آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
20-07-19, 10:48 AM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  سلام غلا من الصبح اسلم وما احد رد هذا البارت وامانه ابي توقعاتكم عليه خصوصاً هذا الجزء الثامن عشر بعد مغادرة الكل بأيام منزل محمد بن حمد ريم ماسكه الجوال بقوه تحس ان قلبها بيوقف من ساعه وهي تنتظر تأخر كثير ويبدو ان غيابه سيطول اكثر ..دق ليدق قلبها وينبض بأسمه ردت بلهفه\هلا قلبي بحب واضح لم يستطع اخفائه \هلابك ياروحي \كيفك الحين احسن كيف جرحك مرتاح بذمتك ماتكذب علي \هههههههههههه خلاص هدي والله اني طيب وكلها اسبوع او اقل واكون عندك لأجل تتأكدين \تكفى سعود ماتكذب علي وبعدين خلك حنا جايينك \لاتجين ولاشي كله ولا انك تتعبين \تعبك راحه مشتاقه لك موت 4شهور و3 اسابيع ويومين و5 ساعات ماسمعت صوتك ولا شفتك \هههههههه حاسبتهم ماشاءالله \كنت بموت كل دقبقه وانت بعيد كأنها سنين اكيد بحسبهم \سلامة قلبك ياقلبي لو اني الحين جنبك وش بتسوين ريم بحيا \بلمك بحضني وبخفف عنك الم جرحك ومستعده اعطيك الروح فدوه لو تبيها صوت من خلفها فاجأها \وانا هنا ومستعد ريم الحيا اكتساها لكن الشوق له اكثر راحت له وحضنته بكل قوتها ودموعها تنزل سعود تألأم بس مايبغى يبعدها يدري فقدته مثل مافقدها بعدت عنه بحيا وهي تبكي \خلك مره ثانيه تسافر والله مااكلمك سعود\تخافين علي ريم\اي ..وسحبته معها وجلست جنبه\كيف جرحك الحين \بخير صدقيني @@@@@@@@@@@@ قبلها بوقت تحديداً منذ شهرين تهديدات من الامضي قيل طلاق ياسمين وحمد بأيام حمد طالع من الشقه اللي يسهر فيها وسكران حده وص للمواقف بيشغل السياره هجم عليه واحد متلثم وحط السكين برقبته\اسمع ياولد عبدالرحمن اترك بنت عبدالله ولاعاد تأذيها سامع والا ودع دنياك وحياتك الوسخه اللي انت عايش فيها حمد كان مصدوم اول مره احد يهدده بهالطريقه سكت وماتكلم المتلثم جرحه جرح صغير برقبته ولاتنسى اذا ماسويت اللي قلت لك عليه بفضحك وبفضح اللي صار لك والا ناسي وراح بسرعه حمد حط يده على رقبته بخوف شاف الدم وطارت السكره من راسه رجع البيت وهو يفكر باللي صار له كانت ياسمين بوجهه صد عنها وراح ينام بغرفته لأول مره من تزوج ياسمين خافت ورراحت الصاله انسدح وناداها\ياسمين تعالي جات بخوف تملكها\نعم \تعالي نامي هنا هي مستغربه منه اول مره يجي مو سكران لا ومن متى حل الأدب عليه\انا بنام بالصاله فهمها\تعالي نامي هنا وفكينا ..لاتخافين ماراح اسوي لك شي ..انتي شفتي وجهك بالمرايه يخرع انقهرت عدل هذا هو حمد انسدخت جنبه وهي تمثل القوه حمد لف عليها وهي وقف قلبها\انتي تبين تتطلقين مني \اعتقد انت تعرف جوابي عدل \ياسمين سمعيني يمكن ماراح اقول هالكلام مره ثانيه ولاعمري راح اعيده ولا احد قبلك سمعه مني بس جد جد انا اسف على الي سويته فيك ..حط عينه بعينها..ماكنت بوعيي الله يخليك سامحيني ..انتظرها ترد لكنها كنت مصدومه شافها طولت لف وعطاها ظهره ياسمين حست انه صادق اسلوبه طريقته صوته نظرته كل شي يثبت انه صادق\آحم ..حمد \ياسمين نامي \حمد اسمعني شوي \نامي الله يخليك ما ابي اسمع شي \بس \خلاص نامي احترمت رغبته وسكتت\حاضر ..تصبح على خير حمد مارد ....بعد دقائق بهمس\ياسمين انا ماتكلمت ولاقلت شي واذا احد سألني بنكر ياسمين ابتسمت <<بخاطرها<<اهم شي انك اعتذرت وخلاص حسستني انك فعلاً ندمان وانك حاس بغلطك @@@@@@@@@@@@@ عوده للأحداث قبل ساعات من لقاء سعود وريم منزل جابر بن حمد مزنه جالسه مع اولادها وزوجها مزنه بألم\الله يردك لنا بالسلامه ياسعود زياد\امين والله له وحشه غزل\حتى حنا فقدناه كثير بنين\اشتقت لصوته <تقلده<بنات بس سمعو الكلام انفتح الباب بوقتها\وللحين اقولكم سمعو الكلام الكل اتجهت اعينهم للواقف عند الباب وقد اسنده السائق وذهب مسرعاً بأمر من سعود مزنه كانت الأولى واسرعت له كأنها لاتريد ان يكون هذا حلم أحتضنته ودموعها تسابق كلماتها \وين كنت ياولدي ليه ما اتصلت انت بخير مافيك شي فيك شي يوجعك سعود ابتسم وهو بحضنها\بخير يا امي صدقيني بخير وبعدين اقولك السالفه اهم شي انتي ارتاحي تركها ودخل سلم على ابوه اللي كالعاده مو متأثر البنات سلمو عليه بأشواق ذباحه ونزلت رنيم بعد سلمت هي وزياد غزل استأذنت وراحت تدق لريم ..يا ان ريم بتطير من الفرحه ثواني وردت غزلان بملل\نعم غزل والفرحه بتنط من حلقها\غزوله الريم جنبك \لا وش تبين غزل بصراخ \غزلانوه يالبطه روحي ناديها غزلان بعدت السماعه\وجع فقعتي اذني تراني ابيها الحين اناديها لك ريم بحزن\نعم غزل غزل\البشاره قبل ..بسرعه بموت من الوناسه بسرعه ريم\اخلصي لك اللي تبين غزل بأستفسار مستعجل\اي شي أي شي ريم جاها احساس غريب \اي ..لحظه ...سعود رجع وقامت تصارخ من غير شعور ..رجع صح رجع غزل\ههههههههههه حرام عليك ضيعتي بشارتي ريم والكلام يطلع مثل السيل وصراخ غطى هدوء المنزل \هي لك والله لك صدقيني .. سعود بالجانب الثاني سعود اشر لغزل يكلمها ريم لازالت تتكلم بحماس \أخيراً اخيراً وربي شوي واموت اشتقت له من زمان عنه الحمدالله الحمدالله غزاله اطلبي تمني أي شي حتى لو تبين روحي هي لك \بس انا مو مستغني عن روجحك لا لأجل غزل ولاغيرها سكتت والدهشه على ملامحها اشتاقت له هذا هو هو تداركت الموقف والصراخ اللي مسويته وردت وماقدرت ترد قامت تصيح وتشاهق سعود\ريم..ريم كلميني ..ريم حبيبتي ردي علي ريم \.........بس تبكي \ريم كلميني يالدلوعه ردي علي ريم ببكاء \حمدالله على سلامتك \الله يسلمك ..بس كذا حاف مافيه شي منا مناك ريم \حمدالله على سلامتك ياقلبي ياروحي ياحبيبي ياكل دنيتي اهم شي انك رجعت سعود\ماشاءالله عليك ياقلب سعود كل ذا لي ريم تصرف\سعود وين كنت خوفتني عليك سعود \جايك بالحكي بس الحين تعبان وودي انام مع ان شوقي ذابحني \وانا اكثر بس الحين اهم شي انت نام واذا جلست دق علي \حاضر \سعود \عيونه \تسلم لي عيونك ....أشتقت لك موت ..احبك ..وسكرت بسرعه وطيران خبرت الكل @@@@@@ اما عنده هو جلس جنب امه وخواته مزنه حطت يدها عليه \وين كنت ياولدي وش فيه شكلك كذا \يمه انا الحين بخير صح؟؟ومافيني شي ..يعني لاتخافين \طيب علمني \شوفي يالغاليه بقولك بس لاتخافين انا الحين بخير \طيب \لما نزلت من الطياره بلبنان صار لي حادث عملو لي عمليه سريعه لأن كان عندي تمزق شديد لأعضائي الداخليه المعده والبنكرياس والكبد والطحال كلها تضررت وظليت 3 شهور من عمليه لعمليه بعدها كانت فترة نقاهه بالعنايه وهذا الحين قدام كومافيني الا العافيه مزنه قامت تبكي\متأكد ياقلب امك مايوجعك شي سعود حب يدها وراسها\متأ:د صدقيني مايوجعني شي ..انا بروح ارتاح .وقام واشر لزياد يسنده لأن جرحه مابعد برى...صعد فوق وانسدح وطلعت آآآآآآآآآآ÷ من قلبه زياد خاف\سلامات وش فيك \بس تعبان شوي ومشتاق لغرفتي <<قالها بحالميه زياد بقصد\الا قول مشتاق لـــــ قاطعه \زيادوه عن اللعانه وانقلع زياد \طالع لاتزف كل ذا لأجلـــــ رمى سعود الخداديه عليه \اطلع طلع زياد وهو يضحك أشتاق له صدق البيت من غيره ولاشي ومن غير مشاكل خالد صار البيت فاضي لحظات وطلع سعود رايح لريم @@@@@@@@@@@@@ منزل عبدالله بن حمد بندر استلم رساله جديده من الغريب الحال هذا ماينسكت عنه ابد لازم اتصرف ثواني ودق الجوال رد بدون مايتكلم \اسمعني عدل ابوك مات مقتول .....سكر منه وبندر ريغلي من القهر صار له فتره طويله على هالحال ..رجع ودق عليه بس مارد ..مرتين وثلاث بدون نتيجه ..سكر الجوال وراح الشركه سحب كشف المكالمات وطلع صاحب الرقم لكن ...مو معقول ..الي يشوفه مستحيل .....كيف؟؟؟........لالالا ..بسرعه دخل الورقه بجيبه وطيران يتأكد من اللي قراه @@@@@@@@@@@ منزل العنود حمد جالس مع امه بالصاله وكل منهم بجهه دخل بندر \عمه ..ياعمه العنود وقفت\نعم ياولدي بندر يطالع بحمد اللي جالس يناظره بأستهزاء\عمه ابيك بموضوع \تعال يا ولدي خير وش فيك \لاعمتي لحالك \طيب تعال ...راحو الغرفه وجلسو بنددر طلع الرسايل وعطاهم اياها العنود فتحتهم وقرأت الأولى {{الله يرجم ابوك كان رجال(ن) طيب ..الله يجازي من كان السبب بموته}} الثـــــــــــــــــانيه {{حرام تظل عايش وابوك ميــــــــــــــــــت ظلم وانت ولا انت داري}} العنو دخافت بس كملت الثــــــــــــــــــــال ثه {{لبوك مات مظلوم واللي ظلمه واحد قريب منك بالحيل وللأسف انت مغشوش فيه}} الرابـــــــــــعه {{تبيع أختك لواحد حقير مثله ..ياخسارة التربيه اللي رباك اياها ابوك ياخساره}} العنود مو فاهمه شي طالعة بندر\وش هذا بندر\ كملي ياعمه وبتفهمين العنود كملت بدون ولاكلمه خايفه من نظرات بندر الخـــــــــامسه {{اختك تنذل وتنضرب وانت ساكت والله انك ..والا حرام خلني ساكت حتى الكلمه خساره فيك حرام عليك }} الســـــــــادسه {{أخيراً تصرفت وخليته يطلقها ..زبن منك بس الى الحين ابوك ميت وحقه ما احد ماخذه وانت ولاعلى بالك}} الســـــــــــــــابعه {{اللي قتل ابوك قريب لك ؟؟ اللي قتله عبدالرحمن ...زوج عمتك }} العنود رفعت راسها بصدمه والدموع بعينها بندر بتساؤل قلق\صدق هالكلام العنود ماتحملت وقامت تبكي \علميني الله يخليك هالرسايل توصلني من زمان وهذا جزء منها بس مو كلها وعير مكالمات الجوال اللي كل مره من رقم واخر رقم تدرين من صاحبه طلع الورقه وعطاها اياها قرأت الأسم وهي تمسح دموعها لتعود كالسل الجارف عبـــــــــــدالله بن حمد بن محمد الأمـــــــــــــــــــــ يري بصدمه\اخوي عبدالله \اي اخوك ..عمتي صدق زوجك قتله بأسى\اي ..بس انا ماكنت ادري ماقال لي الا قبل مايموت يشوي احترت وش اسوي وش كنت تبيني اسوي علمني \ما ادري بس على الأقل كنتي تقولين \ماجا ببالي لحظتها ..بس لحظه ليه الأسم مسجل بأسم ابوك \حتى انا مستغرب والأكثر هالرساله دايم تجيني {{لا تستغرب ..ابوك عايش بقوبنا مو مثلك نسيناه }} وربي يشهد ياعمه اني مافيه يوم نسيته العنود\غريبه عبدالرحمن ماقال لأحد غيري بندر\لازم نشوف حل لازم @@@@@@@@@@@@@@@@@@ بعدها بشهور بالتحديد على بداية السنه الجديده 2006....1427ه سعود نزوج ريم وعايشين بسعاده لازال الغريب مع بندر سالم وعائلته حياتهم ازدادت مشاكل وتعقيد غزلان واخوانها على حالهم اما بنات العنود ذاق والعذاب والويل من حمد وهي ماتقدر تسوي شي جابر الطمع اعمى بصيرته ابناء العم احمد مثل ماهم عدى الوليد اللي يجي لبيت عبدالله بحجة عيال اخته بس هدفه المختفي هو العنود @@@@@@@@@@@@@@ جابر مع العنود في جدال حاد ..حاد جداً العنود\مستحيل ذيك المره رضيت هالمره لو على قص رقبتي ما وافقت \هههههه ضحكتيني اقول غصب(ن) عنك مو طيب منك فاهمه \لا ياجابر انت اللس افهم ضحيت ببنت من بناتي مره وهذا هي متعذبه لكن الحين مستحيل اكرر نفس الغلطه مستحيل جابر مسكها من شعرها\اسمعي ياعنيد الظاهر انك ماخذه بنفسك مقلب ..بتوافقين غصب عنك فاهمه ..ورماها على الأرض وجا بيرجفها ببطنها بس وقفه ضربه قويه على وجهه \اياك تمد يدك على عمتي فاهم جابر بغضب كاسح مسك بندر من رقبته \تمد يدك علي ياولد حصه \حصه تاج(ن) فوق راسك واشرف منك جابر ضغط بزياده\حصه عمرها ما كانت اكثر من حشره بطريقي بندر غضب واصابته الحميه واعمى الحقد بصيرته بعده بقوه وضربه العنو دتطالعه خايفه يذبحه مسكته \خله مايستاهل \لاياعمه اللي مثله حرام يعيش خساره ان اسمي مرتبط بأسمه خساره انك من عائلة الأميري خساره النسب فيك جابر بعده\هذا اللي قدرت عليه تضرب عمك وتهينه والله وعرفت تربي ياعبدالله ولدك يرفع صوته علي ويضربنب افرح ياولد حصه افرح بقلة الأدب اللي مسويها العنو دبغضب\بس ياجابر ترحم على اخوك تربته تربية رجال تستاهل نثني عليها وننحني لها {{عيون تراقب الأحداث بخوف على الشخص الغاضب وشفقة على المرمي }} جابر قام بيطلع بباقي كرامته بس وقفه صوت بندر \اسمع يابوسعود بنات عمتي مالك دخل فيهم ولا لك كلمه عليهم واذا اخوهم النذل ما سألأ عنهم فهم خواتي من اليوم ورايح وهالشوارب مب على رجال اذا خليتهم لك العنود بفخر\صدق انك رجال من ظهر رجال جابر\هه نشوف ..وراح من البيت @@@@@@@@@@@@ إلى اللقاء | ||||
|  |
|
20-07-19, 10:50 AM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| السلام عيكم ريميه نيولفر حيكم اسعدني تواجدكم بكاء يابطه وينك ماشفت ردك استلمو البارت ويارب يعجبكم الجـــــــــــــــزء التاسع عشر ماقبل الأخير منزل العنود بعد عاصفة جابر جلس بتعب بعد ماطلع عنه مسح الدم اللي بفمه ...صحيح انه رياضي لكن عمه خلقه اقوى منه ..{احت العنود جابت معقم وحطت له بندر تألم جاله ضرب مو صاحي من همه بندر مسك يدها \عمه وش ماسك عليك عمي جابر العنود ارتبكت وسحبت يدها\من قال انه ماسك علي شي \اول شي خوفك هذا وثاني شي سمعته يهددك اذا ماسويتي اللي يبي بيفضحك \بس اللي صار مو بيدي ومادريت الا لما خلاص صار وقضى \طيب قولي لي \اخاف اطيح من عينك جات جلست جنبه \انت مو بس ولد اخوي ربيت تحت عيني انت بالذات لك معزه خاصه غير عن كل عيال اخواني لأنك ولد الغالي والغاليه اخت الغالي انت ولد اخوي اللي اعتبره ابوي الروحي وما ابي اخسرك \صدقيني ياعمه ماراح تتغير نظرتي لك ابد لأنه مو قصدك صح واوعدك ما اغيرها مهما كان السر \اجل اسمعني انت وعدت ..وقفت بعيد عنه وعطته ظهرها\انا انا ذبحت ابوي @@@@@@@@@@@@@ نفس الوقت بالقرب من منزل محمد بن حمد عقاب ميثم بن محمد على يد وليد والشله كان سهران بأستراحتهم هو وربعه طلع لبيته وراح غرفته ثواني وينطلق انذار سيارته طلع لقاها تحترق ميثم صار يدور حولها \لا لا لا سيارتي الحلوه ...لا وصلت سيارة الأطفاء طفوها واخذو اقواله من يشك فيه واذا عنده اعداء سلطان\قول الحمدالله انك ماكنت فيها ميثم\حرام توني شاريها ما اخذت شهرين تركي \اذكر الله يمكن خيره ودفعة بلا عن عمرك محمد\خلاص ياعيال اللي صار صار الشرطه بتمسك اللي سواها دخلو كلهم غرفهم ميثم منقهر يبي يعرف من اللي سواها دق الجوال رد وسمع صوت ضحكه\هههههههههههههههههههه� �ه وش رايك بالأحتفال اللي صار قبل شوي حلو ها ميثم وهو راص على الجوال بقوه\انت اللي سويتها انت ؟؟؟ وليد\قلت لك لاتحط راسك براسي ماسمعن استلم ياولد الأميري جزاك \ولد الأميري تاج(ن) فوق راسك واوريك مردوده سكر منه ميثم منقهر يقدر يبلغ بس يبي ياخذ حقه بيده @@@@@@@@@@@ عوده لمنزل العنود اجل اسمعني انت وعدت ..وقفت بعيد عنه وعطته ظهرها\انا انا ذبحت ابوي...لفت عليه بسرعه بس ماكنت اقصد بأستغراب\كيف ذبحتي جدي؟؟؟ \موبقصد والله مو بقصد اسمعني انت وعدت بندر مو قادر يستوعب عمته تسوي كذا\اسمعك قولي العنود ودموعها تسبق كلماتها\لما اخر مره ابوي جاته سكته قلبيه كنت معه ولما حس بالوجع طلب الدوا انا ماكنت ادري أي واحد كانت حصه هي اللي تعرفه وانا ما ادري عطيته جرعه مضاعفه ماكنت ادري بعدها مــــــــــــــات لاتظن اني فرحت يوم مات لا ظل تأنيب الظمير يعذبني ليومك هذا انا لما مات ماكنت ادري اني السبب لحد ماقال لي جابر انه شافني اضاعف الدوا واعطيه انصدمت وظليت ما اكلم احد ولا ارد على احد غير عبدالله وحصه ...عرفت الحين وش ماسك علي وقمت تصيح بزياده بندر قام لها وحب راسها \انتي قلتيها ماكنتي تدرين وبعدين هو مات الحين وهذا كان يومه العنود\الله يرحمه والله مو بقصدي حتى لو ظلمني هو ابوي \خلاص ياعمه انسي اللي صار ...وحضنه حمد دخل وهو سكران \ياسلام احسن عطها بوسه واحضنها زود ,....وو سو .....ماكمل كلامه لما عطاه بندر نظره سكتته حمد\لاتطالعني كذا ياولد عبيد هنا بندر ماتحمل فاض به الكيل كلن يجي ويغلط على ابوه ضربه يكس على وجهه حمد اساساً ماكان بوعيه ضرب بندر وطاح عليه وامسكه من رقبته ومارضى يتركه العنود تصيح وتحاول تفكه مو قادره لحظات ..ثواني حس بندر بروحه تودعه مع انه كان اقوى من حمد بس اللي صار له الليله خلاه يستسلم حس انه يومه ولازم يودع دنياه لكـــــــــــــــــــــــ ـن العنود اخذت المزهريه <التحفه <<اللي يمشي معكم وضربت حمد على راسه وطاح بندر حس انه تحرر والضفط اختفى فتح عيونه لقى حمد بالأرض والعنود تصيح والبنات حولها بسرعه شال حمد وخذه للمستشفى امــــــــــــــا عند العنود تصيح\ذبحت ولدي بيدي ذبحته انا مجرمه ذبحته سمر\ماما هدي حمد بخير بس اغمى عليه تأكدت منه مافيه شي <<ماتنسو طالبه بكلية التمريض>> ندى ماسكه رهف وامجد وساكته امال تدعي بسرها انه مايقوم وصله بندر وجلس لحد ماطلع الدكتور عنده اغماء بسيط وراسه مجروح شوي وبس ابتسم عمتي مو بالحيل قوي ماجاك شي ياحمد دق عليهم وطمنهم وراح بيته بعد هالليله الطويله @@@@@@@@@@@@@ صباحاً جديد منزل سالم الحوار بين سامي وديمه ديما\وليه ابوك مايرضى لها تطلع \يقول يبي يحافظ عليها من هالبشر \طيب والدراسه \ديما فكيني عندك ابوي سأليه \سامي يامال الوجع رد \ديموه عقلي ولاتسبين \اوفــــــــ منك جاوب طيب \صرحه ابوي يقول البنت مالها بالدراسه لأن مكانها خدامه عنده \حتى بنته!!!! \وتبين الحق حتى انتي انصدمت\وش هالنظام اللي عنده ديما مو تقولين اني قلت انا مال دخل \طيب سؤال اخير \يا ليل خالتي وش عندك على ها الأسئله \اول شي كم مره اقول لاتقول خالتي وثاني شي ابي اعرف عنها كل شي بأستغراب\ليه؟؟ \صراحه امي قالت لي لانها تشبه وريف بنت خالي عبدالله \اخت بندر \انت تعرفه \اي ...مو هاذي البنت اللي كل مره تجين من بيت اهلك رفيف تتكلم عنها \ايوا عليك نور ..يلا جاوبني رفيف اختك من امك وابوك \تبين الحق \اي \ما ادري سألأي ابوي \اوف منك مامنك فايده ..وقامت وتركته \لاديما خربطت عقلي اطلع احسن @@@@@@@@@@@ حمد بالمستشفى وعنده الدكتور الدكتور\يا اخ حمد ماتقدر تطلع حالتك مابعد تتحسن \شف عاد انت قلتها بلسانك حالتي وبكيفي وانا اسوي اللي ابي مالك دخل \باخ حمد انت مو بس مجروح وحاتمال يجيك ارتجاج ويرتفع عندك الضغط لأن الظربه بمكان حساس لا يمكن يكون عندك مرض ثاني ولازم نتأكد منه \قل امين جعلك المرض ..انت وش دخلك اطلع منها ما دخلك بقلة صبر\اسمعني اخوي مايحتاج تغلط دقائق وتطلع النتيجه نتأكد منها وبعدها سوي اللي يريحك حمد رمى عليه الكلينكس\اطلع برى احسن لك طلع الدكتور معصب هالأشكال ماعندهم احترام لأي احد هذا جزاتي اني اعالجه @@@@@@@@@@@ نهاية البارت قربت حكايتي على النهايه احترت كيف انهيها احترت كيف اودع شخصياتها احببت بندر فهو يستحق الشكر كرهت حمد فهو شخص حقير بكل معنى الكلمه احببت سعود وسلطان وعبدالله احببت هيثم لمرحه كرهت سلبية محمد وجبروت جابر ربما لم اكتب عن الأمهات فقصتي عن الظلم لا الحنان هناك اشخاص مثل حمد وجابر وسالم وخالد وعبدالرحمن كماهناك من هم مثل عبدالله وبندر وسعود وسلطان وزياد هناك من قتلت احلامهم مثل غزلان وياسمين والعنود وهناك من يعيشون بخوف مثل غزل وبنين وآمال وندى وسمر وديما وهناك من حرمو طفولتهم رفيف وامجد ورهف وهناك من اتعض واخر لم يفعل لأن البشر ليسو على نفس الطريقه فمنهم لايتعض مهما حدث له وهذا ما ادود ان اوصله لكم من خلال حكايتي لذا اودعكم الان لألقاكم بالجزء العشرون والأخير قريباً ربما الجمعه او السبت لااعلم لأنه سيكون الأطول تحياتي لكم المجروحه بنت ابوها اتمنى البارت يعجبكم المجروحه بنت ابوها | ||||
|
| |
|
20-07-19, 10:52 AM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجـــــــــــــــــــزء العشرون والأخير الفصل الأول ميثم مع الشله {راشد +غيث+نايف}جالسين بأستراحتهم اليوم عيد ميلاد ميثم يلعبون بالألعاب الناريه<الطراطيع <الشراقي <كلاً ولهجته عاد غيث\ميثم ..ميثم ميثم\ها خير وش فيك راشد\بالله شوف رشود وش لابس ميثم\هههههههههههههههههههه� �.رشود يالخبل شتسوي راشد ارتبك\ها ما اسوي شي ميثم\كاشفينك اعترف غيث\بالله ذي حاله راشد وهو يعدله\عجبكم مو <لابس تي شرت اصفر فاقع مره ومايناسبه ابد> نايف\ترى مصدق نفسك بالحيل انت راشد\يحق لي مو صاحبي ميثم بن محمد الأميري ميثم انحرج\احم لاداعي لاداعي احرجتو تواضعي غيث بها الحضه رمي واحد على ميثم بس ماجاه ميثم انقهر وقام يلحقه وهو اتخبى حنب الشجر رماه عليه بس ماجاه لأنه انسدح بالأرض من كثر الضحك وسكت هم فطسو عليه ضحك بعدها ماسمعو له صوت ميثم جلس\غيث اطلع نايف\تعال ورنا الفشيله راشد\خله يخبي وجهه عنا دقائق مرت وماسمعو صوته قام ميثم \غيث وش فيك لحقه راشد ونايف لأنه مو من عادته ما يرد عليهم لكــــــــــــــن اللي يشوفونه ..وش صار ؟؟؟ نزل له ميثم وهو مصدوم ومعه نايف نايف \غيوث قوم بالله قوم ميثم \بسرعه سيله معي ..راشد قرب السياره شالوه وطيران لأقرب مستشفى لتحل فاجعتهم ..غيث مــــــــــــــــــــــات ايام مرت احزان الالام قلبت حال شلة المرح من النقيض للنقيض فقدو غيث صاحبهم بسبب طيشهم وتهورهم ميثم بغرفته فاقده بالحيل كانو اعز اثنين مثل الأخوان واكثر هو اقرب واحد له راح تفكيره وقت اللي صار راح له ولقاه مرمي على الحصى وراسه مجروح وينزف وعيونه مفتوحه وشكله ودع من اول ماطاح ولما خذوه للمستشفى طلع ميت لحظتها انهارت حصون قوته اختفت وتلاشت ضحكته الى هذا اليوم وكانت هذي نهايه لميثم وعدم مبالاته وبها اخذ اقسى دروس الحياه فقدان الصاحب بس انتظرو النهايه مابعد تكتمل @@@@@@@@@@@@@ من ذكريات الماضي (((من صفحات الذاكره لأخر مره قبل 15 سنه بعد اختطاف بنت عبدالله منـــــــــــــــــزل سالم ام سامي نوريه\وش اسوي بهالبلوه؟؟ \ربيها صدقيني بيجيك خير كثير من وراها \طيب بس شرط النص بالنص \اكيد افا عليك \وش اسمها \جابر قال رفيف \خلاص بس ماراح اميزها عن ولدي حالها حال سامي ويمكن اقل \ومن قال خليها لحد ماتكبر وتصير خدامه تحت رجلك \ههههههاي والله صادق \هههههههه يلا انا رايح ..سلام \سلام اشوفك بعد 15 او 20 سنه \انتظرك \وانا بعد لكن مشيئة الله ابت وتوفت زوجة سالم بعد 10 سنوات وظلو عياله عند جدهم لحد ما توفى بعدها سامي اخذ اخته ورجعو لبيتهم القديم وهم يحاولون يعتمدون على نفسهم وهو ماكان يدري انها مو اخته ويستغرب لما ابوه يطلب منه يأذيها ويعذبها وهي ماكانت تدري انها مو بنته ماتدري ليه يعاملها كذا اما حصه فقدت الأمل من بنتها طبعاً والكل عرف انهم توأم ووحده ماتت واللي نشر هالكلام جابراخذ حلال عيال اخوه وحرمهم كل شي والعنود كانت تساعدهم بالللي تقدر عليه لحد مابندر كبر وصار يصرف عليهم @@@@@@@@@@@@ عوده للأحداث قبلها بالمستشفى العنود تزو حمد ام وماتقدر قلبها مايطاوعها جالسه تتأمله وش الغلط اللي سويته بدنيتي لأجل ربي يعاقبني بهالولد ليه ربي ابتلاني بك تمنيتك تكون غير بس الظاهر تربيت ابوك لك هي السبب آه ياحمد الله يهديك {وقفه خارج النص } حمد ماكان كذا ولاكان انسان منحط الا لما اخذه ابوه معه يشرب ويسكر وهو ماكان راضي بس ابوه اجبره وهناك اعتدى عليه واحد من اصدقاء ابوه .... وابوه ما يدري وتكونت عنده عقده وحقد على المجتمع ظل يعني لحاله بدون ما احد يدري حمد كان ساب عادي وله طموحه مثل الكل وكان مايترك صلاته بالمسجد ويحاول يبعد عن ابوه بس ابوه كان مصر عليه يشرب معه لحد ماصار الي صار وقام يشرب لعل وعسى ينسى صار يكره كل شخص يعرفه اولهم امه لأنها ماحاولت تدافع عنه وهذا بأعتقاده وكان يحس انه لازم يحط اللوم على احد فحطه على امه لأنها قرب الناس له والى الان ما احد درى {عوده للأحداث} حمد صحى ولقى العنود نايمه عنده ابتسم بسخريه كذا كنتي تسوين لما كنت صغيربعدها نسيتني هه جايه تعوضين \هيه انتي العنود انتبهت\انت صحيت \لا نمت شايفتني اكلمك اكيد صحيت \الحمدالله على سلامتك \الله لايسلمهم انتي ليه جايه ومن جابك؟؟ \جايه اشوف ولدي والا حرام وبندر هو اللي وصلني \اهااا احين صرت ولدك ..الا قولي جايه تكملين جريمتك ناتي وولد اخوك وتقتلوني \حمد وش هالكلام لو ماسويت كذا كنت بتذبحه وبيذبحونك بداله ترى بندر غالي عند الكل \اكيد مو هذا ولد عبيد وحصيص حبيبة خالي جابر واخت هه حبيب قلبك عصبت\حمد صدق انك قلبل ادب وماعرفت اربيك ..وقامت بتطلع \هه سلمي لي على شريكك الثاني بنــــــــــــدر الغالي قالها بسخريه طالعته العنود بقهر وطلعت ليه ياحمد تحاول تجرحني بأي طريقه ليه ناسي اني امك الله يسامحك ياولدي الله يامحك دقت للسواق ياخذها مع انها تبي تظل معاه بس هو ؟؟ @@@@@@@@@@@@@ عوده اليوم سالم بشركته اللي افتتحها اتصال مزعج ازعج هدوء المكتب رد\سالم للنقل معك سالم \مرحبا سالم \نعم من معاي \واحد ماتعرفه..اقول سالم ماودك ترجع بنت عبدالله الأميري صدمه\اي بنت \رفيف اللي اخذتها من المستشفى قبل 15 سنه \وش تقول انت ؟؟من انت ؟؟ \رجعها قبل ماتندم وصدقني هالمره مايكفي السجن الا الأعدام ويالله \وش هالخرابيط رفيف بنتي ربيتها سنين وتعبت عليها وجاي تقول رجعها \اي ربيتها وانت معذبها ليومك هذا رجعها قبل ماتندم ..وسكر بوجهه \الو من انت رد الو ..من وين جات لي هالمصيبه مافبه الا جابر هو اللي ورطني @@@@@@@@@@@@@ شركة جابر سالم دخل عليه بكل عصبيه جابر\خير خير وش عندك بعد \بنت اخوك \اي اخو ؟؟ \بنت عبدالله رفيف تذكرها \وش ذكرك بيها بعد كل هالسنين \واحد دق علي وهددني وقال لازم ارجعها \وان اوش يدريني عنها وش دخلني فيها \علينا يا جابر حنا طابخيناها سوا \هه لا يا بابا انت اللي طابخها لحالك انا مادخلني ولا عمري شفتها \هالكلام مايمشي علي بنت اخوك لازم ترجع \وبالله من وين تبيني اجيبها بعد بعد كل ذا السنين \من وين ناسي انها عندي \وشو عندك؟؟؟؟؟؟!!!!!!!! \اي عندي جابر مسكه من ياقة ثوبه \وش تقول انت انا ماقلت لك ودها دار الرعايه ا واي مكان المهم مايلقونها بعده عنه\اوف اللي صار صار والحين حصه ماتت \بس عيالها عايشين واخوانها موجودين \اخوانها ما اسألأو قبل بيسألون الحين \ما سألو لأنها ماتقول ماتنطق بس عيالها بيقولون وعندهم ادله تكفي تسجنك وتسجني \وانا وش دخلني انا عبداً مأمور انت اللي تأمر وانا انفذ ناسي ياجابر وش صار لحصه \ســــــــــالم لاعاد اسمعك تعيد هالموضوع \نهاية الكلام دبر لي حل \وش دخلني فيك \اذا انا طحت بتطيح معاي \لا مستحيل انا بنكر كل شي وبقول يتبلى ومن بيصدقون اخوهم وعمهم او اللي اعتدى على بنت عمهم \هه نشوف ياجابر ..نشوف وطلع ورقه من جيبه وعطاها اياه وطلع جابر قرا الورقه وانصدم @@@@@@@@@@@@@@ وقت الصدمات وانكشاف الحقائق احتماع العائله منزل العنود الكل وصل عدى جابر البنات بجهه الأمهات بجهه والأباء بالمجلس الخارجي عندهم حيث الكل مجتمع لحظة اعتراف سالم \ياجماعة الخير اسمعوني الكل التفت له {تذكير بالموجودين} محمد تركي سلطان زياد بندر ميثم سعود سامي سالم بربكه\انا سالم بن فهد زوج ديما بنت عبدالرحمن ادري تعرفوني لكني بقولكم شي سويته من زمان وفي شخص اجبرني عليه ودي بس لو تنادون العنود محمد\وليه تبيها؟؟؟ \وبعد خوات بندر بندر \تبيهم يدخلون عند الرجال \ادري صعبه بس الموضوع ضروري الكل اانقلبت وجيهم محمد\خلاص نادوها احنا كلنا اهل بندر كلم خواتك وعمتك الكل بدى يطالع سالم بحقد يالم \سامي يا ابوك \سم يبه \قوم ناد اختك بصدمه\يبه وش تقول \قم بلا كثرة حكي قام سامي مستغرب من ابوه واللي يفكر فيه البنات ما كانو اقل صدمه وخصوصاً رفيف هي ماتقربهم دخل ومتغطيين وجلسو جنب بعض تذكير بالبنات {العنود ياسمين بسمه وريف رفيف } العنود كاشفه كل الموجودين يحلون لها\خير يابو سامي وش عندك \الخير بوجهك ..اذا تذكرون قبل 15 سنه لما ولدت ام هالطيب ..واشر على بندر..كانت جايبه توأم صح العنود\صح هالشي نعرفه \و وحده منهم انخطفت بس بدون لا احد يدري صح بندر\عمي جابر قال ماتت سالم\هذا اللي كان جابر يبيكم تصدقونه لكن البنت انا اخذتها الكل شهقو بصدمه وكلهم عصبو سالم\اسمعوني قبل ادري غلطان لكن مو انا السبب البنت خذتها وربيتها وانسجنت 12 سنه والسبب اللي صار لحصه تذكرون العنود بصدمه\انت اللي سويتها محمد وقف بغضب \وش تقول انت وش مصلحتك وش تبي جاي تفتخر بسواد الوجه ذا الحين سالم\هدي يا ابو تركي واسمعني للأخر بندر\ وش اللي صار ذاك الوقت وش صار لأمي سالم\اللي يدري يدري واللي مايدري يسأل اسمعوني البنت هذي هي قبالكم رفيف هي بنتكم الكل اتجهت عيونم لها وهي ترتجف ابوي واخوي موهم وهالناس اهلي ليه ليه بندر وقف\وش تقول انت سالم\هذي اختك انت تذكر انهم توأم ماكنت صغير وقتها بندر\وش اللي يضمني انها اختي سالم\اكبر دليل الشبه اللي يوصل حد التطابق...اكشفي يابنت بندر \وش تكشف انت بعد المكان مو مناسب \مو تبي تتأكد \بس مو كذا محمد\ياعيال بسرعه فضو المكان سالم\اكشفي رفيف وهي شوي وتصيح\بس يبه \انا مو ابوك اسمك مسجل باسم رفيف بنت عبدالله وهذا اخوك وهذا عمك \ليه تقول كذا انا وش سويت لأجل ترميني لهم بندر حاس بشي تجاهها\اذا ماتبين انتي حره \وريف ممكن اتكلم بندر لف عليها\تكلمي \انا اقدر ابصم لكم بالعشره انها اختي بدون ماتكشف الكل \كيف؟؟ وريف وقفت جنبها ومسكتها رفيف مسكتها بدون تفكير انا اقولكم هي اختي وماراح اتخلى عنا ايش ماصار ويكفى الشبه سالم\هذي الأوراق تثبت ..وعطاهم اياه ....... رفيف بدون شعور صرخت\ليه تسوي كذا ليه مايكفي عذبتني سنين مايكفي حرمتني طفولتي مايكفي عاملتني مثل الخدم مايكفي قسوتك وانانيتك على الأقل كنت قلت لي اني مو بنتك على الأقل كنت وقتها بعطيك العذر الحين جاي ترميني لهم ليه وقامت تصيح بندر \ماعاش من يهينك وانا ولد ابوي سالم\جابر اللي خلاني اسوي كل ذا محمد\وش قاعد تقول نت سالم\مو مصدقيني بندر\وليه يسوي كذا اصلاً سالم \اذا جا اسأله لحظات ليدخل جابر \خير وش صاير ليه العيال بره ..شاف سالم وارتبك لف على محمد محمد بغضب\جابر وش مهبب انت \ولاشي سالم كذاب يكذب عليكم \لاتكذب بنت اخوك ياكلب زوجته عياله وكل هذا ماسويت شي دخلو العيال على اصواتهم جابر بربكه\مو انا هذا سالم سالم \انت اللي خططت ودبرت كل شي عطيتني المليون وزوجتني بنت العنود لأجل اسكت جابر\ماعندك اثبات على كلامك \لا عندي لاتحسب اني غبي لأجل اثق فيك انت واحد ماتستاهل خنت اخوك واخذت حلاله ودمرت بيته العنود والبنات يسمعون ودموعهم انهار والأولاد بحالة صدمه هالكلام اول مره يسمعونه بندر \وش سوى لكم ابوي طول عمره ما اذى احد عايش بحاله ليه قرب من جابر بقهر وضربه بكس قوي وتفل عند رجله جابر عصب وطالعه بحفد\انت عارف { معنى هالحركه حتى الضرب خساره فيك مهوب رجال يستهل احد يتعنى لأجله<هذا عندنا عند الناس ما ادري>} سعود \وش سويت بندر بقسوه ماتناسبه\يستاهل ما جاه محمد\صحيح بس هذا عمك جابر\خله ولد امه ولد حصيص اللي... .ماكمل كلامه لأن بندر ضربه بكس ثاني ..مسكوه الشباب يندر بقهر\قلت لك مليون مرهامي اشرف منك يالواطي صوت هز كل من سمعه واصابهم بصدمه\بنــــــــــــدر الكل لف عليه بندر يتأتأ بالكلام اللي يشوفه شي مستحيل \يبه عبدالله <<فديته ^_^>>\اي ابوك عبدالله ياجابر ..عبدالله يالعنود ...عبدالله اللي نسيتوه ..اللي جرحتوه وهو حي وجرحتوه وهو ميت العنود بسرعه راحت له وحضنته ودموعها انهار\انت عبدالله اخوي ..عبدالله عبدالله\اي اخوك ياسمين بصدمه\بس انت ميت؟؟ \لا يابنتي مام ت حي واللي دفنتوه واحد غيري مو انا بسمه راحت له وحضنته وهي تبكي بقوه لأول مره تضعف لهذي الدرجه محتاجه سند محتاججه ابو تبي ترتاح \وينك يبه ليه تركتنا ليه عبدالله حضنها بشوق وباس راسها جا له بندر وضمه بكل قوته \حمدالله على سلامتك يبه وين كنت كل هالسنين اشتقنا لك \انت داري خبرتك بندر ابتعد بصدمه\انت اللي كنت ترسل لي \اي انا اجل مين محمد وصل عنده وخذاه لحضنه \حمدالله على سلامتك مو مصدق والله مو مصدق الباقي كلهم حالتهم الصدمه وبالأخص جابر وسالم خايفين من اللي سووه عبدالله \ الله يسلمك ياسمين توها تصحى من الصدمه راحت له وضمته بقوه\كنت محتاجتك يبه وين كنت ؟؟انظلمت وانهنت وانذليت وانت بعيد عني الكل بكى بكى تأثر الموقف اكبر منهم كلهم عبدالله ضم بناته كل وحده غير عن الثانيه كل وحده تتميز بشي وصل لوريف \انتي وريف صح وريف تطالعه باستغراب ماتعرفه ماعرفت ابو الا بندر طالعته فهمها بندر وجا عندها\وريق هذا ابوي اللي كنتي تتمنينه من زمان روحي يللا وريف ضمت بندر \مااقدر ما اعر فابو غيرك عبدالله\ورفيف ماتبي تسلم بعد؟؟ رفيف حاله خاصه لازالت مصدومه من اللي سمعته فما كان منهاالا انها تنهار أي ابو انت او هو؟؟أي اخو انت او هو ؟؟<طالعت لسامي وبندر واحتى أي عائله <وبصراخ>انا وش سويت لكم وش سويت حرام عليكم وقامت تبكى بقهر وريف ضمتها كانها تواسيها عبدالله جا لها وضمها هي و وريف وحضنهم غصب \وربي اللي خلقني ورجعني بعد ما كنت بموت ما احد يأخذ حقكم غيري بعدهم وراح لجابر اللي الى الان مصدوم عبداللهججا وقتك يا اخوي جات لحظة هزيمتك مايهون علي لكنك السبب ...زوجتي وتعذبت من وراك وانظلمت واغتصبت أي نعم اغتصبت والسبب انت وهالكلب<يقصد سالم>والحين لازم تدفع الثمن سالم\تكفى يا ابو بندر تكفى ابوس رجليك (طاح عند رجلين عبدالله)سامحني سامحني بعده عنه\لا وربي ما اسامحك اذيت زوجتي...ضربت بنتي ...سرقت حلالي انت وياه والحين جاي تبي اسامحك لا والف لا اطلع من هنا ولاعاد اشوفك وبنت اختي تطلقها ..اي نعم تطلقها سالم \وش دخلها هي زوجتي \لا مو زوجتك تضربها وتذلها وتهينها مانرضاها هذي بنتنا طلقها احسن لك سالم\بس.. عبدالله\بلا بس بلا خرابيط سو اللي قلت لك عليه والا السجن يبيك ناسي سالم نزل راسه وسكت عبدالله \وانت يا جابر ؟؟ جابر \......... \اشوفك ساكت وين ظلمك ؟؟وين قوتك ؟؟وين جبروتك وقسوتك؟؟ جابر مايقدر يرد الى الان مو مستوعب مو مصدق وجود عبدالله كل اللي سواه كل شي رجع له ويتذكره عبدالله\وش كان عذرك لما اذيت زوجتي بنت عمك وعيالي وش ذنبهم جابر \كنت احبها ..احبــــــــــــها بس هي ماعبرتني كرهتك يا اخوي اخذت حبي وحياتي المفروض انا اللي اخذها مو انت كانت لي ..لي عبدالله\ لا يا جابر هي لي ومسميه لي والعنود لوليد بس طمعك انت واخوك هو اللي فرقكم ابوي كان راضي بوليد زوج للعنود بس انت السبب لو يدري عمي احمد كان ماخلاك تدوس بساطه مره ثانيه ...وربي خساره حتى وليد ولد عمك ماسلم من شرك جابر\بس ..بس اسكت لاتكمل .......ثواني ليقع جابر مغمي عليه ويا لسخرية الموقف اول من اسرع ليمسكه ....عبدالله حتى لو فعل جابر ابشع الأشياء سيظل اخيه اللذي لايستغني غنه @@@@@@@@@@@@@ يتبع..... | ||||
|
| |
|
20-07-19, 10:54 AM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الثاني بعد عدة ساعات عند الحريم عبدالله دخل مع العنود العنود تعرفه بنات اخوانه العنود\ هذي بنتي ديما وسمر التوأم وهذي ندى وامآل ورهف البنات سلمو عليه وهو البسمه مافارقته العنود\وهذي بنت محمد غزلان وريم زوجة سعود عبدالله\ما شاء الله عليكم ربي يرجع دلال بالسلامه غزلان دمعت عيونها\امين ريم\ امين العنود مبتسمه\والحلوه هاذي رنيم خطيبة تركي وبنت جابر ...واحم هذولا خواتها غزل وبنين رنيم سلمت وهي كاسره نظرتها وماتقدر تطالعه عبدالله\ليه هالنظره يابنتي رنيم \ما اقدر ارفع عيني بعينك مفتشله من اللي سواه لك ابوي عبدالله رفع ذقنها بيده\لا يابنتي انتي عزيزه على قلبي واللي سواه ابوك مالك دخل فيه ما ابيك تنزلين راسك ارفعيه وافتخري انك من بنات الأميري رنيم ابتسمت وباست راسه وجلست مع خواتها جلس عبدالله وياسمين ماسكه يده وبالجهه الثانيه بسمه والعنود اما وريف ماسكه رفيف توأم والتقو ماقدرو يعبرون عن مشاعرهم تجاه بعض الا بعيونهم عبدالله يكلم ياسمين\وين عيالك ماشفتهم ياسمين بصدمه\انت تدري؟؟ \اي وانا اللي اجبرت حمد يطلقك ياسمين ضمته بقوه \مشكور يبه مشكور ..ابتعدت وا نا اقول ليه غير رايه عبدالله\وانتي يالعنود ؟؟ \وانا ايش مبسوطه انك عايش ..مبسوطه بك ...متفشله من عبدالرحمن واللي سواه ...مو عارفه احدد شعوري بندر وصل \طريق ياولد البنات تغطو ياسمين\ادخل بندر حياك بندر دخل وباس راس ابوه ولف لبسمه \وخري بجلس بسمه وهي تشد على ذراع ابوها\ ما ابي روح هناك بندر \افا انا بندر ..بس يحق لك جاك عبدالله بن حمد اللي ينسيك بندر وطوايفه بعد عبدالله ابتسم ولا شعورياً قام حضنه \لا ياولدي انت ما احد ينساك رجال من ظهر رجال الله يرحم امك عرفت تربيك صح بندر بعد عن ابوه وباسر رأسه منحرج منه لأن قدام البنات \احم يبه طلعو عمي جابر من العمليات قبل شوي عبدالله \وكيفه الحين؟؟؟ بندر بأسى\جاله شلل نصفي رنيم اغمى عليها بحضن غزل الي قامت تصارخ الكل التفت عليهم سمر راحت لها وفحصتها وكشفت وجهها بندر شافها وغض البصر بسرعه عبدالله بتوجس\كيفها الحين ؟؟؟ سمر\بخير خالي بس اغماء بسيط عبدالله \الحمدالله يا الله يا ابو عدب الله نمشي ؟؟ بندر \يلا طلعو وراحو المستشفى لجابر @@@@@@@@@@@ بعد أيام امن الأحداث اجتماع العائله الأسبوعي للمره الأخيره منزل عبدالله بنت حمد للمره الأولى الأجتماع هناك عبدالله جالس مع العنود العنود\ماقلت لي يا اخوي وين كنت طول هالفتره ؟؟ عبدالله لما ضربني عبدالرحمن طحت واغمى علي بس ما مت مثل ماكان هو يظن مر علي واحد جزاه الله الف خير واخذني للمستشفى وظليت كم يوم بعدها صحيت واخذوني لشرطه ليش وش صاير قالو لي انت متهم بكذا وكذا قلت مو انا .....انا عبدالله بن حمد الأميري ما اسويها قالو لا انت فلان بن فلان ومزور وسارق وما ادري ايش انا خلاص تنرفزت وماتحملت وتهجمت على الظابط وضربته وهو انصاب وسجنوني بعدها بتهمة التعدي على رجل امن ولأنهم يحسبوني هذا اللي انقذني واخذ كل اوراقي وعطاني اوراقه حكموني 14 سنه والحمدالله انها كانت كذا وبس وهذا انا طلعت سليم الحمدالله العنود\الحمدالله على سلامتك يالغالي بس باقي سنه وين قضيتها ليه مارجعت ؟؟ \ماكنت عارف كيف اواجهكم او كيف اقولكم واصلاً ماكنت قادر القى لقمتي بعد ماطلعت لحد ما لقيت بندر بالصدفه ولحظتها <طالع لبندر بفخر > كان بيوصل اخته طالع من المكتب وقتها لحقته لحد ما وصل البيت وظليت اراقبه خايف يصير فيه شي مثل اللي صار لي بس هذا ولدي ذيب ماينخاف عليه بندر ابتسم بأحراج ونزل راسه بسمه\من قدك بندوري الغالي يمدحك بندر\بـــــــســـــــمه خلاص عاد عبدالله ابتسم\وبس هذا اللي صار معي ياسمين \الحمدالله على سلامتك والله كملت فرحتنا لما عرفنا ناك عايش و موجود عبدالله بنظره للتوأم\اذا كانو بناتي الحلوات مو مصدقات اني ابوهم فرحتي ناقصه من غيرهم بسمه وهي ماسكه بذراعه\لا يبه فرحتنا انك عايش فرحه ماكو مثلها انك موجود بحياتنا هذا شي كثير (ما قدرت تكمل وقامت تصيح ) عبدالله حضنها بحنان\ليه البكى يا قلب ابوك ؟؟ \اشتقت اقول يبه انحرمت منها من طفولتي <حضنته بقوه>تكفى يبه لا تروح مره ثانيه عبدالله ابتسم وهو يشوف الكل يمسح دموعه\انا شاء الله مابروح الا لقبري كلهم \بسم الله عليك @@@@@@@@@@ بعدها بساعه دخل محمد وعائلته البنات راحو داخل وبقى محمد والعنود وعبدالله محمد وهو منزل راسه(انكسار رجل قدام من هو اصغر منه امام من يمثل لهم قدوه اكبر دليل على الأحساس بالذنب وتأنيب الضمير وعلى اشد الندم اللذي يشعر به ) محمد\تكفى طالبك يا اخوي تسامحني والله ما كنت ادري عن شي عبدالله\مسموح يا اخوي ومايحتاج تعتذر انت اخوي الكبير وعضيدي بالدنيا ومثل ابوي محمد حضن عبدالله والعنود بكت<<الله يخليكم لبعض >> سلطان يحاول يخفف التوتر \ليه البكى يا عمه الحين بدل ماتفرحين ؟ العنود\والله فرحانه ..فرحانه من كل قلبي تركي\الحريم لما يفرحون يبكون ولما يزعلون يبكونوكل وقت دموعهم جاهزه العنود ابتسمت\لأن حنا حساسات ورقيقات بندر\بذي ياعمه اشهد لك فيها وابصم بالعشره سلطان وتركي \اووووووووووووووووووووووو� �ووه محمد شاف وجه العنود قلب احمر \خلاص يا عيال الكل \هههههههههههههههههه @@@@@@@@@@@@@@@ النــــــــــــــــهـــــ ــــــــــــايـــــــــــ ـه ههههههههه ههههههههههههههههه لا تصدقون مابعد نخلص بقى فصل @@@@@@@@@@ الفصل الثالث والأخير بعد 3 سنوات 1430 2009 منزل العنود للمره الأخيره كلاً عايش حياته العنود مثل ماهي تحب الكل وتخاف على الكل سمر قريب بتتزوج وبيصدمكم من هو ؟ ندى وآمال لازالو مثل ماهم على نفس القلوب ونفس الطبع رهف وامجد حاليا بالمدرسه ديما تطلقت من سالم وعايشه مرتاحه مع اهلها حمد كلكم بتسألون وش مصيره وش صار معه صح ؟؟؟؟ حمد جاه تليف كبدي بسبب الشرب ومنسدح بفراشه بعد ماسوى عمليه بالكبد صار له كم شهر وممنوع من الشرب والتدخين @@@@@@ آمال دخلت وحطت صينية الغدى وجات بتروح وقفها صوته حمد\ما جبتي لي ماي آمال\ الحين اجيبه \لازم كل يوم اقول صدق ما احد يعتمد عليكم بقر ماتفهمون \حمد وبعدين لازم تغلط يعني ؟؟قلت لك الحين بجيبه \وتطولين لسانك بعد <رمى عليها الكلينكس >برى يا حماره آمال اخذت العلبه من الأرض ورمتها عليه \مافيه حمار وانت موجود وطلعت من عنده بسرعه <بداخلها>حتى وهو بيموت حقير اوف منه اوف العنود\ها عطيتي اخوك غداه آمال بقهر\ يمه ليه دايم لازم انا ابتلش فيه خلي احد غيري يوديه له <جات وجلست العنود\ ندى خوافه وديما مالها خلق وسمر كم اسبوع وتتزوج حرام تتشوه وما بقى الا انتي ندى\بالعربي انتي كبش الفداء آامل \مالت عليكم خوات الفقر ..الا يمه ولدك هذا ليه ما يأخذ عضه وعبره من اللي يصير له دايم اخلاقه زفت العنود\قولي الله يعطيه العافيه ويقوم لنا بالسلامه هو ماكان كذا كله من ابوه البنات\ الله يرحمه ويسامحه العنود\قولو بسم الله واكلو @@@@@@@@@@ عند حمد مره اخيره اخذ الجوال ودق ثواني وجاه الرد حمد\هلا ..الحمدالله وانتم...مو محتاجين شي ...متى راح تجون ...طيب ...لا مو محتاج شي انا بخير ....ههههه عمر الشقي بئي ...لا هالكلام ما اقوله لأحد غيرك ..لأنك غير . ..ادري مايصير .....طيب بوسي لي اياهم ...ههههههه ....لا ما ابيهم يجون اليوم . ...تو اخذت دواي وما ابيهم يشوفوني تعبان ...طيب انتظركم ...... مع السلامه <اخذ الصوره اللي تحت مخدته يطالعها هه مافي غيرك انتي اللي غيرتي في داخلي اشياء كثير بس مستحيل مستحيل انسى سامحيني ياليتك جنبي الحين آآآآآآآآه من بعدك يالغاليه > دخلت العنود في الوقت اللي هو دخل الصوره مكانها العنود\وش عندك ؟؟ حمد\مالك دخل وبعدين ليه جايه \اشوف اذا تبي شي \لا انقلعي \حمد وش هالكلام \هذا كلامي اذا مو عاجبك لايكون \استغفر الله بس ...المهم انت اخذت دواك \الحين بأخذه طلعي ولا عاد تجوني الا اذا قلت لكم \حاضر ..حاضر ..طلعت العنود مقهوره منه @@@@@@@@@@@@@@@@@ منزل عبدالله بن حمد للمره الأخيره ياسمين مع التوأم عبدالله وبندر (حاليا عمرهم 3 سنوات يجنون ) ومعها وريف وفيف وجالسين بالصاله بسمه من المطبخ\وريف يا العله وريف\ عله انتي وش تبين بسمه طلعت من المطبخ \يا مال الوجع تعالي بسرعه ابغاك وريف\رفيف مو كأنها تغلط رفيف كلتمه الضحكه\هههه يمكن ما ادري وريف رمتها بالخداديه\قومي قومي هناك ......لفت على ياسمين اختاه ياسمين وهي تلاعب عبودي \نعم وريف برجا كاذب \شوفي بسمه اذتني ومسويه لي قلق ياسمين وهي تطالع بسمه وماسكه الضحكه\تستاهلين وياليت ينفع عاد ....دق جوالها وقامت ترد عليه رفيف \ ههههههههههههههههههههههههه هه فشلوها وريف بقهر \اي ضحكي وش عليك انا اللي نعتله بها الأخوات ما اقول الا مـ....... ما كملت قاطعها بندر وهو يمسكها \كم مره اقول لا تغلطين وريف\ يا اخوي شفيك علي مناشبني على الكلمه الله يهديك الكل \ههههههههههههههههههههه بندر \وش اسوي لك من بدينا وانا اقول لا تغلطين على اللي اكبر منك وهذا حنا بنخلص وانتي ماتسمعين الكلام وش اسوي لك شوفي رفيف صيري مثلها رفيف ابتسمت بأحراج بسمه\ اقول اخي عزيزي تعال اغثني بندر \ابشري بعزك وش تبين <مسوي فيها جدي سحبته معها للمطبخ \جيب كرتون الأأندومي من فوق الدولاب بندر \نعم نعم نعم .......هههههههههه قسم انك تحفه حسبت شي مهم فشلتينا انتي وكرتون الأندومي حقك بندر الصغير جا له وهو ينطط \اندومي اندومي بندر حمله \لعيونك انت بس بجيبه دخل عبدالله \يا اهل البيت وينكم بسمه ورفيف راحو له وحضنوه وجلسو يشتكون مع بعض والباقي وقفو له احترام بندر باس راس ابوه \اخبارك يالغالي عبدالله وهو يحضن رفيف بخير دامكم بخير ياسمين رجعت بعد ماقفلت الجوال حياك يبه اجلس جلس عبدالله واخذ عبودي الصغير بحضنه \ ها بندر متى الزواج بندر\لحد ما تخلص سمر دراستها ياسمين\ مو كأنها بعيده شوي بندر \ لا كلها سنه وشوي وتخلص عبدالله \الله يوفقكم بندر\ امين وريف ورفيف\ ههههههههههههههههه بسمه رمتهم بالخداديه \تستاهلون عبدالله \وش فيكم وريف وهي تضحك \بسمه لللحين مقهوره ع الأندومي بسمه\ مالت على عقلك انتي وياها الحين اقوم اسويه ولا اشوف وحده منكم تقرب الكل\هههههههههههههههههههه� �ه @@@@@@@@@@@@@ وهذي نهايه عبدالله وبندر وعايلتهم نهايه يستحقونه السعاده تنكتب احيانا بعد ماربي يبتلي الأشخاص الطيبين اللي فيها @@@@@@@@@ منزل جابر للمره الأخيره غزل وبنين عند t.v مزنه تجهز مع الخدم الغدى اليوم بيوصل زياد هو مسافر يكمل دراسات عليا بأمريكا وراجع هالأسبوع اجازته مزنه\غزل .....يا غزل تعالي انتي واختك مزنه من المطبخ/غزل ياغزل تعالي انتي واختك بنين/غزل امي تبيك غزل بصراخ/نعم يمه مزنه/ تعالي غزل راحت لها /نعم يمه مزنه/نعامه .....روحي مع اختك وشوقي غرفة اخوك اذا محتاجه شي او ناقصها شي غزل بملل/يمه مافيه الا انا يعني مزنه/روحي لا اعلم اخوك عليك غزل بتأفف/حاضر ..حاضر سعود نزل شايل ولده خالد وريم شايله بنتها الدانه (عمرهم سنه ونص توأم يأخذو العقل سمى الولد على اسم اخوه وريم سمت البنت على اعز صاحباتها ) سعود /خير يمه وش فيكم مزنه اخذت خالد منه /خواتك ذبحوني مايسمعون الكلام بس جالسين قبال التلفزيون ريم /يا خالتي لا تعبين عمرك معهم قولي لي وانا اسوي كل اللي تبين مزنه/ماتقصرين يا بنيتي يكفي انك شايله نص البيبت على راسك وعيالك زود بعد ريم بحيا /عادي خالتي هذا مثل بيتي وذولا عيالي سعود يطالعها بنظره/أصيله يا ريمي أصيله ريم/سعـــــــــــــود سعود/هههههههههههه مزنه/هههههههه الله يديم عليكم يا عيالي بنين وهي نازله /يمه ابوي يبيك مزنه/متى صحى ؟؟؟ غزل /من شوي سعود/ انا بروح له اليوم ما شفته ريم /بروح معاك اصبر .....لفت للبنات خذو الدانه خذتها غزل وريم راحت مع سعود سعود /ابوي هالأيام مو عاجبني دايم حزين وزعلان /حبي لا تضايق عمرك اكيد بيكون كذا بعد ما كان الكل بالكل والكل يحترمه ويقدره ويوقف له احترام صار كذا على الأقل الحين احسن من قبل على الأقل صار يتكلم سعود/ صادفه بس والله متضايق لأجله دخلو وسلمو عليه وجلسو يسولفون عنده ساعه جابر/وين خالد ؟؟ ريم/ عمي تبيني اجيبه لك ؟ جابر/ أي والدانه سعود/ والدانه بعد يلا ريم روحي هاتيهم ريم قامت /الحين سعود بعد ماطلعت ريم /يبه محتاج شي ودك في شي جابر/عبدالله خله يجي ........قوله يجي ابغاه تكفى (مسك يد سعود )تكفى يا ولدي سعود /اخاف مايرضى يبه انا قلت له وما رضى جابر/حاول معه الله يخليك سعود/حاضر يبه انت بس لاتضيق خلقك عمب عبدالله قلبه طيب هو دايم يسألأ عنك بس ما هو راضي يجي ريم دخلت/وهذا خلودي وصل غزل/انا ابي اعرف وش دخلني بسيابيلك لازم تأذيني معك ريم/غزل حبيبتي انتي مشكوره جابر اخذ خالد بحضنه وخالد يضحك / هاتو الدانه والله انها دانه اسم على مسمى مثل امها ريم عطته اياها واخذت خالد لأنه مايقدر يمسكهم الأثنين دقايق وسمعو اصوات وزغاريد بنين جات بسرعه / زياد وصل كلهم قامو يسلمون عليه وتركو جابر لحاله (بداخله هذي اخرتها يا جابر ماتقدر تسوي شي عاجز ولا احد مهتم فيك ولا احد يعبرك الا لأجل سعود وين ظلمك وجبروتك وقوتك وقسوتك كلها راحت مابقى الا العجز والضعف وهذي نهاية جابر والظلم يمكن ربي عاقبه بالدنيا عشان يرحمه بالأأخره من يدري @@@@@@@@@@@@@@@@@ منزل محمد بن حمد للمره الأخيره تركي جالس بالصاله مع رنيم و ولده الصغير محمد عمره سنتين بس ومعاه امه وابوه اللي تغيرو محمد صار شخص قيادي ومايهزه الريح اما تركي عرف ان الظلم ماينفع وصار قلبه متعلق بزوجته واخواته وامه صارت تهتم اكثر ببيتها وعيالها ثواني ودخل سلطان ورنيم حطت الشيله على راسه سلم على امه وابوه وجلس معهم سلطان قريب يتزوج وماراح تصدقون من هي (نورا بنت خالد ) قلت لكم ذكروها لنا معها سالفه ^_* نزل ميثم اللي تغير...... درجه من بعد وفاة غيث ((اعز اصحابه تغير كثير صار انسان حزين من مات ..غيث كان سبب ضحكته هو صديق الطفوله كان سبب ضحكته هو صديق الطفوله يعرفه قبل الكل من طفولتهم مع بعض وبالأخير يموت بسببه وهذي نهاية ميثم اللي اخذ بيها اقسى دروس الحياه فقد الصاحب ) وجلس معهم بهدوء نزلت غزلان وهي تدندن تركي\دوم البسمه ان شاء الله غزلان وهي تجلس جنبه\آآآآآآآآمين سلطان \فرحينا معك غزلان\حلمت ان دلال رجعت وحنا جالسين نتغدى مع بعض الكل انقلب وجهه على هالطاري رنيم تحاول تخفف التوتر\ان شاء الله بترجع دق جوال محمد ورد عليه \نعم....اب نعم معك محمد الأميري...اي ....(محمد وقف فرحان )...احلف ...متأكد انت ...الحين اجيك ..سكر منه الحمدالله الحمدالله يارب غزلان بأمل\خير يبه فرحنا محمد الفرحه مو سايعته \ لقو دلال ...لقوها الكل شهق بفرحه وما عادت وجيهم توقف من الابتسام ناديه مسكته \متأكد انت متأكد ؟؟؟؟؟ محمد\قالو تعال تعرف عليها واستلمها ..الحين بروح ويارب تكون هي غزلان والدموع بعيونها \كللللللللللللللللللللللل� �لللللللللللللللللللللللل للللللوش قلت لكم قلت لكم تركي بفرحه \وش تنتظرون يلا طلع محمد وتركي وسلطان وميثم بس رجعهم محمد وراح لحاله محتاج وقت يستوعب غزلان ترقص هي ورنيم وتركي قام معهم بعد غزلان جلست وحضنت امها وهي تبكي قلت لكم قلت انا عايشه وقامت تبكي من قلب مشتاقه لها يمه مشتاقه لها موت حضنتها ناديه والدموع بعينها ورنيم جلست جنبها تهديها غزلان مسحت دموعها بروح اجهز غرفتها وقامت بسرعه <اخيرا يا دلال بترجعين انا ما حركت اغراضك كلهم نفس ماحطيتيهم ونفس ترتيبك اشتقت لك شريت هدية عيد ميلاك كل سنه واحتفضت فيها شغلت شمعه لك كل سنه واخليها لحد ماتطفي جمعت لك كل الأعداد لمجلتك ادري راح تفرحين فيها مو كذا وشريت لك فستان لزواج سلطان راح نلبسه مع بعض مثل ما اتفقنا >>دخلت الغرفه ودارت فيها كثير @@@@@@@ بعد ربع ساعه الكل بالصاله ينتظر رجعت محمد انفتح الباب وغزلان كانت نازله من فوق على طول طارت لعند ابوها والفرحه مو سايعتها غزلان\وينها يبه وينها <وصار تطالع با الباب بس للأسف ما لقت احد ناظرت في ابوها بخوف وناظرتهم كلهم شافتهم واقفين بحزن الدمعه خنقتها مستحيل يكون نفس كل مره غزلان بامل كاذب تكذب بيه على نفسها \يبه لاتقول انك خليتها بالسياره عشان نستعد لشوفتها الله يخليك يبه <تعلقت بيده >يبه تعال خذني لها انا اشتقت لها وهي بعد <وصارت تسحبه ودموعها تنزل بدون شعور وصوتها يرتجف > قولها غزلان تعبت من غيرك مشتاقه لك قولها يبه انت تدري اني ابغاها صح وهي بعد يلا يبه محمد ما قدر وحضنها والكل صار يمسح دموعه غزلان بعدت عن حضنه وصارت تمسح دموعها بقوه تجرح ورد خدودها \وش فيك يبه ودني لها الله يخليك تركي قرب منها \غزوله يا قلبي <بيمسك يدها بس هي سحبتها > \لا تركي هي بترجع وبنحظر عرس سلطان مع بعض وبنلبس نفس الفستان مو كذا يمه <والتفت على امها لقت رنيم ماسكتها وتسندها راحت لها \يمه وش فيك ليش كذا قومي الحين دلال بترجع سلطان ماتحمل وصرخ بقوه هزت البيت هز \غزلان دلال ما راح ترجع....دلال ماتت خلاص انسيها غزلان ما قدرت تسوي شي الا انها تنزل على الأرض وتبكي بحرقة قلب وبكذا تكون النهايه تمت @@@@@@@@@@@@@@ النهايه يالغوالي ادري تأخرت كثير وانتم انتظرتو كثير ما ادري روايتي مو حلوه انا مو عاجبتني وماكنت راح اكملها بس لعيونكم يا الغلا كملتها اعذروني على كل تقصير وكل تأخير < أي هين والله يذبحونك هع اشكركم كثير على متابعتكم وربي تنورني دوم اشكر اختي رمل الشواطي فيه فرق مو رمل الشواطئ صديقتي اشكر كل القراء والمتابعين واشكر بالذات كل وحده مرت على روايتي ونورتني بردها والعزيزه الغاليه على قلبي واللي دوم معي نور القمر الأبيض مع انها حسود وما ردت على روايتي <<بتنجلد واتمنى اشوف ردودكم ^_* بايات يا اغلى الناس وسامحوني على التأخير | ||||
|
| |
|
10-08-19, 08:01 PM
| #25 | ||||||||||
| مشرفة منتدى الروايات والقصص المنقولةومنتدى الـروايــات الـعـربـيـةوعضو مميزفي القسم الطبي وفراشة الروايات المنقولةومشاركة بمسابقة الرد الأول ومحررة بالجريدة الأدبية 
|   | ||||||||||
|
| |
|
| أدوات الموضوع | |
| انواع عرض الموضوع | |
|
|
العرض العادي
