الثروة المنسية / للكاتبة عبير الكبسي ـ يمنية

[لامارا]

(58)



أنس فكر عمهم ماجا ع باله ابوه :الله يشفيه. . ورجع يزعقه وينفخهن ..

ابن عمه عصب وقرب لاعنده وماسك نفسه لايتضارب معه : انت مالك ماغيرك ! ابوك عيموت وتقلي الله يشفيه انت مريض

أنس فلت الزعقه من يده من الصدمه وتغيرت ملامح وشه بخوف : ابي قصدك عمك هو ابي قصدك !!!

ابن عمه : ايووووه مابينقلك من اول..

انس قام بسرعه وغير ملابسه وخرج البوتي حقه من داخل شال كان مخبيه داخل الشال خرج لفه فلوس كان يجمعها فيه وخرج بسرررعه

ابن عمه استغرب ورجع يقفل الباب بعده

في القريه..

بيت الشيخ..

سميه بتلاحق ابنها لايتضارب هو وابن الثالثه ( خلفين سوا).

كانت متصاحبه مع الزوجه الرابعه قوي واستقوين ببعض ع الثالثه..

ام ايمن : امسكين جهالكن لايخرج الشيخ يحرقكن الناس ف الديوان اصه ( اسكتين).

سميه : ليش خير ماحصل ياعمه

ام ايمن : كيف ماحصل ؟؟


الزوجه الثانيه : مش انتي داريه خطبه كنز اليوم.

سميه لفتت للزوجه الرابعه : والله مادرينا بشي او انتي عندش خبر؟

الزوجه الرابعه هزت راسها : لا

ام كنز بفشر :بينفتجع من عيونكن اصلا جا لبنتي خاطبي ماقد تزوجت واحده ف القريه بمثله قالو مع ابوه اراضي وبيوت والولد مسافر بيدرس ف الخارج وياسلام سلم.

سميه باستغراب : عاد البنت صغيره

ام كنز بقلبه ونبره مرتفعه : 13 صغيره ؟؟ تشتيها تعنس ساعش

سميه ضحكت: بنظرش 19 سنه عانس؟

ام كنز : ايوه وبعدا من غيرتش ماتشتي بنتي تتزوج

سميه: مابلا لان كنز تشتي تتم تدرس وعادها صغيره

ام كنز : مش هي صغيره ولا تعبي لها راسها بافكارش ..عتنخطب السنه هذه وتتزوج بعد سنه ماشاءالله ساعها ساع كل البنات.

كنز بتتسمع وتتذكر كلام امها ووصفها للخطيب واهله ووضعهم وبما انه كنز كل حلمها وهمها الدراسه ما اقتنعت الا بعد ماقالت لها انها بتشرط عليهم يتمو دراستها وتدرس ف الخارج طب مع زوجها.

ردت بعد ماراجعت وتذكرت كلام امها ف عقلها : الا انا موافقه

بيت سالم....

خالتها جالسه تاكل ابنها : قومي اغسلي لاخوش

بلقيس قامت وهي بتسافطه وتلاعبه تغسل له ...

خالتها دفي له ماء اول لايستبرد...

بلقيس هو دافي ...

اخوها بيهازر الكتلي الي بتعادل الماء به وحرق جلس يبكي...

بلقيس شافت اصابعه وبتنفخهن خلاص سهل

خالتها قامت وشافت اصابعه محمرات شلت ابنها من يد بلقيس ولطمتها ف يدها : حرقوش ف جهنم يا كلبه قلعو يدش ياعميا ماتستضي

بلقيس مسكت يد خالتها : لاتمدي يدش ماعدناش صغيره اسكت

خالتها مسكت اذنها : واقلع اذانش كمان ع المرادده والوقاحه هذه يا بلا تربيه

(59)

خالتها مسكت اذنها : واقلع اذانش كمان ع المرادده والوقاحه هذه يا بلا تربيه

بلقيس دهفت يدها وعصبت بكيت: لاتجلسي تضاربي ماتعسينيش مافعلت شي هو مسكه من نفسه.

دخل سالم ..

صوتكن لخارج مالكن عتستحين ع نفسكن

مرته : حرقت يد ابنك ها ابسررر

سالم جري حضن ابنه وبيشوف يده : ليش يابنت هكذا ؟؟؟

مرته : مارضيت تقوم ولما قامت بتنتقم مني للولد ابسرت ع بنت وعادها تداهف وتضارب

سالم عصب: بنت صدق هذا الحكا ؟

بلقيس : مع مشو صدق وهي كذابه والله انها كذابه وقامت تضربني وتبقصني ومسكت يدها قلت لها لاتجلسي تضربيني مش انا جاهله اسكت.

سالم : يابنت انتي عتنكدينا عتجننينا مافي نفسش قليلي ليش ماتعامليها مثل امش بتفعلش كل شي

بلقيس بكيت وانهارت : والله ما اعاملها مثل امي... امي ماكنت تصيح وتضرب وتعاقبني بدون سبب امي ماكانت تحارش لك وتكذب عليا لك..

امي لو غلطت ولافعلت شي يعصبك كانت تخبي وتقل هي الي فعلت امد لاتضربني ولا حد مثل امي ولا احد عيقع مثل امي قل لمرتك تبطل كذب بس

خالتها : من لسانش هذا طايرتي خلق الله مابتحترمي كبير ولاصغير .. الناس فسخو خطوبتهم منش من قله احترامش ولقانتش

سالم عصب: خلاص اسكتين قلت بس.

بلقيس جلست ومتمنيه الموت..

مرته : انا اشتي اسير بيتنا من تحت راس بنتك وماشرجع الا لما تنقلع يازوجتها ولا دور لي بيت لحالي...
دخلت وبدات تلفلف ثيابها

سالم ماتحمل كلامها ولحقها متعلق ب ابنه : اجلسي واخليها تحترمش اخر مره لها

مرته:والله ماجلس وهي في بيتك جلسه بتسمع....

الجده شافت بلقيس: قبحش الله من بنت كم انتي خبيثه ع خالتش لو هي امش ماتفعلي معها هكذا

بلقيس داخل نفسها بتلعنها : وقبحش الله كيف انتي من جده لئيمه من كرهش اننا بنت حاقده عليا الله يشلش ويشلها ولا يشلني منكم وافتهن.

سالم خرج : جهزي اداتش اشلش لاخوالش انا تعبت منش ومن مشاكلش

بلقيس عمرها

ماعاشت معهم وماتعرفهم الا في الاعياد بس بالنسبه للعيشه الي هي فيها اهون بكثير...

دخلت لفلفت ثيابها الي مامعها الا اشياء تنعد بالأصابع ونصهن حق امها او خالتها تدي لها بواقيها...

واهم شي طرحتهن الكتب حقها.

خالتها حست هذك اللحظه انها اسعد واحده واخيرا تاخذ راحتها وتشل الأب لها .. مفكره هكذا انه وجود بلقيس مش مخلي زوجها حاسس فيها مش عارفه انه تصرفاتها معه كانت غير ...

سالم جالس يفكر انه يرتاح شويه من المشاكل والدحس الي يروح لهن والشكى من مرته وامه وبنته ماعد عرف فين المشكله .وهكذا افضل لبنته تتعرف ع اهل امها وتغير جو ويشوف مرته عتهدا من دحسها له..

بنته خرجت واقفه جنب الباب شافت...



(60)



بنته خرجت واقفه جنب الباب شافت بيت كنز ..

ابوها بيكلم جدتها ويشاورها انه احسن هكذا...

بلقيس جالسه بتتفرج القريه شافت البيت الوحيد الي مسرج بيت الشيخ.. ذكرت خطوبه كنز...

شافت ولد بيجري مع الظلام مش باين ولما مشي ايمن بسيارته كان عكس الضوء لاوشه ...

بلقيس بينها وبين نفسها..

هذا الولد ... هذا الي ... هااا أنس تغيررر

بينقل من هذا الرجال .

ابوها خرج مشي هو وياها بهدوء وصمت بينهم

ايمن شافه وقف السياره ونزل. ..

تسالمو وهو ايمن

ايمن : فين رايح هذا الساع؟

سالم : لاعند انسابنا

ايمن : هيا اطلع اشلك في طريقه ذلحين جبال وظلام.. انزلك بالسياره اسهل..

سالم : تمام

فتح لبنته الباب خلف وبصوت واطي: هيا اطلعي.

بلقيس طلعت وجالسه اول مره تطلع سياره كانت ماسكه الكرسي بيد والطاقه بيد واول ما مشيت السياره نكزت

سالم بيتجابر هو وايمن

بلقيس نسيت همها وبتضحك وبتفكر من اخترع السياره من الشخص الي مافيش اذكى منه اخترعها..

عجبتها الراحه وهي جالسه والمسافات بتمشي بسرعه اكثر من المشي

بيت سليم...

أنس بيدددق الباب بقووووه وبيلاحق نفسه من كثر ما جري ف القريه ويطلع وينزل بين الظلام لما وصل لهم..

اخته الصغيره فتحت الباب شويه...: من ؟؟

أنس فتح الباب بيده ودخل بيتلفت يمين يسار : اين ابي

اخته بفرررحه وصاحت: أنسسسس يمااه انس.. يو كيف تغيرت طولت ..كبرت..

أنس شاف ابوه ممدد ووجهه مكبود وفمه ابيض ومرهق مربط خصره بشال..

قرب منه حب يده وراسه : اباه كيف انت ! مالك ؟؟ شاف امه واقفه بتبكي تتفرج له حضنها حبها فوق راسها ..: ماله ابي

ابوه :كيف انت يا ابني... ليش القطيعه هذه ! ليش تحرمني منك ؟؟ ياعيبتك عليا يا انس كيف سخيت..

انس جلس ساكت يسمع وضميره بيأنبه والدموع في عيونه وبيمسحهن : ذلحين طمني عليك اول يا اباه مالك ماحصلك قل لي تحاكو ماله

امه : مدري مال شقه بيوجعه ولاعد يستر يحترك ويصيح منه

انس: اسعفتوه ولا اسعفه

ابوه : بيضربولي ابره افتهن شويه ورجع الوجع..

أنس : خلاص اول مايطلع الصبح اشلك معي المدينه تتعالج .

ابوه : ابرد يا ابني محد عيدرا مافيني غير الي خلقني

أنس: يا اباه العلم تطور وعيبسرو مافيك ويدو علاج مناسب وتتحسن وتفتهن ولا تهم شي.

ابوه: والزلط من اين لي قدلي فتره ماعد بينشتغل

أنس حس بنفسه انه مر وقت بدون مايشوف اهله كيف سخي ! كيف قدر... كان اقسى ع ابوه من الشيخ الي كان سبب في هذا كله..

جالس ضابح حاسس بالندم بيلوم نفسه وكأنه السبب في الي ابوه فيه.

امه بتدمع وتدعي : يا انس رضي عليك دنيا واخره وهداك وأصلحك يارب

[لامارا]

(61)


جالس ضابح حاسس بالندم بيلوم نفسه وكأنه السبب في الي ابوه فيه.

امه : قوم يا ابني قوم رضي عليك دنيا واخره وهداك وأصلحك يارب ادخل ارتاح ارقد. .

انس : انا مفتهن هكذا اشتي اجلس جنبه

امه : تمام ارقد امد تقدر تسعفه للمستشفى وتنتبه له

أنس افرشو لي جنبه هنا

اخته بتتفرج له وتتحيلا له حاسته وسيم مرتب نظيف تغير : انت داري يا انس ارزاق سافرت مع زوجها الخارج كان نفسها تبسرك لكن
امها : خلاص خلي اخوش يفتهن يابنتي

انس فرح وابتسم : صدق سارت مع زوجها

اخته ايوه .. انس : وانتي صف كم انتي

اخته عوجت فمها وشافت للطاقه : صف البقر والغنم والدجاج.. ياشمس سايبي ماء ياشمس ارعي الغنم يا شمس حطبي ياشمس اغربي والشمس تغرب وترح لها وانا جالسه شمس لومايرقدو امك وابوك

انس ضحك وتحيلا لها تغيرت لقانه ومزح : مابش مدرسه ؟ اخته : الا بس من عينتبه لامي وابي عتتزوج وتدي مرتك هنا وانا اخطى اتزوج ولا اقرا

امها : يابنت استحي عيب عليش

بنتها : ماقلت ، جننتوني اننا معنسه

امها شافت انس وبتشكي له : انا فيها دكمه اختك كم من نثره تفعل لنا مصايحه مع خلق الله تسير ترعى لاوسط ارضهم ولا تراجم غنمهم لاسبقوها للبقعه

انس ضحك : فاقد لكم قوي من كان يصرف عليكم يمه ليش ماقلتو ان الزلط ماتكفي

امه : اين زلط؟ انس: انا كنت ارسل كل اسبوع مع ابن عمي !!! امه : السارق النصاب ولا ادا فلس !

أنس عصب : اماه اتاكدي من ابي لما يقوم

امه : والله يا ابني ما فلس

أنس عصب ووقف ورجع ذكر ان ابن عمه ماجا معه جلس ... ومعصب : وانا جالس اشقى ليل ونهار وارسل لكم معه ركنت لوما ماعد رجعت ان الزلط بتوصلكم
امه : وابوك مش هو غاثي منك هو متطمن عليك هانك وقسي عليك عشان تسير

افتجع عليك منهم طارحين ابوك وانت ف راسهم

أنس : طيب ليش اسكه فهمومي مابينهم هم وابي مافعل لهم !!! امه خافت يفعل اي مشاكل :ابردلك يا ابني خلاص هكذا احنا هاجعين المشاكل مافينا يحبسو ابوك ويدورو له مشاكل

أنس سارح ويفكر ف ابن عمه صح هو حاذق ع الفلس ومطلع عين أنس على كل ريال يتقاسمو الايجار بس يسرررقه !!! امه : هيا ارقد يا ابني وسير بكر الصبح ابسر ابوك مافيه عاينه. .

بيت خال بلقيس وقفت السياره ... سالم فكر في خالها الكبير حمود لأن مابش معه عيال ... سالم فتح الباب ونزل.. بلقيس جالسه تدور المغلقه من فين تفتح الباب.. ابوها فتح الباب من خارج .. نزلت وشلت الصره ( قطعه قماش تلف فيه الاشياء )

ابوها شاف ايمن : راعيلي خمس دقايق شرجع معك

ايمن :ع طول ولايهمك براحتك لاتعاجلش.

سالم دق الباب...


(62)

ايمن :ع طول ولايهمك براحتك لاتعاجلش.

سالم دق الباب وفتح خالها تسالموا وكلمه ووافق خالها وفرح ببنت اخته... بلقيس شافت ابوها نظره مش عارفه تفسرها انه حبا فيها تجتمع بأهل امها فسرتها انه تعب من مشاكلها وعشان يريح مرته وامه منها ودعته ودخلت.. سالم تم يسلم على خالها ومشي.

دخلت بلقيس شافت مرت خالها الي لها سنوات من قبل موت امها ماشافتها

خالها : حيا الله بلقيس كيف انتي ماشالله كبرتي قدش حريوه

مرته : سبحان الله كيف تشبه امها

بلقيس شافتهم وذكرت امها دمعت وحست بخوف ووحده رغم انه خالها بس لأنها تعودت تجي مع امها وهي صغيره

مرت خالها : يو لاتبكيش صلي ع النبي ادخلي البنات عيفرحين بش خيرات.. بلقيس مسحت وشها من الدموع ودخلت.. خالها ما اقتنع بكلام ابوها انه (( بلقيس جننتني تشتي بيت خالها وفاقده لكم)) شافها قبل ماتدخل الغرفه عند بناته : بلقيس جي احاكيش اول ابسرش

بلقيس رجعت من الباب لاعنده والبنات خرجين بعدها يسلمين عليها وفارحات بها

ابوهن شافهن : هيا وين العشا سريع المطبخ

سارين كلهن.. خالها جلس : اجلسي

بلقيس جلست

خالها : كيف انتي مرتاحه

بلقيس: الحمدلله

خالها : كيف لش ذكرتينا اليوم ؟ بلقيس : ساكته

خالها رجعها مزحه: يلله اهم شي ذكرتينا وقلي قد كبرتي وفقدتي لبيت خالش والبنات

بلقيس هزت راسها

خالها : جدتش عقلت ولا جالسه حق مشاكل ؟ بلقيس شافته باستغراب:ما دراك انها حق مشاكل؟ خالها بضبح: كم جننت امش الله يرحمها كانت تحنق الا من تحت راسها

بلقيس: جالسه حق مشاكل

مرت خالها بتتفرج زوجها وبلقيس وتعوج فمها وداخل نفسها :الي يسمعه يقل امه ماجننتني وشبعتني حياه ما افتهنت الا لما ماتت.
خالها : الله يهديها المهم البيت بيتش اجلسي ولو ارتحتي لاعد تىرجعيش

بلقيس داخل نفسها : ياسعم انه ابي عادو عيرجعني ماصدق يقلعوني
خالها بحكم كبر سنه في الستينات جلس يسعل بقوه وماسك صدره... بلقيس دخلت وجلست مع البنات يتجابرين
ويضحكين ..قضتها ضحك من قلبها وكأنها اول ليله ف حياتها تحس بالراحه هذه من وقت ماكانت صغيره

الصبح في المدينه... في باب المستشفى واقفين لهم ساعتين منتظرين دورهم.. أنس : هيا يا اخي لنا ساعتين مراعيين وابي تاعب ايحين عتدخله للدكتور يفعله التلفزيون ؟

الممرض : الدكتور سار وينك ماتبكر؟

أنس : وين سار واحنا مراعيين من اول مابش حد خرج من قدامنا.

الممرض : ماعدلا تحاسبني انت.. تحاكى معي سوا ياولد ودخل
أنس : جالس ضابح يلوي ف الباب مراعي يخرج

الي جنبه : معك وساطه عتدخل مابش عتراعي هنا جنبنا


(63)

الي جنبه : معك وساطه عتدخل مابش عتراعي هنا اسبوع لرحمتهم يوافقو يدخلوك

أنس : ايش من وساطة بزلطي مش بلاش

الشخص الي جنبه: سير خاص لو معك زلط احسن هنا حين هو بلاش بيذلونا

أنس شاف ابوه ماسك خصره من الوجع ومعطوف رحمه جلسه فوق الكرسي مسكه وخرجه واستاجر له تكس وشله مستشفى خاص..

وبعد ماتعاين ابوه طلع عنده حصوات ويحتاج عمليه

أنس سار يشاور الدكتور : طيب يادكتور بكم عتطلع العمليه ؟؟ مشتيش ابي يحس انها غاليه معيرضاش يفعلها

الدكتور انبهر بكلام واحد في سنه بيراعي مشاعر ابوه : معك زلط انت؟؟

أنس خرج كل الي في جيبه ناوله : بعد ماحاسبت ع الفحوص والمعاينه بقيت هذه تكفي يادكتور ؟؟؟

الدكتور عدها 10،000 ضحك : منك صدق ؟

أنس: والله العظيم يادكتور انها قدي كلها الي معي شقايا حق سنه

الدكتور شاف ابنه في عمره مقضيها لعب بالاتاري وفاشل في الدراسه وطلبات منه. وشاف أنس كيف مهتم بابوه : ماتكفيش بس عندي لك حل انا بينشتغل في حكومي ان شاءالله تكفي نفعلها له هانك بس بشرط انك تهتم بدراستك عادك صغير انك تشتغل.

أنس : انا مهتم والاول على خبرتي وبينشتغل لان انا وحيد ابي مابش من يشقى عليهم

الدكتور انبسط ب أنس قوي : وانا مني لك حق يدي ما اشل فلس خلاص جي نحدد موعد لابوك ومالك الا الي يطيب نفسك

أنس تجمل من الدكتور قوي وتشكره وجلس يحلف له لايشتغل ويرد للدكتور خسارته انه يعتبرها سلفه بس.

الدكتور بيضحك ويطبطب ع ظهره : ماعليك شي .

كتب له الورقه وكتب له مهدئات وفحوص قبل العمليه يفعلهن..

اول ماوصل مع ابوه الشقه حقه هو وابن عمه والشباب شاف ابن عمه ماداله فرصه يعاتبه..

بيسلم على ابو انس ويرحب به...: اسير ادي غدا وارجع

أنس مسك يده: اين الزلط الي كنت ارسلها معك ل ابي؟

ابن عمه ارتبش وتغير لون وجهه : اين زلط ؟

أنس عصب وبيصيح : مش وقت مزح ذلحين ! 3000 ريال كنت أرسلها معك كل اسبوع وين هي

ابوه شافهم بيتصايحو : عيب يا انس مايسبرش

انس بضبح : يا اباه مايسبرش عليه هو بيشوفني بينشتغل واسهر واتعب ويجي يسرقها هكذا

ابوه : خلاص يا انس اهدا يا ابني

ابن عمه : ناهي كنت محتاجها شارجعها لك وانت لاتبهرر

أنس : عترجع كم من اين لك ! بنقلك كل اسبوع 3000 حق 3 سنوات كم عتوقع

ا

ابن عمه : شاسافر الخليج اشتغل واردها لك خلاص احترمني اكبر منك..

أنس احترام لابوه ماسك نفسه لايتضارب معه.

ابن عمه : خلاص جي معي نسير ندي غدا ونتحاكى ف الطريق

أنس بدا يفكر كيف يرجع حقه من الحاذق ابن عمه الي دفعه كل فلس وريال في كل شي.

خلاص يا اباه انت ارتاح هنا وانا اسير اشتري علاجك وارجع.

[لامارا]

(64)



انت ارتاح هنا وانا اسير اشتري علاجك وارجع.

ابن عمه مراعي له وخرجو سوا.

بيت الشيخ.. ام كنز فتحت الشنطه لطباينها ومرت ايمن وبتفشر بالمهر الي حددوه لبنتها والذهب حق خطبتها والاقمشه الغاليه.

ام ايمن : على عافيتها
ام كنز : شاخلي ابوها يفعلها عرس محد قد فعل مثله

سميه : اكيد يوقع احلى عرس قدي بنت الشيخ وكنز تستاهل كل خير.

ام كنز سكتت حست انهن فارحات لكنز من صدق.
كنز فارحه بالزواجه لانهم وافقو شرط ابوها تتم دراستها وانها عتعيش في المدينه وتدرس هانك وتوقع دكتوره اطفال مثل مافي نفسها.

ايمن وصل مع ابنه ومخبي لسميه في جيبه .. سميه قربت منه تحضن ابنها وشمته عطر نسائي شافته ومستغربه.. ايمن شافها : مالش؟ سميه شافتهن كلهن جالسات ماتقدر تتكلم قدامهن: لقيت لك شي ضايع قدلك بتدوره اسبوع.
ايمن : يلا اطلعي اديه وجهزي لي البقعه اخزن

سميه بضبببح سبقته وطلعت

ايمن بيسال وين ابوه قالو له مابحد رجع طلع بسرررعه وفارح انه يجلس ف غرفته براحته.. دخل الغرفه

سميه قربت جنبه وبهنجمه بتزيدها حلا ف عينه: وين كنت ؟

ايمن : بينلوي

سميه : مع من ؟

ايمن حسها بتغير : مالش؟؟ سميه مسكت الكوت وبتشمه : شمك عطر مره

ايمن ضحككك من جملتها كان يده ف جيبه ع الفل رجع خرج يده فاضيه وحب يستفز غيرتها اكثر.. سميه بضبح: بتضحككك !! يعني الان تقلي وين انت .. ايمن مشي لبقعته وخلس الكوت طرحه جنبه : جي اجلسي جنبي اول افهمش دلا

سميه قد الدموع في عيونها : ما تقلي ؟ ايمن ومبتسم ماسك الضحكه : اصلا الموضوع مش داري كيف اقل لش.

سميه : تحاكى والله ان قد قلبي عيوقف يا ايمن قلدك الله وين كنت.

ايمن رحمها قد الدموع ف عيونها خرج من جيبه الفل وناولها ومبتسم متجمل من روحه

سميه ماعد انتبهت انه ادالها فل عاد حسها في ضحكته وتصرفاته مافهمت انه مزح معها.. : طيب ووين كنت ؟ ايمن استغرب : جا واحد صاحب من المدينه ومعلق له فوق السياره شليته عليه لش.

سميه خزيت وتجملت : يو الله يسامحك فجعتني اصلا بينقل شمك عطر نسائي

ايمن ضحك : عجبتني الاوله عطر مره هي الي ضحكتني

سميه ضحكت ولبسته : شمته بقووه تسلم لي كم روحي فيه.

عمتها دقت الباب لهم بقوه لما فجعتهم.. ايمن شاف الباب : والله انها امي.. سميه : اكيد

دخلت ..هيا ياقمر عتنزلي تفعلي العشا اليوم دورش او ناسيه

سميه : عادو ما اذنش مغرب
عمتها : الجهال عيموتو جوع انزلي غاوثيهم ( وجبه مثل السناك 😅 بس بالبلدي اسمها عجيب )

ايمن : والله مايموت قهر الا انا زوجتوني ولا زوجتو المطبخ والغنم والبقر والحطب

(65)

ايمن : والله مايموت قهر الا انا يمه زوجتوني ولا زوجتو المطبخ والغنم والبقر والحطب بمرتي نفسي نجلس يوم اذا ابي مابحد تجي انتي واذا انتي رايقه ابي يدور لي عمل من الجن.

سميه بصوت واطي : خلاص انا شافعل خطه وارجع الان

امه : تتم عملها بساع ( بدري) لكن فيها كسل ياساتر.
ايمن : ع غيري قلك كسل.

سميه لبست فوق راسها ونزلت لاعند مرت الشيخ الرابعه وكلمتها تمسك بدلها اليوم وهي ترد لها في دورها ووافقت .. بيت خال بلقيس جلسين يتذكرين شيطنتهن ويضحكين.. بلقيس فرحت انهن بيسيرين يدرسين ف مدرسه صغيره جنبهن ف قررت تسير معهن.. الاستاذه صف كم انتي يابنت

بلقيس ماقد درست ولا اي صف ف مدرسه بس في الكتب كملت لصف سادس.. انا بينقرا صف سادس ( قصدها الكتب) الاستاذه : وين ملفش؟ بلقيس: مابش معي

الاستاذه : وشهايدش

بلقيس: مابش معي

الاستاذه : كيف هذا؟ بنت خالها الي اكبر منها وعدتها تساعدها : يا استاذه هي خالتها مرت ابوها كلبه تشتي تزوجها قطعت شهايدها ومنعتها القرايه وهي شاطره حتى اختبريها.. الاستاذ : تمام نختبرها .. قليلي من اي قريه جيتي وايش اسم المدرسه

بلقيس تذكر لانها كانت تكلمها كنز ع مدرستها ف جاوبت.

واعتمدوها وبدات تداوم كانت فرحتها لاتوصف واهتمامها بالواجبات والخط وتنظيم الدفاتر وتجاوب على كل سؤال.. ابن عم أنس بيتذكر تهديد أنس انه يفضحه لابوه على الحادث الي فعله وقتل عجوزه وهرب باع المتر لايعرفوه... قرر يخرج من الفلوس الي خباها حق المتر ويرد ل أنس الي فوقه وبالذات انه محتاجها لمصاريف و علاج وعمليه وايجار الشهر.. جلس يحسب كم بتطلع له 430 الف هذا مجنووون ! من اين لي وانا ،؟؟؟ بيشوف الي معه كلها 200 الف كان بيجمع حق مهر يتزوج خباها.. وخرج 50 الف لاعند أنس ووراه ..: شاقسمها بيننا بالنص وكما وقع لي شارجع لك
انس : يعني كم عتدي؟ ابن عمه 25 الف احمد الله الي جمعتها كلها قدي هي

انس: ع غيري ابوك كان يرسلك كل شهر وانت موظف حكومي تسير توقع وتفحط لعمل خاص يعني راتبين وزلط ابوك وبعت المتر وتقل لي خمسين ؟ ابن عمه : بس جنان ياسعم مابينصرف قات وشقاير وايجار واكل ومطاعم من اين لي وانا

انس بضببببح بعد ماحسب هو وابن عمه الي فوقه له انصدم انه مبلغ كبير الي كان يسرقه ابن عمه واقتهر عليه : تمام ادي كم ماشتيت وبعدا عتتفاهم

ابن عمه فرح ومش داري ايش نية أنس : اهم شي يامنعاه لاتكلم حد هذا جزايا ركنت عليك وامنتك في سري.

أنس: ياخي تعبت ملاحقه بعد كل عمل اشتغلت حمال بلك واشتغلت في بقالات واتبهذلت امد ارسل لابي وانت كان معك زلططط وطمعت فيني

يوم العمليه... أنس تطمن على ابوه انه خرج من العمليات بالسلامه والدكتور فعل كل مايقدر وساعد أنس كثير.. أنس : يادكتور ايش السبب انه وقع في ابي حصوات؟ الدكتور : القات وقلة شرب الماء الببسي وزياده الملح والبروتينات وقد تكون اسباب وراثيه... انس: مابلا القات انا داري ب ابي شاحاول امنعه.

بيت سالم... ام سالم : افعلي لي اليوم عصيده ومرق... مرت ابنها شافت اللحمه : يو سبحان الله كيف وقع خير ف البيت الظاهر بلقيس نحس.. عمتها : ساع امها وش فقر

مرت ابنها داخل نفسها تعبت من العمل كله كنت راكنه ع بلقيس .. والله لو تزيد العجوز هذه الهرم لارجعلها بلقيس اتحملها ولا اتحمل العمل هذا كله.

عمتها : مازد قالو على الكنز الي في البير ؟ مرت ابنها : قال سالم امس ترامو بالرصاص يشتو يحفرو جنبه وماخلوهم اصحاب الارض

عمتها : الله يخارجنا بس.

اهل القريه متجمعين جنب بيت الشيخ
الشيخ خرج لهم ضابح : كيف مالقيتو حل !
يعني مابش معكم زلط هذا الشهر

واحد من المزارعين : ياشيخ مع البرد والمطر انضربين الورق والشجر. .

الشيخ : مشكلتكم

واحد ثاني : كان البن اخرج ولا يوقع به شي

الشيخ : وافقتو كلكم وفرحتو بالزلط ذلحين عتقلبو عندي مافعلكم

المزارع: سلفنا ياشيخ مابش معنا مانصترف

الشيخ : مابش معي وانا من اين لي انا مثلكم حانب.
مامعنا الا نراعي.

المزارع : ياشيخ خلينا نبسر البير قالو مدفون فيه كنز

الشيخ : الي مستغني عن روحه يسير يدور ... المزارع: ماخلونا اصحاب الارض

الشيخ: لاتصدق للتخاريف حق نسوانكم والحزاوي (القصص)

لاتدورو مشاكل مع الناس وسيرو بعد حالكم الله معكم

جلسو ف الارض يائسين... بيت خال بلقيس... مرت خالها بتكلم زوجها :ذلحين كيف نفعل ببلقيس نشتي نسافر نتعرس بيت اخي ف المدينه

زوجها : تسير معاكن

مرته: وابوها عيجنن ويرجع صليك ( لاعندك) زوجها : خلاص شاكلمه لوما القاه ولو جت معش مابش احراج؟

مرته: ماشي مافيها تجي مع البنات جيزها من جيزهن.

زوجها : تمام

مرته: هذا اذا في حسه منها من عيسخى يفلت بنته شكل مرته مش سهله.

زوجها : ماعلينا يا مره من حد .

بعد 4 ايام.. انس راجع مع ابوه القريه بعد ماتباخر ابوه.. ولما وصلوا البيت

ابوه وصل وفرحت مرته وشمس برجعته متعافي... ابوه شاف انس واقف : ادخل مالك
أنس : ماتشتي مني شي يا اباه شرجع الجمعه اتفاقدكم؟

ابوه : تغدا وسير

امه : يو عادك الا طيرت ( وصلت ) ابوه: معه اختبار بكره وماقد ذاكر

امه جلست تدعي له غرفت له في صحن غدا :قوا كل ملقامين وسير

[لامارا]

(67)

امه جلست تدعي له غرفت له في صحن غدا :قوا كل ملقامين وسير

انس اكل بسرعه : يلا خاطركم لايسير عليا ( واحد معه باص من القريه).

ابوه: لاتتصايح مع ابن عمك وابوها الزلط

انس: تمام ماتقلق ..اشرب علاجك مثل ما علمتك.

ابوه : تمام الله معك

انس خرج الي ف جيبه وناول امه : خلوها حاجتكم واشترو لابي ماء صحه..

امه شافتها كثير رجعتها : مانفعل بهذه كلها

أنس : خلوها حاجتكم وتجلس عندكم احين من عندي.

امه : جلست تدعي له وتوصيه ع نفسه ...

خرج :يلله مع السلامه..

...............

في نفس الوقت بيت خال بلقيس..

خالها رجع ويعاجلهن يلبسين ويخرجين

مرته : ذلحين ماقال ابوها ؟

خالها : مابحد تسير بس والله ماهو داري وين هي.

بلقيس بخوف لايرفض ابوها بتتفرجهن متحمسات بيتجهزين ويجهزين ثيابهن..

مرت خالها : هيا بلقيس وانتي جهزي لش اداتش والبسي شرق خالش بيعاجلنا

بلقيس فرحت جلست تدور بين ملابسها وتوري بنات خالها ويقلين لها ولا شي حالي ضبحت

بنت خالها : جي نسير ونخلي ابي يديلنا زلط نكتسي من هانك.

بلقيس سكتت ومشيت كانت مقرره انه لو ماقدرت تشتري تجلس ب البالطو اهم شي انها تحضر

بيت الشيخ..

أم كنز جالسه بتعلمها : انتي ولاتفعلي شي كوني اختفي وقت العمل و خليهن يتمهرين مايقع بهن كسرو ارجلهن.

وتحجبي امد يجي العرس وانتي قمر

كنز الطفله الي كانت ع نياتها بدأت تسمع كلام امها وماعد يهمها غير نفسها وبس.

دق الباب فتحت ام ايمن ودخلت ام بسام ..

جلست تنقل لهن اخبار القريه كلها...
ولما وصلت لبيت سليم ومدحت في ابنهم أنس الي درس واشتغل واسعف ابوه وكيف معتمد ع نفسه وذكي وو

جلست كنز تسمع وتحس انها نادمه ع خطوبتها بعد ماجلسين صحباتها المقربات منها يوهمنها انه لما كان يلعب معها ويعلمها كيف تكتب وو انه بيحبها...

وترجع تفكر في كلام امها انا بنت الشيخ شاتزوج للمدينه ونسافر وادرس وارجع احسن من الي هنا كلهم حتى انس وبلقيس...

بلقيسسسس كيف ذكرتها فجاه هكذا استغربت من نفسها وسالت ام بسام : ماخبار بلقيس بنت سالم

ام بسام : يو ماتيك البنت مسكينه ابلاها الله بخاله اعوذ بالله ..الحمدلله انها البنت سارت عند اخوالها تفتهن من العقربه هذه

كنز ارتاحت شويه انه بلقيس مثل مستواها وانها رغم اصرارها انها تدرس ماعد درست .

كان همها كنز تكون احسن واحده
في طريقهم فجأه وقفت سياره البيجو الي فيها أنس والرجال الي مسافرين من القريه..

نزلوا كلهم ..

وبيشوفوا الحادث الي حصل

(68)

نزلوا كلهم ..

وبيشوفوا الحادث الي حصل

أنس كان بيلوي ف يده الكتاب ويشوف ساعته ويمشي الصفحات الي باقي يدرسهن ويرجع يشوف كم باقيلهم ويحلو المشكله..

من الباص جالسات بيتفرجين بعد ماكان بينهن قتال ع الجلسه جنب الطاقه... بلقيس كان حظها بما انها الضيفه الوحيده بين البنات ف جالسه بتتفرج شافت انس ..

بنت خالها : اعجبتي بالولد يا بنت ؟

بلقيس خافت : ماشي اوص لاحد يسمعش عيب

بنت خالها : كان مالش بتتفرجي له

بلقيس: اشتي ابسر الكتاب الي في يده حق صف كم

بنت خالها : ومادخلش منه وانتي؟

بلقيس: ولاشي

بنت خالها : سهل سهل انتي تعرفيه؟

بلقيس بضبح : رجاء مايعجبني هذا الخبر عيب ولا ماحاكيش.

بنت خالها : خضعا ( هبلا ) عادني كنت شاحاكيش بسر ومن بينحب لكن بطلت

بلقيس بتتفرج لاخر لمحه انس رجع السياره وبدأو يمشو ف طريقهم : من هذا الكلام ماشتيش عيب نجابر ولد او نحاكيه وانتي قلك تحبيه..

بنت خالها : ومالش مركزه ع الولد بكل قوتش.

بلقيس : اصلا هو كان في قريتنا وبيعجبه خبيرتي قوي.

بنت خالها: وبعدا

بلقيس: مدري قالت لي خالتي انه خطبها.

بنت خالها : هو هذا الحب هيا قليلي مافيه من عيب؟

بلقيس: مدري قالت خالتي انه عيب وحرام ومايجوز ولو يدرا ابي لايقتلني

بنت خالها : يخخخ عاد خالتش تفجع واحد اعظم من ابوش

بلقيس ساكته : وانتي بتحبي؟

بنت خالها : ايوه

بلقيس: من ؟

بنت خالها: واحد بيجلس يوميه يسير ويجي من قبال الارض حقنا وليوم جت امه تبسرني واختي الله يقلعها جاوبتها بلقانه من الباب قالت وين امش ولا اختش نوريه قالت انا نوريه ماتشتي تحاكي ولا مع السلامه. .. والمره حنقت.

بلقيس: وكيف دريتي انها امه ؟

بنت خالها : كنت اخرج ارعى الغنم وهو يميك غنمه ويجابرها امد اسمع.

بلقيس ضحكككت : ارجعي افعلي لها هكذا لحد خطبها.

بعد ماوصل أنس شاف ابن عمه بيلفلف ادواته

: الى اين؟

ابن عمه : شاسافر بكره

أنس : ومن اين لك زلط؟

ابن عمه بربشه : استلفت من واحد ..

أنس : اهاااا كم استلفت

ابن عمه من الخوف وشايفه اصغر منه : مادخلك انت عتفعل معي تحقيق او كيف؟

أنس بعصبيه : تحقيق هاااا وعادك بتصيح...

وذكر كلام ابوه وسكت ..

راح غرفته يرقد ..

جلس يفكرررر يفكرررر ماقدر يرقد ....

شاف الغرفه مفتوحه ومابحد ابن عمه داخلها..

دخل بسرعه وفتش بين ادواته ولقي شاقوص خشب كان يجلس ابن عمه واصل يفتحه ويغلقه فقرر يفتحه ويشوف زلطه فيها او لا دخل وفتحها لقي فلوووس ورزم ولفات بربل ميات عرف انها فلوسه نفس ربطاته شلهن كلهن وخلا الباقيات ..

(69)

جمع ملابسه وكتبه وكل ادواته في الزنه وربطها من الاكمام وسحبها وخرج شاف مابش حد نزل لقي ف راس الشارع يمشو تخبى وخباها ورا الخزان وكان في باب خشب قديم مهتري تغطى وراه ولانه ظلام ابدا مابان طلعو من جنبه وهو بسرررعه مشي خطوتين لراس الشارع ووقف تكس وطلع .. ابن عمه وصل ودخل الغرفه غير ملابسه وجلس جنب التلفون هو واصحابه.. تلفون ارضي قديم خرجو الرقم من جيبهم وبيتصلو ويقلدو صوت بنت ويعاكسو صاحبهم ويتهيبلو ويضحكو... مرت ساعات ولا حس بغياب انس وان في شي اختفى

أنس جلس يتجابر مع التكس ويسأله اماكن للايجار ورخيصه .. صاحب التكس: اشلك حارات قديمه وبسيطه فيها الايجارات ارخص شي ولانه المبنى قديم ماعيشلو عليك كثير ... انس عجبه الموضوع ع الاقل بيكون سعر الايجار نفس قيمه الي جمعه في اسبوع وافق ع غرفه وحمام بحدود الفين ريال ف الشهر واكثر شي عاجبه انه لحاله.

نزل ودخل الغرفه دفع لصاحب التكس مبلغ وللي أجر له الغرفه مبلغ.

شافها كان الوضع ف أسوأ صوره تخيلها وسخ ومهجوره والارض تراب والجدر اصفررر وبيت العنكبوت اما الحمام لايوصف.. جلس وخرج الكيس الي خبا فيه الفلوس وخرج اللفات حق الفلوس كلها وهو مبتسسسسسم انها كثير مش مصدق نفسه اللفات كانين 10 وهو عارف انه ف كل لفه 3000 يعني معقول معه المبلغ الكبير الي حسبه الان وطلع.... معقول ! .. قرر انه يقبل بالغرفه طرح ادواته وقفلها وخرج الجامع يرقد فيه .. بيت العرس ف المدينه

بلقيس كانت منبهرررره بلبسهن ! بالاغاني بالرقص بالتسريحات كانت تتفرج نفسها ف المرايا شعرها عادي مافيه حتى طوق كانت تحاول تلفع باصابعها يتسرح ولانه ناعم يفلت بسرعه ضبحت.. بنت خالها : ماشاءالله شعرش يجنن لونه ذهب

بلقيس : امانه كيف انا شوعه ها كيف شعرهن ملمع ومكوفر

بنت خالها شافت واحده نفس موديل شعر بلقيس مفتوح وع طييعته مسشور : هذه مثلش هيا شفتي بلقيس تحاول تلف شعرها : يو والخزا مش هو عيب نفتح شعرنا يابنات

ضحكين : هذك عندنا ف البلاد عيب هنا يخرجين العزبات ويلبسين ويتسرحين وعادي

بلقيس: يووو ياريت ومن يعيش هنا

بنت خالها : هنيت للي عيتزوجين للمدينه

بلقيس: هو حظ

بنت خالها : امي قالت نجلس عاقلات ومانضحك بصوت مرتفع لو نشتي يخطبونا لهنا.

بلقيس جلست وطرحت يداتها فوق بعض ونفس جلسه العروسه : خلاص لانتحاكاش

بنات خالها ضحكين. : ليش هذا كله التعب طز فيهن لايخطبننا؟

بلقيس عيونها بتتوزع في البنات : ابسري كيفهن ع فهنه وعلى رقص ولبس وكيف كانت الحريوه ساع الأميرات عندنا والله انهن يردنها وحش كم افتجعت من صوره مرت ابي لوما مكيجنها

[لامارا]

(70)

في القريه بيت سالم ..
مرت ابوها : يارجال روح بنتك خلاص قد تادبت انت داري اننا فقدتها قوي

زوجها بفرحه: امانه صدق ؟

مرته : صدق مالك تجي حرام اخوها بيبكي واصل فقد لها

زوجها : تمام اسير اديها الان
امه : ما اردناها تجي تتليقن وتكسر راسي بوقاحتها

مرت سالم بصوت واطي راعت لما دخل زوجها يلبس ولعمتها : وانتي ياعمه لاجننت بش وتويقحت احبسيها ف الحمام تتادب.

الجده : ولا نقل لام بسام تدور لها خاطبي.

ف المدينه عند أنس.

بعد ما قضى ليلته ف الجامع بكر ثاني يوم رنج غرفته وغسل الحمام وشل له فرش ووساده وبطانيه وموكيت كانت ليلته الثانيه براحه ف الغرفه بقي لاختباراته الوزاريه اسبوع قرر يوقف الشغل ويرجع له بعد الاختبارات.

عند ابن عمه. .

كان زي المجنون أول ماشاف الفلوس ناقصه بدأ يسرق الي معه ف السكن ولما شاف انس مختفي وكتبه وملابسه جنن.. كانت الفلوس الي مقرر يسافر بها.. رجع ع اول سياره للقريه يدوره... بعد 3 ساعات الساعه 9 بيت سليم.. سليم في تحسن يوم بعد يوم وبيدعي ل أنس هو وامه... طفو الفانوس ورقدو

وصل ابن عمه يدقدق بيتهم.. قام ابو أنس بخوف لايكون انس او حصل له شي فتح الباب

ابن اخوه : ياعم اين انس؟ سليم : ماوقع ب ابني ؟ ماله قد قلبي حاسس

ابن اخوه شاف من ردة فعله انه مش موجود : سرقني وهرب

سليم : كيف سرقك يا ابني صلي ع النبي

ابن اخوه: والله انه سرقني وهرب من البيت له يومين

سليم : هوذا زلطه كلها عندك مكنته عتناولنا ولا شميت فلس منك

ابن اخوه بربشه واحراج: ياعم قد فهمته اننا اسافر بها اشتغل واردها له اول شهر
سليم: يعني شل زلطه ماسرقك

ابن اخوه ماحب يقلق عمه ويفتح مشاكل لنفسه لايكون ابو انس عارف انه قتل وحكاله انس بكل شي قرر ينتقم من انس بطريقته : خلاص خير يلا المسامحه جينا لك هذا الساع

سليم: ادخل اتعشا وارقد

ابن اخوه : مع كثر خيرك خاطرك ياعم

سليم: ماشوصيك هذا ابن عمك يعني اخوك
ابن اخوه : مالك ياعم مابش شي.. مع السلامه
مشي وهو بيتوعد أنس انه مايفلته لايدوره ويلقاه ويحبسه.

بيت سالم.. سالم رجع بعد انتظار طويل جنب بابهم محد فتح وقالو له سافرو للمدينه.. مرته ماسكه خصرها وبمسخره بتسال: وين هي ست الحسن؟

سالم : قالو انهم ف المدينه.. مرته بضبح : يهي البنت قد بتلوي من بلاد لبلاد وانت ولا انت داري وين بنتك.

سالم: هو انتي السبب قلتي يا انا يا هي عتقري لش على خبر

مرته: وكيف تسير بدون اذنك امانه انك تكسر راسها
سالم : هي مع بيت خالها ياسعم بيت غريب

(71)

سالم : هي مع بيت خالها ياسعم بيت غريب

مرته ضحكت : يو يو هذا الاب هكذا كان مال البنت ماعد فعلت لك حساب.

سالم بدا يدخل راسه كلامها ويقلق : شارجع بكره اسير ابسر لو رجعت قدو شرق ذلحين انا جاوع قربي لي اكل

مرته بصوت واطي بتتضابح وتدعي عليه وعل امه واليوم الي دخلت عندهم فيه.

بعد يومين رجعت بلقيس مع بيت خالها وفارحه بالكتب حق صف سابع.. بنت خالها : ماقد طلعت النتيجه حق صف سادس وانتي قد بتشلي الكتب من ذلحين ياسعم ان انتي داريه انش عتنجحي

بلقيس : ايوه شانجح

بنت خالها : يف نفسي ابطل وانتي فارحه

بلقيس: ياخبلا لاتبطلي والله انها القرايه حاليه

دق باب بيتهم وفتح خالها سمعت صوت ابوها دق قلبها خافت ليكون ناوي يرجعها وطلع توقعها ف محله سمعت خالها بيقلها جاوبي ابوش قال تتجهزي فيسع وتلفي ادواتش.. كانت تبكي وبنات خالها يبكين عليها تعودين على بعض ورحمين عيشتها مع خالتها وجدتها بعد ماحكت لهن... خرجت وهي خايفه وزاعله .. ابوها : مالش قلت عتفرحي انش ترجعي

بلقيس ساكته... ومشيو مع بعض اول ماخرجت بدا يحاسبها ويهددها كيف تسافر معهم وهو مش داري ليش ماقالت لهم يرجعوها لبيت ابوها....الخ

ووصلت وكملت بهذلتها من جدتها وخالتها بتتفرجها بنظرات احتقار كانت حاسه انها راجعه لبيت غريب مش البيت الي تربت فيه احلى ايام طفولتها... ماقد جلست وبدات المهام الي عليها تعجن وتخرج توالف حطب وتسايب ماء وترعى الغنم ... في المدينه ابن عم انس تعب يدور ويسال في الحواري الي جنبهم واصحاب البوفيات والبقالات والاماكن الي كان يشتغل فيها ف بقي له اخر حل يسير لمدرسته لما يبدا الاختبارات.. وبعد 4 ايام كان منتظر من الساعه 7 الصبح باب المدرسه مش داري انه أنس لجنه اختباره كانت في مدرسه ثانيه... انتظر للساعه 12 الظهر ومابش احد فكر انه قد سافر بالفلوس بعد ماسار مع انس لمكتب التوظيف الي قدم عبره العمل راح يسالهم برضو مابش خبر .. انس رجع غرفته بعد سهر وتعب بس كان مبسوط وفارح انه اختبر سوا وحل كل شي بسهوله .. وصل يفعل لنفسه غدا في زاويه ف الغرفه شوله صغيره كمل اكل وارتاح شويه ورقد ونكز على اذان العصر خرج للجامع يصلي.. ابن عمه كان قريب من الجامع سمع الاذان.... في القريه بيت الشيخ... ايمن كلم ابوه وأقنعه يديله فلوس يستاجر في المدينه يدرس الجامعه ويفتح له محل صغير في المدينه يشتغل فيه ويدخل ربح لان الأرض والزراعه اوقات مابتكفيهم بسبب مصاريفهم وتعدادهم في البيت.. الشيخ بما انه ابنه الكبير : تمام وتتم جامعتك وترجع شيخ.

ايمن فرح : تمام

(72)

ام كنز كانت بتغير انها سميه تعيش في المدينه وهي لا : خلاص ياشيخ ونسير معه انا وكنز نتكسى لها للعرس

ايمن شافها بضبح
الشيخ : عادو بيفكر كما تم ناهي من الدحس الان

بيت سالم.. الجده تحقيق مع بلقيس ايش كانت تتمهر وايش تطبخ ووين بتسير معهم وعرس من على بيت من... بلقيس تعبت تجاوبها اخر اجوبتها مدري مدري

خالتها : كيف تجاوبي جدتش هكذا ؟
بلقيس : مطنشه

خالتها : بتبسري ياعمه ؟؟ انتي شاهده

بلقيس شلت اخوها وجلست تلاعبه وتضحكه وتضحك

خالتها هزرته منها : لاتكني تعسيه بتفهمي يكفي حرقتيه

بلقيس : طرحته وقامت لبست

جدتها : اين عتسيري؟

بلقيس: نسايب ماء ماعد بش

خالتها : ما فالحه الا ف الخرجه .

بلقيس خلست اللثمه: هيا اخرجي سايبي

جدتها : اخطي انقلعي قلعو وشش ادي ماء عاتتليقن.

بلقيس داخل نفسها بتلعنهن وتدعي عليهن خرجت وشافت بيت كنز ابتسمت وقررت تسير تشوفها وتعرف اخبارها لها منها فتره.

فتحت لها سميه وسلمت عليها شافتها ماسكه الدبيب مربطات بخيط وذكرت نفسها اول ايامها ف هذا البيت كيف كانت تشقى : الله يرزقش زوج يريحش من التعب هذا

بلقيس: للمدينه يارب

كنز نزلت بسرعه وشافتها بمنظرها وهي تسايب تغيرت ملامحها وكان لقاها بكنز بارد جدا

بلقيس دخلت وحضنتها وسلمت : كيف انتي فقدتش قوي
كنز سلمت عليها وبعدت شويه منها وبغرور شويه : الحمدلله

بلقيس استغربت حست نفسها ثقيله : مبروك للخطبه بمن ؟ كنز : وانتي مادراش من لو قلتلش واحد مش من هنا ف المدينه

بلقيس فرحت انه للمدينه بابتسامه :صدددق بس الدراسه يامسكينه كيف عتفعلي ليش وافقتي ونفسس تدرسي

كنز ضحكت نفس ضحكه امها بمسخره: والله ما مسكينه الا انتي مانا شقرا في المدينه وادرس قلك مسكينه او قرح قلبش اننا انخطبت وانتي مع

بلقيس تضايقت من كنز اول مره تشوفها متغيره هكذا عليها : يلله اسير اسايب مراعين لي.. مع السلامه.. كنز قفت ومشيت لداخل

سميه كانت مصدومه من تغير كنز : ليش هكذا حرام
كنز : وانتي مادخلش واقفه بيننا
قلك حرام ماشفتي كيف قرح قلبها قلك للمه اتزوج.

سميه زعلت من ردها لها: هي قصدها امد تقري

كنز: شاقرا واوقع احسن منها ومن غيرها وطلعت... سميه تنهدت وداخل نفسها: هانت قد شاتخارج منكم كلكم
في المدينه// ابن عم انس كان وقت ما اذن ابليس بيوسوس له بيسحب رجله من جنب باب الجامع امد يلقى الفلوس الي راحت منه جلس يضحك ع نفسه ويفرح ابليس ويقول ازيد الف ابسره هنا وارجع اصلي لف يمين من بعد لفه الجامع ودخل الحواري

وأنس بيجري بسرعه من اللفه اليسار دخل المسجد وتوضا للصلاه ودخل يركع معهم.

[لامارا]

(73)



ابن عمه جلس يلوي يلوي من حاره لحاره لشارع لما تاه وفوت الصلاه والمكان هذك. .

ضبح دوار وسال ومالقي حد رجع من نفس الطريق مره ثانيه عشان يخرج للشارع الرئيسي ويطلع باص ويرجع....

ليش كل الناس قدهم هكذا معي ولا هو انا الي شوعه ؟ ليش محد بيحبني ياريت يمه وانا الي مت بدلش وبدل اخي لو تبسري كيف قدهم كلهم عليا ابي وجدتي وصحبتي جتى لما فرحت ب اخي ، خالتي كرهتني فيه..

احس ماحد بيحبني واحبه الا الكتب والدفاتر اكثر وقتي معهن...

ليش بينبكي عليها طز فيها بس ليش كانت طيبه معي واحنا صغار .

بتتفرج للماء الي بيتعبى ببطء للدبه وكأنها حياتها وايامها الي بتمشي ببطء مش عارفه ايش عاد مخبي لها الزمن اكثر.. كانت تحس حزنها اكبر منها
.......

في غرفتهم منتظر لها...

ابدأ بضبح ولا ب ابتسامه؟ كيف ابدأ امد لاتفتجع تستاهل لانها تغيرت عليا وهذا عقابها وعقاب اي زوجه...

اهتز مكانه وشافها دخلت كان بيفكر فيها وفجأه قدامه وابنها ف يدها..

خلاص اجلس هنا ولاتبكيششش كون اضربه لوما يضربك...

لفتت له ساكت ولا كأن له وجود ف الغرفه..

كم جهدي انا نفسي اعرف ادرا مال هذا وهذا ومن يحس بي كيف بينقاتل في بيت الرعب هذا

سميه ..هذا اسمي بس اول مره اسمعه منه بهذه الطريقه لايكون في شي ! اسير اقرب منه استضي عيونه اكثر ...

مالك ؟؟؟؟

صلي على النبي ؟؟

هذه الجمله طريقتها ماتطمن لايكون ابوه غير رأيه اننا نسافر ...!!

عليه افضل الصلاه والسلام رديت بخوف بنبره هادئه ممكن ماتنسمعش

مش داري ماقلش ...!

حاولت اواسيه لاني داريه بالوحش المفترس المتحكم بحياة الناس في القريه كيف وهو ابو نصي الثاني...؟

(( عادي يا ايمن مش مهم ماعد فرقت نسير او نجلس قد تعودنا خلاص))

كان مش عارف كيف يتماسك للاخير ويكمل كلامه...

يعني عتقدري تتحمليهم وحدش؟

وحدي !! ماقصده بوحدي ؟ يعني سمحوا له يسافر لوحده....

ليش قلك أبوك تسير لحالك...؟؟

ماقال شي.

طيب ماله هذه غير رأيه وقلب كلامه ..

مافهمت شي يا ايمن ماقصدك ؟

غير ملامحه وبغموض

مابكون لحالي ...

اها يقصد اصحابه ،؛ يعني ياحبيبي قصدك مع خبرتك؟

ايمن ماقدر يتحمل اكثر...

معها عتنتبه لي وتوانسني وتخلي وقتها كله لي مش لطباين ابي..

يعني بيتزوج عليا !!! يا الله ع وجع داخلي هذا ايمن الي بيتكلم ؟؟؟ ليش هكذا ماذنبي انا طيب ليش مايشلني معه...

....طلع مثل ابوه انخدعت به الله يسامحك يا ايمن..

ماتحمل يشوفني بينبكي.. ضحك ومسك يدي. .

مالش؟

بيسألني مالي !! كيف مالي؟؟ وتسخى تتزوج يا ايمن..

(74)

بيسألني مالي !! كيف مالي؟؟ وتسخى تتزوج يا ايمن..

ايمن بضحككككك ..

قد كنت حاسسسس ان انتي عتفعلي هكذا قلدش الله انا قلت شاتزوج؟ ؟

كيف بيغير كلامه هذا النذل ؟؟ انت قلت مش لحالي معها... يعني من هي

يعني الي تحملت دحس نسوان ابي. .

وقت زبجك امانه قل انتي ولاتبرقطنيش ايمن..

ايمن : الا ابرقطشششش لان انتي تغيرتي عليا ماعد بش الدلع والخزا ساع زمان قدش لاضبحتي تقلبي صور ماعد بش هكذا وهكذا..

ويحاول يقلدها لما كانت تخزا زمان. .

ضحككككت : انا فعلت هكذا ! ايحين ؟؟ بس خباله..

سريع جهزي كل شي ولاتكلمي حد الا لما اتكلم من نفسي.

وهي راجعه من الأرض وقفتها تسالها كيف الماء يابنتي ؟

ردت وهي بتنفخ يدها تدفيهن من البرد ، قووي بارد هاتي وانا اسير اعبيلش ماء وانتي انتبهي لهن هنا ..

جلست تدعي لها من قلبها مثل ماتدعي لابنها ماكان فيها قدره بسبب وجع ركبها وظهرها..

رجعت بلقيس ناولتها حظش يا عمه احسن من حظي جلست مراعيه والماء يقطر قطار ولوما سرت اعبي دبب حقكم وانه سبحان الله نزززل ...

رجعت تدعي لها بالحظ والتوفيق والتسخير...

بلقيس امين يارب الله يسمع منش ياعمه ومشيت بيتهم..

ورجعت ام أنس للبيت دخلت لاعند شمس هيا اديت لش الماء أسرعي تمي اغسلي البطانيه حق اخوش عيرجع اخر الاسبوع

شمس : سامحيني يمه خليتش تتعبي وتسايبي

يابنتي سخرلي الله ببنت ع يسخرلها الله مانفسها فيه.. هيا اسرعي.

جالسين ف بقعتهم الي بيلتقو ويخزنو فيها ويشرفوا ع المزارعين..

ياشيخ معي لك خبر ماتصدق.

مامعك من خبر تحاكى فيسع لحد يجي اقنعت اهل هذك الارض يبيعو ؟؟؟

سالم: اين اقنع لو تدرا حق من طلعت في الاصل؟

الشيخ: حق من؟

سالم : حق المنحوس هذا سليم

الشيخ : معك خبر سوا ولا اسكت انت وياهم

سالم : اسمع كيف عيال عمه زادو عليه وماناولوه بقيه اوراق الارض ومدري كيف لوما بنراجع معهم الورق لمحت اسم سليم وتفاصيلها ودريت انها حقه.

الشيخ قام وعدل جلسته وساررررح بيفكر : يعني ايش

جلس يكلمه اكثر ويوضح له وفجأه بنفس خطط الشر حقه ... لازم نتصالح معه ومعهم ونكسب الاثنين لاعندنا ونخليهم يتقاتلوا فيما بينهم

سالم : مافهمت

الشيخ : ماعتفهم الا لما تشوف بعينك الخبر كيف

ف المدينه. ..

حس بيأس وضبح وضيق انه كل الحلول تقفلت وفين ولافين بيلقاه مش هي القريه يدور براحته ... بعد ماستوعب الصدمه فهم انها ماكانت فلوسه من الأصل وانها حق أنس وندم انه قال ل انس اشياء بيمسكها عليه ذله لو راح بلغ به...

بس دخلت اخر كلمه في باله كفكره يبلغ به !!

البارت مش مربوش انا عملته سرد ومفهموم..




(75)

اولا جاهل عادو وبيقولو بيكذب يدافع عن نفسه وعيصدقوني لان الزلط معه وهي دليل..


لبس وخرج يفعل لفه ويبحث ف الموضوع اكثر.

في غرفته كمل يسمع لنفسه النصوص حس بخنقه ف المكان لانه بدون طاقه غرفه زي الدكان...

لبس وخرج يلوي كان يلمح البنات الي في نفس سنه ويتذكر كنز نفسه يرجع يلقى فرصه ويكلمها زي زمان عشان يقلها انه بيحبها وتنتظر له بس كنز انخطبت قالو سأل نفسه (( هو ينفع في الخطبه تنفصل منه ولا مثل الطلاق مكروه ))...!

دخل محل واشترا لنفسه بنطلون وبيتبايعو فيه شاف صاحب المحل في يده دبله سأله السؤال الي حيره ...

صاحب المحل ضحككك : كيف لما جا على بالك هذا السؤال ! شكلك بتحب وخطبوها عليك يامسكين

انحرررج منه وبضبح رد عليه انا بينسألك سؤال في الفقه كان معي اختبار يا اخي وشكلي ربشت..

صاحب المحل هز راسه : اهااا بس ماذكرش في سؤال عن الخطبه

انا معاجل اقطبني البنطلون

صاحب المحل : اصلا لا حرام ولاعيب ولافيها شي دبلته ورجعت له ولا لها اما الطلاق مكروه لان قد بينهم زواج واطفال.

حاسبه الفلوس شل البنطلون وخرج وكأنه اداله أمل فيها من جديد ...معقول بيحصل على الشي الي في باله مثل كل مره !!!

...................

في قسم الشرطه...

الضابط من الي سرقها عليك؟

بخوف وبيحاول يتماسك: ابن عمي..

وكيف دخل للبيت مش ساكن معك؟

الا كنا مستاجرين غرفه سوا ف المدينه ولايوم شلها وفحط

وانت من اين لك هذا المبلغ؟

انا بينشتغل ف وظيفه حكوميه وخاص فترتين

الضابط الي بيكتب المحضر ضحك وشاف للضابط : اكثر من راتبك لو تشتغل اربع فترات ف اليوم.

الضابط اشتي كشف راتبك واشتي اشوف كم بتدخل..

خاف يبان كذبه بعد ماقال لهم المبلغ الي انسرق.. اصلا انا جمعته له خيرات

الضابط : معك دليل انه شل الزلط؟

لو معي ماجيت كنت شاقتله هذك الساع

الضابط شاف الساعه بقي له دقيقتين : طيب لاتنسى تدي صوره من كشف راتبك وصور لابن عمك وبطايقه او اي شي نقدر ندور عنه وارجع من الصبح بدري لان ذلحين انتهى وقت الدوام..

تحمس اكثر انه معه وقت بيقدر يلفقها اهم شي يلقى ابن عمه..

كيف دخلتي هنا سم كأننا دخلت قبر اعوذ بالله من وجيههن..

جدتها : مالش مبصمه في وجهنا هكذا ..

لاتكلمت قالو لقنه ولو سكت قالو مبصمه مافعل مع الجن هولا

خالتها : قدي بتتعلم الادب اكثر واكثر وتطنش.

مافعل ذلحين من عمل ،؟

خالتها : ولاشي ..الحمدلله حميش وبصحتي ماناش مراعيه لش.

احسن ريحتيني ياريت عندي جرأه واقولها لاوشها بس عتفعل بي نفس المره الاولى ونفتح مشاكل انا وياها ...لو تصايحنا عيشلني ابي بيت خالي.....

[لامارا]

(76)



لو تصايحنا عيشلني ابي بيت خالي قدنا فاقده لهن..

جدتها : مابتجابري روحش مالش مطننه قالو الي يطنن خيرات يدخل فيه جني ..

ياسعم بتفجعني ماعد.بش جن اكثر منهن اعوذبالله بس

ولاشي اقوم اصلي لايجو الجن صدق .

اخوها بيضحك ويجري لاعندها سريع طنشته ودخلت وقفلت الحمام.

جدته: جي ياولد كذا لاتسير للحمام

مرت ابنها : على خبيثه تخطى من جنبه هكذا وهو بيلحقها الله يحرق قلبها حين بكتك يا ابني..

فتحت باب الحمام وخرجت وهي بتسمعها مطنشه قفلت الباب..

عصبت خالتها : وعاد انتي عتقفليه لاوشنا ! استحي استحي خليه مفتوح ماعليش بتتحكم بالبيت انا الي اغلق وافتح هنا بأوامري ..

بلقيس بتسمع ولاكانها بتسمع شي تعودت يقسى قلبها أكثر واكثر بدأت تركع وتسجد وتدعي فتحت كتاب القران وجالسه تقرا منه...

دخلت الجده غرفتها تتجهز للصلاه...

سالم وصل وكعادتها سحبته للغرفه تدي له تقرير على بلقيس وافعالها المجرمه ضدهن ..

من كثر ماسمع منها بدأ يضبح ويعصب بدون مايتفهم او يكون مصدقها او لا بدأ يعصب بقوووه ويرجع ضبحه في بلقيس خوفا من مرته لاتحنق ومافيه للزواج والطلاق تعب خرج بضبببح لبلقيس شافها بتصلي وباب الحمام مفتوح قدامه بيسمع شي غريب ..

مرته شافت بيدور بلقيس بدات بالغيره وابنك ولاعبرته

سالم : الا صدق وين هو ؟

بهررت فجاه وصاحت وين هو ؟ يمكن خرج بعدك لوما جيت...

سالم ماشي انا دخلت وقفلت

خالتها صاحت : اين اخوش مخبيته ؟

الجده دخلت تتوضا للصلاه صااااحت..

ف بيت الشيخ..

سميه تمت تلفلف كل ادواتهم ونزلت تفعل لزوجها الشاهي..

ام كنز : كم قد لفلفتي ؟

سميه بزنط: كووووول ادواتي

ام كنز : هيا يابطله شلي النص بس لاني شاشل لي انا وكنز اداتنا

سميه بفجعه: اين تشليهن انا وايمن عنسير المدينه

ام كنز بتقلب عيونها : واحنا عنجي امد اكسي كنز احلى كسوه يكن اخوها يشلنا ويدينا ..

سميه ضببببببحت وماعد فعلت شاهي طلعت ل ايمن تبشره.

ايمن : هيا تمام خليها عليا ..

سميه سرحت شويه فكرت : هيا راعي وانا اقلك كيف يقع بها.

نزلت

وقدامهن مسكت الرابعه... : ماوصيش على عمي اوبهي له وشلي دورها وشافت ام كنز

ام كنز : ايشش !! يخطى الدور عليهن الثلاث

ام ايمن تفحرها هي والثانيه : مع تشل الدور كله لها ..

سميه ضحكت: خلاص وتعيش خالتي وكنز عندنا احسن وانتي شلي لش عمي. .

الرابعه: يوو لاتوصيني ف عيني ..

ام كنز بدات تغيررر وتفكر انها تأجل السفر لايطير الشيخ من يدها...

سميه بدات تشاورها تقهر ام كنز ويضحكككين

ام كنز رجعت غرفتها تخرج ادواتها..

(77)

بيت سالم

ياغارتاااااه يا الله يا الله الولد الولد ياسالم الحق ابنككككك وتولول...

سالم دخل بسرعه يلحق امه وشاف داخل برميل الماء ابنه خرجه بسرعه حاول ينقذه شافه مدوخ خرج يجري به ف الشارع للمستوصف...

ومرته لبست وخرجت بعده من الفجيعه..

بلقيس بعد ماقطعت صلاتها من صياح جدتها بتتفرج سكته جدتها بتبكي وتصيح وتدعي..

جدتها شافتها : الله ينتقمش هو انتي السبب وين كان انتي والولد في الحمام

بلقيس: بينصلي وين امه هي ماتلحقه وين كانت

جدتها سكتت وبتتكلم بينها وبين نفسها : وش النحس هذه البنت نحس ف البيت مسكونه فيها شيطان خبيث الله يرده بالسلامه ولا فجع لابني قلب..

تأخروا ورجعو والناس معهم حق القريه سالم جلس خارج وهي دخلت بتصيح وتنتف شعرها وتبكي..

ام بسام وام أنس ونسوان القريه بيواسينها ويهدأنها شافت بلقيس قامت تشتي تضربها...

الله يلعنش بسببش انتي خليتي باب الحمام قتلتي ابني ياحساده الله لاوفقش

كانين يفرعين نسوان الحاره وراحمات بلقيس على الشتايم والدعاوي من الجده وخالتها...

خالتها مرت ابوها بتصيح: خرجو الشيطانه هذه من قدامي خرررررجوهاااا ..كانت تداهفها ..

ام أنس بتحاول تهديها : انتي واحمه ماينفع تفعلي هكذا بنفسش عتقتلي الي في بطنش...
ماقدرت لجنانها افتجعت وخرجت

ام بسام مسكت يد بلقيس : جي معي البسي سريع وجي.

خالتها بتدهفها والنسوان يمسكنها..

بلقيس لبست وهي بتبكي حزن على اخوها وعلى كرههن لها ساعات تحس بتانيب ضمير ممكن هي السبب وتتذكر خالتها بتقلها خلي الباب مفتوح مالش دخل تقفلي وتفتحي الباب انتي...

لبست وخرجت لاعند ابوها..

ام بسام وقفت هي وياها ودعته : مرتك جننت وعتقتل بنتك شاشلها عندي امد ماتهدأ وجي شلها.

سالم سارررح ولا كانه بيسمع شي

بلقيس : يا اباه والله ماهو انا كنت بينصلي انت شفتني .. غلقت الحمام وهي قالت خليه مفتوح لاتتدخلي ف البيت مالش حق تقفلي في وشنا الباب وخلته مفتوح انت جيت لحقتك وا.... سكتت ماقدرت تكمل تقله ان ابنه غرق

سالم: يعني انتي السبب زي ماقالت لي ؟، انتي السبب يا بلقيس اخرجي ولاعاد اشتي ابسرش يوم ولا عاد ابسرش يلله. ...

ام بسام ضبحت انه صدق و هزرت يدها بعدها ومشيت..

شافت نسوان متجمعات ووقفين يتجابرين شافين بلقيس معها ويسالين السبب...

ام بسام : خرفوا الله يعصم قلبهم ماذنب المسكينه هذه شاشلها عندي امد ما يهدأو

بلقيس زادت بكيت اكثر حست ان في حد متعاطف معها مش كلهم عليها

ام أنس : اديها عندي مابش معي حد الا انا وشمس ف البيت انتي مايسبرش معش عيالش.

بلقيس: شلوني بيت خالي اشتي اسير بيت خالي


(78)


ام انس : جي يابنتي ذلحين والصبح عيحلها الي خلقنا هيا اخطين ....

ام بسام : سيري معها .

ام انس وبلقيس وصلين البيت...

ثاني يوم الصبح في المدينه ..

ابن عم انس مالقي صور ولا شي ل أنس سار للقسم..

الضابط كان معه ملفات اهم...الخ

ابن عم انس: يعني مافعل ؟

الضابط : يعني مابش ادله ترجع مشاكل عائليه سدوا معنا عمل مهم الله يفتح عليك توكل.

ابن عم انس ضبح وخرج وقرر يرجع يشتغل ويجمع فلوس يسافر ويدور انس ع طريقه .

وصل ايمن ومرته وكنز البيت الي استاجر لهم صاحب ايمن..

سميه : هيا امسكي الولد امد مانظف..

ايمن : مابه ناقص اكتبين في ورق نسير نديهن..

سميه : البيت فاضي مابش فيه شي واين عنجلس

ايمن : لو ما جيتين امد ماجهز خباله

سميه: سهل ذلحين ادي فرش امد .

ايمن : تمام خاطركم..

في القريه..

المزارعين لهم فتره ما استلموا حقهم بسبب البرد والقات انضرب عليهم وواقف البيع والشراء

الشيخ : وين سالم هذا الرجال منحوس كل شويه ومات له احد

واحد من المرافقين بعد ماشاف كم ادا ل ايمن فلوس ورزم زلط والناس مابش معها حاول يلمح له..:شكل سالم بيزيد عليك وعلى المزارعين ياشيخ وياكل اهل بيته حرام لوما مابش له بركه ف البيت

الشيخ : ايش من فلوس حرام ياغبي وانا الي بينسلم لهم الزلط بيدي

المرافق: هو جالس يحسب لك والصدق ياشيخ سالم مرتاح رغم انه راتبه مثلنا كلنا .. عادو اشترا سياره انس ونفس اليوم مات ابنه..

الشيخ : ذلحين اين هو يجي يبسر كيف نفعل بالمزارعين كسروا راسي.

المرافق : عاد اصحاب الارض الي جنب قريتنا جو يقلو اذا عاد انتو عتشتروها

الشيخ : قل لسالم الان يجي لاعندي قبل مايلحق ابنه .. عيضيع علينا فرصه وهو الوحيد الي معه اوراقهم وداري بقصتهم

المرافق: تمام الان اسير اديه ولايهمك ياشيخ.

بيت سليم...

ام انس: هيا بنتي قوا كلي شويه لاتغثيش عيهديهم الله

بلقيس: مابينبكيش عليهم بينبكي على اخي غثيت عليه قوي

هي الي منعتني والله دخلت اتوضا اصلي وخرجت اقفل الباب ماخلتني والله انها هي

ام انس : مصدقتش يابنتي هي خايفه من ابوش تقله انها هي لايطلقها ولا يجنن ويقتلها

بلقيس بتبكي : اشتي اسير بيت خالي

ام انس : يابنتي والله ماعلم اين هو ..

بلقيس : خليني اسير لوحدي اعرف الطريق

ام انس : مايسبرش اخاف ابوش يفعلنا مشكله سيري لاعنده وقليله انتي ولو وافق بعيني اشلش انا وعمش سليم.

بلقيس خافت شويه وبعدا تشجعت ولبست وراحت...

بعيد من الباب واقفه وخايفه شافت واحد بيدق الباب كانت مراعيه يخرج ابوها تكلمه احسن ..

سالم خرج وهو حززززين ..

[لامارا]

(79)



سالم خرج وهو حززززين ..

المرافق بهنجمه : الشيخ عيجنن قالب القريه عليك

سالم : قل له تاعب

الشيخ : مايعرف مريض معك موت عيجنن موضوع مهم البس والحقني بيتهددك ياسالم

سالم : اسبق وانا الحقك

المرافق مشي..

وسالم واقف بيزبط التراب برجله ويفكر

بلقيس قربت : اباه

سالم شافها بعين غضب ونفسه يقتلها طول الليل والثنتين الي معه بيوهمنه ان بنته شيطانه وانها نحس : ماجابش

بلقيس: اشتي اسير بيت خالي

سالم : انقلعي ولو ترجعي لاكسر رجلش ياوش النحس صدق حين قالت امي اني منحوس من يوم شفتش.

بلقيس انصدمت منه و رجعت خطوات لاورا بخوف لايضربها ومشيت بسرررعه ..

سالم ذكر الشيخ لو عصب مابيرحمه دخل يلبس سريع يشوف ماله ويروح يقبر ابنه..

بلقيس كانت تمشي لبيت خالها وطول الطريق بتبكي بخوف وحزن ونفسها هي الي ماتت وتدعي الله لو عاد ايامها اخس انها تموت وتفتهن...

الطريق كانت بعيددده منهم خارج قريتهم بيت خالها وبينهم جبال كانت تمشي وتطحس رجلها اوقات واوقات تتماسك بالحجار وكأن الحجر الجماد الوحيد الي حس بها وبيسندها لو كان قلب امها بينبض انه نغزها وحست ان في بنتها شي...

سالم لبس ومشي لبيت الشيخ ..

كان خوفه من الشيخ اكثر من خوفه على بنته مافكر فيها ابدا ولاتفهمها وصدقها...

وبيفكر كيف يفهم الشيخ موقفه ويبرر له انه في ظروف ماينفع فيها الان يهدده.

في بيت سالم..

الجده بتواسي مرت ابنها الي هي بنت اخوها: خلاص يابنتي اوبهي لنفسش شوعه تغثي وانتي واحمه الله يعوضش بالي في بطنش

مرت ابنها : و لا اشتي ازيد ابسرها ولا تدخل البيت هذا

عمتها: اعوذ بالله تزيد ترجع قلت لابوها يزوجها ولا تسير بيت خالها تنحسهم هانك.

مرت ابنها ترجع لنفس البكاء و الولوله....

ام بسام : مايجوز تقلين هكذا ع البنت ماذنبها وهي قدر الله صلين ع النبي ..

الجده: شيطانه هي وامها لوماهي ماغرق الولد

مرت سالم ذكرت ورجعت تصيح وتبكي

ام بسام : والله انش ياحجه مجنونه وعتجنني مرت ابنش وابنش وبنته خاطركن اسير اعلف واكل الغنم مامعهن شي.. تشتو شي

ام سالم: علفي لغنمنا معش غضب الله عليها مابحدهي تعلف هي

ام بسام : لاحول ولاقوه الا بالله .. ناهي تمام.

خرجت الارض هي والي بيشتغلين ف الارض وبيتكلمين ع خباثه العجوز ومرت ابنها وانها طردتها...

شمس سمعتهن وراحت لاعند امها تقلها ان بلقيس مابحد...

ام أنس راحت لبيت سالم تسال وين البنت..

الجده : انقلعت الله ينتقم منها

ام انس: اين؟

الجده : بيت خالها بكرت لهنا قليله العقل عادها تشتي ترجع بعد مافعلت فعلتها

ام انس بزعل: ياقلبي عليها سارت لوحدها ؟

الجده ضبحت : الله معش سيري دوريها ولاحقي بعدها

ام انس: مادخلني سدو هي بنتكم جت لاعندكم ورديتوها لاوقع بها شي مالي دخل..

ام بسام وصلت بالعلف وبتسمعهن

ام انس: انتين شاهدات كلكن وسمعتنها

ام بسام شاورتها : اخطي يامسكينه والله مافي حسهم منها مابتقلقي الا انتي.

ام انس : خاطركم والله ماعد دريت مافعل.

الشيخ بضبح شافه واقف: اين سليم ؟خليته يبصم ع الورق كلمته

سالم : ياشيخ انت داري ان ابني

الشيخ : ابنك مات امس وانا كلمتك قبل اسبوع وين انت راقد ولا انت بتسرق وتشتري سيارات والله العالم كم مخبي بتسرقني هااا..

سالم: صلي ع النبي ياشيخ من قد حارش بي لاعندك

الشيخ : الان الورقه توصل لهم والزلط وتبداو تزرعوا الارض بكره والامور جاهزه بتفهم

سالم نزل راسه وبحزن: تمام.

الشيخ : الله يفتح عليك اسرع لاعندهم مراعيين.

سالم رجع للبيت يدي السياره دخل خرج الاوراق

امه : عمل ! وابنك ؟

سالم : ارجع قبل الظهر وندفنه

امه : غبني عليك يا ابني لو انت خلفت عيال من اولها انه جنبك بيعاونك لكن هذه المصيبه مادت لنا الا النحس..

سالم شل الورق وزاد حقده وخرج..

في الطريق جالسه تمشي تعبت وجلست شويه بتتذكر كلام شمس لها ان كنز عتعيش في المدينه وراحت تتكسى وتدرس .. وان اختها تزوجت وسافرت مع زوجها الخارج ...

جلست تشوف حلمها بسيط ابسط من هذا كله انها تدرس ويكون لها بيت وبس ذكرت امها وبكيت... واصلت الطريق لقيت شباب بيعاكسوها...

بلقيس كانت خايفه بس بتمشي بسرعه وماردت عليهم باقي بينها وبين البيت خطوات ...

ف القريه ..

سليم بعد ماتباخر خرج يشتغل



(80)



ام انس بزعل: ياقلبي عليها سارت لوحدها ؟

الجده ضبحت : الله معش سيري دوريها ولاحقي بعدها

ام انس: مادخلني سدو هي بنتكم جت لاعندكم ورديتوها لاوقع بها شي مالي دخل..

ام بسام وصلت بالعلف وبتسمعهن

ام انس: انتين شاهدات كلكن وسمعتنها

ام بسام شاورتها : اخطي يامسكينه والله مافي حسهم منها مابتقلقي الا انتي.

ام انس : خاطركم والله ماعد دريت مافعل.

الشيخ بضبح شافه واقف: اين سليم ؟خليته يبصم ع الورق كلمته

سالم : ياشيخ انت داري ان ابني

الشيخ : ابنك مات امس وانا كلمتك قبل اسبوع وين انت راقد ولا انت بتسرق وتشتري سيارات والله العالم كم مخبي بتسرقني هااا..

سالم: صلي ع النبي ياشيخ من قد حارش بي لاعندك

الشيخ : الان الورقه توصل لهم والزلط وتبداو تزرعوا الارض بكره والامور جاهزه بتفهم

سالم نزل راسه وبحزن: تمام.

الشيخ : الله يفتح عليك اسرع لاعندهم مراعيين.

سالم رجع للبيت يدي السياره دخل خرج الاوراق

امه : عمل ! وابنك ؟

سالم : ارجع قبل الظهر وندفنه

امه : غبني عليك يا ابني لو انت خلفت عيال من اولها انه جنبك بيعاونك لكن هذه المصيبه مادت لنا الا النحس..

سالم شل الورق وزاد حقده وخرج..

في الطريق جالسه تمشي تعبت وجلست شويه بتتذكر كلام شمس لها ان كنز عتعيش في المدينه وراحت تتكسى وتدرس .. وان اختها تزوجت وسافرت مع زوجها الخارج ...

جلست تشوف حلمها بسيط ابسط من هذا كله انها تدرس ويكون لها بيت وبس ذكرت امها وبكيت... واصلت الطريق لقيت شباب بيعاكسوها...

بلقيس كانت خايفه بس بتمشي بسرعه وماردت عليهم باقي بينها وبين البيت خطوات ...

ف القريه ..

سليم بعد ماتباخر خرج يشتغل

سالم وصل لاعنده وماكان له نفس يقنعه ويشرح له الموضوع زي ماقال له الشيخ ف كذب عليه وقال له يوقع على نفس الورق القديمه ويبصم...

سليم صدقه لانه مابيقرا شي : وقع وبصم..

سالم مشي وراح بسيارته لطرف القريه الشارع الرئيسي اقرب مكان فيه اتصالات وتصوير وصور نسخ من الورق كلهن له عشان لايدبسه بعدين الشيخ. .

ورجع قبل الظهر كمل الاتفاق مع اصحاب الارض ومشي للشيخ ناوله الورق الأصل واستاذنه يسير يقبر..

الشيخ فارح انه انجز العمل سريع رجع يواسيه : لاتغثي روحك هو جاهل للجنه .. الله يعوضك.

سالم : الحمدلله ع كل حال

الشيخ: مابحد ايمن ف المدينه ولا كنت شاخليه معك مايفلتك

سالم: ماقصرت ياشيخ صاحب واجب

الشيخ مافهم الكلام انه مجامله فكر انه بيرزعه مسكها في نفسه : الله معك.

سالم وصل البيت طرح الاوراق ف الشنطه الحديد الي فيها اوراقه وبصاير ارضه والبيت وقفلها وخبا المفتاح..

(81)

شاف مرته وامه حزينات خرج للمستوصف يخرج ابنه ويدفنه..

سليم زعل عليه وراح معه يدفن ابنه هو وبقيه المزارعين...

في بيت خالها. ..

بلقيس وصلت وهي بتلاحق نفسها من كثر ماجريت

خالها : مالش؟؟

بلقيس : كنت بينسرع به جهال بيتليغجو

خالها خرج وشافهم هربوا دخل هو وياها : جيتي لحالش؟

بلقيس : ايوه

خالها صاح: ليش؟؟؟ وين ابوش! كيف تجي كل هذا الطريق وحدش

بلقيس سمعت وين ابوش وبكيت وبدات تحكي لهم الي حصل..

خالها ضبح من الي حصل : ولاعاد تزيدي ترجعي معه.

بنات خالها دخلين معها الغرفه وحبين يفرحنها : بلقيسسس لاتبكيش به شي عيفرحش قوي

بلقيس شافتهن وتمسح دموعها.. خرجين من الكيس شهادتها : وقعتي الاولى على الصف كل درجاتش ميه

بلقيس مسحت دموعها وابتسمت فرحت : صدق.. شلتها وبتقرا .. نسيت زعلها وفرحت بالشهاده ومزح بنات خالها والي بتنكت على نفسها كم كعكت.. والي ادت خمسينات..

بنت خالها : والله مانقبل درسينا معش.

بلقيس: تمام شاذاكر لكن وتوقعين احسن مني

بنت خالها : ماعنوقعش احسن منش انتي مدري كيف بتقدري تحفظي وتفهمي قد انتي احسن واحده في العالم

بلقيس: كنت هكذا لوما ذاكرت لي كنز ووقعت مثلها

بنت خالها : وقعتي مثل كنز من هذه خبيرتش؟

بلقيس: كانت خبيرتي ذلحين قد عتتزوج وبتدرس في المدينه يعني عتوقع احسن مني مش انا احسن واحده في العالم.

في المدينه.. بعد مافرشت البيت وجهزو بعض الاساسيات المهمه البوتجاز والموكيت وشويه صحون ومصروف

كنز بتسمع نصايح امها ولارضيت تعاون سميه في شي

سميه : مالش ياكنز قومي افعلي لنا عشا قدنا تاعبه عمل من الصبح

كنز : جيت اتحجب ولا اتمهر

سميه : سهل ماعيضرش قلص شاهي

كنز : ماعه والله مافعل شي وانا تاعبه من اول ماسكه ابنش قدنا نوم اخطى ارقد.

سميه : يو الله يسامحش بس كيف كنتي وكيف قد تغيرتي ..

كنز : ولاتغيرت ولاشي

سميه : تذكري كيف كنتي وانتي صغيره تحترميني وتحبيني ..

كنز ضحكت : قد قلتي بنفسش كنت صغيره ذلحين كبرت يعني لاعد تستغليني ماعدناش جاهله اخطى ارفع لش واوقع شغاله

ايمن دخل ع هدارهن وسمع شافهن الثنتين : عنبدأ؟؟ ماصدقت انقلع نهجع الجنان هذك...

كنز تخاف منه سكتت

سميه : هيا ادخل صلي وانا بساعتي افعل العشا

ايمن بضبح: لاذلحين ماقد فعلتيش؟


سميه : كنت بينفرش المكان يرقد ابنك وطار الوقت عمل

ايمن وراه كنز ابتسم لها : يلا تمام

سميه ابتسمت وخزيت وفرحت انه مازعل وعصب ودخلت بسرعة تفعل العشا

كنز جالسه تكلم نفسها ويأنبها ضميرها تصدق امها ولا توقع مثل سميه طيبه

مسيتو يكفيكم بارت اليوم او ازيد😯

[لامارا]

(82)

فوق العشاء ..

ايمن بياكل شافها شبعت وقامت تجلس وشاف سميه منتظره ترفع بعده حب يطرح القوانين : الي اقوله اللن يتنفذ والي مايعجبها ترجع القريه تسايب وتحطب وتخبززز وتفحر وترعى غنم

سميه بخوف : خير مالك

ايمن: الثنتين تتداولين في البيت يوم بيوم واحده

كنز : يا اخي انا جيت حريوه اتحجب واتكسى مش افحر

ايمن : خلاص سيري تحجبي عند امش ولما قدش عتتكسي جيتي..

كنز زعلت : والله يا ايمن هكذا تقلعني من بيتك؟

ايمن : والله ما قلعت حد ماشتي الا العدل ليش ومرتي مالها ما تتحجب سعم مابش معش زوج الا انتي بس.

كنز : لو بتغير سهل نزوجك والكل...

سميه شافتها بنص عين : لوما يثني زوجش ياقمر زوجي اخوش معه

بداين يتحانبين من جديد

ايمن بصوت ... يلله كل واحده ع غرفتها في دقايق بسرعه

كنز دخلت الغرفه عند ابن اخوها..

سميه : مالش؟

كنز : بينفتجع شارقد عنده واوبه له

سميه : هيا ابسري محلاش هكذا متعاونه تفعلي خير الله يحفظش يلله تصبحي ع خير

كنز : وانتي من اهله.. خرجت ترفع العشا

ايمن بصوت واطي : ياي يابنت

سميه شافته وبتبهررر له يسكت وتاشر له بيدها من المطبخ ماتشتي ؟

ايمن بفرحه مبتسم وواقف عند باب الغرفه بياشر لها

سميه عوجت فمها وكملت تغسل القلصات وغسلت يدها شافته وبتتدلع عليه : مالك اليوم ؟

ايمن بيسكتها ودخل
وقفل .

سميه شافته : يو ماهو هذا !

ايمن : اشتريت لنا تلفزيون جي نبسر فلم ولا مسلسل مشتيش كنز تدرا تسير تحارش لابي..

سميه : تمام ولو دخلت ابسرته؟

ايمن : كوني عطفي البطانيات فوقه.

سميه فرحت ومتحمسه جلست قدام الشاشه بالضبط: تمام هيا ماله مايسرج

ايمن ضحكك : ها قلك متعلمه هيا جي هنا ارتزحي ياهبلا قد معه جهاز من بعيد يولعه

سميه جلست متحمسه بعيونها الثنتين

ايمن بدأ يقلب القنوات ...

سميه شافته بنص عين وضبح : طفي كلهن بشعرهن حرام

ايمن فهم انها غارت : جلس يقلب لانه كمان حاسس باحراج ..

سميه شافت لقطه من مسلسل بتبكي : يو مالها راعي نبسر ماوقع بها

ايمن جلس يشوف معها. ..

سميه شافت الممثله تمت دور البكاء ومسحت دموعها جلست سارحه مطننه وبضبح :انت اشتريته تبسر الحاليات هولا

ايمن بضبح : هو انتي قلتي خليها لكن خلاص شاكون اتفرج وحدي مع الخبره خارج وانتي اجلسي اتبسري نفسش.

سميه :مع خلاص خلاص خليه ...

بعد ايام كمل اختباراته ورجع عند ابوه. .

سليم : اخيرا جت العطله يا ابني تساعدني قليل.

أنس : وين امي؟

سليم : قدلها اربعه ايام عند بيت خالك جدك مريض وسارت تنتبه له

أنس: اباه اشتي اسالك سؤال( نقدر نخطب من بيت الشيخ)؟

(83)

ابوه حاول ماتوقع منه حاول يستفسر منه: ماسمعت ايش؟

انس ارتبش وخزي : اقصد يعني لو اخطب ذلحين او بعد سنتين ..

ابوه : ومادخل الشيخ ،؟

انس مركز ف نظرات ابوه بخوف : واحده من بناته

ابوه : مجنون ولا بتجنن ؟ مالقيت الا الشيخ ! انت داري يا انس ماقد وقع بنا من تحت راسه

أنس : انا داري بس شاقله اننا قد بيندرس واشتغل واكيد عيرضى

ابوه حاول يهدأ ويفهم ابنه : يا أنس الي مثلهم مابلا توقع احسن واقوى منه عشان يوافق ومايجرحك ويهينك .. انسى الموضوع وماتمين البنات .

شمس خرجت من الحمام بعد ماسمعتهم : اصلا ماعد بش معه بنات كبار كلهن مزوجات

انس شافها : كنز تزوجت ؟

شمس : ايوه قد عتتزوج ذلحين عرسها بعد نص شهر

أنس بضبح شافها وكأنه يشتي يكلمها

ابوه : هيا ادخل ارتاح يا ابني وانا شارقد شويه تاعب.

أنس اشر لاخته وقام لاعندها : عتنفعيني ؟؟

شمس: ذلحين هذا الساع؟

أنس : ماشي اقصد عتنفعيني ف خدمه بكره

شمس : تمام بعيني ماتشتي.

أنس : سيري لاعندها الصبح واساليها قليلها لو يخطبش اخي عتفسخي ؟

شمس صاحت : بغير جنان مالك يا اخي

انس : بينحبها واشتيها ولا والله لافعل نثره واقتل الي ع يتزوجها. .

شمس بخوف مسكت فمها وبصوت هادئ لايسمع ابوها : ايوه اجنن عشان ماعدلا يجي يقتل ابي ويقتلك ...ذكرت لما احتبس ابوها وتغرب ابوها بسبب الشيخ والكلام المش منطقي الي بيقوله وبكيت..

يا اخي فارحه بينقل انك عقلت ورجعت متغير وانك انت الي تقل هذا الكلام يعني عشانها عتبيعنا كلنا وابوك.

انس : كلميها ولو هي الي ماتشتيني ورفضت خلاص

وسرح بيفكر في نظراتها وكلامهم مع بعض فكر عشان كانت تكلمه لما تلقاه انها بتحبه او عارفه انه بيحبها ... بعد ماسمع ابن عمه واصحابه بيتكلمو عن الحب فكر انه هذا الحب.

شمس: تمام شاكلمها اهم شي أعقل انت.

انس : انا عاقل ومحد احسن مني ليش ماتوافق بي انا.

شمس : ماتوافق هو ابوها وعادك صغير ماعيوافقو بعقلك انت

انس سكت.

بيت اخوها...

سميه : اسالش بصراحه ياكنز ؟

كنز : ايوه

سميه : انتي ليش وافقتي ع زواجتش وعادش صغيره كنتي تقلي ماعتتزوجي.. فارحه عشان انهم اغنياء؟

كنز : وامد ادرس ولانه مرتاح وف المدينه فارحه ليش بتسالي

سميه : لانش تغيرتي ماكان يهمش غني او مرتاح او فقير كان يهمش بس تدرسي

كنز : الصدق ماهمني يوقع غني اهم شي في المدينه ويكون متعلم ويخليني ادرس

سميه : ايوه خليش ع ما انتي ساع ماعرفتش لاتكن تصدقي لامش خيرات

بيت سالم..

سالم بيكلم امه : ذلحين كيف افعل بالبنت ؟

(84)

سالم بيكلم امه : ذلحين كيف افعل بالبنت ؟

مرته نبعت : اي بنت ؟ والله يا سالم لو بنتك ترجع ماجلس لك في بيت ولاتزيد تبسر لي صوره

امه غمزت له يسكت : يا ابني خليها بيت خالها امد

مرته: ولا امد ولا شي ماعنعيد الموضوع خلاص مايردها الا لابيت زوجها يدور لها زوج

سالم : بعقلش ادور لبنتي زوج اخرج اداعي خلق الله احرج بها ساع الغنم

مرته: خلاص تجلس بيت خالها ماقدرش ابسرها وهي السبب ف الي قتل ابني...

رجعت تبكي

سالم ضبح وخرج وقفل الباب وذكر انه لو ترجع بتوقع مشاكل ..شغل السياره ومشي لبيت خالها...

بيت خالها..

مرت خالها بدأت تتصرف معها شويه كغريبه عن بناتها : ابوش ماطرح لش صرفتش

بلقيس بزعل هزت راسها : لا

مرت خالها : ومالش ماتحاكيه قليله شجلس بيت الناس بدون صرفه

بلقيس انجرحت : تمام

مرت خالها : هيا ادخلي هذك مع خالش ف الديوان انا ادعي خالش احاكيه وكلمي ابوش براحتش.

بلقيس: تمام .. دخلت

ابوها شافها بزعل منها وعليها : كيف انتي

بلقيس ماسكه نفسها لاتبكي: الحمدلله

ابوها : مرتاحه

بلقيس: الحمدلله

ابوها : تشتي اضويش معي؟

بلقيس : ماشي هنا احسن

ابوها : على راحتش

بلقيس : تسلم

كان الجو بينهم رسمي ومقطف الكلام سؤال وجواب بس هو حاسس بضعف نفسه ترجع بنته وخايف من المشاكل

وهي تعبت جعجعه ومشاكل معه وضبحت جلستها المطوله مع بنات خالها بدات تفعل حساسيه ومقارنه ويقلبين عليها

سالم وقف: يلله ماتشتي شي

بلقيس: كنت اشتي لو معك زلط

سالم فتح جيبه وخرج لها مبلغ وناولها : شلي هذا وارجع اديلش

بلقيس اخذت الفلوس: تسلم

سالم : يلله مع السلامه ومشي

بلقيس كم تمنت ع الاقل يودعها يحجفها ويبوسها زي ماكانت وهي صغيره ...خرجت معه للباب وبعد ما مشي

مرت خالها جت لاعندها : هيا مه كم ادالش؟

بلقيس مبتسمه بتوريها الي ف يدها

مرت خالها شلتها من يدها وبتدور ف اليد الثانيه وتفتشها ...: لاتقلي لخالش اننا شليتها. .انا شاخبيها لش عندي لاحتجتي شي.

بلقيس استغربت من موقفها : تمام

دخلت عند بنت خالها

كانين مقلوبات منها وبداين يرجمين كلام والي بتقلها تفعل عملها بدلها والي تهددها تكشف سرها لوما تصبن بدلها..

بلقيس بضبببح بدات تحس انها ندمت ماراحت مع ابوها وتمر قدام عينها كل المواقف وترجع تقول بنات خالها اهون.

بعد يومين..

ايمن خرجهن بالسياره ووصلين السوق كانين يشوفين شي يعجبهن ويصيحين وهو يبهرر ويبقصهن يسكتين ..

كانت سميه تخور سي وكنز تشل مثلها والعكس. .

ايمن شاف كم قد اكياس وكم قد صرف زلط طلع السياره

[لامارا]

(85)



ايمن شاف كم قد اكياس وكم قد صرف زلط طلع السياره

كنز : يو باقي لي يا اخي اشياء قد شارجع بكره القريه للعرس

ايمن خرج اخر ميتين وبضبح : ماعدبش الا هذه حق بترول

كنز خرجت من جيبها الرزمه : باقي هذه معي ادتها امي

سميه : يا شيطانه تميتي زلط زوجي وانتي مخبيه مهرش

كنز : مع والله قلت شاحاسبه

ايمن شاف سميه : انتي تقلي هكذا من ايحين

سميه : والله بينزبج معها مالك قلبت

ايمن : هي اختي وكلها زلط ابي

كنز ضحكت: الله يحفظك داريه هيا اخي قوا نزيد نتم

ايمن : وانتي ياسميه عترجعي معها القريه بكره

سميه ماتشتي ترجع جت له باسلوب: لا اجلس معك اطبخ لك انظف لك بعدا لاقبل العرس انزل معك البلاد

ايمن انبسط منها. : ايوه مره.

المزارعين بعد ماسمعو بعض اراضي جنبهم عادها بتزرع البن ووصلتهم طلبيات بكثره للخارج ودعم حسو بغيره وقهر وصلو لاعند الشيخ

الشيخ خرج معصب : انا اخرتي شاحرقكم مثل ماحرقت الشجر هولك جننتوني مالكم ماتشتو

بداو يكلموه بالوضع وانهم بيحصلو ع ضعف مابيبيعو ويخسرو ف القات..

الشيخ حس بغيره وخاف المزارعين يقلبو عليه...

دعا سالم ونفذ معه خطه وراحو لاعند مشايخ القريه الي جنبهم

اقنعهم كذب ان القات دخل مبالغ اكثر من حقهم وحفزهم وحمسهم يزرعو القات...

بيت خال بلقيس..

بلقيس شافتهن متغيرات جلست تبكي

بنت خالها رحمتها وبضبح : ليش بتبكي

بلقيس: ولاشي

بنت خالها : مالش؟ تشتي تسيري مع ابوش

بلقيس ببكاء ونص كلامها مش مفهوم: انا فلت ابي وجلست معكن بعد ماشكيت لكن مافعلت بي خالتي وفغلتين بي مثلها ليش

بنت خالها بزعل عليها : ضبحنا ابي بيقل احسن مننا اشطر واحده امهر واحده ف العمل بتبكر من بدري وبتفعل احسن خبز ماعد بيعجبه شي مننا

بلقيس : وانا مافعلكن مادخلني

بنت خالها : وامي لو قد معها شي مكنتنا اوقعين مثلها مثلها كل شي مثلش يف

بلقيس: خلاص ماعد شفعل الخبز انا ماعد يضايقش مني

بنت خالها الثانيه : بطلي توقعي مسكينه الصدق بنبسر طيبتش زياده ونتحانب احنا وتقفزي انتي تفعلي مل شي ويمدحوش بنضبح اوقعي مثلنا تاففي قلي قومي انتي لاتوقعيش حاليه

بلقيس: انتين بنتهم وخوات انا بنحس نفسي غريبه وعيب ماقومش لوما حد يحاكيني

رجعين تاسفين منها وتسامحين وبررين لها انهن هكذا مع بعض حتى بيتضاربين لاتتحسس وتزعل وتبكي.

بيت سليم..

شمس بعد مارجعت..

انس : ها سرتي

شمس : ايوه

انس : ماقالت

شمس : بهذلتني ماقالت .. قالت بتجنني انتي واخوش وايحين اعرفه كنا نلعب واحنا جهال بس

وانا مخطوبه وماشتي اتزوج الا هذا


(86)


أنس : قالت هكذا ؟؟؟

شمس : ايوه قلتلك بس انت مع ماتصدق

أنس خرج وجلس جنب الباب زاعل شويه وقرر انه ماعد يفكر ببنت ولايحب واحده الا بعد مايحقق احلامه عشان الكل يحترمه انه متعلم ومتوظف وعايش ف المدينه حسب كلام اخته له ليش كنز رفضته وعشان ايش انه للاسباب الي قرر يغير نفسه ويتمسك بحلمه.

وبعد ايام رجعت كنز وتعرست بينما اهل القريه بيعانو من الدخل بسبب تضرر القات مع الجو الا انه ابوها فعل لها عرس خلا الناس كلها تحس بظلم وقهر من اين له الفلوس وهم بيدورو الفلس...

بداو يحسوا بطمعه وجشعه بس قوته ماخلتهم يفعلو شي ..

بيت الشيخ..

كانت امها متفاخره وبتفشر ببنتها وذهبها ولبسها عند نسوان القريه الي متحملات ظلم زوجها لرجالهن.. بيتفرجينها بحقد....

ام كنز جهزت نفسها ووقت ماسفرو العروسه للمدينه راحت مع سميه وايمن...

بعد ماوصلوا...

ام كنز : جننتينا المدينه ع هذا البيت والله انش ترحمي

سميه : ليش ارحم

ام كنز : بعد ماشفت بيت بنتي ماعد اعجبني اجلس هنا

سميه : الحاصل كل واحد ع قدره

ام كنز بسخريه : قدره.. هذا وانتي مرت ابن الشيخ الكبير تسكني هنا

سميه : ايوه احسن من الغنم والحطب ومسايبه الماء ومداورتش..

ام كنز : يو حسبش الله تكلميني هكذا ؟؟؟

ايمن : ياخاله رجاء مشاكل مشتيش ..

خالته : ولا مشاكل ولا الصبح ردني عند ابوك احسن من المصابحه مع مرتك

ايمن : ان شاءالله الصبح تجهزي لاني نازل البلاد مع ابي عمل

ام كنز سكتت ودخلت الغرفه.

كنز كانت منبهره بالبيت وعيشتهم المختلفه جدااا عن عيشتها سافرت مع زوجها مدينه ساحلية ورجعت سافرت شهر عسل للخارج كانت حاسه نفسها اسعد واحده.

بيت خالها..

بلقيس حاولت تكسب بنات خالها وماتفعل الشي الي بيفعل حساسيات بينهن ورجعين لها مثل اول متعاونات ..

أنس بدا يشوف الوضع بنفسه بعد ماكبر كيف بيتعبوا اهل القريه ويغرسوا وبيستلمو فلوس اقل ..

بس الشي الوحيد الي ماعرفه على ايش ابوه بصم ورق وانه كان معه ارض جلس مخفي عليه الموضوع حفاظا عليه..

ويوم جالس مع الشباب شاف ابن عمه بيمشي لاعنده قرب ووطى وهزره من فنيليته

انس وقف ودهف يده : مالك ؟؟؟

ابن عمه بضحكه : مالي ياسارق وعاد لك عين تداهف اين الزلط؟؟؟

انس : قصدك زلطي ياكذاب يا سارق انت

بداو يفرعو بينهم الشباب وهم بيتضاربو

ابن عمه : امشي معي للقسم الان

أنس: يلله اخطى

ابن عمه مستغرب: سيمخه مش انت مفتجع قد اكلتها صح

انس : انا حر ززززلطي

ابن عمه : يلله اخطى قبالي لو انت رجال

انس عصب ومشي معه..

وصلو القسم

دخل ابن عمه وجلسو مراعيين..




(87)

دخل ابن عمه وجلسو مراعيين..

الضابط بيتكلم ف التلفون ويدور ف علبه السجاره فاضيه رجمها وفتح الدرج مابش قفله بضبح ..

ابن عم انس خرج السجاره وناول الضابط وولع بالولاعه..

انس لماكان يجي يزور ابوه كان يشوف الرشاوي وعلاقيات القات الي توصل وكيف يتخارجو... قام وخرج لاعند العسكري الي ف الباب ناوله فلوس وكلمه...

الضابط ابتسم لابن عمه وقفل التلفون وسحب نخس وشافهم : مامعاكم هنا؟؟

ابن عم انس : والله يا فندم قدلي شهور ادوره ساع المجنون ابن عمي وثقت فيه وسكنته معي ف المدينه واخرتها سرقني وهرب

الضابط مستمتع بالسجاره ومتجمل منه بهنجمه فوق انس: صدق ياولد

انس : ايوه صدق زلطي يافندم كنت ارسله كل اسبوع3000 ريال لمده 3 سنوات والاماريه ملفوفات بربل كنت اشتغل وادرس وراكن انه يمكن ابي وهو بيخبيهن لوما سالته قال عيسافر ويشتغل ويردها

الضابط شاف ابن عمه وهز راسه باتجاه انس ( يعني صدق) ؟

ابن عمه : كذاااب جاهل ماعيشتغل الا لو سرق

دخل العسكري ناوله القات والباكت سجاره والماء وطرحهن له فوق المكتب وناول انس الباقي

انس : والله نايرجع قرش حق شقاك

الضابط فرح بالي قدامه بعد مافهم انه انس ولاحظه لما كان بيتكلم خرج يكلم العسكري ودخل :

شاف ابن عم انس : الا لو سرق .... اهمممم

قام وقف ويلوي فتح القات وبيتفرج

يعني بكلمتك هذه اعترفت انه كان معه فلوس

ابن عم انس حس قد ودف ف رجعها تهمه لانس: كان يوصل بزلط ويقل بيشتغل

انس بثقه ويحلف ويبرر: خليه يسير يسال كل الي اشتغلت عندهم وهم يقلوله يلله ذلحين

الضابط طعم ورقه قات ورجع جلس مكتبه شاف ابن عم انس : وفين حصل هذا انت وياه

انس : ف المدينه شليت زلطي وخليت حقه ماعسيت فلس

الضابط : مادخلني ماشليت وماطرحت... الي يهمني انه ف المدينه... يعني سير اشتكي به هانك انا مقدرس افعلك شي

ابن عمه شافه بضبح وقام وقف : انا اوريك وداري لاعند من اشتكي بك

انس وقف : لاعند الشيخ ؟ ضخم قوي وانا نفسي اقل لابوك يرجعك القريه لاتمتسك هانك ع المتر..

ابن عمه بهررر وشافه وشاف الضابط وخرج بسرعه

انس خرج بعده

ابن عمه هزره : والله لو تفتح فمك لاقتلك

انس دهفه : وانا والله مابينفتجع منك زلطي وشليتها للمه تسرقني وتشتكي بي لو عتتلمعن انا العن منك.

ابن عمه فلته ومشي..

انس رجع وشاف ابوه بعد ماقد سارو الي كانو مع انس يقلو لابوه على الي حصل

ابوه: رجعت يا انس تدور هدار قدك هانك يا ابني

انس: يا اباه هو الي جا يدور مشاكل انا بعد حالي

ابوه مسك انس ومشي : ياابني قد المدرسه عتبدء سير الله يحفظك بعد حالك ماشتي منك شي