الدنيا قاسيــــــــــة / للكاتبة طيبــــــــة القلــــــــــب ، اماراتية مكتملة

[لامارا]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية الدنيا قاسيــــــــــة للكاتبة طيبــــــــة القلــــــــــب قراءة ممتعة للجميع.....

[لامارا]

رابط لتحميل الروايه هنـــــــــــــا

بسم الله الرحمن الرحيم

السلام عليكم ورحمة الله وبركاته


*×*×*×* الـــــدنــــيــا قــــااااااااســــيـــــة *×*×*×*
للكاتبة : طيبــــــــة القلــــــــــب




دق الجرس .. ليعلن نهاية المطاف .. نهاية المسيرة.. ليعلن بدء لحظة من أصعب اللحظات في حياتي .. لحظة تدمع عيني .. وتجرح قلب .. ويهتز لها وجداني .. لحظة واحدة .. أتمنى أن تطول ولكن محال فيالها من لحظة تشعرني بالحزن والشجن فأردت أن اتخذ قلبي صندوقا لحفظ ذكرياتي..
فلا يستطيع الزمان أن يمحو ذكرياتي وأحزاني...





ما بين البداية والنهاية
رواية صعبة
وحياة مؤلمة
وأبطال جرحى
وأماني لا تنتهي !!

*********************************************

[لامارا]

***===== الجزء الأول =====***



اليوم : الجمعة
الوقت : الساعة11.45 صباحاً
المكان : في بيت أبو سلطان
" غرفة موزة "


في زمانك محد" يشيل همك " لا أخوك لا رفيقك لا صديقك
ما تهم اللي يهمك! في زمانك لو بغيت تعيش صح ...
صل فرضك ..
واقبض أرضك ..
وحب اللي يحبك ..
خلك قنوع ..
خلك صبور ..
خلك حريص ..
لا تسال اللى عن ما سأل عنك ..
وهذي " نصيحه مني " ..... .

الحين بتقولون شووو سالفتها هالبنت ؟؟!! أنا بخبركم عن نفسي أنا موزة وعمري 19 سنة وأدرس في الجامعة " هندسة معمارية " وخذيت التخصص بالقوة بعد طلعت الروح أبوية ماكان معترض بس أخوية سلطان معترض عن فكرة التخصص لأنه يفكر وين بشتغل بعدين لأن التخصص تخصص شباب على قولته ومنقود البنت تدخل هذي التخصصات بعد أقناعه وافق إني أدش التخصص .. بس الصراحه الهندسة يبالها ..

أما على المقولة اللي قلتها قبل ما أبدأ حديثي معاكم .. هذي الكلمات أثرت فيني وايد كلمات معبرة ومقنعة في نفس الوقت .. مثل ماتشوفون عايشين في زمان ماأعرف كيف أوصفه لكم بس الأفضل أن يكون " كلن بحاله " أنا ماأعرف أشفيني أتفلسف عليكم من صباح الله خير ..

شليت المدخن بإيدي وسرت حجرة أخوية سلطان ودشيت بدون ما أدق الباب الباب كان شوي مفتوح دشيت وحصلت سلطان يالس يعدل غترته لأنه بروح يصلي الجمعة
موزة : السلام عليييييييييكم
سلطان لف صوبي ورد يطالع شكله في المنظره : وعليييييكم السلام
موزة : تبا دخون ولا لاه
سلطان : خلي المدخن وسيري برايج إذا عندج شغله

خليت المدخن على التسريحه " التواليت " وطلعت وسكرت الباب ورايه

رديت حجرتيه ولبست شيلتيه وتعطرت وبندت الليت ونزلت تحت وإلا باب الصاله ينفتح وتدخل من خلود أختيه وأنا نازله من الدري
موزة : هلااااااااااااا والله
خلود : أهلين أشحالج
تقربت منها وتخاشمت وياها : الحمدلله انت اشحالج
خلود : الحمدلله
تتصدد خلود يمين ويسار : وينهم أهل البيت
موزة : اشدراني اضني امايه في المطبخ وحمد وخالد ماتشوفينهم منسدحين على التلفزيون
تلف خلود الجهة الثانية وتشوف خالد وحمد منسدحين على التلفزيون ومندمجين وترد صوبي
خلود : ليششش خوانج مايسلمون
موزة : ههههههههه تراهم اخوانج بعد لاتنسين
خلود : خالد حمد ليش ماتسلمون
يرد عليها حمد ويأشر بإيده : بعدين بعدين بسلم خليه يخلص المسلسل
خلود : أعوذ بالله كل ماادش البيت ماشيء غير هالمسلسل في التلفزيون 24 ساعه اطالعونه
موزة : صار ادمان عليه مية مرة يشوفون الحلقة ولا بعد يندمجون مع الحلقه يقول اول مرة يشوفونها ههههههههه حتى ابويه صار يطالعهم


اليوم : الجمعة
الوقت : الساعة11.50 صباحاً
المكان : في بيت أبو سلطان " غرفة سلطان "


الحين يا الدور عليه أنا " الله يسلمكم " سلطان وعمري حالياً 24 سنة وأشتغل في بوظبي بس مشكلتي أني ما أحب أيسل في بوظبي بروحي لذلك فضلت أني أخذ لي درب من بوظبي للعين على الأقل أكون مرتاح هنيه بين أهلي .. صح أن الدرب طويل نوعاً ما بس شو أسوي حاولت أحول دوامي العين بس ماشيء فايدة ميبسين روسهم فيني .. لا والمشكلة بأن ربعي كلهم في العين دواماتهم لو حد منهم ويايه في بوظبي جان أنحلت المشكلة بناخذنا شقة وبنبات هناك ؟؟!! .. فأنا عن نفسي ما أقدر أعيش في بيت بروحي بدون أهلي أو أي حد يونسني

شليت المدخن في إيدي وقربته مني وبحركة سريعة تدخنت ورجعت المدخن لمكانه ورفعت إيدي أشوف الساعة .. خيبه تأخرت عن الصلاة شليت تلفوني وخليته في الجرج وخليت بوكي في مخبايه وطلعت من حجرتيه
وأنا نازل شفت البشكارة شاله ملابس بتوديهن الحجرة فقلت لها طلعي المدخن من الحجرة

شفت أختيه " خلود " تسلم على أمايه الظاهر أنها توها يايه وشفت موزة يالسه تعقم كندوة خالد " 4 سنوات " وحمد " 8 سنوات " يطالع التلفزيون

سلطان : السلام عليكم
خلود : وعليكم السلام هلا سلطان اشحالك
تقربت من خلود " وايهتها " : بخير ربي يعافيج أنت أشحالج
خلود : الحمد لله
سلطان : قرب عبدالله
خلود : لا لا نزلني وسار المسيد يصلي
سلطان : اهااااا انزين بسير بيت يدوه يتغدنا ويانا
خلود : لا بتغدا ويا أهله
سلطان : خلاص عيل
لفيت صوب خالد وأشرت له بيدي عشان إيي صوبي لأن تأخرنا عن خطبة الجمعة
أم سلطان : يالله حمد قوم بسك من التلفزيون
سلطان : أمايه أبويه وين
أم سلطان : أبوك خطف عليه عمك أبو سعيد وساروا رباعه المسيد وبعدين بسيرون بيت يدتك وانت من تخلص الصلاة خطف علينا عشان نسير عندهم
سلطان : مافيني أرد البيت أنا بصلي بالمسيد اللي عدال بيت قوم يدوه أنتن يالله قومن الحين بخطفكن على دربي
أم سلطان لفت صوب موزة : موزة عيل قولي للبشكارة تخلي الغدا في السيارة وزقري أختج لطيفة " عمرها 14 سنة " من فوق
موزة : إن شالله أماية
سلطان : هاتي تلفوني بتلقينه في الجرج .. بخليه في جراجة السيارة



اليوم : الجمعة
الوقت : الساعة 12.3 صباحاً
المكان : في بيت أبو سلطان
" خلود "
أنا أختهم بس مش الكبيرة سلطان أكبر عني بسنة وأنا متزوجه ولد عمي
" عبدالله وعمره 26 سنة " عاد سالفتيه ويا عبدالله سالفة الله يسلمكم في ليلة عرسي " المشؤوم " أستوت ضرابة عشان سالفه التصوير بالتلفونات في العرس لأن خالات عبدالله كانت كل وحده ماسكه تلفونها وتصور ووصلت لأبويه وعمي وأخترب العرس ومن ذاك اليوم وأم عبدالله حالفة ما أطيح بيت أهليه ولا بيت يدوه اللي هيه " عمتها " أم ريلها .. وعمي اللي هو " أبو عبدالله " شوره بيد حرمته هيه تفصل وهو يلبس ماعنده أي مانع .. وبعد ماكملت مع ريلي سنة أنجلبت حياتي فوق تحت عمتيه تعاملني أسوأ معاملة وايد تظلمني وأنا حليلي على نياتي ما أرمس ولا أشتكي .. وعبدالله يعرف بكل اللي تسويه أمه فيني ومع هذا ساكت مايقدر يواجها .. ومع هذا كله أنا متحمله عذابي بس عشان خاطر ريلي اللي مقدرني ومامخلني أحتاج لأي شيء ؟؟
بس شو أقول غير إني : " تعلمت أزيف ضحكتي والقلوب أسرار على إني بخير بعين من يجهل أحزاني "

يوم سألني سلطان عن عبدالله أنه بتغدا ويانا في بيت يدوه ولا لاه حزت في خاطريه ليش ريلي مايسلم على عمومته ولا أهلي أنزين أمه حالفة ما أطب البيت هو شو يخصة بحلفتها بس لأن عبدالله يخاف أمه تزعل عليه ولو زعلت ماأدري شو ممكن يستوي ؟؟!!



اليوم : الجمعة
الوقت : الساعة 12.5 صباحاً
المكان : في بيت أبو سعيد
" راشد "
" الله يسلمكم " أنا راشد وعمري 22 سنة وأخواني سالم وخلفان " أبو سلطان " ومحمد " أبو سعيد " ومبارك " أبو عبدالله " وماعندي خوات ،، أدرس في كلية الشرطة

كنت طالع من البيت وماسك تلفوني بيدي يالس أدق على سيف ولد أخويه مبارك ومايرد .. لا والمشكلة أخويه سالم في السيارة يترياني أنسير نصلي صلاة الجمعة وأنا متعود كل جمعة سيف يخطف علية ونسير نصلي رباعه ونرد نتغدا في بيتنا بس اليوم ما أدري شو سالفتة هالريال ما يرد على تلفونه .. ركبت السيارة ولا حتى عبرة أخويه اللي من ساعة يترياني في ظربة الشمس
سالم : أنت أبد مافيك مذهب ياخي قول أخويه الكبير فضيحه من ساعة يترياني في الشمس
راشد خليت تلفوني على طرف ولفيت صوب سالم : السموحه بس تدري سيارتي في الكراج وسيف مايرد على تلفونه
سالم : وأنا شو ذنبي اترياك ساعة للين ماتلبس حشا لو بعدك حرمة مايلست هالكثر
راشد : أنت تدري أني ثجيل في رقادي شو أسوي
سالم سكت ومارد على كلامي وشغل سيارته وتوه بريوس السيارة إلا بسيارة سلطان توقف ورا سيارته ونزنا كلنا نسلم على سلطان وحرمة أخويه
تقرب سالم قبلي وسلم على سلطان وسار صوب حرمة أخوية وبناتها وتقربت من سلطان وبعد السلامات والكلام الفاضي ركب سلطان ويانا في السيارة وأخوه حمد وخالد وبنات أخويه وأمهن دخلن البيت




اليوم : الجمعة
الوقت : الساعة 12.55 الظهر
المكان : في بيت أبو سعيد
" شمة "

أنا شمة وعمري " 18 سنة " أولى جامعة .. وعندي أخو أكبر مني واللي هو سعيد وعمره 21 سنة ونورة وعمرها 13 سنه ..

بعد ماصلينا أنا وموزة بنت عمي سرنا المطبخ ننقل الغدا لغرفة الطعام الرئيسية اللي صوب الميلس ..

موزة : أقول سيف بتغدا عندكم
شمة : لييييش تسألين؟؟!!
موزة : وياراسج لاتفهميني غلط ؟؟!!
شمة : ماأدري مايانا اليوم
موزة : أووووووووووف
شمة : أشفيج ؟؟!!
موزة : مافيني شيء بس هذا الولد ماأحبه
شمة : حرااااام عليج والله أنه فنان وغير عن كل أخوانه حتى إنه أحسن عن عبدالله ريل خلود بواااااايد
موزة : مايهمني بس تعرفين عاداتنا وتقاليدنا عيب الوحده تطلع جدام عيال عمها
شمة : عااادي حبيبتي أنا أطلع عيل جدامه وأنت اطلعين جدام سعيد
موزة : أنت متعوده على سيف لأنه أربع وعشرين ساعة عندكم في البيت ومرات يبات عندكم ،،أما سعيد فتعرفين أنه متربين ويا بعض من كنا صغار وسعيد مثل أخويه والكل يدري أنه مستحيل يكون بينا غير الأخوه
شمة : هههههههه عادي حبيبتي يستوي ريلج في المستقبل
موزة : لا مايجوز كيف يستوي ريلي ونحن مثل الأخوان
شمة : كيف أخوان بالله عليج لا راضعين ويا بعض ولاشيء
موزة : لاتحاولين تجذبين على عمرج وأنا مافكر أخذ حد من أهلي وخاصة عيال العم على قولتهم " روح بعيد وتعال سالم "

" احم احم احم "
كلنا لفينا ورانا ياترى منو صاحب الصوت ؟؟!!
موزة : الله ياخذك طيحت قلبي فقت ويهك
راشد : فقت ويهج أنت !! شو يالسات تقولن جني سمعت كلمة بالغلط ؟؟!!
شمة أطالع موزة ؟؟!!!
شمة : شو قلنا ماقلنا شيء أنسوالف عن الجامعة
رادش : امممم الجامعة ؟؟ شو ياب طاري " روح بعيد وتعال سالم "
موزة : مشكلة عندنا في الجامعة عشان الإمتحان
راشد : اهاااا عشان الإمتحان أنزين يالله يالله طلعن برع سيف واقف برع بدش داخل
شمة من سمعت إسم سيف لفت صوب موزة ؟؟!!
موزة تغشت بشيلتها ومشت بكل هدوء وطلعت ولحقتها شمة
موزة خطفت جدام سيف : السلام عليكم
سيف : وعليكم السلام
شمة : قرب قرب سيف البيت بيتك



اليوم : الجمعة
الوقت : الساعة 12.55 صباحاً
المكان : في بيت أبو سعيد
" خلود "

رفعت إيدي بعد ماخلصت من صلاتي ودعيت ربي :
(اللهم أنت السلام ومنك السلام تباركت يا ذا الجلال والإكرام .. )
( يالله يا مستجيب لدعوة الداعي .. يا الواحد الذي جميع الخلق
يرجونه.. . أرجيك وأدعيك وأنا ساجدة وقائمة .. تحفظ لي زوج وتجعله راضي علي وحببني في قلبه كما حببته لي في قلبي يارب العالمين .. )
لفيت السجادة وخليتها على الكرسي وعقيت شيلة الصلاة ولبست شيلتي .. وطلعت من حجرة يدوه وسرت عندهم في الصالة
أم سعيد : خلود تعال تغدي
خلود لفيت على يالسين اللي هم " أم سعيد وأماية ويدوه ولطيفة يالسه تقرأ الجريدة وعدالها نورة تسولف مع خالد .. وشمة وموزة يالسات يتغدن "
أم سلطان : خلود فديتج أشفيج
خلود : لا لا أمايه مافيني شيء
تقربت منهم ويلست عدال يدوه . يدوه خلت إيدها على راسي ومستحته وقالت : الله يوفقج يابنتي ويرزقج العيال
أم سلطان : ان شاء الله
من يابت يدوه طاري العيال تجمع كل الدم في ويهي وحسيت جسمي حار تذكرت كل اللي صار فيني بسبة العيال ؟؟؟
حاولت أبين أني طبيعية مافيني أي شيء ؟؟!!
حاوت أتصنع الضحكه مع أنها طالعه مب من الخاطر ؟؟
حسيت قلبي يعورني وجسمي يرتجف وقلبي يدق بقو وبصوت عالي حتى شكيت أن يدوه تسمع دقات قلبي من كثر ماهو يدق ؟؟
حاولت أبلع شيء من الأكل بس مب قادره أبلعه أحسه يوقف ولايطيع ينزل .. صبيت لي كوب عصير وقمت
أم سعيد : خلود ماتغديتي
خلود : شبعانه إلا الساعه 11 متريقه والحين ماأشتهي شيء
شليت عمري وسرت يلست على طرف في الصالة لأني إذا سرت داخل خفت يشكون فيني ويقولون البنت شيء فيها ؟؟!!

اليوم : الجمعة
الوقت : الساعة 1.25 الظهر
المكان : في بيت أبو سعيد
" موزة "

من دخلت خلود الصالة وأنا حاسة أنها فيها شيء ؟؟!!
ومن يابت أمايه طاري العيال ويها أعتفس ؟؟
ياربي أشفيها هالبنت وايد أحسها مضايجه
وشاله هموم الدنيا كلها على راسها ..
أوهووووو أنا بروحي مصيبتي أكبر مني ؟؟
الحين عمي راشد شو بقول عني ؟؟!!
بقول البنت مب مأدبة وتطري الرياييل ومافيها سنع وأبوها ماعرف يربيها ؟؟ لااااا أبويه مربيني ومربي أخواني أحسن تربية وماقصر في تربيتنا بس هاي شمة اللي فتحت السالفة وخبصت من عندها هي شو عليها عمي راشد عاذرنها أما أنا شووو بقول عني ؟؟!!
لازم أتأكد إذا سمع السالفة ولا لاه ؟؟!!
بس كيف أسأله قوية الصراحه ؟؟
اشحلاتني وأنا أسأله بقول هالبنت مرة عينها قوية وماتستحي على ويها ؟؟ أوووف أنا ماأحب حد يرمس عني وفي تربيتي أو حد يفهم قصدي غلط ؟؟

كنت سرحانه في عالم مشكلتي ماحسيت إلا بشمة تقرصني عشان نقوم داخل لأن عمي راشد وسيف بدخلون الصالة .. لأن سيف بسلم على يدوه ماشافها اليوم ؟؟ قمت من مكاني وسرنا صوب المطبخ التحضيري عشان نغسل إيدينا ..
شمة : موزة أشفيج
موزة : شمة الله يخليج سكتي عني الحين مافيني حد يسمعني إذا رمست بعدين بتفاهم وياج باللي صار

شمة سكتت عني غسلت إيدينها وسارت صوب الثلاجه تشرب ماي أما أنا شفت خلود داشه لمطبخ شاله الكوبات بتغسلهن فأستغليت الفرصة
عشان أسألها أشفيها ؟؟!!
وشو اللي غيرها فجأة !!

[لامارا]

***===== الجزء الثاني =====***


ما فائدة القلم .. إذا لم يفتح فكرا .. أو يضمد جرحا .. أو يمسح دمعا .. او يطهر قلبا .. أو يكشف زيفا .. أو يبني صرحا يسعد الإنسان في ضلاله...!



اليوم : الجمعة
الوقت : الساعة 1.30 الظهر
المكان : في بيت أبو سعيد
" خلود "

كنت شاله الغسول في ايدي .. الصراحه كنت أريد أي شيء بس عشان أتهرب منهم فقلت بغير الغسول عشان ارتاح من نظرتهم ماادري ليييش كنت أحس إن الكل يطالعني مع اني أشوف محد يشوفني الكل كان مشغول عني بشي ..
في هذي اللحظه شفت موزة تتقرب مني ما أدري شوو ياني حسيت حرارتي ارتفعت ؟؟!!
موزة : خلود
خلود : نعم
موزة : امممممم اقوول اشفيج
خلود : مافيني شيء عااادي
موزة : ماادري ليييش حسيت انج مضيجه من شوي
خلود : هاا لااا عاديه مافيني شيء بس شوي مصدعه
موزة : مصدعه ؟؟ زين زين خلااص تبين بندول عشان الصداع
خلود : لالا مااريد
لفيت صوب شمه ورديت صوب خلود " موزة " : خلود اشفيج رمسي
خلود لفت ويها صوب المغسله : مافيني شيء انت اشفيج
موزة : انا اشفيني ..؟؟
خلود : موزة فكيني من صدعتج قلت لج راسي يعورني
موزة : خلاص على راحتج

شليت الغسول ورديت الصاله عندهم .. ويلست عدال عمي راشد .. اللي صدعنا بسوالفه وغشمرته ..!!




اليوم : الجمعة
الوقت : الساعة 1.40 الظهر
المكان : في بيت أبو سعيد
" موزة "

الصراحه انا شاكه بأن خلود فيها شيء احس انها مضيجه وهموم الدنيا كلها على راسها بس كيف اعرف هاي عنيده وراسها يابس مابتقول اللي بخاطرها بكل سهوله بس ماعليه لازم اتوصل لأي شيء أكشف سرها هالبنت
كانت يالسه سرحانه أفكر بمشكلة أختي وأدور شوو السبب اللي محطمنها بهذي الطريقة ماحسيت بعمي سالم وهو يدش المطبخ ويلس على الكرسي اللي عدالي ..
سالم : حووووووووو
موزة : عمي من متى وانت هنيه
سالم: يمكن من دقيقة دقيقتين ما اعرف بالضبط
موزة : اهاااا غريبة لييش مارقدت أحيدك لازم بعد الغدا ترقد للين صلاة العصر
سالم : عاد اليوم قمت الساعه 10 فما فيني رقاد الحين
موزة : زين والله احسن لك واخبااارك بعد
سالم : اخباري من اخبارج
موزة : ياحيك يا العم
سالم : اقووول موزة
موزة : خير
سالم : اباااج بمهمة
موزة : افاااا عليك آمرني بس أنت
سالم : تسلمين يابنت اخويه ،، الله يسلمج عندي خرايط عشان تصميم بيت واحد فقلت اباج تساعديني بتصميم شو رايج
موزة : مستعده افااا عليك
سالم : خلاص عيل تعالي معايه براويج الخرايط
موزة : خلاص سير وانا بلحقك بعد 5 دقايق
سالم : خلاص لاتبطين

راح عمي وأنا بعدني مب مصدقة إن عمي يريد مساعدتي لا بعد بشو بالتصميم يعني هندسه هاي بتكون أول معركه أخوضها في الهندسه لازم ماخيب ظن عمي فيني
سرت بسرعة وأنا ريولي خاطرها اطيرني فوق من الفرحة والوناسه



اليوم : الجمعة
الوقت : الساعة 2.5 الظهر
المكان : في بيت أبو سعيد
" سعيد "

كنت يالس على الكمبيوتر من ساعة تقريبا .. أدش موقع واطلع من موقع هالنت فضيع مافيه شيء يونسني كله ممل أخبار وخرابيط وأعلانات .. فدشيت موقع من المواقع فشفت فيه محطة للصور فدشيت أشوف الصور مع إنها كانت صور عاديه ما تهمني بشيء قلت خلني أتسلى فيهن وجلست انزل صور من جميع أنواع السيايير على جهاز كمبيوتريه .. بعد ما نزلت الصور دشيت موضوع في إحدى المنتديات يتكلم عن حياة الزوجين في مشوار حياتهم .. فكل ما أقرأ كلمة من هذا الموضوع كنت أحس بشعور غريب شيء يجذبني لداخلي .. جلست اقرأ الموضوع أكثر من مرة حتى من كثر ما قريته حفظت كل كلمة فيه .. الصراحة الموضوع يتكلم عن كيف المرأة تعامل زوجها وكيف هو يعاملها .. يمكن الموضوع غريب بس أنا فسرت كل كلمة فيه بطريقتي الخاصة وبعقلي ..

نحن البشر صرنا على الأرض أغراب ما عاد يربطنا عليها انتسابي يوم نسينا أصلنا طين وتراب لا ما حسبنا للطبيعة حسابي نبني خراب ونهدم أخلاق و آداب نركض ورا الأوهام وهي سراب ..



حياتي فعلاً كانت جذيه ما يهمني شيء غير وناستي وسعادتي ما كنت اهتم بحد غير حريتي واستقلالي .. حياتي كلها كمبيوتر وخراب وبنات وطلعات وسناتر .. كنت أربع ورا الموضة وكل شيء جديد .. كنت أسوي المستحيل عشان الناس أطالعني شووو أسوى .. ما كنت أخاف فعلا ما أخاف من أي حد حتى أهلي ما اعمل لهم أي حساب ..


بعد دقايق صاح تلفوني شليته وشفت الرقم مسجل باسم " الخبله " ضحكت من الخاطر وسكرت الخط في ويها وأغلقت تلفوني لأني تعبان وأريد ارقد .. طفيت جهاز الكمبيوتر وانسدحت على الشبريه .. وأفكر بحل حق هالخبله ؟؟!!
هالبنت شفتها في دبي من سنتين ما ادري ليييش في البداية جذبتني يمكن بطريقه مشيتها ولبسها اللي يكشف عن جسمها وتخطيطه من كثر ما هو راص عليها ولا ريحه عطرها وطريقه مكياجها وقوتها وشجاعتها .. في ذلك اليوم شفتها تمشي بمشيتها الكل يصد صوبها هيه كانت فرحانه بأن الكل يشوفها ماتعرف إنها كانت تجذبهم بصوت نعالها اللي شالة السوق بصوته .. فحبيت أكسر خشمها وكبريائها بطريقتي الخاصة .. فجلست ألحقها من مكان لمكان في السوق حتى أني عرفت بيتهم فجلست على هالحالة لمدة يومين أحاول اجذبها صوبي أخليها تعرف أني كنت أراقبها من يومين فعطيتها رقمي ورمستها بالتلفون كانت يوميا تتصل فيني أكثر من مرة وغير المسجات اللي اطرشهن في البداية كنت فرحان فيها يمكن لأني كنت بأول مراهقتي كان عمري في وقتها " 19 سنه " وكنت مجذب عليها وقلت لها عمري 22 سنه لأن عمرها كان 21 سنه فما حبيت أكون أصغر منها .. استمرت علاقتي فيها للين هذا اليوم شفتها يمكن 5 مرات في دبي بعد سابق موعد معاها .. أما الحين أريد أبعدها عني بطريقه أخليها ذليلة وتعرف منو أكون ومنو تكون هيه وإني مستحيل أخذ وحده من هالأشكال .. من كثر ما أفكر بهذا الموضوع ماحسيت بعمري إلا وأنا سابع نومه ..



اليوم : الجمعة
الوقت : الساعة 2.30 الظهر
المكان : في إحدى شوارع العين
" عبدالله "

أنا عايش مع همي وهمي صعب تفسيــــــــره حياتي بالألم تبدأ وهذا أول المشــــــــــــــوار أنا صوره من الماضي وأنا حاضر بلا ديــره وأنا طيف مضى وقته وأصبح للزمن تذكـار وأنا جرح صعب يبرى وكسر صعب تجبيره وجودي والألم واحد بدنيا كلها أســـــــــرار وأنا ورده بدت تذبل وضعها كيف تصويره تخيلها سحابة صيف بخيله حتى بالأمطــار

من ساعه كنت يالس على الغدا مع أهلي وأمايه الله يهديها كل شوي تفرني بكلامها اللي يجرح القلب كله تقول لي حرمتك حرمتك ؟؟
فقمت منالغدا مطلعت من البيت عساني ارتاح شوي من التفكير ..
الله يهديها أمايه هيه اللي كانت مصره أخذ خلود والحين شوو اللي غيرها عليها .. خلود ظالمنها ويايه وايد الصراحة وايد عليها متحمله كل اللي يصير صح اني مقصر فيها بس مع هذا احبها هاي زوجتي .. يمكن أكون قاسي معاها في بعض الأحيان بس هذا مايجبر أنى ما احبها .. كنت اقسا عليها بسبب تصرفات أمايه اللي تخلي الواحد يشك حتى بنفسه .. ياربي شوو اسوي كيف أحل هالمشكله اللي يوم عن يوم أشوفها أصعب عن اليوم اللي قبله وكل يوم أكتشف إني صغير جدام الكل .. حتى والله أنى مستحي أشوف أهلي أشوف حرمتي وإخوانها ..


ماحسيت بعمري إلا أنا موقف على طرف الشارع وأشل تلفوني واطرش مسج حق خلود اللي أحس إنها زعلانه عليه من تصرفاتي وتصرفات أهلي معاها وكتبت بالمسج :
(بنيت لك بالقلب قصر من الماس ما ينهدم لو حاولوا يهدمونه )
صح انه مسج صغير بس على عسى انه أطيب خاطرها مني ..
وقفت في مكاني اتريا جواب منها ؟؟!!
كنت أحسب الدقايق والثواني عشان ترد عليه بس للأسف ماردت عليه ؟؟ فشكيت إنها زعلانه عليه ؟؟!!
فدقيت لها تلفون بس للأسف بعد ماترد على التلفون ؟؟



اليوم : الجمعة
الوقت : الساعة 3.15 الظهر
المكان : في ميلس بيت بو سعيد
" سلطان "

كنت يالس أشوف راشد وسيف يلعبون ورقه ويسولفون سوالف عادية عن السيايير والدراجات والمحلات اللي تعرض هالأشياء .. أما أنا منسدح ومشغل التلفزيون ..

راشد : سلطان أنت باجر ما عليك دوام
سلطان : عليه ليييييش تسأل ؟؟
راشد : لا بس كنت بسألك متى بتسير بوظبي
سلطان : نفس كل يوم الساعه 5.30 الفير
راشد : اممممم خلاص عيل بسير وياك
سلطان : ليييييش شوو تسوي في بوظبي
راشد : عليه تدريب باجر هناك وقلت بدال ما أسير بروحي أسير وياك
لفيت صوب سيف : وانت بعد وراك تدريب
سيف : لا أنا الاسبوع الياي
لفيت صوب راشد : خلاص قوم وقت إذا ماخلصت أنا بسير عنك مابجلس اترياك
راشد : ان شاء الله بقوم بسرعة

في هالدقيقة صاح تلفوني وكانت امايه داقه
سلطان : الوووووووو
أم سلطان : سلطان تعالي بسرعة داخل انشل خلود المستشفى
بدون إحساس مني نقزت في مكاني " سلطان " : اشفيها
ام سلطان : ما ادري يالله بسرعة تعال

سكرت بسرعة التلفون .. ربعت بسرعة بدون ما أرد على راشد وسيف يسألوني شوو صاير

بسرعة بسرعة بأقل من عشر دقايق أشل أمايه وخلود المستشفى ؟؟!!






اليوم : الجمعة
الوقت : الساعة 3.30 الظهر
المكان : في غرفة سالم
" موزة "


كانت يالسه على الأرض أنا وعمي فارشين الأوراق على كبر الحجرة وماسكه القلم الرصاص بأيدي واخطط مع عمي بالتصميم .. كنت فرحانة كل شوي أتعلم شيء جديد وشيء بفيدني بعدين .. صح إن عمي اشطر عن بهالمجال بس أنا متخصصة بنفس المجال بس بعدني توني بأول المشوار .. مرات كنت أنبه عمي على أشياء ينساها .. عمي كان مستانس بعد لأنه حد يساعده ..
نقزت في مكاني من الخوف شمه داشه الحجرة بدون سابق إنذار وفجت الباب بقوة من قوة الباب الأوراق حسيت انهن طارن
شمة : موزة لحقي
موزة : اشفييييييج زيغتينا
شمة : خلود
موزة " من الخوف وقفت بسرعه " : اشفيهااااا
شمة : ماأعرف فجأة يلست تصيح وتزاعج بصوت عالي بطنها يعورها
موزة : وينها الحين
شمة : سلطان أمج ودوها المستشفى
من الخوف طحت على ريولي على الأرض نزلت راسي : لاالااااالااااالاااا ليييش ماقلتيلي قبل مايودونها
سالم يمسكني من أيدي : موزة اشفيج هدي إن شاء الله ما فيها إلا العافية
موزة : والله اني كنت حاسة إنها فيها شيء اليوم كانت أبداً مش طبيعية

في هالدقايق يصيح تلفوني وشفت رقم عبدالله استغربت قلت يمكن درا بالسالفة
سالم يأشر على موزة عشان تسكت
سالم : ألووووووو
عبدالله : هلااا عمي اشحالك
سالم : بخير الحمدلله اشحالك أنت
عبدالله : الحمدلله على كل حال اقوووول
سالم : خييير عبدالله
عبدالله : أنا الحين ياي صوبكم
سالم : ليييييش غريبة شوو صاير
عبدالله : بشل خلود فقلت أعطيكم خبر لأن خلود ماترد على تلفونها
سالم : انزين خلاص انت تعال وانا اترياك عند الباب
عبدالله : خلاص يالله فمان الله
سالم : فمان كريم
رديت لفيت صوب موزة وحضنتها : موزة خلود بخير انا بسير اطمأن عليها وبدق أطمنج بس خلي بالج على خوانج حمد وخالد






الوقت : الساعة 3.35 الظهر
المكان : في غرفة سالم
" سيف "


طلعت من بيت يدوه ومعايه راشد في السيارة كنا سايرن صوب المسيد نصلي صلاة العصر وبعدين نسير النادي ... كنت أفكر اشفيها خلود مااحيد إنها مريضة أو أي شيء وليش ما اتصلوا بعبدالله لازم يكون عنده علم بأن حرمته نقلوها المستشفى ،، أنا اليوم شفتها عند يدوه كانت ساكتة وماترمس وايد كله تسمعنا وبس وإذا كانت السالفة تضحك تبتسم ابتسامه بسيطة بس ومرات تسرح بعيد بخيالها اممممم هالبنت أكيد فيها شيء ؟؟!! أنا أحس إنها مب طبيعية يمكن سلطان يعرف السالفة وماطاع يخبرنا ؟؟

سيف : راشد
راشد : شووووو
سيف : بعد الصلاة نسير النادي ولا نسير الكراج نيب سيارتك
راشد : صح ذكرتني بسير اييب سيارتي طبعاً
سيف : خلااص بعد الصلاة بنسير انزين اقول اليوم ماشفت سعيد وينه كانت سيارته موقفه عند الباب
راشد : مااعرف هالولد بروحه حاله خاصة يبا حد ايوزه عشان ايوز من حركاته
سيف : ههههههه يوم عمي سالم عمره 28 سنه مب معرس كيف تبا واحد عمره 21يتزوج
راشد : ههههههه صدقكك والله بعدين بنتفاهم بسالفته وندور لها حل

نزلنا المسيد .. نصلي صلاة العصر .. وبعد الصلاة بنسير الصناعية نيب سيارة راشد من يومين عندهم يعدلونها ؟؟!!

وقبل مانوصل الصناعية ..
سيف : راشد اشفيها خلود
راشد : ماادري يدوه قالت مريضة وانا دقيت على سالم وقالي بعدين بدق ودقيت على سطان بس مايرد عليه
سيف : الله يستر



الوقت : الساعة 4.5 الظهر
المكان : عند باب بيت بو سعيد
" سالم "

كنت على أعصابي وكل شوي ادق بسلطان اطمأن على خلود بس سلطان مايرد على التلفون وهذا اللي زادني خوف .. انا من ربع ساعه يالس اتريا عبدالله يوصل .. احس الدقايق والثواني صعبه والوقت بطيء بدرجه اني كنت اعد ثانية بثانية

بعد دقايق وصل عبدالله ونزل وتوايهة وياه .. وقلت له ركب السيارة نتفاهم بموضوع

عبدالله : ليييييش شو صاير
سالم : ركب في السيارة انا بخبرك
عبدالله : انزين يالله اركب
سالم : انا بسوق السيارة انت يلس عدالي

عبدالله ماقال شيء او علق على الموضوع ركب عدالي وهو ساكت يترياني اتكلم .. الصراحه انا خفت اقوله عن خلود وهو يسوق السيارة ففضلت انا اسوق احسن عن يصير شيء لاسمح الله

مشيت بالسيارة وكنت متجه صوب المستشفى

عبدالله : سالم تلفت اعصابي ارمس شو صاير
سالم : عبدالله تعوذ من الشيطان
عبدالله : اعوذ بالله من الشيطان
سالم : خلود في المستشفى
عبدالله : خلوووووووووود اشفيهااااااااا
سالم : والله ماادري قبل ماادق تلفون قالولي انها تعبت ودوها المستشفى ونحن الحين سايرين صوبهم
عبدالله : سالم انت صدق ترمس ولا شووو
سالم : والله يا عبدالله مااجذب عليك انا بروحي خايف اكثر منك ؟؟!!
عبدالله : شووو فيها بالضبط
سالم : ماادري اللي سمعته بطنها يعورها
عبدالله : لاتقوووول لايكون صار شيء بالجنين
سالم :" لفيت صوب عبدالله بسرعه " : جنين ؟؟!! خلود حامل
عبدالله نزل راسه : هيه حامل من شهر تقريبا وماخبرنا حد بالموضوع
سالم : الله يستر بس الله يستر


الوقت : الساعة 4.30 الظهر
المكان : في المستشفى
" عبدالله "

كنت امشي بممرات المستشفى .. ماكنت امشي كنت اربع احس ريولي بروحها تمشيني بسرررررعه ؟؟!!
وصلت الغرفة اللي فيها خلود كانت امها واقفه عدالها والدكتورة بعد وياها كانت موصله بوايرات مغذي
تقرب عبدالله منها ومسك ايدها
عبدالله : خلود اشفيج
خلود كانت تفتح عيونها ببطء كانت تعبااانه والتعب يبين على ويها : عبدالله بموووت
عبدالله : لا شوو تقولين انت تعوذي من الشيطان

لحظات ويدخل الدكتور ومعاه دكتور ثاني
عبدالله : دكتور بشرني
الدكتور : انت منووو
عبدالله : انا زوجها
الدكتور : والله شو اقول لك الجنين صار له ميت من عدة أيام مما سبب لها نزيف حاد والحين لازم انزل الجنين بعملية لأنها اذا مانزلنا يمكن تموت من النزيف
عبدالله : شوووو دخيلك دكتور انت شوو تقول
الدكتور : والله هذا اللي كاتبه ربك
عبدالله : انزين لازم هالعملية
الدكتور : قلت لك النزيف يمكن يسبب لها ضرر
عبدالله يلف صوب خلود : خلود شوو اسوي دخيلج ردي علي
خلود : اسوي العملية ماشي غير هالحل

عبدالله يلف صوب الدكتور : خلاص تسوي العملية بس المطلوب مني شو
الدكتور : توقع على هالوراق لأنك المسؤول عن زوجتك


يمسك عبدالله القلم بالقوووووو ويغمض عيونه وفي هاللحظة تنزل دموووعه اللي حابسنها في عيونه ..
يفتح عيونه ويوقع بسرعه وايده ترتجف ..
بهتوقيع يمكن ينقذ حياتها ويمكن .... ويمكن تموووت ؟؟!!

بعد ماشل الدكتور الأوراق قال للسستر تنقلها غرفة العمليات بسرعه ..

عبدالله ساند عمره على طرف الشبريه : سامحييني سامحييني ياخلود
خلود ترفع ايدها لعبدالله وتمسك طرف كندورته : عبدالله .. عبدالله .. انت انت .. انت سامحني ..


خلود تغمض عيونها .. خلاااص ماقدرت تكمل شيء من اللي كانت تبا تقوله عبدالله كان يريد يقووول لها كل شيء كان يريد يقووول كل اللي في خاطره يقووول اللي يدور في راسه ؟؟ يمكن هذي أخر لحظات تجمع خلود بعبدالله .. يمكن تكووون أخر حوار دار بينهم .. في هالدقايق كانت تمر على عبدالله صعبه .. يحس ان الوقت وقف هنيه ماطاع يتحرك لاجدام ولا وراء .. عبدالله يحس بضعف وان حياته وقفت للين هنيه خلود ضحت بهلها وحياتها . الحين توقف جدامه وتصارع الموووت .. لا ويمكن عبدالله هو السبب باللي خلود فيه الحين .. خاف يفقدها يفقد انسانه تحمل الكثير عشانها تحمل كلام الناس واهله ؟؟!!

جلس على الأرض على ركبه ونزل راسه تحت وخلى ايدينه فوق راسه يلس يصييييح مثل اليهال يصيح .. بصوووت يقطع القلب ريال اشطوله وعرضة يصيح بهالطريقة ..

[لامارا]

***===== الجزء الثالث =====***

ياضايق الصدر بالله وسع الخاطر...دنياك يازين ماتستاهل الضيقه

.................................................. .............
............................................
.........................
...........


الوقت : الساعة 5.40الظهر
المكان : في المستشفى
" سالم "

واقف في مكاني ما اعرف شو اسوي او شوو اقول لا مااصدق اللي شفته من شوي هذا هو عبدالله اللي جدامي مستحيييييل يكون فيه ريال بهذا الزمان عينه تدمع .. الريال قوي بكل شيء مستحيل اشوف ريال ضعيف بهذي الطريقه ...
حسيت براسي مفتر مااعرف وين اجبل اسير عند غرفة العمليات وإلا اهدي من ضيجه عبدالله الحين ياربي لييييش أنا أتحمل كل هذا مااقدر احس عمري ضعيف جدامه مااقدر اهدي فيه شووو اهدي فيه ؟؟!! هذا ريال بطوله وعرضه شووو اقوله مب ياهل عشان اقص عليه بكلمتين ؟!!
شوووو اسوي ؟؟ أمري لله بكلمه لو اني خاااايف اتقرب منه خاااايف يجتلني وهو مايدري ؟؟!! أوهوووو أنا شووو يالس اتحرطم شوووو اقووووول؟؟!! أفكاري كلها تخربطت احس ان ريولي مب قادره تشيلني صوبه ؟!!

تقرررررربت منه وانا ارتجف ياربي من وين اييب الشجاعه " جني داش معركه "
تقربت أكثر واكثر من عبدالله
سالم " وانااحاول اوقفه على ريوله " تعوذ من أبليس ياعبدالله
عبدالله : خااااايف خاااايف ياعمي
سالم : عبدالله انت ريال مب ياهل تكون بهذي الطريقة
عبدالله : بس ...
سالم : لابس ولاشيء يالله اشوووف قوم وغسل ويهك وتعوذ من الشيطان وانسير عند غرفة العمليات فضيحه مخلين ام سلطان بروحها ويا سلطان انت ريلها لازم تكون اول واحد يترياها عند غرفة العمليات واللي كاتبه ربك بصير
قام عبدالله وغسل ويهه في الحمام ولف غترته وسار ويايه عند غرفة العمليات ..



الوقت : الساعة 6.20 العصر
المكان : في بيت بو سعيد
" موزة "

يالسه على أعصاااااااابي وقلبي يعورني ميته خوووووووووف .. وهذا سلطان الغبي مايرد على التلفون لا والمشكله غلق التلفون بكبره عشان ماادق تلفون ..
وامايه ماشاله تلفونها ياربي ليييييييش تنساه هذا وقته ؟؟!!
اريد ادق حق ابويه بس اخاف اخوفه على خلود مافيني على المشاكل انا مب ناقصة .. اريد اطلع عندهم في الصاله بس هذا سيف متفيزر وياهم .. اريد اشوف يمكن حد دقلهم تلفون وطمنهم على خلود وهذي شمه ماادري وين سارت وخلتني بروحي احاتي ..

يتني فكره ؟؟؟؟؟؟؟؟!!!!

طلعت من حجرة شمة وتوجهة للقسم الثاني قسم راشد وسعيد وسالم .. تقربت من حجرة سعيد لأنه الوحيد اللي في القسم ؟؟!! قربت أذني من الباب عساني اسمع صوت .. بس للأسف مااسمع شيء أحس المكان هاااااااادي .. دقيت الباب شوي شوي ؟؟!!
بس محد رد عليه ؟؟!! دقيت مرة ثانية بقوه بس محد رد عليه ..
فجيت الباب شووووي شوووووي
كنت حاسه بنوع من الإحراج منه بس شوووو اسوي مجبوره اقتحم حجرته

شفت الحجرة ظلااااااام وبااااااارده ؟؟
دققت النظر فيها وشفت أن سعيد " الغبي " راقد هذا وقت الحين العصر وقرب وقت المغرب .. هذا سعيد بروحه حاله خااااصة .. شغلت الليت وتقربت منه اوعيه من رقاده
موزة : حوووووو سعيد قوووووم
سعيد : .........................
موزة : ياربي هذا رقاده ثجيييييييييل ،، سعيد دخيلك قووووم
سعيد : ..........................

أووووووووووف ياربي شووووو اسوي مااريد اتم هنيه اكثر من جذيه اخاف حد يشوفني ويقول هذا شووو تسوي قسم الأولاد .. طلعت من الحجرة وسكرت الباب ورايه بقووو غياااظاااا في سعيد
لا بعد خليت الليت مشغل " نذاااااااااااله "

وانا طالعه من القسم شفت راشد داش
راشد :شوووووووو تسوين هنيه
موزه : كنت اوعي سعيد
راشد : شوووووو انت ماتستحين عيب عليج ادخلين حجرته
موزة : لاتفهمني غلط والله غصبا عني كنت اريده يسير المستشفى يطمأن عليهم
راشد : ولييييييش ماقلتيلي انا
موزة : استحيت اسير الصاله وسيف يالس وياكم
راشد : اهاااااا انزين انا دقيت حق سلطان وتلفونه مغلق ودقيت حق سالم ورد عليه وقالي ان خلود في غرفة العمليات ومن يطلعونها بدق عليه يطمني
موزة : شوووو عمليه ليييش اشفيها خلود
راشد : ياربي انا حق شووو ارمس
موزة : يالله قوووووووووووووول لاترفعلي الضغط
راشد : سيري عند شمه وبتقولج انا مستعيل الحين بسير اغير ملابسي عشان اسير ويا سيف النادي
موزة : والله انك متفيج تسير نادي في هالجوووو الخايس اللي في البيت

طلعت من القسم وانا من الدااااخل منقهررررررره وخاطري اصيح الدمعه في عيني ؟؟!! بس ماسكه نفسي للين الحين ؟؟!! سرت ادور على شمه البقرة اللي سارت بتشوف الجوو عندهم في الصالة عشان تخبرني شووو من جديد عندهم ولا ردت جنها عيبتها اليلسه وياهم ونستني وانا على اعصاااابي أحاااااتي ؟؟!!




الوقت : الساعة 6.30 العصر
المكان : في غرفة سعيد
" سعيد "

فجيت عيوني من قوة الليت اللي ضارب فيهن .. عدلت يلستيه ويلست أتأمل الحجرة ياربي منوووو هالغبي اللي مشغل الليت مايشوفوني أنا راقد بس ماعليه خليني أعرف منو اللي مسوي هالحركة السخيفه عشان أراويه شغل الله .. لفت نظري للساعه وكانت الساعه 6.35 فزيت من رقادي أنا مواعد الشباب في النت الساعه 7.30 .. شليت عمري مع اني كسلان ماشبعت من الرقاد ودشيت الحمام أتسبح عشان أتنشط شوي ..
طلعت من الحمام وقفت اشوف نفسي في المرايا .. أحس أني ضعفت وااايد عن قبل كنت معضل بس الحين أحس ان جسمي أستوى نحيف .. هذااا أكييييد من قلة الأكل صار لي مدة وأنا ماأكل مثل قبل .. لبست كندورتي ولبست غترتيه وخليت سويج سيارتي في مخبايه وشليت تلفوني في ايدي .. وطلعت من حجرتيه .. شفت راشد بعد طالع من حجرته وسلم عليه من بعيد وشفته مستعيل أظني شكله بيطلع .. نزلت بسرعه وراه أشوفه وين بسير ؟؟!! " فــضــول لاغــيــر "
شفت العائلة الكريمة كلها في الصاله تحت شووو مستوي حسيت أن الجووو متكهرب عندهم .. سلمت على سيف وتقربت من يدوه وحبيتها فوق راسها بس دزتني بإيدها بعيد عنها ..
سعيد : بلاااج يدوه
أم مبارك " اليده " : عنلاتك خست من الرقاد حشااا يابوك مب رقاد هذا
سعيد : هههههههه وااااي فديت يدوه محلاتها يوم تزعل والله شووو اسوي كنت تعبان ورقدت
أم مبارك : واااابوووي عليك لاصلاة جمعة ولاغدا ويا عمومتك
سعيد : صليت في البيت يدوه
أم مبارك : لالالااااا صلاة المسيد تفرق يابوك لاتخلي الشيطان يلعب براسك
سعيد : من عيوني يا أم مبارك ماطلبتي
أم مبارك : يالله عيل سير صل صلاة المغرب ويا راشد وسيف في المسيد
تقربت من يدوه وحبيتها فوق راسها : انشالله الحين بسير أصلي
أم مبارك : ياراشد مادق لك سلطان ولا سالم يخبرونكم عن حالة خلود الحين
راشد : لايدوه دقيت حق سالم وقالي برد يتصل فيني بس للين الحين مادق وسلطان تلفونه مغلق .. أنا بمر عليهم انشالله بعد الصلاة
أم مبارك : الله يستر يابوك ماتستاهل خلود تلعوزت
كنت أسمعهم .. خااااطري أسألهم شوو صاير وشوفيها خلود ومنو في المستشفى الحين بالضبط .. أخاف أسأل وأحصل محاضرة ثانية من يدوه بعد المحاضرة الأولى اللي سمعتني اياها ..
راشد : سعيد بتسير ويانا المسيد ولا بتسير بسيارتك
سعيد : لالا بسير بسيارتي
طلعت من البيت وسرت المسيد أصلي .. وبعد الصلاة سرت الكوفي عند الشباب ..


الوقت : الساعة 7.30 المغرب
المكان : في المستشفى
" سلطان "

توني واصل المستشفى معايه عبدالله في السيارة رادين من الصلاة .. طول الطريج وعبدالله مارمس بكلمة .. حاولت أرمسه بس سكت قلت بخليه على راحته .. لأن سالم قالي وايد متأثر بسبة خلود عشان جذيه قلت خلني ساكت أحسن ..
نزلت من السيارة وتوجهنا لغرفة العمليات اللي فيها خلود .. تونا واصلين إلا الدكتور طالع من عند خلود وشكله مايسر بس يارب تستر .. بس سبقني عبدالله صوبه .
عبدالله : هاااا دكتور بشر
الدكتور : ......................
تقربت من عبدالله وخليت ايدي على جتفه ومسكته بقووو هذي أختي قبل ماتصير حرمة عبدالله .. بس أنا متمالك أعصابي للين الحين بس عبدالله شكله مايتحمل الصدمات ..
عبدالله : دكتووووووووووووور
الدكتور : والله نحن سوينا اللي علينا والباقي على رب العالمين
عبدالله : شوووو يعني مافهمت
الدكتور : والله العملية مااقدر أقيمها لك الحين إذا ناجحه أو لا بس لازم ننتظر 48 ساعه على الأقل أنشوف حال خلود فيها
عبدالله : يعني ...؟؟؟!
مسكت عبدالله بقوووو عشااان أهدي من خوفه وضيجته .. الصراحه أنا بروحي مااقدر اتحمل اخاااف أنهار جدامهم الحين ..
الدكتور : ان شاء الله بعد يومين بنعرف كيف حالتها بتكون
سلطان : ماتقصر دكتور الله يعطيك العافية
الدكتور : الله يعافيك
استأذن الدكتور منا وسار وقفت وقلت حق عبدالله : انت اشفيك هد من نفسك شوي واللي كاتبه ربك بصير
عبدالله : والله ياسلطان أعصابي تلفت ماصرت اتحمل أي شيء
سلطان : تعوذ من الشيطان واذكر ربك
عبدالله : اعوذ بالله من الشيطان


الوقت : الساعة 8.10 مساءً
المكان : في أحدى الشوارع
" راشد "

بعد ماخلصنا الصلاة انا وسيف طلع عنا سعيد وقال انه بسير عند ربعه بعد ماسألنا شووو مستوي بلاها خلود .. قال انه بمر المستشفى بعد مايخلص من عند ربعه ..
لفيت صوب سيف اللي كان سرحان ماادري اشفيه يفكر .. اليوم ماادري شوو فيه احسه شوي شارد الفكر مب من عوايده يكون ساكت ..
راشد : سييييييييييييييف
سيف : هااااا
راشد : بمنوووو تفكر هاااا يابوو الشباب
سيف : ....................
راشد : جنه وحده من المزاييين ماخذه هالعقل
سيف : ههههههههه الله يهديك ياراشد انا مب ناقص حب ولا مااحب
راشد : لو مب حب عيل اشفيك اليوم
سيف : ماشيء والله بس افكر بعبدالله دقيت عليه وسكر الخط في ويهي ماادري اشفيه
راشد : لييييييييييييش ؟؟!!
سيف : مااعرف .. خلنا نسير المستشفى يابوك وانشوف شوو مستوي عندهم هناك
عبدالله : ان شاء الله
وصلنا المستشفى وتوجهنا للقسم اللي فيه خلود وقفنا عند الباب ودقيت حق سالم تلفون عشان يطلع لنا برع لأن عيب يدخل سيف على خلود ..
دخلنا سالم الصاله اللي في القسم " يتكون قسم المستشفى من غرفة المريض وصاله صغيرة وحمام ومطبخ صغير " حصلنا عبدالله يالس في الصاله ومعاه سلطان سلمنا عليه وتحمدنا له بسلامة خلود بس كان شكل عبدالله وااااايد تعبااااان ويالله يالله كلمنا بكم كلمة لفيت صوب سلطان اتخبره عن حال خلود الحين
راشد : اشحالها خلود الحين ان شاء الله احسن
سلطان : الحمدلله بس حاليا محد يقدر يقيم حالتها إلا بعد 48 ساعه
راشد : الله يعافيها ان شاء الله
مسك سيف ايد عبدالله وطلعه برع القسم ماادري شووو عنده ويا اخوووه



الوقت : الساعة 8.40 مساءً
المكان : في المستشفى
" سيف "

ماقدرت اشوف اخويه بهذي الطريقه قلت خلني اشله على طرف وارمسه على انفراد يمكن احسسه بالراحه يوم يشوفني واقف وياه في محنته هذي .. بس شووو هدي فيه هالعبدالله الصراااحه انا مالومه وااااايد عليه الحياة اللي عايشنها فوق هذا يموت الجنين اللي كان يترياه من مده وفرحان فيه صح ان محد كان يدري بأن خلود حامل غير عبدالله وخلود وانا .. طبعا عبدالله يوم درا بأن خلود حامل طاااار من الوناسه وياني والضحكه طاره ويهه ومستانس على الأخر وكان يقولي بسميه سيف عشان يشبهني بكل شيء ؟؟؟؟!!!! بس شووووو نسوي هذا كتبة ربنا "وقدر الله ماشاء فعل "
سيف : عبدالله هد نفسك شووووي مب زين اللي انت فيه هذا قسمة ربك
عبدالله :..........................
سيف : اذا ربك مب كاتبنه لك شووو تسوي رب ضارة نافعه
عبدالله : بس انت تدري شكثر كنت مستانس فيه
سيف : ان شاء الله ربك يعوضك بغيره المهم الحين بأن حرمتك تقوم بالسلامه
عبدالله : ان شاء الله
سيف : يالله اشوف ابتسم وسير شوف حرمتك عشان تحس بأنك واقف وياها وهيه تعبانه
عبدالله : مالي ويهه اجابلها شووو اقول لها
سيف : عبدالله انت ريال مب ياهل تكون بهذي الطريقه
عبدالله " تنهد " : ان شاء الله بسير اشوفها وطمأن عليها والله يقويني على اني اهديها لو شووووي من اللي بتكون فيه
سيف " ظربته ظربه خفيفة على جتفه " : ان شاء الله
عبدلله : امايه درت
سيف : اشدراني انا مارمست حد
عبدالله : الله يستر
دش عبدالله قبلي أما انا تنهدت ودشت بعده ..




الوقت : الساعة 9.30 مساءً
المكان : في بيت بو سعيد
" شمه "

كنت يالسه ارمس امايه عشاان تخلي موزة تسير المستشفى بس امايه ماطاعت تخليها تسير وياها " ميبسه راسها أم سعيد "
أمايه كانت ترمس ام سلطان وتتخبرها عن حال خلود الحين بعد العملية ؟؟!! بس امايه طمنتني بأن خلود بخير وطلعوها من غرفة العمليات ونقلوها غرفة خاصة وكلهم عندها . ومايحتاي موزة تسير في هالوقت اونه عشان اختها لطيفه وحمد وخالد بروحهم .. فما قدرت أناقش امايه اكثر عن جذيه شووو اسوي مستحيييييل تقتنع ؟؟!!
طلعت امايه من البيت وكانت سايره صوب المستشفى وكنت بسير فوق عند موزة المسكينه بس زقرتني يدوه عشان تتخبرني عن حال خلود الحين
أم مبارك : هاااااا شوو حالها خلود الحين
شمه : امايه تقول طلعوها من غرفة العمليات وكلهم عندها
أم مبارك : واللي في بطنها
شمه : طلعوه حليله
أم مبارك : واااااي فديتها ماتستاهل بنت خلفان
شمه : الله يكون في عونها برايج يدوه بسير عند موزة فوق
أم مبارك : واااابوي عليها هالموزة حق شووو متفيزره فوق خليها تنزل
شمه : الحين بيي سيف وراشد ماتبا تنزل
أم مبارك : وشفيها إلا عمها ولد عمها
شمه : تستحي يدوه
أم مبارك : وابووووي عليها خليها تنزل الولد مابياكلها
شمه : ان شاء الله يدوه بسير ازقرها

سرت فوق حصلت موزة تصلي في حجرتية وخالد نايم على شبريتيه وحمد ماادري وينه يمكن عند لطيفة ونورة .. دشيت الحمام وتوضيت .. وقبل مااصلي غطيت خالد بالحاف لأني حسيت الجو بارد فخفت عليه يزجم .. فرشت السياده عدال موزة وصليت ..
طبعا موزة خلصت صلاة قبلي فقامت وانسدحت عدال اخوها .. وبعد ماخلصت صلاتي لفيت السيادة وسرت صوبها
شمة : اممممم اشفيج
موزة : ماشيء
شمة : انزين يالله ننزل تحت يدوه محتشره
موزة : أمج
شمة : أمي سارت المستشفى ماطاعت تشلج وياها قالت يلسي عند اخوانج
موزة : حسيت انها مابطيع
شمة : دقيتي على سلطان
موزة : مغلق
شمة : تبيني ادق على أمايه
موزة : لاعمي راشد قال بدق وأترياه يدق
شمة : انزين يالله ننزل يدوه بتحشرنا

طلعنا أنا وموزة من الحجرة بس قبل ماننزل تحت خطفنا على حجرة نورة .. حصلت لطيفة تصلي ونورة يالسه تلعب " sony " مع حمد
موزة : حمد تعشيت
حمد : لا
موزة : ليش
حمد : مب يوعان
موزة : شو كليت
حمد : المغرب كليت أنا وخالد فطاير مع سيف وعمي راشد
موزة : انزين ماتبا ترقد
حمد : لا أريد ألعب

طلعت عنه وقلت حق نورة لاتخليه يطلع مكان مافيني يصير له شيء واتحمل أنا المسؤولية ..





الوقت : الساعة 10.15 مساءً
المكان : في المستشفى
" عبدالله "

يارب ياعالم خفيات الاسرار .. ياواحد كل الملا يرتجونه.. تحفظ حبيب الروح من كل الاخطار.. وتحقق آماله يارب وتعينه عسى الوطا تحته بساتين وأنهار .. وعسى السماء فوقه ترفرف مزونه..



أنا اليوم حالتي حاله .. وراسي احسه بنفجر من الصدمه اللي يتني كنت يالس ويا راشد وسيف وسلطان في صاله الضيوف " في المستشفى " .. قمت عنهم وسرت صوب غرفة خلود خاطري ارمسها اشوف حالتها الحين .. دشيت الغرفة لقيت عمتي " ام سلطان " يالسه على الكرسي اللي عدال الشبريه اللي عليها خلود من شافتني عمتي طلعت وسارت الصاله عندهم وخلتني ويا خلود .. ريولي احسها تيبست عليه ماقدرت امشي صوبها وقفت في مكاني احاول احرك ريولي بس معانده فيني ماقدرت احركهن ياربي هذا وقته الحين ..؟؟!! عاندت قوة ريولي ومشيتها غصب طيب صوب خلود ؟؟؟؟!!!!
تقربت منها شفتها بعدها نايمه من أثر الأبر اللي عاطينها اياهن ..
يلست اتأمل فيها " والله ماتستاهل اللي يصير فيها حراااااام "
هذا ثاني واحد يموت في بطنها والسبب مجهول ؟؟!!
العيب لافيني ولافيها على حسب كلام الدكتور بس يالله كتبت الله ومافيها اعتراض ؟؟؟!!
" ياليتني خذت المرض عنك وما جاك ... و تصيـر من بد الخلايــق طبيبـي .. "
الصراحه تمنيت انا اللي اتعب ولاهيه اتشوف التعب والموت جدامها .. يمكن أنا أتحمل بس هيه ماتقدر تتحمل كل هذا ....
كنت اريد ارمسها بس شكلها راقده الحين وتعبانه ماتقدر ترمس معااااايه فقلت بخليها ترتاح وان شاء الله تقوم بعد ساعه عشان ارمسها ؟؟؟!!!



الوقت : الساعة 10.30 مساءً
المكان : في المستشفى
" خلود "

كنت حاسة بأن عبدالله واقف عدالي فخليت عمري راقده ومناك أنا أحس بكل اللي حواليه .. صح إني تعبانه بس التعب النفسي عندي اقوى من التعب الجسدي .. خلااااااص احس عمري بنفجر من الضيجه اللي فيني ..
حــــــــــــــــــــــــ ــــراااااااااااااااااام ...............!!
حــــــــــــــــــــــــ ــرااااااااااااام ..............!!
ليييييييش يموووووت ؟؟!!
كنت اباااااه .. ياربي ليييييييش تاخذه عني لييييييييييييييييش؟؟؟!!!
كنت فرحانه فيه ومن فرحتي ماخبرت حد بحملي .. لالالالاااااا اكيد انا احلم لييييييييييش حظي خايس ليشششششششش ؟؟!!!

احس ان قلبي يعورني لييييييش مب مكتوب لي العيال هذي ثاني مرة اطيح الجنين بس مافيه أي شيء ثبت شووو اللي يخلي الجنين يطيح ومايكمل نموووه ؟؟!!
يمكن الله مب كاتبنه حقي بسسسسس .......... ؟؟!!
اللهم لا إعتراض على أمرك ..؟؟؟!!!
أريد أنام اريد اتهرب من التفكير ؟؟!!
مااريد اوجهه عبدالله اريد اعيش عالم غير العالم اللي عايشتنه الحين انا .. مااقدر أخلي عيني بعين عبدالله أحس إني ناقصة بشيء ناقصة ناقصة غييييير عن كل الحريم .. ؟؟!!
ياربي اريده يطلع من الغرفة اريده يسير بعيييييد عني
مااقدر ارمسه مااقدر ؟؟!!
تذكرت العملية كنت اريد اقرب ايدي مكان العملية بس مااقدرت خفت خفت ماقدرت احرك ايدي ؟؟

[لامارا]

***===== الــــجـــزء الـــــرابـــــــع =====***


نفيض إخلاص ونعطي من محاسنــــــــا نحسب الناس كل الناس .. نسخة من طبايعنا !!

.................................................
.....................................
........................
............


اليوم : الجمعة
الوقت : الساعة 11.30 مساءً
المكان : في أحدى شوارع العين
" سعيد "

ياطيب القلب حكم قلبك الطيب أخرت غيرك وبعته وقربتك .. ليه التباعد مع إنك دايم قريب .. من وين ماصد في عيوني تخيلتك ....

انا حاليا في سيارتي وألف في هالشوراع ومشغل ميحد وأدندن معاه .. صاح تلفوني وكان عبدالله متصل فيني .. أووووه تذكرت أني قلت لهم بمر عليهم في المستشفى بس مامريت ونسيت السالفه ..
سعيد : ألووووووو
عبدالله : مرحباااااا سعيد
سعيد : هلا هلا عبدالله اشحالك وتستحق سلامة خلود
عبدالله : الله يسلمك .. اقوووول سعيد انت وين الحين
سعيد : انا الحين في سيارتي !! قلت بمر عليكم في المستشفى
عبدالله : اهاااا زين عيل لو مافيها كلافه اباك تيب لي لحاف عشان ببات عند خلود في المستشفى
سعيد : خلاص اوكيه ماتبا ملابس بعد
عبدالله : انت طويل ماشالله ماتكفيني ملابسك
سعيد : ههههههه بييب لك من ملابس راشد إلا من طولك
عبدالله : خلاص اوكيه اترياااك
سعيد : ان شاء الله فمان الله
عبدالله : فمان كريم

سكرت الخط من عبدالله .. أوووهووو الحين لازم أمر على البيت بعد .. إنشالله بس عيوزنا راقده مااحب حشرتها .. ما أحب حد يقولي أنت تسوي شيء غلط .. ياخي أنا ريال وشوري براسي .. " ولا شوو رايكم " ...؟؟!!

وصلت البيت ... كان هدوء .. ظني الناس رقدت دشيت الصالة وإلا الحبايب كلهم هنيه .. شفت موزة وأحمد ولطيفة وشمه .. سلمت عليهم وكلهم ردوا السلام ..
سعيد : هااا موزة ماسرتوا
موزة : أمايه الحين يايه هيه وسلطان
سكت عنها وسرت صوب الدري بسير قسمنا ..
دشيت حجرتي وفجيت الكبت وطلعت بطانيه وطلعتها من حجرتي وسرت صوب حجرة راشد ..
دشيت حجرته وحصلت يالسه وفي ايده كتاب " ناس متفيجه " ..!!؟؟
سعيد : راشد
راشد : عمي راشد لوو سمحت

ياهيه بلشه ؟؟ هذا اللي ناقص بعد إلا من أعمارنا وأزقره عمي ..
سعيد : انزين يا العم راشد أريد ملابس من ملابسك حق عبدالله
راشد : ليييييييييش؟؟ّّ
سعيد : دقلي تلفون ويريد ملابس ولحاف . وأنت تدري ملابسي ماايوزله
قام راشد وفج كبته وطلع كندوره .. وطلع فانيلة ووزار وخلاهن في كيس صغير .. وعطاني الكيس والكندورة وقالي علقها في السيارة عشان ماتتعفص من تحت ..
شليت الكندورة والكيس ونزلت .. تحت ..
سعيد : شمه سيري عند باب حجرتيه وبتلقين بطانيه وهاتيها بسرعه بسيارتي
شمه : ليييييييش وين بتسير
سعيد : ههههه وين بسير بعد حق عبدالله في المستشفى بسرعه .
يلست ارتيا شمه الخسفة تيب البطانية ..
شمه : حووووو سعوووووود
سعيدر: سكري الباب لااعطيج بكس على خشمج
شمه : ويا هالويه ....
طاااااااااااااااااااااااا ااااااااااخ
سعيد : حمارة زين ماحت جامة السيارة حششااااا مب دفاشه

سرت المستشفى ..
وقفت سيارتي في الباركنات وشليت تلفوني ودقيت حق عبدالله
عبدالله: هاااا سعيد
سعيد : عبدالله انا عند باب المستشفى كم رقم الغرفة
عبدالله : 24
سعيد : اوكيه طلع عند باب الغرفة مااقدر ادش الحين فضيحه
عبدالله : افااااا ليششش
سعيد : شوف ساعتك كم ,, ان شاء الله باجر بمركم وبسلم على خلود
عبدالله : خلاص على راحتك اترياك ..


اليوم : الجمعة
الوقت : الساعة 12 مساءً
المكان : في المستشفى
" عبدالله "

توه من دقايق طلع سعيد من عندي حليله سوالفه ماتخلص هالريال .. وماقصر يايب عشا..
صبيت لي كوب حليب ساخن يهدي من أعصابي شوووي .. ويسخن معدتيه من البروده .. كنت الصراحه أتهرب من الواقع بأي شيء هذا الكوب الرابع اللي اشربه بس عشان مااسير عند خلود داخل ماادري ليييييييش أنا خااااايف .. جني بدش صفقه تجاريه وظامن خسارتها .. قمت من مكاني وشليت الدله والكوبات وبقايا العشا وجمعتها بصينيه وشليتها المطبخ وغسلت الكوبات وخليت الدله على طرف ولميت الوسخ وعقيته في الزباله .. وصبيت كوب حليب ساخن وشليت دبة ماي من الثلاجه وسرت الغرفة اللي فيها خلود .. خلااااااص قررت أوعيها واخليها تشرب الحليب اللي عرفته بأنها ماذاقت شيء اليوم ،، وارمسها في نفس الوقت .. أدري انها زعلانه مني وشاله بخاطره ...
دشيت الغرفة وأنا كلي شجاعه وقوة وللأسف ماحصلت خلود وين سارت .. حسيت أن حد بالحمام قلت خلني اتريا شوووووي .. جلست على طرف الشبريه وخليت كوب الحليب ودبة الماي على الطاولة .. بعد دقايق طلعت خلود وكانت شاله بإيدها كيس المغذي ورافعتنه فوق عشان الدم .. تقربت منها وشليته عنها ورفعته فوق في مكانه المخصص .. يلست خلود ومارمست ولا بكلمة ..
عبدالله : شربي الحليب
شلت خلود الكوب ومارمست حسيتها مضايجه والتعب مخلي عيونها ذبلانه ويها مصفر ..
عبدالله : اشفيج خلوووود
خلود : ماااشيء بس الإبرة اللي في إيدي تعورني شووي
عبدالله : تبيني أزقر الدكتور
خلود : لااا مافيه داعي عادي هاي ابرة المغذي ..
قمت من مكاني وسرت صوب خلود اشوف المغذي .. حصلته باجي عليه شوووي وبخلص .. دقيت تلفون عشان اتي الدكتورة تغيره ..
خلود طول هالفترة ساكته مارمست بشيء ..
بعد دقايق دشت الدكتورة وغيرت المغذي وعطتها حبوب وقالت لها تنام على ظهرها مااتقوم .. فعلا نفذت خلود الأوامر بدون إعتراض .. بعد ماخلصت الدكتورة شغلها طلعت قمت انا سكرت الباب .. وبنت الليتات عشان ترتاح خلود ..

خلود : عبدالله

عبدالله : ياعيون عبدالله

خلود : لاتزعل ان شاء الله ربك يعوظنا بغيره

فرررررررحت .. حسيتها مب زلعانه عليه .. هيه زعلانه عشان الجنين

تقربت منها وهمست في إذنها : إن شاء الله بس أهم ماعندي راحتج




اليوم : الجمعة
الوقت : الساعة 1.30 مساءً
المكان : في بيت بو سلطان
" موزة "

أوووووووووف من ساعه وأنا إلا أجلب في فراشي ... ياربي ورايه جامعه والرقاد ماادري وين سار ..!! تعبت من كثر ما أضارب وياه وشكله معاندني .
شليت المخده من ويهي وشغلت الأبجورة وعدلت يلستيه .. ويلست أتأمل الحجرة والظلام اللي من حواليه ..
شليت المجلة اللي كانت عدال الأبجورة ويلست أجلب فيها .. تعبت أريد أرقد بس الرقاد معاند فيني .. الصراحه أحس إني تعبانه وجسمي منهد أريد أرقد بس ماادري أشياني الرقاد طار من عيوني ..
كل شوي أشوف الساعه .. أووف حتى الساعه شكلها وقفت ماطاعت تمشي .. " شوو هالنحااااسه " ...!!
قررت أني اطلع من حجرتيه يمكن حد بعده يكون واعي مب راقد .. ويعاني من المشكلة اللي أعانيها أنا الحين ..!!
شليت عمري وطلعت من الحجرة وكنت حافية والرخام باااااااااارد والبرد يقرصني بريولي .. بنت مكيف الصالة وسرت حجرة لطوف عساها تكون واعيه وأيلس أسولف وياها .. دشيت حجرتها وكانت الحجرة فااااضية محد داخلها .." خيبة وين راحت بنتنا لا يكون حد سرقها " ..!!!
سكرت الباب وسرت صوب قسم سلطان دشيت وحصلته بسابع نومه .تصدقون والله حسته من الخاطر " ياحظك الرقاد مب معاندنك " ..!!
نزلت تحت أدور لطوف وين سارت ..
" ما أدري الحرامي اللي سرقها شوو يبا فيها " .. !!
سرت صوب قسم قوم أمايه أستحيت أفج الباب .. دشيت الغرفة اللي عدال غرفة أمايه كانت غرفة خالد وحمد وحصلت الشيخه لطوف راقده معاهم ..
" أنا قلت الحرامي شوو يبا في هالبقرة " ..!!
الحين وين أجبل بويهي الناس رقدت إلا أنا يقول سكنيه متفيزره بروحي .. سرت المطبخ التحضيري .. تبون الصراحه اليوع قرصني ..
دشيت سخنت لي سندويجه جبن وسويت لي كوب حليب .. وشليته وسرت الطابق اللي فوق وشغلت التلفزيون ويلست أجلب بهالقنوات .. تمنيت تكون عندي أخت توأم " حلوووه الفكرة لو كانت عندي توم على الأقل بتكون الحين يالسه معايه وتونسني بوحدتيه " خلصت سندويجتيه والحليب ونزلت بنزل الكوب تحت وأشرب ماي ..
بعد ماشربت ماي دشيت الحجرة اللي عدال المطبخ التحضيري " كانت الحجرة عبارة عن ستور صغير بس ستور مرتب محطين فيه أغراضنا اللي مب محتاجينها .. شغلت الكمبيوتر الجديم اللي هناك " أول كمبيوتر دش البيت وكانت خلود شارتنه " وحصلت صندوق صغير عدال الكمبيوتر .. كانت أوراق أبويه مالت المزارع ....الخ ..
يلست ألعب بالكمبيوتر وأفتش شو فيه وشو مافيه .. يلست أقرأ بحوث خلود والقصايد اللي مخزنتنها ماأدري من وين هافتنهن .. لووووووول
بعد نص ساعه تقريبا .. شكله الرقاد أشفق عليه وياني .. بنت الكمبيوتر وقفلت باب الحجرة وسرت حجرتيه عشان أرقد قبل مايشرد الرقاد ..


اليوم : السبت
الوقت : الساعه 6.25 صباحاً
المكان : في أحدى شوارع بوظبي
" سلطان "

اليوم الصراحه ماكنت أريد أسير دوامي كنت أريد أرقد ماادري اشياني بالغصب قمت حق الصلاة .. فقلت حرام مواعد راشد عشان أوديه بوظبي ويايه في طريجي .. لبست ملابسي وشربت كوب جاي على السريع وخطفت على راشد وشليته ويايه وطول الطريج يتخبرني كيف الدوام ويايه .. وبعدين غير الموجه يلس يدور خطه عشان يقنع سالم كيف يعرس " مسكين والله مايدري ان سالم واحد مستحيل يعرس " ..!! قلت له راشد غسل أيدينك منه هالسالم لأنه هو في طريج والعرس في طريج ثاني .!! بعدين دخل لي بسوالفه ويا سيف والمحل اللي يفكرون يفتحونه ..!! انا كنت معارض هالفكرة بس شكلي تحمست وياهم في هالمحل اللي شاغل فكرهم هالأيام " بس شوو أقول يالله الله يوفقهم " ..!!
وصلت المكان اللي راشد يبونه عشان التدريب نزل وقالي بسويلك تلفون بعدين .. وسكر الباب وراه ..
سرت أنا دوامي وأتأمل في بوظبي وشوارعها اللي دومها زحمه .. " ياسلام عليج والله يابوظبي " ...!!

بعد ساعه تقريبا دقيت تلفون على أمايه أتخبرها عن خلود . بس الحمدلله طمنتني أن حالتها أحسن بوايد عن أمس . فقلت لأمايه إن شاء الله بخطف أسلم عليها المساء .. سكرت عن أمايه وأنا أرتحت أشويه ..



اليوم : السبت
الوقت : الساعة 10.45 صباحاً
المكان : في الجامعه
" شمة "

توني طالعه من المحاضرة ياربي يا هالإستاذ ماعنده غير التطنيز وعاد البنات عيبتهن السالفه ويلسن يتفكفكن .. وحسهن صمخ أذوني ..
يلست أتصدد من حواليه ادور موزوة عساني أشوفها ..!!
شفت من بعيد روضة " ربيعتيه أيام الثانوية " بس الحين نادراً مااشوفها .. الله يغربل الجامعه ماتخليك تشوف ربعك ..
سرت لها وأنا مستانسه والضحكه طاره بويهي وروضة من بعدي ترحب فيني ..
روضة : هلااا والله هلااا
شمه : هلااا روضه اشحالج ...." وتخاشمت وياها "
روضة : الحمدلله اشحالج انت واخبارج
شمه : الحمدلله على قولتهم نشقح وننطح بهالجامعه ..
روضه : هههههههه شوو تيس تنطحين
شمه : ههههههه شكلج عندج بريك صح
روضة : وانت صح وأنت ..؟؟
شمه : حتى أنا بس أدور بنت عمي مااشوفها ظني بعد نص ساعه بتخلص محاضرتها
روضة : باقلها نص ساعه لايكون بتيلسين تتريينها
شمه : تبيني أحترق في هالشمس لا يابوج مب ناقصة بروحه راسي يعورني من حس البنات في المحاضرة
روضة : هههههههههههههه لييييييييش شوو صار ؟؟!!
شمه : لايكون تبيني أقولج ونحن واقفين هنيه بالشمس خلينا نسير نتريق وبقولج شو صار بالمحاضرة ..!!

سرت وانا وروضه ناكل شيء وفي طريجنا حصلنا ربيعتنا مريم وشليناها ويانا " صدق نكسر الخاطر " ...!!



اليوم : السبت
الوقت : الساعة 1.30 ظهراً
المكان : في المستشفى
" سيف "

كنت يايب الغدا حق عبدالله وخلود وقلت أسلم عليهم لو أنه قفطه الحين الظهر بس حجتيه الغدا ..
دشيت وحصلت خلود بروحها في الحجرة وسلمت عليها
سيف : الحمدلله على السلامة ياحرمة أخويه
خلود : الله يسلم غاليك أشحالك سيف
سيف : بخير ربي يعافيج اشحالج انت ان شاء الله بخير
خلود : الحمدلله أحسن عن أمس بوايد
سيف : الحمدلله عيل وينه عبدالله
خلود : ماادري قال بسير يشتري غدا
سيف : شو يشتري غدا انا خلاص يبت غدا ..
أستأذنت من خلود وطلعت برع ودقيت على عبدالله عشان مااييب غدا .. حرام والغدا اللي انا يايبنه منو بياكله

سيف : ألووووووووو
عبدالله : هلااا سيف
سيف : اشحالك عبدالله
عبدالله : الحمدلله بخير
سيف : عبدالله وين انته
عبدالله : توني طالع من المستشفى ساير اشتري غدا
سيف : لااا خلاااص أنا يبت لكم غدا
عبدالله : ليييش تعبت نفسك
سيف : شووو تعبت نفسي أنا أخوك ولازم أكون وياك في هالمحنه
عبدالله : تسلم والله وماتقصر
سيف : العفوووو يالله عاد تعال انا الحين بسير
عبدالله : وين تغدا ويانا
عبدالله : لا مشكووور بتغدا في البيت تعرف أمك أنت
عبدالله : أهاا مدام السالفه فيها الوالده خلاص برايك عاذرنك ..
سيف : خلااص عيل شيء توصيني فيه
عبدالله : سلامتك والله يحفظك
سيف : فداعه الله

سكرت عن عبدالله .. وقلت في خاطريه الله يعينك ياعبدالله .. ويصبرك فيما بلاك ... شليت عمري وطلعت من المستشفى وركبت سيارتيه وسرت البيت اتغدا وارقد شووي لين العصر ..




اليوم : السبت
الوقت : الساعة 2.10 ظهراً
المكان : في طريج العين
" راشد "

أوووووووف شووو ممل أنك تمسك خط في هالشوارع ..!! ماأدري كيف متحمل سلطان كل يوم ..
راشد : سلطان بتخبرك
سلطان : شوووو
راشد : أنت كيف متحمل تمسك هالشارع كل يوم مرتين
سلطان : هههههه شوو أسوي عفته من الخاطر الشارع
راشد : والله لو منك بخذلي شقه وبيلس في بوظبي أحسن لي
سلطان : ياليت والله بس تعرف أنت محد من ربعي ويايه تباني أيلس بروحي في شقه
راشد : انزين شوو رايك أنا باقلي 10 أيام وبخلص التدريب وبشتغل في بوظبي شوو رايك ناخذلنا شقه انا وانت ..!!
سلطان : اممممم فكره حلووووه والله بتفكني من سيرة بوظبي كل يوم والغبشه الصبح
راشد : خلاااص عيل أنت رتب الأمور في بوظبي ودور لنا شقه صغيره على قدنا لين مااخلص التدريب
سلطان : خلااااص أنا بفكر بالموضوع وبدور لنا شقه بس بشاور الأهل قبل
راشد : أكيييييييييييد مابقولن شيء
سلطان : وربك يعاندون فينا تعرفها أمك أنت
راشد : أماااايه
سلطان : هيه يدوه مستحيييييل تخلينا نيلس في بوظبي بروحنا
راشد : هههههه لا ماعليك أمايه بكلمتين بنيب راسها باللي نباه
سلطان : هههههههه عشان صدق تضربك ضربه على راسك
راشد : هههههههههه أعرفها تسويها
سلطان : خلاص انا بمركم بعد صلاة المغرب وبنفتح معاها السالفه وبنشوفها شوو بتقول ..!!
راشد : خلاص تمام بترياك بعد الصلاة ...



اليوم : السبت
الوقت : الساعة 2.50 ظهراً
المكان : في بيت بو سعيد
" سالم "


توني واصل البيت وقفت سيارتيه في الكراج شفت سعيد سيارته موجود وسيارة راشد موجود وسيارة بو سيعد بعد موجوده وسيارة الدريول بعد موجوده .. اووووف والله ياحظكم وصلوا قبلي ..!!

نزلت وتوجهت سيده للبيت وشال في ايدي خرايط وأوراق .. وياليتني بعد كل الخرايط نزلتهن ويايه في بعد باقيات كمن خريطه في السيارة ماقدرت أنزلهن مرة وحده . " كم بشل إلا ايدين فيني " ....!!!

دشيت الصاله وتوهم غارفين الغدا
سالم : السلام عليييييييييييكم
الكل : وعليكم السلام
أم مبارك : هلا والله بوليدي بو غنيم تعال تعال الغالي تغدا
فديتج والله يا أمايه .. وتقربت منها وحبيتها على راسها ..
سالم : ببدل ملابسي وبتغسل وبنزل دقايق واللي بياكل لقمه قبل مااوصل ياويله مني ههههههههه
أم مبارك : والله وأنا حالفه محد بسيح لقمه في حلجه قبل ماتيلس وياهم
راشد : وابوووي انا شوو ياهل ..
سالم : ههههههه رشووود عثرك تغار
راشد : لاا يابوك لا غار ولا شيء بس يوعاااان يالله فكنا وسير غير ملابسك بسرعه لا ارتكب فيك جريمة الحين
أم مبارك : رشووووود شو جريمته بعد
راشد : سلوووم يالله الله يرحم والديك بسرعه مافينا على عيوزنا تكنسل ويزتنا وتسفرنا

بسرعه مشيت وركبت الدري وأنا اضحك على سوالف راشد ,, هههههه يعيبني يوم يعصب وخاصة مني وااايد يغار هالولد
" دايما يقولي جنك انت الصغير مب انا " ...!!
دشيت قسمنا وقبل ماادش حجرتيه دشيت حجرة سعيد ونفس كل مرة راقد هالحزة . شغلت الليت وسرت صوب التواليت وشليت دبة الماي ومطيت اللحاف من سعيد وجبيت ماي عليه " خله يتأدب مسووود الويه لاشغل ولا مشغله محد بأدبه غيري " ..!!
سعيد : الله يخسك يا سلوووم شوو ها ماتشوفني راقد
سالم : سلووم في عينك يالله يالله قوم تغسل ونزل تحت تغدا ويانا
سعيد : مااريد غدا خلني ارقد
سالم : قلت لك قوم جدامي غسل يالله بسرعه
سعيد : اوووووووف شوو تغار انت من تشوفني راقد
سالم : لا غار ولا شيء بس بسرعه جدامي يالله قوم لااااا افلعك بهاي الدبه اللي بيدي

قام سعيد وهو يتحرطم عليه ويتحلف انه برد هالحركه السخيفه على قولته ...
هههههههه يلست أضحك وأنا اسمعه وهو داش الحمام يقول : توبه والله ماارقد إلا وأنا قافل باب حجرتيه بالمفتاح عشان يتعلمون الأدب ..
طلعت من حجرة سعيد ودشيت حجرتيه وشغلت المكيف ودشيت الحمام وتغسلت ولبست جلابيتيه وطلعت بسرعه وشفت سعيد بعد طالع من حجرته وهو يفرك عيونه " شكله يضحك " ..!! خله يستاهل ..!! الحين بنزل تحت وبحصل لي هزبه محترمة من عند رشووود حشااا هذا كله ولا الأكل الله يستر بس مايذبحني ..

راشد : سلووم هالكثر حشاا برد العيش
سالم : أوعي سعوود عشان يتغدا ويانا
أم مبارك : هذا سعيد صدق يباله ضرب من عندي عشان يستوي ريال
سعيد يحب أم مبارك على راسها : رياااال والله اني ريااااااال
أم مبارك : لا ريال ولاطاحتك المريله .. أخ عليك لاشغله ولامشغله إلا رقاد وحوامه في الشوارع
سعيد : وين تبيني اشتغل مافيني على قومة الصبح
راشد : أمااايه الله يخليج أجلي محاضرتج حق سعيد بعد الغدا الحين بأذن العصر ونحن ماتغدينا
سالم : تغدا تغدا يابوك لاتموت علينا
تقرب سعيد ويلس عدالي وتغدينا وبعد الغدا يلسنا نشرب جاهي .. ونسولف ويا أم مبارك وكل شووووي هزبة سعيد وسعيد كان وده يقوم يجوتني جوته لأني وعيته ونزلته غصبا عنه ..
وبعد ماشربت جاهيه سرت حجرتيه برقد للين الصلاة ورايه شغل قد شعر راسي ..!!

[لامارا]

***===== الــــجـــزء الـــــخـــامـــس =====***


مــا كـل من يضحـك ..!!
من الهـم سـالي ..!!
ولاكـل من يـبـكي ..!!
من الحــب مــحزوووون ..!!

.................................................
.....................................
........................
............

اليوم : السبت
الوقت : الساعة 4.30 العصر
المكان : في شوارع العين
" سيف "

طلعت من بيتنا على صوت إقامة صلاة العصر سرت المسيد وصليت بعد ماخلصت صلاتي ركبت سيارتي ومشيت بهالشوراع اتريا تلفون راشد عشان نسير نلعب بولينك في النادي لين صلاة المغرب ..
بس اليوم راشد مادق هو كل يوم يدق قبل صلاة العصر فيني اليوم ماأدري وينه ..
وقفت سيارتي عند الشيشه أصب بترول لسيارتي ..
ماحسيت إلا سيارتي هزتني هزة خفيفة نزلت أشوف شو مستوي ..
طلع واحد دعمني شوي من وراء ضربه خفيفة مب قوي حتى السيارة ماياها شيء غير ضربه خفيفة ماتبين حتى .. والريال سيارته ماتعورت بعد وايد .. نزل هو من سيارته ويلس يتفحص سيارته وبعدين سيارتي
الريال : اسمحلي اخوي
سيف : لاعادي اخوي ضربه خفيفة والحمدلله
تقرب الريال من سيارتي وشاف الدعمة ..
الريال : خلاص عطني رقم تلفونك عشان أعدل سيارتك
سيف : مايحتاي أخويه أفا عليك إلا شوي مايحتاي تعدلها ولا شيء
الريال : لا أخوي أنا الغلطان ولازم أعدل سيارتك
سيف : لا والله حلفت شو تعدل فيها أصلاً هيه ضربه خفيفة بس مايحتاي حتى أوديها الكراج ..
الريال مد إيده وسلم عليه وركب سيارته وراح .. أما أنا حاسبت راعي الشيشه وشريت لي ميرندا وركبت سيارتي ,, ودقيت على راشد بس مارد ..!! ماأدري وينه وليييش مايرد ..!!

اليوم : السبت
الوقت : الساعة 4.30 العصر
المكان : في بيت بو سعيد
" موزة "

من نص ساعه واصله انا وشمه من الجامعه حشا يكرفونا كراف .. ماتسوى علينا الشهادة اللي بنحصلها آخر شيء ..
أصرت شمه أنزل وياها بيتهم .. أونه عادي بيت عمومتج محد غريب .. شو أسوي نزلت عشان خاطرها .. وعشان ماأيلس بروحي في بيتنا .. دشينا الصالة وحصلت حرمة عمي " أم سعيد " ويدوه .. ضحكت يوم قالت " وابوووي هاي جامعه لين الحين حشا يابوكن الرياييل ساروا دواماتهم وردوا " ..

سرت حجرة شمه وتوظيت وصليت العصر .. بعد الصلاة كان عندي بحث ولازم أسلمه بعد يومين وهالبحث ماكتبت منه ولا حرف ..
موزة : شمووه فدييييتج شو رايج تسوين البحث مالي مافيني أدور مواضيع في النت واجمعهن ويا بعض ..
شمه : ههههههههههه موافقة بس بشرط
موزة : موافقه على شرطج قبل ماتقولينه
شمه : ههههههههه أنزين سمعي الشرط قبل
موزة : أنزين يالله هاتي شرطج ..!!
شمه : كتبي بحثي وبكتب بحثج
موزة : سيري لاه شرطج شرات ويهج
شمه : ههههههههههههههههههههههااا اي ...!!
موزة : انزين هاتي الاب توب مالج بدور في النت عشان البحث
شمه : آسفه غناتي أنا بشتغل عليه الحين
موزة : فقت ويهج يالله عيل رديني بيتنا
شمه : هههههه بيب لج كمبيوتر سعيد اشرايج
موزة : تحلمين يعطيج أياه
شمه : بنحاول شو ورانا
موزة : يالله قومي عيل ويايه عشان نيبه
طلعنا من حجرة شمة وسرنا قسم الشباب وأنا ضامنه رفض سعيد يسلفنا كمبيوتره دقيقه وحده بس .!!
بس يالله بنحاااول ..!!! وأنا ضامنه القفطه اللي بنحصلها الحين ..!!

دشينا القسم وشفنا سعيد منبطح في الصاله ويشوف فلم مصارعه صدق متفيج " ناس تعاني وناس ....." ؟؟!!!

شمه : سعيد لو سمحت ممكن طلب
سعيد : إذا تبن تروحن مكان فأنا آسف
شمه : حشاا لا لا مانبا نسير مكان
سعيد : عيل شووو ....!!!؟؟؟
شمه : أريد كمبيوتر
سعيد : وكمبيوترج وين ..!!
شمه : أسمع موزة عندها بحث وأنا عندي بحث فأنا بشتغل على كمبيوتريه وهيه بتشتغل على كمبيوترك
يلس سعيد يحدق في موزة .........!!!
سعيد : امممممم موافق بس لا تتعبثن فيه وتخربنه وملفاتي لاتفجنهن
موزة : والله مابفج ولا شيء
سعيد : خلاص بتلقنه على الشبريه
موزة : مشكووووووور وماتقصر ..
سعيد : العفوووو كم موزة عندنا
موزة : وحده والله يخليها لكم
سعيد يرفع ايدينه : امييييييييييييييين

دشينا غرفته وشلينه الاب توب وطلعنا من قسمهم قبل لايغير رايه .!! ونتورط

رجعنا حجرة شمه وشغلت كمبيوتر سعيد ..
فجيت عيوني أول ماشفت الشاشه وصرخـــــــــت ..!!؟؟؟!!!
شــــــــــــــــــــــــ ــوو هذاااا ..!!؟؟؟




اليوم : السبت
الوقت : الساعة 5.00 العصر
المكان : في المستشفى
" عبدالله "


ليت الوجع بعروق قلبي ولا فيك.. وليت التعب غلطان ساهي ولا جاك.. لو الشفا بضلع صدري لداويك.. واطحن جميع ضلوع صدري فداياك.. الله من شر المقادير يحميك.. والله يحفظك يا عيوني ويرعاك


كنت يالس وفنيان القهوة بإيدي .. توه من شوي كان سالم وربيعه فيصل عندي .. ياي يسلم على خلود بعد ماتقهوي هو وفيصل طلع عشان عندهم شغل على قولتهم ..!! فأستسمحو مني وطلعوا ..
وطلعت خلود من الغرفة الثانية ويلست ويايه انسولف ..
خلود : أقول عبدالله
عبدالله : قولي ..!!
خلود : متى قال الدكتور برخصني
الصراحه نقعت ضحك ههههههههههههههههههههه
حتى من الضحك شرقت بالقهوة كح كح كح كح كح كح كح كح كح ...
ضربتني خلود ضربه خفيفة على ظهري ...
خلود : حلاااااااال حلااااااال ..
عبدالله : كح كح كح كح
خلود : قلت شيء يضحك أنا الحين !!
عبدالله : أحم أحم خلود أنت إلا أمس مدخلينج المستشفى والعملية مب وحالها تلتحم وتبين أطلعين بعد ..!! صدق ضحكتيني
خلود : لا أنا بطلع مايخصني أيلس انت جان تبا تيلس
عبدالله : هههههه ليييش أيلس بدونج بسير وياج جان تبين تشردين من المستشفى بشرد وياج
خلود : ههههههه أتخيل والله نشرد
عبدالله : الله يهديج أنت تراج تبين أطلعين وماشيء حل غير الشرده
خلود : لا بطلعني الدكتور غصبا عن خشمه
عبدالله : عاش عاش وليش غصبا عن خشمه هاي مصلحتج وأنت أبخص فيها صح ولا لاه ..!!
خلود : انت أشفيك اليوم كله ضدي حشا مايقول حرمتك جنه الدكتور هو حرمتك
عبدالله : لا يابوج انت حرمتيه بس حياتج أهم عندي من كل شيء لو قال الدكتور ماشيء طلعه يعني ماشيء طلعه وإذا الدكتور أشفق عليج وقال برخصج فأنا مابرمس ولا بكلمه ..

خلصت جملتيه وإلا صوت الباب يندق ..
عبدالله : ههههه هذا أكيد الدكتور سمعج وياي يرخصني
خلود : ههههه عيل بسرعه بسرعه سير فج الباب قبل مايسير ويغير رايه ..

قمت من مكاني وأنا أضحك على خلود وسوالفها وفجيت الباب وكانت عمتيه يايه وحبيتها على راسها وقربتبها داخل ..




اليوم : السبت
الوقت : الساعة 5.15 العصر
المكان : في أحدى المكتبات
" سالم "

طلعت من المستشفى بعد ما أطمنت على حالة خلود .. الحمدلله شفتها أحسن عن أمس بوايد يالله الله يقومها بالسلامه ..
ركبت سيارتي بعد ماخلصت زيارتي المستشفى وكان ويايه ربيعي فيصل ويشتغل ويايه في نفس القسم قسم هندسة المعمار والبناء .. وكان عندنا شغل رسم تخطيط لبيوت شعبية وحالتنا كانت حالة ..
نزلت المكتبه عشان أصور أوراق الخرايط اللي رسمتها كان فيصل يريد يضيف بعض التغيرات فقلت خلني أصور الخرايط عشان نشوف المسؤول شو اللي بعيبه من اللي بسويه كل واحد منا ..
يلست ساعه في المكتبه حشا زحمه .. وقفت عند ألة التصوير ساعه وعند الحساب ساعه حشا ماتسوى علينا ..!!
بعد ماطلعت من المكتبة ركبت سيارتي وفيصل يتحرطم عليه

فيصل : حشاااا هالكثر تصور كمن خريطه
سالم : والله يافيصل زحمه زحمه إذا دشيت مابتطلع منها
فيصل : هههههههههه الله يعينك أنزين ها أنت الحين يبت النسخه
سالم : هيه صورت لك الخرايط بس تراه شوف ماشيء عندك وقت غير ثلاث أيام وين تقدر تخلصهن
فيصل : عادي بحاول هن إلا 3 خرايط صح ولا لاه
سالم : هيه بس تراه يباله مب أي شيء تخربط فيهن هذا شغل مب خرابيط يهال
فيصل : لاتحاتي بحاول أخلصهن حتى لو أضطريت أخذ إجازة من دوامي وأسهر عليهن
سالم : ههههههههه وحرمتك وعيالك
فيصل : أي عيال إلا ولدين عندي واحد عمره 4 شهور واحد سنتين
سالم : وهذيل مب يهال
فيصل : هههههههههه على قولة عمي مفاعيص
سالم : حرام عليكم انت أحمد ربك عندك عيال غيرك ماعنده ويتمناهم
فيصل : الحمدلله .. وأنا ماقلت شيء بس أسولف
سكت عن فيصل يلست أطالع الشارع والناس وأركز في سواقتي أحسن لي من الهزربة الزايده ويا فيصل ...!!

فيصل : سلووووم
سالم : شو سلوم عيب فصول أنا عمري 28 سنه وتقولي سلوم .. في البيت متولني راشد وسعيد وفي الدوام أنت حشاا لو كنت ولد 18 سنه شو بتزقروني
فيصل : هههههههههههه تراك انت تقولي فصول وما أقول شيء وانت مب معرس وانا معرس وعندي عيال لازم تزقرني بو محمد
سالم : خلاص يابومحمد شو بغيت
فيصل : هههههه انزين بغيت أقولك انت مب ناوي تعرس
سالم : الله يهديك هذا وقت عرس انا حياتي كلها شغل بشغل
فيصل : بس الشغل مايخلص يابوغنيم
سالم : هههههههههههههه شو تباني أعرس عيل عشان الشغل يخلص
فيصل : لا أنت فهمت غلط أنا قصدي تعرس وتشوف حياتك وتبيب لك ولد يشيل أسمك
سالم : ههههههههههه يكفي الوالده وراشد متوليني في البيت .. وياي الدور عليك جنك تتولاني في الدوام
فيصل : ههههههههههه صدقه راشد يبا يشوف حياته
سالم : وأنا ما منعته إذا يبا يعرس يعرس
فيصل : كيف يعرس وأخوه الأكبر عنه ماعرس
سالم : ههههههههههه أنا اعرف راشد مايفكر بالعرس هو يباني أعرس عشان يستانس
فيصل : وانت إشدراك

وصلت بيت فيصل وقفت سيارتي ..ولفيت صوبه

سالم : فصول يالله يالله أنزل بلا مطرود صدعت راسي بالعرس وجان أنت تبا تعرس انا عليه أدور لك الحرمه الزينه
فيصل : هههههههههههههههه لالالالالا عندي حرمة وتسدني عن كل الحريم
سالم : عيل يالله فارج وسير كمل الشغل على الخرايط بدال ماتعور راسك ويايه بسالفه العرس
فيصل : أوكيه أنا نازل بس بشوفك في الدوام وهذيج الساعه ماتقدر تقولي فارج ..
سالم : بجوتك أنت ومكتبك برع
فيصل : ههههههههههه .. اوكيه أنا نازل يالله فمان الله وبينا تلفون
سالم : اتريا اتصالك والله وياك

نزلت فيصل بيتهم .. بعد الصدعه اللي سوالي اياها حشا حياتي وأنا أبخص فيها الكل متوليني عشان أعرس ..

بعدني صغير على العرس بعدني إلا 28 سنه لو وصلت 30 شو بقولون عني بقولون شيبه .. " الله يستر بس منهم " ..!!




اليوم : السبت
الوقت : الساعه 6.30 المغرب
المكان : في بيت بو سعيد
" راشد "

قمت على صوت تلفوني اللي من ساعه وهو يصيح وانا مطنشنه كل ماصاح خشيت راسي في المخده .. كنت تعبان وايد اليوم يكفي اني قايم من الفير وسرت بوظبي والمدرب بعد ماقصر كرفنا كراف ويا التدريب ماله وفوق هذا عاقبنا بتدريب ثاني في الشمس كانت تظرب بالراس افتر راسي من قوتها .. ترجيناه بس ماطاع قال عشان تتأدبون وتكملون التدريب كامل مب نسوي نص التدريب ونقول بس تعبنا .. عطانا محاضرة طويلة وعريضة .
قالنا : " انتوا مب يهال أنتوا رجال الوطن والريال لازم يتحمل التعب والشقا وأنتوا يايين هنيه تضحكون وتسولفون " .. !! الصراحه تلومت من كلامه صدقه نحن مب يهال يايين نلعب ونضحك أنا بس كنت أضحك على سوالف عبيد جتنا من الضحك كله يطنز ماخلاه حد بحاله .. فعاقبنا نسوي التدريب بالشمس ..!! والله إن كلنا تبنا مانتكلم ولاكلمة في التدريب .. فوق هذا العقاب الخط اللي تمسكه من بوظبي للين العين ..!!
قمت ودشيت الحمام تسبحت .. عشان ألحق على صلاة المغرب بالمسيد ..
بعد ماخلصت وشليت أغراضي ولبست ملاسي طلعت من حجرتيه وأنا أشوف تلفوني ومنو متصل فيني كان سلطان متصل مرة وسيف فوق العشر وغير المسجات اللي مطرشنهن ..
الله يعيني من لسانه بس نسيت اني كنت متواعد معاه في النادي .. والله خذتني نومه وماحسيت بعمري ..
طلعت من البيت وركبت سيارتي وسرت المسيد وبعد ماخلصت صلاتي اتصلت بسيف ..

راشد : هلا والله هلاااااااااااااااا بسيف
سيف : جب لاتكلم
راشد : أفاااا تقول لعمك جب لالالالا مب سيف اللي ارمسه أنا
سيف : عيل مواعدني من ساعتين ولاييت ياليتك بعد رديت على تلفوناتي
راشد : ههههههههههه أعذرني والله يا سيف لو تعرف شو صار جان عذرتني
سيف : شو اعذرك ..!! لا مب عاذرنك ..!! شو هاه اللي خلاك ماترد على التلفون
راشد : أأأأأأأخ شوو أقول لك يا سيف .. كله من الرقاد نساني كل شيء
سيف : مالت عليك وأنا اترياك وماخليت شارع ماافتريت فيه وعثرك راقد
راشد : والله اني قايم من الفير وسرت بوظبي وهناك ماقصروا فينا سوالنا المدرب رياضه في الشمس عشان نتعلم المسؤوليه على قولته
سيف : أحسن لو خلاك تحترق في الشمس عشان يبرد قلبي فيك
راشد : أفااااا أهون عليك
سيف : هههههههههه لاماتهون بس والله قهرتني
راشد : أسف والله مااعيدها .. المهم أنت وين الحين
سيف : وين بعد سرت أخيط لي كنادير وتوني طالع من السوق
راشد : حلوو خلاص مر علينا البيت عشان تتعشا ويانا
راشد : أي عشا الحين الساعه 7 المغرب
راشد : عادي نيلس نلعب كيرم للين العشا وسلطان الحين بيي بعد
سيف : أوكيه خلاص ربع ساعه وبكون في بيتكم
راشد : خلاص اترياك

اليوم : السبت
الوقت : الساعه 7.00 المغرب
المكان : في بيت بو سعيد
" شمه "

كنت يالسه ومربعه ريولي والاب توب على ريولي ومركبه السماعات في أذوني ومشغله بن روغه " هافه سيديات سعيد " ماعنده غير بن روغه وميحد ..
كنت مطولة على الغنيه وأرتب البحث مالي عشان أطبعه وأفتك منه ..
ضحكت على موزة ضحك حشاا جتلتني .. ههههههههه تخيلت شكلها وهيه فاجه عيونها وفاجه حلجها وأمبحلقه عيونها في لاب توب سعيد .. زين انها ماتخبلت علينا . وزين انها مايتها جلطه ونتورط فيها ..
اول مااشتغل الكمبيوتر شافت صورة ياهل صغير توه مولود يمكن ولد شهرين ثلاث شهور .. بس كان حليوووووو بدرجه كبيره ..!!
ضحكت على موزة وهيه تقول : عمري ماشفت ياهل بحلاة هذا الياهل حتى حمد وخالد أخواني ماكان جذيه حلوووين .. هذا غير عن اليهال اللي شفتهم سبحان الله جمال ماتخيلته في حياتي أأأخ لو عندي اخت صغيره جان يوزتها بهالولد .. أأأخ خاطري أقرصه على غزوزه الورديه والمليانه .."
تخبلت لدرجه كبيره ومن خبالها طبعت صورة الياهل وخلتها في أوراقها ..
وكل شوي شافت الصورة أونه أريد فارس أحلامي يشبه هالولد ماأدري من وين بنيبلها هالفارس اللي تحلم فيه ...!!

سمعتها تزقرني وهيه اتزاعج شليت السماعه من أذوني ..
شمه : شووو فيج ازاعجين
موزة : حشااا ماتسمعين من ساعه وانا أزقرج
شمه : ماسمعتج
موزة : من وين تسمعيني ومشغله هالاغاني في اذونج
شمه : هههههه انزين شوو تبين
موزة : خلينا ننزل أنا يوعانه وعطشانه
شمه : بعده العشا مب الحين
موزة : انزين خلينا ننزل انشوف شو مسوين العشا
شمه : أووووف منج ماتحاتي غير بطنها
موزة : بطني والبحث مالي بس
شمه : هههههههه انزين يالله ننزل

نزلنا تحت ومحد كان يالس غير يدوه تتسمع إمارات أف أم ..
" عيايز أخر زمن " ...!!!!
من شافتنا يدوه قصرت على صوت الراديو ورفعت عصاها في ويهنا .. خفت تهجم علينا وتظربنا .. " خيبه شو مسوين " ....!!!
شمه : أشفيج يدوه
أم مبارك : وين منزربات فوق شو اسون يقول عرايس منخشات أممممف عليكن
شمه : هههههههههه يدوه علينا واجبات ودراسه
أم مبارك : شو مخربنكن غير هالجامعه بقول حق محمد وخلفان يفنشونكن منها مااعرف شوو بتحصلن من وراها ..!!
سارت موزة وحبت يدوه على راسها
موزة : اللي تشوفينه يدوه وانا من ايدج هاي لين ايدج هاي صدقج مامحصلين من هالجامعه غير التعب والشقا ..
ربعت ايديني ..!! وانا منقهره من موزة تبا تفنشنا من الجامعه .. لا مستحيل اطلع من الجامعه ماعندي غيرها مااسير بقعه غير الجامعه على الأقل اشوف الناس والخلق لو طلعوني من الجامعه بحبسوني في البيت ومابطلع مكان .. لو فكرت أطلع بتوديني يدوه عزبتها وأمايه الجبره مالتها ...!!
شمه : لاااااا إذا موزة تبا تفنش تفنش كيفها انا مابطلع من الجامعه راس مالي في هالدنيا
أم مبارك : كيفج هو لو أقول كلمتيه محد يعترض عليها .. من اول مايدق المعرس الباب أيود ايدج بإيده وأقوله شلها مانبا لاعرس ولادقدقه ..!!
شمه : ههههههههههههه إذا يا المعرس بفنش من الجامعه وما يسير خاطرج إلا طيب
موزة : ههههههههههه والله انج يايدوه سوالف ..
أم مبارك : اشحالها امج وخوانج
موزة : كلهم بخير
ام مبارك : فديت حمد متولها عليه
موزة : مالقيتي غير حمد
ام مبارك : يعلج اتسدين عوقه قولي امين
موزة : هذا الولد أبد ماينفع دلووووووع
ام مبارك : انت ماتسوين شعرة من راسه
موزة : يالله ياربي وشو خليتي حق خالد فديته
ام مبارك : خالد شيخج
موزة : فديته هذا الولد ولا بلاش مب حمد يرفع الضغط
ام مبارك : حتى حمد ريال بس ابوج مخربنها وايد امبزنه
موزة : ههههههه توكم تدرون
شمه : ويدوه شو خليتي حق راشد وسالم وسلطان وسعيد
ام مبارك : أأأأأخ إلا جان سعيد
موزة + شمه : هههههههههههههههه
ام مبارك : أنا مااحاتي غير سعيد " الله يهديه واشوفه ريال "
موزة : ان شاء الله يدوه وتيوزينه وتشوفين عياله
ام مبارك : خليني ايوز سلووم السبال إللي معور راسي مب طايع يعرس
شمة : بييه يوم وبقولج اريد اعرس
ام مبارك : اخاف اموت ولاشفته معرس
موزة : لا يدوه ,,, ربي يطول بعمرج وتشوفينه معرس وتشوفين راشد وسعيد وتفرحين فيهم
شمة : وتشوفيني انا بعد عروس وعلى الكوشه
ام مبارك : ان شاء الله

بعد مايلسنا مع يدوه شوي طلعنا برع صوب المطابخ هاي موزة حشرتنا دومها اليوع قارصنها ...!!!


اليوم : السبت
الوقت : الساعه 7.45 المغرب
المكان : في بيت بو سلطان
" سلطان "

كنت يالس في الصالة العب مع لطوف " كرش 2 " حاولنا أقيم اللعبة بس ماقدرت .. شفت ساعتيه .. تذكرت إني قلت لراشد بمر عليكم عشان نرمس يدوه عشان الشقه ..
طلعت من البيت وركبت سيارتيه وخطفت على الشيشه سيارتي امفضيه مافيها ولا قطره بترول ..!!
بعد ماترست سيارتي بترول سرت صوب بيت يدوه على عسا توافق وتفكني من الغبشه من الفير الناس راقده وانا ماسك لي خط ..!!
وصلت بيت يدوه وشفت سيايير الشباب كلها موجوده
" راشد وسعيد وسيف وسالم " بس أبو سعيد ماشيء كانت سيارته ..
دشيت الميلس وسلمت عليهم ويلست أشوف سالم وراشد وسيف يلعبون كيرم ..
سلطان : راشد سعيد وين ..!!
راشد : تلقاه راقد لاشغله ولامشغله
سلطان : هههههههه الله يهديه بس ويدوه رقدت ولا لاه
راشد : لا متفيزره احيدها ويا البنات في الصاله محتشره وياهن سمعت انها تريد تفنشهن على قولتها من الجامعه ..
سلطان : ههههههههه تريد تظيع مستقبل بناتنا .. الجامعه وسوت جذيه لو قلنا لها عن سالفه الشقه شو بتسوي ..!!؟؟
راشد : ههههههههههه بتفنشنا من الحياة بكبرها ..!!
سلطان : ههههههههههه بتدفنا في هالبيت
راشد : بتقول ماعندنا رياييل يسكنون في شقق
سيف : هههههههههه تحلمون انتوا توافق يدوه ماتعرفونها ميبسه براسها ..
راشد : ههههههه انزين سلطان ها انت مستعد عشان اندش المعركه
سلطان : ههههههه مستعد ومتسلح بعد لاتوصي بس انت
راشد : هههههههه وحق شوو السلاح بعد
سلطان : حق يدوه بهددها بالقتل لو مابوافقت
راشد : هههههههههه عشان صدق تشخط شخطه بعصاتها
سلطان : دخييييييلك عصاتها والقبر حشااا بسير اشتري لها خيزرانه بدال هالقب اللي عندها ..
سالم : ههههههههه خيزرانه شوو بترزف فيها الله يهديك
سيف وراشد : ههههههههههههههههههههههههه ههههههه
سلطان : هههههههه انزين قوم قوم مافينا بتسير ترقد يدوه بعدين مابنحصلها

قمت مع راشد وسرنا صوب البيت .. عشان اسلم على يدوه ونرمسها بسالفه الشقه ..!!

اليوم : السبت
الوقت : الساعه 8.15 المساء
المكان : في بيت بو سعيد
" سعيد "

قمت من رقادي وانا معصب حشااا منو هذا اللي مايستحي حارق تلفوني .. مايعرف يصيح التلفون صيحتين ويسكر ..
شفت شاشه التلفون وكان مكتوب عليها " الخبله تتصل بك "
والله اني عصبت صدق متفيجه ماعندها شغله والله ان الدم حسيته يغلي بعروقي غلي .. رديت عليها وانا خاطري امسكها وانتف لها كشتها ..!!
سعيد : نعممممممممممم <<< وهو يصارخ عليها
الخبله : اشفيك حبيبي معصب
سعيد : اشفيك حبيبي معصب <<< وهو يقلد رمستها
الخبله : سعيد ..!!
سعيد : انت غبية ولا شو ماتشوفيني راقد لازم حد يخرب رقادي
الخبله : سعيد لو سمحت لاتغلط
سعيد : اصلا انت من ريولج لين راسج غلط بغلط
الخبله : سعيد بعدني محترمتنك عشان اللي بينا
سعيد : وشوو هو اللي بينا عشان تحترميني .. لو رحتي ورديتي مااطلعين غير وحده خبله وغبيه ومقصه فوق هذا
الخبله : سعيد انت شووو تقول ثمن رمستك ..!!
سعيد : مثمننها قبل لااشوف شكلج

أووووووووف صدق غبية وماتفهم ..!! سكرت الخط في ويها مافيني اعصب واتعب نفسي عشان وحده ماتستاهل اني اعق عليها كلمتين ..
قمت من مكاني وفجيت الكبت وطلعت ملابسي ودشيت الحمام اتسبح .. وبعد ماخلصت شليت سويجي وبوكي وتلفوني ونزلت .. والحمدلله اني ماحصلت عيوزنا في الصاله وإلا جان سمعتني المحاظرة اللي متعود في اليوم اسمعها ألف مرة .. طلعت من البيت وشفت سيايير موقفه في الحوش .. ويوم دققت النظر؟ شفتها إلا سيايير راشد وسالم وسلطان وسيف .. وشفت موزة وشمه طالعات من المطبخ ... سرت صوبهن .. وأول ماشافتني موزة قالت
موزة : سعيد بسألك صورة الياهل اللي في خلفية كمبيوترك
سعيد : شو فيها ...!!
موزة : ولد منو هذا ..؟!!
سعيد : اشفيه
موزة : يخبل مت عليه . وااايد حليووووووو
سعيد : أكييييييييد لنه ولديه ههههههههههه
موزة : ههههههه أي ولد الله يخليك انت اشتغل وبعدين فكر تعرس
سعيد : وليييييش افكر بالعرس لامعرس ولاعندي خبر ..
شمه : خخخخخخخخخ احسن
سعيد : انت شو يخصج ماطلبت رايج الشيخه شمه ,,, انت مااباج اطيحين عرسي
شمه : ههههههههههه تصدق امبوني مابيي
سعيد : ريحتيني من المحاته طول الليل افكر كيف اطردج من العرس
موزة : ههههههههه ولايكون انا وياها
سعيد : أفاااااااااا ,, أنت أساس العرس
موزة نفخت صدرها : إحم ,,,, إحم
شمه : مالت عليج يا الخاينه
سعيد : هههههههههههههه

دشيت عنهن المطبخ وشربت لي ماي وشليت كوب جاهي ويايه وسرت الميلس ايلس ويا الشباب احسن من يلسة البنات اللي تعور بالراس ..!!

[لامارا]

***===== الــــجـــزء الـــــســـــادس =====***



.. أصبر ياقــلــبي وأنتــظر خل الحزن مكتوم ..
.. كل المــعـاني تــغــيرت واتضحت الصوره ..
.. صار الصدق في هالزمن مثل الوفا معدوم ..
.. ونفــوســنا تــجــرحت والفرحه مكسـوره ..
.. كل الــمبادئ تنــشرى واللي معاه يسوم ..
.. حتى المــشاعر ارخـصـت والكلمةمهدوره ..

.................................................
.....................................
........................
............

اليوم : السبت
الوقت : الساعه 8.30 المساء
المكان : في بيت بو سعيد
" راشد "

بعد مادشينا الصالة ماحصلنا أمايه " أم مبارك " لفيت صوب سلطان وهو مخلي ايدينه على راسه ويقووووووول " لايكون رقدت ..؟؟ لا هاي يدوه حشااا ديايه ( دجاجه ) لو رقدت في هالوقت " ..!!!

لفيت عن سلطان ويلست أتسأل صدق رقدت وسوتها فينا وفشلت خطتنا .. أشرت على سلطان يلحقني وكنت امشي بسرعه جني ساير بضارب ودشيت حجرتها بعد ماحصلتها بس تصدقون أرتحت ..؟؟!!
لأني مالقيتها راقده ..
سلطان من الوناسه طاح على الشبريه وقال " فديت يدوه والله ..!!"
ضحكت عليه وعلى خباله .. بس يالله توافق وتريحنا ..!! طلعنا أنا وسلطان من الحجرة وسوينا تفتيش عن أمايه بس ماحصلنها .. وطلعنا برع البيت بنسير ندورها صوب المطابخ والميالس يمكن طلعت ونحن ماندري خاسفين البيت من داخل .. من بعيد شفت موزة وشمه يالسات عند النخل اللي في البيت وأمايه يالسه وياهن ومورين الضو " ياسلااام عليكم " ...!!!؟؟؟
مشينا انا وسلطان وانا خايف تردني خايبين على

قولة سلطان " سوف نعود ونحن مكسورين الرقبه " ...!!

ضحتك عليه بدا يخورها ترا لايقص عليكم ..!!

سلطان وهو يحب راس أمايه : ها يدوه شكلج بردانه
أم مبارك : هيه والله ياوليدي هالبرد ضاربني بعضامي حشااااا يابوك يمدني عظامي طحنهن طحان ..!!
سلطان : هههههههههههههه هيه والله صدقج يدوه هالسنه البرد غير شكل نحن مب متعودين عليه .. متعودين على الحر والشمس ..
أم مبارك : يابوك البرد اللي عندنا أشوا من البرد اللي عند بلاد برع ماادري كيف متحملين
سلطان : يدوه كل واحد وطبيعه الجو اللي انولد فيها متعودين على البرد مب متعودين على الحر مثلنا ..
تقربت من شمه وقلت لها سيرن بنرمس يدوه بموضوع خاص ..
بسرعه قالت : لايكون سلطان فكر يعرس ..<<<< هالبنات ماهامنهن غير العرس يقول الحياه ماشيء غير عرس ..!! ,,,,, صدق فاضيات ..
رديت عليها الموضوع خاص يالله زولي انت وموزة ..
قامت بدون ماتناقشني .. أحسن مافينا لييييش ؟؟!! وشو السبب ؟؟!! وليش ماتبونا نسمع ؟؟!!
" يروحن بكرامتهن أحسن " ......

تقربت من أمايه وساندت راسي على ريولها " من قدي آخر العنقود "
لازم أدلع شوووووي ؟؟!!
أدري إنه من حقي .؟؟!!

راشد : أقووووووول يا أم راشد
أم مبارك : انا أم مبارك
راشد : هههههههههه أم مبارك وام محمد وأم راشد وأم سالم وأم خلفان ولاتزعلين
أم مبارك : هههههههه عنلاتك ..!!
راشد : امايه بغيت منج طلب ولاترديني ..!!
أم مبارك : قول فديتك قول شوو بغيت شيء ناقصنك
سلطان : ههههههههههههههههههههههههه ههه
لفيت صوب سلطان أدري إنه يضحك عليه ..!!
راشد : لا مب ناقصني شيء والحمدلله أنا ريال ومعتمد على نفسي بس بغيتج عشان نقولج قررنا انا وسلطان ناخذ لنا شقه عشان الدوام في بوظبي بدال مانسير ونرد تعب والله
أم مبارك : شووووووو وحق شوو الشقق بعد البيت اشكبره ويكفيكم
سلطان : مب عشان البيت يدوه فهمي نحن نبا ناخذ شقه عشان مانتعب كل يوم نمسك لنا خط لين بوظبي ونرد ونسير في نفس اليوم نهلك في السيارة
أم مبارك : شووو يهلك بعد لاااالاااالااالااا شقق ماشيء أممممف عليكم اشدرانا شوو بتون هناك في بوظبي بتوبون الحريم عندكم في الشقق لا يابوك هالشقق مامنهم إلا عورا الراس
سلطان : يدوه الله يهديج وين حريم وماحريم نحن بنسير دواماتنا
أم مبارك : لالاااا وانا اشدراني اتسيرون دواماتكم لا تكونون هنيه في العين تحت عيني احسن من الحوامه بروحكم في بوظبي
راشد : أماااايه الله يخليج انت لييش تبين اتعبينا
ماحسيت إلا الضربه على راسي أأأأأأأأأأخ " جنها فلعتني بعصاها "
لحظه مااستوعبت اللي صار حسيت براسي افتر من الضربه ...!!
أم مبارك : لاتخلوني أحلف واخلي خلفان يفنشكم من الدوام وايلسكم في البيت
قامت يدوه وسارت البيت ..!!!
سلطان : ههههههههههههههههههههههههه ه يهال نحن في الروضه بتفنشنا وبتيلسنا في البيت
راشد : أأأأخ ياراسي جني انفلعت راسي ورم
سلطان : سير عند أمك خلها أداويك
راشد : هههههههه تباها تخليلي ملح وكركم وخرابيطهن ..!!
سلطان : هههههههههههه والله هاي يدوه يبالي اوديها عند دكتور يفحص عقلها أونه بتفنشنا تتحسبنا شرات موزة وشمه عشان تفنشنا
راشد : ههههههههههههههههههههههههه ه







اليوم : السبت
الوقت : الساعه 9.25 المساء
المكان : في إحدى شوارع العين
" عبدالله "

مليت اداري الم واوجاع مخفيه.
مليت حتى دموع العين ابررها.
ياكثرها في حياتي احلام منسيه.
صعبه دروبي وانا لازم اغيرها؟؟


أأأأأأأأأأأخ شووو تبون تعرفون ..!! تبون أقول لكم شو صار في بيتنا ..!!؟؟
طلعت من عند خلود ومريت بيت يدوه وشفت سيايير الشباب كلهم هناك حتى سيف أخويه سيارته عندهم .. تعرفون شوو سويت سرت بدون ماانزل والله مالي ويهه أجابلهم ..!!!؟؟ ركبت سيارتي وسرت بيتنا أغير ملابسي وخلود موصتني أييب لها شوي أغراض ..!! دشيت بيتنا سرت سيده قسمنا وطلعت ملابسي وخليتهم على الكرسي وطلعت أغراض خلود اللي محتاجتنهم وخليتهم بشنطه الرياضة مالتي الصغيرة وخليتهم عند الباب وشليت ملابسي ودشيت الحمام أتسبح .. بعد ماطلعت من الحمام لبست كندورتيه وشليت أغراضي وخليتهم بمخباتي وشليت الشنطه وسرت خليتها في السيارة .. وقررت أسير أسلم على امايه فضيحه حتى لو شو ماصار إتم أمي الغالية اللي موصنا الرب فيها ..!!
دشيت البيت وماحصلت غير خواتي وسلمت عليهن ودشيت حجرة أمايه وحصلتها ترمس بتلفونها شفتها اتخزني بعيونها ... سكرت بسرعه من اللي يالسه اترمسها من سكرت الخط تقربت منها وحبيتها على راسها ..!! ماحسيت بعمري إلا هيه إدزني بعيد عنها ..؟؟!
عبدالله : أمايه اشفيج
أم عبدالله : أفاااا ياعبدالله حرمتك تنسيك أمك وأهلك
عبدالله : أمايه حرمتي في المستشفى
أم عبدالله : هذا عقاب من ربك
عبدالله : الله يهديج يا أمايه خلود شو سوت فيج حرام عليج والله
أم عبدالله : سير سير أطلع برع سير عند حرمتك
تقربت منها غصب ولا طيب وحبيتها على راسها .. تصدقون نزلت دمعتي
" حسيت إنها مب راضيه عليه " ..!!
عبدالله : سامحيني يا أمايه سامحيني بس لاتنسين حتى خلود ربي بسألني عنها
طلعت من حجرتها وأنا امش دموع عيوني إللي غلبتني وطاحت .. حاولت أتصنع الإبتسامه عشان خواتي مايحسن بشيء .. طلعت وركبت سيارتي وخطفت على المطعم أشتري عشا حقي وحق خلود وأمايه أعرف إنها مستحيل تزعل عليه أدري إنها تعاندني وتسوي كل هذا عشان أودر خلود بس ليييييييييش ؟؟!! خلود شو ذنبها ...
الحرمة ماقصرت معايه بشيء .!! بالعكس اللي مقصر وياها وااااايد ..!!


اليوم : السبت
الوقت : الساعه 10.30 المساء
المكان : في سيارة سلطان
" موزة "

لاتذكرني بحبك يا غناتي لا تذكرني بماضيك الجميل .. في صدا ذكراك بجزر حياتي مستحيل أحب غيرك مستحيل ..!!
تونا طالعين من بيت يدوه ويالسه أطرب ويا الغنية سلطان مشغل إمارات أف إم وانا أطرب مع الغنية ماشيء شغله ..!! لوووووووووول

كنت يالسه ويا شمه في حجرتها أجمع شغلي في ملف خاص .. دشت البشكاره تزقرني بسرعه بسرعه شليت كتبي وأوراقي ولبست عباتي وطلعت وأنا طالعه شليت اللاب توب مال سعيد وخطفت على حجرته وخليته على الشبريه وشليت ورقة من مكتبه وكتبت فيها
" شكراااا يابوعسكور وماقصرت " ..!!

بعدين طلعت من البيت شفت عمي راشد وسالم وسيف وياهم واقفين عند سيارة سلطان .. أووووووف هذا سيف دومه مرتز في بيت قوم يدوه ..!! عدلت شيلتي وتغشيت وسرت صوبهم من شافني سيف بعد شوي لأني سايره بسلم على عمي راشد وسالم ..
بعد ماسلمت ركبت السيارة بسرعه .. حتى سلطان بسرعه ركب ماخلاني أتريا في السيارة ..

لفيت صوب سلطان من تذكرته .. من ركبنا السيارة وهو ساكت مارمس ولا بكلمة " غريبه " ..!!؟؟!!!
شفت الشارع ورديت أشوف سلطان ..
موزة : سلطان وين ساير
سلطان : عند خلود في المستشفى
الله وناااااااااااااااااسه أريد أشوووووف أختيه وأطمأن عليها ..
موزة : غريبة ليشششششش ؟؟
سلطان : اممممممم بتباتين عندها
موزة " وهيه منصدمه " : ليشششش وريلها
سلطان : عنده دوام
موزة : وأنــــــــــااااااا
سلطان : شو فيج إنت ؟؟؟
موزة : ورايه داوم باجر
سلطان : متى دوامج الساعه كم ؟؟
موزة : باجر الأحد ,, دوامي الساعه 9.30 الصبح
سلطان : خلاص انتي باتي وباجر الصبح أمايه بتي وانتي ردي البيت وبعدين سيري الجامعه
موزة : وأمايه
سلطان : الحين بييبها في المستشفى
موزة : اوكيه موافقه على الأقل اغير جوووو



اليوم : السبت
الوقت : الساعه 10.30 المساء
المكان : في الطريق لدبي
" سعيد "

كنت يالس في الميلس مع راشد وسالم وسيف وصاح تلفوني وكان ربيعي حميد داق .. أستأذنت منهم وطلعت من الميلس وكان داقلي يقول إن الربع كلهم في دبي ويتريوني ..
الصراحه مااعترضت على إني اسير دبي وأبات لي يومين .. سرت حجرتيه بسرعه عشان أشل شوي أغراض لأن عندي ملابس في دبي في الشقه دشيت حجرتيه بسرعه بسرعه لميت ملابسي اللي محتاجلهن وشوي أغراض وخليتهن بشنطه صغيره .. ولفيت صوب شبريتيه وشفت اللاب التوب مالي وسرت أشوفه وقريت ورقة موزة جان أجسفها بإيدي وأعقها في الزباله وشليت اللاب توب وخشيته تحت الشبريه مااريد حد يفجه ويشوف ملفاتي الخاصة .. طلعت من البيت وركبيت سيارتيه وأنا في طريجي لدبي وصلني مسج وكان من الخبله وكاتبه فيه :

" هداك الله يا أغلى انسان علامك ليه علي زعلان اخاف اني عليك اخطيت أنا آسف إذا غلطــــــان "

صدق غبيه وماتفهم هالبنت جان أمسك تلفوني وأطرش لها :
" أنا الحين في طريجي لدبي "

ردت طرشت :
" أدري إنك ياي تراضيني ..^_^ "

تصدقون من وصلني المسج عصبت عليها فجيت الدريشه أمبوني بعق تلفوني من الغيظ اللي فيني .. هبله هاي ولا تستهبل ..!!!؟؟؟
سكتت ومارديت على مسجها بس ماعليه أنا ساير دبي الحين فأكيد بشوفها بس من بشوفها لخليها تحب ريولي .. أنا سعيد موحيالله أي واحد ..!!


اليوم : السبت
الوقت : الساعه 11.22المساء
المكان : في بيت بو عبدالله
" سيف "


ودي اعرف ليه أودك ..
ليه من الغالين أعدّك ..
ليه أحاول كل مره ..
الفت إحساسك وأشدّك ..
ولابغيت أقسى واقفي ..
عيا قلبي لا يهدّك ..
ودي اقنع شعوري بمبدأ كلامي ..
ودي اعرف بس وش سر اهتمامي ..
حتى لامريت جنبك روحي ترسلك سلامي ..


توني داااش حجرتيه وسكرت الباب فريت غترتيه على الكرسي وعقيت عمري على الشبريه وغمضت عيوني ويلست اضحك ..
يمكن أضحك من الوناسه ولا من الغصه اللي فيني ...
والله قلبي يعورني ..!!!
خلااااااااااص مليت ..!!!
لين متى بتم حياتنا جذيه ....!!
المشاكل تكبر يوم عن يوم وأي سبب صغير مايستاهل حد يتكلم فيه .. يكبرونه ويسووون منه مشكله هالكبر ..!!
ودي أجمع العائلة وأحل المشكله اللي صار لها من سنتين تقريبا والضحيه نحن الشباب والبنات الكل بعييييد بعييييد عن أهله ..!!
اليوم في بيت يدوه من شفت موزة تسلم على راشد وسالم يتني غصه ..
شفت الكره كله في عيونها ..!! أدري كيف شفت عيونها وهيه متغشيه ..
ماادري يمكن لمحة الكره والحزن في عيونها ..!!
هالبنت احسها كارهتني عكس شمه .. !!
شمه تعاملني عادي تسلم وماتتغشا جدامي اما موزة تتغشا ولاترمس ولابكلمة اذا كنت موجود .. واذا شافتني تتهرب ..
بلمحة البصر تختفي من جدامي .. انا ياربي شووو سويت .. انا مايخصني بأهلي ومشاكلهم ..
انا شوو اقول هذيل اهلي والظفر مايطلع من اللحم .. !!

شليت عمري ودشيت الحمام اغسل ويهي .. عساني ارتاح شوي من التفكير اللي متعبني .. !!
طلعت من حجرتيه وشفت البشكارة شاله الدلال والكوبات وخلتهم على الطاولة في الصالة وطلعت .. تقربت وصبيت لي كوب " شاي " وشليت كوبي وطلعت من الصاله وسرت امشي في الحوش مع انه الجو شوووي كان برد بس شوو اسوي كنت اتهرب من التفكير ..!!
شوي ولا سيارة عبدالله داخلة البيت وقفها فيالكراج ونزل .... وتقرب مني ..!!
عبدالله : السلام عليكم
سيف : وعليكم السلام هلااا بوحميد اشحالك
تقرب عبدالله وشل الكوب من ايدي ويلس عدالي
عبدالله : الحمدلله اشحالك انت وشو مسوي
تنهدت ورديت عليه : الحمدلله على كل حال
لف صوبي عبدالله : شوو مستوي بلاااك
سيف : ههههه مامستوي شيء بس هالدنيا والمشاغل تعيف الواحد حياته
عبدالله : الحمدلله يابوووك على كل حال
سيف : اشحالها خلود مابرخصونها
عبدالله : باجر قالوا برخصونها
سيف : الحمدلله على سلامتها
عبدالله : الله يسلمك .. انت شوو ميلسنك في هالبرد
سيف : مليت من داخل وطلعت ايلس برع
وقف عبدالله وعطاني الكوب في ايدي ..
عبدالله : بسير اوطي راسي وبرقد ورايه دوام باجر
سيف : وخلود منو ببات عندها
عبدالله : موزة اختها بتبات عندها يالله تصبح على خير
سيف : وانت من اهله

أوووووووووف يا هالموزة اللي مب طايعه تطلع من راسي .. !!!!
ماعليه باجر من صباح الله خير بسير المستشفى عندهم ....!!!!




اليوم : السبت
الوقت : الساعه 12.10المساء
المكان : في بيت بو سعيد
" سالم "

يالس في صالة قسمنا انا وراشد وسعيد وفارش الخرايط كلها جدامي .. راسي افتر من ساعه ادور خريطة مهمة ومب محصلنها ماادري وينها ..!!!!؟؟؟؟
قمت من مكاني ودشيت حجرتيه ادورها في الكيس اللي فيه الأوراق .. ماحصلتها ماادري وين سارت وهالخريطة مهمة لازم باجر اشلها ويايه عشان المهندس والمستشار يشوفونها ..
أووووووف ياربي وين ضاعت طلعت من حجرتيه ودشيت حجرة راشد وحصلته راقد " ياحظك راقد وهو مرتاح " طلعت ودشيت حجرة سعيد وماحصلته ؟؟!! هذا دومه برع ..
انا سكرت دروازة البيت هذا كيف بدش يوم برد .. رديت الصاله وشلت تلفوني ودقيت له تلفون بس محد يرد ..!!
سكرت ودقيت حق فيصل عشان اخبره بالخريطة اللي ضاعت ..
سالم : السلام عليك
فيصل : وعليك السلام هلااا والله بوغنيم اشحااالك
سالم : بخير وسهاله اشحالك انت
فيصل : الحمدلله يالس اطالع الاخبار
سالم : ههههههههه شو قاضنك تعور راسك بالأخبار
فيصل : شو نسوي يابوك انشوف شو يصير بالعالم
سالم : انزين فيصل فيه خريطه ضاعت ماحصلتها دورها باوراقك يمكن تحصلها
فيصل : الاوراق كلهن في السيارة
سالم : انزين سير شوفهن وردلي خبر
فيصل : اوكيه بطلع ادورها بالسيارة وبرد لك
سالم : خلاص اترياك

سكرت من فيصل وقلت في خاطري " يارب تطلع عنده "

رديت ادق حق سعيد .. بس مايرد ماادري وين يحوم هالولد !!!
تذكرت ان شمه يالسه في الصالة على الكمبيوتر .. شليت تلفوني بإيدي ونزلت اسألها عن سعيد اذا قالها وين ساير مع ان هذا مستحيييييل ..!!

نزلت وماحصلتها بس حصلت الكمبيوتر مشبوك بالنت ..!! يلست اشوفها شو يالسه اتسوي .. حصلتها ترمس وحده من ربيعاتها .. كبرت المكالمة ويلست أقرأ شو يالسات يقولن ..!!
تصدقوووون ..!! مافهمت شيء من كلامهن كلام كله خرابيط حسيته مش متراكب ..!!؟؟
ردت كتبت " شموووه البقرة البحث وااايد اشياء فيه ناقصة "
ههههههههههه جان اكتب : افااااااا انا بقرة
ردت كتبت : لالالالالالالااااا انت حبيبة قلبي
انا شو يالس اسوي عيب جان انزل المكالمة وبعدت اللاب توب بعيد عني . عيب عليه ..!!
شوي وشفت شمة نازله من فوق وشاله في ايدها ملف لونه اسود في خط ازرق على طرف ..
شمه : شوو تسوي تحريتك راقد
سالم : اتريا ربيعي يدق فيه اوراق ضاعن ماحصلتهن
شمه : اهاا الله يعينك
رديت يلست على الكمبيوتر
سالم : شموووه منو ترمسين
اطالعتني شمه بفضول ..!!
شمه : لييييييييييييييييييش تسأأأأأأأأأل؟؟؟؟؟؟؟
سالم : لا لايروح فكرج بعيد بس ربيعتج كتبت شمووو البقرة بحثج ناقص فرديت عليها أفااا انا بقرة .. ردت وقالت لا انت حبيبة قلبي بعدين سكت مارديت عليها ..
شمه : شووووووو وليش ترد عليها
سالم : اسفه والله مب قصدي
شمه : .....................!!!
سالم : هههههههههههههههههه اشفيج زعلتي
شمه : لامازعل من عمي
سالم : ههههههههههههه
شمه : انزين حصلتهن اوراقك
سالم : لا يمكن عند فيصل
شمه : منو فيصل
سالم : شو يخصج
شمه : بسم الله ماقلت شيء
سالم : عيب تسألين عن الرياييل . انزين سعيد وين
شمه : اشدراني
صاح تلفوني كان فيصل داق أشرت على شمه عشان تسكت
سالم : هاااا فصووول بشر
فيصل : حصلتها في الملف الأصفر وياها فواتير
سالم : فواتير شووو
فيصل : مااعرف ملفك الاصفر
سالم : هيه عرفته انزين حطه في السيارة باجر بشله من عندك
فيصل : ان شاء الله
سالم : خلاص عيل اسمحلي على المغثة
فيصل : افاااا عليك لامغثه ولاشيء
سالم : تسلم بو الشباب بخليك عيل وتصبح على خير
فيصل : وانت من اهله

سكرت من فيصل ودقيت حق سعيد وهالمرة رد عليه بس وهو معصب ويزاعج
سعيد : ألوووووووووووووووو
سالم : سعيد اشفيك اتصارخ
سعيد : هلا عمي مافيني شيء
سالم : وين انت
سعيد : انا في دبي
سالم : شووووو تسوي في دبي
سعيد : احوط ويا ربعي
سالم : متى بترد
سعيد : ببات لي كمن يوم
سكت اسمع حد عنده يصييييييييييييييح بصوت عااااااالي
جنه صوت " ياهل "
سالم : سعيد منو عدالك
سعيد : محد
سالم : وين انت الحين بالضبط

سكررررررررر الخط في ويهي ......!!!!؟؟؟

رديت ادق بس التلفون مغلق ...!!!!!

[لامارا]

***===== الــــجـــزء الـــــســـــابــــــــع =====***



فيني خلايا تنزف الحزن والهم وفيني طلاسم محدن قد قراها
فيني هموم تذرف دموعها دم وأنت الحروف الباقية عن سواها
لك خافقي رحب وهلا وسلم ولك العيون تعيش لأقصى مداها

.................................................. .......................
.................................................. ........
...........................................
..............................
......................
...............
..........
...



اليوم : الأحد
الوقت : الساعه 7.30 صباحا
المكان : في بيت بو عبدالله
" سيف "

تررررررررررن ... تررررررررررن .. تررررررررررررررررررررن

فزيت من رقادي على صوت المنبه فجيت عيوني بالقوووووة أوووووووف فيني رقاد ..
سحبت اللحاف بعيد عني .. ولفيت وشفت الساعه 7.30
قمت طاااااااااااااير ... لاااااااا بسير المستشفى قبل مااسير الدوام ..
بسرررررعه شليت ملابسي وتسبحت وتلبست وكشخت وتعطرت ..
طلعت من حجرتيه مريت المطبخ بشرب لي شيء أخاف اطيح عليهم في المستشفى ..
بسررررعه شربت حليب
أأأأأأأخ حرقني في لساني .. <<< من خبالي يقول حد يربع ورايه ..
شربت نص الكوب وطلعت وخطفت على المخبز عشان أشتري ريوق حق خلود و ........ و ..... وموزة .......إحم ,,,, إحم
كنت بدق حق خلود أقولها شو تبون تاكلون بعدين قلت لا مابدق موزة بتدري إني ياي المستشفى في هالحزه وماابيها تشرد لازم أشوفهااااا .. ؟؟!!
أمس طووووووول الليل وأنا أفكر كيف برمسها وكيف بسلم عليها ؟؟!!
وكيف بخليها تترحم بحالتي وتحس فيني ..!!
بعد ماخطفت على المخبز .. خسسست في سيارتي وأنا اتريا الطلبيه ..
حشااااااا لو طااااااالب ذبيحه بعدني .. بعد طلعت الروح وصلت الطلبية


وأخيررررررررررررررراااااا اااااااااا

وووووووووووووووووووووصلت ...؟؟!!

وووووصلت المستشفى .. قلبي بدا يددددددددددددق

وقفت سيارتي في أحد الباركنات
وشليت كيس اللي في الدله " دله جاهي " يايبنها من البيت وكيس ثاني فيه الريوق ..

مشيت طبعا لين ماوصلت غرفه خلود
شفت مكتوب على الباب
" خلود خلفان الـ ..........."
جان أرد خطوة ورااااااااا وخذيت نفس طوووووووووووووووويل
وبعدين تقربت من الباب
ودقيت الباب
امممممممممممم ..
اتريا حد يقولي قرب ولا تفضل
بعد حوالي دقيقه رديت أدق الباب
سمعت صووووووووووووت " خاطري اسمعه من زماااان "
يقولي قرب قرب ..
دشيت وأنا أقول هوووووود
وطبعا حصلت الجواب من موزة وصوتها متقطع جنها تفاجئت بقدومي في هالوقت : هـ ...... هـ .... هداااااا هدااااا
طبعا وبدون شكـ ردت موزة على ورا وهيه تتغشى ..
سيف : السلام عليكم
موزة : وعليكم السلام
سيف : إشحالج يـــــا .......... " وقبل مااكمل كلامي "
موزة : بخير والحمدلله
سكت ترييتها تتخبر عن حالي بس ماردت تكلمت
" إنحبطططططططت من ردت فعلها "

سيف : هذا ريوق يايبلكم
موزة : مشكور تفضل الحين بتي خلود سارت عند ربيعتها مربيه
سيف : أهااااااا
تقربت مني شلت الكيس اللي خليته على الأرض وطلعت الدله وخلتها في الصينيه وشلت كيس الريوق وخلتها عدال الصينيه وسارت عني ..
إنقهررررررررررت منها

حرررررررررااااااااااااااا ااااااااام عليهاااااااااااااااااا
انا شششووووووووو سسسسوووووووويت فيها
هذا جزاتي طول الليل افكر فيها وحالتيه حاله

بعد دقيقه شفتها داشه وشاله الكوبات في الصينيه وخلتهم جدامي وبعدت بعيد
موزة : تفضل سيف ,,, وانا بدش داخل وخلود الحين بتي
مشت عني وقبل ماادش الغرفة الثانية وقفت وانا اشوفها بدش الغرف
سيف : موووووووووزة
وقفت مكانها ولا لفت وراها
سيف : .............................
ردت لفت صوبي وماسكه الباب بإيدها
موزة : بغيت شيء
سيف : اممممممم لا بس سلمي على خلود وانا ساير الدوام
موزة : ان شاء الله
سيف : شيء توصين فيه
موزة : شكرااااااا
طلعت عنها وقلت لها : مع السلامه


ركبت سيارتيه وأنا البركان في أي دقيقه ممكن إنه ينفجرررررر





اليوم : الأحد
الوقت : الساعه 8.30 صباحا
المكان : في المستشفى
" موزة "

أوووووووووووووووووف

غــــــــــــــــــبـــــ ــــــي

يارررررررررررربي ,,,

بذات هذا الريال مااحبه ,,,

صددددددددق ارتفع ضغطي ..

واللي قهرني أكثر ياب طاري اسمي على لسااااانه ..!!

حق ششووووو أنا مكبره السالفه .. !!!!!

أحسن إني اسكت وأطنش السالفه ..

طلعت تلفوني من شنطتيه وشفت الساعه 8.30 خيبه باقي بس ساعه عن دوامي وأمايه الله يهديها مايت كنت بدق تلفون لأمايه إلا واصلني مسج :

ليت بعض الناس يفهم كم أبيه
وليت يدري كم أتوله عليه
لو نساه البال قلبي ما نساه
نبض قلبي دايم ينادي يبيه
دايم مشتاق وأتمنى لقاه
ولي غفيت بوسط حلمي التقيه
كل عمري يا عرب والله فداه
وكل ما أملك أنا فدوة عنيه

قبل مااشوف الرقم من منووووو وصلني مسج ثاني يقول :

" صبـــــــــــــــااااااح الخيـــــــــــــر يـــــا الغـــــــــــــــلا "

شفت الرقم غرررررررريب مااعرف والمسجين من نفس الرقم ..

ياربي منووووو صاحب هالمسجات ..

يمكن حد مغلط ؟؟

أوووووووو

وحده من ربيعاتي تبا تسويلي مقلب ؟؟

طنشت المسجات ودقيت على أمايه


موزة : ألووووووو
أم سلطان : هاااااا مويز اشحالكم
موزة: الحمدلله أمايه إنتي وين
أم سلطان : الحين بخطف أشتري ريوق حقكم
موزة : لا مايحتاي سيف توه يا وياب ريوق
أم سلطان : منوو كان معاه
موزة : محد بروحه .. المهم إنتي وين ورايه جامعة
أم سلطان : قريب الحين بوصل المستشفى
موزة : اوكيه باي
قمت وطلعت عباتي ولبستها وسرت الغرفة الثانية اتريا امايه اتي وإلا خلود داخله
خلود : وين تبين
موزة : بسير البيت ورايه جامعه
لفت خلود وشافت الكيس
خلود : منوووو ياب هذا
موزة : سيف
خلود : والله منووو كان معاه
موزة : محد
خلود : اهااااااا
سارت خلود وفجت الكيس وطلعت الأكل ويلست تاكل وأنا اطالعها بكبر عيوني
خلود : تريقي لين ماتوصل امايه

لحظظظظظظظظه الأكل من عند سيف ..!!
يعني مستحيل أكل ..!!

موزة: مااريد
طلعت خلود مناقيش جبن ومدت ايدها وقالت : والله تاكلين
موزة : لالالالالالااااا مااريد مااريد
خلود : شيلها عشان حلفتيه
موزة : دخيلج مااريد
خلود : يالله عاد حرقتني
شليتها من ايدها ويلست اتأملها مااااااارررررريدددد أكل من اكله " السخيف "
شفت خلود اطالعني تترياني اكلها جان أكلها غصبا عني

بعد شوي وصلت امايه ومنزله البشكاره وياها يايبه دلال وجيس ماادري شو فيه بسرعه قمت يالله دهديه ماشيء وقت عندي
بعد ماخلصت امايه سلاماتها مع خلود عقت عباتها وشلت كيس وخلت فيه الدلال مالات أمس وعطتهم البشكاره عشان توديهم البيت ..
أوووف مستعيله بسررررعه ..
طلعت من المستشفى وأنا أحاتي الوقت لا أتأخر ..
وصلت البيت والمصيبـــــه ..!!!
حصلت خلود وحمود يالسين يطالعون التلفزيون

أصبحنا وأصبح الملك لله

موزة : حموووووود
حمد : نعمممممممممم
موزة : ليش ماسرت المدرسه
حمد : مريض
موزة : استغفر الله بدينا بالجذب
حمد : ماتفهمين مريض وتعبان
موزة : أنا مب أمك عشان تمشي عليه هالكلمتين .. واللي مريض احيده مايقوم من فراشه وانت ليش قايم ..
حمد : أريد أشوف التلفزيون
موزة : وخلووود وإنت
خالد : ليشششش حمد يغيب وأنا مااغيب
موزة : يعني مسانده مالت عليك
طنشتهم وسرت حجرتيه بسرعه تسبحت ولميت شعري ولبست عباتي وشليت شنطته وكتبي وأوراقي وطلعت وأنا نازله شفت البشكاره يايبه ريوق حق خلود وحمود

لحظظظظظظظظظظه ...!!!!

انا الحين بسير الجامعه وهذيل منو بيلس وياهم في البيت ..سلطان في الدوام وأمايه المستشفى وأبويه ماشيء سيارته برع أكيد طلع
طلعت تلفوني ودقيت على أمايه

موزة : ألوووووووو
أم سلطان : ها مويز شو تبين
موزة : أمايه خالد وحمد منو بيلس وياهم في البيت
أم سلطان : أبوج أحيده عندهم
موزة : أبويه محد وأنا بشل البشكاره ويايه يعني عيالج بيلسون بروحهم
أم سلطان : يالله بالستر شو بروحهم أباهم عيالي
موزة : أنزين شو الحل
أم سلطان : شليهم وياج
موزة : شوووووووو ؟؟
أم سلطان : خطفيهم على المستشفى عندي
موزة : بتأخر عن الجامعه
أم سلطان : خلي الدريول يوصلج قبل بعدين أيبهم المستشفى
موزة : أوكيه يالله باااااي


لفيت صوب حمود وخلود واحد يالس يشرب حليب والثاني ياكل

موزة : يالله قوموا بخطفكم على المستشفى عند امايه بسررررعه

قام خلود بسرعه يربع يغير ملابسه أما حمود يالس يشرب ومطنشني

موزة : حمووود والله لودرك بروحك في البيت إذا ماقمت تغير ملابسك
حمد : ماخلصت كوبي
موزة : بتشرب في المستشفى بسررررعه تأخرت على دوامي

قام حمد بسرعه يغير ملابسه .. سرت بنت التلفزيون وزقرت البشكاره تشل الأكل وأنا طالعه من الصاله شفت خالد يلبس نعاله وحمد بعده ماطلع .. أوووووووف شكلي اليوم بتأخر بتأخر .. زعجت عليه ويا يربع بسرعه وهو شال نعاله بإيده .. طلعت وقفلت باب الصاله وعطيت البشكاره المفاتيح عشان تعطيهم أمايه في المستشفى ..

في السيارة حمد وخالد يضاربون منو بيلس عند الباب ولا بعد لازم جدام .. جان افج باب السيارة من جدام وأنزلهم وأركبهم ورا ويايه ..
ادبهم أدب .. طفروبيه ..

بعد ربع ساعه وصلت الجامعه وباجي عن محاضرتيه خمس دقايق بسرررعه بسرررعه امشي لين ماوصلت كلاسي ويم دشيت عرفت إن الاستاذ غايب
صجججججج سخيـــــــف ..
وأنا ارابع بسرعه بسرعه عشان مايسجلني غياب وأخرتها هو غايب ..
لا فوق هذا يايه الجامعه غبرااااا حتى مب مجحله ..
طلعت من الكلاس وانا منقهرررررره من الخاطر ..
سرت أسلم بحوثي عشان افتك منهم ...







اليوم : الأحد
الوقت : الساعه 10.45 صباحا
المكان : في احدى شوارع العين
" سالم "

ترخصت من الدوام وأنا مصددددددددع وراسي بنفجر .. قلت اطلع وسير ارتاح عساه يخف الصداع شوي ..

وصلت البيت بسلاااااااااااام
نزلت من سيارتيه وسرت صوب البيت ودشيت وكلعاده لايوجد أحددددد .. غير أم سعيد لقيتها في الصاله يالسه وترمس بالتلفون دشيت وسلمت جان ترد السلام وسألتني : ليششش راد وقت .. فرديت عليها : راسي يعورني ورديت ارتاح .. قالت تبا بندول فقلت لها لا .. سرت حجرتيه حليلها حرمة اخويه حامل وتعبانه ان شاء الله تقوم بالسلامه اللي اعرفه إنه ماباقيلها شيء وتربي ...

دشيت غرفتي وتغسلت وغيرت ملابسي وانسدحت على الشبريه وماشغلت المكيف الجووو بار وأنا بروحي جسمي احسه بارد .. قبل مااغمض عيوني تذكرت سالفه سعيد .. وجان اشل تلفوني وادقله
بطأأأأأأأ لين مارد عليه ..

سعيد : ألوووووووو
سالم : حيالله سعيددددددد
سعيد : هلا والله هلا بالعم سالم جيف الحال وشوالصحه ؟؟
سالم : بخير يسركـ حالي بس شوي مصدع
سعيد : لا ماتستاهل ,, وماتشوف شر
سالم : الشر مااييكـ ,, المهم ليش سكرت الخط في ويهي امس
سعيد : هااااا
سالم : اشفيكـ ...؟؟؟
سعيد : لالالا ماشيء ,,, امس تلفوني فضأ عليه يوم كنت ارمسكـ فسكر الخط في ويهكـ
سالم : اهاااا وانت وين كنت امس
سعيد : في دبي
سالم : لا قصدي وين كنت بالضبط يوم كنت ارمسكـ
سعيد : في الستي
سالم : اممممممم ,, وصوت الياهل
سعيد : أي ياهل ..؟؟
سالم : سعيد اشفيكـ .. الياهل اللي كان يصيح
سعيد : هيه تذكرت الياهل واحد من اليهال في الستي كان عدالي يالس ويصيح شال الستي بزعيجه
سالم: اممممممم
سعيد : بلاااكـ مب مصدقني
سالم: لا مصدقكـ
سعيد : زين وشحالهم الاهل
سالم : كلهم بخير .. المهم برايكـ انا برقد الحين
سعيد : اوكيه خلاص
سالم: انت متى بتي
سعيد: ماادري بس الحين عندي شغل واريد اخلصه يعني يبالي يوم يومين وبرد
سالم : هههههههههـ اشغله ياحظي
سعيد : يوم برد العين بخبركـ اشغله
سالم : اوكيهـ بنشوف يالله برايكـ مع السلامه
سعيد : فداعه الله






اليوم : الأثنين
الوقت : الساعه 5.45 صباحا
المكان : في بيت بو سلطان
" سلطان "

قمت من رقادي .. وصليت لي ركعتين قبل مااسير دوامي .. على فكرة تراني مصلي الفير في المسيد مع الوالد وحمود أخويه ..
لبست ملابسي وشليت اغراضي وطلعت من حجرتيه وفي نفس الوقت شفت موزة طالعه وهيه كااااشخه كانت لابسه تنورة لونها وردي وقميص ابيض وشاله شنطه لونها وردي وشاله كتبها وعيونها متنفخه من الرقاد .. شفتها تتمخطر يالله يالله تمشي .. خطفت من عدالها
سلطان : بيب بيب .. صباح الخير يا الحلوووو
موزة : صباح الورد
سلطان : دخيلج الشيخه شلي الرقم
موزة : متفيج الصراحه
سلطان : بلاج ويا هالعيون
موزة " وتغمض عيونها بقوووو " : فيني رقاد
سلطان : سيري انخمدي عيل
موزة : ورايه جامعه
سلطان : الله يعينج
نزلنا ويا بعض على الدري ونحن نازلين صاح تلفونها وطلعته من الشنطه وقبل ماتشوف الرقم سحبت التلفون عنها ..
جان ارد وأنا شاق الحلج
سلطان : مرحبااااا ملاااايين ولايسدن في ذمتيه
شمه : مرحبتين كبااااااار .. اشحالك
سلطان " يغمز لموزة " : بخير الشيخه انتي اشحالج
شمه : تمامووووو امممم وينها البقرة عن تلفونها
سلطان : أكيد بنتعرق ليش لا
كانت موزة تحاول تسحب تلفونها عني بس ماقدرت عليه مسكت ايدها بقوووو .. كانت تتحراها وحده من ربيعاتها ماكانت تدري انها شمه .. فخافت اني افضحها واقفط ربيعاتها

شمه : سلطان يالله عاد عطني موزة
سلطان : اسمي سلطان خلفان الـ ........
شمه : مالت عليك حد قالك شو اسمك
سلطان : أدري إن اسمي حلوووو
شمه : ................
سلطان : تصدقين صوتج يوحي على شكلج
شمه : وبعدين
سلطان : هههههههه صوتي معذب وايد ناس
شمه : حووووووووو
سلطان : ههههههههه والله شكلي يجنن .. البنات هن يترجني عشان اخذ رقمهن
شمه : سلطاااااااااااااااااان
شمه : هههههههههه .. أدري إنها احلى صدفة يوم دقيتي
شمه : سلطان بقولك سمعت صوت القطار
سلطان : امممممممم هيه ليشششش ؟؟

طوووووووووووووووط ,,, طووووووووووووووووووووووط

سلطان يلف على موزة : سكررررت الخط
موزة " وهيه معصبة " : سخيف عطني تلفوني ...

عطيتها تلفونها وكملت طريجي .. وهيه جيكت على الرقم وشافته رقم شمه جان ادق ..
شمه : نعمممممممم
موزة : اشفيج
شمه : تووو الناس
موزة : سلطان سحب عني التلفون ماقدرت امطه عنه
شمه : مالت عليج إنتي وأخوج
موزة : مالت عليج انتي يا الخسفة
شمه : ويا ويهج المهم سمعي خطفي عليه
موزة : اممممم بفكر
شمه : غصبااا عنج بااااااااي

سكرت الخط قبل ما تسمع رده فعل موزة ..
بعد دقايق وصلت موزة ويلست عدالي .. وخلت تلفونها داخل الشنطه وأما أنت فكنت أتريق ورايه دوام مستعيل ..
سلطان : منووو بوديج الجامعه
موزة : الدريول بعد منووووو
سلطان : انا بوديج في طريجي
موزة : اوكيه بس شمه بتسير ويايه
سلطان : مب مشكله ..
سكت عني سلطان .. بعد ثواني معدودة وصلني مسج .. بس تعايزيت اطلع تلوني من الشنطه .. كملت ريوقي .. وطلعت مع سلطان وركبت السيارة وأول ماخليت كتبي .. جان اطلع تلفوني وشفت المسج يقول :

مابي من دمك تسقيني
ولا من عمرك تعطيني
قول
(( .... إنك بخير .... ))
وهالكلمة تكفيني

جان انزل تحت شفت الرقم .. نفسه اللي مطرش امسسس

ياربي منوووو صاحب هالمسجات طنشت السالفه وخليت تلفوني على السايلنت ..

وصلنا بيت قوم يدوه ترينا خمس دقايق بس محد طلع ..
سلطان : وينها
موزة : اشدراني
سلطان : نزلي شوفيها
نزلت ودشيت بيت قوم يدوه وشفت نورة يالسه تتريق
موزة : السلام عليكم
نورة : وعليكم السلام
موزة : وين شمه
نورة " وهيه تأشر على الدري : فوووووق
موزة : اوهوووو مااقدر اركب بعدين
شلت نورة التلفون اللي عدالها ودقت على شمه اتقولها تنزل بسرعه .. بعد دقايق نزلت .. سلمت عليها .. وقلتلها انقفضي سلطان وراه دوام ..

ركبنا السيارة ..
شمه : السلام عليكم
سلطان : وعليكم السلام اشحالج الشمام
شمه : هههههههه تراك تدري بحالي توك مرمسني بالتلفون
سلطان : وليش تسكرين الخط في ويهي
سلطان : لأنك متفيج .. أنا أول مرة اشوف واحد يقوم من رقاده وهو متفيج ويغلس بعد
سكت عنها سلطان ومارد عليها .. كملنا طريجنا للجامعه ..

[لامارا]

***===== الــــجـــزء الـــــثـــــامــــــن =====***



اليوم : الأثنين
الوقت : الساعه 8.45 مساءً
المكان : في إحدى شوارع العين
" عبدالله "

توني طلع من الشيشه بعد ماصبيت لسيارتي بترول .. صاح تلفوني وشفت في الشاشه مكتوب " الغالي يفرض نفسه " ...!!

ابتسمت وخليت السماعه في اذوني وقلت بكل حب وشوق :

أهلاااا وسهلااا هلاا ياللي بقلبي بنيت ..
شيت لك منزله تدخله متى بغيت ..
إن جيت كلكـ غلااا .. وإن رحت روحي خذيت ..
الحب هم وبلا وأنا فيه إبتليت ..
الحب هم وبلا وأنا فيه إبتليت ..


خلود : ياووووووويل حالي أنا

عبدالله : إنت بعيني ملاااا .. وإنت بقلبي مليت ..
من دون كل الملا .. قدرك على ورقيت ..

خلود : هذا كله حقي ...!!!؟؟؟

عبدالله : أكييييييييييييييد منووو غيرج غااالي

خلود : من متى وأنا ماادري

عبدالله : امممممممممم من دقيقة بسسسس
خلود : بسسسسس
عبدالله : هههههههههههه لا امزح من زماااااااااان
خلود : على بالي بعد .. انزين تعال الحين
عبدالله : ليش الحين بالضبط
خلود : الدكتور من ساعه مرخصني
عبدالله : والله
خلود : هيه يالله تعال لاتتأخر
عبدالله : انزين طلبتج لاترديني
خلود : أنت ماتطلب أنت تامر أمر
عبدالله : تسلمين حبيبتي .. بخبرج يوم بوصل
خلود : خير ان شاء الله
عبدالله : لاتخافين يوم بيي بخبرج كل شيء . يالله مع السلامه
خلود : الله يحفظكـ

سكرت عنها توجهة للبيت ..
تبون تعرفون شو ناوي أسوي .. ناوي أطلع من البيت ..

لااااااااااااااااااا ,,, لاااااااااااااااااااااااا اا

مب قصدي اطلع من البيت نهائياً ..
لا قصدي بسير بوظبي اسبوع واحد بس ..
لأني خذيت إجازة أسبوع فقلت أبعد خلود من جو البيت لأنه مايساعدها في هالحاله اللي هيه فيها .. فقلت أنسير بوظبي ونريح أعصابنا بدون أي إزعاج من أي حد .. سوا من أهلي أو اهلها ..
دشيت غرفتي نزلت الشنطه من فوق الكبت وخليت أول ملابس وبعدين خليت ملابس لخلود على ذوقي طبعاااااا .. وشليت الشنطه وقفلت قسمنا وطلعت بالشنطه برع .. وخليتها في السيارة وعلقت ملابسي في السيارة .. وسرت البيت عشان أخبر أمايه .. أول ماوصلت الباب .. تراجعت لورااا .. مافيني اتسمعني كلام كله سم .. فقلت بدق لها تلفون يكون احسن .. ترجعت وركبت سيارتي وتوجة للمستشفى .. بعد ماخلصت كل الإجرائات الخروج .. ركبنا السيارة كانت خلود وامها معانا .. في الطريج الكل كان ساكت ..
قاطعت سكوتنا عمتيه وهيه تقول : عبدالله أنا أقترح تخلي خلود تبات عندنا كمن يوم عشان تريح شوي
عبدالله : لا عموه ماتقصرون بس خلاص انا قررت أنسير بوظبي وانريح هناك
خلود : ماقلتلي
عبدالله : تراني قلت لج بقولج يوم بوصل بس نسيت
أم سلطان : اللي يريحكم بس متى بتسيرون
عبدالله : الحين
أم سلطان : الحين في هالوقت بالليل
عبدالله : عادي عموه .. بعدها إلا الساعه 9 وإلله ويانا ..

وصلنا بيت بو سلطان " عمي خلفان " نزلت عموه وقالت : قربوا
فرديت عليها : قريب والله ورانا درب
خلود : عبدالله بنزل أسلم على أبويه
عبدالله : انا بعد بنزل بسلم على عمي من زمان ماشفته
نزلت مع خلود توجهنا للبيت سرنا سيده صوب البيت ودشينا الصاله كان يالس عمي وموزة ولطيفةوحمد وخالد فسلمنا عليهم .. وعمي كان مصر نتعشا عندهم .. بس وعدته إن بعد ماني من بوظبي نتعشا عندهم ..

طلعنا من بيت عمي وتوجهنا في طريجنا لبوظبي .. وطول الطريج كنت اسولف أنا وخلود بكذا سالفه .. المهم إني حاولت أكسر حاجز الصمت اللي كان بينا ...






اليوم : الأثنين
الوقت : الساعه 9.15 مساءً
المكان : في جبل حفيت
" راشد "

راشد : سيفووووووو
سيف : رشووووووود
راشد : عمك يا الحمار
سيف : ههههههههههههه انزين انت شوو تبا الحين
راشد : نعم ,, نعم أنا من ساعه ارمسك
سيف : أسف مااقدر اريد ارقد
راشد : دخيلك تعال جبل حفيت مليت بروحي
سيف : Noooooooooo
راشد : اوكيه مشكور الغالي مع السلامة

سكرت في ويهه قبل مااشوف ردة فعله .. وفعلا بعد ماسكرت رد يدق بس مارديت عليه ..
نزلت من سيارتيه وسرت اتمشاااااا .. وأنا أفكر في كل شيء .. لااااازم أقنع امايه تخلينا انا وسلطان ناخذ لنا شقة في بوظبي وتفكنا من الصدعة .. بعد دقايق صاح تلفوني وكنت متوقع سيف اللي داق بس هالمرة خاب ظني كان أخويه سالم داق
راشد : هلاااااااااااا والله
سالم : بالمهلي
راشد : مايولي
سالم : ههههههههههه انزين وينك رشوووود
راشد : فديت رشووود ,,, تصدق استانس يوم حد يقولي رشود
سالم : ههههههههه انا اللي اعرفه ان الريال يعصب يوم يزقرونه بسم دلع أو تصغير لأسمه
راشد : أنا غير عن كل الشباب
سالم : انزين خلنا من سوالفك وين انت الحين
راشد : في حفيت
سالم : منووو وياكـ
راشد : محد بروحي اتمشاااا
سالم : انزين يوم بترد البيت هاتنا عشا وياك
راشد : شوو تبون اييب لكم
سالم : انا اريد من بيتزا
سمعت صرخه طررررررررررررت أذني ..
هذا حس شموووه ونوروه
راشد : انت وين يالس
سالم : ههههههه ليش
راشد : طبلتيه راحت
سالم : يالس في ثبان شمة
راشد : وانا اقووووول ليش الصوت واصل بكل قوته
سالم : ههههههه تصدق انا يالس بعيد عنها
راشد : انزين بلاها محتشره ومشتطه
سالم : اونه تبا من كنتاكي هيه ونورة
راشد : هههههههه انزين عطني طلباتكم كلكم شو تبون
سالم : بو سنيده برد ادقلك ولا اقولك بخلي شموه اطرش مسج بكل طلباتهم عشان ماتنسا شيء اوكيه
راشد : اوكيه

سكرت عن سالم ويلست على الكرسي قريب من النافورة وخليت تلفوني عدالي ...

امممممممم .. ملل .. الكل حد وياه إلا انا بروحي متفيزر يقول واحد غبي .. ماعليك يا سيف .. خله ينفعك الرقاد ..

بعد حوالي عشر دقايق طرشت شمه مسج باللي يبونه قريته ورديت تلفوني مكانه .. لحظه اتصل سيف عليه بس مابرد ..

بعد دقايق اسمع حد مقترب مني بس كان ورايه قبل مااصد اشوف منوووو ياي حد سكر على عيوني بإيده وهمس في اذوني .................؟؟؟!!


***===== الــــجـــزء الـــــثـــــامـــــــن =====***



تصورت القدر حاجز .. زجاج من السهل كسره ..
ولكني جرحت أناملي .. حتى دمع طرفي ..
وعشت الياس والحيرة .. بيأس ينتظر بكره ..
ولا الألم عندي .. ونصفي مل من نصفي ..
يميني خانت حروفي .. وهانت عندها العشرة ..
وبديت أضعف .. وأنا أكره مجرد ضعفي لضعفي ..

.................................................. ..............
.................................................
.....................................
..........................
..................
............
......
...



اليوم : الأثنين
الوقت : الساعه 9.15 مساءً
المكان : في جبل حفيت
" راشد "

بعد دقايق اسمع حد مقترب مني بس كان ورايه قبل مااصد اشوف منوووو ياي حد سكر على عيوني بإيده وهمس في اذوني : بووووووووووو
سكت وتيبست في مكاني ياربي منووووووووو ..
خليت ايدني على ايدنهم .. وحسيت ايدنه حاااااااااره ..
راشد : منووووووووووو
فجأة الايدين اللي مغمضة على عيوني بدت تنسحب وهيه ترتجف الايدين
لحظظظظظظظظظظظظه ..
خلوني استوعب اللي صار قبل ماالف واشوف منوووووو اللي سكر على عيوني ..
لفيت والمفاجأة ؟؟؟؟

::

::

::


مااعرفهاااااااااااااا منوووووو هالبنيه
وقفت وعيونها زايغه وشوي وبتصيح بعدت بخطواتها وراااااا ..

البنت : أ..... أأ .... أأأأأأسفه
راشد : ليششش
البنت " نزلت عيونها " : تحسبتك أخويه أسفه مب قصدي
راشد : ههههههههههههـ لاعادي حصل خيرررررر بس ممكن سؤال
البنت " وهيه ترفع عيونها بصعوبه " : شوووووو
راشد : ليش اتصحين ماحصل إلا الخير
البنت : انزين
بسرعه انسحبت ونست البنوته الصغيرة واقفة عدالي ..

بلاهاااااااااااااااااا

شكلهااااااااا قفطت


ههههههههههههههههههههـ

تبون الصراحه بدون مجاملات " وااااااااااايد حلووووووه "

وأحلى شيء القفطة اللي كلتها ..
تلومت فيهاااااااا
تقربت من البنيه ومسكتها من ايديها ويلستها على الكرسي لأن اختها شكلها مابترد ..
البنوته الصغيرة كانت ساكته وأطالعني بكبر عيونها .. بس عيونها كانن حمرررر .. يعني شوي وبتصيح ..
لادخيلكم كله ولا صياح اليهال ..
اممممممممممممـ أخاف ارمسها وتصيح يالله خلوني اتسلى وياها
راشد : انتي شو اسمج
البنوته : ...............
راشد : ههههههههـ ليش خايفة أنا مابضربج
البنوته : أريد حصوووووووه .." وبدت تصيحححححححح "

شليتها وخليتها في ثباني وأنا احاول اسكتها
راشد : منو حصووووه
البنوته : أختي
راشد : اللي كانت وياج توها
البنوته : هيه
راشد : وإنتي شو اسمج
البنوته : أنا أنا اسمي ريم
راشد : انزين لاتصيحين انا بوديج عند اختج
ريم : حلف
راشد : والله بوديج بس أول سكتي وبعدين بوديج عند اختج
ريم " وهيه تمش دموعها " : انزين الحين سكت يالله ودني
راشد : انزين بس خلينا نتريا شوي لأن حصوه بتي ومابتلقانا صح
ريم : انزين
راشد : منوووو يايبنكم
ريم : احمد
راشد : منووو احمد
ريم : انت
راشد : ههههههـ شوو انا
ريم : احمد يشبهك
راشد : كيف يشبهني
ريم : مثل سفرتكـ ومثل لحيتكـ
راشد : هههههههه انزين واحمد وينه الحين
ريم : مااعرف بس حصة قالت انت أحمد
راشد : ههههههههههههـ

الحين عرفت شو سالفتها تحسبتني اخوها .. حليلها كسرت خاطريه

ريم : انتي شو اسمكـ

ههههههههههههـ شكلها البنت تأقلمت عليه

راشد : انا اسمي راشد
ريم : انا ريم محمد حمد الـ .........
راشد : هههههههههههـ ماشاء الله عليج انتي شاطره
ريم : هيه انا شاطره وفتاه جميله

حبيتها على خدها .. فديتها هالبنوته دخلت قلبي .. ماشاء الله عليها رمستها اكبر من عمرها

راشد : انتي فتاه جميله منو قالج
ريم : باباتي
راشد : كم عمرج
ريم " وهيه ترفع اصبوع ايدها " : هالكثر
راشد : اربع صح
ريم : صح ,, انزين متى بنسير عند حصة
راشد : الحين يالله قومي

نزلت ريم من الكرسي وقفت تترياني اوقف ..
قمت ومسكتها من ايدها ونحن نمشي شفت سيف ياي صوبي بس مادزيت له ويه مشيت بدربي وهو يطالعني بعيونه ..
دلتني ريم مكان ماكانوا يالسين .. شفتهم من بعيددددددد أهلهم كلهم ماشاء الله استحيت اتقرب منهم .. يلست ادور اختها حصة بس محد كان يالس غير حريم واولاد صغار .. لفيت ادور حصة حصلتها واقفة عند شجرة بروحها
لفيت صوب ريم وقلتلها وأنا أأشر على حصة : هذي حصة صح
ريم : هيه
مسكتها وسرنا صوب حصة وهيه من شافتنا متقربين نزلت ويها ولفت بسررررعه ..
راشد : احم احم
حصة " لفت صوبي " : ..................
راشد : اسف اختي وهذي اختج ودرتيها عندي وسرتي
حصة " وهيه اطالع ريم " : شكرا
راشد : ممكن طلب
حصة " رفعت ويها بسرعه جنه مب عايبنها الوضع " : نعم
راشد : حبيت اقولج لاتزعلين حصل خير والإنسان مب معصوم من الغلط
حصة : ....................
راشد : السموحه فمان الله
حصة : شكرا ومع السلامه

سرت عنهم وأنا جني ناسي شيء ورايه ..!!
وتوجهة مكان ماودرت فيه سيف " الحمار " ..






اليوم : الأثنين
الوقت : الساعه 9.30 مساءً
المكان : في جبل حفيت
" سيف "

هاااااااااااااااااااااااا ااااا .,,, لااالاااااالاااااااا .. شوووووووو ,, منوووووووو

راشد : سيف بلاكـ مسخن
سيف " وهيه يتفحص في راشد ويشوف المكان اللي كان فيه راشد " أنت بلاكـ
راشد : هههههههههههههههـ عرفت قصدكـ بس مابقولكـ الحين مستعيل بسير اييب لهم عشاااا
سيف : عشاا شووووو
راشد : سالم داق يبا عشا
سيف : والسالفه
راشد : باجر انشالله بقولكـ كل شيء
سيف : لا مااقدر اتريا دقلي تلفون
راشد : لا مافيني السالفه طويله يبالها يلسه انشالله باجر أنا بتعشا وبرقد مافيني اهذرب بالتلفون
سيف : خلاص برايكـ
راشد : وانت مابتسير
سيف : لا خلني اطلع اللي في خاطريه هنيه
راشد: ههههههههههـ خلاص بنتفاهم باجر بكل شيء
سيف : الله يحفظكـ ورد السلام على يدوه
راشد " وهو ساير " سلام يبلغ

أوووووووووووووووف خاطري اطلع اللي في خاطريه لحد بس محد يسمعني .. محد بحس اللي انا فيه ..
ركبت سيارتيه وسرت فوق اليبل ونزلت ويلست أشوف صورة مصغرة لمدينة العين ..
خاطري أطلع كل اللي فيني واعقه من فوق هاليبل لين تحت عشان اتخلص منه نهائياً ..
امممممممممممممـ شو تبون تعرفون محد بقالي غيركمـ اشكيله همي .. انتوا يمكن تحسون باللي انا فيه ..
أنااااااا

أناااااااااا

أنا دفعة ثمن هالعايلة انا الوحيد اللي راح يشوف الموت جدامه ودوامه في ايده ومب قارد يسوي شيء ..

أنااااااااا .. <<<<< " سيفووو شو بدينا يالله عاد دش بموضوعكـ وفكنا فيه غيرك يبا يطلع في هالجزء :: هذا خارج النص ,, يعني نقدر نقول على الهامش كـ خ خ خ خ خ خ خ "

أنزين يا : الكاتبة : بندش بسالفتنا بس انتي لمي ثمج وسكتي للين النهاية .


انا الصراحه ..........؟؟!!

::

::

::

::

أحب موزة .. ومب قادر أشيلها من عقلي ومب قادر اطلعها من تفكيري وكياني ..

أأأأأأأأأأأأأأأأأأأأأأأخ من عذابها وصدها لي ..


مااقول غير :

كل المواقف تهون لأبسط خيار
المشكله لا صار صعب اختياري
عقلي يقول اتخذ فيه القرار
وقلبي يقـول لا تهــور حـذاري
اسهر وبالي يحتوي كل الافكار
اسهر وصدري تشتعل فيه ناري
انـتـهى فيـنـي الامــل والانتظار
كم كـسـيت الـحـب و الحـب عاري


حلت لحظه سكووووووووووووووت ..

::

::


الهواء يلعب بقلوبنا .. وإحنا لاهين بحبنا ..
عقيت سفرتيه وخليتها على جتفي وبطلت عقم الكندوره احسها خانقتني ..
خذيت نفس طوووووووووووووووويل ..
كنت ناوي ارمي جزء من همي واسير بس اول ماتوجة للسيارة عشان ارد البيت مادريت إلا همي يسبقني للرجوع ..

اريد حد يناقشني ياخذ ويعطي معايه

صح تذكرت محد غيرها بيسمعني ..
هيه الوحيده اللي تقدر تاخذ وتعطي معايه .. !!!
ركبت سيارتيه وتوجه مثل المينون للبيت ..

بسرعه البرق توجة لغرفتي وفجيت الكمبيوتر وشبكته بالنت ..

أخيراااااااااا شبكـ عندي النت .. دشيت المسن على عسا اني احصلها لاكن

لااااااااااااااااااااااا أحد " أون لاين "

لاحظة عندي 4 ايميلات واصلة جان ادش كلهن ايملات منتديات وأخر ايميل منها ...
بسرعه دشيت اقراه وكانت كاتبه بالحرف والكلمة ..

السلام عليكم

اشحالكـ سيف ؟؟

واخباركـ ؟؟ وين داركـ يا الشيخ محد يشوفكـ ومحد يعرف اخباركـ ؟؟

من يومين انا ماخذه زام في المسن بس عشان ادردش وياكـ بس للأسف مادشيت ..

دخيلكـ طمني عليكـ لو بإيميل

تحياتي .. " راعيهـ فزعهـ "

تصدقون استانست بإيميلها على الأقل حد يحاتيني ويفكر فيني .. ليتها تكون موزة شراتها .. اأأأأأأخ منها بس

قلت يالله دامني داش النت خلني اطرش لها ايميل .. توني بكتب إلا هيه داشه ..
بسرعه ادش عليها واكتب ..

" لمفارج أحبابه وش يكونـ " : بنت حلاااااااال توني بطرش لج ايميل
" راعيهـ فزعهـ " : هههههههههههههـ اشحالكـ سيف
" لمفارج أحبابه وش يكونـ " : بخير الحمدلله ,, اشحالج انتي
" راعيهـ فزعهـ " : بخير ربي يعافيكـ وين داركـ
" لمفارج أحبابه وش يكونـ " : إلا في دارج
" راعيهـ فزعهـ " : اقول سيف بطلع
" لمفارج أحبابه وش يكونـ " : لااااالااااا دخيلج أنا داش عشان افرغ عندج
" راعيهـ فزعهـ " : لازم اطلع برد بعدين
" لمفارج أحبابه وش يكونـ " : يعني متى بالضبط ,, لاتنسين ورايه دوام
" راعيهـ فزعهـ " : ههههههههـ يعين انا ماعندي دوام
" لمفارج أحبابه وش يكونـ " : اممممممممـ انزين متى بدشين
" راعيهـ فزعهـ " : يعني قول بعد ساعه ,, ساعه نص
" لمفارج أحبابه وش يكونـ " : اوكيهـ بدش باااااااااي
" راعيهـ فزعهـ " : بااااااااااااي





اليوم : الأثنين
الوقت : الساعه 10.30 مساءً
المكان : في بيت بو سلطان
" موزرة "

توني بخلي راسي على المخده عشان أنام إلا واصلني مسج شغلت الأبجورة وشليت التلفون أقرأ المسج اللي يقول :

لو يغيب الليل في كف الهجير
ماتغيب بوسط روحي طلتك
إنت وحدك مالك بقلبي نظير
لو يغيب الكون تبقي دنيتك
مدري كيف العمر من دونك يصير
كل يوم أسال؟وأكلم صورتك
عاشق تاهت به دروب المصير
بين قربك وبين نار محبتك

نزلت تحت عشان اشوف الرقم من منوووووو ...!!

::

::

من نفس الرقم ...!!

مستحيل ..!!

مسسسسستحيـــــــل مغلطين بالرقم ..!!

أكيد حد يعرفني بس منو يا ربي الرقم أول مرة أسمع فيه ..

طرشت مسج مكتوب فيه : " ؟؟؟؟؟؟؟؟؟ "

يلست اتريا بأقل من دقيقة وصلني المسج فجيته بسرعه وكان مكتوب فيه :

تدري من أنا؟


واحد ماتوقعه!!

خذ مهله


وفكر


00:03

00:02

00:01


ها..ماعرفتني

وإلا

أكيد ناسيني


( أنا اللي )
منتظر موعد عيونك
مشتهي معك الكلام
منتهي قلبي بدونك
عيشتي بعدك ظلام



منووووووو ياربي أوف مب وقت مقالب بايخه .. جان أرد أطرش مسج مكتوب فيه :

بلا مقالب بايخه وقولي منو انتي

بعد اقل من دقايق وصلني رد على المسج :

كــــل شـــيء فــي وقتـــــــه حلـــــــــ^ __^ ـــــــــــــو

جان أرد أطرش :
بتقولين منو انتي وإلا ........ !!
أنا اليوم مابرقد لين اعرف منو انتي .. يالله بسرعه قولي ؟؟

وصلني رد على المسج :

لك منزل عن باقي الناس مرفوع
مكانتك في القلب ما حد خذاها
واقول غالي بعالي الصوت مسموع
واخفي جروح الياس واشعل رجاها
اعاند الاشواق وامشي لها طوع
واسامر نجوم الغلا في سماها


طنشت مارديت على المسج ..

وصلني مسجين الأول يقول :

سلامي على اللي ما عرفنا لهم عذروب
غير الوفا والحب والود والطيبــــــــــــه
أنا احبهم وان شفتهم أحتفــــــل وآذوب
وفي بعدهم ياويل قلبي وتعذيبـــــــــــــه
حالي سواهم في تشتت ولا محســـوب
وفي قربهم قلبي يحقق مطالبيــــــــــه


والثاني يقول :

آه ويلي كيف مغلنه
لي غلاته من غلا عيني
هالعمر والروح مهدنه
مجري حبه في شراييني
جل ربي لي مسونه
فايق بالوصف والزيني
بالحلا والطيب كاسنه
وين لي مثله يراعيني
يعل ام يابته الجنة
ما حد مثله مهنيني


عيبني المسج ابتسمت رديت أطرش :

" يعل ام يابته الجنة " آميــــــــــــــن يارب العالميـــــــــــن


بعدين طرشت :
موزة ممكن طلب

انا استغربت أكيد راعية المسجات تعرفني زين مازين

طرشت لها :
تفضلي الشيخه

ردت طرشت :
أنا ..... ولا أقولج بعدين بتعرفين منو أنا لأني مااريد أصدمج فيني .. المهم خلينا نتواصل بالمسجات وهذا ايميلي " ???? @ hotmail.com
واتمنى تضيفيني عندج

رديت أطرش :
أســـــــــفه وبااااااااي

غلقت تلفوني وشلت الفكرة من راسي .. ونمت ورايه دوام وأنا مب فاضيه حق هالسوالف " السخيفة " ... !!





اليوم : الثلاثاء
الوقت : الساعه 10.30 صباحاً
المكان : في مكتب سالم
" سالم "

توني فاج الجرايد عشان أقراهم لأني من وصلت المكتب وانا مشغول ومن خلصت شغلي قلت خلني أقرأ الجرايد .. الناس قرتهم ولاعة جبدهم منهن وأنا توني إلا بقراهم .. قبل ما أبدا بأي موضوع أقراه قريت التاريخ :

20 / 5 / ..........

لحظه هذا التاريخ مب غريب عليه أكيد فيه مناسبه بهذا التاريخ .. شليت تلفوني عشان أجيكـ شو يخبي لي هالتاريخ ..
لحظه تذكرت ......!!

يوم ميلاد أعز إنسان عندي في هالدنيا ..
شليت تلفوني ويلست اكتب مسج واللي يقول فيه :

HAAPY Birthdey يافيصل .. كل عام وأنت أغلى من إللي قبله وأنت فيصل روح أبوك وكل حياته .. أنت عيدك مااظن بيعيد مثلة شوفتك يابابا بعيد بحد ذاته ..
إبتسامك يسوى في الدنيا بعيوني .. لا خلاني ربي من هالإبتسامه خذ يافيصل كل مافوقي ودوني لك هدية ماوفاء قلبك مقامه ..
..

سلم الله عمرك الوردي وقلبك يابعد غالي لبوك ولكل مله .. انت مو بس تاج راس اللي يحبك انت تاج فوق راس الذوق كله ..

يابعد دنيا سالم .. والله ..

وحصلت مسج في تلفوني وطرشته :

عـمـر الـوقـت ..
ما يلهي الغالي عن غاليه ..
وعـمـر الـزمـن ..
ما أشغل الوافي عن أحبابه ..
بعد هذا المسج أتصل فيني فيصل
سالم : مرحبااااااا الساع
فيصل : اشحالك بو غنيم
سالم : بخير ربي يسلمكـ اشحالك أنت
فيصل : بخير وسهاله
سالم : فيصلوه شو شعوركـ وإنت كبرت سنه
فصل : ههههههههههههـ عادي نفس كل سنه
سالم : هههههههههههه إستوى عمركـ الحين 29 خلاص يا بابا شيبت
فيصل : ههههههههههههه عمر العمر ماينقص من قيمة الريال
سالم : والنعم الساع في بو محمد
فيصل : سلوم حبيبي إنت عرس خاطري أشوفك معرس
سالم : فيصل لاتفتح السالفه يكفي خلاص
فيصل : إنزين الحياة علمتنا ننسا
سالم : فيصل وغلاة ولدكـ محمد تسكر السالفه
فيصل : على هواكـ انزين إنت بتسير اليوم عرس محمد
سالم : اكيد مايبالها إثنين يتناقشون فيها
فيصل : أوكيه أشوفكـ في العرس
سالم : وين إنت ماشفتكـ اليوم في الدوام
فيصل : أنا الحين في بوظبي
سالم : شعندكـ في بوظبي
فيصل : أوراق واحد من الربع عشان النقل
سالم : أي نقل
فيصل : يبا ينقل دوامه
سالم : أهاااااا أوكيه فصول بشوفكـ في العرس يالله مع السلامه







بعد يومين من الأحداث السابقة ..........


اليوم : الخميس
الوقت : الساعه 5.30 مساءً
المكان : في بيت بو سلطان

" شمة "

كنت نازله من الدري وأنا ارمس موزة بالمبايل..
شمه : وصلتي
موزة : الحين بندش بيتكم يالله بااااااي

سكرت التلفون وخشيته بمخباتي وعدلت شيلتي وتوجة صوب يدوه وين كانت منسدحه ..
أم مبارك : وينها امج
شمه : سارت العزبة مع ابويه
أم مبارك : وليش ماتقولي عشان اسير
شمه : ماادري والله
دخلت موزة وخالد
موزة : السلام عليكم
أم مبارك + شمه : وعليكم السلام
أم مبارك " وهيه فاجه ايدينها " : فديت هالويه أنا
موزة : إحم إحم
تقربت موزة من يدوه وحبتها على راسها
موزة : اشحالج يدوه
أم مبارك : الحمدلله ,, قومي عني تعال خالد في حضني تعال حبيبي
موزة : تحسبتج تزقريني أنا في حضنج .. ويه قفطت
شمة : ههههههههههههه لقطي لقطي ويهج
موزة : مالت عليج
أم مبارك : خالد إنت ليش مااتي عندي كل يوم
خالد : حمود مايطيع يسير معايه عشان محد يلعب معانا في بيتكم
أم مبارك : هذا حمود دلوع ,,
شمه : قوله شمه بتعطيك حلاوة وبتلعبك وياها عشان ايي وياك
خالد : انزين
موزة : وينهم أهل البيت مااشوف حد وين عمومتي
شمه : أمايه وابويه في العزبة وعمي سالم فوق راقد وعمي راشد من ساعه طالع مع سيف
موزة : أأأأأأأأأأأع ع ع ع ع
شمه : إشفيج
موزة : هااااا ,, لا لا ماشي قومي خليني اسير حجرتج أريد اعق عباتي وألبس شيله البيت أحسن
شمة : يعني بطولون عدنا
موزة : أكيدددددد ولا بطردينا بعد من بيت يدوه
شمه : ههههههههههههـ فيه ناس مابطيعون يخلوني اطردج
موزة : شو قصدج بالناس
شمه : ههههههه بعدين بقولج مب جدام يدوه بتسمعنا
موزة : سخيفـــــــــــــــــــه
شمه : انزين يالله قومي قومي انسير فوق

قمت مع موزة عشان تعق شيلتها وعباتها وتلبس شيله البيت ..

نزلنا تحت ونحن نسولف عن الجامعه وأشياء ثانية .. ونحن نازلين ينفج باب الصالة ويدخل منه سعيد اللي من يومين ماله خبر

سعيد : السلام عليكم
موزة + شمه : وعليكم السلام

تقرب سعيد وحب يدوه على راسها
سعيد : اشحالج يدوه
أم مبارك : بخير الحمدلله
سعيد : اشحالج موزة
موزة : بخير اشحالك انت
سعيد وهو يشل خالد فوق ويحضنه بكل قوته : بخير ربي يعافيج ,, خلود أنا وااااااااايد أحبكـ
خالد : حتى أنا

كان شكلهم وايد حلو يقول أب ولده ..
سعيد كان حاضن خالد بكل قوته وخالد لاوي على رقبة سعيد بقوة ,,
, سعيد كان شكله متغير جنه مهموم مضايج ..
يمكن لحضنه لخالد يريد يفرغ شحنة الهم اللي فيه ..
ظل فترة وخالد في أحضانه وسعيد كان مغمض عيونه بقوة ويه محمر ..

أم مبارك : سعود فطس الولد في ايدنكـ
سعيد " وهو يبعد خالد عنه " : شو اسوي ولهان عليه
أم مبارك : ولهان عليه وينك إنت من يومين يقولون انك في دبي شعندك في دبي
سعيد : ماشيء كان فيه بعض الشغلات وخلصتها .. المهم وين عمي سالم
شمه : ليش ؟؟؟
سعيد " وعينه صوب موزة ويرد يطالع شمه " : أباه بسالفه
شمة : عمي سالم راقد بعد شوي بقوم عشان الصلاة

تقرب سعيد مكان مايالسه يدوه وخالد في حضنة ويلس حذال يدوه وسكت
موزة : سعيد تباني اصبلك قهوة
سعيد : هيه صبيلي
موزة : ان شاء الله

قامت موزة وصبت لسعيد القهوة وناولته الفنيان في ايده

إمممممممممممممممـــ

شكل سعيد مايسر يخبي شيء أول مرة اشوفه بهالحاله

بعد نص ساعه تقريبا نزل عمي سالم وسلم وبعدين قام عشان يسير يصلي وقام معاه سعيد عشان يسير معاه المسيد








....:::: شو تخبي لنا الأحداث القادمة ::::....

سعيد : شو يخبي عنده ياترى اللي يخبيه شر ولا خير ..!!
سيف : شو سالفته مع " راعيهـ فزعهـ " ..!!
راشد : شو موقفه من بنت حفيت اللي شافها ..!!
شمه : شو قصدها بالنااااس اللي قالتهم لموزة ..!!
موزة : شو من جديد بسالفة المسجات ..!!