آخر 10 مشاركات |
|
| LinkBack | أدوات الموضوع | انواع عرض الموضوع |
30-04-19, 05:36 PM | #1 | ||||
مشرفة منتدى اسرة حواء ومشاركة بمسابقة الرد الأول والتراس عالم الازياء ومشارك في puzzle star وراوي القلوب وكنز سراديب الحكايات
| (( قصــيدة .. ( غدر الخنــــاجــــر ) لحــــامد زيــد )) * مميزة * عفا الله عن خطا غدر الخناجر والضلوع ابطال … بسامح واتركك تحت الظلام الحالك لحالك دخيلك وفر دموعك ترى هدر الدموع اذلال … وترى ما فيه أحد يصبر مثل صبري بغربالك انا عيب علي أنقض كلامي والرجال افعال … واذا قلت اقطع احبالك تراني بقطع حبالك عشان اكسب هدب عينك تجرعت العذاب اشكال … وليتك ترأف بحالي علشان ارأف بحالك مسوي في حياتي شي ما يذكر ولا ينقال … حشا حتى العدو وهو العدو ما يعمل اعمالك تمسيني على الهم وتصبحني على الغربال … تقلطني فناجيلك وتقصر عني دلالك تحملت التعب لجلك وانا حملي يهد جبال … رحلت من العذاب وما وقفت الا على جالك علامك كل ما جيك متواضع جيتني تختال؟ … معاك اليا متي بصبر وصبري معك يحلالك؟ مثل ما اقبلت لعيونك لزوم تلد لي باقبال … ومثل ما قد حشمتك حس واحشم قلبي اشوى لك أنا محدن بجابرني أساير معك هالمنوال … ترى لاني تبيع لك ولا ني باصغر عيالك أنا جيت اعشقك نبض ومشاعر ما اعشقك (تمثال) … أنا جيت اسكنك واحياك وابقى فيك وابقى لك أنا جيت بظما عاشق تعب يطرد سراب اللال … أنا جيت استفز رضاك من فرقاك والجا لك أنا ما همت بك عاقل أنا كنت اعشقك بخبال … أنا ما كنت احبك حي أنا كنت اعشقك هالك تخيل من كثر ما اخاف تلقى للزعل مدخال … أخاف اخطي على طيفك وادوس برجلي ظلالك تبعتك والعرب تتبع رعود البارق الهمال … وانا شفت المطر يتبعك في حلك وترحالك كأن اللي خلق حسنك خلقني مع جسدك ظلال … وصرت اقرب جسد يمشي معك باقفاك واقبالك أبي قلبك يحس انه فقد بمحبته رجال … ملكته من هدب عين وخسرت رضاه باهمالك صحيح ان الفراق اقسى ولكن الوصال محال … أنا صعبن علي أرضي غرورك واضعف قبالك بعد ما حققت عيني فبعدك للرقاد امال … أعود للسهر؟ يا خوي فال الله ولا فالك ببدل نظرتك فيني واجي لك كل يوم بحال … بكون اقرب من ثيابك عليك ولا تهيا لك بلمك وانثرك واجمعك وارجع وانثرك باهمال … بخونك وازعلك وارضيك وازعل منك وارضى لك أبرسم بالثرى وجهك وابدفن صورتك برمال … أبشكي للعرب فرقاك واضحك عند عذالك أبهديك الوصال فراق واهديك الفراق وصال … بسوي مثل ما شوفك تسوي وافعل افعالك عشان تعرف من فينا الزعول ومن وسيع البال … أبيك تذوق فنجالي وانا بذوق فنجالك نصيحة واحتفظ فيها قصر معك الزمن أو طال … أبي تسمع كلامي زين وتحطه على بالك اذا حبك هبال اطفال لك عندي هبال اطفال … ولا وابشر بعد بهبال حب ٍ ما هو بهبالك واذا قصدك تهين اسمي عشان تشمت العذال … ترى لا انته ولا غيرك ولا عشرة من اشكالك .. .. حــامد زيــد التعديل الأخير تم بواسطة رانو قنديل ; 05-05-19 الساعة 01:15 AM | ||||
02-05-19, 12:37 AM | #2 | ||||||||||
مشرفة الأدبي،المجلة الشبابيةوعالمي خيالي وشاعرة ،نبضٌ متألّق ومميز وحي الكلمة ومحررة ورئيسة الجريدة، كاتبة،قاصة ،مدققة وساحرة واحة الأسمر بقلوب أحلام ،راوي القلوب،ملهمة كلاكيت
| 👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻 روعة روعة روعة روعة روعة ماقدرت أوقف إلا لما كملتها كلها ندوووووش متميزة اختياراتك ياقمر | ||||||||||
05-05-19, 01:06 AM | #3 | ||||||||||
مشرفة الأدبي،المجلة الشبابيةوعالمي خيالي وشاعرة ،نبضٌ متألّق ومميز وحي الكلمة ومحررة ورئيسة الجريدة، كاتبة،قاصة ،مدققة وساحرة واحة الأسمر بقلوب أحلام ،راوي القلوب،ملهمة كلاكيت
| | ||||||||||
مواقع النشر (المفضلة) |
أدوات الموضوع | |
انواع عرض الموضوع | |
|
|