آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
18-05-19, 08:46 AM
| #1 | |||||||||||||||||
| مراقبة عامة ومشرفة منتدى الروايات المنقولة  
|  نقطة ضعفي ، بقلم/ ام مصطفى "عراقيه" (مكتملة )
التعديل الأخير تم بواسطة فيتامين سي ; 27-05-19 الساعة 02:31 AM | |||||||||||||||||
|  |
|
19-05-19, 05:31 PM
| #2 | ||||||||
| مراقبة عامة ومشرفة منتدى الروايات المنقولة
|  رابط لتحميل الرواية هنــــــــــــــا مساء الخير قصة حقيقية باللهجه العراقية نتمنى تنال اعجابكم وحسب تصويتكم للقصة راح نكمله #نقطة_ضعفي #ام_مصطفى البارت الأول غضب...فحنين..توهج.. في قلبي... نظره..فاابتسامه..اشرقت في ثغري.. دقات..قلباً..تعلن... البدءي... اعلان..حاله..حب.. في...نفسي.. كنتُ..في..ما..مضى.. صغيره.... لااجيد...الكذب..ولا.. الخديعه... زادت..سنين..عمري.. واحسستٌ..اني .اميره.. بلحظه...امام..عينك..... ..الجريئه.... ماذا..صنعتْ..بداخلي... فوضى..عارمه..من..المعاني... بكاءاً..وضحك... وشعورٌ...احتواني... انا..ياقلب..عاشقةُ.. انا..اهوى...الاماني.... #همسات_الذاكرين اني ربا مواليد 78 خريجة جامعة المستنصرية ازوجت أمجد مواليد 75 ع حب زميلي بالجامعة تعرفت عليه راح احجيلكم شلون تعرفت علي اني وحيدة امي وابوي عندي إخوان 3 وإني البنت الوحيده ابوي جان يحبني كولش ومدللني وميرفضلي طلب احنه من عائله محافظه جدا من خلصت اعداديه ردت أقدم ع جامعه بس واجهت رفض من اخواني وعمامي انو ماعدنه بنت تدخل جامعه مختلطه اذا تردين ادخلي معهد بس اني صممت اني ادخل جامعه وابوي مااحب يرفضلي طلب وافق لكن بالمقابل اخواني رفضوا وصارت مشاكل بينهم وابوي عاند بالزايد وصمم ينفذ رغبتي وما يرفضلي شي داومت بالجامعة بلبس محتشم ومحترم حجاب وعبايه كنت اجنب الاختلاط بزملائي شبه منعزله تماما دائما أذكر ابوي شلون عاند الكل ونفذ رغبتي جان دائما يكول ربا تربيتي مينخاف عليها ردت أكون عد حسن ضن ابوي وارفع رأسه بشهادة زينه أحاول قدر الاستطاع أن اخلي بالي بالدراسة وبس وفعلا هذا الي صار كانت عندي صديقتين مقربات علي وحده مسيحيه تالا تعرفت عليها بالجامعة حبابه ومرحه صادقتها وشوية شويه صرنه مفترق عن بعض والثانيه شيماء صديقة المتوسطه وياي من المتوسطه لحد الجامعه جانت كولش مقربه الي كعدتنه سوه واكلنه سوه تعرفنا ع تالا وصرنه ثلاثي المرح هههههههه تالا. ربا شيماء تعالو اليوم عزمتكم ع كوكتيل عصير ربا. اني تعرفيني مااطلع خارج الجامعه منو كلج خارج الجامعه هنايه بكفتريا الجامعه ها اذا هنا يله وانت شيماء ترحين اني وياكم حبايب 😘 يله لعد اوف ازدحام اليوم شكو تعالوا خلو نكعد هناك فارغ الميز بسرعه اوكي اكعدوا انتظروني اجيب العصير الكم انتظروني مرحبا اخوي بلكت 3 عصير كوكتيل صار ادللي انتظري لحضات اوكي تفضلي مشكور درت وجهي سريع جان انظرب بشاب واكلب العصير عليه الشاب ثول شبيج عميه انتي مشوفين ع كيفك اخوي والله منتبهت اسفه هههههههه اسفه ادري شتفيد مثلا تنظف ملابسي من العصير أخي قابل متقصدك اني كتلكه اسفه منتبهت اوكي يله عادي روحي قبلت اسفج اني هم اعتذر صرت عصبي بوجهج لا حقك وإني اعتذر مره لخ رجعت وإني أحس نار اشتعلت بيه صخنت من الفشله شفت البنات واكفات ومنتبهات علي وشافن الموقف تالا ههههههههههه خرب بليسج متت ضحك هاي شسويتي خوش كوكتيل صار ادري شطفرج يحضي غير اني عازمتج شكو رحتي تشترين انتي اسكتي يمعوده حضي غير شكد عيب من الولد شوفي شصار بي ههههههههههههههههه اي اضحكن علي انتن اباوع ع الولد يمسح بملابسه بكننس ورافع ويهز بيده ويباوع علي ويخزر بيه شكد عيب وجن كومن خلي نرجع للقاعه يله بسرعه ادري غير نشرب شربت وجن ياشربت دكومن لو اروح وحدي يله ع كيفج طالعين الولد فات من يمنه متنفرز ويخزر بيه هو طويل واحمراني شكله عيونه كبار وحواجبه مخالطة وثخان ومن يخزرني يخوف يصير فات وكال استغفر الله شلون يوم هذا مصبح بوجه منو اني تالا كالت عيني تره مصار شي شدعواك كبرتها للسالفه رفع تك حاجبه وباوع عليها ودار وجها وراح كتلها دسكتي يمعوده لاتسويلنه سالفه هنا خلي نرجع هو اني مال كافتريا خرب حضي يله نرجع للمحاضره ونطلع دخلت للمحاظره وبالي كله يم الولد شكد عيب هسه شلون شسوه سبحته بالعصير كلبته ع صدره كوله خلصت المحاظره كولشي مفتهمت طلعت ودعت تالا وانتظرت أبو الخط بالباب اني وشيماء الطريق كله اصفن شيماء كالن هاي شبيج ربا تره كبرتها للسالفه عادي تره عصير انكلب عليه بالغلط مااعرف انقهرت عليه خطيه يمعوده انوب كاشخ ومبدل هههههههههه يله عادي يكبر وينساها اوف شيماء كوله عندج ضحك بضحك ههههههه أي دضحكي يمعوده يله وصلنه انزلي ديري بالج عود وانتي تمشين تحجي وياي وإني دانزل درت وجهي عليها وضحكت ونزلت صار بوجهي اخوي هادي خزرني دخلت للبيت شكو تتمضحكين ولج وي أبو الخط شعندج! !!!!!! وللحكايه بقيه #ام_مصطفى التعديل الأخير تم بواسطة فيتامين سي ; 19-05-19 الساعة 06:12 PM | ||||||||
|
| |
|
19-05-19, 05:32 PM
| #3 | ||||||||
| مراقبة عامة ومشرفة منتدى الروايات المنقولة
| #نقطة_ضعفي #ام_مصطفى البارت الثاني اودعت..قلبي. .في..لهيب..الشوقي.. خوفا..على..حبا..من . ..نضره..حقدي.. يا...انيسا.....في..وحدتي.. يا..خليلا..في..كربتي.. يا..عهدا....قطعته..مع..نفسي.. لن....ترى..عيناك....سوى.البهجت� �.. يااملا...اعيش..فيه..مع..نفسي.. ياحنينا...فاض..به..العمري.. اشتاق...وفي..نفسي. لوعتي.. وخوفا....عليك..من .الحزني... افتقدتُ..كلماتي.. وضاع..مني..قلمي.. بعد...مااعجزت..عن..وصفك. للعالمي... خاطرة #همسات_الذاكرين شكو تتمضحكين ولج وي أبو هاي شبيك يابو الخط مشفتني داحجي وي شيماء وحجيج وضحكج ميصير يس وانتي نازله شبيك هادي موقف اتذكرنا وبتسمنه هاي بالسياره هيج لعد بالجامعه اشلون افففففف درت وجهي عفته وفتت جوه ريحت الدولمه بخشمي صارت دخلت ل لمطبخ هلو ماما اليوم دولمه مو الله ع الريحه أخذت وحده واكلت امممممممم عاشت ايدج ماما خلي اروح اغير ملابسي وارجع تعاي اكولج شبي هادي وياج اووف يمه شسوي له صاير شارلك هومز يحقق وياي بالرايحه والجايه ميخالف يوم اخوج هذا يخاف عليج ادري طفله أني زعطوطه مثلا تره لا يخاف ولا شي ابنج طبعه شكوكي من وره علاقاته وي البنات لج عيب لاتحجين هيج ع اخوج يله روحي غيري ملابسج بله حجي زايد لا يروح يسمعج اي أي صعدت ذبت اللفكس ع الجربايه وغيرت ملابسي اوف شنو ها ليوم هذا ههههههههه بس خطيه الولد خلي انزل اتغده نزلت الكل مجمع ع الغده الله يساعدك بابا هله رباوي حبيبتي شلونج بابا الحمد كمت اكل كال شلونج بالدراسة بابا هادي من يمه حجه شلونها مخلصتها ضحك وسوالف كوه بلعت اللكمه وعفت الأكل بابا كال انت الف مره كلت لاتدخل باختك كمت كلت الحمد لله شبعت عفتهم يحجون صدك تعبت هاي ع الصغيره والجبيره يدخل هادي وعماد بس سامر حبوب وسبورتي ثاني يوم يوم الصبح رحت للجامعه شيماء وتالا ناصبات علي وكل دقيقه يذكرني خلصت المحاضرة الأولى طلعنا نتمشه جان تالا دكول عابت لج هو شكد مكروه وشايف نفسه كتلها اووف لا وجماله يخزر بيه والله حتى خفت منه شكله يخوف وانوب انكلب الشربت عليه صار فلم رعب شيماء كرصتني كافي وج شكافي غير اخترعت منه اصلا الليل كوله مانمت من وراه لهدرجه شكلي يخوف ع العموم اشكرج اني الصوت كام يرن بإذني درت وجهي عزه هذا هو معرفت شحجي مرحبا اختي طبعا اجيت اعتذر من الصبح ادور عليكم ولكيتكم تكصون بيه 😊 ها لا مو ها لشكل بس ... ع العموم مو هذا موضوعنا اني آسف لأن خزرتج ورعبتج 😏 بس مره ثانيه انتبهي زين كلشي معرفت احجي من الفشله يبووييي تالا جانت لقبه وتعرف تجاوب وتجادل كالتله مصار شي اخوي يله صارت صدفة وسبب حتى نتعرف ع حظرتك انت شنو اختصاصك شنو تدرس اني آداب وانتم ها احنه هم آداب يا قاعه قاعه 6 😳معقوله نفس القاعة والقسم ومشايفيك راح تخلص السنه المهم فرصه سعيده اني تالا وهاي شيماء والي كلبت الشربت ربا هههههه اني أمجد اتشرفت بمعرفتكم اني الساني بلعه القط مثل ميكولون بس اباوع من الفشله حرف منطقت يله بدت المحاضرة وتعرفون أساتذة فخريه متحب إلي يدخل وراها يله نروح سوه طول الطريق اني ساكته أحس نفسي صرت جمر اول مره واحد يمشي ويانه وفوكاها سمعني داحجي عليه دخلنه كعدنه ع المقاعد صار بالمقعد الكدامي يعني معقوله مشايفته كاعد كدامي بالمقعد ولا مره شايفته كل شويه يدير وجهه ويتبسم يااا هذا شبي تالا كله من وراج انطيتي وجه زايد هذت شبي يتبسم اكيد انعجب بيج ههههههه يا وج شنعجب ع الشربت لو ع الفلم الرعب لا عيني ع جمالج حبييبه وجهج وردي صار وانتي واكفه يمه هااا صدك اني من اخجل لو اتعصب وجهي يورد وجهي مدور وعندي خدود ومعانيي صغار عيوني صغار بس رمش طويل وخشمه وحلكي صغار يعني صدك جني يابانيه هيج يكولون علي ياباني شكلي يااا شتحجين انت اني مال إعجاب وهاي السوالف تعرفين ضروفي انت شيماء.. وجن كافي راح ننطرد من المحاظره اي كافي خلصت المحاظره شو هذا ورانه يبووي ها بنات شلونكم وي المحاظره اني عن نفسي كلشي مفتهمت شي حتى بالي مو يمها أبد تالا لا احنه افتهمنه كلش زين خصوصا ربا مركزه كلش مو صح ربا 😨هااا اي صح اني جايه ادرس اكيد أركز يله أترخص أمجد آسف اخاف عدكم شي وعطلتكم اني أترخص اي الله وياك تالا ههههههههه طرده بنزاكه هاي اووف لزك شنو يمعود اخاف أحد يشوفه واكف ويانه وتصيرلي قصه لاتنطينه مجال مو تعرفين وضعي شنو ادري شمسويه قابل زميله يحجي ويانه اوي عقد اهلج اي حقج دكولين هيج انتي عدج حريه مطلقه يمعوده تقاليدكم غير تقاليدنه وضعي اني يختلف عن كل البنات تعرفين اني كوه يله وافقوا ادخل جامعه بسبب الاختلاط اهلي كولش عائلة محافظه بس بابا ماحب يرفضلي طلب وإني مااريد اخون ثقته بيه ديله حتسويها دراما علينه الله يساعدج ع ها لأهل وع هالعقليه العدهم 😕 المهم خلي اطلع هسه أبو أحمد أبو الخط اجه يله شيماء عيني انروح احنه مع سلامه مرر شهر واحنه ع ها لوضع أمجد لازك بينه قيدني كولش ضحك شقى هو وتالا بس عينه علي اني مااشاركهم ومرات لا انجبر احجي اله أن صار رابعنه هو يخلص الدوام هو ميفاركنه تعودت ع وجوده ويانه بس أبد مانطي مجال الكلام بحدود وياه ودائما اجنبه فد يوم جاي نحجي كاعدين بالكافتريا اربعتنه تالا تشاقي كالت عيني اني احلاكم كلكم دشوفو شلون محط أنظار الكل هههههههه ضحكنه عليها كولنه كال أمجد الصراحه ربا أحلى ماشاء الله جمال وخدودها تفاح عبالك يحجي ويغمز الي وكفت كتله اشكرك أخذت اللفكس وجنطتي وعفتهم وكمت ضجت من طريقة أسلوبه بالحجي وخصوصا من غمز حسيته يقصد شي شيماء اجت وراي هاي شبيج ربا مو يشاقى الولد ليش هيج شيماء مااحب هيج شقى تره مصخها كلش وبعدين تالا اذا تريده خلي تنفرد بي يعني صار شهر لازك بينه مصار شربت ووكع ياريت تبلغين تالا اني مااحب هيج شقه وشنو نريد ناخذ راحتنه ادري هو ماعده غيرنه بالجامعه يله اني رايحه للبيت اوكفي عيب خلي نستأذن منهم روحي انتي اني مااجي اوكي أمجد اني آسف بنات اخاف جاي اضايقكم تالا لا ماكو شي بس ربا عدها ضروفها الخاصه بالبيت المهم منا وهيج أخذوا راحتكم ماراح اضايقكم ربا واكفه واشوف أمجد كما بزعل وراح وللحكايه بقيه #ام_مصطفى توقعاتكم بنات | ||||||||
|
| |
|
19-05-19, 05:33 PM
| #4 | ||||||||
| مراقبة عامة ومشرفة منتدى الروايات المنقولة
| #نقطة_ضعفي #ام_مصطفى البارت الثالث لا ..تقول لي حبيبي .. تكلمي...!!! فالصمت....اقوى... ..من.لغه..الكلام.. صمتي..به..غاية؟؟؟ لا..يعرفها..الا. .من.ذاق..قلبه.. حنين..وغرام.... لا..تقل..لي ..اقتربي؟؟ فاانت..اقرب..لي..من..الهوى.. ومن...عيني ..التي..لا.تنام.. ماذا..فعلت..بي؟؟ غيرت..لي..خارطتي ..وطريقي.. ومكان...سكني.. ياا..خليلاً..ابحرت..عيني.. فيه....قربة..وأمناً.. ما..عدت..اعرف..عالمي.. فنسيت...الكل..من ..اجلك..وحدك.... عاهدت...قلبي..لاينبض. الا...لعينيك...وحبك.. قالوا...في..ما..مضى.. من..اجل..عينيك..عشقتُ.. الهوى.... همسات ألذاكرين تالا لج ربا شبيج وي الولد هاي فوك ما كال احلاكم وجاي يمدح بيج حبيبتي هذا اسمه غزل ديتغزل بيه وهذا عدنه عيب وحرام ياريت حبيبتي تالا اذا تحبيه انفردي بي وحدج احسه خانكني رجائا لا تجمعه ويانه مرت الأيام وفعلا أسبوع كامل أمجد بس سلام من بعيد مااهتميت بس تالا انقهرت عليه ودائما دكلي خطيه الولد مبين عليه مقهور منج ومن تصرفتج ودائما تطلب مني اعتذر اله اني ماادير بال الها دائما اغلس صح بيني وبين نفسي ماقابله ع تصرفي وياه بس ارجع واكول هذا الصح الي سويته صح مااريد يتماده وياي بتصرفاته وتتطور العلاقه مااريد أوصل لمرحلة أندم عليها خصوصا بعد ماحسيت يحاول يتقرب مني اني لازم واكفه عند حده .......... قربت الامتحانات آخر السنه وكلش تعتني أحاول قدر المستطاع ابذل جهدي بالدراسة أريد اطلع درجات زينه أريد ارفع رأس بابا فد يوم اجيت وحدي للجامعه جانو البنات ماكو عدهم محاضرات لأن نهاية سنه بس اني جان مطلوب مني أوراق للأستاذ فرحت حتى اوديهم دخلت وسلمت الأوراق وبسرعه طلعت طبعا جنت جايه فورتات لأن الخط معطل محد مداوم جان من بنات الخط طلعت يم باب الجامعه جان اكو اثنين صاعدين بسياره صاح واحد اصعدي نوصلج درت وجهي عليه وعفتهم ومشيت مهتميت الهم عبرت الشارع حسيتهم وراي ويدكون هورن السياره صعدي لج فدوه لهاي الخدود الحلوه خفت منهم يربي شلون بيه سرعت بالمشي نزل واحد لزم أيدي اصعدي احنه نوصلج لاتخافين جريت أيدي حيل وخر مني مااشوف غير أمجد فوكاه ظرب ويضرب بي بوكسيات نزل الثاني بيده عصه خشب مدوره وجان يضرب أمجد الي جان نايم فوك الولد وخانكه مثل فلم اكشن جاي اباوع بسرعه بسرعه هيج اطورت القصه شجاب أمجد يمي هذول منين انسطرت مااحس اله وإني اصرخ أمجد أمجد أمجد دم يجري من رأسه كعدت بالكاع ولزمت رأسه فدوه أمجد أكعد كمت اصرخ مااحس اله شخطة سياره والعجاج مال التراب شردوا مااهتميت ولا انتبهت الهم بالي بس أمجد فدوه أمجد كوم شصار بيك وابجي التمو ولد من الجامعه شالوه فتح عيونه وباوعلي مكدرت اعوفه مااعرف شلون صعدت وياهم للمستشفى الولد يحجون شيقربلج منو ضربه مااحجي ابد بس ابجي ع الموقف ومصدومه من نفسي ليش صاعده وياهم شراح اكول لاهلي وين جنت وصلنه للمستشفى نزلوه الولد نزلت وياهم اخذوه وين مايدخلوه أركض وراهم مثل العميه افتر وراهم خيطو رأسه 6خياطات وضربة ع خشمه اكو جانت رجع لوعيه انتبه علي منهاره وابجي اجه المحقق كال منو ضاربه الولد جاوبوا منعرف بس شفنه هاي البنيه يمه ومظروب وجبناه واجينه التفت المحقق علي كال شنو القصه احجيلنه وشيقربلج قبل لا احجي حجه أمجد كال سيدي هاي زميلتي شافتني مظروب واجت وياي مالها علاقه بالموضوع جنت واكف انتظر خطي ونزلوا اثنين من سياره ضربوني وانهزموا يعني متعرفهم لا واسجل الدعوه ضد مجهول وقع أمجد وطلع الظباط وطلعوا الولد بعد ماطلب منهم يتصلون بأهله بقينا وحدنه كتله اسفه الصار بيك بسببي كال ربا ليش اجيتي وياي اني اعرف ضروفج وي اهلج ياريت ترجعين قبل لا يتأخر الوقت كتله جان لازم اطمأن عليك مكدرت اعوفك كال وهسه اطمنتي يله يروحي مااريد اسويلج مشكله شفت حجيه صح لازم اروح قبل لا يتأخر الوقت كتله أترخص اني وعندك العافيه واسفه مره ثانيه هز رأسه بمعنى اي طلعت اجرت تكسي وللبيت وصلت ساعه 12 وربع فتحتلي الباب امي ربا تاخرتي كلتي ماعدي محاظرات ضل بالي عليج اي ماما صح ماعدي بس كعدنه ننقل اسئله ومحضارات من بعض والأساتذة لخصولنه الماده فبقيت المهم منو بالبيت ماكو أحد بعد محد راجع كلت بنفسي اففففففف الحمد لله زين ماما صاعده اغير ملابسي الحمد لله يارب عدت ع خير بسرعه غيرة ملابسي ونزلت أخذت لفه كلت لماما لادكعديني ع الغده دايخه من المحاضرات صعدت أخذت التليفون اتصلت بتالا وحجيت الها الي صار وطلبت منها تزوره بالمستشفى وتطمني عليه تالا جانت تكدر تطلع بحريه بقيت ع نار لليل ماما صاحت علي تالا ع التليفون تريدج نزلت ركض كتلها بصوت ناصي بشري كالت زين وطلع من المستشفى ويكلج لايضل بالج وانطاني رقم تليفون بيتهم حتى اتصل اطمن عليه لأن كال مراح يكدر يداوم ها لأسبوع ثاني يوم خابرت تالا واخذت رقم التليفون واتصلت بي ويوم وره يوم اتصل لحد ما عرفت أمجد حالتهم ضعيفه ابوه شهيد بحرب إيران وهو جبير أهله يشتغل العصر حلاق والصبح بالجامعه يداوم اتعاطفت وياه أسبوع كل ما يفرغ البيت اخابره إلى أن صارت الامتحانات جنت متلهفه حتى اشوفه وشفته وكمنه نلتقي سوه واطورت علاقتنا أكثر وطلعت النتائج ونجحنا كلنه طلب مني انو نكعد بالكافتريا وحدنه واعترفلي انو يحبني ويريد يتقدملي #ام_مصطفى اسفه ع التاخير نت ضعيف جان | ||||||||
|
| |
|
19-05-19, 05:35 PM
| #5 | ||||||||
| مراقبة عامة ومشرفة منتدى الروايات المنقولة
| #نقطة_ضعفي #ام_مصطفى البارت الرابع احببتك...وهذا قدري. .. وما..احلى..من...قدري.. كتبت...قصه حياتي... بقلم....من....حنين..حبي.. رسمت ...لي...طريقي.. ولونته...باازهار...العطري.. نسيت..نفسي..معك.. وبك..نسيت..عمري.. لا..ابالي...بالعالم...ان.. كان..معي..او..ضدي.. كل..همي...انت...وانت.. يا..حبيب...القلبي.. خاطرة #همسات_الذاكرين مااعرف شصار بيه من سمعت كلامه مجنت متوقعه بالسرعة راح يعترفلي بالرغم من انو تصرفاته كلها أدل ع هالشي دنكت خجل من كلامه كال السكوت علامة الرضى مثل ميكولون لو شنو قبل لا تحجين أحب اكلج مشاعري صادقه وياج وقبل لا اعترفلج اترددت بس مكدرت اكتم بكلبي أكثر خصوصا راح تبدي العطله وراح نفترق ها لفتره وإني تعودت اشوفج مااعرف شلون راح تمر الأيام بدون مااشوفج بيهن فكري بكلامي وانتظر اتصال منج مااريد اسببلج إحراج ضروفي تعرفيهن وحجيتلج إياها مسبقن وان شاء الله وره مااتخرج اعدل وضعي واتقدملج اني قدمت فكرة الزواج قبل لا اعترفلج مشاعري اتجاهج حتى لاتفكرين انو العب مثل بقية الشباب حجه كل هالحجي وإني مطلعت مني ولا كلمه كمت وكفت كتله أترخص البنات ينتظروني كال اتفضلي انتظر جوابج وثقي مراح يغير شي من علاقتنا مهما يكون ردج الي شيماء وتالا يباوعن علي من بعيد قبل لا ترحين اذا تحبين باجر اتقدملج واثبتلج حبي الج كتله أن شاء الله خير مع سلامه تقربت من البنات وجسمي يرجف مااعرف شصار وياي وشنو الي اريده مشاعري متخربطه بينه وبين الدراسه حجيت للبنات كيفوا وكالوا والله مبين علي خوش ولد شكو بيها كتلهم مااريد إلهي نفسي أريد ادرس وبس واستحيت اكوله تالا. يعني شنو ماعندج مشاعر اتجاها لا مو هيج بس ممتاكده من مشاعري وهو فاجئني عيني عندج عطله 3اشهور فكري وردي جواب أعتقد هاي فتره كافيه حتى تختبرين مشاعرج بدون ضغوط منه أي وهو هم هيج رجعت للبيت الكل فرح أمي تهلهل واطش جكليت وابوي فرح وانطاني فلوس كال بابا اشتريلج هديه بيهم الي تعجبج عدت اول ايام عادي يخطر ع بالي أمجد بس أحال أكابر وماادير بال كمت اشتاقله هواي وكلماته ترن بإذني يارب اني أحبه ليش هيج اسوي بيه يعني حتى متصلت اكوله لا اي موافقه أو لا باجر الصبح من يفرغ البيت اتصل اي وليش باجر هسه اكوم اتصل واليسئل اكول أريد اخابر تالا أو شيماء نزلت سحبت التلفون لغرفتي واتصلت جاوب الو الو جاوبت الو كال حيييل زين واذكرتي بعد وكت شلون كلب عدج كل هالمده متتصلين كتله شلونك أمجد مشتاقتلك اي مبين مشتاقتلي شهر كامل يله تخابرين عرفت الجواب ميحتاج تكوليه مو هيج أمجد لعد شنو اني ردت اختبر نفسي واتاكد من مشاعري اتجاهك وهسه اتاكدتي اي شنو سكتت كولي كلشي متوقع اني أحبك بس مااكدر ارتبط بيك شلون يعني يعني مااريد تتقدملي ولا يصير شي بينا غير احنه زملاء لحد مااتخرج مااريد إلهي نفسي وانشغل عن دراستي انت تعرف شنو ضروفي مااكدر ارتبط بيك هسه ربا بالعكس اذا تقدمتلج هسه نكدر نلتقي بدون خوف نسوي خطوبه ووره التخرج نزوج لا مااكدر ولا أتصور اهلي راح يوافقون فخلينه هيج احسن ع راحتج خلصت العطله وداومنا سنه ثانيه زادت كعداتنا سوه كلش تعلقت بي وحبيته وكمت أغار عليه من الهوه الطاير وهو هم فديوم كاعدين سوه نضحك ونسولف ومااشوف اله اخوي هادي فوك راسي ولزم أمجد ضرب وجرني من أيدي هادي ع كيفك الناس منا عوفني اني امشي اس ولا كلمه الج عين وتحجين كاعده تتمضحكين ولج وتسوين علاقات ودكولين ادرس اذا تضحكين ع ابوي فإني مينضحك علي اليوم اعلمج واريبيج من جديد اني بس ابجي وخايفه صعدني بسيارته مثل الكبش شمرني ولا عبالك اخته الطريق كله يغلط ويسب ويتوعد الي اتمنيت الطريق يطول أكثر رغم الغلط والحجي احسه أهون من موجهة ابوي وشلون اخلي عيني بعينه بعد وصلنه للبيت فتحت باب السياره وجرني ودفعني بحوش البيت وكعت ع أدي واركبي وهو يحجي ويصيح فوتي اني اعلمج ساقطه كاعده تتمضحكين متستحين ولج عبالج مااعرف شعندج وياه صار شهر مخلي واحد يراقبج لحد مااليوم شفتج بعيني هاي دراستج حب وعلاقه ع صوته اجت امي تركض شكو شصاير دفرني ع بطني اسئلي بنتج الساقطه لكيتها كاعده وي واحد ظربت ع خدها امي شلون شجاي تحجي انت اختك مربايه ومتسوي هيج كافي هادي مو عبالك كل البنات مثل الي تعرفهن لا هواي مربايه اسئليها هاي كدامج صح لو لا كوليلها ويامن جانت كاعده ومنو أمجد الجامعه كلها تعرف بعلاقتهم امي مدت ايدها وكومتني اصعدي لغرفتج لحد ما يجي ابوج ونتفاهم شتتفاهمين وجرني من شعري حيل وظربني بالحايط امي دفعته وكامت تغلط وتصيح عليه اني أحس الدنيا كامت اتدور بيه من الظربه جان اكو شي حار نزل ع وجهيي وراها دخت وماحسيت اله اني بغرفتي نايمه وابوي وامي وسامر اخوي الصغير يمي فتحت عيوني اباوع صارت عيني بعين ابوي بجيت وردت وجهي استحيت اباوع بوجه ابوي وللحكايه بقيه | ||||||||
|
| |
|
19-05-19, 05:36 PM
| #6 | ||||||||
| مراقبة عامة ومشرفة منتدى الروايات المنقولة
| #نقطة_ضعفي #ام_مصطفى البارت الخامس في..طيفي..راءيتها.. مقيده...بسلاسل..ودموعها... تنساب..على خدها..... في..طيفي..راءيتها.. حزينه..داخل..جدران.. اسيره...سجينه.... حبيبتي...لاتدعي..اليأس.. يدخل..الى..قلبكِ.. اوقدي..شموع..الاملي.. وتذكري..الموعدي.. لرؤيه..عيناك..وبهجتي... اوقدي...شموع..الاملي.. وانتظري..لقاءي.. بفرحاً...ومسرتي... خاطرة #همسات_الذاكرين كال بابا باعي علي احجيلي الي صار بصراحه وبدون كذب طلع امي واخوي كال هسه احنه وحدنه احجيلي الي صار وثقي اني وياج مو ضدج بس فهميني اني سمعت من هادي هسه اريد اسمع منج احجي بنتي لاتخافين اني تعرفيني وياج مو ضدج بابا والله ماكو شي ولا صاير شي هادي يألف قصص وحده ونيته دائما سؤ حجيتله كلشي لابوي وشلون فضلت دراستي ومااوافقت ع خطوبه وكتله جان كل همي ارفع راسك وراها بقيت ابجي نهاريت بجي كال بابا يصير خير تعرفين رقم أمجد هزيت راسي كال اتصلي بي خلي يجي أريد احجي وياه ولاتخافين مراح اسويله شي أريد أتعرف عليه طفرت من مكاني وحظنته حيل كتله انته احسن آب بالدنيا طلع ودزلي التليفون بيد امي امي خلت التليفون وساكته متحجي بس تباوعلي بطرف عينها وطلعت وسدت الباب أخذت التليفون دكيت عليه جاوب الو كتله الو كال رباوي حبيبتي شلونج انت زينه شصار احجيلي سوولج شي صار شي بيج كتله انطيني مجال احجي أمجد بابا أريد يشوفك حجيتله كلشي ويريد يتعرف عليك كال من الأول كتلج اتقدملج شوكت يريدني اجي باي وقت اني حاضر كتله باجر العصر انطيني عنوانكم انطيته العنوان مظبوط كتله مع سلامه كال ديري بالج ع نفسج أن شاء الله مع سلامه اسمع عياط وصياح هادي وصعدلي ركض والله اموتج واشرب من دمج لو تموتين متاخذيه سمعتي لولا سديت الباب وقفلته من جوه صعد بابا وراه ضربه وراد ينزله جره حيل ووكع ابوي من الدرج للكاع كامت تصرخ امي يبووي مات الرجال فتحت الباب شفت ابوي وأكع وطالع دم من رأسه هادي يصرخ بابا مو قصدي والله عماد ركض جاب السياره وشالوه للمستشفى كلهم طلعوا وبقيت وحدي اصرخ وابجي دخيلك ياربي رجعلي ابوي سالم مااعرف شسوي مرت ساعه ولا حس ولا خبر ركضت للتليفون خابرت أمجد وابجي ريا شبيج شصار أحد وياج كليله حجيتله كال شنو أقرب مستشفى عليكم انطيته اسمه كال راح اروح اشوف واطمنج كتله اخاف هادي يشوفك كال لاتخافين مراح اخلي يشوفني من بعيد البعيد اي فدوه انتظرك سديته وإني ع نار بس ابجي والوم بروحي وره نص ساعه دك التليفون كلت الو كال اني أمجد ربا لاتخافين سئلت ع ابوج زين بس يتأخر يله يطلع كتله الله عليك تحجي صدك كال والله ماكو شي لاتخافين هياتهم اخوانج اشوفهم طابين طالعين ماكو شي يله لاتخافين سده شويه ارتاحيت بس بقيت ألوم بنفسي واحمل نفسي مسؤلية الي صار لليل كلش اجوي الولد شايلين بابا تلكيتهم صابين ايده وراسه مضمديه ركضت حظنته بويه بويه كالت امي وخري خلي يرتاح يمه شصار شبي ابوي مابي شي بس كسر بيده وراسه انفتح وخري منه موكتها هسه هادي يخزرني مخفت منه بقيت كاعده يمه للصبح منايمه اغفى وإني كاعده الصبح حسيته كعد كتله صباح الخير بابا شلون صرت لاتخافين بابا زين اني تره مابيه شي بابا سامحني على شنو بابا أمجد اليوم يجي لولا اي بابا يجي غير لا مااريد يشوفني بهيج وضع خليها بعد أسبوع وروحي بدلي وروحي لدوامج اني أثق بيج لا بابا أريد ابقى يمك اليوم مااروح ع راحتج بابا كومته للمغاسل وامي كعدت سوة ريوك كال باجر ربا ادوام ومااريدج حجي زايد امي كالت أن شاء الله أبو هادي بس انت ارتاح هادي كال اني اوصلها وارجها كال انت اسكت لاتتدخل سكت بس نار تطلع من عيونه ثاني يوم داومت تلكتني البنات سولفت الهم الي صار شيماء كالت ربا هادي البارحه واكف يم ساره بنت أبو محمد جيرانكم وشفتها من بعيد تأشرله عليج وللحكايه بقيه..... | ||||||||
|
| |
|
19-05-19, 05:37 PM
| #7 | ||||||||
| مراقبة عامة ومشرفة منتدى الروايات المنقولة
| #نقطة_ضعفي #ام_مصطفى البارت السادس كتبت..لك...بقلمي.. ملئتهُ....ليس.بالحبراً.... .بل..دمي.... ذكرياتي ..معك...افاق.. فاقت..حدود..العالمي.. اين..انت...من..حبيبا... تعب...اللسان...بذكر..اسمهي.. يا..وليفا....للروح....يامنتهى.. البسمه...والفرحي... لا..تبعد..عني... فليلي....وحشه...والقمر... نيري... ارى..وجهك..فيه.. احاكي....ثغرك..المتوسمي.. يا....فؤادي..احمي..من..دخلك.. ساكنا.... واغلق..عليه..كل..منفذي.. خاطرة #همسات_الذاكرين ساره معقوله شجابها اهنا ليش متعرفين هاي اول سنه الها بالجامعه ادوام من بداية السنه هنا لعد ليش مكلتيلي مااعرف والله مخاطر ع بالي وبعدين عبالي تدرين حتى مره شفت هادي وصلها للجامعه صدك تحجين بله عليج شلون مكايلتلي ماادري والله نسيت بس البارحه من شفتها ناشر لهادي عليج يله كلت اكولج بسيطه يصير خير لج هاي فد وحده ملعبه وصار 3سنوات تركض وره هادي نهار كله تدك وتخابر وعينك عينك دكول هادي موجود ومرات تجي تلطش عدنه شكد اكرها فد وحده رخيصه كلش عزززه وج منهاي اخوج شكوكي من هاي وغيرها خليني ساكته يمعوده ربا ذاك أمجد اجه زين اني رايحه منكم أراقب المكان الكم 😉اخذو راحتكم شفت أمجد اجه من بعيد ولونه مخطوف رباوي شلونج بيج شي ضربوج صار شي والله اليل كله منمت أفكر بيج وج شسويتي بيه رباوي والله متت بعد مااكدر لازم أنهي الشغله أمجد مصار شي بس كم ضربه من هادي وشنو هاي الي بكصتج الضربه منو ضربج هادي مو بسيطه يعني شنو بسيطه أمجد تريد اتأذي اخوي شنو ولج اكص ايده الي يمد ايده عليج حتى لو اخوي اني من البارحه منايم أفكر بيج اكول اذوج ضربوج مو مهم اني أمجد المهم ابوي هسه اي صدك نسيت ابوج اووف ربا شسويتي بيه ابتسمت كلماته دوه لجروحي جانت كلشي يهون لخاطره كال فدوه لهالبتسامه مدام اني وياج لاتخافين حتى لو اعرف اخذج وانهزم المهم انتي الي أمجد ابويه كال كم يوم ويمرلي لأن تعرف ضروفه هسه اي انتظره كم يوم ومستعد انتظر العمر كله بس المهم تصرين الي يله اني اروح اخاف ساره تشوفني كال ساره منو بعدين اكولك خلي ندخل للمحاظره وراها اكولك دخلنه للقاعه خلص اليوم رجعت للبيت لكيت بيت عمي يمنا ع مود ابوي عمي وولده وبناتهم وعماتي اثنين بسرعه صعدت غيرت ملابسي ونزلت سلمت عليهم ودخلت اساعد امي بالمطبخ لكيتها مكمله كلشي كمت اصب الأكل أخذت السفره افرشها عماد كال فوتي ماكو غربه كعدت افرشها عمي كال هله بعروستنه خجلت بابتسامه وطلعت كلت اكيد ابوي حجاله كلش فرحت بكلبي عماتي ومرت عمي كاعدين بالصاله طلعت عمتي كالت رباوي الف مبروك حبيبتي كتلها ع شنو كالت راح تنخطبين كتلها شكرا خاله كالت والله فرحتي شكبرها فرحتي الج وليوسف ابن اخوي متنوصف كتلها ليش يوسف شكو بالموضوع كالت غير هو راح يخطبج لو عندج غيره مدري شصار بيه من سمعت هالحجي الدنيا دارة بيه مدى أركز عفتها وفتت للمطبخ كلت لأمي شنو سالفت يوسف كالت والله عمج سمع بسالفه أمجد وكال لا احنه رايديها ليوسف وجنه منتظرين تتخرج ونحجي بالموضوع وماقبل وابوج كالهم أخذ رأيها واشوف يوم لاتسولكم لعبه مااريد يوسف ولا ازوجه ليش شبي يوسف مو احسن من هذا المكطم الي جايبته اشو يوسف خريج وعنده معارض سيارات وخير من الله لو تحبين الفكر اهوووووو عفتها وصعدت فوك بجيت وبجيت يربي شسوي بس لاصدك اتصير السالفه لا بابا وعندي يشوف أمجد وياحجيه اكيد هو موافق مبدئيا شلون شيجيب باجر واكله لامجد يجي يقابل بابا اووف راسي راح ينفجر من التفكير مااتخيل نفسي وي غيره والله أمجد يخبل اذا يدري سمعت الباب اندك منو تفضل اني سميه هلو سمسم تفضلي شكرا اكولج عمو وابوي يردوج اي هسه نازله كوليلهم راحت اوف اكيد ع موضوع الخطبه نزلت ابوي كال تعالي بابا عمج حميد يريدج ليوسف انت شدكولين اني أريد أكمل دراسه ويوسف مثل اخوي كال عمو حميد بنتي انت من لحمنه ودمنه ويوسف رايدج من زمان بس اني ااجل بالموضوع وتره ماعدنه بنيه تطلع عن شورنه يعني اذا دخلتي جامعه بعد بكيفج تختارين كتله عمو هاي أتصور هاي حياتي وإني حره يوسف حجه كال انت الي ومتصيرين لغيري سمعتي لولا وللحكايه بقيه #ام_مصطفى توقعاتكم بنات | ||||||||
|
| |
|
19-05-19, 05:38 PM
| #8 | ||||||||
| مراقبة عامة ومشرفة منتدى الروايات المنقولة
| #نقطة_ضعفي #ام_مصطفى البارت السابع في..طيفي..راءيتها.. مقيده...بسلاسل..ودموعها... تنساب..على خدها..... في..طيفي..راءيتها.. حزينه..داخل..جدران.. اسيره...سجينه.... حبيبتي...لاتدعي..اليأس.. يدخل..الى..قلبكِ.. اوقدي..شموع..الاملي.. وتذكري..الموعدي.. لرؤيه..عيناك..وبهجتي... اوقدي...شموع..الاملي.. وانتظري..لقاءي.. بفرحاً...ومسرتي... خاطرة #همسات_الذاكرين مو بكيفك اني الي اختار الي ارتبط بي ومااحب أحد يدخل بحياتي بابا صاح ربا وخزرني هادي طفر من مكانه انجبي لج غصبن ماعليج تاخذيه يله كومي ابوي صاح عليه صار صياح وحجي طلعت منهم بس بقيت واكفه ع الدرج ياربي شلون تصفى شيخلصني هسه هذا منين طلعلي اووف ليش متكمل عدي فرحه ليش ياربي اموت وماازوج يوسف نافخ نفسه وشايف روحه شوفه والله انت وسياراتك وفلوسك مابدلهم باظفر أمجد واكفه وادردم شفت امي تباوعلي بعصبية كلت اووو عفتها وصعدت سديت الباب حيل بعصبية حسيت الحيطان اهتزت قفلته من جوه ونمت خليت ع أذاني مخده وتغطيت بقيت ابجي واذكر حجايات أمجد فد مره كلي رباوي من اخلي راسي ع المخده تجين ع بالي وأبقى احلم بيج أحلام اليقظة انتي يمي ومزوجين وعدنا اطفال واسكت هذا وانوم ذاك اضحك وابتسامتي تشك حلكي واصحى من الحلم واغفى وانام واحلم بيج يعني حلم بداخل حلم نايم كاعد احلم بيج وصدك اني هم غفيت ونمت كعدت ع حلم صاعده بسياره وامجد ويوسف يركضون وراي أمجد جلب وصعد ويوسف بقى يتوعد ويصيح فزيت اباوع ساعه 3 بالليل حيييل اني نمت كل هاي الفتره من العصر والهسه حسيت نفسي ميته جوع صار سنه مماكله نزلت مثل الحرامي ادور اكل فتحت الثلاجه لكيت ركيه أخذتها واخذت خبزه خليتهم بصينية جاي خليتهم ع الكااونتر رحت توضيت واخذت الصينيه وصعدت أكلت عبالك اول مره اكل الركيه بارده جانت وبرودتها احسها اطفي نار كلبي أكلت خلصت وراها صليت صلاة المغرب والعشه قضاء وبقيت اقره قرآن لحد مااذن الفجر صليت وبقيت اسبح واستغفر لحد ما طلع الصبح بدلت واخذت جنطتي ونزلت طلعت انتظر الخط شفت هادي من بعيد مصعد ساره ليكدام يمه بالسياره وضحكهم وسوالفهم هزيت أيدي يحلل علي ويحرم على غيره وصل الخط صعدت انتظرنه شيماء شيماء بنفس الشارع مالتنه قريب علينه أبو الخط ينتظرنه اثنينه بنفس المكان دقايق اجت صباح الخير حبيبتي صباح النور شيماء شلونج .. شلوني اكعدي اسولفلج ولج راح انفجر تعالي شوفي الصار بيه خوفتيني شكو لج يوسف ابن أعمي يريد يخطبني يااا وابوج شكال شكال شيماء مو تعرفين عمي حميد الجبير وهو الي يأمر وينهي بالعائلة وكلمته ماشيه علينه كلنه يعني شنوو راح توافقين عليه لا لو اموت مااوافق تعرفين كلبي يم أمجد شلون أقبل بغيره اووف وصلنه خذانه الحجي وماحسينه بالطريق صدك ماكتلج شفت ساره صاعده بسياره هادي يمكن يوصلها للجامعه يبوووي لعد ديري بالج اكيد راح تراقب اليوم الله يستر اليوم أحاول بس بالقاعة احجي وي أمجد لأن محتاجته ضروري لازم احجيله الي صار نزلنه انتظرنه الكل ينزل ونزلنه آخر شي اول مدخلت الجامعه شفت هادي ويوسف واكفين شيماء شوفي شكو شوفي هادي ويوسف الله يستر شعدهم ذول شيماء بس لا منتظرين أمجد ويجوز يراقبوج يردون واذا شافوج وياه يسون مشكله اكيد لعد خلي اراقبهم اني من بعيد ومااخليهم يشوفني وكفت وره دنكه مال جامعه وخليت شيماء تنطيهم ضهارها وتغطيني من صفحه وإني اترقب شنو جاي يسوون شفت أمجد اجه من بعيد صار كالهم سبكوله اثنينهم مااعرف شحجوو وياه وراها لزموه وصياح صار بينهم رحت سريع أريد اسمع شحجوو وياه وصلت أمجد صار مقابيلي وهمه لازميه ووجهم عليه وضهرهم علي يوسف يكله ماريدك توصل يم ربا وهذا آخر تحذير الك سمعت هاي خطيبتي افتهمت لولا أمجد صار عصبي كله شتخربط انت شنو خطيبتك هادي كله هذا ابن عمي والبارحه خطب ربا أمجد كال مو بكيفك ربا الي ومتصير لغيري سمعت ولزم يوسف من قميصه ولو تموت مراح تصير لغيري رأسا يوسف طلع سجين وظرب أمجد ابطنه ووكع بالكاع والدم غطه المكان وللحكايه بقيه #ام_مصطفى | ||||||||
|
| |
|
19-05-19, 05:39 PM
| #9 | ||||||||
| مراقبة عامة ومشرفة منتدى الروايات المنقولة
| #نقطة_ضعفي #ام_مصطفى البارت الثامن اه أمجد كام يرجف جسمي كله من فوك ليجوه مثل السعفة وحسيت الدنيا كامت اتدور بيه وكمت اشوف الواحد اثنين ماحسيت نفسي اله وإني بالسياره وهادي يحجي وي يوسف يكله شسويت يمعود احنه اتفقنا نأدبه مو نقتله ولك انت متحس ماعدك غيره ع اختك شلون يجيب طاريها ع لسانه ولك اني غير متت من سمعته يكول الي ربا وجاب اسمها فقدت أعصابي ماحسيت اله وإني جار السجين وضاربه تعرف شنو ربا هاي بنت عمي من لحمي ودمي تريدني اعوفها للغريب وإني جنت انتظرها يوم يوم تكبر تالي يجي هذا الحافي المهتلف يأخذها ع الحاظر والله اقتله واشرب من دمه لك اني أحبها لربا وعمري ماصارحتها وتقربت منها اخاف عليها من نفسي هادي كله عوفنه هسه من هالحجي شلون شراح نسوي خاف يشتكي علينه لاتخاف اني راح اروح يم صديقي للموصل لحد ماتهدأ الأوضاع اكيد ابوي راح يحلها بكم فلس وحتى إذا مات هم يفصل الهم هذول فكور بكلشي يقبلون اني اسمع الهم واشهك بجي بسكوت شنو من بشر هذا هيج عنده قتل البشر عادي لا وجماله يكول أحبها ليش الي مثله يعرف الحب شنو وكفت السياره عرفت وصلنه لبيت نزلو فتحو الباب وهادي يكلي كومي اكعدي فضحتينه ولج اني اعلمج يوسف يكله بداعتي لاتأذيها ولا تحاجيها كلنه نغلط قابل بس هي جرني من أيدي فتحت عيوني بوجها متروسه دموع كال هاك شوفه كاعده جانت وتبجي كلشي مبيها جرني حيل ونزلني ودخلت جوه تلكتني امي ها شصاير خير باوعت علي شبيج شمصخمه ولج كال هادي بنت فضحتنه اله اقتلها واخلص رحت صعدت لغرفتي ركض وقفلت الباب وراي واسمع صار حجي جوه وصياح صعد عماد فوك كال افتحي الباب فتحته اله كال اليوم اقتلج واخلص من عارج ولج شهرتينه تالي عمرنه ندخل مراكز شرطه بسسبج ويجوز اسجون امي صارت كبالي كالت الي يمد ايده عليها اكسرها اله شنو سوت البنيه مسوت حرام زميلها جاي يخطبها عيب لو حرام بعدين الحمد لله من عرفت حقيقة يوسف من هسه شنو مجرم لو رئيس عصابه شنو ضارب الولد ع اي اساس غير من وره بنتج وفضايحها كلتله انزل جوه وبله حجي زايد يجي ابوك وهو يصرف اجه ابوي سمعوا صوته نزلوا صار عصبي وبه يصيح ضرب هادي شنو عصابه خابر ع عمي حميد كله رايح للمستشفى الحكني هناك بلكت نحلها بله مراكز رجعت قفلت الباب كمت ابجي يارب نجيه وطلعه سالم يارب يتيم وبركبته عاليه معيشها ربي انت جاهي مالي غيرك أتوجه اله ربي كومه بالسلامه كله من وراي اني السبب اني دخلت ح ياته وسببتله هاي المشاكل لازم اخلصه مني ركضت الكنتور فتحته ادور ع شي اضرب نفسي بي ملكيته رحت فتحت جراراه لكيت علبة مال أدوية كمت افتح واجمع حب وكبسول وكمت ابلع بيهن وحده وره الخ لحد ما كامت معدتي تكلب وتفور ولعبت نفسي كمت اتقيأ واختنكت فتحت الباب كمت اتقيأ بصوت يم الدرج صعدو اهلي مااشوف أحد بس أحس اختنكت وروحي طلعت وعيوني طكت اسمع صوت امي بعيد علي وتصرخ وراها محسيت اني بالمستشفى فتحت عيوني ع صوت دكتور كلي الحمد لله على سلامتج باوعت مغذي بيدي وحدي بالغرفه شفت هادي دخل كمت اصرخ وخر مااريد أعيش أريد اموت مااريد اشوفكم اكرهكم كلكم الدكتور كله تفضل اطلع بره وماريد أحد يدخل عليها بعد رجائا وراح اكتب تقرير انو حاولة تنتحر والشرطة اكيد راح تحقق وياكم وهسه مااريد أحد يدخل عليها أبد ضربني ابره بالمغذي ونمت عليها كعدت ع صوت تالا رباوي كومي حبيبتي شصاير بيج ليش هيج تسوين بنفسج كتلها ربا أمجد شصار عليه كالت لاتخافين أمجد زين اتعده مرحلت الخطر وال ما صحى من البنج كام يصيح باسمج وابوج جان موجود هناك وقسم من الطلاب وأهل أمجد واحنه كلنه شهدنه ع يوسف هو الي اتهجم ع أمجد وضربه تالا هسه أمجد وين بالمستشفى لو طلع لج طلع قبل ساعه البارحه جان هنا بنفس هاي المستشفى وجنت واكفه | ||||||||
|
| |
|
19-05-19, 05:41 PM
| #10 | ||||||||
| مراقبة عامة ومشرفة منتدى الروايات المنقولة
| بارت التاسع نقطه ضعفي ام مصطفى وكفت يم صالة العمليات وشفت امج وعماد جايبيج لهنا تصدكين بجيت عليكم شنو ذنبكم اذا هو متقدملج بالحلال ليش هيج اهلج سوو بيه تالا فدوه خابري عليه أريد اسمع صوته جرت التليفون وخابرت طلعت أمه منو خاله أمجد موجود أريد اطمن عليه منو انت اني تالا زميلته بالجامعه اها عبالي غير وحده هسه ادخل التليفون اله دقايق وحجه الو هلو تالا شلونج شلونك أمجد شلون صرت زين الحمد لله احسن كوه يحجي تالا رباوي شلونها أمه حجت عوفها مااجتنه بس المشاكل منها كالها يوم رجائا اطلعي وسدي الباب كتله أمجد ربا تريد تحجي وياك وتره حالها مثل حالك حاولت تنتحر وهسه نايمه مستشفى نفسيتها تعبانه كلش أخذت التليفون منها كوه طلعت الالو مني أمجد شلونك اني اسفه كمت ابجي واشهك كال رباوي شبيج مابيه شي اني لاتخافين المهم انت بخير اني بخير أمجد اني السبب سامحني اني لازم اطلع من حياتك كال انت شتحجين هو انتي حياتي كلها كمت ابجي إنساني أمجد احسن عيش حياتك كمت احجي بحركه أحس نار تطلع من كلبي وإني اكوله عوفني مااحس اله شمرت التليفون واصرخ واملخ بنفسي عوفني عوفني اني ليش ماتت مااريد أعيش تعبت نزلت رأس اهلي واذيت أمجد تالا عافتني وركضت جابت دكتور كال شصار انتي كلتي صديقتها وسمحنالج تفوتين الها شصار حتى هيج تعصبت دكتور مصار شي وحدها كامت تعيط اجتي الممرضات لزموا أيدي وضربوني أبر كمت اشوف تالا مغوشه لليل واسمع صوت أمجد يصيح أريد أفوت وخر صوتك....صدى...في. داخلي... اه...ثم..اه..تحرقني... آلمك....اصاب...ضلوعي... فبكيت....قبل..ان ..تبكي..عينك.. لا..اخفي..حبك..ولن..اقدر..؟؟ وهل..تخفي ..السماء...البدري؟؟؟؟ ناديتك...حبيباً. ..في..غربتي.. فلا....انيسا..لي. ...في...وحدتي... سكنت...العبرات.... ..فؤادي.... انين...دمعتي.. ..اسمع..العالم.... فهلم...الي...واطفي ..نيران...ألمي.. و...اعد...لي...فرحتي...واحلامي.. . خاطرة #همسات_الذاكرين سمعت صوت أمجد أريد أفوت وخر بس اطمن عليها اسمع صوت عماد يغلط ويصيح بصفتك منو وتفوت بره بله مشاكل مقدر تره وضعك الصحي هسه وآله جان الي تصرف ثاني كله مو مهم سوي الي تريد اسوي بس خلي اطمن عليها حجيهم كلش واضح جان واسمعه حسيت راح يأذي أمجد من جديد والمره يجوز ماينجى منها كمت شلعت المغذي حيل وركضت فتحت الباب جان ضهر عماد ع الباب يحاول يمنعه وامجد مقابل الباب يحاول يدخل من فتحت الباب أمجد كال رباوي دفعه عماد ودار وجهه علي فوتي جوه يله ودفعني اني هم وكعت للكاع بقينه اثنينه ع كعدتنه بس واحد يباوع للثاني بألم أمجد لازم مكان العمليه بيد وايد متجي بيها ع الكاع وخر ايده الي بمكان العمليه شفت دم بيها كمت اصرخ واصرخ ماذكر شكلت بس اذكرت الدم الي طلع من أمجد وقت ضربه يوسف التم الكادر الطبي ع صوت صراخي كوموني الممرضات وفوتوني أذكر جنت ادفع بيهم عوفوني أكلهم بعدها صار دوران عندي وجسمي بده يرخه وصار ضلام وصوت دووووي بقيت ع ها لحاله أسبوع كامل لحد ما فد يوم بابا دخل علي كال شلون صرتي بابا كمت ابجي كعد بصفي كعدت حضنته بابا سامحني والله مسويت شي كال بابا انت سامحيني حبيبتي اني وافقت ع أمجد وبس اطلعين من المستشفى نسوي خطبه وعقد فديوم بابا اني أهم شي اشوفج مرتاحه ومدام هذا اختيارج الله يسعدج حبيبتي وامجد يستاهلج صدك يحبج شفته شلون يحجي ويصيح باسمج من طلع من البنج وحتى بالتحقيق سجل قضيته ضل مجهول وتنازل حسيت هذا الإنسان هو الي راح اطمن عليج وانت يمه كلش فرحت من سمعت حجي ابوي رجعت نمت بحضنه اشكرك بابا انت احسن آب بالدنيا يله لعد شدي حيل واطلعي منا ورجعي رباوي الاعرفها القويه أن شاء الله بابا اندك الباب بابا كال تفضل دخلت شيماء وتالا كلش فرحت من شفتهن سلموا على بابا وابوي كال اني طالع أخذوا راحتكم تالا كالت ماشاء الله اليوم امبين عليج كلش زينه لا والضحكه شاكه حلكج كتلها اكيد اضحك بنات وأخيرا بابا وافق ع أمجد وبس اطلع راح يسوي خطبه الف مبروك كالوا تستاهلون كالت شيماء يله لعد شدي حيلج واطلعي هسه أمجد ع نار😉 هههههههههههههههه ضحكنه كولنه ثاني يوم الدكتور سجلي خروج بعد مااتفاجئ بتحسن حالتي بين يوم وليله كال ماكو داعي باقيه كلش زينه صرتي وبقى يحجي هواي وياي وينصحني انو مااكدر حالة الانتحار طلعت للبيت وجبت فرحتي شكبرها وياي ثاني يوم بابا طلب من امي تاخذين تشتريلي فستان للخطبه كال حددنه باجر الخطبه طرت من الفرح جان اكو اتصال بين ابوي وامجد هيج عرفت من امي رحت وي امي للسوك واخذت نفنوف جان لونه بمبي وردي طوخ طويل مخصر ردن وبي تول بالصدر وردانه هم تول وبي فصوص شذر ابيض واخذت كعب ابيض عالي كلش فرحانه جنت ثاني يوم رحت صالون ومكيجت مكياج خفيف كولش ونزلت شعري وشلت المقدمه من شعري سويته بف والباقي عفته مفتوح لبست الفستان طلع يخبل علي اني معرفت نفسي جنت اول مره احف وامكيج رجعت ساعه وحده للبيت جانو البنات وياي شيماء وتالا كلش فرحانين اجه عماد علي أخذني للبيت بقينه ننتظر للساعة 2 الظهر كالوا اجو مدري شصار بيه كمت ارجف البنات يباوعلي ويضحكون عيني اليوم أمجد بس يشوفج كلج باجر نزوج هههههه ويضحكون ابتسم وياهم بس كلش خايفه ومتوتره دخلن نسوان باعوم علي ماشاء الله عرف يختار أمجد حجت مرت عمه بعدين اتعرفت عليهم إخوانه اثنين وامه ومرت عمه وجوارينهم أمه سلمت علي وبوستني بس حسيتها بيها شي وره ربع ساعه كالوا هلهلوو خطبوا كامن يهلهلن ويذبن جكليت ويهوسن هاي الرادها وهاي التمناها صاحو السيد يريد يعقد الهم لبسوني مال صلاة ودخلت لغرفة امي ودخل ابوي والسيد وامجد كلشي مشفت جنت مدنكه ومغطايه بقماش ابيض السيد بده يحجي العقد وكال هل توافقين لامجد لك بلا تردد كلت نعم أوافق كمل العقد كال الف مبروك طلع السيد وطلع ابوي كال لامجد أخذو راحتكم وسد الباب جر مني القماش رفعت راسي نزعت مالت الصلاة تفأجى احسه بيه اول مره يشوفني بلا حجاب كال وأخيرا صرتي حالالي الف الحمد لله والشكر دنك سجد سجدة الشكر وراها كال نذر ونذرته اول مااعقد اسجد ابيتكم سجدة الشكر كال بس كليله شطالعه كيك ابتسمت بخجل ودنكت فدوه للخجلانه تره مااتحمل بعد خلي نزوج باجر باوعت اله 😳هيج شتحجي كال اي والله مااتحمل أريد اليوم قبل باجر اخذج يمي أمجد كافي تره اخجل اندك الباب دخلت أمه كالت كوكو للصاله البس الحلقات طلعنه وصار الجكليت فوكانه مثل المطر وهلاهل وصفكات عيني وشيماء وتالا عبالك اخوات العريس يهوسن ويركصن جابو علبة الحلقات فتحهن اول مابده يلبسهن أيدي كامت ترجف اول مره يلزم أيدي كمت ارجف بعدها لبسته الحلقه واخذونه صور تالا جانت جايبه كأمره وتصور خلصت الخطبه وطلعوا بقى أمجد آخر واحد كال مااريد اعوفج أريد اخذج من هسه مااريد اعوفج ضحكت كتله أن شاء الله أيام ومانتفارك بعد فرحتي جانت شكبرها طلع أمجد وراها رجعت ادوام قررنا من تخلص ها لسنه نزوج اولا لأن أمجد يريد يبني غرفه ثانيه فوك النه ويحاول يجمع فلوس العرس والذهب والنيشان وهاي السوالف وثانيا اني اخلص ها لسنه أحلى فتره ومرحه عشتها وي أمجد فترة الخطوبه عيشني صدك اميره ويحبني ويغار علي كولش اجت آخر السنه وامتحنت ونجحت وامجد كدر يبني ويخلص ويأثث الغرفه ووقررنا هذا الأسبوع العرس الشمعه تحترق مره واحده.. لكي تظيء... وانا اشتعل في كل... مره لكي اراك.. اشرقت شمس نهاري.. وانير...دربي....بعد ظلمتي... كتبتُ....قصه..حبي.. على..اريج..من..الوردي.. بااحلى...الالواني....واجمل.. الكلماتي... متى...اراك..وتراني.. يا..من..سكن..الفؤادي... و.ادفئت..احاسيسه. .برد..شتائي.. وذوبت....احضانه. ..ثلوج..عشقي.. واطفئت...كلماته. ..كل..بركاني.. خاطرة #همسات_الذاكرين | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
