آخر 10 مشاركات
انتقام النمر الأسود (13) للكاتبة: Jacqueline Baird *كاملة+روابط* (الكاتـب : * فوفو * - )           »          قيود الندم -مارغريت بارغيتر -ع.ج-عدد ممتاز(كتابة/كاملة)** (الكاتـب : Just Faith - )           »          حياتي احترقت - فيفيان لي - ع.ج ( كتابة / كاملة )** (الكاتـب : عروس القمر - )           »          32 - ليلة ثم النسيان - باني جوردان عبير الجديدة (كتابة /كاملة **) (الكاتـب : dalia cool - )           »          202- لن تعيده الاشواق - لي ويلكنسون (الكاتـب : Gege86 - )           »          شيء من الندم ..* متميزه و مكتملة * (الكاتـب : هند صابر - )           »          سارق قلبي (51) -رواية غربية- للكاتبتين: وجع الكلمات & ولقد أنقذني روميو *مكتملة* (الكاتـب : قلوب أحلام - )           »          في قلب الشاعر (5) *مميزة و مكتملة* .. سلسلة للعشق فصول !! (الكاتـب : blue me - )           »          سيدة القصر- سلسلة زواج لأجل الإرث -نوفيلا غربية زائرة-بقلم الجميلة روما-(مكتملة) (الكاتـب : ريهام ماجد جادالله - )           »          عشق من قلـب الصوارم * مميزة ومكتملة * (الكاتـب : عاشقةديرتها - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات الطويلة المنقولة الخليجية المكتملة

إضافة رد
 
LinkBack أدوات الموضوع انواع عرض الموضوع
قديم 20-10-19, 12:19 AM   #31

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي




***===== الـجــزء التــــاســـع والعشـــرون =====***





فقير حظ وراس مالي ثيابي
وأبسط طموحاتي تهز أعمدتهم

فاتح لهم قلبي وطيبي وبابي
وعيونهم قبل الحكي فاضحتهم

قالوا وقالوا واشبعوا بأغتيابي
هذي نواياهم وذيك ألسنتهم

حتى وأنا اتألم وأموت فعذابي
دمعات عيني بالحزن فرحتهم



.................................................. ..................
.................................................. .....
.....................................
............................
....................
.............
.......


اليوم : السبـت
الوقت : الساعة 10:20 صباحاً
المكان : بيت بوسعيد

" مـــــوزة "




كنت تعبانه والله أحس الحمى تغلي في جسمي .. وراسي يعورني من كثر الصياح ..
وفوق هذا قاعده في العزاا وكل ماتسلم عليه حرمه والله احس عمري بطيح مااتخيل انهم يعزوني بسعيد .. لين الحين مب قادره استوعب اللي صار كله .. ماكنت اتوقع اني يوم من الأيام بودع إنسان غالي علي .. أودع شخص عشت معاه شخص متعوده اشوفه يوميا .. كنت اتمنى انا اللي اموت ولا إنه يموت شخص غالي علي .. كنت دوم أدعي ربي إن عيني ماتبجي شخص غالي علي ..

رفعت راسي ولفة عيني ع اللي قاعدين ولمحت حرمة عمي اللي ميهووده حيييييل .. وحزينه ع سعيد .. هذا بجرها وأكبر عيالها .. صعب عليها والله .. صعب انها تفارق ولدها وقطعة منها .. نزلت راسي يوم شفت هزاع لأنه ياخذ شبه من أبوه ماقدرت أتحمل منظره بعيش يتيم .. بدون أبوه .. وأمه مابيدها تعوضه حنان الأب .. كان سعيد متعلق بولده وااايد ..

رفعت راسي بشوف منو اللي واقف جدامي .. كانت اليازية وبيدها هزاع ..

اليازية : موزة شلي هزاع داخل رقد

ماكنت ابغي اشلها .. ماابغي ازيد الحزن في قلبي ..

شليته من ايدها وسرت داخل ..

وكنت بصعوبة اركب الدري كنت حاظنه هزاع بقووو ..

وقفت ع قسم سعيد وعيني ادمع ..

فتحت الباب وحاول اني ماللتفت لشيء يذكرني فيه ..

دشيت الغرفة خليت هزاع في سريره وبسته ع راسه .. رفعت راسي إلا بويهي صورة سعيد وهو راكب الدراجه وهزاع بحضنه ..

مسكت راسي وصحت من الخاطر ..

في كل مكان في هالبيت سعيد له ذكره وخاصة هالصورة .. هاي أخر صورة له .. يوم كنا بايتين بالعزبة ..

تقربت من الصورة وجلبتها عسب مااشوفها ..

ظهرت من الغرفة ولمحت غرفة سعيد الجديمة

" سعيد خذا القسم بكبره .. القسم عبارة عن غرفة سعيد وسالم وراشد .. سالم وراشد انتقلوا لفلتهم وسعيد خذا القسم وخذا غرفة سالم لأنها كبيره واثثها له ولليازية وغرفتة ماحرك شي فيها .. "

تقربت من الغرفة الجديمة وكلمات سعيد الأخيره ترن في أذني " الصندوق "

دخلت وقعدت اتملها .. هالغرفة أحبها وااايد .. هذا قبل مايعرس سعيد ..

سرت صوب الكبت وفجيته وبالفعل حصلت الصندوق ..

صندوق صغير لونه فضي ..

قعدت ع الكرسي وأنا مترددة شو بكون في الصندوق ..

فجيته ..

تفاجأت لقيت تلفون وكمن ورقة ..

خذيت التلفون وكان مفتوح مب مغلق ..

شو سالفة التلفون ..!!؟؟

قعدت اشوف المسجات وانا كل مسج يصدمني ..

هذا رقمي .. والمسجات من عندي أنا

لا مسسسسسسسسسستحيل ..

كنت أنا الوحيده اللي في هالتلفون

كان رقمي مسيف بإسم

" الحب المستحيل "

ظهرت بسرعه تلفوني ودقيت من هالتلفون ع تلفوني

بالفعل .. نفس الرقم ...!!؟؟

اللي كل يوم يطرش لي مسجات ..

يعني هذا سعيد ...!!؟؟

ماكنت متوقعتنه إنه يكون هو ..!!

رجعت التلفون وانا قلبي بظهر من ظلوعي من الخووف

خذيت ورقة ..

مسكين ياقلبي ..
وهو يلتفت ..
اقسيت انا وهو يلتفت ..
الدنيا لا ما وقفت ..
مسكين ياقلبي ..
اقسيت انا وهو يلتفت ..
باقي رجوى ..
تشبه عيون الصغار ..
باقي لك في القلب نجوى ..
وباختصار ..
باقي كلمة ..
قلب لصاحب الطرف الكحيل ..
انا راجع اقول اني احب ..
وابعثر هموم الرحيل..

..::..::..::..::..::..::..::..::..::..::..::..::.. ::..::..

القــهر للحين أحبك وادري إنــــك ما تبيني
والمحبهـ من طـــــــرف واحد نهايتها زوالــــي
أبغــي من وقتك دقيقهـ وليت أنك تمنحيني
بس أبي أقولك ثلاث أشياء وأروح أمشي لـ حالي
أولاً :
فعـــلا أحبك كنتـــــــــي قلبي وعيني
وكانت الدنيا بـ وجودك شي روعــهـ / شي خيالي
ثانيًا :
عـ اللي بدر مني دخــيلك ســــامحيني
يمكن أنهـ زل لســـــاني وقلت إنك راس مالي
ثالثًا:
أسألك بـ اللهـ وأطــــــــــلبك تذكريني
واحفظي كل القصايد ولا تنسي أشواقي ووصالي .

..::..::..::..::..::..::..::..::..::..::..::..::.. ::..::..


خذيت آخر ورقة في الصندوق وأنا والله دموووعي على الورق



لاتندم على حب عشته
حتى ولو صارت الذكرى تؤلمك
فإذا كانت الزهور قد جفت
وضاع عبيرها ولم يبقى منها غير
الأشواك فلا تنسى أنها
منحتك عطراً جميلاً أسعدك
لا تكسر أبدا كل الجسور مع من تحب
فربما شاءت الأقدار لكما يوماً لقاء يوماً
آخر يعيد ما مضى ويصل ما انقطع
فإذا كان العمر الجميل قد رحل
فمن يدري ربما انتظرك عمر أجمل
وإذا قررت يوما أن تترك حبيباً فلا تترك له جرحاً
فمن أعطانا قلباً لا يستحق أبدا منا أن نغرس فيه سهماً
أو نترك له لحظه ألم تشقيه
وما أجمل أن تبقى بيننا لحظات الزمن الجميل
وإذا فرقت الأيام بينكما فلا تتذكر
لمن كنت تحب غير كل إحساس صادق
ولا تتحدث عنه إلا بكل ما هو رائع ونبيل فقد أعطاك قلباً
وأعطيته عمر وليس
هناك أغلى من القلب والعمر في
حياة الإنسان
وإذا جلست يوماً وحيداً تحاول أن تجمع حولك ظلال
أيام جميلة عشتها مع من تحب، اترك بعيداً كل مشاعر الألم
والوحشة التي فرقت بينكما
حاول أن تجمع في دفاتر أوراقك
كل الكلمات الجميلة التي سمعتها ممن
تحب وكل الكلمات الصادقة التي
قلتها لمن تحب
واجعل في أيامك مجموعة من الصور الجميلة
لهذا الإنسان الذي سكن قلبك يوماً
ملامحه وبريق عينيه الحزين وابتسامته في
لحظة صفاء ووحشته في لحظه ضيق
والأمل الذي كبر بينكما يوماً
وترعرع حتى وإن كان قد ذبل ومات.
إذا سألوك يوماً عن إنسان أحببته فلا تقل سراً كان بينكما
ولا تحاول أبدا تشويه الصورة الجميلة لهذا الإنسان
الذي أحببته اجعل من قلبك مخبأ سرياً لكل
أسراره وحكاياته فالحب أخلاق قبل أن يكون مشاعر
وإذا شاءت الأقدار واجتمع الشمل
يوماً فلا تبدأ بالعتاب والهجاء والشجن
وحاول أن تتذكر آخر لحظه حب بينكما لكي تصل الماضي بالحاضر
ولا تفتش عن أشياء مضت لان
الذي ضاع ضاع والحاضر
أهم كثيراً من الماضي ولحظة اللقاء
أجمل بكثير من ذكريات وداع موحش
وإذا اجتمع الشمل مرة أخرى
حاول أن تتجنب أخطاء الأمس التي
فرقت بينكما لأن الإنسان لابد أن يستفيد من تجاربه
ولا تحاول أبدا تصفي حسابات
أو تثأر من إنسان أعطيته قلبك
لأن تصفية الحسابات عملة رخيصة في
سوق المعاملات العاطفية
والثأر ليس من أخلاق العشاق ومن الخطأ أن تعرض
مشاعرك في الأسواق وأن تكون فارساً بلا أخلاق
وإذا كان ولا بد من الفراق
فلا تترك للصلح باباً إلا مضيت فيه
إذا اكتشفت أن كل الأبواب مغلقة وأن الرجاء لا أمل فيه
وأن من أحببت يوماً أغلق مفاتيح قلبه وألقاها
في سراديب النسيان
هنا فقط أقول لك إن كرامتك أهم كثيراً من قلبك الجريح
حتى وإن غطت دماؤه سماء
هذا الكون الفسيح فلن يفيدك أن تنادي
حبيباً لا يسمعك وأن تسكن بيتاً لم يعد
يعرفك أحد فيه وأن تعيش على
ذكرى إنسان فرط فيك بلا سبب
في الحب لا تفرط فيمن يشتريك
ولا تشتري من باعك ولا تحزن عليه

" موزة إذا الله ماكتب نصيبي معاج في الدنيا فأنا أدعوه ليل ونهار تكونين من نصيبي في الجنة "

قوووولي آآآآآميــــــــــــن






اليوم : السبـت
الوقت : الساعة 12:20 الظهر
المكان : بيت بوسعيد

" خلــود "



قمت من الصالة وماسكه يدوه من ايدها اساعدها توصل غرفتها تبا تتوضأ وتتسنن قبل الصلاة ..

دشيت معاها الغرفة وهيه ساكته وحزينه ..

الكل حزززززين وماله خاطر يرمس حد ..

قعدت يدوه ع الشبريه وقعدت حذالها ..

كانت يدوه تسبح وتستغفر وأنا ساكته وأسمعها وعيوني في الأرض ..

فجأة حد يفج الباب ..

انصدمت وقفت في مكاني

" عبداللــــــــــــه "

خلود : عبدالله !!؟؟

عبدالله : السلام عليكم

أم مبارك : وعليك السلام

اطالعني عبدالله وسار حب يدوه ع راسها وخلاف سلم عليه

عبدالله : حسن الله عزاج يدوه بولدج سعيد

أم مبارك : البقاء والدوام لله ياولدي

عبدالله : شحالج خلود

خلود : توك تتخبر عن حالي من كمن شهر عاقني ولاسألت عني

عبدالله : ............................

أم مبارك : يابوك مب زين اللي تسويه مب زين تعذب بنت عمك معاك إذا ماتباها خلها تروح في حال سبيلها

عبدالله : يايدوه اباها بس ..

أم مبارك : أمك ؟؟

سكت عبدالله من سمع اسم امه ..!!

خلود : رد على يدوه

أم مبارك : إنت شل حرمتك مب زين ياولدي حرمتك حامل وموصل وماباقي لها إلا كمن شهر وبتيب لك ياهل يشيل اسمك

عبدالله : ان شاء الله يدوه تامريني امر .. يالله خلود سيري لبسي عباتج

خلود : لا بقعد وياهم في العزا

عبدالله : انا برد العصر هنيه وبييبج معايه

أم مبارك : سمعي كلام ريلج وتوكلي ع الله

عبدالله : يالله يده تامريني بحايه

أم مبارك : سلامتك الغالي

حب عبدالله يدوه ع راسها ولف صوبي

عبدالله : اترياج في السيارة لاتبطين ابا الحق ع الصلاة

ظهر عبدالله .. وسلمت ع يدوه وسرت لبس عباتي وسلمت ع أمايه وقلت لها بسير ويا عبدالله وبرد لكم العصر ..

سرت بيت أهل عبدالله

وانصدمت يوم شفت سيف توه واصل وينزل شنطته من التكسي

نزلنا وسلمنا عليه

عبدالله : متى وصلت

سيف : توني

عبدالله : ليش ماتقول انك ياي

سيف : مااريد اعبل عليكم قلت مشغولين في العزا

عبدالله : اشدراك

نزل سيف راسه وهو يصيح .
سار عبدالله حظنه ..

عبدالله : تعوذ من ابليس

سيف : ...........................

عبدالله : بس عاد يا سيف مب زين انت ريال وخلك قوي

من شفتهم جي وعبدالله دمعته في عيني وسيف يصيح مثل الياهل ..

دخلت عنهم داخل وانا دمعتي في عيني والحزن في قلبي ..








اليوم : السبـت
الوقت : الساعة 4:20 العصر
المكان : بيت بوسعيد

" راشـــد "


كنا تونا رادين من صلاة العصر ومعايه بوسعيد وسالم
كان سلطان وابوه في البيت صلوا وردوا قبلنا ..

وقفت سيارتيه في الكراجات وتوني بنزل ورا سالم وبوسعيد صاح تلفوني من شفت الرقم جان ارد اركب السيارة ..

راشد : السلام عليكم

حصة : وعليكم السلام شحالك راشد

راشد : بخير الحمدلله شحالج انتي

حصة : بخير دامك بخير .. حسن الله عزاكم

راشد : البقاء والدوام لله

حصة : خلاص عيل بترخص انا

راشد : وين ..!!؟؟ هذا بدل ماتخففين عليه شوي

حصة : هاا .. راشد بتصل فيك خلاف اسمحلي

راشد : خلاص الغالية مسموحة ربي يحفظج

حصة : مع السلامه

سكرت حصة .. صحيح حزت في خاطريه .. بس مع هذا فرحت لأنها سوت الواجب ودقت علي ..

نزلت من السيارة وانا ساير صوب الميلس ولا اشوف سيارة سيف ادش البيت انصدمت وقفت اطالع قلت يمكن عبدالله ياي فيها

إلا أشوف سيف نازل من السيارة وياي صوبي

مستحيل هذا سيف ..!!؟؟

تقرب مني سيف وكان حزززين وحالته من حالتنا ..

حظنه بقوووووووو

راشد : سيييييييييييف

سيف : راشد قول انكم تلعبون علي وسعيد مامات

راشد : سيف حبيبي استهدا بالله

سيف : كلكم شفتوه قبل مايموت إلا انا ماشفته حتى قبل ماسافر مالقيته اودعه

راشد : سيف خلاص لاتعور لي قلبي وامسح دموعك لاتعذب بوسعيد زود ماهو متعذب ع فراق ولده

رفع سيف راسه من ع جتفي ومسح دموعه بويهه وقالي بغسله وبرد ادش وياك ..

سار صوب الزراعه يغسل ويهه

ورد دش معايه داخل الميلس
اليوم : السبـت
الوقت : الساعة 6:40 المغرب
المكان : بيت بوسعيد

" سيـــف "



كلهم الرياييل اللي كانوا في الميلس قاموا صوب المسيد يصلون صلاة المغرب ..

دشيت اتوضأ صبو مغاسل الميلس ودش ورايه راشد وقالي ترياني في السيارة الحين بلحقك

ع طول ظهرت من الميلس وتوني ببطل الباب وكان فيه حد برع يبطلع في نفس اللحظه

انصدمت من شفت موزة ..!!

تراجعت ع ورا وهيه منصدمه من شافتني

موزة : سيــــــــــــــف ..؟؟!!

سيف : إيه سيف اللي جدامج

موزة : شحالك

سيف : بخير دامج بخير .. انت شو صحتج

موزة : الحمدلله متى وصلت

سيف : اليوم الظهر

موزة : ليش ماقلت انك ياي

سيف : من دريت ان سعيد توفى ع طول خذت اجازة اسبوع وييت اوقف وياعمومتي في العزا

موزة : فيك الخير

راشد : انت بعدك واقف ..

سيف : الحين ساير يالله

راشد : موزة

موزة : كنت يايه اشل دلال القهوة عسب يغيرونهن

راشد : محد في الميلس دشي قبل ماايون من الصلاة

دشت موزة ونحن ظهرنا صوب المسيد


ع الساعة 11 طلعت من بيت عمومتي وسرت صوب بيتنا ..

دشيت الصالة كانت امايه يالسه هيه وخواتي

امايه قالت تباني بموضوع وقالت ألحقني ع غرفتي

انصدمت منها .. شو السالفه سرت وراها غرفتها

سيف : خير أمايه آمريني

أم عبدالله : والله ياسيف من سافرت انا خطبت لك

سيف : شوووووووو

أم عبدالله : انت قايل قبل ماتسير نخطب لك وخلاص نحن خطبنا والبنت وأهلها وافقوا

سيف : انا خلاص غيرت رايي ماابا اعرس الحين

أم عبدالله : مب لازم تعرس بس تملج وخلاف عرس

سيف : منوو هيه البنت

أم عبدالله : بنت خالتك اللي في الشارجة

سيف : شووو .. لا لا مابااا

أم عبدالله : خلاص ياسيف نحن رمسنا اهلها وعيب نرد بكلمتنا

سيف : مب غصب ماباها أنا ابا بنت عمي

أم عبدالله : شوو بنت عمك يكفي ان اخوك ماخذ بنت عمك ياي انت تكملها وراه ماشي تاخذ بنت خالتك يعني بنت خالتك

سيف : أمايه دخيلج مب غصب العرس

أم عبدالله : أنا قلت كلمة وخلاص مابرد فيها

سيف : أنا مب موافق ع العرس

أم عبدالله : والله ياسيف لو ماخذت البنت اللي خطبتها لك والله لا أنا امك ولا إنت ولديه ومتبريه منك لين يوم الدين

سيف : أمايه دخيلج لاتحلفين ماباها يعني ماباها

أم عبدالله : خلاااص طلع برع ومابا اشوف ويهك في البيت

ظهرت من غرفتها وسكرت الباب بقوه وسرت صوب غرفتيه ورفست الباب بريلي من الغصة اللي في قلبي

حاس اني بختنق فجيت عقم الكندورة وعقيت الغتره من ع راسي

وطحت ع الكرسي ..

ظهرت أغراضي من الكبت وخليتهم بالشنطه وشليت تلفوني وسويج سيارتيه وظرهت من البيت

بغيت اموت من الغصة .. انا توني ياي من فرنسا وتصدمني أمي بخطبتها ..

حرام عليها أنا ماصدقت يحن قلب موزة علي ..

ليش ياربي اللي يحب يتعذب ؟..

ليش ياربي اللي نباه صعب نحصل عليه ؟..

مااعرف وين اسير وين اضرب راسي ..

طلعت تلفوني ودقيت ع راشد

بعد 5 دقايق رد عليه

راشد " وهو راقد " : ألووووووو

سيف : راشد ألحقني

راشد : منوووو انت

سيف : راشد دخيلك قوم رمسني

راشد :سيف ..!!؟؟ اشفيك

سيف : راشد انت وين

راشد : راقد

سيف : انا الحين بيي صوبك

راشد : شوو صاير

سيف : يوم بوصل بقولك شو صاير ..


بعدر ربع ساعه وصلت بيت عمومتي ولقيت راشد قاعد على دري البيت من برع .. وحاط ايده على ويهه كان راقد وعيته من رقاده ..

نزلت من سيارتيه وراشد ع طول يا صوبي ..

راشد : سيفوووه بلاك

سيف : شو اقولك قولي شو اللي مافيك

راشد : تعال خلنا ندخل داخل

دخلنا صالة راشد وقعدنا وقلت له السالفة كلها ..

راشد : لا إله إلا الله أمك ليش جي سوت

سيف : ماأعرف بس ياراشد إنت تدري اني أريد بنت عمي

راشد : صعبة والله ياسيف إنت تدري باللي صار في عرس عبدالله وخلود وكيف حياتهم الحين

سيف : نحن شو ذنبنا بالمشاكل اللي قاعده تصير ليش نحن اللي ندفع أغلاطهم ونمشي على اللي هم يبونه .. ليش يغصبونا نعيش حياة نحن مانباها ..

راشد : شو بيدنا نسويه ياسيف

سيف : والله ياراشد بيدنا وايد اشياء نقدر نغير فيها حياتنا

راشد : لا ياسيف انت غلطان الأمور طلعت من ايدينا ومستحيل تقدر تقنع امك ترد مثل قبل

سيف : تدري ان امي ماتعرف اني ارمسكم وايي عندكم

راشد : أدري بس أمك مالها حق تمنعك من أهلك

سيف : حلفت انها تتبرأ مني إذا ماخذيت بنت أختها


راشد : انت تعوذ من أبليس وان شاء الله نوصل لحل قوم توضأ وصل ركعتين ونام الساعه 1 ونص الحين

قمت وتوضيت وصليت لي ركعتين ونمت مع راشد اللي طول الليل مأذني يرافس بريوله ويمط اللحاف مني ..

يعني نمت نومه مب شيء والله ماتهنيت فيها يكفي العوق اللي في قلبي ..






بعد مرور شهــر ع وفاة سعيد ......




اليوم : الخميس
الوقت : الساعة 5:10 العصر
المكان : بيت بوسلطان

" مـــوزة "


ودعتكم ياليت ماكان .. يوم الوداع القلب ممحون
يتسالني وش الذي كان .. المفارج احبابه وش يكون
أنا مليك الحب سلطان .. مظنا ظنين الحب وشلون
قلبي عليكم دوم ولهان .. دايم بكم مغرم ومشطون
عسى إنكم في طول الأزمان .. يحفظكم الله خالج الكون


مللللللللللللللللللللللل يانااااااااس والله مللل
عفت عمري من كثر مااسمع اغاني وخرابيط

مليت يالسه من ساعة ع النت ماشيء عفته والله ..
نزلت لي ثيمات لتلفوني ونغمات للتلفون .. وماخليت شي ماسويته مع هذا ملل ماأعرف شوو اسوي ..

محد كان عندي اون لاين في المسن غير ثنتين وانا هالثنتين مااحب ارمسهن لأنهن 24 ساعه مطيحات في المسن راشتنهن بلوك وفاجه عمري من صدعتهن ..

صاح تلفوني كانت عفاري داقه

موزة : مرحبااااا السااااااااااااع

عفاري : هلا والله شحالج

موزة : بخير بس ملانه

عفاري : هههههههههههههه كلنا ملانين

موزة : عفروو تعالي بيتنا

عفاري : شووووووووو مينونه انتي

موزة : أوووه نسيت انج مخطوبة هههههههه

عفاري : جب انزين

موزة : خلاص بقول لسلطان يستعيل ع العرس عسب اتين عندي ونتسلى

عفاري : ههههههههههه ماباجي شي إلا شهر وبتردين الجامعه وبطير عنج الملل

موزة : يالله الجامعة إلا كرااااف ولوعة جبد لاتذكريني فيها عايفه عمري باجي لي 5 سنين عسب اتخرج

عفاري : حد قالج دشي هندسة

موزة : جب انزين حلم حياتي الهندسة

عفاري : خلاص عيل عفني في الجامعة

شفت حد دش اون لاين



×× ماني على فرقاك ياصاحبي راضي .. حسبي على من تسبب بيني وبينك ×××


" سيـــــــــــــــف "

موزة : عفاري بدق لج بعدين

عفاري : اوكي خلاص برايج مع السلامه

سكرت عن عفاري ودشيت ع سيف ع طول ..
من سافر مادش المسن صار له شهر الحين اطرش لها ايميلات ومايرد علي ..

موزة : السلام عليكم

سيف : وعليكم السلام

موزة : اممممممممم شحالك

سيف : الحمدلله من صوبج

موزة : الحمدلله

عم الصمت لمدة دقيقتين ..

موزة : سيف

سيف : هلا

موزة : شووو فيك

سيف : ماشيء

موزة : لا والله انه فيه شيء

سيف : قلت لج ماشي

موزة : ليش ماتحدر المسن ولاترد ع ايميلاتي

سيف : مشغول

موزة : سيف بتقول شو فيك ولا ..

سيف : أووووووووووووف استغفر الله العظيم .. موزة سمعيني للآخر

موزة : قووول شوو صاير

سيف : موزة أنا أحبج وأباج وإنتي تدري بهالشيء .. بس أمي الله يهديها غاصبتني ع بنت خالتي وقلت لها اني اريد بنت عمي بس هيه احتشرت علي وقالت بتتبرأ مني إذا ماخذيت بنت أختها وطردتني من البيت

موزة : ..............................

سيف : موزة شو تبيني أسوي ..!!؟؟

موزة : خلاص سيف لاتخسر أمك ع شاني ..

سيف : مستحيل

موزة : خلاص انا فهمت الموضوع والحين ربي يوفقك وين ماكنت

ظهرت من المسن وأنا دمووعي في عيني ..

قعدت اصيح من الخاطر

ليش جي يصير فيني ليش ياربي أنا شو سويت ..!!؟؟

عشان أتعذب كل هالعذاب ..

ماحسيت إلا بأمي أدش الغرفة من شافتني أصيح لوت عليه

أم سلطان : اشفيج موزة

أنا كنت اصيح ماصدقت لقيت حد أطيح في حضنه وأصيح ..

أم سلطان : موزة حبيبتي اشفيج

كنت أقول في خاطري " أأأأأخ يايمه أأأأخ ليتج تشوفين قلبي وشكثر الطعون اللي فيه ليتج تشوفين العذاب اللي اعيشه ليتج بس تشوفينه جان ماقلتي لي اشفيج .. ليتج تشوفين قلبي وتحسين باللي أنا فيه "

أم سلطان : موززة قولي اشفيج قطعتي قلبي

موزة : تعبانه يايمه من جد تعبانه .. وأحوالي يايمه ماظنها تسرج .. تعالي ردي عن قلبي أحزانه محتاجه يايمه أبكي على صدرج ..

أم سلطان : خلاص فديتج استغفري وتعوذي من أبليس وقومي توضي وصلي المغرب

قامت أمايه عني وأنا بعدني ألملم قلبي الحزين ألملم جرح مستيحل يبرا ..


قمت وأنا يالله يالله أوقف ع ريولي .. توضيت وصليت وبعد الصلاة طحت ع الشبريه أصيح ..

ياليتك ياقلبي ماحنيت لحب سيف .. ياليتك تميت بعنادك وكبريائك ..

كان اللاب مشغل .. دشيت موقع وطرشت غنية لسيف تقوول :

اجبروا محبوبي بقوة وفرقوا مابيني وبينه ..
بيننا حب نشأ توه دوم عيني تبجي الزينه ..

فرقوا مابين المخوه الحسود انفوسهم شينه ..
ضاع قلبي في هوا نوه يوم جفو اطالع بعينه ..

نار قلبي تشتعل ضوه من عقبهم نفسي رهينه ..
بطلب الله يعطي النجوه في الحياة تمتع بزينه ..







اليوم : الجمعة
الوقت : الساعة 10:20 صباحاً
المكان : بيت بوسعيــد

" شــــــمــة "


كنت قاعده في الصالة ألاعب سهيل وراشد .. لأن أمايه سافرت العمره هيه وابويه ونورة لأن أمايه نفسيتها وايد تعبانه من بعد وفاة سعيد الله يرحمه ..

كنت منسدحه حذالهم فديتهم ياربي .. خاصة سهووول مدبدب شوي حلووو يجنن ..

سمعت حد يدش الصالة وسار صوب غرفة يدوه وسمعت حد يرمس ..

قمت أطالع منوو في البيت

دشيت غرفة يدوه شفت .....


" عمي "


عمي بوعبدالله

قاعد ع الشبريه وين مايدوه نايمه ..

كان ماسك ايدها ويرمس ويقول وأنا اسمع وقلبي يتقطع من صوته لأنه كان يصيح ..


يايمه منتهي جيتج ... وطالب منج الغفران ... اقبل قاعة اقدامج .... واغسلها بدمعاتي.... يايمه كل مافيني ينادي لج انا ندمان

طلبتج قولي سامحتك ... وردي لوجهي بسماتي... انا ادري قلبج الطيب كسرته بصدمة النكران ... غلطت وغلطتي هذي تعيد كل غلطاتي

تشوفين الشيب يايمه .... تشوفين الشيب يايمه ... ترى ماجا وانا فرحان .... ورب اللي رفع ذاتج ونزل للردى ذاتي ..... فقدت الراحه من بعدج

فقدت الطيبه والتحنان .... بدونج راحتي غايه... بيدينج هذي راحاتي .... فقدت الراحه من بعدج ....

فقدت الطيبه والتحنان...بدونج راحتي غايه .... بيدينج هذي راحاتي ... انا ..... انا ... انا .. بعدج ولا

حاجه ...... انا بعدج ترى عميان .... اشوف ولا اشوف اللي يوريني مساراتي.......... انا وسيد الشقا

والهم .... من بعدج غدينا اخوان ... يجيب همووووم هالعالم ويرميها بمتاهاتي ... انا وسيد الشقا

والهم .... من بعدج غدينا اخوان.... يجيب همووووم هالعالم ويرميها بمتاهاتي...

صدقتي يوم قلتي ..... صدقتي يوم قلتي لي ... تدين اليوم .. بس تندان ..... رميتج في بداياتي ....

ورموني في نهاياتي... انا من شالج بايده .... ورماج بأسفل البركان .... نخيتيني وطلبتيني .... ولا حصلتي نخواتي ..... مثل . مثل ...ماهنتي بعيوني عليهم قلبي يمه هان

رموني .... وضحكهم فزعه ...... وانا الدمعات فزعاتي

يايمه لاتظنيني انا .... انا من فعلهم زعلان ؟ سوات فيج سويته

وسووا فيني سواتي .... يايمه يالله ضميني .. ودفيني بهالاحضان

انا ادري فيج مشتاقه وهمج بس ملاقاتي .... يايمه حيييييييييييل ضميني
ابي ارتاااااااااااااااااااااا ح انا تعبان

تعبت اهرب من ذنوبي ابيج اخر مسافاتي ... ابي اسمع منج اي كلمه ...... لصوتك مسمعي ولهان .... ابسمع يمه .... يمه . بصوتك
ابذكر فيها نشواتي.

اشوفج ساكته يمه

غفيتي ولا انا غلطان ؟

غفيتي يا بعد عمري ؟؟؟؟؟

تعبتي من مواساتي ؟؟؟؟؟؟؟؟؟

ياااايمه ؟؟؟؟؟؟؟؟؟؟؟
يااااااااااااايمه ؟

ياااااااااااااااااااايمه.� �؟؟؟؟؟؟؟؟

يااااااااايمه طالبج قوووووومي اذا لي بعيونج شان اشوف الموت بعيونج عساها تخيب هقواتي


تعالوا .... تعالوا .... يابشر شوفوا

انا محتار ... انا تلفاااان ..... انا امي ... مادري وش فيها

انا مادري .. انا احاتي .....




..::..::..::..::..::..::..::..::..::..::..::..
تقربت منه وأنا دمعتي في عيني .. ميكت ايد يدوه وطاحت من ايدي وصرخت بأعلى صوووتي

" يدوووووووووووووووووووووه "



..::..::..::..::..::..::..::..::..::..::..::..

شوووووووووووووووووووووووو ووو؟

شوووووووووووووووووووووووو ووووووو؟

شوووووووووووووووووووووووو وووووووووو؟

امي اناااااااااااااااااااا مااااااااااااااااتت.؟

امي انا مااااااااااااااااااااااات ت ؟؟؟؟؟؟؟

لا .. لا ........ لا ترى غلطان ..... انا امي ماتخليني على حزني ووناتي .......... انا امي قلبها

طيب ..... ولا يمكن تبكي انسان ...... انا امي ماتبكيني ....... ولا تتمنى اهاااااااتي ....


يايمه .......... يايمه.........

صح مامتي ؟؟ يايمه صح ماااااامتي ؟؟؟؟؟؟؟

وصح الموووووت توه ماحاااااااان ؟

اذا متي ....... انا بعدج ابقضي وووووووووين ساعاتي؟

يايمه قومي .... يايمه قومي يا يمه

وقولي الموت

لا ماكااااااان ...... انا جيتج وانا ناوي اببدي

فيييييييييج جناتي ....... تركتيني ومتي عني ؟؟؟

تركتيني ومتي عني تركتيني وانا غرقان

ولا مسموووووووووووح ياوليدي ولا تلعنك لعناتي




انا الجااااااني ...... وانا المجني ...

وانا المخطي وانا الندمان

وانا بايدي رميتج

وبعثرته ملفاتي ... وجيت من الهنا مفلس

وقلبي من الضنا خسران .. وتركتيني على ناري ... اعدد

فيج زلاتي .... ولاني مرضي ربي ولاني تابع الشيطان

انا بعدج ....... ترى مابين نهاياتي وبداياتي

يايمه .... منتهي جيتج .... وكلي مرتجي غفران

وشفت الناااااااااااااس تلعنني ... وتحذرني من الآتي



لامارا غير متواجد حالياً   رد مع اقتباس
قديم 20-10-19, 12:24 AM   #32

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



•°• الجـــزء الثلاثـــون والأخيــر •°•


هنا حينما أحببت نزف جروحي

صفحات من الأحزان

ليل في غيوم

رواية كحكايتي التي سأرويها لكم

وروايه ككلمات سوف أقولها لكم

تسابقها رياح الحنين

هناك بأرصفة القلوب

يحتار فيها المرء

او يحـــــار

يتألم بعشق الزمن المر

وارتواء الأحلام

تتجرد الأوراق

بحروفها و لا تنام

تتوسد مواضع الألم في النفس

لتبحر بي الظلام

كانت رواية

سارية كما الأحلام

تجد لها رفقه

من بينها أوصال

من قدور الأحزان

قصه لها عزف وأوتار

رسمتها بعمق ووصال

أبكي ..وابكي..

وتبكي علي أيامي قبل سنيني ..

وتبكي علي دقائقي قبل ساعاتي ..

أبكي خوفاً ..رهبةً ..

أبكي عندما أفرح ..

أبكي عندما أحزن ..

كل بكائي يضعفني ..

يوحي لي بضعفي ..

هل هو حب البكاء؟؟؟!..

أو أني هويت تلك القطرات المتساقطة ..

من محجر عيني..

أو أني عندما علمتُ بأن عيني تكون

أجمــــل بالدموع ..

أستهويت الدموع ..

عشقت دموعي ..

فكل حين لها طعمٌ مختلف

حين الألم

اصاب بالشلل

افقد كل ملامحي

افقد كل ما هو جميل حولي

ولا اسمع سوى

نعيق وحدتي

فتذبل كل بساتيني

ماالدنيا الا كتاب وايامها صفحات من السنين

تنطوي مع الزمن وسوف يأتي يوم

تصل الي نهاية ذلك الكتاب

صفحات مؤلمه وصفحات سعيده

تلك هي الحياة لن تدوم برخاء ولاشدة

وانما نترك فيها بصمة وقد تكون عابره

واني علي علم اني سوف ارحل

ولاكن حروفي سوف تبقي كذكرى

في ذكرى من عاشاها

نعيش السعادة ممزوجه بالألم

أجد نفسي اكتب تلك الحروف لاارادة

لم يبقي لي أي شمعة اضيئ بها

في ليلة معتمه بردها قارص وقد غاب بدرها

فأحببت أن اجمع أوراقي و آتي هنــــا

بين أحضانكم علني أجد المكان الذي يحوي

شجني و اوراقي المبعثرة ..

علني أجد الشمعة التي تضيئ لي دربي ..


~*¤ ¤*~~*¤ ¤*~~*¤ ¤*~~*¤ ¤*~~*¤ ¤*~~*¤ ¤*~
~*¤ ¤*~~*¤ ¤*~~*¤ ¤*~~*¤ ¤*~~*¤ ¤*~
~*¤ ¤*~~*¤ ¤*~~*¤ ¤*~~*¤ ¤*~
~*¤ ¤*~~*¤ ¤*~~*¤ ¤*~
~*¤ ¤*~~*¤ ¤*~
~*¤ ¤*~



اليوم : الجمعة
الوقت : الساعة 10:40 صباحاً
المكان : بيت بوسعيــد

" ســــــالـم "

سالم : ياريال اسمع مني

محمد : والله ياسالم ماينفع هالمقاول

سالم : بس واحد قال لي بنيانه اوكي ويخلص بسرعه

محمد : انا اللي اشوفه اندور غيره يخلص هالمشروع

سالم : التصميم له شهر مخلص ونحن ماعطينا مقاول يتولى الشغل

محمد : انا أعرف واحد عنده شركة مقاولات برمسه وبشوفه إذا بخلص شغلنا ولا لاه

سالم : خلاص بخليه عليك المقاول

محمد : خلاص ع مسؤوليتي وخلنا نتوكل ع الله

سالم : ع خير إن شاء الله

محمد : خلاص عيل بخليك الحين

سالم : ربي يحفظك

محمد : مع السلامه

سكرت عن محمد ونزلت من سيارتي لأني من شوي دخلت البيت وكنت قاعد في السيارة أخلص مكالمتي مع محمد هو معايه في الشغل ..

سرت صوب فلة بوسعيد ..

شفت سيارة راشد في البيت هذا بعده راقد ..

طنشته وقلت برد اوعيه حق صلاة الجمعة

دخلت الصالة وسمعت صريخ وصياح وربعت بسرعه ع مصدر الصوت في غرفة أمي

وقفت عند الباب وانا قلبي طاح بريولي

تقربت من امي وانا متروع حييييل

سالم : شوو فيها امي

قام بوعبدالله ورد ع ورا وهو حاط ايده ع راسه

سالم : شووو فيها أمي ردوا علي

شمة : يدوه ماتت مـــــــــــــــــاتت

ماصدقتها مستحيل أمي تخليني مستحيل اليوم الصبح قعدت معاها وماكان فيها شي وماتشكي من باس

مسكت ايدها وحسيت انها حية وعرقها تنبض

خليت راسي ع صدرها وسمعت دقات قلبها

سالم : لا لا امي حيه ساعدوني بسرعه أنوديها المستشفى

تقرب بوعبدالله وشالها عني وبسرعة ركبها سيارتيه لأنه موقفه عند الباب وأنا سيارتي في الكراجات

وسرنا ع الطول المستشفى ودخلنا قسم الطوارئ

بعد نص ساعة طلع الدكتور وقال :

الحمدلله إنكم لحقتو عليها لأن السكر وايد مرتفع عندها مما سببلها نوبه سكر

سالم : الحمدلله يارب

بوعبدالله : شو صحتها الحين

الدكتور : الحمدلله قدرنا نسيطر ع السكر بإبرة ويبالها 3 ساعه ترتاح عندنا وبعدين أقرر إذا بتم عندنا أو ترد البيت

سالم : ليش ..!!؟؟

الدكتور : لاتخاف بس راح أشوف السكر عندها لو رجع لحالة مستقرة راح ارخصها أما إذا كان غير مستقر راح نخليها تحت مراقبتنا

بوعبدالله : خلاص دكتور مافيه خلاف أهم شي تكون بصحة وسلامة الوالدة

الدكتور : خلاص والحمدلله ع سلامتها

سالم : الله يسلمك مشكور وربي يعطيك العافية









اليوم : الجمعة
الوقت : الساعة 11:20 صباحاً
المكان : بيت بوسعيــد

" شـــمــــة "


طلعت من غرفة يدوه وأنا اصيح ومنصدمه باللي صار جدامي ..

رديت الصالة ولقيت راشد راقد وسهيل يلعب باللعبة

شليته وسرت فوق بخبر اليازية باللي صار

دخلت قسم اليازية لقيتها منسدحه ع الشبريه ولدها جدامها راقد

كانت سرحان وتفكر

شمة : اليازية

اليازية : شو فيج شو صار ليش تصيحين

شمة : لحقي يدوه

قامت اليازية بسرعه وقفت ع ريولها ومتروعه ..

اليازية : شوو فيها

شمة : ماأدري ودوها المستشفى

اليازية : منو ودها

شمة : سالم

اليازية : شو صار بالضبط

شمة : أنا سمعت حشره وحد يرمس يوم سرت غرفة يدوه لقيت عمي بوعبدالله عندها وهيه كانت شبه راقده وبعدين اكتشفنا انها مب بوعيها تحريناها ماتت ويوم دخل عمي سالم سمع دقات قلبها قام بسرعه نقلها المستشفى لأنها كانت بعدها حية

اليازية : يعني غمى عليها من شافت ولدها

شمة : لا .. هيه كانت مغمي عليها قبل مايدخل عمي عليها

شلت التلفون اليازية ودقت ع عمي سالم وطمنها إنها الحمدلله بس يتريون السكر يثبت وينزل عندها وتستقر حالتها ..

طلعت من غرفة اليازية بسير أشوف راشد تحت اروحه ..
طلعت تلفوني من مخباتي وخليت سهيل في اxxxxxه ودقيت ع موزة أخبرها بالسالفه بس ماردت عليه .. ودقيت بعد بيتهم ورد عليه حمد وقعد يصارخ وماأدري شو يقول وسكر في ويهي ..






اليوم : الجمعة
الوقت : الساعة 11:20 صباحاً
المكان : بيت بوسلطــان

" ســـلطــان "



طلعت من الحمام متسبح وحاط الفوطه ع راسي .. شليت ساعتي من على الطاولة ولبستها في ايدي ..
وكانت الساعه 11 ونص .. زين باقي وقت ع صلاة اليمعة ..

لبست كندورتي وطلعت غرفتيه .. وسرت غرفة موزة ولقيت الباب مفتوح وهيه منسدحه على الزولية ويالسه ترسم
سحبت الورقة من ايدها وكانت راسمه دبدوب وكاتبه تحته ..


هذا هو اللي تبيه !!
إنّي أرحل من حياتك ..
وأشعل عيوني ليه
بس خلاص
هذا هو اللي قدرته ..
وقدّرك ربي عليه!!
بذمتك هذا كلام ..!!
إنّي أرجع من جديد ..
أرجع أفرش كل تعب عمري
وأنام !!
ياخي حس ..
والله عيب اللي تبيه ..

موزة : ليش تشل الورقة بدون أذن

سلطان : اممممممم شو هالكلام

قامت موزة بسرعه وسحبت الورقة عني وعطتني ظهرها

سلطان : شوو فيج

موزة : ماشي .. انت شو تبا ياي عندي ؟؟

انصدمت شو بلاها ..؟؟!!

سلطان : مافيني شي بس كنت بقولج سالفه

موزة : شوو

سلطان : انزين خلينا نقعد

قعدت موزة ع طرف الشبريه .. وقعدت حذالها ..

موزة : يالله قول شو بخاطرك

سلطان : عفاري

موزة : عفااااري ؟؟

سلطان : هيه

موزة : شو فيها

سلطان : ابا ارمسها بموضوع

موزة : هههههههه ضحكتني بصفتك منو بترمسها

سلطان : خطيبها

موزة : لاتتفلسف عليه البنت محرمه عليك تفهم شو يعني محرمة

سلطان : أدري بس لازم ارمسها

موزة : أملج عليها وخلاف تفاهم معاها

سلطان : لا ماأريد أملج الحين

موزة : شووو .. تبا تلعب ع البنت

سلطان : حشاا والله مافكرت فيها

موزة : عيل ..!!

سلطان : خلاص انا بطرش لها مسج

موزة : سلطان أطلع برع مايخصني فيك إنت ناوي ع مشاكل

سلطان : استغفر الله بغيتج عون لي

موزة : أي عون ..!! وإنت قاعد تقول كلام مايدش العقل

سلطان : بليزز والله

موزة : عندي حل ..

سلطان : شوو

موزة : طرش المسج من تلفوني

سلطان : لا والله ماباج تقرينه

موزة : انت كتب المسج وانا بطرشه لها ووعدك ماراح اقراه

سلطان : اوكي هاتي تلفونج

قامت موزة ويابت تلفوني وكتبت الكلام اللي ابا اوصلة لعفاري

" مرحبا .. عفراء أنا سلطان مش موزة بغيت أقولج اني ناوي اشتري شقة خاصه فيني في بوظبي لأني بعد العرس بستقر في بوظبي عشان دوامي وفي الاجازة نكون في العين .. اتريا ردج لأني مااريد اقعد انا في بوظبي وانتي في العين .. "

سلطان : طرشيه بسرعه ولاتقرينه

موزة : انززززين

طرشت موزة المسج .. ومسحته بعدين ..

موزة : خلاص شي ثاني بعد

سلطان : لحظه اترياها اترد عليه

موزة : ياسلام عليك .. عيب والله اللي سويته كيف بجابل البنت ساعتها

سلطان : عادي

وصل مسج وبدون كلام سحبت التلفون من ايد موزة ..

موزة : أأأأأي ايدي يمكن مب هيه

سلطان : لا هيه

كانت راده عليه

" مرحبيتن .. أسفه مااقدر اودر دراستي في الجامعة واستقر في بوظبي "

انحبطت من المسج ومسحته ورديت التلفون لموزة وظهرت من الغرفة وأنا معصب ..

خلها تخيس عيل .. مابعرس الحين مادام السالفه فيها انا في بوظبي وهيه في العين ..








اليوم : الجمعة
الوقت : الساعة 12:10 الظـهـر
المكان : بيت بوسعيـد

" راشــد "


قمت من النوم وبسرعة تسبحت وتلبست وظهرت من القسم .. وأنا حاط ايدي على قلبي ..
اسميني اليوم سلوم بصفعني ..

استغربت ماحصلت سيارة سالم أكيد ودرني وسار عني طلعت تلفوني وأتصلت فيها ومايرد فقلت أكيد في المسيد ..

ركبت سيارتيه وظهرت من البيت .. كانت ساير صوب المسيد .. دق عليه سالم

راشد : مرحب

سالم : شحالك

راشد : بخير وسهاله .. وينك ماترييتني للصلاة

سالم : ماكنت موجود المهم انت صل وخلاف دق عليه انزين

راشد : ليش انت وين عثرك

سالم : أنا بصلي في مسيد بعيد عن البيت

راشد : ليش

سالم : ماشي انت صل وخلاف انا برمسك

راشد : شو مستوي

سالم : لا مامن شر .. المهم أنا مثل ماقلت لك بعد ماتخلص صلاة ع طول دق لي انزين

راشد : خلاص ع خير

سالم : مع السلامه

سكرت التلفون وخليته بالسيارة ونزلت اصلي صلاة اليمعة واسمع الخطبة ..

وكنت طول الوقت وفكري مب معاي .. كنت أفكر بلاه سالم شو مستوي ..

بعد ماصليت اليمعة ع طول ظهرت حتى ماسلمت على الرياييل اللي اعرفهم

وركبت سيارتيه وشليت تلفوني وشفت سيف داق عليه ..

شو مستوي عسى ماشر ..!!؟؟

دقيت ع سالم بس مايرد ..

حركت السيارة وظهرت فيها برع منطقتنا ..

ورديت مرة ثانية ادق على سالم .. بس طول شوي وخلاف رد عليه

راشد : ألووو

سالم : هلا راشد

راشد : شو فيك ليش ماترد عليه

سالم : نسيت تلفوني سايلنت يوم كنت اصلي

راشد : اهاا .. انزين انت وين الحين

سالم : راشد امي مرقدينها بالمستشفى

راشد : شووووو ؟؟!!

سالم : إطمأن الحمدلله صحتها الحين أحسن

راشد : أمي شو فيها قوول .. شو صار ؟؟

سالم : كان السكر مرتفع عندها وفقدت الوعي وديناها المستشفى بس الحين استقرت حالتها ونزل السكر بس ماوصل للمعدل المطلوب

راشد : خمس دقايق وانا عندكم

سالم : دير بالك ع روحك ولاتسرع تفهمني

راشد : ان شاء الله مع السلامه


بعد خمس دقايق وصلت المستشفى واطمأنيت ع أمي ..

صحيح اني كنت معصب منهم .. لأنهم كلهم كانوا موجودين ..

بوعبدالله .. بوسلطان .. وسالم ..

وأنا أخر من يعلم ..

ليش يعني ..!!؟؟

هيه أمهم بس ..

وانا شووو ؟؟

مب أمي ..!!

لاينسون إني أنا الصغير ولدها بعد مثل ماهم عيالها ..
اليوم : الجمعة
الوقت : الساعة 12:50 الظـهـر
المكان : بيت بوسلطان

" مـــــوزة "


استغفر الله ..

منو هالحشره اللي يتصل ..

ماقدرت اقرأ القرآن من صوت التلفون ..

سكرت المصحف ورجعته مكانه وشليت تلفوني وكانت شمة اللي ادق حشاا هاي شو تبا ..

رديت التلفون وسرت اصلي ..

بعد ماخلصت صلاة لفيت السيادة وفيها شيلة الصلاة وشليت تلفوني ودقيت ع شمة بس ماترد ..

سرت صوب الدريشه ..

غريبة مايوا من الصلاة ..

صاح تلفوني وبسرعه رديت

موزة : ألوووووووو

محد يرمس وشمه تصيح ..!!؟؟



موزة : شمه اشفيج

شمة : يدوووه

والله العظيم انقبض قلبي وريولي ماقدرت اوقف عليهم نزلت ع الأرض وقعدت

موزة : شو صار قولي تراج طيرتي عقلي

شمة : يدوه في المستشفى

موزة : شووووو .. شو فيها شو صار قولي ..

شمة : ماادري

موزة : برايج باي

سكرت بسرعة ودقيت ع ابويه بس مايرد ..

قمت وانا خانقتني العبرة ..

ونزلت تحت ولقيت أمايه يالسه تسمع خطبة الجمعة في قناة الإمارات

موزة : أمااااااااااااااايه

لفت صوبي امايه وهيه متروعه

أم سلطان : اشفيج تصارخين

موزة : ابوي وين

أم سلطان : سار المسيد

موزة : امايه يدوه طاحت عليهم ودوها المستشفى

أم سلطان : شو ياها

موزة : ماادري توها شمة تقولي وانا دقيت ع ابويه ومايرد

أم سلطان : هاتي التلفون

عطيتها تلفوني ودقت ع ابويه بس مارد عليها وخلاف دقت ع سلطان ..


وسلطان كان توه ظاهر من المسيد وساير صوب المستشفى وأمايه قالت له يخطف عليها بتسري وياه المستشفى ..

قعدت اصيح ابا اسير ويا امايه بس ماطاعت قالت يلسي عند خوانج شليت عمري وسرت غرفتيه وسكرت الباب وقعدت اصيح من القهر والغصة اللي بقلبي ..

ليش ياربي .. ليش يصير كل هذا خذيت سعيد عني والحين يدوه ليش .. وحالتي مع سيف اروحه ع صوب ..







اليوم : الجمعة
الوقت : الساعة 2:40 الظـهـر
المكان : المستشفى

" بـــو عبـــدالله "


الكل كان موجود في المستشفى أخواني كلهم ماعدا بو سعيد لأنه كان ساير العمره..

بو سلطان
سالم
راشد

وأمي بدت تتكلم وكانت تاخذ وتعطي بالكلام مع راشد .. لأنه هو الوحيد اللي يقدر يسولف في مثل هالمواقف .. صحيح إنه اصغر اخواني بس قلبه واايد طيب ومايحب يشوف حد مضايق وزعلان ..
أنا فرحان لأنه أقرب شخص لولدي سيف ..
سيف كان انسان عصبي وينرفز بسرعه بس من بدت علاقته تقوى مع راشد خذا ع صفات راشد ..

قاطع تفكيري صوت سالم يزقرني ..

سالم : بوعبدالله قوم ارتاح انت من الصبح واقف ع ريولك

بو عبدالله : لا مب تعبان بقعد ويا أمي اطمأن عليها

أم مبارك : ماعليه شر .. قوم انت ريح

بو عبدالله : وين ارتاح وانا مايعلم بحالتي غير ربي

بو سلطان : خير يا اخوي شو صار

بو عبدالله : آآآآآه قول شو اللي ماصار

سالم : عسى ماشر قول نحن خوانك

بو عبدالله : انا خسرت كل شي .. خسرت بيتي وعيالي وحرمتي

راشد : شوو صار

بو عبدالله : طلقت حرمتي وطردتني من البيت

أم مبارك : طلقت حرمتك

بو عبدالله : هيه طلبت الطلاق وكانت مصره عليه وكل يوم مشاكل وحشره معاها

بو سلطان : لا حول ولا قوة إلا بالله .. وعيالك

بو عبدالله : مع امهم انا ياخوي مابقى لي بيت البيت بإسم زوجتي ومالي حق فيه

راشد : بإسم زوجتك

بو عبدالله : هيه انا سجلت البيت بإسمها ماعندي مكان اسير له

سالم : أفااا عليك يا خوي بيتنا هو بيتك انت الداخل ونحن الطالعين

أم مبارك : لا حول ولا قوة إلا بالله .. قوم ياوليدي سير ارتاح وخلاف فكر بالموضوع

قام راشد ومسكني من ايدي وانا دموعي غرقن عيوني ..
كنت امشي في ممرات المستشفى وقلبي اسحبه وراي واسحب ضيقتي وهمي ..

هذا عقاب من ربي ..
أنا صار لي فترة طولة ماسألت عن أمي وأخواني ..

والحين هم أول الناس اللي وقفوا معاي في أزمتي ..

صدق من قال
" الظفر مايطلع من اللحم "


ركبت مع راشد السيارة وسرنا صوب البيت وراشد طول الطريج يحاول يضحكني بسوالفه ..
دخلني غرفته وقالي ارتاح والبيت بيتي وهو وسار يطمن البنات ع أمي ..


اليوم : الجمعة
الوقت : الساعة 7:40 المغرب
المكان : فـــرنسا

" سيـــــف "

توني ظاهر من الدوام وقلت خلني اتمشى في الشوارع واشوف الناس والعالم ..
الجو كان بارد .. دخلت ايدي في الجاكيت رفعت راسي اشووف السما واتنهدت ..
قعدت أغني والهوا يلعب بشعري



شـرقٍ مشيت

وغرب وقتي مشى بـك

والقلب ماله ! لايمٍ فيك لون

طويتني طي الورق في كتابك

حتى معاليق الحشا لك تطون ..



سمعت صوت مسج وصلني .. ظهرت تلفوني من مخبايه يوم فتحته كان راشد مطرش قصيده بصووته ..

بالسلامه تعود لاحبابك ،،
بالسلامه تعود يالغالـي ،،
ياعسـى مايطول غيابـك ،،
ياسفر ذا المنـزل العالـي ،،
زاد فينا الشوق باسبابك ،،
يالغلا ياطيب الفالـي ،،
مانتحمل ننظر لبابك ،،
دام رحت ومنزلك خالـي ،،
بوسّنيده يسأل عن اطيابك !
عن نسيم البن والهالي ،،
فاقدٍ صوتك وترحابك ،،
ويتخطر عنك ويسآلـي ،،
دارك اللي دوم تزهى بك ،،
تنتظرك بشوق وآمالي ،،
بالسلامه تعود لاحبابك ،،
بالسلامه تعود ياسيــف ..


غصبا عني خنقتني العبره .. آآآآآآه ياراشد ليتك عندي يمكن تقدر تخفف من الهم في قلبي


دخلت العمارة اللي فيها الشقه وضربت فص الاصنصير ..

ودخلت الشقه وكان صوت القرآن يملىء الشقه ..
انشرح صدري وغيرت ملابسي

وخذيت لي قلاس عصير وسرت غرفتي وشغلت اللاب وحدرت المسن ..
جيكت ع الايميل للأسف ماشي من موزة ..!!؟؟

قعدت انطرها تحدر بس ماحدرت ..
آوووووووووف تعبت من ساعه وشي انا اترياها تحدر المسن .. والله محتاااج
اني ارمسها محتاج اني ابرد قلبي ..


شليت تلفوني ودقيت ع راشد ..

راشد : مرحباااااااااا ملاييين بالغالي

سيف : مرحب لاهان شحالك راشد

راشد : بخير وعافية شحالك انت

سيف : الحمدلله ع كل حال

راشد : اشفيك احس صوتك متغير

سيف : تعبان تعبان حييييل ياراشد

راشد : افااااا ،، من شووو

سيف : الغربة عذبتني والشوق ذبحني

راشد : سيف انت ريال خلك قوي

سيف : والريال ماله احساس ماله قلب يشتاق

راشد : والله ماادري شو اقولك

سيف : المهم شحال الاهل

راشد : الحمدلله بس امي طاحت علينا اليوم وتعبت

سيف : يدووه

راشد : هيه السكر نزل عندها

سيف : وينها الحين

راشد : توها مرخصينها في البيت وانا ساير اييب عشا وراد البيت

سيف : منو عندها هناك

راشد : عيالها كلهم هناك بس محمد " بوسعيد " محد ساير العمره

سيف : خلاص انا بدق علبيهم هناك

راشد : خلاص برد ارمسك بعدين انا

سيف : ع خير فمان الله

سكرت عن راشد ودقيت ع عمي سالم ..

سيف : مرحبا

سالم : مرحبا الساع شحالك سيف

سيف : الحمدلله من صووبك

سالم : بخير وسهاله اخبارك انت ان شاء الله مرتاح

سيف : الحمدلله .. شحال يدوه ان شاء الله بخير

سالم : الحمدلله

سيف : عطني ارمسها اطمان عليها

سالم : صبر شوي بسير عندها داخل

ترييت يدوه ترد عليه وبعد دقايق ردت عليه

أم مبارك : مرحبا

سيف : هلا يدووه شحالج الغاليه الحمدلله ع السلامه

أم مبارك : هلا بسيف الغالي شحالك ابوي ان شاء الله بخير

سيف : الحمدلله يدوه اشحالج انتي وشو صحتج الحين

ام مبارك : بخير يابوك . انت بشرني عنك ان شاء الله مرتاح

سيف : الحمدلله مرتاح ..

ام مبارك : خلاص فديتك مابطول عليك دير بالك ع روحك

سيف : ان شاء الله يدوه لا توصين

ام مبارك : ربي يحفظك

سكرت عن يدوه وتنهدت ...
أأأخ ياربي كيف اني مشتااااق لهم حيل ..


حقا ابكيتني يا قلم !!
اجدت تصوير الالم بقامته الحادة
وابدعت في انصهار مشاعرك
على بواكي اعيننا ..
فجاء بوحك في قمة الحزن
الذي وخز القلب بقوة
احساسه الصادق ..







بعد مرور الأيام .........



اليوم : الأحد
الوقت : الساعة 6:10 المغرب
المكان : بيت بو سعيد

" اليــازيــة "



بعد ماسبحت هزاع ورقدته شليت صورة ابوه وقعدت اتأمل فيها وماحسيت إلا بدمعتي ع الصورة تعبر عن الحزن اللي بداخلي ..

أأأأأأأأخ يا سعيد رحت وتركت فراااااغ كبير بداخلي ..

" الله يرحمك ويغفر لك "

رجعت الصورة مكانها ومسحت عيوني .. ولبست شيلتي ونزلت تحت وأنا نازله ع الدري شموه ونورة يضاربن ع الدري ..

شمة : أأأأأأأأأخ شعري

نورة : أحسن يعلج تستوين قرعى

اليازية : اشفيكن تضاربن بطلي شعرها قطعتيه

نورة : أحسن عشان تتأدب

شمة : أنا بعلمج منوو اللي بيتأدب فينا

كانت شمة تبا تفر نورة من فوق الدري بس انا مسكتها وحاولت ابعدهن عن الدري وأفج من بينهن بس ماقدرت عليهن كل وحدة أقوى من الثانية ..

نورة الحمارة شمخت ايدي وطلع الدم ..

اليازية : حسبي الله عليج من بنت

شمة : بطلي شعري بموووووت والله يعوورر

نورة : خليه عشان ماتنسين كيف الضرب يعور

قمت وأنا معصبة منهن وماسكه ايدي .. ونزلت تحت ومالقيت عمتي لقيت راشد يقرأ الجريدة ..

اليازية : السلام عليكم

راشد : وعليكم السلام

اليازية : وين متأخر الحين يقرون الجرايد

راشد : شو اسوي انشغلت الصبح

اليازية : راشد حلفت عليك تقوم لنورة وشمة تراهن يضاربن فوق انا ماقدرت لهن ويصارخن وهزاع راقد بوعنه الحين من حشرتهن

راشد : حشاا لو عدايل بعدهن مااضاربن جي .

سكر راشد الجريده وسار لهن فوق وانا طلعت برع عن يدوه وأم سعيد أقعد وياهن ..

بعد دقايق طلع راشد معصب

أم مبارك : بلاك راشد

راشد : هالبنات قواية محد يقدر عليهن كل وحده لسانها أطول عن الثانية

أم مبارك : منوو فيهن

راشد : منو غير نورة وشمة حشاا مب بنات

أم سعيد : اشفيهن

راشد : يضاربن زين ماتذابحن فووق

أم سعيد : جان ضربتهن عشان يتأدبن شووي

راشد : مااقدرت عليهن هاي نورة لسانها أطول عنها

أم سعيد : حسبي الله عليها أبوها مبزنها وكبر راسها علينا

أم مبارك : هاي محد بأدبها غيري عنلاتها زاااد

راشد : أنا بطلع تامروني بشي

أم مبارك : دق ع أخوك أشوف وينه

راشد : أي أخوو

ام مبارك : مبارك منو غيره بعد اللي معور لي قلبي

راشد : ان شاء الله

دقيت ع اخوي ورمسته امي وقال انه يدور له بيت قريب منا وحصل بس يباله شهر حتى يستلمه ..


خذيت تلفوني وظهرت من البيت ..








اليوم : الأحد
الوقت : الساعة 7:10 المغرب
المكان : بيت بو سلطان

" مـــوزة "



دشيت الصالة اللي فوق وشفت الربشه مستويه

حمد وخالد ايولون ولطوف ترقص وياهم ..

فجيت عيوني وانا اشوف الحشره ..

جان اطول ع الغنية وقعدت اصفق وأغني مع الغنية وأنا كلي حماااااس ..


ويلي ياويلي ويلي ياويلي
ويلي أنا ياويلي
راح القمر عن ليلي ياليلي
ليل السهر ياليلي

موزة : عاشوووووو عاشوووو

لطوف : انتي من وين ظهرتي

موزة : جب انتي ويا هالكشه تصدقين لو يشوفونج اليهال بالليل مااظني بنامون

لطوف : جب من حلاة كشتج

بندت التلفزيون وسرت غرفتيه الصراحه مالي بارض للضرابه ..

فجيت شعري وقعدت ألعب فيه ..

أووووووووف ملل .. لميت شعري ورفعته وظهرت اللاب من الكبت صار لي فتره ماحدرت المسن .. من يوم مارمست سيف أخر مرة ..

أول ماحدرت المسن لقيت سيف محدر ..

بس كنت انا حاطه اوف لاين ولقيت عندي 17 رساله بإلإيميل قلت خلني اجيك ع الايميل وخلاف برمس سيف ..

كانت رسالتين من سيف والباقيات كلهن منتديات وقروبات ..

فجيت أول رساله من رسايل سيف كان كاتب قصيده ..

الجرح بالخافي بـدى يبـوح
يشكي البعد والهم واجـراح
والقلب منك صابه جـروح
وسهام وطعونِ مـع رمـاح
ينوح جرحي منـك ينـوح
وعيني لشوفـك دوم ترتـاح
لاتزيدني حـرات وجـروح
لاتفجـر الخافـج ياســفـــاح
هذا نشيدي يـاك مشـروح
يشكي بعاد وجـرح منـزاح
حبك توثج داخـل الـروح
لي روح مالي سبعـة ارواح
شاعر وصفته ومنـه مربـوح
هيض مشاعـر قلبـي وراح
ياويل حالي زاد بـي النـوح
وأسهرت ليلي وإنت مرتـاح


" سيـــــــــف "

..::..::..::..::..::..::..::..::..::..::..::..::..

وثاني رساله كان كاتب فيها :

الله على وقت مضى وانتهى وراح ..مالي سوى الذكرى معي منه باقي ..اشكي مصابي كل مالهم بي اجتاح وامسح دموعي كلما الصدر ضاقي واسال نجوم الليل والشوق ذباح ..يانجم بالله..وين خيرة رفاقي؟؟


" تصدقون " .......؟؟

غمضني والله حنيت لسوالفه .. والله ذبحني الشوق الحين صار لنا فترة طويله مارمسنا بعض ..
تقريبا شهر ..

والله تعبت من كثر ما أكابر .. والله ذبحتني الخقة اللي مالها داعي .. أنا على هالتكبر ورافعه خشمي بخسر سيف .. لين متى بتم بغبائي ومحد يتحمل الخقه والغرور ..

وأنا مغروره بنفسي ..

حراام علي .. أنا ادري انه يحبني ومايلعب بمشاعري ..

فجيت المسن وللأسف كان اوف لاين .. أوووفففف توه اون لاين ليش ظهر ..

فجيت الايميل عسب اطرش له رسالة ..

وتوني بكتب إلا هو محدر ..

وعلى طول حط ويهه " مستغرب " وعداله استفهام

موزة : ولد حلال توني بطرش لك ايميل

سيف : شو طاري عليج

حزت في خاطريه معاملته لي .. بس قلت خلني انا ابدأ معاه ..

موزة : وعليكم السلام هلا والله بولد العم شحالك ..؟؟

سيف : اهلين ببنت العم أهلين بالغالين .. بخير دام شفناج

موزة : دوووووووم يارب

سيف : وياج .. شحالج انتي وشو هباتج ؟؟

موزة : الحمدلله انت شخبارك وشو مسوي

سيف : تبين الصج

موزة : هيه

سيف : والله والله والله والله تــــــــعــبـــااااااااا اااااان

موزة : سلامات من شووووو ..!!؟؟

سيف : والله انتي السبب .. تعبتيني معاج

بعدت عن شاشة اللاب وأنا منصدمه من كلامة ..؟؟!!
شو بلاه سيف ...؟؟!!

سيف : ألوووو .. بلاج صخيتي

موزة : هااا ..!! .. لا ماشي المهم سيف

سيف : عونج

موزة : آسفه ع كل اللي صار

سيف : انسي اللي صار وراح نبدأ صفحة يديده وأنا قريب راد البلاد وبخلص كل اموري وبرد وانا مرتاح اكمل الدورة

موزة : شو قصدك

سيف : ماشي .. المهم شحال يدوه

موزة : الحمدلله بخير وسهاله

سيف : الحمدلله .. اشتقتلج والله

موزة : بعدين وياك .. لاتخليني اظهر من المسن

سيف : أعوذ بالله .. خلاص بنسكت

موزة : ههههههههههههههه أحسن

صاح تلفوني كانت امايه داقه

موزة : ألوووووووو

أم سلطان : نزلي بسرعه خلود اختج تعبانه يايه في الطريج

موزة : شو فيها

أم سلطان : ماادري يمكن تربي

موزة : انزين باااي

رديت ع المسن بسرعه ..

موزة : سيف برايك بظهر

سيف : وين ..!!؟؟

موزة : خلود أختي تعبانه شكلها بتربي

سيف : شوووووووووووووو

موزة : والله

سيف : انزين بليزز طلبتج قولي تم

موزة : شوو

سيف : قولي تم

موزة : امممممممممم .. تم

سيف : اتريا البشارة منج يوم تقوم بالسلامه مابا حد يبشرني الا انتي

موزة : لا والله

سيف : مايخصني قلتي تم

موزة : انزين خلاص ببشرك برايك بااااي

سيف : بااااي


ظهرت بسرعه من المسن ونزلت بسرررعه تحت زين ماطحت .. هذا حمد وخالد تارسين الدري كله ألعاب " سيايير وحيوانات "

حشااا مب بيت .. مزبله ..

نزلت تحت ولقيت امايه لابسه عباتها

موزة : امايه بسير وياج

أم سلطان : لا قعدي عند خوانج
موزة : دخيييييلج بسير

أم سلطان : يالله بالستر وين تبين عند المرابي

موزة : أوووووووف ابا اسير

أم سلطان : يوم تقوم بالسلامه تعالي

موزة : انزين اول ماتربي دقي تلفون .. انزين

أم سلطان : انزين دقي ع ابوج قولي له انا سرت لأني دقيت ولقيت تلفونه مغلق ..

موزة : انزين يمكن سار يصلي العشا

أم سلطان : اسمع هرن برع برايج ديري بالج ع اخوانج والبيت

موزة : ان شاء الله

قعدت ع الكرسي وانا مضااايجه .. أووووف مااحب اقعد جي وقلبي وعقلي مب عندي ..

يارب تساعدها وتقوم بالسلامه ..
يارب ترزقها ياهل .. عشان ترتاح لأنها واايد تعبت بسبب هالحمل اللي ماادري شو اخرتها معاه ..

تعبت من كثر مااتريا يوصلني تلفون من امي بس مااتصلت وانا كل خمس دقايق اتصل وتقول بعدها ..
وعلى الساعه 12 بالليل اتصلت أمي وقالت انها ربت ويابت بنت ..

جان استااااااااااااااااااااان س ^.^

من خبالي دقيت ع شموه وبشرتها وماخليت حد مااتصلت فيه

اتصلت ع سلطان لأنه لين الحين مارد البيت سار عندهم المستشفى ماطاع قال الوقت متأخر ونحن رادين البيت وريلها عندها قال من باجر الصبح بوديني عندها ..
شليت عمري ابا اسير ارقد وغيرت ملابسي لأن اخواني كلهم رقدوا
يوم حطيت راسي ع المخده تذكرت سيف .. شليت تلفوني وشفتها الساعه 1:24 فضيحه اطرش مسج الحين

حدرت المسن وماحصلته ..
انا وعدته ..

مسكت التلفون وكتبت :
مرحبا
خلود ربت ويابت بنت
مبروك صرت عم .. ^.^

طرشته وعلى طول رقدت من التعب ..




اليوم : الأحد
الوقت : الساعة 7:30 الصبح
المكان : بيت بو سعيـد

" راشــد "



كنت يالس اشرب جاي .. اروحي محد عندي
الكل بالمطبخ إلا أنا قاعد في الصالة ..

ظهرت تلفوني وطرشت مسج .

“ صباح الخير ياوجه الخير "

ماردت عليه أكيد راقده ..

رجعت قلاس الجاي ع الطاولة وخليت تلفوني في مخباتي وركبت سيارتيه ساير صوب الدوام ..

على الساعة 9 ونص دق عليه حمدان

راشد : مرحبااا الساع

حمدان : المرحب لاهان شحالك بوسنيده

راشد : بخير وسهاله من صوبك

حمدان : بخير ربي يعافيك

راشد : شحال الأهل

حمدان : بخير وسهاله .. انت وين ؟؟

راشد : في الدوام

حمدان : اهاا .. انزين بقولك بغيت رقم بو سلطان

راشد : خير ؟؟

حمدان : لا مامن شر بس نبا اناسبه

راشد : تناسبونه ..؟؟

حمدان : هيه نعم

راشد : مافهمت ..!!

حمدان : امممممممم راح تعرف بعدين

راشد : لا لا ابا اعرف الحين

حمدان : ياخي طفرتبيه .. قلت لك بنخطب من عنده

راشد : حق منو تخطبون

حمدان : اوووففف منك يعني حق منوو حقي انا

راشد : شوووو ؟؟!!

حمدان : بلاك

راشد : ماشي ؟؟ المهم سجل الرقم عندك *******

حمدان : مشكووور

راشد : العفوووو

حمدان : فداعة الله

راشد : بحفظ الله


سكرت عن حمدان وانا ماسك التلفون بيدي مب مصدق ..؟؟

حمدان بيخطب من عند بو سلطان ؟؟

يعني بيخطب موزة ؟؟

لا لا لا .. وسيف المسكين اللي متعذب وحالته حاله ؟؟

من يومين يشكي لي همه

لازم يدري بالموضوع قبل مايصير شي

على طول اتصلت في سيف ومارد عليه اوهووو

ورديت اتصل مرة ثانية وثالثه بس مايرد ؟؟!

اوووففف فريت تلفوني ع الطاولة وع طول صاح على طول شليته كان سالم داق

راشد : ألووو

سالم : رشوود وين فواتير الخياط

راشد : بسيارتك

سالم : انزين

راشد : هات كناديري معاك

سالم : انزين فواتيرك وين

راشد : بسيارتك كل الفواتير

سالم : انزين بااي

رجعت تلفوني وسندت ظهري ع الكرسي وانا افكر بسيف

الله يكون في عونه ..!!؟؟

على الساعه 11 ترخصت من الدوام بسير المستشفى عند خلود ..


اليوم : الأحد
الوقت : الساعة 11:40 الصبح
المكان : المستشفى

" مـــــوزة "



فديت روووووحها ياااااااااااربي

محلات اليهال ..

خلود : بس مب زين

موزة : شو اللي مب زين

خلود : مب زين الإضاة للياهل

موزة : خليني اصورها فديتها

خلود : قلت لج مب زين

سلطان : موزة هاتيها بسج منها

خلود : لا لا خلوها ترقد

سلطان : جب انتي شو ترقد بسها رقاد

شليت البنت وعطيتها سلطان .. وصاح تلفوني ظهرت برع الغرفه كانت شمه داقه

سولفت معاها شوي وشفت عمي راشد ياي سرت سلمت عليه

راشد : ويا هالويهه شو تسوين برع الغرفه

موزة : اتمشى ممنوع بعد

راشد : هيه ممنوع

موزة : شو مسوين حضر تجول

راشد : هيه مسوين حضر تجول البنات في ممرات المستشفى

موزة : ماشي رياييل هنيه

راشد : لا شي محد غيرج هو في المستشفى

موزة : انزين خلاص اسفين

راشد : مشي جدامي اشووف

موزة : انززززززززين


دخلت مع عمي الغرفة وقعدنا نسوووولف وانا ملااانه سوالفهم سخيييفه

قعدت اشوف صور البنوته اللي عندي بالتلفون وعيبتنيه صورة جان اطرشها لسيف ..

من بشرته امس مارد عليه ..

راشد : شو سميتوها

خلود : ماادري عن عبدالله شو بسميها

راشد : زين زين

صاح تلفون راشد وكنت اراقبه وهو يرمس .. حسيت انه سيف اللي متصل واعتقادي طلع في محله استأذن راشد منا وظهر سمعته يقول اباك بموضوع مهم ..؟؟!!

فيني فضول شو هالموضوع <<< هع هع ع ع ع



خلود : ها سلطان متى بتملج

سلطان : بعد اسبوعين ان شاء الله

موزة : حلف .. ليش ماقلت لي

سلطان : ليش اقول مابسوي حفله بس نسير المحكمة ونملج وبس

موزة : مابتسوي حفله

سلطان : لا لأني بسوي عرس بعد شهرين

موزة : شهرين

سلطان : هيه انا رمست عمي واتفقت معاه وخلصنا وانا حجزت وكل شيء

موزة : مينون انت شهرين مايسوون شي

سلطان : بعد شهرين عندي دورة شهر في اليونان ولازم اعرس واسافر على طول

موزة : شهرين مايكفن تتزهب فيهن العروس

سلطان : مب لازم تزهب وايد لأنه ع طول بنسافر خلها تتزهب من برع احسن لها

خلود : صدقه زين سويت

موزة : شو زين سويت متى بفصل انا مايكفن شهرين منو بفصل لي فستان بشهرين

سلطان : فايجه تراج المهم انا بترخص الحين بسير اصلي وبسير البيت اتغدا وارقد

خلود : تعال تغدا معانا عبدالله بييب الغدا بعد شوي

سلطان : لا مافيه بمر عليج ع المسا .. انتي بتقعدين ولا

موزة : بقعد

سلطان : خلاص بمر عليج بالليل مع السلامه

خلود : الله وياك

موزة : شو بسوي الحين وين بفصل

خلود : متفيجه انتي

موزة : هيه متفيجه كم مرة بعرس سلطان عثره هو .. إلا مرة وحده ابا اكشخ

خلود : سكتي سكتي البنت راقده

سكت عنها وسرت الغرفه الثانية وانا افكر بعرس سلطان ..؟؟


قهرني ليش سوا كل شي بسرعة بسرعة

يعني شغل عناد ..!!










بعد مرور اسبوعين


اليوم : الخميس
الوقت : الساعة 5:20 العصر
المكان : بيت بو سلطان

" سلطان "


توني راد من السوق وشاري هدية حق " عفراء "

اليوم ملجنا في المحكمة وخلصت الموضوع وصارت البنت ع ذمتي ..

دخلت البيت ولقيت موزة قاعده اتشوف التلفزيون

سلطان : موزه تعالي اباج فوق لحقيني

موزة : يوم بخلص الفلم

سلطان : بسرعه قووومي

موزة : صبررررر خلني اكمل

سلطان : يعلج حد يطالع هالهنود

موزة : اشدراك انت احلى شي الأفلام الهندية

سلطان : قومي انا مستعيل

موزة : وقفي الفلم لين ماارد فهمتي

لطيفه : سيري لا مابوقفه

موزة : يا الحيوانه وقفيه

سلطان : ترا والله أخذ الفلم وأدبج انتي وياها

موزة : خلاص خلاص لاتوقفينه خلاف بنتفاهم

سرت مع سلطان فوق وقالي لبسي عباتج بوديج عند عفراء انا انصدمت شو طاري عليه وقالي بسررعه غيري ملابسج لين ماتسبح

سكت وسرت ع طول طلعت لي بدله بنيه وتلبست ولفيت شعري زين وخليت جحال ومكياج خفيف شوي ولفيت الشيله وتعطرت وشليت شنطتيه وخليت تلفوني فيها ونزلت تحت من شافتني لطوف اشتطت وين سايره

موزة : اتمشا

لطوف : قووولي وين

موزة : شوو يخصج انتي

لطووف : قولي انزين ع وين

نزل سلطان وقالي بسرعه مشي لأنه بسير يصلي المغرب بعد

لطوف : ع وين انت معاها

سلطان : انتي شو يخصج

موزة : ههههههههههه لقطي ويهج يالبقره

ظهرنا انا وسلطان وعطاني كيس وقالي اعطيه عفاري بدون نقاش وبصلي وبرد ياخذني من عندها ..


بعد الصلاة دق علي سلطان وقال اطلع لأنه يترياني تحت

موزة : عفاري برايج سلطان تحت

عفاري : انزين شو في الكيس

موزة : والله انا اروحي ماادري هو قال اعطيج اياه وبس

عفاري : اوكيه خلاص

موزة : أي شي تحتاجينه دقي علي عشان الزهاب او أي شي ثاني

عفاري : اوكي خلاص باجر بنسير دبي واباج تسيرين وياي

موزة : مع منوو

عفاري : حمدان

موزة : اتخسين انزززين

عفاري : ههههههههههه لا لا مع الدريول

موزة : خلاص بسير وياج بنقول لشمه بعد

عفاري : هيه اكيدد

موزة : يالله مع السلامه

نزلت تحت وتغشيت يوم ظهرت شفت حمدان واقف مع سلطان عند السيارة .. قلت في خاطريه أووووففف كيف بمر الحين

مسكت عباتي بيدي عشان مااطير من المهب وسرت صوب السيارة قلت السلام عليكم وركبت السيارة رد حمدان السلام ونزل راسه .. ياربي يا الذرابه اوني عاد ..؟؟

من يوم ماخطبني حمدان من عند ابوي ورمسني ابوي .. في نفس اليوم اتصل علي عمي راشد وقال افكر زين .. لأنه سيف ماله ذنب وحرام اظلمه معاي وقال ان سيف قاله اني اهم شي استخير واكون مرتاحه لو وافقت .. قعد افكر اسبوع واخر شي ماارتحت ورفضته مع ان ابويه كان خاطره يناسبه بس ماشي نصيب ..









اليوم : الخميس
الوقت : الساعة 8:30 العشا
المكان : بيت بو سعيـد

" ســالم "



كنت قاعد مع راشد نسولف عن العرس اتقفنا بما إن بين عرسنا وعرس سلطان اسبوعين نجمعهن ويا بعض بالمرة يصير ثلاث في يوم واحد بالقوة وافق راشد واتصلنا في بو سلطان وافق على الفكره ورمست اخوي بعد ابو سعيد وافق

راشد : انزين ممكن اشاور حرمتيه يمكن ماتوافق

سالم : والله انك فايج ترمسها بالتلفون

راشد : لازم ارمسها مب شراتك مارمس

سالم : حق شو ارمسها خلاص انا شفتها قبل الخطبه وقبل مااملج ومب لازم اخذ واعطي معاها ورايه العمر كله عادي

راشد : انزين يالله قوم ظهر برع بدق على حرمتيه انا الحين

سالم : مالت عليك انا بسير ارمس امي عشان سالفة العرس وبشوف شو تخطيطات سلطان للعرس شو سوا وشو باجي ماسواه عشان نساعده كلنا

راشد : انزين يالله قوم وخلاف قول شو المطلوب مني


طلعت من الغرفه وسرت صوب امي برع كانت قاعده ومعاها خلود واليازية

شليت هزاع فديته ياربي

سالم : امايه

أم مبارك : امر فديتك

سالم : ترا غيرت عرسي وعرس راشد بنخليه مع عرس سلطان انا رمست اخواني كلهم وافقوا

أم مبارك : رمست اخوك مبارك

سالم : مبارك ؟؟ لا

ام مبارك : رمسه عيل واذا وافق انا ماعندي خلاف

سالم : ان شاء الله .. أم هزاع بشل هزاع بمشيه شوي وبرده

اليازية : انزين هاته بغير ملابسه وبلبسه جاكيت عن البرد خمس دقايق وبرد لك

سالم : اوكي لا اطولين

شلت هزاع وسارت تغير ملابسه .. شفت البشكارة شاله الدلال ومودتنهم صوب الخيمة

سالم : هاتيهم هنيه

البشكاره : منيه فيه برد

سالم : أي برد الا مهب

قعدت اشرب حليب لين مايت اليازية ويايبه معاها هزاع شليته وسرت صوب سيارتيه

دقيت على مبارك وقلت له عن موضوع الخطبه وافق وقال الله يوفقكم ..

كان هزاع في ثباني .. وانا اسوق السيارة وسرت صوب بيت اهل حرمتيه وسلمت عليهم ..

وخلاف رديت البيت لأن هزاع بدأ يصيح ..












بعد مرور شهرين ...............






ياطير يالي تغرد مر لاهنت
وحمل معك مني سلام للغالي
قله تري علي طول المدي مابعت
أصونه ولو زاد حزني سواد الليالي
عجزت أردد كلمتي ياليت لو كنت
أقعد بجنبه وملكي لحالي
حبيت وبالحب أشهد أني صنت
شخص بعيد عن الصوت والوصالي
يكفي ياعاذلي تكفي تعذبت
وأنت بعذلك تزيد في غربالي
أهل الوفاء ياصاح لو خانو ماخنت
قلب أحبه وهولي راس مالي
تقفي حبيبي عجزت عجل بالوصل لاهنت
تراني جالسن ماشقي لحالي





اليوم : الثلاثاء
الوقت : الساعة 9:30 الصبح
المكان : بيت بو مبارك

" سيف "


أمس الفير راد من السفر ومن وناستيه من أمس مب راقد .. سرت عند ابويه في بيته اليديد

ادري باللي صار وكنت على علم بكل شي

انا مااقول احسن اللي صار ولا اقول شي غير

لاحول ولا قوة إلا بالله

ادري ان معاملة امي مب حلوه لأبوي ولا لي ولخواني

صحيح اني زعلت عليها بس زعلت ع ابوي اكثر وكنت دوم ع اتصال معاه يوم كنت مسافر وقتل له اني بسكن عنده من برد من السفر ورمسته بموضوع حبي لموزة واني اباها وقال انت توكل ع الله وراح اخطب لك بنت عمك دامك انت تباها وشاريها ..

كلامه كان مثل الثلج ع صدري كملت هالشهرين ع خير ورديت وباقي لي شهر وبتخرج منها وأجلت هالشهر لين مااخلص اموري في الدولة ..




قمت وتسبحت وتكشخت وسرت الحلاق اعدل لحيتيه واخفف من شعري اللي صار لي كمن شعر ماحلقته ..

بعد ماخلصت من الحلاق سرت صوب بيت يدوه والله اني مشتاااقه لها حييييييييل ..

شفت سيارة راشد وسيارة سالم في البيت

انصدمت بلاهم مب مداومين

لقيتهم كلهم يالسين سلمت على يدوه أول وحده وخلاف سلمت ع راشد وسالم وحرمة عمي

راشد : متى وصلت

سيف : اليوم الفير

راشد : ليش ماقلت لي

سيف : مااريد اتعبك معاي ..

سالم : الحمدلله ع سلامتك

سيف : ربي يسلمك

أم مبارك : تعال فديتك قعد حذالي

قمت من بين راشد وسالم وقعدت حذال يدوه على الأرض

لوت يدوه ايدينها على رقبتيه

أم مبارك : بلاك ميهود فديتك استويت عظم ع لحم انت ماتاكل شي

سيف : لا يدوه أكل بس تعرفين اكلهم برع غش مب شرات أكلنا

راشد : غش ولا القلب مب مرتاح

سيف : هاا .. لا غش انت اشدراك

سالم : ههههههههههههههههههههه

أم مبارك : ام سعيد قولي للبشاكير يسون أكل زين عشان سيف بتغدا عندنا اليوم

سيف : ان شاء الله تامرني امر يا الغاليه

راشد : والله نستني انا ولدها

أم مبارك : انت حتى من سيف تغار

راشد : هيه أغااار

سيف : هههههههههههه لاتموت علينا يابوك مابناخذ الحنان

قام راشد ويا سدح راسه ع ريول امه

أم مبارك : وااابويه عليك ورا باجر عرسك ومستوي لي شرات اليهال

راشد : من اعرس مابتشوفين ويهي في هالبيت

أم مبارك : وين ان شاء الله

سالم : حرمته بتعطيه الحنان

راشد : اتخسي الا هيه محد يعوظني حنان امي فديت ريحتها عيوزي انا

ام مبارك : قوم قوم من ريولي عثرك انت مكاار

سيف : ههههههههههه .. راشد قوم اباك

راشد : ع وين

سيف : بسلم ع عمي وخلاف بسير اييب سيارتي من بيتنا

راشد : ياي بسيارة منو انت

سيف : سيارة ابويه قوم معاي بخطفها ع البيت وخلاف بنسير بيت عمي وبسير اييب سيارتي بالمرة

راشد : اذا حبيبتي وافقت بسير معاك .. ها عيوزي موافقه

أم مبارك : قوم مع سيف وخلك ريال وعن لعب اليهال

راشد : ع هالخشم

قمنا انا وراشد وصلت السيارة بيت ابوي وخلاف سرت بيت عمي



نزلت قبل راشد ودخلت الصاله لاهود ولا هدا حصلت موزة بس عاطتي ظهرها ولابسه عباتها وكانت ترمس امها من شافتني حرمة عمي وقفت وموزة لفت على طول وراها تشوف منو اللي حدر عليهم فجأه

والله طاحت عيني بعينها وعلى طول نزلت راسها وانصدمت من شافتني وتغشت عني ..

سيف : السلام عليكم

أم سلطان : وعليكم السلام مرحبا سيف الحمدلله ع السلامه

تقربت من حرمة عمي وايهتها

سيف : ربي يسلمج .. شحالج عموه ربج بخير

أم سلطان : بخير وسهاله

سيف : شحالج موزة

موزة : الحمدلله بخير

أم سلطان : قرب قرب

مشيت معاها صوب الكراسي وقعدنا وموزة واقفه مكانها

أم سلطان : قولي للبشاكير اييبن القهوه

سيف : لا مايحتاي مب ياي اتقهوي ياي بسلم وبسير وراشد برع ماادري ليش ماحدر

أم سلطان : لا القهوة زاهبه

طلعت موزة وقعدت اسولف ويا حرمه عمي دشت موزة والبشكاره وراها وهيه بعدها متغشيه قهرتني

مامدالي الوقت اجحل عيني بشوفتها ..

مشت ع طول موزة وسارت فوق وانا عيني تتبعها ..

أخ ياقلبي

فديت هالمشيه

ياربي لاتحرمني منها ..


بعد دقايق حدر راشد وقال انه مستعيل بسير يشوف ترتيبات العرس

لأنه عرسه يوم الخميس ماباقي عنه إلا يومين

وانا بسير اييب سيارتيه وبسير السوق اشتري لي كمن غرض


اليوم : الثلاثاء
الوقت : الساعة 9:30 الصبح
المكان : بيت بو مبارك

" مــــوزة "


فريت الشنطه ع الشبريه من القهر اللي فيني

هذا متى رد البلاد وليش محد قالي

حيووووان قهرنيه

صاح تلفوني

رديت عليه

شمة : يالله نزلي نحن تحت

موزة : انزين

شليت شنطتيه ولفيت شيلتيه ونزلت تحت وانا انزل ادعي ان سيف يكون محد تحت ..

نبا نسير الصالون نتحنا العرس ورا باجر


نزلت تحت ولقيت امايه يالسه

أم سلطان : اختج وين عيل

موزة : اشدرانيه عنها

ام سلطان : سيري زقريها من فوق

موزة : تبا تسير تنزل انا مب بشكارتها اسير وازقرها

أم سلطان : يالله ياربي منكن يقول عدايل مب خوات حشاا

موزة : انا بالسيارة لو تبا تسير قولي لها بسرررعه

طلعت برع وركبت السيارة كانت موزة ونورة واليازية بالسيارة

اليازية : لطيفه مابتسير

موزة : الحين بتي

شمة : انزين بلاج معصبه اكيد مضاربات صح

موزة : لا .. عادي مب معصبه بس ضاربني حفوز

اليازية : ههههههههه شو عرسج هو اونه ضاربني حفوز

موزة : حاسه انه بصير شي بس الله يستر

شمة : لاتجلبين فرحتنا حزن دخييييييلج

قلت للدريول يطول ع الغنيه عشان نسكت شوي


في الصالون .....


صاح تلفوني وكان سيف داق .. مارديت عليه وقعد يتصل وااايد واخر شي تعب وطرش مسج

" موزة ردي دخيل والديج اباج بسالفه مهمه "

رد اتصل مرة ثانية بعد المسج بس ماقدرت ارد عليه لأني كنت مشغوله راعيه الصالون قاعده تنظف بشرتيه

طنشت التلفون وانا بالي مشغول

خير شوو صاير

بعد نص ساعه شليت تلفوني لقيت

2 مسج

6 مكالمات لم يرد عليها

كلهن من سيف ........؟؟

سرت صوب قوم شموه ولقيتهن متحنيات كلهن

ولطوف ونورة يالسات يتحنن

اما اليازية وشمه مخلصات فقلت بخاطريه ياحظهن خلصن

أخس شي عندي احط الحنا بيدي

بس احب اشوفه بيدي

رحت بعيد شوي عنهم واتصلت ع سيف

سيف : زين يوم تنزلتي لمستوايه ودقيتي علي

موزة : اسفه كنت مشغوله

سيف : بشوو مشغوله

موزة : انا في الصالون مب في البيت

سيف : اهاا .. المهم شحالج

موزة : الحمدلله .. تعال ليش ماتقول انك راد البلاد

سيف : يهمج

موزة : لا مايهمني انززززين

سيف : ههههههههههه ادري .. المهم ابوي رمس ابوج ويدوه بعد رمسته

موزة : عشان شووو

سيف : بموضوعنا نحن الأثنين

موزة : أي موضوع

سيف : تستهبلين حضرتج

موزة : لا والله

سيف : الخطبه

سكت ماقدرت اقول كلمة وحده ..!!؟؟

سيف : بلاج صخيتي

موزة : ماشي برايك بسكر انا

سيف : بلاج

موزة : لا ماشي يالله بااي

سيف : اهاا فهمت عليج برايج باااي

سكرت عن سيف وانا مصدووووومه

كيف يتجرأ ويقول لأهليه ويدق لي تلفون ويفاتحني بالموضوع

قطعت عليه تفكيري صوت شمه تقولي يالله تعالي

.........................







اليوم : الخميس
الوقت : الساعة 9:30 العشا
المكان : في قاعة العرس

" شـــــمـة "



الجووو كان روووووووووووووووعه

الكل فرحاااااااااااان


خاصة سلطان وراشد احسهم مب راقدين من أمس


سلطان حشرنا كل شوي يتصل بموزة ويقولها يوم يدخلون عفاري ادق عليه



بعد دقايق تدخل

حمدة و حصه

انصدمت ليش دخلوهم رباعه

كانن يمشن ويا بعض

والله ان حصوووه تخبل حتى حمده

بس ياحظ راشد بحصووه ..!!؟؟


طرررررررررررررررررررر

اول ماشفتها ماتوقعتها بتطلع جي ..

وقفنا كلنا

وانا الدمعه بعيني ماادري ليش حصوه كان خااايفه وااايد وايدها ترتجف أما حمدة فكانت شوي جريئة ..



عرضن شوي على الكوشه وخلاف شلوا حمده ورا الكوشه مسوين غرفه صغيره

ودخل راشد وصور مع حرمته وقعد نص ساعه وشل حرمته وظهر


بعد شوي طلعو حمده مرة ثانية من ورا الكوشه ودخل سالم


شفت يدوه شلت المكرفون بعد ماصورت مع سالم وحرمته

وسلمت على الحريم وقالت :


يا امك انا بعرسك تحقق منايا
ابشوفتك معرس وبشتك يغطيك

وبشوفت الفرحه بوجهك هنايا
يا عسى الفرحه يا حبيبي تماشيك

وبفرحتك يا امك تنور سمايا
وتظفي نورك بالملا من يجاريك

والكل يعرفك يا حبيبي وهنايا
ويقول بعالي الصوت ربي يهنيك

واقولها يا ((سالم )) يا اجمل منايا
يا سعد منهو يا حبيبي يماشيك

واطلب من الله يا الولي خالق سمايا
انه ((حمدة )) تحقق امانيـــــــك


قام سالم وحظن امه وباسها ع راسها وكانت تصيح يدوه

فرحانه بسالم لأنه من زمااااان تحاول فيه يعرس ومب راضي يعرس

فرحتها بسالم غير عن فرحتها براشد

وينك ياراشد شوف امك يوم قصدت بسالم


بعد ربع ساعه شل سالم حمدة


دخلوا عفاااري


والله طررر كانت زفتها

أبدااااع موزة ماتوقعتها مسويه زفه حق عفارري


عرضت عفاري شوي وقعدت

وخلاف دخل سلطان


موزة مسويه زفه خاصه لسلطان بعد



قعد سلطان وحرمته لين الساعه 1 الفير وخلاف شلاها وظهر وخلص العرس ورجعنا بيوتنا ..

بس كان روووووووووعه العرس رقصنا وغنينا وصورنا استانسنا من الخاطر ..











اليوم : الخميس
الوقت : الساعة 2:30 الفير
المكان : في بيت بوسلطان

" مــــــــوزة "


تغير كل شيء فينا وبقيت بس اسامينا
طبايعنا سوالفنا حتى النظرة في عينا
نعيش عالم كذاب ونظحك ضحكة تبكينا
نجافي من يواصلنا ونوصل من يجافينا
تعاندنا ليالي الويل تبكينا تقسينا
الاياليت نتعلم ونبقى زي اسامينا




عقيت عباتي وفستاني وغسلت المكياج وغسلت شعري .. حسيت انه بتقطع من السبريه حشااا استوى يابس ..

لفيت الفوطه ع شعري وظهرت من غرفتيه

حصلت لطوف منسدحه ع التلفزيون

موزة : مابترقدين

لطوف : مالي خاطر بشوف المسلسل ماشفته اليوم

موزة : متفيجه والله

شليت الريموت من ايدها وقعدت ابدل بالقنوات

ماعيبني شي بالتلفزيون شليت عمري وسرت غرفتيه

انسدحت ع الشبريه انتبهت لتلفوني يوم شليته كان صامت

حصلت 3 مس كوول وكلهن من سيف ...؟؟!!

ومطرش مسج :

السموحه كنت ابا اسمع صوتج قبل لا أنام


سيف مايفهم ..؟؟

خلاص انا وافقت عليه ليش يعني بعده مأذني بتلفوناته ..

خليت راسي ع المخده وكنت توني برقد إلا أسمع صوت حشررره عند الباب

قمت وانا معصبه

فجيت الباب كانت الأخت خلود هيه وبنتها روضه على الباب

موزة : أووووووف أريد ارقد

خلود : شو تبيني اسوي يعني البنت ماطاعت ترقد

موزة : شو يخصني أنا انزين سيري غرفتج خلصن الأماكن يعني واقفه ع بابي وتسمعيني صياح بنتج حرام عليج طلع علينا الفير ونحن مارقدنا

خلود : جب انزين لاتصارخين تروعين البنت سكري الباب ورقدي

عصبت رقعت الباب بالقو .. وشغلت المكيف عشان مااسمع صوت صياح بنتها ..

ورقدت رقده من الخاااااااطر

وماحسيت بعمري الا صوت امي على الباب توعينا لصلاة الجمعة

موزة : أووووفف توني راقده مسرع الوقت بسرعه يخطف

قمت وأنا متكاسله على الأخر

دشيت الحمام وتغسلت وقعدت اقرأ قرآن شوي وخلاف جمعت صلاة الفير وصلاة الظهر

شو اسوي راحة عليه نومه

نزلت تحت كانت ابويه وحمد وخالد توهم يايين من الصلاة

فديت سلطان ياربي محد ويانا اليوم ..

ساير دبي هو وحرمته ..

بعد اسبوعين بسافر

بموووت غصه اروحي في البيت .. والحين الجامعه ماباجي عنها إلا شهر وبنرد للكراف مرة ثانية ..

حمد : بابا ودنا القريه العالمية دخيييييلك

لطوف : صح ابويه دخيلك والله ملينا من البيت

أبو سلطان : لا لا عندي شغل بالمزرعه مااقدر اسير

خالد : المزرعه أهم منا الحين

أبو سلطان : شو اسوي عندي عمال اليوم بالمزرعه باجر ان شاء الله سيروا بيت يدتكم اليوم

أم سلطان : هيه بعد الغدا بنسير

أبو سلطان : موزة سمعيني سيف ولد عمج يبا يملج ويحدد موعد العرس .. الريال مستعيل يبا يرد يكمل دورته برع شو رايج

موزة : ............................

خلود : وافقي بعد شو اونج مستحيه

موزة : لا لا ورايه دراسه خله للسنة اليايه

أبو سلطان : يابنتي البنت مالها غير ريلها وبيتها انتي فكري وشوفي هذي حياتج وانتي حره فيها

موزة : ان شاء الله خير

أم سلطان : الله يجدم اللي فيه الخير










اليوم : الجمعة
الوقت : الساعة 1:30 الظهر
المكان : في بيت بوسعيد

" اليـــــازيــة "


لفيت السياده والدمعه في عيني

تذكرت سعيد ..!!؟؟

غصبا عني ساكته ومتحمله بعده عني

الله يرحمك يااااارب

صار له شهور وهو متوفي ..

حياتي صارت صعبه بدونه

هزاع ماله أبو في هالدنيا .. ماله ظهر غيري
وانا حرمة مااقدر اسوي شي ..؟؟

ياقبر اعز انسان غالي رقد فيكـ
خفف عليه من التراب الثقيلي
ياقبر ماني طيب عقب راعيكـ
اللي رعاني صار عندكـ نزيلي
ياللي سكنت القبر صوتي يناديكـ
موتكـ جرح قلبي وهديت حيلي
ما انساك والله لين قبري يوازيكـ
واعلن من الدنياالعريضه رحيلي
واشق جيبي كلما حل طاريكـ
كنت افتكر عمرك معانا طويلي
يبكي عليك البيت من عرض اهاليكـ
ليا دخلت البيت دمعي يسيلي


قمت من الأرض وانا اشيل همي في قلبي .. شليت هزاع من الأرض كان قاعد يلعب ورقد .. وخليته ع السرير وانسدحت حذاله

سمعت صوت ع الباب

شمة : اليازية

اليازية : دخلي شموه

شمة : يالله نزلي غداا يتريونج تحت

اليازية : مالي خاطر أكل شي

شمة : يالله نزلي عاد .. يدوه تترياج تحت

اليازية : صج والله مالي خاطر نزلي وقولي لهم بترقد راسها يعورها

شمة : على راحتج


نزلت شمه ورديت ضميت ولديه لصدري وصورة سعيد مافارجت خيالي ..

بعد 5 دقايق سمعت دقة على الباب وكانت أم سعيد

اليازية : تفضلي عموه

أم سعيد : اشفيج اليازية

اليازية : مافيني شي بس مالي نفس أكل شي قلت برقد لين العصر

أم سعيد : لا مايصير فديتج نزلي تغدي

اليازية : والله مالي خاطر باكل بعدين العصر

أم سعيد : يدتج حلفت ماتغدا الا وانتي معانا

تنهدت وقمت وشليت شيلتي ولفيتها ع راسي

اليازية : خلاص بنزل كله ولا زعل يدوه علينا

نزلت من عموه تحت وتغديت غصب طيب ..

وقعدنا شوي نسولف

مع أبو مبارك ولده سيف وعمي بو سعيد

أم مبارك : امره البيت مايسوى بدون راشد فديته

سيف : يالله يا يدوه الحين عرفتي غلاته راشد

أم مبارك : هيه والله البيت مال حس بدونه

شمة : هيه عشانه هو اللي محرك البيت بسوالفه الكل راقد

ابو سعيد : الله يذكره بالخير

أم مبارك : الله يوفقهم ياربي

الجميع : امين يارب

أبو مبارك : ونفرح بسيف ان شاء الله

أم مبارك : ان شاء الله نفرح فيه جريب

سيف : جان زين يدوه بنت عمي ماتبانا نعرس السنه تبا السنة اليايه

أم مبارك : وايددديه مب كيفها تظهر من شوري توكل ع الله ولا تحاتي موزة بصرتها عندي

سيف : ان شاء الله خير

ابو سعيد : يالله مبارك مابتقوم وياي صوب العزب

أم سعيد : نص القايله صبر انزين لين العصر

ابو سعيد : لين مانوصل العزب بأذن العصر وبنصلي وبنشوف حلالنا وخلاف بنرد

أم مبارك : عيل انا بسير وياكم

شمة : هيه بعد بسير مع يدووه

أبو سعيد : يالله عيل قوموا

شمة : اليازية مابتسيرين

اليازية : لا عندي موعد حق هزاع في المستشفى عشان التطعيم

شمة : اهااا

قاموا كلهم تمينا انا وام سعيد نشوي نسولف وخلاف هيه سارت عند عيالها داخل بتنسدح معاهم وانا سرت غرفتيه عند ولديه ..









اليوم : الجمعة
الوقت : الساعة 2:30 الظهر
المكان : في أحدى شوارع العين

" شــــمــة "


كنا سايرين صوب العزبة أنا ويدوه وعمي وابوي
اول ماركبنا السيارة شغلت شريط ميحد

بس اول ماركبت يدوه السيارة بندت المسجل اونه صدعه وماادري شو وراسها يعورها من الدق والحشره

حاولت فيها بس حلفت اني مااسير ان قلت شغلوا الأغاني

سكت بكرامتي وقعدت ألعب بتلفوني وطرشت مسج حق موزة وكتبت لها

" مبروووك ياعروس بنفرح فيج قريب "

عقب دقايق طرشت مسج
" في عينج يالدبه "

جان اضحك بتموت قهر لو درت انهم خلاص بحددون عرسها

جان أرد اطرش :
" ههههه ضحكتيني اصلا انتي مالج شور وعرسج تحدد وانتي خبر كان "

جان تتصل موزة وردت عليها

موزة : حوووو انتي شو سالفتج

شمة : ماعندي سالفه

موزة : قولي شو صار

شمه : ماصار الا كل خير

موزة : بلا سخااافه يالله قولي

شمة : نتفاهم خلاف انا سايره صوب العزبة مع شوابنا

أم مبارك : انتي مع منوو تهذربين

شمة : بنت ولدج العروس حد غيرها

أم مبارك : هيه أخت ام لسان

شمة : هيه أخت أم لسان وشكلها تعادت منها استوت شرات اختها ملسونه

موزة : جب يا الجلبه مامنج من اللي يرابعج

شمة : ههههههههههههههه حليلج والله يالله يالله سيري زهبي عمرج احسن لج من الكلام اللي لا يودي ولا اييب

موزة : انزين بنشووف كلام منو اللي بيمشي

سكرت الخط في ويهي

حشااا جبريت الله يستر منها بس ..


ركبت سماعة تلفوني وقعدت اسمع fm لين مانوصل العزبة .. شكلنا مطولين في الدرب


بعد ربع ساعة اتصل عليه سيف .. فقلت خلني ارد يمكن شي صاير في البيت

شمة : ألووووو

سيف : انتي شو سويتي

شمة : انا ..؟؟!!

سيف : هيه انتي

شمة : ماسويت شي .. شو صاير

سيف : شو قايله لموزة

شمة : اهااا .. مافيها شي عادي

سيف : شوو عادي نحن ماصدقنا ترضى علينا

شمة : اسفه مب قصدي اسوي مشاكل

سيف : الله كريم سيري رمسيها وخليها تفهم دخيلج والله ماني قادر اتحمل زود

شمة : انزين برمسها .. شي ثاني بعد

سيف : لا مشكوور

شمة : انزين يالله باي

سيف : بايات


انقهرت من حركة موزة ليش تقول لسيف السالفه خلني بتفاهم معاها بعد مانرد البيت
لازم ارمسها فيس تو فيس .. التلفون ماينفع لهذي السوالف

عقيت تلفوني على السيت وانا مقهورة ..
انا يايه استانس في العزبة وشكلي من بدايتها ماراح استانس ..

انا شو يخصني بموزة وبسيف ..




اليوم : الجمعة
الوقت : الساعة 4:30 العصر
المكان : في أحدى فنادق دبي

" عــفـــاري "



امممممممممممممم .. مااقدر اسوي أي شي .. وايد مستحيه من سلطان وفوق هذا من ساعه هزبني .. قال انا يوم يبت لج الهديه " التلفون " كنت اريد ارمسج وانتي ولا عبرتيني ولا فتحتي التلفون .. قعدت ساكته وشوي وبصيح .. حاولت افهمه إني كنت مستحيه ومايتني الجرأة اني ارمسه بالتلفون ..

طلعت الكرتون من الشنطه نفس ماهو مافتحته وعطيته اياه
قعدت يطالعني بعيونه وهو معصب فج الكرتون وظهر من التلفونه وركب فيه البطاقه وانا ساكته ..

مسك ايدي وخلى التلفون فيها وقال سيري حطيه في الشرج لكمن ساعه وخلاف استخدميه ..
وقام ودش يتوضأ عشا يصلي العصر ..

حزت في خاطريه معاملته لي ..

تمنيت اني ماعرست ..

كنت بصيح ماعندي حد .. اريد امي اريد اخوي حمدان ..


ظهر سلطان من الحمام وقاعد ينظف ويهه بالفوطه

سلطان : قومي صلي عشان بنظهر بعد شوي

عفاري : ............................

سكت عنه وقمت وخليت التلفون في الشرج ودشيت اتوضأ ..

يوم ظهرت من الحمام حصلته منسدح ع الكرسي

مارمسته .. لفيت الشيله على راسي وصليت ..

بعد الصلاة قمت سرت صوب التواليت " التسريحه " ألف شعري وانا ساكته

سلطان : زعلانه ادري

عفاري : لا مب زعلانه

سلطان : مب عليه طاعي شكلج .. والله مب قصدي اصارخ بس والله شال الغيض في قلبي من ساعتها وماقدرت ارمس أي حد عشان يقولون لج فجي التلفون

عفاري : خلاص بليزز سكر هالسالفه

سلطان : خلاص مب مهم مدام انتي جدامي الحين

عفاري : ...........................

سلطان : المهم وين تبينا نظهر

عفاري : ع راحتك

سلطان : بنفكر بالسيارة ..

لبست عباتي وسلطان غير ملابسه ونزلنا تحت قعدنا نتمشا في دبي .. واتفقنا باجر نسير صوب شمال ونقعد لنا يومين ونرد البيت ..
لأنه سلطان يبا يقعد ويا أهله قبل مانسافر .. السفره بعد اسبوعين ..
انا وافقته على هالرأي ... انا بعد اريد اقعد شوي مع اهله حتى اقدر اتعود عليهم ..

اليوم : الجمعة
الوقت : الساعة 7:30 العشا
المكان : في بيت بو سلطان

" مـــوزة "

كنت يالسه مع روضوه بنت خلود ألعبها لين مااتخلص امها من التلفون ..

كنت مشغله التلفزيون وروضوه مخلتنها باxxxxxه ..

ماحست الا حد داش عليه في الصالة يوم رفعت راسي شفتها شمه ونورة

قمت وخاشمتهن ..

نورة : وين لطوف

موزة : في المطبخ تحت

نورة : اوكيه

نزلت نورة .. وانا رديت وقعدت .. ماعطيت شمه ويهه

شمة : انزين حشمي تشوفيني يايه عشانج

موزة : شو تبيني اقول يعني

شمة : ياخي فشلتيني سيف اتصل فيني

موزة : شو اباه

شمة : وبعدين معاج والله مب قصدي

موزة : خلاص بليزز مااريد اسمع هالسالفه

شمة : انزين انتي ليش رافضه فكره الزواج الحين

موزة : ورايه دراسه

شمة : بتكملين بعد العرس

موزة : لا والله تستهبلين .. تعرفين انه سيف يبانا نسافر برع

شمة : اوكي وقفي كمن شهر وخلاف ردي كملي

موزة : مااريد

شمة : موزة وافقي والله يدوه بتغصبج على العرس

موزة : أوووووفففف .. هاي حياتي ومحد له خص فيها

شمة : حرام عليج سيف ياي متعني عشانج وعشان يخلص هالسالفه

موزة : يصير خير بفكر بالموضوع وبستخير

شمة : ع خير

موزة : خلووووووووود تعالي انا بنزل

شمة : ليش وينها

موزة : ترمس ريلها بالتلفون داخل

شمة : اهااا

بعد دقيقه يت خلود وسلمت ع شمة شكلها جنها مضاربه مع ريلها شلت بنتها وردت دخلت داخل

طنشتها وسرت صوب غرفتيه ويبت شيلتيه وتلفوني عشان ننزل تحت مليت من اليلسه داخل

اقترحت علينا لطوف نساعدهن بالعشا

اونه يالسات يعدل اللحم والدجاج يبن يشون برع عند الزراعه

فعيبتني الفكره .. سرنا زهبنا كل شي واتصلنا ع عمومتي وعزمتهم عندنا شمه قعدت تترجاني اتصل بسيف عشان ايي يتعشا عندنا

قلت لها لاا مستحيل

شمة : مب كيفج وين بتعشا الريال محد عنده

موزة : مشكلته يتعشا في مطعم ولا يسير عند امه

شمة : بخبر عليج يدوه

موزة : شو تهدديني بيدوه .. عزميه شو اباه انا

شمة : انزين بعزمه

اتصلت شمه بسيف وخلت الصوت برع

شمة : مرحباا
سيف : هلا

شمة : انت وين

سيف : عند الشباب شو تبون

شمة : اهاا انزين تعال بيت عمي مسوين عشا

سيف : مااقدر ايي بتعشا ويا الشباب في البر

شمة : ليششش

سيف : برايكم انا مشغول الحين

شمة : اوكيه باي

موزة : احسن تستاهلين

شمة : كله من نحاستج

موزة : احسسسسسن


قعدنا نسولف ويا عمومتي ويدوه ونضحك .. لين الساعه 11 كلن توكل ع بيته










اليوم : السبت
الوقت : الساعة 9:30 الصبح
المكان : في بيت بو مبارك

" سيــف "


" استغفر الله "

وبعددددددددين يعني مايخلون حد يرقد

من ساعة تلفوني يصيح وانا مطنشنه وكل ماصاح أخش راسي تحت المخده ..

بس شكله اللي يتصل مابخليني ارقد شليت تلفوني وماشفت منو اللي متصل

سيف : ألوووووو

عبدالله : ساعه لين ماترد ع التلفون

سيف : منوووووووو

عبدالله : قوم من الرقاد والله انك فايج

قمت وانا افرك عيوني بإيدي شفت اللي متصل أخوي عبدالله

سيف : هلا عبدالله .. شو تبا كنت راقد

عبدالله : تعال البيت بسرعه الحين ضروري

سيف : الحين ؟؟

عبدالله : هيه

سيف : مافيه خلاف العصر

عبدالله : انت ماتحس قلت لك تعال

سيف : انززززززززين عطني ساعه لين مااتسبح واييك

عبدالله : لا تتأخر

سيف : ان شاء الله فداعه الله

أوووووووووففف فريت اللحاف من على ويهي وقمت وانا ألف فكرة تروح وترد في بالي

شو يبا ..؟؟

شو مستوي ...؟؟

والله مايخلون حد يتهنا برقاده اروحي راقد بعد صلاة الفير

كنت سهران ويا الربع في البر ..

دشيت الحمام خذيت لي شور على السريع ولبست ملابسي وشليت تلفوني وبوكي وسويج سيارتيه وظهرت وسرت الشيشه

وعبيت سيارتيه بترول وخذيت لي ريوق

بتريق يوعان ..

وصلت البيت على الساعه 10:30 دشيت البيت ولقيت امي وعبدالله في الصالة
توايهت ويا اخوي عبدالله

وخلاف تقربت من امي بسلم عليها ..

تخيلوووووووا شو سوت

دزتني بعيد عنها

سيف : أمايه

أم عبدالله : لاتقول أمايه أنا لو أمك جان ماظهرت من شوري

سيف : بس يا أمايه انت شورج كله غلط بغلط يكفي اللي صار لأبويه

أم عبدالله : جب .. اشوف لسانك طايل عليه

سيف : حشاا والله لج الحشمه

أم عبدالله : بنت عمك هاي ماتاخذها تفهم ولا لاه

سيف : اسمحيلي مااقدر انا خطبتها وخلاص

أم عبدالله : قلت لك يا انا يا بنت عمك

سيف : امايه تعوذي من ابليس بنت عمي انا باخذها باخذها

أم عبدالله : روح الله لايوفقك .. ظهر من البيت

ظهرت وانا محرج ع الأخير .. لحقني عبدالله لين باب سيارتيه

عبدالله : سيف

سيف : شو تبا خيرررررر

عبدالله : دخيلك ودرها بنت عمك .. بدمر حياتي معاك

سيف : انت شو يخصك بسالفتيه

عبدالله : انت بتاخذ اخت حرمتيه يعني امي بتخلي الغيظ فيني انا بعد

سيف : مايخصني فيك

ركبت سيارتيه وانا مااعرف وين اسير

العبره خانقتني ..

ابا اظهر باللي في قلبي

قعدت اتمشا بسيارتيه والله والله مااجذب عليكم الدمعه خانتني ونزلت ع خدي ..

ماحسيت بعمريه إلا وانا في البر وقفت السياره ورديت سيت السيارة ع ورا وسدحت ظهريه

وشليت تلفوني مااعرف ع منو اتصل ..

ماعندي غير راشد

شو اسوي الريال بشهر العسل بس ماعندي غيره شو اسوي










اليوم : السبت
الوقت : الساعة 11:30 الصبح
المكان : في بوظبي
" راشـــد "



كنت يالس اتريق ويا حصه في الفندق من صاح تلفوني وشفت رقم سيف حسيت بشي ..

رديت عليه ع طول

راشد : مرحبااا

سيف : .......................

راشد : سيف اشفيك

سيف : راشد إلحقني

راشد : اشفيك قووول شو صاير امي فيها شي

سيف : لا

بعدت السماعه عن إذني واستاذنت من حصة بظهر برع شوي وبرد لها


راشد : سيف قوول شو مستوي تراك روعتني

سيف : اسمع

قعدت اسمع السالفه من سيف وانا ماادري شو ارد عليه هذا

قلبه

وهذي

أمه

القرار صعب ..!!؟؟

سيف كان يقطع بالكلام ادري انه يصيح ..

بس ماحبيت ابين له اني اسمعه يصيح

الريال غصبا عنه يصيح .. هو في موقف صعب صعب ..


قعدت اهدي فيه وقوله يتوكل ع الله وامه دعت عليه بس مب من قلبها .. لحظه غضب منها ..

وقلت له انت توكل ع الله وخذ موزة وامك مردها ترضى عليك ..

وامك اللي سوته مب شوي ..!!

قعدت اهدي فيها حوالي ساعه وقلت له يوكل امره لله ..

سكرت عنه وع طول اتصلت في موزة

موزة : عمي راشد

راشد : شحالج

موزة : بخير شو طاري عليك متصل وانت في شهر العسل

راشد : شو نسوي اضطريت اتصل

موزة : شحال حصوه

راشد : الحمدلله بخير

موزة : مستانس

راشد : الحمدلله .. المهم سمعيني

موزة : خير

راشد : انا توني مرمس سيف

موزة : سيف .؟؟!!

راشد : هيه

قلت لها السالفه وحاولت اقنعها تتصل في ولد عمها وتوقف معاه حتى يقدر يستوعب انه موزة معاه مدام امه تخلت عنه

موزة : مااقدر والله فضيحه

راشد : موزة سيف قبل مايصير خطيبج يصير ولد عمج ومافيها شي

موزة : لا لا مااريد

راشد : عشان خاطر عمج راشد يالله لاترديني يكفي اني مودر حرمتيه اروحها في الفندق

موزة : خلاص عشان خاطرك بتصل فيه

راشد : فديتج والله .. فديت بنت اخويه العاقله انا

موزة : احم احم كل هذا عشان سيف

راشد : شو اسوي سيف اقرب شخص لي اقرب من اخواني

موزة : انزين خلاص سير عند حرمتك

راشد : ان شاء الله سلمي ع الأهل

موزة : يوصل وانت بعد سلم ع حصوص

راشد : ان شاء الله باااااي

موزة : باااي


سكرت من موزة وطرشت حق سيف مسج :

هات العذاب وهات حزنك والألام
واضحك ياسيف وشــ على الهم نسيان
هات الشقا والهم وطعون الأيام
من فرحتي والشوق يا اغلى انسان
يكفي عناك اللي سكن فيك أعوام
يكفي اللي شفته من فلان وفلان
خل السهر وانت خل عينك تنام
تعمي عيوني لو غفت وانت سهران


ورديت صوب الفندق عند حصه اروحها يالسه ..
فضيحه اودرها تونا معاريس يداد ..








اليوم : السبت
الوقت : الساعة 12:00 الصبح
المكان : في العين
" سيـــــف "



فرحت يوم قريت مسج راشد استانست عليه ..

يلست اكتب له مسج وانا اكتب دقت موزة ..

ماصدقت غمضت اعيوني ورديت افجهم عشان اتأكد اني ماأحلم

طنشت التلفون مااريد ارد عليها

سكرت ورديت انا اكمل كتابه المسج حق راشد يوم خلصت طرشته صوب راشد ..


يانبضة القلب فزة خاطري
ياجرة الااااه باقصى ضامري
تمضي الليالي والزمن فينا يدور
ويبقى الشعور نفس الشعور
ياخوي ياعزوتي ياضحكتي وبكاي
يامن على فزعتي يمينه في يمناي
ياماا اخو دنيا عند النواب يبري جراح
واذا زاد حملك تلقى فيه الخير
الدنيا تبقى بخير ليمال زمانك وانكرك الغير
دام الوفا بين البشر موصول
ياخوي يعزوتي ياضحكتي وبكاي
من لي سواك الي على كتاف ارتشي
لي خانني الوقت وخان فيني القهر
انت العضيد الي اشد فيه الظهر
ياخوي ياخوي ياخوي



رديت اتصل ع موزة ..

سيف : السلام عليكم

موزة : وعليكم السلام .. شحالك سيف

سيف : الحمدلله من صوبج

موزة : بخير دامك بخير

سيف : دوووم يارب

موزة : الجميع يارب

سيف : ...........................


موزة : ............................

سيف : .................................

موزة : امممممممم ليش مارديت عليه يوم اتصلت

سيف : ماادري

موزة : زين .. ممكن تفتح لي قلبك وتقول شو فيك

سيف : مافيني شي الحمدلله

موزة : سيف

سيف : عونج

موزة : بقولك كلمة وبسكر

سيف : تفضلي

موزة : انا موافقه ع العرس بأقرب وقت انت تحدده .. وتأكد اني مستحيل اتخلى عنك .. والحين برايك مع السلامه

سيف : لحظه

موزة : ....................

سيف : خلاص برايج ربي يحفظج

موزة : مع السلامه


سكرت عن موزة وكلماتها ترن في أذني

" مستحيل أتخلى عنك "


فددددديت قايل هالكلمات ياربي ..

اتصالها ثلج صدري وكلماتها زاحت الهم من على قلبي ..


بعد مرور أسبووع على الأحداث السابقة ...........................




اليوم : الجمعة
الوقت : الساعة 11:00 الصبح
المكان : في بيت بو سلطان

" عـــفـــاري "

تونا واصلين من دبي ..
كنا في السيارة

سلطان : يالله نزلي

عفاري : لا استحي ودني بيت اهلي

سلطان : بوديج بعدين العصر لازم اول شي تنزلين في بيتج

عفاري : سلطان

سلطان : يالله عاد

عفاري : اوكي خلاااص

نزلنا ويا بعض ودخلنا الصاله كانت امايه يالسه هيه وابويه سلمنا عليهم وقعدنا وياهم ..

عفاري كانت مستحيه واااااااااااااايد وكله منزله راسها تحت

أم سلطان : شحالج بنتي عفراء ان شاء الله بخير

عفاري : بخير الحمدلله

سلطان : ههههههههههه مستحيه البنت

أبو سلطان : لاتستحين البيت بيتج وانا بحسبة ابوج وهاي امج

سلطان : قومي براويج قسمج وبوديج تقعدين ويا البنات عشان شوي يروح المستحى

قمنا انا وعفاري سرنا فوق وقلت لأمايه تقول للبشكارة تنزل الشنط من السيارة وتوديهم غرفتنا ..

راويت عفاري قسمها ..
انا ظهرت عنها سرت ازقر موزة وخلود ..

موزة كانت تسبح وخلود راقده .. ومالقيت غير الياهل لطوف تسير تقعد ويا عفاري لأني بنزل اصلي ويا ابوي صلاة اليمعة ..

خلاف سرت قسميه ولقيت عفاري تتفحص بالغرفة

سلطان : عيبتج

عفاري : هيه حلوه

سلطان : موزة تسبح وخلود راقده لطوف الحين بتي تقعد وياج انا بسير اصلي اليمعه وبرد والبيت بيت فديتج خذي راحتج .. ظهري من هالقسم وسيري سيده بتلقين القسم ع ايديج اليمين قسم البنات ..

عفاري : اوكي خلااص

غيرت ملابسي ونزلت تحت عند ابوي









اليوم : السبت
الوقت : الساعة 12:30 الظهر
المكان : في بيت بو سلطان

" مـــــــوزة "



ظهرت من الحمام ورفعت شعري وقعدت اقرأ قرآن وخلاف صليت الظهر ..

وانا مخلصه الصلاة سمعت لطوف تقولي عفاري وسلطان هنيه

جان استانس وبسرعه عدلت من شكلي ع السريع اوني عاد .. فضيحه اظهر جي لازم شوي اكشخ لو عالخفيف ..

لفيت شيلتيه ورشيت عطر وسرت صوب قسم سلطان

موزة : هلااا والله بالمعاريس

عفاري : انتي وينج

موزة : اشدراني انج هنيه كنت اصلي

سلمت عليها وقعدت معاها شوي

موزة : ليش ماقلتوا انكم بتون اليوم

عفاري : ماادري تحريت سلطان قالكم

موزة : اهاا .. المهم يالله خلينا ننزل

عفاري : لا لا بقعد هنيه

موزة : ليششش ؟؟

عفاري : استحي والله انزل

موزة : يالله يالله قومي براويج غرفتيه والبيت كامل

عفاري : انزين يالله

ظهرت مع عفاري وراويتها غرفتيه وغرفة لطوف اما غرفة خلود ماقدرت اراويها لأن خلود كانت راقده ويا بنتها وقافله الباب

عفاري : غرفتج احلى من غرفة لطووف

موزة : احم احم ع حظي امس مرتبتنها من الملل

عفاري : ززين

موزة : خلينا ننزل تحت

نزلنا تحت وراويتها قسم امي وابوي وغرفة حمد وخالد وظهرتها برع اراويها المطبخ ولقينا امي في المطبخ وقالت لي اقطع الليمون في السلطه ..

وبعدين يا ابوي وسلطان وخالد وحمد من المسيد وخلينا الغدا وتغدينا خلود ماطاعت تنزل قالت راسها يعورها وخليناها ع راحتها ..

بعد الغدا راح سلطان يرقد .. عفاري يت معايه نسولف في غرفتيه وقلت لها عن سالفة العرس انهم حددوه وانا مااعرف شو اسوي عندي شهر ونص ازهب عمري فيه

عفاري : انتي شو سويتي الحين

موزة : ماشي شريت الرقع بس وقلت بسير افصل عبايه اليوم

عفاري : امممم انا اليوم بسير عند اهلي كان خاطري اسير وياج

موزة : ماعليه هالأسبوع اللي بتقعدون معانا في اليوم مرتين بوديج معايه السوق الصبح والعصر

عفاري : هههههههههههه افا عليج من عنوني فديتج

ظهرت اللي شريته من رقع الكنادير وراويتها

عفاري : ماخذتي وايد

موزة : ماابا افصل وايد قلت بفصل 15 او 10 كنادير بس وباخذ لي بدل بعد تعرفين مابنقعد في البلاد

عفاري : وشو بتسوين عشان الجامعه

موزة : حالتي من حالتج بوقف شهرين وبرد اكمل خلاف

عفاري : ههههههههههه شفتي ان العرس شقا

موزة : الله كريم شو نسوي حكم القوي ع الضعيف

عفاري : الله كريم

موزة : متى بتخلص دورة سلطان اخاف ماتحظرون العرس

عفاري : لا إلا شهر الدورة اكيد بنحضر ان شاء الله

موزة : ان شاء الله

قامت عفاري .. سارت عند سلطان وانا نزلت تحت عند امي اباها تسير معاي بفصل لي شيل وعبايه وباخذ لي اغراض للعرس ..
والله ابتلشت .. تعب يوم تزهبين للعرس راسج يعورج ماتعرفين شو تاخذين ..









بعد مرور شهر و20 يوم من الأحداث السابقة ....


..::..::..::..::..::..::..::..::..::..::..::..::.. ::..::..::..::..::..

رجع سلطان من الدورة .. وخلص منها واستقر في العين ودوامه نقله العين بعد ماقنعته عفاري انها تريد تكمل دراستها

اما خلود وعبدالله الوضع ماتغير .. عبدالله عند اهله عايش ومرتاح وخلود وبنتها في بيت اهلها .. بس عبدالله ع نهايه الأسبوع يزور حرمته عشان يطمن ع بنته ويشوفهم اذا محتاجين شي .. لأن امه مب راضيه ان خلود ترد البيت ويا ريلها ..

أما راشد وحصه مستقرين في بيتهم وراشد متلعوز ويا دوامه في بوظبي يسير بدايه الاسبوع ويرد ع نهايه الاسبوع لازم يخلص الدوره اللي عنده في بوظبي مدتها 40 يوم وخلاف يقد يتسقر في العين ..

سالم وحمده الأوضاع عال العال عندهم والحمدلله وايد مستانسين

شمة ردت لدراستها في الجامعه هالمرة اروحها بدون موزة ..

اليازية همها ولدها وبس .. وبين فتره وفتره سعيد يخطر ع بالها مع انه انشغل الكل بحياته وشغله بتم اليازية اللي تعاني فراغ سعيد في قلبها ..

موزة : كل همها هالعرس ومتلعوزه ماباجي عنه الا يوم واحد بس ..

سيف ماقدر يراضي امه حاول فيها ورمس خواله يرمسون اختهم بس محد يقدر اييب راسها .. وكل امره لله ومشى ع شور ابوه ويدته انه يعرس ويشل حرمته ويتوكل ع الله ويسير يكمل شغله


..::..::..::..::..::..::..::..::..::..::..::..::.. ::..::..::..::..::..
..::..::..::..::..::..::..::..::..::..::..::..::..
..::..::..::..::..::..::..::..::..
..::..::..::..::..
..::..




اليوم : الأثنين
الوقت : الساعة 10:30 الصبح
المكان : في بيت بو سلطان

" شــــمــــة "


كنا يالسن نرقص ونصفق ونغي حق موزة عشان تسكت كان ظاربنها حفوز ع قولتها ومالها خاطر تعرس ..

حاولنا نغير الجو انا وحصوه وعفاري وقعدنا نغي ونرقص لها بس هيه شوي تضحك علينا وشوي تمد بوزها ..

دخلت علينا حمده واليازية وسلمن ع موزة

حمده : موزةه بلاج استويتي عظم ع لحم

موزة : شو اسوي من التفكير

حمده : اونه من التفكير

اليازية : ها موزه شو المعنويات

موزة : خاااااايفه والله مااريد اعرس

حصة : ههههههههههه حبيبتي شعور أي وحده في ليلة عرسها لاتخافين نحن بنكون حواليج .. بس يالله قومي عشان نسير الصالون مانبا نزفج متأخر ..

موزة : وين خلود

اليازية : سارت ترضع بنتها وترقدها

موزة : بتسير معانا

اليازية : لا نحن حاجزين الكوفيرا في البيت حصه وعفراء وشمة بسيرن معاج

موزة : زززين

قمنا ولبسنا عبينا ونزلنا تحت كان سلطان بشلنا الصالون وموزة كانت تصيح من شافت امها .. وامها بعد قعدت اتصيح والله كسرت قلبي فما قدرت اتحمل فصحت معاهم ..

مابتقعد عندنا في البلاد باجر سفرتهم يعني مابنشوفها ..

صعب فراق موزة علينا .. والله وخاصة انا وايد متعلقه فيها وكنا دوم رباعه .. وكنت دووم معاها يوم تسير تزهب ومرات انا اشتري عنها لو تعبت ..

سرنا الصالون وقعدنا لين الساعه7 المغرب يا سلطان وردنا البيت لأن موزة بتلبس الفستان في البيت كانت حلووووووووووووه .. حلووووووووه

غيرت ملابسها ولبسناها الفستان ويت المصورة وقعدنا نتصور في البيت لين مانودي موزة الفندق ..

وموزة عصبت وكانت تبا ترقد من حركات المصورة كل شوي تقولها سوي جي وسوي جي ..

المصورة كانت محتشره علينا تبا نتصل ع المعرس عشان ايي يصور مع موزة في البيت .. موزة قالت بكسر راسج ان يبتي المعرس هنيه انا اروحي مترووعه تبينه يغمى عليه ..
قعدنا نضحك يوم صارخت موزة على المصوره ..

المصورة خافت قالت خلاص بنصور في الفندق ..

على الساعه 9 اتصلت ام سلطان ع عفاري وقالت ان سلطان الحين بيي صوبنا عشان نزف موزة للفندق ..

من قلنا لموزه يالله قومي بنلبسج العباه بنظهرج من البيت قعدت تصيح ونحن نسكت فيها وقلنا لها لاتخربين عيونج ومكياجج ..

زفينا موزة لين الفندق ..

سلطان اللي دخلها لأنها ماطاعت تدخل اروحها سلطان اول شي رفض وقال استحي ادخل ع الحريم ..

ع ايدها اليمين اخوها سلطان وايدها اليسار عفاري وجدامها ايولون خالد وحمد ..



كلولولولولولولولولولووووو وووووووووووووش

ألف باسم الله عليها من فرح كل العيون
ألف باسم الله عليها مقبله بدر الزمان

على النبي المختار صلوا انتو ياللي تنظرون
قبل لايبزغ ضياها في سما هذا المكان

إن رأتها الشمس تخجل والبدر صابه جنون
والظيا فيها تلاقى مع شموع وشمعتان

وجها صبحن تبسم للزهر فوق الغصون
بسمةً فيها العذوبة والبرأه والحنان

بالخجل ياما تلبت وامطرت فيها المزون
والمطر وهج خدوده واستثار الزعفران

طرفها لليل يهدي كحل وأهداب وجفون
علم الليل وظلامه كيف ليل كحل زان

والحواجب لي تظلل دجلها حرفين نور
زاهيات ساحرات حارسه سود العيان

ألف باسم الله عليها من فرح كل العيون
ألف باسم الله عليها مقبله بدر الزمان

على النبي المختار صلوا انتوا ياللي تنظرون

كلولولولووووووش .. كلولولولولولولوووووووش


وصل سلطان موزة ع الكوشه وباسها ع راسها ونزل وظهر برع وقعدت موزة شووي على الكوشه وحمد وخالد حواليها ايولون وهيه عيونها ع خوانها شكلها بتصيييييييح ..

قامن ثنتين من ربيعاتها وسلمن عليها وكمن حرمة بعد قامن يسلمن ..

بعد حوالي نص ساعه قالوا المعرس بحدر

قامت خلود وقفت موزة ونزلت الطرحه ع ويها ونزلت خلود من ع الكوشه

موزة واقفه ع الكوشه وسيف حدر القاعة ..

وعيونه عليها وهيه منزله راسها ..

نجم تعلى ياسيف
تستاهل العز وأكثر
بعيونها الفرح يكبر
ياسيف الطيب كله
والحب قلبك محله
لك هيبتن مع تواضع
سيف ولا أحد مثله



شال سيف الطرحه من ع ويهه موزة وباسها فوق راسها وقف حذالها واستسلمتهم المصورة واذتهم من التصوير واخر شي عصب منها سيف وقالها كملي خلاف يوم نسير الغرفه فوق

وافقت المصوره ونزلت تحت ..




اليوم : الأثنين
الوقت : الساعة 11:30 الليل
المكان : في الفندق

" سيـــــــف "



كنت طاااااااااااااااااااااااا ااير من الوناسه مب مصدق عمري اني يالس ع الكوشه وموزة حذالي ..

موزة كانت متنرفزه حاولت ارمسها بس ماتعطي وتاخذ وياي وايد من شفتها جي ماتبتسم ..

سيف : خاايفه صح

موزة : هيه

سيف : تبيني اظهرج من هنيه

موزة : هيه

لفيت راسي ادور حد ازقره عشان نبا نطلع شفت ابوي وعمومتي كلهم داخلين وسلطان معاهم .. اطالعت موزة وقلت لها

سيف : يوم يظهرون بنظهر وراهم ع طول

سكتت عني وقفت انا ومسكت إيد موزة عشان توقف تسلم ع ابوها وعمومتها

سلمنا عليهم وخذوا صورة تذكاريه ويانا

سلطان وأبو سلطان وابو عبدالله وراشد وسالم وأبو سعيد

مسكني سلطان وقال في ويهه موزة

سلطان : امانه في رقبتك اختي الغاليه وان صار لها شي والله مايصير لك خير

راشد : ههههههههههههه سمعت سيف

سيف : لاتوصي موزة اغلى من نظر عيني

نزلنا عنهم بعد ماتوصرنا معاهم ويت يدوه وسلمت علينا وصورت معانا بعد ..

كان خاطري امي واخواني يحظرون بعد ..

حتى عبدالله ماحضر العرس ..

يالله .. الله يساامحهم ويرضون عليه ..

شليت موزة وسرنا غرفة الفندق نتصور وخلاف سرنا بيتهم عشان تغير ملابسها في البيت ..

ركبت معانا يدوه في السيارة


ويوم وصلنا البيت صارت مصيبه

ياليتني ماوديتها بيتهم ..

عبدالله الحيوان النذل

معلق ورقة طلاق خلود ع باب الصالة

وانهارت علينا خلود وموزة قعدت اتصيح من شافت اختها وصرخت علي وقالت

طلقني طلقني

انا انصدمت ..؟؟!!

انا شو يخصني في عبدالله .. سكت عنها ماقدرت استوعب اللي يصير

ام سلطان : حسبي الله عليه حسبي الله عليه

أم مبارك : لاتحسبين ع الريال مب زين

أم سلطان : ضيع حياة بنتي ضيع حياتها حسبي الله عليه من ريال

أبو سلطان : بس خلاص لاتصارخون اليران بسمعون حشرتكم خلود قومي صلي لج ركعتين وتعوذي من أبليس وربج كريم

ام مبارك : سيف شل حرمتك وتوكل ع الله

موزة : ماباه ماباه خله يطلقني الحين مااريد اضيع حياتي معاه

سيف : يا موزة انا مايخصني في امي واخوي وانا شاريج وبعت الكل عشانج لاتضيعني الله يخليج

أبو سلطان : موزة قومي ويا ريلج وسيف والنعم فيه

موزة : مااريده مااريد الله يخليكم خليه يطلقني الحين

أم مبارك : ع موتي يطلقج قومي اشووف جدامي

موزة : دخيلج يدوه دخيلج

سيف : موزة لاتضيعين حياتي

أبو سلطان : موزة قومي وبسنا فضايح عند اليران

موزة : انزين خلني اقعد عند اهلي اليوم بس

سيف : مااقدر باجر الفير طيارتنا سلمي ع اهلج الحين لأني ساير بوظبي والفير بنسير المطار

موزة : مااريد

أم مبارك : قومي وعن دلع البنات ..

قامت موزة معايه وطول الطريج وانا احاول اسكتها وقلت لها مستحيل اتخلى عنها مدام انها بين ايديني لو صار ماصار وعدتها وعد اني ابيع الكل عشانها ..





هذي نهايه قصتي ..

في ليلة عرسي كان طلاق اختي ..

سيف ماقصر معاي بعيشني حياة ولا أحلى ويجدمني ع روحه ونفسه ..







وصلنا للنهاية... !!!





يا للفرحة أم للأسف ... لا أدري بالتحديد !!



لامارا غير متواجد حالياً   رد مع اقتباس
قديم 28-12-19, 05:02 PM   #33

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



لامارا غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 05:56 PM



Powered by vBulletin®
Copyright ©2000 - 2024, vBulletin Solutions, Inc.