الثروة المنسية / للكاتبة عبير الكبسي ـ يمنية

لامارا · 04-05-19, 08:39 AM


	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية الثروة المنسية للكاتبة عبير الكبسي قراءة ممتعة للجميع.....

لامارا · 04-05-19, 08:40 AM

رابط لتحميل الرواية

هنـــــــــــــــــــــــ ـــــــا

بسم الله الرحمن الرحيم

السلام عليكم ورحمة الله وبركاته

مساء الخيرات... ايش رأيكم في عنوان الرواية ؟

مساء الخير وجمعتكم مباركة...

أخيراً قرب موعد روايتنا الجديده بعد ماوصلت لفكره بيكون فيها نوع من الأكشن بتكون شي جديد مميز ان شاءالله توصل فكرتي فيها لان هدفي منها تكون شي ايجابي لكل من يقراها ويتأثر بها ،،
القصة فيها أشياء جديدة ..

تكون حافز نتعلم منها ونستفيد ..

صحيح الحب قد يكون جزء من حياتنا لكن طموحنا ومثابرتنا في الحياه هي أساس مصيرنا

وهذا بيكون هدف روايتنا الجديدة

وبتكون فيها مواضيع جديدة من واقعنا أزمنة مختلفة مشوقة مترابطة ليومنا الحاضر

ومتأكدة إن هذه الرواية بيكون فيها كمية حماس وتشويق غير كل الروايات الأولى...

يعني على قولة المثل ..

(( من طول الغيبات جا بالغنايم))

متحمسسين لتفاصيلها !!! منتظرة التفاعل .. كل واحد يمنشن للي يعرفه وكان يتابع معه ومنتظر لرواية.......

جديدة.....

لامارا · 28-12-20, 03:55 PM

(1)

عام 1997
في القريه المطله على المزارع ... تنتمي القريه إلى سكانها والفئه الغالبه ف المنطقه تنتمي لأسره عريقه تعود للجد الأكبر ، المتحكم في أغلب المزارع وشئون القريه والعاملين فيها من فلاحين ومزارعين ، يدعى ب الشيخ خالد حفيد الجد الأكبر.. بعد يوم متعب للمزارعين
رجع ابو أنس ( سليم) لبيته البسيط
غرفتين وحمام وصاله صغيره ومطبخ صغير جدا في الحوش .. سليم وصل ورجم المفرس ( أداة حراثه وزراعه) في الارض وبضبح وين انتي يا مررره ؟؟ زوجته كانت بتظفر شعر بنتها الصغيره وبخووف سمعت صوته قامت خرجت من غرفه بناتها : يوه ايحين وصلت والله ماسمعتك سامحني.. سليم شافها بتساعده يخلع الكوت والشال بنبره غريبه : انتو بخير !! زوجته بتعلق الكوت في المسمار الي ف الجدر باستغراب لفتت له :بخير مالك ؟؟ سليم مابين لها خوفه: مالي ؟
مايحق لي اقلق وأسأل عليكم ؟ من الفجر خرجت لانا داري ايش معكم وايش بيحصل لكن راكن عليش .. زوجته : تطمن يا ابو أنس له الحمد مستورين بخيرك ورضا الله علينا له الحمد.. سليم جلس على الأرض وبيمسد ( مساج) رجله تنهد بحرقه وقهر وعيونه امتلت دموع: لا سامحه الله دنيا ولا اخره.. زوجته مسكت صدرها من الخوف : من هو !! ؟؟ مالك ماوقع

سليم كأنه ذكر شي صاح : وين أنس؟ (( معه 7 بنات وأنس الاخير جا بعد البنات
4 مزوجات وبقي 3 )) زوجته خافت ( زوجها شديد الاهتمام بحكم انه الوحيد ما لاحظت غرابه ف خوفه فجأه ع ابنه )

ذكرت انه بيلعب بيت عمه خافت لايصيح دخلت الغرفه تقل لبنتها تدي انس.. وانتين اخرجين غالطين ابوكن لايحس انه مابحد امد مايروح اخوكن.. قامين بسرعه وخرجين.. ابو انس منتظر أنس سارح ف التهديد الي حصل له ف المزرعه .. خرجت زوجته لاحظت بيتفرج لأصبعه الي عليه بصمه : اليوم سرت تنتخب ؟ زوجها شافها لاحظت قلب يده وبمغالطه: ايش من انتخابات هذا الساع يامره

زوجته شهقت ( اخذت نفس فجأه ) وبصدمه: تزوجت عليا ... قربت لجنبه ياويلك من الله تزوجت
زوجها قام بضبح ودخل للحمام وهو بيصيح : الله يعيننا من قله عقول النسوان صلي على النبي يامره هذا الساع انا تاعب ومهدود حيلي شقا وهم مش ناقصش

زوجته بتدهف باب الحمام : احلف

زوجها فتح الباب وبعدها : بتشوفي الباب كيف مهتري يلله يستر علينا لاعد تزيدي تعدمينا الباب ... بصياح اين ابنششش قلت !! بنتها دخلت بتصيح يماااه أنسسس ..انس.... جمعه مباركه بدأنا معاكم بارت وبكره الباقيات من اول انا. ؟؟؟ !!!

(2)

بنته دخلت بتصيح : يماااه يماه انس ... وبكيت

الاب والام جريو للباب وهم بيتضاربوا .. انس شاف ابوه خاف فلت اخته... مرته لفتت له : لاتغالط ايش ف يدك ليش بصمت ايش معك مابش انتخابات يعني تزوجت

زوجها : لاحووول ولاقوه الا بالله يمين بالله لوما تنقلعي من قدامي هذا الساع لاتزوج صدق

زوجته هدأت وسمعت ابنها.. ابو انس دخل وقفل الباب ع نفسه.. انس (10 سنوات ) وصل في يده جعاله ومسدس لعبه

امه: من ادالك

انس : عمي جا من المدينه وادالهم حاجات حاليه يمه معهم عصير ومعهم اشياء غريبه هاا كلي أطعمي محلاها.. ابوه خرج من الحمام .. انس شاف ابوه قام وسار يفرش السجاده للصلاه زي ماتعود... ابوه : فين كنت

امه بتبهرر لابنها يسكت

انس: عند بيت عمي ياريت معك عمل ف المدينه يا اباه عمي معه زلط خيرات معه سياره جا بسياره ضخمه
ابوه :عمك من؟

أنس : عمي حسين

ابوه تطمن انه حسين اخوه.. البنات قربين العشاء البسيط.. ( خبز دافي مخبوز في تنور حطب مع لبن دافي وزحاوق)
أنس شاف ابوه تم يصلي: انا ماشتيش اتعشيت اكل ضخم عندهم، ليش عمي معه زلط وانت ماشي يا اباه

ابوه: الرزق يابني مكتوب لكل واحد له الحمد والشكر

أنس: ولاتزعل انا بشتغل معك واعاونك في الارض ونعيش احلى عيشه .. ابوه: انت ادرس ماعليك من العمل اشتي يا ابني افتخر بك شوف كيف الي مش متعلم مثلي يرحم لايعرف يقرا ولا يكتب ..يبصموه على ورق ماهو داري ايش فيهن.. مرته : على ايش بصمت يارجال

زوجها طرح الخبزه من يده: اليوم شكله دبور من اوله
تصبحو ع خير

بنته قامت تفرش له بقعته يرقد

ابوها ادعي انس اشتيه.. انس سمعه وقام يجاوب

ابوه أشر له بعينه : اجلس

انس جلس : مافي نفسك

ابوه : بتلقى الشيخ خالد ولا عياله؟ أنس : ايوه تضاربت مع ابنه بعد ماضحك عليا وزبج قبال العيال

ابوه بخوف : وانت ايش فعلت ليش تضربه ماعليك منهم لاتمشي معهم ولا تصاحبهم ولاتسير بيتهم ولاتاكل شي منهم

أنس: مالك يا اباه انا رجال ليش بتفتجع عليا

ابوه بصياح وخوف : اسمع الي اقلك ولاتجادلني بتفهم

أنس: تمام بس حقي والله مافلته ماسكت لهم يضربوني ويضحكو عليا

ابوه صاح وذكر التهديد لطمه بدون مايحس : قل حاضر وبس لاتعاند كلامي وتكسره

أنس اقتهررر من ابوه وشاف خوف ابوه ومعامله الكل لابوه انه جبان كره الخوف الي ف عيون ابوه كان يشتي يعصب مسك نفسه وقام... امه سحبته خارج الغرفه سير ارقد.. غلقت الباب ودخلت شافت زوجها : مالك اليوم ماجرا لك ؟ زوجها بهرر عصب قام مثل المجنون مسكها بقوه.....

(3)

زوجها معصب قام مثل المجنون... سحب البطانيه وغطى وشه: انا تاعب اشتي ارقد انخمدي سكته ولا اخرجي ارقدي عند بناتش.. ثاني يوم الصبح... بيت الشيخ خالد... ( بيت فخم رغم وجوده ف القريه نسوانه ال3 يعيشين في نفس البيت بينهن مكايدات بس قدامه بيمثلين انهن منسجمات وخوات خوف منه..) الشيخ خالد جلس يصتبح والكل ساكت ولما تم وقام... شاف زوجته الاولى بحكم بيركن عليها ف كل كبيره وصغيره :
عرس بنت ابو أنس قريب سيري شوفي ايش تحتاج مرته وانا ادفع وخرج .. زوجته الثانيه أم 2 عيال بتحانك الاولى بحكم معها بنات بس باسلوب محانكه نسوان : غريب رغم فقر حالهم ومستواهم وكل بناته صغار وبيتزوجين وانتي بناتش غريب محد بيجيلهن اوبهي يعنسين سمعه عيالي .. زوجته الاولى ( عاتقه)
شافت الزوجه الثالثه( هنيه) : ارجعي زوجي ابنش تصاحب هنيه حرام لحالها عتضبح.. مابتقدر تنسجم معش فرق بينش وبينها 15 سنه... عصبت زوجته الثانيه ( لطفيه) : ع يدش يتمين يتزوجين البنات وبعدا نزوج الولد عيب نزوج الولد وخواته معنسات محد بيوافق.

الزوجه الاولى : خايفه عليش تطيري من هنا قبل ماتفرحي بعيالش.. وبدا الجو يتوتر بينهن ويتصايحين كعادتهن...الخ

خارج البيت ف الأرض. .. الشيخ خالد بيلوي ومعه واحد بيحسبو الارض وبيأشرو على الاماكن.. ابو انس شافه وخاف ذكر الورقه الي وقعها فتح جيبه وخرج الوصية حق ابوه وراح لاعنده وهو خايف... الشيخ خالد شافه جاي لاعنده خاف ينفضح قدام الرجال الي معه : انت سير الان احسب ع مهلك اتم اكلم المزارعين وارجعلك.

ابو انس بخوف وفي يده الورقه بترجف ... : ياشيخ كنت اشتي اكلمك
الشيخ : لاتقلش رجعت ف كلامك خلاص انت بصمت
ابو انس ناوله الورقه... الشيخ بيقراها قطعها نصين وناوله: لاتفكرش عتخرج الاثباتات وتبلغ بها وتقاضيني اذكرك لو نسيت امس بيوصلك راس اغلى ماعندك ارجع جهز كفنه ساعتها.

ابو انس بخوف : ياشيخ انا بس بينوريك انها وصيه ماينفعش هذا الخبر ماينفعش نغير.. الوصيه هذه من ابي فيها انه شهد هو وابوك وعيال العم ع الأرض. .

الشيخ بنظرات شر : ابوك وابي وعيال العم رحمه الله عليهم ساروا الا لو تشتي تلحق بهم انت تعرفني مايهمني شي غير الي اشتيه وبس.

ابو انس لف الورق جيبه ومسح العرق الي ع جبهته بطرف الكم حق الثوب ومشي.

الشيخ خالد شافه بنص عين وضحك نص ضحكه شر ومشي بخطوات تجبر وتسلط وجبروت ع الارض الي مغتصبها عن اصحابها ... وصل لجنب المدرسه الصغيره التابعه لقريتهم... اواااصل متحمسسسين ولايكفي اليوم !!!

(4)

وصل لجنب المدرسه الصغيره التابعه لقريتهم... دخل وحب يسال ع بنته من بين عياله كلهم متعلق ب بنته ( كنز 8 سنوات ) لذكائها وشطارتها رغم صغر سنها الا انه يعجبه يجلس معها ويتكلم معها للقانتها وذكائها ومرحها... الاستاذه شافته خافت وسكتت وسط الدرس.. الطالبات كلهن بمشاورات جا ابو كنز.. كنز هذا ابوش جا لهنا.. كنز قامت فارحه : استاذه اجاوب أبي

الشيخ خالد بيتفرج لاستاذتها من نص النظاره الشمسيه .. كنز لاحظت : اباااه جيت
ابوها :كيف البنت يا استاذه
الاستاذه بنبره خوف ورجفه احراج : شاطره وذكيه والأولى. .

الشيخ خالد : طالعه لابوش ، لو تشتي شي يا استاذه وتحتاجو شي للمدرسه احنا ف الخدمه حاضرين اكتبو طلباتكم.. الاستاذه : نشتي بس طيقان لانه برد اوقات .. الشيخ خالد : ابشري وانتي يلزمش شي اشتي بنتي توقع مثلش متعلمه ، محد ف البيت كله متعلم عندنا الا كنز

كنز بغيررره لاحظت ابوها مهتم باستاذتها : خلاص يا اباه روح .. الاستاذه : عيب هكذا ياكنز خليه براحته.. كنز سحبت ابوها ومشيت من قدام الصف : هيا معنا درس مهم روح انت.

ابوها : يلله سيري الله معش. الاستاذه فارحه وبتفكر ف اهتمام ابو كنز بها وبتحاسب نفسها لو انها كلمته ببقيه حاجاتهم للمدرسه بحكم انه المسئول ع القريه .. كنز رجعت للفصل وصحباتها فارحات وكل واحده بتتقرب لها انها بنت الشيخ الا طالبه واحده بكيت : ابوش وحش اكرهه ابوش سجن ابي وسرق ارضنا وبقرتنا ابوش سارق.. الاستاذه صيحت فوقها ورجعتهن للدرس... وبعد الدوام. .. كنز مروحه للبيت سمعت 2 بيتلكمو ويدعوا على ابوها انه بيسلم لهم نص الأجرة ونصها بيخصمها عليهم اعذار.. واصلت طريقها وهي من يوم ليوم بتكبر وتكتشف سرقه ابوها وظلمه للناس المساكين.. لقيتها بلقيس بنت ابن عم ابوها : وين رايحه ياكنز .. كنز : اروح البيت كنت ف المدرسه

بلقيس : تعالي نلعب شويه

كنز بتتفرجها بتلعب بالطين : ب ايش تلعبي ! ليش ماتسيري المدرسه بدل ماتلعبي

بلقيس: ابي قال الدراسه للعيال والبنت تتزوج

كنز: ادرسي لوما تكبري و تتزوجي
بلقيس جلست تبكي: اشتي ادررس ابي مارضيش.. ماشتيش اتزوج مثل خواتي وماعد يلعبين ولايخرجين.

كنز جلست تواسيها: هيا نلعب طيب.

بلقيس مسحت دموعها ويدها ملان طين

كنز ضحكت : قد وشش كله خلب ( طين)

بلقيس بطرف فستانها مسحت دموعها ووشها.

جنبهن عيال القريه بيضحكو عليهن.

كنز قامت وقفت : والله لاكلم ابي

العيال افتجعو من ابوها وهربوا.. بقي أنس طرح شنطته وقرب من البير بيحفر تراب من حوله
بلقيس: انتبه ياولد لاتقرب من البير... فجأه صاحت أنس !!!!

لامارا · 28-12-20, 04:17 PM

(5)

بلقيس: انتبه ياولد لاتقرب من البير

فجأه صاحت : أنسسسسس

انس لفت لها وشاف بلقيس: اسمي انس سمعتي يابنت قلك ولد

بلقيس: ناهي يا ما اسمك انا داريه لاتقرب له

انس طلع وقف ف حافه البير : هاااا مافتجعش ساع البنات

كنز وقفت من الصدمه : أنس بس جنان لاتفلت وتغرق زي ابن عمي مسعد

أنس نزل من البير : اسير ادي اتريك ( كشاف ضوء) واجي ابسر صدق الي قالو !..

بلقيس سمعت امها بتدعيها : يلا مع السلامه ياكنز اروح اتغدا

كنز مشيت وبتمسح الطين الي ف يدها ف الجدر...

شافها ابن خالتها ( بسام ) وناولها فاين..

كنز شلته ...

بسام : ليش بتجابري العيال والله لاقل لاخوتش

كنز شافته بنظرات : فجعتني طز سير قل لهم ورجمت له الفاين ومشيت. محارش وبيفعل نفسه مخلق (خلوق)

بعد العصر نسوان القريه ..

كعادتهن اجتمعين تحت شجره يتقهوين ويتجابرين ..

واحده منهن : صدق يا ام بلقيس البير الي جنبكم حق جدتش ؟

ام بلقيس لفتت لأم بسام بنظره وعوجت فمها: ايوه بس ماعد في حق هنا امرهم لله كل ظالم

ام بسام بمشاوره للي جنبها : ايش قصدها ليش شافتني

الي جنبها : يمكن حين انتي اخت عاتقه

ام بسام: ولو انا اخت عاتقه ؟

الي جنبها بتسمع الي جنبها بمشاوره بيتمتمين سكتت

ام بسام سمعتهن

( قالو فيه ذهب مدفون وانه ملان ثعابين ومن قرب له قتلوه ...)

والباقيات : اعوذ بالله ، ياساتر ، اعوذ بالله من الشيطان الرجيم.

ام بلقيس: مادراكن ! وليش بتتشاورين ! تكلمين نسمعكن ومن قرب البير بنيه يخرج الذهب او حاكى حد بالسر هذا مات .. الله يرحمها جدتي دريت ان فيه ثروه واول ماتحاكت بالسر ماتت .. تشتين تموتين الله يفتح عليكن..

قامين كلهن تطايرين من الخوف وبيجرين لبيوتهن...

ام بسام بخوووف : تتكلمي صدق ! او بتفجعيهن

ام بلقيس: والله انه هذا الكلام الي قالو لنا..

ام بسام : الله يستر علينا دنيا واخره ..خاطركن ما من جمعتكن الا البلا.

بتمتم بينها وبين نفسها ( تكلم نفسها) :ماعندهن حجه يتفرجين لي هكذا ويتشاورين بس ماعليهن الايام عتبين لهن حالي حالهن و برغم ان اختي مرت الشيخ الا انها شايفه نفسها عليا وبتحانكني وبتقهرني بمكانتها وجبروت زوجها الي ذل زوجي.

ف بيت سليم..

انس :اين الاتريك ؟؟

ابوه : ليش ؟؟

انس : يا اباه قالو البير (البئر) فيه ثروه داخله وانه ملان حنشان ( ثعابين) اشتي ابسر صدق او لا

ابوه بصدمه وقف فجأه : ايش. !!؟؟

(6)

ابوه وقف فجأه : تبسر ايش ؟

هذا الرجال الي راكن عليه عيتعلم ويتنور بيصدق خرافات أهل القريه..تشتي تجنني يا ابني انا تعبت ...جلس فجأه ف الأرض تعبت بينراعي لليوم بعد يوم تكبر واركن عليك ف كل شي وانت عادك غاوي. .

أنس انصدم من ابوه ليش هكذا !! ايش حصل مافعل شي يستدعي انهيار ابوه..! حس ان في ابوه شي ماكان يعرفه وكأنه فتح عينه على ابوه يستكشفه اكثر ايش الي بيتعب ابوه رغم كل الي ف المنطقه بيشتغلو ويمزحو ويتهنوا بحياتهم ليش ابوه الوحيد الي منكد نفسه بنفسه...

ابوه شاف صدمه أنس وبس نظراته ع ابوه والكلام كله بيدور ف راسه حس انه فقد اعصابه بدون مايحس من كل الضغوطات الي عليه حاول يغالط الكلام : خليتني ارجع جاهل من خوفي عليك لايقع بك شي وتفلت للبير الله يسامحك يا أنس بس الله يهديك ويصلحك يا ابني...

مرته :ذلحين انا اشتي ادرى ع ايش بصمت امس ؟

بنتها جلست وراها تدحسها : قليله ايحين نطلع المدينه عند عمتي نتكشى للعرس

امها :وبنتك تشتي كسوه للعرس ايحين نطلع...

نطلع !! يوووو وافلته بعد ما بصم ! فرصته يديها بيتي والله ماطلع ولاتتكسي تزوجي وسيري باداتش هولا مافيهن...

سليم تعب وحس بثقل ع صدره وصداع شل نفسه وخرج وقفل الباب مشي لاعند اصحابه متجمعين بيشربوا شاهي...

مرته هزرت أنس جنبها ومسكت اذنه بطرف اصابعها وتشده لها وتفلت مع كل كلمه بتقولها : اسمع فتح اذانك الكبار هولا واشتي تدرا ابوك وين بيسير ويجي ومن بيحاكي بتسمع...

انس : اراقب ابي ليش امد يقتلني ضرب قدام عيال الحاره وتفتهنوا مني انا داري ..

امه هزرته بالفنيليه : والله لوما تخرج من قبالي وتلحقه لا قتلك.. سير

انس قام وضبح خرج من البيت ومشي بطريق غير ابوه لحق عند اصحابه الي بيتجمعو الليل يتجابروا ويحكوا عن الفروق بين المدينه والقريه واحلام كل واحد فيهم ايش رغم بساطتها...

واحد منهم ابن الشيخ خالد...

عمر: تعال اطعم ياولد ضخامه اشفط اسحب ها..

انس شاف السجاره بيده وشمها ..

واحد منهم ضحك : مالك مفجوووع قلنالكم هذا بنت بيفتجع ع روحه لاتدوله شي..

انس حس بضبح من معايرتهم له قرب هزرها من يد عمر وجلس طرحها ف فمه للنص ..

عمر ضحك عليه : لحظه يا ابلد امسك هكذا وخلي الطرف هذا بس بفمك عتبلها وتكسر...

أنس جرب كلامه وبدا يشرب وينفخ سعل ودمعت عيونه وبيده الثانيه بيهوي عينه والدخان..

يخ ايش هذا ؟؟؟

عمر: قلنالك مش انت حق شي
هات يابطل هات...

خرج الباكت ووزع لهم جلسو يشربو كلهم

وأنس وسطهم : مش اي شي يعجبكم وماعجبني معناه مش رجال ... لو انتو رجال صدق سيرو قبال الرجال شيقرو ( اشربها قدام ابوك انت وياه ) !

(7)

هيا وروني رجالتكم من فيكم رجال اتحداه يسير قبال ابوه يشربها...

عمر قام رجم السجاره وهزره : مالك يا حبيبي !!! من فاكر نفسك .. جاي تتحدا من ؟؟؟

انا ؟؟؟؟

انس بضبح وعيفطه وعصبيه قرب لقدامه ودهف يده : ايوه انت.. ليش من انت !! من ؟؟؟

العيال بيضحكو ويصيحو ويصفقو ...

اوبه دلا ع اخو البنات مالك ياعمر..

عمر ضحك ودهفه بقوه..

أنس حاول يتمايل معه مع الضربه رجع لاورا وبقوه رجع لقدامه ودهفه للارض... : هكذا مضاربه الدلوعين ا بن بابا..

اتحداك تروح البيت وتدخل غرفتك سكته مش تسير تشتكي له ساع خواتك النواني ... وضحككك واشر له باي ومشي..

قامو كلهم ولحقوه وضربوه تضاربوا وسمعهم ابو واحد منهم وفرع بينهم وشلهم كلهم لاعند الجماعه الي سامرين بيشربو شاهي وبيسمعو مواويل بلديه ( اشعار غنائيه بلهجتهم البدويه) ...

سكتو لما سمعو صياح وبيقربو منهم ولعو بالاتريك لاوشهم وشافوهم ...

ابو واحد منهم : قوم يا سليم ابسر ابنك الذربه ضربهم وبهذل بهم ليش منعوه الشقاره...ابنك يشيقر من اين له !!!

كل واحد فيكم يغير ع ابنه غريمكم سليم وابنه عيمسخ لنا الجهال.. الولد هذا زيدت له الدلع الظاهر انه كان تعب عليك تربيه بعد البنات..

سليم قام تصايح معهم.. وسال العيال كلهم اتحدوا عليه مع عمر خوفا منه ومن ابوه ولانهم الاغلبيه ف الكل صدقهم وهاجمو ابو سليم بالكلام والتهديد والشكاوي....

سليم هزره ومشي البيت سكته ماقدر يتكلم شي وماحب يهين ابنه قدامهم ويضربه زي ما كان ابوه يضربه وصل للبيت ودهفه وقفل الباب...

مرته شافته بيقلع القات من طرف العودي وبيقرشه...

أنس ماسك نفسه من البكاء والخوف :يا اباه راعي اقلك راعي افهمك ...

سليم حاسس انه بيخرج كل الوجع الي داخله بقدر ماتمناه وبقدر مانذل وخاف بسببه...

انس :ابااااه والله انه عمر الي ادالي ومارضيت ..الصدق جربت ابسر ماهو وانه شمه يقلع ناولته وبعدا.....

سليم ماخلاه يكمل الكلام هاجمه بالضرب: وبعدا !!! تجرب هااااه !ويضرب بكل قوته!! وبعدا ليش خرجت ؟؟والضربه الثالثه ف ظهره؟ هااااه... ليش تمشي معه منعتك او لا

أنس بضبح : والله انهي امي قالت الحق بعدك اراقبك...

وبيبكي

سليم شاف مرته :يراقب من ؟؟؟؟؟؟

مرته خااافت وتبهرر لابنها يسكت..

سليم بيشوفها ومصدوم : يراقب من يا مره !!! انا ؟؟ ليش ؟؟؟ او بينسرررق؟؟؟

عاد شي معش عقل... ضرب بالعصا ف الارض !! من بينكلم جاوبي يراقب من وليشششش

مرته بتبكي وبحنقه ودلع نسوان: يراقبك انا داريه تزوجت بس اشتي اتاكد قبل ماظلمك...

(8)

مرته بتبكي وبحنقه ودلع نسوان: يراقبك انا داريه تزوجت بس اشتي اتاكد قبل ماظلمك... أنس خايف نسي الضرب والوجع الي فيه وخايف على امه.

سليم هدأ الضبح الي داخله ورجم العصيه ماقدر يمسك نفسه جلس يضحككك دخل غرفته .. مرته لحقته : يعني بتضحك يعني تزوجت من هي الله لاوفقها للله ينتقمها ... سليم : بتدعي على نفسش؟مجنونه؟؟ مرته بكل سذاجه وع نياتها: لا والله ماقصد نفسي اقصدها هي ربي عالم بالنيات... سليم : اي نيات واي مخ معش ماتفكريش ماتفهميش .. اي زواجه وانا مش لاقي ايش اصرف او ايش اجمع لزواجات بنات او طلباتكم... من الصبح لليل وانا شاطفح عمل واروح ع هرمش هذا اعوذ بالله لو ازيد ادي لي مجنونه ثانيه ماتميت الاولى

مرته نسيت كل الي قاله وفرحت وابتسمت :امانه يعني ماتزوجت؟؟ سليم شافها فاعله كحل وروج احمر سحري من حق زمان :انتي بتشتري الالوان حق الوش هذا لش او بناتش؟ و ايش معش هذا الساع من خرجه
مرته بخزا وع نياتها : هو امد لاتوقع مرتك الثانيه احلى مني قمت فعلت مكياج من حق بناتك حق عرسهن .. سليم : مصممه تزوجيني تمام بعيني شاتزوج واقلش من احلى. .

بناتها واقفات يتشاقرين خافين يتصايحو شافين وامهن بتتحيلا لروحها جرين لاعند اخوهن ويضحكين.. والله انك ترحم هنا ساع الديك المذبوح بعد قتله وابوك بيترمسس مع امك والضرب لك.... بيضحكين وهو ضبح خرج ورزع الباب وجلس باب بيتهم... وصل ابو عمر بسيارته وأنس جالس عمر نزل هوذا ها ابسررر.. أنس جالس بيفحس ارجله وظهره من الضرب كان وشه مشخط من مضراب العيال واثار الضرب العصا ف يده بتلهبه بينفخها... شافهم خاف ووقف وخاف اكثر ع ابوه حس ان في شي بين ابوه وبين الشيخ هذا... وهذا سر خوف ابوه.. الشيخ خالد فتح الطاقه واشر له باصبعه تعال.. قام انس وبيعرج لاعنده : مد يده يسلم ، ادعي ابي؟

الشيخ خالد دهف يده بقوه : اطلع انا بدعي ابوك لاعندي بطريقتي
أنس ذكر تهديد ابوه وخاف يفعل مشكله جديده رجع خطوات لورا : اين اجي ؟ اشتي اسير ارقد... المرافقين الي مع الشيخ جالسين ورا .. الشيخ خالد لفت لهم بعصبيه : مراعيين يديكم هو !!! فتحو الباب ونزلوا سحبوه كان يقاوم يدافع ولا قدر طلعوه وقفلو ومشيت السياره...

لامارا · 28-12-20, 04:32 PM

(9)

في بيت سليم

اخته تمت تخيط الشميز حق المدرسه وبتدوره ف الصاله ذكرت انه خارج رجعت الطرحه الي ع راسها وغطت وشها فتحت الباب وخرجت راسها بتشوف فين مابش اي اثر وهدوء وظلااااام
.. خافت وقلقت فين ممكن يكون! خايفه تصحي ابوها وماتشتي تزعله يكفيه الي فيه... قفلت وجلست سارحه... اكيد بيت عمي هو واصل هانك الله يهديك يا أنس.. فرشت بقعتها وامتدت بتفكر كيف بيكون شكل عريسها !! طيب مثل ابوها. . بس مايكون مثل عصبيت

ه.. طيب مرتاح ولا فقير !! .... ذكرت كيف خواتها تزوجين و راحين قرى مجاوره لقريتهن ومايلتقين الا ف العيد.. فرحت ان حظها ع الاقل احسن منهن بتكون قريبه من اهلها.. وقت الفجر .. سليم بيتوضاء للصلاه ويداعي انس.. اين ابنش؟ مرته : يمكن سبقك للجامع.. سليم انبسط وبيمسح ع شعره بالماء : الله يصلحه.. سحب الكوت حقه وفتح الباب وخرج... مرته تمت تصلي وبدأت تعجن للخبز .. شافت بنتها سارحه فلتت العجين : جي تميه انتي.. مالش ساهيه ! بنتها : ينفع تقلي لهم ماعد نشتي خطوبه !
امها تفاجأت : ايش؟؟ بنتها : مشتيش اتزوج واحد ماعرفه .

امها : الله يقلعش هذا الساع اسسسسكتي لايسمعش ابوش ! من ايحين عندنا بنات يعرفين العيال ؟ بنتها: اقصد شكله.. امها : شكله هذا خلقه ربش ماعتغيريها.. بنتها ضبحت وتاففت... امها : لمي العجين سوا لمو عظمش .. قلك ماتعرفه.. وصل سليم بيصيح من خاررج ... انس ؟؟انسسسس؟

مرته فتحت : ماقد جا مالقيته؟
زوجها دخل : محد شافه من بعد مصيبه امس اخزاني الله يخزيه حوشوا لي خلق الله كلهم يشتكو منه

بنته ذكرت انه كان خارج ومارجع : يمكن بيت عمي امس خرج الليل.. ابوها صيح : وليش ماقيمتيني ! اين عمش ولاحد شافه

بنته : مدري

مرته قربت الخبز : اجلس تقهوى يا رجال بعدا سهل مش هو جاهل يضيع... سليم سارررح تهديد الشيخ وذكر انه امس ابنه كان بينهم.. خرج بسرررعه وراح لبيت الشيخ.. جنب البوابه واقف له ربع ساعه فتح واحد من المرافقين بيشوفه بعين وعين مغمض... مالك ماتشتي هذا الساع!
سليم : ابني انس
المرافق زله لسان لانه عاده نوم بضبح : هوذك بيشخر زي الثور ماخلانا نرقد

سليم فرح : ايوووه هو هكذا.. تغيرت ملامحه وكأنه حس انه غريب ابنه هنا ( بس ليشش انس هنا ماجابه

المرافق ركززز وصحصح : اين انس ! مدري .. دهف الباب يقفل

سليم فتحه بقوه : اين الشيخ ادعيه
.

المرافق بيتصل يتاكد ايش يفعل.. خالد ف التلفون: قل له يراعي بقعته لما اصحى عادنا نوم ولو تتصل لاخصم عليك تخزينه اليوم..ولا اقلك اسحبه مع ابنه لاني كنت مراعي له.

(10)

ف الطاقه جالسه تذاكر وتحفظ بتشوف من ورا الستاره غرفه الحارس جنب الباب دخل واحد بهزوره ودهف وفتح الباب... تفاجأت اول مافتح الباب حق غرفه الحارس انس واقف وخرج لاعند ابوه.. دهفه المرافق لا داخل فلت ف الارض وابوه بعده وتقفل الباب عليهم ... ومشي المرافق !!!!!!

ايش في ؟ ايش حصل ! شكله سرق ابو انس ابي مابيعاقب الا السرق بس ليش الناس بيقولو ابي شررير هو احسن اب ف القريه كيف جهالهم كلهم شمات واحنا احلى ع

يشه ((( تفكير طفله 8 سنوات))..

امها دخلت : هيا صبوح اخرجي ابوش ضابح...

كنز خرجت و شافت ابوها بيبهذل عمر ليش مادافعت عن نفسك ليش ماضربته... ومن اين له سجاير وليش تصاحب الاشكال هذه انت داري ابن من انت يا اهبل او ماشي !

كنز : هو انس صح ؟

ابوها : ايش عرفش ؟ شفتيهم ؟

كنز : ايش شفت؟؟

ابوها بصياح :مادراش انه انس ؟؟؟

كنز بكيت خايفه : شفته ذلحين هو وابوه حبسهم الحارس ف غرفته..

ابوها تلفت لنسوانه بخوف لحد يكتشف بلطجته : انا قلتله يديهم قبل مايهربو بعد فعلتهم هذه..

كنز هربت خايفه ابوها لايضربها ومافعلت شي..

الشيخ خالد شل ابنه ونزل...

دعا الحارس فتح الباب ودخل لهم..

سليم : ياعيباه الله المستعان ! هكذا القبيله ؟ اهل وبيننا دم يفعلو بي هكذا ف بيتك هكذا المشايخ يضيفو ماوقعت ياخالد الله المستعان

خالد : الشيخ خالد من ادالك حق تكلمني هكذا !

وبعدا انت داري ماتكفيني انت ولا ابنك. !!! اذا الولد هكذا ربيته كيف ربيت البنات؟

ابنك صايع حق شقاير ويعلم الله لو سرقهن

انس قاطعه بصياح : والله العظيم ماهو انا انه هو وخبرته خرج لهم الباكت هو .. انا من اين لي زلط اشتري

الشيخ :يعني سارررق من سرقت ياولد هاا ! يدك يشتيلها قطع..

سليم خاااف واقتهر يهين ابنه:ايش تشتي يا شيخ ذلحين !

الشيخ :انت داري ..

سليم : يخرجو العيال ونتفاهم

الشيخ فرح انه يتنازل له ويبصم ع الورق المهمه اشر للحارس يخرجهم...

هيا راعي ادي الورق

سليم : انا قلت نتفاهم

الشيخ: خرجت ابنك خلاص ماعد باقي غير تبصم القطبه معك عمل

سليم : ابصم ع ايش ؟؟؟

الشيخ خالد : تنازل بأن لي الحق في التصرف على الارض والساقيه..

سليم : ليش ؟؟؟ ومن اين اكل الجهال هولا ماعد ابقي لهم واورثهم ! ومش انت بحاجتها معك ماشاءالله

الشيخ : لاتخاف حقك محفوظ بس اتصرف بها

سليم : ماقدرش اكثر من الي قد تنازلت لك به ..

الشيخ : ماشفت ابنك ايش فعل ب ابني !!! عتتحمل الي حصل ؟

سليم : انا اتحمل بدل ابني مستعد..

(11)

بيت سليم..

سليم بغضب وقهر مظلوم بيحرث ويحفر ويروي الارض بعرقه وتعبه....

ويفكر ليش خالد يشتي الارض والساقيه هذه ايش بيستفيد وهو معه اراضي كثيره

في البيت...

زوجه سليم بتبكي وتصيح ملان البيت وبناتها من خوفهن بيبكين معها ..

النسوان متجمعات على اساس يهدأنها ...

ام بلقيس : ابنش كان واصل بيحوم حول البير ، اظن انه نكع لاوسطه

زوجه سليم ضربت ع ركبها ووقفت : يو ياساتر يو يا انسسسس يو يا ابني

واحده ثانيه : ولا قتله ثعبان كما الليل ملان ثعابين

ام بلقيس: ولا اخر حل شلوه الجن الي بيحرسو الكنز حق البير

وامه تصيح

فتح الباب ودخل شافهن بيبكين افتجع : ابي وقع به شي؟

امه جريت الباب وتبكي وتضربه وتشتم : اين انت يا كلب اين انت يا صايع كرهت اليوم الي اديتك فيه تميتني هدايم تعبت يا ابني تعبت ...وحضنته وبكيت

انس مصدوووم : ايش به ! ليش بتبكي ماله ابي ؟

قتلوه !

امه : منهم ؟

ام بلقيس صاحت :اظن الجن قتلو زوجش ولا شلته جنيه... كما الجنيات لاعشقين لهن واحد شلنه...

ام انس لفتت لهن وجلست جنبهن : صدددق؟؟ من قال

انس : بس لكن جنان ابي بيت الشيخ خالد .. ليش تبكي ماله

امه صاحت : وانا مادراني ماله ! وأنت اين كنت

انس ذكر تهديد الشيخ انه لايقل لحد : ولاشي بيت عمي

خرجين النسوان بعد ماتطمنين ع ابنها..

ام انس : قومي انتي وهي ياناطلات ( تطلق للكسالى) اخرجين ارعين الغنم والدجاج عيذهبن( يموتين) جوع

في القسم.

وقف الضابط باحترام للشيخ خالد ورحب به وعزمه يجلس..

الشيخ خالد قدم الشكوى..

الضابط : ولايهمك الان نسير نديه ولايخرج الا بعد موافقتك..

الشيخ : انت الصدق يشتي لك ترقيه حرام تشتغل مكان زي هذا ف القريه ولايهمك الا اتوسط لك يافندم معاريفي خيرات اتصال واحد بس...

الضابط تجمل وتشكره ووقف يودعه لخارج القسم...

بنات سليم.. 2

مخطوبات واحده زواجها بعد أيام وعمرها 14 والثانيه عمرها 8 محجوزه لابن عمها ولما تكبر تتزوج..

بيمشين بعد الغنم...

شمس : يا ارزاق تخيلي لو نلقى خطيبش. ماقلتي ما اسمه؟

ارزاق ضحكت بخزا ومسكت فمها من ورا اللثمه : اسمه حمود

شمس : جي نسمي التيس حمود امد لو داعيناه ولقينا حد بهذا الاسم يلتفت

ارزاق: يووو والله ان انتي ذكيه يابنت لو تدرسي بدل انس انش شاطره

شمس ضحكت فرحت.. : هيا اسكه داعي به واحد هانك يمكن هو..

ارزاق مشيت ولقطت حجره من الارض ورجمتها للتيس وبتداعي حمود. ..

الرجال التفت لهن ورجع كمل يقطف الرمان...

شمس: مش هو

جلسين بضبح من فوق طرف الجبل بيتفرجين لانازل ويراجمين حجار صغار

ارزاق شافت ..

(12)

ارزاق شافت سياره مدير المدرسه واقفه جنب المدرسه : هنيت لبنات المدير اكيد عايشات احلى عيشه معهم سياره وابوهن يعلمهن ومعه زلط خيرات وابي بيتعب ومابش معه شي.

شمس : يخ مانشتيش قرايه ضبح قالين البنات ان كنز مابتلعب معهن ولا بتخرج الصبح انها بتسير المدرسه ضبح يابنت وبعدا صعب.. ارزاق : يا هبلا المتعلم عيعيشش ف المدينه لانرعى غنم ولا نحمل ماء ونحطب ... عنعيش عيشه غير

شمس : انا اشتي العب ماشتيش لا اتزوج ولاشي.

ارزاق : وانا ماشتي راشيتهم وامي صيحت ..وبكيت جلست تبكي ... شمس شافت رجال داعت التيس ... ومحد لفت .. جلسين يضحكين... وصل الظهر يتغدا.. انس جلس منزل راسه... ابوه : مفتهن ! الي فعلته فيني اخر عمري نزلت راسي قبال الرجال اتبهذل بسببك بعد ما تمنيتك ؟؟؟ أنس : يا اباه جعل لي اموت ذلحين لاقمت من بقعتي والله انه هو الي خرج الباكت وانه كذاب هو وخبرته.... بدأ يتشنج ويعصب وهو بيبكي... هانوني وبهذلوني وانا والله ماسكت لهم قلت لهم لو انت. رجال انت وياه سير قبال ابوك اشربها وقامو ضاربو وسارو سبقو بالشكاوي لكم.. ابوه اقتهررر انه ظلم ابنه وعرف انه تبلى عليه عشان يشل الي يشتيه... وصلو دقو الباب بقوووه

مرته نكزززت : يا ساترررر من هذا عيكسر الباب فز ياولد افتح

انس فتح

2 عسكر : اين ابوك

سليم قام وعاد دموعه قهر ع ابنه ف عيونه : خير مالك

العسكري : اخطى معنا

سليم : اين.. مسكوه : عتدرا هانك.. سليم التفت وبيكلمه ويرفع صوته : ادخل ولاتخرج من البيت الا لما اروح ولاتسير مدرسه ولابقعه... سليم بيلحقه : مافعلت يا اباه !
سليم : ادخل وقفل

امه واقفه وبدات صياح : يوووو مالهم مافعل ابوووك يا ولد.. انس دخل وضبح جالس بياكل نفسه ويشك الشيخ السبب او لا ... .. بيت الشيخ خالد... كنز وصلت بدرجاتها لاعند ابوها : اباه ابسر جيت الاولى كل درجاتي 100

ابوها مش فاهم شي: يعني ايش ؟ كنز : يعني انا اشطر واحده
خالتها مرت ابوها : يلا معش سنه وتجلسي ف البيت .. ماعد بش بنات عندنا يدرسين ويخرجين وهن عزبات

الشيخ خالد : ليش

مرته : تشتي الخلق يتكلمو عليك بناتك سايرات جيات قبال الخلق... يدرسو الرجال بدل مانسوانك مش قادرات يربنهم امس ابسر عمر بيشقور ف الحوش ويرجع متاخر وتخازين ... من عيمسك مالك واراضيك غير عيالك.. الشيخ خالد اقتنع بكلامها : سواا مابش عندنا بنات يدرسين

كنز : يا اباه ابسر محلا استاذتنا متعلمه وماشاءالله عليها تعجبني قوي حين هي متعلمه

مرته غارت : قومي سيري دوري مهره قالت متعلمه هذك فالته مابش معها اهل

لامارا · 28-12-20, 04:51 PM

(13)

الشيخ خالد لفت لها : كسرررتي راسي ياعجوز قومي قامت قيامتكن نسوان..

كنز : اباه عتخليني ادرس؟

الشيخ :معش لصف سادس وتجلسي ف البيت...

كنز حنقت وحقدت ع خالتها سارت الغرفه..

الشيخ خالد شل من زوجته الثالثه طاسه المرق شافها مبتسمه له ,وبيفكر في كلام كنز ع الاستاذه..

بيت سالم..

بلقيس : جالسه بتقلب الكتب حق كنز وتكتب الحروف ف دفتر قديم من دفاتر كنز.

امها : مابتفعلي يابنت

بلقيس: جالسه اقري نفسي

امها : ماتفعلي بالقرايه ! قومي جي اعلمش كيف تخيطي قراقيش للنيني

بلقيس بضبح : مشتيش

امها : ارجمي القراطيس هذه وقومي افعلي لش مهره شاولد وبعدا عتوبهي لاخوش انتي

بلقيس بضبح:ناهي اتم الواجب الي ادت لي كنز واجي

امها بمسخره : ادت لش واجب قدها ساع ابوها بتفعل نفسها هيبه

بلقيس: والله ان كنز طيبه خبيرتي ( صحبتي).

امها : قومي افرشي لجدتش بقعتها ترقد...

بلقيس: قد بطنش كبيره يمه

امها : صلي ع النبي لاتمرعيني. ادعيلي اقوم بالسلامه..

جدتها : اين ابوش يا بلقيس ؟

بلقيس : مدري

جدتها : قليله امش ميتتني جوع قدنا شاطفح..

ام بلقيس: عاد انتي طفحتي فوق القرم ( اقراص خبز تخبز في تنور حطب) واللبن ياحجه...

اللهم صبر وقوه بس.. اديلها تاكل

بلقيس لفت دفترها وقامت تقرب لجدتها.

جدتها : قليلها هولا بردين تقوم تخبز لي دافيات احقاوي بيوجعني اشتي ادفا..

ام بلقيس: العجوز هذه خرفت ولا مه .. ادي وانا اقلش مافعل ...

شلت القرم ودفتهن قلبتهن فوق موقد النار...

بلقيس: اديلها

امها : خليها تراعي ياسعم خبزناهن

بلقيس ضحكت هي وامها : شافت امها بتضحك فرحت ، اشتي اسالش يا اماه كم عمرش؟

امها : مدري يابنتي لكن اظن 22 سنه

بلقيس : فرق بيننا .. وبدات تحسب بيدها الثنتين

جدتها قاطعتهن اين العشا الله لاوفقكن.

بلقيس: 15 سنه اكبر مني

امها بتعجب : مادراش اننا خلفتش وعمري15

بلقيس : حسبت

امها : كيف لوما ومابتقريش

بلقيس : قد حفظت الارقام

امها ناولتها : سيري ناولي جدتش تتعشى
وانا اجهز لابوش العشا

بلقيس ناولت جدتها ...

جدتها : مالها ماتديهن هي الي يبسرها يقل حامل بولد هي عتدي بنيه مثلش.

بلقيس : وانا مالي !

جدتها : بنيه مالش قلت لابوش نزوجه ومارضي سحرته الجنيه هذه

بلقيس ضبحت وقامت

الجده : ساع امها. . نسوان القريه قد عيزوجين عيالهن وهي مامعها الا بنيه

ام بلقيس : هذا امر الله ياحجه ما اراد لنا مانفعل

الجده : كنتي تخلي لابنه حاله يتزوج.

(14)

بيت سليم...

زوجته رقدت بعد ماجلست تبكي وتهم كيف تفعل..

انس : يا اماه ماقد رقدتي؟

امه : من اين يجي لي نوم ومانفعل وكيف نعيش بعد ابوك.

انس: وانا مافعل

امه : مع ابوك قال ماتخرج انت من هنا...يعلم الله ايش الي حصل. .. وكيف اتواصل مع اخوتي وكل واحد ف علم الله مانراهم الا من عيد لعيد

انس جالس سارح : يماه خليني اسير اشتغل ف المدينه وارجعلكم بزلط ملان شوال

امه ضربته ع كتفه : اهجع من الجنان هذا الساع ارقد اختمد مانشتي بالزلط

مانحتاج شي له الحمد البقره عتدي لنا لبن.. ومعنا طحين لكن انا ف حسي ابوك

انس : جالس يفكر لو يسافر سكته المدينه الفجر ويرجع المغرب ... ويتحمل مسئوليه ابوه.... غفيت عينه وهو بيفكر.

ثاني يوم الصبح...

كنز وصلت مع ابوها..

الشيخ خالد نزل العمال طلبات الاستاذه.. وفارح وشمه بيفوح مسااافه من العطر..

الاستاذه متجمله وتتشكر..

الشيخ خالد :يا استاذه اين بيتكم؟

الاستاذه باستغراب خرجت من باب الفصل واشرت له

الشيخ : اي اوامر

الاستاذه : تسلم يا ابو كنز

الشيخ : خالد ابو ايمن سميني

الاستاذه : تسلم..

الشيخ خرج ونزل بيتمشى وبيتفرج على الاراضي... وحاسس بفخر وعز وكأنه مالك القريه كلها..

بيجري واحد لاعنده... : يا شيخ... لو تشوف... وياخذ نفسه

الشيخ : مالك ؟؟؟

الرجال : خليني اتنفس سرت بعد المهمه الي اديتها لي وتاكدت منهم احنا نراعي 4 سنوات لموسم الحصاد ونشغل اهل القريه ويجننونا بزلط واجرتهم وهذا بيحصدو زرعهم ف السنه 5 مرات هيا بذمتك اين اربح لنا !

الشيخ ضبببح : اليوم تجمع لي اهل القريه كلهم مع الورق نحاول نقنعهم الأغبياء هولا..

الرجال : تمام ولايهمك.

الشيخ ذكر عائله سليم واخوته الي تعبوه ف عرف كيف يجي لسليم... راح لاعند ابن عم سليم الي اكبر منهم..

ابن عم سليم : يا حيا الله بالشيخ اليوم غداك هنا

الشيخ بيلتفت لبيت الاستاذه : شكلي اليوم هنا كل اموري الي اشتيها هنا...

اولا مابقبل عزومتك الا بعد ماتقل تم

ابن عم سليم : تم وتفداك الدار واهلها ..

الشيخ بدأ يكلمه ويقنعه ..

ابن عم سليم : يا عيباه واحنا تمينا عمرنا ف شجرة العائله هذهالي تعبتنا ونهمها اكثر من جهالنا

الشيخ : فتح مخك واقنع عيال عمك ماشي عنخرجهم من القريه غصب وندفع لهم مقابل ارضهم يدورو لهم بقعه ثانيه تنتظر 5 سنوات لزرعهم

ابن عم سليم قرب منه ناوله القهوه : مالك منهم كلهم انا كبيرهم ومن يدك هذه لهذه مافي نفسك قول بس وابسر.

سليم: اشتي الصلاحياات ف الارض .. تعرفني مش حق مشاكل

ابن عم سليم ضحك ضحكه متعجب ومكذبه: كيف مانعرفك الله المستعان ..

(15)

ابن عم سليم ضحك ضحكه متعجب ومكذبه: كيف مانعرفك الله المستعان ( انا لو غيرك لارفض بس تصدق فكرت فيها قبلك وحاولت اقنع الورثه مارضو رجعت اقبل بالامر الواقع)

الشيخ : الصلاحيات ف يدك وانت كبيرهم ولما يشوفو الزلط عتهدا نفوسهم

ابن عم سليم: اتفقنا .. غداك عندنا ياشيخ

الشيخ : الااان هات الاوراق وابصم لي عليها

ابن عم سليم :بس ماعرف اكتب..

الشيخ : تعال يا سالم

ابن عم سليم : من هذا؟

الشيخ : هذا الكاتب حقي اركن عليه ف كل شي..

سالم : حاضر يافندم

الشيخ : اتقهوى امد مايدي الاوراق تقراهن وتكتب الي عنقلك.

.................
في غرفه حجز صغيره.. مع المظلومين الي مثله والسرق ...

سليم سحب الشال الي فوق كتفه وربط ع بطنه من ال جوع.

الي جنبه قرب له خبزه..

سليم جلس ياكلها بشراهه من كثر الجوع.

وصل الضابط..

اين هو ابو انس

سليم فرح ووقف وبدأ يودعهم

العسكري ضحك: ع ايش مستعجل انت ارجع الا معك زياره

سليم اكتسف ومشي بخيبه ...

انصدم انس..

انس ناوله الصره ( قماشه يلف فيها الاكل او الملابس) : ها يا اباه تغدا

سليم ضبح: انا قلتلك لاتجي يا انس مافعل يا ابني بك تفهم

انس قرب منه وبيشاوره..

العسكري خرج يجاوب

انس يتكلم بسرعه :اباه انت خايف عليا من الشيخ صح

سليم: ايوه ليش رجع لك يشتي شي

انس : اسمع قبل محد يرجع هو طارحني ف راسه له فتره وانا داري طرحك هو ف السجن ومش داري ليش قل لي

سليم : ولا انا داري اهم شي اتخبى ف البيت

انس: مش انا مكلف اتخبى والله ماتخبى اباه خليني اسير المدينه

سليم انصدم: اين عتسير عند من

انس: شادبر روحي تطمن به عيال من القريه الي سارو مستاجرين شقه صغيره اتشارك معهم وادرس وارجع ارفع راسك

سليم : الفكره صعبه لكن افضل من جلستك هنا شاتطمن اكثر بس لاتقل لحد

العسكري دخل خلاص هيا ياولد روح

انس بفرح : تمام يا اباه ولايهمك وماشفلتك.

العسكري شل ابوه ورجعه الغرفه الصغيره حق الحجز.

سليم دخل وحاسس انه انس هم وانزاح من فوق راسه صح هم كيف يعيش ف المدينه وحده وكيف يصرف ع نفسه.. بس ولايسمع خبر قتله...

خبرته : ياسلااام رجع بالغدا

سليم فرش الصره وقرب معهم الاكل تقاسمه وبداو ياكلو.

بعد المغرب
بيت الاستاذه.

ابوها : يابنت :من بكره ماعد بش تدريس

بنته: ليش

ابوها : جا عريس ومايشتي مره تشتغل

بنته : عريس ؟ ومن ع يدرس بنات القريه

ابوها : ماعليش منهن مصيرهن يتزوجين والكل.

ويشتي بعد يومين نعقد ويشلش مابش عرس

بنته بقهر: يومين ! ليش يا اباه ماله مستعجلين وكيف اخرج اكتسي

لامارا · 28-12-20, 05:04 PM

(16)

بنته بقهر: يومين ! ليش يا اباه ماله مستعجلين وكيف اخرج اكتسي

ابوها : هو شيخ يوم والسوق عندش

بنته بصدمه :كيف؟ شيخ من ؟؟

ابوها : الشيخ حظش يابنت شكل امش كانت تدعي لش

بنته امتلت عينها دموع : انت داري متزوج بالثلاث

ابوها : وانتي الرابعه داري

بنته : يا اباه عياله اكبر مني

ابوها : خلاص ولاكلمه انقلعي. انا اخبر لش بمصلحتش عتعيشي مفتهنه الكل يحلمين يتزوجين ويدخلين هذك البيت

حنقت ودخلت تبكي ف غرفتها..

بيت سليم..

انس بيلفلف ثيابه وكتبه ..

امه : كيف وقعت يا ابني عتفلت امك وخواتك لوحدهن

انس: انا عشانكم والله يا اماه انه عشانكم

امه : ماعليك مني يا ايني اقلك مالك دخل مني بتسمع

انس جلس يشرح لها كل مشاكل الشيخ معهم وانه في سبب مش فاهمه وان ابوه خايف عليه يخرج...

امه اقتنعت شويه بس بتهم : من عياكلك ويغسل ثيابك من اين لك زلط وكيف عتجلس مع ناس ماتعرفهم... ورجعت تبكي

انس : هيا حسستيني مدري وين سارح انا ف البلاد يمه ايحين مافقدتيني 3 ساعات وانا عندش

اخته : واتزوج وانت مابحد

انس ضبح وجلس : هيا ناهي لكن عتعقلين انا شارجع كل يومين مالكم حلقتوها ما شفحط ( اهرب)..

بيت الشيخ..

الشيخ جالس مع ابنه ايمن : ياولد بكره عتوصل الغرفه اطرحها ف الطرحه الاخيره .

ايمن مستغرب : ايش من غرفه ؟

ابوه بهنجمه : شاتزوج

ايمن ضبح شايف ابوه هامم الا نفسه.. : ان شاءالله

ابوه : شركن عليك انا بكره سارح المدينه معي عمل هانك.

أيمن : خير ان شاءالله ماتقلق.

ابوه : انزل ادعي سالم قل له يطلع..

ايمن فتح الغرفه خرج وهن مرصوصات جنب الباب كل واحده معها شكل وصوره وبهراره تفجع مسكين ايمن..

: عيتزوج !

الثانيه لطفيه : يو غبني عليش ياهنيه عتحسي ما وقع بي

هنيه شافتها: ماعد فرقت رابعه ولا ثانيه كلهن سوا

ايمن : فلتني لو يخرج يشوفكن لايطلقكن كلكن اهربين الرجال عيطلع..

بعد ماجتمع سالم والشيخ ف الديوان..

الشيخ : ها ماقالو لك ؟

سالم : من يرفض نسبكم ياشيخ تطمن كل شي تمام.

الشيخ : والبقيه وقعوا ع البصاير حق الارض!

سالم : نعم

الشيخ : خلاص نتوكل الفجر وانت عندي ..

سالم : تم ولايهمك.. خاطرك نزل

في الطابق الارضي..

ايمن طالع لاعند ابوه.

سالم نزل شاف ايمن ابتسم بيبارك له : مبروك دام الله السرور

ايمن بضبح رد : الله يبارك.

وودعه للباب

بيت سالم.

بلقيس خايفه ع امها الي بتولد.

المولده ( القابله ) خرجت للجده : لازم تسير المستشفى عتموت وين زوجها يجي يسعفها !

الجده : اي مستشفى ! يشتيلنا سفر والمستوصف فيه دكتور ماشي !

(17)

الجده : اي مستشفى ! يشتيلنا سفر والمستوصف الصحي مابلا دكتور مايسبرش ..شوفي الي تقدري تفعلي افعلي واحنا عندعي لها...

المولده خايفه : عتموووت هي والجاهل ماقدرت افعل شي انا...

بلقيس بتبكي خايفه ع امها وتحب يدها : قوااا انتي اسعفيها قوا

المولده : سيري دوري ابوش يابنت...

بلقيس خرجت بسرعه بتبكي ...

لقيت رجال : ياعم ابسرت ابي ؟

الرجال : كان مع الشيخ...

مشيت لقيت انس خارج من بيتهم..

بلقيس : ياولد لقيت ابي؟

انس : ماشي

بلقيس مشيت شويه لقيت ابوها جاي من بيت الشيخ : اباه الحق امي ... بسرررعه قدلي من اول ادورك

سالم: مالش امي فيها شي؟؟

بلقيس : امي بتولد و.

سالم قاطعها : بنت ولا ولد

بلقيس: مدري امي تاعبه ياباه قالت المولده نشلها مستشفى

سالم مشي معها بسرعه للبيت...

الجده بتصيح : حسبش وامرش لله !!

. حسبش وامرش لله لو الي في بطنها كان ولد ماسامحش عمري..

المولده بتبكي ... بينقلش من اول ماجيت حالتها صعبه ماقدرت اسعفوها ....

لاحول ولاقوه الا بالله

دخل سالم : ايش به !

امه : قتلت الولد قتلها الله حسبها وامرها لله

سالم : كيف قتلته .. وين المره ؟

المولده : صلي ع النبي يا ابني هو اجلها مافعل لامك قلتلها نسعفها قالت مستوصف ودكتور هانك

سالم اقتهررر : يعني ماتت ؟

امه بتبكي : الله يعوض عليك يا ابني انا لله وانا اليه راجعون..

بلقيس جريت ودخلت لاعند امها شافتها حضنتها وجلست تبكي ، ... يا اماه قومي لاتموتيش سهل ادي جاهل ثاني .. قوا قومي يمه وتصيييح...

اماااه امااااه... اماه..

دخلت جدتها هزرتها وخرجتها : خلاص يابنتي لاتفعلي هكذا ... حسبنا الله ونعم الوكيل..

المولده خرجت وهي بتبكي..

سالم جالس ف الارض حزين بيبكي ..

امه خرجت شافته : عتبكي ! رجال يبكي ؟؟؟

سالم : مرتي وابني

امه : الظاهر انها بنت مادرانا انه ولد لاتغثي نفسك

سالم : ولو بنت

بلقيس شافت جدتها : هو انتي السبب ماخليتي امي نسعفها. .

جدتها : يعاينها دكتور يامجنونه بعقلش هذا اراده الله مابش سبب اجلها

بلقيس : ومافيها هو رجال وقع دكتور اهم شي امي ماتموت... بتبكي....

امه : قوم اغسل وشك وابسر مانفعل خبر اهلها...

بلقيس منهاااره بتبكي..

جدتها عصبت : اخرجي من قدام وشي هذا الساع اين اجي
بروحي يا الله ..

سالم خرج ...

بلقيس جلست خارج جنب الباب تبكي...

الصبح..

الشيخ مراعي له ف الباب وشاف الناس متجمعين وخرجو جنازتها

خالد : من مات ؟

سالم خرج بعد اخوه مرته وابوها..

(18)

خالد : عظم الله اجرك انا لله وانا اليه راجعون...

كيف نفعل ذلحين ماعتجيش؟

سالم شاف له ولهم بيمشو بالجنازه لحقهم

خالد : طلع سيارته وقرر ياخرها يوم سفرته..

في المدينه...

مندهش ع الزحمه وسيارات وباصات وبيسال ع العنوان الي في الورقه وبيدلوه ع شوارع مايعرفهن قرر يتصل بالرقم دخل محل اتصالات وخلا الرجال يطلب له الرقم الي ف الورقه...

محد بيرد..

صاحب المحل : من اين جيت ياولد

انس : من البلاد

صاحب المحل : طيب هنا الشارع الي عندك بس اين بالضبط كم يا بيوت وبقالات ...

انس : والله مالي علم

صاحب المحل: مايقربلك ؟

انس : ابن عمي

صاحب المحل : طيب سير لاعند البقاله الي ف الورقه واديله اسم ابن عمك ويمكن ينفعك

انس : تمام تسلم

صاحب المحل : عتحاسبنا ؟

أنس خرج افلاس ( عملات معدنيه ) من جيبه : العفو منك نسيت كم حسابك

صاحب المحل ضحك : حرام ماتدفع فلس

انس : تسلم يا اخي

صاحب المحل : شكلك طيب ياولد محد جاوبك امد تحاسب اوبه حد يزيد عليك

انس: وانا مادراني يحاسبو او مع

صاحب المحل : لو حد جاوبك وفتح الخط يحسب عليك لكن لو محد جاوب ماتدفع ابسر جي اعلمك... واتصل .... ووراه كيف يحسب الجهاز فوق

انس انبهر: اهااا ضخم والله.

صاحب المحل شاف زبون دخل : يلله الله معك ..

انس جلس يلوي ف الحارات يسال على البقاله...

وبيشوف كيف الناس بعضهم لابسين بنطلونات وبدلات ويشوف الزنه الي فوقه.

وقف سال واحد...

كان رجال واقف جنب السياره وعياله لابسين زي المدرسه وهو لابس بدلته شافه : خير يا بابا بتدور حد !!

أنس فررررح لما قال له هكذا حس بالحنان الي ناقصه وشاف منظر غريب عليه مبلود مطنن ف وشهم شايف البنات بشعرهن مابش حجاب

الرجال : من انت

انس : ياعم هذا عنوان ابن عمي عادنا جيت من البلاد

الرجال قري الورقه : شوف البقاله الي مكتوب اسمها ف الحاره الثانيه تمشي طوالي( مستقيم ) وتلف يمين جنب الخزان عتلقى بقاله أسأله

انس فرح : تسسسلم.

في القريه العصر ..

بعد المقبار...

الشيخ خالد جا يعزيه : اجلت سفرنا لبكره

سالم : انت ناسي ما معك بكره ياشيخ!

الشيخ : لا مش ناسي قد فعلت وكاله للولد يتصرف بالموضوع امد.

سالم :حلو نتم الموضوع وتتفرغ بعدا براحتك

الشيخ متحمسسس بس مابين له :يلله وانت والكل تزوج ويجي الولد والله يعوض عليك

سالم: ان شاء الله ، الحمد والشكر لله.

بلقيس راقده في بقعه امها وحاضنه الروب حق امها

جدتها دخلت شافتها راقده زعلت عليها وخرجت جلست ف الصاله..

ف المدينه..

انس خرج من البقاله ( على دخله ابن عمه....) ازيد بارت !

لامارا · 28-12-20, 05:18 PM

(19)

ف المدينه..

انس خرج من البقاله يأشر له وين ساكن ابن عمه لقيه نحاضنوا وتسالمو..

ابن عمه : كيف لك جيت

انس : اشتي ادرس هنا ابي محبوس ومعه مشاكل ف البلاد خلاني اطلع عندك

ابن عمه : حياك الله هيا جي.

ثاني يوم ف القريه...

ايمن خرج من عند امه وبيتذكر كلامها (( ابوك لو يجلس يتزوج ويخلف ماعد يبقي لكم شي والاخيره قالو متعلمه مدرسه عتجي تشل كل شي لها فتح عينك واخرب الزواجه حين وكلك )) سير فركشها..

ايمن خرج ومشي مع المرافقين لبيت الاستاذه حسب ماتفقو العقد بعد صلاه العصر..

المرافق فتح له باب السياره : القاضي الي عيعقد مراعي باب بيتهم قدله هانك نص ساعه

ايمن بضبح : فارح مبكر يعقد عيقع له قرشين بعدها والبلا لاراسنا...

المرافق : مافهمت

ايمن طلع: اخطى بس

وصلوا بيت الاستاذه..

كانت سميه بتبكي ف غرفتها وجنبها مرت اخوها تواسيها : هيا سهل عيشتريلش كل شي هو ابوش مابش معه انتي داريه لاتغثي

سميه: ليش هكذا اتزوج كنت اشتي ساع كل بنات الحاره افعل عرس

مرت اخوها : عتخليني اصلحش يا بنت عيمهى ( يسيل ) الكحل ...

سميه : فستانش وسيع فوقي

مرت اخوها : امد مايتمو العقد انا ارقعه لش بساعتي لفي واديلي ظهرش..

تمت تفرجت نفسها ف مرايه صغيره حق مشط شعر. .

كان شعرها طويل اسود كثيف ناعم ، ملامحها بسيطه فعلت الروج السحري والكحل ابتسمت شويه اول مره تشوف وشها بالمكياج الحلم الي انتظرته كل بنت مثلها ف القريه ( اليوم المسموح لها تفتح شعرها وتوضع زينتها ومكياجها )..

عند الرجال..

القاضي نسي انه خالد وكل ابوه يعقد له جلس يردد الكلام ل ايمن..

ايمن ردد قبلت .

القاضي: الف مبروك

ابوها : وين ابوك مايجي يعقد هو !

ايمن ركز انه عقد هو : يعقدلي ! هو قال اعقد له

القاضي شاف الورقه حق التوكيل ولهم بدهشه : يعني عقدنا للولد مش الاب ؟

ايمن فرح لانه كان يشتي يفركش زواجه ابوه : خلاص وانا موافق

ابوها فرررح اكثر انها ماتسير للشيخ وانها للابن : خلاص سد مع ابوك .

خرج القاضي.

والاب لقيها فرصه يدبسه ببنته دخل يدعيها
البنت ملان عيونها دموع خايفه تدخل تشوف الشخص الي بسن ابوها ويمكن اكبر.

بتمشي بخطوات الم وكأنها على شوك وجمر حاسه انها لحظه اعدام مش زواج مرت من قدامها توقعات عيشتها معه ظلمه لها زي ظلمه لأهل القريه كيف بتعيش مع نسوانه وعياله كيف بتحتبس ف البيت بعد ماكانت تحس الوحيده ف القريه بفخر انها متعلمه ( خريجه ثانويه عامه).

ابوها سحبها ودخلها : ادخلي عند زوجش امد مايجهزو الشرشف (عباياتها).

خرج وقفل الباب.

كانت نظراتها ف الارض مارفعت راسها تشوفه منتظره بس تسمع صوت...

(20)

كانت نظراتها ف الارض مارفعت راسها تشوفه منتظره بس تسمع صوت الشيبه ( العجوز) الي مراعي لها..

وقفت متصنمه حست انها مشلوله واي خطوه ثانيه ممكن توصلها للموت الي متخيلته..

ايمن شافها ونزل راسه اول مره يشوف واحده بشعرها متزينه !!

حاسس بذنب وكانها زوجه ابوه حس بغضب اكثر....

بعد صمت دقيقتين...

رفعت راسها بسرعه ونزلته تشوف ليش ساكت!

رجعت رفعت راسها وشافت شاب خرجت من الغرفه..

ايمن تافف : استغفر الله العظيم مافعلت بنفسي من فعله.. كيف افعل ب أبي

ابوها شافها واقفه خارج باب الغرفه خايفه: مالش

سميه : بس هذا مش الشيخ؟

ابوها : طلع ابنه الي كان يشتيش

سميه حست هم كبير انزااااح من صدرها وكأن حد انقذها من الخوف الي داخلها... رغم ان الاسره كلها مكروهه بس اهون من الاب..

ابوها : البسي يلله تمشي مع زوجش...

ف المدينه قبل المغرب. .

ابن عمه : هيا انس نخرج نتمشى

أنس قام لبس الزنه ( الثوب)

ابن عمه : البس بنطلون وشميز

أنس : مابش معي الا الزي البسه؟

ابن عمه : مع.. جي اديلك معي بنطلون اعتقد عيجي عليك وفنيليه

انس فرح لبسهن

ابن عمه : شلهن لي قد صغرين عليا

انس : تسلم

ابن عمه : ذلحين زي ما اتفقنا احاكيلك الي اعرفهم يوظفوك بعد المدرسه.. وبكره مابش معي محاظره اشلك المدرسه نسجل لك اديت الملف وصور

انس : ايوه بس مابش صور

ابن عمه : يلله امشط شعرك تتصور..

انس : تمام

ف القريه ..

الجده : قومي يابنت الرقده مرض هذا الساع

بلقيس بتهلوس

الجده : مالش بتخرفي ! اوبهي تجنني يلله اقوم بروحي انا مريضه

بلقيس بترجف من البرد : راسي بيتكسررر وجع

الجده : ياغارتاه الليله هذه ابوش مابحد كيف افعل

قربت تعسها حاميه..

طرحت فوق راسها منشفه مبلله بالماء. ..

بلقيس بتبكي : امي وينهي عاطشه. اماااه

الجده : انا لله وانا اليه راجعون قد قلت له يتزوج مابيسمعش لو شي ماحنبت هذه الحنبه بروحي

دق باب البيت...

ام بسام : يا اهل البيت

الجده فتحت لها: اداش الله بنت ابني تاعبه مافعل لها

ام بسام طرحت لها الاكل الي ف الصحن. ودخلت تعسها حاميه بعدت البطانيه من فوقها..

اسير ادي لها علاج واجي مع الجهال حق الحمى. .

فوق السياره.

جالسه جنبه ورا وساكته.

ايمن بيهم كيف يروح البيت وايش يقل لهم !!

وابوه لو روح كيف

سميه جالسه جنبه ومستغربه سكوته ولا كلمه ليش ! مغصوب او كيف القصه ؟

وصلو البيت

امه وطباينها جالسات جنب الباب مراعيات لها..

ايمن دخل وهي بعده.

زوجه ابوه الثالثه( هنيه) واقفه ماسكه خاصرها وبمسخره : عروسة الغفله الشيبه مابحد

(21)

زوجه ابوه الثالثه( هنيه) واقفه ماسكه خاصرها وبمسخره : عروسة الغفله الشيبه مابحد

ايمن : هذه مرتي انا ، الحقي بعدي...

طلعت سميه بعده وهي بتسمع همسهن واستغرابهن ...

ايمن طلع هو وياها غرفته دخل وقفل : اسمعي الي شاقلش ، ماتجاوبي ع حد ولاتبرري لحد وتشرحي له شي ...

لو كنتي فارحه بنفسش تتزوجي الشيخ ف انسي الوهم الي كان ف راسش ، انتي مرتي غصبن عنش رضيتي او ماشي ومادام دخلتي البيت هذا بطمع جنب الاولات ف عتشوفي عيشه جهنم معي عشان يعرف الحج حده ويوقف موالفه النسوان..

سميه : انا ماكنت داريه بشي والله انه...

ايمن عصب : ولا اشتي اسمع نخس .. شااابع خرط نسوان وكيد وحركات لاتمثلي عليا يا متعلمه وتزيدي عليا متعلم مثلش محد احسن من احد.... خرج وقفل الباب..

سميه جلست تتفرج المكان الي هي فيه وحظها السيء الي جمعها بواحد غريب مثل هذا ! بس بنظرها اهون من ابوه والطباين الي استقبلين لها من الباب بكيد النسوان.

ايمن نزل وهن جالسات بيخترعين الف سبب وسبب للي حصل ويرجعين الموضوع لعاتقه انها الي تضامنت مع ابنها وعلمته يعقد عليها هو ...

ايمن : لا هي امي ولا انا ، القاضي غلط وعقد لي وابوه دخلها لاعندي ماعد دريت ما افعل ...

امه قامت وقفت : حتى ما ابسرتها ولا داريه بنت من هي غير استاذه كنز. .

كنز : استاذتي ،؟ فين هي !

ايمن جلس امه : رجاء محد يتدخل ويتكلم لما يجي ابي ونبسر مانفعل معه.

الزوجه الثالثه مبرقطه بتهز رجلها ضبح وبتفحر نفسها تشوفها : خلينا نبسرها ونجلس معها

ايمن بعصبيه : قلت ماشي لا اسير اعقد له واحده ثانيه ذلحين بالوكاله هذه

خافين وسكتين..

ايمن خرج وصرع الباب..

كنز طلعت سكته لاعندها ... بتحاول تفتح الباب مقفل...

سميه من ورا الباب : من ؟

كنز : هو انا كنز صدق انتي استاذتي

سميه سكتت

بيت سالم ..

ام بسام : يلله خاطرش يا حجه اسير ابدي ع ام انس مسكينه حالتها حاله زوجها محبوس

جده بلقيس: يا ساتر ماقد فعل

ام بسام: العالم الله وابنها سار المدينه ماعد عيعيش هنا.

جده بلقيس : كان الله في عون الجميع كل واحد معه كفايته.. الا يا بنتي كنت شاقلش لو قبالش بنيه نزوجها لابني الله يحفظش دليني عليها

ام بسام : خلي مره ابنش تنشف تربتها وبعدا زوجوه.. خاطركم... خرجت وهي بتعلق على ام سالم..

مافالحين الا يزوجو بس

اخر الليل وصل من عند الشباب الي بيسمرو ويخزنو سوا... البيت كان هادئ وكلهم نوم..

دخل غرفته ونكزز شاف ظل جنب الطاقه رفع الاتريك ( كشاف الضوء لاوشها وذكرها كان ناسيها شل الشمع من فوق الصفيف ( رف بجانب النافذه) وولعها ..

ماقد رقدتيش؟

لامارا · 28-12-20, 06:15 PM

(22)

ماقد رقدتيش؟

سميه قرحت تبكي...

ايمن : استغفر الله العظيم مافعلت بروحي. مالش !

سميه : كنت مفتجعه لوحدي .

ايمن تعجب : مفتجعه من ايش او عيجي جني يلهفش.

سميه متعجبه ع اخلاق معه ف اول يوم...: ماقد صليت قفلت عليا الغرفه .. اين الحمام ؟

ايمن ف الدرج انزلي وعتبسريه

سميه : خرجت من جنبه ورجعت : البقعه كلها طافيه

ايمن ناولها الشمعه وقفل الباب بعدها غير ثيابه وشل بطانيه ووساده وكل الي يحتاج..

سميه رجعت دخلت وبتنفخ يدها كان الشمع يقطر لاصابعها : اين السجاده ؟

ايمن اشر لها لكومه ثيابات : دوريها بينهن.

خرج وقفل الباب ...

سميه طرحت الشمعه فوق ماسه صغيره ودورت السجاده وجلست تصلي وتدعي وتبكي...

في الديوان...

ايمن فرش الفراش وجلس يفكر شويه ف ابوه ورقد...

في المدينه..

أنس ممدد ماقدر يرقد من ازعاج الشباب الي معه ف الغرفه كان متعود هدوء المدينه والرقده بدري...

ابن عمه : قوم العب معنا ..

أنس : ايش ؟

ابن عمه : كيرم

أنس فرح وقام جلس معهم يتعلم كيف بيلعبو...

ثاني يوم..

الشيخ فارح : خلاص يا سالم الاوراق موثقه من الأمانه انزل اتصل لهم قبل مانمشي من بكره قل لهم يجو يقلعو كل الشجر الباقيات حق سليم وعيال عمه والارض الي جنبها...

سالم : تمام

الشيخ : ومعك حق تعبك مبلغ دسم سير شل لك مره واخطب وتزوج ، عاد طريقك طويله لو ما توالف الأربع..

سالم ضحك : لحالك ياشيخ انا شويه واتزوج .. ماقد خطي يومين ع موت المرحومه

الشيخ : الحي أبقى ..الله يرحمها.

ف القريه... بعد ماطلع الضوء

سميه ضبحت من الجلسه شافت الغرفه مرفسه قامت ترفعها رتبت البطانيات والوسايد وملابسه علقتهن ... وضبحت من فستان مرت اخوها جالسه محتاره ايش تفعل .. لقيت ثوب من ثيابه شلته ولبسته ولبست فوقه الشرشف وجلست ...

ايمن قام الصبح ونزل يصتبح..

امه : يا ابني الباب مقفل عليها قيمناك (صحيتك) : تفتح لنا وانت نوووم ليش مقفل او عتهرب

ايمن : اخاف يجي ابي وانا راقد او نوم وتخبص ف الكلام اشتي احاكيه اول انا.

امه : ناهي البنت عتموت بغير عشا وصبوح..

ايمن خايف يسالوها ويستفسروا : اديه وانا اطلعه لها

امه شافته متوتر ومعصب ماعاندت: ناولته الصحن..

ايمن شله وطلع فتح الباب ودخل تفاجأ بالغرفه مرتبه طرح الصحن وعلى خرجته...

سميه : اشتي اقلك حاجه

ايمن : مالش؟

سميه : ضبحت من الزنه الي فوقي ولبست ثوب من ادوانك ( ملابسك).

ايمن شافها بضبح وقرب لاعندها : وليش تلبسي بدون استئذان !

(23)

ايمن شافها بضبح : وليش تلبسي بدون استئذان ! حرمتي( خربتيها) عليا الزنه

سميه اقتهرت من معاملته وامتلت عيونها دموع : مابش معي ثيابي ماديتهن

ايمن : خلاص خليها لش يا امد.. ماشلبس بعد مره ثوب رجال... وخرج وقفل عليها

سميه قربت شافت صغيره خبزه ولبن.. خلتهن زي ماهن وجلست تبكي ....

ايمن بينزل من الدرج وبيضحك ع شكلها لابسه الزنه حقه ..

وقف ف اخر درجه قدامه ...

ابوه بيكلم سالم : الان اريح نتغدا واخلي ايمن يسير يشرف على العمال ...

سالم : تمام خاطرك اسير اتفقد اهل البيت وارجع لك.

ايمن بربشه : ايحين جيت

الاب دخل وقفل...

نسوانه بيلطمين وشهن ويداهفينه لاعند ابوه

ايمن لفت لهن بعصبيه : ماهو ! مالكن ؟ وين الغدا !!

)) كان يحاول يصرفهن من قدامه عشان لايتلطم قدامهن)).

ابوه مبتسم : مافعلت !

ايمن مسك ابوه ودخله الديوان ومعصب : اباه صلي ع النبي

ابوه : ماهووو مافعلت ؟؟؟

ايمن : مش هو انا .. الي حصل بدون سبب ماقدر الله ولاكتب لك.

ابوه بيخلس الكوت ويرجم ويبعد الشال وحزام الجنبيه: مالك

ايمن حاول يتشجع : القاضي لما عقد نسي يلقن الا وانا انه توكيل عقد ووافقنا

الشيخ : مابتربش ماقلت !

ايمن : القاضي عقد لي بدلك ..

الشيخ جلس بسهوله : اها فهمت .. طيب طلقتها وعدت العقد

ايمن شاف ابوه الي مبورد :مافهمنا الا بعد ماتم القاضي وروح ودخل الاب الحريوه لاعندي

الشيخ وقف وعصبيه : قلتلك تعقد لي سرت تعقد لنفسك ! مجنون انت او بتخرف ؟

ايمن : ما افعل ذلحين ! انا مقفل عليها من حين وصلت..

ابوه قرب لجنبه ودهفه للجدر بقوه : اصلا غبي ولاعمرك عتفهم ..غبي وانا راكن انك الي عتمسك كل مالي وحلالي...خلفت لي شويه جهال ما منهم فايده..

طلقها وترجع بيتهم لابوها حين استعجل عليها

وخرج من عنده...

صاح صوت لنسوانه : اين الغدا !! زبط الباب والله لوما يقرب لاطلقكن من شق وطرف

هذك الساع اشتغلين مثل النحل الثلاث فرشين المائده في دقايق..

الشيخ جلس مثل الوحش يفترس نعمة الله (الاكل) مثل ما بيفترس الان حق المساكين واهل القريه...

خارج بيته ...

الاهالي والرجال متجمعين ..

عيال عم سليم وعيالهم بيصيحو ويتضاربوا هم والعمال الي بيقلعو الاشجار..

مرت سليم خرجت مسكت راسها وتبكي ليش ماحصل مالهم !! ماهووو ليش بيقلعوووهن وتمسك الاغصان الي ف الارض وتبكي..

حماها اخو زوجها سحب طرف ستارتها : ارجعي البيت عنفهم زوجش

بداو يتفرقو من ضرب الرصاص الي حصل..

بيت ام بسام ...

ام بسام : ليحين عتجلس اختي تزنط عليا انها مرت الشيخ وانت اوقع احسن منه اقلك سر ؟؟؟؟

(24)

ام بسام : ليحين عتجلس اختي تزنط عليا انها مرت الشيخ وانت اوقع احسن منه اقلك سر

زوجها : خير ماقد معش اليوم؟

مرته : قالو البير ملانه ذهب وكنز فيه ..

وانه من قرب منه قتلوه وخرجين له ثعابين

زوجها : ومافعل اشل الحنش واسير اقتل زوج اختش وافتهن

مرته قربت وتمسك فمها : اششش لحد يسمعك مالك بتخرف

زوجها : والله مانلقى كنز ولابير ولا ماء ولا خرفان وهو عايش ان موته حق وع يدنا اخرتنا

مرته: ماحصل مالك

زوجها : قلع الأشجار الي تعبنا فيهن سنين وابائنا

مرته : تشتي الصدق انا معه ماعنستفيد راس كل كم سنه وانبتت وبعدا نشقى نشقى نشقى قطاف وغسال وحماص ونقاي مالك ماتفكر

زوجها : ياغبيه افهمي انتي والطمع هذا ارضنا حقنا اشجارنا متميزين بها لحالنا ... الان قلعناها لها دهر وعمر ، كان قبل مايمسك الارض يجولنا من كل بقعه يعرضو زلطططط على الحصاد

مرته رفعت الصحن: يسدو اهم شي زلط يقع لك ولا خرج الكنز من البير ..

ف المدينه..

بعد ماشله ابن عمه وسجل له مدرسه حكوميه جنبه

وكلم له صاحب كافتيريا يشتغل معه بعد العصر..

انس خرج من المدرسه ودخل الكافتيريا بدا يمسح الماسات ويرفع القلصات ويرتب الكراسي..

صاحب الكافتيريا : ادخل قرش لي الجزر قطع الليمون...

انس رغم انه كان مرهق بدون اكل وساهر بس مبسوط انه حاسس بيفعل شي ويرجع اخر الاسبوع لابوه بصرفه لهم. .

في القريه..

بيت سالم

الاب شافها جالسه تشتغل حرقت يدها جري لاعندها نفخها

بلقيس جلست تبكي...

جدتها : امها ماعرفت تربيها لاتعرف تعجن ساع الناس ولاتخبزهن مابلا مهرتها تسايب ماء وتضيع الغنم لاخرجت ترعى

الاب حس انها صغيره ع هذا كله : خلاص يمه ابسري مره تساعدش وتوبه لبلقيس

امه : قد بنبسر او عنراعي لك ..

بلقيس شافته بكيت : وامي ماعد تجي عندنا ؟

ابوها : الله يرحمها يابنتي امش واخوش ف الجنه قدر الله

شاف دفاتر وكتاب ..

ماهو هذا يابلقيس..

بلقيس شلتهن وتوريه : اباه هذا الي كتبته صح؟

كلمات ( امي ، ابي ، بلقيس ،القريه )

ابوها : ماشاءالله عليش خطش؟

بلقيس: ايوه علمتني كنز وبنلعب انا وياها استاذه ومدرسه

ابوها شاف اهتمامها: تشتي تدرسي يابلقيس؟

بلقيس: ايوه

ابوها : خلاص انا شاعلمش كل يوم .. المدرسه غلقوها مابش استاذه تزوجت..

بلقيس بزعل : يو مسكينه كنز عتغثى

سالم ضحك لما سمعها انه كنز باتزعل ! كيف وهو ابوها الي شلها ع الطلبه...؟! : مسكينه انتي يا بنتي وانا والي ساعنا مالهم كلمه ع الي اكبر منهم.. اما كنز عتدرسها ف البيت استاذتها

الجده ضبحت من مجابرتهم : اقطبي قربي معي وافرشي الطراحه (سفره الأكل ).

لامارا · 28-12-20, 06:30 PM

(25)

بيت الشيخ..

ايمن جالس يفكر كيف يطلقها يخاف ابوه يشلها ماينفعش وقد شافها.. بس عارف ان ابوه مايهمه شي غير كلمته تمشي...

بس يرجع يفكر هو حرام مايجوز.. يعني أطلقها وتسير راكن ماعيرجع يشلها.

ابوه بصوت دعاه : اين الحيوان هذا يجي يتغدا

ايمن سمعه خاف راح :قرب وجلس.

ابوه : اتغدا واخرج عند العمال تأكد يقلعوهن من جذورهن ويقلبو التربه نغرس الشجره الجديده..

الخير جاي يا اصحاب القريه الخير عيهل علينا المقاتلة الي خارج فعلوها عيندمو عليها صدقوني.

ايمن : من هم وايش به !

ابوه :تم واخرج ابسر بعينك

ايمن جا له فضول طرح الخبز : انا شبعت الحمدلله الان شخرج.

امه لحقته للباب و ايمن قد خرج..

بيت سليم..

وصلت ام خطيب بنتهم : هيا ذلحين ايحين نعقد لهم

ام انس : ابوها ف السجن راعو يخرج

ام العريس : ماهو ! مسجون ؟ وليش ماتحاكيتو ؟؟؟

ام أنس: ليش مانتحاكا ؟ مانتحاكى فيه قد تمينا

ام العريس : مع لنا حكا ثاني بعد السجن مادرانا مافعل ابوها !! من نناسب ؟؟

ام أنس: ابوها شريف عزيز نفس صاحب كلمه حق والي مايشتينا مع السلامه.

البنت بتسمع وفارحه من داخل الغرفه هي واختها

ام العريس حنقت وقامت : هكذا ؟؟

ام أنس : الي يتحاكا على ابو انس ويتعزز يناسبنا هكذا يقع ..

قامت وخرجت..

ام انس رفعت صوتها : ارجعي شلي قلافدكم.

خارج عند الضرب والمشاكل ..

ايمن خرج يفرع بين اهل القريه وقف فجأه بينهم وهم بيرمو النار : بس انت وهو اوقفو ع جنب الي معه حق يجي لاعند ابي..

ماكمل جملته وجلس ف الارض فجأه وبيحاول يرفع يده يتحسس المكان ...

شافو الدم وملامحه متغيره ألم وماسك نفسه وكتم نفسه من الوجع ويتنفس فجأه بسرعه بسرعه ويحاول يوقف

الرجال : ايمن.. ايمن..

اووو دم ..دم .. عيموووت.. ماله ماتحرك !! شكله مات

لا عادو فاتح عينه شوف بيرمش ابسر كيف وشه مكضم اسود..

في المدينه...

أنس بيقرب عصير ل2 طلاب يبانو ف عمره او اكبر..

شافهم بيتعازمو كل واحد يحلف انه الي يدفع..

واحد منهم والله مادفع انا ولا لاقطع زلط الي يحاسب فيكم..

وصاحبه منحرج وبيحلف لايدفع..

صاحبه المتنمر بزنط يعرض عضلاته قدامهم : انا حلفت مابتفهم وقطع ورقه الخمسميه نصين...

أنس بيطرح لهم العصير شافه فعل هكذا اقتهر :حراااام مالك ؟؟ ليش هكذا !! نزل للارض يشلها
مش انت داري هذا شقايا حق اسبوع وانت تقطعها هكذا !!!

صاحبهم المتنمر : وانت مالك مقهور ها ولاتزعل شل لك هذه بدلها ( خرج 500 ورجم له للماسه)

أنس دهف له الخمسميه : مابينطلب منك ..كنت اقدر اجلس باب جامع واربط رجل واتعوق واقل لله ياكريم ..

(26)

أنس دهف له الخمسميه : مابينطلب منك ..كنت اقدر اجلس باب جامع واربط رجل واتعوق واقل لله ياكريم بس انتو الي معكم الزلط والنعمه هذه ماعتحسو بقيمتها الا لما تتمنوها وتجيلك بعد تعب وحرمان. .. طرح العصير ودخل...

شافه صاحب الكفتيريا احترمه وتفكيره وامانته قال له: انت تغديت يا ولد او مع؟

أنس : ماشي بعد العمل شاكل

صاحب الكفتيريا : مابش عمل الا بعد ماتفعل لك سندوتش من الي نفسك فيه ماشتيت مكافأة مني عشان عملك اول يوم هنا. .

أنس فرح: تسلم.

في القريه

لاحظو انه انصاب من راجع الرصاص الي كانو بيرمو وهو بيتكلم وسطهم مسكوه سريع ...

وبيسعفوه للمستوصف ومابش حد فيه الدكتور الي كان يناوب طلع المدينه يقدم للتخصص..

كان في صيدليه صغيره دخل عند الصيدلي حاول يجارحها له وخرجها منه.. واداله شاش ومطهر ومسكن للوجع..

بيت عريس بنت سالم..

الام : تخيل خدعونا كنا مودفين بالبنت مايقلو علينا الناس زوجنا بنتها لسجين

زوجها : مادخل البنت با الأب يا مره ويعلم الله ليش استجن مافيها

الام : مابيسيرو السجن الا السرق والي حق مشاكل ماشتيناهم ( مانريدهم)

زوجها : بس قله عقل وماعليش انتي.. سليم مابش مثله رجال محترم والحمدلله انش قلتيلي افعل الواجب معه واسير ابسره وليش احتبس لانا اقدر اخرجه.

التقو الناس ع الارض والشجر بتتقلع زعلوا...

الشيخ : تطمنوا ولا تقلقوا يا اهل القريه..

كم بتتعبنا الشجره هذه وكم بتجلسو تشقوا في موسم حصادها وبتتم الفلوس بوقتها ومانفعل بعدها.. الان خلونا نزرع هذه اربح وافضل واسهل ورزق لكم كلكم والي عيخسر يجي اديله راتب من جيبي...

فرحوا وصدقوه وهدأو وصلح المشاكل..

رجع البيت وشاف جنب بيته وصل سالم ونزلو وايمن بيمشي ببطء ومابيحرك يده والثوب ويده فيها دم..

الاب : ماله ما حصل ل ابني ؟؟

سالم : قد كان راح من يدنا يا شيخ الولد .. الحمدلله ع سلامه ابنك..

احمد الله نجاه ربك

الاب قرب منه وشافه بخوف :كيف انت ماحصل لك من ضربك والله لاموت ابوه..

سالم: راجع لفوقه من الي بيتضاربو ..

الشيخ بخوف ادخل ارتاح...

دخلو..

ايمن مواصل بيمشي للدرج

ابوه : اين ساير؟؟

ايمن : اغير الثوب ...

سالم غمز له: ياشيخ خليه امد ماطلع في موضوع مهم .. عندي لك فكره في سليم...

ايمن طلع الدرج وحاول يفتح الباب دخل ورجم المفتاح للارض شافها راقده ومعصب من وجودها. ..

فتح الدولاب وارتزع الباب للجدر ..

سميه كانت نوم فزت من نومها فتحت عينها..

ايمن شافها بنظرات..

سميه بصدمه قامت : ليش ثيابك فيها دم !!!

ايمن كان واقف بيحس راسه ثقيل ماقدر يتحرك اكثر فجأه دوخ

(27)

ايمن كان واقف بيحس راسه ثقيل اثقل ماقدر يتحرك اكثر جلس ف نفس مكانه وارتمى ف الارض.
ضرب راسه في طرف ادراج الدولاب

سميه خافت مسكت راسه وبتصحيه : ياااي انت قوم مالك ؟؟؟

بتكلم نفسها بانفعال وخوف وتفتكره ميت

يوو يمكن مات فيه دم !! ماعد بيتكلم ولايجاوب .. صاحت يعني ماله هكذا انتذق !! يعني مات ياربي مافعل انزل بسرعه يووو يماه عيقولو قتلته مافعل ياربي...

قررت تنزل تقل لهم انه مات

فلتت راسه من يدها ضرب راسه مره ثانيه نكز شافها

سميه نكزززت ورجعت لورا خطوه : يمااااه

ايمن مع الدوخه بيتكلم ببطء ولسانه ثقيله : مالش عتقتليني

سميه بكيت : والله انه انت من نفسك فلت للارض

ايمن مسك راسه وبيحاول يوقف

سميه مسكته ومشيت معه لبقعته ف الارض طرحت الوساده تحت راسه..

ايمن اديلي ثياب اغير الي فوقي

سميه قامت للدولاب وخرجت له ثياب وناولته وتشتي تمشي للباب

ايمن : ياا ي اين سايره جي. ادي الجنبيه..

سميه : ماعتفعل بها !

ايمن ضبح من غبائها ف الموقف الي بيتوجع فيه وضبحه منها : اقتلش وارتاح منش

سميه خافت ويدها بترتعش : والله ماكنت شاقتلك صدقني هو انت فلت وضربت راسك من نفسك والله... بكيت

ايمن استغرررب منها صدق مصممه شافها ع نيتها متعلمه صح بس مش زي ماقالو له ، بيحس فيها برائه : ادي الجنبيه اقتليني انا وافتهني..

سميه ساكته وماسكه فمها من خوفها منه

ايمن : ادي الجنبيه واقطعيلي الثوب سرررريع كتفي بيوجعني

سميه مسحت دموعها وشافته بيحاول يخرج يده من الثوب : راحت ادتها وناولته

ايمن : اقطعيها انتي ماقدرش احرك يدي

عند الشيخ بيتناقش هو وياها ويسألها كيف يفعل بزوجه ابنه ف البيت يخليه يطلقها او تجلس مرته..

مرته الثالثه : ياشيخ ماتقدرش تفعل شي قدي مرته بس من رأيي تشغلها هنا تكون تسير تحطب وتدي الماء فوق الحمار من جنب البير

الشيخ : دايما كلامش لحاله كلامش صح هيا خليها تسير بدلش تدي ماء

مرته فرحت وطلعت..

ايمن : لاتجلسي تهزي يدش اقطعيها بسرعه

سميه حاولت تشطها وتخرجها من رقبته وهي خايفه..

ايمن : مالش ابعدي يدي الثانيه

سميه : الشاش افتتح وبيخرج دم

ايمن : لصقيه هوذك ف الكيس شاش

سميه بس بينفتجع

ايمن : من ايش تفتجعي

سميه : منك

ايمن : انا داري مش هو انتي فهمت ذلحين اسكه افعلي شي مفيد من وجودش هنا ولا انزلي ادعي ابي يجارحها

سميه خافت تشوف ابوه صح خوفها هو احراج من الشخص الي جنبها ماتعرفه في يوم وليله وقع زوجها حتى اسمه مش متاكده منه ولا عندها جرأه تسأله بس عندها اهون انها تجارح له ولا تشوف ابوه..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري