آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
04-04-19, 12:15 PM
| #1 | |||||||||||||||||
| مراقبة عامة ومشرفة منتدى الروايات المنقولة  
|  حين يستبد آدم بقلم/ همس ليل " عراقية" (مكتملة)
التعديل الأخير تم بواسطة فيتامين سي ; 09-04-19 الساعة 10:32 AM | |||||||||||||||||
|  |
|
04-04-19, 12:17 PM
| #2 | ||||||||
| مراقبة عامة ومشرفة منتدى الروايات المنقولة
|  رابط لتحميل الرواية هنـــــــــــــــا #حين يستبد أدم همس ليل البارت الاول _اجو...اجو.... اجت بنت خالي تركض ...ماما اجوي... سمعت صوت الطبل...وكلبي كام يضرب وياه... صوت الطلقات على كولتهم الجيلات ... شعلوا بيها الدنيا...تكولين داخلين حرب مو زفة... رجلي نملت...وحسيت كلبي يريد يطلع من مكانه... باوعت لامي...واكفة مسافة عني...وتنظرلي بغضب... نظرتها تكولي ليش هيج سويتي... بعدت عيوني ورجعت باوعت لعمتي...اشرت براسها... _لا تخافين حبيبتي...كولي يالله... اجى صوت اختي يطمني...همست باذني هالكلمات باوعت حولي...ماكو هواي خوالي وخالاتي كلهم رفضوا يحضرون وزعلوا.... بس الموجود عمتي وبناتها...وصديقاتي وجوارين... الصوت اقترب وبدت السيارات تطبك باب بيتنا... وصوت الطلقات زاد.... شوي وسمعت الهلاهل وطش الجكليت بلش بدخلت اخواته واقاربه وبس وصلن يمي بدن يهوسن هاي الرادها وهاي التمناها ...بنت العم لابن العم جبناها... بس لا هو رادني ولا اني ردته...اجاوبهم بكلبي بت عمنا لاخونا تصير جنتنا ومانريد الغريبة ادوس عتبتنا... واني اعرف كل الزين مايريدني هنة ويتمنن بهاللحظة يفركشن الزفة.... شوي وسمعت هوسات الزلم...عرفت راح يدخلوه.. اجت اختي تلبسني الغطى على راسي....دفعت ايدها... وماخليتها...لا تعاندين هسة يكوم يحجي... شاورتني...هزيت براسي... دخل والنسوان تلكنه بالهوسات والهلاهل ... رفعت عيني له...لابس دشداشة بيضة وغترة بيضة ...ومخلي عباية رجالية بيجي منقوشة بخيوط ذهبية.... اعرف تعمد يلبس هاللبس العربي...حتى يغثني.. عباله استنكف منه.... هو طالع هيبة بيه...لو غير شخص جانت نعجبت بيه.... بس اني اعرف هالانسان شنو ...لذلك ماتأثرت بوسامته... تقربت اخته تكومني استقبله....لكن ماكمت... نظرة عينه وهو حاطها بعيني جمدتني بمكاني... نظرة بيها انتصار وشماتة... كانما يكول لي كسرت خشمج واخذتج غصب... رضيتي ما رضيتي صرتي لي... كعد بصفي والهوسات والدبج مال قريباته مستمر... وهوسات الزلم برة نفس الشي... ماطول وكف...ومد يده ولزم ايدي...وسحبني بقوة... أذاني بس سكتت...نزع عباته وخلاها على راسي... من واكف كدامي ديلبسني العباية رفعت عيني له... ابتسم...كأنما يكولي اعرف بيج تريدين تعاندين وماتلبسين شي .... سحبني وطلعنا...وسط هوسة نشكر من كال اخذوها نشكر من عمها وبوها واني بكلبي اكوللهم وين الشكر مالكم شو كله غصب وكف بالباب سلم على ابوية.. اجى ابوية علية باس راسي...يابة الله يرضى عليج...رفعتي راسي وماكسرتيني... دمعت عيني...هو واكف يمي ماردته يشوف دمعي ويشمت بية... بس من دانطلع اشتغلت الطلقات ...خفت ..جلبت بيده حيل... صعدني بالسيارة...واني مدنكة...لا اكدر اباوع صفح استحي ولا اكدر اباوع لكدام لان ابن عمه يسوق ولا اريد اباوع عليه... جنت احاول اعيد تماسكي...ومااشوفه دموعي من مشينة دنك عليه شاورني....شكد كوية خاطر ربج جان بودي اضربه بشي ...بس شسوي...راح ترجع علية لحد ماطلعنا من بغداد...بيتهم اطراف بغداد بالمناطق الريفية... وصلنا وية مالافت السيارة ...ما اشوف الا رمي مو طبيعي كمزت من مكاني بالسيارة وجلبت حيل بيه...هو تفاجأ ...همس لا تخافين هاي استقبال لنا...رجعت عدلت كعدي... يا استقبال خاطر الله عبالي صار هجوم علينا.. احجي وية نفسي... دخلنا ممر طويل وصلنا لبيت كلش جبير ... طبك السيارة وية الباب...نزل واجة من جهتي نزلني...ودخلني للصالة من وصلنا...وكف نزع عبايته عن راسي...وعافني وطلع... ظليت اباوع براه صح اكره كره العمى بس احس عافني وسط غابة وحدي... اباوع بالوجوه ..ناس تنظرلي بغضب وناس بحقد...وناس مالها علاقة بالموضوع... بعدين شفت عمتي دخلت جريت نفسه... اجت باتجاهي ...عمة لا تخافين اني اجيت وياج جلبت بيدها وهية اطمني... _لعد وين حبايب العروسة...شو ماكو احد وياها.. وحدة حجت ماعرفها بعدين عرفت هاي خالته.. جاوبتها عمتي...هي بنص اهلها وكلهن حبايبها لو نسيتوا ذولة بيت عمها.. ذيج عوجت حلكها ماعجبها الحجي... _عمة اريد اصعد لغرفتي... _ميخالف عمة بس اصبري شوي...عيب هسة دكومين ظليت مصلوبة وهنة يتفرجن علية... بس انتبهت اكو وحدة احس تريد تاكلني بنظراته _عمة منو ذيج البنية _وينها... _ذيج ام الوردي...احسها تريد تكوم تهجم علية جرت نفس عمتي...هاي فرح ها هسة افتهمت حقها لعد...احجي وية نفسي كالوا راح يصبون عشا ...اجت امه كالت خلي نصعدها لغرفتها...صعدوني... طبعا وية دخلتي للغرفة كومة دخلن وياي ما اعرفهن... وكلهن يحجن سوية...واني راسي صاير طبل ...هم ضغط نفسي وهم تعب ... اريد بس يطلعون...عاد امه حجت _حبايب راح يصبون العشى خلي العروسة تاخذ راحتها... شفت عمتي تريد تطلع وراهن جلبت بيدها... _وين رايحة... _رجعت دنكت باست كصتي...عمة هسة شوية ويزفوه قبل العشى اخذي راحتج...ولا تنسين مثل ما وصيتج _عفية عمة ابقي شوي _يمة انتي مو صغيرة...بس بنتي الله يرضى عليج...لا تمانعين...مالنا خلك للمشاكل...هنا يريدون بياضج...لو يفسروها بغير شي عافتني وطلعت...احنة بالقرن الواحد والعشرين...وبعدهم يوكفون للعريس يطلع بياض البنية... بقيت اتفرج واني افرك بيدي من الخوف... على الغرفة جبيرة وماثثها بأخشاب ضخمة... سمعت بدت الهوسات الزلم...وبدت تقترب...جان اكو احد مثل الي يغني وهمة يردون وراه وبعدها تصير دبجة برجليهم قوية... من دخلوا سمعت الصوت واضح.. جان يكول نفرح واليوم العيد لنا ...هم يردون نفس الشي...بعدين يكول لو هلهلت واسمج عيدة واحدنا يلاويله مية تبدي النسوان تهلهل...ويكمل بس كمت ما استوعب باقي الهزوجة من الخوف واستمرت الهوسات وبدة الصوت يقترب ودبجة الزلم تزيد..انفتح الباب فزيت ورفعت عيني شفت عمتي وامه دخلوا...كومتني عمتي وكالت حتى نسلمج له... فتحت الباب الثانية ...عرفت هو دخل من عطره سبقه...بس هالمرة ما رفعت عيني... كلبي احسه يريد يطلع من ضلوعي من كد مايضرب سريع... تقرب...وعمتي اخذت يدي وخلته بيده _منك المال ومنها العيال وقبل ماتطلع...دير بالك عليها عمة ما اوصيك... طلعوا وبقينا وحدنا...هو قفل الباب وراهم... من حسيت بطكت المفتاح فزيت ورفعت عيني.. اندار...نفس النظرة بعينه جانت... نزع عباته وعلكها وبعدها الغترة والعكال... بدة يفتح دكم ردن الدشداشة ويطويها.... واني اتبع حركاته بفزع... _مبروك بنت عمي اجى وكف مقابيلي عينه بعيني ...مانزلت عيني _مو كتلج ...من اريد شي اسويه اسويه...دير بالج فد يوم تحطين راسج براسي... _يجوز سويت الي تريده بس انتة هم خسرت _شلون بلة _هم خسرت الانسانة الي تحبها... _منو كلج...اني ما امشي خطوة اذا مااكون واثق منها... _شنو هالغرور ماحسيت الا لزم زندي حيل ...شوفي لج اياج تتجاوزين بالحجي...لا تعرفين شغلي وياج جان يضغط على ايدي ...بس ما كلت اخ _شنو شغلك.. اتمد ايدك علية...كلشي اتوقع منك _غلطانة مو اني الي امد يدي على مرة...بس اذا انتي فرس جامحة..ترة اني خيالج واعرف شلون اروضج _قصدك تعرف شلون تكسرني _فهميها مثل مايعجبج هد ايدي وراح كعد على الجرباية... بدلي فضيها ... ظليت صافنة عليه...شنو من قابلية...شلون يكدر يتقبل انسانة يكرهها...ولو همة الزلم تقودهم غرائزهم مو الحب... _شلون ابدل اطلع...ضحك...صدك تحجين... انزعي ولا دوخيني... من ضمن طلباتي كان حمام يبني بالغرفة...بنو بس حتى ماينولي الي اريده سواها خارج الغرفة... زين شلون اطلع للحمام...فزيت على صوته _شنو راح تظلين واكفة صافنة ماكدرت اجاوبه...بس ايدي ما تقبل ترفع تفتح البدلة... كمز من مكانه ..تراجعت ليورة من شفته اجى باتجاهي... وكف وراي وبلحظة فتح سحاب البدلة ونزلها... دنكت واني احس الدمعة صارت بطارف عيني خله ايديه على جتافي احسها نار تجويني ...ودارني باتجاهه حسيته بقى يتفرج علية...رفع وجهي بأتجاهه _وظل يباوع بوجهي...والله جمال عندج... خزرته بعيني....ضحك _لو كل الخزر اليوم انتي الي...بعد مايفيدج شي دنك يبوس بركبتي واني نفسي لعبانة منه وبدت ايده تسلسل لجسمي...دفعته اني تعصب...جرني باتجاهه وهو لازمني من اجتافي... _شوفي لج...الي تسوي مو بصالحج...ما اعتقد تحبين يكولون غير شي شهكت واني استوعب كلامه...وهو جرني للجرباية ...دفعني عليها...وكف مقابيلي ونزع دشداشته.... جنت اتمنى اقاومه...ادفع ايده الي انتهكت حرمة جسمي وهية تتلمسه.... امسح كل مكان مشت عليه شفايفه من جسمي بس شنو بيدي... ما طول وحقق الي يريده...وهو خال ايده على حلكي حتى ما اصيح...من ألمي وقهري عضيت ايده حيل...بس ما كال اخ _مبروك بنت عمي...صرتي مرة حجاه وهو واكف.... جريت غطى استر نفسي ...هو شاف حركتي ضحك _بعد مايفيد.. شفته لبس وطلع...ومن سد باب الغرفة...نفتحت دموعي شلال... خلص كسرني مثل ماحلف مرة... _صدكي اخذج واكسر خشمج لو اخر يوم بعمري وبعمرج هاي كلماته ما انساها ابد... لفيت الجرجف حولي نفسي ...كمت اريد اخذ شي استر نفسي بيه سمعت بدت الطلقات تشتغل مرة ثانية...لبست دشداشة... اندكت الباب...ودخلت عمتي من شفتها ركضت لحضنها....شبكتني _عفية حبيبتي مافشلتينا... جنت ابجي بقهر _عادي حبي ...ترة كل بنية تحس بشعورج ..لان تحس اكو شي حافظت عليه طول عمرها راح هي ماتدري شعوري قرف وكره .... _ليش يضربون طلقات ... _هاي...شلون نسميها من يطلع العريس بياض مرته...نوع من التهنئة _ليش اكو ناس لسة باقية على هالعادات _اي يمة المناطق الريفية تبقى متمسكة باعاداتها مو مثل المدينة.. خوما بيج شي.. _اريد اروح للحمام... ودتني وشفن نزف ماديتوقف... _عمة ...عبالك عندي نزف.. _لا تخافين شوي ويوكف بدخلتنا للغرفة لكيته موجود...عمتي باركت له وطلعت.. _جابوا عشى تعاي اكلي... _ما اشتهي... _حتة لو تعاي اكعدي هنة جانت الصينية بالكاع..كعدت كوة بس ما اكلت _تعبانة اريد انام... جنت احس نفسي مجهدة ...رحت للجرباية...واني احس نظراته تتبعني.. نمت على الحافة وما اتوقعت راح اغفة بهالسرعة... من كعدت الصبح ... جنت وحدي بالغرفة... صفنت اريد استوعب وين اني....بعدين اذكرت تنفست بعمق واني وية نفسي اتعهد اخذ حقي منه... اخذ حق كسرة خاطري....اخذ حق دراستي العفتها حق كل ساعة ويوم توترنا وتعاركنا من وراه ..ومن ورة اهله... اذكرت اول مرة اجى ابوية لهنا ... ومن رجع كان ضايج ومكسور خاطره... حاولت امي تساله ما شرحلها... بقى يومين ضايج ومهموم...كان المفروض راح يطلب منهم يحضرون خطبة اختي... الجمعة راح يجيها استاذها بالجامعة ...واهله رادوا يلتقون بعمامهة... اهل الولد من المحافظات الجنوبية...وناس معروفين...ولهم سمعتهم ومكانتهم... ومثل مامعروف عد اهلنا بالجنوب يقيمون اهل البنية ولازم العمام يحظرون الخطبة اختي ريم اكبر من ب٤ سنوات تخرجت من كلية الصيدلة.... بوقتها طلبت من ابوية يروح لاعمامي... حتى يجون...ماجانت تدري ولا احنة اسباب خلافه وية اهله.... راح ابوية ورجع شايل هم وميقبل يحجي وية احد ريم...ماما اشو ابوية ما كال راح يجون عمامي الجمعة لو لا ام ريم...والله حبيبتي ابوج من رجع لسة مايتحاجى... ريم...ادري شلون لعد ام ريم...هو استاذ علي هم يتعيقل ...هسة شنو الا عمامج يحضرون ...يجون خوالج وخلص ريم...ماما همة هيج طبعهم...اهله يكولون له غير نعرف اهل ابوها مين مامين... جنت كاعدة استمع لحديثهم.... ريم...ذرى احجي وية بابا...بس انتي تكدرين تفتهمين منه انتبهت تحاجيني....واني شعليه شداخل بجيسي ام ريم...هاي من شوكت انتي شعليج...اشو كل صغيرة وجبيرة تحشرين نفسج بيها... ذرى...هالمرة مالي خلك ملتهية بدراستي... ريم...لج لخاطري...مو اختج ذرى ...والله ياالله اني ادري المفروض الجبيرة هية تتوسط لاخواتها...مو هنة يتوسط لها طبعا احنة ٣ اخوات....بين كل وحدة ٤ سنوات...امي كوة يصير عدها حمل... باختي الصغيرة سما وصلت امي للموت....لذلك ابوية قرر بعد ما يسوي طفل... والدي مدير مدرسة...ورغم اصله من الارياف...بس ما اهتم لموضوع عنده بس بنات...وماعنده ولد يشيل اسمه... ريم اختي شخصيتها مثل امي...ماتهتم الابنفسها...مو انانية بس ما اتحب ادوخ نفسها بينما اني جنت بكل شؤون البيت ادخل ...واحب اكعد واتناقش وية ابوية... رغم عمري ٢٠ سنة بس تشوفيني اكبر من عمري بالعقل....وطبعي عنيد ابوية يكول انتي ذكريني بجدج...صح انسان يدوب يقرة ويكتب... لكن صاحب شخصية...وذكي وماينزل راسه لاكبر واحد صحاني من افكاري صوت ريم...هاشكلتي ذرى ذرى...بخيروهم ماخيروني كمزت من مكانها تبوسي...حبابة خيتي من رجعت من الكلية وتغديت...سويت كهوة ورحت لبابا...الله يساعدك جواد _هههههه...شلون بيج بابا _اضحك الدنيا ماتسوة اخذ كهوته...واني كعدت يمه... _جاي انتظر... _شتنتظرين _اسمع منك الصار يم عمامي رجع فنجان الكهوة للميز وهو ضايج وتنفس بعمق... _ماعرف بابا شاكولج....مدري اني تغيرت والدنيا بالمدينة صقلتني.... مدري اهلي زادو طغيان بعد ما صعدوا...وصار عدهم فلوس ومراكز _بابا ممكن تحجيلي اساس المشكلة وية اهلك _بنتي هذا موضوع قديم يرجع لتاريخ جدي _بابا احنة ابد ماعرفنة سبب الخلاف والانقطاع بينكم... زين شلون نفهم الي صار هسة ...اذا ماعدنا فكرة عن الماضي.... تنهد...هو حمل ثكيل اريد اخفف منه...وانتي طول عمرج ذكية راح تفهمين... الموضوع يرجع لجدي ابوابوية..... وللحكاية تكملة #حين يستبد أدم همس ليل البارت الاول _اجو...اجو.... اجت بنت خالي تركض ...ماما اجوي... سمعت صوت الطبل...وكلبي كام يضرب وياه... صوت الطلقات على كولتهم الجيلات ... شعلوا بيها الدنيا...تكولين داخلين حرب مو زفة... رجلي نملت...وحسيت كلبي يريد يطلع من مكانه... باوعت لامي...واكفة مسافة عني...وتنظرلي بغضب... نظرتها تكولي ليش هيج سويتي... بعدت عيوني ورجعت باوعت لعمتي...اشرت براسها... _لا تخافين حبيبتي...كولي يالله... اجى صوت اختي يطمني...همست باذني هالكلمات باوعت حولي...ماكو هواي خوالي وخالاتي كلهم رفضوا يحضرون وزعلوا.... بس الموجود عمتي وبناتها...وصديقاتي وجوارين... الصوت اقترب وبدت السيارات تطبك باب بيتنا... وصوت الطلقات زاد.... شوي وسمعت الهلاهل وطش الجكليت بلش بدخلت اخواته واقاربه وبس وصلن يمي بدن يهوسن هاي الرادها وهاي التمناها ...بنت العم لابن العم جبناها... بس لا هو رادني ولا اني ردته...اجاوبهم بكلبي بت عمنا لاخونا تصير جنتنا ومانريد الغريبة ادوس عتبتنا... واني اعرف كل الزين مايريدني هنة ويتمنن بهاللحظة يفركشن الزفة.... شوي وسمعت هوسات الزلم...عرفت راح يدخلوه.. اجت اختي تلبسني الغطى على راسي....دفعت ايدها... وماخليتها...لا تعاندين هسة يكوم يحجي... شاورتني...هزيت براسي... دخل والنسوان تلكنه بالهوسات والهلاهل ... رفعت عيني له...لابس دشداشة بيضة وغترة بيضة ...ومخلي عباية رجالية بيجي منقوشة بخيوط ذهبية.... اعرف تعمد يلبس هاللبس العربي...حتى يغثني.. عباله استنكف منه.... هو طالع هيبة بيه...لو غير شخص جانت نعجبت بيه.... بس اني اعرف هالانسان شنو ...لذلك ماتأثرت بوسامته... تقربت اخته تكومني استقبله....لكن ماكمت... نظرة عينه وهو حاطها بعيني جمدتني بمكاني... نظرة بيها انتصار وشماتة... كانما يكول لي كسرت خشمج واخذتج غصب... رضيتي ما رضيتي صرتي لي... كعد بصفي والهوسات والدبج مال قريباته مستمر... وهوسات الزلم برة نفس الشي... ماطول وكف...ومد يده ولزم ايدي...وسحبني بقوة... أذاني بس سكتت...نزع عباته وخلاها على راسي... من واكف كدامي ديلبسني العباية رفعت عيني له... ابتسم...كأنما يكولي اعرف بيج تريدين تعاندين وماتلبسين شي .... سحبني وطلعنا...وسط هوسة نشكر من كال اخذوها نشكر من عمها وبوها واني بكلبي اكوللهم وين الشكر مالكم شو كله غصب وكف بالباب سلم على ابوية.. اجى ابوية علية باس راسي...يابة الله يرضى عليج...رفعتي راسي وماكسرتيني... دمعت عيني...هو واكف يمي ماردته يشوف دمعي ويشمت بية... بس من دانطلع اشتغلت الطلقات ...خفت ..جلبت بيده حيل... صعدني بالسيارة...واني مدنكة...لا اكدر اباوع صفح استحي ولا اكدر اباوع لكدام لان ابن عمه يسوق ولا اريد اباوع عليه... جنت احاول اعيد تماسكي...ومااشوفه دموعي من مشينة دنك عليه شاورني....شكد كوية خاطر ربج جان بودي اضربه بشي ...بس شسوي...راح ترجع علية لحد ماطلعنا من بغداد...بيتهم اطراف بغداد بالمناطق الريفية... وصلنا وية مالافت السيارة ...ما اشوف الا رمي مو طبيعي كمزت من مكاني بالسيارة وجلبت حيل بيه...هو تفاجأ ...همس لا تخافين هاي استقبال لنا...رجعت عدلت كعدي... يا استقبال خاطر الله عبالي صار هجوم علينا.. احجي وية نفسي... دخلنا ممر طويل وصلنا لبيت كلش جبير ... طبك السيارة وية الباب...نزل واجة من جهتي نزلني...ودخلني للصالة من وصلنا...وكف نزع عبايته عن راسي...وعافني وطلع... ظليت اباوع براه صح اكره كره العمى بس احس عافني وسط غابة وحدي... اباوع بالوجوه ..ناس تنظرلي بغضب وناس بحقد...وناس مالها علاقة بالموضوع... بعدين شفت عمتي دخلت جريت نفسه... اجت باتجاهي ...عمة لا تخافين اني اجيت وياج جلبت بيدها وهية اطمني... _لعد وين حبايب العروسة...شو ماكو احد وياها.. وحدة حجت ماعرفها بعدين عرفت هاي خالته.. جاوبتها عمتي...هي بنص اهلها وكلهن حبايبها لو نسيتوا ذولة بيت عمها.. ذيج عوجت حلكها ماعجبها الحجي... _عمة اريد اصعد لغرفتي... _ميخالف عمة بس اصبري شوي...عيب هسة دكومين ظليت مصلوبة وهنة يتفرجن علية... بس انتبهت اكو وحدة احس تريد تاكلني بنظراته _عمة منو ذيج البنية _وينها... _ذيج ام الوردي...احسها تريد تكوم تهجم علية جرت نفس عمتي...هاي فرح ها هسة افتهمت حقها لعد...احجي وية نفسي كالوا راح يصبون عشا ...اجت امه كالت خلي نصعدها لغرفتها...صعدوني... طبعا وية دخلتي للغرفة كومة دخلن وياي ما اعرفهن... وكلهن يحجن سوية...واني راسي صاير طبل ...هم ضغط نفسي وهم تعب ... اريد بس يطلعون...عاد امه حجت _حبايب راح يصبون العشى خلي العروسة تاخذ راحتها... شفت عمتي تريد تطلع وراهن جلبت بيدها... _وين رايحة... _رجعت دنكت باست كصتي...عمة هسة شوية ويزفوه قبل العشى اخذي راحتج...ولا تنسين مثل ما وصيتج _عفية عمة ابقي شوي _يمة انتي مو صغيرة...بس بنتي الله يرضى عليج...لا تمانعين...مالنا خلك للمشاكل...هنا يريدون بياضج...لو يفسروها بغير شي عافتني وطلعت...احنة بالقرن الواحد والعشرين...وبعدهم يوكفون للعريس يطلع بياض البنية... بقيت اتفرج واني افرك بيدي من الخوف... على الغرفة جبيرة وماثثها بأخشاب ضخمة... سمعت بدت الهوسات الزلم...وبدت تقترب...جان اكو احد مثل الي يغني وهمة يردون وراه وبعدها تصير دبجة برجليهم قوية... من دخلوا سمعت الصوت واضح.. جان يكول نفرح واليوم العيد لنا ...هم يردون نفس الشي...بعدين يكول لو هلهلت واسمج عيدة واحدنا يلاويله مية تبدي النسوان تهلهل...ويكمل بس كمت ما استوعب باقي الهزوجة من الخوف واستمرت الهوسات وبدة الصوت يقترب ودبجة الزلم تزيد..انفتح الباب فزيت ورفعت عيني شفت عمتي وامه دخلوا...كومتني عمتي وكالت حتى نسلمج له... فتحت الباب الثانية ...عرفت هو دخل من عطره سبقه...بس هالمرة ما رفعت عيني... كلبي احسه يريد يطلع من ضلوعي من كد مايضرب سريع... تقرب...وعمتي اخذت يدي وخلته بيده _منك المال ومنها العيال وقبل ماتطلع...دير بالك عليها عمة ما اوصيك... طلعوا وبقينا وحدنا...هو قفل الباب وراهم... من حسيت بطكت المفتاح فزيت ورفعت عيني.. اندار...نفس النظرة بعينه جانت... نزع عباته وعلكها وبعدها الغترة والعكال... بدة يفتح دكم ردن الدشداشة ويطويها.... واني اتبع حركاته بفزع... _مبروك بنت عمي اجى وكف مقابيلي عينه بعيني ...مانزلت عيني _مو كتلج ...من اريد شي اسويه اسويه...دير بالج فد يوم تحطين راسج براسي... _يجوز سويت الي تريده بس انتة هم خسرت _شلون بلة _هم خسرت الانسانة الي تحبها... _منو كلج...اني ما امشي خطوة اذا مااكون واثق منها... _شنو هالغرور ماحسيت الا لزم زندي حيل ...شوفي لج اياج تتجاوزين بالحجي...لا تعرفين شغلي وياج جان يضغط على ايدي ...بس ما كلت اخ _شنو شغلك.. اتمد ايدك علية...كلشي اتوقع منك _غلطانة مو اني الي امد يدي على مرة...بس اذا انتي فرس جامحة..ترة اني خيالج واعرف شلون اروضج _قصدك تعرف شلون تكسرني _فهميها مثل مايعجبج هد ايدي وراح كعد على الجرباية... بدلي فضيها ... ظليت صافنة عليه...شنو من قابلية...شلون يكدر يتقبل انسانة يكرهها...ولو همة الزلم تقودهم غرائزهم مو الحب... _شلون ابدل اطلع...ضحك...صدك تحجين... انزعي ولا دوخيني... من ضمن طلباتي كان حمام يبني بالغرفة...بنو بس حتى ماينولي الي اريده سواها خارج الغرفة... زين شلون اطلع للحمام...فزيت على صوته _شنو راح تظلين واكفة صافنة ماكدرت اجاوبه...بس ايدي ما تقبل ترفع تفتح البدلة... كمز من مكانه ..تراجعت ليورة من شفته اجى باتجاهي... وكف وراي وبلحظة فتح سحاب البدلة ونزلها... دنكت واني احس الدمعة صارت بطارف عيني خله ايديه على جتافي احسها نار تجويني ...ودارني باتجاهه حسيته بقى يتفرج علية...رفع وجهي بأتجاهه _وظل يباوع بوجهي...والله جمال عندج... خزرته بعيني....ضحك _لو كل الخزر اليوم انتي الي...بعد مايفيدج شي دنك يبوس بركبتي واني نفسي لعبانة منه وبدت ايده تسلسل لجسمي...دفعته اني تعصب...جرني باتجاهه وهو لازمني من اجتافي... _شوفي لج...الي تسوي مو بصالحج...ما اعتقد تحبين يكولون غير شي شهكت واني استوعب كلامه...وهو جرني للجرباية ...دفعني عليها...وكف مقابيلي ونزع دشداشته.... جنت اتمنى اقاومه...ادفع ايده الي انتهكت حرمة جسمي وهية تتلمسه.... امسح كل مكان مشت عليه شفايفه من جسمي بس شنو بيدي... ما طول وحقق الي يريده...وهو خال ايده على حلكي حتى ما اصيح...من ألمي وقهري عضيت ايده حيل...بس ما كال اخ _مبروك بنت عمي...صرتي مرة حجاه وهو واكف.... جريت غطى استر نفسي ...هو شاف حركتي ضحك _بعد مايفيد.. شفته لبس وطلع...ومن سد باب الغرفة...نفتحت دموعي شلال... خلص كسرني مثل ماحلف مرة... _صدكي اخذج واكسر خشمج لو اخر يوم بعمري وبعمرج هاي كلماته ما انساها ابد... لفيت الجرجف حولي نفسي ...كمت اريد اخذ شي استر نفسي بيه سمعت بدت الطلقات تشتغل مرة ثانية...لبست دشداشة... اندكت الباب...ودخلت عمتي من شفتها ركضت لحضنها....شبكتني _عفية حبيبتي مافشلتينا... جنت ابجي بقهر _عادي حبي ...ترة كل بنية تحس بشعورج ..لان تحس اكو شي حافظت عليه طول عمرها راح هي ماتدري شعوري قرف وكره .... _ليش يضربون طلقات ... _هاي...شلون نسميها من يطلع العريس بياض مرته...نوع من التهنئة _ليش اكو ناس لسة باقية على هالعادات _اي يمة المناطق الريفية تبقى متمسكة باعاداتها مو مثل المدينة.. خوما بيج شي.. _اريد اروح للحمام... ودتني وشفن نزف ماديتوقف... _عمة ...عبالك عندي نزف.. _لا تخافين شوي ويوكف بدخلتنا للغرفة لكيته موجود...عمتي باركت له وطلعت.. _جابوا عشى تعاي اكلي... _ما اشتهي... _حتة لو تعاي اكعدي هنة جانت الصينية بالكاع..كعدت كوة بس ما اكلت _تعبانة اريد انام... جنت احس نفسي مجهدة ...رحت للجرباية...واني احس نظراته تتبعني.. نمت على الحافة وما اتوقعت راح اغفة بهالسرعة... من كعدت الصبح ... جنت وحدي بالغرفة... صفنت اريد استوعب وين اني....بعدين اذكرت تنفست بعمق واني وية نفسي اتعهد اخذ حقي منه... اخذ حق كسرة خاطري....اخذ حق دراستي العفتها حق كل ساعة ويوم توترنا وتعاركنا من وراه ..ومن ورة اهله... اذكرت اول مرة اجى ابوية لهنا ... ومن رجع كان ضايج ومكسور خاطره... حاولت امي تساله ما شرحلها... بقى يومين ضايج ومهموم...كان المفروض راح يطلب منهم يحضرون خطبة اختي... الجمعة راح يجيها استاذها بالجامعة ...واهله رادوا يلتقون بعمامهة... اهل الولد من المحافظات الجنوبية...وناس معروفين...ولهم سمعتهم ومكانتهم... ومثل مامعروف عد اهلنا بالجنوب يقيمون اهل البنية ولازم العمام يحظرون الخطبة اختي ريم اكبر من ب٤ سنوات تخرجت من كلية الصيدلة.... بوقتها طلبت من ابوية يروح لاعمامي... حتى يجون...ماجانت تدري ولا احنة اسباب خلافه وية اهله.... راح ابوية ورجع شايل هم وميقبل يحجي وية احد ريم...ماما اشو ابوية ما كال راح يجون عمامي الجمعة لو لا ام ريم...والله حبيبتي ابوج من رجع لسة مايتحاجى... ريم...ادري شلون لعد ام ريم...هو استاذ علي هم يتعيقل ...هسة شنو الا عمامج يحضرون ...يجون خوالج وخلص ريم...ماما همة هيج طبعهم...اهله يكولون له غير نعرف اهل ابوها مين مامين... جنت كاعدة استمع لحديثهم.... ريم...ذرى احجي وية بابا...بس انتي تكدرين تفتهمين منه انتبهت تحاجيني....واني شعليه شداخل بجيسي ام ريم...هاي من شوكت انتي شعليج...اشو كل صغيرة وجبيرة تحشرين نفسج بيها... ذرى...هالمرة مالي خلك ملتهية بدراستي... ريم...لج لخاطري...مو اختج ذرى ...والله ياالله اني ادري المفروض الجبيرة هية تتوسط لاخواتها...مو هنة يتوسط لها طبعا احنة ٣ اخوات....بين كل وحدة ٤ سنوات...امي كوة يصير عدها حمل... باختي الصغيرة سما وصلت امي للموت....لذلك ابوية قرر بعد ما يسوي طفل... والدي مدير مدرسة...ورغم اصله من الارياف...بس ما اهتم لموضوع عنده بس بنات...وماعنده ولد يشيل اسمه... ريم اختي شخصيتها مثل امي...ماتهتم الابنفسها...مو انانية بس ما اتحب ادوخ نفسها بينما اني جنت بكل شؤون البيت ادخل ...واحب اكعد واتناقش وية ابوية... رغم عمري ٢٠ سنة بس تشوفيني اكبر من عمري بالعقل....وطبعي عنيد ابوية يكول انتي ذكريني بجدج...صح انسان يدوب يقرة ويكتب... لكن صاحب شخصية...وذكي وماينزل راسه لاكبر واحد صحاني من افكاري صوت ريم...هاشكلتي ذرى ذرى...بخيروهم ماخيروني كمزت من مكانها تبوسي...حبابة خيتي من رجعت من الكلية وتغديت...سويت كهوة ورحت لبابا...الله يساعدك جواد _هههههه...شلون بيج بابا _اضحك الدنيا ماتسوة اخذ كهوته...واني كعدت يمه... _جاي انتظر... _شتنتظرين _اسمع منك الصار يم عمامي رجع فنجان الكهوة للميز وهو ضايج وتنفس بعمق... _ماعرف بابا شاكولج....مدري اني تغيرت والدنيا بالمدينة صقلتني.... مدري اهلي زادو طغيان بعد ما صعدوا...وصار عدهم فلوس ومراكز _بابا ممكن تحجيلي اساس المشكلة وية اهلك _بنتي هذا موضوع قديم يرجع لتاريخ جدي _بابا احنة ابد ماعرفنة سبب الخلاف والانقطاع بينكم... زين شلون نفهم الي صار هسة ...اذا ماعدنا فكرة عن الماضي.... تنهد...هو حمل ثكيل اريد اخفف منه...وانتي طول عمرج ذكية راح تفهمين... الموضوع يرجع لجدي ابوابوية..... وللحكاية تكملة التعديل الأخير تم بواسطة فيتامين سي ; 09-04-19 الساعة 10:30 AM | ||||||||
|
| |
|
04-04-19, 12:18 PM
| #3 | ||||||||
| مراقبة عامة ومشرفة منتدى الروايات المنقولة
| #حين يستبد أدم همس ليل البارت الثاني _شوفي بنتي...ايام زمان جانوا اجدادي كلهم سباع وفرسان ...طبعا ماجان اكو سيارات وهاي الشغلات عد المناطق الريفية...فجان بس الخيل...والي عنده فرس عدال السيارة... من تصير طلابة بين عربين او عشيرتين.. يكونون بالمقدمة همة....والكل تتنخى بيهم _اي بابا...زين شنو المواجهات بينهم هم طلقات وكذا لوشنو _لا وين اكو...جانت سيوف وخناجر....بس هم اكو البرنة ...بس مو الكل عدها... المهم...اجدادي رغم شجاعتهم بس عمرهم مو طويل وخلفتهم قليلة _يعني يموتون امراض لو شنو _بين الامراض وبين الغدر من اعداؤهم... وهمة هم ياخذون من بنات عمهم...لذلك..مابقة من ذريتهم بس جدي حمزة ورضا... جدي جان عنده ابوية وعمره بالعشرينات... واخوه رضا عنده بنية اسمها زينب...صغيرة عمرها ١٢ سنة... اتفقوا يزوجون زينب لابوية...حتى تبقة ذريتهم دزوا على كاظم الي هو ابوية _بوية كاظم ...اريد ازوجك... انتة كبرت ويرادلك مرة... ناخذلك بنت عمك زينب هم تحيون ذكرنا...وهم بنت عمك انتة اولة من الغريب _بوية اخذ بنت عمي صغيرة علية...وبعدين يابوية احنة نريد نحي ذكرنا غير ناخذلنا غريبة .. _لا بوية ليش هالغريبة...شبيها بنت عمك _بوية خلفتنا قليلة...بلكت من ناخذ من غير عمام تصير لنا خلفة _هذا قراري ولازم اطيعه خلال اسبوعين نزفك على بنت عمك ********* _بابا صدك شلون زواج غصب _بنتي قبل محد يوكف بوجه اهله ويخالفهم... _زين وهو جان يريد وحدة لذلك مقبل ببنت عمه _ابوية جان طول وهيبة ورغم قليل الي يدرسون بس خلص ابتدائية... وهو ذكي وجان يريد يصير له ديوان وكاع ... مع ذلك جان يهوى وحدة من عربهم...ويتمنى ياخذها... بس ذيج اهلها ناس زناكيل ...عدهم كيعان وفلاحين يشتغلون وحلال هواي _هو جان فقير... _جان عدنا كاع ...وماعنده امكانية يجيب فلح يساعدوه وهو وحده _خطية ...كمل بابا....تالي شلون _هو جان يدري اهل الي يحبها ماينطوها له...ومأيس من هالمسالة... بس حاول وراح لاخوها يحاجي...ماحدد له منو رايد..بس كاله اريد اناسبكم... ورغم هو صاحبه...بس استهزء بيه...وقلل من شأنه... _شكد قليل اخلاق حشاك بابا _اي....هالشي قهر ابوية وكسر خاطره...وقرر يبني نفسه ... وزفوه لبنت عمه الي هية امي... وامي ماخلفت غير اني وعمتج حسنة... والباقي مايعيشون لها .... واصلا خلفت متاخرة يعني بقت سنوات ماعدها خلفة بهالوكت ابوية تحول وصادق ابن شيخ... وصار صويحبه القريب... وهذا ابن الشيخ شافه سبع واخو خيته... كام وسلمه كاعه...لان هو جان معلم ويريد يبقى بوظيفته... ابوية ماقصر ...لزم الكاع وجاب فلاحين وزرعها...وجان كلشي بيده... والامانة ابن الشيخ اسمه صلاح...من شاف وارد الكاع زين وخير من الله... خصص ربع الايراد لابوية... ابوية جان يجمعهن ويشتري كيعان... ويزرع هم بكاعه... _والله عقل تجاري... _اي وبعد ١٥ سنة من هالحجي...صار عده كاع جبيرة وفلح يشتغلون بيها..وكبر بيتهم وصار بناء...بينما جان من طين... _شكد جان عمرك بهالوكت... _جان عمري ٧ سنوات...وحسنة ٣ سنوات _كمل بابا...عفية _ ماضجتي من سوالف قديمة _لا والله اموت على هالسوالف _المهم...صار كاظم ابوية وصلاح اعز صحبان بس الشيخ جان عنده طلابة وية ناس.. وعدهم ثار وياه..... يوم جان كاظم وصلاح يتعللون بالليل يم زلمة من جماعتهم وبرجعتهم ...طلع اثنين عليهم وحاولوا يكتلون صلاح... ووكاظم متلاوي وية واحد وكاتله...والثاني وية مايضرب صلاح...راجع عليه كاظم... ومن متلاوين وياه ضارب ابوية بسجين _يمة...بس والله ابوك فاندام _همة اثنين وابوية وصاحبه اثنين...بس صلاح معلم ومامتعلم على القتال.... _زين الاول مات _لا بس ضاربي براسه...والثاني شارد وبالتحديد شلون صايرة العركة ما متأكد...تعرفين هاي اخبار تتناقل _وبعدين _اي عاد من الاول عارفين منو دازهم وابوية ناقليه لبيت الشيخ ومضمديه ورادين مناك ناقليه للمستشفى... هالحادثة رفعت مكانة ابوية عند الشيخ خاصة صلاح جبير ولده... هم اخذله فصل زين من العشيرة الثانية وهم جازاه بغير هدية... _شنو الهدية الثانية جانت ******* فزيت على صوته يكولي _ وين صافنة صار ساعة اباوع عليج التفت شفته لابس دشداشة بيضة...والساعة الذهبية تلمع بيده وهو يباوع عليه... من شوكت واكف وشلون ماحسيت عليه من دخل _ماناوية تكومين من الفراش...الناس راح تبدي تجي تبارك _اي خليها تبارك لك _دكومي وبدون لغوة...لو بعدج تنتظريني ارجع يمج...يجوز عجبج الوضع جان يحجي واني كمزت من الجرباية... _تحلم اتمد ايدك وتلمسني مرة ثانية _هالشي اني احدده اذا ردت المسج لو لا مو انتي توجهت للكنتور اطلع ملابس وخاولي _جرب وشوف...والله اخلي البيت كله يتفرج عليك بلحظة وصل يمي ولزمني من ايدي _ماتوبتي من العناد...مو كتلج لا تخلين راسج براسي.... جان ضغطه على ايدي يوجعني بس ما كلت اخ... خليت عيني بعينه...صح اطول مني بس اني هم مو قصيرة _لا تتوقع انزل راسي يوم لك...ابد تحلم ضحك...واني راح اتمتع اكسر راسج... تركني..توجه للباب...نص ساعة وتنزلين جوة...لا تعرفين من اصعد شسوي تهديد...تهديد...من شفته لسة بس يهدد رحت غسلت ورجعت لغرفتي مشطتت شعري ولبست بنطلون جينز.وقميص ازرك فاتح لونه طويل بس مو كلش..ولبست حجابي... نزلت ...وصلت نهاية الدرج واني حايرة وين اتوجه... جانت اكو بوب للغرف ...بس ماعرف ياهو الصالة ياهو المطبخ... سمعت صوت توجهت باتجاهه...لكيت نفسي بالمطبخ...جانوا اكوا خمس بنات بس ما اعرف بس اخته سعاد... _صباح الخير التفتوا علية وكلهن فتحوا عيونهم...ظليت صافنة شبيهن...اجت سعاد عليه...بوستني _الف مبروك يوم الولد الصالح _شكرا الباقيات هم اجن سلمن ...اغلبهن من بنات عمي بس ماعرفهن... كعدت يمهن... سعاد كامت تعرفني عليهن...بعدج ماتريكتي مو كرم تريك من الصبح وكال تعبانة عوفوها نايمة... صبتلي ريوك... _تريكي هسة النسوان يجون...حتة تبدلين _ليش شبيهن ملابسي... شو ذني ظلن يباوعن وحدة على الثانية _هنا مايقبلون على هيج لبس...وبعدين انتي عروسه لازم تلبسين شي مميز _واذا عروس قابل اظل بالبدلة...وبعدين اغلبجن ماشاء كليات واعدادية ...مامتعودات على هاللبس جاوبت وحدة منهن... _صح كلنا هيج بس مانلبس هاللبس هنا ممنوع...اغلبنا جبب او تنورات _ما اعتقد من باب التزام بالدين...بس يمكن من باب عادات وتقاليد... اثناء ما اتريك شفت وحدة منهن طلعت شوية واجت ام كرم... هلهلت وباستني...على خير عمة...يوم تفرحينه بالولد... _اشكرج عمة... _بس يمة بدلي راح يجن النسوان اوف شكد سمعت هالحجاية من كعدت لسة _عمة مبدلة بس يجن اجي اسلم عليهن... رجعت اكمل ريوكي...شفتها بطارف عيني عوجت حلكها وطلعت...حسبت لها ربع ساعة... شفته واكف على راسي... _خلصتي لو بعد... رفعت راسي له...واني اخلي لكمة بحلكي.. _لا هسة بلشت ريوك...تريد شي شفته صك على سنونه...وظل يباوع علية واني اشرب الجاي... _راح اصعد بالغرفة خلصي بساع وتعاي عافني وطلع...وشفت نظرات العيون مال بنات عمه تتبادل... اني شهيتي انفتحت للاكل...اول مرة اتريك براحتي بدون ركضة دوام..وخبز حار وكيمر ودبس كله طبيعي... شبيهن بس يباوعن علية...صحت لسعاد شاورتها...بية شي غريب _ليش _اشو بس يباوعون علية بس صيحت كرم فززتني وفززت سعاد _كومي خيتي اصعدي ترة ماتعرفين طبعه من يعصب كمت على كيفي...وصعدت بهدوء اقوي نفسي على المواجهة... من دخلت سديت الباب حتى ما ينسمع الي يصير _مو كتلج اصعدي وراي _كلت كملي ريوك واصعدي _وهاي كله داتريكين توجهت للمراية...وكفت مقابيلها...حتة اشوف ردت فعله... _اسال البنات...اذا مامصدك شفته جر نفس قوي...بداخلي تبسمت ماشفت شي بعد مني...الا اجلطك عبالك العب مكشوف لو اسوي شي ينحسب علية ...واخليك تستمتع على حسابي..لا غلطان ...كله شغلات خفيفة اسوي بس تجلط..احجي وية نفسي واني انزع الشال...اريد اعدله _بدلي ملابسج والبسي شي مناسب باوعت على ملابسي من فوك لجوة _شبيها ملابسي...اشو مرتبة ومستورة...حتى عريضة _لا تجربين حظج هواي وياي...كتلج بدلي احسنلج انداريت عليه...اريد اعرف شبيها كولي حتى اعرف... _مامناسبة لهنا...غير انتي عروسة _شلبس قابل... توجه للكنتور وطلع كلابية بيجي بيها خيوط ذهبية..البسي هاي باوعت على ايده الي بيها الكلابية... _بس هذا مو لبسي ولا يعجبني ابدل بعدني ما كملت حجايتي ...شفته شمر الكلابية على الجرباية وبلحظة صار مقابيلي جان فكري بثواني يحلل شراح يسوي .... وتفاجات من جرني من قميصي وشكه من فوك لجوة...بس شفت الدكم كامت تتطاير... فتحت عيني متفاجأة...راسا لميت قميصي اغطي صدري _ماتحتاجين تغطين..لو نسيتي البارحة... _شكد قاطعني ....اياج تكملين لان ما اضمنلج شراح اسوي جر الكلابية من الجرباية وشمرها علية... _اذا ماتريدن البنطلون يلحك القميص البسي هسة كدامي... جنت انظره بغضب واخذت الكلابية ودرت وجهي...لبست من فوك يلا نزعت القميص ونزلتها صح سويت الي راده...بس المهم حركت دمه _اطلع حتى انزع البنطلون _طالع لان اكو ضيوف عندي ..بغيرها جان غير تصرف لي وياج وصل للباب والتفت علية ...كملي وعدلي نفسج وانزلي عافني ونزل...ياربي كل مرة يزيد كرهي وحقدي عليه بدلت وخليت مكياج مو لاجله...بس لاجل نفسي ومحد ينتقدني...نزلت لكيت ناس جاية استقبلوني بالهلاهل وخلصت الوقت كاعدة اتفرج على الي حولي ماعرف احد....حتى عمتي ...عرفت راجعة من الصبح من شايفتني نايمة... لحد الظهر حسيت ركبتي وظهري تشنج اجى الافراج من صبوا غدة ...عفتهم وصعدت لان تريكت متاخرة واكلت هواي... توضيت وصليت...ورحت تمددت على الجرباية.. ضجت من الكلابية كمت نزعتها ولبست دشداشة قصيرة نص ردن ... اكيد مايصعد هسة ملتهي بالضيوف ...وبعدين حتى لو صعد واني دافكر ماعرف شلون غفيت...حسيت احد يبوس بركبتي ...وايد تتلمس برجلي... بالبداية عبالي حلم ...بس من زادت اللمسات حرارة وبدت تسلسل لفوك... فتحت عيني...وشفته ...بلمحة عين كمزت من مكاني... هو تفاجأة...واني ظليت اباوع عليه...جان نازع الدشداشة وباقي بالداخلي... _شدسوي... باوعلي وعدل نفسه...جر مخدة وخلاها ورة راسه _سؤال غريب....يعني شسوي يم مرتي _واني كلت لا تمد ايدك عليه... ضحك بعمق....مو هو على مزاجج... عموما مالي خلك هسة تعبان اريد انام...دار ظهره ونام... اني كعدت على كرسي قريب...اراقبه خاف يحاول يكعد... بعدين نزلت عيني...من شفت نفسي اتأمله...جسمه رياضي مابي اي لحمة زيادة ... دك تلفوني كمزت اجاوب ...جان بابا... _هلو بابا ...شلونك _الحمد لله ...شلونج انتي... _الحمد لله...عمتي وصلت... حسيت احد وكف وراي...باوعت عليه وهزيت جتفي...بمعنى ماتهمني اذا تنصطت على المكالمة _اي بابا وصلت...تسلم عليج ماردت اسأله امي مال تسال علية...خاف اتفشل كدام كرم حجى وياي شوي وسده... بس كلش نقهرت... _شو امج ولا سألت عليج...لازم بعدها زعلانة... ماجاوبته عفته ورحت كعدت بمكاني على الكرسي _مو جنت نايم _تلفونج كعدني...اريد جاي باوعت بنظرة تسال شيقصد... _تندلين المطبخ سويلي جاي...بس غيري دشداشتج لبست عباية اسلامية فوك ملابسي وحجاب... ماصدكت اطلع من الغرفة...ازعجني ماخذ راحته باللبس...عبالك متعود يلبس هيج كدام اي واحد جان البيت هدوء كلها نايمة...لان دنيا الظهر وصيف...سويت جاي بعد ما فتحت كل الكاونتر حتى اعرف وين الجاي صعدت ومن دخلت لكيته نايم...شكد لئيم بس نزلني...ردت اروح اكعده...بس كلت خلي نايم احسن...رجعت لمكاني على الكرسي...وصفنت على تنفسه المنتظم مال واحد مستغرق بالنوم بس افكاري اخذتني لغير عالم.... وللحكاية تكملة ... | ||||||||
|
| |
|
04-04-19, 12:20 PM
| #4 | ||||||||
| مراقبة عامة ومشرفة منتدى الروايات المنقولة
| #حين يستبد أدم همس ليل البارت الثالث رجعت بأفكاري لبابا وحجايته عن اهله واسباب خلافه _بابا شنو جان هدية الشيخ لابوك... _هداله وحدة من بناته... _صدك تحجي ...ليش هية المرة تنهدي...وبعدين هو هم عنده بنات مامزوجات...لو هاي جبيرة وراد يمشوها _على كيفج وحدة وحدة...اولا اي عد اهلنا وبالارياف للرجال السبع والي يعتزون بنسبه يهدوله مرة...وهذا التقليد موجود لغاية الان... اما اذا عنده بنات...الشيخ مزوج ٣ نسوان.. واغلب خلفته بنات.... والبنية جانت بعده ماصايرة ٢٠ سنة يعني ابوية اكبر منها يمكن ب١٥ سنة .... _وجدي قبل _طبعا قبل...هو ماعنده بس اني وعمتج... النوب راح يناسب الشيخ _هذا جدي مو بس عصامي...بس انتهازي..ههههه اسفة بابا مو قصدي بس ابوك يدور جاه ومال _هو هم طغى من صار كلشي بيده...كام يريد يحرك الاخرين مثل مايريد... عموما...ابوية تزوج خولة بنت الشيخ...جانت مرة كوية وصاحبة شخصية...وكفت وياه... وفرضت سيطرتها على كل البيت...هو جان ملتهي بشغله طول اليوم ...وهية قادت البيت... جانت قاسية والي تريده تسوي...بس جان ابوية يكدر عليها... _زين وبيبتي ...اقصد امك.. _امي جانت مرة من اهل الله...يعني فقيرة ماتكدر على شي... وابوية هم محى شخصيتها من تسلطه ولا تنسين اخذها صغيرة...وكبرت على طاعته ..ومالها راي _زين خولة خلفت لابوك اطفال اكيد _اي جابت ٣ عمامج...جاسم وباسم وقاسم... بس ربتهم على القوة والعنفوان...الي يريدوه لازم يسووه....جان اقل واحد بيهم وافقر هو عمج الصغير قاسم.. _وانتو تاذيتوا منها...وجدي هم فرق بينكم _هو الكل جان تحت سيطرتها...وابوية جان همه نكون مثل مايريد ونمشي حسب طلبه _هسة لهنا ماكو مشكلة بينكم تستدعي الانقطاع _لا مو هنا المشكلة...احنة ربينا وكبرنا سوة...بس اول خلاف بيني وبين والدي من خلصت ثالث وردت ادرس معهد معلمين...بوقتها كبت بينا المشاكل...جان يريدني الزم الشغل وياه... ورفض اقدم ....بس خولة قنعته.. _شعجب معقولة رادت مصلحتك _اني هم جنت عبالي...بس بعدين افتهمت جان تريد تفرغ المكان لولدها...حتى من يكبرون يعتمد عليهم... وبدت تكبر المشاكل وية ابوية...لان تفرغت للدراسة وبعدها تعينت... جان فرغ بيني وبين جاسم اخوية ٨ سنوات تقريبا.... من صار عمري ٢٤ جانت بنت اخو خولة طالبة بالمدرسة الي يمنا...عجبتني حيل...وبديت اراقبها... وبهالوكت ابوية كام يحاول يقنعني ازوج اخت خولة...يعني بنت الشيخ الصغيرة حتى يتقرب اكثر لهم واني رفضت... وبقيت اراقب بسمة ..كل ماتجي لدوامها..جانت بنية رشيقة حلوة مشيتها جنها غزال تتهادي بيها صفن بابا وراح لغير عالم...عرفته بدة يذكر ايامه السابقة... عفته وكمت اسوي جاي ..حتى نكدر نكمل حديثنا... نقطعت افكاري لان نعست نمت واني كاعدة بمكاني على الكرسي .... من كعدت لكيت نفسي على الجرباية...واحد مغطيني... ظليت صافنة ...اريد اذكر شوكت كمت من مكاني ونمت على الجرباية... بس من البارحة واليوم شكد نمت. كمت فتحت بردة الشباك الي اطل على البيت من الخلف...بس شفتها الدنيا المغرب... والمظهر كلش حلو البيت يطل على حديقة جبيرة....وبعد السور بستان وحقول... وبيوت زجاجية...وهواي امور ماميزتها لان بدة الظلام...سديت البردة...وقررت اسوي جولة بكل الانحاء...بس يصير مجال...توضيت وصليت بدلت ملابسي بنطلون قماش اسود وقميص طويل مخطط اسود وماروني...ولبست حجابي نزلت واني على الدرج سمعت اصوات مختلفة... بقيت مترددة اروح عليهم لو اروح للمطبخ... بس قطع ترددي ...صوت _السلام عليكم...شكلج مال واحد متيه التفت شفت ولد شاب يطلع عمره بالعشرينات ... شكله اسمر مملوح... _اي والله ...ما اندل بس المطبخ والدرج ضحك....طبعا اذا عبالك ماخذة فاليوم ...كلما نسال عليج نلكاج نايمة... _والله جوكم بيه فاليوم ...اصلا اني قليلة النوم... _يلا صفي وياي لعد...خلي اعرفج بنفسي... احمد ...ابن عمج جاسم...مهندس ميكانيك مد ايده ...سالمته _صدك هسة صنف واحد لان اني هم هندسة بس مدني...مع ايقاف التنفيذ _ليش _صف ثاني وتوقفت بهاللحظة شفت كرم وكف يمنا...ويباوع على ايدي الي بيد احمد بخزرة... احمد راسا سحب ايده...وحسيته ارتبك _شعندك هنا احمد _جنت يم عماتي..ومن طلعت صارت ذرى بوجهي حبيت ابارك لها _الله يبارك بيك...يصيحوك جوة احمد ترخص وراح.....نظرات كرم تتبعته _احرجت الولد ليش هيج التفت علية...انتي بعدين حسابج _ما اعتقد سويت شي باوع من فوك لجوة...ومو كلت ممنوع هاللبس _انتة كلت بس اني ماوافقت على حجيك تقدم باتجاهي...بس وكف من سمع صوت _هاي العروسة نزلت...تقدم رجل اربعيني الله يساعدج يابة...اني عمج قاسم.. تبسمت بوجه...شلونك عمو تقدم باسني من كصتي...مبارك عليج بنتي تعاي حتى تسلمين على جدج وباقي عمامج اخيرا راح التقي بالرجل المستبد... التفت على كرم بقى واكف امكانه واحسه نار صار من التفت عليه تبسمت له بمعنى هالمرة ماكدرت تسوي شي دخلت صالة كلش جبيرة يسموها ديوان...وهاي خاصة للضيوف الرجال حسب مافهمت بعدين بس حسيت بالارتباك ...اكو هواي زلم.. _تعاي عمو ماكو احد غريب كلهم عمامج ولدهم مشيت وراه ولاحظت براس الديوان كاعد رجال جبير بالسن يطلع عمره الثمانينات... بس مابين عليه...بعده بهيبته وعنفوانه... جان يباوع بنظرات تشبه نظرات الصقر... من وصلنا له...حجى عمي قاسم _بوية بوسي ايد جدج لو علية ماتقرب منه....بس ماردت يسجلون نقطة علية...على ان جواد ماعرف يربي دنكت بست ايده الي خالها على عوجية.. _شلونك جدو _هلا بوية...مبارك عليج...وين رجلج _نعم جدي هياني....جاوبه كرم _تعال بوية ... من اجى كرم اني وكفت بصف جدي _بوية هاي القوطية(يقصد علبة ذهب صغيرة) صباحية مريتك لبسها لها فتح العلبة كرم جان بيه كلادة ذهب ضخمة...تقرب مني ولبسنياها فوك الشال...بس من رفع ايده وحاوط ركبتي اثناء مايلبسني...تغلغل عطره وية انفاسي... همس بأذني....تدبيرج وياي بعدين من خلص جرني عمي قاسم يعرفني على عمامي جاسم الجبير...وهذا عمره بداية الخمسينات...ولان ازوج من وكت ابنه علي بالثلاثينات... عنده ثلاث ولد وبنية...علي واحمد وسامر...وفرح علي شفته من شخصية جدي وكرم...واكثر اثنين من الاحفاد يشبهون جدي عمي باسم...عنده كرم وايهاب وسعاد وموج وقاسم...البنات هن الكبار ٣ والولد اثنين الصغار من خلص تعريف ...كال عمي قاسم _تعاي عمي اكعدي بصفي جاوبه كرم...عمي خلي تروح يم البنات _اي حقك عمي...روحي يابة ....الايام ان شاء الله الجاية طويلة ونتعارف زين طلعت واني اجر نفس....ما ركزت على الكل لان جانت اكو نظرات ماحبيتها من البعض... طلع وراي كرم ...وسحبني من ايدي... _تعاي اوديج على النسوان.... بس جان يضغط حيل على ايدي... ومن دخلت...الي يشوفنا يكول فعلا عرسان...هو كايدني...وهم عرفني على باقي نسوان عمي... بس عيني جانت ادور على شخص معين ... من كعدت ظليت اتنصت لحجيهن...لان ماكو موضوع مشترك وياهن... بس كل ما اباوع باتجاه فرح اشوفها تخزرني بنظراتها ما اكدر الومها...اجيت جاهز واخذت الانسان الي تحبه... وجانت متأملة هو لها... زين شمعنى كرم تقدملي...جان ممكن يزوجها...واكو ٣ خيارات غيره ممكن يتقدمون لي... اخوه ايهاب صف ثالث تربية... احمد ابن عمي جاسم مهندس وسامر ابن عمي جاسم هم رابع صيدلة.. ليش مو واحد منهم رشحوه... طبعا بيهم بس علي مزوج بنت خاله الشيخ...اسمها نسمة...وحبابة كلش خلص العشى واني تعبت من المجاملة ودخت من العدد الموجود...ترخصت وصعدت لغرفتي بين ماغسلت وبدلت ....اجيت انام ماكدرت لان هواي نايمة... انفتحت الباب....ودخل كرم... _ها شو بدلتي... _قابل انام بلبسي... _هذا لبسج ماريد ترجعين تلبسيه.... جان واكف من جهة الجرباية واني من الجهة الثانية _اني هذا لبسي ومتعودة عليه... _تغيريه وتتعودين على اللبس الجديد...هاي اولا ثانيا....ولد عمي ماتتشاقين وياهم...وسلام باليد ماريد.... _ذولة هم ولد عمي ...مو بس انتة ...لو نسيت هالشي... وبعدين مابيها شي اذا سلمت قابل بستهم... بلحظة شفت طفر يمي...بس اني جنت اسرع منه... طفرت على الجرباية وكفت بالنص... يعني مين مايصعدلي انزل من الجهة الثاني... وكف وهو ياشر باصبعه بعصبية.... _شوفي لج...لا تتمادين بالحجي ...الي اكوله. ينسمع بدون مناقشة... _ليش شنو جارية عندك _ورب الكعبة لما عيب منة الناس بعدهم مامشوا...جان راويتج... واريد اشوق المرة الي تخالف .... نزع دشداشته...واخذ منشفته وطلع... تربعت على الجرباية بنفس مكاني...واني اعصابي تلفانة... ماعرف ليش المواجهة وياه تتعبني.... شوي ورجع لاف المنشفة على خصره وشعره ينكط مي... من شفته شهكت بصدمة ودرت وجهي... هو ضحك....وجنت اسمع حركاته وهو يفتح المجرات والكنتور حتى يطلع ملابسه... حسيته كعد على الجرباية...التفت شفت باقي بالداخليات ....... هذا شلون بيه...ما يستحي ابد... نزلت من جهتي... _وين رايحة... التفت عليه بتساؤل.... _رجعي هنا _كتلك سابقا.... _شكلتي _لا تمد ايدك عليه وتلمسني ارفع ايديه...وباوع عليهن _ايدي ذني ماعتقد لمستج.... وجان يضحك....خلي يكون بعلمج...اني ما اريدج وراح اخليج انتي تجيني ومو اني اجيج _هههههه....ضحكتني والله ...هاي بتخيلاتك... _خلي نشوف ....هذا وعد علية...اذا ما انتي اجيتيني وطلبتي ...ما اطلع ابن ابوية... _عادي....الاحلام ابلاش ...احلم براحتك ابتسم....نشوف... عدل نومته وانطاني ظهره ونام... كعدت على الكرسي....لحد ما حسيته غفى ... كمت ادور فراش انام عليه مالكيت... تقربت منه...شفته مستغرق بالنوم رحت من الجهة الثانية للجرباية ...ونمت على الحافة كلش.... كعدت الصبح على صوت الديج...صوته حيل عالي.. بس حسيت وجهي مدحوس بشي....فتحت عيني زين... شفت نفسي مدحوسه بظهر كرم...راسا سحبت نفسي... لذلك ردت انام بالكاع...اني بطبعي من انام اندحس بظهر اختي لو تلكين مصفوطة وية الحايط ماعرف ليش....همزين هو غافي... شكد عيب هسة عباله اتحارش بيه غفيت واني الوم بنفسي ومجلبة بطارف الجرباية... مرة الثانية من كعدت جان كرم ماموجود...كمت من فراشي ورحت للبردة...فتحت...وشفت منظر يجننن خضار..على مد البصر...شكد حلو فتحت الشباك اشتم هوى... رحت للكنتور فتحته اريد اطلع ملابس...باوعت اكو شي غريب...شنو ظليت صافنة اكو فراغ هواي بملابسي المعلكة...من كلبتهن...شفت كل بناطيري ماكو رجعت كلبت زين وبسرعة .. ماكو...رجعت على الملابس المصفطة...هم ماكو _ادورين شي التفت على صوته... _صباح الخير ياحلو...مضيع شي كزيت اسنوني على حجايته _وين بناطيري... جان مجتف ايديه ومرتجي على حافة الباب _بح...بناطيرج ماكو بح _يعني شنو _يعني ذبيته بالتنور من خبزوا الصبح _انتة صدك تحجي _اصور ما عندي وقت اشاقة وياج كمت افور...اريد اضربه بشي... _ها البزونة اكلت لسانج _لا بس ما لكيت الكلمات المناسبة _ههههه...هذا من حظج ...بدلي وانزلي تريكي... وحظري نفسج اليوم راح نتغدة ابيت عمي جاسم عافني وطلع كعدت على حافة الجرباية...واني اعصابي تغلي بس اذكرت اليوم راح التقي بالشخصية الي من جيت لسة ادور عليها وماشفتها... ورجعت افكاري لكعدتي وية ابوية... وللحكاية تكملة | ||||||||
|
| |
|
04-04-19, 12:23 PM
| #5 | ||||||||
| مراقبة عامة ومشرفة منتدى الروايات المنقولة
| #حين يستبد أدم همس ليل البارت الرابع اذكرت بابا من حجالي على بسمة.... _سنتين واني اراقبها بالروحة والجية...لحد ماخلصت اعدادية .. قررت احجي وية ابوية حتى يخطبها لي مادام خلصت .... هو جان يريد يناسب الشيخ...وهاي بنت ابنه.. ورحت وحجيت وياه...بالبداية تعصب... وماقبل...كال اخذ اخت خولة احسن... ذني يسندنك وسبعات ....بعدين قنعته اول وتالي هاي ابوها راح يصير شيخ بعد ابوه... ويصير كلشي بيده...يعني بنت الشيخ مو مثل اخته... وهكذا دخلت له من الباب الي هو يفكر بيه... اقتنع...وكال انطيني مهلة ارتب الوضع... بس جانت المفاجاة ...عمج جاسم طلع يريدها ... وعينه عليها ...هو بهالوكت جان عمره ١٨ سنة وتخبل وظل يتعارك وية امه...على ان هاي بنت خالي واني اولى من جواد بيها... اني ما جنت اعرف هالشي ...بس بعدين عرفت طبعا خولة هم جانت تريد اخذ اختها.... وهم تريد تاخذ بنت اخوها لابنها.... راح ابوية على اساس يخطبلي بسمة.... من رجع ردت افهم منه الصار... ما فهمني الصار ...لحد يوم ...كال اني خطبتلك هند ...ولاخوك بسمة واختك خطبها ثائر _هند منو _نفسها اختها لخولة... _اي كمل بابا _اني تخبلت ...كتله اني كتلك ماريد هند... وبعدين شلون تروح تخطب البنية الي ردتها لاخوية... ماكلت شلون اتجيبها كدامي.... وثائر شنو تنطيه حسنة.... _منو ثائر _ابن الشيخ من مرته الصغيرة...فد واحد صايع...شرب وعربدة ونسوان... وعمتج بهالوكت تخرجت من كلية التربية...وحلوة وماقصرها شي... وضيفي ثائر مزوج ومطلك ...ومزوج ثانية ... _وبعدين.... _ابوية كال بنتي بكيفي ازوجها....وانت هم مشية الزلم الجمعة.... عافني وراح...ظليت اكل بروحي... وحسنة من عرفت اجت تبوس بيدي...وتتوسل تكلي خيي لا تكسرني ....حاجيه لابوية _وشصار... _حاولت وياه...وجانت تنتهي بمشكلة... بس قرر اذا مازوجت هند اطلع منه... وبسمة بكل الاحوال يزوجها لجاسم...وحسنة هم بقيت حاير....اني بكل الاحوال ما ازوج هند... بس شلون راح اشوف الي حبيتها...وبقيت اترقب سنتين يوم يوم تتخرج حتة اخطبها ..تتزوج....ولمن لاخوية وتصير كدامي _زين ...ليش ما حجيت وية اخوك _هم فكرت...ورحت احجي وياه...بس جان هستوة شاب...ومتهور...تلاغى وياي وراد يمد ايده علية... وتلازمنا....ومن عرف ابوية تخبل...وطبعا طاح الصوج بية...لان تجرأت وكتله عوفها... اعتبروها عيني على خطيبة اخوية _بس هو بعده ما خاطبها _بعد كيد نسوان...وخولة جانت استاذة بهيج موضوع... _كمل...احترك كلبي _شلون لعد العايش بهالظروف ويحس صار مال قرار بحياته.... ابوية زعل مني وكام مايحاجيني... وحتة مايتراجع ...خولة راسا كملت جهاز ابنها وزوجته... بيومها كرهت الدنيا ....وان اشوفها يزوفوها كدامي... وقررت اعوف الديرة لان عرفت بعد مالي كعدة وياهم... امي جلبت بية...وامي فقيرة ...ماجنت اكدر اعوفها جوة ايد خولة... وحسنة هم كالت تعوفه يزوجني لاخوها السكط فاخذتهن بيوم الزفة والناس ملتهية.... وهجيت لديالى....اكو اقارب لجدي هناك... وبعدين مشيت معاملة نقل...وداومت بديالى... _وجدي من عرف شلون _بوقتها تخبل...وخاصة منطي حجاية للشيخ على حسنة ....ومثل معتبريها كصة بكصة ... واعتبرنا خرجنا عن طوعه... _ما دور عليكم... _وين يدور...مايعرف وين رحنا.. دخلت امي علينا _ها شو راسك براس بنتك صار ساعة شعدكم _ماعدنا شي... ونقطع حديثنا... *************** انتبهت على صوت الباب... _منو _اني سعاد...كرم يكول خلي تستعجل راح نتأخر.. _اي جاية... بدلت فستان مكسم نيلي مطعم بابيض... من داخلي مكياج...دخل كرم.. _ماخلصتي... _كملت... _خففي من مكياجج... اخذ منشفته وراح للحمام.. اني نزلت جوة...شفت البيت هدوء... دورت بالغرف ماكو احد.... سمعت صوت وراي التفت...شفته داينزل على الدرج...لابس دشداشة بيجي فاتح...وعكال وغترة... وديلبس بيده الساعة _ادورين على احد... _شو ماكو ولا نفس بالبيت _سعاد وموج وداهم ايهاب حتى يساعدون البنات بالغدة... وامي وابوية هسة لحكوهم...يلا _اوكف...خلي اتريك _هسة يصير الغدة واتغدي باوعت الساعة بعدها ب١١ ...يعني اقل شي بعد فد ٣ ساعات... بس عزة نفسي ماخلتني اكوله اني عندي هبوط بالضغط مزمن....من ابقى فترة بدون اكل ..يهبط واوكع...والنوب اني تعشيت قليل...وبدون ريوك.. بس كلت بلكت اتحمل... من ردنا نطلع ....كال دقيقة...صعد للغرفة نزل وهو على ايده شي اسود...شكيت بيه عباتي الاسلامية _هاج البسي ...ومن توصلين يم النسوان ذبيها باوعت ليده الممدودة بعباتي... ماكدرت اجادل ...لان احس بدت عندي دوخة... لبستها..وطلعنا بسيارته...بيت عمه قريب علينا... من وصلنا ...اتلكونا سلام ودخلوني يم النسوان. واني عيني ادور على بسمة...ردت اشوف... المراة الي خلت ابوية يعوف ديرته واهله... شفت مرة ...طولها وسط ..هية المفروض بداية الخمسينات....او نهاية الاربعينات...بس شفت الي دخلت ملامحها من النوع الطفولي... يعني من النوع مايبين عليها العمر الحقيقي... وشكلها يوحي بالطيبة..وحلوة رغم تقدم العمر بيها... بنتها فرح...ابد ماتشبها ...تشبه ابوها .. سلمت علية... _تعذريني خالة ماكدرت اجيج البارحة...جنت تعبانة ... _ماعندج غير العافية.... بقت تسولف وياي...حجايتها دافية وعذبة ماخلوني اروح يم البنات بالمطبخ... _لا يمة انتي عروسة...وعدنا العروس للسبعة ماتدخل للمطبخ... خرب بحظي...اني اريد اروح يمهم بلكت اكل شي.. الدوخة بدت تزيد عندي... اخر شي ترخصت منهم... _اروح اتعرف اكثر على البنات ما اسوي شي كان اكو ممر يوصل للمطبخ ..من دامشي ...كمت ما اشوف بس خيالات...استندت على الحايط... وبنفس اللحظة انفتح باب على يميني.. الشخص الي فتحه...اجة بأتجاهي بسرعة.. لزمني من ايدي حتى ما اوكع... _ها ذرى خيرج... جان الصوت مو غريب ..بس ماميزت.... جرني للمطبخ...من شافني البنات...راسا تلكني... وانطني مي...جانت الدوخة مافكتني _اريد اي شي حلو... انطوني جكليته...بس المشكلة الهبوط بالضغط يسوي لعبان نفس... _شلون صرتي...اصيح كرم ياخذج للمستشفى _لا ميحتاج هسة اصير زينة طلبت من سعاد شي اكله جبرت نفسي... ولحد ماخلص الغدة ورجعنا للبيت اني طالعة عيني... بس طول هالفترة فرح ما حجت وياي... بس مرات احس نظراتها لي غريبة من رجعنا راسا صعدت لغرفتي...ولبست دشداشة ودخلت للفراش...ردت بس الدوخة تخف... _شكد تنامين....تنبل... ما جاوبته... بقيت ما اكدر ارفع راسي...ماعرف شكد جان الوقت..وعيت على صوت سعاد... _ذرى اكعدي ...هاي كلاص شربت...بلكت يصعد ضغطج كعدت ...وشربت منه... _اصعدلج شوية اكل... _ما اكدر من يهبط ...يصير عندي لعبان نفس... بس اذا عندج بندول... _لعد شلون يصعد اذا ماتاكلين... _عصاير ...واجبر نفسي على حلويات... _هسة اشوفلج واجيبلج هم بندول من طلعت رجعت نمت....كعدت...لكيتها مخلية نساتل وشريط بندول وبطل مي يمي... ردت اروح للحمام قبل ما اخذهن... بس كمت من الفراش...باب الغرفة انفتح بقوة وانسد... رفعت راسي شفت كرم يباوعلي وعيونه تجدح نار... وبلحظة صار كدامي... _اني شكلت البارحة _شنو _مو كتلج مالج علاقة بولد عمي...شنو هالسفاهة ...يكمش ايدج وضحككم كدام الباقي... شنو ماخليتي اعتبار رجلج...لو تريدين بس تعاندين... _كرم مالي خلك لك....والي وصلك الصورة بهالشكل هو السفيه... لزمني من اجتافي...وبدة يهزني _شوفي لج ورب الكعبة...اذا ما تخلين اعتبار لرجلج...وتحترمين نفسج...لاعيد تربيتج من جديد جنت ما افهم اغلب حجيه...واريد بس يتوقف لان احس روحي راحت ...وبعد ماعندي قابلية ادفعه رفعت ايدي اريد اجلب باي شي... حسيت مثل الفراغ واني داوكع بيه... جلبت بدشداشته من الصدر...وبعد مادري شصار من وعيت ...شفت ام كرم وسعاد....فوك راسي.. يحاولون يوعوني...يغسلون بوجهي... شوي ودخل كرم...لبسيها حجابها... لبستني...ودخل مرة ثانية وياه سامر ابن عمي جاسم... _السلام عليكم...ها سلامات ذرة...خلي اقيس ضغطج... بعد ماقاسه...هاي شنو كلش نازل ...خلي نوديج للمستشفى... _لا ميحتاج اني عندي مزمن....هسة بس اكل شوي اصير زينة _هو كال احمد شفتها متخربطة...اني توقعت ضغطج.. باوعت على كرم...فتح عينه بقوة... بس نظرات سامر جانت حيل تزعجني...تحسيه يتفحص بجراءة ... طلع سامر...وياه كرم... _هاج هاي البندول...انطتني سعاد... وجانت تقنع بية اكل حلويات شوية رجع كرم دخل.... سعاد_من صعدت لكيتج نايمة...كلت ما اكعدها...خليتهن يمج... كرم...خليها تأكل الحلويات بين ما اسويلها شوربة عافتنا وطلعت...بقى واكف بمكانه يباوعلي... _ليش ماكلتي ضغطج هابط _انتة كلتها...سفيهة _لا تجلبين بالحجاية _حتى من انتة غلطان...يعز عليك تعتذر...شنو هالانفة باوعلي بنظرة غريبة ...وعافني وطلع... لحد ما طلعت السبعة...ما تواجهنا بعد... جنت اكعد الصبح الكاه طالع...ومايرجع الا الظهر يتغدى ويغسل وينام شوي...ويرجع يطلع لليل جنت اتمنى بس يصير موقف ...حتى اطلع حركة حجايته.... ماقبلت اسوي سبعة...لان ادري امي ما تجي لذلك ماردت اصير حجاية بينهم... من خلص اليوم السابع ...قررت اطلع استطلع ...المكان حول البيت... طلعت واني اباوع للكاع الخضرة... شفت سعاد من الصبح تخبز...رحت عليها... _شكد احب الخبز الحار...شلون تعلمتي الخبز جنت احجي واني اكل من الخبز _هنا كلشي نتعلم من احنة صغار... _ما اعتقد افكر يوم اتعلم خبز _لازم تتعلمين...كرم يحب الخبز يوم بيومه... على اساس اهتم لشنو يحب...والله يالله...حجيتها بكلبي... _انتي بالكلية _لا ما جنت احب الدراسة كوة خلصت سادسة بالدفرات... _حرامات...ليش ماتقدمين هسة... _مرات افكر...خاصة من اشوف الفارق بينا هواي جانت تحجي وهية صافنة...عرفتها جانت تقصد شخص معين... سعاد حبابة كلش...بس موج اختهم الصغيرة جانت تتحاشاني..واحسها كلش اتضوج مني _منو الي بينكم فارق جبير _ها لا هيج ضحكت....يلا من تريدين تسولفين...اني اختج وبنت عمج...ولو جديدة على الساحة... راح اطلع شوية افتر... _مو طلعين بالدشداشة...البسي شي... ولا ترحيت بعيد...ترة كرم مايقبل... رجعت للبيت اخذت عبايتي الاسلامية... وطلعت اتمشى...شفت من بعيد...نسوان تجمع بالمحصول.. غيرت اتجاهي...وصلت لحد حقول مال دواجن ماعجبتني الريحة... رجعت واني اتمشى سمعت صوت وراي التفت... شفت حصان عليه فارس...تفاجأت ... ماشايفة بالواقع هالشي...واصورت المزارع هنا مابيها هالشي... من وصل يمي وكف...فتح اللثام مال الغترة عن وجه... _شعندج تفترين هنا _ضجت ردت اشتم هوة...هذا الحصان لك _اي ...تحبين تفترين بالكاع... باوعت عليه مستغربة... نزل من الحصان...تعاي يلا...جان يمشي وياي وهو يجر الحصان... وصلنا للحقول... _هاي حقول دواجن..عرفتها من ريحتها...بس ذنيج شنو .. باوع وين جنت أشر... _هاي بيوت زجاجية...يعني بيها نزرع اي مخضر مو موسمه... وباعي ذنيج الحظائر...بيها الحلال مالتنا ورجع اشر باتجاه البستان...ذاك بستانا بس هسة عمال يشتغلون بيه...من يفرغ اجيبج يوم له واشر بيديه...هاي كاعنا كلها... جان يحجي بفخر... _لعد كاع ابوية وينها... التفت علية متفاجأ اشرت براسي متسألة.... جاوبني...من الجهة الثانية...يلا خلي نرجع عندي شغل... وصلني للباب...وركب حصانه وانطلق... حقكك اضوج...ماتريدون تنطون حق غيركم... بس اطلعها منكم...لو ماعرف شسوي... جنت اتوعد وية نفسي... وكلمات ابوية تتردد على اذني وللحكاية تكملة ... | ||||||||
|
| |
|
04-04-19, 12:24 PM
| #6 | ||||||||
| مراقبة عامة ومشرفة منتدى الروايات المنقولة
| #حين يستبد أدم همس ليل البارت الخامس بعدما امي قطعت حديثي مع بابا.... استغليت فرصة ثاني يوم ...جانت طالعة هية وريم...وسما اختي تقرى لان صف رابع اعدادي طبعا رغم احنة اخوات...وكلب على كلب..وابد مانختلف على شي...بس اطباعنا وشخصياتنا مختلفة... ريم مثل ماكلت تهتم بنفسها...يعني اهم شي تحقق الي تريده...بس مو بطرق انانية اني من النوع الي بكول عنه ابوية ...قيادية...داىما احب القرارات بيدي واوجه الامور مثل ما اريد.... سما ...من النوع الضعيف والمسالم _شلون الحلو...واحلى كهوة لاحلى اب نزع نظاراته ونزل الكتاب الجان بيده _ههههه...هاي الكهوة ماتجي اذا مابراج حجاية _زعلتني منك...يعني ابد ماسويلك كهوة _هو منو يذكرني ويسويلي غيرج كعدت مقابيله...يلا جواد كملي الحجي _ولج بطليها ...كبرتي لا تظلين تصحيلي باسمي _غير ما أريد اكبرك...يلا ياحلو كمل _وين وصلت بالحجي وياج _لحد ما اخذت بيبتي وعمتي وهجيت بيوم عرس اخوك جاسم _اي أذكرت....اي رتبنا امورنا بديالى وعمتج تعينت مدرسة...وأجرنا بيت... وبعد سنة عمتج تقدملها مدرس...وكان لازم انطي خبر لابوية ... واني هم خف غضبي..صح بقت حركة الظلم مو من بس هالموضوع...لا من هواي مواقف ... لكن الانسان بهالدنيا يحتاج لاهله وناسه _ورحت لجدي...وشلون استقبلوك _رحت وماجنت اتوقع يستقبلوني بالاحضان... لان اني ابن ريف واعرف شنو معناة الي سويته... _يعني شنو الي سويته _ان كان على شردي هينة ...بس الي صاحبها هو الي أزحم الوضع ....طلعت مرة عن شور رجلها....وشردت اختي من خطيبها... _بس جانت خطوبة مو رسمية وغصب وانتة اخوها ما شردت وحدها _ابوية انطاهم كلمة...هاي بمثابة خطبة مو الا تلبس حلقة... عموما...من رحت ...هد ابوية علية...وكال امك اعتبرها اطلكت....واختك لو انولها اذبحها...انتة مو ابني...ونزلتوا راسي بين العربان... سكت بابا فجأة ...كأنه جان يستعيد ذكريات الماضي...ويعيش الموقف الي صار...من تعابير الي صارت على وجه بينت شكد متأثر بهالموقف _بابا...وبعدين _حاولت افهمه واعتذر ...بس ما نطاني مجال...وزاد الطين بلة .....جاسم ادخل وبدة يتجاوز..ويكول ...صرنا حجاية بحلوك الناس من ورة فعلتك... انتة شردت ليش اخذت حسنة....ليش خليتهم يتهمونة بعرضنا... وزادت اللغوة...وصلت مرحلة سحب جاسم سلاحه علية...لوما تتدخل باسم وقاسم... _ليش هالائمة من اخوك _العتب مو عليه....لا على امه جانت تشحن بيه...وهو شاب وطايش... ومن عدها طردني ابوية وكال احسبك انتة متت...واختك له غير حساب _يعني كبرت المشكلة من وره خولة وولدها _لا بنتي اني هم تصرفي خاطئ...كان المفروض ماعرض امي واختي لهيج موقف واواجه _بس هو مستبد مايكدر واحد يواجه...ويريد يفرض رأيه تنهد بعمق...صح ...بس الانسان من يكبر ويعيش التجارب تتكون عنده قناعات اخرى _زين وعمتي ازوجت نفس الولد...الي هو خالي _اي من رجعت ...التقيت بيه...وحجيتله كل الصار...وهو تفهم وكال اني شاريها وماشفت مثل اخلاقها...وتزوجوا..والولد اصلا من بغداد... وقرر يرجع لبغداد... واحنة هم انتقلنا وياهم.... _زين شلون ازوجت امي... _هية بقيت بعدها لحد ماصار عمري ٣٠...وامي تعبت وكامت ماتكدر على البيت ...وظلت تقنع بية على الزواج.... وبما اني ما ابالي وحدة...خليت الاختيار لهم... وحسنة قنعتني على امج لان حماتها... _هسة عرفنا سبب الخلاف...من رحت قبل كم يوم شصار.... جنت واكفة امشط شعري واني اذكر هالامور. _وين جنتي مسافرة... رجعني صوت كرم للواقع...جان مجتف ايديه واكف يم الباب _بأرض الله الواسعة... _حلو شعرج...مبين هواي تعتنين بيه تقدم وكف وراي جنت اشوفه بمراية مال الميز ... بدة يتلمس شعري بيده....واصابعه تخلل خلال خصلاته... جنت اترقب تعابير وجهه بالمراية.... كان مبهور بشعري ... _اصور كلت ما تريد تلمسني... _وبعدني عند حجايتي....بس اني احب الشعر الطويل... ادفعت ايده من شعري وابتعدت عن الميز _لوما شعري معتنية هواي بيه وتعبانة عليه..جانت كصيته _يعني اتكصي بس لان كتلج عجبني... هزيت كتفي....مثل ما انتة فرضت علية زواج لاجل كلمة ماعجبتك واستفزت رجولتك _الامور مو دايما مثل ماتشوفيها بالظاهر.... جان متوجه للكنتور...طلع ملابس له...واخذ منشفته...وطلع ظليت اباوع ابراه شنو يقصد...خلي انزل احسن.. لان اكيد راح يرجع بطرك المنشفة... رحت للمطبخ لكيت سعاد تسوي غدة...طبعا موج ابد مالها شغلة ...خطية كله براس هالبنية... _هلو سعاد ...اساعدج _تعرفين اطبخين... _طبعا ...بس اكيد مو مثلج...ليش مصورة ماعرف الطبخ _يعني انتي بالكلية اكيد ماعندج وكت لهل مسائل _لا ...امي علمتنا من احنة اصغار التنظيف...والطبخ من كبرنا ....بس صراحة ماحبه هلكد... _اني حتى كيك اعرف ومعجنات بديت اثرم زلاطة وياهة....نسولف ونضحك... دخلت ام كرم...هلا يمة باللمة الحبايب...اي خطية سعاد بلكت بعد منة وهيج اتساعديها بالبيت اشتغلت سوالف العمة...بس هية ام كرم شبه مالها حجاية بالبيت...نسوان عمامي كلهن هيج...ماعدا مرت عمي قاسم... من تغدينا ام كرم ظلت تكول اليوم العروسة ساعدت سعاد... عمي باسم...اي بعد وحدة من البيت صارت...وهية اصلا مو غريبة ايهاب...اكول اليوم الاكل غير طعم له سعاد...يعني شلون كل يوم مو طيب ذرى...ههههه...لا ولج هو مايدري بس الزلاطات اني مسويتها... ظلنا نشاقة ونضحك...نتبهت للكرم جان يبتسم باستهزاء...وموج كانت تاكل بطريقة عصبية.. جنت اتمنى ينطخ بية حتى اطلع حركتي... بس هو جان ملتهي عنده حصاد الصبح من الصبح..والظهر يتغدى وينام...والعصر يطلع لليل يلا يجي.... مرت ايام على هالحال...علاقتي بسعاد قوت..والظهر من جان يجي كرم...من اتاكد من كل البيت ناموا...اعوفه بالغرفة وانزل جوة... خلال هالمدة..شفت موج من ينامون اهلها تطلع هية مالاحظتني ...لان جنت اشوفها واني انزل تطلع من باب المطبخ... صفنت وين تروح...ردت الحكها... بعدين كلت اصلا علاقتي موزينة بيها... النوب اراقبها...يجوز تروح لبيت واحد من عمامها... بس ماكدرت اتغاضى...لذلك مرة راقبتها من تطلع...ولحكتها...شفتها اتجهت للحقول مال الدواجن .... جان الظهر وحارة كلش...وهدوء تام....بس صوت الحمام... ظليت اباوع باتجاه الي راحت بيه موج... وحايرة الحكها...لو خاف اتيه.... بس جانت كلش حارة ...كلت خلي ارجع هسة...وحاول مرة ثانية بغير وقت.. دخلت المطبخ واني روحي مفرفحة من الحر... _وين جنتي بهالظهرية.... فزيت على صوت كرم...خليت ايدي على كلبي _جفلتني... _سألتج وين جنتي... اني تلبكت...ماتوقعته كاعد.... _هيج طلعت اتمشى _هو احنة متعلمين على الحر مانطلع بهيج وكت ...انتي شطلعج توجهت للثلاجة اطلع مي...احاول اخذ وقت اكثر للتفكير بالجواب...طلعت بطل المي وفتحته...واني لاحظه بطرف عيني يتبعني بنظراته _ماجنت اعرف هيج حارة... شربت مي...واجيت اطلع من يمه...لزمني واني دامر من ايدي...رفعت عيني له بتساؤل _ماكو داعي انبهج.... وعاف ايدي وطلع.... صعدت لغرفتي واني افكر شيقصد...وبعدين ظليت افكر بموج وين تروح... بعد كم يوم....سالت سعاد.. _سعاد شكو بعد حقول الدواجن... جنت داخلط باللبن....وهية تصب غدة... _ماكو شي...بعدها البستان... _زين بشنو يربط البستان _مافهمت شتقصدين...وليش هالسؤال _هيج بس اريد اعرف المنطقة _هو البستان كلش جبير بعده يجي الشارع العام _ها.... _من خلص غدة تجين للغرفة اسولف وياج... _اوكي تتدلين فعلا رحت لغرفتها...وكعدت يمها على الجرباية _يلا راح تصارحيني _ههههه...لا بس ردت اسال ...ليش هالبرود بعلاقتج بكرم...اسفة ادخل بينكم...بس الوضع واضح للكل _عادي...ما حاولت ابين غير هالشي...اصلا اكيد تعرفين شلون صار زواجنا....ليش الاستغراب _يعني توقعنا بعد الزواج راح تتعودون على بعض _وليش نتعود...زواج بدايته غلط وكله مصلحة _اي بس ممكن تحاولون...على الاقل يطلع طرف من الاطراف مو خسران _متو تقصدين بالاطراف سكتت .... _جاوبيني سعاد _مو هنا تعرفين...من ولادتنا يصير فلان لفلانة...وفرح جانت محجوزة لكرم...وبالمقابل اني محجوزة لاحمد _ادري بفرح بس انتي ماعرف...زين انتي تحبيه دنكت ومن ارتباكها بدت تفرك بيديها _اول مافتحت عيني واني اسمع سعاد لاحمد...وكبرت على هاي الفكرة...وتعلقت بيه حيل...و.... _و...شنو حبيته.... هزت راسها بنعم _شنو اذا الي يمنع...هو يحبج لو لا _ماعرف...بس بعد ما كرم ازوج ...اكيد ما راح يفكرون يخطبوني لاحمد خليت ايدي على ايدها _حبيبتي...انتي طيبة وحبابة وحلوة...وماقاصرج شي...اذا هو يحبك فاكيد راح يحاول يقنعهم...اما اذا لا فهو الخسران... عفتها وطلعت واجت بوجهي موج...جان وجها احمر...وعيونها بيها فرحة غريبة... باوعتلي صفح...ودخلت...سمعت صوت سعاد _وج مصخمة هم رحتي...والله اذا يعرف كرم الا يذبحج _هو انتي شعليج...جاوبتها موج اني كملت طريقي مو من طبعي اسنط...بس بقت ابالي حجاية سعاد... وين دتروح موج...وليش كرم ممكن يذبحها بعد يومين جان جمعة...وكل العمام انجمعوا يمنا... وصارت لمة الولد الشباب بالحديقة وخلو مناقل يشون كباب وتكة... والبنات بالمطبخ يسون المقبلات والسلطة... الكبار بالصالة يسولفون.... الغريب فرح ابد مانطخت بية ....صح جانت نظراتها مامريحة لي...بس ماحاولت تذبلي حجاية او حتى تحجي وياي... سعاد....ذرى عفية هاج صينية اللحم انطيها لاحمد بالحديقة ديشوي... اخذتها وطلعت للحديقة جان احمد وسامر وايهاب يشوون .. وكرم وعلي الظاهر يم عمامي جوة ... احمد....اي شكو عليكم انتو يجيكم كلشي جاهز ذرى ...هو شدسوي انتة يدوب تخلي على النار ايهاب....تستاهل الحجاية...ما انطخيت غير بذرى سامر....ليش ذرى خط احمر رفعت عيني اباوع عليه...غمزلي بدون ما ينتبه احد... اني تفاجات...بس كلت خاف هو هيج طبعه بالشقة...غلست احمد...شنو بس نخليها على النار...شبعت دخان...تعاي بمكاني وشوفي ذرى...شو دوخر خلي اشوف... وكفت احاول اجرب...شفت سامر انسحب باتجاه المطبخ... ايهاب...شيخلصك من كرم اذا شافك مشغل مرته احمد....لا عمي بينا حيل للكرم... اجة تلفون لايهاب وراح على صفحة يجاوب احمد...تعال ليش رايح هنا جاوب ذرى....صدك وين رايح سمعنا... ضحكنا على ايهاب وهو يأشر باصبعه اسكتوا... جنت احاول اكلب شياش الكباب... احمد ...ذرى شنو راح اتركين الكلية تنهدت من سمعت الحجاية _شكولك...هذا فرض _ليش فرض...مو حرامات خلصتي سنتين ...وبقى بس سنتين...حاولي تقنعيه لكرم....هو اصلا خريج كلية زراعة...يعني مو ممتخرج حتى مايقبل تكملين... احمد يحجي واني جاوبه بكلبي...الثقافة مو بالكلية...والمسالة فرض رأي واستبداد...شاتفاهم وياه... _مأيسة من اقناعه... _زين حولي اهلية...ولا داومين بس ايام الامتحانات _شلون ترهم...وشكول من اروح امتحن _اني اكدر اساعدج...وايام الامتحانات روحي يم اهلج... فزينا على صوت كرم...احمد ليش ذرى تشوي ...انتو شنو شغلكم...وين باقي الولد احمد ارتبك حيل...كل واحد راح بجهة ذرى...اني حبيت اعرف شلون يشون... جاوبته بتحدي... باوع علية بغضب...روحي ساعدي البنات احسن.. ماردت اربك احمد اكثر...عفتهم ورحت اني سويت الجاي.. بعد العشى...طبعا الرجال تعشوا وحد ...والنساء وحد صبيت...واجى احمد اخذه...خاف سببت لج مشكلة اسف _لا تشيل هم ماكو شي....انتة ابن عمي هم... من خلصنا تنظيف عفتهم جوة بعدهم... وصعدت لغرفتي...غسلت وبدلت دشداشة ... وكعدت اكلب بموبايلي...جنت متاكدة ماراح يعدي اليوم على خير... وجان واضح هالشي من فتحت الباب بقوة.. وكف يباوع علية...واني مدنكة على الموبايل اكلب... بينا الجرباية ...اني كاعدة على الكرسي من الجهة الثانية للجرباية... وهو واكف من ناحية الباب ... _اني شكلت سابقا رفعت راسي له بتساؤل... _لا تجربين حلمي هواي...حاولي تتجنبين عضبي _هسة منو جاي يمك _ذرى لا اخر مرة اكولج....اياج تلعبين لعبة انتي مو كدها...لان انتي الخسرانة بالاول والاخير وكفت وخليت الموبايل على الميز... _هواي تهدد....بس احب اكولك...ماكو احد يطلع من معركة خسران وحده _يعني شنو... _يعني كل الاطراف لازم تخسر شي ...بس بدرجات... ومادام اكو حرب...كل الطرق مباحة... اجى باتجاهي بخفة الفهد...ماحاولت اتحرك من مكاني.... لزمني من اجتافي...شنو كواة العين الي عندج... قسم برب الكعبة...اخليج تكرهين اليوم الي شفتيني بيه.... جان ايديه تضغط على اجتافي ...حسيت اصابعه تركت طبع عليهن _هو اصلا اني كارهة هاليوم...ماتحتاج تكرهني بيه اكثر _خلص انتي كارهته كارهته ...ماراح اخسر شي ما أستوعبت حجيه...بس من شال ايده ولزم شعري من ورة...وجر راسي باتجاهه...يلا فهمت قصده... خله شفايفه على شفايفي بقسوة ...حسيته ديعاقبني ابوسته... خليت ايدي على صدره ادفعه...بس جنت ادفع الحايط ممكن يتزحزح وهو لا... انكطع نفسي...يلا تركني بدفعة ... اخذ منشفته وطلع للحمام.... وكفت مقابل المراية اتلمس شفتي الوارمة... حسيت كلش بالاهانة... زين كرم عرفت نقطة ضعفك....سهلة منة وهيج .....وللحكاية تكملة | ||||||||
|
| |
|
04-04-19, 12:25 PM
| #7 | ||||||||
| مراقبة عامة ومشرفة منتدى الروايات المنقولة
| #حين يستبد أدم همس ليل البارت السادس نمت قبل مايرجع...او حاول اتصنع النوم...ماردت اواجه بعد الي سواه... ماعرف شوكت غفيت....بس حسيت هو هم ما نام بس طلع الفجر...هو بدل وطلع... يمكن يوقتها نمت اني...ثاني يوم تاخرت يلا كعدت... عدلت المخدة برة ظهري...وكعدت بمكاني... رجعت كالعادة بفكري للاشهر الي سبقت زواجي... ذكرت من سألت ابوية عن روحته لاهله...علمود زواج ريم... شفته بوقته سكت وظل صافن... _بابا...شصار بوقتها... _والله بنتي ماعرف شنو اكولج...بس من صار السقوط ولسة اني افكر اروح لاهلي.. _ليش بابا _يابة ماتشوفين هسة لازم كل واحد يتحامى بعشيرته...ولغة العشاير هو السايد... يعني لا سامح الله... صار شي...غير لنا جبير نلجا له _بابا...هاي انتة المعلم والمثقف تكول هيج...ليش وين الدولة وين القانون _هسة تايهة يابنتي...ماتشوفين الوضع ...اكو قانون....بس قانون العشاير سايد اكثر... _يعني احنة رجعنا ليورة _ان شاء الله يكون وضع مؤقت... _اي من رحت شسوو... _استغربت اتلكوني ورحبوا بيه...لكيت ابوية كبران بالعمر ...وخولة ميتة....حتى جاسم اخوية هم متغير _الزمن كفيل يغير البشر...ويلين طباعهم...ويجوز حسوا بغلطهم _اني هم كلت هالشي...او حاولت اقنع نفسي ... بس بعدين ظهر حقيقة الموضوع _يعني شنو _انتي مالحكتي توعين على بيبتج...امي باخر ايامها....كالت الكاع الاصلية ورثها مو ورث ابوية _ليش مو ولد عم _اي بس جدي ابو ابوية...جان كلما يعتاز يبيع لاخوه يعني ابو امي...لحد ماخلصها الكاع... فمعنى هالشي كلها لامي مو لابوية...بالتالي هاي ورثي اني وحسنة... _اي بس مو تكول جدي كبر الكاع واشترى بعد _صح....بس الكاع الي اشتراها بالجهة الثانية... وكاعنا خصبة وقريبة على الشارع العام...وسعر الدونم ضعف سعر الدونم مال الكيعان الباقية ...وهواي لها مواصفات...وبنتي ترة هية هم مو قليلة _لعد ليش جدي جان وضعه تعبان...ليش ماستثمر بيها _وحده وماعنده احد يعينه ...وماعنده فلوس يكري فلح يساعدوه...المهم _زين بابا...يعني بيبتي من كالت هيج ...مافكرت تروح ادور ورثك _بوقتها رادت مادخل مشاكل وية ابوية واخوتي...هية هم فقيرة وتخاف عليه... وشريد اسوي...ماكدر ازرعها ولا اكدر ابيع _اي كمل...يعني من نشوف ناس بالمسلسلات والافلام تتكاتل على الكاع مانصدك.... _الكاع عزيزة ...من ربج هالشي... _وبعدين شصار وية ابوك واخوانك.. _تصالحنا وتغديت يمهم...وتعرفت على ولدهم...شباب ماشاء الله... بس من اجيت كتلهم على خطوبة ريم... ابوية كال...ليش تنطي بناتك لغربة... ولد عمهم اولى بيهم _ها هسة صاروا ولد عمنا...وبعدين خوما غصب اصلا مانعرفهم...شلون نزوجهم _لا بنتي مو غصب...بس حسبها مثل اي شاب هسة يتقدم لوحدة مايعرفها...يعني زواج تقليدي .. عموما...اني رفضت...وكتلهم بناتي مامتعودات علة العيشة هنا...وهنة كليات كالوا...بناتنا هم كليات...والوضع مو مثل قبل ..ماعدنا بنات يطلعن للزرع او للحلال... مشغلين فلح همة يسوون الشغل... _وبعدين...شصار _والله ماعرف شكولج بابا....ابوية انسان مايتناقش...احيانا ماتفهمين ليش يصر على موضوع معين... _يعني شنو بابا...مافهمت قصدك _يعني همة مصممين ياخذوجن لاولادهم _شنو مصممين...وين جانوا قبل _هسة بنتي اني شفتيني وافقت...ومستحيل اجبر وحدة منكم على شي _اذا على الكاع تكدر تاخذها بالقانون _هاي نموت وما نحصل شي ...استشاريت محامي...لان هية تحت اليد....وصار لهم ٣٠ يزرعوها....وشغلة طويلة عريضة _بيعها.. _بنتي منو يشتري...الي حولهم يعرفوها هاي لهم من زمان.... وبعدين خوالهم الشوخ محد يتورط.... واذا ابيعها لغريب....يكتلوه ومايخلوه يوصل لها _يعني شنو....اتركها ...طول عمرنا عايشين بدون هالكاع... _بابا كاع يقترب سعره فوك ٢٥٠مليون ويجوز اكثر شلون نعوفها... وافرضي عفتها....تتوقعين راح يقتنعون.. لازم جدج يسوي الي يريده _يعني شيسون قابل _مايخلوجن تزوجن....ينهون عليجن _ليش احنة بيا وكت ...العالم وصل للقمر واحنة بعدنا ابن العم ينهي على بنت عمه جنت احجي بعصبية... ابوية كام....بابا وصلت الناس او لا هذا مجتمعنا رضينة او رفضنا... دخلت امي وريم راجعات من السوك... ام ريم...شكو شبيكم... ابو ريم....ذرى تحجيلج عافنا وطلع.... ام ريم...شكو ماما شبيه ابوج ريم...ذرى عفية حجيتي وياه على الخطوبة صفنت عليهم ...شنو اكول وشنو احجي...جنت متعصبة ومالي خلك _خلي ارتاح وبعدين احجيلكم المصيبة وانتو فكروا بحل... صعدت لغرفتي واني دايخة....معقولة اكو هيج بشر... المغرب نزلت...ولكيت امي بالمطبخ... _ماما وين ريم... _بغرفتها...احجيلي شنو موضوع ابوج حجيتلها كل الي صار _لا شنو يعوف الكاع انتي خبلة....فلوس بالملايين نعوفها _لعد شنو تضحون بينا... _لا طبعا...لازم اكو حل ... _ ماعرف والله...بس اكيد اني مازوج مصلحة علمود كاع ثاني يوم رحت للكلية...ومن رجعت شفت سيارات حديثة اثنين بالباب...احنة مشتمل صغير بيتنا... لان بس راتب ابوية وامي هم معلمة...بس الحمد لله دخلت للبيت من باب جانبي للمطبخ لان بالواجهة ..صالة لاستقبال الخطار... واكو باب جانبي بعده ممر يوصل لمكان مفتوح مسوي مطبخ وكعدة للعائلة.... بعده غرفة نوم امي وابوية... وفوك غرفتين لنا... لكيت ماما مخبوصة بالمطبخ... _السلام عليكم....منو يمنا _وعليكم السلام....بيت عمج _بيت منو....عمي ...هاي من شوكت راح اصعد ابدل... _ادخلي سلمي _ما اريد....صعدت واني ادردم...من شوكت عرفونا...هسة صاروا عمامي... وين جانوا.... انتظرت لحد ماطلعوا...نزلت جوة يم اهلي شفت امي وابوية وريم وسما _ها مجتمعين بالخير ان شاء الله ريم رفعت عيونها...جانن حمر ذرى....هاي شبيج... سكتت ماجاوبتني.... ذرى ...شكو شبيكم...بابا شبيهم اخوانك ابو ريم ...اجو يخطبون ريم... ذرى...صدك تحجون...شنو كل عقلهم...وبعدين الولد الي انطيتوه حجاية ام ريم...يكولون راح نروح لاهله ننهي عليها... سكتت... اعرف اهل علي من الجنوب وهم عشاير ...اكيد.مايكدرون يتجاوزن هالتقليد ذرى ...وتالي شلون يعني ...بابا تنازلهم عن الكاع ام ذرى...انتي شدحجين...حقنا شنو يتنازل ذرى...لعد شنو تتنازلون عنا كام ابوية....بنتي افهمي مو مسالة كاع ... هاي فكرة صارت براس ابوية ذرى...واحنة شنو لاعبات مثل مايريد يمشينا...عوفلهم الكاع وتخلص المشكلة... ابو ريم...ماراح يقبل...اذا مايضمن على الاقل اثنين منجن عدهم... عافنا وراح... ريم...يعني شلون ...الولد صارله اربع سنوات ينتظرني....شلون تقبلون تهدمون حياتي ذرى...ماعرف والله ام ريم....اصبري ماما خلي نشوف ذرى ...شتشوفين....انتوا تردون الفلوس...ومامستعدين تتنازلون... ام ريم...ذرى شنو هالحجي ذرى هذا واقع ... عفتهم وطلعت للطرمة واني مختنكة... *************************** وعيت من افكاري على صوت الموبايل... رفعته شفت ريم اختي تتصل.... _هلو حبي شلونج ذرى _هلو ريم... _اكولج حسبي حسابج من تجون على العزومة...تباتين حتى ترحين وياي اكمل جهازي _ليش شوكت عزمتونا _ليش ما كالج كرم....بابا خابر كرم مرتين بالمرة الاولى اعتذر لان عنده حصاد...وبالمرة ثانية كال نجي _يجوز نسى...عموما الله كريم...ربي يسعدج حبي سديت التلفون...وبداخلي ضجت..بس الشخص الوحيد الخسران اني... مو حاسدة اختي...لا ابد والله... بالعكس اتمنى لها الخير والسعادة بس تمنيت يكون لي نصيب من الراحة.... اشتاقيت لاختي سما...هاي مثل النسمة ودائما تجي تحجيلي عن مشاكلها...احسها مو اختي بنتي رغم فارق السن بينا فقط اربع سنوات... تنهدت اخذت برنص وردت ادخل للحمام... بعد عقوبة البارحة...كرم اليوم مارجع للبيت... من الصبح طلع وهسة خلصنا عشى وهو ماكو.. بس اكيد على جية... سبحت واتاخرت شوية متعمدة... من طلعت وكفت مقابل المراية امشط شعري على كيفي...اني متأملة...يجي هسة وفعلا سمعت صوت خطواته على الدرج... تلبكت بالبداية...وبعدين قويت نفسي شوي فتحت البرنص من فوك...بطريقة ماتبين مقصودة... ورجعت امشط....فتح الباب ودخل... سلم وبطرف عيني شفته باوع علية... توجه للتعلاكة نزع دشداشته...ردته يحجي ماكو... _بابا مخابرك _اي...ليش ممنوع يخابرني _ماكلت هيج...بس ماكلت لي عازمنا _ماشايفج حتى اكولج _شوكت نروح _من اقرر اني جوابه نرفزني...ضربت المشط حيل على ميز التواليت...وانداريت ... وبلفتي انفتح جزء من البرنص... شفت عينه كمزت باتجاه الفتحة...مرات الصدفة اضبط من التخطيط _يعني شنو...صار شهر من ازوجنا...شوكت اروح اشوف اهلي جنت اشوف نظره مركز على صدري... _ماعندي وكت هسة... _بس اشتاقيت لاهلي مايصير... غيرت اسلوبي...وحجيت بهدوء ونعومة... رفع راسه لوجهي واحس بعينه نظرة متفاجئ _نروح اول وتالي ...اصبري شوي... تقربت منه....اشكرك كرم...اعرف ماتقصر... بس كون من وكت حباب... وبطارف اصبعي خليته على خده بسرعة...ومشيت من يمه. مد ايده وسحبني بأتجاهه.... _شصاير...بيج شي باوعت بعينه....لا شيصير ... حسيت بنظرته ليونة.... ظل يباوع بعيني وسحبني باتجاهه.... دنك براسه يريد يوصل لشفايفي... خليت اصبعي على شفايفه...ودفعته بهدوء _لا ..لا...شنو نسيت وعدك... نزل ايديه على جانبيه....واخذ منشفته وطلع... بعد ماباوعلي نظرة قاتلة... من طلع ضحكت ....بعدك ماشفت شي...راح استوك على نار هادئة...واخليك تكره اليوم الي ازوجتني بيه بدلت...ورحت لجهتي ونمت... ثاني يوم من نزلت حتى نبدي يومنا...شفت ام كرم كاعدة ضايجة... كعدت اتريك...ومن حجت ما تفاجأت بحجيها... بس مستغربة اخذت وكت طويل يلا بدت .. تحاجيني بهالموضوع... _شنو عمة...مايصير هجي...صارلكم شكد مزوجين...مافد يوم نزلت سويتي ريوم لزلمتج... _عمة هو يطلع من الصبح...واني مامتعودة اكعد من وكت _تتعلمين...جنت بنية وحد...وهسة مرة مزوجة...خلي عينج على رجلج...مو هجي هاملته _ان شاء الله وكالعادة روتين كل يوم من شغل ونسوي اكل... دخل ايهاب وعمي... واني عيني على موج...قررت اخلي سعاد تاخذني...يوم للحقول اشوف شكو هناك.. حتى مرة ثانية من الحكها...اعرف ارجع وحدي ايهاب...وين ذرى ... ذرى...ها شنو...وياي ايهاب...ابوية صار ساعة يحجي وياج...وانتي بغير دولة ذرى...يا ساعة هي كلاوجي...هية كلها ثواني صار من دخلتوا ايهاب...بوياي...شنو كلاوجي...اليوم اخذ فصل على هاي الحجاية ذرى....اخذ من نفسك...انتة مو اخوية وابن عمي ابو كرم...يلا رجعت حجايتك عليك ظلينا نضحك ونشاقة ...دخل كرم ...سلم..وهو ضايج..صعد فوك..يغير ملابسه ام كرم...روحي ورة رجلج خاف يحتاج شي صعدت ...طلع من الحمام ...مغسل ايديه وجه ومبلل شعره... جان ينشف بوجهه...ومن نزل الخاولي صرت كدامه...رفع حاجبه... _تحتاج شي _هاي من شوكت _عمتي كالت...روحي شوفيه خاف محتاج شي عافني ودخل للغرفة....مو اكول ...ماتطلع منج كعدت على الجرباية....وهو وكف يمشط كدام المراية... خليت ايدي على الجرباية ليورة ورجعت جسمي..وظليت احرك برجلي... شفته عينه بالمراية عليه... التف فجاة...اكعدي عدل هزيت جتفي...ليش شبيها كعدي _الله مطولج ياروحي... راح للكنتور اخذ دشداشة ولبسها... _صبيلنا غدة ...عندي شغل اطلع عدلت نفسي...وين الدنيا حارة.. _شنو فلمج انتي... وكف قريب مني ....تبسمت له ... وكفت مقابيله ...ماكو اي فلم...جنت قريبة كلش شفت عينه نزله لشفايفي... قطعت سلسلة افكاره...يلا راح اصب غدة نزلت وعفته .... اثناء الغدة بقينا نشاقة اني وايهاب وسعاد... _كافي شبيكم ...ترة تعبانين وانتو مابطلتوا حجي الكل تفاجىء من عصبية كرم ...عاف الاكل وكام... ايهاب...شبي كرم ابو كرم...بوية عوفة لاخيك تعبان خطية بالشغل...وانتة هم ماتعينه حيل ام كرم...هو بس بالشغل تعبان... تحجي وتعوج بحلكها... بيومها هم مارجع لليل ....من دخل سلم ذرى...اصبلكم عشى كرم...اني ما اريد....راح اصعد انام ام كرم...يمة ما كلت شي على الغدة كرم...كتلج يمة ما اريد...حجى بنرفزة مشى...ورد رجع... _اذكرت باجر معزومين ابيت عمي جواد ...حظروا نفسكم روح بعد الريوك من خلصت عشى وغسل مواعين واحنة نسولف...صعدت للغرفة... دخلت ...شفته نايم...بس حسيت بي ماغافي بس يتصنع النوم.... وكفت مقابل المراية ونزعت الشال...وفتحت شعري...وحركت راسي حتى ينفرد شعري...ورحت للجهة الثاني... بحيث يكدر هو يشوفني بالمراية ... نزعت الكلابية.....جنت مااباوع بالمراية ... بس بطارف عيني اشوفه شلون يباوع على صورتي الي تنعكس بالمراية....طلعت دشداشة قصيرة...ولبستها بس على كيفي... وتوجهت لجهتي من الفراش....ونمت واني مبتسمة ... الصبح من كعدنا...جان جمعة...وكرم جان عصبي بشكل... الكل تسال شبيه...بس اني اعرف .... تريكنا سوة هالمرة الكل.... كرم...يابة راح اطلع شوي ..من نرجع نطلع لبيت عمي .. على السريع بدلت وحظرت نفسي... من فات للغرفة لكاني متحظرة... _هيج مستعجلة .. _انت مو كلت الكاكم متحضرين _اي وانتي شكد تسمعين الكلام... يلا بس اغسل وابدل.... _اي عفية...هم الطريق طويل وسيطرات رحنا اني وعمي وعمتي بسيارة كرم...وموج وسعاد بسيارة ايهاب... طبعا عمي كعد بالصدر واني ورة كرم...جنت اشوفه مرات يباوع بالمراية... بس نظرته غريبة بين غضب...وشي اخر وياها وصلنا وبين السلام والغدة... الزلم كعدو وحد...والنسوان وحد ...بس نجمعنا على الغدة.. من رادو يرجعون... ابو ريم...عمي كرم...بيها مجال تبقي ذرى كرم...باوع علية بغضب...ليش عمي اكو شي ابو ريم...لا والله بوية ...بس اشتاقينا لها ابو كرم...بوية خليها هالليلة يم اهلها كرم...ماشي عمي... من طلعوا صاحني... ذرى...نعم كرم...جنتي تدرين مو...بس بسيطة حسابنا بعدين ..تردين فلوس ذرى...لا اشكرك... بس هو كان طلع مبلغ من محفظته وانطاني... رجعت لابوية...وامي كدامهم جانت عادي تتعامل وياي ...من طلعوا رجعت ثكلت علية... رحت لها...اعرف زعلانة علية...اني اعتذر منج... بست راسها...شبكتني وكامت تبجي... اجت ريم ...هم تبجين علية من اجي معزومة.. ذرى...اكيد لان انتي مايشوفوج الا بعد سنة.. ريم...عود ليش عيني ذرى...مامصدكة تزوجين الفندي... بدينا نتكاتل ونشاقة ... سما جانت ساكتة... ذرى...شبيج سما... سما....مابي شي ... كامت تبجي ...اجيت عليهة جانت كاعدة على القنفة...كعدت يمه... _اكو احد مضوجج _لا بس مشتاقتلج...بس انتي جنت تسمعين لي _عندج تلفوني...شوكت ماتردين خابريني بالليل نجمعنا احنة البنات بغرفتنا... ريم...احجيلنا عن عيالج... ذرى ...عمي اغلب الوكت ساكت...وعمتي مثل ماشفتوا تظل ساكتة وفجاة تذب قنبلة... سعاد حبابة كلش...وايهاب كذلك...بس موج ما ارتاح لها سما...ليش ذرى...ماعرف احس ضامة شيء ريم...وباقي عمامنا ذرى...ماتعرفت عليهم زين...قليل التقي بيهم ...هسة موسم عدهم مال زرع...لذلك مشغولين ظلينا نسولف لساعة متاخرة... وثاني يوم طلعنا للسوك...وبقينا نفتر للظهر... ماهمنا لا حر ولا اي شي... رجعنا ميتين من التعب والحر...من وكف التاكسي.. شفت سيارة كرم موجودة ريم...هاي شنو...جاي هسة...اكيد ما كدر على بعدج اي حيل اشتاق لي...حجيت بكلبي دخلنا الاغراض للمطبخ... ورحت للصالة...السلام عليكم التفت علية كرم بس عينه تجدح نار... ابو ريم ....هلا بابا...مبين عليكم تعبانين... ترخص وطلع... بعد ماسد الباب...طفر كرم من مكانه...وصل يمي ولزمني من زندي _وين جنت تفاجات...وماتوقعت هالحركة _اخ كرم..بالسوك وية ريم... _شنو ماعندج رجال بكيفج اطلعين واطبين... بس حسابج من نوصل... هدني بدفعة...روحي حضري نفسج بسرعة بابا جلب بيه على الغدة...بس اعتذر بحجة عنده شغلة بس صعدنا انطلق بالسيارة بتهور...واني مجلبة بكرسي من الخوف... وللحكاية تكملة | ||||||||
|
| |
|
09-04-19, 09:05 AM
| #8 | ||||||||
| مراقبة عامة ومشرفة منتدى الروايات المنقولة
| #حين يستبد أدم همس ليل البارت السابع طول طريق الرجعة اني مجلبة بالكرسي مال السيارة من الخوف…. سرعته عالية...ويتخاطف بين السيارات... صح جان متمكن من السياقة...بس مع ذلك هيج سرعة ترهب... بساعتها اني ختمت القرأن لحد ماوصلنا... ونسيت تهديده ....كل تفكيري جان نوصل بالسلامة… من وصلنا...جريت نفس... _نزلي وبوجهج للغرفة فوك... نزل وطبك باب السيارة حيل. اني بقيت لحظات اريد استعيد انفاسي... عبالك جنت اتسابق...نزلت ودخلت سلمت على بيت عمي…تاخرت شوي لان ظلوا يسألون على اهلي... توجهت للغرفة ...وكل باية اصعدها اقوي نفسي.. اول مافتت للغرفة...جان كاعد على الجرباية.. طفر منها وتقدم باتجاهي ... لزمني من زندي... _انتي تتعمدين تعانديني...لو شنو ...من يا طينة الله خالقج... _اخ ايدي ...شبيك شسويت... حاولت اخلص ايده….بس عبالك كلباشة جلبت بايدي _مو كتلج بوجهج للغرفة ليش ماصعدي وراي _ابوك جان يحجي وياي قابل اعوفه _ابوية ينكاله عمي اولا...ثانيا انتي جنتي متفقة وية اختج على مبيت ....وحرجتيني كلت ميخالف...بس مال تطلعين تفرفرين بالاسواك وحدج وحتة بدون ماتأخذين أذن...هاي ماعوفها لج. جان وية كل كلمة يزيد ضغطه على زندي _اولا مو اني الي طلبت ابات...ومع ذلك بتت بموافقتك... وبعدين ماطلعت وحدي اخواتي وياي... واني مو صغيرة حتة احتاج اذن احد قبل ما اكمل جملتي...جرني وكمشني بأثنين ايديه _ليش مزوجة طرطور حتة بكيفج تمشين... اذا ابوج مسيبج...ماعندي هيج شي ..سمعتي... _ما اسمحلك تحجي على ابوية... _اش اش ما اسمعلج صوت...لسانج بطولج ...حجايتي ماتثنى...الظاهر انتي مو مثل الاودام واحد يعاملج وبعدين مو كتلج ماتلبسين هيج بعد... تتقصدين من وراي تلبسيه... وقبل ماعرف شيريد يسوي خله ايده على القميص من فوك وشكه... شهكت وظليت مدنكة اباوع على القميص _هاي شسويت... جان واكف مقابيلي...كل ماتلبسين اشكه عليج _ شنو هالاستبداد...انت مو طبيعي رجع لزمني من جتفي..انتي ماينفع وياج الحجي.. اخذ شفيت الجوة وجرهه بين ابهامه وسبابته وظل يضغط عليه... اني بلحظتها جنت كامشة قميصي...اريد اغطي جسمي من فوك _هاي حتة المرة الثانية تفكرين قبل ما تحجين... عافني وطلع...اتجهت للمراية باوعت على شفتي المدماية...جريت كلينس وخليته عليها... نزلت نظراتي على القميص المشكوك.. كعدت على جرباية...ونزلت دمعتي... جرح الكبرياء صعب.... نزعت القميص ولفيته بحظني... شراح اكول لريم عليه...هذا قميص عشقها جانت ماتخلي احد يتقربله ويلبسه... جان اول هدية من علي ....ومعتزة بيه... وهالمرة رادت تعبر عن اشتياقها لي... طلعته وكالت البسيه...... كمت بدلت ورحت نمت بفراشي... ماكدر انزل وشفتي بدت تورم.... بسيطة كرم...الايام بينا.... من صحيت من النوم...رحت غسلت واني احس شفتي عالية رجعت للمراية اباوع شفتي شلون ورامة... هسة شلون راح انزل... لو اكو ثلج يمي... رجعت كعدت يم الشباك الي يطل على خلف البيت.. لميت رجلي لصدري وخليت حنجي على ايدي وظليت اتفرج ورحت لعالم ثاني.... ************** _ذرى هسة شلون شراح نسوي _ماعرف ريم... _هسة لو مامخلية ابوية يروح...جان هسة مزوجة وخلصانة _هو كله صوج الفندي مالتج...الا يريد اصلج وفصلج عبالك راح يزوج العشيرة _هو شعليه غير اهله...عفية ذرى احجي وية بابا _ابوج محد يعرفه الي اباله مر اسبوع محد جاب سيرة....ولا انفتح الموضوع واني هم ملتهية عندي امتحانات ...ريم التقي بيها بالليل ونكون اثنينة تعبانات... لان هية الصبح بالمستشفى والعصر تشتغل بصيدلية.... نهاية الاسبوع...اليوم الجمعة ...طلعت وية سما للسوك رادت شغلات للمدرسة ...واني هم كان عندي كم حاجة... من رجعنا...هم شفت سيارة واكفة ابابنا... دخلت للبيت واني اعرف منو جاي... سما...ذرى لمن هاي السيارة ذرى...اكو غيرهم ...اكيد عمامج جنا نمشي بالممر الي يوصل للمطبخ... سمعت صوت على فجأة...جان نبرته قوية توقفت ردت اعرف شديحجي... مو من عوايدي اتصنط ...بس نبرة الصوت استوقفتني.. _عمي ...شنو مالك حجاية على بناتك… جاوبه ابوية بس بالهدوء المعتاد بحيث مافهمت شكال..لان صوته ناصي _انتة ابوهم المفروض من دكول حجاية ماتصير اثنين... ترة احنة ماعدنا بنات يمشن بكيفهن... احنة اعرف بمصلحتهن... هذا صوت اخر مو نفس الاول...توترت اعصابي... فتحت الباب ودخلت...شفت العيون توجهت لي جان كاعدين اثنين وية ابوية.واحد معكل يطلع عمره بالثلاثينات...والثاني لابس بنطلون وقميص ...يطلع عمره بالعشرينات _يعني شلون بلازحمة انتو اعرف بمصلحتنا...من شوكت عرفتونا وكمت تعرفون شنو يفيدنا...اصلا اني لو اشوفكم بالشارع ماعرفكم... جاوبني المعكل...وهذا صوجمن...والتفت على ابوية...حقك ماتكدر عليهن... كام وكف نترخص منك عمي....طلعوا وبابا طلع وراهم.. امي اجت....لج سويتي ...شدخلج عليهم.. ذولة بابة عرب ماعدهم النسوان تحشر نفسها وياهم... ذرى...يمعودة تلكيهم اغلبهم النسوان تقودهم بس بالسر.. رجع ابوية....هو هيج ربيتج...وانتي من دون اخواتج. ذرى...اعذرني بابا...ماتحملت كلامه ابو ريم...وانتي شكو واكفة تتنصطين ذرى...ما جنت اتنصط ...بس صوتهم عالي . ام ريم...خلي ابوج هو يتفاهم وياهم ذرى...ما داشوف اذبحوها على قبلة وياهم... جان ابوية ضايج من تصرفي...ماجاوبني عافني وراح لغرفته... بس بقى يومين مايحجي وياي...وهذا جان اقوى عقاب منه.. بس خلال هاليومين ابوية جان كلش مهموم... بثالث ليلة...سمعت صوت امي....نزلت اركض اني وريم وسما... شفنا ابوية مختنك ويريد يجر نفس مايكدر... ريم ركضت عليه...صح هية صيدلانية بس هم عدها معلومات اسعافات اولية... اني ركضت على جيرانة بعد لبست عباية راس ...هالكيته كدامي... ادري ماكو سيارات هسة كان بداية ٢٠٠٨ ..وحضر تجوال بالليل يصير... كوة يلا طلع ابوهم...وخطية اجى هو ابنه.. ونقلوا بابا واني وامي وياه... ريم ظلت ترجف وسما تبجي... بس اني بهيج مواقف ما ارتبك.. من وصلنا ظلينا نركض اني وابن جيرانة على دكتور خفر...هاي وية السيطرة الي وكفتنا بالطريق.... الحمد لله...جان الدكتور زين وراسا دخله للعناية المركزة وسواله الازم... وبقينا احنة بالباب مال غرفته ننتظر واحد يطمنا... تشكرت من جيرانة ...بس ماقبلوا يعوفنا... لذلك خابرت زوج عمتي حسنة وهو هم خالي واجانا يلا راحوا... خالي عنده بنيتين وولد بالمتوسطة...اسمه ياسر ابو ياسر...شلون صار هيج ام ريم ام ريم...والله ماعرف...هو صار فترة يكول نفسي يضيق....حاولت وياه يروح للدكتور مايقبل ريم...كله صوجهم...شبعوه قهر ابو ياسر...منو قصدج خالو. ريم...اخوانه... خالي صح حباب...بس من النوع الفاهي... لحد ماطلع الصبح...طلعت عينه... النوب الدكتور الاختصاص للتسعة يلا اجى ومن فحصه كتبله تحاليل وتخطيط قلب.. كال عنده ذبحة صدرية... امي ظلت تبجي...واني شبه انهاريت...احنة ماعدنا غير ابوية... خالي رجعني حتى اجيب ملابس لابوية وابدل ملابسي... تلكتني ريم وسما...ومن عرفوا ...ريم كامت تبجي ريم ...ذرى بس خلي يكوم بالسلامة...واني ازوج الي يختاره...بس يصير زين ذرى...شبيج تخبلتي ريم...لعد شلون ابوية يروح بيها من القهر...لج ماعدنا غيره نضيع بلاياه اخذت الاغراض...واني طول الطريق افكر بكلام ريم... من وصلت لكيت اكو زلم يمه...بقيت انتظر اباب الغرفة... طلع واحد طويل اسمر بس فاتح...ولحية خفيفة محددها... وعيون سود واسعة...ماعرف ليش ظليت اتأمل.. بس شبهت عليه...شايفته بس وين _السلام عليكم...ليش جاية هنا احنة موجودين _العفو مافهمت عليك...اصلا ماعرفك _ليش نسيتي من دخلتي علينا...اني كرم ابن عمج _اها....وليش ما اجي...غير ابوية ولازم اتابع وياه.. _مو كتلج خيتي احنة موجودين...وعود نطمنكم...حتة الوالدة ترجع وياج _وليش نرجع....شلون نعوف بابا صفن علية...جنت كاعدة وهو واكف مقابيلي _ياحجاية مافهمتيها من حجيي...مو كتلج احنة وياه...ماعدنا نسوان يبقن بالمستشفى... اني جنت مفولة منهم...احسهم السبب بالصار لابوية... من يوم دخلوا حياتنا...المشاكل بالبيت ماتخلص _نسوانكم شي يخصكم مايخصني...واني راح ابقى وية ابوية...ومحد يكدر يمنع هالشي هو فتح عينه بقوة...حسيته تعصب حيل بينت من نضرت عينه...ويده الي جانت يسده ويرجع يفتحهة.... ... حسيته بوده يضربني ....بس ماجنت خايفة نفتح بابا غرفة بابا جان خالي وامي طلعوا مشيت لهم...شلون صار بابا ابو ياسر...الحمد لله...عمامج راح ينقلوه لمستشفى اهلي... ذرى...اريد اشوفه ام ريم...ماما الدكتور يمه...وراح يسوون تحاليل وتخطيط يشوفون يكدرون ينقلوه لو مو زين عليه ذرى ...راح ابقى انتظر هنا لحد ما يخلص الدكتور... جان كرم واكف على صفحة من سمع كلامي اتقدم كرم ....شسوين باقية...بس التعب...روحي للبيت واني اطمنكم ام ريم...اي ماما حتة ابوج مايقبل تبقين ...موجودين عمامج ذرى...من شوكت صاروا عمامي.. ابو ياسر...مو وكتها خالو امشي روحي للبيت.. كرم...امشوا اني اوصلكم.. ذرى...ماكو حاجة ناخذ تاكسي كرم...وليش تاكسي وغريب يوصلكم التفت عليه...وهزيت كتفي…حاله حالك...انتة بالنسبة لي هم غريب... امي جرتني قبل مايجاوب...ومشينا قبله ام ريم...الزمي لسانج ...احنة بياحال هسة وكتها. اجى ورانا.... وصلنا ...امي كعدت يمه بالصدر واني وراها طول الطريق دايرة وجهي للجامة... من وكف يم بيتنا...اني راسا نزلت...بدون ما اسلم ومن دخلت لكيت ريم وسما كاعدات ينتظرن خبر صاحتني امي...ليش ما سلمتي على الولد ذرى...شو انتو كلش النتو وياهم...هو شنو سبب الي بابا بيه ...غير من وراهم... ام ريم …خلي يطلع ابوج وهو يتفاهم وياج بوقتها محد منة وصل المستشفى بس امي...واني رجعت اداوم..جانت امي اطمني جنت اشوفها هية وريم وسما...كاعدين يحجون بعمامي وولدهم شلون وية بابا.... بس اني نعزلت...حسيت مثل الي غدروا بية وهم احس اخذوا مكاني...جانت روحة بابا للدكتور كلها اني وياه الحمد لله الذبحة جانت خفيفة...وطلعوه للبيت... اول ايام من جنت من ارجع من الكليةاصعد للغرفتي ...لان الكه عمامي او ولدهم يمنا...ما اريد اشوفهم... العصر من يروحون انزل يم ابوية اداريه... مر على الموضوع شهر ...بابا نوعا ما تحسن وخلصت اجازته... وقرر يقدم تقاعد لاسباب صحية... بس الراتب بهالشكل مايكفي... ريم جانت تساعد بالبيت بس اذا ازوجت شلون... مرة بالليل...كعدت ...ردت انزل اشرب مي فتت من باب غرفة ريم سمعتها تبجي وتحجي...جانت ريم وحدها بغرفة... واني وسما بغرفة... ردت اكمل طريقي..بس ماعرف شنو الي وكفني بمكاني.... سمعتها تكول...والله اسفة علي...مو بيدي قابل اخلي ابوية يموت علمودي... ادري انتة انتظرت هواي بس ...شنو اكدر اسوي كملت بدون ما اسمع باقي الحجي... بس بيومها ماكدرت انام... بعدها بكم يوم رجعت من الكلية ...لكيت بابا ماكو وجانت ريم راجعة من وكت من المستشفى...وتبجي وتحجي لامي... ريم...ماما والله داحاول ...بس ماكدر... ذرى..هو شنو ماتكدرين ريم...ماكدر ازوج غير علي...ذرى بس بيدج الحل ذرى...اني شلون بلة ... ريم...انتي ازوجي واحد منهم...بلكت يقتنعون ذرى...شنو ...شنو…همة يقتنعون...بعدين ليش هيج مستسلمين للامر انتو ام ريم...ماما احنة ما داخلين حرب...اعتبريه ولد تقدم لخطبتج بشكل تقليدي ذرى... بذيج الحالة يكون عندي حق الاختيار...بس انتو دافرضون علينا فرض ام ريم ....يمة بطلي فلسفة ...وخليج عايشة بالواقع ذرى...وين بابا ام ريم…. اخذه كرم تجيك اني كلش ضجت...ليش مو اني اوديه.. من نزلت العصر جان اكو احد يمنا...وامي دسوي جاي... ذرى ..بابا رجع... ام ريم...اي جوة وية عمج ذرى...هم عمي...شنو طلعونا بالبخت ذولة... رجعت صعدت...بقت اسبوع ريم تقنع بية... واني ما اقبل .... لحد يوم جان جمعة...وجنت اغسل بالطرمة هية مو جبيرة... ومرات اغسلها بدون مالبس حجابي... سمعت دكت باب...منو _اني كرم... رحت جبت حجابي...ولبسته وفتحت الباب... _ليش تغسلين بالطرمة بدون حجاب _ما اعتقد لك علاقة _لج انتي ليش ماتحترمين... _من تدخل في ما لايعنيه وجد ما لا يرضيه تقدم باتجاهي بعصبية ...وجر ايدي.. _قسم برب الكعبة ...لو انولج الا اربيج من جديد دفعت ايده بقوة....بعيد عن شاربك ...لو تبقى اخر رجال _لا تتحديني...اذا اريد ماتصيرين لغيري _باحلامك... _زين لعد ...اذا ماكسرت خشمج واخذتج...باجر تشوفين... ********** سمعت دك على الباب....ادخل دخلت سعاد...شلونج ذرى...من رفعت راسي وشافتني ...شهكت _هاي شبيها شفتج... استحيت اكول كرم...مو دفاع عنه...بس عزة نفسي منعتني... _نضربت بالباب..مادري فتحته فجاة _غير ديرين بالج...خلي اجيبلج ثلج... راحت ورجعت جايبة ثلج بجيس...خليته على شفتي...وهية كعدت مقابيلي على الجرباية _اهلي سالوا عليج...كالو من اجت لسة مانزلت.. _جنت تعبانة ونمت ...وكعدت لكيت هيج شفتي استحيت انزل سكتت...وظلت تحرك برجلها _شبيج سعاد...احجي _لا ماكو شي _لا اكو مبين من توترج...بس اذا ماواثقة بية براحتج _لا بالعكس...بس _بس شنو _قبل كم يوم ...اجى احمد...واني دخبز...وسالني ليش ما اكمل دراسة _اي... _حسيت بنبرة سوته اكو اهتمام...وكال اني اساعدج...اذا احتاجيتي شي _هذا مايعني شي...مهتم بيج لان بنت عمه...لا تبنين امال على هالموضوع _شلون ابقى معلكة _باعي سعاد...اذا احمد جان رايدج تكملين علموده…تكملين _ولو مالي واهس بالدراسة ...بس اكمل _واذا انتي مو اباله تنهدت ....ماعرف _لا مو ماتعرفين...شوفي نفسج وقرري... _اعتقد راح افكر ازوج واستقر _خلاص...راح اشوف طريقة خليج تعرفين بيها شنو نيته من ناحيتج... _شلون عفية _مو هسة بعدين تعرفين _زين انزلي اتغدي لا ينزل ضغطج... _عفية ولو اكلفج اريد لفة وجاي...لان متت جوع _هههههه....هسة اسويلج... جنت مخلية رصيد...سحبت انترنيت عليه...وبقيت اتفرج على الفيس والاخبار... دخلت على كروب الكلية...وظليت احجي وياهم من كملت وياهم حجي… ظليت افكر بحجاية احمد...زين شلون ادبر فلوس القسط.... وشلون بامتحانات الاشهر... كلت خلي ادبر القسط وبعدين افكر شلون اداوم كرم ما رجع للبيت...لليل نمت بجهتي من الجرباية بس ما غفيت...سمعت صوت خطواته على الدرج.. سويت نفسي نايمة.... بس شو من دخل للغرفة مانام بجهته اجى بأتجاهي...تلبكت...شيريد... وكف يمي...دقايق...رجع راح... غسل...ونام بجهته.. وكالعادة طلع قبل ما اكعد...غسلت ونزلت... وخلصنة اليوم بالروتين... بس الصبح...من خبزت سعاد...رحت يمها... _تعاي نتمشى... _عدنا شغل... _بعد وكت على الشغل...بس شوية مادام الجو طيب تمشينا واخذتها باتجاه الحقول..وشفت ماكو شي...بس بستان بعدها... رجعنا واني عيني تتفحص المكان... بقينا اسبوع مانتحاجى اني وكرم ... يرجع وكت الغدة...يغسل فوك...واني جوة اصب غدة... وكت الغدة يلتهي يحجي لابوه على المحصول... يصعد للغرفة حتى اينام.. اني ابقى اغسل مواعين الغدة... من اصعد الكاه نايم او يصطنع النوم ...اروح نفس مكاني المعتاد ابدل ملابسي... واشوفه يباوع بالمراية... احسه بعدها ماينام...يبقى شوية ويطلع.. اضحك...واني ادري سالبة راحته... بس والله عنده ارادة... هالايام...بقيت افكر شلون اشوف احمد...وشلون ارتب شغلة سعاد وية احمد.... اجت الفرصة من عزمونا بيت عمي قاسم... رحنا بيومها صار عشى الزلم بالحديقة...والنسوان جوة... ولان عمي ولده صغار بالمتوسطة مو مال يعتمد عليهم...كان لازم الولد هم يجون ياخذون المواعين... وبدوا ينقلون الاكل...ومرة احمد هو دياخذ المواعين مني... _شلونج ذرى...شو محد يشوفج... _الحمد لله انتة شلونك... _بخير...قرب الدوام فكرتي بالموضوع _اي...بس ماشفتك _انطيني رقمج...واخابرج بس دخل ايهاب قطعت الحجاية..جان ماكو احد يمي...لان دينقلون المواعين للنسوان اني ماعرف ليش ترددت انطيه الرقم... شعور بالخوف تغلغل بداخلي... من رجع ياخذ وجبة جديدة...انطاني ورقة بيدي رقم تلفون...بدون مايشوفون البنات... بس برجعتي للبيت قررت ما اخابر...احسن شي احاول وية كرم علمود الكلية ... واذا ماقبل عود ذيج الساعة ...ادور طريقة ثانية. ومسالة سعاد سهلة...اني راح ادبر لها طريقة... اعرف بيها نية احمد تجاهها وصلنا للبيت واني احس نظرات عيون كرم غريبة بس ماعرف شبيا...احس روحي مايعة... ومابية حيل... صعدت لغرفتي ...وكرم كعد وية ابوه... ردت ابدل قبل مايصعد...اليوم مالي رغبة حتة باي شي... هسة نزعت التنورة والقميص واريد البس الدشداشة ودخل كرم... تلبكت حيل جنت بس بالداخليات..خليت الدشداشة على جسمي... _غير ادك الباب قبل ماتفوت _فايت بغرفتي مو مكان اخر...شنو اليوم مستحية جان يحجي ويتقرب مني واني ارجع ليورة _شنو قصدك _قصدي انتي يومية تتعمدين تبدلين كدام المراية...واليوم راح اقدملج الي ترغبين بيه شهكت بقوة...وقبل ما اجاوبه...جر الدشداشة تمنيت اختفي بلحظتها واني اشوف عيونه تتأمل بجسمي... بس مابينت له...مو وعدت ماتقترب مني الا اني اجيك... جنت اريد ابعده باي وسيلة _وفيت بالوعد...لان انتي لمحتي هنا نثارت كرامتي...تخوصرت ونسيت وضعي _هاي شوكت يابة اني لمحت لهشي هو جحظت عينه لحركتي...وبلمحة عين جرني لحظنه... وتناول شفايفي بقوة وايده برة راسي يثبته.. جانت لمسة ايده قاسية...وشفايفه اقسى خليت ايدي على صدره احاول ادفعه...بدون فائدة واصلا اني جنت احس مجهدة... بس حسيت نفسي نكطع ...بعد شفايفه ونزل على ركبتي يبوس بيها... حسيت نفسي تغب بعالم ثاني...كرم..جان صوتي ضعيف من اصيحه ...كرم.. بعد ماحسيت بس صوته من صاحني... وللحكاية تكملة | ||||||||
|
| |
|
09-04-19, 09:14 AM
| #9 | ||||||||
| مراقبة عامة ومشرفة منتدى الروايات المنقولة
| #حين يستبد أدم همس ليل البارت الثامن وعيت على كرم يضرب على خدي بهدوء... جنت نايمة على الجرباية .... من فتحت عيني...شفت نظرة خوف ....قلق...بعيون كرم.... _شلونج...شنو ادحسين.. _ما ادري بس احس تعبانة ... رفع راسي يشربني مي.... جان كاعد مقابيلي على الجرباية.. _اخذج للمستشفى... _وين بهالليل...حتة بغداد حظر بالليل بيها _ملج علاقة... راد يكومني....لا كرم مابية حيل...بس خلي انام جر الغطى علية... _نامي... اني غفيت راسا...من صحيت الصبح... ردت اكوم ماكدرت...لزمتني دوخة... بقيت بفراشي فترة يلا راحت الدوخة... بعدت الغطى...شفت نفسي بعدني بالداخليات كمت لبست دشداشتي ونزلت جوة... بس عندي خمول مو طبيعي... عمتي من شافتني ام كرم...ها عمة شبيج شو وجهج اصفر... ذرى....مابية شي سعاد..لا تسوين شي اليوم…موج تساعدني مرت موج من يمي...وادردم ...هية متعمدة...حتة تتهرب من الشغل... جانت متعمدة تسمعني حجيها... بس اني ما كدرت اظل كاعدة هواي...ترخصت وصعدت ...تمددت بفراشي ...ونمت... صحيت على صوت كرم يكعدني... شفته كاعد يمي... _شلون صرتي _احسن _كومي اوديج للدكتورة.... _مايحتاج...هسة اصير زينة... _لا وجهج اصفر...وانتي من البارحة شكلج تعبانة...تريدين اساعدج بالتبديل _لا شنو تساعدني ضحك....اول مرة اشوفه يضحك _يلا لعد...راح انتظرج جوة بدلت بس على كيفي...ونزلت وراه... اول مرة اطلع وياه وحدنا...الطريق لحد بغداد ماحجينا... بس سؤال واحد...عندج دكتورة معينة جاوبته لا... _راح اوديج على دكتورة جنت اجيب امي عليه التفت على الجامة واني مبتسمة...وابالي شنو تكله امه من تجي... وصلنا وجان السرة هواي...بس هو خابر الدكتورة راسا دخلتني.... وتلكتني كانما عرف...جانت جبيرة بالعمر... _انتي زوجة كرم...اهلا وسهلا...من شنو تعانين ...شعندج اعراض _اهلا بيج دكتورة...عندي خمول ودائما دايخة... بس اصلا عندي هبوط مزمن بالضغط قاست صغطي...عندج هبوط بس مو قوي... سألتني عن الشهرية... صفنت هية جانت علية قبل زواجي...بس صار شهر ونص مجاية...بس اكيد مو حامل لان هية بس بليلة العرس تقربلي...جنت احجي وية نفسي...بس ماكلت للدكتورة.. سجلت تحاليل...واحد منها حمل بس ما خفت لان واثقة من الموضوع.. رحنا سويناها ...وكانت المفاجاة من استلم كرم التحليل...ابو المختبر كاله مبروك اني بقيت بصدمة وماشفت ردت فعل كرم... مشيت وياه مبوهوتة....ماعرف حتة الدكتورة شكالت _بس دكتورة هية مرة وحدة ...معقولة من مرة صفنت الدكتورة علية.. _ماما...شو انتي مصدومة...راح اصيح زوجج افهمه صاحته تحجي وياه واني بعالم ثاني طريق الرجعة كله خلصته صفنات.... كليتي شلون....يعني خلاص الموضوع صار حتمي علية.... راح اكضي حياتي وية شخص مستبد مايعرف شنو تفاهم.... يريد فقط يطبق اوامره...بس هو اني شنو جنت اتوقع... جانت الافكار توديني وترجعني... زين اذا قرر ياخذ الي يحبها...مو كال اني ماخسرتها... فزيت على صوته...وصلنا ماتنزلين من دخلت تلكتني عمتي...اصور جانت شاكة _هاي يمة بشري... بقيت صافنة بوجهها ... جاوبها كرم....ذرى حامل. _يا يمة صلوات... اجت باستني...وكامت تهلهل...الكل باركلي... ماعدا موج...شفتها تنظرلي بغضب مافهمته صعدت لغرفتي... صعد كرم وراي....كعدت على الجرباية... واني ماعرف شنو احجي او اكول... _شكلج من عرفتي الخبر لسة ما واحد داسته تريلة.. رفعت عيوني اباوع عليه....يعني انتو مامصدوم.. _ليش انصدم...هذا رزق ربنا... _تعبانة اريد بس انام _ هذا طبيعي...لان عندج فقر دم حاد ..ومنا هبوط بالضغط... الدكتورة كتبتلج مقويات ...وابر مال فقر دم.... سعاد تعرف تضرب ابر...لازم تضربين بين يوم ويوم _اوكي تمددت حتة بدون ماابدل... _ماتكدرين تنامين مرتاحة بهاشكل... راح لجهتي من الكنتور وجر دشداشة... واجى باتجاهي...اكعدي خلي اساعدج... _لا ميحتاج...انطيني الدشداشة....اني البس... عافني وطلع ...بدلت ونمت... لمدة اسبوعين ...الدوخة مافكتني والابر استمريت عليها... حتى عمتي كامت اداريني...تشويلي معلاك وحاولوا مايخلوني اشتغل... كرم خلال هالفترة ...دائما يراقب علاجي...خاصة من سعاد كالتله ترة تنسى تاخذه علاجها... بدة هو يأكد علية ...ومرات يوكف فوك راسي ..اشرب الدوة يلا يعوفني... بعد مامر الاسبوعين...شوية وضعي تحسن... نزلت اساعد...رغم مايقبلون....بس اني اصريت يوم اجاني مسج على الفايبر...فتحته مكتوب احمد.... تفاجات...مين اخذ رقمي...ردت ما اجاوب.. مهما يكون...حتى لو اريد اكسر كرم... بس مو بهالطريقة...صح احمد ابن عمي... ومو عيب احجي وياه....لكن اعرف شنو تقاليدهم..وهالشي يعتبر عيب لان من ورة رجلي. ماجاوبت...بعد نص ساعة اجاني مسج ثاني _ذرى اني احمد جاوبي...لكيت لج حل كلت مابيها شي خلي اجاوبه... _هلو احمد شلونك _الحمد لله...مبروك على الحمل _اشكرك _سالت على الدوام...ورتبت لج وية دكتور صاحبي... اداومين فترة الامتحانات الفصلية والنهائية _اشكرك...افكر عود _براحتج...بس حرامات اتركيها _الله كريم...احمد اريدك بموضوع ممكن _طبعا ...كولي _لا مو مال تلفون من اشوفك _صار... بعدها بيوم...جنت كاعدة يم سعاد تخبز.... شوية تلبكت... _لج ذرى اجى _منو ولج سكتت...التفت شفت احمد اجى... سلم علينا...وظل يسولف شوي... ذرى_سعاد ودي الخبز لا يبس وتعاي سعاد افتهمت شنو اقصد...اخذت الخبز وراحت احمد_فكرتي بالموضوع ذرى_ياموضوع احمد _الكلية ذرى_ها ...لا راح احاول وية كرم بلكت يقبل احمد اي عفية عليج...لعد بشنو جنتي تريدين تحجين وياي جان واكف عبر التنور...واني بالجهة الثانية كاعدة... _احمد انت ابن عمي ومقام اخوية...ردت اسالك سؤال واريد اجابتك تكون صريحة _على راسي...وان شاء الله اكون صريح _اني عرفت ...انتو جنتوا ناس محجوزة لناس من الصغر...وزواجي غير هواي موازين... فردت اعرف ولو تدخل بشي مايعنيني... هم غير هالشي من وضعك وية سعاد... سكت ...وجه نظره للزرع كدامه... _ماعرف شكولج ذرى...سعاد خوش بنية ..وحبابة...واذا جنت اتمنى زوجة صالحة مالكة احسن منها...بس... _بس شنو...الموضوع له علاقة بالصار ...الله عليك _لا ابد والله....الموضوع ومابي اني بكلبي اكو بنية ثانية...ومنتظر الوقت المناسب حتة اصارحها جنت احجي وياه وعيني على سعاد الي اجت بذيج اللحظة...ماكدرت اتوقف.. وبعدين كلت احسن تسمع باذنها جوابه...حتى تقتنع....سعاد تستاهل كل خير... شفت الدمعة رفت بعينها ...نقهرت عليها... الحب يكسر احيانا...وبظرفها السبب الاهل... الي يحجزون ناس لناس ويخلون ابالهم هالمسالة... مايفكرون بالمستقبل يجوز كل واحد يصير له اختيار اخر.... واكثر واحد متضرر البنية ...هواي منهن. تقفل فكرها على هالشخص وتحبه ..وتبقى منتظرته... أشرت لسعاد بعيوني من اقتربت...احمد جان صافن مو يمنا... هية فهمت الاشارة...تقدمت.... سعاد.....يلا خوية احمد تفضل ويانة اشرب جاي...مسوية خوش ريوك جانت تحجي بعزة نفس واحس العبرة خانكتها... حسيت بالحظتها بألمها... ذكرتي من قررت اوافق...يمكن الالام يختلف... بس احساس الكسران ذاته.....الاحساس بعدم قدرتج تسوين شي لنفسج...واستسلامج لواقعج احمد_لا خيتي مشكورة عندي شغل... التفت عليه...مو تنسين ذرى ردي خبر.. راح وعافنة.... _شنو الي تردين خبر عليه... _ماكو شي ...اسفة خليتج بهيج موقف...بس حتة تحددين طريقج...ماتبقين متانية سراب... جانت مدنكة تجمع باقي الخبز...وشفت ادموعهة وكعت على ايدها.... نزلت يمها بالكاع..ولزمت ايدها.... _باعيلي سعاد...اعرف انتي متأذية...بس لازم تكونين اقوى...خلي ابالج ماكو رجال يستاهل دموعج اذا كان بايعج _ماتكدرين تحسين بكلبي...نار ..كل عمري خلصته واني احلم بيوم زفتي...كل ما اشوفه اكول هذا نصيبي....هذا بختي...ليش كسرني _هو ماكسرج...ولا انطاج وعد...كله سوالف اهل...مامجبور عليها...من حقه الاختيار.. _واني شنو ...مو بشر ماكال خطية... بعد ماكدرت تكمل ظلت تبجي... _كومي غسلي وجهج وصيري قوية على زمانج.. رجعت واني افكر شكدر اساعدها... احمد حتة لو كان يحب غيرها بس يجوز كان ممكن يسمع كلام اهله يزوجها لو كرم مزوج فرح.. هالشي رجعني للبداية للذكريات ****** دخلت للبيت واني راجعة من الكلية سمعت ريم تبجي... اخترعت...ركضت عليهم...شكو شبيج ريم احجي شكو... ام ريم...علي يمة اليوم كايل لها اهلي يريدون جواب نهائي ذرى...شنو يعني خلي يجون ويفضوها وية ابوية ام ريم...وعمامج...مو ينهون عليه ذرى...والله مكبرين راسهم...اذا البنية ماراضية وابوية ماقابل بعد شنو ام ريم...ماما اذا راحوا وكالو لهم ناهي عليها...اهل علي مايقربون بعد لو مهما كان ذرى...بعد شبيدنا...خلي ينتظر لحد مانلكى حل شفت ريم وكفت ...انتي ليش ماتحسين...عايشة بعالمج ومالج علاقة بالاخرين..ليش هالانانية ذرى...منو الانانية..اني لو انتي ريم...يعني اربع سنوات ولد ينتظرني وانتي مامرتبطة باحد...لاتفكرين بية فكري بابوية محتاج علاج وراح يطلع تقاعد..مين يجيب وانتي بعد مامخلصة...وسما براها طريق طويل... وبعدين مافكرت باحساس ابوية طول عمره مظلوم منهم...خلي ياخذ على الاقل حقه ... _لا تكملين...انتي تفكرين بس بنفسج وشلون تزوجين علي مايهمج الباقي واهلج غرتهم الفلوس.. _اشكرج بابا...هيج تفكيرج بية لتفت شفت بابا واكف وبراه كرم... ماكدرت احجي شي... عافني ودخل لغرفته...امي لحكته...وريم صعدت لغرفتها... بقيت اباوع على اثر بابا واني مخرسة _شطول لسانج لخاطر ربج... رجعت التفت لكيته متجتف ومرتجي على الباب... _كله صوجكم من طلعتولنا... _ليش نصيتي صوتج... _انتة شتريد مادكلي...شنو ماكو احساس...يااخي مانريدكم تقدم باتجاهي وكف مقابيلي.. _تعرفين شتحتاجين...واحد يكص لسانج واشر باصابعه شكل مكص ومرر من على وجهي _ههههه...ضحكتني....وعلى اساس انتة راح دكصه... هزيت ايدي...ودافوت من يمه...راسا لزم ايدي وجرني رجعني مقابيله _لحد هسة ماخليتج ابالي...بس انتي جبتي لنفسك ومثل ماكتلج...لا اكسر خشمج عافني وطلع... بالليل...حاولت اعتذر من بابا...وكتله ما اقصد.. كال ها هية بنتي... بس حسيته ما راضي علية... جانت الامتحانات قريبة...ويوم رجعت لكيت الكل كاعد من دخلت سكتوا... ماعرفت السبب...بس حسيت اكو شي ضامي علية ريم مافتحت الموضوع...واجت اعتذرت مني ...من سألتها شصار بموضوعها سكتت كالت ماكو شي جديد ... كلت بلكت بعد خلص انتهى الموضوع... بس بابا مو مثل قبل يحجيلي...هالشي خلاني احقد اكثر عليهم.... لحد اليوم الاكشر...بعد يوم من خلصت امتحانات دز بابا علية... ********* _ذرى وين صافنة... انتبهت من افكاري ...على صوت كرم... _لو بس اعرف شنو سالفتج وية هالصفنات... _حتة بأفكاري تريد تشاركني شطلعت هاي _انتي كلج صرتي ملكي حتة افكارج _غلطان اني مو ملك احد بس الخلقني ... شفته واكف مبتسم...لسانج شلون يبقة صابر بحلكج... _هسة ماعرفت شتريد... _حضري نفسج...باجر نروح للدكتورة...مو كالت راجعوني _ماصار ٣ اسابيع من رحنا.. _مو خلص علاجج وحتة تجيكين فقر الدم ثاني يوم رحنا وكالعادة...دخلنا اول الناس واخذتلي سونار ونبض الطفل ودزت على كرم... _وضع الطفل تمام...ونبضه زين...ونسبة فقر الدم يعني صعدت بس بعد يرادلها... حاول وياها تاكل زين... جانت تحاجيه عبالك اني طفلة... رجعنا...ومثل المرة السابقة ظلت عمتي تسال عفت كرم يحجيلها ...وصعدت لغرفتي... بدلت ملابسي ولبست دشداشة...بس من دالبس الشال كدام المراية الطويلة... توقفت فجاة واني اذكر صوت نبض الطفل...ماعرف بلحظتها اكو احساس صار بداخلي ماعرف اوصفه... ضيقت دشداشتي من ناحية البطن بيد وباليد الثانية بديت اتلمس بطني وكفت صفح اريد اشوف بطني كبرانة لو لا ورجعت اتلمسها....فجاة شفت صورة كرم نعكست بالمراية...جان واكف وراي مباشرة مد ايده خلاها على ايدي وجذبني له .... جانت العيون تتلاقى بالمراية...ايده الثانية جرت الشال...ونزلت شفايفه على ركبتي من ناحية جتفي غمضت عيني..واني اكو احساس بدة ينمو بداخلي بدت شفايفه تصعد وية ركبتي لحد ماوصل لخدي ايده الي على بطني جذبتني بحيث التصق ظهري بصدره...وايده بدت تصعد بلمساتها.... كلمت ضجت براسي صحتني...الا اكسر خشمج فجاة سحبت نفسي...هو ماجان متوقع... ظل يباوع علية وهو تنفسه متخربط ... _هم كول اني المحتلك _شنو من بشر انتي عافني وركع الباب من طلع.. كعدت على الجرباية...ورجلي جانت ترجف بقة بعدها لايام عصبي...ومحد يكدر يحاجي... وحياتنا بالبيت عادية..مابيها شي جديد... وسعاد اعتكفت على جرحها...وشكد حاولت وياها بس جنت احسها مجروحة هواي يوم نزلت للظهر وبعدني بداية الدرج شفت موج طلعت بهدوء... اخذني الفضول ولحكتها...وظليت امشي مسافة عنها...هية جانت تمشي بثقة وماتلفت..لان محد بطلع هيج وكت لحد ماوصلت بعد الحقول..ختلت ورة الحقل...وظليت اراقبها...شوي واجى شخص...بالبداية شهكت لان شفته من بعيد وعبالي احمد.... بس من اقترب شفته سامر...لزم ايديهة وكعدوا يسولفون... ظليت اباوع عليهم بس ماسمعت شيحجون... شوي وبدة يتلمس وجها ودنك وباسهة هية نسحبت منه وهو ظل يضحك... ماعرف شكال لها...مشت ...عرفت راح ترجع للبيت...رجعت على السريع... لحد ماوصلت حسيت كلبي كام يضرب سريع هاي شلون تسوي هيج...كلها عمرها ١٦ سنة وهو شلون يقبل علة نفسه يضحك على بنت عمه ...عرضه زين يجوز يحبها...لو يحبها مايقبل يتختل وياها وهية شبه طفلة.... جنت اسال واجاوب نفسي...اخذت كلاص مي.. وكعدت على الكرسي... دخلت هية وجهها احمر ويضحك...من التفت وشافتني...غابت الضحكة عن وجهها _وين جنتي...شطلعج بهالظهرية _وانتي شعليج...صرتي ابوية _ابوج مايدري بنته بنص الظهاري تطلع تفتر _شنو مراقبتني _اي وشفتج وين رحتي _وهسة شتريدين _اريد اعرف ماتخافين احد.يشوفج...زين ماتخافين على سمعتج وسمعة اهلج...وهمة معروفين بعدج صغيرة ليش هالتصرفات _كافي ...كافي ...انتي ملج علاقة...وشي مايخصج...هو بس يخلص يجي يخطبني _اذا صدك ...خلي يحجزج _هو اني محجوزة له ...وانتي خربتي كلشي بجيتج _اذا يحبج يقاتل علمودج..وميهمه الصار...بس بالنفس الوقت يخاف عليج... وكفت واقتربت منها...موج..بعدج صغيرة...لا تضيعين نفسج...النيته صادقة يندل بابكم _احتفظي بنصايحج لنفسج...ما احتاجها _ماتخافين اكول لاخوج _انتي مو كدي ...جربي وشوفي شراح تشوفين عافتني وراحت شنو هالجراة... صعدت واني حايرة شسويلها...اكول لسعاد..بس اذكرت سعاد تعرف يمكن...وهية بياحال واصلا مو قوية كفاية حتى تشد عليها وتفهمها... بيومها ما اكلت مو خوف من تهديها ...بس من كد ما ظليت افكر شسوي...حسيت معدي كلبت.... واريد بس اتقيء...نمت من وكت حتة ما حسيت على جية كرم... الصبح من نزلت شفت سعاد بالمطبخ... بس حسيتها مو طبيعية...هية صار كم يوم اكلها قليل..وعيونها من جوة ظلال مال سهر... دتغسل مواعين... _صباح الخير التفت علية...صباح النور...اجت بأتجاهي...بعدها ماكملت خطوتي...وكعت... اني شفتها وكعت من طولها مغمي عليها....تخبلت ركضت عليها واصيح على عمتي... اجت عمتي وموج يركضن ...حاولنا نصحيها...كوة تفتح عينها وترجع تغمض...جانت بحظني خالتها... _موج خابري كرم دكت عليه كال جاي...كتلها روحي جيبيلها شال وعباية ...وفوك بغرفتي عبايتي... جنت مخبوصة ...لحد ما اجى كرم لبستها شالها وعباية...شالها كرم للسيارة على السريع... واني لحكت والبس بعبايتي الاسلامية... عمتي كعدت بالكاع تنعي وتبجي... رحنا لقرب مستشفى...طلع ضغطها هابط كلش...شكلولها مغذي... واول مافتنا...كفختني ريحة المستشفى ...لعبت نفسي.... بس حاولت اسيطر شوي ...اخر شي ماكدرت.. جريت السلة وبديت اتقئ...اجى كرم يمي جاب بطل مي وظل يغسل بوجهي... _هسة انتي شجابج وياها...انتي يراداج مستشفى.. _عفية الريحة كتلتني... _راح اخابر ايهاب يجي ياخذج... طلعت برة بالحديقة ...وظل كرم شوية يروح يم سعاد...وشوي يجي يمي لحد ما اجى ايهاب وياه احمد وعمتي.. شفت كرم ضاج ...كاله ابقى يم سعاد انتة وامي وراح ارجع ذرى... طول الطريق لحد ماوصلنا...اني راسي على الكشن ماكدر ارفعه... صعدت متكية على كرم لغرفتي...واول مادخلت الغرفة نيمني على الجرباية وكعد مقابيلي..فتح شالي ونزع عباتي... وعافني وراح...حاولت انام...شوي وصعد بيده كلاص... سندني وخله وراي مخدة...اني جنت احس بنفسي تعبانة كلش _عفية ما اريد اي شي _هذا عصير برتقال يريح معدتج شربني كوة...حاولي تنامين اذا تحتاجين شي موج جوة يمج وابوية خابرته هسة يجي... طلع واني نمت وماحسيت بشي... ماعرف شكد نمت...بس من كعدت الدنيا ظلمة... طبعا ميزت بيت عمي...ماعدهم خطار هواي... اغلب الخطار ابيت عمي جاسم...لان جدي هناك...ولذلك اتشوفين اغلب الولد يمهم ينجمعون...حتة كرم وعمي عنده وحدة من العرب تجي تساعد مرته وفرح... مرات موج وسعاد يرحون يمهم...بس اني جنت اتجنب هالشي... كمت البست شالي ونزلت ...لكيتهم ملتمين يم سعاد بالغرفة.... كعدت يمهم وبدة ايهاب يصنف علينا ويكول راح افتح مستشفى هنا... ******** سعاد....من اني صغيرة جنة كلنا بيت واحد وية عمامي وزوجاتهم واطفالهم جانت بيبتي....تحجز كل وحدة لواحد من ولد عمنا... طبعا البنات اقل...واني جنت محجوزة لابن عمي جاسم احمد... كبرت وكلمة سعاد لاحمد تتردد على لسانهم...لحد مانطبعت هالكلمة بدماغي.... وكمت اراقبه واتعلم شنو يحب شنو يكره...واحلم باليوم الي يقرر نزوج.... هو خلص هندسة قبل سنة واني سادس... ابد ماجان الي واهس للدراسة... قبل اقل السنة طلع عمنا من جدي...جان شارد منه واجى هسة... وبجيته تغيرت هواي امور....اولها كرم عاف فرح...وازوج ذرى بالبداية ضجت منها..لان عرفت راح تاثر على علاقتنا ابيت عمي جاسم بس بعدين من تقربت منها شفتها انسانة حبابة وماعدها خبث....وصرنا صديقات يوم قررت احجيلها على احمد...وهية تكفلت تحاجيه... بيوم طلبت مني ذرى اودي الخبز فهمت راح تحجي وياه... ومن رجعت سمعت جوابه...حسيت كأنما واحد ضربني على راسي....اشرتلي ذرى بعيونها مثل الي تكولي لا تخليه يشمت بيج... صح بلحظتها سويت نفسي قوية...بس جان مظهر خارجي... شنو الي ناقصني وما حبني....يجوز علمود الدراسة...بس اني كتله اكمل... ليش هيج حلم عمري راح مني بلحظة... جنت كدام اهلي مابين قهري...بس تالي الليل اشكي همي لمخدتي ودموعي تشهد... لحد يوم وكعت من طولي...بوقتها من شفت خوف اهلي علية...واخوتي بالذات... وحجي ذرى...كالت ...لج ماكو رجال يسوة تخسرين حياتج علموده...يعني شراح يصير من تموتين نفسج...راح ينقهر ويتعذب...اصلا ولا يمه راح يزوج ويخلف ويعيش حياته... انتي هم فكري بحياتج... فكرت بحجيها...وشفته صح...شنو انتظر بعد... لازم اشوف حياتي... يوم كعدة عقد السيد مالتي....ذكرت اول مرة شفت خطيبي.... بزواج كرم عزم اصدقائه...واحد جان اسمه حامد كلش صديقه...ما اجى بالزفة او الحنة بعدها كم يوم اجى وياه امه...من طلعنا نوصل امه شفته وهو التفت باوع علية ودنك بعدها كم يوم محاجي كرم...وكرم معتذر منه ...على اساس محجوزة لابن عمي... بعد مرضتي باسبوع اجى اتغدى يمنا وياه امه طبعا امه ماتدري ابنها محاجي كرم لذلك حجت وية امي.. وامي من حجت وية كرم وابوية رفضوا لنفس السبب.. بس ذرى وكفت لكرم كالت له اسال احمد يجوز ماله نية يزوج هسة ..قابل تبقى البنية معلكة... وفعلا راح كرم عليه....جنت عندي امل ولو صغير...يكول اريدها... بس رجع وكال خلص خلي تمشي لنصيبها... وتم كلشي لسهولة... جانت الحفلة حلوة وشفت لمعة فرح بعيون حامد... حاولت اسمع كلام ذرى واركز وية حامد... جنت انتظر تلفون منه بالليل من سمعنا هوسة وصوت عالي بغرفة كرم وذرى وللحكاية تكملة..... | ||||||||
|
| |
|
09-04-19, 09:16 AM
| #10 | ||||||||
| مراقبة عامة ومشرفة منتدى الروايات المنقولة
| #حين يستبد أدم همس ليل البارت التاسع طلعت فستاني من الكنتور...جان لونه ماروني وقصير لحد الركبة ومن جوة كلوش... ومن ناحية الصدر لفة ونص ردن... بقيت اتفرج عليه وجنت خايفة لا كرم مايقبل البسه... اذا شكه مثل قميص ريم يمكن ابتلي بيه... رجعت للكنتور طلعت قميص ريم...لسة ما كلت لها على قميصها.... بعد عزومة اهلي...رحتلهم قليل...ويكون كرم وياي...نروح نص نهار او اقل... وبالفترة الاخيرة المسافة البعيدة تتعبني واظل اتقئ...لذلك بس نتخابر... وكل مرة اكول لريم نسيت اجيب قميصج... هية ملتهية بتجهيز بيتها.... جريت نفس قوي واني ارفع شعري...كعدت مقابل المراية...بقيت اباوع على نفسي... تبسمت امي تكلي فد يوم تتخبلين من كد ماتحاجين نفسج بالمراية... بلشت اخلي مكياج ...اليوم مهر سعاد ... جنت فرحانة لها...خطية تستاهل ...يارب تكدر تنسى وتبدي حياة جديدة وية حامد وكفت ايدي واني ارسم عيني...بديت استرجع التلاث الاسابيع الفاتت بعد وعكة سعاد...البيت كله ركز وياها خاصة كرم... حسوا بقيمتها وشلون جانت شايلة البيت... خلال هالفترة...سعاد مريضة واني ماكدر اشتغل هواي...وعمتي تقوم بالخبز والغدة وموج شغلها كلاوات... كرم....كال راح اجيب وحدة من العرب تساعدكم. جاب مرة عمرها نهاية الثلاثينات...بس شاطرة بالشغل...اسمها ام خضير بعد اسبوع من مرض سعاد اجى صديقه حامد زيارة وياه امه... طبعا هو وحيد امه وعنده خوات مزوجات ... ام حامد...والله من كال اليوم اتغدى يم كرم...اني كتله لازم اروح وياك...حبيت كعدتكم من اجيت بالمرة السابقة ام كرم...هلا بيج دادة...اذا ماتشيلج الكاع...عيونة تشيلج ام حامد...بالمهلي...والله والنعم منكم...يمة ذرى مبارك عليج...يكومج الله بالسلامة ذرى...اشكرج خالة بس ام حامد ظلت عينها على سعاد من دكوم وتكعد... حسيتها بعيونها كلام...اخر شي من راحت سعاد ام حامد....ام كرم ...خيتي اني ماعندي بس حامد..وانتو وتعرفونه...اخواته مزوجات كل وحدة بديرة...ووليدي حباب وماعنده لا زايدة ولا ناقصة... اريدله بنية حبابة وبنت اوادم...وخية مالكيت احسن من بنتكم سعاد... انة ماكتله راح احجي...كلت اشوف رأيكم يلا عمتي ظلت ادير بعيونها... ام كرم...خية ماعرف شكولج...بس سعاد اني قاطعت حجي عمتي...خالة من رخصت عمتي..خلي انكول لعمي وكرم والرأي لهم ام حامد...فدوة لطولج يمة...وانتو شنو رايكم عمتي وجهت نظرها لي...بمعنى شلون حجيتي ذرى...خالة وين نلكه احسن من حامد....بس تعرفين عدها ولد عم ولازم نشوف يلا ام حامد...ربي يقدم الخير بيومها بالليل بعد العشى...جان عمي وكرم وايهاب كاعدين واني وسعاد نسويلهم جاي...ام خضير المغرب تروح لبيتها... سمعت صوت كرم صاح علية ذرى ...ياستار...شكو سعاد...ههههه...شوفي شمسوية انتي رحت عليهم وديت الجاي...وكعدت كرم...انتي شلون تنطين امل للمرة ذرى...يامرة مافهمت... طبعا فهمت بس احب احرك اعصابه كرم...ام حامد ذرى...انتة نفسك تحمد بيه...وتكول خوش ولد عمي...اي بوية صح...بس البنية محجوزة لابن عمها ذرى...على راسي...بس عمي سعاد عمرها ١٩ سنة وكاعدة من المدرسة... وابن عمها خلص وتوظف شينتظر حتة يتقدم... مو دكول ماعنده امكانية...ولا ينتظرها تخلص دراسة ايهاب...صح حجي ذرى...اذا يريد يجي يفضها عمي صفن...وكرم سكت اول مرة ... ذرى...عمي من رخصتك خامة تبقى البنية معلكة.. عمي....بوية قابل نكله تعال اخطبها ذرى...لا عمي...قابل هية ظالة...بس نصيب اجاها...وانتو اعرف تكدر تكول لعمي جاسم اذا لهم نية...راح يكولون...واذا لا خلي البنية تشوف نصيبها... كرم...ترخص من ابوه وصعد... واني لحكته...ردت اقنعه... دخلت لكيته يبدل ...رحت للميز التواليت وبديت انزع شالي _شو ما حجيت شي جنت اباوع عليه بالمراية _لا تحشرين نفسج...موضوع مايخصج... التفت عليه..ليش مايخصني...سعاد بنت عمي وحماتي _هاي من شوكت تقربت منه..من جبرتني ادخل بحياتكم... _رجعنا لنفس الموال....بابا لا تكونين السبب بالخراب بين عمامج _ليش خراب...هذا زواج...يعني عشرة عمر ماينبني على المصالح.... وبعدين من يكول احمد مخليها اباله...اساله انتة وشوف... _انتي ناوية على خراب العائلتين... جان يرفع الغطى وهستوة كعد على الجرباية دينام _هاي غير اخوة تربطهم..اذا تخرب من هالاشياء... لو تخاف تخرب علاقتك انتة بيهم...ومايبقى لك خط رجعة كمز من فراشه...وصل يمي ولزمني من زندي _شوفي لج...اني ما اخاف من احد...واذا اريد اسوي شي...لا انتي ولا الاكبر منج يمنعني هد ايدي ورجع نام بس الغريب...ثاني يوم بعد الغدة...انفرد بعمي.. وبعدين صاحوا لسعاد... ومن طلعت عرفت كرم حاجي وية احمد... اسبوعين بعدها التهينا ندور فستان لسعاد... وطرأت على علاقتي بكرم تطورات... مرة جنت بالغرفة ارتب بملابسي بالكنتور...ادور شنو عندي ممكن البسه بالمهر... صح طلعت وية سعاد...بس الفساتين جانت غالية واني ماعندي فلوس... وسعاد من كالت اخذي فستان كتلها عندي بس اغلب ملابسي ضيقات علية..بطني شوي بدت تبرز...وكفت كدام الكنتور حايرة دخل كرم...شدسوين التفت عليه...ارتب ماكو شي _عندج شي تلبسيه للمهر سكتت...ماعرف شاكول... _داشوف شنو المناسب اتقدم وكف وراي...شوفيني... سديت الكنتور...ومشيت...من الكه شي مناسب لزم ايدي ووكفني...شنو تستنكفين اطلبين فلوس مني جاوبيني... _مامحتاجة _مامحتاجة...ترة اني زوجج واجب علية هالشي...ولا تصورين متعمد ما انطيج...بس صراحة فاتتني... البنات اخواتي من يريدون شي يكولون... ماعرفت شنو اجاوبه....لان صدك بداخلي اصورت تعمد...حتة انزل نفسي واطلب.. _وين لسانج.... _شوف انتة تتحارش بية...اسكت مايعجب...احجي مايعجب ضحك بقوة...اي هسة عرفتج.. بس اثناء مايضحك...جرني باتجاهه... ورفع وجهي له...وفجأة ظل صافن بوجهي...وبطل ضحك.. _تعرفين انتي حلوة تبسمت...اعرف _مغرورة... كالها وصوته نبرته تغيرت للهمس.. رفع ابهامها وبدة يمشيه على شفتي السفلة ماعرف شنو الي خلاني واكفة بمكاني... جانت عيني بعينه...ونزلت عينه لشفايفي... ايده تركت ايدي ولفها على خصري... قربني له..واني جنت مثل الانسان المسلوب الارادة... انحنى براسه بأتجاهي...والتقط شفايفي بشفايفه... ماعرف شكد بقى متمسك بشفايفي... بس من ابتعد حسيت جان الهوة مكطوع عني... رفعت ايدي اريد استند لشي...وجان صدره هو السند... نزلت شفايفه لركبتي...وايديه بدت تتحرك على ظهري.... من سحبني للجرباية...ماحسيت ... وبدت ايديه تستكشف جسمي ...جانت تفتحلي ابواب ماطارقتها قبل... نفسه تغير وبدة يهمس بكلمات مافهمتها لان جنت احس بدوامة من المشاعر..مااكدر اسيطر عليها ولا اتعامل وياها... _لا تخافين مو نفس اول مرة ... جانت كلماته يهدي بية من تصلبت وخفت من راد يوصل للنهاية...وفعلا كان عالم اخر اخذني له ورجعني... حسيت بتعب بعدها راسا نمت.... كعدت على ايد تتلمس وجهي...فتحت عيني...شفته متجي على ايده ورافع راسه ويده الثانية تمشي على وجهي... _ماطالع اليوم... تبسم...بعد وكت....الدنيا الفجر.. _ليش كاعد لعد _انتي فززتيني _شنو هالاتهام...اصلا جنت نايمة _لازم ماتدرين بنفسج...من بداية زواجنا تنحشكين بظهري... كعدت فجاة ...صدك.. عيونه توجهت للغطى الي نسحبت عن جسمي سحبت الغطى راسا...مد ايده ولزم ايدي وعينه تباوع بعيوني...سحبني باتجاهه... وبدت شفايفه ترسم لوحة خاصة على انحاء جسمي.... ثاني يوم كرم طلع ...ورجع من وكت جنة ملتهين انظف عكب باجر الكعدة مال مهر _ذرى...تعاي صعدت وراه... _بدلي خلي اخذج تشترين فستان... بين ما بدلت...ونزلت لكيته يحجي بالتلفون... من خلص _اجتني شغلة ...هاج هاي الفلوس وراح ادز ايهاب وياج... صدك رحت وياه...وظلينة فترة نفتر... يلا حصلت شي...بس تعبت واصلا الصبح مخلصته تنظيف... بالرجعة خلصته كل شوي اوكف ايهاب واتقيء ...وبس وصلت صعدت لغرفتي... _شلونج ذرى... فتحت عيني على كرم كاعد يمي... _الحمد لله _اخذج للدكتورة...ايهاب يكول هواي تقياتي _عادي فترة وحام...وهم صايرة ادوخ من اروح مسافات... بس اريد انام...حتة باجر اكدر اروح وية سعاد _ماتاكلين شي _لا عفية عافني نايمة...اكثر شي رغبتله بحملي النوم...لو اظل يوم كامل نايمة ...ما اشبع الصبح اخذت سعاد لصالون اعرفه ابغداد....حتى تصبغ وتحف قبل الحفلة مال باجر.... بس قبل ما نطلع...كرم كال امانة عليج لا تكصين شعرج... _ههههه....اصلا لو اموت ما اوصل مكص عليه... صار سنين اطول بيه.... _اذا تريدين تقهريني كصيه بالصالون يشتغلون لسعاد واني شوية يمهم...وشوية اطلع برة ما اتحمل ريحة الصبغ وصلنا ايهاب...وبالرجعة كرم اجى علينا... بس صعدت بالسيارة خليت راسي على الكشن كرم_شنو حامل...لو شاربة فاليوم ذرى_لا دايخة سعاد...لو ادري هيجي اتعبين جان ما جبتج وياي ذرى....انتي ماميتة علية تخافين على كعدتج باجر لا تخافين احظر حتة لو شايليني كرم...عاد بالعناد هية عد يمناج ذرى ...عفية كرم اوكف طبك على صفحة ونزلت ركض...فرغت شكو ابطني لحكني هو وسعاد ابطل مي غسلوا وجهي... ذكرت هالاحداث ...رجعت كملت مكياجي... وبدلت ملابسي...فتحت شعري كلت مالازم اسويه شي هو هيج حلو طلعت جبة وشال احتياط... بقيت كاعدة انتظر كرم ...لان سال اكثر من مرة على الفستان...بس جنت تعبانة كتله باجر من البسه اتشوفه... اليوم ما رحت وية سعاد للصالون خفت لا هم اتخربط فتح الباب...ودخل كرم... جنت كاعدة على الجرباية والفستان يرفع بالكعدة... جتف ايديه...وعيونه لاحت بيها نضرة غضب _كل عقلج تنزلين هيج...صوجي كان المفروض اروح وياج.. وكفت...وافتريت كدامه... _حلو شبيه...وهاي جبة اذا دخل احد _غيريه.. _ماعندي شي ثاني... _ماعرف دبري حالج.... _خلص...مانزل _ذرى لا تعاندين...شدكول الناس اذا مانزلتي _شيريدون يكولون خلي يكولون...مايهمني... _خوش لعد ابقي هنا طلع وسد الباب.... رجعت كعدت على الجرباية مقابل الباب... يعني اريد عرف حفلة بس نسوان...واصلا عدهم صالة معزولة...منو راح يشوفني... اهلي ما اجوي لان جانوا عازمين اهل علي وتضاربت المواعيد...فعتذروا مرت نص ساعة...وسمعت هلاهل عرفت سعاد اجت من الصالون... كمت افتر بالغرفة ...سمعت صوت خطواته ركضت للجرباية من الجهة الثانية...مددت رجلية وخليت مخدة ورة ظهري...ولزمت تلفوني .. على اساس مامهتمة... طب للغرفة...وكف من جهة الجرباية الثانية.. ظل يباوع علية...بس ماحجاني...بدل دشداشته...ولبس غترة وعكال...وكف كدام المراية تعطر...وعدل ملابسه... جنت اتبع خطواته....بطارف عيني من خلص ...شال الساعة...ديلبسها _يعني بعدج معندة...واذا شكيت الثوب عليج هسة كمزت على الجرباية بسرعة ...وكفت بالنص _لج مخبلة ...اكو حامل هيج تكمز _بس تقترب مني اكلب الدنيا _صوتج لوما الناس جوة ...جان راويتج تالي عنادج وين تخوصرت...وهزيت جتفي... _مايهمني شفت نظرة عينه لانت وتغيرت _تعاي هنا _شنو...ليش مخبلة اجي يمك _ليش انتي عاقلة....انزلي عن الجرباية _ما انزل ....ماعندي غير هالفستان.. جنت احجي ومامنتبهة عليه من تحرك وصعد بلمحة عين يمي... ردت انهزم لزمني من خصري ...وجرني له _شنو عبالج ماكدر الوحج _اذا اتشكه ...والله العظيم ما انزل اليوم _لا تهدديني...تعرفين شنو تالي تهديدج ظليت اباوع عليه...شلون..اعرف بيه مستعد كلشي يسوي... واني ما اريد اكون اقل من الجوة... قررت اغير طريقتي لبعض الوقت... خليت ايدي على صدره..ونعمت صوتي.. _كرم حباب...ماعندي شي والله...بعد البسه _مو تدرين اني ما اقبل على هيج لبس ..ليش اشتريتيه اقتربت اكثر بحيث صرت بحظنه كلش...رفعت وجهي له....وجانت ايدي تلعب بدكم دشداشته _حفلة بنات...ما اعتقد اكو رجال يفوت شفته صفن بوجهي...ونظرته جانت ذابلة ايد جانت حول خصري والثانية رفعهة ولزم شعري من يم ركبتي وقرب راسي... واخذ شفايفي بين شفايفه....من انسحب.... جان يتنفس بعمق...الناس جوة ... نزلي وياج جبة وشال...اياج اشوفج بدونه اذا دخل الولد... نزل من الجرباية..واني ابتسم بانتصار... التفت...مد ايده حتى انزل... _عدلي شعرج... _اوكف وين رايح....جريت كلينس...وتقربت امسح حلكه.... _والله دوختيني.... خليت الكلينس بيده..ورحت مقابل المراية...امشط شعري... جانت الحفلة حلوة وبسيطة حاولت ما اطلع من الصالة....جنت ملتهية مامركزة وية الباقين رغم هذا ثالث شهر هنا...بس ماصار عندي علاقة بيهم قوية... عقدوا العرسان...وكالوا راح يجي العريس يلبسها الذهب... لبست جبتي وشالي...اجت طفلة كالت يريدوج بالمطبخ... رحت مالكيت احد....شوي اندك باب المطبخ... فتحته لكيت احمد....ها احمد محتاج شي _لا مو انتي دزيتي علية _اني لا شعندي... _اني توقعت شفتيها فرصة اجى صوت كرم يقطع حديثه _فرصة لشنو.... التفتنا اثنينا بنفس الوقت.. كرم...احمد شعندك هنا احمد تلبك.....ردت فرح كرم...روح هسة... جانت عيون كرم اطك شرار... سد الباب برة احمد....ما راح احجي وياج هسة...بس يمشون اهل الولد بوجهج للغرفة...حسابي وياج بعدين عافني وطلع....هذا شبي ...شنو الي صار...جنت واثقة من نفسي مامسوية شي بس بقيت على اعصابي...واني استعد للمواجهة حتة ما انتبهت ابد على الي صار ... بعد ماطلعوا اهل العريس...وبدوا اعمامي يرحون صعدت للغرفة وخليت ام خضير تنظف... لان اني هم تعبت من الوكفة نزعت جبتي...وشالي...دك موبايلي مسج فتحته شفت احمد دازلي... _خوما صار شي وية كرم سديت الموبايل وخليته على ميز التواليت... بلحظتها فتح كرم الباب وطب وبنفس وقت توجه لي ولزمني من زندي بيديه وجرني يمه _مو كتلج مالج علاقة بولد عمي _ترة همة هم ولد عمي ...مو غربة _وشمعنة احمد من دونهم جان يكز على سنونه من يحجي _كرم...مدافهم شنو تقصد _انتي فهميني...شطلعج يمه _كالوا رايديج بالمطبخ...وهو دك الباب _سبحان الله...وشنو جانت الفرص المناسبة صفنت عليه شنو اجاوبه ضغط حيل على زندي ...وجرني له _جاوبيني... _بشنو داتتهمني...مادافهم... _وليش تصورين داتهمج _طريقتك بالكلام...ترة كلشي ولا سمعتي _سمعتج...مافكرت بيها من وكفتي وياه وحدك من الصبح بالحديقة تحجون ساعة لو هسة من وحدكم بالمطبخ والبيت مليان ناس يحجي ويزيد ضغط على ايدي _اخ كرم ايدي...شتدحجي بيده الثانية جر تلفوني فتحه...جان بدون رمز...فتح الرسايل وشايف رسايل احمد _هاي شنو...مو تتواعدين وياه....وليش خايف لا اسويلج شي _اكيد انتة تخبلت...لك اني اشرف من ... وسكتت... هد ايدي وجلب بشعري وجرني منه... _الشريفة ما تتواعد من ورة رجلها جان يجر بشعري وأذاني حيل واني خليت ايدي على ايده احاول اخلص شعري _احجي شعندج جان وياه _عوفني...لو تموت اليوم مابقة لحظة يمك... دفعني حيل على الجرباية...واني هم ما اريدج بعد لوما الطفل الي ابطنج... من تجيبين....تنكشرين لاهلج...مو هسة _وهذا الطفل اني ما اريده لانه منك جان صوتنا يرتفع كل شوي... بقة يباوع علية شوية...وعافني وطلع بلحظتها انهاريت ابجي...شلون هيج يتهمني... نزلت للكاع وخليت راسي علة الجرباية ... ليش بابا ...ليش هيج شمرتني... اذكر ذاك اليوم الاكشر الي دز بيه علية ابوية ******* _بابا تعاي احجي وياج _نعم بابا تفضل كعدت يمه... _شوفي بنتي...انتو ماعدكم اخ وخالج مثل ماتشوفين ولده اصغار وهو رغم حباب ... بس مايعتمد عليه... يعني ماعدجن سند... _بابا انتة سندنا _بابا اني ما دايم..وكتلج سابقا ... بهذا الوكت الواحد لازم يدور اهله ويتواصل وياهم سكت...وجنت خايفة من كلماته الجاية _بابا ثقي بالله اني ماتهمني الكاع بكد مايهني.. اخلي لج ولاخواتج...احد تلجئون له وكت الشدة _بابا الله يطيك طول العمر...قابل كل الناس عدها اهل ...هواي بطرك نفسهم....وترة مو كل الاعمام يعتمد عليهم _اعرف بنتي...بس ما اريد هالشي لكم...عمامجن وولد عمامجن سندكم...واعرفهم زين احنة تربيت عرب...مانعوف لحمنا مهما صار _بابا...هسة مافهمت الي تريده _بنتي ...ريم اني انطيت كلمة للولد...ما اكدر اكسر بيها... وعمامج ماراح يفكون ياخة لحد ماياخذون وحدة يعني بقيتي انتي...لان سما صغيرة _بابا صدك تحجي...ليش اكون الضحية _لا بابا...تتوقعين اقدمج ضحية... ترة الولد خوش ولد...شهادة وشخصية ومركز.. وصاحب كلمة... اعتبري غريب وتقدملج....اذا تقدملج على هيج مواصفات ماتقبلين... _بابا اني اريد اكمل دراستي...مامفكرة هسة بالزواج _بابا برضاتي عليج... _اني حتة ماعرفهم _لا تعرفيه...كرم وكفت ....لا بابا مستحيل...هذا انسان شايف نفسه _خوش ولد بابا...فكري ورجعي جواب جنت مقررة مستحيل اوافق... لحد يوم...امي كالت ليش ماتوافقين ... شناقصه الولد.... وصار مجادلة بالحجي...كتلها انتي علمود الفلوس ومستعدة تقدمين اي وحدة بينة زعلت مني....والبيت كله صار ضدي... حسيت كلهم كام يحسسوني اني انانية افكر بس بنفسي اخر المطاف رجع دز بابا علية ..من كتله ماموافقة _عاد هسة مو بكيفج....لازم توافقين هذا خياري فكري بكل شي... اولها ...مراح يخلون وحدة بيكم تتزوج بابا انطاهم كلمة بدون موافقتي...وتفاجات حدد موعد لكرم يجي يعقد مهر....ماكان بيدي شي شسوي... بيوم عقدنا ...كرم دنك شاورني...مو كتلج اذا ردتج انولج زواج غصب ...مصلحة...وتحدي...خوف..شراح يكون نتيجته ******* حسيت ايد على جتفي _ذرى شصار...كرم نزل عصبي وابوية حاجاه كب عليه رفعت راسي من الجرباية...شفت سعاد كاعدة يمي _ليش تبجين ....شنو شبيكم حجيت الي صار... _ صدك تحجين...احنة عادي نحجي وية ولد عمي وبعدين هو شمدريه عندج رقم احمد _ما اعرف _انتي هم غلطانة ليش اخذتي الرقم... _ماسجلته والله ...ذبيته...بس هو ماعرف مين جابه... _ذرى زين جيته صدفة من جنة بالحديقة ... _حتة انتي سعاد _فهميني ذرى...ليش راسلج احمد _هو من عرف كرم مايقبل اداوم اقترح اكمل باهلية وما اداوم بس وكت الامتحانات ومتبرع يسال... من انطاني الرقم وماجاوبته...دزلي مسج...اذكرت شغلتج... كلت خلي افضها....من شفته حجيت وياه على موضوعج.. _ليش ماكلتي لكرم هالحجي _قابل اكله ردت اشوفه يحب اخته لو لا _صوجي خليتج بهالموقف...ذرى الله عليج جنتي ناوية تكملين من ورة كرم باوعت عليها...وكفت...شنو شايفتني ...مين جاية ...تعبانة سعاد...اريد انام سعاد... باوعت لذرى وهية واكفة بانفة...هاي مشكلتها وية كرم... اثنينهم كبرياء وعنفوان...وعناد....والحياة ماتمشي هيج... نزلت..واني افكر ليش هيج يسوون... كرم طول عمره متعلم على الاوامر...طبعه مثل جدي ...يحب الكل ينفذ ومايناقشون ... وذرى...ماخذة المسالة تحدي لان غصبوها بس ماتفهم هنا الرجل لازم يطاع...لازم المرة تسمع كلامه...ماكو خيارات لنا... ضجت عليهم...المفروض اليوم افرح بخطوبتي... بس نكلبت الفرحة صخام ولطام... ذرى.... متت قهر من كلمات كرم ...والنوب كملتها سعاد نمت وثاني يوم شفت العائلة كلها ماخذة موقف مني معقولة حجالهم... لا ما اعتقد ...كرم مو من هالنوع... موج جان بعينها نظرة شماتة ...اني موضوعها اجلته لان التهيت وية سعاد كرم حتة كدام اهله كام مايحاجيني... وطبعا محد يكدر يكوله ليش حتة ابوه... وداىما يرجع متاخر..اكون نمت...بعد كم يوم تعمد يطلع صوت من الصبح... كعدت...شفته واكف...انتبهت اني مكشفة...ودشداشتي مرفوعة... _النوب من تنامين ..الزمي جهتج..والبسي شي مستور... كال هالكلمات وطلع...يمكن بغير وكت جنت اكيف احرك دمه... بس حاليا اجتني حالة من لا مبالاة... واصلا...صرت انفرد بنفسي بالغرفة...اضوج من اسلوبهم ...لان بدوا يتجنبوني... كم مرة انجمعوا ابيت واحد من عمامي..وما اروح.. وهو ما يكلف نفسه يكول تعاي... موبايلي طبعا اخذه...ينطيه لي بس من يخابر احد من اهلي... بالليل صارت صعبة انام على الجرباية... استحيت اطلب من احد فراش...ما اريد شماتة احد... جنت اباقى صاحية بس اتصنع النوم...لحد مايجي وينام...امد جرجف بالكاع من الجهة الثانية وانزل انام عليه... واوقت المنبه...بس رجاج...قبل ما يكعد اصعد على الجرباية... سعاد التهت بخطيبها ودتجهز....وجابلها تلفون... دخلت بالرابع...وكرم كال اوديج للدكتورة... هاي من المرات القليلة الي حجة وياي بيها... بس هالمرة اخذ امه ويانة الدكتورة...كالت وضع الطفل كل زين ...وبيح ولد عمتي كيفت....هو ما حجى شي بعدها بيومين...جانت عزومة العشى يمنا... عمتي كالت للكل...شفت فرح تنظرلي بغضب وموج هم.... تعشوا واني تعبت صعدت قبل مايروحون... انتظرت كرم يصعد ينام...بس شو بطني كامت توجعني... كلت يجوز من التعب....ومثل كل يوم من نام كرم نزلت بالكاع...جنت اتكلب ... بس الوجع زاد...كعدت بمكاني... بس الالام صار قوي...وحسيت عبالك سجينة داخل بطني...اجتني مغصة وياها صحت بصوت ...كرم الحكني.... للحكاية تكملة... | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
