آخر 10 مشاركات
112 - دمية وراء القضبان - فيوليت وينسبير - ع.ق (الكاتـب : بنوته عراقيه - )           »          مشاعر على حد السيف (121) للكاتبة: Sara Craven *كاملة* (الكاتـب : salmanlina - )           »          إلَى السماءِ تجلت نَظرَتِي وَرَنـت (الكاتـب : ميساء بيتي - )           »          16- انت وحدك - مارغريت ويل - كنوز احلام القديمة (الكاتـب : Just Faith - )           »          سيدة قلبه (35) للكاتبة: Deborah Hale .. كاملة .. (الكاتـب : * فوفو * - )           »          الدخيلة ... "مميزة & مكتملة" (الكاتـب : lossil - )           »          497- وحدها مع العدو - أبي غرين -روايات احلام جديدة (الكاتـب : Just Faith - )           »          نبضات حرف واحاسيس قلم ( .. سجال أدبي ) *مميزة* (الكاتـب : المســــافررر - )           »          الرزق على الله .. للكاتبه :هاردلك يا قلب×كامله× (الكاتـب : بحر الندى - )           »          بين الماضي والحب *مميزة و مكتملة* (الكاتـب : lossil - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات الطويلة المنقولة الخليجية المكتملة

إضافة رد
 
LinkBack أدوات الموضوع انواع عرض الموضوع
قديم 19-10-19, 11:56 PM   #21

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي




***===== الــــجـــزء الــتاســـع عـــشـــر =====***



لـــو كـــثــــرت جــــروحــــي فـــلانـيب مـــكـــســـور..
أنـــــا أكـــســر الــلـــي قـــال إنـــه كـــســـرنـــي..
مـــاهـــو حـــكـــي زايـــف ولا كـــبــر وغـــرور..
أنــــا فـــي عــــزة وأقــهــــر الــلـــي قـــهـــرنــي..
والـــوقــــت يـــاصــــاحــبــــي دايــــم يــــدور..
ولا بــــد مــــايــصـــحـــى غــشــيــمٍ خـــســـرنــي..

.................................................. ..............
.................................................
.....................................
..........................
..................
............
......

اليوم : الثلاثاء
الوقت : الساعة 7:30 صباحاً
المكان : في بيت بو عبدالله

" سيف "

كنت منسدح على الشبريه ماادري شو اللي ياب طاري موزة على بالي .. تذكرت شكلها عند باب الميلس وهيه واقفه على البلكونه ..

طلعت ورقة وكتبت هالقصيده لها :
أحبك يالغضي حب عفيف وصادق و وفي
لأن الحب في قلبي تمركز وسط لأعماقي
أحبك حب متملك كياني وكل أحاسيسي
واحس براحتي قربك تنسيني عنا ياسي
وإذا في يوم ماشفتك أحس الدنيا ضاقت بي

كتبت في أخر الورقة " سيف "

خليت الورقة على الطاولة ودشيت اتسبح .. طلعت ولبست ملابسي وخليت الورقة في مخبايه .. وطلعت وسرت صوب المطبخ حصلت خلود

سيف : السلام عليكم

خلود : وعليكم السلام اشحالك سيف

سيف : الحمدلله ومن صوبج يابنت العم

خلود : يسرك الحال تباني اصب لك جاي ولا حليب

سيف : لاحليب إذا مافيه كلافه

خلود : ان شاء الله

خذيت الكوب من ايد خلود وقعدت على الكرسي

خلود : سيف اباك توصلني بيت اهليه

سيف : ليش عبدالله وين

خلود : طلع عنده شغل

سيف : اوكي متى تبني اوديج

خلود : الحين بسير ابات عندهم

سيف : خلاص سيري لبسي عباتج لين مااشرب قلاس الحليب

خلود : اوكي مشكووور سيف

سيف : أفاااااا عليج اعتبريني اخوج وانا حاضر في أي وقت

خلود : ماتقصر

طلعت خلود من المطبخ .. كنت مستانس يمكن اشوف موزة واعطيها الورقة اللي بمخبايه .. يمكن تشفق عليه وتحس ؟؟..

بعد ربع ساعه يت خلود وشاله كيسين في ادينها

خلود : انا جاهزة

سيف : يالله

طلعنا من البيت وسرنا بيت عمي خلفان ..

أصرت عليه خلود اقرب .. مااعترضت لني الصراحه اباها من الله عشان اشوف موزة ..

دشيت معاها الصاله وماحصلنا حد غير حمد قاعد يطالع التلفزيون .. سلمت عليه وقعدت معاها أطالع " توم وجيري "
وخلود سارت فوق تزقر سلطان ..

حمد : تشوف هذا يبا ياكل الفار

سيف : ليشششششش ..!!؟؟

حمد : يوعان يمكن

سيف : ههههههههههه

اندمجت مع حمد الصراحه اموت بهذا الرسوم اتذكرت ايام الطفوله ..

سمعت صوت ورايه يقول : وابووويه عليك ياسلطان اطالع هالرسوم شو ياهل تحرا عمرك

ابتسمت لن هالصوت ذاب في قلبي " صوت موزة " ..
لفيت ورايه وشفتها مخليه ايدينها على خاصرتها وماسكه دفتر بإيدينها .. من شافتني طاح الدفتي من ايدها وشهقت وخليت ايدنها على اثمها

طبعا شووو تبوني اسوي ابتسمت ابتسااامه وسيعه " كشخت بأسناني "
وقفت وانا اطالعها ومبتسم ابتسامه اطلع اللي بخاطريه ..

سيف : السلام عليكم

موزة : .............................

سيف : استغفر الله انزين ردي السلام

موزة : وعليكم السلام

تراجعت لورا مثل كل مرة ونزلت راسها ويها كان احمر من القفطه هاي ثاني قفطه تاكلها مني خلال هاليومين ..

سيف : اممممممم خلود سارت تزقر سلطان ومايت

موزة : خلود وينها ..!!؟

سيف : سارت فوق

سكتت عني وماردت تذكرت القصيده خشيت ايدي في مخبايه ومسكت الورقة بقوة بإيديني والله خايف من اللي بسويه ..

تقربت منها وخذيت ايدها وخليت الورقة في ايدها واطالعتها وهيه اطالع ايدها وترتجف ..

سيف : قري اللي بالورقة وقولي لسلطان بترياه في الميلس
يالله حمد بنكمل الرسوم في الميلس

طلعت وماعطيتها فرصة ترد عليه بكلمة وحده طلعت من الصالة ورايه حمد .. يربع قبلي لايفوته شيء

الصراااااااااحه قلبي طبل ..

رقيصصصصصصصصصصصصصص .. يقول في عرس ..

ياخوووفي من ردة فعلها ..!!؟؟
ماادري شو سويت ومن يت لي هالجرأه لا بعد في بيتهم .. والله فشله عيب اللي سويته الله ياخذ الشيطان قص عليه ..
وصلت الميلس حصلت حمد منسدح على التلفزيون ..

قعدت على الكرسي اخفف من رجفة اريولي .. وشوي ويدش سلطان .. اعتفس ويهي خفت موزة قالت له شيء او سمع شيء .. من اللي دار بيني وبينها في الصاله ..

سلطان : مرحباااااا الساع

ابتسمت وأطمأنيت مرة وحده ..

سيف : هلااااااا والله بولد العم اشحالك

تخاشمت معاه وكل العاده مطى شعري من تحت السفره .. لن شعري شوي طويل وغليظ ..

سيف : بلاك على شعري نتفته لي مابقى منه شيء

سلطان : ههههههههه وين نتفته ماشاء الله

سيف : هههههههههه انت وينك خيستني من ساعه اترياك

سلطان : كنت اتسبح شوو اسوي بك

سيف : نعيماااا ياخي

سلطان : الله ينعم عليك انزين قرب اقعد ليش واقف

سيف : لالا قلت بسلم وبسير مستعيل عنديه شغل

سلطان : اشغله بعد

سيف : شغل ..؟؟!!

سلطان : لاحق على الشغل

سيف : اسمحلي والله مستعيل ان شاء الله وقت ثاني

ترخصت من سلطان وركبت سيارتيه وطلعت من بيتهم ..
بعدني خايف من ردة فعلها ..
ماادري شو اللي خلاني اسوي هالحركه والله اني نادم عليها ..
لازم اعتذر لموزة لو اشوفها مرة ثانيه ..

الحين شوو بتقول عني .. !!؟؟




اليوم : الثلاثاء
الوقت : الساعة 10:30 صباحاً
المكان : في بيت بوسلطان

" موزة "

مسسسسستحيل هذا سيف .. مستحيل اللي صار من ساعه

أول ماودر سيف ايدي ربعت فوق وانا راكبه الدري دعمت سلطان

قالي بلاج شو مستوي مارديت عليه .. كملت طريجي وسرت غرفتيه وقفلت الباب ورايه .. وتنهدت بأعلى صوتي ..

قعدت على الشبريه والورقة في ايديني ..
أفجها ولا مافجها .... ؟؟!!

أخااااااااااااف ..؟؟

اعقها في الزبالة أو أقراها وعقب اعقها ..
رجعت الورقة على الطاولة أخاف شو مكتوب فيها ..

صاح تلفوني .. خفت الرقم غريب .. رقم مش رقم مبايل ولا رقم بيت ؟؟

رديت عليه وكانت إمارات كول ..
حد مطرش لي الغنية .. الرقم ..

الرقم .. من نفس الرقم ..

الغنية كانت تقول كلماتها ...:

قلتها لج من ظمير ...
انتي يا البدر المنير ...
انتي ياموزة بحياتي ...
حبي الأول والأخير ...
لاقبلها ولابعدها دنيتي موزة سعدها ...
لو بلف الكون كله ...
موزة عندي شيء غير ...
إنتي قلبه مع عيونه ...
انتي عقله مع جنونه ...
انتي عنده شيء كبير ...
الله لايحرمج منه ...
والله لايبعدج عنه ...
وان بغيتي الصدق والله ...
قلبه بحبج اسير ...


قعدت أطالع التلفون ... ومنصدمه ....!!؟؟

الصــــــــــــــــــــــ ـرااااااااااااااحـــ ــة .. تجنن الغنيه رووووووووووعه ..


ياااااااااااويل حالي .. أريد اعرف منو هذا ..؟!!

يمكن سيف ؟؟

لا مااظن .....!!

بس ليش وصلتني الغنية في هالوقت بالضبط ..

أكيدددددد سيف .. بس كيف أتأكد إذا سيف ولا لاه ..

عندي فكره بشوف رقم سيف في تلفون شمه .. لن شمه عادي ترمسه تعتبره مثل سعيد لنه متربي معاهم و24 ساعه في بيتهم ...


تذكرت الرساله ..

شليت الورقه وفجيتها ..

وقريت القصيده أكثر من مرة ..

بعدين قطعت الورقة ولفيتها بكلينكس .. وخليتها على الطاولة ..

لني برجع الورقة لحضرة جنابة سيف " السخيف "

ياناااااااااااااس الحب مش غصب ؟؟؟


طلعت من غرفتيه وانا مقهورة ؟؟!!

حصلت خلود وامايه وقعدت معاهم شوي وبعدين قلت لمايه بسير بيت يدوه ساعه وبرد عندي شغل مع شمه بعد طلعة الروح خلتني اسير ..

ماصدقت تلبست ولطوف قالت بتسير معايه ..

المهم سرنا بيت يدوه وأنا على طول غرفة شمة .. حصلتها قاعده على النت

موزة : شوووووووو تسوين

شمة : على النت

موزة : داشه المسن

شمة : تبين الصدق داشه الجات

موزة : شوووووووووووو

شمة : شوو اسوي مليت محد عندي بالمسن والمنتدى فاضي محد فيه فقلت خلني ادش الجات شوي وبطلع

موزة : طلعي طلعي من الجات لو يشووفج سعيد جان كسر اللاب على راسج

شمة : ماسويت جريمة خلاص ببنده

بندت اللاب .. وقعدت عدالها وشفت تلفونها على الشبريه شليته اوني اشوف المسجات والصور والنغمات اللي عندها ..

انشغلت مع شمة بالسوالف وانا كنت اجيك على الارقام .. وشمة مب منتبهة تحراني اقرأ المسجات ..

حصلت رقم بسم " سيف " ورقمه ؟؟؟؟؟؟؟؟

مب نفس الرقم ؟؟

يعني اللي يطرش المسجات مش سيف ؟؟

ياويلي منو عيل ؟؟؟

بديت أخاف ....

بذبحني لو درا سلطان عنيه ؟؟ والله ليكسر التلفون على راسي

شمة : اشفيج

موزة : هااااا ماشيء .. صح تذكرت ؟؟

طلعت الكلينكسه من مخبايه وعطيتها شمة

شمة : شو هااااااااا ..؟؟

موزة : عطيها سيف

شمة : شو فيها ؟؟

موزة : عطيها سيف ولاتسألين وإذا حب يقولج شوفي الورقة خليه يقولج انا مابقول ..

غيرت الموضوع ..

الصراحه لازم اوقف راعي المسجات عند حده لازم ألقى حل معاه ...

أخاااااااف تكبر السالفه وأطيح على راسي ..

سمعتيه أغلى ما أملك ..
ماادري شو الحل معاه ..
بس أكيد لازم يكون فيه حل ..!!؟؟ <<<< ولا شوو رايكم ؟؟






اليوم : الثلاثاء
الوقت : الساعة 4:30 صباحاً
المكان : في أحدى شوارع العين

" سعيد "


طلعت من المسيد وسرت الشيشه اعبي سيارتيه بترول .. وخطفت على الخياط اييب ملابسي ..

وانا راد طرشت لموزة مسج لنها من امس على بالي :


أحب أجلس بالظلام بهدوء وسكات
عشان انبسط لا شفت جهازي منور
أدري إنك ما تبخل علي بالمسجات
بس بسألك ليه مسجاتك تعــــــــور

أووووووووووووووف منها ..

ردت طرشت :
أناماني الذي بالأمس ع شوفتك
يترجاك تغير واقعي وأضحى زمانك
خارج زماني
عبالك أنا يمكن أسامح
وأتناسى خطاك أنا مهما أسامح مقدر
أنسى إنك الجاني
خطيت بحق قلب
كان وافي ساعي لرضاك يزعلني لجل يرضي
غرورك ويتحداني
أبتناساك لين أنساك وأكيد أنا بنساك وبنسى
ذكرياتك كلها وأرجوك تنساني


مثل ماقلت والله مسجاتها تعور القلب ..

وقفت على طرف الشارع ودقيت لها تلفون وطولت لين ماردت عليه

موزة : ألووووووووووو
سعيد : هلااااااااا والله
موزة : نعم شووو تباااا
سعيد : شوو فيج تصارخين
موزة : ليش داق وبعدين لااطرش مسجات بليز يعني
سعيد : كيفي تفهمين
موزة : مب كيفك
سعيد : وبعدين معاج شو تبين مني
موزة : ماباا شيء غير انك تنسا رقم تلفوني وتفكني منك
سعيد : شووووووووووووو
موزة : انت الحين معرس وحرمتك ماتستاهل اللي تسويه فيها حرااااااام عليك خلك ريال لو مرة وحده في حياتك
سعيد : انا ريال غصبا عنج صح اني احبج بس مااسمح لج تسبيني
موزة : ههههههه اونك ريال اثبت لي انك ريال
سعيد : تبيني ايي واعطيج كف على ويهج عشان تعرفين اني ريال
موزة : هذي هيه الرجوله في نظرك
سعيد : دخيلج افهميني
موزة : شو تباني افهم خلااااااااااااص انسا كل اللي بينا انساني
سعيد : انساج اذا مت راح انساج
موزة " وهيه تصيح " : حرااااااااام عليك خلني اعيش حياتي
سعيد : موزة فهمي والله غصبا عني تزوجت اليازية
موزة : اصلا اليازية ماتستاهلك اليازية انسانه طيبة وتنحب
سعيد : مايهمني
موزة : سعيد برايك واذا دقيت او طرشت مسجات والله لخبر اليازية عليك
سعيد : ماتهمني اليازية
موزة : بخبر سلطان
سعيد : لاتكبرين لسالفه
موزة : اكررررررررهك ماتفهم


وسكرت الخط في ويهي
ضربت السكان بقوة بإيدي منقهر منها .......؟؟!!

مااقدر اودرها بسهوله حاولت ماقدرت ؟؟
ياليتني ماتزوجت اليازية ..

الحين مسسستحيل اقدر افكر لو باللحظه اني اتزوج موزة .؟.؟؟!!
ماادري شوو بسوي وكيف اقدر اتحمل ...!!
صعب والله صعب عليه ..

مـا درت عـن حبهـا ياليتهـا تــدري !!
ليتهـا ياليتـهـا لــو تــدري !!
إن قلبي من كثر شوقـي مـلا صـدري !!
وان صدري من كبر قلبـي نفـذ صبـرهـ !!
من صباح الخـير لين الشمس ما تسري !!
ومن مساء الخير لين نصير في بكـرهـ !!
والغلا في داخلـي مثـل النهـر يجـري !!
ليتهـا تـدري بـ غلاهـا داخلـي شـ كـثـرهـ !!
هي هواي وهي بعد لي قلبـي وعمـري !!
وابتسامـة خاطـري لـو خانـت العبـرهـ !!
ليتها تدري عن اللي يدور فـي صـدري !!
وليتهـا تـدري بـ غلاهـا داخلـي شـ كثـرهـ !!!!




اليوم : الأربعاء
الوقت : الساعة 7:30 مساءً
المكان : في بيت بو سعيد

" سالم "



مجابل المنظره واعدل غتريته .. دشت البشكارة يايبه ملابسي وتقولي ماما يريدك برع .. شليت بوكي وتلفوني .. وطلعت الفله وسرت صوب فله بوسعيد ..
لقيت أمايه بس معاها سهيل الصغير راقد ..
سلمت على امايه وحبيتها على راسها وحبيت سهيل على راسه .. وقعدت حذال أمايه ..

سالم : هالغاليه آمريني البشكاره قالت انج تبيني

أم مبارك : هيه فديتك بغيت اتخبرك عشان خطبتك

سالم : أنا قلت لج اتنقي الحرمة اللي تشوفينها زينه وأنا ماعندي مانع

أم مبارك : شو رايك في قوم حمد محمد الــ ....

سالم : نسايب حرمة خلفان

أم مبارك : هيه اللي كانوا معانا في حفيت

سالم : والله مااعرف اللي تشوفينه الغاليه انا موافق عليه

أم مبارك : خلاص انا برمس حرمة خلفان وبقولها ترمس أهل البنت وتشوفهم

سالم : خلاص على خير ان شاء الله انا بترخص بسير أييب ملابسي من الدوبي

أم مبارك : الله يحفظك الغالي هالله هالله بالسواقه

سالم : من عيوني


طلعت من عند امايه وسرت صوب الكراجات شغلت سيارتيه وطلعت بها برع البيت وانا واصل صوب الباب سيارة راشد داخله وقف لي ونزل الجامه ..

راشد : ها بوغنيم على وين

سالم : ساير الدوبي تامرني بشيء

راشد : سلامتك بس كنت بعزمك على العشا برع البيت

سالم : والله من متى تعزمني

راشد : تونا مستلمين المعاشات فقلت اعزم اخوي حبيبي يتعشا معايه برع البيت


سالم : اوكي تمام موافق انت سير غير ملابسك وقول لمايه بنتعشا برع البيت انا بوصل الدوبي وبرد

راشد : خلاص اترياك لاتتأخر

سالم : إلا سيف وينه عنك

راشد : عفته سيف قلت اطلع معاك

سالم : ههههههههه إلا عفته حرام عليك انا بسير الدوبي وراد

راشد : خلاص الله وياك

طلعت من البيت وسرت صوب الدوبي ويبت ملابسي وشفت واحد من
أهل فيصل عند الدوبي نزلت وسلمت عليه قلبي عورني من شفته .. آآآآآآه يافيصل ليتك معايه عشان تسير معايه اخطب ..

اللـــــــــه يرحمك برحمته ..

رجعت البيت طلع لي راشد .. وركب معايه

سالم : وين تبانا نسير

راشد : امممممممم مااعرف

سالم لاتقول حفيت

راشد : العوق هناك

سالم : ............. !!؟؟

راشد : بلاك

سالم : شو قصدك العوق

راشد : ماشيء خطف على أي مطعم بنتعشا فيه وبعدين بنسير نتمشا في أي مكان تباه

سالم : ان شاء الله

خطفنا على المطعم ونزلنا وتعشينا وطلعنا نتمشا صوب المبزره ..

سالم : وينه عوقك مااشوفه

راشد : أي عوق ماعندي عوق بلاك سلوم شكلك محموم

سالم : انا المحموم ..!!؟؟

راشد : اشدراني عنك

سالم : انزززين ماقالت لك امي لقت لي الحرمه

راشد : والله بنت منووو

سالم : نسايب حرمة خلفان

راشد : منو منهم

سالم : اللي كانوا عندنا في حفيت ذاج اليوم

راشد : قوم حمد الـــ ............

سالم : هيه قالت بتقول حق ام سلطان

راشد : ...............................

سالم : اشفيك سكتت ماقلت رايك

راشد : هاا اااا .. شو قلت

سالم : اشفيك ماقلت رايك في قوم حمد

راشد : مااعرف خلنا نرد البيت راسي يعورني

سالم : اشفيك اعتفست

راشد : ماشيء يالله خلنا نرد البيت

رجعنا صوب السيارة وردينا البيت وطول الطريج راشد ساكت بلاه اخويه لايكون ضربته ينيه كله ساكت وكل مااقول له شيء يقول مااعرف .. وأول ماوصلنا البيت سار صوب فلته وقفل الباب وراه قال اريد ارقد مصدع ..
خليته على راحته انا سرت صوب امايه لقيتها راقده يلست مع اليازية وسعيد ورديت صوب فلتيه عشان اريح وارقد ..






اليوم : الأربعاء
الوقت : الساعة 9:30 مساءً
المكان : في بيت بو سعيد

" راشد "


صح اني كنت اريد سالم يعرس .. بس ماتوقعت انه بياخذ اللي كنت اباها ومتخبل عشانها ..

خليت ايديني على راسي وغمضت عيوني خفت دموعي تخوني واطيح على خدي ..

آســـــــــــــف ياحصة مابوقف في طريج اخوي .. وامنع زواجكم ..

مستعد ابيع روحي عشانه ..
هذا سالم اللي احبه أكثر من روحي ..
مااقدر اقعد في البيت اكثر .. سرت صوب غرفة الملابس وطلعت لي شنطه صغيره وخليت شوي من ملابسي واغراضي اريد اطلع من البيت اريد اسير أي مكان احس بختنق اذا تميت هنيه ..

ياخوي ماودي أنا ابعد واخليك ..
لاكن غصب عني أبختار فرقاك ..
ياخوي سامحني اذا اترك ايديك ..
وارحل بدونك واترك الموت وياك ..

ياااااااخوي سامحني ابا ابعد واخليك ...

طلعت من غرفتيه وشليت الشنطه وركبت السيارة وطلعت بها برع البيت .. كان تفكيري كله اني ابعد عن سالم هاليومين مااقدر اشوف مااقدر اعطي واخذ معاه بالكلام ..
اسوق سيارتيه شرات المينون ماادري وين اسير ..؟؟!!

بعد ساعه وشوي اشوف عمري في بوظبي .. واقف على البحر اشوف البحر هادىء ومحد عليه غير مجموعه صغيره بس بعيد عني ..

نزلت من سيارتيه
وقفت اطالع البحر ..

فاقدك والآه في قلبـي تلـوف
والالـم ماللألـم عقـبـك دواء
النسايم اصبحت برق وعصوف
والسرور اللي علا نجمي هـوا
ياغالية آآه ياصعب الظـروف
وياقسى قلب الليالـي والنـوا
فاقدك ليتك تشوف اللي اشوف
ضاقت الدنيا وضاق المحتـوى


صاح تلفوني كان سالم يدق شفت الساعه تقريبا رايحه صوب 12 قعدت اشوف الرقم والغصة واقفه لي في بلعومي .. قعدت اترياه يسكت ..
من سكت وصلني مسج من سالم :

راشد وينك رد عليه ..؟؟!!

رديت عليه بمسج : لاتخاف عليه ..

غلقت التلفون عشان مايدق لي ..

قعدت على البحر وانا ألعب بالرمل واحاول انسى كل شيء ليتني افقد ذاكرتي ليتني انسى .. كل شيء ... كل شيء

انسى اني في يوم حبيت فيها حصة انسى كيف كان اول يوم اشوفها فيها خليت ايديني على عيوني اتذكرها يوم تسكر على عيوني يوم ربعت من شافتني .. اتذكر ردها على رسالتي

غمضت عيوني خلاااااااااااااص يكفي دخيلك ياربي خلني اتحمل هالصدمه مااريد ااخرب على اخويه مااريد اوقف في طريجه ..

دخيلك ياقلبي لاتعذبني معاك ..
ماني قادر اتحمل عذابك ..




ضاق صدري والفرح وين أبلقاهـ !!
ضاع الهنا والنوم عيا يجيني !!
غاب الأمل عن مدى صبري وتاهـ !!
وأستبد الهم مير أخفي ونيني !!
ما بقى حزن ٍ ما جرى دمعي وراهـ !!
ولا لي غير الدمع سلوى يا ضنيني !!!!




لامارا غير متواجد حالياً   رد مع اقتباس
قديم 19-10-19, 11:57 PM   #22

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



***===== الــــجـــزء الــــــعــشـــــــــرون =====***




غريبة يروح اليوم بهمومه وبكرى يجدد الاحزان
نحاول نكتم العبره وتطلـق دمعنا الاهداب
غريبة كيف ماتطوي جروحي نعمـة النسيان
وانسى كل ما بي مدام للجروح اسباب
وأعود انسان متفائل واغنـي اعـذب الالحان
وودع جرحي البائس واقول ان الزمـان عتاب
وارتب باقي اوراقي وجروحي والألم ذبلان
وأخلي لك مع الذكرى حكاية ترفض الاعـراب


.................................................. ..............
.................................................
.....................................
..........................
..................
............
......

اليوم : الخميس
الوقت : الساعة 7.00 صباحاً
المكان : في بيت بو سعيد

" ســـالم "


من أمس وفكري مشغول ع راشد .. ماأدري أرضه من سماه .. أدق عليه وكله مغلق ..
ياربي شوفيه ..؟؟!! شو اللي غيره فجأة كان اشحلاته معايه ..
والله من أمس ماذقت طعم النوم .. كله قاعد أدق عليه بس تلفونه مغلق .. طلعت من قسمي وسرت صوب قسم راشد ..
دشيت والقسم كل ليتاته مشغله .. دشيت غرفته شفت الكبت مفتوح وفيه بعض ملابسه مب موجوده ..
شفت اللاب ماله " اشترى لاب يديد من اسبوع " ع الشبريه وشاشته مفتوحه بس مب مشغل ..

تقربت منه .. وقعدت أشوف الشاشه .. راشد عنده سالفه مع هالكمبيوتر .. هذا الكمبيوتر جلب حياته ..

شو اللي خلاه يشتري لاب مع انه ماله حايه فيه ..
شغلت اللاب عساني اعرف سره فيه ..

مايخلي أي احد يتقرب منه ..
حاول معاه سعيد بس ماطاع حتى يمسكه بإيده ..
شليت اللاب وطلعت من غرفتة وقعدت ع الكرسي في الصالة وشغلت اللاب .. شفت مجلد بسم " راشد " فجيته كان فيه ..

أغاني .. شعر .. خواطر .. ومجلد مكتوب عليه " خاص "

فجيت المجلد

كان فيه رسايل ..؟؟!!

قعدت أقرأ الرسايل ..

رسايل انصعقت منهن ..

مسسسسسسستحيل ... مستحيل ..؟؟!!

راشد يحب حصة وصار له فتره .. طوووووووويله ..
كل رساله لها تاريخ محدد ..

وكان من بين رسايله راسله وحده بس من حصة ..


الحين عرفت ليش راشد انصدم من درا ان امي تبا تخطب لي حصة ..

سكرت رسايل راشد ..

كسر خاطريه كان كاتب على شاشه الكمبيوتر " الخلفية "

حراااام تجهل حب صادق يراعيك ..
ميت بحبك يافريد الملاحه ..

بنت اللاب ودرته على الكرسي وطلعت من قسمة وسيده صوب امايه ..

أم مبارك : هلاااا بسالم

سالم " يحب امه ع راسها " : اشحالج الغالية

أم مبارك : بخير يعلك العافية

سالم : كيف صبحتي

أم مبارك : على ذكر الرحمن وينه اخوك

سالم : طلع عنده شغل المهم أمايه انا غيرت رايي مااريد بنت حمد

أم مبارك : افااا ليش

سالم : مااريد دوري وحده ثانيه

أم مبارك : ليش انت سامع شيء ع البنيه

سالم : لا حشااا .. ماعليهم قصور بس انا مااريدها ماارتحت في صلاة الاستخارة

أم مبارك : كان خاطري اناسبهم

سالم : خطبيها حق راشد

أم مبارك : راشد مايبا يعرس

سالم : لا ماعليج راشد بعرس معايه بنسوي عرس جماعي

أم مبارك : خلاص من اشوف رشود برمسه

سالم : انزين فديتج انا بسير تامريني بشيء

أم مبارك : وين تبا قعد تريق

سالم : مب مشتهي الحين برد خلاف وبتريق مع راشد



طلعت من البيت وانا بالي مشغول ع اخويه ادقله بس بعده تلفونه مغلق ..

دقيت ع سيف بس مايرد

الحين وين بجبل لازم اشوف راشد لازم ارمسه ..


قعدت افتر في الشوارع مثل المينون ماخليت بقعه في العين ماسرتها ..

كله ادق ع راشد بس بعده مغلق ..

دقيت ع سيف .. ورد عليه

سالم : أوهوووووو انت راقد

سيف : منوووووو انت

سالم : صحصح معايه شوف الرقم

سيف " وهو يفج عيونه يشوف الرقم " : هلااا بالعم سالم

سالم : قوم ابا ارمسك

سيف : شو فيك شو صاير

سالم : تعرف وين راشد

سيف : راشد ..!!!؟؟

سالم : هيه راشد

سيف : اشدراني مااعرف

سالم : اوهوووو سيف قوم غسل ويهك وبعدين دقلي باي


سكرت عنه .. هذا راقد للين الحين .. الساعه 8 وراشد من امس مااعرف وينه

لو راشد ياه شيء انا بتحمل المسؤولية ..
لااا ياربي مااريد افقد اخويه .. يكفي اني فقدت فيصل .. مااقدر ع فراق راشد مااقدر ..!!

منهو اللي يعوضني بعد موت تكفيك
منهو الذي يقدر يخليني انساك ..
ياخوي عيني تذكر أحلى لياليك .. وأتذكر أحلامك وبسمة محياك
لو بالبكا بنساك ببكيك ببكيك
لو بالحزن بسلاك بحزن وبسلاك
قلبي وحالف يوم يقدر يخليك .. لو غصب عن قلبي خيرت فرقاك ..
ياخوي سامحني أبا ابعد واخليك ..

بعد ربع ساعه من الهم والمحاتاه .. دق سيف

سالم : هلا سيف

سيف : شووو صاير شوفيه راشد

سالم : ماأعرف من أمس ادوره وماحصلته طلع زعلان من البيت

سيف : زعلان ..؟؟ ليش !!

سالم : سالفة .. بس إنت الحين تعرف وين بلقاه

سيف : اممممممممم ماأعرف انزين دق له تلفون

سالم : دقيت بس مغلق

سيف : انزين عطني عشر دقايق وبرد عليك

سالم : شو بتسوي

سيف : قلت لك عشر دقايق وأنا بطلعه لك

سالم : انزين بسرعه تراني قاعد احاتي

سكرت عن سيف وقفت سيارتيه على طرف الشارع وساندت راسي ع الكرسي وتنهدت ..

من أمس ماذقت طعم النوم .. وأحس راسي بنفجر ..

1>>>>

2 >>>>

3 >>>>

4 >>>>

5 >>>>

6 >>>>

7 >>>>

8 >>>>

9 >>>>

10 >>>>



طافن عشر دقايق وسيف مادق ودقيت له بس مايرد .. ياربي أكيد صار شيء

بعد دقايق دق عليه سيف

سالم : هااااااااا شو صار

سيف : رمسته

سالم : رمسته كيف تلفونه مغلق

سيف : بطريقتي الخاصة المهم أنا بقولك مكانه

سالم : وين قوووول

سيف : البحر

سالم : ............

سيف : بوظبي

سالم : خلاص برايك مشكور فداعه الله

سكرت بسرعه من سيف وشغلت سيارتيه وسقتها شرات المينون ضربت لي خط لين بوظبي ..

كانت الأفكار ادور في راسي .. اللي يصير في راشد كله بسبب تفكيري في العرس ..

وصلت بوظبي وأنا اعصابي خلاص تلفت .. قعدت أدور بين السيايير ع سيارة راشد ..

حصلت سيارته بس محد فيها .. وقفت سيارتيه حذال سيارته .. ونزلت ادور على البحر ..

حصلته قاعد ولام ريوله لصدره ويطالع البحر ..

تقربت منه وقعدت حذاله بدون ماارمسه وقعدت مثل ماهو قاعد ..

لف صوبي راشد ومن شافني انصدم

راشد : سالم

سالم : هيه سالم اللي مب نايم من أمس والسبب أخوه

راشد : قلت لك لاتخاف عليه

سالم : راشد شو فيك شو صاير

راشد : هاا .. اممم ماشيء

سالم : ماشيء تباني اقولك شو صاير وشو اللي جلب حالتك

راشد : سيف قالك شيء

سالم : لا والله ماقالي غير عن مكانك ماقال شو فيك

راشد : عيل شووو فيني

سالم : ارتاح ياراشد حصة ماباخذها

راشد : حصة ..؟؟ منو حصة ؟؟

سالم : هههههههههههه ارتاح انا قلت لمايه تخطبها لك

راشد : أنا مب فاهم شيء

سالم : هههههههه أونك مب فاهم انا عرفت كل شيء عرفت شو اللي جلبك بدقايق ..

راشد : شوووووووو

سالم : امممممممم قريت كل اللي في كمبيوترك

راشد : ......................

سالم : أنا مااريدها خلاص رمست أمايه عنها

راشد : لا ياسالم مااريد اوقف في طريج سعادتك

سالم : وأنا ماأريد أكون اللي دمر حياة أخويه خلاص أنا مااريدها وقلت لمايه تخطبها لك

حضني راشد وهو على وشك انه يصيح

سالم : لا لا لا لا لا راشد لاتصيح

راشد : هههههههههه حمار تطنز عليه

سالم : يالله قوم ريحتك معفنه سير تسبح من امس قاعد في هالمكان

راشد : شوووووو حمار رد البيت اروحك انا مب راد معاك

وقفت وأنا امشي عنه

سالم : عادي اقعد هنيه انا بسير اقول لمايه خلاص اريد أخذ حصة

وقف ورايه وهو يمشي بسرعه عشان يوصل حذالي

راشد : سبااااااااااااااال

ركبنا سياييرنا وأنا فرحان إني ارتحت واطمأنيت ع راشد ..
راشد .. حسيته رجعت له روحه كان فرحان وطاير من الوناسه ..

رجعنا البيت وكل واحد فينا مب قادر يشيل جسمه من التعب ...








اليوم : الخميس
الوقت : الساعة 3.30 الظهر
المكان : في بيت بو سلطان

" مــــــوزة "


يالسه على المسن وارمس شموه ونستهبل يقول غبيات ..

موزة : حووووووو

شمة : نعمممممم

موزة : تعالي بيتنا

شمة : مااريد

موزة : سباله وسخيفه

شمة : هههههههههههه كيفي ماأريد

موزة : برب أمايه تزقرني

نزلت تحت أربع بدون شيله وأنا نازله من الدري حسيت إنه حد قاعد سمعت صوت ريال ..

بسرعه رجعت فوق ولبست شيلتيه ورديت انزل وكنت انزل واحاول اسمع الصوت .. وأخر شيء طلع صوت سعيد ..

وعععععععع ع ع ع ع ع ..

عدلت شيلتيه ونزلت

موزة : السلام عليكم

سعيد : وعليكم السلام اشحالج دبوه

موزة : الحمدلله

لفيت صوب امايه وانا مالي بارض لسعيد السخيف ..

موزة : شو امايه شو تبين

أم سلطان : بنسير نتعشا بالعزبة

موزة : يعني المطلوب سيري المطبخ

أم سلطان : هيه عيل شو

موزة : انزين بسير ابند لاب توبي وبرد

سرت فوق وحتى مالفيت صوب سعيد اللي كان قاعد في الصالة ويلعب بتلفونه ..

موزة : بااااااااااك

شمة : ولكمووو أخيس باك

موزة : سخيييييييييفه

شمة : شو تباج امج

موزة : تعرفين بنسير نتعشا بالعزبة

شمة : حلفي محد قالي

موزة : انا توني دريت وأخوج عندنا تحت

شمة : سعيد ... والله .......؟؟!!

موزة : هيه برايج امايه تباني اسير المطبخ

شمة : هيه مووزوة سوي معكرونه دخيلج مشتهيه مالتج

موزة : ههههههه موافقه بس بشرط

شمة : شو الشرط

موزة : تبين لنا حلاوة

شمة : موافقة

موزة : اوكي برايج بشوفج في العزبة

طلعت من المسن وسرت صوب غرفة لطوف ودقيت الباب لين ماانكسرت ايدي

موزة : فجي الباب انكسرت ايدي

لطوف : انزين يعلج ريل

موزة : يفكني منج

فجت الباب وهيه ماسكه الباب بيدها ماتباني ادخل

موزة : اريد ادخل دزي مناك

لطوف : لااااااااااااااااا

ماسويت لها واحد اثنين .. دزيتها بقوة ودشيت وكانت العبيطه يالسه تلعب بالعرايس

موزة : ههههههههههههههههه خخخخخخخخ

طحت على الشبريه من كثر مااضحك

لطوف : سخيفه طلعي برع مايخصج فيني

موزة : هع هع هع هع هع قسم بالله انج هبلة

لطوف " وهيه تزاعج " : برررررررررررررررررع

موزة : بطلع وانتي طلعي ورايه

لطوف : ليش ان شاء الله

موزة : تساعديني في المطبخ

لطوف : ليش بيون خطاطيب

موزة : سخيفه يالله بسرعه بنسير العزبة

لطوف : انزين طلعي وانا بلحقج بعد شوي

موزة : بسج لعب يهال

لطوف : تراني مابساعدج

موزة : وياراسج بسرعه لحقيني

ههههههههههههههه

طلعت من غرفتها وأنا اضحك وخطفت ع غرفة خلود حصلتها ترمس ريلها بالتلفون وقفت على الباب وانا اقولها سكري وهيه تقولي صبري شوي

وقفت العب بظافري لين ماتسكر من التلفون

خلود : شوو تبين

موزة : بنسير العزبة

خلود : الحين

موزة : لا بنتعشا هناك

خلود : منو بسير

موزة : ماادري امايه تقول سيرن عابلن في المطبخ

خلود : انزين سيري وبلحقج

موزة : اوكي لاتبطين

طلعت من غرفتها وسرت توضيت وصليت ونزلت تحت حصلت خالد يطالع التلفزيون .. خطفت حذلها ومطيت له شعره .. شعره مطولنه لين اخر رقبته .. اتخبل على شعره .. بس شعر حمد أحلى .. لنه غليظ ..

نزلت خلود من الدري واطالعتني مستغربة

خلود : ماسويتي شيء

موزة : لا سرت اصلي وتونيه نازله من فوق

خلود : انزين يالله بسرعه عشان نخلص

موزة : انزين

طلعنا صوب المطابخ وقعدنا نعابل وساعدتنا امايه والبشكاره ولطوف البزايه كل شوي تقول مااقدر اسوي تعبت ..
قسم بالله امبوني بفرها في الفرن مسوده الويهه ماتنفع هاي لشيء ..


بعد صلاة المغرب يعني على الساعه 7 طلعنا من البيت كلهم ساروا مع ابويه إلا انا سرت مع سلطان .. كنت اباه بسالفه ..

في السيارة " سلطان " :...............


موزة : سلطان بقولك سالفه

سلطان : شوووووووو

موزة : طلعلي رقم يديد

سلطان : ليش

موزة : بس هذا الرقم مااباه

سلطان : ليش

موزة : بس وايد بنات يلعوزني فيه

سلطان : عطيني ارقامهن

موزة : لالالالا مافيه على المشاكل انت طلع لي رقم وهذا بغلقة مؤقت

سلطان : انزين بطلي السده اللي جدامج بتلقون ظرف الاتصالات وطلعيه

فجيت السده وطلعت ظرفين ..

سلطان : اختاري واحد منهن

موزة : من وين لك ارقام يديده

سلطان : ربيعي مظهر لي 5 ارقام ووزعتهن وباقيات هالاثنين

موزة : ابا هذا رقمة حلوو

سلطان : خلاص خذية وبطاقتج غلقيها

موزة : انزين

طلعت تلفونيه من مخبايه وغيرت البطاقه وغلقت البطاقة الاوليه ..

الصراااااااااحه ارتحت لازم احل مشكله المسجات اللي مالهن أول ولا تالي ..

وصلنا العزبة وكانن سيايير أهل شموه .. يعني عازمينهم معانا ..

نزلت من السيارة ودقيت على تلفون شمة بس ماترد لن الرقم غريب .. دقيت على تلفون امايه وقلتلها تقول حق شمة تطلع برع

بعد شوي طلعت شمة برع العزبة

موزة : ليش ماتردين ع التلفون

شمة : مادقيتي

موزة : دقيت بس رقم غير

شمة : اهااا رقم منو هذا

موزة : رقمي اليديد

شمة : ليش غيرتيه

موزة : بعدين بخبرج السالفه المهم ابا ادش وين الرياييل

شمة : محد داخل كلهم طلعوا ساروا يلعبون بالدراجات

موزة : ياحظهمممممممممم

دشينا العزبة وقعدنا وياالحريم نتقهوي على قولتهم ..

بعدين قررنا نطلع نتمشا دام الجو نظيف مافيه حد من الرياييل

ونحن ظاهرين من العزبة .. وقفت سيارة وانا بسرعه تغشيت لنه هذا خال شموة "حمدان "

حمدان : السلام عليكم

انا وشمه : وعليكم السلام

وسارت شمة توايهه وانا وقفت بمكاني ساكته

حمدان : ماشيء حلاوة بعد اليوم

شمة " اطالعني " : لا مااااااشيء

حمدان : افاااااااااااا

شمة : جلب ويهك

حمدان : مشكوووورات

دخل عنا العزبة وشمة اطالعه ..
موزة : حرام كسرتي خاطره

شمة : طزززز

موزة : سيري عطيه عيب والله

شمة : عادي

موزة : لا لا لا فضيحه

شمة : انزين انتي سيري مكانا وانا بسير اييب جيس الحلاوة من سيارة سعيد

موزة : انزين لاتبطين

سرت مكانا فوق العرقوب وطلعت تفوني ودخلت البطاقة الجديمة وقعدت اتسمع الاغاني اللي فيها ..

كنت وايد اسمع هالغنية تعيبنيه ومية ألف مرة اعيدها :

كيف تتركني أواجه هالمصير
بالسهوله عادي تهجر من هواك
لحظه لو تسمح ليه مطلب أخير
قبل لاترحل خذ فؤادي معاك
حبك المبذول في خافي الظمير
مات وأحيا من وداد الحسن ذاك
عادي ودعني انا في عهدك بخير
يالغلا لاتلتفت للي بكاك
للأسف انسيتني الحسن المثيل
مستحيل يغرني اصلا هواك


سمعت حد يقرب بدراجاته مني لفيت بسرعه .. كان سيف وراشد وسالم

تروعت بسرعه تغشيت

سالم : شوو تسوين بروحج هنيه

موزة : شمة الحين بتي

سرت وسلمت على عمي راشد وسالم وسيف لبسته ماعطيته ويهه

راشد : غريبة ماتبن الدراجات

موزة : لا مانباااااااا

سالم : هههههههههههههه لاتسيرن بعيد تفهمن

موزة : انزين

ساروا عني وسيف كان أخر واحد يمشي بدراجته ..

سخيف ياربي هالريال مااحبه ..!!

بعد شوي يت شمة يايبه معاها هزاع وجيس الحلاوة

موزة : حق شو يايبتنه برد

شمة : عادي لابس جاكيت

موزة : انزين عطيتي سيف الورقة

شمة : صح ذكرتيني هذيه الورقة بمخبايه الحين بسير اعطيه

موزة : يالله سيري وردي هزاع عند اليازية حرام عليج بموت من البرد

شمة : انزين اندوج يودي الكيس ..

سارت شمة ترد هزاع عند أمه وتعطي سيف الورقة ..






اليوم : الخميس
الوقت : الساعة 7.50 المغرب
المكان : في العزبــــة

" سيـــــــــف "


كنت قاعد اعدل تاير الدراجه سمعت شمة تزقرني رفعت راسي شفتها يايه صوببي

سيف : خيرر شو تبين

شمة : شوو مسوي انت

سيف : أنا شوو ؟؟!!

شمة : دوك هالكلينكسه وقولي شو السالفه

خذيت الكلينكسه وفجيتها وحصلت أوراق صغار فجيت الورقة وشفته خطي .. عرفت إن هالأوراق الصغار عبارة عن قصيدتي اللي كتبتها لموزة ..

شمة : هااا شو قول شو السالفه

سيف : ياللي جروحك أليمة .. من متى قلبك علي

ودرت الدراجه وشمة واقفه بمكانها وشليت معايه الورقة وجرح بقلبي .. وركبت سيارتيه وطلعت من العزبة ودق عليه راشد من شافني ظاهر من العزبة ..

راشد : وين ساير

سيف : برد البيت السموحه منكم

راشد : اشفيك

سيف : ماشي راشد دخيلك خلني في حالي برايك مع السلامه

شغلت المسجل وكانت غنية كلماتها تقول :

اللـــــــــــه معااااه .. لاتمنعه لاتعاتبه .. ولاتودعه بكرا الندم برجعه .. بكرا الحنين .. الله معاه لاتحاكيه لاتسمعه ظاع العمر والله معاه قلبك حزين ..


صاح تلفوني وراشد يدق .. قصرت على صوت المسجل ورديت عليه

سيف : ألوووووووووو

راشد : سيف اشفيك

سيف : ماشيء

راشد : سيف عليه أنا أكثر واحد أعرفك حد قالك شيء

سيف : صبرت وطالت المده .. وطول الصبر يشقيني .. على اللي مايسن قده حشيم ماوطى شيني ..

راشد : اكيدد موزة شيء قالت

سيف : آآآآآآآآآآآه الله يسامحها راشد خلاص ساعدني انسى اللي بداخلي قبل مايزيد عوقي

راشد : سيف تحمل على روحك

سيف : ......................

راشد : برايك سالم يزقرني برد ارمسك خلاف سير البيت لاتسير تحوم بالشوارع حالتك ماتسمح لك انك تسوق

سيف : يصير خير مع السلامه







اليوم : الخميس
الوقت : الساعة 8.30 العشا
المكان : في العزبــــة

" راشــــــد "

سكرت عن سيف وسرت صوب باب العزبة لان سالم واقف يزقرني

راشد : شوو تبا

سالم : تعالي تباك أمايه

راشد : شو تبااا

سالم : تشاورك عشان سالفة العرس

راشد " شاق الحلج " : حلف

سالم : هههههههه والله يالله امشى

راشد : لا سالم استحي

سالم : وابويه عليك شو خليت للبنات

راشد : قولها في البيت

سالم : لا تباك الحين لن خوانك كلهم موجودين

راشد : انزين تعال معايه

سالم : اكيد بيي معاك

سرنا داخل ومن شافني اخويه محمد " ابو سعيد " قعد يقول بصوت عالي

أبو سعيد : هلااا بمعرسنا

راشد : هههههههه بعدنا ماستوينا معاريس

أبو سعيد : لا لا إنت معرس من اليوم

راشد : على ايدك والله

أم مبارك : خلاص نحن طرشنا عليهم إذا وافقوا بسيرون الرياييل يقصون الحيه

راشد : ان شاء الله خير

سالم : ان شاء الله يوافقون ويفكونا من راشد

أبو سلطان : وإنت مب ناوي تعرس

سالم : إلا ناووي ونص بس نتريا الوالده ادور لنا بعد على حرمة

أم مبارك : بعدين دورك خلنا نخلص من سالفة راشد

أم سلطان : ليش ماتيوزين سالم حق بنت عمهم قوم حمد

أم مبارك : عندهم بنات

أم سلطان : هيه عندهم ثنيتن وحده في المدرسة والثانية مخلصة جامعة

سالم : ماأريد كبيره

أم سلطان : إلا 23 عمرها

أم مبارك : خلاص خليني اشوف البنت ويصير خير

راشد : على خير يالله شباب على الصلاة

كلهم قاموا يصلون وانا طاير من الوناااااااااااسه

الحمدلله عدى هاليوم على خير ..

والله يجدم اللي فيه الخير ..



لامارا غير متواجد حالياً   رد مع اقتباس
قديم 20-10-19, 12:05 AM   #23

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



***===== الــــجـــزء الحادي الــــــعــشـــــــــرون =====***




لا تشتكي من جور الايام للناس
وادفن همومك في ثرى الصمت كله
اسرار عمرك خلها تحت الانفاس
لاصار هرج القفا فاطنن له
هذاك يفرح لالمس جرح الاحساس
وهذا مناه لالقا فيك عله
جو الربيع بعجة الصيف ينحاس
لا جا هرج في غير محله

.................................................. ..............
.................................................
.....................................
..........................
..................
............
......
اليوم : الجمعة
الوقت : الساعة 10.30 صباحاً
المكان : في بوسعيد

" موزة "


كنت في بيت عمي وكنت في المطبخ نلف المحشي انا وشمة وخلود .. والبشاكير يسون بيتزا .. لن قررنا نسوي بوفيه مانبا كل يوم عيش .. طبعا أم سعيد قالت لازم عيش مانستغنى عنه .. فقلناها اوكي بس لاتسوون وايد الاكل اللي نحن نسويه من بياكله ..

خلود : موزة قومي سوي الكيك بنلف الباجي انا وشمة

موزة : اوهووو ،، انزين مااعرف للكيكة اللي تبونها ولا مرة سويتها

خلود : ماسويتها عيل ليش خذيتي المقادير مني

موزة : شمه كانت تبا تسويها بس تعايزت وماسويناها

خلود : انزين انا بقولج شو تسوين

موزة : انزين

قمت وغسلت ايديني وطلعت ورقة من ملف الطبخ اللي بالدرج وكتبت المقادير بسرعه وقلت لوحده من البشاكير تساعدني والله حاله يالسه يسولف ماشيء شغله ..

انا واقفه وآمر عليها هاتي هذا وشلي هذا والحمدلله سويتها وكل شوي خلود تقولي خلطي الكيك على مكان واحد مب كل شوي مكان حركيه بإتجاه واحد بتخترب

انا طنشتها شو عليه منها .. كيفي هاي كيكتيه وانا بسويها ..

دخلت امايه وقعدت تشوف شو نسوي وتتفقد الوضع ..

أم سلطان : بس هذا اللي سويتنه محشي وبيتزا

ودشت وراها ام سعيد واليازية

ام سعيد : ها خلصتن

موزة : لا بعدنا

اليازية : الله المحشي يشهي

خلود : حلو طالع شكه مرتب بس الله يستر من طعمة شمة مسويه الخلطه

شمة : لالالا مب انا موزة معايه

موزة : خير ياطير حتى لو مب حلوه المهم يدش البطن

يت اليازية وشلت صحن الكيك من ايدي ودخلته الفرن وصدت صوبي كم احط حرارة الفرن

خلود : 140 لااطولين اكثر خليها تنضى على راحتها

موزة : انزين خلود قلتي بتسوين فطاير

خلود : شوفي العجينه انتفخت ولا لاه

اليازية : انا بسوي الفطاير بس هزاع اخافه يصيح

أم سعيد : وينه هو راقد

اليازية : لا عند سعيد يلعب معاه

شمة : برايه عند ابوه واذا صاح انا بكمل الفطاير وانتي سير عند هزاع

خلود : بساعدج بنخلص بسرعه

موزة : انزين شو تبونا نسوي بعد

أم سعيد : الصراحه نحن ماسوينا عيش

موزة : ليش

ام سعيد : محمد قال بيعزم خواني وذبح ذبيحه ولاقالي

موزة : والله زين عيل يوم سوينا نحن شيء يت في وقتها العزيمة

ام سلطان : انا بسير اركب القهوة على الغاز

ام سعيد : موزة هاتي صحن البيتزا انا برتبه

قعدنا نعابل وخلود واليازية يوسن الفطاير وانا اشوف الكيكه وشمة تكمل المحشي وتخلي مقاديرة الباجية وبتركبه على الغاز ..

والبشاكير حشره كانن 4 ومحتشرات ومرتبشات وكله يرمسن صدعن روسنا ويرطنن ونحن مب فاهمين عليهن ..

وحده منهن انزلجت وطاحت لن المطبخ كله ماي هن يغسلن ويخيسن والله كلنا نقعنا ضحك عليها يوم طاحت خلود تروعت تحراها ماتت

والبشاكير قعدن يضحكن عليها وهيه قفطت وتضحك على شكلها .. الحمدلله انها يت سليمة ..

دشت ام سعيد مرة ثانية المطبخه ويايبة معاها صحن كبير فيه السلطه تباني اقطع معاها ..

موزة : الحقي البشكارة طاحت

ام سعيد : منو فيهن

موزة : تامية اتزحلقت بالماي

ام سعيد : وينها شيء ياها

موزة : لا تضحك ماياها شيء طلعت سارت تغير ملابسها كله ماي

ام سعيد : الله يغربها زين ماتكسرت علينا

قعدنا نقطع السلطه ويت شمة وكملت معانا وحرمة عمي سارت لعيالها " راشد وسهيل "
دشن نورة ولطوف " والله قرف هالبنتين خقاقات "
لطوف : شوو ها طاعي اشكالهن

نورة : ههههههههههههه بفضحنا جان جابلتن العرب جيه

خلود : هذيل شو مشكلتهن

لطوف : ماعندنا مشاكل حرم عبدالله

اليازية : شو تبن سيرن مامنكن فايده

نورة : الله الكيك اللي احبه

موزة : بس حاولي تقربين بس من الصحن بتشوفين شيء مايسرج ملعونه الصير

شمة : يبن على الجاهز

طلعن لطوف ونورة وهن معصبات قسم بالله قهررر ..
طردتهن خلود لن ريحتهن عطر وداشات المطبخ وين يبن ..

خلصنا السلطة وانا سرت اسوي التوفي للكيك .. ومن خلصنا شليت الكيك والسلطة والبيتزا وديتهم الميلس كان الميلس مدخن ومرتب ..

باقي بس الفطاير والمحشي .. سرت وقلت للبشاكير يشوفن المحشي عن يحرق ..
وسرت غرفة شمة اتسبح ريحتيه مطابخ وشعاويط ..

دشيت وشليت ملابسي لن فيه من ملابسي في كبت شمة .. ترانيه مرات كنت ابات عندهم واحط ملابسي في غرفة شمة مافيني اشلهن ويايه ..

شليت لي جلابيه وردية مطرزه بلون وردي غامج وطلعت لي شيله من نفس اللون وكان على اطراف الشيله دانتين ودري اغمج عن لونها .. دشيت الحمام وتسبحت وطلعت وانا لافة الفوطه على شعري وشفت الساعه على 12 ونص وشمة كانت قاعده على النت ..

شمة : ياحظج تسبحتي

موزة : دشي بسرعه ماشي وقت الحريم تحت صح

شمة : هيه

دشت شمة الحمام انا سرت انشف شعري ورفعته بشكل مرتب ونزلت قصتيه وخليتها على جنب وخليت مرطب على ويهي وجحلت عيوني بشكل مرتب وسرت اصلي .. وبعد الصلاة دشت اليازية وكانت كاشخه ولابسه تركوازي وشاله المدخن في ايدها

موزة : الله الله شو هالزين

اليازية : أي زين زين من هزاع خلاني اتلبس كله يصيح

موزة : جان خليتي لطوف ونورة يمسكنه

اليازية : ماطاعن

موزة : هذيل مامنهن فايده وينه هو الحين ..!!؟؟

اليازية : عند امج انا يايه ازقرقن يالله

موزة : اوكي الحين بننزل خلود وين

اليازية : تصلي بغرفتيه

موزة : خلاص هاتي المدخن والحين نحن نازلين

طلعت اليازية وطلعت شمة وصلت ونشفت شعرها بسرعه ورفعته وتعطرنا وادخلنا ونزلنا بسرعه فضيحه تأخرنا الناس تبا تتغدا ..

بعد الغدا طرشتني امايه اسير ايب دلال القهوة من ميلس الرياييل لأن البشكارة شلت الدلال كلهم الميلس وماخلت شيء في الخيمة .. طلعت وانا قافطة استحيت ارد امايه جدام الحريم شفت جدام الميلس سيايير وايد يعني اللي عرفتهن سيارة سلطان وابويه وعمي راشد وعمي محمد وسيارة سعيد كانت موقفه عند الخيمة وسيارة سيف بعد كانت موقفه عند الميالس وسيارتين أهل أم سعيد الحين كيف بدش دورت تلفوني في مخبايه بس ماحصلته نسيته في غرفة شمة .. مشيت لين الميالس وانا ادعي انه حد يطلع ياراشد او سالم او سلطان .. وقفت عند الباب وانا اسمع الحشره شفت عمي راشد واقف عند الباب يرمس بالتلفون ومتشقق وسيف طالع من صوب صالة الطعام وساير الميلس من شافني جان يطالعني ويقرص راشد ويأشر عليه لف راشد صوبي والسماعه في اذنه وأشر عليه اني اوقف مكاني وقف سيف معاه وهو ساكت يطالعني طلعوا اثنيناتهم من داخل

راشد : ها شو تبين

طبعا انا كنت متغشيه قصورة بعد سيف عيبته السالفه كذا مرة شافني بدون غشوة

موزة : الحريم يبن دلال القهوة

دخل راشد وسيف واقف في مكانه وبعدين طالعني من فوق لين تحت وطلع برع وركب سيارته .. والله قلت في خاطريه طززز فيك ..

بعد شوي طلع لي راشد وأخو أم سعيد " حمدان "

قفط ويهي هذا وين يبا طالع في هالوقت

تجدم راشد وعطاني السله اللي فيها الدلال ..

حمدان : السلام عليكم

خيبه شوو اقول .. صدق سخاااافة لازم يسلم بعدد
موزة : وعليكم السلام

شليت السله وبسرعه عطيتهم ظهري ومشيت بسرعه لا اتخرطف بعد ترانيه مااشوف اذا كنت متغشية ..







اليوم : الجمعة
الوقت : الساعة 2:00 الظهر
المكان : في بوسعيد

" سعيد "



سعيد : راشد شو سويتوا بالمحل اشتريتوه اللي في الصناعية

راشد : لا بس حجزناه وان شاء الله الاسبوع الياي بندفع

سالم : والدراجات شو سويتوا فيهن

سيف : اشترينا 7 دراجات من الذيد وراشد طلب 3 من بوظبي بوصل بعد يومين

سعيد : الله كشششخه كل اسبوع بنشل الدراجات وبنطلع فيهن العزبة

راشد : لا والله بعيد عن خشمك تبا تستأجر حياك الله بس إبلاش لا ،، والله مخسرين بيزاتنا فيهن وآخر شيء نعطي ابلاش

سيف : هههههههه هيه والله بنقول حق راعي المحل لايعطي أي حد ابلاش

سعيد : بسم الله ازطوط حشا حشااااا كلوني

حمدان : هههههههه تستاهل هم مخسرين بيزاتهم وانت تبا على الجاهز

صاح تلفون سعيد وشاف الرقم وطنشاه ورد مرة ثانية يصيح

حمدان : منووووو يدق ..!!؟؟

سعيد : اممممممم واحد من الربع

سالم : انزين رد عليه

رد على التلفون .. وهو معصب بس يبين انه عادي ومش مرتبك ..

سعيد : ألووووووو

الخبلة : هلاااا والله

سعيد : اهلين اشحالك

الخبلة : بخير دام سمعت صوووتك

طلعت بسرعه برع الميلس هاي متى بتتعلم الذرابه ..

الخبلة : ألوووووووو وينك ..!!؟؟

سعيد : ألووووووو انت شوو تبين داقة الحين

الخبلة : اشتقت لك

سعيد : انت ماتسمعين قلت لج لا ادقين لا وكل ماادق يا الظهر يا اني اكون راقد خلااااص يابابا انا معرس شو تبين مني

الخبلة " اونها بتصيح " : حاولت ابتعد عنك بس ماقدرت

سعيد : شو حاولت ماحاولت غصبااا عنج تبعدين يا يصير شيء مايسرج

الخبلة : سعيد بس خلني اتواصل معاك عن طريق التلفون مابا شيء ثاني منك

سعيد : تعرفين كم عمري وكم عمرج

الخبلة : عمري 26

سعيد : ههههههه انا عمري21 تفهمين شو يعني 21

الخبلة : ادري انك اصغر عني ادري

سعيد : اللي كبرج عنده عيال وعيالهم كبار يا الخسفة واياني اياج ادقين مرة ثانية والله لوديج في ستين داهية

الخبلة : ايهي ايهي ايهي ايهي ايهي

سعيد : حسبي الله عليج من بنية باي

سكرت في ويها اووووففف قهرتنيه وغلقت التلفون مرة وحده لازم اغير رقمي عشان تبعد غصبا عنها تبا تخرب حياتي ..
الصراحه كسرت خاطرية يوم صاحت قسيت عليها ..

لفيت ورايه شفت اليازية مربعة ايدينها واطالعني من فوق لين تحت

سعيد : الــ ... اليازية

اليازية : ........................

سعيد " يطالع التلفون " : اممممم اكيد سمعتيني ارمس بالتلفون

لفت عنه اليازية وهيه معصبة وبسرعه دشت داخل وسعيد يشوفها هيه تمشي وهو معصب الحين شو يسوي ..

لو مارديت عليها الحين يبت المشاكل لنفسي ..

بسرعه مشيت وراها داخل قبل لايشوفني حد بعد يكفي اليازية شافتني وسمعت كل شيء ..

دشيت داخل وعلى طول على قسمي ..

دشيت الصالة ومالقيت حد دشيت غرفتنا وشفت اليازية مخليه ايدينها على ويها واتصيح وهزاع راقد حذالها على الشبريه ..

امممممممم

شوووووو اسوي كيف اراضيها ..

اوووووففف لازم انحط في هالموقف ..

تقربت منها وقفت جدامها ..

سعيد : اليازية سمعيني

اليازية " وهيه تزاعج " : اطع برررررررررع مااريد اسمعك

شفت هزاع تحرك من صوتها تزاعج بتوعي الولد .. مسكتها من ايديها وسحبتها غصبا عنها برع الغرفة ..

سعيد : خليني اتفاهم معاج بدون صريخ بتوعين هزاع تعالي معاي في الصالة

اليازية : فج ايدي مااريد ارمسك اطلع برررع اطلع

سعيد : مب كيفج لازم تسمعيني ولا تصارخين مااحب حد يصارخ في ويهي تفهمين ..

طلعتها غصب من الغرفة وقفلت باب الغرفة لاتوعي هزاع بصريخها .. قعدتها على الكرسي غصبا عن خشمها وسرت وقفلت الباب الرئيسي للقسم اخاف حد يسمعنا او يدش فجأة علينا ويشوفنا نضارب ..

تقربت منها وسحبت الطاولة اللي في النص وخليتها جدام اليازية

سعيد : ممكن تسمعيني

اليازية : شو اسمع شو باقي ماقلته

سعيد : انا ماقلت شيء وانتي يوم سمعتيني ارمس سمعتني اضارب مب اغازل صح ولا لاه

اليازية : ................................

سعيد : انا بقولج كل السالفه حابة تصدقيني صدقي مب حابة ع راحتج المهم عندي ابرر ذمتي

اليازية : ..................... ..!!!؟؟

سعيد : هاي وحده هبله وانا صغير في سن المراهقة شفتها في دبي وتعرفت عليها وكنت اتسلى واقضي وقت فراغي معاها بس عمري مافكرت فيها .. كنت حاب اكسر خشمها .. وعلى فكرة تراها اكبر عني بخمس سنين هذي امها مش مواطنه وابوها مطلق امها وهيه وحيدة امها .. يعني ماعندي لاولي ولا شيء تظهر وترد ع كيف كيفها .. بس انتي الكل في الكل وانا خذيتج ودخلتج حياتي وانتي ام هزاع ولديه .. هزاع اغلى ماعندي في هالدنيا

اليازية : انزين حلف ماترمسها بعد هاليوم

سعيد : والله انا قررت اغير الرقم عشان ماادق وإذا حابه الحين بغيرها بس بأكد على ربعي كلهم يدقون ع الرقم الثاني

اليازية : فديتك خلاص رضيت سير عند الرياييل تحت

تقربت وبستها فوق راسها .. أووووف ارتحت خفت تسويلي سالفه وتخبر يدوه عليه .. عاد كله ولا العيوز بتاكلني .. بتسويلي سالفة ماصدقت انهم تقبلوا اليازية وصار الامر عادي .. والكل يحبها وخاصة امايه ..

وقفت عند الباب الرئيسي اشوف اليازية تمش دموعها .. ابتسمت لها وقلت :
شوفي هزاع لاتودرينه اروحه وتنزلين

اليازية " وتبتسم " : لاتوصي

طلعت من عندها وانا ظاهر شفت موزة وشمة يايات عند اليازية شفت موزة من فوق لين تحت ومادزيت لها ويهه صح اني احبها بس اليازية غالية علي وام ولديه ويكفي متحملتني وايد

نزلت تحت وانا مقرر احاول اشيل موزة من تفكيري واخلي تفكيري بس باليازية وهزاع فديته ..







اليوم : الجمعة
الوقت : الساعة 2:30 الظهر
المكان : في بوسعيد

" اليازية "


كنت يالسه امش دموعي وإلا باب الصالة ينفتح ويدشن موزة وشمة وشمة ترمس وموزة ساكته .. اول ماشفتهن بسرعه قمت ودشيت غرفتية عشان اغسل ويهي قبل مايشوفن اني كنت اصيح ..

شمة : اشفيها هاي

موزة : اشدراني يمكن شيء مستوي بينها وبين سعيد ماشفتي سعيد طالع شكله معتفس

شمة : بسم الله بلاهم .. نسير عند اليازية داخل

موزة : لااااا لااا فضيحه ندخل في خصوصياتهم .. انا بنزل تحت

شمة : مايخصني لازم اعرف شو مستوي بينهم

موزة : سيري اروحج عندها انا بسير غرفتج ومن تخلصين تعالي قولي لي السالفه وشو مستوي بينهم

شمة : برايج انا بدش داخل

طلعت موزة وشمة سارت صوب غرفة اليازية ..

اليازية كانت ترضع ولدها ..

شمة : ممكن ادخل

اليازية : دشيتي تراج بعد لازم تستأذنين

شمة : هههههههههههههه شو نسوي يمكن نكون مش مقبول فينا في هالمكان

اليازية : لا حياج

دخلت شمة وسكرت الباب وراها .. وانا لفيت صوب هزاع اللي في حضني وقعدت امسح على شعره .. وانا ساكته واتريا شمة ترمس وتقول اللي عندها وتخلصني من هالسالفة ..

شمة : اشفيج

اليازية : ماشيء شو فيني عادي

شمة : اونه ،،، علينا تراني شفتج اول مادشيت

اليازية : ماشيء مسألة خاصة فيني

شمة : انزين يعني ماتبيني ادخل بالموضوع

اليازية : سالفة وانحلت والحمدلله

شمة : الحمدلله ،، انزين ابتسمي عشان اتأكد انه مافيه شيء مستوي

اليازية : هههه لازم ابتسم يعني

شمة : هيه لازم ،، انزين بقول لج نكته عشان تضحكين

اليازية : قولي

شمة : غرشة ميرندا تصيح في الشارع .... ليش ؟؟؟

اليازية : امممممممممممممم ،، مااعرف

شمة : فكري

اليازية : مااعرف قولي يالله ليشششش .!!؟؟

شمة : واحد فتحها وشرد

اليازية : ههههههههههههه سخييييييفه والله

شمة : انزين وحده ثانية ..

اليازية : يالله

شمة : فية واحد محشش زعل على زوجتة على شان تراضية قالت ابسوي لك مساج .. قال والله ماكلة

اليازية : هههههههههههههههههههه ،، آآآخ يابطني الله يخسج اونه والله ماباكله ههههههه

شمة : ههههههههههههههه حليله صدق محشش

اليازية : ذكرتيني بقول نكته

شمة : يالله قووووووووووولي ..

اليازية : فيه محشش ياكل كيوي بالسندويجه ليش ...؟؟؟

شمة : يحسبها فلافل ،، هههههههه جديمة ومغبره

اليازية : مالت عليج انزين وحده ثانية ،، فيه نمله متعلقه في مروحه ليش ؟؟

شمة : امممممممممم ،، تحسبها ملاهي

اليازية : غلططط ،، تغني هكذ الدينا تدور

شمة : هههههههههههههه حليلها

فجأة ادش عليهم خلود ..

خلود : شوو تسون

شمة : نقول نكت اذا عندج نكت حياج واذا ماعندج جلبي ويهج صوب اختج

خلود : سخيفه انتي الثانية وينها اختي اصلا

شمة : في غرفتيه

خلود : زين ظهري برمس اليازية بسالفه خاصة

شمة : خاصة ولا حكوميه

اليازية : ههههههههههههههههههههه

خلود : قسم بالله سخيفه يالله قومي

شمة : مااريد قولي قبل لو سمحتي وبعدين بقوم

خلود : شمووه قومي بسرعه مستعيله بسير عيدالله ياي في الطريج

شمة : انزززززين

طلعت شمة من الغرفة وسارت خلود يلست حذال اليازية ..
اليازية : شو فيج

خلود : ماشيء بس كنت اريد اغايظ شمه واخليها تظهر

اليازية : الحريم سارن

خلود : هيه كلهم ساروا العزبة

اليازية : العزبة الحين

خلود : هيه هذول في أي عادي يسيرون العزبة

اليازية : عموه وين حطت عيالها

خلود : شلتهم وياها وشلت البشاكير

اليازية : وليش انتي ماسرتي

خلود : مافيني على ضربة الشمس

اليازية : الشباب ساروا بعد

خلود : هيه بس باقي سعيد وراشد وسيف في الميلس

اليازية : اهااااااااا





اليوم : الجمعة
الوقت : الساعة 3:30 الظهر
المكان : في بوسعيد

" موزة "


طلعت من غرفة شمة معصبة لأني ماحصلت اللاب مالي ولاحصلت اللاب مال شمة ..
سرت بسرعه لغرفة نورة .. اكيد ماخذاتنه هيه ولطوف السخيفات ..

دقيت الباب ومحد يرد عليه وقعدت اصارخ اروحي معصبة من نظرة الحقير سعيد .. يعني يبالي سبب عشان انفجر .. وينفجر البركان معاي ..

دقيت الباب ودقيت ومحد يرد ..

موزة : فجن الباب لااكسره على روسكن

لطوف : شو تبين ..!!؟؟

موزة : فجي لاايج شيء مايعيبج ..

بعد خمس دقايق تفتح لطوف الباب .. وسندت ايدينها على الباب على اساس موزة ماادش الغرفة ..

لطوف : كسرتي الباب شو تبين

موزة : وين اللاب

لطوف : عندي

موزة : منو سمح لج تشلينه

لطوف : دشي وخذيه وطلعي برع انتي وشياطينج اللي ع راسج

في هالوقت اتي شمة على صريخ موزة اللي طار البقعة ..

شمة : شوووو مستوي

موزة : حضرتهن شالات لابي ولابج

شمة : نعم منو سمح لهن يدشن غرفتيه

نورة : منو سمح لهن يدشن غرفتيه .. خلاص دشي وخذيه وفكنا من شركن

لطوف : بسم الله يروعن

في هالوقت عصبت موزة منها وتصفعها كف طيرها لداخل الغرفة ويدشن موزة وشمة ويسيرن صوب اللابات اللي كان فوق الشبريه ..

موزة هيه منزله راسها تشل اللاب ماتحس بعمرها إلا حد يمط شعرها

موزة : آآآآآآآآآآآآآآي

وتلف لوراها وتمسك لطوف ويتضاربن ونورة ادش عرض وتسحب موزة وشمة وقفت اطالعن وتمسك لطوف من شعرها اللي عصبت منها لنها بدت تعق رمسه وصخه وطفسه ..

ونورة مع موزة يقول يهااااااااااااااال يتماطن بشعور ..

هن يضاربن نورة ادز موزة على الشبريه واطيح المزهرية وتنسكر واطيح موزة على الزجاج موزة بدون ماتحس اتخلي ايدها على الزجاج وتنجرح ايدها جرح طويل موزة حست بشيء يدخل في جلدها ترفع ايدها وتشوووف الدم ..

ارتفع ضغطها في هالوقت وتصرخ صرخه قوووويه .. اللي في البيت سمعها من صرختها .. تصفع نورة كف حتى الدم اللي بيدها علم على ويهه نورة ويها استوى احمر من الدم ..

موزة تصيح من القهر والجرح كان يعورها لن الجرح كله زجاج وتحس الجرح يلتهب ..

بعدها الضرابه ماخلصت ...

على صريخ موزة اللي الكل سمعها اتي خلود تربع واليازية

اليازية : شو مستوي شوو هالدم اللي مخيس البقعه شو فيكن

خلود : يهال تضاربن

موزة : جب مايخصج اظهرن برع لا ايكن شيء مايعيبكن

في هالوقت سعيد وسيف وراشد تروعوا من الصريخ والصياح تحسبوا شيء استوا في البنات يترابعون بثلاثتهم

وهم يترابعون اتخرطف راشد في زولية الصالة ويطيح على ويهه .. سيف مااهتم لسيف ربع ورا سعيد ..

موزة ماعيبها الوضع تمسك لطوف وشمة معصبة لن لطوف عضتها في ايدها .. عضتها بقوووو .. يعني عضة مب هينه ..

يدخل سيف وسعيد ويشوفون الضرابه والبقعه كلها دم ومكسرين الزجاج والورد تارس البقعه وخلود تحاول تفج من بينهن ومب رايمه واليازية ماسكه نورة لنها تبا تدخل في الضرابه مرة ثانيه ..<<<< شكله الكف ماياب نتيجه معاها

سعيد : شوووووووو مستوي

سيف وقف في مكانه يشوووف ايد موزة مستويه حمرا من الدم يقول ذابحه ذبيحه او جاتله لها حد من الدم اللي خيس المكان ..

موزة مااهتمت للجرح الي في ايدها اهتمت انها تاخذ حقها من نورة ولطوف ..

تقرب سعيد ومط شمة عن لطوف ..

سعيد : بس خلاص فضحتنا

موزة ماعطته ويهه كملت ضاربه مع لطوف .. في هالوقت سعيد عصب منها لنها قالت انت مايخصك ..

سعيد مسك لطوف عن موزة اللي الشرار يطلع من عيونها والبركان يثور في راسها ...
بس موزة مااستسلمت مطت لطوف من ايدين سعيد وسعيد عصب منها صفعها كف على ويها ..

هنيه موزة انفجر بركانها .. وضربت سعيد على جتفه وخيست كندورته كلها ددددددم .. من ايدينها

وظهرت من الغرفة وهيه معصبة ..

سيف كان واقف عند الباب من برع لنه استحى يدش ويطالع موزة كيف معصبة وكيف شكلها .. هاي موزة اللي جدامي مسسسستحيل ..!!؟؟

موزة هيه طالعه سيف بدون مايحس مسكها من ايدها المجروحه

موزة عورتها مسكته لن مسكها بقو كان يحاول يوقفها قبل ماتظهر ..

موزة : آآآآآي ايدي

سيف يطالع ايدها اللي كلها دوم : شوو هاااا

موزة : فجها تعورني آآآآآآي

بسرعه سيف شل ايده اللي توسخت من دمها

موزة : حقيررررررر ليش تمسكني

سيف يطالع ايده وهو ساكت ..

عصبت موزة زود وسارت عنه لغرفة شمة ..

وخلت سيف واقف في مكانه ...

بعد ماسارت موزة غرفة شمة ايي راشد .. وهو يعري ريله عورته من الطيحه ..

راشد : شووو مستوي

سيف سكت عنه ولا رد عليه

راشد : شوو هالدم

سيف سكت عنه ونزل بسرعه تحت وسار ركب سيارته ..








اليوم : الجمعة
الوقت : الساعة 4:00 العصر
المكان : في بوسعيد

" سيف "

نزلت تحت وأنا معصب من موزة وركبت سيارتيه وشفت ايديني متوسخه من دمها .. أنا الحين حقير .. منو تحسب نفسها هاي وايد تمادت علي .. تحسب مالي كرامه ..

مديت ايدي وخذيت كلينكس ومشيت ايدي من دمها السخيفة ..
والله قهرتني انا الحين حقير ..
خلاص لين هنيه ويكفي اهانات يكفي ألم وجراح ..
انا ريال ولي كرامه .. وألف وحده تتمنى نظره مني ..

طلعت من بيت عمي محمد وانا ماادري وين اسير .. سمعت صوت الاذان .. تنهدت ونزلت صوب واحد من المسايد وتوضيت ودشيت المسيد اصلي ..

بعد ماخلصت صلاة العصر .. سرت البر المكان الوحيد اللي بخفف باللي في قلبي ..

لازم ألقى حل لازم ألقى حل مع قلبي ..
لازم أجلس معاه واتفاهم معاه لوين يبا يوصلني ..

يكفي تعبني معاه .. ومافينيه زود اتحمل فوق ماني متحمل ..

شغلت المسجل كانت قصيده .. تقول كلماتها ..

إنت اللي خسران يوم انك تزعلني .. وإلا انا وايد أحبابي وخلاني
إن كان ربي عطاني عمر وأمهلني .. مصيرك تشوف من اللي بندم على الثاني
بتجاهلك مب بس انت تجاهلني .. عهد علي اني انسى من تناساني
واعاملك مثل ماشفتك تعاملني .. وإن قال الله وعد ليجيك ماجاني
مسكين حد إذا كنت مفكر تشغلني .. ماتهز شعره عشان تهز وجداني
كني اشوفك بكره تحايلني .. وتقول توبة ماعاد اعودها ثاني
واقول لك حل عني لاتجادلني .. حرمت انا مايجي لسانك على لساني


آآآآآآآآآآآآه والله آآآآآآآآآآآآه ..

صاح تلفوني كان راشد داق طنشته ولارديت عليه ..

بندت المسجل والسيارة ونزلت امشي على العراقيب وانا افكر .. لين مايت الفكره في راسي اللي ماشي غيرها ..
لازم اوقف مع نفسي وقفه واوقف موزة عند حدها ..

رديت وركبت سيارتيه وانا مقرر اسير ارمس امايه واقول لها تخطب لي من باجر ..

وطز في موزة وطز في قلبي معاها ..



لامارا غير متواجد حالياً   رد مع اقتباس
قديم 20-10-19, 12:08 AM   #24

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

***===== الــــجـــزء الـــثــاني والعشــــــرون =====***





تعرفين وش كثر يمه زاد عمري
كثر ما دمعي ذبحني
كثر ما الدنيا نستني .. كثر ماأحن لوجودك
آآآآآآآآه يمه
ما دروا عن كبر جرحي
يوم كل هالدنيا عيد
وانا هاجرني فرحي
وش خذيت الا اماني
ليه كذا بس يا زماني

.................................................. ..............
.................................................
.....................................
..........................
..................
............
......


اليوم : الجمعة
الوقت : الساعة 4:15 العصر
المكان : في بوسعيد

" شمة "

طلعت من غرفة نوروه الدبة وانا مقهورة آآخ يا ايدي استوت خضرا حشاا مب عضة عضتني لطوف " دبة " والله حشا عظة جلب مب انسان .. دشيت غرفتيه اشوف موزة شو صار معاها .. اللي شفته انها انجرحت في ايدها

دشيت الغرفة وشفتها في الحمام تغسل ايدها سارت صوب التواليت وألف شعري حشااا قطعنه لي .. تكفي العظة والله احس شعري تقطع ..
شليت المشط اسحي به شعري وانا اسحيه اشوفه كله يتساقط .. ياويلي بستوي قرعا مابقى فيني شعر لفيته قبل لايطيح كله ..

طلعت موزة من الحمام ويها احمر من الصياح وصبوع ايد سعيد معلم في ويها ..
كانت لافه الكلينكس على ايدها

موزة : شمة الجرح يعور كله زجاج داخله احسه يتحارق الجرح

شمة : دقي على امج

سارت موزة صوب شنطتها وظهرت تلفونها ودقت على سلطان

موزة : ألوووووووووو

سلطان : هلا موزه

موزة : سلطان انت وين

سلطان : تونيه ظاهر من العزبة ساير عند ربيعي

موزة : تعال بيت عمي ابا اسير المستشفى

سلطان : خيررر شو يعورج

موزة : تعال وانا بقولك السالفه

سلطان : انزين لبسي عباتج انا قريب من بيت عمي

موزة : اوكي باي

سكرت موزة عن سلطان وشلت عباتها ولبستها وسارت صوب التواليت وحطت مرطب على ويها لن شكلها كان غير لو تشووفون ويها مصفر ومحمر حشا هب صفعه صفعها سعيد ..

شمة : سلطان وين

موزة : قريب الحين واصل ..

شمة : تبيني اسير وياج

موزة : تبين تسيرين معايه تعالي

شمة : لا خلاص اروحها ايدي تعورني مافيه بس بتردين بيتنا صح

موزة : لا طبعا مينونه انا بسير بيتنا ابرك لي

دشت علينا اليازية وخلود

خلود : وين سايره اشوفج لابسه عباتج

موزة : بسير المستشفى ماتشوفين ايدي مب طايع يتوقف الدم وفوق هذا احس الجرح يتحارق وكله زجاج

خلود : منو بوديج

موزة : سلطان الحين واصل

اليازية : تبين حد يسير وياج

خلود : شمه هاتي عباتي في غرفة اليازية

موزة : مايحتاي مابا حد يسير ويايه يكفي سلطان بكون معايه

سمعنا صوت هرن السياة طلعت موزة من الغرفة ونزلت تحت .. والله تلومت فيها .. سعيد ماله حق يصفعها حقير قهرني ..







اليوم : الجمعة
الوقت : الساعة 5:25 العصر
المكان : في بوسعيد

" مـــوزة "


نزلت بسرعه تحت الدم من راضي يوقف .. ويهي احسه منتفخ من ضربة سعيد الحقيررررررررر

أكرررررررررررررررهه .. أكررررررررررررررهه

الله ياخذه :: يعله يمووووووت :: عمري ماكرهة حد كثر ماكرهة هو ..

نزلت تحت وشفت سلطان واقف مع سعيد وسعيد موقف سيارته حذال سيارة سلطان ..

مت قهرررررر هذا شو موقفنه هنيه لفيت عنهم وسرت سيده وركبت السيارة بدون مااتكلم بكلمة وحده ..
كنت ماسكه ايدي لأنها تعورني ..

لف سلطان صوب السيارة لأنه كان عاطني ظهره وماشافني يوم ظهرت اما سعيد فشافني من ظهرة من الباب لين ماركبت السيارة وهو يطالعني .. والله كان خاطري أرد الكف اللي عطاني اياه خاطري ابرد قلبي ..
شو تبوني اقول كلمة حقير شويه على هالإنسان .. وفوق هذا زادني سيف مسكني بقوة من ايدي مايشوف بعد هذا إن ايدي مجروحه يعله العما هو الثاني ..

لف سلطان صوبي وقال حق سعيد سمحلنا مستعيل ..

ركب سعيد بعد سارته وطاااااااار فيها برع البيت .. سلطان شاف سعيد كيف طلع وهو محرج ..
قلت في خاطريه النفده تنفدك ..

ركب سلطان السيارة وشاف ايدي اللي مخيسة الكلينكس بالدم

سلطان : بلاها ايدج

موزة : انجرحت

سلطان : كيف ،، وشو بلاه ويهج مع منو متضاربه حشا مب كف عاطينج اياه

موزة : متضاربه مع لطوف ونورة

سلطان : ليششش ..!!؟؟

موزة : ودني المستشفى والله ايدي تعورني

سلطان : انزين لاتصارخين ويهج مايعورج

موزة : سلطان دخيلك بسرعه انت ماتحس اقولك متعورة ويالست تحقق معاي

سلطان : انزين

سكت عني سلطان أول شي سرنا العيادة ومسكتني دكتورة ودكتور وماقدروا يوقفون الدم لأن الجرح كان عميق .. نظفوا لي الجرح بالمطهرات وكل شوي انا اصرخ والله يحررررق .. سلطان عصب مني لأن العياده فيها شباب كانت متروسه العيادة ..

حاولت اكتم صراخي واسكت لا اييني كف ثاني على خدي الثاني ..

بعد ساعه ونحن في العيادة ماشي فايده حولنا الدكتور على مستشفى ثاني ..

سلطان قال بتصل في امايه قلت له لا مايحتاي خلنا نسير ونشوف شو بصير ويانا ..

سرنا المستشفى الدكتور قال بخيط ايدي بس غرزتين انا ماطعت قعدت اصيح سلطان اتصل في ابويه ..
بعد ربع ساعه يا ابويه المستشفى وكلم الدكتور .. الدكتور قاله صار لها اكثر من ساعتين ايدها تنزف والدم مب راضي يوقف حاولنا فيه وماقدنا لازم نخيطه لأن الجرح بلتهب وبسبب لها تلوث .. ابويه وافق انا ماطعت طلعت برع غرفة الدكتور اصيح لحقني سلطان وقعد يرمسني ويقنعني بس انا اصيح واللي رايح واللي راد يشوفني ..

سلطان : بس والله فضحتينا الكل يشوفج يقول حد ميت عندج طالعي الدم في ايدج لوين وصل

موزة : ..................................


سلطان : إذا تحبيني ولي معزه مثل مالج معزة توافقين على الخياطه وانتي كيفج ..

طلع سلطان من المستشفى ..
سكت قعدت اطالع ايدي طلع ابويه من عند الدكتور وقالي يالله دخلي .. دخلت وافقت انهم يخيطون ايدي الدكتور قالي مايعور شوي بس دقايق وخلاف عادي .. كل شي برجع نفس ماكان ..








اليوم : الجمعة
الوقت : الساعة 6:25 المغرب
المكان : في إحدى شوارع العين

" سلطان "


طلعت من المستشفى وأنا معصب .. الصراحه اول شي سوت لنا فضيحه في العيادة والحين في المستشفى لو ياهل ماادري شو بسوي معاها .. هاي عقلها هالكبر وتسوي هالحركات اللي مالها أي داعي تسويها لو قالها الدكتور ابره ماادري شو بتسوي ..

صاح تلفوني وكانت خلود داقه

سلطان : هلااا والله

خلود : هلا سلطان هااا وينكم تأخرتوا

سلطان : حولونا على المستشفى لأن النزيف مب راضي يوقف

خلود : والله الحين انتوا وين

سلطان : انا ودرتها في المستشفى وطلعت

خلود : شوووووووو ليش ..!!؟؟

سلطان : ابويه عندها بسوون لها خياطه في ايدها لأن الجرح وايد عميق

خلود : لا حول ولا قوة إلا بالله .. وهيه شو قالت

سلطان : سكتي الله يخليج والله سوت لي فضيحه في العياده يوم حطوا لها المطهرات قعدت تصارخ وتصيح فضحتني وفي المستشفى قعدت اتصيح ماتبا تسوي خياطه مع انها خياطه بسيطه بس غرزتين دقيت على ابويه قلت له تعال انا تعبت معاها مااعرف شو اسوي ..

خلود : ان شاء الله خير

سلطان : كيف صارت الضرابه

خلود : مااعرف سمعت الصريخ ويوم سرنا غرفة نورة شفناهن يضاربن هيه ولطوف وشمة ونورة والغرفة كلها زجاج اللي عرفته شمة قالت نورة دزتها على الزجاج وموزة حطت ايدها على الزجاج بقوه لأنها طاحت على ايدها

سلطان : يهال هذيل دواهن خلاف هيه ولطوف

خلود : والله لو شفتهن ماقدرنا نفج امبينهن زين ماصفعونا نحن بعد

سلطان : حشااااا شو سبب الضرابه

خلود : ماادريبهن

سلطان : خلاص خلود بسير اصلي اسمعهم بقيمونه الحين

خلود : برايك فداعه الله







اليوم : الجمعة
الوقت : الساعة 6:35 المغرب
المكان : في بيت أبو سعيد

" خلود "


سكرت عن سلطان وسرت اصلي المغرب بعد ماصليت في غرفة اليازية دقيت على عبدالله بس مايرد علي ماادري شو السالفه ..!!؟؟


قعدت ساعه ادق وادق حرقت التلفون ..
بعد ماتعبت من كثر ماادق ..
قلت خلني اجرب آخر مرة وبشوفه اذا برد علي .. رد بعد ماقهرني ..

عبدالله : الوووووووووو

خلود : ليش ماترد ..!!؟؟

عبدالله : شو تبين

خلود : وين انت

عبدالله : في البيت

خلود : انزين يالله تعال خذني

عبدالله : لا برايج باتي عند اهلج مافيه اييج الحين

خلود : ماأريد ابات عندهم تعال خذني

عبدالله : قلت لج باتي مافيه اييج الحين تعبان مافيني اسوق سيارة

خلود : من بعد الديار ماتقدر اتيني

عبدالله : خلود لا اطولين السالفه وهيه قصيرة قلت لج باتي وخلاص

خلود " وهيه تصيح " : مااريددددددددددد

عبدالله : برايج باااااااي " يسكر الخط في ويها "

قعدت اشوف التلفون وانا محرجه واصيح ليش يسكر في ويهي ليش مايباني ارد البيت ..
قعدت اصيح من القهر والله اللي فيني يكفيني بعد ايي هو يزيدني يكفي اهله ..
من زين العيشة اللي عايشتنها عند اهله دوم في قسمي ومااظهر منه ابدا .. وكل مايقولي عبدالله ظهري عند اهلي ويلسي وياهم .. كيف اظهر ولا واحد منهم يرمسني من يشوفوني يقومون يدخلون غرفهم ويسكرون الباب .. عبدالله دوم يحملني انا المسؤولية يقولي انتي ماتبين تعيشين ويا اهلي ويسوي لي سالفه الله يستر بس انها ماتوصل للضرب من بينا ..






بعد يومين من مرور الأحداث التالية .............




اليوم : الأحد
الوقت : الساعة 1:35 ظهراَ
المكان : في أحدى شوارع العين

" سيف "

خلك معي خلي ترى الناس للناس .. وضدي ترى ضدي معايه معايه
احسبك دايم بأنفاس لأنفاس .. وإنت ضيا عيني منايه ومنايه
لاتسمع العاذل وسواس وسواس .. ومن علتي انت شفايه شفايه
لوطال هجرانك فلاباس لاباس .. غلطان واستاهل دوايه دوايه
السهم من عينك وأمواس لأمواس .. وأنا أنادي لك دمايه دمايه
سمعت الموشي وأرجاس لأرجاس .. واللي جرى منك كفايه كفايه
أعلنت من وصلك بأفلاس لأفلاس .. وأختار إنت بين شايه وشايه
إما تردين بأحساس لأحساس .. ولا نتفارق والنهايه نهايه
متعود أبدله لألماس بألماس .. مايهم أكسب و الهوايه هوايه
خدعت حاسد يضرب الراس بالراس .. مسكين وادريبه ورايه ورايه


عذاااااااااااااااب هالغنية ..كلماتها والله ترد الروح ..
كنت ظاهر من الدوام وساير صوب البيت .. دق لي راشد ..

سيف : هلااااا والله

راشد : هلا وغلا اشحالك ..!!؟

سيف : بخير وسهاله

راشد : مديم الحال .. قول مبرووووووووووكـ

سيف : مبروووك على شو ..!!؟؟

راشد : اشترينا الشقة أنا وسلطان الحين رادين في الطريج

سيف : والله مبروووك واخيرا فرجت .. شخباره سلطان اكيد فرحان

راشد : ميت وناسه قال باقي العروس هههههههه

سيف : ههههههههههههه ،، انت ماردوا عليك بسالفه الخطبة

راشد : اسكت ايدي على قلبي

سيف : ان شاء الله خير تفائلوا بالخير تجدوه

راشد : ان شاء الله انت وينك الحين

سيف : والله ساير البيت راد من الدوام

راشد : اهاااااااا انزين اليوم العشااا عندنا لاتنسا

سيف : شو المناسبة

راشد : العشا عليه وعلى سلطان بمناسبة الشقة

سيف : هههههههههههه يالله الله يعطيكم خيرها ويكفيكم شرها

راشد : امين عقبال مانشتري محل الدراجات

سيف : ان شاء الله خلاص رشود برايك بشوفك المسا

راشد : خلاص فداعه الله


وصلت البيت ونزلت شفت سيارة عبدالله .. واقفة عند قسمة الخارجي ..

وقفت سيارتي في الكراج ونزلت وسرت صوب البيت ..

حصلتهم كلهم قاعدين يتغدون ..
سيف : السلام عليكم

الكل : وعليكم السلام

أم عبدالله : تعال فديتك تغدا

سيف : اممممممم لا مب مشتهي بسير ارقد ظهري يعورني وعوني على صلاة العصر لاتنسون

أم عبدالله : ان شاء الله


سرت غرفتيه وغيرت ملابسي وطحت على الشبريه ..

صح ماقلت لكم فاتحت امي وابوي بسالفه العرس .. وابويه قال على خير .. وامايه قالت لاتحاتي العروس موجوده بياخذون شور اهلها وبردون لنا خبر .. ماادري اللي سويته صح ولا غلط .. انا ليش ابني أحلامي مع وحده مستحيل تاخذني .. ليش دوم ابني حياتي مع موزة .. وأنا متأكد وابصم على عشرة انها مابتوافق علي .. اول شيء أهلي مستحيل يوافقون يكفي سالفه عبدالله ..

آآآآآآآآآآآآه ليش ... ليش ...!!؟؟

خاطري أصلح المشاكل اللي بين هالعايلة اللي نحن قاعدين ندفع أغلاطهم ومشاكلهم ..

الله يعينا بس ..






اليوم : الأحد
الوقت : الساعة 7:15 مساءً
المكان : في بيت بو سلطان

" موزة "

كنت منسدحه حذال خلود .. وخلود يالسه على اللاب وشابكه النت ..
من ساعه أقولها تشغل غنيه ومب راضيه تقول لاتصدعيني تبين أغاني ظهري برع .. سكت شو اسوي محد غيرها بونسني في البيت ..

خلود : شوفي هالموضوع

موزة : آآخ شو هالصورة

خلود : جريمة قتل ..

موزة : بسم الله غيري الصورة مافينا نحلم بالليل

دش علينا حمد .
حمد : ماما تباكم تحت

خلود : فديت منطووقهم أنا حمود تعال بس عطني بوسه

موزة : لا لا حمد تعال عندي أنا بوديك الجمعية والله بشتري لك حلاوة

حمد : بتلعبين معاي بالسيايير خالد ماطاع يلعب كورة بس

موزة : هيه بلعب امري لله بس عطني بوسه ..

تقرب حمد مني وخلود مطته قبل مايبوسني وقعدت تعضة في ظهره وهو يرافسها ويقولها دبه مااحبج ..

انا ماصدقت تودر اللاب بسرعه خذيته وشغلت الغنية اللي اباها ..
اغنية " شلها عالي "

حمد : بطليني بسير ازقر خالد عشان نرزف

خلود : مابا

حمد كان يمط شعرها وهيه تزاعج .. والله يقول ياهل تغايظه ..

دشت علينا امايه ومعصبة

أم سلطان : شو تسووون موزة عيونج بروحهن من هالكمبيوتر

موزة : خلود مشغلتنه مب انا

خلود : آآي شعري حسبي الله ونعم الوكيل فجني خلاص

أم سلطان : شو تبينه حمد سير تلبس بسرعه

موزة : وين بتروحون


أم سلطان : وين بعد بيت قوم عمج يالله قومن

خلود : ليش ..!!؟؟

أم سلطان : سلطان وراشد مسوين عشا عشان اشتروا شقة

موزة : الله وناسه انا بسير اسكن معاهم في بوظبي وافتك من الحشره

أم سلطان : قصوورج بعد

موزة : انا مااريد اسير يكفي ايدي لين اليوم ملفوفه

أم سلطان : قومي بلا حشره اخوج محتشر تحت

أوووووووووف قمت وقلت لخلود تبند اللاب وتخليه في غرفتها .. سرت غيرت ملابسي وتكشخت بسرعه على السريع وانا نازله من الدري كانت لطوف نازله بعد جان ادزها وانزل بسرعه .. عصبت مني قالت والله انتي ماتبتي .. هههههههه خوفتني تحراني اخاف منهن مالت عليهن غبيااااااااات ..


سرنا بيت عمي ومن شافني عمي راشد مطني على صوب يبا يرمسني بسالفه خاصة على قولته ..

موزة : خيرررر

راشد : موزة رمستي حصة

موزة : لا مااعرف عنها أي شيء

راشد : موزاني حبيبتي رمسيها شوفيها موافقة علي ولا لاه

موزة : امممممممم ,, لا أسفه استحي

راشد : والله لج اللي تبينه لو رمستيها وبشرتيني

موزة : خلاص بشرط تخلوني اسكن معاكم في الشقة بس اسبوع واحد

راشد : امممم ،، اوكي موافق بقنعهم يوافقون

موزة : اوكي تم الحين بسير ارمسها

راشد : دقي لي تلفون انا بسير الميلس

موزة : من عيووووني تامر آمر .

سار عمي الميلس وانا سرت غرفة شمة ارمس حصة .. اول طرشت لها مسج .. وردت علي وطرشت لي مسج ..
دقيت لها وطولت لين ماردت ..

حصة : السلام عليكم

موزة :وعليكم السلام هلا حصوه اشحالج

حصة : الحمدلله اشحالج انتي ؟؟

موزة : يسرج الحال اعلومج وشو مسويه

حصة : تمام والله اخبارج انتي

موزة : عال العاااااااال .. امممم حصوة شو تسوين

حصة : كنت اشوف التلفزيون

موزة : انزين ابغيج بسالفه

حصة : آمريني

موزة : بخصوص راشد .. شو قررتي

حصة : .............................

موزة : يالله حصوة بس قولي موافقه ولا لاه

حصة : موافقه

موزة : كلولولولولوللوولولولولووو ووش مبروووووك

حصة : فضحتينا ويا راسج

موزة : حصوة برمسج بعدين بسير ابشر رشود

حصة : لا لا

موزة : جب يالله باااااي

سكرت بسرعه عنها ودقيت على عمي راشد ابشره ...






اليوم : الأحد
الوقت : الساعة 8:00 مساءً
المكان : في بيت بو سعيد

" سعيد "



سعيد : هههههههههههههههههه

سلطان : آآخ يابطني رشود عن الخريط خلاص والله مابنقدر نتعشا من كثر الضحك

سيف : متى صار هذا ..؟؟

راشد : انتوا شدراكم سالم كان شاهد صح سلوم

سالم : هااا لا لا مايخصني بالبنات انا

راشد : علينا سالم قووووول

سالم : عنلاتك من متى تحراني راعي حركات شراتك

صاح تلفون راشد من شافه قالهم سكتوووا كلكم

سعيد : اكييييييددد ها ربيعتك صح

راشد : بس جب خلوني ارد

راشد : الووووووو

موزة : امممممم راشد حصة رفضت لأن ولد عمها يباها

راشد : شووووووووووووووو ؟؟!!

موزة : والله هذا اللي صار

راشد : شوووووو قولي الصدق

موزة : وافقت مبرووووووووووووووووووك

راشد : حلفي قولي والله

موزة : والله

سكرت في ويها بدون مااحس وجان احضن سلوم وانا فرحاااااااان

سالم : اشفيك شو صاير

سعيد : منو هاي اللي داقه

راشد ماعبرهم ظهر برع كان مرتبش جان يشغل سيارته ويشغل المسجل ويطول عليها أخر شي .. وفج باب السيارة وصوت المسجل واصل الحارة الثانية ..

قعد ايول وهو مبسوووط ميت من الونااااسه ..

ظهروا الشباب مايعرفون شو السالفه كلهم ارتبشوا ظهروا عصيهم ومسجباتهم وقعدوا ايولون بس فرحة راشد ويولته لا توصف من الوناسه ..

طلعت لهم أم مبارك معصبة وشوي ويتضربهم بعصاها .. بس رشود من شافها يايه صوبهم ربع بسرعه ايول جدامها وهو ماسك عصاها عشان ماتضربه فيها ..

الكل ارتبش وحمد وخالد كانوا ميتين من الوناسه قعدوا ايولون .. سيف الوحيد اللي كان قاعد يشوف وهو ماله بارض ايول معاهم ..

سمع سيف صوت آذان العشا وسار بسرعه بند المسجل .. لأنهم كلهم ماسمعوه من حشرتهم ..

وكل هذا راشد ماطاع يقولوهم ليش ارتبش كل هالربشه ..
ساروا الشباب يصلون وبعد الصلاة تعشوا وسار كل واحد بيته يرقد ..


لامارا غير متواجد حالياً   رد مع اقتباس
قديم 20-10-19, 12:09 AM   #25

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



***===== الــــجـــزء الـــثـالــث والعشــــــرون =====***





يااااشينها لوصرت إنسان عااادي
بعين الذي كنت تحسبه حيل مغليك...

ويصير بوادي وإنت عنه بوادي
ومن دون شرح أسباب يقفي
ويخليك...

مايستمع للصوت مهما تنادي
وتحتااااار في نفسك وش الغلط
فيك!!؟؟!!
.................................................. ..............
.................................................
.....................................
..........................
..................
............
......


اليوم : الثلاثــا
الوقت : الساعة 11:20 صبــاحــاً
المكان : في أحدى شوارع العين

" سعيد "


أحس براسي بنفجر .. " مصدع " أمس طول الليل مب راقد .. كله أتجلب بالفراش .. ماادري شو بلاني .. أحس بضيج في صدري .. أحس قلبي بظهر من ضلوعي .. أحس الخنقه في صدري بتفجره ..

خطفت على الشيشه أعبي موتري بترول ..

رديت البيت وماحصلت لا اليازية ولا امي سايرات المستشفى .. حصلت يدوه سلمت عليها وسرت سيده قسمي اريح ..

غيرت ملابسي وطحت على الشبريه ..
حاولت أغمض عيوني بس ماقدرت ..
دقيت على اليازية ..
اليازية : ألووووووووو

سعيد : هلاااااا والله شحالج

اليازية : الحمدلله شحالك انت

سعيد : الحمدلله ،، وين إنتي ...؟؟

اليازية : المستشفى فيه تطعيم حق هزاع وموعد حق سهيل وراشد

سعيد : اهاااااا

اليازية : ليش انت وين

سعيد : في البيت راسي يعورني ترخصت عشان ارتاح

اليازية : انزين خذ لك بندول ورقد

سعيد : على خير برايج مع السلامه

اليازية : الله يحفظك ..

مسكت التلفون وقعدت أطالعه ودقيت على تلفون موزة ولقيته مغلق صار له فترة مغلق ...!!
شو السالفه .. قمت من الشبريه وشليت تلفوني بيدي وسرت غرفة شمة ومالقيتها فغرفتها أسمع صوت في الحمام أكيد هيه ..
أطالعت غرفتها بسرعه ولمحت تلفونها على الشبريه واللاب شغال ..
بسرعه شفت شاشة اللاب ولقيتها مشغلبه على قصة تقراها .. وشليت تلفونها وادور على اسم موزة ..

..

..

..

عندها 3 اسامي بسم موزة ..
" موزان .. مواز .. موزة "

الحين شو الحل ..
امممممممممممم .. سرت صوب المسجات ولقيت أول مسج من موزان
يقول المسج : " شموه بنسير المول أنا وخلود باجر بعد الغدا بتسيرين ويانا "

ضحكت هاي موزة .. بسرعه شفت الرقم .. اهاااا غيرت رقمها ..

بسرعه سيفت الرقم على تلفوني ورديت تلفون شموه مكانه وظهرت من غرفتها وسرت صوب غرفتيه ..




قعدت أطالع رقمها أدق ولا ماادق ..
امممممممممم شو اسوي ابا اعتذر على الكف اللي عطيتها إياه .. ؟؟

خلني ادق وبشوف شو بطلع وياي

دقيت وشوي وردت علي ..
موزة : .......................

سعيد : السلام عليكم

موزة : ..........................

سعيد : ...........................

موزة : نعم شوو تبا يا السخيف

سعيد : السلام لله

موزة : وعليكم السلام نعم شو تبا

سعيد : أسف على الكف اللي عطيتج اياه

موزة : وين اصرفها أسف

سعيد : وين ماتحبين

موزة : أسفه مالها مكان للصرف ومع السلامه ..

سكرت في ويهي .. حشااا والله اني كنت معصب وطلع الكف من غير إرادي ..

آآآآآآآآآآآآآآآخ راسي بنفجر ..
ربط راسي بالغتره وحاولت ابعد كل شي من تفكيري حتى ارتاح ..








اليوم : الثلاثــا
الوقت : الساعة 1:30 الظـــهر
المكان : في بيت بو سعيد

" راشـــد "

سالم : شو شعووورك وانت خلاص بتقص الحيه اليوم

راشد : اممممممم .. مااعرف احس بخوف

سالم : هع هع هع هع قسم بالله انك حركات ..

راشد : سلووم اظهر برع خلني ارقد

سالم : جب جب انا اللي غلطان ياي عندك ..

راشد : ههههههههه انزين خلني ارقد مافيه اطيح عليكم عند العرب

سالم : هههههههههه والله انك طماشه ارقد ارقد

ظهر عني سالم وخلاني اروحي منسدح على الشبريه على أساس إني اريح شوي .. لأن بعد صلاة المغرب بنقص الحية ..

شو تبوني اقول .. ماادري احساسي متخربط .. ومااعرف شو بلاني .. جني شوبت وخرفت ..

رقدت لين الساعه 4 إلا ربع قمت وتوضيت وظهرت من البيت .. سرت اصلي بالمسيد ..

بعد الصلاة دقيت على سيف بس مايرد علي ..

سرت الشيشه غسلت سيارتيه وعبيتها بترول وخلاف سرت الحلاق اعدل لحيتيه وشعري ..

على الساعه 5 إلا ربع دق علي سيف ..

راشد : هلا والله

سيف : اهلين اشحالك

راشد : بخير وسهاله يسرك الحال شحالك انت

سيف : الحمدلله ها وين إنت

راشد : والله في سيزركت

سيف : هههههههههههه اونه معرس

راشد : أي معرس بعدنا أول خطوه في مشروع الزواج

سيف : هع هع هع اونك انزين متى بتسيرين عند العرب

راشد : بعد صلاة المغرب بنظهر تعال عندنا وظهر وياي بسيارتيه

سيف : امممممممم مافيه اسير

راشد : جب يالله غصباا عنك تتخلى عني في هالموقف

سيف : ان شاء الله افااا عليك اسولف وياك

راشد : برايك خلني اعدل لحيتيه واشوفك في البيت

سيف : ان شاء الله فداعه الله

راشد : الله يحفظك ..

سكرت عن سيف وقعدت اعدل لحيتيه وارتبها .. وخلاف ظهرت وسرت البيت دشيت سيده قسمي وتسبحت وطلعت انشف شعري ..
كانت الساعه على 6 ..
قعدت على الشبريه اخذ لي نفس .. شوي إلا شمة تزغرط وهيه موزة واسمع صريخهن من الصاله للين غرفتيه

دشت موزة بيدها مدخن وشمة تزغرط

راشد : أص فضحتينا حسج واصل اليران

شمة : عااادي .. شو علينا منهم .. عمي بعرس

راشد : أي عرس انتي الثانية بعدنا إلا قص الحية

موزة : يالله بالمبااااااارك وان شاء الله نزفك معرس جريب

راشد : ان شاء الله ازفكن انا بليلة وحده وافتك من صدعتكن

شمة " رافعه ايدها " : آآآآآآآميـــــــــــــــن

راشد : هاتي المدخن وفكني مب متفيج لسخافتكن

موزة : افاااااااااا والله افاااااااا

شمة : انت حق شو شاط بروحك .. اليوم بس تقصون الحية يعني مابتشوف البنت

راشد : اظهري برع والله اني مالي بارض لشيء

موزة : يالله شموه سرينا بسير ارمس حصوص بشوف نفسيتها كيف

ظهرت شمة وموزة وانا اطالع الباب .. رجعت صوب المدخن وشليته وادخنت بالعود وتعطرت ودقيت على سيفوه ..

راشد : ألوووووووو

سيف : والله واصل عند الباب

راشد : انزين بنسير بسيارتيه وقف سيارتك حذال قسمي

سيف : ان شاء الله باي

طلعت من غرفتيه وبنت الباب ورايه وسرت صوب قسم سالم الطابق الأرضي ..

حصلته واقف في الصالة ومجابل المنظره ويعدل غترته

راشد : ياااويل حالي

سالم : ههههههه اشفيك

راشد : كاااشخ الحبيب

سالم : شو اسوي كله عشان أخويه

راشد : فديتني والله انزين اخوانك كلهم برع يالله بسرعه خلص







اليوم : الأربعا
الوقت : الساعة 2:20 الظـــهر
المكان : في بيت بو سلطان

" خلـــــود "


خلود : موزة يالله بسرعه

موزة : ألبس عباتي اصبري

خلود : بسررعه بأذن العصر وانتي ماخلصتي

موزة : انزين خلصت

خلود : قولي للبشكارة تسير ويانا

موزة : خالد بسير ويانا محتشر يبا يسير صوب الألعاب

خلود : وحمد ..؟؟

موزة : حمد في بيت خالوه

خلود : ولطوف

موزة : لا مانباهااا بسرعه نزلي قبل ماتشوووفنا

خلود : هههههه انتي تحملي المسؤوليه اذا احتشرت علينا

موزة : طزز فيها .. انزلي بسرعه بنخطف على شموه بعد

خلود : انزين

نزلنا انا وموزة وسرنا بيت عمي وشلينا ويانا شموه وسرنا المول ..

البشكاره سارت ويا خالد صوب الألعاب على إساس انه مايضيع وموزة عطت البشكاره تلفونها عشان ادق لنا من يخلصون ..

بقينا انا وموزة وشموه نتشرا المول كان شبه فاضي ..

موزة وشمة فضحنا .. ماخلن حد ماعلقن عليه وخاصة البنات .. كل شوي طاع هاي شو لابسه وهاي شقايل تمشي وهاي ماتستحي شعرها برع وإلا هاي بمكياجها الأخت يايه عرس ..

خطفت حذالنا وحده جان تقول موزة بصوت عالي : شموه غطي شعرج الله بوديج النار ..

جان انقع ضحك عليهن .. كانت تبا تلفت انتباه البنت اللي كانت كشتها برع ..



نحن في واحد من المحلات صاح تلفوني كان عبدالله داق ..

ظهرت من المحل وطلعت ارمسه برع ..

خلود : الووووووو

عبدالله : السلام عليكم

خلود : وعليكم السلام

عبدالله : يالله اظهري انا عند الباب

خلود : شوووو انا في السوق

عبدالله : شوو أي سوق

خلود : المول بعد أي سوق

عبدالله : ليش تظهرين بدون شوري

خلود : والله مية مرة دقيت انت ماترد

عبدالله : جان طرشتي مسج

خلود : والله انا دقيت وانت اللي ماترد

عبدالله : مب عذر انا الحين واصل صوب البيت

خلود : والله مشكلتك شو تباني اسوي

عبدالله : بلا سخافتج ردي البيت بسرررعه

خلود : اسفه

عبدالله : لاتعانديني

خلود : .........................

عبدالله : اوكي اقعدي في بيت ابوج لين ماتعفنين

سكر الخط في ويهي .. شو من الناس هذا مايحس يخلي عمره بريء ومايخصة بشيء ويحملني انا المسؤوليه

بعد ماسكر عني رجعت التلفون في الشنطه ورديت داخل المحل عند موزة وشمة وقلت لهن بسنا بنرد البيت .. شمة احتشرت قالت لا ماخلصت ابا اغراض ..

اطالعتها بنظره قلت اوكي بسرعه نص ساعه بس عندج ..

طول الوقت كنت مقهورة وشوي وبصيح .. من القهر ليش جي يعاملني .. والله يقول عايفني وعايف الحياة وياي ..








اليوم : الأربعا
الوقت : الساعة 4:20 العصـــر
المكان : في بيت بو سلطان

" مــــــوزة "

تونا واصلين من المول .. خلود عطتني عباتها واغراضها قالت وديهن فوق وهاتي شيلتي .. قالت مافيه اركب الدري بطني وظهري يعوروني .. المهم وانا راكبه حصلت لطوف منسدحه على تلفزيون الصالة أول ماشافتني ..

صرخت في ويهي ..: ليش تسيرون وماتقولون ؟؟

موزة : جب ولا كلمة كيفنا مايخصج تفهمين

لطوف : حيوانه

موزة : كلن يعرف نفسه

لبستها ودشت غرفة خلود وخليت اغراضها وشليت شيلتها وسرت غرفتيه وعقيت اغراضي على الشبريه ونزلت تحت اعطيها شيلتها ..

رديت مرة ثانية فوق ولطوف محرجه علينا وتتحرطم ..

دشيت غرفتيه وقفلت الباب ورايه .. وعقيت عباتي .. ودشيت الحمام اتوضأ .. عشان اصلي صلاة العصر ,,

بعد ماصليت ..
قعدت اشوف اغراضي .. وارتبهن في الكبت .. بعد ماخلصت سرت صوب التسريحه " التواليت " وخليت مرطب على ويهي وشفت ضربة سعيد بعدها شوي ماخازت يقول حد عاطني بوكس مب كف ..
اطالعت ايدي اللي بعدني لافتنها بشاش صغير .. باجر بفجون الخياطه ..
جحلت عيوني وتعطرت ولبست شيلتي ونزلت .. وأنا نازله شفت حمد مع ولد خالوتي الصغير قاعدين على التلفزيون مشغلين " توم وجيري " فيديو ..

بنت التلفزيون وطلعت شريط الفيديو وقلت له سير غرفة سلطان وشوفه هناك ..

قعد يتحرطم وشل الشريط وساروا فوق ..
طلعت برع ولقت امايه وخلود قاعدات في الحوش سرت قعدت وياهم ..

على الساعه 5 ونص شفنا سيارة ادش الحوش .. يوم دققت فيها شفتها سيارة سيف ..

أووووووووووف شو يبا هذا الثاني ..

ربعت بسرع صوب المطبخ قبل لايشوفني .. وامايه وخلود سارن صوبه ..

وبعد اشوي اتيني امايه المطبخ تقولي سيري سلمي على ولد عمج بسافر فرنسا دوره 6 شهور ..

استغربت دورة شو ....؟؟!!

سارت امايه تخلي الفواله .. وخلتني واقفه في مكاني اشوف سيارته من الدريشه ..

اسير اسلم ولا لاه ....!!؟؟

لفيت شيلتيه وسرت صوب الميلس ..

وقفت عند باب الميلس .. ادش ولا ...!!!؟؟

أوووووووففففف .. يكفي اني من يومين صرخت في ويهه ..!!؟؟

تغشيت ودشيت الميلس ..

وقفت عند الباب سمعت خلود تقوله : مبروووكـ على الخطبه

سيف : بعده ماصار شي رسمي ان شاء الله بعد الدورة بنتافهم في هالسالفه

خلود : ان شاء الله

صاح تلفون خلود واستأذنت منه شوي

طلعت وقالت دشي سلمي ..

خذيت نفس عميق وحدرت ..

موزة : السلام عليكم

سيف " وقف " : وعليكم السلام

موزة " حسيت ويهي حار قفطت " : ....................................

سيف : شحالج بنت العم

موزة : الحمدلله .. شحالك انت !!

سيف : الحمدلله على كل حال

موزة : ...........................................

سيف : اممممممممم ,, شي بخاطرج باجر الفير بسافر

موزة : سلامتك

سيف : الله يسلمج

استأذنت منه وظهرت وانا شوي وبصيح ماادري ليش !!؟؟

وقفت عند الباب سمعت سيف يتنهد بوصت عاااالي
" آآآآآآآآآآآآآآآآآآآآآآآآآ آه "

ربعت بسرعه صوب الفله ودشيت داخل وعلى طول غرفتيه وسكرت الباب وقعدت اصيح ماادري ليش ابا افضي باللي داخلي .. واستريح ..

ليش بعرس ليش ..؟؟

وليش بسااافر ليش ..؟؟

وليش ... وليشششششششششش ..؟؟

......................
***===== الــــجـــزء الــرابــــــــع والعشــــــرون =====***





امسحيـــ ذكرى ليــــاليـــــنا
الجميــــــــلهــ ..
واكتبيــــ في دفتـــــــرك حب
الممـــــــاتيـــ .. !!
وان طرى لـــك يوم ذكريــ
والسوالفــــ ..
غيـــــــريـــ موضــــــوع فكرك ..
في جفـــــــــاتي .. !!

.................................................. ..............
.................................................
.....................................
..........................
..................
............
......

اليوم : الأربعاء
الوقت : الساعة 9:30 مساءً
المكان : في بيت بو سلطان

" مــــــوزة "

صليت صلاة العشا .. وسرت انسدحت على الشبريه وأنا مقهوره من سيف ومن كل شيء ..
قعدت أصيح من الضيجة اللي في قلبي ..
غمضت عيوني وخطر على بالي اكتب شيء .. أي شيء المهم أطلع اللي بخاطري ..
شغلت الأبجورة وظهرت دفتريه الخاص فيني وكتبت فيه :


مسكين ياقلبي ..
وهو يلتفت ..
اقسيت انا وهو يلتفت ..
الدنيا لا ما وقفت ..
مسكين ياقلبي ..
اقسيت انا وهو يلتفت ..
باقي رجوى ..
تشبه عيون الصغار ..
باقي لك في القلب نجوى ..
وباختصار ..
باقي كلمة ..
قلب لصاحب الطرف الكحيل ..
انا راجع اقول اني احب ..
وابعثر هموم الرحيل


سكرت الدفتر ورجعته في الدرج .. قعدت حوالي نص ساعه وأنا اتجلب في فراشي
صاح تلفوني على الساعه 10 شفت الرقم كانت شمه داقة

موزة : ألوووووووو

شمة : دبوووه شو تسوين

موزة : ماشيء منسدحه برقد

شمه : شو ترقدين الحين ديايه انتي

موزة : شو تبيني اسوي

شمه : تعالي اندش المسن وبنتمصخر

موزة : مالي بارض والله

شمه : شو فيج صوتج حزين جنج كنتي تصيحين

موزة : لا لا ماكنت اصيح بس ابا ارقد مصدعه

شمة : انزين برايج بسير ادور حد غيرج يونسني

موزة : لحظه شموه سيف سافر

شمة : على الساعة 11 طيارته

موزة : اوكي باي

رجعت تلفوني على الطاولة وأنا شبه محطمه .. مضايجه .. شو هالقلب اللي مايعرف شيء كل يوم يطلعلي بشيء جديد ..

قعدت اجلب واطالع كل أطراف الغرفة بس ماياني نوم .. قمت وظهرت من غرفتيه ولقيت لطوف " الغبية " قاعده على التلفزيون
ماسويت ون تو شليت الجهاز " الريموت " من ايدها وقعدت اجلب بالقنوات

لطوف : انتي تبين المشاكل

موزة : هيه عندج مانع

لطوف : لاعندي دواس

موزة : زين والله ماعندج بعد حكيمه

لطوف : هاهاها ماتنكتين

موزة : تعرفين تنجبين ولا اصفعج صفعه على ويهج

لطوف : عشان اجرح انا هالمرة ايدج الثانية

موزة : بعيد عن خشمج يا الخسفه

لطوف : ترا بزقر امايه

موزة : أأأأأأأميه خوفتيني سيري سيري بتلقينها راقده تحت

لطوف : غبيه

في هالوقت ظهرت خلود من غرفتها

خلود : شو هالحشره

لطوف : انا كنت اطالع التلفزيون واختج العزيزة يت ويايبه شياطينها وياها

خلود : موزة جان خليتي شياطينج في الغرفه هاهاهاهاها

موزة : حاولت فيهم بس ماطاعوا يقعدون اروحهم يبون يشوفون الشيطان الكبير لطيفة

خلود : ههههههههههههههههههههههه

لطوف " وهيه تصارخ " : أماااااااااااااااااااايه أمااااااااااااايه

موزة : حسبي الله ونعم الوكيل سكتي يعلج دود

خلود : موزة قومي عنها هاي محد يسويلها سالفه

موزة : انا بسير عند سلطان ابرك لي من هالشيفه

خلود سارت غرفتها وانا قمت وسرت قسم سلطان وغياظاً فيها بندت التلفزيون وربعت صوب غرفة سلطان ..

دشيت ولقيت التلفزيون في الصالة مشغل .. والليت مشغل ..

سرت صوب غرفته سمعته يرمس حد ماسويت ون تو

دشيت على طول ..

ولقيته منسدح ع الشبريه يضحك جان ألف وأطالع الساعة اللي معلقه في اليدار لقيت الساعه 11:45 غريبه سلطان واعي للين الحين

اطالعني وأشر عليه اسكت ماارمس ..
سكت وسرت قعدت حذاله .. اسمع شو يقول جان يقول : لحظه ويخلي ايده على التلفون ويقولي سمعي بس سكتي انزين
انا قلت اوكي بشوف شو بقول .. وشو سالفته

خلى سبيك وقعد يرمس .. وانصقعت يوم سمعته يرمس وحده ..

جان اشهق .. وسلطان خلى ايده على حجلي عشان ربيعته المصون ماتسمعني ..

؟؟: شو هالصوت

سلطان : ماشيء قطوه تبا ادش من دريشه الغرفة

؟؟: ههههههه تعرف تنكت بعد

سلطان : هههه نحاول

؟؟ : انزين خلاص الغالي بخليك ترتاح وباجر بكمل السالفه

سلطان : اوكي اتريا اتصالج باجر

؟؟ : اوكيك الغالي باباي

سلطان : باي


.......................

موزة : سلطان منوو هاي

سلطان : مااعرف وعمري ماشفتها

موزة : عيل اشدراها فيك

سلطان : مااعرف اول مرة ارمسها

موزة : لاتستهبل خبرني السالفه

سلطان : كنت اطالع التلفزيون وصاح تلفوني والرقم مااعرف فرديت عليه وقالت السلام عليكم رديت عليها وعليكم السلام .. قالت انت محمد قلتلها لا سلطان بغيتي شيء الشيخة .. وقعدت اتسولف ومطيحه الكرت معايه

موزة : مالت عليها ماعندها سالفه صج والله مضيعة المذهب ..

سلطان : ههههههههه صوتها حلوووو

موزة : والله انك ماصخ أممممممف عليك الخباير باجر بخبر عليك السلطات العليا

سلطان : منووو امايه

موزة : هاهاهاااا لا طبعا السلطات العليا يدوه الله يطول بعمرها

سلطان : عادي

موزة : بقولها هاي ربيعته ومسوين الشقه اللي في بوظبي عشان البنات مب عشان الدوام

سلطان : عنلاتج خلاص اشتريناها الشقه ويا راسج

موزة : مشكلتكم مب مشكلتي

سلطان : يا الخبلة خلاص مابرمسها

موزة : لا لا لازم تنقرص في اذنك عشان تتعلم السنع

سلطان : موزان يالله عاد مافينا ع المشاكل

موزة : اوكي مابخبر بس بشرط

سلطان : شو بعد آمري

موزة : احم .. احم .. اممممم تودينا ليوا

سلطان : شوووووو

موزة : هيه خاطري اشوفها لو مرة بحياتي

سلطان : حسبي الله عليج من بنيه .. خلاص ان شاء الله بحاول ادور لج يوم وبوديج

موزة : يالله عيل سي يوو وتصبح ع خير تلحف زين هاهاهاها

سلطان : سكري الباب لااسكر راسج عليه

طلعت من قسم سلطان وانا أضحك ومستانسه ..

هع هع هع هع .. هع هع هع ع ع ع ع .. محد قاله يقولي سالفته .. أنا ابغيها من الله عشان اتشرط ع كيف كيف .. هع هع ع ع ع



لامارا غير متواجد حالياً   رد مع اقتباس
قديم 20-10-19, 12:12 AM   #26

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


***===== الــــجـــزء الـــرابــع والعشــــــرون =====***


اليوم : الخميس
الوقت : الساعة 7:30 صباحاً
المكان : في بيت بو سعيد

" ســـــالم "

أصبحنا وأصبح الملك لله ..

اليوم الخميس منوو اللي يدق لي تلفون في هالوقت .. خوزت اللحاف من عيوني .. وشليت التلفون وكانت امايه داقه

سالم : ألووووووو

أم مبارك : يالله قوم فديتك

سالم : وين امايه اليوم الخميس

أم مبارك : قوم ودني العزبة

سالم : قولي حق راشد

أم مبارك : راشد ياي صوب الفير من بوظبي مودي سيف المطار

سالم : انزين بتسبح وبوديج

أم مبارك : يالله انقفظ لاتأخرنا

سالم : ان شاء الله


قمت وانا خاطريه أرد أرقد .. بس شو نسوي حكم القوي ع الضعيف
قمت وخذيت لي شور على السريع ولبست ملابسي وشليت بوكي وتلفوني وسويجي وظهرت من قسمنا وسرت صوب المطابخ .

لقيت أمايه وأم سعيد واليازية وأبو سعيد

سلمت عليهم وقعدت اتريق ويا أخويه " أبو سعيد " وكل ساعه هزاع يبغم يصيح ويوم ألف صوبه يسكت ويقعد يمط السفره بيده الصغيره .. لو مب ايدي فيها اكل جاز مسكته وضميته لصدري .. ياويل حالي يخبل هالولد ..

ابو سعيد قعد يرمسني عن الأسهم يقنعني أدخل وياهم بس انا رفضت الصراحه مافيه عورا الراس ..

أم مبارك : يالله بوغنيم خلصت ريوقك ولا بعدك

سالم : تريا امايه بشرب الجاي

أم مبارك : دهديه يابوك الحين بتي القايلة ونحن ماسرينا صوب العزبة

سالم : أي قايله والحين الساعه 8 وربع بعدنا بدري

أم مبارك : الناس يابوك تغبش من الفير مب 8

سالم : وين عثرها العزبه إلا فرة حصاه الله يهديج يا أمايه

أم سعيد : هههههه تعرف عمتي ياسالم كله بسرعه بسرعه

شربت الجاهي بسرعه وسرت أودي امايه صوب العزبة

والله قعدتني لين الساعه 12 والله حرقتني الشمس حشا مب عزبة هاي من الساعه 8 ونص لين 12

على الساعه 12 وربع طلعنا من العزبة والله حتى صلاة الظهر ماظني بلحق عليها في المسيد ..








اليوم : الجمعة
الوقت : الساعة 11:30 صباحاً
المكان : في بيت بو سعيد

" شــــمــة "


من ساعه واعيه .. هع هع هع ع ع ع .. شو اسوي أمس طول اليوم سهرانه يالسه أعدل الأسبيس وماطلع لين هناك تعبت معاه .. وماخليت سبيس مادشيته وماخليت موقع مادورت فيه على صور وكلام وخرابيط ..

خوزت الفوطه من على راسي وفجيت شعري المبلل ولفيته بطريقه مرتبه لين ماينشف ..

لبست شيلتيه وشليت تلفوني بمخباتي وطلعت من غرفتيه وأنا ظاهره سمعت هزاع يصيح سرت صوب قسم سعيد دقيت الباب ومحد رد علي دشيت ومالقيت حد في الغرفة بس هزاع اروحه .. حليله محد عنده شليته وهو بعده يصيح مب راضي يسكت .. نزلت بسرعه تحت أعطيه أمه ..

اليازية : ليش يصيح

شمة : ماأعرف سمعته يصيح ويبته لج

اليازية : تونيه مرقدتنه

شلت اليازية هزاع من ايديني ودخلت معاه داخل عن الشمس .. سرت صوب المطبخ .. لقيت امايه والبشاكير يعابلن بالغدا

شمة : يعطيج العافية أم سعيد

أم سعيد : عنلاتج هذا رقاد لين الحين عفنتي

شمة : شوو اسوي ترا هاي حالنا في الإجازات

أم سعيد : يالله تستر علينا فضيحه عند العرب البنت ترقد لين الظهر

شمة : دخيلج سكتي لو تسمعج يدوه والله لطعمني من عصاتها المزيونه

أم سعيد : دواج يا أم لسان وأختج وينها لايكون راقده بعد

شمة : أختي .. هاهاها ماادري انا ماشفت حد فوق اكيد بعدها راقده

أم سعيد : وخوانج راشد وسهيل راقدين

شمة : ماادري ماسمعت صوتهم وأنا نازله أكيد راقدين

أم سعيد : انزين سيري قطعي السلطة

في هاللحظه سمعنا صوت سيارة داخله البيت ظهرنا من المطبخ وبقيناهم ..

موزة وخلود ولطوف وأم سلطان وحمد وخالد وسلطان والبشكاره داخلين ..

سلمنا عليهم وسحبت موزة من ايدها وقلت لها تعالي ساعديني بتقطيع السلطه ..

موزة : يا الخسفة وين الطماط

شمة : نسيته سيري هاتيه

موزة : مافيني سيري انتي بسرعه

قامت شمة ويابت الطماط وغسلتهم وقطعناه وعصرنا عليه لومي وحطينا ملح ..
وخلصنا من السلطه

وسرنا داخل ولقيناهم كلهم يالسين وابويه " أبو سعيد " يدخن لأنه بسير يصلي .. وسعيد نازل من فوق يعدل غترته ..

وأنا موزة ركبنا فوق ولقينا لطوف تصارخ على نورة توعيها ونورة مب راضيه تقوم ..

طنشناهن ودشينا غرفتيه ..

وعلى طول شغلت النت وراويتها سبيسي عشان تعطيني رايها .. قالت حلو بس الموسيقى مب لين هناك ..


فجيت المسن .. كانن عندي 3 رسايل فجيتهن ..
2 من Group المنتديات
1 من عند سيف

انصدمت ..!!؟؟

فجينا الرسالة بسرعة

كان كاتب ..

مرحباا
شحالج .!! دبوه توني واصل وانا في الشقة ويا ربيعي

يالله باي بسير ارقد ^.^

موزة طنشت السالفه وقامت تصلي وأنا دشيت اتوضا واصلي ..

قعدنا في الغرفة لين مايت البشكاره تزقرنا للغدا ..

نزلنا نتغدا .. وبعد الغدا يا عمي راشد وقالنا بودينا بوظبي عشان نرتب الشقه ..

طرنا من الوناسه ركضنا انا وموزة بسرعه فوق نلبس عبينا .. من فرحتنا موزة دعمت الباب بريلها وحليلها صبعها عورها بس مااستهمت ..

مستقطعات جنا اول مرة بنسير بقعه ..

موزة : آآخ ريلي

شمة : ههههههههههههههه

موزة : والله صج عورتني انزين عطيني عباة وشيله وشنطه

شمة : وحق شو الشنطه

موزة : بخلي تلفوني وبسير اييب لي فلوس من عند ماماتي

شمة : هو قالنا بودينا نرتب الشقه مب السوق

موزة : سكتي سكتي انا بقول لسلطان يودينا بعد السوق ماعليج

شمة : انزين شلي اللي تبينه ..

لبست عباتي وقلت للبشكاره تكوي شليتي وشيلة موزة .. وتعدلنا على السريع ونزلنا تحت .. موزة سارت صوب امها

موزة : ماماتي ابغي بيزات

أم سلطان : ليش عثركن بتسيرن السوق

موزة : وربج بعد نخطف إحتياط

أم سلطان : أبوج في الميلس سيري قولي له يعطيج

موزة : تعرفين اني استحي اطلب من ابويه

طنشت امايه وسرت صوب خالد وقلت له يقول لبويه موزة تبا بيزات عسب بتسير بوظبي مع سلطان ..

فديته ابويه ماقصر طرشالي من عند خالد ..

لطوف ونورة كانن يبن يسيرن بس يدوه منعتهن وعمي راشد بعد .. قال نحن مب سايرين نلعب

ركبنا كلنا سيارة سلطان انا وشموه وعمي راشد وسلطان ..

وأنطلقنا لبوظبي " عاصمتنا الحبيبة "










اليوم : الجمعة
الوقت : الساعة 2:30 الظهر
المكان : في بوظبي " الشقة "

" راشــد "



تونا واصلين الشقة نحن فرشناها على السريع .. بس كان يبالها تنظيف وترتيب شوي ..

سلطان : سمعن نحن بنسير نشتري اغراض وبنرد لاتفجن الباب لأي حد تفهمن وأي شيء يصير دقن لنا تلفون

موزة : وين وين بتسيرون

سلطان : بنشتري تلفزيون وثلاجة وخلاف بنوديكن الجمعية

موزة : شووو لا لا مب الجمعية نسير المول

سلطان : جب جب لا ادفنج في الشقة

موزة : احم احم سلطان لاتغلط وإلا .......

سلطان : استغفر الله العظيم انزين لو خلصتن بسرعه بنوديكن

راشد : شوو لا مب كيفك

سلطان : دخيلك راشد لاتكبر السالفة مافينا ع عورا الراس

شمة : يالله بسرعة مانبا نسير المول بعد المغرب بكون زحمه

موزة : شموه بسرعه خلينا نبدأ

سلطان : إذا خلصتن قبل مانوصل بنوديكن وإلا ماشيء مول هذا شرطي

موزة : موافقين

ظهروا عنا وأنا شموه شرات الخبال اول شيء استلمنا غرفة راشد وبسرعه رتبناها .. وخلاف غرفة سلطان وبعده المطبخ وغرفة الملابس والصالة والحمامات ..

لو تشوفونا مانوقف دقيقه بسرررعه نترابع .. والله غبيات حليلنا مانصدق حد يظهرنا من البيت ..


ظهرنا أنا وسلطان من الشقة وسرنا شرينا ثلاجة وتلفزيون وعطيناهم مكان الشقة وقلنالهم يودونهن الشقة بعد ساعة ..

وخلال هالساعه خطفنا على الجمعية وشرينا بعض الأغراض للمطيخ ..

وسرنا الشقة ودقينا على صاحب المحل وقالنا إنه واصل سرت أنا فوق للشقة وقلت لسلطان يترياهم تحت لين مايوصلون ..

دخلت الشقة ولقيت موزة طايحه على الكرسي وشمة تنظف المكتبة وكانن مخلصات ..

موزة : تعبناااااا والله طاع اشكالنا كيف استوت

شمة : ظهري عورني حشا مايرزا علينا هالسوق اللي بنسيرله

راشد : هههههههههههه انزين دشن داخل الهنود بدشون يدخلون الأغراض وشلن هالأكياس وياكن ..

قامت موزة وخذت الأكياس نصهن والنص الباقي شلتهن شمة ودخل داخل ..

بعد 5 دقايق دش سلطان والمهنده وراه ..

بعد ماخلصوا من تركيب الثلاجة والتلفزيون وبرمجه لنا على الرسيفر ..

طلعن موزة وشمة وهن ياكل من الحلاوة اللي يايبينها

سلطان : لااااا هذا الردبول مالي

موزة : هههههه مايغلى علي

راشد : فكنا يالله الساعة6 وشيء الحين خلن الأغراض في الثلاجة

بسرعه رتبن على السريع وظهرنا من الشقة وعشان خاطرهن وديناهن المول وعشيناهن وقدنا لين الساعه 9 ونص وخلاف ردينا صوب العين .. ونحن كلنا هلكانين على الآخر ..


اليوم : الجمعة
الوقت : الساعة 9:30 مساءً
المكان : في بيت بوسعيد

" سعيــد "


اتشووووووووو .. الحمدلله

اليازية : يرحمك الله

سعيد : يهدينا ويهديج الله

سعيد : كح كح كح كح ح ح ح اليازية فديتج قومي هاتيلي عصير ليمون وعسل عشان تخف هالكحه

اليازية : انزين مسك هزاع لين مااسير اسويلك بس لاتكح في ويهه مافيه يطيح عليه وهذا مايقهر الحمى

سعيد : انزين وهاتيلي وياج حبتين بندول

ظهرت اليازية وانا مسكت هزاع وخليته في ثباني وأحس الحمى بتاكل جسمي .. مب قادر أشل عيوني .. أحس راسي ثجيل والحمى مسيطره على جسمي ..

صاح تلفوني ويوم شفت الشاشة ..

هذا رقم ..!!؟؟

" الخبلة "

استغفر الله شو اسوي معاها هاي ماتفهم ..

لازم تيب لي المشاكل ..

قعد يصيح يصيح التلفون ..

جان اشله واسكر الخط فويها مسودة الويهه ..

مسكت التلفون وغلقته مرة وحدة ..

سخافة ماشفتها في حياتي .. عاد قلنا لزقة بس مب لهدرجة ..

هاي مب راضية تحل عني ..


دشت اليازية وهيه شالة الكوب في ايدها ..

شربت العصير الليمون والعسل ..
وخذيت الحبتين البندول ..

سعيد : مشكوورة

اليازية : العفووو

سعيد : برايج بسير اوطي راسي

اليازية : هيه أحسن عشان ترتاح شوي ويروح الصداع

سرت أوطي راسي واليازية ظهرت من الصالة وشاله هزاع في ايدها

غيرت ملابسي وطحت على الشبريه وخليت التلفون على الطاولة ..








اليوم : السبت
الوقت : الساعة 2:30 الظهر
المكان : في بيت بوسلطان

" خلود "



موزة فجي الباب
موزة : شو تبين

خلود : انزين انتي فجي وبقولج شو ابااا

فجت لي الباب وكانت توها واعية من الرقاد ومتسبحه وشعره كله مبلل ..

خلود : جان ماقمتي

موزة : شو اسوي كله ملل حتى الرقاد ملل

خلود : ههههه والله انج غبية

موزة : صدق والله عفت الروتين اليومي ماشيء شغل

خلود : انزين فكينا من اسطوانتج المشروغة ابا النت

موزة : هكوه اللاب شليه

خلود : لا بقعد هنيه

قعدت خلود على النت وأنا ظهرت من الغرفة نزلت تحت ..

شبكت النت كنت ابا اشوف عبدالله شابك النت ولا

تراه هو مطيح في الجات والمسن .. ويرمس البنات ........الخ

يقول توه في المراهقة ..

دشيت المسن وماحصلته .. دشيت الجات اللي دومه مطيح فيه ..

هالجات لازم تشتركين فيه ..

المهم اشتركت .. وماحصلته محدر اذكر انه اللنك نيم ماله
" شبح العين "

بس مب محدر ..

قعدت اجول في منتدى حواء ..

بعد ربع ساعه دشت موزة وقعدنا نشوف فساتين ومكياج وشنط .... الخ

صاح تلفوني وكان عبدالله متصل ..

شليت التلفون وظهرت برع الغرفة

خلود : ألووووووو

عبدالله : مرحباااا

خلود : هلا شحالك

عبدالله : الحمدلله شحالج انتي

خلود : بخير الحمدلله

عبدالله : انزين حبيت اقولج انا مسافر سوريا

خلود : شووووو

عبدالله : بسير سوريا وبعد ماارد بسير العمره

خلود : وأنا ..!!؟؟

عبدالله : قعدي في بيت أهلج لين ماأرد واشوف لج حل

خلود : نعم شو قصدك

عبدالله : سلامتج المهم أي شيء يصير بموضوع الحمل خبريني

خلود : متى السفر

عبدالله : باجر

خلود : اممممم انزين برايك مع السلامه

سكرت عنه وأنا مقهورة ..

رفع لي ضغطي ..

صح اني غلط يوم سرت السوق بدون شوره بس ماتوصل لهدرجه يعاملني فيها ..

صح ماقلت لكم .. نحن يوم سافرنا علاج .. الدكتور نصحنا إني أحمل عن طريق الأنابيب ..

في البداية خفت بس عبدالله شجعني على هالفكره ..

وحملت والحين صار لين 2 تقريبا ..

بس محد يدري غير أمي وعبدالله وموزة ..


مسكت تلفوني وطرشت مسج لعبدالله :

بالقلـب مكـانك وعينـي تـرعـاااك ..
و إن زعلـت منـي أجـي لـ رضـاااك ..
مـاعنـدي بهالدنيـا أحـد مثـلك و شـروواك ..
و إن بـاعـووك كـل النـاااس يـالـ غ ــالي
تـرىى عمـري يفـداك



بعد 5 دقايق وصلني مسجين من عبدالله :

أبـ ع ـتـذر لك اذا في يـووم عليـك أخـطـيت ..
و أبـي اقـوول لك " آسـفـهـ " اذا بالسـاني زلـيت ..!!
او علـىى مشـاعـرك دسـت وتجنيـت ..
وتـرىى إنت بعـد عليّ أخطيـت ..
بـس أنـا قلبـي طـيب وتنـاسـيت ..
و مـاحـبيت أقـوول لـك إلا إنـك بتظـل " غ ــالـي "
حتىى لـوو عنـي تخـليت ..!!
وعسـىى بـ كلامـي هـذا أكـوون وفـيت ..

.........................................

إن غـبت عنـك لاتقـوول نـاسيـك
ولا تظـن إني بجـيتـي أخلفـت عهـدي ..
لكـن المشـاغل يـارفيـق العمـر أتعبتنـي ..!!
و إن منعـتنـي ظـرووفي من " شـووفتـك "
لاتـظن بتقـدر تمنعـنـي مـن " حبـي لك "
بتظـل دايـم شاغلنـي وفي بـالي ..
حـتىى لـوو كنت عنـي مـوو داري ..!!


طرشت له مسج وقلت له إييب لي أغراضي وملابسي .. فقال ان شاء الله اليوم يوصلن لج ..








اليوم : السبت
الوقت : الساعة 3:15 الظهر
المكان : في بيت بوسلطان

" مــــوزة "


حدرت المسن ولقيت شموه محدره بس حاطه " مشغول "

طنشتها قعدت في المنتدى 10 دقايق .. بس مليت المنتدى حدرت ارمسها




لــيــتــكــ تـمـوـوـوتــ وأرتــاحــ أنــا مـنــكــ " موزة " :
شموووه شو سوين


][¤][إذا كان الهوى قاسي فقلبي يتحمل الصدمات][¤][ " شمة " :
ارمس سيفوووه

لــيــتــكــ تـمـوـوـوتــ وأرتــاحــ أنــا مـنــكــ :
حلفي ...؟؟!!

][¤][إذا كان الهوى قاسي فقلبي يتحمل الصدمات][¤][ :
والله تبين اسويلج انفايت


لــيــتــكــ تـمـوـوـوتــ وأرتــاحــ أنــا مـنــكــ :
ها .. !! لا لا


][¤][إذا كان الهوى قاسي فقلبي يتحمل الصدمات][¤][ :
ألوووو خلاص سويت .. سيفوووه سويت انفايت حق موزة



][¤][إذا كان الهوى قاسي فقلبي يتحمل الصدمات][¤][ " شمة "
لــيــتــكــ تـمـوـوـوتــ وأرتــاحــ أنــا مـنــكــ " موزة "
رحمة الله حبيبي ولا رحمة عيونك " سيف "





رحمة الله حبيبي ولا رحمة عيونك :
هلااااااااااااا والله ^__^


لــيــتــكــ تـمـوـوـوتــ وأرتــاحــ أنــا مـنــكــ :
اهلين


رحمة الله حبيبي ولا رحمة عيونك :
شحالج ..!!؟؟


لــيــتــكــ تـمـوـوـوتــ وأرتــاحــ أنــا مـنــكــ :
الحمدلله ومن صوبك ..؟؟


رحمة الله حبيبي ولا رحمة عيونك :
بخير دامج بخير


][¤][إذا كان الهوى قاسي فقلبي يتحمل الصدمات][¤][
حوووووو انا بظهر امايه تباني


رحمة الله حبيبي ولا رحمة عيونك :
موزة بضيفج عندي


لــيــتــكــ تـمـوـوـوتــ وأرتــاحــ أنــا مـنــكــ :
لا لا

رحمة الله حبيبي ولا رحمة عيونك :
خلاص ضفتج


][¤][إذا كان الهوى قاسي فقلبي يتحمل الصدمات][¤][
برايكم باي اشوفكم بعدين



رحمة الله حبيبي ولا رحمة عيونك :
باك


لــيــتــكــ تـمـوـوـوتــ وأرتــاحــ أنــا مـنــكــ :
ولكمووو


رحمة الله حبيبي ولا رحمة عيونك :
انزين .. اخبارج


لــيــتــكــ تـمـوـوـوتــ وأرتــاحــ أنــا مـنــكــ :
تمام ..


رحمة الله حبيبي ولا رحمة عيونك :
اممممم انزين ماأعرف شو أقولج


لــيــتــكــ تـمـوـوـوتــ وأرتــاحــ أنــا مـنــكــ :
؟؟!!


رحمة الله حبيبي ولا رحمة عيونك :
شو قصدج باللنك .. افاااا تبيني أمووت


لــيــتــكــ تـمـوـوـوتــ وأرتــاحــ أنــا مـنــكــ :
هاا .. لا لا مب قصدي


رحمة الله حبيبي ولا رحمة عيونك :
عيل غيريه

~*¤$]¦[ .. M .. ]¦[$¤*~
انزين


~*¤$]¦[ .. M .. ]¦[$¤*~
؟؟ الحين


رحمة الله حبيبي ولا رحمة عيونك :
هيه جي زين مب توه


~*¤$]¦[ .. M .. ]¦[$¤*~
انزين انا بظهر


رحمة الله حبيبي ولا رحمة عيونك :
لا لا وين


~*¤$]¦[ .. M .. ]¦[$¤*~
بسير اصلي العصر


رحمة الله حبيبي ولا رحمة عيونك :
بتحدرين ولا


~*¤$]¦[ .. M .. ]¦[$¤*~
لا


رحمة الله حبيبي ولا رحمة عيونك :
ليش ؟؟


~*¤$]¦[ .. M .. ]¦[$¤*~
بس بحدر بالليل


رحمة الله حبيبي ولا رحمة عيونك :
خلاص اشوفج بالليل مع السلامه


~*¤$]¦[ .. M .. ]¦[$¤*~
ان شاء الله .. مع السلامه


ظهرت من المسن بسرعه .. خفت ماأدري حسيت إني سويت جريمة .
سرت أصلي وأخوذ الأفكار السودا من راسي ..

***===== الـجــزء الخــامــس والعشـــرون =====***




مركون بين البحر والبيت وحداني
أبني لروحي أمل وجروحي اتهده
وأمر قبل الغروب أرتب أحزاني
اطوي شراع الهوى وأنوح وأمـــده
لا يا بحر منهو اللي ناسي الثانــي
أنا أو اللي هجر شاطيك من مـــده

.................................................. ..................
.................................................. .....
.....................................
............................
....................
.............
.......


اليوم : الأحد
الوقت : الساعة 5:35 الفير
المكان : بيت بوسلطان

" سلـــطان "


قمت على دق الباب .. أمايه كانت توعيني عسب الدوام .. شفت الساعة قلت في خاطري توني ياي من الصلاة ليش الوقت بسرعه يربع وخاصة وقت الرقاد ..
قمت بكسل .. وتسبحت ودقيت على راشد بس مايرد ..

ظهرت ولقيت امايه يايبه دلة الشاي في الصالة صبيت لي كوب وقعدت اشرب .. صاح تلفوني وكان راشد داق قالي انه هو بيخطف علي وبنسير رباعه .. قلت له اوكي ..

قعدت اشرب الجاي وشوي وإلا موزة نازلة من فوق .. كانت لابسه جلابية ورديه وامبطله شعرها .. وشكلها يضحكـ ^.^

موزة : صباح الخير

سلطان : صباح النور غريبة شو موعنج من الحين

موزة : أصلا مارقدت كنت سهرانه على النت

سلطان : شوووووو

موزة : على النت

سلطان : شو تسوين على النت

موزة : ماسهرت وايد بس لين الساعه 2 وخلاف سرت اطالع فلم .. وعقب الفلم قريت قصة

سلطان : زين ونعم التربية فيج

موزة : انزين صبلي جاي

سلطان : هذي الدلة وصبي حق عمرج

موزة : استغفر الله بلاك متكهرب

سلطان : ههههههه سكتي الله يخليج هب متفيج

موزة : انزين

شلت الكوب وسارت فوق ..

شليت تلفوني وظهرت من الفلة وسرت اتمشى صوب الزراعه " الحديقة " لين مايا راشد وسرنا بوظبي ..


على الساعة 11 وصلني مسج من البنيه اللي ارمسها .. واللي عرفته اسمها العنود ..


أستفيضي يامشاعر وأسعفيني ياحروف
وأدركي وش له بقلبي من ينابيع الغلا
وأرسلي طوق المعزة حامل لون الطيوف
وأصدق أبيات المدايح والوصايف والولا
واصل عندي بقلبي رغم تفريق الظروف
ياعساني مااعدمه وياعساني ماخلا ..


جان اضحك .. <<<< هاهاهاهاهاهاهاهاااااهاهاا ا ..

صج غباء .. طنشتها لأني الحين في الدوام مااقدر ارمسها ..







اليوم : الأحد
الوقت : الساعة 6:25 صباحاً
المكان : بيت بوسلطان

" مــــوزة "


أووووووووف تعبت من أمس وانا اترياه هو قال بحدر بالليل بس ليش ماحدر ..

فتحت المسن وحصلت وحده من ربيعاتي داشه .. طنشتها .. وطرشت لسيف ايميل :



مرحبــــــاااا ...

ماعرفت البعد لين إني شربت
مر بعدك في خفوقي محتريك
ماحسبت البعد لكني حسبت
فوق خمسين ألف نبضة تحتريك
لو أقول انك وحشتني كــــــــذبت
ماوحشتني....!!!!
...
....
((((( انـــــــــــــــا ميت عليــــــــــــــــــك ..))))



..::..::..::..::..::..::..::..::..::..::..::..::..

من اللي علمك تزرع حروف العشق بيديني
تعلمني بدايتها وتكثر عثره أقدامي
من اللي علمك تبدأ تهواني وتعشقني!
وترحل معك أفراحي وتبقى زحمه آلامي
سؤال ما يحيرني هو اللي أحتار وش فيني
متى الدنيا تجمعنا إذا كان اللقاء ظامي
تعال افرش الأرض بقصيدي ليتك تجيني


طرشت الايميل وسكرت اللاب .. وسكرت الليت على أساس اني برقد الحين الساعه 7:10 الصبح <<< الناس توعي من الرقاد وأنا برقد الحين ..

وطيت راسي على المخده .. جان يوصلني مسج ..
طيران صوب التلفون اللي كان على الطاولة ..


كل السوالف تجيب أسمك ولو صدفة
كل الشوارع توقّّف بي على بابك..
واهرب عن الناس لآخر ركن في غرفة..
وألقاك بالروح..وأهدابي على اهدابك.
هناك أعيش الغرام اللي لقى حتفه
هناك أذوق العذاب اللي من أسبابك

من نفس الرقم ..!!؟؟

" ******* "

وبعدين أنا غيرت رقم تلفوني كيف عرفوا الرقم ..!!!

سرت غيرت بطاقة التلفون وركبت الجديمة أول مافتحته لقيت 7 مكالمات و5 مسجات >>

وكلهن من نفس الرقم .. !!؟؟

أكيددد وحده من ربيعاتي وتبا تسويلي مقلب ..

والهدية اللي وصلتني يوم كنت مريضة من نفس الرقم ؟؟!!

هذا لغز مب قادره أوصل لحله ..!!؟؟

منوو ياربي اللي يسوي هالحركات وشو المغزى من كل هذا ؟؟!!

رجعت بطاقتية اليديده وطنش المسج ..
وحطيت التلفون على السايلنت وسرت أنام ..









اليوم : الأحد
الوقت : الساعة 10:15 صباحاً
المكان : بيت بوسعيد

" سعــيد "


حميد : مرحباااا الساااع

سعيد : مرحبتين شحالك حبيبي

حميد : توني حبيبك من اسبوع ماسألت عني

سعيد : والله عندي مشغول وكنت محموم

حميد : سلامتك الغالي ماتشوف شر

سعيد : الشر مااييك .. المهم شحالك انت

حميد : بخير وسهاله رقيص .. من صوبك الغالي

سعيد : بخير وعافية .. ها وين ..!!؟؟

حميد : والله في صلالة ويا الأهل من يومين

سعيد : ياحيك والله وشو الجو عندكم

حميد : والله يجنن بس ماشيء ربشه أحلى الظهره ويا الشباب

سعيد : ههههههههه .. خلاص بعد ماترد من صلالة بنسير لبنان سمعت محمد يقول الكل مطيح في لبنان هالسنة

حميد : ان شاء الله .. وشحال هزاع

سعيد : الحمدلله بخير وسهاله بس ابوه اللي ميهود من هالحمى

حميد : أجر وعافية حبيبي بوعكسور

سعيد : الله يعافيك .. خلاص الغالي مابطول عليك بينا اتصال

حميد : خلاص بس لاتقطع

سعيد : افاا انت تدري اني مااقدر اعيش بلاك

حميد : فديتك والله يا الغالي خلاص فداعة الله

سعيد : فداعة الرحمن

سكرت عن حميد .. وسرت صوب الغرفة لأن اليازية تبا تسير صوب دبي تسلم على خالتها لأنها في دبي من يومين ..

أنا بقولكم كيف عرفت اليازية وين أهلها ..

الله يسلمكم سالفتي ويا أبو اليازية سالفة :


(( كنت داش بتجارة ويا أبوها .. تجارة سيارات .. وكان عنده معرض .. فدشيت فيه بكل بيزاتي وحميد دش بس بمبلغ صغير .. المهم في بداية المشروع ربحنا بس في نهايته خسرنا كلنا خسارة كبيره .. وأبوها يته جلطه وتم في العناية المركزة لمدة أسبوعين وبعدين توفى " الله يرحمه " وصاني على اليازية لأني كنت خاطبنها ومالج عليها .. وهيه وحيدة أبوها وأمها متوفيه وهيه عمرها 3 سنوات وأصل أمها وأبوها من البحرين .. بس أبوها كان يشتغل التجارة في دبي وحصل على الجواز والجنسية الإماراتيه هذا قبل مايتزوج .. بعد ماحصل الجنسية الاماراتية تزوج بنت عمه اللي هيه ام اليازية وتوفت وأهله وأهل حرمته كلهم في البحرين بس هو بسبب شغله ومكانته القوية في السوق الاماراتي انتقل يعيش هنيه .. وبعد وفاتة ابوها انتقلت اليازية تعيش عند عمها .. وبعد شهرين تزوجتها وعشنا في دبي .. وبيت أبوها لين الحين موجود في دبي .. لأنه بسمها .. ومعرض السيارت بعد بسمها بس بعد ماتزوجتها باعته وفتحت لها حساب في البنك .. ))


هاي هيه سالفتي معاها .. وقبل مااخذ اليازية كانت عندي الشقة .. بس كنت ويا الخبلة ساعتها .. الله لايعودها من أيام ..




لامارا غير متواجد حالياً   رد مع اقتباس
قديم 20-10-19, 12:13 AM   #27

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي




***===== الــــجـــزء الـــخـامــس والعشــــــرون =====***


سعيد : اليازية

اليازية : هااا

سعيد : يالله بسرعه

اليازية : ألبس هزاع

سعيد : بسرررعه الساعة 11 إلا ربع متى بنوصل دبي

اليازية : انزين خلصت تعال شل هزاع

سرت الغرفة وشليت هزاع في ايديني وقعدن اضحكه وقوله قول باباه بس مايرمس بعده صغير ..

لبست اليازية عباتها مدت ايدها وشلت الشنطه الصغيرة ..

سعيد : يعني انتي ملزمة تباتين عندهم

اليازية : هيه من زمان ماشفتهم

سعيد : خلاص باتي انتي بس انا ماأصبر عن حبيبي هزاع

اليازية : لا والله وأنا ..!!؟؟

سعيد : ههههههههه عادي انتي اقدر اصبر بس هزاع مااقدر

اليازية : حلف بس انت

سعيد : هاهاهاهااا اسولف يالله امشي بس تباتين يوم واحد

اليازية : لا يومين نحن اتفقنا على جي

سعيد : ان شاء الله تامرين أمر يا أم هزاع

اليازية : تسلم يا بو هزاع

طلعنا من القسم .. وسرنا صوب دبي وشمه محتشره أونه بتسير ويانا تبا تشوف أهل اليازية بس أنا ماطعت لأنه عندها عيال خالتها كبار ماشاء الله فضيحه ..









اليوم : الأحد
الوقت : الساعة 11:15 صباحاً
المكان : بيت بوسعيد

" شمـــة "


والله انقهرت كان خاطرية أسير وياهم .. بس الله يسامحهم ..

سرت صوب التلفزيون ملل مافيه شيء حلو كله ممل ..
سرت صوب غرفة نورة بس قافله الباب أكيد راقده ..

سمعت أمايه تزقرني من تحت تباني أشل سهيل يصيح وبوعي رشود ..

نزلت ويبته فوق وسدحت على الشبريه وقعد ساكت شوي ..

شبكت النت وحدرت المسن وماحصلت أبداا حد داش ..

اوووووووووووووووووف ^.^

دقيت على موزة عشان تحدر وياي بس ماترد على التلفون ..

أمممممممممممم .. ملل ..

قلت في خاطرية ليش ماادش الجات شوي ..

شفت مكتوب " الإسم المستعار "

غيرت وكتبت " عنز شارده " <<<< هع هع هع ع ع ع ع

دشيت وتميت أقرأ سوالفهم .. وكل شوي توصلني رساله على الخاص بس مارديت عليهم ..

دش واحد نكه " راعي العزبة " عليه بالخاص وكتب

لايكون انتي العنز اللي شارده من عزبتيه اليوم

رديت عليه : لاااااا

راعي العزبة : السلام عليكم

عنز شارده : وعليكم السلام

راعي العزبة : شحالج ربج بخير

عنز شارده : بخير الحمدلله

راعي العزبة : دوووم مب يوم

عنز شارده : إن شاء الله ^.^

راعي العزبة : صج صج تعال انتي عنزتنا ولا

عنز شارده : لا انا شارده من عزبتنا مب عزبتكم

راعي العزبة : وليش شارده ها اعترفي شو مسويه

عنز شارده : ماشيء بس مليت العيشه في العزبة قلت اعيش في فلة أحسن

راعي العزبة : ههههههههههههههههههه بموووت من الضحك .. كركركركركركركركركررررر .. لاتعدينها مرة ثانية

عنز شارده : كيفي اعيدها ولا لاه

راعي العزبة : انزين خلاص تعالي بسكنج في عزبتنا وببني لج فلة في العزبة

عنز شارده : لا لا مابااااااا

راعي العزبة : كيفج إنتي الخسرانه

عنز شارده : أحسسسسسسسن

راعي العزبة : انزين انتي من وين

عنز شارده : غبي .. كنت في العزبة بس الحين في البيت

راعي العزبة : أهااااا .. انزين برايج انا بسير العزبة

عنز شارده : مع السلامه

راعي العزبة : حشاا تبا الفكه .. مع السلامه

ظهر ماخلاني ارد عليه .. حشااا استغفر الله مفلع ..

سهيل كان يصيح يوعان ظهرت من الجات ونزلت تحت أعطيه امايه ..








اليوم : الأحد
الوقت : الساعة 10:35 مساءً
المكان : فرنســا

" سيــف "


طلعت من الشقة أتمشى في شوارع فرنسا ..

صاح تلفوني وكان راشد داق ..

سيف : ألوووووووووووو

راشد : ألووووووووو سيف شحالك

سيف : بخيرر شحالك انت وشحال الأهل

راشد : الحمدلله كلنا بخير طمني عليك انت شو مسوي ان شاء الله مرتاح

سيف : الحمدلله بس ملان اروحي

راشد : شوو ماسمعك

سيف : اقووووولك الحمدلله بس ملان اروحي محد يونسني

راشد : يالله ربك يسهلها ويخطفن هالأربع الشهور بسرعة

سيف : ان شاء الله انت شخبارك وشو الصحه

راشد : الحمدلله ان شاء الله بعد اسبوعين بملج

سيف : بالبركه تستاهل والعرس متى ان شاء الله

راشد : بعد شهرين ان شاء الله

سيف : ماشاء الله مستعيل رشود

راشد : هههههههه .. لو بيدي من باجر املج واعرس في يوم واحد

سيف : تستاهل والله وبخطف هالشهرين بسرعه

راشد : وانزين شو الجو عندكم

سيف : براد .. تصدق من وصلت ماشفت الشمس

راشد : ههههه بصورلك شمس الإمارات وبطرشها لك

سيف : ههههههه أبا اشوف الشمس عندهم

راشد : سيفووه لاتستهبل تراه إلا شمس وحده ماشيء غيرها في هالدنيا

سيف : ههههه ويا راسك أدري أدري

راشد : انزين انت وين الحين

سيف : اتمشى والحين ساير صوب الشقة

راشد : خلاص الغالي اترخص الحين

سيف : سلم سلم عليهم وسلم على يدوه

راشد : يوصل بإذن الله .. مااوصيك دير بالك ع روحك

سيف : ان شاء الله مع السلامه

سكرت عن راشد وخشيت تلفوني بالمخبا .. وسرت الشقه ..
اتسبحت وغيرت ملابسي وشربت لي عصير وخلاف سرت يلست على اللاب

كانت الساعة تقريبا 11 وربع ...

حصلت ربعي داشين يلست ارمسهم .. وخلاف انتبهت ان عندي ايميل ..

يوم قريته استغربت ماصدقت ان موزة هيه اللي مطرشه الايميل وخاصة من هالكلام :

ماعرفت البعد لين إني شربت
مر بعدك في خفوقي محتريك
ماحسبت البعد لكني حسبت
فوق خمسين ألف نبضة تحتريك
لو أقول انك وحشتني كــــــــذبت
ماوحشتني....!!!!
...
....
((((( انـــــــــــــــا ميت عليــــــــــــــــــك ..))))




مية ألف مرة قريت هالعبارة مب مصدق انه قلبها حن علي ..

على طول طرشتلها ايميل ..


..::..::..::..::..::..::..::..::..::..::..::..::..


هلا ملاييييييييييين في ذمتيه ولايسدن ..

شحالج بنت العم ..؟؟

ماصدقت يوم قريت ايميلج قلت اكيد احلم أو أتخيل ..

السموحه امس ماحدرت لأن ربعي كانوا عندي ..

وتوني واصل الشقة ..


/
\
/


يا عذالين القلب
يا عاذليـــنه
خلوني
أبــقي
بس
للعيون الأكـرام
حبه بحــــر
والقلـــــب
وسطه
سفيـنـة
وتكسرت من حبها
كل الأقـــلام
لعيونهــا
كل المشاعر
حزينة
وفي حبهــــا
رسمت أنا
كل الأحــلام


" سيــــــــف "




طرشت الايميل وظهرت من النت وسرت أنام لأني تعبان واايد من امس مب راقد شرات العرب والناس ..

وغير إن الجو متغير علي .. وكل شيء متغير عشان جي أبغي أتعود على جوهم وأريح شوي ..



لامارا غير متواجد حالياً   رد مع اقتباس
قديم 20-10-19, 12:14 AM   #28

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



***===== الـجــزء السادس والعشـــرون =====***



ما عاد لك قيمه ولاشي يا هيه
أرحل بعزة نفس قبل الإهانــه
خلاص " قلبي مات " وش له تناديه
ليتك تحس بيوم طعم الخيانه
والمشكله قدام عينـــي تداريه
ياقو قلبك كيف خنت الأمــانه
لك عيـن راجع يم قلبي تبكيه
وتهل كل دمعك هذا عشـــانه
وتقول هاك القلب وأقول ما أبيه
مليتها وياك هالإسطوانـــه

.................................................. ..................
.................................................. .....
.....................................
............................
....................
.............
.......


اليوم : الأثنين
الوقت : الساعة 4:25 صباحاً
المكان : بيت بوسعيد

" شــمة "


عنز شاردة : وبعددددين ..!!؟؟

راعي العزبة : جلبي ويهج انا بسير المسيد اصلي

عنز شاردة : الحمدلله انك تصلي بعد

راعي العزبة : شو تحريني مااصلي شو كافر

عنز شاردة : حشاااك ..!!؟؟

راعي العزبة : هيه تحريت بعد

عنز شاردة : انزين يالله ظهر سير صل شي بخاطرك

راعي العزبة : امممممممممممم

عنز شاردة : ......؟؟!!

راعي العزبة : ماشيء خلاص سلامتج

عنز شاردة : ربي يسلمك فمان الله

راعي العزبة : بحفظ الرحمن ورعايته


ظهرت من الجات ..
وسرت أصلي .. بعد الصلاة وقفت على دريشة غرفتيه وقعدت اشوف الشمس ..

وشفت سيارة عمي سالم داخلة البيت ياي من الصلاة
وعلى طول سار صوب فلته ..

وقعدت شوي إلا اشوف سيارة عمي راشد ادش البيت ونزل منها ونزل معاه واحد

شفت الساعه كانت 5:20 تقريبا ..

حاولت اعرف منو هذا بس ماعرفته .. لأنه عاطي الدريشه ظهره ..

أوووووف يا الفضول ابا اعرف منوو هذا اللي ياي ويا عمي راشد في هالوقت ..

وشوي ساروا صوب المطبخ .. ويوم ظهروا عرفتهم منوو ..

مالت عليهم ..

هذا راشد وسلطان بسيرون الدوام ..

انتبهت لصوت حد يحدر المسن .. وربعت بسرعه صوب اللاب ..
وكنت حاطه اوف لاين ..
كان سيف داش ..

دشيت اون لاين ..

سيف : مرحباا الساع

شمة : مراحب شحالك

سيف : بخير وسهاله اشحالج انتي

شمة : بخير وسهاله

سيف : وشحال عرباني

شمة : منوووو عربااانك ...؟؟؟!!

سيف : ناس ..؟؟

شمة : امممممممم .. هيه عرفت بخير يتخبرون عنك

سيف : تتخبر عنهم العافية .. وشخبار يدوه

شمة : بصحه وعافيه كله تهزبني

سيف : هيه زين تسوي فيج

شمة : جب يا الحقود

سيف : ههههههههههه اونه حقود

شمة : مالت عليك ..

سيف : حوو لاتسبين ... المهم خليني من خرابيطج اللي لاتودي ولا تيب اتخبرج

شمة : شو ؟؟

سيف : امممممممم

شمة : قول شوو في راسك

سيف : ماشي سلامت راسج بس بغيت اعرف علوم عرباني

شمة : اشدراني فيهم ماشفتهم من يومين

سيف : أفااااااااا ليش

شمة : Im busy

سيف : سكتي سكتي ماادري شو من الشغل وراج

شمة : اشدراك انت

سيف : انزين سلمي عليهم واااااااااااااااااااايد

شمة : مايخصني فيك

سيف : بليززززز

شمة : انزين وشو بعد غير السلام

سيف : اممم هاتي ورقة وقلم وكتبي اللي بقوله

شمة : والله متفيج الأخ

سيف : مالت عليج ماتبا تسوي معروف في حياتها

شمة : أي معروف تباني ادمر حياتي وياكم

سيف : جب جب لاتردين تفتحين سوالف جديمة

شمة : عيش الواقع يا بابا

سيف : شمووووه بس سكتي

شمة : مابسكت انت قاعد ادمر حياتك وانت ما تدري

سيف : سكتي احس لج

شمة : كيفك انت الخسران مب أنا

سيف : اقول مع السلامه

شمة : اشياك زعلت

سيف : اقول مع السلامة
باااااااااااااي

خيبه ظهر وحتى ماعطاني مجال أرد عليه ..

والله وأنا الصادقة هو قاعد يبني حياته في سراب وأحلام مستحيل تتحقق ..








اليوم : الأثنين
الوقت : الساعة 6:25 صباحاً
المكان : طريج بوظبي

" راشد "


سلطان : متى ان شاء الله بنستقر في بوظبي

راشد : ماادري والله خلها على الاسبوع الياي شو رايك

سلطان : خلاص ان شاء الله خير

سكت عني وسلطان ورجع راسه على السيت ورفع ريوله جدامه ..

شكله مب شابع رقاد ..

صاح تلفوني ونقزت ونقز معايه سلطان ..

رنة التلفون خرعتنا

لا بعد اللي متصل كان سالم

سلطان : منووو ...؟؟!!

راشد : هذا سالم

سلطان : رد عليه

راشد : والله اني خايف

رديت عليه وانا قلبي واقف .!!؟؟

سالم : ألوووووو

راشد : خير سالم شو مستوي

سالم : ههههههههه اشفيك تروعت مامستوي شيء

راشد : صج والله

سالم : هيه والله الحمدلله مافينا شيء

راشد : عنلاتك روعتني

سالم : انزين وصلتوا بوظبي ولا

راشد : الحين دخلناها

سالم : امممم انزين خذوا اجازة انت وسلطان لين يوم الجمعة

راشد : ليش

سالم : تعرف اليوم الاثنين وباجي بس 4 أيام وبتخلص اجازتي فقررت نسير العزبة نبات لنا فيها 4 أيام

راشد : لا والله حلف بس انت

سالم : هيه والله حتى امايه وافقت وان شاء الله اليوم بنسير العصر

راشد : مافيه ابات في العزب والتراب والوسخ

سالم : أونك يا النظيف

راشد : نظيف غصبا عنك

سالم : مب لازم تبات ويانا قول لسلطان شو رايه

راشد : سلطان الأهل بسيرون يباتون في العزبة لين يوم الجمعة شو رايك

سلطان : غايتها الساع

سالم : هيه صدقه سلطان غايتها قعد اروحك في البيت

راشد : خلاص امري لله شو بسوي

سالم : ههههههههه يالله عيل هالله هالله في السواقه وبوظبي دوم شوارعها زحمه

راشد : ان شاء الله يالله فداعه الله

سالم : الله وياك

سكرت عن سالم واطالعني سلطان وهو يضحك

سلطان : بلاك ..؟؟

راشد : مالي بارض اسير ابات في العزبة والله ورايه عرس بسمر مو شيء والله

سلطان : ههههههههههههههههههه .. مالت عليك انا اقول ليش مايبا يسير


راشد : هيه والله أريد اطلع غرشوب اطيح المعازيم

سلطان : هههههههه وين العرس باجي عنه شهرين

راشد : والملجه

سلطان : ليش انت بتدخل على حرمتك

راشد : أكيدددددد غصبا عن اللي مايرضى

سلطان : مااظني بوافقون

راشد : عيل ليش انا مسوي ملجة قبل العرس بشهرين ياغبي عشان اقدر اشوفها وارمسها بالتلفون

سلطان : حليلك والله وايد متفائل مااعتقد اهلها بوافقون

راشد : لاتحبطني هم مايخصهم هيه على ذمتيه وكيفي محد له شور عليها غيري

سلطان : طاع جدامك لاتنفدنا انت ويا حرمتك

راشد : اسكت لا انزلك في الشارع

سلطان : شووو كيفك هوو

راشد : هي لا تنسى انك راكب سيارتي

سلطان : اوكي يا رشود المفعوص

وقفت على طرف الشارع

راشد : انزل بسرعه من سيارتي

سلطان : والله لو نزلت مااركبها لين مااموت

حركت السيارة بسرعه

راشد : امززح وياك

سلطان : هيه تحريت بعد

قعدنا نسولف لين ماوصلنا دواماتنا ..
اليوم : الأثنين
الوقت : الساعة 9:25 صباحاً
المكان : بيت بوسلطان

" موزة "

وعيت على حشره خلود كسرت بابي
فجيت الباب وانا خاطري اعطيها كف على ويها

موزة : خيرررررررر

خلود : اللهم سكنهم من مساكنهم لحظه موزان بسير اييب تلفوني عسب اصور شكلج واروع فيها اليهال

موزة : سخافه .. انا مالقيت أصبح إلا في ويهج شو تبين كسرتي الباب

خلود : خوزني مناك

دشت الغرفة وماعطتني ويهه

موزة : شوو تبين

خلود : ابا اتعدل عندج مانع

شفت الساعه اللي معلقة على اليدار وكانت 9:30

قسم بالله هاي متفيجه على الصبح ..

موزة : حق منوو بتتعدلين ريلج ياي

خلود : لا ريلي سافر يترياج

موزة : جان شلج وياه عشان تفكينا من صدعتج .. انت من اتينا ماتخلينا انام على راحتنا ولا انطالع التلفزيون ع راحتنا حتى النت تظاربيني عليه

خلود : هيه صح ابا اللاب بعد بقعد ع النت

موزة : جب جب ظهري برع خليني اكمل رقادي

خلود : نسيت اقولج اليوم العصر بنسير نبات في العزبة لين يوم الجمعة

موزة " وأنا شاقة الحلج " : حلفي

خلود : والله كلهم بسيرون

موزة : الله ونااااااااسه منو اللي اقترح هالإقتراح اللي بظهرنا من بيت الضيج والملل

خلود : عمي سالم

موزة : فديته ياربي بسير اتسبح عسب يبالي اسير اتشرا من الجمعية

خلود : شو رايج نسير كارفور

موزة : منو بودينا ياحسره

خلود : امممممممم سلطان

موزة : سلطان في الدوام

خلود : توه داق خذا اجازة الحين ياي في الدرب

موزة : هيه زين انا بقنعه بأسلوبي الخاص <<< هع هع ذليت الريال ماتسوى عليه سالفة التلفون هع هع هع ع ع ع

خلود : اتحداج لو وافق

موزة : اوكي تشترين لي من باسكن اذا وافق

خلود : موافقه والله

موزة : خليج عند كلمتج ياحرم عبدالله المصون

خلود : سيري سيري تسبحي فكينا من صدعتج


ظهرت لي ملابس من الكبت وسرت اتسبح .. وخلود كانت قاعده مجابل المنظره تتعدل ..

بعد ربع ساعه تقريبا ظهرت وخلود كانت قاعده ع الكرسي المطاطي واللاب في ثبانها ..

موزة : حسبي الله عليج بنقص واير الجراجه

خلود : لاتدعين

موزة : انتي بتشترين لي ثانية لو انقصت هاي ثالث وحده اشتريها

خلود : خيبه شو تاكلينهن انتي

موزة : مرة قصتها لطوف يوم اضاربنا ومرة حمد سكر الباب على الواير وهاي ثالث وحده وشكلج انتي بتقصينها

خلود : مابقصها لاتاكلينا

موزة : انزززين

سكت عنها ولفيت شعري وحطيت واقي الشمس ع ويهي لأن هاليوم وايد متحسس من الشمس .. وشفت ايدي من بعد مابطلت اللف عنها .. والله معلمه فيها الخياطه .. حسبي الله ع من كان السبب ..

خليت شيلتيه ع جتفي وكنت توني بظهر من الغرفة وصلني مسج سرت بسرعه صوب التلفون اللي كان على الشبريه

خلود : حشا هالتلفون مايسكت دوم مسجات من منوو

موزة : لاتحسديني

اطالعت المسج وكان مكتوب

ماتصورت ..
يجيني يوم وتهجريني .. ؟
وتنسين عهد الوفا مابينك
وبيني ..
ماتخيلت انه فيه شي بهالدنيا
ممكن يبعدك ..
غير الموت
ماظنيت اني بفقدك .. !!
غريبهـ ؟
وشلون خنتي وعودك .
وذبحتي طير الحب
بعد ماغرد على غصنك وعودك .. .. .. ؟


انقهرت من المسج .. مسحته بسرعه ..

كان المسج من سعيد ..

واللووووعه هالإنسان صار يقهرني ..

خلود : من منو المسج

موزة : ربيعتيه

ظهرت بسرعه من الغرفة قبل ماتسمعني سؤال ثاني ..

وأنا نازلة من الدري بغيت اتخرطف وأطيح على ويهي

كله من ألعاب خالد وحمد الدري كله سيارات ..

من الضيجه اللي فيني أمشي وأعق السيايير والألعاب بريولي .. خربت ألعابهم

خالد : لااااااااااااااا

موزة : جب

حمد : خربت معرض السيايير

موزة : ههههههه حليلك أنت يا المفعوص

خالد : حمارة بخبر عليج امايه

سار يصيح عند أمه .. طنشته وظهرت وراه كانت أمايه قاعده صوب المطابخ وأبويه قاعد وياها

موزة : السلام عليهم

ابو سلطان + أم سلطان : وعليهم السلام

أم سلطان : ليش خربتي ألعابهم واعيه بشياطينج إنتي

موزة : سيري طالعي البيت شو مسويبه الدري من فوق لين تحت كله سيايير وألعاب

أبو سلطان : شو تبينهم دامهم يالسين يلعبون وفاكينا من الصدعه

خالد : والله لو ييتي تخربينهم بظربها انزين ابويه انا حلفت الحين

موزة : هههههههههه انزين سير غسل ويهك

ماحسيت إلا بضربه في عيني

أأأأأأأأأأأأخ .. عيني

أبو سطان : قلت لج سكتي عنه ها مايسواله سبب

وغف لي عيني ..

سرت اغسل عيني بماي بارد

أم سلطان : حطي ملح في الماي

سرت يبت فنيان وحطيت ملح وماي بارد وخليته في عيني والله مب قادره افجها ..

رديت وقعدت ويا أمايه قلت لها بنسير كارفور يوم بيي سلطان .. ماقالت شيء قالت بتسير ويانا تبا أغراض للبيت وتبا تشتري ملابس حق حمد وخالد ..


سرت صوب خلود وأنا منتصرة .. لقيتها ترمس بالتلفون واللاب مشغل .. فجيت المسن أشوف سيف داش ولا .. ولحسن حظي ماكان أون لاين ..
بس مطرش لي ايميل ..

وكاتب فيه :

مرحبااا .. شحالج الغلا .. ربج بخير ..!!

المهم أنا ماعرف شو أقول ..!!؟؟

توه من ساعة شمة رفعت لي الضغط ونرفزتني ..


قالو وقالو .. وسمعتهم يقولون
اكثر ..
عني وعنك .. دايم كلامهم يكثر ؟
قالو تحبه ؟
وقالو هو بعد اكثر
يعشقها موت
وهي عمره وروحه واكثر
وانا وانتي ..
بس نطالع .. !!
مابيدنا غير السكوت .
وقولنا جعلك تموت .
يالحاسد لك الله ..
هو اقوى منك واكبر ؟.


" سيــــــــــــف "



هاي شمة شو قالت له ..
الحين عصبت صج .. والله يستر بس شمة ماقالت شيء يضايجبي أنا بعد ..

طرشت له إيميل لأن خلاف مابرمسه بسير العزبة ومابنرد إلا يوم الجمعة ..


مرحبتين .. هلا سيف .. أنا بخير وسهاله ..
شحالك انت عساك بخير ..!!؟

لاتهتم بكلام شمة خله يولي ..

المهم نحن اليوم بنسير العزبة وبنبات لين يوم الجمعة ..



دع الأمور تجري في أعنتها
ولا تبيت إلا خالي البال
فما بين غمضة عين وانتباهتها
يغير الله من حال إلى حال
\
/
\
اسهـر لوحـدي مـع الهوجـاس
أقـاسـي الـبـعـد وهـمـومـه
حالـي غريـب مـا بيـن النـاس
صـديـق لـلـيـل ونـجـومـه
يـا ليتنـا مـا عرفنـا الـحـب
ولا تولعـنـا فــي دروبـــه

" مــــــــــوزة "







اليوم : الأثنين
الوقت : الساعة 10:45 صباحاً
المكان : أحدى شوارع العين

" سعيد "

ترخصت من الدوام بعد مادق لي سالم وقالي خذ إجازة عسب سيرة العزبة ..

عبيت السيارة بترول وسرت صوب البيت بشل النيسان أعبيه بترول لأن سيارتي ماتصلح لسيرة العزب ..

وأنا راد من الشيشة شفت سيارة خالي حمدان عند الاشارة

دقيت له هرن ورفع ايده وسلم عليه

شليت تلفوني واتصلت فيه ..

حمدان : مرحبااا الساع

سعيد : مرحب باجي شحالك خالي

حمدان : بخير وسهاله خالي شحالك انت

سعيد : الحمدلله ها من وين ياي

حمدان : أحوووم في هالشوارع

سعيد : عيل شو رايك تخاوينا العزبة

حمدان : تم الساع منو بسير وياك

سعيد : الأهل كلهم عمي سالم محتشر يبانا نبات لين يوم الجمعة

حمدان : خلاص عيل تم الساع غايته يا بوعسكور

سعيد : خلاص عيل بدقلك بعد صلاة العصر

حمدان : خلاص ان شاء الله اتريا اتصالك مع السلامه

سعيد : الله يحفظك

سكرت عن حمدان وسرت صوب البيت أريح لين صلاة الظهر ..

اليوم : الأثنين
الوقت : الساعة 11:45 صباحاً
المكان : كارفور

" خلود "


كنا نمشي في كارفور وخالد فضحا يصيح ..

والله الخلق كلها أطالعنا ..

موزة : فضحتونا والله يقول طاش ماطاش

أم سلطان : سكتي انتي كله منج

خالد : أبا أسير أقعد في الكوفي

موزة : حلف إنت بس نتخيل أشكالنا والله قاعدين وياك

طلعت أمايه تلفونها ودقت على سلطان


أم سلطان : ألووووو

سلطان : هلا أمايه

سلطان : تعال شل أخوك فضحنا كله يصيح

سلطان : شو يبا

أم سلطان : يبا يسير يقعد ماادري وين شو يسمونه

موزة : الكوفي هههههههه

سلطان : حمد بتسير الكوفي بشتري لك آيس كريم

حمد : انزين

سلطان : خلاص انتو وين الحين

أم سلطان : بتلقانا فوق وين اللفت

سلطان : خلاص اوكي مع السلامه

سكرت أمايه عن سلطان وأطالعت خالد بقهر ودها تصفعه عقب الفضيحه اللي سواها فينا ..

خلود : يالله موزة انسير هالمحل لين ماايي سلطان أمايه بتلقينا هنيه

موزة : لطوف انتي وقفي ويا امايه وخلاف تعالي وياها

لطوف : انززززززين يا أم دويس

موزة : دواج في البيت مااقدر ارد عليج الحين

خلود : مشي إنتي الثانية عن الفضايح

موزة : انزززين حرم عبدالله المصون

خلود : ياليتني ماييت وياج

مشيت وانا معصبة من موزة لسانها وايد طويل هاليومين .. جنها تعادت من لطوف أم لسان ..

قعدنا في كارفور لين الساعه 12:30 ونحن نازلين تذكرت موزة الباسكن

موزة : خلود ردي ردي ابا باسكن خليج عند كلمتج

خلود : مانسيتي

موزة : لا

خلود : سلطان سيروا انتوا نحن بنلحقكم

خالد : بسير وياكن

موزة : لا لا لا سير ويا امك أحسن

خلود : تعال عن الفضايح

موزة : أوووووووف منك ومن بزاك ..

ردينا صوب باسكن وخذينا لي ولخلود ..
خالد قال مابا توه ماكل لين ماشبع ..

ظهرنا من كارفور وكل واحد معصب ع الثاني ..






اليوم : الأثنين
الوقت : الساعة 4:45 العصر
المكان : بيت بوسعيد

" سالم "

كنت واقف حذال السيارة وأطالعهم كلهم مرتبشين ..

راشد : سالم شل البشاكير في سيارتك

سالم : انزين سعيد وينه

راشد : سار الدوبي والجمعية أمه مطرشتنه

سالم : انزين انت شل أمايه وياك انا بشل شمة والبشاكير بسيارتيه

راشد : شو رايك نسير ثلاث سيارات سعيد يشل خواته والبشاكير وأنا وإنت وأمايه بسيارة وأبو سعيد وحرمته وعياله سيارة

سالم : هيه جي زين لو سلطان يسير ويانا أحسن بعد وأبوه سيارة ويا حرمته وعياله

راشد : خلاص أنا بدق على سلطان بقوله ايي يوقف سيارته في بيتنا

سالم : أوكي

أم مبارك : يالله يا سالم ليش واقف شغل السيارة

سالم : إنشاء الله أمايه انا وانتي وراشد وسلطان بسيارة وسعيد وخواته والبشاكير سيارة .. ومحمد وحرمته وعياله الصغار سيارة

أم مبارك : خلاص اللي تشوفه فديتك

بعد شوي يا سعيد وخذ اللي بياخذهم وياه وسار العزبة يقول حمدان يترياه عند الدوار

طلعنا نحن بسيارتنا وسلطان معانا وطلع ورانا بو سعيد وسكرنا باب البيت وسرنا صوب العزبة ..

طول الطريج راشد محتشر يشغل اغاني وأمايه تهزبة تقول سكر هالدق مب زين ..

وراشد يناحس ويطول على آخر شيء والله حتى أحس السيارة ترقص من صوت المسجل

سلطان : راشد صمختنا والله الصوت مزعج

أم مبارك : سالم وقف بركب ويا محمد أنا هالدق ما ادانيه

سالم : خلاص ببنده رشود يوز عن عيوزنا

راشد : ان شاء الله فديت عيوزي انا مانقدر على زعلها ..

بعد نص ساعه وصلنا العزبة ماشاء الله نحن أخر ناس واصلين ..

كان الجو مغيم ..

بو سلطان مستاجر 7 درجات ثنتين حق حمد وخالد صغار والباجيات كبار ..

الكل كان مرتبش وفرحان ..

يا سلام محلى ريحة التراب والعزبة ..

أموت وأحيا بالعزب ..






اليوم : الأثنين
الوقت : الساعة 5:35 العصر
المكان : العزبة

" موزة "


وناسه تونا واصلين العزبة .. كانت خالة شمة يايه مع حمدان ..

هيه أكبر عني بسنه أسمها " عفاري "

كنا مستانسين لأن نحن حجزنا الدراجات وطرنا فيها قبل ماتوصل يدوه وتحشرنا ..

كنت منقهرة من لطوف ونورة مايقول يايات عزبة
تعرفون شو مسويات ..

متلبسات تنانير على الطرف طر لين فوق وتحت التنورة بنطلون ومسويات ذيل حصان وفرحانات .. يتحرن أعمارهن سايرات الإسكيت مب العزبة

شمة : طاع الخسااافه

نورة : هذا الاتكيت شدراكن انتن .. حد يركب الدراجه بكندوره

موزة : هيه فديتج كل البنات جي

لطوف : اللي يركب دراجه يلبس بنطلون مب صراويل فضحتنا غجر

موزة : سكتي سكتي والله لو تسمعج يدوه تغسلج ويا هالبنطلون

عفاري : هههههههههههههههههههه

شمة : نحن نتبع العادات والتقاليد الصراحه اول مرة في حياتي اشوف ناس يسيرون العزبة كاشخات كل هالكشخه

نورة : محد طلب رايكن

شمة : بعد اكسسوارات وحشره

لطوف : جب يا الغيووورة

موزة : قومي مناك لاتصفعين انتي وياها

طنشناهن والله غبيات ..

أونه " اتكيت "

الله ياخذ الاتكيت دامه بوصلنا لهتفكير المنحط ..!!

شفت من بعيد حمدان يطالعنا قفط ويهي يشوفني راكبه دراجه بسرعه نزلت وقلت لهن انسير داخل احسن الشباب ظهروا من العزبة ودرت الدراجه مكانها ودقيت ع سلطان وقلت له تعال شلها نستحي نوصلها لين باب العزبة لأن الشباب كلهم واقفين هناك ..
قالي خليها مكانها وسيرن بعيد لأن الحين بني صوبها ..

مشينا بعيد عن الدراجه وكان سلطان وحمدان معاه يايين صوبنا مكان ماودرنا فيه الدراجه قلت لهن بسرعه حركن ريولكن فضيحه بشوفونا ..

سرنا صوب العزبه .. محد كان غريب عفاري دخلت بسرعه مع شمة أما أنا سرت أسلم على عمي سالم وراشد

راشد : جان لبستي شرات اختج

موزة : تحراني متخلفه شراتهن

راشد : هههههههههه

موزة : تبا يدوه تغسلني بعصاتها لا يابوك مافيه الكندوره ارحم من العصى

راشد : هيه حرمة ترا يدوه محتشره داخل عليهن ..

موزة : أحسن

سرت عنهم ودخلت داخل وشفت يده محتشره خيبه كله هذا عشان لبسهن

موزة : شوو فيكم

أم سعيد : ماشيء

أم مبارك : سمعي يابنت خلفان هالبس اللي لابستنه اختج وبنت عمج مابا اشوفه عليج تسمعيني

موزة " اغمز لخلود " : أفاااا عليج يدوه أنا ماألبس هاللبس طاعي انا لابسه كندوره وشيله

أم مبارك : والله بهالعصا اربيج لو شفتج لابسه شراتهن

موزة " رفعت كندورتيه " : طاعي يدوه لابسه صروال حرمه فديتني

أم مبارك : هيه حرمة فديتج

الحمدلله إن خلود وأمايه مارمسن عن لبسي ..
بس أنا ياحيني ماألبس شرات لطوف ..







اليوم : الثلاثا
الوقت : الساعة 1:35 الفير
المكان : العزبة

" سلطان "


أووووووووف .. ماأدري كيف الشباب راقدين والله ماياني رقاد الجو شوي حار ..

شفت راشد وهو راقد ريل يمين وريل يسار .. ضحكت عليه من الخاطر ..

ولا حمدان هذا أروحه حالة خاصة .. راقد وحاضن المخده والمخده فيها ريل راشد .. هههههههههههه

شليت تلفوني وصورتهم

سالم .. وراشد وحمدان ..

بس عمي بوسعيد وأبويه ماسرت صوبهم بهزبون لو عرفوا اني صورتهم ..

دورت سعيد من بينهم .. بس ماحصلت ..

قمت بظهر من الخيمة ..

كل شوي اتخرطف بريول حد فيهم ..

وطيت سالم على ايده وحس فيها بس بسرعه شردت عنه وظهرت ..

قعدت اشوف العزبة .. شفت اثنين يالسين سعيد ومع حد

سرت صوبهم من شافتني عفاري قامت تبا تسير بس سعيد مسكها وقالي وقفي

عفاري تستوي أخت حمدان يعني خالة سعيد ..

سلطان : أسف ماادري ان حد وياك

طبعا البنت كانت متغشية واقفه ع طرف

سعيد : لا عادي ليش مارقدت

سلطان : ماياني نوم وانت

سعيد : كنت ارمس اليازية وقعدت ويا خالتي نسولف

سلطان : أهاا وشخبار هزاع

سعيد : الحمدلله باجر بيون صوبنا العزبة

سلطان : ياحيهم والله
خلاص انا بسير اتمشى برع العزبة

ظهرت برع العزبة وخليت ايدي في مخباتي وقعدت اشوف النجوم والقمر

وصلني مسج ..

كان من نفس البنت " العنود "


/
\\
/

.. امــانهـ ..
يالمـوادع كثـر ما تسـرق \\ انـفـاسي ..
كـثر مانـي معـكـ ضــايع ..
.. امــانهـ ..
احـس الليـل يـاخـذني ..
يكـسرني عـلى بـابهـ ..
يصحـي بـداخـلي طعــنهـ ..
يقـول تمـوت \\ بغــيــابهـ ..


ضحكت على مسجاتها اللي صارت شغلي الشاغل ..

دقيت عليها وردت عليه بسرعه

سلطان : مرحبااا

العنود : مرحبا الساع شحالك لاخليت

سلطان : بخير ربيه يسلمج شحالج انتي

العنود : الحمدلله ليش وعيتك من الرقاد

سلطان : لا مب راقد

العنود : ليش ماوراك دوام باجر

سلطان : لا عندي اجازة

العنود : زين وليش ماخذ اجازة عسى ماشر

سلطان : ماشر بس الأهل يبونا نبات في العزبة عشان جي ترخصت لين يوم السبت

العنود : ياحيك انت في العزبة الحين

سلطان : هيه

العنود : عشان جي ماياك الرقاد

سلطان : مب متعود انام برع البيت

العنود : ليش .!!؟؟

سلطان : ماارقد برع البيت إلا اذا كنت مسافر

العنود : اهااا يعني الجو مايساعد

سلطان : يعني المهم انتي ليش سهرانه لين الحين

العنود : ماشيء دوم في الاجازات جي سهر لين الصبح ورقاد لين الظهر

سلطان : هههههههههههه

العنود : ممكن أطلب طلب

سلطان : آمري

العنود : كلمني أكثر عن نفسك

سلطان : اوكي بس مب اليوم لأني تعبان ابا انام عشان جي مزاجي مب رايق

العنود : خلاص ع راحتك المهم سير نام حاول عشاني

سلطان : ان شاء الله مع السلامه

العنود : باي

سكرت عنها .. أونه عشاني .. ماأدري منو تحسب عمرها ..

بنات آخر زمن .... ؟؟!!

اليوم : الثلاثا
الوقت : الساعة 7:35 المغرب
المكان : العزبة

" حمدان "


كنا متولفين انا وسلطان وراشد وسالم وسعيد

سلطان ذالنا بالصور وخاصة صور حمدان ..

مب راضي يمسحن من التلفون قال بنزلهن في النت بفضحكم

حاولنا نسحب عنه التلفون بس ماقدرنا ..

قال بطرش لكل واحد صورته

شغلنا كلنا البلوتوث ..

سبال طرش لنا كلنا نفس الصورة

صورة حمار مكتوب عليه

" إنت حمار تستقبل أي شيء "

عصبنا منه ..

زخيت حد فاج البلوتوث

" سير يمين "

" سير يسار "

" سير سيده "

ضحكت على اللنكات ..

حمدان : طاع اللنكات اللي ظهرن لي اونه سير يمين ،، سير يسار ،، سير سيده ..

راشد : اكيد هالبنات محد غيرهن

سعيد : تعال بنلعب عليهن طرشوا كل شي حقهن

سلطان : غايته انا بطرش صوركم

حمدان : وربك لااطرشهن بتفضحنا

سلطان : هع هع هع ع ع صورك عاد انت اللي يبالهن جريده

حمدان : سلطان فديتك لا تفضحني مااحب يضحكن البنات عليه

راشد : ههههههههههههه انا شو تقول عني سلطان طرش أي شي غير صورنا

سلطان : بفكر بالموضوع بس ماأوعدكم ..

حمدان : وصلني شي من صوبهن

سلطان : شووووو

حمدان : جب انت مايخصك

سلطان : عيل والله اني اطرش صورتك صوبهن

حمدان : خلااااص والله توبه خذ تلفوني مابااااه

سلطان : آسف حلفت بس اختار على أي واحد اطرش سير يمين ولا يسار ولا سيده

حمدان : لحظه بدق ع اختيه عسب اعرف أي واحد هيه

سلطان : لا لا

حمدان : ألوووووو اقول انتي أي واحد اللنك نيم مالج

عفاري : هههههههههه ليش

حمدان : قولي

عفاري : سير سيده

حمدان : باي

سلطان : ها على شو اطرش

حمدان : سير سيده

سلطان : أوكي

حمدان : مالت عليك والله انك فضيحه

سلطان : جب لا اطرش الصور كلهن

راشد : ذليته مايسوى عليه

صاح تلفون سعيد وقام

سعيد : بسير وبرد ربيعي داق

سالم : اوكي

راشد : انا مارمست لااطرش صوري تفهم

سلطان : خلاص طرشت صورة حمدان بس على سير يمين ههههههه

حمدان : لااااااااااا يا الهرم قلت لك على سير سيده

سلطان : عاد انت وحظك وين بطيح صورتك ..






اليوم : الثلاثا
الوقت : الساعة 8:15 الليل
المكان : العزبة

" موزة "



ههههههههههههههههههههههههه ههههههههه

آآآآآآآآآآآآآآآآخ بمووووت من الضحك

شمة : شو فيج شو طرشوا

موزة : طاعي الصورة

شمة : خيبه هذا حمدان ههههههههههههههه طاع ريوله وين

عفاري : يا الفضيحه فضحنا مايعرف يرقد شرات العرب

موزة : ههههههههههههه والله انه يفطس من الضحك

عفاري : مسحيها حرام

موزة : لا آسفه مابمسحها هع هع ع ع ع يمكن أحتاجها في المستقبل

شمة : راشد طرش ويقول حمدان زعل مسحوا الصورة هذا حركات سلطان

موزة : صبري انا برد على حمدان

طلعت لي صوت ياهل يضحك بطريقة فضيعه وطرشته .. وطرشت شكلك وايد حلووو " الله يخليك لأهلك "

طبعا تبون تعرفون كيف عرفت أي واحد فيهم حمدان

الله يسلمكم كل واحد حاط جبيلته ورقمه عشان جي عرفته من بينهم ..

قعدنا ع هالحالة لين ماياب سعيد اللحم " مشاجيج " وقال اشتغلن فيهن ..

قعدنا نشوي وطنشنا سالفة التلفونات وقعدنا نتذكر أيام الجامعة والمدارس والطفولة وكلنا نضحك يوم نذكر مواقف مرينا فيها وتركت بصمة في قلوبنا وعقولنا ..

شمة : موزة تذكرين يوم ركبتي فوق السطح ورقدتي ومحد درا عنج

موزة : ههههههههه هيه في بيتنا الجديم ماانسى أبدا

عفاري : فوق السطح عاد

موزة : كنت استانس يوم نسير فوق كنت عسب بس نشوف عيال يرانا شو يسوون .. كانوا حذالنا سودانيين و24 ساعه انا مطيحه فوق عسبهم حفظت تحركاتهم في البيت حتى مرة ولدهم فر عليه حصاة

شمة : ههههههههههههههه جان فريتيها عليه

موزة : فريت عليه طابوقه مب حصاه هع هع هع ع ع ع

عفاري : اذكر مرة ركبت فوق الشيرة ودزني ولد يرانا وطحت ع ايدي وانكسرت

شمة : هيه والله أيام الهياته كله في الحارة وبيوت اليران مانظهر منهن

موزة : هههههههه شموه تذكرين الايس كريم اللي ع شكل سيارة كنا دوم في الدكان عسب هالآسكريم

شمة : هيه والله انقرض ماشيء منه الحين

عفاري : طعمه حلووو وخاصة عشان نحصل ربحة الآيسكريم

موزة : نحن ماناكل الآيسكريم كانت تهمنا الربحة بس

شمة : هههههههههه راعي الدكان حافظ اشكالنا

موزة : تعرفين نزلوا آيس كريم مثل مال السيارة بس ع شكل كورة أونه عسب كأس العالم خالد وحمد دوم يشترون منه

شمة : ههههههههه بس مال السيارة أحلى

موزة : حوووو أمايه تزقرنا بسير اطالعها وبرد

سرت صوب امايه كانت تتخبرني عن حمد ماتعرف وينه ماحصلته برع

قلت لها مااعرف ماشفته يمكن عند ابويه

دقت امايه على ابويه تتخبره عنده حمد ولا لاه

قالها سار ويا سعيد يشترون ماي وبردون

يعني سعيد محد هع

ربعت صوب شمة وقلت لها تعطيني تلفونها طرشت له مسج

" لو سمحت نبا حلاوة وفيتامين سي وبطاطا "

شكرا " الثلاثي المرح "

تريته يطرش مسج بس ماطرش طنشته أكيد مابييب لنا ..

قعدنا نشوي ونسولف ..

بعد 10 دقايق يا حمد شال كيسه قال هذا حقكم وهو كان شال كورة ..

والله غايتها قعدت أحايل فيه يعطيني الكورة ماطاع قلت له بعطيك تلفوني تلعب فيه فوافق ..

عطيته التلفون .. وشليت الكورة عنه

خلصنا الشوي وخليناه في الصحن وعطيته البشكارة تشله صوب امايه في المطبخ ..

وسرنا على طرف العزبة نلعب كورة طايره عسب مايشوفونا الشباب كان على طرف العزبة نلعب يعني ماينشاف إلا اللي برع العزبة بشوفنا لو قرب صوب طرف العزبة ..



لامارا غير متواجد حالياً   رد مع اقتباس
قديم 20-10-19, 12:16 AM   #29

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



***===== الـجــزء السابـع والعشـــرون =====***




وش اسوي دام قلبك مايبيني؟؟

دايم يهوى فراقي والزعل

ببعد انا لجلك (يانور عيني)

وبالمهل ببعد حبيبي بالمهل

(آسف) ان قل في حبك حنيني

والجراح اللي بقلبك تنذبل

لك (وعد) مني ابد ماتشوف شيني

إلا انا واحد عشق شخص و(فشل)

.................................................. ..................
.................................................. .....
.....................................
............................
....................
.............
.......

اليوم : الاربعاء
الوقت : الساعة 6:15 صباحاً
المكان : العزبة

" موزة "

قمت من رقادي من رفسة يتني في بطني وكانت عفاري اللي رافسه ..
استغفر الله الترفيس بالليل جنه وراثه عندهم ..

قمت وتغسلت وتسبحت .. أونه تسبحت يعني على الأقل غيرت ملابسي وصليت الصبح وظهرت من الغرفة

ولقيت يدوه واعيه ومعاها عمي راشد وكان الجو بارد شوي وهم مولعين الضو ويالسين والبقعه مظلمة شوي وكلهم رقود ..
سرت صوبهم ..
موزة : السلام عليهم

راشد + أم مبارك : وعليهم السلام

ام مبارك : وليش ماوعيتي البنات وياج

موزة : ليش يدوه بعده وقت الساعه 6:30 الحين

أم مبارك : وين وقت والشمس الحين بتظهر

موزة : بوعيهن بعد شوي

راشد : الله ع الكندورة

أم مبارك : حرمة مويز تلبس كنادير مب شرات اختها

موزة : هههههههه

أم مبارك : غاوية ماشاء الله الكندوره

موزة : هاي مسوتنه يوم العيد ومالبستها إلا مرتين

أم مبارك : سيري عند حرمة عمج وأمج في المطبخ

موزة : شو يعني هاي طرده

أم مبارك : شو طرده بعد سيري فازعيهن ع الريوق

موزة : يعني فيه سالفه وماتبوني أسمع

راشد : لا ماشي سالفة قعدي جان تبين

أم مبارك : شو سالفته بعد ماشي سوالف

موزة : عيل خلوني يالسه

أم مبارك : قومي أشوف

قمت وأنا كان خاطري اسمع شو السالفه وشو مستوي ..؟؟!!








اليوم : الاربعاء
الوقت : الساعة 5:15 العصر
المكان : العزبة

" حمدان "


بعد صلاة العصر سرنا نلعب كورة وسوينا فريقين ..

فريق : سعيد سلطان وابو سعيد وخالد وحمد

وفريق : أنا وسالم وراشد وأبو سلطان

والله طماشه كان اللعب أكثر واحد كان يطيح راشد والله جتلنا ضحك ولا سلطان مايقول ريال كل شوي يقول خلص الشوط خلونا نرتاح شوي وكل شوي يطرش حمد اييب له ماي أذانا ماخلانا نلعب ..

بعد ماخلصنا لعب .. كان راسي يعورني من الركض وكان الجو حار فقلت خلني ارتاح في سيارة سلطان

ركبتها وانسدحت ع السيت اللي ورا لأن كان امبطل الدريشه اللي جدام سلطان عشان تتهوا السيارة ..

كنت توني بغمض عيوني ..
حسيت إن حد يبطل باب السيارة ..

؟؟

!!

؟؟

::

::

ويركب ويقعد جدام " مكان اللي يسوق السيارة "

تعرفون منوو كان ؟؟!!!

كان سلطان ..

يرمس بالتلفون ماحس فيني اني منسدح بالسيارة ..

والحبيب طايح مغازل مع البنت في التلفون ولا بعد ماخذ راحته الحبيب راد السيت ع ورا ورافع ريوله ع السكان وداق سوالف

قعد حوالي دقيقتين اسمع سوالفه وخلاف سحبت تلفوني من مخابيه شوي شوي عسب مايحس فيني ..!!

وقعدت أسجل مكالمته وأنا حاط إيدي ع قلبي عشان مايجكني

والله لقيت شيء أهددك فيه يا سلطان شرات مافضحتنا بالفيديو يوم نحن رقود ..

بعد حوالي ربع ساعه من تسجيلي لمكالمة سلطان ويا الحبيبة ..

صاح تلفوني وانتبه لي سلطان ولف صوبي

وع طول سكر الخط في ويها ..

وأنا ماسويت له ون توو

نزلت من السيارة ونزل ورايه يقولي تعااااااال يا الحمار

وأركض وهو ورايه وكان راشد واقف يشغل الدراجه عسب يلعب فيها حاولت اخذها بس ماقدرت لأنه سلطان وصل لي

حمدان : راشد ركض ورايه

راشد : شو السالفة

سحبته من ايده وسلطان ورانا

وراشد يركض ويانا ومايعرف شو السالفه

سلطان : حمدان مسح التسجيل

حمدان : اتخسي يالله يالله جب

سلطان : لاتركض وقف والله برمسك

حمدان : راشد شغل البلوتوث بسرعه بطرشه لك

راشد : شوووو

حمدان : بعدين بتعرف

وكنا طول الوقت ركض

وحاولت اطرش لراشد بس هالخسف وقف ماطاع يركض ويايه

سحبته من كندورته وسلطان ورانا

بعد عنا طووووووووويل طرشت التسجيل لراشد

سلطان : مسحووو التسجيل والله فضيحه لو طاح بيد حد

راشد : ههههههههههه محد قالك تيب المشاكل لروحك

حمدان : شرات مافضحتنا بالفيديو نحن بنفضحك بالتسجيل

راشد : اول حد بيسمعه العيوووز عسب تتولاك ههههههههه

سلطان : والله إنكم سخيفين ركضتوني والله بطني عورني من الركض

حمدان : هههههههه عادي رياضة


حاول فينا سلطان ياخذ التسجيل بس ماقدر وسمعته سعيد وسالم والكل يضحك بس ماخبرنا عليه حد غير نحن الشباب لأنه كان مطيح ويا البنت بالسوالف ..







بعد مرور أسبوووع ...


اليوم : الاربعاء
الوقت : الساعة 6:15 العصر
المكان : بيت بوسلطان

" خلود "


كنت قاعده ويا أمايه في الصالة ونسولف وفجأة أمايه فاتحتني بتخطيطهم هيه وأبويه يخطبون لسلطان

خلود : شو راي سلطان بالعرس

أم سلطان : موافق بس مب مستعيل

خلود : إنزين منو بتخطبون له

ام سلطان : أنا أريد أخطب له بنت أختي

خلود : منوو فطامي

أم سلطان : هيه

خلود : اللي اعرفه عيال عمها يبونها

أم سلطان : هيه عشان جي أبوج قال بنخطب له عفراء أخت حرمة عمج

خلود : حلووو عفاري ماشاء الله عليها حلوه وبنت عرب وأهلها وايد طيبين

أم سلطان : نحن قلنا لسلطان منو تبا عفراء ولا شمة بنت عمك

خلود : شوو قال

أم سلطان : ماطاع ياخذ شمة قال متربي وياها مستحيل أخذها وهيه شرات أخته بس أبوج كان يباها لسلطان هو أولى فيها من الغريب بس سلطان ماطاع وقال لاتحاولون مستحيل وأبوج مايبا يغصبه ع العرس

خلود : صدقه والله متربي وياها انزين وشوو قال عن عفاري

أم سلطان : وافق وأبوج اليوم برمس عمج عسب يرمس أهل البنت

خلود : زين زين بالبركه إن شاء الله .. الله يجدم اللي فيه الخير

في هالوقت كانت موزة نازله من فوق ولابسه لبس رياضة

أم سلطان : شووو هذا

موزة : كنت أسوي رياضة أنا ولطوف

خلود : حركات عليكن

أم سلطان : وابووويه عليكن سيري غيري ملابسج فضيحه نازله جي من فوق

موزة : عااادي محد في البيت

أم سلطان : سيري غيري وقولي حق أختج تنزل تحت من يومين منذربه فوق ماأدري شو عندها

موزة : شو عندها بعد يالسه ع كمبيوتر الصالة وتقرأ قصص بتعمي بنتج من هالقصص

خلود : بنفدها هالكمبيوتر

أم سلطان : أنا بقول لبوج عنها وعنج

موزة : أنا شو يخصني

أم سلطان : تباتين طول الليل ع النت

موزة : لا لا أرقد من وقت

خلود : أي وقت أمس الساعه 3 كنت ع النت

موزة : انزين كنت قاعده ع التلفزيون لين الساعة 1 وخلاف قعدت ع النت

أم سلطان : بدال ماتقرين لج قرآن تباتين ويا هالنت أنت وأختج

موزة : لاتحشرونا سكرن الموضوع .. أنا سمعت شيء وأنا نازله شو كنتن تقولن

أم سلطان : ماشيء

موزة : حلفي

خلود : شوو يخصج مابنقول لج

موزة : أمايه والله تقولين

أم سلطان : ويه ذكرتيني عيالي برع وماأدري عنهم

خلود : يلعبون كورة ويا منصور ولد خالوتي

قامت امايه أطالعهم وشلت السالفه وياها

أوووووووففففف .. شو هالنحاسة أريد أعرف شو السالفه .!.!

موزة : خلود شو السالفة

خلود " هيه تضحك " مااااشيء

موزة : قولي ترا الشيطان بدأ يلعب براسي

خلود : هههههههههههههه

موزة : خلود دخيلج قولي ولا تراني مابعطيج من المحشي اللي مسوتنه

خلود : لا دخيلج والله أتوحم عليه

موزة : والله ماتذوقينه لو ماقلتي

خلود : اممممممممم بس وعد ماتظهر السالفة لين مايستوي كل شيء رسمي

موزة : وعد والله بس قولي

خلود : بخطبون عفاري لسلطان

موزة : اللــــــــــــــــه وناااااااااااااااااااسه

قمت أناقز من الفرحة وسرت أربع ع الدري بدق ع سلطان عسب أبارك له ..




اليوم : الجمعة
الوقت : الساعة 7:30 المغرب
المكان : بيت بوسلطان

" سلطان "



رجعت من المسيد " صلاة المغرب " ولقيت خلود وأمايه وموزة في الصالة ..

سلطان : السلام عليهم

الكل : وعليهم السلام

خلود : يالله يالله يا المعرس

سلطان : هههههههههههههه

موزة : طاع شقة الحلج

خلود : شو مسوي بويهك مستوي أبيض

سلطان : ماشيء تنظيف حلقت اللحية وسويت تنظيف

خلود : أونه

أم سلطان : سير تسبح وغير ملابسك

سلطان : أبويه وين

أم سلطان : تونيه داقه عليه وقال الحين ياي

موزة : منو بسير وياكم

سلطان : عمومتي كلهم وخالي محمد

موزة : أهااااااا

سلطان : يالله عيل انا بسير اكشخ

طنشتهم وطنشت تعليقات موزة وخلود عليه ..

وسرت غرفتيه وتسبحت ع السريع نحن مواعدين العرب بعد صلاة المغرب فضيحه تأخرنا عليهم

وغيرت ملابسي وكشخت بالعقال والغتره وتسبحت بالعطر ونزلت لهم تحت

ماحصلت حد في الصالة غير مويز ترمس بتلفون البيت من شافتني صرخت

موزة : اللــــــــه يا الكشششششششخه

سلطان : شوووو

ردت خلت السماعه ع أذنها

موزة : لحظه شوي

سلطان : منووو ترمسين

موزة : ربيعتيه

سلطان : أبويه وصل

موزة : هيه في غرفته يتلبس

سلطان : عيل جلبي ويهج

موزة : لحظه

طنشتها وسرت صوب غرفة ابويه ولقيته يعدل غترته سلمت عليه وقلت له اترياك بالسيارة

طلعت من البيت لقيت أمايه واقفه مع يدوه

سلمت ع يدوه

سلطان : شحالج يدوه

أم مبارك : بخير يابوك بالمبارك يالغالي تستاهل

سلطان : الله يبارك فيج .. ها يدوه منوو يايبنج صوبنا

أم مبارك : راشد وسلطان مخطفيني

سلطان : اهاا .. زين عيل انا بترخص بسير اشغل السيارة

ظهر ابويه ورايه وسرنا صوب بيت أهل " عفاري "






بعد مرور 3 أيام من خطبة سلطان لعفاري ..

خطب سالم بنت خالته " حمدة " ..


..::..::..::..::..::..::..::..::..::..::..::..::.. ::..


بعد مرور أسبوعين ...


اليوم : الخميس
الوقت : الساعة 2:20 الظهر
المكان : بيت بوسلطان

" موزة "

كنت يالسه ع المسن ارمس سيف قعد دقيقة وقال برد أدش بعد دقايق ..

قعدت أسمع غنية لين مايحدر سيف .. بس تأخر وايد ..

وصلني مسج وكان التلفون حذالي


مدري علامي صرت
ضايق ومليت ..
قعدت افكر في زمان
مضى لي ..
وسال دمعي فوق خدي
وصديت..
صدت حزين غربلته
الليالي..
لا شك ماراح انساك مهما
تناسيت ..
ورقمك بدقه كل" ما ضاق بـــالـــي"..


طبعا من نفس الرقم ...!!؟؟

طنشته .. لأن سيف حدر المسن ..



سيف : آسف تأخرت

موزة : لاعادي ...

سيف : المهم إنتي بتروحين الملجة

موزة : أكيدددد بسير هذا عمي راشد

سيف : ياليتني في البلاد

موزة : ليش

سيف : أحضر ملجة راشد .. إنتي تعرفين غلاة راشد عندي

موزة : يالله هانت ماباجي شيء وبترد

سيف : الله يصبرني ..

موزة : إنزين سيف أنا بظهر

سيف : وين

موزة : شموه الحين بتخطف عليه بنسير نتعدل ويا العروس

سيف : يا سلام عليكن .. المهم ديري بالج ع روحج

موزة : ان شاء الله مع السلامه

سيف : ربي لج حافظ

ظهرت من المسن حسيت إن سيف متضايج ومهموم ..

سكرت اللاب وسرت أغير ملابسي ولبست عباتي وشليت شنطتيه ونزلت تحت

أبو سلطان : ها ع وين

موزة : الصالون بعد وين

أبو سلطان : مع منوو

موزة : شمة بتخطف علينا .. أمايه وين خلود ماحصلتها فوق

أم سلطان : خلود في المطبخ التحضيري

سرت صوبها لقيتها يالسه تتغدا ..

موزة : توج تتغدين

خلود : كنت راقده .. ع وين لابسه عباتج

موزة : يالله بنسير الصالون

خلود : الحين

موزة : هيه عسب نرد نلبس فساتينا ونوصل قبل الناس بيت أهل عفاري

خلود : وعفاري

موزة : عفاري في الصالون

خلود : انزين بسير ألبس عباتي

سارت خلود تتلبس عباتها وسرنا الصالون وخلاف سرنا بيت شموه عشان بنلبس فساتينا في بيتهم وبنظهر ويا أمهاتنا ع بيت أهل العروس ..


ع الساعة 6 راحت خلود وحرمة عمي " أم سعيد " ويدوه وأمايه بيت أهل عفاري ونحن بنسير ويا سعيد ..

كنت قاعده انا وشمة في غرفتها نتصور ..
ع قولة شموه خسارة الفستان والمكياج والتسريحه لازم نتصور عشان يكون ذكره ..

موزة : شموه وين خليتي شنطتيه

شمه : أوه نسيتها تحت

موزة : إنتي منو يعطيج شيء تمسكينه

شمة : نسيت والله

طنشتها وشليت الشيله وخليتها على راسي ونزلت تحت
شليت شنطتيه وطلعت تلفوني وكنت اقرأ مسج واصلنيه من ربيعتيه ..

وكنت مب منتبهة وأنا راكبه الدري دعمت حد .

رفعت راسي وكان سعيد الحيوان واقف جدامي ..

سعيد : الله الله شو هالكشخه

موزة : قوم عن طريجي

سعيد : مابقوم

موزة : إنت شو تبا مني فكني دخيلك

سعيد : جب انزين

موزة : شووووووو ؟؟!!

سعيد : جب تستهبلين ماتعرفين شو تعني ..!!

موزة : حيواااااااااااااااان

ماحسيت إلا بكف على ويهي

سعيد : إنت وايد شايفة عمرج صحيح إني أحبج بس كرامتي فوق حبج تفهمين

موزة " حاطه ايدها ع خدها ودمعتها في عينها : أكرررررررهك

سعيد : طزززززز فيج

موزة : الله ياخذك يعلك تموت عشان ارتاح منك

طنشني سعيد ونزل تحت ..

قعدت أصيح من القهر .. سرت بسرعه غرفة شمة ع طول طحت ع الشبريه وقعدت أصيح مثل اليهال

شمة : موزة اشفيج شو صاير

موزة : .....................

شمة : موزة دخيلج شو صار

موزة : ماشيء

قمت ومشيت دموعي بالكلينكس ومسكت تلفوني ودقيت ع سلطان

سلطان : ألووووووو

موزة : سلطان تعال بيت عمي

سلطان : ليش

موزة : ابا أرد البيت

سلطان : شوو

موزة : ماأريد اسير الملجه دخيلك سلطان تعال ردني البيت

سلطان : شو فيج تصيحين شو صاير

موزة : والله لو ماييت برد ويا الدريول اروحي

سلطان : خلاص حبيبتي انتي هدي وأنا بيي الحين

سكرت عنه .. وشمة أطالعني

شمة : شوو صاير

موزة : ماشيء لاتسأليني سيري انتي ويا لطوف ونورة الملجة انا برد بيتنا

شمة : حلفي انتي بس

موزة : دخيلج شمة خليني اروحي سيري سعيد يترياكم تحت

شمة : شي صار بينج وبين سعيد صح

موزة : لا .. خلاص بليززز خليني

سكتت شمة عني وقالت بنتفاهم بعدين .. ولبست عباتها وشيلتها وشلت تلفونها بإيدها وطلعت من الغرفة ..

قمت أنا ومسحت الجحال اللي سال من عيوني .. وأنا مقهورة من الكف اللي ياني من سعيد ..

دعيت عليه من قلبي

" الله ياخذه "

شو يبا مني هالإنسان يكفي اللي فيني ياي يزيدني ..

فديت سيف عمره ماجرحني بكلمة

هذا الانسان اللي يحب مب سعيد يلعب على الحبلين .. ويتسلى فيني

حقيرررررررررر .. وحيواااااان

مستحيل يكون فيه ذرة إنسانية ..

هذا يموت أحسن له من إنه يعيش بهذا القلب ..

النفاق يملىء قلبه ..

صاح تلفوني وكان سلطان اللي داق ..

نزلت بسرعه عشان أرد البيت .. بعد ماتأكدت إنه سعيد ظهر من البيت ..


لامارا غير متواجد حالياً   رد مع اقتباس
قديم 20-10-19, 12:18 AM   #30

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



***===== الـجــزء الـثـامــن والعشـــرون =====***




أنا وين اروح وكل دربٍ مشيته هـمّ
جميع الدرووب أمنين ماجيت مهمومه!!
يقولون لاكثرت عليك الهمـوم فنـمّ
تناسى همومك والمقاديـر مقسومـه!!
خذلني زماني والزمن مابوجهـه دمّ
يهين الانسان لين يتضايق من هدومـه!!

.................................................. ..................
.................................................. .....
.....................................
............................
....................
.............
.......

اليوم : الخميس
الوقت : الساعة 7:20 المغرب
المكان : في إحدى شوارع العين

" ســــلطان "

سرت بيت عمي وشليت موزة .. كان ويها أحمررر ومحرجه ع أخر شيء ..

سلطان : موزة اشفيج تعبت وياج

موزة : سلطان الله يخليك وصلني البيت

سلطان : شو أوصلج البيت وإنتي في هالحالة

موزة : دخيلك والله لاتزيدني أنا بريح في البيت

سلطان : إنزين شو صاير

موزة : مااريد اقول لاتضغط عليه

سلطان : أوووووففف انزين منو بقعد وياج في البيت

موزة : البشكارة في البيت لاتحاتي

سلطان : انزين ماتبيني اقعد وياج

موزة : لا لا سير الملجه

سلطان : ماأقدر أخليج اروحج

موزة : سلطان والله بريح في البيت

سلطان : انزين ماتبيني امشيج برع البيت يمكن تهدين وتقولين شو صاير وياج

موزة : لا لا وصلني البيت

سلطان : خلاص ع راحتج

سكت عنها وأنا الأفكار تروح وترد براسي ..

شو صاير ..!!؟؟

مااقدر أضغط عليها لأني وايد أحب موزة وماأحب أعاملها بسلوب ماتحبه ..

صاح تلفوني وكانت أمايه داقه عليه

سلطان : ألووووو

أم سلطان : سلطان اشفيها أختك

سلطان : أختي ....؟؟!! مافيها شيء

أم سلطان : وليش مايت ويا البنات الملجة

خليت إيدي ع التلفون ولفيت صوب موزة

سلطان : هذي أمي تحاتيج

موزة : آآآآآآآه قوليها راسها يعورها ماتقدر أتي

سلطان : أمايه راسها يعورها بوديها البيت وبرد عليكم

أم سلطان : عطني أكلمها

عطيت موزة التلفون ..

موزة : هلا أمايه

ام سلطان : اشفيج موزوه

موزة : ماشيء بس شوي تعبانه مافيه أيي الملجه دقدقه وحشره

أم سلطان : حصة بتتخبر عنج

موزة : استسمحيلي منها وإن شاء الله بييها البيت وبسلم عليها

أم سلطان : انزين انتي دقيها واستسمحي منها اروحج

موزة : إن شاء الله بعد ماتخلص الملجه بدق عليها بالليل أكيد الحين مشغوله

أم سلطان : خلاص ديري بالج ع روحج وخلي البشكاره تقعد وياج

موزة : ان شاء الله يالله مع السلامه

رجعت موزة التلفون صوبي .. وأنا سكت عنها لأني شفتها تمش دموعها ..

وصلتها البيت وقلت لها سكري باب الصالة وراج ..

سرت صوب بيت أهل العروس ..







اليوم : الخميس
الوقت : الساعة 9:20 العشا
المكان : في إحدى شوارع العين

" سعـــيد "

تونيه ظاهر من المسيد مصلي ويا الجماعة صلاة العشا .. وخلاف كلهم ساروا بيت أهل العروس ..

دقيت ع عمي راشد بس مايرد ..

شغلت الراديو وكانت غنية كلماتها تقول ..

ودي أعرف أشلون أشلون تقدر ع بعدي ..
خلك معاي خلك معاي ماأقدر أعيش وحدي ..
زادت علي الهموم كل شيء أنقلب ضدي ..
الله ياطول اليوم الوقت مايعدي ..
ودي أشوفك يمي دايم وإنت صاحي ولا نايم ..
المحبة قلبي صايم ياهوى وإنت بعيد ..

..::..::..::..::..::..::..::..::..::..::..::..::.. ::..

لاتخليني .. لاتخليني .. آآآه لوتدي بعذابي ماتخليني ..
بدونك لما أنا أمشي أطيح ..
بدونك لما أنا أضحك أصيح ..
أهون عليك .. أهون عليك ..
ياحبيبي أنا أهون عليك ..
حرام عليك إذا أنا أهون عليك ..
ودي أكون دايم بقربك ..
بس أنا اللي في قلبك ..
أنا والله موت أحبك ..
ياهوى وإنت الوحيد ..
ياحبيبي إنت الوحيد ..
إنت بعيد ياحبيبي أبقى وحيد ..


وقفت السيارة ع طرف الشارع وخليت راسي ع السكان وغمضت عيوني وتذكرت موزة ..

تبون الصدق ماقدرت أقاوم حلوه هالبنت وذابحتني بغلاها ..
حاولت .. وحاولت أنساها ..

بس لقيت النسيان صعب ينسيني أياها ..

أول بنت تفتح عيوني عليها ..

والله كنت أحبها من أنا في الإبتدائي .. وكنت أموت على غياظها لي وأحب اتحداها ..

مرت الأيام وكبرت بقلبي ..
بس اليوم ماقدرت أقاوم صرختها في ويهي حسيت إني بموت لو مابردت خاطري المكسور من كمن شهر ..

من يوم ماعرست وهيه معاملتها لي زفت بزفت ..

أنا أدري بغلاتي بقلبها بس هالغلاه تحولت لكرهه وحقد ..

مسكت إيدي اللي لمست ويها حسيت بحرارة خدها من قوة الضربة اللي يتها مني ..

ضربت ايدي ع السكان بقو ..

أووووووووفففففف ماكان قصدي إني اضربها والله ظهرت لاإرادي ..
تلومت حييييييل يوم قالت شمة موزة زعلانه وبترد البيت ومابتحضر الملجه ..

مع انها متعدله وكاشخه عشان الحفلة وبسبتي أنا مابتسير ..

شليت تلفوني ودقيت ع مبايلها بس محد يرد وقعدت أدق وأدق بس لاحياة لمن تنادي ..

أوووففف شو هالنحاسه ..!!

صاح تلفوني فز قلبي ..!!

؟؟!!

كنت اعتقد انها موزة بس للأسف ............!!

طلع راشد اللي داق .

سعيد : ألوووو

راشد : مرحب

سعيد : هلا والله بالمعرس

راشد : ههههههههههه شو بلاك

سعيد : أنا ماشيء

راشد : مب علي تراني شفتك مب طبيعي

سعيد : لاتحاتي مافيني شيء

راشد : انزين انت وين سرت

سعيد : السموحه راشد مااقدر ارد اتعشا وياكم

راشد : أفاااااااااااا .. ليش ؟؟!!

سعيد : والله السموحه منك تعبان مافيه ع الصدعه

راشد : بوهزاع شو بلاك شو مضايجك

سعيد : لا لا ماشيء بس اعذرني كان خاطري أوقف وياك في هاليوم

راشد : خلاص الغالي لاتحاتي بس انت ريح نفسك

سعيد : ان شاء الله .. يالله عيل بخليك فداعة الله

راشد : بحفظ الله ..

رديت راسي على السيت وفريت التلفون في ثباني ..

غمضت عيوني .. وأنا قلبي من الخاطر يعورني ..

صاح تلفوني مرة ثانية هالمره فزيت أنا وقلبي ؟؟

شليت التلفون وتأففت من شفت اسم " ام هزاع "

سعيد : مرحباا

اليازية : هلا والله

سعيد : ......................

اليازية : امممم انت وين

سعيد : ليش ..!!؟؟

اليازية : برد البيت هزاع وايد يصيح

سعيد : ردي مع أي حد هناك أنا بسير صوب بوظبي

اليازية : بوظبي في هالحزه

سعيد : عندي شغل ببات هناك اليوم

اليازية : شو من الشغل

سعيد : شغل بعد شو

اليازية : شو من الشغل بالليل

سعيد : اليازيـــــــــــــــــة لاترفعين لي ضغطي زود ماهو مرتفع قلت لج شغل وخلاص .. شي ثاني بعد

اليازية : لا مشكور مع السلامه

سعيد : مع السلامه

هالمره فريت التلفون على السيت اللي حذالي ..

أوووووووووووووففففففف ..

تأففت مية ألف مرة ..

مب قصدي اصرخ عليها بس الصراحه أنا مااتحمل حد يرمسني وانا في هالحالة ..

خطر على بالي ربيعي حميد هو الوحيد اللي اقدر أفضفض عنده .. دقيت عليه وقالت له يلحقني صوب بوظبي .. وافق لأنه عرف إني محتاجه في هالوقت ..







اليوم : الخميس
الوقت : الساعة 9:40 العشا
المكان : في بيت أهل حصة

" حـصــة "


كنت أهز ريلي لأني متوتره حيييييييييييييل ..!!

دخلت أم سعيد ولبستني الذهب وخلاف دخل الحريم يسلمن وأنا ويهي محترق من الفشله ..

كنت من الخاطر مستحيه .. وأحس ويهي لابق ضو ..
والجوووو حار جني في عز النهار

شفت شمه يايه صوبي وهيه شاقه الحلج وقعدت حذالي ع الكرسي .

شمة : حصيص ابتسمي

حصة : متروعه

شمة : شو متروعه مب داشه مقصبة اللي يهديج

حصة : يمكن المقصبة اهون من هالحالة

شمة : ههههههههههههه

حصة : وين موزة ماشفتها

شمة : اممممم مايت تعبانه

حصة : شو يعورها

شمة : ماأدري بزا بنات

حصة : حرام عليج يمكن صدق تعبانه

شمة : خلينا من موزة عمي راشد يبا يحدر

حصة : وين يحدر ..!!؟؟

شمة : هههههه وين بعد الصاله

حصة : انزين خليها يدش الصالة وأنا بسير فوق

شمة : حلفي انت بس هو بدش بسلم عليج وبصور وياج وبتوكل ع الله

حصة : شوووووو لا لا لا الله يخليج شمه قوليله لا

شمة : شو لا حرام عليج يبا يشوفج

حصة : شو يشوفني

شمة : مب ع كيفج هو انا بسير اقوله يدش

قامت شمة وانا قلبي طاح في ريولي من الخوف ..

بعد عشر دقايق تقريبا يدش واحد من شفته نزلت راسي من الروعه

سمعت الزغاريط والحشره يايه صوبي .. خذيت لي نفس طوووويييييل ^.^

تقربت مني أم سلطان وقفتني على ريولي تقرب راشد وحبني ع راسي وقالي مبروك وأنا سكت بلعت لساني مب الخوف ..

شفت خلاف اخويه حمد داش وشال المسجبه في ايده ويا وسلم عليه وضرب راشد ع راسها ..

راشد : عنلاتك زاد

حمد طنشهم وقال لأمايه طولي ع المسجل وقعد ايول وقام معاه خالد وحمد وارتبشوا ..

انا قعدت ساكته لف صوبي راشد ..

راشد : تبيني اقوم وياهم

حصة : ......................

راشد : ها مارديتي أقوم ولا

حصة : ع راحتك " بالقوة ظهرت هالكلمة "

راشد : لا لا خليني قاعد احسن

بعد شوي ظهر حمد وظهر وراه خالد وحمد ..

قعد راشد يرمس وانا مافهمت ولاكلمة لأن عقلي مب عندي كنت متروعه ومن خوفي مااسمع شو يقولي وكان ازعاج وصوت المسجل عشان جي مااقدر اركز ع شيء محدد ..

فجأة أسمع صوت إنفجار " شلق "
والله فزيت مسكت ايد راشد لأنه كان متاكي ع الكرسي

راشد : ههههههههههههههههههههه

حصة " ويهي قافط " : .............................

راشد : تروعتي

حصة : هاا ..!!؟؟

راشد : هههههههههههههه لاتتروعين ريلج بطل .. أسد أسد هههههههه

أكتفيت ببتسامه

أووووفففف متى بخطف هاليوم ..
عشان أرتاح ..






اليوم : الخميس
الوقت : الساعة 11:40 مساءً
المكان : في بيت أهل حصة

" سلـــطان "


كنت قاعد بالسيارة أرمس بالتلفون ..

طبعا بلا شك أرمس " العنود "

شو أسوي أضيع وقتي معاها ..

سلطان : انزين خلاص عيل تصبحين ع خير

العنود : بتنام ..!!؟؟

سلطان : لا بس أنا الحين مشغول

العنود : ...!! مشغول !!...

سلطان : أنا في ملجه عمي ان شاء الله من أرد البيت برمسج

العنود : اوكي بترياك

سلطان : اوكي باااي

سكرت عنها ودقيت ع طول لأمايه متى بخلصن تعبت

سلطان : هلااا أمايه

أم سلطان : هاا سلطان شو تبا

سلطان : بسكن يالله ظهرن

أم سلطان : انزين خمس دقايق وبنظهر

سلطان : هالخمس الدقايق اكيد ساعه

سكرت في ويهي شووو هااا .!.!

أعوذ بالله من الحريم مايشبعن من القعده والحوامه ..

رفعت ريولي ع السكان ورجعت بالسيت لورا ..

وفجأة أشوف بنتين يظهرن من داخل ويسيرن صوب السيايير

قعدت أدقق فيهن ..

كانن متغشيات بالشيله ولابسات عبايه

أممممممممممممم

فجأة عقن الغشوه من وصلن سيارة راشد ..

هاي شمة وعفرا ..

شو يسوون

شفت شمة شلت صندوق صغير من السيارة وسكرت باب السيارة وتغشن ورد مرة ثانية داخل

بس عفرا وقفت طاح شي من ايدها .. وشمه دخلت عنها داخل

عفرا ردت صوب السيارة تشل شي طاح من ايدها

نزلت من سيارتيه ..

هع هع هع ع ع ع ع ع

شو اسوي استغل الفرصة ..

سرت صوب باب البيت عسب امنعها من انها تدخل قبل مااشوفها ..

من شافتني خذت الجهة الثانية عشان تدخل

سلطان : احم احم امممم عفرا

عفاري : ...............

سلطان : شحالج

عفرا : الحمدلله

سلطان : اممممم لو ماعليج أمر زقري أمي واليازية من داخل

عفرا : ان شاء الله

وبسرعه دخلت عني ..

حليلها كانت مستحيه البنت





اليوم : الخميس
الوقت : الساعة 12:00 مساءً
المكان : في بيت أهل حصة

" راشـد "


سلمت ع حصة وقلت لها طرشت لج شيء شمه عطته البشكاره تخليه في غرفتج .. طبعا سكتت ولارمست بشيء ..

سلمت ع عمتي اللي هيه امها وع اهلها وشليت أمايه وظهرنا من البيت ..

وطول الطريج وامايه ترمس ماخلت حرمة مامدحتها ..

وأنا ميهود وتعبان من أمس مب راقد عشان هاليوم ..

وصلنا البيت وع طول غيرت ملابسي وتسبحت وطحت ع السرير

غمضت عيوني تقريبا خمس دقايق وخلاف فزيت صح تذكرت ..

الصندوق اكيد حصة فتحته الحين

شليت تلفوني ودقيت ع التلفون اللي كنت حاطنه في الصندوق بس بعده مغلق أكيد مافتحته ..

أوووووف الحين الساعه 1 أكيد نامت من التعب ونست الصندوق

طرشت لها مسج ..

" أنا راشد وهذا رقمي "
وأنا استأذنت من أبوج عشان التلفون
والسموحه
وتصبحين ع ألف خير ^.^


نمت لين بالباجر الساعة 11

سالم كسر الباب عليه وحرق التلفون بس انا مطنشنه

كان يصارخ ويقول قوووم بسك ورانا صلاة اليمعه

نشيت وانا معصب منه ..

آآآآآآخ ايدي تعورني راقد عليها حاولت احركها بس ماقدرت
بصعوبة حركتها ..

غسلت ويهي وظهرت من قسمي وسرت صوب المطابخ ولقيتهم كلهم يالسين

أبو سعيد : مرحبا بالمعرس

راشد : السلام عليكم

الكل : وعليكم السلام

أم مبارك : شو هالرقاد الماصخ لين الحين

أم سعيد : خليه اكيد مب راقد من يومين

راشد : هيه والله شموه قومي سويلي عصير ليمون

شمة : انزين

أبو سعيد : انا بعد سويلي

شمة : اوكي

قعدو يسولفون ويحددون يوم العرس سالم يقول أجلوه لين الصيف الياي

راشد : شو لين الصيف خلنا نعرس الحين أحسن

سالم : ع شو مستعيل

أم مبارك : بعد 3 شهور العرس

راشد : شو 3 شهور لا لا وااايد

ابو سعيد : ههههههههههه لين مانتزهب ع شو مستعيل

سالم : شو تتحرا العرس لعب يباله ياحبيبي

راشد : خلاص موافق

شربت العصير وسرت أغير ملابسي عشان نلحق ع خطبة الجمعة ..

وأنا ظاهر من غرفتيه وصلني مسج وكان من حصة

أستانست منه

" في هذا اليوم مررت ببالي فوجدتكم تستوطنوه وكان اليوم الجمعة ولأنه يوم دعاء وإجابة وجدت خير ماأقدمه لأعزتي الدعاء لهم براحة البال والغنى عن السؤال وتحقيق الآمال "


جان اشق الحلج بس ماطرشت لها شيء لأني بعد ماأرد من الصلاة واتغدا بدق لها ان شاء الله ..
اليوم : الخميس
الوقت : الساعة 3:20 الظهر
المكان : في احد شوارع العين

" مــــــــوزة "


كنت ظاهره من البيت سايره صوب المول وكنت بخطف ع شموه
بتسير ويايه ..

كنت سايره اروحي أنا والبشكاره والدريول وخالد ..

بس خالد خطفته ع بيت خالوه .. وأنا سرت صوب بيت قوم عمي ..

كان الشارع زززحمه وشرطه وحشره ..

موزة : إبراهيم شو فيه !!

إبراهيم : حادث

موزة : بسم الله الله يستر

بالقوه تحرك الشارع وصلنا مكان الحادث انصدمت من الموقف

السياره منجلبة ع رصيف الشارع وجالعه النخله والنخله طايحه ع السيارة واحد من الأعمده " لوحة الاشارات " طايح ع الشارع ..

يوم شفت السيارة فز قلبي

ماقدرت أبلع ريجي من الصدمة

ابراهيم : هذا سيارة سعيد

موزة : وقف وقف

بدون إحساس نزلت من السيارة وسط هالعالم كله والمتفرجين ع الموقف وكان وايد شباب يحاولن يظهرونه من السيارة وانا اصيح والغشوه طارت من ويهي .. نزل ابراهيم يساعدهم وانا احاول ادخل بوسطهم بس ماقدرت لأنه واحد مسكني من ايدي

موزة : سعييييييييييييييييييد لا لا لا دخيلك لااااا

الريال : ياختي هدي شوي ان شاء الله مافيه إلا الخير

ظهروه بصعوبة من السيارة ..

سمعت واحد من الشباب يقولهم ركبوه السيارة يسرعه

موزة : ركبه بسيارتنا

الريال : ليش تعرفينه

موزة : هيه

سيارة الشرطه والاسعاف بعدها ماوصلت مكان الحدث

ركب سعيد بالسيارة وركبت البشكاره حذال الدريول

الريال أصر انه يركب معانا بس الدريول ماطاع

لحقنا بسيارته وسعيد كان ع السيت اللي ورا راسه ع ريولي وانا كنت اصيح ويهه كله دم وانا احاول امشه بالكلينكس بس مافيه فايده كان صدره يروح فوق ويرد ينخفظ

والله مب قادره استوعب الموقف ريولي مب شالتني من الصدمة ..

وصلنا المستشفى الريال كان معانا ..

جزاه الله ألف خير ماقصر هو وربيعه بسرعه دخلوه والدكاتره كلهم وياه وانا وقفت ع أحد عمدان المستشفى وقعدت ماقدرت اوقف ع ريولي

ماقدرت اشيل راسي ..

ويهه سعيد بعده من عيوني مب قادره اخوز صورته من عيني ..
كل ماغمض عيني اشوفه وهو يفج عيونه بصعوبه ويسكرهن وانفاسه بصعوبه تظهر ..


الدريول دق ع عمي سالم

وبعد 5 دقايق كلهم في المستشفى من شفتهم يايين صوبي

عمي راشد وسالم وعمي محمد

ربعت وطحت في حظن عمي راشد

راشد : هدي ان شاء الله مافيه إلا الخير

موزة : بموووت انا شفته بمووت مايقدر يتنفس

عمي كان يصيح وربع بسرعه صوب غرفة العمليات

وحاول يدش بس مسكوه ماخلوه يدخل وعمي سالم وقف ماسكنه وهو حاضننه ويحاول يهدي فيه

راشد : موزة بس خلاص

موزة : قوله لايموت قوله خلاص برضى عليه ومابزعل

حظني راشد بقوه وانا اصيح

بعد ربع ساعه الكل في المستشفى حرمة عمي وامي ويدوه واليازية منهارة عليهم وحمدان معاهم

انا قعدت ع الكرسي وعمي راشد عدالي وكان حاط راسي على ايدينه

لأني كنت منصدمة من الموقف اللي شفته جدامي

كيف كانت السيارة وكيف ظهروه من دريشة السيارة وكيف كان شكله من الدم ..

حمدان كان يهدي من أخته أم سعيد ..

الكل مصدوم ..

بعد ساعتين ظهر الدكتور وقال حالته صعبه ونقلوه لغرفة الإنعاش

حتى تستقر حالته ..

الكل قعد يصيح وعمي محمد ظرب براسه ع الكرسي عمي سالم مسكه بصعوبه وابويه يحاول يهديه بس مب قادر عليه ..

عمي فقد السيطره ع نفسه وحرمته مب أحسن عن حالته ويدوه كانت تقرأ المعوذات ع راس اليازية

موقف مايتصور ..
موقف صعب انك تقدر تعيشه لو ثانية وحده ..!!

بعد ماشافو سعيد قعدو ع الكراسي اللي في الممر

انا الوحيده اللي ماقدرت ادخل عنده ..


بعد حوالي ربع ساعه ظهر راشد من عنده وقالي سعيد يبا يكلمج

بس راشد منعهم انهم يدخلون عنده دخلت انا بس وراشد ظهر عنا

ترقبت منه وهو كله أجهزه وايرات ..

انا كنت اصيح وحاطه ايدي ع حلجي ..

سعيد وهو يحاول يفتح عيوني ..

شل الأكسجين من ع حلجه

موزة حاولت امنعه بس هو مسك ايدي ماخلاني امنعه

سعيد : موزة

موزة دخيلك لاترمس رد الاكسجين

سعيد : بتلقين ص ص صندوق فـ في كبت غرفتية الـ الجديمة وخذيه

رجع الاكسجين بسرعه لأن ماقدر يتنفس شفته يغمض عيونه

تراجعت ع ورا وأنا اصيح ح ح ح وصرخت بقوة

دخل حمدان وراشد

حظني راشد وظهرني برع الغرفة قعد حمدان عنده في الغرفة ..

ونحن قعدنا برع الغرفة والكل كان يصيح ..

فجأة سمعنا صوت أنذار الدكاتره يو يربعون لغرفة سعيد وحمدن صرخ بالقو

الكل بغم بغمة

" مــــــــــــــــــــــــ ـــــات سعــــــــــيد "








اليوم : السبـت
الوقت : الساعة 5:20 الفجــر
المكان : المقبرة

" ســعيـد "

سيارتي اسابق الريح بسرعتي اسير

واسال ..؟؟!!

من منكم يسابقني ؟؟

كنت اظن هذي شطارة كنت ابي اسابقهم ومحد يغلبني

ما دريت ان الموت سبقني ......

وماحسيت بعمري يوم شالوني ماوعيت إلا وانا في قبري

اطالع الناس ......!!

واقفين جدامي يهيلون علي التراب بيدفنوني

واشوف الوالدة من حزنها تبكي

والوالد يرمي التراب ويحظني ويقول شو سويت فيني خليتني بدونك اعاني من حزني

ويتمت ولدك الصغير (هزاع) ماله من يربيه ويرعاه غيري

ولمحت من بعيد ولدي واقف بعيد عني يصرخ ويبكي واقف من القهر يبكي

يقول في نفسه ليش خليتني؟؟
وانا صغير يتيم بتعيشني محتاج لأب يرشدني ويوجهني

وشفت جدامي زوجتي تصرخ

آآآآآآآآآآآآآآآه

::

::

من منظري تقلي انا حبيبتك ..

جاوبني قوم ارجوك قلي شي كلمني

لااااااااااااااا تروح

وتخليني اعاني بروحي.؟؟؟

خلك وياي خفف عني وواسيني ..

وفجأة ..!!؟؟

؟؟

!!

؟؟

!!

حل الظلام جدامي

دفنونــــــــــــــــــــ ــــــــــــــــــي

وراحو وخلوني

اعاني اعااااااااااانـــــــــــ ـي

بروحي في وحدتي

ومحد فيهم يعرف
شو حالتي ..!!!!

احاول اصرخ بكل قوتي
اناديهم لكنهم راحو


واتــــــــركــــــــــون ـــــــــي

....

" ياقبر أعـــــز الناس رقــد فـيـكـ "


لامارا غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 08:56 AM



Powered by vBulletin®
Copyright ©2000 - 2024, vBulletin Solutions, Inc.