لعنة الموت

[مارو35]

انا مش عارفة انا ليه بكتب كدا دلوقت يمكن عشان خلاص كلها ساعات ومعرفش مصيري هيكون ايه!خليني احكلكم الحكاية من اولها يمكن حد يشوفها ويقدر يساعدني.أنا اسمي "جميلة" اهلي متوفين وعايشة لوحدي ف شقة هادية مع القط بتاعي "بقلوظ".حياتي روتينية جداً بروح الجامعة واروج اذاكر شوية وبعدين انام،حياة عادية جداً مفيهاش أي إثارة لحد اليوم اللي اتغيرت فيه حياتي180 درجة حرفياً.ف يوم كنت بقلب ع النت كالعادة ،بقلب عادي واسلي نفسي لحد ما وقعت ع حاجة لفتت نظري اوي ،لينك ع جوجل عنوانه"ادخل علي هذا الرابط لتعلم تاريخ وفاتك"انا عارفة انها لعبة قديمة جداً بس ماعرفش ليه المرادي شدتني كدا،يمكن كنت بهرب من الزهق وحياتي المملة باي حاجة جديدة وخلاص!المهم اني دخلت.الموقع شكله غريب جداً.كأني دخلت ف كتاب لاهوت او عبدة شيطان،ولقيت مربع فاضي اكتب فيه أسمي وكتبته بالفعل.انا معتقدش اني حسيت بملل كدا زي ما حسيتف اللعبة دي بتحمل بقالها ربع ساعة حاجة سيئة جداً،فقررت اني هقفل وادخل انام وراية كلية الصبح.فجأة من غير مقدمات الاب فصل وقولت عادي يمكن الشحن خلص بس،هشيله وانام.كان كل حاجة ماشية بنمط عادي لحد ما حصل اللي خلاني سابتة ف مكاني مش عارفة اتحرك.اتبعتلي رسالة من رقم مجهول مضمونها كالآتي:يوم وفاتك 22-1-2020 .انا هجنن ازاي جابت اللعبة السخيفة دي رقمي انا مدخلتش رقمي عشان بعرفوه ويبعتولي رسالة زي دي،حقيقي انا كنت مرعوبة ومش عارفة اتصرف بس حولت اطمئن نفسي ع قد ما اقدر،يمكن دي هلاوس ،معقولة حادث اهلي مأثرة عليا لحد دلوقت لدرجة يتهيألي اني هموت بنفس تاريخ اليوم والشهر! اكيد هو كدا مفيش حاجة انا هنام ومفيش اي حاجة وحشة هتحصل.كان يوم طويل اوي ومرهق،محتاجة اشتري شوية حاجات البيت فاضي خالص.جهزت نفسي وركبت عربيتي.فتحت الراديو طول الطريق بسمع اغاني.لحد ما فجأة الراديو فضل يزن بصوت بشع مقدرتش استحمله.الغريب ف الموضوع اني سمعت صوت غريب طالع من الراديو وسط الوش دا حولت اميز بيقول ايه بالعافية،كان بيقول:انا هجيلك انهاردة بعد منتصف الليل.انا مفهمتش حاجة بجد مين بيكلمني ويقولي كدا معقولة دي هلاوس بردو؟!انا مقدرتش اكمل للسوق وقررت اروح البيت تاني،روحت وانا بفكرف الموضوع ومش فاعمة دا ممكن ايه وهل ابلغ الشرطة احسن؟لحد لما اتبعتلي رسالة تانية"افتحي الباب".مجرد ما قرأت سمعت الباب بيخبط...
يتبع

[مارو35]

بردو؟!انا مقدرتش اكمل للسوق وقررت اروح البيت تاني،روحت وانا بفكرف الموضوع ومش فاهمة دا ممكن يطلع ايه،وهل ابلغ الشرطة احسن؟لحد لما اتبعتلي رسالة تانية"افتحي الباب".مجرد ما قرأتها سمعت الباب بيخبط.كنت مترددة أفتح الباب ولا اسيبه يخبط وخلاص وابتديت اتوتر واقلق ومش عارفة افكر حاسة دماغي هتتشل،لحد لما الخبط سكت ولقيت موبيلي بينور معناه أن رسالة تانية وصلت.فتحتها أشوفها لقيت مكتوب فيها"أفتحي جيبلك مفجأة".أنا مافهمتش يعني ايه جيبلي مفجأة!! خطواتي كانت تقيلة جداً وأنا رايحة أفتح الباب وضربات قلبي بقت سريعة لدرجة شعرت أنها تخرج من بين ضلوعي،وفتحت الباب لقيت رجلي خبطت ف حاجة ببص تحت لقيته صندوق صغير ملفوف بعناية بشريط ازرق،قفلت باب الشقة وفضلت ابص للصندوق بستغراب وأقول لنفسي هو دا هزار يعني وحد عايز يرعبني.حقيقي لو طلع هزار انا مش هرحمه.دخلت غرفتي وبحاول أفتح الصندوق وأشوف ايه محتواه،لحد ما لقيت الحاجة اللي صدمتني وخلتني مش عارفة انطق.الصندوق كان فيه سلسة ماما اللي كانت لبساها وقت الحادثة وأختفت بعد وقوعها.أنا لازم أبلغ الشرطة الموضوع بقي مريب وبيخرج عن السيطرة.جريت ع قسم الشرطة أبلغ وأفرجهم الرسايل اللي اتبعتتلي بس الغريب واللي مكنش متوقع أن مفيش رسايل،فضلت أدور عليها ازاي اختفت دي كانت موجودة أنا متأكدة أني مامسحتش أي حاجة،وهنا جيه دور الشرطي اللي قالي أن ممكن أعصابي تعبانة شوية وأتهيألي أن ف حد بيطاردني عادي ممكن تحصل.أنا حقيقي ماقدرتش أمسك اعصابي وزعقت وقولتله هيتهيألي ازاي انا مش مجنونة والسلسلة اللي اتبعتتلي دي كمان تهيؤات.الشرطي حاول يهاديني وقالي خلاص هجيب حد يحرس الشقة ونشوف هيحصل ايه. روحت البيت وعلامات النعاس ف عنيا اليوم كان طويل ومهلك ومحتاجة راحة شوية.اترميت ع السرير حتي من غير ما أغير هدومي ورحت ف النوم.طول الليل بحلم أني اتحولت قطة بتموء لحد ما صحيت ع صوت قطتي وهي بتموء فعلاً والحلم دا كان مجرد بيفصلني عن الواقع عشان مصحاش من النوم.كانت بتموء بطريقة هيسترية مافهمتش ف ايه وبصي ع الباب،لحد ما شوفت ظل تحت الباب كأن حد برا واقف وراه ولقيت موبيلي للمرا المليون بينور لوجود رسالة جديدة.ايدي كانت بتترعش،خايفة أمسكه،بس حاولت اتمالك اعصابي وأشوف مكتوب إيه المرادي،ماحستش بنفسي غير وانا رايحة اقفل الباب بالمفتاح بسرعة واحط اي حاجة وراه عشان احمي نفسي الرسالة المرادي اسوء من اي مرا،بيقولي أنه برا زي ما وعدني بقدومه بعد منتصف الليل.المفروض انا دلوقت اعمل ايه،وازاي حد دخل وف عسكري برا قاعد يحرس.أنا هتشل راسي وجعتني،أنا دلوقتي مصيري ايه.الموبيل نور تاني وهي دي المرا اللي خلتني مترددش وأكتب ايميلات عشوائية لاي حد لعل حد يشوفها وينقذني بسرعة،المرادي بيقولي"مستعدة".مش فاهمة مستعدة لايه وإيه مستنيني،بس اللي متأكدة منه دلوقت أنه واقف وراية،ارجوكم حد يساعدني بسرعة بسر...*صوت صريخ*

[قصص من وحي الاعضاء]

اهلاً وسهلاً بك بيننا في منتدى قصص من وحي الأعضاء ان شاء الله تجدين مايرضيك موفقة بإذن الله تعالى ...

للضرورة ارجو منكِ التفضل هنا لمعرفة قوانين المنتدى والتقيد بها
https://www.rewity.com/forum/t285382.html

كما ارجو منك التنبيه عندما تقومين بتنزيل الفصول على هذا الرابط
https://www.rewity.com/forum/t313401.html

رابط لطرح اي استفسار او ملاحظات لديك
https://www.rewity.com/forum/t6466.html



واي موضوع له علاقة بروايتك يمكنك ارسال رسالة خاصة لاحدى المشرفات ...
(rontii ، um soso ، كاردينيا73, rola2065 ، رغيدا ، **منى لطيفي (نصر الدين )** ، ebti )



اشراف وحي الاعضاء

[mansou]

السلام عليكم ورحمة الله وبركاته موفق بإذن الله ... لك مني أجمل تحية .

[غارقة بين ثنايا خواطري]

هذا هو النوع المفضل لي من الروايات

متى تنزيل البارت القادمة

موفقة يا غالية

[saraahma]

thaaaaaaaaaaaaaaaaaaaaaaaaaaaaaaaaaaanks

[قصص من وحي الاعضاء]

تغلق الرواية لحين عودة الكاتبة لانزال الفصول حسب قوانين قسم وحي الاعضاء للغلق

عند رغبة الكاتبة باعادة فتح الرواية يرجى مراسلة احدى مشرفات قسم وحي الاعضاء
(rontii ، um soso ، كاردينيا73, rola2065 ، رغيدا ، **منى لطيفي (نصر الدين )** ، ebti )
تحياتنا

اشراف وحي الاعضاء