آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
21-05-19, 10:49 PM
| #11 | ||||
|  بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته رووووووووووووووووووووووعة تسلمين القصةحلللللللللللللللللوة جدا شـكــ وبارك الله فيك ـــرا لك و موفق ةبإذن الله ... لك مني أجمل تحية . | ||||
|  |
|
22-05-19, 02:15 AM
| #12 | ||||||||
| مراقبة عامة ومشرفة منتدى الروايات المنقولة  
| البارت الثامن رواية..انا هي جميع نساؤك بقلمي..سمو العراق 💔💔💔💔💔💔 أيااا أنت ليكن في علمك أني لا أجيد السياسة ولا افقه فيها... ما رأيك في ان أحتلك وبعدها نتفاوض... انت لي💔 ................................ يمه يمه هو من گالي تعاي وراي للحديقه احسن كلبي طار من بين ضلوعي ضليت اطك ماعون بماعون وجهي صار نااار... خلصت بسرعه لفيت شالي وكرصت خدودي حييل لزمت خدودي وحاجيت نفسي بعصبيه يلخبله شلعتي خدودج هي هييج خفت اروحن اله عبن كلهم گاعدين وجدي اذا يشوفنه الوحدنه يكتلني هو موش عصبي لا نااار وكلشي عنده ولا الشرف يتخبل من هيج سوالف.. انه مرات حتئ اخافن افكر بمنذر اعبن اخاف جدي كاعد بعقلي... من كثر ما عصبي ويحاسب علئ كل شئ خلانه نشك برواحنه... بس انه احبن المنذر ولو موش جدي لو ابوي يطلع من الگبور هم اروحن النذري... چااا غير انه احبه وهو استدعاني للحديقه يمكن راح يكلي احبنج... رحت باوعت عليهم كاعدين بالاستقبال طلعت بسرعه للحديقه شفته كاعد علئ الكرسي الموجود بالحديقه وكلوب الحديقه عاكس،عليه وزايده جمال... حاط قمجي الاركيله بس شفايفه ويدخن يمه گلبي انه شلون راح اگابلنه واكعد يمه بالعباس اموتن... جيت وكفت مقابيله وهو اشرلي اكعد كعدت علئ،الكرسي صرت مكابلته بس شنهي ولا رفعت راسي... هو سحب نفس وونفخ الدخان من شفايفه تمنيت اطيرن ويه الدخان ولا اضلن كاعده گباله... بلعت ريكي من خوفي،وخجلي... هو همس بصوت جاد..منارس انه باوعت عليه حسدت اسمي من نطقه بين شفايفه حسيته موش اسم حسيته اغنيه والكل يعشكها... هنيال اسمي وانت تنطقه زدته جمال ورونق... جاوبته ببتسامه خجوله وانه منزله راسي...هاااا تنهد بضيق وكمل كلامه...شنو رأيج بوثاب رفعت راسي مصدومه فتحت شفايفي ردت احجي بس غيرت رأيي سكتت..محجيت... رجع هو كمل كال...وثاب قبل كم يوم حجه ويه جدي ويريد يقرب موعد الخطبه وجدي موافق.. حسيت كلامه مثل الخنجر ويكطع بكلبي انه مااريدن وثاب ليش،يجبروني عليه والله مااريده مجرد ماينذكر موضوع وثاب احس بخطر واحس عايشه برعب اتمنئ اموتن ولا اتزوجه مااحبه موش كوه والله موش كوه... هو حس بيه نهبطت ولمعت عيوني بدموعي عقد حواجبه بااستغراب كال...انتي تردين تزوجين رجفن شفايفي وختنكت بعبرتي جاوبته..انت شنهي رايك... هو عض طرف شفته وشتت نظره...اشوف بعدج صغيره علئ الزواج اني من طبعي مااحب البنيه تزوج صغيره لان الزواج تقارب واشياء اخرئ مو مجرد كنس،ومسح الزواج مسؤؤليه من ناحية الزوج ومتطلباته وكذالك العيال ومتطلباتهم... رديت بعدم فهم...اي،صحيح هو هذا وثاب عنده ديوان ويتعب كل شويه يريد كهوه يمكن اضل كاعده للصبح اسوي كهوه وجاي وصدك يتعبني... الحمد لله انتم ماعدكم ديوان نزلت راسي خجلانه احس. روحي مستعجله واخرط خرط بالكلام... حبيت اصلح الموقف كتله..يعني انه ماله من ديوان جدي تعاي نضفي،وتعاي اغسلي الدله والفناجين والقواري... هو ضحك كال...هه لج بابا هي الزواج بس كهوه انتي مراح تفهمين نطيت من مكاني مسويه روحي ذكيه عود...هااا اي صحيح تذكرت جااا وهاي امه جنها السعلوه سمينه وكوه تمشي وبس تغلط علئ،جناينها... ضحك ورجع يدخن... كملت بفخر..موش مثل امك حبابه جااا وين اكوو مريه تتحمل خطار سنه كامله... باوعلي بصدمه ورفع حواجبه تكلم بحديه...البيت بيتكم وامي وكل الموجود بالبيت ما الهم كلمه بعد كلمة صلف وصدر البيت الكم والعتبه النه.. فرحت بكلامه حييييل اتمنه اضلن طول العمر يمهم رديت ببتسامه..شكرا الله يخليك رجع كمل...هسه شنو رأيج؟ رديت بحزن...مالي راي بعد راي جدي بس انه حتئ لو وثاب يشتري الي تلفزيون ابو الطكه وثلاجه ما راح افرح... هو كال بملل وغضب...لا اله الا الله انتي شبيج جاوبيني بصراحه تلفزيون وثلاجه شنو رديت عليه وانه خايفه لان تعصب بس لا يكرهني...ياله هيج مااريدن ثلاجه ولا تلفزيون ولا اريدن اتزوج وثاب... هو ضل مركز عليه جني وحده مسجونه والضابط يحقق وياها وهي لا تكدر تبوح بالحقيقه ولا تكدر تجذب... كال...يعني ماتردين وثاب.. رديت بخجل..ياله كال..اهاا زين ليش ما تردينه.. ما عرفت شنهي اردن بس انه دايما اسمع نيران من جدتي دكلها ليش ماتزوجين دكول ياله انه اريدن ادرس... وجانت جدتي تسكت جاوبته بكذب...اريدن اكمل دراسه المنذر بتساؤل...انتي ياصف لعد منارس..انه موش مسجله عقد حواجبه وسأل مره ثانيه...ليش؟ جريت نفس وبصدق...انه من النوع الكلش اخافن بحيث جنت مجلبه بذيال امي ليل مع نهار انه وغرام تروح هيج نروح وياهه تجي هيج نروح وياهه هو هز راسه بمعنئ كملي... منارس...اي جدي سجله بالكتاب ما يمنه مدارس من رحنه انه وغرام شبعنه بجي وردينه جابنه المعلم... وكال الجدي هذن بناتكم بس يبجن... جدي كال خلي يولن ابطلهن بس امي مارضت وكالت خطيه خلوهن يعرفن ساسهن من راسهن موش مثلنه كلشي مانعرف.. وضلت امي تاخذنه للكتاب وتكعد ويانه بالصف واذا عافتنه وراحت نضل نصرخ انه وغرومه سوده عليه نخلي حتئ المعلم مايعرف يشرح... هو ضحك بقوه...هههههههاي علئ شنو تبجن رديت بخجل...هيج من الله نخاف كال..كملي جريت نفس ...اي وبعدين جدي كال لامي بعد اذا طلعتي ورحتي وياهن اچسرچ تچسر شنهي مره حمره صفره وارمله تطلعين وتطبين بكيفج تردين الناس تاكل وجهي وانه شيخ صلف امي خطيه بعد ما راحت ويانه بس تاكل بروحها اكل وتحجي علينه دكول...امداجن الخوافات شوفن الجهال كلها تروح للكتاب بس انتن جبانات... وانه وغرام نگلها...ياله احنه سبعات حتئ نكدر نكتل ازهار بت عمي وهي جبيره اكبر منه... امي تضوج حييل وتغمنه وتروح... واحنه الاحساس شايلينه منه من ناحية الكتاب... مرت عمي كالت لامي انه اخذهن وصدك ضلت تداوم ويانه وكاعده يمنه... داومنه يومين والثالث عمها لزمها كطعها تكطع وكلها بس ترحين بعد اچسر چعوبچ« رجلين » وبعد من ذييج الساعه بطلنه وماداومنه .. هو رجع ضحك كال..ادري شكوو ليش تخافن موديجن للجبهه جاوبته ببراءه...جااا هي المدرسه مثل الجبهه كال..وهسه شنو تردين تكملين جاوبته ببهدوء وخجل...اي هز راسه بأي...حلووو قدمي خارجي سادس ابتدائي واخلي نيران تدرسج وان شاء لله تنجحين او ادرسي امي جاوبته...انه شلون ادرس امك وانه ولا طكه بالقراءه هو ضحك بصوت عالي. يمكن وصلت لحفيظه...ههههههههههههههههه� �ي لج بابه امي اميه يعني ويه ناس كبار بالعمر يتعلمون القراءه والكتابه تدرسين وياهم.. رديت عليه بفشله...هااا افتهمت عذرني انه مااعرف بهاي السوالف كال...لا عادي معذوره وهم اذا تردين اني ادرسج واعلمج علئ الاحرف... يمه فرحت فرحت من كال هيييج صدك المنذر يقريني واكعد يمه موش مصدكه من الفرحه اطكن واموت... نزلت راسي بخجل...ان شاء لله كال...يعني هسه انتي،متقبلين بوثاب رفعت راسي وانه افرك باديه...ياله لا احبنه ولا اريدنه رد عليه بجمود...احسن واحد نذل وجشع هو سبب مشكلتي اني وجدي وادري بي هو الترس راس صلف عليه... استغربت كلامه...شنهي شگايل الجدي عليك شيخ ميتاب عشتوو ضحك كال...خلي مو وكته...بس هذا وثاب يريد هو يصير الجبير بعد صلف ويريد يدوس علئ الكل اني أعرفه اخبث من ابليس وجاي يجمع ناس ضد عمي ابو جاسم خاف يصير الجبير بعد جدي جاوبته..ياله عمر جدي طويل ويعيش بكد تراب ابو وثاب ان شاء لله وكملت..صدك منذر ليش ماتصير انت الشيخ والله يلوكلك ضحك بهدوء وكمل يدخن بالاركيله نفخ الدخان ليفوك وهمس...بصراحه ما احب الشيوخ ولا احب اختلط بيهم همست بكلبي...اي تحب النسوان سألته...ياااا ليش؟ رد بثقه...لان اليسوه والمايسوه عينوه شيخ هسه وثاب شنو واخلي شيخ وهو بخمس صخلات مااسرحه... ضحكت حطيت ايدي علئ شفايفي وكملت ضحكتي...بس يسرح بصخلات يعوفنه ويشردن..عبن غثيث بس انه شسوي وجدي ربطني بي... هو كال..ان شاء لله خير لتخافين منارس...اي سمعت من اخوي عابد انت متعارك ويه وثاب شنهي شبي وياك رد عليه بهدوء...لا تهتمين مجرد سوء فهم وان شاء لله محلوله... رديت بهدوء...ان شاء لله.. ضلينه كاعدين شويه صامتين لا هو يحجي ولا انه بس جان يتاملني بنظرات زلزلتني تزلزل... يمممه موش رجال اسسسسد. فزيت علئ صوت نيران وواكفه يمها هاله جايه خطار كالت..المنذر جدي يريدك هو باوع عليها ونزل القمجي من ايده وراح وانه ضليت بمكاني ارجف ومستحيه... باوع عليها وهي تباوعله بنظرات مو حلوه... وكأن دكله...هااا شنهي حتئ علئ منيرس حطيت عينك... هو باوع عليها بغرور وكلها...روحي دخلي الاكيله وطفيها وديري بالج تغثين الي بالي بكلمه... هي هزت راسها بأي واجت... جان كالت لاختها...يمه من البنات صدك ما يستحن اختها كلتلها...اي ادبسزيات... انه حسيت مثل الي انشمر عليه ماي بارد وكفت بعصبيه...انتن تقصدني لان كاعده ويه المنذر اذا تقصدني ترئ هو صاحني لان حاجاني علئ موضوع خطبتي من وثاب... كالت نيران...لا منقصدج شبيج يوول صدك جذب انتي بنت عمنه حتئ اذا كعدتي يمه هو مثل اخووج جاوبتها...ياله هو ابن عمي موش اخووي خليت ورحت طبيت جوه وانه افورن دكول اخوج خوه الخواج وموت الخذاج... انه احبنه وهنه يكولن اخووج... رحت لكيتهم كلهم كاعدين بالاستقبال يسولفون رحت كعدت بنصهم... جدي كال...جدي المنذر احنه حيييل نتشكر منكم ومن امك طلعت اصيله وبت شيوخ محد يتحمل الفيلق الكامل ويكعده سنه وانتم ماقصرتو وضيفتونه وهسه عرفت الاضفر مايطلع من لحم ولا الدم يصير مي صدك الخلف مامات ومحمد خلف حيود تشهد الهم سلوم العرب.. يمه من جدي حجه هييج حسيت مي بارد ونزل علئ كلبي فرحت اكثر منهم...المهم مدح الحيد نذري... مرت عمي كالت...لا ياابو محمد البيت بيتكم والعتبه النه صدك جذب هذا كله من خيرك علينه... والمنذر كال...افاا شيخنا عتبت عليك والله انت التدخل واحنه النطلع اصلا احنه ضيوفك وانت رب البيت... صلف بثقه...ونعم منكم بس الضيف يوم يومين موش سنه...لذالك انه قررت عابد وامه ومنارس وانه نرجع للعماره وجاسم وابو جاسم ومرته وازهار يضلون ببغداد عبن جاسم لگاله شغل هنا...هو ابو جاسم هم اشتغل انه من جدي كال احنه نرجع احسن صوبني بسهام شلون بعد اشوفن المنذر وادرس واقره... بس ماكو اي اعتراض من بعد كلمه صلف...كلت بكلبي جااا شمالك يخوي يعابد جااا شتغلت وخليتنه نضل يم العاصفه.. المنذر باوعلي اول مره يسويها وينتبه اليه كال...ليش ضلو كلكم هنا اشتريلكم بيت وتستقرون بي ليش تنقسمون... صلف...لا انه مااتحمل جو بغداد متعلم علئ ديرتي واهلي وناسي مااعرف شلون تحملت سنه كامله واني بعيد عن ديواني... سكتنه محجينه.... بعدها اتصل التليفون الارضي وكفت نيران رادت ترد صاح بيها منذر كلها بعصبيه...نيران كم مره كتلج اذا رفعتي السماعه افلشها علئ راسج هي خطيه فشلت خلت وكعدت هو كطع الواير وشال التليفون بدون ميرد... كلها ...تعاي اخذي الغرفتي... راد يروح وانه افورن خابرت ام سيقان جريه شلون يعوفها ليش هيج ملهوف عليها جااا عبالي،يحبني من حجه وياي طلع جذاب... جدي كله...بووويه يالمنذر اريدن منك طلب المنذر وكف ....امر جدي عد عيناك.. صلف...مايامر عليك عدووو بس انه اريدن انقل راتبي باسم منارس مالت ابوها...بس شوكت اجي وشلون اسويها... المنذر...هااي مو يمي جدي احنه مركز لازم تروح للتقاعد العامه والنفوس شويه متعبه لان نفوسكم مو هنا لازم تروح للعماره بس ميخالف تعال باجر الصبح انت ومنارس واروح وياكم وان شاء لله احلها... جدي...بس انه عندي شغل الصبح ولازم اكضي مايصير باليل انه نطيت من مكاني...ياله جدي يصير ذيج المره سوه الوحده...هم باليل هو تخبل حط اصبعه علئ شفايفه بمعنئ اسكتي.. انه سكتت وضليت امتمت...ياله يمكن مايصير... هو ضحك كال..لا ماكو هيج شئ الحمد لله محد سألني عبالهم امسلت مايدرون انه شفت مصيبه بيتهم... بعدها هو كال...جدي تعال الصبح وحل مشاكلك العصر وان شاء لله خيير جدي هز راسه باي... المنذر..يالله تصبحون على خير احنه ردينه...تصبح علئ خيير وانه رديت بكلبي...تصبح على الف خير بعد كلبي رحنه نمنه وانه متخبله عليه مسودنه... اجت ازهار كالت...ولج منوره هذا المنذر يخابر بوحده ويكلها حبي وكلبي اني سمعته انه فحمت من القهر والغيره كلتلها...خلي يولي ابو النسوان بعد مااريدنه اذا تردينه اخذي بعد مااحبنه كالت بااستهزاء...لا عفيه منارس شلون هسه من يخابر اكله بعد متحجي وياك ومتريدك فدوه هيج تحرجيني... كلتلها...ليش تستهزئين بيه انه صدك بعد مااريده كالت بسخريه...جاي تحسسيني كاتل روحه عليج وتارك شغله ويثغب ويسمع داخل حسن وتارك شغله شبيج بابا اكعدي راحه...هو بيريته مايخليج تشيلينها منارس بعصبيه...خايبه شمالج تخبلتي ماتردينه اطي الحفيظه ازهار حيل تكره حفيظه كالت...لا لفي بكارتونه وشمري بزباله ولا تطينه الحفيظه انتحر بعلي ضحكت عفته ورحت نمت...وانه متخبله اكيد يتغزل بجريه ام سيقان شكد اكرهه كون يعوفها.... زين شماله مايباوع عليه شبيه لو يحب الغريبه ام تنوره شبر ونص... يمكن قسمه ونصيب بس لا موش قسمتي وعلي اطك واموتن من القهر... ياله هو قسمتي انه احبنه...بس شلون وهو يحب روجينه.... الصوج يمكن بلعشكته موشرط #قسمه ونصيب #هواي وادم نطربلها وهيه تطرب على #الغريب نمت وانه اصارع باافكاري وتعبت حيييل.... كعدنه الصبح صلينه انه لبست ملابس وغسلت لبست عباتي... وجدي حظر نفسه... المنذر طلع من غرفته لابس زي العسكري ولابس نطلق وحاط المسدس بخصره ولابس البيريه عمي الله يرحمك وينور كبرك علئ هل خلفه لتفتح النفس من الصبح... كال ..صباح الخير جاوبنه ..صباح النور هو ضل يسرفن بااردانه... كال ...منارس جيبي ساعتي بغرفتي... انه عبالك موش امري عبالك عيني وزيره... رحت اركض فرحانه خلت الغرفته تخبل وهادئه ونازكه حاط ساعته علئ ميز ابو تواليت ... رحت بسرعه شلتها بستها وحطيتها علئ كلبي شفت هيج علبه بيضه فتحتها حلاوه يمكن هي بيضه جنها كيمر لو جبن ماعرفتها ما منعت نفسي اخذت شويه بااصبعي وضكتها ... يييييييع تلعب النفس ركضت للسله وضليت اتقيئ واتفل شويه وانفتح الباب هو شافني هيج ركض عليه ملهوف حط ايده علئ ضهري خلاني ارتعش كال بخوف...شبيج منارس شنو يوجعج؟ باوعت لعيونه بهيام كتله...ياله بس لعبت نفسي مابيه شئ هو وكفني ولزمني من ايدي انه مااكلكم شعوري سحت معت وارجف شاف العلبه مفتوحه... كال ...حطيتي نيفيه لاديج باوعت علئ العلبه ...هي هاي شنهي كال...مرطب مال ادين يبوو علئ الفشله وانه اكلت المرطب عبالي حلاوه لو جبن امداني... بعدها رحنه للمركز هو جان ويانه اول باول سوينه المعامله ونقصت بعد بيها اوراق... رجعنه للبيت رجعنه المنذر ورجع الشغله حبيته بالزايد... صار دنيا ليل... تعشينه وكملنه وندك الباب فتحه مؤيد كال..كومن كومن اجانه خطار طلعنه نركض.. انه كلبي نقفص... ضلوو كاعدين همه والمنذر وياهم انه اروح واجي وخايفه حييل سمعت جدي كله...ابشر يوثاب ان شاء لله البت الك وقبل لا نرجع للعماره تعقد عليها... انه تخبلت رحت اركض لغرفتي انحب وابجي والطم وامي وجدتي يصبرن عليه ومابيدهن شئ بعد جدي انطه چلمه... اجت ازهار كالت راح وثاب يكولون راح يستعجلون بالخطبه... كلتلها اريد احجي ويه جدي.. كالت..كاعد هو والمنذر وقافلين الباب ضليت الووب من القهر وعيوني ورمن امي كالت لا ترحين الصلف مايقبل انه قبل فتره حجيت وياه ومارضئ... انكطع عندي الامل... ضليت كاعده ليل كله ابجي وانحب... نزلت جووه شفت الكل مخمود ونايم رحت للاستقبال شفت جدي نايم ومتغطي تنهدت وانه ابجي شكد ضالم ليش هيج سوه بيه... طلعت من الغرفه شفت الضوه مال غرفة المنذر مفتوح بعده منايم جان الشباك منور... رجليه قادني الغرفته رحت متردده دكيت الباب بجرائه وعيوني تجري... شووويه وانفتح الباب هو باوعلي مصدوووم وركز بعيوني انفجع من شكلي ودموعي همست بقهر وحزن...انقذني المنذر مااريدن وثاااب انه احبنك.... هو جان مسدسه ينضف بي رأسا وكع من يده وباوعلي بصدممممممه... نهاية البارت...يتبع... | ||||||||
|
| |
|
24-05-19, 03:20 AM
| #13 | ||||||||
| مراقبة عامة ومشرفة منتدى الروايات المنقولة
| #البارت التاسع #رواية...انا هي جميع نساؤك + #بقلمي...سمو العراق 💔💔💔💔💔💔💔💔 أحبك .. منذ متى وكيف ولماذا لا أعلم .. تعجز ذاكرتي عن معرفة الزمن والوقت الذي احببتك فيه !! بل اني اعلم.. احببتك منذ ان خلق الكون وقبل ان أخلق أنا فحبك ولد معي ونما بنموي ولكني لم اكن اعلم .. احببتك في تلك اللحظة التي شاهدتك فيها جبلآ صامتآ , بل طائر مغرور.. عجبي كيف احببتك !! مجنونة أنا ولكنك حققت جنوني !! .............................. هو باوعلي مصدوووم وركز بعيوني انفجع من شكلي ودموعي همست بقهر وحزن...انقذني المنذر مااريدن وثاااب انه احبنك.... هو جان لازم مسدسه ينضف بي رأسا وكع من يده وباوعلي بصدممممممه... انه احسن تنفسي ضاااگ عليه ماكدرت اتنفس وانه اشوفنه يباوع عليه بحييره وصدمه... نزلت نفسي للارض واديه ورجليه ترجف شلت المسدس واطرافي تتراعش.. رفعت نفسي وكفت وباوعتله بعيون مليانه دموع واحس كلبي راح يطلع بلعت ريكي وقدمتله المسدس.. هو شد علئ شفايفه وقبض ايده بعصبيه احس شرايينه برزت همس بحده...شنو هل كلام.. تنفست بضيق وكلي ارعش حطيت المسدس بيده همست بقهر وحزن وخووف...اكتلني انه عاار اي والله انه عار هز راسه بعدم تصديق وهمس...شبيج حلمانه اليووم شنو احبك مو عيب بعدج طفله شنو هل حجي يالله روحي نامي... باوعتله بضياع وقهر ردته عون وطلع فرعون صرخت بوجه بعصبية....انه مااحبنك انه جذااااابه بس ردت تخلصني من وثاب بس طلعت مو كفووو... هو حسيته وجهه صار نااار ما متعلم وحده مثلي هيج تهيين رجولته... درت وجهي اتخذت خطوتين وماحسيت غير بأيد جرتني من مكاني وبثواني صرت بغرفته... صفني علئ الباب وركعني بي وهو عيونه تجدح همس بحده ....عيدي شكلتي ..عيييدي بالله بلعت ريكي بخوف موش منه ياله من وجودي بغرفته لوحدنه انه وياه لو جدي يذبحني ما يلگه گطرة دم بيه.. انه بسرعه طكيتهه بجيه بوجه خبلته ....العباس عليك طلعني يخلي امك طلعني انه موش قصدي عليك والله انت كفووو انه اقصد علئ اخووي عابد هو موش كفوو... وابجي وارجف واتلفت بالغرفه بخووف لعنت الساعه الاجيت وطلبت منه العون... هو من شافني هييج لزمني من اكتافي وهمس بهدوء عكسي الي منهاره...اهدي اني ممسويلج شئ... جاوبته برعشه وخوف وبكاء...ياله انه وجودي لوحدي بغرفتك غلط حطيت ايدي علئ الباب ردت افتحه بس هو قفله... تستمر القصة أدناه انرعبت ونعاد عليه موقف وثاب وكعت بالگاع وانه ابجي واشهك وارجف... هو كعد ركبه ونص ورفع وجهي... همست برعب...وسم الحسن والعباس بعد مااعيده ولا اجيك ولا احبنك ولا حتئ اباوعك عليك حتئ بالغلط مااباوع.. هو ضل مركز بنظره عليه ضحك بااستهزاء وكال..اوكفي اوكفي شهل حلفان اتخبل من المره التحلف علئ كيفج اهدي وفهميني انتي شجابج الي بنص اليل...شنو التردينه احجي يمكن اساعدج... رديت برعب...مااريدن شئ بس طلعني منا انه اخافن خاف واحد يجي والعباس جدي يدفني وانه عايشه..فدوه اروحلك افتح الباب خليني اطلع... رد عليه بجمود...مو قبل مااعرف شتردين؟ رديت بدموع...مااريدن شئ هو جر نفس وهمس...وثاب ماتردينه مووو؟ نزلت راسي ومارديت عليه... كال...زين انتي ليش ماتردينه؟ رفعت عيوني الدامعه لعيونه الحاده ..ركزت ثواني بيهن وبسرعه كسرت نظراتي ما كدرت اسيطر علئ نفسي موش عيون عيون صگر يجنن وبنفس الوقت يرهبن... رجع كال..مجاوبتيني؟ شهكت من الخوف واديه ترجف...موش هو واحد همجي وموش بس هييج هو دايما يحرض بجدي علينه ويكله البت بس تطيها مجال تاكل وجهك... وهمين يكول لجدي هذني اخواتي مچسرهن تچسر لا يطلعن ولا يطبن وهيج يتراجفن مني واذا وحده منهن حجت الطمها علئ حلكها...اخلي يصب دم ويكول موش احنه النساوين تمشينه وهم يكول امي لو تدوس الجناين بنعالها محد تحجي حتئ لو جانت امي غلطانه... ويكول المره موش للدراسه المره تكنس وتمسح وتادي واجب رجلها عليه... واهم شئ تخلف وتجيب فروخ.. اذا جابت ولد احطها علئ راسي واذا جابت بت ادوسها بنعالي..مثل كطف الجكاره باوعتله باسئ...انه مااريدن هييج انه اريدن مثل نيران تدرس ويحترمونها واصيرن مديره... هو جر نفس احس الكلام الحجيته خبله وكل شويه يشد علئ شفايفه بعصبيه يمكن اذا موجود وثاب يمه يذبحه وبعدها تقرب مني كال... تدرين ليش وثاب يحجي هييج...لان هو وعائلته هممج هذا مكانه بالحظيره ...مو بالديوان...والله راعي مااخلي يصير مو يقود عشيره نه رديت عليه...اي والله عبنه مطي.. هو ضحك بصوت عالي...هههههههههههاي وهمس ..والله انتي تنكرطين.. خجلت من كلامه ونزلت راسي... بعدها رفعت بس عيوني وحجيت بصوت ناصي..شفته شلون رجعني بموتت اخوي زاهد لو موش انته انه بعدني اتحسر علئ الدفن... رد عليه ببرود...اني مااحب هيج شكولات مثل وثاب وهسه التردينه مني شنوو انه بعد ماطكيت القنبله استحيت ارجع اكله احبنك وتزوجني... كتله..اءءء ياله بس هيج حاجي جدي كله لا تزوجها الوثاب.. رد عليه بثقه...تعرفين جدج قافل... نزلت راسي بخجل بلكي يفهمني..جااا شلون هو يعرف قصدي بس جان يريدها تطلع مني موش منه... كال..مااعرف انتي قرري.. شجعت نفسي وحجيت بصوره غير مباشره..ماكو واحد يتزوجني غيره همس..مثلا منو مؤييد؟ رديت بسرعه عبالك تكهربت...ياله مؤيد اخوووي هو رد...لعد ماعندي اني اخوان بس اني ومؤيد ومؤيد دكولين اخووج هسه شلون ورطه... اجيت اكله انت موجود بس سكتت... تنحنحت وهمست بخجل وغباء..انت ماتريد تزوج هو فتح عيونه بذهول...اتزوجج؟ جاوبته بخجل..هيج بس مجرد تخلصني من وثاب وهمجيته وبعدين من يتزوج طلگني... هو ضحك بتفاجئ وكال ببرود..بس اني كبير حييل عليج فرق بينه 17 سنه يعني اني جان عمري 17 وانتي بعدج اصلا ببطن امج.. غمضت عيوني انه يمكن حتئ بطن امي جنت احبنه... رديت عليه..ياهو اكبر انت لو وثاب.. رد عليه...اني اكبر منه بسنه جاوبته...جااا ماكوو فرق علئ الاقل انت احسن من وثاب.. كال..بس انتي صغيره ومناضجه واني من طبيعتي مااتقبل البنيه الصغيره احب تكون كبيره بالعشرينات رديت عليه بسرعه...اي اكبر قابل اضل صغيرونه ضحك كال...واني اصير شايب جاوبته..اي ميخالف اداريك شلون اداري جدي ضحك كال..والله طفله ماترهم رديت عليه..والعباس كلشي اعرف اسوي ماكوو هذن اخواتك مايعرفن مثلي انه اصعب شئ اعرفله.. كال...مثلا شنوو رديت بثقه وفخر...الباچه اعرف اهلسهه واصلخها وانضفها جدتي علمتني... مال برگبته وهو يضحك..ولج يابه هذا الشئ كله كله مو مهم عندي اكو اشياء بالزواج لازم تعرفينها... رديت عليه بااسغراب...مثل شنوو؟ هو عض شفته كال..عوفي الموضوع هسه مدام مطفيه من الرئيسي اني راح انهي عليج واطلبج من جدي... تستمر القصة أدناه فزيت بفرحه ...صددددددددك هو ضل يباوع عليه بسخريه وانه رجعت المكاني سويت روحي ثكيله... انه بس هيج مااريدن اتزوج وثاب وانه هيج مااحبنك موش دكول عليه خفيفه + ابتسم كال...لا يابه مااكول خفيفه واني راح اطلبج من جدي حتئ اخلصج من وثاب وبنفس الوقت اكسر راسه... رجعت وكف ...انه لازم اطلع لحد يجي.. هو كال...انتظري خلي ائمن الج المكان.. وكفت علئ صفحه وانه اباوع الطوله وجماله يمه جمال يوسفي اوووووووف احبنه.. اي والله احبنه اكثر ما جدي يحب الصخله الشاميه العزيزه علئ كلبه هو حط ايده علئ كيلون الباب وهو اندك الباب هو باوعلي مصدوم وعيونه انفتحت برعب وانه كطرة دم ما ضل بيه..... بعد ايده بهدوء..ورجع اندك الباب.. صلف...جدي المنذر انت كاعد افتحلي الباب عندي حجي وياك... انه من سمعت صوت جدي احسن كلبي طاح بين رجليه ضليت الطم عليه خدودي وصدري وانه اهمس...يمه جدي جدي جدي ...بس بصوت ناصي المنذر تدارك الموقف...سحبني من ايدي.. وجدي كمل...انه اجيتك لان ضوه غرفتك مشتغل اعرفنك ماتحب تنام والضوه مشتغل... هو جان لازمني من ايدي صاح بصوت عالي..اي جدي كاعد بس ابدل واجيك.. سحبني من ايدي ومشه سريع وانه اركض وراه وهو يسب بيه...هاااي اخر مره تجين مفهووم خبله زعطوطه... فتح باب الحمام ودخلني كال...باعي لو تموتين هنا نفس مااريد اكطعي التنفس... هزيت راسي باي وانه ارجف وابجي ومهبوطه.. هو قفل عليه الباب وراح... ضليت اكل بروحي اكل واغم بروحي...امداج يالعوبه طيحتي حضج بيدج شلون ورطه بس لا جدي يدخل للحمام... هسه شلون لا جدي كال للمنذر اريدن اسبح يمك يمه يا مصيبتي... سمعت جدي فات للغرفه وهو يكول للمنذر..شلونك جدي انه الموضوع الحاجيتني بي بعده ابالي واجيت اناقشك بي... المنذر ...اي جدي اتفضل.. صلف جر نفس ...انت واعي للكلام الحجيته قبل شويه... المنذر..اي كلام.. صلف...رفضك للشيخ وثاب من طلب ايد منارس ونهوتك عليه... انه من الحمام اسمعه يمه وحگ روح ابووي من الفرحه اجيت اطلع اهلهل بس امداني لعبت لعب وما سألت ليش جدي تاخر بالكعده ويه المنذر... هو رد بحزم...اي واعي وتاخذ اي واحد ولا تاخذ وثاب.. + صلف...زين انت لمنهو نهيت عليهه انت شمرت كلمتك ورحت... ردت اسمع كلام المنذر المن نهه عليه بس هو مجاوب... رجع كال...تعرف سبب عداوه صارلها كم سنه بيني وبينك بعد وفاة ابووي سببها وثاب... صلف بااستغراب...ليش؟شنهي ليش سببها وثاب المنذر سحب نفس وزفره...اجه وكال جدك نصب جادر بالعماره ويكول ولده اهمه المتو محمد بدهن السيارات وانجلط سكتت ماحجيت جان وفاة ابووي ومو بحاله لكن زيد شحنه عليه وكال يكول مايشرفني ابن البغداديه يوكف بفاتحت ابني... بيومها تعاركنه وصارت بوكسيات... وفاروق ابن اخته فزع الخاله كال...اي شيخ صلف حجه هذا الكلام بعد انت ليش تعارك خالي روح لصلف هو ممعترف بيك ولا يريدك بفاتحتة اني كرجال مارضيته علئ نفسي كتله...لا معترف بيكم ولا بصلفكم واني انصب جادر الوحدي.... صلف ضاج من كلام المنذر بس تدارك الموضوع...بس يا جدي انت ماكملت الحجيته المنذر بتساؤل...شنو الاكمله صلف...جااا انت مو دكول اكصن راس صلف وحطه مزهريه بغرفتي وحط عكاله بركبته واسحله سحل.. المنذر لذهول وصدمه...ههه اني حاجي هذا الحجي صلف مهما يكون ومهما يدور بينه انت جدي وابو ابووي ومستحييل اقلل احترام وياك اولا لان جدي وشيخنه وثانيا لان توكف بوجهي عيوون ابووي بس الي نقلك هذا الخبر وهذا الكلام منافق وارادته هو زرع الفتنه وعفارم عليه عرف شلون يزرع الفتنه بين ابناء قبيلتنه... صلف...انه من وصلي هذا الكلام تخبلت كلت المنذر صار ضاابط وتكبر علئ جده مصادكت الكلام لنحجه بحقي بس ثبتت عليك التهمه من نصبت جادر الوحدك وكلت حبل الود انكطع ولا انه جده للمنذر ولا هو ابن ابني.... من حركت كلبي وناري الموجره عينت وثاب شيخ علئ گرابتنه ببغداد المنذر..اني لا يهمني الشيخ ولا شئ اني رجال عسكري الامور العشائريه اني بغنئ عنها... صلف...لا. راح اعينك شيخ مدام وثاب منافق المنذر بسرعه...لا لا رجاءا جدي ابعدني عن العشاير اني مكتفي بشغلي واسعئ اكون نقيب بالجيش.. صلف...هههه ان شاء لله تصير وزير المنذر...ههههاي لا مو لهلدرجه... صلف بتنهيده...ياجدي يالمنذر انه منارس هي بيتي وصيتي انه صدك من هي وصغيره انطيتها الوثاب عبن ابو مهاوي...حجزه اله... تستمر القصة أدناه لجن انت حيرتني من رفضت المنذر..ونهيت عليها انه يالمنذر اذا الك النهوه منارس من نصيبك اما اذا نهيت عليها المؤيد لا والله موش راضي.. عبن مؤيد فاهي... انه ضحكت من جدي كال هيج فدوه الطوله نذري حتئ جدي يحبه... يمه من يوكف يمي ينكطع عندي التنفس وضلن اتنفس بالكوه موش. جال لا والله اعصاار.. هو جاوب جدي بكل ثقه...لا نهيتها اليه... يممممممماي انه فرحتي لو ينطوني العراق ماانطيها واخيرا خلصت من وثاب وراح اتزوج. نذري... ضليت احلم من يجي من شغله اداريه واصبله اكل واساعدنه واحضر حمامه وافرج رجليه... واوكله بيدي...لا بس خاف عيب خلي هو ياكل.. جدي ضحك كاله...مبروك عليك منارس وهلله هلله بيها تراها ثوله وكلشي ماتعرف... وتراها يتيمه ومسكينه خاف الله بيها انه من اشوفها اشوف اختها غرام.. مااريدها تنظام بحضنك جدي انه جازفت ولا اعكس مسار كلمتي اريدنك تكون الها ام وابو وسند واخوو صير الها عون لا تصير فرعون هو ضحك كله...بعيوني والمواقف هي التشهد ان شاء لله واني حاميها وهي عرضي... يممه يافرحتي اثنينهم رفعوني للسما شكد فرحت وتمنيت غرومه تجي تشاركني فرحتي... وهذا الجنت احلم بي راح يصير من نصيبي شوويه وجدي طلع وياه المنذر... وانه محبوسه بالحمام... تقريبا دقايق واجه المنذر فتح باب الحمام... من شفته رجعت ليوره خجل علئ خووف ورهبه... ضحك عض شفته كال..يالله يعروس روحي الغرفتج يكولوت فال مو زين اذا العروس شافت غرفة زوجها... انه من الخجل دفعته وطلعت اركض وهو ضحك بصوت عالي... جنت خايفه خوفه مو طبيعيه اخاف واحد يشوفني ركضت بااقصئ سرعه بحيث الدرج سويته بايتين صرت مثل خفاش اليل وكلبي يرجف... من وصلت الغرفتنه دحست روحي بحضن جدتي هي رفعت رأسها كالت..ولج مصخمه وين جنتي جاوبتها بخوف...بالحمام هزت راسها مامصدكه...اووف منج بت حميد اله اخلي جدج يربيج انه خنست لا حجت ولا كلت وهي ترزل بيه وكلساع طاكتني طكه... انه موش مهتمه موش يمها هسه كوون مال رايدون « راديو »ّ واسمع فيروز...انه لحبيبي وحبيبي الي يا عصفوره بيضه بعد لا تسالين...« لا بئئ تسألي».. ضليت للصبح احلم شلون اكعد يمه شلون اكل شلون اتصرف وروجينه العوبه شلون اتخلص منها.. وحفيظه السستر شلون بعد مااخلي يصعد الها... انه كل نسوانه محد تشاركني اي والله هو اليه وحدي.. بين افكاري وواقعي وتخيلاتي نمت... وكعدت علئ صوت عركه... كعدت مفزوعه مرعووبه عبن شنهي عبالي درو بيه بغرفة المنذر بس العرفته مرت عمي متعاركه ويه امي دكلها انتي موش راحه تردي تاخذين رجلي مني + وامي دكلها..خايبه لو يضل بس رجلج اخذنه انه عندي منوره وزاهد يسوون ابو الرجل... وجدتي رزلت امي عبن شلون دكول منوره وعابد يسوون ابو الرجل شنهي عود قصدها علئ امي... اني هديت وره امي كليتلهن...ياله امي موش تحب الزلم امي لو تريد تزوج اتزوجت من زمان بس ابوي مايرضه جدتي كالت...خااب ولي لا تمسلتين سكتت جاا جدتي بس دكل الجدي يجسرني تجسر... مرت عمي تغلط علئ امي وام المنذر اخذت امي وراحت... انه رجعت لجدتي كلتلها..علئ شني امي تزوج عمي شوو هو مرته ما مشتريلها ثلاجه وتلفزيون يشتري لامي جدتي عاطت بيه..خايبه تولين لا اجيج انعنع ضلوعج خليت ورحت اي والله انه مامجذبه بس كون المنذر يشتريلي رايدون همين والعباس اطك من الفرحه... مرت عمي لكيتها تصبر بامي ودكلها يمعوده غيره مال نسوان... وانه واكفه ابجي علئ امي مسكينه... هم مات ابوي وهم بيت جدي فوكاها يقهرون بيها ويوميه جدي يريد يزوجها العمي وعمي عصبي،يكتل امي بس يتزوجها... ضلينه كاعدين... سوينه غده ولمينه اغراضنه بيت عمي شالوو اغراضهم بيت ابو جاسم... وانتقلوو البيتهم... وخلصنه منهم...بعد احنه نرجع للعماره.. صار دنيا ليل والمنذر موش هنا بالشغل بس وين اكو شغل باليل يكوول خفر... امه كالت لاخته..اخوج مااجه كلتلها..لا عيني اليوم خميس شلون يعوف روجين خانم انه طكيت من الغيره صدك يم روجين بس لا طالع يونسها يوكلها ويشربها جاا مو كال راح اتزوجج اي بس كال اطلكج بس يتزوج وثاب رجعت حاجيت نفسي يااااااا والله يطلكني غير اسوي،فلك اذا طلكني تستمر القصة أدناه انه بعد لزكت مثل العلج ... شوويه واجه جدي وياه وثاب وفاروق واسعد مبين سكران وامه واخته جنهن بطريق كوه يمشن من شفتهن تخبلت شجابهن ذن... سلمن عليه حضنني وبوس دك شلعن فجوجي..« خدودي» كعدن ونيران راحت سوت الهن نومي بصره وانه لازماتني تحقيق كالن..احنه نريد مره سنعه موش مخبله نريدها تعجن وتخبز وتركب ونريدها نضيفه وتكعد بسته الصبح وكالن انتي عربيه تعرفين تروبين روبه انريدج تروبينه حتئ نبيع عبن راح يجينه الحصار وانه ساكته وكاشه روحي... بعدها نيران كالت اجه المنذر... فرحت ياله طرت يمه من يجي احسن تشتعل طفولتي ودلالي اشوفن بي كل انواع الجمال... جمال الروح ...وجمال الشكل وجمال العقل...احسن براحه نفسيه موش طبيعيه مجرد ماينذكر اسمه.... ................. جانووا كلهم كاعدين بالاستقبال علئ التخم... وثاب بعيون متفائله مقابلته عيون المنذر المستهئزءه وثاب...الله بالخير الكل...الله بالخير والعافيه... وثاب..انه اجيت احدد موعد عقد قراني من منارس صلف نزل راسه بخجل وبعدها رفعها...ياعمي يا وثاب الزواج قسمه ونصيب وكلمن ياخذ نصيبه موش صح وثاب باوع للمنذر وهو يشوف ابتسامه خبيثه علئ شفايفه ...اي صح بس شنهي المقصود صلف...المقصود البت ماهي راضيه بالزواج وثاب وكف مفزوووع وهو يعدل عباته عليه وقبض علئ سبحته...شنهي هذا الحجي جديد شنهي البت ماهو براضيه احنه من شوكت والنساوين تمشينه علئ رايها... انت شيخ وتعرف تحط ضهرها بين علوه ونصه وتكسره مدام هي من الصغر الي يعني هي ملكي... المنذر...اوووووف علئ كيفك يمعود لا يطكلك عرج ماكوو شئ يجي بالاكراه والبنيه كارهتك مستحيل تزوجك وثاب بعصبيه...هذا الحجي جديد والله اسويها مجاتل وسويها حمام دم اذا هل بت ماصارت الي واي واحد ياخذها انه جتاله وعدوه ليوم الدين انه موش علئ مره بس عبن هي ملكي من. الصغر من هي لحمه حمره المنذر وكف مقابيله بهدوء وجمود وهي يطلق حروف من نارر...بت عمي الي وانت منهي... نهاية البارت ...يتبع كونوا انتم كونوا بخير...احبكم..💔 نور سمو العراق... | ||||||||
|
| |
|
25-05-19, 09:32 PM
| #15 | ||||
| بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين والسلام عليكم ورحمة الله وبركاته روووووووووووووووعة القصة دخلت اجواء الاكشن والتهديد والله منارس على كد ماهي مفهية بس داخلها نظيفوحبيته كلش ويارب يبتعد وثاب بدون اصابات لان احسه خطير وخبيث سلمت وبوركت و شـكــ وبارك الله فيك ـــرا لك ... لك مني أجمل تحية . | ||||
|
| |
|
26-05-19, 03:46 AM
| #16 | ||||||||||||
| نجم روايتي ومشاركة بمسابقة الرد الأول وابنة بارة بأمها 
|  قرأت البارت الأول والثاني والثالث حسيت أن الكاتبه نور قريب اسلوبهـا من الكاتبـه زينب في روايتها نسيت اسم الروايه ولكن الابطال كانوا صراع و ليليان اتوقع الكل يعرفـها مع أن الكاتبه زينب تقول قصه حقيقه ولكن نهايتها المبهمـه لاحظت ما راقت للكثير وللحق انا من ضمنهم النهايات المفتوحه لاتستهوي الكثير اتمني أن نور تتفادا نوع هالنهايات ويكون بالقصه بعض الحماس بين البطلين والتغيرات والتطور بينهم ومتابعه معكم من الان ... والشكر ممتد لـ فيتو ع ارسالها الرابط لاحرمت يارب | ||||||||||||
|
| |
|
26-05-19, 11:49 AM
| #17 | |||||
| اقتباس:
السلام عليكم اشاركك الرأي الرواية هي المراهقة والاربعيني رواية أكثر من رائعة ولكن النهاية المبهمة أزعجتنا كقراء ولكن كماتقول الكاتبة هذا هو الواقع نتمنى النهايات السعيدة للجميع | |||||
|
| |
|
29-05-19, 03:06 AM
| #18 | ||||||||
| مراقبة عامة ومشرفة منتدى الروايات المنقولة
| البارت العاشر رواية..انا هي جميع نساؤك بقلمي..سمو العراق... 💔💔💔💔💔💔💔💔 الشجاعة هي ما أن تقف وتتحدث، وهي أيضا أن تجلس وتستمع وثاب بعصبيه...هذا الحجي جديد والله اسويها مجاتل وسويها حمام دم اذا هل بت ماصارت الي واي واحد ياخذها انه جتاله وعدوه ليوم الدين انه موش علئ مره بس عبن هي ملكي من. الصغر من هي لحمه حمره المنذر وكف مقابيله بهدوء وجمود وهي يطلق حروف من نارر...بت عمي الي وانت منهي... وثاب بغضب حاااد وهو يقبض علئ سبحته بشده ...شنهي انا منهي...؟ المنذر رجع كعد علئ القنفه وبراحه...مثل ما سمعت البنيه بنت عمي واني،ابن عمها ونهيت عليها وان شاء لله خيرها بغيرها... وثاب احتدت ملامحه وهو يفرك سحبته بباطن كفه...لا والله موش انه ابن مهاوي الي ينضحك عليه منارس الي موش الغيري.. وانه وياكم گوم...دمكم مهدور اليوم الدين صلف بعصبيه...حط تبن بحلكك وسده شنهي مالك رداد لا تنسئ انه جبير العشيره وانه الامر الناهي هنا موش انته انه بكيفي عسئ ماانطيها للجلاب محد يحجي... وثاب بغضب...كلامك علئ العين والراس بس ياابو محمد انت شيخنا وتعرف لبت ملكي وانه من زمان..ضامنها الي... صلف بجبروت...لا موش ملكك وثاب بااستغراب...وشلوون موش ملكي صلف تقدم من وثاب،وهو يحط عينه بعين وثاب وبثقه..عبن البت الجانت محجوزه الك ماتت وثاب بصدمه...شلووووون ماتت؟ صلف بتنهيده...اي ماتت تمرضت وماتت وثاب..بس ذيج غرام موش منارس صلف..غرام هي المحجوزه الك وماتت وثاب بحقد...بس انه من كتلك لكيت غرام وكالت انه المحجوزه الك ضجت وكلت لا منارس شلون هسه دكول غرام... صلف بمراوغه...عبن البت جانت مريضه وانه ماجنت اريدن اخسرنك كلت المحجوزه الك منارس عبنها صاحيه... بس البت موش رايده الزواج وابن عمها نهئ عليها وانه مااكدر اجبرها ولا اكدر اكسر نهوة ابن عمها... وثاب هز راسه بوعيد ...جااا هسه تاهت عليه منهو الجذاب غرام يو جدها.. صلف بعصبيه لزمه من ياخة دشداشته...احترم نفسك يوثاب ولا تخليني هسه اطلع عن طوري شنهي جلبت البت موش من نصيبك وابن عمها منهي علئ الكل موش،بس،عليك.. المنذر بغرور...اني ناهي عن الكل وبت عمي خط احمر الي ماتصير الغيري... حب من اول نظره...ببتسامه مستهزئه وثاب بوعيد...بالمبارك عليك المنذر بااستهزاء..يبارك بيك وان شاء لله يوم الك وثاب بقهر...يالله انه اترخص...ياريت تصيحون الاهل اريدن ارووح المنذر بأمر...مؤيييد رووح صيح الجماعه خليهم يتوكلون وثاب لف عباته بعصبيه...من رخصتكم طلع وطلع وياه فاروق وهو يهدي بيه... اجت امه واخته ركبن بالسياره وهن متفاجئات من عصبيته وكف مقابيل سيارته السوبر ولزم فاروق من ياخة قميصه وبفحيح شيطاني...شوووف يا فاروق انه احس روحي انخنت وموش انه الينضحك عليه... اريدن اخليهم يمشون ويتلفتون فاروق بخبث...وشنو التريده انه حاضر ... وثاب بحده...اريد اذل المنذر حتئ لو المحجوزه الي غرام موش منارس انه اريد اذله فاروق...بس منارس مو هي المحجوزه ومااصدك شيخ صلف يجذب... وثاب بعصبيه ومن بين اسنانه...انه اريييد منارس موش غرام ترفه وبيضه نافست كرابتنه بجمالها. انه اريدنها فاروق..الباعك بيعه ولا تدير وجهك وراه وثاب..الباعني ابيعه وادوسه بنعالي بس موش انه الينضحك عليه انه لو صلف كايل البت مالتك جااا رحت خرطت المنذر خرط وترس صدره رصاص... وابتعد عن فاروق وعض اصبعه...بس اوووف يا صلف ربط اديه وما خلالي عذر احارب بي... فاروق حط ايده علئ كتف خاله وبخبث...كلشي بالصبر حلوو اصبر والله لااخلي عاليها واطيها وانه فاروق... والله لافرق شملهم واخليهم يفرقون بين المنذر ووثاب.. وثاب التفت عليه وهو يرسم ابتسامه ملعونه علئ شفايفه...ونعم من ابن اختي وحزام ضهري... صعدوو بالسياره وثاب يسوق وفاروق بالصدر... امه واخته عرفن المنذر نهئ،علئ منارس... ام وثاب ...شنهي يضحكون علينه حجي جديد موش البت مريتك شلون ترضاها وتخليهم ياخذونهه موش هذا عشمي بيك يا شيخي وثاب بعصبيه...اسكتي انتي تقهرين بيه ام فاروق...اي شلون يفرطون بيهه بيها بيت عمها شافوها صغيره وحلوه ونادره وام بيت اكيد ما يفوتونها... وثاب..انه بس اريدن اعرف هي منهي المحجوزه الي صدك غرام وماتت... انه اذكر من رحت للعماره قبل اكثر من سنه ونص وطلعتلي وحده تشبه منارس... داكه برجلها هلال ونجمه... ومن سألتها كالت انه غرام... بس من سألت جدها كال موش غرام المحجوزه الك منارس هي الك وهسه يكول لا المحجوزه ماتت ومنارس جانت لعبه مني لان عرفت غرام تموت... هاي السالفه كلها ما دخلت عقلي..والمحيرني البنات توم ومااعرف ياهي منهن بس ام جاسم هي الي راح تحجي الحقيقه ودكول منو المحجوزه الي... باوع علئ امه بمراية السياره وبحده...اريدج تصاحبين ام جاسم وتعرفين منهي المحجوزه الي.. ام وثاب...خووش انت تأمر...بس انه اكولن يمه ليش ما نخطب الك نيران عبنها حلوه وثاب...هههههه اني هيج شكولات مااحبها تعرفيني،مااحب المره التطلع وتطب المره مكانها بيت رجلها... وهاي تريد دراسه وطلعه وطبه ومن غيير كل شئ انه كاره اخوها وعايلتها... ام وثاب...اي والله صدك انه وين عقلي ونعجبت بأم جنيطه..« جنطه حقيبه» وثاب باوع لفاروق ببتسامه حاقده وفاروق عرف شنو يقصد... وثاب ببتسامه شريره...تفكر بالي افكر بي فاروق وعيونه علئ الطريق وبثقه...ادووس عرضهم وازين شواربهم...مثل تفكيرك خااال.. ساق بسرعه جنونيه وهو يدعس علئ البانزين ويخطط بجنهميه المهم منارس تصير اله حتئ لو يكسر انثئ ثانيه... ......................... راحوو بيت اهل وثاب واجه جدي دخل بالهول يمنه انه فرحت عبالي نذري يدخل وياه بس هو مااجه خيب امالي... ياربي وين راح بس لا ما تعشئ اخاف اكوم اسويله عشاء ويكولن هاي استخفت... واخاف اعوفه بدون عشاء واشبع قهر اي جااا شنهي ينام جوعان.. انه جنت من واحد من اخوتي،ينام جوعان اله اكعده واخلي ياكل يالله ارتاح.. احس انه الجوعانه موش هوو جدي كعد كال ...المنذر خطب منارس.. انه من كال هيييج يمه غصت بملابسي،من الخجل جدام امي واخوي وبيت عمي... ام المنذر كالت بفرررحه. صددك كلووووش هاي الساعه المباركه... والله منارس زينة البنات مؤدبه وخوش بنيه.. انه استحيت ونزلت راسي مبتسمه وامي اشوفنه فرحت اكثر مني لان مجانت تريد وثاب واهله دكول اخس من بيت جدج يكربوج كراب المطي ههه جدتي كالت...والله المنذر تاج ويستاهل منيرس صدك هي شويه موش مثل ازهار معدله بس اتعلم وهي بعدها صغيره... انه ضجت حييل عبن حجت هيج شنهي والله انه معدله بس جدتي تحب ازهار عبن ترص رجليها وتحط الها حنه... ضلوو يسولفون وانه اجيت اغفه وانه كاعده ومنتظره المنذر اشوفنه بس هو مااجه يمكن يستحي جااا اذا هو يستحي انه شكولن.. ائيست من جيته خليت وكفت اريدن انام.. جدي كال..بعد جدج منارس. جيبيلي كلاص مي انه كلتله...تامر جدي طلعت من الهول جاي اروح للمطبخ شفت الضوه مال غرفته مفتوح يمه حتئ غرفته احبنها بعده كاعد جاا شماله ما يجي يكعد يمنه والله مشتاقتله خاف كاعد يخابر رحت بسرعه للاستقبال شفت التليفون ماكوو وحتئ الرايدون هم ماكوو متت من القهر وتعصبت والله والله تمنيت اطبن عليه واكسر التليفون والرايدون خووش والله يخابر بعجينه ويسمع اغاني جاا انه موش راح اصيرن مرته طبيت للمطبخ وانه ارجف ومقهوره احسن صخنت من القهر... فتحت الثلاجه مالكيت ماي بالفووك.. فتحت الباب الجوه اشتغل اكلوب الثلاجه اخذت سراحيه مال مي وسديته من سديت الباب انسد الضوه ضحكت خليت الماي علئ الكاونتر ورجعت فتحت الباب وسديته علئ كيف سديت باب الثلاجة شويه شويه بس علمود اعرف شوكت يطفأ الكلوب مال الثلاجة ذكاء وانه مركزه ماحسيت غير بصوت ورايه خلاني كمزت من مكاني وسديت الباب حييييل المنذر بااستغراب...شسووين؟ باوعت بعيونه ببراءه وخجل وهمست باارتباك..جدي يريد ماااي عبن حيييل عشطان.. ابتسم بهدوء كال...انتي وين كاعده عشطان شنو كولي عطشان انه نزلت راسي بفشله جاا شسوي اسمع جدتي هيج دكول... بس،سكتت ما رديت عليه هو ما يحبني يحب جريه بس انه لزكه لزكت بي هو تقرب مني ركز عيونه بعيوني كال...جدو كلج اليوم شصار... انه سويت روحي ما مهتمه ولا ادري...ياله ماادري جاا هو شصار كال بمرواغه...لا والله ماتدرين شصار؟ رديت بتكذيب..ياله كال...معقوله صلف ما كال شنوو الصار قبل شوويه والخساير الصارت بالاستقبال..بيني وبين وثاب رديت عليه...انا ماادري ماجنت موجوده هو تركني مشه كم خطوه كال..للاسف صرتي الوثاب.. انه من كال هييج تخبلت ياله تسودنت... شنهي الوثاب جاا موش،جدي كال نهئ عليج منذر ركضت وراه ولزمته من ايده والدموع بطرف عيني همست بغباء... شلوون جااا جدي موش يكول المنذر نهه عليج و وثاب تخبل ويكول اجتل واذبج واسويها دمايه...جااا شنهي جدي يجذب حتئ حدد موعد الخطبه هو دار وجه عليه وهو يرسم ابتسامه خبيثه علئ شفايفه... حط ايده اثنين علئ خصري واحتضني وسحبني،عليه... يمه معت سحت مااعرف شصار بيه من الخوف والخجل حطيت ايديه علئ جفوفه وردت ابعدهن بس ماكدرت محتضني،بقسوة... همس بااستهزاء...قبل شويه ما تعرفين جدج شحجئ،وهسه حجيتي،عبالك كاعده ويانه نزلت راسي ووخرت ايده من خصري فشلت ماعرفت ارد عليه... هو ابتعد عني شويه وضحك وهو يباوع علئ اديه بهيام كال...اوووف والله ترفه باوعت عليه كتله...ياهي هو ضحك بااستهزاء..ههه ام الياهي اشرت علئ نفسي ...انه.؟ جر نفس. وتنهد مثل واحد طاكله بطل خمر وموش صاحي...ايييي حطيت اصابعي على شفايفي وضحكت...جاا شنهي انه كبة جريش ودكول عليه ترفه هو رفع راسه ليفوك وعض شفته بقلة صبر كال...شجاب كبة الجريش علئ ترافتج رديت عليه بفلسفه...موش امك ركبت النه مرگه كبة جريش وجدي كال هاي الكبه الطيبه موش مثل كبتجن تسونها جناها طابوك كبة ام منذر ترفه.. هو تقرب مني وكال...شوفي منارس شيلي الحمار المدد براسج واعقلي انتي مبينه راح تعبيني صيري،مره فكري بالكلام قبل لا تحجينه لا تخوطين بصف الاستكان رحمه الربج... استغربت كلامه...جااا انه شحجيت وهيج يكول عليه.. احس العبره خنكتني ومع كل هذا انه احبنه بس هسه تاكدت هو مايحبني... رجفن شفايفي،وانه اباوع عليه بحيره انه سويت كلشي وحتئ كمت مااكعد ويه البنات الشابات وكله ويه العجايز وهو يكول صيري مره شنهي اليرضي البس تنوره طولها شبر ونص وفتح دكم القميص وابوسنه يالله يرضئ... ييييييع ولا اسويها شنهي عيب جدي موش يحب جدتي وهي ما لابسه تنوره ولا فاتحه الدكم وعمري وحياتي مشايفتها باست جدي مثل عجينه صح يتغازلون ويكلها حمامتي ومدري شنهي ويكلها احبنج بس مو هييج وهي تضل تضحك وتضربه بعچوسها..«عكسها»ودكله...يصل� � عيب فضحتنه البنات لا يتعلمن رديت عليه بعبره كاتمه انفاسي...شنهي التريد اسوي انه تعلمت كل شئ وانت ما جاي ترضئ تقرب مني اكثر كال.. زين ليش تردين تبجين اني جاي احجي المصلحتج الكلام الي،تشوفين ماكوو داعي اله لتحجينه كبري عقلج شويه... ادري بيج بعدج طفله وخبرتج قليله بالحياة وهم البيئه الجنتي عايشه بيها مغلقه بس انتي اكعدي ويه هاله وتعلمج رديت عليه...جااا شنهي هاله احسن من جدتي ولا دكول طفله اني جبيره اعرف كل شئ اسووي كال...زين شنو التعرفين تسوينه بس لا دكليلي اهلس باجه واطبخ واكنس وامسح... تفاجئت رديت عليه...جااا انت شتريد غير ذن كال بهدوء..اشياء جديده اشياء تقربني،منج رديت عليه...بابا غنور هذا علمني عليها مؤيد موش يشتغل بالفندق وهو علمني. هاي جديده رد بعصبيه...لج انعل حتئ مؤيد بهاي الساعه بابا غنوج شنوو ولج ... ولللج خله وسكت مكمل كلامه... انه ضجت حييل مااعرف شيريد اتعلم بس والله صدك هذا مؤيد يشتغل بفندق شيراتون يسون اكل للريس. صدام حسين وللوزراء وشنهي كله يسوي بابا غنور مدري شسمه... ومن يجي من الفندق يجيبلنه وهم مرات يسويلنه همه مخلينه علئ الزلاطه...ويسولف النه بطولاته وشايف اكثر الوزراء انه جنت اتمنئ اشوفهم بس ما صحتلي فرصه... رديت عليه بحيره...والله انه يالمنذر متفاجئه منكم اهل بغداد كلشي تعرفون تسون..احنه جنه بالريوك نتريك زبد وخبز حار وبالغده نتغده سمج شووي،علئ العشاء انسوي تمن معصود وروبه... كال..بالعافيه جاي يطلع كلتله...يمه شلون اشتهيت زبد وخبز تذكرت جدتي من جانت تخلي الزبده بالخبزه وتسيح وانه اصوجن اريدنها تصل صاكه.. هو دار وجه عليه وضحك كال...ان شاء تجين بحضني وتسيحين اكثر من الخبزه... انه ضحكت سكتت...وبعدها ضحكت حييل كال...يالله ان شاء لله ضحكت خيير بديتي تستوعبين رجع همس..ليش تضحكين مستحيه باوعت عليه وانه بعدها بيه الضحكه رديت عليه..ياله بس انه اكولن شنهي انت خبزه حاره واسيحن بحضنك هو باوعلي بطرف عينه وهز ايده وراح انصدم بنيران.... كلتله...اهه العفوو هو خله وطلع وهي دخلت عصبيه كالت...يااا صدك جذب جدوو ضل يحجي عليج يكول هاي وين راحت صارلج ساعتين اثاري كاعده تدكين سوالف ويه حبيب الكلب.. اني استحيت من كالت هييج يمه بس،لا دكول الجدتي وجدي وروح ابووي يچسروني بالخيزرانه لا بالعباس جدي يكطع عگاله عليه هي اخذت الماي وراحت كالت ...راح اكلهم نايمه وانه طكيته ركضه فووك نمت وغطيت وجهي بالبطانيه... خايفه من جدادي،..شويه هديت من سمعت ماكوو شئ انه ضليت افكر بالعشق مالتي،يمه احبنه اموتن عليه اشوفن الدنيا كلها بيه موش رجال لا والله كارثه... نمت وانه ارسم احلامي المتواضعه شلون اسعدنه وشلون اخلي بس انه يحبني يممممممماي الف رحمه علئ روحك عمي انت تخلف وانه اعشك وتحمل حرام.. راضيه بهل حرام لو كل الحرام هيييج نمت وانه غاطه بااحلامي الورديه.... كعدت الصبح علئ،صوت امي فززتني للصلاه رحت توضيت وصليت الحمد لله دعيت ربي يسعدني ويسهل اموري ويسهل امور كل امة محمد... رحت نزلت جووه لكيت بيت عمي بعدهم مكاعدين شويه وكعدت نيران... جانت لابسه تنوره كبس وقميص ابيض وظافره شعرها ولابسه حذاء وجنطه شكد حلوه كون اروحن وياها للمدرسه..بس انه وين والمدرسه وين... بس المنذر كال كملي دراسه واقره الله...الالف مثل العوجيه الباء مثل الطاسه بس،جواها نقطه النون مثل الطاسه بس،فوكاها نقطه واغني بكلبي...اصيرا معلمه واعلم الطلاب ولا اكتلهم حتئ لو مايقرون اصيرن حبابه وياهم حتئ يحبوني. هي خلت وراحت وانه عيوني عليها شكد شخصيتها حلوه ومغروره هي يمكن لان تدرس مدري لان حلوه مدري مثقفه مااعرف ليش هي تتعيقل... خليها تتعيقل اخوها المنذر يحق الها.. جااا وانه مايحقلي،اخووي عابد جنه الكمر... رحت سويت جاا كلهم كعدوو جدتي وجدي وامي ومرة عمي.. مؤيد موش هنا بالفندق... شويه وكعد المنذر واخووي زاهد كلهم كعدوو يتريكون وانه عيني علئ المنذر وعيني بالكاع خجلانه ومستحيه وهو ابد ما عاين عليه... بعدين المنذر خلص وكف وزاهد هم راح وياه... انه ضحكت كلتلها...يمه البارحه اسولف علئ الزبد من يسيح بالخبز والمنذر يكلي يالله ان شاء لله تسيح عندي جااا هو شنهي خبزه حااره ههههههه ويه محجيت هيج هو دخل... محد بيهم ضحك ولا هو ضحك هو اصطك وانه مااعرف شبيه اختفت ابتسامتي من شفت ردت فعلهم انه شنهي الغلطت بي معقوله هذا استهزاء بي بس والله موش قصدي انه بس حبيت اضحكهم.. المنذر بسرعه طلع وامي ضربتني بعكسها وام المنذر راحت وره ابنها... جدي نزل الاستكان من ايده كال الجدتي...اخذي منارس البيت عمها ابو جاسم منا لمن تصير الخطبه ونرجع للعماره جدتي هزت راسها باي وباوعت عليه كالت..روحي حظري نفسج حتئ اخذج..لبيت عمج انه همين كمت بسرعه صعدت للغرفه بدلت بسرعه صعدت وراي امي ضربتني علئ جتفي كالت...هاي حجايه تحجينها بالله يالعووبه شنو تسيحن بحضنه اني تعصبت وامسح بجتفي...هي شنهيه يمه جاا غير نسولف علئ الزبد امي غمتني وراحت كالت امداج فكري بكلامج قبل لا تحجينه... انه ضجت نزلت وشايله ملابسي بجنطه باوعت للمنذر خزرني بحده خلاني ارعش بمكاني خليت وانهزمت الجدتي وجدتي لبست ورحنه البيت عمي لان شالو ببغداد... وصلنه البيت عمي اني طبيت عليهم لكينه ازهار تنضف سلمت عليها وشاورتها المنذر نهه عليها بس شنهي عوود ميته من الفرح هي فرحت كالت اي فرحت والله وان شاء لله ينهي عليه مؤيد كلتلها..ان شاء لله انتي بس صيري مثلي معدله ولا تكعدين ويه الزعاطيط وهو ينهي عليج وهاا تعلمي الطبخ وكل شئ تعلمي كالت...هااا خووش جاا انه كلشي اعرف اسوي كلتلها..ميخالف تعلمي وحتئ يعرفون انتي نصبه ومعدله وشاطره كالت..اي خووش اتعلم جاا شوراي ضليت يمهم يمكن ثلاث ايام بس شنهي خلصتها بجي اريدن امي واحساسي مشتاگ للمنذر وجدي مايقبل اروحن.. ومرت عمي موش زينه وياي دكول امج تريد تاخذ رجلي والله بطرانه اصلا حتئ عمي موش حلوو وبس يصيح... انه سكتت منها ماحجيت وره يومين اجت امي وهاله وام المنذر وانه حضنت امي واشهك وابجي من مات اخووي مو هيج سويت كالن باجر الخطبه ولازم انحضرج انه طرت من الفرح رحنه للسوك جدتي وامي ماقبلن اذب الاسود كالن اخووها هسه مات وانه هم مارضيت... وما قبلن احف... اشتريت فستان اسود من منطقه هو المنذر يندلها وخله مؤيد ياخذنه الها اسمها راغبه خاتون بس شنهي ملابسها تجنن اشتريت فستان اسود... صارت الخطبه بيت عمي... لبست فستان اسود من فوك تور ومن جوه ضيك بس يجنن وحليت شعري حطتلي هاله حمره حمره وكحل ماحطتلي باودر دكول انتي بيضه وحمره تحيرين واحد شيخليلج مكيجه من ربج مو مبالغه بس حقيقه بشرتي مثل الاطفال... اشوف الكل مخبوص ويركضون هيج وهيج وانه فرحانه ولابسه كعب كوه واكفه بي ومن امشي بي جني وحده سكرانه شويه واجوو اهل المنذر بس هاله جانت يمي... خالات المنذر ونسوان خاله وبنات خاله كلهن انعجبن بيه بس شنهي يمكن جان مصاحب بت خالها لان ضايجه وتباوعلي صفح وتشاور بختها عليه شويه ودخل مؤيد كال هلهلوو... وهنه ذن لحم انه احساسي غيييير فرحانه وابجي حييل... ابجي علئ غرومه تمنيتها وياي... شويه ودخل جدي والمنذر وياهم شيخ لبسني،حجاب ورحت وياهم.. عقدو النه وجدي طلع من الغرفه ضلينه كاعدين بس انه وياه هو سحب حجابي وانه حيل ارتبكت يربي والله عيب كاعده مفرعه جدامه... حط ايده علئ شعري بلهفه وهو يمسح عليه بنعومه همس واني منزله وجهي وانفاسه توصلني..شهل شعر الحلوو بحياتي ماشفت بجمال وروعة شعرج باوعت عليه بخجل اول مره واحد يغازلني غزل هييج جريء جاوبته..اغسله بصابون ركي وتايت من حطيت عيني بعينه جانت نظراته سخيفه لشفايفي خلاني اخجل بسرعه ونزل عيوني همس عند ركبتي بذوبان...احتركت رووح صلف مغطي هل جمال ويريد ينطي لاتفه واحد بالعشيره عمي همزين شفتج ونهيت عليج وحق الله لو رايحه الغيري جااان شبعت قهر على هل خلقه كال...مو ترحين تجفصين ودكولين لجدج المنذر حرگ روحك... انه. منزله راسي جاوبته ...ياله انه موش فتانه رفع وجهي وكال تحبيني اريده اسمعها... نزلت عيوني وهمست بخجل..احبنك هو كال ...اووووووووف شكد صابها بس بحلكج الها طعم خاااص يمه متت موش رجال يربك يخليني ارعش وزيد عليه من باسني بركبتي خلاني انسحنت روحي قــد تسـمـ؏ مـن غيـري ڪلمة احبك ولڪن ليس ڪل مـؤذن بلال وليست ڪل عاشقـة زليخه.... بعدها سمعت طكطكه جدي بشحاطته وانه بتعدت ولبست حجابي وهو كعد عاقل... جان لابس،بنطروق اسود وقميص ابيض وستره سوده بس انه اعشكنه اشوفه شحلاته... طلع وانه طلعت ضلن يهوسن ويركصن... وجدتي دكول...وجدك بي،الملعب يحله وجدك بي... خلصت الخطبه وهمه خلوو وراحوو مر يومين علئ خطبتي ماكوو مشاكل اشترولي بس حلقه... وكالوو بعدين نشتريلج... جهزنه اغراضنه ورجعنه للعماره بهاي اليومين انه ماشفت منذر جدي مايقبل يكول عيب يشوفج والمهم رجعنه للعماره وانه فرحانه... يمه هوانه وجونه النقي عوزه بس نذري وتكمل فرحتي بمحافضتي الغاليه علئ كلبي والبيها ذكرياتي اوووف يالمنذر احببببببببنك... اتعلم الخبز احسن والله ومال رايدون اسمع اغنيه واتخيل روحي انه ونذري... ......................... بغداد...الساعه الواحده ضهرا... نيران...جنت طالعه من المدرسه بعد ماخلص الدوام جانت بارده وتمطر مطر خفيف واني كووولش بردانه... وشايله جنطتي شوكت ارجع للبيت متت من الجوع وتعبانه... جااي اعبر الشارع مااشوف اله سياره سوبر حديثه طبكت عليه ونزل منها شااب طوويل اسمراني... شواربه نازله علئ وجه ومزين زيان خفيف وايده داك بيها بس ما ميزت شنو الوشم الي بيها اعترض طريقي وهو يباوعلي بثقه وبتسامه خبيثه خفت منه حيييل رحت من ذيج الصفحه رجع اعترض طريقي اجيت من هاي الصفحه هماتين عاد نفس الحركه... خلاني ارجف وخفت حييل من غير كوولشي هو شكله يرهب ومبين من رجال الدوله... نهاية البارت ....يتبع اعتذر بنياتي عن التاخير لكن ضروفي وامتحاناتي عطلت مسيرتي... والله مااريد اطلع من العشره الأوائل حتئ لو من العشره الاواخر بس المهم انجح ادعولي💔 ياله...معناها لا اي شئ متفهو كولولي افهمه الكم اهل الواتباد فديتهم يعرفوني امه جماعت البيج والفيس ميعرفوني شتردون تسالون اني حاضره واجاوبكم... القصه حقيقيه... وغير مبري الذمه الي يسرق احداث القصه لان صارت الي سرقه نسخ ولصق بيني وبين كاتبه.. والمتابعين نبهوني.. بقصة سيوف الثأر كونوا انتم كونوا بخير...احبكم 😘 نور سمو العراق... | ||||||||
|
| |
|
29-05-19, 03:10 AM
| #19 | ||||||||
| مراقبة عامة ومشرفة منتدى الروايات المنقولة
| #البارت الحادي عشر #رواية...انا هي جميع نساؤك #بقلمي...نور سمو العراق 💔💔💔💔💔💔💔 انت"مُنافق" تتظاهر بِـ الحُب لإحداهن .. بينَما انت تُحاوِل ان تكسر آنتقامك الفراغك بالعبث بهَا ! , أيُ مجتمعٍ هذا أيُها "العالم" !! . كثيرون هم الذكور لكن قليلون هم الرجال رغم انك مفتول العضلات و تملك شاربا يقف عليه صفر !! "لكنك لست برجل" ............................... اعترض طريقي وهو يباوعلي بثقه وبتسامه خبيثه خفت منه حيييل رحت من ذيج الصفحه رجع اعترض طريقي اجيت من هاي الصفحه هماتين عاد نفس الحركه... خلاني ارجف وخفت حييل من غير كوولشي هو شكله يرهب ومبين من رجال الدوله... باوعت عليه بحده واني اتصنع الشجابه تكلمت بهدوء وثقه...خييير اخي رايد شئ باوعلي وضحك بغرور همس بصوت خافت...ههه لا ما رايد شئ بس كلت اسلم عليج الدم يحن استغربت شنو الدم يحن رديت علي واني عاكده حواجبي ...شنو الدم يحن اعرفك تعرفي ضحك بتكبر ورد عليه بعد ما مد عليه ايده بالسلام...اني فاروق ابن اخت وثاب بيت مهاوي باوعت علئ ايده بارزه شرايينه والوشم مزين زنده رغم الجوو بارد بس هو لابس قميص نص ردان... رديت عليه بهدوء وابتسامه مجامله...اني مو من طبعي اسلم بالايد بالكلام اي ارد بس بالايد لا تعذرني واهلا وسهلا بيك هو قبض علئ ايده ونزلها بسرعه... رديت عليه...محتاج شئ لان والله الجنطه مليانه كتب وانكسر ضهري... رد بنضرات غريبه وابتسامه واثقه ...ما عاش اليكسر ضهرج انه الامن كلها الي هسه اخابرلج واحد من الشرطه يشيل جنطتج ويوديها البيتكم ضجت من ملحته ابتسمت مجامله...لا شكرا اني لازم ارووح... كال...اي روحي بس راحت. روحي وياج باوعتله بخزره ومشيت...شكد مليق... بعدها صاح ورايه..نيران مووو رجعت باوعت عليه همست ...اي كال...نيرانج شاعله بصدري من ذاك اليوم الشفتج بي استغربت همست...انت شوكت شفتني؟ كال...من اجينه واخوج نهه علئ منارس وانه لمحتج رحتي من باب الاستقبال طلعتي وخليتيني سهران اليل كله وانه افكر بيج ولا لحضه غفيت وطبكلي جفن... ابتسمت بخجل واستهزاء هزيت ايدي ورحت... مشيت وهو ركب سيارته ومشئ بصفي وحاط ايده علئ،شباك السياره ويدخن وشواربه نازله علئ،ذقنه جان رغم شكله يوتر بس يجذب ونظره جذاب... باوعتله مره وحده وبعد ما رفعت عيني لحد ما دخلت الفرع هو جان واكف بسيارته دخلت للفرع ودرت وجهي عليه وهو انطلق بسرعه بسيارته همست بداخلي شنو هل،صدفه شيريد فاروق مني لا وديتغزل بيه... معقوله مثل ماادعه يحبني زين اوك يحبني لويش ميجي يخطبني لويش جاي من الشباك ومسوي روحه عاشق ولهان... مااعرف يجوز هو من رجال الامن وعباله ارضخ اله مثل باقي البنات... اخذت الطريق فكره تجيبني وفكره توديني لحد ما وصلت للبيت... دخلت لكيت ماما تدك وتلطم خفت سألتها...شكوو ماما خيير شنو الديصير كالت وهو منهاره...اخووج راح يموتني ناقصة عمر وج عمره 33 وخاطب وهو يرجف علئ النسوان نزعت الجنطه حجيت بجديه..اهدي ماما غير نفهم شكوو كعدت وهي متعصبه وتفور...خابرت ست الحسن والدلال تسأل عن اخووج ام منذر...اكووو غيرها قندره تنهدت من خلص منها شلون يربي...اي وشتريد؟ ردت عليه بعصبيه...تريد اخووج تريد تفوخ الكح...الادبسز وشلونها السانها شطوله وياي ذاك اللسان عود هي مثل منارس ما تعرف المره منين تحبل... ضحكت كلتلها...اي دكول من البوسه باوعتلي امي بنص عين..وانتي تعرفين ولج؟ رديت عليها بخجل ..اي اعرف هاله علمتني كالت...دهر صابج انتي وهاله وهذا اخوجن ابو النسوان يمشي ويزع برقم التليفون كل شويه وحده مخابرتني اني هذن كلهن ما يهمني بس هاي روجين دكول هو متزوجني... صدك متزوجه لو تجذب رديت عليها بصدمه...شمدريني بس اذا صدك متزوجها شكو يخطب منارس كالت...اعرفنه يريد ياخذ ثاره من وثاب ونهه عليها والله ما يستاهلهها جوهره هااي شجابها لابو النسوان... وهاي روجين تحلف دكول والعذراء والمسيح والرب متزوجني... وكل يوم انام بحضنه... اني خجلت امي حركت الاخضر واليابس شويه ودخل المنذر وهو لابس الزي العسكري ومسدسه بخصره امي من شافته وكفت وهجمت هجوم بالكلام ولك منذر ولك والله حطيت عله بكلبي شتريد مدكلي شتريد خطبت تاج راسها لروجين وبعدك وياها هو رد علئ امي بثقه...علئ كيفج علئ كيفج شبيج فهمينه شنو السالفه شصاير ام المنذر..روجين خابرت ودكول عود انت متزوجها صدك هذا الحجي. المنذر بثقه...جذب امه بتهديد...احجي الصدك منذر المنذر...وشنوو خايف مااحجي..لا متزوجها ولا شئ مجرد علاقه امه...جااا خوش اكطع علاقتك بيها انت مو خطبت المنذر بتشرد..ميخالف ام المنذر بعصبيه...لا تاخذني علئ كد عقلي،واصدقني القول...تعوفها لو لا المنذر بتذمر...يابه عايفها شسالفه اجت امه وحطت ايدها علئ كتفه همست بحنان...ولك يمه اني قابل اكرهك اني اريدلك الزينه عوف روجينا وضل علئ بنت عمك شو شحلاتها ومعدله والله الناس تحسدك عليها المنذر بااستهزاء..اي وين اكوو مثلها تهلس باجه وتسوي بابا غنوج ومتعلمه الخبز يمه الخاطر ربج خليني ساكت هاي منارس تخوط بصف الاستكان.... امه برجاء...انت علمها يمه فدوه اروحلك المنذر..يمه شعلمها تخوط بصف الاستكان امه بعصبية...جااا اذا هييج طلكها انت ما تعجبك الفقيره تريد وحده سافله حتئ تريحيك المنذر بغضب شهل حجي لهلدرجه اني ساقط بنضرج ام المنذر...عوفنه من هل حجي باجر تروح للريف تحجي ويه جدك وطلكها.. المنذر بعناد...مااطلكها امه..اذا متحبها وغبيه وما عاجبتك شكو لازك بيها المنذر...منو يكول ما عاجبتني اني من اول يوم المات بي اخوها زاهد وشكت ثوبها عجبتني ام المنذر...شفت تفكيرك منحرف حطيت عينك علئ صدرها المنذر...الله جميل ويحب الجمال امه بلوم...بس ميحب المنحرفين المنذر..اهوو يمه اني احبها المنارس ومااطلكها وان شاء لله تتعلم اني اريد اعلمها امه..ساعه دكول طفله ساعه حاط عينك عليها انت شنو من مله ما دكلي تحب النسوان كلهن المنذر..تؤ تؤ تؤ..مااحبهن كلهن اني مااجازف واخطب واحاول ارتبط باانسانه اذا معاجبتني لو اريد اتزوج من زمان تزوجت... بس من كثرة معرفتي بالنسوان صرت مااثق ومنارس اكدر احط بيها ثقتي.. امه...الله يهديك وبلكي اتوب علئ ايدها المنذر..مال اتوب من سابع المستحيلات امه..بلكي الله ضحك بااستهزاء ...ان شاء لله تركها وراح وهي اتبعته بنضراتها المتاسفه تنهدت كوون تطلع منارس زينه واتوبه من النسوان والله مليت ............................ . طلعت من بيتنه ورحت للحضيره طلعت الغنم والصخوول ولبست عباتي شديتها وتنكبت مااريد وجهي يحترك... من اجيت من بغداد لحد هسه وانه ما متحمله الكرص مال البگ عبن البگ عرفني صرت بغداديه وهو طاحلي كرص... متت احكن وارجع ليوره تشوه جسمي من البگ تعلمت علئ بغداد وعلئ عيشتهم اريدن تلفزيون والبارحه تعصبت كلت لجدتي تشترون تليفون لو شلون اريدن اخابر أسأل علئ نيران أسأل علئ ازهار شنهي السالفه... لو تشترون تليفون لو تودوني البغداد... جدتي ض بتني بعصاها كالت..انلصمي تريد تليفون عليمن نشغله علئ شيب،الخلفج حتئ كهرباء ماكوو كلتلها...جااا رجعوني لبغداد عبن انه مره بغداديه موش من ريف... جدتي لطمت وجهها...ياا صارت اتبغدد علينه منيرس علي ابو فاضل اذا ما توخرين من وجهي اوديج مزوركه للمنذر يمه ذكرتني بي...يااا جاا شنهي انه ناسيته عگلي وفكري كله وياه... انه اتنفس منذر موش هوه... عبن انه احبنه حيييييييييل هووووواي هو كل هلي... بس ليش ما يخابر ويسأل عليه بس عليمن يخابر علئ مسحاة جدي طلعت اخذ الحلال ورحت وانه اتمنئ يجي صارلنه عشر ايام من اجينه بس احسن عشر سنين... انه احبنه حب موش طبيعي حتئ قبل لا يخطبني ورحت ويه جدي للمعامله جنت اغمض عيوني عبن مااريدن اشوف غييييره نشيت الحلال وانه اتذمر شنهي وين صار يمه والله كلبي خلص اريدنه... شحلاته من تغزل بشعري وانه العوبه اكله اغسله بصابون وتايت... جااا هو سالني بيمن تغسلينه... بعدك اكله من ذوقك لو انت احله عبن زهوره بت عمي علمتني... غمضت عيوني وانه اتذكره من يجي بسيارته السوبر شحلاتها احبن كل شئ ينتمي اله... بس روجين ام سيقان مااحبها... صدك هي تنتمي اله بس مااحبها.. جدتي ضلت تهوس بخطبتنه علئ سيارته كالت...لا تطب بسوبرك شارعنه ضيك بس شوو كلها ضلت تضحك وهو استحه كعدت علئ جذع الشجره والحلال كاعد ياكل بالحشيش... اجه اخووي عابد باوعتله ضحكت اخووي عزيز علئ كلبي ينافس المنذر بمحبته... بس احسن من اشوف المنذر افرح اكثر كعد يمي كال ...شلونها خيتي الغاليه رديت عليه بفرحه...ابوسن ايدك خويه انه زوينه وانت رد بتنهيده...وأنه هم زين بس اشوفنج ضايجه خير بيج شئ رديت والدمعه بطرف عيني...ياله يخوي بس انه تعودت علئ بغداد واريدن تليفون اخابرهم وجدتي ما تقبل نشتري غمزلي.كال وهو يضحك...تعودتي علئ بغداد لو علئ المنذر انه حييل خجلت وضلت افتح حجابي واسده وافرك بااصابعي...ياله يخويه انه هاا هييح ياله هههه شهل حجي ضحك وكال..الله يعينج انه حبيت اغير الموضوع لان خجلت كتله...جدتي تغني علئ سيارة المنذر كال..شلون:؟ كتله ...دكول لا تطب بسوبرك شارعنه ضيج كال..هنياله عبن عنده سوبر جااا انه عندي مطي وعربانه وضال اتعيقل علئ ابن البدوي عبن هو ماعنده ضحكت ودفعته بعكسي...عينك بارده يخوي لا تحسده عبن ما عندي غيره كال بصدمه...جااا انه وين رحت كتله..انت اخووي انه احبنك كال بتنهيده...قبل لا نجي للعماره جاسم ابن عمي كال اجت ام وثاب تسأل امي دكلها منهي المحجوزه لوثاب غرام لو منارس... باوعتله بصدمه...اي وشكالت عمتي لهاي لجاموسه اخوي جر نفس كال...كلتلها ياله غرام الله يرحمها بس ام وثاب دكلها احنه نريد نشوف رجلها عبن منارس داكه برجلها هلال ونجمه.. رديت عليه بعصبيه...خايبه تاكل تبن بكد لشتها هي وابنها هي كووه مااريدنه والله موتوني شنهي الخلقني ما خلق غيري... كال..انه ادري رحت لميت الحلال كله ونشيته بعصه وانه متعصبه شلون ما نخلص من ميتاب... رجعت للبيت واخوي يصبر بيه ويكول شحده غير منذر يغط راسه بالطين.. دخلت الحلال بالحضيره... ودخلت جوه لكيتهم كلهم كاعدين كعدت ضايجه... مقهوره حيييل المنذر مايجينه ليش والله ضليت مااحبه ياله احبه بس ضايجه منه .. جدي كال..هو ولج شبيج سكتت ماحجيت كال..احجي ولج انه من شوكت كلامي ماتردين عليه كتله...جدي علئ كيفك انه ضايجه اريدن اروح البغداد عبن متابعه مسلسل مسكيكي..« مكسيكي» واليوم اضن الحلقه الاخيره هو تخبل كطف عليه النفاضه بس ما طاحت بيه كال..انه جم مره كتلج لا تباوعين علئ هاي المسلسلات وافلام مصريه ازيكم وازيكم...هااا انه كايل يا لا رديت بخوف ورهبه وانه رجف...اي جدي انت كايل بس انه ماجنت اشوفنه هواي بس حلقه ولقطات عبن اخاف منك اشوفنه بالبوگه... جدتي كلتله..علئ كيفك ويه البت جاا انت ما تبت من ضربت غرام اشوفن امي الدمعه لمعت بعينها عليه... كالت اله..عمي انه بتي ما تباوع علئ هييج اشياء بس هي ضايجه وتريد تروح يم ازهار حطت حجتها بالمسلسل وهسه بالله جايه النفاضه براسها وميته والله العضيم غير اذبن روحي بالشط وانتحر... كلها..موش انه موصيها هي وزهيره ما يباوعن مسكيكي..« مكسيكي» ليش تعاندني.. رديت عليه وانه ابجي..وروح ابوي جدي انه ما شايفته بس انه تسولفلي نيران وانه اكله جدي ما يقبل هو سكت وامي كالت تعاي كومي وياي... رحنه للغرفه كالت..بعد لا تكعدين هناك جدج تخبل لا يموتج انه كتلها...خووش بس اشترينا تليفون رايدون والله طكت روحي.. كالت..اسكتي رحمه الربج ضحكت كتلها..يمه تذكرين جدتي من كالت لا تطب بسوبرك ... شنهي قصدها سألت اخوي عابد يكول عبن عنده سياره سوبر موش مثلي،عندي مطي امي ضربتني كالت..دهر صابج السانج الزمي وجدتج خرفت بعد صارت تخيط وتخربط... سكتت انه شحجي يطكوني والمنذر يكول تجلطيني وين انطي وجهي اكتل روحي... طكت روحي هسه غير اتزوج واكعد علئ التلفزيون اتابع مسكيكي. كيف حالك يا فراندوو مدري فينادروو.. اسم البطل صعب..بس لهجت مساككه سهله موش مثل مصر ازيكم وازيكم علئ كولة جدي... دهر صابك يجدي انه اشفت من المسلسله بس لقطه البطل صاعد علئ حصان والبطله لازمه الحصان.. ماتسوه كطفت النفاضه رحت كعدت علئ الشط وسرب الحمام فات من يمي تذكرت غرومه سوده عليه جانت بس هي تفهمني ومن احجي وماترزلني... ونفس تفكيري...تحلل الامور نفسي... اووف ياغرومه مشتاقتلج... الله يرحمج يا غرومه انتي حساسه اكثر مني من ضربج جدي متي وانه ضربني كاعده علئ الشط مسعده امداني ياربي مشتاقه الها ارحمها واسكنها بأول جنانك عبن انه حيييل احبنه من اذكر غرام راسا ابجي الله يرحمها.. اخذت نص حيلي... أُعاهدك يا اختي الراحله بأني سأدعو لكِ حتى أُجاورك، ستظلين بقلبي مهما أخذك الغياب، اللهم ارحمها و اغفر لها #زينب_ ......... . .................... جان كاعد على القنفه وهي واكفه بثوب النوم الاصفر وعيونه تجدح من عصبيتها. اما هو كاعد بااريحيه وهدوء وعبالك ماكو شئ روجين..انت صح خطبت المنذر..منو كلج روجين بعصبيه...امك طلعتلي تلعلع ولا تستحي معبالك ابنها ضابط مشورب هو هجم عليها مثل الاسد لزمها من عنقها وبعصبية همس عند اذنها...اترس حلكج اتراب واسده الج اذا نطقتي بكلمه تمس امي مفهووم سكتت بخوف ومحجت هز راسها حييل وتطاير شعرها ...مفهوووووووم باوعتله بخوف وبلعت ريكها...اي اي مفهوم العفو مو قصدي دفعها بشعرها كوه تماسكت... اما هو عدل قميصه وتنهد بضيق... باوعتله بحييره...المنذر بس كوول انت صدوك خطبت باوع عليها بثبات وبثقه...اي عندج مانع بللت شفايفها بقهر...لييييش؟ المنذر...لان اول وتالي اتزوج روجين...واني المنذر..اني من البدايه كتلج زواجي وياج سري لان مستحيل اضيم اهلي واني مجبرتج انتي قبلتي... فوك هذا كله ماضيج التافه وشكد حاولت وياج بدون فايده... روجين...وهاي الفضلتها عليه بشنو احسن مني... المنذر..ماتلحكج بالسانها ولا تلحكج بدلالج انتي وهي فرق جبييير مثل السماء والطارق روجين تقربت منه ولفت اديها برومانسيه علئ ركبته وطبعت قبله جريئه علئ شفايفه سحبت شفايفها من بين شفايفه وهمست...يعني من الاحسن باوع بعيونها الجريئه وهي بادلته بنضرات جريئه اكثر همس...صار سنه كامله ماحاطه عينها بعيني واكثر نضراتها خجوله... تدرين اني شكد جريئ لكن هي الوحيده الي من ناحيتها اكسر نضرتي عليها... احسها بريئه مااريدها تتلوث همست...لهل درجه همس بثقه...وااكثر دارت وجهها بزعل اما هو حط انفه علئ خدها وهمس...بس انتي غيييير انتي انوثه طاغيه ابتسمت بحب وهمست...أعلنت موتي بين احضانك اني قطه متوحشه بحبك... انافس خطيبتك عليك واريد اشوف المن كلبك ايميل ابتعدت شويه وفتحت المسجل شدت الوصله علئ خصرها وكعدت تتمايل وتراقص خصرها علئ انغام اغنية اهواك... وتردد كلماته علئ شفايفها الي يزينها اللون الاحمر الفاقع روجيين...اهوواك واريد احجي بصراحه وياك اهوووواك همس..تمايلي بخصرج النحيل وركصي تمايلي مثل نسمة هوه سحبها وهو يطفي المسجل همس بعد ما شالها...عندي معركه وياج ودائما اني المنتصر مفهوم ضحكت بدلع وهمست..انتصارك هو انتصاري،مابينه خسران حبيبي... .............................. جنت كاعده اخبز وانه اغني خايب هوي خايب هوي...خايب هوو خلاني وراح وراح والكلب ما مرتاح رديت علئ نفسي بعد ما تنهدت..اي وروح ابوي مامرتاح كلبي خايب هوي يا حية يام راسين طيحي بجدرهم خايب هوي سمي اعيال البيت بس خلي ابنهم ضحكت بصوت...اي عليج العباس خلي ابنهم عبن انه حييل احبنه اذا سميتي انعل والدي والديج والله ياا جدي يدري بيه اغاني يجسرني بعصاته عبن يكول تلمن علينه الشياطين... كملت الخبز بعد ما احتركت حرك بالخبز والدخان ترس هدومي عبن نخبز بالطين شلت الخبز وامي اجت تشوي سمجه علئ حطب التنور... رحت خليت الخبز يم جدتي... وشربت ماي من الحب...« قاروره كبيره من الفخار يحطون بيه مي» صدك طيب بس موش مثل ماي الثلاجه كون المنذر يشتريلي ثلاجه اترسها ترس مي.. رحت سبحت عبن عفنت...لبست ثوب كودري لونه ازرك كعدت يم جدتي وانطيتها المشط وهي كعدت تمشط بيه وضفرت شعري حيل يتعبها موش هو كلش طويل وثخين من توصل للنهايه انه اتدنه ليغاد وهي تكمل ضفر... كملت كالت روحي افتحي صندوكي بي حجول البسيهن فتحت صندوك جدتي طلعت الحجول لبستهن... رفعت ثوبي وانه مقهوره شنهي المنذر صار 3-شهور وهو ماكوو بس لا طلكني علي ابو فاضل انط واموت... لا ياربي كون بعده يتذكرني مثل ما انه اذكرنه بكل صباح ومسيه... بعدني رافعه ثوبي وانه اشوف جدتي الحجل والوشم مزين رجلي... وهو دخل اسمع جدي يكله...يا هله والله فگدناك دش دش انه باوعت راسا علئ الباب واشوفنه دخل يمه ماعت رووحي ضليت مبلمه وعيوني تنبض بالفرحه...موش مصدكه... وناسيه ثوبي مرفوع... هو باوعلي وعيونه انتقلت للحجل... لسان منارس يكول... انــي ناذر لـو #اشوفــگ انـطي شوف عيونــي #للفقــــره ثواب والمنذر يكوول... تسكت عصافير السلف لمن #يرن خلخالها... نزلت ثوبي بسرعه بخجل وحطيت اديه علئ شعري اغطي ركضت بسرعه فرحاااااانه لغرفة امي ييييماااااي موش رجال لا وروح ابووي اخس من العاصفه... اسسسسد اسسسسسد..احبنه.. ضليت واكفه اتصنط عليهم... وهو كعد سلم علئ،جدتي وضلو يسولفون... بعدها اجت امي هم سلم عليها... وانه كلبي يدك بسرعه مسوي حفله... ورجليه ترجف... سمعته كلهم..ان شاء لله هذا الاسبوع العرس واجيت اخذ منارس واخذكم يممماي طرت من الفرح واخيرا راح اعرررس وموش اي واحد المنذر الاحبنه... ضليت اتنصت عليهم وبعدها جدي كاله...امش اشوفك حلالنه وكاعنه وهو ترخص وراح... انه طلعت فرحانه... امي باوعت عليه وتنهدت كالت...والله انه اشوفن منارس مو مال زواج عبن جنها طفل والمنذر جبير عليها انه رديت بعصبيه...ياله اريدنه لو عمره ستين سنه كالت...يا دهر فرج ولج استحي انه سكتت كالت جدتي...اتعلم وتكبر ابن عمها اوله بيها امه كلتلها..كلشي ما تعرف انه رديت بسرعه..والعباس وحك علي كلشي اعرف كالت..بالله شتعرفين كلتلها بعصبيه...كلشي،كلشي كلشي خليت وكمت مايجي بعينهم دكول كلشي ماتعرف جاا ياهو الخبز هسه ياهو النضف البيت... ضليت افتر بالحووش يمه شوكت يجي مشتاقتله... مااجو اذن المؤذن وهم ماكوو احس دخنت من القهر... بعدها انفتح الباب انه شفتهم وطكيتها ركضه جوه رحت توضيت وصليت... وسوينه عشا الهم...تعشوو وصلوو انه ضليت ليل كله كاعده تخبلت اله اشوفنه انه اتنفسه يمه بس لا ملتم عليه البگ والذبان... عليه ابو فاضل اذا كرصته بگه باجر من الصبح اطيحلهن حمس جاا شنهي يكرصن نذري... تقريبا صار نص ليل... والكل نايم طلعت اخلي ماي للدجاج نسيتهن بدون ماي من وره المنذر... رحت فتحت كن الدجاج وبيدي طاسة الماي حطيتها يمهن جانن نايمات... طلعت ومااشوف غير ادين احتضنن خصري كمزت بخوف بس هو حط ايد علئ حلكي وسكتني عرفته هذا المنذر اعرفنه من عطره الي اميزه من الكل همس بهدوء وذوبان...لا تخافين اني المنذر دارني عليه واني بسرعه وخرت ايده همس بصوت خافت ...ما شتاقيتي الي رديت بخجل ورجفه...هاااا اي ياله اي موش هوواي ضحك كال..واني مشتاقلج موووت شلوونج شهل حجل الحلو والوشم يجنن والبياض عبالك كيمر خجلت حييييل وكلبي ايدك ورجليه وحده تطك بالثانية من الخووف نزلت راسي وخصلات شعري غطت وجهي... هو رفع راسي بااصابعه وانه غمضت من الخووف والخجل حسيته تقرب عليه... والهايشه صاحت بصوت عالي... وانه كمزت من مكاني باوعت علئ ما همه صوت الهايشه ويباوع علئ شفايفي ومغمض... انه دفعته حييل وشردت وكلبي يدك يممه يريد يبوسني مثل روجين يمه ولا يستحي... يبوس الهايشه ولا يبوسني هيج بخدي ميخالف بس بشفايفي لا... بس انه حتئ من الهايشه اغاار عبن امووتن عليه... ضليت للصبح كاعده افكر بقربه مني وانه ساعه اضحك وساعه اضوج وساعه اخجل مااعرف شبيه... كعدنه لمينه اغراضنه ورحنه البغداد كلنه حشكنه روحنه حشك بالسياره... هو جان كل شويه يباوع عليه من الجام وانه خجلانه وضامه راسي بصدر جدتي... عبن من اباوع عليه يغمزلي...موش راحه... .................... وصلنه لبيت عمي ابو جاسم كعدنه عدهم ورحت اشتريت ذهب ونيشان كصينه انه وامي وام المنذر... صار يومين عدهم رجعنه للبيت اخذتنه ام المنذر البيتهم... طلعن الملابس كلهن كبار عليه... رجعت امي وام المنذر للسوك يرجعنهن... وانه ضليت بيتهم... المنذر ومؤيد موش هنا... بس هاله ونيران... ضلن يسولفن وياي ويحجن ويضحكن.. بس احجي كلمه وضحكن عليه يكولن حجيح موش،حلوو معيدي... وانه ضجت بس،سكتت... اندك الباب ونيران كالت روحي افتحي مابيه حييل اكييد حفيضه... انه رحت فتحت الباب... وهي باوعتلي ببتسامه خبيثه... جانت لابسه تنوره كصيره ورديه وقميص بيجي وشعرها اصفر و لابسه كعب اسود وعطرها يفح انه باوعت عليها يمه موش مره تخلس... باوعتلي كالت...المنذر هنا عندي موضوع مهم وياه كلتلها بصدمه...روجييين نهاية البارت...يتبع كونوا انتم كونوا بخير...احبكم نور سمو العراق💔 لا تنسو التصويت بنياتي..❤ ولا تغلطن علئ منارس غبيه وحماره ترئ تقره التعليقات وضاجت والله بس سكتت شسوي بنيه بريئه متفاجئ بكولشي قابل مثل عذراء مفتحه بالبن...😅 راح اوديها كورسات يم عذراء😠 | ||||||||
|
| |
|
01-06-19, 05:19 AM
| #20 | ||||||||
| مراقبة عامة ومشرفة منتدى الروايات المنقولة
| البارت الثاني عشر رواية...انا هي جميع نساؤك بقلمي...نور سمو العراق 💔💔💔💔💔💔💔💔 أغار أنا لا أغار .. هو فقط قليل من الجمر علي قليل من النار هو بركان صغير داخلي وبعده يأتي ألف إعصار ..... #اغار من عين تراك وتعجب بك ولا تعلم بأنك لي 💔 .......................... .. انه رحت فتحت الباب... وهي باوعتلي ببتسامه خبيثه... جانت لابسه تنوره كصيره ورديه وقميص بيجي وشعرها اصفر و لابسه كعب اسود وعطرها يفح انه باوعت عليها يمه موش مره تخلس... باوعتلي كالت...المنذر هنا عندي موضوع مهم وياه كلتلها بصدمه...روجييين ابتسمت بغرور وحركت خصلات شعرها همست...اي روجين زوجة المنذر باوعت عليها وانه كلبي،ناار واحسن روحي راحت واختنكت بعبرتي هزيت راسي موش مصدكه كلامها....ياله المنذر زوجي موش زوجج دفعتني بيدها ودخلت بكل جرئه للبيت...ليش انتي منو باوعتلها بقهر اتمنئ اكتلها بس انه موش مخبله انه مؤدبه ماانزل المستواها كلتلها...انه منارس خطيبته هي بسرعه دارت وجهه عليه ضلت مركزه بوجهي ثواني.. وبعدها شدت علئ،شفايفها .. تنهدت ورفعت عيونها الملونه ليفووك همست بخبث..يريد يسكت امه بيج لا اكثر ولا اقل... انه من كالت هييج تخبلت فاار دمي العيطه « الطويله»...ام سيقان جذابه... جاوبتها بعصبيه واحس صرت ناار...خايبه انجبي انه مرته وكل نسوانه هي ضحكت بصوت عالي...هههههههههه والعذراء ضحكتيني هي كل نسوانه لج اني روجين الي الكل يركعلي ركبه ونص ما صرت كل نسوانه... ههه زوجج عينه زايغه حتئ وهو وياي يفكر. بغيري رجعت وكفت يمي ونزلت نفسها اليه حط وجهه بوجهي وهمست من بين اسنانها...اني روجين الي الكل من يشوفني يركض ورايه واذا دخلت لمكان هيج يلتمون عليه والمنذر خاني...تردين انتي ميخونج انه جاوبتها بحسره والدمعه تلمع بعيني..موش انتي رخيصه والذبان تلتم علئ الزباله بس انه ماي صافي واليتقرب مني ويدور رخص يغرك... ضحكت بتفاجئ...ههههه اووه لسانج طوويل ويكول المنذر ثووله وغبيه ومطفيه انه تخبلت هيج نذري يحجي عليه هيج انه بالنسبه اله جااا ليش خطبني عبن انه زماله انه رحت خطبته ياله والله اعوفنه كرامتي فوك كلشي ادوسن علئ كلبي واعوفنه بس مااتزوج اي واحد عبن حيييل احبنه... بجيت بصوت عالي،ضربتها بعشوائيه بس،هي،لزمتني...خايبه انجبي ام سيقان المعفنه... انه مثلج انه معدله كلشي اعرف بس،هو يحب ام سيقان عبن مطلعه سيقانها وانه رجليه ابيض من جهرتج... هو جذب هي حلوه وبيضه حيييل بس،انه هم بيضه اجت هاله ونيران يركضن من شافنه اني ورجين كابه العيطه... اجت هاله بعصبيه ودفعتها كلتلها...مررض انتي متستحين شلون تجين البيتنه هيييج والله اذا ماما تجي اله تطيح حضج رفعت حاجبها ببرود...اوووف علئ شنوو هاي واني دا افرحها لان حتصير بيبي... انه ما فهمت شنهي قصدها بس هاله ونيران تخبلن ضلن يغلطن عليها يكللها...خايبه لجذابه منين تصير بيبي هي باوعت لاضافرها الطوال مصبغتهن احمر ...شسوي قبل فتره منذر اجاني ونام ويايه حتئ ركصتله علئ اغنيه اهوووواك...وريد احجي بصراحه وياك انه رديت عليه بعصبيه ونهيار...هوواج البين وسواج وصلتين ياله لا تجذبين المنذر ما يحب الغنه مثل جدي عبن تلتم الشياطين... هي باوعتلي وبدلع...اووووه دكولج اروكصله وبعدين رحنه للغرفه واخذ المقسوم باوعتله شنهي المقسووم... هاله كلتلها...هي امشي اطلعي بره ادبسز لا تعلمين البنات علئ هيج سوالف انتي مكانج الملاهي يا منحرفه.... هي ردت عليها بثقه...غصبا عليج تتقبليني لان اني حاااااامل بابن المنذر... انه من صدمتي وكعت علئ ركبي ضميت اديه الصدري وانه ابجي... حامل روجين تجيبله ولد وانه يطلكني صررخت بصوت عالي وبجيت بألم... ما اشوف اله الباب انفتح... هلا شرف ابو النسوان..والله اليوم لو انه لو عجينه هو من شااف روجين عبالك تكهرب... باوع عليها بحده ورجع باوع عليه شافني واكعه علئ ركبي وابجي... هي ضحكت...هلاووو حبيبي همزين اجيت عندي موضوع وياك... هو تقرب منها وهو يشد علئ شفايفه لزمها من ايدها وانه تخبلت النار تاكل بكلبي...ايد المنذر الحنطيه ويه ايدها البيضه الشفافه شعلت نار الغيره بصدري وكفت وانه منهار سحبتها حيييل ودفعتها وانه ابجي واصررخ وكفت مقابيلها واحس دموعي توكع بالكاع ما توصل الخدي عطت بوجهها...وخري منه يا حقيره يا نعال وخري لا تلزمينه ماحسيت بس اديه طوقت اكتافي انه تخبلت درت وجهي عليه ضربته حيييل علئ صدره ودفعته ...انت هم وخررر مني عبن انه موش من مستواك تريد وحده مثقفه ودارسه وانه مااعرف اسمي من اسم جدك... رجعت كملت عبن انه ثوله وكلشي مااعرف وانه غبيه وزعطوطه... بس جنت حيييل منهاره همست باسف وشفايفي،ترجف...ما تستاهل...... كلشي تعلمت علئ مودك اشرت علئ نفسي وحطيت اصبعي علئ كلبي...انه الما انام اليل كله عبن شنهي اخافن انام ونذري بعده يحلم بيه اثاري نذري متزوج وام سيقان حااامل... هو فتح عيونه بصدمه كال...شنوووو منو حامل هي مشت خطوات تطك بكعبها سحبت ايده وحطتها علئ بطنها كلتله...حبيبي ابنك ينتظرك حتصير بابا انه تخبلت وخرت ايده من بطنها ودفعتها المنذر مالتي موش الها... بس انه الخرب عليه جنت حيل منهاره ودموعي ماليه وجهي عكسها هي ثاقه من روحها وموش خايفه... هو تعصب كلها ...سدي حلكج لا اترسه تبن شلون حامل... رديت عليه...نسيت انت قبل فتره جنت عندي هو باوع عليها بثقه ورد عليها...شوفي لج اني مااتقشمر سوالفج مو عليه...اني ماخذ حذر مستحيل تكونين حامل... ردت عليه..بس صار وحملت.. هو تعصب وجه صار نار تقرب منها وسحبها من ايدها .ومشئ بيها جانت تركض وراه بكعبها العالي وسيقانها المنحوته برشاقه... انهجم بيتها مخبله الرجال وانه ضاله مثل المخبله بس ابجي... تخبلت من اخذها وطلع متت اخذها وطلع عبن ما يحبني هي ام جهاله... انه شكوو... اخواته ضلن وحده تحجي ويه الثانيه ويحجن موضوع حملها... انه رحت امشي واسبن اخذت عباتي ولبستها... طبعا بيت عمي ابو جاسم قريب علئ بيت عمي ابو المنذر فرق بينهم جم فرع بس انه مااندل... بس،قررت اروحن البيت عمي ولا اضلن هنا... اجت هاله ونيران كالن لا تطلعين انه كلتلهن وانه انحب وابجي...ياله انه لازم اروح عبن اذا اضلن امووت جااا اخوجن ياخذ روجين وانه عايفني هنا عبن ما يحبني... اول ما فتحت الباب صار وجهي بوجه... نزلت راسي ومسحت دمعتي بطرف اصابعي... هو كال بحده...وين رايحه درت وجهي وانه شايله بكلبي عليه...موش شغلك انه بعد مااريدنك انت راح تصير ابو من ام سيقان هو ضحك وحط ايده علئ جتفي ودارني مشاني خطوات وانه ادفع بي وما راضيه ادش وياه ضليت ارجف وابجي وهو لزم اديه اثنينهن بيد وحده والايد الثانيه ضمني بيها... ويضحك بصوت يقهر همس...افااا متوحشه اليوم شبيج اهدي... جاوبته بعصبيه...اهوو انه مااريدنك عوفني اريدن اروحن الجدتي... كال..احتركت جدتج تعاي اكعدي سحبني كعدني علئ الثيل مالت الحديقه وكعد يمي بس كوه لازمني لا انهزم... اشر لهاله ونيران يرحن وهنه راحن وانه اصيح عليهن...ياله لا ترحن لا تعوفني وحدي هو سحب ايدي كال...اششش شبيج خليني احجي وياج جاوبته بقهر...هاي عجينه ام سيقان حامل كال...خلي تولي جذابه اصلا ممتقرب الها كتله بنهيار...شنهي ما متقرب الهر جاا ياهو االباساها ذاك اليوم باليل جدي ضحك..هههاي وج راح تصيريلها اكثر من ست شهور هسه يالله فكرت تحبل جذابه مو حامل بس تريد تخرب العرس... جاوبته...جااا انت موش بستها جاوب بااستغراب...واذا بستها يعني تنهدت...صارت حامل المنذر...والله مو حامل جذابه رديت عليه...جااا مو دكول اركصله و أغني اهواك وراح احجي وياك مدري شلون المنذر...هههههههاي لا تصدكين عوفيها تريد تقهرج مستحيل تكون حامل رديت ببراءه وشويه غباء...جاا من اجت باليل تسوي معامله انه شفتك تبوو كطعت كلمتي عبن عيب... كال...يابه عوفيها ما تلوحج شهكت ورجعت ابجي..انت دكول عليه غبيه وثوله ومطفيه هي كالت... تنهد ورد بصوت جاد...لا ماكو هيج حجي بالعكس انتي كولشي بيج حلوو.. رديت وانه امسح دموعي...اي انه كلشي اعرف بس مااعرف اقره واكتب بس انت راح تخليني اقره موس صح... هز راسه كال...اي اكيييد ان شاء لله من اتزوجج اسجلج بالاميه واقدملج خارجي سادس ابتدائي وان شاء لله تنجحين حتئ رأسا تروحين ثالث متوسط رديت عليه بفرحه واحس الدموع لازكه برموشي...واصيرن معلمه... رد عليه بس حسيته يستهزء...لا دكتوره جاوبته بسرعه...ياله ياله انه اخافن من الابره عبن توجع.. كال...لعد صيري معلمه تنهدت...بعد هاي روجين لا تسويلها معاملات عبن حيل اكرهنها وهي موش خوش بت ما تستحي.. ضحك وتقرب اكثر مني كال...لا بعد معاملاتي كلهن وياج... رديت ...ياله هي بس معاملة راتب ابووي وحولها جدي بإسمي هو ضحك بصوت عالي... استغربت ضحكه عليه كتله...نذري بروح ابوك عوفها عجينه ضحك وتقرب مني همس عند اذاني بعد ما سحب حجابي...تروح فدوه المنوره ونذرها... باسني بااذاني وانه حسيت كلبي وكع ضليت ارجع عبالك موش باسني عبالك سطرني راشدي... وكفت بسرعه واني الم بعباتي وشالي ودخلت جوه اركض يممه ليش هيج يبوسني عبن بوسته موش مريحه لكيت هاله ونيران كاعدات علئ القنفات اجيت وكعدت يمهن وانه افرك بااذاني... وارجف يممه هذا شبي جاا بوسني بخدي اله بااذاني هو دخل للاستقبال انه احبنه من يدخل كلبي يضل يركص عبن والله والله هيييج احسن الكون ينگلب صدك عاصفه... هو رفع اصبعه بتهديد كال...اي وحده تطلع الصار اليوم حسابها عسير مفهووم اخواته كلله اي... وانه ساكته هو كال بصوت حنين...منارس مو الكه الموضوع يم جدي... رديت عليه بدون ماارفع عيوني وانه افرك بااصابعي..ياله موش انه من زمان كتلك انه موش منافقه ضحك كال ...عفيه خله وطلع وانه افكر بعدها هاله راحت وراه تقريبا نص ساعه واجت كالت لنيران...جذب مو حامل نيران كالت...الحمد لله هو من طبيعته من يجي من دوامه رأسا يسبح وينام حتئ ما ياكل... سوده عليه ينام جوعان... شويه واجت امي وام منذر كالت..تتغدون وترحون احنه تغدينه وانه كفيت المواعين كف غسلتهن ونضفت المطبخ حتئ تعرف ام المنذر انه معدله... اجه مؤيد صبوله غده واخذنه وراح البيت عمي ابو جاسم... دخلنه وانه شايله اغراضي وفرحانه بيهن عبالك مشايفه... حاطتهن علئ كلبي... حطيتهن وانه طايره من الفرح هذن كلهن اشتراهن الي نذري... يممممماي اعشكنه جدتي شافت ذهبي همه جابولي كلاده اسمها باون وكلاده ام اليره...ومحبس وحلقه وتراجي... وهواي ملابس وحذاءات..« جمع احذيه» وجنط... اخذت الملابس وكعدنه انه وزهوره نعاين عليهن... يجنن بس هاي ام المنذر جايبه هواي ملابس داخليه شنهي السوك راح يعزل بعد ما يبيعون... زهوره شالت ثوب النوم وكالت..هاي تلبسينه هيج؟ كدام المنذر انه جاوبتها...ياله جوه الثوب كالت..خوش ضليت البس ونزع بالكلبيات وتراكات حلوه ولابسه الكعب مااعرف امشي بي وزهوره لازمتني تمشي بيه جني طفل هسه يتعلم... ورجليه جنهن بيهن كساح... واضحك وزهوره ميته من الضحك.... ....................... نيران... طلعت الصبح اريد اروح للمدرسه باجر حنه المنذر واني حيييل فرحانه... كلت اكول للاستاذه باجر مااداوم... لان عرس اخويه بس سكتت لان هو جانت عنده علاقه بالمديره ومديرتنه حزبيه... اخاف تشد ويايه... عبرت الشارع ومااشوف اله سياره طبكت اني من الخووف عبالك اجه يسحكني شمر الكتاب وكع مني جانت اكوو كاع مبلله وساكيه تدمر الكتاب... حييل ضجت باوعت للسايق وهو نزل بسرعه... بطني لوتني من شفته...اهوو فاروق هو نزل نفسه ورفع الكتاب شافه كله خيس ويلعب النفس اني جنت اباوع عليه بقهر اتمنيت اركعه بالكتاب... كال...اسف يعيوني والله مو قصدي تنهدت...يمعود كتابي تسكط يعيني مدكولي شتريد كال بضحكه...ما احسبه يوم اذا مشفتج ارتبكت حييل بس سكتت تقرب مني كال...هسه اخلي واحد من الشرطه يروح للمتنبي يجيبلج كتاب ادللي كم نيران عدنه باوعت عليه بخجل جاوبته ...ماكوو داعي اخويه يجيبلي كال..افااا اني فاروق محد يجيبه غيري ضحك وتقرب اكثر كال...جدتي اقترحت خالي يخطبج لان اخوج نهه علئ منارس واني تخبلت اشتعلت النار بصدري الحمد لله خالي رفض لان ميحب الدارسه كلت ميتحيل اخسرها اني من خالي تخبلت شلون اذا اخذها الغريب توتر حيييل من كلامه عفته ورحت واني ساعه اضحك وساعه اسكت... وهو صاح عليه السبت ان شاء لله الكتاب عندج جان قبل السبت دوام ابتسمت درت وجهي عليه جاوبته..لا تعب نفسك كال...تعبج راحه اذا الج مااتعب المن اتعب عفته ودخلت للصف وذهني شارد بس افكر بي وبكلامه كدر يأثر عليه... بس حيل خايفه منه كم مره الاستاذه تنبهني ودكول نيران انتبهي الدرس لو ما يعرفن اخويه ضابط من زمان طردتني واستدعت ولي امري.... طلعت من المدرسه واني اتلفت اريد اشووفه بس هو ماكوو راح... لازم انتظر للسبت يالله اشوفه... رجعت للبيت... وفكري كله عنده لكيت امي واختي وخالاتي كلهن موجودات وينضف ويشتغلن وساعه يركصن والامه مكلوبه.... عفتهن ورحت نمت واني افكر.... ............... . بيوم الحنه اجيت من الصالون وانه وجهي تارسته الابتسامه... عبن فرحانه بالبدله لابسه بدله بنفسجيه ومسويه تسريحه وحطلتيلي اكليل مال ورد يجنن... بس البارحه شبعت بجي بعن سولي شيره وانه ابجي وخجلانه بس الحمد لله جسمي املس موش هواي بيه شعر... وحفيت وجهي وحواجبي حلفت بعد مااعرس علئ هل ضيم عبن شنهي احسن عيوني ورمت... هناك ام الصالون كالت شحطلج اشوو انتي محمره من كاعج... بس انه لطشت ما مصدكه اريدن حمره وكحله... كالت..عاد كون الياخذج يستاهلج كلتلها بفرحه...يجنن يجنن موش بس حلوو ياله هو ضابط وعنده سياره وبيتهم حلو عدهم تليفون ضحكت كالت...الله يسعدج من اجيت جدتي لبستني محبسها ازرك بس هو جبير عليه ولبستني كلاده بيها شذر ازرك... كلها تعجبت عليه وامي تباوع عليه وتبجي وانه من اشوفنها تبجي اضلن ابجي بس انه سكتت عبن اريد نذري يشوفني حلوه... شويه واجت الزفه... هو دخل لابس بنطرون اسود وقميص سمائي يمااي يمه اخاف عليه من النسوان يحسدنه هو اجه كعد بصفي وجدتي غطتني منه لبستني برنص وهو يباوع علئ جدتي جنه ما راضي هو همس بااذاني كال... شلونج مناري باوعتله وضحكت بخجل ونزلت راسي... اجت خالته مثقفه سحبت البرنص مني وخلتني مصلخه يماي الخجل احس عركت وهو خجلني بالزايد حط ايده وره ضهري ويحرك اصبعه بطريقه غريبه عبالك شلون اليرسم كزبر جسمي من لمساته واحسن كلبي وكف... جانن يركصن ويهوسن بس انه عبالك موس يمهن عبن روحي وعقلي طايره ويه المنذر وحركاته... تجاوز المس صار يكرص وانه كل شويه كامزه شبي ليش هيج يتصرف نخبل الزلمه شجاه يربي... بعدين جابوو الذهب لبسني الحلقه ورجع لبسني المحبس وصل للكلاده احسن بنفسه حار علئ ركبتي مدري شصار بيه بس ارجف رجف موش طبيعي ومتوتره كلها انتبهت عليه وكالوو اهدي لا تخافين هذا زوجج لبسني التراجي بس من كثر ما متوتره وارجف هو هم توتر خله اخته لبستني... وانه لبسته الحلقه بس شنهي علئ النص ما دخلته بااصبعه ماادري شبيه موش مسيطره... وصلنه للكيك والشربت هو كص قطعه اوكلني ... يممه لو جدي يدري بيه كاعده يم المنذر وصدري طالع لا بالعباس يجنزني تجنز... بس شسوي كله من خالته انه هم وكلته من الخوف لزكت الكيكه بخده وكلها تضحك هو هم ضحك وطلع منديل صغير من جيبه ومسح خده همس الي...خررب يومج شبيج ترجفين هاي هنا وهيج ترجفين من انومج بحضني شلون تضلين تهزين.. بلعت العافيه لا رديت ولا كلت سويت روحي موش سامعه الحجي... انطنه العصير شربني وانه شربته... ما اكدر ما مسيطره تبده الشربت علئ قميصه هو تخبل بس مدري شبيهن يضحكن... هو وكف وضل ينكت بقميصه واني انقهرت من شفت عكد حواجبه يمه يمكن زعل مني بس والله موش قصدي... استحي اعاين علئ شفايفه غمضت وشربته.... وطاح علئ قميصه... وكفت وخذت المنديل من ايده وانه امسح بقميصه هو ضل بس يباوع عليه... وانه اكله...والعباس موش قصدي انه كلش اعتذر لا دكول عليه عوبه انه غمضت عيوني موش قصدي هو ضحك حط ايده علئ خصري وكعدني... اخذ المنديل وضل يمسح بقميصه... وانه اباوع عليه ابدي ابجي هسه يكول عليه عوبه يمكن يخرب العرس بس والله موش قصدي وروح ابوي انه احبنه موش قصده احرجنه هييج... هو مد ايده لخصري كرصني حييل احس انكطع نفسي كال بهمس رومانسي...هاي عقوبتي الج ... ضلن يهوسن بوسه ولا تخاف من امه وهو ما صدك حضني بثنين ادي وانه خجلت حاولت ادفعه مكدرت وباسني بخدي وشويه حسيته بيها عضه موش بس بوسه خلصت الحنه وحنو اديه واصبعه وراحووو كلبي راح وياه شحلاته بس ليش هيج يبوسني بالله جدتي كالت الجدي... والعباس يسويها مجاتل عبن كلشي ما يرضئ رحت بدلت بعد ما راحوو واسمع جدتي دكول لامي علميها لا تروح للولد مدمغه وتشلع كلبه صدك ما تستحي جدتي...شتعلمني جدتي كلشي اعرف بس هي تحب ازهار ودكول تعرف كلشي وانه دكول مدمغه... امي الفطيره دكلها...والله انه استحي اعلمها خلي غيري شنهي اروح اعلمها وانه امها حتئ لو رجلها بس استحي جدتي كلتلها...خووش رجلها هو يعلمها انه هم صلف علمني ضحكت ...جااا شني جدي يعرف بسوالف النسوان ما مبين عليه مسوي روحه ترنتي عليه انه وانه وطلع يعرف بشغل النسوان.... رحت نمت وانه افكر بنذري عبن باجر نعرس البس بدله بيضه والبس كعب بس مااعرف امشي بي نمت بحضن زهوره ضلينه لنص ليل نسولف علئ المنذر وهي كالت تحب مؤيد بس هو ما يحبها عبن وجهه بي جدري ويكول موش حلووو كلتلها...كولي يالله تفرج منو كال المنذر يتزوجني انه لحد هسه موش مصدكه راح اتزوجه اكولن خاف حلم... هي كالت..ياله افرحي صدك راح تزوجينه... بعدين كالت...باجر تجي ام وثاب عبن جدي عزمهم يكول ما يخالف هم كرابتنه... بس وثاب ما قابل يجي... بس امه واخته وولد اخته فاروق واسعد... كلتلها...يطبهم مرض عساهم لا اجوو عفتها ونمت ...واحلامي تراودني بس كون ما يبوسني من اول ليله عبن كلش استحي... كون وره ثلاث ايام هيييج اذا اسبوع بعد احسن... نمت من بين افكاري..... كعدت الصبح سبحت وبدلت اجه مؤيد اخذانه انه وزهوره وامي للصالون.... طلعتني ام الصالون اجنن وخطيه زهوره كلها جدي اذا مكيجتي اذبحج خطيه ضلت اتحسر... كلتلها خلي خفيف ما يبين... ام الصالون خلتلها خفيف ما يبين... رجعنه من الصالون وهي تتختل من جدي تخاف... شويه واجت الزفه يمه دخل نذري لابس قااط ابيض جنه اميير وانه الملكه مالته شحلاته يطيح الطير من السماء... ضلن يهوسن ويركصن... وهو كعد يمي لزم ايدي باوع عليه كال...كل هذا الجمال الي عمي. اني طلعت محظوظ والكل تحسدني اليوم اني ملك جدتي اجت يمه كلتله وهي مثل الي تشاوره...اليوم يومك يا بطل العب علي الجربايه... ترئ منيرس مدمغه كلشي ما تعرف علمها وعلى كيفك وياها اصبر عليها خطيه.... انه تخبلت شبيها هاي مرت صلف لو مسمينها صلف احسن شنهي مدمغه وكلشي ماتعرف...خرب حضي شسوي بعد حتئ تقتنع انه كلشي اعرف... رجعت كلتله...بس لا تطلع انت كلشي ما تعرف هو ضحك بصوت عالي وجاوبها...لا وداعتج خبره هي ضربته علئ جتفه كلتلها...عفيه ذيب وانه جدتك وانه مثل الاطرش بالزفه مااعرف شنهي يقصدون بعدين اجه جدي وانه متغطيه وكفني انه والمنذر وحطاني بيده كلها...بووويه المنذر هااي منارس امانتك قطعه بيضه ياله منارس جوهره ماتلكه مثلها... احترمها وقدرها واصبر عليها عبن كلشي ماتعرف... ضجت ليش يطلعوني عوبه كلشي مااعرف كلشي مااعرف رجع كال...ام بيت وتحطها علئ يمينك حنيتها مثل حنية الام علئ ابنها نضيفه وترفع راسك بس هي ماعدها خبره بالحياة وانه معلمها علئ العيب والحرام... عبن انه محاسب امام ربي عليها... شوف يجدي منارس يتيمه خليها يتيمتك وخاف الله بيها نذري حط ايده علئ صدره وكال...افااا جدي منارس بعيوني عين غطا وعين فراش..ان شاء لله ما تنضام واني المنذر صلف..كفووو انه منطيها الرجال راح انام وراسي بارد جانت نظرات ام وثاب تاكلنه اكل كله حقد وكره ... شفتها تبسبس ويه مرة عمي وبعدين خلت وراحت... وانه زفوني والمنذر لازمني اسعد لحضه بحياتي وفرحانه عبالك طفله وابوها اخذها للالعاب... انه نذري هو ابوي وكل هلي وناسي احبببببنه وصلنه للبيت وهو ضل بالشارع عبن جايبين مطرب والركص... وجايين مسؤؤلين بالدوله وضباط ونقباء... بعدها العالم تعشت . وانه زفوني للغرفه.. اباوع للغرفه تجنن تجنن...بيضه جانت... واهم شئ بيها ثلاجه وتلفزيون ورايدون وحتئ التلفون موجود من باجر اتابع مسكيكي... شويه ودخل المنذر كلبي طار من الفرحه من دخل.... انه خفت رغم فرحتي لزمت القران فتحته سويت روحي اقره...ومندمجه هو اجه كعد بصفي وحط انفه علئ ركبتي وحرك خشمه بعبث... تنفسي صار يصعد وينزل وارجف عبالك كاعده بالثلاجه ابتعدت شوويه همس كال..مو متعرفين تقرين جاوبته...اي بس جدتي كالت افتحي القران وباوعي بي هو سحب القران مني باسه وخلاها علئ المكتبه... رجع عليه وانه صافنه ومتوتره... حط ايده علئ ترجيتي ويحركه بهدوء همس..اليوم اذووب انصهر واتفاعل اليوم اني عنصر فعال اليوم سكتت محجيت وصافنه باسني بجتفي كمزت كمزه حتئ هو كمز وكفت ببدلتي كتله..ياله المنذر عيييب كال بااستهزاء...لا والله باوعتله بحيره وخوف اتمنئ اشرد من الغرفه...اي والله عيب انه راح اروح ابدل واجي وانت اذا تريد نام لو اروحن اسويلك عشاء... هو وكف وانه رجعت ليوره ..يمه شبي هذا... ثواني ومانسمع اله صوت الرمي رجانه رج.... نهاية البارت...يتبع كونوا انتم كونوا بخير.... نور سمو العراق...احبكم البارت هديه للمتابع طلحه فعلا انسان خلووق وكله ذووق واخ غالي وصادق الله يكثر من امثالك usar75405907 التصميم اهداء من الكاتبه المبدعه سوسو انين الروح SoSo---2003 تسلمين سوسايتي عنجد يجنن متصورين منارس شكد فرحت بي عبالك اليوم معرسه...  شكرا الكم متابعيني الكرام علئ تعلقاتكم الحلوه احبكم بكد حب منارس لنذرها❤❤❤❤ منارس تشبه هاي البنيه بعرسها والمنذر لابس قاط ابيض | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
