آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
27-04-19, 11:24 PM
| #1 | |||||||||||||||||
| مراقبة عامة ومشرفة منتدى الروايات المنقولة  
|  وميض الفارس الجزء (1 ـ 2 )بقلم/عبد الرحمن أحمد"مصريه" (مكتملة)
التعديل الأخير تم بواسطة فيتامين سي ; 07-05-19 الساعة 06:17 PM | |||||||||||||||||
|  |
|
22-07-19, 03:28 PM
| #2 | ||||||||
| مراقبة عامة ومشرفة منتدى الروايات المنقولة
|  رابط لتحميل الرواية هنــــــــــــــــا مقدمة ------------- الكثير منا لا يصدق فى الاشياء الخارقة بل الكل وليس الكثير لا يؤمنون بوجود القوى الخارقة او رجل خارق...عادة نشاهد هذا كثيرا فى الافلام او المسلسلات التى تتحدث عن القوى الخارقة مثل سوبر مان او بات مان والخ...ولكن لا نصدق فى وجودها لانها مجرد افلام خيالية ولا يمكن ان تحدث على ارض الواقع احب ان اخبركم انى كنت مثلكم تماما لا اصدق ان هذا سيحدث على ارض الواقع حتى جاء ذلك اليوم...يوم مقتل والداى...... الى اللقاء فى رواية " وميض الفارس " بقلم / عبدالرحمن احمد …………………………………………� �………………………………………… الحلقة الاولى بقلم /عبدالرحمن احمد كان يحاول تفسير لغز يوسف الذى اخبره به فى تلك القضية المعقدة حتى دخلت عليه شهد شهد : اممممم شكلك كدا مشغول فارس : الغاز چو دى جامدة اوى وطبعا زى مانتى عارفة هو ظابط وانا دكتور لسة متخرج وشغال معاه شهد : طيب سيب ده كلو وتعالى عيزاك ضرورى فارس : قولى وانا شغال كدا شهد : عايزين نخرج مع بعض بقا ، من ساعة ما اتخرجت وانت مهتم بجرايم القتل والمصايب دى كان سيتحدث فارس لكن رن هاتفه برقم يوسف فارس : چو بيرن ثم رد : ايوة يا چو ، تمام ربع ساعة وهكون عندك واغلق الهاتف شهد : بابا عايزك فى مصيبة تانية صح !! فارس : جريمة قتل....لما ارجع هقولك هنخرج فين شهد : فين فين هاااا فين ؟!!! فارس : بطلى زن بقا مش هقول غير لما ارجع شهد : طيب خلى بالك من نفسك فارس : من عنيا ، يلا باى شهد : باى فارس شاب حديث التخرج ، عمره 25 عاما ، يعمل فى معمل تحاليل خاص بالشرطة ، شاب ذكى جدا وماهر فى حل الالغاز ولكن ماضيه ليس مفرحا حيث قتل والده ووالدته وهو طفل صغير على يد شخص مجهول ولم يعثرو عليه واغلقت القضية دون الالتفات لما يقوله هذا الطفل مما جعل ظابط الشرطة الذى يتولى القضية بأخذه وتربيته لانه لم يكن له احد كما ان والده كان صديقه ، ذلك الشرطى هو يوسف الذى يعيش مع ابنته الوحيدة لان زوجته توفت اثناء ولادتها لـ شهد وصل فارس الى مسرح الجريمة يوسف : اتأخرت فارس : معلش المواصلات زفت يوسف : طب يلا شوف شغلك فحص فارس الجثة يوسف : اممم حد ضرب عليه رصاص بس الاول كان فيه خناق مابينهم بسبب الكدمات اللى على وشه دى يوسف : قصدك ان اللى قتله مكنش هيقتله وانها كانت مجرد خناقة مابينهم !! فارس : بالظبط ...انا هاخد عينة علشان التحليل اللى هيأكد لينا يوسف : تمام....اها صح شهد كانت بتتحيل عليا الصبح علشان تخرجها فارس : كانت عمالة تزن عليا قبل ما تتصل بيا يوسف : وهتعمل اية فارس : النهاردة فيه افتتاح معامل التكنولوجيا الحديثة فى القاهرة وهاخدها ونروح يوسف : مش ده بتاع دكتور غريب رمزى !!! فارس : هو بعينه العالم المشهور يوسف : ده مجنون ياعم ، عايز يشغل اختراعه وبيقول انه يقدر يسرع كل حاجة فى لحظة فارس : مهما تقول ،، انا من الفانز بتوعو هااا ماشى يا جووو يوسف : ماشى ياعم ، خلى بالك من شهد فارس : متقلقش ، فى عينى يلا سلام يوسف : سلام عاد فارس الى معمله بقسم الشرطة لينتهى من عمله وبالفعل انتهى فى وقت قصير وارسل التقرير الى يوسف على مكتبه ورحل وصل يوسف للمنزل فارس : شهد ، شاااااهد جاءت شهد من الداخل : اية يابنى بتنادى بصوت عالي كدا لية فارس : مش عايزة تخرجى ، يلا خشى البسى شهد بفرح : بجد ؟؟؟ ،،، هنروح فين !! فارس : هنحضر مؤتمر دكتور غريب رمزى وهنشوف اختراعه وهو بيشتغل شهد بفرحة : بجد !!!! ازاااى ده مش اى حد هيحضر وصعب فارس بتفاخر : مفيش حاجة صعبة عليا ... يلا خشى البسى علشان المؤتمر الساعة 8 شهد : حاضر استعدت شهد وخرجت بفستان رائع فارس : واااو اية الجمال ده شهد بتفاخر : طول عمرى بس انا اللى متواضعة فارس : اهاا التواضع بيبظ منك اهو شهد : ثانكس فارس : يلا يلا انطلق فارس ومعه شهد ووصلوا الى مكان الاجتماع وجلسوا شهد : انا فرحانة اوى ،،انا هكتب عن المؤتمر ده وهصوره بث مباشر على الفيسبوك فارس : ممنوع التصوير يا قطة شهد : مش عليا ،، انت نسيت ان بابا شرطة ولا اييية فارس : اممممممم هتودينا فى داهية من اولها شهد : خليك لذيذ وحلو بقا فارس : انتى شيفانى بيتزاية قاعدة جمبك شهد : شششش المؤتمر بدأ بدأ الدكتور غريب فى التحدث - طبعا كتير منكم جاى النهاردة على اساس ان فيه حاجة كبيرة هتغير العالم كله والايجابى كمان ان الاختراع ده هينطلق من مصر وعقول مصرية اللى شاركت فيه وهيبدأ شغله من القاهره كمان قدامكو بس منكم كتير ميعرفوش اى حاجة عن الاختراع ده ولا يعرفو ازاى هيغير العالم انا هشرح كل حاجة وبعدين هاخد اسألتكم فى البداية الاختراع ده مش مجرد اله ...لا ده مبنى كامل زى ما حضراتكم شايفين المبنى ده فيه اسطوانة دائريه مقفولة وطويلة جدا بيتم الدخول ليها عن طريق باب نقدر نتحكم من برا في الاسطوانة دى انها تطلع مواد كيميائية ونووية بس ملهاش اشعاع ،،بس لازم باب الاسطوانة يكون مقفول علشان بنخلى الجاذبية فيها منعدمة وبعض الحاجات التانية علشان مطولش عليكو الاختراع ده اطلقت عليه اسم وهو مسرع الأجسام المسرع ده يقدر يسرع اى حاجة بمقدار خيالى يعنى مثلا طفل عنده 3 سنين واشتغل المسرع وهو جواه ...فى خلال دقيقة هيبقى عنده 50 سنة وده هيساعد فى حاجات كتير اوى الفيزياء والكيمياء عجزت عن تحقيقها وهيخلص التفاعلات البطيئة جدا فى جزء من الثانية ده غير انه هيكون تطور تكنولوچى كبير جدا واسباب كتير اوى لأستخدامه بس علشان الوقت .... حد عنده سؤال !! رفع الكثير من الحاضرين ايديهم وبدأ شخص بالسؤال - بس اللى بتقول عليه ده ممكن لو حصل خلل يتسبب فى انفجار كبير غريب : كله معمول حسابه وفيه فريق على اعلى مستوى شغال معايا على كل ده سأل شخص اخر - هتنسب الاختراع ده لمصر ولا لو اى دولة عرضت عليك تشتريه او تسافر وتعمله برا موقفك اية ؟ غريب : انا مش زى اى عالم قبل كدا نسب الاختراع لدولة تانية أو هبيعه المسرع هينطلق من مصر - تفتكر لو نجح المسرع ده تاخد جايزة نوبل ؟ ابتسم غريب ولم يرد على السؤال وقال - المؤتمر انتهى والمسرع هيشتغل خلال ساعتين اللى هينتظر ويشوف النتيجة اهلا بيه شهد : فارس .... فااارس فارس : هاا شهد : فينك فارس : سرحت مع كلامه ،، لو فعلا اللى بيقولو ده صح هيغير العالم كله شهد : انا غلطانة انى وافقت اجى معاك ،، قاعدة زى الحمارة مش فاهمة اي حاجة كان سيتحدث فارس لكن سرعان ما سرق شخص حقيبة شهد وانطلق بسرعة فجرى ورائه فارس بسرعة شديدة يطارده حتى وصل ذلك الشخص الى برج كبير وصعد وظل يصعد على السلالم بسرعة وورائه فارس حتى وصلو الى سطح البرج فى الدور 15 تقريبا وكان فارس ينهج بشده فظهر شخص اخر وضربه على رأسه وافقده الوعى ........ ** جاسر : جت معلومات يا يوسف ان العقرب مستخبى فى المكان ده يوسف : تمام اجمع القوة ويلا بينا جاسر : تمام استعد يوسف وجاسر وانطلقو بالقوة ووصلو الى المكان وتوجهوا بالاسلحة الى داخل المكان الذى كان عبارة عن جراج كبير ووجدو عدة اشخاص فتبادلو إطلاق النار بشده حتى مات الجميع وتبقى العقرب فقفز بعيد وظل يجرى ويطارده يوسف حتى اتت سيارة وركب فيها العقرب وانطلقت بسرعة شديدة فى نفس اللحظة فاق فارس على سطح البرج ويشعر بوجع فى رأسه ووقف ولكن صمت وصدم مما رأى كان انفجار المسرع ،،،انفجار شديد لدرجة ان قوة الانفجار انشأت خط طويل للسماء وانطلقت منها مجال باللون الاحمر وبدأ بالانتشار حتى غمر المدينة كلها وكان يوسف وجميع سكان القاهرة يشاهدون فى صدمة فجأه نظر فارس الى السماء التى يغطيها ذلك المجال الاحمر وفجأة ضربته صاعقة (برق) على رأسه من ذلك الانفجار مما جعلته يطير من شدتها ليصطدم بالحائط ............. ** كان هناك اطباء كثيرون يتحركون وفارس يجرونه على غرفة العمليات والكثير مندهش كونه على قيد الحياه رغم انه صعق من البرق وكانت شهد تبكى بشدة وتحتضن والدها وظل فى غرفة العمليات ساعتين وخرج الطبيب وقال - للأسف احنا عملنا كل اللى علينا بس فيه حالة غريبة بتحصل ،، كل الحروق والجروح اللى عنده اختفت اكنه محصلوش حاجة بس قلبه بيقف ويرجع تانى يشتغل وبيجيلو تشنجات كتيرة ،، مطمنكش كلها وقت قصير ومش هنقدر ننقذه يوسف : انا هسفره برا الدكتور : للأسف مش هتلحق وبعدين اى دكتور مش هيقدر يعمل حاجة ليه ،،الحالة اللى عنده دى اول مرة اشوفها جاء شخص من الخلف ونطق - انا هعاالجه فى مختبرى نظر الجميع له بإندهاش لانهم وجدوه ..... دكتور غريب مر وقت طويل........بعد مرور 9 اشهر فى مختبر كبير جدا وملئ بالتكنولوجيا والأضواء وكل شئ فاق فارس بتعب شديد فوجد شخصين يحدقان فى وجهه فارس بقلق و خوف : انتو مين !!! قال رامى بأبتسامة : انا رامى ودى مى فارس : بتعملو هنا اية !!! انا فين ؟ دخل دكتور غريب على كرسى متحرك وقال - انت فى مبنى المختبر بتاعى ودول رامى ومى المساعدين بتوعى فارس : دكتور غريب !!! انا من اشد المعجبين بشغلك ومقالاتك ابتسم غريب فارس : بس انا جيت هنا ازاى !! ...انا اخر حاجة فاكرها انفجار المسرع بتاعك وبعدين البرق اللى ضربنى انا عايش ازاى !!!! غريب : انت فاقد الوعى من 9 شهور ....البرق اللى صعقك كان نتيجة انفجار المسرع بتاعى انا فشلت وكله رمى التهم عليا وسمعتى باظت نهائى وانتهيت زى ما انت شايف كدا فارس : 9 شهور !!! رامى : يعنى انت مستغرب انك مغم عليك بقالك 9 شهور ومش مستغرب انك لسة عايش بعد ما البرق شقلطك !! فارس : شقلطك !!! انت متأكد انك شغال مع الدكتور غريب !!! رامى بتفاخر : شوور ، معاك اشطر مهندس ميكانيكا فى مصر كلها فارس : مش باين يعنى رامى : امممم واضح انى بتهان هنا ،، هروح اشوف البيض اللى بيتسلق نظر له فارس وهو مصدوم مى : معلش اصله نعنوش حبتين فارس : نعنوش مين ،، ده اهبل ضحك غريب ومى فارس : انا لازم امشى من هنا غريب : طيب استنى اما مى تعملك كل الفحوصات علشان نتأكد انك بقيت تمام فارس : هى دكتورة !!! غريب : ايوة مى : ومعايا 5 دكتوراه فى مجالات مختلفة فارس : امممممم طيب مر الكثير من الوقت حتى انتهت مى مى : تمام ، مؤشرات جسمك بتقول انك تمام 100% فارس : حلو ، همشى بقا علشان اشوف شهد ويوسف غريب : خلى بالك ولو حسيت بأى حاجة تعالى على هنا فارس بإبتسامه : تمام توجه فارس الى منزله لكنه لم يجد يوسف او شهد فقرر الاتصال بهم ولكن هواتفهم كانت مغلقة فارس لنفسه : راحو فين دول !!! دول 9 شهور يمكن عزلو من هنا بس ازاى ظل يفكر كثيرا حتى تذكر وذهب الى قسم الشرطة وصل الى القسم وصعد لأعلى فوجد جاسر فارس بلهفة : جاااسر حضنه جاسر جاسر : حمدالله على سلامتك،،انت نجيت بمعجزة ،، محدش كان يتوقع انك تقوم تانى فارس : الحمدلله عمر الشقى بقى جاسر : هههههه طيب بما انك رومانسى بقا وكدا كنت عايز اسألك على حاجة كدا فارس : اممممم شكلك بتحب جاسر : بالظبط ،، مرة تانية هبقى اسألك ولا البرق اثر على مشاعرك !! فارس : لا يا عم انا زى مانا بسلطاتى بس قولى فين چو جاسر : هتلاقيه فى مديرية الأمن دلوقتى وشهد فارس : انا عرفت هلاقيها فين جاسر : طيب اشطا انطلق فارس وذهب الى المنزل وصعد الى سطح المنزل وبالفعل وجد شهد واقفة تتأمل فى السماء فأبتسم فارس وتوجه ناحيتها فارس : كنت متأكد انى هلاقيكى هنا صدمت شهد من الصوت والتفتت وهى مندهشة وارتمت فى حضنه شهد : ياااه كنت خايفة مشوفكش تانى ،، 9 شهور!! فارس : ادينى بقيت كويس اهو واحسن كمان نظر فارس الى طير فى السماء ولكن شعر شعور غريب لاحظ تحركات الطائر بكل وضوح وسرعته ،، شعر بالدوار ووضع يده على رأسه شهد : مالك !!! فارس : دوخة كدا شهد : الزفت غريب ده عملك اية !!! فارس : متقوليش زفت وبعدين هو اللى عالجنى بعد ما كنت هموت شهد : ما المسرع الزفت بتاعه ده هو السبب فى اللى حصلك واللى حصل لغيرك شعر فارس بيديه ترتعش بسرعة شديدة وينطلق منها شرارة كهربائية فقلق بشدة وترك شهد شهد : رايح فين !! فارس بتوتر : نسيت حاجة كدا هروح اجيبها وهرجع سلاااام نزل فارس بسرعة وخرج من المنزل وهو يجرى فشعر بشعور غريب كأن الكهرباء تتدفق من جسده وفجأة اصبح يجرى بسرعة شديدة جدا لدرجة ان لم يلحظه احد من سرعته وكانت تنطلق منه شرارة كهربائية كثيفة جدا باللون الاحمر وهو مصدوم ولم يتحكم فى سرعته وحاول الوقوف ولكنه اصطدم بحائط كبير مما تسبب فى جرح كبير فى يده فارس بصدمة واندهاش لنفسه : وااااااو ،، اية ده !!!! لم يفكر كثيرا وانطلق بنفس السرعة الى مختبرات المستقبل حيث الدكتور غريب ووصل ولكن من سرعته احترق قميصه بفعل الشرارة وظل يقص ما حدث ويسمعه غريب ومى ورامى فى اندهاش كبير جدا غريب : مى اعمليلو فحوصات على جسمه كله وشوفى فيه اية رامى بفرح : ايوة بقا ،، اخيرا بطل خارق من اللى بتفرج عليهم فى الافلام فى مصر لا وواقف جمبى فارس : اهدى بالله عليك رامى : انا كلمتك يابنى !!! انتهت مى من عمل كافة الفحوصات والتحاليل لـ فارس مى : كل مؤشرات جسمه تمام مليون في المية بس فيه تدفق للكهربا فى دمه وغير كدا وده الخبر الكويس ان الجروح عنده بتتشفى بسرعة جدا يعنى جرح ايدك اختفى نظر فارس ليده فزعر بشدة - اية ده ايدى خفت !!!! غريب : اكيد تأثير المسرع من الانفجار هو اللى خلاك كدا فارس : يعنى اية !! غريب : يعنى بقيت عندك سرعة خارقة فارس : بمعنى!!! غريب : هقولك بمعنى اية بس الاول لازم نعمل اختبارات لسرعتك ونقيسها بالظبط فارس : طيب استعدوا وجهزو كل شئ وذهبو الى ساحة كبيرة جدا لا يوجد بها احد (صحراء) وشغل رامى اجهزة الكومبيوتر وكل شئ غريب : مستعد !! فارس بقلق : ايوة غريب : متنساش ،، لما تيجى تقف هدى السرعة ومع الوقت هتقف علطول من غير ما تهدى فارس : تمام غريب : 3 2 1 يلا انطلق فارس بأقصى سرعته وتنطلق منه شرارة كثيرة جدا باللون الاحمر مما جعل الجميع صامت من الصدمة رامى : الحقو الحقو ،، السرعة وصلت لكام !!!! غريب : مستحيل رامى : ايوة كدا المتعة هتبتدى عاااااا مى : اهدى يا رامى وركز رامى : حاضر يا نكدية كان يجرى فارس وهو يصرخ من الفرحة كالاطفال وسعيد جدا بما يفعله واستعد ليقف ولكن لم يستطيع وارتطم بشجرة كبيرة رامى : ذكى اوى ، مخدش بالنصيحة توجهت مى له واخذت تمسح كدمات وجهه فارس : مالك بصالى بقرف كدا ،، محسسانى انك بتعالجى كلب جربان مى : مش ببصلك بقرف فارس : امال مالك بتبصيلى كدا لية ! مى : لا انا علطول كدا فارس : لية بقا ان شاء الله ؟ مى بحزن وقد تذكرت : خطيبى مات من انفجار المسرع شعر فارس بالحزن : اسف انى فكرتك مى : لا ولا يهمك ، انت خلاص بقيت كويس فارس : طيب غادر فارس بعد وقت طويل معهم واتفق ان يأتى كل يوم للتدريب وعاد للمنزل فوجد يوسف يوسف بفرحة شديدة وهو يحضنه: فااارس وحشتنى اوى فارس : وانت اكتر والله ،، مش قادر اتخيل اننا اتجمعنا تانى يوسف : الحمدلله .... لسة كويس فى البلايستيشن ولا البرق ضيعلك الذاكرة !! فارس : لااااا ضيع مين ،، انا جاهز يا معلم بس ادينى رقمك الجديد كدا علشان اسجله واتصل ارخم عليك يوسف : استنى هرن عليك وانت سجله فارس : اعمليلنا شاى يا شهد عقبال ما اخسره شهد : طيب الشغالة هتعمل الشاى فارس : خلاص يا ست الحسن والنكد انا هعمله شهد : طيب اعملى معاك فارس : هششش يابت انتى شهد : طاااايب انقضى اليوم وفى صباح اليوم الاخر كان فارس فى المختبرات قبل الجميع رامى : اية ده انت هنا من امتى ؟ فارس : شوية كدا رامى : اممممم طيب خد فارس وهو يمسك الصندوق : اية ده !! رامى : فضلت طول الليل سهران عليها ، دى بدلة معمولة من كذا بوليمر ،، تقدر تتحمل حرارة وشرارة السرعة فى اقصى الحالات بدل ما هدومك تولع وساعتها كل يوم هتنزل تشترى طقم ،، كدا احسن فارس : تصدق كنت فى الاول بقول عليك رخم بس دلوقتى غيرت رأيي وفعلا شكلك مهندس شاطر رامى : هههههه طيب البدلة فيها قناع علشان وشك محدش يشوفو فارس : زى سبايدر مان كدا !! رامى : لا ده مغطى العين والشعر وفوق الرقبة كدا ارتدى فارس الزى بسرعة خارقة فى اقل من ثانية رامى : واااااااااو ايييية ده ،، انت عملت كدا ازاى فارس وهو ينظر بنفسه بإندهاش : مش عارف رن هاتف فارس برقم يوسف فارس : ايوة يا چوو - انا مش يوسف ،، لو عايز يوسف تسلمنى سرعتك !! فارس بعدم فهم : نعم !! - سرعتك مقابل يوسف يا اما هيحصل ابوك وامك فاكرهم !!! اللى ماتو على ايد نفس السرعة ، ضحايا غلطتك القى فارس الهاتف على الأرض وتذكر ما حدث فى الماضى flash back............. **★************★************************* رأيكوا فى الحلقة ؟؟ توقعاتكو بقا واية هو لغز فارس ولغز الرواية !!! اشوفكم بكراااا #الدكتوره التعديل الأخير تم بواسطة فيتامين سي ; 22-07-19 الساعة 04:14 PM | ||||||||
|
| |
|
22-07-19, 03:29 PM
| #3 | ||||||||
| مراقبة عامة ومشرفة منتدى الروايات المنقولة
| الحلقة الثانية بقلم / عبدالرحمن احمد - سرعتك مقابل يوسف يا اما هيحصل ابوك وامك فاكرهم !!! اللى ماتو على ايد نفس السرعة ، ضحايا غلطتك القى فارس الهاتف على الأرض وتذكر ما حدث فى الماضى flash back قام من نومه على صوت صراخ شديد مما جعله يشعر بالخوف فنزل الى اسفل فوجد شعاعيين مختلفين فى اللون احمر واسود يتحركان بسرعة جنونية وكانت امه تصرخ بشده فأحضر والده سلاح وكان سيطلق لكن اختفى كل شئ لم يعد احد فى المنزل غير فارس فقط اختفت امه ووالده واصبح المكان هادئ ... خاف فارس كثيرا و ... back رامى : فاااااارس فارس وقد افاق من ذكراياته : هااا رامى : هاا اية ،، مين اللي كلمك و توهت فين فارس : يوسف فى خطر رامى : يوسف مين ؟ فارس : ابويا او زى ابويا هبقى افهمك بعدين المهم لازم اتحرك دلوقتى جاء غريب بكرسيه المتحرك من خلفه : مينفعش تروح وتستخدم قوتك وانت لسة معرفتش تتحكم فيها فارس : مش هقعد هنا واسيب يوسف يحصله حاجة وانطلق بسرعته الخارقة غريب : اية اللى حصل يا رامى قص له رامى ما حدث غريب : طيب حدد مكان يوسف بسرعة من القمر الصناعى بتاعنا رامى : تصدق صح هرول رامى الى جهاز الكمبيوتر وظل يبحث عنه حتى حدد مكانه رامى بفرحة : لقيته غريب : فيين !!! رامى بقلق : قسم الشرطة غريب : كمين ،، اتصل بـ فارس بسرعة احضر رامى الهاتف واتصل بفارس ولكن لا يرد رامى : كنت عارف انه مش هيرد ،، الحل بقا !! جائت مى من الخلف : اية مالكو !! رامى : فارس فيه حد عامله كمين وعارف بسرعته مى : طيب ما تحذروه رامى : صح صح ،، انا حطيت جهاز فى القناع توجه رامى الى الكمبيوتر وحدد احداثيات وجوده غريب : حطيت تتبع فى البدلة !! رامى وهو يصفق : يسسس و فارس اهووو رامى : فارس ، ارجع المختبرات بسرعة فارس وهو يتحرك بسرعة خارقة : رامى !! انت بتكلمنى منين ؟ رامى : مش مهم بس انت معمول ليك كمين و يوسف فى القسم تحرك فارس بسرعة الى القسم فوجد بالفعل يوسف فرجع بسرعة وغير ملابسه وعاد اليه فارس : انت كويس !! يوسف بإستغراب : ايوة ،، فيه اية !! فارس : لا لا مفيش،،، اصل كنت معدى فقولت اتطمن عليك يوسف بشك : مع انى شاكك بس هصدقك جاء جاسر من الخلف جاسر : اشطا اوى انك هنا يا فارس خد علشان عايزك يوسف : عايزو فى اية ! جاسر : انسى بقا انك رئيسى فى الشغل وخلينا صحاب زى ما احنا يوسف : ماشى علشان خاطر شهد بس لم يفهم فارس شئ وتحرك مع جاسر فارس : هاا اية بقا جاسر : بما انك متربى مع شهد ويعتبر اختك فكنت عايز اعرف هي بتحب هدايا اية واية اللى يفرحها زى مفاجئات او كدا فارس بإستغراب : اشمعنا !!! جاسر : اية ده هو انا لسة مقولتلكش ؟ فارس : لا ، اية بقا جاسر : انا خطبت شهد يابنى تغيرت ملامح فارس ولكن صنع ابتسامة وقال : بجد امتى ده !! جاسر : لما كنت انت فى الغيبوبة فارس : امممم طيب هقولك ** عاد فارس الى المختبرات غريب : جاهز للتدريب !! فارس : ايوة جاهز غريب : تمام والسماعات دى اللى هتقدر تتواصل معانا بيها من هنا فارس : تمام رامى : يابنتى ابتسمى ولو ابتسامة واحدة اية ده مى : اسكت يا رامى اسكتتتت رامى : قوليلى الاول خبيتى فين البسبوسة بتاعتى وهسكت مى : اللى كانت فى المعمل !! رامى بقلق : ايوة هى مى بإبتسامة : كلتها رامى : كلتيها !!!! اممممم وانا اللى مستغرب الاكل اللى بيختفى ،، خلاص عرفت بيروح فين مى : خلاص بقا مكنتش حتة بسبوسة يعنى رامى : ماشى ياختى ،، مااشى ،، يلا يا عم فارس خلينا نشوف فيه اية ورانا ضحك فارس وانطلق بأقصى سرعة مما جعل الاوراق تتطاير فى المكان بسبب سرعته غريب وهو يكلم فارس عن طريق السماعة : فارس دلوقتى هتحاول تطلع على مكان عالى بسرعة زى اى بيت مثلا فارس : مش هعرف !! رامى : يلا يا فارس وبطل دلع البنات ده فارس : اول حاجة هعملها بعد ما ارجع هعلمك الادب على الكلمة دى رامى : بس يا بابا وركز حاول فارس الصعود بأقصى سرعة ولكنه فشل رن جهاز انذار فى المختبرات وتوجه رامى بسرعة الى الجهاز رامى : الحق يا دكتور اول واحد ظهر فارس : فيه اية يا جدعان !!! رامى !!! عاد فارس بسرعة الى المختبرات فارس : فيه اية ؟؟ مى : يوم الانفجار مش انت لوحدك اللى بقا عندك قدرات خارقة فارس : ازاى غريب : يعنى المجال الاشعاعى الناتج من الانفجار انتشر للقاهرة كلها وفيه اشخاص خدو قوة زيك بس مختلفة رامى : وانا صممت الجهاز ده علشان يشوف اى شعاع يظهر أو اى حد يستخدم القوة دى الجهاز يدى انذار فارس : وهو فين ده رامى وهو يحدد موقعه : لحظة ،، اهووو ، اوبس ده داخل على قسم الشرطة اللى فيه يوسف غريب : اوعى.. لم يكمل كلامه فأنطلق فارس بأقصى سرعة الى القسم ووصل وكان المشهد شرطيين على الأرض فاقدين الوعى ويوسف يطلق النار على ذلك الشخص لكنه يمتلك قوة ،، كان يتحكم فى الرياح ويضرب اى شئ واوقع يوسف ارضا هجم عليه فارس بسرعة شديدة لكنه ضربه بشده رامى : ركز يا فارس ،، احنا معاك قام فارس : وتوجه له ولكن ذلك الشخص قاوم ولكن وقع قناعه فارس : العقرب !!!! العقرب : انت مين !!! فارس : مش لازم تعرف وهجم عليه لكن بدأ العقرب فى الدوران وولد عاصفة كبيرة جدا كافية لتدمير مدينة وكل شيء تجذبه العاصفة فارس : اعمل اية يا جدعان غريب : فارس دور بسرعة عكس دورانه ،، ده اللى هيستنزف طاقته وهيوقفه فارس : طيب بدأ فارس فى التنفيذ ولكن قوة العقرب كانت اقوى ووقع فارس بعيدا رامى : زود السرعة اكتر يا فارس قام فارس وانطلق بأقصى سرعته وظل يدور حوله بسرعة شديدة عكس دورانه وبالفعل بدأ يفقد قوته حتى وقع ارضا توجه فارس الى يوسف ليطمأن عليه واوقفه كان يشاهد يوسف كل هذا فى ذهول شديد وصدمة يوسف : انت مين كان سيتحدث فارس ولكن قام العقرب من خلفه لكن اسرع يوسف وامسك سلاحه وأطلق عليه النار فوقع..... خلع فارس قناعه يوسف بصدمة : فااارس؟؟؟ ** فارس : هى دى الحكاية كلها يوسف : يعنى من ساعة انفجار المسرع ده اثر عليك وعلى بعض الناس فى القاهرة ! فارس : ايوة وبقيت زى ما انت شوفتنى كدا يوسف: بس ده خطر ،، ده ممكن يكون موتك بجد غريب : متقلقش يا سيادة المقدم ،،فارس هيبقى تمام وانا وفريقى بندربه لكدا ومحدش فى المدينة كلها هيبقى فى امان غير في وجود فارس يوسف : عايزنى اثق فيك بعد ما المسرع انفجر!!! كل ده بسببك انت وممكن احبسك حالا فارس : چووو ،، متنساش انه هو اللى انقذ حياتى وهو برضو اللى انقذ حياتى وحياتك النهاردة وعرفنى اتصرف ازاى يوسف : ماشى بس لو فارس حصله حاجة مش هيكفينى فيك سجنك يا غريب رامى : ايييية يا جماعة صوتكو جابلى صداع يوسف : وانت مين انت كمان !! فارس : ده رامى مهندس يوسف بإستغراب : مش باين يعنى ضحك فارس : نفس اللى قولته لما قالى رامى : هو انا مينفعش يعدى عليا يوم غير لما اتهزق كدا ؟ مى : خلاص يا رامى فارس : ودى مى ، دكتورة فى اى حاجة يوسف : اهلا مى بإبتسامة : اهلا بيك يوسف : شهد عرفت انك ... فارس : لا ومش هقولها ،، مش عايز أأذيها يوسف : كويس ،، يلا بينا نروح فارس : لا روح انت انا ساعة كدا وجى ، هقعد شوية مع رامى نشوف حوار كدا للى بيحصل ده يوسف : تمام ،، سلام رحل فارس ورحل غريب فارس : عايزين حاجة تخترعها بو اى حد ظهر تانى نعرف مش الجهاز ده لاننا لو مش فى المختبر هنا مش هنعرف رامى : عندك حق ،، انا كنت بفكر اعمل تطبيق يبقى على موبايلاتنا لو حصل حاجة فارس : تمام هو ده المطلوب ،،هتعرف تعمله !! رامى : عيب تسأل رامى عن حاجة زى دى ،، انت اكنك كدا بتقولى هتعرف تسلق بيضة ولا لا ضحك فارس : ماشى يا سيدى اما نشوف ،، اية ده هى مى راحت فين رامى بحزن : تلاقيها عند بوابة المسرع ،،من ساعة ما خالد خطيبها مات جواه وهى كل يوم لازم تروح وتقعد قدامه وتعيط فارس : اممممم طيب انا هروحلها رامى : طيب ذهب فارس الى مكان وجود المسرع فوجد مى جالسة امامه وتبكى بشدة توجه فارس تجاهها وجلس جوارها فارس : قعدتك هنا كل يوم علشان تعيطى عليه خطر عليكى ،، انتى كدا بتفكرى نفسك باللى حصل وده هيأثر عليكى جامد مى ببكاء : انت متعرفش حصل اية بالظبط فارس : انا فعلا معرفش حصل اية بالظبط بس كل اللى اعرفه اننا لازم نكمل حياتنا حتى لو خسرنا اعز الناس فى حياتنا مش نقعد نحسر نفسنا عليهم ونأثر على حياتنا مى بدموع : بس انت متعرفش احساس انك تكون بتحب حد بجد وخلاص بتخططو علشان تعيشو حياتكو مع بعض وفجأة يختفى من حياتك فارس وقد تذكر شهد : لا يا مى ،، اعرف الاحساس ده ،، لما اكون مجهز مفاجأة ليها يوم انفجار المسرع واعرض عليها الجواز ولكن يحصل اللى حصل ده واقعد فى غيبوبة 9 شهور واتفاجئ انها اتخطبط لظابط صاحبى وصاحب بابا ،، احساس صعب بس دى الحياة مى : هى مين دى !! فارس : شهد اللى اتربيت معاها بعد ما يوسف خدنى بيته وربانى معاه مى : بس تعتبر فى مقام اختك فارس : متقربليش نهائى وكمان يوسف متبنانيش ده ربانى بس وكان عارف انى هعرض عليها الجواز وهصارحها وكان فرحان بس كل شئ انتهى علشان كدا بقولك انسى وكملى حياتك ،، ربنا اكيد مختار لينا الاحسن والافضل ابتسمت مى : حاضر هنسى وهكمل حياتى فارس : ياااه اخيرا ابتسمتى ،، ايوة كدا اضحكى وبعدين حد يشتغل مع رامى وميضحكش ضحكت مى : رامى ده بحسه كائن فضائى من كوكب تانى ، تكون الدنيا مقلوبه وهو بيهزر فارس : اها انتى هتقوليلى ظلو يتحدثون لبعض الوقت ويضحكون حتى قام فارس فارس : يلا اشوفك بكرا بقا مى بإبتسامة : ماشى يلا سلام فارس : سلام ** عاد فارس الى المنزل فوجد شهد تشاهد التلفاز،،دق قلبه بشده لمجرد انه تخيل ان حب طفولته ستكون لغيره شهد : فرووووس انت جيت فارس : لا لسة مجتش ،، امال شبح يعنى !! ضحكت شهد : خد الفيلم اللى بتحبه اهو شغال فارس : لا انا تعبان هخش انام ،، هو فين چوو شهد : جاسر كلمه وراحله فارس : اها صح ، مبرووك شهد بفرح : اية ده انت عرفت فارس : ايوة جاسر قالى النهاردة فى القسم وفضل يسألنى عنك كمان شهد بسعادة شديدة : وقالك اية !! فارس : انتى بتحبيه !!! شهد : يااااه ،، مش بحبه بس ،، انا بعشقه كان فارس يسمع الكلام وقلبه يتمزق فارس : مقولتليش صحيح انتو عرفتو بعض ازاى شهد : فاكر يوم انفجار المسرع فارس : اها ماله !! شهد : طلعت اجرى وراكو لغاية اما طلعتو البيت ده فضلت واقفة لغاية اما شافنى جاسر ساعتها وجيه سألنى فيه اية وقولتلو راح طلع وراك وقابل اللى سرق الشنطة على السلم هو وواحد تانى ومسكهم ضربهم ورجعلى الشنطة وطلع لقاك بعد ما البرق صعقك وفضل معايا انا ويوسف فى اليوم ده ومن ساعتها قربنا من بعض لغاية اما من شهر خطبنى من بابا بس هى دى الحكاية فارس بإبتسامة : ربنا يسعدكم ويخليكو لبعض ،، يلا انا هخش انام شهد : طيب مش هتاكل !! فارس : لا مليش نفس دخل فارس الى غرفته وجلس على سريره يفكر فى شهد وهو حزين فتغير مسار تفكيره الى تلك الليلة flash back اختفت امه ووالده واصبح المكان هادئ ... خاف فارس كثيرا و ظل يبكى فظهر نفس وميض الشخص بالون الاصفر الذى كان يتحرك بسرعة خارقة والقى بوالديه واختفى تحرك فارس فى خوف وبكاء شديد واحتضنهما وهو يبكى ويصرخ back نام فارس وكل تلك الذكريات تأتيه من جديد بعد ان اختفت من حياته ولكن ها هى عادت الان لكى تهاجمه من جديد ** اصبح يوم جديد وفاق فارس على صوت دق شهد على الباب فارس : مييين شهد : انا يبنى انت قافل الباب من عندك لييية قوم احنا الضهر فارس : ايية ،،، اها صح النهاردة اجازة شهد : افتح الباب وقوووم احنا الضهرررر فارس : حاااضر يا زفتة انتى صدعتينى قام فارس وبسرعته الخارقة انتهى من حمامه وارتداء ملابسه فى اقل من دقيقة وخرج شهد : اية ده لحقت استحميت وغيرت هدومك فى اللحظة دى فارس : عندك مانع !! شهد : لا ياعم مانع اية ،، تعالى اتزفت افطر فارس : شهد انا لازم اشترى شقة ليا لوحدى شهد بإستغراب : لية !!! فارس : انتى متقربليش ومينفعش اقعد انا وانتى فى بيت واحد لوحدنا شهد : بس احنا يعتبر اكتر من اخوات يا فارس ،، انت ايوة مش اخويا بس انا بعتبرك اخويا وكل حاجة ليا هنا فارس : برضو مينفعش يا شهد شهد : سيبك من الهبل اللى فى دماغك ده وتعالى يلا كل فارس : چوو فى الشغل !! شهد : ايوة فارس : طيب شهد : اها صح عرفت حكاية البطل الخارق اللى فى القاهرة!! فارس بقلق: بطل خارق !!! شهد : ايوة الناس شفوه بيجرى بسرعة جامدة جدا وكان عامل زى الشعاع الاحمر وهو بيجرى وهو اللى انقذ بابا امبارح فارس : وانتى مصدقة الهبل ده !! شهد : انا شوفته بنفسى بيجرى بسرعة جدا ومنور احمر فارس : منور احمر !! شهد : ايوة فارس : ربنا يشفى شهد : يابنى صدقنى ،، والله بتكلم بجد فارس : مفيش حاجة اسمها بطل خارق ولا واحد بيجرى بسرعة البرق ولا بينور احمر شهد : هثبتلك فارس : لاا ابعدى عن الحوار ده وبطلى هبل شهد : هبل اية ده انا كتبت حتة مقال عنه زمانه نزل فى الصفحة الاولى فى الجريدة فارس : مقال اية شهد : مقال بعنوان البرق ينقذ القاهرة من شخص خارق ،،المستحيل يتحقق فارس : المستحيل يتحقق !!! شهد : اهاا فارس : منك لله يا شيخة ،، انتى هبلة ،، ابقى قابلينى ان ما بقتيش مسخرة الفيس بوك على المقال ده وكل اللى هيشوفك هيضحك شهد : هنشووف ** دخل غريب المختبر ودخل ممر طويل ووصل الى نهايته و لمس الحائط فخرج منها ليزر ومسح اعين غريب وهو شفرة لفتح الباب وانفتحت الحائط بشكل غريب ودخل واغلقت ولم يظهر اي شئ دخل غريب وكانت الغرفة بشكل تكنولوجي مبدع ومتميز ولم يرى من قبل شاور غريب بيده فخرجت امرأة ولكن كانت مجرد كومبيوتر بشكل مجسم وهولوجرام (هواء ليس بحقيقة ) غريب بإبتسامة : اية اخبار المستقبل !!! - كل شئ على ما يرام دكتور غريب وظهرت شاشة كبيرة فى الهواء ويوجد فيها صورة فارس وهو مقتول ومكتوب اسفلها "مقتل الدكتور فارس محمد فى ظروف غامضة بعد ان اتضح انه هو (البرق) منقذ المدينة " ابتسم غريب وقال : جيه وقت التنفيذ...... ***************************************** رأيكم ؟؟ اوعدكم هفاجأكم حتى اللى فاهم هيحصل اية هيتفاجئ باللى هيحصل ... تفاعل بقااا #Emy | ||||||||
|
| |
|
22-07-19, 03:30 PM
| #4 | ||||||||
| مراقبة عامة ومشرفة منتدى الروايات المنقولة
| الحلقة الثالثة بقلم / عبدالرحمن احمد غريب بإبتسامة : اية اخبار المستقبل !!! - كل شئ على ما يرام دكتور غريب وظهرت شاشة كبيرة فى الهواء ويوجد فيها صورة فارس وهو مقتول ومكتوب اسفلها "مقتل الدكتور فارس محمد فى ظروف غامضة بعد ان اتضح انه هو (البرق) منقذ المدينة " ابتسم غريب وقال : جيه وقت التنفيذ...... ** وصل فارس الى مقر الجريمة بعد ان اتصل به يوسف فارس : ها فيه اية !! يوسف : لقيناه مقتول بالطريقة دى فارس : امممم وذهب ليتفقده ثم قال : چوو خد بسرعة يوسف : فيه اية فارس : مش ميت يوسف : نعم !! مفيهوش نفس يا فارس فارس : لا بيتنفس قدامى اهو يوسف بإستغراب : ازااى !!! احضر فارس مياه والقاها على وجهه برفق ففتح عينه فارس : انت مين واية اللى عمل فيك كدا ؟؟ بدأ ذلك الشخص بالخوف وقال : ابعدو عنى هأذيكو فارس : اها عضلاتك مقوية قلبك ،، اخلص انت مين !! قام ذلك الشخص وابتسم وامسك بفارس مثل الطفل والقاه بعيدا فذهب يوسف اليه فارس بتألم : انا كويس اقبض عليه متسبهوش قام يوسف وتوجه ناحيته هو وقوه من الشرطة يوسف : ارفع ايدك فوق يا اما هتموت نظر لهم ثم امسك صندوق كبير بكل سهولة والقاه عليهم فى لحظة قام فارس بسرعته وابعد رجال الشرطة قبل ان يسقط عليهم الصندوق ودون ان يلاحظه احد وفى اقل من ثانية ذهب الى المختبر وارتدى بدلته وجاء الى المكان فوجد المبنى يشتعل من الاعلى فارس عن طريق السماعات : رامى!!!! مى؟ دكتور غريب!!! اى حد موجود؟ غريب : انا موجود يا فارس ،،فيه اية ؟ فارس : العمارة بتولع وفيها ناس ومش هعرف انقذهم بسرعتى من السلم غريب : اطلع بسرعتك كلها على العمارة وهتقدر فارس : قصدك امشى على العمارة نفسها !!! غريب : ايوة ،، اجرى يا فارس نظر فارس للمبنى وانطلق بأقصى سرعته الى الاعلى وبالفعل نجح واخرج الجميع وتوجه الى ذلك الشخص ولكن كلما اقترب منه كان يلكمه بشده ويسقطه على الارض واطلق يوسف عليه النار ولكنه لم يتأثر فارس : دكتور اعمل اية دلوقتى !! غريب : شتته ،، دوخه ..ده هيساعدك تتغلب عليه فارس : طيب بدأ فارس فى التنفيذ واخذ يشتته بكامل سرعته وبالفعل بدأ فى التشتت والضعف ولكمه فارس فى وجهه بشده دخل رامى ومى على غريب : اوبااااا شكل الاكشن راح علينا غريب : فارس خلص خلاص ،،علشان تبقى تتأخر رامى : لا ما دام الاكشن هيروح يبقى اجى بدرى وامسك المايك وقال : جدع يا برق غريب بإستغراب : برق !!! جبت الاسم ده منين رامى : هو انا مقولتلكش ،،، انا قررت يبقى اسمه البرق اسم حلو مش كدا غريب : اها طبعا مى : طول عمرك بتنقى اسماء حلوة رامى : عارف تغلب فارس عليه ووضع يده فى الكلبش وتركه ورحل بسرعة الى المختبر وكان شهد واقفة تشاهده شهد : وااااااو ،، اما تشوف هتقول اية يا فارس اما اوريك فيديو البرق وتصدق انه موجود فعلا جاسر : شهد اية اللى جابك هنا شهد : جسورر حبيبى مش هتصدق ،، صورت البرق جاسر : البطل الخارق !! شهد : يس ،، هو اللى انقذ الموقف وانقذ بابا والبوليس اللى معاه جاسر : طب يلا من هنا ومتبقيش دماغك ناشفة كدا وتروحى مكان بيحصل فيه مصايب زى كدا شهد : حاضر يا حبيبي ** فارس : شكرا يا دكتور على مساعدتك ليا النهاردة غريب بأبتسامة : العفو بس اهم حاجة الفترة الجاية التدريب ولازم تزود سرعتك اكتر فارس : اكتر من كدا !! غريب : ايوة اضعااف كمان رامى : يلا يا فارس ، تعالى كل معانا بسبوسة فارس : غريبة يعنى ! رامى : عارف اللى هتقولو فارس : مش كنت بتتخانق مع مى على البسبوسة امبارح !! رامى : علشان بتاكلها من ورايا وانا افتكر ان فيه عفاريت بتاكلها فارس : اية ده تصدق البسبوسة دى حلوة اوى رامى : يبقى ليا حق اتخانق علشانها ولا لا فارس : ليك حق طبعا ،انا لو منك اولع فيها كمان مى : بقى كدا يا فارس ،، ماشى فارس : لا ابوس اديكى فرقة النكد مش عايزها دلوقتى ،، اضحكى وفرفشى زى ما كنتى رامى : وكفاية بسبوسة خلصتيها مى : لا مش كفاية بعدين انا اللى شرياها يا مفجوع رامى : ذلينا بقا علشان شرياها فارس : بس بقا روشتونى رامى : انت بطئ اوى فى اكلك يا عم فارس : ما بلاش علشان لو استخدمت سرعتى مش هيبقى فيه بسبوسة اصلا وساعتها ممكن نخسر بعض رامى : لا لا اكلك البطئ حلو ،، انا قلت حاجة !! فارس : بحسب رن هاتف فارس ووجد الرقم هو رقم شهد فارس : ايوة يا شهد ؟ شهد : فارس انا زهقانة تعالى خرجنى فارس : وحياة امك ؟؟ ماتخلى الزفت جاسر خطيبك يخرجك انا ورايا شغل شهد : جاسر طلع مع بابا مهمة دلوقتي .. اها نسيت اقولك ..شوفت البرق فارس : نعم !! شوفتى مين ؟ شهد : البرق وصورته كمان وكان سريع اوى وبيطلع من جسمه كهربا وشكله كيوووت اوى فارس : امممم انتى كنتى موجودة شهد : اية فارس : لا مفيش ... اقفلى اقفلى انا جايلك اغلق فارس مع شهد فارس : انا رايح مشوار كدا وهرجع تانى مى : مع شهد !! فارس : ايوة قرفانى مى : مش هى مخطوبة ؟؟؟ فارس : اها بس ظابط وانتى عارفة بقا علطول مشغول وانا اللى بهديلها الملل مى : امممممم فارس : يلا سلام رامى : سلام رحل فارس رامى : مالك وشك قلب كدا لية وكشرتى تانى مى : ملكش دعوة رامى : امممممم وضحت خلاص مى : اية دى اللى وضحت ! رامى : باين كدا هتموتى من الغيرة من ساعة اما فارس كلم شهد مى : انا !! وهغير لية يعنى ؟؟ رامى : يمكن علشان بتحبى فارس مثلا مى : بطل تخاريف يا رامى انا محبتش ومش هحب حد غير خالد رامى : خلاص يا ستى متتقمصيش خرجت مى وذهبت وجلست امام المسرع واجهشت بالبكاء (فلاش باك) غريب : فيه اية ؟؟؟ رامى : المسرع درجة حرارته عليت اوى وخلال وقت قصير هينفجر مى : اية غريب : الانفجار ده لو متوقفش القاهرة هتتمسح من على الخريطة...لازم نوقف المسرع ضرورى خالد : انا هدخل جواه وهحاول اوقف المحرك الاساسى واقطع عنه التيار ولو معرفتش هضطر اعكس الاقطاب واخلى الانفجار يبقى لفوق مش بالعرض علشان المبنى والناس محدش يتأذى مى : لا يا خالد ده خطر ... لو دخلت هتموت اقترب خالد وامسك يديها وقال : لازم اعمل كدا يا مى يا اما ناس كتيرة اوى هيموتو مى بدموع : انا خايفة اوى...ارجعلى يا خالد...فرحنا كمان اسبوع اخذها خالد فى حضنه وقال : بأذن الله هرجع وهنعمل فرحنا وهتجوزك ونبقى مع بعض انطلق خالد وبالفعل دخل المسرع بمساعدة رامى رامى : قدامك 3 دقايق والباب هيقفل لوحده ... لازم تخرج قبل الوقت ده خالد : حاضر انطلق خالد وانتظر رامى امام الباب ومر الكثير من الوقت حتى انتهى الوقت ولم يعود خالد وبدأ الباب يغلق وحاول رامى ان يبقيه مفتوح ولكن لم ينجح وبالفعل اغلق الباب جائت مى مسرعة الى باب المسرع تصرخ وتخبط بيديها وانطلق جهاز الانذار وجاء خالد الى الباب من داخل المسرع خالد : مى مى ببكاء : خااالد انت من عندك سهل تفتح الباب .... افتح واخرج خالد : مش هينفع يا مى انا عكست الاقطاب والانفجار هيبقى لفوق ومش هيأذى حد ولو فتحت الباب الاقطاب هترجع تانى مى ببكاء : علشان خاطرى ... اموت معاك احسن ما تسيبنى خالد بنبرة حزينة : سامحينى يا مى .... انا كدا هنقذ ارواح كتير اوى بكت مى بشدة خالد : مش عايزك تعيطى يا مى....انا بحبك يا مى....بحبك مى ببكاء : وانا بحبك اوى يا خالد وظلت تبكى بشدة وبدأ الانفجار وانفجر المسرع وصرخت مى بشدة وظلت تخبط على الباب بشدة وتنادى على خالد ولكن حدث ما حدث (باك) رامى : مى ؟؟ انتى رجعتى تعيطى تانى !! مى بدموع : كان يوم صعب اوى رامى : اشمعنى رجعتى تفتكريه دلوقتى وانتى من ساعة ما كلمك فارس وانتى بطلتى تقعدى هنا وتعيطى مى بدموع : علشان افتكرته وافتكرت الحب اللى بينا رامى : مى انتى بتحبى فارس صح ؟ مى : ايوة بحبه يا رامى...استريحت رامى : ومالك زعلانة لية كدا ؟؟ مى : علشان محستش الاحساس ده من ساعة خالد الله يرحمه وفارس الوحيد اللى خرجنى من المود ده وهو اللى خلانى انسى واركز فى حياتى ودلوقتى هو بيحبها هي مش بيحبنى انا رامى : ما ده طبيعى يا مى....شهد متربى معاها انما انتى ميعرفكيش غير من فترة صغيرة مى : بس شهد اتخطبت ومش بتحبه رامى : بس هو بيحبها....المهم يلا قومى ساعدينى علشان بضيف حاجات فى البدلة بتاعته علشان تعرفنا نبض قلبه ومؤشرات جسمه طول ما هو بيواجه حد مى : طيب ** فارس : ادينى جيت يا ستى...ها شهد : الاول عيزاك تشوف الصورة دى فارس : اية ده...مين اللى صور الصورة دى شهد بأبتسامة انتصار : البرررق فارس : ولو ازاى تروحى المكان اللى فيه مصايب وتصوري...افرضى اتأذيتى ؟؟ شهد : خلاص بقا يا فرووووس محصلش حاجة وانا كويسة اهو فارس : وهو انا لسة هستنى لغاية اما يحصل شهد : المهم هنزل الصورة دى فى الجرنال بكرا وهنزلها على كل بيدجات الفيس فارس : لاا شهد : ملكش دعوة...الناس لازم تعرف ان فيه بطل خارق فى مصر وانه مش فى الافلام بس وان فيه حد بيحميهم فارس : ده خطر عليكى يا بنتى شهد : تؤ تؤ ملكش دعوة بس فارس : طيب امشى انا بقاا شهد : لا تمشى فين ،، انا عيزاك تنزل معايا اشترى كام طقم فارس : يا بنتى انتى هتشلينى ؟؟ ما تروحى مع خطيبك شهد : لا انا عايزة افاجئ جاسر وكمان زوقك حلو ولا اخويا مش هيرضى ينزل يجيب حاجة معايا !! فارس : اخوكى طهق...هنزل اخلصى البسى ** جاسر : شوفت الراجل الخارق اللى ظهر ده !! يوسف : اها ده هو اللى انقذنى النهاردة جاسر : ده التلفزيون مش مبطل كلام عنه واللى عايز يستضيفه واللى واللى يوسف : مظنش هيقبل جاسر : بس مش مصدق....معقول اللى كنا بنقول عليه خيال يتحقق كدا !! يوسف : انا زيك كدا بالظبط...بس ده اللى حصل جاسر : معندكش فكرة ممكن يكون مين ؟ يوسف : هاا...لا وانا هعرفه منين...ده لابس قناع على وشه جاسر : شهد مهووسة بيه لدرجة انها كانت موجودة فى مكان الحادث النهاردة وصورته يوسف : شهد !! جاسر : ايوة يوسف : هتأذى نفسها....لازم احذرها المجنونة دى جاسر : خلى فارس يكلمها...مبتسمعش غير كلامه يوسف : المهم عملت اية فى اللى قولتلك عليه جاسر : الاهم عايزين نحدد ميعاد الفرح يوسف : ما احنا اتفقنا وقولنا كمان شهريين عقبال ما شقتك تخلص وتجهزو نفسكو جاسر : خلاص تمام ** فارس : باااس كفاية كدا بقالنا ساعتين بنلف....حلو اوى اللى جبتيه ده فجأة سمع صوت اطلاق رصاصة وبسرعته الخارقة رأها قادمة .... قادمة بأتجاه شهد التقط فارس انفاسه و سحب شهد تجاهه بكل سرعة فلم تأتى اليها الرصاصة واتجهت الى الارض شهد : اية ده حصل اية ؟؟ فارس : يلا نمشى من هنا بسرعة....يلا شهد برعب : فيه اية فارس : يا شيخة هو ده وقته ما تجرى وانتى ساكته اصبح المكان ملئ بالصراخ بسبب الرصاصة واختبئ فارس وشهد فى جراج موجود فارس : خليكى هنا ؟؟ شهد : رايح فين ؟؟ فارس : موبايلى وقع هروح اجيبه شهد : لا هتمووت فارس : متفوليش بس واخرسى وخليكى هنااا شهد : طيب خرج فارس وانطلق بسرعته الخارقة الى سطح البرج الذى اطلق منه الرصاصة ولكم الشخص فى وجهه واوقعه ارضاا - فاارس...مرحب بيك مرة تانية هههه فارس : انت تعرفنى ؟؟ اخ نسيت البس البدلة - مش محتاج تلبسها ... انت فارس محمد اللى ابوه وامه اتقتلو زمان على ايد واحد عنده سرعة زيك ،، صدقت انى اعرفك ؟؟ ذهب له فارس بسرعته وامسك بلياقة قميصه ورفعه فارس بعصبية : انت ميين ؟؟ - انا قدرك ،، انا اللى قتلتهم ،، انا البرق الاصفر اللى قتلهم قال تلك الجملة واختفى واصبح ليس لديه وجود التفت فارس فى كل مكان ولكنه لم يجده عاد فارس الى شهد شهد : ده كله بتجيب الموبايل ؟؟ فارس : يلا شهد : مالك ؟ فارس : مليش يلا علشان اروحك واروح مشوار كدا شهد بإستغراب : حاضر *** توجه غريب الى تلك الغرفه ولمسح الحائط وفتح الباب ودخل ولمس حائط فى الغرفة فظهر مكان كالدولاب وفيه بدلة شبيهة ببدلة فارس ولكنها باللون الاصفر شاور بيده فخرجت تلك المرأة - اهلا دكتور غريب غريب : البدلة اتشحنت ولا لسة ؟ - لم يكتمل الشحن يا دكتور غريب : اية المدة اللى هتتبقى - كل الحسابات تشير الى شهرين يا دكتور غريب : بالظبط زى التاريخ بتاع الجريدة ،، خطتى ماشية تمام ...دورين اية احتمال فشل خطتى وانتصار البرق !! دورين : انه بحاجة الى معجزة يا دكتور ، النسبة هى 1% ،، لن تفشل الخطة...سيموت البرق ،، المستقبل يشير الى ذلك...... ************************************ توقعاتكم ؟؟ تفتكروا غريب هو اللى قتل اهل فارس ؟ تفتكروا فيه سر فى حياه فارس ؟ هل نهاية فارس الحلقة الجاية !!!! اشوفكم فى حلقة جديده وانتهاء اسطورة البرق.... الحلقات بتنزل حسب التفاعل #Emy | ||||||||
|
| |
|
22-07-19, 03:30 PM
| #5 | ||||||||
| مراقبة عامة ومشرفة منتدى الروايات المنقولة
| بنعتذر جدا على التأخير الحلقة الرابعة اعاد فارس شهد الى المنزل وذهب الى المختبرات رامى : ويلكم ماي هيرو فارس : فين دكتور غريب غريب : انا هنا اهو...حصل حاجة ؟؟ فارس : فيه موضوع كدا كنت عايز احكيه لحضرتك غريب : موضوع اية ؟ اخبر فارس غريب بقصة وفاه والده ووالدته حينما كان صغير فارس : دلوقتى اللى حصل النهاردة ان فيه واحد ظهر وضرب نار من قناصة فوق عمارة وانقذت شهد بس المشكلة انى لما طلعتله ضحك وقالى انه هو اللى قتل ابويا وامى واختفى....انا مش فاهم حاجة....اللى قتلهم انا شوفته كان عنده نفس قوتى وكان ببدلة صفراا وبيخرج منه شعاع اصفر وكان معاه متهيألى شخص تانى بشعاع احمر زيي بالظبط غريب : اممم قصدك ان اللى قتلهم موجود ولسة عايش وظهرلك دلوقتى ؟ فارس : بالظبط غريب : طيب تمام...عايز تاخد تارهم وتنتقم من اللى قتل اهلك ؟ فارس : اكيد غريب : يبقى تلتزم فى التدريب وكل حاجة المفروض تتعمل علشان تزود سرعتك ومهارتك علشان لما يظهر الراجل ده تانى بشكل شخصى تقدر تتغلب عليه فارس : وانا جاهز ومن دلوقتى كمان غريب : لا دلوقتى اية...الساعة بقت 1 ... بكرا الصبح الساعة 6 تكون هنا فارس : حاضر 6 بالدقيقة رامى : تعالى يلا معايا ونسنى فى الطريق فارس : انت اسرع مرة روحت بيتك فيها كانت فى اد اية ؟؟ رامى بتفكير : ربع ساعة !! فارس : تمام وامسكه فارس وانطلق به الى منزله ووصل فى اقل من 5 ثوانى وظل فارس يصرخ فارس : مرحباااا رامى : واااااااو لا لا اعملها تانى كدا ههههه عااااا فارس : وطى صوتك ياهبل الناس نايمة وبعدين لما نخلص من الهم اللى احنا فيه ده هخدك لفة رامى : طب تعالى الصبح خدنى من هنا بقا علشان متأخرش فارس : حد مفهمك ان انا العربية المرسيدس اللى حضرتك اشترتها ولا اية !! رامى : خلاص ياعم انت هتعيط عض فارس شفتيه من العصبية وقال : انا همشى قبل ما اضرب حد رامى : اتكل على الله تضرب مين بس فارس : حاضر هتكل على الله *** عاد فارس الى المنزل فوجد يوسف يشاهد التلفاز يوسف : مرحب بالبرررق فارس : شششش شهد بتصحى للفجر وهتسمعنا يوسف : تلاقيها بتكتب فى موضوع البرق دلوقتى فى اوضتها فارس : اممممممم يوسف : قولت لجاسر يكلمها قالى خلى فارس هو اللى يقعنها علشان مبتسمعش غير كلامك فارس بحزن : اهاا يوسف : فارس...انا عارف انك بتحبها وعارف بردو انك كنت هتقولها فى اليوم اللى حصل فيه الانفجار فارس : بس هى عمرها ما حبتنى غير كأخ ليها يوسف : يمكن علشان فعلا انتو كنتو اخوات ومتربيين مع بعض فارس : انا عارف خلاص انها مش ليا بس هفضل احبها وهتبقى اختى بجد وهشوفلى شقة اقعد فيها علشان مينفعش نقد كدا فى شقة واحدة وهى تعتبر غريبة عنى يوسف : انا واثق فيك يا فارس لانى اللى مربيك ومربيها...مينفعش تسيب البيت...هى كلها شهرين وهتتجوز وهتروح شقتها فارس بحزن : ربنا يقدم اللى فيه الخير....اها صحيح مش انا لقيت اللى قتل ماما وبابا يوسف بإستغراب : بعد العمر ده كله ؟؟ فارس : ايوة يوسف : مين !! فارس : لسة معرفش بس بدأ يطاردنى...شهد مستحيل متكنش حكتلك على اللى حصل النهاردة يوسف : حكيتلى واتأكد انك طاردته فارس : كان هو واختفى زى العفاريت او مكنش موجود اصلا...مش عارف يوسف : بس انت بتقول انه كان سريع زيك كدا بالظبط فارس : ايوة بس انا لسة مش فاهم...المهم دلوقتى اجهز ليه علشان لما يظهر انتقم منه يوسف : انا قلقان عليك فارس : متقلقش يا چوو ربنا يستر يوسف : يارب سمع فارس وصول اشعار ماسنجر على هاتفه وامسكه وفتحه فارس : الحق يوسف : اية فارس : بنتك المجنونة بعتالى بتقولى انا عملتلك منشن على صورة البرق اللى نزلتها خش اعملى لايك وكومنت يوسف : البت دى هبلة ؟؟ فارس : باينلها كدا...اصبر بس انا هخليهالك تبطل تكتب عن الزفت البرق ده يوسف : ازاى يا زفت فارس : هبقى اقولك ازاى....يلا تصبح على خير يوسف : وانت من اهل الخير *** فى صباح اليوم التالى قام فارس بسرعة شديدة وانتهى من كل شئ فى اقل من دقيقة وخرج ووجد شهد خارجة من غرفتها وهى نائمة فارس : انتى لسة صاحية شهد بنوم : اية ده انت قومت ولبست وسرحت شعرك كمان ؟؟ فارس : اها اية رايك فى السرعة شهد : غريبة...ده انا كنت بقعد اعيط جمبك علشان تصحى فارس : خشى صحى بابا يلا علشان نفطر انا حضرت الفطار شهد : الفطار كمان ؟؟ فارس : اممم اقعدى اتكلمى وارغى كدا لحد ما مش هنخلص شهد : داخلة...داخلة اصحيه اهو مر الوقت وانتهوا فارس : يلا جود باى شهد : استنى وصلنى معاك الجريدة فارس : انا مش هركب شهد : امال هتمشى المسافة دى كلها فارس : اوبس..لا هجرى اصل الجرى مفيد للصحة وانا زى مانتى عارفة رياضى شهد : طيب وصلنى انت يا بابا يوسف : ماشى فارس : يلا سلام انطلق فارس بأقصى سرعته ووصل الى المختبر فارس : انا جاهز رامى : انا جيت قبلك ومعنديش قوة خارقة...ياريت نلتزم فارس : حاضر يا بشمهندس زفت يلا نمشى بقا...آمال فين مى خرجت مي من غرفة : انا جاهزة غريب : وانا جاهز انطلق الجميع ووصلوا الى منطقة التدريب الخالية تماما رامى : انا صنعت 2 روبوت علشان يقاوموك وانت هتبقى ضدهم بس خلى بالك دول هيضربو عليك نار وصواريخ يعنى فيها موت...جاهز ولا اية مى : انت اهبل ؟؟ انت عايز تموته ؟؟ فارس : انا جاهز مى : لا انت مش قدها رامى : انت قدها يا فارس ابتسم فارس ل-مى بتحدى وانطلق واطلق عليه الروبوتات النار وغريب يراقب فى صمت وانطلق فارس باقصى سرعته والتف حولهم ودمر احدهم واطلق الروبوت الآخر رصاصة وبسرعته الخارقة امسكها بيده قبل ان تصل الى جسده ودمره رامى : ايوااااااااا مش قولتلك فارس : احم احم....ابقى هات حاجة قوية احاربها المرة الجاية غريب : ناقص تدريب السرعة فارس : هعمل اية بالظبط ؟ غريب : هتجرى بأقصى سرعة ليك وتحاول تزود عليها اكتر واكتر فارس : تمام انطلق فارس بسرعة شديدة وفعل ما قاله غريب رامى : الحقوو...سرعته بتزيد اكتر من الاول بكتير غريب بأبتسامة : لسة بردو قليل رامى : هو فيه اكتر من كدا ؟؟ غريب : اكتر بكتيير وصل فارس لهم وهو ينهج بشدة غريب : كفاية كدا النهاردة انت عملت شغل كويس فارس : بس انا لسة متعبتش غريب : التدريب بالعقل مش انك طول الوقت تتمرن لغاية اما تقع من التعب فارس : هااا لسة مش مقتنعة انى مش قدها ؟؟ مى بغيظ : انا هسبقكوا على العربية رامى : خدى هنا هو احنا طالعين رحلة...هشيلك شنطتك كمان....شيلى يا ماما مى : يلاهوى على رخامتك رامى : الله يسامحك .. غريب : فارس فارس : ايوة يا دكتور غريب : مهما يحصل اية لازم تيجى وتحكيلى وتقولى...انا الوحيد اللى هقدر اساعدك فارس : متقلقش...هو ده اللى هيحصل فعلا غريب : ومتثقش فى اى حد هيقولك اي حاجة هتشوفها غريبة فارس بإستغراب : مش فاهم غريب : مش مهم بس نفذ اللى قولتلك عليه علشان تفضل علطول كويس فارس بقلق : طيب ** عادو الى المختبرات دخل دكتور غريب غرفته ليستريح بعد ان اخبرهم فارس : بقولك ياض...هى مال مى مش طيقانى النهاردة كدا لية ؟ رامى : مى !! فارس : ايوة ده حتى الوش النكدى رجعلها...هو فيه اية رامى : مى ؟؟ فارس : امال امى رامى : مخدتش بالى...بس هى عادية يعنى مخدتش بالى فارس : مبتعرفش تكدب رامى : يابنى وانا هعرف مالها منين تلاقيها افتكرت خالد فارس بإستغراب : يمكن...انا هخش اشوف مالها رامى : طيب دخل خالد رامى لنفسه : ياااه على قصة الحب اللى تقطع القلب...وانا ربنا مش هيرزقنى ببنت الحلال اللى تحبنى وتعيط عليا كدا....انا بحلم...يلا يكشى يولعو بجاز هى ناقصة محن دخل فارس ووجد مى تعمل وتجرى بعض التجارب فارس : بسس مى : بسس ؟؟ انت داخل على قطة !! فارس : قطة نكدية مفيش منها فايدة مى : طيب فارس : مالك...هو انتى بحالات !!! مالك بقااا كانت ستتحدث لكن قطعها صوت هاتف فارس يرن رد فارس فارس : ايوة يا چوو يوسف : انت فين...انا محتاجك ضرورى فارس : حصل اية يوسف : لازم تيجى تشوف وتسمع بنفسك...الموضوع ليه علاقة بموت اهلك فارس : 3 ثوانى بالظبط واكون عندك...انت فين ؟ اخبره يوسف بالعنوان مى : فيه اية ؟؟ فارس : لازم امشى دلوقتى وهبقى اقولك انطلق يوسف بسرعته الخارقة ووصل الى المكان فارس : اشمعنا هنا ؟؟ يوسف : المختبر ده صاحبته اتقتلت من ساعة بالظبط وده من اكبر المختبرات العلمية فى القاهرة بعد دكتور غريب فارس : واية علاقته بموت بابا وماما ؟؟ يوسف : تعالى معايا وصلو الى شخص يوسف : احكيلو حصل اية يا راجى راجى : انا شغال هنا فى المختبر وكنا كلنا شغالين على مشروع لدراسة سرعة البرق اللى ظهر من فترة بس كل المعلومات كانت مع الدكتورة شيماء بس من ساعة كنت شغال على عينة ادتهالى فسمعت صوت حاجة بتقع واتكسرت جاى من مكتب دكتورة شيماء فروحت عادى علشان اشوف فيه اية بس المكتب كان فيها زى ازاز وكل اللى جوا المكتب باين منه وشوفت شخص لابس لبس اصفر غريب زى بتاع البرق بالظبط بس ده اصفر وبيقرب من الدكتورة والدكتورة كانت بتهرب منه وبتصرخ ومسكها وايده بدأت تتهز بسرعة شديدة جدا وخرج منها شرارة كهربا بس باللون الاصفر وضربها فى قلبها ووقعت على الارض ميته وفى لحظة هرب بسرعة اكنه اختفى فارس بقلق : الشعاع اللى بيخرج منه كان اصفر ؟؟ راجى : ايوة نظر فارس ليوسف بقلق فارس : فين جثتها ؟؟ يوسف : تعالى معايا دلف يوسف ومعه فارس الى مكان الجثة وتفحصها فارس بصفته طبيب فارس : اللى فى الجثة نفس اللى شرحه راجى يوسف : يعنى اللى قتلهم جيه هنا وقتلها فارس : ايوة بس لية ؟؟ ده اللى هيجننى يوسف : نسيت اقولك...المختبر ده والدكتورة شيماء دى كانت من اشد اعداء غريب وكانت معترضة على تشغيل المسرع بتاعه ورفعت كذا قضيه عليه علشان المسرع ميشتغلش بس خسرتها فارس : قصدك اية يوسف : قصدى لو صح يبقى انت فى خطر فارس : مش فاهم حاجة منك...وضح قصدك يوسف : غريب...حاسس انه ليه علاقة باللى قتل اهلك ،، انا مش متطمنله من ساعة ما قابلته فارس : احساسك غلط يا جوو ، غريب عمره ما يكون اللى بتتكلم عنه ده ،، انا عرفته فترة وساعدنى كتير وبيدربنى وبيساعدنى دلوقتى علشان ازود سرعتى يوسف : اللى بيربى كتكوت بيأكله ويحافظ عليه لغاية اما تكبر وتبقى فرخة وبعدين يدبحها وياكلها فارس : على كلامك ان انا كتكوت وهبقى فرخة...ماشى يا جوو مقبولة منك يوسف : انا بتكلم بجد يا يوسف فارس : انا متأكد مليون فى المية ان غريب عمره ما يكون كدا وبعدين هيكون هدفه اية لو كلامك صح ؟؟ يوسف : معرفش بس صدقنى هعرف بس اهم حاجة تخلى بالك كويس اوى فارس : طيب...انا خدت عينة من الجثة وهحللها وهقدملك تقرير علشان تقدمه يوسف : خدت عينة امتى ؟؟؟ فارس : شكلك نسيت انى البرق يوسف : اممممم طيب خلصه وجيبهولى فارس : حاضر..يلا تشااو يوسف : تشاو *** عاد فارس الى المختبر وانجز تحليل العينة وذهب ووضوع التقرير على مكتب يوسف جاسر : فارس فارس : جاسر how are you جاسر : تمام بقولك عايزك فى حاجة فارس : عايزنى فى حاجة يبقى حاجة بخصوص شهد...ارغى ضحك جاسر : دايما فاهمنى....عايزك تقنعها تبطل كلام عن البرق لان كدا اى عدو للبرق هيأذيها هى فارس : حاضر هقنعها وابقى اخرج معاها علشان قرفانى انا جاسر : حاضر ياعم هتصل بيها واخرجها...انا استأذنت من يوسف وخدت باقى اليوم اجازة فارس : طيب كويس يلا سلام جاسر : سلام ذهب فارس بسرعته وارتدى بدلته ووصل الى سطح منزله حيث كانت شهد جالسة تكتب فى مقال جديد عن البرق وصرخت عندما رأت البرق امامها ويخرج منه تلك الشرارات الكهربية غير فارس صوته بسبب سرعته : شهد شهد بفرحة واندهاش : انت تعرفنى ؟ فارس : ايوة...شهد اللى مش مبطلة مقالات فى الجرنال او بوستات على الفيس عنى شهد : عجبتك ؟ فارس : لا...انا جاى اقولك تبطلى المقالات دى...انتى كدا بتضرى نفسك شهد : مش هينفع انا كدا كويسة....انت بطل ولازم كلو يعرف ان الخيال بيتحقق وكمان فى مصر فارس : انا مش عايز اضيع وقت بس نصيحة بلاش...ردى على موبايلك خطيبك عايز يخرجك ردت شهد وبالفعل سمعت ما اخبرها به فارس وفرحت ونظرت له وانطلق بأقصى سرعة تاركها فى غاية سعادتها بينما هو كان يتألم بشدة لفراقها ... كان يحلم فى يوم ان تكون ملكه هو وليس شخص اخر كان سيخبرها ليلة الحادثة ولكن حدث ما حدث.... كان يتذكرها وادمعت عيناه بشدة عليها...لم ولن يحب احد غيرها *بعد مرور اربعون يوم* كانت الفترة الماضية هادئة نوعا ما فكان يوسف يعمل على قضية غريب وفارس يتدرب بشدة وكانت مى تحاول الابتعاد عنه وانتهى رامى من صنع جهاز تتبع صغير كما طلب منه فارس كان يجر فارس بكل سرعته فى شوارع القاهرة بغضب فلم يصل لاى شئ وكان يراه الناس ويصرخو من الفرحة وهو لم ينتبه لأحد حتى حدث ما لم يتوقعه .... ظهر الرجل ذو البدلة الصفراء جواره وهو يجرى ويجرى بنفس سرعته وينظر له غضب فارس بشدة وظل يجرى ورائه حتى وصل له ووضع على ظهره جهاز التتبع الذى صنعه رامى من اجله ووقف لانه كان ابطأ من ذلك الشخص ثم ذهب بسرعة للمختبر فارس : راقبلى الجهاز ظهر رامى بلهفة : حاضر راقبه وتتبعه رامى رامى : اهو جيبته.....اية ده سرعته ضعف سرعتك 4 مرات فارس بعصبية : جيه الوقت اللى انتقم فى من اللى قتل اعز ناس فى حياتى مى : استنى يا فارس....انت مش شايف..سرعته اعلى من سرعتك 4 مرات يعنى مفيش فرصة قدامه...اقل حاجة هيعملها هيقتلك ومش هتاخد حقك فارس بعصبية : مش هسيبو يهرب تانى مى بدموع : فارس علشان خاطرى متضيعش نفسك...فيه ناس كتير محتاجينلك فارس : لازم اعمل كدا يا مى...لازم تذكرت مى كلمة خالد وقت انفجار المسرع وكان نفس رد فارس فبكت بشدة رامى : فارس....مى عندها حق مش وقته تواجهه فارس : لا يا رامى وقته وانطلق بأقصى سرعة واتصل رامى بيوسف ليخبره واتى للمختبر بسرعة وكلهم يتابعون من خلال شاشة التتبع للقمر الصناعى والشاشة الاخرى تعرض حالة فارس ونبضات قلبه ومؤشرات جسده كلها انطلق فارس يتتبعه فوقف البرق الاصفر وقال بصوت غليظ - اخيرا المواجهة فارس : هقتلك زى ما قتلت اهل - لا...الحقنى الاول وهرب بسرعة شديدة واتبعه يوسف لكنه لم يستطيع الوصول له فخطر بباله فكره فارس : هو فين يا رامى رامى : داخل على التحرير فارس : حلو اوى انطلق فارس وبالفعل وصل وهو اتى من الناحية الاخرى وانطلق كل شخص بأتجاه الاخر ولكن لكمه البرق الاصفر بشدة بسبب سرعته واوقعه ارضا ورفعه وانطلق به والقاه فى حائط واصبح فارس ينزف بشدة والكل يتابع ويصرخ ثم امسكه وظل ضرب فيه مى ببكاء : نبضات قلبه بتقل رامى بحزن : عنده كسر فى ايده ورجله الاتنين كان يتابع يوسف بصمت ورعب شديد على يوسف ومى تبكى امسكه مره اخرى البرق الاصفر وانطلق بسرعه شديدة ثم القاه فى الحائط وفقد فارس الوعى وكل جزء فى جسده ينزف بالدماء وامسكه مرة اخرى وقطم ظهره وكسر عموده الفقرى وضرب بقدمه على وجهه ليكون فارس مجرد دمية في يده وكل جسمه ينزف وكل عظامه تحطمت وبدأت نبضات قلبه تقل و تقل حتى توقف قلبه تماما......... ************************************************ رايكم ؟ توقعاتكوا !! بالنسبة للى بيسأل عن عدد الحلقات فهى مش هتخلص دلوقتى متقلقوش وبالنسبة للى بيقولى كملى احب اقولك اقسم بالله انا ولد واسمى عبدالرحمن .... حراااام هل فارس كدا انتهى ؟ هل هيبقى فيه مفاجأة اكبر ؟ كل ده بكرااا #Abdo عبدووو | ||||||||
|
| |
|
22-07-19, 03:32 PM
| #6 | ||||||||
| مراقبة عامة ومشرفة منتدى الروايات المنقولة
| الحلقة الخامسة بقلم / عبدالرحمن احمد كان الشارع خالى تماما ومظلم وفى منتصفه فارس وصلت سيارة وخرج منها رامى ويوسف وحملو فارس الذى كان محطم العظام وجميع جسمه ينزف بالدماء وقلبه الذى عاد للعمل بسبب صدمات كهربائية اتت له بسبب قوته اخذوه الى المختبر وكان وجهه لايستطيع احد ان يراه بسبب الدماء وجسمه الذى كان كل عظمة فيه مكسورة اتى غريب بسرعة غريب : حصل اية قص رامى عليه ما حدث وهو يساعد مى التى كانت تبكى وهى تسعفه وتحاول ان توقف النزيف وتجبيسه......... كانت مى تسهر كل ليلة بجواره وتطمأن عليه وتبكى وتدعو الله ان يشفيه وان يقوم مما هو فيه وكانت تغير له المحاليل ولا تتركه لحظة وكان يوسف يطمأن عليه كل يوم واخفى ما حدث على شهد كى لا تعرف انه البرق لان الجميع علم بما حدث للبرق وبقى غريب يطمأن عليه من بعيد ورامى يساعد مى فى اى شيء تحتاجه من اجل فارس *بعد مرور اسبوع* كانت الساعة الثانية مساءا فتح فارس عينه بتألم وقال بضعف : بابا....ماما...بابااا قامت مى مسرعة اليه وامسكت يده مى : فارس انا جمبك اهو...اهدى انا مى فارس بإستغراب : مى ؟؟ مى مين ... انا فين قلقت مى ثم قالت : انا مى يا فارس استنى هنادى رامى فارس : انتو مين ورامى مين مى : طب اهدى..اهدى وهتفتكر...انت بس تعبان من اللى حصل ولولا انك سريع فى الشفاء بسبب سرعتك كنت زمانك ميت دلوقتى فارس : انتو خاطفينى ؟؟ وحاول ان يقوم لكن تألم بشدة وبقى مكانه مى بدموع : علشان خاطرى خليك مكانك ،، غلط تقوم ،، بص هروح انادى رامى وهجيلك ذهبت مى مسرعة لتحضر رامى مى : رامى رامى اصحى بسرعة رامى بنوم : اية..حد بيصحى حد دلوقتى مى : قووم بقا فارس فاق ومش فاكر اى حاجة رامى : اية...طيب طيب انا جاى اهو ذهبو له رامى : حمدالله على سلامتك يا برق فارس : برق مين ، انت مييين ؟ رامى : لا صحصح كدا وافتكر ده احنا واكلين بسبوسة مع بعض فارس : تصدق انك رخم جدا على فكرة رامى : كنت دايما بتقول كدا فارس : اممممم طيب ممكن افهم انا هنا ليه ومش قادر اقوم ليه رامى : اجيبهالك ازاى دى !! انت اية اخر حاجة فاكرها طيب ؟ رجع فارس بالذاكرة ثم نطق : اهلى واحد سريع اوى قتلهم وهرب... بابا وماما ماتو ؟؟؟ رد عليا ماتو ؟؟ نظر رامى لمى بقلق رامى : لا هم كويسيين انت بس كنت بتحلم بس انا دلوقتى عايزك تفتكر كل حاجة فارس : طيب انا عايز اشوفهم رامى : مش هينفع ، لازم الاول تقوم وتبقى كويس والاهم من ده كله تفتكر كل حاجة ظل فارس شارد لبعض الوقت ثم غرق فى النوم كالاطفال نظرت مى به وادمعت عيناها عليه رامى : متقلقيش ، هيبقى كويس ان شاء الله المهم نامى انتى دلوقتى وبكرا الصبح يوسف ودكتور غريب هيبقو معانا وهنتصرف مى : طيب *** اصبح يوم جديد وفاقت مى على صوت فارس فارس : عطشان قامت مى واحضرت المياه وساعدته على الشرب فارس بأبتسامة : شكرا مى : العفو فارس : تصدقى انتى جميلة اوى مى بكسوف : شكرا فارس : متعرفيش انا جيت هنا ازاى ؟؟ مى : هحكيلك كل حاجة بس متقاطعنيش نهائى ، تمام ؟؟ فارس : تمام بدأت مى تقص ما حدث على فارس وكان فارس يستمع بإنصات حتى انتهت فارس : يعنى بابا وماما ماتو من زمان اصلا واللى حصلى ده من اللى قتلهم ! مى : ايوة فارس : ولو زى مانتى قولتى انى ايدى ورجلى وعمودى الفقرى ورقبتى اتكسرو وجالى ارتجاج فى المخ وكنت منتهى....ازاى انا عايش بعد كل ده ؟ مى : لو انت شخص عادى كنت زمانك منتهى من ساعتها لكن قوة السرعة اللى عندك بتسرع شفائك يعنى كل جروح جسمك اختفت والكسور كلها خفت بس لسة العمود الفقرى بيحتاج وقت ولو كنت شخص عادى والعمود الفقرى اتكسر مكنتش هتقدر تمشى تانى بس الحمدلله فارس : يعنى انا مش فاكر اى حاجة بسبب اللى حصل ده ؟ مى : ايوة *** يوسف : يابنتى قولتلك فارس مسافر شهد : مش مصدقة يا بابا ولازم اعرف حالا يوسف : اووووف طيب....فارس فاكرة حادثة البرق ؟ شهد : ايوة يوسف : بدأت تأثر عليه تانى وضرته جامد وهو دلوقتى بيتعالج فى مختبر دكتور غريب رمزى شهد : يبقى لازم اجى معاك اشوفو يوسف بنفاذ صبر : طيب *** كانت مى سعيدة للغاية بالتحدث مع فارس وهو ايضا كان سعيد بها كثيرا رغم كونه لا يتذكر شئ دخل رامى : يا عينى يا عينى مى : انت اية اللى جابك دلوقتى يا رخم انت فارس : اهاا اية اللى جابك يا رخم انت رامى : انا رخم ؟؟ طيب يا فارس مفيش بسبوسة تانى هاا فارس : مالو ده وبسبوسة اية ؟؟ مى : سيبك منه...روح يا رامى شوف فين دكتور غريب رامى : حاضر...طبعا فقدان الذاكرة ده جاى على هواكى مى : امشى من هنا بدل ما احدفك بالمقص اللى فى ايدى ده رامى : خلاص يا ستى هغور خرج رامى فارس : يعنى الانفجار ده هو اللى خلانى كدا سوبر مان مى : تؤ مش سوبر زفت للمرة الخامسة....دى قوة سرعة فارس : طيب ومتتعصبيش عليا مى : طيب مش هتعصب فارس : ممكن تساعدينى اقعد طيب مى : حاضر قامت مى وساعدته على الجلوس وظلت تتحدث معه حتى وقع نظره خارج الغرفة التى يعالج بها وظل معلق للخارج ثم نطق : شهد !!! نظرت مى فوجدت يوسف ومعه شهد بالخارج وتعجبت من تذكره شهد قام فارس بتألم شديد رغم انه لم يكن قادر على ان يقوم وتحرك ناحيتها ببطئ وحضنها بشده شهد بدموع : فاارس مقولتليش ليه انك هنا وتعبان فارس : انا معرفش حاجة انا لما شوفتك حسيت ان عقلى وقف وذكرايات كتير اوى دخلت دماغى وتركها وحضن يوسف يوسف : حمدالله على سلامتك يا بطل فارس : الله يسلمك يا چوو جاء رامى فارس : رامى رامى بفرحة : اية ده افتكرتنى وحضنه بشده فارس : مش هنسالك وقفتك معايا دى رامى : اللى المفروض تشكره هى مى....كانت بتسهر ليل نهار جمبك وهى اللى عالجتك ومكنتش بتنام طول والوقت نظر فارس لمى التى كانت تنظر الى الارض : انا مش عارف اشكرك ازاى يا مى على وقفتك وسهرك وتعبك ده معايا مى : متقولش كدا يا فارس احنا هنا فريق واحد شهد : لحظة واحدة...هو انت كان مالك ؟؟ فارس : اااااا....كنت..... يوسف : منا قولتلك اعراض البرق لما ضربه رجعتله تانى ودخل فى غيبوبة شهد : اممممم....على العموم الف سلامة عليك ،، انا مش عارفة اية ده كله ،، البرق يتقتل ويختفى من اسبوع وانت يحصلك كدا رامى : قدر ربنا بقا هنعترض ولا اية شهد : مين ده ؟؟ فارس : ده رامى مدمن بسبوسة شهد : تشرفنا....بس انا مش مصدقة انى واقفة جوا مختبرات الدكتور غريب...واااااو دخل غريب غريب : حمدالله على سلامتك يا فارس فارس : الله يسلمك يا دكتور يوسف : هاخد شهد اوصلها للجريدة بقا واروح على الشغل فارس : تمام سلام خرج يوسف ومعه شهد وجلس فارس واقترب منه غريب غريب : مش قولتلك لو حصل حاجة تيجى تقولى !! اديك كنت هتتسبب فى موتك فارس : مقدرتش اشوف اللى قتل اهلى حر كدا وانا قاعد ومعملش حاجة غريب : اديك شوفت قوته وسرعته عاملة ازاى...علشان تسمع كلامى لما اقولك محتاج تدريب علشان لسة سرعتك دى مش حاجة فارس : عندك حق غريب : المهم دلوقتى تخلى رامى يسندك وتتمشى كتير علشان تستعيد قوتك وسرعتك تانى واهم حاجة تجرى كتير بعد ما تقدر تمشى فارس : تمام جاء رامى الى فارس بعد ان رحل غريب رامى : خد يا معلم...حتة بسبوسة هتدعيلى عليها فارس : رامى ممكن اسألك سؤال ؟؟ رامى : اسأل فارس : هو انت كل حياتك كدا بسبوسة ؟؟ مفيش مرة تخش عليا بطبق محشى ورق عنب ؟؟ رامى بتفكير : اممممم...هو حد مفهمك انى طباخة ياعم انت ، ما تخلى شهد تعملك فارس : مبتعرفش رامى : امال كنت بتكلو ازاى فارس : اكل برا او عزومات وساعات بعملو انا...اها والله بعمله انا رامى : حيث كدا بقا انت شيف وانا معرفش فارس : ايوة وغور بالبسبوسة بتاعتك دى بقا انا بطنى بقت تصوصو منها رامى : براحتك...اسيبك تستريح بقا..انت بقالك اسبوع فى الباى باى ده غير ان البرق الاصفر لعب بيك كرة سلة....ده انت كنت عامل زى اللعبة اللى عيل رخم مسكها دغدغها فارس : خلاااص يا رامى كفاية تسخين لحد كدا واتكل علشان انام رامى : طيب ياعم متزعقش بس خرج رامى وبقى فارس يفكر كثيرا فى ذلك الشخص الذى لم يقدر قوته وعاد بالذاكرة الى تلك الليلة وتذكر صراخه حينما رأى والده ووالدته قتلى أمام عينه ولا يعرف السبب وراء ذلك نام فارس نهارا على غير عادته من شدة التعب وظلت تراوده كوابيس كثيرة حتى قام من نومه ونظر الى ساعته فوجد انه نام 6 ساعات فارس لنفسه : يااااه انا نمت 6 ساعات ؟؟ حاول فارس النهوض لكنه لم يستطيع فحاول مرة اخرى فدخلت عليه مى مى : لحظة لحظة وذهبت اليه وساعدته على النهوض فارس : شكرا يا مى مى : خليك زى مانت انا عملالك مفاجأة فارس : مفاجأة اية !! مى : خليك بس ودقيقة وهجيلك فارس بقلق : طيب مر ثلاث دقائق وجائت مى وتحمل صينية عليها طعام ووصلت اليه ووضعتها على السرير امامه فارس بفرح : اية ده !! محشى ورق عنب وفراخ ؟؟ مى : ايوة..كل يلا بالهنا فارس : عرفتى منين انى بحب ورق العنب ؟؟ مى : سمعتك وانت بتكلم رامى...مش مهم..كل يلا فارس : حاضر بس بشرط مى : شرط اية ؟ فارس : تاكلى معايا مى بأبتسامة : حاضر وبدأو فى الاكل وظلو يتحدثون اثناء الاكل وكل منهم اندمج بشدة مع الاخر فارس : ياااه انا بقالى زمن مكلتش كدا مى : بالهنا فارس : تسلميلى يا مى....مش هقدر انسالك كل ده ، مش هنسى طيبتك وحنيتك دى ابدا مى : متقولش كدا انا معملتش حاجة دخل رامى وقطع الحوار رامى : اوبااااا بتاكلو من ورايا ؟؟ وكمان محشى فارس : حماتك بتحبك ،، تعالى كل الباقى ده رامى : شايفنى فرخة بلدى مربيها عندك ولا اية فارس : تصدق انا غلطان رامى : بقا كدا يا مى ،، ماشى ماشى مى : على فكرة بقا انا سيبالك طبق ونايبك جوا فى اوضة الاختراعات بتاعتك رامى بفرحة : اصيلة يابنت الاصول....اما اروح املى الكرش ده *** دخل غريب غرفته المعتادة غريب : دورين ورينى المستقبل دورين : جارى البحث دكتور.....مستحيل....لم يتم العثور على شئ غريب بعصبية : ازااااى والخطة دورى تاانى دورين : هناك شئ مريب يحدث....المستقبل تغير بدأ غريب يعلو صوته : ازاى...حصل اية دورين : لا اعلم دكتور غريب بتفكير : يبقى اللى فى دماغى صح....حفرت قبرك بأيدك يا يوسف دورين : ما هى الخطة الجديدة الان دكتور ؟ غريب بتفكير : خطة ب .... ورينى كل المؤشرات *** جاسر : كل حاجة كدا جهزت وجبنا كل حاجة والدعوات اتوزعت...مش ناقص غير حاجة واحدة بس شهد : حاجة اية دى !! جاسر : اننا نتجوز يا قلبى شهد : هانت يا حبيبى كلها يومين وابقى مراتك حبيبتك جاسر : اها صح مقولتليش ... هو فين فارس علشان كله بيسأل عنه فى القسم وفيه شغل مخلصوش وشكله كدا هيترفد لو مجاش شهد : يترفد اية يابنى ده اللواء هانى بيعشقه وبعدين بابا مقالش ولا اية جاسر : لا قال تعبان بس شهد : حادثة البرق رجعت اثرت عليه تانى جاسر : وهو عامل اية دلوقتى ؟ شهد : كويس جاسر : طيب كنت عايز اطلب منك حاجة كدا بس مش عارف افهمك ازاى شهد : حاجة اية ؟ جاسر : فارس شهد : مالو ؟ جاسر : انا عارف انكم متربيين مع بعض واكتر من اخوات بس برضو مش عايزك تقربى منه اوى لانه مهما كان مش اخوكى شهد : انت بتغير عليا من فارس ؟؟ جاسر : اغير عليكى من ابوكى كمان...فارس انا واثق فيه بس بردو ده مش اخوكى شهد : وانا مش بعتبره غير اخويا وهو كمان بيعتبرنى كدا جاسر : عارف بس بردو متقربوش لبعض جامد شهد : حاضر يا سيدى....فيه اي طلب تانى ؟ جاسر : اها...عايز بوسة ضربته شهد بشنطتها على وجهه شهد : هششش....يلا سلام جاسر : بقا كدا ؟؟ ماشى يا شهد با بنت يوسف *** كان يتعافى فارس ويتحرك بصعوبة وكانت تساعده مى وتسنده طول الوقت حتى اصبح يمشى وحده وبعدها اصبح يتحرك بسرعة وبمرور الوقت اصبح يجرى بسرعة حتى استعاد قوته بالكامل فارس : يااااه اخيرا...السرعة اية غريب : زى اخر مرة....كدا انت تمام...نبدأ التمرين والتدريب بقا فارس :تمام رامى : المرة دى صانعلك روبوتات هتقضى عليك...ورينا بقا شطارتك مى : ما بلاش يا رامى ده احنا مصدقتا خف من اللى حصل رامى : ادى اخرة اللى يشتغل مع بنات....اهدى يا ماما سيبى الواد يتضرب مى : ماشى يا خويا ....ماشى ،، شكلك هتوديه فى داهية فارس : راقبى وتعلمى يا اختاه انطلق رامى وبدأ بسرعته الخارقة ودمر كل الروبوتات وظل يجرى بشدة واغلق عينه ولكن تذكر والده ووالدته فأختل توازنه فوقع بشده على الارض وهو يجرى بسرعته انطلقو ناحيته واسعفته مى حيث كان هناك عده جروح فى وجهه مى : مش قولتلك خد بالك غريب : اية اللى خلاك تفقد تركيزك ؟؟ فارس بحزن : الماضى غريب : فارس....طول مانت بتجرى لقدام اوعى تبص وراا ابدا لانك هتقع...اتعلم من الماضى وحاول ميتكررش تانى فى الحاضر وشوف اللى غلبك فى الماضى وبيغلبك فى الحاضر ومتخليهوش يغلبك فى المستقبل...فاهم ؟ فارس : فاهم *بعد مرور اسبوع* رامى : بدأ يظهر تانى يوسف : فارس فين ؟؟ فارس : انا هنا اهو مى : ده بقا خطر علينا اوى غريب : لازم نمسكه ومش هنعرف نعمل ده غير بفخ فارس : ازاى يعنى ؟؟ غريب : رامى...دى شغلتك رامى بفرح : اشطاا يومين وكل حاجة هتبقا جاهزة فارس : تفتكر ده هينفع ؟؟ غريب : اكيد مر يومان ورامى يعمل على الفخ واخيرا انتهى رامى للجميع : بمجرد ما يدخل المكان ده وانا ادوس على الزرار ده المجال هيتقفل بس مش هيبقى باين يوسف : واية المجال ده ؟؟ رامى : ده بنفس اهتزازات السرعة بتاعة فارس يعنى اى حد سريع مش هيعرف يخرج منه او يدخله غير العاديين بس مى : وهندخله جوا المجال ده ازاى ؟ نظر غريب لفارس وقال : مفيش غير حد واحد هيقدر يسحبو فارس : انا غريب : ده الحل الوحيد يوسف : فارس انت ابنى ومستحيل اسيبك تروحلو تانى بعد ما كان هيقتلك اخر مرة فارس : متقلقش يا بابا انا هاخد بالى كويس وكمان ده تارى يعنى لازم اتحرك دلوقتى يوسف : ماشى يا فارس...خد بالك من نفسك كويس غريب : خليك فاكر اللى قولتهولك واهم حاجة متنساش الخطة يوسف : تمام يا دكتور رامى : يوسف متجازفش بحياتك وخلى بالك كويس فارس : ان شاء الله توجه فارس الى مى التى كانت خائفة مى بدموع : ارجعلى يا فارس فارس : ان شاء الله هرجع مى : اوعدنى فارس : مقدرش اوعدك بحاجة زى دى يا مى مى بدموع : علشان خاطرى اوعدنى انك ترجع فارس : اوعدك يا مى ، بأذن الله هرجع ...... ************************************************ يا ترا فارس هينجح فى انه يقبض على البرق الاصفر ؟؟ غريب هيطلع بيساعد فارس وهو ميعرفش ؟؟ فارس موقفه اية من مى؟ لايك و كومنت علشان انزل حلقات اكتر #قسمة | ||||||||
|
| |
|
22-07-19, 03:33 PM
| #7 | ||||||||
| مراقبة عامة ومشرفة منتدى الروايات المنقولة
| الحلقة السادسة بقلم / عبدالرحمن احمد انطلق فارس وهو يفكر فى امر واحد فقط هو الانتقام وبدأ تنفيذ الخطة حيث انطلق فى المكان الذى اخبره به رامى حيث يوجد البرق الاصفر وصل فارس ووجده بأنتظاره - كنت مستنيك...كنت عارف انك مش هتستسلم فارس : عايز سرعتى ؟؟ - هتسلمها ؟ فارس : فى حالة واحدة وهى انك تمسكنى وانطلق فارس بأقصى سرعته وخلفه البرق الاصفر يلاحقه بسرعة خارقة وبالفعل وصل فارس الى مكان الفخ وانطلق البرق الاصفر تجاهه بسرعة ولكن تخطاه ودخل فى الفخ حيث كانت صورة هولوجرام لفارس واغلق المجال غريب : مرحب بالبرق الاصفر - مرحب دكتور غريب كنت نفسى اشوفك من زمان غريب : ادينا اتقابلنا بس انت محبوس وانا حر فارس : انت مين..قتلت اهلى ليه نظر له البرق الاصفر ولم ينطق ثم نظر مرة اخرى ل غريب - بتقول انى محبوس وانت حر صح ؟ غريب : انت شايف اية - شايف انى انطلق البرق الاصفر وخرج من المجال ثم امسك بغريب ودخل المجال مرة اخرى مما جعل الجميع فى صدمة وعلى رأسهم رامى لانه هو من صنع ذلك الفخ ومن المستحيل ان يفشل امسكه البرق الاصفر وظل يلكمه ويضربه بشدة مما جعل فارس بنطلق بسرعته لكنه اصطدم بالمجال ووقع ولم يستطيع الدخول - حبيت اعرفكوا انى مش سهل اتغلب ، سلام يا فااارس انطلق البرق الاصفر ورحل ووصلو الى غريب الذى كان ينزف بالدماء وفى وجهه جروح كثيرة ونقله فارس الى الدور العلوى للمختبر وتولت مى اسعافه فارس : صدقت دلوقتى ان غريب مش زى ما قولت ؟ يوسف : ايوة صدقت بس كان لازم اشك لكن بعد اللى حصل ده خلاص اتطمنت فارس : المهم دلوقتى هو البرق الاصفر يوسف : هنمسكه متقلقش انتهت مى من اسعاف غريب مى : حمدالله على سلامتك يا دكتور غريب : الله يسلمك يا مى كان رامى لا يتحدث ووجهه فى الارض غريب : رامى متزعلش ،، ده مكنش غلطك رامى : مكنش غلطى ازاى ده خرج ودخلك فيه وكان هيقتلك غريب : فارس لما حاول يخش معرفش ، معنى كدا انه كان شغال بس البرق الاصفر شكلو كان عامل حسابه علشان كدا لقى حل وخرج ودخل رامى : بس كدا مش هنعرف نمسكه خالص جاء فارس من الخارج وقال : هنعرف يارامى والله لأجيبه حتى لو كان فين او كان مين يوسف : طيب انا عارف انه مش وقته بس كلكم معزومين بكرا على فرح شهد بنتى تغيرت ملامح فارس الى الحزن ودخل الى الداخل رامى : لو البوفيه فيه بسبوسة يبقى اكيد جاى يوسف : هخلى فيه بسبوسة علشان خاطرك انت رامى : اشطا انا راشق لاحظت مى تغير وجه فارس وحزنه ودخلت خلفه الى مكان المسرع فوجدته جالس امام بابه ووجهه فى الارض فتوجهت له وجلست بجواره مى : زعلان علشان شهد هتتجوز ؟؟ فارس : زعلان علشان حب عمرى وحب الطفولة راح منى ، شهد مبقتش ليا خلاص مى : فاكر يا فارس يوم لما جيت هنا ولقيتنى بعيط ؟ فارس : اها فاكر مى : فاكر ساعتها قولتلى اية !!! قولتلى متعلقيش نفسك بحد خلاص راح وركزى وعيشى حياتك ومتشغليش نفسك بالماضى ولازم تنسى انت عارف انا ساعتها عملت اية ؟؟ سمعت كلامك ونفذته بالحرف وفعلا بدأت انسى واعيش حياتى ومعلقش نفسى بحد خلاص راح من ايدى وحبيت نظر لها فارس وأكملت مى : ايوة حبيت يا فارس مع انى مكنتش متخيلة انى هحب حد بعد خالد فارس : ومين اللى حبتيه ده مى : مينفعش اجاوبك علشان معرفش مشاعرو من ناحيتى اية لسة فارس : ازاى مى : يعنى بحبه بس هو مش شايفنى قدامه اصلا ومش شاغل نفسه بيا او هو رافض اساسا فارس : ده مين الغبى ده اللى يرفض حب واحدة زيك مى : هو مرفضش بس عامل زيك كدا.. شاغل نفسه بالماضى وحاجة خلاص راحت منه ،، علشان كدا بقولك يا فارس متشغلش نفسك باللى راح وهعيد نفس اللى انت قولته تانى فارس : بصى يا مى ، بالنسبة ليكى كان عادى تنسى علشان خالد مبقاش موجود خلاص لكن شهد هتفضل قدام عينى طول الوقت شايفها رايحة جاية مع حد غيرى ، ده لوحده عذاب مى : مش هى حبت حد تانى يبقى انتو مش مكتوبين لبعض ومش يمكن تحب انت وتعرف انك كنت غلط وان حبك ليها ده علشان كنت متربى معاها او حب اخوى فارس : يمكن ،، مش هتقوليلى بقا مين اللى بتحبيه ده مى : تؤ تؤ فارس : اممممم طيب بس هعرف مى : تؤ فارس : صدقينى هعرف مى : طيب انا هروح اخلص اللى ورايا فارس بإبتسامة : طيب وشكرا انك جيتى واهتميتى ابتسمت مى ولم ترد ورحلت استمر فارس فى العمل مع رامى على جهازه الجديد فارس : اية بقا نوع الجهاز ده ؟ رامى : ده يا سيدى هيبقى مخزن سرعتك ولو زادت هتبان فى الجهاز من غير اختبار وكمان هيقدر يبين اذا ظهر البرق الاصفر تانى ولا لا فارس : اممممم طيب رامى : انت عارف اية اللى مجننى وشاغل بالى فارس : اية ؟ رامى : الفخ بتاع النهاردة اللى مشتغلش مع البرق الاصفر واشتغل معاك .. ازاى مشتغلش معاه ، انا متأكد مليون فى المية انى ظابط كل حاجة فيه فارس : بصراحة انا مش متطمن للحكاية دى رامى : اقولك على حاجة بس تحلف انها تكون سر ؟ فارس : حاجة اية دى !! رامى : انا شاكك فى حد هو اللى عمل كدا فارس بإستغراب : حد ؟؟ حد زى مين مثلا ؟ رامى : دكتور غريب فارس : نعم !! ثم تذكر كلام يوسف حول شكه بغريب رامى : بص هو دكتور غريب ليه فضل عليا كبير اوى بعد ربنا وهو اللى طور مهارتى وخلانى استخدمها صح ويعتبر هو اللى ربانى وبعتبره ابويا بس مش عارف ليه حاسس انه مخبى حاجة ولية البرق الاصفر مقتلهوش النهاردة مع انه كان فى ايده حتى الحوار بينهم غريب فارس بتفكير : انا معاك انه فعلا مخبى حاجة بس مش لدرجة اللى بتقولو رامى : انا ف دماغى حاجة كدا وهتأكد منها وربنا يستر فارس : ناوى على اية ؟ رامى : لسة مش عارف بس هتصرف مر يوم وجاء يوم زفاف شهد استيقظ فارس مبكرا واخذ شاور وخرج فوجد صوت اغانى يخرج من غرفة شهد فخبط على الباب برفق فارس : شهد انتى صاحية ؟ شهد : شوور خش يا فارس دخل فارس فارس : اية الدوشة اللى عملاها دى شهد : فرحانة اوى يا فارس مش مصدقة ان فرحى النهاردة فارس : ولا انا شهد : طيب اتجدعن كدا وشوفلك مزة حلوة كدا تحبها وانا اخطبهالك علشان افرح بيك فارس : تؤ شهد : هو اية اللى تؤ فارس : مش عايز اتجوز ولا عايز احب شهد : لية يا فارس بتقول كدا ده انا ببقى ماشية معاك والبنات بتعاكسك والف بنت تتمناك فارس : اهو بقا ، متشغليش بالك ، المهم دلوقتى عايزك تفرحى وتبقى اسعد واحدة واجمل واحدة النهاردة علشان محضرلك مفاجأة بليل فى الفرح شهد بفرح : اية ده بجد !! مفاجأة اية ؟ فارس : امال هتبقى مفاجأة ازاى بقا ، كل حاجة فى وقتها حضنت شهد فارس شهد : تسلملى يا احلى واجدع اخ فى الدنيا *** صابر : سلمى حبيبتى انتى فين ؟ سلمى : انا هنا اهو يا بابى صابر : امال فين فريدة امك سلمى : راحت تعمل shopping صابر : وانتى لابسة ورايحة على فين كدا ؟؟ سلمى : رايحة ل- my friend شهد علشان فرحها النهاردة ولازم ابقى معاها صابر : طيب يا بنتى انا رايح الشركة وقولى لهالة تتأخر فى تحضير الغدا علشان هتأخر وما دام امك خرجت يبقى مش هترجع غير متأخر سلمى : حاضر يا بابى صابر : خدى معاكى السواق ويرجعك وقت ما تخلصى على الفيلا هنا سلمى : اوك صابر : يلا باى سلمى : باى *** تجهز الجميع وجاء الوقت وحضر الجميع فى القاعة وكانت الموسيقى تعم المكان رامى : اية الموسيقى البايخة دى ، عايزين نرقص فارس : اتقل بس وهشهيصك رقص رامى : اما نشوف مى : انت هتعمل اية .. اوعى تستخدم قوتك فارس : انا استخدتها كتير فى مساعدة الناس ، جيه الوقت اللى هستخدمها للفرحة انطلق فارس بسرعته ووضع فلاشة فى الDJ واشتغلت موسيقى اغنية وجاء فارس وغمز لجاسر والقى له بالمايك وبدأ الاثنان يغنون دويتو مع بعضهم وسط فرح الجميع وانبهارهم بهم حتى شهد ظلت منبهرة بما يفعلون من حركات وصوتهم الرائع فى الغناء مى : فارس رومانسى اوى رامى : سيبك من رومانسى ولا مش رومانسى ، الاغنية جاحدة مى : جاحدة ؟؟ فيه مهندس يقول جاحدة رامى : هو انا بشتمك يا ست انتى ما تسقفى وانتى ساكتة مى : هششش رامى : حاضر هتهش ظل فارس يغنى مع جاسر ويرقصون ثم جائت اغنية (3 دقات) رامى لا انا كدا سخت ذهب رامى واخذ يغنى معهم بطريقة كوميدية مما جعل الجميع يقع من الضحك وشكلو الثلاثة فريق يغنون حتى انتهو ووقف الجميع يسفقون لهم بحرارة وفرحة شاور فارس لشهد وغمز لها بمعنى (اية رأيك فى المفاجأة) فرحت شهد بشدة وشاورت له بمعنى ( دى احلى مفاجأة شفتها فى حياتى ) جلس فارس وبدأ يحزن وقامت شهد لترقص مع جاسر فخرج فارس من القاعة بحزن ولاحظت مى ذلك فخرجت ورائه مى : خرجت لية فارس : لا مفيش بس كنت عايز اشم شوية هوا مى : لا شكلك متضايق فارس : لا بس الجو جوا كتمة وكدا وحسيت بخنقة فقولت اخرج اشم هوا مش متضايق ولا حاجة مى : طيب ظلت مى تتأمل السماء بجواره فارس : ممكن تدخلى عادى متشغليش نفسك بيا مى : لا انا بتأمل بس النجوم فارس : امممم مى : لو عايزنى اسيبك لوحدك معنديش مانع فارس : لا خليكى مادام بمزاجك مى : منا مش هقف فى نكد كدا فارس بعصبية : حد قالك تيجى تقفى جنبى يا ستى ما دام انا نكدى كدا مى : تؤ بس انا بقولك كدا علشان تفرفش فارس : مى خشى جوا وسيبينى فى حالى مى : مش هسيبك يا فارس غير لما تضحك وتنسى اللى حصل ، انا نفسي اعرف انت بتعمل فى نفسك كدا لية ؟؟ فارس : دى حاجة تخصنى ودى شخصيتى ولو مش عاجبك اخبطى دماغك فى الحيط مى : يا فارس اتقبل حقيقة ان شهد بتحب غيرك واتجوزته خلاص يعنى شهد بقت متجوزة دلوقتى فارس بعصبية : بس بقا مى : لا يا فارس مش هسكت .. لازم تفوق من اللى انت فيه ،، انت كدا بتقتل نفسك بالسم اللى بتشربه ده فارس : انتى شوفتيه ؟؟ مى: ايوة وواخدة بالى انك مخبى الازازة ورا ضهرك فارس : طيب يا مى انا بشرب خمراا ارتاحتى واهو شرب فارس من الزجاجة تحركت مى بعصبية لتأخذ منه الزجاجة ولكن منعها ولكن استمرت فى المحاولة مى : هات الزفتة دى ،، بقولك هاات فارس بعصبية : قولتلك مش هديكى حاجة اوعى بقا اوعى لكن مى كانت تحاول ان تأخذ الزجاجة ولكن فارس منعها ولم يجد طريقة الا هذه الطريقة ضربها بالقلم على وجهها بكل قوة وضعت مى يدها على وجهها بتألم : بتضربنى يا فارس ؟؟ بتضربنى !! رحلت مى وهى تبكى مما فعله فارس وكان رامى يستمع الى الحديث ولكن قرر عدم الحديث معه فى تلك الحالة ودخل الى القاعة جائت امرأة جميلة من خلف سلمى : فاارس انت واقف هنا لية ده اغنيتك كانت تحفة جوا فارس : معلش يا سلمى سيبينى دلوقتى علشان مخنوق شوية سلمى : اوك لما تتحسن هبقى اكلمك باى فارس : باى جلس فارس وشعر بتأنيب الضمير على ضربه لمى وتذكر كل ما فعلته لأجله ، رمى فارس الزجاجة ودخل الى القاعة وظل يبحث عنها فى كل مكان لكن لم يجدها فذهب ليسأل رامى عنها فارس بضيق : هى فين مى رامى : مشيت وهى بتعيط ولما سألتها مالك مرضتش وضع فارس يده على وجهه : اممممم طيب يوسف : فارس انت فينك كنت بدور عليك فارس : انا هنا اهو .. فيه حاجة ؟ يوسف : مالك ؟ فارس : مفيش يا بابا يوسف : لا فيه يا فارس انا اكتر واحد عارفك فارس : مفيش يا بابا تعبان بس شوية يوسف بشك : طيب .. روح طيب جهز اللى قولتلك عليه فارس : طيب *** شاهى : مالك مركزة مع يوسف كدا لية يا سومة سلمى : لا عادى بس حساه متضايق من حاجة شاهى : شكلك عينك عليه سلمى : عادى يا شوشو بس هو اخو شهد وكنت علطول بقابلو لما اروحلها ومقربين من بعض فعلشان كدا مهتمة انه متغير مش اكتر شاهى : مممم طيب *** مر الوقت وانتهى الزفاف وانطلق جاسر مع شهد الى شقته وعاد كلا من فارس ويوسف الى المنزل شعر فارس بغربة شديدة عندما دخل الى المنزل وهى يعلم ان شهد ليست فيه وانها لن تكون هنا مرة اخرى ووجد المنزل وكأنه سجن وتذكر ذكرياته السعيدة مع شهد flash back فارس : لا بقا مش كل شوية تغشى شهد : الله مش بغش فارس : اها منا عارف .. ده سابع ولد تحطيه شهد : تؤ تؤ انت اللى مبتعرفش تعد فارس : لا والله مبعرفش اعد ؟؟ حد قالك انى جاهل ولا حاجة ؟ شهد : تؤ فارس : طيب سيبك من اللعبة الرخمة دى وتعالى اخرجك بدل الخنقة دى شهد : بجد هيييييه ... اخويا حبيبى ..اخويا اية ده باللى بتعمله ده ولا اكنك جوزى فارس : هههههههه فارس فى نفسه : هيحصل قريب يا حبيبتى ، هيحصل back تذكر كل هذا وادمعت عيناه يوسف : البيت بقا هادى اوى بعد ما شهد مشيت فارس : اها يوسف : اية ده انت بتعيط فارس : لا لا دا حاجة دخلت فى عينى ومش عارف اطلعها .. اعيط اية بس يوسف : طيب انا تعبان جامد اوى ، من الصبح واقف على رجلى ، هخش انام فارس : تصبح على خير يوسف : وانت من اهل الخير يابنى دلف يوسف الى غرفته وبقى فارس فى الصالة شاردا يتذكر شهد بكل سماتها وحركاتها ومزاحها وضحكاتها فارس بهمس : هتوحشينى اوى يا شهد ، انا عمرى ما حبيت ولا هحب حد غيرك ، كنتى اختى وامى وحبيبتى وكل حاجة فى حياتى كنتى سندى وبتخففى عنى لما اكون متضايق او حصل حاجة وتهزرى معايا وتعملى اى حاجة علشان تفرحينى والله ما حبيت غيرك انتى بس ولا هحب غيرك .. انتى روحى وعقلى وكل حاجة فى حياتى بس مش هقدر اقعد هنا واشوفك فى حضن حد تانى سامحينى يا شهد سامحينى !!!! ************************************************ يا ترا فارس هيعمل اية ؟ خلاص كدا كل حاجة بقت ضده ؟ رامى هيكتشف سر خطير هيكون هلاكه وفارس مش هيقدر ينقذه كشف سر غريب بكرااااااااا كلو يعمل لايك ويتوقع بقا وانا برد على كل التوقعات والتفاعل وحش اوى .. فين ايام ال1000 ؟؟ #قسمة | ||||||||
|
| |
|
22-07-19, 03:34 PM
| #8 | ||||||||
| مراقبة عامة ومشرفة منتدى الروايات المنقولة
| الحلقة السابعة بقلم / عبدالرحمن احمد فارس بهمس : هتوحشينى اوى يا شهد ، انا عمرى ما حبيت ولا هحب حد غيرك ، كنتى اختى وامى وحبيبتى وكل حاجة فى حياتى كنتى سندى وبتخففى عنى لما اكون متضايق او حصل حاجة وتهزرى معايا وتعملى اى حاجة علشان تفرحينى والله ما حبيت غيرك انتى بس ولا هحب غيرك .. انتى روحى وعقلى وكل حاجة فى حياتى بس مش هقدر اقعد هنا واشوفك فى حضن حد تانى سامحينى يا شهد سامحينى !!!! قرر فارس قرار لا رجعة فيه وهو السفر للخارج وعد العودة مرة اخرى حيث جهز كل شئ فى اليوم السابق واعد كل ما يخص السفر دون علم احد جهز فارس حقيبته وجواز سفره وكل شئ وانطلق وهو عاقد العزم على الا يعود الى تلك البلد مرة اخرى ونسى كل شئ بخصوص قوته وتاره مع عدوه ،، قرر ان يعيش كأى انسان طبيعى وليس ذو قوة خارقة وصل فارس الى المطار وانتظر فى الفندق المجاور له حتى ميعاد طائرته وبالفعل سافر فارس قام الجميع من نومهم ولم يكن فارس موجود اخذ يوسف يبحث عن فارس كثيرا ولكن لم يجده يوسف : فاارس ، فاارس !! ،، لحق مشى ؟ كان رامى فى المختبر ينتظر قدوم فارس ليبدأو العمل ولكن لم يأتى ووصلت مى وهى حزينة بائسة ولا تتحدث مع اى احد رامى : شكلنا كدا مش هنشتغل النهاردة مى بعدم اهتمام : لية رامى : فارس مجاش مى : امممم فى تلك اللحظة رن هاتف رامى برقم يوسف رامى : ايوة يا چوو يوسف : بقولك اية يا رامى هو فارس عندك اصلى صحيت ملقتهوش وجيت القسم ملقتهوش وروحتلو المعمل بتاعه ومش لاقيه بردو رامى بقلق : ازاى ،، فارس مجاش النهاردة خالص وتليفونه مقفول يوسف : ما ده اللى قالقنى انه قافل تليفونه رامى : متقلقش ان شاء الله خير ،، تلاقيه بس بيغير جو هنا ولا هنا وجاى يوسف : طب بالله عليك لو جيه عندك كلمنى وطمنى رامى : حاضر ، يلا سلام مى بإستغراب : فيه اية ؟ رامى : فارس ملوش اثر ومش عارفين نوصله تذكرت مى ما حدث فى الامس وكيف كانت حالته حينما ضربها بالقلم وشعرت بالقلق خوفا من ان يفعل شئ بنفسه مى : طيب هو ممكن تحدد مكان موبايله بالقمر الصناعى ؟ رامى : بحاول اهو بس طول ما هو مقفول هيبقى صعب مى : مفيش حاجة صعبة عليك يا رامى حاول بس رامى : علشان الكلمتين الحلوين دول هحاول لغاية اما اعرف هو فين مر يوم واثنان وثلاثة دون ان يعثرو على اى اثر لفارس كأنه اختفى ولم يعد له وجود يوسف بقلق و خوف : لا منا مش هفضل حاطط ايدى على خدى كدا ومش عارف مكان فارس ولا هو فين رامى : انا عملت كل اللى فى ايدى علشان اجيب مكانه لكن ملوش اثر غريب : وانا شغلت القمر الصناعى الخاص بالمختبرات بتاعتى بتاعة المسرع وملقوش لية اي اثر مى بخوف وقلق : يعنى اية فارس اختفى !! احنا لازم نلاقيه .. لااازم دخلت فى تلك اللحظة عليهم سلمى سلمى : انا عندى طريقة نلاقي بيها فارس اندهش الجميع من كونها هنا وايضا علمها بأن فارس يعمل معهم رامى : انا شوفتك فين !! اهااا مش انتى كنتى فى الفرح من 4 ايام سلمى : ايوة المهم دلوقتى نلاقى فارس او البرق يوسف : انتى تعرفى ان فارس البرق يا سلمى ؟؟ سلمى : ايوة هقولكم ازاى بس دلوقتى نلاقيه الاول مى : مين دى !! يوسف : دى تبقى صاحبة شهد بنتى مى : اهاا سلمى : جربتو تدورو على اكبر شحنة كهربا فى مصر رامى : مش فاهم كان غريب يتابع فى صمت سلمى : مش فارس جسمه ودمه مليان شحنات كهربا بسبب قوته ولما بيستخدم قوته بتخرج منه على شكل شعاع رامى : ايوة ايوة فهمت قصدك ، انتى عيزانى ابرمج القمر الصناعى بتاعنا على انه يلقط اشاره الكهربا اللى بتخرج من فارس اول ما يستعمل قوته سلمى : بالظبط هو ده قصدى رامى : لا اشطا اوى مقولتيش اسمك أية بقا علشان شكلك ذكية وهتنفعينا سلمى بإبتسامة : سلمى رامى : احم...طيب هروح اظبط انا الدنيا ، عايزة منى حاجة قبل ما امشى ؟ سلمى بإبتسامه : thanks غريب : ممكن اعرف عرفتى منين بقا ان فارس هو البرق ؟ سلمى : هقول لحضرتك..فى الفرح عينى كانت على فارس وفجأة لقيته اتحرك فى لحظة ورجع مكانه تانى غريب : امممم ،، تهوره ده اللى هيكشفه سلمى : المهم يبقى بخير ونلاقيه وبعدين نتكلم فى الموضوع ده انطلق رامى وبدأ بعمل كل التجهيزات وقام ببرمجة القمر الصناعى رامى : كدا كل حاجة جاهزة ، ناقص التشغيل يوسف : تمام شغل رامى وهو يشغل الجهاز : استعنا ع الشقى بالله مى : ما تخلص ، انت داخل تحارب رامى : لا كدا مش هعرف اشتغل سلمى : حقك عليا انا ، شوف بقا اللى بتعمله رامى بآبتسامة : من عنيا يا جميل بدأ رامى فى البحث وظل حوالى نصف ساعة بحث ولكن دون جدوى رامى : اوووف ملوش اثر سلمى : وسع مجال البحث رامى : نعم ؟؟ ازاى سلمى : قصدى بدل ما تدور عليه فى مصر بس دور عليه فى كل الارض رامى : طيب نفذ رامى ما قالته سلمى ولكن مر 4 ساعات ولم يلتقط القمر الصناعى اي اشارة مى بقلق : انا خايفة يكون حصله حاجة...اخر مرة مكنش كويس خالص يوسف : هو لازم يستخدم قوته علشان القمر الصناعي يلقط اشارته ؟ غريب : ايوة ومقدمناش غير اننا نستنى لما يستخدم قوته وساعتها القمر الصناعى هيقدر يعرف مكانه فين مى فى نفسها : رغم اللى عملته يا فارس بس انت متستحقش الحزن ده .. شهد ازاى معرفتش اللى فى قلبك ، عيشت نفسك فى وهم لغاية اما هيقضى عليك وعلينا كلنا لو مرجعتش ، لازم ترجع يا فارس ، لو مش علشانى يبقى علشان الخطر اللى احنا فيه ده واللى قتل اهلك حر واخطر واحد دلوقتى وقوته اضعاف قوتك ، مكنتش متخيلة انى اتعلق بيك كدا بس للأسف مش كل حاجة بتفضل على حالها ، انت فين بس دلوقتى ... فيييين !!! سلمى : طيب هضطر امشى دلوقتى علشان اتأخرت اوى رامى : هتروحى فى الوقت ده لوحدك ؟؟ سلمى : لا ما السواق مستنينى تحت بالعربية رامى : يااه ضاعت الفرصة انى اوصلك سلمى : بتقول اية !! رامى : احم...بقول ضاعت فرصة ازارو امبارح فى الماتش ...ياااه كانت هتيجى جول سلمى بإبتسامة : طيب ، سلام ولو وصلتو لحاجة بلغونى رامى : شوور يوسف : همشى انا كمان غريب : استنى يا يوسف انا ماشى معاك رامى : وانتى مش هتتكلى على الله ولا ناوية تفضلى مى : همشى ياعم رامى : عم ؟؟؟ طيب مى : انت هتفضل هنا ولا اية ؟ رامى : ايوة هنزل للدور الارضى فى المختبر واشوف الفخ والجهاز اللى عملته كان فيه مشكلة اية ومشتغلش مع البرق الاصفر لية مى : بس دكتور غريب محذر محدش ينزل تحت و... رامى مقاطعا : مى انا شاكك فى دكتور غريب مى بصدمة : اييية شاكك في مين ... دكتور غريب ؟؟ رامى : صوتى وعلى صوتك كمان لسة فيه واحد اخر الشارع مسمعش مى : بس اللي بتقولو ده مستحيل رامى : معرفش بس مجرد شك وواثق انه غلط بس اتأكد من الفخ واشوف فيه اية مى : طيب خليها بكرا رامى : دلوقتى احسن علشان دكتور غريب مش موجود مى : ااا..طيب بس خلى بالك رامى : ربك يسترها خرجت مى وكان فارس على وشك النزول لكن رن انذار الجهاز المتصل بالقمر الصناعى رامى : اية ده الانذار ؟؟ فارس....مااااى جائت مى بسرعة : فيه اية رامى : القمر الصناعي حدد مكان فارس مى : فين ؟ رامى : اممم المانيا مى : المانيا ؟؟؟ رامى : ايوة مى : هنحتاج كدا حد يسافرله رامى : اكيد انا ويوسف مى : طيب !! رامى : اية ده !! مش هتشبطى فيا وتقولى عايزة اجى معاكو والكلام ده ؟ مى : تؤ رامى وقد تذكر ضرب فارس لها بالقلم : اهااا طيب انا هتصل بيوسف ودكتور غريب ابلغهم مى : طيب بسرعة اتصل رامى بيوسف رامى : چو انا عرفت مكان فارس يوسف بلهفة : فين ؟ رامى : المانيا يوسف : المانيا ؟؟ هو سافر رامى : اكيد ولازم دلوقتى نسافرله يوسف : طيب تمام جهز نفسك واوراقك وانا هعمل اتصالاتى واجهز كل حاجة للسفر علشان نسافر على اول طيارة رامى : تمام اغلق رامى مع يوسف واتصل بغريب الذى فرح كثيرا عندما علم رامى : ايوة فى المانيا وهسافر انا ويوسف على اول طيارة غريب : حلو اوى وخلى بالك كويس رامى : متقلقش وانا مفهم مى كويس اوى هتعمل اية لو حصل اى حاجة لقدر الله واحنا مش موجودين غريب : تمام .. يلا سلام واجهز يلا رامى : اوك سلام بالفعل تم الانتهاء من كل شيء فى وقت قصير جدا وسافر يوسف بصحبة رامى الى المانيا رامى : يلا بقا نروح على فندق نريح شوية وبعد كدا نروحله يوسف : علشان يكون مشى صح رامى : آآآآ... يوسف مقاطعا : سيبك من الكسل ده ويلا رامى : اوك هيا بنا يوسف : كدا تعجبنى سأل يوسف عن العنوان الذى حددوه ووصلوا الى المكان رامى : اوبااا المكان هنا جامد قدا يوسف : قدا ؟؟ جدا قصدك رامى : مفرقشت المهم ان المكان جامد ، ليه حق فارس يسيب مصر ويجى يقعد هنا ، انا هطلع اقنعه انى اقعد معاه يوسف بنفاذ صبر : رامى ، كلمة كمان وهرجعك مصر زحف رامى : خلاص يا جدع ولزمته اية العنف بس ، يلا بينا نطلع صعد رامى ويوسف الى شقة فارس رامى : بقولك اية ، احنا محددين ان مكان فارس هنا بس منعرفش هو فى الدور الكام يوسف : اممم لحظة اوقف يوسف شخص كان خارجا من المكان Yousef: Do you know the number of Fares Mohammed's apartment? Poet: Egyptian Fares Mohammed, you mean that person Youssef: Yes it is BOUTI: It is in the eighth floor and apartment No. 16 Youssef: Thank you BOUTI: Welcome يوسف : ادينى عرفت يلا بينا رامى : جوود يلا وصل يوسف ورامى الى الشقة وقام يوسف برن الجرس ولم يمر الا وقت قليل جدا حتى فتح فارس فارس بفرحة : يوسف !!! رامى !! وقام بحضنهم والترحيب بهم بشدة مما ادهش رامى ويوسف فارس : ياااه بقالى حوالى شهرين مشوفتكمش رامى وهو يهمس فى اذن يوسف : شهرين ؟؟ مش 3 ايام بردو ولا انا اتهبلت يوسف بهمس : اخرس خالص دلوقتى رامى بهمس : الله ؟؟ متبقاش حمقى كدا يوسف : ششش فارس : اية يا جدعان بتتوسوسو على اية رامى : على سوسة ههه يوسف : كلمة كمان يا رامى وهرميك برا رامى : انا بلطف الجو علشان مش فاهم اى حاجة فارس : مقولتليش يا جوو شهد عاملة اية ، وحشتنى بنت الاية يوسف : كويسة وبتسلم عليك فارس : يااه لما ارجع مصر هحكيلها عملت اية هنا واكلمها فى الموضوع اياه رامى بهمس : موضوع اية ؟ يوسف بهمس : اخرس دلوقتى رامى : يووه يوسف : فكرنى كدا موضوع اية فارس : الخطوبة ، هتقدملها يا جوو انت نسيت احنا متفقين على اية يوسف : لا طبعا منستش رامى بهمس : يخطب مين ؟؟ هو ناسى ان شهد اتجوزت الاهبل ده يوسف بهمس : اخرس خالص رامى : حاااضر فارس : انا هخش اعملكو حاجة تشربوها يوسف : مش لازم احنا آآآآ... رامى مقاطعا : ياريت لو عندك بسبوسة هنا يبقى عملت واجب فارس : هههههه طيب هفاجئك رامى فى نفسه : هو فيه مفاجأة اكتر من اللى احنا فيه ده دلوقتى ؟؟ دخل فارس يوسف : انت جحش يبنى ؟ رامى : لا يا جوو متشتمش ، انا بشمهندس محترم يوسف : ما هو ده اللى محيرنى فيك ... جبت الغباء ده منين ؟ رامى : هنغلط بردوو !! يا جوو يا حبيبى انت مش علشان ظابط هتفتكرنى مجرم وتقعد تشتم فيه ليل نهار يوسف : متتغباش ومش هشتمك رامى : احلف يوسف : والله انا قاعد مع عيل صغير ، انا اسف انى جبتك معايا ، استاهل ضرب الشباشب رامى : هههههههه طيب مش هتفهمنى فارس مالو يوسف وقد عاد بالذاكرة : دى حكاية طويلة اوى دخل فارس فى تلك اللحظة فارس بصدمة : اية ده .. رامى ؟؟ بابا ؟؟ انتو وصلتولى ازاى ؟ ودخلتو هنا ازاى ؟؟ رامى بهمس : الواد ده ملبوس ولا اية ؟ يوسف بهمس : ممكن تخرس رامى : ممكن طبعا يوسف : انت سافرت لية يا فارس ؟؟ فارس : دى حاجة تخصنى لوحدى ، متخصش حد تانى يوسف : لا انا ابوك ومن حقى اعرف فارس وقد ارتفع صوته : انت مش ابويا .. بابا وماما اتقتلو قدام عينى ومحدش عرف مين قتلهم ، حتى اللى قتلهم عايش وكان هيموتنى مرة محدش واقف جمبى ، محدش حاسس باللى انا حاسه ، حتى الحاجة الوحيدة اللى اتعلقت بيها ضاعت منى .. انتو عايزيين منى اييية ؟؟ يوسف : عايزنك انت فارس : انسونى ، اعتبرونى مت ، تلاقيك جاى ترجعنى علشان لما كلو يكتشف فى يوم انى البرق تطلع تقول انا اللى عملته وانك ليك فضل عليا علشان ابقى كدا وتعمل شهرة على حسابى يوسف وهو يصفعه بالقلم : اخررررس!!! انا ربيتك وعلمتك وعملتلك اسم بدل ما كنت هتتربى فى ملاجئ ، كنت بعاملك زى بنتى بالظبط مفرقتش مابينكو نهائى ، كنت انت ابنى الوحيد وهى بنتى الوحيدة ، كنت بعاملك انك ابنى ومكانش فى تفكيرى غير انك ابنى وبس بس للأسف دلوقتى انت بكلمتين انكرت كل ده وطلعتنى بتاع مصلحتى وواحد ملوش ستين لازمة يلا يا رامى ... احنا غلطنا لما جينا هنا رحل يوسف ومعه رامى وجلس فارس حزينا ويفكر فى كل كلمة قالها يوسف له وبكى على حاله بشدة واخذ يعاتب نفسه على ما فعله.... عاد يوسف ورامى الى مصر وعلم الجميع بما حدث وكان غريب على رأسهم.... رامى : مى انا هنزل علشان اشوف الجهاز بتاع البرق مى : جهاز حبس البرق اللى فشل مع البرق الاصفر ؟ رامى : ايوة هو .. لازم اعرف حصل اية خلاه يخرج مى : ودكتور غريب ؟ رامى : هو خلاص روح ، انا هنزل وخليكى هنا متابعة الكاميرات وانا شغال ولو حد جيه بلغينى فى المايك مى : طيب....ربنا يستر نزل رامى الى مكان الجهاز وبدأ الفحص فى كل شئ واثناء الفحص فتح جهاز التحكم بذلك الجهاز واخذ ينظر فى كل الأكواد ويعيد كتابتها رامى بصدمة : اية ده ؟؟ ضغط رامى على زر تشغيل الجهاز وكانت الصدمة ظهر البرق الاصفر داخل الجهاز محبوس وهو ينظر امامه رامى بصدمة وخوف : انت هنا ازاى لن يرد البرق الاصفر لأنه ببساطة كان مجرد هولوجرام(صورة مجسمة ) ظل البرق الاصفر يردد تلك الكلمات التى قالها فى تلك الليلة لغريب وخرج بسرعة ثم دخل مرة اخرى ونظر امامه وكأنه يعيد المشهد مرة اخرى رامى بصدمة : لا لا لا مش معقول !! كل ده كان من تخطيط دكتور غريب ؟؟ كان معاه جهاز تحكم فى الفخ ده ولما الصورة الهولوجرام دى خرجت مخدتهوش زى ما كنا متخيلين .. ده هو اللى دخل بسرعته معاه واحنا افتكرنا البرق اللى خرج ودخله وطبعا معاه جهاز التحكم قدر يتحكم فيه ودخل وقفله تانى وقدر يقنعنا بسرعته الخارقة الخيالية دى انه بيتضرب علشان كدا استغربنا ان البرق الاصفر مقتلهوش .... فتح الباب من خلف رامى ودخل غريب على قدمه وليس كرسى متحرك غريب وهو يصفق : برافو برافو برافو.....جدع يا رامى ، قدرت تكشفنى عرفت لية انا شغلتك معايا من الاول ؟؟ علشان ذكى رامى بصدمة : لية !! لية بتعمل كل ده ؟ غريب : علشان ارجع ارضى ، علشان اقتل فاارس ، اقولك على حاجة ؟؟ انا اللى قتلت اهل فارس.... رامى بصدمة : ايية ؟ كانت تتابع مى فى رعب ما يحدث غريب : ايوة هى دى الحقيقة ، بس انت بذكائك عرفت خطتى بس انا مش هسمح للخطة تفشل رامى : هتعمل اية غريب بحزن : كان نفسى تكمل معايا...مش هلاقى حد اوفى واذكى منك معايا تانى بس للأسف ده قدرك ولازم يحصل اخذ رامى يرجع للخلف واخذت مى تتصل بهاتف فارس ويدها ترتعش وتبكى غريب : خلاص يا رامى .. خلصت ، السر ده لازم يتدفن معاك اصطدم رامى بالحائط خلفه واقترب غريب وانطلق بسرعته الخارقة واحضر مسدس كاتم للصوت كان يخبئه وامسك برامى ووضع المسدس على قلبه حتى يقضى عليه تماما رامى بأستسلام : اشهد ان لا إله إلا الله وأن محمد رسول الله وسرعان ما اطلق غريب ثلاث رصاصات فى قلب رامى فوقع رامى غارقا فى دمائه وانقطعت انفاسه معلنة موته....... ************************************************ #Mony | ||||||||
|
| |
|
22-07-19, 03:36 PM
| #9 | ||||||||
| مراقبة عامة ومشرفة منتدى الروايات المنقولة
| الحلقة الثامنة بقلم / عبدالرحمن احمد اصطدم رامى بالحائط خلفه واقترب غريب وانطلق بسرعته الخارقة واحضر مسدس كاتم للصوت كان يخبئه وامسك برامى ووضع المسدس على قلبه حتى يقضى عليه تماما رامى بأستسلام : اشهد ان لا إله إلا الله وأن محمد رسول الله وسرعان ما اطلق غريب ثلاث رصاصات فى قلب رامى فوقع رامى غارقا فى دمائه وانقطعت انفاسه معلنة موته....... مى ببكاء : رد بقا يا فارس رد !!! خرج فارس من حمامه بعد ان اخذ شاور فسمع هاتفه يرن فتوجه اليه فوجد رقم مى فارس فى نفسه بإستغراب : مى ؟؟ عايزة اية !!! رد فارس على هاتفه فارس : ايوة يا مى مى ببكاء : فاارس الحقنى فارس بقلق وبدأ صوته فى الارتفاع : فيه اية يا مى !! مى ببكاء : رامى ... دكتور غريب .... رامى ...قتله فارس بعدم فهم : اهدى يا مى وفهمينى ... مش فاهم حاجة رأت مى غريب امامها غريب : يا خسارة ... هتموتى انتى كمان صرخت مى بشدة ووقع الهاتف من يديها فارس بقلق وخوف : اية اللى بيحصل !! مى مى!!!!! اختفى صوت مى وانطلق فارس بدون تفكير بأقصى سرعته عائدا من ألمانيا الى مصر جرى على قدمه وبسرعته واخذت سرعته تزداد اكثر فأكثر حتى تخطى الحاجز المسجل لدية وتضاعفت سرعته مرتان على سرعته الاصلى حتى فتح مجال على شكل غبار كثيف ودخله فارس ولكنه خرج الناحية الاخرى فى مكان اخر (خرج فى شقته فى المانيا) واصطدم بالحائط بشدة رغم محاولته على الوقوف فارس لنفسه : انا فين !! اية ده ؟؟ اية اللى رجعنى الشقة تانى والصبح كمان ؟ .. حصل اية ؟ سمع فارس صوت مياه فى الحمام فتوجه اليه وفتحه برفق فوجد نفسه يستحم فارس لنفسه : اية ده ؟؟؟ نفس اللى حصل امبارح بيتكرر دلوقتى وازاى انا شايف نفسى امبارح ؟؟ انا مش فاهم حاجة سمع فارس فى تلك اللحظة صوت الباب فتوجه اليه بسرعة ونظر من خلف الباب (العين السحرية) فوجد رامى ويوسف فارس لنفسه : لا لا لا ... امبارح بيتكرر !! اعمل اية ؟ أعمل اية ؟ مش لازم يحصل اللى حصل امبارح ، انا هفتح واستعبط عليهم وربنا يستر فارس ميخرجش دلوقتى فتح فارس فارس بفرحة : يوسف !!! رامى !! وقام بحضنهم والترحيب بهم بشدة مما ادهش رامى ويوسف فارس : ياااه بقالى حوالى شهرين مشوفتكمش رامى وهو يهمس فى اذن يوسف : شهرين ؟؟ مش 3 ايام بردو ولا انا اتهبلت يوسف بهمس : اخرس خالص دلوقتى رامى بهمس : الله ؟؟ متبقاش حمقى كدا يوسف : ششش فارس لنفسه : يااربى ... ده نفس اللى عملوه امبارح ، اية اللى حصل بس ؟ اكمل تمثيل وعبط وخلاص بقا فارس : اية يا جدعان بتتوسوسو على اية رامى : على سوسة ههه يوسف : كلمة كمان يا رامى وهرميك برا رامى : انا بلطف الجو علشان مش فاهم اى حاجة فارس : مقولتليش يا جوو شهد عاملة اية ، وحشتنى بنت الاية يوسف : كويسة وبتسلم عليك فارس : يااه لما ارجع مصر هحكيلها عملت اية هنا واكلمها فى الموضوع اياه رامى بهمس : موضوع اية ؟ يوسف بهمس : اخرس دلوقتى رامى : يووه يوسف : فكرنى كدا موضوع اية فارس : الخطوبة ، هتقدملها يا جوو انت نسيت احنا متفقين على اية يوسف : لا طبعا منستش رامى بهمس : يخطب مين ؟؟ هو ناسى ان شهد اتجوزت الاهبل ده يوسف بهمس : اخرس خالص رامى : حاااضر فارس : انا هخش اعملكو حاجة تشربوها يوسف : مش لازم احنا آآآآ... رامى مقاطعا : ياريت لو عندك بسبوسة هنا يبقى عملت واجب فارس : هههههه طيب هفاجئك فارس فى نفسه : اييية ده ؟؟ حتى انا بعيد اللى قولته دخل فارس وظل يحدث نفسه فارس لنفسه : اعمل اية ؟؟ اعمل اية ؟؟ خرج فارس القديم من حمامه وارتدى ملابسه وخرج لهم وتفاجئ بشدة بهم فارس بصدمة : اية ده .. رامى ؟؟ بابا ؟؟ انتو وصلتولى ازاى ؟ ودخلتو هنا ازاى ؟؟ رامى بهمس : الواد ده ملبوس ولا اية ؟ يوسف بهمس : ممكن تخرس رامى : ممكن طبعا يوسف : انت سافرت لية يا فارس ؟؟ فارس : دى حاجة تخصنى لوحدى ، متخصش حد تانى يوسف : لا انا ابوك ومن حقى اعرف فارس وقد ارتفع صوته : انت مش ابويا .. بابا وماما اتقتلو قدام عينى ومحدش عرف مين قتلهم ، حتى اللى قتلهم عايش وكان هيموتنى مرة محدش واقف جمبى ، محدش حاسس باللى انا حاسه ، حتى الحاجة الوحيدة اللى اتعلقت بيها ضاعت منى .. انتو عايزيين منى اييية ؟؟ يوسف : عايزنك انت فارس : انسونى ، اعتبرونى مت ، تلاقيك جاى ترجعنى علشان لما كلو يكتشف فى يوم انى البرق تطلع تقول انا اللى عملته وانك ليك فضل عليا علشان ابقى كدا وتعمل شهرة على حسابى يوسف وهو يصفعه بالقلم : اخررررس!!! انا ربيتك وعلمتك وعملتلك اسم بدل ما كنت هتتربى فى ملاجئ ، كنت بعاملك زى بنتى بالظبط مفرقتش مابينكو نهائى ، كنت انت ابنى الوحيد وهى بنتى الوحيدة ، كنت بعاملك انك ابنى ومكانش فى تفكيرى غير انك ابنى وبس بس للأسف دلوقتى انت بكلمتين انكرت كل ده وطلعتنى بتاع مصلحتى وواحد ملوش ستين لازمة يلا يا رامى ... احنا غلطنا لما جينا هنا خرج فارس الاصلى على الصوت بسرعة فارس الاصلى : باااس استنووو يوسف بصدمة : فااارس !!! اتنين ؟ رامى برعب : انا قولت اليوم مش فايت اصلا...مهو مش معقولة يقابلنا حلو ويخش ياخد حبوب عصبية ويخرجلنا فارس القديم بصدمة : اأأ ... انت ؟؟ انا!! ازاااى ؟ فارس الاصلى : باااس انا هحكى كل حاجة ...الاول كل اللى حصل دلوقتى ده المفروض انه حصل امبارح ماعدا انى اخش اقول كدا وانتو مشيتو وحصل...... وبدأ يحكى فارس الاصلى : بس كدا ولقيت نفسى هنا وامبارح بيتكرر تانى بس انا ندمان يا بابا على اللى قولتهولك وكنت راجع علشان اقولك كدا النهاردة بس لقيت النهاردة بقا امبارح يوسف وهو يحضنه : مسامحك يا فارس ... مسامحك بس ازاى حصل كدا فارس القديم : يعنى لو مكنتش انت يا فارس اتدخلت كان زمان اللى حصل النهاردة او بكرا ده حصل ليا فارس الاصلى : ايوة ، مش فاهم ازاى واية اللى حصل ده رامى : اظن كدا انك رجعت بالزمن يوم يا فارس فارس الاصلى : رجعت بالزمن ؟؟ انت اهبل !! هو الرجوع بالزمن حقيقى رامى : بص لنفسك وحالك دلوقتى وانت تعرف فارس الاصلى : يعنى انا رجعت بالزمن يوم ؟؟ رامى : ايوة .. اعتقد بسبب سرعتك اللى تخطيتها دى كلها وتركيزك على حاجة واحدة كسر حاجز الزمن ورجعت بالزمن فارس القديم : اية ده انا بختفى بدأ فارس القديم بأن يكون شفاف ويختفى رامى : اكيد علشان فارس رجع بالزمن....هو دلوقتى حل مكانك اختفى فارس القديم فارس الاصلى : يعنى اية رامى : متقلقش كدا انت وهو حاجة واحدة ولازم يختفى علشان انت بقيت هنا وهتضطر تعيش اليوم اللى قضيته امبارح ده تانى بس بطريقة مختلفة .. يعنى انت كدا باللى عملته غيرت اللى هيحصل بكرا فى المستقبل ساعة مكالمة مى ليك يوسف بعدم فهم : انت جبت الكلام ده كلو منين ؟ رامى : ياما قرأت عن الرجوع والسفر بالزمن ونظريات كتير عليه بس عمرى ما اتخيل انى اشوفو بجد عااااا مش مصدق عينى فارس : بس يا اهبل انت كمان رامى : اها صح .. لما دخلنا انت اللى فتحتلنا صح ؟ فارس : ايوة رامى : كان مالك ؟؟ كنت تقريبا فاقد الذاكرة فارس : هههههههه لا كنت بستهبل عليكو لغاية اما افهم فيه اية رامى : اممممم انا قولت بردو مش معقولة تكون فقدت الذاكرة ولسة فاكرنا يوسف : طيب يا فارس انسى اللى حصل ده وكمل حياتك عادى مش مهم رجعت للماضى يوم ويلا اجهز علشان تسافر معانا فارس : حاضر هجهز كل حاجتى انطلق فارس بسرعته و جهز جميع أشيائه وسافر مع يوسف و رامى وصل الجميع الى القاهرة فارس : بقولكو اية ، متجيبوش اي سيرة عن اللى حصل خالص وانى رجعت بالزمن وكدا يوسف : متقلقش محدش هينطق رامى : اشمعنا ؟ فارس : علشان منعرفش مى كانت بتعيط وتستنجد لية ومنضمنش هيحصل اية لو عرفو ممكن يحصل حاجة احنا مش عارفينها رامى : تمام بس هى قالتلك اية اول ما اتصلت بيك فارس وهو يتذكر flash back فارس : ايوة يا مى مى ببكاء : فاارس الحقنى فارس بقلق وبدأ صوته فى الارتفاع : فيه اية يا مى !! مى ببكاء : رامى ... دكتور غريب .... رامى ...قتله فارس بعدم فهم : اهدى يا مى وفهمينى ... مش فاهم حاجة back يوسف : مين اللى اتقتل ؟ فارس : معرفش بس باين كدا من الكلام ان البرق الاصفر قتل دكتور غريب او قتل رامى وخطف التانى ... مش فاهم رامى : قتل رامى !!! ربنا يطمنك فارس : يا غبى اهدى .. كدا المستقبل اتغير ، اكيد حصل حاجة فى الماضى خلته يعمل كدا ومادام انا رجعت يبقى ... رامى مقاطعا : يبقى هيقتلنا كلنا وانت اول واحد فارس : انت نسيت ان سرعتى بقت اضعاف ولا اية رامى : ايوة بس دى لحظة غضب واندفاع مش اكتر فارس : ومفيش غضب واندفاع اكتر من انى اشوف اللى قتل اهلى حر وواقف قدامى يوسف : سيبكو من الكلام ده ويلا ندخل المختبر علشان الكل يتطمن دخل الجميع غريب بفرحة : فااارس واحتضنه فارس ونظرت له مى ودخلت الى الداخل سلمى : حمدالله على سلامتك يا برق فارس : اية ده !! انتى عرفتى انى البرق يا سلومة ؟ سلمى : امال ايية .. متبقاش عصبى ومندفع كدا تانى علشان منضمنش النتيجة هااا فارس : امممم طيب سلمى : يلا اسيبكم بااى فارس : بااى رامى : اوصلك ؟؟ سلمى : انا قولتلك اية قبل كدا .. السواق مستنينى يا رومة رامى : لا بعد رومة دى انا استاهل ، اتكلى على الله يابنت الناس غريب : انا هضطر امشى انا كمان علشان عندى ميعاد ، نبقى نتكلم بكرا يا فارس يوسف : خدنى معاك .. هتيجى يا فارس ؟ فارس : لا انا هقعد هنا شوية كدا وهرجع يوسف : اوك سلام فارس : سلام رحل الجميع فارس : بقولك ياض يا رامى رامى : قول ياض يا فارس فارس : هى مى بصتلى كدا لية ومشيت من غير ما تسلم عليا ؟ رامى : امممممم شكلك نسيت يوم فرح شهد لما ضربتها بالقلم فارس وقد تذكر وبدى على وجهه الحزن : امم هى حكتلك رامى : لا انا شوفت بنفسى فارس : انا غلطت فعلا ، مى ياما وقفت جمبى وساعدتنى لما كنت خلاص هموت وعملتلى الاكل اللى بحبه ، بس هى شافتنى فى الحالة دى ليه تعصبنى وتكلمنى اكنها خايفة عليا بالطريقة دى رامى : هى فعلا خايفة عليك فوق مانت تتخيل فارس : اممممم بس بتعاملنى كأنى عيل صغير معاها وخايفة عليا رامى وقد قرر ان يعترف : علشان مى ب...مى بت...مى بتحبك يا فارس فارس بصدمة : مى بتحبنى !! اية اللى بتقولو ده ؟ رامى : دى الحقيقة ، مرضتش اقولك يمكن تحس بمشاعرها ناحيتك بس انت ظلمتها وضربتها يافارس وكل ده ليه ؟؟ علشان بتحبك فارس : مكنتش متوقع كدا .. رغم انها كانت باينة بس كنت فاكرها بتعمل ده من باب اننا صحاب وفى تيم واحد لكن مكنتش اتخيل انها تحبنى رامى : انت اللى خرجتها من حزنها وقولتلها تبدأ حياة جديدة وتنسى الماضى وهى عملت كدا بس حبتك انت فارس : انا هخش اصالحها ، مش عارف بقا اية اللى المفروض يحصل بس هخش اعتذرلها على اللى عملته رامى : براحتك يا فارس دخل فارس الى مى فوجدها نائمة على المكتب فجلس امامها وتفحص وجهها وشكلها الطفولى البرئ وهى نائمة اخذ فارس يمرر يده على شعرها وهو مبتسم فاقت مى من نومها وقامت مفزوعة .. مى : أأأ...انت هنا لية فارس : بدل ما تقوليلى حمدالله على سلامتك ، احنا كنا ضايعيين من غيرك مى : لا احنا مكناش ضايعيين ولو على حمدالله عل سلامتك ، حمدالله على سلامتك يا سيدى ، يلا بقا علشان اخلص شغل فارس : شغل اية بس ، انتى كنتى نايمة مى : اش ليك دعوة انت مالك فارس : انا الحمدلله كويس وبعدين اية اش ليك دى .. اظبطى لسانك مبحبش الدلع مى : طيب اخرج بقا فارس : تؤ مش هخرج غير لما تسامحينى على اللى عملته .. انا اسف يا ستى وكنت غلطان مى : لا مش هسامحك فارس : طب لو قولتلك علشان خاطرى ؟ مى : هسامحك بس بشرط فارس : موافق عليه من غير ما تقولى مى : عايزة شوك.... لم تكمل مى كلامها حتى انطلق فارس بأقصى سرعته وعاد لها بعد دقيقة بصندوق هدايا ملئ بكل انواع الشيكولاتة فارس : اتفضلى يا ستى مى بفرحة : واااو ... خلاص مسامحاك فارس : بس ليا شرط مى : انا المفروض اللى اشرط علشان انت اللى بتعتذر على فكرة فارس : خلاص يا ستى اعتبريه طلب مش شرط مى : ماشى قول فارس : عايز محشى ورق عنب من اديكى الحلوة دى مى : بس كدا ؟؟ من عنيا فارس : تسلملى عنيكى فرحت مى بشدة بسبب كلام فارس لها والذى يعبر عن رومانسيته تجاهها مى : احم...ممكن تسيبنى اكمل شغل بقا فارس : شوور .. يلا باى مى بإبتسامة : باى خرج فارس والتقى برامى رامى : ها اية الاخبار فارس : على اساس انك مكنتش سامع رامى : انت شوفتنى !! يا كسفتك يا حازم فارس : ابقى استخبى كويس متبقاش اهبل كدا رامى : نصيحة بردو فارس : بقولك اع...أأأأ قاطع فارس صداع شديد فى رأسه مما جعله يمسك رأسه ويصرخ بشدة ووقع فى الارض وهو يصرخ وامسكه رامى ولا يعلم ماذا يحدث وماذا حدث له خرجت مى على صوت الصراخ مسرعة مى : امسك ايده يا رامى امسك رامى بيد فارس وبدأت مى بتدليك رأسه بيديها وعمل تنشيط لدماغه حتى بدأ فارس بالهدوء واختفى الالم تدريجيا مى : انت كويس دلوقتى ؟؟ فارس : ازاى مقالوليش انى كنت عندى فقدان ذاكرة لحاجات معينة فى حياتى ؟؟ رامى : فقدان ذاكرة لحاجات معينة !! مش فاهم مى : انت تقصد على اية يا فارس ؟ قام فارس وانطلق بكل عصبية بسرعته دون ان يتحدث مى : فيه اية يا رامى رامى : معرفش .. خرج من عندك وكلمته عادى فجأة مسك دماغه وفضل يصوت زى ما شوفتى كدا مى : ده كان بيكلمنى وهو كويس ..حصل اية لكل ده رامى : يمكن اللى حصله ده بسبب انه رجع بالزمن ! مى : رجع بأيه ؟؟ رامى محاولا الاخفاء : رجع بال...بالذاكرة أأأأ...مش عارف مى : رااامى ، انت مخبى عليا اية ؟ رامى : هكون مخبى اية يعنى ، مفيش حاجة مى : رااامى !! رامى : يوووووه طيب هقولك بدأ رامى بقص كل شئ على مى مى : نعم ؟؟ يعنى اية ؟؟ احنا فى الماضى دلوقتى ؟ رامى : ماضى اية يا زفتة انتى ، بقولك رجع بالزمن يوم بسبب مكالمتك مى : بس محصلش حاجة من دى ، ولا كلمت فارس رامى : علشان المستقبل بتاعه اتغير لما رجع بالزمن مى : طب وانا كنت بصوت فى التليفون لية ؟ رامى : تقريبا كان البرق الاصفر قتلنى او قتل دكتور غريب مى بخضة : ايييية رامى : ايوة مى : طيب اللى حصل ده علاقته اية برجوعه بالزمن ؟ رامى : معرفش دخل غريب فى تلك اللحظة غريب : فيه اية ؟؟ رامى : أأأ.. مى مقاطعة : فارس حصله صداع جامد وفضل يصرخ جامد وساعدته بس لما قام قال مقالوليش ليه انى عندى فقدان ذاكرة لحاجات معينة رامى بصدمة : فارس عنده فقدان ذاكرة لنقط معينة فى حياته ؟؟؟ رامى : هو اللى قال .. تقريبا افتكر كل حاجة ناسيها بفقدان الذاكرة لما رجع بالزمن انتبه غريب بشدة لكلامه وصعق مما سمع : انت بتقول اية ؟؟ فااارس رجع بالزمن ؟؟؟؟ امتى وازاااى ؟؟؟ رامى : هحكيلك كل اللى حصل .... *** كان فارس يجرى بعصبية شديدة وتذكر كل الماضى وليس مشهد موت والديه فقط وانما اشياء اخرى كثيرة خطيرة ومهمة بدرجة كبيرة عاد فارس الى ذاكرته الجديدة وتذكر flash back الطبيب وهو يفحص فارس بعد التحاليل والاشعة : للأسف يا يوسف بيه .. فارس جالو فقدان ذاكرة دائم بس لحسن الحظ ان فقدان الذاكرة ده لأجزاء معينة من حياته يوسف بقلق : مش فاهم ... ازاى؟ الطبيب : يعنى هيعيش حياتو عادى لكن من كل 20 موقف هيحصلو فى حياته هينسى منهم موقف معين يوسف : ومفيش علاج لده ؟؟ الطبيب : للأسف مفيش بس فيه امل ترجعله كل ذاكرته بس محتاج منعش قوى للذاكرة وده مش هيحصل غير لما يشوف والده او والدته يوسف : ووالدته ووالده توفوا ، طيب شكرا يا دكتور ، يلا يا فارس فارس بدموع : فين ماما وبابا انا عايزهم يوسف بحزن : مانت معاك اختك كويس انها نجت من الحادث ده فارس بعدم فهم : اختى مين ؟؟ انا معنديش اخت يوسف بصدمة : لا مستحيل ؟؟ مش معقول .. نسيت اختك؟؟ فارس : انا مش عندى اخت اصلا علشان انساها back نزلت دمعة من عين فارس ووصل الى المنزل حيث يوسف فارس بعصبية : لية مقولتليش ان عندى اخت ؟؟ يوسف بصدمة : فااارس!!!! انت عرفت منين ؟؟ فارس : مش مهم عرفت منين بس لية تخبى عليا كل ده .. لية يوسف : فاارس يابنى انت كان عندك فقدان ذاكرة لمواقف معينة فى حياتك ولما قولتلك على اختك وانت صغير رفضت كدا وكنت ناسيها حتى لما جيت اربيها انت رفضت وكنت بتعيط لما تشوفها لدرجة انى اديتها لعمك يربيها فارس وقد شعر بصداع مرة اخرى : عمى ؟؟؟ ايوة انا عندى عم .. لسة فاكر دلوقتى يوسف بقلق: هو اية اللى حصلك وافتكرت كل ده ازاى .. الدكتور قال مستحيل ... علشان كدا كنت ناسى اختك فارس بصوت مرتفع : كنت ساعتها صغير ومش مقتنع .. ليه مفاتحتنيش فى الموضوع لما كبرت لييية ؟؟ ليه مقولتليش على كل ده ؟؟ لية مقولتليش ان سلمى تبقى اختى !!!!!! ************************************************ رأيكم واية التوقع ؟ يوسف هيقول السر اللى كتمه سنين واول مواجهة هتبقى الحلقة الجاية #Mony | ||||||||
|
| |
|
22-07-19, 03:37 PM
| #10 | ||||||||
| مراقبة عامة ومشرفة منتدى الروايات المنقولة
| الحلقة التاسعة بقلم / عبدالرحمن احمد فارس بصوت مرتفع : كنت ساعتها صغير ومش مقتنع .. ليه مفاتحتنيش فى الموضوع لما كبرت لييية ؟؟ ليه مقولتليش على كل ده ؟؟ لية مقولتليش ان سلمى تبقى اختى !!!!!! يوسف : خوفت اقولك يحصلك صدمة كبيرة وخصوصا انك بعد حادثة البرق بقيت مهدد من كل ناحية فارس : انا عايزك بقى تحكيلى بالظبط اية اللى حصل وانا صغير وعن عمى وازاى سابنى كدا وليية ؟؟ يوسف : حاضر يا فارس .. الحكاية بدأت بموت اهلك flash back كان يوسف فى مكتبه فى قسم الشرطة وفجأة وصله بلاغ بجريمة قتل فى المكان (...) وصدم بشدة حيث علم ان من ضمن القتلى هو محمد اكرم صديقه فى العمل (شرطى) قام يوسف مسرعا واخذ قوة من الشرطة ووصل الى المكان خرج يوسف من السيارة وكان متجها الى المنزل ولكن اتى شخص بسرعة شديدة وسحبه الى مكان خالى من الاشخاص يوسف بخضة : انت مين فارس وهو يخلع قناعه : انا فارس .. من المستقبل يوسف : فارس مين ؟؟ فارس : البرق ... مع الايام لما اكبر معاك هتعرفنى ... انا فارس محمد اكرم ابن محمد اكرم اللى مقتول جوا ده وامى معاه ومعاهم طبعا انا واختى الصغيرين يوسف بصدمة : انا مش فاهم حاجة ؟؟ انت ازاى يوسف ابن محمد وهو اتقتل لية ؟؟ فارس : انا ابنه من المستقبل ،، هيبقى عندى قوة خارقة واللى قتل اهلى هو دكتور غريب ،، مش هتفهمنى دلوقتى المهم انى عرفت فى المستقبل ان دكتور غريب هو اللى قتل اهلى وهو هو البرق الاصفر فقررت ارجع بالزمن تانى زى مارجعت يوم علشان انقذهم بس للأسف فشلت زى مانت شايف دلوقتى ..انا عارف انك مش هتفهم حاجة دلوقتى لكن مع الايام فى المستقبل هتفهم كلامى ولما غريب يجى ياخدنى علشان يعالجنى سيبه والبرق هيصعقنى بس متقلقش هو ده سبب قوتى دى يوسف : انا فعلا بدأت اربط الاحداث اللى بتقولها وتقريبا بدأت افهم فارس : هيوضحلك اكتر فى المستقبل بس المهم دلوقتى اختى عايزك تخلى عمى اللى يربيها .. انا هعمل صعقة فى دماغى وانا صغير علشان انسى انها اختى وانسى عمى بس لما ارجع بالزمن يوم فى المستقبل هفتكر ده كلو المهم اختى تتربى عند عمى علشان تبقى بعيدة عن الخطر نهائى وحاول تقنعه بده وتحاول بردو تقنعه انك تربينى بأى حجة بس يقتنع وميحاولش يقولى ولا حد يعرف نهائى ولا حتى غريب اللى فى المستقبل ... انا فى المستقبل هفتكر كل حاجة وهاجى اعاتبك وهتحكيلى على كل حاجة من دى لان فارس ساعتها هيكون لسة معاشش ذكرياتى لانى جاى من المستقبل بعد ما فارس يرجع بالزمن يوم وبعد ما يرجع ينقذ اهله وده وقت طويل ...انا راجع من المستقبل قبل موتى بيوم .. يوسف : انت هتموت ؟؟ فارس : للأسف ايوة ،، هموت وانا بنقذها من غريب بس عرض عليا ارجع انقذ اهلى فى الماضى ولو نجحت هيسيبها تعيش بس فشلت وهروح دلوقتى علشان يقتلنى مكانها زى ما قالى ... هو ده مستقبلى .... غريب هيقتلنى يوسف : هى مين دى ؟؟ فارس : مقدرش اقول اكتر من كدا يوسف : معقول الشر هينتصر على الخير ؟ فارس : لا مش هينتصر على الخير ، انا هموت ولو مت غريب هيموت معايا لانى ابقا....ابقا السبب فى سرعته وحياته قبل ما كان هيموت فى المستقبل اللى بعد كدا بس هو ميعرفش ده وبموتى هيموت هو كمان يوسف : انا مش فاهم حاجة فارس بدموع الحزن : هتفهم اكتر من غريب لما فارس يمسكه ،، مصير فارس الموت علشان ينقذ كلو ،، كان نفسى اعيش علشان اتجوزها بس مصير بلد بحالها مرتبط بيا ،، لازم اضحى ... لااازم يوسف : فا... انطلق فارس بأقصى سرعته وظل يوسف مكانه ونظر الى المنزل ووجد فارس الصغير يخرج وهو يبكى فبكى يوسف ... الان يعرف مصيره فى المستقبل...... back فارس بدموع : ياااه كنت عارف كل ده ؟؟ يوسف : ايوة يا فارس ، انت فى المستقبل اللى قالى اقولك لما ترجع بالزمن يوم وتفتكر كل حاجة فارس : طب ليه قالك كدا ؟؟ لية مقدرش ينقذ بابا وماما ؟؟ لية هيموت ومين دى ؟؟ معقول انا ضعيف اوى كدا ؟ يوسف : لا يا فارس مش ضعيف ، انت قوى ، قوى جدا كمان .. اللى يقدر يستحمل كل ده ويضحى بنفسه علشان غيره يعيش يبقى قوى جدا وراجل كمان فارس : علشان كدا كنت بتحذرنى من غريب !! كنت عارف انه السبب اممممم يوسف : فاارس مش عايزك تيأس نهائى ، ممكن يكون انت فى مستقبلك مقدرش عليه لكن انت تقدر وتقدر تغير مستقبلك زى ما غيرت مستقبل اليوم اللى رجعته بالزمن دلوقتى انت عارف مين عدوك وبيخطط لأيه وعارف المستقبل يعنى معاك سلاح قوى فارس : متنساش برضو ان غريب عارف مستقبلى ورجع بالزمن هو كمان يعنى معاه نفس السلاح ، بس ايه حكاية غريب ؟؟ انا لازم اعرف لازم امسكه الكلب ده يوسف : لاااا اهدى .. متنساش انه اسرع منك واخر مرة كان هيقتلك فارس : اهاا صح .. انت كنت عارف انه هو اللى كان هيقتلنى وازاى فضلت مستحمل وساكت كدا يوسف : اللى قالهولى فارس المستقبلى خلانى قاعد مش عارف اتصرف بس كل اللى اعرفه انك هتعيش والا مكنش جالى يوم قتل اهلك فارس وهو يمسك رأسه : انا دماغى لفت ، مبقتش فاهم اي حاجة ولا عارف افهم حاجة ، كل حاجة ملخبطة فى دماغى ، مش عااارف هعمل اية ولا هتصرف ازاى يوسف : انا كمان كنت زيك كدا ، كل يوم كنت بتكبر قدامى كنت بقول ياترا عارف مصيرك ولا لا ، كنت كل عيد ميلاد ليك كنت ببقى بحتفل معاك وانا من جوايا مستنى يوم معرفة دكتور غريب ده لغاية اما وصلنى خبر flash back يوسف : جاسر عملت اية فى اللى قولتهولك جاسر : كلو تمام وقدامك اهو على المكتب وعرفنا الواد ده شغال مع انهى تنظيم بالظبط وقريب اوى هيعترف بكل حاجة يوسف : حلو اوى ، عايزين نوصلهم بأقصى سرعة العيال دى علشان كدا بقو خطر وبالذات بعد ما مسكنا الواد ده جاسر : تمام احنا شغالين على كدا المهم فيه حاجة غريبة كدا كنت عايز اكلمك عنها يوسف بإستغراب : حاجة اية ؟؟ جاسر : واحد اسمه غريب .. واخد شهادات دكتوراه كتير اوى من امريكا ومخترع ورجع مصر وخد تصريح يعمل مشروع ليه كبير واختراع بيقول انه هيغير العالم يوسف : واية الغريب فى كدا ؟ جاسر : الغريب انى شكيت وعملت تحريات عنه وملقتش اى ورق ليه يثبت انه اتولد من اساسه ده غير انه ظهر فجأة كدا ومسمعناش عنه قبل كدا نهائى يوسف : انت قولتلى اسمه اية ؟ جاسر : غريب....دكتور غريب يحيى يوسف وقد تذكر كلام فارس المستقبلى وبدأ قلبه فى النبض بسرعة شديدة : غريب ظهر ؟؟؟ جاسر بقلق : انت تعرفه ولا اية ؟ يوسف : جاسر اقفل الباب ده علشان عايز اقولك على حاجة خطيرة هتحصل وبدأت اهى بظهور غريب تعجب جاسر من كلام يوسف وبالفعل اغلق الباب وجلس يوسف : اوعدنى ان اللى هيتقال دلوقتى ده محدش يعرف عنه حاجة نهائى جاسر بقلق : اوعدك بس قول انت بدأت تقلقنى بدأ يوسف فى اخبار جاسر بكل شئ من لحظة مقتل والدى فارس جاسر بعدم فهم : أأأ...قوة خارقة ورجوع من المستقبل بالزمن ، ازااى ؟ يوسف : مش مهم ازاى ، المهم ده اللى هيحصل ولازم نكون مع فارس واحدة واحدة فى مشواره ده جاسر : امممممممم يوسف : هتبقى معايا يا جاسر علشان نحاول نقضى على الراجل ده ونغير مستقبل فارس ؟ جاسر وقد انتهى من اخذ قراره : معاك يا يوسف ... معاااك back فارس : يعنى جاسر كان عارف انى البرق ويعرف مصيرى كمان يوسف : بالظبط يعنى احنا كلنا فريق واحد ضد غريب والاهم دلوقتى اننا نضم مى ورامى فى صفنا فارس : تفتكر هيبقوا معانا ضد اللى عملهم اسم وساعدهم وكبرهم يوسف : لما يعرفو الحقيقة هيبقوا معانا فارس : طيب ولية المجازفة دى كلها هو مش انا فى المستقبل قولتلك انه مرتبط بيا يعنى لو مت هو كمان هيموت ومش هيبقى ليه وجود ؟؟ خلاص نعمل ده يوسف : نعم !! انت عايز تنتحر وتموت كافر ؟؟ فارس : ده مش هيبقى انتحار .. هيبقى تضحية علشان الكل يعيش وانا مش هستنى لما يأذى حد ... لازم انهى كل حاجة يوسف : متبقاش مجنون يا فارس ، احنا لازم بدل ما نعمل كدا نخطط ونغلبه وساعتها مستقبلك هيتغير فارس بإبتسامة : بس ساعتها هيكون قتل ناس كتير انا بحبها ويهمونى سلام يا ....يا بابا يوسف : استنى يا فارس مش ده الحل انطلق فارس بأقصى سرعة وعيناه دامعتان دون ان يستمع ليوسف ..... *** رامى : ده كل اللى حصل غريب : وانتى يا مى كنتى بتعيطى لية لفارس مى : محصلش حاجة من دى اساسا غريب : اهااا...ده فى الماضى اللى اتغير ثم ابتسم وقال : فارس استعد انه يسافر بالزمن !! حلو اوى يبقى الخطة قربت على النهاية بس ناقص شوية حاجات رامى : مش فاهم حاجة غريب : هااا....كدا فارس بقى سريع ومستعد يواجه البرق الاصفر رامى بفرحة : بجد ؟؟ غريب بإبتسامة : ايوة وهيرجع بالزمن ينقذ اهله كمان من الموت... ثم قال بصوت منخفض : وهيفشل وهيرجعلى علشان يموت.... دخل فى ذلك الوقت يوسف الذى كان يجرى مهرولا بخوف يوسف : الحقو فارس هينتحر.... صدم يوسف بوجود غريب ولم يستطيع الاكمال قام غريب من على كرسيه المتحرك فى صدمة : بتقول اية هينتحر ؟؟؟ فى لحظة وقوف غريب .... صدم الجميع بأنه يتحرك عدا يوسف فهو يعرف ووقع رامى فى الارض يمسك رأسه من الصداع واتته ذكريات من المفترض انه لم يعشها لانها حدثت فى ماضى قد تغير ولكن... flash back رامى بصدمة : لية !! لية بتعمل كل ده ؟ غريب : علشان ارجع ارضى ، علشان اقتل فاارس ، اقولك على حاجة ؟؟ انا اللى قتلت اهل فارس.... رامى بصدمة : ايية ؟ كانت تتابع مى فى رعب ما يحدث غريب : ايوة هى دى الحقيقة ، بس انت بذكائك عرفت خطتى بس انا مش هسمح للخطة تفشل رامى : هتعمل اية غريب بحزن : كان نفسى تكمل معايا...مش هلاقى حد اوفى واذكى منك معايا تانى بس للأسف ده قدرك ولازم يحصل اخذ رامى يرجع للخلف واخذت مى تتصل بهاتف فارس ويدها ترتعش وتبكى غريب : خلاص يا رامى .. خلصت ، السر ده لازم يتدفن معاك اصطدم رامى بالحائط خلفه واقترب غريب وانطلق بسرعته الخارقة واحضر مسدس كاتم للصوت كان يخبئه وامسك برامى ووضع المسدس على قلبه حتى يقضى عليه تماما رامى بأستسلام : اشهد ان لا إله إلا الله وأن محمد رسول الله وسرعان ما اطلق غريب ثلاث رصاصات فى قلب رامى فوقع رامى غارقا فى دمائه وانقطعت انفاسه معلنة موته....... back وقف رامى فى صدمة وقال : انت اللى قتلت اهل فارس ... ولما مى كلمت فارس كان علشان انت قتلتنى لما كشفتك بس رجوعه بالزمن غير المستقبل وقع الكلام على الجميع كالصاعقة مى : الكلام اللى بتقوله ده صح يا رامى ؟ يوسف : ايوة كل كلمة رامى قالها صح .. غريب جاى من المستقبل علشان يدمر فارس بس معرفش ليه ادالو سرعته ليه ضحك غريب : كويس انكو عرفتو كل حاجة بس معرفتوش اى سبب للى انا بعمله ومش هتعرفوا ... سلام يا .... يا اغبية وانطلق غريب بأقصى سرعته وهو يعلم وجهته وهو العثور على فارس مى : انا مش قادرة اصدق !! دخل فارس بسرعة الى المختبر يوسف : فاارس واسرع اليه ليحتضنه فارس : انا جيت اسلم عليكو الاول قبل ما اعمل اللى اعمله ... اها انا شوفت غريب وهو خارج وسيبته اكيد بيدور عليا بس انا مش هسيب اللى قتل اهلى وبموتى هيموت هو كمان مى بدموع : فارس علشان خاطرى متعملش كدا ، انا مش هستحمل حد يبعد عنى تانى اقترب فارس منها ومسح دموعها بيده فارس : متعيطيش يا مى ، اللى هعمله ده هينقذ ارواح ناس كتير هتموت من غير ذنب مى بدموع : الكلام ده انا حفظااه اوى من ساعة خالد لكن فى حالتك دى فيه مليون حل ، علشان خاطرى يا فارس مش عايزة اخسرك زى ما خسرت قبل كدا ، انت لو حصلك حاجة انا هموت .. فارس انا بحبك... حضنها فارس ودمعت عيناه : وانا بحبك يا مى ، اكتشفت انى بحبك بس كنت بكابر وبعاند ورافض....لكن مفيش حاجة تستخبى دلوقتى مى بدموع : بتحبنى ؟؟ فارس : ايوة بحبك يا مى وانتى كل حاجة ليا دلوقتى بس فارس المستقبلى قال ان انا هضحى بحياتى علشان حد وانا مش عايز اسبب اذى لأى حد منكم سمعوا صوت تصفيق والتفتوا ليجدو غريب يصفق وعلى وجهه ابتسامه غريب : ياااه تصدق اتأثرت ، على فكرة فارس بتاع المستقبل ده عنده حق واقوى منك كمان بس مش عارف قالك ولا مقلكش انى هخطف مى وانت هترجع تنقذ اهلك وهتفشل وهترجع اقتلك ؟ فارس : انت مرتبط بيا انا لو انا اتقتلت انت هتموت غريب : اوباااا هو انا مقولتلكش ؟؟ مش انا سافرت بالزمن ساعتها وانا اللى انقذت نفسى قبل ما فارس ينقذنى ؟؟ يعنى مصيرى مرتبط بيا .. انت دلوقتى لو قتلتك هتموت فارس : طب منا كنت قدام عنيك طول الوقت مقتلتنيش لية ؟ غريب : مش هتعرف دلوقتى ... فى اللقاء الجاى بينا هتعرف كل حاجة انطلق غريب بسرعة شديدة وسحب مى وانطلق مما جعل فارس يغضب بشدة وانطلق خلفه بأقصى سرعة وكل شارع كان يدخله غريب كان فارس خلفه واصبح فى مستوى سرعته وفجأة فقد فارس الوعى وهو يجرى مى بصراخ : فااااااااارس اختفى غريب ومعه مى ووقع فارس فى منتصف الشارع والجميع يخاف الاقتراب منه - ده البرق !!! * اية ده مين اللى عمل فيه كدا ؟ = انا شوفته كان بيجرى ورا برق تانى @ تعالى نقرب منه ونقومه & لا ياعم ابعد ، احنا منضمنش كان الطريق واقف تمام شهد : يوووه الطريق واقف كدا لية جاسر : مش عارف يا حبيبتى وقف مرة واحدة كدا ليه ، انا خارج اشوف فيه اية خرج جاسر من سيارته جاسر : هو فيه اية - البرق كان بيجرى ورا برق تانى سريع وفجأة وقع وقفل الطريق وكلو خايف يقرب جاسر بخوف : فاارس انطلق جاسر ودخل وسط زحمة الاشخاص وظل يدفعهم حتى وصل لفارس * انت بتعمل اية ياعم انت جاسر : اخرس بدل ما اخدك على القسم ، انا ظابط * اااا...اسف يا باشا حمل جاسر فارس على كتفه واخذه الى سيارته وفتح الطريق شهد بصدمة : اييية ده البرق جاسر : ايوة شهد : حصله اية ؟؟ جاسر : معرفش واهدى بقا لغاية اما اكلم يوسف شهد : اية ده هو انت وبابا تعرفو البرق جاسر : وانتى كمان تعرفيه شهد : اية ؟؟؟ مين ده ؟ جاسر : البرق يبقى اخوكى فارس شهد بصدمة : انت بتقول اية ؟؟ جاسر : فارس يبقى البرق شهد بصدمة : طب وقف اما ارجع ورا معاه جاسر : طيب نزلت شهد وجلست فى الخلف مع فارس ونزعت قناعه وبدأت فى عمل التهوية له ودمعت عيناها شهد بدموع : فاارس ... فااارس ؟؟ نظرت شهد الى كتفه فوجدت مخدر فى (سرنجة) شهد : الحق ده فيه مخدر فى كتفه جاسر : مخدر !!! عرفتى منين شهد : دى سرنجة المخدر اللى بيخدرو بيها الاسود والنمور فى حديقة الحيوان .. فارس كان ورهانى فى مرة جاسر : امممم يبقى مفيش غيره غريب وصلو الى المختبر وحمل رامى فارس واجرى له بعض الاسعافات وعلم الجميع بأخر التطورات وعلمت شهد بكل شئ قام فارس فوجد الجميع حوله فارس وهو ينظر حوله : مى فين ؟؟ قام فارس : مي فيييين رامى : اهدى يا فارس فارس : اهدى ازاى وانا معرفتش انقذها منه ، اهدى ازااى ؟ يوسف : ده مش ذنبك يا فارس شهد : ايوة يا فارس مش ذنبك ، غريب خدرك بمسدس تخدير وهو بيجرى جلس فارس وامسك رأسه جاسر : اهدى يا فارس احنا كلنا جمبك ومعاك وهنرجع مي كلنا فارس : مش هسامح نفسى لو حصلها حاجة ، هى الوحيدة اللى حبتنى وخافت عليا وكانت بتفهمنى ،، كانت بتعمل كل حاجة علشان ترضينى حبتنى من قلبها بس انا كنت اعمى ، لازم ارجعها حتى لو كان تمن ده هو موتى يوسف : انت كدا بتنفذ اللى قاله فارس لما جالة بالظبط ، مغيرتش اى حاجة ،، مسألتش نفسك جالى وحكالي لية ؟؟ ،، كان عنده امل انك تلاقى حل وتغير المستقبل ده ودلوقتى اهو غريب لو انت مت مش هيموت لانه سافر بالزمن وغير طريقة انقاذه وانقذ هو نفسه يعنى بموتك الشر هينتصر على الخير ومش هتبقى عملت اي حاجة فارس : مش مهم رامى : لا مهم يا فارس ، هتنقذ حياة مى وتعرض حياة الناس كلها للخطر فارس : انا متأكد ان غريب محتاجنى علشان كدا مقتلنيش وان قدامه طول الوقت بس ايه السبب ؟؟ امتى اللقاء التانى اللى قال عليه ده جاسر : مش مهم امتى ، المهم نكون مستعدين ليه دخلت سلمى سلمى وهى تجرى ناحية فارس : فارس قام فارس واحتضنها فارس : سلمى .... انتى عرفتى انك اختى سلمى : ايوة .. يوسف : انا قولتلها على كل حاجة وورتلها الاوراق اللى تثبت كمان انك اخوها فارس : وعمى دخل صابر صابر : عمك دايما واقف معاك فى اى حاجة وكنت عارف كل حاجة وجيه الوقت اللى نقف فيه كلنا ايد واحدة حضن فارس عمه فارس : بجد انا مكنتش محتاج دعم اكتر من الدعم ده كله ... شكرا ليكم كلكم سلمى : يلا مين جاهز علشان نهزم غريب ونغير مستقبل فارس ؟؟ صابر : انا جااااهز رامى : وانا كمان جاهز قام يوسف : وانا كمان جاسر : وانا كمان جاهز فارس بثقة : تمام ... استعنا على الشقى بالله **** مى : مكنتش اتخيل يا دكتور انت تكون ورا كل ده ، ليه خليتنا نثق فيك ؟ غريب : علشان اتفذ اللى رجعت من المستقبل علشان اعمله مى : وتفتكر خطتك هتنجح ؟؟ غريب : هتيجى معايا بكرا وانا رايح لفارس وهتشوفى هتنجح ازاى مى : هتخليه يموت علشان ينقذنى صح ؟ غريب بأبتسامة : لأ انا مش شرير اوى كدا .. هديلو فرصة او نجح فيها يبقى ينفذ اللى هطلبه ببساطة وهسيبه يعيش ، لو فشل هخليه ينفذ اللى طلبته منه وهقتله مى : لية كل ده ؟؟ غريب : بكرا هتعرفى ... نامى **** فى اليوم التالى كان الجميع فى المختبر حتى رأى فارس من الكاميرات وصول غريب ومعه مى فارس : يامرحب يوسف : زى ما اتفقنا يا فارس رامى : خد بالك واقف فى المكان ده فارس : تمام ... اشوف وشكم على خير خرج فارس بكل ثقة من المبنى وامامه غريب غريب : مستعد تواجهنى ؟؟ فارس بإبتسامة : انا دايما مستعد ... وانطلق الاثنان بأقصى سرعة فى اتجاه بعضهما وفجأة......... ************************************************** *** بكرا سر غريب ... هل فارس هيتغلب على غريب ؟ هل فارس هينقذ اهله فى الماضى ؟ هل فارس هيضطر يضحى بنفسه علشان حد ؟ الى اللقاء فى الحلقة الاخيرة .. #Mony | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
العرض العادي
