12-05-19, 01:27 PM
| #21 | |||||||||
| عضو ذهبي
|  الفصل جميل💟💟 يعني هادي وازل حبوا بعض بس لسة ماعرفنا قصتهم وهو درسها في المدرسة وليش هي رافضاه وهو الي انقذها هي واختها الحقيرة 😠😠الي بتحفر من وراء اختها الحقيرة بعد ماورطت اختها واختها الي ساعدتها كمان تعمل فيها كدة وبعد مااتجوزت اكيد حاقدة عليها عشان هادي بيحبها ..اخوها عامر كويس كثير وحنون على ازل عارف حقارة اخته ..منتظرين الجاي وحابين نعرف كيف اتخلصوا من جهاد وكيف بدت علاقة الحب بين هادي وازل 😍😍 | |||||||||
|
|
12-05-19, 02:02 PM
| #22 | |||||
 
| اقتباس:
حبيبتي نورتيني، بس هادي ما درسها هو صاحب نادي شبابي ومحتاج كادر نسائي لهذا اخذ اذن من المديرة حتى يكلم الطالبات | |||||
|
|
|
13-05-19, 09:49 AM
| #23 | |||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي  
| ياترى هادي هو بطل حكاية ازل او سيظهر لنا شخص اخر ؟ كيف سيتم انقاذ وهج من جهاد الحقير خصوصا انه احتفظ بالصوره ؟؟ وما دور الشخص المجهول بانقاذ وهج مافهمت ليش وهج هيج سوت بالغرفه .. هي ممكن تفتش وادور وراء ازل لكن ماكو داعي هيج تهجم الغرفه .. اكيد التنبيش ميحتاج تنثر الملبس ولبزباله ... عادي ممكن ادور بدون ان تترك اثر لكن بهذه الطريقه قطعت كل علاقخ بينها وبين اختها يمكن حتى بعد مدخلهه الغرفه ماشاء الله الروايه مملوءه بالغدر من كل صنف ولد وبنات بس شيء لفت انتباهي قول حنان عن ازل اشطر بنت وبالتالي المعدل 60 وماكو صدمه قويه وكأن الموضوع عادي عدهه وعند اهلهه بانتظار انكشاف الاسرار | |||||||
|
|
|
13-05-19, 06:36 PM
| #24 | |||||
| اقتباس:
اي عزيزتي هادي البطل وبالنسبة للمعدل لان ازل رح تمر بظرف قوي او مرض يخلي اهلها مايكدرون يحاجوها بشي | |||||
|
|
|
13-05-19, 06:43 PM
| #25 | ||||
| يقودني اليك شوقا لا ينتهي و يردني عنك جرحا أنت صاحبه بعض البشر تحتار شنو تسويله حتى يصير خوش انسان، بس طبع البيه يزيد ما يقل لو تنطيه عيونك،x واكو بيهم الغدر شي بسيط عدهم يدور على زلاتك ويفضحك بيها، واكو بيهم متروس عيوب ويجي يتمنطق براسك، الجواب الوحيد لهج نماذج "بويه روح اصفن بالمراية وباوع لروحك... ياعيني ادرس نفسك وشوف شبيك ما بيك.. يااخي رح تلكى نفسك مليان عيوب مليان لاتجي وتصير براسي نظيف وانت الوسخ البيك طلعت ريحتها والناس شمتها... كافي تضحك الناس عليك ..البشر مو مثل قبل عايش بنية بيضة... لا والله هسة الطفل يعرف كل شي) بغرفتها تروح وتجي وتدردم على اهلها لان صغروها كدام زوجها، حاول يهديها بس فاصلة كلش :انا بابا يعيط بيه علمود هاي الماتستحي وشدعوة عليها واذا خربطت ملابسها ..ردت اشوف شي يعجبني منها البسة... باوعلها بنص عين: متاكدة بس هاي غايتج دارت عليه: شنو تقصد... انا مخبثة وياها... اكيد انت هج تقصد... لا متوهم من جريت الملابس طاحن الكتب ..وانجرت وياهم صندوگ الهدايا ملاتها وكم هدية بسيطة انكسرت ومن ردت انظفهم شالي شكل بتحفية تحبها هي وانكسرت عادي يعني مامتقصدة محمد: واضح مامتقصدة... وهج البينج وبين اهلج مالي علاقة بيه...وما اريد تتكرر سالفة اليوم ابد، يعني مو حلوة بحقج كظامي يخابرج ابوج يهينج. وهج: لا والله شنو يعني محمد: انا تعبان واريد ارتاح مابيه على سوالف ماتوكل خبز ...روحي جيبي حيدر وحطيلي لگمة اكلها الله وكيلج من الصبح واكف على رجلية عبالي تتلكيني بسالفة وضحكة حلوة طلعت من الغرفة ما راضية على رد زوجها شافت ابنها بحضن بيبيته :تعال حيدوري ام محمد: خلي بحضني اتونس عليه اليوم ماشفتة وهج: ابوه يريده ام محمد: ميخالف بنيتي... كليلة عند بيبيتة وهج: خالة هو شنو اروح واجي اني بينكم ..كلتلج ابووه يريده يلا حيدر امشي ناقصني تمثيل المحبة سمعت من وراها :وهج !! دارت عليه وضربها على خدها فرها فر :من يمتى هج تتعاملين وي امي هااا احجي لج... خاف اهلج ما يعرفون يربوج... انا اربيج من جديد شنو هل وقاحة شلون انطاج گلبج تكسرين بخاطرها... مو هي مرة جبيرة وهج: انا ماقصدت الاساءة راحت لامة وباست راسها :والله ماقصدت اذا تردين يبقى يمج ينام ام محمد: مازعلانة منج بنيتي بس اتفاجئت اول مرة تحاجيني هج يجوز تعبانة ..وانت وليدي على كيفك وياها محمد: رح انام الساعة 7 الصبح كعديني وهج: شلون اتنام وانت مامتعشي محمد: شبعت كل شي ما اريد منج وهج❗ اعصابي تلفانة اول مرة بابا هج يعيط بيه... ضجت كلش وفوكها الاستاذ مايحب يسمع مشاكلي حجتة تعبان طلعت ضوجتي بخالتي ومادري بيه واكف وراي... من ورى لساني حصلتلي راشدي معدل دار راسي انا ماحب ااذي بشر ..بس طبع بيه من اعصب احرك الاخضر واليابس وبعدين اندم... انصدمت من شفت صورته بتلفون ازل.. يعني من فضحتني واتزوجت غصب بسببها ..وعذرها لمصلحتي ...صح ماشفت تجاوب من ناحيتها بالرسائل... كل رسائلها تطرد بيه بس ما انكر هي تحبة رحت للمطبخ حضرت عشة له... حطيتة كدامة ورحت للحمام غسلت جسمي ولبست دشداشة قصيرة.. وكعدت اكبالة باوعلي ودار وجهة: حبيبي اسفة عدل كعدتة وصفن بوجهي: انتي ليش مجاي تحاولين تفهميني.. ليش عندج الرجال مايهمة بس جسم المرة وشهوتة... مو كل رجال هج ..اكو بيهم ينظرلها شهوة بس... واكو رجال يحترم المرة ..انا ملاحظج بس تردين تسيطرين عليه... بجسمج انت متوهمة.. الزواج مو بس نوم واطفال لا تعاون واستقرار تبادل رأي... الشي الي اقصر بيه انتِ تكمليه.. البيت اغيب عنه المفروض انتِ تصيرين مكاني ام البيت هل تشوفين امي مرة جبيرة لا تكدر تشتغل ولا تكدر تسوي شي كل الي تكدر تساعدج بيه هي تسكت حيدوري... وانت تعرفين بس انا عدها وخواتي متزوجات دنكت راسي بعد هاي المحاضرة: فهمت اخذ ايدية بين ايديه: لا مافهمتي... انا اريدج حبيبه وام واخت وصديقة وعشيقة... اريد وعد تتغيرين.. واختج احتويها بدل تعاملج وياها مو حلوو... يجوز تلكيها بحاجتج مسح دموعي وحضني حسيت الامان بحضنة.. من صدمتي بجهاد ظليت اباوع للزلم كلها نفس النظرة... جذابين ومايهمهم بس جسم المرة ******** المكان بيت ابو عامر غرفة ازل تحديدا الزمان التاسعة مساءا رجعت كل شي مكانة ورتبتة مع بعض التغييرات كعدت ورى مكتبها تقرأ كتاب لن تجدي رجلا كأبيك جانت مندمجة وهي تقرأ لحد ما صار ظل فوك راسها وشي انحط كدامها رفعت راسها لكتة اخوها :عامر خوفتني عامر: اسم الله عليج باوعت بوجهة جان مبتسم بس عيونة بيها لمعة حزن: صاير شي كعد اكبالي على ركبتة :جبتلج التلفون ..تتهنين بيه ونزلتلج برامج ورتبتة الج ..خطج القديم عوفي حطيتلج واحد ثاني... بعد شنو تردين صار عندج نت وتكدرين تقرين الكتب الي تحبيها من فرحتي حضنتة حيل: احبك يااحلى اخو بالدنيا ربي يفرحك دنيا واخرى.. وتحصل وظيفة وتتعين ... ويرزقك ببنت الحلال الي تسعدك عامر: فدوة لگلبج ربي يسمع منج ازل: مالكيت وظيفة عامر: قبل لا اجيج جنت يم صديقي واتفقنا نفتح مشروع صغير.. ازل: الله يرزقكم ويوفقكم عامر: يلا تصبحين على خير ازل :اجمعين ابتسمت له بعد ما سد الباب كعدت على الكرسي واباوع للثريا شلون تبدل بالالوان رفعت عيوني للسقف واخذت نفس ..عرفت الذكريات رح تهاجمني ..الي مثلي وكع نفسة ضحية ذكريات مستحيل يتخلص منها او يكدر يحس بطعم الحياة حتى تلفوني الجديد مالي خلكة تذكرت مقطع قريتة من كتاب لن تجدي رجلا كأبيك "لا تتواضع في الأشياء المتعلقة في قلبك حتى تتأقلم على تنازُل لا تستحقه..فمن يريد قربك لن يرحل ومن يريد حبك لن يَعدِل ، سيميل نحوك رغماً عنه " فعلا حتى نتأقلم وي وضع لازم نقدم تنازل... نفسيا قبل لا يكون فعليا.. اما بالنسبة للراحلين فأنا اتفق ان اليحب مهما تكون ظروفة لوكان يحب صدك مو من حقة يغدر او يبتعد او حتى يخون... ويدور بعدين حجج واعذار مستحيل المقابل رح يعذرة لان جرحة مارح يلتئم بسرعة... انا من اليوم الي شفت وهج صاعدة وياه بالسيارة.. انعدمت بقلبي المسامحة والغفران.. صدمتي جانت اقوى صدمة بحياتي.. لو ضاربتني بسجين بوسط قلبي ولا اشوفها هج... البعض صار عندة عادي بنية تطلع وي ولد غريب باسم الحب.. لكن اني وعائلتي وحتى مجتمي ضد هذا الشي لان ما اجتمع رجل وامرأة الا الشيطان ثالثهم بعد ما رجعت من المدرسة بذاك اليوم جنت كارهة كل شي بحياتي ..دخلت للبيت كبل للغرفة طلعتلي دشداشة ...ورحت للحمام وكفت تحت الدوش بملابسي... وفتحت الماي البارد بلكت يبرد اعصابي... بعدها نزعت ملابسي وحطيتهم بالغسالة وشغلتها.... كملت حمامي وغسلت ملابسي نشفت شعري بالشسوار وطلعت... دورت على امي لكيتها نايمة عفتها ورحت للمطبخ حميت الغدة لان مابقى شي على جية ابوي واخوي ومادري الخانم تجي لو تتغدة برى حضرت الطاولة وكعدت امي حاولت اشغل نفسي بكلشي ولا افكر بالموضوع... رحت للغرفة لكيتها صاير بيها انفجار... من كد ما عقلي مشغول ماشفت الهوسة من دخلت... نظفتها ورتبتها... فتحت التبريد وعطرت الغرفة وطلعت.... وصلت للمطبخ الجو هادئ بس صوت الخواشيگ( ملعقة) تطكطك بالمواعين ابتسمت من دون نفس :الله يساعدكم جاوبوني: الله يساعدج اتاخرتي ازل: غير لكيت قنبلة مفجورة عامر: هههههههههه مابيه اضحك... دخلت الصبح ردت اخذ زيت منجن وشفت الهوسة كلت وين الكاه ازل: مصيبة ام عامر: اليوم مو اتاخرتي بالمدرسة واجيتي تعبانة ووجهج اصفر صاير شي كلام امي خلاهم ينتبهون عليه ابتسمت بوجهم: شبيكم اليوم اجونة لجنة من النادي يردونة نشترك. .ويكولون اكو دورات تعليم على الحاسبة ومسرح ونادي رياضي ..هو من الفارغ يروحلهم عامر: يا هذا نادي جديد فاتحينة دخلت اختها من باب المطبخ :السلام عليكم ابو عامر :وعليكم السلام مريت للجامعة مالكيتج باوعتلي بقلق وهج:اخذونة محاضرة اضافية بقسم الجغرافيه باوعتلها بخبث:عاد اتونستي بهاي المحاضرة لا وهج:يعني عادي ازل: شنو مبدلين سايقكم شو اليوم شفتج بسيارة جديدة وهج: اي سيارتة خربانة واجة قرايبة اخذنا ازل:هااا زين كعدي تغدي لو ماكلة بالجامعة ابتسمت :لا جوعانة اغسل واجي كملت غداي وانا مقررة احجي لامي كل شي بعد مااكدر اسكت اليوم ركبت ويااه سيارة باجر تروح غير درب ..بس شي واحد خوفني عيونها صايرات حمر وكأن باجية اهواي وهج💀 بعد ما انسدت بوجهي لان اختي شافتني وادري مستحيل تستر عليه... خاصة توها لمحتلي بعد ماعندي حل غير اساير جهاد حتى نسكتها... دورت على تلفونها لكيتة جوة مخدتها رحت انقل كم صورة منها مالكيت كلهم حاذفتهم ..بس صورة وحدة اخذتها... ..جذبني رسالتين من رقم مامسجل ودائما هناك امل بأن يكون لنا في الغيب شي جميل🙂 يستحق منا الانتضار🙏🏻 مسحتها حتى لايبين انا فاتحة تلفونها و اخذت تلفوني وطلعت من الغرفة اجت بوجهي ازل باوعتلي بحقد توترت من نظرتها عبرتها ورحت ركض للمطبخ... . ***** طلعوا من المدرسة والتعب امبين عليهم :لك رح اروح بوجهي للبيت وكبل للفراش ..حنجرتي اتشككت من كد ما عدت بالحجي وانوب هاي المديرة غثتني كلش دار عليه صديقة: الحلو تكول ما دخل ولد على بنات مدرستي ماتدري بيهن يذبن ارقامهن من الطابق الثاني.. وبعدين عزيزي هادي لازم تروح للنادي هادي: اي العصر اروح هسة اتعارك وي المدير بس اروح سكت اشوي ورجع ضحك: اكلك شفت هاي ام كذلة صفرة هادي: خرب اول مرة اشوف حواجب تنصبغ حوافها اصفر صديقه :اي مو هذا التطور ...يتعاجزن ينظفن وجهن يحرگنة بالاوكسجين انوب من تتقرب تحجي وياها تشمئز روحك من المنظر كل شعرة اطول من شعر رجليه ولونها اصفر يكول قرد اجنبي هادي:ههههههههههه قرد اجنبي..المهم خل نروح بسرعة للنادي لان تعبان اريد ارجع للبيت صديقة: مو كلت اروح للبيت هادي: لا خل اروح هسة حتى العصر عندي شغلة اريد اروحلها... اكلك شفت هاي الهدت على المديرة... ردت اكوم اصلخها براشدي ..قهرتني تباوع علينة وتكول وووع صديقة: بس صاكة ترى شلون عليها جسم لا بشدة وصلوا لباب النادي :انا رايح كبل للمدير عافة وراح لغرفة المدير دگ الباب وفتحة :السلام عليكم المدير:وعليكم السلام اتفضل اكعد واحجيلي شسويت جمعت اعضاء للنادي هادي:رحت كم مدرسة وجمعت عدد قليل المدير:انت تعرف اذا مااانضم لنا كادر نسوي رح نفشل هادي:لا ماانفشل عندي مخطط ثاني صفن بوجهة:مستحيل الي تفكر بيه شلون نخلي ولد ياخذ دور بنيه ابني هذا مهرجان ترى رح تشوفة اهواي طبقات ثقافية هادي:سويت الي عليه وبقت يمك ماكو اهل يقبلون بتهم تجي تتمركص وي الشباب ،..هذا العندي واذا ماعاجبك انا اطلع من السالفة عافة وطلع وهو طالعة. الدنيا من. عينة من كد التعب هادي🕹 ضحكت بداخلي لان اعرف مايستغنى عني وانا الي امشي النادي على مزاجي ...تعودت وانا صغير انا احكم محد يحكمني ...بسبب الظروف الي مريت بيهن وفقدان والدي وانا عمري ست شهور خلاني اتحمل جزء من المسؤولية .. طلعت تلفوني اتصلت بيها مغلق... دزيتلها رسالتين ولان النادي مو هلكد بعيد عن بيتنا بسرعة وصلت شفت ابن عمي يم بيت جدي يلعب وحدة باوعلي وصرخ: عموووو شلتة وانا ابوس بيه :ولك ليش طالع مو اتفقنا ماتطلع من البيت الظهر مااتخاف من الحرامي جاوبني ببرائة: انا رجال مااخاف اكتلة ببندقيتي ضحكت من قلبي ودخلتة البيت... عطت بيهم: شلون مخلين حسوني برى ماتخافون عليه جاوبتني خالتي ام العلوم:شدعوة عليك وين طالع هو بالحديقة رديت عليها بعصبيه:انت سكتي الفگر لاتحجين ضربت على خدها :ولك انت صدك ماتستحي شلون تكول على خالتك فگر الا اكول لامك عليك هادي:كليلها بس فكينة عفتهم وطلعت وانا شايط من العصبيه وصلت للبيت سمعت امي تخابر شفتها تخوزر بيه عرفت خالتي الفگر خابرتها عفتها ودخلت الغرفة اجت ابالي الابنية ام عيون خضر مدري صفر... ماهمني موقفها بالادارة بس دخلت صفها ..طلعت صف رابع... جانت كاعدة اول رحلة المدة الجنت موجود بصفهم ماشالت عينها وباوعت عكس البقية ..عجبني تصرفها الله يخليها لاهلها ويستر عليها... سمعت نغمة تلفوني دورت عليه لكيتة جوى ملابسي رفعتة وانا مامصدك الي يتصل عليه ****** بيت ابو عامر /غرفة البنات باوعت بخبث لأختها المشغولة بكتابة المحاضرات الفائتة وغنت بصوت ناصي بس مسموع : علمتة اللعب لعب عليه رحل عني وعسى الله لا يجيبه..عساك بمرض واخلص منك يامن كلتلي ورى سنة اخطبج اشو دخلنا بالسنتين وانت ماكووو ...وعلمتة الجذب جذب عليه اخذ الحذر ياگلبي لاتصير قشمر مثل هيج بشر لاتعشگ وتمرمر هلا هلا لاصدكة ياكلبي واحذرة دووم اذا هل مرة عدت ماتعدي دووم باجر تلكة خبرك يم ابو عموور وتكنتل كتلة حتى تتوب اخذ الحذر ياكلبي لاتصير قشمر احم احم خوش اكتب شعر غنائي المفروض اصير شاعرة وهج🙁 من دخلت للغرفة وشفت نظرات اختي المحتقرة الي ..شفت كاضة تلفونها خفت من يمي... كعدت اكتب محاضراتي واسمعها تغني وتبسمر ... بعد شيخلصني منها ومن لسانها رح تذلني ذلة.... سمعت صوت رسالة وصلتلها ..شفتها صوفرت وكامت ترجف ..انوب رفعت راسها وظلت تضرب على خدودها :الله لا يوفقج شمصخمة.. ولج مابيه احجي شمسويه انت وهج: شبيج ازل شمسوية انا رفعت التلفون بوجهي جانت رسالة وسائط ..جمدت بمكاني :مستحيل لا لا مو انا اباوعلها ظلت تفتر بالغرفة وتحجي حجي مخربط: لج دمرتي روحج ودمرتينا وياج انت تعرفين هذا نشر رقمج ما ينشر صورج ياغبية تعالي كعدي احجيلي شصار وياج حجيتلها كل شي حتى عن صورتها شفتها صفنت بوجهي وبعدها ظلت تضحك وتبجي ازل خنكتني العبرة وبجيت من قلب هاي اول جرح مميت لي... بوقتها تخبلت ساعة اضحك ساعة تبجي فوگ ما دمرت روحها تتفق ويااه على اختها حتى بس تسكتها اذا انت تدرين جاي تسوينة غلط ليش مستمرة... صح هي ما رسلت الصور بس نيتها ترسلها ..اووف هم عندي اخت مثل الباقي اسمع صديقاتي يحجن عن محبة خواتهن لهن وانا اختي تساومني ******* طلع من الحمام... لبس ملابسة ..شسور شعره واتعطر اخذ تلفونة وجكايرة... طلع من الغرفة :يالغاليه انا معزوم بيت علاوي ام هادي: يمة يحرسك ربي هادي: يمة بلغي دنيا باجر السايق مايجي ..انا اوديها ام هادي: ماشي طلع من البيت وكف اكبال سيارتة :اتمشى احسن الي بعد دقائق وصل لبيت صديقة... .كعدوا يم الباب ...جان خال صديقة موجود... كعد يمهم وبين السوالف على البنات: شلون ابنية اتعرفت عليها من سنة... الا بشدة ..خو عدها اخت حطيتها بعقلي كون اجيبها للدرب مابقيت واحد مادزيتة عليها وما فاد وياها دار عليه علي: لاتكول بعدك على هذني البنات خالة: اييي اليوم كصيت صورة لها وكتلها اذا ما تخلين اختج تجيني انشر صورتج علي: ولك هادي تذكر من انطيتك رقم ابنية ..هي نفسها هادي: الرقم النهايتة 93 خالة: هذا رقم اختها ..وشنو انطتك مجال لا هادي: لا ماترد علي: جهاد اذا هج فك من الابنية يجوز مو مثل اختها جهاد;:وداعتك كلهن بالبداية هج بعدين يبيعنة هادي✴️ من رحت يم صديقي عرفني على خالة ماارتاحيت له... ظل يحجي عن علاقاتة وكم وحدة لاعب عليها وحتى المجدايات ماسلمن منة... اخر شي حجة عن علاقتة ببنية وشلون يهدد بيها بس اختها شالعة گلبة ويري ينتقم منها من راواني صورتها حسيت شكلها مو غريب وبهل اثناء وكفت اكبالنة سيارة سودة نزل منها شاب بعمري ومرة متوسطة العمر يمكن بثلاثين ... سالوا عن جهاد وعلي... شفتة ظل ينطي اللوان حجة وياهم علي على صفحة اشو هذا كام وحتى تلفونة عافة عندي... انا ماكلت باطل عرفت هذول اهل الابنية لان صوتهم جان عالي... مسحت صورة الابنية ورحت للمحادثات هم مسحتهم وارقامهن... وفرمتت التلفون وسويت نفسي وانا كايم شمرت التلفون على الرصيف اتكسر... مادري ليش استخطيت هل بنات ..وانا مندمج بجريمتي رفعت راسي... وصارت عيني بعينهةx ، جانت مستغربة تصرفي ..ظليت صافن وين شايفها ..بعدها عرفت هي نفسها الابنية بالادارة ..اذا جانت الي بالصورة اسمها وهج يعني هاي ازل ابتسمت لها ورحت يمهم :السلام عليكم اعذروني على التدخل بس صوتكم كان عالي الشاب: وعليكم السلام خوية ممكن تخلينا وحدنا شي عائلي جاوبتة: خوية تسمع. مني... انا علي صديقي واعرف شنو اخلاقة بس خال علي ماعرفة واذا هو ملاحگ بتكم ..اخذوها من هل الرگبة بعد مايتعرضلها وانا اوكف بوجهة الشاب: مشكور خوية والله يكولن حتى مشتكيات عليه اليوم ابتسمت بوجهة: ممكن نبقى على تواصل خاف يضايقهن حتى تبلغوني الشاب: اي هذا رقمي* *********** خزنتة بتلفوني واسمع احلى دعوة من امه: يمة فدوة لطولك روح ربي يستر عرضك وينطيك الصحة والسلامة والتوفيق بحياتك اقتربت بست راسها وهي انحرجت :مشكورة خاله بعد ما راحو باوعت للسيارة وصارت عيني بعينها مرة ثانية ليش گلبي اتخربط حالة... اخذت وعد على نفسي تقديرا لهاي العيون الحلوة رح اظل انا احميها... صح انا شاركت جهاد وهددتها بس اكيد ما رح اضرهاx بعد، بس اجربها تلين لو تظل صامدة ويارب ماتخيب ضني... .ما رسلتلها اي رسالة خوفا عليها رجعت لمكاني وطلع السبع :وين راحو اليوم الا اعلمة اختة شمسوية.. شنو جاهل يشتكون عليه.. مايدرون منو جهاد دفعتة من كدامي :خايب كم وينك من اجو شو صوفرت ورحت ختلت... ماطلعتلهم جهاد: لا ماختلت... وين تلفوني ابتسمت باحتقار: حضرتك من كد مامستعجل شمرت التلفون وركضت طبيت جوى وهل تشوف حالة مكلوب شكلة جهاد: لااااا توني مشتريه ..وبيه اكبر دليل هاي ال.... جذابة هي واختها ..بس بشرفك شفت الاماية شلون صاكة هادي :شوف انطيت الناس كلمة ..بعد ماتتقرب للبنية.. بس اقسم بالله اذا شفتك لعبت بذيلك اعتبر نفسك منقول من شغلك لابعد مكان جهاد: وانت منو يابة ..لا الوزير هادي: انا هادي واكبر واسطة عندي وعلاوي يحجيلك باوعلة علي: لا تتحارش بيه يوديك ورى الشمس لعبت روحي منة هم جذاب وهم يبيع براسي فيكات كمت من يمهم: انا رايح للبيت علاوي: شنو رايح والعشة هادي: خوية خليني اروح ..احس صعدت عندي علاوي: لحظة ابدل ونطلع طلعنا نتمشى لبيتنا علمود اخذ سيارتي جان يدور عليه: عبالك ماشفتك من كسرت التلفون هادي:نقذت حياة انسانة مالها ذنب ..وشفت امها شصاير بحالها علاوي: يمة النسوان مال حرك شكو مصيبة من وراهن هادي: لاتحجي مثل خالك ابتسمت اليوم لاول مرة تلتجأ الي هاي الشالعة كلبي من طلعت من الحمام سمعت نغمة تلفوني شفت رقمها يتصل لا ما اصدك :الوو شنو شعجب سمعتها تبجي :خوية دخيل الله ودخيلك... لاتنشر صورنا استغربت :ياصور !! سكتت شوي واسمع وحدة تحجي يمها: خوية انت مو صديق جهاد... هو انطاك رقمي ..هذا يريد يفضحنا ظليت صافن :يا جهاد ....شتحجين انت... المن منطية صورج صرخت بذاني: لك مامنطية صوري مادري ليش گلبي اتعاطف وياها كعدت على الجرباية :اهدأي وفهميني يمكن اكدر اساعدج ظلت ساكتة ووحدة تحجي وياها :اكلج انطيني الي يمج احاجيها... افتهم منها سمعتها تكللها تعالي حاجي انا ماعرف احجي وي ولد انت خبرة... ابتسمت وكضتني الضحكة.:الوو خوية هادي: وياج... ممكن تحجين بالتفصيل شنو صاير وياكم ..لان مافهمت من الابنية القبلج هي حجتلي كل شي وبالتفصيل حبيت اساعدهم لان عرفتة منو المقصود وادري بيه جذاب ..كلتلهن على الخطة يبلغن اهلهن واحد يضايقهن ودليتهن على بيت علاوي... لان ادري بيه يبات يمهم اليوم وكلتلهم رح اروح يمهم هسة... وفعلا نجحت الخطة بس الي شي ماتوقعتة الابنية الي شفتها بالمدرسة هي نفسها الي صارلي كم يوم اتحارش بيها لا وانوب اسمها ازل... ********* المكان بيت ابو عامر الزمان الساعة الثانية مساءا وهج& بعد ماعترفت بكلشي لاختي... مهما يكون انا غلطت والله يحبها ونقذها قبل لا يلعب الشيطان براسي وارسل صورتها... شفتها تخبلت ساعة تضرب خدودها ساعة. تبجي وساعة تأشر عليه وتضحك... كلتلي هذا الرقم الي يتصل عليه يجوز متفق ويااه كلتلها يمكن اشوفها اخذت تلفونها واتصلت سمعتها تحاجي وتأشرلي شنو اكولة بعدها طلب يحاجيني... وصدك ارتاحيتلة وحجيت ضيم گلبي كلة ..كال رح اساعدكم وانطانة خطة جنت خايفة من اهلي... كلالي انا رح اروح يم بيت اختة... وصدك ازل صاحت عامر وحجتلة واحد يومية يتحرش بينا وكلتلة حتى اشتكيت عليه عد شرطي.. وانطتة العنوان الي انطانياه الولد... كلتلة اشوفة يطلع من هذا البيت... حمدت ربي بيت اختة على طريق مدرستها... اول شي رزلها عامر لان هاي الايام ماحجت وبعدها كال العصر نروحلهم... عامر راح حجة لامي اجتنا انطتنا المقسوم... عاد اختي مادري شلون لزمت نفسها ماعصبت ادري بيها نار ماتتحمل بس ردت عليها: يمة تذكرين ابن جيرانة لهسة يذب حجي من افوت كل شي ما سويتو ...هم كلت ما رح تسون شي العصر رحنا صدك وانا خايفة ظلينا بالسيارة... ننتظر شيصير شفتة كاعد يم ولد اثنين... من شاف اخوي يسأل دخل للبيت... دارت عليه ازل :مو كتلج مو كفو... اكلج باعي ذاك الولد نفسة الي اجانة ابو النادي المهم شفناهم راحو على صفحة يحجون وبقى الثاني كاعد... عبالنة الولد الي حاجيناه هو نفسة الي يحجي وي عامر.. جنت صافنة على عامر والولد: ولج وهج باعي هذا كسر التلفون... معقولة هو درت عليه جان يتلفت خاف احد شافة انوب صفن علينة وراح يمهم اشوفة يحاجي عامر.. ويهدي بيهx حجت وياه امي وهذا باس راسها ابتسمت شفت امي صارت طماطة :باع امي استحت ازل: اكلج هذا زحف على امي ..بس ترى فد شي شوفي عضلاتة وهج: منو هاي تحجي هج ازل: اي اضوج من الولد بس من اشوف واحد هج مواصفات انا ازحفلة وهج: رقمة عندج عاد شلون عليه صوت باوعتلي بنص عين: انجبي بعدني صغيرة على هل سوالف وماحبهن خل نخلص من مصكوع ونخلصج من هل ورطة انوب افكر اصاحب خخخخخ وهج: لا ازل انا تبت والله بس اذا هذا عادي ارجع عن توبتي فديت الطول ..لج باعي خرب يمة ذبت ازل: كافي بلا لغوة زايدة... من وراج جان انكتلنة اليوم ..بلا انا اترزل رزالة معدلة بدون ذنب وهج: اخيتج اني ازل: هو شنو مطيح حظي غير انت اختي جاي ارد عليها واجو عامر وامي كالو كلشي انتهى هذا الولد اتكفل وحتى اخذت رقمة... كرصت ازل وغمزت لها ..همستلها: دباوعي شلون صافن عليج اذا ما طلع يحبج فلا اطلع وهج غمتني وماحجت بس هي دارت باوعتلة ورجعت تحاجي امي ازل🎶 احس مثل بلاع الموس... كل شي ماكدر اسوي بعدها اجت فكرة ان الرقم الي يراسلني يعرفني ومعرفتة ما اجت من غريب اكيد من مصكوع.. كلت اجرب حظي اذا التجأت له بكلت يطلع ابن حلال ويساعدنا ..وفعلا اتصلت بس احس نفسي صخنت وايدي ترجف حجيت وياه حسيتة مستغرب اول شي.. خرب حضة شلون صوت رجولي وبحة حلوة بصوتة... توسلت بيه وشفت تجاوب وياي يعني لا ابتز ولا استغل الفرصة حتى يساعدني ..طلع كد النخوة ..وفعلا ساعدنا ومن رحنا لبيت اخت المصكوع... شفت هذا الي اجانة استغربت كلت بس لا هو وفعلا طلع هو فهمت بنظراتة الي يطمئني... وقبل لا نرجع درت عليه هز براسة وسوالي اوك بأيدة... ارتاحيت بس ظليت متخوفة... اباوع لوهج مرتاحة نفسيا ..اي مو تعبت وانا اكلج يولي اتركيه وانت تكولين احبة من شفتي وجهة الحقيقي يلا صدكتي... انوب هاي مااتوب انوب خلت عينها على الولد كلش ضجت بس مادري ليش حسيتة شي يخصني الي بس ماحب اسمعها تتغزل بيه... اختنكت كلش وصعدت عندي العصبيه فول حجيت عليها بصوت ناصي ..شفتها ابتسمت ودارت وجها للشباك ..وانا نفس الشي من وصلنا للبيت... وصانة عامر بس يرجع يضوجنا نجي نحجيلة مانسكت... رحنا للغرفة وحضنتني :احبج والله نقذتي حياتي باوعتلها بعتب: وهج انت ردتي دمرين حياتي عذريني منا وجاي انت بجهة. وانا بجهة لحد ما انسى... مصدومة منج كلش وهج: لو انت مكاني شسوين ازل: اكو الف طريقة بدال مااخذتي صورتي وردتي ترسليها لو جايتني وحاجية الي جان لكينا حل وهل تشوفين كل شي انحل وانا احاجيها دك تلفوني باوعت نفسة رقمة استحيت ارد شمرتة على وهج: هج حاجي خل انشوف اشسوى باوعتلي بنص عين: خاف احاجي وتكتليني ازل: لج حاجي فتحت خط وخلتة سبيكر بس نصت الصوت كمت انا قفلت الباب خاف يدخلون علينة سمعت صوتة رجفت ايدي درت عليها شفتها تغمز الي خزرتها ودرت وجهي :الوو ازل فتحت عيوني متفاجئة شلون عرف اسمي :لا انا اختها ..خوية ممكن تحجيلي هسة شنو صار هو بضحكة: لاتخافين بعد حتى تلفونة كسرتة ومسحت حتى ارقامجن وكل شي بتلفون وهددتة اذا شفتة مضايقجن انقلة من شغلة وهج: ليش انت تشتغل وياه سمعتة يضحك وانا انمرد گلبي: لا عندي واسطة... المهم ديري بالج على نفسج ورقمج من الاحسن تبدليه انت واختج وهج: الله كريم مشكور خوية ماقصرت نقذتني سمعته يجر حسرة بدون مااحس كلت بهمس( الحسرة لعداك):المهم انتوا سالمين انا اترخص بس ازل وين وهج: ماموجودة يمي ليش هو :لا هج لان مااسمعلها حس.. مع السلامة اي شي تحتاجونة انا حاضر وهج: تسلم خوية الله وياك شمرت التلفون علية وهي تغني ياحلا همسة شفاتة من يناديني حبيبي عطت بيها: وهج سكتي لا اروح اكول لامي كل شي وهج: كولي غيرانة مليت من الحاحها : اي غيرانه شنو تردين بعد اخذت تلفوني واشوف الخط بعدة مفتوح سديتة وضربت على خدي: اصخام ولج الخط مفتوووح حمارة اليوم منو يفكج مني هجمت عليها كرص وعض وهي بس تضحك: جلبة كافي خرمشتني بضافيرها يلا وخرت عنها ..رجعت لفراشي وغلقت التلفون بعد مالي خلگة واخذت كتابي وطلعت للحديقة ادرس وكل ساع تاخذني صفنة وتجيبني صفنة... العوبة خلتة يسمعني هسة يصدگ وانا جاي افتر ادرس سمعت صوت عامر يسولف ..رحت لمكانة على كيفي... شنو يحاجي ابنية :هلا هلا دار علية مرتبك: ازل اشجابج اهنا ازل: الجابني جابك... منو هاي عامر: ولج اليوم اول يوم احاجيها ازل: عامر لاتلعب على البنات عندك خوات خاف عليهن عامر: هو انا شنو فهمت منها حتى اللعب عليها ازل: شوف انت واحد تحارش بينا گلبت الجووو.. لعد شلون تقبلها على غيرنا عامر: ولج اذا طلعت مو خوش اعوفها واذا لا محترمة مالعب عليها واتزوجها باوعتلة بنص عين جاي ارد وجان امي من وراي: تتزوج منو ولك عامر: هو انا اعرف حظي... هسة شنو يقنعها .. عافنا وراح دارت عليه: منو يريد يتزوج اخوج ازل: يمة ابنج مختار له وحدة لسانها لسان دلالة وكلها تحجي على خياسها اكلة ماتفيدك يكلي من اتزوجها اعدلها ضربت على صدرها: شنوو مستحيل ازل: عاد قنعيه انت عافتني وراحت وراه وصوتها واصل لسابع جار: تخسي ياعويمر تاخذها لو يصير اخر يوم بحياتي... انوب تجيبلي وحدة خايسة للبيت مستحيل اغضب عليك دنيا واخرة عامر: يمة شبيج منو هاي ام عامر: لاتغشم نفسك تعرفها منو عامر: يمة منو كلج هذا الحجي ام عامر: ازل كلتلي غير انت حاجيلها عامر: انا اكول ماكو غيرها ام لسان ..ازل تعالي ووجع اجيت يمهم :يمة اسم الله عليه من الوجع جرني من ذاني: يمةة لحكيني شوفي شيسوي بيه طلعت وهج على صوتنا: خير شبيكم ازل: ولج تعالي اخوج يريد يتزوج وهج: ياي شكد حلو وجان تحصللها نعال( تكرمون)من الوالدة :ام حلك الاعوج على شنو فرحانة عامر وهو لازم ذاني: مثل ما ورطتيني طلعيني من هاي السالفة ازل: يمة فكيني والله جذب جنت اشاقة وجان تكوم امي وخوش كتلة انكتل :هبطتي ضغطي واحس حلكي يبس وانت تجذبين... معاقبة مصرف ماكو ونقال ماكو... واسبوع كامل عليج شغل البيت كلة حتى بعد ماتجذبين حاجيتهم وانا اعدل ملابسي: هاي العندج كلهن بسيطات بس ما طول ضحكتي علية عويمر ووهيجة ..شوفي شنو رح اسوي.. الا اقهرج ام عامر: لو تموتين كدامي ما اتراجع عن قراري يلا للمطبخ العشة سويه وهج: حبابة سويلنة كبة گلي وانت عموري حبيبي عامر: اريد كباب ام عامر رافعة حاجبها: سمعتيهم شنو يردون يلا روحي وانا وابوج مانريد مگليات باوعتلهم ودمعتي بعيني: خوش خوش اذا اليوم اتعشيتوا عتبو علية رحت للمطبخ اصلا كل شي جاهز بس اكلي ..ابتسمت بخبث وكملت العشة... خابرنا ابوي معزوم ضحكت بفرحة... .حضرت الطاولة وصحتهم وهم يضحكون ويقلدون علية... بعد دقيقة انتظرت رد فعلهم صرخت وهج: يمااا حلكي احترك شكد حاطة فلفل عمار: ادري مفرغة الملح كلة على الكباب باوعت لامي تاكل ومبتسمة كلتلها :عجبج الجبن بس شكر خلت الگمة بحلكها :مممممم لذيذ يومية هج سويلي عشة كلش عجبني عامر: انا جايب عشة لو اكلج وهج امشي بدلي نتعشى انا وياج جاوبتة :الله وياكم صدك طلعوا وما خذوني انا كعدت اكل من الكبة مالتي طبعا مامسوية شي لها لان انا رح اكلها بس قهرتني امي تاكل ومبتسمة بعدها كامت: عزلي المطبخ واقتربت مني وباستني: يمة بنيتي كبرت وكامت تخبث ويانة حضنتها: فديتج امي.. تلفوني حبابة ضحكت وانطتنيااه وباستني على كصتي وراحت عاد صدك عزلت المطبخ ورحت للغرفة فتحت التلفون وصلتلي رسالتين "ليش مغلق" "اريد احاجيج عن جهاد" رجف گلبي كلت اكيد اكو مصيبة اتصلت :الو شبيه جهاد هو: وعليكم السلام وين جنتي ازل: عوفك مني الله يخليك بس كلي شبيه جهاد هو: يريد يوصل لاختج حاولي من تطلع للجامعة اخوج يوديها يعني بس هل فترة انا هددتة بس خاف يلعب من وراي ازل: ان شاء الله مشكور هو: مع السلامة ..زين سمعت صوتج لويت حلكي وسديت التلفون: غير يكعد روميو دزيتلة رسالة وطفيت تلفوني ونمت... .. . . . . يتبع⬅ التعديل الأخير تم بواسطة **منى لطيفي (نصر الدين )** ; 14-05-19 الساعة 03:54 AM | ||||
|
|
|
14-05-19, 08:33 AM
| #26 | ||||
| وسلامـًا لمن ارادوا بِنـا ڪسراً فخيب #اللّٰهٌ ظن?م وازددنـا قوه فوق قوه المكان غرفة ازل الزمان العاشرة مساءا نايمة بفراشي شغلت تلفوني وصلتلي رسالتين، اتصلت بيه وبعد مكالمة دامت خمس دقائق غلقت الخط ورسلت له "رجاءا لاتحجي هج وياي ..انا التجأت الك صح.. وانت ماخيبت ضني وساعدتني.. بس لاتنتظر مني مقابل غير ادعليك من قلبي براحة البال ..انا صغير على كلام الحب ومدري شنو كل عمري حاليا 16 سنة بعدني طفلة واعتقد انت بعمر اخوي فرق بينا 6 سنوات او 5 ..لاتقنعني انك حبيتني وما شفت مني بس الصد... معتبرتك اخو ووثقت بيك وانا ما اثق بكل شخص خاصة الولد " غلقت التلفون وغمضت عيوني حتى انام تذكرت مامحضرة ملابسي، كمت وحضرت ملابسي وجدولي حطيتة بالجنطة طلعت الحذاء( تكرمون) الي رح البسة حطيت ساعتي يم الجنطة باوعت لكنتور وهج الباب مو كلش مسدود (تولي ولا احضرلها ملابسها الا اصير حقيرة وياها) رجعت لفراشي ونمت بعد دقائق سمعت هوسة بالغرفة فتحت عيوني شفت وهج تفتر بالغرفة وتحجي ..سويت نفسي نايمة، جانت تحجي وي ولد اسمة هادي، هذا منو انوب خلصنا من جهاد اجانة هادي فزيت من الافراش: ويامن تحجين اشرتلي اسكت انتبهت على التلفون : هذا تلفوني لج تحجين وي الولد بيه انت ماتوبين عضتلي شفة وصاحت: انطيني مجال احجي وافهمج بعدين، شنو هل لسان مو نايمة شكعدج رجعت حجت ويااه شو هاي شمرت التلفون وهي ضايجة حطيت التلفون على ذاني : الو منو انت وشعندك وي اختي... شنو هل السخافة الانتو بيها تريد تحاجيها اخذ رقمها واحجي وياها... شلون بشر ماتستحي طبلة ذاني يمكن انبطت من قوة العيطة الاجتني: لج منو المايستحي نطي مجال حتى تفهمين شنو السالفة، خابرتني اختج من تلفونج لان ماعندها رقمي، ولان جهاد تابعهم وداعمهم وسيارة اخوج عند المصلح، وجايين بتكسي ولان كلت اي شي تنطوني خبر حتى اتصرف خابرني اخوج بس مافهمت منة شي لهذا خابرتني اختج اتفهمني وانا حاليا جايكم للبيت سد الخط قبل لا ارد باوعت لاختي مصدومة: صارلي ساعة اصيح شكووو ما تحجين وهج :تنطين مجال ... ماخذتي نفس بعد ايدي والله زين يسوي وياج... لج والله احسة اخو وفضلة ما انساااه ازل: يكول رح يجي للبيت خو مامتواعدة ويااه وهج: اكلج رجعي نامي طلعت من الغرفة وطلعت وراها اضحك من تذكرت الرزالة: ولج تعالي وين رايحة.. جانت تباوع من شباك الاستقبال وكفت وراها شفت عامر وولد ثاني دخلو الديوانية... بعد لحظات دخل عامر علينة: وحدة منجن تجيب ضيافة ركضت حطيت عصاير وكرزات ورجعت له انطيتة الصينية، سحبت وهج الخايفة: تعالي احجيلي الصار مساع جنت منعسة رحنا للمطبخ سدت وهج الباب حتى نحس باليجي صبتلي عصير وحطت الكرزات :روحي جيبي تلفونج ركضت للغرفة جبت تلفوني وتلفون اختي :هج فتحت تلفونها :شوفي جنت اصور الطريق لان حلو المنظر بليل وماحس الا سيارة جهاد طبكت علينة وضربت سيارتنا... راد يكلبنا الظاهر جان واكف براس الشارع وشايفنا طالعين شغلت الفيديو من وصل لنهايتة سمعت صرخة وهج وعامر يسب :زين شنو اتعاركو باوعت :لا شرد بس انا عرفتة هو جهاد كلت لعامر نفسة الولد اليتحارش بينا ازل: زين تسوين وهج: ولان حافظة رقم سيارتة انطيتة لعامر وخابر هادي وهل تشوفين جاي يتفقون... لان هادي كلالة الا اشغل واسطة تنقلة للحدود حتى بعد مايجي اهنا ازل: ياااا وهج: انطيني رقم هادي لان مابيه لسانج يومية ازل: شلج بيه وهج: لا هج تدرين بيه توني طالعة من علاقة ومتعودة على حجي الغزل كلت اكضي وكت وياااه... هو شنو شلي بيه اريد ابقى ويااه على تواصل حتى اعرف شنو صار ازل: هااااا ازل💐 فزيت من نومي وسمعتها تحجي وي ولد اجة ابالي من طلعت صاحبتلها واحد... وجاي تحجي ويااه انوب شفت بيدها تلفوني هلا هلا مصاحبة. براسي... اتخبلت عليهم وظليت احجي اشو هاي شمرت التلفون علية حطيتة على ذاني وانهديت بيه... يمه عاط بيه خلاني انخلس انوب من شافني ماحجيت ظل يحجي. بهدوء... من كال جايكم للبيت طفرت ..رحنا انا و وهج نشوفة دخل للدوانية اجانة عامر راد ضيافة رحت طلعت صينية حلوة وحطيت كرزات بصحن مقسم ثلاث اقسام بكل قسم حطيت نوعية وعصاير وبطلين ماي وديتهم لاخوي وسحبت وهج للمطبخ حجتلي كل شي صار وياها... اتندمت لان شكيت بيها بس گلبي ملجوم منها باوعت بتلفوني لكيت رسالة من عندة راد عليه "فهمتيني خطأ ..بس يجي يوم رح تعرفين قصدي" مسحت الرسالة ورحت للغرفة نمت ومادري شنو صار بالدنيا .. هادي🎶 بعد ما دزتلي رسالة 4 صفحات... صفنت وي روحي افكر ..صح بعدها صغيرة بس انا ماريد اصادقها... قررت انتظرها تكبر واشوف الزمن شنو ضاملي... بس مستحيل اكدر ابتعد... .ما اعتقد وصلت درجة حب يمكن اعجاب او انجذاب لشخصها قبل شكلها سمعت صوت تلفوني باوعت لاسم المتصل عامر رديت عليه والفهمتة ان جهاد داعمهم....اتفقنا اجيهم. دلاني بيتهم😎... ورى ربع ساعة خابرتني ازل جاوبتها بس طلعت اختها متصلة فهمتني كل شي ودا اطمنها واسمع ازل اصول وجول باختها... كلتلها شمري التلفون عليها... عطت بيها فوخت نار گلبي من ورى رسالتها... بس من شفتها خنست ونفسها اسمعة صار سريع هديت اشوي اجيت لبيتهم واجريت اتصالات ابن عمي يشتغل بالوزارة... حتى ينقلة كلالي رح انقلة للحدود... كلتلة خوش بس اذا بعد ازعجني اريدك تنقلة خارج المدينة بكبرها وانوب كعدنا وسولفنا اتعرفت عليه هو اخر مرحلة جامعة مثلي بس هو تربية ..اني حاسبات وهوايتي الرياضة حتى قررت ادخل كلية رياضية مسائي... وحتى النادي انا مسؤول عن القسم الرياضي... قنعتة من يجي من الجامعة يمر على النادي ويشوف شنو عندة من هوايات طلعت من يمة ب12 ركبت سيارتي: كلها كدرت اسيطر عليها بس انتِ يا ام راس يابس خل اصبر بلكت تكبر وتصير انضج بعدها منو يفكها مني... هسة رح ارتب اموري ومابقى بس ابوها رجعت للبيت لكيت امي تفتر بالحديقة ركضت علية: يمة شبيك ليش طلعت تركض ليش اتاخرت هادي: على كيفج ياعمري صديقي صار عليه حادث ورحت له ام :هادي يمة والله مابيه حيل هبطات... تدري بيه باجر عندي دوام وانت لحد هسة ما راجع والدنيا برحمة الله هادي: لاتخافين عليه يالحبيبة ******** مشت الايام والاسابيع وناس تغيرت وناس بقت مثل ما هي... .وظل عامر وهادي مراقبين جهاد لحد ما يوم من الايام سمع من صديقة جهاد الاسبوع الجاي خطوبتة... بلغ وهج بالموضوع يعني بعد ماكو خطر عليها وخل ترجع تعيش حياتها من جديد وماتخاف ويكون درس لها... ماتثق بكل شخص وبعد كلام ونصائح... سألها عن ازل : ازل شلونها وهج: زينة ..بس انت ليش دائما تسأل عليها هادي: مثل ما اسال عنج... المهم يابنت الناس انا مهمتي وياج خلصت صارلي شهرين محافظ عليج واراقب... وماقصرت وياج ان شاء الله ..بعد انا اعتذر منج رح امسح رقمج وانت هم واعتبري ماجنت موجود بحياتج لان عامر مو بس صديقي صار لا والله اخوي وماريد يوم يجي ويعتبرني انا غادرة بظرة واحاجي عرضة وهج;:متاكد علمود عامر لو خاف ذكول الناس يغارون هادي: هم تكدرين تحطين هل شي بعين الاعتبار وهج: لعد الله يساعدك ..اختي واعرفها اذا قفلت محد يقنعها هادي: لاتحجين هج وتوجعين گلبي صح مامحاجيها وكاطع وياها احتراما لقرارها ولان اني ماحب اذل نفسي... ولان بعدها صغيرة بس رح يجي يوم وتصير يمي وهذا وعد... وهج: ما رح اتمنى واحد غيرك لها... هادي: يلا خيتي ديري بالج على نفسج وهج: الله وياك وهج🕹 بعد معاناة سنة كضيتها بجي وقهر... وخوف خلصت منة صح ضجت من عرفت بيه رح يتزوج... العشرة مهما يكون ..بس فرحت من داخلي خلاص بعد ماكو كابوس اسمة جهاد... خلصت منة... والضوجني خسرت اخوي الماجابتة امي طاحت دمعتي على خدي... والله جان نعم الاخو الخلوق... انا اعرف علمود ازل لان من تسمعني احاجيه تظل تتعارك وياي ..ادري بيها معجبة بيه بس تنكر.... بجيت لان هو الوحيد يسمعني... ويشجعني... .باوعت لازل جانت تكتب مدري تحل واجب حسدتها بداخلي محظوظة لان عدها شخص يحبها ويخاف عليها كم مرة لمحتة يمشي وراها ومن كلتلة شفتك اليوم تمشي وراها يكلي اختج حطت علة بكلبي هي وملابسها وين ماتروح يتحارشون وانا اتعارك وياهم حتى كلها صارت تعرف هاي الابنية مالتي... .صدك ضحكني... ابتسمت وانا صافنة بذكرياتي ويااه... يعني جهتد شنو يجي من عندة...الله يحفظة لامة خطية ابوه متوفي وهو عمرة ست شهور... واتحمل المسؤولية صح امة تشتغل معاون مدير التربيه بس هم عليه المسؤوليه عندة اخت وحدة اكبر منة بسنتين لحد هسة مامتزوجة يجوها خطابة وامها ترفض ماعرف شنو السبب يمكن تخاف عليها تتعذب... باوعت لمحاضراتي كمت اخذت ملزمتي... ردت اطلع لان مابيه حجي ازل اليجرح... واصلا من سالفة الصورة هي باردة وياي...حقها هي جانت تنصحني وانا ما اسمع لها ..ولحد الان هي اعقل مني... لو تريد جان ارتبطت بهادي مو معلكتة وهي تحبة بس حافظت على نفسها ومتحملة وجع البعد ..كم مرة ومرة الكفها تبجي ومن اسالها تنكر وتكول ضايجة لو متعاركة وي صديقتي... الله يجمعهم ومايفترقون طلعت للحديقة اريد اشم شوية هوة صحت من اعماق گلبي :هواك ربي اختنكت حسيت بيها تحضني وتبجي يمكن هذا اخر حضن حصلتة منها درت عليها وحضنتها عبالها ابجي لان جهاد رح يتزوج...حجيتلها كل الصار من مكالمة... شفت بعوينها فرح لان هادي ابتعد عني ابتسمت لها وكتلها هادي احسة اخو بوقت الضيق...هم سامعة باخو دنيا هو هذا بعدها حبيت اكتشف مشاعرها كلتلها سولفلي عن حياتة وعندة حبيبة ينتظر يتخرج ويشتغل... حتى يخطبها شفتها ماكو اي تغيير بشكلها ظلت مبتسمة وعادي عدها كلت بگلبي الله يساعدك ياهادي هاي حجر شتحب منها ******** الفجر 4:30 ص كعدت من. النوم باوعت لتلفونها :اووف اتاخرت عن الصلاة كامت من الافراش راحت لاختها :ازل كعدي صلي دارت علية جانن عيونها مورمة وحمر: صليت كعدتج ماكعدتي وهج;:شبيج ليش تبجين ازل: مابيه بس مانايمة اجاني ارق وهج;:اها عافتها وراحت للحمام. غسلت واتوضت... رجعت للغرفة لبست احرام الصلاة وفرشت سجادتها...وصلت الصبح كامت ازل راحت للحمام فتحت الماي البارد وغسلت... شهكت وبجت البارحة من جانت بالحديقة بعد ما راحت من يمها وهج شافت عامر يركض ركضت وراه: عامر شبيك عامر: لج صديقي هادي متخربط وماخذيه للمستشفى ازل: يمة اسم الله شبيه عامر: مادري صاير عندة هبوط مادري شنو يلا خل اروح لاتأخريني طلع من. الباب وهي بقت واكفة مكانها... كعدت على ركبها ودعت من گلبها: اللهي اشفيه وعافيه يارب دعيتك واتوسلك لاتردني خايبة خلصت ليلها بجي ودعاء وعامر مارجع خابرت عليه :ها ازل شمكعدج ازل: اتاخرت خفت عليك عامر: لاتخافين راجع استحت تسأل عنه :يلا خوش رح انتظرك حتى افتحلك الباب عامر: خوش بعد نص ساعة رمش عليها اخوها وراحت ركض تفتح الباب: ها الله يساعدك عامر: الله يساعدج ولج شلون. طالعة هج... دخلي جوة بسرعة ركضت خايفة من عصبيتة جانت لابسة برمودة وشعرها رافعتة دخل السيارة جوة ..ونزل: شلون تفتحين الباب هج ماخفتي واحد يشوفج ازل: مادري والله اخر مرة اطلع هج شلونة صديقك عامر: احسن اشوي... مدخن جكاير وماتصير له... طايح عليهم ازل: الله يشفيه عافتة وهي تدردم :يدخن من كد مامدخوتة اليحبها... .اوي وانا ليش مهتمة سمعت دگ باب :ازل نمتي خو ما نمتي بالحمام ازل: جاي اسبح كملت سباحة ونشفت شعرها باوعت للساعة ب5:00 راحت للغرفة مشطت شعرها وسوتة گصيبة وبعدين لفتة... رتبت افراشها وافراش اختها وطلعت لها ملابس ولاختها... راحت للمطبخ خدرت الشاي وسلگت ثلاث بيضات لابوها وامها واخوها ..طلعت جبن لها ولاختها كملت الطاولة. وصاحت وهج كعدن يتريكن ويسولفن على الدوام واسوالف البنات عافت الطاولة وراحت تبدل عدها درس اضافي اليوم لازم من وكت تروح... كملت. تبديل اخذت جنطتها وطلعت حتى ماانتظرت اختها... جان الجو بارد الصبح وهي شعرها مو هلكد ناشف... حست البرودة. بدت من رجليها استقرت ببطنها ظلت تتلوى من الوجع... غير الابرودة براسها كضها وجع من فوگ حواجبها وبطنها... صارت تمشي على بطئ وكفت وقررت ترجع ماتكدر اداوم هج... بس الطريق نصة خلصتة مابيها ترجع خلصت الطريق تمشي اشوي وتوكف لو تكعد اشوي اكثر من وحدة اجت يمها تسألها ليش هج تعبانة ماتجاوبهن... وصلت للمدرسة كوة راحت كعدت برحلتها...ماطلعت بالأصطفاف... اجت المعاونة: ليش كاعدة هنا ازل: ست ماكدر اكوم بطني وراسي المعاونة: خو ما تريد تجيج ازل: لا ست كضتني الابرودة المعاونة: تعالي ماما للادارة خل اشوفلج علاج ..لان هج ما رح تكدرين تكملين دوام كامت وياها وهي ساندة روحها على المعاونة ..كعدتها وانطتها علاج... طلبت من الفراشة تجيبلها بطانية من بيت الحارس ..لفت روحها ونامت على الكرويتة... وهي مانايمة عاد غفت وماحست الا المديرة تكعدها: ازل ..كعدي ماما شبيج حاولت تصحصح ماكدرت حستها تغسل وجها فتحت عيونها :يلا ماما صحصحي وصلنا الدرس الخامس وانت نايمة.. تردين اخابر اهلج يجون لو تكدزين ترجعين ازل: انا زينة هسة ..ست اكدر اروح للبيت المديرة: اي روحي وباجر اذا نفس وضعج لاتجين ازل: ان شاء الله راحت للصف شافت مدرستها: ازل افتقدت حضورج اليوم سلامتج حبيبتي ازل: الله يسلمج ست ..من رخصتج رح اخذ جنطتي المدرسة: على راحتج اخذت جنطتها وطلعت من المدرسة... من حرارة الشمس حست روحها دفت بس بعدها تعبانة جسمها مكسر من نومة الكرويتة ..وصلت للشارع العام وكفت اشوي تاخذ نفس ..طلعت بطل الماي من جنطتها دا تشرب...باوعتلة واكف اكبالها طاح البطل من ايدها.... . . . . يتبع⬅ التعديل الأخير تم بواسطة **منى لطيفي (نصر الدين )** ; 17-05-19 الساعة 07:20 AM | ||||
|
|
|
14-05-19, 08:37 AM
| #27 | ||||
| وإن غـاب نـصفك إحـذر أن تُـكمل فـراغك بِـ الـعابِرين ..!! ازل☹ بعد التعب النفسي الصار بيه البارحة نمت ساعة مدري اتخيل انا نمت... رحت للمدرسة جسمي بايد شافتني المعاونة واخذتني للادارة ..نومتني على الكرويتة وانا مثل غركان وحصل شمة هوة ما كلت باطل نمت نومة ميت مادري شصار ما صار ..حسيت على المديرة تكعدني وكلتلي رح يخلص الدوام... كلتلها رح اروح للبيت خطية تبعتني لباب المدرسة خاف اتخربط... ظليت امشي على كيفي مابين جسمي اتكسر من الكرويتة وهو منا بايد ومابين خايفة لان قريب اذان الظهر ومحد... والبيت بعيد باوعت للساعة اتاخرت ومابيه امشي سريع... اخذت نفس وصلت للشارع العام بس اعبرة يعني وصلت البيت... وكفت اشوي طلعت بطل الماي لان كلش حلكي جاف يمكن من البارحة ما شربت ماي... رفعت راسي واشوفة اكبالي... رجف جسمي رجفة طاح البطل من عندي خفت كلش وانا وحدي وبس سيارات قليلة موجودة... بلعت ريگي بصعوبة من كدا ما جاف حلكي... كلت خلاص انتهيت... وهو واكف يتانيني اتحرك حتى يهجم علية ..يمة شلون چلب (تكرمون)اسود ووصخ وسنونة مدري انيابة صفر وقذرات... نبح علية وانا هي صرخة وهي ركضة ..عبرت الشارع ردت اندعم بعد ما باوعت وراي وشفتة تبعني لو لا... من استقريت اشوي وانا امدنكة اريد اتنفس... سمعتة وراي ينبح... .ماكلت باطل حتى جنطتي عفتها... وركضت وصلت للبيت اريد افتح الباب ما ينفتح :افتحوا الباب رح ياكلني الچلب محد يفتح دكيت الباب والجرص ..باوعت وراي واشوفة واكف وراي وجان واحد واكف وراه باوعتلة يمة هذا اشجابة... مو نايم بالمستشفى... شفت جنطتي عندة مااهتمت رجعت ادگ الباب: يمعودة على كيفج رح يوگف گلبج درت عليه: انت مالك علاقة بيه ..وهذا الچلب طلع الك مو انت دازة عليه اباوعلة يضحك من گلبة... والله لو عدو مايشمت بيه هج صدك ضجت ودمعت اعيوني لا والله بچيت هو من شافني ابچي سكت: ازل عود صدك... كافي لا تبجين انا اسف... مادري بيج اتخافين مارديت عليه مديت ايدي اريد اخذ الجنطة وجان ينبح هذا الچلب وانا شردت لزكت روحي بالباب... اباوع لهادي يحاول ما يضحك :انطيني جنطتي ووخر انت وچلبك منا والله ترى اكول لعامر ضحك اشوي اول مرة انتبه عندة غمازة لا مو غمازة حفرة هج خطين اصغار بس حلوات ظليت صافنة عليه :ادري بروحي حلوو وشمر عليه الجنطة راد يروح :مغرور ابتسملي وراد يروح تذكرت الباب مايفتح: اكلك ياولد تكدر تفتح السرقي مالت الباب هو صفن عليه :هادي استغربت: شنو غمزلي :مو على اساس ماتعرفين اسمي هادي دا اذكرج يبو فد استحيت اقترب مني واشوف عيونة مركزة عليه انا دوروني ماتلكوني وكف يمي اوصل لحنجة... اتنفست عطرة يبووو گلبي اهدأ مو وكتك رجفت وسنوني احسهن صكن ابتعدت عنة خفت على روحي لا اسوي شي اندم عليه... اباوعلة مامعقولة سرقي هلكد يتأخر فتحة: شنو ماينفتح دار عليه: انت ليش.... دار عني فتح السرقي وراح ظل ابالي شنو انا شبيه دخلت للبيت.. لكيت امي نايمة... رحت للغرفة بدلت وغسلت وصليت... فتحت تلفوني وجان توصلني رسالة من ابتسمت لا اراديا وگت الما اجيتك گتلي مغرور ولون گمت واجيتك گتلي ارجع بتت محتار مابين ارجع ومغرور وكل دمعة بغيابك بيها مفجع ماريدگ حبيبي طول غياب لان مكسور خاطر گلبي يرجع غمضت عيوني ونزلت دمعة وجع البعد هلكني بس ماريد اصير منافقة او وجهين احجي على اختي واسوي مثلها مستحيل ..لو يحبني صدك ولو هو ما كال احبج... بس يتحمل وينتظر اكبر ******* الساعة 5:00 صباحا في المستشفى بعد ليلة تعب لهادي واصدقائة واخيرا استقر وضعة جان ضغطة مرتفع... بعد ابر ومغذيات... طلع من المستشفى... ووصاه الدكتور يراجع علمود الضغط ويبتعد عن الملح... رجعوه للبيت وكالعادة شاف امة تنتظرة وتبجي ..باسها من راسها وحجالها الصار وياه وهي ظلت تشبگ بيه وتبوسة :يمة انت وحيدي لو صاير بيگ شي وين اروح شيصير بيه اموت وراك هادي: اسم الله يمة عمرج طويل راحت للمطبخ سوتلة عصير ليمون شربة وباس راسها: يمة انا رح انام لاتكعديني ام هادي: ماشي يمة نام رحت للغرفة حطيت راسي على المخدة.. وانا اتذكر من وصل خبر استشاهد صديق الطفولة ..وابوه من حضني وكلي اريدك انت تاخذ بثارة... اجت ابالي امي اختي منو لهن ... شلون اخليهن واروح... اجت صورتها ابالي حبي الضايع... يومية اسأل انا على شنو متأمل هي حتى ما منطيتني اشارة تحبني... صار الصبح وهو ما نايم حتى الدوام ما راح... اخذة النعاس غفى... بعد ساعتين كعد... شافها ب11:14... كعد وكال خل اروح يم علاوي... غسل وبدل وقفل الباب... ..ظل يتمشى لحد ما وصل لباب بيتهم جان موجود چلبهم فلتة من الحبل وراح للشارع العام ينتظرها... مرت ربع ساعة شافها من بعيد گوة تمشي وجهة تعبان عيونها مورمة... ماعرف شيسوي... ما انتبه للچلب ركض... شافها تقترب وكفت وطلعت بطل ماي وهي مامنتبهة له... شو هاي رفعت راسها ذبت البطل وهي صرخة وهر ركضة... ظل فاتح عيونة شبيها انتبه للچلب يركض وراها صوفر له رجع عليه... عبر الشارع وراح وراها خاف عليها يصير بيها شي... جان كاض ضحكتة كوة... شافها مدنكة وتتنفس بصعوبة... راح الچلب يمها وانتبهت له... عافت جنطتها وركضت لبيتهم تدگ بيه وتبجي كسرت خاطرة بس حستة اخذ بثارة منها ليالي ماكدر ينام ومتعذب من وراها شافها انصدمت بيه رجعت تدگ الباب ....كسرت خاطرة راد يمازحها بس هي صدتة وبعدها رادت تاخذ جنطتها وشردت من الچلب... ماحب يطول وياها ماراد يضعف كدامها مهما يكون كرامتة مايكدر ينزلها اكثر... من صاحتلة ردت بيه الروح رادت يساعدها يفتحلها سرقي الباب... اقترب منها وهو جسمة يرجف رجفة شوگ وحب... فتحلها الباب وراح... كتبلها رسالة وكمل طريقة... التفت لكاها دخلت: ماشبعت منج قبل لا اروح... اخاف اروح وما ارجع... اوصيج بروحج ****** الساعة الثانية مساءا المطبخ دخلت وهج ووجهة احمر من حر الشمس... ركضت للسنگ غسلت وشربت ماي بارد... كعدت على الكرسي وحطت راسها على الطاولة... غمضت عيونها وماحستالا واحد يكعدها رفعت راسها شافت امها :وهج ليش نايمة اهنا و هج: ماما تعبانة كلش ام عامر: اي روحي للغرفة ارتاحي ليش ظليتي هنا وانا اكول اتاخرتي وهج: رح اروح ارتاح ماريد غدة ما اشتهي راحت للغرفة باوعت لاختها نايمة مو من عوايدها... بدلت ملابسها ونامت بفراشها... باوعت للسگف نزلت دمعة من عيونها... خافت لا تشوفها اختها تبچي دارت على صفحتها اليمنى.. غمضت عيونها حاولت تنام ماكدرت حطت الهيدفون بذانها وشغلت رحل عني وعسى الله يعود ليه واخذ گلبي وتركني النار بيه علامة تغيير بطبعة علامة عساك بخير يرجع بسلامة ودللتك انا والحگ عليه رحل عني وعسى الله يعود ليه عرف ما اعيش من دونة وفهمني ومن ايدي التوجعني لزمني وعلمتة اللعب لعب عليه وحيل اصبع ندم عضيت ايديه عضت صبعها لحد ما حست بطعم الدم... اليوم من طلعت من القسم شافت بنت اخو جهاد تنتظرها بعد السلام... بدت بنت اخوه نور تحجي عنه وهو نادم ويريدها ترجع له... بس هي رفضت من كامت رادت تروح شافتة يمشي اتجاهن ..عرفت اللعبة رح يوكعها بالفخ... يقنعها ترجع حتى ينتقم... خزرتة ومشت بسرعة من صاحلها غلست عنه وطلعت من الجامعة بكبرها وهج👀 انا قبل كل شي انسان وابنية تحكمني عاطفتي مو النوع الي افكر بعقلي... لا گلبي يحكمني دائما اوگع بالخطأ واگول التوبة وما اتوب ..من تعرفت على جهاد بالصدفة ..جان رقم غريب يتصل بيه دوم اول ما داومت جامعة... بيوم من الايام ازل صاحتني... تكلي تلفونج يدگ وجان ابوي بالصالة ..خفت ما ارد رديت عليه: الو منو وياي جهاد: انا واحد وهج: ادري بيك واحد لعد اثنين جهاد: ههههههه ..انا اعرف عنج كل شي وهج: منو انت وشرايد مني جهاد: اسمج وهج وعندج اخت وحدة واخو واحد... وانا صارلي شهر مراقبج سديت الخط بوجهة خفت منة كلش ماجان عندي غير ازل اسولف لها... حجيتلها كل الصار هي هم خافت رجع يتصل مارديت وحضرتة يدك من غير رقم... لحد ما دزلي رسالة كلي انا اصير خال نور صاحبتج... ثاني اتأكدت منها بالسوالف... وظل يتصل ويدز لحد ما خلاني اتعلق بيه وصارت العلاقة.... جانت ازل تحذرني وتكلي جذاب خل تجي سنوية ابوه شوفي شلون رح يشرد... وانا جنا ادافع عنه بس طلعت غلطانة... ما يستاهل حتى دموعي هسة... . تسريع الاحداث بعد اخر لقاء بين هادي وازل... محد شاف الثاني ولا صار اتصال بينهم... هو راح شهر كامل مع الحشد... حتى ياخذ ثار صديقة ..وهي الصبح تدرس وبليل تكضيها صلاة ودعاء حتى يرجع بالسلامة وهج وجهاد.... وهج اللتفتت لدراستها ونست كل شي بس ظلت تجربة جهاد صدمة نفسية ماكدرت تعبرها وحتى غيرتها للاسوء... صارت تغار من ازل لان ماانطت نفسها لهادي ورفضت حبة وجهاد خطب واتزوج ثلاث اشهر وطلگ مرتة السبب ماصارت حامل (تفكير متخلف) عبر شهر وخطبولة اهلة وحدة ثانية (بعدكم ماشايفين شكد رح يطلك ويتزوج) عامر اتعمقت علاقتة مع البنت الجان يحاجيها... بيوم من الايام اكتشفتة ازل ..يحاجي وحدة وياها بالصف اسمها رانيا نصحتة يتركها لان سمعتها مو حلوة... بس هو ما اخذ الكلام بعد ما رجع هادي... جانت فرحتها جبيرة... ومن حماسها وفرحتها نظفت البيت حتى امها كلتلها ماما انت مو طبيعية. اليوم خاف مريضة... صار يومين على رجعة. هادي جانت تتمنى تشوفة.. بيومها اخذت الاذن من اهلها تروح لحفلة خطوبة صديقتها... لبست فستان محتشم ولفت شالها بشكل نازك ..خلت مكياج كلش خفيف بس طلع شكلها يجنن ..اتصلت على صديقتها كلتلها هي تنتظرها براس الشارع ودعت امها وبعد وصايا (ديري بالج على نفسج ..مالج شغل بالولد... خاف واحد يحاجج حگريه وكملي طرييقج... لاترگصين ولا تلتقطين صور... شالج ماتنزعينة........) طلعت من البيت شاردة من امها فتحت الباب وهي تضحك وجان (طب)يصير تصادم بينها وبين هادي رفعت راسها وصارت عينها بعينة...صفنت بيه شوي ودمعت عيونها وهو ظل صافن.عليها انتبهت لنفسها :ااااا اسفة هسة اصيحلك عامر رجعت تريد تدخل مايعرف شلون اتجرأ :مشتاقلج ولج عمري وحياتي ما راكض ورى وحدة... دارت عليه جان شكلة تعبان وضعفان..بس صاير احلى بعد باللحية جان لابس بدي زيتوني حاولت تحجي شي بس قاطعهم نغمة تلفونها ابتسمت بوجهة وعافتة وراحت لمكان صديقتها ازل🎶 من طلعت البيت جنت افكر بيه وفجأة دعمت بواحد رفعت عيوني وجان يطلع هو... لا مستحيل توني افكر بيه ويطلع كدامي يمة عيونة يخبلن شلون يباوعلي... اوي فديت الصافن عليه وماخذرة راحتي واتغزل ..انتبهت انا صدگ دعمت بيه انحرجت كلش... من رمشت عليه حنان اني عفتة ورحت ااتمشى لراس الشارع واسمع صوتة يصيحني: ازل وين رايحة واحدج درت عليه: نعم ! اقترب مني عاقج حواجبة : وين رايحة وحدج وملابسج ضيكة وهلو مخلية مكياج رفعت حاجبي: وانت شكوووو خزرني :رجعي للبيت ومسحي هاي الخرابيط... يلا بسرعة ابتسمت مستهزئة بيه: يمة خفت اباوعلة يتلفت جان محد بالشارع... سحب ايدي ورجعني للبيت :دخلي مسحي مكايجج اهنا دمعت عيوني من القهر وحسيت اخبالاتي فزعن عليه :وانت منو تحكمني ابوي امي اخوي... والله اصيح لعامر هسة يأدبك عصر ايدي حيل حسيتها انكسرت دمعتي نزلت جنت خايفة احد يطلع ويشوفني بهج منظر ظليت اتلفت وهو ولاهمة بس خازرني وعاصر ايدي حيل: لج من يأدبني هاااا... مو صوجج والله شمر ايدي حيل حسيتها انخلعت :يلا ولي قهرني صدك شنو يلا ولي اجيت ارد عليه بس حنان خابرتني رديت عليها وانا امشي... انوب التفتت عليه شفتة يضرب بتاير السيارة ومبين عصبي كلش سرعت بمشيتي لا يتبعني وصلتلها وامبين عليها ضايجة باوعتلي وهلهلت بصوت ناصي: كلللللووووووش ست ازل اجت ولج مخليتني واكفة مابقى واحد ما وكف اخذلة صفنة عليه وراج حتى الچلب وگف ويمي وهز ذيلة وراح ضحكت عليها لان من تعصب ماتعرف شنو تحجي وهناك اسمع هورن سيارة ورانا واشوف هادي وعامر :تعالي ركبن نوصلجن جاوبت اخوي :لا نروح مشي عامر: صعدي لج حتى تكضين الطريق اتمضحك موو باوعت لهادي ولا باوعلي متجاهلني كلش عوجت حلگي وصعدت يبوو ريحة السيارة تجنن نسيت روحي وصحت: فراولة اريد دار عليه عامر :كعدي وسكتي بوزت وباوعت من الجامة للطريق... اقتربت مني ... صاحبتي متخبلة على هادي شنو هل جمال وشنو هل جسم وهسة اشمر له رقمي... وانا اكرص بيها وارزل باوعت عليه وهو انتبهلي رفعلي حاجب كأن يكول شكووو گلبت عيوني وباوعت للشباك"عابت حتى عابت ميتة عليك انا" وصلنا لبيت صديقتي وقبل لا ننزل كلالي عامر يرجع علينا بس نخلص: اكلك لاتجينا احنا نرجع مشي عامر: لا من ترجعن ظلمة شلون تمشن وحدجن من تخلصين رمشيلي ونجي عليجن نزلت ودخلت بيت صديقتي جانت تخبل الحفلة وصاية امي ضربتهن بعرض الحايط ركصت والتقطت صور واشتغلنا اهل العروس واهل العريس تصنيف.. احلى شي كابلتنا وحدة من اهل العريس تتنعوص... والله احنا ما ردنالة طالبة مو حلوة سمعتهن درت عليها جان التاتو مالها سايح على عينها صايرة فلم: شبيها الطالبة بس هو الما يلوح العنب يگول عليه حامض... وبدل ماتجين يمنا تحجين بسمعة بنات ماتعرفيهم روحي عدلي التاتو مالتج عيوني كامت تخزر بيه وهزت ايدها وراحت ..بعد ما اجت يمنا كلش... خلصت الحفلة ورمشت على عامر رحت لغرفة. صديقتي لبست شالي وعدلت ملابسي... حبيت اقهرة بالزايد طوخت الكحلة وطوخت الحمرة مالتي بس شنو امبين بسيط طلعنا وجان وحدة عامر ماكو خابرت عليه كلي عندي شغل لازم اخلصة اجاكم صديقي هو يوصلكم انا خفت منة هو مكياج مامبين راد يكتلني مو هسة مكياج طوختة ..ركبت هاي العوبة. قبلي دگ هورن فززني رحت ركبت اني هم سأل صديقتي عن بيتهم "شنوووو رح يوصلها اول شي وابقى ويااه وحدي خرررب" شاورتني صديقتي: هيالج مبختة رح تبقين وحدج بلكت الله يرقمج ..ولج اذا مادبلج رقمة انت ذبي رقمج .. باوعتلة مطنكر كرصتها ودرت وجهي وصلنا لبيتهم غمزتلي ونزلت ظليت اقرة سور قرأنية... انا كلش جبانة وخوافة واخاف اصعد وي ولد حتى لو جان عامر هم اظل خايفة خاصة القصص الي اسمعهم عن التحرش ظليب اسب بعامر شلون يأمن ومايجي ويااه سمعتة يتأفأف حرك السيارة ومشى مسافة قليلة وگفها: تعالي صعدي يمي هو گال هج ووانا گلبي رجف وبطني خبطت حتى اجاني مغص قوي :خير ان شاء الله... ليش اكعد يمك اخوي مثلا ابوي دار عليه وهو خازرني: سمعتيني شنو كلت لو انزل اي اكعدج يمي جاوبتة برجفة: اترجاك وديني لبيتنا... شنو اكعد يمك مستحيل انا اخاف على روحي وسمعتي... .. ضرب الاستيرن حيل وصاح بيه: نزلي من خوفي لزكت بالباب جان ينزل ويفتح الباب الثاني ويكعد يمي.. هو صح جان المكان مابيه احد بس احس العالم كلها تشوفني عركت وظليت ارجف... اريد انطق ماكدر يبس حلكي :انت ليش ماتسمعين الحجي عبالج رح ااذيج مستحيل... انا دار وجهة ماكمل انا جنت منزلة راسي والدمعة بس ارمش تطيح جنت افكر وهج شلون اتجرأت وركبت يم جهاد "هسة انا ياصخمان خليني بروحي":الله يخليك رجعني دار عليه وجان قريب كلش وانا بس اتلفت :انتِ ليش تعصبيني كلتي ماريد علاقة وانا صغيرة وبعدني طفلة احترمت رغبتج وبعدت عنج ..كلت تكبر وذاك الوقت اشوف شلون تدبر ..بس مااشوف كدامي طفلة ..لج المزوجة ماتطلع هج مكياج ولبس ضيك ماتخافين على روحج... اكلج امسحي تعاندين اطوخينة قهرني صدك شنو يرزل بيه عليت صوتي عليه: وانت شدخلك بيه انت كلك صديق اخوي ..والله لو احجيلة كل شي اتسوي وياي يجنزك كض فچي حيل وهو خازرني: صوتج ماتعلينة فهمتي.. وبعدين لو تردين تحجين جان حجيتي من زمان ادري بيج مايهمج احد... وهسة كدامي تمسحين المكياج وخرت عنة وانا دموعي قررن الاستسلام: ما امسحة فهمت وشنو تريد سوي... توديني للبيت لو انزل امشي عض على شفتة وهو يطك برجلة :يابت الناس لاتخليني اطلع من طوري واسوي شي اندم عليه شنو طلبت منج اني... مسحي المكياج درت عليه وبعناد حطيت عيني بعينة: ما امسحة ..لو تطك راسك بالجام هم ما امسحة كض ايدي ولواها وراي انلزكت بيه والسيارة ضيكة بحيث انعوجت حاولت ابتعد ماكدرت صار وجهي يم وجهة... درت وجهي عنه وانا ابجي: عوفني حرام عليك حجية بعصبية: تعرفين الحرام انتِ جنت مغمضة ودايرة وجهي عنة بس انفاسة لى خدي جسمي ماظل يطاوعني حسيت رجفة گلبي زادت شنو دا يصير وياي ليش ابدي اظل بحضنة وعقلي يمنعني سمعتة يستغفر :يعني معاندة موو جاي اجاوبة ودك تلفونة عافني ومد روحة واخذة جان عمار يتصل: الو عموري.... اي جايبها نزلت صاحبتها توني... اي ربع ساعة بس افول بانزين رح يخلص خاف توكف عليه ونوصل... ههههه جايلك بس اوصل لبيتكم وارجعلك... لا ماحاجة تجي عدنا شغل ظل بالنادي... بعيوني انا سمعتة هج وانا بطني ظلت تركص من الخوف ردت انزل قافل الباب درت عليه: افتحلي الباب خل انزل دار عليه :لاتخافين مني... انا اخاف عليج من روحي واكثر منا تخافين انت على روحج... انا مو مراهق واركض ورى شهواتي ..ولا انا شايفج وحدة مو زينة وانظرلج بغير نظرة او اتعامل وياج تعامل مخل بالادب ..لا انا لان.... سكت وباوع للشباك :اريد اعرف انا شنو بالنسبة الج بس انطيني امل ..خايف انتظاري الج وهم... ازل من اول يوم شفتج بيه يشهد الله عرفت انت انسانة محترمة وماتمشين دروب الحرام... شكد شفت بنات ماشفت مثل اخلاقج مع احترامي للزينات ..بس اكو بسرعة ينضحك عليهن هو يحجي وانا منزلة راسي عجبني يكمل كلامة حسيتة يريد يكلي احبج بس كرامتة ما تسمح له... جان ساكت بس نفسة سريع مثل شخص جاي يقاوم شي داخلة باوعتلة جان صافن عليه ومبتسم: تعبتيني والله... بس كليلي اكو مشاعر اتجاي حتى اصبر روحي بس تكبرين شوي واجيج من الباب ماحب اطفر الشباك ماكدرت ااكد له مشاعري خفت يستغلني :الله يخليك رجعني كافي ..انا كارهة روحي ومحتقرتها لان كاعدة هاي الكعدة صفن بوجهي وهز ايدة: ولج انا ماريد اسويلج شي ..وجاي اكلج انا...... استغفر الله نزل من يمي وانتجة على السيارة وهو يمسح بوجهة... .حطيت ايدي على وجهي وبجيت من قهري احبة ياربي لاتبعدة عني بس ماكدر ارتبط بيه هي كوة اذا مو اخاف اخون ثقة الله اني حاطة الله بين عيوني والله حرام حتى كعدتي يمة اخاف يطير من ايدي شفتة كعد بمكانة وشغل السيارة بدون مايحجي... ولا باوعلي بس جانن عيونة حمر "يابعد عمري مقهور... يجي يوم واعوضك كل هاي الايام بس اصبر ولا تمل" اشو هذا دار عليه :لاجل كلامج هذا مستعد اصبر 100 سنة كدام طكيت على كصتي وهو ضحك بصوت عالي دوروني ماتلكوني حجيت بصوت عالي وانا عبالي احاجي روحي وين انطي وجهي خرب شوف شلون وجهة ضحك ولاجنة توى مثل وجه الارملة... الحلو بالموضوع بعد ماحاجاني من وصلت للبيت :ديري بالج على روحج ولاتفكرين اهواي وانا اسف اذا اذيتج... يجي يوم وتعرفين ليش هج سويت... خلي ابالج من نسمة الهوى اخاف عليج واغار مارديت عليه نزلت من السيارة وركض للبيت هادي🕹 من نزلت ضحكت على خجلها ..بعد ماضاقت بيه كلش واختنكت حتى قررت من ارجع للبيت اكل لامي تخطبلي واحاول انساها بس رب العالمين يريدلي شي ثاني زل لسانها وحجي ..ياريتها ظلت معذبتني وماحجت گلبي ظل يدگ اطبول والضحكة زينت وجهي كل تعب شهر كامل گظيتة اهناك انزال عني صدگ من سماج ازل رحت لعامر حضنتة حيل وهو مستغرب :شبيك ولك جاوبتة والعبرة خانكتني: لك احلى شي صار وياي عامر: غير افهم انتبهت لروحي لا اجفص: بعدين احجيلك تعال ندرب صار عندي حماس حتى ادخل مصارعة كل ساع وابتسمت من اتذكر كلامها وردت فعلها من كضيت ايدها ولويتها وصارت بحضني اتمنيت احضنها وابوسها واشم عطرها اااوووف ربي يمتى تصيرلي مرة... .خفت عليها من نفسي لحظتها... هي بالذات ناريد اسوي وياها شي بالحرام... لانها جوهرة وماريد اخفي لمعتها بسوالف تعبانة وانا صافن واتمضحك وحدي واحس بضربة على رگبتي: ولك شعندك تتمضحك ركضت وراه: اليوم الا.........اختك هج تخرعني اجاني عامر ضايج: هادي شنو هاي حجايتك جاوبتة: مادري بروحي من حجيتها تدري بيه ماحب افشر بس ضوجني عامر: يلا امشينا انا جعت هادي: تعال يمنا تعشة عامر: لا وديني البيت هادي: لا عازمك يمي يلا امشينا نغسل ونطلع وصلنا لبيتنا ودخلتة للدوانية كعدنا نسولف ونضحك لحد ما جهز العشة... بعد ما كملنا اجو الولد وظلينا نلعب وناس تباوع صارتلك گهوة انتبهت من الماضي الي ماخذ من صحتها وعافيتها على صوت الاذان... باوعت للساعة 4:30 ص... مددت جسمها المتكسر كن كعدة الكرسي،:كضيت ليلتي وانا بغيبوبة الماضي مسحت دموعها وكامت توضت انتظرت الاذان يخلص فرشت سجادتها وبجت :ربي ادعوك وگلبي تعب مابيه يصبر بعد... ارحمني يارب وخليني انسى واسامحة واسامح اختي لشوكت اظل هج بعد ما خلص الاذان وكفت وكبرت وصلت بخشوع بعدها سبحت بالسبحة واستغفرت لمت سجادتها وتمددت بفراشها من تذكرت موقف السيارة حرك اهواي مشاعر دفنتها بقلبها اخذت نفس كأن هو اكبالها وجاي تشم عطرة... جان صدك حاميها... محد اتجرأ وحاجاها بنص كلمة انگلبت على صفحتها اليمنى حاولت تنام ماكدرت الماضي الليلة شاد الهمة وياها فبراير 2015 بعد ايام من اخر لقاء بينهم ..اجت اخت ام عامر وطلبت وهج لابنها محمد... كلها قبلت بس وهج رفضت والكل يقنع بيها بس هي رافضة وبيوم كاعدة بالغرة تبجي لان سمعت ابوها يحاجي امها: بنتج ماتعرف مصلحتها خابري الجماعة وكليلهم موافقين ام عامر: انوب خاف تسويلنة مصيبة بنتك ابو عامر: سوي الكلتلج عليه ركضت للغرفة تبجي شافتها ازل: شبيج تبجين وهج: فرحي رح تخلصين مني ابوي رح يجبرني ع ابن خالتج... ازل: دز الموافقة لهم شنو هزت راسها بمعني نعم... كعدت يمها: وهج نسيتي محمد مو جنتي راديتة وهج: جنت... بس مرة اجة وراي للمطبخ كلالي انت حلوة مابيج شي بس مااكدر اتقبلج ..الظاهر جان منتبهلي ازل: يجوز هسة حبج وهج: وين اكو حب كلهم مثل جهاد ازل: عوفي طكعان على صفحةواتزوجي وعيشي حياتج وهج: مايريدني اكمل ازل: على اساس مدبرتها بالدراسة كل سنة بخمسة تطيحين وهج: رح افكر واصلي استخارة واشوف عافتها ازل وحدها وطلعت من الغرفة ..كعدت يم اهلها حاجاها ابوها: ما عقلت اختج ابتسمت بوجهة: عقلت وكالت رح اصلي استخارة الكل فرح لقرارها لتن محمد صدك مايتفوت رجال عاقل فاهم اسلوبة حلوو وحنين يعني شتريد بعد ماناقصة شي... . . . . يتبع⬅ | ||||
|
|
|
15-05-19, 09:06 PM
| #28 | |||||||||
| عضو ذهبي
| البارت رووعة 😘😘انا بطول وانا بقرأؤه عشان اللهجة العراقية شوي صعبة بالنسبة لي🤗🤗 ..عرفنا كيف هادي ساعدهم يتخلصوا من جهاد ..وجهاد بعدها خطب واتجوز وطلق بعد ٣ شهور عشان مرته ماحملت الناس دي عايشة فين 😤😤وكمان راحوا خطبوا له وحدة تانية لاحول ولاقوة الابالله بنات الناس لعبة عندهم 😠😠..هادي اتعلق بأزل ومستني تكبر عشان يتجوزها ..اما وهج فخطبها ابن خالتها الي كانت معجبة بيه ورفضها هو ..هي ازل عمالة تتذكر الماضي وتتحسر ياترى ايه الي حصل وخلاهم يفترقوا وليش هادي مالمح لعامر عن اخته انه بدو اياها ..منتظرين الاحداث الجاية اتمنى لك التوفيق ودمتي بخير😍😍 | |||||||||
|
|
|
16-05-19, 03:50 AM
| #29 | |||||
| اقتباس:
| |||||
|
|
|
16-05-19, 09:33 PM
| #30 | ||||
| دائماً اجعل الأمل لك نوراً في ظلمة ليلك🎶 فالأمل كــ الماء الذي يروي الورود🌹 اذا لم نرتوي منه نفقد الحياة🍒 مارس 2015 بعد شهر من تقنيع وترغيب حتى توافق وهج… ما اقتنعت لحد ما صارت مكالمة بينها وبين محمد… اخذت رقمة.من تلفون امهاx حتى تقنعة يبطل من الخطوبة… اترددت تتصل كدام ازل خاف تفضحها طلعت للحديقة باوعت للرقم ..حسبت لل3 واتصلت انتظرتة يرد… بعد محاولات رد عليها :الوو منو هي :محمد سكت اشوي :اي محمد منو انتِ ترددت خاف تكلة منو وياخذ نظرة عليها: اذا اكولك منو اني خو ما تاخذ نظرة عليه محمد: لا وهج ما اخذ عليج غير نظرة… عرفتج من صوتج عضت على شفتها: عندي سؤال ليش خطبتني انت مو مامتقبلني محمد: ماكدر اجاوبج هسة… من تصيرين على ذمتي مابقى شي على خطوبتنة بصراحة متفاجئ بسرعة قبولج ماعرفت شنو ترد عليه من صدمتها سدت الخط وراحت ركض لغرفتها ..اول ماشافت ازل ضربتها ما ردت عليها ابد… ظلت تغلط وتسب اتهمتها هي السبب :ليش سويتي بيه هج… ليش تكليلهم انا موافقة… تدرين ماريده وخرت عنها: اول مرة اتاكدي يلا تجين تتهجمين عليه.. بابا اتصل وكال موافقين وحددو يوم الجمعة عقدكم… انا شكووو بعد روحي هجبي على بابا وهج: انت تكرهيني مستحيل اصدك بابا يجبرني على الزواج… انت جذابة ورجعت تضرب بيها وازل تحاول توخرها عنها دخلت امهن على صريخهن :بس كافي ولج وهج عوفي اختج وهج: عوفيني اربيها هاي الكلبة دفعتها امها عنها وضربت كل وحدة راشدي :عبالي كبرتن بس تبقن جهال ..بلا شنو سبب عركجن ازل :والله ما سويت شي… وغلاتج يمة ماسويت شي اجتني اتهجمت عليه تكلي انت كلتي لاهلي وهج موافقة امها: وهج ليش ضربتي اختج وهج: لانها كلتلكم انا موافقة وانا ماريد اتزوج يعني اتفاجئ محمد يكلي بعد كم يوم نعقد ليش يمة ليش امها: وانت شلون حجيتي وي محمد هاااا انتبهت لزلة لسانها وارتبكت باوعت لازل تنقذها بسx دارت وجها وما ساعدتها :اخذت رقمة من تلفونج ردت اخرب الخطوبة كضتها امها وضربتها: ادبسز ماتستحين… لج شيكول علينة مامتربيه رايحة متصلة عليه تكسرين كلمة ابوج… جنت ضد ابوج بس هسة غصبن عليج تاخذين محمد وحجاية وحدة ما اسمعلج ..وانت ازل حجاية وحدة وياها ماتحجين فهمتي لو لا ازل :ماشي طلعت من يمهن ووجهة احمر من العصبيه ..دارت عليها وهج: هسة طلع وجهج الاصلي… فرقتيني عن جهاد لانج غيرانة ماعندج حبيب وهسة من اجاج هادي تردين تخلصين مني حتى تاخذين راحتج… بس وراج وراج الا اطين عيشتج وعيشة محمد باوعتلها باستهزاء وهزت ايدها ..كعدت ورى مكتبها اخذت كلينكس مسحت الدم من شفتها… باوعت للمراية الصغيرة الكدامها وجها بيه اثر ضرب وشفتها مورمة بجت من قهرها باوعت لوهج مخليه هيدفون بذانها وتغني :حسبي الله ونعم الوكيل رح يجي يوم تتمنين اسامحج ومارح اسامح عافت كتبها ونامت على فراشها قبل لا تغفى اجة ابالها هادي نزلت دمعتها حاولت تغفة ماكدرت راسها يوجعها من الضرب ورى محاولات نامت الفجر ٥:٣٠ كعدت متاخرة ..باوعت. للساعة كامت بسرعة غسلت وتوضت صلت الصبح قرأت قرآن شوي وكامت للمطبخ سوت ريوك دخلت امها صبحت عليها :سودة علية يمة وجهج مورم من الضرب نزلت راسها: عادي امها:x ميخالف يمة هي متوترة هسة شي جديد عليها اول مرة يدخل بحياتها رجال ورح يتحكم بيها وين جانت مدللة عدنا وين عند الرجال كل شي لا ومايصير عوجت حلكها وهمست:x اي واضح كعدت تتريك ورى ماخلصت دخلت اختها للمطبخ اتجاهلتها وكأن ماتشوفها… راحت للغرفة باوعت للساعة ٦:٥٥ دقيقة يعني اتاخرت كلش رح تصير بالسبعة… بسرعة بدلت وطلعت تمشي سريع… ماهتمت لليباوع لوجها عادي اول مرة تطلع مضروبة ما شاء الله كل مشكلة ست وهج تسوي وجها خرايط وصلت لراس الشارع شافتة واكف لعبت روحها من شكلة سمعتة يصيح: حوبة المظلوم اللهي كملت طريقها انوب اتذكرت ووكفت: جهاد شعندة واكف اهنا ظلت تنتظر وهج مابينت باوعت للساعة كلش اتاخرت: ارجع للبيت ويصير خير راحت ركض للمدرسة دخلت لكتهم يصطفون… ركضت للصف ذبت جنطتها وراحت وكفت بالاصطفاف وهج🎶 حسيت روحي رخيصة شنو يجبروني على الزواج ليش ..شنو يتميز حتى ابوي هج يرخصني… فوك ما اهاني من جنت بالمدرسة يكلي ماكدر اتقبلج… اجت ابالي ازل… هي الي مقنعة اهلي انا موافقة ..ليش اجت اتقنع بيه هي تريد تخلص مني حتى تاخذ راحتها وي هادي رحتلها وضربتها طلعت قهري كلة بيها بس من اجت امي وكالت مالها علاقة مااقتنعت… ردت ارجع اضربها بس امي وكفتني.. عفتها وكعدت اسمع اغاني واغني وي المطرب… .الصبح من كعدت مالكيتها كمت غسلت وصليت… رحت للمطبخ جانت تغسل مواعينها اتجاهلتني وانا هم اتجاهلتها كعدت اتريك وجان تحاجيني امي:x اليوم ماكو دوام وهج: ماكدر اغيب انفصل امها: ومنو كلج رح اخليج تداومين بعد… الجامعة للموقفين ما اتلفي امثالج همج وهج: يمة ضحكتيني بيا قرن عايشة امها: مثل ما كتلج ماكو دوووام اليوم منا لحد الخطوبة هسة تبدلين وننتظر ابوج يوصلنا للمول نجهزج للحفلة وهج: كل عقلج تحجين… وين اكو هج اتجبروني اتزوج سمعت ازل تصيح لامي: يمة انا رايحة وهي جاوبتها: في حفظه يمة وهج: اي ازل مدلله واني انجبر اتزوج امها: ازل اذا اتقدملها شخص زين هم ازوجها… شنو الجامعات اسوت للتخرجو هل كاعدين بالبيت… والبنات اتخرجن واتزوجن وصارن حالهن حال الما مكمل ..وانت ما شاء الله لا دراسة ولا نجاح. عليمن مداومة… انس بعد الدوام وهج: الله يلخذني واخلص من هل دنيا امها: لج شنو كلتي مرة ثانية اسمعج تدعين هج ..وشوفي حسابج شلون.. اقسم بالله اكول لمحمد اعقد عليها وثاني يوم عقدو محمكمة واخذها حتى بدون حفلة ..وعقابا الج فترة الخطوبة اسبوع… اريد اعرف شلون تقللين ادب وحتى تعرفين شلون تدعين وهج: حرام عليج انتِ هم ام مثل البقية… اشوف الامهات يتمسكن ابناتهن انتِ بايعتنا كاعدين على گلبج :وووووهج سمعت صوت ابوي درت عليه عيونة لو سجاجين جان ذبحني :شلون تحاجين امج هج… وهج: بابا الله يخليك ماريد اتزوج ابن خالتي… ليش هيج تسوون وياي ابو عامر: رجال مايتعيب وما ينرفضx خلي ابالج… انا جاي اراقبج واي شي تسوينة ينعكس عليج وانت تنضرين…. يلا روحي بدلي وصيري عاقلة انا لحد الان اعتبرت زواجج فرصة الج تكملين حياتج بيها… والا الي سمعتة عنج مايسر عدووو خفت من تلميح ابوي شنو يقصد ..بس لا يعرف بجهاد ظليت انطي اللوان طلعت من المطبخ بسرعة… رحت لغرفتي بجيت بخوف شلون عرف ابوي… معقولة ازل تغدرني… لا ماتسويها هي هم تنضر مثلي… لعد منو يجوز جهاد هو الحاجيلة لا هذا جبان… شلووون عرف رح اتخبل وووينج ازل عني الا تداومين اليوم ظليت افتر بالغرفة… بعدها قررت ارضى بنصيبي واتزوج زواج اجباري ابو عامر❗ بعد ما طلعت وهج من المطبخ ووجهة مخطوف اتيقنت السمعتة بالحديقة صحيح قبل كم شهر… طلعت للحديقة باليل واسمع صوت تبسبس مشيت على كيفي وشفت وهج ..تخابر وتتمضحك ووضعيتها غريبة الساعة ب ٢:٠٠ باليل منو هذا الي تخابرة… رجعت عنها وانا ليلي ما نمتة… ظليت اراقبها عرفت عدها علاقة وي شخص حاولت اوصل له ماعرفته… اخذت تلفونها وكل رقم اتصلت عليه كلهن صديقاتها… احتاريت شسوي… وبيوم كالو واحد متحرش بازل وراحو لبيتة مادري ليش حسيت ازل تدري بالسالفة… اخذتها للدوانية وطلعت مسدسي وحطيتة على راسها حتى تحجي العدها والما عدها مالكيت جواب غير هذا الولد يتحرش بيها وماخذ رقمها من بت اخته ولهذا راحو لبيت اختة اشتكوا عليه ..سحبت اقسام واني مامخلي ولا طلقة بالمسدسx بس ردت اخوفها ..نفس الكلام عرفتها تجذب عليه لان انا سمعتها باذني تخابر ولد… صفنت على ازل ليش ادافع عن اختها: ليش تغيرين نظرتي الج وتخليني حتى انت ما احترمج واشوفج جذابة لانج دا تضمضمين عن اختج وكفت وباست راسي :ثق واعتقد مستحيل انزل راسك يبقى مرفوع فوك واحنا تربيتك لو وحدة بينا انعمت عيونها وغلطت الثانية تصيرلها نور وتسحبها للطريق الصح ..وهج حتى لو غلطت… بس ثق ما وصل غلطها لشئ جبير مايستاهل اهز صورتها كدامك ماطولها عرفت هي غلطانة اقتنعت بحجيها وفعلا شفت تغيير ..وهج تدرس ومجتهدة صارت والتلفون ماتكضة بس بالدراسة… تركت الموضوع بس ظليت اراقب من بعيد… من خطبها محمد كلت الحل الوحيد حتى بعد ما تفكر تغلط وتنزل روسنا ازوجها وحتى لو اجبرها بعدين تشكرني لان محمد مايتعوض فزيت على صوت ام عامر: يااا شبيكx رديت عليها :خو ما ظلمناها ابتسمتلي ابتسامة تهدي روحي القلقانة :لاتفكر اهواي كلنا هج بالبداية مانقتنع بالزواج بعدين بالخطوبة نقتنع غمزتلها حتى احرجها:شنو هو اليقنعجن ضحكت ودارت وجها ورجعت لصفنتي… محتار خاف ظلمتها… خاف ماتتوفق بحياتها واصير انا السبب ..رح اخلي الخطوبة فرصة واشوفها اتغير رأيها لو تظل معاندة بعدها اشوف شنو الحل الانسب ******* بالمدرسة الكل يسألها عن وجها وتكلهم اتعاركت وي اختي علمود الحجاب المدرسات ضحكن عليها بعد ما خلص الدوام رجعت مشي وتتمنى محد يشوفها… وصلت للشارع العام.عبرتة دخلت بشارعهم وتشوفة واكف بالركن :هذا لزكة ما يفهم الظاهر راحت هادة عليه:انت شتريد بعد ما اتووب شكو واكف بشارعنا ..وهج بح انخطبت ورح تزوجx يعني خلاص ..اتركنا بحالنا ولاتراوينا وجهك القبيح رد عليها :لسان دلالة خو ما دلالة انطيني مجال ارد ازل:وليش اخليك ترد… انطيكياها بدون لف ودوران حتى تنجسح منا عساك ما رديت مو كالو متزوج شتريد بعد جاي هنا بعد جهاد: ما اصدك وهج تتزوج… انا مستعد اطلك مرتي واتزوجها ازل: هو انت من جنت عازب ماصدكتك هسة اصدكك ..وتطلك ليش بوية بنات الناس لعبة ..اكول وخر منا لا افضحك والله هسة اكول هذا يتحارش وعاد تعرفني اسويها تذكر الشرطي لو نسيتة جهاد: لا عمي عليمن الله يستر عليج مو لسان عندج عافها وركب سيارتة غمتة :گلعة بعدها ما مشت خطوة وحست واحد يسحبها دارت عليها ويجيها الراشدي من حيث لا تدري ظلت تباوعلة ومصدووومة…… | ||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
