وينزلن يسوا ..التفت علينه وكالت روحنه يالله وبسرعه ارجعن حتى تحضرن عشا
ركضنه على نفس وقفتنه الوقفناها من صاح بدون مالتفتنه..اول دخلنه للغرفه
رقيه ..شفتي بس يصيح ويتهدد ..لزم يحجي ويحط نفسه ماتفوته فايته
غاليه ..سكتي ..من صاح بفاتن اجه كلبي يوكف من الهبطه ..والله لو بس مباوع علي جان نزلت دمعتي ..
رقيه ..هههههههه بالحسين رجليني كامن يطكن وحده بالثانيه ..عزه بحياتي ماخفت مثل خوفتي اليوم ..
غاليه ..امشي نروح نحضر العشا لا يكعد يصيح ..شو مبين علي اليوم معصب كلش
رقيه ..معصب علئ نفسه ..احنه شكوا ..خرب يومه طير فرحتي بشكلي جديد ..بس خليني اباوع زين ..الله يربي ماعرفت نفسي ..ولج شوفي شلون طالعين تكول جنه قروده وهسه صرنه بنات هههههه





غاليه ..صخام بعينج ..كافي بس تباوعين على نفسج مو حتي مرايه كرهتج من كثر مامقابلته ..امشي ننزل لايجيج اخوج ويكمل فرحتج براشدي لوبوكس تغير الخلقه كلها
رقيه ..لا هم عايزه ..يالله امشي مابيه حيل

نزلنه للمطبخ جانت فاتن وخالتي وشهاب بالصاله كاعدين ..كعدت اطلع كبه اقلي ورقيه تكلي طماطة ..ونحجي بيناتن كملنه وحضرنه الصينيه ..وخذته لهناك ..كعدنه كلنه ناكل جان شهاب كاعد من الجهه اليمنه وبصغه من جهتي فاتن ..واني ونوب خالتي ورقيه ..شويه ورقيه اخذت لفه وكامت ..كالت صاعده هناك اكمل ..واشرتلي بعيونها الحكها ..بس مافهمت ليش ..
جنه ملتهين بالاكل هم يحجون بينهم بس اني عيني على تلفزيون الصاير كدامي ..شويه وشهاب خص وكح مرتين
خالتي صاحت ..اسم الله يمه ..علي كيفك شجاك ..صاحت مي بسرعه

كمت بسرعه جبت مي واجيت جانوا خالتي وفاتن يحجن وخالتي تحجي عليها لان جهال ماتعشوا زين وناموا ..وهي تكله والله هو اكلهم هيج ..بس لفه ويناموا ..وخالتي استلمتها رزايل ..لان ماتنتبه على جهاله زين
اني صبيت مي بالكلاص ونطيته لشهاب ..مديت ايدي ..بس مااخذه من ايدي ..حجيت بصوت ناصي ..المي شهاب
ماخذه هم ..باوعت علي اني بالعاده استحي احط عيني بعينه ..وخجل كلش منه ماعرف ليش ..المهم لكيته صافن يباوع علي ونظرته غريبه ..لان عقد حواجبه مال واحد متضايق ..مافهمت شكل نظرته هاي ..اني من شفته هيج هم ذبيت المي بصفه ..ورجعت كعدت بصف خالتي وفاتن بلا مارفع راسي ..بس احس بي لسه عيونه تلاحكني ..غير كلبي طلع من مكان ..اوو غير اتمنى الزم هذا الكلب ومرده على كده مايخفك بس من نظره ..بقيت بصعوبه ابلع اللكمه اصلا شبعت وبطني كامت توجعني
ماحسيت غير علي فاتن حجت ..جاا غاليه شمالج ماتاكلين ..
جاوبته واني بالقوه ابلع الكلمة ..لا اني اشبعت اصلا ..
فاتن ..شو اشوفج ..شبيج مصخنه ليش خدودج هيج حمر
وصارت تلزم بكصتي وبخدودي ..وخالتي بسرعه فرتني عليه ..شنو شو اشوفج صدك شبيج مصخن شتحسين ..راسج يوجعج هااا
يافشلة الفشله ..بالله شكلهن هذني ..اريد اجاوب ماعرف احجي ..غير نوب من صدك صخنت ..بكلبي احجي ..بس خاله خليني ابنج يوخر نظراته الي احسن تقربن طلقات مو نظرات ..
بس خاف الوضع عايز شويه اجتي خالتي وكملته من باوعت علي زين وحجت ..
خالتي ..بسم الله الرحمن الرحيم ..ماشاء الله يمه شطالع جنج جمارة ..فدوه هل العيون تكول عيون غزاله ..

كمت ارمش من الخجل احس نصهرت خلص بس ردت اطلع من هذا الخجل كتله ..خاله مابيه شي.. والله ..بس نعست ...شويه ..مانايمه ...زين البارحه ..

جنت اطلع الكلام بالقوه ..كتله ..اروح اسوي جاي ..وكمزت من يمهم بسرعه ..وكعدت احضر بالجاي ..انتضرته يفور ووكعدت اغسل بالستكانات والموعين بالسنكي ..واني اتذكر نظراته الي ..يربي شبي هذا هسه حرت افسر هاي نظره ..كره حب تعجب غضب ..اوو ابقه عمري كله هيج ماتوب اني ..يعني كافي يوميا رايح مزوجله وحده واني بحياته ماعبرني وكاعد شاغله كل وكتي افكر بنظراته شنو ..وتلكينه اصلا مو باله ..اوو صحت بصوت ..كاافي شكد افكر ..خلص ولاشي يستاهل اشغل بالي ..
بس كمزت من اجاني صوت خشن
وكلي… انشاء الله شنوو الشاغل بالج





التفت لكيت بنظراته هاي الي تخلي الواحد يجمد بدمه ..وكع الستكان من ايدي ..وحجيت واني اتمتم ..مااا… كواا.. شي

رفع حاجبه وكلي ..جااا شمالج كلما شفتني طيحتي ماعون ..خلصتي مواعين امي ..شنو بويه جني كدامج ..لو هيج اخوف انه ومادري
رديت واني مدنكه الملم الستكان النكسر ..لا لا ليش ..اخاف قابل شكووا ..بس داخلي منهبطه بس من شنو هم مادري ..
ذبيته بالسله ..وهو اجه تقرب على على سنك واجه يغسل ..تذكرت الستكانات والمواعين عفتهن بنص السنك ..
بسرعه صحت بي ..لحظه لا تغسل فوقاهن
واتجهت للسنك ..وخرت الاستكانات والمواعين على جهه ..واجيت ابتعد عن طريقه ..بس فاجئتني ايده الحطه على سنك ..تقطع طريق عبوري ..ولاحظت وكتها ..اني اصلا جنت واقفه بحظنه من كثر مااجان قريب علي ..بلعت ريقي ..شبي هذا اول مره يبدر منه هيج تصرف
حاولت اطلع من الجهه الثاني واني مدنكه راسي من الخجل والارتباك ..بس لكيت ايد الثانيه هم نفس الوضع ..شهقت بصوت ناصي ..واني اعصر على عيوني واديني ورجليني يرعشن ..واني محبوسه بين ادينه لو جاي يتخيلي ..
بسرعه حجيت واني احاول اطلع صوتي بدون رجفه .

ايدك ..اريد اعبر ..
اجاني صوته وحجه بصوت ناصي رعش كلبي اله ..جااا ماتعبرين لزمج انه
بقيت ابالع احاول ماطخ بي بس شي صعب لان قريب مني ..فبسرعه حجيت .. ابعد ايدك عن طريقي ..
رد علي بس يحجي بصوت هادي واني من يحجي هيج مدري شصير بيه كلبي يصير طبل احس كل الوادم تسمع صوته ..
شهاب..ترى لسه مذكر كلامج وياي بالموبايل .. اخر مره شقصدتي هاا

كمت ابلع بريقي من الخوف .. يااربي دخيلك شجاني وحجيت
غاليه باارتباك ..لاا ..ماا… موقصدي ..احجي هيج ..بس ابعد ايدك اريد اكمل الجاي ..
رد علي واني حس بقربه وصوته الي يحجي بخفوت .. شنو جان كلامج مالك دخل بيه ولا الي دخل بيك ..على اساس مزوجه سطل مي حضرتج ..

عقدت حواجبي ورفعت راسي ..اباوعله وماعرف شلون طلعت من حلكي هل الحجايه .. بس من كثر حركتي بكلامه هسه حضرت تذكر متزوجته
غاليه .. منو ..كال .. لاسطل مي ولا غيره .. اصلا مامتزوجه اني ..

بوكتهاا شفت عروق رقبة برزن وجهه تغير صار يخوف .. بلعت ريقي وحسيت تسرعت بكلامي مااحسيت غير جر ذراعي احس ايدي راح تنخلع
شهاب بغضب .. شكلتي ولج .. لزم مو رجال بعينج حتئ تكولين هيج
غاليه بخوف .. لاااا .. مووقصدي
شهاب وهو يتقرب .. لعد شنو ست غاليه .. شقصدج .. ماامزوجه ..
بقيت ابالع شلون بلوا هاي اريد تطلع الكلمة عاصيه بحلكي غاليه .. مااا..اق..صد ..شي .. بس انت الي كلت لاتعتبرين هذا ..زواج صحيح ..ولاتعبرين نفسج بيوم تصيرين مرتي … من هااي حجيت هيج

شهاب بصوت خشن ..والله ..وعلي لومااادري ..ماتعرفين سولفين وجفصين .. جان كسرت راسج على هاي سالفه ..
بلعت ريقي وغلست .. واصلا شكله مايتفسر مو مال واحد يحجي ويه كلمة بعد
حاولت املص نفسي .. وطلع من الحبسه هاي ..وسحب ايدي منه ..
ترك ايدي اخيرا ..بس مااسوالي طريق اطلع
خفت والله وكتها منه لان تصرفاته ماتنحزر
بقيت مدنكه واحس نار تطلع من وجهي لان صوت انفاسه باذني وقريب علي ..
صرت ادفع بايده حتئ اطلع ..
غاليه .. بس .. شوية ..خلي اروح
عبالك حايط لا يتحرك ولا يرد ..





بس فجاأه تحرك ابتعد مسافة على صوت فاتن من اجتي تمشي وتحجي ..اويلي يمه… لزم تبقين تلحين على هاي سالف ..غير تدرين الحجي ضايع ويه ..
اني ركضت من كدامة جنت احط الجاي بالصينه وطاسة الاستكانات واني ديه يرعشن مادري شبيه ..وهو وكف يغسل ويحجي وياها ..منو ..هذاا
فاتن… شكوا ..غير مهند ..لزم امي تفتح موضوعه ..وتكلي احجي ويه علمود يتزوج ..ويخلف ..واني كلما افتح سالف ويه يشلع كلبي ..ماينطي امل ..كاافي ابقى الح ويه مااترهم ..
شهاب .. جااا هو صغير مايعرف ..يدبر اموره ..شلجن غرض تدخلن بحياته ..هو اعرف
بعدها راحو كعدوا ..اني وديت الجاي وصعدت قبل ..بس عود اجاني نوم ..اول مره يصير بينه هيج موقف ..بقيت الليل كله اتقلب ..لحد ماتعبت ونمت بدون ماحس

ثاني يوم المفروض ياخذنه شهاب نسوي معاملة ما التحاق بالكليه ..كعدت من الصبح سويت رويك للكل وكعدت رقيه وكعدن نبدل ..واني افتح بالكناتير وافتره ومخبوصه للاخير ..
رقيه ..احم ..ممكن اعرف سبب كل هذا توتر وقلق شكوا شنو صاير من وراي
غاليه بتوتر ..شنوو ..ولا شي قابل شصاير ..عادي لان رايحين للجاممعه وراح نشوفه اول مره ..ونسجل شي اكيد احس بقلق
رقيه ..ممم ..ماشي راح احاول اصدكج

بعد ماغسلنة وطلعنه ..اول مادخلنه المطبخ اجتني ريحت عطره الي تخلي الكلب يرفر بالغصب ..جان الكل كاعد على ميز الطعام يتريك ..صبحنه وكعدنه ..اباوع علي ..لابس الزي العسكري وحاط النجمات وشكل والهيبه تصطر ..والله يربي مو بيدي ..استغفرالله ..ليش احس كلبي كاام يوجعني...يعني هم شيخ وهم ضابط ..هوواحد يخليج بعالم ثاني ..اذا ثنينهم بهل شخص شلون ..نوب شكله كلش حلوو وعضلاته بارزه بهذا اللبس ..يبوو عليه شوكت ابطل افكر بي ..يربي الرحمه احس كلبي راح يطك من وراه

وين مانمشي وراه ..الناس تجي وتاخذ المعامله منه ..مااانتضرنه كل مكان نروحله بسرعه يمشونه ..لحد مادخلنه للجامعه ..طبعا شهاب دخل من بوابة الاساتذه والمشرفين ..وكل اليعبر من يمهم ينطونه تحيه ويكلوله تفضل سيدي ..
نزل وكلنه يالله ..نزلن نمشي وراه ..اباوع علي من يمشي يالله كله خطوه من خطواته تكول كلبي نشلع بيها ..كل ثقه وهيبه من يمشي ..وناس تسلم علي ..الي يكله شيخ منور الجامعه كله ..والي يكله سيدي منور
الحمدالله جامعه فارغه مابيها طلاب ..دخلنه جو وهو دك على واحد ..اجه اخذ المعامله ..كلنه كعدوا هنا ..دخلنه كعدنه بغرفه فارغ مابيها احد ..بس مبينه مال موظف ..راح شهاب هو ولد ..بعد مااكد علينه مانطلع منه ..
وراه تقريبا ساعه اجه ..وكال يالله حتى توقوا ..رحنه وكقعنه على اسمائنه ..وطلعنه نزلنه جوا
وتلكه رجال شويه جبير بالعمر وسلم علي ..وحجه
منور الكليه اليوم ..شيخ شهاب يمنه
رد علي ..جاا استاذ ضاري ..منور بااهله ..شلونكم شلون الاحوال
استاذ ضاري ..والله الحمدالله ..ماكتلي عدكم تقديم ..
شهاب ..اي والله اجيت اقدم لرضيعتي ..وبنت عمي هناا يمكم ..
وكته الاستاذ باوع علينه وحجه ..ياهلا نورتوا ..شنو كلياتكم الطلعت الكم ..
حجت رقيه ..بنورك استاذ ..اني رياضيات ..وبنت عمي طب اسنان
رد عليها ..كل هلا بيكم ..خاصه الطب..عمي نريد دكاترة اسنان حلوين حتى ناس يصيرلها واهس تراجع طبيب الاسنان ..
عاد شهاب قبل مايخلص حجيه كاله ..يالله من رخصتك استاذ ..وطلع كبل ..حتى مالحك الرجال يرد علي ..بس خطيه صاح وراه الله وياك ..نورتونه ..
رد من وراه خشمه ..تسلم ..مع سلامه
هاي هو اصلا جاي يمشي ..وصارت خطوات سريعه مافهمنه شبي ..
رقيه شاورتني ..شبي تخبل ..حتى ذوق ماعنده ويه الناس
رديت ..لا ولج ..شهاب بالعكس شيخ ..ومايسوي هيج تصرفاات مستحيل ..بس احتمل لان احنه ويه ..مااحب نبقى واقفين نحجي ويه الاستاذ ..تعرفين طبعه
رقيه ..اي يجوز احتمال
رجعنه للبيت ..وخالتي بقت تسالنه ..شهاب صعد وكال راح انام ..لحد يكعدن من اجوع اني انزل اتغدا ..
اني ورقيه غسلنه وبدلنه ..ونزلنه نتغدا لان جعنه هواي ..




ساعه ب٣ رقيه وخالتي جانوا نايمين ..اني جنت اباوع على فلم عربي قديم ..احب الافلام الابيض والاسود ..اموت عليهن ..رغم اني ورقيه عركات ماتحب هيج افلام وتتخبل اديره عليهن ..بس نوبات تندمج وياي بالفلم ..خصب عليها ..المهم نزل شهاب
وكعد على تخم لزم موبايله يقلب بي وحجه ..لعد امي والبنات وين ..
رديت ..خالتي ورقيه نايمات ..وفاتن والجهال اخذهم امير حتى يتغدون عند اهله ..
بعدين كمت ..حميت الاكل ..وصبيتله وخليته كدامه ..كام ياكل ..وراها جبتله الجاي ..اخذه مني ..
بعدها سمعته يحجي بالتلفون ..ويه وحده ..ركضت اتصنت علي من باب ..واني احجي بقلبي ..يربي سامحني بس اذا مااسمع شنو يحجي وياها اموت بحصرتي
مافهمت غير هو حجه ..كلها ..كافي يوميا نفس الحجي ماتملين ..بوويه خلص سالفه وراحت ونست لاتضلين يوميا ..دكه مره الثانيه اتصرف وياج بطريقه ثانيه ..وسد

طلعت رقيه وهي تثاوب ..كلتلي ..جاي تسوين هناا
عطت بيها ..ولي من وجهي .. وكعتي كلبي خرب يومج .
فات من يمنه صعد ..وصاح رقيه حضريلي ملابسي رايح اسبح ..عندي شغل
رقيه ..شعليه اني ..مايحضرهن لنفسه
غاليه ..واذا حضرتيهن ..تنقصين شويه يعني
رقيه ..روحي انتي ..مو مرته
غاليه ..عبالك مثل صدك مرته ..ولج اني والكرسي بالبيت واحد عنده ..
رقيه ..يووو ..هو اني مبتليه مبتليه ..خلي اروح وامر لله
غسلت مواعينه الاكل بيهن ..وصعدت ..باوعت قبل ماصعد بغرفتي ..شفت الملابس الحاطتهن رقيه اله ..
رحت رجعتهن للكنتور ..وطلعتله دشداشة لونه رصاصي وبيها تطريز على الصدر والجيب اسود ..وطلعتله غتره اسود ..وحطيت ساعه سوده على ميز ونضارته وطلعت

بعدها طلع هو ..بدل وسلم علئ خالتي واحنه بقينه ملتهين بين شغل البيت وبين فاتن وجهاله ..فاتن عنده سجاد الجبير وبعده محمد وايسر واخر شي بنيه فرح بس كله تصيحها بطه
جهاله حركين خاصه الولد .. وخالتي تبقى بس تحجي عليهم ..بس مايفيد الحجي مايخلون مكان يعتب عليهم مايكلبوا كلاب ..بس طبعا غرفه اشهاب مايدخلوها يخافون منه ..
ثاني يوم الظهر ..اجانه جهاد على شهاب ..وسلم علينه ..ونظرات بينه وبين رقيه ..بس هو نزل عينه بسرعه ..شهاب ..تعالوا ..انه مااباركت الكم على نجاح كلت الا وبيدي هدياكم ..
بهل الاثناء دخلت خالتي ..هلا يمه جهاد شلونك شلون امك والاهل كلهم ..
جهاد .. هلا عمه كلهم بخير ويسلموا ..مروا علينه وسولنه زياره حلوة مثل ذيج ..
خالتي ..الله يسلمك يمه ..اي والله يرادلنه ..يالله انشاء الله قريب ..
جهاد .. انشاء الله
فاتن هم اجتي كعدت ..شلونك جهودي ..شلونكم كلكم
جهاد ..هلا باام سجاد ..والله نسال عليكم ..نورنوا بجيه
فاتن ..اي ليش لعد ونخسركم غدا
جهاد ..عمي موبس غدا نذبحلكم ذبايح ..بس اوصلوا
فاتن ..اي والله انشاء الله بلكي يصير مجال وياخذونه ..
جهاد ..الله كريم
فاتن التفت علينه جنه واقفين اثنينه ..انتن شبيجن هيج واكفات ..تكول بصتفاف مدرسه ..
عاد بسرعه كعدنه ..شهاب حجه ..تعالي رقوي هذا موبايلج اخذي ..والف مبرووك نجاح ..
رقيه عافت كلشي وركضت على موبايل ..ويبارك بيك ..تسلملي حبيبي ..هاي الهدايه الزينه ..ركضت حظنته وهو هم اخذها بحضنه ..وحجه ..تدللين كم رقيه عدنه ..
رقيه ..فديه ..احزام ظهري ..يوميا احلم بهل الجهاز ..واخير لزمته بيدي
فاتن ..هههههههه طماعه مو بيدج ..اذا موهدية غاليه ماتسد عينج
رقيه ..اسكتي ..انتي ام الهديه الناقصه ..ماانسيته ترى
فاتن ..ياعز بعينج ..تكول ناقصه ..نقصج عيشتج
شهاب ..جااا خلص راح تتملخن ..غاليه ..هذا الج ..الف مبروك النجاح
كمت اخذته من ايده وحجيت ..يبارك بيك ..ماله داعي الهديه ..
حجت خالتي ..لا شلون ماله داعي ..ليش كم طبيبه عدنه .
فاتن ..يالله بوسي راسه وكليله شكرا ..لواكلج ..يالله بس حظن مثل رقيه ..
طبعا وكته كلش خجلت من حجي فاتن وباوعتله بخزر.. ورجعت لمكاني ..
فاتن ضحكت ..اشاقه شجاج صرتي طماطة
خالتي ..دكومي اليوم عليج الفدا ..روحي من وكت اطبخي





واني ارتاح شويه من اخذ هاي حبايه دوخني ..من رخصتك يمه جهاد
جهاد .. لا عمه اخذي راحتج
طلعت وراه خالتي ..واجتي رقيه وراي ..صعدنه فتحنه الموبايلات ..جانن يخبلن من الحديثات ..فرحنه كلش بيهن ..
رقيه ..احس نار بيه ..ماكدر اتحمل اشوفه كدامي ومااحجي ويه
غاليه .. يمكن هيج احسن الكم اثنينكم ..
رقيه ..لا ..لزم احجي ويه ..الي سوا وياي مااينسكت عنه ..ابقى حطه بكلبي والوب ..راح شوف فرصه وادخل احجي ويه
غاليه .. ولج عزه بعينج ..غير شهاب جوه ..واهلج ..ولو سمع حرف الا يذبحج والله
رقيه ..لاتخافين ..ماخلي يشوفني
نزلت تركض ..ونزلت وراها الواب وجلبت بيها ..وماكوا فايده ..الا تدخل تحجي ويه ..
بقينه بالمطبخ نفتر ..فاتن كاعده يمه خالتي تحجي ..شويه وطلع شهاب من الصاله للحديقه ..ركضت رقيه علي
وحجة ..شهاب وين رايح
شهاب ..جااا طالع شوف زلمه بالديوان شويه واجي ..ليش شتردين
رقيه بتوتر ..لا هيج ..بس ردت اصبلكم جاي
شهاب ..جااا اي صبي لجهاد ..وخلي فاتن طببه اله علما اجي ..
رقيه التفت علي وهي تصب بالجاي ..فرصتي ..هاي .انتي راقبي خاف يجي غفل ..هسه ارجع
غاليه ..عزه العزاج ..ولج رقيه ..رقيه
مااسمعت كبل دخلت جوا ..بقيت ارجف وباوع يمنه ويسرا ..عزا لو شافوهم جوا ..غير يدفنه عدله شهاب ..ويروح بيه الولد لا مسوي شي ولاحجي شي ..
ماحسيت غير صوت فاتن ننززني ..غاليه ..وين الصينيه مال جاي
غاليه برتباك ..هااا ..هو رقيه ..صبته وانطته لشهاب ..
فاتن ..هااا ..لعد وين راحت هي
غاليه ..فوووك… صعدت فووك يمكن
فاتن ..فدوه اني بغرفت امي ..اذا فار مي التمن عود كليلي
غاليه… اااي ..ماااشي
رحت فاتن واني كلبي يطب ..الحمدالله ماادخلت للصاله ..
التفت على جهة الحديقه ..وكلبي نخمط ..من شفت شهاب يمشي بتجاه الصاله ..ردت اركض على رقيه ..بس شفت فاتن بالباب الثاني واقفه بعدها
ماكدامي حل ثاني ركضت بسرعه ..على جهة شهاب قبل مايفتح الباب ..لزمت ايده وسحبت ..وحجيت واني اريد الكه سالفه احجيه ..نوب ضاع كلش مااكوا بدماغي احجي ..بقيت بس ابلع بريقي ومجلبه بي على جهه
هو استغرب وبقى صافن علي ..مجلبه بدينه ومفتره بي على حايط حجه… جااا شكوا ..شبيج
بسرعه اخذت نفسي وهديت ايده ..وكتله ..عموو ابو نجم ..شفته واكع ..من فوووك

رد علي وهو مصدوم ..ابو نجم ..شبي ..ولج
رديت واني بلقوه اطلع الحجايه ..مااادري ..روح شووفه ..مدري شبي
تركني وركض برا ..واني بقيت احجي بقلبي ..سامحني يربي على هل جذبه هاي ..بس شسوي خلي ابعده شويه
دخلت بسرعه واني اللهث ..لكيت رقيه مجلبه بدشدشة جهاد من صدره ..بسرعه لطمت على صدري
جهاد بعد ايدها ..انتي شنو سالفتج ..ماراح تكعدين راح ..الا تسوينها كاتل ومكتول
رقيه ..انت السبب ..من خوفك من اخواني جاي تقتل كلشي بداخلك ..
اجيت اركض ..مو كت الحجي ..يالله امشي ..شهاب الاشويه يفتح الباب عليكم جان صار بيكم هسه ..امشي بالقوه يالله بعدت شويه ..
رقيه ..ماتحرك ..قبل ماايكلي ليش هيج يتصرف وياي
جهاد ..بسج عاد ..وروحي قبل مايجي اخوج ..بوويه خلص انسي ماابالي ولاعمرج تصير بالي ..انت شنو ماعندج احساس ولا كرامة ..
رقيه عيونه كامت تذب دموع ..وركضت فتح الباب وصعدت تركض للدرج ..جهاد كعد وهو ضايج كلش وحط ايده يمسح وجهه ودنك بالكاع ..
دخل شهاب ..هو يباوع علينه ..جهاد حجه ..اني استرخص خوويه ..عندي شغل لزم اروحن
شهاب وهو مستغرب ..جااا غير كلت ماعندي شي ..وكلت نتفدا سوا ..شصار وغيرت رايك ..
جهاد ..لا ماصار شي ..بس اجاني اتصال ..يالله مع سلامة
شهاب بقى صافن ورد ..الله وياك
بقه بالي يم رقيه ..وكلبي نكسر عليها ..وجهاد هم شكله ضاج ونقهر ..اووف يرقيه حظج وحظي اثنينه مكتوبنه نحب الي مو النه ..والمصيبه ماجاي نقتنع ونسى ونبعد ..لزم اروح اله ..لاتروح تسوي شي بنفسه هاي مخبله ..
هستوني اريد اطلع من الباب ..انسحبت اذراعي ..ولكيت نفسي بوجهه شهاب الي مايتفسر ..وعيونه تجدح نارر

شهاب ..جااا شنوو جنتي تسوين يم جهاد ..وليش كلتي ابو نجم وكع ..من رحت لكيت الرجال كلشي مابي ..
بلعت ريقي ..هااا ..مادري تخيلي وكع ..يجوز مااشفته زين ..
جرني علي بحيث انفاسه صارت تضرب بوجهي ..وحجه بااذني بصوت خلاني ارجف كلي ..جنتي ..تسسوين يم جهااااد

………… يتبع
🦋🦋……………………………… ..🦋🦋

[فيتامين سي]

البارت السادس عشر

بنات على اساس البارحه انشر بارت بس صدكوا والله مالحكت .. وسويتها اليوم طويل وخاصه للمتابعين الوردات الي دعموني البارحه هذا خاصه الكم كملت كل احداثه بدون مااقطع بي حتى لاتكولون تشوقنه وتقطع البارت علينه ..
يالله مااستاهل الدعم تصويتكم حتى تشجعوني ولاتنسوا تابعوا حسابي
متابعه طيبه حبايبي
الكاتبة بنين الطائي ❤🦋.....

.........................................

غاليه ..ماااكوا شي ..مااسوي ..
شهاب ..شدخلج هنااا لعد
غاليه ..ااااي ..عادي ..جنه اني ورقيه واقفين ..شبيك هو جهاد واحد غريب ..هذا ابن عمتي ومثل اخوي ..
فجاءه اجانه صوت فااتن فهدني وبتعدت عنه شويه
فاتن..احم ..شنو قاطعتكم ..صايرشي ..واني مادري
استغليت الفرصه وتركتهم وركضت على الدرج ..رحت اشوف رقيه ..

شهاب ..بقيت اباوع وراها ..واني بداخلي افكر ..هواني شبي نفعلت زايد ..مااظن لان شفته واقف يم جهاد ..يعني شنو الغريب بالموضوع ..دائما يكعدون سوا وجهاد مختلط بينه مثل اخواني ..

قاطعت افكاري فاتن بضحكه ..شنوو هاي ..صاير تصفن ماعرفتك ..شهوبي ..

شهاب ..جااا شبيج ..جنج هاي الفزاعه الي يخوفون بيها الطيور ..

فاتن وهي تغمز ..لزم طيرت عصفورتك ..

شهاب ...ااروح اشوف ..امي احسن من حجيج الماسخ ..

شهاب ..من اجيت للعمارة ولسه مادري ليش صايره تصرفاتي مااعرف تفسيرهن ..شجاني هيج اتصرف اول تالي ..احسن شي التهي بالشغل .
رحت كعدت يم امي وحطيت راسي بحظنها ..وكعدت تمسح براسي وهي تسبح
شهاب ..يمه ..شنو رايج نسوي زياره للقرية
امي ..والله يمه ياريت ..بس شوف شوكت تفرغ ..وكلي نتحضر ونروح
شهاب ..انشاء الله ..
بقينه كاعدين اني وامي نسوالف لحد ماصار الغدا ..كمنه لكينه الاكل جاهز على الميز
امي وكفت على درج وصاحت البنات ..حتى ينزلن يتغدا

وكعدنه كلنه ناكل بس شويه ونهضت رقيه
رقيه ..اني شبعت
وراحت تركض فوك
التفت امي على غاليه ..يمه شبيها رقيه
غاليه ..ماااابيها خالتي ..شويه تعبانه
فاتن ..من شنو تعبانه قبل شويه جانت تضحك وفرحانه بالموبايل الجديد
غاليه ..هي مخبله ..تلكيها ضايج على نهاية المسلسل لو فلم حزين شافته ..هسه اني اخذ الاكل واصعد ناكل سويه
امي ..اي يمه ..خطيه مااكلت
غاليه ..لاتشلين هم ..ابقى ازن على راسها لحد متاكل ..
وصعدت بعدها غاليه ..وحسيت امي ارتاحت ورجعت تاكل ..
بعدها صعدت اخذتلي غفوه ..كعدت الساعه تقريبا بالخمس العصر ..انه من ارجع اجازه ابقى اغلب الوكت نايم يحل علي تعب الدوام ..لان هناك ماشبع نوم ابد

نزلت لكيت امي متعارك ويه محمد وايسر جهال فاتن ..مدري شمسويلها ..اول ماشافتني صاحت

ام علي ..ولك يمه شهاب تعالى ..شوف ذواله الملايجه شمسوين بالحديقه ..




شهاب ..عوفيها يمه ..اني عود اخلي واحد يجي يرتبها الج من جديد ..

ام علي ..ولك يمه هاي شجار والورد صارلي عمر ازرع بي من وكت ماجان ابوك موجود ..وكل شتله بالحديقه حطينها اله ذكرى ..لان ويه كل مولود يجينه جان ابوك يزرع شجره ..يكول تبقى باسمه ومن شلنه من ذاك البيت كل الشجر خليتهم يجبوهن ..من هاي عزيزات علي ..
تقربت بسة راسها ..مايعز عليج شي ياغاليه ..بس تعالي لاتتمرضين من وكفتج هنا الجو بدا يبرد ..واني باجر اخليهم يرجعوا كلشي مثل ماجان ..

دخلت امي بغرفته وكعدت يمها اجتي غاليه انطتني الجاي اخذته منها وكعدت اشرب واحجي ..ويه امي
صعدت اسبح ..وصحت على رقيه تحضرلي ملابسي ..
طلعت بدلت وسلمت علي امي وكتله اتاخر عود تعشوا انتم
رحت على علي ..وجان عدنه كم شغله خاصه بالعشيرة خلصتهن ومريت على جهاد وكعدنه ويه جماعتنه على شط جانوا يشوا سمج ..واحنه نسوالف ونضحك
بعدين اخذت جهاد على جهه ..وحجيت ويه
شهاب .. بيك شي .. اليوم اشوفك مو على بعضك ..

جهاد .. لا.. ماابيه ..صدك بس تعب ..اي احجيلي شصار وياك على مرتك

شهاب ..غاليه ..شبيهاااا

جهاد ببتسامة… بوويه من شوكت تعتبر غاليه مرتك ..جنت اقصد بنت التكريتيه

شهاب ..هااا ..لا ..بس لان هي الباقيه على ذمتي.. وطلقت ذيج وخلصت من سالفته فدمره ..

جهاد ....شتريد بعد موزين خلصت سالفه بينكم على هجي ..مااصار بينكم شي

شهاب هو يفرك بوجهه ..تريد صدك ..انه غلطت وياها

جهاد بصوت عالي ..شنوووو ..بوويه شغلطت موكلت مااوصلت يمهااا

شهاب ..اششش ..بوويه فضحتني بنص العربان… الي صار جنت سكران مو بوعي ..وصار الي صارر ..ومشكله من يومها ..وهي مجلبه تكلي احبك واريدك ..وارجعلي ..

جهاد ..انت فكرت زين قبل ماتتركها ..يعني مااتحس بناحيتها اي شي ..يخليها تبقى مرتك وماطلكهاا

شهاب ..بوويه شفكر كل عقلك ..كل صار غلطه ..وهي الي ستغلت فقدي لوعي ..انه مااجبرتها على شي ..جنت اقصد بكلامي وياهاا وحدة ثانيه وختلطت السالفه علي

جهاد .. خلص انهي موضوعها كله ..وخلص من هل السالفه ..لاتظل كل يوميا وثالث داك عليك ..وتريدك ترجعها

شهاب ..لا خلص رزلتها بعد اذا دكت تكون وحده بلا كرامة..

جهاد وهو يرفع حاجبه… اي ..مااكتلي منووو هاي الثانيه التقصدهاا جنت

شهاب ..كوم نشوف الجماعه سواا على العشاء ..

جهاد بضحكه .. اي ..افلت ..بس تاليك تعترف

خزرته ورحت ..اشرب اركيله ويه الولد ودك موبايلي ..فتحت هاي فاتن ..رحت مسافه وحجيت ..الوو هلا ام سجاد
فاتن ..شهاب ..امي حرارته مرتفعها ..تجي ناخذها للمستشفى ..شكد حاولنه مانزلت ..
شهاب ..جااايكم ..مسافه الطريق
بسرعه تحركت بالسيارة ..دخلت للبيت بعد خمس دقايق ..ركضت على غرفة امي… جاااا شكوا شببها ..





فاتن ..خوويه من طلعت لسه هي تون ..حاولنه ننطيها علاج ..وسوينالها كمدات ماافاد ..كلت تجي ناخذها للمستشفى ..
شهاب ..صدك جذب ..بوويه ليش ماادكيتي علي من وكت .
رقيه ..هو ردنه ندك ..بس مااقبلت امي كالت ..ماابيه شي على علاج هسه اصير زينه
غاليه ..خلص ..هسه اخذوها للمستشفى ..وبعدين العتاب

كعدت حطيت ايدي علي كصتها مشتغله نااار ..وتون طلعت روحي عليها ..وحجيت هااا حبيبه شلونج ..
ردت بالقوه تحجي ..لاتخاف يمه ..مابيه شي
رديت عليها .. ياامابيج شي وانتي صايره نار يالله كومي ناخدج للمستشفي
كومتها ..وحجيت لبسنها عبايتها ..ومنو تجي وياي بيجن
حجت فاتن ..انه خوويه بس اجيب عبايتي واجي
كتله بسرعه ..كومتها على كيفي ..واجتي غاليه عدلتلها الشيله مالتها ..وحطت العبايه علي راسها ..وكومناها اثنينه منتجيه علينه ..لبستها رقيه شحاطتها ..وكعدتها اني وغاليه للسيارة ..طلعت فاتن تركض وسندتها وكعدت هي وياها ليوراه

طلعنه للمستشفي ..وهناك شافها طبيب كاله هاي حمى صاير عدها ..انطاها علاج ..وضربها ابره ..بس تخربطت من ضربتها ..اني تخبلت عبالي صار بيها شي ..اجه يوكف كلبي ..بس طبيب كال هاي ماماكله زين والابره قويه ..فاااتخربطت ..
عاد فاتن حجت ..اي صح ماقبلت تتعشا كالت مااكدر اكل ودخلت تنام ..

رد الطبيب ..اي وهاي الابره قويه فتخربطت ..بس هسه خلتلها مغذي بس تخلص ترتاح ..وهذا كتبتلكم علي مغذي وابر جيبوهن من برا ..وفد ٤ ساعات من الان هم تضرب وحدها بالمغذي ..
وراه شويه كعدت امي وحجت ..خلي نرجع يمه ..مااظل وكت البنيات وحدهن بالبيت ..
رديت عليها ..يمه لزم تضلين هنااا ..مااسمعتي الطبيب كال عندج بعد ٤ ساعات ابره هم ..

فاتن ..روح انت شهاب يم البنات مايصير يبقن وحدهن ..واني وامي نبقى

شهاب .. شلون اعوفجن وحدجن ..احتاجيتي شي ..صار شي ..خلي اخابر علي علي يروح للبيت ..
ردت امي ..لا يمه ..لاتخابر ولاابد ..اني اريد ارجع للبيت اتخبل من المستشفى مو تدرون بيه ..وعود انتم اضربوني الابره ..

شفت امي ماتقبل تظل ..رحت للطبيب وسوينه خروج وكلي خاف تحتاج سوالها كمادات هم ..

رجعنه للبيت ..وحطيت العلاج يمها ..وحجيت راح ابدل واجي انام هناا يمها ..واذا احتاجيت شي اكلكم ..انتم روحوا ناموا كلكم ..

فاتن صعدت تنام ..بس غاليه ورقيه مااقبلن ..وجابن فراش ونامن بالكاع بالغرفه ..اني سنحت بصفها على سرير ..

لهناك اخذتني الغفوه ..وكعدت وراه تلاث ساعات ..لكيت غاليه كاعده تسوي كمدادت لامي ..ورقيه مبطوحها ونايم على الفراش بالعرض ورجليها رجل على مخدات ورجل بار الفراش ..
نهضت وحجيت ..شلون صارت ..

غاليه ..لسه عدها حراره ..بس جاي احطلها كمدات حتى تنزل ..

شهاب ..انتي ماانمتي ابدا





غاليه هزت راسها ..بلا

اباوعلها جانت اول مره تنزع شالها كدامي ..من وكت مااصار بينه مشكله ..بس جان شعرها وكتها مصبوغ وملعوب بي ..بس هسه راجع نفس لونه ولايك اله كلش ..هي لمته شلون ماجان ..فنازل مخربط عليها ..والظاهر من كثر ماامشدوها ويه امي ..نست تلبس شالها ..اني هم بقيت صافن وهي تتحرك خصل شعرها يطير بكل حركه ..جنت اباوع وحجي ..عاادي مرتي واذا بااوعت ..بعدين هزيت راسي ..هاي شبيه ..جااي افكر اني وشبي هيج صفنت ..
عايف امي وملتهي اصفن بشعرهاا

تقربت من امي لزمتها ..نازله حرارته بس لسه بيها حراره
باوعت على الساعه وحجيت ..غاليه ..امي عدهاا ابره بعد ساعه ..اخااف انسى ذكريني
ردت وهي تسوي كمدات ..اي ..مااشي

بقيت ارقبها وهي تهتم باامي ..مااحست على نفسي من غفيت ..كعدت على ندها الي… شهااب ..اكعد حتى تنطي خاالتي الابره ..

طفرت ..اي ..ااي

شكلت المغذي ..وعلكته بالسرير وضربت الابره بي ..

باوعت جانت كلش تعبانه ومبين عليها النعاس ..
حجيت ..روحي انتي ناامي خلص ..اني اكمل

ردت ..لا ..لا اني ماانعسانه ..من انعس عود اكعد رقيه ..نام انت ..

سحبت من ذرعها وكعدت بدالها ..روحي بوويه راح توكعين عليها ..مواطيب وحدها وتكع الثانيه ..روحي اني شبعت نوم ..

راحت ونامت بصف رقيه ..وبقيت اني كاعد اسوي كمادات لحد ماصارت الساعه خمسة ..طبعا انه متعلم علي الخفارات واصلا بالدوام ماانام هواي لو ساعه لوساعتين ..بس سبحان الله من اجي للبيت يجيني كل نوم واصير اطفي لحالي ..يمكن لان الدماغ يبدي ينطي ايعازات وكت راحة ونوم ..
المهم كعدت رقيه ..واجتي شافتني جاي اغفي بالقوه مسيطر ..حجت ..يااا انت بقيت سهران كل ليل ويه امي
رديت ..لا بويه غاليه واني تشاركنه بالسهر
رقيه وهي تسحبني ..روح نااام يالله اني راح اكمل عنكم لان نمت وماتعبانه ..
رقيه سنحت بصف امي وكعدت تسويلها كمدات
شهاب ..جااا وين اناام كوومي منااا ..كعدي بالجهه الثاني

رقيه ..دنام بفرشي موهذا يمك فارغ ..واني هيج مرتاحه مااتعب ..
جنت منعس كلش ..ومااشوف كدامي ..رحت شمرت نفسي بفراشهااا ..
حسيت تقريبا الساعه بالعشره ..بااوعت جنت ناايم وبصفي غاليه ..رفعت راسي لكيت رقيه غافيه على نفس مكانها ..كمت ..لزمت امي لكيتها بارده ..لزمت كصتها هم بارده ..
الحمدالله رجعت حرارته طبيعيه ..وادينها لزمتها باردات وكتها اطمن كلبي ..ورتاحيت
دخلت فاتن وحجت ..هااا خوويه شلونها امي شلون صارت
رديت عليها ..لا الحمدالله صارت احسن
دارت بعيونها وهي تباوع على رقيه وغاليه شامرات نفسهن ونايمات بعمق
فاتن ..ياا خطيه ..مبينين بقيتوا سهرانين الليل كله
رديت واني انهض من مكاني بثقل بعدني نعسان ..اي والله ..تناوبنه عليها لان جانت حرارته عاليه مانزلت للصبح ..
فاتن ..ياااسوده عليه ..ماكعدتونه وياكم ..كل ضني نزلت حرارته وكلت بس تضربها الابره تصير زينه ..بس الظاهر جانت حمى قويه ..
رجعت تمددت بمكاني ..جااا مو احنه تلاثتنه موجودين ..وانتي هم عندج جهالج ..مومال تسهرين الليل كله ..والحمدالله هل صارت زينه ..بس تركيهم نايمات خطيه تعبن البارحه





فاتن ..اي خوويه ابقوا نايمين ..واني راح اسد الباب واطلع اريك الجهال ..واخذهم فوك حتى مايسوا هوس خطيه امي تعبانه خلي تبقى مرتاحه ..
هزيت راسي ..وطلعت فاتن وسدت الباب وراها
جنت نايم علي ظهري ..التفت على جهة اليسرى ..جانت غاليه نايمه ومتلفلفه تلفلف بالغطا ماطالع بس وجهه ..وايد الي حاطتها كدامها على مخده
صفنت اباوع عليها ..وضحكت علي منظرها شعرها مهوس بكل مكان ..ودينها مشموره متر عنها ..وملفلفه بالغطا تكول دولمه ..شكله بحد ذاته طفولي وتصرف بطبيعته مااتتصنع وهل شي يخليها طفوليه اكثر
بعدين انتبهت علي نفسي مركز زايد وياها ليش ..رجعت قلبت نفسي على ظهري وحطيت اديني على عيوني
واني افكر ..ماالزم اكعد احلل وافكر زايد شدخلني اني بتصرفاتها وكاعد احلل بيهن ..
مااحسيت بنفسي من غفيت ..كعدت بالقوه اتحرك ..كمت اباوعت مااكوا احد بصفي فراشها فارغ

رفعت راسي لكيت امي كاعده ومنتجيه على سرير
وكاعده غاليه بصفها وتشربها شوربه ..
كمت من مكاني ..ورحت يمها ..هااا يالغاليه شلون صرتي هسه ..
باوعتلي بضحكه ..اذا تسال عن غاليه هلا كدامك وسالها ..بس اذا تسال عني ..اني الحمدالله بالف خير
ضحكت وكعدت بصف غاليه الي صارت بيني وبين امي وحجيت ..لا وصايريه تحششين حجيه ..جااخوش حمى هااي ..يرادلي وحدها مثلها
امي بسرعه انتفضت ..لايمه اسم الله… الله لايشوفك تكسر العظام وتنحل الجسم ..
رديت عليها ..والله البارحه هبطيتنه عليج ..غير كل الوكت فاقده ومااحسيتي بشي بس جسمج مشتعل بنار
امي ..اي والله سوده عليها ..تعبت وياكم ..والليل كل سهرانين تسوان كمدات
اجيت احجي بس سبقتني غاليه الي ابتسمت من ردها ..وهو احنه شفاتيتلنه نكدر ..ننطيج ولو نقطه من بحر الي انطيتي النه ..هو احنه لو نسهر الج عمر مانوفيج نص تعبج علينه ..وسهرج بمرضنه وقلقج على حالنه
امي ردت وهي مبتسمه بمحبه ..الله يحفظج بنيتي وحبيبتي ..
باوعت علي امي مبتسم ..جااا شنوو احس دعوتج صايره خاصه ..موعامه ..نسيتينه بس غاليه صارت بنتج لوشنو
امي وهي تضحك ..لا شلون انساكم ..ربي يحفظكم كلكم الي
رديت واني رافع حاجبي ..اي هيج من البدايه حجيه ..
ردت عليها غاليه ..يالله خالتي اكلي ليش وكفتي ..ترى جسمج تعبان ويحتاج تغذيه ..وانت ماماكله من البارحه
امي ..والله يمه شبعت ..بعد مابيه اكل ..
اخذت غاليه الخوشه من ايد امي وكعدت توكلها وتكلها ..يالله بس هاي الخاطري ..
وامي اكلت ..وردت بس لان الخطرج اكلته ..
وماقبلت تحط بعد لكمه بحلكه ..
تقربت من غاليه ..ومديت ايدي من بصفها ..هي نزت بس ماتحركت لان صينيه جان على رجليها ..
اخذت الخشوكه من الماعون ..وحجيت ويه امي ..يالله وانه ماعندي خاطر ..وتاكلين من ايدي
امي بقت مصدومه تباوعلي ..واعرف ليش ..لان تقريبا حركتي خلت غاليه تصير بحضني ..لان ظهرها صار بصدري ..وهي ارتبكت وخجلت
بس ماتكدر تتحرك ..لان ايدي الثاني متجيها على حافه ساد عليها طريق الخروج ..
امي ابتسمت وهي تباوعلي ..واخذت تشرب من ايدي وتحجي ..والله يمه من ايدك اكل الماعون كله ..
ضحكت على سالفه امي ..وصرت اعبرلها لكمات وهي تشرب ومتونسى ..
وعايفين غاليه الي صارت طمامة من حركتي هاي
مااجان قصدي شي ..بس اضحك من احس بيها تنحرج مني وتصير حمره ..هذا الخجل ماادري ليش احب شوفه
يمكن من كثر ماافاقده بالبنات ..صرت احب احرجها بس حتى اتونس بخجلها ..
بعد لكمتين والثالثه ..ماتحملت ..وطفرت واقفه ..وحجت اروح شوف الغدا ..وخلت الصينيه بحظني وفلتت ..
ضحكت من فلتت ..التفت لكيت امي تباوعلي بنظرات تسال ..تقربت عليها ..وكتله يالله اخذي دواه
وكعدت انطيها العلاج واحجي بي ..وضيعت السالفه





بعدها تغدينه وانطيت علاج لامي مال الظهر ..
وراها جنت كاعد يمها بالغرفه دخلت فاتن
فاتن ..يمه ..اني راح اروح ..باجر الصبح امير عنده دوام
حجيت .. وين ..ماتشوفين امي بعدها مريضه وتحتاج مداره
ردت امي ..لايمه ..خطيه خلها تروح ..رجلها خطيه عنده دوام ..وهم اني الحمدالله صرت احسن ..وانت والبنات موجودين يمي ..
فاتن ..يمه اذا تحتاجيني ابقى ..راح اخابر امير ..وكله يروح وعود خلي اشهاب من يلتحق ياخذني ويه
ردت امي ..لا حبيبه روحي ويه رجلج ..لايظل بالج ..هنا يمي بناتي اثنينهن وشهوبي ماايحتاج ..جاي نحجي
وسمعت صوت علي ..يحجي ويه غاليه ..
وساله على امي ..صحت اني ..تعال ابو حسين ..هناا
دخل وسلم ..وتقرب على امي باس راسها وحجه ..جااا يكولون مريضه وتعبانه ..اشوفج صاير جنج كيكه ..حتى خدود حمر ومضويات ..جااا اني اشوف لوتكومين وتخليني اني اكعد بالج دشوفي وجهي تكول بيه ابوصفير ..

ضحكت وحجيت .. هاي الخدود الحمر من اثر السخونه مال البارحه ..
ردت امي علي ..يااايمه ..منو كلك ..مو كتلهم لايكولك هو انتي حاير بنفسك نوب يظل بالك يمي ..

علي ..بويه شلون ترضيه انتي ..مريضه وانه ماادري ..غير جان لويت اذناتهم كلهم
بهاي سالفه ودخلت غاليه شايله الجاي ..انطتنه كلنه
وكمل علي وهو يضحك ..اول واحد اشلع اذاناته شهاب ..شتكولين غاليه
رفعت راسها تباوع علي وردت التفت علئ علي وجاوبته ..والله ابو حسين ..بقت بكيفك
رديت واني رافع حاجبي .. لزم عجبتج السالفه ..وبكيفك

ضحك علي وحجه ..والله بس اشري ..غلوي اني املصلج اذاناته

بااوعت عليها انتضر شترد ..
بس ابتسمت وسكتت
شويه وعلي حجه ..اكول لزم نعوف امي ترتاح شويه ونطلع بالصاله احنه ..
باوعت امي خطيه من اثر الدواه غفيانه ..اشرت براسي وطلعت ..
لكيت فاتن مبدله هي وجهاله ..صحتلهم انطيتهم كل واحد خمسه ..وكتلهم لاتصوفوهن كلهن مره وحده ..
وشفت بطه ركضت كعدت بحظن غاليه ..وهي تحجي تعالي ويااانه ..عفيه
ضحكت وكرصت خدها وكلتله ..وعد عن قريب بس تصير بيبي زينه ..نجي كلنه مااشي
شبقتها وكعدت تكله لا اا هسه
بهل الاثناء دخل امير ..وسلم وردينه علي ..حجه لعد عمتي شبيها سلاماتها ..وينها اكدر اشوفها
رديت علي ..والله غفت من اثر الدواء يخليها نعسانه كل الوكت ..بس الحمدالله زينه هسه
امير ..الحمدالله ..حرامات عبالي اسلم عليها قبل مارواح
رد علي ..وانتم شجاكم مستعجلين مااصارلكم يوميا من اجيتوا
امير ..والله شيخنا صارلنه ٤ ايام هناااا واني اجازتي خلصت من البارحه المفروض اليوم التحق ..بس اجلتها على باجر ..
شهاب ... بويه لو وصلتوا بالسلامه دك علي
امير وهو ينهض ياخذ الجنطه من ايد فاتن ..اي انشاء الله ..يالله مع سلامه ..سلمولي على عمتي ..
طلعنه اني وعلي وراهم ..الله وياكم ..توصلون بالسلامة
قبل ماتطلع التفت فاتن على علي وبوسته ..ورجعت علي تبوستني وحجت بااذني ..انشاء الله كلبك رف على العصفوره ..





باوعتلها بخزر ..جوزي من سوالفج فاتن ..
ضحكت وراحت حظنت غاليه وبوسته ورجعت على رقيه
ودعتنه وراحت ..

طلعت وراهم للباب ..ودعتهم الباقين رجعوا جواا
دخلت للصاله جان علي كاعد يشرب مي ..وكاعده غاليه بصفه ..ويحجيلها عن المشاكل التصير بالعشيرة ..وشلون حلها ..وحتى مشكله بينه وبين ناس بصفنه كاعهم على المي من يحجي الغاليه ..وهي تكله انشاء الله كلهن محلولات لاتشيل هم ..
بقيت صافن ...هو احنه لامي ماحجينه هاي المشكله ..وبعدين علي ليش يحجي ويه هل الزعطوطه هاي سوالف العشيره ومشاكلنه ..
اول ماكعدت خزرتها وهي باوعتلي ودنكت ..بس علي حجه ..روحي بوويه احميلي الجاي ..راسي اليوم كلش مااذيني والصداع من الصبح لزمني
انتبهت عليها فزت وحجت بسرعه ..شنوو ليش ..اخاف الضغط عندك صعد..هم قسته

علي ..لا والله ..بس اخذت الدواه مالي
كمزت تركض وجابت جهاز الضغط ..واجتي كعدت بصفه تريد تقيسه اله .. تقربت اخذت الجهاز من ايدها .. وكومته وكعدت بدالها ..جيب خوويه خلي اني اقيسلك احسن

مد ايده وقسته ..طلع 13على ثمانيه
حجت غاليه ..ياااا صاعد شفت ..غير تنتبه زين على نفسك .. لحظه اسويلك نوم بصري ..واجي
حجه علي الي لاحظت وجهه فعلا صاير اصفر ..اي والله بعد ابوج ..مااكاعد اشوف زين من الصداع ..فوقها عندي روحه على قريه
رديت علي .. عندك طلعه..وانت هيج تعبان
علي ..خوويه غير منطي موعد للعالم ..اليوم الكعد مالتهم بالخمسه ..
شهاب ..خوويه روح انت بالبيت ارتاح ..انه اروح بدالك
علي ..جااا اذا رحت انت ..اخذ جهاد وابن عم ابوي ابو احمد وياكم ..
باوعت الساعه بعد كدامي ساعه ..اي لاتشيل هم بس روح ارتاح انت
اجتي غاليه وانطت الحامض ..وشرب وكالي راح اروح انام شويه بغرفت امي ..غلوي عود ساعه هيج وكعديني
غاليه ..اي تاامر

راحت للمطبخ بسرعه بدون ماتباوع علي ..باوعت جانت واقف علي كاونتر ومنطيتني ظهرها ..
تقربت منها
حجيت بعصبيه .. غاااليه
التفت باوعتلي ورجعت ..نعم
ولاجن بشر يحاجيها منطيتني ظهرها اخذت نفسي ..وحجيت ..بوويه اثقلي شويه لا تظلين تكمزين ..
غاليه .. ليش شسويت اني .. وبعدين لا تظل تنتقد تصرفاتي وانتـ...
صدك فار دمي هي بلعت السالفه ..ماكملتها ..واني
اجيت سحبتها علي من ذراعها ..بس بيدها سراحيت مي ندارت كله على دشداشتي عطت بيها ..ولج ثوله ..شسويتي بيه ..لج تبقين طول عمرج فاهيه ..مايفيد الحجي وياج ..اشتعلت صفحت اهلج ..المي مثلج
ردت وهي تبجي.. اسفه مو قصدي ..ماادري راح تسحبني هيج
اباوعلها الدموع عشره عشره ..وعيونها مغوركه وخدوده صارن حمر ..على شنوو تبجين غاايبه ..شمالج هيج دموعج رخيصات بكلمتين نزلن ..

دنكت وهي تحاول تمسح دموعها تكول طفله صغيره ..بوويه كاافي ..عمي ديري السراحيه كلها فوكي ..مااحجي ..انه واحد حيوان.. وغبي ومااعرف احجي عدل من اعصب ...بس كاافي خلصتي دموعج كلهن ..
باوعت عليها رفعت راسها وهي مبتسمه وشكلها يموت تكول طفله عيونها كله دموع وهي مبتسمه ..خلص روح بدل ملابسك مااابجي
رديت واني احط ايدي على خدها ..هاا هسه بطلتي بجي من حجيت على روحي ..
بلا ماحس لكيت ايدي تمشي على خدودها وهي صافن تباوع علي متفاجى بتصرفي ..انتبهت على نفسي ..وسحبت ايدي بسرعه ..وحجيت اروووح اسبح وبدل تااخرت





صعدت لكيت رقيه ..كتله حضري ملابسي ..علما اخذ حمام ..
ردت علي بصوت ..عوود ليش يوميا متعبني ..ومخليني اطلعلك ملابس ..وبلاخير تلبس غيرهن وتطلع
باوعت عليها شبيها هاي ..كتله شارب شي انتي ..يوميا البس الي طلعيهن انتي ..
عفتها ورحت اسبح ..من طلعت لاف خاولي على خصري وشعري ينكط مي ..دخلت للغرفه ..باوعت لكيت رقيه مطلعه قميص وبنطرون ..وماكوا لا ساعه لامناظر على ميز ..بقيت صافن هااي شبيها
بعدين باوعت اتذكرت موبايلي بقى بالرف بالحمام
عفت الملابس ورحت ..
من رجعت وقفت بالباب مال غرفه واني عيني على غاليه الي رجعت ملابس رقيه الي مطلعتهن ..وطلعت دشداشه نيلي ..وغتره بلونها ..وطلعت ساعه والمناظر ..وهي تتحرك ..تعرف كل شبر بالغرفه ..وكل غرض وين مكانه
مبين اني هي طول الوكت الي مهتمه بالغراضي وغرفتي

من التفت نزت ..من شافتني منتجي على باب وارقبها
دنكت وهي تعض شفته من التوتر والخجل ..واجتي تطلع وحجت ..موو قصدي ادخل غرفتك ....بس لان ...بسس خليت ملابسك
قبل ماا تعبرني لزمت ايدها ورجعتها للغرفه ودفعتها على كنتور من الجانب ..وسديت الباب برجلي
نزت وتباوعلي بخوف كل ظنها راح اذيها ..تقربت منها
هي رجعت على كنتور ولزك بظهرها ..
حجت وهي تتنفس سريع وحط اديها كدامها ..اسفه ..والله ماااعيدهاا ..مااراح ادخل لهنا مره ثانيه… والله اخر مره
كتمت ضحكتي على منظرها تكول طفله وخايفه من العقاب ..حطيت اديني من جهتين حصرته بالنص ..وحجيت بصوت نااصي… هيج انه اخووف وماادري..

جانت تحاول بكل قوته حتى تبقى بعيده عني وكامت ترجف كلها تكول راح اعدمها ..من غير الخدود الصارن حمر دم ..وحجت بخووف ..والله ماااعيدها … مااراح ادخل هنااا اخررر مره
تقربت منها وحجيت بااذنها اليسرى ..يعني ..كل الوكت ..جنتي تلبسيني على ذووقج ..وانه الاغبر ..البس واطلع ..بلا مااادري

حسيت بصوت انفاسها يصعد وينزل بصعوبه ..واديها ترجف ..وجاوبتني بصوت بالقوه يطلع ..اسفه ..مااادخل بعد بلبسك… اخر مره والله..
حجيت واني اباوع عليها من فوق ليجوا ..مااطلع من جسمها غير ادينها وبس ..وحتى شعرها لابس شال
حجيت ..ااسامحج بس بشرط
ردت بسرعه ..شنوو
دنكت على اذنها وايدي الثاني فتحت بيها الشال مالتها وسحبت من راسها ..وحجيت ..نوب مااتلبسين كدامي شال ..وتتصرفين طبيعي بالبس ..لان انه زوجج مو حرام اذا اخذتي راحتج وياي ..جنت احجي واسحب بالشال ..لحد مااوكعدت بالكاع ..ونزلت خصل شعرها متناثر بكل مكان جانت رافعتها كبه والباقي نازل بشكل عشوائي ..جان لونه اسود كلش ..ويه ركبتها الي برزته بياضها ..مااعرف وكتها صار بس كل الي حسيت
ان دنكت على ركبتها ..وشميت ريحة عطرها بهدواء بدون ماا طخها ..ورفعت راسي اشتم عطر شعرها واني اسرق هاي الشمات بدون مااتحس بي ..سرحت وغمضت عيوني ..وانه اول مره يجذبني عطر وحدها
بس بسرعه تدركت نفسي وبعدت عنها من سمعت صوته حجت ..بس ماامتعوده عليك… اقصد ..ماااكدر اخذ راحتي بوجودك ..احسك غريب عني ..يعني ابن عمي وبس





بعدت عنها وانطيته ظهري واني امسح وجهي ..احاول اركز شجاني اول مره بحياتي اتدوهن هيج
ضيعت كل قوتي وصرت ضعيف بقربها ..حتي تفكيري انشل وماكمت افكر زين ..اخذت نفسي ورجعت لنفسي
وريت بعصبيه ..خلص اطلعي منااا ..خليني ابدل مااظلي وكت
وريت بعصبيه ..خلص اطلعي منااا
سمعته طلعت وسدت الباب وراها من غير ماتحجي حرف
باوعت للملابس ..ولزمتهن وشمرتهن بالكنتور
وطلعت غير دشداشه ..وبدلت وطلعت بسرعه ..
بليل رجعت متاخر ..بعد مااخذت جهاد وابواحمد ورحنه للقريه ..كملنه الكعده ورجعنه ..
اول مادخلت للبيت توجهت على غرفة امي لكيتها نايمه
قربت لزمته بيدي زينه بارده ..بست راسها وطلعت
صعدت بدلت ..وصحت رقيه نزلي سويلي عشاء
ونزلت كعدت بالصاله وشغلت التلفزيون ..درت اباوع الاخبار ..بس شد نظري فلم طالع عفته علي
شويه ودخلت غاليه وبيدها صينية العشا وخلتها كدامي
باوعت عليها مالبسه شالها وشعرها علي نفس شكله ..تذكرت السويته وحجيت بعصبيه ..ليش انتي جبتي العشا ..لعد وين رقيه

ردت علي وهي تطلع ..عادي اذا مااتحب تاكل من ايدي ..خليها تنزل وهي تسويلك مره ثانيه ..
فار دمي وكمزت عليها سحبت من ذرعها واني اضغط على ايدها ..جااا اشوف صايرلج السان ..وترددين

ردت علي وهي تلزم ايدي الضغط بيها على ايدها ..مووقصدي ..والله ..اسفه ..بس حجيت لان اني اصلا جنت محضرتلك العشا قبل ماتطلب من رقيه
رخيت عليها وبتعدت عنها ..روحي نااامي ..مااريد شي بعد
هزت راسها وصعدت ..كعدت اكل ..يربي حتى الاكل من ايدها بي طعم يشبهه اكل امي نفس الطعم ..مومثل رقيه دومها لو حاركته نصه لو ماامستوي زين

جريت حصره وكملت اكل ..ودخلت الصينيه للمطبخ ..مااجان الي نفس حتي بالجاي ..طفيت الغراض وصعدت حتى نام ..اول ماحطيت راسي على مخده ..غمضت عيوني ..واجه بالي ريحتها وتذكرت شلون جانت بيدي خايفه وخجلانه ..واديها ترجف وخدودها حمر ..تذكرت من تقربت من رقبتها وشميت ريحته ..الي احلف لسه مجلبه بخشمي ماراحت ..
كمزت من مكاني واني افتح عيوني ..شنو شبيه صرت مراهق ..لو يمكن اول مره اوقف كدام مره ..لوتسودنت تالي عمري ..

اخذت موبايلي .. اقلب بي بلكي اتعب وانام .. بس دماغي يشتغل وحده ..خاصه من غمض عيني ..استغفر الله ..جاي يصير وياي ..لزم الكلي حل لهاي السالفه
كعدت الصبح ..باوعت غافي على موبايلي بلا ماحس
اني ..نزلت صبحت على امي ..لكيت كايمه من الفراش
كتله تكعد ترتاح ..بعدها تعبانه ..صعدت بدلت ونزلت
لكيت بالمطبخ كاعده تتريق هي وغاليه ورقيه ..بعدهن مامتريقين بس حاطين السفره
امي باوعتلي وحجت ..وين رايح يمه من الصبح ..تريك وروح ..

رحت يمها بست راسها وكتله ..يمه عندي شغل مهم مالحك ..وطلعت بسرعه ..

بقيت كل نهار ملتهي ويه علي ومريت على قريه شفت شكوا ماكوا ومريت على الكيعان جان موسم زرع ..شفت زارعين هواي مخضرات وركي وبطيخ
سلمت عليهم ودرت شفت الكيعان مال جدي كلهن
تلوكني كل الفلاليح ..بترحيب وهلا
ومنور شيخ ..والي يطلب شغله ..والي يريد يعزمني
بس كتلهم مستعجل غير مره
كاموا حملوا الي بصندوق السيارة ..خيار وركي وبطيخ وباتنجان ..وباميا وطماطه ..وخضروات
خلوهن بصندوق السيارة ..وبطريقي مريت على بيت جدي سلمت على عمتي واخواتي اثنين
هم حطلي روبه وتمر ولبن ..وحليب ..
طلعت من عدهم بعد ماجلبوا بي على غدا اجوي ولد عمتي الجبيره والماخذين خواتي من غير ام
سلموا علي ..وجلبولي بيه على غدا بعد ماكدرت اطلع من عدهم ..
رجعت للبيت العصر ..لكيت مهند جاي
رحت علي للصاله ..هلا شلونك ..مو على اساس تلحكنه بس نجي ..جااا ستوك يالله اجيت
كام سلم علي ..والله التهيت عندي كم شغله بالعياده خلصتهن واجيت
جاي نحجي ودخلت رقيه ..انطته الجاي وحجت ..ترى اطلبك هديه ..موغلست ..دكتور مهند




مهند ..اي تدللين انتي وغاليه ..الكم احلى هديه

رقيه ..شوف اني مااريد شي مادي ..اريد من نروح لبغداد تعزمنه على احلى اطلعه..تونسنه ..هااا شكلت

مهند ..اذا على هاي سهله بعيني

رقيه ..تسلم احلى دكتور بالدنيا

باوعت على مهند شكله تعبان ..حتى يرد بالقوه حسيت بي شي ..
بعدها رحنه كعدنه يم امي ..ومهند قاس ضغطها كاله كل زين ..
كعدنه كلنه بالصاله ..وجنه نحجي بس مهند شكله ضايج من شي فعلا ..لان لو يرد بالكلمة لو يسكت
حجيت بيني وبينه ..جااا شنوو شبيك ضايج

رد ..لا مابيه ..مااضايج بس شويه تعب من ضغط الشغل

رديت رغم ماقتنعت بحجيه ..خلص اخذلك راحه ..الشغل ماايطير

باوعلي وهز راسه ..يصير خير انشاء الله

صبوا عشاء وكعدنه نتعشا ..بس مهند مو من عوايده مااكل لكمتين وكام راح كعد بالصاله
التفت امي علي ..يمه ااخوك شبي ..شو من اجه لسه مو على بعضه ..شصاير ويه
رديت ..والله ماادري يمه ..يكول تعب من شغل
باوعتلي وخذت نفس ..لايمه اخوك مو خالي ..مهند من جان يطب لحد ماايروح هو بس يضحك ويشاقه ..

ردت رقيه ..اي والله عجبني كل ماجان يجي يبقى بس يتناكر وياي ..بس هل جيه ..ابد مااحجه ولانصب علي مثل عادته ..

رديت واني انهض ..خلص عوفوا هو لو يريد يحجي ..جان حجه من البدايه
صعدت لغرفتي ..كعدت اخابر على جماعتي وشوف شكوا ماكوا بالدوام ..وين صاروا وشسووا وراي ..
ورديت خابرت على جهاد ..وبقيت احجي ويه علمود يشوف شصار على كاع الي بجهه الثانيه مالحكت امر اشوفهم شمسوين بيها ماامسوين

كملت ونزلت ..جانت رقيه كاعده على تلفزيون ومطلعه مسلسل هندي باوعتله ..جااا انتي خلصتي من تركي نوب كعدتي تابعين هندي

حجت وهي مركزه على المسلسل ..لعد وين اروح ..خلي اكضي وكتي ..وطلعت المسلسلات الهنديه احلى بعد من التركيا
هزيت راسي مااكوا فايده بالحجي ..كتله لعد امي ومهند وين
كالت ..امي راحت تناام ..
ومهند كاعد باره بالحديقه على مرجوحه ..كال ادخن واجي
صفنت مهند مايدخن الا من كلش يضوج
طلعت اريد شوف وين ..بس سمعت صوت حجي
تقربت وسمعته يحجي ويه غاليه ..ويكله الله كريم ..بلكي مثل ماتكولين وتخلص لهنا ..لان بزعت روحي ..
ردت علي ..لا تظل تفكر ..كلشي راح يصير تمام
تقربت منهم وحجيت ..الله يثخن لبنكم ..من شوكت عدكم اسرار وكاعدين تحجوا وحدكم

رد مهند ..هو لبنه من زمان ثخين بس لا تجفص انت بنصه ..

غاليه بضحكه ..قصدك لبنه لو مصايبنه ..
ضحك مهند ومبين علي تغيرت نفسيه ١٨٠ درجه ..وعلي لسه اتذكر ..الله لا يرجعها من ايام
كعدت علي كرسي مقابيلهم هم اثنينهم كاعدين بالمرجوحه ..جااا شنهي من اياام هاي
رد مهند وهو يضحك ..انت غير يخووي جنت مااتختلط بينه من صغرك ..وانت تفتر ويه علي بالديونات والمضايف
اما احنه فجن شكوا مصيبه بالمنطقه مسوينها
التفت علئ غاليه وحجه ..تذكرين شعوانه ..وعلي لسه اتذكر انعالها وحسه لسه مطبوع بركبتي ..
غاليه ضحكت ..اي اتذكر ..من طبتوا انت وزيدون تقطعوا عنب من طرمه مالته ..ولزمتكم وانطت كل واحد نعال ..





مهند بضحكه ..خررب واالله ايااام ..والله شعوانه لوتدري انطت نعالين واحد اكل دكتور والثاني مدرس جامعي

بقيت صافن عليهم وهم يضحكوا ويتذكروا سوالفهم من جانوا صغار ..اتذكر مهند وزيدون جانوا كبار بس سوالفهم مال مزعطه ..وهذني الاثنين جانن جهال ويفترن وراهم مثل ضلهم وين مايرحوا ..
بس اني جنت بوكتها ملتهي ويه علي ..جانت سوالف العشاير وكعدت الشيوخ تجذبني اكثر من هاي سوالف مال مراهقين ..
بس من يحجوا ويضحكوا ..ضجت ..وحس النار صارت بداخلي ..مادري لان ماعندي ذكرى وياهم ..لولان مهند جان يفضفض ويه غاليه ..مااعرف بس الضوجه اكلتني
وحجيت بعصببه قاطع كلامهم ..بوويه مهند شكد ناوي تبقى ..

رد وهو مدنك راسه ..ماادري..بعدني ماامقرر
تعجبت هو كل عمره ماايبقى اكثر من يوم لو اثنين ..
كام وكال ..اني اروح انام ..لان تعبان كاعد من صبح ..باوع علي غاليه وحجه ..غلووي اذا ماتصير زحمه ..الحجي الحجينه خلي بينه ..
ردت علي وهي مبتسمه ..ادلل ..لاتشيل هم
دخل جوو ..واني بقيت اغلي من القهر ..كامت تريد تروح ..لزمت ايدها ورجعت لمكانها
باوعت على مصدومه ..شنوو ..شبيك
باوعت عليها بخزره ..جنتي تحجين انتي ومهند
ردت ..اتصور شي خاص بي ..وماايحب احب يعرفه

صكيت سنوني ..ولج شنووو انتي الصبح كاعده
تلغين ويه علي ..وبليل ويه مهند ..شنو صايره بير اسرار مال العائله ..لو مخزن مال معلومات

باوعتلي بخزره ..شنوو المضوجك انت

عضيت شفتي بقهر ..ولزمت ايدها وسحبت علي ..احجي عدل ..لو علمج شلون تردين

بلعت ريقها وردت بصوت ناصي ..مووقصدي ..بس علي متعود يحجي كلشي كدامنه ويسوالف الخالتي ..واني جنت دائما ارد علي وساله من يصير ويه مشكله ..فشفته مهموم سالت شبي ..جااوبني وبس
ومهند نفس الحاله جان طول الوكت مهموم ويريد يحجي ..بس لان ماايريد احد يعتب علي لو يلومه ..مااحب يحجي كدام خالتي وكدامك ..لان دائما
تلومونه وتبقوا تحجوا علي ..من سالت راسن حجالي ..لان يدري ماارح اعوف مشكله واكعد الوام بي وعاتبه ..هااي كل القصه ..
باوعت عليها جانت تحجي وترد بطلاقه بلاماترتبك وتوتر ..يمكن لان بالحديقه وحديقه تنطي ضوه قليل ..فماا تشوفني زين ..فماارتبكت مني ..
تقربت منها وحجيت ..جااا الظاهر مو بس جسمج كبر وبرز ..عقلج هم ..

غاليه ..هااا ..شقصدك
ابتسمت على غبائها ..
وصار وجهي مقابل وجهه وحجيت .. اي الي افتهمتي
نهضت بسرعه وهي تسحب ايدها ..وحجت ..اني اروح اناام احسن
ركضت جوا قبل حتى ماارد عليهاا ..
ثاني يوم الصبح طلعت من غبشه جانت عندي شغل
وناس متواعدين وياهم لزم نروحلهم وبمكان بعيد عنه
طلعت بلا مااحجي ويه احد لكيت امي كاعده تصلي ..تقربت بست ايدها وراسها ..وكالتلي وين من الصبح يمه
كتله ..مستعجل عندي شغل يمه
ردت وهي تكوم ..على الاقل تريق وطلع
حجيت واني اطلع ..ماالحك يمه ..ادعيلي وياج يمه
ردت وهي تطلع وراي للباب ..ربي ينور طريق ويوفق ويوقفلك ولد الحلال ويبعد عنك كل شر ..
رديت واني اطلع من باب المطبخ ..تسلميلي ياغاليه
عود اني اتاخر لاتنظروني على غدا
طلعت ..وقبل رحت على علي ..ومنه تجهنه لوجهتنه
بقينه مشغولين ويه ناس ..وخلصنه الشغل وتغدينه يمهم
ورجعت جانت الساعه تقريبا ب٢ الظهر ورغم مشغل المكيف ..بس حرر يكتل الجو صاير يوم حار يوم بارد مخربط المهم ..
ذبيت علي بيته ورجعت لبيتنه ..جانت الدنيا حار نار
دخلت لكيت امي كاعده تباوع تلفزيون ..سلمت عليها وبست راسها
شافتني تعبان وعرقان ..حجت ..هاا يمه سوده عليه صاير بيك من الحر ..روح سبح وارتاح
رديت ..اي كايم ..بس لعد شو البيت صنته ..وين مهند والبنات
ردت ..مهند طلع يم جهاد ..وراحوا على بيت عمتك كال ابات هناك يم الولد ..والبنات بغرفتهن راحنه قبل شويه

صعدت سبحت ولبست تشيرت نص خفيف ابيض وبجامه خفيفه اسود ..وقبل بالفراش نمت على وجهي ..كعدت دنيا غروب ..كمت. واني احس بنفسي متكسر
نزلت لكيت امي كاعده وتقرا قران ..قربت منه وبست راسها ..وردت لزمت راسي وباستها
كملت وكالت صدق الله العضيم
كتله ..يمه جوعان ..وين ذني لعد خلي وحده منهن تسوي اكل
ردت امي ..يمه فدوه اروحلك ..شوفهن عود راحن يسقن الحديقه ..صارلهن ساعه باره ..اكيد كعدن يلعبن هناك
رديت واني صافن ..يلعبن هن صغار
طلعت وصلت المطبخ ..واجاني صوت ضحكن وكهكهتن ..بالحديقه ..
باوعت يمنى ويسرى ..لكيت عوده مال ماسحه ..ملصت القاعده ..واخذت العوده وطلعت

لكيتهن وحده ترش على ثاني مي ..وحده لزمه الصونده
والثانيه تغرف من التانك مال المبرده
ومنكعات هن وملابسهن وشعرهن ..وضحك وصل لاسابع جار
اني شفتهن ودمي فار ونوب دنيا غروب وهدواء والصوت مسموع ..
صحت بصوت كله غضب ..جااااا ..تسودنتن بهل المغربيه ..جهاااااال انتن… مااتستحن… وحدتنجن جهاااله بطولهاااااا هسه ..
هن شافني ..وكامن يطكطن ..ومااطلع حرف منهن ..دنكن روسهن وحجت رقيه ..اسفين ماانتبهنه ..بس جنه نرش الحديقه ..وبالغلط وحده كامت تذب على ثانيه ..بس ماصار شي
عطت بيها ..اااامشي ..كدامي ..وصوتج مااسمعه ..لااااكسر راااسج
ركضت كدامي ..وضربت على رجلها بالعوده ..صاحت اي اي ..
كتله وووجع
غاليه جانت بيدها سراحية مي ..ذبته بنص بالتانك ..وهي مدنكه راسها.. بااوع ملابسها لزكه على جسمها وتحاول مااتتحرك هواي حتى مااتلزك اكثر ..وشعرها مرفوع بس خصر نازله ولزكه من اثر المي بكتفه وركبتها
اجتي تمشي تريد تعبرني بس صرت كدامه قطعت عليها الممر الي صاير من جهة شباك الصاله ..والحديقه
حركت ايدي باتجاه الشايل بيها العوده اريد احجي ..بس هي شهقت وصاحت ..لااااعفيه .. عباله اريد اضربها تحركت بسرعه ليوراه والكاع الجواها كله مي فزلكت رجلها
ورادت توكع ..ركضت عليه لزمتها واني حط ايدي
على خصرها وسحبتها ..صارت بحضني ..وكتها مادري صار بيه ..خاصه من حطت ايدها على صدري وجلبت بالتشيرت حتى مااتوكع ..رفعتها وهي بعدها مجلبه بيه ..وجسمها صار كله بين اديه ..لااول مره بحياتي
احس بكلبي ينتفض ويدك قوي ..وانفاسي تسارعت وصارت تطلع بالقوه ..جسمي كله تصلب وتشنج ..وبقيت واقف واحاول اسيطر على نفسي الي اول مره بحياتي اتيهه وماادري وين غابت ..والاكثر من هذا مااحاولت ابعدها مثل كل مره ..بقيت متجمد بمكاني واني اصارع ويه نفسي ابعد ودفعها عني ..بس لكيت نفسي اتقرب واشم عطرها ..
هي ارتبكت بيدي وكامت ترجف وخدوده صارن حمر نار وهذا زاد من رجفت كلبي وخل نار تشتعل بجسمي
من حست بيه.. هدت التشرت مالي ونزلت ايدها بسرعه
وحجت بتوتر وهي تعض شفته ..تكدر تهدني ..
حجيت بنبره متخدره وصوت هامس..بعد لاااا تسويها
بااوعتلي مستغربه ..شنوو
اشرتلها على شفته بعيني ..لاتعظيها كدامي ..
باوعتلي وهي تسال بغباء ..هاااا ..ليش
غمضت عيني واني اتعجب من غابائها ..دفعته عني ..وكتلها دخلي ..جو لا تكفريني بهل المغربيه

ركضت جوا ..واني بقت ادخن بالحديقه واحاول استرجع نفسي الي لسه ماهدئت ..واني احجي ويه نفسي
بسك عاد ..شيخ شهاب الي يهاب منه الكل ويحسبله الف حساب ..الي يركضن على نسوانه يتمنن منه بس اشاره ..
تجي وحده زعطوطه مثل هاي ..تخليني متبهذل ماندل راسي من رجليني ..
جااا مو صارلها قرن كدامك مااجنت تهتم شجاك وصرت جنك مراهق وتضيع كل علومك ..من تكف قريبه منك
لااا خلص مواني شيخ شهاب الي مراه تهزني ..والله وتالله لخليها اخر مايجي بالي

..................يتبع
🦋🦋...................................🦋🦋

[فيتامين سي]

البارت السابع عشر


مساوو حبايب اليوم طولت البارت هم والله الخاطركم طبكت بارتين سوا
حتى مااتكلولي بارت ثاني اريدكم تشبعوا
يالله متابعه طيبه حبيباتي
الكاتبه بنين الطائي ❤🦋
..................................

رقيه ..جنت كاعده علئ سرير من جاني
مسج ..باوعت للموبايل شفت اجاني علئ واتساب
فتحت لكيت رساله 💬مضمونها ..شو ماكوا ..لاهلا ولاغلا
غمضت عيوني بقهر واني اشوف المرسل جهاد الروح
تذكرت اول مره اتجرئ بحياتي واحجيله عن حبي وشكد احبه ..وشلون تعامل وياي ..وصل بي ان حتئ يضربني
نزلت دموعي وانتي اتذكر كلشي ..
وبعدها صرت افور بنار ..ماكدر اتحمل اشوفه كدامي
وهو يتحاشني وحتى لو عينه اجتي بعيني صدفه ..ينزل راسه ..حتئ ماايباوعلي
تذكرت يوم دخلت علي للصاله وجنت شايله جاي ..
خليته على ميز كدامه وكعدت واني معصبه تجاهله الي كل الفتره الراحت
رد علي ..مشكوره…
باوعتله بطرف عيني ومااجوبته
تنهد واخذ نفس وحجه ..رقيه ..اني اسف اذا تجاوزت وياج ..بس لان اعتبرج مثل اختي ويهمني مصلحتج ومااحب اشرفج جاي تغلطين ومااردج

رديت علي واني واقف ومجتف اديني بس جسمي يرجف من العصبيه ..هههههه اختك لا والله من شوكت من اي عمر بديت تشوفني مثل اختك ..لاعبالك متندمه علئ صار ..وللعلم لو ينعاد الوكت اعيد السويته اعيده من جديد ..
باوعلي بغضب وهو يقبض على ايده ..انتي من كل عقلج ..واني كل ظني عقلتي ورديتي عن هل الخرابيط

باوعتله وحجيت واني اسك سنوني ..اذا جنت تظن ان هاي مجرد مشاعر مراهقه وتخلص بكلمتين فاانت غلطان هواي ..لان بداخلي حب من سنين ونار واشوق عمرها ماراح تطفى بكلمة لو ثنين لو ضربت راشدي اني فاهمه واعي لكل شي بداخلي مو مراهقه تهزني بكلمه لورد فعل ..ولعلمك راح ابقى احبك سواء برضاك اوغصب عنك

صاح بس بصوت ناصي حتى محد يسمعه ..بس ..بوويه انتي تسودنتي تردين تسويلينه فضيحه ..واخسر اخووتي واسقط من نظرهم ..بس عااد وطلعي منااا ..قبل لاتشوفين مني تصرف مايعجبج ..
صحت بصوت شويه عله ..مااااطلع ..والي يصير خلي يصير
عاد كام نهض وكلي ..خلص انه الطالع ..
بس نهضت ويه ..ولزمت دشداشه وكتله لاااا ..لاتطلع
ودخلت علينه غاليه وكتها. .
غاليه .. رقية .. ررررقيه
صحاني صوت غاليه من كالتلي ..ررقيه ..شبيج ..صارلي ساعه اكلج ..موبايلج جاي يدك ..وانتي مو يمي
باوعتله بحزن وحجيت ..خلي ..مومهم
كعدت يمي ..شنووو شبيج ..لاتكولين لسه بالج الصار ..اتصور حجينه هواي بالسالفه ..وكتلج الي مايريدني ربح مااريده خساره ..وترك عنج ولاظلين شاغله بالج بشي
رديت بنهيده ..تعالي علمي كلبي على هل الحجي ..بس لا يهمج ..خلص مثل ماوعتج ماعاد افرض نفسي علي ..ولا احجي ويه لان خلص مليت اكسر نفسي وهينها بس الخاطر يباوعلي نظره حب ..مااريد هل الحب اذا هيج يذل الواحد ..
غاليه ..عفيه عليج ..هيج خليج دووم عندج عزة نفس.. ماكلتي منو هذا الجاي يدك عليج
رقيه ..هوو
غاليه شهقت وضربت على صدرها ..عز بعينج ..ولج منيله رقمج ..يااامصخمه جااي نحجي احنه من الصبح لسه
رديت واني اسد بحلكها لاتفضحني بصوتها ...ولج اششش فضحتيني.. ماايدري بيه ..اني ..جنت احجي ويه على اساس اني وحده معجبه وهيج ..وجنت اراسله على طول بس حتى اعرف اخباره وين يروح وين يجي ..جان دائما يرد ببرود ..بس من وكت ماااحجينه اني ويااج من اثر طرده الي اخر مره ..بدية اسحب نفسي منه ..وماارد علي ..وحتى من نحجي كلمتين وكله مشغوله ..وعوفه وروح ..
رد علي وهي تباوعلي بنظره فهمت منها القصد ..ماارد ابقى الح وياج ..اتصور عندج عقل مو حجاره فتعرفين شلازم تتصرفين ..
رديت ..اي انشاء الله ..بس انطيني وكت اني راح انسى كلشي وعيونج هاي الحلوات
غاليه ..امممم يالله كومي ..نروح نتعشاء
كمنه نتعشاء ..وجنه كاعدين نباوع كلنه على مسلسل هندي ..اني كمت اتابع كله هندي مادري ليش تشدني قصصهم ..رغم ادري بيها مبالغه هواي بس احبهم
حجت امي ويه شهاب ..يمه شهوبي باجر تلتحق مو
رد عليها ..اي يمه انشاء الله
ردت امي ..يمه لعد اخذنه وياك لبغداد ..على اختك ..نشوفها ..ونمر على خوالك اشوفهم والله صارلي هواي ماشايفتهم ..وهم اخذ كم شغله للبنات تدري مابقى شي للدوام ..وهم يطلعن شويه خطيه صارلهن العطله كله مااشافن باب الشارع ..
كمز كلبي وحجيت ..اي والله حجيه ..كلامج درر وعلي احس عفنت من كعدت البيت ..وراح يصير عندي بواسير من الكعده ..
رد شهاب ..ولج انطمي مااتستحين ..خووش يمه بس ترى اطلع من وكت ..تحضروا كون ساعه ب٦ مكملت ومتحضرات يم الباب
قبل ماامي تحجي رديت ..والله تلكينه من الخمسه واكفيلك ومتحضرين
ضحك وكلي ..خررب يومج تموتين على سيابه ..
رديت واني اضحك ..والله فاقده على سيابه..
رد باوع بتجاه غاليه وحجه ..غاليه عود حضريلي جنطتي
طبعا هنااا كلنه ننصدمنه ..لان اعرف اشهاب بحياته مااطالب شي من غاليه ولايصخرها وخاصه بهيج شي خاصه بملابسه اوغراضه ..وطبعا الصدمه الاكبر جانت من نصيب غاليه الي بااوعتله بعيون مفتوحه وكالته ..هاااا ..اني
رد هو ..لعد خيالج ..ولاتنسين حطيلي وياج القميص الجديد
هي بقت فاتحه حلكه وعيونه وشكله يضحك حصرتني الضحكه عليها مامصدقه حقااا هههههه ماجوبته حتي
رد صاح بيها ..ويامن احجي اني
عاد وكته استلمت وردت ..اي ..حاضر
عاد اني مافوت الفرصه ..دنكت عليها وحجيت بااذنه ..ااشوف صاير شي ..اشو متغير الموجه هواي
ردت علي وهي تحجي بهمس ..هوو اخوج ينفهم ساعه يحجي بهدوا وحنيه ..وساعه مخبل وطاك عنده واشر وبس يصيح ومعصب
رديت ..اي بهاي حقج
… .
غاليه جنت مستغربه كلش تصرفات شهاب وياي ..اعترف تغير بس مادري للاسوء او الافضل لان نوبات انسى نفسي من احجي ويه علي كل الهدواء اليحجيني بي ونبرة الصوت الي تفزز كلبي ونوبات افز وكلبي يطلع من الخوف على صوته وعصبيته الي فجاء تطلع
لحد مااقمت ماعرف اتعامل ويه اتجاهله لو نفذله طلباته ..ارد علي لو اسكت ..لان كل ماتوقع رد فعله يطلع عكس تمام ..اي هو هذا شهاب كلش بي مختلف
المهم بيوم الرحنه ويه من الصبح جنت اني ورقيه جاي نلم بغراضنه ..لان خالتي كالت احتمال نبقى كم يوم
فصاح بينه على درج ..فضنهااااا.. عاااد ..هاي عود كتلهن بالسته نطلع ..وهسه السبع ونص ..
نزلنه نركض وحده تضرب بالثانيه ..خلصنه ..
شهاب ..دمشينه ..صااار ساعه ..ونص شسون
ماحجينه بس مشيته كدامه ..
وتجهنه البغداد ..جان طريق طويل ..وشهاب مااحب ياخذ الطريق كله مره وحده علمود خالتي ..
فكل شويه يقف ينزلنه ويشرب خالتي مي ويخليها ترتاح
ونرجع نطلع
جانت نفسي كلش تلعب لان مامتعوده على هيج طرق من زمان ماوصلين بغداد
فااني ورقيه نعفسنه خاصه اني ..بعد ماتحمل صرت دم وروحي طلعت
التفت علينه وباوعلي وحجه ..جااا شمالج معتي وصرتي طماطه
التفت خالتي ..ياااسوده عليه ..مامتعلمت يطلعن
ماحجيت لان روحي لعبانه
وقف سيارة شهاب ونزل جاب مي وفتح الباب من جهتي
باوعلي ..جااا اهج غسلي ..لا تروحين تتخربطين علينه
اخذته منه وغسلت واني بداخلي ابتسم على اهتمام
انطيته لرقيه هم غسلت ..
شويه وباوع علينه ..جااا امشي لو بعدجن تعبانات
رديت ..لااا عادي احسن صرنه
طلع بينه ...شويه واخذتنه الغفوه اني ورقيه ..مااكلكم الطريق ابو ساعتين ونص صار نص نهار من ورانه ..
بعدين كعدنه على صوت سيارات وزدحمات كعدنه باوعت الدنيا العصر كلش ..
حجيت ..خاله وصلنه ..لو بعدنه
التفت علي ..اي خاله طبينه بغداد ..شلونج هسه ..ورقيه كعدت لو بعدها نايمه
حجت رقيه ..لا يمه كاعده
رديت ..لا زينه الحمدالله
التفت شهاب وهو يضحك ..جااا ولجن لو مااخذ جهال مايصير بيه كل هذا ..طريق الي اخلص بساعتين سوتنه علي يوم كامل ..لانوبات نااام نص الطريق تكول جهااال ماخذلي ..
خجلت كلش شكد عيب شبيه صدك جذب ليش نمت اهمدني ..بس نعست يربي شسوي والسيارة دوخ
حجت رقيه اني دنكت ساكته ..غير انتم سوجكم ..لوتعلموا على طريق ..وتاخذون وياكم كل فتره
جان تعلمن ..مو هسه تعبن لان مامتعودين هيج مسافه نطلع ..
رد عليه ..السانج حاضر لكل سوال ..
يمه وصلنه ..هذاا بيت فاتن انتم انزلوا ..اني اطبك السيارة بالفرع واجيكم
خالتي ردت ..اي يمه ..بس ماتروح للدوم
رد ..لا يمه بعد مالحك ..وراح خابر عباس ..اكله باجر التحق
خالتي ..اي ..خوووش يمه
نزلنه وجان بيت فاتن كلش حلو موحيل جبير مثل بيتنه بس حلوو ومرتب ..تلكتنه هي فرحانه ..وكعدنه جوو ..ركضت صبتنه الاكل ..وحطت علما رجع شهاب
جنه ميتين جوع طلعنه بلا اكل ..وساعه اربع وصلنه ..يعني متنه جوع ..كمنه نساعدها بتحضير السفره بس مااقبلت وكالت انتم تعبت من الطريق ..روحوا بدلوا وتعالوا ..جنه لابسين صايات ..اشرتنه على غرفتها ..دخلنه نبدل ..جانت غرفته كلش حلووه ومرتبه ..اول مره اشوفه بيه لان من زمان مااجينه عليهم ..جانت وكتها غراضها قديمه هسه كله مبدلته بحديث ومرتبه البيت يجنن ..
لبسنه دشديش وطلعنه اني لبست دشداشه فانيله وردي وسمائي بيها مرسوم بطوط ..اول ماشافتني فاتن ضحكت ..هي جانت لابسه بجامه نيلي ومخصره وربع ردن ..
تقربت منها وحجت ..اساعدج ..بنقل المواعين
ردت ..يالله شيلي وياي
كملنه غدا ..وشهاب كال طالع بشغله
بليل كعدنه نحجي ..بس خالتي نامت كامت تشخر خطيه تعبت من الطريق ..امير بيومها جان عنده دوام
خفاره
باوعت على فاتن وهي كاعده تصفط ملابس امير بالكنتور ..واحنه كاعدين كبالها على جربايه ..فااتن ماتخفين تبقين وحدج بالبيت تباتين ..
رفعت رسها تضحك ..ولج جهالي بطولي ليش اخاف ..بعدين اني ماابقى وحدي جان زيدودي يبات يمي بخفارات امير ..بس هسه سافر
فاامير كام ماايروح غفاره بالصدف ..واذا راح يوصي خالي
يدز مرته لو وحده من البنات تبات يمي
اليوم كتله يمي اهلي ..فراح مطمن
خلصت وفرشتنه اني ورقيه بالغرفه يمها ..وفرشت الشهاب وخالتي باره بالصاله
بعدها رحت بسابع نومه ..من تعب
ثاني يوم كعدنه بنشاط لان ورانه طلعه ..لكينه شهاب ملتحق من الصبح ..
شويه واجه امير سلم علينه وكعد
خالتي حجت ..يالله يمه حتى نروح نسلم على خوالجن من وكت ..
رحنه نبدل بس لحكتنه فاتن وحجت
..هااي شنوو ..ذبنهن ولبسن ملابس مرتبه ..وحلوه هاي الصايه هناك تلبسنها ..هناا اذا طلعتن هيج تبين مبهذلت وشوفنجن همج ماتعرفن تلبسن ..
رقيه صفنت ..ولج شنلبس ..خاف مايقبلون الولد
ردت وهي تقلب بملابسنه ..ياولد ولج هاي بغداد.. شعليهم بجن ..انتن مبهذلات نفسجن ..بعدين عندي حجي ثاني وياجن هسه ..هااجن هذني البسنهن وتعدلن وطلعن ..
اخذت الملابس من ايدها جان بدي فضغاض ابيض وبي وردي واحمر ورور ناعمه وبنطرون اسود ..ورقيه طلعت نفنوف مستور بصلي وبي ذهبي وحزامه ذهبي
طلعنه بس فاتن صاحتنه ..ورجعنه ..لزمتني وطلعت كحله وخلتلي ..ورقيه عاطت ..واني
انطت القلم ..رقيه ولزمت الحكله ..ترست عيونها ..
ورجعت خلتنه احمر خدود خفيف وملمع وردي فاتح
باوع اول مره احط شي على وجهي ..بحيث استحي
اطلع ..بس شكلي صار حلو وكنما جان معاني وجهي ضايعه ..وهسه برزت ..كلش بين بي التغير
وين البعرس خلني خريطه ..
خالتي من شافتني حجت ..اللهم صلي على محمد وال محمد ..شطالعه ربي يحمج يمه ..ويحفظج
رقيه كمزت ..لزم بس جنتج طالعه حلوه ..وبنتج
ضربته خالتي بجتفها ..ام لسان ..انتي طالعه كمر وهو شنو احسكم كبرتوا فجاءه ..هذاك اليوم جنتن جهال تلعبن بالمي وتركضن ..
فاتن ..جاا بعد شكوا صرن كليه ..ولزم يهتم بنفسهن اكثر ويرتبن روحن ..خااصه غاليه ..
رقيه ..اي لان مرت اخووج موو
باوعتله بخزر ..اسكتي بربج
ردت فاتن وهي تضحك ..لاعمي شعليه بااخويه مشكلته اذا كل هل جمال وماجاي يشوفه ..احجي لان هي دكتورتنه الحلوه..وبنات الطبيه كون يهتمن زياده بنفسهن ويترتبن ..لان يلوكلهن وهل شي يسوي ثقه بالنفس
رديت ..صح والله ..بحيث احس نفسي حاليا وحده ثانيه
حجت خالتي ..يالله ولجن تخرنه




طلعنه من البيت واتجهنه لبيت خالي .وجان هذا خالي الوسط ..سلمنه عليهم وكعدنه شويه وردنه نطلع بس جلبوا بينه الا نتغدا وياهم
طبعا جان عدهم اثنين بنات وثنين ولد بس كلهم صغار
اكبر شي بنيه زهراء عمرها ١٥ سنه والباقين اصغر
زوجته حبابه رغم هي لسان بس حبابه
للعصر رحنه بيت خالي الثاني وجان اكبر من خالي وهذا ..عنده خمس جهال اكبر واحد بيهم ولد عمره ١٨ اصغر مني بسنه ..ام الباقين فالبنات وحده ١٤ والثاني ١٣ والولد الاثنين الباقين اصغر منهن ..جانوا مهوسين فرحانين بينه ..هذواله بيتهم كلش جبير وطابقين لان عائلتهم جبيره ..
بقينه يمهم لليل ..اجه امير اخذنه ..رغم جلبوا بينه حتي نبات
ثاني يوم ..تفاجنه بشهاب رجع من الدوام
من سالته خالتي ..هااا يمه شهوبي ..شورجعت شعجب
رد ..يمه جان عدنه خفاره على حدود ..ماكدرت اروح وياهم ..وطلع مكاني واحد من ربعي
رد امير ..جااا منو هذا السلكت ابو بدالك
ابتسم ورد ..سلام ..حتي اطلع هذنيج الايام من خشمه
امير بضحكه ..جاا اليسمعك يكولون الولد جلب بيك مو انت لزكت على ابو حتى تعلك ههههه
خزره شهاب ..ولك ترى اكوم ..
فاتن ..شنو بينكم انتم الاثنين ..ماامرتاحتلكم
امير ..يمه الفضول ..صار فول ..لوتموتين مااتعرفين هاي اسرار عائليه ..
اجتي تحجي بس خالتي حجت ..يمه شهوبي ودينه علي بيت زيدون ..
حجت فاتن ..يااايمه ليش ..موكاعدين ويانه ..لومليتوا منه بسرعه
رد امير ..لا عمه ..صدك تحجين يعني بيتنا مفتوح وتروحين لبيت فارغ كلشي مابي تكعدين
ردت خالتي ..والله يمه ماقصرتوا ..وادري بيكم قابل اجربكم اني ..بس اريد اروح اشوف البيت هم صارله فتح من زيودي عافه سوده عليه ..اكيد هسه مترب وكل وسخ ..خلي نترتب وخلي بنات ينظفنه هم ..وهم ناخذ راحتنه اكثر ..بعدين احنه عائله نفر نفرين يمه وهل بينه سياج واحد ..تجوا ونجيكم ماكوا فرق
بعد مناقشات طويله ..رحنه للبيت وخالتي جان عدها مفتاح ..فتحن ودخلنه
تعجبن على بيت ..كل وسخ وتراب ..ويرادله كومه تنظيف ..بس هو مرتب ماامخلي هواي غراض ..ببالعكس كلش ململم نضفنه كلشي ورتبنه ..وحتى المبردات ترسناها مي ..وشغلاناها لان حار كلش ..وبقين للعصر تفاجنه بشهاب وهو يكلنه
شهاب ..جاا يمه زردتي كل اخوانج واخواتج
رد خالتي ..لا يمه ..بس خوالك شفتهم ..خالتك لسه مازرتهن ..كلت نرتاح وبعدين اروح شعدنه مستجلين علي كيفنه ..
رد شهاب ..بوويه لعد غير كلتي اريد اخذهم حتى يشتروا ملابس واغراض وهاي سوالف
خالتي ..اي يمه ..هو كتله لفاتن وكالت باجر امر عليهن واخذهن
رد شهاب ..جااا باجر امير خفارته ..حتى لو يطلع هم يتاخر لليل يرجع ..بوويه منو يوصلكم
خالتي ..كلت اكول لمهند ..يذبهم هناك ..ومن يخلصن يرجع عليهن
شهاب ..لا بويه شلون يذبهن هناك وحدهن يفترن ..امشن بويه اني اروحن وياكم ..ورجعكم
هناا حلوكنه وكعت بالكاع من الصدمة ..يعني شهاب
ماايحب يطلع ويه وحده ..ولايفتر بينه خلكه ضيق اذا شاف احد باوع ..تنقلب الامه ..لذلك محد يكله يطلع ويه ولا هو يقبل يطلع ويفتر ويه مراه
خالتي بضحكه ..انت يمه ..اول تالي
شهاب ..جاا فوكها ..غير اريد اطمن عليهن خوما ادزلي كومة نسوان يفترن وحدهن ..واكوا ناس الله مطيح حظها و مهند ادري بي عنده عياده مايكدر يبقى وياهن
خالتي ..خوش لعد ..راح ادك على فاتن تجي العصر
شهاب ..اي وعود تخلي الولد يمج




رحنه للسوق بس قبلها فاتن كتلنه الطلع هنا مختلفه ومثل ماعمتجن البسن مرتب ..احنه اصلا ماجايبين ملابس طلعه هواي ويانه ..يعني ماتوقعنه نطلع هيج
فمااجان عدنه غير هل ثوبين
فقررنه نعكس لبسهم ..يعني لبست النفنوف ورقيه البنطرون والبدي ..
واصلا تشجعنه ولبسنه من شفنه فاتن ذابه العبايه ولبسه
نفنوف مخصر وعريص من جوو قماش جرجيت نيلي وبي ورود ناعم مزج بين الوردي والابيض ..فاتن من نوع جسمه مرتب مامرعبل بس هي مو كلش طويله هي ورقيه
بس اني اطول منهن ..بس فاتن اخشن صاحبت كتوف
وجسم خشن فتبين اضخم مني بهواي
حنطاويه وبيها لمحه مال شقار بس اني ورقيه ابيض منه
ودائما تكول انتن تغسلن بالحليب وصرتن ابيض مني
تصنف علينه ..فجان ليكله اللبس ..جنه متوقعين
الطلع ويه شهاب يعني جبه وبوشيه يالله يجوز يقبل
بس شفنه استقبل فاتن بضحك وشقه ..عاد انطلقنه اني
ورقيه ..وطبعا البشر طماعه ف..
رقيه ..ولج غاليه ..خوماا مبين بي المكياج
غاليه ..لاااا ..ابد حبي اصلا اذا يشوفج ..مااراح يعرفج
رقيه ..عزه ولج اخذت ايدي وخليت الكحله تكول بعد ماكوا خلصتها على عيني
غاليه ..عاادي هم زيدت فااذا ترزلتي راح تكون رزاله جماعيه ..
فاتن ..يااا صدك تحجن ..شعلي بيكم ترى خوفكم زايد وبعدين حبيبتي انت مرته ..يعني اذا تعدلتي شويه من حقج ..وحتى رقاوي كافي صرتنه كليات قابل لسه جهال ومايقبلون تحطن وتسوا ..هاجن هذا احمر خدود يخلي الوجه يبين منفش بدل وجهجن الصفر تكول بيهن ابو صفير ..
كملنه وطلعنه مدنكين طبعاا ..بس هو ماحجه كال يالله
اخير خلصتن اجيت اغفي
طبعاا بطه بنت فاتن جلبت الا تجي ..فااخذ شهاب وينه
نزلنه بمول يجنن اول مره ادخل مول هيج جبير
كال اخذوا شتريدون واني واقف هناك اشتري لبطه
طبعا اني ورقيه ..انطلقن بالمحلات
ماخلينه شي يعتب علينه ..جنط احذيه وملابس واكسسورات ..حتى فاتن اخذتنه مكياجات كل من راقي
وكفنه يم محل رقيه شافت تنوره كلش حلووه تجن
كالت اريدها ..وقفنه وكالت لابو المحل اريد قياس اكبر من هاي برقم ..انطاها
وكتلي فاتن اخذي هم كلش حلوه تجنن
فكتله انطيني هم وحده ..طبعا احنه مانحجي نكول لفاتن هي الي تحجي وتعامل احنه بس نباوع ونختار ..
المهم الولد كال نفس لون والقياس
ردت فاتن ..اي خويه
رد عليها اذا للبنيه ويباوع علي ..فقياس المنيكانه كلش كافي عليها ..
صفنت اني ..وفاتن حجت ..غاليه شوفيها هاي ..جبيره
رد عاد نفس الكلام ..ترى مبينه هي جنها لعابه ..فااكيد جبيره عليها ..اخذي الاصغر نصيحتي
مااحسين غير شهاب فوك روسنه ..وجها مايتفسر
عيونه طالعه على ابو المحل ..خطيه الولد ارتبك وكعد
يلم بالغراض اليمه
وهو سك سنونه وحجه ..يالله امشوا ..لزكتوا هناااا
فاتن ردت بخوف بسرعه ..اي ..يالله
رقيه بهمس ..شبيج ..خلي خذها عجبتني كلش
ليش رديتها وهي تشمرها من ايدها على ميز ..ولج امشي ..لايفلش وجهج وجهي ..باعي صاير ناار
بلعت ريكي وبقينه نمشي وراه وهو جان لابس بنطرون اسود ..وقميص نيلي وكاف ارداناته ليفوك ..وطالعه ساعه مالته ..اباوع على طول يربي يموت وجتافه عراض
ومن يمشي بهداي ..تحسين هيبه بمشيته وثقل
اباوع وين ماايوقف العيون علي ..والبنات يردن ياكلنه
الشعر مرفوع ليفوك ..وعيونه بلون شعره من يوقف بضوه يلمعن ..
بس وجهه معفوس ..وحواجبه عاكدهن كل وكت بس مااحجه شي بس مبين ضايج
طلعنه وصلنه لمطعم ..ونزلنه اكل ..جانت اول مره بيها
اذوق البيتزا ..واني ورقيه تكول مشوهات
طحنه سوق ..واني وكته نسيت نفسي حتى جنت
اراقب بي ..والله بعد مادري وين صار ..كمنه نتعارك على القطع بس صوت ناصي بينه
اكلنه وحده اثنينه بيها ..
وحجه شهاب تردن بعد ..والفشله حجينه اثنينه بسرعه اي ..عفيه
شفت اول مره يضحك من طلعنه لسه ..وحجه ..تدللن
بس فاتن شهكت ..ولجن وين تودن الاكل هذا كل
تصدقن قطعتين وطلعن من خشمي ..وانت وحدتجن تكول خيط راح تنكطم وهلكد اكلتن هي هم حظوظ يربي
رقيه ..شبيج مفاولتنه ..نكرش مثلج ..عوفينه ناكل مال سنه ليكدام ..بعد منو يطلعنه ..خلي نخزن حتى يبقى بحلكي هل الطعم ..
غاليه ..بالنسبه الي ..شبعت بس مااريد اعوف رقيه تاكل وحدها ..اسويلها واهس ..
رقيه ..لا بربج ..صارلج ساعه مسوي حرب البسوس على القطع ..تسوي واهس لاتخافين واهسي موجود
شهاب ..بالعافيه ..اكلن شكد ماتريدن ماعلجين بالحجي ..اني الادفع وقابل
فاتن ..اي صدك ..هي هاي هم فرصه شلون فاتتني
رقيه ..شووف ام فليس ..هسه ترجع تاكل حتى كراسي والميوزه ..مدام ماراح تدفع منها شي
ضحكنه على حجي رقيه ..وفاتن كرصته من ذراعها
كملنه ..وفاتن كالت لشهاب اريد اخذهن على محلات ملابس نسائيه
طبعا خجلت وكتها عبالك وكفت مصلخه كدامه ..هسه لا اني حاجيه لا هو مباوعلي وحدي صرت طماطه
وباوع الرقيه ولايمها فاكه عينها تباوع هيج وهيج
وصلنه وهو راح ..وطبعا جانن نسوان يبيعن
اخذتنه فاتن كلشي ..اني استحي حتى قياس ماعرف
هي لحاله قدرته ..واخر شي لافت على واحد
يبيع ملابس مال بيت وحجت ..انتن عيب بعد تلبسن ملابس مال جهال هاي مالجن ..مال ميكي موس وسبونج بوب ..لزم تاخذن اشياء حلوه ومرتبه ..وخاصه انتي
وتباوعلي بنظره وابتسامه ..مافهمت
بس عفته تشتري اني اباوع ..من خلصت لكيتها
تارسه علايك ..يومها ماقصر علينه بحبايه كلشي اخذولنه وكل من الراقي ..طبعا شهاب جان اليدفع
بس اذا جنت اريد استحي منهم يصرفون علي ..مااصرفوا علي شي ..لان ابوي عنده ورث وياهم وحصته موجوده
وتوصلني يم خالتي هي تصرف عليه منها
المهم دخلنه شهاب نوب ناكل موطه ..ورغم شي جديد
اول مره اشوف شهاب هيج يتعامل بلين
يمشي ويانه عادي ..ويدخلنه محلات ويضحك ويبتسم نوبات ..
المهم ..رجعنه جانت الساعه تقريبا ١١ بليل ..اشهاب شغل اغاني ..وحط اغنيه مال ..
استغربنه بس ابتسمنه اني ورقيه ..يعني شهاب مايحب اغاني شبابي وهاي سوالف ..وقليل يسمع ..بس هو وعلي اثنينهم يحبوا سعدون جابر ..وماايسعون غير اغانيه
ونوبات اسمع يشغل عبدالله روشيد لوعبد المجيد عبدالله
غيرهن ماايسمع فستغربة ان مشغل اغاني شبابيه
والي خلانه اني ورقيه نشرك حلوكنه اكثر
بقت تطلع اغنيه وراه ثانيه ..بحيث اليوم نحس كلشي بي غير متوقع وحلو ..وجديد وممتع
وصلنه لكينه الجهال كله نايمه بس خالتي
بوسها شهاب وحجه ..هااا يمه اليوم نشلع كلبج بالجهال
ردت وهي تباوعلنه ..اهم شي تونستوا
ردينه واحنه شاركات حلوكنه مثل الهبلات ..ااااي
ضحكت وكالت ..دوومكم انشاء الله ..يالله روحوا بدلوا وفرشوا خلي نام ..والله راسي راد ينفجر من هوست محمد وايسر
ركضنه للغرفه وفاتن ورانه بيدها علاكه
حجت هاج ..هاي بجامه البسيه
وانطت رقيه هم بجامه
باوعت عليها كلبته ..جانت لونها نيلي عريضه من الرجلين ..بس مخصر بالصدر ودلع وضهرها بي للنص دانيل مو قماش ..
رديت عليها ..كل عقلج البس هاي ..والله بس احنه بالبيت هم اتردد بس نوب اشهاب هناا والبس هيج
غمتني وسدت الباب وكعدت ..ولج انتي غبره ..وضلبن هيج ..ماتشوفين شهاب شلون تغير وياج ١٨٠ درجه ..وكل وكت يباوع عليج ..ويتخبل اذا لمح احد صافن عليج لويباوع عليج ..اشوف شلون يلوب ويصير ..كدامج
حتى محد يشوفج ..ولج طول الوكت عينه تنزاح عليج
وشوف بعيونه لهف وشوق
عكفت حواجبي ..هااي شووكت ..ويمتى شو اني الي دائما اباوعله ..الا هو ولا يمي
فاتن ..طبعا لان غبيه وعقل ماعندج ..ولج غير ميت ضحك علي ..من شفته هيج ملهوف عليج ..ويحاول مايبن كدامنه ..بس مفضوح ..انتي طول الوكت مدنكه وتمشين حتى مامنتبهه من كاعده اني عيوني علي ..
رقيه .. بس حجي فاتن صحيح ..لج ماشفتي شلون لين
ومخلينه على راحتنه حتى مااصاح بينه مثل عوايده
ولا انتقدنه حتى نزلنه بالنفانيف والمكياج ومحجه هههه
ولج حتى شغلج اغاني كله عاطفيه حتى تحسين بي





بقيت صافنه وتذكر ..وحجيت ..لا يجوز هو مرتاح ماضايج من شي ..مااريد اعيش بالحلام ..وبعدين يجني راشدي يلزكني بسابع كااع
فاتن زين جربي شخسرنه ..اهتمي بلبس شويه ..والبس هاي ..وعدلي وجهج شويه ..وخلي نشوف ..اذا راح يبين علي شي ..لو يتصرف عادي ومثل قبل
صفنت باوعت على البجامه ..لاااا لااا ..مااريد اهين نفسي ..واكعد البس وحط وسوي وتالي يعاملني مثل كنما بلا احساس ..تدرين شكد يقهر هيج شي ..ويخلي حتى ماعندي ثقه بنفسي ..

فااتن ..دظلي هيج انتي ..وتالي تجي وحده تلزك بي وتاخذ على حاضر ..وكتها عود تالي ابجي وكولي ليش وانتي واقفه بمكانج لاتحركتي ولاتلحلحتي ..احلفج بربج خلال فتره الاخير ماحستي بتغير ولو قليل من ناحيتج
باوعت علي رقيه وحجيت ..اي ..يعني نوبات يتصرف بطريق غريبه ..وحتى……… ..
فاتن رفعت حاجبه ..وحتى شنوو
كملت واني خجلانه ..يعني احس ..يتقربن مني يلزمني ..ومره لزمني ردت اوكع ..وبقى مجلب بخصري ..وكتها كام يحجي بهمس وطريق غريب مااشفت هيج يحجي قبل ..هيج وياي يعني قبل اصلا مايلاحظ وجودي واذا حجه وياي يكون حجيه كله قاسي ..بس هسه متغير كلش واحس يراقب كل حركاتي ..ووو ..
رقيه ..شهكت ..ولج خاينه ..كل هذا وماحجيتيلي ..ياانعال ياكلبه

فاتن وهي تضرب رقيه ..بس انتي ..وانتي كملي لاتظلين تعتعتين تكول مولده مخلصه بانزين ..

رديت ..هو صار وكت ماجن نتعارك بالمي مو تذكرني ..بس استحيت احجي ..وكتها

رقيه وفاتن .. اي كملي وشصار بعدين
باوعت عليهن ..كلشي مااصار..قابل شيصير مثلا

باوعتلي فاتن ..انت شبيج ..ولج شهاب اذا سوا هيج
معانها ..شكد احاول وتعارك ويه نفسه ..حتى مايسويها لج بحياته مااباوع على وحده ..ولا كال على وحده انتي حلوه ..لو سمعته يوم كال هاي جسمه حلو طوله حلو شكله حلو ..ابد
فتخيلي شكد ماايميل بسهوله ..فاذا هيج معناها كلامي كل صح ..والجبل الشامخ ..سقطه امام جمال ورقه وطفولة ابنت عمها ..ههههههه الله هيج واشوف شهاب يحب ويركض وراه مرته ..ويرجع من وكته علمودها
ويغازله ..

غاليه ..اي لاتفرحين هيج ..ترى اخوج ماينحزر ..ممكن بساطه كل هذا مجرد شغلات موباله واحنه كاعدين نفسر بكيفنه ..ونوبات اصلا يكب ويتصرف وياي عكس تمام الوضع الي حجيته فمااكوا اي توقعات لتصرفات اخوج

فاتن ..دلبسي وكومي ..وبعدين ياخبر اليوم بفلوس باجر بلاش ..يعني اكيد باجر عكبه يبين على حقيقته شكد يعني يبقى يكابر ..
باوعت كلت اجرب فعلا ماخسرانه شي ..طلعت رقيه وفاتن ..واني بدلت ولبست البجامه رفعت شعري كبابه مخربطه ..واكوا خصل نزلت تركتها
وباوعت على نفسي يربي والله اخجل اطلع كدامه هيج
يعني صدر دلع شويه بحياتي ملابس هيج
نوب ضهري مبين يعني مو قماش تول بين الظهر منه
بعدها صاحت علي فاتن ..يالله غاليه حتى تفرشينه ..امشي بسرعه ..
ادري بيها تريدني اطلع ..فكلت ياربي ..شجعني ..وطلعت بسرعه باوعتله ..اي اجيت





جنت راشه عطر خفيف هم فاتن جابته النه ..ريحة هائه وطيبه ..
تقربت باوعت الحمدالله ماموجود بالصاله
سمعت رقيه تكله بالمطبخ ..هذا الجاي
اخذه منها وهي اجتي تباوع علي وتحجي بصوت ..لكل شنو هل الكمر هذا ..لك فديت بنت عمي تكول لعابه طالع مايلام بيج ابو المحل ..طلعتي صدك لعابه ..
خزرت وركضت عليه خنكته ..ولج ..كافي فصحتيني ..بعد اطلعي بشارع لعلعي فد مره ..سخيف تفوو ..والله اروح هسه انزعهاااا
فاتن وهي تضحك ..لا والعباس طالعه عليج تكولين تركيا ..عمي صدك لوكالوا القالب غالب ..يعني اني اذا البسه اطلع جيس بتيته ..شوف هذا الجسم تكول عارضه

ابتسمت لكلامه ..رحمه والديج رفعتي معنويات الهابطه..
ضحكت وضربتني ..ولجن كاافي انتن شنو مصيبتجن
جنت احجي ويه فاتن ومنطيه ضهري للمطبخ من دخل شهاب ..فمادري بقيت مستمره بالحجي
وكتله ..ماابينه مصيبه ..ولج مصايب وعلي ..كليلي خالتي وينهااا نامت اخذت دواهااا
باوعلها مبتسمه وتحجي ..اااي ..لاتخافين ..صايره الممرضه مالته ..كل نهار تراقبين بيها تكولين بس امج انتي ..
باوعتها واني رافع حاجبي ..طبعاا لا اني مو مرضته اني ..انشاء الله اصير دكتورته الصغيره ..وبعدين صح كلكم بناته بس اني اكثر وحده تحبني بيجن
ومديت ايدي غورها عود ..وهي ميته ضحك واني مااستلمت عبالي تضحك على حجي ..بس من التفت واني امشي ..
مااحسيت غير نركعت بحايط ..
كل ظني رقيه منطيتني ظهرها ..لان هي جانت واقفه بظهري ..
فبسرعه كتله ..شبيج ثوله
بس من رفعت عيني شفته عكف حواجبه ..واني طاخه بي بس هو مااطخني ولارفع ايده
تكولين حايط واقف ومخنزل علي ..بلعت ريكي وحجيت واني ابتعد ..اسفه ..عبالي رقيه
ماحجه شي بس صاح برقيه ..يالله افرشيلنه خلي ننطمر
وطلع ..باوعت فاتن بخيبه امل
كرصت خدي وابتسمت..ياادكتورتنه الحلوه لا تستعجلين

رجع كعد بالصاله ..جان بيها مكيف اما الغرفين الباقيه فوحده احتلتها فاتن ويه جهالها واني ورقيه وخالتي بالغرفه الثاني ..الغرف بيهن مبردات فيشتغلن وطني ومولده
طلعت وبيدي الفراش رقيه جانت تفرشنه واني رحت افرش لشهاب ..وهو كاعد على تخم كبالي اني جنت مامنتبه علي فمدنكه افرش ..بس باوعت اريد اساله
يريد بعد مخده لو لا ..
شفت يباوع علي بنظرات غريبه ..وعيونه مركز على جسمي من باوعت اني غبيه مدنكه ولان متعوده ملابسي مابيهن دلعه فماخذ راحتي ..وصدري مبين من دلعه ..حطيت ايدي
واني ارفع نفسي خجلت وصرت مي ..والاكثر من هذا مااهتم ان اني حسيت بي ..لا بقى يباوع لكل جزء بجسمي وعيونه بيها نظره غريبه ..والاكثر يخوف ان مو هادي ولين ويباوع عادي ..لا جسمه متشنج وعروقه بارزه
وسنونه صاكهن ..عبالك يريد يتعارك ..
خفت منه خاصه عيونه تريد تطلع واحلف نظرات تحسني كنما تخترق جسمي
رجعت لمكاني بسرعه ..خالتي جانت نايمه وتشخر
ورقيه جاي تغفي ..خالتي نايمه على الجربايه ماتكدر تنام بالكاع ..اني ورقيه نايمين كبال المبرده بجهه الثاني من الغرفه
بقيت شويه اتكلب ..وبعدين نمت ..رحت بسابع نومه
حسيت تقريبا الساعه بتلاثه وشويه
كعدت عطشانه ..والبيت اظلم مابي بس ضوه قليل يجي من الكلوبات الباره
اني امشي بلا وعي نعسانه واتحرك ..امشي وعثرت بشي بالغرف ووكعت
بس نزيت وطلعت روحي وماعت من سمعت صوته حجه
ااخ ..ثوله ..وعم
جنت واكعه بالكاع ونص جسمي فوكه ..رفعت نفسي
وجتي عيني بعينه ..جان كاعد رافع نفسه ..باوعلي وحجه ..شصخمين بهل ليل ..وشبيج ثوله مااتشوفين





بالبديه جنت مرتبكه لان رجليني صايرت فوك بطنه واني صايره بالعرض وكاعده اريد اتحرك من فوكه بس من حجه ضجت وكتله ..ترى مااكفرنه ..وانت اجيت وحشرت نفسك هناا ..شمدريني اكوا واحد ممطول هناا

خنزر علي وسحبني حيل ..وحجه ..ولج شوو طوالن السانج انتي ..ترى اكصه الج
باوعت على وضعي مو مال السان ولاانطق كلمه اصلا جنت قريبه عليه بحيث ..صرت كلي بحظنه ..ولاحضت جسمه كله انشد وعضلاته شدت وبرزت وعيونه نظرات ماتبشر بخير ..وايدي الي لزمها احلف تكسرت بين ادي
فتوترت كلش ..وخجلت دنكت وحاولت انهض من يمه باسرع مااعندي ..وحجيت بصوت ناصي ..اسفه مو قصدي
هو رخى عن ايدي ..واني بسرعه
نهظت اريد اكوم ..بس مااحسيت بي غير رجعني بيده بقوه ..وسحبني بحيث التفيت من فوكه صرت جوا
وهو فوكي ..شهقت واني احط ايدي على صدر احاول ادفعه عني ..
بس للاسف مثل الصخره ..مااكدرت احرك بي شعرايه
وجهي صار نارر ..احس كل الدم صعد بي ..
اريد اباوع بعينه ماكدر كمت ارجف ..شايفين واحد وينطونه حكم الاعدام ورايح للتنفيذ هيج صار بيه
بس فزيت من حجه بااذني بهمس ..مووكلت لا تلزمين شفتج كبالي ليش تعيدينها كبالي .. الاتخليني… ..
رفعت عيوني بسرعه وحجيت ..مااادري ..اخرر مره ..والله نسيت
باوعلي ونظرته تخوف احس كمت ارجف جوا ..بس يحجي بهمس ..وبحة صوت دغدغ كلبي ..ويخلي يركص ..وريحة القريب تخدر كل الحواس ..وتخليني بلا وعي
حجه ..جااا شبيج ..مااكل لحوم ..ليش هيج ترجفين
ماحجيت خفت وكلبي كاام يطب وباوعت علي غير نظرته ..وحجه بهمس يذوب ..بس اكل الحلويات والفواكهه ..وعينه جانت على شفايفي ..
بلعت ريكي وعيوني توسعت ..قبل مااستوعب
تقرب علي ..وحسيت بي باسني بخدي واني تخشبت ومادري شصار بيه احس قشعركل جسمي وكلبي طلع مكانه وعيوني متفوحه على وسعه اريد استوعب الجاي يصير ضعت ورحت بعد مالي وجود
خاصه لمن حسيت بي حول من خدي لشفتي اول ماشفة لمسة شفتي ..سمعنه صوت صياح
بطه ..وكالت ماما ..ماما وتبجي
مثل الواحد جان بحلم من احلام اليقظه ..وفجاه يصحه على نفسه ..

بسرعه نهض عني وركض ..واني علما اخذت نفسي
ركضت وراء ..
لكينه بطه بالمطبخ وتبجي
وكعدت على اثر صوته فاتن وخالتي ورقيه واجوا يركضوا
وهم مرعوبين ..فاتن ركضت لكفتها من ايد شهاب
وكعدت تكلب بيه وتحجي وياها ..يمه بنتي شبيه اسم الله
وكله مخبوصه وتصيح ..شبيهاااا
حجه شهاب ..لاتخافين ..مابيها شي ..بس رايحه للمطبخ وخايفه وصرخت
بعد شويه كعدنه بالصاله وفاتن جانت حاطته بحظنها وتبوس بيها ..
وتكله ليش حبيبتي ليش ماكلتي تريدين مي اني اجيبلج
حجت خالتي ..شجاج يابيبي هبطتينه ..وعلي بعد رجليني ماتشيلين من هبطه
شهاب ..يمه روحي نامي ..وانتن هم يالله مااكوا شي الحمدالله اهم شي الطفله بخير
اني جنت مهبوطه اكثر وحده ..ومو بس من صرخت بطه لا من تصرف شهاب وياي قبلها ..
بس جنت باوعله يتصرف ولاكنما صار شي
لاباوعلي ..ولاحجه شي اخذ فراشه من غرفه
وطلع ..احنه رحنه كلنه لفراشتنه ..
ثاني يوم صحينه الصبح على صوت بطه تركض فوك راسنه
نهضنه اني ورقيه من وراهاا
كعدنه نتريق كل احنه ..
بس انتبهت شهاب مااكوا ..
فسالت خالتي ..خاله لعد شهاب وينه
ردت وهي تكعد ..والله يمه طلع من الفجر ..كال عندي دوام
رجعت اكل ..وباوع على فاتن تبسم ..عرفت راح تحجي شي
باوعتلي وكالت ..يمه ..يمه
بلعت ريكي وحجيت بكلبي شجاني سالت همدني ..ردت خالتي ..هااا يمه
تباوعلي وتحجي ..يكولون هل الايام ..صايرين نهتم ونسال ..ونتابع ..والاكثر خدودن تصير حمر لوجابوا طاريه
خالتي ..منووو هذا ولج
رقيه بضحكه ..قابل منو ..رجلها غير… ...امير قصدي
خالتي ..اي لعد غير رجلج وتحبي ..لزم تهتمين وتفكرين بي
فاتن بضحكه..اي يمه ..صاير كلبي يدك من يمر طاري ..لو تشوفين هوو كل وكت بس يباوع عليه ..والبارحه بذات يمه ..بقى يصفن علي تكول شايف حوريه ونازله من السماا ..والله يمه عيونه طلعت علي الاشويه
اني صرت نار وباوع عليهن وخزر بيهن
خالتي ..يااا شبيكم خرفتوا تالي وكتكم ..غير صارلكم سنين متزوجين ..شنهي بعدكم عشاق واحد يعاين على ثاني ..بعدين جابه يمكم البارحه امير ..ولج جاي تمسلتن انتن ..
ضجت وحجيت ..ماعليج بيهن خاله ..هذني صدك خرفن
فاتن ضحكت وحجت .. البارحه كل اغاني رومانسيه بلكي ذوالك ناس تحس
رقيه ..هههههه والله هو الي لزم يحس وتغمزلي
حجيت ..دكافي ..عاد مسختنه ترى
فاتن ..هااا ..موو احجي ..هسه سالفه شكبرهاا
باوعتلها ..دكافي الله يستر من اليوكع بلسانج
العصر فاتن راحت لبيته ..بعد مااجه امير عليها
واحنه رحنه على بيت خالتي امير وصلنه ..بيت خالتي جان عدهم بنات هواي من كصتنه اني ورقيه
بقينه نحجي وياهن علا وحلا ..محبوبات ويشاقن هواي
وحد داوم كليه قانون وحده داوم علوم
ولدهم عدهم اصغر منهم واحد ثالث متوسط واحد خامس
بقينه يمهم لثاني يوم رجعتنه زوج خالتي
خلصنه اسبوع هناك جان احلى ايام
مهند اخذنه للمطعم كلنه عزمنه ..ومرته جانت ويانه ابد ماحبيت تعاملها جافه ..وماتحب لاتماين ولاتنطي من
روحه ..حتي خالتي خطيه ضاجت منها
لان ماتكله عمه ابد ..تكله حجيه ..ومن تحجي ويانه من طرف خشمه ..عبالك احنه اقل منها يعني حتى لو طبيبه
بس موهيج ..اكوا هواي طباء بس كلش متواضعين واخلاق
خطيه مهند كلش انحرج من تصرفاتها
وماطولنه بالكعده لان خالتي رادت تكوم كالت دواي
تاخر لزم اخذه
بعدين اجه علينه ..واحس يريد يعتذر بس طريقه خاصه
اخذنه نزور الامام الكاظم عليه السلام
وبقينه هناك لليل ..
بعد اسبوع ..جنت كاعده اكلب بالموبايل ..واجتني رساله
على خطي
مكتوب ..💬شوكت ترجعوا للعمارة
باوعت المرسل شهاب
مادري شبي رجف كلبي واديني رعشن ..تذكرت موقفنه اخر شي ..
بعدين كمت سالت خالتي ..خاله ..شهاب دزلي رساله
يكول شوكت ترجعواا
حجت خالتي ..باجر يمه كليله
رديت علي ..💬باجر انشاء الله
جاوبني 💬منو ياخذكم
سالت خالتي منو يودينه
ردت مهند هو كال اوديكم باجر يجي من الصبح
كتبتله 💬مهند ياخذنه باجر من الصبح
رد علي 💬مااشي
وسكت ..بقيت اباوع بلكي يسالني عن شي ..لوحتى يكول شلونج
بس مااكوا سكت ..بقت النهار كله دودتي بالموبايل
كل شويه اباوع بي ..بلكي يدزلي رساله شي
وكعدت اتخيل شنو يحجي ..واني شلون ارد
اجتي رقيه شافتن اتبسم واباوع على موبايل بلا مادري
حجت ..احمم ..الماخذ عقلج ..شبيج تتبسمين اكوا احد جاي يراسلج
رديت واني احاول اغطي على تصرفي ..لاااا محد ..قابل منو يراسلني يحصره ..بس هيج اقلب بي
رقيه ..يعني ..يجوز احد يراسلج ..مثل واحد مثل شهاب ..اكول اول تالي يدز رسايل الج مايدك على امي
حجيت واني اضيع السالفه ..اااي عاادي ..بجوز مايكدر يتصل بالمقر ..فرسلي رساله ..وهو شكتب كلمتين بس لخالتي
رقيه بضحكه ..وانتي ضايجه لان كلمتين حجه بس
باوعت عليها ..اووف نشلع كلبي من وراه ..ماعرف شيريد ولا شبي ..هو رايدني لو لا ..مهتم بي ..لو جاي يلعب علي ..الصار جان حلم لو حقيقه ..لو شنوو الي باله راح اتخبل ..
رقيه وهي تكعد بصغي ..ولج شصاير احجيلي !؟
تنهدت وباوعت عليها ..بيوم الي صرخت بطه بنت فاتن تذكرين
رقيه ..اااي اتذكر شصار
هو اني جنت قبلها كمت اريد اشرب مي ..بيومها شهاب نايم هناا لان طافي المكيف ومحتر ومشغل المولده والمبردات بس يشتغلن عليها ..
المهم وكعت فوكه من دون مااشوفه
رقيه ..اي وشصار
..هو ..حاول يتقرب مني اكثر
رقيه .. اكثر شلون يعني ..خمطج بوسه شي

غاليه .. كوومي من يمي ..ياقليلة الادب..اني عاصيه بحلكي مااكدر احجيها وانتي عادي هيج جطتيها ..
رقيه ..هههههههه يعني صحيح
غاليه .. لا ..يعني ..
رقيه .. يعني شنو زرفتي كلبي باس لو مابس
غاليه .. لا ولج بس يعني حاول بس قبل ماايسويها
صاحت بطه
وكمز مني ..وبعدها ابد ..مااباوعلي حتى لو بنظره
رقيه ..لا ياانعال كون لزمها لهاي العرمه بنت فتينه الاشك حلكه ..ضيعت اللحظه ..
الا كليلي شتفهمتي من تصرف هذا ..

باوعتله واني انفخ بخدودي ..ماادري شنو هذا الصار ..بقصد لو هيج يريد يشوفني شسوي
رقيه ..بربج الموقف كله صار فجاه قابل كعد يخطط لكلشي ..وبعدين عوفي هذا جاي يستوي على نار هاديه
خلي لمن يستوي كلش راح ينفجر ويحجي كلشي بداخله
غاليه ..وتاالي ابقى عمري كله انتضره ..وهو عايفيني على جهه لا تاركني ولا مقربني منه ..عايشه اتحلم بي ..وانتظر شوكت يحجي لو يسوي شي

رقيه رفعت حاجبها وحجت ..حاليا تاكدتي ان انتي تكدرين تاثرين علي ..معناها الطوبه صارت بملعبج ..انتي بعد لاتضلين هيج جامده تحركي شفتي شلون اقل تغير ..صار عنتر ابن شداد ..بعدكم شوط ..ويصيرج قيس ابن المالح

باوعتله ..قصدج ..قيس ابن الملوح يااجاهله
رقيه ..هههههه المهم مجنون ليلى ..بس هذا راح يصير مجنون غاليه
ضحكت ..والله خلي نحلم كابل خسرانين شي ونوشوف تاليها ويه هل الشيخ صاحب الجبروت
عدا اليوم سريع وبين حجي وضحك
ثاني يوم الصبح تقريبا جانت الساعه ٥ جانت الدنيا بارده وبيها ريحه شتاء ..كعدتنه خالتي بسرعه صليت
وبدلت لبست صايتي وطلعت لكيت مهند كاعد سلمت علي وحجه يالله كملتوا نتوكل ..
خالتي حجت يالله جيبن الغراض ويالله نتوكل ..وانطت المفتاح المهند ..هاك يم اقفل البيت
وطلعنه على الطريق العماره ..بالطريق دك شهاب على خالتي ..فتحت وصارت تحجي
هااا يمه ..اي بالطريق... اي لاتخاف مهند يسوق على كيفه… اي اذا ردت اني اكله لايظل بالك ..اي انشاء الله .. اي لامابيهن شي البنات .. اي الله وياك حبيبي
مهند .. هااا شبي
خالتي .. مابيه يمه ..بس يكلي خلي مهند لايسوق على سريع ..كتله هو مهند يسوق على كيفه
مهند .. لا شعدنه ..عود اذا احتاجيتوا اوقف لو شي كلولي ..والتفت علينه شلونكم
صح نفس تلعب بس احسن شويه رديت ..تمام بخير
رقيه غافيه ..تكول جهال
ضحكت اتذكرته من يكولول ماخذ جهال وياي ..صدك شكلنه واحنه نايمات عبالك جهال
شويه واجتني رساله لجهازي ..استغربة بس بسرعه طلعته ..باوعت
......يتبع
🦋🦋...................................🦋🦋

[فيتامين سي]

البارت الثامن عشر

مساوو ياحلوات .. بنات بس حابه احجي عن موضوع ان اغلب التعليقات تحجي ان غاليه صيري قويه وشلعي قلبه ومن هاي سوالف ..بنات اني لوعني اكتبلكم شي يعجبكم وشخصيه الي حابين تشوفوا غاليه بيها .. بس يا بنات غاليه هي هاي شخصيته .. طيبه كلش وتحب بصدق ومااتعرف تتصنع ولا تغير شخصيته ولا تستخدم اساليب ثانيه وخلي نكون واقعين ماكوا انسان هيج بسرعه يتغير من ينهز من داخله ويثور البركان الداخلي يالله تتغير شخصيته .. مااحب اطول عليكم بس هذا توضيح ان ماتتوقعوا فجاه تتغير البطله
وشي ثانيه .. قبل ماتقروا ...اي شي يخص فقرة من القصه او حدث او استفسار ما ..اكتبوا ويه فقرات القصه .. حتى اكدر اقرا لان اني دائما انزلها واقرها وياكم فقرا تعليقاتكم على فقرات كلها وطبعا اشكر البنوتات الي على طول يعلقان بالفقرات
اخير لاتسوا تصويتكم للبارت
متابعه طيبه حبيباتي
الكاتبه بنين الطائي ❤🦋...
.................................

طلعته ..باوعت
مكتوب 💬شلونج ..خوما دختن من الطريق
مادري ليش كلبي يدك وفرحت ..جاوبه 💬لا زينه الحمدالله اني ورقيه نايمه
انتظرت يجواب يحجي بس ماكواا
ردت اكتب انت شلونك ..بس مادري ليش حسيت ان افرض نفسي علي ..لو يريدني هو راح يتشوق يحجني ويراسلني ..بس لا ماينطي من نفسه
ذبيت الجهاز بالجنطه ..

واخذت طريق بين اسمع لحجي مهند وخالتي ..جان اغلب الحجي ..مهند يشكي لخالتي
كله ..يمه مليت والكعبه بالقوه يعدي اليوم علي ..اني هم بشر وهم الي احتاجاتي ..وهم من حقي تصير عندي مراه التهتم بيه وباحتياجاتي..وحق علي ماتدري بيه شوكت اطلع وشوكت ارجع ..يعني اريد يوم تسالني وين رحت وين جنت عسى مابقى النهار كله وليل باره ماتدري
بيه ..اريد اشوف يوم مهتمه بلبسي بااكلي كله تجي
وحده مأجرته كل اسبوع تنظف وتاخذ ملابسي تغسلهن تكويهن ترجعهن الي
والاكل متفقه ويه مراه كل يوميا توصل الاكل للبيت
حتى بيض ماتكلف نفسه وطكها ..واذا ..يعني اشتاقيت
انام بصفها ... واروح اله تتخبل تكلي شلون تجي فجاه غير تكلي قبل يوم ..اكوا واحد يجي فجاه هيج ..يالله اطلع ونوب من تجيني تكلي قبل يوم ..افرض عندي سبب ..تعبانه شلون تفاجاني
شايفه يمه هيج مراه ..لزم اخذ اذن منها قبل يوم اذا ردت تقربلها ..
خالتي شهقت وضربت على صدرها ..ولك يمه صارلك خمس سنين متزوج ..وماحجيت كل هل ضيم عايش بي
شلون متحمل ..ولك اني كلبي حاسس بيك مامرتاح ..بس ماردت الح وياك وكلك ..كلت لو يريد هو يحجي ..بس ماجنت ادري كل هذا خزنه بكلبك وساكت ..ولك شنهي اخر نسوان ..لو خلصت نسوان ليش هيج يمه ..اشو حتى خلفه ماتخلف على شنو نافخه روحه عليك بعد ..
طبعا يحجوا ..واني خجلت من حجي مهند ..سويت نفسي نايمه ..هو صدك حجالي عليها بس واحد بالميه من الحجه هسه لخالتي ..
هو كمل ..شلون من فتحوا عياده مشتركه ..كامت تحسب فلوسها الصرفهن ..وخلته هو يشيل كل المصاريف مال البناء ..وهسه يكول احتاجيت اكمل فلوس القرض السحبته ..ومااخذ من فلوس مراجيعيها
لو كالبه الدنيا علي ..وكايمه وفاصله مكتب دخول المراجعين هي وحد وهو وحد
استخطيته لان رد على كلام خالتي ..
يمه غير كلت هي انسانة ناضجه وفاهمه ..ودكتورة وراح تفهمني وافهمه ..راح تكون بينه حياة حلوة ..وكل الوكت اتلافه اخطائه في سبيل اكول ..مااظلمها اني اختاريتها لزم اتحمل واحاول وياها واحجي ..مايصير بسرعه اتخذ قرار ممكن يدمرها ويدمرني ..لو من اول عقبه نستسلم ماتمشي حياتنا ..
سرحت افكر بكلامه ..شكد انسان واعي ومثقف رغم كل عيوب زوجته ..كادر يتحمل ويحاول يغيره وماسمعت بحياته
حجه حرف عنها لو قبل واحد يجيب طاريها
بس الظاهر ان فاض بي وبعد مايتحمل ..
شكد فرقه عن شهاب ..الي يمكن لو هاي مرته ..عزه جان اكيد علقها بالبنكه من اول يوم ..وخلاها عبره لغيرها
ضحكت بيني وبين نفسي..والله ياشهاب ماكوا بشر بهل الدنيا مثلك




مااحسيت غير دخلنه العماره ..شويه وصلنه
جانت رقيه كاعده وتقلب بالموبايل
دخلنه وبدينه ..ترتيب الغراض ..وعزلنه البيت علي سريع
خالتي دخلت ترتاح ..واني ورقيه التهينه بالغدا
ورها سوينه جاي وكعدنه
حجه مهند ..شنو ريكم نلعب
ردت رقيه ..اي شنو ..من لعبه
مهند ..عدكم بلي ..لو لا
رقيه ..ماعدنه ..بس سامع بيت عمتي كل نهار يلعبون بي ..جهاد ومرتضى وحتى بنات متعلمات علي
مهند ..هسه روح للسوك اشتري واحد ..واعلمكم علي
رديت اني بفرح ..صدك مهند ..وبي العاب مثل الاتاري
ضحك وحجه ..ولج ياتاري شكد قديمه ..هسه اجيبه واشوفكم ..هسه اروح اخذلي غفوا للعصر
كمت اني هم ورقيه ..رحنه للغرفه ..رقيه كعدت تخابر بنات عمتي وتحجي وياهن وتضحك
اني طلعت موبايلي جنت ناسيته بالجنطه
فتحته وتعجبت اكوا رسالتين
فتحت واني كلبي يطب معقول هو ..
لكيت مكتوب ..💬 من توصلين كليلي لان امي اكيد تعبانه ماراح تكدر تخابرني
باوعت يااهذي راسلها قبل ساعتين
نزلت على الثاني كاتب ..💬ولج ليش مااجوبين بشنو ملتهيه ..
باوعت وضحكت
رديت علي 💬اسفه ماامنتبهه للموبايل ..بس وصلنه التهينه بالغدا والحجي هسه يالله شفت الرساله
باوعت تم تسليم بسرعه ..
شويه ودزلي ..💬خير انشاء الله
بتسمت على رسالة مادري ليش احس هسه معصب
والمسج مالته من وراه خشمه دزه
عفت الموبايل ونزلت
بقينه جوا ..والعصر مهند صدك جاب جهاز هيج يكلول بلي مال العاب ..وجايب ويه اقراص كومه
متنه اني ورقيه
وبقينه نلعب اتلاثتنه ونضحك ..وتعاركنه على لعبه مال قتال
وكل شويه الي يفوز يبقى يلعب ويخسر يطلع ..
صارت ساعه تقريبا ب٨ بليل
اجتي خالتي وحجت ..ولجن كومن سوا عشا ..لو تظلن تلعبن ..كل منك هنيدي ..جبتلهن سالفه خاف عايزات هن حتى يبقن فاكات حلوكهن
مهند وهو يضحك ..جاا عوفيهن يمه ..خطيه كل نهارهن بس محبوست بالبيت خلي يرفهن عن نفسهن

ردت رقيه ..لك فديت ..كتلك قبل شكد احبك هنودي ..صرت هسه احبك اكثر

مهند وهو يضحك ..اي ..لعد كومي سويلين عشاء ..مدام هيج
باوعت وهي تخزر بي ..شكد نذل ماتكدر على نفسك الا تخبث
مهند وهو يضحك سحب اليده من ايده ودفعها لهناك ..كومي يالله سويلنه عشاء ولاتلغين زايد
دك موبايل خالتي ويه ما مهند ورقيه متعاركين على اليده
فتحت خط وكالت ..هلا يمه ..احنه الحمدالله ..انت شلونك ..اي بالبيت ..اي
صاحت خالتي بمهند ورقيه ..كافي ولكم انتم صغار واحدكم بكد المطي ..خليني احجي ويه اخوكم ..
ردت علي ..اي هذواله مهند ورقيه جاي يلعبوا
كمت اني وحجيت ..خلص اكعدي رقيه بمكاني ..اني رايحه اسوي عشا ..
مهند رد ..لا غلوي انت كعدي ..اني وياج فريق ..هاي ماتعرف تلعب بس جفص ..خلي نهجم اني وياج
عاد رقيه شمرت اليده وكالته بسيط ..اذا ماسحلتكم انت وياها بس شويه نوب
ضحك واكلي كعدي ولج ..انتي رهيبه بالعباس احسن من زيدون بالعب
ضحكت ورديت ..اي شعبالك ..اعجبك
خالتي جانت بعدها تحجي ويه شهاب فجاه التفت علي ..وكالتله اي ..غاليه هاي
وانطتني الموبايل ..اني تجمدت ماعرف شحجي
لزمت وكلت الوو
رد هو وصوت الخشن وبي نبرة غضب ..لج ..اني موجاي راسلج لييششش ماتردين ..ملتهي تاكلين تبن ..عبالك جهال مايفيد بيج تبقين زعطوطه ..
اني من كثر الفشله ..ونوب مهند وخالتي كاعدين بصفي
صح مامركزين وياي بس استحيت ارد كدامهم
وهو بلا سلام وشي كبل كام يرز ويصيح
صدك استهضمت ..وكوه لزمت دمعتي مااتوكع بلعته بالقوه
هو رد يحجي ..مااتحجين انبلع السانج ..ومو احجي وياج
رديت بس احاول اخفي الهضمه من صوتي كتله ..هاا
رد ..جااا شنو مانعجب حضرتج ..بس لا اخاف عطلتج عن شي مهم ..ولهيت حضرتج شويه
ماعجبج تردين موو
ماكدرت ابقى احجي ويه ..بسرعه كتله هاج خاله يريدج
وكمت ..صاح مهند ..هااا وين تعالي ماكملنه
رديت واني احاول اسيطر على هضمتي ودموعي ..كتله هسه اجي
وطلعت كبل للغرفه ..وكعدت على كاع واني ابجي
شويه وهديت ومسحت دموعي ..صدك مااتسوا ليش هيج
بس يصيح ويحجي ..عبالك بنته ويرزلني والله حتى لوبنته مايسوي هيج بيه كبر شكد حقير ..شكد اكرهك





رحت للموبايل باوعت على رسايل واني حاقده علي
لكيته دازلي 💬منو يمكم بس مهند
وراجع كاتب ..💬وين رحتي ماتردين
واخر وحده 💬لزم ملتهي ماتشوفين القندره الموبايل من الصبح لسه جاي تسوين
حجيت بقلبي شنو من بشر انت يربي لا منك ولا كفاية شرك ..

باوعت هاي راسلها ب٨ الربع يعني هسه
شويه وسمعت صوت رقيه كالت وتعالي تعشي
تعشيت ورجعن نلعب يمكن لل١٢
ورحت انام نعست كلش ..هستوني غفيت وحسيت
ادين حوطت خصري ..
التفت بسرعه ..لكيتها رقيه ابتسمت وحنظنتها نامت علي صدري وحجت ..اشتاقيتله ..هووواي
تنهدت وكتله ..الله موجود وكادر ينسيج
نمت بيومها واني افكر ..شنو نهاية قصتنه وشراح يصير بينه بعد ..ياترى احنه شنو سوينه حتى نعاني هلكد ماحسيت غير غفيت ..
ثاني يوم عدا ..بدون مايكون بي اي احداث ..بحيث حسيت بملل هواي ..وكعدنه نلعب بلي ويه مهند كل نهار لحد الليل ..
مهند هم طالع روحه ..وقضه الوكت لو يلعب ويانه ..لو كاعد بالحديقه ..يقلب بالموبايل ..
بليل طبيت للغرفه سبحت وبدلت ..باوعت للموبايل
لكيت رسالتين جديده

عكجت وجهي ..كمت اكرهه حتى رسايله
باوعت كاتبلي ..💬اني مو جاي الغي وياج ليش تنطين الموبايل لامي
والثانيه كاتب 💬اشو حضرتج تقرين وتغلسين ماجاوبيني
ردت اكتب ..مايعجبني ارد
بعدين كلت خاف هذا يسويلي مصيبه غير بيه حيله ..كتبتله 💬اعتذر منك ماعندي وكت اباوع للموبايل ويمك خالتي اذا تريد دك عليها
بعدها اول ماوصلت الرساله ..دك علي ..اني هناا جمدت
بقيت اباوعله واخاف ومرتبكه ..شسوي يربي
ماكدر اسيطر على رجفت ايدي ..بقه يدك مافتحت بس كلت اذا مافتحت علي هسه هم يعصب ويسويها سالفه
رجع هم دك ..كلت خلي افتح ..قابل راح ياكلني عشتوو

فتحت وكلت ..الووو
رد .. انه مو جاي ادك ليش ماجوبني
جمدت كل الافكار بمخي بعدين كتله ..ماادري بي مو يمي الجهاز
رد بسرعه ..لعد ابووي الجان يكتب قبل شويه
شكد غبيه اني حتى ماعرف احجي شبيه كبر
رديت علي ..هسه المهم ..ليش دكيت
رد ..لزم حضرت جنابج مشغولة ..وجاي اضيع وكتج
عصرت ايدي شبي هذا بس يريد يتعارك بسيطه
رديت ..لا بس ماعتقد عندك شي مهم يستوجب دك لو ترسل ..يمك رقم خالتي اذا تريد شي دك عليه
رد بغضب ..لج صايرلج السان وجاوبين
رديت ..اي لعد احد كلك ماعندي السان
رد ..هاا ..مو اذا اجي اكص الج
اخذت نفس وكتله ..شنوو فلمك دك علي حتى تتعارك وياي ..عاد خليني من تروح مخلصين منك
رد بصوت غاضب ..ولج نسيتي نفسج ويه منو تحجين بسيطه خلي ارجع وشوف شلون تردين هيج علي
وسده بوجهي

بقيت اباوع على الموبايل واني اعيد الحجي بمخي
عزه بعيني شلون حجيت هيج ويه ..بس يستاهل هو يستفز الواحد شنو ابقى ساكته وهو يهين بيه
بس جان اكدر مارد وخلي بلا مااجوبه احسن
يوو قابل شراح يسويلي ..
ثاني يوم الصبح كعدت راسي يوجعني من كثر مابقيت افكر وقلقه بليل بالقوه نمت ..
جنت اسوي ريوك ..واجه مهند كال ..صبح الخير
رديت واني ابتسم ..صباح النور
مهند ..لعد امي وين ..ماهي بغرفته
رديت ..اي طلعت تسقي الحديقه ..ماتشتم ريحة الزرع
كعد تريق ..شتحب بيض لو جبن لو كيمر ..
اني اتذكر جنت تحب تاكل بيض سلك ..فسلكت لك ويه خالتي ..بعد هسه مادري بعدك تحبه لو بطلت
ابتسم وتنهد وحجه ..لااا بعدني
كمت وصحت لخالتي واجتي كعدت تاكل
شويه اني ورقيه جاي نحجي ومهند ونضحك ..رقيه ومهند تعاركوا ..
واحد يكل للثاني ..كسرتج البارحه بلعبه خليتج تزحفين على رجلج
وهي تكله ..هااا مو قبل ساعه سحلتك سحل
سمعنه صوت سياره ..والحارس الباره فتح الباب
باوعت خالتي ..وكالت ..ياافدوه هذا شهاب
غير غصيت بلقمه ..اريد ابلعها بعد ماتنبلع ..عزه بعينه شرجعه هذا ..لزم يجي هسه يعني ..مااحس بعد برجليني ماتت من خوفي ..وبقيت مدنكه مارفعت عيني
شويه ..وسمعت صوت غير جفلت صاح بصوت قووي
رج البيت كله ..صاح على ابو نجم ..سدهااا لاتضل تصفن ..جااا مطيك راتب حتى تصفن ..
عزه هذا شكله نوب عصبي ..ربي يستر
دخل وحجه ..سلااام عليكم
ردوا كلهم ..وعليكم السلام
حجت خالتي ..شبيك يمه ..شصاير
رد وسمعه فتح البوري يغسل ..عطلت هاي القنادر بالطريق ..بالقوه شغلته
حجه مهند ..انه من زمان كتلك ترى هاي تطفي وحدها ساعه الساعه ..لا تروح تطفى عليك بمكان مهجور وتظل تفر بااذانك
حجه ..لااا مو طفت ..بس بنجرت وكعدت اسوي بنص الطريق ..راح اصعد اسبح وبدل ..واجي حضرولي الريوك
صعد ..واني اباوع وراه وحجي بلكي نسه السالفه
خالتي ..كومي يمه رقيه ..سويله طقي بيض لخوج
سوتله رقيه ونزل ..كعد بدالها ..جانت كاعده بصفي بقيت جامده بمكاني ..
هو باوع على مهند وحجه ..شعجب بعدك هنااا
رد مهند ..جاا شنهي غير بيت اهلي مثل ماهو بيت اهلك ..اريد ارتاح شويه بيه ..من ضغط الدوام والعياده
رد علي ..لااا بويه اكيد هلا بيك كل وكت ..بس لان ادري بيك ماتترك شغلك هواي
رد مهند وهو مدنك ..اي اريد ارتاح شويه
حجت خالتي ..لعد يمه شهاب ..مو على ساس عكب باجر اجازتك شلون نزلت هسه ..
رد عليها ..اي يمه ..بس تبادلنه اني واحد وياي ..ونزلت قبله ..لان عدنه شغله مستعجله بالعشيره
ردت خالتي ..اذا هيج خوش
كمت اني من حسيت علي يباوع علي ..رحت جبت دواء ومي وحجيت ..خالتي دواج لاتنسي

اخذت وهي تحجي ..الله يرضى عليج حبيبتي
عفتهم ودخلت اعزل وارتب بغرفت خالتي ..وجاي امسح بالخشاب ..وشفته صعد فوك
ومن السطح وحجه بصوت ..رقيه حضريلي ملابسي
اجتي رقيه وهي تاشري براسها ..شكوا
كتله مااكوا
صعدت وشويه نزل مبدل ..واني ورقيه جنه نعزل بالمطبخ
صاح بصوت كمزني من مكاني ..وكال ..يييييمه... ترى اليوم عدنه كعدت عشاير بالديوان ..لحد يوصل للطرمه ممنوع
وحضروا نفسكم ..
رقيه حجت ..هو الديون مو مفصول عن البيت بقاطع ..بعد ليش لاتطلعن للطرمه منو يشوفنه
رديت ..شمدريني ..ماعلينه نكمل شغل ونروح فوك
طلع شهاب ..ورجع العصر ويه علي ..فتحوا الديوان
جنه نباوع من شباك من وراه البرده ..وشباك مضلل فماخذين راحتنه ..المهم اجوي كومه ناس انترست الحديقه ..ومن ضمنهم جان جهاد ومرتضي ..ولد عم ابوي اثنين ..وهواي عالم ..
شويه وسمعنه صوت خالتي ..صاحت تعالن سون الجاي بسرعه
نزلنه نركض ..لكينه علي بالمطبخ وجهاد سلمنه عليهم
وحجه علي ..بوويه ..حظرن المي الجبنا ويانه حطنه بصواني للولد ..حضرن الجاي بسرعه
جانوا جايببن مي هاي الكوابه الصغار بس حطينهن بالصينيه ..وخذهن جهاد
بعدين دخل مرتضي سلم علينه ..وشال صواني وراح يقدم للناس
بعدين اخذوا جاي ..وراحوا كلهم كعدوا ..اجه شهاب
اخذ بعد كال ماكفن
خالتي حجت ويه ..يمه هااي الوادم كله شبيها شصاير
رد وهو يمشي ..يمه طلابه جبيره بعدين احجيلج
وطلع يركض ..
بقينه اني ورقيه وخالتي كاعدين بالمطبخ ..اما مهند فكاعد بالصاله ..مااراح ولا كلف نفسه حتي يعرف شصاير
شويه وسمعنه الباب اندك
طلع مرتضى فتح الباب بجهتنه غير الي بجهة الديوان فستغربن منو جاي هل الوكت
مااحسين غير مراه جبيره لابس عبايه ومعصبه ولابسه شيله دخلت وهي تسحب حبل مشدود بي طلي ..
دخلت المراه وكالت ..سلام عليكم
ردينه كلنه سلام ورحمة الله
شو هي كومي وكعدي جوا رجل خالتي ..وتكوم تبجي
وتجلب بيد خالني تريد تبوسها
وخالتي تسحب بيدها وتكله استغفر الله يمه ..كومي شصاير
المراه وهي تبجي ..داخل عليج ..علويه ..وعلى ولادج ..دخيلج ..ماعندي بعد الله غيركم ..وكامت تبجي انه روحي بيدكم ..الله ينطيج وينولج ويفرحج بوليداتج ..احلفج بعزيز كلبج ..مااترديني يعلويه
خالتي لزمت اديها ورفعت من الكاع ..وكالتله تعالي
اخذته للصاله ..واحنه دخلنه وراهاا
مراه تربعت بنص بالصاله وكعدت تبجي وتكهد ..صدك قهرتني احس عبالك بيبتي لو جدتي وجاي تبجي
حجت المراه بعد ماطلعت من جيبها كومه ادويه وذبتهن بالكااع ..وكالت والله وربي شاهد طبعا هي صوته مبحوح ..واديها يرجفن ماتسيطر عليهن ..وكملت ..عندي ضغط ..وسكر وعندي ابنيه سكط ..مكرمه وعدها مرض كل شهر تضرب ابره والله والعلي امير المومنين ..اذب عليها كل شهر فوك الميه بس علاج ومراجعه ..وكفيلج الله ماعندي غير هل الولد ابوه استشهد وعافه علي لحمه ..وامه يتيمه ماعدها غيره هل الولد على ٣ بنات ومثلي لاعدها اخ ولا اخت ..ولاعم ولاخال ..بعد الله ماعنده غير ..واحنه كومة نسوان نضيع بدونه ..واني طايحة عليج وعلي الله ترجعوا الي
وكامت تبجي وتكهد
انطيته مي واني احجه ..هاج خاله ..لاتبجي انشاء الله خالتي ماتقصر وياج
ردت علي وهي ترفع ايدها ..الله يحميج ..يمه ..ويخليكم اني ادري بيكم ماتردون واحد لو دك بابك ..وادري بشيخ علي وشهاب ..ماراح يرجعوني
خالتي حجت وهي طلع موبايلها ..لااا تشيلين هم ..يمه محلول بحيل الله
دكت على شهاب ..شويه ودخل ..كال سلام عليكم
راسن المره التفت علي وحجت ..هلا يمه بالشيخ ..هلا يبعد امك ..اني دخلت عليك وادريك ماتردني ..واني سمعت عنك خلاني اجيك وتعنالك من هناك لهناا
كعد شهاب وحجه ..مكضيه يمه ..امرني
كامت على حيلها ولزمت ايده تريد تبوسها وهي تبجي كسرت كلبي عليها ..شهاب لزم يدها وباس راسها
وحجه ..لا هاي مامرجيه منج يمه ..اني خادم امرني انتي امي
بجت وحجتله كل الكالت النه ..ومن حجي شهاب افتهم الولد ..هو وجماعة داخلين على بيت من كرابتنه ورايدين يسلبوهم ..بس ذوالك لزميهم وكلهم شامريهم بالسجين
وهسه اهاليهم جاين علينه حتى يحلوها عشائرين
وطلعون ولدهم من السجين
وهاي مراه ابن ابنها واحد منهم ..بس بقت تبجي وتكول والله فقير وماايفتهم كلشي ..بس عموا اصدقاء واخذوا وياهم
بقت تبجي وتحجي كلبي وجعني عليها كلش ماكدرت اتحمل ..طلعت بالمطبخ دموعي كامت تصب عليها
طلع شهاب ..ودخل للمطبخ بسرعه مسحت دموعي
حجه ..انطيني مي
انطيته واني مدنكه ..بس لزم ايدي هي والكلاس
اني انصدمت ورفعت عيني ..
باوعلي بنضره ..وحجه ..شبيج ام دميعه ..بجيتي
ماحجيت بس سحبت ايدي
هو شرب مي ..وراد يرجع عليها
بس صحت اني ..شهااب
التفت علي وهو عكف حواجبه ..هااا
حجيت واني مدنكه ..عفيه ..اذا تكدر تساعدها ..ساعده خطيه ..كسرت كلبي
رجع يمشي علي ..اني رجعت ليواه ..طخيت بالكاونتر وكفت ..هو وصل يمي ..وحجه ..ترى ماانسي سالفه الموبايل ..بس خلي افرغ ..واني اعلمج عليها




بلعت ريكي ورفعت راسي اريد احجي ..بس لكيته طالع
سمعت حجه ويه المراه ..وكله ..روحي يمه ..وابن ابنج اعتبري بيتج ..
المراه كمزت تبوس بي ..وتدععيله بالخير
شهاب تاكد ان هذا الولد فقير ولهيج ..خلاهم يتنازلون عنه ..بعد مااقرروا يفصل بس شهاب نزل حتى الفصل منهم ..كالهم بس نسوان شتاخذون فصوله من الحرمه
اما الباقين ..فظلت هوستهم تلات ايام ..ناس تروح
وناس ترجع مافرغ البيت
اخر يوم هو الثالث ..العصر صعد شهاب ..وصاحلي كلي حضري ملابسي بسرعه ..
مهند يريد يرجع لبغداد ..فكلي غاليه بس حطيلي البلي افتحي وخلي كارتونته علما ابدل ونزل ماظلي وكت
هزيت راسي وكتله ..اي هسه
نزلت ورجعت حطيت غراض مهند كلهن بالكارتونه
وخليتها بعلاكه جبيره ..هو نزل سلم على خالتي واجه اخذ مني العلاكه ..
ماحسيت غير صوت شهاب عاط ..غاااليه ..تعاااالي بسرعه..
كلبي انتفض ..وكام يدك عزه نسيت ماطلعت ملابسه شراح يخلصني منه هسه
صعدت اركض للدرج ..ودخلت للغرفه ..وبسرعه بحيث ماركزت حجيت ..جنت احضر غراض مهند ونسيت والله
باوعت جان لبس بس خاولي على خصره
شهقت عزه ..والتفت انطيته ضهري خجلت كلش من منظره ..
ماحسيت غير اجه تقرب مني وحجه بصوت كله بحه وخشونه كلي ..وتالي وياج انتي ماراح تستعدلين ابد
التفت واني ضايجه من كلامه ..ترى موعوجه اني حتى استعدل ..
شويه وخفت وبلعت ريقي ..جانن عيون حمر وعروقه كلهن طاكه من الغضب كالي ..وتراددين كايمه
مااحجيت لان مااظمن الي يصير ..كلت احسن حل اعوفه واطلع ..
فتحركت اريد اطلع ..مااحسيت غير لواه ايدي وراه ضهري وسحبني علي وحجه وهو يصك سنونه ..شلون تمشين وتعوفيني واقف مو جااي احجي ويااج
مااحس ولاسمع شي بس الم ايدي الي تهشمت بيده ..ضاغط علي بقوه بحيث احسها راح تنخلع ..
رديت بسرعه احاول افلت ايدي ..ااخ ..ايدي راح تنكسر شبيك ..هددني ..
رد علي وهو يشد اكثر ..وكسرتهم ..ولج عبرتلج هواي ..شلون تتجاهليني هيج .. يردالج كسر راس وعلي ..
بلعت ريقي واني احاول اضبط نفسي وماابجي بس خفت كلش ورجليني بعد ماتشيلين رديت علي واني مدنكه ..اسفه والله مو قصدي ..بس مهن..
قبل ماكمل عاط بيه ..اكلي تبن ..لج انتي مرتي لو مرته

صفنت علي هااي اول مره يكول علي مرته
باوعتله بتفاجى وحجيت ..هااا
رد وهو يقربني منه ..وحجه بااذني ..يعني غبيه وهم مااتسمعين زين ..بوويه نوب كلامي يتنفذ بلا نقاش ..وحسج عينج اراسلج لو دك ..مااجوبني ..وربي ياغاليه لشوفج وجه عمرج مااشفتي ....فهمتتتتتي
بلعت ريقي واني مدنكه وخجلانه اصلا قربه يخلل كل توازني ..ماعرف احجي ولا انطق ..فهزيت راسي بس بااي
ترك يدي هو ..واني لزمت احسها نكسرته من كثر ماعصرها ..اباوعلها صارت حمره الا شويه ابجي بس بلعته دمعتي بالقوه ..
ردت اطلع ..بس سمعت صوت صاح ..رجعي طلعلي ملابس بسرعه
رحت فتح الكنتور وطلعت ملابس وشمرتهن على جربايه
وردت اطلع بس لزمني من ذراعي ورجعني
اني التفت اباوع علي ..كتله ..شنوو بعد
رد وهو ياشر بعيونه على ملابسه ..بس ذني ..والباقي وين
اخذت نفس واحجي بيني وبين نفسي استغفر الله ..رحت طلعت الساعه ..ومناظر ..والعطر
واجيت اطلع بس هم لزمني وسحبني قوي هل مره طخيت بصدره ..وحطيت ايدي بسرعه ..ادفعه عني وحجيت واني ابتعد عنه ..شتريد بعد ..خليني اروح
رد بس هل مره صوته تغير حجه بحه وهمس ..بكيفي ..مااعجبني اخليج تطلعين
احس كلبي كام يكمز وجسمي رجف ..وباوعله نضراته تغيرت فجاه وصارت غريبه ..وركزت ايدي جانت بلا مانتبهه على صدره ..وهو مركز نظره على ايدي الي احس جوها عبالك جسمه صار حديد من كثر ماامشدود ..
بسرعه سحبت ايدي ..وحجيت ..شتريد شهااب
تقرب مني ..اني احاول ارجع ليوراه ..بس احس وجهي اشتعل نار من كثر الخجل واللبكه والتوتر..
دنكت والله مااكدر احط عيني بعينه مدري شبيه بهيج مواقف يصيبني الشلل واضيع كل افكري حتى مااسيطر على نفسي كلبي يطب وحده واديني يرجفن لحالهن .. و تذكرت الصار بينه اخر مره ..ومن حسيت انفاس كامت تضرب علي وانفاس سريعه رفعت عيني اباوعله بلعت ريقي من لكيت نظراته اجتي على شغتي ..
هو بقه يتقرب احد ماطخيت بالكنتور ..احس من خوف كلبي طلع من مكانه ..
حط ادينه من كل جهه مني وحجه بهمس وهدواء وبحه موعت كل قطر بكياني باقيه ..
وكلي ..من اليوم ..كلشي يخصني مسوؤليتج ..من ملابس ..او اكل ..او اي شي ..
سمعتي بوويه لو اعيد ..لان ادري ماتفهمين بسرعه
هزيت راسي واني مدنكه ..باااي
وتقرب مني اكثر ..بحيث حسيت انفاسه تضرب على رقبتي ..انفاسه حاره ..ومتسارعه ..بحيث كوه مسيطر عليها ..هيج حسيت ..غمضت عيوني كلش ..واني اعصر ثوبي بيدي ..وجسمي كله صار مي من الحراره الصارت بي ..ورجفه ..
حجه بااذني بهمس ..ارفع راسج ..وباوعيلي
رفعت راسي واجتي عيني بعينه ..بقى يباوعلي ونظراته غريبه ..بلعت ريقي
مااحسينه غير باب غرفته دك ..بسرعه ابتعد ..وحجه منوو
ردت رقيه ..وكالته ..علي جوا منتظرك يكول يالله
كله اي جاي ..





اني استغليت الفرصه ..وطلعت بسرعه من يمه ..
اول مطلعت ابتسمت وحطيت ايدي على كلبي مامصدكه ..فرحت ان اعتبرني مرته ..وفرحت اكثر بقربه مني ..
وكت قررت خلص ..لزم ابدي اتقربه منه واكسبه بااي طريقه الي ..مدام بدا يهتم بيه وكال مرتي معناها تقبلني بحياته ..لزم اكسبه الي واخلي يحبني مثل مااني من سنين احبه ..واتمنى لحظه منه ..
وبعدها ..فعلا صرت اهتم بكل شي يخصه ..وغراضه كله صارت على ايدي ..ترتيب ملابسه ..اكله كلشي يريد يصحيلي ..صرت اطير من فرح
شي واضح للكل ان بدا يتقبل وجودي بحياته ..وصار كدام الكل يطلب مني اسويله شغلاته ..والكل جان فراحان
ان اخيرا تقبل وجودي بحياته ولو مو بشكل كامل بس جنت متاكد ان راح اكدر اكسب حبه وراح اكون زوجه اله
ويتقبلني بحياته ويحبني مثل مااعشقه
صخرت كل طاقه وقوتي لهذا الشي ..صرت ماانام اذا مايجي وسويله العشاء واكعد من الصبح في سبيل احضرله اكله ..واول مايدخل يسبح يطل يلكه كلشي متحضرله من ملابس وساعه وعطر وكلشي
ونوبات حتى الظهر يتاخر بالراجعه قمت مااكدر اكل زين اذا ماشوفه كاعد ويانه علي نفس السفره
حتى خالتي ورقيه كامن ينتبهن علينه وفرحن ان علاقتنه تحسنت كلش ..رغم هو بعد بارد يعني حتى من يريد يشكرني بكلمه لو ثنين ..ويحاول يخفي اهتمامه بي ويكابر ..بس ابتسم على هل الغرور العنده وتكبر ..لان فجاءه اذا اختفي من كدامه يبقى يحوس وكل شويه

يسال عني…و اذا اجه وماشافني ..يبقى يفتر ويعصب وبالاخير يصيحني حتى انزل ..بحجه تعالي سويلي جاي ..لو احميلي الاكل جوعان ..وادري كل زين ..هيج يسوي بس حتى يشوفني كدامه بالبيت مادري ليش هيج معذب نفسه ومعذبني ويه
رغم كل هذا اني ماتنازلت ورحتله عفته هو شوكت ماايريد يلكاني ..وكته قررت ان افتح اني ويه صفحه جديد ه..خلص الوكت الضاع من عمرنه واحنه ابعاد
جان يروح يبقى يراسلني كل شويه ..ولو بقى اكثر من يومين لزم يتصل بس اضحك على طريقه الي يحجي بيه
ورسايله الي يحاول يخفي اشتياقه ولهفته الي احس
بيها حتى منبرت صوته ..وتسارع انفاسه ..جنت احلم وانتظر كلمة واحد منه ..حتى اشمر نفسي بااحضن الي كل وكت احلم بي ..وشوكت يحن علي وياخذني بين احضانه ..

بيوم اليجي اكعد احضر اله كل الاكل الي يحبه .. وارتب البيت كله من الصبح ..
وبقئ كل وكتي فرحانه وانتظره يجي ..
خالتي ورقيه يفرحن ان اخيرا صار تطور بعلاقتنه .. بس رقيه دائما تدعي تكلي انشاء الله كل تسوي علموده بس يحس بي .. مو انتي متعبه نفسج علي وهو اصلا ولا يمه

غاليه .. ابتسمت اله .. اذا سويتي كل الي تكدرين علي الخاطر الي تحبي كليلي المن تسوي ..منو اليستحق ..وبعدين اني متاكدة ان شهاب تغير ناحيتي كلش وصار يحب وجودي يمه ..

رقيه .. قصدج يحب يخليج تركضين وراه .. وتسوين كلشي يريده مثل اللعابه .. بربج هم يعاملج مثل حبيبه لو زوجة شو كل وكتج مكضيته تخدمين بي

غاليه .. يجي وكت الكي نفسي حبيبة وزوجه بس اصبري مثل شهاب يحتاج وكت حتى يتقبل فكرة الحب والزواج .. واني مستعده انطي كل وكتي ..واهتمامي وحبي .. قابل شعندي غيره




رقيه .. انشاء الله يطلع تفكيرج صحيح .. لان لو غلط راح تتعبين وتنهارين على خالي بلاش

ابتسمت ورحت كملت الاكل ..
عقلي وكلبي ماايريد يقتنع بشي غير ان شهاب راح يصير الي ويبقى الي كل عمري ..
بس ما ادري ان اني مثل الي معلق بالهواء لاطايل سما ولا طايل كاع ..

اول ما نزل جان ضايج ومايقبل يحجي ويه احد
دخل سلم من وراه خشمه .. شكد جنت فرحانه بي .. بس استغربت ان حتى ماعبرني .. سلم وكبل دخل على خالتي ..
بس من غبائي ..مااخذت بالي وكلت يجوز من كثر ماتعبان بالشغل يجوز هيج يتصرف
بقى مشوار كاعد يم خالتي ..اني صعدت خليتله ملابس مال بيت ونزلت ..
هو وراه دقايق صعد ..
اني كملت الغدا ورقيه ساعدتني .. وحضرت السفرة بسرعه .. جنت اشتغل وافتر من كل كلبي ..
خلصت جان كلشي على سفره يحبه واعتنيت بكلشي بيهاا ..
رقيه عيونها تحجي .. واحسها مااقابلة بالي جاي اسوي بس مااهتميت لان بالي هدف اريد اوصله
كتله ..رايح اصيح شهاب يتغدا شويه واجي
رقيه. . بس على كيفك لا تكعين على درج من كثر استعجالج ..
هي تحجي واني صعدت اصلا ..من استعجالي ولهفتي علي .. بالي بس يمه مو يم اي احد ..
دكيت الباب واني احس كلبي كام يطب من اجاني ريحة عطره
اجاني صوت بخشونه وعصبيه حجه .. منووو
اخذت نفس وحجيت .. اني غاليه .. تعال تغداا
شهاب .. مااشتهي هسه روحي
غاليه .. موو صبينه ..وكلهاا تنتظرك تنزل
شهاب بصوت عصبي .. جااااا انه شحجيت مااتفهمين كلت مااريد هسه ..اريد انام ..وممنوع احد يكعدني ..
بقيت متبسمره بمكاني .. حتى مااكلف نفسه وكلي دخلي ..ولا فتح الباب من وراهاا يحجي
شنو شبي .. معقولة رجع يعاملني مثل كبل .. يربي رحمتك ..
نزلت بخيبت امل ..لكيت خالتي ورقيه كاعدات
خالتي .. لعد شهاب وين ليش مااجه يتغداا
غاليه .. كال تعبان ..اريد انام من اكعد اني اكل
خالتي .. بالله عوفوا على راحته تغداا عود من يجوع هو ينزل ..
رقيه تباوع علي وكنما عرفت بيه شي .. بس اني مابينت بقيت مبتسمه واكل طبيعي ..بس غريب خالتي كانت مهمومه وحتى ماكلت هواي
بعدها كملنه وغسلنه المواعين .. ومشوار كاعدين على تلفزيون .. بس اني بالي كله يمه
ندكت الباب .. وراحت خالتي تفتح ..
شويه ودخلت شايله علاكه بيدهاا
رقيه .. شنو هاي يمه
خالتي .. والله مادري غراض ناسيهن شهاب بسيارة جهاد .. اجه انطاني اياهن من بابا وراح .. توسلت بي يدخل ..مااقبل كال مستعجل
رقيه بغضب .. وعسى ماادخل ..شكوا تتوسلين بي
خالتي .. ولج عيب ..هذا بحسبت الولد ..شنو هل الحجي التافهه مالج
رقيه نفضت ايدهاا ..ورجعت تابعه مسلسل ..بس شكلها ..ضايج ومقهوره
غاليه .. انطيني خاله اني اصعدها لشهاب
خالتي .. اي يمه ..هااج
اخذتها وصعدت على كيفي الدرجات .. وفتحت باب غرفة ..جان مشغل تكيف ودنيا صايره ثلج يمه ..وضوه مطفي ..فصاير ضوه خفيف بيهاا
باوعت كلبي وكع من شفت نايم .. حجيت بكلبي ..شبيج هو نايم راح ياكلني قابل
جاي احط الغراض من ارتباك وكعت المزهريه الي على بوفيه بالكاع ..
ماالحكت اخذ نفس سمعت صوت صاح
شهاب .. لج ..شسوين هناااا ..مو كلت ما اريد احد يكعدني .. لو شكلج مااتفهمين بالحجي ..اكفي
يمه من كال هيج ونهض عيونه طالعه من الغضب وشكله يخوف ..لو اني كلبي وكع من مكانه
ورجعت حصرت نفسي بين الميز والحايط .. ومن خوفي دموعني نزلن حالهن وصرت احجي .. اسفه. ..مووو ..قصدي
بس جبت غراضك ... مااادري وكعت المزهرية
دموعي نزلت عشرة عشرة من شفت تقرب وهو معصب خفت منه بشكل مو طبيعي ..
صار كدامي واخذ نفسه من شافني هيج خايفه وارجف





وحجه .. استغفر الله يربي ..اشر على كاع وكلي لمي ..وطلعي من هنااا بسرعه

دنكت على كاع ..واخذت الم الورد ..واشلت المزهرية حطهن بيها ..بس عيوني مااوقفن ..وكل شويه تغوش عيوني وامسحهن .. وصوت البجي احاول اكتمه
مااحسيت غير .. حظني ..من وره واني كاعده
فتحت عيوني مستغربه مو مستوعبه هو حظني صدك لو يتخيلي .. وقبل شويه السواا
شهل شخص هذا المتغير الشخصيه كل شويه بحال
حسيت كلبي وقف من حط وجهه بركبتي ..وحجه
اسف ..مو قصدي بس تعبان
هاي جانت اول مره بحياتي اسمع بيهاا شهاب يعتذر لاحد .. ونوب الي ..شي اكثر من استيعابي جاي يصير
بقيت متبسمره بمكاني ..
رديت بالقوة اطلع الكلمة .. عااادي
شويه ومثل الي حس على نفس وكمز من يمي ..
وحجه بسرعه ..خلصتي ..يالله اريد اانام

طفرت ..وكتله ..اي
اخذت الكزاز بيدي ..طلعت بسرعه
واني مااجي اصدك الصار ..
رحت للغرفه وكعدت اغسل وجهي .. وبعدين كعدت على سرير ومااحسيت لمن غفيت ..كعدت وراه تقريبا ساعتين
نزلت ..جوا ..لكيت رقيه بالمطبخ ..وتباوع من شباك ..
لزمته من ظهرها وحجيت ..ولج شبيج جاي تسوين
هي كمزت وباوعتلي ..ولج اموت واعرف شعدهم ..شهاب نزل قبل شويه ..وكلي روحي جوا ..وبقى يحجي ويه امي ..الي شكلها صار اصفر وضربت على صدرها جن اكوا سالفه جبيره صايره
باوعت عليهم ..شهاب مدنكه ويحجي ..وخالتي شكله مثل المصدومه ..شنو شبيهم
بعدها بساعه ..شهاب بدل وطلع ..وخالتي دخلت الغرفته وبقت بيها ليل ..لا تريد واحد يدخل يمها ولاهي طلعت
بليل ماقبلت تتعشاء شكد لحيت عليها
مااكلت ..عفتها على رحاتها ..بس بقيت افكر شنو الحجي الكال شهاب لخالتي وكلب مزاجها هيج ..
والي زاد توتري هو ثاني يوم
اجه علي على خالتي ..وكعدوا كلهم بغرفة خالتي ..والعجيب ..مااقبلوا احد يدخل عليهم ..شهاب صعدني اني ورقيه فوك ..
رقيه ..اموت واعرف شبيهم هيج متجمعين ..شنوو جاي يصير
رديت ..لج اني هم مثلج ..جاي احوس اريد اعرف ..ومتاكده السالفه تخص شهااب ..شمسوي هل مره
رقيه ..شمسوي ..وشمدري شهاب مو شرط
غاليه ..لا شرط ..ماشفتي وجهه من اجه لسه ..عبالك راح ينفجر ..بعدين خالتي من اجه شهاب ودخل الغرفته ولسه وهي مو على بعضهاا..
رقيه ..والله شكلج ..كلشي اتوقع
بعدها ..صار البيت غريب ..شهاب ٢٤ ساعه برا وخالتي ..بس تباوع ماتحجي شي ..كنما اكوا حسبه بالها ..وكلما احاول اني ورقيه نفتح موضوع وياها ..تتهرب وماتنطي جواب ..
شهاب ..كلما اصير كدامه يتجاهلني ..ورجع لسابق هدا ولاكانوا ذاك كلامه ..وغزله ..ولهفته ..لدرجة صارت عندي كتئاب ..
رقيه ..شبيج بس تصفنين ..نعديتي ..والله راح يصير بي توحد بهذا البيت كلمن يصفن بجهه ..اريد واحد يسوالف وياي ..كله تصفن شبيكم ماكلين لحم مطايه ..

باوعتله بخزره ..مطي يصيير بعينج ..لج مادري ليش احس السالفه متعلق بيه
رقيه ..شلون ولج ..سمعتي شي شفتي شي
غاليه ..لاااا ..بس مبين من تهربهم مني ..وخاصه شهاب ..تغير وصار عكس ماهو رجع لعلاقتنه للصفر واحتمال هاي هي قرر ينهي كلشي
رقيه ..شتقصدين ولج
غاليه ..اقصد ..ان يريد يطلقني مبين من تهربه وطريقه كلامة الجافه ..ونظرات خالتي الكله حزن ..حتى علي جان يباوعلي بحزن ..مبين ان قرر يطلقني بعد مايريدني
صارت دموعي تنزل عشره عشره
كعدت رقيه بصفي ..كافي وربي انت اصلا تجبين الكائبه لنفسج ..خلص ..امسحي دموعج هاي كله افكار ..ماندري الصدك شنو ..
بعدها باايام اجتي فاتن ومهند ..وبقينه صافنين ..ونوب فاتن كالت مااجينه بس يوم ..علمود شغله ونرجع
ومانطتنه سالفه
واستمروا يتناقشوا كل شويه داخلين ..واني ورقيه نحوس
بس يصعدون للغرفه الفوك يالله يحجوا
رقيه ..ادري اجتماعات الامم المتحدة شوكت تخلص ..مو زرفوا كلبي
غاليه ..والله راح اموت بداء الفضول ..زين مهند وفاتن شيسون جاين ..شنو جاي يصير
بعد نص ساعه ..رقيه ..خلص نازله اني ..والي يصير خلي يصير ..شنو مو من العائله احنه ..
صحت وراها ..ررررقيه ..رررقيه ..بس ماتسمع طلعت
نزلت واني بقيت احوس ..اريد الحكها بس خاف يلكفونه
بعد عشر دقايق ..قررت انزل قابل شيصير
........ يتبع
الكاتبه بنين الطائي

🦋🦋...................................🦋🦋

[فيتامين سي]

البارت التاسع عشر


مساؤؤ بنات ادري كاعدين تنظرون على نار تعرفوا شصاير فعتذر شويه تاخرت عليكم اسفه حدا .. بارحه اشتغلتوا كلكم المحقق كونان خلي نشوف شنو الصار
اترككم ويه البارت للعلم لا تحكموا على نهاية لان بيها تكمله بس اضطريت اختم البارت بهذا الجزء
متابعه طيبه حبايبي
الكاتبه بنين الطائي ❤ 🦋
..........................

بعد نص ساعه ..رقيه ..خلص نازله اني ..والي يصير خلي يصير ..شنو مو من العائله احنه ..
صحت وراها ..ررررقيه ..رررقيه ..بس ماتسمع طلعت
نزلت واني بقيت احوس ..اريد الحكها بس خاف يلكفونه
بعد عشر دقايق ..قررت انزل قابل شيصير
نزلت على كيفي ..لكيت رقيه كاعده على درجات الأولئ وتنصنت على حجيهم
اجيت وكفت بصفها ..هي شافتني وجفلت وجهه كام ينطي الوان وحجت بصوت ناصي ..ليش اجيتي
صفنت عليها وحجيت بصوت ناصي..شبيج ليش
سحبتني ..من ايدي وهي تحجي ..تعالي لايسمعوا ..امشي ..لا يجوا ..تسحب واني واقفه مكاني
حسيت بيها سمعت شي ..
لحد مااسمعت فاتن تحجي بصوت عالي ..انت شنو ..تالي يعني فوك السويته ..نوب تريد تكملها حرام الضلم ..وانتي ظلمت هواي ..
بقيت واقفه لحد مااجوبها هو ..بوويه شضلمته ..ترى هي سبب اني تدري بي من الاول مااريدها ولاطيقها
محد كله تتعلق بي ..كله تدري ليش تزوجتها
مااميت عليها ..وهسه جاي مصدكه نفسها راح اصير رجلها ..لو تموت ..تحلم
كلبي نمعط ..معقوله ..دموعي نزلنه ..وبقيت واقفه مثل الصنم ..
باوعت لرقيه ..جااي يحجي عليه موو اني المقصوده
ردت ..كاافي ..خلي نروح واني افهمج. كلشي
بالغرفه .
بقيت بمكاني واقفه لحد ماسمعت علي حجه ..وشناوي علي .. هل بنت طلعت حامل منك ..وتكول تاكدت منه ابني ..وتريد تعوف ضناك بيد العالم ..بوويه مايصيير وانه ماقبل بيهاا هاي سالفتك

اني هناا تصنمت مثل الصنم ..كمت ارجف اريد اسيطر على رجفت جسمي مااكدر ..
والغريبه ماوكعت دموعي ..بقيت لااخذ ولاانطي ..كعدت
على درجات ..
وتقربت رقيه مني تركض وعيونها كله دموع وحجت ..بيج شي ..غاااليه لاتسوين هيج بنفسج محد يستاهل ..
فصلت عن العالم كله وماحسيت بعد بشي ..الا بصوته ..وهو يكول ..

شهاب .. شنو تريدين ارجعهاا والله حامل مني .. مااريدهاا ولو يصبوهاا ذهب .. واخر كلام عندي ..الطفل ابني وانه معترف بي ..واخذه منهاا غصب عنهاا
ماتحملت ..صعدت اركض للدراج وللغرفه مالتي ..

&&&&&&&&&&
شهاب ..طول الفتره المضت جنت احاول ابعد عن غاليه ..خاصه من حسيت بشي بداخلي يتحرك من تصير قريبه مني ..بس لكيتها اقرب صرت ..واهتمامها بيه
وبكل تفاصيلي ..خجلها ضحكته ..طفوليتها
تخليني غصب عني انجذبلها ..نوبات اخاف من هل الانجذاب وابتعد بسرعه .. ما اريد احس بالضعف ابد وماادري ليش ماااضعف كدام اي احد بس كدامهاا ضعيف خاصه من شوف دموعهاا كلشي اريد اسوي اترجع عنه .. واحس كلبي يقف وهل شي كلش يضوجني ..
خاصه باخر مره دومت احاول اشغلي نفسي باي شي
حتى ابطل افكر لو تذكرهاا كدامي .. احس نفسي مراهق وكلت يجوز لان احسهاا مرتي وراجع الي هو اي دماغي يفكر بيهاا ..
بالدوام ابقى عصبي بس اصيح واحجي وارزل بيهم
لحد ماجهاد اجه علي وحجه ..شجاك ..ترى شكلك معصب ..ومبين عليك مشتاق لحد ..بس بعيد عنك
باوعتله بخزر ..تجوز مني ..لوعاجبك اليوم تبات فوك البرج
جهاد بضحكه.. لابوويه ماالي خلك حتى اديني وكعن ..
شهاب .. لعد جوز ولي ..من يمي
جهاد .. بروح ابوك .. كلبك مامال لام عيون غزلان
لزمته من ياخته وخنكته وحجيت ..لك جيب طاريها نوب ..وشوف تبقى عظم بجسمك صاحي
جهاد ..خلص ..بوويه ايدك غير ثقيله مو مال شقه انت ..بس انت شمدريك عليمن اقصد ..غير هن هواي
باوعتله بنظره ..ترووح لو عاجبك تنخبز
ركض وهو يضحك ويحجي ..لا سالفتك عوجه انت ..
ابتسمت ..وفتحت الموبايل جان بي صور مخفيه ..ومن ضمنهن صوره لغاليه ..جانت صافنة ولزمه نص شفته بحلكه وتباوع على تلفزيون ..صورتها بسكوت بلا متحس
حجيت بكلبي ..هو انتي طفله لو مراه ..شو ضاع الوصف بيج ..
وكتها قررت ارسلها ..بس ضجت ماترد علي
دكيت على امي ..وسمعتها كاعد تلعب بلي ويه مهند
واسمعه يطف برقيه ..ومجلب بغاليه ويكله انتي تلعبين احسن من زيدون
وهي تكله ..اي اعجبك
اني صرت اعصاب ..مادري شجاني تمنيتها كدامي الا كسرهاا تكسر
كعدت احجي واصيح عليها بالموبايل
وادري كل زين استهضمت مني ..واكيد بجت ..بس غبيه ماتفهم ..شسويلها لزم اعلمها ولو تشلع كلبي بس شسوي مو بيدي اتصرف هيج وياها
بقيت ارسلها واحجي وياها ..لحد مااحسيت صدك
اشتاقيتلها وكمت اكزكز عليها بليل تذكرت بيوم جانت تتعارك ويه رقيه بالمي ..شلون صارت بحضاني
وشلون خدودها صارن حمر ..وجسمها كام يرجف بديني
حجيت وياها لكيت جاي تغفي ونعسانه
ماحجيت شي ..بس كم كلمتين وسديت
ما اعرف ليش من بعيدة اريدها تصير قريبه مني
بس من قريبه بسرعه ابعدها عني ..هل شي تعبني وماامخليني اعرف شريد بالظبط





بيوم الاجازه جنت متلهف ارجع للبيت ..دك علي رقم غريب
رديت ..كلت الووو
ردت مراه وكالت ..شهاب ..اني ام امل
اني صفنت وحجيت ..يااامل هاي
ردت ..امل مرتك ..لزم تجي هسه ..اكوا شي لزم تعرفه
اشهاب ..بويه ..اني بنتج مو طلكته ..وهسه رجعت الج شرايدات مني بعد
ام امل .. لزم تجي وتفتهم الصار لان ماينحجي على موبايل ..
شهاب ..ززين ..جااي
رحت عليهم ..وطلعلي ابوهاا بدون سلام
حجت .. خير شكوا
رد وهو يفتح الباب ..تفضل جوا
دخلت جوا ..لكيتها كاعده بالصاله ..ونوب شلابسه مفرعه ..وشعرها فتحتها ورفعته ولابس نفنوف للركبه ..واديها كلهن طالعات ونوب سمنانه ..وجسمها بارز ....وامها هم مفرعه وكاعده بصفها
استغفرالله ..ودنكت ..وحجيت ..كول حجي امر خدمة
ردت امها ..شوف شهاب ..ادري انت ماتحبن ..ومالاطقني لا اني ولا ابو امل ..بس ترى شرحتلك اكثر من مره الصار ..والماضي راح مانكدر بعد نغير بي ..
التفت على رجلها وكتله ..بوويه انت جايبني حتى تحجيلي الماضي ..والصار ..كلنه هاي الصفحه نطوت ..وبنتكم رجعتلكم ..وخلصت السالفه ..
ابوها جاوبني ..اي صح جنه نعتقد ان انتهت ..بس الظاهر ..ان القدر ماريدلها نتهي
عكفت حواجبي وحجيت ..شقصدك ..جااا شصار ماتحجوا
ردت هو..شهاب اني حامل ..حامل باابنك ..وماكدرت اكلك خفت لا تجبرني انزله ..واني رايدته لهذا الطفل ..
نزلت مثل الصاعقه على راسي ..ارد احجي ..مااكوا
التفت عليها وعيوني بكصتي وايدي سويتها قبظه من الغضب ..
شهاب .. جااا انتم جايبين هناا حتى تشمرون بلاكم علي ..
وكمزت من مكاني صاير نار حتى ماشوف كدامي ..اجيت اطلع من الباب
بس جلبت بيدي وحجت
امل .. شهاب ..فدوه لاتتخله عني ..هذا البداخلي ابنك والله صارلي شهر ونص حامل..واذا تريد نروح لاي مكان سوي سونار وتاكد ..فدوه بابا وماما ..عرفوا انت ماراح تعترف بي ..وقراروا يسافروني الاسبوع الجاي ..ونروح للخارج ..شهاب اترجاك تراجع نفسك ..وماتخليهم يسفروني هذا ابنك مثل ماهو ابني ماريد يعيش بلا اب ..
باوعتله وحطيت ايدي امسح راسي وجهي ..وسحبت ايدي ..وطلعت بسرعه
مارحت للدوام ..اتجهت لبيت زيدون جان المفتاح باقي يمي ..
واني ماعرف شسوي ..
اجاني جهاد للبيت دك الباب طلعلتله
حجه ..سلام ..شنو انت هناا والدنيا مقلوبه دور عليك ..هااك هذا جبتلك غدا وياي
اخذت العلاكه وكعدت اطلع اكل جنت جوعان بس مابيه اطلع حجيت .. منو الكالب الدنيا اكيد الوالدة
جهاد .. لعد من تدري ليش غالق جهازك ..جااا شصاير وياك
شهاب .. اذا دكت عليك ..كلها عدنه انذار مااينزل هسه
جهاد .. جاا شهني سالفتك ..لا داومت ولا رجعت لاهلك ..دحجي خلي نفهم ..هذواله شرادوا منك
شهاب .. يكولون بنتهم حامل مني
جهاد بصوت .. شنهي ..حاامل ..شتحجي انت ..مو صارلك بالشهرين مطلكها ..منين اجي ابنك ..هذواله جاي يلعبوا عليك
شهاب .. تكول صارلها شهر ونص .. ومستعد تروح تكشف
جهاد .. والله ياخوي سالفتك هاي ماتسوالف ..زين ليش جانت ساكته ..وليش ماحجوا الا هسه
شهاب .. جانت تخاف لااجبرها تسقطه ..وهسه اهلها الاسبوع الجاي يسفروها اذا ماقبلت اعترف بالطفل ..
جهاد .. جااا انت شراح تسوي .. هاي ماجانت على بال يعني غلطه وحده بلا حساب ضيعت كلشي منك
التفت علي ..شضاع مني ..اسمع مااريد احد يعرف بالسالفه هااي ..ولاجنس مخلوق ..على الا قل لزم تاكد من كلامها
جهاد .. بوويه لاتخاف ..محد راح يعرف ..بس ترئ سالفه جبيره وماتنظم ..خاصه اذا طلع الطفل صدك… منك ..
اخذت نفس ..وكعدت ادخن ..وين جانتلي هاي ..هاي مااجنت على البال ..
بس اتفقت ويه جهاد .. يطمن اهلي لو سالوا يكلهم عندي شغل .. وراح انزل
واني اخذت من مهند عنوان دكتور سونار مضبوط ..بعد ماججيتله السالفه ..وكلي اي احسن شي تاكد بس جان كلشي معصب علي ..بس مانطيت مجال يحجي ..مالي خلك سالفه ..
عاد اخذتها ورحنه ..وحجيت لابو السونار السالفه والرجال تقبل الموضوع بشكل عادي ..
وبعد الفحص والتدقيق
جنت اتمنى ماايطلع صحيح لان ماجنت مستعد استقبل هيج طفل بحياتي خاصه اني مامتقبل امه ولا اهله
وامي لو درت شراح يصير بيهاا ..وموقفي كدام اهلي
واني اكدت اني ماابيني وبينها شي ..لان وكت فعلا ماجان اكوا شي ولا ناوي على شي
بس تسير الرياح بما لاتشتهي السفن
اكد الطبيب ان حصل الحمل بالفتره الصار بيها علاقه بيني وبينها ..
حسيت الدنيا دارت بيه ..وبعد مااكدرت ابقى بسرعه طلعت بيها ..وهي فرحان وتمشي وياي بثقه
واني من العصبيه ركعت الستيرن بوكس ..
التفت علي وهي مفزوعه
امل .. شبيك ليش هيج معصب ..فوك المفروض تفرح ان راح تصير اب
خزرت ..شوفي تدرين كل زين مااريد طفل منج ..ولج اني مراه الي ماتقبلتج ..اتقبلتج ام جهالي ..كل ماشوفج اتذكر امج .. واتذكر ابوي الطاح بمرضه وكسرت راسه ..اكوم اخلي بته ام جهالي ..لو اخوي زيدون الي بسببج لسه ماايحجيني
امل .. ترى مالي دخل اني بالصار ..ولاذنبي ..وبعدين الصار برادتك ..ماجبرتك انت الي تقربتلي ..وزيدون مابيني وبينه اي علاقه ترى كلها مجرد احديث عابره ...
صرخت بيها بصوت خليتها ترجف .. لللج ..هاااي سالفه لا تحجين بيهااا احسلج ..انه اتذكر كل الصار ..وادري فقدت ومااجنت مركز ..جنت اتخيلج وحده ثاني ..وانتي مااصديتيني ..كيفتي تردين رجل
امل ..الصارر صار اني انت ..هو صار بعد ..فلا تكعد تهين بي ولا تنزل مني ..انت هم جان سبب منك ليش تزوجني ..وليش تخلي بينه طريق ..خليتني احبك ..وتعلق بيك .. شي اكيد مااراح امنعك لان انت زوجي وحقي ..
شهاب ..خلص كومي انزلي وصلتي لادوخيني واني مسطور اصلا ..
امل .. زين شراح تسوي ..لزم ترجعني على ذمتك ..لو تريد اروح ويه اهلي ..لان مااظل شي ويسافرون
شهاب .. دنزلي ..خلي شوف شسوي
نزلت وبقيت ..افتر بالسيارة ودماغي يودي ويجيب ..اخر شي تعبت ورجعت
بقيت يوميا اافكر ..لحد ماقررت ..
ورحت على امير حجيت ويه
امير ..جااا كل عقلك شهاب ..وهسه جاي تكلي من قررت وخلصت
شهاب .. ماجاي اكله ..جاي حتى اخذك وياي
امير .. لا ونعم منك
شهاب ..لاتسوالف لامرتك ..مابيه حيل السانها ..وثاني يوم الكيها واصله للعمارة كلها ..
امير ..هههههه اي لاتخاف احاول
خزرته رد ..غير انت شايفها من تكعد تحقق تكول شارك هومز ..لزم تعرف كلشي ..وين نروح وين نجي
شهاب ..ضب السانك وهي ماتعرف ..
رحنه اني وامير لبيتهم ..طلع ابوها
امير سلم ..وابوها رد ..حجيت وين امل خلي تجي
ابوها اشرلي ادخل
ماردت ادخل بس امير جلب بيه ودخلني
ابوها حجه ..اني لحد هسه مادخلت لان اشوف شغل خاصه بينكم ..بس اني هم رجال عندي سمعتي وسمعة بنتي ..وماقبل الحجي الجاي يصير
خزرت وحجيت .. جااا من اخذت مراة غيرك ونهزمت ..ماكلت سمعتي .. ماكلت سمعت هذا الرجال راح طيح وسط الناس
دنك راسه وحجه .. اني ماراح اناقشج بالصار ..قبل اني جاي احجي ..لان انت هم يهمك سمعت ام ابنك
ماتقبل الناس باجر تحجي على ابنك وتكله ابوك ماارضى يعترفي بيك ..
احس نار كامت تطلع مني واجيت احجي بس امير سبقني ..
امير حتى يصفي الجو حجه ..بوويه شكلولك عنه ..احنه ناس بابة شيوخ .. وعرب ونفهم بالاصول ..ومال ابنه مايعترف بي هاي دكه ناس ناقصه ..وانت تحجي ويه شيخ عشيرة شلون يرضها على نفسه ..مايعترف باابنه





ابوهاا ..التفتلي وحجه ..اني امل بنتي وحيدتي واشيلها بعيوني .. مااقبل يمسها اي اذئ ..و ادري كل زين شهاب مااريدها ..ولا يريد ابنهاا اني هم مضطر اخذ بنتي وسافر بيهاا .. ماانريد نبقى هنا بعد
نهضت على حيلي وحجيت بكل غضب .. مااتسافر وابني وياكم ..هاي سالفه شيلها من راسك .. وراح تبقى هناا منا لما تجيب بنتك المصونه ..وتنطيني ابني وين ماتريد تروح ..تروح
نهض على حيله وحجه .. وعلى اي اساس تنطيك ابنهاا .. والله تحلم تشوف اظفره واني راح اخذه هي وابنه واشوف شلون تمنعنه ..
اجيت ارد علي بس اجاني صوت امل
امل .. اني موفقه ..بس بشرط اذا تاخذ ابني اروح ويه وين ماايروح
بقيت صافن عليه ولبسهاا ماكوا حجاب وثوب لازك بيهاا وماكوا كل حشمه ..دنكت منها وحجيت بكلبي استغفر الله يعني هاي راح تربي ابني حجيت وياها ..شلون يعني تبقين ويه
امل .. انت هم شيخ وجبير ومعروف بين ناس .. وماترضاها على نفسك ..تاخذ طفل من حظن امه ..يعني ابقى ويه ابني وين ماايروح
امير .. بس شلون يااخيتي ..تروحين ويه وانتي مو مرته ..طليقته
امل .. اي عادي يرجعني على ذمته من جديد
وكتها طفرت على حيلي .. جاي تسويلي لوي ذراع .. عبالج تهزين شعره بيه .. نسيتي ويه منو تحجين ..انه اعرف شلون اخذ ابني منج بطريقتي ..
امل وهي تحجي بهدواء .. اعلى مابخيلك اركبه ..وتحلم تشوفه بعينك ..
اجيت الزكها بالكاع على طريقت كلامهاا واسلوب الزباله .. عرفته من بداية تريد تلعب على اعصابي ..بس ماافكرت انه اني مااجي بلوي الاذراع ..
لزمني امير واحجه .. امشينه ..نروح يخوي امشي
طلعني من بيتهم وركبنه واني احس نار بداخلي وافور .. شلون هذواله هيج يحجوا وياي .. اووف انه جبتها لنفسي

امير .. وتالي يابن عمي شراح تسوي
شهاب .. عوفهم ..ذواله اني اعرف دواهم .. خليهم كدام عينك امير .. وبس يصير الوكت اعرف شلون اخذ حقي من عيونهم .. مستقوين لان كل ظنهم بالجاهل يلون اذراعي ..
امير .. زين ..وخالتي والاهل راح تكللهم .. ترى مو من مصلحتكم تظم هل شي عنهم .. هي بعد سالفه كبرت
شهاب .. حاليا مااريد جنس مخلوق يعرف .. بس امي اضطر اخبرها كلشي
امير .. ماشي على راحتك يااخوي ..تجي وياي للبيت لو تروح لمكان
شهاب .. لا مالي خلك اي مكان ..ذبني يمكم باجر الصبح انزل على العمارة

نزلت على اهلي ..جنت كلش ضايج واحس شي خانكني .. مالي واهس احجي ولا اخذ وانطي كل الي بالي شلون اتصرف بهل المشكله
اول ماادخلت على امي سلمت وامي تلكتني بالاحظان
بقيت حاير شلون احجيلها ..بعدين حجيتلها كلشي
انصدمت وبقت لاتاخذ ولا تنطي ..
وعكس توقعي جانت هاديه كلش .. وحتى مااحجت غير كلمتين .. روح يمه ارتاح هسه ..بعدين نحجي
استغربت هدوءها ..وتصرفها بس مااجان الي خلك حتى احجي ..
صعدت لكيت ملابسي محظرت على سرير
صفنت ..شنو راح يكون موقفج ياغاليه اذا سمعتي ..بس لاا مو لزم تعرفين
سبحت ونمت على سرير .. رغم البارحه الليل كله من تفكر مانمت .. هم مااكدرت اناام
شويه واسمع صوت دك الباب بس على كيف ..حسيت ان هاي غاليه بس هي حتى من دك الباب بهدوء
وفعلا طلعت هي ..
رادتني اتغدا كتله مااريد بس من لحت علي عصبت عليه ..بس بعدين تندمت بس مااكدر اشوفها كدامي مادري ليش ..
بالاخير نمت ..بس حسيت على صوت بالغرفه وفزيت وشفتها كدامي صدك عصبت لان تعبان وماشبعان نوم وبالقوه نمت .. من غير التفكير الي اكل مخي ..
طفرت عليها بعصبيه .. اجيت احجي ..
بس نصدمت من شفتها واقف وحاصر نفسهاا بين الميز والحايط .. والدموع تنزل وترجف مني
وكتها كرهت نفسي .. لان هلكد خافت مني ..
اخذت نفسي واني احس كلبي نمرد عليها .. كتله تلم كلشي وتطلع ..ردت اتخلص من هل شعور بالذنب اتجاهاا ..
بس من شفتها تلم وهي تبجي وصوت جرت نفسهاا من تكتم بجيهاا .. عذبتني بالزايد وبلا ماحس لكيت نفسي
نزلت على ركبي واخذتهاا بحظني ..
ودفنت وجهي بركبتهاا .. بقيت اشتم عطرهاا .. ونسيت كل تعبي وهمي .. شي مثل سحر ولا حسيت بي قبل .. شي بين الامان والراحه وبقيت دقايق هيج .. جانت هاديه بحظني بس احس بيهاا مصدمه من تصرفي ..
حتى اني مصدوم ان دون ناس كلها شمرت نفسي بحظنها .. بس وعيت على الي سويته بقيت مصدوم وكمزت من يمهاا ..
بعدها .. بدت المشاكل ويه امل واهلها .. جنت متوقع راح تخاف مني ومااتسوي شي ..
بس لا عينها صنفه .. ورايحه على اخواني وحاجيه كدامهم كلشي ..
وعلى فاتن ..وحتى واصله لعياده مهند ورايحه تحجي ويه ..
من سمعت تخبلت هاي اكيد حفرة كبرها بيدها ..عباله الطفل يحميهاا من خبالتي لو طكن ..
مااحسيت غير الكل صار يعرف بالسالفه .. ولتمواا بيتن الي ينصحني والي يكلي رجعهاا لخاطر ابنك
بقيت اسمع وماارد
اخر شي حجيت ..خلصتواااا… بوويه ..هاي حياتي واني تصرف بيها مو جهال زغير وجاين تعلموني ..انه زلمه واعرف اخذ قرارتي لنفسي ..بس شغله وحده اريدها منكم .. كل هذا الحجي مايطلع خارج هاي الغرفه ..باااوعت على فاتن ..وكملت ..قسما بالله اذا عرفت طالع حرف ماايصير خيرر
فااتن .. يااا شجاك تباوعلي هيج ..شنو شايفين كل نهار انقل حجي ...
شهاب .. جاا قصدتج انه ..حجيت عن الكل ..بس هو الب....وانتي تعرفين الباقي
فاتن .. اي اي ..فهمنه





بعد يوميا هدا الوضع فاتن رجعت البيته ..ومهند بقى جنت طالع من الصبح رجعت تقريبا ب٢ الظهر .. دخلت لكيت مهند بالطرمه يخابر وشكله جاي يتعارك هو مرته
عبرته ودخلت للبيت .. لكيت امي بغرفته جاي تسبح بسته راسها ..وطلعت لكيت غاليه ورقيه كاعدات بالصاله
يباوعن مسلسل
حجيت .. سلام عليكم
ردوا اثنينهم ..وعليكم السلام
بقيت كاعده مشوار
استغربت ..ان غاليه ابد ماسالتني متغدي لو لا كلت احتمال مامنتبهه ..
شهاب .. غاليه ..حضريلي الاكل علما اسبح وبدل ..
غاليه ..........
مااجوبتني ..بس هي اصلا قليلة كلام ..عفته وصعدت سبحت وبدلت .. ونزلت ..
كعدت بالصاله ..ماجان احد بس مهند امدد على تخم ويكلب بالموبايل ..
انتظر ساعه والاكل ماكوا ..عجيب امر هل البنيه شبيه اليوم ..
صحت .. بوويه ..اليوم نتغدا لو نتعشا ..وين الاكل ادري باجه جاي تطبخين ..
التفت علي مهند وحجه .. جااا شبيك كله صياح ..على كيفك ويه الابنيه ترى غاليه ماكوا مثلها وكل تسوي وياها وهي ساكته ماحجت ..انت هم خلي شويه عندك ليونه بالتعامل ياخي ..
شهاب بعصبيه .. جااا تشوفني مكصبها ..لو شايلله توثيه ..لو كل نهار اكتل بيها ..شحجينه هو انه طبعي هيج .. شتريد اكعد انتظر شوكت نسوان يمشني على مزاجهن ..
مهند .. مايفيد ..الحجي ..للعلم مو عيب على زلمه لو سمعه نصيحه من امه ..ليش انت ماتاخذ بحجي امي لو امي مو من نسوان ..ولا عيب اذا حب زوجته وتنازل شويه عن كبريائه ..لان اذا تريد تكون عائله سعيده لازم تقدم تنازلت ..والا حياتك عمرها ماراح تمشي ..
شهاب .. لاتخاف على حياتي ..انه مشيه كل زين ..جاا شوف حياتك انت ماشيه مثل ماتريد ..
مهند سكت مااجوبني .. بس بقى يباوعلي ودنك ..ورجع يباوع بموبايله ..
دخلت رقيه شايله الصينيه ..
رقيه .. شبيك ..والله من كثر الاستعجال نجويت مرتين ..
شهاب .. انتي سويتي !
رقيه .. لاااا ..امي اليوم طبخت ..اني بس حميته ..بس شويه التمن احترك من جواا ..لان جويت بالقبق ..ورحت غسلت ..ونسيته
شهاب .. استغفرالله ..اريد فديوم تسوين شي صحيح ..مثل عالم ماكواا
جنت جوعان كلش غصب علي اكلت ..بس الاعجيبه ليش رقيه مو غاليه ..السوت الاكل !!
وبعدها ماجنت اشوف غاليه ..اجي بليل نايمه ..الصبح اطلع وهي بعدها نايمه ..غريبه جانت ماتنام اذا مااجي ..وتسويلي الاكل ..وماااكعد الصبح اذا ماتكون كاعده ومحضره كلشي ..
والضوجني اكثر .. ملابسي ماتحضرهن هي كل رقيه ..ولامره لكيته مطلع الشي الي ريده ..ودائما اصيح بيهاا ..وترجع دردم
بس غاليه شغلته غريبه ..
صارلي خمسة ايام من مجاز والوضع نفس ماهوو ..
صار لزم افهم شجاي يصير
كعدت الصبح ..مااجان عندي بيومها شي ..نزلت لكيت مهند ..كاعد على ميز الطعام ..
شهاب .. صباح الخير
مهند .. صباح العسل ..تعال تريك وياي .. امك متريكه قبلنه ..وكاعد بالغرفه ..
شهاب .. هاا ..اي الوالده تتريك من وكت ..والله انه اليوم كاعد متاخر بقيت سهران البارحه ويه الجماعه ..
مهند .. جهاد وربعه اكيد
شهاب .. اي ..ماتجي تكعد ويانه ..احسلك من ماالنهار كله طكطك ..بلي تكول جاهل ..تعال على شط بالكورنيش كعده ترد الروح ..
مهند .. تعبان ..مالي واهس بالطلعات والكعدات
دخلت للمطبخ رقيه .. صباح الخير على اخواني الصاكين
مهند ..هههههه صباج مثل وجهج وانتي حزري
رقيه .. اكيد حلوو لعد
مهند ..قنعي بنفسج
شهاب .. لعد غاليه وينه ..اشو مااشوفه هل ايام
مهند .. ليش كل نهار ندك اني وياها لعب ..طلعت داهيه بالبلي ..وين رايحه ..
شهاب .. خير انشاء الله
رقيه .. خلي اسويلكم ريوك لعد علما تكعد غاليه





مهند ..وين بوويه ماريد يصير تسمم عندي ..
دخلت غاليه ..وحجت بصوت هادي ..صبااح الخير
رد الكل .. صباح النور
وقفت تغسل من السنك ..وجان ضهرها الي ..بس لابس دشداشه مستوره وحلوه مرتب عليها ..وشالها شلون حلو ومرتب ولا شعره طالع منهاا
شكد يعجبني بيهاا ..احترامها لنفسه لدينها ..ماايوم شفتها بلبس مامحترم ابد ..حتى من تزوجتها واعرف انه السبب لان ماعتبرته زوجه ..هي هم عاملتني كابن عم مو اكثر ..تقريبا ربت ويانه من عمرها خمس سنين لسه وهي تتعامل بحدود ويانه صح اكوا ميانه بس بحدود
لايوم واحد شاف شعرها من عمرها ١٥ سنه لسه اتذكر
جانت تدرس ثالث متوسط وتحجبت منه ..
قاطع افكاري صوت رقيه
رقيه .. شهاااب ..شهااب
شهاب ..هااا ..شنوو شبيج
رقيه .. وين رحت ..صار ساعه اسالك ..شتتريق
شهاب .. اي ..سويلي عيون
رقيه .. وانت مهند
مهند .. اني خبط ..مااحب العيون
رقيه .. اااي ..يالله عليكم ..يعني ارجع اطك مرتيين ..يووو
مهند .. دخيلك يربي ..عبالك راح تسويلنه عزيمه ..هن ماعونين بيض ..
رقيه .. ااي ..هوو انت واقف على طباخ ..لو اني عبالك الماعونين هيج بساهل ينطكن بالدهن ..والعيون تكعد تراقبهن ودقق بيهن حتى تطلع البيضه عدله وماتفقس منك من تكلبه .. لو خبط تكعد ساعه تخبطه وتحطه وترجع تراقبه كل شويه لا يحترك..
مهند .. دخيلك يربي عبالك ..راح تسوي مخطط مال هجوم .. كل هاي الهوسه على بيضتين ..

غاليه ببتسامه ..وخري اني اسوي خبط لمهند ..واني طكي لشهاب
رقيه ..اي اخذتي السهله… . اي ..يالله خلي اجهزه
فعلا هي سوت لمهند ..وخلت رقيه تسويلي ..عرفت وكتها ان جانت تتقصد ..ماتسوي اي شي يخصني
والضوجني اكثر وحرق اعصابي
كعدت باالكرسي ..البصف مهند ..وخلت الاكل يم مهند
مهند .. هااج ..خبزه اكلي
غاليه .. لا مااحبه اكل انت ..بالعافيه
مهند.. صدك تحجين ..قرب الماعون حط بينهم ..تدرين اهم وجبه باليوم هي الريوك ..هاي طاقه تحتاجيها لنهارج كله ..فشكد ماكان ريوك بي نسبة فيتامينات ومعادن واملاح وحديد ..جانت طاقتج اكبر ويومج افضل ..وماكوا افضل من البيض حتى ينطيج كل هاي الطاقه ..يالله اكلي
غاليه ببتسامة .. ماعرف ليش ..من احجي ويه دكتور بكلمتين اقتنع ..رغم هذا الحجي كله اعرف بس من طلع منك اجاني واهس اكل البيض ..
مهند ..ههههههه اي هذا سر المهنه
هم ياكلون واني باوع واغلي .. كون لزمها من خدودها هذني والله خسفهن اله بضغطه وحده
بنت النعال كاعد تتبسم وتحجي ..واليكتل مااكاني موجود

كمت وحجيت بعصبيه .. شبعت
رحت كعدت مشوار يم امي .. مهند اسمعه كام يلعب ..واسمع صوته يلعب ويه جماعته على النت جابه ويه ..
اجتي رقيه ..عزلت غرفة امي .. رغم جانت كله غاليه تنظفها ..
بقيت ..احاول اسيطر على اعصابي ..مااريد ابين معصب من تجاهلها الي ..
بالغدا تكررت نفس الحاله ..جانت كاعده من جهة مهند وكله يحجوا على الالعاب ..ويضحكوا ..ويحجيله تفاصيل اللعبه حتى تلعب ويه ضدهم ..بقيت بس احاول مابين شي ولااا افقد اعصابي ..
بعد الغداا ..جنه اني ومهند كاعدين على تخم ..وامي كاعده جوانه ..تباوع على الاخبار وياي ..
مهند .. رررقيه ..فدووه مي
شويه واجتي غاليه جايبته ..تفضل
مهند .. تسلمين والله
امي لاحظت خزرتي الهم وعصبيت وصلت حدهاا حجت امي بسرعه .. غاااليه ..لعد رقيه وين ليش انتي جبني المي
غااليه .. عاادي خاله ماكوا فرق اني وهي ..بس اني بالمطبخ جنت وسمعته مهند وجبتله ..رقيه اتصور نايم بغرفتج ..
امي .. بس هزت راسها ورجعت تباوع ..
مااحجيت بلعتهاا ..رغم احس دمي يفور ..بس مااكدرت احجي ..
شويه وكامت امي وكالت..اروح انام اني ..تعبت
دك موبايلي باوعت جهاد
شهاب ..الوو .هاا شكوا
جهاد .. اكوا واحد يفتح خط على بشر ويكول شكوا ماكوا لا سلام ولاكلام ..
شهاب .. خلص ..مالي خلكه
جهاد .. جااا اليوم عدنه كعده ..طاكه ..تعال من وكت
شهاب .. ماجااي مال واهس اليوم اطلع
جهاد .. شكلك اليوم طابكة ..وجن السالفه بيهاا ريحة نسووان ..
شهاب .. خلصت ..يالله ولي
جهااد .. هههههه لحظه بربك ..مهند يمك انطينيه
شهاب ..ااي ..هاااك
مهند ..منوو
شهااب .. جهااد
اخذ مهند حجه ويه ..راد يروح ويه بالبداية ماقبل بعدين اقنعه وكاله ميخالف ..
للعصرر .. مهند بدل ..ونزل ..كال اريد السيارتك سيارتي مابيها بانزين ..انطيتيه السويج..وراح ..
جنت كاعد كدام الباب لتودي لداخل البيت .. وفاتت غاليه من كدامي تريد تصعد الدرج..صحت بيهااا
شهاب .. غااااليه ..التفت علي ..جيبي مي بسررعه
باوع عليها كملت صعدها الدرج وحجت ويه رقيه
غاليه .. رقيه من يمج ودي مي لشهاب ..
وصعدت تركض للدرج ..
ماجنت اريد مي صدك .. بس ردت تاكد اكثر متقصد ..تتجاهلني ..وتاكدت .. صعدت بسرعه ..وحجيت لرقيه .. مااريد لا تجيبين ..عافت ورجعت لغرفه امي ..
اني دخلت لغرفتي .. طلعت كل ملابسي وشمرتهن بالكاع ..
وطلعت ..صحت بعصبيه يم الغرفه مالتي ..غااااليه ..غااااااليه
اجتي .. وباوعلها لابس شالها ..حجيت ..دخلي جواا
غاليه .. ليش .. عندك شي ..كول هناا
صدك عصبتني اكثر ..وسحبتها من ذرعها ودخلت بداخل الغرفه ..وسديت الباب ..
بقت تباوع على ملابس تارسه الغرفه
غاليه .. شنوو هااي
شهاب .. جااا تسالني ..ماتسالين نفسج ..ليش غرفتي هيج .. موكلت كلشي يخصني هاي مسوليتج ..ليش الغرفه هيج ..هااا
غاليه .. ماادخلني بااي شي يخصك ..خلي رقيه تنظفهاا الك ..موخدام عندك اني ..
بقيت مصدوم من ردهاا معقوله غاليه هيج ترد جانت تخجل تحط عينها بعيني ..
رادت تطلع بس صحت بيها بصوت ..وووين ..جاااا مااشاء الله طولان السانج ..وراسج كبران
غاليه .. يعني اليحجي الحق يطلع لسانه طويل وراسه كبران ..
رفعت حاجبي مستغرب ومصدوم بردوره بس مادري ليش اكوا نوع من الاعجاب بهذا التمرد ماسبق وشفته هيج
شهاب .. وانه ماعندي حل للسان الطويل غير القص وراس اكسره ..حتى بعد يبطل يكبر ..
شلت ملابسي الي جانن على السرير
وشمرتهن عليها ..لكفتهن هي متفاجئه
شهاب .. لمي الباقي ..بسرررعه ورتبي كلشي وياويلج مره ثانيه اشوفها هيج ..وصحت بصوت فهمممممتي
..صفنت علي ..بعدين انتبهت عيونها كامت تطلع شرار .. واول مره اشوف هيج ..وشالت الملابس وشمرتهن بالكاع .. بقيت صافن هذه تسودنت
غاليه .. لااا ماراح اغسل شي .. ولا ارتب شي ..ولااسوي اكل ولا اهتم ..بااي شي يخصك ..واني حره بتصرفتي وانت مالك اي حق علي ..انت بنفسك لغيت كل حقوقك علي ..موهسه جاي تفرض علي شلون اخدمك ..مو خدامه عندك اني ..سمعتني زين





بقيت للحظات صافن مو مستوعب ..لاكلامها ولا اسلوبها .. منوو هااي ..وين راح الخجل والارتباك ورقه ونعومه ..بس احلف بداخلي احساس مثل دغدغه خلتني صافن مو كاعد استوعب حجيها وردها
جانت جاي تطلع من الباب ..بس اني اسرع منهاا
ركضت ولزمتهاا من ذراعهاا قووي ..ودفعتهاا للجهه الثانيه بداخل الغرفه ..
واني ادفعها ..لزمت شالهاا وسحبت كل قوتي ..من قوة سحبي لزمت ركبتهاا..ادري بيهاا تااذت لان جان ملفوف على رقبته ..بس احسن تستاهل ..
جنت مدنك اباوع شنوو هااي الطار من شعرهاا ..باوعت بالكاع كراصتهاا
رفعت عيني ابااوع عليهاا ..
جمدت بمكاني .. عيوني بعد ماترمش .. وحلكي لااردين وكع بالكاع ..
صرت احجي بلا وعي ..سبحان الله ..مااشاء الله
هي لزمه رقبته مامنتبهه علي ..لان عصرت من سحبت شالهااا..
اني بس فاك حلكي على شعررهاا ..نزل تكول سيوف موشعر .. غطه كل خصرهاا .. ومتونهاا .. نااعم حريري واسود غجري ..شكد شايف بنات و شعرهن حلو وبنات اشكال ..
الا مثل هل شعر ماشفت تكول باروكه .. يالله هااي وين جانت ضامته .. وليش اول ماتزوجتهاا ماجان هيج ..حتى لونه غير .. خرب يومج خلت كلبي يكمز يكول طفل صغير لو مراهق .. مااكدرت الزم نفسي
قربت واخذت لزم خصل شعرها .. واحجي ..سبحان الله ..هذا شعر صدك .. معقوله ..
انتبهتلي .. وسحبت نفسها بسرعه .. ولان طويل بقت الخصل بيدي .. لزمته وسحبت من ايدي
وهي تطوي بي بخجل ..من نظراتي الي اكلته اكل ..
جنت تقريبا فاقد وحجيت ..هذا شعرج حقيقي

باوعت للكاع دور على قرصتهاا ولكتهاا ..لزمت ولفته بالكراصه .. بس اكوا خصل بقت منثوره على خدود والركبه .. بلعت ريقي .. واني اباوعلهاا ..
ردت علي بصوت متوتر بس حاولت تبين مامهتمه .. اي طبعاا حقيقي .. لعد خيال
باوعت على ركبتها بيه اثر احمر من سحبي لشالهاا ..قربت عليها .. مديت ايدي على ركبته احاول اشوف شبيهاا ..
بس دفعت ايدي بقوة وابتعدت
غاليه .. شنوو .. شتريد
شهاب .. جااا يعني شريد مثلااا .. تشوفني كاتل نفسي حتى لزمج
غاليه .. اي بعد ..احسن ..وتسوي فضل اذا ماتخلين اشوفك اصلا
صدك عصبت وتقربت منها .. هي تراجعت
شهاب .. من شوكت هاي ..وصايره ماتردين تشوفيني
حسيت بيهاا بلعت ريقهاا .. وصارت تتنفس بطئ ورجعت خدوده احمرت ..
دفعتني بس ماتحركت حجت .. وووخررر مني ..شهااب
حجيت بهمس .. لااا
باوعتلي بصدمه .. هاااا ..للللييش
بقيت اباوع لشفته بخدر .. ماايعجبني
حاولت تدفني مره ثاني وحجت .. وخررر ..لووو اصيح خااالتي
شهاب.. يالله .. صحيلهاا ..وكليلهاا الحكيني ..خاله شهاب حاصرني بحظنه ..وجااي يفكرر بافكار بس الله يسترر منهااا ..
بلعت ريكهاا وباوعتلي بخووف ..
تقربت على شفايفهاا .. بس التفت بوجهه وصارت البوسه بخدهاا
بس ماقصرت بخدها بقيت ابوس بي .. وهي جمدت بمكانها لا تتحرك ولا تتنفس واحس حتى نفسها نكطع .. واني نزلت على رقبتهاا وصرت اوزع بوستي بكل مكان ..وجنت مندمج ورايح بغير عالم .. ريحته تموت تسكر .. وطعم البوس يختلف وياهاا تمام وكنما اول مره ابوس لو انشد بهيج لهف لمراه بحيث وموكادر ابعد .. ولا حتى لحظه وحده ..
مااحسيت غير على صيحهاا ..نصدمت ماتوقعته تسويهاا
كامت تصيح .. خاااااله .. خااااله ..الحكيني
صوته فضيحها تكول جهال وماخذ منها لعبتها تعيط وتبجي ..
لزمت حلكهاا حطيت ايدي اسكتهاا
شهاااب .. اششش ..ولج فضحتينه .. الله يبلاج .. لج انتي طفلة
باوعتلي بخزر ..خرب يومج تكول طفله ..عيونها كله دموع ..وكل عين شكبرهاا تكول عيون غزال
شهاب .. والله عقب على فعلتج .. الا اخليج بيج اثر تذكري كلماا تردن تعيطين نوب ..
بااوعتلي وهي فاتحه عيونهاا على وسعهن ..بخوووف
ابتسمت ..وتقربت من رقبتهاا ..واخذتهاا بعضه وهي مصه ..وصارت زرقه من الاثرر
وحجيت بااذنه .. جربي تصيحي مره ثانيه ..والله تلكين جسمج كله هيج ..
وخرت ايدي من حلكهاا على كيفي
هي حطت ايدهاا على مكان العلامه وصارت تتلمس مكان
غاليه .. انت ..شتريد مني ..جاي تريد توصل .. ابعدد عني ..خليني اروح
شهاب .. قابل شريد مرتي من حقي ..شنو الغريب بالموضوع ..
غاليه .. لا مومرتك ..وتركني بحالي احسلك
شهااب .. لج .. شنو اتركني بحالي هاا .. مااتدررين كلمااا حاولتي تبعديني ..تزيدين رغبتي اكثرر ..واصير اتقرب اكثر وبعد ماتحمل اصبر
غاليه .. اااي ..جااي تاااذيني ..ترركني عااد ..شتريد مني ..خالتي هسه دور علي
شهاب .. محد يسال عنج ..خالتج اصلا نامت ..بس اني محتاجج هناا
غاليه .. خللص ..ابعد ..هددني ..اااه
لزمت خصرهاا ..تتالم
اني فلتتها ..وصحت ..اسف ..اذيتج موبقصد .. بيج شي
مااحسيت غير دفعتني ..وركضت للباب ..بنت الاوادم تضحك علي عبالي صدك تااذت
ركضت ورهاا ولزمتهاا من خصرهاا وصار ظهرهاا بصدري .. وبقيت ابوس بركبتها وفريتها علي واني اوزع بوساتي بكل مكان
جانت تحاول تقاوم بس من بالاخير استسلمت
وبقت جامده بدون مقاومه ..
رفعت راسها بيدي .. وتقربت على شفته
واخذتهن بين شفايفي ..جانت مصدومه من تصرفي
واقفه جامده مااتتحرك ولا تسوي اي رد فعل
بس اني لزمت القرصه الي بشعرها وشمرتها
ونثرت شعرها .. واني اتلمس بخصرهاا
احس بيها مااجاي تتدري شنو يصير لان هي بريئه وادري اول مره تختبر هل شي ..
فتركتها بين اديني تهدا .. ومابطلت من شفتها ولا تركتها شي مثل السحر لو تعويذه الي يصير مااكدر اتحكم بمشاعري ولا احساسي لهفتي سبقتني وصارت تتحكم بكلشي
بعدها تحركت بيها للسرير واني فاقد مااعندي اي صبر بعد
وكعدت علي هي جواي واني فوقها ..
شهقت هي بس اني رجعت اخذت شفتها بوسه عميق .. ورحت وياها بعالم ثاني
…… يتبع.........
🦋🦋....................................🦋🦋