آخر 10 مشاركات
عازب فى المزاد (143) للكاتبة : Jules Bennett .. كاملة مع الرابط (الكاتـب : nagwa_ahmed5 - )           »          ظل في قلبه (الكاتـب : نغم - )           »          ضلع قاصر *مميزة و مكتملة * (الكاتـب : أنشودة الندى - )           »          ليلة مصيرية (59) للكاتبة: ليندسي ارمسترونج... (كاملة) (الكاتـب : monny - )           »          المُحترَم البَرْبَريّ * مكتملة * (الكاتـب : منال سالم - )           »          حرب الضواري * مميزة ومكتملة * (الكاتـب : برستيج اردنية - )           »          بلسم جراحي (28) للكاتبة الرائعة: salmanlina *مميزة & مكتملة* (الكاتـب : Just Faith - )           »          صفقة مع الشيطان (145) للكاتبة: Lynne Graham (الفصل الأول) (الكاتـب : Gege86 - )           »          [تحميل]أنا مش مجنون أنا بس طالبة في كلية العلوم/للكاتبات ثلاثي أضواءالمسرح جميع الصيغ (الكاتـب : فيتامين سي - )           »          تسألينني عن المذاق ! (4) *مميزة و مكتملة*.. سلسلة قلوب تحكي (الكاتـب : كاردينيا73 - )


العودة   شبكة روايتي الثقافية > قسم الروايات > منتدى الروايات والقصص المنقولة

Like Tree37Likes

إضافة رد
 
LinkBack أدوات الموضوع انواع عرض الموضوع
قديم 10-05-19, 07:47 PM   #1

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ?ھہ » 12556
?  التسِجيلٌ » Jun 2008
? مشَارَ?اتْي » 33,889
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
Rewitysmile25 انا هي جميع نساؤك، للكاتبة/ نور سمو العراق "عراقية"






بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته
اعضاء روايتي الغالين نقدم لكم رواية

(( انا هي جميع نساؤك ))

للكاتبة/ نور سمو العرا



قراءة ممتعة للجميع ...





التعديل الأخير تم بواسطة فيتامين سي ; 12-05-19 الساعة 04:05 PM
فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 10-05-19, 07:50 PM   #2

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ?ھہ » 12556
?  التسِجيلٌ » Jun 2008
? مشَارَ?اتْي » 33,889
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي






البارت الاول.....

رواية...انا هي جميع نساؤك
بقلمي..نور سمو العراق
💔💔💔💔💔💔💔💔

لا تلوموني...

فقد مللت البقاااء.....

صوتي لا يصل...

وصراخي لم يسمعه احد...

انجدوني ...

ساعدوني...

فالدنيا قد اوقعت بي ...

في كهف مظلم...

في طريق لانهاية له...

انا هي،جميع نساؤك...ابتدئ اول حلقاتها وماتحمل من احزان وافراح ومسرات..تشتعل،داخلها المشاعر وتنطفئ...من الفائز ومن الخاسر ومن المجروح اترك الحكم اليكم احبتي المتابعين....

............ .........

جنت واكفه علئ شباك الفندق بالامام الكاظم عليه السلام...

صار يومين من وصلنه البغداد بعد مااجينه من العماره.. انه ومرة عمي ويانه مرسال من جدي وهو يطلب المساعده من حفيده الضابط

احنه كلشي،ما نندل ببغداد بس،من طلبنه ياخذونه للامام الكاظم عليه السلام بسرعه وصلونه الضريحه زرنه وحجزنه فندق وصار يومين ندور علئ ابن عمي بالعنوان الموجود بالمرسال...وماكوو..ندور ونرجع نبات بالفندق.

سحبت نفس قووي وين چنه وين صرنه...ماتت الحياة بعيني رغم صغر عمري..

الناس الاحبنهم محاصرهم ملك الموت...من غير الراحو...

اختنكت بعبرتي لمن تذكرتهم خليت اديه علئ شفايفي حتئ مرة عمي ما تسمع صوت نحيبي...

تؤم الروح اختي غروومه الحنينه بعد مااكدر اشوفنها ولا احضي بيها...

رجعت بذاكرتي من جنت گاعده انه وياها بالبستان
انسولف على احلامنه البسيطه

جنه كاعدين انه واختي غرام بالبستان والحلال ياكل بالعلف ....

باوعت عليها وابتسمت اختي التوم شحلاتها وچنها بوجهها تعكس صورتي لان انه وياها وجهين لصوره وحده...

گرابتنه اهل بغداد يشبهونه بممثله مصريه مااعرفن اسمها بس اتذكر اسمها فتحيه مدري ابوها اسمه فتحي..

ناويه بس اروحن البغداد اشوفنها بتلفزيونهم عبن احنه ناس عرب وماعدنه تلفزيونات...ولو حلم انه اروح البغداد...

انتبهت الصوت غرام من حجت..خيبه شمالج مبلمه بوجهي شنهي ما شايفه حلوات..

هزيت ايدي ولويت شفايفي ما راضيه بكلامها.. خييبه منيلج حلووه...چنج ذيج الصخله الشاميه...واشرت علئ الصخله

غرام حطت ايدها علئ صدرها بصدمه وگالت...يااا انه اشبه الصخله الشاميه صدگ ماتستحين وچا اذا الصخله تشبهني هم تشبهج لان انه وياج حبايه ومفشوگه ولا تنسين احنه تووم

جاوبتها واني اعفس ملامحي...عله بگلبج چااا انتي اله تلزگين وتجين وياي حتئ ببطن امي مارتاحيت منج كاعده علئ گلبي...

كالت...مو صوجي صوج ابوج وامج...

ضحكت عليها وكلتلها بغرور...بس انه احله منج بهواي..

كالت وهي توكف وتنكت ملابسها...لا احله ولا شي ثنينه نتشابه اصلا انتي لو ما دگيتي برجلج هلال وگمر حتئ امي ماتعرفج ولا تميزج مني...

حطيت ايدي علئ چتفي وانه افركه تذكرت جدي من دكيت وطاحلي بعصاته سواني خبز عروك. كلتلها...خايبه لا تذكريني لحد هسه ما انسئ عصاة جدي...

كالت وهي تنش الغنم وتضحك...جااا اكوو وحده عمرها 15 سنه وبعدها ما متزوجه تروح تدگ دگاگ على رجلها حتئ شباب السلف يباوعون عليج ادري بيج...والله لو جدي كاتلچ بمگوار محد يلومه...

كلتلها بعاند...اول وتالي ادگن ... وبعدين جدي ليش صايبته غيره چي احلئ من جدتي ؟

باوعتلي متفاجئ وتضحك ...انت احله من جدتي ولج جدتي من حسنها وحلاتها جدي سماها حمامه...

ضحكت كلتلها...وانه طالعه علئ هل حمامه..

ضحكتك وكالت...وان شاء لله تلگيلج صگر يصيدج

كتلتها واني احلم بفارس الأحلام...انه اريدنه صاحب چلمه واريدنه مشاعره متوجره..وكون يسمع اغاني ويسمعني چلمات جريئه...

ضحكت كالت...شنهي الكلمات الجريئة؟

ضحكت بخجل ونزلت راسي..يعني يگلي احبنج اموتن عليج انتي كل هلي

ضحكت هم خجلانه كالت..يمه منج ماتستحين اي وبعد كملي شتردينه؟

كلتلها...اريدنه كوون ممثل لو فنان وكون بنات السلف كلها تركض وراه....

غرام بس تضحك كالت...اي وبعد وبعد

كلتلها...وكون من يطلع بالتلفزيون ويسألونه شنهي رأي معجباتك بيك..

يكلهم. ويرد عليهم..هو اكوو معجبات جدام حسن حبيبتي

كملت ضحكتها وشالت الصخله بيدها كالت ...اي ولج شوقتيني كملي...

كلتلها...واريدنه ذكي وفطن ويفشل كل مخطاطتي الرعونيه...من اريد اغورنه...

واريدنه افتخر بي واگول بيني وبين نفسي وجدام الكل...

انا كل نسووانه.....

غرام غمتها بثنين اديها...انهجم بيتج ان شاء لله على هل لفح ...شنهي ليكون انتي بت المعيدي وانه ماادري...

منارس...جااا شنهي بت المعيدي احله مني امداني

غرام...اي والله امداج..خلي اروح اعلف الهوش لا جدي يجيني...

منارس...اكلج غرام صدك شيخ وثاب جاي الديوان جدي

غرام بااستغراب..ياهوو الگلج؟

منارس..اخووي زاهد هو اجه وكال شيخ وثاب اجه الديوان جدي بسيارته من بغداد

غرام بضحكه..هله هله اجه حبيب الگلب

حسيت گبيت نار من گالت حبيب الگلب عطت بوجهه بعصبيه...خاااب،هي لا دكولين حبيب الكلب انه مااحبنه بس جدي لازكلي،بي

غرام ...اي منارس لا تنسين عبن جدي ربطج بي من جنتي صغيره وانتي اله ماتصيرين الغيره

منارس بعصبية...شنهي انه هايشه وربطني بي،انه مااريدنه اتزوجي انتي

غرام بنص عين...وليش ماتردينه

منارس باارتباك...هييج من الله مااحبنه. وبعدين كلهم يكولون عليه صاير شيخ معينه جدي علئ گرابتنه ببغداد وضال يتعيقل ويتعنقر عليهم وفاتح مضيف

غرام...اي چااا هاي،من الزينات..وتره هو هم حلو

منارس..انه اصلا ما شايفته انه من حقي اختار الشخص الاتزوجه..مو بكيفهم يربطوني من انه صغيره بأي واحد

غرام..خاب دروحي العووبه صحلها رجل صارت تحجي مثل اهل بغداد وتتعيقل علينه..

درت وجهي وعفتها تحجي لوحدها..

وهي،اخذت نشت الحلال وراحت تسرح بيهن ..

انه وكفت ورحت ناحيه الشط...جنت لابسه جواريب نزعتهن ولابسه بجامه جوه ملابسي،رفعتها لحد الساق...

فتحت شيلتي،واحس الهواء البارد لفح رگبتي...

دخلت رجليه بمي الشط احس برودته وصلت لعضامي..غمضت عيوني وفتحت. اديه وجريت نفس طوويل...

حسيت بوجود شخص،ثاني شاركني التنفس

فتحت عيوني انصدمت من شفت ذاك الشاب،الي مركز بنظره علئ،رجليه...

نزلت ثوبي بسررعه وخجل ونظراتي مركزه عليه اما هو انتقل بعيونه من رجليه لعيوني .

بعد ما رسم ابتسامه خبيثه علئ شفايفه...

جان لابس دشداشه لونه صحرواي وغتره ابيض واحمر ولازم سبحه من العقيق الاصلي.

بلعت ريگي،من نضراته وعيونه..

جان طووويل حييييل وجسمه جثل...لحيته بي چم شيبه مطشره..

نظراته حييل جريئه ومانزل عينه اببد اني،طبيعي كأي بنيه كسرت نضراتي،ونزلت راسي ولفيت شيلتي..

تقرب اكثر مني واني ضليت بمكاني همس بهدوء وبرود...هلال ونجمه

رفعت عيوني بصدمه وهمست...شتقصد:؟

ضحك وكمل..عجبني الدكاك البرجلج انتي ياهي المحجوزه اليه لو اختها...

نزلت راسي.. لا انه انه انه

كمل بثقه...انتي منارس لو غرام

رديت بسرعه. انه غرام المحجوزه الك

ضحك بثقل..حتئ،لو منارس المحجوزه الي انتي عجبتيني،يا غرام

ضليت ارجف من كلامه وخليت وشلت جواريبي ولبست قبقابي « نعالي » ومشيت من جدامه

هو ضحك بصوت عالي علئ،خجلي وكال بصوت مسموع.. ماعرفتج عن نفسي انه شيخ وثاب،لازم فخذ جبير من اهلج وعمامج ببغداد

درت وجهي،عليه ورديت بسخريه.. ماكوو شيخ بعد جدي،واذا انت شيخ فعله نفسك مو علينه لان احنه شيخنه هو جدي

ضحك وصفك ايده ...ههههه افااا هذا كلام دكولينه الرجلج وتاج راسج وجبيركم بعد جدج

رديت عليه...عمر جدي طويل ان شاء لله ويعيش بكد تراب ابووك الله يرحمه

كال.. اااه لسانج سليط يبنت ابووج جدج هو جدي وجبيرج انه عايش،من خييره لا تضنين مااحبنه بس من هسه جاي اكلج انتي مرت شييخ ال....وراح تصيرين شيخه على الكل.

تركته ومشيت ما حبيت حجيه يحجي بس بالشيوخ والتكبر والتفاخر...

بس،احسن شئ سويته گتله انه غرام ههههههههههه هسه يلزك بغرام ويعوفني...

اي مااحبنه مااعرفن ليش..الزواج مثل الاكله اذا ماتحبين تاكلينها محد يكدر يجبرج عليها.

زين انه ليش مااريدن اتزوجه؟

رجعت جاوبت نفسي..لان انه اكره الزواج شنهي تعاي لازم تگابلينه اربعه وعشرين ساعه وهو كل شويه يبوسج ييييع لعبان نفس..

ضليت اتلفت واني اخاف واحد يسمعني ويشاركني افكاري جدتي وجدي وامي واخوتي لو يدرون هذا تفكيري وصخ وجايف هييج جاا من زمان غسلو عارهم...

يمه اسم لله خليني اروحن لگن الدجاج اوكلنه واشربه ماي لاجدي يجي يكتلني..

رحت الگن الدجاج ودخلت بين الدجاجات اخذت السله وصرت الگط البيض وانتقل بينهن...

رجعت من ذاكرتي و دموعي على خدي شكد جانت الحياة حلووه بعيني ومريحه..

بس اليوم احس عايشه برعب وانه تاركه اهلي واخوتي واولاد عمي محترگين حرگ

غرام لمن اتذكرتهه ماكدرت اكتم عبرتي وصرخاتي

بجيت بصووت عالي وضليت اضرب علئ وجهي وانه انعيها..غرومه سوده بوجهي غررام انه وياج توم متشابهين بكلشي ليش بهذا الشئ ما تشابهنه

فزت مرة عمي بسرعه اجت حضنتني،من وره وهمست بصوت حنون...عمه يمنارس ادعيلهم لا تسوين هييج انه ابني،مو هم وياهم جاا شسوي،اعترض علئ،امر رب العالمين هذا امر ربنا ومابيدنا حيله...ولا اعتراض علئ امره...

درت وجهي عليه واحس العبره تاكل بصدري شهكت شهكه احسها كطعت شرايين كلبي وهمست باانكسار..اختي غرومه؟

جرت نفس عميق ومسحت دموعي...غرام ماي،وتبده ورقتها طاحت الله يعين جدج علئ ماابتلاه..

رديت بعصبية ...بس هو السبب

باوعتلي بحده وعصرت اكتافي..اسكتي هذا الحجي عيب جدج جبير عشيره والصار انتي عارفته غرام انتهت علينه بخوتج والباقين لازم اندور علئ ولد عمج الضابط ونوديله مرسال جدج ونطلب منه المساعده..

جانت الورقه بيدي رفعتها ماعرفت اقراها جنت اتمنئ اقره واكتب بس مع الاسف انه ما داخله مدرسه وحلمي ادرس..

نزلت الورقه وهزيت راسي بأي...

كالت...هاي صار يومين وانه وياج ماخلينه مچان يعتب علينه مارحنه اله حتئ،نلگه المنذر احنه تيهنه الطريق وبغداد جبيره..

منارس..وهسه شلوون

ام جاسم...خلينه نروح للمركز اليشتغل بي

منارس..جااا وين نعرفه..وبعدين انه اخافن من الشرطه اضلن ارعش وانتي تعرفيني شلون من اشوفن شرطي بالشارع شلون اغمض عيوني..جاا شلون تردين تطببيني للمركز؟؟

ام جاسم..بلا عياره جاي شيسولج هو نسأل علئ الولد ونخلي يساعده هناك وادم منتظرتنه وانتي ضاله تتعايرين جاي ياكلج شنهي

منارس بتوتر...خووش چااا نروح

سحبتني،يمهه ونومتني بصفها علئ القريوله..« السرير»...

ضلت تمسح علئ شعري وتسكت بيه وانه ابجي كل شويه مشتاقه لامي واخوتي وغرومه...

احنه عايله چبيره بالعماره وجدي هو جبير هاي العشيره وكل الافخاذ ترجع اله

عدنه ديوان جبير هناك..جدي چلمته مسموعه ومحد يغير رأيه...

انه عندي ثنين اخوان زاهد وعابد وانه وغرام توم وابوي مستشهد بحرب ايران..ببداية الثمانينات انه جنت طفله من مات...يمكن عمري خمس سنوات اكثر اقل مااعرف بس جنت ماافهم من مات ابوي.

امي جانت صغيره من مات ابوي بس ماتزوجت عبن تحب ابووي

وجانت مرة عمي ام جاسم تخاف من امي تاخذ رجلهه منها وجانت مشاكل هي وامي..

بس احنه اولاد العم ابد مابينه مشاكل...

جدي عنده ثلاث اولاد

ابووي مستشهد عنده بس انه وغرام وزاهد وعابد

وعمي ابو جاسم..عنده جاسم وسالم وازهار وبعد ماخلفت كل ماتجيب طفل يموت...

وعمي الثالث هو ابو المنذر...انه بصراحه مااعرفنه بس يكولون جان يداوم عسكري ببغداد وهناك مستقر ودارس اميه وناجح وهو شاطر وضال يشتغل ببغداد بعد ماتسرح من العسكريه..

وحاب بنيه بغداديه من كرابتهم وجدي خاطبها وقابلين من اجت للعماره ماكدرت تعيش وياهم ولا كدرت تتأقلم علئ الوضع..

طلكت من عمي بس عمي حيييل يحبها راح يرجعها كالت ماارجع اله تستقر ببغداد عمي رفض،يكعد هناك وهو جبير ابو راد يطلكها خلعي..

وطلعت حامل بالمنذر ابن عمي...

بعد ماكدر وهو يحبها اخذها حجه بحجتين ورجعها واستقر ببغداد مايجينه مرات جان يجي...

ومن قبل ست سنين عمي مات بجلطه...

جدي تخبل عليه وكال اهل بغداد موتو ابني بدهن السيارات مالهم انه كتله اكل دهن حر..

سوه فاتحه جدي بديوانه ونكلبت الوادم علينه

بس جدي انصدم بالمنذر مسوي فاتحه ومامعترف بفاتحة جدي...

حلف جدي بعد ماتربطه اي صله بالمنذر ولا عايلته وكال حبل الود البينه مات ودفنته..يقصد علئ عمي

وفعلا حبل الود انكطع لا جدي يسأل عنهم ولاهم يسألون عنه..

احنه متعودين عليهم مايسالون بس،جدي جان يروح الهم وكطع وياهم...

الحادثه الصارت بينه هي الي،خلت جدي يتنازل ويطلب المساعده من المنذر رغم يعتبره عدوه بس،لان هو بالدوله وضابط واكيد يكدر يساعدنه

وبسبب الحادثه جدي ماكدر يترك عايلته فدزاني انه ومرة عمي لان امي هم لاحها طشار من الصار...

غفيت ماحسيت علئ،روحي من التعب والقهر الي،صار وياي..

فزيت علئ،صوت مرة عمي وهي تصلي باوعت عليها جانت متوسطه بالعمر والشمس حاركه بشرتها والاسود لابسته...

كمت بسرعه رحت غسلت وتوضيت ولبست عباتي وحجابي وفرشت السجاده وصليت ودعيت لاحبابي

هي باوعت عليه وخلصت لفت سجادتها

واني كملت الفرض ولفيت السجاده كلتلها..صباح الخير

ردت بحزن...منين يجي الخيير واحنه بضيم حالنه

جريت نفس قووي وزفرته...

كالت...حضري نفسج نروح للمركز وبلكي يدلونه عليه ولد الحلال...

حضرت نفسي بسرعه ولزمت الرساله بيدي

طلعنه من الفندق بعد مادفعنه الفلوس...

اجرنه تكسي ورحنه ندور علئ ولد عمي ونسأل السايق اندل المكان الي،بي المركز...

وصلنه للمنطقه الموجود بيها المركز...

انطينه الكروه للسايق ونزلنه...

شفت المركز مطوق بالشرطه وسيارة الشرطه مركونه بباب المركز ضليت ارجف من طبيعي اخاف حيييل من الشرطه

اذكر مره اجيت البغداد انه وجدي لان ابوي شهيد واحنه قاصرين ردنه نستلم راتب ابووي وشفت الشرطي فرفحت من البجي عبالك صرصره وحطت عليه وجدي يضحك عليه والشرطي هم يضحك مااعرف ليش اخاف خووف مو طبيعي من اشوفن واحد لابس الزي العسكري..

دخلنه للمركز سالنه علئ المنذر كالو بذيج الغرفه

وكفنه مقابيل الغرفه دكينه الباب وهو بصوت يخووف ومبين القوه عليه...

كال...ادخل

دخلت مرة عمي وانه مچلبه بذيالها...

ارجف من فوك لتحت..

باوعت عليه فتحت عيوني مصدومه يممه يخووف وجهه كل معانيه خشنه خشمه چبير وعيونه ناطه وحمر وشواربه ثخان حييل جنهن مكناسه ويلمعن سوود وضخم وحواجبه معقووده سود تخوف وسمين وحاط المسدس گباله...

من شفته ترحمت علئ،عمي هذا شافط الهوه كله وخانگ عمي ابو مناخر الطنطل...

شهل ابن عم جنه جني..

بلعت ريكي وصرت وره عمتي...

ام جاسم..السلام عليكم سيدي انه جايه من طرف شيخ صلف...

الضابط بااستغراب..شيخ صلف منو؟

ام جاسم بتوتر...جدك انه جايه من العماره وجدك رسلك مرسال وهو طالب العون ورايدك تكون النه حزام ضهر

الضابط..بس اللحضه وين المرسال اني بحياتي. مسامع عندي اهل بمحافظه ميسان

طلعت الرساله من جنطتي..وانطيته اله بخوف وتوتر وهو جان جامد مايباوع بوجهي..شمرته ورجعت العمتي ملهووفه وعبالك مسويه انجاز عظيم

باوعنه عليه وهو يتمعن بالرساله والخط المكتوب والطلب المطلوب...

نزل الرساله وكال...بس اني مو المنذر المنذر بالغرفه الثانيه

حسيت براحه مو طبيعيه وتنفست باارتياح همزين ماطلع ابن عمي لان شواربه تخنگ وشكله ماحبيته

وكف وحط المسدس بحزامه مشه كدامنه واخذنه لغرفة المنذر

مشينه وراه بهدوء

وهو دك الباب ودخل..

واحنه دخلنه وراه...

الضابط..السلام عليكم

المنذر بدون مايرفع...وعليكم السلام

الضابط...اليوم عندك ضيوف من ميسان

باوعت عليه هو ضحك كال..اهلا وسهلا وينهم

مااكدر اوصف شكله لان مااعرف شصار بيه دموعي صارت تتطافر من عيوني

رغم خوفي،من الجيش بس،بسرعه صارت عندي جرئه وتقدمت همست بصوت باكي...هذا مرسال رسله جدي صلف الك وانه طالبه العون والمساعده لاهلي،وانت المنقذ بعد ربي...

رفع نظره اليه والتقت عيوني بعيونه....

#ايها المنذر
لاتتهاون في احتضان دمعتها الهزيله
وعن احتواء كسيره لجأت اليك
هاربه من مخاوفها ومن صراعاتها
لا تبخل في ان تبث في اعماقها الاصرار والثبات والمقاومه..
فهي ستغزو جميع نساؤك💔

نهاية البارت...يتبع..

كونوا انتم كونوا بخير..احبكم

نور سمو العراق


زينه 4 likes this.

فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 11-05-19, 10:21 PM   #3

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ?ھہ » 12556
?  التسِجيلٌ » Jun 2008
? مشَارَ?اتْي » 33,889
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



البارت الثاني
رواية..انا هي جميع نساؤك
بقلمي..سمو العراق

💔💔💔💔💔 +

أحسست أن الكون
كل الكون
يكسوه السكونْ

ونسيت حتى من أنا
ولٍمَ أتيت
ومن أكونْ ؟؟

...........................



وقفه احبتي...الرواية حقيقه حدثت بزمن النظام السابق...ورغم طابع الحزن والرومانسيه الا انها تتخذ مناحي جديده من حيث العشائر والسياسه...ولا تتفاجئون بتصرفات البطله العفويه زمنها يختلف عن زمنه😢

....

رغم خوفي،من الجيش بس،بسرعه صارت عندي جرئه وتقدمت همست بصوت باكي...هذا مرسال رسله جدي صلف الك وانه طالبه العون والمساعده لاهلي،وانت المنقذ بعد ربي...

رفع نظره اليه والتقت عيوني بعيونه....نظراته بيهن لغز وبحر من الاسرار خلاني تلقائيا اسرح بيهن واروح الغير عالم....بعدها

باوع لعيوني بحيره بعد ما قره الرساله رجعها علئ المكتب ورتبهه بيده وهو يباوع عليه...

انتبهت علئ ايده الخشنه مزينها خاتم الفضه والحجر مالته من العقيق علئ شكل احجار رسوبيه..مزين اصبعه بصوره انيقه...

جرر نفس قوووي وزفررره باوعلي بحده...شلوون صار هييج:؟

بللت شفايفي من الخوف والقلق ورديت بتوتر...هي مرة عمي راحت لگرابتهه بالهور وجابته واجت

المنذر رجع ضهره علئ الكرسي من الجلد الاسود...زين والمطلوب شنو؟

بلعت ريقي..جااا ما قريت كلام جدي

رجع باوع للرساله ورد...قريته بس مجاي افهم شنو الصاير لان الرساله مختصره...

رديت عليه بدموع...اقراهه وانه افهمنك

عض علئ شفته وركز بحروف الرساله سحب نفس وصار يردد حروف الرساله...

السلام عليكم

انه شيخ صلف عمري وحياتي ما طلبت حاجه من بشر ولا شكيت همي البشر ..لان انه متيقن الشكوئ لغير لله مذله...

وانه بعمري ما ذال روحي غير لرب العباد

بس اليوم مصيبتي مستعصيه وطالب العون والمساعده منك رغم جنت اخر واحد افكر اطلب منه مساعده ولا انسالك تكبرك عليه وعدم اعترافك بيه بيوم نصبت جادر لابوك وخليتني وراك

بس ياجدي يا المنذر انه كلي امل بيك واعرفنك انت ما تعوف اهلك وناسك وهمه بين الحياة والموت

انت ضابط والكل تهابك والك مكان بالدوله

احنه ناس عرب والصار بينه يا بعد جدك هو اخوتك كلهم طاحو بمرض الجدري...

ياجدك والدوله تفتر عليه لان يعتبرون اهلك وباء خطر علئ الدوله...

ويردون يحرگون اخوتك واولاد عمك..

تستمر القصة أدناه

وانه رجال مااكدر اوكف بوجهه نظام ودوله كامله

وضال افتر بيهم بالهور من مچان لمچان واحفر نگر واختل بيهم وحتئ انه راح انعدي منهم ويعدون لكل ويمتونه

انه خايف لا العسكر يلزمونه ويحرگون اولاد عمك

الاريدنه منك هو المساعده تجيب دوريه واسعاف وتحمينه وتنقل مرضانه لبغداد يتعالجون

تعرف ميسان مابيه طب مثل بغداد

جدك شيخ صلف..لا تفشلني بعد جدك ضلت علئ الله وعليك...

صلف آل...صلف

المنذر...هذا المكتوب

شهكت عدة شهكات وانه اتذكرهم واتذكر صريخهم وجعهم من المرض وحيرة جدي بيهم...

ركضت عليه لزمت ايده وابوس بيهه بس هو سحبهه بسرعه..

لزمت بقميصه وانه ارجف وابجي وتوسل بي..فدوه اغديلك امي راح تموت اخوي زاهد واخوي عابد يوجعهم المرض ولد عمي همين فدوه اروحلك ابوس رجلك ساعدهم انقذهم والله راح اموت عليهم

هو لزم اديه بثنين اديه ونزلهم ابتسم بهدوء..افااا اني بنت عمي تطلبني واكعد واسكت لا والله شاربي مو عليه ولا اني حفيد الشيخ صلف اذا ما نكتتهم من الموت وطلعت

باوعتله برجاء ودموعي علئ خدي.. فدوه اروحلك استعجل الله يخلي ابوووك

ضحك بصوت مسموع وهمس بهدوء..الله يسامح جدج فرقنه وخلاج نسيتي ابووي مات من زمان همست بخجل...الله يرحمه +

مرت عمي تقربت منه وحجت بصوت حزين..شلونك يعمه يمنذر

هو رجع انتبه عليهه كلها..اهلا وسهلا ام جاسم والله اول ماشفتج شبهت بيج بس الوقت اله حووبه بصراحه كلكم نسيتكم

سحبهه لحضنه وباس راسهه

وهي باسته بخده كلتله..يعمه يالمنذر اولادي وبتي. وعمك مرضئ بالجدري وانه اموتن اذا صار عليهم شئ فدووه اغديلك انقذهم

هو هز راسه بثقه ورجع المكتبه لبس مسدسه واخذ سماعة التليفون وفر الارقام شوويه واتصل

المنذر...الووو ملازم اول احمد بسرعه اريد تجهز دوريه عسكريه واسعاف علئ الخط السريع..وتتصل بالجهات العليا بوجود حاله مرضيه واني توليت قيامها

سكت شويه وكمل ...نص ساعه اريد كوولشي جاهز تمام

رجع السماعه للتليفون واخذ سويج سيارته ورتب قميصه وطلع واحنه طلعنه وراه

جان يمشي داخل المركز بثقه وبدون ما يلتفت لاحد والكل ياخذ اله تحيه عسكريه

مااعرفن ليش انه ضليت ملبمه « صافنه » عليه

همست بداخل نفسي...يمممه موش رجال عاصفه اسد بالقران اسد

جان طويل وضخم ولابس الزي العسكري زيتوني ولازم بيريته بيده ومسدسه بخصره

انه شكد اخافن من الشرطه مااعرف شصار بيه ضليت مركزه عليه

من وصلنه لباب المركز هو بسرعه دار وجهه علينه وانه من الخجل نزلت راسي..

كال ..يالله تعالو اصعدو

صعدنه وراه وهو ساق بسرعه وطول الطريق ما فتح ويانه موضوع

بس سأل مرة عمي عن مرض مالت اهلي وهي تجاوب

وصلنه لمنطقه ببغداد حلوه ومرتبه وهو صف سيارته گبال بيت جديد وحلوو وبدايته حديقه طالعه الاشجار من السياج

هو نزل وفتح باب الحديقه وكال..تفضلو تفضلو

دخلنه للبيت جنت اباوع علئ حديقتهم تخبل ومقلمه الاشجار مالتهه وكلها ورود ملونه تجنن

وبعدها دخلنه للبيت

جان بيتهم حلووووو مو مثلنه

ضليت مذهوله ورافعه وجهي وانه اباوع علئ الاثاث واركان البيت...

هو صاح بصوت عالي..يمممه شنوو وينكم

امه صاحت من المطبخ...يااا المنذر اجيت اي حقك تجي شلون تعوف التليفون وروجينا كلساع تخابر شوكت تفكني منها

شفته مسح علئ،وجهه بعصبية وعبالك الموضوع زعجه صاح علئ امه...تعاي رحمه الوالديج هسه اني بحال روجين

اجت من المطبخ وهي شايلة جفجير بيدها كالت..اه انت مو بحااااا

ما كملت كلامها من شافتنه كالت بااستغراب...المنذر ذوله منوو لا دكوول متزوج بسر وهاي مرتك وهايه ام مرتك وروح ابووك انجلط

انه انصدمت من كلامها وهو هز ايده گلها...شسالفه حجيه منو شفتيها وياي وكلتي متزوج بسر هاي بنت عمي ومرة عمي جايين من العماره جدي صلف دزهم صارت وياهم مشكله ولازم اروح احلها...وتركهه وراح دخل جووه

المره باوعت عليه مصدومه واجت سلمت علينه ببرود وهدوء...اهلا وسهلا تفضلوو

كعدنه احنه بالگاع كالت...يااا ليش گومو اكعدو علئ القنفات

مرة عمي ردت...لا له احنه متعلمين نگعد بالگاع موش مثلكم اهل بغداد...

ضحكت المره ردت عليه...گومي حبيبتي اكعدي علئ القنفه علئ تگعدين علئ الارضيه بارده

رديت بخجل بعد ماراح المنذر...ياله هنا احسن

كالت..بكيفكم

وراحت جابت مي،واجت وانه عيوني تدور علئ كل جزء ببيتهم

عود همه عايشين واحنه عايشين احنه مدفونين قبل لا يدفنونه...

بيتهم شكد حلوو ومريح وبي كل وسائل الراحه

عكسنه من جدي ينام انضل نهفي عليه منا لمن يكعد تطيح ادينه انه وغرومه ويا ويلها الما تهفي يعاقبها يخليها تحلب الهوايش...

تستمر القصة أدناه

جريت نفس قووي وبعدها المنذر اجه وهو يحسب بفلووس..وانه صافنه عليه...

كال بدون مايرفع نظره...اني رايح ديري بالج يمه علئ،ضيوفج وعتبريهم من اهل البيت

هي جاوبته...صدر البيت الهم والعتبه النه اهلا وسهلا بيهم..

هو خله وطلع بسرررعه وانه تبعته بنظراتي احسن هذا الرجال شايل خرزه بحيث مااكدر انزل عيني منه وانه بطبيعتي خجوله ومااهتم

يمكن هذا المحبس الشايله بي محبه مال نسوان

اي والله جااا شبيه فاكه حلكي عليه جني ما شايفه زلم

جريت نفس بس والله هو حلوو بس مبين چبير عليه بس حتئ لو عمره خمسين سنه هم اريده

انتبهت النفسي...يااااا شبيه تخبلت مصار دقايق من شفته وكتلت روحي عليه وانه شيخ وثاب كاتل روحه عليه ومحيسن ابن البدوي من يشوفني،يضل بس يتغزل وما مهتمه الهم

شلون ورطه وجدي عنيد وصلف مايغير رايه ومنطيني لشيخ وثاب وانه مااريده

هسه خلي يطيبون اهلي ولكل حادث حديث

انتبهت علئ صوت مرة عمي كالت...منارس من نرتاح ونتغده نروح البيت اهل الشيخ وثاب خاف يزعلون اذا مارحنالهم

لفيت شفايفي..اهوو اكلج عمه شنهي السالفه ترئ هو كله شيخ وثاب ابن عم ابووي يعني مو ابن عمي ..حتئ نروح الهم بيت عمي ابو منذر اوله بينه

كالت...بس هذا شيخ ولازم راس العشيره ببغداد لازم نقدره ونحترمه ونروح عليهم

جاوبتهه بعناد..تردين روحي انتي انه مااروح

اجت ام المنذر كعدت يمنه...

ضلت تسولف ويانه وكدرت تاخذ استجابه منه مبينه انسانه حبابه
كالت عائلتها اربع نفرات +

المنذر هو الجبير عمره 33 سنه
ومؤيد عمره 29 سنه
واثنين بنات
وحده متزوجه اسمها هاله ووحده مامتزوجه اسمها نيران وهي بالمدرسه ما شفناهه

حجيت بيني وبين نفسي ياا جبير اكبر من وثاب بسنتين

جاا جدي اذا المنذر هو اكبر من وثاب ليش ما عينه جبير عشيره ببغداد

اي يمكن لان موش لوگي لجدي ومامعترف بي هل خله وثاب.شيخ عشيره علئ اهلنه ببغداد..

بس هم ثنينهم كبار وانه صغيره عليهم...كله عمري 16

مااريدنهم شياب

بالله وثاب منتظرني اكبر ويتزوجني

جاا المنذر ليش ما متزوج معقوله يحب وحده

ضلينه كاعدين وبعدها اجت نيران اخت المنذر لابسه تنوره گصيره رصاصي وتنوره بيضه وشعرها مسويته ضفيره وشاله جنطتها...

سلمت علينه وعمه ام منذر صبت غده وتغدينه وبالي كله عند اهلي ياربي يلحك عليهم المنذر...

........................

بعد طويل طريق متعب وشاق وصل المنذر للعماره

اما العجوز الكبيره جانت كاعده بباب الديوان من گصب البردي

تحسفت علئ حالهم وين جانوا وين صاروا

جان ديوانهم مليان ويتركزه ويتركوه شيخ صلف

همست الحجيه حسنه..« حسناء» .ّ..اااااخ يااا صلف ااخ لا من غرام ولا من الأولاد...

هييج صار ديونك معتم ومحد بي بعد ما جان ماكوو مچان لضيوفك...

حط ايده علئ جبينهه وهي تشوف سيارات الجيش والاسعاف متجه ناحية بيتهم...

وكفت بصعوبه ولطمت صدرها ...يمممه يمممه يمه انهبنه اجوونه الجيش هسه ياخذوني وانه مابيه حيل فلقه وحده اعترف حتئ علئ ابوي

وكفت بنص الشارع والسيارات طوقتها

نزلوو منها العسكرين...

ونزل منها شاااب يشبهه صلف من حيث الضخامه وحدة المعاني

ركزت بنظرهه عليه وهي ترجف بس ما عرفته همست بخووف...وروح ابووي يا سيدي مااعرف وينهم

وكف مقابيله وهو يرسم ابتسامه جانبيه مستهزئه علئ محياه...

المنذر اتقدم منها وهو يبوس ايدها

خلاها مصدومه بمكانها

سحبت ايدها..يااا سيدي العفوو منك انه الابوس ايدك

المنذر.. اهااا واني اسمح الجدتي،تبوس ايدي لا والله عاد هاي مو من شيم احفاد صلف

عقدت حواجبهه المدكوكه بدكاك اخضر..انت ياهووو المنذر ؟

ابتسم وهز راسه بأي...

شمرت روحهه بحضنه وهي تبجي وتتنحب وتشكي اله حال جده واولاد عمه...

مسح علئ راس جدته بحنيه...وينهم جايب اسعاف وراح ننقلهم لبغداد وان شاء لله يتعالجون ومحد يمر بعرضتهم

باوعتله بشك وهمست برجاء...بعد جدتك لا تغدر بجدك وتخلي الدوله تموتهم

باوع عليها مصدوم من كلامها...افااااا جده هذا كلام دكولينه لهل درجه جدي واصفني الج نذل وتشكين بااخلاقي

خطيه تلعثمت بالكلام وماعرفت ترد

الجده.. يا له بس انت ضابط وهم الدوله رايدتهم

المنذر..وهمه بحمايتي محد يتعرض الهم وهسه وينهم الوقت مو بصالحنه

الجده ...هسه بس اجيب عباتي،اروح وياك ودليك بمكانهم

انتظرهه منا لمن اجت وركبو بالسياره. .

وصلو لاهوار العماره ونزلوو

تستمر القصة أدناه

جانت تمشي وتركض ملهووفه والعسكر وراها

والكل لابس كمامات وحتئ المنذر

كعدت علئ الارض ووخرت الحديده وفوگاه زرع صاحت بصوت خافت...صلف ياابو محمد اجه المنذر

طلع الشيخ من الحفره وساعده واحد من افراد الشرطه

باوع علئ،المنذر وثبت بنظراته عليه والمنذر تقدم من جده وهو يقبل ايده بهدوء

الشيخ صلف مسح علئ،جتفه وهمس...الخلف مامات الله يرحمك يا بويه يا محمد ما متت من خلفت حيييد مثل المنذر اليوم واكف وگفة سبع الجده

المنذر بلهفه...عد عيناك ياابو محمد وان شاء لله المواقف تبين الك انه واحد من زلامك وينربط حبل الود بينه

هز راسه باي وهو يبتسم

المنذر ...وينهم اولاد عمي

صلف...انه كل واحد منهم مخلي بحفره لان بيهم حالته مستعصيه وبيهم هسه بادي المرض بيهم

دلاهم علئ اماكنهم والشرطه اسعفتهم

ونقلوهم بالاسعاف وعالجوهم بالاسعافات الاوليه مع اخذ الحيطه. والخوف من انتشار العدوئ

كان زاهد اخوو منارس حالته محرجه هو وابن عمه كامل ابن ام جاسم...حالتهم حييل تعبانه

وام منارس وازهار بنت عمها وعابد وجاسم حالتهم تعبانه بس احسن من زاهد وكامل...

انطلقوو بسياراتهم واخذو وياهم الشيخ صلف ومرته مسافات طريق سيطرات كدرو يتجاوزوها بوجود المنذر كونه ضابط كبير بالدوله....

وصلووا البغداد واخذهم للمستشفئ،دخلوهم بالعزل الصحي،وحطولهم بعض المراهم جانت وجوهم مشوهه من مرض الجدري المفتي بيهم...
كعدنه من الصبح اجه جدي والمنذر واخوو والتمت العالم من درو جدي اجه +

هو من البارحه اجه بس،ضلو بالمستشفئ ومارجعوو للبيت

جنت حييل مشتاقه الجدي

من سمعت بي جااي لبيت عمي فرحت وضليت كل شويه اطلن اريد اشوفنه ميته علئ شوفته...

بعدها شفته طلع يغسل اديه رحت ملهووفه عليه

وهو جان يغسل من دار وجهه ضحك وفتح اديه وانه شمرت روحي بحضنه احبنه حييل جدي

ضليت ابجي وابوسن بي وهو يضحك ويمسح علئ راسي

كال...هاا يبعد جدج شلوون والله طلعتي ذيبه ووصلتي لابن عمج

جاوبته وانه امسح دموعي...تربيتك جدي

شفت المنذر اجه باوع علينه

انه عدلت حجابي خجلانه منه

جدي ضحك..المنذر ياجدك هاي منارس بت الشهييد عمك

هو بلل شفايفه وابتسم...الله يرحمه ويحفظها

ضحكت ودفنت وجهي بصدر جدي..

وجدي حضني وضحك

سالته عن امي واخوتي وولد عمي

كال زينين الحمد لله

شوويه واجه مؤيد صاح علئ المنذر

وراح وياه

رجع المنذر وجهه ما يتفسر

المنذر بتوتر...جدي شوويه اريدك علئ انفراد

جدي بعدني عني بااستغراب والتساؤلات ملت وجهه

راح وياه

وانه ضليت مصطكه بمكاني...

شوويه وسمعت صوت جدي وهو يكوول...يااابوويه ياااا بوووويه لا اله الا الله انا لله وانا اليه راجعون

نهاية البارت...يتبع

لا تنسو التصويت والمشاركه احبتي

كونوا انتم كونوا بخير..احبكم 💔

نور سمو العراق



زينه 4 likes this.

فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 12-05-19, 07:54 AM   #4

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ?ھہ » 12556
?  التسِجيلٌ » Jun 2008
? مشَارَ?اتْي » 33,889
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



البارت الثالث
رواية..انا هي جميع نساؤك
بقلمي..سمو العراق

💔💔💔💔💔💔 +

نفس الألم الذي كان بحنجرتي وقت موتك لا زال إلى الآن يؤلمني رحمك الله يا من أوجعني رحيله اللهم ارحم أخي واجمعني به يا رب.

..........

شوويه وسمعت صوت جدي وهو يكوول...يااابوويه ياااا بوووويه لا اله الا الله انا لله وانا اليه راجعون

ضلت رجليه ترعش وكل جسمي،يرجع مااكدر اوصف ذيج اللحظه من اصعب مراحل حياتي

منو المات ..امي اخووي ابن عمي بنت عمي،منوو

الكل طلع يركض وصارت ضجه وجدي يكبر ويصيح والنسوان صار الصريخ ومرة عمي ضلت تلطم

اجيت اركض عليهم...

لزمت ام المنذر ريگي جف واحس عطشت لزمتها بتوسل ورعب....منووو مااااات منو مااات

باوعت عليه باسئ وحضنتني سكتت محجت شئ

دفعته رحت لام جاسم كلتلها...فدووه عمه منوو مات

هي تلطم وشكت ثوبها وزلغت خدودها كالت...يمممه كمااال يممه وليدي

حطيت ايدي علئ حلكي بصدمه وصرخت ...كمال مات

هي لطمت وجهه...كمال وزاهد ماتووو كمال وزاهد

وكعت بالگاع من الصدمه حطيت اديه فووك راسي صرخت بصووت عالي...لاااااا اخوووي زاااهد لاااا يمممه وووينج يمه كمال وزاهد لااااا

ضليت الطم فرفحت تفرفح بالگاع مثل الطيره المذبوحه...متت من القهر تمنيت اموت بذيج لساعه ولا اشوف واحد من اهلي،يصير بي شئ

من جنت طفله واشوف اخوتي زاهد وعابد يجون من حرث الكاع يذبون روحهم تعبانين انه اضلن افرج بيهم واغطيهم واذا واحد تحرك وطلعت رجله اروحن اغطيه مره ثانيه

وغرومه كذالك تحبهم حييل وهمه حنان كلهم حنيه يموتون علينه

جانت صدمتي،بموت زاهد كلش مئذيه

بحيث انفعلت الطم مثل المخبله لزمني جدي والمنذر وشكد همه أقوياء وانه مفعصوه بالنسبه الهم بس ماكدرو الي،

جان صوت صراخي يجيب التايه احس صوتي راح انهرت حيييل...

لزمت ثوبي وشكيته..من قهري علئ اخووي وابن عمي واحنه هستونه فقدنه غاليه وتكملت بموت الولد...

ماحسيت غير بيد لفت ثوبي من ناحية صدري وبعدها صاح بصووت عالي وغاضب...لج نيران تعالي اخذي البنيه

اجت نيران بسرعه وهو وكفني واني ابجي واشهك وبعده لازم ثوبي..

اخذتني نيران ولزمت ثوبي امشي وياها واحس امشي بس جسد بدون رووح..

كعدت بالاستقبال وابجي بحركه ممصدكه الصار ولا راح اصدك اخوتي راحوو بشربة ماي اثنينهم

تستمر القصة أدناه

ضلت تجي النسوان تلطم وتلاگي هاي قبل لا يجيبون الجثث...

وهم كل شويه نسمع صوت الزلم تضغب..ويجون يواسوون جدي

انه احسن راسي صار ثكيل صداع موش طبيعي ولعبت نفسي...

كللش الله يساعد امي مناك غرومه ومنا زاهد يمه والله اذا تدري تموت من القهر...

سمعناهم كالو ناخذ الجثث من الطب العدلي وماتجي الجثث للبيت يخافون من التلوث...

وبعدها دخل مؤيد كال...ام جاسم حضري نفسج راح نروح للطب العدلي ونطلع للدفن

عمتي ام جاسم جانت تلطم وتدك كومتها عمتي ام المنذر عدلت شيلتها ولبستها ثوب لان ذاك شكته

وانه لبست عبايتي وطلعت وياهه

شفت وثاب واكف بباب بيت عمي

لابس دشداشه نيليه وعبايه مطرزه وعكال وجفيه

وواكف كدام سيارته عبالك الموضوع ما هامه

من شافنه طلعنه اني وجدتي ومرة عمي ام جاسم وام منذر وبعد چم مره...

هو كال...يالله يالله اصعدوو بهذيج الكوستر

باوع عليه كال...انتي ارجعي

باوعت عليه بصدمه وعيوني متروسه دمووع..

عفته ومشيت وهو اعترض طريقي كال بنبره امر...ارجعي انتي بنيه حدثه واحنه رايحين طريق طويل وين ماخذينج

صرخت بوجه بعصبيه...ترئ اخووي الميت واروح واغصبن علئ كل واحد

رفع حاجب ورد بهدوء...انه شيخ ماارضئ مرتي تروح للمكابر ارجعي يابه وخلي النفس عليج راضيه

احس فووك ألمي وقهري زادني هم وقهر والله فايخ الناس بالناس والكرعه تهلس براس...

عفته ومشيت جرني من عباتي حيييل تعثرت بخطواتي اجيت اوكع...

ماحسيت غير ايد مدت الي يد العاون ووكف بوجه بعد ما سحبني منه...

المنذر بعصبيه...انت شلون تجرهه هيج بشارع؟
هو جر نفس طوويل ورد بجمود...حلالي +

المنذر رفع اصبعه بغضب ومن بين اسنانه..شووف لك خلي النفس عليك راضيه لا قسما بذات اله الحك بزاهد هسه

هو رد بخبث...يابه انت شعليك رجال ومرته انت شكوو جدها حاجزها اليه من زمان وقارين الفاتحه بكيفي تطب تطلع هذا الشئ راجعلي...

المنذر شد عليه ايده...لك وحق الله تمنيت مو فاتحه وناس ملتمه اله اخليك تبوس القنادر

وثاب رفع إصبعه بتهديد...شوووف لك اني محترمك لخاطر جدك الشيخ صلف اله اني كلكم مااعترف بيكم...

المنذر تخبل هجم عليه ولزمه من ياخة قميصه وصفطه علئ السياره

اجه جدي يركض والولد صارت هووسه فارغوهم

واني ضليت بس ابجي واصررخ...

جدي كلهم...ولكم شبيكم تخبلتوو احنه بيا حال وانتم تتعاركون ما تستحون كل واحد شاربه يوكف عليه صكر ومثل الزعاطيط اتعاركون شمالكم شجاكم تخبلتوو...

وثاب بخيث مد ايده واخذ ايد شيخ صلف باسه...انه اعتذر شيخنا بس انه اكولن هل بت مالتي وانه حر بيها ومااريده تطلع اخافن عليهه طريق ومتعب وهي منهاره افضل تضل بالبيت وهذا انه لطلبته...لان السياره ماتكفي

جدي باوع عليه بحده وبعدها كال...جدي رجعي ادخلي جووه

انقهرت حييييل انه اريد اودع اخووي وهمه فرضو عليه رأيهم لازم احترمنه وارجع ومااكدر اكسر چلمة جدي...

مشيت خطوتين وانه اجرن ثياب الذل والحسره..

سمعت المنذر كال...لا يا صلف انت شيخ وكبير وتعرف الله كوولش زين هذا اخووها وهي مسكينه ليش ترجعوها خلوها تروح

جدي جاوبه..بس ياجدك السياره ماتكفي

المنذر دك صدره...اخذها بسيارتي وانت جدي وياي

صلف...ومنو يلزم الفاتحه

منذر...مؤيد والولد البركه بيهم...

صلف..خووش

وثاب...الفاتحه بيتي كوني الوريث بالكباريه من بعد صلف

منذر...لا الميتين ولد عمي ومابيهه كباريه هاي السالفه تخصني اكثر ما تخصك فاتحت ولد عمي ابيتي ويندفنون بگاعنه من رخصة جدي طبعا

شيخ صلف...مرخووص

وثاب هز راسه بوعييد...يصير خييير احنه من بعد كلمة شيخ صلف مالنه كلمه.. .

المنذر راح وحجه ويه مؤيد اخوو

وبعدها رجع عليه...

سمعت وثاب همس بفحيح شيطاني...والله يالمنذر لابجيك دم علئ سوالفك وياي...

صاح علينه وانه ركبت وجدي وهو يسووق اخذنه الطريق كله يدخن وانه بس ابجي وانحب وجدي يسكت بيه...

امي مسكينه متدري بالصار ومشتاگه الها...

وصلنه للطب العدلي هو بحكم وضيفته بسرعه سلمو الجثث لافيهن بكطن ونايلون وتابوت

من شفناهم فقدنه وجدي ضل يضغب ويغم بكصته وانه ضليت اصرررخ ردت بكل صوره اشوفن زاهد بس ماخلوني...

جان المنذر مقيدني ومخلاني ارووح هم يخافون من التلوث...

اخذناهم ورحنه للدفن وصلنه هناك اباوع علئ توابيتهم شلون مريوطه فوك سيباية السياره

احس روحي انربطت وياهم سوده بوجهي بعدهم شباب ماتهنو كامل الله يرحمه جان خاطب مات وعاف خطيبته...وزاهد جدي جان يريد يزوجه وجان يحب بت البدوي وجدي مارضه يتزوجها

تستمر القصة أدناه

يكول شنهي زاهد حفيد صلف يتزوج بت البدوي

جان يكول لجدي شني شبيها مو بشر وجدي رافض

مات وبعد ماتزوج ان شاء لله ربي يرزقه بحوريه من الجنه.....

مااكدر اوصف يوم الدفن بس اكول دفنه ارواحنه ورجعنه....

رجعنه للبيت وعبالك هسه جابوو جثثهم ضلينه نبجي وجدتي تنعي وتبجي...

صارت العالم تروح وتجي

مرت تلث ايام الفاتحه اكل وشرب ولازمه المنذر وجدي ووثاب..

بيوم الثالث جابوو ملايه وسوينه صواني بيها حلويات وشموع وبخور...

اجن جورينهم ..اجت وحده مبينه بتلاثين بيه شامه فوك حلكهه ولابسه شال طالع شعرها ولابسه تنوره وستره ام الكتافيات...وسمره وشعرها كاصة دلص

وياها وحده هم تشبهه...

ضلن كاعدات وملايه بجتنه واني صرت ابجي بحركه متت

اسمعها دكلها خاب حفيظه هاي بنت عم المنذر هله هله روووحي باعيلها صغيره وحلوه يبوو والمنذر يدوخ علئ الحلوات...

هسه ياخذها ويعوفج

هي ردت عليها...غير اسويها افخاذ واجتاف تاخذ المنذر غير مارايده روحها والعباس اسويها تبسي،بدون لحم..لان راح اكلها اكل...

اني اصلا ماباوعت عليها لان مو بحالها مصدومه بموت اخووي

رجعت ذيج كلتلها...خااب باعي لحلك المعاني تجنن وهذا المنذر يحب الحلوات وخووش اجته صيده مرتبه...

حفيظه كلتلها...خااب انجبي انتي تحرگين بكلبي اني حفيظه السستر الما ضل دكتور ماخطبني ورفضته كلها لعيون المنذر تالي تجي وحده معيديه تاخذه غير اكلب الدنيا

رجعت كلتلها...هو لا يحبج ولا يحبها هو يحب المسيحيه...

جاوبت حفيظه...اتمسمح الخاطر عيونه انكلب مسيحيه

ردت عليها صاحبتها...اذا يسمعوج المسيح يستسلمون

حفيظه..شني السالفه اصبغ شعري اصفر وغسل عيوني بقاصر ينكلبن زرك واحط خبطه اصير شگره مااصله حتئ احلئ من روجين مدري صخمين
صاحبتها...اي ان شاء لله...والله فلك... +

نمت بحظن جدتي وانه ابجي ماحابه حياتي كلها مو حلوه ومئساة وهذا الططوه وثاب مااريده...

شيخ عشتو شيخ شلندخ احسن منه..

صبوو العشاء وحفيظه كعدت تاكل جنها مخروعه وماعون ضمته اخذتها وياها...

وانه رحت للمطبخ اجيب التمر انوزعه...

وكفت قريب من باب المطبخ سمعت نيران دكل لامها..

نيران..ماما هاي روجين كل شويه تتصل تريد المنذر

امها تعصبت..اي وحجيتي وياها

نيران بخوف...يااا اني شعليه تذكرين مره من رديت عليها وقسيت وياها بالكلام شسوه مو فلش البيت علئ روسنه روجينا خط احمر عنده...

امها...لج هسه هاي متجي من وراها غير المصايب ام تنوره ربع متره بس لا تجيني حامل منه لا وروح ابوج انجلط مااريد روجين

نيران...هو يحبها يمه يدووخ من تخابره هي روجين لو عسل اشگر

امها...هو اخووج علئ منو ما داخ انوبه روجين

اني دخلت هنه كطعن كلامهن وضلت كل وحده تسوي بشغله...

انه اخذت التمر ورحت وزعته للنسوان...

ورجت

كالت ام المنذر...منارس تعشيتي

جاوبتها...ياله مااشتهي

كالت..لا حبيبتي ميصير صارلج 3 ايام مماكله شئ حرام اكلي واقري الهم الفاتحه...

دمعت عيوني من الحزن عليهم...

جريت نفس طوويل...

شوويه واجت نيران تركض

دخلت للمطبخ ملهوفه

نيران وهي تلهث..ماما ماما اجتتتت

نهاية البارت...يتبع

كونوا انتم كونوا بخير..احبكم

نور سمو العراق💔



زينه 4 likes this.

فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 13-05-19, 01:59 PM   #5

maekl

? العضوٌ?ھہ » 362928
?  التسِجيلٌ » Jan 2016
? مشَارَ?اتْي » 1,415
?  نُقآطِيْ » maekl has a reputation beyond reputemaekl has a reputation beyond reputemaekl has a reputation beyond reputemaekl has a reputation beyond reputemaekl has a reputation beyond reputemaekl has a reputation beyond reputemaekl has a reputation beyond reputemaekl has a reputation beyond reputemaekl has a reputation beyond reputemaekl has a reputation beyond reputemaekl has a reputation beyond repute
افتراضي

بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته الله يعينهم على مصابهم القصة جدا حزينة من موت الاولاد وحجز منارس لوثاب شكله وراه مشاكل والله يستر من الجاي شـكــ وبارك الله فيك ـــرا لك ... لك مني أجمل تحية .

maekl غير متواجد حالياً   رد مع اقتباس
قديم 14-05-19, 07:08 AM   #6

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ?ھہ » 12556
?  التسِجيلٌ » Jun 2008
? مشَارَ?اتْي » 33,889
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



رواية...#انا_هي_جميع_نساؤك..💔💔

فتاة ريفية من جنوب العراق تلجأ طالبةً المساعدة من ضابط .. فيغرم بها ..
فتصبح بين نارين نار الحب ونار اهلها..وجبروت احد رجال العشائر...

انا هي جميع نساؤك...لم لا أستطيع ان انام...
واصحو عشر ليال في احضانك...من انا ضاع ضياعي...
وتعقدت المسأله..تحبني حبا لا علاقه له بالحب الإجرامي
وتنفذ جرائمك بمهاره...دون ان تضع ما حصل تحت اي مسمئ واقعي...اردت ان ازيلك من رحم عقلي..
وتزيلني من مخزن عقلك...
لم لا تكتب لاجلي الكلمه الثالثه...
فالناس اعتادت على قول احبك...
وجعلوو للحب عضمة ومرتبه كبرئ...
وكبروا الحب بمصطلح العشق..
احبك واعشقك...
لن اكتفي معك بهاتين الكلمتين المعتادتين..
اريد كلمه ثالثه تقلب تاريخ العشق..
في قاموس البشر...
ارجوك اخترعها لاجلي...

Smoo-1997

#البارت الرابع

رواية..انا هي جميع نساؤك

بقلمي..نور سمو العراق


💔💔💔💔💔💔

إن الذي زعمته زوراً وأفتراء
أولم ترى الأفعى تبدل جلدها ؟؟
كي تنتقي ثوباً يناسب دورها
ودلالها َ شركاً .. ووداً زائفا
زكم من غريرٍ في مكائدها هوى
أبدت َ تغنجها ورقة صوتها
وغواية الأنثى فكيف يصدها

زير النساء

......................................

تخبل من صاح عليه مؤيد وهو يخبره بوصول روجين للفاتحه...

المنذر واكف بباب الجادر...شنوو شجابها هاي

مؤيد بهمس ...والله دكول جايه اواسي المنذر بفقدان ولد عمه...

المنذر بعصبيه..ومنو كلها هسه وكت مواساة

مؤيد..نيران هي كالت الها لان كل شويه تخابر

مسح علئ وجهه بتوتر وترك مؤيد وراح للحديقه...

جان الضلام غالب الشمس..والجو بارد بعض الشئ...

دخل للحديقه لتابعه للبيت شافهه واكفه قريب من الشجره بطولها الفارع ورشاقتها المحطمه لقلب المنذر...

لابسه تنوره سوده قصيره ووبلوز اسود وكعب اسود وشال اسود وشعرها الاشقر طالع من حجابها...

مو حجاب مجرد شامرته بااهمال...

رمقها بنظرات متعصبه وماراضي بلي سوته مو من حقها تجي للفاتحه وتفضحه بين اهله وناسه ولبسها الغير محتشم زاد من توتره...

تقرب منها بعصبيه وسحبها وره الشجره وهو يخفيها عن الانضار وبنبره عصبيه ومن بين اسنانه...روجين ليش تخليني اهينج؟

رسمت علئ شفايفها ابتسامه ساحره وهمست..دا اواسيك حبيبي...

ركزت بعيونهه الزركه علئ عيونه الجوزيه وهمست بحب..عيونك ربيعي وجنوني وضعفي وضياعي البقيه بحياتك تاج راسي

صفن بعيونهه الاسره وتلعثم بالكلام لكن بسرعه تدارك الموقف ولزمها بعصبيه وعض شفته ...جايه تواسين روجين خاتون لو جايه تشمتين

فتحت عيونها بصدمه وهمست...اتشمت!!!

المنذر...والله علئ لبسج هذا جايه تشمتين اني كم مره كتلج اذا لبستي هاي التنوره اشگها عليج

تقربت اكثر منه وهمست بدلع ...بس هي سوده عندي اعتذر حبيبي طلباتك اوامر بعد ماالبسها

جر نفس طوويل وهمس من بين اسنانه...روحي روجين بعدين اجيج

همست بدلع مصطنع بعد ماجرت نفس..اسفه حبيبي لا تزعل مني والعذراء مشتاقتلك شوكت تحن عليه وترجع مثل قبل تنومني بحظنك...والرب شعري مشتاق الرجولتك وتمشطه بااصابع ايدك...

ابتسم بلهفه علئ كلامها وعض شفته...روحي هسه عندي فاتحه وان شاء لله اتواصل وياج بعد الفاتحه...

ضحكت بنعومه...احبببببك

ركز بعيونها بجرائه وابتسم...روحي لا تخليني اتهور عندي عزاء وما فارغلج

روجين..ولد عمك ماتوو

المنذر جر نفس...اي الله يرحمهم

روجينا...اميين

المنذر...منو اجه وياج

روجين...اجيت الوحدي

المنذر...ضلي هنا لا ترحين ثواني وراجعلج

روجين..اوك حبيبي

طلع بسرعه وصاح علئ مؤيد...

المنذر وكف قريب من مؤيد وبهمس..مؤيد تعال للحديقه وراي...

لحگه للحديقه باوع علئ روجين الواكفه بلياقه كدام المنذر...

غض البصر عنها ودار وجه بعد ماالقه السلام

المنذر بهدوء...مؤيد روجينا راح تطلع الراس الشارع انت انتضرها هناك واجر الها تكسي واوصلها اني مااكدر اعوف الفاتحة

مؤيد بطاعه...خووش

فاتت من امامهم بعد ما ودعت المنذر على طريقتها الخاصه وهو بعدها عنه...

راحت تمشي بدلع...

اما مؤيد همس بذوبان...منذر روجينا ماعندها اخت بنت عم أصاحبها وقصدي شريف وداعتك

المنذر بنص عين ...اكل تبن ولا تصير ساقط وعينك زايغه ...ولا ماعندها مكطوعه من شجره

مؤيد برومانسيه...اصير الها شجره واتحدي واحد يقطفها

المنذر ضحك بغرور...قطفتها واكلتها وعين شيلها من روجينا لا اسويك حمص بطحينه

مؤيد..ههههههههههه وزن وقافيه عمي شايلها يا الباشا

المنذر ببتسامه هادئه...امشي يالله رووح..

مؤيد تركه ومشئ والمنذر توجه لداخل البيت...

لاكته حفيظه بالباب مالت الاستقبال

حفيظه بالهفه...هله هله بالصگر شلونك حياتك الباقيه اوو قصدي البقيه بحياتك من اشووف اضل اسربت

ابتسم عليها بجمود ورد بثقل...هله بحيحو شلوونج

حفيظه..مشتاقيلك يالصگر

صديقتها كلتلها...امشي يالبومه فضحتينه

حفيظه مشت وبصوت عالي..عود حاجيني من السطح بروح ابووك

المنذر تركها ودخل...

دخل من الصاله للمطبخ...

شاف التجمع السري امه واخواته...

انه جنت واكفه اغسل بالمواعين لان خطيه هنه تعبن واخواته وامه يبسبسن...

تخبلت امه من اجتها نيران كلتلها ماما ماما اجت اجت

ضلت تشيل روحها وتركعها بالكاع العرفته هي حبيبته المنذر وهو حالف اله يتزوجها وامه ما راضيه

من دخل بسرعه باوعت عليه جان لابس بنطرون اسوود وقميص اسوود ولاف غتره اسود وابيض علئ رگبته وهو طويل وصاحب شوارب شكله يجذب اي وحده...

بسرعه درت وجهي ومااهتميت اله بس انه مااعرفن شنهي الصار بيه احسن گلبي وكع بين رجليه ودگاته سريعه...

امه من شافته وكفت مفزوعه وهجمت بعصبيه...شلوون احنه مانخلص ما صخااام ام تنوره شبر ونص...

رجعت باوعت عليهم جاوبها بكل برود..بنيه جايه تقوم بالواجب وتعزي وراحت بعد شكوو تحجين

ردت امه بنفس العصبيه...انت واحد ما تستحي ولام عليه وين الدايحه وطايحة الحظ والكحا......

هو تخبل باوع عليه بسرعه وكأن الموضوع احرجه لزم الاستكان وركعه بالحايط

امه واخواته كمزن من مكانهن...

تقرب من امه وهو متعصب ...افضحينه افضحينه بعد اكعدي بالجادر وكولي لام عليه الدايحات حتئ والله احرك البيت علئ راسكم

ردت عليه بتهجم...اي افضحك فضيحه والله اذا ما تخلصني من هل قندره

رد بعناد...مدام هييج اله اتزوجها

تخبلت امه...تعاندي واني امك صدك ماتستحي والله لخلي الشيخ صلف يشوفلي صرفه ويه نسوانك ابو النسوان

دار وجه ورجع باوع عليه بحده وعض شفته...كليلها ما معترف بي

انه تخبلت هذا شبي ما معترف بجدي وليش امه دكله ابو النسوان وطلع يحب وحده وامه ماراضيه بيهه...

كالت بعصبيه...ما معترف بجدك شيخ صلف كبير آل ...

جاوب بثقه...ولا معترف بواحد منهم من چبيرهم لصغيرهم

كلتله..صدك ما تستحي

رد بعناد...اي اني مااستحي...

كعدت علئ الكرسي وهي تلطم وهو تركها وراح بس شنو عيونه بگصته واخر شئ رفس الباب برجله انه كمزت من مچاني...

ضلت امه تحجي وتدردم واخواته يهدن بيهه

بعدها كالت...منارس عمه هذا الحجي الصار علئ جدج صلف مااريده يطلع ويوصل الجدج بعد عمتج هذا منذر من يتعصب يضل ما يعرف يحجي وبعدين يندم

نزلت راسي بخجل..لا عمه مو عيب اوصل الجدي انه موش منافقه وروح اهلي هذا الحجي الصار اعتبريني ما سمعته ولا راح يطلع

جرت نفس طويل وكالت...شوف شلون مؤدبه واني يركض علئ وين الدايحه ابو النسوان هسه يذبنه بتهلكه...

ردت نيران..لا تخافين المنذر مو فاهي يعرف يتصرف

امه..ولج كيدهن عظيم وهو يلعب بالنار

هاله اخته الثانيه جاوبتها...يمه دكولي يالله خلي تخلص الفاتحه ولكل حادث حديث...

هي سكتت وانه كملت المواعين وبعدها صار دنيا اليل ..

همه اطونه غرفه كعدنه بيها انه وجدتي ومرة عمي وجدي اطوه غرفه الوحده وهو مارضه كال انه اكعد بالاستقبال لان متعلم علئ الدواوين...

رحت توضيت وفرشت السجاده وصليت لاخوي وابن عمي وقريت الفاتحه الاحبابي...

بجيت بيومها بجي ما صاير احس عيوني ضلت تنغزني...

رحت نمت بحظن جدتي وانه ابجي وهي تبجي وياي وتمسح علئ شعري...

ومرة عمي تنعي علئ ابنه بصوت ناصي وتبجي...

نمت من التعب وما ماكله شئ احس امعائي تكطعت من الجووع بس حلفت مااكل ولا اشرب

مااعرف اريد اعاقب نفسي لان اخوتي ماتوو

كلبي يرجف علئ امي وعابد اخاف يموتون

وبت عمي ازهار هم مريضه احس عايشه برعب مااريد افقدهم مليت من الحزن...

نمت بحضن جدتي تعبانه

كعدت ثاني يوم انه متعلمه اكعد ويه اذان الفجر وانام من وكت هيج احنه هناك بالعماره انام من وكت ونكعد من وكت يالله نلحك علئ شغلنه

لان احنه ناس عدنه حلال وزرع لزوم نروح نحشه عبن جدي رغم يحبنه لچن يريد كلشي علئ اصوله وكشي حاظر...

جانت خطيه بت عمي ازهار تلم الروث مال الحلال وتسوي اقراص ناريه نخبز بي...مثل الحطب نستخدمه...

انه وغرام تلعب نفسه مانسوي وجدي مره راد يعاقبنه لان مانسوي وجدتي ما رضت كلتله بعدهن زعاطيط

وهو سكت منه...

كعدت غسلت وجهي وتوضيت صليت ولكيت جدتي تصلي...

انتظرناهم همه ماكعدو من وكت تاخرو يالله كعدو

تقريبا بثمانيه كعدو كالوو تعبانين من الفاتحه...

تريكنه كلنه جدي والمنذر ومؤيد وحدهم

وانه والنساوين وحدنه...

كل شويه نبجي عليهم...

شوويه وكالو اجه شيخ وثاب احس انقفص كلبي من اسمه ..

جاي يسلم علئ جدتي ومرت عمي وياخذ من خاطرهن

راحن عمتي وجدتي دخلن علئ للاستقبال واحنه سوينه جاي...

اخذناه انه ونيران...

جان الباب مفتوح..هو وكف الجدتي باس راسها وباس راس عمتي وكلهن البگه براسجن

هنه سلمن وكعدن واجه مؤيد اخذ الجاي

انه ضليت واكفه اباوع عليهم...

وثاب كال..شيخنا انه اريدن منك طلب ولو انه كلش خجلان

جدي رد عليه...لا له لا تخجل ولا شئ كول التريده واذا اكدر مااقصر

كال..انت تعرف انه رجال الله مكني واريدن ابيعن الكاع مالتي هناك بالعماره لان اريدن اشتري،بيت جبير هنا ببغداد والمن عايلتي

انت تعرف انه مربي يتامه ولد اختي تعرفهم شيخنه

المنذر رد عليه بااستهزاء..حسستني انت دار الايتام وهمه ولد مشوربه ضال تكرب عليهم ومستفاد منهم

وثاب رد عليه بغضب..همه صدك اعمارهم فوك العشرين بس هم يتامه واجونه صغار وانه ما قصرت وياهم وهسه فاروق انتمه للجيش ويدرس كليه ضباط وان شاء لله يتعين بالامن العامه

المنذر..واسعد ابو العرك الي كل يوم اني ساجنه وجاين تتوسطون اله ليش ماعرفت تربي

وثاب..انه كلامي مو وياك ويه جدك

صلف...اشش المنذر هو بيتك احترمه

المنذر ضحك بااستهزاء..والله يا وثاب ماانسه عملتك وياي وخليت جدي يحقد عليه

صلف بااستغراب..ليش شصاير؟

وثاب بلع ريكه..لا يا شيخنه سوء تفاهم

منذر بسخريه..اي سوء تفاهم

وثاب غلس علئ موضوع المنذر وكمل...شيخنا انه لاي اريده ولوو هو مو وكته بس انه اشوفن مريتي العيون كلها عليها فانه طالبها قبل دورة السنه اذا الله خلانه عايشين...

المنذر بتساؤل...منو مريتك؟

وثاب..منارس هي محجوزه الي من طفولتها...

المنذر...هي اصلا طفله وينها وين الزواج مابيها اي شئ ناضج

وثاب بصدمه..شنهي حاط عينك عليها

منذر...هههههه من كل عقلك لك بابه طفله ما تجذب

انه حييل انقهرت من كلامهم هذا يريد يتزوجني وهذا يكول عليه طفله وانه مكسوره وحزنانه علئ اهلي...

شكد كرهتهم اثنينهم وهذا ابو النسوان علئ كولة امه شنهي يكول عليه طفله والله انه جبيره حتئ احلب الهووش واچيم الحطب وجاي اتعلم الخبز والعجن...

كلهن بعينه حلوات بس انه مااجذب بعينه طفله جاا من تعارك هو وامه كدامي مااهتمولي لان معتبرني طفله...

خيبه دطير هسه انت شلونك ابو شوارب...

رحت للغرفه ضليت ابجي اريدن امي اريدن غرومه مشتاقه لاخوتي احسن بغربه موش طبيعيه...

واحد اذا موش بيته ما يرتاح...

نفسيتي تعبانه مجرد مااتخيل اخوتي لفهم التراب انهار...وضلن ابجي واختنك احسن صارت بيه حاله نفسيه...

....................

بعد مرور عشرين يوم

جنت كاعده بالحديقه علئ الكرسي والورود محاوطتني

الجوو حلو وهادئ وانه روحي مشتعله امي صار عشرين يوم وما طابت هي وازهار وعابد وجاسم وعمي ابو جاسم بعدهم بالعزل الصحي...توسلت بجدي ياخذني لامي مارضه يكول اخاف تنعدين منهم..

وانه كلبي نار عليهم مشتاگه لامي مشتاگه لحضنها ولريحتها

تذكرت غرومه شلون جنت انه وياها نضحك ونتشاقه ومره غرومه شمرت عليه ضفدع وانه ضليت اصررخ واجه اخوي زاهد الله يرحمه ضل يحجي عليه وهي كلش حبابه ضلت تبجي

وبيومها زاهد الله يرحمه انقهر حييل وباسهه واخذاه للهور ونسهه واجه وانه لزكت وياهم...وصعدنه بالبلم...

مجرد ما حسيت بغرام وزاهد بعد مايرجعون اختنكت وانه دايما ابجي بصوت ناصي واكتم بكلبي هل مره ماكدرت

صررررخت بصوووت عاااااااااالي هز البيت هز

وكعت من الكرسي وضل جسمي يرجف وارعص شلون عبالك صار بيه صررع...

اجت هاله ونيران وعمتي من شافني تخبلن...

ركضت نيران صاحت علئ المنذر وهو اجه يركض وبيده جكارته...

انه نزعن شيلتي مني وشمرنه ونكعني بالماي..

وهو وخر اخته ورفعني الصدره لزم معصم ايدي وهو يجس النبض ...

حط جكارته.بين شفايفه وشالني بين اديه انه من خجلي دفنت وجهي بركبته واني ابجي واشهك...

اجت جدتي وجدي ومرت عمي يركضون...

وهو خلاني علئ القنفه...

ضل يباوع عليه بنظرات غريبه بس بسرعه تدارك الموقف وطلع بسرعه...

اجه جدي ضل يبوس بيه ويهدي بيه ويوخر خصلات شعري الازكه بوجهي من الماي الغسلو بي وجهي...

كال برجاء...جدي لا تعذبيني مااريدن اخسرنج

جاوبته بنحيب...جااا وغرررام

هو من جبت سيرة غرام عبالك تكهرب طلع بسرعه وجدتي ومرة عمي طلعن وراه...

وهاله وامها راحن...

ضلت نيران...

كالت..شبيها غرام دائما تذكريها بس منعرف شبيها احجي عنها...

رفعت عيوني ليفوك وانه اذكر شصار بغرام....

نهاية البارت ...يتبع...

كونوا انتم كونوا بخير..احبكم 💔

نور سمو العراق...

البارت اهداء للجميع طبعا...

لكن بالاخص للصديقه المحببه الئ قلبي وئام الشيخلي من كروب الفيس...فعلا انسانه مثقفه وواعيه وشجعتني ربي يحفظج وئام احبببببج بكد ما تحبين خالد ودنو 😂

صدوك ادعولي يصير عندي بنيه مااريد ولد 😅

ستزداد عائلتي قطعة سكر .❤اريد بنوته وانتو سموها بكيفكم 😅

انتظروني بالبارتات القادمه ولاتنسو التصويت والمشاركه احبتي بكم نكتمل ان شاء لله💔



زينه 4 likes this.

فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 16-05-19, 02:01 AM   #7

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ?ھہ » 12556
?  التسِجيلٌ » Jun 2008
? مشَارَ?اتْي » 33,889
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



رواية...#انا_هي_جميع_نساؤك..💔💔

فتاة ريفية من جنوب العراق تلجأ طالبةً المساعدة من ضابط .. فيغرم بها ..
فتصبح بين نارين نار الحب ونار اهلها..وجبروت احد رجال العشائر...

انا هي جميع نساؤك...لم لا أستطيع ان انام...
واصحو عشر ليال في احضانك...من انا ضاع ضياعي...
وتعقدت المسأله..تحبني حبا لا علاقه له بالحب الإجرامي
وتنفذ جرائمك بمهاره...دون ان تضع ما حصل تحت اي مسمئ واقعي...اردت ان ازيلك من رحم عقلي..
وتزيلني من مخزن عقلك...
لم لا تكتب لاجلي الكلمه الثالثه...
فالناس اعتادت على قول احبك...
وجعلوو للحب عضمة ومرتبه كبرئ...
وكبروا الحب بمصطلح العشق..
احبك واعشقك...
لن اكتفي معك بهاتين الكلمتين المعتادتين..
اريد كلمه ثالثه تقلب تاريخ العشق..
في قاموس البشر...
ارجوك اخترعها لاجلي...

Smoo-1997

#البارت الخامس

#رواية...انا هي جميع نساؤك

#بقلمي...نور سمو العراق

💔💔💔💔💔💔💔

اللهم إني اشتقت لروح أختي وضحكاتها وأحاديثها معي ربّي إن شوقي يؤلمني ويبكيني فأجعل فقيدتي سعيده بجوارك يا أرحم الراحمين. فقيدتي ذات يوم غفيت على آمل رؤيتك واستيقظت على فاجعة رحيلك رحمك الله بقدر شوقي إليك وغفر لك بقدر ما أوجعني رحيلك أختي اشتقت لك.

رجاءا بنات طلب صغير الرحمه للمرحومه زينب 💔

.................

كالت..شبيها غرام دائما تذكريها بس منعرف شبيها احجي عنها...

رفعت عيوني ليفوك وانه اذكر شصار بغرام....

جنه انضف انه وغرومه بديوان جدي

وغرام كل شويه ضاربتني وتضحك وياي وتضوجني

وبعدين گعدت بمكان جدي بالديوان وهي تقلده

غرام وهي لازمه فنجان.الگهوه وتقلد جدي..انه شيخ صلف لمحد يوكف بوجهي يجي مينذر يوكف بوجهي وينصب جادر الوحده انه وياك والزمن طويل ياابن محمد...
انه طكيتهه بضحكه عليهه...خايبه شمالج تخبلتي هسه يجيج جدي ويشمرج بالحضيره مالت الهوش

غرام...ههههه چااا هو جدي شعنده سالفه غير شكال وثاب وشحجه المنذر..

منارس...اي والله هم صدك

رجعت كملت بحزن...بس جدي موش على بعضه صارله چم يوم احسنه حاقد عليه...

منارس بااستغراب...شنهي شجاه وشلون حسيتي

غرام..مااعرف بس كل مااجي يمه وعاط بوجهي لو يطردني...

كلتلها...لا تحجين هيج جدي يحبنه

جاوبت بصوت حزين...ياله هو يحبج ما يحبني...

تقربت منها ببتسامه وبستها...ياله والله يحبج

جدي دخل وعيونه بكصته صرخ بينه خلانه نرجف

صلف بغضب..ياهو اليحبها ولج

انه رديت بخوف ورعب...انت جدي انه اقصد عليك
رجع باوع علينه وعيونه تخوفنه واحنه هسه طاكات وصغار كلش نخاف منه...

باوع علئ غرام كلها...انتي اطلعي برره ولا تعلمين اختج علئ السوالف الموش زينه

هي خطيه انصدمت باوعت عليه واديه ترجف ولمعت الدموع بعيونها...

وخلت وطلعت بدون ماترد

.

صاح عليه جدي...شووفي ولج منارس صايرن عاگلات لا اچرسچن تچرسر

جاوبته بخوف...جااا جدي احنه شمسوين؟

جر نفس وحط اديه وره ضهره...شوفن هاي ازهار بت عمجن شلون مؤدبه وانتن طايحات حظ

كليتله بصدمه...جدي شصاير

كال بغموض...نضفي الديوان ولا تنسين انتي ملك شيخ وثاب موش غرام...

هزيت راسي بأي من خوفي..

وماعرفت جدي شبي وليش هيج يحجي...
مر يومين علئ هذا الحادث وجدي كل يوم عن يوم تسئ معاملته لغرومه...

وبيوم من الايام كعدنه من الفجر صلينه وجدتي ريگتنه خبز وزبد...كلنه جنه ملتمين علئ الريوك امي واخوتي وغرام وبيت عمي ابو جاسم وعمي وازهار ومرته وولده...

جانت تنطيني الخبزه حاره وتحط بيهه الزبده وتموع بسرعه

وانه احاجيهه بتذمر وعصبيه...شنهي جده ليش تمووع الزبده اريدنه تضل صاكه..

كالت..خايبه شبيج يجده غير الخبزه حاره والزبده جامده ما اتحمل حرورة الخبزه وتموع...

غرام كالت الها...جده انه هم اريدن الزبده جامده ماريده مايعه..

ردت جدتي بضوجه...خيبه والله موتني اطيجن الخبز بارد ما ترضن وتردن الزبده ماتموع حيرتني يبنات حميد...

جدي عاط بوجهنه بعصبيه...كووومن منا يالله لا تضلن اتعيقلن يالله امشن ولن...

انه وغرام ضلينه وحده صافنه بوجهه الثانيه ولگمه ماكدرنه نبلعها من فشلتنه...
خلينه وذبينه الخبز وكمنه...

وامي واخوتي انقهرو علينه بس مابيدهم حيله...

وجدتي حاجت جدي بحزن...علئ كيفك وياهن بعدهن صغار...

جدي رد عليها...عوفيني أأدبهن هذن ما عدهن تربيه

رحنه طلعنه بس،ضايجين ووحده تسأل الثانيه احنه شنهي السويناه وجدي مغضب علينه.

بعدها فتحت غرام شعرها جان شعرها اشگر وطوويل وهي بيضه ومعانيها ناعمه وخدوده حمر تخبل...يعشگها العدو

كالت انه اليوم اريدن اسبح وانسل شعري..« تمشطه»

رديت عليه..اي خوووش جاا انه اروح مكانج اسرح بالحلال...

دخل جدي هو وجدتي واجوو كلهم...

كال...لا غرام تروح تسرح بالحلال

هي ردت عليه...ياله جدي انه اليوم اريد اسبح وانسل شعري خلي واحد غيري يروح
هو جاوبهه بعصبيه...انجبي ولا تعاندين وروحي

رديت عليه..ياله جدي انه اروحن خلي غرومه تعبانه

كال بعناد...تروح يعني تروح واريدن اشوف هاي لجنهه فصمه شلون تعاندني

هي ردت...والله ولا اروحن...

هو جان كاعد ويمه طاسة ماي شاله وشمرها علئ غرام طاحت براسها...

هي صرخت وحطت ايدها علئ راسها...

احنه ضلينه متفاجئين ومصدومين وهي بسرعه طاحن دموعها...

لفت شعرها ولبست شيلتها وشدت عباتها ودموعها عشره عشره...

واخذت عصاها وراحت للحلال...

وجدتي ضلت تحجي علئ جدي

انه ضليت الوب علئ غرومه هاي تؤم روحي انه وياها متقاسمين بكل شي احس بيه وتحس بيه...

عصرت گلبي احسنه وجعني عليه...
وجدي ما رضئ زاهد يروح وراها...

صار دنيا الضهر وامي طبخت تمن وروبه وشوت سمج...

وغرام بعدها ما جايه...

رحت الديوان جدي ردت يخلي اخوي عابد يلحكها

وصلت للديوان سمعت جدتي دكل لجدي ...ليش يصلف والله كسرت كلبي غرومه ليش ضربتها وفشلتها جدام اخوتها واولاد عمها...

هو رد عليه بغضب...خليها تولي انه متحلف بيها

جدتي كلتله...يمه محمد وليش متحلف

كلها...ضاحكه علئ شيخ وثاب ودكله اني غرام المحجوزه الك وشلون وحده صلفه وخاينه لاختها چا هي موش منارس المحجوزه لوثاب...

انه انصدمت يا ربي انه ضحكت علئ شيخ وثاب وطاحت براس غرومه...

جدتي لطمت صدرها...انه اخت مسعد غريمه هيج سوت صدك ماتستحي انته ياهو الگلک

كالها...هو وثاب گالي
جدتي...وش گال

صلف...گال شفت غرام وسالتها كالت اي انه المحجوزه الك...

انه احس فرفحت خطيه غرومه مسكينه جدي شاد حرابه وياها لان يضن هي خاينتني وگايله لوثاب انه المحجوزه الك...

تحملت ذنب موش ذنبها...

دخلت الديوان جدي وكتله وانه دموعي بعيوني

حجيت بنبره حزينه ...جدي ياله وروح ابووي موش غرومه لحجت الوثاب انه الحجيت هذا الحجي وانه كتله انه غرومه لان مااريدنه...

جدي وكف مفزوع وجدتي همين

جدتي لطمت وجهها...دهر صابج يمنيرس تضحكين علئ شيخ معگل و دكليله غرومه محجوزه الك ومخليه جدج شاد ويه البت نعلة الله عليج يالخايبه

جدي صاح عليه بعصبيه...تعااااااي يمي

انه خفت من شفت عيونه صارت حمر وتجدح شرار

كتله بخووف..والله جدي موش قصدي
كال..تعاي يالملعووونه تعاااااي

اجيت يمه وانه ارجف ورجليه تطك وحده بالثانيه...

حفر اصابعه بجتفي ورفع راسي بيده من لزم شعري

كال بحده وهو شاد علئ شفايفه بغضب..تضحكين علينه ولج منارس انه الج والله لاطيح حضج وازوج لوثاب باليله ضلمه...

دفعني حييل وكعت علئ الكاع احسن ضهري انطر

وهو طلع جان اخووي زاهد هو عابد يحشون بالزرع صاح عليهم جدي وهمه اجوو يركضون...

زاهد...امر جدي

صلف..روح وره اختك غرام وجيبها وانت يعابد ضل بمكانها...وهاا أخذولها غده...

انه رحت حضرت لغده الغرومه وانه ابجي وامي تبجي عليها...

رحت وياهم الغرومه...

ركبنه بالمشحووف

لكينها كاعده علئ الشط والحلال ياكل بالعلف
اجينه كعدنه يمها..وهي انتبهت علينه انصدمنه من شكلها عيونها مورمه ووجهه كاب نار...

اخوي زاهد باسها براسها وانه همين بستهه

صبينالها غده وهي،ساكته مارضت تاكل...

توسلنه بيها مارضت...

كالت...انه اريدن اروح للبيت

اخذها اخوي عابد وضلينه انه وزاهد نرعي بالحلال...

وبعدها رجعنه..

امي كالت جدج راضه غرومه وباسها بس هي مادري شبيها لفت راسها ونامت...

امخ اجيت يمها لزمتها لكيتهه گابه نار خفت عليهه حييل

تمددت بصفها ونمت ضلت اسولف وياها وكلتلها جدي ضايج لان انه جذبت علئ شيخ وثاب..وكتله اني غرومه...

هي تدري انه هيج سويت

ضحكت وماردت عليه
ضليت اسولف وياها اريدنها شويه تصير زينه بس ما صارت..

جانت تجاوبني علئ كد سؤالي وعيونها تتكلب...

مر يوم كامل زادت حالتها...

جدي تخبل عليها جان يثغب عليها ويسويلها كمادات بس هي ماادري شبيها كطعت الاكل والشرب ومصخنه حييل...

جبنالها الحكيم وماصارت زينه...

امي تخبلت عليه وجدتي همين...

اليوم الثاني كعدت انه احس كلبي،مقفوص ومذبوح جانت الشمس،بعدها ما غالبه الغيوم...

وج بعده ما ضوي رحت توضيت وصليت وانه ادعي الغرومه تطيب...

بس انه احسن فاقده شئ، روحي ما مرتاحه...

كعدوو اهلي كلهم وغرومه ماكعدت...

راح جدي رفعها الصدره وهو يضحك ويحجي،وياها ...ولج جدي غرامي يالله اكعدي اليوم اخلي،الزبده ماتذوب بخبزتج
هي طاحت ايدها وجدي تخبل

صرررخ بصوووت عالي...ياجدي ياغرام ولج جدي اكعدي ولج جدي ذنبج برگبتي

بس غرام جانت لاحياة لمن تنادي ماتت غرام واحسن روحي ماتت

تخبلت عليها صارت بيه حاله نفسيه دفناها بصف ابوي ودفنت روحي وطفولتي ومراهقتي وياها...

ماتت بسرعه لا بيها مرض ولابيهه شئ ماتت ومانعرف سبب موتتها...

وبعدها لگفنه مرض الجدري ومات اخووي زاهد...

بجيت بصوت مسموع...

ونيران لزمت اديه كالت بحنان...الله يرحمهم ولا تخافين انه اختج يا منارس وأي شئ تحتاجينه اني حاضره...

مسحت دموعي وابتسمت بهدوء ...

شويه ودخل المنذر لابس قميص وبنطلون...بدون مايباوع عل

كال..نيران حظري بنت عمج خلينه ناخذها لامها...
انه خجلت منه حييل ورحت ويه نيران لبست عباتي وقبقابي وشالي ...

للحظات شلون اذا امي درت بااخوي مات

اخذنه انه ومرة عمي وجدي

جنت كاعده وره انه ومرة عمي وجدي كاعد بالصدر..

مااعرف شصار بيه بس اباوع عليه من الجامه واشوفنه شلون مركز بالطريق...

حجيت بيني وبين نفسي انه لازم اتمرد علئ واقعي ومااتزوج وثاب لو يضل يوم بعمري...

اقارن بين وثاب والمنذر...الاگي الفرق چبيييير

انه المنذر اسمي العاصفه طوله وضخامته مثل العاصفه الي تطيرني من مكاني لغير مكان...

معقوله انه احبنه بس هو يحب جريه مدري صبريه همه مااعرف شلون يلفضونها

هاي ام تنوره شبر ونص جريه اسمه اضن...

وامه دكول يحب النسوان...

چااا انه موش من النسوان ليش مايحبني...
اخذت الطريق كله افكر بيه وخلاني نسيت كل اهلي وناسي..

وصلنه للمستشفئ وجانو مخلينهم بالعزل مارضو يدخلونه بس المنذر وعلاقاته...

وبعد ما صاحب الممرضه بصوره غير مباشره بس انه حسيت يغازلها

وبحكم وضيفته خلونه نباوع عليهم من جام الغرفه

كل واحد جان بغرفه.

ازهار صايره زينه وكالو باجر او عكبه تطلع وجاسم وعمي همين...واخوي عابد صاير زين

بس امي شويه تعبانه...

لان جانت دايما تحظن زاهد فالمرض زايد عليها...

ضليت اباوع عليها وعيوني تجري عليها امي شكد احبنها مااريد اصير يتيمه حتئ من امي وتاكلني هاي الوادم...

ضلينه نباوع عليها وهي نايمه...

وبعدها طلعونه وطلعو ويانه ازهار وجاسم وعمي ابو جاسمواخوي عابد همه جانو يدرون بموتت زاهد وكمال...
وهمين خطيه ضلو يبجون عليه...

واحنه تحمدنه الهم بالسلامه وجانو لابسين كمامات يخافون من التلوث وهمين ماعدهم مناعه...

جنت حيل مشتاقه الازهار واريد اسولف الها بس مااكدر جان وجهه منگرش وكله حب مال جدري واديه هم ضال بيهه اثر وضعفانه تخووف...

رجعنه للبيت وسوو غده...

بس المرضئ ضلو بغرفه واكلهم مخصص...

صار دنيا اليل...ونمنه...

والمنذر كال عنده خفاره راح بعد مااجه..

انه ماادري احسن مشتاقه اله...

ضليت اسولف ويه بنات عمي حبابات ويردن ينسني..

احس البيت فارغ لان المنذر موش موجود ومن يجي اصرن مثل السعفه ارجف

چااا شنهي انه احبنه

معقوله احبنه ياربي شلون ورطه جاات ووثاب...
خيبه يطير شنهي انه ورث من امه وانه ماادري...

...................

دخلت عليه وهي لابسه ثوب نوم احمر بارز بياض بشرتها..

وكفت بدلع وهي تلعب بخصلات شعرها...

اما هو باوع عليهه ونفخ الدخان من بين شفايفه وعض شفته..

ابتسمت بدلع...المنذر واخيرا راح انام باحظانك...

ابتسم بغرور...اففف دائما تستخدمين وياي اسلحة الغزل بحيث تخليني اغفرلج كل اخطائج

عضت شفتها وهمست...اسيره بحبك وانت سجاني احببك حضرة الضابط...اسجني بحضنك واريد السجن كون مؤبد وماكو افراج منه...

ضحك بصوت عالي علئ كلامها... تعرفين شلون تعزفين علئ اوتاري لج روجين انتي فد وحده اووف منج

ضحكت بدلع وكعدت بحضنه...تحبني وشنو تحب تكون المرأة
المنذر لف ايده علئ خصرها وهمس عند اذنها..بس احببج كولي امووت عليج انتي مثل الگهوه من اشرب من نهر حبج يتعدل مزاجي...

باسته بخده حييل وهمس..انت شلون تحب تكون انثاك

باوع لعيونها بجرئه...احبها تكون ذكيه وتعرف شلون تخليني مااباوع بس الها مااباوع الغيرها...

همست ..واني شلون تحسني..

همس..انتي راضعه ويه ابليس

فتحت عيونها بصدمه من كلامه..تعتبرني ابليس هذا جزاي يا منذر عفت خالتي وتزوجتك وممقصره وياك وتالي،دكول عليه راضعه ويه ابليس...

ديني يختلف عن دينك كولشي مختلف بينه وسرت وراك ومفكرت بأي شئ وتالي تشبهني باابليس

تركته ووكفت متعصبه اما هو وكف بسرعه وحضنها من وره وهو يشم بشعرها

همس بصوت يذوب..روجين شكد عاشرت نسوان بس مثلج مشفت رقه وانوثه ودلع وكتلة احساس،انتي محد تتقارن بيج ومن ذكائج شبهتج باابليس من باب المراوغه لا اكثر ولا اقل...

دارت وجهه عنه زعلانه
كالت..الشجر المثمر لازم يرمئ بالحجاره فعلا اني لان دا احس قصصي دتصعد واثمرت ديرموني بالحجاره

بس احب اكولكم اني شامخه نخلة الرافدين مايهزني ريح😂

وراح اكمل القصه واخلي ثقة منارس بيه لان فعلا قصتها غريبه وحلوه وهي بعدها ببدايتها واحسها نجحت...

لذالك لا تحاولون تسقطوني لان اني مش رعنه

احبكم متابعيني وشكرا الكم والتعلقاتكم الحلوه مثلكم واخلاقكم الراقيه

فعلا انتو مصدر اصراري وصولي لهذا المكان...

اقدم شكري وامتناني الكم...

ومااسمح لاي كروب او بيج بنقل القصه دون وجود هذا الكلام...

I love you❤ — ‏مع ‏زمرد احمد الحديثي‏.‏



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 16-05-19, 05:51 AM   #8

maekl

? العضوٌ?ھہ » 362928
?  التسِجيلٌ » Jan 2016
? مشَارَ?اتْي » 1,415
?  نُقآطِيْ » maekl has a reputation beyond reputemaekl has a reputation beyond reputemaekl has a reputation beyond reputemaekl has a reputation beyond reputemaekl has a reputation beyond reputemaekl has a reputation beyond reputemaekl has a reputation beyond reputemaekl has a reputation beyond reputemaekl has a reputation beyond reputemaekl has a reputation beyond reputemaekl has a reputation beyond repute
افتراضي

والسلام عليكم ورحمة الله وبركاته رمضان مريم عليكم ويبارك لكم فيه..... القصة بداية حزينه ماتوقعت ان غرام ماتت جدا زعلت عليه لقد كانت علاقتها مع أختها حدا جميلة الله يرحمها ويسكنها فسيح جناته أظن قد غرام ماتت بالجدري ماتحمل جسمها والله يستر من وثاب شيخ وشيخ ورايحيشتكي للجد من كلام طقلة الله يوفق منارس ويحفظ لها الباقي من أهلها سلمت يدامك أرحوك أكمليوأمن متابعينك شكرالك ودمت بألف خييييسسسسسز

maekl غير متواجد حالياً   رد مع اقتباس
قديم 20-05-19, 08:00 PM   #9

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ?ھہ » 12556
?  التسِجيلٌ » Jun 2008
? مشَارَ?اتْي » 33,889
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



البارت السادس
رواية...انا هي جميع نساؤك
بقلمي...سمو العراق


💔💔💔💔💔💔💔

ألاشد من الحزن التضاهر بعدمه اي بالفرح☘️☘️☘️
لا أملك مواساة للتخلص من هذا الحزن
سوى الصبر والكثير من الصبر🔑🔑

.........................

اهلا احبتي البارت طويل لعيونكم ...قراءه ممتعه

انصدمت من صوت المره التصرخ بس هذا الصوت انه اعرفنه هذا صوت امي

بس امي موش مريضه شلون اجت

طلعت اركض رحت للصاله شفت امي تبجي وتصرخ بعد ما درت بموت اخوي زاهد...

وبيدها مشكله الكانوله..وتصرخ انه تخبلت عليهه..

اجيت اركض عليهه حضنتها وابوسن بيهه وابجي وياهه...

وهي تبجي وتنحب علئ زاهد...

ما جانت تدري بي ميت..

سحبتني جدتي من امي لان هي مريضه وكعدن يواسن بيهه ويطيبن من خاطرها...

اجه عمي كعد يمهم وضل يحجي وياهم...

امي حالتها تعبانه قبل يومين بس شويه تحسنت وهم طلعوها..

وجانت ماتدري بموت اخوي زاهد وبالطريق جدتي جفصت وگلتلها

وامي اول مادخلت ضلت تلطم وساءت حالتها...

اخذتها ام المنذر ونومتها بالغرفه مالتنه...

وانه كل شويه اروحن الها...وابجي عليها...

المنذر جان نايم لان خطيه جان بالدوام وتعبان فمن يجي من دوامه ينام من الصبح لحد العصر...

رحت كعدت يم ازهار بت عمي،أبو جاسم...

ضلينه نسولف ونحجي

انتبهت عليه انه رغم حزني،بس،هواي اسولف بالمنذر..

وكل شويه ذاكرته..واسولف بي...

جان ازهار كالت وهي تصغر عيونها..ولج منارس انتي بس لا تحبينه

كلتله بخووف وكل جسمي يرجف...ياله انه مااحبنه بس هو حباب يعني انه احسنه هيج ماادري شلون

ازهار..لا تضلين تمسلتين انتي وين والمنذر وين بينكم فرق چبير

منارس بقهر...شنهي الفرق

ازهار..اولا هو ضابط ومثقف ومية وحده تتمناه وانتي بت عرب وماعندج شهاده وموش مثقفه حجيج فشگ مال معدان

باوعتلها بعتب..خايبه انجبي انجبي انهجم بيتج يالمثقفه يالدارسه يالدكتوره حتئ اسمج ما تعرفين تكتبينه...

ضحكت وكالت...وانتي شبيج انقهرتي مو دكولين مااحبنه

رديت باارتباك..اي مااحبنه بس قهرتيني بعد حتئ مااريدنه

كالت..هسه علئ اساس كاتل روحه عليج هو بيريته ما يخليج تلزمينها قندرته مايخليج تمسحينها

حطيت ايدي علئ صدري...يااا شنهي السالفه شبيه موش حلوه شوو اخته نيران دكول انتي تشبهين ماادري شسمها فتحيه مدري ابوها اسمه فتحي

ازهار..ما دام ابوها اسمه فتحي تلگينها تلعب النفس

منارس...ياله دكول حلوه تخبل

ازهار..دولي من يمي جاا انت موش محجوزه لشيخ وثاب...

منارس بضيق...خايبه والله موتيني بشيخ لطمان مااريدنه هي گوه لو موش گوه...

ازهار...انه شعليه بيج

منارس بتردد...ياله ازهار انتي اختي وانه احبنج بروح اخوج كامل مااريدن تاخذين عليه نظره موش زينه بس انه انه انه

ازهار...وعلانه شبيج انتي؟

منارس باارتباك...انه احسن هيج مجرد احساس انه احبن المنذر...

ازهار بصدمه...دهر فرج منيرس وحگ علي جدي يچسرچ تچسر

حسيت راح ابجي...ليش؟

ازهار..تردين تكسرين چلمة جدي وتزوجين غير وثاب جااا جدي موش مطي چلمه لبيت وثاب انتي اله..

انه صرخت بوجهه بعصبيه...مااريدنه...

خليتها كاعده وحدها وطلعت...

ونزلت من الغرفه لان غرفتنه فووك...

اول ما نزلت وانه اشوفن المنذر طلع من غرفته وهو يحك برگبته..

من خوفي وخجلي ركضت دخلت للمطبخ وانه الهث وحاطه ايدي علئ صدري يممه موش رجال وحگ روح ابووي عاصفه...

رفعت عيوني بحزن الرب العالمين ...ياربي انت گادر علئ جبر گلبي وتلملم جروحي انه اريدن منك تحنن گلب ابو النسوان عليه...

انه حبيته بسرعه بسررعه صار شهرين تقريبا عدهم بس احسن اعرفنه من مية سنة

من اسمع صوته ادوخ احسنه يطرب بگلبي احسن حبه مطر وانه غيمه محمله بالشووگ..

انه جنت اضنن مجرد اعجاب يوم عن يوم يزول...

بس شو حبه يوم عن يوم يكبر...واشوفن عنده هواي سلبيات بس،حتئ سلبياته احبهن اكثر من ايجابياته..

حسيت بنفس شاركني التنفس..

درت وجهي واحسن كلبي طاح بين رجليه

تنحيت شويه وهو فتح باب الثلاجه

انقهر كلش من ما يباوع عليه ويحتقرني اريد اعرف شبيه شبييييييه ؟ شيريد مثلا وانه اسوي...

والله كل شويه اغسل وجهي حتئ اصيرن بيضه حيل رغم انه بيضه وهمين اكرص خدودي حتئ يصيرن حمر...

وهو صاير عليه معصوم مايباوع بوجهي...ابو النسوان

معقوله لان انه صغيره وموش ناضجه علئ گولته شنهي ناضجه جاا اني برتقاله وناضجه هههه

شرب مي ونتبهت عليه

وانه تخبلت كتله وانه الطم علئ صدري...يمممه ابن عمي المنذر دهر صابني صخام بوجهي

هو باوعلي بااستغراب وعقد حواجبه المي مبلل شفته ...

كال بصدمه...شبيج؟

تقربت منه مفزوعه وكلبي يدگ والدمعه بعيني حطيت ايدي علئ ركبته حسيته ارتعش من ايدي البارده وحرارة جسمه...

بسرعه نزل ايدي

شهكت وانه ابجي

هو كال...شبيييج؟

جاوبته بشهكات ودموع تتطافر من عيوني...انت مريض..

ضحك بغرور وعض شفته كال...افااا اني مريض

هزيت راسي بأي وانه ابجي باسئ علئ حاله خطيه بده المرض برگبته مرض الجدري مااكله اكل مشوه ركبته الحلوه...

انه ليش فكر منو احبنه يصيبه مرض لو يموت..

كتله وانه مسحونه روحي...هاي ركبتك بادي بيه مرض الجدري احنه ناس مرضئ عديناك وانت ما تستاهل وكفت النه. وساعدتنه وحميتنه

انه اروح اكل الجدي صار بيك الجدري حتئ يعالجك

هو بسرعه لزمني مفجوع وحط ايد علئ شفايفي كطع تنفسي والايد الثانيه لزم بيهه راسي...

نزل نفسه اليه لان هو حيل طويل وهمس بصوت ضاحك عكس براكين القهر والحزن الي بداخلي عليه..

همس بصوت يذوب الصخر عند اذني خلاني ارعش...هه هذا جدري من نوع خاص بس ختم ونقوش مسيحيه ومايترك اثار مرضيه لا تخافين يوم يومين ويرحن..

ترست ايده دموع وجامده بين احضانه حتئ مااتحرك

باوع بعيوني وهمس...لا تحجين موضوع الجدري الخاص كدام واحد مفهوم

هزيت راسي باي...

تركني وهو يضحك بضحكه بارده عدل قميصه ورفع الياخه دكمها وطلع من المطبخ...

وانه ابجي همست بقهر...يريد يموت روحه ابو النقوش والله اكلن لامه لجدي خلي يتلاحكوله لا يموت...

يمه اسم لله عمره طويل ان شاء لله...

رحت دخلت لغرفة امي شفتها نايمه والدمعه ماخذه مسار علئ خدها وماناشفه تبجي علئ اخوتي...

دحست روحي بحضنها وشبكتها وابجي وياها ان شاء لله يصيبني الجدري واموتن ولا هاي العيشه..

امي فزت ومسحت علئ شعري

كالت بصوت حنين..شلونج؟

بستها بيدها..زينه بس مقهوره حيييل اخوي زاهد مات واختي ماضل الي واحد بهل دنيا انه لو اموت احسن...

امي حطت ايدها علئ شفايفي وسكتتني وردت بوجع وتعب...لا اسم الله يمه ترديني اموتن انتي لضليتي الي انتي واخوج عابد تطيبون جروحي وتصبروني على اخوانكم...

دفنت راسي بصدري وحضنتها حييل

هي بعدتني وضحكت كالت..ولج بعدني اخذ وقايه لا انوب ضال شويه بيه من المرض وتتمرضين

حضنتها اقوئ وجاوبتها ...اي ميخالف..خليني اموتن بحضنج..

امي حضنتني وسكتت وضلت تمسح علئ شعري..

رفعت راسي الها والدموع بعيوني همست بقهر...يممه انه مااريدن شيخ وثاب

باوعتلي بحزن كالت...جااا شسوي انه بيدي شئ امرج بيد جدج وانه مااكدر احجي ولا كلمه..

جريت نفس وتخيلت شكل ام وثاب من اجت بفاتحة اخوي وابن عمي

كلتلها بخوف وطفوله...يممه انتي شايفه امه تخوف سمينه حيل وسوده گوه تمشي وعصبيه وتتفاخر بنسبها وكل شويه وكالت انه ام الشيخ وثاب

امي جرت نفس وكالت...تعلميني بيهه حليمه تعارك الحياطين

كلتلها...خاف اتزوجه وامه تحاربني..

تنهدت بقهر...خلي يولون ما ازوجج اله انوب هاي اخته الميت رجلها اعوذ بالله منها كاعده هي وولده عنده

كعدت على حيلي...اي هاي اللبگه« سريعه بالكلام» ام لسان تلطم لطم راجت النسوان رووج ام فاروق كفايه موو

امي ابتسمت بحزن كالت...اي كفايه ام فاروق

رجعت بحظن امي...الله يبعدنه عنها ويكفينا شرهه

اكلج يمه شو جنهن مشرانيات ويدورن المشاكل دواره وشكد ياكلن...وسمان دبب

بس وثاب موش سمين زين جسمه همزين حتئ اذا الله لا گالها اذا ياربي موش صدك اكولن اذا يعني اتزوجه ما يخنگني ههه

امي عاطت بوجهي..انجبي ولج شهل حجي عيب اسكتي...

رديت عليها بخجل..يمه العفو انه سكتت

امي سكتت وبعدين ضلت تبجي اعرفها تبجي على اخوتي...

شفتها نامت بستها براسها وطلعت...

شفت عمي كاعد على بالهول باوعت عليه وخليت ورحت هو صاح عليه كال...منارس عمي تعاي احاجيج

اجيت يمه جاوبته...هاا عمي امر

تنهد ونزل الاستكان من ايده كال..امج شلونها

كتله..زينه بس تبجي على اخوتي

كال..ديري بالج عليها...

مرة عمي خزرته بس هو ما اهتم الها...

عفتهم وطلعت انه امي كلش حلوه احنه طالعات عليها ابوي انه مااذكره كلش بس زين موش بذاك الجمال...

بس امي حلوه بييييضه حييل وشكره وعيونها صفر بس صغار ومعدله ومن مات ابوي جان عمرها صغير بس ماتزوجت...

انه وغرام عمرنه 16 حاليا

وزاهد هو الجبير عمره 21
وعابد عمره 19

امي خطيه حيل تعبانه ويه جدادي وتسرح بالحلال وتركض هيج وهيج وتحش الزرع حتئ خدودها مكسبات واديها رايحه من الشغل...

بس ابد ما تحجي وضاله ساكته وهمه بكيفهم يقررون مصيرنه...

حتئ ابوي الله يرحمه جان عصبي حيل ومن يتعارك ويه جدي يذب حركته بيها يكطعها تكطع وهي تسكت ماتحجي ولا ترد...

ودايما جدي يريدنه نصير مثل امي ناكل تراب ونسكت عاد انه قررت اتمرد علئ جدي وعاداته هو وشيخ ميتاب علئ كوله نيران اخت المنذر..

تسمي وثاب ميتاب وانه اكله منو ميتاب

كالت ممثل هندي وهواي يطير فياله ودايما يطلع هو سبع واحس الوثاب يقلده...

عاد انه خوش لكيت لقب ضليت اسمي ميتاب...وامنيتي اشوفن ميتاب بس همه سدو التلفزيون يكولون حرام عدنه ناس ميته...

رحت للاستقبال...

يمه شفت التليفون الارضي يجنن ابيض وحاطينه علئ ميز شحلاته

همه احسن منه متطوررين احنه ماكو تطور بس احنه انه برأيي محافظتنه احله من بغداد

لان مناطقنه زراعيه.وبساتين عدنه وحلال والجو يخبل هناك...

هنا بيوتهم مقبطه وعود اهل المنذر عدهم حديقه..

انه اول مااجيت ماحبيت بغداد بس من شفت المنذر ياله بعد مااروح لو يسحلوني سحل

ضليت واكفه يم التليفون وهو اتصل كمزت كمزه عبالك انفجر عليه طباخ...

ضليت واكفه وهو يرن

بنفسي اشيلنه واجربنه ومامنعت نفسي اول مارفعت السماعه اجاني صووت وحده دلوعه موش صوت انه المره اعشكنه

كالت..الووو

انه رديت بثقل وغيره...يلوو منو وياي

حسيت نفسي مديره جبيره وعندي شركات..

ردت بدلع وصوت انثوي يذوب...شنوو يلوو انتي منو

انه انقهرت منها شلون اتدلع وتفخفخ جاوبتها بغرور...ملچ الموت چااا غير انتي متصله علينه انتي منو

جاوبت باانزعاج...اوووف شنو هاي لهجتج تلعب النفس..

قهرتني حيل تقلد عليه جاوبتها..احله من لهجتج جنج ام الملاهي يالله ولي ام الوصخ تعيب عليه هي احلئ مني عود...

هي ردت بعصبيه...انجبي لا احط النعال بحلكج ويالله انطيني المنذر

يمه يمه تخبلت هاي المعفنه دكلي احطن النعال بحلكج يمه لا والله موش جدي شيخ صلف اذا ما نعلة والدي والديهه...

منارس بهدوء..نعال يطم حلكج والمنذر مايقلد لااشكالج يالله ولي...موش موجود عنده شغل

كالت...اني مو روجينه اذا ماخليته يطيح حضج

ضحكت بهدوء عكس القهر البصدري..اسمج عجينه بالله ابوج شكلتله نفسه من سماج عجينه شنهي قله اسامي

هي ضحكت باستهزاء..روجينا بس حقج معيديه مبينه من لهجتج وينج وين اسمي...

رديت عليها...ياااا اسمي يخبل اسمي منارس احلئ من اسمج بمية قاط

هي كالت..ولج والعذراء اله اخلي يذبحج وبعدين انتي شنو تقربيله...

رديت عليها بفخر..بت عمه وناهي عليه وان شاء لله كل نسوانه..

سمعت الباب مال الشارع اندك سديت السماعه بسرعه وانه ارجف يمه انه شسويت بس لا يدرون بيه مخابره چااا غير يسحلوني سحل

يربي كوون محد يعرف بالسويته بس شلون خاف هاي تخابر...شسويت شلعت الواير مال التليفون

اندك الباب مره ثانيه رحت بسرعه فتحت الباب طلعت حفيظه

لابسه تنوره سوده كصيره وكعب وقميص مخطط ابو الكتافيات...وشايله بيدها ماعون مال دولمه...

كلتلها...هلا

كالت من طرف خشمها..المنذر هنا..

تنهدت بكلبي شهل النسوان كلها تسأل عليه والله انه شاكه بي شايل خرزه محبه مال نسوان ما يصير هيج

جاوبتها..ياله ماموجود خير رايده شئ

كالت..هاج هذا ماعون دولمه من يجي انطي اله وماتاكلونه ان شاء لله سم التاكله

كلت بكلبي سم بطنج ان شاء لله...

اخذته منها ...

وهي كالت اكلج المنذر هم يباوع عليج

كلتلها..ياله ميباوع لان انه موش بحلاتج

كالت بثقه...اي ادري...

راحت وانه لزمت ماعون الدولمه وطيته للبزونه مال بيت عمي...بالحديقه ورحت حطيت الماعون بالكاونتر بعد ما غسلته

مرت ساعه تقريبا

رحت كعدت يم البنات شفت نيران راحت اخذت التليفون وراحت لغرفة المنذر...

يمه ضليت ارجف...

ضليت اسولف انه وازهار وهاله واجت نيران كعدت يمنه...

مرت تقريبا نص ساعه...

اجه المنذر عيونه بكصته...

انه من دخل علينه الغرفه ضليت ارجف يمه اسدي العاصفه مالتي شماله وجه مكلوب...

باوع علينه بحده وكال...منو ردت علئ التليفون قبل شويه...

انه بسرعه نطيت من مكاني وحجيت...ياله موش انه

باوع عليه بنظرات غريبه وابتسم ابتسامه جانبيه مستهزئه وخله وطلع...

كالت هاله...نيران كم مره كتلج لا تردين علئ التليفون يعني اله يضربج المنذر يالله ترتاحين..

نيران...لا والله مو اني اصلا مواصله يم التليفون بس اني لكيت الواير مكطوع...

انه غلست بس وجهي صار اصفر من الخوف وبطني تلويني....

ازهار..جااا وشدعوه عليه هيج مايقبل واحد يلزم التليفون...

نيران...لعد غير حبيبته تتصل وميقبل واحد يرد عليها...

انه سكتت بس فرت عجينه مدري جريه الكلبه عليمن كاتل روحه عليهه انه احسن روحي احله منها ولو مشايفتها...

بس انه مقهوره عليه هو مريض موش بحال النسوان وهذن بطرانات انه لازم اكول لجدي....

صار دنيا اليل...

سوينه عشاء التمينه كلنه كعدنه ناكل...

وانه صرت مقابيل المنذر واحسن روحي راح تطلع وهو لاف الغتره علئ ركبته سوده عليه مايريد يعذب واحد وياه ويكلهم انه مريض

بس انه لازم احجي...

نزلت الخبزه بالسفره وكلت بصوت مسموع واريدن ابجي...انه لازم اكوللكم بالصاير موش زين اضمن اكثر من هييج وانه اشوفن انسان ساعدنه مريض ويريد يموت...

الكل باوع عليه واستغرب كلامي...

وجدي كال..شنهي شبيج جدي منهو المريض...

انه باوعت علئ المنذر بحزن وهو باوعلي بحده وكأنه يكول بس تحجين اذبحج

منارس بحزن...المنذر مريض بي الجدري واول شئ بادي بركبته...

الكل انفجع وامه لطمت وجهه...يمه المنذر سوده عليه صخام بوجهي...

وجدي واخو مؤيد واخوي عابد وجاسم وعمي وجدتي كلهم ركضو عليه

وهو وكف وحسيته اتمنئ يختفي،ولا يضل...

جدتي وخرت الغتره من ركبته وهو بسرعه ضم ركبته بيده..

جدتي ضلت تلطم...يمممه جده يالمنذر سوده عليه يمه صدك جدري شلون تضم علينه سوده بوجهي

جدي ضل يباوع عليه...وتخبل...يالله خلينه ناخذك للمستشفئ

وامه اجت باوعت عليه جانت متخبله بعدين هدئت ومحجت بس عيونها صارت بكصتها...

هو ضحك...هههه لا يمعودين مو جدري هاي حساسيه عندي لتخافون رحت للطبيب كال ماكو شئ

جدتي...صدك

المنذر باوع عليه وهو يتوعد بيه..اي والله مو جدري لاتخافون...

ضلو يلحون علينه وهو قنعهم حساسيه...

تعشينه ومرة عمي ماتعشت...

بعدين مرة عمي راحت ما كملت عشاها...

راحو الولد وهاله سوت جاي...

واحنه شلنه السفره...

انه كعدت اغسل بالمواعين...

شويه ودخل المنذر من شفته اجيت اتخربط

باوعلي بحده وماحجه ضل مركز عليه وعاض شفته وانه من الخوف والخجل نزلت راسي بسرعه...

كال بصوت غاضب...متعرفين تضمين سالفه بكد النمله واليوم لعبتي لعب حتئ واير التليفون كاطعته..

رفعت راسي فتحت شفايفي ردت احجي هو خله وطلع...

ضجت حيل هذا شبي يا ولحظ شكد كرهته ابو النسوان ياله والله انه جذابه احبنه...

غسلت المواعين وكملت..

مقهوره حيل جدي كال راح نرجع للعماره جاا بعد وين اشوفنه وهو خبيث ما يكلف نفسه ويجينه

شبينه نبزز مايجي...

كلت خلي اروحن اشوف امي خطيه مريضه وبس تبجي علئ اخوتي وانه مقهوره عليها...

جاي اصعد واسمع صوت عمتي تحجي ويه المنذر بس بصوت ناصي تعلي وتنصي بي...

كلتله..هذا البركبتك كله من روجينه...

انه تخبلت يا روجينه مدري عجينه بيه جدري وانه طحتلها مسبه استغفر الله ياربي والله موش قصدي بس هي حركت كلبي

رجع هو رد عليها...يابه مو روجين مو روجين مجرد حساسيه...

امه بقهر...اي صدكتك والله روجين ماكوو غيره لك المنذر شوكت تخلصني منها...

هو جاوبها بهدوء..مااكدر اني متزوجهه

يمه اني حسيت طلقه وصابتني بكلبي مااكدر اوصف الغصه لصارت بكلبي....

متزوج يمه كلبي راح يوكف ودموعي نزلت لا ارادي

وعمتي اسمعها تخبلت ضلت تدك وتلطم ..متزوج ومسيحيه منيذر ام تنوره شبر ونص والله والله ساعه مااضل بالبيت لو اني لو المسيحيه...

هو كلها...لا جذب ممتزوجه بس مجرد علاقه عابره اني لان تكرهه حجيت هيج..وبعدين ليش تكرهيهه يعني كل الي حبيتهن ما حاربتيهن بكد روجين..سهئ وفاطمه وحفيظه..والمديره مال نيران كلهم محجيتي شمعنئ روجين...

امه..اكرهه مااحبهه...

بعدين كلتله...يمه المنذر فدوه اروحلك خلي اخطبلك واتزوج المره بلكي تلزمك

كلها...ان شاء لله

كلتله..هاي بت عمك منارس شحلاتها طكهم بنهوه واخذها

انه كيفت امه رفعتني للسما شكد حبيتها...

هو رد بضحكه..هههههههههههههاي من كل عقلج طفله هاي شتفهم اريد مره ناضجه اعرف اتفاهم وياهه مو جايبتلي زعطوطه تشيب راسي...

انه تخبلت وحز كلامه بداخلي تركتهم ورحت صعدت وانه مكسوره وكلبي يرجف ودمي يغلي من كلامه...

ولي صار انه مااكدر اكرهنه...

رحت شفت امي نايمه...

عفتها ونمت بحظن جدتي بيومها بجيت بجي ما صاير وكطعت الامل منه وماعندي واحد اشكيله غير ربي.....

.......................

بعد مرور شهر...

عزمونه بيت شيخ وثاب...

انه ماردت اروح بس جدي رفض...

رحنه كلنه عايلتنه والمنذر ماقبل يروح كال عندي شغل بس مؤيد راح ويانه...وامه واخته هم ماراحت

جنت حيل ضايجه من الروحه وياهم..

ركبنه بسيارات ومسافة الطريق وصلنه

جان بيت اهل وثاب جبير وحلوو

دخلنه انه جنت لابسه ثوب اسود وعبايه وحجاب بس مرتبه....

اول مادخلنه شفت وثاب واكف يريد يستقبل جدي لابس دشداشه وعكال وغتره ولازم سبحته وعلئ يمينه ابن اخته اسعد والثاني فاروق...

اسعد مطفي من الرئيسي وذاك فاروق مبين واحد ملعب وخبيث...

سلمنه عليهم وثاب جان يباوع عليه وهو يسلم علئ جدي

دخلنه جوه وانه ماهتميت اله

همه سوو عزيمه كلش جبيره وذبحو طليان...

اجت ام فاروق كالت كومي جنتنه كومي نضفي ويانه

انه انصدمت بس استحيت كمت اغسل بالمواعين اجيت ابجي من كثرهن...

بعدين اجه طفل كال...لام فاروق...عمو الشيخ وثاب يريدج...

هي خلت وراحت...

وانه ضليت اكمل غسل بعدين توضيت اريدن اصلي..

شويه واجت ام فاروق...

كالت. تعاي وراي...

كلتلها..ياله اريد اصلي

كالت..اي تعالي صلي فوك هسه يطبون الولد...

انه رحت وياها صعدنه فووك

دخلت للغرفه حسيت صعدتي للغرفه غلط...

هي جانت حلوه وچبيره وهادئه...

لبست عباتي وهي انطتني سجاده...

فرشتها وجاي وفتحت حجابي ورجعت لفيته...

لزمت عباتي نكتتها...

مااشوف اله الباب انفتح وانسد...

باوعت عليه بخووف ورجعت خطوات وهو تقدم وهو يضحك بسخريه ويلف عباته...

ودار وجهه قفل الباب...

احس رجليه صارت خيوط وماتن والدموع ترست وجهي بسرعه...

نهاية البارت ...يتبع

كونوا انتم كونوا بخير...

نور سمو العراق

احبكم كلكم بدون استثناء صرت مثل عذراء تحب الشباب كلهم كلهم بدون استثناء 😅

احبتي اني اختصرت مقدمه القصه لان اريد ادخل بالمهم...واتطرق لموضوع اهم من حبها للمنذر...

لا تنسو التصويت بكم نكتمل..💔


زينه 4 likes this.

فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 20-05-19, 08:03 PM   #10

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ?ھہ » 12556
?  التسِجيلٌ » Jun 2008
? مشَارَ?اتْي » 33,889
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



البارت السابع
رواية..انا هي،جميع نساؤك
بقلمي..سمو العراق

💔💔💔💔💔💔💔

اعلم بان هناك امل بعد الفشل والانكسار

واعلم بان هناك نصر من بعد الاحتلال والدمار

لا تعبث بجسدي ولا تقرب من ليس ملكك..


........................ ......

مااشوف اله الباب انفتح وانسد...
باوعت عليه بخووف ورجعت خطوات وهو تقدم وهو يضحك بسخريه ويلف عباته...

ودار وجهه قفل الباب...

احس رجليه صارت خيوط وماتن والدموع ترست وجهي بسرعه...

انه من طبيعتي حيل حييل اخافن وخاصة اتخيل اشياء مثلا جدي يطب علينه ويفتهم الموضوع غلط وتصير عشاير وغسل عار...

بسرعه لفيت عباتي عليه وهو تقرب اكثر ويرسم ابتسامه خبيثه علئ شفايفه...
ضليت ارجف ومرتكبه همست بلبكه...اءءء انه يمكن داخله الغرفه الغلط يالله لازم اطلع...

هو تقرب اكثر وسحب العبايه من راسي احسن رگبتي انخلعت

صرخت بصوت عالي هو ماانطاي مجال سحب الحجاب وحتضن خصري...

انه تخبلت هنا احسن كلي ارجف دفعته حيييل ضليت ادفع بي بس قووي ثور استرالي ماينكدر

دموعي غركت وجهي...

دفعني علئ الكنتور حيييل ورجع حاصرني همس بخبث...مناااارس
عيونه مهشمتهن القسوه وخاليه من الانسانيه...

همست بصوت باكي...ياله وووخر عني والله اكلن الجدي عليك

رفع راسه ليفوك حتئ بينت عنده تفاحة ادم وضحك بااستهزاء....ههههههههههاي ولج يالشيخه صدك ضحكتيني جدج انطاج الي وانتي لحمه حمره

يعني ملكي يا شيختي...

همست بخوف...مو من شيم الزلم تختلي بيه وانه لا حول ولا قوه انت شيخ ولازم تكون حامي الشرف موش تعتدي عليه...
لزم وجهي بيده وبلهفه وشهوه همس...اووف فدوه الحجيج بس يگليبي انه موش اي زلمه وانتي موش اي بت انتي مريتي وام جهالي ان شاء لله..

ضربته علئ صدره حييل وبعدت ايده من وجهي صرخت بوجهه...خايب ولي انه موش مرتك انه مااحبنك حس انت شنهي علج ولزك ببطانيه..

هو تخبل لزمني من ركبتي دخل اصابعه بحنجرتي مثل واحد ساقط ومتمرس علئ القتل...

وثاب بعصبيه عارمه....انجبي لا ترس حلكج رصاص انه وثاب ماترديني ولج تردين منو منوووو تريدينه كولي حتئ اطمنه واتفل علئ كبره...
دفعته حيييل احس اصابعه سجاجين نبتت بحنجرتي..خايب درووح شنهي جدي بتله من اطاك چلمه...مااريدنك..

هو تسودن لزمني من وجهي وتقرب مني ضل يوزع بوساته بعشوائيه علئ وجهي وانه ابجي واصرخ ومااكدر ادفعه...

لعبت نفسي حيييل.خرمشته تخرمش

مثل بزونه وهجمت علئ عدوهه

ردت يبوسني بشفايفي بس انه ما سمحت اله ضربته علئ بطنه حيييل انه صح ضعيفه وموش بضخامته بس دافعت عن شرفي دفاع مستميت...
هو تركني لحضات وانه ركضت بس الغرفه مقفوله

ضليت اضرب بالباب حيييل

وهو اجاني يركض...

لزمني بس اندك الباب هو لزمني من حلكي ماخلاني احجي...

سمعت صوت ام فاروق دكله...وثاب افتح الباب وطلع منارس جدها يريدها وسأل عنك

هو تخبل لزمني وحاط ايده علئ شفايفي كال بغضب...شووفي ولج اذا فتحتي حلكج بكلمه اذبحنج واكلن الجدج هي الي اجتني برجله واگلب السالفه عليج...
انه فتحت عيوني مصدومه ومتروسه دموع..

كمل كلامه...راح افتح الباب ويا ويلج وسواد ليلج اذا حجيتي اسويهه عشاير...

هزيت راسي بأي

باس خدي وانه رفسته برجلي هو توجع...

لزمني من شعري حيل وهز راسي وهمس ...لا تتطاولين علئ اسيادج انه رجال مااحبن مره تقودني..

رتب شعري وانطاني عباتي وحجابي لفيتهن بسرعه وانه ابجي واشهك...
فتح الباب وانه طلعت اخته جانت واكفه

كلتله...هاا وثاب هديتي موجوده مو جبتلك منارس بعد شتريد

هو رد عليهه بضحكه...تستاهلين احلئ،هديه ولو هي لسانها سليط ينرادله كص...

انه جنت امشي واسمع كلامهم...

درت وجهي عليهم وشديت علئ شفايفي بعصبيه واشهك وابجي...تفلت عليهم وهمه تخبلوو

منارس بقهر ونحيب...تف عليكم يا جبناء...
هو تخبل وهي ضلت تسب وتغلط وتعد وتسفط...

وبعدين كلها...انه راح اطلع من ذاك الباب حتئ صلف ما يشك بيه وعباله انه جنت بالشارع

نزلت جوه وانه ابجي وارجف واشهك شفت امي كاعده هي وجدتي ومرة عمي...

امي وجدتي من شافني ابجي تخبلت...

كالت...يااا شبيج يمه منوره شجاج

كلتلها بشهكات...تذكرت غرومه...
امي جرت نفس وسحبتني الصدرها وضل تمسح علئ ضهري...

حسيت نفسي قذره ووصخه من لمسات هذا الحيوان....

وحسيت خنت المنذر انه اي والله خنت المنذر

بس موش بيدي والله هو تحارش بيه انه اكرهنه مااحبه...

انه لازم اسبح واغسل وجهي من اثار هذا الوصخ

حتئ صلاه ماصليت كله من وراه...
يا ربي سامحني موش قصدي اتأخر على صلاتي بس هذا الثور كله من وراه

حوبتي وخطيتي بركبته وان شاء لله ماتعداه هو واخته النذله

الله يجازيهم حسبي يالله ونعم الوكيل عليه

امه استغربت نحيبي وكل شويه تسالني خاف وحده ضوجتني بحجيهه بس انه ماحجيت شئ،وكلتلها ابجي علئ اخوتي..

..............

رحنه رجعنه البيت عمي...
دخلنه وانه كبل رحت للغرفه ضليت ابجي اجت ازهار كعدت يمي كالت...ولج انتي موش على بعضج شبيج تخبلتي تسودنتي...ليش تبجين...

سكتت ماحجيت

كالت..ولج بس لا تبجين علئ المنذر...

باوعت عليها ردت اعطرها براشدي بس سكتت

ذكرتني بالمنذر واني طكيت بجي يمه انه خنته كله من وره لطمان صخمان الله ياخذه ويخلصنه منه...

رحت غسلت واجيت توضيت وصليت وانه ابجي ومفرفحه...
ياربي هذا لوثني سامحني موش قصدي

سوده عليه المنذر انه موش خاينه انه الك انه كل نسوانك مااسمح لأي واحد يبوسني ويلوثني وانه ملكك...

ضليت اكل بروحي اكل وسكتت ما كلت الجدي ولا لاي واحد علئ الصار...

ببس كرهته اكثر موش مثل المنذر ثكيل وحباب..

هو يكولون عليه ابو النسوان بس هو ما يدور نسوان انه موش مره ما يباوع عليه...
ضليت ثلاث ايام انه الدمعه ما نشفت من عيني وخلصتها بس نايمه وانحب وابجي

والكل يسال شبيه حتئ كالو المنذر سأل عليه...

وانه من سمعت المنذر سأل عليه صحيت وفرحت وكلت الفات مات خليني ابدي من جديد وانسه فعلت وثاب الزمال وياي...

وفعلا صرت اتنقل بالبيت مثل الفراشه...

انتبهت البت عمي ازهار تحب مؤيد وهو ما مقلدلها ولا حتئ يباوع لوجهه...
مؤيد حلو ويطبق بفندق لان خريج سياحه وفندقه وكل يسون اكل للوافدين للعراق من لبنان والخليج وغير دول...

حتئ للنظام همه جانو يقدمون ابتكاراتهم...

.............................

بعد مرور سنه كامله...

ردنه نرجع البيتنه بس جدي تمرض وهمه ماقبلو نروح صار عنده قرحه بالمعده

وهو يصيح ويستريح يكول من دهن البريك مال سيارات بغداد...

وانه حب المنذر يوم عن يوم يكبر
ومتخبله عليه بس ابجي بالختلات...

اريدن اتزوجنه وجدي يكول اتزوجي وثاب مابيها ثنين يحجون

نزلت من الدرج...جنت لابسه ثووب اسوود حزينه علئ الراحوو...

اجينه من العماره لبغداد كعدنه عند بيت عمي بسبب الكارثه الصارت..جان بيتهم كلش حلوو موش مثل بيتنه احنه بيتنه عباره عن ديوان جدي..وغرفتين صفه...وحووش طوووويل...وضال يفتر علينه سرب الحمام والدجاج وفروخ الدجاج...
بس عدنه بساتين وگاعنه خضرره وهوانه نقي...عكس بغداد هواهم يخنك وجوهم ملوث من الدخان مال السيارات..

واحنه ناكل دهن حرر همه ياكلون دهن بريك..« مال سيارات » علئ گولة جدي

انه المصبرني علئ بغداد هو المنذر يافديته هيبه وشخصيه شخصية عجيبه وحلووه

من اشووفنه اضلن كلي ارعش من فوك لتحت...

من يرجع من دوامه هو ونجماته وبيريته وشواربه يوكف عليهن الصگر اضلن ابوگ النظرات بوگ
واتمنئ انزع قندرته واغسل رجليه واخدمنه...اصبله الغده واوكله بيدي...

بس هو ما مهتم الي اني اشووفه يباوع عليه بس اكول خاف بالغلط وانه مصدكه روحي...

اتمنئ يخليني نغمه بعقله ويغني بيه الاغاني بس هو مو مال اغاني شخصيته صارمه...

اتمنئ يخلي الضمه علئ الحروف وبعدها يضمني الف ضمه بحضنه الدافي..

اتمنئ يهدنيي ورده ويعلمني القراءه والكاتبه حتئ اكتبله رسايل حب لان انه مااعرف اقره واكتب...
احببببنه وحگ ابو فاضل احبنه...

كل يوم ماانام اله يجي،من دوامه اضلن واكفه وره الباب..اتطمن عليه دش الغرفته واجه بخير وسلامه يالله ادشن وانخمد وانام...

نزلت حتى اشوفنه اجه يا لا...

جانوو مطفين الضوء والبيت اضلم الكل نايم مجرد ضوه خفيف...

وكفت بنص الهول..جانو حاطين كرويتات والبيت نضيف وبزاوية الهول..حاطين ميز وفوك الميز تلفزيون ابو الطكه..
شكد حلوو نشوف بي افلام مصريه بس مو يوميه...

وعدهم تليفون ارضي...يجنن لونه ابيض متعجبه بيه ابدي ابوسنه كل شويه

رفعت السمعه وحجيت بصوت رومانسي وانه اتخيل نفسي...يلووو هله المنذر انه احبنك وروح ابووي وروح عمامي كلهم

سديت السماعه بخووف اخاف يجي واحد ويفتهمني غلط ويصير كتلي عمل شعبي ويغسلون عارهم...چااا انه شسويت حتئ يغسلون عارهم
هزيت ايدي واختلت وره الباب

وها نسيت عدهم رايدون« راديو. »

اسمع بي اغاني ام كلثوم وعبد الحليم حافظ ورياض احمد

دايما اسمع اغنيه جببار...واگولن المنذر جببار حييل جبار جاا ليش مايتزوجني...شبيه شو شعري طوويل واشگر وسرح مي...

حتئ جدي جان يكتل امي من تحطلي حنه انه واختي يكلها تخربين شعرهن يصير احمر...
وبييضه وناعمه وصغيرونه حتئ كلهم يكولون اشبه نجلا فتحي...

ضليت خاتله وره الباب منتظرته..

شوويه وسمعت صووته وهو يضحك

استغربت ويامن يضحك...

مديت راسي شووويه شفته باوع للمكان وهو يامنه..

بعدها سحب ايد البنيه ودخلها للبيت...

انصدمت من شفت الغزاله التمشي وراه طووول ورشاقه ولبس فضييع...
جانت لابسه تنوره طولها ربع ولابسه وياها جواريب خفيفه «كالون»...وشعرها اشگر طووويل...

ولابسه كعب اسووود...وقميص ابيض ازراره مفتوحه

عرفتها هاي المسيحيه الذاك اليوم امه تعاركت وياه من وراهه وهو يكلها انه متزوجها بسر...بس بعدين كال جذب ما متزوجها من مرة عمي ضلت تلطم...

مشيت علئ اطراف اصابعي ولحگتهم...

شفته وصل لباب غرفته صفها علئ الحايط وهو يباوع عليها بالهفه وهي كذالك لزمته من رگبته بااديها..
وشفايفها احتضنت شفايفه بجرائه وهو يبادله بعنف ورومانسيه...

غمضت عيوني حييييل وكلبي واديه ترجف الموقف هزني هز....

سمعته يكلها...شهل تضاريس مخلوقه من عسل شهل شفايف شكد نايم ويه نسوان بس مثلج ماكوو

انتو المسيييح ربي خالقكم من عسل...

رجعت فتحت عيوني شفته يبوسها برگبتها ولازم خصرها بعدها فاتوو للغرفه
رجفن شفايفي وانعكدت النونه ..حرك كلبي حييييل ضنيته يحبني ونسيت ان بعض الظن اثم

حسيت ماكوو غير عتمه تجتاح مخارج روحي ودواخلها دموعي نزلت شلال...

دخلوو للغرفه شيسون هسه كل شويه يبوسها...

بجيت بنحيب..ضنيته شمس اليه وطلع كوكب غامض نسونجي...

ورغم كلشي انه احبنه

قررت اعوفنه واتزوج الشيخ وثاب انه ملكه من الصغر ولو تنطبك السماء علئ الارض مااتزوج المنذر...
بس احبنه شسووي...وهو يحب هاي ام سيقان المسيحيه انعل ابوها يا ابو حتئ الخلفها ام الولد تفف عليج وعليه

احس كلبي صاار ناااار وارجف وابجي مسحت دموعي بقسوه ..عليمن ابجي علئ ابو النسوان...خلي يروح مااحبنه...لا لا احبنه...

رحت امشي راجعه الغرفتي وتلفت لباب مال غرفته والجو خافت

صعدت اول بايتين من الدرج ...بيأس والم...

حسيت بشخص وراي..
وبعدها ماحسيت غير بأيد خشنه كطعت تنفسي وخيال ضخم خييل عليه

اختنكت من ايده حاولت اوخرهه ماكدرت..

ملمس شفايفه وشواربه يبززن خدي

همس بهدوءء......العن خيييرج اذا فتحتي حلكج

ضليت مصطكه وصدري يصعد وينزل وتنفسي صار ثكيل..

هزيت راسي بلا...

هو دارني عليه وباوع بعيوني...
عيونه تخوفني وانه من غير هيج اسمي العاصفه وهو بعد عني مترتين موش مثل اليوم يعني فصل بينه سنتيمترات...

هو مسح وجه كال...شفتي شئ

هزيت راسي بخوف...ياله كلشي ماشفت انه حتئ ما شفت هاي ام سيقان

هو ضحك وعيونه تتاملني بجرائه...

كال..هاي وحده عندها معامله وتريد اسويها الها ماكو شئ

فتحت عيوني جذاب ابو النسوان...
رديت عليه بااستهزاء..جااا وبس هي معاملتها نص ليل..

عض شفته وهو يبتسم...عادي اشتغل بكل وقت

رجفت شفايفي..جااا وبس هي معاملتها بيتك موش بالدايره...

تنهد وجر نفس،كال...تحقيق هو لج بابا اسكتي وروحي نامي...والموضوع مااريده يطلع مفهوم

رديت عليه بقهر وكلبي يرجف...اي مفهوم

رجع كال وهو يرفع اصبعه ...مو تحجين؟
باوعت عليه والدمعه بعيني...ياله انه موش منافقه انه لو منافقه جااا حجيت الكلام الحجيته علئ،جدي.

بس انه احسن واحلئ من ام سيقان بس بعد كلمن وذوقه

عقد حواجبه بااستغراب...منو ام سيقان

رديت بقهر...هاي عجينه مدري شسمها...

هو ضحك وعصر خشمي بااصابعه كال..روحي نامي لا تفكرين بهيج اشياء بعدج طفله...

رديت عليه..اي تصبح على خير
عفته وصعدت الدرج وكلبي ينزف وامالي تحطمت روجين اخذته وانه لا شئ

وصلت النهاية الدرج شفته بعده واكف وهو يتاملني ضليت ارجف من نظراته

شكد نذل هو وثاب كلهم حقراء...

هسه يمكن يبوسها مثل ما وثاب باسني...

يييع لعبت نفسي حسيت اريد اتقيئ...

دحست روحي بحظن جدتي وضليت ابجي بصمت انه شكد مقهوره...
يحبها لو ما يحبها ما باسها...

هسه يمكن يضل يبوسها للصبح

ويتزوجها ويشتري الها ثلاجه وتلفزيون ابو الطكه

وتضل تباوع افلام مصريه...

وانه اضلن بس احش بالحشيش...

مرت تقريبا دقيقه كلبي ماانطاني اضلن نايمه...

لازم انزل اشوفهم شيسون...
بعده يبوسها...

يربي والله نار الغيره حركتني حرك وانه موش زوجته بس معجبه بي....

كمت من مكاني ونزلت بسرعه شفته فتح الباب وطلع هو وياها...

فرحت حييل يعني ملحك يبوسها اي جااا صارهم بس دقيقه

وهم ما نامت يمه فدوه اروحلك
سمعتها دكله...ليش غيرت رأيك

كلها..امشي لا تدوخيني

هي ردت بعصبيه...ليكون بنت عمك السبب ليكون تحبها واني مااعرف

هو رد عليها بعصبيه...من زمان كتلج طفله اني مو يحالها...

انه من هي حجت هييج حيل فرحت بس من هو رد عليها لا كسرني تكسر...

شنهي كل ما حجه وكال طفله...
اشاف لابسه شرايط مال مدرسه ومسويه كصايب شماله هذا شسوي حتئ يقتنع انه جبيره

حتئ ضليت انضف كدامه واطبخ وهو بعده يكول طفله...

شسوي يربي ومايكول طفله...حتئ ضليت اكعد بس ويه العجايز حتئ ابين اله انه جبيره

طلع هو وياها وهي بس تحجي

هو تخبل رجع عليه صفها علئ الحايط وخنكها كلها سدي حلكج بنت الكلب

هو سكتت وجرت حسره...
انه كلت يا شمالها كاتله روحها علئ البوسه...

سدوو الباب وانه رجعت نمت بحضن جدتي والهل مره فرحانه...

المهم سب روجينه ام سيقان...

ضليت أحلم بيه للصبح يمه احبنه بكد السماء ياله والله احبنه اكثر....

.......................

بعد مرور اسبوعين...
جانوا كلهم طالعين...راحو الفصل وشيخ وثاب والمنذر وياهم...

واحنه بالبيت...

اجو العصر بعد ما فضوها...

اجه اخوي عابد كال..اليوم وثاب والمنذر اله شويه وتذابحون ابد مايتراهمون...

انه كلت بكلبي لو ذابحه الحمار...

وعابد رجع كمل كال..وانوب وثاب صاح علئ المنذر وأخذه...

وسمعت وثاب يكله..اخذها وعيونك تشوف
والمنذر ضحك بضحكه نرفزت وثاب...

انه مافهمت الموضوع وخليت وكمت ساعدت البنات بالعشاء...

تعشينه وكملنه جنت اغسل بالمواعين...

ودخل المنذر انه مااوصف شعوري هو عاصفتي الي تطير كل اغصاني

شعوري تخربط ماحيته...

كال بهدوء..منارس اذا تكملين تعالي منتظرج بالحديقه...
تفاجئت من حجه هييج يمه شيريد بس لا يكول احبنج لو يكول لا تحجين روجينه

رفعت ايدي بالدعاء ...ياربي الموضوع الاول حققه اما الثاني موش مهم...

كملت مواعين..

ورحت لكيته كاعد علئ الكرسي بالحديقه ويدخن

اجيت وكفت يمه هو ابتسم ويباوعلي بجرائه كال..اكعدي منارس خليني احجي وياج

انه كعدت بتوتر وارجف وعيوني بالكاع ولا رفعت نظري...
هو بده يحجي وانه متفاجئه...

نهايه البارت ...يتبع



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 08:52 AM



Powered by vBulletin® Version 3.8.9
Copyright ©2000 - 2019, vBulletin Solutions, Inc.