18-07-19, 08:49 PM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  الفصل الاول من الجزء السادس نشف الدم الي فيه واصفر وجه . الله يستر . قفز من السرير وراح جاب الى صديقه قطرة ماي . ورشها على وجهه . وبعد ما حس ان صديقه استعاد وعيه طلع من الحجرة وخلاه على راحته لان حس هالظرف فيه اشياء خصوصية تخص اهله قاسم وهو مو مصدق رد رفع الورقة وقام ويقراها كلمة كلمة شك في نظره قال يمكن قريت خطا ولكن للاسف الشديد... اقدم اكبر شكر الى اختي الغالية امل عمري . واهنيها على الخط الرائع . ومع خالص تحياتي لها . قاسم : لا لا ما اصدق شلوون جدي هناء تكلم صبي ؟ ومن هذا علي ؟ دارت الدنيا عليه رخى نفسه واستراح شوي وهو على الموسدة كان يفكر ويقول مع نفسه : انا احين في بيت صديقي بسببه وريم كل الي صادها بسببه واكيد هناء الي صادها بعد بسببه ما كان مهتم فينا كن يدور على مصلحته وبس اخ يا القهر لو مو ابوي جان سويت فيه جريمة واما ابراهيم براح نام في حجرة فاضية لان حس وجوده في نفس الغرفة مع قاسم بسبب احراج الى قاسم وحمد ربه انه ما قرا غير اول سطر وبهذا الحزن وهذه الصدمة على قلب قاسم انطفات اضواء هذا اليوم ولكن من منا يعلم ان هناك كانت عيون غير عيون قاسم في هذا المنزل تسهر ولا تغمض لحظة واحدة بسبب ما حدث هذا اليوم ... وفي منزل ابو حسين ريم كانت نايمة ودمعتها على خدها وحنان من خوفها كانت متمسكة في لحافها وعاصة عليه واما حسين ما منع نفسه انه يبات معاهم لو على الارض خوفا عن خواته وانتهى يوم الاحد على ابطال قصتنا ولكنه كان يوما تعيسا علي معظم ابطالنا اشرقت الشمس ونشرت خيوطها نحوا هذا العالم وفي هذا الوقت المبكر على الساعة 5 ونصف كانت هناء على الكمبيوتر سهرانة وكانت كل ما اجينها نومة تروح تغسل وجها او تشرب لها شاي احمر عشان بس تكمل سهر ههههه °·.¸.•° وجه القمر °·.¸.•° : هههههههههه والله انك عليك سوالف ما تخلص - - --^[ امير الغرام ]^-- - - :ههههههه عسى بس ما تمللتين مني °·.¸.•° وجه القمر °·.¸.•° : لا افاا عليك في احد يتملل من هذا الملاك - - --^[ امير الغرام ]^-- - - :لا لا عاااد ما احب المجاملات °·.¸.•° وجه القمر °·.¸.•° : تدري عاد حلاوتي اني ما اعرف اجامل واعطي في الوجه - - --^[ امير الغرام ]^-- - - : احسن شي انا من النوع الي يحب الصراحة وما احب اللف والدوران °·.¸.•° وجه القمر °·.¸.•° : انزين امير ما غيرت رايك ابي اعرف اسمك - - --^[ امير الغرام ]^-- - - : لحين ما نسيتين السالفة °·.¸.•° وجه القمر °·.¸.•° : لا ولا بنساها يالله قولي - - --^[ امير الغرام ]^-- - - : انزين قولي ليي كم نسبتش اخر سنة ؟ °·.¸.•° وجه القمر °·.¸.•° : لا تغير الموضوع وقولي لي شنو اسمك ؟ - - --^[ امير الغرام ]^-- - - :امري الى الله شنو اسوي اسمي احممد °·.¸.•° وجه القمر °·.¸.•° : الااااااااي اسمك حلوووو وااااااجد عاشت الاسمي الامير احمد - - --^[ امير الغرام ]^-- - - :هههههه عاشت ايامش °·.¸.•° وجه القمر °·.¸.•° : انزين ما بتسالني شنو اسمي؟ - - --^[ امير الغرام ]^-- - - :مو مهم عندي عادي اناديش وجه او اختي °·.¸.•° وجه القمر °·.¸.•° : لا لا بس خلاص بقول لك اسمي هناء - - --^[ امير الغرام ]^-- - - :عاشت الاسامي °·.¸.•° وجه القمر °·.¸.•° : عاشت ايامك . انزين تكلم لي عن نفسك - - --^[ امير الغرام ]^-- - - : امممممم يعني شنو اقول ؟ °·.¸.•° وجه القمر °·.¸.•° : أي شي عن نفسك شنو تدرس كم عمرك او أي شي؟ - - --^[ امير الغرام ]^-- - - :اممم اسمي احمد عمري 21 سنة ادرس في معهد البحرين>>> ( معناته صديق محمد ) وربعي يقولون طيب وحبوب ومحترم بس °·.¸.•° وجه القمر °·.¸.•° : اهااا - - --^[ امير الغرام ]^-- - - : أي هذا الي اقدر اقول له عني واخاف اذا مدحت نفسي زود تقولين لي ( من مدح نفسه يبي له رفسة ) °·.¸.•° وجه القمر °·.¸.•° : هههههههه لا افا عليك ما عاش الي يرفسك ومرت نصف ساعة وفي بيت ام حسين قعدت ام حسين عشان تروح تقعد بنتها ريم تروح شغلها والي ما باقي لها الا هالاسبوع وتكمل الشغل وتبدا اجازتها وتدخل الحجرة ام حسين : ريم ريم ريم : ....... ام حسين : والله وصار راسها ثقيل هالابنية عادة من اقعدها تقعد ام حسين وهي تهز ريم : ريم ريم يالله قومي ريم : .... ام حسين : وهي تلف بنتها على الجنب اليمين عشان تقابها واطيح يد ريم ام حسين وهي تصرخ : يمممممممه بنيتي ويقعدون العيال متخرعين حسين : شصاير شفيها ريم ام حسين وهي تصيح : ما ادري اقعدها ما ترد علي واحين جسمها كلش ما يتحرك حسين الى حنان الى قاعدة فوق السرير وخايفة حدددددددها : حنان روحي جيبي شوية ماي حنان وهي تجر نفسها وترفع رجولها بصعوبة من الخوف واجيب شوية ماي في قلاص ورشوا عليها ما قعدت حسين : يمة جيبي عطر مركز ورشوا عليها بعد ما فاد ومن تعاسة حظهم ان ابوهم اليوم مو نايم معاهم في البيت الثاني من جدي اطروا انهم يتصلون في الاسعاف وركب حسين مع اخته ريم حسين : يمه انتظري لما ابويي يفتح نقاله اتصلوا عليه وتعالي انتي وحنان معاه ام حسين وهي لامة بنتها حنان الي كانت خايفة : ان شاء الله يا وليدي ولا تنسى اطمنا حسين : ان شاء الله في سيارة الاسعاف حسين كان يطالع اخته ريم وحاوليها الممرضين حسين على صغر سنه الا انه كانت مسؤولياته كبيرة واعتمد على نفسه في اشياء واااجد بسبب الظروف وظروفه خلته رجال والنعم فيه وفي بيت ام قاسم على الساعة 6 وربع لما سمعت هناء صوت ابوها انه قعد من رقاده استاذنت من احمد وبسرعة سكرت كل شي وخلدت الى نوم وابو قاسم قبل ما يطلع من بيتهم يعني لازم يكشر على ام قاسم او يكسر خاطرها بكم كلمة ابو قاسم : وهذا ولدش لحين ما رجع حضرته ام قاسم : الغايب عذره معاه ابو قاسم وبضحكة سخرية : ههه وشنو عذره ؟ ام قاسم بابتسامة : محصل له شغلة ابو قاسم : انزين بسوي روحي مصدقنش وفي وين هالشغلة؟ ام قاسم : ما ادري لحين ما خبرني ابو قاسم : دليل جذبه ام قاسم : ولدي ما يجذب ابو قاسم يضحك باستهزاء وهو طالع واول ما ركب السيارة اخذ تلفونه عشان يفتحه وبس ثواني الا يرن ابو قاسم : نعم ام حسين وبصياح : الحق علينا يا عبد العزيز ابو قاسم : شصاااير؟ ام حسين : ريم طاحت علينا واحين في المستشفى ابو قاسم : ريم ومن شنو؟ ومن وداها ؟ ام حسين : ما ادري من شنو والاسعاف هو الي جى اخذها ابو قاسم : اوكي دقايق وانا عندكم برزوا روحكم وفي المستشفى حسين وهو ينتظر الدكتور عشان يطلع يطمنه على ريم وكان حسين قلبه يدق بسرعة كبيييرة خوف على اخته لان كانت شفايفها مزرقة ووجها مصفر وبعد مدى يسمع صوت ركيض وكانت امه واخته وابوه واصلين ابو حسين : بشر شنو قالوا حسين وبحزن : لحين ما طلع الدكتور ام حسين وبصياح: ويلي على بنتي ما ادري شنو صار لها ابو حسين كان قلق على بنته وحنان دمووع اطيح منها وهي في حاطة راسها على كتف اخوها وحسين يطبطب عليها ويخفف عليها حزنها على رغم حزنه الكبير وكان يعطي وهو ما عنه . مسسسكين وبعد مدى قصيييرة ولكن بالنسبة الى عائلة ام حسين دهر طلع الدكتور وكانت الساعة 11 ابو حسين : بشر دكتور الدكتور : امم انت ابوها ابو حسين : أي انا ابوها الدكتور وهو يناظر حنان وام حسين عرف من احمرار بياض عيونهم انهم كانوا يصيحون ما حب يصدمهم زود : تفضل معاي الحجرة وراح الدكتور عنه ابو حسين : حسين اقعد مع امك واختك وانا بروح اشوف الدكتور حسين : ان شاء الله يبة ويروح ابو حسين غرفة الدكتور ويدق الباب الدكتور : تفضل ودخل ابو حسين ابو حسين : شنو حال بنتي احين دكتور الدكتور وهو ينزل راسه باسى : انا ما ابي اجذب عليك وبقول لك الصراحة ابو حسين وبخوف : قول الصدق الدكتور : بنتك ريم شكلها صايدتها صدمة كبييرة وفقدت وعيها من فترة يمكن وقت ما كنتون نايمين هي فقدت وعيها وما لحقتوا عليها الا متاخرة وصادتها جلطة خفيفة وعدت على خير لكن ... ابو حسين : لكن شنو دكتور الدكتور : لكن للاسف الشديد صادها شلل في رجلينها والشلل المرتكز اقوى في الرجل اليمنى ابو حسين وعيونه مفتحة على الاخر : شنوووووووو الدكتور : هدي احين ترى هذا الشلل بتتعافى منه مع العلاج الطبيعي ولكن في شي ثاني بعد ابو حسين وهو منزل راسه : شنو بعد ؟ الدكتور : حاليتها النفسية جدا صعبة ومن كشفي عليها عرفت ان لسانها صاده ثقل ويمكن جدي شهر شهرين بالكثير ثلاثة ما بتقدر تنطق وانا اسف استاذن وراح الدكتور وترك عبد العزيز في حالة صدمة كبيرة عبد العزيز : احين بكون السبب في مرض بنتين عندي لا لا ما اصدق يا ربي ساعدني يا رب شنو ذنب هذي الفتاة البريئة . ذنبها الوحيد انها كانت ضحية الى نزوات ابوها الجشع . بتخسر كل شي بسبب هذا الذئب البشري الحقير وذو قلب من حجر عبد العزيز مع نفسه : شلون بخبرهم يا ربي شلون وطلع من غرفة الدكتور واتجه صوب عائلته ام حسين : هاا شنو قال الدكتور ابو حسين نزل راسه وعلامات الحزن بانت من نبرة صوت : الي صادها .................. وخبرهم كل السالفة وكانت حنان فاتحة عيونها ومو مصدقة هذا الشيي حنان : لااااااااا ويغمي عليها هي الثانية وبسرعة الممرضين يتسارعون الى الطفلة الي قاست كل انواع الحزن في حياتها وما ذاقت حلاوة الطفولة والله يستر اذا بتبقى عشان اذوق المكتوب لها في بيت ام ابراهيم قعد قاسم على صوت الاذان وكان تعبان نفسيا بسبب الي عرفه ليلة البارح شال نفسه بثقل وصلى الى ربه الوحيد القادر على حل هذي المشلكة وطلب منه الاستعانة وبعد ما كمل تذكر ريم واخذ تلفونه عشان يتصل فيها يتطمن عليها . ويرن التلفون يرن .......... وبنرة حزن: الووو قاسم انصدم : مو تلفون ريم؟ ............: بلى قاسم : وين ريم؟ ..........: انت قاسم قاسم وهو مصدوم : أي من انت؟ ..........: انا حسين اخوها قاسم : وين ريم ؟ وحكى له كل السالفة وشنو بالضبط بكون في ريم وقاسم كان منصدم ومو عارف شنو يسوي مضايق وتعبان سكر عن حسين ونزل تحت وكااان حزين كلش سال الخدامة عن ابراهيم قالوا له ان في الشركة وام ابراهيم كانت في بيت ام محمد ( بيت الجيران ) قعد قاسم في الصالة وهو حزييين كلش مها وهي تنزل من الدرج شافته وهو سرحان وكانت علامات الحزن على وجهه مها : صباح الخير قاسم : صباح النور وسكوت مدى مها : قاسم فيك شي قاسم حرك راسه معناته النهي مها وبتردد : قاسم ابي اقول لك شي قاسم : تفضلي مها : عرفت ان في مشاكل بين اهلك وجدي يعني وانا والله مو حابة اتدخل بس انت تعرف ان علاقتي فيك مو الى ذاك الزود قوية ( وبرجاء ) واتمنى انها تقوي علاقتي فيك واكون مخبا اسرارك اتمنى قاسم وهو يرفع راسه : شنو اقول لج يا مها انا ودي افضفض عن الي في قلبي بس ... بتتعبين وما ودي اكدرش مها وباصرار : لالا . لا تقول جدي اذا ما قلت لي تقول الى من؟ قاسم وهو يناظرها مها وباتسامة ناعمة : يالله قول انا اسمعك قاسم : احس ان احد مدعي علي من اول يوم ولدوني . عشت حياتي وانا طفل عادي لكن من وصلت مرحلة المراهقة كنت انسان مهمل شيطان وما يهتم في دراسته ما كملت حتى دراستي الثانوية وانا عارف انه كله بسبب اهمال ابوي لي . بعد ما حسيت ان انا صبي وابي جدي وابي وابي قلت مالي الا اشتغل اشتغلت في شركة عادية تعرفت على بنت من خلال الشركة وكانت تقريبا عملها مثل فكرة عملي لما اشتركت في جمعية وصار عندي الفلوس اني اتقدم لها واطلب يدها عرفت انها اختي مها وهي مصدمة : اختتتتتتك قاسم : ايوة اختي وهي ريم مها والصدمة اكبر : ريم نفسها الي هني جت البيت قاسم : ايوة هذي هي يوم عرفت انها اختي قدمت استقالتي وجيت عشت معاكم هني هي ما قصرت وسالت عني ويوم وصلت هني وعرفت اني اخوها صرخت هي الصرخة الي بسببها اجتمعتوا حواليها مها وهي تحرك راسها باسى : وبعدين قاسم : وامس الليل كنت قاعد اتعبث في اغراض طلبتها من امل اختي تعطيهم اخوش وكان جايني ظرف وتوقعي شنو في هالظرف مها : شنو؟ قاسم : رسالة من شخص اسمه علي يقول لي تفضل هذي محادثات لي انا واختك هناء مها وهي مصدقة هذا شي لان تعرف هناء بس حاولت انها تبرر موقف هناء : انزين يمكن واااحد يبي يوقع بك انت واختك . والمحادثات بس جدي تزييف ؟ وشنو الدليل انها فعلا هناء ؟ قاسم : لا مو تزييف لان النك وجه القمر وهذا هو نك نيمها وهذا هو اسلوبها انا اعرفه والدليل القاطع ان كتب لي ايميلها مها وبحزن : يعني قاسم : أي ولا تضنين ان بس جدي وبعد مشكلة ثانية واكبر مها مصدومة : بعععععد قاسم : أي توقعي ان ريم يوم طلعت من عندنا اغمي عليها امس الليل وما كان احد يدري عنها وما دروا الا الصبح وقت ما بقعدونها للشغل ويوم ودوها المستشفى الدكتور قال ان فيها جلطة وعدت على خير لكن صادها شلل في رجلينها واكثر شي في رجلها اليمنى مها : بلللل كل هذا قاسم : وبعد حالتها النفسية كلش تعبانة ويمكن ما تقدر تنطق شهر او اكثر مها بحزن كبييير : مسكييييينة الله يساعدها قاسم وبحزن وهو منزل راسه : اجمعين . وحتى اني ما اقدر ازورها واسال عن حالها مها : ليييش؟ قاسم : لان هناك ابوي وبيعرفني اكييد مها وهي تفكر : انزين اني بساعدك قاسم وهو يرفع راسه : شلوووون مها : ودني المستشفى بزورها على اني صديقتها شرايك؟ قاسم : أي فكرة مشكووووووورة مها : العفو . واما عن هناء ترى مجرد انك تكلمها خلاص ان شاء الله يتقتنع وما بتكلم احد قاسم : مشكوووووورة وما تقصرين مها وهي تبتسم : العفو واجبنا وفي المستشفى والدكتور يفحص على حنان الدكتور : لا الحمد الله ما فيها شي ام حسين : الحمد الله حسين : دكتور ترى انا سمعت اختي تقول لا وهي من مدى ما تكلمت الدكتور : يعني من صدمة فقدت لنطق؟ حسين وهو يذكر : أي أي من صدمة الدكتور : شي طبيعي اذا فقد الانسان نطقه بسبب صدمة يسترجع بعد بصدمة واحين يمكن حنان انصدمت بشي من جدي استرجعت نطقها ام حسين وهي ترفع يدها : الحمد الله الحمد الله وحسين مستانس على اخته حنان ولكن في نفس الوقت حزين على اخته ريم الدكتور : لكن انا باخذها معاي عشان اسوي لها فحص واشوف حنان وهي كانت فرحانة واخيرا بتسترجع حاسة فقدتها بسبب تهور ابوها وراحت وراء الدكتور والدكتور فحص عليها وسوى لها تمارين شوية وقال لها يمكن شوية يكون النطق عندش ثقييل لكن مع الوقت بيتحسن وبعد ما طلعت حنان : حسسسين حسين انبهر لما سمع صوت ما سمعه من 6 سنوات واحين يرد يسمعه مرة ثانية حسين : حنان تكلمتي حنان وبثقل : ااايي حسين وهو يحضن حنان والفرحة مو شايلته ويتمنى ان تكتمل فرحته بالبشارة الي تخبره ان ريم قامت بالسلامة وفي غرفة دعاء كانت دعاء على السرير متلحفة وتدخل عليها اختها هديل هديل : شفيه القمر زعلان؟ دعاء : .... هديل وهي تتقرب من دعاء : شفيـ... وتنصدم لما اشوف اختها عيونها حمراء ويبين عليها كانت تصيح . هديل : دعاء كنتي تصيحين ؟ دعاء :....... هديل : دعاء شفيش؟ دعاء :...... هديل قعدت على سرير اختها وحضنتها : قولي لي شفيش ؟ صاير شي؟ دعاء : امس يوم شفت ريم جدي الصيح وكان بسبب انها حبت شخص وفقدته تذكرت ... وبدات تبكي هديل وهي تحضن اختها : خلاص يا حبيبتي الي راح راح ولا تخلين هالشي ياثر في حياتش انتي الف من يتمناش وتقدرين تبداين قصة حب ثانية ولا تخلين حياتش تتوقف على هالنقطة دعاء : انتي تدرين ان كذى مرة تقدموا لي بس احس نفسي مو قادرة اوافق احس ان بظلم الصبي الي بكون من نصيبه هديل : صلي على النبي وترى ايمن حزين على الي اسوين في روحش لان يبيش تكونين مستانسة في حياتش دعاء : تتوقعين انه حزين على الي اسويه بنفسي؟ هديل : أي زعلان ونص بعد . احين انتي لو تزوجتي وجبتي طفل صغيرون وسميتيه ايمن ما بذكرش فيه وبكون لج ايمن ثاني تعزينه ولا تنسين يمكن يشابهه ترى ايمن منا وفينا دعاء : صدق ؟ يعني ما بيزعل ؟ هديل : لا ما بيزعل ايمن . الانسان الي يحب يتمنى الخير الى معشوقته ويتمنى لها السعادة لو حتى هي بعيدة عنه دعاء تبتسم : لكن يمكن يكرهني ليش اني ببني حياة جديدة مع غيره هديل : يا عمري يا دعاء الي يحب ما يكره دعاء اقتنعت بكلام اختها هديل . دعاء كانت من صغرها متعلقة بولد خالتها ايمن وكانوا مكتوبين الى بعض من يوم هم صغار عاشت مراحل عمرها كله بجنبه وكانوا يعيشون قصة حب عذري ما فيه أي نوع من الشوائب لكن الله ما اراد واخذ روح ايمن في حادث سير . وعلى الساعة اربع استاذن مها من بيتهم واخبرت امها انها بتروح مع قاسم بتساعده في شي وامها ما رفضت لها طلب لانها واثقة منها ومن قاسم واتجهوا الى المستشفى بعد ما اخذ قاسم من حسين اسم المستشفى والمكان المعين واتفق معاه ان بجي بنت اسمها مها من طرفه بتسال عن ريم وبتمثل دور الصديقة مها وهي متجهة الى الممر وشافت عائلة ام حسين مها : السلام عليكم ام حسين وحسين وحنان : وعليكم السلام مها : انا مها صديقة ريم شخبارها حسين عرفها وقام : ريم الحمد الله تمام مها : اقدر ادخل عليها حسين : تفضلي ودخلت مها غرفة ريم ومعاها حسين مها وهي تناظر ريم وشكلها كان فعلا يبين عليها وحدة حزينة ومريضة : شخبارها احين؟ حسين : هذا هو حالها من جبناها لحين ما فتحت عيونها ولا شي مها : الله يشافيها ان شاء الله حسين : ان شاء الله مها : حسين الوالد موجود؟ حسين : لا محد راح وبرد يرجع مها : عادي قاسم يدخل يشوف اخته حسين وهو يفكر : وشنو اقول الى امي؟ مها : امم قولها انه وااحد معاها في الشغل وبس حسين : اوكي لكن اذا دخل ابوي مرة وحدة شنو بنسوي؟ مها : مو مشكلة انا وانت ننتظر تحت وقت ما يوصل ابوك تسوي مسكوول الى قاسم وبيعرف وبهذا بيطلع قبل ما يدخل الوالد حسين : اوكي صار يالله وتنزل مها وحسين تحت مها : قاسم يالله روح فوق ويا حسين الى ريم قاسم وهو يناظر اخووه الى ما يعرفه : انت حسين؟ حسين : أي نعم انا حسين قاسم وهو يحضن اخوه : تشرفنا حسين : لي الشرف الاكبر مها : قاسم شووف احين انت بتروح مع حسين عشان بس يخبر امه انك صديق ريم في الشغل وبعدين ينزل تحت وبينتظر لما ابوه يجي بسوي لك مسكووول واعرف ان ابوك وصل وانزل من الجهة الثاني . اووكي قاسم وهو مستانس حدده : صددددددق شككككككرا مها : العفو يالله روح قبل ما يوصل ابوك قاسم وهو يروح مع حسين ويناظر مها الي كانت مبتسمة له اول ما وصل حسين : يمه هذا صديق اختي ريم في الشغل يبي يشوف اختي ريم ام حسين : ادخل قاسم ومو عاجبنه طريقتها : شكرا ام حسين : لحظظظة اول حسين روح ادخل غط شعر اختك حسين : ان شاء الله ودخلت قاسم وهو مستانس ولما شاف شكلها نزلت قسمات وجهه الى الحزن وناظر اخته الحزينة المريضة التعبانة قاسم وهو مجود يد ريم : رييم انا قاسم استقوي يا ريم احنا كلنا معاش قومي بالسلامة وفرحينا بردتش لنا سالمة غانمة واوعدش اول ما تقومين بالسلامة بكون لج سند في دنيتش وعون بس انتي قومي بالسلامة قاسم وهو مو فاقد الامل : ريم بردتش لها بنحاول شمل العائلتين ترى انا مو رافض فكرة زواج ابوي خصوصا لما عرفت ان لي اخوان بهذي الطيبة ريـ .. وقطع كلامه صوت تلفونه ولما شاف رقم غريب عرف انه حسين وبسرعة استاذن من ريم وبعدين من ام حسين وطلع بسرعة وطلع قااسم من صوب و بدخلة ابو قاسم وحسين من صوب وحسين كان يناظر المكان عدل خايف يكون قاسم لحين موجود ابو حسين : حسين شنو ادور؟ حسين : هااا لا لا ما ادور شي وفي السيارة مها : استانست بشوفتك الى ريم قاسم : وااااجد ما تتصورين شكثر استانست مها : انزين شرايك نضرب عصفورين بحجر قاسم وعلامات التساؤل بانت على ملامح وجه : شلون ؟ مها : يعني احين خلنا نمر على بيتكم وكلم هناء في الموضوع وبجدي بتكمل دورك في دوارة هالزمن وبجدي بكون دورنا بس ننتظر ريم تقوم بالسلامة قاسم وهو يبتسم : صح لكن؟ مها : اذا كنت تقصدني ترى عادي بتم في السيارة قاسم : لا مو عدلة . بدخلش معاي البيت وبخليش تتعرفين على خواتي مها استانست كان ودها هالشي : صدق شكرا قاسم وهو يناظرها : العفو واول ما وصل عبد العزيز الجناح ابو حسين : شنو بشروا عساها احسن ام حسين وبحزن : هذا هو حالها حسين : لكن في خبر يفرح ابو حسين : شنو؟ حسين وهو يناظر حنان : حنان رجعت لها حاستها الي فقدتها ابو حسين ومن غير نفس : أي زيــ ...ولكن رد استرجع الى سمعه : والللللللللللله حسين : أي ابو حسين وهو يوجه نظره الى حنان : صدق حنان : اااي ابو حسين وهو يرفع يده : الحمد الله الحمد الله لك يا رب وفي بيت ابو قاسم اول ما دخل ام قاسم وهي تحضن ولدها : هلا بوليدي تولهت عليك والله قاسم : وانا اكثر ام قاسم كانت فرحانة وااجد وتبوس ودلها وتحضنه وبعد شوية قاسم وهو يفتح الباب : يمه عندنا ضيفة ام قاسم وهي تناظر فتحة الباب تنتظر احد يدخل .. وبعدين شافت مها : من هالمزيونة؟ مها نزلت راسها ووردت خدودها خجلا قاسم وهو يناظر مها : يمه هذي اخت صديقي وحاليا اعيش في بيتهم ويعاملون مثل اخوهم واكثر ام قاسم وهي تاخذ مها جنبها : شنو اسمش حبيبتي؟ مها وبصوتها المعتاد الناعم : مها ام قاسم : حيالله مها وفي هالوقت هناء تفتح باب المطبخ بتدخل الصالة ولما شافت اخوها هناء : قاااااااااااسم قاسم : عيون قاسم وتركض هناء وتحضن اخوها لان هو اكثر شخص تعزه وحتى قاسم هناء لها معزة خاصة في قلبها هناء: يا القاطع وينك؟ قاسم : بعد الشغل وما يسوي هناء وانتبهت الى وجود مها هناء بتلعثم: م ه م.... قاسم وهو ياشر على مها : مها هناء تعرف مها معاها في المدرسة بس حبت تبين دور البنت الى ما تعرفها لان تعرف مها تعرف كل سوالها: اهلا مها معاش هناء مها وتمد يدها : تشرفنا هناء ابتسمت ابتسامة حيرانة وفي نفسها . مها شدخلها في حياة قاسم ؟ وشنو صلة قرابتها باخوي ؟ وقطع عليها سرحانه صوت قاسم قاسم : عجل وين امل؟ هناء : على الكمبيوتر قاسم : وعبود ؟ ام قاسمم : تعرفه هالوقت مو في البيت كل برى قاسن : اهاا . مها تعالي بروح الى امل ويروحون نحو غرفة البنات قاسم وهو يفتح الباب بقوة : اممممممممممل امل تصروعت : يمه . قاااااسم وتروح تحضن اخوها لان كلش مو متعودين على فراقه امل وهي تضربه بخفة على كتفه: وينك يا القاطع؟ قاسم : الدنيا ومشاغلها مها : شخبارش امل؟ امل وهي حيرانة : تمااام وانتي؟ مها : بخير قاسم : امل هذي مها امل : اهلا مها : بيش قاسم : امل روحي مع مها الصالة ونادي لي هناء الحجرة ابيها شوية امل : حاضر تفضلي مها وراحت امل مع مها الصالة قعدوا مع ام قاسم وهناء راحت الحجرة اشوف اخوها شنو يبي هناء : امر اخوي قاسم : صكي الباب وتعالي قعدي ابيش هناء : ها كوا صكينا الباب والقعدة وقعدنا امر قاسم : شوفي يا هناء انا عطيتكم كمبيوتر وفي حجرتكم وعاطنكم الحرية التامة وواثق فيكم ومو ماخذ الباس مال ايميلاتكم انتي وامل لاني وااثق انكم ما تكلمون صبيان هناء بلعت ريقها قاسم يكمل : ويا هناء ترى وصلتني محادثات تتكلمين فيها مع واحد اسمه علي هناء هني انصدمت ونزلت راسها قاسم : ناقصش شي ؟ محتاجة شي عشان تلجاين الى هالشباب الطايشين؟ هناء من الفشلة ساكتة وما تتكلم قاسم : شوفي يا هناء انا ما بعصب عليش ولا بضربش ولا بسوي فيش شي لان احسن طريقة لحل المشاكل الحوار وانا اقول لج ان ثقتي فيش لا زالت موجودة واتمنى ما تخونينا للمرة الثانية وترى اذا اول مرة مشيتها على خير ثاني المرة راح يكون الكمبيوتر الى امل وبس هناء : حاضر اخوي . وتقول تبوس راس اخوها :واسفة قاسم يبتسم لها : معذوورة وارد اعيد يا هناء انا عاطنش كل ثقتي وما ابيش تخونينها وابيش تكونين عند حسن ظني يا هناء يالله قومي اروح نقعد معاهم اول ما طلعوا من الحجرة وشافت مها الابتسامة المرسومة على شفاة قاسم وهناء عرفت ان نحلت المشكلة واستانست من قلبها وشكرت ربها على عطاياه . ولكن هناء كانت مضايقة خصوصا لما تذكرت احمد وحست نفسها انها بفقده عرفت مدى غلاه في قلبها وما عرفت شنو تسوي. وبهذه الاحداث انتهى يوم الاثنين على ابطال قصتنا ولكن هناك من لم نسمع صوتها ولم تناظرنا بعيونها البريئة والتي اختفى الامل من قلبها وسكنها الالم .. وترقب للمجهول ( ريم ) توقاعتكم: * الى متى ريم بضل في غيبوبتها ؟ وهل بتقوم بالسلامة ؟ وشنو بتكون ردة فعلها لما تعرف عن حالتها الصحية المتدهورة؟ * وقاسم بدى يقرب من بيت مرت ابوه ؟ هل بتكون في علاقة قوية بينه وبين خواته واخوه ؟ وهل من الممكن عبد العزيز بيعرف بهذي العلاقة ؟ * ومها بدت تتقرب من قاسم ؟ شنو بتكون بالنسبة لها مع مرور الايام ؟ * ودعاء عرفنا سرها ؟ هل تتوقعون بتبدا حياة جديدة بعد الي سمعته من هديل ؟ ونلتقي في الفصل الثاني من الجزء السادس | ||||
|  |
|
18-07-19, 08:52 PM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الثاني من الجزء السادس يا ليتني لم أكبر ولم أجابه التيار يا ليتني لم أكبر ولم أخوض البحار يا ليتني بقيت صغيراً ألعب مع الصغار ولا أفكر بما يصير وما صار فراحتي غدت تعب على مرار يا ليتني بقيت صغيراً أذهب في مشوار و أكل الحلوى و أنتظر الأضحى فهذا حلم الصغار سمعوا تلك البشارة التي افرحت الجميع بان ريم قد استعادت وعيها حسين : صدق دكتووووووور؟ الدكتور : ايوة صدق والحمد الله ام حسين ودموع الفرحة على خدها: الله يبشرك بالخير الدكتور وهو يبتسم ويكلم ابو حسين : لو سمحت تعال ابيك شوية المكتب حنان وبفرح كبير : حسين اختي ريم قعدت اختي ريم قعدت حسين وهو يحضن اخته : الحمد الله الحمد الله في غرفة الدكتور الدكتور : يا ابو ريم ترى ريم محتاجة عناية خاصة والبلاد ما بتوفر لك كل هذا واتمنى تاخذها لندن وهذا الشي في مصلحة بنتك ابو حسين : ان شاء الله ابو حسين طلع من غرفة الدكتور وهو يفكر شلون يسفر بنته وهو ما عنده فلوس كفاية الى السفر والعلاج واذا صار وهو سافر معاها شلون بيصرف على العائلتين وهو صرفه كل على حساب الى يحصله في التكسي. وفي غرفة ريم ريم كانت ساكتة حسين : حمد الله على السلامة ريم ابتسم له وحاولت تتكلم بس مو قادرة حاولت وحاولت والكل يطالعها ريم وهي اسوي حركات تاشر على فاها وتسوي حركات بيدها ما اقدر والي هناك كامل ساكتين ومنزلين راسهم ريم : ااا >> مثل طريقة الي ما يتكلمون ريم وهي اصيح ومو قادرة تستوعب الي صاير لها ما تقدر تتكلم والى متى هالشي ام حسين : صلي على النبي حبيبتي وترى الدكتور قال كلها اشهر وبعدين بصيرين طبيعية ريم وهي اصيح وانتبهت ان رجلينه ما تحس فيهم ريم وهي تاشر على رجلينها واصييييح من كل قلبها حسين : خلاص خلاص يا ريم صلي على النبي كل شي بتتعالجين عنه بالعلاج الطبيعي ريم من صدمتها قامت تتحرك على السرير ومسوية ازعاج وصياحوتتحرك حركة سرييعة كلش اجتموا الممرضين عليها وعطوها ابرة مهدئة وكانت حنان اصيح بهدوء وابو حسين يوم درى على الي صار حزن واااجد وخصوصا انه مو قادر يسوي شي عشانها حسين الى ابوه : يبة شقال لك الدكتور ابو حسين : شقال بعد يقول لازم تسافر الاردن عشان تتعلاج لان بكون هناك احسن وانا مو بيدي شي لان ما عندي فلوس حسين وباسى نزل راسه ومشى عن ابوه الا تلفونه يرن استغرب من على الساعة 6 الصبح يتصل شاف رقم قاسم حسين : هلا قاسم : قوة حسين حسين : الله يقويك قاسم : شخبارك وشخبار ريم؟ حسين : انا تمام لكن ريم ... قاسم : شفيها ريم ؟ حسين : ريم قعدت من غيبوبتها ويوم عرفت بحالها صار شكلها مثل المجنونة ضربوها ابرة مهدئة قاسم : لا ان شاء الله ما بصير الا كل خير ريم فاهمة وعاقل ولكن شنو قالوا عن شللها؟ حسين وبحزن : شقول لك بس نصحونا نسفرها الخارج واحنا ما عندنا فلوس كفاية قاسم : اووه . والله يا ليتني اقدر اساعدها حسين : وانا شقول ما بيدي شي قاسم : ... حسين : الله كريم يا اخوي قاسم : ونعم بالله . يالله اخليك احين وخبرني اذا صار أي شي حسين : ان شاء الله بحفظ الرحمن وفي الحجرة ابراهيم : ها بشر يا اخوي قاسم : شقول لك اختي الحمد الله قعدت من غيبوبتها ابراهيم وهو عن جد فرحان : الحمد الله قاسم : لكن .. ابراهيم خاف : لكن شنو؟ قاسم : يبونا نعاجلها برى وانت تعرف حالنا المادي ابراهيم باسى نزل راسه ابراهيم : يالله يا قاسم احين انت نام توها 6 الصبح وانا اخليك بروح الشغل ولا تنسى يوم السبت يبدا المعهد وشد على نفسك ولا تخلي هالظروف حواجز لك وان شاء الله كل شي بينحل قاسم وهو راح فوق سريره : ان شاء الله ونزل ابراهيم تحت شاف امه تبرز له الفطور ابراهيم وهو يبوس راس امه: صباح الخير يا ست الحبايب ام ابراهيم تبتسم له : صباح النور والسرور وقعد ياكل له شوية ابراهيم : يمه ابي افتح معاش سالفة ام ابراهيم : تفضل يا وليدي ابراهيم وبتردد : اممم يمه تذكرين ريم الي جت البيت ام ابراهيم : أي اذكرها وي على عمري وفي احد ينساها ابراهيم : يمه ريم اغمي عليها و .... >> وقال لها كل السالفة ام ابراهيم مصدوومة : صدق ؟ ابراهيم باسى : أي يمه . وانا لي طلب ام ابراهيم : امر يا وليدي ابراهيم : اممم يمه ريم تقدر تتعالج وترجع مثل قبل واحسن لكن .... ما عندهم فلوس يعالجونها واحنا بخير واتمنى نساعدها ام ابراهيم : والله هذا يسعدني يا وليدي ولو انت ما قلت انا بنفسي بساعدها وبقدم لها المساعدة ابراهيم ابتسم الى امه الحنونة ام ابراهيم : والله يا وليدي وكبرت وصرت تفكر بعقل . الله يسعدني فيك معرس ان شاء الله ابراهيم : اممم يمه عاد في طلب ثاني ام ابراهيم : امر تدلل كم ابراهيم عندي ابراهيم : يمه ابوها ما بيقدر يسافر معاها لان راس ماله التكسي واذا سافر معاها اهله ما بيقدرون يعيشون وقاسم لو راح معاها ما بيقدر يدرس ويا ليت اممم تقدرين تخليني اروح معاها وبحسبة صديقها في الشغل وعادي لانه ما باقي غير هالاسبوع وخلاص نكمل شغل الشركة ونبدا الاجازة ام ابراهيم : والله ما عندي مانع يا وليدي وشلون اقدر ارفض وانا اشوف المرسوم في عيونك ابراهيم نزل راسه وبعدين قام حب راس امه : مشكوووووورة وما تقصرين ام ابراهيم : العفو والي بكون فيه خير لها ربك بسويه ابراهيم كان مستانس وااجد وبسرعة راح يخبر قاسم قاسم : عن جد؟ ابراهيم : أي شرايك؟ قاسم : اممم ولو اني مستحي بس ما اقدر ارفض لانه مصلحة اختي ابراهيم : ما بينا مستحى وعلى فكرة خبرها اني بروح معاها بحسبة صديق لها في الشغل قاسم : وابوي بوافق؟ ابراهيم : بما ان محد يقدر يروح معاها ان شاء الله بوافق قاسم استانس وشكر صديقه الي كان له عون في كل مشاكله قاسم وهو يدق على تلفون حسين . وحسين لما شافه قاسم استاذن من اهله حسين : هلا قاسم قاسم : هلا بيك . عندي لك بشارة حسين : قول احنا محتاجين نسمع شي يفرحنا بعد الي صادنا قاسم وهو يتنهد : الله كريم خوك حسين : ونعم بالله انزين بشر قاسم : ريم سفرها علي حسين وهو مستغرب : شلوون؟ قاسم : الله يسلمك صديقتي بخير والحمد الله اقترح انه يسفر ريم لندن وبروح معاها بصفته صديقها في الشغل وما اعتقد ابوي يعترض لان بمصلحة ولده حسين مستانس وااااااااااجد : شكرا لك يا رب صدق رب العالمين ما ينسى عباده قاسم : أي صدق الحمد الله . كل هذا بفضل الله ومن ثم فضل ام ابراهيم وابراهيم حسين : الله يجلعه من ميزان حسناتهم ويالله اخليك بروح ابشر الاهل بالبشارة الحلوة قاسم : اوكي بس لا تنسى تخبرهم انه صديق ريم في الشغل حسين : صار قاسم : ولا تنسى حاول اول ما تقعد ريم تخبرها بالسالفة عشان ما تتفاجا وتستغرب من وجود ابراهيم اوكي حسين : اوكي يالله باي قاسم : في حفظ الرحمن وفي غرفة ريم وريم لحين في غفوتها بسبب المهدئ الي عطوها اياه حسين : يبه يمه عندي لكم خبر الكل : شنو حسين : ريم بتتعالج برى الكل وهو مستغربين : شلووووووون ؟ حسين وهو يقعد بقبالهم : الله يسلمهم واحد اسمه ابراهيم صديق ريم في الشغل و تبرع من طيب اصله الى اختي ان يسفرها لندن للعلاج ويكون معاها في الرحلة ابو حسين : والله الحمد الله لك يا رب ام حسين وهي عاقدة عمرها : وشلون بكون معاها شنو بقولون عنا الناس حسين بلع ريقه خاف ان امه تعترض وما بكون في مصلحة اخته ابو حسين وهو يعارضها : وشو بعد هالكلام والله لو حطينا بالنا وبال الناس ما بنخلص ام حسين وهي تعلي صوتها : لا والله هذا الي ناقص بنتي تروح مع واحد غريب ما يندرى شنو يسوي فيها ابو حسين ويعلي صوته اكثر : انتين وحدة تفكيرها تفكير جهال وتفكير معقدين ومراضة نفسية بعد حسين : بس بس هدوا احنا في مستشفى ما يصير جدي ابو حسين : عجل هذا كلام مراة عاقل عندها عيال . لا حول الله ومن الازعاج بدت ريم تتحرك وعلى الساعة 12 الظهر في المستشفى ابو حسين : شوف يا ولدي احين انا وامك واختك بروح البيت نصلي ونرتاح وبنجيب لهم غذى انت واختك خلك معاها حسين : حاضر يبة ابو حسين وبدى يحن قلبه على ولده : بارك الله فيه حسين ابتسم الى ابوه وبدوا يمشون وتذكر ابو حسين : أي حسين حسين وهي يلف وراه : نعم ابو حسين : خبر هاالولد الطيب الي بساعد اختك يجينا عشان بنشوفه ونشكره ونواعد معاه متى يطلع ريم من المستشفى حسين : حاضر يبة ويروح حسين الغرفة الى ريم . دخل عليها شافها منزلة راسها والحزن يطغوا على ملامح وجها حسين : ريم ترى ربش نزل لنا ملاك ريم ترفع راسها الى اخوها وبان عليها ملامح التساؤل حسين : يا ريم بترجعين مثل قبل واحسن ترى انتي بتسافرين لندن على حساب صديق قاسم ابراهيم ريم وهي تحاول تتذكر . ريم مع نفسها : أي أي ابراهيم . حسين وهو يكمل : ابراهيم بمثل دور الصديق الي معاش في الشغل وبمد لج يد العون وبسفرج على حسابه وبيصرف عليش وبيدفع كل مصاريف العلاج والتذكرة وووو وغيره ريم وهي مستغربة هذا الانسان كان يطالعني بنظرات مو حلوة ومرة وحدة ينقلب رجال طيب . كان في بال ريم انه رجال من هذولا الي عيونه غايرة حسين : ها شقلتي ريم ابتسمت الى اخوها وحضنته حنان : ريم ريم انصدمت حنان : لااا تستغربين ترى اني ردت لي حاسية النطق بسبب الي سمعته عن حالتش ريم ودموع الفرح على خدها مدت يدها الى اختها حنان وحضنتها بكل حب ومودة وعلى الساعة 2 ونصف بعد ما الكل راح غرفته ظل تحت قاسم ومها قاسم : مها مها : نعم قاسم وهي يبتسم لها : الله ينعم بحالش . بس بقول لج ان ريم انحلت مشكلتها مها وهي تعدل قعدتها وتصير بقباله : صدق شلووون؟ قاسم : الله يسلمش اهلش ما قصروا مها وهي تاشر على نفسها وعلامات التعجب رسمت على قسمات وجها : اهلي؟ قاسم : أي اهلش بطيبتهم وكرمهم بتكون سفرة ريم وتكاليف علاجها على حساب اهلش وابراهيم ما قصر بسافر معاها مها : الحمد الله ريم تستاهل الف خير اخت والنعم فيها قاسم ابتسم الى هذي الفتاة الي دخلت قلبه بطيبتها ورقتها ونعومتها وحنانها الداااااائم الي ما ينقطع مها قطعت عليه سرحانه : قاسم قاسم : نعم مها : ودي تطلعي بروح اشتري شي الى ريم قاسم : الي قدمتوه كفاية مها : لا مو انا الي قدمت امي واخوي الي قدموا انا بروح اشتري لها هدية بسيطة بمناسبة قومتها بالسلامة قاسم : اامم انا موافق بس روحي استاذني من الوالدة مها : االاااااااي اوكي . ويمكن بعد خواتي معاي قاسم : مو مشكلة انتظر ردش اذا وافقت الوالدة بروح باخذ لي دوش ( يسبح ) مها : اوكي دقايق وراجعة وتركب الدرج قاسم وهو يناظرها ومع نفسه : الى متى بظل اكابر واقول لا لا بخلي عني فكرة حبها لكن حبها في شراييني يا ربي هالبنت صدق اسرتني بابتسامتها الناعمة وشكلها الكيوت . لكن لا عيب علي افكر ببنت الناس الي ضموني لهم وقت ما كنت في اقسى حاجتي لهم . يا ربي لكن شسوي احببببها والله احبببببببها مها ومن فوق الدرج :قااااااسم امي موافقة يالله قوم وانا بروح اتبرز قاسم : حااااااااااااضر ( وبصوت خافت جدا ) يا عيون قاسم ويقوم يدخل الحجرة . الا يسمع صوت الماي قاسم وهو يدق الباب قاسم : يا حلووو يالله بسرعة بسبح ابراهيم وهو داخل الحمام ( يكرمكم الله ) : دقاااااااااايق قاسم وبنذالة : كل هذا عشان روحة المستشفى او ؟؟ ابراهيم : هههههههه اسكت عني او ترى بتاخر قاسم : سكتنا ابراهيم كان حبه الى ريم واضح من عيونه من يجيبون سيرتها تلمع عيونه ويبين عليه الارتباك وقاسم ما كان مضايق من هالسالفة لان يتمنى الى اخته رجال والنعم فيه يقوم فيها مثل ابراهيم وهي لحين ما صارت شريكة حياته وهو قايم فيها عجل لو تكون شريكة حياته شنو بسوي . ولكن الزمن وقساوته مثل ما فرق روميوو وجولييت وقيس وليلى وعنتر وعبلة اكيد ما بانبه ضميره يفرق ابراهيم عن ريم . وفي المستشفى الساعة 4 ونصف ابراهيم يدق باب غرفة ريم حسين ويروح يفتح الباب : من ؟ ابراهيم : هذي غرفة ريم حسين تذكر : اكيييد انت ابراهيم ابراهيم : أي عليك نور انا ابراهيم حسين : دقايق بس بخبر الاهل بتغطون وخبر اهله وكل من ام حسين وحنان وريم تغطوا ابراهيم وهو يدخل منزل راسه : السلام عليكم الكل : وعليكم السلام ابو حسين : حيالله ولدنا ابراهيم ابراهيم بخجل : الله يحييك ام حسين كانت نظراتها الى ابراهيم كلش مو حلوة وحس ابراهيم بنظراتها ابراهيم : ما تشوفين شر ريم ريم ابتسم له بخجل ابراهيم تذكر انها ما تتكلم لام نفسه لانه عرضها الى هالموقف ابراهيم : يالله استاذن ابو حسين : وين يا وليدي؟ ابراهيم وهو يبتسم : سلامتك بس بروح بشوف الدكتور متى نقدر نسفر ريم وهو يوجه نظره الى ريم ريم استحت ونزلت راسها ام حسين : والله اشوفك واااجد مستعجل على شنو ناوي ابراهيم : سلامتش خالتي بس هذا في مصلحتها الكل ما عجبه رد جميلة ابو حسين : بارك الله فيك يا وليدي يا نروح وتوجه ابراهيم وابو حسين نحو الباب وابو حسين قبل ما يطلع لف وراه ووجه نظره الى زوجته ومن نظراته توعد لها بالانتقام على الي سوته باحراج الولد الي بساعد ريم وام حسين بلاد مبالات سوت حركة له ودارت ظهراها وفي السيارة قاسم : على وين اليوم بعد؟ هديل : اممم احسن مكان يعني السيف خلنا اروح هناك قاسم : شنو قلتون بنات؟ دعاء ومها : مو مشكلة وتوجهوا الى السيف وعند الدكتور الدكتور : صراحة تقدرون من اليوم تودونها لان حالتها التاخير ما بكون في مصلحتها ابراهيم وسمع ان يقدر من اليوم والتاخير مو في مصلحتها قلب نغزه : شرايك يا ابو حسين اروح من احين احجز وترى انا مستعد وانتوا تقدرون من احين تبرزون اغراض ريم والشور الاول والاخير لك ابو حسين وهو يحط يده على كتف ابراهيم : افا عليك يا وليدي تقدر من احين بعد احين انا بروح باخذ معاي ام حسين وناخذ الاغراض المحتاجة لها ريم ابراهيم استانس : صار وانا دقايق بروح اشوف حجز على لندن واول حجز اكيد بكون باسم ريم وباسمي ابو حسين ابتسم لابراهيم : الله معاك وطلع ابراهيم وهو مستانس واااااااجد . واول ما ركب السيارة اخذ التلفون ودق على قاسم قاسم : اهلا بالطش والرش والماي المبخر في الغرش >> ههه سامحوني يمكن خطا ابراهيم : ههههه هلا فيك بارك لي يا خوك احين بتوجه ع المطار وبحجز تذاكر قاسم بفرح كبير لابراهيم واخته ريم : اوووووه والله زين مبرووووووك تستاهل كل خير يا خوك ابراهيم : الله يبارك في حياتك . يالله استاذن وتحمل في خواتي قاسم وهو يوجه النظر الى البنات : حاضر واول ما سكر التلفون قاسم : اليوم وحصريا في سيارة قاسم . اووه سووري سميتها سيارتي بس يالله البنات :هههههه قاسم : خلوني اكمل اليوم وحصريا في سيارة قاسم ويغمز الى مها ومها نزلت راسها حرجا . بفتح لكم بحرين اف ام بمناسبة موافقة الاهل على سفر ريم مع ابراهيم مها : واللللللللله قاسم ويقلد صوتها : والله والبنات مو فاهمين شسالفة بس قالوا يالله افتح لها بحرين اف ام وكانت الاغنية ياليت الى سمان حميد هديل : فديته هذي اغنية سلمات حميد الجديدة قاسم : ومنو هذا عشان تتفدينه هديل : مغني اني أي مغني اتفداه قاسم : هههههههه دعاء : هذي قلبها فندق الكل ما عدا هديل: هههههههههههههه هديل وهي تقلد ضحكهم : ههه بس بس خلونا نسمع هديل وهي مع الاغنية : بنتٍ تمر الطلوع وبيتها بيتها .. ماغيرتها السنين او ما تغيرت انا يوم اكشفت عن مفاتنها وضميتها .. قالت لي الحب وشهو قلت بيت الهنا دعاء وتكمل مع اختها : ياليت مالي خفوقٍ ينبض وليتها .. إلا نعس رمشها ماعاد تسرف بنا يغار قاميصها من لمس جاكيتها .. لاهزت اكتوفها كبر ودلع ولدنا الكل : ههههههههه دعاء : خبلتني معاها الكل :ههههههههه وكان الجو واااااجد حلوو وعجيب في السيارة وفي المطار ومكان توزيع التذاكر البنت : تفضل اخوي ابراهيم : بغيت تذكرتين الى لندن في اول طائرة اذا ما عليش امر البنت : دقايق وقامت تحوس في الكمبيوتر مني ومناك البنت : كوا في حجز ابراهيم بحماس : متى؟ البنت : بكرة على الساعة 3 الظهر تطير الطائرة ابراهيم والابتسامة شاقة بوزه: خلاص ابي تذكرتين وفي بيت ام قاسم هناء وهي قاعدة على الكمبيوتر وتكلم احمد °·.¸.•° وجه القمر °·.¸.•° : احمد ابي اقول لك شي - - --^[ امير الغرام ]^-- - - :تفضلي °·.¸.•° وجه القمر °·.¸.•° : امم احمد اخوي مو حاب اني اكلم صبيان في الماسنجر ووعدني اذا كررت هالشي مرة ثانية بتصرف معاي تصرف ما بعجبني - - --^[ امير الغرام ]^-- - - :امم انزين شنو تنتظرين خلاص لا تكلمين صبيان °·.¸.•° وجه القمر °·.¸.•° : انا ما اكلم صبيان غيرك ومو حابة اني اقطع علاقتي فيك - - --^[ امير الغرام ]^-- - - :اممم وانا بعد مو حاب هالشي وفي نفس الوقت مو حاب اني اسبب لج مشاكل °·.¸.•° وجه القمر °·.¸.•° : ما ادري صراحة - - --^[ امير الغرام ]^-- - - :الراي الاول والاخير ليش والي بتقولينه انا موافق عليه °·.¸.•° وجه القمر °·.¸.•° : امم مو عارفة - - --^[ امير الغرام ]^-- - - :لا تحاتين اذا علي انا مو مشكلة ما بزعل °·.¸.•° وجه القمر °·.¸.•° : امم والله تعبانة انزين عطني فرصة افكر يومين - - --^[ امير الغرام ]^-- - - :لا اتعبين روحش ولا شي وفكري براحتش °·.¸.•° وجه القمر °·.¸.•° : اوكي شكرا - - --^[ امير الغرام ]^-- - - :العفو وخلي في بالش ان كل شي يعجبني لو شنو يكون وفي السيف اول ما وصلوا اتجهوا الى aldo مال احذية رجالية ونسائية واكسسوارات وشنط ونظارات هديل : دعاء شرايش بهذي الشنطة ؟ دعاء : واااو واجد حلوة مها : لحظة عندي فكرة دعاء ومها : شنو مها : شرايكم ناخذ لها بدلة كااامل هديل : شلووون؟ مها : يعني مثلا انا اخذ لها البدلة ودعاء النعال ( يكركم الله ) وهديل الشطنة هديل : ايييي وناسة مها وهي تناظر دعاء : شنو شرايش؟ دعاء : اوكي مو مشكلة يالله وقرروا البنات ياخذون لها بدلة سودة . هديل ودعاء اخذولا لها مثل ما اتفقوا ومها راحت زينا قسم ثياب البنات واخذت لها بدلة . وقاسم كان معاهم في كل خطوة ومستانس واااجد لطيبة قلبهم وهذي كانت النتيجة بدلة من مها نعال من دعاء شنطة من هديل واصرت هديل انها تاخذ لها خاتم نعومي وابو حسين اول ما وصل الغرفة خبرهم ان احين ابراهيم بروح اشوف الحجز واخذ معاه جميلة وحنان عشان الاغراض وظل حسين مع ريم في الغرفة حسين : مرتاحة الى هالسفر؟ ريم تهز راسها بمعنى أي حسين : مو خايفة ؟ ريم سكتت حسين : السكوت علامة الرضا . لكن والله صدقيني يا ريم ابراهيم رجال والنعم فيه وارتحت له واااجد ريم ابتسمت الى اخوها عشان ما تزرع الخوف في قلبه حسين رد لها بابتسامة : وان شاء الله ترجعين لها احسن من قبل. ريم وهذ تهز راسها له بمعنى ان شاء الله وفي السيارة عبد العزيز وجميلة ابو حسين : وانتي ما تستحين تقول جدي الى الولد ام حسين : وانا ما قلت شي خطا عجل شنو تفسر هالاستعجال ابو حسين : سمعيني زين الي اسويه الى مصلحة بنتنا واقل شي علينا ان احنا نشكره وانتي قاعدة تقولين جدي ام حسين وبصوت خافت : وشوف جان ما سوى فيها شي ابو حسين : انتي شنو تقولوين تقرقرين بروحش صايرة لنا دجاجة ام احمد ام حسين : سلامتك مجنونة ابو حسين : اول مرة تصدقين في شي حنان كانت تضحك في داخلها على طريقة العلاقة بين ابوها وامها وفي بيت ام ابراهيم اول ما وصل ابراهيم دخل البيت هو وينادي ابراهيم : يمممممممممممممه . يمممممممممممه ام ابراهيم وهي تطلع من المطبخ : خير خير شفيك تصارخ جدي ابراهيم وهو يراوي امه التذاكر : شوووفي يمه حجززززززت ام ابراهيم : اووه اووه الف مبروووك يا وليدي . متى الرحلة؟ ابراهيم : بكرة يمه بكرة الساعة 3 الظهر اطير الطيارة ام ابراهيم : صدق والله تستاهل الف خير وتروحون وترجعون بالسلامة ومن هذا الى روحتكم شهر العسل ان شاء الله ابراهيم وهو منزل راسه : ان شاء الله ام ابراهيم وهي تتقرب من ولدها : والله وكبرت وبصير معرس ابراهيم ابتسم الى امه ام ابراهيم : انزين يالله روح جهز اغراضك وشوف شنو الي ينقصك وروح اخذه لك ابراهيم : ان شاء الله ويروح ابراهيم فوق واول ما وصل دق على حسين حسين وهو في الحجرة حسين : اووه هذا ابراهيم ريم ابتسمت له حسين : هلا بو شهاب ابراهيم : هلا فيك حسين : امر يا اخوي ابراهيم : ما يامر عليك عدو بس حبيت اخبرك خبر الاهل ان بكرة السفرة الساعة 3 بطير الطائرة يعني لازم نكون قبل في المطار حسين وهو فرحان : والله خلاص حصل خير ومشكووور وما تقصر ابراهيم : افا عليك واجبنا يالله اخليك حسين : في حفظ الرحمن حسين : ريم مبرووووووووك ريم وهي تناظره حسين : بكرة السفرة الساعة 3 بطير الطائرة يعني لازم تبرزين روحش قبل واتصل حسين الى ابوه وخبره اونتشر خبر سفر ابراهيم وريم بين العائلتين عائلة ام ابراهيم وعائلة ابو حسين وفي هذا اليوم الكل كان مرتبش والبنات وام ابراهيم كانوا حزينين على فراق اخوهم لانه لاول مرة بسافر بدونهم ولكن وعدهم انه يكون معاهم على اتصل نهاية الجزء السادس توقعاتكم : * هناء شنو القرار الي بتتاخذه. بتختار قلبها الي حب احمد او اهلها ؟ * والسفرة هل بتم على خير او بصير شي بخلي السفرة تتاجل؟ * واذا سافروا تتوقعون شنو بصير في سفرهم؟ * والحب الي يحبه ابراهيم لريم هل من الممكن يكون حب من طرف واحد او مع الايام بكون حب بطرفين؟ ونلتقي في الجزء السابع | ||||
|
| |
|
18-07-19, 08:54 PM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الاول من الجزء السابع يوم الاربعاء وهو اليوم المحدد الذي سوف يغادرا بطلينا ريم وابراهيم دولة البحرين متجهين الى لندن وفي المطار الساعة 1 ظهرا وبين عائلة ام ابراهيم ام ابراهيم وهي تبوس ولدها : تحمل بروحك يا وليدي ولا تنسى دق علينا باقرب فرصة ابراهيم : ان شاء الله يالغالية ويوجه نظره الى خواته لي كل وحدة منزلة راسها ودموعها اربع اربع ابراهيم وهو يبي شوية يسوي جو ويخفف حزنهم : بس عاااد لا اسوون لنا فيلم هندي هديل وهي تضحك ودموعها على خدها : ههه . تحمل بروحك اخوي ابراهيم : ان شاء الله اوامر ثانية عماتي ؟ مها : سلامتك اول ما توصل دق علينا ابراهيم : ودعاء ؟ كانت دعاء واااجد حزينة لان قريبة من اخوها ابراهيم بسبب اعمارهم القريبة دعاء وهي ترفع راسها وكانت عيونها محمرين وبسرعة تحظن اخوها وهي تصيح ابراهيم وهي يطبطب على ظهرها : خلاص يا دعاء لا تصيحين ان شاء الله كلها كم شهر وراجعين دعاء والعبرة خانقتها: فراقك مو سهل يا اخوي ابراهيم وهو يحاول يخبي حزنه : وحتى انتوا فراقكم مو سهل دعاء وهي تبتعد عن اخوها شوية وتنشف دموعها : خلاص تحمل بروحك واااجد ابراهيم وهو يبتسم : ان شاء الله وبين عائلة ابو حسين ابو حسين الى بنته الي على الكرسي المتحرك : تحملي بروحش يا ريم واي شي محتاجته له اتصلي فينا ريم تهز راسها حنان ودموعها على خدها وهي تبوس اختها وتحضنها : تحملي بروحش يا الغالية واول ما توصلين دقي علينا طمنينا ريم تحرك راسها ريم وهي توجه نظرها الى اخوها الي ما نطق ولا صاح لكن كان يبين علامات الحزن من عيونه ريم وهي تفتح ذراعها ويتقرب اخوها منها ويحضنها حسين ودمعته طاحت على كتف اخته : تحملي بروحش يا الغالية وردي لنا بصحة وعافية وهذا ما يبي له الا اصرار وعزيمة ريم تهز راسها ام ريم : يمه ريم تحملي بروحش وهي توجه نظرها الى عبد العزيز وبصوت منخفض : تحملي بروحش من هذا ابراهيمو ريم في داخلها : الله يهداش يمه ريم تهز راسها الى امها بمعنى ان شاء الله وقرب حسين كرسي اخته ريم من عائلة ام ابراهيم حسين وهو يوجه كلامه الى العائلة الكريمة : مشكوورين وما تقصرون ام ابراهيم : واجبنا يا وليدي والله يشفيها ان شاء الله حسين : اجمعين يالله استاذن حسين وهو يبوس اختها : مع الف سلامة ريم وهي تحرك يدها الهزيلة الى اخوها بمعنى بااي ونظراتها كلها شوووق الى اخوها واهلها الي كانوا عند باب الخروج هديل وهي توجه كلامها الى ريم : ريم تفضلي هذي هدية بسيطة مني لج وان شاء الله تعجبش وتروحين وترجعين بالسلامة . وهي توجه نظرها الى ابراهيم : تحمل ابها وحتى انتي ريم تحملي باخوي الكل : ههههه ريم تبتسم لها وعلى خفة دمها مها : تفضلي ريم . وهي تعطيها العلبة . وان شاء الله تعجبش وتروحين وتردين بالسلامة وكذلك دعاء ام ابراهيم وكلمتها الاخيرة : تحملوا بروحكم يا عيالي وفي حفظ رب العالمين عز وجل وباستهم وابتعدت عنه ومشوا عائلة ام ابراهيم متجهين الى باب المغادرة وكان دعاء منزلة راسها وعيونها محمرة ومرة وحدة ما تحس الا بدعمة ومن الدعمة القوية طاحت شنطتها ......... : اوووووه سووري اختي ما انتبهت دعاء وهي ترفع راسها وتبتسم له : لا عادي حصل خير والصبي كان يطالعها ويطالع جمالها الغاوي دعاء ما عجبتها نظراته وراحت الى شنطتها واخذتها وراحت بسرعة الى اهلها الى ابتعدوا عنها شوي واما الصبي تذكر الى هو جاي عشانه وبسرعة يروح ركيض واشوى انه لحق على الي يبيه .......... وهو ياخذ نفس: ابراهيم ابراهيم دار وراه : هلا عماااااااار شفيش تنافخ وريم كانت تضحك من داخلها على شكل عمار عمار وهي يضحك : ههه سلامتك بس تاخرت عليك قلت بودعك وكان ولد الخالة ( محمد ) بجي معاي بس صاده ظرف ابراهيم : افاا عليك متعب رووحك عمار : يالله تروحون وترجعون بالسلامة ابراهيم وهي يبتسم : الله يسلمك وفي بيت ام قاسم وفي التلفون هناء وضحى ضحى : احين انتي خبلة ومجنونة اذا فكرتي في اهلش هناء وهي متوترة : ما ادري خايفة ضحى : يا الغبية انتي ضلي كلمي احمد وما عليش من شي هناء بخوف : لكن اذا دروا اهلي شنو بسوون فيني ضحى : ما بعرف وانتي كوني حذرة هناء وهي محتارة : ما ادري ضحى وهي تحاول تقنعها : مالت عليش وعلى غبائش لو انا محصلة وااحد مثل احمد جان زين . تدرين ان صديقتنا نوراء انخطبت ما باقي الا احنا هناء : صدق انخطبت؟ ضحى : أي وانتي بعدها ان شاء الله على احمد هناء : يعني برايش اكلمه ؟ ضحى : أي أي كلميه ما فيها شي هناء : خلاص صار احين بكلمه هو موجودة بس انا اوف لاين ضحى وهي فرحانة انها اقنعت هناء : خلاص باي ضحى هي الشيطان في هذي الشلة هي الي اقنعت اماني ودانة انهم يكلمون شباب على الايميل لما اقنعتهم على التلفون وكانت هناء الوحيدة من بينهم ما لها بهذي السوالف وضحى احين تحاول تقنعها بعد وفي الماسنجر °·.¸.•° وجه القمر °·.¸.•° : امم السلام عليكم - - --^[ امير الغرام ]^-- - - :اهلا وعليكم السلام °·.¸.•° وجه القمر °·.¸.•° : شخبارك ؟ - - --^[ امير الغرام ]^-- - - :تمام ربي يسلمش ويعافيش وانتي شخبارش عساش طيبة؟ °·.¸.•° وجه القمر °·.¸.•° : بخير الحمد الله - - --^[ امير الغرام ]^-- - - :دووم الله الحمد الله °·.¸.•° وجه القمر °·.¸.•° : دامت ايامك وبعد سكوت مدى °·.¸.•° وجه القمر °·.¸.•° : احمد - - --^[ امير الغرام ]^-- - - :نعم °·.¸.•° وجه القمر °·.¸.•° : الله ينعم عليك °·.¸.•° وجه القمر °·.¸.•° : اممم - - --^[ امير الغرام ]^-- - - : قولي لا تترددين هناء انا معاش في كل كلمة تقولينها °·.¸.•° وجه القمر °·.¸.•° : تسلم لكن انا فكرت في الموضوع - - --^[ امير الغرام ]^-- - - :أي وشنو ردش ؟ °·.¸.•° وجه القمر °·.¸.•° : بكلمك - - --^[ امير الغرام ]^-- - - :مو خايفة من اهلش؟ °·.¸.•° وجه القمر °·.¸.•° : بلى خايفة لكن احمد انت مهم واااجد في حياتي - - --^[ امير الغرام ]^-- - - :هناء °·.¸.•° وجه القمر °·.¸.•° : نعم - - --^[ امير الغرام ]^-- - - : شكرا هناء انتي وااجد عطيتين اشياء وان شاء الله راح اردها لج °·.¸.•° وجه القمر °·.¸.•° : انا ما عطيتك شي كلش انت الي عطيتني كل شي - - --^[ امير الغرام ]^-- - - : اناا ؟ انا احس نفسي ولا شي °·.¸.•° وجه القمر °·.¸.•° : لا ما ارضى تقول عن نفسك جدي - - --^[ امير الغرام ]^-- - - :عن جد هناء احسش ملاك مو انسان °·.¸.•° وجه القمر °·.¸.•° : شكرا - --^[ امير الغرام ]^-- - - :العفو وان شاء الله اكون عند حسن نيييتش وفي المطار في سوق الحرة ريم وابراهيم كانوا قاعدين على الكراسي ومعاهم اغراضهم وكانت ريم تحس بالجوع لكن ساكتة وبعد مدى استسلمت لان حسبت بالجوع الشديد ريم وهي تاشر على ابراهيم اراهيم وهو يبتسم لها وعيونه تلمع : نعم ريم وهي تسوي له حركة بمعنى اكل او طعام ابراهيم : تبين اكل حاضر بس دقايق بروح اشتري ريم وهي تاشر له بيدها بمعنى لا ابراهيم وهو حيران : عجل؟ ريم وهي تاخذ شنطتها اليد واطلع منه البوق واطلع فلوس وتمد يدها الى ابراهيم ابراهيم فهم انها تبي اكل من فلوسها ابراهيم : لا عادي انا وانتي وااحد مو مهم من عندي او لا ريم وهي تحرك راسها بنفي ابراهيم : لا عادي يالله بروح اخذ لج شنو تبين؟ ريم سكتت ظن ابراهيم انها انحرجت لانها مو عارفة تتكلم وتقول شنو تبي ابراهيم : خلاص قوم معاي ريم وهي تحرك راسها بمعناة النفي ابراهيم وهو حيران : ليش ريم قامت تسوي حركات له قام يضحك عليها ابراهيم : ههههههههههههههههههه هههههههههههههههههههههههه ريم وهي اطالعه بنص عين مقهورة عليه ابراهيم وهو حس بغضب ريم : ههههههههه لا لا ما اضحك على حركاتش اضحك على عنادش الا غصب تبين من فلوس انزين كيفش ريم ابتسمت له وهزت راسها . ومشوا سوى وفي بيت ام دلال ( بتول اخت قاسم ) اول ما رجع كاظم اتجهوا الى الغذاء وفي اثناء الغذاء فطوم الصغيرة كتت ( سكبت ) ماي بتول وهي تقوم معصبة : وريح تريح هالبنت الي ما تفهم وتاخذها تضربها وفطوم كانت تصيح ودلال وملاك كانوا يطالعون امهم الى كانت وحش على هيئة بشر وخايفين منها كاظم وهو ياخذ فطوم في حضنه : بس خلاص كلها شوية ماي تقومين تضربينها ليش؟ بتول وهي تعلي صوتها : أي أي دافع عننننننننها مالت عليك وعلى عيالك تعلمهم الدلع كاظم : عيالي عيالش وترى انا مو مدلعهم انتي الي مسوية لهم رعب وكانش وحش مو ام بتول من سمعت كلمة الوحش زاد غيضها وكان بركان في داخلها وتقوم وترمي الفوطة على الارض وتحط يدا على خصرها بتول : لا واللللللللللللللللللللللل ه هذا الي ناقص انا اخر زماني يلقبوني بوحش ولا بعد مو يقولي وحش انت انت اسمع زين وفتح اذونك عيالي انا بربيهم بكيفي انت مالك دخل فيهم فهممممممممممممت او لا قطيعة تقطعك انت واهلك كاظم انقهر وااجد : اووووهووووو والله حالة جاي من الشغل تعبان محتاج مرة تراعيني مو تسوي ليي كل هالهذرة الزايدة بتول : أي أي حطه علي ما عندك فلوس ومفلس حااالتك حااالة تقول مني كاظم وهو يرفع يده للسما : الحمد الله لك يا رب . مو مفلس ولا شي بخير ونعمة بتول وهي تضحك بسخرية : وين وين الخير ما اشوفه تعالي كتريني تعالي يا فلانة تعالي يا علانة . وهي توجه نظرها الى زووجها : وين كوا اشوف الخدم والحشم تارسين البيت حتى خدامة وحدة ما عندنا مالت على الفقر والعيشة معاك كاظم وصبره بدى ينفذ : حمدي ربش احنا عندنا بيت يضمنا ويحمينا غيرش في السكيك والشوارع ما عندهم بيت بتول : هذا الي ناقص مو قصدي جدي من كم يوم رايحة بيت سارة صديقتي بيتهم شحلاته قصصصصصصصصصصصصصصر قصصصصصصصصصصر تعرف يعني شنو قصصصصر شحلوه يفتح النفس والخدم والحشم لوين والسايق ينطرهم عند الباب مو انا يا حسرة قرادة حظي طحت في جبد وااحد فقر مثلك فقر ويجيب لنا الفقر كاظم وهو يقوم ومعصب : بقوم انااااااااام ابرك لي بتول وهي تعلي صوتها عشان يسمعها كاظم وهو راكب الدرج : روح روح روحة بلى رجعة ان شاء الله وفي هاللحظة توجه نظرها الى بناتها وتستلم فطوم الصغيرة وتضربها ضرب وهي قاعدة تضربها : كل منش يا الحمارة كل منش وهي تضربها وملاك ودلال شافوا شلون ضرب امهم القاسي الى اختهم حاولوا يمنعونها وبعدين ركضوا ثلاثتهم الى حجرتهم وسكروا عليهم الباب خايفين من امهم بتول : مالت عليكم من عيال سودة الله وجهم بتول وهي اطالع الاكل : احين حق منو هالاكل الي طابخته وتاعبة عليه بتول : كاااااااااااااااظم ملااااااااك دلااااااال فطوووووومو تعالوا اكلوا بتول ما سمعت رد بتول : عساكم تاكلون سمممممممم ان شاء الله . خلني اكلهم وجبة خمسة اشخاص الى شخص واااااااااحد . وااااااااي عجيب وقامت تاكل وكانها وحدة مجنونة ما شافت خير وفي الحجرة والجهال قاعدين وفطوم تصيح من الالم دلال وهي ترفع فانيلا فطوم وتشوف اثر ضرب امها انصدمت من وحشية امها وكان في شوية دم بسبب اظافر امهم دلال : ملاك روحي جيبي ديتول ملاك : لحظة وبعد ما جابوا الديتول قامت دلال وملاك يعالجون اختهم الصغيرة وكان شكلهم يكسر الخاطر وفطوم تتالم وااجد من الضرب المفرح الى حصلته من امها . دلال تعلمت القساوة وطوالة للسان من امها وفطوم شطانتها بعد من امها . واما في بيت ام زهور ( منى ) كان جو ولا احلى ما يخلو من الحنان والرومانسية جو هادئ حلوو في صوت تغريد بنتهم الوحيدة زهاير واول ما كملوا الغذاء منتظر : تسلم يدش على احلى طبخة منى بخجل : الله يسلمك عليك بالعافية منتظر وهو يتقرب منها : الله يعافيش يا احلى منوووي زهور قامت اطلع اصوات منتظر وهو يناظر بنته الصغير : والله وتعرفين تغارين على امش ترى امش زوجتي وحلال علي منى : ههههه زهور : بابا واوا (( حلاوة )) منى ومنتظر : هههههههههههههههههههههههه ههههههههههههههههههههه منتظر : حلال فسرتيها الى حلاوة صدق ما ينقص عليش منى : ههههههههه خلي منكم بروح اغسل الصحون وبرجع لكم منتظر وهو يحمل بنته الي عاطنها كل حنانه : تدرين زهوري تدرين الي ياكل حلاوة اسوس ظروسه والي يلعب في الشارع ادوسه سيارة .... زهور قامت تضحك مع ابوها . ومنتظر قام يلاعب بنته وكان الجو كلش غير عن جو بين ابو دلال الي ما يخلو من الصراخ والضرب الساعة 3 في الطائرة ابراهيم : كم مرة ركبتين طائرة ؟ ريم وهي تنزل راسها حرج وتسوي حركة بمعناة النفي ابراهيم وفي داخله مااااااالت عليك تفشل جدي البينة صدق غباوة ابراهيم وهو يحاول ينقذ الموقف : اممم ان شاء الله مع الايام على طوول تركبينها وتعوضين نفسش ريم ابتسمت له وعلى الساعة 9 الليل بتوقيت لندن نزلت الطائرة بخير والحمد الله في مطار لندن واول ما نزلت ريم كانت اطالع منظر لندن من فوق وكان الظلام دامس ولكن اضواء الانوار كانت تملا المكان زرع هذا المنظر في نفس ريم الامل والتفاؤل لان حياتها اصبحت قريبة من الظلام ولكن بوجود اهلها وابراهيم واخاها قاسم وغيرهم وغيرهم كانوا مثل الانوار في حياتها ملاحظة : سمعت ان لندن قبلنا بثلاث ساعات بس مو متاكدة . وفي بيت ام قاسم على الساعة 8 امل تنتظر الفيلم الهندي وتلفونها يرن امل : هلا منوي منى : هلا بيش . شخبارش؟ امل : تمام وانتي شخبارش ؟ وشخبار زهور ؟ وابو زهور؟ منى : كلنا تمام امل : الحمد الله . امري؟ منى : امممم عندي لج خبر امل : شنو؟ منى : برزي رووحش بنطلع بروح جيان ( مجمع البحرين ) امل وهي قامت من مكانها من الفرحة : الااااااااااااي عجيب منى : عاد معاش فلوس ؟ امل : أي اشوى ما صرفت من مصروفي شي ظلت العشرة دينار معاي منى : خلاااص يالله برزي روحش بمر عليش امل : اوووووكي منى : وقولي الى هناء وعبود اذا يبوني يجون امل وهي تناظر عبوود شلون نايم ورجوله فوق راسها وحالتها حالة : ههههه عبود نام منى : حشى احين ينام؟ امل : لان يقعد من الصبح المهم بخبر هناء منى : اوكي يالله باي امل : باي ومووووووووه مشكوورة حبيبتي منى : هههه العفو باي منى : مسكينة ستانست وااااجد منتظر : أي وقت بنطلع خبريهم يجون معانا منى : انا ما ابي كل وقت اخبرهم بشوف وقت ما عندهم فلوس بتصل فيهم لان بيكسرون خاطري بروحون يحسرون عمرهم ويرجعون منتظر : خلااااص يالله قومي تزهبي انتي وبنتش وفي بيت ام قاسم امل اول ما دخلت على هناء . هناء بسرعة نزلت صفحة المحادثة مع احمد امل : هناء بجين معانا؟ هناء ومن غير نفس : وييين؟ امل : بروح مجمع البحرين هناء وهي فرحانة : جياااااااان؟ امل : أي يالله قومي تزهبي هناء : اوكي بس بسكر كل شي واستغلت هناء الفرصة وقت ما امل قامت تحاوس في كبتها اطلع لها بدلة رفعت صفحة المحادثة مع احمد °·.¸.•° وجه القمر °·.¸.•° : يالله احمد استاذن - - --^[ امير الغرام ]^-- - - :افااا مو من عوايدش هاليوم تقعدين معاي مدى اطول °·.¸.•° وجه القمر °·.¸.•° : الله يسلمك بطلع ويا خواتي بروح مجمع البحرين - - --^[ امير الغرام ]^-- - - :صدق واللللله تصدقين عاد احنا الربع بروح بعد هناء ستانست في هالوقت °·.¸.•° وجه القمر °·.¸.•° : الاااااي يعني ممكن اشوفك - - --^[ امير الغرام ]^-- - - : اممم لا لا شوفي بنخلي الشغل الى قلوبنا اذا عرفت بعض شرايش؟ °·.¸.•° وجه القمر °·.¸.•° : اوكي صار يالله باي - - --^[ امير الغرام ]^-- - - :باي وفي لندن الساعة 11 الليل قعدت ريم من غفوتها على صوت فتاح الباب ركبت بصعوبة على الكرسي المتحرك ومشت روحها نحو الباب سمعت صوت في المطبخ راحت له شافت منظر غرس في نفسها الشفقة او الامتنان ما عرفت شلون تفسره ابراهيم حس بوجود شخص له وراه ابراهيم وهو يبتسم : اهلا ريم ريم سوت لها حركة بمعنى شنو قاعد تسوي ابراهيم ما فهمت لها ريم سوت له حركة بمعنى لحظة راحت حجرتها وقامت ادور ادور لما حصلت الدفتر والورقة كتبت في الورقة حسين قالي اني بحتاج الى مثل هذا الشي عشان اتفاهم معاك ابراهيم ضحك من قلب : ههههههههه انزين امري ريم كتبت في الورقة : شنو قاعد تسوي؟ ابراهيم : رحت جبت لنا عشى من برى وقاعد ابرزه ريم في الورقة : اهاا . انزين ليش مو انا الي اطبخ ابراهيم ابتسم لها : الا هو بس هذا اليوم توني راجع من المستشفى وبكرة ان شاء الله الصبح على الساعة 9 بتروحين المستشفى عشان تبداين العلاج ريم ابتسم لها وكتبت في الورقة : مشكوور وما تقصر والله يجعله في ميزان حسناتك ابراهيم : افاا عليش واجبنا ريم كتبت في الورقة : انزين ابي اساعدك ما احب اقعد جدي ابراهيم : انزين حياش وقاموا يبرزون مع بعض . ريم تحمل الصحون وتحطهم فوق حظنها وتروح توديهم على طاولة الطعام والقلاصات بعد وابراهيم يحط الدجاج المشوي الي شراه على الطاولة والمقبلات والبيبسي وبرز كل شي وسموا بالرحمن وقعدوا ياكلون وفي بيت ام قاسم برزت هناء وامل امل كانت لابسة لها بنطلون بحري خفيف لان الجو حار على بادي نص كم ( قصير ) لونه بحري مايل للابيض ونعال كعب لونه ابيض وخاتم لونه ازرق ناعم وصغيرون وشنطة بيضة هناء لبست لها احلى بدلة عندها ( من قدها بشوف حبيب القلب ههه ) تنورة حمراء مجنحة مع قطع سودة ومعاها قميص اسود بخطوط حمراء ونعال احمر وقدامه وردة سوداء وشنطة لونها احمر وكانت هذي البدلة بدلت عيد الاضحى الي طاف . منى سوت مسكول الى امل واتجهوا الى السيارة واول ما ركبوا امل وهناء : السلام عليكم منى ومنتظر : وعليكم السلام زهور : خالو امل امل : وااااااااي فديت عيون خالتها صايرة قمر زهور كانت كيوت ملبسينها تنورة جنس قصيييرة فيها مثل الديزاين الوردي على فانيلا ناعمة وردية وجوتي وردي روعة . لان كانت منى ومنتظر بخير وما يقصرون على بنتهم زهور امل : ياربي انتون قمر زهور تضحك وظلوا في السيارة يضحزن ويسولفون وهناء ما كانت معاهم بالها مع احمد وتفكر وفي بالها هذي الاسئلة ممكن اشوفه ؟ اتمنى صراحة اني اشوفه وسيم ؟ امممم يمكن يشبه وائل الكفوري ؟ وااااااي امممم ويمكن فادي ( الي في ستار اكاديمي 3 ) ؟ ياربي خلش خلش هناء عن هالاسئلة التافهة في واحد بحريني جدي كيوت ما اعتقد لكن احمد غير احسه حلوو؟ ياربي بس بس خلااااص لا تفكرين جدي هناء بس بس بعدين يطلع مو حلو وتنصدمين لا لا حلوو يعني حلوو وكان هناء عندها حراك مع خيالها ونفسها وفي بيت ام ابراهيم ام ابراهيم وهي مقابلة التلفون هديل : يا يمه ليش قاعدة هني قومي نتعشى ام ابراهيم : لا لا شوية بس يمكن احين يرن مها : ههههه يا يمه اذا رن بنسمعه واحنا في طاولة الطعام الا كلها كم خطوة ام ابراهيم : ما ادري اخاف ما نسمعه دعاء : يالله يمه والله اني مايتة جووع يالله عاد قاسم وهو فوق ينادي : شنوووووو ما برززززززز العشى هديل : تعال اقنع امي عاد اونها ما بتسمع التلفون قاسم وهو ينزل تحت وهو يضحك : ههههه يالله يالله يا يمه وانا اشوف ابراهيم طالع عنيد على منو ام ابراهيم : ههههه يالله يالله مشينا وفي المجمع اول ماوصلوا كانوا يتمشون بس وهناء اطالع يمين ويسار وقلبها يدق وقاعدة على نار هناء وبصوت منخفض : انا الغبية لو سالته شنو بتلبس صدق ما افهم >> توها دارية الاخت امل : تكلميني هناء ؟ هناء وبعصبية : وانتي شلج دخل ادخلين عصش في شي ما يخصش افففففففف امل : يمه ما قلت شي احين هناء : امشي امشي وفي لندن بعد ما كملوا العشاء نظفوا سوى وكل شي كانت تقريبا الساعة 12 ريم وهي تاخذ الدفتر وتكتب له : ابراهيم ممكن طلب؟ ابراهيم وهو يبتسم لها : امري ريم وردت خدودها خجلا كتبت له : ما يامر عليك عدو ممكن تتصل الى البيت وتكلمهم وتطمنهم اني بخير وتحط ليي السماعة اسمع صوتهم بس شوية تكفى ابراهيم قطع قلبه اصرارها وترجيها : افاا عليش اكيد من غير ما تقولين وذكرتيني بتصل باهلي بعد انزين كتبي لي رقم بيتكم ريم في الورقة : ******17 ابراهيم وهو يدق الارقام وينتظر ينتظر شالته حنان وسواه سبيكر حنان : الوو ابراهيم : الو السلام عليكم حنان : اهلا وعليكم السلام ابراهيم : انا ابراهيم مع ريم نكلمش من لندن حنان : صدق حمد الله على سلامتكم شخبارها وشخبارك ؟ ابراهيم : كلنا بخير لحظة شوي تفضلي تكلمني معاها حنان في التلفون : ريمااااااااااااني شخبارش؟ ريم تسوي الى ابراهيم حركة بصبعها بمعنى اوكي وتكتب في الورقة : قول لها تقول لج ريم وحشتينها ابراهيم ابتسم لها : تقول لج ريم بخير ووحشتينها حنان : ما يوحشها غالي انزين لحظة بنادي امي حنان : يمممممممه يممممممه ام حسين : وعللللللله تاخذش من بنت شنوووو؟ حنان : يمه هذا ابراهيم وريم وصلوا بالسلامة ام حسين : يمه بنيتي عطيني التلفون شنو تنتظرين صدق غبية جيبي ام حسين : يمه بنيتي شخبارش عساج طيبة ؟ ابراهيم : هلا خالتي أي كلنا بخير تقول لج تمام ام حسين : اهتم فيها واااجد وحطها بعيونك ولا ترى ..... ريم افتشلت من تهديد امها الى ابراهيم الى قلبه كل طيب وحنان ابراهيم وهو يبتسم : ريم في عيوني خالتي وين عمي ؟وحسين؟ ام حسين : محد طالع يشتغل وحسين بعد محد ابراهيم : اهاا يالله احين بنكسر سلمي عليهم وقولي لهم باقرب فرصة بنتصل عليهم ام حسين : زين مع السلامة وتسكره قبل ما يرد عليها ابراهيم : خلاص اطمنتين على اهلش ريم بخجل في الورقة : أي لكن اسفة على تصرف امي ابراهيم : لا كله وااحد واحين بتصل في اهلي ريم توها بتحرك كرسيها تبي تخليه على راحته ابراهيم وهو يبتسم لها: لا لا عادي قعدي مهما يصير انتي من اهلنا ريم ابتسم له ابراهيم وهو يدق على تلفون بيتهم ام ابراهيم : وي دق التلفون هديل : ههههه انزين شيليه ام ابراهيم : أي صدق الوووو ابراهيم : هلا بحبيبتي امي فديتش ام ابراهيم وكلها حنان الى ولدها : هلا بوليدي شخبارك عساك طيب وشخبار ريم؟ ريم انحرجت بسبب كلام ام ابراهيم طيبة وااجد تسال عن حالها وحال ولدها في نفس الوقت وحزنت بسبب الفرق الشاسع والواضح بين ام ابراهيم وامها ابراهيم : كلنا بخييير ربي يسلمش شخبارش وشخبار خواتي وقاسم ؟ ام ابراهيم : كلهم تمااااااام يسلمون عليك ابراهيم : الله يسلمهم من الشر ريم وهي تكتب في الورقة وتراويه ابراهيم هز راسه لها ابراهيم : تسلم عليكم ريم وتشكركم من كل قلبها ام ابراهيم : وي بعد عمري فديت هالبنت والله ابراهيم : فديت غاليش يا ست الحبايب يالله يمه بسكر احين ام ابراهيم : زين يا وليدي تصبحون على الف خير في حفظ الرحمن يا الغالي ابراهيم : يالله مع السلامة ام ابراهيم : الله معاك . وسكر التلفون ابراهيم وام ابراهيم لحين تتكلم : الله معاك يا الغالي في حفظ الرحمن والباري تحمل بروحك وبعدين انتبهت ان انقطع الخط نزلت السماعة بحزن مها : يمه شصاير؟ ام ابراهيم : ما في شي دعاء : عجل ليش حزينة؟ ام ابراهيم : لان سكره هديل : هههههههههه يعني تبنيه طول اليوم يكلمش ام ابراهيم : أي أي اطنزي لانش مو ام وتحسين بفراق القطعة الي منش وفيش من جدي تقولين هالكلام قاسم : انزين خلونا بشري يمه شخبارهم؟ ام ابراهيم : كلهم تمام يا وليدي كلهم بخير قاسم : الحمد الله اهم شي ام ابراهيم : يالله اني بروح بيت ام محمد هديل : اوكي واني بروح على الكمبيوتر وفي لندن ابراهيم راح حجرته الى النوم وكذلك ريم ابراهيم ما غمض له جفن وهو يفكر : احين انا وريم تحت سقف وااحد عشان العلاج هل من الممكن نكون تحت سقف واااحد في المستقبل وتكون لي . يا رب الي فيه خير لي الى ريم سوه يا رب وبانتهاء يوم الاربعاء انتهى الفصل الاول من الجزء السابع ونبدا الفصل الثاني من الجزء السابع بيوم الخميس تابعوني توقعاتكم : * عمار الشخصية الجديدة هل من الممكن تكون ثانوية وبس في هذا الحدث او له ادوار غير ؟ وشنو من الممكن يكون؟ * هناء واختارت احمد ؟ تتوقعون شافته في المجمع ؟ * وبتول ونهاية وحشيتها وعصبيتها ؟ وعيالها ؟ * وريم وابراهيم ؟ هل بتكون فيه تطورات ؟ مع تحياتي بسمة الم | ||||
|
| |
|
18-07-19, 09:28 PM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الثاني من الجزء السابع يوم الخميس في دولة لندن كانت الساعة 8 لما قعدت ريم على صوت تلفونها يرن ( منبه ) قعدت وبعد ما تجهزت وكل شي طلعت برى عشان تبرز الفطور شافت ابراهيم وهو قاعد يحط البيض على الطاولة والعسل يحطه في صحن ويبرز كل شي كسر خاطرها في هالوقت ابراهيم وعرفت انه حنون وطيب وتوها بتتكلم تذكرت انها ما تتكلم نزلت راسها ودخلت دارها وجابت الدفتر وتقربت منه وكتبت له ريم : صباح الخير ابراهيم وهو يقرا الكلام ويناظرها بنظرة كلها حب وحنان وشوق وعشق وكل نظرات الحب : صباح النور والسرور يا وجه الخير ريم نزلت راسها خجلا وكتبت: شخبارك؟ ابراهيم : بخير ربي يسلمش وانتي شخبارش عساش طيبة؟ ريم ردت عليه في الورقة: بخير الحمد الله ابراهيم : مرتاحة انش بتبداين العلاج اليوم؟ ريم وهي تكتب في الورقة وتحس بفرح كبير : وااااااجد فوق ما تتصور ابراهيم : دووم انزين يالله تعالي اكلي عشان نروح نجهز سوى الاغراض الي تحتاجينها في المستشفى ريم تحرك راسها بمعناة ان شاء الله وقعدوا ياكلون سوى وبعد ما كملوا راح ابراهيم غرفة ريم يساعدها في الاغراض وبعد ما كملوا كل شي اتجهوا الى المستشفى وكملوا الاجراءات وراحت ريم غرفتها الى بتقعد فيها على طول لما تتحسن حالتها ودخلت الغرفة ما توقعت جدي توقعت انها بتكون غرفة عادية ابراهيم حب يسوي لها مفاجاة ويخليها في غرفة خاصة وحلوة وكانها غرفة بيت مو مستشفى عشان ما تحس بالجو الكئيب وكانت غرفة كبييرة جدا مع حمام ( يكركم الله ) دخلت ريم الغرفة وقامت اطالع المكان شلون حلوو ولا يناسب هذي الغرفة مستشفى لفت وراها وقامت تناظر ابراهيم وابراهيم يناظرها وكان حوارهم بين اعينهم فقط ريم ودها تشكر ابراهيم بس مو قادرة ابراهيم حس انها تبي تقول له شي تقرب منها : العفو يا الغالية تستاهلين كل شي ريم ابتسم له ابراهيم : بس لحظة بنادي الدكتور عشان يكلمش ريم ابتسم له وطلع ساعدتها السستر وركبت فوق السرير وظلت ببدلتها العادية والشيلة وبعد شوية دخل الدكتور الدكتور : السلام عليكم ريم ابتسم له الدكتور : ريم انا الدكتور الي ببدي معاش العلاج وانا عرفت عن حالتش وترى حالتش كلش سهلة وما يبي لها الا اصرار ولو كانت عزيمتش قوية صدقيني ما بمر شهرين الا انتي بصحة وسلامة ريم فرحت من قلبها هي عزيمتها واااجد قوية وتبي تتعلاج وترجع مثل قبل واحسن وهزت له راسها الدكتور : زين سمعيني احين انا بروح غرفة العلاج الطبيعي الي بساعدش على المشي وخله السستر تبرزش وكل شي وبعدين بتوصلش الروم ريم هزت راسها وطلع الدكتور ابراهيم : يالله ريم ابيش ترجعين مثل قبل واحسن اوكي وغمز لها بعيونه ريم استحت ونزلت راسها ابراهيم : يالله ريم انا احين بروح وبرجع لج وقت الغذى اووكي ريم ابتسم لها وهزت راسها الساعة 3 الظهر بعد ما انهى الجميع الغذاء وفي غرفة هناء وامل دلال : خالة امل نبي نقول لج شي امل وهي تناظرها : قولي امري دلال : لكن مو هني نبي بروحنا انا وانتي وخواتي امل : اممم يعني تبوني اقول لكم قصة وخايفين من هناء؟ دلال : لالا انتي تعالي بنقول لج شي امل : انزين امرنا الى الله امشوا نروح المجلس وتوجهوا امل وملاك ودلال وفطوم الى المجلس امل : كوا احنا بروحنا امروا شنو تبون؟ دلال وهي نتاظر اختها ملاك : خالوو احنا نبي نكلمش عن امي امل وهي حيرانة : بتول شفيها ؟ دلال : احنا خافين منها امل وهي مصدومه : خايفين من امكم ليش ؟ ملاك : لان انتي ما تدرين شنو اسوي فينا امل وهي تبلع ريقها : خوفتوني شصاير شنو تسووي فيكم دلال : امس على الغذى فطوم كتت ماي وامي ضربتها ولما ابوي قام يدافع عن فطوم وتهاوشوا امي وابوي وراح ابوي ينام من غير ما يتغذى امل : انزين؟ دلال : وبعدين امي من قهرها قامت تظرب فطوووم وااجد وااجد كسرت خاطرنا اخذناها وهربنا عن امي امل وهي فاتحة عيونها مصدومة هي تعرف ان بتول قاسية بس ما توقعت حتى على عيالها وخصوصا جهال واما فطوم يوم سمعت كلام اختها دلال تذكرت الحادثة فطوم : أي أي خالوا شوفي مني ( وهي تاشر لها على ظهراها وترفع فانيلتها ) شفتي هذا منها امل كسرت خاطرها طريقة فطوم وحضنتها ودموعها اطيح على خدها فطوم وهي تتذكر شي بعد : أي أي خالوا شوفي بعد هني ( وهي تاشر على اذونها ) ما اقدر احط ليي تركية مثلش ومثل خواتي عشان اصير حلوة وعروس لان امي مرة ضربتني وشالت التركية بالقوة وعورتني اذوني دلال : تكفين خالوو لا تخلينا نروح البيت اليوم ملاك : أي أي خلينا ننام معاش لو حتى على الارض معلي امل قامت تصيح وهي تحضن بنات اختها على حالهم ومو قادرة اسوي شي عشانهم وفي بيت ام ابراهيم وهم قاعدين في الصالة دعاء : قاسم مستعد ما باقي شي وتبدا الدراسة قاسم : أي أي مستعد ومتحمس بعد وااااااجد هديل وهي في بوزها المكسرات : عاد شد على نفسك نبي بس شهر بالكثير شهرين الا تعرف كل شـ ( وفي هاللحظة غصت بالاكل ) هديل وهي تكح ام ابراهيم : يمه بنيتي مها روحي جيبي لها شوية ماي وشربت هديل الماي : وه زين ما مت قاسم : ههههههه انتي الله يهداش تتكلمين وفي بوزش اكل هديل وهي شوية عصبت : احين انا غصيت وباقي شوية واموت وانت تضحك قاسم : هههههه يا الله سويتين روحش كلش بتموتين ما صارت هديل باعدت راسها عنه وقامت تتعبث بالتلفزيون وبعد شوية هديل : لا تكلمني زين الكل : هههههههههههه وهديل اطالعهم بنص عين قاسم : حااضر اوامر ثانية عمتي هديل ما ردت عليه وحقرته مها : أي قاسم ما بتحتاج الى دفاتر اقلام ووو ومن هالسوالف قاسم وهو يتذكر ايام قبل : ههههههه بودي ويايي مذكرة بقول الى المدرس . مدرس شنو نحتاج من اغراض الكل : ههههههههههههههه هديل : حلللللللوة قاسم : توش زعلانة وما تبين تكلميني هديل : شسوي قلبي طيب مثل امي بسرعة انسى فديتني اووووونه الكل : ههههههههههه ام ابراهيم : أي عن جد وليدي شوف شنو تحتاج وبعطيك فلوس روح خذ لك قاسم نزل راسه خجلا . والبنات سكتوا حسوا بخجل قاسم ام ابراهيم الى قاسم : يا قاسم خلاص انت صرت مثل عيالي وحالك حال مها وهديل ودعاء وابراهيم قاسم : لكن ما يصير يا خالتي زودتها وااجد ام ابرااهيم وهي تسكته : اصصصص لا تقول هالكلام ترى ازعل عليك وبتاخذ مني فلوس وبتروح تاخذ لك كل شي محتاجه وترجع البيت وانت حااامل اغراض وااجد ثياب جواتي وووو والي تبيه . كفاية انا حااسة نفسي مقصرة عليك قاسم وهو منزل راسه : انا بقبل هالفلوس لكن اول شهرين المعاش ما استلمه ام ابراهيم : بلا عناد ويالله قاسم : انزين اول شهر؟ ام ابراهيم وهي تناظر الترجي الي في عيون قاسم : خلاص اول شهر بس وفي بيت ام قاسم °·.¸.•° وجه القمر °·.¸.•° : انزين قولي شنو كنت لابس - - --^[ امير الغرام ]^-- - - : يا هناء خلاص مرة ثانية نشوف بعض وايام الله واااجد °·.¸.•° وجه القمر °·.¸.•° : انزين قولي شنو كنت لابس يمكن شفتك - - --^[ امير الغرام ]^-- - - :كنت لابس فانيلا حمراء وجينش فيه خطوط حمران °·.¸.•° وجه القمر °·.¸.•° :اممم ما شفت شخص لابس جدي انزين انت متاكد رحت مجمع البحرين الا هو جيان - - --^[ امير الغرام ]^-- - - : هناء صدقيني رحت مجمع البحرين لكن ما شفتش ولا شفتيني والمجمع كبير ولا تحزنين ولا شي مرة ثانية ان شاء الله °·.¸.•° وجه القمر °·.¸.•° : انا الي يحزني ان مجرد افكر ان في وقت كنت انا وانت في نفس المكان وما شفنا بعض اضايق - - --^[ امير الغرام ]^-- - - :خلاص هناء مرة ثانية ان شاء الله °·.¸.•° وجه القمر °·.¸.•° : من كثر طلعاتي - - --^[ امير الغرام ]^-- - - :ان شاء الله بعد بس كم اسبووع بتطلعين وبشوفين العالم °·.¸.•° وجه القمر °·.¸.•° : شلوون ؟ - - --^[ امير الغرام ]^-- - - :هناء انا معجب في شخصيتش وااجد وانا حالتي المادة متوازنة ومن حقي اني ارتبط بالانسانة الي اعزها واحسها بتكمل فرحتي هناء في هالوقت ما كانت مصدقة الكلام الي تسمعه كللللش معقولة احمد يفكر فيني شريكة حياته لا لا ما اصدق °·.¸.•° وجه القمر °·.¸.•° : احمد انت متاكد من الكلام الي تقوله ؟ - - --^[ امير الغرام ]^-- - - :ليش انا مو رجال وقد كلمتي اكيد متاكد °·.¸.•° وجه القمر °·.¸.•° : اممم ما اعرف شنو ارد - - --^[ امير الغرام ]^-- - - : لا تردين ولا شي بس برزي روحش يوم الاربعاء هذي ابيش تقابلين اختي وابيش تتكلمين معاها عاد بيضي وجهي وهي ان شاء الله بتاخذ رقمش وبتكون معاش على اتصال °·.¸.•° وجه القمر °·.¸.•° : لكن شلون اقابلها وفي وين؟ - - --^[ امير الغرام ]^-- - - :بسيطة في أي مجمع على كوفي شوب قعدي معاها وتكلمي °·.¸.•° وجه القمر °·.¸.•° : ما اعتقد البيت يرضون - - --^[ امير الغرام ]^-- - - :شنو ما يرضون الا هي ساعة بالكثير ساعة ونصف بتقعدين معاها °·.¸.•° وجه القمر °·.¸.•° : ما ادري - - --^[ امير الغرام ]^-- - - :انزين وليش ما يرضون انتي رايحة تقابلين بنت مو صبي °·.¸.•° وجه القمر °·.¸.•° : ما ادري بحاول - - --^[ امير الغرام ]^-- - - :مو تحاولين لازم تقابلين اختي عشان تكون معاش على اتصال ويصير الي انا وانتي نبيه °·.¸.•° وجه القمر °·.¸.•° :اوكي صار بروح مع ضحى بس اول خلني بخبر البيت وبشوف رايهم - - --^[ امير الغرام ]^-- - - :شوفي هناء ابيش لازم تقنعينهم اووكي °·.¸.•° وجه القمر °·.¸.•° : اوكي بسوي الي اقدر عليه وان شاء الله خير - - --^[ امير الغرام ]^-- - - :اوكي يالله احين قومي °·.¸.•° وجه القمر °·.¸.•° : شفيك مستعجل خلني معاك بعدين بقوم - - --^[ امير الغرام ]^-- - - :اذا انتي مو مستعجلة انا مستعجل اكثر منش قومي يالله انا قاعد على نار °·.¸.•° وجه القمر °·.¸.•° : اوكي اوكي باي وفي الصالة في بيت ام قاسم هناء : يمه انا ابي اطلع ام قاسم : وين بتروحين يا بنيتي؟ هناء : بروح بيت صديقتي عازمتنا على عشى ام قاسم : روحي يا بنيتي هناء : عاد يمكن اتاخر بتول : وليش يا حافظ تتاخرين؟ هناء : انتي مالج دخل انا اتكلم مع امي بتول : والله وطلع لج السان تراددين بعد هناء : افففففففف . انزين يمه شنو قلتي؟ ام قاسم : دامه مع بنات روحي يا بنيتي عاد متى؟ هناء وهي فرحانة : يوم الاربعاء بطلع من البيت 8 المغرب ويمكن ارجع 11 ام قاسم : خلاص روحي يا بنيتي عاد منو بوديش؟ هناء : ما ادري يمكن ضحى تمر عليي لحظة بتصل فيها بشوف وقامت من مكانها وهي فرحانة وااااجد واتصلت على ضحى هناء : ضحووووووووووي ضحى : بسم الله اول يسلمون تعلمي السنع يا بنية هناء : احم احم انزين السلام عليكم ضحى : وعليكم السلام هناء : عندي لج خبر شحلوه ضحى : شنو قولي؟ هناء : امممم خلاص بنخطب ضحى وهي مو فرحانة وااجد بس بينت نفسها فرحانة : صدددق منو ؟ هناء وهي تدلع : احمد ضحى : واااااااااااي روعة مو قلت لج بس انتي ما صدقتيني هناء : شسوي كنت مغفلة وهبوولة انزين سمعي عاد يوم الاربعاء بروح اتقابل مع اخته في المجمع واممم انا لي طلب ضحى : افااااا عليش طلباتش اوامر هناء : ابيش توديني انتي ضحى : ولا يهمش برزي روحش بمر عليش انا والسايق لكن متى؟ هناء : يوم الاربعاء الساعة 8 لكن خبرت امي ان وحدة من ربعنا مسوية عزيمة اوووكي ضحى : اوكي ومتى الرجعة؟ هناء : الساعة 11 ضحى : لكن أي مجمع؟ هناء : ما ادري بكلم احمد بشوفه في أي مجمع ضحى : اوكي انتظر اتصالش هناء : لا لا بدز مسج ههههه ما عندي كردت ضحى : بخليييلة وحدة اووكي انتظر المسج هناء : موووووه على راسش مشكوورة وما تقصرين باي ضحى وهي تضحك من وراء قلبها : هههه العفو باي وسكروا عن بعض ضحى وهي تكلم نفسها : احين انا صار لي سنوات اتكلم في الماسنجر والتلفون وحتى ساعات اتقابل معاهم ولا وااحد فكر انه يخطبني وهذي هالخمبولة بس اول صبي سيدا يبي يتقدم لها صدق الناس حضوض مالت عليي عجل وفي هالوقت وصلها مسج ( في مجمع السيف ) وفي تقلد المسج: في مجمع السيف روحة بلا رجعة وبعد ما مر الوقت وعلى الساعة 8 المغرب عمار : صدقني محمد قمر 14 محمد : هههه والله انك مللتني من كثر ما تتكلم عن هالغزالة عمار : شسوي ماخذة عقلي انت ما شفت شكلها كانت تبتسم وعلامات الحزن باينة من نظرة عيونها وبياض عيونها احمر شكلها كانت تصيح واااي فديتها هالغزالة ياليتني كنت بجانبها اخفف عنها حزنها محمد : اغسل ايدك منها عموور تراها صدفة وشفتها في المطار يعني مو انسان تعرفها عشان تفكر فيها عمار : والله اني اول ما ودعت ابراهيم رحت ركيض برى قلت يمكن اشوفها راكبة سيارة والحقها محمد : بدينا بدينا واحنا الي ما يعجبونا هالاشكال عمار : والله مو قصدي الي في بالك ظلمتي يا بو شهاب قصدي ان ادلي بيتهم وابي اتقدم لها شوف عمري كم محمد : أي نسيت عمرك كم؟ عمار : ههههه انا 24 سنة محمد وهو يعدل فانلته : احم احم اصغر منه 21 سنة عمار : هههههه السنوات تركض وبعد شوية بصير قدي واكبر محمد : أي والله صدقت وفي لندن كانت الساعة 11 في غرفة ريم الدكتور : شوفي يا ريم انا شفت تقبلش للعلاج كلش حلوو وانا متاكد الا 100% تتحسنين وترجعين مثل قبل بس حاولي انش اذا كنتين بروحش حاولي تحركين رجولش وحاولي تتكلمين اصارخين توقعي ان في شخص بعييد وتبين تنادينه صارخي من كل قلبش او توقعي انش في مازك وتبين تصارخين تطلبين النجدة حاولي قد ما تقدرين ما تعتمدين اعتماد كلي على الكرسي حاولي انش تتحركين بروحش توقفين وانتي مجودة الجدار او أي شي والي اقدر اقول له ان علاجش بيدش ريم هزت راسها الدكتور : يالله احلين اخليش مع زوجش وهنا وعافية ريم انحرجت ونزلت راسها وكذلك ابراهيم . الدكتور كان يظن ان ابراهيم وريم زوجين وبكلامه احرجهم ثنينهم ابراهيم وهو يتقدم ولحين كان الخجل طاغي على ملامحه : يالله تفضلي وبدوا ياكلون وهم قريبين من بعض الشي الوحيد الي بينهم هي الطاولة الي فوقها الطعام وعلى الساعة 9 في بيت ام قاسم دلال : خالو امل شنو ما بتخلينا انام معاش اليوم؟ امل وعلامات الحزن على وجها : ودي بس ما اعتقد اختي توافق ملاك : جربي خالوا قولي لها الله يخليش امل : بشوف بقول لها بس انتوا قعدوا هني وانا بقول لها ان انا ابيهم معاي مو انتوا طلبتون اووكي الاطفال : اوكي وتوجهت امل الى اختها بتول وخطواتها ثقيلة وخايفة من رفض بتول امل : بتول بتول : هاا امل : بتول يا ليت تخلين بناتش يباتون عندي اتملل بروحي اقعد بتول : فكة منهم خليهم معاش امل ستانست من كل قلبها : صدق مشكوورة وما تقصرين بتول : وانا بخلي ابوهم يجيب لهم كم بدلة وخليهم معاش طول هالاسبوع افتك من وجوهم امل : اوكي بروح اخبرهم بتول اتصلت في منتظر الي ما اعترض لان يعز امل وااجد وبدورها امل خبرت بنات اختها دلال وهي تحظن خالتها : مشكوووووووورة يا احلى خالة امل : العفو وكانت الفرحة في قلب دلال وملاك وفطووم لا تووصف ومرت الايام بخير والحمد الله قاسم بدا الدراسة وكان قابل للتعلم ويبذل كل جهده وريم بعد كانت متقبلة العلاج الطبيعي وقاعدة تتقدم وتتحسن وابراهيم حبه الى ريم كل يوم يزيد عن قبل والاطفال فطوم وملاك ودلال عايشين احلى اسبوع في حياتهم بمرافقة خالتهم الحنونة امل وجدتهم الطيبة وعبدالله الي بحسبة اخوهم . وجاء اليوم المحدد الي فيه بتتقابل هناء مع اخت احمد وفي المجمع كانت هناء قاعدة في طاولة بروحها ومرت عليها وحدة ....... : انتي هناء ؟ هناء : أي نعم اكيد انتي .... ........: أي انا اخت احمد معاش مروة هناء : والنعم عاشت الاسامي تفضلي مروة : زاد فضلش . والله وعرف يختار اخوي بنت والنعم فيها هناء وبخجل تنزل راسها : ينعم بحالش تسلمين من ذوقش مروة : انزين كلميني عن نفسش هناء : اممم اسمي هناء عمري 18 سنة مكملة دراستي الثانوية امم بس مروة : انزين شلون تعرفتين على احمد هناء : اممم تعرفت عليش من الشات وبعد مدى تقربنا من بعض وصرنا نتكلم مع بعض في الماسنجر ومن كم يوم فاجاني طلبه ان يبي يرتبط فيني مروة : اهاا انزين اسعدش طلبش؟ هناء : واااجد فوق ما تتصورين مروة : يعني افهم من كلامش انش تحبينه؟ هناء وهي تهز راسها بخجل مروة : الله يخليكم الى بعض ان شاء الله هناء : وتخليش الى اهلش وظلوا يتكلمون مع بعض في امور كثيرة وبعد مدى مروة : واااجد فرحتيني واحمد ذوقه ما شاء الله عليه جمال واخلاق والنعم فيش وقبل ما امشي ابي رقمش عشان اكون معاش على اتصال هناء : كتبي عندش ******39 مروة وهي تصافح هناء : يالله مع السلامة هناء وهي توقف وتبتسم لها : الله يسلمش واول ما مشت عنها مروة حست هناء بالفرح الكبير ما تصورت في يوم من الايام انها تكون مخطوبة وبتعيش حياة جديدة والاحلى ان شريك حياتها الشخص الي تحبه . دقت على ضحى وما شاء الله ضحى وصلت بسرعة قياسية لان كان الفضول ذابحها ضحى : ها بشري؟ هناء : مو وقته احين قومي في السيارة بخبرش لان شوفي ما باقي شي عن 11 ضحى : اوكي يالله واول ما وصلت بيتهم هناء شكرت ضحى ونزلت وبسرعة تبي تروح على الكمبيوتر بس دخلت الحجرة الا تلفونها يرن شافت رقم غريب توقعت تكون مروة لكن شنو تبي؟ هناء : الو مروة : الو قوة هناء هناء : اهلا الله يقويش مروة : عرفتيني؟ هناء : أي مروة مروة : أي عليش نوور هناء : امري ؟ مروة : ما يامر عليش عدو بس لما وصلت البيت وقلت الى امي مواصفاتش اصرت انها تبي تشوف صورتش هناء بخجل : ما تغلى عليها لكن شلون ؟ مروة : دزيها على تلفوني هناء بخجل : ما اعرف مروة : مو مشكلة بعطيش ايميلي ودزيهم عليها هناء : اوكي بس لحظة ..... اوكي يالله عطيني اياه مروة : [email protected] هناء : اوكي مشكوورة بس دقايق وبتوصلش الصورة مروة : بس صوورة عاد دزي الي تقدرين عليه هناء : اوكي حاضر مروة : يالله مشكوورة ومع السلامة هناء : العفو والله يسلمش ومن جهة اخرى مروة : يالله الحساب كوا الصور بتوصلك على الايميل احمد توه بيتقرب منه يبوسها . مروة: بعد بعد انا ما احب احد يبوسني احمد : افااا عليش انزين تفضلي هذا الحساب مروة وهي تعد الفلوس وتضحك ضحكة سخرية وتضربه على صدره : مشكور حمودي احمد : فديييتش مروة وهي تعطيش بوسة في الهواء : يالله بااااي احمد : ما يصير هني البوسة وهي ياشر على خده مروة : نو نو بفلوس ما في شي ببلاش احمد : هههههههه بل بل عليش يا الزطية خلاص ما نبي شي بجينا من هناءو الخبلة اكثر من بوسة مروة : هههههه مسكينة الله يساعدها على الصدمة يالله باي احمد : بااااي ومباشرة بعد ما مشت مروة راح ركيض كوفي شوف عشان يقعد على الانترنت وفي بيت ام قاسم هناء مع نفسها : اطرش أي صور لهم ( وهي قاعدة اطالع الصور الي في الكمبيوتر ) هذي الصور حلوة الي قاعدة على الكرسي وهذا هذي الي واقفة لكن فشلة بقولون تلبس قصير لكن في عرس اختي افففف يالله بدزهم وبس وفي النهاية قررت ودزت الى مروة ( يعني احمد ) خمس صور واحمد اول ما وصلته الرسالة قام يرقص من الفرحة وراح دخل عجبته وااجد هو شافها يوم كانت قاعدة مع مروة لكن كانت مسترة وهني متمكيجة وشكلها كان حلوو هي صح سمراوية بس شكلها حلوو وجسمها روعة احمد ومع نفسه : جى الوقت الي بصيد فريستي الثالثة ... الثالثة لا لا لحظة اسماء و ونجوى و امممم أي أي صح الثالثة واما الان نختم الجزء السابع والسموحة لانه قصير بس جدي جت الاحدات وان شاء الله الجزء الي بعده راح يكون طويييل توقعاتكم : * ريم بتتحسن صحتها واذا تحسنت تتوقعون بترجع مثل قبل ؟ * وقاسم هل بواصل دراسته او في شي بكون حاجز له ؟ * واحمد هالشخصية الي توقعناها طيبة وحبوبة في النهاية تطلع جدي؟ وشنو من الممكن يسوي ؟ * وهناء اذا درت شنو بصير فيها ؟ هل بتتقبل هالفكرة وهذا الشي بنبها عن الطريق الخاطئ الي تسلكه او بظل تمشي في هذا الطريق حالها حال الاعمى ؟ مع تحياتي بسمة الم | ||||
|
| |
|
18-07-19, 09:43 PM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الاول من الجزء الثامن اليست هذي هي اراؤكم باحمد ( امير الغرام ) . لقد توقع الكل انه طيب وحبوب وانه سوف ينصح هناء ولكن للاسف الشديد فهذا الانسان ذئب بشري وحش كاسر يلتهم الاخضر واليابس واذا انتم قد صدمتوا بمعرفة حقيقته ولم تفرقوا اذا كان شاب حبوب وطيب وصادق القول او شاب مستهتر يسفك دماء الفتيات البريئات بعمائله القذرة فكيف وهناء التي لم تتجاوز من العمر الثامنة عشرة أي انها تعتبر في مرحلة المراهقة . مرت الايام والاسابيع والاشهر بسرعة قصوة واما الان فهو تاريخ 1\9 أي اوشكت العطلة الصيفية على الانتهاء فل نرى ماذا حدث في هذه المدى من تطورات في لندن وفي شقة ابراهيم وريم والساعة 6 صباحا ريم : ابراهيم ابراهيم : نعم يا الغالية ريم : تعال ساعدني احمل الاغراض ابراهيم : الاااااااي شكثر وحشتني البلاد ريم : أي وانا اكثر الحمد الله تعافيت ورديت مثل قبل ابراهيم : أي الحمد الله هذا الي اسعدني انش رجعتين لنا بكل صحتش ريم : لكن لا تنسى اني حاليا عرجة ابراهيم : مو واااجد قليل انتي تعرفين ان الشلل كان اكثر شي مرتكز عندش في الرجل اليمنى والدكتور قال بتردين مثل قبل اذا ضليتين تمارسين الرياضة في البيت او في نادي ريم : انا عادي ما يهمني عرجة او لا اهم شي رجعت مثل قبل والحمد الله على كل شي ابراهيم : انزين يالله بدون سوالف كوا التكسي ينتظرنا برى يالله هذه ريم قد تعافت ورجعت لنا ريم القوية التي لا يهزمها شي وهما الان متجهين الى البحرين في بيت ام ابراهيم وعلى الساعة 9 ونصف ام ابراهيم وهي اطق باب حجرة قاسم : قاااااااسم يا قااااسم قووم شوف الساعة كم قاسم : لحظة لحظة ام ابراهيم : يالله عاد قاسم وهو يفتح الباب وهو يمشط شعره : باقي نصف ساعة عن يجون مقعدتني من وقت ام ابراهيم : على ما تتفطر وحالة جت 10 يالله بسرعة قاسم : ان شاء الله وفي بيت ام حسين ام حسين : يالله يا عبد العزيز تاخرنا ابو حسين : لحظة بارز بارز ام حسين : حسين وحنان بارزييين؟ حنان : انا بارزة حسين : وانا بعد ابو حسين : انزين حسين خذ مفتاح السيارة وتقدموا حسين : ان شاء الله ام حسين وهي تتوجه نحو باب الخروج : لا تتاخر فهمت ابو حسين وهو يتنهد : يا ربي لو بعد ما عندي عيال منها جان والله طلقتها وافتكيت منها واول ما وصلت سيارة بيت ام ابراهيم ظل قاسم في السيارة لان ما بيقدر يقابل اخته وابراهيم في المطار بوجود ابوه ونزلوا ام ابراهيم وهديل ومها ودعاء وكانت عائلة ام حسين موجودين بعد . ابو حسين وام حسين وحسين وحنان وبعد شوية وصل محمد وعمار و حاليا الساعة 9:55 ولازم يوصلون 10:00 . مرت هالخمس دقايق على الكل كانها خمس سنوات وبعد شوية بينت وجوه بدرين كانوا يكونون ثنائي حلوو خصوصا ان ريم كان جسمها صغيرون وابراهيم جسمه حلوو رياضي حنان : يمه وصلوا وصلوا هديل وهي تاشر الى ابراهيم : ابراهيييييييييم ريم وهي تركض نحو اهلها وهي اصيح : حنان حبيبتي وحشتيني فديييييتش حنان وهي تبوس اختها : حمد الله على السلامة ريم وهي تتوجه نحو امها وتحضنها وتبوسها فوق راسها : يمه يا الغالية وحشتيني شخبارش؟ ام حسين كانت تصيح مهما يكون ريم قطعة منها وفيها : شخبارش يا الغالية وحمد الله على السلامة وحشتيني يا بعدهم كلهم ريم وهي توجه نظرها الى ابوها وتبوسه فوق راسها : شخبارك يبة؟ ابو حسين وهو يطبطب على ظهرها : حمد الله على الف سلامة ريم : الله يسلمك وبعدين لفت انتباها نظرات كلها شوق وفقدان ريم: حسيييييين وتحضن اخوها بكل حب ومودة . حسين : حمد الله على السلامة يا الغالية ريم : الله يسلمكم وبين عائلة ام ابراهيم اول ما وصل ابراهيم باس راس امه وضمها الى صدره : شلونش يا الغالية ام ابراهيم وصوتها باح من الصياح : بخير ربي يسلمك حمد الله على السلامة ابراهيم : الله يسلمش دعاء : ابراااااااااهيم ابراهيم : عيون ابراهيم وضمها بكل شووق هديل وهي دموعها على خدها : واناا؟ ابراهيم : واحد ينساش يا الغلا ويضمها ووكانت هديل اصيح ابراهيم وهو يوجه نظره الى مها الى كانت اصغر وحدة من خواتها بالنسبة للحجم ابراهيم : ما بتسلمين على اخوش مها ودموعها على خدها وتركض الى حضن اخوها : حمد الله على السلامة يا الغالي ابراهيم : الله يسلمكم يا الغالين ولفت انتباه شكل صديقينه الي عمرهم ما نسوه ابراهيم : حياكم حياكم وتقربوا عمار ومحمد محمد وهو يحضن صديقه : حمد الله على السلامة يا الغالي ابراهيم : الله يسلمك عمار وهو يحضن صديقه وكانت نظراته موجهة الى عائلة ام ابراهيم انصدم بوجود الغزالة نفسها يعني قريبة ابراهيم وبعدين نسى انه حتى ما تكلمه وبارتباك : ح حح حمدالله على السلامة ابراهيم : الله يسلمك محمد : يالله نخليك احين مع اهلك ونرجع نزورك مرة ثانية ابراهيم : حياكم البيت بيتكم واول ما مشو شوية عمار : محمد محمد شفت الغزالة محمد وهو ناسي الموضوع : أي غزالة؟ عمار : شفيك الي كلمتك عنها ذاك اليوم محمد وهو يحاول يتذكر : اييييييي ههههههههه والله انت وياها نكتة لقاء حبك لها في المطار ليش ما يكون شهر عسلكم المطار عمار وهو يناظر محمد بنص عين : هههه طريف محمد : هههه انزين وينها عمار وهو ياشر على عائلة ام ابراهيم : شوف اكبر بنت الي عندها شنطة حمراء محمد وهو يطالعها : هي هي تدري هذي منو عمار : منو؟ محمد : هذي اخت ابراهيم عمار وبفرح كبير: صدددددددددق يعني قريبة مني محمد : أي واسمها دعاء بعد علاقتي فيها حلوة مثل اختي عمار : دعاء دعاء وااااي فديت اسمها محمد : عيب عليك تغازل اخت صديقك عمار وهو يضرب محمد : امش امش عيب عيب وانت متى عرفت العيب محمد وهو يكح بسبب الظربة لان شوية كانت قوية : صدقني احس انكسر العمود الفقري حشى مو ايد مطرررقة عمار : امش لا تجيك الثانية محمد : لا لا بس مشينا عمار : ما تمشون الا بالعين الحمرا محمد : هههه وبين العائلتين ابو حسين : مشكورة يا ابراهيم ابراهيم : واجبنا يا عمي ام حسين وهي تحاول تبين الامتنان : مشكوور يا وليدي ومشكوورة يا ام ابراهيم ام ابراهيم : العفو خويتي وااجد وخلكم معانا على اتصال ام حسين : ان شاء الله هديل وحسين في مثل اللحظة يبون يتكلمون : هـ مـ وثنينهم نزلوا راسهم خجلا الكل : ههههههه حسين : تفضلي هديل : لا لا بس خلاص وحسين كان يطالع شلون خدودها مورة خجلا كان شكلها صاير ملائكي وبعد السوالف وكل شي كل عائلة مشت وتوجهوا الى البيت قاسم وهو يضرب ابراهيم على كتفه : وحشتنا يا الدب ابراهيم : احين انا صرت دب قاسم : هههههه ابراهيم : انزين وين الشنطات بعطي كل وااحد صوغته قاسم : لحظة قبل كل شي ابي اراويك شي بس امممم متررد ابراهيم وهو خايف صار الي في باله : لا لا عادي شنو قاسم وهو يروح يعافس في اغراض فوق الطاولة ويطلع له ورقة : تفضل بس لا تعصب ابراهيم وهو يقرا الي في الورقة والابتسامة العريضة بانت على وجهه قاسم وهو حابس ضحكته وما اقدر اكثر : هههههههههههه ابراهيم : يا الدب وتقولي خايف هااا قاسم : هههه حبيت اسويها لك مفاجاة ابراهيم : والله وتخجرت وبمعدل حلوو بعد قاسم وهو يعدل فانلته: هههههه يالله اصلح اني اكون موظف في شركتكم او لا؟ ابراهيم : ههههه اكيد تصلح لكن وجهك ما يصلح الكل : ههههههههه وهني غمز قاسم بعيونه الى مها الى حبهم الى بعض كل يوم يكبر وقاسم وده يعترف لها بس ينتظر الوقت المناسب واحين قاسم وتخجر والحمد الله والامور الى هذا الوقت ماشية بخير وفي بيت ام حسين ريم وهي قاعدة تعافس في الشنطة ريم : أي هذي العلبة لج حنان مني وهذي العلبة من ابراهيم حنان وهي تبوس اختها : مشكوووووورة ريم : وهذي لك حسين مني وهذي من ابراهيم حسين : مشكوورة وما تقصرين ريم وهي قاعدة ادور : لحظة بروح بعطيه امي وابوي راحت ريم عطت امها وابوها الاغراض الي منها ومن ابراهيم وكانت العلب الي الى حسين وحنان شوية ملابس واغراض الى المدرسة لان قربت بداية عام دراسي . واما عن حنان بتابع دراستها في المدرسة لانها كانت تدرس في مدرسة للغتمان ( يعني للي ما يتكلمون ) والمدرسة ما رفضت انها مباشرة ترفعها الى ثاني اعدادي لان قدراتها كبيرة وقدموا لها الامتحان ونجحت فيه وبامتياز بعد وفي بيت ام ابراهيم هديل وهي تفتح العلبة واشوف الاغراض : الاااااااي فديتها ريوومة حلو ذوقها ابراهيم : شوفوا العلبة الكبيرة مني والعلبة الصغيرة منها دعاء : ما شاء الله ذوقها وااجد حلوو قاسم وهو عاقد حياته : وانا مالي شي ابراهيم بصوت منخفض : اسكت لان انت لك علبتين كبار قاسم وهو فرحان وبصوت مرتفع : صددددددددق؟ البنات : شنو صدق؟ ابراهيم : شفت قلت لك اسكت هديل : لا لا شنو صدق شنو؟ قاسم : لا تقول لهم ابراهيم هديل : مو كيفك ماني ابي اعرف ابراهيم : ههههههههه لا بس هو له علبتين كبار لانه اخويي وخو ريم قاسم هالكلام اثر فيه بس ما حب يبين عشان ما يخرب هالجو الحلو هديل : يعني انزين بشوف الاغراض قاسم : ملقوووفة ماني ما براويش شي هديل : الملقوفة زوجتك الكل : ههههههههه قاسم : ترى بتندمين قلتين زوجتي لانها بصوت منخفض طيوووبة ومن بينكم هديل : لانها شنو ما سمعت قاسم : ههههههههه اسالوا مها هي سمعت دعاء : مها مها لانها شنو مها وهي تناظر قاسم بنص عين هي ما سمعت بس فهمت نغزته : صدقوني ما سمعت هديل :بلى بلى سمعتين يالله عااااااااد قولي وكان الجو واااجد حلوو في العائلتين لكن مثلما نقول ( يوم ابتسامة وباقي العمر دمعات) فيا ترى ما الذي يحدث ؟ وفي بيت ام قاسم كانت الساعة 6:40 وهناء على الكمبيوتر ويرن تلفونها ورقم غريب هناء : الوو ...........: الو السلام عليكم هناء : وعليكم السلام منو؟ ............: هناء اسف استخدمت رقمش بس ... هناء : احمد؟ احمد : أي احمد هناء : وينك ما تقعد على النت واختك تلفونها كل مسكر احمد : هناء عمتي متوفية والنت عندنا مقطووع ووحشتيني انتين وما قدرت على فراقش من جدي بقت رقمش من تلفون اختي هناء : الله يرحمها وعظم الله اجرك احمد : اجرنا واجرش وبعد مدى سكوووت احمد : هناء لا تضايقين اني اتصلت فيش لكن انا كلمتش غصب عني لانش وحشتيني هناء وهي فرحانة : لا لا عادي احمد : وعلى الخطوبة ان شاء الله اول ما يجي الوقت المناسب امي واختي بمرون بيتكم هناء : حياهم الله احمد : انزين عادي ادق عليش لما يجي الوقت الي بتكونين فيه حلالي ؟ هناء : اكيد مو مشكلة هناء : يالله استاذن اذن وبقوم اصلي احمد : خلش معاي الصلاة ولاحقة عليها هناء ما عجبها رده بس فسرته انه مفتقدنها وحاب يظل معاها >>> تجذب وتصدق جذبتها ههه: حااضر بظل معاك وبعد مدى سوالف وكلام احمد : هناء ابيش تطلعين معاي هناء وهي مصدومة : شنو انت قاعد تقول ؟ احمد : ترى ما فيها شي بنفتر بالسيارة ونتعشى في مطعم واحنا راجعين هناء : لا لا ما اقدر احمد : هنااء ترى بتندمين برفضش هناء اول مرة تحس من كلامه بالتهديد والتحدي : تهددني يا احمد ؟ احمد : ما اهددش بس احذرش هناء وهي تحاول تتحداه : ما بطلع معاك وبشوفك شنو تسوي احمد : زين بس حطي في بالش الي يتحداني اكسر راسه فهمتي هناء كان هالكلام مثل الصدى في الغرفة ما توقعت في يوم من الايام يكلمها بهذا الاسلوب احمد : وسمعيني زين بعد شوية بجيش رسااالة شوفيها وردي عليي ضروري فهمتي ويسكر التلفون في وجها . خافت وارتبكت وبسرعة قعدت على النت ظلت تنتظر الرسالة تنتظر وهي على نار واول ما وصلتها الرسالة فتحتها بسرعة وهي تصلي على النبي محمد وتدعي الى ربها ان مافيها الا غير كل خير وان مقلب منه لكن انصدمت من الي شافته هناء : لا لا شلووون جدي انا عمري ما صور صورة جدي . انا مو قادرة استوعب شي لا لا وقامت اطالع صورها الى كان وجها مركب على صور فتيات عراة وهي مو مصدقة هالشي ويجي من منو من الانسانا لي حبته احمد لا لا وتنزل تحت تقرا الرسالة الى حبيبتي ومعشوقتي الغالية هناء هذي الصور هدية مني لج ههههههه والصور وبين يدينش ويديني اذا رفضتين للمرة الثانية انش تطلعين معاي هالصور كلها بتنتشر في مواقع الانترنت وبالبلوتوث وفي المنتديات ولا بعد ازيدش من الشعر بيت بكتب فضيحة الانسة هناء والي ايميلها جدي ورقمها جدي هههه شرايش واذا وافقتين اهلا وسهلا سيارتي ترحب فيش انتظر ردش احمد خطيبش وحبيبش هههههههه انصدمت للي قاعدة تشوفه وتقراه هذي رسالة منه وقاعد يستهزا فيني بانت علامات الحزن على وجها وما قدرت اسوي شي بسرعة اتصلت الى ضحى وهي اصيح ضحى : الوو هناء : ضحى لحقي عليي ضحى : بسم الله شفيش؟ هناء : بيفضحني النذل بيفضحني ضحى : من و اي نذل هذا ؟ هناء : احمد الي قص عليي وقالي انه بيتقدم ليي اخذ صوري وما ادري شنو سوى فيهم ضحى : ههههههه وانا عبالي عندش سالفة هذي غلطتش وانتي تحمليها هناء وهي مصدوومة : انتي شقاعدة تقولين مو انتي الي دووم شجعتيني وقلتين ليي تكلمي معاه عادي ؟ ضحى : وانا شدراني باي باي هناء : يا النذلة يا الحمارة يا الخسيسة هناء وهي تصيح مو قادرة تستوعب شي العالم كله انقلب عليها سكرت كل شي من صفحات النت وقعدت فوق سريرها مو عارفة تتصرف شنو اسوي لحفت نفسها وبدا ببكاء مرير يقطع القلب وبعد مدى دخلت امل كعادتها الحجرة عشان تقعد على الكمبيوتر استغربت عدم وجود هناء على الكمبيوتر والي مستغربة منه اكثر انها نايمة وبعد مدى سمعت صوت انين من منوو ؟ من هناء تقربت امل من هناء امل : هناء هناء شفيش هناء :...... امل : هناء ردي عليي شفيش هناء : ....... امل رفعت للحاف عن وجه هناء شافت عيونها محمرة وباين عليها الحزن والتعب والهلاك امل بخوف: هناء قولي ليي شفيش يمكن اقدر اساعدش هناء وهي استسلمت لحنان اختها امل وقامت وحضنت اختها امل : امل انا اسفة على تصرفاتي معاش وكبريائي امل وهي مستغربة لحال اختها وخايفة عليها : يا هناء انا عمري ما حطيت بقلبي عليش بس خبريني شفيش هناء وهي اصيح : دايما كنت مغرورة ومتسلطة ومستهترة وجى الشخص الي بوقفني عند حدي وببيع شرفي يا امل ببيعه خلااص امل وهي مصدومة : منو هذا؟ هناء : بقول لج كل شي وخليه يكون سر بينا الله يخليش امل : لا تخافين بكون سر بس انتي خبريني شصاير؟ هناء سردت الى اختها قصتها الحزينة من البداية الى قريب النهاية هناء : وما ادري شنو اسوي البي طلبه واطلع معاه او ارفض طلبه وبذلك بخلي سمعة اهلي هي والارض وااحد مو عارفة شسوي على رغم اني احبه امل : يا هناء سمعيني زين انا بحاول اساعدش اووكي وان شاء الله بنحل المشكلة انا وانتي سوى اوووكي هناء : شنو بسوين امل : انتي عطيني اييميله وخليني اتصرف هناء : لا لا الا ايميله ترى يمكن ينشر ايميلش هذا وحش مو انسان امل : أي صدق امممم انزين عطيني عنوان الشات وبدخل عليه وبحاول اعرف عنه أي شي هناء : اوكي دخلي هالجات ...... واسمه امير الغرام امل : اوكي بس انتي لا تحاتين هناء وعلامات الحزن تطغوا على كل ملامح وجها وفي هذا الوقت رن تلفونها هناء وهي تشوف الرقم وبخوف: امل امل هذا احمد شنو اسوي امل : لحظة لا تردين شوفي ردي عليه وقولي له خلني افكر عطني اسبوع وبرد عليك خبر هناء : اوكي امل : وخليه على السبيكر عشان ابي اسمع بشوفه شنو يقول هناء : اوكي هناء : الو احمد : اهلين ها شرايش بالهدية؟ هناء : .......... احمد : على العموم يالله ابي اسمع ردش هناء : انزين خلني افكر عطني اسبوع وان شاء الله برد عليك بشي يعجبك احمد : مو ناقصني شي اسبوع اسبوع انتظر ردش هناء : يالله باي امل : اووكي اشوى انه واافق هناء : بتقدرين اساعديني؟ امل : ان شاء الله ان شاء الله رب العالمين معانا وبساعدنا ان شاء الله هناء : ان شاء الله هناء : امل امل : نعم هناء وهي تحضن اختها واصيح : والله اسفة وندمانة على تصرفاتي معاش الله يخليش سامحيني امل : يا حبيبتي يا هناء ما في شي اسامحش عليه الا اصلا انتي ما سويتي فيني شي والتناجر البسيط لازم يكون بين الخوات والهواش الخفيف بين الخوات اصلا هو سكر الاخوة ولا تحاتين ولا شي هناء ابتسمت الى اختها بسمة كل علامات حزن والم واحمد وهو في الكوفي شوب احمد : وبصير لي فريسة ثالثة الاول : انزين عاد خلنا معاك فيها احمد : بفلوس مو ببلاش الثاني : بل بل زطي اووكي مو مشكلة بفلوس بفلوس احمد : هههههه مسكينة بتهلك ثلاثة على وحدة الاول : متى عاد احمد : انتظروا انتوا بس كلها اسبوع وهي بين يدينها وفي الشقة بعد الثاني : ههههههه امل اول ما دخلت الجات وشافت المغازل بين الشباب والبنات استغفرت ربها بسمة حياتي : السلام عليكم الامبراطور : وعليكم السلام دلوعة : وعليكم السلام مجنن البنات : وعليكم السلام بسمة : عندي سؤال دلوعة : امري بسمة : ما يامر عليش عدو بس ابي اسال امير الغرام متى يدخل دلوعة : بل بل هالهتلي بعد تعرفينه هذا ماله وقت هني بسمة : امممم انزين مافي احد هني يعرفه يعني صديقه دلوعة : اممم فيه لكن كلش غير عنه مادب وحبوب وهو ما يدخل الجات الا في السنة حسنة بسمة : افااا دلوعة : لكن تقدرين تحصلينه في المنتدى بسمة : يعني هو مشارك في المنتدى دلوعة : أي أي مشارك بسمة : انزين ممكن اعرف اسمه؟ دلوعة : ايوة اسمه وللحياة طعم اخر بسمة : مشكووورة خيوو يعطيش الف عافية دلوعة : حياش الله وطلعت امل من الجات ودخلت المنتدى وطرشت الى صديق احمد وهو ( وللحياة طعم اخر ) رسالة تطلب منه دخول الجات بامر عاجل اليوم الساعة 11 بالليل وفي بيت بتول ( ام دلال ) بتول : سارة لحظة احين انتي متاكدة طرشتين الظرف سارة : صدقيني طرشته بتول : واذا صدق دزيتيه ليش ما اشوف شالوا عنهم النت سارة : ما ادري صراحة بتول : افففففففف سارة : خلاص يا بتول تقبلي فكرة ان خواتش عندهم انترنت بتول : هيهيهيهي مستحيييل مخي مو بس موجود فيني عبث بفكر فكرة ثانية اخلي قاسم بدال ما يشيل الكمبيوتر من عندهم الا يكسره فوق راسهم بشوفون بس وعلى الساعة 10 ونصف بالليل وصل محمد بيتهم واول ما دخل البيت الا امه طالعة محمد : يمه بتطلعين؟ ام محمد : أي بروح بشوف خويتي ام ابراهيم محمد : اهاا ويركب محمد داره وبعد ما بدل وكل شي دخل على عالمه عالم الانترنت ودخل المنتدى استغرب بوجود رسالة ومن بسمة حياتي محمد : من هذي؟ ويدخل الرسالة ويشوف المكتوب فيها انه تبيه يدخل الساعة 11 في موضوع خاص محمد : بنات هالزمن ما يستحون على وجوهم خلني ادخل 11 بزفها زف اذا قالت لي ابي اتعرف كفاية سالفة هالجات في المنتدى مو عاجبتني ومر الوقت وحاليا الساعة 11 وقت المحادثة بين امل ومحمد امل اول ما شافت وللحياة طعم اخر فرحت ودخلت عليه خاص بسمة حياتي : السلام عليكم وللحياة طعم اخرة : وعليكم السلام نعم؟ امل تضايقت لما شافت كلمة نعم بس حبت ما تبين هالشي لان ما بكون لصالحها ولصالح اختها بسمة حياتي : انت صديق امير الغرام ؟ وللحياة طعم اخر : أي انا صديقه ليش انتي بعد وحدة من حبايبه تبين تسالين عنه بسمة حياتي : لو سمحت لا تغلط انا ما اعرفه ولا شي وللحياة طعم اخر : هههههه انزين بصدقش عجل ليش تسالين عنه بسمة حياتي : الله يخليك اسمعني ترى انت املي الوحيد وانت الوحيد الي تقدر تنقذ اختي محمد حس بصدق كلام امل وحب يساعدها ويكسب فيها اجر وللحياة طعم اخر : اول شي انا اسف على اسلوبي معاش بس توقعتش وحدة من هالبنات بسمة حياتي : لا لا انا اول مرة ادخل هني ودخلت بس عشانك عشان تساعدني واتمنى ما تردني وللحياة طعم اخر : شلون اقدر اساعدش؟ بسمة حياتي : هذا صديقك احمد يبي يفضح اختي وللحياة طعم اخر : وبعد تعرفين اسمه لا لا شكلها السالفة جايدة ممكن تخبريني من البداية؟ بسمة حياتي : اختي وثقت في صديقك احمد وحبته من كل قلبها وللاسف خدعها بكلامه المعسول واسلوبه الحلو وطلب منها الارتباط ولما وحدة من ربيعاته الخايسات مثلت دور الاخت وطلبت صور من اختي . اختي دزت لها الصور بحسن نيبة وبعدها وصلت الصور بيد احمد وللحياة طعم اخر : انزين ؟ بسمة حياتي : واحين قالها ان في احد متوفي من اهله ويبيها تنتظر وبعدين يتقدم لها ولكن طلب منها ان تطلع معاه واذا رفضت وللحياة طعم اخر : واذا رفضت شنو؟ بسمة حياتي : صدقني مركب صورة اختي على صورة بنات عراة وقالها اذا ما نفذتين لي طلبي بفضحش وبنشر الصور محمد انصدم يعرف احمد انه انسان مستهر ولعبوني لكن مو لدرجة انه يفضح بنات الناس وللحياة طعم اخر : استغفر الله هذا نذل احمد من عائلة محترمة ولو يدرون عنه جان قتلوه بسمة حياتي : الله يخليك ساعدني انا بحاجة لك وللحياة طعم اخر : وانا شنو اقدر اسوي صح ان احمد صديقي من ايام الطفولة لكني مو مثله بسمة حياتي : انزين انا عندي فكرة وللحياة طعم اخر : شنو؟ بسمة حياتي : شوف انت قلت ان لو دروا اهله بيقتلونه ليش ما تعطيني عنوان بيتهم وانا بزورهم وبقول لهم كل السالفة وبعطيهم ادلة الصور ورقم التلفون والايميل والرسالة وكل شي وللحياة طعم اخر : اوكي مو مشكلة انا ما عندي أي اعتراض دام الي بسويه بخلص مجتمعنا من شخص نذل مثل احمد بسمة حياتي : خلاص عطني العنوان وانا بروح وللحياة طعم اخر : متى بزورينه ؟ بسمة حياتي : انا لحين ما اخذت موافقة اهلي انت عطني العنوان ووقت ما احصل موافقة اهلي بدز لك رسالة وبخبرك أي يوم والوقت وللحياة طعم اخر : انا ابي هالشي عشان ابي اكون موجود عشان اشهد على فعايل احمد بسمة حياتي : اوكي مشكوور وما تقصر وللحياة طعم اخر : العفو ولو بسمة حياتي : ياليت يكون سر بينا وللحياة طعم اخر : سرش في بير بسمة حياتي : يالله مع السلامة وللحياة طعم اخر : الله يسلمش نهاية الفصل الاول من الجزء الثاامن اتمنى يكون البارت نال اعجابكم توقعاتكم : * عمار عرف ان دعاء اخت صديقه ابراهيم هل من الممكن اصير تطورات في هذي السالفة ؟ واذا صارت تتوقعون شنو ؟ * تتوقعون منو بفوز احمد بخبثه او امل بشخصيتها البريئة والصغيرة ؟ وهل الخطة بتنجح ؟ واذا نجحت هل من الممكن محمد يعرف ان امل اخت قاسم ؟ * بتول الشر بكبره ؟ شنو من الممكن تكون الخطة الثانية ؟ واذا الاولى فشلت هل من الممكن تنجح او تفشل؟ مع تحياتي بسمة الم | ||||
|
| |
|
18-07-19, 09:46 PM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الثاني من الجزء الثامن اول ما كملت محادثتها امل طلعت وراحت الى امها عشان تاخذ اذن منها امل الى امها الى قاعدة تقرا قران : يمه ام قاسم : صدق الله العلي العظيم . نعم امل : يمه بكرة ابي اطلع ام قاسم : على وين يمه ؟ امل : بروح مع صديقتي مريوم شوية السوق ناقصني كم شي ام قاسم : خلاص يا بنيتي روحي بس متى؟ امل : بكرة ان شاء الله ام قاسم : ان شاء الله . على الساعة كم ؟ امل : ما ادري ام قاسم : شوفي يمه أي وقت يناسبش روحي لكن ابيش في البيت قبل لا تجي الساعة 11 انزين يمه امل : ان شاء الله وتبوس راس امها : مشكووورة يا الغالية ام قاسم : العفو وتروح امل بسرعة تتصل الى صديقتها مريم مريم : هلا بالقاطعة امل : حقش علي يا الغلا ومووووه فوق راسش مريم : أي أي بتقص علينا بكم كلمة امل : ههههه يالله عاد مريم : انزين خلاص رضينا امل : فديتش انزين مريوم طلبتش مريم : لبيه امل : ابيش بكرة ضروري توديني مكان مريم : افا عليش السايق تحت امرش انا ما بقدر اروح معاش لان بكرة بروح بيت خالتي لكن السايق موجود وانا بخبره يمر عليش ويوديش امل : مشكوووورة يا الغالية مريم : العفو حاضرين لكن الساعة كم؟ امل : بكرة الساعة ونصف4 العصر اوووكي مريم : اووكي بخبره امل : يالله اخليش مريم : اوووكي حياش الله واول ما سكرته عن صديقتها راحت اطرش رسالة الى وللحياة طعم اخر ( محمد ) وتخبره ان بكرة ان شاء بتروح بيت احمد على الساعة 4 ونصف وكان محمد لحين قاعد على الكمبيوتر وشاف الرسالة ورد عليها بالعنوان وفي بيت ام ابراهيم وفي حجرة قاسم وابراهيم ابراهيم وهو فوق السرير : اتمنى ارد اعيد هالسفرة مع ريم لكن تكون سفر شهر العسل قاسم وهو يفكر بمها : ان شاء الله بشر شنو سويتوا هناك ؟ ابراهيم : كانت اسعد ايام حياتي بقربها كنت الوحيد الي اشاركها فرحة استرجاع نطقها او فرحة انها مشت كم خطوة بروحها قاسم : أي احسدك على هاللحظات ابراهيم : ولكن احلى الايام اخر اسبوع لها استعادت ريم صحتها نسهر مع بعض ونطالع افلام في التلفزيون او نسولف عن اهلنا او عن دراستها وشغلها واحلى شي لما نطلع نتسوق ناخذ الهدايا قاسم : اممم ابراهيم ابي اعترف لك بشي ابراهيم وهو يعدل قعدته ويصير بقبال قاسم: تفضل ؟ قاسم : امم بكل صراحة صرنا متعادلين ابراهيم وهو مو فاهم شي : في شنو متعادلين ؟ قاسم : مو انت تحب ريم وناوي تزوجها؟ ابراهيم : اكيد باقرب فرصة قاسم بخجل : اممم حتى انا احب ابراهيم وهو فرحان : اوووووووه اوووووووه صاير لنا العاشق الولهان قاسم وهو يفر المخدة على ابراهيم : ويا وجهك احين انا ابي اصارحك تقول لي ( ويقلد صوت ابراهيم ) العاشق الولهان ابراهيم : ههههههه امزح معاك يا الدب انزين قولي من سعيدة الحظ ؟ قاسم وهو متردد : اممممم اليوم قلت لك اني احب بكرة بقول اسمها شرايك ؟ ابراهيم وهو يقلده : شرايك ؟ مالت عليك ليش هو بالتقسيط يالله قول وخلصنا قاسم وهو يحك شعر راسه: ههههههههه حلوة بالتقسيط سيارة هي ابراهيم : هههههههه انزين خلصنا من ؟ قاسم : امممممممم مــــ ــــهـــ ــــا ابراهيم وهو مصدوم : اختي؟ قاسم وهو منزل راسه حرجا : أي ابراهيم والفرحة مو شايلته : كللللللوش بعد ما اعرف ايبب جان يببت هههههههه قاسم وهو بعد فرحان : عن جد يعني فرحان ؟ ابراهيم : اكيييييييييد بس اتمنى ما تقول لها شي تعرف هي اخر سنة وابي معدلها يرتفع خبرك تبي تصير دكتورة قاسم : أي أي خبرتني انها تبي تصير دكتورة ابراهيم : والله وعرفت تختار وبتصير زوج الدكتورة مها قاسم : ههههههه وفي بيت ام دلال ( بتول ) بتول : انت اسمعني محمود ( حميها الصغير عمره 16 سنة ) : شنو؟ بتول : انا بعطيك رقم وابيك تجننها بالرنات والمسجات وتتصل فيها وتقول لها انا احبش ومن هالكلمات المعسوولة محمود وعجبته الفكرة : أي وبعدين؟ بتول : وبعدين اذا احد دق عليك غيرها وقالك من وين تعرفها قول لهم من الانترنت اووووكي محمود : اووكي انزين يالله عطيني الرقم بتول : يالله سجل عندك ******39 محمود : وشنو اسمها ؟ بتول : اسمها هناء وعاد ابيك تمثل الدور عدل فهممممممت محمود : خلاص اعجبش ( وبنذالة ) ولكن شنو المقابل؟؟ بتول : بل بل زطي ما يسوي شي ببلاش محمود : هههههههه بتول : خلاص انت سو المهمة واذا صار الي ابيه ليك مني كم دينار محمود : اوووووكي بتول : ولا تنسى تخبرني على اخر التطورات محمود : اوكي يالله باي بتول : باااي واول ما كملت محادثتها راحت تنام وهي مرتاحة غير الاوادم الا لما يسوون الشي الي يضر اهلهم يانبهم ضميرهم . وفي بيت ام قاسم امل اول ما كملت مهمتها الي كانت فوق طاقتها . فتاة لم تتجاوز من العصر السادسة عشرة تتولى مهمة انقاذ اختها التي اكبر منه . في أي زمن حدث هذا في زمننا هذا زمن اللعب واللهو . هناء وهي فوق سريرها اخر مرة قعدت على الكمبيوتر لما شافت الرسالة . احين الساعة 1 الليل وما فيها نوم هناء مع نفسها : كل مني بسببي اناا الي عرضت نفسي الى هذا الشي كنت مصدقته ومصدقة كلماته الحلوة والمعسولة . اه يا القهر ياليت الزمن يرجع الى وراء جان ما عطيتك فرصة حتى تكلمني . يا ربي ساعدني ياربي ساعدني انا تبت لك واتمنى تاخذ حقي من هالنذل قال تعالى: "إنما التوبة على الله للذين يعملون السوء بجهالة ثم يتوبون من قريب فأولئك يتوب الله عليهم وكان الله عليماً حليماً" ومر هذا اليوم سلام ولكن من منا لم يذق طعم النوم ولم يتمتع بالراحة ( هناء ) واشرقت شمس الصباح ومدت خيوطها نحو ابطال قصتنا ( الحــღღ ـــب العـــღღـــذري) وعلى الساعة 10 الصبح ريم مع قاسم في التلفون قاسم : ريم خلاص انا قررت ؟ ريم : شنو يا اخوي؟ قاسم : لازم افاتح ابوي بالموضوع مو معقولة جدي ريم وهي مترددة : ما ادري صراحة قاسم : شسوووي يا ريم احنا خوان وما نقدر نشوف بعض ولا شي وانا حاب اعرفكم على خواتي ترى والله بحبونكم ريم : ما ادري انت كلمتني عن بتول ومنى واحس ان بتول ما بتتقبل فكرة اننا خوانها قاسم : انتي ما عليش خبريني متى ابوي ما يكون معاكم ؟ ريم : اليوم معانا بكرة مو معانا يعني تقدر تفاتحه بالموضوع بكرة قاسم وهو يفكر : بكرة 3 \ 9 يعني يوم الاحد مو مشكلة ريم : وخبرني عن كل شي اووووكي قاسم : اووكي ريم وهي تسمع صوت امها تقرب منها : قاسم لازم اسكر امي جاية لي باي وحتى قبل ما يقول قاسم باي سكرته ريم . وبعد هذا الموقف اصر قاسم اكثر من قبل ان يفاتح ابوه بالموضوع بكرة . وعي مائدة الطعام في بيت ام قاسم ام قاسم : يمه امل وينها اختش هناء ما جت تتغذى امل : لحظة بروح انادي عليها وفي الحجرة امل : يالله يا هناء قومي شوفي الساعة كم هناء : ماليي نفس صدقيني امل : قومي وترى اليوم ان شاء الله كل شي ينحل هناء وبفرح : صدق مشكوورة وما تقصرين امل : العفو عاد يالله قومي هناء برجاء : امل اذا تحبيني خليني ارتاح صدقيني تعبانة امل وهي تبتسم : خلاص براحتش ولما رجعت قدمت اعذار الى امها ان هناء راسها يعورها لانها نايمة متاخرة ومن هذي الاعذار وفي بيت ام ابراهيم على مائدة الغذاء هديل : الااااااااي وحشتني هالقعدة قاسم : ليش احنا مو مالين عينش هديل : هههههههههه ابراهيم : بل عليك يالدب تغار مني وانا اخوك قاسم : هههههههه ام ابراهيم : يالله سمو بالرحمن واكلوا الكل : بسم الله الرحمن الرحيم ومر الوقت وعلى الساعة 4 وفي غرفة امل وهناء امل وهي قاعدة تتلبس هناء وبصوت مخنوع : بتروحين له ؟ امل وهي اطالعها وتبتسم على رغم الخوف الي يتملكها : أي بروح يا الغالية هناء : اخاف يسوي فيش شي امل : ما اعتقد صديقه الى كلمته كان حبوب وطيب هناء وهي تتذكر مدى طيبة امير الغرام الي كانت تكلمه : لا لا امل لا تصدقينه ترى اكيد صديقه مثله امل : انا بعد اعتقد مثله بس هو عطاني العنوان وان شاء الله خير هناء : امل خايفة يكون عنوان شقتهم ويسوون فيش شي امل وهي تملكها الخوف اكثر : انا قبل ما ادخل البيت بسال احد من الجيران هذا بيت ابو احمد اذا قالوا لي أي بعدين بدخل هناء : أي أي احسن اخاف يسوون فيش شي امل وهي تسمع صوت الجرس : يالله هناء شكله السايق وصل اخليش هناء وهي تقوم وتبوس اختها : الله معاش وبعد ما طلعت امل عن هناء اخذت امل القران الي هاجرتنه من سنين وقامت تقرا قران ودموعها على خدها باعت شرفها بسبب هالكمبيوتر التافه ودها تسوي شي تحذر العالم كله من هالشباب وبعد ما كملت قراءة القران اخذت لها ورقة وقلم قامت تكتب وهي تصيح وحاسة نفسها مو قادرة على شي مو قادرة على ظلم العالم وامل اول ما وصلت خبرت السايق ينتظرها هني اخذت شنطتها والاغراض الي بتكون الدليل القاطع ( الصور ورقم التلفون والايميل والرسالة ) نزلت وقبل ما تدخل تذكرت كلام اختها شافت صبي واقف عند البيت امل وهي تتقدم نحو الصبي امل : لو سمحت اخوي ...........: نعم امل وهي تاشر على البيت : هذا بيت ابو احمد ؟ .............: أي هذا بيتهم امل : مشكوور ............: لحظة لو سمحتين انتين بسمة حياتي امل وهي مصدومة : لا يكون انت وللحياة طعم اخر محمد : ههههه أي انا كنت انتظرش امل وهي تبتسم له كان فعلا جميل : شكرا يالله توكلنا على الله وهو يتقربون من بيت احمد الي كان في صفة بيت ام ابراهيم لكن كان الثالث ( يعني البيت الاول بيت ام ابراهيم والبيت الثاني بيت ام محمد والبيت الثالث بيت احمد ) محمد لاحظ الخوف على امل وهي تقرا سور وتسمي بالرحمن محمد : لا تخافين ان شاء الله ما في غير كل خير امل وهي استحت : لا لا مو خايفة محمد ابتسم الى هالبنت الصغيرة الي كانت تكابر وااجد طق محمد الجرس وتشيله ام احمد ام احمد : من؟ محمد : انا محمد خالتي هني احمد ؟ ام احمد : أي موجود تفضل يا وليدي دخل محمد ووراه امل استقبلتهم ام احمد وقعدتهم في الصالة وكانت مستغربة لوجود امل لانها ما تعرفها ولا شي ( عائلة احمد تتكون من اخت كبرى تدعى منال متزوجة وعندها بنوتة اسمها شوق واحمد فقط ) محمد : خالتي موجود ابو احمد ام احمد وهي مستغربة من سؤاله : أي موجود عسى ما شر؟ محمد : خالتي اذا ما عليش كلافة ممكن تنادينه وتنادين احمد ام احمد والخوف بدى يدخل قلبها : ان شاء الله اول ما وصل احمد قام يطالع امل بنظرات اعجاب امل حست بنظراته وانقهرت زود وكان ودها تقوم تكفخه وتبرد حرتها فيه ابو احمد : امر يا وليدي محمد : يا عمي انا اسف على الي بصير لكن هذا في مصلحتنا ومصلحتكم بعد ابو احمد والخوف ماكل قلبه : شصاير يا وليدي محمد وهو يوجه نظراته الى احمد وبعدين الى امل : تفضلي اختي قولي الى عندش امل : عمي انا اسفة على الي بقوله لكن انا بقول الصدق هذا ولدكم ( وهي تاشر على احمد ) يبي يهدم حياة اختي وحياتنا معاها احمد بلع ريقه وحاول يدافع عن نفسه : هي هي انتي في بيتنا وتتبلين علينا اذلفي برى اذلفي ام احمد : عيب عليك خلنا نسمعها احمد اسكت امل : يا عمي ويا خالتي انا اعرف عن ولدكم كل شي اسمه احمد وعمره 21 سنة وهذا يحاول يبتز اختي وتفضوا اذا مو مصدقين ( وهي تمد لهم يدها يالظرف ) هذا فيه رقمه وايميله والرسالة الى دزها الى هناء وهي توجه نظرها الى احمد : عرفتني انا اخت هناء اوووكي يا استاذ احمد وتكمل كلامها : وفيهم صور الى اختي ما ودي تشوفونهم لانهم مو حلوين ولدك م السنع مركب وجه اختي على صور بنات خايسات ويحاول يبتزها فيهم اذا ما طلعت معاه ونفذت له طلبه بينشر صورها في كل مكان الام والابو مستغربين ومو مصدقين محمد : وانا الشاهد على كلامها ترى انا اعرفهم واعرف سواياه واعرف انه يلعب بمشاعر البنات لكن اسمح لي يا احمد لما دريت انك تلعب بسمعة البنات وتبيع شرفهم ما قدرت اسكت احمد نزل راسه ام احمد حاولت تتاكد وقامت تشوف الظرف واستغربت لوجود مثل هالصور والرسالة ما توقعت ولدها الي من لحمها ودمها بهالحقارة ام احمد وهي توقف : والله يا احمد لو ما كانوا موجودين هني جان شبعتك ظرب بالمخمة يا قليل الادب صدق ما عرفت اربيك امل وهي توقف : انا اسفة على الي بصير لك يا احمد لكن هذا في مصلحة اختي وتطلع ودموعها على خذها ويلحقها محمد امل وهي تمسح دموعها : انا اسفة سببت بينك وبين صديقك هذي الهذرة محمد : لا لا عادي وانتي لا تصيحين وان شاء الله ما يصير غير كل خير امل : مسامحة اخوي على طلبي لكني ابي اعرف شنو بصير بالضبط وابي اكون معاك على تواصل لان هالشي بريح اختي ويطمن قلبها محمد : خلاص ولا يهمش انا كل يوم الساعة 11 بدخل الجات امل : مشكوور وهي تركب السيارة : يالله مع السلامة محمد وهو يطالعها ويقول في قلبه كاني شفت هالانسانة في مكان بس ما ادري وين: الله يسلمش وفي هالوقت يرن تلفونه محمد : هلا عمور عمار : قوة محمد : الله يقويك . امر عمار : سلامتك لكن اشوف ابراهيم متصل عليي يقول اليوم ورانا طلعة انا وانت وهو وواحد اسمه قاسم محمد وهو يسترجع الذاكرة : أي أي قاسم وهي هاللحظة انصدم : اييي قاسم شنو هالصدفة عمار : شفيك؟ محمد : اخليك اخليك باي ويسكر عنه محمد مع نفسه : هذي البنت تشابه قاسم يا ربي وبسرعة يروح يقعد على الكمبيوتر ويدخل المنتدى والجات ينتظر دخولها على احر من الجمر واما عمار فستغرب من تصرف محمد وطرش له مسج ( محمد بس حبيت اخبرك برز روحك اليوم الساعة 9 بنطلع وبمر عليك ) وفي بيت احمد ابو احمد وهي مجود احمد من اذونه : سود الله وجهك من ولد احمد : اخ هدني وانت صدقتها احين هذي داخلة تتبلى علينا ام احمد : جب جب تتبلى علينا هااا لا لا هذي جاية ادافع عن شرفها وشرف اختها لكن حريمتك لا كمبيوتر ولا تلفون ومن يوم ورايح ماكوا دلع ولا شي احمد : لا والله ابو احمد : واطول السانك بعد . اذذذذذذذذذذذذلف اذذذذذذذذذذلف برى لا انت ولدي ولا اعرفك وانت عتبت باب البيت لا احش رجولك حش احمد : تطردني هين ابو احمد : وتهدد بعد اذذذذذذذذذذلف بالي ما يحفظك من ولد سودت بوجهنا عند العرب واول ما طلع احمد ام احمد انهارت وقامت تصيح كل بسببها وبسبب زوجها دلعوه زيادة عن اللزوم وفي بيت ام حسين وفي الغرفة كانوا موجودين ( ريم و حسين وحنان ) ريم : سمعتون اخر خبر ؟ حسين : شنو ؟ ريم : بكرة قاسم بخبر ابوي انه يعرف كل شي وانه صديق ابراهيم حنان : من صدقش ريم : أي حسين : اصدقون اني خايف خصوصا اذا قال له ان عيالك يدرون حنان : أي والله ريم : ما اعتقد يضربنا كالعادة لان كفاية الي صادنا منه ما اعتقد امي تخليه نهائيا واول ما وصلت امل شكرت السايق واول ما دخلت حجرتها هناء وهي تقوم : بشري شصار ؟ امل وهي تبتسم : ما صار غير كل خير انا خبرت اهله وهزءوه وبنكون على تواصل انا وصديقه وبخبرش بكل شي هناء وهي تنزل راسها : اتمنى تقطعين علاقتش في صديقه اول ما تكمل هالسالفة لاني متاكدة انه ذئب بشري مثل صديقه امل : ولا عليش انا عارفة الشباب وطابختهم طباخ . وصح ان اصابعي مو مسوى لكن اقدر افرق بين الطيب والشين ومر اليوم ومحمد ما شاف امل في الجات عشان يسالها عن صلة القرابة بينها وبين قاسم ولا تنسون ان الدم يلعب دور كبيير . وجاء اليوم المنتظر الذي فيه سوف يبوح قاسم الى اهله عن السر الدفين قاسم وهو يفتح الباب بالعدال ويدخل : الســــــــــــــــــــــ ــــــلام عليــــــــــــــــــكم ام قاسم وهي تقوم : ولييييييييدي ويحضونه كااامل طبعا ما عدى هناء الي من الي صار لها وهي كل حابسة روحها بالدار لا اكل ولا شرب ولا ابو قاسم الي قلبه من صخر قاسم : شخباركم بعد امل : بخييير يا وجه الخير قاسم وهو يوجه نظره الى الشخص الى ما حط عينه بعينه بعد الي صار : وشخبارك يبة بعد ؟ ابو قاسم : الحمد الله على كل حال قاسم وهو بسرعة يبي يخلص مهمته : يبة بغيتك شوية انت وامي في الحجرة ابو قاسم : وشنو بغيت بعد فلوس وما عندي مفلس قاسم وهو يتنهد : ما ابي فلوس الحمد الله عندي الي يكفيني ابيك في شغلة لو سمحت ويروحون ابو قاسم وام قاسم وقاسم الغرفة قاسم وهو يقعد فوق السرير : يمه انا بقول شي وما ابيش تنصدمين وابيش تكونين قوية ام قاسم خافت : عسى ما شر يا وليدي قاسم : اممم . وبصعوبة : يمه ا ا بــ ابووي م ـــ تزوج عليش ام قاسم وهي تتنهد وتنزل راسها : وشلون عرفت يا وليدي قاسم وهو مستغرب : يمه انتي تعرفين؟ ام قاسم : أي اعرف يا وليدي قاسم وهو مصدووم : وشلون ما خبرتينا ليش جدي ؟ ومتى تعرفين بهذا الشي؟ ام قاسم وهي تسترجع ذاكرتها للوراء : انت كان عمرك 18 سنة كنت رايحة مع ابوك السوق اخذ ماجلة البيت الا اشوف جاهلة جاية صوبنا ..........: بابا ابو قاسم : حنان شجيبش هني؟ حنان : بابا منو هذي المراة ؟ ابو قاسم : حنان روحي الى الماما ام قاسم وهي تنزل الى حنان : شفيش يمه ؟ حنان وهي تبتعد عن ام قاسم : ليش اخذتي ابوي . ابوي عنده عيال وكل شي ما يبيش ام قاسم وهي مصدوومة : شنوو ؟ وتوجه نظرها الى ابو قاسم : عبد العزيز انت متزوج عليي ؟ ابو قاسم نزل راسه وما رد عليها وفي الشقة اول ما دخل ابو قاسم وعيونها يتطاير منها الشرار ابو قاسم : حنان وصمخ حنان وببراءة: نعم ابو قاسم ويعطيها كف : انتي تعرفين شنو سويتين خليتين مرتي الثانية تعرف اني متزوج يا مال العمى ياخذش . ويضربها ضرب ما ذاقته في عمرها . وبهذي الحادثة فقدت حنان نطقها من كان عمرها 7 سنوات ام قاسم : بهذا يا وليدي عرفت ان ابوك متزوج علي قاسم وهو يزجه نظره الى ابوه بحقارة : ليش ؟ محتاج عيال محتاج حنان امي عاطتنك كل شي ومو مقصرة معاك بشي ومتحملة عصبيتك وتسلطك وقساوتك ابو قاسم وهو يضحك باستهزاء : هههههههه الدين حلل اربع ( وهو يسوي باصباعه رقم اربعة ) ارررربع فهمت وعلى الاقل انا متزوج على سنة الله ورسوووووله ويعلى صوته وهو ياشر على مرته : مو هـــــــــــــذي مربية لنا بنت من بنات الشوارع قاسم : يبة لا تجيب هالطاري احنا قلنا هذا الشي سر بينا احنا الثلاثة شذكرك بهذي السالفة ابو قاسم : عشان تعرفون ان الي سويته ولا شي تحت الي سويتوه ام قاسم : لكن يا عبد العزيز انا اعتبرها بنتي واكثر ومو حاسبتنها من بنات الشوارع مثل ما تقول ونرجع للوراء قبل 18 سنة الساعة 10 صباحا كان عبد العزيز و وزينب ( ام قاسم ) وقاسم طالعين برى البيت يلعبون ولدهم قاسم في الحديقة ( وبتول في المدرسة ومنى كانت في بيت خالتها ) قاسم وهو يروح صوب الاشجار ويسمع صوت صياح طفلة ويتقرب اكثر من مصدر الصوت ويشوف طفلة اصيح ويروح يركض الى امه قاسم ( كان عمره 6 سنين ) : ماما ماما شفت دادو اصيح ام قاسم : جاهلة اصيح في وين ؟ قاسم وهو ياشر على الاشجار : هناك عبد العزيز : مجرد تخيلات للجاهل قاسم وباصرار شديد : ماما تعالي اصيح الدادو اصيييييييييح ام قاسم : خلني يا عبد العزيز اروح اشوف ترى الجهال يمكن ما يجذب وتروح ام قاسم وراء ولدها وشافت منظر كسر خاطرها طفلة بحبلها السري حديثة الولادة تخلت عنها امها ام قاسم : استغفر الله مسكينة هالجاهلة وشنو ذنبها بتكون ضحية للخطا الي سويتونه "لايخلو رجل بإمرأه الا كان الشيطان ثالثهم " وتحمل ام قاسم الطفلة وبسبب قلبها الطيب اتخذت هذي الطفلة طفلة لهم بعد اقناع عبد العزيز وبعد ما اقنعت ولدها انه ما يخبر احد . واما بتول ومنى كانوا اطفال بجذبة بسيطة مشت عليهم السالفة . ومن هذا اليوم عاشت هذه الطفلة بين هذه العائلة ونرجع الى زمننا الحاضر ابو قاسم : اذا انتي تعتبرين هنــــــاءوووو بنتش انا ما اعتبرها ولا اتشرف اربي واصرف على بنت لقيــــــــــــطة كانوا هالكلمات مثل الخناجر في قلب هناء الي سمعت كل شي وقت ما بتطلع بتروح تشرب لها ماي راحت حجرتها وتجر اذيال الخيبة وراها هناء مع نفسها : يعني احين انا مو اختهم وعايشة بينهم قريبة انن اننننا لقيطة . يا ربي وين امي وابوي احين ليش خلوني وشلون جيت في هالبيت هناء كان الحزن عنوان حياتها احمد الي جرحها بالي سواه و عبد العزيز الي كانت تعتبره ابوها واكثر طلع ما يتشرف انها تكون بنته امل البنت الطيبة مو اختها طلعت واخذت تبكي هناء من كل قلبها حسرة ولوعة وحرمان من الحنان والحب هذه هناء ضحية الى نزوة الشباب والفتيان . هذه هناء الان تبقى وحيدة من غير من يلمها الى صدرها بقبلها الحنون وحضنها الدافئ . من غير اب يحمل مسؤوليتها يهتم بها ويحبها من كل قلبه . وجاءت الساعة التاسعة ليلا ولا تزال هناء بين دموعها تشكي لمن وتحكي لمن وليس لها احد يراث لحالها . ياربي أيَّا سكون الليل أنت أنيسي عندما تضيق بيّ الدار و عندما قلبي يضخبدل الدم نار وعيني تدمع إلى غير قرار وجرحي ينزف فلا تكفيه الأبحروالأنهار أيَّا سكون الليل خذني معك عندما تنسج خيوطالنهار أو اجعلني نجماً في سمائك أو قمر مدرار أو أطلعني على سجلك المليءبالأسرار فلا تتركني يا ليل وحيداً أمشي بدون أنوار ولا تدع ظلامك يغطيقمرك المدرار وهبني قوة لأستمد منك الأشعار فسلامي إليك أيّها الليلالمغوار فسلامي إليك أيّها الليل المغوار فسلامي إليك أيّها الليل المغوار توقاعتكم * هل بتنجح خطة بتول ؟ * هناء شنو من الممكن كتبت في الورقة ؟ * محمد لاحظ الشبه بين امل وبين قاسم ؟ هل من الممكن تصير تطورات تقربهم من بعض ؟ * وهناء الفتاة الي قلبها كل جراح ؟ شنو من الممكن يصير فيها ؟ ونلتقي في الفصل الثالث من الجزء الثامن مع تحياتي بسمة الم | ||||
|
| |
|
18-07-19, 09:51 PM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الثالث من الجزء الثامن بكت كثيرا وصرخت في قلبها كثيرا صرخة المظلوم الماكول حقه . ولكن لا من مجيب . وكيف يجيبها احد وهي في غربة بين اهل لا تعرفهم . بين ناس عاشت معهم واكلت معهم ونامت معهم تحت سقف واحد وفي نهـــاية الامر تعلم انهم ليس اهلها رفعت راسها تنظر الى الساعة الان الساعة 12:00 . يا ربي ساعدني حملت نفسها بصعوبة لبست عباءتها الكتفية ولفت شعرها الطويل الناعم بشيلة سوداء وحملت تلفونها وقبل عن تخرج وضعت تلك الورقة تحت موسدتها ولكن تراجعت اخذت القلم وكتبت في نهاية الورقة جملة وخرجت من الباب الخلفي حتى لا يعلم احد بخروجها اخذت تمشي وتسير في قريتها حتى ان خرجت من قريتها واخذت تسير في شوارع واماكن لا تعرفها بسبب قلة خروجها من منزلها سمعت صوت امواج تبتعت تلك الاصوات ووقفت تناظر البحر قالت في قلبها : اه اه اه ( تصدق يا بحر انك تشابه بالغدر حبي ) أنا مسافر مع الدنيا ..ولا ادري وين تاليها ولا ادري وين تبحر بي ..في هالمرهمراكبها نعم قالو يابن آدم ..تحرص من بلاويها ترا أحسن تهملها ..وعن دربكتجنبها أنا مسافر مع الدنيا ..ولا ادري وين تاليها ولا ادري وين تبحر بي ..في هالمره مراكبها نعم قالو يابن آدم ..تحرص من بلاويها ترا أحسن تهملها ..وعن دربك تجنبها وأناوا عيش لي باجر..وشنهو لو أخاويها وأنا عارف يا كثراللي ..تجرح من مخالبها وأناوا عيش لي باجر..وشنهو لو أخاويها وأنا عارف ياكثر اللي ..تجرح من مخالبها لخليها على الراحه ..وأنا صادق بخليها معني داريعنها ..كل سواياها وعذاربها لسايرها وامدحها ..وبأحلى كلمة أغريها وفهمها انااللي كم تمنى بس يكسبها وأنا والله ماودي .. بكل شي أجاريها وحاول أكتم الحره ..وأبن أني صاحبها إلين ألقى هذاك اليوم..وابرد حرتي فيها وعلمها شنوالإنسان ..إذا عزم يحاربها إلين ألقى هذاك اليوم..وابرد حرتي فيها وعلمها شنوالإنسان ..إذا عزم يحاربها أنا مسافر ..أنا مسافر ..أنا مسافر مع الدنيا ..ولاادري وين تاليها أنا مسافر مع الدنيا ..ولا ادري وين تاليها ولا ادري وينتبحر بي ..في هالمره مراكبها نعم قالو يابن آدم ..تحرص من بلاويها ترا أحسنتهملها ..وعن دربك تجنبها وأنا وا عيش لي باجر..وشنهو لو أخاويها وأنا عارفيا كثر اللي ..تجرح من مخالبها وأنا وا عيش لي باجر..وشنهو لو أخاويها وأناعارف يا كثر اللي ..تجرح من مخالبها لخليها على الراحه ..وأنا صادقبخليها معني داري عنها ..كل سواياها وعذاربها حشى مارجع لماضيها..ولا اتبعخطاويها ولا أرفض إذا قالو ..مكن اغلى حبايبها وإذا حجت حجايجها ..أنا الأولمن يبديها ولا أقدر اضيع ..أي فرصه كن حاسبها خلاص اليوم من حقي ..وترفع ليأياديها ألفت الله ..وحق الله ..لعلمها وادبها هذاك أول تمشيني .. وجا دوريأمشيها وقالو ميزة الشاطر ..يضحك في عواقبها وقالو ميزة الشاطر ..يضحك فيعواقبها أنا مسافر ..أنا مسافر ..أنا مسافر مع الدنيا ..ولا ادري وينتاليها ولا أدري وين تاليها وفي شقة احد الشباب عند احمد احمد : طلعت مو هينة هذي هناء والله خالد : خلك منها يا ولد دور لك على فريسة ثالثة احمد : لا بس كفاية لا فريسة ثالثة ولا رابعة ماليي العب بشرف البنات خالد : يعني خلاص هالهناء بتخرب علينا كل شي احمد : شنو تبيني اسوي بسببها انطردت من البيت وبسببها لا تلفون ولا كمبيوتر ولا شي عندي تبي الرابعة شنو يصير فيني بسببها اموت انقتل انذبح خالد وهو منزل راسه باسى ومنقهر . كان يتوقع ان نهاية هالاسبوع بيدخل الغرفة المعتاد عليها وبشوف غزالة حلوة وبيهجم عليها مثل الوحش المفترس ولكن رب العالمين لا يرضى على الظلم فقد ارسل ملاكا على هيئة بشر ( امل ) تنقض اختها من جميع الذئاب البشرية وفي بيت ام قاسم دخلت امل الغرفة ووجدت سرير هناء ممتلا . علمت انها نائمة . ولكنها لا تعلم ان هناء الان تسير وتمشي في الشوارع لا معين لها ولا ام ولا اب هناء وضعت تحت لحافها مواسد ووو ومن هالاشياء عشان محد يعلم بخروجها حتى اشراق الشمس وبهذا تكون قد ابتعدت عن منزلهم مسافات طويييلة ويبدا يوم جديد على ابطالنا اليوم تاريخ 4 \ 9 بقي خمسة ايام عن بدا عام دراسي جديد الكل مستعد وهناء ...... هل سوف تكمل دراستها بين احضان اسرة اخرة ام .... الله العالم في بيت ام عمار ( عائلة عمار تتكون من ام واب وثلاث خوات واخو واحد غيره ) احلام : 28 سنة . متزوجة بـ ( سلمان ) عندنا بنوتتين حوراء واسراء ( توام ) 7 سنوات . وولد اسمه سيف عمره 10 سنوات وفاء : 26 سنة . متزوجة بـ ( حسن اخو سلمان ) عندها بنوتة ليال عمرها 6 سنوات . احلام ووفاء يعيشون في بيت ازواجهم . بعدين يجي عمار : 24 سنة يشتغل مع ابراهيم في الشركة . علي : 20 سنة . يدرس في جامعة البحرين جود : 18 سنة بنت حلوة وطيوبة وقريبة وااجد من اخوانها وخواتها لانها اخر العنقود . عمار : صباح الخير يمه ام عمار : صباح النور والسرور عمار : يالله يمه بروح الشغل تامريني بشي ؟ ام عمار : والريوق ؟ عمار : يمه متاخر شوفي الساعة كم ام عمار : خلاص يا وليدي بس لا تنسى اليوم تودي جود تاخذ لها اغراض مدرشة عمار : ان شاء الله يمه . ويبوسها فوق راسها : مع السلامة ام عمار : في حفظ الرحمن يا الغالي وفي الشغل اليوم ابراهيم اخذ معاه قاسم للشغل لان لازم يبدا الشغل 1 \ 9 ابراهيم : وهذا مكتبك قاسم وهو يطالع مكتبه شلون حلوو : ما شاء الله واااجد حلوو ابراهيم : يالله اقعد عليه وابدا شغلك بدز لك كم معاملة اوكي قاسم : اوكي واول ما طلع من مكتب قاسم الا يشوف عمار ابراهيم : هلا عمور عمار : هلا هلا ابراهيم : عمار ترى قاسم الي كان معانا اول امس هذا مكتبه عمار وهو فرحان : اووه والله زين بروح امر عليه ابارك له على الشغل ابراهيم : ولد اصول وراعي واجب عمار : هههه بدينا بالتصبغ ابراهيم : روح روح وجهك وجه كلمة سنعة ابراهيم كان وااجد طيب وحبوب مع كل عماله الي في الشركة وكل يحبه ويعزك والكل قايم بواجبه كله بسبب معاملة ابراهيم لهم وحبه لهم واحترامه وتقديره للكل وكمل الدوام وكل طلع من الدوام وفي بيت ام ابراهيم ام ابراهيم : يالله يا عيال الغذى بارز ابراهيم : يالله قسوم قاسم وهو عاقد عمره : قسووووووم ؟؟ شايفني اصغر عيالك ابراهيم وهو يضحك على شكل قاسم : هههههههه انزين تفضل يا استاذ قاسم قاسم وهو يمشي نحو طاولة الطعام : اداوم ما يمشون الا بالعين الحمرة الكل : ههههههههه هديل : ابراهيم نبي اروح نتشرى للمدرسة تعرف ما باقي الا كم وتفتح ابراهيم : ان شاء الله من عيوني الثنتين دعاء : ياربي باقي عليي سنتين بعد لما اتخرج ابراهيم : وبجين ويايي الشركة عجل دعاء : هههههه اكيد لازم اساعدك ما يصير طول هالسنين وانت بروحك ابراهيم : احين معاي قاسم وان شاء الله بعد سنتين دعاء مها : لكن اناا طلعوني من القائمة ابي اصير دكتوووورة ابراهيم : أي مطلعة من زمان هههههههه وهديل شنو ناوية ؟؟ هديل : صراحة ما ادري احين خلنا اول ثانوي توحيد مسارات وبعدها نفكر شنو ناخذ ابراهيم : ترى عادي هدول اذا ما تبين تشتغلين معانا بالشركة كل واحد ورغبته هديل : يصير خير ام ابراهيم : شخبار الشغل معاك قاسم ؟ قاسم : الحمد الله ما توقعت جدي سهل يعني الشغل اسهل من الدراسة صراحة ام ابراهيم : الله يوفقك يا وليدي واشوفك معرس قاسم لا اراديا وجه نظره الى مها الي بدورها نزلت راسها خجلا وفي بيت ام حسين بعد ما كملوا الغذاء وفي حجرة ام حسين وابو حسين ابو حسين : جميلة ام حسين : هاا ابو حسين في قلبه حشى حتى نعم ما تعرف تقولها بومة ما تنطق عدل : تدرين ان ولدي قاسم عرف اني متزوجة ام حسين وهي فرحانة : وعيالك الباقيين ؟ ابو حسين : فال الله ولا فالش انا ما ابييهم يدرون ام حسين : وليش لا البيت كبير ويكفيني ويكفي عيالي ابو حسين وهو يعدل قعدته : شنو تقصدين؟ ام حسين : خواتي ما شاء الله كل وحدة عندها بيت الا اناا نقرد حظي من شفتك وشفت رقعة وجهك شووووف باقرب فرصة ابي عيالك كلهم يعرفون واطلعني من هالكرتون ( تقصد الشقة ) وتخليني اعيش معاهم في بيت وااحد ابو حسين وهو ينهد : وليش مو عاجبنش هني ؟ ام حسين : الخبل الجنون ما يعجبه هالمكان ما ننام عدل الي فوقنا يا ركيض يا صراخ والله حالة ابو حسين وهو ينبطح فوق السرير : يصير خير ام حسين وهي تقلد صوته : يصير خير وبصوت منخفض : وجه النحس وفي غرفة ريم حنان : ريم متى بتودينا ناخذ لنا اغراض للمدرسة ؟ ريم : انا عن نفسي من احين اقدر اوديكم لكن ابوي عطاكم فلوس كفاية للاغراض ؟ حنان اطالع حسين وثنينهم : لا ريم وبحزن : وانا ما عندي تعرفون ان ما اشتغلت من كم شهر حسين : انزين بنقول له ريم : تتوقعون يعطيكم فلوس كفاية تعرفون ان الي يعطينا اياهم ما تكفينا وانا الي كنت ازيد عليها حسين وحنان ساكتين مو عارفين يردون ريم وهي تفكر وفجاة ابتسمت : فكرة حسين وحنان يرفعون راسهم ريم : شوفوا بنقول الى ابوي يعطينا فلوس وباخذ لكم بس الاشياء الضرورية اووكي وبروح ادور ليي على شغل واول معاش لي بكمل اغراضكم شرايكم ؟ حسين : مو مشكلة اناا الشنطة ( الحقيبة ) عندي مالت السنة الي طافت اقدر استعملها حنان : واناا بعد وقعدوا يتكلمون شنو الاغراض الي مو محتاجينها وريم اطالعهم وكان ودها لو تملك القليل من النقود عشان اساعدهم وفي بيت ام قاسم امل وهي قاعدة على الكمبيورت واطالع الساعة احين الساعة 2 ونصف وهناء لحين ما قعدت امل وهي تتقرب من هناء : هناء هناء يالله قومي قعدي وما سمعت رد امل وهي ترفع للحاف : هنــ..... امل : مبيييي هناء ويييييييينش امل خافت على اختها وبسرعة راحت تتصل في هناء رن التلفون ورن ولا من مجيب امل وهي تركض الى امها : يمه يمه هناء مو في البيت ام قاسم وهي تضرب على صدرها : يمه بنيتي وين راحت دقي عليها امل : ادق عليها ما تشيله وشكلها محد من امس الليل ام قاسم وقف قلبها خافت على هناء مهما يكون هي بنتها التي لم تنجبها : وليش ما خبرتيني من امس ؟ امل : صدقيني يمه اانا .......... وقالت لها كل السالفة ام قاسم وهي تفكر وفي قلبها تقول : لا يكون بس سمعت انها مو بنتنا يا ربيييي ام قاسم : يمه امل هي فيها شي حسيتي انها متغيرة صايرة لها مشكلة ؟ امل وبارتباك : لا لا امل كانت تتوقع ان بسبب احمد كرهته كره العمى ام قاسم : لازم اتصل في ابو قاسم ما يصير جدي واول ما دقت عليه كانت توه بيرتاح ابو قاسم : هااا شنو تبين بعد ام قاسم : الحقني يا عبد العزيز هناء طالعة من البيت من امس الليل ولحين ما رجعت ابو قاسم : بنت لقيطة اكيد طالعة على امها ام قاسم : حرام عليك تراها تربية ايدي ابو قاسم : عجل شنو تفسرين انها طالعة في نصايق الليالي ولحين ما رجعت ويسكره في وجها امل : شنو قال ابوي ام قاسم ما ردت عليها واكتفت بالبكاء وعلى الساعة 5 العصر جود فرحانة واجد لان احين بتطلع تاخذ لها اغراض للجامعة وخصوصا انها اول سنة فكانت فرحانة وااجد ودعاء وهديل ومها ماكانوا اقل فرح من جود لان بيبدا عام دراسي جديد وبكون لهم اخ ثاني يشاركهم فرحة بداية العام الجديد وحسين و حنان حصلوا من ابوهم مبلغ لا باس فيه وبعد كانوا فرحانين واما امل وهناء . فلم يذوقوا طعم الفرح ببدا العام الدراسي . قاسم وابراهيم قدام ومها ودعاء وهديل وراء . متجهين الى لايف ستايل يشترون اغراض للمدرسة . قاسم كان يفكر في خواته واخوه . كان وده احين معاهم يوديهم لكن فعلة ابوه واجد قاسية على قلبه ابراهيم : قاااااااااااااااااااااااا ااااااااااااااااااااااااا ااااااااااااااااسم قاسم : بسم الله صروعتني شفيك شتبي ؟؟ ابراهيم وهو يظرب له نغزة : الي في بالك يتهنابه قاسم : دام خواتي في بالي اكيد يتهنون به وفي سيارة عمار كانت معاه اخته جود عمار : وين تبين تروحين ؟ جود : كالعادة بروح قرطاسية المنار عمار : اوكي يالله . انزين بقول لج ؟ جود : هااا عمار : وهاون انتي ما تعرفين تقول نعم بالله عليش جود : اففففففف ومن غير نفس : نععععم عمار : بل بل بومة . ترى لما تتزوجين الرجال يبي كلمة حلوة مو هاااا جود : ان شاء الله يا استاذ عمار اوامر ثانية عمار وهو يضربها ع راسها على خفيف : تطنزين حضرتش انزين سمعي مستعدة للدراسة ؟ جود : اكييييد عمار : يالله شدي على نفسش نبي معدل حلو جود : ان شاء الله وفي سيارة ريم معاها حسين وحنان .على قد حالهم متجهين الى رامز حسين : ريم تتوقعين 25 تكفي ؟ ريم : ان شاء الله انت لا تحاتي اناا معاي كم دينار حسين : وانا بعد معاي حنان : خلاص كل واحد يحط الي عنده وان شاء الله تكفي الفلوس وفي الشقة عند الشباب احمد : هذي حالة احين انا ابي اروح اخذ ليي ملابس للمعهد واغراض وما عندي ولا فلس خالد : ياخي شلك بالدراسة اطلع واشتغل شغلة بسيطة احمد : وين اشتغل يا اخي ليش شايف شهادة ماجستير خالد : قلنا شغلة بسيطة يعني أي شي احمد : انا مو متعود على التعب والهلاك اناا ابي شغلة مريحة خالد : اووووهووو انت شكلك دياية امك يا خي روح لاهلك تسامح منهم ابرك لك احمد : هذا الي ناقص اروح اتسامح مناهم . ما بطب البيت كلللش خالد : خلااااص عجل اسمع كلامي احمد وهو خلاص استسلم : انزين على ايدك دور لنا شغلة خالد وهو يبتسم بمكر : اعرف وحدة تايلندية من هالفنادق بخلي ادور لك شغلة بسيطة احمد : فندق فندق بس اهم شي اشتغل مليت من الفقر الي عايشنه وفي قرطاسية المنار بعد ما كملت جود اغراضها ( الدفاتر والاقلام ومن هذي الاشياء ) جود : عمار انا كملت اغراضي الجامعة احين ابيك تودينا ميرا باخذ ليي ثياب عمار وهو يركب السيارة : تبين بس ميرا تروحين ؟ جود وهي تفكر : امممم ويقاطعها عمار : ترى اليوم اناا تحت يدينش أي مكان تبينه بكرة عندي سالفة غيرها جود : انزين خلاص بعدين ودي مجمع الؤلؤ عمار : يالله مشينا وفي سيارة ابراهيم دعاء : يالله ابراهيم احين ابي اروح السيف اخذ ليي كم بدلة للجامعة ابراهيم : ان شاء الله هديل : واناا ومها ودنا اللمسة الساحرة بنفصل لها عباية ابراهيم : حاضر واذا هالوقت يرن تلفون قاسم قاسم : الوو ام قاسم وهي اصيح : يمه قاسم الحق علينا قاسم وهو خايف : يمه شصاير ؟ والي في السيارة انظارهم صوب قاسم ام قاسم : هناء يا قاسم هناء قاسم : شفيها هناء ؟ مها هني بلعت ريجها ام قاسم : طالعة من البيت من امس الليل ولحين ما رجعت قاسم وهو يشهق : وين راحت ؟ ام قاسم : واحنا ندري يا وليدي قاسم : احين احين بجي لكم ام قاسم : بسرعة يا وليدي قاسم اول ما سكر التلفون وجه نظراته الى ابراهيم : ابراهيم اذا ما عليك كلافة وصلني البيت ابراهيم وهو يغير اتجاه السيارة : افاا عليك لا كلافة ولا شي احين اوصلك قاسم كان قاعد على اعصابه فكرة تجيبه وفكرة توديه خايف انها سمعت كلامهم وخايف انها طالعة مع صبي وسوة فيها شي لكن طرد هالافكار من باله لان واثق من اخته واما البنات قاعدين على اعصابهم خاطرهم يعرفون شنو صاير وفي نفس الوقت خايفين من ردة فعل قاسم وفي سيارة ريم ريم : الحمد الله كملنا كل شي وما بقى علينا الا الثياب حسين : ابوي قال ان بكرة بيعطينا ريم : ان شاء الله حنان : يعني بكرة بتودينا ؟؟ ريم : ان شاء الله بكرة بوديكم قاسم اول ما وصل بيتهم ابراهيم : تبيني امر عليك ؟ قاسم : لا لا شكلي بنام في البيت ابراهيم : براحتك واذا تبي أي شي لا تتردد تتصل قاسم ان شاء الله يالله مع السلامة البنات وابراهيم : الله يسلمك وبسرعة يركض داخل بيتهم واما في السيارة دعاء : خلاص ابراهيم اناا ما له داعي اروح اليوم هديل : واناا بعد خله يوم ثاني ابراهيم : ان شاء الله كان الجو كلش هدوء في سيارة ابراهيم كل وااحد قلبه ماكله دعاء وهديل خايفين على اخوهم وابراهيم خايف على اخوه وصديقه واما مهاا حالها ما ينوصف قلبها مالكها على حبيب قلبها وفي بيت ام قاسم قاسم وهو يعاتب امل : وليش ما اتصلتي وخبرتيني امل : احنا او شي اتصلنا الى ابوي بس ما ادري ليش رفض قاسم : هذا اسمينه ابو امل وهي مستغربة من كلام قاسم ام قاسم ودموعها على خدها : خلاااااااااص خلونا من العتب شوفوا حل الى مشكلة هناء قاسم وهو خايف : مالنا الا نتصل في الشرطة ام قاسم : يا ربي احفظ بنتي وحطها في عينك التي لا تنام امل وهي تقعد يم امها وخايفة على اختها هناء اما قاسم بتصل الى الشرطة وخبروهم ان يجيبهم ويعطيهم صورة الى هناء قاسم اخذ صورة الى هناء وراح مركز الشرطة . وبعد الاستجواب الشرطي : خلاص بعد ربع ساعة بنطرش كمية من الشرطة للبحث عن اختك قاسم : مشكوور ويطلع قاسم من مركز الشرطة وهموم الدنيا فوق راسه واول ما وصل ابراهيم والبنات البيت وخبروا ام ابراهيم ام ابراهيم وهي اصيح : ويلي عليك يا قاسم شنو فيه شنو الي خلاه يبات برى البيت ؟ ابراهيم وهو يتنهد : شكلها مشكلة تتعلق باخته هناء ام ابراهيم وهي اصيح ابراهيم وهو يخفف عن امه : مهما يصير يا يما ترى هذاك بيته ام ابراهيم : حتى هني بيته لا هو يوم ولا اسبوع . قعد معاي مدى واعتبرته وليدي وحبيته وعزيته ابراهيم وهو ينزل راسه لانه بعد حزين ويحزن اكثر لمجرد يفكر ان اليوم بنام لحاله في الغرفة والبنات بعد كانوا حزينين اليوم بيتهم بيخلو من شمعة البيت من ضحكة البيت من خفة دم قاسم ومرحه وفي بيت عمار جود وهي تراوي امها الاغراض : يمه شوفي وهذي البدلة الثالثة عمار : افففففف بس جود خلاص خليني مع امي شوية جود : لا والله يعني امك ومو امي ؟؟ عمار : ابيها شوية في كلمة راس جود : ماني بقعد مافي البيت اسرار عمار وهو ياخذ قوطي الكلينس ويسوي روحه بقطه عليها جود : بس بس بروووووح بل ممو بيت كلهم ( سفاحين ) وقالت هالكلمة وراحت تركض قبل ما يلحقها اخوها وام عمار كانت تضحك عليهم ام عمار : امر يا وليدي عمار وهو يقعد جنب امه وهو متردد : اممم اممم ام عمار حست انه متردد : قول يا وليدي لا تتردد عمار : امممم يمه اناا اناا ... ام عمار وهي تضحك في داخلها : انت شنو ؟ عمار : اممم انا نويت اكمل نصف ديني ام عمار وفي قمة فرحها : صدق يا وليدي يا عمار صدق الي سمعته عمار وهو يهز راسها يعني أي ام عمار : يعني تبي تتزوج ؟؟ عمار وبخجل : أي ام عمار : والله هذي الساعة المباركة كلولولولولولولش عمار : مبيي يمه فضحتينا ام عمار : لا فضيحة ولا شي الا بالعكس فرحانة ما تبيني اعبر عن فرحتي عمار : عبري يا بمه عبري وخبري الكل انش فرحانة بس لما البنت توافق ام عمار : في بالك بنت عمار : أي ام عمار : منو ؟ عمار : دعاء اخت صديقي ابراهيم ام عمار : وفي بيت ام قاسم ام قاسم : شنو سويت يا وليدي ؟ قاسم : عطيتهم صورة هناء ومواصفاتها ام قاسم : يعني ما حصلوها قاسم وهو يطالع ساعته : قاعدين يدورونها توهم من ربع ساعة واذا لقوها بيتصلون على تلفوني ام قاسم وبرجاء : نام معانا اليوم يا وليدي قاسم وهو يحب راس امه : اكيد يا يمه بنام كان الجو في بيت ام قاسم مرتبك واااجد وامل وعبدالله كانوا حزينين على اختهم هناء ولما خبروا منى حزنت وااجد واما بتول لما وصلها الخبر ولا تاثرت حتى شعرة من جسمها وفي بيت ام ابراهيم ابراهيم راح غرفته عشان ينام قام يطالع سرير قاسم تمنى يكون معاه ابراهيم حس بالوحشة حس انه وحيد لانه تعود لوجود قاسم معاه في نفس الغرفة واما قاسم اول ما دخل غرفته شم ريحتها قام يطالع كل شي فيها تذكر ايام قبل شلون كان عايش بين اهله فرحان ومو شايل هم حتى مع اهله الجدد ( عائلة ام ابراهيم ) فرحان لكن مخبي وراه حزن كبير هنـــــــــــــــــــــــ ــــاء تلك الفتاة الوحيدة التي ليس لها رقيب ولا حسيب ليش لها اهل ولا ام ولا اب . ربنا الوحيد العالم بحالها ؟؟ نهاية الجزء الثامن توقاعتكم : * هناء شنو صار لها ؟ وهل الشرطة بتحصلها ؟ * احمد وخلاص بيطلع من المعهد وبيشتغل في فندق ؟ شنو من الممكن تكون حياته ؟ * عمار خبر امه انه ناوي يخطب دعاء تتوقعون شنو ردها ؟ وافقت على دعاء او في بالها بنت ثانية ؟ * وقاسم هل بعيش مع اهله ؟ او برد يرجع الى بيت ام ابراهيم ؟ مع تحياتي بسمة الم | ||||
|
| |
|
18-07-19, 09:53 PM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الاول من الجزء التاسع 5 \ 9 يوم الثلاثاء احمد اول يوم له في الدوام . ولكن دوام شنو يا حسرة في فندق جدارانه شياطين يتلاعبون بالخمر يشربون السم . احمد وهو داخل صالة الحفلة عشان يعرف شغله شنو هو بالضبط ميري (التايلندية ): شوف اهمد هزي روم فيه كل يوم حفلة الساعة 1 بالليل انت في يدخل يشوف شنو يبي زبون احمد وهو يطالع البنات كل وحدة احلى من الثانية : ها ها أي أي ان شاء الله ميري وهي تضحك على شكله : ههههه ولك مني هزية لما تعمل شغلك مضبوط بعطيك بنت حلوة امورة زيك احمد وعاجبتنه الفكرة : أي أي مشكووورة ميري :ههه العفو يالله باشر عملك وظل احمد يمشي ويشوف الطلبات وكان عاجبنه عمله مريح وفيه شي يريح قلبه . وما درى انه عمل حرام وبحاسب عليه يوم القيامة يوم لا رحمة فيه الا رحمة رب العالمين وفي بيت ام قاسم محد غمض له جفن وهو يفكر في هناء كمل يوم كامل وهي برى البيت وبكمل اليوم الثاني وما بنشوفها بعد ؟ ام قاسم : قاسم يمه اتصل في الشرطة شوف قاسم وهو يتنهد : يمه هذي خامس مرة اتصل فيها واخر مرة اتصلت حسيت ان الشرطي مضايق من اتصالاتي ام قاسم وهي تنزل راسها واصيح : أي مو حاسين بالي فيني قاسم : يا يمه يا الغالية ترى هذا شغلهم وهم ان شاء الله بدورونها باقرب فرصة ام قاسم : يمه قاسم تكفى قوم ودني اشوفها ادور عليها يمكن الاقيها قاسم : يمه البحرين مو صغيرة . واذا رحنا ندور كاننا ندور ابرة في قش ام قاسم : عشان اريح قلبي قلب الام ما يجذب قلبها وبنقوم ندورها نشوف قاسم : قومي يا يمه غسلي وجهش وخلنا ناكل لنا لقمة وان شاء الله العصر اروح ندورها وفي بيت ام عمار يرن الجرس وتروح الخدامة تفتح الباب . وتدخل احلام مع اختها وفاء وعيالهم احلام : يا اهل البيت ويييييييييييييييينكم وفاء وهي تكلم اختها احلام : لو احد يجي يبوق البيت محد يدري عنه احلام : أي والله صدقتين جود كان فوق في حجرتها وسمعت صوت اختها وهي تنادي وتنزل تحت وفي الدرج وجود وهي تراكض : حيالله خواتي احلام ووفاء : الله يحييش جود وهي تحمل ليال ( بنت وفاء عمرها 6 سنوات ) وتويدها فوق وتحت : ليالو ليالو وليال تضحك وفاء : وين امي عجل ؟ جود : امي مستانسة حدها اليوم رايحة بيت ام سالم ( بيت جيرانهم ) تخبرها ان عمار ناوي يخطب وفاء واحلام مستغربين احلام : ومن متى هالكلام ؟ جود : انزين اول قعدوا وبخبركم السالفة بعد ما حوراء واسراء ( التوام بنات احلام ) باسوا خالتهم وسيف بعد احلام : قعدنا يالله خبرينا السالفة جود : الله يسلمكم امس يوم كنت راجعة مع عمار من ميرا لان كنت اخذ اغراض للجامعة وفاء : أي جود : وبعدين لما رجعت عمار قعد مع امي وخبرها ان يبي يخطب احلام : ما بغينا وفاء : عاد وقت مدارس جود : أي امي خبرتهم ان يروح بس نملج و في عطلة الربيع يصير كل شي وفاء : عاد منو سعيدة الحظ ؟ جود : دعاء اخت ابراهيم صديق قاسم وفاء وهي تتذكر : أي أي الي جت زواجي جود : أي هذي كانت مع امها وخواتها ثنتين احلام : تذكرتها . بنت حلوة وسنعة جود : واااااااجد بعد ما كمل الكل الدوام ابراهيم وعمار وهم طالعين من الشركة عمار : ما اشوف قاسم اليوم عسى ما شر ؟ ابراهيم وهو يتنهد : شقول لك يا عمار عمار وهو حاس يالخوف : شصاير خوفتني ؟ ابراهيم : صايرة مشكلة في اهله وانا ما ادري عنها بس احسها مشكلة جايدة بتصل اليوم بشوفه عمار وهو مهتم بالسالفة : ولا تنسى تتصل تطمني ابراهيم : ان شاء الله يالله في امان الله عمار : في حفظه وفي بيت ام حسين ابو حسين : جميلة الليلة ما بنام هني ام حسين : شلاقي عند زنبوو ( ام قاسم ) مو لاقيه عندي عشان كل يوم والثاني عندها ابو حسين : انتي تعرفين يا جميلة ان احين قربت المدراس وانا ما عندي فلوس الى عائلتين وبحاول اشتغل الصبح بعد احصل لي كم فلس ام حسين : جدي يعني خلاص ما يحتاج تجي تنام الليلة هني وفي هالوقت ينطق الباب ام حسين : منووو ؟ ريم : اناا يمه ام حسين : دخلي ريم وهي تدخل : السلام عليكم ابو حسين وام حسين : وعليكم السلام ريم : يبة اليوم بودي حسين وحنان ياخذون لهم ثياب للمدرسة ونبي فلوس ابو حسين : مو قلت لج عشان تعذريني ام حسين : انزين خلصنا وعطها فلوس ابي ارتاح ابو حسين وهو يطلع من فوقه كم فلس ويعطيهم ريم : واذا زاد جيبي البقية ريم وهي اطالع الفلوس زين يكفون : ان شاء الله يبة وفي بيت ام دلال ( بتول ) بتول : كاظم ابي اسافر كاظم وهو مستغرب من طلبها : عز العطلة ما طلبتي سفر واحين تبين تسافرين بتول : عشتوووووووو كيفي بروح فيها كم يوم الامارات باخذ اغراض لسارة وامل للمدرسة كاظم : والبحرين مافيها يعني بتول : يعني لازم تبيني اشرح لك . ابي اغير جو بعد مليت من قعدة البيت كاظم : ان شاء الله بتول : ابي اليوم اسافر ما باقي الا اربعة ايام عن بداية المدرسة على الاقل اقعد ثلاثة ايام وارجع كاظم : ان شاء الله اول حجز لج بتول : انا ودلال وملاك وفطوم كاظم : وانا ؟ بتول : ما يحتاج ظل هني كد لنا كم فلس كاظم وهو يحاول يهدي روحه لان مو يقدر على حنتها : ان شاء الله وفي بيت ام ابراهيم اول ما وصل ابراهيم ام ابراهيم : يمه ابراهيم ابراهيم : يمة انتي تنتظريني؟؟ ام ابراهيم وهي ادور احد وراء الباب : ما جى معاك قاسم ابراهيم : يا يمه قلت لج هو عنده مشكلة ام ابراهيم : انزين ومشكلة ابراهيم : يعني مو يوم واحد بظل معاهم يمكن اسبوع ام ابراهيم وهي تضرب على صدرها : اسبووووووع يا الظالم ابراهيم وهو يبتسم : ويمكن اكثر يمه هو عنده خوات ويبي يروح يشري لهم اغراض ومو بس عشان المشكلة ام ابراهيم وهي تنزل راسها : الله يكون بعونه وفي بيت ام عمار اول ما وصل الكل : كلولولولولولولولولولولولو لولوش عمار وهو منصدم ولما شاف منظر خواته وامه وهو ييبون له ابستم : فديتكم احلام وهي تتقرب من اخوها : عجل بصير معرس عمار وهو يبتسم : أي وفاء : بالبركة يا اخوي عمار : اول خلها توافق ام عمار : احنا بنروح لها وبنشوف عمار : لا لا فشلة احين مدارس جود : انت قلت انها في الجامعة وما تبدا الجامعة الا على نهاية 9 عمار : لكن خواتها في المدرسة وما نبي نلهيهم وفاء : صح كلامه ام عمار : يعني متى تبينا نروح ؟ عمار : اممم احلام : ادري تبي باقرب فرصة ليش ما نروح قبل رمضان بكم اسبوع ونحجزها او نملج بس عشان تكون لك عمار وعاجبتنه الفكرة : أي أي جدي اوكي وفاء : عاد كلم صديقه وخذ منه موعد عمار : ان شاء الله سيف : عجل خالي بصير معرس عمار الى ولد اخته : هههه أي سيف : وانا بعد ابي اصير معرس احلام وهي تضحك على ولدها : هههههههههههه ومنو سعيدة الحظ سيف : بنت خالتي ليال هني اكل مصدوم سيف : أي أي انا احبها وااااااااجد الكل : هههههههههههه احلام : رغبة جهال ولما يكبر يغير رايه جود : شدراش وفاء : والله بنيتي ليال ما يتحصل احسن من سيفووو الكل : ههههههه بعد ما كمل الغذاء في بيت ام ابراهيم . ابراهيم راح فوق عشان يرتاح بس قبل ما يرتاح اتصل على قاسم قاسم وبنبرة حزن : هلا خوك ابراهيم باسى : اهلا قاسم : شخبارك؟ ابراهيم : بخير بس واحشنا قاسم : يالله شسوي بعد ابراهيم : خبرني شسالفة يمكن اقدر اساعدك قاسم : اه اه اه والله اني تعبان حاس نفسي كبرت 50 سنة ابراهيم : قول يا اخوي فضفض عن نفسك قاسم : اختي هناء ابراهيم : شفيها؟ قاسم : ما ادري طالعة من البيت من امس الليل وما ندري عنها وين ابراهيم شهق في هالوقت : وين راحت؟ قاسم : وانا ادري لو ادري رحت لها وجبتها البيت ريحت قلبي وقلب امي وامل وعبود الكل يحاتيها ابراهيم : لا اله الا الله . بلغت الشرطة قاسم : أي بلغت واحين بنروح انا والوالدة وامل وعبود ندور في هالشوارع يمكن نلاقي لها اثر ابراهيم وهو مستغرب : من صدقك قاسم : أي يا اخوي شسوي ابي اريح قلب امي تعبانة واااجد حاس اني بفقدها ابراهيم : لا تفاول يا اخوي وان شاء الله مافي الا كل خير قاسم : ومن وين بجي الخير وابوي حتى لما درى بالسالفة ما تحرك ولا سوى شي ابراهيم : من صدقك ؟ قاسم : ولا بعد حتى مرار الكرام ما مر ابراهيم : ..... قاسم : يالله اخليك سلم لي على الكل بروح نداور نشوف ولا تنسانا بالدعاء ابراهيم : يوووصل وبحفظ الرحمن والي فيه خير لك ولاهلك بصير ان شاء الله اول ما سكر قاسم عن ابراهيم الا يسمع برى حشرة طلع الا شاف اخته مارة عليهم قاسم : هلا بتول بتول : زين شفتك ترى انا بسافر قاسم وهو مستغرب : بسافرين واحنا بهالظروف ؟ بتول : وانا شلي دخل بهناء غلطتها وهي تتحملها قاسم : كلكم قلبكم صخر بتول : ما علينا يا بو قلب الروبة جيت اسلم واطلع قاسم : روحي روحي الباب يوسع جمل بتول وهي تناظر امها : عشان مو تقولين لي ما امر . اذا فيه من هالاشكال في البيت اكيد ما بمر قاسم الى امه : يالله يمه مشينا ام قاسم وهي تناظر بتول : لو مربية لي جلب كان وفي معاي اكثر منش وتركب السيارة ام قاسم وقاسم وعبدالله وامل وفي بيت ام محمد ام محمد : يا وليدي صار لك كم يوم ما تاكل عسى ما شر محمد : سلامتش يمه بس مالي نفس ام محمد : كيفك بس اذا جعت كوا في اكل في المطبخ محمد : ان شاء الله وتطلع ام محمد ويقعد محمد على الكمبيوتر ويطرش رسالة الى بسمة حياتي ( امل ) محمد : يا ربي هذي الرسالة العاشرة ولا ترد عليي محمد مع نفسه : ليش انا مهتم جدي بالبنية معقولة حبيتها لا لا هو يوم واحد شفتها وكانت في ظروف حالتها حالة لكن شفت في عيونها الحنان الحب الى اختها كانت فعلا تدافع عن اختها على رغم انها اصغر منها . يا ربي ويدخل الجات ينتظر وجودها وما يشوفها تذكر قاسم . تذكر الشبه بيت قاسم وامل قال اكيد يعرف شي عنهم وبسرعة ياخذ النقال ويتصل على ابراهيم ابراهيم : هلا هلا محمد : قوة ابراهيم : الله يقويك محمد : شحالك؟ ابراهيم : بخير شنو سر هالاتصال الغريب ؟ محمد : سلامتك ببس كنت بسالك عن قاسم ابراهيم : دريت عنه محمد : شنو الي دريت ابراهيم : يعني ما تدري عجل كنت شنو تبي ؟ محمد : كنت ابي رقمه ابيه في شغلة ابراهيم : مسامحة بس هو مو ناقص احين اذا اقدر اساعدك محمد ويبي يسحب من ابراهيم كلام : ليش عشى ما شر ابراهيم : سلامتك بس في مشكلة شكله مع اخته محمد : اخته ؟؟ ابراهيم : أي اخته هناء محمد وهو يتذكر كلام امل : عرفتني انا اخت هناء اوووكي يا استاذ احمد ابراهيم : وينك اكلمك محمد : هلا هلا . بس شفيها هذي اخته هناء ؟ ابراهيم : سلامتك لكن شكلها طالعة من البيت ولحين ما يدرون عنها شي محمد : اهاا . عجل اخليك ان شاء الله مرة ثانية اتصل عليه ابراهيم : ان شاء الله محمد : يالله فمان الله ابراهيم : بحفظه اول ما سكر التلفون محمد محمد : يعني بسمة حياتي اخت قاسم وصايرة عندهم مشكلة والله ياليتي يا بسمة اقدر اساعدش واكون بجنبش حبيبتي . محمد حس الى نفسه ان قال حبيبتي محمد : حبيبتي . معقولة قلتها بعفوية الى هالدرجة انا احبها . اخ اخ اخ فعلا ربك ينزل المحبة بقلبك من غير ما تدري صدق ما اعاتب الي يحبون والي يسوون المستحيل عشان حبهم ريم راحت مع حسين وحنان عشان يكملون اغراض المدرسة من ثياب وجواتي وغيره من هالاشياء . وكمل اليوم بسلام امل وهي على سريرها ومجودة التلفون شافت التاريخ : ما باقي شي على المدرسة وانا ما اخذت لي اغراض ولا شي وشلون اخذ وهناء ومو معاي . وفي هالوقت ترفع يدها الى ربها : يا ربي احفظها بعينك التي لا تنام ليس لدي غيرك اتوجه البه بهذه المصيبة يا ربي يا كريـ واقطع دعاءها صوت التلفون امل : الوو ......: الو امل امل : أي نعم منو ؟ ......: معاي مستشفى السلمانية امل فزقت من مكانها : المستفى شصاير ؟ السكورتير : احنا معانا هناء بالمستشفى وشفنا تلفونها اخر المكالمات كانت من رقمش واسمش موجود امل امل : هنااااء . أي أي احين جاية امل وهي تشكر ربها : شكرا لك يا رب شكرا لك يا ربي اسرع دعاء استجاب لي هذا شكرا يا ربي وبسرعة تلبس شيلتها وعباءتها وتطلع الى غرفة قاسم شافته محد . دقت عليه شافت رقممه مغلق امل : يا ربي شسوي ما ابي اقعد امي ماليي الا اطلع واروح المستشفى بتكسي وتطلع امل من بيتهم ولما وقف لها تكسي وهي طول الدرب فرحانة وااجد انها لقوا اختها هناء وفي الفندق احمد : بغيت شي ...... وهو يتكلم كلام بميوعة بسبب الخمر: أي يا وليدي ابي خمممر احمد : حاضر يا ؟؟ .......: ابو قاسم . لو تدري بل بل ما ابي قاسم خله مناك احمد وهو ما فاهم شي : يعني شلون .......: عبد العزيز قولي عبد العزيز وقام يقول اسمه على لحن : عبببد العزيز عبببد العزيز ايوة . يالله عطني الخمر احمد وهو يضحك على شكل عبد العزيز : هههههه ان شاء الله يا له من زمن ليس له نقود لشراء الحاجيات المهمة وله نقود للسهر وشرب الخمر ليس لديه وقت للبحث عن هناء وله الوقت للسهر واللعب لا يتشرف ليربي ويصرف على لقيطة ولكن له شرب عن يكون من رواد هذا الفندق القذر فعلا لو كنت املك قنبلة ذرية لفجرت كل هذه الفنادق التي تجلب لنا الدمار وتفسد ابناء اليوم وفي المستشفى اول ما وصلت امل امل : دكتور خبرني شحال هناء الدكتور : محد معاش من الاهل امل : لا انا بروحي اقدر اخذ هناء معاي في التكسي مو مشكلة الدكتور وهو ينزل راسه : ما يصير يا بنيتي لازم احد معاش من الاهل امل : ومنو يعني الدكتور : الام او الاب او أي احد من خوانش او خواتش امل : انزين خلني بس اشوفها وبعدين اتصل فيهم الدكتور : ما يصير يا بنيتي امل : انزين بتصل امل وهي تدق على منى منى وهي نعسانة : الووووو امل بفرح : منى منى قعدي ترى هناء حصلوها في المستشفى احين بس مو راضين يدخلون عليها الا لما معاي احد كبير منى بفرح : صدق خلاص احين اناا جاية امل : أي واتصلي فيهم كامل عشان هناء تستانس وتحسكم جنبها منى : ان شاء الله باي منتظر : عسى ما شر منى منى بفرح : كل الخير كل الخير لقووو هناء احين في المستشفى منتظر : صدق يالله خلينا نروح قعدي بنتش وبسرعة منى برزت روحها ودقت على قاسم الا كان تلفونه مفتوح في هالوقت وفرح ومر على امه واخذ اخوه معاه ولما بتول وصلها الخبر كانت في الامارات وفي المستشفى امل : دكتور هذولا اهلي يالله دخلنا على هناء الدكتور : انا ما حبيت اقولج الخبر بروحش لانش صغيرة قاسم وهو يخاف : عسى ما شر دكتور الدكتور وهو منزل راسه باسى : هناء كانت تبي تعبر الشارع وللاسف الشديد صادها حادث امل وهي خايفة : شخبارها احين ؟ الدكتور : للاسف البقى براسهم امل وهي تجود الدكتور : انت شقاعد تقول انت قلت بدخلني على هناء ليش تجذب لييييش تعال اوقف لا تروح انا اكلمك قاسم : بس بس امل خلااص امل : لااا انا ابي اروح الى هناء هذا يجذب قاسم لا تصدقه منى وهي تحضن بنتها وهي تصيح وعبدالله قعد على الارض يصيح كلهم مو مصدقين الى سمعوه امل وهي تصيح : لييييش ماني ابي هناء قاسم خلني هد يدي بروح اشوفها قاسم وتطيح دموعه : خلاص يا امل خلاص ام قاسم وهي منتهبة على الكلام : قاسم امل منى عبدالله ليش تصيحون هذا قاعد يمزح صدقوني قاسم وهو خايف على امه : يمه صلي على النبي ام قاسم وهي تبي تروح الى غرفة هناء : خلوني بروووح هدوني قاسم وهو يجود امه : يمه صلي على النبي ام قاسم وهي ومو قادرة تستوعب الى قاعد يصير فسلمت نفسها وطاحت مغشي عليها وامل تصيح من كل قلبها واما الابو في الفندق يلعب ويشرب ولا يهمه من حواليه انـــــــا وايش حال قلبي من فراق من فراق انـــــــا واااااااااااه حسرتي يا زود حزني زود حزني انـــــا وشلون في لحظة عناقك خذاك الموت مني غصب عني غصب عني انـــــــا وشلون في لحظة عناقك خذاك الموت مني غصب عني غصب عني وتوفت هناء وتركت هذي الدنيا باللي فيها.. تركت حلوها ومرها.. تركت أهلها وكل من يحبها.. تركت للمجرمين عذاب الضمير.. تركت سرها.. تركت حزن الدنيا في قلوب من حولها. رحلت كفراشه تفرد جناحيها في السماء وكأنها تقول.. عفوآ لن أستطيع العيش في دنياكم.. فبياض قلبي وطهارته لاتحتمل شروركم ومكركم. بكت على رحيلها القلوب قبل الأعين.. فقد جملها الله من الداخل والخارج.. لقد كانت ساره تستحق ان ترى جمال الدنيا وروعتها ولكن الدنيا أرتها جميع انواع الألم.. ألم الظلم .. ألم الذل من أحقر البشر.. ألم الحرقه.. سلبت منها الدنيا كل شيئ .. وبهكذا رحلت الرحيل الذي تقفل بعده كل الأبواب.. رحلت لحياة أفضل. وداعآ يا هناء يامن حملتي سرآ أعيا قلبك الطاهر.. ارقدي بسلام يا هناء اطمئني .. فلن يضيع حقك ابدآ.. وفي بيت ام قاسم والاوادم تدخل وتطلع يخلفون عليهم ...... : عظم الله اجرش منى : اجرنا واجرش .......: عظم الله اجرش امل : اجرنا واجرش وفي المجلس وكانوا يخلفون بس على قاسم وعبدالله . لان عبد العزيز رفض الحضور لانه ما يبي يعترف قدام الكل انها بنته والكل استغرب من عدم وجوده مرت ثلاثة ايام الوفاة وكانها ثلاث سنوات ام قاسم مرقدة في المستشفى من اغمي عليها لهذا اليوم لحين ما وتعت . وللاسف الشديد صادتها جلطة في الدماغ . وبسببه صادها شلل كلي في بيت ام قاسم منى : امل امل بعيونها الحمران تناظر اختها : نعم منى : بكرة المدرسة امل : انزين منى : متى بداوين امل : انا ما اخذت لي شي . وبصراحة ماليي نية اداوم ولا شي بقعد في البيت منى : ترى لو هناء عايشة ما بترضى ولو امي موجودة معانا بعد ما بترضى امل انتي شطورة ولا تخلين الضروف كلها ضدش امل : ان شاء الله . يالله انا بقوم ارتاح اول ما راحت امل حجرتها طالعت سرير هناء طاحت عليه وقامت تصيح امل : صدقيني يا اختي باخذ حقش منه وبخليه يندم على الي سواه وبشوف وبخليه يعرف ان في وراش اهل وراش اخت تعزش وتحبش طالعت الكمبيوتر بمكر وتوعدت على نفسها بالانقام قعدت على الكمبيوتر ومباشرة راحت الموقع وشافت الرسائل الي من صديق احمد ( محمد ) وبعدين راحت الجات ولقت وللحياة طعم اخر وللحياة طعم اخر : اهلا بسمة بسمة حياتي : هلا محمد مع نفسه : اقولها عظم الله اجرش لكن ..... وللحياة طعم اخر : شخبارش عساش بخير ؟ بسمة حياتي : ومن وين بجي الخير دامي عرفتك وعرفت صديقك وللحياة طعم اخر : بسمة انا مالي ذنب بالي سواه بسمة حياتي : تدري ان اختي غادرت الحياة وللحياة طعم اخر : عظم الله اجرش بسمة حياتي : اجرنا واجرك بسمة حياتي : ومستحيل اسامحكم وللحياة طعم اخر : قصدش مستحيل اسامحك لان بس احمد بسمة حياتي : بس احمد ؟؟ لا لا انت معاه طبعا وللحياة طعم اخر : انا ما سويت شي بسمة حياتي : يقولون لك اذا تبي تعرف شخص اسال عن صديقه وللحياة طعم اخر : لكن انا كان صديقي احين خلاص بسمة حياتي : لحظة انت شنو تبي مني وشنو سالفة الرسائل بسمة حياتي : اعرفك شنو تبي وعارفة نيتك بس اسمعني انا غير وغير مو الي في بالك انا عارفة الشباب وطابختهم طباخ وللحياة طعم اخر : لا لا تفهمين قصدي جدي والله مو هذا قصدي بسمة حياتي : عجل شنو تفسر هالرسائل الى لا وحدة ولا ثنتين ولا حتى ثلاث وللحياة طعم اخر : كنت احاتيش اشوف لج مدى ما دخلتين بسمة حياتي : ومنو انت عشان تحاتيني ها ؟ قولي منو بسمة حياتي : تبي تفهمني انك مهتم فيني وجدي . على فكرة انا ما تمشي عليي هالخطط ولا الكلمات المعسولة وللحياة طعم اخر : ليش ماخذة عني فكرة مو زينة ليش ؟ بسمة حياتي : لان بسبب صديقك ودعت اختي تعرف يعني شنو ودعتها يعني خلاص ما بشوفها وبسببك امي في المستشفى خلاص ما بترجع لي مثل قبل وللحياة طعم اخر : الله يرحمها برحمته لكن مو انا السبب السبب هو احمد بسمة حياتي : احمد او انت اهم شي بسببكم صدقني اكرهم وودي اليوم قبل باجر اشوف صايدنكم شي تندمون عليه ومن كثر الندم تعضون اطراف ظفركم وللحياة طعم اخر وبطريقة عفوية : امل يعني تكرهيني ؟ هني امل انصدمت : شلون هذا يعرف اسمي بسمة حياتي : من وين عرفت اسمي محمد هني انتبه على روحه وللحياة طعم اخر : هاا لا لا سلامتش بسمة حياتي : هي انت ناوي علي بشنو قولي شلون عرفت اسمي؟ وللحياة طعم اخر : صلي على النبي بسمة حياتي : اللهم صلي على محمد وال محمد . لكن خبرني شلون عرفته ما اذكر مرة خبرتك وللحياة طعم اخر : اخبرش بس توعديني ما تتركين الجات ولو في اليوم تدخلين 5 دقايق امل : بدينا بالكلام المعسول والله لا اخليك تندم بسمة حياتي : انزين قولي من وين؟ وللحياة طعم اخر : انا اعرفش واعرف اختش هناء ودريت انها توفت بحادث قبل لا تخبريني واعرف اخوش قاسم هني امل تيبست مكان وبسرعة طلعت من النت حتى قبل ما تقول له بااي او أي شي . يعني فعلا موقفها صعب حطوا نفسكم مكانها شوفوا شنو يصير لكم امل وهي فوق السرير : بسم الله شلون يعرف اخوي قاسم . مبييييييييييي خايفة قالوا الى قاسم عن هناء ما ابي قاسم ياخذ فكرة عن هناء مو زينة ميتة او حية يا ربي ساعدها هالفقيرة من شر هالذئاب ما نجت منهم وهي حية نجها منهم وهي ميتة يا ربي يا كريم توقاعتكم : * احمد شنو نهاية عمله في الفندق ؟ * عبد العزيز وعرفنا انه رجال ليش فقط قاسي القلب بل اكثر ؟ ما الذي سيحدث ؟ * ام عمار موافقة على دعاء ؟ هل من الممكن تصير عوائق ؟ ودعاء بتوافق او لا ؟ واذا لا بسبب ايمن ( ولد خالتها ) او لسبب ثاني ؟ * بتول وسافرت الامارات بروحها مع عيالها ؟ شنو نيتها ؟ وشنو من الممكن يصير في الامارات ؟ * محمد وحبه الى امل ؟ وكره امل الى محمد ؟ شنو نهايته ؟ ولا تنسون ان امل ماخذة فكرة كلش مو زينة عن محمد ؟ * امل بتكلم دراستها او ؟؟؟ * ام قاسم بظل في غيبوبة والشلل الكلي الي صادها ؟؟ * هنــــــــــــــــاء بطلتنا انتقلت الى رحمة الله ؟ كيف ستكون القصة بدونها ؟ مع تحياتي | ||||
|
| |
|
18-07-19, 09:57 PM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الثاني من الجزء التاسع 9 \ 9 اول يوم دراسي . في بيت ام ابراهيم هديل وهي تنزل من الدرج وتلف شيلتها هديل : صباح الخير يمه ام ابراهيم : صباح النور والسرور . وين اختش مها عجل ؟ هديل : احين بجي وفي هالوقت تنزل مها مع اخوها ابراهيم ويصبحون على امهم هديل بعد ما كملت اكلها وقفت وقامت تدور الى امها : شرايش بالستايل الجديد ؟ ام ابراهيم وهي تضحك على بنتها : حلو عليش البني والكحلي ثنينهم حلوين هديل : وععع لا تذكريني باعدادي ما بغيت افتك منه الكل : هههه ابراهيم : يالله انتظركم في السيارة وفي بيت ام قاسم . عبدالله قعد من النوم جاف اخته نايمة عبدالله الى امل الى نايمة : امل امل امل :.... عبدالله : امل قومي اليوم مدرسة ابي اروح المدرسة امل : مممم منو ؟ عبدالله : انا عبود امل قومي قعدي امل وهي تقعد على السرير وتحك عيونها : عبود ليش مقعدني من صباحة الله خير ؟ عبدالله : امل شوفي الساعة كم اليوم مدرسة يالله قومي امل وهي حزينة ومنزلة راسها : تبي تروح المدرسة بشنو ما عندنا الثياب ولا اغراض ولا شي عبدالله : بروح بثيابي مال اللعام امل : لكنهم حالتهم حالة عبدالله : لكن ابي اروح احين امل : شوف عبود احين انت نام بكرة يصير كل خير عبدالله وهو حزين : انا بنام لكن اذا امي ردت قعدت بقولها انش ما خليتيني اروح المدرسة ونام على سريره وهو حزييين ودمعته على خده واما امل ما عرفت شلون تتصرف في المدرسة هديل وهي تشوف قائمة الاسماء الي معاها في صف هديل : مناااااااااال منال ( صديقة هديل وامل ومريم ) : نعم شسالفتش؟ هديل : الااااااي كلنا في صف واحد حتى امل معانا مريم : الااااااااااي فديتها امولة هديل : مريم تتوقعين امل تحظر اليوم؟ منال وبحزن : انا اتوقعها ما بتحظر مريم : ولا اناا هديل نزلت راسها باسى ولما طق الجرس في الفصل . المدرسة وهي تقول الاسامي عشان تعرف من الحاضر ومن الغايب المدرسة : امل عبد اللعزيز وما سمعت رد المدرسة بصوت اعلى :امممممممممل عبببببببببببد العزييييييييييز هديل : استاذة امل محد المدرسة : من اول يوم في المدرسة اهمال وما حضرت والله حالة هالجيل مريم ما قدرت تسمع عن صديقتها جدي : استاذة امل من اشطر الموجودين وانتي شوفي نسبتها وتاكدي الاستاذة وهي تطالعها من طرف عيونها : من اول يوم في المدرسة طوالة لسان مريم : لما الواحد يدافع عن حقه وحق صديقه يسمونه طوالة لسان امل متوفية اختها وهذا اليوم الرابع عن وفاتها وامها مو موجودة معاهم في البيت وعندها ظروووووف واجد ما خلتها تحضر المدرسة سكتت ونطمت وعلى الساعة 9 الصبح قعد قاسم وراح حجرة اخته قاسم لاحظ ان امل مو نايمة : امل انتي مو نايمة؟ امل وهي تحاول تخبي دموعها : لا لا انا قاعدة قاسم ولاحظ دموعها وقعد على السرير : يا امل هذي قدرة الله وهناء وراحت من هالدنيا وارتاحت وامي الله يعلم بحالها صادتها جلطة في الدماغ ونتج عنه شلل كلي يعني امل الشفاء بيد المستشفى مستحيل واملنا عند رب العالمين فقط امل نزلت راسها بحزن قاسم : ويالله احين قومي غسلي وجهش وقعدي اخوش بوديكم تشترون لكم اغراض للمدرسة امل : قاسم لكن انا ابي اقعد في البيت منو بيقعد فيه قاسم : اذا تبيني ازعل قعدي في البيت ويطلع من الحجرة ويتركها بين نفسها وبين حلمها في التخرج بمراتب عليا امل استسلمت لرغبتها في الدراسة وقعدت اخوها الى فرح بالخبر ولما قاسم شاف امل لابسة فرح واااجد لان امل في النهاية بتكمل دراستها . وراحوا سوى ياخذون الاغراض للمدرسة وفي مدرسة الاعدادية الساعة 10 وقت الفسحة حنان وهي تمشي بروحها ومو عارفة تمشي مع منو .........: حنان حنان : نعم خولة : انا خولة الي معاش في صف ليش تمشين بروحش ؟ حنان بخجل : لاني ما اعرف احد خولة : يعني مثلي اني توني متحولة في هالمنطقة وما اعرف احد فيها حنان : اهاا خولة : انزين يالله امشي ناكل قبل لا تكمل الفسحة حنان وهي فرحانة ان لحقت احد ياكل معاها : ياللــــــــه وفي القرطاسية امل : قاسم شرايك بهذي الشنطة حلوة ؟ قاسم : أي أي حلوة خصوصا ان لونها وردي بناتي امل : خلاص باخذها قاسم :ا نزين اخذي ليش وحدة ثانية امل : لا لا وحدة كفاية ما ابي اكلف عليك قاسم : امل انا اشتغل عشانش انتي وعبود واخذي ترى معاي فلوس كفاية امل وحاسة بالخجل : ان شاء الله ومن صوب ثاني عبود لما شاف شنطة حلوة على رسوم ( يوغي يو ) بسرعة راح يركض عبود : امل امــ . وهني يصدم بشخص ويطيح ومعاه الشنطة ....... : بسم الله عليك شوي شوي وهني قاسم انتبه الى اخوه طايح ويروح له ومعاه امل قاسم : عبود بسم الله عليك عسى ما تعورت عبود وهو يوقف وينظف ثيابه : لا لا ما تعورت ........ : قاسم !! قاسم وهو يطالع الصبي الي دعمه اخوه وفي نفس الوقت الي يناديه : محممممممد محمد وهو يضم قاسم : شخبارك ؟ قاسم : بخير ربي يسلمك وانت شخبارك محمد : بخير ربي يسلمك . شفيك جاي هني ؟ قاسم : سلامتك اخذ اغراض الى امل وعبود محمد لما سمع اسمع امل انبهر وقام يطالع البنت الي قاعدة تنظف ثياب الولد وامل اول ما كملت من تنظيف ثياب اخوها وقفت وبالصدفة كانت مقابلة محمد وقــــــــــــف الزمـــــــــن ولا يـــــــوجد شــــــــيء يتحـــــــرك غيـــــــــر محـــــــــــــــــمدღღ امــــــــــــل تلاقت الانظار مع بعضها وكل شخص تفجر الحب في قلبه ورضى بما كتبه الله لهم بحبهم لبعضهم حب عذري فهذه المرة الثانية يتلاقون . وياما تلاقوا في عالم النت بعد ما كمل الكل الدوام . في بيت ام ابراهيم هديل : يمه دريتين ان انااا وامل في صف واحد ام ابراهيم : امل ... امممم أي امل ؟ هديل : امل اخت قاسم ام ابراهيم بفرح : والللللله سالتينها عن قاسم عساه بخير والله وحشني واااجد اخر مرة شفته لما اعزيه بوفاة اخته تكلمي قولي شي اكيد تمام هديل وهي تضحك على امها : هههههههههههههههههههه ههههههههههههههه يمه انتي عاد عاطتني مجال اتكلم . اصلا امل ما داومت شلون تبيني اسال عن حال اخوها اول خلني اسالها عن حالها ام ابراهيم باسى : خساااارة وفي هالوقت يدخل ابراهيم : السلام عليكم ام ابراهيم وهديل : وعليكم السلام ابراهيم : ياللللللللله يمه حطي الغذاء جوعان واااااااجد ام ابراهيم : هههه يالله روح يا وليدي بدل وناد في دربك مها ودعاء ابراهيم : ان شاء الله وبعد شوية اجتمعوا كلهم على الغذاء ومها وهديل كل وحدة تقول شنو سوت في اول يوم وفجــــــــــــاة يسمعون صوت جرس وتطلع الخدامة اشوف والكل ينتظر احد يدخل يبون يشوفون منو زايرهم في هالوقت الغريب ميري : ماما ام ابراهيم هذي قاسم في يجي ام ابراهيم لما سمعت اسم قاسم نطت من مكانها : وليدي قاسم وتقوم تركض نحو الباب اما البنات كل وحدة بسرعة راحت تتغطى وهي فرحانة اول ما دخل قاسم قاسم : السلام عليكم . ويبوس راس ام ابراهيم ام ابراهيم ونظراتها كلها حنان وحب الى ولدتها التي لم تنجبه : تبوس الكعبة يا وليدي قاسم : شخبارش يمه ؟ ام ابراهيم : بخير ربي يسلمش قاسم وهو يوجه نظره الى اخوه ابراهيم : وحشتني يا الدب ابراهيم وخو يحظن اخوه : ما يوحشك غالي وفي هالوقت بنزلون البنات ويسلمون على قاسم ويسالون عن حاله واما مها كانت في حالة يرثى عليها واحشها وااااااجد من زمان ما شافته ولا شافت ضحكته قاسم : يوووو قعدت معاكم ونسيت خواني برى والله حالة الكل : هههههههه ابراهيم : روح روح جيبهم مساكين مقعدنهم في الشمس ويطلع قاسم لهم قاسم : شوفي امل وعبود احين بدخلهم هالبيت هذا البيت الي ضمني والي علمني والي خلاني اشتغل امل : ان شاء الله ولما دخلت امل وعبود عبود وامل : السلام عليكم الكل : وعليكم السلام وتركض هديل تحظن امل : امل شخبارش ؟ امل منصدمة : هديل شسوين هني الكل : ههههههههه هديل : هذا بيتنا ويا وجهش امل وهي مصدومة ومبطلة عيونها على الاخر والكل يضحك على شكلها امل وهي توجه نظرها الى قاسم : وليش ما قلت لي؟ قاسم وهو يسوي روحه بريء وينزل راسه وبعدها الكل اجتمعوا وقاموا ياكلون وعلى الساعة 4 العصر في بيت ام حسين ريم الى امها : يمه احين بطلع تامريني بشي ؟ ام حسين : على وين ؟ ريم : بروح ادور ليي شغلة ام حسين : روحي وتروح ريم اداور من شركة الى شركة وكل شركة يقولون لها بنتصل فيش وفي الامارات باالتحديد في الفندق الي عايشة فيه بتول وعيالها دلال : يمه اليوم اول يوم مدرسة ليش ما رجعنا الامارات بتول : افففففف ما تخلون احد يستانس المهم احين اني بنزل السوق دقايق وراجعة اني حطي بالش على فطوم وملاك وتروح بتول وتترك عيالها بروحهم وفي المطعم بتول وهي تشرب العصير : شقول لك يا ياسر العيال يبون يرجعون البحرين تعرف مدارس ياسم : صار لي سنة اعرفش واول مرة اخذ راحتي معاش في الطلعة واحين تبين تنهين هالحلم الي عايشنه مع احلى وحدة بسرعة بتول : شسوي تبيني اطلع معاك في البحرين واسوي ليي فضيحة ياسم : والله حرام عليش الي تسوينه فيني بتول انا احبش وابيش ليش ما تطلبين الطلاق من هذا زوجش بتول : لا تعصب يا ياسر انت انتظر شوية وما بصير الا الي انت تبيه ياسم : انزين حبيبتي قبل ما ترجعين البحرين تعالي معاي شوية بتول : وين؟ ياسر : انا ماخذ لج هدية قلت بعطيش اياها لما ترجعين البحرين وما جبتها معاي لان ما توقعت ان بترجعين بهذي السرعة بتول : ولا يهمك حبيبي الي جاي اكثر ياسر : انزين يالله مشينا بتول وهي تحمل شنطتها : مشينا محمد اول ما وصل بيتهم كان عايش في حلم . في النهاية طالعتني الااااااااااي كنت اتمنى يوقف الزمن يا ليت في هالوقت امر على كل ساعات العالم واشيل البتري منهم ( البطارية ) عشان يوقف الزمن واظل امل اطالعني الاااااي يا محلى نظرتها الاااااي عرفت اسمها امل وعطتني كل الامل في الحب وكل شي امل في الحياة وفي الدنيا وفي الفرح يا محلى اسمها والله . وبسرعة يقعد على الكمبيوتر في المنتدى والجات ينتظر دخول امل وبتول وياسر اول ما وصلوا الفندق دخلت الغرفة الي مستاجرنها وقعدت على الكرسي تنتظره يجيب الهدية قعد ياسر قريب منها : الاااااي صدق انش حلوة بتول وهي تبتسم : عيونك الحلوة وتقرب منها اكثر : انتي ملاك بتول بخجل : تسلم لي وتقرب منها اكثر : اتمنى يجي اليوم الي يجمعا بتول : باقرب وقت ان شاء الله تقرب منها اكثر واكثر واكثر واكثر واكثر واكثر واكثر ....... وحدث مالم يكن في الحسبان . وكان الشيطان ثالثهما حسبي الله ونكمل الوكيل بتول وهي على السرير تصيح : ليش يا ياسر ليش كنا قريب بنتزوج وبتسوي الي تبيه ليش ؟ ياسم وهو يقدم لها قلاص ماي : بس يا حبيبتي يا بتول ان شاء الله بنرتبط وبنصلح غلطتنا بتول : حرام عليك شوف انا بطلب الانفصال عن منتظر باقرب فرصة واول ما انفصل تجي تخطبني ياسر : حاضر ولا يهمش بس خلاص لا تصيحين دموعش غالية والله بس لا تقطعين قلبي اكثر وفي بيت ام قاسم اول ما رجعوا عبود وامل في الحجرة وقاعدين يعدلون الاغراض عبود وهو يطالع في شنطته : امل حلوة شنطتي ؟ امل وهي اطالعها : أي واااااااجد حلوة عبود : حتى شنطتش حلوة وبعد ما كملوا كل شي عبود راح يطالع رسوم وظلت امل بروحها في الغرفة وبعد ما كملت قعدت على سريرها وقامت تفكر : محمد هذا هو وللحياة طعم اخر ليش افكر فيه ليش اول ما شفته حسيت بشعور غريب ما ينوصف ... وبعد مدى تذكرتاتمنى تقطعين علاقتش في صديقه اول ما تكمل هالسالفة لاني متاكدة انه ذئب بشري مثلصديقه لكن هناء قالت لي اقطع علاقتي فيه اول ما تكمل السالفة واحين خلاص كملت السالفة . قامت تطالع سرير اختها تمنت تكون موجودة .. وفجاااااة انتبهت لوجود ورقة تحت موسدة هناؤ وبسرعة راحت تقراها اكتب خطابا ينضج بعبارات الندم واللوعات لاحد الدعاة اخاطب به ميت القلب الخائن الشاب الذي قاربت طبائعه طبائع البهائم والخنازير الذي لم يفتكر الا بمتعه غير ابه بما سينالني من الام واحزان مريرة . بسم الله الرحمن الرحيم إليك يا من أحرقت أنوثتي، إليك يا من تركتني وخلّفت في صدري جرحاً لن يلتئم، إليك يا من عَلّمتني خيانة ربي وأهلي وعرضي ، إليك يا من تركتني بلا أمن ، إليك أنت يا من سرقت عِفّتي بكلماتك المعسولة أبعث هذه الرسالة المحشوة بالألم وكم أتمنى أن تسمعها بقلبك قبل سمعك إن كان لك قلب!!! ألا تعلم أني ما زلت أتذكرك.. نعم.. عند غروب كل شمس وإطلالتها أتذكرك ، عند سكون وقت السحر أتذكرك بدعوات حارة ودموع حارقة وآهات معذبة قاسية.. نعم .. أتذكرك بدعوات مظلوم وأسأل الله تعالى أن تكون من الدعوات المستجابة التي تمزق السعادة في حياتك .. نعم .. إنني أسأل الله أن يرد عليك ذاك الدَّيْن في محرم من محارمك.. كيف يَهنَأُ لك رغد العيش وحلو الطعام وبرد الشراب وليونة الفراش والمنام وأنت الذي بترت معنى السعادة في حياتي وأنت الذي قتلت شرفي ومزّقت عرضي وسرقت زهرة شبابي وأنوثتي وتركتني أعيش مرارة الأسى لوحدي تمزقني كل يوم نظرات من حولي ، لك أن تتخيل فتاة تعيش بلا شرف بلا عفاف بلا أمل . لقد حطمت محطة الأمل وكسرت صورة الأحلام في حياتي .. لقد أخذتني بكل شيء ثم رميتني بلا شيء.. لقد انتهيت الآن وبقيت زهرة بلا عبير ليتك حين حَطّمت معنى السعادة في قلبي قتلتني بموتة واحدة لأني الآن أُقتَل كل يوم فهل تدرك هذا؟! هذه الرسالة من القلب الذي يحبك حب عذري لهذا اليوم هني سالت دمعة امل على خدها : مستحيل اصدق محمد لو شنو يصير مستحيل وبعدها راحت للورقة الثانية مسحت دمعتها الى على خدها وقالت في نفسها : يا بعد عمري يا هناء اذا كانت امنيتش قبل ما تغادرين الحياة ان هالرسالة توصل الى احمد اكيييد بتوصل الى احمد . نامي وانتي مرتاحة يا بعد العمري بتوصل له لو على قص رقبتي وبعد تذكرت : هناء قالت في بداية الرسالة (( الى اختي التي ليست من لحمي ودمي )) شقصدها بهذي العبارة وليش هي مو اختنا بقوم اسال قاسم .. يووو لكن قالت اخليه سر يا ربي ما اقدر استفسر ولا شي . وعلى الساعة 5 في بيت ام ابراهيم في حجرة البنات وهم يجلدون ( يغلفون ) الكتب هديل : اصدقون اليوم واحنا في الصف والمعلمة تنادي اسامينا تشوف منو الحاضر ومن الغايب دعاء ومها : أي هديل : قالوا اسم امل ولما ما سمعت كلمة نعم تقول اوادم خايبة من بداية السنة غياب دعاء : بللللللل !! هديل : لكن مريم ما خلتها ردت عليها مها : وبعدين ؟؟ هديل : المعلمة سكتت وانطمت هههههه دعاء : ههههههه مها : بعد عمري امل كسرت خاطري لما جت البيت دعاء : أي مسكينة احين مافي بنت معاهم في البيت تقوم فيهم تشوف طلباتهم هديل : أي والله مسكينة الله يساعدها وفي بيت ام حسين ريم : انزين وبعدين ؟ حنان : وبعدين لما طق الجرس قمت امشي بروحي في المدرسة حسين : على عمري والله انزين وبعدين ؟ حنان : وبعدين ما اشوف الا وحدة تناديني طلعت معاي في صف واسمها خولة وشكلها بعد جديدة في المدرسة تقول انهم توهم متحولين هني وما تعرف احد وقمنا ناكل ويا بعض ريم : اشوى يعني حصلتين احد معاش ؟ حنان : أي وبعدين على نهاية الدوام قالت تبي شي اسمه ميل ما ادري شنو اقول لها شنو يطلع هذا بعد ريم وحسين جودوا بطنهم من الضحك : هههههههههههههههههههههه ههههههههههههههههههههههههه ه ههههههههههههههههههههههههه هه حنان اطالعهم بنص عين : شفيكم تضحكون؟ حسين وهو ياخذ نفس: هههههه قصدش ايميل حنان : أي أي ايميل قالت شنو يطلع هذا بعد ؟؟ ريم وهي تضحك : ههههه مساكين احنا والله شوفي يا حنان هذا ايميل يتعلق بالكمبيوتر والانترنت حنان : يعنيي جدي حسين : أي جدي ريم : ان شاء الله اول ما احصل وظيفة بشتري لكم كمبيوتـ .. وحتى قبل ما تكمل جملتها رن تلفونها ريم : الووو ......: الو السلام عليكم ريم : وعليكم السلام .......: ريم عبد العزيز ريم : أي نعم منو ؟؟؟ !! السكرتير : احنا من شركة ..... احنا شركة جديدة ومحتاجين الى شخص مثل خبراتش اتمنى الحضور بكرة الساعة 8 الصبح عشان تجري المقابلة الاولى ريم وبفرح كبير : ان شاء الله السكرتير : استاذن ريم الى اخوانها : يا ليتني طلبت مليون حنان : ليش؟؟ ريم : لاني قلت اول ما احصل عمل بشتري لكم كمبيوتر الا شركة متصلة فيني تبيني حسين : طوفة ملاك ريم وهي توقف وادور : الااااااي شكثر فرحانة في النهاية برجع اشتغل حسين وحنان : مبروووووووووووك ريم : الله يبارك في حياتكم غابت الشمس وجاء الليل بدماسة لونه يعلن غروب الشمس وظهور القمر الساعة السابعة والنصف مساءا في بيت ام قاسم عبد الله وهو يعدل اغراضه : الااااااي فرحان امل ان بكرة بروح المدرسة امل : وانا اكثر منك عبدالله : أي صدق امل عطيني ثلاث ربيات بروح اخذ ليي اكل للمدرسة امل وهي تفكر : ما عندي ولا ربية لحظة بقول الى قاسم امل وهي تنادي قاسم الى قاعد يتصفح في ملفات ( تخص عمله ) : قاااااسم قاسم : هلا امول امل : ممكن ثلاث ربيات الى عبود لو تدري اربع عشان ياخذ اياه ليي عصير قاسم : تعالي امول انتي وعبود وتقربوا من اخوهم امل : نعم قاسم : اممم الثلاجة ما فيها شي ولا عندنا اكل ولا شي شرايكم نروح السوبر ماركت ناخذ لنا الي محتاجينه عبود : عاش قاسم عاش امل بطرافة : عاش عاش عاش قاسم وهو يبتسم الى اخوانه وفي قلبه : الله يقدري ارجع البسمة في حياتكم وفي هالوقت يرن تلفون امل امل : هلا مننووووي منى : اهلا امولة شخبارش ؟ امل : فوق النخل منى : شنو اسوين امل : ههههه اخذ ليي خلال منى : ههههههه انزين سمعي احين بمر عليكم امل : الاااااااي حياش الله منى : مسوية معكرونة بالباشميل وبتعشى معاكم بعد امل : اييييوة اليوم الفرح نازل علينا منى : ليش في احد غيري فرحكم امل : أي تعالي البيت وبخبرش منى : اوكي باااي امل : بوسي زهور باااي قاسم : هذي منى ؟ امل : أي بتجي على عمري مسوية لنا معكرونة بالباشميل قاسم : خلاص ننتظرها ونروح كلنا السوبر ماركت عبود وهو يحضن اخوه : شكرا قاسم لا تطلع من البيت مرة ثانية قاسم وهو متلون انه غاب عن بيتهم الفترة الاخيرة : مسستحيل اطلع يا احلى اخو امل : مو كانكم نسيتوني الكل : ههههههه وكان الجو واااجد حلو في بيت ام قاسم . الله يرجع البسمة في حياتهم امين وفي بيت ام حسين اول ما وصل عبد العزيز استلمته جميلة ( ام حسين ) في الحجرة ام حسين : احين زنبو وفي المستشفى وهناء ماتت يا علها في نار جهنم ان شاء الله ومحد يعيش في البيت الكبير غير املوو وهذا عبدو وقاسم يعني احنا اولى نعيش فيه ابو حسين : افففففففف يا مرة صدعتينا خلاص ولا يهمش برزوا اغراضكم بكرة اطردهم من البيت ونروح نسكن فيه ام حسين بابتسامة ماكرة : أي جدي احسن ما يحتاج تطرهم بتصل عليهم وبقولهم يشيلون اغراضهم ابو حسين : الي بتسوينه بس خليني انام تعبان وقبل ما تطلع جميلة قامت تعافس في تلفون عبد العزيز .. الله يستر ما ورى هالادمية الا البلاوي واول ما وصلت منى بيت ابوها قاموا يسلمون عليها ويناقزون زهور وكانت فرحانة زهور بشوفتها خالها قاسم منى : انزين امول ما قلتين ليي منو فرحش قبلي؟ امل : قاسم اليوم ودانا ناخذ لنا اغراض مدرسة واااي استانست اخذت كل شي بخاطري وااحين بعد العشى بطلعنا السوبر ماركت ناخذ لنا اغراض قاسم : حياش ام زهور معانا منى : اكيد اني اول ركاب السيارة الكل : ههههههههه منى : انزين قومي راويني الاغراض امل : حياش تعالي الحجرة توهم بيمشون امل : أي تذكرت قاسم قبل ما نروح السوبر ماركت خلنا نمر على امي قاسم : افاااااااا خربتين المفاجاة كنت بسويها لكم مفاجاة امل وهي تمشي : الله تكبر وتنسى قاسم وهو يفر عليها المخدة : يالله روحي ههههه وبعدين رجع قاسم الى الاوراق والملفات وبعد ما كملوا العشاء في بيت ام قاسم منى وهي تلبس عبايتها : امل تراني سويت لكم سندويج ( على جبن ) في المخبزة خليتهم لكم الى بكرة امل : مشكوووورة يا احلى اخت منى : العفو انزين يالله قومي لبسي لا نتاخر وفي هالوقت يرن تلفون منى منى : الووو بتول : قوة منى :اهلا بتول الله يقويش بتول : بس حبيت اتصل اقول اني رجعت من السفر منى : ان شاء الله بنزورش بتول : حياكم الله مع السلامة منى : الله معاش وبعدها مروا على امهم ( ام قاسم ) وهي على حالها حواليها الاجهزة والسيلان ومن هالاشياء وبعدها مروا السوبر ماركت اخذوا فواكه وووو ومن هالاشياء وكمل اليوم والحمد الله بسلام امل وهي تقعد على السرير : شكرا لك يا ربي حسنت من حالتنا المادية والنفسية وكل شي يا ربي لا تحرمنا من وجود قاسم بجانبنا يا ربي يا كريم . وابيك تساعدني اني اوصل رسالة هناء الى احمد واتمنى يا الاهي تنزع الشعور الغريب اتجاه محمد لانه مو في مصلحتي يا ربي يا كريم وتوها بتغمض عيونها الا وتلفونها يرن امل : الووو ......: الو امل امل : أي نعم منو جميلة : انا مرت ابوش امل وهي مصدومة : شنوووو ؟؟ جميلة : الي سمعتيه المهم شيلوا اغراضكم ترى بكرة بالكثير وراء بكرة بنجي نعيش في بيتكم شيلي اغراضش واغراض اخوش عبدالله وقاسم وطلعوا من البيت امل : انتي شقاعدة تقولين غريبة وتتبلين علينا جميلة بعصبية : هيييييييييييييييييييي ماني غريبة ما الغريب الا انتين يا المجنونة قلت لج تشيلين اغراضكم من اليوم واذا مو مصدقتني سالي قاسم ... طن طن طن <<<< سكرت السماعة في وجه امل امل وهي مصدومة وبسرعة تروح الى قاسم وتقوله السالفة قاسم وهو يحرك راسه باسى : حسبي الله ونعم الوكيل امل : قاسم فهمني شسالفة ؟ قاسم : يا حبيبتي يا امل انتي كبيرة وعاقل وابيش تسمعيني بوساعة صدر ........... وقال لها كل السالفة راحت نامت وهي حزينة بتودع البيت الي عاشت فيه كل حياتها فيه ذكرياتها وفرحها وحزنها وماساتها يا لها من فتاة مسكينة لا يكتمل يوم واحد مليء بالفرح نهاية الجزء التاسع توقعاتكم : * وتلاقت الانظار بين محمد وامل ؟ هل من تطورات ولا تنسون ان الرسالة اثرت على امل وااجد ؟؟ * ريم بتوافق عليها الشركة ؟ او بتكون فيه عوائق ؟ * بتول وياسر الشر بعينه وعلمه ؟ شنو نهايتهم ؟ * الرسالة بتوصل الى احمد ؟ واذا أي عن طريق منو ؟ * وجميلة وحققت الى في بالها ؟ وين بعيشون بعدين اذا طلعوا من بيتهم ؟ مع تحياتي بسمة الم | ||||
|
| |
|
18-07-19, 10:09 PM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الاول من الجزء العاشر تفتح عينها البريئة الناعمة تفتحها بصعوبة لان اشعة الشمس في عينها تماما تثاءت واخذت تحك في شعرها الطويل الناعم وبعدها تذكرت انها نامت و دمعتها على خدها وتذكرت تلك الماساة : نعم ساغادر منزلي اليوم يا الاهي . حملت نفسها وذهب للحمام ( يكرمكم الله ) وبعد الانتهاء ايقظت اخاها . امل : يالله عبود تعال تريق لا نتاخر عبدالله : ان شاء الله احين بجي بس بلبس جوتيي قاسم وهو يسكر اخر زرار في قميصه : شنو بارزين ؟؟ امل : أي بارزين تعال اكل لك شي قاسم وهو يقعد : بسم الله وبدوا ياكلين وفي المدرسة اول ما دخلت امل ما كانت تعرف شي في المدرسة ولا وين صفها او المبنى مال اول ثانوي ولا ولا شي قامت تتمشى وفي قلبها تتمنى تشوف احد من ربعها تسالهم منال وهي تصارخ : امووووووووووووولة امل وهي تلف وراها وترسم على شفايفها الابتسامة العريضة : هلا منالي ويحظنون بعض وكل وحدة تسال عن حال الثانية وبعدها اجتمعوا الربع ( منال وامل وهديل ومريم ) وقاموا يتمشون وكل وحدة تسولف شنو سوت في العطلة وفي الشركة ابراهيم وهو قاعد على الكرسي ويتصفع في الملفات والمعاملات ويدخل عليه السوكرتير ماله ( طلال ) : لو سمحت اخ ابراهيم ابراهيم : تفضل طلال : في شركة جديدة واحنا محتاجين نتعامل معاها ابراهيم : أي أي الي سمعت عنها توهم فاتحينها طلال : أي الفرع الجديد الي شركة .... ابراهيم : أي خلاص طلال : تبيني انا اروح او اطرش بديل ؟ ابراهيم : امممم لا بس انا بروح بنفسي عشان اعرف اتعامل معاهم طلال : خلاص ابراهيم : على الساعة 8 وربع او 8 ونصف انا بروح طلال : ان شاء الله تامرني على شي؟ ابراهيم : أي اذا ما عليك كلافة تنادي لي قاسم طلال : ان شاء الله استاذن ابراهيم : اذنك معاك وفي بيت ام حسين ريم : يالله يمه انا ماشية ام حسين : روحي والله يوفقش بس هالله هالله في المعاش مو يقصون عليش ريم وهي تتنهد على تفكير امها : ان شاء الله وتركب ريم سيارتها وعندها امل كبير انها بترد الى الشغل وبتساعد خوانها . ريم وهي تطالع الساعة : احين الساعة 7 الا عشر الحق اوصل الساعة 8 ويا ربي كون لي عون يا ربي يا كريم وفي الشركة بعد ما كملت المقابلة وقالوا رايهم الى ريم تطلع ريم ودمعتها على خدها وفي هالوقت ...... : ريم !! ريم وهي ترفع راسها وتناظر الي يناديها بعيونها الحمران والاستغراب طاغي على ملامح وجها : ابراهيم !!؟؟ ابراهيم وبحنان : عسى ما شر يا الغالية شفيش تصيحين ؟ ريم : سلامتك ما فيني شي ابراهيم : علينا هالكلام قولي يا ريم شفيش ريم : صدقني ما فيني شي بس عيوني شوية تعورني ابراهيم وبنبرة حادة : ريم طالعيني في عيوني وقولي ليي ما فيش شي ريم وهي تنزل راسها وتجاوبه بالسكوت ابراهيم وهو يتنهد : قولي ليي شفيش ؟ ريم وصوت البكاء غالبنها : امس كنت مقدمة على وظيفة في كذى شركة واتصلوا فيني هالشركة وربي الي وراء سبع سماوات ان كانت المقابلة من احسن ما يكون وجاوبت على الاسئلة بكل جرئة وشجاعة ولكن .... ابراهيم باهتمام : لكن شنو ؟؟؟ ريم بتردد : لكن .. لكن ( وهني سالت دمعتها ) وقت ما بقوم امشي شافوني عرجة وبهذا رفضوا ابراهيم وهو متلوم في داخله ويحرك راسه باسى ريم بحزن كبير : يالله استاذن وتوها بتمشي استوقفها صوت حنون ابراهيم : ريم ريم وهي توقف : نعم ؟؟ ابراهيم : ريم ممكن طلب ؟ ريم وهي مستغربة : تفضل ابراهيم : انا املك شركة وادعوش انش تشتغلين فيها ريم وهي مصدومة ابراهيم وهو يتقدم منها وبرجاء : الله يخليش لا ترفضين صدقيني بعطيش شغلة مريحة وراتب زين ريم : افااا يعني تظن ان انااا تهمني الفلوس ؟؟ ابراهيم : لا مو جدي لكن اتمنى تحضرين بكرة الصبح ريم وهي مبتسمة له وتهمس بصوتها الناعم : مشكوور . وتحطيه ظهرها وتمشي ابراهيم وهوي تفداها في داخله وطاير من الفرحة : دامي صبحت على هالوجه البريء اكيد بتمشي كل اموري اليوم باحسن ما يمكن واول ما رجعت ريم البيت ام حسين : ها بشري ؟ ريم : بيتصلون فيني ان شاء الله ام حسين وبتهديد : يا ويلش يا سواد اذا ما وافقوا ريم : ان شاء الله يمه وتوها بتمشي بتروح غرفتها الا تستوقفها امها ام حسين : وجمعي اغراض وكل شي بنطلع من هالشقة العفن ريم وهي مصدومة : وين بنروح ؟؟ ام حسين : بنروح البيت الكبير ريم وهي متسغربة : أي بيت ؟ ام حسين : يا ربي على هالبنت أي بيت بعد البيت الي عايشة فيه مرت ابوج امس اتصلت في هذي املو وقلت لها .. شفيش واقفة روحي جمعي اغراضش ما نبي نتاخر ريم وهي تركض حجرتها ومستغربة واجد وتسكر عليها الباب وتتصل في قاسم ريم وهي تاخذ نفس : قاسم قاسم : بسم الله شفيش تنافخين ( يعني تتنفس بسرعة ) ريم : قااسم قااسم صدق الي سمعته قاسم وهو خايف : شنو الي سمعتيه؟ ريم : ان احنا بنروح نعيش في بيتكم قاسم وهو يتنهد : أي ليش توه واصلش الخبر ريم : والله قاسم مو بيدي اعرف ان بيتكم وانتوا احق فيه لكن ما ادري شلون جدي فجاة اليوم عرفت قاسم : يالله الي صار صار ريم : والله ما ودي اخذ مكانكم بس ما ادري شسالفة وما ادري منو مطلع لنا هالفنتق ان نروح نعيش في بيتكم قاسم : يالله الي صار صار وفي هالوقت يطق باب حجرة ريم ريم وبصوت منخفظ : قاسم اخليك امي تطق الباب بااي قاسم : في حفظه ريم : هلا يمه ام حسين : بدال قعدتش جدي قومي جمعي اغراضش وااغراض اخوانش وقومي ساعديني نشيل الاثاث ريم وهي حزينة : ان شاء الله يمه والساعة 10 في المدرسة الثانوية هديل : اموولة شفيش اليوم ؟ امل وهي تقعد من سرحانها : ها لا لا ما فيني شي منال : بلى انا بعد احس فيش شي امل : .... مريم : السكوت علامة الرضا معناته في شي قولي لنا ؟ امل وهي تتنهد : شقول لكم . اقول لكم ان احنا بننطرد من البيت وما نعرف وين نروح البنات وهم مصدومين : شنوووووووو ؟ امل ودمعتها شوي شوي تظهر في محراب عينها : طلع ابوي متزوج مراة ثانية غير امي وبجي هم وعياله بعيشون في بيتنا واحنا بنطلع وما ادري وين بنروح هني البنات سكتو هديل وهي تقطع هالسكوت هديل : انزين ليش ما تعيشون معانا ترى قاسم كان يعيش معانا طول العطلة وامي ما بتقول شي اذا انتي وعبود بس عشتون معانا امل : ما ادري على اخوي بنشوفه شنو يقول لنا اليوم مريم وهي تحاول تخفف على صديقتها : لا تحاتين يا الغالية ترى الله ما ينسى عبيده واكيد بساعدكم امل : ونعم بالله . الله كريم وفي الشركة اول ما رجع ابراهيم طلب قاسم قاسم : هلا خوك ابراهيم : توقع يوم اروح شفت منو ؟؟ قاسم : اممم منو ؟ ابراهيم : اختك ريم ؟ قاسم وهو مصدوم : رييييييييم !! ابراهيم بحزن : أي وفي حالة لا يرثى عليها مسكينة كانت تصيح قاسم وعلامات التعجب بانت على وجهه !! : تصيح شفيها ؟؟ ابراهيم : رفضوها الشركة بسبب انها ما تعرف تمشي عدل وانا اقترحت عليها تجي تشتغل عندنا في الشركة قاسم وهو فرحان : والله زين مشكوور وما تقصر الله يجعله في ميزان حسناتك ابراهيم : واجبنا قاسم بحزن : تصدق توها متصلة فيني ابراهيم : أي ؟؟ وشنو سبب هالحزن ؟ قاسم بقهر : ابوي بطلعنا من البيت بخلي مرت ابوي واخواني يعيشون في البيت واحنا ... اخ يا القهر ابراهيم : ما عليك ولا شي انت بتطلع من بيتكم بترد ترجع بيتك الثاني الا هو بيتنا انت وخوانك وانا احين بتصل في امي بخليها تبرز لكم الجناح الي فوق قاسم : لا لا ما يصير جدي بعد . على الاقل انا برجع اعيش معاكم لما ربي يفتحها علي لكن اخواني بشوف يمكن اخليهم عند خواتي ابراهيم : لا يا قاســـ .. ويقاطعه قاسم : اذا كان لي معزة في قلبك لا تطلب مني اخلي اختي واخوي يعيشون معاكم ابراهيم : انزين ليش؟ قاسم وهو ينهد : انزين لي طلب ؟ ابراهيم : تفضل امر وفي المدرسة كانت الحصة الخامسة وفي الصف الفراشة تدخل وتعطي الاستاذة ورقة طلب المدرسة : امل عبد العزيز مطلوبة عند المشرفة الاجتماعية باغراضش امل وهي مصدومة وتحمل اغراضها وتروح للمشرفة الاجتماعية وتشوف اخوها امل : قاسم !! قاسم : أي يالله يا امل امشي معاي البيت نجمع اغراضنا وتروح امل وراء اخوها وهي حزينة وتركب السيارة وكان معاهم عبدالله بعد عبدالله : يالله قاسم قولي ليش اخذتنا من المدرسة من وقت انت قلت لي بتقول اذا مرينا على امل قاسم : شوف يا عبود ابونا طلع متزوج مراة ثانية وانا اعرفها واحين عندنا اخو وخوات جدد ولازم نتعود على الامر لكن مرت ابونا مراة مو زينة شينة كل تعصب ونزرة من جدي طلعتنا من البيت امل بحزن : انزين وين بنروح ؟ قاسم : خلنا نوصل البيت ونجمع اغراضنا وكل شي ولما نكون بارزين بقول لكم كلمة واول ما وصلوا وجمعوا اغراضهم وكل شي قاسم وهو يقعد : شوفوا انا بعيش عند بيت ام ابراهيم الي ذاك اليوم رحنا لهم امل : أي قاسم : وامل بتعيشين عند منى وعبود بعيش عند بتول امل وعبود يطالعون بعض قاسم : انا اعرف ان بنفترق وما بنشوف بعض واجد بس شنو نسوي هذي كتبة الله لكن اودعكم كل خميسية بمر عليكم العصر وبنطلع نروح الحديقة ونتعشى في مطعم ونرجع عبود وامل لحين حزينين الفكررة ما غيرت مشاعر الحزن الي فيهم قاسم وهو يحاول يقول لهم أي شي عشان شوية يخفف حزنهم : اممم واوعدكم اول ما اشتغل كم شهر واحس نفسي قادر على المصاريف بشكل اوكي بنستاجر لنا شقة صغيرة على قدنا وبنعيش فيها احنا الثلاثة امل وعبدالله شوية بانت علامة الفرح على قسمات وجهم ولكن الحزن كان طاغي على وجهم بشكل اكبر امل : انزين قلت الى خواتي؟ قاسم : أي قلت لهم واليوم الساعة 5 بنطلع من البيت تروح امل حجرتها وتطالع كل زاوية فيها كل شي تذكرت رسالة هناء اختها قالت لازم تسوي شي عشان توصل هذي الرسالة الى احمد قامت تفكر وتفكر وخطرت على بالها فكرة لكن حاولت تتحشاها ولكن لا مجال محمد الشخص الوحيد الى يقدر قعدت على الكمبيوتر وطرشت له رسالة تطلب ان تشوفه في الجات الساعة 3 ونصف بامر ضروري وفي بيت ام عمار او ما كملت جود صلاة الظهر قامت تتطالع التقويم اليوم تاريخ 10 \ 9 . وتاريخ 24 \ 9 اول يوم رمضان جود : لازم اقول الى امي عشان يروحون يطلبون يد دعاء الى عمار جود وهي تنزل من الدرج : يمممممممممممممممممه يممممممممه ام عمار : نعم نعم شفيش تصارخين جود : يمه ما باقي الا اسبوعين ويبتدي شهر رمضان وانتون قلتون قبل رمضان بكم يوم بتروحون تطلبون يد دعاء الى عمار ام عمار : أي امس انا كنت افكر بالسالفة بشوف بخبر اخوش جود وهي تقعد على الكرسي : الااااااي في النهاية بتصير لي مرت اخو وناسة علي في هالوقت كان توه نازل من الدرج وسمع كلمة جود انها بتصير لها مرت اخو : اوووه اوووه ناوين تخطبون ليي وانا ما ادري ام عمار وهي تضحك على ولدها : ههههههه اول كمل دراسته وانت اختار البنت الي تبيها وانا من عيوني الثنتين علي : عجل شلون بتصير للانسة جود مرت اخو جود وهي تتربع : ما خبرتك عمار نوى يخطب علي : اووووه وانا اخر من يعلم جود وهي تحك شعرها بطريقة طريفة : نسيت ما خبرتك علي وهو يضربها على راسها على خفيف : وجهش جود وهي تضحك : هههه خشمك محمد وصلته الرسالة ومن الوناسة قعد على النت من الساعة 3 ينتظر دخولها واما امل دخلت على النت الساعة 3 وربع وللحياة طعم اخر : السلام عليكم بسمة حياتي :وعليكم السلام وللحياة طعم اخر : شخبارش ؟ بسمة حياتي : بخير ربي يسلمك وانت شخبارك ؟ وللحياة طعم اخر : الحمد الله بسمة حياتي : اممم انزين عندي طلب اذا ممكن ؟ وللحياة طعم اخر : تفضلي ؟ بسمة حياتي : عندي رسالة من هناء الله يرحمها الى احمد وللحياة طعم اخر : الله يرحمها بسمة حياتي : وهي طلبت اني اوصلها الى احمد وتعرف مافي الا انت تعرف بالسالفة واذا ما عليك كلافة ابيك توصلها له وللحياة طعم اخر : غالي والطلب رخيص بس عطيني كم من يوم ادور احمد وين لان حاليا ما يعيش مع بيتهم بس اقدر احصله لج من ربعه بسمة حياتي : للاسف ما بقدر اشوفك مرة ثانية وللحياة طعم اخر : افاااا ليش؟ بسمة حياتي : الظروف تمنعني وللحياة طعم اخر : لحين ما غيرتين نظرتش فيني ؟ بسمة حياتي : مو جدي السالفة لكن احنا بنطلع من بيتنا وللحياة طعم اخر : عسى ما شر؟ بسمة حياتي : سلامتك بس اشياء خصوصية محمد لما قرا كلمة اشياء خصوصية ضحك عليها وللحياة طعم اخر : اهاا بسمة حياتي : وبعيش في بيت اختي واختي ما عندها انترنت من جدي ما بقدر اشوفك وللحياة طعم اخر : انزين ليش ما اتيبين الرسالة وادزينها ليي بسمة حياتي : هناء تبي الرسالة باخطاءها وبخط يدها توصل الى احمد وما اعرف شنو اسوي وللحياة طعم اخر : اممم بسمة حياتي : ؟؟ وبعد مدى بسيطة وللحياة طعم اخر : فكرررة بسمة حياتي : شنو ؟ وللحياة طعم اخر : بعطيش عنوان البيت بسمة حياتي : لا لا مستحيل اجي لعند باب بيتكم واعطيك الرسالة وللحياة طعم اخر : لا لا مو جدي بعطيش عنوان البيت وانتي دزيها بالبريد امل عجبتها الفكرة بسمة حياتي : اوووكي مو مشكلة وللحياة طعم اخر : تفضلي هذا عنوان البيت ........................... بسمة حياتي : مشكوور وما تقصر وللحياة طعم اخر : بتمشين احين ؟ بسمة حياتي : احنا بنطلع من البيت الساعة خمس وللحياة طعم اخر : احين توها 3 ونصف خلش هني بسمة حياتي : شنو تبي فيني ؟ محمد : اه اه اه لو تدرين شنو ابي وللحياة طعم اخر : سلامتش ابي اسولف معاش شوية بسمة حياتي : واذا رفضت ؟ وللحياة طعم اخر : بزعل عليش واجد واجد امل هني ضحكت عليه بسمة حياتي : انزين خلاص بس شوف انا وحدة ما اسولف انت تكلم وانا برد عليك وللحياة طعم اخر : اوكي وشكرا بسمة حياتي : حاضرين وظلت تتكلم معاه وفي هالوقت يجي اخوها بسمة حياتي : برب وللحياة طعم اخر : تيت امل : هلا عبود عبدالله : امل ما بجلدين كتبي هناك اخاف بتول ما ترضى امل : خلاص احين بجي اجلدهم روح برز المسطرة والمقص وكل شي وانا بجي بسمة حياتي : يالله احين استاذن وللحياة طعم اخر : على وين لحين ما جت الساعة 5 بسمة حياتي : سلامتك لكن بقوم اجلد كتب اخوي وللحياة طعم اخر : عبود ؟؟ بسمة حياتي : أي اي وللحياة طعم اخر : الله يخليكم الى بعض بسمة حياتي : ويخليك الى اهلك وللحياة طعم اخر : خلاص اشوفش مرة ثانية بسمة حياتي : ولو اني ما اعتقد بس ان شاء الله خير وللحياة طعم اخر : أي وقت تقدين تقعدين في النت وتشوفيني اون لاين في المنتدى دخلي الجات بتحصليني واذا ما شفتيني اون لاين في المنتدى دزي ليي رسالة طمنيني امل : بل واااجد منافق هالصبي بسمة حياتي : ان شاء الله بسمة حياتي : يالله مع السلامة وللحياة طعم اخر : الله معاش في كل خطوة تخطينها وراحت امل الى عبدالله عشان اجلد ليه الكتب و قاسم مع ابراهيم في التلفون قاسم : اصدق خاطري اقول الى ابوي ان اناا اعرف ريم وان ابراهيم الى ساعد ريم صديقي ابراهيم ومو عاجبتنه الفكرة : لا لا يا خوك خلنا جدي احسن قاسم : ليش ؟؟ ابراهيم : خلني اول اتقدم لها ويوافق ابوك واصير من نصيبي بعدين قول له اخاف من يعرف يرفضني وانت عارف ابوك اكثر مني قاسم : امممم خلاص عشانك بس بسكت ابراهيم : يالله متى بتجي البيت ؟ قاسم : الساعة خمس بطلع من البيت ابراهيم : حياك الله لو تشوف لما درت امي وخواتي طاروا من الفرحة قاسم : ولو اني خجلان اجي بس شسوي غصبن عني ابراهيم : يا ليتك تحتي جان عضيته قاسم : هههههه ابراهيم : ترى البيت بيتك وفي أي وقت حياك قاسم : تسلم امل وهي تحط اخر كتاب جلدته في شنطة عبود امل : يالله تحمل بدراستك ما ابي اسمع عنك الا الكلمة الطيبة عبود وهو يحمل شنطته : ان شاء الله قاسم : امل عبود يالله قوموا تبرزوا عشان نمر على امي وبعدها اوصلكم وفي بيت ام زهور منى : منتظر ما باقي شي واجي امل منتظر : ادري ان الحجرة صغير بس شنو نسوي كلها ثلاث حجر منى : لا تخاف امل ما تحب المظاهر امل قنوعة منتظر : بنحطها في عيونها بس خلها تجي منى الى زهور بنتها : زهور خالو امل بتجي زهور : خالو امل ؟؟ منى : أي بتجي احين زهور : خالو عبود ؟ منى بحزن : لا ما بجي منى الى منتظر : تتوقع عبود بيرتاح عند بتول ؟ منتظر : الله العالم منى نزلت راسها بحزن لان تعرف بتول وطبيعتها بالتعامل مع الكل ما يفرق عندها كبير او صغير في بيت ام عمار ام عمار : عمار يمه قرب شهر رمضان ما تبي تاخذ لنا موعد عند بيت ام ابراهيم عمار : والله انا انتظر اليوم الي تخبريني فيه ام عمار : فديتك يا وليدي شوف خذ موعد منه عمار : منو بروح معاش ام عمار : خواتك بس عمار : ان شاء الله يا الغالية بخبر ابراهيم بعد ما زاروا امهم وكملوا طريقهم واول ما وصلوا بيت بتول امل ودموعها على خدها وهي تحضن عبود : تحمل بروحك اخوي وتحمل بدراستك واي شي محتاجنه رقمي تعرفه اتصل فيني في أي وقت عبدالله بحزن : ان شاء الله قاسم وهو يضرب عبود على ظهر على خفيف : يالله يا بطل انت قدها وقدود واي تبيه ترى لا تتردد واتصل فيني عبود وهو يحمل شنطته المدرسة وشنطة ثيابه واغراضه : ان شاء الله بااااااي امل وهي تلوح بيدها الى عبود : بااااي وترد تركب امل السيارة وهي حزينة وااجد اول مرة تفارق اخوها كانوا دوم مع بعض عاشوا الفرح والحزن مع بعض وما مرت ربع ساعة الا واصلين بيت منى قاسم : يالله يا امل تحملي بروحش وااجد ولا تحسين بالوحدة ترى منى معاش امل وهي تحضن اخوها : اهم شي تسال عن عبود تراه في رقبتك اسال عنه وااجد واتصل فيه قاسم وهو يمسح دموعها : ان شاء الله عاد بس خلاص كفاية دموع امل : ان شاء الله .. مع السلامة قاسم وهو يحاول يخفي حزنه : في حفظ الرحمن وركب السيارة وحزن الدنيا كله فوق راسه : يا ربي يا كريم ساعد هالجهال الثنين والله انهم انظلموا في حياتهم لدرجة كبيرة واما قاسم او ما وصل رحبوا فيه كل الترحيب ام ابراهيم : ما بغيت ترجع البيت قاسم وهو ينزل راسه ويبتسم ابراهيم : نور نور البيت قاسم : منور بوجودكم . يالله استاذن بروح ارتاح وراح قاسم والكل حس بحزنه حس بالعبء الكبير الى على قلبه حس بمرارة حياته ولكن لا نستطيع ان نقول غير حسبي الله ونعم الوكيل في الي كان السبب خبر اقامتهم في البيت الكبير تعجب به الكثيرون من ضمنهم حنان وحسين وريم الي استغربوا وااجد الكل يركب السيارة متوجهين الى البيت وكانت الفرحة مالية قلب جميلة لدرجة فضيعة واما العيال كان الخبر محزنهم انهم اخذوا مكان اخوانهم صح ما عرفوا منهم غير قاسم لكن كانوا حزينين وحاسين انهم السبب البيت الكبير كان وراثة الى عبد العزيز من ابوه ليش انه كان وحيد امه وابوه على ايام ما كان رجال وما كان الشيطان يلعب براسه عدل البيت وخلاه من احسن ما يمكن ولكن الشيطان ما كان يخلي احد بحاله . جميلة وهي تقعد على السرير : الااااااي يا محلى الحرية والاستقرار محد بدق الباب بقول وين فلوس الاجار ولا ازعاج ولا شي صدق وناسة غريب شيء ,, حــــــزين همٌ ,, غمُ ,,حزنُ جَعَلواا لهمَ من قلَبَيَ البريء مسكنـاَ فاضتَ بهم رووحــــي سَـكَـبَــوا عليَ أنهار حــزنَ أصيلَ أختبئواا خلفَ أحشائي فمضتَ بهمَ روحي تعَـزفَ أوتَـار الحزينَ تـَعـزَفَ انـَشـَودة الحزنَ العميق َ فألى مـتى هَذا الحزنَ المقيمَ وإلىَ متىَ هذا الألـمَ الكبيرَ لا أعلمَ ولا أعلمَ إلىَ أينـَ عصاة أحلامناَ تقودناَ في هذاَ الزمنَ الغريبَ لذلك لا تحسبوا رقصاتي بينكم طربا فالطير يرقص مذبوحا من الالم نهاية الفصل الاول من الجزء من الجزء التاسع توقاعتكم : * ريم بتشتغل في شركة ابراهيم ؟ شلون بكون شغلها ؟ * وافترقوا الاخوان ؟ كيف ستكون حياة كل من عبود وامل وقاسم ؟ * وشنو نهاية علاقة محمد وامل ؟ * قرب اليوم الي يطلب عمار يد دعاء ؟ شنو بصير ؟ * قرب الشهر الكريم شهر رمضان على ابطال قصتنا ؟ شهر البركة هل سوت تهل البركة والفرح على ابطال قصتها بقدوم شهر رمضان ؟؟ تابعوني مع تحياتي بسمة الم | ||||
|
| |
 |
| أدوات الموضوع | |
| انواع عرض الموضوع | |
|
|
العرض العادي
