آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
22-07-19, 03:38 PM
| #11 | ||||||||
| مراقبة عامة ومشرفة منتدى الروايات المنقولة  
|  الحلقة العاشرة (الاخيرة) بقلم / عبدالرحمن احمد خرج فارس بكل ثقة من المبنى وامامه غريب غريب : مستعد تواجهنى ؟؟ فارس بإبتسامة : انا دايما مستعد ... وانطلق الاثنان بأقصى سرعة فى اتجاه بعضهما وفجأة وقف فارس وقفز على غريب وهو يجرى فأوقعه ارضا ولكمه غريب فى وجهه بشدة وهرب قام فارس بكل سرعة ورائه ولحق به وظلو يتبادلان الضربات واللكمات ورفع غريب فارس والقاه ارضا وظل فارس يتألم حتى قام وانطلق غريب بأتجاه فارس بأقصى سرعة فارس بصوت عالى : اضررررب فجأة اطلق يوسف من سلاحه مخدر فأصاب غريب واوقعه ارضا **** فاق غريب فوجد الجميع حوله ونظر الى قدمه فوجد جهاز بها فارس بإبتسامة : حمدالله على سلامتك يا دوك .... انت عارف اية اللى فى رجلك ده ؟ ده جهاز مش هيخليك تقدر تستخدم سرعتك نهائى طول ما هو متركب فى رجلك ، صنعه رامى حبيب قلبك اللى انت قتلته فى الماضى اللى اتغير ابتسم غريب لان خطته تسير على ما يرام وقال : مسألتش نفسك فين مى ؟؟ فارس وهو ينظر حوله : اية ده مى كانت معاه راحت فين غريب : ههههههه بسرعتى قدرت ارجعها وانت نازل المكان ورجعت تانى وانت طبعا مخدتش بالك .. كل همك تاخد بتار اهلك بس ونسيتها فارس بعصبيه وهو يمسك لياقته : فين مى ؟؟ غريب : اقتلنى بس لو مرجعتلهاش كمان ساعة من دلوقتى هتموت فارس : انت عايز اية ؟؟ غريب : صفقة فارس : الاول .. انت مين وعملت ده كله لية غريب : اممممم طيب ،، انا يا سيدى اكرم الصياد انا من المستقبل سنة 2025 ،، عالم مشهور من مصر المفروض ان انا دلوقتى فى الكلية بس علشان عشت فترة فى الماضى اتبدلت بمعنى انى بقيت مكانه فى يوم من الأيام هكون فى خطر فى السنة دى والمعمل بتاعى كله هيولع وكنت هموت ومواد كيميائية كتير فى الجو ... جيه فارس وانقذنى .. وهو بينقذنى المواد الكيميائية قدرت تنقلى كمية من سرعته بس هو السرعة الاساسية يعنى ينفع يسرعها بالتدريب انما انا كان بتخلص مع الوقت ولازم علشان ارجع اجرى بسرعة تانى لازم اقعد يومين اشحن زى الموبايل لغاية اما اخترعت بدلة تحافظ على طاقة السرعة شوية بس بردو كانت بتنتهى قررت اعادى البرق اللى هو انت يا فارس وكنت اشد اعدائى ومكنش حد فينا بينتصر على التانى ، فضلت اقرأ فى كتب وادور على حلول لغاية اما لقيت حل الرجوع بالزمن ، وهى ان الجرى بسرعة 4 اضعاف سرعة الصوت بيقطع الخط الزمنى وينقلك لأى مكان انت عايزه فى الماضى او المستقبل حسب تفكيرك انت فضلت اتدرب واشحن سرعتى لانى خططت ارجع بالزمن علشان اقتلك وفعلا رجعت بالزمن بس جيه فى دماغى فكرة انى لو قتلتك مكنتش هتبقى برق وساعتها مكنتش هتنقذنى وساعتها هختفى من الوجود واموت فقررت اعمل حاجة تانة وهى انى ادمرك بمعنى انى اقتل اهلك وساعتها هتبقى متدمر وساعتها هقدر بس اغلبك واخد سرعتك وبالفعل روحت بكل سرعتى لكن من سوء حظى انك رجعت بالزمن انت كمان علشان تنقذ اهلك اللى هم كانو هيموتو بنفس المصير لان الزمن عامل زى الدايرة بيعيد نفسه وكل سبب ليه مسبب .. لما رجعت فضلت تطاردنى فى البيت وضربنا بعض ضرب شديد واول ما لقيت اهلك واقفين بيصرخو استغليت الموقف وقتلتهم وهربت بأشد سرعة وانا شايلهم وانت طاردتنى روحت راميهم وهربت وانت خدتهم رجعتهم على البيت وانت بتعيط قررت ارجع المستقبل تانى بس للأسف سرعتى انتهت ... كانت عايزة شحن 15 سنة .... تخيل مكنش قدامى حاجة غير انى ابنى نفسى واعمل المسرع وانى اصنعك ... اصنع البرق ...اصنع اشد اعدائى علشان يرجعنى للمستقبل تانى بدل منا محبوس فى الماضى .....شوفت ؟؟ دايرة ... انا اصنع البرق اللى بدوره يصنع البرق الاصفر اللى هو انا اللى بدورى اروح اقتل اهلك علشان اتحبس تانى وهكذا ... هى دى دايرة الزمن....صنعتك ومشيت خطتى علشان ادربك تبقى اسرع واسرع علشان تسافر بالزمن وترجعنى عالمى تانى فى المستقبل وكدا الخطة لحد دلوقتى محصلش فيها اي خلل فارس وهو يصفق : برافوووو ... لا بجد برافوو ، ابهرتنى ، بس ليه يوم ما طاردتك كنت هتقتلنى غريب : مكنتش هقتلك .. انا اللى عملت لقلبك صدمة كهربية علشان تعيش قبل ما امشى ... عملت كدا علشان اربى فيك الانتقام وتزيد فى سرعتك بسرعة علشان ننهى كل ده سلمى : فكرت فى كل ده وعملته ؟؟ غريب : ايوة عملت كل ده بس للأسف فشلت انى اعرف انك اخته بس مش مهم ... المهم الصفقة اللى قولتلك عليها ...اديك عرفت كل حاجة فارس : صفقة اية ؟ غريب : هترجع بالزمن تنقذ اهلك .. لو نجحت مى هترجعلك وهترجعنى للمستقبل تانى وخلاص على كدا لو فشلت هتختار يا اما مى تموت يا اما انت تموت بس بعد ما تدينى سرعتك قدامك الاختيار من دلوقتى لو عايز مى ترجعلك تانى .... فارس : الماضى بيتكرر تانى ،، فارس لما جيه وقالك هموت وكل اللى حكاه اتكرر يا بابا ... ومى هى اللى هينقذها .. مفيش حاجة اتغيرت ماشى يا غريب هفكك علشان تروح لمى وسيبنى افكر فى الموضوع ده غريب : على اقل من مهلك فارس : اللى حايشنى عنك مى ، انت متعرفش انا جوايا نار اد اية منك غريب بإبتسامة : عارف ... عارف كويس اوى فارس : فك الجهاز يا رامى رامى بإستغراب : افك اية ؟؟ هتسيبو كدا عادى فارس : فكه يا رامى ... مى معاه كان الجميع صامتين لا يتحدثون بسبب ما سمعوا من غريب وصدمتهم خلع رامى جهاز غريب غريب : اول ما تاخد قرارك اتصل بيا على الرقم ده وهجيلك فى لمح البصر فارس : طيب رحل غريب والجميع لا يتحدثون سلمى : هتتصرف ازاى يا فارس ؟ صابر : هتسمع كلامه ؟ فارس : حتى لو رجعت بالزمن وانقذتهم ، ساعتها مش هبقى قابلتك يا يوسف انت وشهد ولا هبقى قابلت جاسر ..حتى انت يا رامى انت ومى مستقبلى هيتغير وساعتها مش هعرفكو خالص والحب اللى بينى انا ومى هيبقى منى انا بس لانى عيشت ده كله إنما انتو اللى هتتغيرو مع الخط الزمنى وهبقى انا بس اللى من الخط الزمنى ده يوسف : اعمل اللى شايفوا صح يا فارس ، حتى لو اتغير الخط الزمنى واحنا معرفناكش لما ترجع المستقبل تانى ... احكيلنا او جمعنا تانى فارس : مش هتصدقوا ساعتها لان كدا مش هتكونوا عيشتوا الكلام ده رامى : ولو فشلت ؟ فارس : ساعتها هضحى بنفسى علشان مى تعيش صابر : وكدا يبقى الشر انتصر على الخير ؟ فارس : عمر الشرما ينتصر على الخير ابدا حتى لو انا مت ، اكيد هيجى حد غيرى بطل خارق يقدر يوقف غريب وينهى اسطورته يوسف : اكيد فى حل تانى لكل ده فارس : مفيش ، مفيييش نهااائى رن جهاز الانذار فى ذلك الوقت فارس : فيه اية ؟؟ رامى بصدمة : مصيبة !!! 9 عندهم قدرات خارقة بيدمرو فى شوارع القاهرة كلها فارس : اييية ؟؟ هم منتهوش ؟ رامى : لا ودول اخر المتأثرين بالانفجار وغريب قرر يظهرهم علشان يحاول يهلكك فى مطاردتهم فارس : لازم اروح انقذ حياة الناس دى سلمى : دول 9 !!! فارس : حتى لو الف .. مش هقعد اتفرج انطلق فارس بأقصى سرعته ووصل الى المكان ليجد فوضى عارمة وأشخاص يصرخون ويستنجدون قرر فارس اولا ان ينقذ هؤلاء الأشخاص ويخلى المكان وبعدها يتفرغ لهؤلاء المتحولون خرج يوسف وجاسر من المختبر وقامو بأبلاغ جميع الجهات وسحبو اسلحتهم وتوجهوا الى مكان المتحولون اخرج فارس كل الاشخاص بسرعته وهجم على احد هؤلاء المتحولون ولكن رماه بهواء شديد فطار فارس واصطدم بالحائط واخذ يتألم بشدة رأى فارس صورة مى امام عينيه لا تفارقه رغم انه لم يكن مهتم لأمرها لكن شئ غريب حدث له جعلها فى قلبه واحبها بشدة ولا يعلم هل احبها هكذا بسبب اخبار رامى له ان مى تحبه أم كان يحبها من البداية لكن حب شهد هو من اعماه فام فارس وهو متحمس وانطلق وظل يضرب بسرعته كل هؤلاء الأشخاص بشدة ووصلت الشرطة لكن الفوضى كانت شديدة وتدمر ثلاث مبانى وفارس كان يأذيهم بشدة ولكن لم يقدر على هذا العدد وحده **** - الو عمليات...الو عمليات الاهداف فى محاولة تدمير كل شئ والقوات غير كافية = جارى ارسال الدعم ... حول **** مذيعة التلفزيون : اشخاص يمتلكون قوة خارقة يدمرون كل شئ فى شوارع القاهرة ورجال الشرطة والجيش يتعاملون مع الامر بجانب البرق الذى انقذ الاشخاص الموجودون بالمحيط ولكن اضطر الجيش الى ارسال طائرتين هليكوبتر الى المحيط للسيطرة على الوضع **** امتلئ المكان برجال الشرطة والجيش والمدرعات ومات اشخاص كثيرين وكان فارس يحاول بقدر الامكان السيطرة وقام بتخدير اثنان واوقعهم ارضا فارس عبر السماعة : رامى ... رامى رامى : ايوة معاك فارس : كلبشات القوة اللى معاك جاهزة رامى : ايوة بس دول 8 بس فارس : مش مهم انا جاى حالا اخدهم ذهب فارس الى المختبر بسرعة شديدة واخذ الكلبشات وذهب وبسرعة البرق قيد فارس جميع الاشخاص بالكلبشات الساحبة للقوة وتبقى شخص واحد فارس : سلم نفسك ، كل اللى معاك وقعوا خلاص - ههههههه لا .. مش قبل ما اقتل المقدم يوسف يوسف بصدمة : العقرب ؟؟؟؟؟ التعلب : لا انا التعلب ، اخو العقرب التوأم...مش هسيبك غير لما اقتلك زى ما قتلت اخويا واختفى بكل سهولة وظهر امام يوسف وامسك برقبته رفع احد رجال الشرطة السلاح واطلق على التعلب فارس بصوت عالى : لا متضربش اختفى التعلب وهكذا المشهد يوسف واقف فى حالة ذهول وفارس يتحرك بأقصى سرعته تجاه يوسف لينقذه قبل ان تستقر الرصاصة فى جسده والجميع فى حالة صدمة والمكان هادئ ...لا يوجد سوى صرخات فارس وهو يتجه ناحية يوسف لينقذه كان يتمنى فارس ان يصبح اسرع كثيرا من ذلك لكن ليس كل ما يتمناه المرء يدركه استقرت الرصاصة فى جسد يوسف فوقع على الارض فارس بصراخ : لاااااااااا باباااااا لم يعاتب فارس نفسه على عدم انقاذه وفشله بل وصل إليه وحمله وانطلق بأقصى سرعته الى المستشفى عاد مرة اخرى فارس وانطلق ناحية التعلب ووصل له بسرعة شديدة قبل ان يختفى وظل يلكمه فى وجهه بكل غضب وقوة حتى وقع على الارض وظل فارس يركله بقدمه حتى حالت بينهما قوات الشرطة والجيش وخلع فارس كلبش من احد المتحولون الفاقدين للوعى وقيد به التعلب حتى لا يختفى مرة اخرى..... ***** غريب : زمان فارس دلوقتى بيتعذب من المتحولين اللى بعتهمله مى : حرام عليك ... ليه كدا ؟ غريب : مش عارف .. تسلية وخلاص مى : ده انقذك فى المستقبل وده جزاته ؟؟ يبقى اشد اعدائك علشان انقذ حياتك ؟ غريب : فيه حجات عمرك ما هتفهميها مى : مش عايزة افهم .. انا عايزة اعرف ليه غريب : يمكن علشان لقيت فجأة عندى قوة سرعة زى البرق اللى مصر كلها بتتكلم عنه فقررت اكون احسن منه واقضى عليه علشان انا ابقى رقم واحد بس فشلت علشان كدا قررت اعمل كل الاحداث دى مى : غيرة وحقد وحب للنفس غريب : زى ما تسميها بقى مى : انت فاكر انها كدا هتنتهى بفوزك انت وموت فارس ؟ غريب : لو كنتى من المستقبل زيى هتعرفى انا واثق من كلامى ليه مى : مفيش حد يقدر يعلم الغيب الا الله وانت مجرد بشر مستنى قدره غريب : انا بقى اعلم الغيب ده بس علشان عيشته قبل كدا وسافرت بالزمن كتير مى : ولو فارس نجح وانقذ اهله ؟ غريب : هخليه يرجعنى المستقبل و ..... وهقتله هههههههه مى بخضة : ايييية انت بتخلف وعدك وكلامك ليه غريب : ما هو مش معقولة يعنى كل ده يكون حصل علشان اقضى على البرق وفى الاخر بلح مى : ما كان قدامك طول الوقت حتى لما كان فى غيبوبة 9 شهور مقتلتهوش ليه غريب بإبتسامة : علشان هو طريقة رجوعى للمستقبل ، امال انا كنت بدربه يزود سرعته ليه ، فهمتى دلوقتى !! مى : وتفجير المسرع ؟ غريب : انا اللى عامله علشان اصنع البرق اللى هو فارس مى بدموع : ده مات فيه خطيبى !! خالد مات بسببك !! غريب : ربنا يرحمه بقى ، كان اداه من ضمن ادواتى وخلص مهمته واتكل على الله مى : حرام عليك ، انت مستحيل تكون بشر غريب وهو يلوى دراعها : انا فعلا مش بشر ، انا ملاك وقريب اوى بسرعتى دى وذكائى هقدر اسيطر على البلد دى ومش البلد دى بس ، لااا ده انا هسيطر على الارض كلها وهتبقى ملكى بعد ما اخد سرعة فارس اجهشت مى بالبكاء الشديد وسط ضحكات غريب العالية ..... ****** كانت شهد تبكى خارج غرفة العمليات والجميع متواجد خرج الطبيب فارس مسرعا : حالته اية يا دكتور ؟ الطبيب : الحمدلله قدرنا نطلع الرصاصة ووقفنا النزيف اللى عنده وهيبقى بخير جاسر : شكرا يا دكتور فارس : مش هينفع كلنا نبقى هنا يا جماعة .. كلو لازم يمشى وشهد هتقعد معاه هنا وانتى يا سلمى روحى مع عمى علشان غلط تبقو هنا صابر : وانت هتعمل اية فارس : لسة مش عارف ، هطمن الاول على يوسف وهاخد القرار وانت يا جاسر لو عايز تخليك هنا مع شهد مفيش مشكله بس الافضل تروح على المديرية علشان اللواء اشرف زمانه جاى دلوقتى ومجموعة من الظباط علشان يطمنوا على يوسف جاسر : تمام فارس : وانت يا رامى تعالى معايا هنروح على المختبر ونشوف هنعمل اية رامى : طيب ، يلا بينا ******* مذيعة التلفزيون : للمرة الرابعة على التوالى القاهرة تتعرض لهجوم اصحاب القدرات الخارقة والبرق ينقذ الموقف بمساعدة رجال الشرطة والجيش واجرى الرئيس اتصالا برئيس الوزراء لكى يشكر البرق على مساعدته خصوصا بعد ان اصبحت القاهرة مكان للأشياء الخيالية التى اصبحت حقيقة ******* رامى : سامع التلفزيون ، ايوة يابا اتشهرت فارس : ونبى ليك نفس تهزر فى ام المشاكل اللى احنا فيها دى رامى : طيب انا كنت بشوف غريب بيخش النفق الطويل ده مع انه اخره سد بس مش عارف بقا فارس : نفق اية ؟؟ دى طرقة طويلة مش نفق رامى : يعنى انت سيبت الموضوع ومسكت فى انها طرقة مش نفق !! فارس : كان بيعمل فيها اية رامى : معرفش بس كنت ببص فيها لما يخش ومكنتش بلاقى حد وساعات كنت بقول ممكن يكون خرج وانا مش واخد بالى وساعات بفتكر عفاريت خطفته فارس : عفاريت خطفته !! امشى يا رامى خلينا نخش نشوف فيه اية رامى : طيب دخل فارس ومعه رامى وكانت طرقة عادية جدا رامى : شوفت مفيش حاجة فارس بإستغراب : استنى وضع فارس يده على الحائط وظل يمشى وهو يتحسس الحائط وفجأة فتحت الحائط واضائت الغرفة رامى : اوبااااا يابن العفريتة يا غريب دخل فارس ورامى الغرفة وانبهروا بمنظرها وتصميمها فارس : كان بيعمل اية فى الاوضة دى ؟؟ رامى وهو يضغط على زرار : هنعرف حااالا ظهرت دورين مما افزع رامى وجعله يصرخ فارس : اهدى يابنى دى صورة هولوجرام رامى : عاارف ياعم انا افتكرتها عفريتة دورين : ااهلا دكتور فارس ، اهلا رامى رامى : بشمهندس رامى لو سمحت فارس : ممكن تخرس رامى : هو انت ويوسف ؟؟ خلاص خرست فارس : انتى مين وعرفانا منين دورين : انا دورين مساعدة دكتور غريب.. انا ذكاء اصطناعى ظهر فى تلك اللحظة خبر موت فارس فى الجريدة فارس بصدمة : اية ده رامى : المستقبل اهوو فارس : يعنى انا هموت ؟ دورين : للأسف دكتور فارس ستموت فارس : ازاى دورين : اعتقد انك تعلم كيف فارس : مفيش امل ان المستقبل ده يتغير ؟ دورين : لا ، هذه خطة موضوعة منذ عدة سنوات من قبل دكتور غريب فارس : وانتى بتقولى كدا وبتفضحيه ليه مش انتى مساعدته بردو ؟؟ دورين : لانك من صنعنى فى المستقبل يا دكتور فارس وسرقنى دكتور غريب .. انت صانعى لكن انا مجرد اله تعمل مع من يقوم بتشغيلها رامى مقاطعا : مرحباااا ، انا رامى معاكم فى الغرفة ، ممكن تخلصونا من ام دبلجة الفيلم اللى احنا فيه ده فارس : متعرفيش طريقة اوقف بيها دكتور غريب ؟ دورين : كل الطرق قام دكتور غريب بتغيرها وقام بفعل كل شئ لكى تنجح خطته فارس بحزن : طيب شكرا يا دورين دورين : العفو دكتور فارس رامى : شكرا على اية ؟؟ دى قالت اللى كنا عارفينه ، شكرا على الاضافة الرهيبة دى يا دورين .. يلا ياعم فارس : يلا يا رامى خرج فارس ورامى وظلوا يحاولون العمل على شئ ولكنهم فشلوا مر يوم وفاق يوسف واطمأن عليه فارس ورامى وعادو الى المختبر فارس : اجهز يا رامى رامى : خلاص ؟؟ هتنفذ النهاردة ؟ فارس : ايوة رامى : اشمعنا النهاردة ، ده نفس تاريخ موتك فى الجريدة بتاعة المستقبل فارس : جيه الوقت ان المستقبل يبقى واقع بعيشو دلوقتى ، مش هقدر اسيب مى اكتر من كدا سمعو وصول غريب غريب : انا بردو بقول كدا رامى : عرفت ازاى ان فارس وافق ؟؟ غريب : نسيت انى من المستقبل ولا اية ؟؟ تاريخ موتك فى الجريدة النهاردة فارس : فين مى ؟ غريب : اها ... لحظة انطلق غريب بسرعته الخارقة واحضر مى ووصل فارس بلهفة : مى !!!! انطلقت مى تجاهه واحتضنته وظلت تبكى فارس : اهدى يا مى ، كل حاجة هتخلص النهاردة ، كل حاجة هتبقى زى الاول واحسن مى بدموع : ده ناوى يقتلك يا فارس فارس بحزن : ده قدرى يا مى ومش ههرب منه المهم انتى تكونى كويسة مى ببكاء : لا يا فارس علشان خاطرى ، مش هستحمل الحياة من غيرك .. انا هموت بعدك فارس : مى ، علشان خاطرى خليكى قوية واعرفى ان اللى بعمله ده علشانا كلنا مش انتى بس ... خلى بالك من نفسك غريب : خلى بالك .. اى محاولة انك تاخدها وتهرب هتنتهى بموتها علشان عامل كل احتياطاتى فارس وهو يترك مى التى لم تريد ان تتركه ومتعلقة به : انا جاهز مى ببكاء : لاااا فارس : خد مى يا رامى غريب بإبتسامة : حلو اوى ، دلوقتي نتكلم فى الجد فارس : هرجع بالزمن ازاى ؟ غريب : عن طريق مسرع الأجسام ، جيه الوقت اللى هنستخدمه فيه للغرض اللى معمول علشانه ، هو على شكل اسطوانة كبيرة اوى هتفضل تلف فيه بأقصى سرعتك ، 4 اضعاف سرعة الصوت وهتفكر فى حاجة واحدة بس وهى ليلة قتل اهلك وهيظهرلك دخان او غبار هتدخل فيه وهتلاقى الاحداث بتحصل حواليك ... اوعى تفكيرك يتشتت وكمل لغاية اما تلاقى نفسك فى المكان زى ما رجعت بالزمن قبل كدا بس المرة دى المسرع هيسيب بوابة الزمن مفتوحة ، قدامك بالظبط 3 دقايق والبوابة هتتقفل وساعتها مش هتقدر ترجع للمستقبل تانى غير بالمسرع ومش هيبقى عندك مسرع ... لازم ترجع قبل البوابة ما تتقفل فارس : تمام مى بصوت عالى وبكاء : بلاش يا فارس فارس بدموع : على الاقل انقذ حياة اهلى وانطلق فارس بأقصى سرعته ودخل المسرع وبدأ بالدوران وسرعته تزداد اكثر فأكثر ووصل فى نفس الوقت صابر ومعه سلمى وجاسر ومعه شهد ويوسف الذى اصر على الحضور رغم اصابته وكانو يننظرون عبر الشاشة لسرعة فارس وهو يدور وصل فارس الى السرعة المطلوبة وفتح المجال على شكل غبار ودخله فارس وهو يتذكر شئ واحد فقط ، ليلة مقتل والداه وبالفعل خرج فى شارعه ووقف وهو ينظر حوله فوجد غريب يجرى بسرعة وخلفه فارس المستقبلى ودخلا منزل فارس وظلو يجرو وراء بعضهم ويلكمون بعضهم دخل فارس خلفهم لينقذ اهله فوجد امه فدمعت عيناه لانه لم يراها منذ زمن طوييييل وكان يريد الذهاب ليحتضنها ولكن وجد فارس الصغير يخرج من غرفته وهو يبكى وجد فارس غريب يتحرك بأقصى سرعته ناحية اهل فارس فهب فارس ليلحقه ولكن وجد من يمنعه ويمسكه نظر فارس فوجده فارس المستقبلى فارس المستقبلى : بلاش ، لولا قتلهم مكنتش هتعرف الناس اللى انت معاهم دلوقتى ومكنتش هتبقى البرق ... مسألتش نفسك غريب عايزك تنقذهم ليه ؟ رأى فارس غريب وهو يقتل والداه فتألم بشدة ونزلت دمعة من عينه ....اخذ غريب والداه وانطلق فأنطلق فارس المستقبلى بأقصى سرعة ولحق به واخذ والداه وهرب غريب وعاد فارس المستقبلى بهما وتركهما توجه فارس ناحيتهما وقام بأحتضانهما وهو يبكى بشدة كالاطفال فارس المستقبلى : يلا يا فارس فارس بدموع : حاضر...ناقص حاجة واحدة اعملها وجدوا فارس الطفل يبكى وهو يشاهدهما توجه فارس له وامسك رأسه وارسل شرارة كهربية فى رأسه ليفقد الذاكرة فى بعض الاشياء فارس المستقبلى : تمام...يبقى كدا يوسف حكالك ، كدا انا وانت مصيرنا واحد وبدأ فارس المستقبلى فى الاندماج مع فارس حتى اصبحوا شخص واحد خرج فارس فوجد سيارات الشرطة ويخرج منها يوسف ونظر فى ساعته فوجد مازال امامه دقيقتان انطلق فارس واخذ يوسف بعيدا ووقف... يوسف بخضة : انت مين فارس وهو يخلع قناعه : انا فارس .. من المستقبل ، عايزك تطلع مسدسك وتقتلنى .... دلوقتى !! (عودة إلى الوقت الحالى) مى بقلق ودموع : فارس اتأخر اوى رامى : فاضل دقيقة وهو لسة مرجعش سلمى بدموع : يااارب ... يارب رجع فارس صابر : اهدى يا بنتى ان شاء الله هيرجع سلمى بدموع : حتى لو رجع هيقتله .. هيقتله وبدأت فى البكاء يوسف لغريب : هو اتأخر كدا ليه بدأ القلق على وجه غريب لان اذا لم يعود فارس ستفشل خطته ولن يعود الى المستقبل لان سرعته ليست معدة للسفر عبر الزمن لانه سافر عدة مرات وسرعته تفنى وليست متجددة كسرعة فارس غريب : مش عارف شهد بقلق : فاضل 9 ثوانى بدأ الجميع يترقب وقلبهم ينبض بشدة والوقت يمر عليهم كالنار الحارقة جاسر وهو يقف : لا لا فاضل 5 ثوانى 5 4 3 2 1 0 الى اللقاء فى الجزء الثاني من "وميض الفارس" بقلم / عبدالرحمن احمد سبب ان فيه جزء تانى هو ان الجزء التانى هيبقى مختلف عن الجزء الاول و كمان كنت ممكن اكتبها كاملة بس كان رمضان وعيد وكدا والصراحة كدا احسن هتقرروا الجزء التانى يبقى بعد ده علطول ولا انزله بعد فترة بعد ما انزل رواية جديدة وهتاخد وقت بردو كتابة دلوقتى بقى عايز رأيكم فى الجزء الأول وتوقعكم للجزء الثانى !! اشوفكم قريب فى الجزء التانى او رواية جديدة الاول وبعدين الجزء التانى ، حسب اختياركم ، قولو وانا برد على كل تعليقاتكم وبشوفها كلها اشوفكم على خير 😊 | ||||||||
|  |
|
22-07-19, 03:50 PM
| #12 | ||||||||
| مراقبة عامة ومشرفة منتدى الروايات المنقولة
| وميض الفارس الجزء الثاني الحلقة الاولى بقلم / عبدالرحمن احمد 5 4 3 2 1 0 المتحدث الالى : تم غلق بوابة السفر عبر الزمن ... غريب بأنفعال : لاااااااا لااااااااااا.......كل اللى عملته راااح خرج غريب بأقصى سرعته كان الجميع صامتون مما حدث ، كانت اثار الصدمة على وجوههم جميعا...... وقفت مى دون ان تتحدث وعلى وجهها الصدمة وتجمدت الدموع فى عينها وفقدت الوعى تحرك الجميع تجاهها وحاول رامى ان يفيقها واسعفتها شهد بمساعدة سلمى فاقت مى واخذت تصرخ بشدة فنقلها رامى الى غرفة العلاج واعطاها حقنة منومة ومهدئة سلمى بدموع : عمى هو فارس مش هيرجع تانى كدا ؟؟ صابر بحزن وهو يأخذها فى حضنه : هيرجع يا سلمى ، بأذن الله هيرجع يوسف بحزن : خد مراتك يا جاسر و روح جاسر : وانت ؟ يوسف : انا هفضل هنا شوية يمكن تحصل معجزة ويرجع فارس جاسر : طيب ، يلا يا شهد شهد بدموع : لا انا هفضل هنا جاسر : يلا يا شهد ولو حصل حاجة هيبلغونا شهد بحزن : حاضر رحل جاسر ومعه شهد وحاول صابر اقناع سلمى ان تأتى معه لكنها اصرت على البقاء ولكى تطمأن على مى ورحل صابر وبقى يوسف و رامى وسلمى ومى فى المختبر رامى : غريب راح فين ؟ يوسف : معرفش بس كدا خطته فشلت واعتقد كدا هيفضل محبوس هنا طول عمره رامى : وهو هيفضل محبوس كدا وهيعيش ويتعايش معانا زى بقية الخلق ؟؟ ده هيدبح فينا واحد واحد يوسف : مش فاهم اى حاجة من اللى احنا فيها ، حاسس انى فى دوامة كبيرة ومبتخلصش رامى : مين سمعك ************************ ( فى مكان ما فى الماضى) كان يوسف واقفا بعدما اخبره فارس ماذا يفعل وكيف يأخذ فارس الطفل ليربيه وكان يمسك يوسف المسدس بيديه وامامه على الارض فارس غارق فى دمائه بعدما قتله يوسف .... ذهب يوسف الى المنزل واخذ فارس الطفل واحتضنه وبكى وبدأ فى نقل الجثث وهو يعلم ما حدث ولكن ما يريده الان هو فعل كل شئ طلبه منه فارس قبل ان يقتله لكى لا يتغير المستقبل يوسف : وائل ... خلص كل الإجراءات اللازمة ، انا هضطر امشى دلوقتى علشان رايح مشوار وائل : تمام سعادتك ذهب يوسف الى صابر عم فارس و سلمى واخبره بكل شئ واتفق معه ان يأحذ فارس لتربيته وان يحتفظ صابر بسلمى وانهى كل الاجراءات وكل شئ كان ينوي له وصل يوسف المنزل ومعه فارس يوسف وهو يحاول اختبار فارس الصغير : فاكر اختك ؟ فارس : اختى مين ؟ يوسف : انت نسيتها ؟؟ فارس : انا معنديش اخت اصلا علشان انساها يوسف فى نفسه : كدا كلو ماشى زى ما قال فارس قبل ما اقتله بس لازم بكرا اكشف عليه علشان يبقى رسمى انه عنده فقدان ذاكرة يوسف : تعالى بقا اما اعرفك على اختك الجديدة ، شهد اخذ يوسف فارس وجلس مع شهد يوسف : دى يا سيدى شهد هتبقى اختك وهتعيشو مع بعض هنا شهد : اسمه اية يا بابى يوسف : اسمه فارس ، معلش هو مبيردش علشان حصلتله حادثة كدا فارس بدموع : هو كدا انا مش هشوف بابا وماما تانى ؟ يوسف : بص يا فارس يا حبيبى ، بابا وماما راحو عند ربنا بس هم علطول شايفينك وبيتابعوك لحظة بلحظة يعنى معاك بس انت مش شايفهم شهد : ايوة ومث تزعل ، بص تعالى نلعب انا وانت باللعب دى فارس : يلا بدأ فارس باللعب مع شهد وابتسم يوسف وهو يشاهدهما يلعبان.... (عودة الى الوقت الحالى) كانت سلمى جالسة بجوار سرير مى وهى حزينة دخل رامى وهو يحمل طبق ملئ بالبسبوسة رامى : تاكلى بسبوسة ؟ سلمى : هات رامى : خدى ياستى ، انا هاخد الحتة دى وانتى خدى الطبق كلو سلمى : غريبة رامى : هو اية اللى غريب ؟ سلمى : اصل اللى اعرفه يعنى واللى اتحكالى انك مستحيل تفرط فى البسبوسة بالساهل كدا !! رامى : الصراحة اهاا بس انتى حاجة تانية وبعدين انتى ضيفة واكرام الضيف بسبوسة ضحكت سلمى : اكرام الضيف بسبوسة !!! رامى : اية ده ... انا بهزر فى ام المصيبة اللى احنا فيها دى ؟؟ لازم ابقى نكدى شوية سلمى : نفسى اشوفك جد دقيقتين على بعضهم رامى : انا اكتر والله ، المهم مى لسة مفاقتش ؟ سلمى : لأ وادينى جمبها اهو وربنا يستر ، لسة مفيش اخبار عن فارس ؟ رامى بحزن : لا مفيش ... مش عارف هيرجع ازاى وعمل اية هناك !! سلمى : انا خايفة عليه اوى رامى : فارس ذكى واكيد هيعرف يتصرف دخل يوسف مقاطعا : الحقو رامى بقلق : فيه اية ؟ يوسف : جرح الرصاصة خف وبحرك ايدى عادى رامى : نعم !! هو ده وقت هزار يا چوو ؟ يوسف : انا معايا قوة فارس ... قام رامى وسلمى فى صوت واحد بصدمة : اييية ؟؟ ( الماضى ) يوسف : ياترا السرعة اللى ادهانى فارس دى هستخدمها ازاى ؟؟ بدأ يوسف التحرك وفجأة تحرك بسرعة كبيرة جدا وحاول الوقوف لكنه اصطدم يوسف وهو يمسك رأسه : اهاااا...اكيد هتعلم عاد يوسف الى المنزل فوجد شهد ترسم وفارس يساعها شهد : هات اللون الاحمر فارس : اهو بس لونى دى اخضر احسن شهد : امممم ... ماثى يوسف : انا جييييت قامت شهد والقت نفسها فى حضن والدها بينما ظل فارس يوسف : تعالى يا فارس فى حضنى فارس : انت باباها بس انا مش ابنك يوسف وهو يتحرك ناحيته : لا يا فارس اعتبرنى بابا وقولى يا بابا .... من النهاردة انت ابنى ... ماشى ؟ فارس بإبتسامة : ماشى يا بابا (عودة إلى الوقت الحالى) رامى : يا دى النيلة ... انت خامس مرة تيجى تفرمل وهوب تلبس فى الحيطة واخر مرة دوست على طبق البسبوسة بتاعى ، ده فارس كان بيتعلم اسرع منك بمليون مرة سلمى : الغريب فى ان ازاى خدت القوة دى يا انكل يوسف يوسف بتفكير : عندك حق ، ازااى جتلى !!! رامى : يلاهوى لو اللى فى دماغى صح ، هتبقى مصيبة يوسف بقلق : اية اللى فى دماغك ؟ رامى : ان فارس لما رجع بالزمن اداء سرعته فى الماضى ومستقبلك اتغير وهى دلوقتى معاك يوسف : ازاى .. المفروض تجيلى الذكرايات دى كمان حتى لو حصل كدا رامى بتفكير : تقريبا عمل نفس اللى عملو فارس المستقبلى مع فارس الطفل علشان ينسى بعض الحاجات يوسف بقلق : ولو عمل كدا .. عمل كدا ليه ؟؟ رامى بقلق : ربنا يستر ، ان فارس يديك سرعته دى ملهاش غير معنى واحد بس سلمى بخوف : معنى اية !! رامى بتردد : ان فارس.....ان فارس مات يوسف وسلمى فى وقت واحد : ايية !!! رامى : ده ده احتمال مش حقيقة بس ازاى بقى عندك سرعة يا يوسف ؟ يوسف بتفكير : مش عارف سلمى : انا خايفة اوى على فارس رامى : ان شاءالله يبقى بخير ، ربنا يستر ... ****** كان غريب يصنع شيئا وهو عبارة عن جهاز ويعمل على صنعه وتركيبه غريب فى نفسه : مش معقول هفضل فى العالم ده للأبد !!! معنى كدا ان المستقبل مهدد بكل حاجة ، لحظة ... اوضة التكنولوجيا بتاعتى ايوة صح ، انا لازم اروح من غير ما اى حد ياخد باله نهائى استقر غريب على فكرته وقرر الانطلاق الى غرفة التكنولوجيا فى مختبره ووصل بالفعل وصعد دون علم احد ولمس الحائط و دخل اضائت انوار الغرفة وشاور غريب بيده فخرجت دورين دورين : مرحبا دكتور غريب ، انا سعيدة للقائك مجددا غريب : عايزك تشوفى المستقبل يا دورين ، حالا دورين : حسنا دكتور ، سيستمر البحث 5 دقائق ، الرجاء الانتظار غريب : حاضر.... ظلت تبحث دورين حتى وجدت خبر دورين : لم يوجد فى المستقبل برق ، سيكون بدون برق غريب بصدمة : معنى كدا اية !!! فارس مات ؟ دورين : لا اعلم لكن هذا ما يظهر امامى غريب : طيب يا دورين ، ارجعى للماضى ... دورى على اى خبر فيه فارس ولا لا لانهم مش هيكونو عارفينه لانه فى المستقبل ، امممممم دورى على خبر غريب ليلة موت اهل فارس دورين : حسنا ، سيأخذ البحث دقيقتان مر الوقت وغريب يراقب الوضع فى خوف وقلق دورين : دكتور ، وجدت خبر غريب فى جرنال ليلة وفاه اهل فارس غريب : خبر اية ؟ عرضت دورين الخبر على الشاشة وكان الخبر هو " مقتل المقدم محمد اكرم وزوجته فى ظروف غامضة وقد عثر على جثة شخص يرتدى بدلة غريبة باللون الأحمر فى محيط الحادث وقد عثر على رصاصتين فى جسده ولا يعرف احد من هذا الشخص حيث انه لم يتم العثور على اي اوراق خاصة به ....." غريب بصدمة : فارس مات !! مين اللى قتله ؟ لا لا مستحيييل !! فيه حاجة غلط !! فارس مات ازاى ؟؟ دورين ينفع اسافر بالزمن ؟ دورين : من المستحيل السفر يالزمن دكتور ، ستفذ كل سرعتك ولن تحصل عليها مرة اخرى غريب : مفيش اي حل ؟ دورين : الحل هو اخذ سرعة فارس لكن ليس بعد الان غريب في نفسه بعد ان فقد الامل : خلاص كل حاجة راحت منى لكن كنت دايما ليا خطة ب وهنفذها دلوقتى ، ما دام فارس مات يبقى مفيش قدامى حل غير ده .... انطلق غريب بكل سرعته الى المختبر فوقف الجميع فى خوف اخذ رامى سلمى خلفه رامى : انت جاى هنا لية ؟ غريب : بتكلمنى كدا ليه يا رامى ، فاكر انت كنت طاير من الفرحة ازاى يوم ما جيت تشتغل معايا وانا عينتك دراعى اليمين ؟ ولا نسيت رامى : لا منسيتش بس ساعتها كنت جاى اشتغل مع عالم كبير هيغير العالم بس مكنتش اعرف انك هتستغلنى علشان تعمل خطتك دى كلها ، اديها اهى فشلت غريب : من جايلك علشان كدا ، هنعيد اللى بدأناه مرة تانية ، ازاى انا مفكرتش فى الفكرة دى !! يوسف : انت عايز اية ؟ غريب : عايز رامى يساعدنى نشغل مسرع الأجسام تانى بالطريقة القديمة ونعمل انفجار تانى بس المرة دى البرق هيضربنى انا وساعتها هبقى البرق الاصلى وساعتها اسافر بالزمن براحتى واسيطر على اللى عايزه رامى بضحكة استهزاء : ده فى المشمش ، ابقى استغطى كويس قبل ما تنام غريب : ده اخر كلام عندك يعنى ؟ رامى : ايوة اخر كلام عندى ، دلوقتى عايز تقتلنى مفيش مشكلة مانت عملتها قبل كدا غريب : ههههه طيب عرفت ان فارس حبيبك واخوكى يا سلومة وابنك يا يوسف مات ، فارس مات مضروب ب 3 رصاصات لما رجع بالزمن وقع الكلام كالصاعقة على الجميع رامى بصدمة : انت بتقول اية ؟ سلمى بدموع : لا انت بتكدب ، فارس كويس امسك يوسف برأسه وجاء له صداع شديد وفجأة اختفى الصداع يوسف بصدمة ودموع : مش معقولة !!! فارس انا اللى قتلته فى الماضى الجميع : اييية غريب : انت ؟؟؟ ازااى يوسف : مش فاكر غير ده ، لسة جيالى الذاكرة دى دلوقتى غريب : مختلفناش انت قتلته من غيرك ، المهم انك هتعمل اللى بقولك عليه ده والا... رامى : والا ايه ؟ انطلق غريب بسرعة شديدة واخذ سلمى وامسكها غريب : وإلا السنيورة هتحصل اخوها فارس وهو يشد سلمى من يد غريب : عيب كدا يا غريب .. اخوها حى يرزق هتحصله فين بس غريب بصدمة : فارس !! ازاااى رامى بإستغراب : فارس مين ؟؟ انت يا عمنا انت بتحلم ولا اية نظر غريب حوله فلم يجد شئ وانما مجرد تخيل غريب بإستغراب : انا شوفته ، انا اكيد بيتهيألى .. تأثير الماضى على المستقبل يوسف : غريب سيب سلمى غريب : وإلا ؟ يوسف وهو ينطلق بسرعة خارقة ويلكمه فى وجهه : وإلا كدا وقع غريب فى الارض وهو يتألم غريب بصدمة : مستحيل ... فارس ادالك قوته قبل ما يموت ؟؟ يوسف : وهخلص عليك دلوقتى غريب وهو يقف : وفر عليا تفجير مسرع تانى ... انت صيد اسهل منه فارس : متقولش كدا على چوو ده الكبير بتاعنا واحنا بنتعلم منه ياض غريب : ف...فارس استغل يوسف تشتت غريب وانطلق بأقصى سرعة وامسك به وصدمه فى الحائط وظل يلكمه فى وجهه بشده وبكل عصبية حتى فقد الوعى ونزف من وجهه بشدة يوسف : الصيد السهل بيمسى عليك يا غريب رامى : عايزين نقيده بالكلبش اللى بيسحب القوة يوسف : وانت لسة واقف تقترح ؟؟ ذهب رامى بسرعة ليحضر الكلبش وبالفعل احضره وقيدوا غريب .. رامى : مين بطل مسلسل كلبش ناااو يوسف : انت بتهزر ؟؟ رامى بخوف : لا ... بهرج هههههههه يوسف : رامى ، اقسم بالله قلشة كمان وهكون ضاربك رامى : خلاص خلاص نظر الجميع لسلمى فوجدوها تبكى رامى وهو يتجه ناحيتها : سلمى !! انتى بتعيطى ؟ سلمى بدموع : فاارس مااااات رامى : لا يا سلمى فارس مماتش ، فارس عايش سلمى بدموع : مين قالك ؟؟ فارس وقد اتى من الخارج : انا اللى قايله يا سلومة سلمى بصدمة وفرحة : فااااااااارس وانطلقت ناحيته والقت بنفسها فى حضنه سلمى : انا مش مصدقة نفسى .. انا بحلم ولا ده حقيقة فارس : لا حقيقة يا سلمى سلمى : انا مش فاهمة حاجة ، ازاى كل ده حصل وازاى انكل يوسف بيقول انه قتلك ؟ فارس : كل ده حصل بس اطمن على مى الاول وهحكيلكوا كل حاجة دخل فارس على مى فوجدها نائمة فجلس على طرف سريرها واخذ يمس شعرها ويتحسسه فارس : يااااه يا مى ، مكنتش اتخيل انى هرجعلك تانى دخل رامى : بالمناسبة السعيدة دى انا جايبلك طبق بسبوسة فارس بعصبية : انت رخم ليييية ؟؟؟ مش شايفنى قاعد مع مى ؟ رامى : مى نايمة فارس وهو يمسك اعصابه : طيب يا رامى يا حبيبى هات البسبوسة ، يلا مشوفش وشك هنا تانى رامى : خلاص ياعم الله ، وانا هعوز ابص فى وشك ليه ، اخرج ابص فى وش القمر اللى برا فارس : قصدك على مين ، سلمى اختى ؟ رامى بتوتر : اختك مين ، قاصدى القمر اللى برااا ... القمر الحقيقى اللى لونه ابيض ده وبيظهر بليل فارس : اهاا بحسب ، طيب انكشح من هنا رامى : حاضر هنكشح ، خسارة البسبوسة فى جتك فارس : بتقول حاجة ؟ رامى : لا بقول بالهنا فارس : اهاااا رحل رامى ورجع فارس مرة اخرى ليجلس بجوار مى ويتأملها وامسك بيديها فارس : مكنتش متخيل انى هسيبك يامى ، انا مش عارف حبيتك امتى وازاى .... فجأة لقيتك جوا قلبى ومتعلقة بيه ، فعلا حبى لشهد مجرد حب اخ لأخته ، انا ظلمتك كتير يا مى واسف على كل ده ، كنتى دايما بتحاولى ترضينى بأى شكل بس انا كنت فى عالم تانى ، بحبك يا مى...والله بحبك فتحت مى عينها وقالت بضعف وصوت خافت : فااارس فارس : حمدالله على سلامتك يا حبيبتى مى بضعف وعدم تصديق : انا بحلم صح ؟ فارس : تؤ تؤ دى حقيقة ، انا قاعد قدامك بعد ما غلبنا غريب مى : لا لا اكيد انا مت وقابلتك فى جهنم فارس : جهنم ؟؟ انتى شيفانى ابو لهب ولا اية وبعدين شايفة نفسك ام جهل !! مى بدموع : لا علشان مبصليش صعب حال مى على فارس فارس : طيب بتعيطى لية !! طب اية رأيك ان بعد ما اصلى فى المسجد هاجى اصلى بيكى امام علشان متفوتيش فرض بعد كدا وقلبك هيستريح مى بدموع : فارس انا بحبك اوى ، علشان خاطرى متسبنيش فارس وهو يحضنها : وانا مبحبش حد فى الدنيا دى غيرك وعمرى ما هسيبك ولا هزعلك ابدا دخل رامى فى تلك اللحظة رامى : اووبس ، الظاهر كدا انى جيت فى وقت مش مناسب فارس : انا عارف ، مش هتهدى غير لما اضربك رامى : انا مالى ياعم ده الهكسوس كله برا وعايزين يعرفو خطتك العبقرية اللى قدرت تتغلب بيها على غريب فارس : امممممم طيب قول للهكسوس انى جاى رامى : طيب فارس : انت لسة واقف ؟ رامى وهو يغلق الباب : يارب اوعدنا ولين قلب الزفتة سلمى .. مى : اها صح انت قدرت تتغلب على غريب ازاى ؟ وازاى رجعت والبوابة مقفولة ؟ فارس : تعالى نخرج واحكى لكلو علشان الموضوع طويل اوى مى : طيب يلا بينا قام فارس وخرج وهو يحضن مى ودهش الجميع من انه يحضن مى هكذا لكنهم انبهرو ايضا بوجوده رغم انهم فقدوا الامل فى رجوعه فارس : قبل ما انطق بكلمة احب ابلغكوا انى خلاص قررت اتجوز حبيبة قلبى ميوش بدأ الجميع فى المباركة والفرح والمزاح كان حاضرا (يوسف - جاسر - شهد - صابر - سلمى) جاسر : بقى انا اكون عارف الحوار من اوله ومعرفش خطتك ؟ فارس : بص هو مكنش يعرف فى الليلة دى كلها غير چوو وهو اللى قال لرامى عرف من الماضى والذكريات جاتله و اضطريت اضحى بنفسى وخليته يقتلنى .. جاسر : اية ؟؟ فارس : انا هوضح كله حاجة .. الحكاية بدأت لما..... flash back ************************************************** بقلم / عبدالرحمن احمد ياترا اية خطة فارس !! هل غريب هيهددوا بحاجة ؟ اية رأيكم فى الحلقة الاولى والبداية كويسة ولا اية !! هى كل ما تقدم هتحلو اكتر واكتر وهتبقى فيه مفاجئات كتير وفرفشة كمان اشوفكم بكراااااااا وعايز توقعااات لان مش معقولة تكون نهاية غريب بالسهولة دى ! #Abdo عبدووو — مع Abdo Ahmed. | ||||||||
|
| |
|
22-07-19, 03:50 PM
| #13 | ||||||||
| مراقبة عامة ومشرفة منتدى الروايات المنقولة
| الحلقة الثانية بقلم / عبدالرحمن احمد flash back فارس وهو يخلع قناعه : انا فارس .. من المستقبل ، عايزك تطلع مسدسك وتقتلنى .... دلوقتى !! يوسف : نعم !! مش فاهم حاجة ، فارس مين واقتلك اية ؟ بدأ فارس بالشرح وجاء للجزء الجديد الذى سيضيفه فارس : دى كل الحكاية .. أما دلوقتى الخطة هتتغير ، انت دلوقتى هيجيلك فى المستقبل الذكرايات والكلام ده واللى هقولهولك وبالتالى انت فى المستقبل هتبقى عارف الخطة علشان انت هناك تنفذ وانا هنا انفذ يوسف : تمام ، اية الخطة انفصل فارس المستقبلى عن فارس الاصلى واصبحا شخصان يوسف : اية ده اتنين !! فارس : زى ما فهمتك انت هتقتل فارس المستقبلى ده ، هو هيضحى بنفسه علشان الخطة تنجح وانت فى المستقبل هتبلغ غريب انك قتلتنى وبكدا خطته هتكون فشلت وهيتشتت وهيضعف يوسف : بس انت هتسافر ازاى بالزمن للمستقبل والبوابة اتقفلت فارس : فارس المستقبلى هيساعدنى فارس المستقبلى : احنا هنلف فى دايرة بسرعة عالية جدا عكس بعض وده هيولد مجال شديد هيقدر يرجعك المستقبل تانى بس تفكر فى نفس اللى قولتهولك ده وهو انك تفكر فى نفس التاريخ والوقت اللى سافرت فيه فارس : تمام ، سلام يا چوو بدأوا بالفعل بالدوران بأقصى سرعة فى عكس الاتجاه وتولد مجال على شكل غبار ودخله فارس بأقصى سرعة رجع فارس المستقبلى ليوسف فارس المستقبلى : يلا يا چوو اضرب رفع يوسف السلاح فى حزن استشهد فارس وتذكر كل شئ وفرح انه سيضحى بنفسه من اجل الجميع كما ان فارس على قيد الحياه وسيبقى هو المستقبل والماضى والحاضر ، سيبقى اسرع شخص على وجه الارض اطلق يوسف النار على فارس ووقع على الارض غارقا فى دمائه ونزلت دمعة من عين يوسف وانطلق ليكمل الطريق ... back فارس : بس ، ده اللى حصل وكنت هنا طول الوقت وحصل اللى حصل ده رامى : بس نفسى افهم عملت حركة انك تظهر قدام غريب وانت مش موجود اصلا ازاى ؟ فارس : طيف السرعة ، علمهانى فارس من المستقبل ، تأثير السرعة العالية بيعمل طيف موجود بس مش اى حد يقدر يتحكم فيه صابر : الحمدلله انها عدت على خير بس سرعة يوسف جاتله ازاى ؟ يوسف : فارس المستقبلى ادهانى قبل ما يموت ، نقل كل قوة السرعة ليا شهد : واااااو انا حاسة انى عايشة فى فيلم خيال علمى رامى : حاسة !! احنا ريلى فى فيلم خيال علمى جاسر : لا بجد برافو يا فارس على الخطة دى بس هنعمل اية فى غريب اللى محبوس جوا ده ؟ فارس : مش عارف ، عايز اقتله وانتقم لأهلى بس فى نفس الوقت انا مش قاتل ، انا هاخد منه اعتراف مسجل علشان يتعدم يوسف : هو ده الصح جاسر : يلا بينا يا چوو علشان الشغل وسيادة اللواء طالبنا فى مهمة جديدة يوسف : طيب تمام يلا شهد : وانا هروح الجرنال علشان مترفدش صابر : وانا هروح الشركة علشان عندى شغل جامد ، هتروحى يا سلمى ولا هتقعدى ؟ سلمى : لا هقعد انا خلاص بقيت من التيم وهرجع بليل مع فارس صابر : فارس انا محتاج اتكلم معاك بخصوص موضوع كدا بس خليها بكرا علشان تستريح من الحوار ده كله فارس : حاضر يا عمى رحل الجميع وبقى فارس ومى ورامى وسلمى فارس : عايز بقا تحدديلى ميعاد مع بابا وماما علشان اجى اطلب ايدك مى بفرح : حاضر رامى : مى ، انتى مروحتيش البيت من 4 ايام وباباكى اتصل وقولتله انك فى شغل مهم واتصل النهاردة تانى وسلمى ردت عليه وتوهت برده مى : اهااا صح ، انا لازم اروح دخل شاب فى تلك اللحظة رامى : اوبس ، ابن خالتك جيه مى بإستغراب : عبدو ؟ عبدو : فينك يابت انتى ؟ دول بعتونى علشان اتجسس واعرف انتى فين ، وبعدين انت يا اخ انت ماسك اديها ليه ، سيب ايدها بدل ما توحشك ايدك ترك فارس يد مى فارس : نعم !! مين ده ؟ مى : ده عبدالرحمن ابن خالتى فارس : اهاااا عبدو : اهاااا اعدل بقى فارس : ولو معدلتش ياض انت ؟ عبدو : اخر واحد قالى الكلمة دى كنت عامل الجلاشة معاه رامى : اوباااا ده بيغلط فيك يا فارس فارس : انا هسكت علشان انت تبع مى ياض انت عبدو : لا تعالى ادينى مطواة فى وشى فارس بإستغراب : الواد ده ماله !! مى : بس يا عبدو ده فارس خطيبى عبدو : نعم !! خطبك امتى ده ؟ مى : قصدى يعنى هيخطبنى قريب عبدو : اهاااا رامى : خد يا عبوود انا عندى شوية بسبوسة من اللى بتحبهم هتاكل الطبق نفسه وراها عبدو : حبيبى يا رامى بس مقولتليش مين القطة دى رامى : دى سلمى اخت فارس سلمى : هاى عبدو عبدو بغمزة : هاى رامى : اعدل يااض انت وخش كل البسبوسة بدل ما اطفحهالك عبدو : خلاص ياعم حاضر دخل عبدو الى الداخل فارس : ابن خالتك ده رخم مى : لا بالعكس ده عسل بس مع اللى يعرفه بس ، ده اخويا الصغير فارس : ده هزقنى ضحكت مى : لو عرف انك البرق هيجى يعيطلك علشان تسامحه ده مورهوش سيرة غير البرق راح البرق جيه فارس : من الفانز بتوعى يعنى مى : للأسف فارس : طيب سيبيهولى وانا هعلمهولك الادب مى : بلاش علشان مش هتاخد معاه حق ولا باطل فارس : سيبينى بس دخل فارس الى مكان عبدو ... ... رامى : اية رأيك فيا النهاردة سلمى : رأيي فى اية بقى ، ده انكل يوسف اللى ضرب غريب رامى : منا ساعدته بردو وكنت عارف السر سلمى : اممم طيب رامى : اية الرد المستفز ده سلمى : امال عايزنى اقول اية ؟ رامى : تقولى اية ؟ انتى قفلتينى هششش بقى .... فتح عبدو الثلاجة ليحضر طبق البسبوسة فارس : بتعمل اية ياض !! عبدو : بكتب حرف الضاد ههه فارس : انت بتستظرف بقى عبدو : ايوة عندك اعتراض !! فارس : طيب مفيش بسبوسة عبدو : امنعنى وشوف هيحصل اية فارس : انت فى سنة كام ياض انت ؟ عبدو : انت مالك ! فارس : الحمد لله كويس مقولتليش بقى انت فى سنة كام ! عبدو : يادى التناحة ، فى 2 كلية فارس : كلية ؟ مش باين على خلقتك يعنى عبدو : هتغلط هتزعل ، اللهم بلغت فارس : طيب كلية اية عبدو : هندسة ، التحقيق خلص ولا لسة ؟ فارس : نعم !!! هندسة ؟؟؟؟؟ عبدو : ليك شوق فى حاجة ؟ فارس : لا اصل مش مصدق نهائى عبدو : مش لازم تصدق ، انت مين يعنى ، يلا هش من هنا بقى علشان اكل فارس : طيب همشى بس يا خسارة كنت عايز اقولك ان البرق صاحبى وهقابله النهاردة كمان عبدو وهو ينتبه بشده : بتقول اية !! البرق ؟؟ انا بهزر يا فروسة ، عايز اجى معاك اقابله هاااا فارس : لا لا انت غلطت فيا عبدو : متزعلش يا سيدى انت بتقفش بسرعة كدا لية هاااا فارس : اممممم افكر عبدو : بلاش تشويق بقى ولخص هاااا فارس : طيب عبدو بفرح : بتتكلم جد !! فارس : ايوة عبدو : ياااه فتحت نفسى للبسبوسة خد تعالى كل معايا فارس : لا كل انت انا مليش نفس بس عايز خدمة منك كدا عبدو : قول احنا بقينا حبايب خلاص فارس : عايزك تقولى اية اكبر مفاجأة تفرح مى عبدو : why ? فارس : منا قولتلك هخطبها كمان يوم ولا اتنين وعايز افاجئها ياعم عبدو : لما تتخطبوا وتتجوزوا هبقى اقولك فارس : ياااه شكلى كدا هروح اقابل البرق لوحدى عبدو : خلاص خلاص هقولك فارس : طيب قول عبدو : المفاجأة اللى ممكن تجننها هى انك تقف فى الضلمة وهى داخلة المختبر وتخضها ، صدقنى هتموت من المفاجأة فارس : لا لا يابنى انت فهمت غلط ، انا قصدى مفاجأة تفرحها جامد عبدو : اهاااا ، المفاجأة هى انك توديها تحضر ماتش للأهلى وتجيبلها علم وتلفه على كتفها ، دى هتموت وتروح وتعمل كدا بس رافضين فى البيت عندها فارس : اية ده هى مى بتفهم فى الكورة ؟ عبدو : اكتر منى ومنك فارس : اممممممم اذا كان كدا ماشى ، نحضرها ماتش للأهلى عبدو : اية ده بجد!!! طيب متنسانيش فى تذكرة فارس : انت بتشجع الاهلى ؟؟ عبدو : اكيد ، هشجع زيزى ولا الاهرام يعنى ؟ ده منظر واحد بيشجع فرقة تانية غير الاهلى ؟ فارس : لا عبدو : يبقى متنسانيش فى تذكرة علشان بيطلع عين اهلى عقبال ما بحجز تذكرة من الموقع فارس : ماشى يا سيدى **** دخل فارس الى مكان المسرع حيث زنزانة غريب الذى يوضع فيها ووقف امامه فارس : اية رأيك ؟ تخطيط واحد من الحاضر ولا تخطيط واحد جاى من المستقبل ؟ غريب : قدرت ترجع ازاى ؟ فارس : مش عيب عليك تكون عالم ومعاك شهادات الدكتوراه والجوايز دى كلها ومتعرفش طريقة للرجوع للمستقبل غير المسرع غريب : امممم فارس : ادى خطتك فشلت وانا اللى كسبت فى النهاية والاهم من ده كله ان المستقبل اتغير يا غريب ولا تحب اقولك يا اكرم غريب : مش هتفرق ، كل حاجة باظت خلاص ... هتعمل اية فيا ؟ فارس : امممم مش عارف ، انت من رأيك اية اقتلك ولا اسلمك للشرطة ؟ غريب : صفقة فارس : ههههه صفقة تانى !! غريب : انا اقدر اسافر للمستقبل بمساعدتك وساعتها هديك سرعتى وهبقى من غير قوى وتسيبنى اعيش فارس : اممم سرعتك !!! سرعة اية اللى تعبانة دى وبتتشحن زى البطارية بس انت عارف انت بتفكرنى بمين ؟؟ بالموبايل بتاعى كل ما يفضى شحن لازم يتشحن بس انت الشاحن بتاعك بايظ وبيشحن ببطئ ، خليك مرمى زى الكلب كدا يا اكرم لغاية اما انفذ اللى فى دماغى ...... مى : مش معقولة ، قدرتى تخشى على الجهاز ازاى ؟ سلمى : انا واخدة كورسات كتير فى البرمجة والكمبيوتر والكودينج وكمان الهاكر وبحب الحاجات دى جدا لغاية اما ابدعت فيها مى : بجد برافو ، احنا اكيد هنحتاجلك كتير معانا فى التيم سلمى : وانا جاهزة دوما رامى متدخلا : دوما ؟؟ سلمى : دايما .. استريحت ؟ رامى : هستريح فى حالة واحدة وهى انك تفهمينى .. ياااه انتى مش واخدة بالك ؟؟؟ سلمى : عايز اية !! رامى : اية مواصفات فارس احلامك ؟ سلمى : نعم ؟ انت غيرت محور الحوار خالص ضحكت مى رامى : اها غيرت المحور وبقيت اركب دائرى ههه سلمى : نو كومنت رامى : ليه معمولك بلوك ههه مى : كفاية رخامة يا رامى بدل ما تقوم تكسر حاجة فوق نفوخك سلمى : ايوة احذر علشان انا عصبية رامى : اخوكى راح فين طيب سلمى : مش عارفة مى : دخل ينكش عبدو رامى : بيلعب فى عداد عمره ، شكله ميعرفش عبدو خالص دخل فارس بصحبة عبدو فارس : بتتكلموا عن اية عبدو : سيبك منهم يا فارس اكيد بيرغوا .. رامى ده لوحده راديو متحرك رامى بعدم تصديق : اية ده ؟؟ انتو كنتوا هتولعوا فى بعض من شوية ، اية اللى جاب القلعة جنب البحر ؟ فارس : لا انا وعبدو بقينا صحاب خلاص مى : نكتة دى صح ؟ عبدو : لا مش نكتة وقومى يلا روحى علشان كمان شوية وهيبلغوا عنك الشرطة مى : طيب فارس : انا هوصلك عبدو : لاااا احنا صحاب ايوة لكن لحد هنا وستووب فارس : يابنى منا قولتلك هخطبها وهتجوزها عبدو : لما يحصل فارس : يابنى انا اسرع واحد يوصلها عبدو : هتكون اسرع من البرق يعنى رامى فى نفسه : لا وانت الصادق ده البرق نفسه يا حدق عبدو : بتقول حاجة يا رامى ؟ رامى بقلق : اية ده انت بتقرأ افكارى ؟ عبدو : لا بس حسيتك عايز تقول حاجة بس قولتها فى سرك رامى : ده انت مكشوف عنك الحجاب بقى عبدو : ده انا حافظك اكتر من نفسى رامى : اية ده فين فارس ومى !! عبدو : اختفوا دول ولا اية ؟؟ سلمى : ياااه على الرومانسية ، فارس خد مى ومشى يوصلها عبدو بغضب : ماشى يا مى لما ارجعلك وانت يا فارس ماااشى ........ اوصل فارس مى الى داخل عمارتها بسرعته فارس : متنسيش تحددى الميعاد مى : تؤ مش هنسى فارس : اقابلك بكرا بقى مى : ماشى فارس : هتوحشينى مى : يلا امشى بقى قبل ما حد يشوفنا فارس : ماشى يا قمر انطلق فارس وبقت مى فى غاية سعادتها وصعدت الى منزلها ودخلت احمد : مى اية التأخير كل ده ؟؟ وموبايلك مقفول ليه ولاء : مى حبيبتى وذهبت الام ولاء لتحضن ابنتها وتقبلها مى : معلش يا بابا اصل كنا شغالين على مشروع جديد فى المختبر احمد : ولو مينفعش تباتى برا البيت نهائى مى : اصل...اصل كنت مخطوفة احمد : مخطوفة !!! ازاى وليه ؟ مى : اااا....اعداء لدكتور غريب وخطفونى وحاولوا ياخدو اختراعه احمد : ايية ؟؟ ده دكتور فاشل ولا نسيتى التفجير بتاع المسرع اللى العالم كله اتكلم عنه وبعدين انا هروحله بنفسى ، ازاى يعرض حياتك للخطر مى : يا بابا خلاص حصل خير وبعدين ما البرق انقذنى احمد : اية ده ؟ هو البرق اللى انقذك مى : ايوة ... احمد : اممممم طيب ، فين ابن خالتك عبدو مى : سيبته فى المختبر هناك ، شكله عجبه المكان ولاء : امه لسة مكلمانى وسألتنى عليه ، بتقولى اتصلت بيه رد وقالها انا قاعد مع البرق ضحكت مى : وربنا عبدو ده اهبل ....... رامى : بقولك اية بما اننا لوحدينا وعبدو مشى انا كنت نفسى اقولك حاجة سلمى : حاجة اية ؟ رامى : انتى مش حاسة بأى حاجة من ناحيتى ؟ سلمى : ايوة حاسة رامى بفرحة : بجد !! حاسة بأية سلمى : حاسة انك تافه زيادة عن اللزوم رامى : فصلتينى يا شيخة ، منا عارف انى زفت تافه سلمى : طيب كويس رامى : طيب طالما مفيش فايدة هقولك انا ، سلمى انا معجب بيكى سلمى : ثانكس ، انا عندى معجبين كتير بسبب شغلى رامى فى نفسه : البت دى غبية ولا اية !! رامى : لا قصدى ..... قصدى ، بصى بدون مقدمات انا بحبك .......... كان عبدو يتجول فى المكان فوصل بالصدفة الى مكان المسرع ووجد زنزانة وبداخلها غريب عبدو : اوبااااا اية ده ، انت دكتور غريب ؟؟ مش معقوول ؟ هم عملو عليك ثورة وحبسوك ولا اية غريب بإستغراب : انت مين ؟ عبدو : انت لحقت تنسى يا دوك ، انا عبدو ابن خالة مى غريب : اهاااا ، طيب ياعبدو الحقنى ، فيه ناس عندهم قوة خارقة وقدروا يتحكموا فى عقل رامى ومى وفارس وخلوهم يحبسونى هنا ولازم تخرجنى حالا عبدو : ياااه حاضر حاضر ، اخرجك ازاى ؟ غريب : شايف الزرار اللى هناك عندك ده نظر عبدو بجواره فوجده عبدو : ايوة غريب : دوس عليه علشان يفتح الزنزانة عبدو : طيب حاضر واتجه عبدو بأتجاه المفتاح عاقدا العزم على ان يخرج غريب من محبسه وبالفعل وصل الى المفتاح و.......... ************************************************** ** بقلم / عبدالرحمن احمد توقعاتكم !!! لو الحلقة وصلت 800 لايك و 30 شير قبل الساعة 11 هنزل حلقة كمان رأيكم فى الحلقة وتوقعاتكم ... #Abdo عبدووو | ||||||||
|
| |
|
22-07-19, 03:52 PM
| #14 | ||||||||
| مراقبة عامة ومشرفة منتدى الروايات المنقولة
| الحلقة الثالثة بقلم / عبدالرحمن احمد غريب : شايف الزرار اللى هناك عندك ده نظر عبدو بجواره فوجده عبدو : ايوة غريب : دوس عليه علشان يفتح الزنزانة عبدو : طيب حاضر واتجه عبدو بأتجاه المفتاح عاقدا العزم على ان يخرج غريب من محبسه وبالفعل وصل الى المفتاح و.......... عبدو : ههههههه انت صدقت انى هدوس على الزرار واخرجك ولا اية غريب بقلق : امال اية ؟ عبدو : شايفنى اهبل وعبيط !! ده انا ابو الالغاز كلها ، قال اية اشرار عندهم قوة وسيطروا على دماغ فارس ورامى ومى وخلوهم يحبسوك ههههههههه ظريف يا حج غريب غريب : انا مش بكدب عليك عبدو : وانا بقولك انك رئيس عصابة او رئيس كل البلاوى اللى حصلت والبرق اللى جابك هنا ... صح يا دوك غريب : اممممم طب لما انت ذكى كدا عملت انك هتروح وتفتح الزرار لية عبدو : حبيت اعشمك وبعدين اغدر بيك ههههههه بس قولى انت عملت اية علشان يرموك الرمية المهببة دى دخل رامى : يخربيتك انت بتعمل اية هنا عبدو : تخيل ، الحاج ده كان عايزنى ادوس على الزرار ده واخرجه رامى : ههههههه شكله اهبل ، متعرفش يا غريب ان عبدو ده بيفهمها وهى طايرة ، ملقتش غيره عبدو : مقولتليش تهمته اية رامى : تعالى معايا وهحكيك دخل فارس بكل سرعته الى مكان غريب عبدو بفرح : البرررق !!! انت هنا فارس وهو يخلع قناعه : انت اية اللى دخلك هنا عبدو بصدمة : اية ده !! انت البرق ؟ فارس بعصبية : ايوة انا الزفت ، دخلت هنا لية !! رامى : ياعم اهدى ده دخل غلط تعالى انا هفهمك اخذ رامى فارس الى الداخل وقص عليه كل ما حدث رامى : بس هو ده اللى حصل دخل عبدو فارس : متزعلش اتعصبت عليك يا عبدو عبدو : ولا يهمك البرق يزعق براحته فارس : ههههههه مش كان نفسك تقابل البرق اديك واقف معاه اهو وصاحبك كمان عبدو : استنى استنى ده لازم لقاء صحفى اعرف كل حاجة من البداية للنهاية عن بقيت برق ازاى فارس : لما نفضى ياض انت وبعدين عايز تعرف لية ده سر عبدو : ما اكيد رامى الجدع هيحكيلى ، صح يا رامى ؟ رامى : انت بتحلم بقى ، انسى عبدو : انا عارف هخليك تتكلم ازاى ، طب اية رأيك انا عازمك بكرا عند احسن واحد بيعمل حلويات وبسبوسة فى مصر رامى : بجد !! وبالمرة احكيلك فى الطريق اية اللى حصل لفارس خلاه برق فارس : بعتنى بالسرعة دى ؟ رامى : احنا صحاب ايوة لكن مع اللى يدفع اكتر فارس : رخيص عبدو : بقولك اية يا فارس بما انك البرق فعايز صورة سيلفى معاك فارس : نعم ، محدش يعرف يابنى ان انا البرق ، ده سرررر عبدو : ياعم فاهم ، انا اقصد وانت لابس القناع علشان اتفشخر بيها قدام صحابى وعندى فى البيت فارس : طيب التقط عبدو وفارس صورة سيلفى مرة ومعهم رامى مرة اخرى عبدو : بما انك البرق هطلب منك طلب كمان فارس : اطلب عبدو : عايزك بسرعتك دى توصلنى للبيت فارس : حد قالك انى اوبر او كريم ؟ عبدو : لا انت فارس ، يلا بقى ولا مش عايز علشان مكشفش سرعتك البطيئة ؟ فارس : انت بتسخنى يعنى علشان اوصلك ؟ عبدو : هااااا فارس : امرى لله امسك فارس بعبدو فارس : ساكن فى انهى داهية ؟ عبدو : فى (***) فارس : طيب انطلق فارس وهو يحمل عبدو بكل سرعته واوصله فى اقل من دقيقة عبدو : عاااااا عايز ارجع فارس : جتك القرف اوعى ياعم سيبنى عبدو : مش مصدق اية السرعة دى كلها ، حلوووو اوووى ، عايز لفة كمان فارس : اها علشان المرة دى ترجع على وشى ، ابعد ياض انطلق فارس بأقصى سرعته عبدو : وااااو ، اانا لازم اكتب عنه صعد عبدو الى الاعلى ودخل الام : رجعت بنت خالتك ؟ عبدو : يسسس ومش هتصدقى قابلت مييين الام : مين ؟ عبدو : البرررق واتصورت سيلفى معاه كمان الأم : اتصورت مع البرق !! عبدو : اهاا الأم : البرق اللى بينقذ البلد من الاشرار ؟ عبدو : ايوة الأم : اللى بيجرى بسرعة ده ؟؟ عبدو : ايوة با مااما هووو هوووو الام : وهو هسيب كل الناس ويتصور معاك انت ؟ عبدو : ومالو انا ، انتى مستقلة بيا كدا لية ، ده هو اللى ندالى علشان اتصور معاه الام : لا والله بجد ؟ عبدو : امال اية ومش هتتخيلى يبقى مين وعايز يخطب مين الام بأستغراب : مين ؟ عبدو فى نفسه : اوبااا اية اللى بهببه ده ، انا كدا بفضح الدنيا عبدو : لا مفيش ، بصى الصورة الام : اية ده ، لوجو مختبرات د.غريب اللى بتشتغل معاه مى بنت خالتك وراكوا عبدو : هااه اهااا منا قابلتوا هناك وانا بجيب مى الام : اهاا عبدو : امال فين بابا الام : لسة فى الشغل عبدو : طيب ....... فارس : يلا يا سلمى علشان نروح سلمى : طيب بس هنروح فين ؟ فارس : على شقة چوو طبعا سلمى : بس انا كل حاجتى فى فيلا انكل صابر زائد ان انطى فريدة بتتصل بيا كل شوية وعيزانى فارس : اممممم يادى النيلة السودة ، طيب هتيجى معايا وهديكى اى حاجة من هدومى تلبسيها وبكرا هجيب هدومك واظبط الدنيا سلمى : طيب رحل فارس بصحبة سلمى وجلس رامى يتذكر flash back رامى : سلمى انا بحبك سلمى : كفاية هزار بقى يا رامى انا مبتزهقش ؟ رامى : مبهزرش على فكرة سلمى : قصدك اية ؟ رامى : الحمار يفهم سلمى : يعنى انا حمارة ؟ رامى : ياستى منا عمال اوضحلك وانتى مش فاهمة وادينى قولتلك صريحة بحبك وانتى بردو مش فاهمة ، بقولك بحبك سلمى : لية ؟ رامى : لية !! بس يا سلمى انا خلاص عرفت الجواب سلمى : رايح فين ؟ رامى : رايح فى داهية ، انتى مالك سلمى : انا غلطانة ، امشى من هنا رامى : انتى عبيطة يا بت انتى ؟؟ منا ماشى اصلا سلمى : ياريت متفتحش الموضوع ده تانى رامى بضيق : اوعدك انى مش هفتحه تانى خرج رامى واغلق الباب بشدة وغضب ولا يعلم لماذا لم تبادله نفس الشعور !! back رامى : لية عملت كدا !! لية ؟ طب كانت تقولى من اولها ، لازم التحويرة دى ! خرج رامى وانطلق الى منزله وهو يشعر بالضيق ... ....... دخل فارس ومعه سلمى الى المنزل فوجدوا يوسف فارس : معلش يا چوو هنبيت النهاردة هنا لغاية اما اشترى شقة واقعد فيها انا وسلمى يوسف : انت بتقول اية ؟؟ انتوا هتقعدوا معايا علطول ، مفيش الكلام اللى انت بتقوله ده فارس : مش هينفع يا چوو وبعدين انا داخل على خطوبة وجواز ولسة ترتيبات تانية يوسف : بس متفكرش فى حاجة دلوقتى وخشوا يلا فارس : حاضر يا كبير دخل فارس بصحبة سلمى فارس : خدى دول البسيهم واوضة شهد اهى هتنامى فيها سلمى : طيب تصبح على خير فارس : وانتى من اهل الخير يا سلومة دخل فارس غرفته وظل يفكر لبعض الوقت ثم غرق فى النوم ...... كان تجلس مى على فراشها تفكر فى فارس واستعدت لأن تحدد موعد مع والدها لكى يأتى فارس ويطلب يدها ونامت وهى على وجهها ابتسامة ... ...... يوسف : عبدو عبدو يابنى عبدو بنوم : عايز اية ؟ يوسف : فيه عفريت فى الاوضة عبدو بنوم : يعنى انت مصحينى علشان كدا !! يوسف : بقولك فيه عفريت وجيه نام جمبك على السرير وضحك عبدو بأنتباه : بتقول اية !! جمبى ؟ يوسف : ايوة قام عبدو وفتح نور الغرفة وفجأة خرج شخص من الدولاب وصرخ فى وجههم مما جعل عبدو ويوسف يصرخون عبدو و يوسف : عاااااااااا عبدو : يابن ال.... وقام بالهجوم على اخاه الاخر محمد الذى قام بفزعهم عبدو : دا انا هعمل منك بطاطس شيبسى ، بقى بتخضنى ، ماااشى محمد وهو يتألم : ااااه ما يوسف مشترك معايا عبدو : يا ولاد ال.... خد يلا ... خد هنا ........ كانت سلمى تفكر فى كلام رامى معها ولا تعلم لماذا فعلت معه هكذا وجعلته حزين وعبرت عن رفضها بطريقة سيئة لم تفكر كثيرا حيث انها غرقت فى النوم هى الاخرى .... ........ طلعت شمس يوم جديد وفاقت مى مبكرا لكى تذهب الى المختبر اخذت مى الشاور الخاص بها وارتدت ملابسها وخرجت فوجدت والدها مى : صباح الخير يا بابا احمد : صباح النور يا حبيبتى ، يلا تعالى افطرى مى : طيب امال فين ماما احمد : جاية اهى ولاء : صباح الخير يا حبيبتى مى : صباح الخير يا ماما جلسوا يتناولوا الافطار مى : بابا كنت عايزة اقول لحضرتك على حاجة احمد : قولى يا حبيبتى مى : انا متقدملى عريس وعايز يقابل حضرتك احمد : بجد !!! الف مبرك يا حبيبتى اخيرا هفرح بيكى ، مقولتليش مين بقى العريس ده ؟ مى : اااا...هو شغال معايا وبردو دكتور وشغال تبع الشرطة فى التحاليل والتحقيقات وكدا احمد : خلاص انا بكرا اجازة ، يجى يقابلنى بكرا الساعة 8 لو مناسب ليه مى بفرح : بجد !! اكيد طبعا مناسب وقامت تجرى من الفرح ولاء : الفطار يا بنتى مى : خلاص شبعت يا ماما وخرجت متجهة الى المختبر ........ استعد فارس ويوسف وايضا سلمى وقف يوسف لكن شعر بدوار شديد ووقع فارس بلهفة : چوو !!! اتجه فارس ومعه سلمى ليتفقدوه فارس : مالك يا چوو !! يوسف بعدم تركيز : مش عارف ، بشوف كهربا فى عينى وبدوخ واقع وضغطى واطى جدا من امبارح فارس : طيب ارتاح انا هاخدك المختبر ومى هتكشف عليك اخذ فارس غريب ومعه سلمى وانطلق الى المختبر ووصل فوجد رامى ومعه مى وايضا عبدو فارس بقلق : مى بسرعة اكشفى على يوسف اصل حالته وحشة جدا وقص عليها ما حدث اجرت مى بعض الفحوصات على يوسف وخرجت فارس : هااا !! مى : قوة السرعة اللى عنده اللى خدها من فارس المستقبلى جسمه رافضها خالص والدم بيتنافر معاها ولو استمرت على كدا يوم كمان هيبقى حياته فى خطر فارس : يعنى لازم نشوف حد دمه يقبل القوة دى مى : بالظبط رامى : ما ممكن يا فارس تاخدها وهى كدا كدا قوتك يعنى جسمك هيتقبلها مى : مينفعش علشان القوة اللى فى جسم فارس بقت شديدة جدا والقوة دى لو اتضافت معاها هيبقى خطر شديد جدا وممكن فارس ميستحملش كم القوة دى كلها عبدو : طب وهنلاقى اللى جسمه يتقبلها ده ازاى ؟ مى : انا هعمل تحاليل دم لينا كلنا ونشوف انهى اللى هيتقبل القوة وانت يا رامى اعمل فحص بالقمر الصناعى عن اى شخص هيستحملها وانا هاجى احطلك النسبة بالظبط رامى : تمام بدأوا بالعمل وظل رامى يبحث بالشبكة فلم يجد احد يستطيع اخذ تلك القوة واخذت مى عينة دم من الجميع وكان عبدو يشاهد فى فرح بسبب انه أصبح ضمن ذلك الفريق انتهت مى من التحاليل مى : فيه خبر وحش رامى : كنت عارف ، اصدمينا مى : كل عينات الدم رافضة القوة ومش هتنفع حتى عينة الدم بتاعتك يا فارس عاملة زى قوة على قوة من نفس النوع وده هيعمل تنافر زى المغناطيس كدا لما يكونوا قطبين شبه بعض بيتنافروا فأستحالة جسمك يقبلها فارس : وهنعمل اية !!! ده مفيش حد فى مصر كلها هيقدر يستلمها عبدو : انتوا معملتوش ليا تحليل دم زيكوا لية ؟؟ مش يمكن اطلع انا ؟ رامى : بالله عليك اهدى مش نقصاك فارس : لحظة ،، عبدو كلامه ممكن يكون صح ،، خدى منه عينة يا مى وشوفى مى بتردد : حاضر رامى : مالك فرحان كدا لية ؟؟ انسى اصلا ، كان عندى نفس الامل اللى عندك ده وطلع فشوش عبدو : هيحطموك هيحاولوا يحبطوك ويكسروك خليك واقف سليم رامى : انت بتهبل كمان ، الاغنية مش كدا عبدو : انا بحبها كدا اخذت مى عينة الدم من عبدو واجرت عليها الفحوصات خرجت مى مى : فيه خبر حلو وخبر وحش رامى : مش متطمنلك عبدو : ولا انا فارس : +1 مى : الخبر الحلو ان القوة هتخرج من يوسف وتروح لعبدو علشان عينة الدم بتاعته قبلتها والخبر الوحش انها هتروح لعبدو اصلا ظل الجميع سارح صاح عبدو بفرح : عاااا مش قولتلكم ، مين البرق نااو فارس : بس يا اهبل رامى : ده نهار اسود يا استاذ ممتاز سلمى : ربنا يستر ، انا مش متفائلة نهائى عبدو : ايوة الحقد هيبدأ اهو ، اعداء النجاح مى : دى مش لعبة هاااا مش لعبة ، ولو عملت اى حاجة هقول لخالتو فاااهم ؟ عبدو : محسسانى انى طفل لسة ، شيفانى اهبل ولا اية رامى : الصراحة كلنا شايفينك اهبل فارس : عبدو خد انا عايزك جوا عبدو : حاضر اخذ فارس عبدو ودخلوا غرفة من الغرف واغلق فارس الباب فارس : انا عايزك تعرف ان القوة دى مش لعبة خالص ، مفكرتش لية انت الوحيد دونا عن كل الناس اللى هتمتلك القوة دى ؟ اكيد فيه رسالة هتأديها وهتعمل بيها ، انا علشان اخد حق اهلى واغلب الشر اللى انتشر لسنين وانت علشان تبقى سند ليا فى اى وقت ومش لازم اى حد يعرف نهائى حتى اهلك وخليك عارف انها مسؤولية مش لعبة ، لو لعبة كانت راحت لأى حد لكن انت اللى قبلتها ، مش عايزك تستهون بالكلام ده ،كنت نفسك تقابل البرق واديك قابلته وقاعد معاك وبقى زى اخوك كمان واديك اهو هتملك قوة زيه ، يبقى تكون اد المسؤولية عبدو : انا فاهم كل كلمة انت قولتها ومقدر كلامك ده واوعدك انى هكون اد المسؤولية دى وهبقى جد معاها وهتدرب علشان ابقى معاك وقت الشدة فارس : هو ده الكلام يا معلم خرج فارس بصحبة عبدو فارس : خلاص عبدو جاهز وتمام مى : طب يلا يا عبدو عبدو : حاضر وقف عبدو امام يوسف واغلق يوسف عينه وامسك بيد عبدو وبدأت بالفعل شحنات كهربائية تنتقل منه لعبدو عبر يده وبدأت هذة الشرارة الكهربية فى الزيادة حتى وصلت اشد قوتها واخذ عبدو يصرخ والجميع يراقب فى قلق انتهى نقل القوة ووقع عبدو على الارض وحمله فارس ووضعه على فراش وبدأت مى بإفاقته حتى بدأ بفتح عينه عبدو : انا فين !! انا مت صح !! مى : لا يا عبدو انت عايش واحنا هنا كلنا اهو عبدو : كدا بقى عندى القوة فارس : ايوة شعر يوسف بتحسن كبير جدا وفاق وبدأ بالتحدث يوسف : انا بقيت تمام ، الدوخة راحت فارس : الحمدلله حمدالله على سلامتك يا چوو ، معلش ملحقتش تتهنى بالسرعة بس قبضت بيها على غريب غريب : الحمدلله ، المهم انت عامل اية دلوقتى يا بودى عبدو : حاسس ان الكهربا بتجرى فى جسمى كله ، احساس غريب اوى فارس : متقلقش ، ده نفس احساسى اول ما جاتلى السرعة كان رامى يتجنب الحوار مع سلمى بكل الطرق وايضا كان يتجنب النظر لها وكانت سلمى تلاحظ ذلك لكن لم تعطى اهتمام ************************************************** *** كان جرس الباب يرن ففتح ذلك الشخص الباب فوجد البودى جارد الخاص به قد قتلوا امام الباب ويقف شخص ويبتسم دخل صاحب المنزل الى الداخل وهو يرجع بظهره خوفا من ذلك الشخص الذى كان يتقدم بخطوات ثابتة وهادئة جدا كانت الشقة مراقبة بالكاميرات ولكن بالرغم من ذلك تقدم ذلك الشخص الغريب بأتجاه صاحب المنزل وقف صاحب المنزل بعد ان اصطدم بالحائط وكان على وجهه علامات الفزع والخوف نزع ذلك الشخص السلاح ووجهه بأتجاه صاحب المنزل واطلق النار عليه ثم اعاد سلاحه مرة اخرى وخرج بهدوء شديد من المنزل ثم اغلق الباب ..... ******** عبدو : واااو مش مصدق ، انا بجرى بسرعة شديدة جوا المسرع ومش بتعب خالص ، حاسس بكهربا كدا وشعور جميل اوى طول منا بجرى فارس : اجهز بقى علشان مى تعملك كل الفحوصات علشان نتأكد انك بقيت تمام ونقيس سرعتك عبدو : اشطا انا جاهز رامى : وانا هصنعلك بدلة زى بتاعة فارس بس بلون مختلف عبدو : حبيب قلبى اقسم بالله دخلت رجال الشرطة المختبر وحاصرت كل المبنى بأكمله الخاص بالمختبر والمسرع فارس بقلق : فيه اية !! الظابط : انت فارس محمد ؟؟ فارس بتردد : ايوة ؟ الظابط : هاتوه ..... ************************************************** *** اية هو سبب القبض على فارس ؟ التفاعل وحش اوى ومكنتش اتوقع ان الرواية تجيب تفاعل قليل كدا :-( الحلقة الجاية بداية الاحداث الصعبة وبداية الجد والرواية هتتقلب 180 درجة ... الى اللقاء فى الحلقة القادمة ... #Abdo عبدووو | ||||||||
|
| |
|
22-07-19, 03:53 PM
| #15 | ||||||||
| مراقبة عامة ومشرفة منتدى الروايات المنقولة
| الحلقة الرابعة بقلم / عبدالرحمن احمد دخلت رجال الشرطة المختبر وحاصرت كل المبنى بأكمله الخاص بالمختبر والمسرع فارس بقلق : فيه اية !! الظابط : انت فارس محمد ؟؟ فارس بتردد : ايوة ؟ الظابط : هاتوه ..... فارس : نعم !! يخدونى على فين انا مش فاهم حاجة الظابط :هتعرف هناك يوسف متدخلا : انا المقدم يوسف المصرى ، ممكن افهم انتو عايزينوا ليه ؟ الظابط : متهم بقتل السفير الأمريكى الكل : ايية ؟ يوسف : اكيد فيه سوء تفاهم ، طيب ممكن ميدخلش البوكس ، اتفضلو انتو وانا هجيبوا معايا واحصلكم الظابط : مش هينفع ، كذا جهة سيادية مهتمين بالموضوع ده يا فندم يوسف : وانا بقولك انى المقدم يوسف المصرى وهجيبوا ممكن تتفضلو بقى الظابط : حاضر يا فندم انطلق رجال الشرطة مى بدموع : قولهم انك البرق ومش معقولة تعمل حاجة زى كدا فارس : لا طبعا الموضوع مش مستاهل اكيد فيه سوء تفاهم يوسف : يلا بينا علشان نفهم فيه اية سلمى : انا جاية معاك فارس : لا تيجى اية ! انا هبقى اطمنكم وان شاء الله خير ، خلى بالك يا عبدو عقبال ما ارجع عبدو : ولا يهمك ان شاء الله خير رامى : لو الموضوع كبير اتصل بيا علشان اجيبلك محامى فارس : حاضر ، يلا يا چوو انطلقا فارس ويوسف الى قسم الشرطة يوسف : احنا اهو ، ممكن نفهم اية الحكاية بالتفصيل ! الظابط : للأسف حضرتك مش هتحضر التحقيق معاه ، تقدر تستنى برا يوسف : طيب انا هحضر ومش هتكلم الظابط : تمام اتفضل لغاية اما نخلص يوسف : حاضر جلس يوسف فى مكان فى الغرفة وجلس فارس على الكرسى امام مكتب الظابط وبدأ التحقيق الظابط : الاسم بالكامل والسن فارس : فارس محمد اكرم ، 25 سنة الظابط : شغال اية ؟ فارس : دكتور جنائي فى الشرطة الظابط : امممم انت متهم بقتل السفير الأمريكى جوردين كاو فى شقتة فارس : ده اكيد بلاغ كيدى الظابط : ههههههه كيدى اية !!! ده انت متصور صوت وصورة ، عايزك مستمتع كدا وانت بتتفرج على الفيديو شغل الظابط الفيديو وبدأ فارس ومعه يوسف بالمشاهدة وكان المشهد هكذا ... دخل صاحب المنزل الى الداخل وهو يرجع بظهره خوفا من ذلك الشخص الذى كان يتقدم بخطوات ثابتة وهادئة جدا كانت الشقة مراقبة بالكاميرات ولكن بالرغم من ذلك تقدم ذلك الشخص الغريب بأتجاه صاحب المنزل وقف صاحب المنزل بعد ان اصطدم بالحائط وكان على وجهه علامات الفزع والخوف نزع ذلك الشخص السلاح ووجهه بأتجاه صاحب المنزل واطلق النار عليه ثم اعاد سلاحه مرة اخرى وخرج بهدوء شديد من المنزل ثم اغلق الباب ..... كان فارس ويوسف يشاهدان بصدمة شديدة لان ذلك الشخص هو فارس !!! فارس بعصبية : الفيديو ده متفبرك ، استحالة يكون انا الظابط : متفبرك اية ؟ كل حاجة واضحة واحنا اللى مفرغينه من الكاميرات بنفسنا فارس : بقولك استاحلة اكون انا لانى مقتلتش حد الظابط : هههههههه هيكون ليك توأم مثلا ؟؟ الفيديو واضح زى الشمس ولنفرض ، تقدر تقولى انت كنت فين النهاردة الساعة 9 الصبح ؟ فارس : كنت فى البيت وبفطر مع والدى اللى قاعد قدام حضرتك واختى الظابط : والدك ؟؟؟ المفروض انك اسمك فارس محمد اكرم وهو يوسف المصرى فارس : دى حكاية طويلة بس بأحتصار هو اللى ربانى الظابط : اهااا ، طيب عندك شهود غير اختك و سيادة المقدم ؟؟ فارس : هيكون مين شهود تانيين يعنى ؟؟ الظابط : للأسف كلامك ده مش دليل وشهادتهم هتكون مجروحة واللى فوق كل ده انك اللى ظاهر فى الفيديو ده غير البصمات اللى طلعت بصماتك فارس : كل ده لحق خلص فى الوقت ده ؟؟ الظابط : منا بقولك كذا جهة سيادية مهتمين بالموضوع ده ، ده غير امريكا اللى طالبة تحاكمك هي فارس بإستغراب : طالبين يحاكمونى ؟؟ الظابط : للأسف ، التلفزيون كله مقلوب وكذا دولة اتدخلوا والموضوع كبير ، انا لحد كدا مهمتى خلصت واللى هيكمل معاك هو المقدم خالد الدسوقي يوسف : ودلوقتى !!! الظابط : هياخد حبس 4 ايام على ذمة التحقيقات يوسف : مفيش اي كفالة يخرج بيها لغاية ميعاد التحقيات ؟ الظابط : للأسف لا ، القضية مش بسيطة زى ما انتم فاهمين ، افتحوا التلفزيون وهتعرفوا ، انا بتكلم معاكوا بكل هدوء واحترام علشان مبحبش العصبية والطريقة دى بس اللى هيكمل معاه مضمنش هيكون عامل ازاى فارس : روح انت يا بابا وربنا يسهلها يوسف : ده انت اللى فى الفيديو ونفس بصماتك ، ازاااى !! فارس : مش عارف ، انا دماغى اتقلبت خالص يوسف : انا هكلم رامى وهنقوملك محامى كبير وربنا يعديها على خير فارس : يارب .......... مى : انا قلقانة اوى سلمى : ان شاء الله خير رن هاتف رامى فقام رامى بالرد رامى : ايوة يا چوو ، بتقول اية ؟؟ طيب طيب انا جايلك حالا مى وسلمى بقلق : فيه اية !! رامى : الموضوع كبير مش زى ما اتخيلنا ، افتحوا كدا التلفزيون فتح عبدو التلفزيون وظهر هذا الخبر " القبض على المجرم فارس محمد المتهم بقتل السفير الامريكى صباح اليوم كما تدخلت 9 دول وادانت هذا الحادث وطالبت بتوقيع اقصى العقوبة على المتهم كما طالبت امريكا بمحاكمته ووصفته بالارهابى المصرى وهناك شكوك حول انه من ضمن الجماعات الارهابية واليكم هذا الفيديو للمجرم اثناء قتله للسفير الامريكى " بدأ الفيديو وكان رامى ومعه عبدو ومى وسلمى يشاهدون بصدمة شديدة حيث كان هذا الشخص مثل فارس تماما بل هو فارس عبدو بصدمة : د....ده فارس رامى : اها هو مى : يعنى اية ! سلمى بحزن : فعلا الموضوع مش سهل والفيديو ده هيمنع اى دليل براءة رامى : انا هروح ليوسف دلوقتى وهنشوف محامى مى : وفارس فين دلوقتى ؟ رامى : اتحبس 4 ايام على ذمة التحقيقات سلمى : اية ؟؟ مى بدموع : هو كل ما يخرج من مصيبة يخش فى غيرها عبدو : بأذن الله هنثبت براءته ونخرجه ، انا جاى معاك يا رامى رامى : لا خليك علشان مى وسلمى ميبقوش لوحدهم عبدو : طيب ........... دخل عبدو الى مكان غريب غريب : ازيك يا عبدو عبدو : انت هتصاحبنى ولا اية ؟ غريب : امال فين فارس عبدو : ملكش دعوة غريب : طيب اية سبب الزيارة الجميلة دى ؟ عبدو : لا حبيت ادرسك علشان هتكون ضمن روايتى الجديدة وعايز اعرف شخصيتك دى علشان تبقى مظبوطة فى الرواية غريب : وااو انت بتكتب ؟ عبدو : حاجة كدا زى تسلية فى وقت الفراغ ... انت مالك !! غريب بإبتسامة : نفس اللى اتوقعته بالظبط عبدو : اتوقعت اية ؟ غريب : ان يوسف مش هيتقبل سرعته وانك الوحيد اللى هتستلمها عبدو بإستغراب : عرفت منين ان عندى سرعة وعرفت ازاى انى الوحيد اللى هقبل السرعة غريب : مفيش غير 3 بس على الارض كلها جسمهم بيتقبل القوة انا وفارس واخيرا انت ، لما دورت وقت ما خطتى كانت ماشية لقيتك انت اما بقى عرفت منين فهو علشان انت دلوقتى وانت بتمشى قدمت رجلك بسرعة كبيرة جدا ولاحظتها علشان لسة بتدرب على انك تتحكم فيها وبكدا عارف ان يوسف مش هيقبل السرعة وهيضطر ينقلهالك ، شوفت سهلة ازاى عبدو : انت جبت الذكاء ده كله منين غريب ضاحكا : فيه حاجات الواحد بيتولد بيها ومنها التركيز فى كل حاجة حواليك عبدو : اممممم غريب : تحب اقولك مستقبلك اية ؟ عبدو بتعجب : مستقبل ؟ غريب : ايوة منا من المستقبل ولما عرفت انك بتقبل السرعة عرفت مستقبلك عبدو : واية بقى مستقبلى ؟ غريب : بلاش عبدو : اخلص غريب : بشرط عبدو : اية هو الشرط ده ؟ غريب : تخرجنى من هنا عبدو : ههههههه لا انسى ، مش عايز اعرف حاجة ، محدش يعرف الغيب الا ربنا غريب : براحتك بس عايزك تفكر كويس لان اللى هتعرفه مهم اوى ويمكن يساعدك تغيره ... رحل عبدو وهو يفكر فى كلامه مى : كنت فين ، كنت بدور عليك عبدو : لا كنت بلف لفة كدا فى المكان ، كنتى عايزانى فى حاجة ؟ مى : ايوة يلا علشان تكمل تدريبك فى المسرع علشان تبقى جاهز فى اى وقت عبدو : طيب تمام امال فين سلمى ؟ مى : راحت علشان تبلغ عمها صابر باللى حصل ويشوفو حل عبدو : ربنا يستر ، مش عارف ليه حاسس ان وشى فقر ، اول ما جيت المصيبة دى حصلت مى : حصلت بلاوى اكبر من كدا وعدت عبدو : طيب اشطاا انا عايزك تحكيلى الحكاية من الاول خاالص من ساعة ما فارس اتولد اكيد هو حكالك مى : والتدريب ؟ عبدو : هو التدريب هيطير يلا احكى مى : طيب سيب بسبوسة رامى احسن يجى يطير دماغك عبدو : هجيبلو غيرها يلا احكى كفاية تشويق مى : طيب ... ****** صابر بإنفعال : ازاى ده حصل سلمى بدموع : هو ده اللى حصل ومش فاهميين اى حاجة فريدة : اهدى يا سلمى اهدى واكيد هنلاقى حل سلمى : انا خايفة اوى يا ماما فريدة : متخافيش يا حبيبتى بأذن الله خير صابر : انا هروح ليوسف ورامى علشان نشوف هنعمل اية فى المصيبة دى رحل صابر وبقت فريدة بصحبة سلمى سلمى : انا همشى انا كمان فريدة بدموع : لية عايزة تمشى يا سلمى ، انا اللى ربيتك وبقيتى بنتى اللى مخلفتهاش وعشت معاكى اجمل ايامى وانتى بتقولى يا ماما ، لية هتحرمينى منك دلوقتى ؟؟ سلمى : بس كل حاجة اتعرفت ، عرفت ان ده كله كان كدب فى كدب وانك مش ماما وعمى مش بابا ، اهلى اتقتلوا وانا عايشة فى وهم كبير فريدة : حتى لو عرفتى ده ميمنعش انك تبقى بنتى اللى مخلفتهاش وتكملى تقوليلى يا ماما وتعيشى معايا هنا لغاية اما تتجوزى ، انا مش قادرة اتخيل ولا اعيش وانتى مش فى الفيلا ، اتعودت على وجودك سنين كتير اوى سلمى : بس فارس عايزنى اعيش معاه وهو اخويا ومقدرش اقولو لا فريدة : خلاص يبقى يجى يعيش هنا هو كمان ، صابر كان هيكلموا اصلا فى الموضوع ده سلمى : بس فارس مش هيوافق فريدة : هيوافق ، هيوافق لما يعرف اللى صابر هيقوله ليه ******** مى : ادى الحكاية من ساعة ما اتولد لغاية دلوقتى عبدو : ياااه ده فارس عاش ايام صعبة اوى وحكايته جديدة ومختلفة وغريبة فى نفس الوقت مى بحزن : ايوة واخرها المصيبة دى عبدو : انا..... قاطع الكلام صوت انذار الجهاز المخصص ل المتحولون عبدو : اية الصوت ده مى بقلق : ده جهاز انذار بيرن لما بيبقى فيه متحولين عندهم قوة زى فارس فى الشارع عبدو : اوباااا وفارس مش هيعرف يروح وانا لسة متدربتش ، شكله يوم عسل من اوله مى : انت رايح فين ؟ عبدو : جيه الوقت اللى اجرب فيه بدلتى اللى عملها رامى ، ملقاش غير اللون الازرق !!! مى : خد هنا انت لسة متدربتش عبدو : واسيب الكائن ده يموت فى الناس مى : است.... انطلق عبدو بسرعته الخارقة دون ان يستمع لمى ووصل الى المكان حيث كان هذا الشخص رجل عادى ولكن يمتلك قوى خارقة ويطير ويطلق شعاع من عينه عبدو : انا اية اللى خلانى اتبت فى الرجولة كدا وانزل ، ده هيعمل منى بطاطا ،، لا لا انت هتخسع ولا اية يا عبدو انطلق عبدو بأتجاهه بسرعة ولكمه فى وجهه وظل يركله والجميع يشاهد فى دهشة للبرق الجديد كان عبدو يضرب بشدة فى هذا الشخص حتى افقده الوعى فصفق الناس له وبدأ عبدو بالتفاخر بنفسه ويأخذ السيلفى مع الناس فاق الرجل ذو القوة الخارقة دون ان ينتبه له الجميع وكان فى قمة غضبه وقام وامسك بعبدو وطار فى السماء وظل يعلو وعبدو يحاول الافلات منه وهو يعلو حتى ارتفع كثيرا ثم ثبت فى الهواء وترك عبدو يسقط...... ظل يسقط عبدو من ارتفاع كبير جدا وعلم انها النهاية وسيموت لا محالة مى عبر المايك : عبدو عبدو انت سامعنى !!! لم يتحدث عبدو نهائيا واستسلم للوضع منتظرا اصطدامه بالارض ... مى بقلق ودموع : عبدو !!! عبدوووووو ************************************************** *** David : We must bring Fares before he is judged by the Egyptian government MICHAEL: Do you think anything behind him? David : Of course he has a lot to know from him Michael: And then what will we do with him? David : We'll take what we need and then we'll kill him ( جيمى : يجب علينا احضار فارس قبل ان يتم الحكم عليه من قبل الحكومة المصرية مايكل : هل تعتقد ان ورائه شئ ؟ جيمى : بالطبع هو يمتلك الكثير لكى نعرفه منه مايكل : وبعد ذلك ماذا سنفعل معه ؟ جيمى : سنأخذ منه ما نحتاج و بعد ذلك سنقوم بقتله ) ************************************************** *** فتح عبدو عينه فوجد الجميع حوله عبدو بتعب : انا فين ؟؟ مى : انت فى المختبر هنا رامى : عاملى فيها سوبر هيرو اديك طيرت وكنت هتنزل حتت عبدو : هو اية اللى حصل ؟؟ انا مت ؟؟ سلمى : لا انت كويس عبدو : ازاى !! انا كنت فارس : اها منا شقطك قبل ما تبقى انت والارض وجهين لعملة واحدة عبدو : فاارس ؟؟ انت مش فى السجن فارس : لا منا هربت عبدو : هربت ؟؟؟ فارس : تخيل ؟؟ عايزين يسلمونى لأمريكا والظابط ابن ال*** الجديد شتمنى روحت مفرتك امه ضرب وهربت يوسف : بس معرفناش هتعمل اية ، اكيد بيدورو عليك وهيجو على هنا جاسر : ايوة وكمان كدا القضية اتعقدت اكتر والاعلام زمانه بيهبد دلوقتى وما بيصدقوا فارس : يعملوا اللى يعملوه ، المهم دلوقتى انى اعرف مين الشخص اللى شبهى ده ومين اللى وراه وازاى عرفوا بصماتى عبدو : واللى كنت بضربه فى الشارع ؟؟ فارس : مسكته وقوته اتسحبت خلاص وسلمته ، امشى بالقناع وكله عارف انى البرق وساعتها محدش يعرف انى فارس وده هيسهل مهمتى اكتر مى : بس مين اللى هيكون عايز يأذيك كدا ؟ فارس بتفكير : مش عارف ، يمكن غريب عنده اجابة ، انا هخش ادردش شوية معاه ولو الكاميرات بتاعة المبنى شافت اى حد جاى بلغونى علطول رامى : ماشى دخل فارس الى غريب فارس : ازيك يا اكرم ؟ غريب : فارس ، ازيك فارس : ملكش دعوة ، قولى هو لو حد متضايق من حد بس مش عارف ينتقم منه يعمل اية ؟ غريب : ده لغز ده ؟ فارس : رد على اد السؤال غريب : هيلبسه تهمة ويخلص منه فارس : مانت مركز اهو ، مين اللى قتل السفير الامريكى ؟ غريب : هو السفير الامريكى مات ؟ فارس : اتقتل من واحد شبهى بالظبط ونفس بصماتى غريب : وانت متضايق ومحموق كدا لية ، زعلان عليه ؟ فارس : ازعل على مين ؟؟ ما يولع بجاز وسخ ، انا بتكلم عن الشخص اللى شبهى ده بالظبط ونفس بصماتى غريب : شكلك لبست فى قضية فارس : ميخصكش ، رد على اد السؤال غريب : طيب ، لية منقولش ان ده هو انت فعلا فارس : هنستعبط ؟؟ بقولك مش انا غريب : مفهمتنيش ، انا قصدى انه هو انت بس جاى من المستقبل ، مسافر بالزمن يعنى فارس بصدمة : انت بتقول اية ؟؟ مستقبل ازاى ؟ ******************************** Michael: Disaster, fares is the flash that the world talks about David: What? are you serious ? MICHAEL: Of course, our sources told us, what are we going to do? David: fares' escape made our mission easy, bring him as soon as possible Michael: OK ( مايكل : كارثة ، فارس هو الوميض الذى يتحدث عنه العالم ديفيد : ماذا ؟؟ هل انت جاد ؟ مايكل : بالطبع ، مصادرنا اخبرتنا بذلك ، ماذا سنفعل ديفيد : هروب فارس جعل مهمتنا سهلة ، احضروه فى اسرع وقت مايكل : اوك ) ********************************** اخبر رامى فارس بالهروب فورا بسبب قدوم الشرطة للمكان فخرج فارس بسرعته ونظر من بعيد ليجد رجال الشرطة يدلفون الى داخل المبنى وفجأة جاء احد من خلفه ووضع فى رقبته حقنة مخدر فلم يقاوم فارس ووقع على الارض شاور هذا الشخص للبقية وبالفعل حضروا وحملوا فارس ووضعوه بداخل سيارة وانطلقوا ...... ************************************************ توقعاتكم للحلقة الجاية !! #Abdo عبدووو | ||||||||
|
| |
|
22-07-19, 03:55 PM
| #16 | ||||||||
| مراقبة عامة ومشرفة منتدى الروايات المنقولة
| الحلقة الخامسة بقلم / عبدالرحمن احمد اخبر رامى فارس بالهروب فورا بسبب قدوم الشرطة للمكان فخرج فارس بسرعته ونظر من بعيد ليجد رجال الشرطة يدلفون الى داخل المبنى وفجأة جاء احد من خلفه ووضع فى رقبته حقنة مخدر فلم يقاوم فارس ووقع على الارض شاور هذا الشخص للبقية وبالفعل حضروا وحملوا فارس ووضعوه بداخل سيارة وانطلقوا ...... فاق فارس فى مكان غريب شبيه بالمخزن الكبير ووجد نفسه يجلس على كرسى ويداه مربوطة من الخلف جاء شخص يرتدى قناع غريب ديفيد : welcome fares فارس : who are you ? ديفيد : ميهمش انا مين ، المهم انت مين وشغال لحساب مين ؟ فارس : وانا مش هنطق بكلمة غير لما اعرف انت مين ديفيد : اوك ، انا ديفيد من الحكومة الامريكية ، تقدر تقول زى المخابرات عندكم كدا فارس : امممممم فهمت بس مش غريبة انك بتتكلم مصرى احسن منى ديفيد : حكاية اللغة دى سهلة ولازم اى حد منا يبقى عارف كل اللغات وخصوصا اللغة المصرية فارس : اها ما هو باين ، طبعا انا مخطوف علشان السفير بتاعكم اللى اتقتل ديفيد : نو نو ههههههه الموضوع غير ده خالص ، هو اللى عرفنا بيك هو موضوع السفير ولا اية يا فلاش ؟ فارس : فلاش !! ديفيد : مش انت برضو الوميض او البرق اللى العالم كله بيتكلم عنه ، المعجزة البشرية فارس : واضح انكم عارفين كل حاجة ديفيد : اديك قولت بنفسك اهو ، عارفين كل حاجة بس مش كل حاجة ، انت شغال مع مين فارس : مش شغال مع حد ومش انا اللى قتلت السفير وايوة انا البرق ولو متفكتش دلوقتى هتزعلوا منى اوى ديفيد : هههههه تزعلنا !!! انت نسيت انك متكتف فى الكرسى ولا اية ؟ قام فارس من على الكرسى ورفع يده امامه بعد حل قيوده فارس : شوفت بسيطة ازاى ؟؟ هرب ديفيد من امامه يجرى واشار لرجاله فهجموا على فارس ولكن ضربهم فارس بشده وكان البعض يطلق النار وكان فارس يتفاداها ويجرى بسرعة شديدة ويطيح بهم وقضى عليهم جميعا فى اقل من دقيقة واخذ يجرى وراء ديفيد الذى صعد فوق المخزن وقفز الى مكان اخر وكان خلفه فارس يقفز من فوق الابنية ويطارده وكان ديفيد يطلق النار بسلاحه وهو يجرى على فارس وكان فارس يجرى بسرعة شديدة ويتفادى الرصاص حتى وقف ديفيد ورفع الرشاش تجاه فارس واطلق النار وفارس يجرى بسرعة شديدة حتى تعلق فى حبل وقفز بصورة مفاجأة على ديفيد فأوقع منه السلاح وامسك رقبته فارس : كنت ناوى اسيبك بس اللى باعتك لازم يعرف انى مش سهل زى ما هو فاكر ديفيد : هيقتلوك ، متقدرش تقتل حد من المخابرات الأمريكية فارس بعصبية : لا اقدر وانت اول واحد ضغط فارس على رقبته بشده ثم قام بلفها فكسر رقبته واوقعه ارضا ووقف يتنفس بشدة وينهج .... **************************** (عودة الى وقت هروب فارس من المختبر) رامى : اديك دورت وملقتش حاجة ممكن بقى تتفضل الظابط : قول لفارس لما تقابله انى مش هرحمه ، قوله المقدم خالد الدسوقي حطك فى دماغه يوسف : ممكن تتفضل بقى يا خالد !! خالد : ماشى يا يوسف انا ماشى رحل المقدم خالد وبقى يوسف وجاسر ورامى ومى وسلمى وعبدو يوسف : يلا يا جاسر علشان نشوف ورانا اية عبدو : وانا هروح علشان كلمونى فى البيت مى : وانا هضطر اروح سلمى : انا هفضل هنا وجدت سلمى ان رامى هو الباقى ايضا سلمى : لا لا هروح انا كمان رامى : هتروحى ؟؟ والحاجات اللى طلبها منك فارس على الكمبيوتر ؟ سلمى : اها صح ، طيب انا هقعد رحل الجميع وبقى رامى وسلمى جلست سلمى امام جهاز الكمبيوتر وظلت تكتب فى عدة اكواد وتفتح صفحات كثيرة رامى : تحبى اساعدك ؟ سلمى : مش هتفهم فى الاختراق والكودينج رامى : كنت باخد كورسات جمب دراستى وفاهم طبعا سلمى : طيب عيزاك تجهز البارت ده وهتكتب اللينك ده مع كل كود وانا هخلص هنا ونجمعهم فى الاخر رامى : تمام ***************************** مايكل : ديفيد مات محمد : انت بتقول اية ؟؟ ازاى مايكل : فارس خلص عليه وخلص على كل رجالته محمد : لوحده !! مايكل : انت نسيت انه البرق محمد بإبتسامه : اهااا ، على اد ما اننا خسرنا حد من رجالتنا على اد ما انى فرحان باليوم ده ، جيه الوقت انى اظهر مايكل : بس ده خطر دلوقتى محمد : i know لكن مينفعش اتأخر اكتر من كدا ***************************** فارس هاتفيا : ايوة يا چوو ، انا عايزك تجيلى المختبر حالا ، الموضوع اكبر مما تتخيل يوسف : انت بتقول اية ؟؟ فارس : زى ما بقولك كدا حصلنى على المختبر انطلق فارس الى المختبر ووصلت مى بعد ان اتصل بها فارس فارس : سلمى انا عايزك تخترقى مدينة الانتاج الاعلامى وماسبيرو وكل اشارة للتلفزيون فى مصر وكل ترددات القنوات الفضائية المصرية سلمى : نعم انت بتقول اية ؟ فارس : هتعرفى ولا اية ؟؟ سلمى : هعرف بس موعدكش لان كدا هيبقى صعب جدا رامى : انت ناوى على اية يا فارس فارس : هتعرف دلوقتى ، جهزلى 3 كاميرات وحطهم هنا ووصلهم بجهاز الكمبيوتر ده رامى : تمام وصل يوسف يوسف : انت ناوى على اية ؟ فارس : مش عايزين فارس ؟؟ انا هوريهم مين فارس يوسف : هتقول انك البرق فارس : ايوة يوسف : واية اللى هيساعدك فى كدا ، الفيديو واضح فارس : هتشوف ، ها جهزت الكاميرات يا رامى ؟ رامى : كلو تمام مى بقلق : فارس انت واثق من اللى بتعمله ده ؟ فارس وهو يمسك يداها : واثق مليون فى المية ، زى ما واثق انك كل حياتى رجعت مى بالذاكرة حينما رجعت منزلها flash back احمد : اية يا حبيبتى ، قولتيلو على الميعاد ؟ مى بتوتر : هااا....ااا..اصل حصل عنده ظروف وهيأجل الميعاد التفت احمد الى شاشة التلفاز ليجد خبر عاجل " هروب فارس محمد اكرم قاتل السفير الأمريكى" احمد : مى ، ده فارس اللى عايز يتقدملك وصورته مى بقلق : عرفت صورته منين احمد : عبدو بعت صورته لأمك على الواتس مى : ااا...اهااا احمد : هى دى بقى الظروف !! قتل وهرب كمان !! مى : بابا ده برئ احمد : برئ اية !!! هو ده فارس بقى اللى كله بيتكلم عنه انه قتل السفير ، انا لسة واخد بالى مى : بابا اصل ..... احمد بحدة : اصل اية ؟؟ عايزة تتجوزى قاتل والله اعلم قتل مين تانى مى : فارس برئ احمد : وأية اللى يثبت ؟ مى بدموع : علشان ..... علشان فارس يبقى البرق ... back فارس : مالك سرحتى فى اية ؟ مى : هاا لا مفيش سلمى بفرح : اخترقت الشبكة كلها ، التلفزيون بقنواته واى اشارة بقت ملكنا دلوقتى فارس : حلو اعملى كونكت بقا مع الكاميرات وجهزى البث سلمى : تمام (تحولت شاشات التلفزيون على كل القنوات الى اللون الاسود وكل شاشات العرض فى الشوارع والميادين الى اللون الاسود وظهرت علامة وتحتها "بيان هام من البرق" ) انتبه جميع الافراد فى المنازل وفى الشوارع وفى كل مكان حتى الذى يتصفح الانترنت وبث مباشر على الفيسبوك واليوتيوب رأى عبدو ذلك فأنطلق بأقصى سرعته الى المختبر الظابط خالد : فيه اية يا اشرف ، التلفزيون وكل حاجة اتسيطر عليها اشرف : معرفش يا فندم بس مكتوب بيان من البرق خالد : البرق هيخترق التلفزيون !! اشرف : هو ده المكتوب اللواء طارق : خالد خاااالد !!! خالد : ايوة يا فندم طارق : عايزك تعرف التشويش على البث ده منين فورا ، الاتصالات عمالة ترف على دماغى خالد : حاضر يا فندم .... عبدو : فيه اية يا فارس فارس : هتعرف دلوقتى سلمى : كل حاجة جاهزة يا فارس ، هحطلك العد التنازلي علشان تظهر فارس : تمام ارتدى فارس بدلته وقناعه ووقف امام الكاميرات وبدأ العد التنازلي الذى ظهر على شاشات جميع القنوات واتفت الناس حول الشاشات ليعرفوا ما هذا وكل من يتصفح الفيسبوك دخل البث المباشر وايضا محمد الذى كان يتحدث مع مايكل وأحمد والد مى ووالدتها ووالدة عبدو ووالده واخوته وصابر وزوجته فريدة كل شخص فى مصر وايضا خارجها كان يرى هذا البث وبدأ العد التنازلي ... 5 4 3 2 1 0 فارس : طبعا كلكم مستغربين من اللى حصل ده ، اختراق القنوات والبث والاشارة بس دى كانت الطريقة الوحيدة ، طبعا انتوا عارفين انا مين ، انا البرق ، انا اللى اتعذبت فى حياتى كتير واهلى اتقتلوا وانا طفل ، حصلت المعجزة ودكتور غريب اللى تعرفوه كلكم بأختراعه مكنش اختراع زى ما قال ، بالعكس ده كان انفجار علشان البرق يضربنى وابقى البرق اللى انتوا شايفينه عمل كدا علشان هو اللى قتل اهلى ورجع من المستقبل علشان يعمل كدا بس حظه انه معرفش يرجع تانى فقرر يصنع البرق اللى قدامكم ده علشان ارجعه المستقبل تانى لولا انى كشفته انا وكل اللى ساعدونى (رامى - مى - يوسف - عمى - اختى - جاسر واخيرا شهد اللى بعتبرها برضو اختى ) كل ده حصل ومحدش على علم بيه ، كنت كل يوم بمر بموقف صعب وكمان كنت بواجه الناس اللى عندهم قوات خارقة اللى شوفتوهم دول ، كانوا ناتجين عن الانفجار برضو وبعد ما رجعت بالزمن قابلت فارس المستقبلى وقصته هى ... وبدأ القص عليهم لغاية اما قوة يوسف بقت مفيش حد يقدر يمتلكها غير عبدو ابن خالة مى اللى معانا فى التيم هنا ، تعالى يا عبدو عبدو بفرح : اية ده انا هظهر على التلفزيووون ذهب عبدو ووقف بجوار فارس فارس : هو ده البرق الصغير علشان تبقوا عارفين كل حاجة الام وهى تشاهد التلفاز بصدمه : ده عبدو !!! الاب : اية ده انا مش فاهم حاجة فارس : اما عنى فأنا خلع فارس قناعه ، صدم الجميع ، كل من يشاهد شعر بالصدمة ، هو الشخص المشهور بقتل السفير الأمريكى فارس : انا فارس محمد اكرم ، ايوة فارس اللى اتهموه بقضية قتل والحوار دخل فى منظمات ومخابرات امريكية والموضوع كبر جدا زيادة عن اللزوم انتم تصدقوا ان البرق اللى بيحميكم وساعد الشرطة والجيش فى القبض على المتحويلين انه يقتل !! الفيديو اللى اتنشر كنت انا فيه لكن مش انا فيه حد بيعمل مؤامرة عليا علشان يوقعنى وبعدها يقدر يسيطر على البلد دى واكيد عنده نفس القوة الخارقة دى وبأختفائى ساعتها هيبقى سهل اوى بالنسباله انه يسيطر على البلد بحالها ويخضعها ليه طبعا الشرطة بعد ما عرفت اكيد مش هيصدقوا وهيقبضوا برضو على البرق اللى ساعدهم علشان الموضوع يخص دولة اجنبية وهى دى حكومتنا ، بينسوا اللى اتعمل علشانهم لمجرد موقف حصل انا لية بكلمكم ؟؟ علشان انا وقفت جمبكم كتير وجيه الوقت اللى تقفوا جمبى فيه ، جيه الوقت اللى تساعدونى فيه على مواجهة الشر ده ، البرق اللى عرفتوه بيطب منكم تقفوا جمبه ، كلمتكم بشخصيتى الحقيقية علشان ابقى واضح معاكم انا عارف ان اختراق البث جريمة بس الموضوع مكنش ينفع يتسكت عليه اتمنى تكونوا اتفهمتم موقفى ده ، انا واثق فيكم ، واثق فى شعب مصر العظيم السلام عليكم ورحمة الله وبركاته " عاد البث مرة اخرى وبدأت جميع البرامج فى اذاعة البيان مرة اخرى وبدأ الجميع فى كل مكان يتحدثون ويتعاطفون مع فارس وكانت الشوارع كلها تتحدث فى موضوع واحد وهو البرق انتهى فارس وحاصرت الشرطة المبنى ودخل اللواء طارق ومعه المقدم خالد الدسوقي طارق : انت مطلوب القبض عليك ، اتفضل معانا ، المكان كله محاصر فارس : حتى بعد ما عرفتوا انى البرق ؟ طارق : مفيش حد فوق القانون فارس : لا والله بتهزر !! طيب انا جاى القوا القبض على فارس ووضعوا فى يده كلبش ليمنعه من استخدام قواه وخرجت الشرطة من المبنى ومعهم فارس وكان بأنتظارهم الصحفيين والكاميرات التى تنقل بث مباشر للقبض على " البرق " المذيعة : ننشر لحضراتكم بث مباشر للقبض على فارس محمد المعروف بالبرق كان الجميع يشاهد فى غضب تم ترحيل فارس على السجن لحين الحكم عليه محمد : لازم نعمل حاجة مايكل : هتنقذه ؟؟ محمد : لازم انقذه ، مش ابنى !! ..... مى بدموع : هنعمل اية سلمى بحزن : مش عارفة ، اية ده بس رامى : الحل اية يا جوو يوسف : انا مش عارف افكر جائت شهد بسرعة شهد : فين فارس !! رامى : قبضوا عليه شهد : اية ؟؟ مى : ده اللى حصل رن هاتف عبدو فخرج لكى يرد عبدو : ايوة يا بابا ، ايوة صح ، هبقى افهمك لما ارجع المهم دلوقتى ..... يووه ايوة يا ماما ، حاضر ، هحكيلك لما ارجع ، طيب ، حااضر والله هقولك على كل حاجة ...... يوووه ايوة يا زفت ، غور يلااا اغلق عبدو معهم ووصله اشعار من الفيسبوك ففتحه وصدم مما رأى جميع المنشورات تدعوا للتظاهر فى الميادين فى الحال دخل عبدو بسرعة عبدو : الحقوا الحقوا رامى : فيه اية ؟؟ عبدو : فيه دعوات مالية الفيس بالخروج للتظاهر احتجاج على القبض فارس ، الفيس كله ملوش موضوع غير ده مى : يعنى اية رامى بفرح : لو ده حصل بجد يبقى فارس هيخرج ، هيخافو ويخرجوه سلمى : انا مش متطمنة يوسف : ربنا يستر ******************* خالد : بقى عملى فيها هكر يا روح امك وبتخترق البث ؟؟ لا وقال اية انا البرق ، يعنى اية البرق يا روح ماما ؟ فارس : يعنى اللى انقذ حياتك وانت قاعد جنب المدام فى البيت صدم خالد من رد فارس وقام ولكمه فى وجهه خالد : انا اللى هخليك مدام يابن ال***** دلوقتى فارس بعصبية : متجبش سيرة امى على لسانك يا ابن ال*** وحياة امك ما هسيبك ، اللى مانعنى عنك الكلبشات خالد : افكلك الكلبشات وتجيلى راجل لراجل ؟؟ فارس : ومش هستخدم قوتى ، وهوريك انا هعمل اية خالد : امين فك خال الكلبشات لفارس ووقفا امام بعضهم فى غرفة التحقيق وهجم فارس بكل عصبية على خالد واوقعه على المكتب وظل يلكمه بشدة وبدون رحمة حتى اصبح وجهه مليئ بالدماء وتركه فارس ولبس الكلبشات مرة اخرى وجلس دخل اللواء طارق وكان المشهد صدمة كبيرة له طارق : انت عملت اية ؟؟ فارس : جاب سيرة امى ودى النتيجة طارق بعصبية : اشرررف جاء اشرف : اوامرك يا فندم طارق : خد البرق تحت وفسحوه ، عايزه يتبسط اشرف : تمام يا فندم اخذ اشرف فارس رن هاتف طارق فرد طارق : ايوة يا فندم ، سعادتك بتقول اية ؟ حاضر حاضر ، كل حاجة هتبقى تحت السيطرة سعادتك خالد !!! خالد وهو يتألم : راح فين ، راح فين ؟؟؟ طارق : هتعمله اية يعنى ده بوظك خالص ، اغسل وشك وفوق بسرعة خالد : خير يا فندم طارق : البلد مولعة والشوارع مليانة مظاهرات وسيادة الوزير كلمنى بنفسه خالد : اييييية ، كل ده علشان الواد ده ؟ طارق : ايوة ، يلا بسرعة وجهز قوة كبيرة علشان نسكت العيال اللى بيتظاهرو دول خالد : حاضر سعادتك *********************** امتلئت الشوارع والميادين بالمتظاهرين و ارتفع صوت الهتافات المعارضة " رجعولنا البرق ، رجعولنا البرق " " الشعب يريد حكومة من جديد " " البرق حمانا كتير راحو حابسينه فى سجن كبير " " الشعب يريد البرق رئيس جديد " " يا حكومة ساكتة ليه اخرسيتى ولا اية " " رجعولنا البرق ، رجعولنا البرق ، رجعولنا البرق " المذيعة : هكذا المشهد ، الجميع ينادى بحرية البرق بعد ما حدث والشوارع مشتعلة بصوت المصريين الداعيين لتحرير البرق وتغير الحكومة رامى : الموضوع كبر اوى والشوارع مقفولة وميدان التحرير منعوا الناس من دخوله بس قاوموهم ودخلو مى : ومفيش اي اخبار عن فارس رامى : لا مفيش سلمى : انا قلقانة اوى على فارس رامى : ربنا يستر ، يوسف راح وهيطمنا التف رجال الشرطة حول فارس ليضربوه ويعذبوه فارس : انا مش عايز اضر حد ، انتم شوفوا حاجة منى وحشة ؟ رد احد رجال الشرطة : ده انقذ مراتى وبنتى فى مرة لما هجم واحد من المتحولين رد رجل شرطة اخر : وانا ابنى كان فى المبنى اللى كان بيتحرق وهو انقذه وبدأ الجميع فى الكلام وانتهى بهم الحديث بأنهم لن يأذوه نهائيا فارس : يعنى كلكم واقفين معايا ؟ احد رجال الشرطة : البلد كلها واقفة معاك ، مصر كلها مظاهرات علشان تخرج فارس : بتقول اية !!! تغيرت الهتافات الى هتاف واحد اخذ يتكرر " الشعب يريد إسقاط النظام " " الشعب يريد إسقاط النظام " ************************************************ توقعاتكم وربنا يستر بقى من نهاية الحلقة اشوفكم بكراااااااا #Abdo عبدووو | ||||||||
|
| |
|
22-07-19, 03:56 PM
| #17 | ||||||||
| مراقبة عامة ومشرفة منتدى الروايات المنقولة
| الحلقة السادسة بقلم / عبدالرحمن احمد طارق بخوف : ايوة يا فندم ، بس .... ، يافندم هنسكتهم ، اوامر سعادتك خالد : فيه حاجة يا فندم !! طارق : طلع قرار إخلاء سبيل ل الواد اللى جوا ده خالد : فارس ؟ طارق بضيق : ايوة خالد : بس .... طارق مقاطعا : نفذ يا خالد خالد : اوامر سعادتك دخل خالد الى الزنزانة ونظر لفارس بغضب خالد : هتروح بس حط فى دماغك ان خالد الدسوقى لما بيحط حد فى دماغه بيبقى هو شغله الشاغل ، مش هرحمك فارس : اية اخبار الجروح اللى فى وشك دى ؟ انا عندى مرهم كويس للجروح والكلام ده لم يقدر خالد على التحرك فارس : عمرك شوفت واحد بيضرب الظابط فى القسم وفى نفس اليوم ياخد اخلاء سبيل ؟؟ احب اعرفك بيه ... فارس محمد اكرم ********** المذيع : خبر عاجل ... إخلاء سبيل فارس محمد اكرم المعروف بالبرق فى قتل السفير الامريكى وشكلت الرئاسة فريق متخصص للبحث عن المجرم الحقيقى رامى : هههههههه مش قولتلكم مى : انا مش متطمنة برضو ، حاسة انهم بيعملوا كدا علشان يهدوا الناس ومخبين حاجة سلمى : ربنا يستر ، امال فين عبدو ؟ رامى وهو ينظر حوله : معرفش ، راح فين ده وصل فى هذه اللحظة فارس ورحب الجميع به واحتضن اخته ومى .... وصل خبر خروج فارس للمتظاهرين فأرتفعت الاصوات فرحا وزادت الهتافات اكثر واكثر .... " الشعب يريد إسقاط النظام " .... فارس : امال فين عبدو !! مى : كان هنا وفجأة اختفى فارس : تلاقيه..... لم يكمل فارس كلامه حتى رن هاتفه برقم غريب فارس : ايوة ؟ مين معايا ! - : مبروك للبطل اللى مصر كلها خرجت علشانه فارس : الله يبارك فيك ، مين ؟ - : انا الكابوس اللى مش هتخلص منه نهائى ، كدا افتكرت انك كسبت الناس علشان اللى حصل ؟؟ احب اقولك ان ده كان تسخين بس ، الجد لسة جاى شاور فارس لسلمى واشار للهاتف ثم اشار للكمبيوتر بمعنى انها تعرف مكان المتحدث وفهمت سلمى وبالفعل وصلت بهاتف فارس وظلت تبحث عن مكان الرقم وتحدد مكانه وكان فارس يطيل معه الكلام حتى تعرف سلمى مكانه فارس : انتو مين ؟؟ انا مبقتش فاهم حاجة خالص - : هو ده المطلوب ، انك متفهمش حاجة واحب ابلغك ان البرق الصغنن معانا هههههه فارس بعصبية : لو عبدو حصله حاجة اقسم بالله ما هرحمكم - : تشااو يا برق فارس : عبدو معاهم ، هااا يا سلمى حددتى المكان ؟؟ سلمى : ايوة العنوان اهو ، هبعتهولك على الموبايل انطلق فارس بأقصى سرعة فى لهذا المكان فوجده مبنى تحت الإنشاء انطلق فارس بأقصى سرعته وبحث فى المبنى بأكمله فارس : مفيش حد يا سلمى انا فتشت المبنى كله سلمى بصدمة : الموقع اتغير مش عارفة ازاى فارس : ابعتى الموقع الجديد ارسلت له المكان الجديد وانطلق لكنه وجدها ارض خالية فارس : مفيش حاجة يا سلمى ، ارض فاضية سلمى بخوف : المكان بيتغير كل شوية ، شكلهم عارفين اننا هنعرف المكان وعاملين حسابهم عاد فارس بخيبة امل شديدة سلمى بدموع : انا اسفة انا معرفتش المكان مظبوط فارس وهو يمسك يدها : ده مش غلطك انتى ، مش عايز اشوف دموعك دى نظر فارس فوجد مى لا تنطق وعلى عينها دموع فارس : متقلقيش هرجع عبدو ، ان شاء الله هرجعه مى بدموع : لو حصله حاجة هكون انا السبب ، انا السبب فى انه يجى هنا وانه يتعرف عليك ويبقى عنده سرعة ، انا السبب فارس : لا يا مى انا اللى غلطت ، غلطت لما كشفت نفسى وغلطت لما كشفت عبدو رامى : مكنش ينفع تطلع وتقول انك البرق وتعرف الناس شخصيتك ، كدا هتعرض كل اللى تعرفهم للخطر ، اى حد عايز يأذيك هيستخدم حد من قرايبك او صحابك فارس : والحل ؟ رامى : مش عارف فارس : بس انا عارف انطلق فارس ودخل بداخل المسرع ولف بكل سرعته حتى فتح مجال ودخله وهو يفكر فى ذلك اليوم الذى كشف فيه عن نفسه عاد فارس بالزمن الى هذا اليوم ودخل المختبر ليرى المشهد يتكرر (الماضى) فارس : سلمى انا عايزك تخترقى مدينة الانتاج الاعلامى وماسبيرو وكل اشارة للتلفزيون فى مصر وترددات كل القنوات الفضائية في مصر سلمى : نعم انت بتقول اية ؟ فارس : هتعرفى ولا اية ؟؟ سلمى : هعرف بس موعدكش لان كدا هيبقى صعب جدا دخل فارس الاصلى : استنى يا سلمى متعمليش حاجة فارس بقلق : انت من المستقبل ؟؟ فارس الاصلى : ايوة واللى بتعمله ده هيتسبب فى حاجات كتيرة اوى وهيأذى كل حد قريب منك قص فارس الاصلى لفارس ما حدث وما حدث لعبدو فارس الاصلى : بس كدا ، واجه من غير ما تعرف حد حقيقتك ، انا هعمل كدا فارس : طيب ، خلاص يا سلمى متخترقيش حاجة سلمى : حاضر كان الجميع يشاهد بتعجب حيث ان هناك اثنان من فارس انطلق فارس الاصلى بكل سرعته فى المسرع واخذ بالدوران بكل سرعته حتى يعود الى الوقت الحالى وبالفعل ظهرت البوابة ودخل فارس وعاد الى الوقت الحالى ودخل الى المختبر مى : انت كنت فين ؟؟ هنعمل اية دلوقتى فى البوليس اللى بيدور عليك ؟ عرف فارس وقتها انه نجح فى تغير المستقبل والان لا يوجد احد يعرفه فارس : يعنى مأفرجوش عنى علشان المظاهرات ؟ رامى : انت شارب حاجة يا فارس ؟؟ فارس : اها مانجة بتسأل لية رامى : لا مفيش عبدو : ماذا عسانا ان نفعل رامى : ونبى اقعد يا حنظلة انت على جنب عبدو : حنظلة ؟؟ رامى : وابو ميمون كمان فارس : دلوقتى بعد ما خطفونى انا قتلتهم وده هيقوم عليا كله من كل ناحية سلمى : انا ممكن اخترق مركز البيانات بتاعة الشرطة دلوقتى واعرف هم بيخططوا لأيه عبدو : بلاش علشان لو عرفوا انك بتعملى كدا هتتسجنى فارس : ايوة كلامه صح سلمى : متقلقش محدش هيعرف انى اخترقت النظام عندهم ، انا مأمنة نفسى كويس فارس : طيب بس خلى بالك كويس مى : وانت دلوقتى هتعمل اية ؟ فارس بإبتسامة : هروح اطلبك من بابا مى : تطلب مين ؟؟ انت شارب حاجة ؟ فارس : هو لازم ابقى شارب حاجة علشان اجى اطلب ايدك ؟ مى : العالم كله بيدور عليك وانت عايز تطلب ايدى ؟ فارس : عادى وبعدين علشان اكون خلصت من الخطوة دى مى : انت محسسنى انك بتخلص فى بضاعة فارس : لا وحياتك بخلص فى عسل نحل ابتسم مى : وهتجيب مين معاك بقى فارس : لا اللقاء ده لازم اكون لوحدى وبعدها اجيب حد معايا علشان اكيد ابوكى عرف انى اللى بيتكلم عنه التلفزيون مى : فارس ، فيه سر فارس : سر اية مى : لما بابا واجهنى انك القاتل اللى التلفزيون بيتكلم عنه انا ممسكتش نفسى وقولتله انك البرق ، انا عارفة انها مشكلة صح فارس : المشكلة مش فى ان ابوكى عرف ، المشكلة فى انه لو حكى لحد ، يلا بينا نلحقه امسك فارس بمى وانطلق بكل سرعته الى منزلها ......... رن جرس الباب ففتحت ولاء الباب ولاء : مى حبيبتى خشى مى : فين بابا علشان معايا ضيف خرج والد مى احمد : اية ده فارس ، خش اتفضل انت واقف لية دخلت مى ودخل معها فارس ولاء هامسة : اية ده الله يخربيتك ، ده اللى البوليس بيدور عليه مى بهمس : هتفهمى دلوقتى جلس فارس مع احمد احمد : مى كلمتنى عنك وعرفت انك.... فارس : مقالتلكش انى البرق ومستحيل اعمل كدا احمد : ما هو ده اللى خلانى اصدقك ، انك البرق بس بردو مشوفتكش وانت سريع علشان احكم فارس : امممم طيب هز فارس يده بسرعة شديدة جدا وخرج منها شرارة كهربائية باللون الأحمر فارس : هاا احمد : كدا انا صدقت فارس : انا جاى اطلب ايد بنتك مى ، انا عارف انه وقت مش مناسب بس بأذن الله كله هيعدى وبعدها هيبقى الخطوبة مع كتب الكتاب علطول احمد : وانا موافق ، مش هلاقى حد احسن منك ويحافظ على بنتى ويحبها زيك فارس : تمام نقرأ الفاتحة احمد بإبتسامة : طيب بدأ فارس واحمد فى قراءة الفاتحة وكانت مى فى غاية سعادتها وامتلئ البيت بالفرح والبهجة ولاء : مبروك يا حبيبتى ، مفيش حد احسن من البرق هيصونك مى : مش كان مجرم من شوية ولاء : منا مكنتش اعرف انه البرق برضو *********** مايكل : ديفيد مات ودلوقتى المهمة صعبة محمد : البزنس بتاعنا ده عايز شوية صبر علشان المشروع الجديد هيستاهل المخاطرة دى مايكل : وفارس !! محمد : الاهم دلوقتى اقابله وساعتها هنبقى خلصنا من الخطوة دى مايكل : والمشروع ؟ محمد : هسافر النهاردة علشان اقعد مع الشركة المصنعة وننهى كل التجهيزات علشان عمليات الشحن لمصر مايكل : تمام وانا هشوفلك خطة تقابل بيها فارس محمد : تمام ************ فارس : اااا... مى : اية فارس : يخربيت كدا مش عارف افتح موضوع مى : هههههه طيب ولا تزعل فارس : تصدقى انك قمر اوى النهاردة مى : النهاردة بس ؟ فارس : لا انتى قمر كل يوم بس النهاردة بدر مى بكسوف : اية الكلام الحلو ده وبعدين انت ليك نفس تغازل فى وسط المصايب دى فارس : فكرتينى لية بس ما كنا كويسين وناسيين مى : بس دى حاجة متتنسيش يا فارس ، انت تقريبا متحاصر من الشرطة ومن الناس اللى خطفوك دول ومن اللى شبهك ده فارس : عدت مراحل اصعب من دى ، كلو هيعدى ان شاء الله مى : انت واثق من كدا ! لم يتحدث فارس لانه لمح شئ غريب يحدث ، لمح ليزر بالون الاحمر على قميصه مى : اية الليزر ده فارس بقلق : ابعدى يا مي مى : فيه اية يا فارس ؟؟ فارس : بقولك ابعدى رجعت مى للخلف وكان ذلك فى امام المختبر نظر فارس للمكان الذى يأتى منه الليزر ولكنه لم يلحق ، كان ذلك ليزر قناصة وبالفعل اطلق صاحبها الرصاصة على فارس سمعت مى صوت الاطلاق مع ضوء الليزر وصرخت مى : فااااارس رأى فارس بقوته الرصاصة وهى متجه ناحية قلبه واغلق عينه ومد يده ليمسك الرصاصة بسرعته كما فعل مع شهد سابقا لكن الرصاصة مرت ولم يستطيع الامساك بها وفجأة اتى عبدو بكل سرعته وامسكه انطلق به بكل سرعة قبل ان تصل الرصاصة لقلبه ببضع مليمترات وقع فارس وعبدو فارس وهو ينهج : انقذت حياتى عبدو : زى مانت انقذت حياتى ، قوم يلا علشان نروح مكان القناصة دى فارس : يلا انطلق فارس ومعه عبدو الى مكان القناصة التى كان يأتى منها الليزر وكان هذا الشخص يجرى بسرعة فأتبعه فارس وعبدو وامسكا به وظل فارس يلكمه بشده فى وجهه واسقطه ارضا فارس بصوت عالى : مين اللى باعتك يلا !! عبدو : هتنطق ولا هندفنك هنا ؟ لم ينطق هذا الشخص عبدو : ملوش لازمة يا فارس ، اقتله صاح هذا الشخص - : هقول هقول ، هو اللى قتل السفير الامريكى فارس : اللى هو مين بقى - : والله ما اعرف ، بس اللى اعرفه انه بيتحول لأى شخص هو عايز يتحول ليه يعنى ممكن يتحول لشكل حد منكم فارس : الاقيه فين ؟ - : معرفش والله ده حتى لما جالى كان لابس قناع على وشه علشان مشوفهوش ودفعلى الفلوس وادانى صورتك عزم فارس على قتل هذا الشخص عبدو : انت بتعمل اية فارس : هقتله عبدو: لا يا فارس متقتلوش ... ده تحت ايدك متقتلوش فارس : حظك حلو ، بس اقسم بالله لو شوفتك تانى لأقتلك انطلق فارس وعبدو الى المختبر مى : عملتوا اية ؟ فارس : اللى باعته واحد عنده قوة وبيتحول لاى شخص هو عايزه علشان كدا الفيديو كان انا اللى ظاهر فيه لكن مش انا ده هو ومتحول لشكلى مى : وعرف منين انك البرق ؟ فارس : معرفش بس كل اللى اعرفه انى لو مسكته وسلمته هيبقى ده براءتى رامى : محتاجين نحط خطة عبدو : وانا عندى خطة سلمى : خطة اية عبدو : شغلى الفيديو بتاع موت السفير ، عايزين ندقق فى كل ملمح للشخص ده ، انا واثق اننا هنلاقى حاجة تدلنا على مكانه فارس : عبدو عنده حق ، احنا مركزناش فى الشخص ده كويس فتحت سلمى الفيديو من جديد والتف الجميع حول الشاشة ليلاحظوا كل شئ لمح فارس شئ فارس : اية ده ، وقفى هنا يا سلمى ، ايوة كبرى الصورة بقا على ايدة سلمى : تمام فارس : وضحى الصورة بقى سلمى : تمام فارس بإستغراب : الخاتم بتاعه ده شكله غريب ومش فاكر شوفته فين رامى : فعلا الخاتم غريب شوية فارس : تعرفى تاخدى صورة الخاتم ده وتبحثى عنه فى كل قواعد البيانات اللى عندك سلمى : لحظة اخذت سلمى تبحث عن هذا الخاتم سلمى وهى ترفع يدها لفوق : يسسس رامى : هاا سلمى : الخاتم ده بيلبسوه كل اللى بيشتغلوا فى حديد الكارم وكان فيه شحنة بتتسلم فى القاهرة قريب من المختبر ليلة انفجار المسرع فارس : يعنى اتعرض للأشعاع بتاع الانفجار وبقى متحول سلمى : بالظبط فارس : مين اللى كان مع الشحنة دى سلمى : هيثم وائل ، كان هو اللى مع الشحنة واعلنوا اختفائه بعد انفجار المسرع ومحدش عرفله مكان لغاية دلوقتى عبدو : كدا عرفنا بنواجه مين ، ناقص نروح المصنع ده ونجيب عنوانه او اى حد قريب ليه اكيد هيروح فى حتة من دول فارس : ممكن سلمى تخترق نظامهم وتجيب معلومات عن مكانه وكدا سلمى : للأسف مبيحفظوش معلومات العمال على الاجهزة بتاعتهم رامى : اممممم مى : خلاص هروح انا وعبدو نسأل ونشوف فارس : لا لا هروح انا رامى : مينفعش علشان انت كله عارف انك مجرم دلوقتى فارس : هروح بصفتى البرق رامى : وافرض مراقبك !! ساعتها هتبقى مكشوف وهيهرب عبدو : بالظبط علشان كدا هروح انا ومى رامى : وانا هقعد انا وسلمى نخلص الاكواد اللى كنا بنعملها ***************** هيثم : غبى ... قولتلك تخلى بالك علشان عنده سرعة وانت حمار - : والله كان هيموت لولا البرق الازرق انقذه هيثم : شكله اية البرق الازرق ده ؟ - : معرفتش اشوف وشه علشان كان لابس قناع هيثم : امممم طيب ، الضعيف ملوش مكان معايا ورفع السلاح واطلق النار عليه واخذ يفكر فى هذا البرق الجديد .. ************* وصل عبدو ومعه مى الى المصنع عبدو : لو سمحت احنا صحفيين وبنعمل تقرير عن العمال والموظفين اللى بيختفوا اثناء شغلهم - : اها اهلا وسهلا مى : كنا عايزين نسأل عن عامل كان شغال هنا واختفى من فترة اسمه .... عبدو بهمس : الله يخربيتك انتى لحقتى نسيتى عبدو : اسمه هيثم وائل - : اهااا هيثم ده كان مع شحنة الحديد اللى رايحة الكامر اللى جنب المختبرات بتاعة ستار اللى انفجرت بس من ساعتها اختفى ومحدش يعرف عنه حاجة لغاية دلوقتى مى : طيب مفيش اى عنوان ليه - : انا معايا عنوانه وعنوان بيته القديم بس يعنى ممكن اسمى وصورتى يتحطوا مع التحقيق ده فى الجرنال عبدو : اها طبعا طبعا ومعاهم شكر كمان - : طب مانتو مش صورتونى عبدو : مش صورتونى !!! طيب هنصورك امسك عبدو بهاتفه وقام بتصويره عبدو : كدا تمام !! ممكن بقى تقولنا على العنوان - : ممكن اعرف بس التحقيق ده هينزل امتى علشان اشوف صورتى عبدو : يارب ارحمنى ، اقسم بالله لو ما قولت العنوان دلوقتى ما هينزل صور ولا تحقيق - : طيب طيب العنوان اهو ........ مى : شكرا - : مقولتوش هينزل امتى بقى عبدو : ان شاء الله يوم التلات الجاى بعد صلاة الجمعة - : ماشى شكرا رحل عبدو ومى - : اية ده !! يوم التلات ازاى بعد صلاة الجمعة ؟؟ ............... مى : انت رايح فين عبدو : روحى بس قولى العنوان لفارس ، انا رايح بس لواحد صاحبى كدا مى : واحد صاحبك ولا سهوة عبدو : مشكلتى انى مبعرفش اكدب ومشكلتك انك فاهمانى مى : امال اية ده انا حفظاك اكتر من نفسى عبدو : خليكى فى حالك يا ماما ويلا هشش مى : حاضر ههشش بس سلملى عليها عبدو : حاضر ............... دخل فارس لغريب غريب : اهلا بالبرق اللى انا صنعته فارس : انت كلمت عبدو بخصوص اللى انت عارفه ؟ غريب : ايوة وللأسف مرضيش يسمعنى فارس : انت عارف لو قولت لعبدو على حاجة انا هعمل فيك اية ؟ غريب : عادى لو مقولتلوش بس اليوم اللى مش عايزه يعرفه ده هيجى وساعتها انت اللى هتندم فارس : هحاول اغير المستقبل ده زى ما غيرت مستقبلى ، مش هسمح لحاجة زى دى تحصل ابدا حتى لو كان تمن ده هو موتى ..... فاااهم !! حتى لو كان تمن ده موتى .... ************************************************** *** اية هو السر اللى فارس وغريب عارفينوا ؟ ياترا الحلقة تستحق كام لايك ؟ #Abdo عبدووو | ||||||||
|
| |
|
22-07-19, 03:58 PM
| #18 | ||||||||
| مراقبة عامة ومشرفة منتدى الروايات المنقولة
| الحلقة السابعة بقلم / عبدالرحمن احمد غريب : عادى لو مقولتلوش بس اليوم اللى مش عايزه يعرفه ده هيجى وساعتها انت اللى هتندم فارس : هحاول اغير المستقبل ده زى ما غيرت مستقبلى ، مش هسمح لحاجة زى دى تحصل ابدا حتى لو كان تمن ده هو موتى ..... فاااهم !! حتى لو كان تمن ده موتى .... ********** سهوة : عندى ليك خبر حلو عبدو : مع انى مش مصدقك بس اية هو سهوة : النتيجة هتنزل بكرا عبدو : وده بزمتك خبر حلو !! سهوة : وانا اللى فكراك هتفرح عبدو : ده انا هيجيلى كوابيس لغاية اما النتيجة تطلع وبعدين ما تسيبى ام تلفونى فى حاله سهوة : اية ده انت متصور مع البرق ؟؟ عبدو : ودخلتى على الصور كمان ؟ هاتى يا سهوة ربنا يهديكى سهوة : اتصورت معاه ازاى طيب عبدو : عادى ، انا وهو صحاب اصلا سهوة : خلاص يبقى تخلينى اقابله هو والبرق الازرق صاحبه عبدو : ان شاء الله السنة اللى جاية زى دلوقتى كدا سهوة : مش بهزر يا عبدو عبدو : ربنا يسهل وبعدين عملتى اية فى الرواية اللى ادتهالك سهوة : تحفة ، انا مش مصدقة انك اللى كاتبها ، انت اكيد سارقها عبدو : سارقها !! هو ده اللى ربنا قدرك عليه ، تصدقى انا غلطان ، اها والله غلطان سهوة : خلاص بقى متزعلش انا بهزر عبدو : مش زعلان يا ستى ومتنسيش لما النتيجة تطلع تتصلى بيا سهوة : اوك وصلنى بقى علشان متخطفش عبدو : تتخطفى !! فى عز الضهر ؟ طيب اتفضلى يا سهوة ، ربنا يصبرنى على ما بلانى ************* وصلت مى الى المختبر فارس : ها عملتى اية مى : ده عنوانه الجديد وده عنوانه القديم فارس : حلو اوى ، انا لازم اروحله دلوقتى مى : استنى لما عبدو يجى ويروح معاك فارس : عبدو لسة بيتدرب ومش جاهز ، هروح انا وبعدين ده بياخد الشكل بس مش القوة فهيكون سهل اوقعه مى : طيب خلى بالك من نفسك فارس : ان شاء الله خير انطلق فارس الى العنوان الجديد وظل يبحث لكنه لم يجد احد فقرر الذهاب الى العنوان القديم دخل فارس الشقة وظل يمشى بضع خطوات لكن تفاجئ بمن يضع حقنة مخدر فى رقبته وافقدته الوعى هيثم بإبتسامة : اما نشوف بقى لما اخش وسط التيم بتاعك بشكلك هيحصل اية ... قيد فارس بشدة وحبسه وقرر الذهاب للمختبر بشكل فارس وهيأته وصل هيثم الى المختبر بشكل فارس ، كان يشبهه تماما مى : ها عملت اية ؟ روحتله العنوانين هيثم : ااا...اه رحتله وملقتوش فى العنوان مى : طيب وهنعمل اية هيثم : مش عارف رامى : مالك !! حاسك متغير كدا هيثم : لا يا عم مش متغير انا كويس اهو مى : فارس تعالى هنا لحظة كدا هيثم : طيب اقترب هيثم من مى وسرعان ما امسكت مى خشبة كبيرة وضربته يها بشدة على رأسه ففقد الوعى سلمى : بتعملى اية !!! رامى : الله يخربيتك انتى اتهبلتى !!! مى : ده مش فارس رامى : مش فارس ازاى يعنى ؟ مى : طريقة كلامه متغيرة وكمان لابس الخاتم ده سلمى : اية ده ، الخاتم ... امال فين فارس مى : اكيد لما فارس راح عمله كمين وحبسه هناك رامى : طب يلا بينا يا مى نروح نجيبه ، انا هكلبشه وهحطه فى الزنزانة اللى جنب غريب واجى معاكى بالفعل انتهى رامى وذهب هو و مى الى المنزل القديم وظلوا يبحثوا حتى وجدوه مقيدا وقاقد الوعى مى : كويس انى عملت حسابى رامى : هتعملى اية مى : هديلو الحقنة دى ، هتخليه يفوق رامى : طيب اعطت مى لفارس الحقنة ومرت دقيقة وفاق فارس فارس : انا فين رامى : هيثم عمل منك بطاطس محمرة وحبسك هنا وجيه لينا على اساس انه انت بس على مين ، كشفناه علطول نظرت مى لرامى رامى : قصدى يعنى مى كشفته وادته ضربة على دماغه نيمته ودلوقتى هو معانا فارس وهو يمسك رأسه ويتألم : طيب يلا بينا نروحله ***************** يوسف : جاى بعد السنين دى كلها وعايز تقابله وتصارحه !! محمد : متنساش يا يوسف انه ابنى ومن حقى اشوفه واتكلم معاه ويعيش معايا كمان يوسف : فارس لو عرف انك عايش المدة دى كلها وسايبه كدا هيكرهك وسلمى نفس الحكاية محمد : ما لما يعرف السبب ساعتها هيفكر ويسامحنى يوسف بحدة : سبب !!! سبب انك بعته لغريب علشان يقتله بعد ما يسفره بالزمن !! سبب انك السبب فى قتل مراتك اللى هى امه !! محمد : يعنى كنت عايزنى اعمل اية يا يوسف ؟ يوسف : مفيش حاجة تتعمل تانى بعد اللى عملته ، انت متعرفش فارس عاش حياة معقدة وحالته النفسية كانت عاملة ازاى ، انت دمرته وانا اللى خليته يتحكم فى نفسه ويسيطر على غضبه فارس لو عرف كل اللى عملته فيه مش بعيد يقتلك محمد : انا هقابله وافهمه كل حاجة يوسف : لو ناوى تاخد فارس معاك فى الطريق بتاعك يبقى تنسى لان فارس طول عمره بيحب الخير وعمره ما هيمشى معاك فى الطريق ده ولو قرر يبقى معاك انا اللى همنعه .. فاااهم !! انا اللى همنعه ****************** عاد فارس الى المختبر وارتدى قناعه ودخل امام ذلك الشخص هيثم : زى ما اتحولت للشكل اللى عليه ده هتحول لشكلك وانت لابس البدلة وبالفعل تحول لذلك الشكل ونظر لرامى وتحول لنفس شكله فارس : شكرا على الدليل ، صورت كل اللى حصل يا رامى رامى : اوف كورس ، امال انا سيبته بقوته ليه فارس : دلوقتى نسلمه ونثبت البراءة بالفعل تم تسليم الادلة وسلم فارس نفسه وانتهت الإجراءات وتم الافراج عن فارس ... *********** فارس : الحمدلله كدا خلصنا من كل الضغوط اللى علينا رامى : واللى خطفوك دول !! فارس : اكيد علشان كانو فاكرينى القاتل بس لما عرفوا القاتل الحقيقى يبقى التهديد ده راح عبدو : الحمدلله كدا بقى تبدأ تدربنى فارس : طيب خليها بكرا علشان النهاردة هروح اخطب بنت خالتك عبدو : اية ده بجد !! مبرووك فارس : الله يبارك فيك رامى : امال فين مى فارس : راحت تظبط الدنيا علشان هروح ، يلا يا سلمى سلمى : انزل انت وانا جاية وراك فارس : طيب متتأخريش خرج فارس عبدو : انا هدردش مع غريب شوية رامى : خد هنا يلا تدردش مع مين !! ده لو فارس سمعك هيولع فيك وبعدها يحرقك عبدو : اية ده !! دول نفس المعنى رامى : اها تصدق ، ما علينا يلا هش عبدو : طيب بقى رامى وسلمى سلمى : رامى انا كنت عايزة اقولك...اااا....انا اسفة على اللى قولتهولك رامى : مش زعلان ، عادى سلمى : طب لو قولتلك انى ... انى ... اااا رامى : انك اية سلمى بتوتر : انى معجبة بيك بردو رامى بفرح : بتهزرى ولا بتهرجى ؟؟ سلمى : ولا ده ولا ده ، انا بتكلم بجد رامى : مش مصدق نفسى ، اقرصينى يمكن بحلم سلمى بكسوف : نبقى نكمل كلامنا بعدين علشان متأخرش على فارس رامى بفرح : ماشى ************* عبدو : الو ، مين معايا سهوة : انت مسحت رقمى ولا اية عبدو : الصوت ده مش غريب عليا ، مين معايا سهوة : انا سهوة ، بكلمك من رقم جديد لسة جيباه عبدو : اها لسة جيباه !! واية مسحت رقمى ومش عارفنى ، ايييية شيفانى عفريت هعرفك علطول ، انتى هبلة يابت انتى سهوة : انا هبلة طيب ، انا كنت متصلة اقولك ان النتيجة طلعت عبدو : نفسى فى مرة تجيبى خبر حلو ، بصى انتى معاكى الاي دى بتاعى واكيد جبتيها فلو النتيجة حلوة قوليها ولو مش حلوة بلاش منها سهوة : مش حلوة اية يا دحيح انت جايب امتياز عبدو : بتهزرى !! سهوة : بهزر اية !! بقولك جايب امتياز عبدو : يااااه مش مصدق ، اخيرا قولتيلى خبر حلو فى حياتك سهوة : اى خدمة عبدو : وانتى جبتى امتياز اكيد سهوة : ايوة خمسسسة عبدو : خمسة اية هو انا هحسدك منا جايب زفت امتياز زيك ، يخربيت الغباء سهوة : بمناسبة الامتياز ده انت لازم تعزمنى عبدو : خليها بكرا بقى علشان خطوبة مى النهاردة سهوة : انت بتتكلم جد !! انا جاية عبدو : وات تيجى فين !! سهوة : اجى لمى ، دى انتيمتى عبدو : قابلتيها مرتين فى حياتك وانتيمتك !! سهوة : يس عبدو : تعالى ياختى وكدا يبقى خلصنا من العزومة سهوة : لا دى حاجة والعزومة حاجة يلا باى عبدو : تناحة فوق الوصف ، باى ****************** جاء الوقت المنتظر وحضر الجميع سلمى : مبروك يا حبيبتى مى : الله يبارك فيكى يا سلمى دخلت سهوة مى بفرحة : سهوة ازيك ، نورتى سهوة : مبروك يا مى مى : الله يبارك فيكى سهوة : امال فين عبدو ، مش شيفاه خالص مى : مش عارفة تلاقيه راح يجيب حاجة وجى صابر : فارس بعد ما تخلص عايزك فى موضوع كدا فارس : موضوع اية صابر : هتفهم بس المهم دلوقتى خليك فى خطوبتك ومبروك يا عريس فارس : الله يبارك فيك يا عمى دخل عبدو وعلى وجهه الحزن والقلق عبدو : اية الملل ده ، بقولك يا مى خدى الفلاشة دى وحطيها فى السماعات دى علشان الجو يفرفش شوية مى : انا مالى ما تحطها انت عبدو : ماشى ماشى علشان النهاردة خطوبتك بس مى : مالك يا عبدو حساك متضايق جامد وفيه حاجة شغلاك عبدو : لا لا مفيش انا حتى بضحك اهو مى : عبدو !! انا فهماك ، فيه اية ؟ عبدو بضيق : قولتلك مفيش يا مى مى : اها صح سهوة سألتنى عليك عبدو : اية ده هى جت بجد !! افتكرتها بتهزر ، هى فين ؟ مى : هناك اهى ذهب عبدو لها عبدو : سرحانة فى اية ؟ سهوة : بفكر فى يوم خطوبتى عبدو : هيبقى يوم مهبب على اللى هيتجوزك سهوة : على اللى هيتجوزنى ! عبدو : قصدى .. ااا....بصى انا عاملك مفاجأة غمضى عينك سهوة : حاضر اهوو احضر عبدو الهدية بسرعة من الداخل عبدو : فتحى فتحت سهوة عينها سهوة بفرحة : وااو انت بجد جايبلى هدية ، كنت فكراك بتهزر عبدو : لا مش بهزر ، افتحيها يلا فتحت سهوة الهدية لتجد بها علبة باللون الأحمر وحولها الشيكولاتة التى تحبها سهوة ، فتحت سهوة العلبة الحمراء لتتفاجئ سهوة : اية ده !! خاتم عبدو : ايوة هاتى ايدك اعطته سهوة يدها وقام عبدو بوضع الخاتم فى يدها سهوة : بس ده دهب وغالى عليك عبدو : مفيش حاجة تغلى عليكى سهوة : عبدو انا مش فهماك ... انت دلوقتى جد ومبتهزرش ورومانسي ، فيه اية !! حساك مخبى حاجة عبدو : الصراحة ايوة ، فيه حاجة مخبيها عليكى ولازم تعرفيها **************** فارس بفرحة : مبروك يا قلبى مى : الله يبارك فيك يا حبيبى فارس : عقبال فرحنا ، كل حاجة هتخلص بسرعة وهنبقى مع بعض مى : ونحارب الاشرار مع بعض فارس : مى انا عايز اعرف انتى حبتينى لية مى : هجاوبك بس تجاوبنى على نفس السؤال بعد ما اجاوبك فارس : اوك هجاوبك ، ها جاوبى مى : بعد موت خطيبى حسيت انى وحيدة مليش ضهر ، كلهم حاولو يحسسونى انهم جنبى وسندى بس انا كنت بحبه لدرجة فوق الوصف علشان كدا موته كان صدمة كبيرة ، فضلت احط همى فى الشغل ومعملش اى حاجة غير الشغل وبس لغاية يوم ما اتكلمت معايا وحسستنى بالامان ، كلامك ده متتخيلش خلانى ارتحت اد اية ، خلانى افكر من جديد واقول هبدأ صفحة جديدة وانت اللى كنت مهتم بيا لدرجة انى بقيت بفرح وبرقص من الفرح لما اشوفك وتكلمنى حسيت انك قريب منى اوى بس انت كنت ابعد ما يكون عنى ، حاولت اخليك معايا بس انت مكنتش شايف غير شهد لغاية يوم ما اعترفتلى بحبك مكنتش مصدقة ، اكنى بحلم ولغاية دلوقتى معرفش سبب انك تحبنى فجأة كدا ازاى فارس : ماشى ياستى وانا هجاوبك على نفس السؤال ، انا مكنتش شايف حد في حياتى غير شهد يمكن علشان لما اهلى اتقتلو ويوسف ربانى ملقتش اهل غيره هو وشهد علطول كنا بنعمل مصايب مع بعض ونلعب وكنا مع بعض علطول ، لما حصل اللى حصل وفوقت ولقيتها مخطوبة لجاسر كنت هتجنن زى ما يكون طفل كان معاه لعبة وحد خدها منه وكنت اتعس واحد لغاية اما انتى ظهرتى كنت ملاحظ انك بتعملى كل حاجة علشان تلفتى انتباهى ليكى كنت ملاحظ ده بس كنت بقنع نفسى بالعكس لغاية اما رامى قالى انك بتحبينى مى : اية !! رامى قالك ؟ فارس : غلط فى الكلام بس انا ساعتها فضلت افكر وافتكرت كل اللى عملتيه معايا ساعتها ليقتك بتدخلى قلبى ومش عارف حصل ازاى ده ، مبقتش اهتم غير بيكى ولا افكر غير فيكى انتى بس وساعتها عرفت ان حبى لشهد مجرد حب اخوى لانها اللى كانت معايا فى فترة الطفولة الصعبة اللى عيشتها ، ادى يا ستى اجابة السؤال مى : يعنى دلوقتى بتحبنى !! فارس : ايوة بحبك وانتى كل حياتى دلوقتى وهعمل اي حاجة علشان تخليكى فى امان بس انا زعلان منك فى حاجة مى : زعلان !! لية فارس : فاكرة الوعد بتاع محشى ورق العنب ؟؟ بقى بتضحكى عليا مى : هههههه نسيت وانت عارف اللى حصل فارس : تفتكرى اعمل اية فى غريب ؟ مى : معرفش بس اى حاجة غير القتل فارس : ساعات بحس بنار جوايا وانى عايز اقتله وانتقم منه زى ما قتل اهلى قدام عينى بس حاجة منعانى مى : اللى مانعك هو انك مش زيه ، انت كويس مش زيه فارس : يمكن مى : فارس فارس : نعم مى : انا حاسة عبدو متغير اوى عن الصبح اكنه سمع خبر وحش او حصل حاجة فارس وقد تذكر حواره مع غريب : يارب اللى فى دماغى ميطلعش صح ؟ مى بقلق : اية اللى فى دماغك !! ******************* عبدو : هى دى الحقيقة يا سهوة سهوة بفرح : ودى حاجة تزعل ؟؟ انت البرق الازرق وتعرف البرق وزعلان ؟ عبدو بحزن : انتى مش فاهمة يا سهوة سهوة : مش فاهمة اية بس عبدو وقد تذكر flash back عبدو : انا هدردش مع غريب شوية رامى : خد هنا يلا تدردش مع مين !! ده لو فارس سمعك هيولع فيك وبعدها يحرقك عبدو : اية ده !! دول نفس المعنى رامى : اها تصدق ، ما علينا يلا هش عبدو : طيب اختبئ عبدو حتى رحل رامى وسلمى ثم دخل الى مكان المسرع الذى يحتجز فيه غريب غريب : فكرت فى عرضى ؟ عبدو : مستقبلى اللى هتقوله ده بجد ولا لعبة !! غريب : فارس نفسه جيه هنا وهددنى علشان مقولكش حاجة عن المستقبل ده ولو مش مصدق عندك كاميرات المراقبة عبدو : طيب لو خرجتك من هنا هتعمل اية غريب : ميخصكش بقى ، انت تخرجنى من هنا وانا اقولك مستقبلك ، دى الصفقة اللى بينا عبدو : تمام ضغط عبدو على المفتاح وفتح باب الزنزانة وخرج غريب عبدو : دلوقتى تقدر تقولى على مستقبلى غريب بإبتسامة : من دواعى سرورى back سهوة : عبدو انت رحت فين جاء فارس لعبدو فارس : عبدو انا ..... لم يكمل فارس كلامه ، سمع الجميع صوت انفجار قوى هز القاهرة بأكملها وقف فارس وبجواره عبدو يشاهدون المنظر لم يكن هذا المشهد غريب على فارس ، فهو رأى هذا المشهد من قبل ، هو انفجار المسرع الذى سبق ضرب البرق له نظر فارس لعبدو فى رعب حيث ان الانفجار كان شديد ووصلت النيران الى السماء وانارت القاهرة بأكملها ...... ************************************************** *** بقلم / عبدالرحمن احمد #Abdo عبدووو | ||||||||
|
| |
|
22-07-19, 03:58 PM
| #19 | ||||||||
| مراقبة عامة ومشرفة منتدى الروايات المنقولة
| الحلقة الثامنة بقلم / عبدالرحمن احمد وقف فارس وبجواره عبدو يشاهدون المنظر لم يكن هذا المشهد غريب على فارس ، فهو رأى هذا المشهد من قبل ، هو انفجار المسرع الذى سبق ضرب البرق له نظر فارس لعبدو فى رعب حيث ان الانفجار كان شديد ووصلت النيران الى السماء وانارت القاهرة بأكملها ...... استأذن فارس من الحضور وانطلق بأقصى سرعة الى المختبر وخلفه عبدو وصل فارس الى المبنى ودخله ليجد فارس يقوم من على الارض وتخرج منه شرارة كهربائية شدية فارس : انت خرجت ازاى وعملت اية !! غريب : اسأله انا خرجت ازاى اما انا عملت اية فأنا فجرت المسرع مرة تانية بس المرة ضعف المرة الأولى والبرق ضربنى انا ، يعنى دلوقتى انا عندى سرعة ضعف سرعتك واقدر اسافر لزمنى تانى واروح اى حتى انا عايزها بس انا مش هعمل كدا .. مش قبل ما انتقم منك واقتل كل واحد انت مهتم بيه لغاية اما تبقى وحيد وتفقد الامل وتخسر كل حاجة ساعتها بس هقتلك انطلق غريب بأقصى سرعته مغادرا المبنى نظر فارس لعبدو عبدو : انا عارف انت هتقولى اية ، انا غلطان وانا السبب فى كل ده ، اسف مكنتش اعرف ان ده ممكن يحصل وصل مى ورامى وسلمى الى المختبر فى تلك اللحظة فارس : حصل اية !! بدأ عبدو بالكلام flash back ضغط عبدو على المفتاح وفتح باب الزنزانة وخرج غريب عبدو : دلوقتى تقدر تقولى على مستقبلى غريب بإبتسامة : من دواعى سرورى ، كمان اسبوع من دلوقتى هتتقتل بعد اسوأ اسبوع هيعدى على البلد دى عبدو بصدمة : انت بتقول اية ! غريب : هو ده السر اللى خباه عنك فارس ومكنش عايزنى اقوله لانك هتموت وبإرادتك كمان عبدو بحزن : ازاى غريب : لا ازاى دى خليها فى وقتها انتبه عبدو انه اخرج غريب وانطلق بكل سرعته ليدخله لكن اطاح به غريب والقاه وانطلق بأقصى سرعته وهرب .... back فارس : لية يا عبدو !! توصل انك تخرجه ؟ عبدو بحزن : مكنش فى دماغى حاجة غير انى اعرف السر ده يمكن يكون حاجة وحشة واقدر اغيرها بس مكنتش اعرف انها موت ، يمكن لو كنت انت قولتلى ساعتها مكانش حصل كل ده ، حتى لما بقيت واحد من الفريق مدتنيش ثقة وفى الاخر الغلط كله هيبقى عليا انا اسف مرة تانية رحل عبدو وهو محطم مى : انا هروح اكلمه رحلت مى وبقى فارس ورامى وسلمى جلس فارس وهو يضع وجهه بين يده وهو لا يعلم ماذا يفعل رامى : اهدى يا فارس ، زى ما وقعناه مرة هنقدر نوقع تانى فارس : المرة دى عنده ضعف سرعتى واقوى منى بمراحل يعنى المعركة اتحسمت قبل بدايتها سلمى : كل بداية ليها نهاية يا فارس فارس : كان لازم اقتله ومسيبهوش كدا ، الغلط غلطى انا رامى : ده مش وقت ندم يا فارس ، لازم نشوف هنعمل اية فارس : هنعمل اية فى اية !! بقولك سرعته ضعف سرعتى فتحت سلمى التلفاز وكانت كل الاخبار تتحدث عن الانفجار " انفجار المسرع لمختبرات ستار للمرة الثانية مما ادى لأهتزاز القاهرة بأكملها وقد كلفت الشرطة لجنة بالقبض على دكتور غريب والتحقيق فى الحادث " فارس : رجعنا لنقطة البداية رامى : فارس الحق جهاز الانذار بيرن وفيه بلاغات بشخص عنده قدرات خارقة بيدمر فى شارع طلعت حرب انطلق فارس للمكان الذى اخبره به رامى بأقصى سرعة ... ****************** دخلت مى الى مكان المسرع خلف عبدو وجلست بجواره مى : ده مش ذنبك عبدو : لا ذنبى ، انا اللى خرجته وانا اللى عوزت اعرف مستقبلى ، كل ده بسببى انا مى : كان لازم يحصل كدا علشان نفوق ونعرف ان الخطر منتهاش وسواء خرج بمساعدتك او لا فده قدر ربنا ، منعرفش اية اللى مخبيه لينا المستقبل عبدو : بس انا عارف ، مستقبلى مخبيلى الموت ، اسبوع وهموت مى : محدش يعرف الغيب الا ربنا يا عبدو عبدو : اكيد بس لما يبقى واحد جاى من المستقبل بيبقى عارف لانه عاش كل ده مى : فارس كان زيك كدا ، عرف انه هيموت فى المستقبل وفقد الامل وكان حزين علطول وعرف مصيره بس اللى حصل انه فكر وقدر يغير ده ، معنى كدا ان مفيش حاجة هتحصلك غير اللى ربنا كاتبهالك عبدو : ونعم بالله مى : يلا بقى فين الضحكة وخفة الدم اللى مكانتش بتفارق وشك ابتسم عبدو : انا نفسي اعرف حاجة واحدة بس مى : حاجة اية عبدو : دى تانى مرة المسرع يتفجر فيها ومحصلش لأهله حاجة ولا حتى خدش ضحكت مى : اصله معمول من معدن نادر جدا لسة مكتشفينه ضد الخدش والكسر عبدو : والانفجار مى : هههههه بالظبط عبدو : طيب يلا بينا نقوم نشوف هنعمل اية فى اللى حصل ده مى : ايوة كدا ، يلا بينا خرج عبدو بصحبة مى مى : اية ده امال فين فارس رامى : ظهر واحد بقدرات خارقة وراح المكان عبدو : ورينى كدا المكان رامى : اهو عبدو : طيب انطلق عبدو بأقصى سرعة الى المكان كان فارس يحاول ضرب هذا الشخص لكنه يملك قوة خيالية حيث اطلقت الشرطة عليه الرصاص ولم يؤثر فيه اقترب فارس منه لكن امسكه هذا الشخص واوقعه وظل يلكمه فى وجهه حتى غرق وجه فارس بالدماء جاء عبدو بأقصى سرعة ولكم هذا الشخص بقوة وظل يضربه بشده والبسه الكلبش وانطلق الى فارس واخذه وذهب الى المختبرات بأقصى سرعة دخل عبدو الى الغرفة الطبية صرخت سلمى من شكل فارس اما مى فاحضرت المعدات واخذت فى عمل الاسعافات وعلاجه مرت ساعتان وفتح فارس عينه ليجد مى بجواره مى : حمدالله على سلامتك فارس : الله يسلمك ، هو حصل اية ؟ مى : المتحول اللى ظهر ده ضربك جامد وكان هيموتك وعبدو انقذك فارس : وهو كويس ؟ مى : اكيد ما اللى بيدربه وبيعلمه فارس فارس : دايما التلميذ بيتفوق على الاستاذ مى : المهم انت كويس ؟ فارس : ايوة ، الحلو فى الموضوع انى بخف بسرعة ، المهم قولتى اية لباباكى واللى حاضرين مى : هم شافوا الانفجار اصلا وكل واحد طلع يجرى على بيته وبابا عرف انت رايح لية دخل رامى ومعه عبدو رامى : حمدالله على سلامتك يا وحش فارس : الله يسلمك عبدو : انا اسف يا فارس على اللى حصل فارس : انا اللى المفروض اشكرك علشان انقذت حياتى لتانى مرة عبدو : المهم انت كويس ؟ فارس : ايوة الحمدلله رامى : فيه واحد اهبل برا مش عارف دخل ازاى فارس : اهبل ازاى ؟ رامى : بيقول انه ابوك وعايز يشوفك ضرورى فارس : نعم !! رامى : مش بقولك اهبل فارس : ياعم مش فاضيله ، قوله مش هنا خرج رامى ورجع مرة اخرى فارس : مالك ! رامى : بيقولك بأمارة انك البرق ودلعك اللى كان بيضايقك بتاع فروسة فارس بصدمة : انت بتتكلم جد !! انا خارج مى : انت تعبان يا فارس استريح فارس : لا لازم اخرجله واعرف مين ده خرج فارس ليجد شخص يعطيه ظهره وسرعان ما اعتدل ونظر له فارس بصدمة : بابا !! محمد وهو يحضن فارس : فارس ابنى وحشتنى اوى ظل قلب فارس ينبض بشدة ولا يستطيع النطق فارس : ب...ب..بابا !!! انت عايش ازاى محمد : انت عامل اية ؟؟ ياااه كبرت وبقيت شاب فارس بعدم فهم : ازاى !! انا شوفتك بتموت انت وماما محمد : مش مهم دلوقتى ، المهم انى عايش ابتعد فارس عن محمد محمد : فيه اية يا فارس !! فارس : ولما انت عايش سبتنى ليه كدا من غير اهل ولا حد يهتم بيا الا الغريب ، سيبتنى لية الزمن ده كله !! محمد : مش مهم الكلام ده دلوقتى يا فارس فارس بعصبية : لا مهم ، سبتنى انا واختى 15 سنة وانت حى واحنا ضايعين كدا !! جالك قلب تسيب ابنك وبنتك كدا محمد : منا كنت متطمن عليك مع يوسف وعرفت منه ان سلمى مع صابر دخلت سلمى سلمى : اللى انا سمعته ده صح !! انت بابا ؟ محمد وهو يحضنها : ايوة يا سلمى انا ابوكى ابعدت سلمى محمد عنها سلمى : اللى قاله فارس كله صح ، سيبتنا الفترة دى كلها لية طالما انت عايش محمد : اصل.... فارس : اصل اية ؟؟ محمد : انا هحكيلك كل حاجة يا فارس انت وسلمى وبعدها خدو القرار سلمى : واحنا سامعين اهو محمد : غريب جالى فى يوم وقالى انه من المستقبل وحكى الحكاية كلها بس انا مكنتش مصدق التخاريف دى كلها لغاية اما ورانى سرعته وهددنى قالى يا اما تسلمنى فارس يا اما هدمر كل شركاتك انت وصابر مع بعض وهشوه صورتك كظابط شرطة ، هددنى بشغلى وبحياتى لغاية اما وافقت انى اسلمك لغريب واقول انك اختفيت او توهت وجيه اليوم ده بس حضر حد تانى وهو انت من المستقبل وطارد غريب وغريب قتل امك وانا مموتش وخفوا الخبر ده وسافرت بعدها وكنت كل فترة بكلم يوسف علشان اتطمن عليكوا فارس بصدمة ودموع : ياريتك ما حكيتلى ، تبيع ابنك علشان شغلك ومستقبلك ؟؟ ابنك !!! محمد : فارس فارس بعصبية : غور من هنا انا مش عايز اشوف وشك تانى ، مش عايز اعرفك ولا اشوفك تانى ، انا ابويا وامى وماتو من زمان ، غوور محمد : سلمى سلمى بدموع : ياريت تخرج من حياتنا وتسيبنا بقى ، احنا مش عايزين نشوف وشك تانى خرج محمد وهو يسيطر عليه الحزن والندم الشديد ... جلس فارس ووضع وجهه بين يده هو وسلمى عبدو : رامى انت لازم تحط بوابة برقم سرى تحت علشان محدش يدخل رامى : انا بقول كدا بردو عبدو : عايزين نضحكهم وننسيهم النكد اللى حصل ده علشان الجو قلب كئابة اوى رامى : اخر مرة حاولت اضحك فيها فارس وهو متضايق اتعصب عليا وكان هيضربنى عبدو : طيب هتولى انا المهمة دى وربنا يستر جلس عبدو بجوار فارس عبدو : خد البسبوسة دى ، على فكرة انا سارقها من رامى فارس : اسكت يا عبدو مش فايقلك عبدو : بالله تضحك ده انا مراهن رامى انى اخليكو تضحكوا ابتسم فارس : وربنا انت ورامى رايقين عبدو : حبيبى تسلم ، شايف يا رامى ضحك ازاى رامى : شايف ومستغرب فارس : بقولك اية يا رامى ، تتوقع اية المكان بتاع غريب دلوقتى ؟ رامى : المكان اللى كان خاطف فيه مي قبل ما نمسكه فارس : تصدق ممكن ، مى انتى تعرفى المكان ده مى : ايوة بس مش هقول ، انت عايز تروح تنتحر فارس : قولى يا مى على المكان ، لازم اعرفه واروح ومفيش حل تانى غير ده مى : هيقتلك يا فارس فارس : انا اللى بتقتل الف مرة طول ما هو حر كدا مى : طيب المكان (....) ، اوعدنى انك ترجع لم ينطق فارس وانطلق بأقصى سرعة للمكان ودخل وإذا به يجد غريب يخرج من الاعلى غريب : كنت عارف انك هتيجى فارس : يبقى انزل واجهنى راجل لراجل ضحك غريب : صدقنى ده مش فى مصلحتك فارس : خايف ؟ نزل غريب بأقصى سرعة غريب : لا انطلق الاثنان وظل فارس يلكمه وتبادلان اللكمات ويجرى كل منهم خلف الاخر بسرعة خارقة حتى وقف غريب ودار بسرعة شديدة حول فارس الذى وقف ولم يستطع فعل شئ والقى غريب بشرارة كهربائية فى وجهه والقاه على الارض توجه غريب له وظل يضربه بشدة حتى بدأ وجه فارس بالنزيف وظل يلكمه غريب بشدة وبكل سرعة ووقف وسحب من وراء ظهره سيفا فارس بسخرية : انت بقيت نينجا ولا اية وجه غريب السيف الى رقبة فارس فارس : يلا اقتلنى مستنى اية !! اقتلنى !! ابتسم غريب ورفع السيف غريب : مش قبل ما اقتل كل حد انت مهتم بيه وبتحبه واحسسك بالحسرة والندم الاول جاء عبدو فى تلك اللحظة وانطلق بأتجاه غريب لكن ضربه غريب وانطلق بسرعة الى الخارج عبدو وهو يتألم : فارس انت كويس ؟؟ فارس : ايوة عبدو : ايوة اية !! هيكون اللى على وشك ده كاتشب مثلا قوم معايا يلا وصل عبدو وفارس الى المختبر انطلقت مى واسعفت فارس رامى : مش هتبطل تنفذ اللى فى دماغك بقى يا فارس ، كل مرة لازم ترجع متشلفط كدا فارس : ممكن تسكت يا رامى !! مش نقصاك رامى : طيب انا غلطان سلمى : عنده حق يا فارس مينفعش تروح لغريب دلوقتى ، هو اقوى منك واسرع منك .. لازم خطة فارس : اية الخطة اللى هتنفع معاه !! عبدو : رحبوا معايا بالضيوف الجداد نظر الجميع ليجدوا جاسر وشهد شهد : هااى ... اية ده مال وشك يا فارس فارس : لا مفيش خناقة كدا مع نينجا من بتوع اين اشيائى جاسر : روحت لغريب بردو فارس : رامى لحق قالك جاسر : عايزين نهدى كدا يا فارس علشان نشوف خطة نهزم بيها غريب مش هينفع اللى انت بتعمله فارس : اعمل اية يعنى !! اسيبه حر كدا لغاية اما ينفذ تهديده !! جاسر : تهديد !! هو هددك بأيه فارس : انه هيأذى كل حد بحبه او يقربلى علشان ابقى وحيد ومكسور وبعدها يقتلنى جاسر : يبقى لازم نبلغ كل الوحدات والاقسام ونديهم صورة غريب فارس : على اساس انهم هيقدرو عليه ! جاسر : مش مهم ، المهم اننا نكون خدنا خطوة فارس : تمام ، امال فين جوو !! بكلمه موبايله مقفول جاسر : اصله فى مهمة سرية ومشغول جامد فارس : طيب شهد : انا عندى فكرة لغريب ، نعمله كمين فارس : جاسر ونبى سكت مراتك علشان الواحد مخنوق اصلا شهد : بقى كدا !! انا غلطانة انى بقترح عليكو افكار جهنمية رامى : هو اننا نعمله كمين فكرة جهنمية ؟؟ سلمى : جهاز الانذار بيرن ، فيه 4 متحولين عندهم نفس قوة اللى راحله فارس وعبدو انقذه فى الاماكن دى فارس : جاهز يا عبدو عبدو : جاهز انطلق فارس ومعه عبدو الى تلك الاماكن وكانو يواجهون صعوبة شديدة فى محاربتهم فارس : عبدو عايزك تخرج اى حد موجود فى المنطقة علشان ميتأذيش عبدو : حاضر انطلق عبدو وفعل هذا مع كل المناطق ونزلت الشرطة وكان الموقع صعب للغاية لكن فى نهاية الأمر انتصر فارس بمساعدة عبدو وانتهى الامر فارس : هنفضل لحد امتى كدا !! عبدو : غريب بيتعبنا بالناس دى علشان لما نواجهه نكون بالنسبة ليه صيد سهل فارس : انا مش خايف من غريب على اد خوفى من تهديده مى : ان شاء الله خير يا فارس متقلقش فارس : هى فين سلمى !! مى : جالها تليفون ونزلت مر يومان ومازالت سلمى متغيبة فارس بعصبية : غريب بينفذ تهديده ، هو اللى خطف سلمى مى بخوف : هنعمل اية يا فارس رامى : احنا بلغنا كل الاقسام عن غريب وعن خطف سلمى ومفيش جديد عبدو : ولية غريب لحد دلوقتى متصلش ؟؟ دخلت سلمى فى تلك اللحظة وهى تبكى ذهب لها فارس بسرعة واخذها فى حضنه فارس : حصل اية يا سلمى ، الكلب ده عمل اية ! سلمى : خطفنى وضربنى وجيه النهاردة سابنى امشى وقالى قولى لفارس انى قادر انفذ الوعد وخطفك ده مجرد تنبيه فارس بعصبية : وحياة امه لقتله ، اهدى يا حبيبتى اهدى ، انا اسف كل ده بسببى ، مى خدى سلمى روحيها وروح يا عبدو معاهم وانا هدور على الكلب ده ... ظل البحث 5 ايام عن غريب لكن لا وجود له مع الكثير من مطاردة أصحاب القدرات الخارقة .. كان فارس بصحبة مى وسلمى وعبدو امام المختبر فارس : شوفت يا سيدى !! اهو عدى اسبوع واللى قاله غريب محصلش عبدو : لسة الاسبوع مخلصش الساعة لسة 9 بليل فارس : ياعم خلى عندك تفائل بقى وحتى لو ده هيحصل انا مش هسمحله يحصل اصلا مى : ايوة يا عبدو احنا كلنا فريق واحد سلمى : بالظبط ، حتى لما غريب خطفنى مقدرش يأذينى عبدو : اممم فارس : ما ترد على تليفونك يبنى بدل مانت بتكنسل كدا عبدو : دى سهوة اكيد عايزة ترغى فارس : انت بتتقل بقى عبدو : هههههه لا بس مش فايق فارس : ماشى يا سيدى ومبروك على الامتياز عبدو : اها صح انا نسيت اقول لحد على النتيجة فارس : لا ما سهوة قالت لمى ومى قامت باللازم عبدو : انا مش عارف ليه حاسس ان فيه حد بيراقبنا !! سلمى : انا حاسة نفس الاحساس ده فارس : يخربيت الخيال الاوفر بتاعكو ، بقولك اية يا عبدو انا عندى مفاجأة ليك وخليت رامى يصنعهالك مخصوص عبدو : مفاجأة اية !! فارس : اا... قاطع فارس هجمو اربع اشخاص عليهم من خلفهم وأعطوا لكل منهم مخدر وافقدوهم الوعى ... فاق الجميع فى مكان غريب وكان عبدو وفارس مقيدين بكلبش ساحب للطاقة لكى لا يقدر احد على استعمال قوته سحب غريب مى واجلسها بجوار سلمى وعبدو وكان فارس امامهم مباشرا فارس : انت عايز اية !! غريب : انت عارف انا عايز اية ، فاكر لما قولتلك انا هقتل كل حد بتهتم بيه علشان تبقى وحيد ومكسور ، النهاردة بس هبدأ فى ده فارس : دول ملهمش دعوة ، تارك معايا انا بس غريب : انا مش هموتهم كلهم علشان انا كريم بس هسيبك انت تختار اللى يموت ورفع سلاحه وقال : ها تختار مين يموت فى التلاتة فارس : غريب دول ملهمش ذنب غريب : اختار بدل ما اقتلهم كلهم فارس بدموع : متقتلش حد لو عايزنى اتوسلك انك متقتلهمش هعمل كدا ، غريب انت تارك معايا انا غريب : هعد لحد 3 ولو مختارتش هيموتو كلهم فارس بدموع : غريييب 3 2 1 وقف عبدو عبدو : لو هتقتل حد اقتلنى انا فارس بصوت عالى : انت بتقول اية يا عبدو مى : عبدوو لااا سلمى : عبدو فارس محتاجك معاه عبدو : انا مكتوبلى اموت وعارف كدا كويس ، لازم افديكوا ، لو هتقتل حد يبقى تقتلنى انا ابتسم غريب : فعلا شجاع وتتحمل مسؤولية رمى غريب مسدسه والتفت ثم اعتدل مرة اخرة ورفع سيفه واذا به يقتل عبدو ويضع السيف فى صدره ليخرج من ظهره .. استشهد عبدو فى ضعف ووقع على الارض معلنا موته ... صرخت مى صرخة مدوية وبكت سلمى بشدة اما عن فارس فكانت الصدمة شديدة وكفيله بجعله سارحا لا يصدق ما حدث والدموع تتساقط من عينه ... فارس بدموع : انا اللى المفروض اكون مكانك ، انت كنت لازم تعيش ، المفروض انا اللى ابقى في مكانك يا عبدو ، المفروض انااااا كان الحزن والبكاء يسيطر على المكان وكانت مى تبكى وهى تحاول ايقاظ عبدو وسلمى تحضن فارس وتبكى ...... ************************************************** *** الى اللقاء فى الحلقة قبل الاخيرة بقلم / عبدالرحمن احمد #Abdo | ||||||||
|
| |
|
22-07-19, 03:59 PM
| #20 | ||||||||
| مراقبة عامة ومشرفة منتدى الروايات المنقولة
| الحلقة التاسعة بقلم / عبدالرحمن احمد كان الجميع حاضر فى الجنازة بما فيهم سلمى ورامى ومى ويوسف وجاسر وشهد ماعدا فارس لم يحضر واختفى بعد ماحدث وانقضت الثلاث ايام عزاء ولم يعرف احد مكان فارس كان الحزن يسيطر على الجميع ولا يوجد مفر منه قلقت سهوة بسبب اتصالها لعبدو منذ 4 ايام ولم يجيبها فقررت الذهاب للمختبر لتسأل مى عنه وصلت سهوة الى المختبر وقابلت مى سهوة : بقولك اية يا مى هو عبدو مالو علشان بتصل بيه بقالى 4 ايام ومبيردش سيطر الحزن على مى وسقطت الدموع من عينها سهوة بقلق : فيه اية يا مى !! لم تقدر مى على الكلام بل ازداد بكائها ادمعت عين سهوة : عبدو حصله اية يا مى متقلقنيش !! مى ببكاء : عبدو .....عبدو اتوفى سهوة بصدمة وانهيار فى البكاء : عبدوو !! انتى بتهزرى يا مى صح !! قولى انك بتهزرى لم تتكلم مى وظلت تبكى علمت سهوة ان كلامها صحيح وبكت بشدة ورحلت وهى منهارة مما سمعت وعادت الى منزلها ودخلت عرفتها وارتمت على سريرها تبكى وتتذكر عبدو .... flash back سهوة : عندى ليك خبر حلو عبدو : مع انى مش مصدقك بس اية هو سهوة : النتيجة هتنزل بكرا عبدو : وده بزمتك خبر حلو !! سهوة : وانا اللى فكراك هتفرح عبدو : ده انا هيجيلى كوابيس لغاية اما النتيجة تطلع وبعدين ما تسيبى ام تلفونى فى حاله سهوة : اية ده انت متصور مع البرق ؟؟ عبدو : ودخلتى على الصور كمان ؟ هاتى يا سهوة ربنا يهديكى سهوة : اتصورت معاه ازاى طيب عبدو : عادى ، انا وهو صحاب اصلا سهوة : خلاص يبقى تخلينى اقابله هو والبرق الازرق صاحبه عبدو : ان شاء الله السنة اللى جاية زى دلوقتى كدا سهوة : مش بهزر يا عبدو عبدو : ربنا يسهل وبعدين عملتى اية فى الرواية اللى ادتهالك سهوة : تحفة ، انا مش مصدقة انك اللى كاتبها ، انت اكيد سارقها عبدو : سارقها !! هو ده اللى ربنا قدرك عليه ، تصدقى انا غلطان ، اها والله غلطان سهوة : خلاص بقى متزعلش انا بهزر عبدو : مش زعلان يا ستى ومتنسيش لما النتيجة تطلع تتصلى بيا سهوة : اوك وصلنى بقى علشان متخطفش عبدو : تتخطفى !! فى عز الضهر ؟ طيب اتفضلى يا سهوة ، ربنا يصبرنى على ما بلانى back اخذت سهوة تبكى بشدة وتذكرت عندما اعطاها الخاتم.. flash back عبدو : سرحانة فى اية ؟ سهوة : بفكر فى يوم خطوبتى عبدو : هيبقى يوم مهبب على اللى هيتجوزك سهوة : على اللى هيتجوزنى ! عبدو : قصدى .. ااا....بصى انا عاملك مفاجأة غمضى عينك سهوة : حاضر اهوو احضر عبدو الهدية بسرعة من الداخل عبدو : فتحى فتحت سهوة عينها سهوة بفرحة : وااو انت بجد جايبلى هدية ، كنت فكراك بتهزر عبدو : لا مش بهزر ، افتحيها يلا فتحت سهوة الهدية لتجد بها علبة باللون الأحمر وحولها الشيكولاتة التى تحبها سهوة ، فتحت سهوة العلبة الحمراء لتتفاجئ سهوة : اية ده !! خاتم عبدو : ايوة هاتى ايدك اعطته سهوة يدها وقام عبدو بوضع الخاتم فى يدها سهوة : بس ده دهب وغالى عليك عبدو : مفيش حاجة تغلى عليكى back كانت تسترجع ذكرياتها مع عبدو وهى تبكى بشدة ولا تعلم الا انها لم تراه مرة اخرى ..... ******************** مر يومان ولا وجود لفارس فى اى مكان كما ان هاتفه مغلق رامى : هيكون راح فين بس !! سلمى : انا خايفة اوى يكون سلم نفسه لغريب مى : انا هتصل بشهد اقولها ، هى الوحيدة اللى متربية معاه وعارفاه ممكن يكون فين رامى : ياريت بالفعل اتصلت مى بشهد و.. شهد بقلق : هو لسة مظهرش !! مى : للأسف لا وقولت اكلمك علشان انتى الوحيدة اللى عارفاه وعارفة ممكن يكون فين شهد : فارس لما كان بيبقى مضايق بيقعد فى مكان يفتكر اهله فيه ويكون لوحده مى : يعنى متعرفيش فين ! شهد : لحظة ... ممكن يكون قاعد فى بيت اهله القديم مى : اللى اتقتلوا فيه ! شهد : ايوة ، احتمال كبير يبقى هناك مى : طيب انا هروحله شهد : خلى بالك كويس طيب علشان غريب مى : طيب ، شكرا يا شهد يلا سلام شهد : سلام .. رامى : ها فين ! مى : معرفش بس فيه شك انه في بيت عيلته رامى : طيب يلا انا وانتى نروح مى : لا خليك هنا ، انا لازم اروحله لوحدى يمكن اعرف اقنعه يرجع رامى : طيب بس خلى بالك انطلقت مى الى هذا المكان وبالفعل وصلت وكان عبارة عن فيلا صغيرة لكن تعمها الظلام وجدت مى الباب مفتوح ودخلت وبحثت عن مكان الإضاءة وبالفعل اضائت الانوار لتتفاجئ بفارس يجلس على الارض ويسند ظهره للحائط ودقنه طويلة ويسيطر عليه الحزن ذهبت مى بسرعة اليه فى قلق بسبب منظره وهيأته مى بقلق : فارس انت كويس ؟ فارس بصوت منخفض : عرفتى مكانى ازاى ! مى : مش مهم عرفت ازاى ، المهم شكلك اللى يقلق ده ، ازاى قعدت الفترة دى كلها فى الضلمة من غير اكل ولا حاجة فارس : انا السبب فى ده كله ، لو مكانش شافنى ولا عرفنى كان زمانه عايش دلوقتى ، قتلت واحد فى عز شبابه ولسة الحياة طويلة قدامه ، حلمه كان انه يعرف البرق بس ياريته ماحلم حلم زى ده ، على الاقل كان زمانه عايش ، انا اللى قتلته مش غريب وهقتل اى حد قريب منى بردو مى : فارس علشان خاطرى انسى كل ده وقوم معايا فارس : انا هقوم بس مش معاكى ، هروح أسلم نفسى لغريب علشان يقتلنى وميقتلش اى حد تانى بسببى مى : انت بتقول اية يا فارس !! فارس : غريب قدر يكسرنى خلاص ومش هستنى لما يأذى حد تانى مى : استنى يا فارس رايح فين اقترب فارس من مى فارس : مى امشى وقولى لسلمى انى بحبها اوى وخليها تخلى بالها من نفسها وقولى لرامى انه كان اجدع صاحب ليا ، انا بحبك يا مى وعلشان بحبك لازم اعمل كدا خرج فارس وهو محطم النفس وبقت مى تبكى وهاتفت يوسف لتخبره فوجدت هاتفه مغلق فهاتفت جاسر واخبرته **** كان يتحرك فارس بحثا عن غريب ووقف للحظة وفجأة اطلق احد عليه من الخلف حقنة مخدرة فغاب عن الوعى فتح فارس عينه ليجد مى ورامى و جاسر وشهد وسلمى ويوسف حوله فارس : انا جيت هنا ازاى !! جاسر : انا اللى خدرتك وجبتك هنا قام فارس فارس : محدش هيقدر يمنعنى من انى اروحله يوسف : عندك حق بس خليك عارف ان احنا كلنا فريق واحد وعيلة واحدة وهنقف معاك ضد غريب حتى لو هنموت كلنا فارس : وانا مش عايز حد يتأذى بسببى رامى : دى حياتنا واحنا حرين فيها ومستعدين للموت يعنى مش بأختيارك فارس : انتو مش فاهمين سلمى : لا فاهمين يا فارس ولو انت هتستسلم من اول معركة فإحنا مش هنستسلم جاسر : يا نهزم غريب مع بعض يا نموت كلنا مع بعض لم يعرف فارس ماذا يقول لكنه اقتنع بكلامهم مى : نرجع بقى لشغلنا !! فارس : تمام رامى : فيه عصابة مسلحة اقتحمت البنك الاهلى فى الفرع ده دلوقتى فارس : انا جاهز يوسف : وانا هبلغ الشرطة وهنروح على هناك ، يلا يا جاسر اطلق فارس الى المكان وبمجرد وصوله اطلقوا النار عليه ، انطلق فارس بأتجاه احدهم وضربه واخذ سلاحه واختبأ وظل يتبادل معهم اطلاق النار بشده واسقطهم واحد تلو الآخر لكنه انتبه لشئ وتقدم وبقى شخص فضربه وامسكه فارس فارس : انت تبع مين !! انطق - : سيدى سيجلب عليكم الدمار ، سيدى سيجلب عليكم الدمار ضربه فارس بشده وافقده الوعى ووصلت قوات الشرطة عاد فارس الى المختبر رامى : ها اية الاخبار !! فارس : حد مسيطر على دماغ الناس دى سلمى : ازاى فارس : حسيت زى ما يكون حد منومهم مغناطيسي او مسيطر على دماغهم ، حاجة زى كدا رامى : هيكون مين يعنى فارس : لمحت على اللبس بتاعهم اللوجو بتاع المختبرات هنا مى : يعنى اية ! فارس : غريب اللى مسيطر على دماغهم رامى : اول مرة اسمع عن حاجة زى دى وازاى اصلا فارس : انا لما رجعت الماضى عملت شحنة على دماغى وانا صغير علشان يجيلى فقدان ذاكرة مؤقت ، ممكن يكون غريب عمل نفس الحاجة دى بس بطريقة مختلفة تخليه يتحكم بيهم مى : لو اللى انت بتقوله ده صح يا فارس يبقى كارثة رامى : ايوة ، كدا ممكن يجند جيش ليه ويدمروا البلد كلها فارس : انا مش عارف هو بيفكر ازاى بس لازم نوقفه قبل ما يعمل ده رامى : وانا فى غيابك... سلمى مقاطعة : مليت !! رامى : مبغنيش انا ، بقول انا فى غيابك يا فارس صنعت سلاح بيضرب تلج يعنى ممكن يجمد اللى قدامك وده ممكن نستخدمه ضد غريب او جيشه فارس : حلو هاتوا رامى : لا مينفعش لازم انا اللى استخدمه بس يعنى هنزل معاك فارس : لا طبعا وانا مش هسيبك تنزل علشان تتأذى رامى : متقلقش انا اتدربت كويس ومتشغلش بالك ، هنزل معاك يعنى هنزل فارس : رامى انا مش عايز اخسر حد تانى رامى : وانا بقولك دى حياتى وانا حر فيها فارس : طيب سيبنى طيب ادربك علشان تبقى جاهز رامى : اشطا هو ده الشغل مر اسبوع من التدريبات الجادة لرامى وفارس ايضا حيث اخذ يتمرن بجدية شديدة ويستعد ولكن فى نفس الوقت كان يفعل غريب ما يخافه الجميع سيطر على عقل المئات من الاشخاص واحضر لهم بسرعته الخارقة اسلحة رشاشة من كل مكان وجمعهم فى مكان واسع كبير ووقف يتكلم غريب : المدينة دى لازم تتدمر وبعدها البلد كلها ، اى حد تشوفوه اقتلوه ، عايز الشوارع غرقانة بالدم ، انتم دلوقتى الفين شخص عايزكوا توزعوا نفسكوا فى كل مكان ، وتقتلوا اى حد تشوفوه ... اتحركوا بدأ هؤلاء الاشخاص يتحركون وكلهم يرتدون قناع واحد ... كان فارس ورامى يتدربان حتى نادت مى وسلمى عليهم بصوت عالى مما جعلهم يأتون بقلق فارس بقلق : فيه اية ! قامت مى بتعلية صوت التلفاز حيث كانت تقول المذيعة " هجوم مسلحين مقنعين على المواطنين فى كافة انحاء القاهرة ويقومون بالقتل العشوائى للمواطنين وانباء عن وفيات بالمئات و حالة من الزعر والخوف تسيطر على الجميع ولقد ناشدت وزارة الداخلية المواطنين بالبقاء فى منازلهم ... السؤال هنا .. اين البرق !! " رامى : اللى كنا خايفين منه حصل فارس : الناس بتموت برا ، الموضوع بقى اصعب مما تخيلنا ... لازم نتحرك ، جاهز يا رامى ؟ رامى : ايوة فارس : سلمى كلمى يوسف وقوليلوا انهم لازم ينزلوا كل ظابط شرطة .. الموضوع ده لو ملحقناهوش مفيش حد هيبقى عايش سلمى : حاضر فارس : وعايزك كمان تخترقى كام قناه وتقولى ان البرق بيعلن ان غريب هو السبب فى اللى بيحصل ده وهو اللى مسيطر على المسلحين دول سلمى : تمام تحرك فارس بسرعة ومعه رامى الى الاماكن وكانت الشوارع مليئة بالنيران وضرب النار واشبه بالحرب اخذ رامى يصوب هو وفارس على هؤلاء الاشخاص فارس : زى ما فهمتك ، اضرب فى الرجل والكتف بس علشان دول متسيطر عليهم واى ضربة هتفوقهم رامى : تمام انا كدا كدا طورت السلاح علشان يعمل صدمة تفوقهم فارس : كويس .. يلا ننقذ حياة الناس دى تحرك فارس ورامى والجميع يطلق النار عليهم فكانو يتفادون اطلاق النار ويطلقون عليهم النار ايضا وكلما يقضون على بعض الأشخاص فى مكان ينتقلون الى مكان اخر وكان يعم عليهم الحزن بسبب الجثث الملقاه للأشخاص الذين قتلوا في هذا الهجوم انتشرت قوات الشرطة والجيش وكانت اشبه بالحرب الاهلية حيث كانت الشوارع غارقة بالدماء وصوت اطلاق النار ... تحرك فارس فوجد مجموعة يطلقون النار وكانت طفلة تقف وهى تبكى وسط الشارع فتحرك فارس بكل سرعته وامسك بها وذهب بها لمكان أمن البنت بدموع : ماما فين !! فارس : خليكى هنا بس متتحركيش وانا هروح اجيبلك ماما بس انتى قولى هى فين البنت : كان لابسة .... وهناك فى نفس المكان فارس : طيب لحظة وجايلك انطلق فارس بأقصى سرعته ووصل الى المكان واخذ يبحث عن والده الطفلة فوجدها على الارض مصابة برصاصة حزن فارس بشدة واخذها بكل سرعته الى المستشفى واخذ ابنتها فارس : ماما جوا فى العمليات .. خليكى هنا علشان انا هروح للأشرار دول البنت بدموع : ماما هتبقى كويسة ؟؟ فارس : ان شاء الله يا حبيبتى هتبقى كويسة بس انتى خليكى هنا علشان تبقى جنبها وفى امان ماشى ! البنت : ماشى انطلق فارس الى الشارع واخذ يطيح بكل هؤلاء المسلحين بمساعدة رامى ورجال الشرطة والجيش استمر الأمر ثلاث ساعات حتى تم السيطرة على الوضع لكن الخسائر كانت شديدة المذيعة : تم السيطرة على الوضع الأمني في القاهرة بعد الهجوم المسلح العنيف لرجال مقنعين بمساعدة البرق ورجال الشرطة والجيش كما قال البرق ان هؤلاء المقنعين تم السيطرة عليهم من قبل دكتور غريب صاحب مختبرات ستار وصاحب التفجير الذى حدث مرتان لمسرع الجسيمات وتشيد وزارة الداخلية المواطنين للبقاء في منازلهم لحين القبض على هذا المجرم ************************************************** ** غريب بإبتسامة : كدا اول دفعة - : انا من رأيي كفاية لغاية كدا ، ناس كتيرة اوى ماتت وملهمش ذنب فى كدا غريب : لا لازم اخليه كدا من غير حد والصراحة انا استحليت الموضوع وهسيطر على البلد دى كلها - : متنساش انك منها غريب : مش انت اللى اختارت تساعدنى وصاحب الفكرة دى - : ماشى بس على الهادى مش كدا ، انت كدا هتموت كل الناس غريب : طيب بس عايزك تفكر فى فكرة كويسة امسك بيها فارس وكل اللى معاه واعيشهم فى اسوأ كوابيسهم - : بس تخلص الموضوع اللى كلمتك عنه غريب : طيب بس خطط وقولى - : تمام ************************************************** *** وصل فارس ورامى المختبرات رامى : كان يوم صعب اوى فارس بحزن : ناس كتير اوى ملهمش ذنب ماتو .. كل ده فى رقبتى انا مى : كل ده قدر يا فارس وانت ملكش ذنب فيه فارس : لا ليا ذنب ، لما يموت عبدو و 1500 واحد ملهمش اى علاقة باللى بينى وبين فارس يبقى كل ده غلطى انا سلمى : انت مقصرتش يا فارس وعملت اللى عليك المهم دلوقتى متشيلش الهم ده علشان تقدر تقف قدام غريب فارس : يا عالم بيفكر فى اية تانى دلوقتى رامى : يفكر فى اللى يفكر فيه ، المهم نبقى جاهزين علطول *********** يوسف : جاسر انا عايز دوريات تأمين فى الشوارع وحراسة على كل المنشآت المهمة وعساكر فى زى مدنى فى الشوارع يأمنوا الناس فى الشوارع جاسر : تمام ، كل ده هيتنفذ دلوقتى يوسف : تمام دخل محمد فى ذلك الوقت على يوسف يوسف : طب روح انت دلوقتى يا جاسر جاسر : طيب خرج جاسر ونظر يوسف نظرة اندهاش لمحمد يوسف : انت جاى لية وازاى دخلت هنا وكلو عارف انك ميت من زمان محمد : دخلت ازاى دى شغلتى علشان محدش واخد باله ومشغول بموضوع الهجوم ده اما جاى ليه فأنا جاى علشان اقولك انى خلاص سيبت السكة اللى ماشى فيها دى وعايزك تكلم فارس وسلمى يجو يعيشو معايا فى الفيلا بتاعتى وهنفتح صفحة جديدة يوسف : وتفتكر انهم هيرضوا !! انا سمعت انك روحت وطردوك لما عرفوا الحقيقة ولا انا غلطان ؟ محمد : فعلا ده حصل بس انا فعلا اتغيرت وعايزك تكلمهم يوسف : مع انى عارف انهم هيرفضوا بس هكلمهم محمد : شكرا يا يوسف ، دايما كنت الصاحب الجدع فى الشغل وحياتك العادية يوسف : بس مغيرتنيش الفلوس ولا سافرت وسيبت ولادى وضحيت بيهم علشان طريق ملوش نهاية محمد : انا عارف انى غلطت وجيه الوقت انى اصلح الغلط ده يوسف : ياريت كلامك يبقى صح علشان الايام علمتنى انى مصدقش كلام غير لما اشوفه فعل محمد : هتشوف فعل يا يوسف والايام هتثبت كدا ... ************* كانت سهوة تبكى وتشاهد صور عبدو على هاتفها حتى وصل لها رسالة صادمة .. كان نص الرسالة هو " عبدو عايش واللى اتقتل قدام فارس ده مش عبدو ... عبدو فى امان عندى ، بلغى فارس يجى هو وفريقه كله المكان ده (...) بكرا الساعة 9 بليل علشان يشوفوه ولو مجاش هو وفريقه كله عبدو هيموت بس المرة دى عبدو الحقيقى اللى هيموت " قامت سهوة مسرعة وذهبت الى المختبرات ودخلت مهرولة مى بإندهاش : سهوة !! سهوة : انت فارس البرق !! فارس بقلق : عرفتى منين !! سهوة : خد شوف الرسالة دى شاهد فارس الرسالة وتغير وجهه مى : فيه اية يا فارس ؟ ترك فارس الهاتف وشاهد الجميع الرسالة رامى : ازاى !! واللى دفناه ده مين !! فارس : لا لا اكيد فخ ، عبدو انا شوفته بيموت قدامى وهو عبدو مى : ولية ميكونش هيثم وغريب هربه وخلاه بشكل عبدو سلمى : ايوة صح ممكن فارس بشك : انا مش عارف بس مش هتخدع تانى رامى : فاكر لما سهوة رنت عليه ومردش يمكن علشان كان هيثم فارس : وانت عرفت منين وانت مكنتش معانا اصلا رامى : سلمى قالتلى سهوة بدموع : بالله عليك متسيبش عبدو وروح بكرا زى ما قال هو مش غبى علشان يبعت رسالة زى دى وهو عارف انكم هتشكوا فى الموضوع مى : ايوة كلامها صح رامى : ما ترجع بالزمن لوقت ما عبدو كان بيفتح لغريب وتوقفه !! فارس : مكنتش غلبت ، لو سافرت بالزمن مرة تانية الخط الزمنى هيتغير وهيحصل حاجات كتير مكنتش موجودة يعنى علشان انقذ عبدو ممكن ارجع الاقى نص الفريق مات وحاجات حصلت تانى والخط الزمنى هيتغير نهائى وهبقى لعبت فى الزمن وساعتها هتبقى مصيبة اكبر وملهاش حل رامى : يبقى الحل فى اننا نروح بكرا فارس بتردد : طيب مر الوقت ومر يوم وجاء اليوم التالى وتجهز الجميع وذهبوا الى هذا المكان ووجدوا سهوة فارس : سهوة ارجعى انتى سهوة : لا انا مش هتحرك من هنا غير لما اشوف عبدو مى : سيبها يا فارس فارس : اووووف طيب لم ينتظروا كثيرا حتى ظهر غريب حاول فارس الانطلاق بسرعته فلم يقدر غريب : متحاولش علشان المكان متركب فيه اجهزة تمنعك تستخدم سرعتك فارس : فين عبدو !! غريب : انتوا صدقتوا ؟ مكنتش عارف انكم بالغباء ده فارس : يعنى اية !! غريب : يعنى عبدو الله يرحمه ، قتلته بأيدى دى فارس بعصبية : هقتلك والله لقتلك غريب : السؤال دلوقتى اقتل مين من حبايبك دول !!! حاول فارس التحرك لكن لم يستطيع غريب : متحاولش ، الجو فيه غاز بيعمل شلل لمدة ساعة بس انا واخد المصل علشان ميأثرش عليا ، نرجع لموضوعنا ... اقتل مين ؟؟ فارس بعصبية : دول ملهمش ذنب ، انت عايزنى انا ... اقتلنى انا هم لا غريب : يوووه هنعيد تانى ، 5 ثوانى ولو مختارتش مين يموت هقتلهم كلهم فارس بدموع : غريب لااا ، انت تارك معايا انا مش هم غريب : 5 فارس : غريب لااا غريب : 4 ... 3 .....2....1.....0 اغلقت مى عينها وقالت : اقتلنى انا فارس بصياح : انتى بتقولى اية يا مى لاااااا رامى : لاااا اقتلنى انا سلمى : لو هتقتل حد يبقى اقتلنى انا غريب : ههههههه عندك فريق شجاع فارس : غريب متأذيش حد غريب : طيب اختار علشان انا محتار ولا اقولك انا هختار مى فارس : غريب لااااا اقتلنى انا ، انت عايزنى انا ملكش دعوة بحد ، اقتلنى انا سحب غريب سيفه واتجه الى مى فارس بدموع : لااااااا بالله عليك سيبها واقتلنى انا ، كفاية اللى قتلته كفااااية لم يتراجع غريب ورفع يده ليقتل مى وسط بكاء الجميع وصياح فارس .......... ************************************************ الى اللقاء فى الحلقة الاخيرة عايز توقعاتكم والكومنتات الطويلة بتفرحنى جدا #Abdo عبدووو | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
العرض العادي
