09-05-19, 09:10 AM
| #1 | ||||
 
|  رواية وجع الرحيل البداية ✴️ _داخل البلكونة الموسيقى ماليةx المكان ممزوجة مع صوت الشط مكونة نغمة كلاسيكية شربت شوي من قهوتي، صفنت على شاشة اللابتوب اقرأ السطور الي كتبتهاx تأفأفت منزعجة :ياربي مشكلة كل مرة ماعرف شلون ابدي بالرواية ...خلص تعبت رح اترك الكتابة لباجر _باوعت للكتاب المحطوط يمي..فتحته احاول اندمج معx الكلمات المنقوشة على اسطر الورق الاصفرx تخيلت الاحداث الي اقرأها بخيال كاتبة ..وتركت لكم حرية التأملx في مقدمة روايتي المقدمة حياتي كانت ومازالت هي ترجمة لكلمتين وجع ورحيل انا الفتاة التي جفت دموعها بسبب الانتظار، انا تلك الفتاة التي تغفو عيناها بعد ان انهكها السهر لا اعلم كيف اتكلم عن نفسي كل ما اعرفه انني عشقت ولازلت اعاني وجع العشق.، بعد مُعاناة طويلة كتبت لي السعادة ولكن لم تدم طويلاً لست الوحيدة ..هناك كثيرات مثلي وثقن بكلمة اسمها الحب ... هذه الكلمة التي تحمل في طياتها الكثير من الالم والاشتياق .. هي ليست كلمة فقط هي مشاعر قد تكون مجهولة للطرف الاخر فنعيش عذابه ..هو الحب الصامت كما قال نزار قباني هناك من يحبك بصمت، ويحترمك بصمت، ويتمناك بينه وبين نفـسه، ويبتعد حين يراك مشغولًا بغيره، ويمنعه كبريائُه مــن الاقـتراب منك” وكم من محب سهر الليالي خوفه يمنعه الاعتراف بمشاعره ...وكم من شخص رأى حبيبته تزف لغيره لانه اتخذ الصمت وسيلة اما المشاعر البريئة التي تجملها نظرات الخجل واحمرار الوجنتين ..هذا اجمل حب وهو الحب الطاهر ..يجمع الحبيبن المشاعر فقط ولكن اذا سيطر الشيطان على هذه المشاعر تحولت من بريئة الى حب الشهوات فأصبح حب شيطاني ...تموت المشاعر هنا فقط تبقى الشهوات هي المسيطر الوحيد على الطرفين..وكم من فتاة قتلت وذبحت نتيجة لهذا النوع من الحب ومن هنا سوف تبدأ روايتي……. خليت الكتاب على الطاولة ..باوعت للشط اخذت نفس وغمضت عيوني .. وكأن هواء الشط انعش رُأتيني ابتسمت بعدها رجعت اتأمل المقدمة الكتبتها "حياتي كانت ومازلت هي ترجمة لكلمتين وجع ورحيل...رح اسمي روايتي وجع الرحيل" الكاتبة😍رحيل بعد سنتين من اعتزال الكتابة… ها انا اعود x بروايتي وجع الرحيل من اعز الروايات على قلبي وحزنت لاني ماكدرت اكملها لكن لسبب الحاح صاحبة القصة (القصة حقيقية) وافقت ارجع انشرها المهم نبدأ بداية الرواية الي تخص معلومات. الابطال ونسمي بسم الله ********** بيت ابو عامر *ابو عامر (خليل) عيونة صفر شعرة اسود بيه لون شگار (نسمية بالعامية شعرة اجلح 😁😁😁) بشرتة حنطاويةx وجهة دائري شفايفة وسط كبرهم *ام عامر (بتول) عيونها جوزية شعرها اسود بشرتها بيضة وجهة بيضويx وشفايفها صغار ..طويلة بس طولها مناسب وي ابو عامر يعني مو اطول منة اتزوج خليل بتول وهو عمرة 23 وهي عمرها جان 18… .صارلة سنة. من متخرج هندسة معماري… صبروا على الجوع والفقر صار عندهم ولد *عامر جامعة تربية رياضيات طويل وجسمة. رياضي لان مشترك بقاعة رياضية… عيونة سود لحيتة خفيفة وحواجبة ثخان خشمة حلو مو ع ابوه ههههههه وشفايفة وسط *وهج جامعة اداب تاريخ طولها وسط جسمها نحيف عيونها صفر بيضة شعرها لونة عسلي مايل للاسود… وجهة طويل لان ضعيفة من تسمن يصير حلووو *ازلx طالبة سادس طويلة جسمها حلو متناسق عيونها اصفر بيها لمة خضرة شعرها اسود حنطاويةx وجهة دائري عدها غمازة بخدها الايمن سماها ابوها ازل لان من حملت بيها امها زال عنهم الفقر واتعين ابوها وصارت حياتهم اكثر استقرار حاليا هذول الابطال اما الشخصيات الجديدة اذكرهم من يظهرون بالرواية الحلقة الأولى.... أسفل الصفحة الحلقة الثانية الحلقة الثالثة الحلقة الثالثة الحلقة الرابعة التعديل الأخير تم بواسطة **منى لطيفي (نصر الدين )** ; 17-05-19 الساعة 07:21 AM | ||||
|
|
09-05-19, 09:21 AM
| #2 | ||||
| اشراف القسم 
| اهلاً وسهلاً بك بيننا في منتدى قصص من وحي الأعضاء ان شاء الله تجدين مايرضيك موفقة بإذن الله تعالى ... للضرورة ارجو منكِ التفضل هنا لمعرفة قوانين المنتدى والتقيد بها https://www.rewity.com/forum/t285382.html كما ارجو منك التنبيه عندما تقومين بتنزيل الفصول على هذا الرابط https://www.rewity.com/forum/t313401.html رابط لطرح اي استفسار او ملاحظات لديك https://www.rewity.com/forum/t6466.html واي موضوع له علاقة بروايتك يمكنك ارسال رسالة خاصة لاحدى المشرفات ... (rontii ، um soso ، كاردينيا73, rola2065 ، رغيدا ، **منى لطيفي (نصر الدين )** ، ebti ) اشراف وحي الاعضاء | ||||
|
|
|
09-05-19, 09:25 AM
| #3 | |||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي  
| اهلا برحيل بيننا في وحي الاعضاء وان شاء الله تجدين ماتتمنين يااااااااااه من زمان ماشفنه اللهجه العراقيه هنا الروايه ستكون كلها فصحى او مختلط سرد فصحى حوار عامي ؟ بالتوفيق | |||||||
|
|
|
09-05-19, 09:49 AM
| #6 | |||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي
| لاتشيلين هم اي شي تحتاجين اسألي اي مشرفه هنا وهي تساعدك تدللين بس نصيحه الروايه لاتكون كلها عامي السرد والوصف يكون فصحى والحوارات عاميه يكون اسهل على القراء ان يفهموها بالتوفيق | |||||||
|
|
|
09-05-19, 09:51 AM
| #7 | ||||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي
| اقتباس:
اول درس تعليمي اتبرع به للجدد عندما تردين على تعليق استخدمي هذه الايقونه  سيظهر لك التعليق واكتب اسفله حتى يعرف الاعضاء ردك هذا لمن | ||||||||
|
|
|
09-05-19, 09:55 AM
| #8 | ||||
| الـ﴿1﴾ــحلقة كم من الصمت والاذى نحتاج، لنعتاد وقع الخيبة حتى لا ننكسر مجدداً كاعدين بالاستقبال توهم مخلصين صلاة، ينتظرون الغدة يكمل، سمعوا صرختها راحولها للغرفة ،لگوها تطفر وتركص وتسوي حركات ما مفهومة، ظل واحد مصفن بالثاني بس امها عادي الوضع عندها متعودة عليها باوعتلهم مصدومين :لا تخافون اجتها الحالة بنتي واعرفها ابو عامر: لج شوفيها خاف تلبسها جني ام عامر: لا كل شي ما بيها هي تجيها فترات تبقى ساعة لحد ما تتعب وتنام، تأثير السادس شافتهم يباعون عليها مصدومين ، ابتسمت لهم بعدين اخذت نفس وصرخت بحماس :واخيراً نجحت بعد معاناة ومعاناة وسهر على النت قصدي على الكتاب ركضت لأبوها حضنته بقوة وحضنت امها، وخرت عنهم بزعل لان ما حجوا شي بعدهم ما مستوعبين خطية :اشو حتى ما باركتولي على الانتصار الساحق لاحظت عليهم علامات التعجب طفرت كدامهم :نجحت يا عالم يا ناس خلصت من السادس يا لله انه لانتصار لابد من حفلة ما بعد خمس دقائق من الصفنة والهدوء :أزل تحجين صدك لو تجذبين حركت حواجبها :صدك وصدك حضنوها فرحانين بنجاحها، ابوها والدمعة بعينة لان ما توقعها تنجح :شكد صار معدلج حكت شعرها مترددة:60 عيونه صارن حمر والوجه ورم (يمة بابا تحول) :شنو 60 يا جامعة تلفيج ضلي كاعدة بالبيت احسنلج طلعوا من الغرفة ضايجين، اما هي سدت الباب وحضنت خدودها بچفوفها :اهم شي نجحت ما يهمني وما يهمني كلام الناس، اهم شي نجحت نجحت وكفت كدام المراية باوعت لنفسي بغرور لحنت بصوتي: سنة ورى سنة ورى سنة وجان اخلص هاي السنة ، وهاي السنة صار التخرج من صدك هاي السنة، السنة الجاية جامعة، الله الله يا جامعة ويا جامعة عليمن شايلة خشمج يا جامعة ،ططو طم طح يا جامعة يا ام الخير وخلصنا من السادس باركولة باركولة ، ها ها هذا لعبنا لا تكول استهتار ..وش.... سمعت امها تصيح عليها: هذا صخام وجهج بس ولا نفس عبالي جايبتلي معدل بيه خير ردت عليها :بتجرحي مشاعري يا امي يا ست الحبايب دا بدل ما تباركي يختي ليه كدا باوعت لزوجها ضام ضحكته هز أيده :ما تصير لها چارة راحتلها للغرفة تمثل العصبية :سكتي احسن الج لان ابوج معصب كلش وروحي حضري مواعين الغدة حاولت اضحكها لان عرفتها ما معصبه منها :ايباه شكلج مطربة تخربيه بالأمومة ليش ركضت للمطبخ بعد ما شافت امها دنكت على نعالها( تكرمون) أزل✴️ مممم هاي نمط بسيط عن حياتي ابوي وامي متفاهمين كلش ويحبون بعض وعلمونا على الحب بيناتنا والاحترام ابوية برغم الفقر ما قصر على امي واخواني بشي ومن اتعين وحالنا اتبدل دللهم... وامي واعية وصابرة وما طلبت منة شي غير اللبس البسيط واللكمة الحلال ووكفت وياه بأصعب الحال... حتى ذهبها باعته وساعدته براتبها من جانت تشتغل معلمة لكن من اتعين ابوي كالتلة بعد ما اشتغل اريد اكعد بالبيت اربي اطفالي وهو ما جبرها على كللها ما عندي مانع تشتغلين لكنها رفضت لان خافت علينه وين تحطنا من تداوم واحنا وحيدين مو يم اهل ابوي وامي، طبعا راح تستغربون ليش اصيحهم هج احس ابوي وامي اقرب لقلبي من بابا وماما ومن اريد ادلع عليهم اكللهم هج... بالمطبخ كاعدين نتغدة ، اني ادندن اسمع اخوي :نجحنا وليحب خل ينجح ويانة رفع حاجبه :لو معدل 90 شسوين باوعتلة بغرور: وشنو ال90 اخت ال60 بس هاي واكفة على رجليها عامر: هههههههههههه لعد ال60 معاقبيها وموكفيها على راسها، المهم مبروك خيتي الحلوة والج مني هدية أزل :يا بعد عمري والله احسن من بعض الناس غسلوا باوعت لأبوي الي غلس وكام من الطاولة وراه امي كامت عود ما سمعوني اقترب مني اخوي بهمس :اكلج ترى معدلج مايجيبلج حتى كرزات مو بعد جامعة باوعتلة بزعل :وانت ليش مقهور اني راضية، عود خل اشوفك تتعين من تتخرج خاف تبسط بعربانه مال لبلبي عامر :خو ابسط بيج بس ادري ربع دينار ما احصل من وراج أزل :واويلي واويلاااه تريد تبيعني انا اختك الوحيدة عامر :الوحيدة مو دخلت اختي المتزوجة وشايلة ابنها :يبوؤ طركاعة على الحر وضيم الحر، حارة كلش... السلام عليكم شلونكم عامر: هلا عيني وعليكم السلام ليش جيتي مشي جان خابرتيني وهج: حبيبي ماردت اتعبك عامر: يلا امشينا للصالة. هناك كاعدين طلعوا من المطبخ وبقت ازل تعزل المطبخ ..صفنت على روحها وضحكت اتذكرت شلون حالها قبل ساعات أزل✴️ ايديه ترجف وگلبي نبضاته متسارعة حسيت روحي تطلع من جسمي وعيوني تدور بين الاسماء، وكف نظري على اسمي ازل خليل سالم، توجهت نظراتي تلقائيا للنتيجة ناجحة حسيت اكو وشه باذني، بعدها صار هدوء ما اسمع بس نبضات گلبي الي بدت تخف اشوي، كأن يد الرحمة سحبتني من الظلام الجنت بيه، لأول مرة من ثلاث سنين احس الفرحة تغمرني من الداخل، لأول مرة الابتسامة تنرسم على شفايفي مو تمثيل، لأول مرة الدمعة تطيح من عيني مو دمعة قهر، لأول مرة گلبي يعيش هاي الصدمة ،صح مو صدمة مميتة مثل ما تعودت بس جنت محتاجة هج فرحه، محتاجة قلبي ينتعش بعد ما موتة القهر والغدر، حسيت بماي حار ينزل على خدودي، بس هل مرة دمعي غسل القسوة والبرود الي صار بيه، مو مثل كل مرة كل دمعة تطيح تحركني من الداخل، صرخت من اعماق گلبي قررت ما اخلي اي شخص بعد يحطمني ويكسر هاي الفرحة گطع صفنتي اختي :الحلوة بشنو صافنه ابتسمت بمجاملة: ما اسوي شي بس حضرت الشاي لزمتني من كتفي :أزل مارح تنسين، شوفيني متزوجة وعايشه حياتي والماضي راح ليش تعاقبيني على غلطة ابتسمت لها : منو گال انا مامسامحتج، بس تعبانة شوي وهج :ما فهمت وخرت عنها :انسي ..يلا تعالي شربي شاي وهج: بعدة يتصل عليج ازل :لا عفتها محتارة التغيير الصار بيه شنو سببه هي عبالها اني زعلانة منها ما تدري الغيرني هو الحب الشايلتة بگلبي وعذاب البعد بسبب الخيانة موتني وهج❇️ انا وازل جانت تربطنه علاقة أقوه من علاقة الاخوة، نسهر سوى على التلفزيون ومرات نسمع راديو سوى نكعد نغني ونركص، هي جانت ترتبلي كل شي ما تحب الهوسة والوصخ واني عكسها زين من اكوم اسبح عجوزيه كلش، هي عصبيه كلش ومن تعصب اكبر واحد متشوفة كدامها مرة عمي اجانة يتعارك وي امي وهي طلعتلة بالمكناسة بوقتها زعل وظل ما يجي لحد ما ابوي اخذها تعتذر منة ، بس بيوم من الايام عرفت عندي علاقة بولد هي تغيرت وياي وجانت هاي غلطتي الوحيدة ، وثقت بيه كلش واتعلقت بيه، جنت أشوفه هو كل شي بحياتي، وعدني ورى سنوية ابوه يجي يخطبني ودارت السنة وظل يتهرب بعدها عرفت هذا يلعب عليه كمت اتحجج عندي دراسة او عدنا خطار وما ارد عليه بعدها بدت المشاكل وحدة ورى وحدة لحد ما اتزوجت بعد ما ادري عنة شي. هو يصير خال صديقتي ، شافني من جنت اروح وي بنت أخته نركب بسيارات (الكية)، ماخذ رقمي منها، من عرفت ازل نصحتني ابتعد عنه وهو جذاب بس ما سمعت منها، اتصلت من رقمها مرة عليه وهو لطش وزع ارقامنا وظلينا نغلق التلفونات جان دوم يوگف باب بيتنه كتهديد الي، حتى وصلت بيه يرسلي ابن عمة الي جان مسجون يهددني بالقتل... . طلعت من المطبخ وكعدت يمها بالصالة، ضحكت على بابا معصب عليها لان معدلها ضعيف :بلا بيا جامعة تردين تنقبلين أزل: قانون ابو عامر: تهي ياجامعة حكومية تقبلج زين تحصلين معهد أزل: عادي ادخل جامعة اهلية او مسائية ردت عليها امي: ومنو يدفع التكاليف شيب ابوج كتم عامر ضحكته لان امه من تعصب تنسى روحها وتظل تجفص أزل: طبعا بابا اكيد مارح يخليني اداوم معهد ابتسم لها: لا بابا انا مارح ادفع... شيب امج راح يدفع عامر :بوووف هجمة مرتدة ام عامر :انت اسكت أزل: مالي علاقة شيب ابوي لو امي ادخلوني جامعة 😎😎😎 ابو عامر: يصير خير عفتهم واخذت صينية الشاي ورحت غسلتها ومسحت السنگ رحت لغرفتي دورت على موبايلي لكيت ٢٤ مكالمة من رقم مجهول لو مر علية سنين ماكدر انساه ورسالة طويلة "الو وين مختفي الحلو ..شو ما تردين لازم نجحتي وتكبرتي علينه ...بس وين ترحين وراج وراج " سمعت نغمة تلفوني بيه حجي لو ينحجي يخفف عليه اهواي من جروحي بيه عتب بيه تعب صابر عليهم كوة لازم روحي .فتحت خط: مو كافي ما مليت مني خلاص عوفني الله برضى عليك *: ما اكدر اعوفج... تدرين انت النفس الاتنفسة ازل: انت ليش هج تسوي بيه لا انت الراحمني ولا انت العايفني... انا تعبت *:انا اتصلت ابارك نجاحج فرحتيني... ولو معدلج ما راضي عليه ماردت عليه دمعت عيونها وهي تذكر حرصة على دراستها وكم مرة يشرحلها رياضيات وانكليزي *:اسف ازعجتج باي ومرة ثانية من اتصل ردي لا اتعرفين شسوي بيج ازل: ياااخي افهم انت ما عندك كرامة غلقت الخط وصلتها رسالة( تسدين الخط بوجهي انا اعلمج بسيطة)... .بجت بصوت ناصي :الله ياخذك فكني كرهت روحي رفعت راسها... فتحت عيونها متفاجئة . . ⬅ يتبع | ||||
|
|
|
10-05-19, 10:50 AM
| #9 | |||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي
| من هذا ؟؟؟ معقوله نغسه الشاب الذي كان على علاقه باختها !!!!!!!!!!!!!! اتوقع من سمعتها هي اختها .. | |||||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
