آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
29-05-19, 06:16 AM
| #21 | ||||||||
| مراقبة عامة ومشرفة منتدى الروايات المنقولة  
|  #قتلوو برائتي الحلقة_الثالث عشر.. صباحكم....عسل وكاهي احبتي 🌹🌹🌹 فرح...اي تمام صعدت واني حسبه تجيبني وحسبه توديني حايره بزماني شلون بيه مااعرف فتت للغرفه احجي ويه نفسي شلون بيه شفت حيدركاعد ع الجربايه ويتفرج ع التلفزيون اخبار ويمه النفاضه ويدخن جكارة ورة جكاره بس ضايج صاير ناااار كبره مددت بالكاع بعدين كمت كعدت جان اكله اكووول حيدر حيدر.... خيرج احجي شعندج فرح.... اريد اسالك سؤال بس اخاف منك لان انته هسه حيل عصبي حيدر.... لا كلشي مابية احجي شبيج فرح... ممممم لا لا عوفه هيج حيدر... لا كولي كتله فرح... لا خلص هيج سكت جان يكلي حيدر.... فرح امي شرادت منج بالغرفه فرح... كتلة ع كل الي حجته عمتي حيدر ليش هيج عمتي تكول قابل اني رافضتلك طلب موكل الي تريده اسوي الك تكلي هو عاقل وثكيل والله اني مكايله عليك مخبل هو فتح عيونه بعصبيه حيدر... وج غمه منو اثوووول احجي عدل بصياح فرح... نشكت اذاني من ورة صوتة ما ادري هي عمتي تكول عليك عاقل وثكيل اني شعليه هو سكت بعدين جان اكله حيدر حباب اشتريلي تلفون حيدر... الله كريم مو هسه فرح...حيدر عدي سؤال من ذيج الساعه واستحي اكولك حيدر... لا كولي اني رجلج مااريد ابد تستحين مني كتله ليش سهى ميصير عدهه اطفال لان متنام بصف رجله يعني مثلنه اني وياك هذا اني كتله هيج انفجر بالضحك حيدر عود من يكبر عقلج اجاوبج ع هذا سؤالج فرح... مفهمت كتله اي عيني كالوهه بالمثل يامن تعب يامن شكه يامن على الحاضر لكه حيدر مات من الضحك كلي حيدر... بابا انتي امثالج حافضتهه بس متعرفين وين تخليهه باسالفه لاصدك هلمره يرادلج ميزانيه وبلنص حتى لسانج يتوازن ويعرف شلون يحجي فرح... سكتت كتله والله حيره ساعه تضحك ساعه تعصب حيدر... نامي بابا نامي لتشغلين نفسج بافكار جبيره عليج فرح...خطيت راسي جاي انام جان اسمعه يحجي بينه حيدر... وبين نفسه يكول ياريت روحي مثل روحج اوووف بعدهه متعرف حياته شنو شوكت يكبر عقلهه فرح... سكتت نمت شويه جنت حلمانه حلم يخوف حيل كعدت ميته خوف كمت رحت يم حيدر كعدتة واني ابجي حيدر...خير شبيج فرح فرح... اخاف حيدر... من شنو لتخافين اني يمج فرح... جرني يبوس راسي وجابلي مي شربت حيدر... كول بسم الله الرحمان الرحيم ونامي فرح...ني هم سميت ونمت كعدت الصبح هو بعده نايم نزلت دااترك وياهم واشوفلج رشا الكاع ملامته من الفرح الحنه مالتهه قرب موعدهه كملت شغلي نزل حيدر سويتله ريوك بس احس حيدر اختلفت نظراته الي احسه ديتحارش بيه يباوغ ع جسمي بنظرات تحرش اني غلست هو كمل ريوك اني غسلت المواعين وصعدت للغرفه مددت ع الجربايه اخذتني النومه شويه وسمعت صوت الباب شو اريد اكوم مااكدر اتحرك احس نفسي مصخنه جسمي كلة يوجعني ويون علي و مصخنه اجه حيدر يمي حيدر... ها شو نايمه من وكت وكت نوم فرح...بلكوه حاجيته كتله مااعرف شبيه يمكن مصخنه اجه لزمني كال حيدر...يااااابه هاي شنو حيل مصخنه كومي غسلي حتى تنزل حرارتج شو يله كومي فرح...ما عفيه عوفني حيدر...ماكو هسه وكت ما يله كومي فرح...كومني بالكو ضل يلح عليه لحد ماكومني كمت غسلت ورجعت للغرفه ارجف بسرعه تغطيت ونمت اجه يمي حيدر... كومي خلي اوديج للدكتور اضربي ابره حتى تصيرين زينه متضلين باجر الحنه مال رشا فرح.. وشسويله اني ما مابيه اكوم جبرني اكوم بلكوه نزلت فلونزا قويه بالعظم وادي صخونه حيل قويه اني بطبيعتي بسرعه اصخن كوه وصلت السيارة وداني للمستشفى ضربت ابره ورجعنه اكو اسواق يم المستشفى اشترالي حيدر منه vibوعصير وبطل مي حيدر... هاج هسه اكليهن حتى يتوازن السكر والضغط عندج فرخ... مااشتهي فرح... اكلتهن كملت كلي يله خل نرجع رجعنه هو للبيت كوه امشي صعدت للغرفه مددت مااعرف شلون نمت ماكعدت الا على صوت حيدر حيدر... كومي كسوله كافي نوم فرح... مااكدر اكوم اني بطبيعتي اذا اتمرض اقل مرض اتمرضه انام بالفراش فكتله مااكدر اكوم حيدر... لتضلين نايمه للمرض تحركي حتى مترجعلج الصخونه فرح... كمت ابجي حيدر... ماكو متشتهين يله كدامي شو اكليهن فرح... اكلتهن كملت كلي يله خل نرجع رجعنه هو للبيت كوه امشي صعدت للغرفه مددت مااعرف شلون نمت ماكعدت الا على صوت حيدر حيدر... كومي كسوله كافي نوم فرح... مااكدر اكوم اني بطبيعتي اذا اتمرض اقل مرض اتمرضه انام بالفراش فكتله مااكدر اكوم حيدر... لتضلين نايمه للمرض تحركي حتى مترجعلج الصخونه فرح... كمت ابجي حيدر... هاااا شبيج ليش هلبجي فرح.. ماجاوبت ضليت ابجي فرح... بدموع لا حيدر... هاي كله لان كتلج كومي حيدر...جا شبيج فرح... اريد ماما حباب جيبلي ماما والله اني كلش محتاجتهة ومشتاقتلهة فدوة اخذني لهة حيدر...يله كافي مازين البجي عليج وانتي منا مريضه اني امج وابوج وكل اهلج بس كومي اكليلج لكمه لان جاي تشربين دوه فرح... مااشتهي عاد هو ضحك خفيف وكلي حيدر...شون وياج يعني ما اشتهي مااشتهي شوكت تشتهين فرح...جان يحجي بهمس ويغمزلي اني مافتهمت قصدة بس كلش خجلت قطرت دم مبقت بجسمي بسبب نضراتة وغمزاتة 😳😳 كمت كعدت ع الجربايه مشطت بعدين رحت للحمام غسلت نزلت جوه لكيت صمونه سويت بيهه لفه كعدت دا اكل بيهه واني كاعده بالكاع كصيبتي نازله للكاع جان تجي يقين تدوس على كصيبتي كتله اخ هاي ليش فرح... سكتت عرفتهة متقصدة يقين...هاا ما ادري يقين... عيني على كيفج ويانه هي فلونزا كلهه تصير بيهه بس انتي سهى شردت اني مو تصير بيه بس انتي يله كافي دلال وكومي ع شغلج كتله ما عفيه مااكدر مستحيل اني مابيه وجان تجي يقين وتجرني من كصيبتي حيل اني تاذيت وجان ينزل حيدر ع صوتنه حيدر... شكو شبيج فرح ليش هل بجي فرح...كمت ابجي بقوة يقين تكلي متنزلين تشتغلين والله مااكدر اكوم ويقين تجر شعري وتدوس ع كصيبتي حيدر...يقين وينج تعالي اجت يقين...تعالي انتو مواربعة وعشرين ساعة كاعدات بغرفجن ونايماات وفرح تخدم بيجن وحق القران اذا وحدة حاجت فرح بكلمة اني اعرف اتصرف وياجن وهل حجي موبس الج الحجي للكا افتهمتوو فرح.... كام يصيح يريدن يحاجنه بس مانطاهن مجال ابد ضل يصيح وهنه ساكتات ماحجن شي لان ي يحبن حيدر زين وياهن من يصير عصبي محد يحجي بالبيت ابد حتى عمي ميحجي واكثر المشاكل من تصير بالبيت عمو يكل لمحمد يحلهه عاد جان يندار عليه كلي حيدر... كملتي اكل فرح... اي حيدر... امشي صعدي فوك يله بسرعة فرح...صعدت بسرعة خفت احجي ونوب اجفص ويعيط بيه كدامهن ويشمتن بيه صعدت شويه وصعد وراي جان يكول حيدر....ها شلون صرتي فرح... الحمد لله هز راسة عفتة كعدت اتفرج تلفزيون وحيدر يقره قران لحد مصار المغرب صله وشويه وصاحونه ع العشه كمت داامشي احس عيوني مااشوف بيهن سواد ودايخه حيييل كتله حيدر مااكدر امشي حيدر... اي صار عدج مضاعفات عادي فرح...اجه كادني وبلكوه نزلت كاعده بصفه اكلت لكمه وكمت صعدت صاح وراي حيدر...فرح تعالي كملي اكلج ماكلتي شي فرح...لاشبعانة ماريد اسمع عمتي تكول عمتي...يمة حيدر مرتك شنو بس هي تمرضت حيدر...بصياح رحمه الله عوفوو مرتي البنية مريضة شبيكم خالين كوركم من كورهة اسكتووو ماريد اسمع احد يحجي وياهة بكلمة فرح... عمتي سكتت خافت من حيدر لان كاام يصيح وهوة هل ايام مزاجة مكلوب صعد حيدر وراي لبس ملابسه وكال حيدر...فرح اني طالع شويه و اجي فرح...ماشي الله وياك راح حيدر ونسه واحد من تلفوناته اباوع ع التلفون ابد ماسكت كلساع واحد يخابر عليه سويت تليفونه صامت ضوجني شويه واجه حيدر شاف تليفونه كلي حيدر...اووو نسيت التلفون فرح...اي سويته صامت ضوجني اجه وبيده علاكه بيهه لفتين كباب لحم وبطل عصير حيدر... يله هاج اكلي هذني كلهن عالسريع فرح... مااكدر والله حيدر... كافي فرح تره هواي شلعتي كلبي شنو هاي اكلي حتى تصيرين زينه فرح...اخذتهن منة وبالكوة كمت اكلت لفه كتله الفه الثانيه مني الك حيدر... مااريد اني اكلت اكلي انتي فرح... ماكو مااريد وجهك صاير اصفر اكل لتضل تشلع كلبي هي لفه بله شو اكله كدامي حجيته ورجعت مددت هو ضحك وكالي حيدر...لج تقلدين عليه فرح... لا اقلد عليك ولا تعصب حيدر.... يله ارتاحي شويه واكليه لتضلين بدون اكل فرح... ماشي نمت شويه و حسيت حيدر حاضني ونايم كمت من يمه وفرشت بالكاع ونمت غفيت كعدت الصبح ع هوستهم لان جانت بوقتهه حنه رشا بس كعدت مااكدر احرك لا ايد ولا رجل نايمه بالفراش حس جسمي يأذيني حيييل مااكدر حتى انزل اتريك كعد حيدر حيدر.... صباح الخير فرح...بالكوه جاوبته صباح النور حيدر... ها بعدج مريضه ماتحسنتي شوي فرح...حجيت واني موجوعة زدت ولا تحسنت حيدر... يله ميخالف هسه بس تتريكين تصيرين زينه فرح...عافنظ و راح فات يسبح اني بقيت ع نومتي مابية اكووم طلع شافني بعدني نايمة بمكاني حيدر...ها ولج هاي لحد الان ما كمتي شو كومي فرح...اجة علي خطيه كومني وفتح شبابيك الغرفه حتى يتغير الجو وشال فراشي شره بالسطح ع الشمس كمت غسلت كوه امشي شفت رضا الا صدك صار حوالي اسبوع مشايفته هو ابد ماحجه وياي يخاف من حيدر غسلت ورجعت للغرفه سمعت صوت حيدر يصيحلي رحت كتلة هاا بس شنو احس الكلمة بالكوة تطلع مني حيدر.... يله انزلي تريكي فرح... مااكدر انزل صعدلي ليفوك حيدر...اني جاي انزلج اوكفي فرح...اجة نزلني تريكت وصعدت كمت بيه مابيه كووووه نظفت الغرفه وعطرته ومددت ع الجربايه لان اعرف حيدر يحب الغرفه نظيفه دائما ومعطره اجتي سهى فاتت من يم الغرفه وكالت سهئ...اكو ناس من دودتهم تمرضو وج عيني رشاوي على عناد اليكرهج الله نصرج سهئ...اكو ناس من دودتهم تمرضو وج عيني رشاوي على عناد اليكرهج الله نصرج فرح...عرفتهة تقصدني بس سويت نفسي مااسمع نمت اجه حيدر حيدر... فرح كومي اذا تضلين نايمه يزيد المرض عليج كومي فرح...اي كمت اني حفوت اسبح كلي روحي فتت سبحت وطلعت لكيت حيدر يتفرج بالتلفون جان يكول حيدر... نعيما يحلو فرح...ابتسمت الة حيدر... يمااااي شنو كمر كيك فدووووه هو كلمن ابتسم كال اني ابتسمت فرح...😳 خجلت حيل مشطت شعري ومددت هم نمت مااحس الا حيدريكعدني حيدر...يلة كومي تغدي فرح...كمت اكلت لكمه لكمتين جان اكله حيدر حيل دايخه وارجف مااكدر اوكف ع حيلي كال العصر اوديج للطبيب رحت مددت كعدني العصر كوه كمت لبست ملابس الطلعه وصعدنه بالسياره رحنه ساكتين فتنه للدكتور رحنه تحاليل كال بنتي عدج فقر دم ونقص فيتامين d كتبلي علاج حيدر اشترى العلاج ضربت ابره ونزلنه بالسياره كال خلي نفتر نغيرلج جو وصلنه لمكان حلو حيل حديقه وبيهه ملاعيب للاطفال وكراسي كعدنه اني وحيدر ضل يسولف ويكلي اني احب المره الي تلبس عبايه....يتبببع انتضروني #بقلم سمر اسامة | ||||||||
|  |
|
31-05-19, 06:34 AM
| #22 | ||||||||
| مراقبة عامة ومشرفة منتدى الروايات المنقولة
| #قتلوو_برائتي #الحلقة_الرابع عشر.. صباحكم عسل صافي احبتي😻 حيدر...الي تلبس عبايه فرح... سكتت مجاوبته ضليت صافنه الجو حلو حيدر.. ها شبيج شو احسج ضايجة فرح... لا والله ما بيه شي راح اشتره حب واجه كام نطاني شويه وكمنه رجعنه للسياره صار تقريبا المغرب وصلنه للبيت البيت خبصه الركص لان الحنه مال رشا حيدر فات من باب المطبخ وصعد واني ورا حيدر نوعه هادئ ميحب الهوسه شويه وخلصت الحنه اني فوك مانزلت مااحبهه اموووت منهه تقريبا لل11عمتي كامت تكلهم يله خلي نفض الهوسه لان تخاف من خيدر يكوم يحجي تدري بي ميحب هوسه نزل كالي راح اجيب بيتزا واجي راح جاب واجه كعدنه اكلنه اني ويا غسلت و رحت مددت بالكاع مااجذب بجيت وانقهرت هو كام غسل واجه من اجه شافني ابجي كلي حيدر... شبيج فرح ليش هل بجي فرح.... مابيه شي حيدر...دحجي حبيبتي لضمين علي شي فرح...انفجرت بابجي شفت شكد حلو رشا لابسه بدله ورايحه لصالون الة اني كلش ماشفت بحياتي بسبب ضلمكم الي حيدر... هي المن لابسه البدله غير لرجلهه اني هسه مو رجلج مااحب تلبسيلي بدله شنو مطلعه زنودهه وصدرهه ومفرعه مااحب هيج مره اني احب المستوره وبعدين هاي قسمتج انتي بعد شسوين فرح...بس كل بنية بنفسهة تلبس بدلة تروح لصالون الة اني بسبب تهمة باطلة تدمرت حياتي كلهة حيدر...بساني قابلج ع طبيعتج عيج قابل بيج حيدر...ضل يحجي وياي لحد ماهديت بس احس بكسرة بكلبي مدري ليش مسحت دموعي ونمت كعدنه الصبح حيدر صباح الخير ياحلووو فرح....ببتسامة صباح النور كمت غسلت ورجعت للفراش مددت هو راح سبح واجه نزلنه تريكنه الهوسه جوه لان الزفه حيدر اكل وصعد بسرعه اباوع على كرايبه يتمنون يحجن ويا احس وحده منهن عينهه ابد مانزلت من يمه تباوعله وكلساع تطلع سالفه وتحاجي هو ميهتم بسرعه صعد اني كلعاده دك شغل ومالحك ششتغل عمتي تكلي عيدي موتتني لحد مصار الظهر هنه تغدن وراحن صالون بس اني عمتي تصخر بيه مووووتتني اخر شي كتله كافي حرام عليج هنه طلعن واني هنا كاعده اكرب كافي وجان اعوف واصعد ادري بعمتي تخاف تصيح بصوت تخاف من حيدر صعدت شفت حيدر كاعد شافني حيدر... شكو كالبه خلقتج فرح.... مابيه شي وفرشت بالكاع ومددت كالي حيدر... هاااولج طبكن عندج فرح... شكالوك عني مخبله وانتف بشعري حيدر... لا هيج نامي ارتاحي فرح...تمدت جان اكله ترى اني اريد اروح وياهم للزفه حيدر...لاماكوو روحة اكعدي واسكتي فرح... وليش هنه كلهم يرحن الا اني شنو السبب حيدر...فرح ماكو روحه العندي حجيته فرح...سكتت بس صدك ضجت حيدر...يله متكومين تبدلين فرح... ما ماانزل حيدر...فرح انزلي لشلعين كلبي انزلي تونسي شنو ضاله كاعده فرح... جان انفجر عليه انته شنو متستحي متحس بيه تريدني انزل واني كلشي ماكو مو حرام عليك يعني حارمني من كلشي وقاهرني نوب تكلي انزلي تدري البنات كلهن يشمتن بية بسببك انتة انتم كلكم دمرتوو حياتي الله لايوفقكم اني احجي ومفرفحة روحي وهوة ساكت بس يباوع بس سكوته هدوء ما قبل العاصفه حيدر...هاكملتي يلة كافي بلا كلام زايد اريد انام فرح... اوووو متنام منو اللزمك بس نوم الا اني محد بحالي حيدر...فرح كافي رح اكوملج فرح...اي تكوملي هوة انتة بس بهاي شاطر بيهة ضليت احجي وادردم ابد ماسكتت حيدر... يعني شلون الا تنكتلين يله تجرين عدل صارلج هواي مامكتوله لازم جسمج يحكج الا كتله الا تجرين عدل فرح...اي عادي شيهمك كوم اكتل واضرب واصلخ منو حيوكف بوجهك اصلن اني مالي احد يدافعلي بهلدنية ضالين تدكون علي لان مالي احد جان يعصب ويكوم حيدر...بعياط وعصبية وتالي شلون فرح...عاط عيطة شكت اذاني بعيطه احس صوته دك بدماغي حسكت جناب الملك حيدر حيدر... ادبسززززز تسهزءين حضرت جنابج فرح...كام علي كام يصيح وعصبي وشمر عليه مخده بعصبيه حيدر... اذا حجيتي حجايه وحده بالقران اكوم اكومج هنا بفراشج افتهمتي سكتت صارت الزفه اجوي اخذوهه وراحو نزلت اني عزلت البيت مكلوب كلاب كله عدلته وسويت عشه تعشينه همه اجوي امهه هي وسهى يبجن كلبنه مناحا صعدت نمت ضلينه ايام ع هلحاله خلصت سبعه رشا وعزمو رشا وعيالهه صارت خبصه وهوسه بس الهوسه كلهه تركبت براسي متت تعب اسمع جوه هلاهل وركص نزلت دااشوف شكو كالو باجر حنه رضا هم تعزيل ومن هذا التعب المينوصف صارت الحنه ويركصون الولد وحيدر يركص فرحانين بشكل ثاني يوم الزفه كلهه فرحانه وكلهه تركص وتشتغل كالو يله بدلو اني بدلت بسرعه ونزلت صوت هلاهل شافتني عمتي ... ماشاء الله ماشاء الله يمه الله يحفظك النه فرح...شكراا عمة واشوف حيدر ينزل من الدرج لابس قاط اسود وكاشخ ومتانق على اخر حبايه اباوع عليه متعجبه بجماله وبهيبته من يمشي بهيبه وكل البنات يتمنو ويتكارصن بيناتهن احسهن ديريدن يزحفن عليه سمعت وحدة تكول البنية... ووالله حرامات هاي المعصعصه مرته هذا كون يمي اووووف وتعض بشفتهه البنية الثانية... اش اش هاي مرته لتسمعج شترد عليهه يمعوده انتي وين اصلن هو ولا متقربله ولا بحاله اني فرح...فرت منهن انهديت عليهن هييي لج عدلي كلامج لا والله اجي اسحلج سحل هي كامت تبجي وسوته فلم وراحت لعمتي تكله ليش تقبلين هاي تكلي اكوم اسحلج سحل لان كلت ع حيدر ما شاء الله وتكل لعمتي اني حطلع من البيت اذا هيج اني زاعجتكم عمتي تكله لا يمعوده صدك جذب ليصير ع خاطرج هسه الا اخلي حيدر يادبه ختولي زعطوط تخلين عقلج وياهه جان عمتي تجيني للمطبخ وتكرصني حيل من زندي وتكلي حسابج بعدين فشلتيني كدام العالم الله لا ينطيج سكتت مجاوبته جان يفوت حيدر ديصعد الدرج مااعرف شيجيب من فوك ونزل جان عمته عمت حيدر..خيدر قبلت بهاي لو لا حيدر... كالهه منو كالته عمت حيدر...هاي وتاشر ع فرح حيدر...لا عمه مااقبل بهاي الصيغه تحجين ع فرح هاي مرتي من تكولين متكولين هاي هي اسمهه فرح وبعدين ليش مااقبل بيهه اكو واحد ميقبل بالكمر فرح.... وجرني خلاني وحضني كدامهة حيدر... دشوفيه الله دزلياهه هديه ناعمه وحلوه شعدي غير فروحتي فرح...فرحت رفع راسي كدامهن وهنة تفشلن كمت امشي واني رافعة خشمي عليهن انغريت طلعت الزفه ورجعنه للبيت بس شنو لحد مافضينه الهوسه اني ميته شويه واسمع صوت هلاهل والدنيا نكلبت جان اكول لحيدر شكو مو خلصنه العرس شنو هسه تذكرو بتالي اليل يهلهلون ماشبعو شنو حلمانين حيدر... متعرفين ليش يهلهلون فرخ... لا ليش حيدر... تدرين ليش فرح...لي ليش حيدر... لان انتي غمه دنامي وهذا حلكج لو تسدي احسن الج والي فرح...نمت وافكر هذا شي ليش كلما حاجيته حجايه كلي انتي غمه اني اعرف شيصير بين المره والرجال بس مااعرف بالتفاصيل الدقيقه يعني مااعرف كلش بس اعرف ع قدر الي درسنا بالاحياء مااعرف التفاصيل بس اعرف نمت مرت ايام وكمت اعرف انو مرت رضا نحسه وكلبه ومسمومه وتموت مني فبيوم من الأيام اني اسمع مرت رضا الي اسمهه رغد جاي تتعارك ويه يقين وتكله شافه هسه اني شكل لرضا طبعا رغد ويقين علاقتهن حيل قويه وحده متفارك الثانيه يقين تكله لديرين بال عفتهن ونزلت شويه وصعدت لكيت حيدرصاعد قبلي مدد واني مددت بالكاع نمت اسمع صوت تلفون يدك بس صوته بعيد حيدر كعدني حيدر... فرح هذا شنو الصوت فرح... ما ادري والله مومالتك حيدر...لامومالتي هذني تلفوناتي فرح... ضل التلفون كلساع يدك حيدر تخبل حيدر... هذا الصوت من الكنتور فرح...كام فتح الكنتور ضل يدور اول مادور دور ملابسي جان يلكه التلفون داخل ملابسي التلفون صرصور مال قبل ورقم بلا اسم ديدك فتح التلفون حيدر جان يسمع صوت واحد يكول الو يحلو حيدر... لك كو... انت منو طايح الحظ الخط نسد ضل فرح...ضل حيدر يدك ميحصله جان يرجع عليه حيدر... هذا منو كح.... ومنيلج التلفون اليوم اموووتج شكالولج عليه اني كو... مكرن اني مرتي تخابر فرح...ولزمني نهاني كتل خلص عليه زوركني اريد الحك افهمه مالحك احاجي موتني نزلني لغرفه عمو وعمتي يكلهم مااريده اخذوهه....يتبببع انتضروني بالبارت القادم قبولاتي لكم حبايبي ❤ | ||||||||
|
| |
|
31-05-19, 06:36 AM
| #23 | ||||||||
| مراقبة عامة ومشرفة منتدى الروايات المنقولة
| #قتلوو_ برائتي الحلقة_الخامس عشر صباحكم-عسل ياحلة عسل انتم 😘 حيدر...هاكم اخذوهة ماريدهة + عمي...ابني شبيكم ولك عوف البنية رح تموتهة فرح...حسيت نهة علي بالضرب موتني حسيت جسمي كلة تكسر حتة صوتي اختفة ماكدرت اصرخ لان ضربني ع حلكي كمت ماكدر افتحة من الوجع اريد احجي اكلة ماسويت شي بس ماكدر مستمر بضربي عبالك جاي يضرب بحيوان موبنسان حتة لوحيوان جان رحموو بحالة البيت اجة ع عياطنة يردرن يفكوني منة بس ميرضة يعوفني حسيت روحي خويت بيدة حيدر...لج كح......ساق....لج انتي موصوجج اني احترمتج زايد وانطيتج اكثر من قيمتج ياحقيرة لج اني تالي عمري تجي وحدة زعطوطة تلعب من وراي فرح...مستمر يغلط علي ويضرب بية ماكدرت احرك شي مني بالكوة وخروو مني بس احس اريد اصرخ واكول والله مامسوية شي احس كلبي مشتعلة بي ناار بلحضتهة كرهت روحي واني اشوف الكل يباوع علي بتشمت طكت براسي اكتل روحي واخلص ليش هيج باقية مذلة لليسوة ومايسوة بس ضليت مصدومة وماستوعب التلفون شجابة بملابسي ياربي دخيلك خلصني والله بعد ماتحمل عافني بحالي وكسرتي وصعد للغرفة عمي.... ليش بويه هيج تسوين هاي انتي الفقيره ليش موعيب مو احبج واكول مثل بنيتي ليش فرح...عموو والله ما ادري مااعرف هذا التلفون المن والله مومالتي ليش محد يصدك بية اني وين طالعة حتة اجيب تلفون خافوو الله بية حرام عليكم عمي...لعد شجابه بملابسج احنة خليناء ملابسج قابل فرح....والله ما ادري والله مالي ذنب والله مومالتي طلعت من الغرفه كعدت بالهول مابي احد كعدت ضليت ابجي كمت اعاتب بأمي لان عايفتني يمهم بس اعرف هية هم مابيدهة شي هية هم مضلومة مثلي ضليت ابجي اريد اطلع كسرت كلبي بس مجاي ارتاح تمنيت بلحضتهة انام وبعد ماكعد لان بعد ماتحمل الجاي يصير ياربي ترة اني مالي ذنب حتة اتحمل خطئة وحدة مراهقة وحقيرة الله لايوفقج يامريم كال الجاي يصيربية بسببج الله يطلع حوبتي بيج ضليت ابجي وابجي احس الالم جسمي حيموتني جان ينزل حيدر لابس دشداشه بيضه وبيده التلفوناته وبصمه السياره طلع للمغرب الا اجه سوو عشه ماقبلت اتعشه شبعانه قهر هو تعشه وكمل وصعد واني شفتهم كلمن راح بغرفته بس اني ضليت وين اروح صعدت للغرفه بس ميته خوف منه ارجف فتحت الباب اريد افوت للغرفه انام جان يعيط بية حيدر...بعياط وعصبية شكو امشي طلعي برااا فرح...اي بس وين اروح حيدر... ولي لقاع جهنم ماريد اشوف وجهج براااا فرح... نزلت واني احس انهانيت بمافيه الكفاية كافي بعد تعبت ضليت حايره وين اروح جسمي مكسر من الكتل رحت لعمي سولفتله وبجيت ماانكر نقهر عليه من كتله وين اروح حتى عيونه دمعت باس راسي وكال تستمر القصة أدناه عمي...بنيتي ادعي انتي يتيمة ادعي ان شاء الله يطلع الحق من الباطل اليوم نامي بالاستقبال تحملي شلون مجان فرح....رحت بالاستقبال بس ابد مانمت اليل كله ابجي مقهورة كلش كعدت الصبح كملت شغلي وحيدر نار عصبي حيل حتى عمو يجنبه يعرفو معصب محد يحجي ويا لان حيدر هو الي مسيطر ع البيت كله ضلينه ع هلحاله لا اني احاجي ولا هو يحاجيني هو اصلن ميباوع بعيني مرت ايام واحنه ع هلحاله لحد ما يوم سمعت عمو يكل لحيدر عمي... يابه هاي خطيه مااتوقع هاي العمله منه اكيد هاي العمله بفعل فاعل ومرتك تكدر تجرجرهه بالكلام بسرعه تكتهن فطيره حاول تجرجره بالكلام حيدر... بس اني لكيت التلفون بملابسه يعني شجاب التلفون بملابسهة هاا عمي...يابني منين جابته قابل هي طالعه ياابني مو الحق هم لازم ينحجي خطية كافي انضلمت بما فيه الكفاية بعدهي طفلة وشافت المر فرح.... اني كاعده بالهول اتفرج تلفزيون هو اجه يتفرج وياي ماانكر احس كلبي طار كيفت من شفته فرفح كلبي عليه احبه مو بيدي اباوع عليه من جوه ليجوه هو يحس بيه بس مداير بال اجه عمي كعد كتله عمو طلعني شويه والله مخنوكه وضايجه حيل وكمت ابجي كلي عمي... وين تريدين + فرح... والله مختنكة ضايجه حيل عمي... ليش بنتي ضايجه مني بضحك فرح... لا مو منك ولا من اي واحد بس ضايجه ع نفسي عمي.... بتعجب ليش بويه فرح...يعني ليش ماما متخابر ليش متسال عليه اكو ام تنسه بته اني مالي غيره يعني هسه اني ضليت لاب لا امي تسال عليه حسيت عمي كلش انقهر عمي... لابويه لا تكولين هيج امج هم خطيه بعده صغيره متكدر تجي هم تطلع الف حجايه عليهه لو طلعت حيدر... كال يابه اليوم عازمك اتعشه اني وياك بمطعم عمي... اي بس اني وياي بنيتي خاف تكول متحله الروحه الا بفروحه فرح...حيدر سكت اني نفسي عزيزه كتله لا عمو روح بللعافين اني مااروح لح عليه اني ماقبلت راحو واجوي حسيت حيدر تغير عليه كام كلساع يصخرني ودي هاي جيبي هاي احسه يريد يحجيني اني ابد ماحجيت هو صعد جان اسمع حيدر يصيح عليه صعدتله هاا حيدر...تعاي نامي هنا بغرفتج فرح... لا انام جوه احسن الي والك حيدر... ما بكيفج شعندج نايمه جوه وولد عمي طابين طالعين انتي نايمه جوه ورجلج فوك يله صعدي فرح...اي اني ماريد اناام هناا كافي مافي شتريد مني حيدر... لج اني هنا بالبيت اذا حجيت حجايه بسرعه تتنفذ من الجبير للصغير ينفذ الي اكوله مو عاد انتي ذاك اليوم صرتي كاعده تتحججين براسي كتلج اصعدي يعني تصعدين احجي حجايه مااعيدهه افتهمتي فرح...شفته صار عصبي خفت منه صعدت فراشي ومددت بالكاع بس شبعانه قهر احس مالي قيمه بهذا البيت خليت راسي اني هنا الله وذب علي دموع اتذكرت شسوة بية كمت اخنك صوتي بالمخدة اريد شي يريح كلبي كامت شهكاتي تعلئ اريد انصي صوتي بس موبيدي احس روحي مجروحة واريد امي تداويني مااحسه الاهو كاعد يم راسي حيدر... اخ هاي ليش الحلو يبجي ليش دمرين عيونج الحلوات بالدموع فرح...غطيت راسي مجاوبته ضل يلعب بشعري حيدر... شلون يعني تضلين مقاطعتني هاي فوك ما كاطعه المي والكهرباء عليه على كيفج وياي فرح... اني هنا كمت كعدت وجان انفجر عليه شنريد مني انته حرام عليك شدسوي بيه ساعه اشوف ماكو احن من كلبك عليه وساعه اشوفك وحش حرام عليك تتهمني عدكم الشرف مثل شربت المي بسرعه تهمتوني بشرفي ليش غير تتاكد التلفون منين الا تحجي والله مااعرف بالتلفون منين اجه ليش ذبيته براسي المن اخابر اخابر على ابويه للكبر فهمني ترى روحي طكت كافي بعد مااتحمل شوف البنات الي اكبر مني بعدهم ممزوجات شلون يعني هني هم حاسبه نفسي عايشه موتني واخلص مني ليش مضوج روحك ومضوجني مو عدك سلاح خلي طلقه براسي وانته اخلص واني خلصني حيدر... واني وين اروح شعدي غيرج والله احبج بس هو التلفون بملابسج يعني صيري بمكاني هم قدري موقفي فرح...لا اقدر موقفك ولا تقدر موقفي هو كالو بالمثل انقلب ساحر على ساحر هو انفجر ضحك حيدر... وج صاعدين ستوته ونكلب ساحر على ساحر امثالج منين تجيبيهه فرح...اتضل تضحك وتغير السالفه انت هنتني بعد تطرد بيه مافكرت وين اروح اني لو عندي مكان اروح بي جان ضليت عايشه هنا بهالضيم حيدر... ولج كافي شنو هل حجي شنو ماعدج مكان اني رجلج وكل اهلج ومكانج بكلبي فرح...اجة وباسني من راسي وحضني بس احس روحي مفرفحة مكسورة كلش حيدر.... يله كومي غسلي وتعاي اني هم غسلت واجيت لكيته نايم بفراشي وفاتحلي ايدي حيدر تعاي بحضني فرح... ما يله كوم حيدر... مااكوم فزح... مااااا عفيه عليك الله كوم حيدر... يله انتي خطيه هواي بجيتي راح اكوم فرح...كام اني نمت كعدنه ثاني يوم حيدر... صباح الخير فرح...بزعل صباح النورنزلنه نتريك واسمع رضا يتعارك ويه رغد بس من الي سمعته ان رغد بايكه فلوس من رضا بس هي شيطانه كالتله لا اني دا اضملك بلا ماتدري لان انته صراف واني دا اضملك فلوس متكيف وين تلكه هيج مره من سوالفهه يتعلم بليس شتغلت كملت شغل حيدر كال ترى اني الاسبوع الجاي التحق اني بداخلي ضجت هم حيروح ويعوفني هو كاعد يدخن واني صافنه عليه افكر هاي اني شكد حبيته حبيته بطريقتي الخاصه بفطرتي اكمت اعشقه مو بس احبه مالي احد غيره صحيح هو عذبني هواي بس مابيدي اموووت عليه احبه حيدر... فرح شبيج فرح... ها حيدر شبيج فرح... ها وصافنه عليه اني من دا اكله ها مو مااسمعه اسمعه بس بالي جان مشغول بي حيدر... فرح شبيج صافنه عليه فرح... مبيه شي حيدر.... عبالي مضيعه شي بوجهي فرح... لا مبيه شي حسيت نفسي تفشلت حيدر...فرح كومي سويلي ستكان جان اعدل بي راسي فرح... اي كمت سويت جان وديتله حيدر... اييي تسلمين ياورده فرح...عفته يشرب جي هو وعمي وعمتي اني واكفه بالمطبخ واسمع عمي يكله عمي... شوكت تاخذهه ابني مو تاخرت هواي حيدر... يابه بعده فدمره متفتهم شاخذ منهه غير حتى تفضحني فضيحه والله تخزيني عمتي...لعد شلون تضل هيج معلك لا انت الماخذهه ولا انته العايفهه حيدر... يمعوده خطيه انقهر عليهه هو اني بوسه ابوسهه تفضحني وتصير حالتهه حاله تكلبهه بجي مي... شبيك يابه جتفهه واخذهه طبعا بالبدايه بعدهه متقبل وتستحي حقهه بس شلون جا شني كعدتهه بنصنه + حيدر... ان شاء خير الله كريم فرح...اني سمعت هيج متت خوف خفت منه لاصدك يسويهه ومن كل عقلي اروح اختل يالترك الي وره البيت رحت ختلت بي نهار كامل اخاف من حيدر لياخذني اسمعهم يدورون عليه كالبين البيت عبالهم شردت منهم واني ابجي وخايفه وحالتي حاله حيدر يدور ويصيح فرح محد يدري بيه خاتله.....يتبببع بارت تعويض لعيونكم حبايبي مثل متعرفون عيد وتجهيزات وتنضيفات وشغل والله كتبتلكم هذا بالكوة انشالله ماقصر وياكم قبولاتي الكاتبة سمر اسامة تحياتي لكم😘 | ||||||||
|
| |
|
01-06-19, 10:20 AM
| #24 | ||||||||
| مراقبة عامة ومشرفة منتدى الروايات المنقولة
| #قتلوو_برائتي. الحلقة...السادس عشر.. صباحكم..عطر ووياسمين احبتي المتابعين 🌹🌸🌷 فرح....محد يدري بيه خاتله يدورون اسمع اصواتهم كلبو البيت كلاب عمتي.. صخام صخمني شردت البنيه وين نروح من حجي العالم العالم شدكول علينه 1 حيدر....لك وين جنتوو عنهة يعني ماشفتوهة منطلعت وعمي.... ع كيفك لتنجلط فرح...اسمع حيدر يعيط كل عيطة يهز البيت هز كمت ارجف اخااف اطلع سمعت اجه علي حمايه علي...اني من انتو جنتو تشربون جاي اني كاعد بالباب ماكمت ابد بعد منين طلعت ب حيدر...لعد وين راحت دورة البيت كلة ماااكوو اذا ماطلع وينننه فرح...جان كل عيطه حيدر يعيطهه اخلي ايدي ع اذني من الخوف اني جان كل همي اخاف يلكاني وياخذني اجتي رغد وره البيت ماعرف جانت شتريد جان تشوفني جان تكول رغد...لج شسوين هنا البيت نكلب عليج وصاحت هاي فرح حيدر تعال اجوي بس اني واكفه بالزاويه وابجي وحالتي حاله ودشداشتي كلهه تراب اخاف من حيدر لان كلت حيذبحني بس يلزمني اجوي ريكضون كلهم التمو واني زدت بالبجي حيدر...فرح شبيج ليش هيج مسويه بنفسج عمي... شبيج بنتي كولي يا الله و حيدر....اسكتوو خل نفتهم شبيج ليش هنا خاتله وحنه صار ساعه ندور شبيج احجي فرح...جان يحجي واني احسة حيذبحني من عصبيتة وهو فايره اعصابه واجه عليه يريد يجرني من ايدي اني كمت اعيط خفت حيل منه واكله ما لتتقرب وخر عني ماااا حيدر...بتعجب لج شبيج عمي وعمتي....حيدر انتة شسويتلهه حتة هيج خايفة منك حيدر.... يابه والله مسويتلهه شي فرح... رحت بسرعة اختلت وره عمي بس شنو ابجي واشهك بصوت عالي حيل حتى الحجاب نازعته وحافيه وحالتي حاله ماانكر كلهم انقهرو عليه عمي... بابا بس حاجيني حيدر اذاج بشي كولي فرح...اني سمعت مساع شحجيتو انتو ويا ماااا اخاف من حيدر ماانكر عمتي من شافت حالتي حتى كامت تبجي عليه عاد جان عمو يكول عمي...يله كلكم روحو خلوني بس اني وفروحه اندار لحيدر واشرله وكله روح حتى انته حيدر فرح... عمتي ضلت وضلو يحجون وياي ويكلولي عمتي...لتخافين هو رجلج ميخالف شلون هيج تسوين امج هم ختلت من ابوج ميصير هاي سنه الحياه الله خالقنه هيج ليش هيج تسوين مو رشا ذاك المرة تزوجت بس رشا سباعيه مسوت الي انتي سويتي عمي...اي ميصير بنتي اكو وحده هيج تسوي بلعكس تقربيله ولتسوين هيج حتى يكوم يحبج بالاكثر يله حبابه كومي فلحطتي كلبنة اليوم يلة تستمر القصة أدناه فرح...كمنة طبينة للبيت بس اني بعدني خايفه وارجف ومجلبه بعمي شفت حيدركاعد اني ضليت خاتله ورا حيدر من سافنة كام راح للهول واشر لعمو عمو سحب نفسه وراح اسمع عمو يكله عمي... خطيه عوفهة ع راحتهة حيدر...شلون بيه اني بله هاي الغمه منين الله جابهه عليه شمسوي اني والله ذب عليه هاي الطينه بعصبية اني مو كتلكم طفله كلشي متفتهم استغفر الله عقلهه عقل طفل بعدنه بس حجينه وتجوم تكولولي اخذهه شاخذ منهه هاي هاي اذا بجت اسكته بجيس جبس 1 فرح...اسمع حيدر يصيح ويحجي وتعال الي يسد حلكه اجه حيدر يمي للمطبخ ماكو احد بس اني ويا حيدر... ها الله يساعدج فرح... اني جنت كاعده وجان اطفر وكله مااا لتتقرب ماااا حيدر... شبيج بابا انتي هم تكولين اني شايله عقل لج بابا اجي اهنا اخذج بنص المطبخ شبيج عقلج شغلي هو اني هسه يمج حواليج اني ماعدي شي وياج لتضلين هيج تسوين كومي يله صعدي غسلي وبدلي هاي ملابسج حتى اطلعج اغيرلج جو فرح...ضليت صافنة بس بعدين كلت صدك لاضل اسوي هيج وحيدر يشد وياي ويأذيني رحت صعدت سبحت ومشطت وبدلت ونزلت حيدر...حصعد اسبح واجيج انتظريني فرح...ماشي صعد سبح وبدل ونزل صعدنه بالسياره اني ودا اصعد بكد ما مسطورة الخوف عاميني اخاف منه جان اعثر واني دااصعد لان السياره عاليه ردت اوكع ع وجهي حيدر.... الله الله شبيج اليوم انتي فرح...ماجاوبتة صعدت واني ميته خوف منه حيدر... فرح شبيج ليش مساع هيج سويتي اكو وحده هيج تسوي فرح... دنكت ماحجيت ج حيدر... فرح الله يخليج جاوبيني لتضلين ساكته شبيج فرح... هاااا لا مو سمعت عمو وعمه يكلولك جتفهه ووو حيدر... اي ووو شنو ليش سكتي كال جتفه واخذهه اجيت جتفتج واخذتج لا صدك فرح انتي كل عقلج هيج سويتي لا صدك جاوبيني فرح... خفت منك حيدر... اكو وحده تخاف من رجله امج هم ختلت من ابوج وج هسه الزلم تختل من النسوان حجاهه بضحك اني مو رجلج اكو وحد هيج تسوي اني احبج وما احب اذيج انتي حياتي اني ما عندي غيرج اني مااذيج خليج ع راحتج فرح...ضل يحجي وياي من هذا الحجي حسية ديطمن بية ويوخر الخووف من يمي حسينة ديحسسني بالمان يمة ميريد اخااف منة وصلنه للمطعم حيدر... يله مدام طلعنة ننزل نتعشه فرح...هزيت راسي نزلنه تعشينه وكملنة وطلعنة صعدنه السياره حيدر...هااا بعدج تخافين مني فرح... لا راحت الخوفه حيدر...صلاوات همزين راحت الخوفه كدامج جني اني يله عمي خلف الله عليج فرح...ابتسمت و رجعنه للبيت صعدت للغرفه بدلت ومددت ع الكاع شويه واجه وراي حيدر بدل هو ولا يستحي يبدل كدامي اني ادير وجهي كعد شويه وكالي حيدر...فرح راح انزل انزلي وياي سويلي ستكان جاي فرح...اي ماشي نزل واني ورا شويه ونسمع صوت عياط رضا بس رضا يعيط بهستيريا نريد نفتهم كلمه منه منفتهم يتعارك ويه مرته بس الي افتهمته انو ولد مخابر رضا ومهدده على ان شلون يزوج رغد لان رغد والولد جان عدهم علاقت حب صارت عركه حيل جبيره جان رغد تكل اليقين رغد... الله لاينطيج انتي السبب انتي ورطتيني فرح... كامت وحده تطلع خياسات الخ يقين...وهذا التلفون الجنتي تخابرين بي وبعدين انتي مو تكولين اهلي جبروني ع رضا رغد... انتي فتنتي عليه اليوم امسح بيج البيت يقين... ام التكسيات حيدر...يحجي وية رضا شو طلع الرقم الي دك عليك فرح...راح حيدر جاب التلفون الي تهموني بي شاف الرقم قارنهم طلع نفس الرقم تاكدو طلعن هنه الي ضامات التلفون متورطات بي وذبنه بغرفتي حيدركام يعيط كل عيطه يعيطهه يرجع الصدء مال صوته من القوه احس البيت حيوكع فوك راسنه من العياط ضل معايطهم وكلمن تكول التلفون مو الي حيدر....لجن اني لام مكو....بيتي وحدة تخطط ع الثانية وتهمن بشرف مرتي فرح...ضل حيدر يعربد بالبيت شهرهن شهيرة ودزو ع اهلهن اجوو اهلهن وصارت كعدة ومصايح بس صوت حيدر يهز البيت هزز من يصيح يخلينة نرجف بمكانة عمتي ترجف وتلطم ع وجهة اسمع حيد يكللهم حيدر...بصياح يعني هنة يكو.....وتوكع براس مرتي ليش شنو شفتوه فقيره لو لان صغيره متعرف كلشي فرح...ورجع ع رضا يعيط عليه ما خله ع حاله يكله حيدر...كله من وراك انت متحترم مرتي وتالي مرتك تعلمت منك فرح...رجعو اهلهن يتعذرون من حيدر ويتأسفون طبعا حيدر الناس هواي تحبه لان صاحب مواقف ويا الناس يعني مخجلهم بمواقفه طلعو وكلمن اخذ بنته ويا راحو والاجواء متوترة بالبيت يعني حتى حيدر صحيح هو تعارك علمودي بس صاير نار كبره ميتحاجه ابد اخاف احاجي ويا وعمتي تتملق لحيدر تخاف منه وهو مفووول نار اليفوت منه ينجوي شويه وهدئت الاوضاع كلمن صعد نام اني صعدت مددت بالكاع واجه حيدر وراي مدد بس شنو مسطور سطر اني خايفه منه حيل ومقهروه بعد اكثر ليش هيج خلن التلفون بملابسي الله لا ينطيهن ومقهورة ع امي مشتاقتلهة بجيت بقهر وخنكة بس شنو خاله المخده فوك راسي اخاف ليسمعني مااحسه الا هو يمي كعد وشال راسي خلا ع رجله ويمسح بدموعي حيدر.. كافي بجي ليش هلدموع نكسرت يدي ولا ضاربج لحد الان شايله بكلبج عليه فرح...مجاوبتة ضليت ابجي ابد محاجيته تستمر القصة أدناه حيدر...يلة فروحتي لزيديهة علي والله اني اسف تنكسر ايدي اذا امدهة عليج بس انتي صيري بمكاني شسوين يلة حبي يكلبي وثاني شي اليد الوحدة مصفك 🤣🤣 1 فرح...ضل يحجي ويتحايل علي وضل يشاقين ويكرص بخدي شوية اتغيرت نفسيتي بسبب حجية وشقا وياي نمت كعدت الصبح لكيته مبدل وواكف ع المرايه ديرتب نفسه كتله صباح الخير جاوبني بكل غرور حيدر...صباحج اني فرح.... عوجت حواجبي وكتله لا والله وكمت غسلت ومشطت وكتله متريك حيدر...لا يله حبيبتي نزلي سوي ريوك تاخرت فرح... ليش انت وين رايح حيدر... مو شغلج فرح... لا والله ليش ان شاء الله اهاا صدك كلشي مالي دخل اني هنا بس خدمه تردوني حيدر... هسه انتي من الصبح كاعده تجفصين وبعدين تنكتلين وتكولين ليش كتلتني روحي سويلي ريوك وانتي ساكته فرح...سكتت ماحجيت رحت نزلت اسوي ريوك شويه ونزل حيدر متانق وكاشخ ع اخر حبايه كعد ديتريك وعمو كاله عمي...وين رايح بوية حيدر....اروح لولد صاحبي نايم مستشفى ومناك اروح ولد عازمني ع الغده + فرح... كمل وطلع اني ضليت الح علي الا تكلي عود ليش يعزمونك صدقانك هواي حيدر... شبيج بابا ولد عنده معامله وعدي معارف ومشيتلهيا راد ينطيني فلوس مااخذ مو تدرين استحرم عاد ضل يلح الا اعزمك على غذه بالمطعم فرح... اهااا عافني وراح صعد السياره وشغله عاد هو بكل غرور يسوق والنضارات الشمسيه ايد مرتجي وايد لازم الستيرن شغل السياره اني فتحتله الباب طلع سديته ورا رجعت للمطبخ واني بالي كله مشغول بي وبحبة اموت عليه يربي مو بيدي احبه ماعرف ليش كلبي هيج تعلق بي بس اتمنا ربي مايحرمني منة لان اني مالي غيرة اذا حيدر تركني اضل يتيمة ومكسورت الخاطر دخيلك يالهي لاتحرمني منة ضليت اشتغل وفكري كله مشغول بي كملت شغل صعدت اعزل الغرفه واغسله ملابسه كعدت شويه وجان اصفن ع صوره هو ماطرهه ومعلكهه بالحايط جبيره هو بصورة جان طالع يجنن بملابس عسكريه ولازم سلاح صدك هو هيبه كملت ونزلت صار الغده تغدينه وكملنه غسلت المواعين اني صعدت للغرفه مددت لشويه واجه حيدر حيدر... السلام عليكم فرح... وعليكم السلام حيدر...فرح كومي حضريلي الحمام فرح...اي ماشي كمت حضرتلة الحمام واجيت لكيتة بس بالداخليات دنكت ابد مرفعت عيني استحي هو ابد ميستحي شلون ينزع وياخذ راحتة وبنية موجودة ويا بالغرفة فات هوة سبح وطلع واجه كعد ع الجربايه حيدر...فروحتي تعالي اكعدي يمي فرح...صفنت عليه حيدر... ها شبيج شو صفنتي فرح... هااا مابيه شي حيدر...جا اذا مابيج شي تعاي يمي فرح... رحت كعدت يمه بس ارجف من الخووف هو حضني حيدر... فروحتي لحد الان ضايجه مني فرح...برتباك لا عادي حيدر... ها يعني بعدج والله ما اقصد ماادري صيري مكاني شسوين فرح... سكتت كتله يله الشغلة راحت ونتهت حيدر...اي ماشي بس نطيني بوسه فرح... ماااا حيدر...انتي ليش هيج وياي حتى بوسه متنطين فرح... واتقرب عليه وباسني جوه اذاني بعدين دار وجهي عليه وباسني من شفايفي اني دفعته وهو ولا كن رجع يبوس بيه لحد ما حسيته ما اعرف شبي تغير انكلب واحد ثاني جان اكو دكم بدشداشتي فتحهن وهستوه ديريد ينزعني دشداشتي وجان ادفعه واطفر واضل ابجي بقوه تخبلت حيدر...والله مااذيج فرح... واني ابجي وادفع بي واكله متستحي ماعيب عليك بنات العالم مو لعبه بيدك هذا اني كلتله هيج مات من الضحك حيدر... يولي انتي مرتي شنو بنات العالم مو لعبه وج وين اكو واحد مثلي صابر عليج صار شكد وفوكاهه نايمين بغرفه وحده انتي متحسين بيه فرح...اني فضحته فضيحة بالبجي عاد هو انقهر عليه وكال حيدر...براحتج فرخ... ورجع الجربايه مدد بس كام يشرب جكارة وره جكاره.....يتبببع متابعة ممتعة حبايبي ليش هيج تفاعلكم ميسوي واهس | ||||||||
|
| |
|
02-06-19, 04:53 AM
| #26 | ||||||||
| مراقبة عامة ومشرفة منتدى الروايات المنقولة
| #قتلوو_برائتي الحلقة_السابع عشر صباكم..كرز🍒ياكرزاتي + فرح...راح كعد ع الجرباية وكام يدخن جكارة وره جكاره حسيته ضاج حيل بس ما بينلي اني شويه ونزلت دنسوي العشه واندكت الباب اهل يقين جايبين يقين وجايين يتعذرون بالكوووه حلو السالفه ورجعت يقين بس شنو اجه لرضا رساله ع الفايبر من رغد طالبه طلاك رضا نزل سولف لااهله رضا... اني هم مااريدهه بعد كلبي نجرح منهه عمي...ابني فكر زين رضا... لا افكر ولا شي اني بعد مااريدهه حيدر...رضا هاي مو لعب جهال فكر قبل لتخطي هلخطوه يراد تفكير رضا.... تفكير يش خويه ولد خابرني يكلي رغد الي وبس مستحيل تصير مرتي هاي الانسانه حيدر... والله ياخوي بعد ضلت يمك فرح...قررو يطلكوه اني جنت بالمطبخ وحيدر يمي كاعد ع الكرسي حيدر... هجم بيتج بس دعيتي ع رضا فلشتي تفلش فرح...صحيح اني دعيت ع رضا يطلك مرته وميرتاح وياهه وفعلا طلكه وما شاف طعم الراحه وياهه ابد مجاوبت سكتت حيدر... فرح سويلي استكان جاي اعدل بي راسي رحمه لولديج فرح...ماشي رحت سويتله جاي واجيت بس شنو اسمع عمي يكل لرضا عمي...شوف الله شلون شلع كلبك مثل ماشلعت كلب البنيه سويت بيهه شوف شلون طلعه بيك البنيه مظلومه فرح... اني صحيح ضجت من رضا طلك مرتة بس نفس الوقت فرحت حيل احس طلعت حوبتي بي بس بعده كلبي مبرد شسوه بيه كتله اكول حيدر حيدر... كولي فرح...شكد عمرك حيدر... مواليد 84 فرح... يعني اصغر من ماما ب4 سنوات حيدر... والمطلوب فرح...اي اني مواليد 2000 حيدر....لا والله الله عليج بالله احلفي فرح...اي والله شبيك حيدر...بابا ادري جا شلون عقدت عليج وبعدين جنسيتج يمي ليش تسالين فرح...هااا لا هيج حيدر...لا والله براسج سالفه مااعرفج فرح... لا يابه كلشي ماكو حيدر... يله ماكو شي ماكو فرح...بس حيدر بي حاله مو يشوف عدي سالفه واني مااكوله يعني ضامه شي عليه ميلح عليه الا اكول يضل يجرجر بيه بالحجي ويكلبه شقه و حبيبتي وكلبي ويكسبني ويجر الكلام الي يريده مني فكال حيدر... اكول حبي فرح... ها حيدر... شفتي اني اكبر منج تستمر القصة أدناه فرح...اي والله بهواي حيدر... اي فرح...اي اني مو حيل صغيره عليك حيدر... هو انتي تشيرت وصغيره عليه احجي عدل وكولي الحمد لله ع قسمتي وج انتي لو يم غير رجال جان موتج ع سوالفج المتسولف فزح...سكتت هو راح للهول واني ضليت بالمطبخ جان اشتغل واغسل امواعين جاي ارجع الماعون لمكانه جان يوكع ينكسر عزززه شيخلصني بس يله حيدر موجود حيدر...هذا شنكسر شنكسر فرح...هاا ماعون عمتي ضاجت بس ماحجت ابد تخاف من حيدر جان يجن بنات ابن عم حيدر كاعدات يلعبن محيبس كعدت العب وياهن شويه وحسيتهن يضمن المحبس عليه اصلن ميخلنه بايدهن اني ضجت حيل وضليت ابجي وكمت منهن ورحت لحيدر ابجي حيدر...لج شبيج فرح...ضليت بس ابجي حيدر...فرحاحجي شبيج ليش هل بجي فرح...شوف يضمن المحبس عليه حيدر...هاي صدك تحجين فرح شبيج عبالي بيج شي صدك جذب بله هسه اني شسويلج حيدر...ضجت من حجية كام يصيح علي عفته ورحت للمطبخ واني مقهورة اسمعه يكل لعمو حيدر... اوف يربي الله منين جابهه براسي يربي هاي شكد غمه تبجي ضامات المحبس عليهه شوكت عقله يكبر عمي....خطيه صغيره ع كيفك وياهه حيدر...عقله صغير حيل جنهة طفلة ومو مرة مزوجة فرح... اني ضجت منه شنو هيج يكول عليه اجه يمي كتله انت شنو بس تكول صغيره صغيره اني ماصغيره جبيره وعقلي هم بعد جبيرة .حيدر... اي يابه انتي جبيره بستهزاء + فرح...لستهزء ترة اني موطفلة كدامك حتة تستهزء بية ماشي حيدر... شبيج بابا تلوصين بالحجي فرح...اي هوة انتة بس كلي تلوصين بالحجي وبنات عمك مدري منو يضمن المحبس مني وميخلني العب وياهن وانتة ماحاجيتهن شي حيدر... فرح كافي حبيبتي فرح...اي هوة انتة بس كافي وكافي اني لازم مااحجي شي حيدر... اي عفيه انتي لازم متحجين لان من تحجين تكومين تلوصين والا تنكتلين يله تسكتين فرح...هزيت ايدي وسكتت خفت ليضربني صار الاذان صليت وعفت حيدر يصلي ويقرا قران واني بلشت بالعشه اني دا اكلي بالبتيته وجان تاخذني الصفنه وانسه البتيته وجان تحترك عزززززه واشتم الريحه وجان تجي عمتي اجة كرصتني حييييل من ايدي عمتي... ثوله ثوله انتي مطيه كسرتي الماعون وسكتت وهسه حركتي البتيته اموووتج شلون ثوله فالحه بس بالثول والغباء فرح...ماحجيت شي ويهة كمت ابجي شويه مسحت دموعي وكملت العشه واني دااسوي العشة جان تكول عمتي...والله اذا كلتي لحيدر اموتج تموت افتهمتي فرح...اي ماشي ماكلة كملت العشه وصبينه واكلنه واني عيني عليه يربي شكد احبه اموت عليه اباوع ع كل حركه يتحركهه ادقق باصغر تفاصيله كملنه جان يجي خطار لحيدر يباركوله ع ترفيعه اجوي وجايبين وياهم خرفان 2 ضلوو يمة ساعتين وجان يروح الخطار وني وحيدر جنه واكفين بالمطبخ جان الخروف يطلع صوت جان اكله ماما عفيه اخاف منه حيدر...جبانه ميسويلج شي لتخافين مربوط فرح...عافني وصعد حيدر... فروحتي يله اصعديلي فوك وصعد فرح...صعدته وهو جان حيدر... تعالي يمي فرح... مااا ومددت بالكاع جان يجي يمدد يمي وباسني اني جمدت بمكاني وكمت ارجف حيدر... شدعوه كل هلرجف ع بوسه فرح...ماااوخر وجان اطفر من يمه حيدر...تعاي وين فرح...اروح بالحديقه كلي اذا تطلعين من الغرفه من ننزل اهد الطلي عليج اني خفت هو انتبهلي شافني من صدك خفت جان يسويهه صدك ويضل يهدد كاد اني من خوفي رجعت يمه وهو ضل يبوس بيه بكل هدوء وكلما ادفعه يكلي مو حرام عليج حارمتني مو صرت فول فوكاهه نايمين بغرفه وحده وج متحسين فرح...دفعتة وكمت مااا يلة كووم حباب حيدر...فرح شبيج انتي ليش هيج كلش حارمتني من كلشي لصيرين انانية هيج فرح...ماا ماا معلية كووم كعدت بالكاع وكمت ابجي بقوة واكلة كووم الله يخليك كووم فدوة حيدر...بعصبية انتي متكليلي شبيج ليش كل ماتقربلج تضلين تبجين ترة ميصير هيج فرح...كام من الفراش بعصبية راحت ع الجرباية تغطة وناام اني تمددت بفراشي وبقيت وابجي لحد مانمت كعدت ثاني يوم الصبح صباح الخير حيدر..صباح النوور حبي يلة انزلي سويلنة ريوك اريد اطلع عندي شغل فرح...اي ماشي رحت غسلت ونزلت جوة سويت ريوك وصبيتة تريكنة وكملنة كل واحد راح الشغلة اني كمت كملت شغلي كلة وصعدت تمدت حتة ارتااح اجة حيدر كمت حضرتلة الحمام طب سبح اني وكفت ع المراية كمت امشط بشعري طبعن شعري من كد ماطويل تتقطع ايدي يلة يتمشط طلع هوة من الحمام واني بعدني واكفة امشط اجة بتجاهي وحضني من ورة وخلة راسة بركبتي دفعتة حيدر...فرح كافي حرام عليج ترة انتي جاي تعذبيني هيج فرح...ماا وخر عفية الله يخليك حيدر...وهوة يبوس بركبتهة اششش والله ماأذيج بس انتي اتقبليني فرح...من باسني من ركبتي حسيت جسمي كلة تشنج كمت ارجف من الخووف دفعتة وكمت ابجي فدوة وخر عليك الله لتتقرب مني الله يخليك فرفحت بالبجي حيدر...اششش حبيبتي لتبجين كلشي ولادموعج فرح...ما ما وخر وكمت ادفع بي عليك الله وخر حيدر...فرح حياتي والله ماسويلج شي بس لتبجين والله من اشوف ادموعج اتأذة لتخافين مني وخليج ع راحتج اني احبج وانتي يمي وهذا الشي كلش كافي فرح...كعدت بالكاع ضليت ابجي ياربي والله ماعرف شي اني اعرف اليصير بين الرجال والمرة بس موكلش شوي جانن صديقاتي يحجن بهيج سوالف بس اني جنت اخااف من اسمع هيج ولحد الان اخااف كعدت ضليت ابجي بخووف اجة هوة كعد يمي وخلاني جوة ايدة وباسني من راسي حيدر...فروحتي حبيبتي خليج ع راحتج لحد متكبرين اني انتضرج العمر كلة بس كافي بجي موعيونج راحن يلة مسحي عيونج الحلوة وكومي سويلي جااي فرح...اطئنيت وكمت غسلت وجهي ونزلت اسوي جااي نزل حيدر كعد يم عموو وعمتي اني سويتلهم جاي وديته الهم مشة اليوم عادي حيدر اعرف بي ضايج بسببي بس ابد ماحسسني انو ضايج مني من اباوع علي يباوع علي ويضحك ويغمزلي من يعاملني هيج حبي يكبر الة اكثر واكثر صار اليل سوية عشة تعشينة وكملنة كل واحد راح الغرفتة غسلت المواعين وصعدت الغرفتي لكيت حيدر نايم اني فرشت ونمت وكعدنة ثاني يوم كعدت الصبح مااعرف شبيه مااتحمل اي واحد مشتاقه لماما كلش احس روحي تلوب عليهة وحيدر ميرضة اشوفهة اتمنا احرك روحي واغلص حيدر... صباح الخير فرح...مجاوبته حيدر... صباح الخير فرح... بعصبيه صباح لصخام ع راسي حيدر...بصاح لججج ادبسز عدلي حجيج رعنه من صباحيات اسم الله شبيج تخبلتي فرح...عفته ورحت نزلت سويت ريوك كعدت وياهم مااكلت ابد بس شربت جاي حيدر... فروحة تكلي ليش مجاي تاكلين فرح... مااريد كمت ضليت اشتغل واركع اريد واحد يحاجيني حتى صدك هلمره اسوي عركه جبيره ويودوني لماما بس مع الاسف محد حاجاني كملت شغلي جان يجي رضا ويكول رضا...كله من وراج ليش تدعين عليه انتي بسببج صارت المشكلة فرح...اني متحمله ع رضا كلشش جان اكو يمي سراحية شلتهة وشمرتهة علي وشو هذا كام يصيح وصاح ع حيدرياربي شحيسوي بيه رضا...بصياح لج انتي هيج تشمرين علي الدولكة والله الة اندمج حيدر..شكو شكو شنو هل صياح رضا... حيدر يصير مرتك تمد ايدهة علي وتضربني بسراحية المي انتة تقبلهة هاي لو مرتي مسوية هيج جان موشهرتوهة فرح...اجة حيدر بتجاهي ضربني راشدي بكل قوتة حسيت دار راسي بي من قوة الراشدي نشمرت من مكاني ضليت ابجي من كل كلبي اني اريدلي شي اطلع قهري بي وضليت اصيح مااريدكم رجعوني لماما هسه ترجوني لامي مااريد حرام عليكم فوك مازوجتوني واحد بكد جدي حطمتو حياتي الله لا ينطيكم حيدر...بعياط وسمممم انجبي كلمه وحده مااسمع منج ادبسر والله اموتج هسه يله اصعدي كدامي فرح...كمت واني حسيت روحي انهانيت اباوع ع رضا يباوع علي بحقارة صعدت واني ابجي وهو اجه وراي يعيط ويغلط حيدر...ادبسز رعنه صايره صلفه والله اموتج كلبه شعدي شمكعد بيتي كح.... تشمرين السراحيه ع اخويه والله ايدج اكسرهه فرح... واني بس ابجي ابد مجاوبت صار الغده مااكلت احس الكل يطب زهر بطني بعد والله ماتحمل الصار بية كافي تعبت والله نمت واني احس روحي مكسورت الخاطر ماكعدت الا للمغرب ع صوت حيدر وهوة ديصلي فتحت عيني يربي هلكد نايمه كعدت ونزلت سويت عشة كعدت اكلتلي لكمتين وكمت مادري احي معدتي متتقبل الكل من القهر البكلبي عيني ابد مانشفت من الدمعة وكملو وكاموو لميت المواعين غسلتهن ودموعي تجوي بخدي ابجي ع ماما مدري ابجي ع ضلمي الضالمي العالم لي لو عليمن ابجي كل واحد راح الغرفتة واني بقيت مخنوكة احس النفس مكطوع عني مخنوكه اريد ماما ياربي هية ليش متجي تشوفني والله مشتاقتلهة حسيت راح امووت بعد ماتحمل صعدت بالسطح كعدت بالكاع وكمت ابجي بكل قوتي اريد اطلع قهر كلبي ضليت اصيح بسم ماما والله كلش محتاجتج وينج فدوة تعالي اخذيني منا ماريد ابقة عدهم ضليت ابجي وشهكاتي تطلع من كلبي سمعت حيدر يصيح حيدر...شنو هل صووت منو بالسطح فرح وينج......يتببع | ||||||||
|
| |
|
05-06-19, 03:12 AM
| #27 | ||||||||
| مراقبة عامة ومشرفة منتدى الروايات المنقولة
| #قتلوو_برائتي.. الحلقة_الثامن عشر والأخيره فرح...اجه ع صون الشهكات مال البجي حيدر... شسوين بالسطح وحدج فرح...مجاوبتة ضل يصيح علي ويغلط واني بس ابجي حيدر...بصياح يله جايبلي بومه اني يله فوتي جوه فالحه بس بالبجي والمناحه طفرتي روحي بس اني تزوجت صغيره مو هاي زلم وياي بس الظاهر انتي متجين بالعيني والاغاتي الا بالعين الحمره يله متمشين فرح..ما ما مااطب جوه حيدر...بصياح وعصبية وسمممم يلة كومي فرح... خفت منه وفتت مددت بفراشي اخاف حتى ابجي خايفه حيل بس شنو حيدرصاير نااار كبره ميتحاجه طبعا تلفوناته ميسكتن كلساع وداك عليه واحد اخير شي كام من يحجي بالتلفون ينتر وكام يدخن جكاره وره جكاره يمكن خلص 3 باكيتات او 4 نمت كعدت الصبح مكلت صباح الخير زعلانة اني ابجي ع ضيمي وقهري وهو حتى ميقبل ابجي شنو من انسان هذا شال ع خاطري منه هو هم مكالي بس هوة رافع خشمه بس هو وبس ميتحاجه معصب بشكل مينوصف اني هم اخاف منه خليت شويه ونزلت وهوة ورايه سويت الريوك كعدو ديتريكون صبيت اله جاي وخليته كدامه بلا مااحجي جان اخلي القوري جان يكل لعمتي حيدر...يمة انتي صبيلي جاي عمتي....هذا جايك حيدر...هذا مااريده كومي صبيلي غيرة فرح... متت قهر حسيت روحي اختنكت كلش بعد ماتحمل ليش هيج سوه ويايه ضليت بس كاعدة ماكلت شوية كمت كملت شغلي جان حيدر يصيح عليه حيدر...بعصبية وبنتر يله امشي حضريلي غراضي باجر التحق فرح...انقهرت من اسلوبة بس مابينتلة ابد رحت حضرته ورجعت انظف واني مسطوره ليش هيج يسوي فوك ماحيروح ويعوفني نزلت دااسوي بالغده صبيت دنتغده كملنه غسلت المواعين اني صعدت مددت بالكاع جان حيدر مدد ع الجربايه جان اكوله اني ماحجي وياك ابد ابد هو باوعلي تك عين ودار وجهه مجاوبني كتله ليش باجر تروح حيدر... مالج دخل ع الاقل بلكت اشوف بنيه تريحني وتنفذ مطاليبي كزوج الي فرح... فتحت عيوني بصدمة وخوفة تريد تزوج عليه حيدر...اي وليش ضايجه قابل انتي مرتي فرح... لعد شنو حيدر...عود من تتقبليني زوج الج عود ذاك الوكت انتي صدك مرتي بس نايمه يمي شمستفاد منج هااا كليلي تره طفرت روحي منج اسمج تتبجبجين يعني شلون لو كل البنات مثل جان بطلت العالم موتيني شلون وياج كافي عاد صحيح انتي تستحين حقج بس مو لهدرجه تره سويتيهه بلا ملح فرح...نزلن ادموعي و سكتت مجاوبته حيدر... بس اريد اعرف منو صاكرج ع هلسالفه شكايليلج احجي احسبيني نفسج وتحجين وياي بس كليلي انتي منو علمج فزح... ع شنو شبيك خابص نفسك حيدر... وج غمه انتي مترهملج جاره يلة شو كومي تعالي يمي ومالج علاقه فرح...مااا حيدر...بعيطة قوية يطبج مررررض امشي طلعي بره مااريد اشوف وجهج لا انتي مرتي بعد شكو كاعده بغرفتي مااريد اشوف وجهج كبالي فرح...طلعت واني احس روحي حتطلق من القهر كعدت باب الغرفة بجيت لحد مامليت شوية نزلت كعدت بالاستقبال اتفرج تلفزيون شوية واشوف اجتي مها رحت سلمت عليهة كيفت من شفتهة لان بس هية تفهمني مها... شبيج ليش احسج ضايجة وعيونج مورمة بيج شي فرح...اخوج مدري شبي مها... مستحيل الا يضوج من شي يله يعصب كولي شمسويه فرح... سكتت مها... ها شو سكتي ماشي جا حصعدله واشوف شبيكم فرح...صعدت شويه واجتي مها... يامعزايه مو عيب هيج تسوين فرح...كمت ابجي واكله بس يكول عليه تتبجبجين محد يحس بيه والله استحي واخاف ليش هيج متحسون بيه كلمن يفكر بس بنفسه متكولون حقهه كافي اني مااكدر اخاف رجعوني لماما مها... فروحه شنو هل حجي ميصير انتي بعد صرتي متزوجه مو مثلج بنات كومه تزوجن هم هيج سون ليش تخافين منو كالج شغله تخوف اصلن ابد متخوف فرح...ضلت تعلمني مها...يلة هاهيه مو احنه وياج شلون هم هيج سوينه فرح ترة الرجال مرة مرتين يعذر بس بسرعه يمل واني اخويه واعرفه بسرعه يمل ميتحمل حيدرعصبي حيل هو ابويه بشيباته من حيدر يعصب ميجي يمه ويحاجي فرح...مسحت ادموعي وهزيت براسي باي جان تفوت عمتي تكول عمتي... يمعوده سوته بلا معنى مو وياهه بنات بس هية تتعيقل براسنة عرفيهة ختولي لدوخين راسج بيهة فرح...سكتت مجاوبتهة ابد ضليت مدنكة راسي خايفة كلش مها...لايمة فروحة خووش بنية وبعد اني فهمتهة كلشي وهية بعد متعاند ابد موو فرح...هزيت راسي اي شوية وصعد مها لحيدر مااعرف شحجو ونزلتلي مها... شنو رايج نروح للصالون او اكلج ناخذ فره بالسوك ونرجع للصالون فرح...ماشي مها... بس فرح تره من نرجع حيدر ياخذج تره ميصير يكولون عليج مو بنيه اذا تضلين ترفضي فرح...هاا اي ماشي رحنه للسوك اشترينه جهاز كامل من مكياج من عطور من ملابس من سيتات ماخلت شي بنفسي بس عمو الي وصلنه للسوك تاخرنه حيل هو ضل ينتضر بينه كناله نروح للصالون رحت للصالون سوتلي تنضيف الجسمي وسبحت يم ام الصالون لان جان عدهه حمام وبلشت سوتلي تسريحه بسيطه فل شعري بس خلت باف وفلت شعري بس سوته بيرمن وكذله صفح ومكيجتني مكياج يجنن نازك وحلو مكثرتلي كالت لان صغيره بس شنو طلعت غير وحده يجنن عليه تغيير مها خابرت ع عمتي وكالتلهه خلي حيدر يطلع من البيت عمتي كلتلهه هو اصلن طالع رجعنه تعجبت بيه وبسرعه صعدت للغرفه مها خطيه خلت الغراض الي شترناهن بغرفة عمتي وصعدتلي لبستني السيت الابيض مها...ابد لترفضين رجلج صيري حبابه فرح...وضلت تقنع بية وتعلمني ومنحس الا الباب ندكت حيدر اجه 😳 عزه جلبت بمها مها... ها شحجينه يله حبابه صيري اخويه ع كيفك وياهه خطيه عود لتاذيهه حيدر... ان شاء الله هي بس خلي تسمع كلام واني مااذيهه مها.... لا هي حبابه طلعت يلة اخذوو راحتكم فرح... مها عافتنه وراحت اني ضليت ارجف من الخوف ماعرف شسوي راح وراهه سد الباب وقفله واني كلبي حينفجر بكد ميدك اجه يمي نزع ملابسه ضل بس بالداخليات جنت كاعده ع التخم اجه باسني وكال حيدر...اليوم شطالع حبيبي فرح...وباسني ضل يبوس بيه ورجع شالني من التخم خلاني ع الجربايه وضل يبوس بيه لحد ما حسيته اختلف صار غير انسان........وكملنه كام فات سبح ورجع حيدر... يله حبيبتي كومي سبحي فرح...كمت فتت سبحت وطلعت من الحمام حيدر دك ع عمتي تصعدله صعدت عمتي....ضلت تهلهل وتبوس بحيدر وتبوسني عمتي...بالخير يمه مهناين حياه سعيده ان شاء الله وان شاء الله الولد الصالح فرح...مدت ايدهة وطلعت من جيبهه 25 ونطتني رجعت نزلت ضليت اني وحيدر وحدنه كلي حيدر... هااا تستوجب هذا الخوف شسويتي بية شلعتي كلبي فرح...دنكت وسكتت غيرت الجرجف وعمتي وصعدتلي الغراض خليتهم بالغرفه شويه و نزلنه الكل باركلنه بس اني ميته خجل ونطوني فلوس من ذاك اليوم حيدر تغير عليه صار يحبني حب مو طبيعي ومدللني ومخليني بعيونه ومحد يحاجيني الي يحاجيني حيدر ينتقم منه وهو هم صار حبيب قلبي شكد جنت احبه حبيته بعد اكثر واكثر هو صار ملك كلبي لحد ما مشت ايامنه تاخرنه سنه ماعدنه اطفال بس بعدين صار عدي حاليا بنات 2 فطومه وزنوبه ربي يحفظهم اليه هنه وابوهن...... بس ارجو من البنات يدعلي التقي بامي لان لحد الان مصارت والتقيت بماما ادعولي التقي بيهه اني نشرت هاي القصه حتى ابين للبنات انو لتثقون باي احد هاي اني ثقيت بمريم وشوف شصار بيه لاحضت شي بالبنات انو هواي ينتقدوني لان ابجي اولا هاي القصة ب 2016 يعني عمري 16 سنه وبعدين كلشي مااعرف جنت عايشه بحياه تختلف عن حياتهم مدلله وبس دارستي همي الوحيد ورحت يمهم حياتهم تختلف بشكل عن حياتي وبعدين يكولون سوتهه بلا ملح ع الرجال ترفضه لا اني جنت خايفه لا محد معلمني فهذا الشي حقي ولو اي وحده بمكاني تسوي هيج وااكثر اني بسبب الانتقادات نهيت القصه تحياتي لكم فرح اشكر جميع البنوتات الحزن ع حزني والفرحن ع فرحي حبايبي القصة نهيتة بسبب الحجي السلبي لاكلش داضوج جنت بنفسي اشارك حزني كلة وياكم بس هسة ماكدر سمر...بنات معليكم بفرح🤣 انتضروني بجزء ثاني تحياتي لكم قلبوشاتي احبكم كلكم شلع قلم النهاية## | ||||||||
|
| |
|
05-06-19, 03:27 AM
| #28 | ||||||||
| مراقبة عامة ومشرفة منتدى الروايات المنقولة
| رابط الجزء الثاني من الروايه https://www.rewity.com/forum/t450658.html#post14331557 التعديل الأخير تم بواسطة فيتامين سي ; 08-07-19 الساعة 03:11 AM | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
العرض العادي
