آخر 10 مشاركات
وعاد من جديد "الجزء 1 لـ ندوب من الماضي" -رواية زائرة- للكاتبة: shekinia *مكتملة* (الكاتـب : shekinia - )           »          دموع زهرة الأوركيديا للكاتبة raja tortorici(( حصرية لروايتي فقط )) مميزة ... مكتملة (الكاتـب : أميرة الحب - )           »          الدخيلة ... "مميزة & مكتملة" (الكاتـب : lossil - )           »          قراءة في مقال حقائق مذهلة عن الكون المدرك (الكاتـب : الحكم لله - )           »          عالقة بشباك الشيطان (105) للكاتبة: Carole Mortimer *كاملة* (الكاتـب : Gege86 - )           »          69– يدان ترتجفان - كاي ثورب – روايات عبير القديمة(حصريا) ( مكتوبة/كاملة )** (الكاتـب : أمل بيضون - )           »          61 - الشبيــه - نان اسكويث- (مكتوبة/كاملة) (الكاتـب : SHELL - )           »          تراتيل الماضي ـ ج1 سلسلة والعمر يحكي - قلوب زائرة - بقلمي: راندا عادل*كاملة&الرابط* (الكاتـب : راندا عادل - )           »          نون عربية (الكاتـب : قصص من وحي الاعضاء - )           »          130-خيط من شعاع الشمس..باربرا كارتلاند (الكاتـب : بلا عنوان - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات العربية المنقولة المكتملة

Like Tree1Likes
إضافة رد
 
LinkBack أدوات الموضوع انواع عرض الموضوع
قديم 06-06-19, 02:34 AM   #21

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي




البارت الثالث عشر
رواية..انا هي جميع نساؤك
بقلمي...سمو العراق..


💔💔💔💔💔💔💔
و

َ وشـرد اگـلگ،،!☺

بيـمن احـلف،،

آي وحـگ اتـراب رجـلگ،،

انـه? اعشـگگ،،

........................

وكفت ببدلتي كتله..ياله المنذر عيييب

كال بااستهزاء...لا والله

باوعتله بحيره وخوف اتمنئ اشرد من الغرفه...اي والله عيب انه راح اروح ابدل واجي وانت اذا تريد نام لو اروحن اسويلك عشاء...

هو وكف وانه رجعت ليوره ..يمه شبي هذا...

ثواني ومانسمع اله صوت الرمي رجانه رج....

هو فز بسرعه وانه تخبلت شنهي الصار ليش هذا الرمي...

المنذر فتح الباب وطلع وانه ضليت بالغرفه عبن كلش استحي اطلع مدلعه جدام اهلي...

اسمع الخبصه والهووسه بالبيت كلش خفت بس مااعرف شنهي الصار...

ليش الرمي...

ردت انزع البدله ماكدرت...

خفت علئ نذري حييل يممه فدوه اروحله لا تجي طلقه والله بعدني ما تهنيت بي

كعدت علئ الجربايه ...وانه الووب ياهو اليفرحني وينزعني البدله...

عليه ابو فاضل اصير احزام ضهر وكف للمنذر...

اهدن وراه جااا شنهي الي يرشه بماي ارشه بنار...

احسن كلبي صار نار ورجليه خييوط

الدمعه لمعت بعيني،شهل فال المصخم بيوم عرسي تكوم القيامه...

يربي شمسويه چاتله سيد...

تنهدت وانه ابجي والوضع ما يطمن بخيير...

شفت الباب انفتح وانه فرحت حيييل...

دخلت هاله ملهوفه ووجها مخطوف من شفتها وكفت بسرعه وانه روحي ذايبه عبن كلهم بخطر...

كلتلها بنهيار ونحيب...هاله شنهي الصاير شنهي هذا الرمي...

تنهدت وهي متعصبه وخايفه ...وثاب النذل هد علينه وخرطنه خرط يكول اريد منارس انتم اخذتو حرمتي

انه تعصبت وفار دمي احترك كلبي جاوبتها بعصبيه...انعل ابوو يا ابو حتئ الخلفه شنهي فصلية الخلفوو مااريدنه لزك...

كالت...تعاي بسرعه انزعج البدله خطيه راحت علئ المنذر وما نزعج...

يممممماي من كالت هيييج سحت بالبدله من الخجل المنذر ينزعني يممااااي والله عيب...

انه جدام امي ماابدل استحي انوب جدام المنذر

لا وحگ علي انجلط من الخجل...

غلست ما حاجيتها...

راحت طلعتلي كلبيه حلوه لونها كريمي وربطه نفس الشئ...

وفتحت السحاب انه خجلت منها كلتلها...عليج بروح ابوج لا تعاينين عبن استحي

ضحكت بااستهزاء كالت...لعد شلون من يهجم المنذر

استغربت جاوبتها...عليمن يهجم

كالت بسخريه...علئ ابووي هه

خلت وطلعت وانه ضليت مستغربه من كلامها جاا عمي الله يرحمه شعليه والمنذر يهجم عليه

قابل هو منطيني لوثاب لو هو جدي اطاني اله...

بدلت بسرعه وحطيت البدله بالكنتور ...

وفتحت التسريحه جانت بسيطه ما تعبتني...

لبست الربطه وطلعت وانه كلش خجلانه ومستحيه

شفت المنذر واكف بالطارمه وهو بعده بقاطه بس نازع الستره وفاتح الرباط واول دكم من قميصه..

بس شنهي احلئ من بطل مسلسل مسكيكي...

شكد حلووو ماادري انه من كثر مااحبنه اشوفنه حلوو ماادري هو حلوو

جدي تعصب كاله..ولك منذر ارجع لا تطلع لا تخليني اتخبل عليك

المنذر بعصبيه...والله شاربي مو عليه اذا مااندمه لهذا النعال جااي بيوم عرسي يدكني ويرمي بيتي واسكتله

لا والله مو رجال ولا اخوو اخيتي اذا مااخذت حقي

صلف...ولك جدي هو صاحب حگ لا تنسه انه ضحكت عليه واطيتك منارس وكتله ذيج ماتت...

المنذر بعصبية...ويطبه مرض شنو ورث من الخلفوو ويريد ياخذها...

وبعدين هي صارت مرتي ولو تقوم الحرب العالميه الثالثه مااخلي يطول رمش من رموشها...

هو يحجي وفدوه لله انه بكلبي اكوول...

شنهي. انه متزوجه اسسسسد اتمنه اروحن وابوسن جدي لان خلف عمي وعمي خلف نذري...

ميلت راسي وانه مندمجه بكلامه وجماله..

جدي رجع جاوبه بحنيه...بعد جدك ارحم شيباتي وخليني انه اتصرف انت فاير وهو يفور واذا تقابلتو تكومونها ما تكعدونها...

خليني انه اتصرف بالحكمه واحلنها...

المنذر بعناد وغضب...والله اني ماارتاح اذا مااطيح حضه

اني محد يتعده عليه والله اخلي يعفن بالسجن شنوو تايهه

يصخم يوم عرسي عليه

صلف..درجع المرتك وانه احله ولا تعبني بعد جدك لا تعاند انت ماتثق بيه

انه اركب الحق عليه واخلي ياخذ عطوه ويعتذر منك....

المنذر ...اله عطوه منا لباجر اذا ما اجه اعتذر وحق الله اكلب عاليها واطيها...

صلف ...اي تامر بس انت ارجع الغرفتك عبن يكولون فال موش حلوو وتنكطع خلفتك

المنذر...هههههههههاي هذا الاغم يكطع خلفتي شنوو ما متعلم علئ الرصاص لا تنسه كم حرب اني داخل
من الكويت لايران...

صلف..اي اعرفنك ابن ابووك بس هله هله بمنارس عبنها نعجه ثوله كلشي ماتفهم...

المنذر...ههههاي لا معدله تعرف تهلس باجه

انه تخبلت شبيهم ذوله يقلدون عليه وهذا نذري انه اعلمنه شلون يضحك عليه...

طلعت نعجه ثوله والله انه معدله بس همه يغارون..

خليتهم ورجعت لأمي

كعدت يمهن وهنه يسولفن

جدتي كالت...دهر الصابها حليمه رايحه كايله لابنها منارس هي مريتك موش الماتت عبن مرسوم برجلها هلال ونجمه...

امي كالت..هي شنهي مانريدهم لزكوو البت ماتريده

عمتي كالت...اي والله شنو لزكه بعدين المنذر اوله بيها هو ابن عمها واقرب من وثاب الها

الله لا يوفقه كسر فرحة ابني بعرسه...

حتئ ملحك يشوف عروسته ببدلتها

انه جاوبتها...ياله شافني كال حلوه

امي ندستني بعكسها وانه سكتت بسرعه...

جدتي كالت..دهر صابج منيرس جاا انتي اله تدكين فضحتينه بدكج

والله بيومها جدها كتلها كتله خلاها اسبوع تون ونايمه بالفراش

عبن خبزها خبز بعصه...

انه حييل خجلت من جدتي ذكرت الكتله همست بخجل...ياله ما توجع بس انه زعلت...

ام المنذر كالت...لعد هي ام وثاب وين شافت وشم منارس...

امي جاوبتها..دكول من وكفت انرفعت بدلتها وشافت الدكاك...

ام المنذر...هاااا

امي...اي وسأله ام جاسم كايلتلها بس منارس داكه برجلها لو غرام همين...

ام جاسم مجاوبتها..ياله بس منارس وجدها كتلها بيومها...

وهي تخبلت وراحت كلت الثورها وهد علينه...

انه همست هد عليه ابليس وولده ان شاء لله شيريد انعل خيييره...

ضلينه تقريبا ل 12 ناس رايحه وناس راده وجايات ومدري شنهي...

واجت دوريه مال شرطه والمنذر سدها من يمه وماكبر الموضوع...

المنذر جان كاعد بالاستقبال هو وصديقه عمر واخووي عابد وجاسم ابن عمي...

وانه اباوع عليه من الشباك شويه البرده مسحوبه

يمه فديته يدخن بالجكاره وضايج يحرك بروحه حرك والولد يسولفون هو موش يمهم...

انه كلهم الكاعدين ما معتبرتهم زلم بس نذري زلمه

احبببنه بس هو ما يستحي مادري عيونه موش راحه يعاين عليه
...

اخذوو وثاب يم بيت عمي ابو جاسم وراحوو...

صلف لزم وثاب من ياخة دشداشته...انت شنهي زحت المستحه تكبرت علئ اسيادك

عبن خليتك شيخ تشيخ عليه وحگ روح ابووي اذا ما تمشي عدل اخنكك بعكالك وكول صلف ما كال

وثاب بعصبية...انه ينضحك عليه انه وقاب اتقشمر ومنيذر ياخذ مريتي

صلف..شووف ولك لا دكول مريتي لا اترس حلكك تبن لا مريتك ولا شئ البت صارت عد رجلها...

واريدن واحد يحجي اوكله نعل وحگ. علي...

وثاب...بس هاي مو من شيم الزلم تكسر بكلمتها انت انطيتني كلمه وكسرتها...

صلف بحده...اكسر كلمتي ولا اكسر بت ابني انه منيرس اعرفنها من يجيبون طاريك اتخبل عبنها موش راضيه...

والرسول يكول الجبر حرام...وانه مااريدن اجبرها...

وثاب بغضب...من شوكت زعطوطه مثل هاي تمشيك علئ رايها والله احنه ضلينه نمشي براي النسوان...

صلف بعصبية...شوف ولك الحجي وياك ضايع من باجر تجي تاخذ عطوه من المنذر لا وحك روحك خلف اتصرف وياك غير تصرف وانه صلف...

وثاب...مااخذ عطوه

صلف...لا تاخذ

وثاب..احنه اولاد عم مابينه عطوه ولا بينه ثأر

صلف..هذا كلامك اقنع بي نفسك ترد اعتبار منذر عبن انت اعتديت علئ حرمة بيته وزرفت بابه

تجي تعتذر وتاخذ من خاطره وتبارك اله وما تعيد الموضوع

والعباس ابو راس الحار اذا مااجيت واعتذرت انه انكلب موش صلف لا انكلب طنطل...

وثاب بتنهيده...خوووش انه اريدن عطوه منكم وباجر اعتذر....

صلف هز راسه...اي هسه الحجي عجبني ودخل مزاجي...

ويالله روح ولا تحتك بالمنذر عبنه مخبل وكوه لازمه منك...

وثاب اخذ عكاله وجفيته واخذ ولد اخته اسعد وفاروق وطلع وهو يغلي من عصبيته...

وصلف رجع البيت المنذر...

دخل للاستقبال وكال...جدي المنذر انطيت عطوه لوثاب وباجر يجي ياخذ من خاطرك

المنذر بجمود...الله كريم...

راحو الولد وضل المنذر هو وجده...

صلف..يالله روح العروستك عبنها تنظرك

المنذر ابتسم بهدوء ....يالله تصبح علئ خير

جنت كاعده ويه امي وهاله نيران راحت نامت وجدتي ومرة عمي وهنه يكركن بسالفه وثاب...

اجه دخل المنذر وكف بباب الغرفه

وجدتي ضحكت من شافته كالت...يممه هله هله نذر منوره

يالله اخذ مريتك وروح الغرفتك وهااا اريدنك سبع كوون تكطع راس القط من اول ليله...

هو ضحك كلها...ادللي حجيه اكطع راسه وراس الخلفه..

انه جاوبته...يالله خطيه البزونه

جااا انت شنهي مجرم وتكطع راسها...

همه كلهم ضحكوو...

انه استغربت شنهي يكطع راس القط...

جدتي وكفت سحبتني من ايدي وحطته بيد المنذر انه ماادري شصار بيه ارجف ارجف

كلتله جدتي وهي تضحك...اخذ مريتك وهااا اريدنك تتزحلگ بالطماطه وتصير معجون...

هو رفع راسه وضحك اباوع عليه شحلات تفاحة ادم برقبته موش مثل وثاب جنها سلعوم مال صخل...

بس همين مافتهمت شنهي طماطه ومعجون وشنهي تزحلك

جاا قصدها اني،عوبه واذبن الطماطه بالكاع وهو يتزحلك شنهي السالفة...

هو سحبني طلعنه من الغرفه سحب ايده من ايدي وخلاها علئ جتفي...

احسها موش اييد لا جبل

ضليت اتنفس بصعوبه واتمنئ انام بحضن جدتي

كلش مستحيه من المنذر وهو. هم ما يستحي ليش يخلي ايده علئ جتفي والله انه اخجل...

اذا هو جريئ انه اخجل...

دخلنه للغرفه...

سحبني كعدني علئ الجربايه ...

وراح اخذ ملابس ودخل للحمام...

انه وكفت بباب الحمام عبن اريد ابين اله انه معدله واقوم بواجبه

من يطلع اخذ قاطه واعلكنه واسفطه

هو طلع لابس بس البجامه وصدره عاري...

انه شفته وانه تخبلت صرخت وحطيت اديه علئ عيونه همست بخوف..ياله ياله رووح بدل عيب اشوفنك هييج

ماحسيت بي غير حضني وصدره العاري يلامس ضهري ينه حسيت رجليه ماتت ودموعي عشره عشره...

بطني ضلت تلويني الموت دخل برجليه...

وهو يضحك كال..شبيج ليش عيب لعد الهسه انسوي اقوئ من هييج

انه نطيت من البجي وارجف

دفعته ووخرت بعيد عنه واني مغمضه عيوني لزكت بالحايط

هو تفاجئ عقد حواجبه وسحب المنشفه من الزوايه خلاها علئ صدره كال..شبييج ليش هيج تخبلتي..

جاوبته بشهكات..شنهي انت ليش ما تلبس،قميص انه انه ما شايفه واحد مثلك هيج بدون قميص انه استحي

كال..ادري اني شنازع بابا حبيبتي اني زوجج لازم يكون بينه تقارب اني ستر الج تنكشفين عليه وانكشف عليج

تنامين بحضني واكعد علئ أنفاسج يصير عدنه اطفال ونبني عائله هييج شئ حلوو لعد المن تزوجنه

غير حتئ نستقر..

باعي شلون اني جبتلج كولشي تردينه ثلاجه وتلفزيون وراديو وحتى فيديو وتليفون...

معناها اني احبج وادور راحتج ...

انتي هم لازم تدورين راحتي ومتخلين واحد يتشمت بيه

ويكولون المنذر مو زلمه ما كدر ياخذ مرته...

رديت عليه بخووف..وين ما تاخذني اخذني

انه هم احبنك وشتريد اسويلك انضف واطبخ اغسل ملابسك...

رد عليه بقهر...ليش هو الزواج بس هييج ؟

جاوبته..جااا شنهي

كال..الزواج تقارب حب استقرار وذريه انتي ما تردين تصيرين ام هذا الشئ من حقج مو صح

جاوبته...اي صح عبن انه اريد بسرعه اصيرن حامل..

كال..وشلون تصيرين حامل وانتي متقبلين حتئ قميصي انزعه...

جاوبته بخجل..جاا اله تنزع قميصك يالله اصير حامل

تنهد همس بنهيار..بس فهميني انتي محد فهمج علئ الزواج محد علمج ليلة الدخله شنوو

جاوبته بعد مانزلت راسي بحزن...اعرف كلشي اعرف انه لازم من تجي من الشغل اصبلك غده وكعد يمك ذا طافيه الكهرباء اهفيلك...

اغسل ملابسك وانام يمك

كال بفرحه..اي يالله

رجعت جاوبته..بس انه انام بالكاع احسن عبن ما متعلمه علئ القريوله...

هو تنهد راح طلع قميص ولبسه...

وراح تمدد علئ الجربايه...

انه اخذت قاطه وعلكته...بالكنتور...

ضليت كاعده علئ القنفه مصدومه هو شنهي ليش هيج يتصرف...

انه ما متعلمه علئ هييج...

بس هو ضاج وانه ضجت عبن مااحب اضوجه..

رحت كعدت يمه باوعتله بحزن...انت ضجت مني والله انه حيل استحي

هو سكتت محجاني...

جاوبته..اذا تريد انزع قميصك بعد ماابجي

هم سكت...

تنهدت خنكتني العبره زعلان مني..حطيت ايدي علئ دكم القميص ردت افتحه

هو لزم ايدي بسرعه سحبني الحضنه ولف ذراعه عليه وضحك كال...هههه ولج بابا قميصي شنوو انتي ينرادلج واحد يدرسج ويعلمج

يالله اني ما مستعجل لان كلشي يجي بالرضا طعمه غيير واني اريدج راضيه...

جاوبته..ياله اني راضيه انزع قميصك

ضحك..وشنو الفايده خليني هييج احسن..

سكتت بعده زعلان يربي شسوي والله حيره...

هو رجع ضمني لصدره وباسني بكصتي وضل يمسح علئ شعري...

ضليت تقريبا نص ساعه احوس بحضنه وارجف وتالي هو نام

كمت من مكاني ورحت سبحت وبدلت واجيت فرشت بالكاع ونمت عبن انه احووس من انام..

واخاف اصعد فوكاه...

يمااي اذا اصعد فوكاه انتحر...

نمت وانه افكر بكلامه استقرار وتقارب ومااعرف شنهي يريد مني والله حييره...

كعدت الصبح من الفجر لكيت روحي علئ الجربايه

يمه تخبلت فتشت هدومي لا الحمد لله بعدهن عليه

ونذري نايم وحاط ايده علئ خصري

يمه ولا يستحي منومني يمه....

ضليت اباوع عليه اتمنئ ابوسنه عبن حلووو

بس شنهي،اخجل منه وعيب...

رحت توضيت وصليت...

اجيت كعدته للصلاه هو طلع ما يصلي...

ضجت حييل عبن مااحب واحد ما يصلي..

بس شنهي كلت مثل ماهو كال اعلمج علئ الدراسه

انه اعلمنه علئ الصلاه واخلي يصوم...

وكل خميس اخلي،يقره قران حتئ الله يبارك بي...

جاا شنهي شيطان مخلين بالبيت شكبره شكده عاصفه ومايصلي...

عفته ورحت لان رجع نام...

لكيتها كلها نايمه...

دخلت للمطبخ سويت جااي

اتذكرت اغنيه قبل اغني بيها ...

اسمها سدو عليه الباب يمه يمه...

بردوني اعوفه شلون يايمه اسمعني..سدوو

جنت اغني بيها وانه اذكر المنذر من دخل وسد الباب

والحسن احسن حاصرني ملج الموت موش نذري...

كملت ريوك

وكعدت انتظرهم...

شويه وكعدوو نيران تريد تروح للمدرسه ..

وجدتي كعدت شويه واجه المنذر ملهوف..

كال..منارس تعاي بسرعه

رحت وراه بسرعه جاوبته...هااا شكوو

لزمني من اكتافي كال...اي واحد يسالج يكلج المنذر اخذج كليلهم اي مفهوم

جاوبته ..قصدك تاخذني للامام ازور جاا شلون اجذب انت شوكت اخذتني بالحلم

كال..اشش كولي اخذني وبعد ولا حرف تحجين مفهوم

جاوبته...اي مفهووم

طلعت وهي صارت عليه زنابير اخذج مااخذج وانه اكلهم اي

جدتي تهلهل وتركص وام المنذر همين

وانه اطرش بالزفه....

تريكنه وكملنه...

واجه جدي صاح علئ المنذر وكعد وياه ضلو يسولفون وصوت المنذر يلعلع...

شكد يصيح ما يحترم جدي

بس همين احبنه....

.......................

نيران...رحت للمدرسه صادف يوم سبت شكد كرهته لفاروق لان هد عليه اخوويه...

بس سمعت جدي يكول

فاروق هو الي يسكت بخاله ومقبل علئ تصرفه...

شويه فرحت...

ضليت منظرته يجي يجيب الكتاب بس هو مااجه...

انتظرت انتظرت ماكوو

همست بداخلي..يطبك مرض لا تجي عمرك لا تجي

دخلت للمدرسه واني بالي عنده احتمال غير رأيه بيه

وشنو واذا غير رأيه قابل هو منو

اصلا مابيني وبينه شء مجرد اريد كتابي....

...... .......................

منارس

اليوم رادو ياخذون عطوه بس اجلوها ..

وناس تروح وتجي تبارك النه والمنذر كل شويه يجون اصدقائه...

وانه اركض هيج وهيج...

ومكيفه انضف واجلف عبن انه معدله

وعمتي دكول روحي اكعدي وروحي يم رجلج

وانه مااقبل انضف...

هاله كالت..اكص ايدي اذا المنذر ماخذها

شوو جنها حصان تركض هيج وهيج...

بس مو كدام واحد كالت بس النيران....

خلصنه شغل وانه رحت نمت وانتظرت المنذر يجي

انتظرته انتظرته ماكوو...

نمت شووويه...

بعدها كعدت طلعت بره نذري ماكووو

طلعت بره ادور عليه رحت للاستقبال للهول ماكوو مدري وين راح

رحت للحديقه مالكيته

رجعت الجوو اضلم ويخووف ماحسيت غير بايد كتمت نفسي...

مااكدرت اصرررخ بس نرعبت رعب خفت حييل وارعش...

سحبني للسياره ركبني بيها وقفلها ورشها بانزين وشغل عود الشخاط وشمره علئ السياره...

نهاية البارت...يتبع

كونوا انتم كونوا بخير...احبكم

نور سمو العراق

واعتذر عن التاخير لكن والله ضروفي حالة بيني وبينكم...وامتحاناتي صعبت...

احبكم...😭





فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 06-06-19, 02:45 AM   #22

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



البارت الرابع عشر
رواية...انا هي جميع نساؤك
بقلمي..سمو العراق


💔💔💔💔💔💔💔💔💔

من حنان الأنثى يرتوي قلب الرجل
ومن اهتمام الرجل ينبض قلب الأنثى
إذا أردت إمتلاك قلب
فلا تتحدث عن الحب بل تصرف بحب....

............... ...............

رجعت الجوو اضلم ويخووف ماحسيت غير بايد كتمت نفسي...

مااكدرت اصرررخ بس نرعبت رعب خفت حييل وارعش...

سحبني للسياره ركبني بيها وقفلها ورشها بانزين وشغل عود الشخاط وشمره علئ السياره...

احتركت السياره واني بيها صررخت بصووت عالي،ادك بالجام مالت السياره ماكوو

شفته اي،شفته يباوعلي وهو يبتسم بخبث...وشايل مشعل بيده

درت وجهي،واني اريد واحد ينقذني،اتلفت بخوف ورعب شفت المنذر خطف مني،مثل الشبح...

ضليت،ادك حييل،علئ الجام اريده يساعدني،يجيني،ماكوو

جنت لابسه سورات ذهب تكسرن باديه..

اباوع عليهن شكد عزيزات عليه بس تكسرن...

والسياره احسن حرارتها وصلت لعضمي

صررخت بصوت عالي وثاااااب وثاااااب احتركت وثاب لا تحركني...

هو صاح بصوت عالي ....مثل ما حركتي كلبي احركج

صرخت بصوووت عالي لمن حسيت بالنار التهمتني..

مناااارس بصوت عالي.....لااااااا وثاااااااب

ماحسيت روحي غير بحضن المنذر واني ارجف وابجي واتكمز....

هو حضني بذراعه كال...اشش اشش لا تخافين حلم مجرد كابوس...

ضليت اشهك بحضنه ولازمه قميصه...هئ ياله ياله وثاب حركني انه گبيت كلي اشتعلت بيه النار

ضلت امسح بجسمي وكأني ابعد النار من جسمي وانه ابجي ومنهاره...

مستحيل يكون حلم هذا حقيقيه

اصعب من الحقيقه...

مسحت دموعي نزلت علئ شفايفي واحس وجهي اشتعل نار...

هو كعد علئ الجربايه ركبه ونص ومسح وجهي بثنين اديه...

همسلي بصوت حنين...لا تخافين مجرد حلم ولا وثاب ولا غيره يكدر يمس شعره من شعراتج...

انتي حرمتي وعرضي وواجبي احميج وليرشج بمي ارشه بنار...

همست بنحيب...بس حرگني

هو احتضني واني ستحيت بس احساس راودني موش مو حلو لا بالعكس احسنه حلوو

بس،شنهي انه من طبيعتي،بسرعه اخجل وخاصة منه


احب يحبني كون بااحترام موش هيج يريد يبوسني لو يلزمني لو يباوع عليه بنظرات موش حلوه...

بعدني عنه وباوع بوجهي،بتظرات غرييه

يخليني اخجل ومااكدر اركز بعيونه عبنهن يجلطن

وروح ابووي اسسسسد..اسسد..

نزلت عيوني

تقرب مني وهمس عند اذني..مناري شنو نريد ناكل تفاح ليش ميبستها عليه...

كعدت بلهفه...يااا سوده عليه مشتهي تفاح هسه اروحن الثلاجة اهل بلكي الكالك تفاحه...

المنذر...ههههههههههههههههه� �ي

منارس ببراءه...شنهي ليش تضحك؟

احتضني بسرعه واديه حاصرت خصري همس...ليش تدورين بثلاجة اهلي والتفاحه موجوده بحضني...

جاوبت بااستغراب...شنهي تضحك عليه وينها موجوده بحضنك؟

تقرب مني اكثر حط اصبعه علئ،خشمي وهمس...هاااي انتي احلئ تفاحه شفتها بحياتي...

بلعت ريكي من كلامه نزلت راسي ...

حسيت بشفايفه يبوس ركبتي مااعرف شمئزيت منه

دفعته بسرعه ووكفت..

وهو تنهد ومسح وجهه

همست باارتباك...منذر انت موش كلت اخليج تكملين دراسه

هو باوعلي بسرعه كال..اي عند وعدي

جاوبته بخجل...جاا شوكت تقريني

ضحك كال...ان شاء لله بس اخلص الشغله الي ابالي اقدملج علئ الدراسه

جاوبته بخوف...خاف امك ما ترضئ

هو استغرب كلامي كال...ليش؟؟

تنهدت بحزن...موش انه كلت النيران اريدن ادرس واريدن اقره وعمتي كالت شنهي بعد وينج وين الدراسه اكعدي واسكتي.ونيران وهاله هم كالن

المنذر.. شنو بكيفهم همه اني الي اقرر وانتي مسؤؤله مني

واني فعلا اريدج تدرسين لان باجر يصير عندج اطفال لازم يعتمدون عليج مو صح

مااريدج مطفيه من الرئيسي اريدج تكونين واعيه ومثقفه والج كلمه بالمجتمع فهمتيني

رديت عليه...اي انه فهمتك وانه احبنك لان انت هيج مثقف وحباب وكلها تحبك...

بس انه احبك اكثر

هو ابتسم ووكف تقرب مني وانه رجعت لزكت بالكنتور

هو حط اديه علئ خصري وهمس...ادري اذا تحبيني شكوو كاطعه كلبي

وترئ اني صارلي مده محروم مظلوم

ليش تخليني انحرف واني مااحب الانحراف...

حطيت ادي علئ صدره همست ...جاا شنهي تريد؟


كال ..احم عاد بوسه هم بوسه ماكوو والله قهر

جاوبته..شنهي انه استحي

ابتسم وهمس ...ليش يحبي

ضليت ارجف...موش انه ماادري انه احبنك بس مااريدن تبوسني بركبتي واذاني بوسني بخدي

همس بعنف..غيرج متكطع علئ بوساتي وانتي متقرفه لا وتدعين تحبيني وين الحب بالموضوع

باوعت عليه همست ...شنهي قصدك انه مااحبنك

جاوب بحزم...لا متحبيني؟

حطيت اصابعي علئ شفايفه همست...ياله والقران انه احبنك

لزم اصابعي،بيده وباسهن وهمس..اثبتلي؟

جاوبته...شلون انه مقصره وياك بشئ يعني موش زينه وياك ما قايمه بواجبك انه شتريد اسويلك شنهي التريده كول واسوي...

همس بذوبان...بوسيني

استحيت حيل جاوبته بخجل..بس انه كلش استحي اذا تريد انت بوسني بس انه وروح ابوي كلش اخجل

كال ..يالله ابوسج ليش لا بس ركزي بعيوني ولا تبتعدين زين؟

همست بعد مانزلت عيوني...بكيفك

هو همس بحده باوعيلي...

انه باوعتله بخووف

ضليت اباوع بعيونه خايفه وهو مركز بعيوني انتقل بنظره علئ شفايفي...

وانه ضليت ارجف ارجف

همست بكلبي...يمه بس لا يبوسني مثل روجين وعلي ازوعن عليه...

ماحسيت غير بملمس دافي علئ شفايفي

بس موش بوسه صدك تخلي الوحده تحبل

عبن حيييل سخيفه ومااعرف واوصفه بحيث شفايفي ضاعن بشفايفه

من الخجل بجيت دفعته حييل ركضت...

فتحت الباب وطلعت بره وانه اتنفس بصعوبه حطيت ايدي علئ صدري وانه كلي ارعش وارجف.

بعد مااباوع بوجهه...

دهر صاب روجين ولا تستحي عدها عادي انه احسن صخنت وبطني توجعني...

يمه حتئ بعد للغرفه مااطبن....

حطيت ايدي علئ خدي اي والله صدك صخنت...

سمعت الباب انفتح وانه مشيت خطوتين هاربه منه

بس هو لزمني من وزندي ودخلني للغرفه ..

كال...وين رايحه

ارتبكت حيل وانه امسح بشفايفي...ياله بس انه يمكن نسيت جدر التمن ما غسلته وعبن رحت اغسله

جاوبني بحده ...ليش دفعتيني اني مو كتلج ركزي بعيوني...

ردت اصرف الموضوع جاوبته بغباء...موش جدر التمن ما غاسلته وكلت عمتي الصبح. تحجي. عليه


هو رفع حاجب كال...لو البيت يحترك وانتي يمي ما ترحين ما الج شغل بأي شئ مفهوم حبيبتي

يمه من كالي حبيبتي غصت بملابسي...

جاوبته بخجل...اي بعد مااعيدها...

ابتسم ابتسامه جانبيه كال...بس مو شفايف لا والله فراوله وأطيب من طعم الفراوله

بعمري ما ضايك هيج طعم

همست..جااا وروجين موش هيج تبوسك انه شفتك لا دكول ما باستني...

ضحك كال...بس مو مثلج انتي الج طعم خاص

عقدت حواجبي...انت تحب روجين؟

هو عض شفته كال...انسي هذا الموضوع موضوعنا اهم...

جاوبته...ياله انت تحب عجينه بس هاا ترئ انه احبنك اكثر منها

كال..بس هي ناطيتني اكثر منج

جاوبته بغيره..شطتك ام سيقان؟

كال بمراوغه...جانت تحبني وتنام بحضني ومدللتني تبوسني مو مثلج استحي واستحي...

ضجت حييل جاوبته...لا تحجي كدامي تقبل اكولن وثاب جان يحبني ويريد يزوجني ومدللني

هو تعصب كال..بس تجيبين سيرته علئ لسانج اشك حلكج

جاوبته...جاا لا تحجي بعجينه كدامي

هو تركني وراح رجع نام انه انقهرت جاا شنهي يكول عجينه مدللتني والله ما تحبه اكثر مني...

تنام بحضنه ابو النسوان والله لو انه لو عجينه

كعدت علئ القنفه وهو نام علئ الجربايه كلامه ضل يدور بعقلي عبن حيل نقهرت...

كمت من مكاني وشلت ايده ودحست روحي بحضنه

لازم اخذنه مو روجينه واكلله احبنك وهيج وهيج حتئ بعد ما يروح لعجينه...

هو لف اذراعه عليه وحضني وكل شويه يبوس شعري ويشم ركبتي...

وانه عبالك منتوله بس ارجف بس شنهي مصبره روحي عبن مااريده يروح لروجينه......

..........................

نيران طلعت من باب بيتنه رحت للمدرسه

مااشوف اله سياره طبكت عليه...

تنهدت من شفته فاروق...

نزل من السياره بيده الكتاب كال...صباح الخير يحلوو

ما رديت عليه

كال..شدعوه شنو زعلانه

جاوبته بحده..رجاءا فاروق انطيني الكتاب وبعد لا تلحكني ولا تاخذ دور العاشق لان ملايك عليك

فتح عيونه بصدمه كال...افاا ليش ترئ اني نيتي وياج صافيه ليش،هيج تتهميني

جاوبته..انت هديت ويه خالك علئ اخويه ومن سابع المستحيلات اقبل بحب شخص اتعده على حرمة اخوويه


هو جاوب بسرعه...لا لا مستحيل اني اصلا جنت اهدي بخالي هذا كلامج غلط اصلا إسألي صلف اذا هل كلام صحيح

جاوبته...حتئ وان كان مستحيل اني وياك طريقنا مسدود ماكوو داعي اتعلق بيك واني اعرف مصيري

جاوب...شنو مسدود افتحه واني فاروق اني مستقتل عليج واحبج مستحيل اخلي هيح امور عابره تأثر على علاقتنا....

جاوبته بحده...اي علاقه انت شبيك شارب رجاءا اتركني بحالي

همس...احببببج احببج واخاف عليج من الهواء اغار عليج من كل واحد انتي روحي

مااحب اشوفج تمشين بالشارع لان مااريد غيري يشوف طولج

اني اريدج تصيرين مرتي ام اطفالي

اني عجبني اسلوبج واخلاقج وروحج كولشي بيج حلووو

واحارب خالي وكل عمامي لخاطر هل العيون العسليه

كلامه جان مثل البلسم مااعرف شصار بيه

بلعت ريكي بخجل واخذت الكتاب من ايده

ورحت وهو ضحك وصاح بصوت ...اعشقج يانيراني

ابتسمت بخجل وسرعت بالمشي...

وصلت للمدرسه...

صطفينه وقرينه النشيد الوطني وفتشونه

دخلنه للصف خليت الكتاب كدامي....

ضليت اكلب بي...

بنص الكتاب لكيت ورده حمره منزوع منها الشوك بس يابسه وبيهه عطر رووعه....

استنشقتها وسرحت بااحلامي....

انتبهت مكتوب بطرف الكتاب...

نظرات أعيننا أذابت مهجيتن
وأشعلت نار الغرام ؟؟

فاروق وتوقيع بطرف وتاريخ الذكرئ...

سديت الكتاب واني ابتسم ومشاعري تخربطت.

بين حبي وكرهي ومشاعر متوهجه...

مااعرف شنو الصار بيه يمكن عجبني اصراره عليه اوو عجبني موقفه الحاد

رغم تضاد العائلتين...

لكن هو ضل يحبني.....

............................

جنت كاعده من الصبح انضف بالبيت اليوم هاله عزمتنه كلنه علئ الغده...

وانه كلت انضف حتئ نروح من وكت...

نيران بالمدرسه

ونذري ومؤيد ابيت ابو جاسم عبن وثاب اخذ عطوه وجاي يعتذر من نذري....

كملت تنضيف

ودخلت سبحت وطلعت لبست تنوره طويله سوده وقميص وردي وبي ورد ابيض وحجاب...

بس انه مشكله مااعرف امشي بالكعب

اريد ارجع علئ نعالي...


بس الحمد عندي شحاطه ناصيه...

لبستها ماحطيت مكياج بس حمره وكحل ...

ضليت منتظرتهم...

اجت نيران دخلت سبحت وبدلت...

لبست تنوره كصيره بس موش مثل تنورت روجين ياله اطول..وقميص.

وضفرت شعرها...

بس كلش حلوه طلعت...

انتظرنه نذري اشويه واجه...

جان لابس دشداشه بيضه اول مره اشوفه لابسها بس شنهي تجنن عليه...

ولازم سبحه من العقيق...

ومؤيد لابس بنطرون وقميص....

كال..يالله امشوو

هو جان يسوق ومؤيد بالصدر وانه وعمه ونيران كعده وره...

اباوع عليه بالمرايه موش رجال يكطع اعشكنه شكد احبنه موش مصدكه اتزوجته

مفتخره ومتباهيه هو زوجي

عمتي كلتله...هاا وثاب اعتذر

هو مسح حاجبه كأنه يرتبه كال...اي اعتذر بس نذل من طلعنه صف بصفي،وكال....

والله يالمنذر اني وياك والزمن طوويل لو اني لو انته

جاوبته عمتي بعصبيه...شيريد منك هذا شنو هي كوه ما تريده البنيه...

هو باوعلي بالمرايه كال..خلي يولي نعال ما يسوه

ضل يمتمت كدام الشيوخ وهمه ماقصرو...

وصلنه للبيت دكينه الباب ودتكتنه بت نيران

المنذر شالها هي ركضت عليه وضل يبوسها ويبززها بلحيته وهي تبجي...

ضحكت. انه همين من يبوسني يبززني بلحيته

هو جان مزينها علمود الدوام...

بس لان صار 15 يوم كاعد وما مزينها طلعت...

بس شحلاته تسوه وثاب وابو وثاب وكل عشيرتهم حتئ جدي وياهم...

سلمنه عليهم وكعدنه...

بعدين انه رحت انه ونيران نساعد هاله...

ضلينه نصب،وياها ونركض هيج وهيج...

هو نذري اجه وكف يمنه

كلهن بمزح..مو اتعبن مرتي ترئ حتئ الفاتحة مااقراها الموتاكم...

هنه ضحكن كلله...اي عمي هنيالها وتدافع الها بعدك ماضكت خيرها

هو جر نفس كال...ما ضكت خيرها ما ضكت خيرها بس صابر عليها

نيران صغرت عيونها جاوبته...شقصدك؟

هو كلها...اي شفتهمنه هسه تزوجنا يجوز بعدين يطلع لسانها عليه وتقودني...

انه ضجت من كلامه ليش،يحجي عليه...

بعدين خله وراح...

ضليت اخذ بالاكل اخلي كدامهم وهي بعد زوجها ما جاي...


اجيت اخذ السمج سمعت هاله دمول لنيران ...لج روجين خابرت سوت فلك دكول اني حامل

والمنذر مااعرف شمسوي متكدر تخابر علي...

كلتلها نيران..يعني تقنعيني المنذر عاف روجين

هي جاوبتها...لا ماعافها بس اكيد لان بعده عريس هسه شوفي مده ويرجع الها...

لان بنت عمج مبينه خووثه...

اني حييل ضجت وانقهرت من كلامها ضليت اكل بروحي وعيوني تدمع....

صبينه الاكل همه الولد وحدهم واحنه وحدنه ...

انه شلت خشمي علئ نذري...

حتئ من يحجي وياي اردن بس موش من كل كلبي،ياله شايله خشمي...

جاا شنهي يرجع الروجينه

ومناك حفيظه كل مااصعد السطح

تضل ترزل بيه

دكلي اله اطلكج هو وعدني بالزواج وانتي خمطتي

شنهي هو جلاب وخمطته..

الجلاب...مثل الدبوس يخلوو بالشيله

وكلتلي والله اله اسويلج سحر واخلي يكرهج

انه عفتها تحجي الوحدها عبن وحده عوبه وزركه

لو تموت ما يتزوجها نذري

المصيبه رويجه...حلوه المدهوره ولسانها ينكط عسل

عليه ابو فاضل بس ارجع اخابرها بس كون اعرف رقمها وانعل والدي والديها

جذابه دكول حامل...ومنذر ما يجذب كال موش حامل

وانه صدكته....

رجعت للبيت هو طلع ويه صديقه عمر اول ماوصلنه

بس انه اخاف منه يروح لروجين....

ردت احجي لامي علئ روجين بس هي رجعت للعماره ثالث يوم عرسي هي وجدتي واخوي وحتئ جدي...

بس جدي اليوم اجه علئ طلابت وثاب وفضاها...

سمعت مؤيد يريد يتزوج عبن غار من اخوو المنذر

يكول جاا شنهي المنذر روجين ومنارس ومدري منو مايشبع

دهر صابه حاسد نذري وعليه ابو فاضل المنذر موش اكال...

اصب الاكل ياكل شويه ويدفع الصينيه....

دخلت سبحت وكلت مادام هو موش هنا ...

خليني اطلع بروب الحمام...

لبست روب الحمام وشعري ينكط ماي...

وارجف...

مااشوفه اله فتح الباب ودخل...

يمه انه شفته وانه ترعوصت....

ركضت بسرعه للحمام...

بس هو ركض وراي ولزمني من خصري

صار ضهري علئ بطنه...

حركت روحي باانزعاج وانه اريدن اخلص منه بس ماكدرت

هو نزل راسه الركبتي وبعد خصلات شعري همس...لا طفح الكيل بعد ما اكدر اصبر

باوعتله وعيوني تدمع...ابدل واجيك

كال...لا اني ابدلج

كمزت بخووف...ياله عيييب. ياله نذري انه اريدنك تصير متدين تصلي وتصوم موش هيج

هو ضحك وباس خدي

كال..بس كليلي تعرفين شي عن الزواج والرومانسيه بين الزوجين

شلون المره يتقرب منها زوجها...

جاوبت بخجل...شنهي انت شتحجي

هو شالني بين اديه وكعد علئ القنفه حطاني بحضنه وانه ارجف واغطي برجليه...

كال ...الزواج يا منارس......ووووو

ضل يحجي وانه مصدومه وشعر راسي وكف وكل شويه اريدن اكوم من حضنه وهو ميخليني يريد يكمل كلامه...

انه من الخوف والخجل والرجفه الي اعتلت جسمي طكيته بجيه بوجهه..

خبلته حسيت من كلامه كرهته حيييل حييل

مستحيل اقبل هيج يسوي بيه مستحيييل...

نهاية البارت...يتبع

كونوا انتم كونوا بخير..احبكم

نور سمو العراق....

كل عام وانتم بألف خير يااحلئ متابعين...

واعتذر عن التاخير ان شاء لله القادم افضل لكن ضروفي سبقتني اعتذر...

احبكم 😍❤

لا تنسو التصويت وغلسو علئ السحكات بدون مراجعه 😂



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 06-06-19, 02:47 AM   #23

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


البارت الخامس عشر
رواية...انا هي جميع نساؤك
بقلمي...نور سمو العراق

💔💔💔💔💔💔💔💔💔

♪رقيقة گـ الورد بريئة انتِ نقية بيضاء القلب تشبهين ذلك الياسمين حمى الله قلبك من خبث البشر 💜.

...........................

ضل يحجي وانه مصدومه وشعر راسي وكف وكل شويه اريدن اكوم من حضنه وهو ميخليني يريد يكمل كلامه...

انه من الخوف والخجل والرجفه الي اعتلت جسمي طكيته بجيه بوجهه..

خبلته حسيت من كلامه كرهته حيييل حييل

مستحيل اقبل هيج يسوي بيه مستحيييل...

دفعته بسرعه ووكفت واني اشد الروب عليه تمنيت اختفي يصير زلزال يصير إعصار

ولا اضل واكفه كدامه هيج...

شرحلي ليلة الدخله بالتفصيل ...

انصدمت من كال...ووووو

يبووووو لا اجيت اتخربط...

لعبت نفسي حيييل مجرد مااتخيل الي يصير انجلط..

معقوله لا مستحيل موش صدك وين يصير هييج...

يعني معقوله معقوله...

حيسيت بي ورايه اول ماحط ايده علئ جتفي صرخت....لاااا

هو انصدم عكد حواجبه كال...هيي شبييج تخبلتي

همست بخوف وبلعت ريكي...ياله انه ماادري هيج الزواج ياله وروح اخوي عابد وروح اختي غرام مااعرف هيج...

هو دارني عليه وانه اطكطك من الخووف واحس امعائي تكطعت

همس بهدوء...حبيبتي اني سترج وغطاج هذي سنة الحياه وهذا مكان الحرث...شلون تتكون عدنه ذريه وتردين تصيرين حامل وانتي نافره مني...

انتي خلي كولشي عليه واني مراح اخليج تحسين بشئ...

من كال هيج احس رجليه دخل بيهن الموت ..ياله مستحيل انزع كدامه ومستحيل اخلي يسوي لحجه اليه...

خرب يومج جدتي انتي وامي وصليف وياجن خليتني دجاجه عميه...

همزين ما زوجني الوثاب جاا كتلت روحي اذا يسويلي مثل الي يكول عليه نذري

انه وثاب باسني بخدي لحد الان ابجي موش انوب يسوي مثل حجي المنذر

انجلط وروح ابووي...

بعدها هو رفع وجهي بااصابعه واني غمضت عيوني،حيييل مااريد اشوفنه خجلانه

همس بصوت قريب للنعاس...يروحي اني مااريد منج شئ بس ردت تاخذين انطباع علئ الزواج وبكيفج شوكت ما تكونين مستعده اني موجود...

يوم يومين شهر سنه براحتج...

جاوبته...اي خليها سنه احسن

هو جر نفس طوويل ومسح وجهه بتوتر...

بعدها لزم وجهي بجفوفه وهمس...بس يا مناري هيج راح اتعبيني واني مااريد اجبرج انتي لازم تساعديني وتحاولين تتقربين مني حتئ نكدر نحل امورنه...

عضيت شفتي بخجل...بس وروح ابوي صعبه وانه است

ما حسيت غير بشفايفه احتضنت شفايفي وكطع باقي كلامي...

منارس دفعته...امممم منذر عوفني

ما عافني اله باارادته احس شفايفي تدك خوف ورهبه وخجل...

هو غمض عيونه باسئ وانه مسحت شفايفي بردان الروب...

جاوبته بقهر...انه موش كاعده احجي ليش تكطع كلامي وتبوسني تقبل انه اسوي هيج يوو تضل تحجي وتعاقبني

كال بلهفه...عمي قابل اكطعي كلامي وبوسيني والله راضي بكلشي واني اسوي هيج حتئ ازيح الخجل منج واريدج تتعلمين عليه...

جاوبته بعد مااتخذت قرار حاسم...منذر طلكني؟

هو تخبل لزمني من اديه ثنينهن وصاح بوجهي...اخر مره اسمع هاي الكلمه مره ثانيه اكص السانج وكافي سكتت الج هوواي واحد غيري جبرج

بس اني اكون صغيره واني جبير وحاط فرق ال17 سنه بينه...

وحده غيرج من زمان اخذتها...

جاوبته بحزن والدمعه بعيني...بس انه مااكدر انطيك شئ انه مااكدر اسووي هييج يعني اشوفن لو ترجعني الاهلي احسن

تنهد وجر نفس كال...واذا تركتج يزوجوج الوثاب وذاك نذل ما يصبر عليج فكري يابه لا تجلطيني

انه مجرد ما تخيلت جدي يزوجني الوثاب ووثاب يسوي مثل كلام نذري تخبلت...

بسرعه حضنت المنذر ودفنت راسي بصدره وهو ما قصر ضمني بحضنه همست بخووف...ياله مااريدنه اريدنك انت عبن حيييييييل احبنك

هو ضحك وحضني حيييل همس واني احبببج حييل واريدج تصيرين ام لطفلي...

انقهرت حيل حاولت انطي شئ مكدرت...

رفعت رأسي اله وانه حاضنته من خصره وبذكاء...المنذر لكيت الحل

باوع بعيوني وهو حاضني كال...شنوو؟

جاوبته بخجل.. انه من انام انت تعال وسوي مثل متريد...

رجعت جاوبته بحزن...بس خاف افزن وانرعب...

ياله عندي خطه احسن...ليش ما تجيب الي منوم من المستشفئ وتنومي...

وبعدها شسوي سوي...

بس هاا عود بعدين لبسني هدومي،عبن عييب

تنهد وجر نفس قووي كال...منارس اني مااريدج كجسم اريدج انثئ تحس وياي،بكل احساس حلوو اريدج تعيشين ليلتنا بكل تفاصيلها...

منو كلج اني عندي اهم شئ اخذج واخلص...

لا اني اريدج تحسين بيه واحس بيج تبادليني وابادلج...

افتهمي مااريدج جسم اريدج انثئ...واريدج راضيه ما مجبوره ...

وعمي صابر عليج بعد شتردين منا لمن دكولين تعال نذري ...

ضحكت بخجل...اروح فدوه النذري...

ضحك كال..نذر منوره

همست ببتسامه...اي

سحبني للجربايه نمت بصفه ضل يسولف وياي كل شويه يتجرء ويحط ايده علئ خصري...

وانه ابعدها....

اخر شئ كعدت ملهوفه كتله..اي تذكرت روجين من اجت للبيت شسويتو انت وياها...

رجعني لصدره ومسح علئ شعري كال...ما سوينه شئ

رفعت راسي...ياله جذب انه شفتكم

كال..اولا اتعلمي لا تجذبيني مفهوم وثانيا شنو شفتي

فشلت حيل تنهد..اي كلش اعتذر موش،قصدي اجذبك بس انه شفتك تبوس،ام سيقان

وهاا يمكن سويتو نفس الكلت عليه قبل شويه

كال...لا ماسوينه

جاوبته...احلف

ضحك كال...وداعتج ما لمستها

استغربت...ليش؟

كال..بصراحه مااعرف ...اي والله مااعرف ليش جبتها ملهوف عليها

من شفتج خطفتي وركضتي للدرج انصدمت كلت معقوله بنت عمي الصغيره شافتنه...

لحكتج خفت تفضحيته وانتي مشهودتلج

بالفضايح والجفصات...

ضحكت...هاا يعني خفت مني

كال بحده...انجبي اني لو اخاف مااجيبها للبيت وصلف وعمي والكل موجود

بس مااعرف بالحضات غيرت رأيي وطلبت ارجعها

رجعت رفعت راسي رديت عليه...اي شفتها حتئ هي دكلك هاا ليش غيرت رأيك ليكون بسبب بنت عمك

ضحك بااستهزاء كال...افااا مراقبتني واني مو كتلج روحي نامي

جاوبته باارتباك...ياله عشطانه ورحت شربت ماي

ضحك كال...كولي عطشانه لا تكسرين الكلمات

هزيت راسي بأي

تنهد بعدها كتله...روجين وين اهلها انه شوو اخافن من كلشي هي،ما تخاف...

هو بلل شفايفه وتنهد كال...هي اهلها عايشين بالبنان ومستقرين...وهي عايشه هنا ويه خالتها...

جاوبته...ليش؟

كال...عدهم مشاكل هنا وطلعوو

تنهدت ...زين هي ام سيقان وين تعرفت عليها

عض شفته ورجعني الصدره خلصناها هو يرجعني واني ارفع راسي....

همس بهدوء...جنت مسافر للاردن عندي دوره هناك وهي جانت مضيفه بالطيران...

جانت كل شويه تجي يمي وتفتر واني بصراحه مااجذب عليج جنت مخترقها اختراق بنظراتي

رفعت راسي للمره العاشره يمكن...اي عبن حلوه وتنورتها كصيره وفاتحه الدكم حقك حقك

هو ضحك ورجع راسي الصدره وضل حاط ايده على راسي خاف ارجع ارفع راسي...

كال...اي كأنثى بارزه وجميله بالحضات مانزلت عيني منها وهي بادلتني بكل اراده وركزت بعيونها عليه...

من هبطت الطياره بمطار الاردن وردت انزل هي اجت وكفت مقابلي وضحكت

انطتني رقم التليفون الارضي واني ما قصرت اخذته

خابرتها وره مرجعت للفندق ونمت وارتاحيت...

ضلينه فتره علئ هل حال وبعدها رجعت للعراق...

نطلع وندخل اني وياها امي عرفت بعلاقتنا تخبلت

ما رادتها لان مو من ثوبنه...

بس اني اصريت عليها لان هي اكثر وحده دللتني...

رجعت رفعت راسي متعصبه...بس انه اكرهه ام سيقان عبنها كلش ادب سز دكول اركص واغني للمنذر بس انه اعرفها جذابه موش انت ما تحب الغنا هااا...

ضل يباوعلي وهو يبتسم كال...اي مثل ما كلتي.

كتله...اي كمل

كال..جنت كلش عاجبني المسها بس اني اريد كل شئ بلحلال ردت اتزوجها بالسر...

وفعلا اتزوجتها...

خالتها جانت تعرف او بالاحرئ اهلها يعرفون من درو بيه ضابط كبير بالجمهوريه...

كيفوو عليه...

اخذتها للفندق وجانت ليله رومانسيه حالمه...

هي جريئه حييييييييييل وتبادلني بكل لهفه...

مو مثلج ابوسج تمسحين شفايفج...

جاوبته بسرعه وغيره...ياله انه احبنك اكثر منها بس هي وحده ماتستحي انه جدي معلمني علئ العيب والحرام واستحي...

انه مؤدبه موش مثلها...

هو ضحك ورجع راسي لصدره كال...اي اخذتها وانصدمت صدمة عمري طلعت مو بنيه

انه رفعت رأسي بصدمه وضربت خدي جاوبته...صخاام شلون موش بنيه يعني هي ولد بس شلون شعرها طوويل وحلوه

المنذر...ههههههههههههههههه� �ي

ولج بابا مو بنيه يعني لامسها غيري يعني نايمه ويه واحد قبلي افتهمتي...

انه سكتت من خجلي...

رجع كال...كعدنه اني وياها بيومها حيل تعصبت وانقهرت ومن سألتها كالت جنت متزوجه وتطلكت

رجعت مااهتميت عادي حالها حال غيرها...

جانت مجرد رغبه لا اكثر ولا اقل...

انقهرت من كلامه حييييل شنهي هيج يحجي ولا جني انسانه وعندي مشاعر...

انه ادري بي متزوج بالسر سمعته مره ونكر بس موش هيج يحجي

سكتت مقهوره...

وهو كمل كال...من دخلتي عليه بيوم الي اجيتي انتي وام جاسم تطلبين المساعده

اوووف من خدودج الحاركتهن الشمس اغرني ودوخني

اخر شئ من طلبتي مني مساعده ضليت مركز بيج ما اكلج دخلتي كلبي...

لا دخلتي مزاجي...

واخر شئ من مات اخووج وشكيتي ثوبج لا زلزلتيني...

اوووف شنو كطن رغم الحزن والمصاب بس اني نسيت ابو الفاتحه

انه خجلت حييل ضربته علئ صدره ودرت وجهي همست...موش راحه ولا يستحي

درت نفسي علئ الجهه الثانيه...

وهو حضني من وره وحط ذقنه علئ ركبتي...

همس بذوبان...33 سنه ما كدرت اي وحده تعذبني مثلج كلهم يجون باارادتهم...

بس انت امتنعتي مو دلع لا اعرفج خايفه وخجلانه

وهذا الي خلاني احبج اكثر

همست بخووف ...انه مااحبنك عبن انت ابو نسوان وهواي تصاحب ومتزوج روجين ام سيقان

وانه ماارضئ بهيج شئ انه اريد اصير كل نسوانك

هو باسني بخدي وانه دفنت وجهي بالمخده

همس...انتي كل نسواني انتي الاولئ والثانيه والثالثه والرابعه...

درت وجهي عليه باوعتله بصدمه..عندك اربع نسوان ياله هيج مااكدر اتحمل طلكني وخلي يفيدنك

ضحك كال...يابه الله محللي اربعه واني ستغنيت عنهم لخاطرج

رديت عليه ...انت ما تحبني اتذكر من كلت لامك مااريدنها زعطوطه...

تنهد كال...اي جنت اشوفج طفله بس تنضفين وتركضين هيج وهيج ومو بس هيج خجلج الزايد وتصرفاتج من تشوفيني...

احسج طفله مو مال زواج شفتي شلون اني صادق
انتي طفله لان مجاي تتقبلين موضوع الزواج...

رديت عليه بعصبيه...اذا انه طفله ليش تزوجتني ساعه دكول عجبني خدودج ومن شكيتي ثوبج باوعتلج ساعه دكول طفله هي شنهي ما جاي افهم..

كال..انتي طفله متغطيه بروح انثئ

رغم طفولتج اله انتي تجذبين جنت اتردد اباوعلج اكول مااريد جدي ياخذ عليه نظره ويكول حط عينه علئ بنت عمه وهي عمرها كله 16 سنه...

جنت دائما اتجنبج واشوف لهفتج عليه من ادخل للبيت شلون تهتمين تسرقين النظرات اليه

هذا كله اني حاس بي بس مغلس...

بس من عرفت انتي محجوزه الوثاب جن جنوني

مستحيل هاي الورده البيضه تتزوج ذاك الارعن

ميستاهلج لان همجي...

سكتت عن الموضوع...

بس من حدد موعد عقد القران لا مرضيتها علئ نفسي

بيومها نهيت عليج وخليت صلف امام الامر الواقع

والصدمه الكبيره من اجيتي واعترفتي بحبج

بيومها صدمتيني متوقعت راح تحجين وتعترفين

بس فتحتيلي باب فرج وسهلتي عليه هوواي امور...

مااعرف ليش اختنكت بعبرتي من ذكر اعترافي بحبه موضوع يخجل...

بس موش فاشل عبن خلصت من وثاب

تركته ورحت اخذت ملابس،من الكنتور ورجعت

جاا شنهي متزوج روجين واسكت ياله وروح ابوي بعده مايعرفني...

انه غيوره اطك واموت من غيرتي...

رحت فرشت بالكاع وتغطيت وانه طاكه من البجي منا موضوع الزواج المقرف

منا صخيمه روجينا مزوجها ويعترف بدون اي خجل..

وين انطي وجهي يربي اكتل روحي....

هو صاح عليه بجمود ....منارس

ما حاجيته...

صاح بصوت متعصب...مناااااااارس

كمزت من مكاني،ودرت عليه جاوبته بخوف....هاااا

عكد حواجبه وباوعلي بحده كال...تعالي

انه بسرعه وخرت البطانيه ورحت يمه

باوعتله بخوف وتوتر همست بخوف...هاااا

كال بحده...شنو هل تصرف هذا

جاوبته بغباء...يا تصرف؟

ركز بعيوني وهمس بحده...مال تعزلين فراشج من افراشي اكوو مثل يكول الي تنشال مخدتها تنشال معزتها...

ليش تردين اشيل معزتج من كلبي...

خنكتني العبره حييل وهمست...ياله انت عندك غيري انت تحب روجين انه ماادري بيها لهسه زوجتك انه كلش ما حبيتك...

رجعت حجيت باسئ علئ حالي ويأس انه احبه شيسوي احبه يمكن شايل خرزه همست...انه جذابه احبنك بس انه مااريد غيري تحبك وتشاركني بيك

هو سحبني وحضني حط راسه علئ صدري خلاني ارعش

همس كال...انتي وبس لا تفكرين هوواي وبعدين روجين طلكتها...

صدر ضل يرتفع وينزل من الخوف وبطني تلويني همس...موش مصدكه احلف حتئ اصدكنك

كال...وروح ابوووج طلكتها

انصدمت حطيت اديه علئ وجهه وبعدته من صدري وهو باوع بعيوني همست...ما تحلف بروح ابوك شنهي ابوي حايط نصيص...

كال...عمي وروح ابوي طلكتها من زمان

سكتت مااعرف ليش حسيته يجذب ما مطلكها...

ضل هو حاضني وكل شويه يمسح علئ وجهي ويبوسني وانه ادفن وجهي بالمخده ...

منا لمن نمت

بعد ما اعرف شنهي الصار بس كل شويه افزن واتاكد من نفسي

خاف صاعده عليه لو هو متحرش بيه

بس الحمد لله ماكوو شئ...

.........................

نيران كاعدت الصبح غسلت وصليت بدلت ...

كالعاده منارس كاعده من الصبح بس تشتغل..

سوت ريوك كعدت شويه اكلت وشربت جاي اخذت ملابسي وطلعت

ماما تريد تزوج مؤيد...

وحده صديقته موصفتها الهم...

وحيروحون يشوفوها...

مؤيد يريد يتزوج يكول شنو بس المنذر...

وماما حتزوجه...

دكول والله منارس شالت عليه حمل كله عليها التنظيف...

حتئ تعجن وتخبز...

بس بصراحه اني مااحب حجيها همجي وتكسر الكلمات...

محلوو هيج...

طلعت بالحديقه قطفت ورده...حمره واخذتها بيدي

اشتميتها عطرها يجنن اخذتها وطلعت اول مطلعت من الباب...

واجت عليه سياره كسرت عليه...

طيرتني من مكاني...

صرخت بقوووه وانشمرت مسافه صدريتي نرفعت ورجلي من الفخذ كلها انزلغت وانكشط الجلد

وحنجي ضل ينزف دم ضليت اصرخ وابجي
والورده انترست دم

وهو نزل من سيارته بسرعه

رفعني لصدره وهو يمسح التراب المخلوط بالدم من وجهي

كال بلهفه وخووف....هااا اختي بيج شئ اخذج للمستشفئ...

اني دفعته وصرخت بوجه ...انت متشووف جان موتتني الله ياخذك

هو ابتسم وسحب صدريتي غطه رجلي...

وكفني واني اعرج وابجي وادفع بي...

كال...هششش اني عمر صديق اخوج المنذر هو ناسي ملفات واجيت اخذهن

باوعتله بحده...اي وكسرتني عندي امتحان هسه شلون اروح واني صرت عرجه من وراك...

هو تركني احجي الوحدي ودك الباب...

منارس صاحت من وره الباب...منهووو

كلها..اني

كلتله...وانت ياهووو

كلها..صيحي ام المنذر بسرعه

اني فتحت الباب ودخلت اعرج وابجي...

منارس...شفتي دخلت قميصها بي قطرات مال دم وحنجها ينزف

وتعرج تخبلت عليها...

لزمتها اساعدها كلتلها...شبيج منهو وياج

كالت ببكاء..هذا عمر دعمني

اجت عمه تركض شافته تخبلت ضلت تلطم وانه ضاله بس،اباوع عليهن اريدن ابجي...

شويه وعمر دك الباب...

ضل يحجي ويه عمتي...

وهي دكله لا لا مصار شئ قابل متقصدها

هو كلها...لا والله بس خطيه المنذر ناسي الملفات وعدنه اجتماع ودزاني بسرعه ومااعرف صدمتها بسيارتي...

كلتله...يالله مصار شئ

اجت عمه دخلت اخذت الملفات وانطتهن اله...

وبعدين اخذت نيران وراحت للمستوصف تعالجها...

ضليت الوحدي بالبيت شغلت الرايدون اسمع بي...

وانضف...

اندك الباب رحت فتحته

يممه فرحت حيييل...

زهوره بت عمي اجتنه احبنها حيل

حضنتها وبسته

ضلينه كاعدين نسولف...

كالت...شوكت يخطبني مؤيد

كلتلها بخوف..خايبه لا تزوجين الزوج مو عبالج بس تنضيف ورايدون وتلفزيون ابو الطكه

ياله حبيبتي مصايب سوده ومصخمه

كالت بااستغراب...شنهي تحشين الحشيش

ضحكت..خاب شوف هايه ولج اكلها مصيبه هسه اذا اسولفلج عليه العباس ابدال ما تحطين طاسة الماي بالثلاجة...تحطين مكانها الرايدون

من كثر ما تنثدمين

جاوبت بتذمر...اهوو احجي شنهوو المنذر يكتل

جاوبتها..ياله ما يكتل بس يبوس هلكثر يبوس

دكولين مكطوع كلبه...

كالت بخجل...منيرس طالعه عينج شجاج

كلتلها بااستهزاء..خلي اسولفلج طلعان وتفكيس العيون علئ أصولها...

كالت..خايبه شنهي احجي

كلتلها...راح احجي حتئ ما تضلين مدمغه

هي هزت راسها...

تنهدت وتمحمحت ...خايبه المنذر يكول هيج وهيج السالفه..وووو

هي وكفت ولطمت صدرها...يمممممه صخام اي والله صخام وبس لا خليتي يسويلج هيج عبن كلش،كلش عيب

جاوبته بحزن..ياله البارحه ليل كله ابجي مااريدن هيج شسوي وهو يحبني وانه احبنه بس يريد مثل ميكلي...

كالت...اييييع سدي السالفه كشت روحي

كلتلها...خوش سديتها بس شنهي انه هذا الاسبوع اروحن البيت جدي بالعماره

عبن نذري كال....

كالت..خووش روحي وسلمينه عليهم وعلئ مرة البدوي وكليلها نريد البساط نسيناه يمكن

جاوبته...شكد فكر انتي صارله سنين ما نسيتي

كالت..ياله احبنه

جاوبتها..موش بكثر حبي لنذري...

ضلينه كاعدين انه وياها وهي تسولف وتسال علئ مؤيد...

انه غلست ماجبت طاري خطبتها خطيه عبن كلش تنقهر...

اريد اكلن لنذري يخطبه اله....

....... . ..............

بعد مرور اسبوع

كعدت تقريبا ساعه الخمسه الصبح

اليوم المنذر ياخذني البيت جدي...

كعدته علئ الصلاه كال هسه ورجع نام...

رجعت حطيت ايدي علئ جتفه كعدته ...نذري صباح الخير اكعد صلي...

هو حط البطانيه علئ وجهه ورجع نام...

رفعت عيوني للسكف همست...ربي فدوه اروحلك اعذر نذري عبنه تعبان هسه ارجع اكعده

ضليت الح عليه كوه كعد وكف راح غسل وتوضه وصله

الحمد لله ياااارب الحمد لله

اول حطوه صح

صار يصلي...

رجعت غسلت وبدلت...

وهو دخل يسبح...

شويه واتصل التليفون ...رفعت السماعه

اجاني صوتها الدلوع الغثيث الي اكرهنه ولو يجي ابوي مااحبنه

عرفتها بسرعه جاوبتها...يلووو منهو انتي

كالت باانزعاج...الوو يالله روحي صيحي المنذر عندي موضوع وياه

جاوبتها بعصبيه...شنهي هو فرخ جاهل واصيحه الج

يالله ولي موش هنا بالمركز عبن يريد يشتكي عليج لان غاثتني

كالت...انجبي لج حشره المنذر وعدي مو يعوفني

رديت عليها بقهر...وعدج ملك الموت ياخذ عمرج بيوم الجمعه..عبنها عطله ومااريدج تتهنين...

رديت بعصبيه...والمسيح اذا ما طيحت حضج مااكون روجينا...

رجيت عليها..خايبه امشي جنج جراده انتي وسيقانج

شفت المنذر فتح الباب سديت السماعه بسرعه...

ورحت وكف علئ المرايه اعدل بحجابي...

هو اجه يمي ينشف بشعره حضني من وره وباسني يخدي...

انه بسرعه سحبت نفسي وابتعدت منه...

لبست حذاء كعبها مربع عبن مااعرف امشي بالكعب ابو البسمار...

لميت اغراضي...

وهو تنهد اخذ ملابسه وبدل كدامي بس جان لابس شورت...

انه ابد ما رفعت عيني عليه شنهي والله عيب...

طلعنه من البيت كعدت عمتي بستها وسلمت عليها ورحت...

ركبت بالصدر ونذري يسوق...

مسافة طريق اتعب يالله وصلنه...

اول ما نزلنه من السياره هو ما ركنها اباب بيت جدي

لا خلاها يم الشط كال تصير لوفه مااكدر...

انه بسرعه فتحت جنطتي وطلعت نعالي

نزعت الحذاء ولبسته

هو انتبه عليه كال بااستغراب...هاااي شنوو شدسوين

جاوبته...نزعت القندره عبن انه موش متكبره

هسه تشوفني مرة البدوي ودكول هاا منيرس تكبرت وصارت بغداديه

وانه اذا اتكبر مااتكبر علئ اهلي وناسي

كال...البسي الحذاء لا والله اكطعها عليج

جاوبته...ياله مستحيل

وكف كال ...منارس لا تخليني اذبج بالشط البسيها

ضجت حييل شنهي ما يصير هييج والله عيب هسه يكولون تبغددت

شسووي للاسد مايقبل

لبستها بس انه مطنكره وهو مااهتم اليه

وصلنه البيت جدي تلكتنه جدتي كالت ...هلا بمنوره ونذرها

سلمنه عليهم وانه حضنت امي وبجيت وهمين جدي ياهو الزمنه احضننه وابجي

ضل المنذر يوم ورجع لان عنده شغل...

وره كم يوم رحت للبستان...

ومااشوف اله .واحد خيم عليه لابس غتره ودشداشه وعكال وعبايه...

انه خفت عرفته هذا وثاب...

رجعت ليوره

كال ...هلا بمنارس ومنوره الريف بااهلها

بلعت ريكي وما رديت عليه

كال..وينه هذا البعتيني عليه يلعب ببغداد وعايفج هنا بعد ما صار شهر اجه شمرج هنا

رديت عليه...انه عنده شغل رجال مسؤؤل موش فارغ وكال مااخليج الوحدج جابني الامي

كال...اي عنده شغل ويه روجين هههههههاي

انصدمت منين يعرف روجين

همست ..منين تعرفها

رد بخبث وحقد...هههه مكيفه المنذر تزوجح ترئ مو السواد عيونج بس لكانه بيه

لان بينه ثار

.هاا ترئ كال بس اخذها اشمرها عليك وتراهنه عليج

كال..اشمرها عليك فضاله

صدك ربح الرهان وانه خسرت بس ميخالف راضي بالفضايل....

جان يحجي وانه مصدومه جذاب موش صدك نذري ما يغدرني هييج هو كال احبج

رديت عليه بغضب...ياله انت واحد جذاب نذري مايعوفني

ضحك بقووه......ههههههههههههههههه ههههاي متعشمه بي الخييير لا تتفائلين مريتي

هذا واحد خاين كاعد يسرح ويمرح ويه روجين ام ابنه

وانتي راح يطلكج ويشمرج عليه...

لان ربح الرهان

انه تخبلت دموعي ضلت توكع بدون ماارمش

عفته وركضت واني ابجي واغلط...ياله جذب نذري موش هيج ياله وثاب يجذب

المنذر يحقير هيج تغدرني هيج انه سلعه رخيصه الك تتراهن عليه يحزام ضهري...

ردتك حزام ضهر اشد بيك ازري بيوم تضيمني الدنيا تاليها تغدرني...

ياله تطلكني وانه اليوم افضحك فضيحه...

نهاية البارت ...يتبع

كونوا انتم كونوا بخير...احبكم💔

نور سمو العراق...

حبيباتي النشر حيكون بعد العيد لان خالي حيعرس...

وباجر الحنه واخر يوم العرس...

واريد اهوس اله...لا تطب بالكززك شارعنه ضيك 😂

قراءه ممتعه ..😘




فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 06-06-19, 05:59 AM   #24

قدر فيه امل

? العضوٌ??? » 409590
?  التسِجيلٌ » Oct 2017
? مشَارَ?اتْي » 457
?  نُقآطِيْ » قدر فيه امل has a reputation beyond reputeقدر فيه امل has a reputation beyond reputeقدر فيه امل has a reputation beyond reputeقدر فيه امل has a reputation beyond reputeقدر فيه امل has a reputation beyond reputeقدر فيه امل has a reputation beyond reputeقدر فيه امل has a reputation beyond reputeقدر فيه امل has a reputation beyond reputeقدر فيه امل has a reputation beyond reputeقدر فيه امل has a reputation beyond reputeقدر فيه امل has a reputation beyond repute
افتراضي

تسلم الايادي
الله يعينك يا المنذر على العقل اللي عند منارس من الآخر
ومبارك العرس والله يرزقه بالذرية الصالحة ويهنيكم


قدر فيه امل غير متواجد حالياً   رد مع اقتباس
قديم 10-06-19, 11:34 PM   #25

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



#البارت السادس عشر

#رواية...انا هي جميع نساؤك

بقلمي...نور سمو العراق

💔💔💔💔💔💔💔


سأبقى احبك وستبقى عشقي الابدي إليك حبيبي إليك سيد احبابي إليك يا استاذاً في مدرسة العشق إليك يامن تعلمت عى يديه اصول العشق والهوى

ها انا اليوم اقف اعتزازاً وفخراً فقد نجحت بحبك بتقدير امتياز مع مرتبة الشرف إليك يا اول رجلاً اقتحم حياتي فأنت اول من اوقد نار الحب داخل اعماقي انت اول من عزف على اوتار قلبي اجمل الألحان

أنا هي من سقيتها من كأس حبك حتى ادمنت هواك واصبحت اطالبك بالمزيد والمزيد دعني أحبك دعني احبك حتى يحترق الحب

.............................

رحت اركض بالبستان احسن روحي طلعت

انه نذري يتراهن عليه...

شكد حبيته والله حبي اله تعده ابووي واهلي وجدي صلف تاليها يعتبرني مراهنه...

شنهي درهم انه ويتراهنون عليه...

صدك شمرني عند اهلي حتئ ياخذ راحته ويه ام سيقان

ان شاء لله كسر بسيقانج

ياربي انه احبنه حيل مااكدر اتركه...

شدعوه هيج احبنه احبن حتئ سلبياته واسكت هوواي رغم هو ابو نسوان...

ليش هل محبه كل بداخلي اله ...

اكوو احله منه واكوو احسن منه بس مااشوفهم...ابد مااشوفهم...

امشي بالسلف اغمض عيوني عبن مااريدن اشوف غيره

لحد يلومني انه مااكدر الوم نفسي مااعرف ليش كل هل حب

مسويلي سحر ياله هو ما جان بحالي...

شايل محبه مالت نسوان ماادري حبي اله محيرني...

وصلت للبيت وانه ابجي تلكتني امي كالت ...يمه اسم الله منوره شجاج عليش هل بجي

باوعت عليها بعصبيه...انه اريدن اتطلك ولا اضل دقيقه ويه نذري

كالت بااستغراب...اعوذ بالله شجاج ولج شهل حجي لا يسمعج جدج وحگ علي يسويج افخاذ واجتاف

حطيت ايدي علئ خصري وانه ابجي واهزن رجلي بتوتر...انه حتئ بعدني لهسه ما نايمه ويه نذري

عبن ثووله كلشي ماافهم عبالي بس تنضيف وبوسه وتلفزيون ابو الطكه...

امي لطت وجهه وتخبلت لزمتني من شعري وسدت حلكي همست بصوت خافت...دهر الصابج يمنيرس تردين تفضحينه تريد يكولون عايبه وغلطانه ويه واحد غير نذرج

ولج شلووون بعدج لهسه بت احجي شلون صابر عليج مااخذ كلشي كووه

صرخت بوجهها...كله من وراج انتي ....اي انتي وجدتي عبن مافهمتني شنهي السالفه وتعرفني حديده عن الطنطل

كالت..جااا كلنه هو يعلمج

باوعتلها بااستهزاء...اي علمني علمني بس شنهي خبلني
عبن عيب اسمعها منه موش منجن انه لحد الان موش مستوعبه

يكول دم اثار عذره مااعرف شنهي...« عذريه»

جرت نفس كالت ...اي حبيبتي من زوجج ياخذج تبين علامه وهو دم قليل اثار عذريه...

وهذا شرفج وعرضج وميزتج حتئ يعرفون محد لمسج ونام وياج غير المنذر

لطمت صدري بخوف...جاا بالله ماطلع شئ

همست بصوت ناصي...شنهي نايمه ويه واحد

رديت عليها بصدمة...يا ياا شبيج يمه تخبلتي ياهوو نايم وياي خلصتها نايمه بحضنج وحضن جدتي

كالت...جاا خووش من ترجعين تحضرين نفسج اله وتخلينه ينام وياج خووش موش تفشليني بعد امج هذا شرفج

لازم ترفعين راسه

درت وجههي بحزم...ياله يطلكني يعني يطلكني

رجعت لزمتني من شعري بعصبيه همست بصوت ناصي...سدي حلكج ولج لا تخليني اكلن الجدج عليج وحك علي يدفنج بصف غرومه

ولا تحجين الموضوع لاحد وابو فاضل يحط ضهرج علئ علوه ونصه ويكسره

وانتي تعرفين صلف ما حاجه اكلج...

خفت حييل همست...ياله لا دكليله انه من اروحن انامن بصفه بس عليج العباس لا دكلين الجدي..

كالت ...مااكله بس انتي موش تجفصين وتسمع جدج وتروح دكول الجدج...

دخلت جدي صاحت بعصبيه...شنهي ولجن شضامت علينه

امي ردت بخووف ...ياله بس منوره تلعب نفسها من المنذر ينام وياها وانه اكللها لا دكلين. الجدتج تضوج وتكول الجدج

جدتي ضحكت كالت...خااف حبله ولج؟

تعاي اوديج للجده تفحصج شكد فاتتج ولج

هي النساوين من تحبل تلعب رواحه من ذيج الشغله

امي ردت بسرعه...ياله موش حامل عليها الشهريه

جدتي ردت...جااا شمالج تلعب روحج هو شوو المنذر ينكرط كرط احلئ من صلف بشبابه...

عقدت حواجبي ...هي السالفه تلعب الروح

جدتي لوت شفايفها...احم ذكرتيني بسالفة اخت حمود

منارس بتساؤل...منهي اخت حمود

تنهد...هاي وحده تلعب روحها وتخاف من سالفه الزواج واخوها كالها خويه لا تخافين انه اروحن وياج

راح وياها وهي طبت للغرفه هي ورجلها

واخوها حمود لازم سلاحه وكاعد بباب غرفتها

هي صاحت...خوويه حموود شو هذا باسني

كلها..اي خويه هاي سنة الحياه ميخالف رجلج

ضلت شويه وصاحت...خوويه حمود شوو هذا نزل البدله

رد عليها حمود ..خويه بعد اخووج لازم يصير هيج حتئ نتكاثر وهل شئ حلال لا تضوجين

بعدين صاحت خوويه حمود هذا نزع هو همين

كلها..خوويه بعد اخووج اصبري حلالج لا تستحين

مرت دقايق واخت حمود ما صاحت

حمود صاح عليها كلها..هااا خويه شوو لا حس لا نفس شصار

ردت عليه...لا خوويه طلعت السالفه حلووه..

امي ضحكت وانه خجلت جاوبته...ياله انه موش مثل اخت حمود انه مااخذ اخووي عابد عبن استحي

جدتي كالت...ياله اخذي صلف وخلي يكض سلاحه ويهدد نذرج هههههه

ضجت حييل تركتها ورحت الغرفتي...

شهل مصيبه انه موش اريد اتطلك شفت اخوي عابد يفلس بالباميه..

رفع عيونه عليه كال...هااا خويه شبيج ليش وجهج متغير بيج شئ منذر مسويلج شئ وروح ابووي اهدن عليه اخرطنه خرط

انصدمت يمه يحاجي نذره ياله عليه ابو فاضل اعارك اخووي اذا حجه ويه نذري...

جاا شنهي المره ماتنضرب...

وبعدين نذري ما ضاربني بس يا حيف تراهن عليه كسر خاطري...وانه كلشي ولا كسر الخواطر...

جاوبته...ياله خويه المنذر مثل الورد بس انه ضايجه شوويه

كال..افاا اخت عابد تضوج وانه بعدني اشمن الهوه كولي خوويه شنهي الغاثج..

كعدت يمه وانه العبره خانكتني لزمت الباميه الجبيره وطلعت منها البذور همست...ترضون يتراهنون علئ،اختك يالحييد

هو دك صدره واعتلت ملامحه الصدمه والغيض...افااا انه اخوو منارس ياهو التراهن عليج وروح ذاك ابووي المدفون بعلي...لسوي طشارهم ماله والي...

جريت نفس بضيق همست...ياله يخووي انه احبنه مااريدن تسوي شئ عبن اموتن اذا صارله شئ

بس انه جاي اشكيلك همي عبن ماكو واحد اشكيله ويفهمني غيرك..

عابد..يا بعد روح اخووج فهميني شنهي السالفة..

بلعت ريكي...اليوم اجانه وثاب ليش شنهي اليريده

عابد...اي عنده طلابه ببغداد وراد ياخذ الشور من جدي

جاوبته بحزم...ياله موش هييج جاي يحرك كلبي يكول تراهنه انه والمنذر عليج ترضاها يخووي

جاوب بحده ...جذب موش صدك انه جنت موجود والمنذر كال انه ماانطي بنت عمي الواحد مثلك

هو كله..ياله اخذها وعيونك تشوف..

المنذر جاوبه..رهن عليه اخذها اني وعيونك تشوف وكول ما كال المنذر

منارس..بس هو يكلها اخذ لحم وذبها عظم المنذر بريد يذلني ويشمرني عليه

عابد بحنيه...ياله يخويه لا تصدكينه عبنه مقهور انه اخووج اريدلج الخيير موش هيج جذب...المنذر لو ما يحبج ما خطبج...ولا تزوجح

شنهي الي يخلي يزوجج وانتم بينكم فرق هوواي

سكتت مااعرفت شحجي معقوله وثاب يجذب...

اي يجذب عبنه يغااار انه رفضته وانه ملكه من الصغر تملكه جني ان شاء لله....

ضليت اروحن واجي واشوفن وثاب دخل بالمضيف مال جدي بس لا يحشي براس جدي علئ نذري...

بس جدي يعرفه ما يحاجي نذري...

.......................................

نيران رحت للمدرسه شفت فاروق واكف مقابيل سيارته قريب من المدرسه

من شفته فرحت مااعرف ليش من اشوفه تعتليني بروده بكل اطرافي...

ابتسمت وفتت من كدامه...

هو همس بخفوت ...بسبس

ما باوعت عليه غلست بي ما منعت نفسي ابتسم

اجه ورايه كال...احم هلاوو نيراني

باوعت عليه وضحكت همست بخجل...هلاوو شلونك

كال بصوت حالم...مو زين بس من شفتج لا رجعت الالوان الوجهي

باوعت عليه ضحكت ...معقوله تحبني؟

همس...العافيه والنفس والروح انتي اعشكج احبج احلم ليل ونهار بيج

ابتسمت همست...والله ممصدكتك

كال بثقه...اي فعلا يحقلج بعدج متعرفيني زين بس يا ناري وجنتي ان شاء لله الايام هي الي تثبت الج

جاوبته بتساؤل...شنو نيتك وياي

رد بسخريه ...اريدج تعزميني علئ مطعم

ضحكت...مستحييل

ابتسم كال...لا والله نيتي صافيه اريد منج بس تكونين بخيير احبببج واغار عليج

اتمنئ اخليج بعيوني وأسد جفوني مااريد واحد يباوع عليج غيري

احببج تعرفين ليش لان اسلوبج حلوو وشخصيتج تجنن...

حتئ استحي اباوع بعيونج لان اخلاقج عاكسه

انت روحي والله وروح ابووي وجدي مهاوي انتحر اذا ما تزوجتج...

واضل اعزب طول عمري...

اريد ادللج وان شاء لله من اخطبج اخليج بيت بوحدج

لان مااريد خالي وجدادي ويانه فهمتي حبي...

نزلت راسي بخجل كلامه جان يبين عاشق ولهان جاوبته...كولشي بالقسمه

جاوب..قسمتي وياج ومااتقبل واحد غيرج اكتل روحي وداعتج...

ضحكت وكلبي يدك يدك سررررريع كلامه يوتر...

بعدها كال...حبيبي

رجعت خصله وره اذاني وجاوبته...هاا

جاوب..فديت التكول هاااا

ابتسمت

كال..تعرفيني بالامن العامه واسعئ اكون كبير بالجيش وان شاء لله انسافر خارج العراق

بس هسه الي اريده منج هو تنطيني رقم التليفون

حتئ نتخابر...اوك عمري

هزيت راسي بأي وبعدها جاوبته...بس انت مو تخابر اني اخابرك مفهوم

لان اخاف من اخوواني ميقبلون

جاوب...اكيد حبيبتي فدوه اروح الروحج الحلوه

حطيت جنطتي علئ سيارته وطلعت دفتر وقلم كتبت الرقم اله وانطيته اله...
هو حط الورقه علئ خشمه واستنشقه كال...افييييش يا عطرج كسر كل العطور وفرنسا اعتزلت عن صناعة العطور بعد ماشمو عطرج

ضحكت وسديت جنطتي ورحت...اوووف كلامه كووولش يخجل...

بس مبين صادق النيه واكيد حيتزوجني...

دخلت للمدرسه واني فرحانه وافكر بي اووف معقوله صرت احببه...

والله مااعرف يمكن اعجااب...

........ ..........................

كعدت الصبح...بعد مرور اسبووع

سبحت واجيت كعدت يم جدتي

كالت...خايبه منيرس اجه نذرج

انصدمت جاوبته...ياله جذب شوكت انه ليش ما حسيت

وينه وينه

ضحكت كالت...ماادري بس راح هو وجدج للنفوس بالنايحه...الناحيه»

استغربت رديت عليها...شيسوي بالنايحه..« الناحيه»

ردت عليه..يكول اريدن اجيب النفوس مال منارس واجيبن اوراق ماادري شنهي ينقل نفوسج لبغداد

سكتت عرفته يريد اكمل دراسه...

رغم سلبياته بس هو متفهم واكثر شئ احبه بي قبل ادرس مااهتم.لاي شئ...

رجعت جدتي كالت..نذرج يكول خلي تحظر نفسها بس ارجع نروح...

هزيت راسي بأي وخليت ورحت...

حضرت اغراضي وملابسي ودهن حر اخذت وياي...

وجدر روبه عبن احبن روبتنه طيبه...

شوويه وهو اجه ويه جدي واخوي عابد تلكاهم سلم عليه

انه جنت زعلانه شوويه بس امي ضلت تحجي عليه وعابد طمني...

كعد شويه وكال صيحو منارس حتئ نروح...

انه اجيت سلمت عليه ببرود..

هو تفاجئ من برودي ورد عليه بجمود....

شويه ورحت ركبت بالسياره وهو بالصدر...

واخوي عابد حط الروبه والدهن حر والبثيث بالصندوك

مشينه مسافه والمنذر ساكت ومطنشني...

وانه هم ساكته...

بعدها كال...شكوو خير صاير شئ شوو مو علئ بعضج

رديت عليه بجمود..ياله ماكوو شئ...بس تونست ياله

هو استغرب كال...اووف شهل حجي وين تونست

جاوبته...ويه نسوانك

باوعلي بحده وضرب علئ الدرسكون كمزت منه كال...شوفي ولج اني اتخبل من هاي الكلمه نسوانك ابو النسوان تحب النسوان...يوكف عقلي منهن اذا عدتيها لا تلومين اله نفسج مفهوووم

رديت بغرور...جااا انه مجذبه

هو بسرعه كسر ووكف السياره لزمني من حجابي حييييل وهز راسي كال...اذا بيج خييير عيديها

نزلت راسي بضعف وهمست...ياله مابيه خير ما اعيدنها

جر نفس بضيق ورجع كمل الطريق...

وانه درت وجهي وبجيت...

دخلت بدوامه لا الها اول ولا الها تالي...احسن بي خاين ولا عندي أي ثقه بي...

حجايه تجيبني وحجايه توديني...

دخلنه بغداد واني علئ فرد دمعه وهو بس يدخن...

مشينه مسافه ووكف بمنطقة الاعظميه وكف مقابيل فندق مااعرف شسمه ونزل منه...

خلاني لوحدي بالسياره...خفت حيل عبنه هو الامان

شويه ورجع كال بأمر...انزلي

نزلت بسرعه وشلت جنطتي ونسيت جدر الروبه والدهن الحر...

دخلنه للفندق جان كلش حلوو تساءلت ليش هو جابني هنانه

شنهي متعارك ويه امه ..اي يمكن متعارك ويه امه عبن جايب ام سيقان رويجه شكد اكرهه...

دخلنه بغرفه صغيره جنها حمام حيل صغيره اول ما وكفنه وهي صعدت فووك وانه تخبلت

صررخت حييل وحضنت المنذر صحت ...يممماي يمممه شنهي هذا ويين رايح غرفه تمشي يمه..

هو ضحك وحضني ....ههههههههاي وج لا تخافين هذا مصعد هسه بسرعه نوصل للطابق السابع بدل ما نصعد درج

فشلت حييل وضليت لازمه بقميصه الاسود..

نزلت من المصعد ولزمتني دووخه عبالك سكرانه وممسيطره

راسي يوجعني ولعبت نفسي

اول ما دخلنه للغرفه هو تركني وراح دخل للحمام وانه منعسه ماصدكت رحت نمت ماادري بروحي....

ما حسيت غيري بيده كعدني فزيت مرعوبه همست..هاا هاا اكوو شئ

ابتسم كال...لا بس حاب اسولف وياج

فركت عيوني بدلع رباني وهمست...اي سولف اسمعنك

هو باوعلي بنظرات غريبه وسحبني الحضنه ضل يسولف امور عاديه...

منارس...اريدن اسالنك سؤال

المنذر...جواب

منارس..اول وحده حبيتها منهي

المنذر برومانسيه...انتي

منارس..اكيد انه بس قبل لا اضهر بحياتك

المنذر..اممم جنت مراهق حبيت وحده جيرانه وهي حبتني كلتلها راح اكتبلج رساله كتبتلها...

وبيومها ابوي مريض انطاني الراجيته وبدل ماانطيها الرساله انطيتها الراجيته وهي زعلت عبالها استهزء بيها

انه ضحكت بنعومه حييل وهو حضني..

ضلينه خمس دقايق بعدها تثاوبت

هو بعدني من صدره كال..نعستي

هزيت راسي بأي

كال...بس اني مشتاقلج اريد اليوم ليله رومانسيه وياج

حضنته من خصره ونمت

وهو همس...اووف منج

غطيت بسابع نومه بعد ماادري بي شسوه...

..............................

نيران...

كعدت بخووف نزلت جوه الجوو مضلم ويخووف..

المنذر مو هنا وهذا اهم شئ..

شويه مؤيد مو مثل المنذر ينتبه...

اخذت التليفون وصعدت بسرعه الغرفتي شكلته...

ودكيت الرقم وشويه اجاني صوت فاروق...

كال...الووو

جاوبته بخجل وخفوت..الوو

كال..منوو؟

ابتسمت..اني نيران

رد بلهفه...هلاا بنيراني هلا والله انتي مو نكته ساخره امازحج بيها انتي روحي

ابتسمت وبعدها ضحكت حيل..بس مدا اصدكك مااعرف ليش؟

رد بحالميه...حنينج غازي حواسي لو ضحكتج تباع والله ابيع روحي واشتريها اضحكي يا كلبي اضحكي اطربيني

والله اعلنت غربتي بمدائن عشقج انتي شنوو

همست..هاي انت حيل رومانسي

رد عليه برومانسيه اكثر...عندي امنيات بعدني ممشاركج بيها وتفاصيل بحبي ماسردهن الج وعشق بعدني معايشه ويااج...

احببببج ينبضي

همست بخجل وابتسامه حلوه...احبببك فاروق

ضحك وكال...اوووف وصلت للي اريده

وصلت الكلبج بعد لازم منا ونقفل اني احبج وانتي تحبيني تثقين بيه اختبر حبج الي

واحاول اصلح الامور واخطبج

رديت بهدوء ...براحتك

ضلينه نسولف...كال عازمج بمطعم بالمنصور يجنن يجنن بوفيه مفتوح
شوكت ما تكونين فارغه اخذج اوك حبي

همست...اوك بس هسه حنام لان عندي دوام باجر تصبح على خير

رد عليه...وانتي من رواد الخير يا خيري امووت عليييج

باس السماعه واني قفلت الموبايل واضحك رحت نمت واخذ كل تفكيري

كل شويه افكر برومانسيه يجذب كلامه كووولش جذاب وحلووو كدر ياخذ مني استجابه...

وفعلا دخل وتسلل لقلبي....

................................

مدعوة أنتي لحلمي الليلة ..
و باقي البشر يصبحون على خير.....

ثاني يوم باليل تقريبا بثمانية.

بعدنه بالفندق مااعرف ليش المنذر لحد الان مخلينه بالفندق...

لبست تنوره بيضه وقميص احمر وحجاب ابيض الحمد لله اني بيضه يلوكلي هيج حجاب...

ولبست حذاء ناصيه حييل مااعرف امشي بالعالي...

وهو لبس قميص ابيض وبنطلون اسود

طلعنه انه وياه اخذني الابوو نؤاس كعدنه شويه يم الشط

وبعدها تمشينه...

جان يهمسلي بكلمات غزل وكل شويه يبوس ايدي

وانه اباوع للسماء احنه نمشي وكفت..

هو استغرب كال...ليش وكفتي

اشرت علئ القمر كتله...من امشي يمشي وياي من اوكف يوكف وياي ههههه شكد حلووو

هو باوع ليفوك وعض شفته كال ...افااا القمر لاحكج لا اليوم طلابتي ويه الكواكب السياره

ضحكت كتله...ياله موش لاحكني بس هو امشي يمشي وياي اوكف يوكف وياي

تحركت شويه باوعتله..شفت شلون تحرك وياي

هو ضحك كال..اليوم القمر اسجنه مؤبد لان يتحارش بمرتي واني كلشي ولا مناري...
خجلت منه ومشيت وهو اجه وراي حط ايده علئ جتفي وضلينه نتمشه جان الجو يجنن وبارد وكل شويه يتغير الجوو

ساعه يصير هادئ ساعه يصير الغيوم تتجمع....

شوويه ومطرت كال...يالله خلي نروح لا تتمرضين

بسرعه طلعنه رحنه للكراج اخذ السياره وركبنه صار مطر قووي

انه حييل احبن المطر فتحت الجامه ومديت ايدي واضحك وهو يباوعلي ببتسامه...

شويه وصلنه للفندق...

دخلنه للغرفه انه بسرعه رحت بدلت وهو هم دخل للحمام بدل....

جنت واكفه اضفر بشعري هو اجه حضني وباسني بركبتي...

اول مره ماادفعه بس خفت حييل

دارني عليه وباسني بشفايفي وانه غمضت عيوني حيييل

رجع باسني مره ثانيه

بعدها بعدته عني همست...المنذر انه نعست اروح انام تصبح على خير...

هو سحبني من ايدي كال بعصبيه..بعدني ماارتويت مو بكيفج تبعديني

رجع باسني حيييل صبرت شوويه وبعدته

من بعدته هو دفعني حيييل

وطلع للبلكونه...ضجت حيييل ياربي شسوي الجو بارد وتمطر وهو طلع هسه يتمرض...

رحت وراه حطيت حجابي علئ جسمه همست...نذري انه اعتذر موش قصدي ادفعنك بس استحي

هو سكت وضل واكف بجمود

لزمت ايده وسحبته جوه هو عاط بوجهي..شتردين هااا شتردين روحي نامي مو منعسه

انقهرت حيل والدمعه بعيني...ياله موش منعسه

هو كعد على الجربايه وانه اجيت يمه لزمت ايده

هو سحبها وسحب باكيت الجكاير والجداحه وضل يدخن
انه احس روحي تفور سحبتها من بين شفايفه وطفيتها بالنفاضه..

هو تخبل كال...بأي حق ناخذينها مني

همست ..لا تضوج انه والله احبنك انه اريدنك كلي الك بس علئ كيفك وياي عبن شويه استحي...

هو باوع عليه ومحجه اي شئ وماكوو اي ردة فعل...

شمرت روحي بحضنه وهمست...احبنك نذري شتريد تسوي سوي.. بسته بصدره

ماكوو الرجال انكلب من اسد الثلاجه...

بسته بخده وباوعتله ببراءه..

هو ضحك وهجم عليه نومني علئ ضهري وباسني

فتح ازرار القميص وانه همست ...فدوه المنذر طفي الضوه عبن استحي

هو مد ايده للدكمه قريبه علئ الجربايه وطفئ ضلت بس التحفيات مشتغل ضواهن خافت

همست...وهذن طفيهن

كال..ادري ششوف رحمه الربج

رفعت نفسي شوويه وغطيت التحفيه بحجابي والثانيه بقميص المنذر....

وهو رجع سحبني ضل يبوس ويطمن بيه واني كل شويه افلت منه بس يرجعني

ويهمس بكلمات رومانسيه...وحب

همست بسرعه...يااا منذر نسيت جدر الروبه بالصندوك من البارحه خلي نروح نجيبه

هو حط ايده علئ الشفايفي ودفن وجهه بركبتي وضل يبوس بيه....

بعد مرور نص ساعة تقريبا احس روحي طلعت...

ضليت ابجي وهو تركني باسني براسي وهمس...مبروك علينا يا حلالي

جنت ارجف وابجي ودافنه وجهي بالمخده...

هو يعاملني معامله حلوه عبالك طفله ويرفع راسي ويبوسني ويهمسلي...لا تخافين اني سندج شنو التردينه اسوي الج...انتي عرضي بنت عمي

اليوم الصبح سحبت الج وثيقه وقدمتلج خارجي...

راح اسجلج مستمعه بالمدرسة ويه الطلاب بعد شتردين
دفنت راسي بالمخده وماجيته...

هو جر نفس وخله وراح اخذ ملابس ودخل للحمام

كعدت بعد ما شفته راح شفت قطعة القماش بيه دم

مسحت دموعي الحمد لله اصعب شئ بحياتي غلص،

بس موش مثل ما كالت اخت حمود السالفه موش كلش حلوه...توجع..

شتميت ريحة شعواط...استغربت شنهي الاحترگ...

اباوع واشوفن التحفيه حاركه قميص المنذر صرخت بصوت عالي وغطيت روحي بالجرجف

طلع. المنذر يركض وهو لاف المنشفه علئ خصره والخاولي ينشف بي،شعره

شاف التحفيه والقميص كااب...

اخذ الخاولي وطفه التحفيه بيه وطفئ الدكم كلهن....

بعدها شغل الضوه واجه كعد بصفي كال ...روحي حبيبتي اسبحي لو تردين اسبحج

فزيت خجلانه...ياله انه اعرف اسبح

كال...خلي اعلمج علئ الغسول مو تنسين

ضليت كاعده وهو يعلم بيه تركته ودخلت سبحت طلعت لكيته نايم

بسرعه سبحت وغسلت وطلعت لفيت شعري بدون ماامشط ونمت بصفه عبن حيل تعبانه....

.................. .........

بعد مرور شهر كامل...

المنذر ممعروف غامض تجي اتصالات مااعرف شنهي،مصدرهن

روجين ماكووو كالوو سفرها المنذر لبنان..

بس جذب ذاك اليوم اتصلت من كالت يلوو من كلت يلوو

قفلت الموبايل بوجهي...

قبل كم يوم خطب مؤيد بنيه تصير صديقة عمتي بت جيرانهم مااعرف شتعود الهم...

خطيه وازهار شبعت بجي بس هو ما يحب ازهار

يكول وجهها منكرش..

والمنذر حاجيته يكول هاي حياته شعليه اني...

جانت خطيبته حلوه زينه واختها اسمها بشرئ

فد وحده ادب سز ولا تستحي تتلزك بالمنذر وتشاقه وياه

عبالك تعرفه وهو شلوونه...

اجت جم مره النه هي وامها شافت البيت وسلمت علئ المنذر

بس ما عجبتني حييل ضجت منها...

وتفتر وراه....

ومن احجي انه تضل بس تضحك اكلها شكوو دكول ماكوو شئ

تحسسني مدري شبيه....

اخس من روجين بمصاختها...

وضلت تسولف علئ نيران دكلها...حلوو الرجال يكون كبير ومتزوج تنافسينه علئ مرته

واذا تزوجتي تحسين مسويه انجاز...

حسيتهم عائله طايحه من السطح امها تشرب جكاير

مدري منين جابتهم عمتي...

ومؤيد فااااهي بس يصفن...

والمنذر ما سأل عنهم لان مؤيد سأل...

اني مااعرف شبيه اتحلم احلام تخووف افز مرعوبة وارجف وابجي

بعدين مااصدك هذا كابوس عبالك حقيقه

عمتي مقبلت ادرس وضلت تحجي علئ المنذر كلتلها بعد ما شاب ودو للكتاب

شنو تدرس بطلها...

بس هو مقبل كلها هذا الشئ يفيدها ويقفها ولازم تدرس

اصر اكمل دراسه وانه مكيفه

كلها اني ضابط ومرتي ما تعرف تكتب اسمها...

انه الحمد لله اعرف اكتب اسمي واسم منذر تعلمت....

عمتي زعلت وشالت خشمها بس نذري كال مالج شغل يومين وترضئ

انه كتله..والله كلشي انضف واشتغل حتئ لو ادرس مااقصر

كال..يابه قصري شنوو قابل خدامه انتي..انتي مريتي اريد افتخر بيج وتفتخرين بيه

همست..شنهي نيتك وياي

همس بحب...اترس بطنج فريخات

ضحكت بخجل وهو دخل ايده بشعري وباسني بااذاني وسحبني للسرير

تقرب مني بكل حب ورومانسيه...

بعد ما سبحت كال...حضري نفسج نروح للتربيه

صدك بسرعه حضرت نفسي لبست نفنوف ابيض طووويل وبي ورد سمائي وحجاب سمائي

وهو بدل

ركبنه بالسياره وصلنه للتربيه...

اول ما نزلنه نزل المنذر مشه كدامي واني وراه

وما اشوف اله سياره طااااايره حديثه

كسرت عليه اني ركضت وصرخت بس ملحكت ضربني حييل حسيت انشلت ونركع وجنطتي طارت واوراقي بيدي طارن

والمنذر صاح بصوت عاالي ....مناااااااااااارس

وكعت علئ ضهري وبعد ما حسيت بشئ بس احس شئ بارد نزل عليييه

نهاية البارت ...يتبع

كونوا انتم كونوا بخير...احبكم😍

نور سمو العراق

احداث القصه لحد الان بارده ومداخله بالاحداث الجديه لذالك ان شاء لله خيير...

لا تنسو التصويت و المشاركه



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 13-06-19, 02:29 AM   #26

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



#البارت السابع عشر

#رواية...انا هي جميع نساؤك

بقلمي..سمو العراق

💔💔💔💔💔💔💔

لــم أسمــع صـوتــها اليوم

لم تـنــم فـي بيتهـا الحـنـون

لــم أقبـلـهــا قبــل النـوم

والساعــة فـي غـيابــها قــرون

مريضـة حـبيبتي وأنـا لا أستـطيـع

فعل شيء لها بـل أنـا كــالمجنــون
.............................

نيران خابرنه منذر من تليفون المستشفئ وكال منارس اندعمت...

ماما تخبلت ضلت تدك وتلطم...يمممه يممه منيرس دهر صابني فلك فلكني...

كله من المنذر كتله ثووله لا تخليها تدرس اخذها واندعمت هاي اول يوم باقي الايام شلوون

اجه مؤيد ركبنه وياه بالسياره ورحنه للمستشفئ

وصلنه للمستشفئ اول ما دخلنه لكينه المنذر واكف ويمه صديقه عمر

باوعتله بغرور ومااهتميت اله

ماما ركضت علئ المنذر بلهفه وخووف...شنوو شبيها منارس من دعمها

المنذر بجمود...مااعرف راح اتخبل والله راح اتخبل

ماما جاوبته..لييش؟

المنذر...حفظت رقم السياره بسرعه هسه نكتوو المنطقه نكت ماكوو هيج رقم واني متأكد...

عمر...احتمال كبير فتحوو الرقم وخلو واحد غييره

المنذر...مستحييل اله اذا كان ينتمي للدوله

عمر بااستغراب...معقوله تكون عندك عداوه ويه الضباط...

المنذر بقهر...ماعندي عداوه ويه اي ضابط ولا اي شخص عسكري...

عمر...احتمال تكون غييره وهيج انطوك علامه

المنذر عقد حواجبه ...وهذا النذل ماكدر ياخذ ثاره اله من مرتي الي لا حول ولا قووه...

مؤيد...لا احتمال اجه سريع ودعمها ماكوو شئ من الي ابالكم....

المنذر...اي ميخالف ما كلت شئ بس ليش الرقم تغير او ماكوو...

عمر..الله كريم ان شاء لله يطلع ضابط تحقيق يحقق بالموضوع...

المنذر تركهم وراح وكف مقابيل باب غرفتها وماما واكفه بصفه...

ماما همست...صار الها شكد من دخلوها الغرفه

المنذر...تقريبا نص ساعه

ماما ...يااا هووواي يمه مو كتلك لا تخليها تداوم شوف هاي نتائجها...

البنيه مطفيه وما تندل بغداد ولا متعلمه تطلع شووف هاي نتائجها

المنذر بهدوء...لا مستحيل مو مطفيه هي مقصوده اي مقصوده كأنو جاي عليها

طلعت ال كتوره وكلها راحت عليها بالهفه

المنذر بلهفه ....خيير دكتوره بشري

ال كتورة باسف...للاسف الجنين مات والمريضه متعرضه الرضوض وصاير عندها فتحه بضهرها...

المنذر بصدمه...لا مستحيل شلوون معقوله حامل

ماما لطمت خدودها...يمه دهر صابني بعدنه حتئ ما فرحنه بحملها...

المنذر بغضب...وهسه شلونها..

ال كتوره...سوينالها كورداش وجبرنه ايدها ورجلها وضربناها مسكن ان شاء لله تصير زينه

المنذر بتساؤل...اكدر ادخل عليها

الدكتوره...اي ميخالف بس ياريت تكون بس انت

المنذر...اكيييد...

منارس...جنت نايمه واون من الوجع ابد ما هدت نزيف عندي لعبت نفسي حيييل...

جسمي كله يوجعني ضربوني ابره وما هودت

شفته دخل عليه يمه راح الوجع شوفته ترد الروح

اريدنه رفعت ايدي المشكله بيها الكانوله اريدنه

وهو ما قصر اجه ملهووف عليه كعد بصفي باس ايدي المشكله بيها الكانوله

الثانيه مجبره

كال بحنان...حبيبتي الحمد لله على سلامتج

باوعتله والدموع بعيني....جسمي يوجعني

همس بهدوء....وين الوجع يگلبي

اشرت علئ ايدي المجبره واني ابجي..

هو باسها بهدوء وهمس...هسه يروح الوجع

ابتسمت همست...جانت امي من نطيح ونجيها نبجي تبوس الجرح دكول هسه يطيب

هسه انت مثل امي بس موش كل بوسه بوسه

هو ضحك وانزل راسه يمي كال...منو اطيب وتطيب

باوعتله وهمست...اثنينهن ما يطيبن بس يجبرن الخاطر...

هو ابتسم باسئ على حالي وباسني بكصتي...

رجعت همست...انه ملابسي انترست دم وال كتوره فحصتني ضليت اصرخ عبن استحي...

ليش هيج سوت كلللش حقيره وسخيفه

ضحك كال...هسه اطيح حضها قليلة ذوووق
مااقبل واحد يعبث بممتلكاتي...

جاوبته بتعب...جااا روجين موش ملعوب بيها شوو قبلت

ضحك كال...لا تقارنين بس السماء والارض...انتي سماء محد لايحج وهاي كاع منو اليجي يدوسها...

همست بوجع....احبنك

هو باس ايدي وضل كاعد يمي...

شويه وتاثير العلاج مشه بجسمي وخدرت نمت ماادري بروحي....

..............................

نيران جنت كاعده علئ الكرسي بالانتضار اني وماما ومؤيد...

وعمر واكف علئ صفحه جان كووولش ثكيل وممهتم

دمه حيييل جامد ومكروه

فرق بينه وبين فاروق هوايه

فاروق من النوع الرومانسي وجريئ بحيث اعترف بحبه اليه....

وجانت نظراته ثاقبه...اما هذا عبالك معصوم حتئ ميباوع...

دخلي يروح شنوو ضاله عليه...

خليت ورحت للحمام ما اهتز ولا باوع عليه...

احتمال يحب بس هو حلوو وكاريزما احلئ من فاروق...

بس فاروق احسن منه...

رجعت نفس الحاله مااهتم...ولا كأن الي موقف وياه

شفته يسولف ويه المنذر ويحجون بهمه....

رجعت كعدت مؤيد كال...والله هاي خطيبتي كارهه

امي كلتله...يااا شبيك صدك جذب شمسويه

مؤيد...اكلها لا تطلعين وين مااروح الكاها وذاك اليوم لكيتها بالسوك وحاطه طن مكياج وبس هي واختها

ماما جاوبته....اخذها وربيها علئ ايدك

مؤيد...ابو طبع ما يغير طبعه تلبگ وتحجي هوواي واني تعرفيني مااحب الحجي الهواي

المره الها كلمتين

ماما جاوبته بصدمه...والله عمي صاير تنتبه عجبتني بعد امك

مؤيد...تعرفيني مااحب المشاكل بس احس اسلوبها مو حلوو

مو مثل منارس رغم مطفيه بس تستحي

هاي شفتي شلون تتشاقه ويه المنذر من يمي تتلف اعصابي

بس اكول اخوية ماكوو داعي احجي...

ماما جاوبته...لا يتخايلك واذا تشاقت ويه اخوك ترئ هو هم اخوها

مؤيد خله ووكف وترك امي بين حيره من امرها

جاوبتها....ماما حتفسخون الخطبه

جاوبت...لا ما نفسخها تجي لبيتنه ونعلمها علئ اطباعنه

وبعدين هي مثقفه وعلئ الموده قابل مثل منارس حتئ ما تعرف تلبس

عاد وحده مثقفه ووحده عربيه....

هزيت راسي بأي....
........................

بعد مرور اسبوع طلعت من المستشفى شويه احسن

المنذر اخذني للبيت اول ما وصلنه...

وكف السياره ونزل فتح باب السياره وشالني بحذر

وانه من خجلي لان بالشارع دفنت وجهي بركبته

وانفاسي الحاره تحرگه

هو همس...اشتعلووو ولج لا تخبليني

رفعت راسي ببراءه...ياله والله كلشي ما مسويه

كال...هو انتي شنو الما سويتي حضي وياج مجيم خلصتيها علئ استحي وهسه تكسرتي...

جاوبته...شنهي شورت بيه

ابتسم وهمس...اي عبد مظلوم اكيييد اشور

ضحكت بعدها دخلني للاستقبال لكيت بيت عمي كاعدين ازهار ومرة عمي وعمي وابنه

يممممماي عركت ضليت انكط ماي من الخجل شلون شايلني نذري...

جنه مسلسل مسكيكي...

صدك تابعت مسكيكي بس هم نذري ما يقبل يكول يفسدون عقليتج وانتي شلونج

بس انه مااهتميت شنهي افتك من صلف يطلعلي صلف ثاني....

هو حطاني علئ القنفه تمددت وهمه اجوو سلمو عليه وتحمدولي بالسلامه

زهوره اجت كعدت يمي حيل ضايجه عبن خطب مؤيد...

ضلت تسولف وياي

كلتلها...خايبه همزين طكتني سياره

جاوبت بصدمه....ياااا ليش ؟

جاوبته بخجل...جااا غير ذاك اليوم نايمه يم نذري وانتي تعرفيني احوسن ولكيت روحي حاطه رجلي علئ خصره وشامره روحي عليه

يممه الخجل يممه هو كعد قبلي وما يوخرني منا لمن كعدت وشفت روحي هييج

كلش استحيت هسه يكول تصعد عليه بس حلفته ما يحجي عبن موش قصدي

ازهار كالت...ما تستحين هو انتي تحوسين من جنتي تنامين بصف جدتي

حتئ تطردج تكلج مثل الهايشه وين ما تجين تصعدين شكد تحوسين

جاوبته...وج ياله غير انه كلت ان شاء لله اتكسر ولا اعييد هاي السالفة

كالت...اي وتكسرتي الحمد لله ههههه

ضليت اسولف وياها واضحك وهي ابد ما سئلتني علئ مؤيد...

بعدها راحوو وانه رحت الغرفتي أخذني المنذر

دخلنه للغرفه نومني علئ ضهري وتمدد بصفي وكل شويه يبوسني...

كال...لازم ابدي اعلمج الاحرف حتئ من ترحين مستمعه ما اتعبين المعلمه

جاوبته ...اي اريدن اصيرن شاطره

كال...اي لازم حتئ يكولون مرة منذر شاطره...

بعدها اجت هاله وعمتي دكن الباب ودخلن تحمدلي بالسلامه
هاله كالت...ادري انتي ما حسيتي بروحج حامل

جاوبتها بصدمه وفرحه....انه حاااااامل

كالت...اي بس مات

رديت عليه باانفجاع...ياله جذذذب شلوون مات

المنذر باوع لاخته بغضب كلها...هسه هي هاي سالفه تحجينها

كالت...والله ماادري متعرف اني اسفه

انه حطيت اديه علئ وجهي وبجيت...اريدن طفل من نذري ليش مااات...

هو كعد يمي حضني من اكتافي همس...نرجع نترس فريخات لا تخافين الله مقاسمه

جاوبته بدموع...ليش خليته يموت؟

كال...اخذه الاقوئ مني ...ونعم بالله ما انتهت الدنيا ان شاء لله التعويض من رب العالمين

عمتي كالت. بقهر...كله من وراج مات

جاوبتها بصدمه...يااا ليش؟

كالت...غير من وره دراستج وينج وين الدراسه

انه سكتت وقررت ابطل...

بس المنذر كلها....هاي البنات كلها تدرس وكلها بالجامعات ونيران هم تدرس مصار الهم شئ...

قدر وصار والدنيا متوكف علئ موقف واني اريدها تكمل...

عمتي سكتت وضلت تتافئف...

مرت ايام وايام...

انه صرت زينه الدكتور كال لو ما عظمج قووي جان هسه انتي بالضيم...

بس عندج نسبة كالسيوم كلش قوويه اضاهر تشربين حليب هووش

جاوبته...اي انه من العماره وعدنه حلال

بهاي الايام فتحو التجبيره بعدها ايدي ورجلي وضهري يصلون عليه بس احسن...

نيران هي تنضف وتشتغل بس شنهي بس تصيح

وتبسمر بيه وتسمعني حجي انه مااردن عليها اخافن من المشاكل...

وروجين يوميه تخابر وانه اغلط عليها وهي تستفزني بس تضحك

ودكول مخليج راس حاجه...

بس انه اشوفن نذري يحبني...علمني علئ الاحرف من الالف للياء...

وخله نيران يوميه تقريني ساعه كامله

حفظت الاحرف يسويلي اسطر ويكتب الحرف واني اكتبه اكثر من 15 مره...

نيران ما عدها خلك بسرعه تمل وتضل تحجي عليه اذا غلطت

بس تخاف من المنذر بس كدامي تحجي

دكول...اني بتليت بلوه جبناج عون طلعتي فرعون ما درستي عند اهلج

لو هسه تشطرتي...

جاوبتها...شبيج تغارين عبن. راح اصير دكتوره وانتي ياله

جاوبت بااستهزاء...والله ثوره مااخليج الثوله والله لو ما المنذر ولا ادرسج

من حجت هيييج دخل المنذر وتخبل

كلها بعصبية....انتي ليش ما تستحين وطايحة حظ منارس مرتي احترامها من احترامي...

هي سكتت ما حجت...

كال...حظري روحج اخذج للمدرسه

وخله وراح انه لميت كتبي وهي كالت ...ههه صاير اخوو مرته مو اخو اخيته

جاوبتها...انتي شمالج انه كاتله ابووج ليش هيج تسوين وياي

هي ضلت تغلط بصووت عالي وتصيح....

اجت عمتي تركض هي ومؤيد والمنذر

كلولها...شبيييج؟

كالتلهم بكذب ....سبت ابوووي

باوعت عليهم وهزيت راسي بلااا

عمتي تخبلت ومؤيد فتح عيونه

عمتي كالت...هلا هلا عفيه بجنتي عفيه بمرة الجبير هاي تاليتها تسبين الرجال وهو بكبره

كلتلها...لا والله وروح اخوي موش صدك ما سبيته

هي بجت كالت...لا ورحمة بابا دكول بنت النعال كاتله ابوج اني

ما حسيت غير براشدي طيرني من مكاني وانصدمت بالباب....

احسن خدي صااار ناااار وضهري وجعني

باوع عليه بحددده كال...امشي انقلعي الغرفتج مو صوجج صوجي اني منطيج مجال...

العبره خنكت صدري و دموعي بسرعه وكعت...

مشيت بضعف ووجع موش مصدكه نذري يطكني ياله جذب...

دخلت للغرفه وسديت الباب...

اسمع عمتي دكله واحد غيرك طلكها هاي ام الدراسه

هو رد بعصبيه....بعد حاربتوها لو يجي ابووي من الكبور ما ترضن عليها...

واني ادري بيها ما سبت ابوووي صح يجوز كلتلها كاتله ابووج...

بس مستحيل دكلها بنت النعال....

نيران كلتله...لا والله كالت

هو رد عليها بصوت عالي هز البيت...لا تحلفين جذب والله ضربتها عناد بيكم ادري بيها متحجي

اني اعرفها كللش زين مستحيل تتجاوز...

انه جنت اسمعنه وابجي حيييل ياحيف يانذري تضربني

شفت الكتب مال سادس ابتدائي مخليهن علئ الميز

لزمتهن كلهن شككتهن وشمرتهن

كعدت بالزاويه ابجي ...يردوني خدامه من جنت اخدم يحبني وهسه ياله...

موش كلتلهن والله انضف واشتغل

ما رادت روجين لان تعرف ما تكدر تسيطر عليها...

احسن خدي ورم مااحسن بي ياله حييل مصدومه منذر يضربني...

لو ضاربني مؤيد ولا هوو اعبن انه احبنه...

هو شويه ودخل شافني مشككه الكتب وكاعده بالزويه لازمه القلم ردت اكسره بس شنهي ايدي ما عانتني....

جر نفس قووي وضل واكف وانه ابجي اجه كعد

سحبني لحضنه وانه دفعته حيييل بس هو رجع سحبني وانه ادفع بي بعصبية

بس شنهي ايدي ما عانتني...استسلمت الحضنه

درت وجهي واني ابجي همست...ياله جذابه انه والله ما غلطت بس هي تغلط كلتلها انه كاتله ابووج وهي ضلت تصيح

هو جر نفس كال...حتئ هاي الكلمه عيب ميصير تحجينها

اني احبج وما اريد مشاكل حاولي تتجنبين نيران وروحي بوسي امي واعتذري منها اني اعرف بيج متغلطين...

باوعتله بغضب...جااا ليش ضربتني

هو بلل شفايفه كال...حتئ بعد ما يعدوها اكسر عينهم

رديت بعصبيه وعيوني كلها دموع وهزيت راسي....ياله بالعكس يكيفون يتمنون يوميه تضربني حتئ بعد مااحجي وياهن يخوفني بيك

كال...بعد ما اضربج واني اسف واعتذر وهاي خليني ابوس راسج

دفعته ودرت وجهي...لا اريدنك ولا اريدن بوساتك عبالي احسن من وثاب طلعتو نفس الطينه

هو رفع وجهي وتكلم من بين اسنانه...احترمي نفسج ولا تقارنين بين الثرئ والثريه...

شهكت عدة شهكات وهمست ...ما احبنك

هو ضحك حضني من خصري وهمس...علينه ضرب الحبيب مثل اكل الزبيب

ضل كل شويه يبوس بيه ويصالحني وانه ادفعنه زعلانه موش راضيه

بس هو اسسسد اسسسد

يخليني كووه أرضه عليه...

كومني نمت علئ الجربايه

ولم الكتب كلها مشككه كال..جدج صلف ليش هيج مشككه الكتب وكلهن اشتريتهن من المتنبي...

انه ما حاجيته

مرت ايام وانه مااحجي ويه نذري ولا احجي ويه نيران

بس شنهي احجي ويه عمتي

صرت يوميه اروحن للاميه كلهن عجايز يحبني مصاحباتني...

اجت المعلمه كعدنه عاقلات

كالت طلعن دفاترجن عدنه املاء....

كامت حجيه مدكدكه اسمها ام طالب كلتلها...ست ست انه اليوم موش حافظه الشايب كام علينه وسوه فلك شلون التانكي متروس

وانه ما قريت

كلتلها...خووش اكعدي

انه كملت كلتلها...المعلمه المعلمه

كالت بنفاذ الصبر...هااا منارس خيير شراح تطلعيلي من عذر

كلتلها...انه ما قاريه عبن البارحه رجلي كتلني موش اخته جذابه دكول سبيت ابوو

هو جذب صار هواي من ضربني بس انه هسه تذكرت

كالت...طلعوو دفاتركم وكل يمتحن انوب حلوه هاي يوميه وحده رجلها كاتلها...

شنو مدرسه رعايه اجتماعيه

ام طالب باوعت عليه كالت...كله من وراج الله ياخذج هسه شلون امتحن وانه ما قاريه

انه عفتها الوحدها وطلعت دفتري ضلت ترد النه احرف واحنه نجمعها نسويها كلمه....

كملت وشرحت النه رياضيات وعلوم ورجعت...

لكيته واكف بسيارته كدام المدرسه...

ركبت بصفه بس زعلانه وهو محجه بس ضحك...

اخذاني المطعم بالاعظميه...

تعشينه واجينه

انه اول ما وصلت دخلت سبحت وغسلت صدريتي وملابسي رحت شريتهن

وتوضيت وصليت...

هو هم راح سبح وتوضه وصله...

هو يوميه يلزمني باليل يفتح القراءه

نقره اني وياه شيسوي مسابقه من يخطا هو الخسران

انه جنت كله افوزن عليه ومتحمسه وهو يخسر..

استغربت شماله ما يعرف يقره...

خلصنه صلاه كال...يالله حظري كتابج خلي نقره

انه رحت بسرعه حضرته

كال...اذا فزتي اخذج للكورنيش..

واذا فزت شنو اطلب تسوين تمام

انه مسيطره كتله...اي خوووش

فتحنه القراءه اختاريت اله اصعب شئ هو كل مره يغلط

هل مره قراها مثل البلبل

ورجع اختار الي انه اتهجئ قريت جم سطر...

واخر كلمه كلمه لفضتها غلط

كال...اهااا غلطتي اني الفزت

عقدت حواجبي زعلانه راح عليه الكورنيش

رجع همسلي...شطلب تنفذين

هزيت راسي باي...

كال...اريد انام وياج صار هوواي محروم

جاوبته بزعل...ياله انه زعلان مااقبل

هو رد بثقه...لا تصيرين غشاشه هذا حقي اني فزت

جاوبته...اطلب غير شئ

كال...هذا طلبي

انه سكتت وهو تقرب مني باسني بجتفي ونزل الثوب جان بس سحاب لحد نص الصدر...

وشويه فضفاض...

نزله علئ خصري وضل يبوس بيه ويهمس كلام رومانسي...

وانه مصطكه مااتحرك ..

نزع قميصه وشمره ورجع عليه

انه رفعت نفسي وطفيت الكلوب وهو جر نفس ما راضي...

جااا واذا ما رضه شنهي عيييب...

اخذ هديته مني لان فااز بس موش هديه اتعب وتهلك...

بعد مااطي هيج هدايه عبنها تموت...

............................

نيران مر اكثر من شهر اني وفاروق دهن ودبس يموت عليه...

يجيبلي هدايه وشغلات حلوه

ماما تسالني اكولها صديقاتي...

اليوم تواعدنه نروح لمطعم هو كال اجيج من الصبح

كتله ميخالف...

بدلت بسرعه وحطيت شويه حمره قليل متبين

والجنطه حطيت بيها بس كتابين...

ضليت واكفه وره الكراج القريب علئ المدرسه اخاف من الحارس يشوفني...

تقريبا ثلث ساعه واجه فاروق جان مبدل وكاشخ

بسرعه ركبت بالسياره

هو ابتسم وسحب ايدي وباسها...

ابتسمت كتله...صباح الخير

هو ضحك كال...صباح جميع انواع الورود يا ورده

شغل فيروز جان الجوو حلووو وانه مستمتعه...

وكف السياره كدام عماره قديمه شوويه

كال...انزلي

نزلت بس استغربت كتله...هاي شنوو وين المطعم الفاخر

ضحك بهدوء واشر فووك...كال هناك بنص العماره

استغربت وخفت جاوبته...و ليش حاطينه فووك

جر نفس كال...للعوائل

ضليت واكفه بمكاني ما تحركت

هو كال بعتب ...شبيج خايفه ترئ والله مااسويلج شئ واذا معاجبج عادي نرجع

بس بصراحه صدمتيني ما توقعت ماعندج ثقه بيه..

اذا نرجع كوولشي ينتهي وانسي فاروق

همست بهدوء...لا فاروق لا دكول هيح بالعكس عندي ثقه بييك...

بس شويه متوتره انت هم راعي شعوري

كال..اوك خلي نرجع

جاوبته بسرعه...لا لا خلي نصعد

دخلنه للعماره جانت عبالك شقق وقديمه تخووف مااعرف ليش حسيت الوضع ما يطمن

هو سحب ايدي بسررعه ومشه حييل

صررخت بصووت ...فاااروق وين ماخذني عووفني

نهاية البارت...يتبع

كونوا انتم كونوا بخير...احبكم

نور سمو العراق

اعذروني بنات ونبي مريضه ومصخنه وكوه كتبت محبيت تنتظرون...

البارت بدون مراجعه احتمال مثل القبله بدل ما اكتب تيليفون مطورتها كاتبه موبايل 😂



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 14-06-19, 03:02 AM   #27

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



#البارت الثامن عشر

#رواية...انا هي جميع نساؤك

بقلمي...سمو العراق..نور

💔💔💔💔💔💔💔💔💔💔

وبكل بساطه غدروني..

…عينأ تدمع …وقلباً يدمي…والجرح ينزف بصمت..،،

يااااااااه ماقسى غدركم….يامن سميتكم ..احبائي...

لا تثقي كثيرا لان كثيرا

قد تؤذيك كثيرا

....................

سحب ايدي بسرعه ومشئ سريع خفت حييل

حاولت اسحب ايدي مكدرت عطت بصوت...عوووفني فاارووق فااروق الله عليك تركني

همس بااستهزاء...لا تخافين مااسويلج شئ ورحمة ابووي...

جنت اتعثر بخطواتي...وابجي...وارجف..

حاولت افلت ايدي منه واني ابجي ...لااا عفيه مااريد الله يخليك فاروق...

سحبني ودفعني بغرفه من الغرف...

اول مدخلت وكعت بالكاع من دفعته اليه...

حسيت بشخص واكف وطرف دشداشته وشحاطته بارزات

رفعت راسي بخووف شفته...وثاااب النذل

شيردوون مني شيردون خفت حييل الوضع ما يطمن

دموعي ما يهابونها ابجي بصوت مااكسر خاطرهم اببد ما كسرت خاطرهم...

وثاب ضحك بصوت عالي وضرب علئ كتف فاروق وهمس بخبث...بعدد خالك سبع ونعم والله بيضت وجهي...بس بعد منيرس

باوعت لفاروق بصدمه من جاوبه...عد عيناك خااال اجيبها اجيبها لو يضل يوم بعمري

وهاي اول الفرايس وان شاء لله الجاي اكثر

وثاب رفع حاجبه بغرور...اهم شئ منارس اله هاي ماتهمني...اشر عليه

فاروق بنفس غرور خاله....ادري ما تهمك ولا تهمني بس بيها تكسير راس لاخوها ههههههههههاي...

وثاب بحقد...هذا الي يهمني

تخبلت من حجوو هيييج احس نفسي بداومه شكد حقراء...

وين حبه وين كلماته وعشقه وين همساته...

وين وين

وكفت بحقد وركضت عليه هجمت علئ فاروق الكلب...

ضريته علئ صدره واني اصرررخ....يا نذل يا عاااار يا عديييم الرجووووله

يا حيف شواربك يا حمار

ما حسيت غير براشدي طير ملامح وجهي....

وكعت علئ الارض واني انحب وابجي بعدها ما حسيت غير بي رفعني من شعري...

سحب شعري ليجووه بقووه حسيت ركبتي انخلعت..

همس بغرور ...لا تخليني اشوفج الرجوله علئ اصولها

باوع لخاله وبااستهزاء وغمز اله...اشوفها الرجوله

وثاب ضحكله جاوبه...لا بعد خالك لا تشوفها رجولتك

فاروق ...بس مااحب اطلع من المونه بدون حمص

وثاب...هااا اخذلج شمه وخلينه نتمتع احنه همين

دفعته حييل واني اصرررخ وانحب..

وهو الحقير دفن راسه بركبتي ويقبلني بطريقه مقززه ومقرفه مثله....

حسيت رجليه ماتت وكلبي وكع ببطني اصرخ استنجد محد يسمع صووتي...

رجع الحقير فتح ازرار قميصي جنت لابسه قميص وتنوره كبس...

تقرب بصوره سخيفة حسيت بي لوثني وهدر كرامتي وبرائتي...

بس هو مااغتصبني مجرد تحرش سطحي

رفع راسه وباوع الخاله همس اله...ما ينشبع منها ترفه...

بس لازم ما نهدر وقتنه...

سحبني وشمرني عليه...

الكلب استقبلني بحقاره ولهفه سحبني من خصري

ضربت بصدره و دموعي بغزارة وادفع بي همس...بووويه تجتل بس موش مثل منارس

بس ماراح امنع نفسي خليني اضوكنج...

هجم عليه بحقاره ويبوسني بطريقه مقززه مقرف حيييل وريحته كريهه...

ضليت اصرخ خرمشته...

رفسته بين رجليه تالم ورجع ضربني...

فاروق ضحك وطلع ووثاب هماتين طلع ضليت الوحدي بالغرفه

لفيت قميصي واني الطم علئ حضي..شلت جنطتي وتنفسي أحسه انكطع...

طلعت امشي بيأس مااحس اله صوت الدوريه رن بااذاني...

ضليت ارعشش وجر النفس گووه رجليه ماتت...

ما اشوف اله الجيش اقتحم المكان وصار الرفس علئ البيبان بفلس...

انصدمت ضلوو يطلعوون نسوان وزلم من الغرف وكلها تتصارخ واني اجوو اثنين لزموني ونزلوني

ضليت اصرخ واحلف الهم وابووس ايدهم اني بريئه ما عندي شئ

نزلونه من الدرج طاحوو للزلم دفرات...

جانن السيارات العسكريه والوازات طابكه بباب العماره

وفاروق واكف بكل جبروت وهو يأمرهم بعصبيه ولا كان قبل شويه جان وياي

فاروق...يالله يالله اعتقلوهم هل عارات الكوواوي....

باوعت عليه مصدومه عضيت ايد الشرطي وركضت عليه لزمته من قميصه صحت بصوت عالي...فارووق اني عرضك لا تخليهم ياخذوني...

ضحك بسخريه وهمس بصوت خافت...اذا جبتي سيرتي وحجيتي اخلي سيرتج علئ كل لسان...

ولا تنسين جانت الغرفه مطوقه بالكاميرات...

من كال كاميرات حسيت ملك الموت واكف علئ راسي

صوروني راح يفضحووني والله تصير دمايه

رجع همس...ياحلوه كل مكالمه بالتليفون وياج مسجلها غرامج وعشكج وياي

وفضيحتج كله اشووفه لصلف للمنذر

باوعتله بحده ودموعي تجري...بس انت راح تنفضح

فاروق بثقه...اطلع من الف زاغور بس اورطج. والله سدي حلكج احسن الج

صاح علئ واحد منهم ...اعتقلوها

حطوو الشلبكات بيدي واني اصرررخ وابجي ولا اهتم الي...

ووثاب اختفئ...

صعدوني بالسياره وانطلقوو المركز الشرطه....

..............................

منارس...

جنت كاعده علئ الجربايه بعد ما خلصت تنضيف تقريبا ساعه ب 11 الصبح

المنذر جان يسبح بالحمام...

جبت التليفون خابرت علئ صاحبتي ام طالب...

عبن غايبه ومااعرف الدرس

شوويه واجاني صوته

كلتلها...يلووو جده ام طالب شلونج

كالت...خايبه انجبي انتي ياهووو

ضحكت جاوبتها...انه منارس لبصفج شلونج جده

جاوبت...زوينه بس بعد لا دكولين جده انه وياج نفس الصف موش حلوه كلمة جده

احنه كلنه طالبات

كليلي سعديه

رديت عليها...خوووش سعديه شعدنه واجب اريدن اقره

ردت باانزعاج...خايبه شمالج غايبه شووفي ست مهديه اتطنه قران...قل هو الله احد

جاوبتها...خووش راح اكعد احفضنها.

بس ام طالب بداعة طالب شلون هاي الاغنيه تغنينها علئ ست مهديه

كالت...ليش؟

رديت عليها...عبن اريدن رجلي اقراها اله عجبتني

هي تنحنحت...احم احم...ست مهديه يعيوني لابسه قاط زيتوني لابسه ساعه لماعه تسوه كل الجماعه...

ضحكت...يمااااي تجنن

رجعت كلتلها...ام طالب...اهوو قصدي سعديه عيدي خلي اكتبها بدفتر بسرعه انساها

رجعت عادتها وكتبتها بس شنهي بخط مكسر

قفلت التليفون....

وطلعت القران طلعت الصفحه وسوره قل هو الله احد

حافظتها الحمد لله لان اصلي حافظته...

خووش اليوم ماعدنه دروس...

ضليت كاعده شفت المنذر طلع من الحمام لاف المنشفه علئ خصره...

يممممماي موش جسم جنه استرالي...

اسمع جدتي مرات دكول جسم صلف جنه جسم استرالي...

ومرات دكول خايبه وخري مني نايمه فوكاي جنج ثور استرالي...

ياله نذري موش ثور نذري اسسسد اسسد

اي بالقران اسسد استرالي...

راح علئ المرايه مشط شعره

وبعدها باوع عليه ابتسم اجه وكف يمي باسني بشفايفي

استحي من بوساته كلش عبن جريئات موش مثل بوس العالم

نزلت راسي همس بهدوء ورمانسيه...دلالج وخجلج يصهرني

احببج

رديت عليه بحب...احبنك يا ابن كلبي يمدلل منارس

ضحك بصوت عالي كال...ويلوموني لان تارك النسوان كلها وملتجئ الج...

احبببج يا بعدهم

ضحكت وحضنته صايره مااستحي بس احضن بي بس شنهي لاحد يلومني احبببنه

حتئ ام طالب حاسدتني دكول احلئ من ابو طالب وطالب وياهم...

حضني من خصري وباسني بركبتي همس...مشتاقلج اريد اكلج...

استحيت حييل بعدت اديه عن خصري وجاوبته...ياله اوكف خلي اسمعنك اغنية ام طالب علئ ست مهديه

هو رفع حاجبه ما راضي بكلامي

بس انه تجاهلته ورفعت الدفتر وغنيت...ست مهديه ياعيوني لابسه قاط زيتوني لابسه ساعه لماعه تسوه كل الجماعه

هو ضحك بصوت عالي وكال ...انعل لجماعه يابو ست مهديه ياابو ام طالب وطالب وخلف طالب...

ضحكت...ياله حلوووه

ضحك همس ....انتي الحلووه

بعد خصلات شعري من وجهي وباسني اسفل حنجي
وركبتي واذاني

يخليني ارجف من يسووي هيييج

همست..ياله نذري والقران عدنه اسلاميه وبعدني ما حافظه من ارجع سوي التريده...

هو مااهتم اليه ورجع يبوسني بلهفه وايده تتحرك علئ خصري....

شويه واندك الباب

صحت بصوت عالي ....ياهوووو

هو باوع عليه عض شفته كال...اذبحج هسه شكوو تصيحين

عمه كالت...اني تعاي ركبي تمن هسه تجي نيران جوعانه

رديت عليها....خوووش عمه جايه

هو كال بعناد...مدام هييج اله اخذ حقي قبل ما تطلعيين

همست برجاء...ياله نذري بروح ابووك عمتي والله تضل تحجي عليه بس اركب تمن اجييج وروح غرومه

كال بهدوء...يالله روحي بس بوسني يالله

ضحكت بسته بخده وطلعت اركض

هو ضحك كال...ماامعترف بهاي بوستج اكيييد اخذ اضعافها...

طلعت العمتي اخذت تمن وغسلته وطلعت جدر جلفته جلف...

وركبت تمن...

شوويه خمس دقايق تقريبا طلعت من المطبخ والمنذر طلع من الغرفه يركض ومسدسه بيده

خفت حيييييل امه لزمته كلتله...شكووو المنذر شبييك

هو كلها بعصبيه...حظرو نفسكم راح اجيبلكم جثت بتج العااار

عمتي ضلت تلطم وتصررخ وتركض وراها

بس هو جان اسرع منها تركها وراح ركب سيارته وشخطها...

وعمتي رجعت تلطم وتصررخ واني واياها ابجي علئ الواهس ماادري شنهي السالفه....

بس خفت علئ المنذر سوده عليه وجهه ما يتفسر

.................................

نيران اخذوونه الطريق كله ويه العواهر بس يضحكن ويتمايلن واني ابجي...

وصلنه لمركز الشرطه نزلونه مثل البهايم

ووزعونه علئ السجون...

كالوو راح يجي الضابط يشوفكم...

شوويه ودخل يمممممه متتت انهرت روحي طلعت

لا يااربي عمررر عمر صديق المنذر

الله لا يوفقني الله ينتقم مني شسويت بروحي..

هو مشافني ضل يباوع بجمود ورغم جمالهن وحسنهن جانت نظرته مقرفه الهن وابد ما هزنه...

كلهن جنهن زكيه الداكوكه وجماعتها...

اخذ نضره سريعه عليهن واني من ضمنهم باوع عليه وبعدها رجع نظره وركز عليه...

شفته عبالك انفجع مو انصدم ضل يرمش ثواني

بسررعه اجه تقرب مني سحبني من ايدي كومني

شد علئ شفايفه وهمس بخفووت...نيران

هزيت راسي بخذلان...اي

بلل شفايفه وعضها حيييل...

سحبني وطلع واني وياه اركض ركض لان جان سريع جنت ابجي وانحب وهو ممهتم....

شوويه وصلت لغرفته دفعتني ودخلني للغرفه...

صاح بصووت عالي....اخت المنذررر

رجفن شفايفي وهمست...والله مضلومه

هز راسه بعدم تصديق كال...شوداج لهاي العماره

رديت عليه ببكاء...مااعرف صديقاتي كالن هناك مطعم وصعدت

كال بعصبيه...هذا شرفج يا غبيه شلون ترحين هييج اماكن

جاوبته بقهر...والله مااعرف عبالي مطعم

رد عليه بغضب...ماعندج عذر اعترفي منوو قشمرج

شهكت بخووف...محد

هز راسه بوعييد كال...امسحي دموعج ورتبي روحج خلي ارجعج لاهلج ولا تحجين للمنذر الصار ولا لاي واحد من اهلج....

شهكت وركضت عليه بست ايده ...شكرا فدووه اروحلك الله يوفقك....

صدك بسرعه مسحت دموعي ورتبت شعري وقميصي وشلت جنطتي...

مااشوف اله المنذر دخل اني شفته واني وكعت علئ ركبي وبجيت بصووت عالي...

هو بدون اي تفاهم سحب المسدس ووجه عليه

بس خطيه عمر ركض عليه ولزمه

بس هو تخبل دفع عمر حييل وصاح بصوت مقهور...لك عووفني بعدني ما دخلت للمركز كلها تصيح سيدي اختك لكوها بعماره مال دعااره

عوفني اغسل عاااري

اني ركضت ولزمت بقميص عمر من وره

عمر لزمه كله...اهدئ سيدي موو هييج خلي نفهم من البنيه

هو صاح بوجهه...شفهم والله ماافهم اني مخبل ماافهم والله اليووم ادفنها هنا

جان يزئر وهو مقهوور ويرجف حتئ ما مسيطر علئ المسدس

كدر عمر يسحب المسدس منه

بس من سحب المسدس المنذر نهار ضررب عمر بووكس وكعه علئ المكتب

واني صرخت بصوت عالي لان عمر صاحب جسم واني وراه وكعت قبله علئ المكتب حسيت ضهري نكسر

وهو فوكايه كسرني تكسر

ما حسيت غير انسحبت من جوه عمر والمنذر بكل ما يملك من قوه

بوكسيات احس اعظام وجنتي تكسرت خشمي وحلكي ضلن يصبن دم

وكل راشدي ينطينياه اشووف بي الموووت

شعري كطعه تكطع جنت ضافرته الضفيره تهلست تهلس

وعمر جان خطيه يدافعلي ويلزمه بس هو جان منهار حيييل

ويصيح ويغلط

جان اكوو مقص محطوط علئ الميز لزمه عبالي راح يضربني بي

هو لزم شعري من بدايته وكص شعري...

وكعت صفيرتي محرومه مضلومه...

تخربطت ضليت مااشوف...

بس اسمع عمر بصوت خافت يكله ...الشر خطأ وهي غلطت ان شاء لله تاخذ عببره...

فتحت عيوني بتعب...هو لزمني من ايدي كومني نزع سترته وغطاني

طلع من الغرفه حطاني تحت ذراعه ويمشي بجموود ما مهتم لاي واحد

وصل للسياره شمرني وره وصعد بالصدر وعمر هو يسووق

طول الطريق الصمت سيد الموقف...

بعدها سمعت المنذر سال عمر كله...منوو جابهم

عمر جر نفس...جابهم واحد بالأمن العامه

منذر مسح وجه وهمس...تعرف اسمه

جاوبه...اسمه فاروق جباره

المنذر بسرعه باوع عليه..فاروووق

هز راسه بووعيييد خلي بس اشمرها اله انعل والدي والديه هذا العااار....

وصلنه للبيت نزلني مثل البهيمه...

صاح علئ عمر كله لا ترووح

عمر كله...تأمر سيدي منتظرك

.....

منارس عمتي جانت كاعده وتبجي وخابرت علئ هاله اجت خطيه ضلن بقلق...

شويه وانفتح الباب دخل المنذر بيده نيران بس مو نيران لا جثه هامده...

من شافنها ضلن يلطمن ويصرخن

هو شمرها ورفسها

وبدون ما يحجي ولا كلمه خله وطلع

انه ضليت ابجي مقهوره علئ حاله ركضت وراه

لزمته من ايده كتله بتوسل...فدووه نذري شكوو شصاير شنهي الصار

هو رد عليه بعصبيه...توخرين مني لا اشوه وجهج

باوعتله بحييره وخوف دفعني وطلع...

همست انه شعليه انه شنهي السويته ليش يدفعني

رحت شفت عمتي كطعت نيران تكطع فووك كتلت المنذر الي مشوهه

وهاله تحامي الاختها

انه لزمت عمتي وخطيه نهارت ووكعت ركضت جبتلها مااي شربتها

وضلت كوه تتنفس وتبلع بريكها...

وصلو للامن العامه...

نزل منذر مثل الاسد الغاضب دخل للمركز الي يشتغل بي فاروق...

شاف واحد من الشرطه انطاه هويته

الشرطي اخذ التحيه...

منذر بجمود...وين فاروق

الشرطي ...بمكتبه

هز راسه بوعييد ودخل لمكتب فاروق....

فاروق جان حاط رجليه علئ المكتب ومتكئ علئ الكرسي بااريحيه....

من شاف منذر نزل رجليه ووكف بسرعه ونخطف وجهه

المنذر هجم عليه لزمه من قميصه وضربه بووكس...

فاروق باوع عليه بصدمه وتماسك بالكووه...ليش ضربتني

المنذر بعصبيه تغللها الجمود...شلون جبت اختي للمكتب الي اشتغل بي

فاروق بصدمه....يا اختك

منذر بقهر...يااا اختي لك نذل الجبتهن ويه العواهر

فاروق بصدمه مصطنعه...مستحيل اختك تكون وياهن اخواتك اشرف من الشرف لو اشوفها وياهن ورووح ابووووي مااصدك...

منذر...تضحك عليه انت تعرف اختي

فاروق...وروح ابووي ماادري شلون اسووي هييج اختك هي اختي وعرضي مستحيل هييج اسووي

من كل عقلك هااي عرضي اختي شرفها من شرفي ال صلف احنه ماعدنه هييج شئ

وحتئ وان حجيت هذا الكلام..مستحيل اوصله لاي شخص عاش ومات وياي...

واذا تريد استر عليها واخطبها

باوعله المنذر بنظره ثاقبه وتركه وطلع....

ركب سيارته وهو ساق بسرعه جنونيه وعمر وياه

جان يهدي بي بس هو يغلي من العصبيه اذا يرجع للبيت يجرم بيهن كلهن....

منارس ....كمت سويت عشاء

حطيت الصينيه محد حط لكمه بحلكه...

شلتها ضميته بالثلاجه ورحت غسلت المواعين...

عمتي كل شويه وكالت...عمت عليه المدرسه

والله محد تضل بالمدرسه كلجن تبطلن

اني سكتت اخاف منهم كلت هذا هو اني عرفت اقره خلي ابطل...

شوويه وسمعت صارت هووسه رحت اركض وشوفلج المنذر

هاجم علئ نيران يكلها شلوون رحتي منو اخذج ولازم كيبل ويريد يضربها لحد الان مضاربها بس يرفسها....

اني انقهرت عليها محد يلزمه حتئ مؤيد ما يتقرب

بس امه تبجي دكله علئ كيفك يممه مو هييج

بس هو ولا مهتم

اني انقهرت تذكرت غرام من جدي ضربها رحت ووكفت بوجهه

حطيت اديه علئ صدره ولزمت اييده كتله بتوسل...فدوه اروحلك منذر علئ كيفك اختك هاااي افتهم منها الضرب عمره ما جاب نتيجه...

هو صااح بعصبيه....وخررررري من وجهي وخررري

ضليت اتوسل بي هو رفع الكيبل راد يضرب نيران واني صرت كدامها...

اجت الضربه بيه بس مو ضربه ناااار نااااااار

شاغت روحي

اجتني علئ ضهري حسيت احترك ضهري ضليت اتبرغث بالكاع مثل الحمامه المكطوع راسها ارفس واصرخ بصووت عالي...

جان الكيبل عبالك مثل الصونده ثخين وقوووي ويابس

من اندعمت ما تاذيت هييج

هو من شافني هييج تخبل شمر الكيبل وركض عليه شالني وحطاني علئ صدره...

وكلهم اجوو يركضون بس نيران انهزمت....للغرفه

منارس بصوت عالي ونحيب...يممممه ولج يمممه اااااخ ضهري احترك اااخ

هو ضل يتنفس بصعوبه ويرجف دفن راسي بصدره وكتم باقي صراخي

همس...اشششش حبيبتي ماادري ليش وكفتي بوجهي موقصدي اضربج والله....

ضليت ابجي وختنكت عضيته حيييل بصدره اريد اطلع قهري بي...

هو ضل يمسح علئ ضهري هديت شوويه همس...حبيبتي والله مو قصدي...

شالني واخذني للغرفه خلاني علئ الجربايه اني قبل شهر مدعومه وعندي فتحه بضهري وضربني حييل تاذيت

هو باس دموعي وطلع...

صار هدوء البيت...

بعدها هو دخل جاب حبايه ومي انطاها الي شربتها بالم...

وهو جان حييل مزعووج كعد يمي رفع ثوبي انصدم

كال...اوووف هاي شمسوي الجلد ارتفع ...والله اعتذر انتي صرتي كدامي

نزل ثوبي وباسني بركبتي وراح نام علئ القنفه وبس يدخن

خطيه مقهوور حييييل اوول مره اشوفن عاصفتي مهزوز

خطيه سوده عليه بدوون عشاء...

وكفت بصعوبه ولازمه ضهري ردت افتح الباب

هو صاح وين رايحه....

جاوبته...اسويلك عشاء عبن مااكلت شئ

مسح وجهه بتوتر كال...تعالي

خليت ورحت يمه بصعوبه وضهري موتني سحبني لحضنه بجيت بصدره ...

كال...منارس مقهور اختي نزلت راسي

امشي بالمركز منكس راسي واني جنت دووم رافعه

اصعب شعور من تحس الناس تستهزء بيييك

اختي بشقه مال دعاااره ما مصدك

والله ممصدك شريان راح يطك براسي...

باوعت عليه وشفايفي ترجف...ياله ينذري موش صدك نيران مؤدبه موش من هاي البنات بس بروح ابوي تقشمرت

انطيها الامان ولا تخوفها وهي تحجي الك الصار

بس تخوفها ما راح تحجي

المنذر...من اشوفها ما اسيطر علئ نفسي

احتمال غلطت باجر اخذها احللها...

رديت عليه...خووش بس لا تعصب وخليني اسويلك عشاء لا تريكت لا تغديت وهسه ما تعشا جااا شيضل بيك

تريد تموت روحك وروح ابوي اطكن واموتن وراك

هو ضحك وحضني بس مو حيل يخاف علئ ضهري...

همس...محد مصبرني علئ هل بلوه غييير عيونج

بسته بصدره وهو حط راسي علئ صدره وضل يدخن يحرك بروحه مثل الجكاره...

سوده بوجهي يگلبي ان شاء لله القهر لاعدائك...

غفيت علئ صدره وهو ضل كاعد

................................

بعد مرور 3 ايام

خطيه نيران اخذوها فحصوها...

وانه بطلت بس نذري كال داومي مالج شغل داومي اني اخذج واجيبج

وصدك خابرت روجين والمنذر رزلها سوه بيها فلك طلع قهره بيها

عاد فرحت اهم شئ ام سيقان تترزل

ونيران ما تباوع بوجهي ماادري شبيها....

نذري راح الشغله سوده عليه حبيبي احبببنه....

بس دايما احلم احلام موش حلوه

ودايما اتحلم وثاب يتحرش بيه...

ياربي يخلصني من وثاب والله اريدن اكل الجدي عليه يطيح حضه

عبن ازهار كالتلي ام وثاب دكل لامي ...وثاب ما يسكت عن حقه ياخذه ياخذه...

خاااب يولي ابو صماخ ياخذ حقه باكل نعل

انه ملك نذري اموتن عليه

.......................

جان بالمركز مال الشرطه خلص الاوراق البيده وطلع وعمر وياه...

اول مطلع من المركز سمع ثنين تهافتون...

الاول....هههه شفت الضابط مسوي روحه كلش وهو نفضح فضيحه

الثاني بااستغراب...ليش شصاار

الاول...غير اخته لكوها بشقه مال دعاااره

المنذر تخبل هجم عليهم وهمه استغربوو صارت عركه...

الشرطه تعتذر وهو يسب ويغلط

المنذر بعصبيه وصياااح...كلاب حقراء والله الي يجيب هذا الموضوع علئ لسانه اكصه واعلكه بركبته

عمر لزمه وهمس...سيدي اهدئ مصار شئ

المنذر...يحجون بعرضي

عمر...اكطع لسانه اليحجي طلب النسب منك يالنسيب....

نهايه البارت يتبع....

كونوا انتم كونوا بخير...احبنكم

نور سمو العراق...❤

معنئ اسم منارس...هو مشتق من النيرس نهر موجود بين الفرات ودجله...

واله عدة معاني قد تكون صحيحه....

هاا صدك موش دكولن ماكوو تصوير قبل ورح ذاك جدي الماشافته عيني التكول اجسرها تجسر

عبن ابووي تزوج بتسعين ومصور فيديو العرسه ذاك اليوم جدده سواه قرص...

لا تخلوني هسه اشغله واطك اصبع بعرس امي..



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 17-06-19, 03:48 AM   #28

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



#البارت التاسع عشر

#رواية...انا هي جميع نساؤك

#بقلمي...سمو العراق


💔💔💔💔💔💔💔

ماصاحب خنيث ابوجها ميت لون .
ولا امشي وي صاحب يختل بظلة .
الصاحب كون يعرف قيمة الصحبان .
وبوكت الشديدة ايطيح الك كلة .
اذا بوكت النفاهة اتشوفة طيب ذات.
وبوكت الزعل بي ميت الف خلة .


الشرطه تعتذر وهو يسب ويغلط

المنذر بعصبيه وصياااح...كلاب حقراء والله الي يجيب هذا الموضوع علئ لسانه اكصه واعلكه بركبته

عمر لزمه وهمس...سيدي اهدئ مصار شئ

المنذر...يحجون بعرضي

عمر...اكطع لسانه اليحجي طلبت النسب منك يالنسيب....

المنذر اعتلت الصدمه ملامحه وفقد القدره علئ الكلام

مجان متوقع عمر يخطب اخته بعد الفضيحه الي صارت وبعد تلطيخ سمعتها بالطين...

المنذر بلع ريكه لا يمكن يقبل ان صديقه يتدمر بسبب اخته

رد بجمود...ما تقصر عمر بس مالك ذنب بلي صار انت من حقك تاخذ الإنسانه الي ترفع راسك بيها...

ماكوو داعي تشيل حمل مو حملك...

هي اختي وواجب عليه اشيل كوولشي تتعرض اله

ويكون بعلمك اختي مهما يكون مستحيل تعرف هذا المكان مشبوه وتدخله...

بس لحد الان هي متحجي غير موضوع واحد ماداخل عقلي ابببد....

ان عبالها مطعم وراحت هي وصديقاتها...

ولي مجاي اصدكه ان محد من صديقاتها اعتقلوها...

ولي احاسبها عليه ان اني موديها للمدرسه تدرس مو تروح تدور مطاعم وتطلع بدون علمنه....

ضربت حققت حجيت اجرمت بيها...

اضربها واكول هسه تموت بيدي بس غير هذا الموضوع محجت...

ويكون بعلمك رغم هذا الموضوع كارها بس طلبته
سوينالها فحص وطلعت محد متعدي علئ شرفها الحمد لله....

صح بصمة عار لحكتني من وراها بس تضل اختي

وصية ابوووي...اختي... الناس متهمني كثر ما اهلي يهموني...

وكلامهم يوم يومين شهر سنه لكن الله انطه نعمه النسيان وان شاء لله احاول اثبت برائتها وانسئ الموضوع....

مهما يكون البشر خطأ ويمكن ربي حاسبني بيها لان هواي جانت عندي علاقات بالبنات...

بس ورحمة ابوووي مغادر اي وحده ولا جابر وحده ولا مااخذ اي شئ بالحرام...

اني ماعندي بس اثنين اخوات جانن جواهر محد ماسهن مااعرف نيران شلون غلطت...

احس عقلي راح ينفجر والله ليل كله ما انام صار عندي اررق

اليحجي وياي مااسمعه ما هين عليه اشوف اختي بهيج حاله...

وارجع واكلك يا عمر اختي هي اختي ماارخصها مهما يكون...
عمر بجديه...واني ما رخصتها اني طالبها علئ سنة الله ورسوله...

لو انت متريد تناسبني ولا عاجبك نسبي

المنذر بضحكه مقهوره...ههه لا شلوون ما عاجبني النسب منك وينكطع والي الشرف والله...

ولو جنت متمني ازوجك بنتي المستقبليه...

عمر ببتسامه...هههه. الله محللي اربعه اتزوجها علئ عمتها ماكوو اشكال...

المنذر رفع حاجب...من هسه اكلك تطلعلك كرون واذا طلعت علئ امها اقره علئ روحك السلام

عمر....هههههههاي ليش شبيها امها الضاهر انت قاري علئ روحك السلام....

المنذر سحبه ومشه صعدوو بالسياره....

لا زوجتي من النوع الفطيره حيل بس بنفس الوقت
مرات تفاجئك بكلامها...

مرات تحسها مطفيه من الرئيسي ومرات تحس لسانها موس يجرح....

مرات تحسها طفله ما ناضجه ومرات تفاجئك تحسها عجوز بكلامها...

خجوله حييل خجلاها وهو سبب فطرتها

عمر...الله يحفضها ويرزقك بالذريه الصالحه

المنذر...اميين

المنذر باوع لاضافره بتركيز وبعدها باوع لعمر...

سحب نفس وتافئف

عمر...خيير شكوو

المنذر...شاك بفاروق اله اييد بنيران

عمر بااستغراب...يعني شلوون؟

المنذر...مااعرف بس كل الي اعرفه ان هو بالأمن ولي صار قبل فتره واندعمت منارس وصلني لراس الحقيقه...

احتمال يكون هو الي ضرب منارس ومو بعيده يكون خله وحده من البنات تورط نيران...

عمر...زين شنو الي يخلي هيج يسوي

المنذر...مره من المرات اخوو اسعد لزمو سكران ومتضارب ويه واحد وضاربه بسجين

طلب مني اتستر علئ الموضوع واطلعه لان وصل المركزي اول شئ...

عمر بتركييز....اي

المنذر سحب نفس...اني مطلعته مقبلت لان جان الولد المضروب متاذي وكتبت بي تقرير

وهو ثار عليه بوقتها اجه رائد بالجيش وانسجن اسعد تقريبا 8 اشهر...

والولد الي انضرب بسجين تنازل عن الدعوه بعد ما هدده فاروق...

جانوو يكولون هذا اخوو بالأمن العام وهو سكير وخريج سجون

لذلك اكول يمكن ردلي الصاع صاعين

ومو بس هييج جانت زوجتي محجوزه الخاله بس بعد ما اجتنه

عجبتني وهي البنيه انعجبت بيه...

نهيت عليها وكسرتهم بنهوه بس برضئ البنيه اكييد

وبيوم عرسي دكانه وثاب لان صارت القصه بين زوجتي واختها وجدي فره عليه...

مااعرف كلشي جاي،يشككني،بيهم...

عمر...لازم يكون عدنه دليل ضدهم وما اتوقع فاروق يكون هو ضحك علئ نيران

يجوز واحد غيره لان مو لهلدرجه حمار

المنذر بعصبية...هو اكوو حماره غيير اختي

ان شاء لله نتناقش ونحقق اني وياك بهذا الموضوع بس خلي اربط كل الخيوط

عمر ...ان شاء لله..

......................

منارس

كالعاده كاعده من الصبح تنضيف وتعزيل عمتي راحت للسوك واجت نضفت الثلاجه وحطيت بيها المسواك بعد ما غسلته وحطيته بسلات...

نيران بغرفتها لا تطلع ولا تمشي بس للحمام وجهه لحد الان مرم وتبجي

انه اسوي الها الاكل واحطنه كدامها بس شنهي،لا احجي وياها ولا اسالها

عبن اخاف تعيط بيه...

ومؤيد يطب ويطلع ويكول المنذر ليش كتل نيران

انه جاوبته موش طلعت ساقطه

كال بصدمه ...شنووو

جاوبته...اي ساقطه بكل الدروس والمنذر يكول ليش ما تقره اكتلها

كال...خوفتيني عبالي مدري شكوو بعدين كولي راسبه شنو ساقطه

عمتي حجت بجمود كالت...لا مثل ما كتلك رايحه سفرة وياه صديقاتها ولاكفها المنذر وضربها

مؤيد...متقنعيني شنو سفره واذا. راحت سفره ترئ عادي دائما يرحون سفرات

عمتي...مو مكلتله وهو ضاج وتخبل

مؤيد...بس مو هيج يكتلها خطيييه

ابو المنذر بهدوء...بعد اخووك وانت تعرفه

انه خليت ورحت صعدت فوك اشوي سمج....

هليام لا قرايه ولا كتابه وام طالب كلساع تخابرني

دكول عدنه امتحان وعدنه امتحان وراح تسقطين...

وكالت..بالرياضيات ساقطه ماخذه اربعه

انه غلست ماراح اكول النذري عبن اريد ابين شاطره

بس سعديه ما تضم سالفه بس لا تفضحني كدامه

وروح ابووي اطك وامووت من الفشله...

والله احتاريت عمتي دكول بطلي ونذري يكول ضلي وطيروو واهسي...

ضليت كاعده فووك انتظر السمج ينشوي

حفيظه مدت راسها كالت....البارحه شنو هذا الصريخ المنذر كتلج

اي اني كلت ما تتراهمين انتي وياه ينرادله وحده واعيه ومثقفه مثلي...

ضحكت كلتلها...جااا يالمثقفه يكول المنذر كلج خلگ سستر

وبمستشفئ الولاده...

لو دكتوره شسويتي

كالت بعصبية...دكتوره وغصبن عليييج

ضحكت ...خووش لا تزعلين من اصيرن دكتوره صيري سكرتيره عندي وامشيلج راتب زين خووش

بس كون شنهي اريدنج اول مااوصل تشيلين جنطتي تمسحين المكتب...

عبن انه دكتوره موش سستر...

غمضت عيوني بحالميه وابتسامه...اجي اطكن بكعبي

والبس مثل تنورة روجين ام سيقان وحلن شعري

وروح ابوووي الاسد يتخربط

ضحكت حفيظه....هههههههههههههعع خايبه وينج وين الدكتوره فراشه ماا اخليج

ضحكت...اي صدك نذري يكول انتي فراشتي وخدودج عسل

هي دخنت كالت...يلوگ لام شلوگ لبس الدندشه

مشيت بدلع ورحت شفت السمجات استون اخذتهن ونزلت ...

عفتها تحجي الوحدها....ونزلت..

لكيت نذري جاي من الدوام عمتي كالت دخل للغرفه

رحت وراه لكيته بالحمام...

دكيت الباب كال...ادخلي

انه انصدمت صدك ما يستحي جاا بالله طلعت امه اخته شلون يكول ادخلي...

جاوبته...شنهي ادخلي منهو ميكول انه امك اختك

صاح بصوت ضاحك...عطرج تارس غرفتي اميزج من الف عطر ادخلي ادخلي

ابتسمت بخجل جاوبته...الحمد لله رجعت تضحك موش مثل ذيج الايام

يالله اطلع اصبلك غده

كال...مااريد

انه خليت وطلعت اعرفنه يطلع بالمنشفه ويخجلني عاد انهزم منا لمن يبدل

صبيت غده الهم...وكملت

رحت للغرفه لكيته نايم سوده بوجهي...

موش رجال يكتل صدك زلمه عبنه ضخم بس مرتب

موش مثل باقي الزلم لو مهلس لو مكورش...

انه هييج عااصفه من وسط العراق يممماي احبنه

تمددت يمه شلت ايده ونمت يمه

هو سحبني حيل وحضني وسكت

بعدها همس كال...منارس مختنك

رفعت نفسي وبسته بخده...انعل ابو الخنكه التوصل لركبتك

وروح ابووي كوون الخنگه مره اله اجسرها تجسر

ضحك بصوت عالي وحضني حييل حسيت اضلاعي تكسرت

بعدها همس...تحبيني

جاوبته بصدمه...تشك بمحبتي الك

هز راسه بلا

جاوبته...جاااا ليش تسأل

كال...اذا لا سامح الله صار شئ وفترقنه هم تنسيني

انه عبالك موش كال هيج عبالك طعني بسجين

جاوبته بدموع وخنكه...شوووف ينذري انه موش مثل اي بت انه عشكتك

مستحيل انكشف علئ غيررك لو تطلكني ونفترك وكلشي يصير لا تتوقع انه انساك واعوفنك

عبن انت سباح الگلب

اشرت علئ نفسي...انت روحي التصعد وتنزل

انت معلگ بكلبي....

انه من امشي بطريق اسدن عيوني عبن مااريد اشوفن غيييرك...

ما اكدر اتخيل روحي بدونك

ضحك وحضني كال...واني ما راح اعووفج

تنهدت ..نذري انه قررت اخطب نيران لاخوي عابد عبن اريدن اكص لسان كل واحد يجيب سيرتك بالعاطل....

ابتسم بهدوء كال...والله تشرفيني انتي واخووج بس

حطيت ايدي كدامه...ياله لا تحجي انه اقنعنه واخلي يخليها تكمل دراسه وهو ما يحجي عبن حيل فقير

كال...مو هيج بس عمر خطبها وانطيتها الها

تفاجئت صديقه خطبها وبنفس الوكت فرحت الحمد لله

المهم المنذر ما يضووج...

جاوبته...مبروووك

هو سحبني صرت جواه باسني بخدي وتجرء اكثر

بس ما تقرب مني عبن تعبان...

بس فتح شعري ضل يمسح عليه وهمس ...شعرج نقطة ضعفي...

ضحكت وهمست...انت كلك نقطة ضعفي

حضني ورفع وجهي كال...خو ما بعدها ضربتي تاذيج

ابتسمت...ياله اصلا ما توجع

هو رفع حواجبه كال...ياا متوجع غير راحت روحي وياج

من شفتج تبجين

جاوبته ..ما استاهلها موو ....اي والله كوون بروجين عبن تووجع...

عضني بخدي ورجع حضني كال...بكلهم ولا بيج

ضلينه علئ هل حال احسه موش رجلي احسه صديقي اخووي ابووي...

كلش حلوو اسلوبه وياي رغم تعبانه بالشغل وكل البيت عليه...

بس من اشوفن عيونه انسه كل تعبي ..

عبن هوو الروح والريه...

غفيت بحضنه ملجئ سعادتي وفرحتي احببنه....

.................................

نيران

جسمي مااكدر اشيله صار خمسة ايام على هاي الحاله اون من الوجع...

محد معترف بيه حتئ امي مقاطعتني والباب مقفول عليه...

خلف الله علئ منارس تجيبلي لكمه

ولو هي سبب بكوولشي

اي هي السبب لو ما تزوجها اخوويه ما عرفت فاروق ولا صار الي صار...

كرهتها فوك كرهي الها...

من لفت علينه بس المشاكل رجلها فكر....

رغم هي تجي ودكولي... اكلي وسوده عليه بس اكره نظرة الشفقه الي بعيونها...

مااحب نظراتها تقززني...

البارحه بالغده جانو كلهم ملتمين رحت وكفت بباب الاستقبال...

بس رفع رأسه المنذر وشافني تخبل وعاط بيه وطردني...

ردت بس احجي وياه فلش السفره تفلش...

امي خلت وطردتني كالت ...اطلعي تردين تموتيني

طلعت ودمعتي بعيني...

ومن البارحه لليوم مطالعه لحد الان

بس منارس تدخل عليه صارت الساعه تسعه باليل وماكووو.....

شويه واندك الباب ودخلت...

اجت كعدت يمي

منارس ببتسامه...كومي اخوج المنذر يريدج

نيران لزمت ادين منارس بتوسل...شيريد والله تعبت مابيه حييل ضربه بعد

منارس...ياا سوده عليه لا تخافين انه اوكف بوجهه حتئ لو يطكني مااخليج الوحدج

نيران ببكاء...زين شيريد؟

منارس بضحكه...لا تخافين ماكو شئ وانه وياج امشي

رحنه انه وياها وهي خطيه تطكطك من الخووف

وصلنه الغرفتي

فتحت الباب هو جان يدخن ولابس بس الفانيلا التعلاكه...

باوع عليها ورجع راسه...

انه اجيت كعدت يمه لزمت ايده همست بحنيه...فدوه اروحلك نذري علئ كيفك وياها

هو باوعلي بحده وهمس ...مالج شغل لا تتدخلين
وروحي برره انتظري...

انصدمت شماله شجاه ليش هيج يتصرف كدام اخته

باوعت عليها بفشله وخليت وطلعت هي لزمت ايدي خايفه خطيه...

بس اني تركتها هي واخوها اخاف اضلن ويدوس ببطنه...

خليت وطلعت ضليت كاعده بالحديقه بيومها حيل اختنكت...

ماادري شنهي صار بيه حسيت بغربه اريدن اهلي امي واخووي صار شكد ما شايفتهم...

الغربه تكتل من نذري يصيح بوجهي احسن بوحده موش طبيعيه ...

حاسه بغربه ووحده اتمنئ الاكي غرومه واشكيلها همي...

ماكوو واحد اشكيله غير ربي...

حتئ المنذر مااشكيله عبن اخاف يكول نكديه وتحب الشكوئ...

والشكوئ لغير الله مذله....

الله يحل مشاكلهم ويرزقني بالذريه الصالحه

اريدن اروحن الزهوره عبن هي اختي فدوه الطولها شكد احبها..

احلئ من خطيبة مؤيد ام عطوب بس هي حظوظ..

ضليت كاعده ساعه ابجي ساعه اصبر روحي وضليت تقريبا ساعه علئ هل حطه.....

خليت ورحت الغرفتي
.........................
نيران..

جنت واكفه اطكطك من الخووف راح يعيد عليه نفس السالفه ومن ما اجاوبه يلزمني يكطعني تكطع.

سحب نفس وزفره كال...مراح تحجين موو

نزلت راسي محجيت بس دموعي تنزل

هز راسه بوعيد ....مثل متردين بس والله لاشمرج شمرة الجلب...

مسحت دموعي ومحجيت

هو كال...حقييره حرامات التربيه بيييج والله والله واحد غيري طمج من زمان يا عااار

بس اني حاط عيون امي وابووي بين عيوني اله اني من زمان كاتلج...

وكف وتقرب مني واني رجعت خطوات كبيره كال...شلووون ترحين لهيج مكان مشبوه

جاوبته بخووف...مااعرف عبالي مطعم

ماحسيت غير براشدي قوووي افقدني السمع

صاح بعصبية...فووك قهرها تجذب لج هاي سوالفج ما تمشينها عليه مفهووم احجي لا ادفنج...

شهكت وما رديت عليه

لزم شعري حيييل صرخت

هو كال...اذا صحتي انعل اليوم الصرتي بي

ضليت ارجف وابجي واتوسل بي هو يغلط ويضرب

ودخلت منارس حسيت اجاني الفرج الحمد لله

هو صاح بيها كلها ...مو كتلج اطلعي برره

انه اجيته وكفت بوجه كتله...شنهي مالك رداد ما مليت كلساع وكتلت البنيه

ترئ لا عدها عضلات ولا عدها جبروتك

ارحمها شوويه

هو شد علئ شفايفه بعصبيه ولزمني من عنقي من وره حييل حسيت اصابعه سجاجين نبتت بعنقي

كال بعصبية...لسانج طولان وتتجاوزين وهذا التدخل الزايد عن حده كوولش معاجبني...

باوعت بعيونه بخووف شبي عليه اليوم مساع شحلاته....

ابو النسوان يمكن الحبايب ما مغازلاته ويطلع خبالاته بيه...

بلعت ريكي وهمست...انه اعتذر بس خطيه

كال بحده...مالج شغل لا تتدخلين اتخبل من المره التتدخل بشئ ما يعنيها....

هزيت راسي بأي وخرت ايده وطلعت برره رجعت للبجي....

مااحبنه ولا اريدنه وبعد لا اهتم اله ولا احبنه هو موش ذاك الحبيته الاسد

هذا وحش...

قررت انام بالحديقه صدك بارده وبيها مطر بس اريدن اتمرض بلكي ضميره بانبه...

نيران من طلعت منارس ردت اطلع وراها هو صاح ...اوكفي

باوعت عليه بخوف ورعب...هااا

كال...الخميس هذا خطبتج انطيتج العمر متستاهلينه

انصدمت لا مو معقوله عمر خطبني عمر

ياربي رحمتك مالي غييرك اخاف يضل يعير بيه ويستهزء بيه

بس والله انغدرت...ونهنت وتعلمت من أخطاءي..

والله كرهت الزواج وكل شئ يخص جنس ادم حقراء

شلون اقاربي وخاني ودمرني الله لا يوفقه...

اذا حجيت تصير كاتل ومكتول وتصير حمام دم

سكتت بس دعائي عليه ما سكت كل لحظه وثانيه ادعي واتحسب عليه الله لا يوفقه حقير

هزيت راسي باي وطلعت وابجي حييل

ميخالف اتزوج عمر بس اخلص من نظرات اهلي الحاقده اليه.....

ثاني يوم لكيت الخبر طاش وامي مكيفه على عمر وفعلا حسيت نفسي عار ولازم الخلاص مني

الحمد لله على كل حال

بعد مرور اسبووع.....

نيران ..

كاعده على التخم ..ودمعتي بطرف عيني

اليوم الخطبه مالتي الشخص اني حتى ماعرف

كل الي أعرفه عنه انو هو صديق اخوي

لله لا يوفقك فاروق على هل عمله .. خليتني وحده مو زينه بنظر أهلي وانجبرت على زواج اني ماريده..

أحلامي جانت كولش زغيره بس عرس مثل الناس
وانزف لشخص احبه وقلبي رايده ..

نزلت دمعتي على خدي مسحتها بظهر أيدي ..

اجتي اختي كعدت يمي وخلت ايدها على شعري القصير ..

جنت مشسوره شعري ومخليه مكياج خفيف ..

ولابسه فستان وردي ..حتى مانتبهت علي اختي جابته إليه لأن انحرمت من الطلعة بعد .. حتى عتبة الباب
ممنوع اخطيها .. اختي ابتسمت بوجهي وبقت تسولف وياي وبس تريد تضحكني وإني ولا الي نفس بشي ..

لمحت منذر واكف بالباب رجف كل جسمي واتذكرت كل ضربه منه ولما كص شعري ..

لزمت أيد اختي بقوه ودمعت عيوني هو دار وجهه وطلع ..

حتى مباوع بوجهي .. اشوي واجوي أهل عمر

أمه اجتي بوستني وهيا تبتسم ..

بقت تصفك وتركص بعدين لبست جادر الصلاه لأن

راح يجي السيد يعقد النه دخل السيد وبعده

عمر ومنذر هم عقد النه وطلعو بقه بس عمر كاعد يمي اختي نزعت الجادر مني ..

أم عمر جابت الذهب وخلته كدام عمر وكالت

-يلا يمه لبس مرتك الذهب ..

هو شال الكلاده مال ذهب وحتى مباوع بوجهي

بس لبسني ياها ودار وجهه واجه يلبسني التراجي

حاول ومكدر انطاها الامه وكال

-انتي لبسيها ماعرف بهل سوالف ..

دار وجهه للجهة الثانيه وطول الحفله هو مقلدلي وكل اشوي ايريد يطلع وأمه متقبل ..

اخير شي ضاج وطلع .. أمه مقبلت على تصرفه

اشوي وراحو اني رحت للغرفه مالتي آخذت ملابسي

ودخلت للحمام سبحت وطلعت ..

وكفت كدام المرايه مالتي انتبهت على نفسي

ضعفانه كولش ووجهي شاحب صايره جثة

بدون روح .. نزلت دمعتي وأخذت مسارها على خدي

خليت أيدي على وجهي وشهكت بصوت عالي

كله بسبب فاروق الحقير لله ياخذك يا كلب

شلت أيدي من وجهي وإني اباوع على نفسي بالمرايه

لا مو بسببه كله بسببي اني صوجي اشلون اامن بشخص ماصارلي اشهر ويا واعرفه

لله لا يوفقني كله بسببي كله بسببي كعدت على الارض وإني اندب حضي وقدري

الي عرفني بالكلب فاروق وخله قلبي يرف اله ..

..............

اليوم طلعت كلش حلوه حلوه عبن لبست فستان كصير احمر وانه بيضه طلعت الجن...

وفتحت شعري طويل وسرح واشكر

جنت اتمنه اركص بس مااعرف مثل لبنات

بس مثل جدتي اعرف مال خايب هووي خايب هوي

كعدت وسكتت خاف بنات بغداد يعيبن عليه

اجت خطيبة مؤيد واختها بشرئ...

شافت المنذر يعلج هو دائما لو ياكل هيل لو علج حييل نازك بهاي الشغلات

جان دكول لاختها تمنيت روحي علج ويعلجني بحلكه

يمممماي تخبلت بشيره العووبه هيج تباوعله

هاله سحبتني وضلت تركص وانه اقلدها مااركص مثل جدتي...

وبعدين وزعنه شربت وكيك

وما انطيت لبشيره حتئ تعرف شلون تحط عينها علئ نذري...

بس انه عود شنهي زعلانه علئ منذر كلللش من اخر موقف وياه

رغم يتغزل بيه ومن يشوفني بالمطبخ يكرصني ويبوسني

وانه اتغله واتعيقل عليه عبن شنهي مااريدنه يفشلني كدام اهله

سمعت صاحبة حفيظه دكلها خايبه شوفي رجليها دكولين كيمر انوب هذا الدكاك زايدهن جمال

جاا مثل رجليج يحيحو جنهن رجلين عدنان درجال

هي تخبلت ضلت تغلط عليها...

وانه ضحكت...

خلصت الخطبه ورحت للغرفه...

هو جان متمدد علئ الجربايه شافني كعد كعده وعيونه مراقبتني

ما اهتميت اله

وكفت كدام المرايه لفيت شعري وما مقلده اله

رفعت رجلي انزع الحجل منها

وماا شوفنه اله هجم

يماااي من اجه يمي مووش رجال كاااارثه اسد اسسد
تقرب مني وسحبني انضربت بصدره حط انفه علئ ركبتي ويشم بيها

دفعته وانه اتدلع عليه...وخرر وخرر موش شفتني حلوه ما صدكت وروح ابوي شايله بخاطري علييك

اي والله كسرت خاطري

همس عند اذني برومانسيه...انطيبه عاد كوولشي ولا خاطرج

بلوعتله...اي انت مصلحجي بس تفكر بمصلحتك من هسه عجبتك تريدني والبارحه ما صالحتني

كال ...لا لا اكرص وابووس واعتذر وانتي ميبسه راسج

رديت عليه...موش حقي

همس ...عمي حقج بس والله الموضوع جان غاثني وانتي تجين بوقت غير مناسب تخليني انغث منج

رديت عليه...خوووش بعد لا احجي ولا اكولن ولا اتدخل...

حتئ مااكعد يمك واضلن بس اقره

هو ضحك وباسني بخدي وشفايفي همس...ويهون عليه زعلج كلها تزعل بس انتي لا احببج

خجلت من كلامه شالني واخذني للجربايه والحجل يرن...

همس...

تسكت عصافير السلف لمن يرن خلخالها...

نزل الفستان وباسني بجتفي وخدي وركبتي كل شويه افلت منه بس هو يرجعني...

ونزع قميصه....

وطردوني من الغرفه كالعاده...

............................

نيران مرت علئ خطبتي تقريبا اسبوعين وتحدد موعد زواج مؤيد

عمر لا يخابر ولا يجي ولا اي شئ عبالك غربه قبل احسن بهوايه يجي هسه لا ابد ميجي

اني بطلت

ولحد الان منذر ميحجي ويايه ولا عندي موقف وياه

وماما هماتين موقفها حااد

دخلت للاستقبال شفت منارس تصيح....

يلوو يلووو يلووو ومرض ما تجاوبون

بس لا تطلعين ام سيقان ام كراعين ان شاء لله كسر بسيقانج وتضلين مثل ناگة جدي لا هي للشمال ولا هي للجنوب....

دخلت كلتلها بجمود...خييير شكووو

منارس باانزعاج...ماادري ياهوو كلساع يخابر اكولن يلوو ما يكول هااا

كلتلها..ماشي روحي اني اتصرف

اول مطلعت اتصل التليفون الارضي

رفعت السماعه كلت... الوووو

رد عليه بخبث...الووو هلا بالعروووس هلا بسورها ونورها....

حبيبتي اريد منج خدمه صغيرونه لازم تسويها اليه اعرفج مترديلي طلب...

ضليت ارجف بقوووه الكلب الحقير رجع اتصل شيريد....

لا ياربي لااااااا......

نهاية البارت....يتبع

احب اشكر الكاتبه المبدعه سوسايتي لان ساعدتني بالبارت فدوه الكلبها...شلون بنيه اريد اخطبها لابني 😂



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 22-06-19, 03:12 AM   #29

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


#البارت العشرون

#رواية..انا هي جميع نساؤك

#بقلمي..سمو العراق


💔💔💔💔💔💔💔💔

قد علمتني حياة الكتابة أن أرتاب من الكلمات، فأكثرها شفافيةً غالبًا مايكون أكثر غدر.

...............................

رفعت السماعه كلت... الوووو

رد عليه بخبث...الووو هلا بالعروووس هلا بسورها ونورها....

حبيبتي اريد منج خدمه صغيرونه لازم تسويها اليه اعرفج مترديلي طلب...

ضليت ارجف بقوووه الكلب الحقير رجع اتصل شيريد....

لا ياربي لااااااا......

قفلته بسرررعه وشلته صعدت الغرفتي

قفلت الباب..وهو اتصل

اول ما رفعت السماعه اجاني صوته الي اكرهه...

رجع كال....افااا تسدين السماعه بوجهي ما ردتها منج بس يالله مقبوله تهونين نيراني...

تعصبت حيييل صرخت بوجهه....اكل تبن يا تبن شتريد

رد ببرود...اهدي علئ كيفج بعدج عروس مو زين الج العصبيه لو يروح يطكلج عرج وتموتين

جاوبته بقهر....ماتت روحك ولا طابت جروحك يا نذل ياحقير يا عاااار

ضحك بصوت مسموع وهمس...ماكوو غيرج عاار

ههه نسيتي روحج وين لكيناج

جاوبته بحده...انت اخذتني لهذا المكان واني من لحمك ودمك ان شاء لله تطلع بااخواتك

كال بااستهزاء...الحمد لله ماعندي اخووات

ولو عندي اخت مااخليها تكون عار مثلج وتتقشمر بكلمتين

تنفست بعصبيه....كلمتين يا نذل كلمتين يا زمال

كلامك وغرامك شهور وانت تضحك عليه بكلامك المعسول...

انت ابن عمة بابا هيج تسوي بيه لعد الغريب شيسوي

عندك ثار ويه اخوويه اني شدخلني...

والله اذا فتحت حلكي بكلمه اوديك وره الشمس

ساكته ومو الخاطرك الان مااعترف بيك بالطكاك

بس لخاطر اخواني واعرف حتصير مشاكل الها اول ما الها تالي....

كال بهدوء...كملتي

جاوبته...ما كملت ولا راح اكمل والله والله كل يوم ادعي عليك الله ياخذ حقي منك بس انت عار ميصير بيك شئ

لان العار ميموت

ضحك بصوت استفزازي

كال...كلامج مو مهم هسه عندي طلب

جاوبته بحده...ما انفذ اي طلب والطخ راسك بالحايط...

رد بخبث...لا تنفذين وانتي الممنونه وكولي فاروق ما كال....

جاوبته ...اكل تبن

فاروق بجمود...منارس ملك وثاب واخوج اخذها اعناد الامانه لازم ترجع لأصحابها وانتي الي ترجعيها

رديت عليه بعصبية...يا امانه يا بطيخ شبيك شارب

فاروق...اممم اتمنئ اعيد امجادي واشرب من طعم شفايفج

قرفني حييل الله يقرفه النذل

رجع رد...نرسل شريط فيديو حلوو ومرتب مناسبة خطبتج لعريس الغفله عمر

جاوبته...ارسل وانفضح شنو يعني

كال...لا مسوي تشويش علئ وجهي وجه خالي

جاوبته بصدمه...شنووو قصدك؟

ضحك...اممم اشياء بالامن ما تفهمين بس اكيد تنفعني وتضرج...

جاوبته...مجاي افهم شتحجي

رد بسخريه...اكييد متفهمين بس راح اطلع مثل الشعره من العجين وانتي يا مسكينه ترحين بالتراب لان ماعندج دليل ضدي

رديت عليه...وشتريد هسه

جاوب...منارس امانه ولازم ترجع لصاحبها وحتئ ابين الصلف ان المنذر ما كدر يحفظ لا شرف اخته ولا مرته...

تعصبت حييل فار دمي من كلامه رديت بقهر...منارس اشرف منك ومن الخلفوك

سوالف مو مال واحد شريف اهل الملاهي اخلاقهم تشرفك يا نجس...

ضحك كال...عمر سلمينه عليه وكليله اخذت وحده شفايفها عسل

سديت السماعه وتمنيت افلش التليفون...

ضاله بس اندب حظي وابجي متت مليت وانقهرت..

ساعة السوده..الي عرفت بيها فاروق وغدرني...

وهذا عمر حتئ مشايفته من الخطبه لحد الان

ما سالني كال شبيج من وياج منو مااذيج

ساكت ومصدك الصار...

..............................

اجه المنذر من الدوام

انه جنت محظره نفسي اروحن للمدرسه راح تجي الامتحانات وانه لا قرايه ولا كتابه...

صدك اكعد باليل اكتب اقوي خطي

واتهجئ واقره بس محتاجه معلمه تشرح شلون صارت هاي المسائل بالرياضيات...

اليوم نذري كال..حظري نفسج أخذنج

من شفته دخل للغرفه

فرحت مجرد ما يدخل للبيت انه احسن عيدت

شوفته احله من شوفة العييد

عبن هو العيييد احببنه اكثر من روحي...

باوعلي ضحك كال...سلام عليكم شبيج صافنه ما شايفه حلوين

ضحكت وفشلت بنفس الوكت...ياله انه وين شايفه هو بس ابن البدوي ضال يفتر عليه...

هو سحبني لصدره بعد ما رسم ابتسامه حلوه علئ شفايفه همس...معقوله ماكوو

دفنت راسي بصدره همست...وين اكوو كلهم جنهم بعران وجلحان ملحان...

موش حقي اصفن بوجهك غير جنك العيد...

هو رفع راسي وابتسم باسني بخدي

وبعدها باسني بطرف شفتي بهدوء وتعمق...

كال...حظري نفسج لا اتهور

ابتعدت بسرعه...ياله ياله لا تهور ترئ انت اتعب وتهلك الواحد

بس انه اخليك علئ راحتك وما اشتكي اكولن خطيه

ضحك كال...اني هالكج

جاوبته..يااا ما تدري برووحك انت اسسد اسسسد موش بس تهلك ياله تفترس همين

حضني حييل وهمس بذوبان ...شسوي اذا انتي هم مو لبوه لا قطه اليفه وتنوص عليه

مو زين ما جرمت بيج وخليتج تعرجين...

ابتسمت بخجل...يممممه موش رجال مجرم

جاا ما دكول مريتي خطيه مااجرم بيها...

هو رجع سحبني ومسح على شعري كال...اجرم بالعالم كلها وانتي مااجرم بيج

همست...تحبني

جر نفس كال...لا تشككين بمحبتي اني تركت هوايه امور الخاطر عيونج واحاول اسعدج بكلشي وان شاء لله اكدر

جاوبته...بس ليش انت ما جنت تحبني قبل ليش من تزوجنه شفتك ملهوف عليه

تنهد وابتسم كال...لان شفت الي ما شفته بغيرج انتي خلطه سحريه متنوعه

من فطاريه لحب وخجل وحنيه

بعد شريد وانتي كلهن لامتهن...اشوف حنيتج عليه من ارجع من الدوام وتتلكيني بلهفه وحب...

وتزيحين عني كل تعبي

فلازم اقدرج واحبج واصونج مثل ما انتي صنتيني وقدرتيني...

حسيت نفسي ما غلطت من نهيت عليج لان بصراحه عرفت انتي راح تكونين ام صالحه لأولادي...

يعني راح انام وراسي بارد لان امهم متقبل علئ الغلط

شريد اكثر من هييج

حضنته حييل كلامه يريحني وبلسم يداوي تعبي الله يحفظه ويخلي تاج علئ راسي ولأجل عيوني...

بعدها سحبته كتله ...يالله ادخل للحمام وانه اروحن اصبن غده للوادم...

واصبلك همين...

هو دخل للحمام وانه صبيت غده لعمتي ونيران ومؤيد...

وصبيت للمنذر وحده...بالغرفه...

دخلت الصينيه لكيته توه طالع من الحمام بالمنشفه غمضت عيوني...

بعدين فتحت عبن خفت اطيح وتكسر انه وصينيتي

خليتها كدام الطبله ليم القنفه وهو بسرعه بدل واجه كعد وسحبني يمه...

يوكلني وياكل شكد رومانسي

هو ليش كل ابو نسوان رومانسي فديته وفدنه النسوان احبببنه...

خلص سويتله جاي وشلت الصينيه غسلتهن ورجعت حظرت كتبي ولفيت حجابي...

وهو حظر نفسه اول مطلعنه عمتي صاحت...منارس تعالي اغسلي مواعين الغده

انه باوعت علئ المنذر بخيبة أمل...

وهو باوعلي بهدوء رد علئ امه...خلي نيران تغسلهن

هي طلعت من المطبخ باوعت علينه وهو سحبني وراح

ياربي هسه من ترجع تضل بس تحجي عليه عبن ما غسلتهن...

هسه نذري لو مخليني غاسلتهن...

وصلني للمدرسه نزلت اطاني فلوس ورحت اخذت كتبي بجنطتي...

دخلت واجن صاحباتي سلمن عليه وباسني...

خطيه فرحانات بيه

اجت صاحبتي ام طالب باستني كالت...همزين اجيتي اليوم مسويه عزيمه جايبه زوري وبصل اخضر وطرشي

وام سعدون جايبه خبز ولبن وندووس نتهورش يالله نرجع لبيوتنه..

ضحكت بصوت...ياله انه تغديت جاا كلتلي اجيبن وياي اكل يالله ان شاء لله علئ الجايات

ام سعدون...اي خووش

ام طالب...جااا شمالج ما تداومين ساقطه بالرياضيات ماخذه اربعه

وبالاسلاميه ساقطه ما خذه 3

انه تخبلت يا فشلة الفشله والعباس انه قاريتها السوره ليش مسقطتني...

انوب بالاسلاميه شنهي يربي من كفار قريش وسقط بالإسلاميه....

نذري لو يدري ساقطه يتخبل...

مااكله وان شاء لله اعدلهن...

شلون اصيرن دكتوره وانه درجاتي كلهن جوه الصفر درجت الحراره اعلئ منهن...

شسوي شوو المشاكل كايمه وعمتي بس تشوفني اكضن كتابي وكالت كوومي نضفي

والمنذر ومتطلباته شصير مكينه بس ان شاء لله اعدلهن....

دخلنه للصف والمعلمه تشرح وانه مركزه وياها...

وام طالب تعلج علج مر

المعلمه تگلها ذبي العلج وام طالب ما تقبل تكول تهورشت من البصل

خلصنه الدروس كلها وانه ضليت اكتب الدروس الفاتتني...

شويه واجه المنذر رحت ركبت بالسياره وام طالب وام سعدون يباوعن عليه واكوو بعد طالبات

رجعنه للبيت ماكوو روتين عادي...

انضف واكل وانام واهلي

حددوو عرس مؤيد وانه فرحت راح نغير جو شوويه

صار هذا الأسبوع....

واليوم كالوو عمر يجي يشوف نيران....

خطيه نيران متوتره وخايفه واحنه جنه كلنه ملتمين

شويه واندك الباب....

نيران...

المنذر كال اليوم عمر يجي هو واهله...

مااعرف شصار بيه اعتلتني رجفه مو طبيعيه ورهبه وخووف...

مجرد ماتذكر الي صار وعمر اول واحد جان موجود بالمركز وشافني....

احس بحقاره مو طبيعيه....

واحقد علئ نفسي حييل فاروق النذل دمرني وبعده ورايه

ردت استغل الفرصه واشوف اسلوب عمر اذا زين احجي اله عن الصار واخلي هو يأخذ حقي...

.اذا شفت اسلوبه جاف اسد الموضوع حاليا واشوف شنو اتصرف....

شوويه واندك الباب طلع المنذر ومؤيد

سمعتهم يكلوله تفضل اهلا وسهلا...

ضليت اتنفس بصعووبه وقلق...

شويه ودخل المؤيد كال...المنذر يكول تعاي اكعدي يم عمر

انه بسرعه عدلت وجهي وشديت شعري ولو هو قصير بس لفيته بماشات....

رحت وصلت يم الباب واني اطكطك طلع المنذر اصلا مباوع بوجهي...

تنهدت ودخلت باوعت علئ عمر كاعد علئ القنفه وعيونه بالأرض....

همست...السلام عليكم

رد بهدووء...وعليكم السلام

كعدت بعيده عنه علئ القنفه ولزمت اصابعي افرك بيهن...

وهو هادئ حيييل وما رفع عينه عليه

بعدها كال...شلونج

همست...تمام وانت

كال...من الله بخير

رديت عليه...ومن عباد الله

ضحك بهدوء وهمس...الله كريم تنحل مثل ما نعقدت تنحل

همست... شنو قصدك عليه

هز راسه كال...نيران اني احجي بصراحه كسرة المنذر هي الي خلتني اطلب ايدج

عضيت شفتي بقهر وهمست...حقك ما الومك

رجع كمل..بس يا نيران رغم كلشي اني مستحيل اهينج واجرحج

بس لا تطلبين مني اكثر من طاقتي...

وياريت تفتحين كلبج الي وتحجين الصار

همست...اذا حجيتلك تصدكني وما تسوي مشاكل

كال...اكييييد

بلعت ريكي...خوس انطيني مجال وبااقرب فرصه احجيلك

رد بهدوء...ان شاء لله وهذا الي اريده...

سكتت محجيت...

هو رجع كال...محتاجه شئ؟

جاوبته...لا ممحتاجه سلامتك

جر نفس وزفره همس...ان شاء لله خير لازم نحدد موعد للزواج...

اني حجيت ويه المنذر وكال وره عرس مؤيد

جاوبته...مثل متردوون...براحتكم..

همس بتردد....يكون حبيب خدعج بهيج لعبه طايح حضها...

احجي والله دماره علئ ايدي...

غمضت عيوني باسئ ياريت يكون غريب لخدعني مني وبيه....

اريد يكون الموضوع سري لان اني رحت برجلي اكيد راح تقوم القيامه...

ضليت متردده احجي او لا

اذا حجيت يمكن فاروق يفر السالفه عليه واعرفه واحد كلب وخبيث....

واذا سكتت راح ادمر زوجة اخويه واخوويه...

شويه واتصل التليفون

وكفت ردت ارفع السماعه بس عمر جان اسرع مني وسحبها...

رفع الخط..

والصوت جان طالع....بس حرحشه محجه اي شئ

عمر كال...الووو الووو الوو

بس مكان اكوو رد

قفل الخط بعصبيه كال...هذا منووو ؟

باوعتله بخوف وصدمه همست...مااعرف

مسح وجهه بتوتر كال....ديسمعني بس ما حجه وقفل السماعه بسرعه

احتمال يكون حبيبج...ليش احتمال لا اكيييد

يعني بعدكم بعدها سوالفج مخلصت...

اني تفاجئت قبل شويه جان زين وانطاني الامان وهسه تخبل ويحجي بعصبيه ويصهل...

نزلت راسي بقهر ماعندي اي كلام....

هو لزمني من زندي بعصبية وقربني عليه همس من بين أسنانه...بعدج وياه ما تبتي هسه دكولين منوو لو حق الله هسه اسحلج سحل....

باوعتله بصدمه وعصبيه رغم كوولشي ورغم اني غلطانه مااحب اي شخص يتجاوز عليه...

همست...مااعرفه

هز راسه بوعيد وصدره يصعد وينزل دليل على عصبيته كال...تعرفينه كلللش زين بس خايفه علئ حبيب الكلب خاف يحصل كم بوكس...

بللت شفايفي وروحي تغلي...بس سكتت محجيت...

رد حجه مره ثانيه كال....لهلدرجه تحبي...

باوعت عليه وبعيونه ركزت وهو جان مركز بعيوني

رجع كال...هم عندي حبيبه تسواج مدام انتي ما تنطين بواحد طايح حض

جاوبته بعصبيه...لعد افسخ الخطبه وروح لحبيبتك

ضحك بااستهزاء ورد عليه...تسووواج اكلج

دفعته بحقد...اكول للمنذر عليك

لزمني من شعري بس خفيف وسد حلكي انرعبت ضليت ارجف...

كال...اذا جبتي سيره لمنذر وحق الله ما يصيرلج خيير...

اني زوجج من حقي اعرف لصار

جاوبته ببكاء...بس مو من حقك تهيني...

جاوب بحده..لعد يتصل هذا النذل واني موجود ومن اكلج هو دكولين لا

جاوبته بعصبيه...ماعندي اي واحد انت مشتبه

عمر...انتي مو كلتي احجيلك احجي

نيران...صديقاتي كالوو هنا مطعم ورحت اكلت بي

عمر...جذااابه

نيران بعصبية...اي جذابه اني جذااابه شتردون مني خبلتوني...

اكرهكم ياريت اموت واخلص منكم...

عمر بهدوء سحبها لحضنه...اهدي لا تخافين كافي

نيران...اكرهك مااحبك

عمر بقهر...ادري بييج وما اطلب منج تحبيني...

ابتعدت عنه وطلعت بره عفته الوحده واني اجر ثياب القهر والخذلان

تعبت من حياتي خسرت كووولشي

ملييييت...الناس تتكاصب اني شلي دخل

صار بوجهي مؤيد كال...هاا شكوو؟

همست...عمر يريد يروح روح شووفه

هو باوع عليه بحيره وخله وراح لعمر..واني رحت لغرفتي...

نمت علء فراشي وشبعت بجي على حظي وحياتي
وعمر وفارق النذل

اني انغدرت وصرت لعبه بيدهم من وره منارس ومصايبها...

هي السبب بس دخلت كلبت حياتي رأسا على عقب

................................

محسوبه بنتك بالعشك دللني...

يوم حنة مؤيد...

جان بيتنه مخبوص....

وانه اركض وانضف...واشتغل بس امي وهاله وياي

فرحانه حييل عبن اهلي اجوو من العماره...

احلى شئ خطيه نذري خذاني شترالي ملابس من سوق العربي...

شترالي ثنين فساتين يجنن شحلاتهن

بس نذري احلة منهن....

خلصنه تنضيف وانه رحت سبحت وبدلت وحطتلي هاله مكياج...

جانت عباره عن بدله ذهبيه كصيره وكعب بيجي

شسورت شعري وحطيت مكياج....

جنت منتظره المنذر يشوفني ويغازلني احسنه يدللني موش يتغازل...

كلساع اباوع وينه يربي صرت جني وحده منتظره صاحبها يجي يشوفها وتحرك كلبه...

هو جان ملتهي بالعالم تروح وتجي موش بحالي.

بعدها دخل وانه فررحت...

يمااي دخل من الباب احسنه عاااااصفه

اسسسد اي والله اسسسد وانه احبنه...

شوو الاسد ما قلدلي

ولا چني الغزاله الي من يشوفها الأسد يفترسها...

حسيت روحي سحليه ونذري ما ياكل بس غزلان

مشيت باسئ وقهر شبيه ما يباوعلي...

دخلت للمطبخ وانه مقهووره حييل...بعد ولا احبنه لو ينط مااحبنه....

زاعلته ولا ارريده موش انه يخليني هييج مثل جدر تمن منكع....وما مغسول...

ضليت واكفه...هو دخل باوع عليه وابتسم....

انه عقدت حواجبي وكتفت اديه ودرت وجهي مااحجي وياه...

هو ضحك وتقرب مني حضني كلي بحضنه

حطيت اديه علئ صدره وهمست...مااريدنك ولا احبنك تشوفني وتدور وجهي

همس بحب...ردتج تلكين مكان قابل للافتراس واصيدج...

باوعتله بصدمه...لا والله نيتك موش صافيه

ضحك كال...بس ما اختاريتي مكان بي خير لو داخله للغرفه جان شتغلنه عدل

ضحكت وهمست...حظك موش حلوو

همس بصوت ناصي...حظي احلئ من انج تختارين مكان مناسب...حظي خلاج الي كلج...

شفتي حظي شكد حلووو

ابتسمت...انت وحظك كلك حلوو

هو باسني بعنف بشفايفي كطع باقي كلامي....

وانه بادلته بحب ورومانسيه ولا تمنيت تنتهي هاي اللحظه...

لو ما خوفي من الرايح والجاي...

ابتعد عني وعدل حمرتي بصبعه...

وبعدها باسني بخدي وطلع...

يممه يغرحتي ما تنوصف واديه ترجف رجف موش طبيعي...

من حبي اله اضلن ارعش بس يتقرب مني....

وكف بباب المطبخ وباوع عليه بحنان همس...طالعه كيكه عوزج بس اني...

ضحكت وغطيت وجهي بخجل...

ابو عيون جريئه اله يخجلني...

كال...لا تخجلين لا ارجع اكلج

ضحكت ورحت يمه بسته بخده وهو صفن من جرائتي اول مره

بس احببببببببببه...

طلعت شفت جدتي لابسه ثوب العروس احمر وتركص وتدك

جان ثوب عريض وجرجيت

ومكيفه جدتي ومؤيد يباوع عليها ويضحك

وخطيه زهوره تباوع عليهم حزينه ومتغيره صايره كلش موش حلووه...

اهلها ما يقبلون تلبس مثل لبنات ولا تمكيج

ونيران طالعه حلوه لابسه فستان اسود كصير وشعرها فاتحته مشسورته .مكياج...

وجنها نست الصار وتركص بس من تشوف منذر تنهزم....

بعدها رحنه لاهل العروووس

جانوا بمنطقه راقيه...

من دخلنه تفاجئنه بيهم لبسهم ما محتشم وصلوخ وشعرهن والركص وحلوات

بشرى جانت لابسه فستان لنص الفخذ

اول مدخلنه سالت نيران علئ منذر ونيران تضحك وياها

انه تخبلت اخلص من ام سيقان تطلعلي ام عطووب

ضلت تحووس اله تشوف نذري...

ومؤيد كعد يم مرته جانت جريئه وتضحك وتسولف وحتئ كامت ركصت...

جدتي كالت....شهل خفه اذا ضلت عد مؤيد هااي انه معتبه

و بشرئ جانت تتلزك بمؤيد ويتمضحكن...

موش بنات كاوليات...

خلصت الحنه ورجعنه....

جانوو مسوين حفله...من خلصت الحفله....

اجه وثاب وفاروق وكعدوو كلهم بالاستقبال وعمي ابو جاسم وجاسم واخووي عابد...

انه سويت الهم جااي وانطيته المؤيد

ونيران جانت تفتر بتوتر بالمطبخ خايفه مدري شبيها....

عفتهم ورحت يم جدتي...

.....................

جانوا كلهم ملتمين وكاعدين بالاستقبال...

جان وجود وثاب وفاروق مثل العلقم بحنجرة المنذر...

صلف تكلم بجديه...ان شاء لله من بعدي يصير الشيخ هو عمكم ابو جاسم...

المنذر ببتسامه...والنعم

وثاب بهدوء...من رخصة شيخ صلف بس مااعتقد ابو جاسم يعرف بااهل بغداد اكثر مني مع احترامي اله

انه اعرف بيهم وهمه يعرفوني انه هنا الشيخ شنهي الصار وتبدل حتئ ابو جاسم يصير شيخنا

صلف بحده...انه صلف وانه الي اقرر ولو اريد جاا خليت المنذر

لان تلوكله المشيخه وعقله شايخ

بس انه شاورته ورفض يكول كافي عليه شغلي وطلب يكون ابو جاسم هو الشيخ من بعدي

لان انه تعبت ومااكدر احلن بعض الامور...

وثاب...هااا جااا كول هييج المنذر هو مختار الشيخ

المنذر...ونعم من عمي ابو جاسم حكيم وفاهم وانسان حقاني يلوكله العگال...

ابو جاسم..ونعم منك عمي المنذر

فاروق باوع الخاله و وثاب باوعله بحده....

وثاب بخبث...ونعم منكم كلكم وسولنه طريق نريد نروح...

وان شاء لله يا مؤيد منك المال ومنها العيال....

وكفوا وطلعوو والمنذر وكف وياهم...

فاروق همس بخبث...يلوك الكم العكل اهل الشرف

المنذر صارن عيونه بكصته...

همه طلعوو...

والمنذر صاح علئ مؤيد وعمر بعصبيه واخذهم للحديقه...

وكفووا كدامه بأمر وطاعه...أمر

المنذر بعصبيه وغضب وحدددده....هسه ترحون تتلثمون واريد فاروق و وثاب تكسروهم تكسر اريد تكومون سنونهم بحلكم...

نهاية البارت...يتبع...

كونوا انتم كونوا بخير...احبكم 💔

نور سمو العراق...

اعتذر منكم حبيباتي واشكر كل الي دعا الي بالشفاء فعلا جنت محتاجه للدعاء

صحتي وصحت طفلي حييل تدهورت وفقدت الامل

لكن الحمد لله تعديت هاي الازمه بفضل ربي وفضلكم...

احبكم بحجم السماااااااااااااااااااء😍😍 😍😍



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 22-06-19, 10:03 AM   #30

bobosty2005

نجم روايتي

 
الصورة الرمزية bobosty2005

? العضوٌ??? » 345060
?  التسِجيلٌ » May 2015
? مشَارَ?اتْي » 1,798
?  نُقآطِيْ » bobosty2005 has a reputation beyond reputebobosty2005 has a reputation beyond reputebobosty2005 has a reputation beyond reputebobosty2005 has a reputation beyond reputebobosty2005 has a reputation beyond reputebobosty2005 has a reputation beyond reputebobosty2005 has a reputation beyond reputebobosty2005 has a reputation beyond reputebobosty2005 has a reputation beyond reputebobosty2005 has a reputation beyond reputebobosty2005 has a reputation beyond repute
افتراضي

رواية جميله تستحق المتابعة 🤗والكاتبه أسلوبها مميز ورائع 👍
اتمنى منارس تفهم من حولها جيداً 🙄 هى تربت فى مكان يختلف تماما عن حياتها الآن أعتقد أنها كانت محميه قبل دخولها إلى عالم المنذر 😏 لا أدرى هل ما فعله الجد من الحمايه الزائده والكثير من الممنوع كان صواب لأنه وضعها بمكان لا يلائم تربيتها يا ترى منارس ستتعلم بالطريقة الصعبه ام ستكونى رحيمه بها أما نيران😠 أظن أنها حاليا تحقد على منارس بسبب ما حدث فمن السهل أن تطيع فاروق فيما يريده ولكن أراها تحمل منارس ذنب بدون ذنب يعنى انت انسانه تصرفتى بطيش وقلة احترام لاهلك و كيف لفتاه أن تتحدث مع رجل ليس بينهم أى صلة شرعيه وتذهب معه لمكان غير معلوم و ترمى اللوم على غيرك لا يعجبنى تصرفاتها👎 تحملى نتيجة افعالك ولا تزيدى الأمور تعقيدا 😒 حتى والدتها أحس انها تعامل منارس كأنها خادمه وليست زوجة ابنها 😌و المنذر ما سيفعله سيزيد من غليان وثاب 🔥وربنا يستر من القادم 👈منارس بالمنتصف ولا تدرى 👉 هم بوادى وهى بوادى آخر هههههه اتمنى لك عزيزتى ولكل أحبائك دوام الصحه والعافيه بالتوفيق 👏


bobosty2005 غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 07:42 AM



Powered by vBulletin®
Copyright ©2000 - 2024, vBulletin Solutions, Inc.