آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
10-05-19, 01:17 AM
| #21 | ||||||||||
| مراقبةومشرفةسابقة ونجم روايتي وكاتبة وقاصة وملكة واحة الأسمر بقلوب أحلام وفلفل حار،شاعرة وسوبر ستارالخواطر،حكواتي روايتي وراوي القلوب وكنز السراديب  
|  الحلقه 20 طول الطريق ليلي بتحاول تتكلم وادهم بيسكتها واخيرا وصلوا البيت وطلعوا اوضتهم واول ما دخلوا وقفلوا الباب ادهم بص لليلي وقالها جمله واحده ادهم: اول ما النهار يطلع مش عايزك في البيت فاهمه؟؟ عايزك بره البيت وبره حياتي؟؟ قال جملته وخرج وما رجعش غير الصبح ليلي الليل كله تعيط لمت هدومها وحاجتها وسابت اي حاجه هو جبهالها غاليه دهب مجوهرات شبكتها ما اخدتش غير خاتم جوازها وبس والصبح بعد ما علي نزل شغله هيا نزلت ومعاها شنطه صغيره ريهام: سيادتك فاكره نفسك رايحه فين؟ ليلي: اللي حضرتك عايزاه اتحقق وادهم طردني وماشيه بيت ابويا بعد اذنك ريهام الفرحه مش سايعاها وجهزت لحفله كبيره اليوم ده ادهم رجع البيت وطلع اوضته واستغرب ان ليلي مش موجوده كل حاجتها موجوده امال هيا فين؟ نزل لامه اللي كانت مشغوله بتجهيز الحفله ادهم: بتعملي ايه؟ ريهام ؛ عامله حفله صغننه كده وانت لازم تكون موجود ادهم: ان شاءالله بس ليلي فين؟ ريهام سابت اللي في ايدها وبصتله ريهام: ليلي؟؟ هو مش انت طردتها؟؟؟ هيا قالت كده ومشيت ادهم افتكر كلامه بس ماتخيلش ابدا انها هتمشي بجد كان متخيل انها هتحارب علشان تفضل جنبه!! كان متخيل انها هتحارب علشان حبيبها؟! بس هيا استسلمت ومشيت زي ما تكون ماصدقت تمشي هيا حره هيا اختارت تمشي ريهام: ادهم ايه؟ ادهم: لا مفيش حفلتك هتبدا امتي؟ ريهام: الساعه 9 هتبدا الناس تيجي ادهم: هكون موجود وفعلا خرج ادهم لشغله وكأن شيئا لم يكن بس تفكيره كله في ليلي اللي استغنت عنه ومشيت علي: هاه قولت ايه؟ ادهم :_________ على: ادهم انت سامعني؟؟؟ ادهم؟؟ ادهم: هاه سوري قولت ايه؟ علي: في ايه مالك مش مظبوط النهارده؟؟؟ ادهم: ليلي مشيت علي: مشيت ايه؟ فين؟ ادهم: سابت البيت ومشيت على: كده من غير سبب؟؟؟ ببساطه؟؟؟ ادهم: اه ببساطه على: قولتلها ايه انت؟؟ ادهم: انا؟؟؟ قولتلها تمشي بس ما تخيلتش ابدا انها هتمشي بجد!!! علي: امال تخيلت ايه؟؟؟ واحده عايشه في بيت غريبه فيه مكروهه فيه وجوزها مطنشها وطول الوقت حاسه انها عبء عايز لما تقولها تمشي تقولك ايه؟؟؟ لا والنبي خليني؟؟؟ ادهم: كلامك مش مظبوط انا بحبها وانت بتحبها وامي بتحاول علي طول تقرب منها يبقي عذرها ايه هاه؟؟ لو كانت بتحبني كانت فضلت بس هيا ندمت وما صدقت قولتلها امشي مشيت علي: انت سامع نفسك؟؟؟ انت قولتلها تمشي ليه اصلا؟؟ ادهم: كنت متغاظ منها ومعرفتش اطلع غيظي ده في ايه وبدال ما امد ايدي عليها قولتلها تمشي على: وليه متغاظ؟؟؟ ادهم: امبارح مش كلمتها من بدري وقولتلها علي السهره جات الهانم ومفيش نص ساعه وفضلت تتاوب وتنام وهيا قاعده لدرجه ان الناس قالولي روح مراتك ايه مش قادره تسهر ليله واحده ولا اصلا مش مهتمه بيا او بشكلي او اي حاجه تهمني؟؟ علي: علشان نامت قولتلها تمشي؟؟؟ ادهم: مش النوم في حد ذاته ليلي بعيده تماما عني! مفيهاش اي شيئ يشد! انسانه معدومه المشاعر او الاحاسيس! اقصي اهتمامها هتطبخ ايه؟ وده اخر اهتماماتي ورافضه انها تتغير انا بحبها بس مش لاقي اي طريق ااقابلها فيه على: وهتعمل ايه؟ ادهم: هنهي العلاقه دي كفايه كده؟ ادهم في الحفله كان بيهيص ويرقص مع كل بنت تقرب منه حسين شايفه وهيتجن منه وحاسس انه متكتف بوعده لليلي ليلي روحت بيتها ورفضت تحكي لاي حد حاجه ولما سألوها جايه ليه قالتلهم عادي وحشينها مش اكتر بس طبعا باين علي شكلها الدبلان والزعلان ان في مشكله او زعل بينهم اخر الليل حكت لمحمد كل اللي حصلها لانها بتثق في اراؤه وهدؤه محمد: اللي انتي عملتيه ده غلط ايوه مش حلو انك تفرقي ابن عن امه بس انتي ليه سكتي من الاول؟؟؟ كان لازم جوزك يعرف؟؟ وخروجك بره البيت ده كان اكبر غلط؟؟؟ كان المفروض تقوليلي او تقولي لخالد واحنا ساعدناكي انتي ضيعتي جوزك من ايديك وياريت علشان حاجه ليها لازمه امه هتفضل تتدخل في حياته وبعدين ادهم عاقل كان هيسمعك وهيتصرف صح عارفه لو هو زي خالد مثلا عصبي كنت عذرتك لكن ادهم عاقل وبيوزن الامور علي العموم سيبيه فتره كده يهدي وقابليه واحكيله كل حاجه حصلت وخليه هو يتصرف بهدوء يوم وري يوم بيعدي وادهم بيحاول يبين للكل ان حياته احسن وليلي مش موجوده بس الحقيقه ان الاول حتي وهيا مهملاه بس كان كفايه عليه اخر الليل تكون جنبه قدام عينه الليل بالنسباله عذاب ما بينتهيش مكانها الفاضي بيعذبه للدرجه دي بيحبها!! بس هيا مشيت! هيا بعدت! وفي يوم ادهم مع دولي بيوصلها بيتها وبتحاول تقنعه يدخل معاها البيت حسين نزل من العربيه وراح ناحيتهم حسين: ادهم باشا سعاده البيه الكبير اتصل وعايزك حالا في المكتب ادهم بصله نظره طويله لانه عارف ان لو ابوه عايزه هيكلمه هو مش حسين ادهم: اوك رايحله سلام يا دولي وقت تاني سابها ومشي واول ما ركب العربيه ادهم: مش هتبطل تتدخل في اللي مالكش فيه!؟؟ حسين: لا ليا فيه!! يوم ما خلتني شريك في لعبتك خليت يبقي ليا فيه ادهم: لعبتي!!! برضه مسميها لعبتي؟؟ حسين: طول ما كل ما بتزهق ترميها تبقي لعبه ادهم: تاني يا حسين؟؟؟ لتاني مره هقولك انها هيا اللي بتختار حسين: ومسألتش نفسك هيا اختارت تبعد ليه!؟ ادهم: علشان ما بتحبنيش حسين: انت مصدق كلامك ده؟؟! ادهم: انت مش عارف احنا كنا عايشين ازاي؟؟ حسين: وانت عارف هيا كانت عايشه ازاي؟؟ ادهم: اه كانت في المطبخ عايشه دور الخدامه حسين: وما سالتش نفسك مره واحده ايه اللي يخلي واحده بتعشق جوزها تبعد عنه كده! وما تسمعش كلامه؟ وتوصل لمرحله انها تشوفه مع بنات تانيه وتسكت وتستحمل ادهم: لما الواحده ما تحبش جوزها تعمل اللي انت بتقوله ده ومايبقاش فارق معاها حسين اخد فرامل وبص لادهم ادهم: انت اتجننت؟؟ حسين: انا اتجننت ولا انت؟؟؟ احلف كده انك مصدق ان ليلي ما بتحبكش ادهم: طيب مشيت ليه لو هيا بتحبيني؟؟؟ حسين: _____،، ادهم: ايه اللي خلاها بعيد عني؟؟ ايه اللي خلاها تركني علي الرف؟؟ ايه اللي خلاها ما تسمعش اي كلمه اقولهالها؟؟ وايه وايه وايه؟؟ ليلي اختارت انها تبعدني بره حياتها ايه ساكت دلوقتي؟؟ حسين: اكيد في سبب؟؟حاولت تسمعها؟؟ ادهم: هاه وايه هو السبب؟؟ حسين: السبب ده هيا تقولهولك ادهم: انت عارف حاجه ومخبيها عني؟؟ حسين: انا كنت شايف ليلي عايشه ازاي؟؟ اسالها وانت تعرف ادهم: تعرف حاجه انا مش عارفها؟؟؟ حسين: اسالها ادهم: حسين اتكلم بقي حسين: اسف بس وعدتها ما اتكلمش ادهم: وعدت مين؟؟؟ ليلي؟؟ حسين ايه اللي بيحصل من ورايا؟؟ حسين: اسف عايز تعرف اعرف بنفسك!! اسال مريم ونجاه وصبحي ولا كريمه!؟؟ او اسال والدتك؟؟ وشوف هيجاوبوك ولا هيخبوا عنك عمايلهم؟؟ اكتر من كده مش هتكلم؟؟ قبل ما تقول مراتك مش بتحبك اعرف الحقيقه كامله؟ وقبل ما ترمي نفسك في حضن واحده رخيصه شوف حضن مراتك الاول ادهم راح علي البيت وامه مكنتش موجودة وهو داخل لقي عم منعم في الجنينه بيظبط فيها وافتكر ليلي لما كانت كلها طينه راحلوا ادهم: ازيك يا راجل يا عجوز منعم: اهلا بسيد الناس ادهم: اخبارك ايه؟ منعم: انا الحمدلله: الا الهانم الصغيره هتيجي امتي يا باشا!! ادهم: هيا مش هتيجي تاني منعم: ليه بس دي حته سكره والله ما هتلاقي ضفرها ولا حنيتها ولا طيبتها ولا حد هيستحمل اللي هيا استحملته علشان تفضل جنبك ادهم استغرب ايه اللي هيا استحملته؟؟ ادهم: الا قولي هيا ليلي كانت بتحب تزرع؟؟ كذا مره تبقي هدومها مطينه؟؟ للدرجه دي بتحب الزرع منعم: الهانم كانت بتخليها تزرع الورد بتاعها المفضل وحتي كنت بقولها انا ازرعه بس الهانم بترفض وتشغلني اي حاجه بعيد ادهم: وليلي مكنتش بتقولها لأ مثلا مش هزرع؟؟ منعم: هو حد يعرف يقول للهانم لأ يا بيه؟؟ ادهم مشي وقابل صبحي المسؤل انه يشتري طلبات البيت كلها ادهم: صبحي عايزك تعال صبحي: افندم يا بيه؟؟ ادهم: كنت عايزك تجيبلي شويه حاجات كده بس انت كنت مختفي فين الفتره اللي فاتت دي؟ صبحي: بجيب حاجات من هنا وهنا وبعدين طلبات البيت كانت كتيره قوي لدرجه ان الهانم كانت بتبعت معايا نجاه ادهم: امال مين بيطبخ بقي ويشوف شغل البيت ؟؟ صبحي: مش عارف يا بيه ادهم: صبحي!! جاوبني صبحي: الهانم مرات حضرتك ادهم: وكريمه ومريم؟؟ صبحي: يا بيه انا بكون بره ما اعرفش ادهم: لو مش هتجاوبني بصراحه يبقي ما تلزمنيش هنا خد حسابك واتفضل ويدوب هيمشي ويسيبه صبحى: يا باشا كل اللي اعرفه ان البت نجاه قالتلي ان كريمه بتوزعهم هيا ومريم علشان الهانم الصغيره تعمل كل حاجه لوحدها ومش مسموح لاي حد يساعدها سواء في طبخ ولا تنظيف ولا اي شغل الهانم الصغيرة كانت بتعمل كل حاجه اما خروجها كل يوم والله ما اعرف حاجه عنه ادهم: خروجها؟؟؟ ادهم لازم يعرف كل حاجه بتحصل ادهم بدا يشك ان امه فعلا بتجبر ليلي دخل علي المطبخ لقي كريمه ومريم ونجاه كريمة: خير يا بيه عايز حاجه؟؟ الهانم في النادي ادهم: هو انتو كنتو بتبقوا فين وليلي في المطبخ كل يوم؟؟ كريمه: بنبقي هنا وبنساعدها ادهم: امم مريم كنتي بتساعديها؟؟؟ مريم اتلجلجت ومش عارفه تقول ايه؟ كريمه: ايوه يا باشا ادهم عارف ان كريمه من يوم ما اشتغلت وهيا جاسوسه امه وايدها اليمين ادهم قرب من كريمه واخد السكينه اللي بتقطع بيها الخضار ومسكها من وشها ادهم: اخرسي يا كريمه انتي لاحسن بالسكينه اللي بتقطعي بيها دي هقطعلك لسانك بص لمريم ادهم: كنتي بتساعديها ( بصوت عالي) مريم: لا يا بيه ادهم: ليه؟ مريم بصت لكريمه فادهم زعقلها ادهم: ليه؟؟ مريم: كانت ستي كريمه بتخليني اعمل حاجه تانيه او اروح البيت ادهم بص لنجاه: وانتي؟؟؟ كنتي بتهربي من الشغل مع صبحي صح؟؟ نجاه: ابدا والله ستي كريمه اللي بتقولي اروح ادهم مسك كريمه وبيهددها بالسكينه شدها لبره واخدها وجرجرها علي البدروم تحت ادهم: انتي بقي كنتي عامله هانم علي مراتي!!! قسما بالله لاخليكي تندمي علي اليوم اللي دخلتي فيه هنا كريمه بتصوت وادهم جرجرها لحد تحت علي دخل البيت سمع صويت كريمه جري عليهم علي: انت اتجننت بتعمل ايه؟ ادهم: الهانم كانت بتعذب ليلي كريمه: ابدا والله ما انا!! انا ماليش دعوه على: مين قالك بس يا ادهم الكلام ده؟؟ نزل السكينه دي ادهم: انزلها ده انا هشرحها حتت حتت واخليها تلعن اليوم اللي ضايقت ليلي فيه ابعد انت اطلع فوق انت وسيبهالي على: يا ادهم اهدي ادهم زعق جامد: يا تطلع يا تسكت على: يا زفته انتي عملتي ايه في مراته؟؟ كريمه: انا بنفذ اوامر الهانم وبس هيا كانت بتشغلها مش انا!! انا كل وظيفتي اني مخليش حد من البنات يساعدها الهانم مكنتش عايزاها هنا وكانت بتحاول تبعدها عنك وطول اليوم تشغلها وماتخليهاش تريح ابدا ابدا علشان تتهد باليل وتنام زي القتيله وانت تزهق منها وتسيبها والله انا ما قلتلها حتي كلمه تزعلها ادهم: طيب وليلي كانت بتخرج كل يوم تروح فين الفتره الاخيره دي؟؟ كريمه: ما اعرفش ادهم: ما تعرفيش يبقي لسانك ده مالوش لازمه ويدوب هيقرب منها كريمه: الهانم بتبعتها بيوت صحباتها تشتغل هناك ادهم وعلي اتفاجؤا وادهم اتصدم ادهم: وازاي ليلي توافق؟؟ كريمه: هددتها الهانم لما رفضت انها هتخلي صحباتها يشغلوا ابوها فوق طاقته واللي اعرفه ان ابوها تعبان ومش هيرفض الشغل وصحته مش قد كده وليلي خافت علي ابوها ونزلت مكانه لان الهانم قالتلها يا انتي يا ابوكي انا مليش ذنب يا بيه ادهم: ليلي مقالتليش ليه؟ كريمه: ماهي سبق وقالتلك وانت جيت وسالت مامتك واول ما عيطت قدامك زعقت لمراتك وخليتها تتاسف وطلعتها اوضتها والمره التانيه لما مراتك قالتلها لأ انت جيت سمعت صوتها عالي برضه زعقتلها وطلعتها اوضتها مامتك بقي عرفت انك مش هتصدقها لو قالتلك وان مراتك اصلا مش هتجرب تقولك تاني وعلشان كده كانت متطمنه وكمان الهانم قالتلها ان هيا السبب ان سيدي علي طرد ابوه من بيته وانها هيا كمان هتكون السبب ان سيادتك تطرد امك من حياتك وقالتها انها هتكون خراب البيت والله ده كل اللي حصل ما اعرفش حاجه تانيه فضلت تعيط كريمه علي شد ادهم وخرجوا علي مش مستغرب عمايل مراته بس ادهم عنده حاله ذهول للدرجه دي امه عندها استعداد تعمل لمجرد ان ليلي مش عجباها؟؟ علي: ادهم اتكلم ادهم: طيب هيا ما بتحبش ليلي وانا؟؟ سعادتي انا؟؟ مش فارق معاها،؟؟ علي: طالما مش علي هواها يبقي لأ مش هتفرق معاها؟ امك كل اللي يهمها الشكل والمنظر ما تعرفش يعني ايه حب فبالتالي عادي بالنسبالها انها تبعدك عن ليلي طالما مش شايفاها مناسبه ادهم هيتجنن: امي كانت بتشغل ليلي في البيوت انت فاهم؟؟ مكفهاش هنا فشغلتها في بيوت اصحابها؟؟ ( علي صوته قوي) انت فاهم يعني ايه مراتي تشتغل في بيوت الناس؟ علي: فاهم والله بس اهدي ادهم: اهدي؟؟ اهدي؟؟ انت فاهم يعني ايه مراتي تبقي خدامه؟؟؟ انت عارف انا كام مره هنتها وجرحتها وزعلتها؟؟ انت عارف انا كام مره هنتها علي هدومها ولا شكلها ولا ريحتها ولا نومها حتي؟؟ انا طردتها علشان نامت؟؟؟؟ ههههههه فاهم انا طردتها علشان من التعب نامت؟؟؟ انا ازاي ماشفتش تعبها ده؟؟؟ انا اتهمتها انها ما بتحبنيش؟؟؟ علي: اهدي اللي انت بتعمله ده مالوش لازمه اهدي ادهم: بس كان لازم اعرف ان امي مش هتتقبلها انا غبي؟؟ كان لازم افهم انها اصرت ان احنا نقعد هنا علشان تتطفشها مني علي: اهدي يا ادهم صلح اللي حصل ده المهم ادهم: طيب وليلي خبت كل العذاب ده عني ليه؟؟ ليه ما قالتليش؟؟ ليه سابتني اهينها واغلط فيها مره وري التانيه؟؟ ليه سابتني اجرحها كده؟ ؟ علي: لانها مش عايزه تكون سبب في خراب البيت ومقاطعتك لامك روحلها يا ادهم... روح وصلح الامور روح ادهم: وهيا هتقبلني؟؟؟ وانا هسامحها انها خبت كل الامور دي عني؟؟ علي: روحها ورجعها وبعدين عاتبوا بعض زي ما تحبوا المهم مراتك تبقي في حضنك روح لمراتك روح ادهم مشي وطول الطريق بيفتكر كل مره كانت بتنام قدامه وهو بيتريق عليها كل مره زعقلها ان هدومها مش نظيفه! كل مره بصلها بقرف؟ كل مره وجعها بكلمه او نظره؟ كل مره قرب فيها من دولي علشان يضايقها؟؟ كل مره عايرها بريحتها؟؟؟ يااااه قد ايه كان بيجرحها ويوجعها واكبر حاجه انه اتهمها انها ما بتحبوش دي بتحبه لدرجه انها ضحت بيه علشان ما تأذيهوش كان في طريقه لليلي بس لقي نفسه قدام النادي، جواه غضب لازم يفضيه الاول دخل النادي يدور عليها ريهام قاعده مع اصحابها مبسوطه وفرحانه بانتصارها الصغير وقفت ورافعه كاس في ايديها ريهام: واخيرا قدرت اني اطرد الحشره دي بره بيتي وخليتها ترجع تزحف للجحر اللي خرجت منه،، يااااه كابوس وانزاح،.. المهم حاليا ابني بقي متاح لاي واحده لاحظت انهم متنحين وبيبصوا وراها اتلفت واتفاجئت بادهم وراها ادهم: خلصتي خطبتك ولا لسه؟ ريهام: حبيبي انا كنت بتكلم عن واحده كانت هنا في الجمعيه بتاعتنا و ادهم قاطعها: مش كفايه كده بقي ولا ايه؟؟؟؟ ليلي اللي انتي بتقولي عليها حشره دي انظف من مليون واحده زي اللي حواليكي دول ليلي دي ضفرها برقابكم كلكم ليلي دي اللي شغلتيها عند اصحابك مراتي اللي انتي..،.، انتي ازاي قدرتي تعملي فيا كده؟ ازاي جالك قلب تجرحيني بالشكل ده؟؟ بس زي ما بابا قال انتي معندكيش قلب اصلا تحبي بيه ولا تعرفي يعني ايه حب فعمرك ما هتحسي بيا علي العموم احتفالك بانتصارك انتي لانك خسرتي وفشلتي وخسرتي كتير قوي ليلي مراتي وهتفضل مراتي هاخدها بره بيتك اشبعي بيه لوحدك خليكي ملكه علي امبراطوريه فاضيه وخلي حواليكي شويه المنافقين دول اللي بيسقفولك علشان خسرتي ابنك وخربتي بيته بس احب اقولكم ان ليلي مراتي وهتفضل مراتي وهيا اللي هتتربع علي العرش وهيا اللي هتبقي الهانم هنا وهيا مرات صاحب شركات الخطاب وهيا شريكته وحبيبته ومراته انتي خسرتي سابها ومشي وراح لمراته وصلها وخبط باب بيتهم وهيا فتحت واتفاجئت بيه قدامها ونكمل بكره ادهم هيعرف يرجع ليلي؟ ليلي هت جع معاه؟ ادهم هيعمل ايه مع ريهام؟ انتو ايه رايكم؟ ShiMoOo | ||||||||||
|  |
|
10-05-19, 01:18 AM
| #22 | ||||||||||
| مراقبةومشرفةسابقة ونجم روايتي وكاتبة وقاصة وملكة واحة الأسمر بقلوب أحلام وفلفل حار،شاعرة وسوبر ستارالخواطر،حكواتي روايتي وراوي القلوب وكنز السراديب
| الحلقه 21 ادهم وصل عند ليلي وخبط وهيا فتحتله واتفاجئت بيه اول ما شافته طبعا محدش عارف هما زعلانين او لا بس الكل شاكك انهم زعلانين كلهم اتفاجؤا بيه وخصوصا ليلي دخل سلم عليهم عادي زي اي مره بيجي فيها البيت عم فتحي: لا يا ادهم انا زعلان منك ادهم افتكر انه هيلومه علي انه محافظش علي بنته ادهم: خير ليه يا عمي عم فتحي: انت محرج علي ليلي تبات هنا عندنا ولا ايه؟؟ ادهم: لا طبعا امال هيا بتبات فين؟؟؟ عم فتحي: بتبات في شقتك لوحدها عاجبك كده؟ ادهم افتكر زمان لما قالتله انها نفسها تعيش معاه فيها ادهم: هيا من زمان نفسها تبات فيها عادي بقي بس لا مش محرج عليها ولا حاجه هيا براحتها طبعا طول الوقت ده وليلي ساكته تماما ادهم: طيب استاذن انا ليلي تعالي معايا شويه ليلي: اجي معاك فين؟ ادهم: في شقتنا اكتشفت دلوقتي انك ما دخلتيهاش ولا مره معايا عم فتحي: طيب يا ليلي روحي مع جوزك بس اعملوا حسابكم هنتغدي مع بعض ادهم: سيب الغدي للتساهيل انا مش غريب عم فتحي: طيب روحو وابقي هاتي جوزك يا ليلي اخدها وطلع وهيا ماشيه وراه ام امل في الشارع بره ام امل: ازيك يا ادهم عامل ايه؟ عاش من شافك نسيت ان مراتك هنا ولا ايه؟ ادهم: ودي حاجه تتنسي برضه ولا ايه يا ام امل بس هيا كان نفسها تيجي هنا يومين ام امل: طيب انا جبت الشوكولاته اللي هيا بتحبها مش هتاخد منها ولا ايه؟ ادهم: لا هاخد هاتي وريني ام امل بتحب تدبس اي حد في حاجه يشتريها بس عموما هيا ست طيبه وغلبانه وعندها ديما اخبار الشارع كله اخد ادهم منها علبتين شوكولاته كادبوري ومارس ودخل هو ومراته حط العلب علي الصفره ودخلوا اوضه النوم كانت دي اول مره يدخلها من ساعه ما سابها لما ليلي عرفت الحقيقه استغرب هو ليه مجابش مراته ولا مره وباتو هنا مع ان هيا كان نفسها من ساعه ماهو وضبها انها تبات فيها معاه اكتشف ان كان بيلوم ليلي كتير بس هو نفسه كان مقصر كتير جدا واهملها كتير جدا واهمل مشاعرها كتير جدا قعد علي السرير وهيا وقفت قصاده زي التلميذ اللي مستني العقاب بتاعه ادهم: اقعدي واقفه كده ليه؟ قعدت وساكته ادهم: مش عايزه تقولي اي حاجه؟؟ ليلي: هقول ايه؟ لا معنديش حاجه اقولها فكرت انها تقوله كل حاجه جواها وتعيط في حضنه وتشتكيله بس تراجعت مالوش لازمه هيروح يتخانق مع امه والمشاكل هتستمر ادهم: متاكده انك مش عايزه تقولي اي حاجه؟ ليلي: انت عايز تقولي حاجه؟ ادهم: ايوه عايز اسالك انتي ليه مصره تبعدي عني؟؟ وليه كل اختياراتك ديما بتحطينا احنا في المرتبه الاخيره؟؟ ليه ديما بتختاري علي حسابنا وحساب حبنا؟؟؟ ليلي:............ ادهم: ايه ساكته ليه؟؟ ليلي: مقولتلك معنديش كلام اقوله ادهم:: برضه مصره ان معندكيش كلام عايزه تقوليه؟؟ ليلي: اه معنديش ادهم بنرفزه: انتي عايزه توصلي لايه وبتعملي فينا كده ليه؟؟ ليلي: لو سمحت وطي صوتك انت شايف ام امل قاعده تحت الشباك ادهم قعد تاني قصادها واتكلم بهدوء ادهم: خبيتي عني ليه؟ ليلي: خبيت ايه؟ ادهم: احنا مش هنلف وندور واللي انتي كنتي خايفه منه خلاص حصل ليلي: قصدك ايه؟ ادهم: قصدي واضح وكلامي اوضح امي واتخانقت معاها وسيبتلهم البيت انتي بقي خبيتي ليه عني كل اللي بيحصل؟؟ ليه مقولتيليش؟؟ ليه سيبتيني اخبط كده في الظلمه وافترض بمزاجي،؟؟ ليلي: اقولك ايه يا ادهم هاه؟؟؟ انت ما شفتش ليه بعنيك؟؟؟ ماشفتش تعبي وارهاقي وخوفي وكتماني عنك؟؟؟ للدرجه دي انا غريبه عنك مش عارفني؟؟؟ ليه محستش انت بيا وبالوجع اللي انا عيشاه؟؟؟ ولا ديما اسهل حاجه عندك تتهمني اني ما بحبكش؟؟ ادهم: انا اسف اتشغلت عنك بس كان لازم تقوليلي اللي بيحصل!! وبعدين انتي ازاي توافقي تتطلعي تشتغلي بره في بيوت الناس؟؟؟ ازاي قدرتي تكدبي عليا كل يوم وتخرجي؟؟؟ ازاي جالك عين وانتي مراتي تتطلعي تشتغلي شغل زي كده بره؟؟ ليلي: انا اسفه بس كان يا اما انا اطلع او بابا فكان لازم اعمل كده ادهم بنرفزه: هنا بقي كان لازم تقوليلي كان لازم تعرفيني علشان اتصرف اعمل اي حاجه؟؟ ليلي: كنت هتعمل ايه يعني؟ ادهم: كنت هعمل كتير ااقلها كنت هوقف امي عند حدها ليلي: ازاي تقاطعها ولا تتخانق معاها؟؟؟ ادهم: واديني اهو حاليا قاطعتها!!! ليلي: وعلشان كده ما قولتلكش ادهم : لو كنتي قولتيلي في وقتها كنا هنتخانق ويومين ونتصالح بس حاليا وصلنا لمرحله صعب نتصالح فيها الموضوع كبر قوي سكوتك خلي الموضوع يوصل لنقطه مفيش منها رجوع لانه مهما يحصل مش هسامحها انها تخرج مراتي تشتغل بره البيت ليلي: واللي حصل جوه البيت؟؟ مش فارق معاك؟؟؟ وهيفرق معاك ليه انت بس كل اللي همك شكلك ومنظرك قدام الناس صح؟؟ ادهم: لا طبعا مش صح قولتلك مليون مره بطلي تفكري عني وتاخدي قرارات عني اللي اقصده ان شغلك جوه البيت ده ممكن اتغاضي عنه واسامحها عليه لاني ممكن اعتبرها مجرد حمي بترخم علي مرات ابنها وبتضايقها وتشغلها في البيت وفي حموات كتيره بتعمل ده لكن خروجك بره البيت ده مش مجرد مضايقه ده كده اتخطت كل الحدود وقطعت كل الخيوط اللي بينا وده مش ممكن ابدا اسامحها عليه موضوع شكلي ومنظري انتي عارفه كويس ان انا ما بهتمش بكلام حد او راي حد ليلي: عارفه وهتعمل ايه دلوقتي؟؟؟ ادهم: انتي عايزاني اعمل ايه؟ البيت وسيبته! امي واتخانقت معاها ومش هتتدخل في اي شيئ يخصنا تاني؟ ليلي: وانا ولا عايزاك تسيب البيت ولا تتخانق معاها ادهم: امال ايه؟ ليلي: مش عايزه انفذ كلامها هيا قالت ان انا خليت باباك طرد ابوه بسببي ودلوقتي انت اهوه بتطرد مامتك من حياتك بسببي ادهم: فعلا بسببك ليلي: ايه؟؟؟ ادهم: اه يا ليلي بسبب انك خبيتي عليا لو من الاول قولتيلي مكنش الموضوع كبر قوي للدرجه انه ما يتلمش تاني كده بس المهم ما علينا دلوقتي اللي حصل حصل ليلي: هتعمل ايه؟ ادهم: انتي عايزاني اعمل ايه يعني؟ ليلي: انا قصدي بالنسبالنا؟؟؟ ادهم: مش عارف انتي عارفه كنت مستغرب قوي زمان لما زعلتي مني اول ما عرفتي حقيقتي اللي كنت مخبيها عنك واقول فيها ايه؟ وبعدين اقول لو بتحبني مش هيفرق معاها اني كدبت عليها او خبيت عنها بس حاليا انا عرفت انتي ليه زعلتي وليه اتوجعتي الكدب من الحبيب بيوجع قوي ان حبيبك ما يخلكش تشترك معاه في اسراره او وجعه او يخبي عنك دي حاجه توجع قوي بس انا كان عندي سبب اساسي علشان خبيت عليكي لكن انتي خبيتي ليه؟ ليه وصلتينا لده؟ ليلي ساكته وادهم ساكت ادهم: انا حاليا معنديش استعداد اسامحك او اثق فيكي،، انتي عارفه اكتر سبب خلاني اتجوزك هو ايه؟ ثقتي العميه فيكي؟ ثقتي ان انا هكون اول حد ترجعيله في اي شيئ تعمليه؟ ثقتي انك بتحبيني بجد مش تمثيل فاي حاجه هتوجعني هتبعديها عني؟ ثقتي انك عمرك ما هتكدبي عليا او تخرجي بره بيتي بدون اذني؟؟ للاسف انتي عملتي كل حاجه كنت فاكر ان عمرها ما تطلع منك وللاسف يا ليلي حاليا معنديش استعداد اسامحك ليلي: ولا انا يا ادهم عندي استعداد اسامحك انت اذيتك ليا كانت اكبر بكتير من مامتك هيا كانت بتكرهني لكن انت المفروض اني حبيبتك وفي كل مره كنت بتيجي عليا انا محاولتش ولا يوم تسمعني او تحس بيا وديما تتهمني بعدم الحب ادهم: طيب انتي مش هتسامحيني وانا مش هسامحك وبعدين ده يوصلنا لفين ليلي: انت عايز تطلقني؟ ادهم: انتي عايزه تتطلقي؟؟؟ ليلي: مش هقعد معاك غصب عنك!! ادهم: دي مش اجابه ليلي: لا يا ادهم مش عايزه اطلق ادهم قام وسايبها وماشي ليلي: انت رايح فين؟؟ ادهم: عندي شغل عايزه حاجه ليلي: لا شكرا بس كان نفسها تقول عايزاك انت.. عايزاك تفضل جنبي وفي حضني لانك واحشني جدا وهو كمان كان نفسه ياخدها في حضنه بس حاجه جواه مانعاه ريهام رجعت البيت بسرعه علشان تلحق ادهم بس مالقتوش لقت علي بس ريهام: ادهم فين؟ علي: راحلها انتي كنتي فاكره ايه؟ هيسيبها؟ ريهام: انا نفسي اعرف شايف فيها ايه؟ علي: بيحبها ما تعرفيش يعني ايه حب!؟؟ بيحبها ومهما تعملي مش هيسيبها عارفه حتي لو سابها هرجعه ليها علشان ما يضيعش عمره زيي انا ريهام: وانت عمرك ضاع ليه ان شاءالله؟ علي: انتي عارفه ليه؟ ريهام: انت عمرك ما حبتني؟؟ علي: ولا انتي ___ انتي كنتي عارفه اني ما بحبكيش وقولتلك وانتي عملتي نفسك مش واخده بالك ولا طنشتي ولا ايه مش فاهم بس انتي كنتي عارفه اني انا ما بحبكيش وعمري كله ضاع معاكي وعلشان كده مش هسمحلك تضيعي حياه ابنك سيبيه يعيش مع اللي قلبه اختارها ريهام: لا مش هخليها تفوز عليا لازم اخليه يسيبها على: لو ادخلتي بينهم تاني انا اللي هطلقك ريهام: انت بتقول ايه؟ انت ما تقدرش تتطلقني على: لا هطلقك وهتشوفي، اعملي حاجه تانيه وقسما بالله هطلقك سابها وراح شغله واتفاجئ بادهم في مكتبه على: انت هنا ليه؟ انت ليه مش في حضن مراتك ادهم: مش عارف! تخيلت اني اول ما اشوفها هاخدها في حضني بس اول ما بقت قدامي حسيت ان في حواجز كتير بينا مش عارف اعديها على: ادهم اوعي تفرط فيها ادهم: مش هفرط ماتخافش بس محتاج وقت على: هيا فين حاليا؟؟ ادهم: عند بيت ابوها في الشقه اللي كنت واخدها على: وانت؟؟ ادهم: انا ايه؟ علي: انت فين؟ ادهم: انا قدامك اهوه ايه انا فين دي؟ علي: قصدي هتقعد فين؟ هترجع البيت؟ ادهم: لا طبعا مش هرجع البيت على: امال؟؟ ادهم: مش عارف اوكي مش عارف You ask too much questions على: سوري حبيبي بس عايز اطمن عليك ادهم: i know that but i need some time علي: خد وقتك وخد اجازه لو تحب ادهم: لا مش عايز اجازه دلوقتي اخر النهار وهما مروحين علي: هتروح علي فين؟ ادهم: احتمال اروح فندق انا هاجي معاك اخد هدومي وحاجتي الاول اوك راح معاه علي البيت واول ما ريهام شافتهم ريهام : حبيبي العشا جاهز عملتلك كل حاجه بتحبها ادهم تجاهلها وطلع اوضته طلع شنطه وبيلم فيها هدوم علي قد كام يوم ريهام: ادهم حبيبي يالا نتعشي مع بعض ادهم ساكت مش بيرد وبيلم حاجته المهمه بس ومتجاهل امه اللي بتتكلم تماما ريهام: هو انا مش بتكلم رد عليا!!!! ادهم بصلها بكل هدوء: افندم عايزه ايه؟ ريهام: سيادتك بتلم هدومك ورايح فين؟ ادهم: ده بقي شيئ ما يخصكيش ريهام: يعني ايه ما يخصنيش انت ابني؟ ادهم: ياااه بجد فاكره اني ابنك؟؟؟ انا بدات اشك اصلا اني ابنك؟؟؟ ولما انا ابنك بتعملي في مراتي كده ليه؟ مش المفروض انها مرات ابنك ولا ايه؟ بقي تتطلعي مراتي في بيوت الناس؟؟؟؟ انتي ازاي قدرتي تعملي كده؟ ازاي مش فاهم؟؟؟ طيب تشغليها في البيت عادي اهو حمي وبتغلس علي مرات ابنها لكن تطلعيها تخدم في البيوت اهو ده لايمكن ابدا اسامحك عليه فاهمه؟؟؟ ريهام: كل ده علشان قاطعها: علشان مراتي اللي شايله اسمي علشان حبيبتي وروحي وقلبي ولو انتي ما بتحبيهاش كان المفروض تحبي حبي انا ليها ودلوقتي بعد اذنك ريهام: استني هنا استني ادهم ادهم نازل وسايبها وهيا نازله تنادي عليه مسكته من دراعه ادهم: شوفي انا سامحتك قبل كده وفضلت معاكي وقولت هتحبيها لكن كنت غلطان مكنش المفروض اجيبها اصلا هنا سابها ومشي وهيا قعدت مكانها على: مش قلتلك هتخسريه مصدقتينيش اهو راح لمراته وسابك ياريت بقي تتقبليها علشان تلاقي حد في يوم من الايام جنبك قامت وقفت وبصتله بتحدي ريهام: مش انا اللي بنت الطباخ تاخد ابني مني اوعدك اني مش هرتاح غير لما اطلقهم من بعض وارجع ابني ليا علي: لا حول ولا قوة الا بالله ده ابنك ودي مراته انتي حره انتي اللي هتخسري في الاخر ادهم خرج وراح فندق ونزل فيه دخل اوضته وفضل رايح جاي مش عارف يعمل ايه؟ مش حابب يخرج يسهر ولا عايز يكلم حد ساعه وري ساعه بتعدي ببطء شديد الساعه جت 2 وهو لسه صاحي هيتجنن فقام لبس هدومه ونزل ركب عربيته وساق ولقي نفسه قدام شقته نزل بهدوء ودخل وهو مش عارف هيلاقيها في شقته ولا في بيت ابوها فتح براحه ودخل لاوضه النوم ولقاها نايمه في السرير زي الملاك قلع هدومه ونام جنبها علي السرير باصص للسقف فبصت هيا ناحيته ليلي: انت جيت؟؟ ادهم: لو مضايقك امشي. ليلي: لا طبعا ده انا ما صدقت ويدوب هتقرب منه عطاها ظهره ففهمت انه رجع بس مش كله ادهم: مش معني رجوعي اني سامحتك تصبحي علي خير سابها ونام والغريبه ان الاتنين نامو فعلا صحي الصبح علي ريحه اكل حسسته بالجوع فقام لقي ليلي مجهزه فطار ادهم: صباح الخير ليلي: صباحو فل تعال افطر بصلها بنظره طويله قوي وكانه مش عارف ياخد قرار ادهم: هدخل الحمام واجي دخل الحمام واقف تحت الدش مش عارف ياخد قرار حس انه لو فضل معاها هيسامحها وحاسس برضه انه مش مستعد يصالحها قعد فطر معاها بس من غير كلام نازل شغله وهو ماشي ادهم: عايزه حاجه؟؟ ليلي: سلامتك هتيجي علي الغدا؟؟ ادهم: الله اعلم ليلي: طيب لو جيت تحب تتغدي ايه؟ ادهم: تاني؟؟؟ هقولهالك لاخر مره الاكل اخر اهتماماتي سابها ومشي عدي اسبوع عليهم بيجي اخر الليل ويمشي الصبح بدري شغله ويدوب بيفطر معاها بس وهيا ساكته وهو ساكت في مره جه الظهر واتغدوا مع بعض وقاعدين قدام التليفزيون فحد خبط علي الشباك ادهم فتح وكانت هبه وشرين هبه: ايه ده انت هنا؟؟ اول مره تكون هنا دلوقتي ادهم: عادي مفيش شغل فجيت شرين: ما تيجي في مره كده يا ادهم اغلط واعزمني في المطعم بتاعك ادهم: اولا مش مطعم نايتكلب ثانيا اي وقت روحو وكلموني من هناك وانا اظبط الدنيا هبه: بجد؟؟ ماشي اتفقنا ادهم كان فاتح الشباك وواقف فيه وقاعد بركبه علي الكنبه اللي تحت الشباك هبه: مراتك فين كده؟ بت يا ليلي ليلي جت من وراه ووقفت وراه علي الكنبه وحاطه ايديها حواليه وسانده كلها عليه وبتتكلم مع صحباتها وبيهزروا كلهم ادهم مش معاهم لان مراته اللي وراه وضماه مجنناه فسابهم ولف وشه ليها وقعد علي الكنبه وهيا بقت فوقه خلصت كلامها وقفلت الشباك بس مش عايزه تنزل من فوقه بصتله تحتها وايديها علي كتفه سانده عليه واتقابلت عنيهم ودق ناقوس الخطر ادهم مره واحده وقف فليلي هتقع فمسكها وبقت في حضنه شايلها ولفت رجليها حواليه واكتشف ادهم انه هيموت عليها وانها واحشاه جدا اكتر حتي من شوقه ليها قبل الجواز واتقابل الحبيبين في لقاء اشتاقوله كتير واحلو العتاب بين الاحباب. واتكلموا بلغه القلوب واتصافوا واتعاهدوا مره تانيه علي الحب وان ميسمحوش لحد يدخل بينهم تاني ادهم: توعديني ما تخبيش عليا حاجه تاني ابدا وما تسمحيش لحد يدخل بينا تاني ابدا ليلي: اوعدك بس انت خليك ديما جنبي وما تبعدنيش عنك وعاقبني لو غلطت باي طريقه غير انك تبعدني عنك ادهم: انا اسف اني خرجتك من البيت بالشكل ده اوعدك اني عمري ما هعمل كده تاني ابدا ليلي: ممكن اسالك سؤال؟ ادهم: طبعا ليلي: هو انت لسه علي علاقه بدولي؟ ادهم: لا طبعا انتي قصدك علي الشاليه صح؟؟ ليلي: ايوه انت كنت قريب منها قوي ادهم: سوري يا قلبي بس انا كنت بحاول الفت نظرك لحاجات مضايقاني وقولت انك لما تغيري هتصلحيها.... اسف يا ليلي اني كنت اعمي للدرجه دي بس انتي غلطانه انك خبيتي عني ليلي: لكن انت محبتهاش؟؟؟ ادهم: لا طبعا انا بحبك انتي وبس اتحولت قعدتهم في الشقه الصغننه لشهر عسل جديد ادهم بينزل الشغل بالعافيه وليلي طول الوقت في حضنه والوقت كله فسخ ولعب وخروج وحب وبس ادهم اخد ليلي شقتهم الجديده اللي كان اخدها قبل الجواز وكانت احلي مفاجئه ليها واحلي هديه الحياه كانت من اجمل ما يكون بينهم ليلي راحت معهد لتعلم اللغه وادهم كان بيساعدها علي قد ما يقدر وعاشوا حياه جميله جدا وكملت اول ما عرفوا ان ليلي حامل في ولي العهد الجديد ادهم وعلي بيعاملوا ليلي انها ملكه الشركه كانت عامله حفله وطبعا الكل موجود في الحفله ريهام وسليم وعلي وكل العيله والكل مستني ادهم يدخل وفعلا ادهم دخل وماسك في ايده ملكه جمال الكون كله ليلي احلوت جدا في حملها اللي يدوب في اوله طول الوقت بتتضحك وبتتكلم وتتناقش مع الكل وايدها في ايد جوزها ريهام بتراقب والنار هتاكلها سليم: هدي نفسك الكره لسه في ملعبك ريهام: ما خلاص اخدته مني وفازت سليم: تبقي هبله هما ما استسلموش يبقي ليه انتي تستسلمي سهل قوي ترجعي ابنك لحضنك وقدامك علي اهو زعل شويه مني وبعدها رجعلي تاني و اتجوزك وكمل معاكي حياته ولا ايه؟؟ الحكايه بس محتاجه عقل بصي الواضح انه محدش هيقدر يبعدهم عن بعض وكل ما حد بيدخل بينهم بيرجعوا اقوي من الاول ريهام: فعلا انت مش شايف بقت عامله ازاي؟ سليم: يبقي الحل انهم هما يسيبوا بعض من غير حد ما يدخل بينهم ريهام: ازاي بقي ان شاءالله؟؟؟ سليم: ازاي بقي سيبها مش دلوقتي قومي اندمجي مع الناس علشان بدؤا يلاحظوا اننا واخدين جنب سليم قام وراح ناحيتهم ومد ايده لحفيده اللي اتردد كتير انه يمد ايده لجده بس لازم يحفظوا شكلهم قدام الناس والمجتمع سليم: ازيكم وانتي يا ليلي اخبارك ايه؟ اتغيرتي كتير وشكلك اختلف لدرجه ان اللي يشوفك يفتكرك بجد من نساء المجتمع الراقي ادهم: لا طبعا هيا مش زيهم دول مجرد لبس وميك اب مش اكتر لكن جواهم تافه وفاضي ليلي ما تتقارنش بالاشكال دي سليم: اممم براحتك اتمني انكم تكونوا بخير ادهم: طول ما انتو بعيد احنا بخير فلو سمحتوا خليكم بعيد ليلي: ادهم براحه ده برضه جدك سليم: قوليله والنبي ايه رايكم نفتح صفحة جديده ونبقي عيله انا كبرت في السن ومحتاج حفيدي جنبي ادهم: لا متشكر خليكوا بعيد ليلي: ادهم!! ادهم: بس انتي!! دي خطه جديده يقرب بيها وبكره تلاقي المصايب جايه وراه سليم: لا لا انت بتظلمني انا واضح وصريح لما كنت مش عايزها في العيله قولتلك مش عايزها وقولتلك اني هحاربك صح ولا ايه؟ انا اللي عايزه بقوله صريح بس حاليا انت مبسوط معاها وهيا اتغيرت واتعلمت وبقت تستحق انها تكون موجودة في العيله ادهم: برضه احب يكون في مسافه بيني وبينك بعد اذنك تعالي نرقص شد مراته وراحوا يرقصوا مع بعض ليلي: انت ليه عملت كده؟ ادهم: لانه سبق واذاني كتير ومازال عايز يفرق بينا ولو جاتله فرصه هيستغلها محدش بيتغير كده وبعدين انتي مستعده تخاطري تاني؟ ليلي: مش حكايه اخاطر حكايه ان وضعنا اختلف وبعدين لو عرفوا اني حامل ه قاطعها ادهم: اياك!!؟ اياك تقوليلهم فاهمه؟ ؟ مش بعيد لو عرفوا حد يعملك حاجه ليلي: ده حفيدهم؟؟؟ ادهم: حفيد جاي من واحده مش متقبلينها ولو اتولد هيبقي خلاص مفيش اي فرصه ليهم فساعتها هيعملوا اي حاجه بحيث ان البيبي ده مايشوفوش النور اياك يا ليلي امي او سليم يعرفوا ليلي: ماهو باباك ممكن يقول لمامتك؟؟؟ ادهم: لا طبعا علي عمره ما هيقولها،،، انتي مش فاكره في علاقتنا انه مقلهاش علي علاقته بريهام مش قد كده فمش هيقولها الا اذا انا طلبت منه يقولها فهمتي؟ الحمل ده هيفضل بينا لحد ما علي الاقل يثبت اتفقنا يا حبيبيتي ليلي: اتفقنا حبيبي عدت الليله وسليم بيحاول يقرب بس ادهم مش مديهم اي فرصه نهائي عدي كذا شهر وليلي حملها بيكبر والحياه جميله ادهم متعته انه يحط ايده علي بطن مراته ويحس بحركه ابنه جواها علي فرحان جدا بالحفيد المترقب ده ومستنين الشهرين الفاضلين يعدوا بسرعه ادهم خلي مراته تروح جنب بيت ابوها في شقتهم الصغيره بحيث ان اخواتها يكونوا جنبها وهو في الشغل الكل حواليها وبرضه في نفس الوقت سليم او ريهام عمرهم ما هيروحوا هناك فميعرفوش بالحمل ده لانه حاسس انهم بيخططوا لحاجه ادهم في شغله بالليل وراه شغل مهم عايز يخلصه تليفونه رن ادهم: حبيبه قلبي اسف اني اتاخرت ليلي: هتيجي امتي بقي؟؟؟ ادهم: مشروع مهم لازم اخلص دراسته علشان المفروض نبدأ فيه وبصراحه انا معطله المهم انتي عامله ايه؟ ليلي: انا كويسه ابنك عمال يخبط ويرزع جوه بيسال عليك هتيجي امتي؟ ادهم: حبايب قلبي بصي ساعتين بالكتير وهاجي اتفقنا ادهم خلص شغله ومروح تليفونه رن رقم غريب ادهم: الو ايوه مين؟ # انا؟؟؟ انت لسه فاكرني ولا؟؟؟ ادهم: يا الله عايزه ايه مني؟ هو انا مش سبق وقولتلك ابعدي عني وسيبيني في حالي بقي؟ # انا لسه بحبك ومش قادره انسي اللي بينا انا بتعذب يا ادهم ادهم: وانا قولتلك انسي # طيب تعال عندي مره اخيره اودعك فيها ادهم: لا طبعا انسي # ارجوك انا هسافر بره مصر ومش هرجع تاني بس لازم اشوفك مره اخيره ارجوك سلام اخير وبعدين ما تنكرش اني ياما وقفت جنبك وياما هونت عليك كنت ديما تجيلي وانت متضايق ومخنوق يبقي مره واحده تجيلي كصاحب مش اكتر ودعني وامشي وعمري ما هضايقك تاني ابدا انا طيارتي بكره خلاص ادهم: خلاص هاجي اسلم عليكي وامشي علشان خاطر العشره اللي بينا قفل معاها وفكر يكلم مراته يقولها هيتاخر شويه بس رجع في كلامه وقرر انه يروح يسلم عليها ويمشي يرجع لحضن مراته راح خبط بابها وفتحتله ودخل وقفلت الباب بس اترسمت ابتسامه شريره ونيه بالشر جواها وحب للانتقام انه رماها في يوم من الايام ونكمل بكره تعليقاتكم وتو قعاتكم ShiMoOo | ||||||||||
|
| |
|
10-05-19, 01:52 AM
| #23 | ||||||||||
| مراقبةومشرفةسابقة ونجم روايتي وكاتبة وقاصة وملكة واحة الأسمر بقلوب أحلام وفلفل حار،شاعرة وسوبر ستارالخواطر،حكواتي روايتي وراوي القلوب وكنز السراديب
| لحلقة 22 قفل معاها وفكر يكلم مراته يقولها هيتاخر شويه بس رجع في كلامه وقرر انه يروح يسلم عليها ويمشي يرجع لحضن مراته راح خبط بابها وفتحتله ودخل وقفلت الباب بس اترسمت ابتسامه شريره ونيه بالشر جواها وحب للانتقام انه رماها في يوم من الايام الصبح طلع وليلي نايمه في سريرها تليفونها بيرن صحيت لقت نفسها لوحدها مسكت التليفون بس لقت رقم غريب ردت عليه ليلي: الوو ايوه مين؟ ## انتي ليلي مرات ادهم؟؟ ليلي: ايوه انا ادهم جراله حاجه!؟ هو فين؟ ## لا هو بخير ما تقلقيش هو حاليا نايم في العنوان ده (___) ليلي: عنوان ايه ده وانتي مين؟ ##انا هههههههه انا الحضن الحنين اللي كل جوزك ما بيزهق منك بيروح يرمي نفسه فيه ليلي: انتي كدابه ## استني قبل ما تقفلي اتصلي بيه هتلاقي تليفونه مقفول وبعدين مش امبارح قالك انه عنده شغل متأخر؟ وبعدين تعالي واتاكدي بس بسرعه قبل ما يصحي ويمشي ولا استني هبعتلك دليل بسيط صورته نايم وعريان ولو عايزه بقي تتاكدي تعالي بنفسك قفلت التليفون وليلي مكانها مش قادره تفكر حتي!! بس هيا متاكده من حاجه واحده ان جوزها بيحبها رنت عليه فعلا تليفونه مقفول وفعلا اتاخر علشان شغل دقيقه وتليفونها رن برساله واتس فتحتها وشافت صوره لجوزها عريان ونايم علي سرير لا اكيد دي صوره قديمه!!! لا ممكن يكون في فندق ودي واحده من خدمه الغرف وعايزه توقع بينهم ايوه هو كده تليفونه المقفول جننها طيب الشك دخل جواها لا مش هتقدر تعيش في الشك ده لازم تثبت لنفسها ان جوزها بيعشقها هيا وبس خرجت راحت بيت ابوها لقت خالد نايم صحته ليلي: خالد معلش اصحي خالد: في ايه انتي تعبانه؟؟ ليلي: لأ بس عايزاك توديني مشوار بسرعه قوم شدت الغطا من عليه: قوم بقي البس بسرعه ويالا ولو حد سالك قولهم هنروح نجيب فطار خرج خالد بسرعه وراها وركبوا عربية الشغل خالد: هنروح فين؟ ليلي قالتله العنوان وسكتت تاني خالد: ده عنوان ايه؟ ليلي: من غير اسئله لو سمحت يا خالد وارجوك واحنا راجعين مهما تكون حالتي متسالنيش خالد: افهم بقي ليلي: لو سمحت يا خالد انا كان ممكن اخد تاكسي بس قلت انت تبقي معايا علشان مبقاش لوحدي وصلوا المكان ليلي: خالد اوعدني انك مش هتسالني اي اسئله خالد: اوعدك ماشي ليلي: تليفونك خليه في ايدك لو رنيتلك اطلعلي بسرعه فاهم؟ انا في الدور التالت شقه 6 خالد: انتي يا بت هتقلقيني ليه؟ طيب اطلع معاكي؟ ليلي: لو في حاجه هرنلك والتليفون في ايدي اهو اهوه طلعت وقلبها بيدق بسرعه والخوف ماليها ومش عارفه تتوقع ايه؟ وصلت قدام الشقه وواقفه خايفه انه يكون حد مستنيها او يكون سليم مدبرلها مقلب او حد عايز ينتقم منها زي ما ادهم قالها حطت ايدها علي بطنها بخوف بس لازم تتاكد خبطت واتاكدت ان تليفونها مفتوح علي رقم خالد بحيث انه بضغطه يطلعلها سمعت صوت وراها لقته خالد ليلي: انت وعدتني؟ خالد: وعدتك مش هسال وفعلا مش هسال هستناكي هنا مش هدخل معاكي بس علشان اكون قريب انتي مش شايفه وشك لونه ايه؟ ليلي: خلاص بس ما تدخلش الا لو ناديت عليك ضربت الجرس وفتحت الخدامه الباب ليلي: اهلا لو سمحتي هو ده بيت مين؟ الخدامه: ده بيت عمر عبد الكريم ليلي: مين عمر عبد الكريم؟ الخدامه: انتي عايزه مين يا هانم؟ ليلي بتردد: عايزه ادهم علي خطاب موجود؟؟ قلبها بيدق ومستنيه الاجابه بفارغ الصبر الخدامه فتحت الباب: اتفضلي يا هانم ليلي: موجود هو هنا؟ الخدامه: ايوه اتفضلي وانا هناديله ليلي دخلت ويدوب الخدامه هتقفل الباب ليلي: سيبيه مفتوح لو سمحتي فعلا الخدامه سابته ودخلت وليلي وراها قلبها هيخرج من مكانه الخدامه: لحظه هنا وانا هقوله او هشوفه صحي هو والهانم ولا لسه؟ ليلي مش مصدقه اللي بتسمعه اكيد بيضحكوا عليها مشيت وري الخدامه ويدوب الخدامه خبطت علي الباب راحت ليلي زقتها بعيد وفتحت هيا الباب ودي كانت صدمه عمرها الخدامه: لو سمحتي يا هانم خليكي بره ليلي واقفه مش مستوعبه اللي شايفاه ولا مصدقه عنيها وحاسه ان الزمن وقف بيها الخدامه: لو سمحتي اتفضلي بره لو سمحتي ليلي ولا قادره تتحرك او ترد او تنطق معقوله جوزها قدامها نايم عريان وفي حضنه واحده نايمه معاه بقي معقوله ادهم يخونها؟؟؟ بقي معقوله كل المكالمات اللي كانت بتجيلها وتجاهلتها كانت حقيقة؟؟؟ الخدامه: لو سمحتي يا مدام اتفضلي بره ادهم واللي جنبه بدؤا يصحوا من صوت الخدامه ومحاولتها لطرد ليلي ادهم بيفوق وفتح عنيه وبص للي جنبه واتفاجئ ان ليلي واقفه قدامه قام واتنفض ادهم: ليلي؟؟؟ ليلي: ايوه انا ___ انت ليلي مش لاقيه كلام تقوله واقفه قدامه مصدومه ادهم: ليلي اسمعيني كان هيتحرك بس لقي نفسه عريان تماما فمسك الغطا عليه قامت اللي جنبه واتفاجئت ليلي انها دولي دولي: حبيبي ارجع مكانك بقي ادهم: اخرسي يا دولي قامت اتعدلت وهيا كمان عريانه وماسكه الغطا باهمال عليها بس واضح طبعا انها عريانه ليلي مره واحده سابتهم وجريت علي بره ادهم: ليلي استني قام بسرعه: هدومي فين؟ دولي: مطرح ما قلعتهم ادهم: هدومي فين؟ دولي: امينه امينه الخدامه: افندم يا هانم دولي: هاتي هدوم البيه جابتله هدومه ولبس ونزل يجري لمراته ليلي خرجت كان خالد واقف واول ما شافها ليلي: ولا كلمه يالا بينا بسرعه جريت علي السلم خالد: براحه انتي حامل ركبوا العربيه ومشيوا وهو بيبصلها وهيا متجمده باصه قدامها ولا بتنطق ولا بتتكلم ولا بترد عليه خالد سكت واحترم سكوتها وصلوا البيت وهيا دخلت وقفلت علي نفسها وفضلت واقفه شويه مش عارفه تستوعب ايه اللي حصل؟ وعماله تحاول تفكر هتعمل ايه؟ هو اكيد هيجي وراها هتقوله ايه؟ وهتعمل ايه؟ مش عارفه تفكر نهائي امبارح بالليل كان بيكلمها ويحب فيها ويقولها مشتاقلها وهو في حضن واحده تانيه؟ ياتري كام مره خانها؟ وكام مره ضحك عليها مع صحباته؟؟ لازم تكون قويه مش هتعيط!! مش. كل شويه تعيط وتقعد حزينه ومكسوره!!! لازم تكون قويه علشان ابنها اللي جاي الباب بيخبط اهو جه عندها هتعمل ايه؟ ادهم: ليلي فين يا خالد؟؟ خالد: جوه ادخل خالد مرضيش يقول لادهم حاجه لانه مش فاهم ايه اللي حصل وساب اخته هيا تحدد هتقول لجوزها ايه وهتعمل ايه؟ ادهم دخل عند ليلي وقفل الباب كانت قاعده علي السرير واول ما شافته دموعها هددت بالنزول زي المطر اللي بيبدأ خفيف وهيتحول لعاصفه ادهم: ليلي اسمعيني!!! انا مش عارف اقول ايه؟ ليلي انا اصلا مش عارف ايه اللي حصل؟ وحصل ازاي اصلا؟ ليلي باصه قدامها ومش بتنطق واول ما دمعه بتنزل بتمسحها بسرعه ادهم قعد قدامها تحت رجليها ومسك ايديها وهيا جامده ادهم: ليلي قولي اي حاجه متسكتيش كده؟ اقسم بالله يا ليلي ما اعرف انا ازاي ده حصل؟ او ايه اللي حصل حتي؟ دولي اتصلت بيا امبارح وانا جاي وقالتلي انها مسافره واترجتني اروح اشوفها قبل ما تمشي وانا رحت علشان بس العشره اللي بينا وبعدها ______ وبعدها لقيتك انتي واقفه قدامي __ انا اصلا مش فاهم ده حصل ازاي؟ حط ايده علي بطنها ادهم: وحياتك انتي وحياة ابننا ده ما اعرف ايه اللي حصل او حصل ازاي؟ ؟ ليلي زقت ايده من علي بطنها وقامت وقفت ليلي: اوعي تحلف بحياة ابني انت فاهم؟ ادهم: ابننا ليلي: ابني لوحدي ___ انت فقدت اي حق فيه ادهم: ليلي اسمعيني قاطعته: اسمع ايه؟ اسمع ايه؟ انك نمت مع واحده ومش عارف ازاي؟ انت للدرجه دي شايفني هبله ومتخلفه؟؟؟ ادهم: ليلي ليلي: ما تنطقش اسمي ___ قصرت معاك في ايه؟ ايه اللي كان ناقصك؟؟؟ انا اتغيرت علشانك واتعلمت علشانك واتحولت لانسانه تانيه علشان أليق بيك؟؟؟ ايه اللي ناقصني؟ انا استحملت اهانات كتير علشانك استحملت ابقي زي الخدامه علشانك استحملت اهانات مامتك وجدك كل شويه علشانك انا استحملت اللي محدش يستحمله ابدا قصرت في ايه معاك هاه؟؟؟ كل جنله بتقولها بتضربه علي صدره وبتزقه ادهم: ولا اي حاجه ليلي انتي حبيبتي وروحي وقلبي واقسم بالله ما اعرف ده حصل ازاي؟ ليلي صدقيني انا مش فاهم ايه اللي حصل؟ ارجوكي صدقيني ليلي: انت عارف كل يوم من يوم ما اتجوزتك معاكسات بتجيلي اللي تقولي انها حبيبتك! واللي تقول انك معاها!! واللي تقول انك بتحبها! وكل يوم حاجه مختلفه وانا بكدبهم ___ بكدبهم كلهم __ وبثق فيك انت والنهارده!!!!! النهارده عرفت قد ايه كنت غبيه!! قد ايه كنت ساذجه قد ايه كنت متخلفه اني وثقت في حبك ليا ادهم: انا بحبك فعلا وعمري ما حبيت غيرك وعمري ما خنتك ابدا ولا حتي بصيت لواحده تانيه ليلي: والنهارده كنت ايه؟ بتجرب ولا بتريح بس شويه ولا ايه؟ ادهم: اقسم بالله ما اعرف ايه اللي حصل؟ صدقيني( مسكها من اكتافها وخلاها تبصله) اقسم بالله ما حبيت غيرك وعمري ما خنتك ابدا ليلي انتي تصدقي اني اخونك او ابطل احبك انا عندي استعداد ابيع الدنيا كلها علشانك ليلي: شوفتك بعيني ادهم: طيب اديني فرصه افهم ايه اللي حصل؟ ليلي: ادهم لو سمحت سيبني لوحدي ادهم: طيب هسيبك وهرجعلك تاني وانا عندي اجابه مقنعه اقولهالك ادهم مشي وبعد ماهو خرج ليلي قعدت علي السرير ومن غير مقدمات هبت العاصفه ولقت نفسها بتعيط بهستيريه مش قادره تقف او تبطل او حتي تاخد نفسها بتشهق اخواتها اتلموا عليها بيحاولو يكلموها او يهدوها او يفهموا ايه اللي حصل بس من غير فايده فضلت تعيط كتير وكان العياط هو الشيئ الوحيد اللي تقدر تعمله ادهم خرج من عندها وراح لدولي اول ما دخل مسكها من دراعها بعنف ادهم: ايه اللي حصل بينا؟؟ دولي: نعم؟؟؟ كنت بتطفي نار والعه جواك للدرجه دي كنت واحشاك؟؟ ادهم: انتي هتهرجي ولا ايه؟ نار ايه وزفت ايه؟ دولي: عايز ايه يا ادهم؟ ادهم: عايز اعرف انا ازاي نمت هنا وليه وايه اللي حصل بالظبط؟ دولي: انت بتهرج صح؟ مراتك مش هنا علشان تمثل عليها ادهم مسكها بعنف ومسكها من رقبتها ادهم: قسما بالله لو ما اتكلمتي عدل وقولتيلي انا ازاي نمت هنا لاقتلك انتي فاهمه؟ دولي زقت ايديه بعيد دولي: اقولك ايه انت جيت وقعدت معايا شويه وبعدها طلبت مني نطلع فوق وطلعنا وقربت مني والباقي معروف ادهم: وانا مش فاكر حاجه من الكلام ده ليه؟ شربنا ايه؟ دولي: مشربناش __ او انت شربت قبل ما تيجي ادهم: انا كنت في الشغل ___ شربنا ايه هنا؟ دولي: شربنا عصير فريش وبس بقولك ايه ماتحاولش تبرر اللي حصل علي حسابي ادهم: وانتي اول ما قولتلك تعالي علي طول وافقتي؟؟ دولي: انا بحبك وانت عارف ده كويس وكنت مشتاقالك وبعدين دي مش اول مره يعني ادهم خليك معايا يدوب هتقرب منه زقها بعيد وقعها ادهم: ابعدي عني __ انا مسيري هعرف ايه اللي حصل وساعتها مش هرحمك ادهم سابها ومشي ومش عارف يروح فين او يعمل ايه؟ تاني يوم راح لمراته يحاول يتكلم معاها ادهم خبط عليهم وفتحله خالد ادهم: ازيك امال ليلي فين؟ خالد: الله اعلم ادهم: افندم؟ انت بتقول ايه؟ خالد: اللي سمعته ادهم زقه ودخل يدور عليها بنفسه بس فعلا مالقهاش ادهم: ليلي فين؟ فين مراتي؟ عم فتحي: احنا صحينا الصبح ملقيينهاش في البيت وكنا فاكرينها معاك تلاقيها في بيتك ادهم: عم فتحي ارجوك ما تخبيش عليا عم فتحي: يا ابني اقسم بالله ما اعرف حاجه عنها انا يدوب اهو كنت هكلمك خالد: انت عملتلها ايه؟ امبارح بعد ما مشيت فضلت تعيط بهستريه ومحدش عرف يسكتها ايه اللي حصل بينكم؟؟ ادهم: انا هروح ادور عليها ادهم راح بيته وراح كمان بيت امه وراح لاي مكان مراته تعرفه بس ملهاش اي اثر راح بيت ابوها تاني لقي الكل بيدور عليها والشارع كله ميعرفش حاجه عنها واخيرا بلغوا البوليس يدوروا عليها ونكمل بكره توقعاتكم انتو للي هيحصل؟ ورايكم في اللي حصل؟ ShiMoOo | ||||||||||
|
| |
|
10-05-19, 01:52 AM
| #24 | ||||||||||
| مراقبةومشرفةسابقة ونجم روايتي وكاتبة وقاصة وملكة واحة الأسمر بقلوب أحلام وفلفل حار،شاعرة وسوبر ستارالخواطر،حكواتي روايتي وراوي القلوب وكنز السراديب
| الحلقة 23 ادهم هيتجنن هو وعيله ليلي كلها لان محدش عارفلها اي اثر او طريق دوروا في كل المستشفيات الاقسام كل قرايبها اي مكان وملهاش اثر نهائي البوليس وزع نشرات باوصافها وبرضه مفيش فايده وفي اليوم التالت ادهم مع ابوه بيحاول يهديه على: هنلاقيها يا ادهم ما تخافش هتروح فين يعني؟ ادهم:_________- على: طيب هيا زعلانه منك؟؟ ادهم حط وشه في الارض وما ردش حسين: عملت ايه زعلها كده؟ ادهم: _______________ علي: ادهم رد علينا فهمنا اللي حصل علشان نقدر نساعدك ادهم: عايزني اقولك ايه؟ اقولك ان مراتي شافتني نايم في حضن واحده تانيه؟ ؟ الاتنين الكلام نزل عليهم زي الصاعقه ادهم: ايه سكتوا ليه؟ علي: انت بتحب ليلي ادهم: اه بحبها على: طيب ليه؟ حسين: سبق وقولتلك في خطوط حمرا ما ينفعش تعديها ولو عدتها مفيش رجوع قولتلك كله الا الخيانه قولتلك انها مش هتسامحك ابدا انت مراتك حامل وابنك كلها شهرين او اقل ويجي الدنيا ليه؟ ليه عملت كده؟ ليه هديت بيتك؟؟ ليه قاطعه ادهم بصوت عالي ادهم: انت فاكرني مش عارف الكلام ده كله؟ انت فاكرني مبسوط باللي حصل؟ ولا حتي فاهم ايه اللي حصل؟ علي: يعني ايه؟ حد وداك عندها غصب عنك؟ ادهم: انا رحت حسين: طيب امال بتقول مش فاهم ليه؟ ولا هيا اغرتك ولا قضيتوا ليله بتلعبوا كوتشينه؟؟ ادهم: من غير ما تتريق!!! علي: خنتها مع مين؟ ادهم: دولي على: دولي!!! اكدت لليلي مليون مره ان مفيش حاجه بينكم ليه كده؟ ادهم: وفعلا مفيش حاجة بينا هيا كلمتني وقالتلي انها هتسافر بره ومش راجعه تاني واستحلفتني اروحلها وفعلا روحت بعد كده ايه اللي حصل ما اعرفش ابيض كله ابيض على: وليلي عرفت منين؟ ادهم: فتحت عنيا لقيتها واقفه قدامي حسين: كنت فين ودولي دي كانت فين وكنت لابس ايه؟ ادهم: كنت في السرير ودولي جنبي ومكنتش لابس حسين: يعني ايه مكنتش لابس؟؟ ادهم: يعني كنت عريان مش لابس هيا دي ليها مليون معني يعني؟؟ حسين: لا حول ولا قوة الا بالله ربنا يستر ومتكنش عملت في نفسها حاجه ادهم مجاش ابدا في باله النقطه دي ادهم :هيا ممكن تعمل في نفسها حاجه؟؟؟ علي: ان شاءالله لأ بس لو هيا حست ان حياتها انتهت وان ملهاش معني الله اعلم رد فعلها ايه ادهم سابهم ومشي يلف في الشوارع زي المجنون يدور عليها اسبوع عدي وهو ما يعرفش اي حاجه عنها لا بينام ولا بياكل ولا بيشرب ولا بيحلق ولا بيغير هدومه بيلف في الشوارع وبس يدور علي حته من قلبه ضاعت منه راح لبيت ابوها يمكن يكونوا عرفوا حاجه عنها ادهم اول ما دخل وشافوه استغربوا شكله ادهم: مافيش اي اخبار منها؟؟ خالد: لا منعرفش عنها حاجه؟؟ انت عملتلها ايه؟ قولنا انت الاول عملت فيها ايه؟ ادهم: ارجوك يا خالد لو بس تعرف اي حاجه طمني عليها ارجوك ادهم كان هيعيط قدام خالد وبيترجاه خالد: ما اعرفش عنها حاجه ادهم هيمشي فخرج عمي فتحي عم فتحي: استني يا ادهم كنت بصلي وقطعت الصلاه علشان الحقك قبل ما تمشي ادهم: خير؟؟ عم فتحي: ليلي اتصلت بينا وهيا كويسه ما تقلقش عليها ادهم: بجد بجد بجد!؟؟ هيا كويسه ؟ طيب هيا عامله ايه؟ وهيا فين؟ طمني ارجوك عليها عم فتحي: ما انا اهو بطمنك هيا كويسه وصحتها كويسه ادهم: طيب هيا فين؟ خالد: قولنا الاول هيا زعلت وطفشت ليه؟ ادهم معرفش يقولهم ايه ويقول ازاي اصلا؟؟؟ عم فتحي: يا ابني انا طمنتك عليها علي الرغم من انها قالت محدش يقولك حاجه بس انا حسيت بخوفك عليها وحيرتك فطمنتك ما تتطلبش مني اكتر من كده خالد: هو غلط فيها والا مكنتش تمشي وهيا كده وتسيبه اكيد هو عمل مصيبه ادهم: انا اسف بس حتي اكلمها في التليفون عم فتحي: يا ابني هيا لو حبت تكلمك هتكلمك سيبها براحتك ادهم: عمي انت مش حاسس بيا ___ انتو كلكم مش حاسين بيا ___ انا بقالي اسبوع بلف في الشوارع زي المجنون ومن قسم لقسم لمستشفي ومستكترين عليا اني حتي اكلمها خالد: والله مش احنا هيا اللي مش عايزه تكلمك شوف انت بقي عملت ايه؟ ادهم: عم فتحي اسمع صوتها بس ارجوك عم فتحي: اتصل بيها يا خالد وشوفها تكلمه ولا لأ؟؟ خالد: يابا هيا عم فتحي: اتصل بيها خالد كلمها: ايوه يا ليلي جوزك هنا عايز يكلمك ليلي: ______ خالد: والله ما انا ده ابوكي اللي قاله وهو اللي قال برضه نتصل بيكي عم فتحي شد من ايده التليفون عم فتحي: ايوه جوزك من حقه يعرف انتي فين و يعرف مكان ابنه اللي انتي شايلاه في بطنك ده بخير ولا؟ اتفضلي كلميه وطالما مش عايزانا نعرف بالمشكله اللي بينكم يبقي انتي تعاملي معاه عم فتحي سمعها وقفل التليفون وبص لادهم ادهم مستني بفارغ الصبر عم فتحي: هيا هتكلمك استني تليفون منها ادهم: حضرتك متأكد؟ عم فتحي: هيا وعدتني ادهم مشي وباصص للتليفون طول الوقت مستنيه يرن اخيرا تليفونه رن ادهم: ليلي ايوه ليلي: ايوه يا ادهم ادهم: ليلي ارجعي علشان خاطري كفايه كده وارجعي ليلي: مش من حقك تحلفني بخاطرك عندي ولا يا ادهم مش هرجع ادهم: ليلي ارجوكي سامحيني انا مش عارف انا عملت كده ازاي انا هتجنن من ساعتها ارجوكي سامحيني ليلي: ادهم انا بكلمك لمجرد اني وعدت ابويا اني هكلمك مش اكتر ادهم: ليلي استني اسمعيني بس استني ارجوكي ما تقفليش وتسيبيني بموت كده ليلي: انت قتلتني الاول يا ادهم انت ادهم: انا اسف وهفضل لاخر يوم في عمري اقولك اني اسف بس ارجوكي سامحيني وما تبعديش عني سبق ووعدتيني عمرك ما هتبعدي عني ليلي: اه وعدتك اني عمري ما هبعد الا لو انت بعدتيني وانت اهو رمتيني مش بعدتني ادهم: ليلي اقسم بالله انا مش عارف ده حصل ازاي؟ انا كل يوم بقعد اعيد الليله دي في دماغي مليون مره بس فعلا ابيض مش فاكر اي حاجه منها ولا فاهم ايه اللي حصل؟ بس صدقيني انا من يوم ما عرفتك عمري ما بصيت لواحده غيرك ابدا عمري ما خنتك ابدا صدقيني ليلي: عارف لو الدنيا كلها حلفتلي انك بتخني مكنتش هصدق بس مش قادره اشيل صورتك وانت عريان وواحده في حضنك من دماغي مش عارفه يا ادهم صورتك قدامي وكل ما اغمض عيني الاقيها قدامي واتخيل مليون فيلم وفيلم وانت في احضان بنات وبتتضحكوا عليا وتتريقوا عليا اسفه بس خلاص اللي بيني وبينك انتهي ادهم: عمره ما هينتهي ابدا انتي فاهمه؟ ليلي: لا خلاص انتهي انا كلمتك اهوه علشان بابا بس دي كانت اخر مره سلام ادهم: ليلي است قفلت الخط التليفون وهو حاول يكلمها تاني بس لقي التليفون مقفول معقوله دي نهايه حياته؟؟؟ هو ده اخره؟؟ معقول ليلي تخرج بره حياته؟؟؟ طيب ازاي وهيا اصلا حياته؟؟؟ ازاي الواحد يعيش حياه من غير حياه؟؟؟ ليلي قفلت التليفون وفضلت تعيط تعيط علي حبها اللي راح علي حبيبها اللي خانها علي ابنها اللي هيتولد بعيد عن ابوه عن عمرها اللي هيضيع بتحاول كل يوم انها تتماسك وتقف بس الصدمه كبيره قوي عليها مش قادره تتكلم او تفضض كان ادهم هو اللي بتجري علي حضنه وتفضفضله كان ادهم هو اللي بضمه واحده بينسيها وجعها والمها طيب دلوقتي تروح لمين وتشكي لمين؟؟ كل ما تنام كوابيس بتنقض عليها كل يوم بتشوف بنات بيمدوا لسانهم ليها وهما في احضان جوزها وهو بيبصلها وبيضحك ويشاوروا عليها كل يوم بتتخيله وسط مليون واحده وواحده وكل يوم بتصحي علي صورته عريان في حضن دولي طيب ممكن تسامحه؟؟؟ طيب ازاي؟؟؟ ضربها بسكينه بارده في قلبها ازاي قدر يخونها؟؟؟؟ طيب ليه هيا ما بتشوفش غيره اصلا؟؟؟ الرجاله كلهم ملهمش ملامح قصاده! ادهم قدر يخونها ودي نهايه الكلام بتعدي الايام وري الايام وادهم تايه بيروح شغله بس من غير عقله بيقعد علي مكتبه ويمشي بيبص في ورق مش فاهمه ومش شايفه بيشوف ناس مش عارفها ابوه قلبه بيتقطع علي ابنه يمكن هو قدر يكمل من غير حبيبته لانه ماعرفش طعم حضنها ايه؟ ولا عرف معني قربها منه ايه؟ ولا شاركته احلامه وحياته واهم من كل ده مش شايله جواها حته منه لكن ابنه جرب كل ده جرب انها تكون بين ايديه جرب انها تنام علي كتفه وتصحي علي كتفه جرب انها تشاركه في كل حاجه جرب انها شايله ابنه جواها واقف شايف ابنه بيدبل وبيتعذب ومش عارف يعمل حاجه بيتفرج عليه وبس على: ادهم ادهم ادهم: هاه قلت حاجه؟ علي: لحد امتي هتفضل تايه كده؟ ادهم: حضرتك عايز حاجه؟ لو محتاج حاجه قولي وانا هعملها على :يا ابني انا مش عايز اشوفك كده؟ ادهم: طيب اعمل ايه؟ لو عندك طريقه تساعدني بيها قولي وانا هنفذها عل: طيب ليه عملت كده ليه؟ انا مش قادر استوعب ايه اللي خلاك تخونها ادهم قام وزعق بصوته كله ادهم: انا مخنتهاش انا ما اقدرش اخونها ولا اعرف اخونها ولا عايز غيرها اصلا انا مش عارف ايه اللي حصل وازاي انا نمت عندها؟؟؟؟ انا مشربتش وما سكرتش وحتي لو شربت مش بسكر لدرجه اني اخون ليلي ( قعد في الارض) انا تعبان ____ انا تعبان ومش عارف اعمل ايه؟ ابوه قعد جنبه واخده في حضنه على: تعال معايا البيت بلاش تفضل لوحدك تعال يالا اخده البيت وريهام اول ما شافته جريت عليه ريهام: ادهم ابني مالك حبيبي؟ علي: تعبان شويه هيطلع يرتاح في اوضته شويه ولما يفوق ابقي كلميه طلع ادهم اوضته ونام في سريره وامه قعدت جنبه غطته ودمعه نزلت منها علي دخل وخرجها على: سيبيه يرتاح شويه ريهام: ايه اللي حصله؟؟ كل ده ليه؟ علي: خسر حبيبته __ ليلي سابته وبعدت عنه وهو مش عارف يرجعها ريهام: كل ده علشانها؟؟؟ علي: مشكلتلك يا ريهام ان عمرك ما حبيتي وجربتي لوعه الحب وكسره القلب انتي بتحبي ادهم صح؟ ريهام: طبعا ده حته مني علي: طيب حب ادهم لليلي قد حبك انتي لادهم بس اضعاف مضاعفه ادهم جزء من حياتك في بيتك وجوزك وهو وشغلك وصحابك واهتماماتك ومليون حاجه تانيه كل ده بقي والمليون حاجه التانيه دول يتلخصوا عند ادهم في ليلي فهمتي؟ هيا حبيبته وصحبته واخته ومراته وبنته وامه كمان؟؟؟ هيا كل حاجه؟ وهو حاليا خسر كل حاجه الحمدلله ان انتي بعيده عن الموضوع ده لان لو كان ليكي يد فيه كانت هتبقي اخر حاجه ليكي في حياتنا ريهام سكتت وما اتكلمتش بس دموعها نزلت بصمت حست بوجع ابنها وحست بخوف جامد بيكبر جواها كل يوم بيعدي ريهام بتموت من جواها علي ابنها وبتحاول تخفف عنه بس هو مش بيديها اي فرصه شهر والتاني عدوا وادهم بيروح كل شويه يقعد في شقته الصغيره جنب بيت ابو ليلي علشان يشم ريحتها في كل حاجه ويعيش قريب من كل حاجه بتحبها الكل ادهم صعبان عليهم اخواتها كل ما بيكلموها بيترجوها تسامحه وهيا بترفض خالد كان عند ليلي بيزورها عند خالتها خالد: يا ليلي الواد ده بيحبك والله بيحبك ايه اللي عمله مش عارفه تسامحيه عليه ليلي: ارجوك يا خالد اقفل الموضوع ده خالد: شتمك!؟ ضربك؟ بس لأ هو واد زوق ايه مشي مع واحده؟؟؟ مهما يكون عمل سامحيه انتي مش شايفه هو عامل ازاي ولا عايش ازاي؟؟؟ انتي بتدمريه وبتقضي عليه كده ليلي بتعيط: ارجوك يا خالد بقي خالد: ماهو افهم انتي بتموتي مليون مره بعيد وهو كمان يبقي ارجعوا لبعض وسامحوا بعض مفيش حاجه تستاهل كل ده الا اذا،....... الا اذا خانك؟؟؟؟ خانك يا ليلي وعلشان كده مش عارفه تسامحيه؟؟؟ ده الشيئ الوحيد اللي محدش بيقدر يسامح عليه؟؟؟؟ بس يا ليلي حتي لو خانك كفايه عذابه كل الفتره اللي فاتت وسامحيه هو بيحبك بجد ماتخسريهوش وتحرمي ابنك من ابوه ليلي سابت خالد ومشيت فضلت تعيط وتندب حظها وتسال نفسها هيا ممكن فعلا تقدر تكمل معاه ممكن تنام في حضنه تاني،،، الحضن اللي ضم غيرها؟؟؟ بس الاجابه واضحه لأ مش هتقدر كل ما ابنها بيتحرك جواها بتعيط لانه كان كل ما بيتحرك ادهم بيحط ايديه علي بطنها ويفضل يكلم فيه لحد ما يهدي كانت قعدته المفضله يقعد علي الارض وينام علي رجلين مراته وايديه علي بطنها يرغي مع ابنه او معاها والغريب ان ديما كان ابنه بيهدي لما يسمع صوت ابوه حتي لو بيتكلم عادي ودلوقتي مفيش الصوت اللي بيهديه حتي ابنها اللي لسه ما اتولدش مشتاقله ليلي خلص حملها وتعبت ونقلوها المستشفي والدكتوره قالت انها هتولد فعلا لان ده طلق ولاده ليلي بتتوجع وتتالم واكبر الم ليها ان ادهم بعيد عم فتحي: انا هتصل بادهم ليلي: لأ مش عايزاه عم فتحي: انتي مش عايزاه ابنك عايزه؟؟ ده حقه الشرعي ادهم لازم يكون موجود ليلي: ده ابني انا مش هو عم فتحي: بطلي هبل ده ابنه وله فيه زي ماليكي بالظبط دي امانته عندك فاهمه؟؟؟ خالد اتصل بيه وبلغه خالد بص لليلي مستنيها تعترض او ترفض بس هيا سكتت فاتصل بيه خالد: ايوه يا ادهم ادهم: ايوه يا خالد خير في حاجه؟ مش عوايدك تتصل في نص الليل كده؟ خالد: مراتك بتولد لو عايز تيجي ادهم قام اتنفض: ايه بتولد؟؟؟ دلوقتي؟؟ انتو فين؟ دقايق وهكون عندكم اخد منه العنوان وقام بسرعه وهو نازل ابوه كان راجع من بره علي: خير في ايه؟ ادهم: ليلي بتولد على: طيب يالا انا جاي معاك راحو الاتنين وقابلهم خالد واخدهم علي الاوضه اللي ليلي فيها خبط ودخل علي ودخل وراه ادهم وبص لمراته اللي بقاله شهرين ماشفهاش وهيا بصتله و........،، نكمل بكره استنوني توقعاتكم ليلي هتسامح ادهم؟؟؟ ShiMoOo | ||||||||||
|
| |
|
10-05-19, 01:54 AM
| #25 | ||||||||||
| مراقبةومشرفةسابقة ونجم روايتي وكاتبة وقاصة وملكة واحة الأسمر بقلوب أحلام وفلفل حار،شاعرة وسوبر ستارالخواطر،حكواتي روايتي وراوي القلوب وكنز السراديب
| الحلقة 24 على: طيب يالا انا جاي معاك راحو الاتنين وقابلهم خالد واخدهم علي الاوضه اللي ليلي فيها خبط ودخل علي ودخل وراه ادهم وبص لمراته اللي بقاله شهرين ماشفهاش وهيا بصتله نظره طويله مش عارفه تحدد فيها اي حاجه واحشها ____ بتحبه ____ بتكرهه ____ عايزاه ___ ايه بالظبط هيا مش عارفه ادهم واقف هيتجنن عليها عايز يجري يضمها عايز يحط راسه علي صدرها عايز يشم ريحتها عايز يقرب منها عايز حبيبته في حضنه عايز وعايز وعايز بس مش بايده حاجه دخل ووقف ومعرفش يقول حاجه وهيا دمعه نزلت منها مسحتها ادهم: انتي كويسه؟؟ ملقيش حاجه يقولها غير دي ليلي: الحمد لله علي: ربنا يقومك بالسلامه يا بنتي ويحفظك انتي واللي جاي ده يالا شدي حيلك بقي وهاتيه بسرعه ليلي: ربنا يسهل يا عمي على: ان شاءالله هيسهلك وهتقومي بالسلامه وكل حاجه هتبقي كويسه ليلي كل شويه بتجيلها الطلقه بتتعب وتتالم جامد لحد ما تعدي واول طلقه جاتلها ادهم جري عليها ومسك ايدها وهيا اتعلقت في ايده وضغطت عليها بكل قوتها لحد ما عدت فسابت ايده وجعها كان بيوجعه هو اكتر منها كان جنبها وشاركها كل لحظه الم كان بيراقب الجهاز والشاشه اللي بتقيس نبض البيبي والشاشه اللي بتقيس الطلقات وبتبين الطلقه وهيا هتيجي قاعد جنبها وبيمسك ايديها وهيا بتتعلق فيه الطلقه المره دي طولت جامد وهيا ماسكه فيه ليلي: ااااه هموت __ هموت يا ادهم هموت ادهم: لا يا قلبي بعد الشر عليكي هانت اهي خلاص هانت ادهم بيحاول يخفف عنها ويهديها لحد ما تعدي واول ما عدت ليلي سابت نفسها في حضنه يااااااه قد ايه اشتاقت للحضن ده!!! قد ايه اشتاقت لضمته دي!!! للمسه ايديه علي جسمها؟ لانها تسمع نبضات قلبه وهيا نايمه علي صدره وادهم ضمها زي ما يكون غريق واخيرا اتعلق بحاجه هو ده ملجأ الامان بتاعه _ هو ده بيته ومكانه ومن غيره تايه ومرمي في شارع _ هو ده حبه وحشته جدا وحشته لدرجه ان قلبه بيوجع بصت لفوق وهو بصلها وقرب منها لحد ما لمس شفايفها اللي اشتاقلهم وللحظه ليلي اندمجت معاه بس فجأه صوره دولي قدامها فبعدت عنه ادهم: ليلي!!! معرفش يقول ايه؟ فسكت وخاف انها تبعده كفايه انه جنبها وده المهم دلوقتي التعب بدا يزيد فراح للدكتوره ادهم: وبعدين سيادتك هتسيبيها تعبانه كده؟ اعملي حاجه ولو مش عارفه هنقلها مستشفي تانيه الدكتورة كشفت علي ليلي بهدوء جنن ادهم الدكتورة: دي ولاده يعني الم وتعب ووجع ومفيش حاجه اقدر اعملها غير الانتظار الا لو حبيت اني اولدها قيصري!؟ اختاروا ادهم: لو ده هينهي المها ولديها الدكتورة: هينهي المها حاليا بس ادهم: يعني ايه؟ الدكتورة: يعني القيصريه ما بتتعبش في الولاده بس بنفتح بطنها وبنفتح الرحم علشان نخرج البيبي وبيبدا تعبها بعد الولاده ولا بتقدر تتحرك او تقوم او تقعد وكل حركه بمليون الم والم وبتاخد علي الاقل اسبوع كده والرحم علشان يلتئم ويرجع لوضعه عايز علي الاقل 6 شهور اما الطبيعي فبتتعب كام ساعه لحد لحظه خروج البيبي وبيبقي الم لا يحتمل بس بينتهي مع خروج البيبي وبعد ساعه بتقوم وتتحرك وتشيل ابنها والولاده انتهت فاختار تعب ساعتين ولا فتح بطن مع مخاطر الجراحه ادهم سكت ومردش الدكتورة: عارفه ان الموضوع مؤلم بس معلش نستحمل وبعدين امور مراتك طبيعيه كلها وضع البيبي كويس استجابه الرحم كويس وبمعدل الطلقات دي خلاص قربنا ادهم: طيب مافيش حاجه تسرع الموضوع بحيث ما تفضلش تتالم كتير؟؟ الدكتورة: في لو عايزين طلبت الدكتورة من الممرضه تديها حقنه طلق صناعي وقالتلها تجهزها خلاص واول ما خرجوا وسابوهم ليلي: خايف عليا اتوجع؟؟؟ الوجع اللي انت وجعتهولي يا ادهم اكبر عندي مليون مره من الوجع ده انت وجعتني بايدك ادهم: حقك عليا ليلي انا مستعد عمري كله افضل اتاسفلك بس سامحيني ملحقتش ترد لانها صرخت وبدات تولد اخدوها لاوضه العمليات وهيا متعلقه في ادهم ومسكاه ومش عايزه تسيبه ليلي: خليك معايا ما تسيبنيش __ اوعي تسيبني _ لو هموت عايز اموت وانت جنبي ماتسيبنيش ادهم: ليلي مش هسيبك بس انتي داخله العمليات ليلي بتعيط ومتعلقه فيه: انا خايفه ماتسيبنيش الكل بيبصلهم باستغراب الحب اللي بينهم كبير فعلا طب ليه هما بعيد عن بعض سؤال محير الكل الدكتورة: خليك معاها الظاهر ان انت بتديها القوه والشجاعه انها تواجه الالم تعال معاها وفعلا ادهم اتعقم ولبس ودخل معاها وطول الوقت ماسكه فيه بتصرخ وبتولد وشويه تشتمه وشويه تحبه وهو اول مره يحس بكميه المشاعر اللي هو حاسسها دي واول مره يحس بالعجز ده ليلي بدات تتعب جامد وتهدي ادهم: هو في ايه مالها؟؟ الدكتورة: في حاجه مش طبيعيه البيبي اتحرك من مكانه وغير وضعه مش هينزل كده دكتور خدرها بسرعه بنات جهزوها للقيصريه ادهم: ايه اللي بيحصل في ايه؟ الدكتورة: هنولدها قيصري ادهم: انتي قولتي هتولديها طبيعي وسايباها تتعذب من الصبح ودلوقتي جايه تقولي قيصري ماكان من الاول الدكتورة: الوضع اختلف وحاليا ابنك بيتخنق في كل لحظه بنضيعها يا تسكت يا تطلع بره ادهم سكت وفضل واقف مراقبها اول ما مسكتت المشرط وفتحت بطنها دور وشه بعيد وفكر يخرج بس وعدها هيفضل معاها قعد عند راسها ومسك ايدها وفضل يدعي انها تقوم تاني ليه اخيرا طلعوا البيبي واخدوا ولبسوه وهو بيراقبه من بعيد لحد ما خلصوا لقي الممرضه جيباه وبتديهوله ادهم: اي ده؟ اعمل ايه؟ انا ما بعرفش اشيل عيال اصلا الممرضه حطته في ايده: ماتخافش هتتعود ضم ابنك في حضنك ادهم شاله وبصله ومعرفش يحدد هو عايز يضحك ولا يفرح ولا يعيط بص لمراته الدكتورة: ماتخافش عليها دقايق وهنوديها اوضتها اطلع انت خلاص خرج ادهم وابوه قابله فعطاله البيبي ادهم: حفيدك علي شاله وعنيه دمعت وضمه بشوق على: اللحظه دي يا ادهم بالدنيا وكل مافيها ليلي خرجت وفاقت وادهم جنبها فضل جنبها الوقت كله يسندها يحركها يناولها ابنها وتعيط علي كتفه كل ما تتوجع لحد اخيرا ما نامت علي صدره اتشاركوا مع بعض لحظات جميله اول ضمه ليها لابنها اول مره ترضعه فيها ادهم كان واقف معاها ونسيوا الاتنين انهم كانوا زعلانين او متخاصمين بيراقبوا ابنهم طول الوقت ادهم: هتسميه ايه؟ ليلي: انت عايز تسميه ايه؟ ادهم: مش عارف مفكرتش في الاسم خالص ليلي: طيب ايه رايك نسميه كريم؟؟ ادهم: كريم؟؟ ماشي كريم اتفقنا اخدت ليلي 3 ايام في المستشفي وادهم معاها مش بيفارقها ابدا الكل بيروح ويجي الا هو معاها علي كان بيجي يقعد بالساعات ومحدش يقدر ياخد منه كريم ابدا اخيرا هتمشي وخرجت من المستشفي وركبت العربيه ومعاها اخواتها ادهم: حمد الله علي سلامتك نروح؟؟؟ ليلي: اه روحني بيت بابا ادهم بصلها باستغراب كان فاكر؟؟؟ كان فاكر انها هتسامحه ولو حتي علشان ابنها؟؟ هو قابل ده انها ترجعله باي سبب ليلي: ايه مالك؟ ادهم: نرجع بيتنا يا ليلي وما تخافيش مش هخرج واسيبك و ليلي قاطعته: ادهم مفيش بيتنا____ اللي بيني وبينك انتهي __ انت مجرد ابو ابني مش اكتر انا وافقت انك تيجي لان بابا ضغط عليا وقالي ان ده حقك بس اكتر من كده اسفه ادهم: ليلي انت مراتي وحبيبتي وشريكتي ليلي: كنت وانتهي ادهم: يعني ايه؟ ليلي: يعني يا ادهم انت هتطلقني ماجده: لا حول الله يارب مش وقته ده يالا يا ادهم علي البيت وربنا يسهل بعدين روحهم ادهم ودخلها لاوضتها ووقف يبص لابنه ليلي: وقت ما تحب تشوفه البيت مفتوح ادهم: ليلي انا عايز اشوفه في كل لحظه انا عايز اكون جزء اساسي في حياته مش مجرد واحد بيشوفه ساعه او اتنين ارجوكي ياليلي ليلي: كان لازم تفكر في ده قبل ماتروح ترمي نفسك في حضن واحده تانيه وتنام معاها وتسيبني ادهم: ليلي انا ليلي: انت ايه؟؟؟ مش عارف عملت كده ازاي؟ ماتشوفلك حكايه تانيه تقولها ادهم: ده اللي حصل __ خلينا نبدأ صفحه جديده علشان خاطره ليلي: لما نبقي بعيد ونحترم بعض احسن ما نبقي قريبين ومفيش احترام او ثقه لو سمحت اتفضل بقي علشان عايزه ارتاح ادهم خرج ومشي وحس ان قلبه اتخلع من مكانه كان فاكر انها خلاص سامحته وانه هيعوضها كان فاكر.......،.، وجع جديد اضاف لوجعه مش كفايه وجع بعد حبيبته لأ كمان بعد ابنه اللي ملحقش حتي يشبع منه او يطبع صورته روح البيت وطلع لامه كانت في اوضتها دخل وقعد في الارض تحت رجليهاومسك ايديها وباسها ريهام: مالك يا حبيبي ادهم: سامحيني ريهام: اسامحك في ايه مالك يا ادهم؟؟ ادهم: سامحيني علي اي مره زعلتك فيها او سيبتك وخرجت وسيبتك زعلانه او سيبتك وسافرت سامحيني في كل مره وجعتك فيها لو اللي انا حاسه دلوقتي هو احساسك في كل مره ببعد عنك فيها يبقي تسامحيني يا امي ريهام: يا حبيبي انا عمري ما بزعل منك مالك يا ادهم فيك ايه؟؟؟ واحساس ايه اللي بتتكلم عنه؟؟ ادهم: احساس انك تتحرم من ابنك وماتقدرش تكون معاه ريهام: ابن ايه اللي بتتكلم عنه انا مش فاهمه يا ادهم ادهم: ابني يا امي ابني انا؟ ريهام: ابنك؟؟؟ ابنك منين وازاي انت بتتكلم عن ايه؟؟ ادهم: انا اسف اني مقولتلكيش كنت غبي ومتخلف ماكنتش فاهم ابدا مكنتش فاهم ان مفيش حد يقدر ياذي حته منه وعلشان كده خبيت عليكي ريهام: خبيت عليا ايه؟ ادهم: حمل ليلي ريهام: ليلي كانت حامل؟؟؟؟ ادهم: ايوه وولدت من تلات ايام وكنت معاها كنت معاهم وافتكرت انها سامحتني بس ما سامحتنيش وروحت بيتها بابني وطردتني بره حياتها ده عقاب ربنا ليا زي ما كنت ديما ببعد عنك وبهددك كل شويه بالسفر ربنا خلاني اجرب الاحساس ده ده عقابه ليا وعلشان كده بقولك سامحيني ريهام عيطت من كل قلبها وضمت ابنها ازاي قدرت تعمل كده؟؟؟ ازاي قدرت تهد حياته كده؟؟ ازاي والف ازاي؟؟؟ ريهام: انا ابدا ابدا ما زعلت منك ابدا يا حبيبي وكل حاجه هتتصلح ما تخافش كل حاجه هتبقي كويسه ريهام راحت لسليم واول ما شافته ريهام: انت السبب انت السبب في كل اللي حصل وكل اللي بيحصل سليم: اهدي كده اهدي؟ في ايه مالك؟ مش كنتي عايزها تبعد اهي بعدت اهي؟؟ ريهام: ايوه بعدت بس اخدت حفيدي معاها سليم: حفيد ايه اللي بتتكلمي عنه؟؟؟ ريهام: حفيدي ابن ادهم! !ليلي كانت حامل واهي ولدت سليم: انتي بتقولي ايه؟ وازاي محدش عرف انها حامل انتي بتكدبي صح؟ ريهام :ادهم خاف عليها مننا وعلشان كده خبي علينا وادينا اهوه دمرنا حياته انا هقوله سليم: هتخسريه للابد مش هيسامحك ابدا ابنك رجع لحضنك اخيرا ريهام: مش مهم المهم يرجع لمراته سليم: هيرجع لمراته بس مش هيرجعلك انتي احنا ممكن ناخد منها البيبي وناخد حضانته ريهام: هو انت ايه ابليس؟؟؟ انت ايه؟ ادهم عمره ما هيوافق علي ده ابدا سليم: هيوافق لو ده هيرجعله مراته وابنه لو اخد منها الولد هترجعله ورجلها فوق رقبتها ريهام: لأ؟؟انت فاهم لأ؟؟؟ محدش هيدخل تاني في حياته سابته ومشيت وراحت لابنها تواسيه في وجعه وكل ما يبقي في حضنها عايزه تقوله الحقيقه وما بتقدرش ريهام: ادهم لو في طريقه ترجع بيها لمراتك وابنك تعملها؟؟؟ ادهم: طبعا مهما تكون بس يرجعوا لحضني ريهام: انت ممكن ترفع دعوه حضانه وتاخد حضانة الولد وساعتها قاطعها: وساعتها ايه؟؟ اساومها عليه؟؟؟ ياترجع غصب عنها يا مش هخليها تشوف ابنها؟؟؟ انتي ليه مش عايزه تفهمي اني بحبها؟؟ بحبها ولو عملت ده هخسرها نهائي ريهام: ادهم انت خسرتها ادهم: بس عندي امل انها في يوم تسامحني علي خيانتي ليها ونرجع تاني عارفه ايه اكتر حاجه وجعاني؟؟؟ اني اصلا مش فاكر اني خنتها ولا عارف انا ازاي خنتها اصلا؟؟؟ ازاي انا روحت لدولي ازاي؟؟؟ هتجنن من كتر التفكير عمال اعيد وازيد في الليله دي بس مش عارف ولا فاهم ولا لاقي اجابه؟؟؟ وبطلب من ليلي تسامحني وانا اصلا مش عارف اسامح نفسي انا يا امي مش مسامح نفسي علي خيانتي ليها يبقي ازاي بطلب منها تسامحني؟؟ امه عيطت جامد وفكرت انها تقول لابنها الحقيقة بس لازم الحقيقه تبان بقي لازم ريهام: ادهم حبيبي ادهم بصلها ريهام: في حاجه لازم تعرفها؟ ونكمل بكره ياتري ايه هيا الحقيقه دي؟؟؟ ايه مصير ادهم وليلي؟؟؟ توقعاتكم ShiMoOo | ||||||||||
|
| |
|
10-05-19, 01:54 AM
| #26 | ||||||||||
| مراقبةومشرفةسابقة ونجم روايتي وكاتبة وقاصة وملكة واحة الأسمر بقلوب أحلام وفلفل حار،شاعرة وسوبر ستارالخواطر،حكواتي روايتي وراوي القلوب وكنز السراديب
| الحلقة 25 سوري يا جماعه عدلتها ريهام: ادهم حبيبي ادهم بصلها ريهام: في حاجه لازم تعرفها؟ ادهم بصلها باهتمام واتردد جواها كلمه سليم " عمره ما هيسامحك ابدا ابدا " ادهم: ايه سكتي ليه قولي ريهام: انا بحبك قوي واي حاجه عملتها في يوم عملتها من حبي وخوفي عليك مش قصدي ابدا اني أذيك خليك ديما فاكر ده بيعدي يوم وري يوم وريهام تأنيب الضمير بيموتها كل يوم اكتر من اليوم اللي وراه ادهم كل يوم يروح يقعد ساعه مع ابنه هو و علي كل يوم بيروح ونفسه يتكلم مع مراته بس لسانه مربوط ليلي قررت تعمل لابنها سبوع وقالت لادهم ادهم روح البيت وقال قدام امه وابوه وطلع اوضته وريهام طلعت وراه ادهم: خير يا ست الكل في حاجه؟ ريهام: هو انا ممكن اطلب منك طلب؟؟ ادهم: طبعا انتي بس تشاوري ريهام: تسلم يا قلب امك كنت عايزه يعني لو ينفع ويناسبكم..... ادهم: اتكلمي علي طول ريهام: ينفع انا اعمل السبوع لحفيدي عايزه اشوفه يا ادهم ارجوك ادهم اتنهد تنهيده طويله ادهم: انا مش عارف ليلي هتوافق تيجي هنا ولا لأ بس هجرب ده بالنسبه للحفله اما انك انك تشوفيه فممكن تيجي معايا في اي وقت او انا اجيبهولك علي العموم هشوف الوقت المناسب واقولك اوك يا قمر ريهام: تسلم يا قلبي وربنا يريح قلبك ادهم: امين يا ست الكل امين ادهم تاني يوم راح لليلي وقعد معاها ليلي: ايه عايز تقول ايه؟ ادهم: ايه رايك لو نعمل السبوع عندنا في الفيلا عند امي؟؟ ليلي: افندم؟ انت بتهرج ولا بتهرج؟؟ ادهم: انتي شايفاني بهرج،؟ ليلي: ايوه طبعا بتهرج لما تتطلب مني اروح اعمل لابني حفله في البيت اللي عاملوني فيه اني خدامه يبقي بتهرج؟ لما تتطلب مني اروح وامن اللي الناس اللي عمرهم ما تقبلوني ووصلت معاهم انهم يتهموني بالسرقه ويحبسوني يبقي بتهرج؟ لما تطلب مني اودي ابني عند الناس اللي انت نفسك خبيت عليهم اني حامل يبقي بتهرج؟ ادهم: خلصتي كلام ولا لسه؟ الوضع اختلف دلوقتي وبعدين امي اتغيرت وندمت علي حاجات كتير ونفسها تشوف ابني ليلي: مش هتشوفه امك بالذات مش هتشوفه يا ادهم ولا هتلمح ضفره حتي ادهم: ليلي ليلي: ما تخلينيش اقولك ان انت كمان مش هتشوفه ادهم: انتي بتهرجي ولا ايه؟ ولا علشان انا سايبك براحتك فوقي يا ليلي عم فتحي: اهدوا انتو الاتنين،، ليلي امه من حقها تشوف حفيدها خليه ياخده تشوفه ويجيبه تاني ليلي: لا اسفه يابابا محدش هياخد ابني مني اسفه طلبك مرفوض ادهم: هو بمزاجك ولا ايه؟ ليلي: اه بمزاجي عندك مانع سيادتك؟؟ ادهم: اه عندي والظاهر انك هتخليني استخدم اسلوب تاني معاكي ليلي: وريني شطارتك ادهم: ليلي انا لو سايب ابني معاكي فده بمزاجي انا ممكن اخد حضانته منك وساعتها مش هخليكي تشوفيه فاهمه؟ قاطعته: تعملها يا ادهم؟؟؟؟ ادهم :_______________ ليلي: ايه ساكت ليه رد عليا تعملها؟؟؟ ادهم: انتي بتضطريني لكده ليلي: الظاهر ان انا معرفتكش نهائي او كنت مخدوعه فيك انت لحد النهارده مجهول بالنسبالي ادهم: ليلي انا زي ما انا انتي بتضايقيني ليه؟ امي عايزه تشوف ابني مش طلب صعب هوه ليلي: بالنسبالك انت لكن بالنسبالي انا صعب جدا انا مش مستعده حاليا بعدين ارجوك ادهم: حاضر يا ليلي براحتك سابها ومشي وامه كانت مستنياه علي نار واول ما شافته جريت عليه ريهام: هشوفه امته هاه؟ وافقت؟ انت مبتردش ليه ادهم؟ ادهم: اصبري يا ست الكل الموضوع صعب عليها انا هجيبهولك ما تقلقيش انا مش عايز اضغط عليها ريهام ابتسمت ومشيت لاوضتها وفضلت تعيط من كل قلبها هيا اللي وصلت ابنها ونفسها للمرحله دي هيا اللي عادت مرات ابنها وخلتها تحرمها من حفيدها اخر الليل علي رجع بيته ودخل اوضته واول ما دخل صرخ بصوته كله على: ادهم يا ادهم الحقني يا ادهم ادهم ادهم جه يجري علي صوت ابوه ادهم: ايه اللي حصل في ايه؟ علي: معرفش انا جيت لقيتها واقعه كده في الارض ساعدني يا ادهم نقلوها علي المستشفي وكان عندها ازمه قلبيه ادهم عارف ان هو السبب دخل عندها بعد ما فاقت ادهم: انا السبب انا اسف سامحيني يا ست الكل سامحيني ريهام: لا يا حبيبي لو في حد السبب هيبقي انا انا متقلبتش مراتك وحاربتك طول الوقت انا اسفه يا ادهم انا اللي اسفه ادهم: لا خلاص يا حبيبتي الموضوع ده خلص خلاص ادهم فضل جنب امه قاعد جنبها ومارحش حفله السبوع لابنه على: ادهم مش هتروح سبوع ابنك روح انت وانا هفضل جنبها ادهم: لا معلش روح انت على: ده سبوع ابنك ادهم: معلش مش عايز اروح روح انت مكاني على: انا عمري ما هبقي مكانك ابدا لا لليلي ولا لكريم ادهم: معلش ممكن تسيبني براحتي وبعدين ولا ليلي عايزاني ولا كريم محتاجلي يبقي مالوش لازمه على: ادهم ما تستسلمش ليلي محتاجه وقت وهتسامحك بس انتي اوعي تستسلم ادهم: انا تعبت ومحتاج ارتاح او ابعد شويه انا بعد ما امي تقوم بالسلامه هسافر شويه اغير جو على: طيب ايه رايك تسافر شرم تتابع القريه الجديده انا كنت هسافر انا بس طالما عايز تغير جو روح انت ادهم: خلاص ماشي اول ما امي تخرج من هنا هسافر ليلي طول الوقت عينها علي الباب مستنيه ادهم يجي ماجده: ولما انتي هتموتي عليه كده ما تسامحيه وتروحي بيته؟؟؟ ليلي: انا مش مستنياه ماجده: انتي بتضحكي عليا ولا علي نفسك ليلي: ماشي يا ماجده مستنياه بس علشان يبقي مع ابنه ومستغربه هو ازاي قدر يتاخر؟؟ وشويه وعلي جه وقدم هديته لحفيده وشاله وفضل يلعب معاه او يلعب بيه ليلي هتموت وتساله عن ادهم وهو ملاحظ ده ومستنيها تيجي تساله قعد ساعه وماشي وهو خارج ليلي اخيرا سالته ليلي: هو ادهم مجاش ليه؟ علي: ظروف غصب عنه ليلي: اممم طيب علي: ريهام تعبت جامد ونقلناها مستشفي ليلي: الف سلامه عليها خير علي: عندها ازمه قلبيه اصلا اول مره نعرف ان قلبها تعبان وحاليا ادهم معاها في المستشفي ليلي: الف سلامه يا عمي عليها انا معرفتش علي: يالا خير اول ما تخرج اكيد ادهم هيجي يعدي عليكم قبل ما يسافر ليلي: هو هيسافر؟؟؟ علي: اه هيسافر ليلي بلهفه: هيسافر بره؟؟؟ علي: لا هيسافر يتابع شغل ومنها يغير جو شويه لانه زي ما انتي عارفه نفسيته تعبانه ليلي: هيطول؟؟؟ علي: الله اعلم؟؟؟؟ ليلي؟؟ ليلي: افندم يا عمي على: ادهم بيحبك مش كفايه عليه لحد كده مجاش الاوان تسامحيه وتكملوا مع بعض؟؟؟ ليلي: مش قادرة ومش عارفه على: بس انتي بتحبيه يا ليلي ليلي: وبعشقه كمان بس مش دي المشكله على: فكري في ابنك وفكري في الحاجات الحلوه اللي كانت بينكم ومع الوقت هتسامحيه افتكري كل حاجه حلوه عملها في يوم معاكي ليلي: ربنا يسهل يا عمي علي مشي والحفله خلصت والكل روح عم فتحي: مبسوطه كده؟ ليلي: وانا مالي؟؟ عم فتحي: وانتي مالك؟؟ الحفيد اغلي من الابن مليون مره وانتي منعتيها تشوف حفيدها انتي السبب ليلي اخدت ابنها ودخلت تنام بس النوم جافاها الصبح طلع وادهم جنب امه صحي ونزل الكافتيريا فطر ويدوب طالع لامه تليفونه رن ادهم: ايوه ليلي: انا ليلي يا ادهم انت فين؟ ادهم: انا فين؟؟؟ ليلي: مش قصدي بس اصل انا في المستشفي انت فين اقابلك ازاي؟ ادهم: في المستشفي؟؟؟ ليلي: باباك قالي ان مامتك تعبانه وجايه ازورها ينفع ولا اروح ادهم: ثواني نازلك نزل ادهم واول ما شافها اخد ابنه وشاله ادهم: ازيك يا جميل عامل ايه وحشتني في اليومين دول اخدهم وطلع بيهم فوق وخبط باب مامته ودخل ادهم: معايا ضيف عايز يشوفك دخل ادهم ومعاه ابنه وعطاه لامه اللي ضمته وفضلت تعيط ليلي دخلت واول ما دخلت ريهام مدت ايدها ليها ريهام: لو فضلت عمري كله اتاسفلك مش هوفيكي حقك بس طمعانه في كرمك تسامحيني ليلي: لا ماتقوليش كده انا مش زعلانه من حضرتك اصلا ريهام: بس انا غلطت في حقك كتير يا بنتي وفرقت بينكم كتير سامحوني انتو الاتنين ادهم: قولتلك ملوش لازمه الكلام ده المهم دلوقتي تقوميلنا بالسلامه ليلي ادهم اخدها وروحها بعد ما خلصت زيارتها وهما في العربيه مع بعض ليلي: مجيتش السبوع يعني؟؟ ادهم: كنت هنا في المستشفي ليلي: ماهو علي قالي بس برضه ده سبوع ابنك ادهم: وجودي كان هيفرق في ايه؟ هيفرق معاكي انتي؟؟ ليلي: لأ بس ده ابنك ادهم: يا ستي عادي بقي سكتوا شويه ليلي: انت صحيح هتسافر؟؟ ادهم: اه هسافر ليلي: ممكن اعرف فين وليه؟؟؟ ادهم: شرم في شغل ليلي: وبعدين ادهم: وبعدين ايه؟؟ ليلي: انت بتنقطني بالكلام ليه؟ ادهم: وانتي عايزه تعرفي ليه؟ فارق معاكي سفري من عدمه؟؟ ناويه ترجعيلي؟؟ ليلي: لأ طبعا ادهم: طالما لأ طبعا يبقي ما تسأليش كتير سكتت ليلي بس كان جواها كلام كتير كان نفسها تقوله ان طبعا وجوده بيفرق وانها بتستني دخلته عليها طول الوقت وانها بتتطمن كتير وهو موجود بس مقالتش اي كلمه ادهم فعلا سافر وليلي افتقدته جدا سليم راح يزور ريهام لانها تقريبا علي طول تعبانه سليم: وبعدين معاكي مش هتجيبيها لبر انتي ريهام: انت عايز ايه مني؟؟ مقولتلوش حاجه ما تخافش سليم: انا مش خايف عليا بتبصي لايه كده ومش مركزه معايا بتبص في الموبيل بتاعها ريهام: لحفيدي اللي انت حرمتني منه سليم: انا اللي حرمتك؟؟؟ مش انتي اللي اتصلتي بيا وقولتيلي الحقني ادهم خطب واحده من الشارع؟؟؟ مش انتي اللي قولتيلي احاول افركش الجوازه؟؟؟ ومش انتي اللي قولتيلي عايزاهم يطلقوا ؟؟؟؟؟؟ جايه بقي دلوقتي تقولي انا السبب ريهام: انا معرفش انا عايزه حفيدي وبس سليم: هجيبلك حفيدك وهجيب لادهم مراته ريهام: هتعمل ايه؟ سليم: هصلح كل حاجه ماتخافيش انتي انتي بس قومي بالسلامه وجهزي لحفيدك اوضه هنا تليق بيه فعلا ريهام فرحت جدا وقامت تشتري كل اللي يخطر في بالها ينفع لبيبي على: ايه ده كله بتعملي ايه؟ ريهام: بجهز اوضه لكريم على: كريم!!!! ريهام: اه ان شاءالله ادهم وليلي يتصالحو ويجوا هنا فيكون في اوضه لكريم تفتكر يا علي هيتصالحوا صح؟ علي: اتمني ده.... بس علي الله انتي ما تطرديش ليلي تاني من البيت ولا تعملي الاعيبك دي معاها؟ ريهام: لا لا دي بقت ام حفيدي انا عرفت قيمتها في حياه ادهم ولو بايدي اعمل حاجه ارجعهم لبعض هعملها هو انت صح جاي بدري ليه كده؟ علي: اه مسافر اسبوع سريع كده في مشاكل عند ادهم وهروحله نظبط الدنيا وارجع ريهام: ترجعوا بالسلامه سافر علي لادهم وغرقوا الاتنين في الشغل اللي وراهم ليلي قاعده في بيت ابوها مشتاقه لادهم حتي ابنها مشتاقله وبتفكر كل شويه تكلمه باب البيت خبط بازعاج ابوها فتح لقي ناس مايعرفهمش شكلهم ظباط الضابط: ده بيت فتحي محمد عم فتحي: ايوه يا باشا خير؟ الضابط: بنتك ليلي زوجه ادهم خطاب موجودة هنا؟؟ ليلي خرجت لما سمعت اسمها ليلي: ايوه انا هنا خير؟ اوعي يكون ادهم جراله حاجه،؟ الضابط: لا هو مجرالوش حاجه! هو رفع عليكي قضيه بحضانه ابنه وردك انتي لبيت الطاعه وبما انك غبتي عن كل الجلسات فالمحكمه حكمت لصالحه واحنا جهه تنفيذيه للحكم فاتفضلي معانا انتي وابنك ليلي مذهوله للي بتسمعه حتي عم فتحي كمان وهنا خالد جه خالد: في ايه اللي بيحصل هنا؟ في ايه يابا؟ ليلي بذهول: ادهم رفع قضيه عليا؟ خالد: انتي بتقولي ايه ادهم ما يعملهاش الضابط: لو سمحتي اتفضلي يالا معايا خالد: تتفضل فين يا عم انت؟؟؟ اختي مش هتروح لمكان وادهم عايزها يجي هنا بنفسه يكلمنا مش يبعتلنا البوليس الضابط: لو سمحت متعملش مشاكل لان انا بنفذ الاوامر اللي عندي وبس خالد: الاوامر دي علي نفسك اختي مش هتطلع بره البيت وورينا هتاخدها غصب ازاي؟ الضابط: انا لحد دلوقتي بتكلم بالذوق فلو سمحت متخلنيش استعمل القوه معاك خالد: وريني كده هتعمل ايه؟ خالد دخل مع الضابط في خناقه وفي الاخر اتقبض عليه واخدوا ليلي بالقوه هيا وابنها تاني يوم الصبح عند ريهام الباب بيخبط وده كان البوليس ومعاه كريم حفيدها ريهام: ايه ده انت جبته ازاي وفين امه؟ الضابط: انا عندي اوامر اجيبه هنا لحضرتك احنا جبناه من بيت والدته بعد اذنك؟ سابها ومشي في حيره مش فاهمه اي حاجه ولا عارفه تتصرف عند سليم سليم فتح باب بالمفتاح ودخل سليم: هتعقلي ولا ايه؟ ليلي: ابني فين؟ سليم: ابنك بخير في حضن جدته وابوه ليلي: طيب انا عايزه ادهم هو فين؟ سليم: ما انا سبق وقولتلك ادهم سلمني الموضوع ده وطلب مني اتصرف وارجع ابنه مهما يكون التمن فحاليا اختاري ياترجعي لادهم وتعيشي مع ابنك يا تمشي من هنا ومالكيش حاجه عندنا ليلي: انا عايزه ابني؟؟؟ هاتولي ابني حرام عليك سليم: اختاري؟ ليلي: ادهم ما يعملش كده سليم: طيب بالعقل كده انا هروح اجيب ابنه واديهوله في بيته من غير ما يعرف ازاي يعني؟ مش هيسال ليلي فين؟ فكري بالعقل شويه مشكلتك انك مديه لنفسك اهميه هو مش سبق وخانك وانتي شوفتيه بنفسك؟؟؟ يعني انتي مش مهمه قوي بس كريم مهم فعلشان كده مضطرين نستحملك معاه هسيبك شويه تفكري سايبها وخارج وهيا بتصرخ ليلي: هاتلي ابني حرام عليك هاتلي ابني قامت ليلي وحاولت تتحرك بس ما قدرتش لانها مربوطه وايديها متكلبشه فقعدت مكانها تعيط ريهام بتحاول تسكت كريم مش عارفه راحت نادت لحسين وخلته يوصلها بيت ليلي نزل حسين خبط عليهم كتير بس محدش فتح حسين: مفيش حد في البيت يا هانم ريهام: متأكد يا حسين؟ حسين: ايوه يا هانم وخبطت كمان علي شقه ادهم باشا وبرضه مفيش حد ريهام: طيب اعمل ايه انا؟ حسين: لو عايزه رأيي يا هانم احسن حل تكلمي ادهم بيه وهو يقولك تعملي ايه؟ روحت البيت وفعلا اتصلت بادهم ادهم كان هو وعلي مع بعض ادهم: ايه يا ست الكل خير؟ وايه صوت العياط اللي عندك ده؟ مين عندك عنده عيال صغيره؟ ريهام: اهلا يا حبيبي الصوت ده صوت كيمو ابنك ادهم: كريم عندك؟؟؟ ليلي عندك معقوله؟؟؟ ريهام: لا يا ادهم ليلي مش عندي ادهم: امي بلاش الغاز لو سمحتي جبتي كريم ازاي طالما ليلي مش عندك؟؟؟ ريهام: حبيبي انا مجبتوش البوليس هو اللي جابه ومفهمتش منه حاجه وروحت البيت عند ليلي ملقتش حد خالص في البيت ومش عارفه اعمل ايه يا ادهم وابنك رافض يرضع صناعي قولي اتصرف ازاي؟؟؟ ادهم كان هيتجن ومليون فكره وفكره نطت في دماغه قام وقف وبيتحرك ادهم: انا جاي هروح علي المطار وان شاءالله ساعه وهكون عندك ماشي ابوه وقفه: في ايه؟ طمني ادهم: مش عارف البوليس جاب كريم لماما وهيا مش لاقيه ليلي علي: طيب استني انا جاي معاك متقلقش ان شاءالله خير ادهم: البوليس جايب ابني؟ ازاي مقلقش وليلي فين وهعمل ايه لو؟؟؟ علي: مفيش لو اكيد سوء تفاهم وصلو القاهرة وعلي راح لريهام وادهم راح لبيت ليلي خبط وفتحوله واول ما فتحوله وشافوه عم فتحي: طول عمري فاتحلك بيتي وثقت فيك وعاملتك زي واحد من عيالي وحتي لو بنتي بتزعل باجي عليها علشانك واتحملنا منكم كتير واقول ان انت انسان كويس بس تطلع بالنداله دي؟؟ ليه كده احنا عملنالك ايه؟ ادهم: عمي لو قاطعه: ما تقولش عمي انا مش عم حد عايز ايه تاني وجاي ليه معندناش حاجه تانيه تاخدها ادهم: عم فتحي اهدي ولو سمحت فهمني في ايه؟؟ ليلي فين؟؟؟ عم فتحي: انت جاي تهرج ولا جاي تستعبط؟؟ ادهم: انا لا بهرج ولا بستعبط ليلي فين؟ عم فتحي: شوف اللي يقتل القتيل ويمشي في جنازته ادهم: عمي ليلي فين؟ عم فتحي: معرفش ليلي عندك؟ ادهم: ليلي مش عندي انت بتقول ايه؟؟ عم فتحي: ليلي في بيتك مش سيادتك طلبتها في بيت الطاعه وخدت حضانه ابنك؟ جاي تستعبط بقي ولا ايه؟ ادهم: طاعه ايه وحضانه ايه انت بتتكلم عن ايه؟ عم فتحي: البوليس جه اخدها وقال انك اخدت حكم واخدها بيتك هيا وكريم ادهم: انا ما رفعتش قضايا انا كنت مسافر وامي اتصلت بيا من ساعتين قالتلي ان البوليس جابلها كريم وان هيا جتلكم هنا ملقتش حد وعلشان كده انا جيت فهمت بقي انا معنديش فكره عن اللي بتتكلم عنه ده فلو سمحت فهمني براحه ايه اللي حصل؟ عم فتحي سكت شويه: البوليس جالنا وقال انك رفعت قضيه حضانه وطاعه وكسبتهم ادهم: انا مارفعتش قضايا عم فتحي: والضابط جه ينفذ الحكم واخد ليلي وكريم وحتي خالد كمان قبضوا عليه لانه رفض انهم ياخدوا ليلي وضرب واحد من العساكر فقبضوا عليه واحنا كنا عنده ولسه راجعين كنا بنحاول نخرجه بس معرفناش ادهم: خالد انا هخرجه ما تقلقش وكريم في البيت مع امي المهم دلوقتي ليلي هيا فين؟ عم فتحي: الضابط قال انه هيوديها بيتك مش يمكن تكون في شقتكم؟ ادهم: طيب انا هروح شقتنا راح ادهم بس لقي الشقه فاضيه فاتصل بعم فتحي وعرف قسم ايه اللي خالد فيه وراحله هناك وقابل الضابط الضابط: يا باشا احنا جاتلنا اوامر ونفذناها ادهم: انا مارفعتش قضايا الضابط: دي حاجه مش عندي حضرتك ممكن تسال في المحكمه وتعرف مين اللي رفع القضيه بس يا انت يا حد معاه توكيل منك علشان يقدر يرفع قضيه زي دي ادهم جه في باله سليم ادهم: طيب انت وديت مراتي فين؟ الضابط: شقتك اللي في مصر الجديده ( قاله العنوان بالظبط) ادهم: انا لسه جاي من هناك ومفيش حد الضابط: الله اعلم بقي هيا راحت فين؟ ادهم: طيب بالنسبه لخالد اخوها الضابط: ده ضرب عسكري وهيتعمله قضيه تعدي علي موظف ادهم: طيب لو ينفع نحل الموضوع ودي الضابط: لو العسكري وافق يتنازل عن المحضر مفيش مشكله ادهم: طيب ممكن اشوف العسكري ده؟ ادهم راضي العسكري وخلال نص ساعه كان مخرج خالد ويدوب هيمسك في خناقه وضحله كل حاجه وصله وطلع هو علي بيت سليم خبط وفتحله الخدم ادهم بصوت عالي: سليم انت يا سليم سليم طلع بهدوء: خير في ايه؟ ادهم: مراتي فين؟ سليم: مراتك؟؟؟ مراتك اللي انت مش عارف تلمها في بيتك؟ ادهم: ده شيئ ما يخصكش انت فاهم؟ ليلي سمعت صوت ادهم وهو بيزعق راحت مصرخه ونادت عليه سمعها وجري علي الاوضه اللي هيا فيها فتح الباب اللي كان مقفول بالمفتاح من بره ودخلها واول ما شافته نكمل بكره ياتري ايه اللي هيحصل بعد كده؟ ادهم وليلي في امل يرجعوا لبعض؟ علي هيعمل ايه مع ابوه؟ توقعاتكم ShiMoOo | ||||||||||
|
| |
|
10-05-19, 01:55 AM
| #27 | ||||||||||
| مراقبةومشرفةسابقة ونجم روايتي وكاتبة وقاصة وملكة واحة الأسمر بقلوب أحلام وفلفل حار،شاعرة وسوبر ستارالخواطر،حكواتي روايتي وراوي القلوب وكنز السراديب
| الحلقة 26 سمعها وجري علي الاوضه اللي هيا فيها فتح الباب اللي كان مقفول بالمفتاح من بره ودخلها واول ما شافته قامت وقفت بس الحبل بيشدها وعماله تشد فيه وتصرخ في وشه ليلي: انت اخدت ابني مني انا بكرهك بكرهك يا ادهم _ بكره اليوم اللي شوفتك فيه _ ياريتني كنت سيبتك انا ايه اللي خرجني من شغلي وكلمتك ليه؟ انا بكرهك ادهم للحظات واقف مذهول متخيلش ابدا ان جده توصل بيه انه يربطها كده فاق واتحرك ناحيتها وهيا بتحاول تضربه وهو بيحاول يفكها فك الحبل اللي هيا مربوطه بيه فاضل الكلبشات بيبص حواليه بيدور علي المفتاح وليلي بتصرخ وتقوله: عايزه ابني! ابني فين؟ ابني فين؟ ادهم زعق: اهدي بقي خليني اعرف افكك انا ماليش علاقه بكل اللي حصل فاهمه؟ ليلي: كداب انت كداب!! خنتني وتقولي مش عارف ازاي ودولقتي تقولي ماليش علاقه انت كداب ادهم: اسكتي يا ليلي انتي مش فاهمه حاجه زعق ونادي علي سليم ادهم: سليم ___ سليم تعال هنا سليم طلع وواقف ادهم: مفتاح الكلبشات دي فين؟ سليم: علي فكره انت غبي!! ابنك في بيتك ومراتك اهي عايز ايه تاني؟ ادهم: المفتاح فين؟ سليم: سيبها مربوطه وخليها تختار بينكم او انها تمشي لوحدهاوهيا هتجيلك راكعه ادهم: انت ما بتفهمش؟؟ انت ما بتحسش؟؟ انا مش عايزها راكعه افهم انا عايزها تعيش معايا علشان هيا عايزه تعيش معايا مش بالشكل ده المفتاح فين؟ سليم: انت غبي ومحتاج حد يفوقك سيبها ادهم هنا كان وصل لقمه نرفزته فراح ناحيته ومسكه من رقبته ولزقه قي الحيطه ورافعه ادهم: اقسم بالله ان ما سكت لاقتلك هنا ليلي: انت بتعمل ايه يا مجنون هتقتله ادهم ادهم سيبه سليم بيطلع في الروح g ادهم: المفتاح مش هقول تاني سليم حط ايده في جيبه وطلعه وادهم اخده وراح فك مراته ومسكها من ايدها وواخدها وماشي وقبل ما يمشي ادهم: قسما بالله لولا اني عامل خاطر لابويا يزعل كنت قتلتك بس من هنا ورايح لو ادخلت في اي شيئ يخصني من قريب او من بعيد هعملها انت فاهم؟ سليم: انا عملت كده علشان اجيبلك ابنك ادهم: ترفع قضيه علي مراتي وتقولي علشاني من هنا ورايح ملكش علاقه بينا انت فاهم؟ مشيوا وهما في العربيه ادهم: طبعا اكيد فهمتي اني ماليش علاقه باللي حصل؟ ليلي: خالد؟ ادهم: خرجته ما تقلقيش ليلي: كريم فين؟ ادهم: في البيت عند امي انا هاخدك علي هناك اخدها واول ما دخلت جريت علي ابنها اللي بيعيط وفضلت تبوس فيه كأنه غايب من سنه وادهم واقف بيتفرج عليهم ادهم: انا اسف انك اتحطيتي في موقف زي كده؟ ليلي: انا عايزه امشي ممكن تروحني؟ ادهم: ما تخليكي يا ليلي؟ كفايه بقي؟ ليلي: اخليني؟؟؟ لا يا ادهم اللي بينا انتهي خالص ولو كان في امل 1% نرجع دلوقتي مفيش ادهم: ليلي سليم اللي رفع القضيه مش انا ليلي: انت عارف انت كنت صح لما مشيت وكنت هتسافر وانا هصلتك في المطار انت كنت صح انا اتزهقت وانت مش بايدك حاجه انا اتهنت وانت مش بايدك حاجه انا اتهمت بالسرقه واتقبض عليا وانت برضه مش بايدك حاجه وكتير قوي يبقي في الاخر لازم نبعد انت مش قادر تحمينا من عيلتك مره امك ومره جدك وانا مش عايزاك تقف قصادهم فمفيش قدامنا غير طريق واحد ادهم: وايه هو الطريق ده؟ ليلي: تطلقني الكلمه نزلت زي الصاعقه ادهم: افندم؟ انتي عارفه انتي بتقولي ايه؟ ليلي: طلقني يا ادهم انا مش هقدر اعيش معاك تاني فلو سمحت طلقني ادهم: لا يا ليلي مش هطلقك ليلي: لو بتحبني وبتخاف عليا هتطلقني لو جدك خطف كريم ولا عمل فيا انا حاجه هتعمل ايه؟ هتقتله؟ لو قرر فجاه انه ياخد كريم يربيه هو هتعمل ايه؟ ولا حاجه طلقني يا ادهم واتنازلي عن حضانه ابني ارجوك انا عمري ما طلبت منك حاجه بطلب ده ارجوك يا ادهم احميني انا وابنك وابعد عننا انت بتأذينا بقربك بتأذيني بخيانتك ومش هقدر ارجع اعيش معاك تاني فملوش لازمه بقي ادهم: حاضر يا ليلي هطلقك وفعلا تمت اجراءات الطلاق بينهم وانتهت قصه الحب وبقت ماضي ادهم بيروح مرتين او تلاته في الاسبوع يشوف ابنه ويلعب معاه ليلي بتقعد تتفرج عليهم من بعثيد وتتمني في صمت ادهم شرط علي ليلي انها تعيش في شقتهم علشان قريبه من شغله مره اتصلت بيه اخر الليل علشان كريم تعبان راحلها بسرعه واخدها المستشفي واتحجز الولد وهما جنبه قاعده وهو جنبها ومن تعبها نامت علي كتفه صحيت كان هو صاحي بيلعب في شعرها اتعدلت وبصتله الشوق كان باين في عنيه وعنيها شوق مالوش اول من اخر قامت بعيد ووقفت جنب الشباك واتفاجئت بيه وراها وبصتله وحطت ايديها علي صدره علشان تبعده عنها مسك ايديها وحطها وري ضهرها وشدها ليه ادهم: قوليلي ان انا مش واحشك قوليها يا ليلي ليلي ما نطقتش وادهم انتقم من شفايفها كانت ملحميه طويله عنيفه ايديها حوالين رقبته بتشده ليها وهو رافعها من الارض قد ايه اشتاقلها ابنه بقي عنده 6 شهور وهيا سيباه قبل ما تولد بشهرين 8 شهور بحالهم وهيا بعيده عنه ادهم شالها ورايح ناحيه الكنبه وناموا عليها فكت زراير قميصه بس للاسف الباب خبط وعلي دخل واول ما شافهم ليلي اتنفضت وبعدت وعلي اعتذر وخرج ادهم: ليلي ما تبعديش ليلي: انا اسفه اللي حصل ده غلط ادهم: اللي حصل ده صح انا بحبك وما بطلتش احبك ليلي: احنا اتطلقنا والموضوع خلص ادهم: هردك تاني ليلي: لا يا ادهم اسفه ارجوك مش هفتح الموضوع ده تاني خرج ادهم وسابها كان علي بره ادهم ماشي: ابقي وصلها البيت ممكن؟ علي: ممكن بس انت رايح فين؟ ادهم: في اي داهيه بعيد عن هنا سابهم ومشي وعلي روحهم البيت واي محاوله انه يتكلم معاها وقفتها ادهم وليلي بيتقابلوا بس بيتجنبوا بعض ليلي خايفه تضعف فبتحاول تحط مسافه بينهم وفي نفس الوقت بتفكر تقرب ليلي غيرت شكلها تماما وعملت نيو لوك جديد قصت شعرها وخلته كاريه فرنساوي قصير جدا وعملت خصلات فيه جددت مكياجها وكل حاجه فيها ادهم زارها واول ما فتحتله تنح قدامها ليلي: ايه شكلي وحش قوي كده ادهم: لا مش وحش بالعكس بس انتي قصيتي شعرك؟ ليلي: فيها ايه؟ تغير ادهم: انا كنت بحب شعرك ليلي: عارفه ادهم: عارفه وقصيتيه؟؟ ليلي: يمكن اكون قصيته علشان كده؟ ادهم : ماشي يا ليلي براحتك راحت مره زارت شغلها القديم وزارت اصحابها وهيا ماشيه فكرت تعدي علي ادهم عندادهم قاعد علي مكتبه والباب خبط # محمود: في واحده بره عيزاك ادهم: مش رايق لحد محمود: بتقول الموضوع مهم ويدوب ادهم هيتكلم دخلت وقعدت وحطت رجل علي رجل ادهم: خلاص يا محمود متشكر اتفضل انت خرج محمود ادهم: عايزه ايه يا دولي وجايه هنا ليه؟ دولي: وحشتني قولت اجي اشوفك ادهم: انجزي وبطلي استعباط عايزه ايه مش فاضيلك دولي قامت وراحت ناحيته وهو لف بالكرسي وخلاه ناحيتها وطت عليه قوي وسندت علي دراعات الكرسي ووشها في وشه دولي: من هنا ورايح يا حبيبي لازم تفضالي لان انا شريكتك في المشروع الجديد انا اصلا المشروع الجديد فهمت بقي يا قلبي هنا الباب اتفتح والاتنين بصوا ناحيه الباب وكانت ليلي شافتهم قريبين قوي من بعض دولي ابتسمت ورجعت لورا دولي: اوبس كلاكيت تاني مره اسيبكم مع بعض واجيلك بعدين باي يا قلبي ليلي: استني انا مش ناويه اقعد دولي: لا هجيله في وقت تاني مشيت وبعد ما مشيت ادهم واقف قدام ليلي عايز يبررلها اللي حصل ويدوب هينطق ليلي: انت حر في اللي تعمله انا كنت بزور اصحابي وقولت اعدي عليك مش اكتر ولا اقل ودلوقتي بعد اذنك ادهم: استني انا مفيش حاجه بيني وبين دولي ليلي: ولا في ما يفرقش معايا ادهم: هيا كانت جايه علشان تبلغني انها شريكتي في مشروع جديد داخلينه مش اكتر ليلي: علشان كده كانت واقفه فوقك ادهم: مكانتش فوقي كانت سانده علي الكرسي بس ليلي: انت مش مضطر توضح حاجه بعد اذنك ليلي مشت ودموعها سابقاها دولي تاني في حضنه تاني ادهم راحلها البيت اخر النهار وحس فعلا ان مقابلتها ليه اختلفت كانت بتضحك.وتهزر لكن حاليا بتتجنبه كانت في المطبخ وهو جه وراها ادهم: انا لسه بحبك وزي ما قلتلك قبل كده ولا قبلك ولا بعدك ليلي من غير ما تبصله: وعلشان كده كل شويه بلاقيك في حضنها ادهم لفها ليه ومسكها وخلاها تبصله ادهم: انتي ما شفتينش في حضنها ومتقنعيش نفسك بحاجة محصلتش وياريت تصدقيني لما اقولك مافيش حاجه بيني وبينها النهارده جت علشان تبلغني او تضايقني انها شريكتي وبتتعمد تعمل حركات زي دي ليلي: وانت ليه بتستحملها؟ لما بعدتهاش عنك؟ لما ديما مخليها جنبك؟ ادهم: انا مش مخليها جنبي ليلي: امال ايه؟ فاكر لما كنا علي البحر وكانت بتتعمد تقرب منك او تنام فوقك او تمسك ايدك وانت كنت بتسمحلها ادهم: ليلي ما تخلطيش الامور ببعض الوضع ساعتها كان مختلف ليلي: بجد كان مختلف؟ اه كنت عايز تضايقني! يعني انت عارف انها بتضايقيني ومازلت برضه مصر تخليها قريبه؟؟؟ ادهم: واخر الحوار ده ايه؟ انتي عايزه توصلي لايه؟ انا تعبت ليلي: انت مش واخد بالك ان احنا خلاص وصلنا ادهم: قصدك ايه؟ ليلي: قصدي ان احنا مطلقين يا ادهم وانت حر في حياتك ودلوقتي اطلع اقعد مع ابنك قبل ما تمشي ادهم سابهم وخرج ورزع الباب وراه هو فعلا ليه بيبررلها؟ هيا خلاص بقت طليقته مش مراته؟ ليه مش متقبل ده؟ خلاص لازم يقفل صفحه ليلي من حياته ويبدأ حياه جديده! هوعمره ما كان شخصيه رومانسية او من النوعيه دي لازم يرجع يعيش وكفايه انتظار لحاجه مش هتحصل ادهم بدا يركز في شغله اكتر ومديله كل وقته محمود السكرتير بتاعه قدم استقالته لانه راجع بلدهم وادهم احتاس من غيره كل حاجه متلخبطه وطلب سكرتير تاني وفعلا جابولو واحد تاني اسمه سيد ادهم بيضغط على الانتركم عنده علشان يكلمه ادهم: سيد! انت يا سيد!! يا بني ادم ياللي بره سيد: الو مين؟ ادهم: الووو؟؟ هو انت بترد علي تليفون؟ سيد: ماهو انا مش عارف ايه الجهاز ده ادهم: انت لسه هترغي تعال هنا سيد: اجي فين؟ علي فكره انت مقولتش مين معايا اصلا ادهم: يا نهار مش فايت انا ادهم يا بني ادم قوم تعال مكتبي اتحرك ادهم اتعصب جدا وسيد جاله سيد: طيب ما تنادي هسمعك بدال البتاع ده؟ ادهم: يا صبر ايوب المهم فين ملف مشروع القريه بتاعت شرم سيد: والله ما خدته ادهم: يابني ادم دور عليه سيد: اه حاضر فريره ___ اللي هو مكتوب عليه ايه ولا لونه ايه؟ في ملفات حمرا وزرقا وخضرا ادهم: افندم حمرا وخضرا؟؟ انت مين بعتلك ليا هنا؟؟ سيد: ابوك ادهم: ابو؟؟؟ ابويا؟؟؟؟ ادهم قام يدور هو علي الملف لحد ما لقاه سيد: ايه ده مكتوب بالانجليزي ده ولا ايه؟ ادهم بصله: لا ده هيلوغريفي سيد: لا يا باشا ما اعرفش انا هيلوغريفي ادهم: انت حد مصلطك عليا يله بقولك اطلع بره وروح مكتب ابويا عارفه؟ روح قوله ادهم بيقولك شكرا اتفضل سيد: اقوله كده بس؟ ابنك بيقولك شكرا ادهم: لا قوله الواد ابنك بيقولك متشكر ياسطه روح يالا شويه وجاله ابوه ميت من الضحك ادهم: بتضحك سيادتك على: يعني ده بني ادم جميل يا ادهم مش عاجبك في ايه؟ وبعدين بيقولي يا اسطه محدش قالهالي قبل كده ادهم ضحك هو كمان: بيقولي ابوك وبيرد علي الانتركم يقولي الووو ومين معايا؟ هما الاتنين ميتين من الضحك وصوت ضحكهم عالي ادهم: بيسالني الملف احمر ولا اخضر؟؟ علي: انا نزلتلك اعلان وبكره تلاقي كتير جايلك واختار منهم ادهم: انا ماليش بال علي الموضوع ده خلي حد يختار بس شرط يكون بيفهم انجليزي وكمبيوتر وبيتقنهم كمان الباقي سهل يتعمله على: لازم راجل؟؟؟ ادهم: لا مش فارق اي حد تاني يوم ادهم غرقان وسط شغله -- ملفاته متبهدله كل حاجه متلخبطه وهو علي اخره الباب هبط ادهم: ادخل دخل اللي بيخبط وادهم باصص في اللي قدامه ومستني اللي دخل يتكلم # سلام عليكم ادهم رفع دماغه بصلها: وعليكم السلام افندم؟ # انا جايه بخصوص الاعلان اللي حضراتكم منزلينه بخصوص السكرتيره ادهم بصلها من فوق لتحت يقيمها والبنت اعصابها مشدوده كانت جميله بشعر قصير عندها غمازات لبسها محترم كلها علي بعضها تركيبة جميله ادهم: انتي خريجه ايه؟ البنت: تجاره انجليش ادهم: بتعرفي انجليزي كويس وبتعرفي تشتغلي علي كمبيوتر؟ البنت: بعرف انجليزي وفرنساوي كويس جدا والماني شويه وبتقن الكمبيوتر بعرف اوتوكاد وجرافيك واوفس وبرامج كتير تانيه ومعايا شهادات بالحاجات دي ادهم: سيبك من الشهادات!! بتفهمي كويس؟ البنت: افندم؟ ادهم: اللي قبلك كان بيكلمني في الانتركم ويقولي الو مين معايا؟؟ البنت ابتسمت: لا الحمد لله بفهم ادهم وقف وبيلم في اوراق البنت: ايه امشي معجبتكش ولا ايه؟ ادهم: معجبتينيش؟؟؟ البنت: مش قصدي المعني انا بس قاطعها: صنفي الملفات دي ورتبيها بطريقتك بحيث لما اطلب ملف تجيبهولي بسرعه وادخلي علي الكمبيوتر وظبطي البرامج دي وظبطي مواعيدي هتلاقيها في الدفتر هنا رتبيها ( ادهم اتكلم كتير جدا والبنت واقفه مذهوله مش فاهمه حاجه ولا مستوعبه تلات اربع الكلام اللي بيقوله فاقت علي صوته) ادهم: فهمتي هتعملي ايه؟ البنت: اه فهمت هو حضرتك مروح؟؟ ادهم: لا عندي اجتماع مهم ارجع الاقيكي روقتي مكتبي من الملفات دي سابها ومشي وهيا قعدت علي اقرب كرسي بتفكر هيا ورطت نفسها في ايه؟ وفجأه عيطت وفكرت تهرب ادهم نزل لعربيته واكتشف ان نسي المفتاح في مكتبه وموبيله فاضطر يطلع تاني دخل مكتبه اتفاجئ بيها بتعيط ادهم: انتي بتعيطي ليه؟ البنت اتفاجئت بيه وقامت وقفت البنت: اسفه بس انت قلت كلام كتير قوي (كلامها مش مفهوم قوي وهيا بتعيط) وانا مش عارفه اعمل ايه؟ وحاسه انك صعب وممكن تضربني لو غلطت انا اسفه انا هروح اسفه ادهم ضحك: لا انا اللي اسف طلبت منك حاجات كتير وده اول يوم ليكي البنت: اسفه ادهم: لا ما تتاسفيش وما تخافيش انا ولا بضرب ولا بعض ادهم قرب منها واتفاجئ بنفسه بيمسح دموعها بايديه وهيا كمان استغربت رجع لورا وناولها منديل ادهم: سوري البنت: لا عادي ولو حضرتك شايف اني مش مناسبه همشي ادهم: لا لا كل الحكايه اني كنت متعود اطلب كده من محمود وكان بيفهمني وينفذ اللي عايزه وما تخافيش البنت: ماهو علشان كده طفش ادهم: افندم؟ علي فكره لا مطفش هو سافر بلدهم البنت: طيب لو سمحت انا محتاجه بس اتعود علي المكان ونظام الشغل وبعدها هنفذ كل حاجه ادهم: خدي وقتك انا رايح مشواري وهبعتلك حد دلوقتي يفهمك ايه النظام وايه المطلوب منك اوك البنت: حضرتك رجعت ليه؟ ادهم: نسيت مفاتيح عربيتي وموبيلي خرج ادهم بره ورجع تاني علي طول البنت: نسيت ايه تاني؟ ادهم: اكتشفت اني معرفش اسمك البنت: نسمه ادهم: نسمه؟ اشوفك بكره يا نسمه سابها ومشي بس كل شويه يفتكرها وهيا بتعيط ويبتسم راح لمراته او طليقته وكانت هتاكل فقعد اكل معاها ولقي نفسه بتلقائيه بيحكيلها يومه وحكالها كل حاجه عن نسمه واكتشف حاجه مهمه ان اي حاجه بتحصل معاه بتبقي ليلي اول حد عايز يحكيلها اللي حصل!!!! نسمه روحت بيتها بتغني فرحانه مبسوطه دخلت بيتها نسمه: ماما يا ماما انتي يا ماما مامتها: ايه يا حبيبتي مالك؟ مسكتها وفضلت تلف بيها نسمه: باركيلي اتعينت في اكبر شركه في مصر كلها وبراتب خيالي امها: مبروك يا قلبي ربنا يسعدك يا حبيبه قلبي نسمه بتحكي لامها كل اللي حصل بالتفصيل نسمه سرحت للحظات الام: ايه وصلتي لفين؟ نسمه: احساس غريب حسيته اول ما قرب ومسحلي دموعي __ قلبي دق بطريقه غريبه الام: حبيبتي ابعدي قلبك خالص احنا مش زي الناس دي ولا قدها اشتغلي وبس فاهمه؟ نسمه: فاهمه يا قلبي ادهم في شغله ومعاه نسمه بيكملو بعض اتعلمت كل حاجه بسرعه ونظمت كل حاجه وخلال يومين كانت مسيطره علي الوضع تماما كانت ذكيه دمها خفيف ارائها ذكيه وتحس انها عندها فطره رهيبه للشغل كانت جنب ادهم بتعرض عليه حاجه ومندمجين الاتنين والباب اتفتح الاتنين بصوا للباب مره واحده ادهم: ادخل واقف ليه؟ علي: مشغول؟؟ ادهم: لا عادي اتفضل ___ نسمه نكمل بعدين نسمة: اوكي مفيش مشكله هخلص حاليا اللي اتفقنا عليه وهيا خارجه علي بيبصلها ادهم: نسمه دي علي خطاب صاحب الشركه دي!! ده كبير القعده يعني لو هتخافي من حد يبقي ده؟ نسمه: اهلا بحضرتك على: علي فكره الواد ده بيهزر،، ده انا اجمل شخصية ممكن تشوفيها في حياتك كلها ادهم: اه نسيت اقولك الراجل ده فاكر نفسه لسه شباب مع انه عجوز طحن وجد كمان نسمه: هو فعلا لسه شباب ومايبانش عليه نهائي انه جد يعني كأنه اخوك الكبير مثلا علي: اهههاهاي اسكت بقي وشهد شاهد من اهلها ربنا يرفع معنوياتك يا قمر علي فكره انا ابوه مش اخوه علشان بس نبقي واضحين نسمه: واخده بالي يا افندم على: بلاش افندم دي علي كفايه ده ادهم وانا علي احنا ما بنهتمش بالالقاب نسمه ابتسمت لعلي ابتسامه حسسته باحساس غريب جواه خرجت وسابتهم ادهم: بقولك ايه؟ صغيره عليك هاه؟ علي: صغيره عليا؟؟ اه قولتلي؟؟ ومناسبه ليك انت ولا ايه؟ ادهم: انا مابفكرش فيها من الناحية دي علي: يعني افكر انا؟؟؟ ادهم: صغيره عليك!!!! علي: خلاص متزقش صغيره صغيره المهم نتكلم في الشغل نسمه روحت وطول ماهي قاعده مع مامتها سرحانه الام: بنت انتي مالك النهارده؟ في ايه؟ نسمه: شوفت باباه النهارده الام: بابا مين؟ نسمه: ابو ادهم الام : ادهم مين؟ نسمه: يووه يا ماما ادهم صاحب الشغل الام: وماله ابوه كمان ان شاءالله؟ نسمه: راجل جانتل رقيق دمه خفيف قريب قوي من القلب الام: الولد وابوه؟؟؟ ما تلعبيش بالنار يوم تقولي ادهم معرفش ماله والنهارده تقوليلي ابوه معرفش ماله يا تفوقي كده يا مش هتروحي الشغل ده تاني فاهمه؟ نسمه: انتي بتقولي ايه؟ انا مش بفكر كده؟ وبعدين انا عمري ما هسيب الشغل ده ابدا الشغل ده بقي حياتي كلها فاهماني؟؟ ونكمل بكره توقعاتكم نسمه هتحب مين؟ ادهم؟؟ علي؟؟ ادهم هيحب من جديد؟؟ ليلي هتسمح لادهم يحب تاني؟ توقعاتكم ShiMoOo | ||||||||||
|
| |
|
10-05-19, 01:58 AM
| #28 | ||||||||||
| مراقبةومشرفةسابقة ونجم روايتي وكاتبة وقاصة وملكة واحة الأسمر بقلوب أحلام وفلفل حار،شاعرة وسوبر ستارالخواطر،حكواتي روايتي وراوي القلوب وكنز السراديب
| الحلقه 27 قبل الاخيره كل يوم بيعدي نسمه بتقرب اكتر من ادهم وعلي بقت مسؤله عن كل حاجه تخص ادهم شغله مواعيده حتي اكله في مره وهو غرقان في شغله هيا دخلت عنده ومعاها اكل حطته علي الترابيزه وراحت لادهم شدت من ايده قلمه وقفلت اللاب وقفلت الملفات فبصلها باستغراب ورجع لورا في كرسيه ادهم: وبعدين؟؟ نسمه: وبعدين تقوم تاكل يالا ادهم: الملف ده لازم يخلص لاني هقابل العميل بتاعه بالليل نسمه: هيخلص بس دلوقتي هتاكل يالا ادهم: طيب اطلبي الاكل ولما يجي هناكل نسمه: الاكل علي الترابيزه قوم انت بس ادهم قام معاها وقعد وهيا جنبه وفتحت الاكل وهو استغرب جدا ادهم: ايه ده ان شاءالله؟ نسمه: رنجه ادهم: رنجه وهنا في الشغل؟؟؟ نسمه: ولولا ان احنا في الشغل كنت جبت بصل كمان ادهم: بصل؟؟؟ ما تتخيليش انا بكره البصل قد ايه؟ طيب انتي كلي ده وانا هطلب اكل نسمه: انت هتاكل معايا فاهم؟ افتكر ليلي وبدايه علاقتهم مع بعض والاكلات الغريبه اللي كانت بتأكلهاله نسمه: يالا مد ايدك ادهم: امد ايدي في ايه ودي تتاكل ازاي اصلا سيادتك ولا جايبه شوكه ولا سكينه!؟؟ نسمه: لانها بتتاكل بالعيش ادهم: كلي انتي انا هقوم اط... قاطعته: هتاكل معايا قطعت لقمه وغمزتها بالرنجه ومدت ايدها لبوقه ادهم: سيادتك هتاكليني؟؟ نسمه: لو مش عندك مانع؟؟؟ ادهم فكر للحظه وبعدها فتح بوقه وهيا حطتها في بوقه وفعلا كانت بتاكل وتأكله معاها لانه رفض نهائي يحط ايده ليلي راحت عند ابوها ومع اخواتها وابنها مندمج معاهم وهيا قاعده سرحانه ادهم واحشها جدا وبقاله فتره مجاش كل شويه تمسك التليفون علشان تكلمه وترجع في قرارها واخيرا اخدت القرار ليلي: ماجده ينفع اسيب كيمو معاكي ساعه كده؟ ماجده: طبعا شوفي وراكي ايه وما تقلقيش عليه ليلي خرجت وراحت لادهم تشوفه بنفسها وتشوف كمان سكرتيرهه اللي مش بيبطل كلام عنها وصلت لمكتبه وواقفه بره وسامعه ضحكهم وهزارهم ادهم: نسمه خلاص كفايه كده نسمه: واحده كمان علشان خاطري واحده بس يالا ليلي بره هتجنن واحده ايه اللي هيا عايزاها منه راحت فتحت الباب ودخلت وهنا كانت نسمه بتحط اللقمه في بوقه الاتنين بصوا للباب وادهم اول ما شافها وقف نسمه بصتلها باستغراب نسمه: تحب اطلعها بره؟؟ ادهم: لا لا سيبينا لوحدنا ليلي: جيت في وقت مش مناسب ولا ايه؟ قربت شافت الاكل اللي علي التربيزه ليلي:رنجه؟؟ ما تتخيلوش ريحتكم زفره قد ايه؟ ادهم: انتي سايبه كريم فين ومع مين؟ ليلي: هو انت لسه فاكره ( بصت لنسمه) انت عندك اللي شاغلك عنه نسمه: لو سمحتي تلميحاتك دي مش عجباني ليلي: وانتي كلك علي بعضك مش عجباني اتفضلي شيلي الاكل ده واطلعي بره نسمه: افندم؟؟ وسيادتك تبقي مين علشان تدي اوامر كده؟ ؟ ليلي: انا مراته وام ابنه ولا ماقالكيش انه متجوز؟؟ نسمه بصت لادهم ادهم: نسمه سيبينا لوحدنا لو سمحتي نسمه خرجت بره وهيا متفاجئه مصدومه هيا فعلا ما كنتش تعرف انه متجوز محدش قال قدامها خالص انه متجوز فكرت انها تمشي!! بس تمشي ليه؟ هو مقالهاش اي حاجه وعمره ما تخطي اي حدود معاها؟ ادهم: مراتي؟؟ مكنتش اعرف ان انتي مراتي؟؟ ليلي: سوري كنت مراتك مبسوط؟؟ ادهم: دلوقتي بقيتي كنت؟؟؟ انتي عايزه ايه؟ بتكرهيني؟؟ بتحبيني؟؟؟ عايزاني ولا مش عايزاني؟؟ ليلي سكتت ومش عارفه ترد ادهم: ساكته يعني؟؟ بتغيري عليا ليه؟ ليلي: انا ما بغيرش عليك ادهم: اه صح امال كنتي هتضربيها ليه؟ ليلي: وسيادتها كانت بتأكلك ليه؟ ايه اللي بينك وبينها؟ ادهم: شيئ ما يخصكيش ليلي: بقي كده؟ ادهم: ايوه كده بتسألي بصفتحك ايه؟ ليلي: ام ابنك ادهم: ام ابني ملهاش حق تسأل سؤال زي ده ليلي: اوكي عارف انا مش عايزه اعرف ولا انت هاممني ولا فارق معايا روح اتجوزها لو حبيت سابته ومشيت وهو قعد علي مكتبه ونسمه دخلتله ادهم: معلش سيبيني لوحدي نسمه: حاضر بس هيا دي مراتك فعلا؟؟؟ ادهم: كانت نسمه: يعني ايه؟ ادهم: طليقتي مش مراتي ينفع بقي تسيبيني لوحدي؟ ادهم اخر النهار راح لمراته فتحتله وسابت الباب مفتوح ودخلت من غير ولا كلمه دخلت علي المطبخ كانت بتعمل اكل كريم هو دخل لقي ابنه بيلعب باسه ودخل وراها ادهم: ايه مش هتكلميني؟ ليلي: عايز حاجه؟ ادهم: عايز اعرف عايزه توصلي لايه؟ ليلي: مش عايزه انت حر في حياتك قرب منها ووقف وراها ومسكها من اكتافها الاتنين وضغط عليهم جامد قرب قوي وهمس في ودانها ادهم: وانا مش عايز ابقي حر!!!! مش عايز!!!! انا عايزك انتي وبس باسها في رقبتها وهيا واقفه مستسلمه لفها ليه واتقابلت عنيهم في نظره جوع وحرمان واصرار ان الجوع ده لازم ينتهي باسها ادهم بشره وحرمان وهيا تجاوبت معاه بنفس القوه شالها واخدها اوضه النوم قطع هدومها اللي هيا لابساها وهو قلع قميصه وهيا صفارات الانذار بتضرب وبتتجاهلها شوقها ليه اكبر من اي حاجه تانيه فخرستهم تماما وسابت نفسها في حضنه وبدات تستمتع بوجودها في حضنه قاطعهم تليفونه بيرن ويرن ومش عايز يسكت ادهم مش عايز يرد لانه خايف انه لو قام مش هيرجع تاني ليلي زقته: رد علي تليفونك يمكن يكون في حاجه ادهم اتنهد بصوت عالي وطلع تليفونه وبص للاسم وليلي كمان بصت للاسم واول ما شافته قامت من جنبه وهو مسكها من ايدها ادهم: ما تقوميش مش هرد زقت ايده بعيد وشدت ايدها ولبست روب طويل ووقفت وعطته ظهرها فضل يبص لظهرها كتير وهو مش عارف يعمل ايه؟ اخيرارد علي تليفونه ادهم: ايوه يا نسمه في حاجه،؟ سمعها: طيب خلاص هاجي خلاص ربع ساعة واكون عندك سلام قفل تليفونه وقام لبس قميصه وليلي بتراقبه خلص لبس وبصلها ادهم: شوفي دي كانت اخر محاوله مني اقرب منك!!! انا مش هفضل عمري كله ادفع في ثمن غلطه ما ارتكبتهاش ليلي: مرتكبتهاش؟؟؟ شفتك بعيني في حضنها عريان تماما ادهم: وانا مش فاكر ده ولا فاكر اني لمستها ولا فاكر اي حاجه؟ ربنا ما بيحاسبش المجنون او النايم او بمعني تاني اللي عقله مش موجود وانا عقلي مش مسجل ده يبقي كان عقلي مش موجود ساعتها يعني ربنا نفسه مش هيحاسبني لو عملت حاجه غلط ساعتها!!!! ده ربنا!!! انتي بقي مصره تعاقبيني؟؟ ليلي: انا مش مصدقاك ادهم: وخلاص مش عايزك تصدقي معدتش عايزك يا ليلي كفايه ذل بقي ومن هنا ورايح انتي ام ابني وبس انا هكمل حياتي بعيد عنك وهتجوز من تاني وهعيش ليلي: نسمه صح؟ ادهم: ده شيئ ما يخصكيش سابها ومشي وهيا فضلت تعيط وتفكر هو ممكن فعلا يكون بيقول الحقيقه؟؟؟ نسمه روحت بيتها واول ما شافت امها عيطت وقالتلها ان ادهم متجوز وعنده عيل والام فكرتها انها ياما قالتلها ملهاش دعوه بالعالم دول ادهم تاني يوم خرج من مكتبه وراح لنسمه فبصتله نسمه: افندم عايز حاجه؟ ادهم: هردلك عزومه امبارح تعالي معايا نسمه حاولت تعترض بس هو شدها من ايديها واخدها علي مطعمه قعدوا واتغدوا في صمت نسمه: انت ليه مخبي انك متجوز؟؟ ادهم: اولا انا مش مخبي ثانيا انا مش متجوز احنا متطلقين نسمه: انتو عندكم عيل ادهم: اهمم وبعدين نسمه: المفروض تحاربوا علشانه؟ ادهم: ومين قالك ان احنا ماحاربناش؟؟ حكالها ادهم قصه حبه كامله من يوم ما شافها لحد ما اتطلقوا نسمه: خساره ادهم: خساره ايه؟ نسمه: حب زي ده تنهوه كده؟ ادهم هيا لسه عايزاك وبتحبك بدليل غيرتها امبارح وبعدين قالت مراتك مقالتش طليقتك وده علشان تثبت ان ليها حق فيك ادهم: نسمه انا جربت كل حاجه وكل السكك مقفوله نسمه: لا مش مقفوله له متواربه لكن مش مقفوله ادهم: وحتي لو مش مقفوله فانا قفلتها امبارح نسمه: ليه كده؟ روحلها النهارده واستسمحها وبوس ايديها وخدها في حضنك وهيا هتحن ادهم فضل مع نسمه يتكلمو كتير نسمه: عندك صوره لابنك؟ واوعي تقول انه الصوره اللي علي المويبل دي؟؟ ادهم: اه هو ليه؟ نسمه: كنت فكراه من عيال الاعلانات دي ادهم: عيال الاعلانات دي عيال ولا ايه؟ ادهم اكتشف ان الكلام مع نسمه مريح جدا وانه بيحبها جدا بس حبه ليها مختلف عن حبه لليلي تماما نسمه كمان اكتشفت انها مش بتحب ادهم حب راجل وست بس وهيا معاه حاسه بالامان علي كمان بيحب يتكلم معاها ويقرب منها وهو كمان حكلها قصة حياته ادهم في شغله دخلت عنده دولي تعيط دولي: الحقني يا ادهم الحقني ادهم: ودي لعبه جديده زي بتاعت السفر ولا ايه؟ دولي: لا ابدا المره دي بجد انت لازم تساعدني ادهم: عايزه ايه؟ دولي: بابا وماما دولي بتعيط جامد ادهم: في ايه مالهم؟؟ دولي: كانو جايين النهارده من المانيا ادهم: وبعدين؟ دولي: الطياره وقعت يا ادهم دولي انهارت من العياط وادهم قام يواسيها ادهم: انتي جاتلك اخبار مؤكده؟؟ ساعات بينزلو ويعملوا هبوط اضطراري وساعات بتبقي حاجات بسيطه ما تخافيش وتفائلي ادهم واقف جنبها اخدها وروحها وحاول هو يوصل لاي حاجه عن ابوها او امها عدد الناجيين كان قليل جدا وبينتشلو الجثث من المحيط ويبلغوا اهاليهم دولي راحت لادهم مكتبه ودموعها سابقاها واول ما شافها وقف وقابلها ادهم: عرفتي حاجه جديده؟؟ دولي: اتصلوا بيا وطلبوا مني اجي اتعرف علي جثثهم هما ولا لأ؟ انا مش هقدر يا ادهم مش هقدر بتعيط جامد جدا ادهم ضمها وبيهديها ادهم: هشششش اهدي يا دولي انا هروح مكانك ما تخافيش ادهم بيمسح دموعها بايديه ادهم حس بحد قدام الباب بس افترض انه نسمه فطنش دولي: انا هعمل ايه؟ ؟ اوعي تسيبني وتتخلي عني ارجوك؟؟ ارجوك يا ادهم خليك جنبي اوعدني؟ ادهم: ما تخافيش انا جنبك وهفضل جنبك وبعدين انا امتي اتخليت عنك علشان اتخلي عنك دلوقتي؟ هاه؟ انا ديما جنبك ولا ايه؟ نامت علي كتفه وهو ضاممها ## تصدق انا كنت غبيه لما فكرت اني اصدقك؟؟؟ قام واتنفض وبص لمراته وهيا بتبصله بمرار وما نطقتش ولا كلمه ومشيت دولي: انا اسفه انا هروح وراها اشرحلها و ادهم: لا ما تروحيش سيبيها هيا سبق وحكمت ونفذت حكمها فمعدش يفرق سيبيها المهم المفروض تروحي امتي؟ دولي: معادي في المطار بعد ساعتين ادهم: طيب يالا بينا يدوب نلحق نوصل يالا اخدها ومشي وطول الطريق هما الاتنين ساكتين ومفيش كلام يتقال ادهم خرج تليفونه يرد عليه وحطه جنبه فدولي مسكته وبتتفرج علي الصوره اللي في الخلفيه دولي: جميل قوي الولد ده! بس من امتي بتحط صور اطفال كده؟ ادهم: ده كريم ابني دولي: ده ابنك؟؟ ادهم: ومالك مستغربه ليه؟ دولي: لا عادي!!! بتشوفه علي طول؟؟ ادهم: لا طبعا مش علي طول.. بستني وقت اكون فاضي فيه وامه تكون فاضيه وبشوفه دولي: ده مش كفايه انا ابويا كان منفصل عن امي وكنت ديما بستني الوقت اللي اشوفه فيه ولما يجي يقضيها خناق مع ماما علي اي حاجه حاجه مش عجباه؟ حاجه انا غلطت فيها؟ حاجة هيا غلطت فيها؟ ويعدي الوقت واستني تاني وتاني وتاني وكبرت واديني اهوه لسه بستني يخلص شغل؟ يجي من سفر؟ حياتي كلها انتظار ما تعملش في ابنك كده؟ ادهم: بتتكلمي وكانك مالكيش يد في اللي حصل!!! هو انتي ناسيه ان احنا اتطلقنا بسببك ولا ايه؟ ما علينا مش وقته يا دولي مش وقته!! انا وعدتك اني هقف جنبك وهنفذ وعدي سكت دولي ودموعها نزلت بصمت كانت عايزه تصرخ وتنطق وتقوله ان هو عمره ما خان ليلي ابدا دولي: ادهم انت سبق وسألتني انت ازاي بيت عندي صح؟ ادهم: مش وقته احنا وصلنا يالا بينا اخدها ونزلو وسأل علي المكان اللي يروحوه وصلوا واتفاجؤا بجثث كتير في الارض متغطيه دولي انهارت من العياط وقعدت في الارض الظابط: لو سمحتي المفروض حضرتك تيجي تتعرفي علي الجثث ادهم: انا هاجي معاك يالا اتفضل ادهم بيشد ايده من ايدها وهيا متبته فيها جامد ادهم: ما تخافيش هرجع علي طول قام ومشي خطوتين ولقاها وراه دولي: لازم اجي معاك ده ااقل شيئ اعمله مسكت ايده وراحو وري الظابط وسط الجثث لحد ما وقف قدام اتنين وكشفهم.....،،، دولي صرخت ووقعت في الارض وادهم مسكها ادهم: معلش يا دولي معلش البقاء لله دولي: انا بقيت لوحدي ااااااه اخدها ادهم وروحها وهيا منهاره تماما فضل جنبها وطلبلها دكتور كشف عليهاوعطاها مهدئ ونامت ليلي روحت بيتها النار بتاكل فيها ازاي فكرت تسامحه ؟ ازاي فكرت ترجعله؟؟ هو سبق وخانها ومازال بيخونها لازم تقطع اي امل جواها وتموته اخدت ابنها في حضنها وفضلت تعيط لازم تخرج من اي مكان يخصه لمت هدومها وهدوم ابنها وراحت لبيت ابوها ادهم مع دولي مش عارف يسيبها ويمشي اتصل بالتليفون وطلب خدمه من حد وهو مستني الباب رن وهو فتح ادهم: كويس انك جيتي محتاج خدمه منك نسمه: انت تشاور ادهم: محتاجك تفضلي هنا لحد ما اروح مشوار وارجع ينفع؟؟ نسمه: هنا فين وعند مين هنا؟؟ ادهم: دولي وقبل ما تتكلمي ابوها وامها ماتوا في حادثه الطياره ويدوب جايبها من المطار اتعرفت علي جثثهم وحاليا اخدت مهدئ بس مش هينفع نسيبها لوحدها فينفع تساعديني؟ نسمه: انا لله وانا اليه راجعون اه ينفع بس انت رايح فين؟ مفيش حاجه مهمه في الشغل؟؟ ادهم: رايح لليلي نسمه:؟؟؟؟ ليه دلوقتي؟ ادهم: جت عندي وشافت دولي في حضني وانا بواسيها وطبعا عقلها مشي في اتجاه بعيد نسمه: طيب ماهي جت وشافتني باكلك؟؟ ادهم: دولي مختلفه؟ نسمه: هيا دي دولي اللي كانت السبب؟؟ ادهم: اايووه هيا خلاص فهمتي ممكن بقي الحقها؟ نسمه :روح بس متحطش امال لانك سيبتها الوقت ده كله ادهم: انا معنديش امال اصلا انا بس هوضح اللي حصل تصدق او ما تصدقش معدش يفرق سلام راح للبيت بس ملقاش حد وعرف انها سابت البيت من شكله وانها لمت هدومها وهدوم ابنها راح بيت ابوها وخبط ودخل والمره دي شاف نظرات اتهام من الكل وفهم ان ليلي حكتلهم اللي حصل زمان ودلوقتي ادهم: معني نظراتكم دي انها حكتلكم اللي حصل؟ خالد: شكيت انك خنتها بس اتخدعت بحبك الزايف ليها ادهم: حبي الزايف؟؟ انا مفيش حد في الدنيا دي حب مراته زيي انا!!! بس ما علينا انا مش جاي اسمع اتهامات ولا ادافع عن حاجه قديمه احنا خلاص اتطلقنا واللي بينا انتهي ليلي: جاي ليه طيب؟ ادهم: هقولك معلومه صغيره وامشي ليلي: تقولي انك مش عارف حضنتها ازاي ولا ان هيا اللي حضنتك ولا انك وعدتها غصب عنك تقف جنبها؟ ادهم: انتي عارفه اقف جنبها في ايه؟ ولا سمعتي كلمه وشوفتي حاجه بنيتي عليها فيلم كامل؟؟؟ ليلي: انا عارفه انا شفت ايه وبعدين انت لسه فاكر تجيلي دلوقتي؟؟ ولا لما خلصت معاها؟ ادهم: شوفتي دولي في حضني تعرفي بقي ان ابوها وامها كانوا في الطياره اللي الاعلام موراهوش غيرها؟؟ تعرفي انها كانت جيالي علشان اروح معاها تتعرف علي جثثهم؟؟ تعرفي اني قلتلها مش هتخلي عنها وهقف جنبها لحد ما تعدي ازمتها دي؟ وفعلا انا جيتلك بعد ما روحنا المطار وشوفنا جثثهم وروحتها بيتها وطلبتلها دكتور؟؟ تعرفي كل ده؟؟ ولا افترضتي اني علي علاقه بيها وخلاص؟؟ وحكمتي ونفذتي حكمك وسيبتي البيت واخدتي ابني معاكي!؟ عم فتحي: لا حول ولا قوة الا بالله ربنا يصبرها الاب والام خسارتهم صدمه خليك جنبها يا ابني ادهم: انا مش هدافع عن نفسي يا ليلي بس كل اللي هقوله ان لما حد بيلجألي ما بتخلاش عنه دولي فاقت ولقت نسمه جنبها دولي ؛ادهم فين؟ نسمه: راح ينفذ ما يمكن انقاذه من حياته اللي انتي دمرتيها ومازلتي بتدمري فيها! ولانه خايف عليكي طلب مني اجيلك واقعد جنبك دولي: انتي شمتانه فيا؟؟؟ نسمه: محدش بيشمت في الموت بس ده عقاب ربنا ليكي انك تتحرمي من الناس اللي بتحبيهم زي ما انتي حرمتيهم من بعض حرمتي زوجه من زوجها وابن من ابوه واب من بيته ومراته وابنه دمرتي اسره كامله! ازاي تخيلتي ان ربنا هيسيبك بعد كل ده؟؟؟ يمهل ولا يهمل دولي كل حاجه عملتها في يوم من الايام بتمر قدامها قامت وقفت نسمه: انتي عايزه ايه وانا اعملهولك دولي: اللي عيزاه انا بس اللي اقدر اعمله نسمه: طيب بتدوري على ايه؟ دولي خرجت CD خلاص لقيته ينفع توصليني اصلح اللي كسرته؟؟؟ ادهم عند ليلي شايل ابنه وحاضنه ادهم: ارجعي البيت سبق وقولتلك انه بقي بيتك مش بيتي وابني يا يعيش هناك يا هاخده يعيش معايا ليلي: انت بتهددني يا ادهم؟؟ ادهم: هو انا محتاج اهدد يا ليلي؟؟ انا بعرفك مش اكتر ليلي اللي بيني وبينك انتهي وده شيئ انتي سبق ووضحتيه باكتر من طريقه وما تخافيش مش هحاول ابني جسور خلاص اتكسرت واتهدمت فارجعي وانتي مطمنه الباب خبط وخالد فتح وليلي وادهم اتفاجؤا بدولي ادهم: انتي جايه هنا ليه؟ وايه اللي قومك؟ ليلي: البقيه في حياتك دولي: جايه اصلح اللي كسرته من سنه فاتت ادهم: قولتلك مش وقته وبعدين اللي اتكسر خلاص مش هيتصلح خلاص يا دولي دولي: لا مش خلاص انتو لازم تعرفوا ايه اللي حصل؟ وازاي حصل؟ ليلي: مفيش حاجة ممكن تقوليها تبرر اللي حصل فريحي نفسك ادهم: مش قولتلك مالوش لازمه ما تتعبيش نفسك دولي: لو سمحتو ممكن كمبيوتر او لاب خالد طلع اللاب بتاعه وعطته ال CD وطلبت منه يشغلها ليلي: انتي جايه تفرجيني علي جوزي وهو في حضنك دولي: انا جايه اوريكي ايه اللي حصل وازاي جوزك نام عندي انا سجلت ال CD ده علشان كل شويه اتفرج عليه بس للاسف مفيش حاجة حصلت اتفرج عليها شوفيه يا ليلي وبعدها اتكلمي شغلوا ال cd وبدؤا يتفرجوا عليها دولي بتفتح الباب وادهم بيدخل ادهم: اديني جيت اهوه واديني شوفتك اهوه خلاص ارتحتي؟ دولي: ادهم انا لسه بحبك ادهم: يوووه لحد امتي!؟ دولي ما تضيعيش عمرك تجري وري وهم وسراب انا بالنسبالك سراب عيشي حياتك واخرجي بره حياتي _ ما تضيعيش عمرك دوري علي حد يحبك وتحبيه وعيشي معاه بعد اذنك انا رايح لمراتي دولي: عندك حق انا لازم اخرجك بره حياتي لازم فضلت تعيط ادهم: انا مش عايز اتاخر تروحي وترجعي بالسلامه اذا رجعتي دولي: ينفع تقعد شويه؟؟ قامت وبتصب عصير ليهم ادهم: قولتلك مش عايز اتاخر كانت ماسكه في ايديها كوبيتين عصير دولي: نشرب مع بعض دول زي اي اصحاب وبعدها روح لمراتك ادهم: ماشي يا دولي ادهم شرب العصير ويدوب هيقوم بدأ يدوخ ادهم: انا لازم امشي كل ما بيحاول يقف يقع تاني ودولي ماسكاه لحد ما فقد الوعي تماما وهو بيردد انه لازم يمشي ليلي مستنياه دولي وقفت تتفرج عليه ادهم وليلي وعيلتها بيتفرجوا وخالد وقف ال cd خالد: اعتقد الباقي واضح دولي: شغله لو سمحت الباقي اهم من اللي فات ليلي: اهم في ايه انتي خدرتي جوزي وكلمتيني اروحلك اشوفه في حضنك ايه اللي اهم من كده؟ دولي: الباقي يهم ادهم مش انتي شغله لو سمحت خالد شغل ال cd تاني دولي واقفه وادهم مغمي عليه قدامها وباب اتفتح وراها وخرج منه سليم وريهام دولي: اهو اغمي عليه هنعمل ايه؟ ريهام :ازاي هنعرف ليلي؟ وازاي هنخليها تيجي هنا؟ سليم: الاول لازم ندخله اوضت نومك نادي سليم علي اتنين من رجالته شالو ادهم وحطوه علي السرير ريهام: وبعدين؟ سليم: لازم يكون عريان تماما ريهام: انت عارف ده معناه ايه؟ سليم: ماهو مش هينفع يخونها بهدومه كده؟ ريهام ليلي لو شافته عريان ودولي في حضنه عمرها ما هتسامحه ابدا وبكده هيطلقوا واحنا بعيد تماما عن الموضوع ده الحبيب ممكن يسامح اي حاجه الا الخيانه وبعد ما يطلقوا ابنك هيرجع في حضنك هيزعل شويه وخلاص هينساها الرجاله كده وعلي جوزك اكبر دليل اهو نسي حبه وكمل معاكي دولي: انا هقلعه هدومه ريهام: لأ انا اللي هقلعه انتي ما تلمسيهوش فاهمه؟ وفعلا ريهام قلعته وسليم دخل رفع الغطا ونزله تاني سليم: انا قلتلك عريان ريهام: وانا مقدرش اكتر من كده ده ابني سليم: انا هقلعه ريهام: وده هيفرق في ايه ماهو عريان اهوه؟؟؟ سليم: ده هيتحفر في ذاكره مراته ومش هتنساه ابدا ابدا ده دليل خيانته ريهام: ماهو ممكن ما يقمش من مكانه وما تشوفش انه عريان تماما؟؟؟ سليم: واحد بيعشق مراته يفتح عينه يلاقي واحده عريانه في حضنه ومراته قدامه هيعمل ايه؟؟ هيتنفض من مكانه وهيتفاجئ هو كمان انه عريان وهيحاول يداري نفسه ومش هيلاقي اي كلام يدافع بيه عن نفسه لانه هو قدام نفسه مش فاهم ايه اللي حصل وبالتالي مش هيعرف يدافع عن نفسه فهمتي؟ سليم قلعه وصوره بموبيله دولي: مش انا اللي هكلم مراته؟ سليم :لأ لو شكت في صوتك ممكن ما تصدقكيش وما تعبركيش،لازم حد ما تعرفوش انتي كل المطلوب منك لما مراته تيجي تشدي ادهم للسرير تاني وتقوليله يكمل اللي بدأه طبعا مش هوصيكي دلوقتي دورنا خلص يالا يا ريهام بكره هتسمعي خبرهم ادهم قام وقفل ال CD ادهم بصوت مخنوق: كان نفسي اعرف انا ازاي نمت عندك واديني عرفت.. المره دي لعبوها صح لا برافو عليكم انتو التلاته لعبتوها صح!! دولي: انا اسفه عارفه اني اسفي مالوش قيمه بس ما املكش غيره ادهم: اسفك مقبول انتي الوحيده اللي ممكن اقبل اسفها انتي حبتيني ودافعتي عن حبك بطريقتك انا متفهم كل اللي عملتيه والغريبه اني مش زعلان منك ليلي حاولت ابررلها او افهمها او اترجاها تسمعني او حتي تحاول مجرد محاوله تفهم او تصدق حبي ليها وعلي الرغم من كده رفضت وحكمت علياونفذت حكمها ومحا لتش ترجع في حكمها ابدا مهما اعمل!!! امي ( صوته اتغص من الدموع) امي جريت ورميت نفسي في حضنها وطلبت منها تسامحني اني ببعد عنها وعيطت تحت رجليها وعاشت معايا وجعي والمي وبرضه فضلت ساكته جدي بقي سبق ودمر حياه ابويا فمش جديده عليه انه يدمر حياتي. عادي يعني دولي متشكر علي الحقيقه اللي وضحتيها بس سبق وقلتلك ملهاش فايده انا وليلي اللي بينا انتهي ومش هقبل رجوعها ليا دلوقتي لان مع الوقت فهمت انه المفروض يكون في ثقه بينا وانها تحاول تسامح او تكمل لاي سبب بس هيا مصدقت مسكت غلطه وعلقتلي مشنقه وشنقتني فعلا وحرمتني منها ومن ابني وده مش هسامحها عليه ابدا ليلي: ادهم انا اسفه ادهم: نعم؟؟؟ اسفه علي ايه؟ علي لفي في الشوارع زي المجنون ادور عليكي وانا هموت تكوني عملتي حاجه في نفسك؟ ولا علي ذولي لاهلك علشان اعرف منهم كلمه تطمني عليكي؟ولا وجعي في كل ليله انتي بعيد عني فيها؟ ولا يوم ما خرجتي من المستشفي واخدتي حته من قلبي معاكي ورمتيني بره حياتك؟ ولا طلبك الطلاق مني؟ اسفه علي ايه بالظبط؟ عارفه انا في الحظه دي تقريبا ما بكرهش حد في الدنيا دي كلها قد ما بكرهك. بكرهك اكتر من سليم نفسه فاهمه؟ انا بكرهك ونكمل بكره ياتري ليلي هعرف ترجع ادهم تاني؟؟؟ ادهم هيعمل ايه مع سليم وامه؟ توقعاتكم سؤال علي الطاير قصتي الجديده اخليها بنفس الاسماء ادهم وليلي ولا اغير؟؟ السؤال اجباري مش اختياري ShiMoOo | ||||||||||
|
| |
|
10-05-19, 01:59 AM
| #29 | ||||||||||
| مراقبةومشرفةسابقة ونجم روايتي وكاتبة وقاصة وملكة واحة الأسمر بقلوب أحلام وفلفل حار،شاعرة وسوبر ستارالخواطر،حكواتي روايتي وراوي القلوب وكنز السراديب
| الحلقة 28 والاخيرة ادهم سابهم كلهم.وخرج بس كفايه بقي هو زهق وتعب. راح بيت ابوه لقي ابوه وامه مع بعض دخل وفضل واقف علي: ما تتدخل واقف كده ليه؟ ريهام: تعال حبيبي تعال اقعد ادهم واقف مكانه ومش بيتحرك علي بقلق: في ايه مالك كريم كويس؟ ادهم: اه على: ليلي كويسه؟ في ايه مالك انطق؟ ادهم: مالي؟؟؟؟؟ ههههه مالي؟؟؟؟ اسأل مراتك انا مالي؟ ريهام قلبها بيدق معقول يكون عرف الحقيقه؟؟؟ علي: عملتي ايه تاني؟ ريهام: والله ما عملت اي حاجه على: في ايه يا ادهم انطق بقي؟؟ قوب ادهم من امه ووقف قصادها عينه في عنيها مسكها من دراعها وشدها جامد ليه بحيث تواجهه ادهم: ما عبتش عليكي نهائي في اي يوم في السنه تللي فاتت دي؟؟ ما حستيش بوجعي نهائي؟؟ ولا انتي اصلا ما بتحسيش؟؟ ريهام: ادهم حبيبي قاطعها: اوعي تقولي حبيبي دي اوعي؟؟ سنه بحالها قدامك بموت في اليوم ميت مره وانتي بتتفرجي عليا!! سنه وانا كل يوم اعيد سناريو الليله المشؤمه دي في دماغي مره وري مره علشان اعرف انا ازاي خنت مراتي؟ واتاريكي انت السبب قاعده بتتفرجي وتتسلي علي حسابي كان عاجبك حيرتي ووجعي وحرماني من مراتي وابني صح؟ ريهام: لا مكنتش اعرف امها حامل ولما عرفت كانت ولدت ومجتليش الجرأه اقولك خفت اخسرك وانا كنت مصدقت رجعتلي ادهم: رجعتلك مكسور! ميت! موجوع! كان ممكن تخففي عني كان ممكن تقوليلي الحقيقه وساعتها ايوه كلن ممكن ازعل منك بس شويه وهصالحك لانك ندمتي وصارحتيني لكن دلوقتي لا يمكن اسامحك ابدا انا بتبري منك ومن النهارده هعتبرك ميته مالكيش وجود في حياتي او حياه ابني فاهمه؟ انتي ميته؟ ريهام: لا يا ادهم انا اموت من غيرك انت وحفيدي ادهم: وانا بتمني اليوم اللي تموتي فيه على: ايه اللي حصل يا ادهم لكل ده؟ ادهم: خليها هيا تقولك عايز اسمعها بتحكي عملت كده ازاي؟ علي: عملتي ايه؟ ريهام: مكنش قصدي سليم اللي خطط ونفذ انا بس كنت موجودة علي: عملتو ايه؟ ريهام بتعيط جامد ادهم: خدروني!!!!!! عرفت بقي انا ازاي نمت عند دولي؟ كل يوم كنت بتسالني ازاي عرفت تخونها؟ النهارده عرفت ان انا مخنتهاش اصلا هما خدروني وحطوني في سريرها وقلعوني هدومي وجابوا مراتي تشوفني... انا مخنتش مراتي... انا مخنتش مراتي ادهم طلع لم كل شيئ يخصه في البيت ده ونزل وهو ماشي وقف وبص لابوه ادهم: علشان تعرف بس الموضوع مني مش من حد تاني انا بالتوكيل اللي معايا اخدت كل حاجه باسمي الشركات الاراضي المصانع الفلوس اللي في البنك بمعني تاني كل حاجه بقت بتاعتي على: انا الفلوس ما تفرقش معايا بس ليه عملت كده؟ ادهم: علشان هرمي سليم بره وبما انه ابوك فخفت انك تحنله فكتبت كل حاجه باسمي سليم هحطه في دار مسنين وارجوك ما تتدخلش ادهم مشي وسابهم في حاله من الصمت بيقطعها عياط ريهام على: دلوقتي بتعيطي؟؟ هيفيدك بايه؟ بقي تعملي كل ده في ابنك؟ طيب لما خلف قوليله وصارحيه؟ علي العموم انا سبق وحلفت انك لو اذيتيهم انا هقف لك انتي طالق يا ريهام اروح بقي الحق ابني ريهام ندمت بس بعد ايه.؟ معدش ينفع الندم ادهم تاني يوم ي شغله سامع دوشه بره تحت الشركه وعرف انه سليم فنزل ادهم: ايه الدوشه دي؟ سليم: البهايم دول مش عابزين يدخلوني شركتي ادهم: قصدك شركتي انا!! معلش بس دي الاوامر اللي عندهم انت ما تدخلش الشركه نهائي سليم: انت بتخرف بتقول ايه دي شركتي؟؟؟ ادهم: ههههههههه بجد سوري بس دي شركتي انا! فلوسي انا!فيلتي انا!كل حاجه بقت بتاعتي انا اما انت حاليا هتروح علي الشارع لانك ما تملكش غير اللي في جيبك وبس كل حاجه بقت بتاعتي ولا اقولك انا ممكن اعطف عليك واحطك في دار مسنين سليم: انا سليم خطاب انت فاهم؟ ادهم: انت مجرد شيئ منزوع من قلبه الرحمه وكان لازم حد يقفله من زمان وانا اهو مش هسيبك تاذي اي حد تاني ودلوقتي بره شركتي ومعاك لاخر النهار الاقيك بره الفيلا بدال ما ابعتلك الامن يطلعوك بره هعمل باصلي واديك فرصه تلم حاجتك شوفت بقي انا احسن منك ازاي ودلوقتي بعد اذنك ورايا شغل ادهم طلع مكتبه ونسمه واقفه بتبصله باستغراب ادهم: بتبصيلي كده ليه؟ مالك؟ نسمه: اول مره اشوفك كده؟ انت قاسي كده ليه؟ وبعدين ده جدك؟؟؟ ادهم: جدي؟؟؟ انتي متعرفيش هو عمل فيا ايه؟ انا من ساعت ما رجعت مصر وكل ما اي مشكله تجرالي الاقيه هو السبب وانا افترقت عن مراتي وابني بسببه انا مراتي اتقبض عليها واتهمها بالسرقه انتي متعرفيش حاجه فما تتكلميش علي جه لادهم على: ايه اللي انت عملته ده؟ ادهم: عملت ايه انا؟ علي: ادهم ما تستعبطش عليا لو سمحت؟ قصدي علي جدك ادهم: افندم جدي؟؟ ومن امتي بقي جدي؟؟ كنت عارف انك هتحن وهتضعف وعلشان كده انت كمان اخدت منك كل حاجه علشان ما تساعدوش على: ادهم ده ابويا انت عايز ترميه في الشارع؟؟ ادهم: انا رميته مش لسه هرميه على: انت ازاي بقيت كده؟ ادهم: اتعلمت من استاذ البركه في ابوك هو كان استاذي انا سكتله كتير بس هو وصل لمرحله ما ينفعش يتسكتله فيها مش هرحمه المره دي علي: ادهم انت كده بتقف قصادي انا ادهم: لا مش هقف قصادك بس لو انت هتقف قصادي علشانه هرجعلك كل حاجه بس في المقابل هتخسرني انا على: قصدك ايه؟ ادهم: قصدي اني همشي من مصر واقبل الجنسية الامريكية اللي سبق ورفضتها ومش هرجع مصر تاني ابدا فاختار بينا على: لا يا ادهم متخلنيش اختار بينكم ادهم: يبقي اسف اخر كلام عندي انا سيبتلك بيتك باسمك ممكن تاخده فيه انت حر غير كده معنديش كلام تاني ___ علي: بقي كده يا ادهم؟؟ ادهم: انا اسف بس معنديش غير كده علي ماشي وادهم وقفه ادهم: لو سليم دخل بيتك اوعي تستني ساعتها اني انا ممكن ادخل بيتك تاني؟؟؟ علي روح بيته كانت ريهام ماشيه وسليم داخل على: مبسوكين كده انتو الاتنين؟؟ نفعكم بايه شركم وكرهكم للناس؟؟ اذيتوي اقرب الناس ليكم ودمرتوهم وبدال ما احفادكم تتنطط حواليكم مشيتوهم وطردتوهم من حياتكم يارب كده تكونوا مبسوطين!!! اعملوا بقي حفله كبيره احتفلوا بيها بانتصاركم انتو انتصرتوا سابهم ومشي ريهام مشيت لبيت ابوها المهجور وسليم قعد في بيت علي يندب حظه ويعيد حساباته مع الزمن ليلي راحت لادهم شغله كان هو ونسمه مع بعض ليلي: ممكن ادخل؟؟ ادهم: اتفضلي نسمه سابتهم لوحدهم ادهم: افندم خير؟؟ ليلي: ادهم انا..... ادهم: انتي ايه؟ ليلي:..... ادهم: مش لاقيه كلام تقوليه او مبرر تبرري بيه تصرفاتك!!! واقفه عاجزه ومش عارفه تعملي ايه؟ المره دي بقي انا هرد عليكي بنفس ردودك فاكراها؟؟ ليلي: ادهم استني ادهم: هششش اسكتي الموضوع انتهي ومالوش لازمه الكلام وانا تخطيك وانتي متفرقيش معايا استني كنتي بتقولي ايه تاني؟؟؟ اه انتي ام ابني وبس مالكيش اي صفه تانيه في حياتي اتفضلي بقي عندي شغل ليلي مشيت تعيط من عند ادهم وهو للحظه فكر يقوم وراها بس تراجع وفضل مكانه سليم تعب جامد وعلي نقله مستشفى واتصل بادهم يجيله وفعلا ادهم راحله ادهم: خير في اي؟ انت تعبان؟؟ علي: لا مش انا ده جدك؟ ادهم: برضه جدي؟؟ ما علينا الف سلامه بعد اذنك على: استني هنا؟؟ ادهم: عايز ايه مني؟ علي: جدك محتاج لعمليه في قلبه وهتحتاج مصاريف كتير وسيادتك وقفت حسابي ادهم: ومين قالك اني هوافق ادفعله مصاريف علاجه؟؟؟ سيبه يموت خليه يخلص الدنيا من شره على: ادهم وبعدين انا سكتلك كتير لكن انت كده بتتخطي حدودك.. وبعدين دي فلوسي انا مش بشحت منك ادهم: لا العفو انا مقلتش انها فلوسي بس علي: ما بسش ده ابويا مهما يعمل وجدك مهما يعمل ادهم: حاضر حسابك هرجعه زي ما كان بس ما تتطلبش مني اكتر من كده سابه ومشي وسليم دخل العمليات بس حالته متاخره قوي طلع من العمليات والدكاتره كلهم فاقدين الامل انه يقوم سليم: علي سامحني يا علي سامحني انا جيت عليك كتير على: اسكت دلوقتي وارتاح بعدين سليم: لا مفيش بعدين هاتلي ادهم وليلي ارجوك ارجوك يا علي هاتهم وابن ادهم عايز اشوفه ولو مره مره واحده قبل ما اموت ارجوك على: هحاول علي اتصل بليلي وطلب منها تجيب كريم وتجيله مكتبه وفعلا جتله اخدها وراح عند مكتب ادهم ادهم: خير؟ علي: عايزكم انتو الاتنين اقعدي يا ليلي ودلوقتي اسمعوني انا عايز اطلب منكم طلب ليلي: اتفضل يا عمي ادهم قاعد وحاطط رجل علي رجل لانه حاسس باللي ابوه هيطلبه على: سليم قاطعه ادهم: كنت عارف ان فيها سليم بعد اذنكم ورايا مشوار مهم ويدوب هيقوم ابوه مسكه بالعافيه على: سليم بيموت وطلبه الاخير انه يشوفكم انتم التلاته ادهم: مبروك يدوب الحق اجهز لحفله كبيره علي: ادهم مش عايز بعد ما تبقي في السن ده امد ايدي عليك اتأدب وانت بتتكلم عن جدك ادهم: عمره ما كان جدي عمره طول عمره عدو سواء ليا او ليك ولا نسيت وحنيت علشان تعب؟؟ نسيت امل؟؟ نسيت اللي عمله فيك؟؟ بس حتي لو انت نسيت انا ما نسيتش!! انا طلقت مراتي بسببه على: مراتك قدامك ارجعلها ادهم سكت ومردش على: سكت ليه؟ مين ما نعك ترجعلها دلوقتي سليم؟؟ ما اعتقدش انت مش عايز؟؟ ادهم: انا اسف مش هقدر سابهم ومشي وليلي مسكت ايد علي ليلي: انا هاجي معاك انا وكريم وادهم هيهدي وهيجي راحت فعلا لسليم ودخلتله واول ما شافها وشاف كريم عيط ليلي: اهدي الانفعال وحش عليك سليم: سامحيني اني حرمتكم من بعض... انا عمري ما حبيت ولا عرفت يعني ايه حب؟؟ بس عرفته منكم منك انتي وادهم انا اسف علي كل حاجه عملتها سامحيني يا بنتي ليلي: انا مسمحاك مسمحاك سليم شال كريم وضمه وندم انه ضيع وقت كتييير قوي في الكره والحقد اخر الليل سليم تعب جامد ودخلوه الانعاش وبيلفظ انفاسه الاخيره سليم: علي خلي ادهم يسامحني ارجوك علي: اهدي بقي الكلام غلط عليك سليم: خلاص دي النهايه مافيش فايده المهم ادهم سليم بيكح وفجأه لقي ايد بتمسك ايده ادهم: انا اهوه جنبك ومسامحك وزي ما علي قال انت برضه جدي ولا ايه سليم: سامحني علي كل لحظه الم عيشتهالك سامحني ادهم: مسامحك هشش خلاص اهدي بقي سليم: سامح مراتك!!! انا كنت عارف انها لو شافت المنظر ده عمرها ما هتسامحك لان كل ما الحب يزيد الالم بيزيد والجرح بيكبر وانا استغليت حبكم خلي ابنك يتربي في حضنك وما تخليهوش وحيد زيك انت وابوك هاتله اخوات كتير خلف كتير يا ادهم واعمل عيله واملي البيت ضحك وحب وفرح __ علي انت كمان سامح ريهام هيا ملهاش ذنب دي كانت خطتي انا وهيا حاولت تقولكم بس انا منعتها وخوفتها وعلشان كده سكتت سامحو بعض ادهم: خلاص بقي اهدي كفايه كلام سليم: اوعديني انك خترجع ليلي وكريم لحضنك ادهم: اوعدك سليم ابتسم ودقايق والسر الالهي خرج كام يوم عدي وليلي معاهم في البيت علشان العزاء والناس وخلصت الجنازه ليلي طلعت اوضتها بتلم حاجتها علشان تمشي ادهم: بتعملي ايه؟ ليلي: همشي الجنازه خلصت خلاص ادهم: ومين قالك انك انتي هنا علشان الجنازه وبس؟؟ ليلي: انا هنا بحجه الجنازه لكن الحقيقه ان انا هنا علشان ابقي قريبه منك ادهم: ولما انتي عايزه تبقي قريبه مني ماشيه ليه؟ ليلي: وبعدين انت عايز تعزبني وخلاص شاور بس يا ادهم وانا هفضل تحت رجليك العمر كله ادهم: وفي اول خناقه تسيبي البيت وتمشي صح؟ ليلي: انا ما سيبتش البيت غير مره واحده وانت طردتني فيها ادهم: ونسيتي، المره التانيه لما جيتي لقيتي دولي عندي في مكتبي ولميتي هدومك ومشيتي ليلي: لا دي ما تتحسبش ادهم: ليه بقي ان شاءالله؟؟ سيبتي البيت ولا مسيبتيهوش ليلي: مكنتش مراتك وبعدين ده بيتي انا مش بيتك ادهم: بيتك ولما هو بيتك سيبتيه ليه ورحتي بيت ابوكي ليلي: علشان انت ضايقتني ادهم : يعني بتعترفي انك سيبتي البيت علشان ضايقتك؟؟؟ ليلي: انا ما بعترفش بحاجه هو انت من امتي بتتكلم كتير كده؟؟ ادهم: انتي عايزاني اعمل ايه،؟؟؟ ليلي: اي حاجه وكل حاجه غير الكلام ليلي قربت منه ومنعته يتكلم نهائي وهو كان هيموت ويستسلملها وكان احلي استسلام اخر الليل وهيا في حضنه ليلي: ادهم انت نمت ولا لسه ادهم: لا لسه ما نمتش ليلي: بتفكر في ايه؟ ادهم: بفكر في السنه اللي بعدنا فيها عن بعض شد نفسه من جنبه واتعدل ولسه هيقوم مسكت من ايده ليلي: رايح فين؟ هتسيبني تاني؟ ما تعبتش من الفراق؟؟؟ ادهم: ما تعبتش؟؟؟؟ هو مين اللي ساب مين يا ليلي؟؟؟؟ رمين اللي رفض يرجع تاني؟؟ ليلي: حط نفسك مكاني تخيل للحظه تدخل تلاقيني عريانه في حضن راجل تاني تخيلها يا ادهم ادهم: الوضع مختلف انتي ما ينفعش ليلي: ليه علشان انت راجل ادهم: لا طبعا مش حكايه راجل وست بس برضه ما ينفعش العقل والمنطق ما يقبلهاش وبعدين حتي الشرع حلل للراجل يتجوز اربعه لكن الستات لأ تقدري تقولي ليه؟ ليلي: ادهم انا بتكلم من منطق الحب وبس لو انا خنتك هتسامحني؟؟؟ ادهم: برضه بتقولي خيانه؟؟؟ ليلي: انت نفسك يا ادهم مكنتش عارف تبررلي كنت عايزني اعمل ايه؟؟ اقولك حصل خير؟؟؟ ادهم لو الدنيا كلها قالولي انك بتخوني مكنتش هصدقهم ابدا لكن الوضع اللي شفت فيه كان صعب!! ادهم: عارف انه كان صعب بس انا تخيلت انك هتاخدي فتره وترجعيلي تاني مش نوصل ابدا للطلاق ليلي: احنا ما اطلقناش بسبب الموضوع ده ادهم: امال احنا اتطلقنا ليه؟ صدقتي ان انا رفعت عليكي قضيه الحضانه؟؟ انتي متخيله اني لو حبيت اخد ابني هتمنعيني؟؟ ليلي: لا يا ادهم انا كنت عارفه ان مالكش علاقه بالموضوع ده ادهم: طيب اتطلقنا ليه؟ ليلي: لاني خفت من جدك ادهم: انتي بتضحكي عليا ولا علي نفسك؟؟؟ ليلي: عايزني اقول ايه يا ادهم؟؟؟ اطلقنا لاني كنت متغاظه جدا منك وموجوعه قوي منك وحسيت انك هتكمل حياتك من غيري فعايزه اوجعك وعلشان كده طلبت الطلاق منك ادهم: دي اجابه منطقيه للي حصل كريم بيعيط ليلي: اكيد عايز يرضع ادهم: طيب انا هجيبهولك جابه ادهم وحطوه في النص بينهم رضع ونام في حضن امه وادهم جنبهم ليلي: انا اسفه يا ادهم اني حرمتك من ابنك ادهم: انتي مش غلطانه وانا مش غلطان وسليم مش غلطان وامي مش غلطانه امال مين اللي غلط وليه احنا بندفع الثمن؟؟ ليلي اقفلي الصفحه دي من حياتنا ليلي: هتسامحني؟؟؟ ادهم بصلها: واللي هصل بينا من شويه ده اسمه ايه؟ ليلي بضحك: ده اسمه شوق!! نزوه!!! لهفه!!! ادهم: نزوه؟؟ انت بتتكلمي بجد ولا بتهزري؟؟ هو من امتي الواحد لما ينام مع مراته تبقي نزوه؟؟ ليلي: علي فكره انا مش مراتك انت مردتنيش؟؟ ادهم: قصدك رسمي علي الورق يعني؟؟؟ ليلي: ايوه مش بوقيقي ادهم: مش ايه؟ ما علينا انتي عايزه ايه دلوقتي؟ ليلي: انا عايزه فرح تاني وفستان تاني ومأذون تاني وليله احلي من الاولي فيها الحبايب وبس وتجنن وتفرشلي السرير كله شوك لاته من تاني ادهم: ده كله؟؟ ده علي اساس ان انتي ممرمغاني السعاده فانا اعملك كل ده؟ ليلي: قدم السبت ادهم: ما انا قدمته قبل كده ولا ايه؟ ليلي: هو انت مش لسه قايل نقلب الصفحه ونبدا من جديد يبقي كلاكيت تاني مره وبعدين انت شكلك اصلا كده عجزت ولا كبرت وبقيت بتتعب بسرعه؟؟ ادهم: انا عجزت؟؟ وبتعب بسرعه كمان؟؟؟ ماهو ده اخره اللي يعاملكم برقه ودي ابنك سريره وهنشوف ان مخليتك تقولي الرحمه مبقاش انا ادهم قومي ونسيبهم بقي مع بعض بلاش تطفل ادهم عمل لليلي فرح تاني وجابوا مأذون تاني وعزموا كل حبايبهم وبس وفي الفرح نسمه جت كانت بدر منور علي وادهم اول ما شافوها راحولها علي: ما تروح لمراتك ادهم: ما قلتلك صغيره عليك نسمه: انتو الاتنين بس!! انا بحبكم انتو الاتنين زي بعض بالظبط بس دلوقتي عايزه اعرفكم علي ماما ماما تعالي دول ادهم وعلي الام جت ويدوب هتسلم اتصدمت هيا وعلي علي: امل معقوله؟؟ امل: علي انت علي؟؟ ادهم بيقول لنسمه: هو ايه العباره؟ نسمه: مش فاهمه ادهم: جري ايه يا علي ما تنورنا احنا واقفين ولا ايه؟ علي: ادهم دي امل ادهم: اهلا وبعدين،؟؟؟ علي: امل يا ادهم امل ادهم: الحب الضايع؟؟ علي: ايوه هيا؟؟ نسمه: انا مش فاهمه حاجه؟؟ ده علي حبيبك اللي حكتيلي عنه؟؟ امل: ايوه هو نسمه: يعني ده ابويا؟؟؟ الكلمه نزلت زي الصاعقه علي الكل وكلهم بصوا لامل علي: امل ردي علي بنتك امل: ____،، علي: ردي يا امل!!! امل: ________ارد اقول ايه؟ علي: طيب ليه معرفتينيش؟؟ ليه خبيتي عني؟؟؟ ليه سيبتيني ليه؟ ادهم: كده انا مش فاهم حاجه انت مقولتش ان علاقتكم خدت الشكل ده؟ هنا حسين اتدخل حسين: لا اوعي تفهم غلط بعد ما اتجوز والدتك بحوالي عشر سنين كان مسافر اسكندريه وهناك قابل امل تاني وجددوا حبهم تاني علي: واتجوزنا علي سنه الله ورسوله وبعدها بفتره اختفت ودورت عليها كتير بس معرفتلهاش طريق امل: ابوك عرف وجه خيرني يا افضل علي ذمتك وهو هيطلقني وياخد مني البيبي بعد ما يتولد يا امشي وما ارجعش تاني علي: ومشيتي؟؟ امل: كنت عايزني اعمل ايه؟ انت نسيت هو عمل فينا ايه؟ انت نفسك رضخت لرغبته علي: كان لازم تبلغيني باي طريقه كان لازم تعرفيني اني عندي بنت ادهم: بس استوووب كلكم الليله دي فرحي ومش عايز نكد سليم الله يرحمه مش عارف ازاي بس الله يرحمه؟؟ نسمه طلعتي اختي احمدك يارب لاني مش عارف ليلي ممكن تعمل فيكي ايه؟ امل وعلي الحياه قدامكم فاتحه ايديها عيشوها هو انتو اتطلقتوا اصلا؟؟؟ علي: لا مطلقتهاش ادهم: يعني لسه علي ذمتك!! اعلنكم امام الملأ انكم زوج وزوجه You may kiss the bride الكل ضحك ادهم: بقولك هحجزلك معايا في الشاليه اللي جنبي في شهر العسل نسمه: يعني انتو هتروحو تقضوا شهر العسل وتسيبوني لوحدي؟؟؟ ادهم: امال مين هيفضل في الشغل؟؟ انتي تشيلي الشركه لحد ما نرجع او ربنا يرزقك بابن الحلال ولا ايه؟ علي ضم بنته لحضنه علي: حسيت بيكي من اول يوم شفتك فيه نسمه: وانا كمان اتمنيت يكون بينا اي علاقه ادهم: مش قلتلك صغيره عليك ادهم اخدها في حضنه: كنت مستغرب من قربي منك برتاحلك وبحب اتكلم معاكي وبحب مراتي في نفس الوقت ليلي: الحمد لله فعلا انك طلعتي اخته مكنتش هستحملك في حياته ابدا انتي ما تتخيليش بيتكلم عنك قد ايه نسمه: انا فرحانه جدت ان ليا عيله واهل واخت كمان انا كمان كنت مستغربه يوم الاقي نفسي قريبه من ادهم ويوم من ابوه وبعدين ادهم يشكيلي من حبيبته بيبقي نفسي اقربكم من بعض ومش غيرانه مكنتش فاهمه هو انا بارده ولا ايه المهم يالا الكل يهيص ويفرح الليله كانت الفرح فيها مضاعف كل حاجه حلوه وجميله نسمه راحت خطفت تورته صغيره وبتجري تاكلها لوحدها وبتبص وراها تشوف حد شايفها ولا لأ ويدوب هتكمل لبست في حد قصادها : يلعن كده مش تفتحي يا...... مكملش كلمته وتنح لجمالها الرقيق نسمه: انا اسفه اسفه اسفه كتير يا...، : خالد انا خالد اخو ليلي نسمه: اهلا استاذ خالد خالد: خالد وبس من غير استاذ فاهمه؟ نسمه: ماشي خالد: تعالي بقي اسرقلك تورته تانيه غير دي نسمه: هههههه ماشي خالد راح يسرق تورته بس ادهم شافه ادهم: انت ايه اللي بهدلك كده وواخد التورته دي ورايح لفين؟ خالد: وانت مالك وقعت واتبهدلت ادهم: والتورته دي كلها واخدها فين؟ خالد: هاكلها عندك مانع؟؟ ( علي صوته واتعصب) بعدين انت بتسال كتير ليه؟ ادهم: خلاص يا عم خالد اهدي البوفيه كله تحت امرك خالد: غريبه ناس غريبه!!! ادهم: غريب!!! هو انا اللي بسرق تورته وري للتانيه خالد بصله فادهم جري لمراته ووقف جنبها بس كان متابع خالد وشافه بيدي التورته لنسمه ليلي: بتبص بعيد ليه؟ ما تبصش بعيد فاهم؟ ادهم: بصي انتي ليلي: لايه؟ ادهم: خالد هناك ومعاه نسمه ليلي: وده معناه ايه؟ ادهم: الله اعلم بس خالد كان بيسرق تورته ليها تفتكري ايه؟ ليلي: وهتوافق؟؟؟ ادهم: وليه لأ؟ خالد راجل ويعتمد عليه وبعدين انا بحب عيلتك كلها انا بحب حتي ام امل ليلي: وانا بعشقك يا قلبي وروحي وعمري المره دي فارشلي الاوضه ايه؟ ادهم ابتسم: هتعرفي لما تتطلعي ليلي: هو احنا مش هنبات هنا في الفندق؟؟ ادهم :وهو الفندق ما ينفعش نفرش فيه ولا ايه؟ ليلي طلعت هيا وادهم وصرخت من الدهشه ليلي: انت مجنون ادهم: تاني مجنون؟؟ السرير ادهم: السرير معمول من الشوكولاته يعني لو التكيف باظ هنغرق انا وانتي وبعدين لما تجوعي تاكلي منه وانتي نايمه مكانك ضحكوا الاتنين وادهم شالها ودخلوا وقفلوا الباب.... عاشوا حياه جميله مليانه حب وامل ولهفه علي فضل مع امل وكمان رجع ريهام مراته وجمع بين الاتنين نسمه اتجوزت خالد اللي جه واشتغل معاهم في شركتهم بس استقل بحياته مع نسمه ليلي حاليا حامل في بنوته واكيد هتتطلع حلوة زي ابوها وامها وتوته توته خلصت الحدوته حلوه ولا ملتوته استنوني في روايتي الجايه "" حب في الظلام "" تعليقاتكم تهمني الروايه الجديده هتنزل اول ايام العيد ان شاءالله الكل هيبقي مخلص امتحانات مستنيه ردودكم وتعليقاتكم وتشجعيكم ShiMoOo | ||||||||||
|
| |
|
02-05-20, 10:17 AM
| #30 | ||||||||||||||
| اقتباس:
ممكن رابط pdf للرواية كاملة | ||||||||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
العرض العادي
