آخر 10 مشاركات
الدخيلة ... "مميزة & مكتملة" (الكاتـب : lossil - )           »          263 - بيني وبينك - لوسي غوردون (الكاتـب : PEPOO - )           »          انتقام النمر الأسود (13) للكاتبة: Jacqueline Baird *كاملة+روابط* (الكاتـب : * فوفو * - )           »          أنفاس أحمد *مميزة ومكتملة* (الكاتـب : سامراء النيل - )           »          52 - خداع المرايا - أجاثا كريستي (الكاتـب : فرح - )           »          ربما .. يوما ما * مميزة و مكتملة * (الكاتـب : كاردينيا الغوازي - )           »          رواية البوليس السري - سيلينا دولارو (الكاتـب : ahmad2006771 - )           »          الرواية الثانية بقلمي..أسألك الرحيلا.. *مميزة ومكتملة* (الكاتـب : sweettara - )           »          ✨الصالون الأدبي لرمضان 2024 ✨ (الكاتـب : رانو قنديل - )           »          [تحميل]ليالي.. الوجه الآخر للعاشق / للكاتبة رحاب ابراهيم ، مصرية ( Pdf ـ docx) (الكاتـب : فيتامين سي - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات العربية المنقولة المكتملة

إضافة رد
 
LinkBack أدوات الموضوع انواع عرض الموضوع
قديم 02-10-16, 02:09 PM   #1

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Rewitysmile25 أنا مش مجنون أنا بس طالبة في كلية العلوم / للكاتبات ثلاثي أضواء المسرح . مصرية مكتملة






بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

نقدم لكم رواية
أنا مش مجنون أنا بس طالبة في كلية العلوم
للكاتبات ثلاثي أضواء المسرح



قراءة ممتعة للجميع.....





لامارا غير متواجد حالياً   رد مع اقتباس
قديم 29-10-16, 11:59 AM   #2

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

رابط لتحميل الرواية

https://www.rewity.com/forum/t359512.html#post11663638


بسم الله الرحمن الرحيم

السلام عليكم ورحمة الله وبركاته


نقدم لكم رواية

أنا مش مجنون أنا بس طالبة في كلية العلوم

للكاتبات ثلاثي أضواء المسرح






التعديل الأخير تم بواسطة فيتامين سي ; 03-11-16 الساعة 12:04 AM
لامارا غير متواجد حالياً   رد مع اقتباس
قديم 29-10-16, 12:00 PM   #3

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

الحلقة الاولى


اممممنمنمنمن
لا ماتركزوش دانا بتاوب
استنوا بقي ما اسكت الكلبوظة ابنى الصغنون ده وارجع احكيلكم قصتى
جييييييت
نبتدى بقي حكايتنا
مع اول مرة شوفته ابتدت بقي بحتة شكلللللة
كان اول يوم ليا في الكلية
عارفين انتوا طبعا جو الكلية وبنات الكلية
انا بقي ماكنتش كده خااااالص
عارفين نجيبة والقبة؟؟
لالالالا مش اوى كده برده
بصوا هسيبكم تتخيلوا
طبعا اول مرة اروح الكلية
ومش عارفة اى حاجة في اى حاجة
واذ فاااجأة ظهر ان ان انننن
عم الضكتور
واحد طووول بعرض بارتفااااع ومدى كده على متوازى مستطيلات ولابس نضارة
اكيد لازم يبقي دكتور من الكلية هنا
روحت قولتله
- لو سمحت يا دكتور فين جدول المحاضرات بتاع سنة اولى
تنح شوية وبعدين قلع النضارة وبصلى بصة غريبة
وقاللى
- مانتوا لو تبطلوا المنظرة الكذابة و تشيلوا العدسات اللى ضاعفة نظركم دى كنتوا شفتوا , الجدول قدامك اهو يا انسة
ومشي وسابنى ولا كانه لسه مهزقنى
ايه ياختى الدكاترة دول؟؟ دى شكلها سنة سودة من اولها
وعلى فكرة بقي دى عنيا حقيقي مش عدسات
اه مانا ماقولتلكوش
انا لون عنيا زرقا لون السما
بعد ما خرجت من الصدمة سمعت صوت دوشة جامدة حواليا وهجووووم
ايه الناس دى كلها؟؟
طلعت واقفة قدام الجدول بالظبط
يالا الاحراااااج
دلوقتى يقول بتلكك عشان اكلم حضرته
وشي جاب كل الوان الطيف
وبعد ما اخدت الجدول مشيت جرررى عالبيت
وكفاية عليكوا كده بقي سيبونى شوية مع احراجى
نكمل بعدين بقي
سلااااااام




دى كانت المقدمة
اتمنى تعجبكم



لامارا غير متواجد حالياً   رد مع اقتباس
قديم 29-10-16, 12:02 PM   #4

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

الحلقة الثانية


طبعا فضلت محروجة يومين والحمد لله ماكنش عندنا محاضرات ولا سكاشن
فضلت قاعدة في البيت اليومين دول مأنتخة بقى
تالت يوم بقي راحت عليا نومة وقمت ببص في الساعة لقيتها 11 يا مصيبتىىىىىى امال المنبه ماضربش ولا ايه؟؟ شكلى طفيته ونمت كالعادة يادى النييلة
طلعت غسلت وشي وبنده لماما
انا : انتى يا ست ماما
ماما:نعم عايزة ايه ؟؟
وصوتها جاى من المطبخ رحتلها عالمطبخ
انا: انتى يا ست ماما انتى سايبانى نايمة كل ده مش عارفة ان عندى كلية بدرى؟؟
ماما: انا جيت اصحيكى قولتيلي سيبينى انام فسبتك
انا: تقومى تسمعى كلامى كده على طول؟؟ دا ايه الحنية دى؟؟ دانتى ايام الاجازة تقعدى تصحى فيا ومابتسيبينيش غير لما اصحى
ماما: طب يا ام لسان طويل روحى البسي مش بتقولى متأخرة
انا: اه صحييح
وجريت عالاوضة لبست جرررى وجاية انزل لقيت ماما بتندهلى
ماما: يا لولووو
انا: عايزة ايه بس يا ماما انا متأخرة ومش لاحقة ؟
ماما: تعالى يابنتى خدى السندوتشات بتاعتك قبل ماتنزلى
انا: سندوتشات ايه بس يا ماما بالله عليكى؟؟ انا طالبة في كلية دلوقتى مش حضانة انتى عايزة العيال يتريقوا عليا ولا ايه؟
ماما: ما اللى يتريق يتريق امال هتقعدى من غير فطار؟
انا: هشترى اكل من الكافيتيريا يالا بقي اتاخرت سلااااااااام
ولسه ماما جاية تكمل كلام قمت نزلت وقفلت الباب
نزلت جرى عالسلم و قولت مابدهاش بقي اركب تاكسي والحق اروح بسرعة ,مع انى اصلا من هواة الميكروباصات
نزلت قدام الكلية وجاية اطلع للراجل فلوس التاكسي , لقيتنى نسيت المحفظة
يالهووووووووى اعمل ايه بس ياربي وانا لسه معرفش حد في الكلية كنت استلفت منه
قولتله بصوت واطى وكلى احراج : معلش يا اسطا ترجعنى البيت تانى
ووشي احمرررر اصلى من النوع اول ما اتكسف وشي يجيب الوان
لقيت السواق بيقول:
خلاص يا قمر احنا نطول نوصل الجميل ببلاش , ولو تحبي اجى اجيبك مافيش مانع خدى رقمى رنيلي اول ماتخلصى
انا:نعم نعم نعم؟؟ حضرتك هتبقشش عليا ؟؟ ورقمك ايه ده اللى اخده انت هتصاحبنى ان شاء الله؟؟ انا بنت محترمة ولو سمحت ماسمحلكش تتكلم معايا بالاسلوب ده
معرفش جبت الصوت ده منين ؟؟ مع انى والله عادة ببقي رقيقة وكيوت خالص
وفاجأة لقيت حضرة الضكتور اداله الفلوس وقاله: اتفضل ياسطا
وبصلى نفس ذات البصة وبعدين دخل الكلية
شكلى بقي شراب مقطع وريحته وحشة كمان
استغفر الله العظيم يارب معرفش انا لما بشوف الكائن ده بتعصب كده ليه؟؟ شكله كده بينرفزنى
مش عشان يعنى دفعلى يبقي خلاص يبصلى احتقار
اللهم طولك يا رووح وصبرنى على هذا اللوح
طلعت متسربعة طبعا عشان الحق السيكشن
مش عايزة اقولكم بقي اتكعبلت كام مرة بس طبعا ولا همنى
كملت عالسلم ولا كأن بكل زهو وفخر وراسي مرفوعة في السما
لقيت واحدة معايا في ثانوى كانت معايا في درس الاحياء
بس هيا كانت في تالتة وانا في تانية
وازيك وعاملة ايه وانا طبعا ما صدقت لقيت حد اعرفه
وهاتك يا رغى ونسيت نفسي ونسيت السيكشن لقيتها بتقوللى :هاتى رقمك بقي وخدى رقمى وهمشي دلوقتى عشان ورايا سيكشن
انا: سيكشن؟؟ يالهووى وانا كمان طب سلام بقي سلاااااام
وطلعت ادور على معمل الكيميا لقيت قدامى اربع معامل كيميا
اصلى من لبختى وانا بنقل الجدول ماننقلتش كيميا ايه بالظبط
يا حوستى بقي هو يوم اسود من اوله
ياربي اعمل حادى بادى ولا اخدهم واحد واحد ولا ايه
وانا متأخرة اصلا
قولت يالا على خيرة الله حادى بادى ودخلت
اول مادخلت لقيته قدامى في وش الباب
يا سنة سوحة دا طلع هو الدكتور بتاعى
لقيته بقي واقف عمال يشرح لمجموعة من الطلبة, وكل مجموعة في جمب لوحدها
اول ماشافونى كله برق وقعد يتنح وبيبصولى بصات غريبة ,ايه هما عمرهم ما شافوا بنات ولا ايه؟؟
قولت بقي مابدهاش هروح اعتذرله مش الدكتور بتاعى بقي
انا:معلش يا دكتور والله ماكنتش عارفة المعمل وتهت في الكلية وكده عشان كده اتأخرت
لقيت كل للى في المعمل نزل ضححك
وجه واحد مكشر ( عامل 111 بوشه)
جه من ورايا بيزعق ويقول: انت يا استاذ
واقف ترغى مع البنات وسايب السيكشن حضرتك
اتفضل كمل شغل وانتى يا انسة ايه اللى جايبك هنا؟
فضلت متنحة شوية
زعق وقاللى: بكلم نفسي!! ما تردى يا انسة
قولتله وبكل براءة: هو مش ده سيكشن كيميا سنة اولى؟؟
قاللى: لا دى سنة تالتة سيكشن اولى في المعمل اللى جمبنا ,اتفضلى روحى زمانه بدأ من بدرى
طلعت من المعمل وقعدت ابرطم
يعنى ماطلعش دكتور؟؟ وشايف نفسه عليه امال لو كان دكتور كان عمل فيا ايه ماعدش الا الاشكال الضالة دى الكليات لمت ولا ايه اجودعان؟؟
رحت ادخل السيكشن لقيت المعيدة
ايوة هيا دى الدكاترة ولا بلاش , حتة بسكوتاية كده
اذ فاجأة سمع صوت جهورى بيقول انتى مين؟
قولتلها انا دفعة اولى
قالتلى ولسه جاية يا هانم
اتفضلى اطلعى برة وبعد كده تلتزمى بالمواعيد
بقي بالذمة البسكوتة دى يطلع منها الصوت ده!!
يا سبحان الله, يالا احسن برده قال يعنى كنت هموت واحضر
بس برده مش من اولها كده اعمل ايه انا دلوقتى
اروح بقي افطر مش هيبقي طرد وخراب ديار
رحت الكافيتيريا اشترى الاكل والحمد لله قبل ما اوصل افتكرت انى ناسية المحفظة
فرجعت تانى استناهم عالباب عشان لما حد يطلع
اسألهم خدوا ايه بدل مانا مش عارفة اى حاجة في اى حاجة كده
طلعوا البنات وكلمتهم واتعرفت على واحدة صورت منها السيكشن
وخدنا ارقام بعض ورجعت البيت مشي لحد ما طلعت روحى كنت ناوية اخد الفلوس وارجع الكلية اديهومله
بس بصراحة كسلت
اصل انا على رأى ماما كثيفة (طبعا مش فاهمين يعنى ايه)
اقولكم انا يعنى كثافتى عالية فبضضل مبطوطة مكانى ومش بتحرك
بطة ,بطة ياخواتى
بس والله مانا بذلت مجهود اهو مش كفاية مروحة البيت مشي





سلام بقي اشوفكم الحلقة الجاية


لامارا غير متواجد حالياً   رد مع اقتباس
قديم 29-10-16, 12:04 PM   #5

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

الحلقة الثالثة


ظبطت المنبه على قبل ميعاد السيكشن بساعة
عشان انا عارفانى بموووت في الانتخة
كل ما المنبه يرن اطفيه واقول هاخد بس غفوة 5 دقايق
واصحى بعدها بنص ساعة
المهم فطرت وغسلت وشي ولبست واتشيكت
نزلت ركبت الميكروباص
طب هعرف هو فين ازاى بقي؟؟
ولا اعرف ليه هو اصلا كل شوية الاقيه في وشي
قعدت طوول اليوم ماشوفتش خلقته
ياربي اجيبه ازاى ده وانا ولا اعرف اسمه ولا اى حاجة عنه
ايه الغباء ده يخربيت الزهايمر
ماهو كان في السيكشن الاحد الساعة 10 معمل كيميا
ايوة انا اروح اشوف مين كان هناك وانا هعرف جدوله
الله عليا والله
رحت الحيطة اللى متعلق عليها الجداول
يابوووووووووووى
ايه كل الجداول دى
وبعد معاناااااة وتمحيص وتفحيص في الجداول
اخيييييرا وجدتتتتته
سنة تالتة قسم كيميا صناعى
دا ايه النحس ده ياربي مش عليه محاضرات ولا انهاردة ولا بكرة
هفضل بقي مديوناله يومين
يارب يدينى العمر واديهومله خلينى اخلص
احسن ده شكله عيل تيت ممكن يدخلنى النار على 5 جنيه
اوووووف انا اصلا مش عليا محاضرات الاربعاء مش مشكلة بقي انزله مخصوص
خلصت محاضراتى وروحت
وكذلك اليوم اللى بعده
خلصت وروحت البيت وقولت اظبط المنبه قبل ما انام
هو كان عنده اول محاضرة تانى يوم الساعة 8 الصبح
وانا لو وقف على شعر راسه مش هنزل بدرى
دانا بفوت كل محاضراتى اللى بتبقي 8 الصبح دى
استنوا اقوم اجيب الجدول اشوف عنده تانى امتى
اهو عنده محاضرة من 8 ل10 وسيكشن من11 ل1
انا اكون عنده هناك 10 بعد المحاضرة بالظبط عشان الحقه في الساعة اللى قبل السيكشن
اروح الزقله عالباب من قبل 10 احسن يروح في حتة كده ولا كده معرفش اجيبه
قششششششطة الحق انام بقي عشان اخد راحتى في النوم
جه يوم الاربع صحيت الساعة 9 نطيت في الهدوم بسرعة
وخدتلى ساندوتش اكله في السكة ونزلت ركبت ورحت على باب السيكشن
حبة ولقيت العيال كلهم طالعين قعدت ابحلق فيهم مالقتهوش
يييييه شكله ماجاش انهاردة ونزلت عالفاضى
ماشية بقي انفخ ومش طايقة نفسي
لقيت البت صاحبتى اللى كنت حكتلكم عنها قبل كده
مانا عارفاكم زهايمر وبتنسوا
هيا مش صاحبتى اوى يعنى
بس قررت انها تبقي صاحبتى اهو عالاقل في الدفعة اللى قبلى وتظبطنى
ورق وتلخيصات والذى منه
لقتها قاعدة مع حبة بنات شكلهم كده عساسيل
ومع انى انطوائية ومعرفش اتكلم مع حد معرفوش
بس قولت الواحد دخل كلية بقي ولازم ينفتح على الحياة
رحت قعدت معاهم واتعرفت عليهم وطلعوا بنات عساسيل خالص
قولت استفيد بقي واسالهم عالدكاترة ونزلوا حكايااااات
يالهووووى دول الدكاترة دول طلعوا حكاية
لمحته بطرف عينى ماشي مع اتنين اصحابه
قولت للبت صاحبتى الواد اهوووو
قالتلى واد مين؟؟ قولتلها اللى دفعلى التاكسي
قالتلى انهى فيهم
قولتلها اللى في النص ابو نضارة ده
قالتلى هشام!!
قولتلها انتى تعرفيه منين
قالتلى يابنتى ده اشهر من النار عالعلم
داحنا مسميينه عندنا هشام فلتة
عارفة انتى نجيبة متولى الخولى
هو بقي النسخة المذكر منها
ده يابنتى هشام معيد المستقبل
اى حد مش فاهم حاجة دفعته او الدفعات اللى قبله وحتى دفعة رابعة
بيروحوله يشرحلهم والدكاترة كلهم بيحبوه ويحترموه
قولتلها طب استنى بقي اما اديله الفلوس واجى
قالتلى استنى ايه بس فهمينى الاول
قولتلها بعدين بعدييين
رايحة عليه لقيت اصحابه بيقولوله يا عم خنقتنا كل ده عند الدكتور بتهبب ايه
رد وقالهم كنت بقنعه بوجهة نظرى وماسبتوش غير لما اقتنع
الدكتور اقتنع بوجهة نظره؟؟
شكله طلع فلتة بجد بس ما علينا وانا مالي انا عايزة اديله فلوسه ومشوفش وشه تاني
- احم احم لو سمحت
اللهم طولك ياروح (في سرى طبعا)
- لو سمحت
يادي النيلة هيعمل فيها عم الزفت التقييل (في سري بردو اصلي مقلتولكوش اني شجاعة جدا)
- لو سمحت يا استاذ هشام
اوباااااا طلعت منى عالية مسرسعععععة باصرخ
ولقيتلكم بقي كل الكلية بتبص عليا
- لقيته لف بكل هدوء حضرتك بتكلمينى انا؟؟
عبيط ده ولا ايه
- احم احم ايوة اتفضل
- ايه دول؟؟
- دول الخمسة جنيه اللى حضرتك دفعتهم للتاكسي
- تاكسي ايه؟؟
هيعملي فيها هندى بقي
- اتفضل خد الفلوس وخلصنى
(يخربيتك خدهم بقي الناس هيفكرونى بتنحرش بيك)
بص على ايدى وبكل برود قاللى
- عيب يا انسة احنا زمايل
كلاكيت تانى مرة ونفس الموشح اللى اديته لسواق التاكسي
- نعم نعم هو حضرتك هتبقشش عليا انت اصلا تعرفنى منين عشان تدفعلى
ولسه جاية اكمل الموشح لقيته بيسكتنى وبيقوللى بس بس احنا في الكلية هتلمى علينا الناس وفي عنيه نظرات رجاء
وياستى لو عالفلوس طلعيها لله بعد اذنك ومشي وسابنى واقفة لوحدى والناس كلها بتبصلى بصات غريبة
الواد المجرم ده احرجني خالص
خلاني فنص هدومي ا نا عايزة اعيط منك لله يا بعيد الهي ما تكسب ولا تخسر وتفضل متعلق كده حسبي الله ونعم الوكيل فيك انا غلطانة اني عايزة ارجعلك فلوسك والله لجايبة بيهم بيبسي وشارباه ومش هخليك تاخد ثواب يا معفن
اهئ اهئئئ
فاجأة لقيت النور طفا وماحستش بنفسيمضروبة في عيني
صحيت فاجأة لقيت ناس كتير اووووووى حواليا
واللى يدينى عصير واللى يدينى شيكولاتة
هو فيه ايه ليكونوا فكرونى بشحت
وبعدين ايه التراوة دى
بحط ايدى على وشي لقيته مبلول اه يا اندال مين اللى تف عليا؟؟
حسيت بحد بيحاول يقلعنى الطرحة
انتى بتعملى ايييه ومسكتها من ايديها
(حتى البنات بتتحرش بيا يا وقعة مربربة , بس لاااااا كله الا الشرف هيا البنت مننا ايه غير شرف وحبة حاجات فوق بعض)
قمت حاولت اقعد والناس عمالة تسالنى انتى كويسة؟؟
نجيبلك حاجة؟؟
انتى بتشتكى من الضغط او السكر؟؟
ببص حواليا لقيته واقف معاهم وعنيه فيها نظرة قلق
هو فيه ايه ؟؟
لقيت البت ياسمين صاحبتى بتقولهم خلاص هيا فاقت وسندتنى هيا والبنات اللى معاها
(اه فقت خلاص بيتك بيتك ياختى منك له له له , هيا الناس كده مابتصدق تلاقي جنازة وتشبع فيها لطم )
ودونى عالكافتيريا لقيتلكم بسلامته جاي وجايبلي شيكولاتات وعصاير وبيقوللى انتى كويسة؟اتفضلى
هو جاى يكمل عليا ولا ايه البااااااارد
تعرفوا انا لو بس كان فيا صحة كنت قمت جبته من زمارة رقابته وادتله المين على وشه عدلوه
هو فاكرنى شحاتة ولا ايه جاى يصرف عليا
لقيت ياسمين بتقوله شكرا يا هشام هيا خلاص بقت كويسة
(اه كويسة غور بقي روح بيتكم ياض شكلك بيلبش جتتىىىى)
جدا
البت ياسمين روحتنى لحد البيت حرام والله طلعت اصيلة البت دى



سلام بقي اشوفكم الحلقة الجاية



لامارا غير متواجد حالياً   رد مع اقتباس
قديم 29-10-16, 12:05 PM   #6

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

الحلقة الرابعة


صحيت من النوم عندى كمية كسل
ياربي انا ايه اللى خلانى ادخل الكلية دى
مالها كلية تجارة دى حتة فيها هوا يرد الروح
ولا شكاشن ولا محاضرات والحياة نعناااااع
انا ايه اللى رمانى الرمية دى بس ياربي
كنت عالاقل اترحمت من سعادة الضكتور اللى شايف نفسه عالناس
بس وربنا بحظى الفقر ده مش بعيد كان حول هو كمان
ولا تلاقي عنده اصحاب هناك وكل شوية ينطلى
انا ايه الهبل اللى بفكر فيه ده بس ياربي
انا اصلا بفكر فيه ليه بلا قرف
فطرت ولبست ونزلت رحت الكلية
لقيته واقف علي باب الكلية
لا بقى هو ورايا ورايا
بصيت في الارض وقولت وانا مالى ماليش دعوة بيه
وماشية بعيد عنه لقيته بيندهلى لو سمحت يا انسة
عملت نفسي طارشة وكملت مشي عادى جدا وهو عمال ينده
فاجأة لقيت حد واقف قدامى برفع راسي لقيته هو
لو سمحتى بس يا انسة لحظة واحدة من فضلك
لو سمحت يا استاذ ماينفعش وقفتنا دى الناس تقول عليا ايه
(كنت اولى كلية بقي ولسه محترمة وكده)
قاللى انااسف بس والله انا بس كنت عايز اعتذرلك عن موقف امبارح
انا والله الوقفة دى مضايقانى انا اصلا مش متعود اقف مع بنات كده
بس انا من امبارح مانمتش والله عشان حضرتك تعبتى بسببى
(بسببه؟؟ ده ايه ده هو فاكر نفسه مين)
انت فاكر نفسك نيوتن وهتخترع الذرة؟؟
اولا الذرة ماحدش اخترعها الذرة موجودة اصلا فاسمها تكتشف
ثانيا مش نيوتن اللى اكتشف الذرة
(شوفوا الواااد ؟؟ مصمم يحرق دمى)
والله نيوتن ولا مش نيوتن بقي ماليش دعوة ولو سمحت بقي عندى محاضرة
طب استنى بس انا والله مش عايزك تزعلى منى انا اسف والله ماقصدش انا بس دبش كده ومابعرفش ازوق الكلام وخصوصا لما بكلم بنت ببقي لبخة خالص وبلبخبط في الكلام
(بصراحة الواد صعب عليا شوية وكان هينزل دمعتين)
قولتله خلاص ماحصلش حاجة وتقدر تنام بقي انا مش زعلانة خلاص
قاللى بجد؟؟
قولتله مش حكاية بقي ماقولتلك ماينفعش وقفتنا دى بعد اذنك
ومشييييييت طلعت عالمدرج اللى عندنا فيه محاضرة
فضلنا بعد كده طول الفترة اللى بعدها بنشوف بعض وملاحظة انه بيقعد يبصلى
بس حرام من ساعتها ماجاش يحاول يكلمنى
وانا بعمل نفسي كانى مش شايفاه
جيت بقي قبل الامتحانات
العيال كلهم طلعوا بياخدوا كورسات وانا طبعا ماكنتش باخد حاجة بططساية
عديت الكام مادة الاولانيين بالعافية وجه اخر امتحان بتاع الكيميا بتاع دكتور سيد
الراجل ده ولا كان بيشرح ولا بيدى منهج ولا اى بتنجان
روحت اسال البنات اللى معايا اما اشوف هيذاكروا منين
الاندال اللى بياخدوا كورسات ماحدش فيهم عبرنى
بس لقيت بنت جاية بتقول انا هذاكر من الملخصات بتاعة هشام فلتة
انا: وانتى جبتيها منين دى؟؟
البنت: اصل اخويا زميله وكان بياخد منه الملخصات فانا خدت كل الورق من اخويا
واحتفظت بيه لانى ناوية ادخل نفس القسم
قمت بصتلها برجاء وقولتلها :طب ممكن اصور منك؟؟
البنت: طبعا تعالى معايا نصور في السايبر انا كده كده كنت خارجة اجيب فطار
اتصاحبت انا والبنت اللى طلع اسمها منة واتفقنا نذاكر سوى بصراحة طلعت بنوتة لذيذة خالص
اتفقنا كل واحدة تذاكر لوحدها الاول واللى مش فاهم حاجة يشرحها للتانى
وخصوصا ان الامتحان لسه عليه 4 ايام
روحت البيت وغيرت هدومى واتغديت ونمت شوية
ماهو الورق كانوا كام ورقة بالعدد فلسه فيه وقت
صحيت وفتحت الورق حاولت اقرا وافهم
انى افهم كلمة ورق ملعبك كده وكله معادلات
لا مكتوب جاية منين ولا بتعمل ايه
اتصلت بمنة اسالها عملت ايه؟
انا: ايوة يا منة انتى ذاكرتى الورق؟
منة : لا انا بحاول فيه بس مش فاهمة اى حاجة بلااااااص
انا: طب وبعدين هنعمل ايه؟؟
منة: خلاص حاولى تانى وبكرة تعاليلي البيت اخلى اخويا يذاكرلنا
انا: لا طبعا ماينفعش بيت ايه يابنتى بابا مايوافقش
منة: مايوافقش ليه يابنتى مش بنذاكر
انا: لا يابنتى عشان اخوكى وكمان اكبر منك
منة:طيب ياستى خلاص تعالى واخلى اخويا يشرحلنا في الكلية ايه رأيك؟؟
انا: لا ياختى اتحرج
منة: تتحرجى من ايه يابنتى انتى عبيطة؟؟
انا: لا اتحرج اقعد مع ولد وكده
منة: هو انتى هتبقي لوحدك مانتى هتقعدى معايا
ها هتعملى ايه؟؟
(قعدت افكر اعمل ايه هو اكيد مش هيبقي حرام اوى مانا مجبرة بقي ومش عايزة اسقط من اول سنة كده)
انا: ماشي خلاص الساعة كام؟
منة: الساعة 10 عشان اخويا عنده امتحان يخلص 10
انا: طب ومش هنعطل اخوكى كده؟؟
منة: تعطليه؟ هههههههههه يابنتى ده اصلا بيذاكر قبل الامتحان بنص يوم يكون خلص المنهج
وكمان بيجيب امتياز , الولاد دول يابنتى ما شاء الله عليهم احنا ندح طول السنة وهما يجوا اخر نص ساعة يذاكروا وفي الاخر نجيب درجات زى بعض لو ماجابوش اعلى مننا كمان
انا: ماشي ياختى اقعدى قرى على اخوكى لما هتجيبيه الارض اقفلى بقي واشوفك بكرة ان شاء الله
منة: ماشي سلام
انا: استنى صحيح هنتقابل فين؟؟
منة: في الكافيتيريا
انا: ماشي يا بنتى سلام
منة:سلاااااام
فضلت طول الليل قلقانة وبحلم بكوابيس
صحيت الصبح وقولت لماما انى نازلة الكلية
قالتلى نازلة ليه حكيتلها عالحوار قالتلى ماشي يابنتى مادام مضطرة
بس بصراحة فضلت حاسة بالذنب
رحت الكلية لقيت منة مستنيانى في الكافتيريا
وقالتلى اخويا طلع بس راحوا يفطروا الاول انتى فطرتى؟؟
قولتلها لا والله ماكنش ليا نفس
قالتلى طب خلاص تعالى نروح نفطر سوى واهو نفتح نفس بعض
ورحنا جبنا اكل ورجعنا ناكل في الكافيتيريا
رجع اخوها ومنة عرفتنا ببعض وقولتله ازى حضرتك
قاللى حضرتك ايه بس خلى البساط احمدى انتى زى منة اختى
ها بقي مش فاهمين ايه؟؟
منة : قول فاهمين ايه دانا مافهمتش اىىى حاجة
اخو منة:ماشي يا غلباوية ركزى وركزى انتى كمان يا علياء
(اه صحيح نسيت اقولكم انا اسمى علياء)
وقعد يشرح ويشرح حبة ولقينا هشام جه من بعيد وبينده عليه
هشااااام تعالى وشاورله وقال انا هجيبلكم الفلتة بنفسه يذاكرلكم
(لا بقي احنا ماتفقناش على كده)
طب خلاص يا منة بقي انا هقوم اكمل انا ولو فيه حاجة مافهمتهاش ابقي اسالك في التليفون
ليه بس يا لولو استنى ونروح سوى دا الفلتة بنفسه هيشرحلنا
يابنتى بس عيب ايه الفلتة دى اسمه هشام انتى تحبي حد يقول عنك كده؟؟
وانتى ياختى محموقة ليه عشانه ان شاء الله؟؟
كان الفلتة جه قصدى هشام جه
وانا كان وشي احمررررر من اللى منة قالته
وقعدت هو يشرح وهيا كل شوية تغمزلى
وانا وشي يجيب الوااان ماشي يا منة انا غلطانة انى بعرف الاشكال الضالة اللى شبهك
بس حرام طول ماهو بيشرح مارفعش حتة عينه في حد فينا
اخو منة : هروح اجيبلكم حبة حلويات تتسلوا وانتوا قاعدين
هشام ندهله وقاله انت رايح فين يابنى استنى انا جاى معاك
المهم خلصنا شرح وروحنا واحب اقولكم انى جبت امتياز في مادة الكيميا
الوحيدة اللى جبت فيها امتياز




وبدأت بقي اجازة نص السنة نكمل بقى الحلقة الجاية .....


لامارا غير متواجد حالياً   رد مع اقتباس
قديم 29-10-16, 12:07 PM   #7

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

الحلقة الخامسة


مش قادرة اوصفلكم الاجازة مرت بطيئة ومملة اد ايه المفروض انها اسبوعين اتنين بس بسسب الاوضاع الامنية في البلد قعدنا شهر ونص
وحتى مخرجتش
يحرق السياسة اللي بتضيع الاجازات
المهم بقى اخيييييييرا رجعت الدراسة عمري ما كنت افتكر اني هفرح برجوع الدراسة والقرف بس مش عارفة ليه المرة دي كان نفسي اروح الكلية اوي اشوف منة واصحابي
وبصراحة بردو الواد هشام ده مع اني معرفوش اوي بس اتعودت انى اشوفه وحاسة انى عايزة انزل بقي عشان اشوفه
متفتكروش حاجة وحشة انا عارفة دماغكم شمال (ههههه زيي)* انا بس علشان اشكره واقوله اني جبت امتياز بسببه
روحت بقى اول يوم الكلية طبعا انا كنت علطول قبل ما انزل اخد وقفت كتييييييير فتجهيز الاكل علشان افطر والمم اشيائي المرة دي بقى اول مرة اطول ادام المراية مع اني كنت بلبس فثواني
صحيت من الساعة6 الصبح
تخيلوا وانا عدوة الصحيان بدري ينيلك يا منة للدرجة دي وحشاني (ههههههههههههههه صفوا النية اصلي بحبها صاحبتي بقى)
اعدت اجرب احط زبدة كاكاو حمرا وامسحها واحطها وامسحها تحسوني عندي تخلف عقلي فالاخر قرت امسحها اصل معلش يا منة مش هبوظ اخلاقي من اولها علشانك انتي فاكرة نفسك ايه (ههههههههههههههههه)
الساعة بقت 8 مرة واحدة
اما اكلم البت منة بقى اقولها ننزل بدري بقى لحسن خلاص مبقتش طايقة قعدة البيت دي وانا بكلمها اقولها ننزل بدري مكانتش مصدقة ودانها انا اللي بفوت محاضرات الصبح بدري مصممة ننزل بدري سبحان الله
المهم بقى مش هطول عليكم نزلنا الكلية وفضلت مستنية اليوم كله مش عارفة مستنية ايه بس استنيت ومحصلش حاجة انا حاسة اني بكره الكلية دي اوي ...انا ايه اللي حصلي بس انا عمري ما كنت مودية كده ده غير اني بقت دمعتي قريبة جدا
وجه تاني يوم والتالت وهكذا لاخر الاسبوع
لأ بأه كده كتير بصراحة ازاي يعني فلتة ومعيد المستقبل ويبقى مستهتر بالشكل ده ؟؟اسبوع كامل غياب ,,, وانا مالي انا ايه يهمني اصلا ما كل واحد حر وبعدين انا شاغلة نفسي بيه ليه ,,,, متبقيش عبيطة انتي بتفكري وشاغلة نفسك بيه وهو تلاقيه نسى انتي مين اصلا,,, لحسن يكون عنده مشكلة يا لهوي اكيد تعبان او تلاقيه محبط وعنده اكتئاب يارب ميكونش حصل حاجة وحشة ويكون كويس ويكون مسافر بيتفسح فاي حتة ياااااااااااااااااااااااا رب
معرفش ايه خلاني ادخل على جروب الدفعة على الفيس بوك مع اني عمري ما دخلت عليه بوستاتهم بتستفزني اوي بصراحة ,,,,, بس قلت ادخل ادور عليه ومجاش فدماغي اني اشوف اعضاء الجروب ذكاء مستفحل بقى بعيد عنكم
فضلت ادور بالطريقة المتخلفة بقى اشوف بوست بوست ومين عامل لايك عليه ومين كاتب كومنت بعد تلت او اربع ساعات تقريبا (مش عارفة الناس دي رغايين كده ليه كل دي بوستات ينيلكم) لقيت بوست نازل من اسبوعين عزاء للطالب فالفرقة الرابعة كيميا صناعي هشام عبد السلام الدمنهوري في وفاة والده
معقول يكون هو؟؟
اناا معرفش غيران اسمه هشام فلته
يارب ميطلعش هو
وبعدين لو كان هو اكيد كانت منة عرفت من اخوها وقالتلي ولا ايه ؟
خلاص هسألها .....
اتصلت بمنة اسالها بس طبعا حاولت مايبانش انى بسال عليه
فبقولها دانا دخلت على جروب الدفعة بقلب في البوستات لقيت ياعينى طالب في رابعة والده اتوفى
الواحد بصراحة مايتخيلش الحياة ممكن تكون ازاى من غير بابا
الطالب ياعينى اسمه حاجة كده الدمنهورى
يا ترى عامل ايه دلوقتى؟؟
ربنا يصبره يارب ويصبر مامته لو عايشة
يالهوى لمتكونش عايشة يبقي ابوه وامه الاتنين ميتين يا حبيبي
واخيييييرا ابو الهول نطق
لقيت منة بتقوللى لا يابنتى مامته عايشة ربنا يصبرهم يارب
قولتلها هو انتى تعرفيه؟؟
قالتلى اه يابنتى دا هشام فلتة
دا طلع هو فعلا واتجننت عليها انتي ازاي متقوليليش وفضلت ازعقلها
قالتلي عادى يعنى ماجتش مناسبة وبعدين انتى مالك مهتمة اوى بالموضوع كده؟
قولتلها عشان عيب اوى يعنى عالاقل المفروض نعزيه ده اقل واجب
دا عطل نفسه ايام امتحاناته عشان يذاكرلنا , داحنا جايبين امتياز في الكيميا بسببه
قالتلى يابنتى اصلا مش هتعرفي تعزيه ده قافل تليفونه ولا بينزل من البيت ولا بيشوف حد
الظاهر كان متعلق اوى بباباه الله يرحمه
قولتلها يا حبيييييبي
حبيبك؟؟ طب ياختى كنتى قولى نعرف ان الواد محجوز
محجوز ايه يابنتى وايه الكلام الفارغ ده
بت يا منة انتى قفلتينى اقفلى اقفلى عيلة رخمة صحيح
يييييه طب كنت خدت منها الرقم , بس هيا قالت انه قافل تليفونه , ياترى عامل ايه؟؟
لا حول ولا قوة الا بالله ربنا يصبره يارب
هو كده فوت اول اسبوع دراسة اكيد هيجى تانى اسبوع
ساعتها بقي ابقي اروح اعزيه ان شاء الله
يووه هستنى كل ده؟؟ اعمل ايه بس ياربي
ماهو مافيش في ايدى حاجة غير انى استنى
عدى تانى اسبوع وهو ماجاش برررررده
وكل اللى يشوفنى يقوللى انتى مالك شكلك بقي عامل كده ليه؟
واللى يقوللى بقيتى شبه الموميا
منة قالت انه هيقدم اعتذار السنة دى ومش هيجى
قولتلها طب ممكن تجيبيلى رقمه من اخوكى ونعزيه يعنى دا واجب برده
قالتلى اه مانا حسيتك هتقولى كده وجبتلك الرقم اهو
اتحرجت اوى بصراحة هتقول ايه عنى دلوقتى
بس بقي خلاص يعنى هعمل ايه مش لازم اعزيه
ولا يقول علينا ماعندناش دم ولا ايه
اووووووف خدت منها الرقم ولقيتها بتقول على فكرة هو فتح موبايله خلاص
روحت البيت وكل شوية امسك التليفون اقول اكلمه ؟؟ لالا مش هكلمه
لا اكلمه هعزيه بس, لالالا وانا مالى
لا مالى ازاى بس الواد قعد يشرحلنا ودفعلى التاكسي وجابلى حلويات لما تعبت
لا ايه الهبل ده وبعدين افرض قاللى انتى متصلة ليه
خلاص اخر قرار انا مش هكلمه
وفضلت احاول انام كتييييييير لحد ما رحت اخيرا في النوم
طبعا صحيت متأخر ونزلت الحمد لله المحاضرة كانت الساعة 1
وانا قعدة مع منة في الكافيتيريا شوفففته
يالهوووووى شكله متغير اوى خاسس وحوالين عنيه اسود شبه الباندا
استاذنت من منة وقولتلها هروح الحمام
قالتلى طب استنى جاية معاكى
قوتلها لالا هاجى بسرعة خليكى عشان ماحدش يقعد مكانا
وجريت عشان الحقه , لقيته داخل مكتب وكيل الكلية , شكله جاى عشان يقدم الاعتذار
فضلت واقفة متنحة قدام المكتب وفضلت مستنياه وهو فضل جوه كتييييييير
ومنة قعدت ترن ونا اكنسل وترن تانى واكنسل مش وقتك بقي يا منة
في الاخر لما زهقت لسه جاية برد عليها وقوتلها ايوة يا منة , لقيته خرج قولتلها طب انا هقفل دلوقتى واكلمك بعدين سلام
وجريت وراه لو سمحت يا هشام فضل ماشي ندهته تانى وتالت وفي الاخر رحت وقفت قدامه وقولتله انت اخد في وشك كده ليه
عمالة اندهلك بقالى نص ساعة نفسي اتقطع وكل ده طبعا وانا بنهج
قاللى انا اسف يا علياء ماسمعتكيش خالص والله , كنتى عايزة حاجة؟؟
قولتله انا سمعت يعنى باللى حصل وكده وكنت ... كنت يعنى ... كنت عايزة اقولك البقاء لله
اتلاقيت عنيه دمعت وقاللى اه البقاء والدوام لله بعد اذنك ولسه جاى يمشي
لقيتنى فاجاة بقوله هو انت قدمت اعتذار عن السنة دى خلاص؟
لقيته لف وبصلى شوية وقاللى انتى عرفتى منين؟
قولتله انا ... انا ... يعنى انت خلاص فعلا مش هتيجى السنة دى تانى؟؟
قاللى لا انا كنت جاى بصراحة اظبط مع الدكاترة ووعدتهم انى التزم ان شاء الله من الاسبوع اللى جاى
قولتله امال كنت بتعمل ايه عند الوكيل؟؟
ابتسم ابتسامة رقيقة خالص وقاللى ماهو بيدينا مادة , وكنت ماشي رايح لباقي الدكاترة عشان الحقهم قبل مايمشوا
قولتله بس انت كنت ماشي في الناحية دى والمكاتب من الناحية التانية
لقيته ابتسم تانى وقاللى اه صحيح
معلش مش مركز , طب الحق امشي انا بقي عن اذنك
الله ابتسم ومرتين انا خلاص عرفت انا هعمل ايه
انا هتبنى حالة هشام
اه مش ادخال السرور على قلب مسلم عمل خير؟؟
انا هفضل وراه بقي لحد ما ينسي اللى هو فيه
واهو كله لوجه الله



هعرفكم بقي الحلقة الجاية انا عملت ايه
استنونى



لامارا غير متواجد حالياً   رد مع اقتباس
قديم 29-10-16, 12:46 PM   #8

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

الحلقة السادسة


طبعا كلكم عايزين تعرفوا عملت ايه؟
بقيت اتصلت بيه كل شوية اتطمن عليه وساعات كنا نخرج سوى
ومرة واحدة رحت معاه السينما وقعدنا ورا خالص (ايموشن مكسوف)
حيلك حيلك انتي وهيا ......
طبعا صدقتوا, بقي انتوا تعرفوا عنى كده برده؟؟اخص عليكم اخصصصصص
انا اه عايزة اساعده بس بصراحة مش عارفة اعمل ايه ومينفعش اعمل حاجة غلط
اعمل ايه فالاحترام ده بس
ياريتني اعرف انحرف شوية افك فيهم عن الواد
ايه قلة الادب دي؟؟ انتي بقيتي مجرمة يا لولو بطلي هزار بقى وفكري بجد
هتعملي ايه يالولو هتعملي ايه يا لولتي
بس وجدتهااااااااااا
الولد ده مش هيخفف عنه الا انه يشترك فجمعية من جمعيات الخير
وافتكرت ان منار بنت خالتي متطوعة فجمعية اسمها احباب الرحمن
انا هتطوع معاهم اشوف ايه نظامهم وابقى اقوله يجي معايا قصدي معانا مرة
المهم بقى الاسبوع خلص وهشام رجع يحضر محاضراته تاني
انتهزت فرصة اني كنت جمب معامل الكيميا يوم الحد كنت طالعة مش فاكرة اعمل ايه بس اكيد يعني مكنتش رايحاله مخصوص هع هع هع
وسلمت عليه وهو داخل السيكشن بتاعه واصحابه فضلوا يتغامزوا ويتلامزوا طبعا لما شافونا
دتكم نيلة عيال هم , بس انا مش هخليهم يبوظوا خطتي
معرفش ليه قلتله على الجمعية بتاعة احباب الرحمن دي علطول مع اني كنت ناوية اروح اشوف نظامها ايه الاول
قولتله انا ملاحظة ان الحزن مأثر عليك جدا وده مش صح لان اكيد والدك الله يرحمه هيبقى حابب انك تعيش مبسوط
علشان كده حبيت اقترح عليك تيجي تتطوع معانا فجمعية احباب الرحمن
دي جمعية بتعمل اعمال خير وهتتبسط اوي معانا ان شاء الله
قالي هي فكرة حلوة جدا انا محتاج اني اعمل حاجة زي دي بس معلش ممكن اول مرة اروح فيها تبقي موجودة معايا لاني اول مرة اسمع عن الجمعية دي ومش هبقى عارف حد هناك
ولا انا وحياتك يخويا (فدماغي طبعا مينفعش اقوله كده لحسن يفتكرني بتمحك فيه هو كويس انه افتكرني بعمل دعاية للجمعيه بتاعتنا هههههههههه حلوة بتاعتنا دي)
قلتله طبعا زي ما تحب وان شاء الله تتبسط جدا معانا انا بقالي فترة مبروحش علشان الدراسة وكده بس ان شاء الله يوم الخميس هروح بعد الكلية لو تحب تروح
قالي تمام ممكن ابقى استناكي لما تخلصي محاضراتك ونروح سوا
اول ما قال كده لقيت واحدة بتردح جوه دماغي :نعم نعم ؟؟سوا فعينك انت فاكرني خلاص صعت بقى ولا ايه
طبعا سكت طنط اللي بتفرش الملاية دي ورديت انا قلتله لا طبعا مينفعش اللي حضرتك بتقوله يا استاذ هشام انا هبقى اعرف حضرتك العنوان وتروح لوحدك وانا هبقى هناك ان شاء
طيب ما تقوليلي العنوان دلوقتي
اصل انا معرفش العنوان بالظبط بروح بالشبه كده فالافضل اني اتاكدلك منه
براحتك زي ما تحبي
الحمد لله انه مقليش اقوله العنوان بالشبه والا كان شكلي هيبقى بايخ اويييييييي الحمد لله
رحت بقى سألت منار بنت خالتى ربنا يسامحها بقى (بعدين هبقى اعرفكم عملت ايه) وقالتلي العنوان بالظبط
تاني يوم مشفتوش فالكلية بس يوم التلات قابلته عند الكافيتيريا بالصدفة البحتة طبعااااا انا مكنتش بدور عليه ولا حاجة
واديتله العنوان وقلتله اني هروح يوم الخميس من الساعة 4 ان شاء الله
وقلت قبل ما اخلي الولد يروح بقى ونتفاجئ احنا الاتنين اروح انا يوم الاربع
ورحت بالفعل يوم الاربع لقيتهم عاملين دروس دينية عن الحجاب والصلاة وحاجات كده
فقولت الحمد لله الجمعية طلعت كويسة واتبسطت من الناس اللي هناك اوي
وقالولي ان بكرة وبعده ان شاء الله هيبقى استكمال للدروس الدينية , وبعد كده هيبقى في ندوة للتعريف بنشاطات الجمعية لان في ناس كتير لسه جايين جديد وميعرفوش هما ممكن يشاركوا معانا فاي نشاط بالظبط
المهم يوم الخميس فالكلية بقى انا اتأخرت لغاية الساعة 4 ونص ولما نزلت لقيت هشام مستني تحت وقاعد لوحده
شكله كده مستنيني ولا ايه, انا هعمل هندية ولا كأني شايفاه اصلا هو هيستعبط ولا ايه
بس حرام هو فضل مستني شوية لغاية مانا خرجت من الكلية وبعدها بخمس دقايق كده خرج
كنت انا لسه مش لاقية تاكسي عمري ما ابقى محتاجة تاكسي بسرعة والاقيه
المهم جه تاكسي يتيم ماشي لوحده كده تحسوه دخل الشارع بالغلط شاورتله ووقف الحمد لله ومتأمرش عليا ولا قالي رايحة فين الاول وكان عمو عجوز شكله عسول ووشه بشوش كده
وقلتله العنوان ومشى خطوتين وبعدين وقف ادام هشام وقالي بعد اذنك يا استاذة ومدنيش فرصة ارد
ولقيته بيقول لهشام على فين يا استاذ فقاله نفس المكان فقاله طيب اركب
انا اعترضت طبعا وقلتله مينفعش لو عايز تركب معايا حد تركب بنت
فهشام اتحرج وقاله خلاص يا اسطى انا هستنى تاكسي تاني
الراجل الرخم قاله والله ابدا لازم تركب ولفلي وقالي متخفيش مش هنخطفك
(اما راجل رخم صحيح ما الواد اتنيل وقالك هيستنى تاكسي تاني)
خلاص يا عمو مش مهم انا ممكن انزل انا
الراجل يختي قام شاخط فيا حتة شخطة وانا بفتح الباب وقالي اقفلي الباب ومنتيش نازلة
ولف بص لهشام اللي كان اتحرج ومرضاش يركب وقاله اخلص يابني واركب هتطيروا اليوم وانتوا واقفين
وطبعا سمعنا كلامه لحسن يضربنا
صعب اوي عمو ده
انا محروجة جدا جدا وفضلت باصة فالارض طول الطريق
هو ماله الطريق طويل كده ليه ومبيخلصش ياااااامسهل
اخيرا الحمد لله وصلنا واول ما نزلنا من التاكسي لمحنا عربيات بوليس ماشية من ادام المقر بتاع الجمعية
والناس واقفين يتفرجوا روحت اسأل ست عسولة كده واقفة باسدال البيت واضح انها من قاطني العمارة
قالتلي ينيلهم ال مسمين نفسهم احباب الرحمن ال منهم لله , طلعوا ارهابيين وعايزين يحرقوا البلد ربنا يحرقهم مطرح مهما قاعدين
لقيت هشام اول ما سمع الكلام ده برق وعنيه طلعت لبرة شكله كده افتكرني ارهابية وعايزة اجنده معايا
منك لله يا منار والله لقايلة لخالتو على الجمعية الزفت اللي انتي بتروحيها دي هخليها تعلقك
وبقيت فنص هدومي ادام هشام ياربي اعمل ايه دلوقتي الواد هيخاف مني
قلتله بص بقى بصراحة انا معرفش الجمعية دي واول مرة اجي كانت امبارح
علشان كنت عايز اخليك تنشغل بحاجة بدل الي انت فيه انا اسفة جدااااا
وجيت بقى اجري من وشه لاني نفسي الارض تنشق وتبلعني
مسك دراعي وقفني
(هو بجد عمل كده ومسك دراعي انا من الصدمة اتسمرت مكاني)
هو ساب دراعي بسرعة وقالي اسف والله مش قصدي بس خفت تمشي وانتي متضايقة كده
وعموما لو كان هدفك انك تخففي عني وتكسبي فيا ثواب فانتي نجحتي
بصيت عليه لقيت وشه محمر من كتر الضحك وبيكتم الضحك بالعافية
قلتله طيب الحمد لله ان حد فينا مبسوط( وانا متضايقة خالص ومكشرة )
فضحك ساعتها بصوت عالي وفضل يقهقه
قلتله انا لازم امشي بقى قبل ما البوكس يرجع ونتكلبش احنا الاتنين وحاولت اكتم ضحكتي بس بصراحة كنت فرحانة جدا اني خليته يضحك من قلبه
مش قلتلكم اني هتبنى حالته واعالجه
الله عليا بجد ياريت في مني عشرة ولا حتى مليون
قالي طيب اشوفك بقى يوم الحد ان شاء الله فالكلية
ايه التطورات دي يا علياء الواد بيديلك ميعاد كده عيني عينك انتي عيارك فلت
مردتش عليه بقى ففضل مستني ولقيته بيوقف تاكسي وبيقولي بيتك فين
قولتله ها؟
قالي علشان التاكسي قوليله العنوان فقلتله
ولقيته ياختي بيحاسب التاكسي لسه جاية انطق واقوله لأ لقيته برقلي بعنيه وخفت اوي
(بس اول مرة اخد بالي من عنيه لونها عسلي ورموشه تقيله وتجنن, استغفر الله العظيم من كل ذنب عظيم شكل كده محدش هيوديني النار حدف الا هشام ده)
فسكت بقى والتاكسي روحني
فضلت احلم بيوم الحد ومستنياه يجي بفارغ الصبر وافكر هو ليه قالي اشوفك يوم الحد
معقول همشي معاه فالكلية كده ادام الناس ولا نعد عالكافيتيريا
اكيد لأ هشام اصلا محترم وعارف اني محترمة ومليش فالجو ده
هو اكيد قصده انه بيتبسط بس لما بيشوفني فالكلية
يوم الجمعة والسبت دول طوال بشكل ده انا غسلت كل سجاد بيتنا وغسلت الستاير وكويتها
وطبخت وغسلت المواعين و مسحت البيت كله دي حتى ماما مكنتش مصدقة ان انا بنتها , كنت عايزة اعمل اي حاجة تطير اليومين دول وتخلي الوقت يعدي بسرعة
وبرغم كل ده صحيت يوم الحد متاخر لاني مكنش جايلي يوم قبلها كنت حاسة كأنه اول يوم اروح فيه الكلية
وفاتتني اول محاضرة بتاعة دكتور وليد
احسن انا اصلا مش بفهم منه حاجة دكتور وليد ده تحسوه عبقري كده
ودماغه كلها علم ومش عارف يتعامل مع عقولنا الصغيرة هو مفترض اننا على درجة معينة من العلم ومن الطبيعي اننا نفهمه, مش عارفة جايب الثقة دي كلها فينا منين
ما علينا المهم بقى انا مبسوطة خالص اني هشوف هشام النهاردة
روحت الكلية على الساعة 12 لقيت هشام رايح جاي من المبنى اللي فيه المكتبة وفايده كتب عملاقة بس شكله متضايق اوي
يادي اللنيلة اعمله ايه علشان يتبسط ده؟؟, اخلينا يتقبض علينا بجد بقى المرة الجاية ولا ايه
روحت اكلمه لقيته بيرد عليا ببرود وحسيته متضايق مني
قلتله في ايه يا هشام هو انا زعلتك فحاجة انت اتضايقت من اللي حصل يوم الخميس
قالي لا ابدا يا استاذة علياء
استاذة ؟! طيب بعد اذن حضرتك بقى يا استاذ هشام
قالي اتفضلي ومشي وكان شكله مخنوق اوي
بس يولع ولا يهمني انا عملتله ايه علشان يعاملني وحش كده
رحت المدرج اللي كان عليا فيه المحاضرة بتاعة الساعة 1 قلت هستنى بقى فيه مليش نفس اشوف البنات ولا اقعد معاهم
لقيت واحد ملزق كده من العيال الفرافير اللي معانا فالدفعة جاي يكلمني
وبيقولي ازيك يا علياء عاملة ايه , قولتله الحمد لله , خير في حاجة؟!
قالي هو فيه والحمد لله اني لقيتك لوحدك كنت عايز اتكلم معاكي شوية
(يكلمني فايه ده كمان هي ناقصة)




يالا ادينا هنعرف الحلقة الجاية
استنونى



لامارا غير متواجد حالياً   رد مع اقتباس
قديم 29-10-16, 12:47 PM   #9

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

الحلقة السابعة


وقفنا الحلقة اللي فاتت عند لما الواد الملزق جاي عايز يكلمني ومنشكح اوي اني لوحدي
انا كنت بقى على اخري من سي زفت هشام ده ومش مستحملة حد
وطلعت كل زعابيبي مكنش ناقص الا اني ابصق عليه بس عموما هو يستاهل, اصلا عيل مستفز , قلتله يعني ايه كويس انك قاعدة لوحدك وعايز اتكلم معاكي هو انت مين اصلا ؟! وبكمل لقيت الظريف بيقوللى زياد انا زياد وبيمد ايده يسلم (لا يا واااااد اهو ده اللى ناقص)
اهلا وسهلا , ايه المطلوب مني يعني
قالي مالك اجريسف معايا كده ليه؟ كل الموضوع اني معجب بيكي وباخلاقك وكنت حابب نتكلم شوية نتعرف اكتر على بعض
قلتله انا متأسفة جدا بس انا مبكلمش ولاد وبعد اذنك بقى
لسه جاية امشي لقيت الواد بيقولي اومال فلتة ده ايه؟؟ مش ولاد؟! ولا هو بيندرج عندك تحت فصيلة ايه؟
(كل اللي جه فتفكيري اني اد ايه اتغيرت واتخليت عن مبادئي وسمحت لواحد زي ده انه يشكك فسلوكي)
قلتله بالرغم انى مش ملزمة انى افسر لواح زيك تصرفاتى بس احب افهمك ان هشام قريب واحدة معانا فالدفعة وشرحلنا مادة كنا هنسقط فيها
وياريت تخليك فنفسك بعد كده
ومشيت وانا مش طايقة نفسي حتى المحاضرة قلت مش حاضراها
تاني يوم رحت الكلية وكل اللي يشوفني يقولي مالك اننتي تعبانة ولا ايه
معرفش ايه اللي حصلي جالي اكتئاب رهيب وكرهت نفسي
المشكلة اني اتزفت وعلقت نفسي بهشام
بس ولا يهمني انا هاجي على نفسي ومش ممكن اسمح لحد يهين كرامتي ولا ان حد يمسك عليا غلطة وارجع بقي علياء القديمة اللى عمر ماحد قدر يتكلم عنها كلمة واحدة
مش عارفة ليه اغنية اليسا "بعد النهارده ازاي انا عن نفسي هرضى ارجع لحد قدر يمد ايديه عليا"
هو اينعم محدش مد ايديه عليا ولا حد يقدر بس حاسة اني فيوم واحد خدت قلمين جامدين اوي علشان يفوقوني
واحد من هشام وده وجعني اوي وجع قلبي قبل ما يوجع كرامتي والتاني من زياد وده خلاني حاسة اني خنت ثقة اهلي فيا.
مش هطول عليكم فحكاية الفرافير دي انا قررت ان محدش اهم مني ولازم اهتم بدراستي بقى شوية
بقيت بحضر كل محاضراتي حتى بتاعة 8 و9 الصبح
الله عليا لما بحب اجتهد
وفالوقت اللي حسيت اني خلاص نسيت هشام او اوهمت نفسي اني نسيته لقيته جاي بعد ما عدا تلت شهور وخلاص كنا قربنا نخلص امتحانات وعايز يتكلم معايا
بس طبعا ولاعبرته انا مصدقت اني رجعت لنفسي القديمة ومشيت ولا عبرته
بس طول الليل فاليوم ده اعدت افكرو اتخيل كان عايز يقولي ايه واتخيل رد فعلي ايه
كنت فخيالي شوية بهزقه واقوله انت فاكر نفسك مين علشان تكلمني كده
وشوية اعيط وادخل فحضنه واقوله انا اتعلقت بيك اوي( ده طبعا بس افلام شاروخان باشا بتجيب للواحد تخلف عاطفي)
كان نفسي ساعتها اكلم منة اسألها رأيها ايه اصلا وحشني كلامي معاها, معرفش ليه حاسها متغيرة معايا هي كمان كأني ناقصة يعني
عموما انا مش محتاجة رأيها اصلا انا خلاص قررت انه لو حاول يكلمني تاني هرد عليه بمنتهى البرود واتعامل كأن مافيش حاجة خالص
بس شافني فالامتحان اللي كان عليا بعدها ولف وشه الناحية التانية وكأنه متضايق انه شافني
فاخر امتحان بقى مكنتش متوقعة اني اشوفه لانه خلص امتحاناته قبلى بيومين (وده مش معناه اني كنت ببص على جدوله خااالص على فكرة اوعوا تفهمونى غلط , احنا بس بنحب نعرف مين خلص امتحانات الاول علشان نحقد عليهم,علوم بقى وكده هع هع هع)
وانا خارجة من الامتحان وطبعا كنت تقريبا اخر واحدة تخرج من اللجنة (مش قلتلكم بهتم بدروسي من كتر العلم اللي عايزة احطه فالورقة مش عارفة ابدأ منين وقاعدة مبلمة ادام الورقة)
المهم بلاش احاديث جانبية ونركز فصلب الموضوع
جه حضرته يسلم عليا (كأن شيئا لم يكن بصوت نجاة)
قالي ازيك ياعلياء (دلوقتي بقيت علياء مش من كام شهر كنت استاذة وعاملي فيها قاسم امين وانا بنت الشاطئ)
قلتله الله يسلمك يا استاذ هشام خير فيه حاجة؟!
قالي علياء ارجوكي متعمليش فيا كده
(انا بردو اللي معملش كده؟!!!!!!!!!!)
معملش ايه يا استاذهشام مش فاهمة حاجة؟
فضل يتكلم كتير اوي وانا مش فاهمة ولا كلمة ,اصله كان امور اوي وبقالي كتير مش شفته, (انشفي شوية يا لولو امال لو كان عمر الشريف كنتي عملتي ايه)
فنص كلامه كده سمعت اسم زياد
قلتله زياد!!!!!!!!!
قالي ايوة هو اللي جالي وقالي ابعد عنك لانكم مرتبطين وان انتوا اتشاكلتوا بسببي فحبيت اني اعفييكي من الاحراج وابعد علشان مسببليكيش مشاكل مع حبيبك , كفاية انك كنتي حابة تساعديني وده جه فوق دماغك
حبيبي؟!حبييبي مين وزياد مين؟ّ!انت ايه اللي انت بتقوله ده؟
زياد مش انتوا برده ماأنتمين؟
(يانهاااار اسود منتنين؟؟ هيا حصلت؟) في سرى طبعا
طالما انك مصدق اني مرتبطة بزياد ده جاي دلوقتي تكلمني ليه
وشه احمر وارتبك وقالي انا كنت جاي عايز اطمن اني مسببتلكيش مشاكل لاني ملاحظ انك مش بتقفي مع زياد ده من ساعة ما هو اتكلم معايا
قولت في عقل بالى (لا يا راااجل دا على اساس انى كنت بقف معاه قبل كده؟ عبيط ده ولا ايه؟)
طيب اطمن انا كويسة , خلاص كده ضمير حضرتك ارتاح؟؟ ممكن امشي بقى؟؟
قالي اطمنت ازاي يعني؟ عموما انا اسف لو كلامي معاكي هيضايقك مش هحاول اكلمك تاني
قلتله هو انت بتستعبط ولا بتستهبل؟
اتخض اول ما قلتله كده مكنش متخيل اني ممكن اشتمه انا اه لساني طويل بس مشتموش قبل كده
وبعدها قالي بتقولي ايه يا علياء وهو بيبتسم ووشه احمر وبمنتهى السهوكة كده (اسمي طلع حلو اوي)
لاااا ركزى يا علياء ركزى يابنتى الواد بيتكلم عن سمعتك
قلتله اسفة مش قصدي بس انت بجد حارق دمي بقالك 3 شهور , انا مش بحب اني اتعامل مع حد كويس والاقيه فالاخر يعاملني وحش بدون اى سبب
قالي ارجوكي حاولي تفهمي موقفي, انا كنت بمر بظروف صعبة جدا وانتي لما قربتي مني حسيت اني بحبك وانك ممكن تكوني بتبادليني نفس المشاعر, بس كلام زياد فوقني وعرفني ان انتي كنتي مشفقة عليا مش اكتر علشان كده انا كان لازم ابعد قبل ما اتعلق بيكي اكتر من كده, مكنتش حمل اي وجع تاني
(الواد ثبتني تثبيتة صعبة اوي وبعدين حد يقول للبنت اللي معجب بيها مشفقة ده انت قديم اوي) قلتله طيب انت عايزني اعمل ايه دلوقتي؟؟
قالي بصراحة انا خليت احمد اخو منة يسأل منة عن حكايتك انتي وزياد ده بس من غير ما يعرفها ان انا اللي بسأل , فقالها ان مصطفى صاحبنا هو اللي بيسأل عنك , وهي قالت انكم مرتبطين وبتحبوا بعض وانا لاحظت انكم مابتتكلموش مع بعض وخايف يكون الموضوع ده بسببي وانى اكون عملتلك مشاكل معاه
انا استغربت هي ليه مقلتليش ده غير انها غيرت معاملتها معايا الفترة الاخيرة , وازاى اصلا تكذب وتقوله انتى مرتبطة بزياد؟!(هبقى افكر بعدين هو انا فايه ولا فايه)
قلتله لا ماتخافش انا ولا مرتبطة ولا نيلة ولا اصلا بطيقه الواد ده
قاللى بجد؟؟
قولتله انا مابكذبش وبعد اذنك بقي انا لازم امشي
قالي طب ثوانى لحظة بس انا مش قصدى اكذبك والله بس .... بس انا ......قصدى يعنى ..
(هنقضيها بسبسة بقي هيا القطة اكلت لسانه ولا ايه؟؟ )
لقيته خد نفس طويييييل وقاللى
انا معجب بيكي يا علياء وخايف اقول بحبك متصدقنيش (يخربيت سهوكتك يا منيل امال فلتة ايه بقى وهباب ايه انت كده هشام روميو مش فلتة) واتصدمت لما عرفت انك مرتبطة
اتلخبطت ووشي جاب الوان واتوترت وقلتله ايه اللي انتي بتقوله ده احترم نفسك وسيبته ومشيت وانا فالطريق اتكعبلت فكل حاجة جت فسكتي وكنت هقع حوالي 100مرة بس مبصتش ورايا ولا مرة بس كنت حاسة انه واقف بيضحك عليا
روحت البيت وكنت عايزة اقول لماما زي مانا متعودة احكيلها كل حاجة بس اول مرة ابقى خايفة كده ومحروجة كمان ,بس مينفعش مقولهاش
ناديتلها بالليل وكأني بدور على حاجة مش لاقياها فالدولاب وزي كل الامهات المصرية قالتلي طيب ولو جت جبتهالك قلتلها تعالي بس
لما دخلت قالتلي ما البلوزة فايدك اهي يا علياء انتي خلاص اتعميتي
انا: بس يا ماما هتفضحينا انا عايزة اكلمك بس مش عايزة بابا يسمع
ماما: خير ايه اللي حصل شكلك كده عملتي مصيبة
انا: ايه ده يا ماما انت كنت معانا ولا ايه
ماما: متنجزي يا علياء وبلاش هزار بدل ما اندهلك باباكي
انا: ايه يا ماما شغل العيال دي امشي بقى مش عايزة منك حاجة وبعد كده هنحرف ومش هعرفك علشان حضرتك مش فاضية تستحملي هزار بنتك
انا كنت عمالة اقلش واهزر علشان مش عارفة اقولها ايه
اول مرة اتحط فموقف زي ده انا طول عمري جد جدا
ماما: خلاص يا لولو انجزي لحسن ورايا حاجات كتير اعملها
انا: فاكرة يا ماما زميلي اللي كنت بحكيلك عنه؟(ايموشن واحد بيتفادى الضربة)
مامتي الخبيثة: لا يا علياء مش واخدة بالي المهم ماله يا حبيبتي
انا: ولا حاجة يا ماما عايزنا نتجوز عرفي وانا حبيت اعرفك علشان انتي عارفة مبحبش اعمل حاجة من وراكي
ماما وهي مصدومة: ايه يا علياء قلة الادب دي من امتى وانتي بتهزري كده؟
انا وانا مكسوفة من نفسي: ايه يا ماما متستحمليني شوية محروجة ومش عارفة اقول ايه فبضحك معاكي
ماما بنفاذ صبر: محروجة من ايه يا علياء انتي كده قلقتيني
انا بصوت هادي رقيق وديع: هشام فلته يا ماما اللي كان شرحلنا انا ومنة الكيميا وبسببه نجحنا قالي النهارده انه معجب بيا بس انا والله قلتله احترم نفسك وسيبته ومشيت
انا بردو بس بصوت مشاكس: وانا قررت اننا نأنتم وحبيت اديلك خبر الواد مز وادامه مستقبل باهر ده هيشتغل فالكلية وهيبقى داكتوور اد الدنيا قلتي ايه يا مامتي يا حبيبتي , اتوكل على الله واصاحبه؟ وجريييييت عالسرير ومسكت المخدة اتحامى فيها
اه انا لولو صحيح بس شجاعة اوووووووووى
ماما:ها؟! انتي بتتكلمي جد يا علياء ؟
انا: لا طبعا يا ماما انا مش بتاعة الكلام ده بس هو قالي انه معجب بيا وانا محروجة بقى ومش عارفة اتصرف ازاي
مامتي الكميلة بمنتهى الحكمة: علياء يا حبيبتي انا عايزاكي تركزي فمذاكرتك ومتعلقيش نفسك بحد واللي ليكي نصيب فيه هتشوفيه بس كل حاجة فى وقتها
وافقت على كلام ماما علشان اسكتها بس مكنتش مقتنعة بيه هي فاكراني فتالتة اعدادي ولا ايه وبعدين جاية بعد ايه تقوليلي متتعلقيش بيه مانا خلاص اتعلقت واللي كان كان , وبعدين انا بصراحة مش شايفة ان الحب حرام لأن ربنا هو اللي بيحطه فقلبنا مش كده ولا ايه؟

فكلمت منة مع اني مكنتش عايزة اكلمها بس كان لازم اسألها هي ليه مقلتليش ان اخوها سألها عليا وليه كذبت عليه وقالتله انى مرتبطة ؟





اكيد عايزين تعرفوا منة قالت ايه؟
الحلقة الجاية بقي وعليكم خير
سلااااام



لامارا غير متواجد حالياً   رد مع اقتباس
قديم 29-10-16, 12:48 PM   #10

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

الحلقة الثامنة


انا: الو,ازيك يا منة,عاملة ايه؟
منة: الحمد لله كويسة,ازيك انتى يا علياء
انا: بصي يا منة انا مش بحب الخباثة ومش بعرف الف ولا احور فالكلام
منة: ايه الكلام ده يا علياء ,هو انا زعلتك في حاجة ؟
انا: انتي قولتي لاخوكي واصحابه ايه عليا؟
منة:قولتلهم ايه ازاى يعنى مش فاهمة وبعدين انا اصلا من امتى بكلم اصحاب اخويا
انا:منة ماتستعبطيش وجيبي من الاخر انا عرفت كل حاجة هشام قاللى انك قولتى انى مرتبطة بالزفت اللى اسمه زياد , ممكن بقي اعرف انتى ليه بتكذبي؟؟
منة: هشام مين وايه اللى دخل هشام في الموضوع اصلا دا مصطفي اللى كان بيسأل
انا: ايوة يعنى انتى معترفة انك فعلياء قولتى انى مرتبطة, اقدر افهم ليه بقي؟ انتى كنتى شوفتنينى بكلمه حتى قبل كده يا بنت الحلال؟
منة:انا.. انا...... انا ماعترفتش بحاجة انا ....
انا: انتى ايييه انا عايزة افهم دلوقتى انتى كدبتى ليه؟
منة: بصي بقي انتى كان شكلك معجبة بهشام فلتة فلما مصطفي سأل كذبت على اساس انه يصرف نظر عنك من غير ما يتضايق لان هشام صاحبه وكده فقولت انك مرتبطة بزياد بس كده, يعنى انا كان قصدى اعمل فيكى جميلة مش اكتر
انا: متشكرين ياختى ابقي وفرى جمايلك لنفسك واصلا هشام اللى كان عايز يعرف بس خلى اخوكى يقول مصطفي منعا للاحراج وكده بس ده وبعدين انتى جبتى منين الكلام ده نا ولا معجبة بهشام ولا نيلة ده خيالك المريض مش اكتر
منة بفرحة: بجد يعنى مصطفي ماكنش اللى بيسأل؟
انا: انتى عبيطة يابنتى ولا ايه شوفي انا بتكلم في ايه وانتى في ايه؟ بس مالك فرحانة كده ,اوباااااااا احنا وقعنا ولا ايه؟
منة: لا طبعا وقعت ايه واصلا انتى عارفة انا مابكلمش مصطفي ولا غيره
انا بخبث: هو مين جاب سيرة مصطفي دلوقتى؟؟
منة: انا .... انتى.... يوووه ايوة بقي انا معجبة بمصطفي وبعدين افتكرته هو اللى بيسال واصلا اصلا انا عارفة انك مش معجبة بيه ولا حاجة فماكنتش عارفة ان هشام هو اللى بيسال والله وماكنتش اعرف انى هعملك مشاكل انا والله بحبك يا علياء بس ....
ولقيتها عمالة تعيط
انا: انتى بتعيطى يا عبيطة؟؟ منة يا حبيبتي وانا والله بحبك انتى مش عارفة ان انتى صاحبتى الوحيدة يا بت دانا كنت زعلانة اوى لما اتغيرتى معايا وماكنتش عارفة ليه
منة بعياط: انا اسفة والله انا بس اهئ اهئئئئئئ انا كنت فاكراه معجب بيكى وانا كنت معجبة بيه وحاولت اتعامل معاكى عادى لانه مش ذنبك بس ماقدرتش والله انا اسفة سامحينى انا بس مكنتش هستحمل اشوفه مع واحدة تانية وخصوصا انتى بالذات انا.. انااااااا
وقعدت تعيط وتتشهتف ومافهمتش منها حاجة بعد كده
انا: خلاص بقي يا مونى انتى يا مزة عنيكى هتورم وتطفشي الواد مصطفي
منة: يعنى انتى خلاص مسمحانى؟
انا: هو انا اصلا اقدر ازعل منك يا بت بقولك دانتى صاحبتى الانتييييخ
منة: انتى طيبة اوى يا علياء وانا بحبك اوى والله
انا: وانا كمان ويالا بقي قلبتى الجو نكد وانا كنت هقولك خبر حلو جتك نيلة عيلة نكدية
منة: خبر ايه؟؟
انا: هشام جه قابل بابايا امبارح بالليل بعد ما عرف ان حضرتك كدابة وانا مش مرتبطة , وخطوبتنا كمان اسبوعين ان شاء الله ها هتيجي ولا هنكمل خصام؟
منة وهي هتموت من الفرحة: بجد؟ الله ده احلى خبر مبروووووووووووووووووووك الف مبروك طبعا هاجي حتى لو انتي لسه زعلياءنة مني هاجي غصب عنك فرحتيني والله يا لولو
انا: طبعا انتي ما صدقتي علشان يخلالك الجو مع حبيب القلب , ربنا يسامحك يا صاصا هبلتلنا البنت , على فكرة انا بضحك عليكي مفيش حاجة من دي حصلت, وبطلي رغي بقى علشان ورانا شيت نقدمه متنسيهوش يلا بقى سلام
منة: انتي مش هتبطلي كدب بقى يا علياء ابدا ربنا يسامحك ,لما اشوفك بكرة بقى سلام
قفلت معاها وانا منشكحة هيييييح لحد مافقت على صوت ماما بتنده
ماما: يا لولوووو
انا: نعم يا ماما يا حلوة انتى يا جميييلة
ماما: تعالى يا بكاشة قورى البتنجان معايا
انا: ده وقته بتنجان يا ماما بالله عليكى, يالا وااادى قعدة
قعدت اقور البتنجان وانا عمالة افتكر الموقف واضحك لقيت ماما بتقوللى بسم الله الرحمن الرحيم ودول بيطلعوا امتى دول؟
مش بقولكم الست دى غاوية تقطع عليا حبل افكارى وتخرجني من مود الرومانسية
بس برده معرفتش هعمل ايه ؟ يالهوى ولو شوفته بكرة افرض رجع يكلمنى تانى هقوله ايه؟واصلا اصلا يعنى انا مش فاهمة هو عايز ايه يعنى بيحبنى ماشي والمطلوب؟ ليكون فاكرنى من بتوع نرتبط والجو ده, بس الحق يتقال انا عمرى ما شوفته ماشي مع بنت , يوووه اعمل ايه دلوقتى انا ياربي , بصوا بقي انا هتجنبه خالص وماليش دعوة بيه , ايوة هو كده
تانى يوم رحت الكلية ولقيتلكم في وشي البت ياسمين
افتكرت انها كانت كلمتني قبل كده عن هشام فهي أكيد تعرفه
وهو هيفرق ايه يعني ما كده كده انا قلت اني هتجنبه ومليش دعوة بيه , عايزة اسألها عنه ليه بقى؟! , انا دماغي دي جزمة, يارب اهديني وانساه ياااااارب
سلمت عليها وفضلنا نتكلم شوية وبعدين روحت اشوف محاضراتي
فاخر اليوم وانا ماشية لقيته جاي نحيتي
(يوووووووووووو يخربيتك يا زفت الطين, مش هتحل عني بقى هتخليني اتنيل واتعلق بيك)
وكالعادة جيت امشي كأني مش شايفاه بس هو فضل ينده عليا كان هيفضحني ولا ليه كان هو فعليا فضحني فالكلية
انا: نعم عايز ايه
هشام: تعالي نقعد عالكافتريا نتكلم شوية
انا: هشام كتهيألي ان انا عارفتك قبل كده اني مليش فالجو ده ولو سمحت متكلمنيش تاني
هشام: طيب انا عايز اجي اقابل اهلك علشان اخطبك
انا: انت بتستهبل ولا ايه تخطبني ازاي وانت لسه مخلصتش دراسة ولسة بتاخد مصروفك من اهلك انت شكلك كده عايز تتسلى
هشام: مين قالك اني باخد مصروف من اهلي؟!
انا بشتغل من وانا فتالتة ثانوي, بدأت شغل مع واحد صاحبي فمشروع محندق كده على ادنا بس طبعا اهالينا ساعدونا كتير بس المشروع فالاخر فشل وصاحبي جاله احباط وقرر ميعملش مشاريع تانية
بس انا والدي الله يرحمه كان دايما بيشجعني وقالي لو محتاج مني فلوس تعمل مشروع تاني انا معك لغايةما توصل, بس انا محبتش ابقى عبئ عليه وبشتغل بالليل فصيدلية قريبة من بيتي, وفالاجازة ببقلى شغال بالليل فالصيدلية والصبح كيميائي فمصنع دهانات رشحني ليه دكتور عبدالله لما كان بيديني كيمياء فيزيائية فسنة اولى.
انا : ربنا يقويك بس سواء الصيدليه او المصصنع دول مش شغلانات ثابتة
هشام: سيبيني اكملك , انا فاضلي سنة واحدة وهتعين فالكلية ان شاء الله ودي حاجة مضمونة , ده غير ان عندي شقتي هي صغيرة وفمنطقة مش حلوة اوي بس واحدة واحدة وهنكبرها ان شاء الله, ها قولتي ايه بقى؟ اجي اقابل بابا امتى؟
انا وبدون تفكير : خلاص طالما انك مصمم وخلاص وقعت فدباديبي هشوفهم فالبيت الاول وارد عليك
ومشيت حتى من غير ما اقوله السلام عليكم ولا مع السلامة ولا اي حاجة
وروحت البيت وانا طايرة من السعادة



يالا ادينا هنعرف الحلقة الجاية
استنونى



لامارا غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 08:53 PM



Powered by vBulletin®
Copyright ©2000 - 2024, vBulletin Solutions, Inc.