الدنيا قاسيــــــــــة / للكاتبة طيبــــــــة القلــــــــــب ، اماراتية مكتملة

[لامارا]

***===== الــــجـــزء الـــــتـــــاســـــــع =====***



الضحك ما هو علامة مستريــــــــــــح ..
والبكي احيان ما يوحي بحــــــــــزن ..
خذ مني مثل: انا قلبي جريــــــــــــح ..
وابتسم لي من غرابيل وشجــــــــن ..
وان بكيت يجوز ابكي من صحيـــــح ..
من جرح ؟ من ظلم؟ من صدمة زمن ..
او يجوز ابكي علشان استريـــــــــح ..
او نتيجه شوق او خلن طعــــــــــــن ..

.................................................. ..............
.................................................
.....................................
..........................
..................
............
......
...



اليوم : الخميس
الوقت : الساعه 7.20 مساءً
المكان : في إحدى شوارع العين

" سعيــــد "


بعد ماصلينا أنا وعمي سالم في المسيد اللي عدال البيت .. قلت حق عمي اريدك بسالفه ... وخذيت مكان السايق وركبنا السيارة ومشيت السيارة لمكان مااعرف وين بالضبط .. طبعا كان سالم ساكت مانطق بكلمة يترياني أفتح السالفه اللي اريده فيها ..

الصراحــــــــــه ماكنـــت أتوقع في يوم من الأيام راح أكون في هذا الموقف .. أول مرة في حياتي أحاتي شيء وأفكر فيه كثر هالموضوع اللي شاغل فكري من يومين .. ومب لاقي له حل ..

بعد حوالي 10 دقايق انتبهت إني أمشي ومااعرف وين رايح .. غيرت طريجي وتوجهة للبدع ..

بعد ماوصلنا البدع .. وقفت السيارة عند العراقيب .. الجو كان بارد وحلووو ..
أول ماوقفت سيارتي نزلت عيوني تحت .. انتظرت سالم يفتح الموضوع ..

بــــــــــــــــــس !!!

المصيبــــــــــــــــه !!!

::

::

سالم نزل من السيارة وسار يتمش على الرمل ..

خذيت نفس طوووووووووويل اريح فيه أعصابي ..

نزلت ورا عمي وسرت وقفت عداله ..

سالم : تدري يا سعيد الإنسان صعب عليه يتحمل كل شيء .. صعب إنه يتحمل فقدان اللي يحبهم .. صعب عليه يتحمل مصايب غيره .. صعب ينجبر على شيء هو مب راضي فيه

سعيد : .....................

سالم : كل واحد فينا في هالدنيا يشوف غيره يمزح ويتغشمر وباله مرتاح ... يظن إن هالإنسان ماعنده أي مشكله ماعنده شيء يكد حياته .. بس ماندري شو بداخل هالإنسان .. ماندري هل هو فعلا مافيه شيء يكدر حياته ..

سعيد : تدري أنا دايما أقول الوحيد سالم اللي بينا المرتاح

سالم : آآآآآآآآه ليتني والله مرتاح

سعيد : ليششششششش ؟؟ شو صاير ؟؟

سالم " وهو يطالع سعيد " : ماصاير شيء بس انت شو سالفتكـ

سعيد " سار ويلس على الأرض " : قبل مااقولكـ السالفه .. تصدق أنا اعتبركـ أخ كبير لي أعتبركـ أكثر من عم .. انت الوحيد اللي راح يفهمني ويقدر الموقف اللي انا فيه

سالم : سعيد بدون لف ودوران دش بالسالفه على طول لأني مواعد واحد من الربع

سعيد : أنا بقول السالفه بس اسمعني للأخير

سالم " سار ويلس عدال سعيد " : بسمعكـ .. وإنشالله خير

سعيد : من سنه ونص تقريبا طلعت من الجيش وجمعت كل اللي عندي من بيزات ودشيت فيهن بمشروع صغير أنا وحميد

سعيد : أي مشروع ؟؟ وليش ماقلت لنا ؟؟

سعيد : ماادري ماحبيت أقول .. المهم انت اسمعني للأخير ..

سالم : انزين وبعدين

سعيد : طبعا كان المبلغ صغير .. فأتفقنا انا وحميد نشتغل على قد بيزاتنا وكل ماكثرن نكبر المشروع .. بعد حوالي 4 اشهور من بدايه المشروع طلعنا مبلغ واااايد محترم .. مبلغ ماكنا نتوقع إنه راح نحصله في البدايه .. استمرينا لمدة 4 شهور ثانيه .. وطبعا الدخل الثاني كان أكثر بشوي عن المبلغ الأول .. واشتغلنا على 4 شهور ثانيه .. والنتيجه مثل ماهيه المبلغ بدأ يكبر .. جمعنا كل البيزات من 12 شهر اللي اشتغلنا فيهن ودشينا مشروع أكبر عن الأول .. طبعا الدخل يختلف من كل شهر .. شهر نربح وشهر نخسر .. وشهر مايطلع لنا شيء ..

سالم : وليش ماانسحبتوا من المشروع دام إنكم شفتوه بدأ يخسر

سعيد : مااقدرنا لأن موقعين مع الشريكـ اللي ويانا نشتغل ابيزاتنا لمدة سنه كاملة ..

سالم : والحين

سعيد : الشريكـ اتصل تلفون لنا من شهر وقال خسرتوا كل بيزاتكم اللي في المشروع .. وغلق تلفونه من بعد هالإتصال .. ماقدرنا نوصل له .. مانعرف وين أرضه من سماه ..

سالم : يعني شل افلوسكم وشرد

سعيد : لا .. سألنا عنه وعرفنا إنه مات بسكته قلبية

سالم : إن لله وإن إليه راجعون .. والحين إنت ماعندكـ ولا رصيد في البنكـ

سعيد : عندي بس وايد صغير الرصيد مايكفي لشيء .. بعت سيارتي الأسبورت وخليت الفلوس في الرصيد .. وعليه ديون قدر شعر راسي مب عارف كيف بسدد ديوني

سالم : وحميد

سعيد : حميد حالته من حالتي بس حميد ماعليه أبداً ديون ..

سالم : شو ناوي تسوي الحين

سعيد : قدمت أوراقي على الجيش وإنشالله بشتغل بحاول اكون نفسي من جديد

سالم : هذا نتيجة استهتاركـ شفت لوين ودتكـ

سعيد : دخيلك لاتزيديني .. ترا بعد في موضوع أكبر من هالموضوع

سالم : موضوع ثاني ؟؟ شو مسوي بعد ؟؟!!

سعيد " نزل راسه للأرض " : تزوجــــــــــــــت
::

::

::

لحظــــــــــــــــــة صمــــــــــــــــــت ...!!!


::

::

سالم : تزوووووووووووجت ؟؟؟

سعيد : هيه تزوجت وعندي ولد

سالم : سعيد بدون غشمره

سعيد : والله تزوجت وعندي ولد عمره 3 شهور

سالم : متى تزوجت

سعيد : من بدايه المشروع اللي بدينا فيه المبلغ اللي جمعته تزوجت فيه

سالم : وليش ماقلت لنا إنت تبا إدمرنا

سعيد : " مخلي ايده على راسه " ...................................

سالم : سعيد ماتوقعت إنكـ راخص بأهلكـ لهدرجة ماتوقعت إنكـ مب عامل أي إعتبار لأي واحد فينا في هالعايلة

سعيد : الحين شو الحل !!

سالم : مشكلتكـ أكبر مني ومنكـ

سعيد : سالم دخيلكـ ساعدني أنا مضطر أبيع الشقة اللي ساكنه فيها زوجتي وولدي مضطر ابيعها .. الميزانيه وايد متحطمة

سالم : شو تباني أسوي

سعيد : أريد أييب زوجتي تسكن ويا أهلي

سالم : تظن أهلكـ بطيعون تظن أبوكـ بوافق

سعيد : أنا مب خايف من شيء كثر مب خايف من ردة فعل أبويه إذا درا إني تزوجت وظيعت فلوسي

سالم : أبوك عصبي تعرف شو يعني عصبي

سعيد : ادري عشان جذيه أباك تساعدني

سالم : أبوك صعب تتعامل معاه صعب تعرف شو بتكون ردة فعله

سعيد : شو أسوي ولدي مااقدر أتخلى عنه مااقدر مااقدر ؟؟

سالم : أوووووووفففففففففففف

سعيد : ................................................

سالم : أنا بحاول أفاتحهم بالموضوع بس مااوعدك بشيء .. قوم خلنا نسير الحين تاخرت على الموعد

سعيد : إن شاء الله مايصير إلا الخير





اليوم : الخميس
الوقت : الساعه 8.30 مساءً
المكان : في بيت بو سعيد

" ســالـــــم "


وصلت بيتنا ونزلت سعيد ونزلت معاه ..
دشيت الصاله وحصلت امايه وشمة وموزة وخالد ونورة .. سلمت عليهم ويلست عدال أمايه

أم مبارك : وين سرت هالكثر صلاة إنت وسعيد

سالم : إممممممم طلعنا نتمشا صوب البدع

موزة : الله وليش ماشليتونا وياكم نحوط

خالد : انا أريد ألعب بالدرجات على العزبة

شمة : الله درجات

أم مبارك : وابويه عليج انا هالطول وتركبين هالسياكل أمففف عليج

نورة : هههههههههههههههههه أسمهن بانشي مب سياكل

سالم : نفس الشيء ماشيء فرق

أم مبارك : ماشيء فرق صدقه ولدي عيب البنت تركب هالسياكل عيب عليها

موزة : عادي يدوه مافيها شيء حتى العياييز يركبن ويطيرن فوق العراقيب

أم مبارك : أأأأأأأخ عليج يا بنت خلفان جان تبيني اركب سياكل أخر عمري

موزة : اشفيها يدوه عادي نسترجع ايام الشباب

أم مبارك : دواج عند ابوج بخليه يحش ريولج حش لو ركبتي السيكل

سالم : اشرايج أمايه باجر انسير نتعشا في العزبة

شمة : دخيلج يدووووه وافقي باجر الجمعه ماشيء دوامات بنطلع من العصر
وبنسوي عشانا هناك يدوه فديتج وافقي

خالد : يدوه اريد اسير العب دراجات

أم مبارك : انزين .. سالم دق على خوانك وقولهم

سالم : انشالله يدوه

طلعت تلفوني من مخباتي ودقيت على أبو سلطان

سالم : مرحباااااااا

أبو سلطان : مرحبتين اشحالك بو غنيم

سالم : بخير وسهاله اشحالك إنت

أبو سلطان : بخير والحمدلله

سالم : خلفان بغيت أقولك باجر بنسير العزبة بنتغدا هناك شرايك

أبو سلطان : شورك وداعة الله

سالم : خلاص عيل قول حق الأهل وبلغ سلطان بعد

أبو سلطان : ان شاء الله يوصل وسلم على امايه

سالم : سلام يوصل فداعه الله

سالم : أمايه خلفان يسلم عليج

أم مبارك : الله يسلمه من الشر .. ها شو قال

سالم : وافق

موزة : فديت ابويه حبيبي
خالد : موزة دقي حق بابا بقوله يحجز لي دراجه

موزة : انزين

دقت موزة حق ابوها

خالد : بابا

أبو سلطان : عونك حبيبي

خالد : بابا اريد دراجه في العزبة

أبو سلطان : بقول حق عمك عبدالله يحجز حقك وحق حمد

خالد : أنا اريد كبيرة مب صغيرة

أبو سلطان : ههههههه ان شاء الله بعد شيء في خاطرك غير الدراجه

خالد : لا شكرا باااااااي




اليوم : الخميس
الوقت : الساعه 9.10 مساءً
المكان : في إحدى شوارع العين

" مـــــوزة "

من دقايق طلعنا من بيت يدوه .. ونحن الحين في طريجنا للبيت .. قلت للدريول يخطفنا على الجمعية .. كـ خ خ خ خ خ خ بشتري حلاوة للرحلة باجر . وايد متحمســـه لباجر .. أحس إن بنستانس ..

قبل مايبركن الدريول عند الجمعية وصلني مسج يقول :

يا حب صعب طريقه
ويا موج يقتل غريقه
كثر نجوم السما
ولهان
وكثر رمال الخلا
شفقان
حتى غديري من الشوق
عطشان
ولا تسأل من أنا
أنا المبتلى ياشوق
وانت بالسما فوق
لي رجا يا ذوق
ودي أقول رغم التغلي والجفا
فــــقـــدنـــــــــاكـ .. ^__^


طبعا بدون ماانزل تحت عرفت من منو ..!!

تبون تعرفون ..!!

::

::

أكييييييييددددد من نفس الرقم ..

رجعت تلفوني في الشنطه وعدلت شيليتي وتغشيت ونزلت الجمعية وخالد معايه طبعا والبشكارة ..

في الجمعية

::

::

طبعا كانت فاضية نفس كل مرة محد ايي هالجمعية غيرنا .. بس هالمرة شفت بشكارة وهندي فيها .. الحمدلله حد معايه في نفس المكان ..

بينما كنت اتشرا اللي اباه وصلني مسج بس طنشته وكملت لفتيه في الجمعية .. وخلود فديته ماقصر ماخلى شيء مافره ليه في السله .. ناوي يفقرني هالولد .. بسرعه حاسبت وطلعت من الجمعية .. وركبت السيارة وأول مافجيت غشوتيه وتحركت السيارة فجيت شنطتيه اشوف المسج .. انا طبعااااااااا متأكده 100 % من نفس الرقم ..

كان مكتوب في المسج :

من نســـى في زحمة الدنيا
رفيقـــه

قلت له عندي " رفيق مانســـاني"

لويطول الوقت ويطول طريقه
أدري إنـــه لو يطول البعد جـــاني

بيني وبينه على العشرة وثيقة ..
إن بديته بالوفا وإلا بدانــــــي ,,

صرت عنده بالغلا حسبت (( شقيقه ))
وهو بعد غــــالي
ومن حسبت :: أخــــــواني ::
هههههههههههه .. تبون تعرفون من منووووو .!!!

من : ولد العم

امممممممـ لايروح فكركم بعيد ولد العم هو ..!!

سعيـــــــــد

دورت في تلفوني على مسج محترم حق ولد عمي .. ماخليت مسج مافجيته ادور مسج حلو كله ولا سعيد ..

وأخيــــــــرااااا

حصلت مسج حلو يناسب لسعيد


لو أكتب إحساسي بالأشعار وأبديه،،
فيك المشاعر كيف بس أختصرها...؟؟؟
قدرك كبير ويعجز هالشعر يوفيه،،
كل القصايد فــيــــك ينضب بحرها...!!
أرفع يديني وأسأل الله و أرجيه،،
((( يـنـجـيـك مـن شــر الـحـيـاة وكــدرها )))

يـــاللـــــــه عســــــاه يعـــــجب سعيـــــد .. !!


وصلنا البيت وحملت أكياسي بإيدي وخالد بعد حمل معايه جمن كيس .. طبعا مب عشاني عشان هو بروحه أكثر الحلاوة حلاوته بس يحلم أعطيه كل الحلاوة اللي شراها لازم اشل النص <<<< لووووووووول
أول مادشنا الصاله وشافنا حمد يا يربع صوبنا مط الأكياس من ايدي .. وطيح كل اللي في ايدي كنت بعطيه كف محترم عشان يتعلم الأدب .. وقفت أطالعه بكبر عيوني وأنا اشوفه ينبش واللي يعيبه يخلي في ثبانه .. وخالد يمط عنه بس ماقدر عليه .. ويلس خالد يصيح ويمطه من شعره .. وحمد الحمار يدزه بعيد عنه .. لأنه خالد فديته نتف شعره .. بعد مااطمشت على المشهد اللي جدامي .. جان اقوم ألقط الأكياس وامط الحلاوة اللي في ثبان حمد غصباً عن خشمه " دلوع أبوه "

حمد : هاتي الأكياس

خالد : مايخصك حلاوتنا

حمد : عطيني يا الدبه

موزة : حرمتك الدبه

حمد : إنتي دبه هاتي الحلاوة

موزة : كيفي انا شارتنه

حمد : بخبر عليج ابويه

موزة : لادخيلك بعطيك بس لاتخبر ابويه

حمد : ادري انج تخافين ديايه

موزة : خالد يالله انسير حجرتيه وناكل حلاوة

حمد : لااااااااااااااااااااااا

خخخخخخخخخخ خالد يالس يدلع لسانه عليه وهو يربع بسرعه صوب الدري

موزة : سير خبر ابويه

حمد : عطوني معاكم حرااااااااااااام

خالد : لاتعطينه ،، وبقول حق باباتي مااييب لك دراجه في العزبة عشان تموت قهر

حمد : مب كيفك إنت الصغير وأنا الكبير

موزة : فكنا من صدعتك يالله سير من ويهي

حمد : بخبر امايه عليكم

موزة : أووووف لسان أطول منك .. نحن شارين الحلاوة حق العزبة باجر بعطيك بس اسكت وسير انخمد جان تبا تسير ويانا العزبة باجر وإلا بنودرك وبنسير عنك وإنت راقد

خالد : أنا حاجز الدراجه الكبيرة

حمد : تخسي

موزة : أماااااااااااااااااايه تعالي حق عيالج الصدعه

سرت عنهم وأنا اسحب اغراضي ويايه ... سرت حجرتيه وفريت عباتي والاغراض على الكرسي ..
طلعت اللي في الأكياس وخليته في الثلاجه .. وتغسلت ورقدت .. ورايه نشه الصبح لازم اسوي اكل حق العزبة .. الله يعيني باجر انا الكبيرة في البيت ولازم اتحمل .. قبل مااستسلم للنوم تذكرت اخويه سلطان ماشفته اليوم ؟؟

طلعت من حجرتيه سرت صوب حجرته بس ماحصلته وكانت الساعه 10.20
وينه هذا الحوام .......!!
يوم اقولكم ليتني ولد عشان اهيت على كيف كيفي ..
طنشته وسرت حجرتيه وتوني بقفل الباب .. إلا بكل دفاشه يندز الباب ويدش بدون مايتكلم ..
المشكله مااعرف منو اللي دش لن الحجرة كانت ظلام .. فجيت الليت وشفتها لطوف الدبه داشه ماشيء احترام ...؟؟؟

موزة : حوووووووووووووووو

لطيفة : نعم ؟؟

موزة : برع أريد أرقد

لطيفة : إنزين حمد قالي اشتريتي حلاوة عطيني

موزة : قومي قومي برع برع

لطيفة : مابطلع لين تعطيني

موزة : كيفج هو مااقدر اجوتج برع

لطيفة : ههههههههههـ شوووو عنز

موزة : بررررررررررررررررع وفكينا اريد ارقد باجر الجمعه

لطيفة : أوكيه طالعه بس مردوده بييج يوم بطلبين مني وأنا اراويج

موزة : هههههههههههههـ بتبطين

لطيفة : اوكيه بس خليها في بالج هالطرده

موزة : ان شاء الله بررررررررررررررررررررع

أووووووووووووووف حشاااااااا ... الله يستر باجر بطني بعورني الكل عيونه في هالحلاوة بعدها لو كانت شيء .. الله يستر بس

خلاااااااااااااااص برقد ؟؟؟
أشووووفكم باجر ... في العزبـــــة ^_^




اليوم : الجمعة
الوقت : الساعه 4.30 مساءً
المكان : في طريج العزبة

" راشــــــد "


طلعت من المسيد .. وسرت صوب البيت .. عشان بنسير العزبة الصراحه وااااايد متحمس أريد أسير العراقيب وأطيب الخاطر هناك ..
بعد ماسرت البيت وانطلقنا كلنا صوب العزبة .. !!!

طول الطريج الربشه ماوقفت كانت راكبه معايه موزة وشموه صدعن راسي

موزة : رشود وقف على الدكان انزين

راشد : شو تبين من الدكان

شمة : نبا حلاوة

راشد : انجعمن لين مانوصل العزبة

موزة : حشا كهربااااااا

راشد : قلت انجعمن .. على فكرة على في الرده لاتركبن معايه تفهمن حشااا راسي بنفجر من صدعتكن

شمه : أحسسسسسسسسن ^__^

راشد : جب لاترمسين خليني ارد على التلفون

راشد : ألوووووووووووووو

سيف : هلاااااااااااااااا اشحالك

راشد : بخير وسهاله ومن صوبك

سيف : بخير الحمدلله ,, هاااا وين

راشد : سايرين العزبة مابتخاوينا

سيف : ماشاء الله كلكم سايرين

راشد : هيه سالم وسعيد ومحمد وخلفان والعيال والحريم

سيف : ويدوه ؟؟

راشد : أكيد معانا مانقدر نستغنا عنها

سيف : امممممممممممممم متى طلعتوا

راشد : تونا من عشر دقايق ها شو قلت بتي ولا لاه

سيف : اوكيه خلاص تم بس من اخلص من الصناعية بيي

راشد : اوكيه دقلي تلفون اول ماتوصل

سيف : ان شاء الله يلا باااااااااااي

شمة : منووووووو هذااااا

راشد : سيف

شمة : بيي العزبة

راشد : هيه

موزة : أوووووففففففففففففففففففف فففففففف

راشد : شووووووووووو أوووووفففففففف

موزة : هااااا مب قصدي عشان سيف قصدي ودرنا الدكان

راشد : ههههههههههههههههههه أحسسسسسن

شمة : طالع ابويه خطف على الدكان حتى عمي خلفان بس انت مناحس فينا

راشد : جان ركبتي مع ابوج ولا مع عمج وفكيتيني من صدعتج

شمة : شووو نسوي حظنا نحسسسسسس

صاح تلفوني مرة ثانية وكان داق خلفان

راشد : ألوووووووووووو

خلفان : هلا راشد

راشد : اهلين

خلفان : اقول حجزت دراجات

راشد : هيه حجزت 11 دراجه

خلفان : ماشالله حق منوووووو

راشد : ماادري بس محمد قال يمكن أهله حرمته ايون

خلفان : اهاااااا قوم خليفة

راشد : هيه

خلفان : اوكيه خلاص برايك مع السلامة

راشد : مع السلامة


وصلنا العزبة أوووووووووووفففففف . راحـــــــــــه افتكيت من عوار الراس

أول ماوقفت سيارة خلفان نزل منها حمد وياي يربع صوبي

حمد : عمي عمي

راشد : هلاااااااا عمي حبيبي

حمد : وين الدراجه

راشد : الحين بوصلن

حمد : أنا ابا وحده

راشد : حجزت لك ولخالد

حمد : اللــــــــه

هههههههههههههههه سار يربع صوب اخوه خالد يخبره عن الدراجات .. والله أحلى شيء في هالحياة اليهال ..... <<<< " ولا شو رااااااااااااايكـــــــمـ !! "



فجيت دبة السيارة عشان ينزلن البشاكير الاغراض من السيارة ..
دشيت العزبة .. بعد ثواني صاح تلفوني وكان داق راعي الدراجات

راشد : الووووووووووووووووو

صاحب الدراجات : السلام عليكم

راشد : وعليكم السلام

صاحب الدراجات : بابا وين هذا عزبة

راشد : أول ماتوصل البدع بتلقا لفة على ايدك اليمين ودش فيها وأمشي سيده وبعدين بتشوف مبني الكهربا صغير ولف يمين وامشي سيده لين ماتلقى عزبة موقف جدامها خمس سيايير

صاحب الدراجات : خلاص مفهوم مع السلامه باباااا

راشد : مع السلامة

سرت صوب امايه واقفة تريا البشاكير يفرشن الحصير عشان تيلس

راشد : هاااااا عيوزنا شو رايج بالعزبة

أم مبارك : تسألني عن عزبتي

راشد : أي عزبتج الله يهديج هذي عزبة محمد أنتي عزبتج مال البوش مش هنيه

ام مبارك : من حلاتها عزبة محمد مافيها شيء غير انه باني حمام ومطبخ ومضلات

راشد : شو تبينه يسوي فيها

أم مبارك : أباه يسوله بوش فيها

راشد : شو يباهن البوش ماشالله عزبتج فيها الخير والحمدلله .. هذي العزبة حق الطلعات بس

أم مبارك : قوم قوم عني أريد ايلس خضاني سعيد خضاض بسيارته وصدع راسي .

راشد : سعيد سعيد تعااااااال تعاااال أمي زعلانه عليك

سعيد وهو يأشر على نورة ولطيفه ماادري شو يقولهن

سعيد : أفاااااا يدوه زعلانه مني ليييييشششش ششووو سويت ؟؟

أم مبارك : حرمتك أركب وياك في السياة

سعيد : ليش ماعيبتج سيارتي

ام مبارك : حشااا يابوك راح ظهري من سواقتك .. إنت غلطان اللي عطاك الليسن

راشد : ههههههههههههههههههههههههه هههههه

سعيد : بعد تضحك حضرتك

راشد : سير سير عق الليسن في سلة الزباله

سعيد : يدوه قولي شيء تسمعينه شووو يقوووول

أم مبارك " وهيه مطنشتنا " : يووووووو سالم .. سلووووووم تعال تعاااااااال

ألف وأشوف سالم واقف وعنده موزة وشمة ولف صوبنا

سالم : خيرررررر أمايه شووووووو

أم مبارك : أشفيهن البنات محتشرات عندك شو يبن

سالم : هاي مويز وشموه يبن يركبن دراجات

أم مبارك : أمففففف عليهن يبن يركبن سياكل

شمة " وهيه يايه صوبنا وتحب يدوه على راسها " : فديتج يدوه بس خمس دقايق

أم مبارك : أندوج حبتج مااباااهاااا

وموزة وهيه يايه صوبنا وهيه تمثل اونها تصيح : يدووووه حبيبتي انتي أنا بركب بس دقيقه مب خمس دقايق

أم مبارك : ركبيها جان انتي حرمة


كانت موزة واقف عدال سعيد وكان شيء يقولها بصوت واطي ..
بعدين لف عنها وسار طلع برع العزبة لأن تلفونه صاح .. فطلع برع العزبة .. أستغربت من حركة سعيد شوو بلاه هالولد اليوم شكله أبدااااا مش طبيعي .. أول مرة في حياته ايلس في البيت ويطلع معانا ويسولف عادي مع أمايه .. أول مرة أمايه ماتهد عليه وتقول الاسطوانه اللي متعودين كلنا نسمعها يوميا حق سعيد ..!!!


شي يحير والله ...!!!!!!؟؟؟







اليوم : الجمعة
الوقت : الساعه 5.30 مساءً
المكان : في العزبة

" سلطان "

تراج حشرتيني قلت لج شاوري ابويه قبل وبعدين بعطيج تركبين ..!

موزة : سلطان دخيلك بس شوووووي

سلطان : إذا ابويه وافق انا بعطيج الدراج

موزة : سلطان دخيييللللللك بعدين بيون قوم خليفه ومستحيل اركب يالله عاد بلا بياااااخه

سلطان : شاوري ابويه والله بعطيج إذا وافق

لفت عني وسارت صوب شمة اللي محطيه ايدها على خدها ويالسه عند باب العزبة

موزة : ماطاااااااااااع

شمة : أووووووووووووففففففف مب حاله هااااي

موزة : وين سعيد

شمة : ليشششششش شو تبينه

موزة : هو قال بخلينا نركب

شمة : ياغبية يعني مابشوووفونا

موزة : سعيد قال بشل الدراجه ورا العرقوب اللي عدال العزبة

شمة : انزين سعيد وين

موزة : بدقله تلفون

سعيد : ألووووووووووووو

موزة : وينك

سعيد : شو تبين

موزة : انت وعدتني تخليني اركب

سعيد : اوكيه سيرن المكان اللي قلتج عنه

موزة : اوكيه بااااااي

موزة : يالله قومي بركبنا

شمه : انسير انقول حق ابويه

موزة : ياخسفة ابوج يالس عند يدوه يعني بتقوم القيامه علينا

شمة : لا ابويه يالس يوري الضو

موزة اوكيه




كنت اراقب موزة وشمة من بعيد والله كاسرات خاطريه .. والله لو بيدي بعطيهن يركبن كل وحده بدراجه ..

صاح تلفوني وكان سعيد داق

سلطان : هااا سعيد

سعيد : سلطان تعال بالدراجه ورا العرقوب اللي عند العزبة انزين

سلطان : ليشششششش

سعيد : بس تعال وبقولك

سكرت عنه وبالفعل نفذت اللي قالي اياه سرت بالدراجه مكان ماقالي سعيد كان واقف عدال دراجته يترياني اوصل

سلطان : اشفيك

سعيد : خل الدراجه هني مع دراجتي وانسير مشي ونيب لنا غيرهن

سلطان : ليششششش

سعيد : حق شموه وموزة

سلطان : ههههههههههههه بتخليهن يلعبن اروحهن هنيه محد وياهن

سعيد : أكيدددددد لا بسير اييب حمد وخالد هنيه يلعبون ونحن انسير ونرد بدراجاتنا صوبهم

سلطان : اوكيه خلااااص حليلهن كسرن خاطريه شوووي وبصيحن

وقفنا الدراجات وسرنا انا وسعيد .. شفت سعيد يطلع تلفونه ويدق ماادري حق منووو

سعيد : خليت الدراجات ورا العرقوب وبعد شوووي برد اوكيه

موزة : شكرااااااااااااااا

سعيد : عفوااا باااااااي

[لامارا]

***===== الــــجـــزء الـــــعـــــاشـــــــر =====***





قلب بدون هموم .. معدوم الاحساس
وعين بلا دمعه .. ماهي عين مخلوق

عطيتك شعور العاشق المرهف الحساس
عسى يتفق حبي مع صادق احساسك

وعسى همومي وكثرة دموعي ما تسبب بعادك


.................................................. ..............
.................................................
.....................................
..........................
..................
............
......
...

اليوم : الجمعة
الوقت : الساعه 6 مساءً
المكان : في العزبة

" موزة "

واااااااااااااااااااااااا ااااااااااااااااااااااااا اااااااااااااااو ,,, شموه دخيلج عطيني كف عشان اصدق إني مااحلم

شمة : حوووووو انتي فضحتينا اللي يقول أول مرة في حياتها تركب دراجه

موزة : كل مرة اركب على راحتي بس هالمرة تفرق بعد طلعة الروح عطونا

شمة : هيه والله زين اني ماانتحرت بسبتهم

موزة : ههههههههههههههههههههههههه ه .. شوفي جدامج لاتدعمين

شمة : ههههههه طالعي شوو هالرزة اللي يايه صوبنا

موزة : شدراني بسرعه قبل مايوصلن عندنا

لطوف " وهيه تزاعج من بعيد " : حوووووووووووو بقولكن شيء

نورة : استغفر الله غجر ......!!!

شمة : جب انتي المفعوصة

موزة : شووووو تبن

نورة : خوالي يووووو

شمة : حلفي

نورة : اجذب عليج انا

موزة : لا مب وقته بعدنا ماشبعنا لعب

شمة : منوو من خوالي يااا

نورة: كلهم بس خالي أحمد مايااا معاهم

شمة : موزة انسير فضيحه تعرفيني يدوه بتحشرنا

موزة : حووو انتن نحن بنخلي دراجاتنا هنيه لاتسيرن بعيد لعبن هنيه بنسير شوي وبنرد تفهمن

لطوف : انزين بس فارجن

وقفنا دراجاتنا انا وشموه وسرنا صوب العزبة اول ماوصلت استحيت ادش شفت 4 سيايير خوال شموه .. بعد طلعة الروح دشيت بس قبل لفيت شيلتيه زين .. وتجدمتني شمه عشان تتفقد الوضع إذا حد من خوالها واقف عند الحريم بس أشرت عليه أدش لأنه محد غير أبوها واقف عند الحريم فدشيت بسرعه لفيت صوب الحريم وبالغلط طاحت عيني على الشباب اللي يالسين على زاويه عند الليتات .. عصبت هذا مكانا نحن الحين بنسير نيلس فيه.. أووووووف منهم .. تحركت بسرعه وسلمت على حريم خوال شموه ويدتها " أم امها " .. يلست عدال امايه وكنت ألعب بطرف شيلتي مااعرف أناقشهم أحس إن سوالفهم ماتخصني بشيء يعني كله يتكلمن عن فلانه وعلانه أو شو اشترت أو شوو شافت ...الخ فكنت اسمع فقط وأنا اشوف شموه طايحه معاهم بسوالف .. ماحسيت بعمري إلا على صوت حرمة خال شموه " مطر " تقولي اشحالج موزة .؟؟ إرتبكت .. جان أرد عليها
بإبتسامه " بخير ربي يعافيج " ماشيء الحاااااااال ....!!

امايه صدت صوبي قالت قومي شوفي اخوانج " حمد وخالد " .. أشرت على شمة تقوم معايه بس ماانتبهت عليه ..
طلعت من العزبة وأنا أدعي في خاطرية إني مااشوف حد من الشباب ..
أول ماطلعت من باب العزبة شفت حد من الشباب ياي بدراجته بسررررررعه صوبي ..

بسرعه البرق تراجعت بخطواتي لورااااا مرتبكه وخفت يدعمني
" الله سلمني " والله كنت بروح فيها لوو دعمني .. الله ستر ومامت ..

هو بسرعه وقف دراجته بس ماقدر فلتت من ايده انا طبعااا تغشيت بسرعه لأنه هذا واحد من خوال شموه ..

الله ستر وماايااه شيء .. لأن الدراجه دعمت بشبك العزبة .. أول ماوقفها لف صوبي .. كان شكله قافط ..

ههههههههههههههههههه خفتي

موزة : ........................................

لف عني ودش داخل العزبة .. لفيت صوب الدراجه كان شيء طايح تحت الدراجه .. تجنبت الموضوع .. وسرت صوب خواني ادورهم .. شفت خلود راكب مع ابويه .. وحمود مع سعيد .. ارتحت جان ارد العزبة .. أول ماتقربت من الباب شفت الدراجه " لأنها كانت موقفه عند الباب " ..

حصلت " مبايل " طايح تحت الدراجه .. شليته أكيد مال خالها الدب اللي بغا يدعمني .. بس انا مااعرف اسمه ...
سرت صوب شموه .. كانت في المطبخ " اونه مطبخ " .. انتوا تعرفون مطابخ العزب كيف يكونن .. المهم يكفي طباخهم وأكلهم ..
قلت حق شمووه شوو صار ..
شمة : منووو من خوالي

موزة : إشدراني

شمة : كيف شكله ؟؟؟

موزة : عادي بعد كيف شكله

شمة : ادري انه عادي بس وصفيلي اياااه عشان اعرفه

موزة : لابس كندورة سودا وغتره حمرا

شمة : هيه خالي سعود

موزة : اهاااا اللي حرمته نورة

شمة : هيه هوووو اللي ولدهم منصور

موزة : الحمدلله انه طلع معرس ولا جان تورطت ..

شمة : هههههههه عاااااادي مافيها شيء ياخذج على حرمتة

موزة : جب جب الله يخليج رمستج كلها مخبقة شرات ويهج .. اندوج تلفونه سيري عطيه اياه

شمة : هاتي .. انتي دومج حشره .. متى الله يفكني منج وأشوفج عروس ويبرد قلبي

موزة : هيه أدري إني يالسه فوق راسج يا السخيفة

شمة : هههههههههههههههههه

فجأة صاح التلفون .. " كان في إيد شمة "

شمة : خيبه صاح تلفونه بسير اعطيه التلفون مافينا على حشرته ..







اليوم : الجمعة
الوقت : الساعه 6.30 مساءً
المكان : في العزبة

" راشد "

سيفوووه يال عاد تعال والله مافيها شيء عاااادي

سيف : لا لا فضيحه

راشد : والله ياسيف لو ماييت والله لزعل اوكيه يالله مع السلامه

سكرت الخط قبل مايكمل كلامه ...!!

الصرااااحه رفع ضغطي مرة يقول بيي ومرة مابيي .. عنلاته صدق يقهر الواحد .. لو يموت مابرد عليه خله يحرق تلفوني جان يبا ..
بنشوف أنا ولا أنت ؟؟؟؟

غلقت تلفوني وسرت صوب سيارتيه وفريته داخل ..

قبل ماادش شفت سعيد يرمس تلفون ومرة يكون معصب ويزاعج ومرة هادي .. شوو بلاه هالولد اليوم ؟؟؟
شوو مسوي .. فكرت إني اتقرب منه عشان اسمع بوضوح .. بعدين تراجعت .. عيب حتى ولو .. الانسان مايتقبل أي شيء .. وكل شخص فينا له خصوصياته ومايبا حد يشاركه فيها ..
إن شاء الله خير ان شاء الله ..

دشيت العزبة وانا داش كانوا الشباب طالعين كلهم

راشد : ها على وين

سلطان : نخمس بتخاوينا

راشد : بسيارة منوو ان شاء الله

سلطان : سيارتك شوو رايك ؟؟

راشد : خل عنكـ ..!! سيارتي مااريد ألعب فيها .. جان هاينه عليك سيارتك سير سو فيها شوو ماتبا ان شاء الله تحرقها ..

سلطان : بسم الله يا الزطي حشاا يابوك إلا سيارة مب راس ريال

راشد : سيارتي وكيفي فيها

سلطان : ماسايرين بسيارتك بسير بالنيسان والكروزر

راشد : بسير وياكم

سلطان : لا استريح مانباك معانا

راشد : هههههههه لو ابا اسير بسير غصبا عن اللي مايرضى بس مب في خاطريه أسير ألعب بالرمله ..

سلطان : وفرت مكان في السيارة ..

راشد : كلهم ماشاء الله سايرين

سلطان " وهو يأشر " : حمدان وسعيد وأنا بس محد غيرنا بسير

راشد : وسالم

سلطان : ههههههه قال سالم .. هذا أخوك وأنت أبخص فيه

راشد : هيه صح نسيت انزين برايكم توكلوا بس عن الشطانه وايد

سلطان : ان شاء الله


دشيت داخل وشفت سالم يالس يفج درايش السيارة ومشغل الراديو.. بعدين سار وانسدح على الحصير محد كان يالس وياه .. سرت عداله بس كان سرحان حتى ماحس فيني لما أقتربت منه ويلست

راشد : سالم ,,, سالم سالم أشفيك وين وصلت

سالم : هااا شوو لا لا ولا شيء بس كنت سرحان شوووي

راشد : اممممم سرحان بمنوووو

سالم " وهو يضحك " : شووو قصدك

راشد : وأخيراااا وأخيرااااا بتعرس والله أحلى خبر سمعته بحياتي

سالم : عنلاتك لهدرجه يالس على جبدك انا

راشد : لالا مب جيه السالفه خاطري اشوفك معرس وخاصة اشوف ولدك الصغير رشود

سالم : بعد رشود .. شوو خلصن الاسامي عشان اسمي راشد

راشد : غصبا عن خشمك بتسميه راشد تبا ولا ماتبا محد بياخذ رايك بالموضوع اصلااا .. اصلا السالفه مايبالها نقاش

سالم : هههههههههه ولديه

راشد : كيفي انت مايخصك فيه

سالم : اصلا منوو قالك اني افكر بالعرس

راشد : لا لتقول توك اشحلاتك ماصدقت تغير رايك

سالم : العرس لاحقين عليه بس انا افكر بشيء ثاني

راشد : بشوووو ..؟؟!!

سالم : اممممممم .. مااعرف كيف افاتحك بالموضوع

راشد : افتحه من وين ماتبي من النهايه ولا من البدايه المهم قول الفضووول بذبحني

سالم : اقووول انت ماتعرف ان الفضول ذبح عيوز

راشد : هههههههههههههههه .. بسم الله عليه ليش تفاول حشاااا يابوك ولاجني اخوه وتوأم روحه ..

سالم : مشكله الثقة بالنفس

راشد : حموووووود تعال تعال

سالم : شوو تباه الولد

راشد : شووو اسوي اموت عليه هالولد

سالم : شووو تباه خله على راحته

راشد : طالع طلع برع

سالم : زين يسوي فيك

راشد : انزين انت شوو سالفتك

سالم : ماعندي سالفه

راشد : يالله قول انت شكلك يقول انه فيه شوي

سالم : سعيد

راشد : شوو فيه

سالم : انا بقول لك السالفه وأباك تفكر معايه بهدوء عشان نحل المشكله

راشد : يالله قول حرقت اعصابي

سالم : سعيد معرس وعنده ولد

راشد : ههههههههههههههههههههههههه ه

سالم : ؟؟؟؟؟؟؟؟؟؟؟؟؟؟

راشد : سير قص على غيري

سالم : شوو اقص على غيري رشود تراني والله جد ارمس

راشد : سالم قول غير هالرمسه مستحيل واحد شرات سعيد يفكر يعرس لا وبعد عنده ولد

سلم : ماادري بلحظة طيش تزوج والحين شوو الحل

راشد : ليش وهو مسكننها

سالم : بدبي بشقه

راشد : امممممممم

سالم : وفوق هذا بيزاته كلها خسرها والحين مضطر يبيع الشقه عشان يسدد ديونه

راشد : كيف يعني مافهمت

سالم : الحين افهمك بس لازم تلقاله حل معايه .. لازم نوقف معاه صح انه غلط بس لازم نعدل غلطته قبل ماتكبر وتطلع من إيدينا ...





اليوم : الجمعة
الوقت : الساعه 7.30 مساءً
المكان : في العزبة

" خلود "

زوايا القلب تتألم وشرخ في الحنايا ينوح
وعبره تخنق إحساسه ودمع راجف بـعيني



تونا واصلين العين وقلت حق عبدالله يخطفني على بيت أهليه .. دقيت لهم تلفون ورمست أمايه وقالت انهم في العزبة .. سكرت عنها وهيه تقولي تعالي العزبة .. مارديت عليها خفت عبدالله مايطيع يخليني اسير .. فقلت بشوف يمكن اذا ماعارض عبدالله ..

عبدالله : انزين باجر السفر

خلود : أدري بس اريد اشوف اهليه

عبدالله : باجر قبل مانسير المطار بوديج تودعينهم

خلود : لااااااا ,, باجر تفرق .. اليوم اريد ايلس معاهم

عبدالله : انزين لازم نرتب اشنطنا

خلود : دخيلك اريد اسير عندهم العزبة

عبدالله : خلاص بوديج بس لاتزعلين

خلود : مشكووووووووور ماتقصر


طول الطريج وعبدالله يسولف بمواضيع متنوعه .. عن السفر وعن أخوه سيف وعني وعنه وعن حياتنا ... فرحت واااااااااايد بتغير عبدالله صوبي .. كان وايد يتجنبني بس الحين احسه تفهني وصار اقرب من روحي علي ..

وصلنا العزبة وأول ماوصلنا كان سيف بعد واصل معانا .. استغرب يو شاف سيارة عبدالله .. بسرعه يا صوبنا وكانت الإبتسامه شاقه حلجه ..
سيف : مرحبااااا السااااااااع

عبدالله " يتوايهه مع اخوه " : هلا فيك اشحالك

سيف : بخير الحمدلله هاا متى وصلتوا

عبدالله : تونا رادين من بوظبي

سيف " لف صوبي " : اشحالج ياحرمة اخويه

خلود : بخير اشحالك انت واشحال الاهل

سيف : بخير ربي يعافيج ..

سارت عنا خلود ودشت داخل وأنا مشيت لين الباب وطلع في
ويهي عمي " أبو سلطان " وسلمت عليه وقرب بي داخل طبعا أنا وسيف ..

اول ماشافنا راشد فز يا يسلم علينا بس سوا حركة حق سيف .. لا بعد مادز له ويهه يلس عنه بعيد يلس عدال سالم وهو ساكت .. بسم الله اشبلاهم هذيل .. انا احيدهم أشطه على عسل ..

راشد : هاا سيفووووه ليششش ياي

سيف : شووو انسوي ناس مغلقين تلفونهم يايين نراضيهم

راشد : هيه زين والله يوم فكرت فينا ..

سالم : حشاا يقول يهال ..

عبدالله : هيه والله مايقول الواحد هالطول





::::::::
خلود : امايه وينهم عيل حمد وخالد مااشوفهم

ام سلطان : برع يلعبون بالدراجات

خلود : لايتعورون مودرينهم ارواحهم

موزة : قلت لهم ماخلونا نلعب وياهم

خلود : وين تبين ياهل تحسبين عمرج

موزة : حشا حتى انتي معاهم

خلود : عيب

موزة : ............

خلود : أمايه صح نسيت اقولج باجر بنسافر انا وعبدالله

أم سلطان : على وين

خلود : عبدالله يقول بنسير العمره وبعدها نسير ألمانيا عشان نسوي فحوصات هناك

أم سلطان : عاد باجر

خلود : شووو نسوي اقرب حجز على قولة عبدالله يبانا نسير بأسرع وقت

موزة : عادي أمايه اسير وياهم

أم سلطان : أمففف عليج انتي مرة فاصخه الحيااا

شموه : هههههههههههههههه

موزة : ياربي عاد ضحكتوا شموه عليه شوو بسكتها

أم سلطان : انتي خريش فضحتنيا بس سكتي لسانج متبري منج

موزة : شموووه قومي قومي هذيل مايستاهلون حد اييلس معاهم

شمه : وين تبينا نسير

موزة : اونج يا المكاره ماتعرفين

شمه : أهاااااا يالله سرينا

خلود : على وين

موزة : عندنا شغل

خلود : ماادري شوو من الشغل عندكن

موزة : مابرد عليج باااااااااااي



اليوم : الجمعة
الوقت : الساعه 7.50 مساءً
المكان : في العزبة

" شمة "

وقفت انا وموزة نبا نطلع من العزبة .. بنسير نلعب بالدراجات .. حشا مايخلون الواحد يتهنا شوووووي .. لازم يكدرون مزاجنا ..

شمة : موزووووه نسينا حلاوتنا ماكلينا منها شيء

موزة : هيه والله صدقج سيري هاتيهن خشيتهم بالغرفة اللي عدال المطبخ بتلقين الكيس ورا الباب .. انا بترياج عند باب العزبة

شمة : اوكيه

موزة : بسرعه لااطولين

مشيت بسرعه .. صوب الغرفة وشليت الكيس وانا طالعه من الغرفة أشوف موزة تربع وأشوف الحريم كلهن قامن بسرعه .. يربعن برع العزبة ..

شووووو مستوووووي ..!!


مشيت بسرعه .. قصدي ربعت مامشيت ..

ياربي قلبي طاح قبل مااعرف السالفه ؟؟!!

يارب ماصار لحد شيء ياااااارب ..!!

وصلت عند باب العزبة وقفت مع اللي واقفين .. اشاهد فقط بدون كلام .. كنت اسمع صوت صيااااااااح وحشرررره ..!!

دقت النظر وهديت أعصابي .. بعدين عرفت إن .....!!

::

::

::

::

::

حمد وخالد إنجلبوا بالدراجه

كانوا راكبين رباعه فأنجلبت بهم الدراجه ..

لفيت صوب الدراجه كانت بالفعل مكسرة .. الكرسي كله طاع وكانت نفس ماهيه منجلبه ..

تقربت من موزة كانت حاضنة حمد بالقووووو .. وحمد طبعااا ساكت

شفت حرمة عمي " أم سلطان " تهد على خالد ليش يركبون رباعه لا بعد بدراجه أكبر منهم ..

شفت خالد ريله إنجرحت " بس كان الجرح بسيط " يعني خفيف ..

أما عن حمد فكان شعره كله غباااااااااار . وملابسه وسخه اسوووود وسخ الدراجه ..

شفت موزة تبعد حمد عنها وتنظفها من التراب ..

موزة : الحين اشوف جدامي اثنيناتكم ولا واحد فيكم بركب الدراجات

حمد : هذا خالد مايعرف يسوق

أم سلطان : بس بس ماشيء ركبه لوو تموتون

حمد : إيهي إيهي إيهي إيهي إيهي

موزة : لوو تموت صايح مابتركب الدراجه

أم سلطان : سيري غيري ملابسه بتلقين الملابس في سيارة سلطان

أم سعيد : الحمدلله إنها يت سليمة

سالم : حشااا قلوبنا طاحت من الزيغه

خلود : هذيل اشدراهم بدراجات


الكل دش داخل بعد الرعب اللي سواه حمد وخالد لهم .. سارت موزة صوب سيارة سلطان عشان تغير ملابس حمد لأنها وااايد خايسه ..

شكل موزة متغير كانت تنتفض بالقوووووو

شمة : اشفيج تنتفضين جنج عيوووز

موزة " وهيه تلف يمين ويسار " : يوم كنت اربع دعمت بواحد من خوالج وطاحت نظارته فدستها بريولي وأنكسرت

شمة : وإنتي ماتشووفين

موزة : كنت اربع بسرعه مااشوف جدامي

شمة : منوو فيهم

موزة : اشدراني انا بس فضيحه كسرت نظارته

شمة : انزين شوو قال

موزة : ماشيء بس أول مادعمت فيه مسك إيدي بالقووووو .. هو اروحه انصدم من شافني

شمة : وبعدين

موزة : ماشيء حتى شكله مااعرف كيف بسرعه ربعت عنه سرت صوب هالمفلع

شمة : أكيد خالي حمدان لأنه هوو اللي كان لابس نظاره

موزة : اشدراني بس والله اني قافطه فيه

شمه : عااادي إلا نظاره

موزة : فضيحه والله ويهي محتررررررررررق

شمة : انزين وشوو تبين تسوين يعني الحين

موزة : ماادري بس اريد اتأسف له

شمة : سير هكوه واقف عند سيارة سعيد

موزة : هههههههه مينونه انا اسير عنده

شمة : عيل كيف بتتأسفين

موزة : إنتي سيري وقولي له تقولك البنت اللي دعمتك أسفه ماكانت تقصد .. والنظاره فدوه عن راسها

شمه : هههههههه منوو قال فدوه

موزة : أنا اقول .. يالله سيري سيري قوليله


شمة : إنزين بس انتي تتحملين عواقب فعلتج

موزة : عااادي حبيبة ألبي بس لحظه دقيقة خليني اسير ورا العزبة عند دراجاتنا وانتي سيري له عشان مايشووفني

شمة : بسرعه ربعي

موزة : شوو قال لج حصااااان !!!

شمة : كله واحد ..


بعد مااختفت موزة من نظري سرت عند خالي حمدان كان واقف عند سيارة سعيد محد كان واقف معاه اروحه واقف ..

شمة : خالي

حمدان : شوووو

شمة : شووو تسوي اروحك هنيه

حمدان : ماشيء اتريا راشد وسيف ايون

شمة : اممممم انزين تقولك البنت اللي دعمتك وكسرت نظارتك أسفه والنظارة فدوه عن راسها

حمدن : هههههههههههه منووو قال فدوه أمس شارنه حشاااا ماتهنيت فيها

شمة : ههههههههه هيه قالت فدوه عن راسها إلا نظاره

حمدان : خلاص اوكيه تقبلنا أسفها .. بس انتي تعالي بنت منوو هاااااي

شمة : ليشششششش !!؟؟

حمدان : بس أسأل

شمة : مابقوووووول

حمدان : انزين شوو اسمها

شمه : عيب شوو تباهااا البنت

حمدان : استغفر الله ماقلنا شيء بس أول مرة أشوفها

شمة : ادري انا بسير عندي شغل

حمدان : تعالي تعالي شوو هالكيس شوو فيه

شمة " تخش الكيس ورا ظهرها " : فيه وسخ

حمدان : لا والله قولي شوو فيه

شمة : حلاوتنا انا وموزوه

حمدان : اهاا يعني البنت اسمها موزة

شمة : لالالالالااااااا مب موزة انت شوو تبا الحين

حمدان : عطيني الكيس ابا حلاوة

شمة : تاخذ واحد بس

حمدان : انزين بس واحد

خذ حمدان الكيس وخذ منها بيضة كيندر وشيبس مملح

شمة : بسك

حمدان : خلااااص بس لحظه لحظه أريد الكتكات بعد

شمة : خذه بسرعه الحين بيي عمي راشد بياخذ وبتخلص الحلاوة

حمدان : خلاااص سيري بسني مااريد امتن شراتكن

شمة : جب جب بعد يرمس


سرت عند موزة وأول ماوصلت لها حصلتا تلعب بتلفونها مشغله على غنيه تقول كلماتها

" لايق عليك الحسن والزين .. متميزن بالوصف فتان .. تذبحني النظره من العين .. واموووت أنا في بحر الأعيان "

موزة : هاااا شووو قال

شمة : ماشيء بس احتشر شووي وبعدين سكت

موزة : انزين هاتي الكيس يوعانه ماكليت شيء

شمة : يعني الحلاوة بتشبعج

موزة : يعني على الأقل تسد اليوم شوووي لين العشاااا

شفت موزة تفتش في الكيس شرات المينون

شمه : اشفيجي عفصتي الحلاوة يا الدفشه

موزة : وين الكندر

شمة : هاااا ,, حمدان خذاه وخذ الشيبس بعد والكتكات

موزة : ليششش ياخذ الكيندر ياخذ الكيس كله إلا الكيندر

شمة : شوووو اسوووي

موزة : سخاااااااااااافه وانتي ليش تراوينه الحلاوة

شمة : هو بروحه شاف الكيس عندي

موزة : اوكيه بالهناء والشفاء

شمة : انزين خلينا نشل الدراجات عند العزبة هنيه خوف المكان .. ظلااااااام

موزة : شووو تخااافين .. ^_^

شمة : هيه طبعااا أخاف لو يطف علينا هندي ويجتلنا

موزة : هههههههههههه وين عايشين نحن

شمة : كيفج يلسي اروحج هنيه انا بسير عندهم ألعب

موزة : سيري جانج حرمة أصلاا مابخلونج تلعبين

شمة : منوو قالج اني بشاورهم بلعب وبخمس بعد وماعليه منهم واللي يسوونه يسوونه

موزة : عااااشت الشمام انزين يالله توكلنا






اليوم : الجمعة
الوقت : الساعه 9.15 مساءً
المكان : في العزبة

" سالم "


بعد الصلاة .. تعشينا .. ونسايب بو سعيد ساروا بيوتهم .. يعني محد بقا في العزبة غيرنا حتى خلود وعبدالله ساروا عشان يرتاحون لأن وراهم سفر ..

فقلت خلني استغل الفرصة وافاتح أمايه بموضوع " سعيد "

طبعااا إذا امايه ماقالت شيء وتقبلت الوضع فأكيد أبو سعيد بسكت وبسكر السالفه ..... شفت أمايه بروحها يالسه والبشاكير حواليها ينظف المكان ويلقطن السامان عشان بعد ساعه تقريبا بنطلع .. دورت على أم سعيد وأم سلطان وماحصلتهن لأنهم طلعن برع يتمشن مثل ماتعرفون موعد ولادة أم سعيد قربت يعني هالأسبوع أسبوعها على قولتهم " الله يسهل عليها "

رفعت تلفوني ودقيت على سعيد

سالم : ألووووووو

سعيد : هلااااااااااا

سالم : سعيد أنا بفاتح أمايه بموضوع زواجك الحين شووو رايك تكون موجود معانا

سعيد " وبإرتباك " : لا لا أخاف من مواجهة يدوه

سالم : سعيد الموضوع جد لازم توقف على ريوولك وتكون قد المسؤولية

سعيد : لا أفضل أكون بعيد عن ردة فعلهم

سالم : أنا أفضل تكون معايه عشان تقدر أدافع عن نفسك تقدر تبرر موقفك جدام أمايه

سعيد : سالم انت تعرف يدوه زين مازين .. وتدري انها واااايد عصبيه وماتتقبل أي شيء بسهوله وتدري انها مب معايه وااااااايد

سالم : سعيد تبا شوري تعال والله انك مابتخسر شيء

سعيد : اوفففف خلاص بتوكل على الله واللي يصير يصير حتى لوو اضطريت اطلع من البيت

سالم : تفائلوا بالخير تجدوه

سعيد : ونعمه بالله

[لامارا]

***===== الــــجـــزء الــــحادي عـــشـــر =====***



" على كف القدر نمشي ولاندري عن المكتوب "

عباره كنت ارددها .. صدق من قال معناها
تضحكنا تبكينا .. تمشينا على المطلوب
على كف القدر نمشي دروب ماعرفناها ..
متى حظي يحالفني يصحح وضعي المقلوب ؟؟
يعدل غلطة الايام وغلطه مارتكبناها ..

.................................................. ..............
.................................................
.....................................
..........................
..................
............
......
...




اليوم : الجمعة
الوقت : الساعه 9.30 مساءً
المكان : في العزبة

" سعيد "


ياااااااااااااااااااااااا ااارب

يااااااااااااااااارب

توفقني بالخطوة اللي بخطيها .. يارب توقف معايه .. الله يعيني على يدوه .. قصدي اللي يعيني على ........!!

يالله الله كريم .. بتوكل على الله واللي يصير يصير انا متوقع شوو بتكون ردة فعلهم يالله خلني أحرك اريولي واسير صوب يدوه وسالم .. الحين الساعه 9.30 ماشيء وقت بردون بيوتهم وأنا بعدني واقف في مكاني ..

خشيت تلفوني في مخبايه .. وحركت ريولي عشان داخل العزبة وأنا داش شفت أبويه واقف عند باب العزبة يرمس في التلفون .. أطالعته بنظرات .. أخاف من ردة فعله " هو بذات " أبويه عصبي لأبعد الحدود ..

سرت صوب يدوه وحصلت موزة يالسه وياهم .. طنشت الموضوع وييت يلست عدال سالم .. عشان يساعدني بالرمسه اللي بوصلها ليدوه ..

سعيد : هاا يدوه مب ناويه تسيرين البيت

أم مبارك : لا يابوك بسير البرد قرصني بعظامي

سالم : موزان قومي

موزة : وين أسير

سالم " وهو يحرها بنظراته " : أقولج قومي ولاتناقشيني

موزة " تتناقل نظراتها بين سعيد وسالم " : أنزين مايصير أسمع السالفه

سالم : أقوووولج قومي يعني قومي لااطولينها وهيه قصيرة

أم مبارك : أشفيك على أم لسان

موزة : الله يسامج يدوه

سالم : موووووووزة

موزة : بقوم بقوم بس لااتعصب


فعلا نفذت موزة اللي قاله سالم .. قامت بس ارتفع ضغطي كانت تسحب ريولها سحاب جنها ماتبا تقوم .. ولا بعد عاقة اذنها عندنا .. شفتها سارت صوب المطابخ .. لفيت على سالم أقوله أبدأ بالموضوع ..

سالم : أممممممممم أمايه بقولج سالفه بس لاتعصبين وتسوين لنا مشكله

أم مبارك : إذا عن رشود وسلطان لا يعني لا .. عيالي مااباهم يسكنون بشقق

سالم : الموضوع مايخص سلطان وراشد الموضوع يخص سعيد

أم مبارك : سعيد ؟؟؟

سالم : هيه سعيد

أم مبارك : شوو مسوي

سعيد " ويطالع تحت " : هاا لالالالا ماشيء بس ....

سالم : أنا بقولج السالفه من البدايه لين النهايه وإنتي فهمينا وقدري موقف سعيد .. وإنتي بيدج تنهين السالفه بسلام وتفكينا من المشاكل وعوار الراس





اليوم : الجمعة
الوقت : الساعه 10.00 مساءً
المكان : في العزبة

" موزة "



مسسسسسسسسستحييييييييييييي ل

مسسسسسستحيل اللي سمعته مستحيل سعيد يسويها ..

كنت أتنفس بصعوبه مب قادرة أطلع الهوا من صدري .. وريولي مب قادرة احركهن تجمدن عليه .. خوزت الشيله بعيد عن رقبتيه حاولت اتنفس مب قادرة .. المكان خنقة والموضوع يخنق أكثر ..

ليشششششش

ليشششششششششششششششش


:::

::

سعيد .. سعيد أخر واحد توقعته .. كنت اراقبهم ودمعتيه على وشك إنها تبلل خدي .. شفت يدوه قامت وهيه محرجه بس طول الفترة اللي كان فيها سالم وسعيد يرمسون هيه ساكته ولا ردت على أي كلمه قالوها .. وقفت وطلعت برع العزبة وسعيد وقف بسرعه شفته متوتر وسالم حالته أخس وأخس .. شفت يدوه ردت مرة ثانية العزبة ماادري منوو أدور ..

أم مبارك : موووووزة يامووووزة

يدوه تزقرني ياويلي شوو بستوي أكيد حد بموت فينا اليوم .. سحبت ريلي وحاولت أبين إني ماسمعت شيء مع انه صعب صعب قلبي يعورني أحسه بنفجر من الغصة ..

طلعت من المطبخ وحاولت ماالف على المكان اللي واقف فيه سعيد وسالم .. سرت صوب يدوه ..

موزة : خير يدوه شوو فيج

أم مبارك : ركبي يالله ركبي السيارة بنسير البيت

موزة : سيارة سلطان

أم مبارك : هيه بسرعه ركبي لا اضربج بهالعصى

راشد : أمايه اشفيج وين تبين ويا سلطان لازم تعبلين على الريال انا بوصلج ويايه البيت

أم مبارك : أسكت إنت انا بسير بيت خلفان

أبو سعيد : أمايه حبيبتي اشفيج

أم مبارك : ماشيء ماشيء لحد يكلمني قلت بسير بيت خلفان يعني حرام ولا ممنوع

أم سعيد : لا مب حرام بس بتخلينا أرواحنا

راشد : أمايه فديتج مااقدر أيلس في البيت بلاج

أم مبارك : سطان يالله بسرعه انقفض سكر دبة السيارة

سلطان : إن شاء الله إن شاء الله

راشد : سلطان سير بسيارتي أنا بسير بسيارتك

سلطان : راشد أشفيك يدوه تبا اتي بيتنا يعني مافيها شيء لااطولون السالفه وهيه قصيرة عمي محمد هد أعصابك إن شاء الله مايصير إلا الخير

راشد : سلطان لاتنسى دق تلفون أول ماتوصلون

سلطان : إن شاء الله شمه وين موزة

شمة : في السيارة

سلطان : حمد وخالد ساروا ويا ابويه

شمة : هيه سارت معاهم لطيفة ونورة

سلطان : خلاص عيل مع السلامة



::


::



طوووووول الطريج يدوه تستغفر وتتعوذ من ابليس .. طول الوقت ويها شاحب ومخطوف .. وكانت تنتفض وعيونها مغرقات ..

أنا حاضنة تلفوني وانتفض من الكلام اللي سمعته .. وخاصة الكلمة اللي قالها سعيد

" مستحــــــــــــيـــل أتخلى عن حرمتيه مســـــتحيـــل "


حاولت إني ماانهار جدام اخويه ويدوه وصلنا البيت .. بسلام .. وطول الطريج سلطان ساكت ماناقش يدوه بسالفه إصرارها إنها اتي بيتنا ..

بسرعه أربع ودشيت حجرتيه وقفلت باب حجرتيه ورايه .. وحضنت مخدتيه ويلست أصييييييييييييييييييييييح بصوت متقطع ..

لفيت يسار وشفت دفتري الخاص فيني تحت المخده سحبته وفجيته وكان مكتوب على أول ورقة فيه :

" يــــابعــــد عمـــــري "
ماتموت محبتك إلا بعد
موتي ..
ويبقى لك مع الذكرى
رسالاتـي
وصـدى صـوتــي

خليت أكس كبيره على هالكلام ........وكتبت تحت هالأسطر :

أثر المصايب ما تجيك إلا من الناس القراب
وبها الزمن حتى الخوي اللي تثق فيه احذره
ما يملي عيون الحسود بالزمن غير التراب
ومن لا يتوب من الخطأ تحرم عليه المعذره

فريته بعيد عني .. كنت أصيح مقهورة مستحيل سعيد يعرس مستحيل .. انزين انا الحين ليش ليش ليش اصيح .. هو يهمني هو شو بالنسبة لي .. قطع عليه هالكلام صوت المسج .. :

أنا رساله جيت من عند غالي
شخص موصيني أبلغ سلامه
جيتك أشيل الشوق بأول وتالي
في شاشة الجوال هذا كلامه ..
وش هي علومك يااابعد كل غـالي ؟
هذا سؤاله جاك

... ومع السلامه


طبعا من نفس الرقم .. ماادري ليش استانست على المسج مع اني معصبة ومالي بارض .. جان أرد وأكتب مسج يقول :

تسأل عن حالي : للأسف حالي مايسر ...؟؟!!

وغلقت تلفوني مااريد أطولها وهيه قصيرة ..

قمت من مكاني وبنت الليت ورديت حضت ريولي لصدي وغصبااااا عني نزلت دمعتي ..

دميت فترة على هالوضع .. ساكته بالضلام ماارمس حتى دموعي جفن ..
ماادري شوو اللي خلاني اسحب تلفوني وافتحه .. كانن عندي 3 مسجات ومكالمة بس مارديت حتى مافكرت اشوف من اللي مطرش وداق ..

طلعت رقم

رقم

::

::

رقم " سعيـــــــــــــــد "

ويلست أتأمل فيه ودمعتيه سبقت الكلمة اللي كنت بقولها نزلت بحرارة على خدي ..

كنت مسيفه رقمه بإسم
: ولد العم :

سرت غيرته وكتبت :
:: خيـــانــهـ ::

قبل مااغلق تلفوني وصلني مسج من من سعيد


ليت البحر يحكي لي
أسرار مافيه
حتى يعرف الفرق بينه
وبيني
إن كان موجه يشكي
اللي يعانيه
أنا دموع الحزن عنوان
عيني
أنا اليتيم اللي فقـد
شخص يغليه
أضحك وأجامـل والشـقـا مبتليني ..!

والله غصبااا عني غصبااا عني شهقت بصوت مبحوح .. خليت ايديني على عيوني ورديت مشيتها .. ليش اصيح ليش .. رديت وكتبت مسج حق حق الحقير ..



طيب و صدقت الحكي !!
غلطان غرتني العيون !!
مادري إن الناس في لحظة تحب !!
و الناس في لحظة تخون !!
الناس آهـ يا الناس !!
حتى في المحبة يكذبون !!
كنت أتصور حبي في عيونك كبـــــيـــر
همزهـ وصل تبدى و لا تعرف أخير !!!!







اليوم : السبت
الوقت : الساعه 6.40 صباحاً
المكان : في بيت بو سلطان

" سلطان "

كنت مستعيل بسرعه أشرب الحليب .. يكفي إني مب شابع نوم .. طول الليل وأنا أرمس راشد كان يتخبر عن يدوه .. بس حنيت على راسه لين ماعرفت السالفه من أولها لين أخرها رجعت الكوب على الطاولة وقفت خليت ايدي في مخبايه عشان أطلع سويج سيارتي .. أوووه نسيت تلفوني مشيت بسرعه صوب الدري وأنا راكب شفت موزة نازلة عيونها حمرررررر , ويها مصفر ..
سلطان : وعليكم السلام
لفت عني الصوب الثاني ..
سلطان : موزة

موزة : ...................

لفيت ويها صوبي كانت تصيح ..!!

سلطان : موزة اشفيج بلاج اتصيحين شيء يعورج ..؟؟!!

موزة : .........................

مسكتها من جتوفها بالقووو وخليتها تواجهني غصبا عنها ..

سلطان : قولي اشفيج لاتخوفيني

ارمسها وماترد عليه فجأة ..!!

::

::

طاحن كتبها من إيدينها واطايرن الأواق تحت ريولي بسرعه طاحت عيوني على الأوراق .. اللي ترسن الدري .. رديت اشوف موزة اللي بين ايديني .. شليت ايديني عنها " خفت عليها " .. ماعرفت شوو اسوي أول مرة اشوف موزة في هالحاله .. ؟؟

فجأة أشوفها تتراجع لورا .. أحس إنها فاقدة التوازن ماتقدر توقف على ريولها .. ماحسيت إلا إيدينها تضرب إيدي وامسكا وارفعها قبل مااطيح على الأرض ..

سلطان : موزة موزة ردي علي موزة

..

::

::

ماعرفت شوو أسوي غير إني أحاول أشلها وبحركه سريعه نزلتها من الدري وشفت البشكارة توها داشه الصاله .. زقرتها تساعدني أنشل موزة السيارة بوديها المستشفى شكلها فقدت الوعي ..

وجني مينون أسوق سيارتي بتهور .. كم سيارة جاوزتها وكم سيارة صيحت هرن عليه عشان أهدي .. بس ماشيء فايده حتى الإشارة خطفتها .. بأقل من خمس دقايق أنا عند باب المستشفى ..

نقلوها غرفة .. وخلولها أكسجين .. الدكتور قالي ضيج تنفس عندها ..

بعد ساعه تذكرت إني مارمست أمايه ولاقلت لها شوو صار .. خشيت إيدي بمخبايه عشان أدق حق أمايه بس تذكرت إن تلفوني ماعندي ..

سرت الرسبشن .. ودقيت على أمايه .. طبعا أحتشرت عليه لأن البشكارة قالت لها شوو صار وهيه حليليها أدق على تلفوني ومحد يرد وتلفون موزة مغلق ..

بعد ماسكرت عن أمايه دقيت حق الدوام عشان أخذ رخصة هاليومين .. شكلي مااقدر أداوم هالأسبوع كامل .. الوضع متكهرب في كل العايلة ..

وصيت أمايه وهيه يايه تيب تلفوني من حجرتيه ..

رجعت الغرفة اللي فيها موزة .. بعدها نايمه .. قصدي بعدها فاقده الوعي .. الله يستر وتقوم بالسلامه كله ولا موزة .. هاي أغلى وحده من أخواني .. واااااااااااايد أحبها .. أحب أطلع اللي في خاطريه عندها .. صح إنها تموت على المغايظ والمقالب بس مع هذا حايزة على مكانه في قلبي ...



....... بعد صلاة المغرب ......

طبعا مايحتاي أقول شوو الوضع عندنا .. بعدها موزة فاقده الوعي .. مانعرف شوو نسوي .. الكل متوتر .. وأمايه الله يهديها وايد مشتطه علينا ومحطيه ضيجتها في الكل ..

سلطان : الله يهديكم إنتوا كلكم متولفين في هالغرفة ومخلصين الأكسجين منها ..

أم سلطان : سكت إنت كله منك ماقلت لي أول ماطاحت

أبو سلطان : خلاص عاد صدعتوا روسنا من الصبح ونحن في المستشفى .. صدقه سلطان لازم نطلع من الغرفة

أم سطان : طلعوا إنتوا وأنا بيلس عند بنتي

شمة : حتى أنا بيلس

وقفنا وطلعنا كلنا .. أم سعيد كانت وايد تعبانه شلاها ريلها ورداها البيت .. يعني محد في المستشفى غير راشد وسعيد وأبويه وشمة وحمد .. يدوه كانت توها من ساعه هنيه بعدين رجعها سالم بيتنا ..







اليوم : السبت
الوقت : الساعه 8.30 مساءً
المكان : في المستشفى

" سيف "


سيف : راشد إنت وينك عن تلفونك من الصبح أدق ليشش ماترد

راشد : أسف والله حاطنه على السايلنت ..

سيف : انزين وينك أنت أنا عازمنك على العشا

راشد : ماأقدر أتعشا وياك

سيف : بوديك حفيت يمكن تشوووف ......!!

راشد : هههههههه تصدق عاد مشتاق أسير حفيت بس مااقدر

سيف : ليشششش !!

راشد : لاولاشيء ..!!

سيف : أوكيه إنت وينك الحين في البيت

راشد : لا في المستشفى

سيف : عسى ماشر

راشد : ماشر بس موزة طاحت تعبانه من الصبح ولين الحين في المستشفى

جنه حد صب عليه ماي باااااااااااارد .. أنربط لساني من إني أقول كلمة وحده ..

سيف : موزة !!

راشد : هيه ولين الحين فاقده الوعي ومحد يدري متى بتقوم ..!!

سيف : شوو صااااار

راشد : ......... ماادري شوو اقول لك

سيف : برايك برايك انا الحين بيي المستشفى

راد : لا مايحتاي مانعين الزيارات نحن بروحنا يالسين على الكراسي اللي في الممر

سيف : أقول لك بيي الحين يعني بيي يالله بااااي

سكرت عنه هذا مايفهم شوو يعني بالنسبة لي موزة .. يقولي مايحتاي

هذي موزة ...

تعرفون شو يعني موزة ..!!!

طلعت بسيارتي من البيت .. وأنا خاطري أطيرني بسرعه المستشفى أريد أعرف شوو صار بالضبط .............!!!


عشر دقايق وأنا في المستشفى .. سلمت على عمي وسلطان وتحمد لهم على سلامة بنتهم ... وسحبت راشد من إيده وسرنا بعيد عنهم ..

قلبي حاسه بيطلع من صدري .. ليته فيني ولافيها ...




هونتها لكنها عيت تهون
لاقلت راح الهم القاه قدام
فيني ألم مامر في قلب مطعون
وفيني حزن ماشيف بعيون الأيتام
عاقل ولكن طحت في وقت مجنون
والنفس طابت من عنا غدر الأيام


راشد : أشفيك وقف الدم بإيدي حشاا مب مسكه

سيف : راشد الحين تقولي شوو مستوي

راشد : شوو تقصد فهمني

سيف : راشد أرمسك عربي

راشد : أدري إنه عربي مب ..

قاطعته صدق متفيج أحر ماعندي أبرد ماعنده هالريال ..

سيف : أشفيها موزة شوو صار

راشد : ههههههه ليششش تهمك السالفه

سيف : هااا لا مب قصدي هاي بنت عمي ومن لحمي ودمي إذا ماهموني أهليه منو بهمني عيل

راشد : امممممممم تصدق عاد صدقت

سيف : راشد بتقول ولا لاه

راشد : بقول لأني مب متفيج لسوالفك البايخه

سيف : اللهم طولج يا روح

راشد : صدعت راسي بحنتك .. أسمع الصبح سلطان شاف موزة وقالها اشفيج وماردت عليه بكلمة بعدين مسكها من إيدها جان يطيحن كتبها وبعدين غمى عليها هاي كل السالفه

سيف : مسسستحيل لازم فيه شيء لازم يكون شيء يعورها أو ...

راشد : لا ماشيء يعورها أمس كانت شرات الحصان في العزبة

سيف : أنزين والحين شووو الحل ؟؟!!

راشد : حل حق شووو ؟؟

سيف : عشان حالتها

راشد : مااعرف الدكتور قال ننطر شوي لين لين ماتقوم من الغيبوبة

سيف : الحين من كم ساعه هيه في الغيبوبة ..

راشد " يرفع إيده يشوف الساعه " : أممممم تقريبا هيه طاحت الساعه 7 الصبح والحين الساعه 9 المساء يعني من 14 ساعه

سيف : 14 ساعه وساكتين إنتوا ماتحسون مافيكم قلوب

راشد : سيف اشفيك تعوذ من إبليس هاي بنت أخويه وتهمني حالتها شوو تبانا نسوي

سيف : ماأعرف ماأعرف خلنا نرجع عند سلطان وعمي


رجعنا مكان ماكان يالس عمي وسلطان ويلست عدال سلطان كانت حالته تعبانه لأنه من الصبح هنيه ماطلع من المستشفى إلا حق الصلاة وعشان يوصل أمه البيت عشان تودع خلود عشان ماتحس إنه شيء مستوي لأن اللي عرفته إن خلود وعبدالله مايدرون إن موزة في المستشفى ..

سيف : سلطان قوم رد البيت عشان ترتاح

سلطان : أنا ماأرتاح إلا يوم اطمان على اختي

أبو سلطان : قوم يابوك سير إرتاح وإن شاء الله موزة ماعليها شر عندها أمك وأنا يالس هنيه لين مانطمن عليها

بعد دقيقة طلعت شمة من غرفة موزة .. وتوجهة سيده صوب راشد

شمة : عمي راشد أنا ببات عند موزة لأن عموه ماتقدر تودر عيالها بروحهم في البيت

أبو سطان : خلاص شمه قولي حق أبوج وأمج

شمة : إن شاء الله عمي ,, سلطان أشفيك ويهك مصفرررر

سلطان : ماشيء تعبان وأحس ماعندي طاقة

راشد : وين ماماكل شيء من الصبح

سيف : قوم قوم ويانا بنعشيك وبنخطفك على البيت

سلطان : لالالا سيارتي هنيه عند باب المستشفى

أبو سلطان : إنت سير وأنا بطرش الدريول إيي ياخذها من هنيه بس عطني سويج سيارتك

فعلا نفذ سلطان إللي قاله عمي وعطاه السويج وطلع معايه عشان يتعشا وراشد طلع ويانا بعد بس ركب سيارته وأقترح علينا أول نسير البيت عشان يوقف سيارته وايي معانا يعني نسير رباعه في السيارة أنا وسلطان وراشد ..

[لامارا]

***===== الــــجـــزء الــــثاني عـــشـــر =====***

حب يغيب وصاحبه ما بعد غاب
وحب يدوم وصاحبه في غيابه
وحب يذوب خافقً ما بعد ذاب
وحب يداوي صاحبه من عذابه
وحب حياته كلها لوم وعتاب
وحب حقيقي ما يضرك عتابه
وحب بلا معنى وحب بلاأسباب
يبدأ غريب وينتهي في غرابه

.................................................. ..............
.................................................
.....................................
..........................
..................
............
......


اليوم : الاحد
الوقت : الساعه 7.30 صباحاً
المكان : في المستشفى

" شمه "


من نص ساعة موزة قامت كانت تتكلم بكلمات غير مفهومه حاولنا نفهم شيء بس ماقدرنا .. بعدين سكتت خمس دقايق وردت تقول

" أباااااا ماااي ,, أبااااا ماااااي "

عطيناها الماي يمكن ترد لوعيها وتكلمنا كلام مضبوط بس ماشيء فايده تقول كلمات مخربطه .. حرمة عمي ماقدرت تتحمل الصدمه خافت إن بنتها تخبلت " يعني أستوت مينونه " فطاحت علينا .. ماعرفت شوو أسوي محد كان في المستشفى غيري بسرعه طلعت تلفوني من الشنطه ودقيت على أبويه بس أبويه مايرد على تلفونه فدقيت على سلطان .. فرد عليه .. كان نايم وعيته من نومته شوو أسوي غصبااا عني مب بيدي شيء أسويه غير إني أدق عليه هذي أمه وأخته . ياخوفي الحين أطيح أنا وتكمل السالفه ..



من سكرت عن سلطان اتريت ربع ساعه فقط وإلا سلطان ياي طاير المستشفى .. والله تلومت فيه لأني خوفته وياي مطير بسياره لو سوى حادث بكون أنا المسؤوله ..

سلطان : وين أمايه

شمه : هااا عموه نقلوها غرفة ثانية وموزة داخل تتكلم ومحد فاهم عليها

سلطان : انتي سيري عند موزة وأنا بسير اشوف امايه

رجعن الغرفة عند موزة وقفت عند راسه أحاول أكلمها

شمه : موزة موزة تعرفيني انا منووو

موزة : انتي غبية

شمة : موزة اشفيج الحين انتي تعرفيني ولا لاه

موزة : إممممممممم ,, إنتي إنتي شمه

شمة : الحمدلله ,, انزين شوو يعورج

موزة : آآآآآآآآآآآآآآآآه ,, قلبي يعورني

تقربت منها أكثر وحضنتها .. وقعدت أصيح وهيه تصيح ماأعرف أخاف أفقدها .. موزة بالنسبالي أغلى من روحي أقرب أنسانه لي .. كنت دايما أعتبرها مثل أختي مثل ربيعتي مثل حبيبتي .. مثل روحي .. كنت أعتبرها نصفي الثاني .. كنا دايما نكون نحن " تـــــــــــوأم "
تحس فيني قبل لا أشكيلها وأحس فيها وأفضفض عندها بكل مافي قلبي .. من نحن صغار ويا بعض وكبرنا رباعه وسرنا المدرسه رباعه أدري إنها أكبر عني بس هذا ماأثر علينا خلصت موزة مدرسه ودشت الجامعه وبعدين لحقتها الجامعه حتى في الجامعه إذا كان عندنا بريكات ويا بعض نيسل نسولف أو ناكل وكنا نسير رباعه الصبح ونرد رباعه وكنت اترياها لو دوامها طويل وهيه نفس الشيء ومرات تخلص عني واجباتي وتسوي بحوثاتي ,, عمري ماشفت بنات عم مثلنا ؟؟!!

موزة : شمة أريد أشوف سلطان وينه

شمة : سلطان الحين بييج

موزة : أمايه وينها

شمة : الحين بتي لاتخافين

موزة : دريتي باللي سواه أخوج

شمة : أخويه ..!!؟؟ منوووو سعيد !!

موزة : هيه سعيد

شمة : شووو سوى ؟؟!!

موزة : بعدين بقولج يوم برد البيت ,, راسي يعورني أحسه بنفجر

شمة : ههههههههه أكيد من الرقاد

موزة : هههه حرام عليج والله أحس روحي بتطلع أخااااف أموت وماانتقمت

شمة : تنتقمين من منووووو

موزة : بخبرج كل شيء يوم بطلع من المستشفى


سكت موزة خمس دقايق ,, حسيتها تعبانه وتغمض عيونها بقوووو .. حسيت ان راسها صج يعورها وااايد مب قادره تتحمل ؟!! رجعت نامت على السرير ورجعت تقول كلمات غير مفهومه بلاها شووو ياها توها من شوي اشحلاتها ..!! والحين رجعت لحالتها ؟؟!!

حاولت أجمع شيء من اللي تقوله .. كانت تقول ..

" حمد لاتروح خالد بضربك "

" أبويه سلطان سوى حادث "

" الله ياخذ الشيطان يقص عليه ماخلاني أصلي "

وترد تسكت وترد تقول كلمات ثانيه خفت إنها تمووووت جدامي .. ربعت بسرعه أنادي الدكتور ..
دش الدكتور ومعاه سلطان .. شكل سلطان كان تعبان ومب قادر يتحمل المسؤوليه ..

طلع الدكتور من عندها وشكله مايسر ..

سلطان : بشر دكتور

الدكتور : والله أختك حرارتها واااااايد مرتفعه وانا عطيتها أبرى تنزل الحرارة

سلطان : أنزين والحاله اللي هيه فيها

الدكتور : لا تخاف أي واحد حرارته مرتفعه بيقول كلمات وجمل غير مفهومه

سلطان : والحرارة مضره

الدكتور : أكيد لو مانزلت بعد ساعه يمكن تموت لأن الحرارة واااايد مرتفعه عندها

سلطان : تموووت ,, أنزين شوو الحل

الدكتور : إنشالله تنزل وبعد نص ساعه بنعطيها إبرة ثانية لاتخاف بعدها ماوصلت مرحلة الخطر


اليوم : الاحد
الوقت : الساعه 5.30 مساءً
المكان : في المستشفى

" سعيد "

دشيت الغرفة اللي فيها موزة ولحسن حظي محد كان عندها .. أول ماشافتني موزة يلست على الشبريه وسحبت الشيله ولبستها ..

سعيد : السلام عليكم

موزة : و .. و عـ.. وعليكم السلام

سعيد : اشحالج موزة

موزة : أحسن عن حالك

سعيد : اشفيج ؟؟

موزة : مايخصك أطلع برررررررررررررع

سعيد : كيفج هووو أطلع برع قووولي اشفيج

موزة : قلت لك مايخصك أطلع برع ياااي تشمت حضرتك

سعيد : أأأأنـــــــــــــا أتشمت

موزة : هيه إنت اطلع برررررع مااريد اشوووف ويهك

سعيد : ليشششششش شو سويت

موزة : قول شوو ماسويته بعدك

سعيد : موزة بلا سخافه وهبل يهال وفهميني شو سويت

هنيه انفجرت موزة صياح وغطت ويها بإيدها .. أما أنا ماتحمل أشوف حد يصيح وخاصة ... وخاصة " مـــــــــوزة "
تقربت منها بس هيه بعدت عني ..!! خليتها في حالها وطلعت عنها ماأريد حد يدش ويشوفني معاها وهيه تصيح .. أخاف يفهمون السالفه غلط ..
أنا بروحي مب فاهم اللي قاعد يصير جدامي ..
وأنا طالع من غرفتها شفت سيف ياي صوب الغرفه وبإيده باقة ورد .. قهرني شوو يخصة بموزة لايكوووون حاط عينه عليها .. طبعا حاولت اتصنع له إبتسامه ويا شكله وايهته وتخبرني عن أحوال موزة حتى اشحالك ماقالها لي .!! " استغفر الله " ناقصين نحن .......!!
اتنرفزت منه ..!! والله كنت بعطيه بكس على خشمه أخليه يعرف منوو هو ومنوو أنا ... عطيته ظهري ومشيت وخليه واقف بمكانه يطالعني وأنا أمشي . خطفت على غرفة حرمة عمي وأنا توني بدش إلا يدوه طالعه أول ماشفتها خفت ....<<< خخخخخخخخخخ

سعيد : شحالج يدوه

أم مبارك : الحمدلله

سعيد : أشفيها الغاليه زعلانه

أم مبارك : إنت شوو تبا فيني تبا تذبحني ما يكفي اللي تسويه فينا ,, والله لو يدري أبوك عن فعايلك جان ذبحك

سعيد : بغيتج عون صرتي لي فرعون

أم مبارك : لاعون ولافرعون اللي يسوي سواتك مب ريال

سعيد : والله تهور مني والحين شوو تبيني اسوي

أم مبارك : الحين ياي تشاورني سو اللي تباه والبيت اللي انت فيه انا ماطابتنه بريلي تفهم

شوووووووووو تتوقعون ردة فعلي .. والله يقول واحد عاطني بكس على ويهي ماقدرت أتحمل ..

حاولت افهما بس ماقدرت سارت عني وخلتني اروحي ..

انا وين ألقاها من يدوه ولا موزة ولا مشكلتي ويا حرمتي وولدي ؟؟!!




اليوم : الاحد
الوقت : الساعه 5.30 مساءً
المكان : في المستشفى

" سيف "

واقف بمكاني مثل الغبي أطالع اللي ياي واللي رايح ..
هذا سعيد على شششووو شايف نفسه ..

الحشيمه مب له ..!!

صدق اسخف منه ماشفت عيل يودرني واقف ويسير ..
لفيت صوب غرفة موزة ودقيت الباب ..
ودشيت بعد دقيقة ..

حصلت موزة بروحها .. استحيت ادش نزلت ويهي لأنها حسيتها قفطت من شافتني .. بسرررعه مثل البرق تغشت بشيلتها حتى حليلي ماشفت ويها زين ماقدرت أجمع شيء منه ..

سيف : الحمدلله على السلامه بنت خلفان

موزة : الله يسلمك

سيف : اشحالك ربج بخير

موزة : الحمدلله

تقربت وخليت الورد على الكرسي ورديت صوب الباب
:: خلاص اترخص انا

موزة : فداعة الله

طبعااا من حقها ماتقولي قرب أو تفضل لأنه عيب وين أباااا يكفي إني شفتها على إنفراد ويكفي إنها ردت عليه حتى ولو بكلمتين ..

كنت أمشي ساير صوب الباب بطلع من المستشفى شفت يدوه تمشي ومعاها خالد ..

سرت سلمت عليها وصلتها لين باب غرفة موزة وبعدين رديت ركبت سيارتي ..
ودقيت على رشووود .. هذا دومه مطنشني ومايرد عليه ..

سيف : وينكـــــــــ .............!!؟؟

راشد : مشغوووووووووووول .... ^_^

سيف : استغفر الله أي شغل هذا العصر

راشد : شغل ياريال إنت اشدراك بالشغل

سيف : إممممممم شغل العصر أكيد تغازل مسود الويهه عند يدوه بخبرها بسوالفك

راشد : أسكت أسكت إنت .... لا أفضحك في العايلة بكبرها

سيف : راشد ..!! أنت محد يقولك شيء

راشد : ههههههههههههه أحسسن عشان ماتقدر تتحرك شبر واحد

سيف : مالت عليك

راشد : لوو سمحت لاتسب

سيف : سخيف

راشد : جب جب لا أسكر الخط في ويهك يا الهرم

سيف : أووووووووففف منك ترفع الضغط

راشد : أدري أدري معذب قلوب

سيف : آآآآآآآآه ليته قلبي عندي

راشد : سييييييف .. حششم أحسن لك

سيف : خلاص خلاص أنسى ..

راشد : أحسسسسسسن ,, انزين أندوك إنته

سيف : شوووو

راشد : أبا اسير حفيت لاااااااازم

سيف : متى

راشد : الحين بعد متى

سيف : الحين ..........!!؟؟

راشد : لاباجر .. ماتفهم اليوم يعني اليوم

سيف : شوو عندك بحفيت

راشد : إنت تعال وبقولك السالفه

سيف : لاتقولي السالفه ولاعندك خبر خلاص فهمنااااا

راشد : صدق مايفوووتك شيء .. انزين تسير معايه من زمان ماسرت خاطري أشوفها لو من بعيد المهم أبرد قلبي ..

سيف : مسود الويهه .. عيب عليك البنت بنت عرب وجبايل شوو تباها

راشد : أنا عيل شوو ولد شوارع

سيف : استغفر الله .. انت بلاك مخرف اليوم

راشد : دخيلك والله حس فيني

سيف : أحسسسسس بشووووو ...؟؟!!

راشد : الله يعين اللي بتاخذك ...!!

سيف : الله يعيني أنا ..

راشد : انزين صدعت راسي يالله تعال انا تراني بطلع الحين من البيت

سيف : مافيني اسير ,, دور على غيري

راشد : غصبااا عنك .. يالله عاد عشان خاطرهم

سيف : أوف منك مسكتني من إيدي اللي تعورني .. خلاص الحين بخطف عليك وبنسير بسيارتي خلك جاهز

راشد : اوكيه فمان الله

دشيت غرفتيه وغيرت ملابسي ولبست شورت وقميص أريد أتمشاااا هذا راشد بطنشني أول مايووووصل أعرفه راعي حركات مب هين عمي ..

طلعت من غرفتيه إلا الوالده بويهي لو درت إني بسير ويا راشد جان نحرتني

أم عبدالله : على وين

سيف : إمممممممم .. مثل ماتشوووفين

أم عبدالله : النادي

سيف : لا بتمشى صوب حفيت

أم عبدالله : انزين اخوك دق عليك

سيف : منووو عبدالله

أم عبدالله : منو غيره

سيف : لا مادق أظني بعدهم ماوصلوا

أم عبدالله : ماادري حق شوو ساير ويا حرمته لازم يعني يخسر عمره عشان حد مايستاهل

الحين بتبدأ اسطوانتها المشروغه اللي مااحب اسمعها .. أوف انا كيف عيل لوو قلت لها بتزوج موزة جان تبرت مني أنا وأخويه ..

سيف : خلاص انا مستعيل شيء في خاطرج

أم عبدالله : مشكور الله يحفظك فديتك


طلعت من البيت بسرعه لازم تقهرني ..

بعد ربع ساعه وصلت بيت يدوه وشليت راشد وطول الطريج كان ساكت جنه يجهز ويفكر بالكلام اللي بقوله .. ياخوفي مايحصلها البنت ويموت عليه ..
كخ كخ كخ كخ كخ كخ كخ كخ كخ كخ خ خ خ خ خ خ خ .. أحسن لو مالقاها عشان يعرف يتسنع ويعرف الأصول .. هذا الولد بينفد جدامي وأنا يالس اتفري عليه ..

بعد نص ساعه وصلنا حفيت وكالعاده ززززززززززززززززحمه .. أول ماتوصل تلوع جبدك من الزحمه .. حشى اللي يشوووفهم كلهم هنود .. استغفر الله يا هالمهنده في كل مكان القاهم .. لازم يثبتون وجودهم .. لو كانوا أهل الإمارات كثر الهنود جان ماكفتنا الدولة .. يالله شووو نسوي بعد ترانا مانستغنا عنهم ..

راشد : أوووووووووفففففف ربع ساعه واقفين بنفس المكان شوو مستوي

سيف : ماتشووف الشرطه حادث بعد شوووو

راشد : انزين والحل ..!!!

سيف : تريااا شوي بحولون الشارع على الجهة الثانية عشان يفضون الشارع

راشد : نحساااااااااااااااه ياربي

سيف : أدري فيكـ .. مب فيني

راشد : سكت سكت اروحي معصب .. فج الدرايش وبند المكيف الجووو حلوووو

سيف : انزززززززين .. ترا مايخصني لووو فطست

راشد : ................................... ^_*







اليوم : الاحد
الوقت : الساعه 7.30 مساءً
المكان : في المستشفى

" سلطان "


مينووونه انتي ولا شوووووووو ..؟؟!!

موزة : دخيلك أريد أطلع باجر عندي كلاس الــ MATH اروحي عندي انذار 5 % فيه مافيني على الإنذار الثاني

سلطان : صدق خبله انتي تشووفين الدراسه أهم من صحتج

موزة : أكيييييييييييييددد أهم

سلطان : لاترفعين ضغطي بروحي تعبان من امس

موزة : بقول حق ابويه يرمس الدكتور عشان يطلعني

سلطان : انتي ماصر لج ساعتين من نزلت الحرارة وتبين تطلعين فوضه الدنيا

موزة : كيفي صحتيه وأنا أبخصبها

سلطان : موزان عقلي بسج شياطين ،،، أمايه اروحها تعبانه والسبه إنتي فلا تزيدينها .. وإذا على الغياب أنا بييب لج ورقة من المستشفى وانشالله يصير خير

شمة : صدقه سلطان عيب عليج ابوج وامج واخوج تعبانين اكثر منج وفوق هذا ماهمج

موزة : انتوا ماتحسووون باللي احس فيه

فجأة يندق الباب .. ولف سلطان صووب الباب .. قربوا قربواااا

والمصيبه كان سعيد على الباب .. وأول مادش سعيد وأمه تيبست موزة بمكانها ..

أم سعيد : السلام عليكم

سلطان : وعليكم السلام مرحباااا الساع

سعيد : الحمدلله على السلامه وماتشوفون شر

سلطان : الشر ماأييك يابو عسكور

أم سعيد : اشحالج موزة انشالله احسن عن قبل

موزة : الحمدلله بس الحين احس الحرارة رجعت

سعيد " وهو يطالعها " : ...................................

شمه : أمايه اشفيج شكلج تعبانه

أم سعيد : لا مافيني شيء بس تعرفين موعديه قريب عشان جيه

موزة : إنشاء الله خير

سعيد : يالله أمايه أنا مستعيل

سلطان : وين توو الناس

سعيد : لا ورايه طريج لدبي

سلطان : اممممممممم خلاص فهمت

سعيد : يالله شمه قومي

شمه : انزين

موزة : شمه يلسي عندي محد ببات عندي اخاف اروحي

سلطان : لا برايها خليها تسير وراها جامعه ,, لاتخافين بنخلي البشكاره تبات وياج

موزة : انزين شمه رمسي Mis الــ MATH خليها ماتسجلني absent

شمه : فالج طيب


طلع سعيد وشمه وأم سعيد من غرفة موزة .. وبقيت أنا مع موزة .. وطول الوقت كنت ألعب بتلفوني وهيه منسدحه على الشبريه ..

ملللللللللللللللللللللللل ل .. مااحب يلسة المستشفيات .. تطلع روووحي .. قمت من مكاني وسرت صوب الباب ..

موزة : وين بتسير

سلطان : بييب لج عشاء وبعدين برد البيت

موزة : ومنوو بتم عندي

سلطان : ابويه الحين بييج وبييب البشكاره لاتخافين مابطووول نص ساعه

قبل مااقفل الباب سمعت مسج .. لفيت ورايه لأن المسج واصل على تلفون موزة .. شفتها سحبت التلفون من على الطاولة .. أما أنا قفلت الباب وطلعت




اليوم : الاحد
الوقت : الساعه 9.00 مساءً
المكان : في المستشفى

" موزة "

سحبت التلفون .. فرحت لأن حد ذكرني حتى ولو بمسج .. يمكن وحده من ربيعاتي درت إني في المستشفى ..

ابهديك قلب يا عساه يوفيك
وابعطيك حب يا عساه يكفيك
وابهديك كلام يا عساه ما يقصر
فيك
وابحطك في عالم حبي بنسى
الناس فيك

تبون تعرفن من منوووو .............. !!!

أكيييييييييد عرفتوووووا ؟؟!! من نفس الرقم ...!!

مستحيل حد مغلط برقمي ... رديت أدق على نفس الرقم والمشكله مايردون عليه ..

صدق قهرررررررررر ....... لازم أعرف من منوووو هالمسجات كل يوم خلاص تعودت لازم توصلني مسج من نفس الرقم ..

رديت طرشت مسج :
جتني رسالة وشالت الهم
عني ،،،
ونستني جروح الليالي
والأيام ،،،
منك الرسالة يوم جتني
خذتني،،،
من عالم التفكير لديار
الأحلام ،،،
أدري وفي وفيك ما خاب
ظني ،،،
من لام حبك جعلة اليوم
ينلام ،،،

أدري إنه سخاااافه مني .. بس محتاجه حد يسمعني حد يحس باللي فيني .. محتاجه أنسى سعيد وعمايله فيني ..

سعيد كان أول شخص اشوفه بحياتي .. أول شخص خذيت وعطيت معاه بالكلام .. كنت دايماً أرمسه بالمسن كنت دايما أسهر على النت عشانه .. كان دايما يخلص لي واجباتي وكل مااحتاج لشيء اقوله وهو مايقصر فيني .. كان دايما يسولف بكل أسراره بكل اللي بداخله .. بس للأسف أنصدمت من دريت إنه معرس .. يمكن لأني كنت أحبه وأعزه .. ويمكن لأني غرت بنفس الوقت إن وحده ثانيه تكون بحياته .. يعني بنسى كل اللي بيني وبينه .. كنت أعتبره كأخ .. وأكثثثثثثثثثررررر ..
صح إني كنت أرفض فكرة شمه
إني أكون زوجه لسعيد ..
يمكن لأني ماتخيلت أعيش مع شخص كنت 24 ساعه معاه ..
شخص يعرفني أكثر من نفسي ..
شخص كان مثل ظلي .. شخص كان يشوفني دايما بمحيطه..
عشان جيه كنت رافضة فكرة الارتباط فيه ..

ماأدري بالضبط .....................!!

هل فعلاً إني حبيته ..!!

هلااا فعلاا الحالة اللي فيها أنا الحين بسبة سعيد ..!!؟؟

وأنا شوووو بالنسبه له ..!! ..

هذا السؤال اللي محد يقدر يجاوبني عليه غيره ..
هذا السؤال اللي بندفن مع أخر دمعه راح أدمعها على سعيد ..
أخر فكرة تراودني في عقلي .. أخر ألم يعصره قلبي على شخص باعني بأرخص الأثمان ..

حكيت وما لقيت من الحكي الا الندم موال
سكت ومت بالحسره..ولا ادري وشهو احسن لي!!

لازم من اليوم أداوي الجرح اللي بقلبي .. من اليوم لازم أوقف على ريولي .. مستحيل أبين لسعيد عن اللي كنت أحمله بقلبي من حب له ..
مستحيل أستسلم لشخص مايستاهل دمعة من عيوني ..
كنت اقول هالكلام ودموعي غصبا عني غرقن عيوني ..
دفت راسي بين يديني يلست أصيح .. أخر موعد لي مع دموعي الحين .. لازم كل دمعه توقف خلاااااااااااااص كفايه اللي صار لي بسبته لازم اتغلب على فكرة سعيد ..

اللـــــــــــه ياخـــــــــــذكــ ..!! يـــاسعيـــــــد ..!!

استغفر الله ... استغفر الله ... خلاص تعبت تعبت مااقدر اتحمل أكثر .. فجأة تدخل عليه الممرضة ... ارتبكت مااعرفت شووو اسوووي

الممرضة : خير مالكــ تبكي ..!!

موزة : هاا لا ماشي بس أحس بصداع براسي أحس إن جسمي كله يعورني

الممرضه : أنا الحين بعطيكي إبره وانشالله تصيري منيحه

موزة : انشالله

بعد ماطلعت الممرضه عني .. حسيت إني بديت افقد الوعي .. هاي الإبره كانت مهدي وإبرة بنفس الوقت تنزل الحرارة وتضبطها .. وماحسيت بعمري وإلا أنا بسابع نووووومهــ ..

لحظه : اللي دار بيني وبينكم .. ماأريد حد يدري فيه حتى شمة ؟؟!!
لازم كل شيء يندفن هنيه .. لازم أنسى كل شيء ..
وأبدأ حياة جديدة ..................!!
" أدعــــــــولــــــــــــ ــــــي "

[لامارا]

***===== الــــجـــزء الــــثالث عـــشـــر =====***




خذتني للجفــا عزة وأخذني للعنــاد غرور
أخــاف أكون بغروري حبيب ومـــات بغروره
وإذا كــانت مسافات الغرام للغرام قبــــور
وش اللي يجبــر العاشق يخــــون ويحفر قبـــوره

.................................................. ..............
.................................................
.....................................
..........................
..................
............
......


اليوم : الأحد
الوقت : الساعه 10.00 مساءً
المكان : في جبل حفيت

" راشد "


من ساعه ونحن واصلين وكان زحمه حشاااا أستغفر الله اليوم الأحد وجيه لو الخميس كيف بكون ..

سيف بركن السيارة وسار يتمشا لأنه على قولته صدعت راسه .. كنت أدور بعيوني على حصوصتي .. أووووف ياربي خاطري أشووووفها والله حتى لو من بعيد ..

وصلت المكان اللي ألتقيت فيها .. على الكرسي اللي كنت يالس عليه كان يالس عليه شباب أثنين وثلاثه يالسين تحت ..
أممممممممم ..!!

والحــــــــــــل ........؟؟!!

وين أحصلها .. حليلي والله ياي متعني بس عشانها ..
لفيت على الشجرة حصلت يهال ثلاث يلعبون ومعاهم بنت كبيره بس للأسف هاي حرمة كبيرة يعني مش حصة ..

لحظه ......!!

اليهال وحده منهن ريم أخت حصوصتي بس وينها حصة ..

تقربت منهم كانوا بنتين ولد تقريبا كلهم نفس الأعمار .. الحرمة اللي كانت عندهم سارت كانت شاله ياهل صغير معاها ..

تقربت منهم وغمضت بإيديني على عيون ريم ..
ريم : منوووووووو

راشد : إنتي منووووووووو

ريم : أنا ريموووه إنت باباتي صح

راشد : لا غلط

ريم : لا صح

خوزت إيديني عنها ولفت بسرعه صوبي تتأكد إذا باباتها ولا لاه ..!!؟؟

بحركه سريعه منها لوت عليه بقوووة حتى من قوتها طحت على الأرض .. أضحك عليها

ريم : إنت ليش ماتحبني

راشد : منووو قال إني مااحبج

ريم : ماتحبني أنا كل يوم أيي هنيه وما ألقاك

راشد : كل يوم إتون ليش وين بيتكم

ريم : قريب من هنيه بسرعه نوصل

راشد : اهااااااا انزين من الحلوة اللي معاج

البنوته من شافتني صاحت وربعت بسرعه صوب أهلها .. أكره اليهال اللي بسرعه يصيحون .......

ريم : هذي عنوده

راشد : هههههههههههههههههههه انزين وين أختج

ريم : حصوه مايت معانا

راشد : ليششششششششششششش ..!!؟؟

ريم : ماأعرف بس قالت حق باباتي عندها واجب

راشد : هيه تروح المدرسه

ريم : لا , تروح الكلية

راشد : أهااااااااااا ,, انزين باباتج وين

ريم : باباتي اللي يالس على الكرسي

لفيت ورايه فعلا اللي كانوا يالسين على الكرسي الشباب الخمسه واحد منهم أبوها بس أي واحد فيهم كانوا اللي على الكرسي يبين عليهم شوي كبار وعندهم عيال أما اللي تحت يبين عليهم إلا من قدي يعني بعدهم شباب ..

بست ريم على خدها وقلتلها تقول حق حصة انها شافتني فقالت انزين .. ودرتها وسرت عنها ..

أمممممممممم تبون الصراحه فكرت بخطه ... << جهنميه >> ...

أتصلت بسيف قلت لها أييني بسرعه

كنت أتريا سيف على أعصابي وكنت أراقب تصرفات الشباب اللي على الكرسي وأفكر أي واحد فيهم أبوها . وأي واحد أخوها اللي يشبهني على قولتها ..
سيف : أشفيككككككككك خضيتني ياي أربع شوو صار

راشد : ماشي إنت دومك خواف متى بتصير ريال ماأدري

سيف : ياربي منك ويقوي بعد ريال إنت تنسي الواحد عمره

راشد : أنزين اتشوووف الشباب اللي يالسين هناك على الكرسي

سيف : هيه اشفيهم ؟؟؟؟!!!

راشد : واحد فيهم أبوا البنت واحد أخوها

سيف : إنزين إنت بشوو تفكر

راشد : أتعرف عليهم اللي أعرفه ابو البنت اسمه محمد حمد الــ ...... ,, وأخوها أحمد

سيف : تستهبل حضرتك شوو تبا يسوون أهلها لو دروا بالسالفه

راشد : ماسويت شيء غلط

سيف : هذا اللي تسويه مب غلط عيب عليك أعراض الناس مب لعبه عندك

راشد : سيف أسمعني أنا راشد مب سعيد اللي يلعب على البنات انا بتعرف على أهلها وبشوفهم زينين ولا لاه وبسأل عنهم هذا كل اللي بسويه

سيف : وبعد ماتعرف أصلهم وفصلهم ؟؟!!

راشد : طبعا بتقدم للبنت وبخطبها

سيف : تتكلم بكل عقلك إنت

راشد : أكيد من عقلي إنت الحين فكر بخطه نتعرف عليهم ترا الوقت يمر بسررررعه

سيف : إممممممممم .,, عندي فكره إونك مسك البنت وسير ودها عند أهلها أونها ضيعت أهلها

راشد : فاشله الخطه

سيف : ليشششششششش؟؟!!

راشد : لأن البنت تعرف أهلها إنزين ,, عندي فكره بشل الولد اللي عندهم هذا أصغر عنهم اتشوووفه اللي يالس يحفر بالتراب

سيف : أوكيه يالله بسرعه ورايه دوام باجر

راشد : أوكيه

تحركت بسرعه أنا وسيف صوب الولد وأول ماوصلنا عندهم فج حلجه وبغم علينا .. ههههههههههه والله زين يوم يت منه الحركه مب منا .. بس صوته كان مزعج يعني بفضحنا وبجمعهم كلهم علينا ..

مسكه سيف بقوووه .. يوم أقولكم هذا دفش مايعرف لليهال كثري .. شليته من سيف وقعدت أسكته لين ماسكت شوي وقلت لها بوديه عند أهله .. بدون مايقولي وين أهلها وديته بسرعه قبل لايسويلنا سالفه ثانيه وتضيع الخطه علينا .....






اليوم : الأحد
الوقت : الساعه 11.25 مساءً
المكان : في المستشفى

" موزة "


مــــــا بــيــن
الرمش والدمعه وظلمة
من ســــــــــواد الليــــــــل
اشوف الموت يتقرب يعانق
زهــــــــــــره سنيــــــــــــني
اشوف الحظ يرميني على
شط العـــــــذاب بحيـــــــــــل كأنه لي الشقا مكتوب
كـأنه منــــــــــي و فيــــــــــــني


توني بوطي راسي على المخده إلا بمسج يوصلني أذوووني الصراحه ..
شفت المسج من عند سعيد " هذا مايتووب " يكفي راسي بنفجر والسبه هو ؟؟!!


الله على مايفرج كربتك قادر
والله له الحكمه في دبرة مخاليقه
حلو العيون استهالت دمعها الحادر
كف العباير حزين الدمع ماأطيقه
حسايف الحزن يغشى وجهك الطاهر
والورد في وجنتك حرام تغريقه

يوم قلت لكم شكله يتشمت فيني وباللي صار ..
رديت طرشتله مسجين عشان يعرف منوو هوه ومنوو أنا ..

" غبي " ..... أكرهك .... !!


المسج الأول :
مالك نصيب في دنيتي ومالي نصيب في دنيتك ..
خلني أعيش بحسرتي وأنت تهنى بدنيتك ..


المسج الثاني :
مالك أمل أرجع لك
ألا
بشرطين!!
نفذ شروطي كان تبغاني.. أرجع!
))الشرط الأول))
رجعتي..
مع فلسطين؟!

)) والثانـــي))
خل الشمس
بالـاـيــــل..
تطـــلع؟؟!



رد وطرشلي :......

بنسحب من حياتك كان هذا رضاك
بختفي من عيونك ما بتم ارتجيك
انته حر بحياتك روح ربي معاك
ماجبرك تهتويني زور غصبن عليك

" والله فكـــــــــــه " ..
أبركها من ساااااااااعه ..

غلقت التلفون وفريته بالشنطه .. والله لو رد يطرش مابرد عليه لوو شو ماصار لين مايعاف عمره ويخليني بحالي .. وإذا زودها بخبر سلطان بكل شيء واللي يصير يصير

هالمرة صاح تلفون الغرفة .. شكيت إنه سعيد ومارديت عليه تمت البشكارة تشوفني وتشوف التلفون وسارت وردت عليه ..

بس هالمرة خاب ظني كانت أمايه داقة تتخبر عليه بخير أو شيء يعورني .. طمنتها عليه ونمت ..


في اليوم التالي .....................

حاولت أفج عيوني ماقدرت أحس إن عيوني من الحرارة مااقدر افجهن كانت الساعه تقريبا 6 الصبح سحبت اللحاف بعيد ونزلت من السرير ..

مشيت خطوتين وماقدرت أتحمل حسيت راسي يفتر حسيت إني في عالم ثاني .. ماقدرت اسيطر على توازني ,, وماادري شو صار بالضبط بعدين لأني فقدت الوعي ...





اليوم : الأثنين
الوقت : الساعه 7.45 صباحاً
المكان : في بيت ابو سعيد

" سعيــــد "



قمت على صوت تلفوني من نص ساعه يصيح وانا كل مااسمع صوته أخش راسي بين المخدة .. أكره شيء عندي حد يخرب عليه نومتي ..
سحبت التلفون إللي من حشرته خشيته تحت المخده وبدون مااشوف الرقم ..

:: فديت اللي نايمين ياربي ::

فزيت بسرعه وخوزت التلفون من أذوني وشفت على شاشة المبايل مكتوب " الخبلــــــــــــه "

بغيت أنجلط .. أصبحنا وأصبح الملك لله ..

حد يصبح على صوت يلوع بالجبد ..

سعيد : وبعدين معاج ماتستحين على ويهج

الخبله : وإنت تستحي عشان أنا استحي

سعيد : خلاص قلنالج انا بعرس قريب لا وبعد أحبها وأموت فيها اللي باخذها

الخبله : نجوم السما أقربلك تاخذها

سعيد : هههههههههههه ,, لا الله يخليج وافقي عشان اخذها ,,
عليه منج أنا انتي ماتفهمين انا اكرهج اكرهج اكرهج

الخبله : ههههههههههه ,, عيل أنا أحبك أحبك أحبك

سعيد : حبج بتاني ,, هههههههههههههههههااااااي

الخبله : مايضحك

سعيد : انتي داقه عليه عشان تقولين أحبك ومااحبك سمعي حشمي عمرج أحسن لج وبعدين الناس يوم ادق تختار وقت مناسب مب وقت رقاد

الخبله : أمرك عجيب ياصاحبنا

سعيد : سمعيني زين هاي أخر مرة أدقين عليه تفهمين خلاص عفتج وعفت اليوم اللي تعرفت عليها فيج .. اللي قدج الحين عندها عيال

الخبله : شوو تباني اسوي يعني

سعيد : ضبطي حالج ودري هالخرابيط اللي مالها أول ولا تالي وقري في بيت أبوج .. وتقربي من ربج عشان يغفر لج

الخبله : أنا بسألك أخر سؤال ومن بعدها ما بتسمع صوتي

سعيد : يكون أحسن ,, سألي وجلبي ويهج

الخبله : أوكيه بسأل بس أنا ماأريد أعرف الإجابه ...أباك إنت تجاوب بينك وبين نفسك

سعيد : قولي وفكيني ماعندي شغله غيرج ..؟؟!!

الخبله : إنت متى أخر مرة صليت " بقلــــــــب خاشــــــــــــــع " ؟؟!!

سعيد : ................................

الخبله : خلاص أنا بسكر والسموحه منك بااااااي





جني حد عطاني كف على ويهي ..

تمت ساكت ساعه الكلمات أدور في راسي وااايد أشياء تخيلتها جدامي .. مااعرف كيف أعبر لكم باللي صار فيني ؟؟!!

قمت من فراشي وعلى طول على التلفزيون وأول وحطيت على
قناة ........ " الــمــجـــد " .......

كان فيه قرآن .. طولت شوي على صوت التلفزيون وجفت الساعه كانت تقريبا على الساعه 8.30 .. يعني طافت عليه صلاة الصبح والسبب كنت سهران على فلم ونمت على قرابة الفجر حتى ماترييت الأذان عشان أصلي .. كيف الله بوفقني بحياتي دام هاي هيه عيشتي ..

خذيت ملابس ودشيت أخذ لي شور ..

بعد نص ساعه طلعت وكنت أنشف شعري .. تقربت من التواليت وحصلت قلم وكتبت على المنظره " سامحنــــي يــــــــااارب "

بسرعه لفيت الغتره على راسي وتعطرت وقبل ماابند التلفزيون حذفت كل القنوات اللي مالها أي معنى كل قنوات الأغاني والمهزله والكلام الفارغ اللي تفسد الدين والمجتمع ..

نزلت من الدري وشفت شمة يالسه تقرأ أوراق ولابسه عباتها

سعيد : السلام عليهم

شمة : وعليكم السلام غريبة ليش قايم

سعيد : آآآآآآآه .. ماأدري بعدين بتعرفين .. على وين أشوفج لابسه عباتج

شمة : أتريا الدريول أيي عشان بسير الجامعه

سعيد : ليش الدريول وين

شمه : سار بيت قوم عمي يودي اغراض حق يدوه متصله تباهم

سعيد : أهااا ,, انزين قومي أنا بوديج الجامعه

شمه : هههههههه من وين طالع الشمس عشان توديني

سعيد : يالله يالله قومي مب وقت كلام فاضي وماله معنى

شمة : انزين بقوم ,, والله وناااااااااسه أول مرة في حياتي أحس إنه عندي أخو .....!!!!

قطعت قلبي هالكلمة " عندي أخو " أنا وايد مقصر مع خواتي وأمي ويدوه فديتها ياربي يعلن مااخلى منها لازم لازم اراضيها ..
ولا موزة .. بطنشها وبسكر على السالفه مااقدر أسوي أي شيء متلي ويهه أصلاا ارمس بكلمة وحده خلاص معرس عندي ولد بعد وين أباااا ...

ربع ساعه وأنا عند باب الجامعه نزلت شمة .. وفجأة تذكرت موزة لأني فيه مرة موصلنهن كان عندهن امتحان كان على مااذكر من سنه تقريبا كان الوقت على المغرب

طلعت تلفوني وكتبت كلام كان يدور في بالي من أمس قبل ماانام كنت وايد افكر فيه ..

ايـــــــه..ابي انســــــاك..
لو كنت النظر..
صعبه اعاشر شخص..
مـاعنده " ظمير " ..
مــــاعرفت اختار..
والدنيا عبر..
اعترف ان الخطـــــا.." مني" ..
كبيـــــــــــــــــــــر ..
لاتعذر..
ما ابي منك عذر..
نفتــــــــــــــــرق..
هاذا هو الحـــــل.."الاخيـــــــر"

غمظت عيوني وطرشته بسرعه حق " موزة "

غصبا عني نزلت دمعة على خدي .. والله أدري إنكم بتقولون ريال تنزل دموعه على على " وحده " إنتوا ماتدرون شو بالنسبة لي موزة .. بنت عمي وأقرب شخص لقلبي ..........

كنت دايما أقول إني محظوظ فيها .. وبغباء مني بعتها بأرخض الأثمان بعتها بتفكير دفعني أغلى مااملك .. دفعني حب كنت حاملنه معي من أنا صغير ..
فجأة صاح تلفوني . وكانت حرمتيه داقة " أم هزاع "
تنهدت ورديت عليها ..

أم هزاع : اشحالك سعيد

سعيد : بخير وسهاله اشحالج انتي وشحال هزاع

أم هزاع : هزاع وااايد تعبان واليوم الصبح ارتفعت الحمى عنده وماقدرت اسوي شي غير اني اوديه المستشفى والحين أنا في المستشفى معاه ويقول الدكتور لازم يتم عندهم يوم كامل

سعيد : شوووووووووو

أم هزاع : هذا اللي صار

سعيد : انا الحين ياي برايج خلي بالج عليه لاتودرينه دقيقة وحده واتصلي فيني لو صار أي شي أو قالج الدكتور أي شيء

أم هزاع : خلاص اترياك بس إنت خل بالك على نفسك ولاتسررررررررع ..

سعيد : ان شاء الله مع السلامه ..





اليوم : الأثنين
الوقت : الساعه 9.45 صباحاًً
المكان : في أحدى شوارع العين

" ســالـــــــم "



فيصل : وينك توني سرت مكتبك ماحصلتك

سالم : ترخصت وطلعت من الدوام

فيصل : عسى ماشر ؟؟

سالم : ماشيء بودي سيارتي الوكاله أجددها

فيصل : أهااا منتهية من متى

سالم : صار لها أربع أيام

فيصل : اهاااا ,, انزين بترد الدوام بعدين

سالم : لا مب راد

فيصل : انزين الملفات اللي عطيتك اياهن امس شفتهن

سالم : هيه شفتهن بس باقي واحد ماقريته

فيصل : انزين وينهن الحين

سالم : بتلقاهن في درج المكتب

فيصل : انزين خلاص برايك بدق لك بعدين

سالم : خلاص فداعة الله


سكرت عن فيصل ونزلت الوكاله اريد اخلص السيارة وافتك منها ..

حوالي ساعه خلصت منها وعلى طول ركبتها وشفت الساعه تقريبا كانت 11 دقيت على راشد

سالم : هلاا راشد اشحالك

راشد : بخير شووو مب وحالك اشتقت لي اليوم الصبح شايفني

سالم : خقااااق وايد عثرك ,, سمع سمع انت وين الحين

راشد : في الدوام وين بعد

سالم : انزين تقدر تترخص

راشد : ليششش خير شوو مستوي ؟؟

سالم : ولا شيء بس قلت بنمر على أمايه نقنعها ترد البيت

راشد : إنت ماتدري إنها طرشت الدريول اييب اغراضها اليوم الصبح

سالم : بذمتك مادريت

راشد : اليوم الصبح دقت على البشكارة وقالتلها اطرش ملابسها بيت بو سلطان

سالم : الله يهديها

راشد : انزين انت متى بتسير

سالم : الحين

راشد : خلاص بترخص وبلحقكـ

سالم : خلاص عيل تعال بيت بو سلطان

راشد : ان شاء الله مع السلامه

سكرت عن راشد وخطفت على البنك أريد اسحب فلوس .. بعد ماخلصت شغلي في البنك .. توجهة على بيت عمي بو سلطان ..

دخلت سيارتي وقفتها صوب المطابخ شكل بيتهم مهجور حشا مااشوف فيه حد .. نزلت وإلا البشكارة طالعه من المطبخ شاله كيس في ايدها .. سألتها وين ماما وين بابا .. قالت كلهم يروح مستشفى وأنا يجي هنيه البيت عشان موزة واجد تعبان .. سألتها عن يدوه وقالتلي انها داخل صالة .. دشيت الصالة .. وحصلتها يالسه وفاجه الجرايد جدامها اطالع الصور فيهن

سالم : السلام عليج الغالية
أم مبارك : مرحبا فديتك

تقربت منها وحبيتها فوق راسها ويلست حذالها

أم مبارك : اشحالك بوغنيم ربك بخير

سالم : بخير وسهاله انتي شوو هباتج

أم مبارك : بخير فديتك اشحاله اخوك راشد

سالم : بخير الحين ياي توني مرمسنه وقالي بلحقني ولا شحالها موزة سمعت البشكارة تقول انها مريضة

أم مبارك : هيه يابوك ماادري شو بلاها طاحت علينا

سالم : والحين شوو صحتها

ام مبارك : الحمى تروح وترد عليها واليوم الصبح طاحت عليهم في المستشفى الحمى مأذتنها

سالم : أكيد ضربها البرد في العزبة

أم مبارك : هيه انا قلت حق خلفان يمكن من العزبة

صاح تلفوني كان راشد داق

سالم : هذوه راشد يدق

راشد : ألوووووو

سالم : ها رشود

راشد : انا الحين عند اللفه إنت وينك

سالم : في بيت خلفان

راشد : خلاص عيل الحين بوصل بااااااي

أم مبارك : وينه اخوك

سالم : الحين ياي عند اللفه



بعد خمس دقايق .............................

وصل راشد وصدع روسنا بحشرته والله يقووول ياهل ..

راشد : أمايه متى بتردين البيت

أم مبارك : مب راده

راشد : هذا كله عشان سعيد عرس بدون شوركم

أم مبارك : خلاص انا غاسله ايديني من سعيد

راشد : حليله والله يكسر الخاطر توه مرمسني ويقولي ولده مريض ومرقدينه في المستشفى وهو ساير عنده حرمته مروعتنه تقوله بموت الولد

أم مبارك : بسم الله اشياه

راشد : ماادري والله بس قالي بدقلك اول مااوصل

أم مبارك : يوم بدق خليه يكلمني

راشد : تراج زعلانه عليه وين تبينه يرمسج

أم مبارك : اسكت انته .. اقول سالم

سالم : هلاااا امايه آمري

أم مبارك : اطلع انت واخوك نقلوا اغراضكم فلتكم وفضوا القسم حق سعيد عشان اييب حرمته وولده البيت

سالم : بس الفله يبالها وايد بعده الستاير والاثاث

راشد : مايبالها انا بشل اثاث حجرتي والصاله بس بأثث وأما عن الستاير مايرزن اسبوع بس تقريبا

سالم : يبالهن أكثر من اسبوع

راشد : عاااااادي


لايروح فكركم بعيد الفله مب برع البيت انا وراشد بانين لنا فله في نفس حوش بيت بوسعيد ومن شهر مخلصة باقي بس الستاير والاثاث .. والقسم اللي فوق حق راشد واللي تحت حقي .. وراشد طبعا فاتح له باب برع يوديه على طول فوق أما انا فخذيت القسم اللي تحت ..

سالم : خلاص انا من الحين بسير محل الستاير وبقولهم بسرعه يخلصونهن

راشد : انا بشتري اثاث جاهز لصاله أما عن المطبخ التحضيري برايه لين مااعرس

سالم : هههههه حتى الصاله اجل فرشها لين العرس احسن عشان كله يديد

راشد : والله فكره احسن عشان اثث على راحتي واسوي شيء حلوووو

ام مبارك : خلاص انا بكلم أبو سعيد وبفاتحه بموضوع سعيد وان شاء الله خير

راشد : الله يستر بس لاتنجلب السالفه علينا

[لامارا]

***===== الــــجـــزء الــــرابــع عـــشـــر =====***



أنـا السجـين بغـرفـه مـالـهـا بــاب
وأنـا الغـريـق فبحـر مجهول حـده
الصـمـت والدمـعـه وصـدك لـي أصـحـاب
وليل ضـرير مسامره مـا يــوده
رسـمـتـنـي في لوحة الذكــرى عـــذاب
طفـل يتيم ودمعـته فـوق خـده
يا صرخة الذكـرى كفى لـوم وعـتاب
أطوي خريف العـمر وجـرح المـوده

.................................................. ..............
.................................................
.....................................
..........................
..................
............
......


اليوم : الثلاثاء
الوقت : الساعه 10 صباحاًً
المكان : في أحدى شوارع العين

" ســلطــان "

الحين نحن متوجهين إلى البيت ..
ومعايه في السيارة أمايه وموزة " مرخصينها من المستشفى "

يالله الحمدلله على سلامتها " الدبـــــه "
صدق إنها حمارة زيغتنا كلنا عليها لا ليلنا ليل ولانهارنا نهار ..

أم سلطان : سلطان يابوك لاتسرع

سلطان : أمايه أسوق بس 100

موزة : ناوي تجتلنا

أم سلطان : خف فديتك على السيارة الشباب كلهم ماتوا والسبب هالسيارات ..

سلطان : خلاص مابسرع

أم سلطان : الله يهديك

دقايق إلا تلفون أم سلطان يصيح

أم سلطان : بذمتك الحمدلله على سلامتها ،، خلاص ان شاء الله بعد شوي بييكم منوو عندها هيه الحين ،، خلاص اوكيه مع السلامه

سلطان : شوووو مستوي

أم سلطان : حرمة عمكم ربت

موزة : واللــــــــــه ,, شوووووو يابت

أم سلطان : إنتوا شوو تبون بنت ولا ولد

سلطان : أكيد ولد شوو نبابهن البنات

موزة : لا نبا بنت ماعندنا بنت صغيره في العايلة

أم سلطان : يابت توأم أولاد

موزة : حلفي

سلطان : ههههههههه صدقتي شووو

أم سلطان : لا والله صدق يابت توأم أولاد

سلطان : ماشاء الله

موزة : الله ياحظهم بدق حق شمووه ابشرها

سلطان : وين ادقين البنت في الجامعه

موزة : لا بدق مايخصني لازم أخذ البشارة

..........

موزة : ماترد أكيد عندها كلاس الحين مايخالف بترد أكيد ادقلي

سلطان : بدق على سعيد ابشره

موزة : مالت على ويهك لازم ادق على عمك تتحمد له بسلامة حرمته

سلطان : بدق بس بعدين

...
سلطان : هلاا بوعسكور اشحالك

سعيد : بخير ربي يعافيك اشحالك انت واشحال الاهل

سلطان : كلهم بخير وسهاله ها وين انت

سعيد : اممممممم والله في دبي

سلطان : اهاااااا ،، انزين عندي لك بشاره حلوووه

سعيد : بشر والله فرحتني

سلطان : أمك يابت لك توأم أولاد

سعيد : قووول والله ...!!!

سلطان : والله شووو مش مصدق

سعيد : مادريت محد قالي

سلطان : توه أبوك داق على أمايه يبشرها

سعيد : الله ونااااااااسه أخيرااا صار عندي أخوان

سلطان : مبروووووووك تستاهلون

سعيد : الله يبارك في حياتك خلاص انا ساعه وبكون في العين

سلطان : خلاص الله وياك

أم سلطان : ها وينه سعيد

سلطان : في دبي يحوم

موزة : .............................

سلطان : أمايه غرت أريد اخوو

أم سلطان : عندك خالد وأحمد ويكفوني هذيل مب رايمه على صدعتهم

موزة : عرس وهات لك ولد

سلطان : هههههههه بعد مايعرس عمي سالم يصير خير

موزة : أسميك بتيبه الولد عيل

سلطان : لالالا شكل عمي صدق بعرس لأنه بدأ يأثث فلته هو وعمي راشد شكلهم بعرسون ونحن ماندري

أم سلطان : والله كل شيء جايز يابوك




اليوم : الثلاثاء
الوقت : الساعه 10.30 صباحاً
المكان : في بيت ابو سلطان

" مـــوزة "


اللــــــــــه ... اللـــــــــــه شكثر متوله على بيتنا ..

توجهة بسرعه لغرفتيه أحس إني من زمان ماشفتها ..
فجيت الباب لقيت صندوق كبيررررر على الشبريه تفاجأة منه ؟؟؟

خفت أفجه خفت يكون مش حقي ..

عقيت عباتي وشيلتيه وأنا عيني على الصندوق كان لونه سماوي ومخطط بأبيض ومربوط بشريطه كبيره لونها وردي وسماوي .. والشريطه نازلة لين تحت .. كان منسق بشكل حلووو ..

طلعت تلفونيه من شنطتيه وخليته في الجرج لأنه مفضي وأنا أريد ابشر شمووه بتوأم " وناااسه " مامصدقه لين مااشووف بعيني .. قلت بنزل بسأل عن الصندوق .. كنت توني بطلع من حجرتيه شفت البشكارة تبا ادش غرفتيه

موزة : شوو تبين ؟؟

البشكارة : هذا أغراض أنتي

موزة أشرتلها أدش وتخلي الكيس في الغرفة وأنا واقفه على الباب اشوفها وهيه تخلي الكيس على الكرسي ..

موزة : منوو يايب هذا الصندوق

البشكاره وهيه تأشر ع الصندوق : هذا امس واحد يجيب ويقول خليه داخل غرفة مال موزة

موزة : منووووو

البشكارة : مافيه معلوم ؟؟


طلعت البشكارة وخلتني واقفه عند باب غرفتيه وأطالع الصندوق والأفكار تروح وترد في عقليه ..

من منووووووووو ؟؟

يمكن من وحده من ربيعاتي .. دشيت غرفتيه وسكرت الباب .. وفجيت شريطة الصندوق ..

كان فيه وايد أشياء حلوه . اكسسوارات للغرفة ...........الخ
ولقيت صندوق صغير داخل فجيته وحصلت فيه أوراق وااااااايد أول ورقة مكتوب بخط عريض

" الحمدلله على السلامة "

فجيت الأوراق الباقية كان مكتوب فيهن شعر وأغاني ..
مافهمت السالفه قعدت أدور بالصندوق على أشياء تخليني أكتشف من منووو الصندوق بس ماحصلت أي شيء ؟؟
لا اسم الشخص اللي مطرش الصندوق ولا أي شيء يدلني عليه ..

من منوو ياربيه ..

أكييييييييدددددد من شمه ..!!

حركاتها هاي ادريبها ... هيه حصلت داخل الصندوق ورد بعد .. طلعت الورد وخليته في المزهرية اللي كانت على طرف الشبريه .. وخذيت تلفوني ودقيت على شمووه بس ماترد .. أكيد هيه الحين عندها كلاس ..

بسرعه سرت صوب الكمبيوتر اشوف غياباتي اكيد الحين بحصل انذار
10% في MATH فعلا مثل ماتوقعت ..
سخيفه المس والله اكرهااااااااااا .. ماعليه يالله بتحمل باجي اسبوعين وبخلص هالكورس وبشطبون ع كل الغيابات ..

صاح تلفوني وكانت أمايه داقه تقولي نزلي ساعدينا بالمطبخ حق جرمة عمج

طبعا وبدون شك قلتلها بنزل بعد ربع ساعه ..





اليوم : الثلاثاء
الوقت : الساعه11.30 صباحاً
المكان : في الجامعة

" شمــــة "


توني طالعه من كلاسي وكنت امشي على الحشيش معايه وحده من بنات الكلاس .. طلعت تلفونيه أشوف إذا حد دق أو لا .. لقيت موزة داقة رديت أدقلها بس محد يرد عليه ..

يلست أروحي لأن البنت سارت عني عندها كلاس على قولتها .. بعد عشر دقايق دقت موزة بس كانت داقة من تلفون أمها ..

شمة : هلاااااااااا والله

موزة : بنوووووور العين اشحالج الشماش

شمة : يسرج حاليه اشحالج انتي

موزة : الحمدلله من ساعه مرخصيني وأنا الحين في البيت

شمة : والله ألف ألف ألف الحمدلله على السلامة

موزة : الله يسلمج

مة : ليش ماتردين على تلفونج

موزة : تلفوني فوق في الجرج .. صح أكيد ماتعرفين شيء

شمة : أعرف ..!!؟؟ شوووووو ؟؟

موزة : هههههههه ششووو بشارتيه قبل

شمة : إذا البشارة حلوووه وتستاهل لج عيوني

موزة : البشارة فوق ماتتصورين واااااااااايد حلوة

شمة : انزين يالله قووووولي حرقتي أعصابي

موزة : أول قولي شووو بشاريه

شمة : قلت لج على حسب البشارة

موزة : أوكيه ,, ألف مبروووووووووووووك أمج ربت

شمة : حلفي متى ؟؟

موزة : اليوم الصبح

مة : قووولي والله محد قالي محد دقلي تلفون

موزة : يمكن نسوووج

شمة : شوووو ينسووني والله ياويلهم مني

موزة : أنزين ماتبين تعرفين شوو يابت

شمة : بنت صح

موزة : لا , ,,,, توأم أولاد

شمة " وصوتها يقطع لأنها بدت أتصيح " : جذاااااااااااابه يالله قووولي الصدق

موزة : والله توأم أولاد

شمه : إيهيء إيهيء إيهيء إيهيء إيهيء إيهيء ......

موزة : فضحتينا بشوفنج البنات

شمة : الحين برد البيت تعالي شليني

موزة : انزززين بييج بس سكتي فضحتينا

شمة : فديت أمايه شوو صحتها

موزة : الحمدلله بخير لاتحاتين

شمة : يالله الحين تعااااااااااااااالي

موزة : انزين ترا بس أمايه بتي معايه

شمة : عااااااااااادي

موزة : انزين خلاص بس بنتأخر شوي لأن امايه يالسه تعابل في المطبخ

شمة : انززين خلاص لا اتين بدق حق دريولنا

موزة : كيفج بس دريولكم اكيد مشغووول الحين

شمة : خلاص بتريااااج بس بسررررعه دخيلج أحس إن قلبي بوقف عليه

موزة : هههههههه اوكيه يالله بااااااااااااي

شمة : بااااااااي


قعدت اطالع البنات وألعب بتلفوني .. دقيت على أبويه بس مايرد عليه والله سخيفين بمووووت قهر ليش محد بشرني .. دقيت ع سعيد أبشره

شمة : بشااااااااااره

سعيد : ههههههههه جلبي ويهج بشروني قبلج

شمة : منووو بشرك

سعيد : سلطان

شمة : وانت وين الحين

سعيد : عند خواني الحلوين

شمة : مالت عليكم أكرهكم

سعيد : هههههه سمعي سمعي صوته يجنن فديته

شمة : أمايه وين

سعيد : امايه نايمة قالت إذا سمعت حشرتك ويا اليهال بتطردني برع

شمه : انت وين الحين عدالها

سعيد : لا انا في الصاله إللي حذالها ومعايه واحد من أخواني والثاني شلته السستر

شمة : شوو سموهم

سعيد : بعده أبويه ماشفته لين الحين ومايرد ع تلفونه

شمة : انزين باااي بعد شووي بيي وبراويهم

سعيد : منوو بييبج

شمه : دريول قوم عمي الحين موزة بتخطف عليه

سعيد : امممممم اوكيه اوكيه باااااااي


لميت كتبي وشليت شنطتيه وقمت أبا اسير الحمام اكيد جحالي سال من كثر ماصحت ..

وأنا سايرة صوب الرسبشن شفت ربيعاتي وبشرتهم إن امايه ربت ماصدقن انها يابت توأم قالن يمكن يقصون عليج .. فأكددت إن اخويه بعد قالي مستحيل يقصون عليه بهالخبر ..


يلست نص ساعه في الرسبشن لين ماوصلت موزة بسرررعه بسرررعه طلعت حتى من فرحتيه ماشخطت البطاقة زين .. والله قفطه خخخخخخ







بعـــــــــد يوميــــن من الأحداث السابقــــــهـ ..........



اليوم : الخميس
الوقت : الساعه 7 مساءً
المكان : في جبل حفيت

" راشد "

شووو أسووووووووي كالعادة اتريا حصوصتي ..

وأخيراااااااا شفتها بعد طول انتظار ,, وأكيد اول ماشفت أهلها أوني استهبل سرت وسلمت على أبوها وخالها وولد خالها خخخخخ شوو أسوي لازم أكسب ثقتها فيني .. هيه كانت تراقبني من بعيد وتبتسم لي .. وانا طاير من الوناسه ..

بعد ساعه دقلي سيف لأنه كان ياي صوب حفيت أوف قهرني مايخليني على راحتي ..

قبل مااسير صوب سيف كتبت رساله ع السريع وعطيتها حق ريم أخت حصه عشان تعطيها الورقة ..

وكان مكتوب في الورقة :

السلام عليكم
اشحالج ؟؟ اخبارج ؟؟
سمحيلي والله غصبا عني كتبت هالورقة بس لأني مااقدر اتحمل اكثر .. مثل ماتشوفين كل يوم وأنا هنيه اترياج .. والله من يوم ماشفتج وانتي في خاطريه ادري بتقولين هاي حركات الشباب كلهم .. بس والله مافي نيتيه شيء غلط .. اريد اكلمج بموضوع مهم .. لازم ارمسج فيه بس لازم تسمعيني .. عطيني طريقة عشان اوصل لج اللي اباه

لاترديني دخيلج ؟؟
تحياتي : راشد

بسرعه سرت صوب سيف ويلسنا شويه بعيد عنهم لأني خفت من ردة فعلها .. اخافها تفهمني غلططط ..

بس والله فهمووووووووووني غصبااااا عني هاي البنت دخلت خاطريه ومسسستحيل تطلع بكل سهوووله ..

خبرت سيف باللي صار واحتشر عليه

سيف : أأأخ عليك ياراشد ماتوقعتك تسوي هالحركات

راشد : انت ماتفهم قلت لك اباها اباها هالبنت مهما صااااار

سيف : تباها ؟؟؟ واذا صدق في خاطرك انك تباها ع سنة الله ورسوله جان سرت وطلبتها من ابوها

راشد : اخافها مخطوبه أو محجوزة لود عمها أو ولد خالها اللي تشوفه دومه معاهم ..

سيف : بس اللي سويته هذا غلط بغلط

راشد : ادري إنه غلط بس ماشيء حل غيره

سيف : لو خبرت أهلها

راشد : لا مااتوقع تسويها

سيف : شوووف هذيه اختها الصغيره يت صوبنا

راشد : شوووف شوووف حصة واقف بعيد تراقب اختها

سيف : ياويلك والله اني خااايف

راشد : سكت سكت فضحتنا



كانت ريم يايبه ورقة حق راشد .. راشد خذ الورقة وطار بعيد شوي عن سيف عشان مايقرأ شوو مكتوب فيها

كان مكتوب فيها :

أهلا يا أخ راشد

ماتوقعت هالحركة منك .. بس انا بعطيك طريقة عشان اسمع اللي عندك وبعدها لي حساب ثاني معاك ..

هذا ايميلي : >>>>>>@hotmail.com
وانشالله نتواصل من خلاله
ادري غلط بغلط اللي اسويه .. بس اتواصل معايه عن طريق الايميل أحسن من أي طريقة ثانية


فررررررحت مع اني ماااعرف شيء بالايميل انا حدي تلفونات وجات فقط لاغير ..

خبرت سيف بالسالفه وقالي يعرف كيف يفتح لي ايميل ويخبرني بكل شيء .. وبسرعه طيران ع البيت ..

أول ماوصلنا البيت مسكنا سالم
سالم : هاااا وين وين يلسوا معايه

راشد : شوووي بس بنرد

سالم : شوو عندكم

راشد : لا إله إلا الله دخيلك بس شووي بعدين بتعرف السالفه

سالم : لا ماشيء الحين اريد اعرف بسرعه قووووول

سيف : دخيلك بنخبرك بعدين بكل شيء بس خلنا نسير فوق وبعدين يصير خير

سالم : اوكيه عندكم نص ساعه بس انا بسير عند فيصل وبرد وتخبروني كل السالفه

راشد : ان شاء الله تامر آمر

بسررررررعه ركبنا فوق .. استغفر الله بغيت اطيح من الدري

سيف : ههههههههه والله لو طحت جان صورتك بالتلفون عشان الكل يضحك عليك

راشد : أأأأاخ ريلي عورتني مب قادر امشي عليها أووووف

سيف : ههههههههههههههههههههههههه هه شكلك يضحك

راشد : جب يالله جب .. أوووه تعال ماعندي لاب توب

سيف : مال سعيد

راشد : ماادري وينه اكيد شالنه معاه

سيف : انزين كمبيوتر البيت

راشد : في حجرة شمه

سيف : لاب توب شمه وينه

راشد : هيه لحظه بدقلها تلفون بقولها تيبه حقنا

شمة : ألوووووو

راشد : شمة هاتي اللاب توب وتعالي

شمة : انا في بيت عمي

راشد : مالت ع ويهج باااااااي

سيف : ها شوووووو

راشد : شمة في بيت خلفان

سيف : انزززين والحل ؟؟

راشد : بسير ادور مال سعيد يمكن احصله بغرفته

سرت غرفة سعيد قعدت أدور في كل مكان ماخليت كبت ولادرج بس ماحصلت شيء .. وين حاطنه مااااشيء بالغرفة

طلعت تلفوني من مخباتي ودقيت عليه
راشد : ألوووووو مرحبا سعيد

سعيد : هلااا راشد اشحالك

راشد : بخير اشحالك انت

سعيد : الحمدلله بخير بي يعافيك

راشد : سعيد انت وين

سعيد : وين بعد أكيد في دبي

راشد : إمممممم انزين اللاب توب مالك وينه

سعيد : شوو تباه

راشد : انت قولي وينه ؟؟

سعيد : بتلقاه تحت الشبريه ليششششش ؟؟

راشد : ماشيء خلاص برايك سلم ع المدام وحب هزاع

سعيد : ان شاء الله

راشد : يالله اجلب ويهك باي

طلعت اللاب توب من تحت الشبريه وطلعت من غرفت سعيد وسرت غرفتيه وحصلت سيفووه الحمار ينبش بأغراضي

راشد : حووووووو

سيف : شوووووو

راشد : لااتعبث مااحب حد يشوف اغراضي

سيف : دخيلك عاد والأغراض

راشد : جب جب يالله تعال بسررررررعه علمني

سيف : مااريد غيرت رايي

راشد : غصبااااا عنك يالله تعاااال

سيف : استغفر الله مشكلة الجاهلين

راشد : انت الجاهل .. انا ماعندي وقت حق هالخرابيط اللي في النت بس يالله ع ايدينك بنصير أوكيه

سيف : هههههههه ياخوفي والله من هالتجربة

راشد : تفائلوا بالخير

سيف : أي خير واللي تسويه غلط

راشد : جب لاافلعك باللاب ع راسك



بعد نص ساعه علمني سيف تقريبا كل شيء وماقصر سوالي ايميل وخبرني كيف ادش المسن ........... الخ

بعد شوي دق سالم وقالنا يالله نزلوا عشاااا .. غصبا عنا نزلنا وانا بالي منشغل بالخطه اللي بسويها طبعا لازم ادرس الموضوع قبل وافكر شوو راح اقول حق حصة ...

نزلنا تحت وكانت حرمة محمد يالسه وعندها واحد من اليهال صح نسيت اقولكم واحد سموه راشد والثاني سهيل .. الكل فرحان فيهم .. سالم 24 ساعه مجابل سهيل وانا مايحتاي اقولكم ميت من الوناسه لأنهم مسمين عليه " فديت راشد ياربي " يشبهني .. مع ان الكل يقول مايخصه فيك لازم يحبطون الواحد .. مايخلوني اقص ع عمري بكلمتين ..

بعد ماخلصنا عشا كنت ابا سيف يسير بيتهم بس طبعا استحي اطرده كنت ابا اسير ايلس ع النت <<< علموه الريال ^_*

كنا نسولف عن مشروعنا المأجل إلى ماله نهاية
سالم : أفاااااااا ليششششش غيرتوا رايكم

سيف : لا نحن بعدنا ماغيرنا راينا بس راشد الله يهديه يقول لين مايستقر نفسيا ..

سالم : شوو نفسيا بعد ؟؟

راشد : ياخي عندي مشاغل انت اشدراك ؟؟

سالم : رشود تراني والله بخبر عليك العيوز تعرف شغلتها معاك

راشد : ههههههههههههههه شوو دخل العيوز بالسالفه

سالم : انا أشم شيء مب زين ناوي عليه

راشد : أفااااااااا والله أفاااااا ماهقيتها منك إنت أبخص بتربيتي مايحتاي اخبرك

سالم : الوقت يغير ياراشد

راشد : أطمأن والله اني ماسويت شيء غلط هذا سيف يخورط من عنده

سالم : انزين تعااال ليش مامريت ع امايه اليوم

راشد : انشغلت بس بدقلها تلفون بعد شوي

سالم : ونعم الأبن البار

راشد : انزين امايه لين متى بتم في بيت خلفان بسها ماشبعت

سالم : .........................

سيف " ويشوف الساعه " : الوقت يمر بسرعه يالله عيل اترخص انا

سالم : وين تو الناس

سيف : عندي شغل باجر يالله مع السلامة

راشد : الله يحفظك مااقدر اقوم اوصك لين باب سيارتكم

سيف : لااستريحوا ادل الباب

راشد : فداعه الرحمن

طلع سيف من الميلس وسكر الباب وراه وانا لفيت صوب سالم شكله ناوي يسهر اليوم بو الشباب

سالم : انت بلاااااااك سيف مايدري ان سعيد معرس

راشد : اخرتها بيعرف لين متى السالفه بتم سكاتي

سالم : امايه قالت باجر بتنهي السالفه

راشد : أحلف عيل قوم قوم خلنا انسير انام انا حاس ان باجر مابعدي ع خير دام السالفه بتنفتح

سالم : سير انت نام انا بشوف الاخبار وبعدين برقد

راشد : متفيج حق صدعة الراس

سالم : انا مب شراتك جاهل

راشد : الله يخليك هذا تسميه علم الاخبار

سالم : قوم عن ويهي لا افر عليك قوطي الكلينكس

راشد : تصبح ع خير بسير ارقد

سالم : وانته من اهله


طيررررراااااااااااان ع حجرتيه .. النت كان مشبوك اصلا من اخبالي مابندت اللاب توب ..

اتبعت تعليمات راشد .. ودشيت الايميل أول شيء كتبت الايميل وبعدت ويهي بعيد عن اللاب توب ويلست اجمع العبارات في راسي .. لازم اجمع صح عشان لاتفهمني غلط ..

قطع عليه التلفون .. كان سعيد متصل فيني

راشد : هالله والله بوعسكور

سعيد : هلااا والله اشحالك وشحال الاهل

راشد : كلهم بخير وسهاله

سعيد : وشحال اخواني سهيل وراشد

راشد : بخير الحمدلله شوو فرحان عندك اخوان

سعيد : كيف ماتباني افرح انت عندك اخوان بس انا ماعندي غير اختين بس

راشد : ههههههههه هيه والله الاخوان السند في الحياة

سعيد : انزين اخبار يدوه

راشد : صح ذكرتني باجر لازم تكون في العين

سعيد : ليششششش ؟؟!!

راشد : باجر راح تتخذ السلطات العليا قرار في مصير حياتك

سعيد : لا خل عنكـ

راشد : والله جهز نفسك امايه قالت حق سالم باجر بتنهي السالفه

سعيد : لا دخيلك مااريد افارقكم

راشد : هههههههههه سولي فلم هندي الحين

سعيد : اووووووفففففففف متفيج انت

راشد : سعيد تحمل المسؤوليه وخلك ريال لو يوم واحد

سعيد : شووو أنا ياهل جدامك

راشد : لا مب ياهل كنت طايش

سعيد : اقول راشد انت ناوي تيبلي جلطه اليوم يالله يالله برايك مع السلامة

راشد : تلحف زززين يا بو الشباب يمكن عقب هاليوم مابتتهنا برقادك

سعيد : رااااااااااااششششد لااتخليني اعصب

راشد : هههههههه برايك برايك باااااااي


سكرت عن سعيد ورجعت ع شاشه اللاب توب اتذكر شو كنت بكتب حق حصة ..


لااطالعوووني بليييزز ادري انه غلط .. بس هاي اول مرة اخوض هالتجربة وخلوني اتحمل مسؤولية افعالي خخخخ


كتبت بالإيميل :

بسم الله الرحمن الرحيم

ادري اني غلطت يوم كتبت الرساله .. بس صدقيني انه غصبا عني ؟؟

انا بدش بالموضوع بدون لف ودوران ؟؟!!

انت بصراحه دشيتي مزاجي من يوم ماشفتج وانا مااريد الف وادور معاج انا بدش بالباب وبطلبج من اهلج .. وانتي تدرين اني تعرفت ع ابوج واخوج واخوج عطاني رقمة بس لين يومج هذا مادقيت له ولامرة ..

حصة انا اريدج ع سنة الله ورسوله ..
ادري انج بتقولين كيف بتاخذني وانا مااعرف شيء عن اهلج وانتي بعد ماتعرفين شيء عني .. انا عندي اقتراح نعرف اهالينا ع بعض واذا صار لي نصيب معاج باخذج ..
شووو رايج ؟؟؟؟


هذا كل اللي بغيت اقوله وماعرفت كيف اوصله لج ...

تحياتي :
... راشد ...

[لامارا]

***===== الــــجـــزء الـــخامــس عـــشـــر =====***




لا تلمس الجرح خل الجرح وأسبابه
الله يخليك ما فيني يكفيني
حتى حبيبي زمان الحب ما جابه
كان آخر إنسان متصور يجافيني
يكفيني إنه ترك لي شي أشقابه
دفتر قصيد وقلم مسجون بيديني

.................................................. ..............
.................................................
.....................................
..........................
..................
............
......


اليوم : الجمعة
الوقت : الساعه 8.30 صباحاً
المكان : في بيت بو سلطان

" موزة "

توني طالعه من الحمام ولافة الفوطه ع شعري أووووه برد برد .. بسرعه اسير صوب الكبت واطلع الدفاية واشغلها ويلست عدالها وماده اريولي وايديني الرخام كان باااااااارد حشا حشااا بستوي ثلجة بعد دقايق .. قعدت أنشف شعري بالفوطه لأني اريد انزل تحت وشعري كله ماااي لو طلعت جذيه عزا الله بطيح مريضة نحن ماصدقنا نتخلص من الحمى اللي يتنا .. لفيت راسي صوب الكرسي اللي كان حذال الشبريه وشفت الصندوق ماحركت ولاشيء منه لأنه مجهول صاحبه .. يوم سألت شمه قالت مب هيه وحلفت عشان اصدقها وسألت ربيعاتي بعد قالن مش هن .. ياربي عيل من منوووو .. قطع عليه صوت مسج ع تلفوني بسرررعه طيران صوب التلفون اللي كان ع التواليت .. وكان المسج يقول :


الى متى نرسل وانتم تردون
ليش ماترسل وحنا اللي نرد
انت غبت وغيبتك عني جنون
يابنت ليه ليه التغلي يابنت
التغلي مايصير ولايصير ولايكون
ممكن تسجل الوصل يمي وعد
وتبدل الحزن والهم وتحرك سكون
وتخلي ايامي فرح ومرح وسعد

طبعا تعرفون من منووو من الرقم المجهول اللي ماعرفنا أي شيء عنه هل هو بنت أو ولد ..
بس تبون الصراحه واااااااااااايد تعلقت به ماادري ليششش من يومين ماله حس ماادري ليش مطنشني ..
حاولت ادق بس مايرد ويقولي لاتحاولين مابرد عليج ..
وسألته وقال انه واحد ؟؟؟
ويعرف كل شيء عني .. كل صغيرة وكبيرة .. كل تحركاتي ياررربي منووو .. حاولت ابتعد .. حاولت اقول لسلطان بس خفت .. خفت تكبر السالفه وتستوي مشاكل لاسمح الله .. وانا الصراحه مااريد المشاكل بس هو وعدني بيي يوم وبعرف منوو هوه بس متى هاليوم ماادري .. مرات اقول مقلب من ربيعاتي ومرات أشك انه وحده مب واحد بس ماادري مايهمني شوو جنسه يهمني انه تعلقت فيه واستانس بمسجاته ع الأقل تنسيني هم سعيد .. صح إنه قلبي لين اليوم ينزف ألم من خيااااانه سعيد لي .. بس مع هذا مابستسلم لو مهما صاااااار ..

بسررعه طرشت مسج ع نفس الرقم ..

أنا رفيق الجرح من صغر سني
والجرح له في داخلي الف عنوان
ياسيدي هم البشر صارو مني
وصبحت أنا تمثال لهموم الأنسان
كل الوجيه تشابهت حد ظني
ماعدت أميز بين صادق وخوان
ياصاحبي لاتنشد الجرح عني
كل السوالف كذب صمت وحرمان

بعدين غيرت الرقم وسيفت بتلفوني بسم .. :: أفرح بوصلهم : ..

رد وطرش لي مسج يقول :

بعدك عن اللي مايعزك معزه
وصدك عن الي يعتنيبك مذله
الي يعزك لازم انك تعزه
وتعلن معه طول الليالي تضامنك
وللهرج حزات وللصمت حزه
من لايعرفك معرفة مايثمنك
وان كان عينك كل درب تقزه
اعرف ترا غيرك عيونه تعاينك

الصراااحه سكتني المسج كان له معنى باللي أعاني انا فيه .. طنشت وماردت عليه خلاااص يكفي مسج واحد ..

سرت وبندت الدفاية وسرت صوب الكبت
وطلعت لي شيله ع لون كندورتيه " سماوي " ولفيت شعري وتعطرت وتوني بشل تلفوني وإلا مسج يوصلني بس هالمرة من سعيد :

تعال شوف بعيونك
وش اللي صايرن فينا
جروح القلب يبكونك
وش السبة تبكينا
ترى ماكان ذا المأمول
انك من يألمنا
جرحت القلب عرض وطول
يومك ماتراسلنا

الصرااااحه عصبت عليه وبعدين معاه خلاااااااص هو عرس ولا بعد عنده ولد شوو يبا مني لااايكون يباني الزوجه الثاني .. ههههه بعيده عن خشمه ..

طلعت من الدرج دفتر كنت كاتبه مسج عايبني .. بسرعه كتبته بالتلفون وطرشته له :

ياولد طبعي ماترجى مقفين
من صد عني حالف ماترجاه
ننسى هوى من لايبينا محبين
ننسى غلاه وباقي الود نمحاه
ننسى هوى من باق عهد المحبين
ناقض عهود الحب لابد ننساه
نعلن جفاه ومن غرامه متبرين
فراق حبه عزة النفس ورضاه

جان أحط تلفوني ع السايلنت واخشه بمخباتي .. مافيني يفضحني بالمسجات .. طلعت من حجرتيه وسرت صوب حجرة لطوف كانت منسدحه وادندن .. استغفر الله .. جان اصرخ عليها صرررخه محترمه حتى انها فزت من مكانها .. خخخ تروووعت فرت عليه المخده وطردتني .. مشكله اليهال ..


وأنا نازلة حصلت حمد وخالد يلعبون بالسيايير لو تشوفون جالبين الصالة فوق وتحت ..

موزة : خلوووود شوو ها درس هوش مب صالة

خالد : وين نلعب في الشارع

حمد : أنا كنت راقد بس هو وعاني عشان ألعب معاه

موزة : بسير برع خمس دقايق وبرد وإن ماشفت الصالة مرتبه ياووويلكم مني والله بعق ألعابكم في الزباله

حمد : انزززززين

طلعت عنهم وسرت صوب المطابخ ولقيت أمايه وأبويه ويدوه فارشين برع ويالسين يتريقون

سلمت عليهم ويلست عدال يدوه وحبيتها ع راسها ..
مديت إيدي وخذيت الدله من جدام أمايه وصبت لي قلاس جاي ..

موزة : أمايه عيالج جالبين الصاله داخل

أم سلطان : ليششش لايكون كسروا شيء

موزة : ع وشك أنهم يكسرون ,, تعرفين سلل الملابس ساحبينهن في الصالة والطاولات ساحبينهن مخربين البقة داخل

أبو سلطان : خلوهم يلعبون عن البرد

أم مبارك : هيه شو تبينهم خوانج .. وين تبينهم يسيرون بهالبرد

موزة : والله كيفكم وياهم ..

تمينا ساكتين يدوه تسولف عن العزبة مع ابويه وانا اتسمع ولافاهمة شيء ,, شوي وإلا سلطان يحدر علينا ويحب يدوه ع راسها ويقعد حذالي من قعد خلى إيده بقووو ع ريلي حتى صرخت من كثر ماضغط عليها ..

موزة : أأأأأأأأاخ عورتني حشاااا دفش

أم سلطان : لو كسرت لها ريلها الحين

سلطان : بسم الله بس ضغطت ع ريلها مايعور صح يدوه

أم مبارك : اشدراني يابوك هاليومين البنات من طيحة بتكسرن ماشافن حياتنا في الأول كيف كنا نعيش

سلطان : سمعي الموز يدوه شوو تقول مب انتي

أم سلطان : سلطان وين بتسير

سلطان : ماشيء مب طالع بقعة لين الساعه 11 بسير بيت قوم عمي عشان الغدا هناك ولا شوو مابتسيرون

أم مبارك : لا لا بنسير وأنا الحين بسير ويا الدريول وبشل معايه حمد وخالد

أم سلطان : انزين سلطان اباك توديني الجمعية

موزة " كانت تشرب جاهي " : كح كح كحح أفاااااااا ياأمايه انتي يلسي وانا بسير الجمعية انتي بس قولي شوو تبون

سلطان : حشاااا زاهبة لسيرة ماتتعايز

أم سلطان : انزين خلاص سيري انا بسير اركب الجدر ع الغاز

قمت طيران صوب البيت وادش وأول ماشافني حمد بسرعه يربع يتحسبني يايه بضربه حليلهم يسمعون الكلام يالسين يرتبون الصالة

خالد : ماكملتي خمس دقايق

موزة : بسير فوق وبرد وبشوف الصالة نفس ماكانت وإلا دوروا زباله حق ألعابكم

بسرررعه أركب الدري وادش حجرتيه وألبس عباتي وطلعت تلفوني من مخباتي وخشيته بالشنطه وانزل بسرعه وأول ماشافني حمد
حمد : وين بتسيرين

موزة : الجمعية

خالد : بسير معاكم مايخصني

موزة : جب رتب الصالة لاادفنك فيها

حمد : انزين اشتريلي كندر وبطاطا ليز

موزة : انشالله ماطلبت بس بسرعه رتبوا الصالة لأن يدوه بتوديكم بيت قوم عمي ماتبون تشوفون سهيل وراشد

خالد : بسرعه حمد أسحب معايه الطاولة

كنت يالسه ألف شعري زين ليانفج وتحجبت وطلعت من الصالة وبسرعه صوب المطبخ عند امايه .. بعد ماقالت الطلبية اللي تباها ولاجمعت من اللي تباه شيء قلتلها بدق لج تلفون ..

طلعنا من البيت وكنت أهذرب ع راس سلطان وهو ساكت مضايج من حشرتيه ..

سلطان : يالله نزلي الجمعية انا بسير الشيشة وبرد تفهمين

موزة : أخاف اروحي

سلطان : شوو تخافين يالله بسرعه بسكرونها اليوم الجمعة تسكر وقت

موزة : انزين

تغشيت ونزلت من السيارة ودشيت الجمعية مااعرف شوو امسك كنت خايفة .. شفت واحد سخيف يطالعني بنظرات تروووعت بس اطمأنيت من شفت وحده حرمة ومعاها بنتها الصغيرة وكنت وايد جريبة منهم وأحاول بسرعه اخلص اللي تباه امايه من اغراض ..
بعد ماخلصت تقريبا دقيت ع امايه بس تلفونها مشغول طنشت ودقيت ع سلطان اقوله وينه وقالي الحين عند الدوار بسرعه وسرت أحاسب والسخيف كان واقف ورايه ترووعت .. وشوي ويصيح تلفوني ارتبشت ماعرفت شوو اسوي وهالدفش ورايه وكانت النغمة مزعجة صوتها واايد قوووي .. والله استحيت حسيت اني وحده سخيفه ومافيها أدب ويا نغمتها .. كانت فضيحه

بسرعه رديت عليه

موزة : ألووووو

سلطان : يالله طلعي

موزة : اوكيه باي

قلت حق الهندي يدز العربانه ويلحقني فيها .. كنت أطالع ورايه خفت سلطان يشوفه ويسويلي سالفه ..
الحمدلله مالحقني لبرع .. ركبت السيارة وسرت صوب البيت ..


ع الساعة 11.30 .. طلعنا من بيتنا أنا وسلطان واماية ولطوف وسرنا بيت يدوه ..

أول ماوصلنا البيت شفت سيارة سعيد واقفة عند الباب .. استغفر الله يعني اليوم مب حلووو ..
بسرعه سرت حجرة شمة دشيت بدون ماادق الباب حصلت شمة عاطتني ظهرها ويالسه ادخن ملابسها اللي بالكبت ..

موزة : سلام

شمة : هلااا والله بنت العم متى وصلتوا

موزة : تونا تعااالي تعاالي ليش لابسة سماوي شراتي

شمة : شوو اسوي القلوب عند بعضها

موزة : يالله يالله بدلي لبس لون ثاني

شمة : سيري لااااا كيفج هو مابغير ملابسي

موزة : انزين عطيني المدخن ادخن ماادخنت في بيتنا

شمة : دوج المدخن .. اقول شو بلاها يدوه

موزة : ليشششش ؟؟!!

شمة : ماادري من يت سألت عن سعيد وقالت له يلحقها حجرتها ولين الحين هيه معاه ودخل معاها عمي سالم وبعدين دقوا ع ابويه ولين الحين ماطلعوا

موزة " بإستغراب " : حلفي يالله يالله خلينا ننزل بعدين بتعرفين السالفه

شمة : تمسك موزها من ايدها قبل لاتطلع من الباب " : تعااالي قولي لي السالفه قبل مااعرفها منهم

موزة : تبين الصدق سعيد اخوج

شمة : اشفيه ؟؟؟!!

موزة : معرس وعنده ولد

شمة : ههههههههه قصي ع غيري

موزة : والله العظيم ومسكننها بدبي

شمة " مستانسه " : الله وناااسه صار عندنا ثلاث بيبيات في البيت

موزة : مستانسه وياويهج

شمة : عيل تبيني اصيح

موزة : هيه عيل شو .. بذمتج أخوج معرس بدون شور أهله وحرمته ماندري منو اهلها وشو اصلها وكيف خذاها

شمة : لاتخلين الشيطان يلعب براسي

موزة : خلينا ننزل نعرف السالفه أحسن

بسرررعه نزلنا تحت وشفنا نورة ولطيفة راكبات

نورة : ردن مكان ماييتن بطردونكم

شمة : هذيل انتن اليهال مب نحن انزززين

لطيفة : شيء مستوي الكل يصيح

بسرعه طنشناهن ونزلنا
وأول مانزلنا الصاله جنه عزا " بسم الله الرحمن الرحيم "

انا وقفت مكاني شمة سارت صوب ابوها اللي مخلي اراسه بين يدينه .. سارت شمة ورفعت ايدين راس ابوها وعمي بسرعه طاح في ثبانها يصيح ويقول : هذا يزات تربيتي فيك كنت اعتبرك ولدي وسندي في الدنيا

شمة : بس ابويه دخيلك بس

نزلت انا واشوف سعيد ماسك ايدين امه وامه اتصيح وامايه تهدي في حرمة عمي ويدوه تصيح وعمي راشد واقف ع طرف وعمي سالم يالس حذال يدوه وأبويه معصب ويالس حذال عمي سالم

شمة : دخيلك ابويه بس دخيلك اللي صار صار مايفيد اللوم الحين

ام سعيد : وين تربيتي وين سهري عليك وين تعبيه وينه هذا كله نسيت اني حملت فيك 9 شهور وغير التعب اللي تعبته عليك وانت ياهل

سعيد : امااايه دخيلج دخيلج سامحيني

أم مبارك " وهيه تسمع الآذان " : لاإله إلا الله

سالم وأبويه : محمد رسول الله

أم مبارك : يالله قوموا صلاة اليمعة ماشيء أخير منها وتعوذوا من أبليس

يدش سلطان ومعاه خالد وحمد

سلطان : بس خلاص الناس بسمعون مناحتكم هذي تعوذوا من أبليس واللي صار صار خلاص ما باليد حيله

سالم : يالله محمد قوم حق الصلاة

هالمرة تقربت انا وعاندت رجفة ريولي اللي كانت بطيحني في نص الصالة وسرت حذال عمي ورفعت راسه من ريول شمه وحبيته على يبهته

أبو سعيد : فديت ياموزة

موزة : يالله عمي عشان خاطريه قوم توضأ وسير صل

أبو سعيد قام وراشد يوده بإيده وطلعه برع بتوضأ في الميلس وطلع وراه سلطان وأبويه وعمي سالم وحمد وخالد ..
قام سعيد وحب راس امه وقالها اللي توصيني فيه أنا حاضر لو تبيني اطلقها انا بطلقها من الحين ولديه بس مابتخلى عنه .. وطلع برع وشكله مايسر .. كسر خاطريه صح انه اللي سواه غلط بس هذا مايمنع يصلح الغلط مايدمره ..

أم مبارك : شوو تبين الولد يطلق حرمته ولده يعيش متشتت بدون أم

أم سعيد : ................................

أم مبارك : تعوذي من ابليس يا ام سعيد وخليه الولد اييب حرمته تعيش معانا ولده يعيش جدام نظر عيونه احس من انه يعيش بعيد عنا وماندري شوو بتكون تربيته

أم سلطان : خلاص قومي توضي وصلي وطالعي تويماتج حليلهم .. وان شاء الله خير ومثل ماسمعتي سعيد يقول انها بنت عرب وجبايل

أم سعيد : بنت عرب وجبايل وين اهلها ليش يوزوها بدون اهله

أم مبارك : الناس عادات وتقاليد يكفي انها حشيم ع قولة سعيد يكفي انها مب من هالبني الخياس

بعد هالكلمة قامت حرمة عمي وسارت غرفتها ترضع عيالها .. لحقتها شمة تساعدها وانا يلست حذال يدوه وامايه قامت وشغلت التلفزيون ع صلاة اليمعه ..

بعد شوي ادش شمة الصالة واتأشر عليه انسير فوق .. سرنا فوق وأول مادشنا حجرة شمة عقت عمرها ع الشبريه اتصيح

موزة : بسم الله بلاااااااااج ؟؟!!

شمة : ماادري مضايجه منقهررة مااعرف شوو بالضبط

موزة : يالله يالله قومي خلينا نصلي ونسير انرتب غرفة الطعام للغدا

بعد كلمتيه هاي دشيت الحمام اتوضأ ..






اليوم : الجمعة
الوقت : الساعه 12.55 ظهراً
المكان : في بيت بو سعيد

" سيف "

توني موقف سيارتيه في الكراج وراشد وقف حذال سيارتيه ونزل يترياني انزل .. بعد مانزلت سرت صوبة اشوفهم كلهم يدخلون البيت بسرعه وشكلهم معتفس ..

سيف : اشفيهم ..!!؟؟

راشد : سالفه طوووويله

سيف : لا صدق راشد قول شوو مستوي عندكم لايكون حد تعبان وفي المستشفى

راشد : تبا الصدق سعيد

سيف : سعيد اشفيه ؟؟ كان معانا في الصلاة

راشد : سعيد معرس أي كل السالفه

سيف : شوووووو لا خل عنك

راشد : والله معرس وعنده ولد بعد ومسكن حرمته في دبي

سيف : بعد ولد من متى وهو معرس

راشد : من سنه وشيء

سيف : من سنة ولاحد يدري معقولة ؟؟!!

راشد : اليوم الكل درا بالسالفه عشان جيه تشوفهم مضايجين

سيف : اهااااا الله يعينهم الصراحه موقف سعيد بايخ

راشد : يالله الحمدلله ع كل حال ..

تجدم راشد صوب الميالس ع أساس نتغدا .. ماادري حسيت اني اليوم صدق صدق بكون ثجيل عليهم .. بس شوو اسوي انا متعود اتغدا عندهم كل جمعة وبعدين انا مب متحمل أفعال سعيد ..

أحسن والله دام إنه معرس
عشان محد يفكر ياخذ موزة غيري >> الناس وين وأنا وين ..!!

مشيت ورا راشد ودشينا الميلس محد كان موجود غير عمي خلفان وسلطان ..
راشد : وينهم عيل أنا يوعان

سلطان : ماادري سير طالعهم

طلع راشد من الباب وأشر عليه ايلس ..

تجدمت ويلست حذال سلطان .. وعمي خلفان كان يسولف مع حمد ويلاعبه .. وخالد مشغل التلفزيون ويالس يطالع سباق السيارات .. وهو ساكت مندمج ..


بعد حوالي خمس دقايق يدخل راشد يقولنا يالله قوموا الغدا زاهب .. طلعنا من الميلس وسرنا صوب غرفة الطعام ..

مسكني راشد من ايدي وقالي تعالي بنيب باجي الغدا من المطابخ ..

طلعت مع راشد وسرنا المطبخ كانت أم سعيد وأم سلطان والبشاكير بس سلمت عليهن وقفت وشوي ادش موزة انصدمت من شافتني بحركة بسرعه اتغشت

موزة : السلام عليكم

سيف : وعليكم السلام

موزة : اشحالك سيف

سيف : الحمدلله اشحالج انتي ؟؟!!

موزة : الحمدلله

أم سلطان : موزة سيري هاتي الصحون اللي في الصالة

طلعت موزة وأنا ألاحقها بعيوني ..

شلينا باجي الغدا وسرنا نتغدا .. وبعد الغدا الكل سار الميلس أنا سرت أغسل ايديني وحصلت سعيد رافع حمد ع المغسلة عشان يغسل ايدينه ..

دش علينا راشد وهو يشرب سفن آب ..

راشد : سعود

سعيد : خير

راشد : شوو رايك نسير دبي

سعيد : دبي ؟؟!!

راشد : هيه بنشل الأهل يشوفون ولدك وحرمتك

سعيد : مينون إنت خلهم يبلعون السالفة قبل

راشد : أنا خاطري أشوف ولدك

سعيد : شفت الصور

راشد : الطبيعة تفرق عن الصور

سعيد : ماادري والله

راشد : أنا بقول حق أمايه وبنشوفها شوو بتقول

سعيد : خلاص تم سير شوفها شوو بتقول ؟؟!!

راشد : تعال معاي سيف جان تبا تسلم

طلعت معاه وخطفت ع الصينيه وشليت لي فانتا

سرنا صوب الفلة من داخل

سيف : راشد انت ترمس صدق تبا توديهم دبي

راشد : أكيد صدق عيل أمزح

دشينا الصالة كانوا توهم قايمين عن الغدا ومحد في الصالة غير نورة ولطيفة وأم سلطان ويدوة

سلمت ع يدوه وترييت راشد يفتح السالفة

راشد : امايه شووو رايج نسير دبي

أم مبارك : مالنا حاية في دبي

راشد : بنسير نشوف حرمة سعيد

أم مبارك : قولة هو اييبها البيت

راشد : وين بسكنها بعدنا مافضينا القسم

أم مبارك : لا مافيني يابوك راسي بعورني من الدرب

راشد : يالله عاد أمايه عشان خاطرية والله ماترديني

أم مبارك : خلاص بس بعد صلاة العصر بنطلع

راشد : خلاص أوكيه

طلعت من راشد وهو مستانس لأنه يبا يسير ..

راشد : تعال تعال بوديك فلتنا براويك شوو سوينا

سيف : هيه صح نسيت من امس وأنا اريد اشوف فلتكم

سرنا صوب الفلة .. سرنا القسم اللي تحت " قسم سالم " أول مادشينا لقينا موزة وشمة يرتبن أغراض سالم في الغرفة

راشد : شوو تسون ..؟؟!!

شمة : نرتب أغراض عمي سالم لأنه يبا باجر ينتقل هنيه

راشد : ياسلام وأنا منوو برتب أغراضي ..

شمة : شوو يخصنا فيك

راشد : كنت بوديكن دبي بس الحين قعدن في البيت احسن

شمة : دبي ؟؟!! ليشش ؟؟

راشد : بنسير انشوف ولد سعيد

موزة : انا مابااااا اسير

راشد : انتي الخسرانه

شمة : لالالالا انا بسير

راشد : اوكيه موافق بس .....

شمة : موافقة بس باجر مب اليوم

راشد : اوكيه ..


طلع راشد من غرفة سالم .. أنا كنت بصالة اتريااه مااحب اغلس عليهم .. طلعنا من قسم سالم وسرنا قسم راشد انشوووفه ..






اليوم : الجمعة
الوقت : الساعه 4.20 العصر
المكان : في أحدى الشوارع

" سعيد "


تونا طالعين من البيت سايرين صوب دبي .. بعد ماصلينا العصر بسرعه دقيت ع أم هزاع وقلتلها بني أنا والأهل وقلتلها إنهم كلهم دروا إنج حرمتيه .. حسيتها استانست لأنها خلاص قريبااا جدااا بتي تسكن مع أهليه ..

شمة وموزة ولطوف ونورة وخالد راكبين معايه بالسيارة ويدوة وراشد وسيف بسيارة .. أما الباقين ماطاعوا أيون .. حاولت في أمايه وماطاعت تعذرت باليهال اللي عندها ..

شمة صدعت راسي مرة تلعب بالمسجل وبالأشرطة وفتشت السيارة مكان مكان ع قولتها من زمان ماركبت سيارتك أما موزة فكانت ساكته وأطالع الجو برع ولطوف ونورة يلعبن لعبة ماادريبهن أي لعبة بالضبط أما خالد منسدح ومخلي الكاب ع ويهه ..


كنا ساكتين والمسجل يكفي بصدعته .. أنا كنت أفكر بردة فعلهم إذا شافوا حرمتيه ولديه شوو بتكون ردة فعلهم ..

شوي يصيح تلفون موزة قعدت أطالع التلفون وهيه ساكته قصرت ع صوت المسجل عشان تقدر ترد إذا تبا

شمة : منوووووووو ؟؟!!

موزة : أممممممم ربيعتيه

شمة : ردي

موزة : مافيني أرد بدقلها بعدين

رديت أطول ع صوت المسجل ويرد تلفونها يصيح وهالمرة ردة عليه

موزة : وعليكم السلام هلااا والله ,,
الحمدلله بخير اشحالج انتي ,,
الله يسلمج ،، هيه أكيد بداوم باجر ,,
هيه أدري شفته الإنذار منور عندي ,,
ههههههههههه لا مب في البيت سايرين صوب دبي ,,
اوكيه خلاص بدقلج بعدين ,,
بااااااي


كنت طول الوقت أسمع صوت موزة بكل دقة .. أحاول اسجله في عقلي ,,



بعد ساعة وصلنا دبي وشمة تون ع راسي .. اونه خطفنا ع مطعم أو دكان

سعيد : بعدين بعشيكم

شمة : لا الحين أنا يوعااانه بليززززز والله ماتغدينا والسبب إنت ومشكلتك

سعيد : أنا ماقلت لج لاتاكلين

شمة : انزين يالله خطفنا

لطوف : انا بعد يووووعانه

سعيد : يوم نوصل الشقة بطلب لج اللي تبينه بس سكتي خليني اسوق ع راحتي ماتشووفين الشوارع زحمة

موزة : أكيد زحمة اليوم الجمعة

وأخيراااااااااااا رمست من ركبنا وهيه ساااكته

شمة : شوو وعيتي من نومتج كملي كملي نومج الله يخليج

موزة : جب وياهالراس

سعيد : بسسسسسس


دقيت ع راشد قلت له يلحقني لين الشقة ..


بعد ربع ساعة وصلنا الشقة ونزلنا كلنا .. ويدوه تهزبني اونه شوو هالمكان اللي معيش فيه ولدك وحرمتك أخخ خ خ خ خ خ عليكـ ..

أول مادشينا الشقة سلمت يدوة ع أم هزاع " اليازية " قعدت أدقق فيها من فوق لين تحت

موزة أول ماشاف هزاع بغمت بغمة علينا

موزة : هذا اللي عندي بالصوووووووور

شمة : هيه والله هوووووو اللي كنتي تبين فارس احلامج يشبهه

اليازية : خلاص من يكبر بيوزج إياه

شمة : ههههههههههه

شلته موزة وحضنته بالقووووووووو قعدت اتصيح

راشد : بس فضحتونا نحن مب في البيت نحن في شقة الخلق بتسمع الحشرة اللي مسوينها

قعدنا كلنا في الصالة أما موزة وشمة واليازية ساروا داخل تراويهم باجي الشقة .. وهزاع كان في ثبان يدوة كانت مستانسه فيه .. طول الوقت تقول ماشاء الله عليه ..

سيف : ماشاء الله يابو هزاع ولدك يجنن

سعيد : الله أول مرة حد يقولي أبو هزاع .. جان استانس ^_^

راشد : ههههههههههههه سعيد عطني ولدك بس يوم واحد

سعيد : تحلم إنت اعطيك ولديه

راشد : حق شووو اشاورك بشله بدون مااقول

أم مبارك : اليازية اليازية تعالي شلي هزاع يبا يرقد رقديه داخل

يت شمة وشلته وهيه تحبه استغفر الله شفطوه ولديه اليوم ..

قمت وأشرت ع سيف وراشد يقومون انسير نتمشا ونيب لهم أكل خفيف .. لأن لازم نرد العين من وقت لأن البنات عليهن دوامات

خالد : بسير وياكم

راشد : تعال فديت خشمك يكفي امك موصتنا ألف وصيه عليكـ


طلعنا من الشقة .. أما ام مبارك انسدحت ع الزوليه والبنات مع اليازية أما ونورة ولطوف يلعبن بحوض السمج .. لأني مسوي حوض سمج كبيررر في الصالة شكلة يخبل فيه يمكن 20 او اكثر من السمج الملون ....

[لامارا]

***===== الــــجـــزء الــسـادس عـــشـــر =====***




تــــوادعنــــا
بــألم و سكـــــووت
وقــلــوبنـــــا عنــــد بعــــض نســـــينـاها,,,
ودّعتــــه ببسمــــه
والرووح فينـــى تتألم وتمــــوت
بكـل لحظــه اتذكــر الأيــام اللــى عشنــاها,,

.................................................. ..............
.................................................
.....................................
..........................
..................
............
......



بعد أسبوعين من الأحداث الماضية : ......................


اليوم : الاثنين
الوقت : الساعه 2.00الظهر
المكان : في أحدى الشوارع العين

" سعيد "


بعد ماصلينا الظهر في دبي وشلينا باقي أغراضنا طبعا لأني قررت أبيع الشقة وادخل الرصيد برصيدي لأني رصيدي شوي بالبنك ومثل ماتشوفون صرت مسؤول عن بيت يعني عندي مسؤلات ماليه .. الحمدلله أموري المالية بدت تتحسن لأني حصلت شغل والشغل يطلع لي خير ولله الحمد ..

اليازية : سعيد

سعيد : هلااااااا

اليازية : هزاع أشوف حرارته عاليه اليوم

قربت إيدي من ويهه هزاع اللي كان راقد في ثبان اليازية ..

سعيد : يعني فيه حراره بس أول مانوصل بوديج العيادة

اليازية : أوكيه .. والله متوله ع البنات وخالتيه " أم مبارك " أهلك ينحبون

سعيد : ههههههههه بعدج عيل ماشفتي الباقين

اليازية : الحمدلله أن أبويه قبل مايموت يوزني لشخص عنده أهل يعوضوني أهلي

سعيد : لاتخافين انتي بتكونين في عيوني ومستحيل اتخلى عنج مهما صار

اليازية : الله يخليك لي ولهزاع

سعيد : انشالله ^_*

شفت اليازية أطالع هزع وهيه ساكته تتأمل فيه .. أما أنا شغلت fm ع الأقل نتسمع شيء لين مانوصل العين ..


بعد ساعه ونص تقريبا وصلنا العين وبالتحديد بيتنا ..

دخلت سيارتيه لفيت صوب الكراجات شفت سيارة سالم وسيارة البيت فقط .. لفيت صوب فلة راشد وسالم وشفت سيارة راشد وسيارة سيف .. أنا بقترح ع سيف أييب قشة وأيي يسكن عندنا واااايد متعلق في راشد مايفارقه أبدااا

اليازية : بيتكم حلوووووو

سعيد : ع قد الحال تشوفين هذي فلتنا والفله اللي ورا فلة راشد وسالم عمومتي الصغار عزابية مش معرسين بعدهم ..

اليازية : هيه راشد شفته أما سالم بعدني ماشفته

سعيد : بتشوفينه لاتخافين

نزلنا من السيارة وخليت دبة السيارة مفتوحه عشان البشكارة تنزل الشنط ولأغراض .. قبل ماندش البيت شفت سيارة سلطان أدش البيت بسرعه اليازية تغشت منه

وقفت سيارة سلطان عدال سيارتيه ونزل منها خالد وموزة وسلطان

سعيد : مرحباااااااا الساااااااع

سلطان " يخاشم سعيد " اشحالك بو هزاع

سعيد : الحمدلله بخير مثل ماتشوووف

تقربت من اليازية ومديت ايدي اسلم عليها

توني بقولها عطيني هزاع إلا موزة شلته مثل الخبله ..

موزة : فديته ياااربي ..

اليازية : لاتوعينه دخيلج

موزة : جب جب مايخصج فيه انا اليوم بتولاه

اليازية : بتريحيني منه

موزة : اشحالك سعيد

سعيد : الحمدلله اشحالج انتي

موزة : تمامووووووو

سلطان : هاتيه اباا اشوفه ماشفته

موزة : دقيقة وحده بس بسرررررررعه

سلطان : هاتيه هاتيه هالمفعوص

شل سلطان هزاع من ايدين موزة وحبه ويلس يطالعني ويطالع هزاع

سلطان : مثل خشمك أما بياضة مثل بياض موزة

موزة : بسه شوو يبا لو شبهني

اليازية : هههه لالا بتغير بعده صغير

سلطان : ياويلي بدأ يفج عيووونه

خالد : عطني اشووفه

سلطان " نزل ع مستوى خالد " : شوووفه

خالد : مثل حمد يوم كان صغير

سعيد : ههههههههههههه

موزة : عطني اياه خلصت الدقيقة

سلطان : اندوج بسير اتوضأ في الميلس يالله سعيد

سعيد : بسلم ع امايه ويدوه وبطلع انت سير توضأ

خذت موزة هزاع من سلطان ودشت قبلنا

وقفت أنا واليازية عند الباب

اليازية : أخاااااااااف

سعيد : شووو يخوفج

اليازية : أخاف من ردة فعل أمك وأبوك

سعيد : ابويه محد في البيت ماشي سيارته

اليازية : انزين دش قبلي

تجدمت اليازية ودشيت ودشت ورايه اليازية كانت يدوه وامايه يالسات وأمايه ماسكه هزاع وسهيل في ايدين شمة وراشد راقد ع طرف

سعيد : السلام عليهم

الكل : وعليهم السلام

أم مبارك : قربووووا قربووووا

اليازية " وهيه مستحيه " : السلام عليكم

وقفت أم مبارك وأم سعيد يسلم عليها ..
أول ماوصلت اليازية عند أم سعيد .. أم سعيد قعدت أتصيح ماادري هل هو من القهر ولدها يعرس بدون شورها أو أنها أرتاحت لليازية او من شافت ولد سعيد بين ايدينها ..!!؟؟

سعيد : استغفر الله بدينا

اليازية : بس عموه

أم سعيد : اشحالج فديتج

اليازية : الحمدلله مستانسه بشوفتكم


بعدت اليازية من امايه وسلمت ع شمة وقفت حذال موزة وهيه اطالعني ارمس اقول شيء

سعيد : وين ابويه

ام سعيد : سار الشارجه من ربيعه

سعيد : اهااااا خلاص انا بسير اصلي مع سلطان وبرد

ام مبارك : وع راشد وسيفوه مسودين الويهه اكيد راقدين لين الحين

سعيد : ان شاء الله وسالم وينه عيل

أم مبارك : توه من شوي هنيه سار يتسبح قبل الصلاة

سعيد : خلاص بسير الحق ع الصلاة

لفيت صوب البنات ...

سعيد : ودوا اليازية تشوف قسمها وقولن حق البشاكير ينزل الشنط من سيارتيه انا بسير اصلي مع سلطان

شمة : اوكيه

سعيد : اندوج السويج خليه عندج ..

طلعت من عندهم وسرت صوب فلة راشد وسالم أوعي راشد وسيف مثل ماقالت لي يدوه ..
ماصدقت ترضا عليه وترد البيت مثل مااشترط ابويه عليها انه برضا عليه إذا ردت البيت ..
فوافقت كله عشان خاطرية مع اني كنت اتوقع انها تكرهني من معاملتها لي ..
بس الحمدلله تبين العكس وهذا كان من صالحي ..






اليوم : الاثنين
الوقت : الساعه 4.10العصر
المكان : في بيت بو سعيد

" موزة "

شموه شو رايج نطلع ........؟؟!!

شمة : وين تبينا نسير

موزة : خاطرية حفيت شو رايج نسير نتعشا هناك

شمة : ههههههههه منوو بوافق ع قرارج

موزة : بنحاول بنقول حق يدوه بنراوي اليازية حفيت لأنها ماشافته

شمة : اوكيه يالله قومي نسير عند اليازية

طلعنا من غرفة شمة وسرنا صوب قسم سعيد اللي كان قسمة وقسم راشد وسالم ..
القسم عبارة عن صاله ع شكل دائريه وكلها زجاج وثلاث غرف ومطبخ تحضيري صغير ..

دشينا القسم بدون مااندق الباب .. لأن عادي عندنا انا وشموه داشين غرفة بنت مب ولد خخخخخخخخ

دشينا ولقينا اليازية قاعدة ترتب ملابسها في غرفة الملابس والغرفة معفوسه فوق تحت

شمة : شوووو هااااااا متى بتخلصين

اليازية : بعد اسبوع

موزة : هههههههه تبينا نساعدج

اليازية : لا مشكورات سيرن اذا عندكن شغله

شمة : أي شغل ماشيء شغل غير منزربين في البيت

اليازية : ههههههه شووو تقولن عني كنت اروحي في الشقة محد يونسني غير ولديه حتى بشكارة ماعندي

موزة : ههههههههه محد قالج تسكتين عن سعيد جان راويتيه العين الحمراااا

اليازية : الحمدلله ع كل حال

تقربت انا وشموه انرتب ملابسها معاها فضينا شنطتين من الملابس باجيه شنطة صغيرة فيها ملابس هزاع .. أما ملابس سعيد ماكانن وايد فخلصتهن اليازية بسرررعه " امبونهم الاولاد ماعندهم ملابس كثر البنات "

اليازية : اووووووووف تعبت ظهريه عورني

شمة : تحملي يالله خلينا نخلص بنطلعج رحلة بعدين بنراويج مواقع سياحيه في العين

موزة : هيه صح بنحوطج

اليازية : والله ياليت

موزة : اقول هذا الصندوق نفضيه ولا برايه

اليايزة : لا خلاص برايه بفضيه باجر مافيه غير عطورات وكريمات ومكياج وخرابيط

شمة : طاع الغرفة شوو استوت من الوسخ

اليازية : موزان بليز زقري البشكارة تخم الوسخ أنا بسير اسوي دخون شووي ادخن الغرفة احسها كلها غبار

شمة : شوو دخون وهزاع هنيه تبين تجتلينه

اليازية : بطلع هزاع برع برقده في الغرفة الثانية ولين الليل بتخف ريحة الدخون بفج الدريشه ع المغرب ع الأقل تكون ريحة الغرفة حلوووه

موزة : اوكيه بسرعه خلونا نخلص انا بسير اسوي دخون وبزقر البشكارة في طريجي

شمة : المدخن في غرفتيه بتلقينه

موزة : اوكيه بس طلعن هزاع برع الغرفة

طلعت من القسم وسرت غرفة شموه شليت المدخن وغسلت ايديني وانا نازلة من الدري كان سعيد راكب .. من شافني خلى ايدينه ع الدري سكر الطريج عشان مااخطف .. أنا هالأيام أحاول اتجنبه وابين له اني تقبلت بكل سهولة فكرة زواجه .. بس الصراحه حبيت اليازية وخاصة هزاع ياااربي يجنن هالولد ..

سعيد : إحم إحم

موزة : نعم بغيت شيء

سعيد : هيه إذا ممكن

موزة : شوووووو ..؟؟

سعيد : هاتيلي ماي وانتي نازلة

موزة : سير غرفتك بتلقى ماي في الثلاجه

سعيد : لا اباا ماي من المطبخ اللي تحت

موزة : بلااا سخافة خلني امر بسرعه عندنا شغل واااايد

سعيد : شووو الشغل ؟؟

موزة : بنقنع يدوه تخلينا نتعشا بحفيت

سعيد : اهااااا .. ماشيء سيره

موزة : جب مايخصك

سعيد : أنا جب ..!!؟؟

موزة : سعيد شوو تبا مني خلني اخطف بسرعه

سعيد : اول شيء سحبي كلمة جب

موزة : تراني بكسر المدخن ع راسك

سعيد : اوكيه كسريه بس اذا مت انتي تتحملين مسؤوليه هزاع تخلينه في عيونج

موزة : ..............................

سعيد : يالله سحبي الكلمة اذا سحبتيها بخلي يدوه توافق ان نسير حفيت

موزة : حلف

سعيد : بحاااول مابوعدج

موزة : اوكيه سحبتها الكلمة بس شل ايدينك عن الدري ابا اخطف بسرررررررعه

سعيد " يشل ايدينه " : يالله سيري بس انا مايخصني بالطلعه مابرمس يدوه

موزة : نذل ادرررري مب اول مرة تسويها فيني انت من راسك لين ريولك كلك خيانه

بسرعه ركضت عنه لايسكر الدري ومايخليني امر .. الصراحه قهرني بس بحاول اتجنبه قد مااقدر .. صح انه سبب نقطة سودا في قلبي .. بس مع هذا مب قادره ابلع انه عرس وخان ..

نزلت بسرعه .. وسرت المطبخ وطلعت فحم من الادراج .. وقلت للبشكارة تسويهم .. لين مااسير اتفقد الوضع عند قوم يدوه
طلعت برع الفله لقيتهم يالسين في الحوش فارشين حصير والفواله جدامهم .. كان سالم ويدوه وخالد يلعب عند الزراعه .. وحرمة عمي وسهيل جدامها أما راشد الصغير كان في ثبان سالم ..

رجعت داخل وشليت المدخن وقلت للبشكارة تسير معايه فوق ..

دشيت الغرفة ولقيت سعيد منسدح وهزاع جدامه اطالعني بعيونه
سعيد : وين الماااااااي

موزة : جببببببب

طنشته بسرعه سرت غرفة الملابس عطيت اليازية المدخن والبشكارة تنظف الوسخ

اليازية : سعيد طلع هزاع برع بدخن الغرفة

سعيد : اوكيه

طلع سعيد برع .. قعدت انا ع الكرسي وشموة قعدت تحت عدال الكرسي واليازية ادخن الغرفة والملابس والبشكارة تنضف الوسخ وتخم .. بعد مادخنت الغرفة وعطرتها طردتنا منها صدق قهرتنا ..

شمة : مب منج يا الدبه

اليازية : ههههههههه اسولف وياراسج ..!!؟؟

موزة : يالله انزين خلينا نطلع برع عندهم نبا نقنع يدوه

اليازية : وين سعيد ؟؟

شمة : اكيد طلع برع

اليازية : انزين بخلي المدخن في الغرفة وبييب شيلتيه

موزة : بسرعه نحن بنترياج عند الدري

اليازية : ان شاء الله

وقفنا عند الدري بعد شوي يتنا اليازيه

اليازية : شمووه ابا اشوف غرفتج

شمة : بعدين خلينا ننزل الحين

موزة : مابطير غرفتها بتشوفينها بعدين

اليازية : متخبلات ع الطلعه

موزة : نكسررر الخااااطر والله



سرنا وقعدنا معاهم في الحوش ..
وبعد طلعة الرووح وافقت يدوه نطلع اونه بس عشان خاطر اليازية .. ونحن ابداااا مالنا خاطر .. طول الوقت سعيد يقولها لا ماشيء طلعه .. وسالم بعد اونه زحمه وماادري شوووو ..

المهم وافقوا قعدنا نقولهم خلاص الاسبوع الياي كلهم امتحانات مستحيل نطلع ..

حرمة عمي دقت ع امايه وقالتلها بنتعشا رباعه في حفيت فوافقت

أم سعيد : يالله عيل سيرن سون العشااااا

أنا اطالع شمة ومعصبة ..

موزة : أي عشااا

أم سعيد : تراكن حاشرات تبنا نتعشا بحفيت

شمة : احسن شيء نخطف ع المطعم ونتعشا هناك

سالم : عيل ماشيء طلعه

شمة : خلاص خلاص بنسوي عشاااا

سعيد : ههههههههههههههههههههه

موزة : جب انت

اليازية : تبني اساعدكن

أم مبارك : لا خليهن اروحهن يسون العشااااا

شمة : موزوه قومي بسرعه خلينا نخبص أي شيء الساعه الحين 5.30 ماشيء وقت

سرنا المطبخ وسعيد كان ناقع ضحك علينا ..




اليوم : الاثنين
الوقت : الساعه 8.00 مساءً
المكان : في جبل حفيت

" راشد "

دق عليه سالم قالي العشا في حفيت .. طرت من الوناسه يمكن اشوف حصوصتي .. الله يسامحها ماردت ع ايميلي وطنشتني ..
سيف معايه في السيارة .. كنا في الصناعية ماشيء شغله غير السيايير وسيارتيه دومها فيها عوق ..

سيف : كلهم بيون حفيت

راشد : شوووو قصدك

سيف : ماشيء . بس قلت كل العائلة ولا عازمين حد ثاني

راشد : ماادري والله

سيف : انزززين حاسب لاتسرع شوي شوي ماتشوف السيارة جدامك

راشد : ههههههه شوو تخاف

سيف : ماعندنا غير ارواحنا .. تبانا نموت

راشد : هههههههههه غير الشريط

سيف : انزين بس لاتجاوز مانبا نموت دخيلك

راشد : تخاف من الموت

سيف : أكيددد .. فيه حد في هالدنيا مايخاف من الموت

راشد : الله كريم

في نفس الوقت صاح تلفون سيف .. ماادري حد من خواته داقات عليه .. قالهن لا بتعشا برع البيت .. مع ربعي .. خخخخخخ ادري لو دروا انه يتعشا ويتغدا عندنا جان استوت مشكله مالها حل .....!!؟؟


وصلنا حفيت ودقيت ع سالم اتخبره في المكان اللي حجزناه لهم .. مكان بعيد شوي عن السيايير ماشيء غير العائلات ..

بعد ربع ساعه وصلت سيارة سالم وراها سيارة سعيد وسيارة أبو سعيد وسيارة أبو سلطان .. ياسلام عليهم وع هاليمعه الحلوة ..

نزل سعيد ومعاه يدوه في سيارته واليازية وهزاع وخالد ..
وسيارة أبو سعيد شمة وموزة ونورة
وحرمة أم سعيد وراشد وسهيل " التوام " ..
وسالم وسلطان رباعه بسيارة وحده ..
أبو سلطان وحرمته وحمد ولطيفة ...

هاي كل العائلة ..

نزلوا وفرشوا الحصير وقعدوا كلهم أما البنات سار شوي تمشن وانا مسكت سيف أدور ع .......؟؟ << مب لازم اقول تعرفون منو ادور ..

اشوف موزة وشمة معاهم بنت يعني من قدهن .. يوم دققت في البنت شفتها حصة .. مسسسسسستحيل تعرفهن مسستحيل ..؟؟!!

قعدت اطالع وانا فاج عيوني وسيف بعد استغرب ..!!
هن كانن مايشوفنا لأنهن بعيد عنا وموزة وشمة عاطيتنا ظهرهن وحصة مجابله لنا ..

اشوفهن يمشن وريم تربع صوبهن ويسيرن صوب اهل حصة ..

شووو السالفه ..!!؟؟

أكيددد انا في حلم مب علم ... سلمن موزة وشمة ع أهل حصة . وبعدين ردن صوب قوم يدوه وحصة معاهن سلمت عليهم وشلوا يدوه وأم سلطان وساروا صوب أهل حصة .. وشوي يدوه تقعد مع اهلها ..

شوووووو السالفه ...!!؟؟

رجعت صوب اللي يالسن وسألتهم بستهبال وين أمايه والبنات ..
أم سعيد : ساروا يسلمون ع قوم محمد حمد الـ ....

راشد : منوو هذيل مااعرفهم

أم سعيد : نسايب أخت أم سلطان

راشد : أي اخت فيهن

أم سعيد : حرمة عبيد

راشد : هيه اللي ماخذين بنتهم

أم سعيد : هيه هم

سيف يطالعني وخاطره يضحك ..
الله يا الدنيا صغيرة .. يعني حصة يعرفونها قوم أمايه .. والله شيء طيب ..

وشوي اتي أمايه ومعاها البنات كلهن متغشيات ماعدا شمة .. حصوصتي كانت معاهن بس هذيل اربع بنات .. طبعا حصة وحده منهن بس كيف اشوف ردة فعلها من تحت الغشوة ..

ابا اعرف ردة فعلها اذا شافتني قاعد معاهم ...!! خخخخخخ
اكيددد بتنصدم مثل ماانا انصدمت فيهم ..

وقفت وقف معايه سلطان وسيف وسرنا بعيد عنهم .. اندور باجي الرياييل وين ساروا ..





اليوم : الاثنين
الوقت : الساعه 8.30 مساءً
المكان : في جبل حفيت

" حصة "

الصراحه ماقدرت ابلع ريجي من الصدمه
مسسستحيل راشد يعرفهم ... ياويلي لو طلع من اهلهم .. لامستحيل مستحيل ماابا حد ياخذ فكرة غلط عني ..

موزة : بلاااااااااج يقول حد عاطنج كف ع ويهج

حصة : لا مااااشيء بس منوو هذيل اللي كانوا قاعدين

موزة : اممممم اللي لابس كاب اسود اخويه سلطان واللي لابس كندورة كويتيه هذا عمي راشد واللي لابس كندورة عربيه هذا سيف ولد عمي

حصة : اممممممم ..

شمة : اليازية وين هزاع

اليازية : عند عمي

شمة : ابويه

اليازية : هيه ..

أم سعيد : قومن فرشن هالحصير قريب منا وحطن العشاا حق الرياييل

موزة : اوكيه

حصة : حووووو استحي اتعشا معاكم والله فضيحه

موزة : جب جب عاااااااادي نحن بنتعشا بعيد عنهم

شمة : يالله بسرررررررعه بعد يالسه تشاور حصيص

حصة : اكيد تشاورني عيل شوووو ..!!

موزة : ههههههههههههههههه

قمنا نحن البنات وفرشنا الحصير وخلينا العشا وشوي إلا امايه وحرمة اخويه يايات صوبنا والبشاكيرة شالات معاهن العشااااا ..

والله كملت بتعشون كلهم هنيه والله ونااااسه ع الأقل حد يونسنا ..


بعد شوي الرياييل كلهم يوا وسلموا وساروا قعدوا بعيد إلا واحد ماسك ياهل واقف معاهن عااادي ..

شمة : تشوفين هالياهل هذا ولد سعيد اخويه

حصة : متى عرس

شمة : من زمان بعدين بخبرج السالفه مب الحين

حصة : ماشاء الله ولده يجنن فديته

شمة : تعشي تعشي بعد العشا براويج اياه

حصة : تعالي ماشفت خوانج التوأم

شمة : ماتشوفين اxxxxxات اللي ع طرف مرقدينهم داخل

حصة : الله وناااااسه ياحظكم

شمة : قولي ماشاء الله

حصة : ماشاء الله

موزة : فطامي تعشي

فاطمة " أخت حصة اللي بالثنوية " : شبعانه والله

شمة : كلي غصب تفهمين

فاطمة : ههههههههه تبيني اموت

شمة : محد يموت بسبب الأكل

وقعدنا نسولف ونضحك لين الساعه 1.30 بالليل بعدين توادعنا وكلن سار بيته ..

كانت الرحلة وايد حلوه ..

طول الوقت وانا اشوف راشد مااعرف شوو اقول ـ الصراحه قفطه كبيررره ..

من رجعت البيت فجيت الايميل وقعدت أقرأ رسالته مرة ومرتين .. وطنشته مارديت ع الايميل ..

مدام عرف اهلي واهلي عرفوا اهله اكيد ماله داعي هالايميلات واللف والدوران اللي ماله أي داعي ...



بعد مرور أسبوع ........

لطيفة ونورة عندهن امتحانات وشمة باقي لها امتحانين اما موزة ثلاث امتحانات وبخلصون هالسنه ع خير .. وبتبدأ العطلة الصيفة ..



اليوم : الخميس
الوقت : الساعه 7.30 مساءً
المكان : في الخارج

" خلود "

تونا واصلين الفندق طبعا الفحوصات كلها خلصت والنتائج كلها تمام .. يعني نحن سليمين ..
عبدالله سار السفارة يأكد الحجز .. لأن بعد باجر بنرد البلاد .. الله متولهه موووت ع اهليه .. وع ريحة البلاد ..

غيرت ملابسي وسرت صوب تلفوني ودقيت ع تلفون امايه بس ماترد بعدين دقيت ع سلطان ..

خلود : السلام عليك

سلطان : وعليهم السلام مرحباااا الساااااع يا القاطعه

خلود : هلا سلطان اشحالك

سلطان : بخير وسهاله اشحالج انتي وشحال عبدالله

خلود : الحمدلله أخبار الاهل

سلطان : كلهم بخير والحمدلله .. إنتي وينج لاادقين ولاتسألين مول قاطعة

خلود : شوو نسوي كله في المستشفى وادق ع أمايه بين فترة وفترة ودايما اقولها تسلم عليك

سلطان : امممم وانزين شو اخبار الفحوصات انشالله تمام

خلود : الحمدلله كلها تسر .. تعال شخبار يدوه

سلطان : الحمدلله يسرج حالها

خلود : خلاص عيل سلطان سلم ع الجميع وبالأخص أمايه وأبويه

سلطان : سلامن يبلغ ردي السلام ع عبدالله

خلود : ان شاء الله فداعة الله

سلطان : فداعة الرحمن


سكرت عن سلطان دقيت ع عبدالله اشوفه شو سوى بالحجز .. الحمدلله لقينا طيارة ع بعد باجر ..




اليوم : الجمعة
الوقت : الساعه 3.30 العصر
المكان : في بيت بو سعيد

" راشد "

كنت طالع من قسمي وساير صوب قسم سالم اوعيه حق صلاة العصر .. لين مايقوم ويصحصح . ونلحق ع الصلاة في المسيد ..

دشيت فلته ولا أسمع صوب شيء يطيح بالقووو وصرخة من بعدها قوية .. بسرعه ربعت صوب غرفة سالم ..
أول مادشيت لقيت مبايله مكسور " شكله فارنه بالقو ع اليدار "
لفيت صوب سالم كان ماسك راسه بين يديه ويتنفس بصعوبه وهو يشاهق ويصيح ..

بسرعه تقربت منه ومسكته ..

راشد : سالم اشفيك .. !!!؟؟

سالم : ........................

راشد " بسرعه أفج عقم كندورته " : سالم اشفيك شو صااااار

سالم " وهو يشاهق " : راااااح راااح يا راشد

راشد " قلبي انقبض " : منووووووو منوووووو ؟؟!!

سالم : ...................................

راشد : سالم قولي دخيلك اشفيك لاتزيغني

سالم " وهو يقطع بالكلام " : فيصل فيصل راح وخلاني اروحي

ماقدرت أتكلم بكلمة وحده أنا أكثر واحد أعرف غلاة فيصل عند سالم .. انا أكثر واحد أعرف شو كثر علاقة فيصل مع سالم .. أكثر من أخوه أكثر من ربيعه ... اقرب واحد لقب سالم من بينا كلنا

ضميت اخويه لصدري ودموعي اطيح ع راسه ..
وهو يصيح مثل الياهل .. بين ايديني ..

راشد : ترحم عليه ترحم عليه يا سالم

سالم : رااااااااح وخذا روحي معاه .. راح وياليتني رحت قبله

راشد : استغفر ربك

سالم : ............................

حسيت أن جسم سالم حرارته عاليه وايدينه مايقدر يحركها .. حسيت ان الدم وقف بعروقة من الصدمة .. بسرعه حاولت اني اسدحة ع الشبريه ... بس خفت خفت يموت جدامي وانا اطالعه ومااعرف اسوي شيء ...
طلعت تلفوني من مخباتي ودقيت ع سعيد

راشد : سعيد بسرعه تعال فلة سالم بسرعه سالم طايح مب قادر اسوي شيء

سعيد : انزززين انزززين باااااي

دقايق ويدش سعيد وشمة وأمايه واليازية ..

الكل تقرب بعد ماعرف الكل السالفه شمة قعدت اتصيح بصوت عاااااالي ,, لأنهم كلهم يعرفون شو العلاقة اللي كانت تربط سالم بفيصل .. سعيد طرد شمة برع الغرفة وقال لليازية تطلع معاها لأن سالم من سمع صريخ شمة يته حاله قعد يصيح بصوت عاااااالي ..

أم مبارك : إن لله وإن إليه راجعون اللهم أجرنا في مصيبتنا وأخلف لنا خيرا منها ..
تقربت من راس سالم وخلت ايدينها ع راسه وهيه تقرأ عليه القرآن

سعيد : كيف مات

راشد : مااعرف والله شو صار بالضبط

الكل سكت .. لفت صوبي أمايه وهيه دموعها ع خدها ..

أم مبارك : قوم خل اخوك يتوضأ ويسير عند أهل فيصل

راشد : يسير بهالحاله ..!؟؟

أم مبارك : عيل متى يسير باجر .. شو بقولون الناس عنا

راشد : سالم تقدر تسير تقدر تسير عند أهله لأنهم أكيد بدفنونه اليوم

سالم : ..................................

سعيد : أنا بسير اييب ماي

طلع سعيد بسرعه .. وأنا واقف أحاول أكلم سالم بس مايرد عليه كانت حالته صعبة والله قلبي عورني عليه ..

مسكت أيده بالقوووووو .. وحاولت أقومه بس ماقدرت له اروحي
دش سعيد وحاولنا نشربه ماي بالغصب .. وسعيد ساعدني بأن نوقفه ونوديه يتوضأ ويصلي العصر ونسير لأهله ..

بعد ماتوضأ سالم وصلينا كلنا في غرفته . لأن الصلاة طافت علينا بالمسيد ..
قعدت حذال سالم اللي قعد ع الأرض ماسك راسه ويصيح ..

راشد : استغفر ربك الصياح يعذب الميت

سالم : ...................................

راشد : كيف مات

سالم : واحد معانا في الدوام دقلي وقالي مات بحادث الظهر

راشد : إن لله وإن إليه راجعون

وقفت سالم بعد طلعة الروح وقف وقرر يسير له المستشفى ويوقف معاه بأخر لحظات عمره .. ويحضر دفنه ويوقف مع أهله بالعزا

طلعنا بسيارتي أنا وسعيد وسالم .. وسرنا المستشفى ..
سالم أول ماشاف أبو فيصل حضنة وقعد يصيح .. وقرر انه يدش يشوفه .. طبعا محد اعترض ع فكرته دش سالم ومنع أي حد يدش معاه الغرفة وطلعوا كل اللي كانوا بالغرفة عنده ..

بعد عشر دقايق دشيت أنا وأبو فيصل الغرفة اللي فيها فيصل " الله يرحمه " .. لقينا سالم حاضن راس فيصل لصدرة وساكت ودموعه هيه اللي تعبر عن موقفه بهاللحظة ..


بعد ساعه من اجرأت المستشفى وتغسيبل الميت نقلون للمسيد حتى نصلي عليه وندفنه ..
في المسجد حضرن خواته وأمه وحرمته يسلمون عليه ويستسمحون منه .. سونا مناحه في المسيد ..

رفعنا كلنا ندعي له في الصلاة :
(( اللهم اغفر له وارحمه وعافه واعف عنه وأكرم نزله ووسع مدخله واغسله بالماء والثلج والبرد ونقه من الخطايا كما نقيت الثوب الأبيض من الدنس وأبدله داراً خيراً من داره وأهلاً خيراً من أهله وزوجاً خيراً من زوجه وأدخله الجنة وأعفه من عذاب القبر وعذاب النار ))

بعد ماصلينا عليه نقلناه ع المقبره ..

بعد مادفنا رفعت ايدي وقلت " اللهم اغفر له اللهم ثبته "

تقربت من سالم وسلمت عليه وقلت له :
" إن لله ما اخذ وله ما أعطى وكل شيء عنده بأجل مسمى فلتصبر ولتحتسب "

لوا عليه سالم وهالمرة ماصاح ..
بعد ماسلمت ع أهل الميت وعزيتهم ..
" أعظم الله أجركم وأحسن عزاءكم وغفر لميتكم "

ردينا البيت وأنا أحس ريولي مب شالتني من التعب

[لامارا]

***===== الــــجـــزء الــسـابــع عـــشـــر =====***




اعتلي يانفس واعقل ياخفوق
.وارقدي ياعين وارحل ياهوى
بنصحك ياقلب لايطويك شوق
روحته مع جيته عندي سوى
من يحطك تحت لاتعليه فوق
ومن يحطك فوق يبشر لانوى
الكرامة مايوطيها أي مخلوق
والنجم لاطاح قالوله هوى

.................................................. ..............
.................................................
.....................................
..........................
..................
............
......



اليوم : الأحد
الوقت : الساعه 11.00
المكان : في بيت بو سعيد

" راشد "

من ساعة وأنا قايم من النوم .. وتسبحت وتلبست ملابسي لني بسير مع سالم العزا ولأنه اليوم أخر يوم في العزا " ثالث يوم "
أنا ماخذ إجازة لين يوم الثلاثاء .. حاولت فيهم يعطوني الاربعاء بس ماطاعوا .. نحاسه إلا يوم واحد بس يالله أداوم يوم ولا أداوم كل الأسبوع ..

طلعت من فلتيه وسرت صوب فلة سالم كان توه طالع وقاعد يعقم عقم كندورته شكله مصفر .. الله يعينه الصراحه بعده لين اليوم مب قادر يتقبل حياته بدون فيصل ..

راشد : صباح الخير

سالم : هلا راشد صباح النور

راشد : متى ناش ماشاء الله

سالم : امممم يعني ع صلاة الفير

راشد : اهااا وين صليت في البيت ولا المسيد
سالم : لا في المسيد قعدت لين الساعه 7 ورديت البيت

راشد : شوو تسوي كل هالوقت ..؟؟!!

سالم : قعدت أقرأ قرآن .. المهم هاا بتسير معايه ... الــ ...

راشد : هيه بسير يالله خلنا نسير نتريق

سالم : مب مشتهي شيء انت تريق وتعال بترياك في السيارة

راشد " مسكته من ايده واسحبه غصب " : مااشيء تاكل معايه يعني تاكل معايه ولا أنا مب ماكل ولا لقمه بدونك


سالم : مااريد دخيلك مب مشتهي فج ايدي

راشد : ماشيء يالله عشان خاطر اخوك حبيب قلبك

سالم : استغفر الله انزين فج ايدي اروحي بمشيء تسحبني يقول عنز

راشد : ههههههههههه انزين يالله فجيناك بس يالله امشى جدامي

سرنا مكان مايالسين وسلمنا على الموجودين وحبينا راس أمايه وقعدنا نتريق ونشرب جاي ونسولف ..

راشد : حوو شموه وين بتسيرين

شمة : الجامعه عندي امتحان

راشد : منوو بوديج ..!!؟؟

شمة : مع موزة عندها امتحانين اليوم أخر يوم بنرتاح وبنأجز

أم مبارك : عيل كيف لطوف ونوروه مابخلصن اليوم

شمة : هذي بنات مدارس نحن جامعه غير عنهم

راشد : ليش متى بخلصن

شمة : يوم الاربعا أخر يوم

سالم : يالله راشد قوم

راشد : توني قاعد ماكليت

سالم : انزين انا بسير اشغل السيارة لين ماتخلص

أم مبارك : تريق وين تبا تو الناس

سالم : مب مشتهي أي شيء يكفي شربت جاي ويكفي

قام سالم وقامت وراه شمة لأن سيارة قوم موزة دخلت من الباب وسيارة البيت بعد دخله وراه يايب لطوف من المدرسة لأنها كان عليها امتحان ..

قعدت اتريق واسولف مع امايه ..

راشد : وينه سعيد

أم مبارك : من الساعه 7 غابش الدوام

راشد : الحمدلله انه عقل وصار يفكر بمستقبله صح

أم مبارك : الحمدلله الله عطيه حرمة حشم وبنت عرب

راشد : على طاري اليازية وينها مااشوفها لايكون نايمه لين الحين

أم مبارك : وابويه عليك شرقاده الحين سارت تغير ملابس هزاع

راشد : اهاااااا الحمدلله شبعت يالله تامريني بشيء

أم مبارك : مايامر عليك عدو بس خل بالك ع أخوك ..

راشد : لاتوصين أخويه في عيوني الثنتين

أم مبارك : الله يخليكم لي

راشد : ان شاء الله

حبيت امايه ع راسها وسرت صوب سيارة سالم لأن بنسير العزا ..

تبون تعرفون نفسية سالم الصراحه زفت وااايد تغير مايقعد معانا أبدااا .. يرد من العزا يدخل فلته ونايطلع منها إلا حق الصلاة ..
حتى الدوام ماخذ اجازة اسبوعين عشان يقدر يرتاح شوي الصراحه الصدمة كانت قويه وغير متوقعه .. بس محد يدري الموت متى ياخذ أرواحنا .. يجي فجأة وبدون سابق إنذار .. مايعرف لاصغير ولاكبير ..



اليوم : الأحد
الوقت : الساعه 1.30
المكان : في أحدى شوارع بوظبي

" سلطان "

توني ظاهر من الدوام ومعصب ع الأخر تعبت والله تعبت من الطريج .. اليوم لازم ألقى حل مع راشد .. لازم يدوه تتفهم الوضع صعب علينا ناخذ الشارع مرتين في اليوم وغير الزحمة والغصة اللي احسها بطلع روحي الصبح ..

مسكت تلفوني ودقيت ع راشد ..

سلطان : مرحب

راشد : مرحباا الساع شحالك سلطان ..؟؟

سلطان : بخير وعافية اشحالك انت

راشد : يسرك الحال ها وين اسمع صوت سيايير

سلطان : وين بعد توني طالع من الدوام ..

راشد : هههههه الله يعينك الصراحه ويعيني معاك

سلطان : المهم تعال اليوم لازم انرمس يدوه بالسالفه لازم تلقى لنا حل مااقدر اتحمل مسكة الخط الصبح والظهر

راشد : انت شكلك ماتعبت من هالسالفه .. اغسل ايدك من أمايه

سلطان : أووووففففف اليوم انا بييكم بعد صلاة المغرب وبنتفاهم مع يدوه

راشد : يصير خير خلاص بترياك وانشالله توافق ع طلبيه وطلبك

سلطان : ان شاء الله خلاص برايك خلني اشوف الشارع لاتنسا موعدنا بعد صلاة المغرب

راشد : ان شاء الله مع السلامة

رجعت تلفوني مكانه ومسكت السكان زين بإيديني مافينا ع الحوادث .. خلني اركز زين يكفي الزحمة اللي اواجها كل يوم ..


بعد ساعتين .. يعني ع الساعه 4 العصر وصلت البيت وكنت هلكان .. حتى مافكرت في بطني ولابأي شيء .. صليت ورقدت لي رقده مريحه وأمايه ادق تلفون تباني اتغدا قلتلها مب مشتهي .. مصرة تباني اتغدا بس طنشتها اروحي مالي بارض لأي شيء ..



على الساعه 5:30 قمت ولبست ملابس ونزلت تحت ولقيت موزة يالسه على اللاب توب ومطوله على صوت الغنيه وحمد يعلب حذالها ..

سلطان : السلام عليكم

موزة : وعليكم السلام صباح الليل

سلطان : بندي الغنية بأذن الحين

موزة : انزززززين .. وين بتسير

سلطان : شو تبيني وين ساير

موزة : سؤال ويا ويهك

سلطان : مواعد وحده

موزة : ههههههههههههه عشنا وشفنا

سلطان : جب لا اكسر هالاب على راسج

موزة : .....................؟؟!!

سلطان : وين امايه

موزة : مااعرف .........؟؟!! يمكن سافرت

سلطان : سخيفه ..

موزة : طالعه على اخويه الكبير

سلطان : شيخج اخوج الكبير .. انا مااعندي سالفه يالس مع يهالوه

موزة : ههههههههههههههه


سرت عنها وسرت اصلي في المسيد وبعدين بسير بيت قوم يدوه

بعد الصلاة دقيت على راشد


سلطان : هلااااااااا راشد

راشد : انت متى بتتعلم الذرابه

سلطان : ليشش ..؟؟!!

راشد : قول هلا عمي راشد

سلطان : ههههههههه متفيج انت المهم وين انت الحين

راشد : ساير البيت

سلطان : انا عشر دقايق وبكون عند باب بيتكم

راشد : اترياك

سلطان : مع السلامة

كملت طريجي لبيت قوم يدوه يالله عساااااااااااااااها توافق وتريح قلوبنا .. خطفت على الشيشه وعبيت سيارتيه ..

بعد ربع ساعه وصلت بيت قوم يدوه

حصلت سيارة سالم وسيارة راشد وسيارة سعيد كانت تشتغل يعني شكله بظهر ..
بركنت سيارتيه حذال الميالس ونزلت وسرت صوب سيارة سعيد

سعيد : مرحباااااااااا بولد العم

سلطان : تخاشمت معاه " اشحالك بو هزاع

سعيد " الحمدلله بخير وسهاله اشحالك انت

سلطان : يسرك الحال ها على وين ..؟؟!

سعيد : بسير اودي هزاع العيادة شكله محموم شوي

وشوي إلا اليازية طالعه وشاله هزاع وشمه معاها

اليازية وشمة : السلام عليكم

سلطان : وعليكم السلام

اليازية : اشحالك سلطان : الحمدلله اشحالج ياام هزاع

اليازية : الحمدلله

تقربت وشليت هزاع منها وبسته على خده " ياربي يجنن "

سلطان : اشحالج شمة

شمة : كح كح كح والله الحمدلله بس الكحه معذبتني

سلطان : هههههه يالله أجر وعافيه

سعيد : قرب قرب راشد وسالم كلهم داخل

سلطان : خلاص برايكم بسير عند راشد وبسلم على يدوه

خذت اليازية هزاع مني .. أما انا دشيت داخل وحصلت يدوه وراشد يالسن يسولفون .

سلطان : السلام عليهم

يدوم وراشد : وعليكم السلام

تخاشمت مع راشد وسلمت على يدوه ويلست حذالها

أم مبارك : شحالك يا القاطع

سلطان : الحمدلله بخير وسهاله

أم مبارك : وينهم خوانك ليش مايبتهم معاك

سلطان : انا ياي من المسيد سيده لبيتكم مارديت البيت

راشد : يايحك والله
كان يغمز لي عشان ادش بالسالفه

سلطان : امممممممممم عيل وين عمي سالم مااشوفه

ام مبارك : والله من توفى ربيعه صار مايقعد معانا ولايطلع من البيت

سلطان : والدوام

راشد : ماخذ له شهر اجازة

سلطان : الله يعينه ..؟؟! يدوه انا ياي وطالبنج طلبه ولاترديني

ام مبارك : خير ان شاء الله ناوي تعرس

سلطان : هههههههههههه بعد ماتيوزين سالم انا بعرس

ام مبارك : ان شاء الله بيوزه قريب

سالم : ان شاء الله وتيوزين راشد بعد

راشد : ان شاء الله ^____^

سلطان : انزين انا طالبنج طلبه وغلاة عيالج عندج لاترديني

أم مبارك : خير ان شاء الله

سلطان : انا وراشد بينشتري لنا شقة في بوظبي

أم مبارك : واااااااااااااااابويه انا

راشد : امايه دخيلج

ام مبارك : لايكون معرسين وبتخشون حريمكم بعد هناك

سلطان : أفاااااااااااااااا والله افاااااااااا انا مابعرس إلا على ايدينج

راشد : أنا ولدج ماسويها

أم مبارك : ماعليه منكم مدام سعيد سواها انتوا بتسوونها

سلطان : سعيد غير عنا انا وراشد

ام مبارك : لالالاااا ماشيء شقق

سلطان : تعبت من الخط اللي اضربه كل يوم

ام مبارك : ......................

راشد : امايه اذا شاكه فينا تعالي سكني معانا

ام مبارك : ...............................

سلطان : هاااااااا شوو قلتي

ام مبارك : كيفكم سوا اللي تبونه

راشد : من خاطرج

ام مبارك : كيف بعد من خاطريه

سلطان : يعني ..!!

ام مبارك " وهيه بتوقف " : اشتروا لكم شقه سوا اللي يريحكم

سلطان : وين يدوه يلسي

ام مبارك : بسير اشوف سالم حالته ماعايبتني

وقفنا معاها ونحن متشققين واخيرااااااااااا انتصرنا ..!!؟؟






اليوم : الأحد
الوقت : الساعة 10 مساء
المكان : في بيت بو سلطان

" موزة "


كنت يالسه مع ابويه نطالع فلم " مسرحيه " في التلفزيون وخالد يون على راس ابويه يبا يطلع من البيت يبا يسير السوق

أبو سلطان : الحين الساعه 10 سكر السوق

خالد : ماسكر بعده

موزة : جب يا الدلوع خلنا نسمع باجر الصبح سير

خالد : مايخصج ابا اسير الحين

ابو سلطان : حبيبي سكر السوق الحين

خالد : إيهي إيهي إيهي ماباااااااااااا

ابو سلطان : أووووفففف منك سير ازقر امك

خالد : امايه مابتسير بس انا وانت

موزة : انا بسير

خالد : مانبااا بس انا

ابو سلطان : وين تبانا انسير الحين

خالد : كارفور

موزة : هههههههههه تنكت انت

خالد : ايهي ايهي ايهي

ابو سلطان : باجر بوديك اغديك في كارفور

خالد :جذاب تقص عليه

ابو سلطان : والله وعد

موزة : انا بسير وياكم بتغدا في كارفور .. وناااااااااااااسه ^_*

ابو سلطان : عيب البنات مايسيرن

خالد : بس انا وابويه بنسير

ابو سلطان : حمد بعد اخوك حليله

خالد : انزين بس

لطوف " وهيه نازله " انا بعدي بسير وين بتسيرون

خالد : بنسير نتغدا بكارفور باجر

لطوف : بسير مايخصني ماصدقت خلصت من امتحاناتي

خالد : مانبا بنات عيب صح ابويه

ابو سلطان : هيه صح بس اسكت خلنا نسمع التلفزيون

لطوف : بسير غصبا عنكم مايخصني

موزة : انا وانتي بنسير المول الصبح بنشل معانا حمد بس

خالد : عاااااااااااادي حتى نحن باجر بنخطف على المول بعد الغدا

موزة : ههههههههههههههههه تحلم

وشوي إلا خلود وعبدالله طابين علينا

خلود : السلام عليكم

عبدالله : السلام عليكم

وقفنا وعدلت شيلته
وعليكم السلام ...............

تقربت وسلمت على خلود والله متولهه عليها الحمارة

أبو سلطان : الحمدلله على السلامه ماشاء الله متى واصلين

عبدالله : الحين رادين من المطار

خلود : وين امايه عيل

موزة : في حجرتها مع حمد

سارت خلود عند امايه اما انا سرت اقول للبشكارة تخلي الفواله في الميلس

....................

سرت الميلس وشغلت الليتات .. شفت سيارة سيف واقفه حذال الميالس .. يمكن عبدالله ياي بسيارة سيف ..

دخلت الميلس وانا طالعه طلع في ويهي سيف

موزة : بسم الله

سيف " وهو كاشخ بضروسه " : السلام عليج

رديت بسرعه على ورا لأني كنت بوايهه ماشيء امبينا مسافه

ماقدرت اتغشا قفط ويهي " الله ياخذه "

موزة : وو وو و عليكم السلام

سيف : اشحالج

موزة " نزلت راسها " : الحمدلله قرب

وبسرعه ربعت عنه روعني والله .. حتى من الخوف ماتغشيت شافني السخيف ..





اليوم : الأحد
الوقت : الساعة 10:30 مساء
المكان : في بيت بو سلطان

" سيف "



تلومني فيك يوم أغليك..
ياأغلى جروحي ومشقيها..
أبيع كل البشر وأشتريك..
حاضر سنيني وماضيها..
ياغايب صرت أفكر فيك..
ياأول همومي وتاليها..
أطلب حياتي وأنا بعطيك..
تستاهل الروح ومهديها..



ونااااااااااااااااااااااا سه اول مرة تكون في ويهي وبدون غشوه يعني دققت في ويها على راحتي بس حسيتها عصبت مني .. حتى ماسألتني عن الحال .. ماالومها .. مايهمني المهم اني شفتها وريحت شوق قلبي ..

دشيت الميلس وشوي إلا عمي وعبدالله داشين وسلمت عليه وقعدت حذاله وعبدالله مجابلنا ..

تقهوينا وسولفنا ..

عبدالله : يالله عيل نحن بنترخص

أبو سلطان : وين تو الناس

عبدالله : بنرتاح ياي من المطار تعبانين

أبو سطان : على راحتكم

طلعنا من الميلس وسرنا صوب السيارة .. وقفنا وعمي سار يزقر خلود ..

بعد شوي يت خلود ومعاها حرمة عمي وسلمت عليها وودعناهم وركبنا السيارة ..

وانا راكب السيارة لفيت صوب البيت شفت حد واقف على البلكونه كان ظل اسود .. يعني يبين انه حد واقف يطالعنا .. استانست هاي اكيد موزة ..

اول ماشفتها فجيت الدريشه ورفعت ايدي اوني اودع قوم عمي وانا كان كل قصدي موزة ..

طلعنا من بيت قوم عمي وانا فرحان يعني اليوم مستحيل ارقد بعد ماشفت موزة ..


وصلنا البيت وانا سيده سرت غرفتيه وتسبحت ويلست على الكمبيوتر شوي مع انه ورايه دوام باجر ..

دشيت المسن حصلت رشود داش

سيف : ههههههههههههه منو ترمس ها اعترف

راشد : حسبي الله على بليسك فرحت تحريتها " ......." ..؟؟!!


سيف : هههههههههههههههههههه

راشد : أجلب ويهك انا بطلع

سيف : افاااااااااااااااااا

راشد : ماترد على ايملاتي

سيف : أحسن هاي البنت ولا بلاش

راشد : قسم بالله انك سخيف ماتدري بالنار اللي بقلبي

سيف : يعني شو تباها ترد عليك مثلا ولا تضيفك عندها بالمسن وادق معاك سوالف

راشد : هيه

سيف : عيب عليك لاتلعب على البنت

راشد : سخيف اجلب ويهك مب متفيج لسخافتك

سيف : حمااااااااااااار مب منك مني انا اللي امشي ورا افكارك اللي بتودينا بألف داهيه

راشد : أوووووووووفففففففف سيفوووه بطلع بسير ارقد انت ترفع لي ضغطي زياده

سيف : برايك مع السلامه


طلعت من المسن وانا افكر براشد هذا لو مايوزناه بخترب الولد لازم نلقى حل لمشكلته لازم ..

[لامارا]

***===== الــــجـــزء الــثامــــن عـــشـــر =====***



بدمع عيني أعزيكم
على موت الإحساس
فيكــــــــم
عسى ربي بعد التعازي
يهديكــــــــم
على من كان يغليكم
.................................................. ..............
.................................................
.....................................
..........................
..................
............
......

اليوم : الأثنين
الوقت : الساعة 9:30 صباحاً
المكان : في بيت بو سعيد

" سالم "

فقدتك يا اعز الناس
فقدت الحب والطيبه أنا
من لي بهالدنيا سوااااك

بعــــــدت ومن بقى وياي
يحس بضحكتي
وبكااااااااااي حتى الجرح
في بعدك يغزيني وأهلي به..



حياتي صارت شبه منتهيه .. بعد فيصل " الله يرحمه " صرت مااطيق اعيش في هالدنيا .. صارت حياتي مالها أي قيمة ..
بس مع هذا بعدني واقف على ريولي .. عشان خاطر اخويه وامي اللي مايخلوني في وحدتي .. خاصة راشد صار هاليومين مايطلع من البيت صار كله معايه وامس نام معايه والصبح سرنا رباعه المسيد لصلاة الفير وبعدين رد وقعد شوي وسار الدوام وقالي اهتم بنفسك ..

حاولت اطيب خاطرهم خاطر فيصل واحقق امنيته اللي كان يتمناها .. واحقق امنيه امايه وامنية راشد ..

تبوووووون الصدق ...!!؟؟

قــــــــــــــــــررت ..؟؟!!

أتـــــــــــــــــــــــ زوج .. ^_^

هيه قررت ازوج يمكن اطلع من وحدتي هاي يمكن زواجي يفرح فيصل ..
لازم اول واحد يدري اني بتزوج فيصل ..

طلعت من غرفتيه وسرت صوب المطابخ لأن قوم امايه دومهم الصبح يقعدون هناك ..

شفت أمايه واليازية وشمة وأم سعيد قاعدين يتريقون ..

سالم : السلام عليكم

الكل : وعليكم السلام

أم مبارك : قعد فديتك تريق معانا

سالم : لا مب مشتهي شموه صبيلي حليب

شلت اليازية الدله لأنها كانت جدامها وصبت لي حليب ..
خذيت الحليب وسرت صوب هزاع وسهيل اللي كانوا باxxxxxات

سالم : يالله فديت هالويه انا .. وينه راشد ؟؟!!

أم سعيد : داخل عند نورة مافيني اطلعهم اثنيناتهم برع

اليازية : سالم شل اللحاف عن ويهه هزاع


طلعت هزاع من يلاسته وقفته جدامي قعدت ادقق في شكله .. ماشالله عليه عيونه حلوووه شرات عيون سعيد ..

رجعت هزاع مكانه وشربت قلاس الحليب .. وامايه ترمسني تباني اطلع من البيت اونه ماعايبتنها حالتيه

سالم : انا بطلع الحين تبون شيء

شمة : وين بتروح

سالم : ليش شو تبين ؟؟!

شمة : يعني لو اطلعني معاك بتسوي خير فيني

سالم : بعد الغدا بطلعج انتي والبنات

شمة : قووووووووول والله وين بتودينا


سالم : سر بس انتي قولي حق موزة ولطوف ونورة

اليازية : وين بتوديهن

سالم : لا مانبااا يهال معانا بنسير مكان للكبار

اليازية : حرام عليكم هزاع كبير مب صغير

شمة : سكتي سكتي انتي وولدج اونه كبير يقولج مكان للكبار وين بتخلين هزاع

اليازية : ماباااا اسير

ام مبارك : وين تبا توديهن

سالم : سر بعدين بتعرفون يالله فمان الله انا بسير

طلعت من البيت وركبت سيارتيه ..
وتوجهه للمقبرة لازم اول واحد يدري عن فكرة زواجي " فيصل "

أول ماوصلت المقبرة خفت انزل .. ؟؟!!

بعد محاولات مع تفكيري دشيت المقبرة وتجهة لقبر فيصل " الله يرحمه "

وقفت جدام القبر رفعت ايديني وانا ادعي له ادعيه متفرقه .. ودموعي غصبا عني تنزل ..

بعد ماخلصت ادعيه قعدت حذال القبر وبديت ارمس فيصل ..!!

سالم : فيصل قررت اتزوج ادري بتستانس بهذا الخبر .. تدري انا بتزوج عشان خاطرك لأنك غالي على قلبي .. قررت اتزوج واحقق امنيتك فيني .. كان خاطري تكون حي عشان تحظر عرسي وتلبسني البشت وترزف وتوقف معاي يفرحتي .. واتساعدني بأمور العرس .. بس شو نقول الحمدلله على كل حال والله يرحمك برحمته ..

مشيت دموعي بإيدي وطلعت من المقبرة وأنا مكسور الخاطر وانا شال معايه هم وجبل من الحزن .. شال هم على ظهري ..

ركبت سيارتيه وتذكرت ان ماعندي تلفون لأني كسرته في هذاك اليوم .. كنت اريد ادق على راشد ابشره اني قررت خلاص اتزوج وافرحه معاي ..

توجهة للإتصالات اطلع بدل فاقد على بطاقتيه واشتري لي تلفون يديد ..

بعد مااشتريت تلفون وطلعت بطاقة .. دقيت على راشد بس مايرد .. فقلت اكيد مشغول الحين ..




اليوم : الأثنين
الوقت : الساعة 11:15 صباحاً
المكان : عند الشيشه

" راشد "


وقف عند الشيشه كانت زحمه .. طلعت تلفوني بدق على سالم لني ماقدرت ادق له يوم كنت في الدوام .. ترخصت من الدوام بسير اجيك على سيارتيه اسمع فيها صوت .. أكيد عله يديده .. الله يعيني عليها ..
يوم شفت رقم سالم استغربت اللي اذكره ان سالم كاسر تلفونه والبطاقه اكيد طلع بدل فاقد ..

راشد : هلااااااااااا سالم

سالم : هلا راشد اشحالج

راشد : الحمدلله اشحالك انت

سالم : الحمدلله على كل حال .. وين انت الحين ..!!؟؟

راشد : عند الشيشه بودي سيارتيه الصناعيه ماادري شو فيها من العله

سالم : ههههههههههه ليش شو فيها

راشد : ماادري اسمع فيها صوت يوم اوقف بريك

سالم : ودها يجيكون عليها .. المهم بغيتك بسالفه مهمه

راشد : خير ..!!؟؟ شو السالفه ؟؟

سالم : اممممممممم ان شاء الله خير

راشد : يالله قول

سالم : يوم بترد البيت بقولك

راشد : انزين تعال الصناعيه بوقف سيارتيه وبرد معاك البيت

سالم : اوكيه خلاص الحين بخطف على الصناعيه بنتلاقى هناك

راشد : اوكيه يالله باي

سكرت عن سالم وأنا افكر شو فيه اكيد سالفه مهمه .. يالله ان شاء الله خير ..

طلعت من الشيشه .. وسرت الصناعيه ولقيت سالم يترياني وقفت سيارتيه عندهم وقلت له برد اخذها العصر .. ركبت مع سالم بسيارتيه وسرنا البيت الساعه الحين 12 وشيء يعني وشوي وبأذن يالله يالله نسير نتوضا ونلحق على الصلاة في المسيد ..

راشد : ها سالم شو السالفه المهمه

سالم : تبا الصدق قررت اعرس

راشد " وهو فاج عيونه " : شوووووووو لا لا قول غير هالكلام

سالم : والله ليش استغربت ..؟؟!!

راشد : مستحيل شو غير رايك

سالم : قلت بفرح فيصل بقبره واحقق امنيته اللي كان بتمناها

راشد : الله يرحمه انزين خبرت امايه

سالم : لا انت ثاني واحد يدري

راشد : ثاني واحد عيل منو اول واحد

سالم : قلت حق فيصل سرت اسلم عليه في المقبره " الله يرحمه "

راشد : الله يرحمه .. والله فرحتني واخيرااا بشوف عيالك ..!

سالم : ههههههه شو رايك نعرس رباعه

راشد : والله موااااااااافق أفاااا عليك .. بس تعال انت حاط حد في راسك

سالم : اشدراني انا بالبنات مااعرف حد بخلي امايه تتنقى لي

راشد : يالله الله يتمم على خير والله استانست واخيرااااااا بفرح فيك

سالم : ههههههههه

وصلنا البيت وبسرعه توضيت وغيرت ملابسي وسرنا وصلينا وبعد الصلاة تغدينا .. وسالم سار مع امايه غرفتها عشان يفاتحها بالموضوع اما انا سرت فلتيه ارتاح شوي لين العصر واجيك على الايميل يمكن ردت عليه ..

للأسف ماردت عليه صار لي اكثر من 10 ايملات طرشتهن بس ماشيء جواب

أوووووووووفففففففففف

تعبت والله تعبت ..!!؟؟



مـا درت عـن حبهـا ياليتهـا تــدري !!
ليتهـا ياليتـهـا لــو تــدري !!
إن قلبي من كثر شوقـي مـلا صـدري !!
وان صدري من كبر قلبـي نفـذ صبـره !!
من صباح الخـير لين الشمس ما تسري !!
ومن مساء الخير لين نصير في بكـره !!
والغلا في داخلـي مثـل النهـر يجـري !!
ليتهـا تـدري بـغلاهـا داخلـي شـ كـثـره !!
هي هواي وهي بعد لي قلبـي وعمـري !!
وابتسامـة خاطـري لـو خانـت العبـره !!
ليتها تدري عن اللي يدور فـي صـدري !!
وليتهـا تـدري بـغلاهـا داخلـي شـ كثـره !!!!





اليوم : الأثنين
الوقت : الساعة 2:20 الظهر
المكان : في بيت بو سلطان

" موزة "

كنت قاعده ألبس عباتي .. لنه عمي سالم قال بطلعنا وبعد شوي بخطفون عليه ماادري وين بودينا المهم بطلعنا ..
وشو وادش لطوف الخسفة ..
أطالعتها من فوق لين تحت ..

كانت لابسه تنورة برتقاليه قصيره وجوتي بوت طويل لونه أبيض فيه خطوط برتقاليه ولابسه قميص ابيض وفيه ورود برتقاليه ولابسه اكسسورات في ايدينها برتقاليه وشباصة برتقاليه ..

يعني البنت ماادري وين تبا تسير ..

موزة : شووو هالكشخه

لطوف : احم احم تعرفين بعد برستيجي

موزة : لايكون بطلعين جذيه معانا ..!؟؟

لطوف : عيل

موزة : وين الشيله وين العباه

لطوف : عباه فوق هالكشخه وين تبين انتي مينونه

موزة : سيري سيري عقي هالتنورة ولبسي تنوره طويله

لطوف : ههههههههههههه

موزة : بصفعج عمي سالم

لطوف : حتى نورة بتلبس شراتي بنتقم

موزة : شوووووو ..!! وبدون شيله

لطوف : لا بلبس شيله شيلتي البشكاره تكويها

موزة : زين بعد يوم بتلبسين شيله

لطوف : على فكره الشيله ملونه لونها برتقالي يعني كشخه بطلع

موزة : طلعي طلعي برع مايخصني فيج انشالله يكسر راسج عمي سالم

طلعت وهيه تتمخطر بلبسها .. قسم بالله بتسفر هاي بلادها اليوم ..

طالعت شكلي والله فرق بيني وبينها انا محتشمة لابسه تنورة زيتونيه وقميص برتقالي .. تنورتيه طويله مب قصيرة وتحتها جوتي .. شرات هالخبله ..

كنت اجيك على شنطتيه .. واغراضي اللي بالشنطة .. وشوي ويوصلني مسج .. سرت صوب التلفون اللي كان على الطاوله ..

شليته وفجيت المسج ومثل ماتوقعت من " نفس الرقم " ..


تــدري وش الــلــي ذابــحــنــي والــبــلا فــيــنـــي؟؟
ابــي اعـــرف عـــروق الــقـــلـــب وشــلــون تــســـرقــهــا؟؟
يــمـــكـــن تـــكــون الـــخــيـــانـــهــ مــن شــرايـيـنــي!!
والا حــظــوظـــكــ يــجــوز ربـــي مــوفــقــهـــا..
مـــا قــلـتـ لأحـــدٍ ســـوى أمــــــي((يــا بــعــد عــيــنــي))..
وشــلـــون خــلــيــتــنـــي لــعــيــونـــكــ أنــطــقــهـــا..!!!!


وبعدددددددين معااااااااااه ..

صرت غبيه يوم أرد على المسجات .. لازم اطنشه لازم القى له حل ..

شليت تلفوني وخليته بالشنطة ولبسيت شيلتيه وتعطرت ونزلت تحت .. شفت امايه ترمس خلود بالتلفون .. قعدت حذالها لين ماتسكر .. بعد ماسكرت ..

موزة : امايه شفتي لطوف شو لابسه

ام سلطان : لا شو لابسه

موزة : لابسه تنورة قصيرة الحمارة

لطوف كانت نازله من فوق وهيه اتشوفني ارمس عنها ,,

لطوف : يا الغيورة قولي تبين تلبسين شراتي

موزة : ههههههه الحمدلله اعرف البس مب شراتج

ام سلطان : بكسر ريولج عمج سالم

لطوف : نورة ماقالها شيء لابسه شراتي بالضبط

أم سلطان : والله كيفكن

صاح تلفوني كانت شمه داقه اتقولي انهم برع واقفين ..

موزة : يالله امايه باااااي

طلعت انا ولطوف وركبنا السيارة .. الصراحه عمي كان كاااااااشخ من الخاطر .. لابس كندورة بنيه وسفره من نفس اللون ولابس كشمه .. وريحة العطر طالعه من برع السيارة من قوة الريحه

موزة : ياسلام ياعمي شوو هالكشخه الصراحه استحي امشي معاك

سالم : هههههههه تراج انتي حلوووه بعد

شمة : موزة وشوفي الخسفات شو لابسات

موزة : تراني اشوف جان لبستي شراتهن

شمة : حشا عليه تبينها يدوه تدفني عند باب البيت

موزة : عيل ماشفت هالبقر

شمة : لا ماشافت نورة بسرعه ركبت السيارة

نورة : كيفنا نحن يهال بعدنا خلونا ناخذ راحتنا

سالم : موزوة ماقالوا لج بعرس

موزة : حلف

سالم : والله امايه ادور لي على عروس

موزة : ماتباني ادور لك

سالم : لالا امايه بدور لي قالت بتلقى لي بنت حشيم

موزة : الله ونااااااااااااسه وأخيرااا بتعرس

سالم : شفتي ^_*

الصراااااااحه استغربت من عمي اليوم منجلب 360 درجه اول مرة يطلع جذيه من بعد وفاة ربيعه .. يالله الحمدلله انه طلع من حالته الصعبه ..

شمة : وين بتودينا

سالم : بمشكن بدبي وبوديكن السينما

موزة : الله عمري مادشيت السينما كله ممنوع وعيب

سالم : هالمرة مسموح ادشن دامكن معايه

شمة : أول مرة اكتشف ان عمي سالم طيب ..

موزة : فديته ربي يخليه لنا

سالم : هههههههههه ان شاء الله






:::::::::::::::::::::::::::::::::::::::::::::::::

شوو بسوي بدبي ..!!؟؟

ومنو بخطبون لسالم ..!!؟؟

وموزة شو بتسوي مع صاحب المسجات ..!!

هل من تطورات بالموضوع ..؟؟!!

وسعيد شو بسوي ..!!؟؟

وسيف وراشد ..!! شو من جديد في حياتهم ..!!

وسلطان شو بسوي بموضوع الشقة ..!!