آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
21-05-19, 08:04 PM
| #11 | ||||||||
| مراقبة عامة ومشرفة منتدى الروايات المنقولة  
|  مرحب شحالكم يا مشاهدين اقصد يا متابعين عساكم بخير يا مرحبابكم الساع احم احم اليوم يبت البارت العاشر وباقي 11 و12 وتخلص قصتنا لوول عسب جيه قررت اني احط ال11 عقب 3 ايام وال12 اول ايام العيد يعني هاي عيديتي لكم عقب بحد يقول ما عطيتيني عيديه لوول يلا بخليكم ويا البارت بس قبل لا تقرونه هاتوا علبه تيشو ( يعني كلينكس لوول) ترى احتمال تصيحون انا مالي خص حذرتكم لوول يلا نبدأ أكــــــــــــــــــــشن الجزء العاشر بوشيخه: شويخ شويخ: هلا ابويه بوشيخه: شفيج يا بنتي من اول ماقلت لج الموضوع وماسمعت لج حتى نصخ شويخ: لا ماشي بس انا تفاجآت بالموضوع بوشيخه: ماعليه يا بنيتي وشرات ماقلت لج خذي وقتج فالتفكير وطبعا شويخ الحين عرفت ليش سعيد طلع من العزبة وليش هو متضايج بعد ماوصلوا البيت دخلت شويخ حجرتها وتمت تصييييح وشوي يتصل سعيد سعيد: مرحب شويخ: اهلين سعيد: شويخ شو فيج ليش تصيحين؟ شويخ: ابوي خبرني يا سعيد الموضوع اللي زعلك وظهرك من العزبة سعيد:......... شويخ: سعيد ليش ساكت لا تسكت دخيلك يكفيني اللي فيني سعيد: يعني شو تبيني اقولج يا شويخ هذا بعد من اهلكم والريال مايعييبه شي واذا رفضتي كلهم بيسالونج ليش من غير الحساسيه اللي بتستوي بين عمتج سلامه واخوها شويخ: ويعني تباني اوافق؟؟؟ سعيد: اكيد لا انتي اذا خذيتي حد غيري انا بموت شويخ: بسم الله عليك يعل يومي قبل يومك سعيد: لا تقولين هالكلام شويخ دخيلج لا تعذبيني اكثر شويخ: الحين شو اسوي سعيد: ماعرف والله وبعدين انتي فكري فالموضوع وهم تراهم مب مستعيليين عالرد شويخ: سواء رديت عليهم الحين ولا عقب اسبوع تراني رافضه رافضه سعيد: ولو سالوج عن السبب شويخ: بقولهم ما افكر فالزواج الحينه سعيد:يا شويخ هذا مب عذر شويخ: وشو تباني اسوي المهم اني برفض بكل الاحوال وابوي ما بيغصبني على شي انا ما اباه سعيد: ان شاء الله اهلج يتفهمون هالشي شويخ: مدام ابويه وياي انا ماخايفه من شي وابويه مايرفض لي طلب سعيد: نزين بس لا تردين على ابوج بسرعه لانه بيشك فالموضوع ردي عليه عقب اسبوع شويخ: ان شاء الله سعيد: نزين يلا فديتج الحينه بسير ارقد تامريني بشي شويخ: سلامتك فديتك سعيد: يلا تصبحين على خير شويخ: وانت من اهل الخير سعيد: مع السلامه شويخ: ربي يحفظك طبعا طول الاسبوع وسعيد وشويخ على اعصابهم خايفين من ردة فعل اهلها وشهوده بعد كانت تحاتييهم بعد الاسبوع يت شويخ ترمس ابوها شويخ: مرحبا ابويه بو شيخه: مرحبتين بشيختنا شويخ: شحالك ابوي بوشخه: يسرج الحال ومن صوبج بنيتي شويخ: الحمدلله نشكر الله بوشيخه: امري بنيتي شكلج تبين تقولين شي شويخ: هيه يابوي ابا اجاوبك عالموضوع اللي كلمتني فيه بوشيخه: على موضوع حميد صح شويخ: هيه صح بوشيخه: نزين قولي شويخ: ابوي انا مب موافقه بوشيخه: ليش يا بنيتي انتي شفتي شي شين منه شويخ: لا حشى والله يبوي الريال مافيه عييب وماشاء الله عليه ريال والنعم والف بنت تتمناه بوشيخه: وانتي ما تتمنينه شويخ: بصراحه يبوي انا ما اصلح له وماكنت افكر فيه كزوج لي وبعدين يبوي انا ما افكر بهالشي الحينه بوشيخه: ههههههه مب لازم كل هالاعذار خلاص عرفنا انج ماتبينه وبعدين يا بنيتي انا ما بغصبج على شي ماتبينه شويخ: فديت اللي يفهمني انا بس يابوي اخاف بوحميد يزعل منك ولا من سلامة بوشيخه: لا يابنيتي لا تخافين ترى الزواج قسمة ونصيب ومااعتقد انه الاهل بيتزاعلون بسبب هالشي شويخ: الحمدلله ريحتني خلاص عيل انا الحين بروح ابويه تامرني بشي بوسيخه: سلامتج شويخ: الله يسلمك وراحت شويخ وهيه مرتاحه من كلام ابوها طبعا الاب رد على بوحميد وبوحميد ريال متفاهم وفهم الموضوع زين وترى الزواج قمسة ونصيب وحميد ماله نصيب فشيخه وحميد فالاصل ماكان يبى شيخه كزوجه له بس سلامة عمته تمت تمدح فيها وهو لانه مايحب حد ومايفكر فالبنات اصلا قاللهم شوركم وهدايه الله وهم كلموا بوشيخه يعني الحمدلله فالموضوع هذا كله محد تاثر ومحد زعل *_* عقب اسبوعين بدت الجامعه وردت شويخ وشهوده حق دوامهم وكالمعتاد نفس البريكات وكل شي وكانت هاي السنة قبل الاخيره عن لا يتخرجن عدى الكورس الاول بحمد وسلام وعلامات شهوده وشويخ كانت حلوة والبركه فسعيد وسواف هههههههه كانوا دايم يشجعونهم على الدراسه وطبعا فيه اجازة بين الكورسين وبدت هالاجازة وشويخ وشهوده مستانسات كله طلعات برى وحواطه ولعب ويا عيال محمد وسالم *_* فيوم من الايام اللي ماكان حد يتوقعه بوشيخه: سلامة سلامة: امر بومحمد بوشيخه: عيالي وين سلامة: محمد وسيف هنيه وشويخ فبيت شهوده بوشيخه: ناديهم لي وانتي روحي شوفي ترتيب الغدى سلامة: ان شاء الله راحت سلامة ونادتهم له وراحت تشوف ترتيبات الغدى سيف ومحمد: السلام عليك يابويه بوشيخه: وعليكم السلام ياعيالي شحالكم سيف ومحمد: نحمد الله يابوي ومن صوبك بوشيخه: الحمدلله نشكر الله محمد: امرنا يابويه بوشيخه: مايامر عليكم عدو ولا ظالم ياعيالي حبيت اكلمكم فموضوع محمد: تفضل يابوي نسمعك بوشيخه: انا حاس ياعيالي انه يومي قرب محمد وسيف: بسم الله عليك يابويه لا تقول هالكلام بوشيخه: اسكتوا وخلوني اكمل كلامي محمد وسيف: ان شاء الله بوشيخه: ومابوصيكم فهالبيت اباه شرات ماهو ماتغيرون فيه شي وتتصرفون وكاني موجود فيه وما اباكم تقصرون لا فسلامة ولا فشويخ ولا فالخدم حتى واهم شي ياعيالي شويخ تراها فذمتكم من بعد عيني ماباكم تضايقونها ولا تغصبونها على شي ماتباه واباكم قبل لا تزوجونها تتاكدون من الريال ومن انها موافقه عليه وهالله هالله فيها وفعيالكم وحريمكم وانت ياسيف هالله هالله فعمرك بعد واختار لك الزوجة الصالحه اللي بتكون سند لك فالفرح والحزن سيف: ان شاء الله ابويه بوشيخه: بس هذا اللي كنت ابا اقوله لكم سيف ومحمد سكتوااا وعقب يت سلامة تقولهم انه الغدى زاهب بوشيخه اتصل على شويخ لانه مايبا يتغدى الا وهيه موجوده بوشيخه: هلا بنيتي شيخه: اهلين ابويه بوشيخه: وين انتي شيخه: فبيت شهوده بوشيخه: يلا نزين تعالي نبى نتغدى ونترياج شيخه: ان شاء الله مسافه الطريج ويت شيخه وتغدوا كلهم مع بعض وعقب الاب رمس شويخ وقاللها شرات ماقال حق خوانها طبعا شويخ تمت تصيح وماتحملت كلام ابوها وابوها يقوللها: لا تصيحين يابنيتي ترى الموت حق ولا اعتراض على حكمة رب العالمين وكل مابغيتي شي اطلبيه من خوانج وهم مابيقصرون وياج واعتبري سلامة امج وشاركيها همومج واحزانج شويخ وهيه تصيح ان شاء الله يابويه كان هالكلام كله يوم الخميس وعقب اسبوع ويوم الجمعه بعد صلاة الجمعه طبعا الكل يتجمع فبيت بوشيخه ( اقصد بالكل بيت قوم سعيد وبيت قوم شيخه) بعد الغدى بوشيخه راح يرقد والباقيين يسلوا يسولفون على صلاة العصر راحت سلامة توعي بوشيخه عسب ينش يصلي وحدث مالم يكن فالحسبان بوشيخه توفى هالحدث استوى كالفاجعه خاصه على شيخه شيخه من قوى الصدمه اللي استوت طاحت فالمستشفى شهر فغيبوبة والباقيين كانوا متاثرين بداية الايام بس عقب كانوا لازم يكملون حياتهم والموت حق وكلنا بيي لنا يوم وبنموت وبنرحل من هالدنيا طبعا الكورس الثاني بدى وشويخ بعدها فغيبوبه فراحت شهوده وقدمت لها ولشوويخ انها توقف هالكورس لانه وحتى لو شيخه صحت بعد هالشهر شرات ماقالوا الدكاتره حالتها بتكون صعبه ومابتساعدها عالدراسه فالشهر شيخه فغيبوبه مب داريه عن الدنيا وكل مره حد يبات وياها مره شهوده ومره سلامه ومره سيف ومره حرمت محمد عقب شهر طلعت شويخ من الغيبوبه والكل فرح لما شافها انها بصحه وعافيه بس شويخ مانست ابوها وطبعا ماراح تنساه هيه كانت اقرب حد لابوها قبل وبعد وفاة امها حتى سلامة حرمته ماكانت قريبه منه شرات شويخ الكل كان يشفق عليها وحالتها صدق تكسر الخاطر بس محد بايده يسوي شي يحاولون انهم ماييبون طاري ابوها ابدا لها بس هالشي مايعني انه هيه ماتفكر فيه بس هم يحاولون انهم يخلوها ترد لحالتها وتعيش حياتها وتؤمن بانه ابوها ماعاد له وجود فالدنيا طبعا هيه تشتاق له وايد وكل ماتشتاق له تروح حجرته وتيلس تقرى قرآن وتصيح وكان الكل يوقف وياها كانت شهوده دايم وياها ماتفارقها الا وقت الرقاد وسيف ومحمد وحرمته يحاولون بعد انهم يتمون وياها اغلب الوقت عسب ماتحس بالوحده بعد وفات ابوها تموا الكل على هالحال يمكن 6 شهور وعقبها بدت الجامعه وطبعا شويخ خلاص كان لازم ترد تداوم هيه وشهوده وهالسنة اخر سنة لهن وهن بيتخرجن عالكورس الثاني بدى الكورس الاول وكانت شويخ تحاول تدرس زين عسب تحقق الشي اللي كان يتمناه ابوها وهيه انها تتخرج بدرجه امتياز وطبعا هيه بعدها ترمس سعيد عالتلفون وشهوده ترمس سواف مره من المرات دخل سواف حجره شويخ وهيه كانت تاخذ شاور ( تستحم يعني لوول ) ويلس يترياها فحجرتها شوي ويرن تلفون شويخ وهو من الفضول راح يشوف منو اللي متصل على باله شهوده راح يشل التلفون وشاف مكتوب ( نبض قلبي يتصل بك ) انصدم سواف ومن قو الصدمة رد بسرعه ومارمس نبض قلبي: هلا حبيبتي سواف من سمع انه صوت ريال سكر فويهه ومن قو الصدمه مالاحظ انه هالصوت صوت سعيد كان معصب لدرجه فضيعه ماحد يتصورها وشوي تظهر شويخ من الحمام واول ماظهرت كانت يالسه تنشف شعرها وسيف من العصبيه ماترياها تخلص مطها من شعرها وشويخ منصدمه من سواف وماتعرف ليش هو يالس يسوي هالشي سواف: منو هذا نبض قلبي هاه ردي يابنت حمد العامري ردي منو هذا هاه عسبت هذا الصايع انتي ودرتي حميد الريال اللي مافيه احسن منه وسودتي ويهنا جدام اهله وشويخ تصييح بصوت عالي ويت حرمة محمد تركض وتحاول انها تحايز بينه وبين اخته وهيه منصدمه لانها اول مره تشوف سيف معصب جيه ويضرب اخته ومحمد ماكان موجود فالبيت شويخ نزف دم من خشمها من كثر الضرب وقالت له بعصبيه : لو ابوي كان عايش ماكنت تقدر تلمس شعره مني سيف من سمع هالشي تذكر كلام ابوه وهو يوصيه فشويخ وتم يرن فذهنه بطلها وطلع من البيت بسرعه وهو معصب حرمت محمد تمت تهدي فشويخ وتحطلها كمادات على مكان الضرب سواف كان وايد معصب راح المبزرة فوق ويلس بروحه وهو يتذكر كلام ابوه ويصيح: اسمحلي يابويه اسمحلي غصبن عني ماكنت اقدر اسمع اللي سمعته واشوف اللي شفته واتم ساكت وهذي اختي وانا اخاف عليها ومن خوفي عليها سويت هالشي اسمحلي يابويه وشوي وتتصل شهوده ورد عليها سواف سواف: الوه شهوده طبعا تعرف شو اللي صار شهوده: مرحب سواف: اهلين شهوده: شحالك بوهناد سواف: مب بخير شهوده: خير شو صاير سواف: شويخ ياشهوده شويخ شهوده: شو فيها سواف: تبى توطي راسنا بالارض شهوده: سواف استهدى بالله شو هالرمسه شويخ اختك وتربية ابوك الله يرحمه انت تصدق انها تسوي هالشي؟؟ سواف:بس ياشهوده انا شفت الاسم اللي مكتوب وسمعت انه ريال شهوده: نزين ياذكي ويوم انك سمعت صوت الريال ماعرفته منو؟ سواف شوط: نعم؟؟؟ شهوده: سواف بقولك شي بس لا تعصب الريال اللي سمعت صوته لانك كنت معصب ماميزته الريال اللي تكلمه شويخ هو سعيد اخوي سواف: نعم؟؟؟ سواف شو بيسوي بعد ما عرف انه اللي ترمسه شويخ هو سعيد ؟ سعيد شو بيكون موقفه وكيف بيبرر هالشي حق سواف انه خبى عليه شي بهالخطورة؟ شويخ شو بيكون موقفها وبترد ترمس اخوها ولا لا عقب اللي سواه فيها؟ شهوده شو بيكون موقفها من هالشي وهل هيه بتدخل فيه ولا سواف بيقولها انتي مالج خص ؟ سواف بيتضارب ويا شهوده لانها تعرف وخبت عليه هالشي؟ كل هالاسئلة بتلاقون اجوبتها فالبارت الياي اللي باذن الله بنزله يوم السبت ^_^ | ||||||||
|  |
|
21-05-19, 08:06 PM
| #12 | ||||||||
| مراقبة عامة ومشرفة منتدى الروايات المنقولة
| مرحب شحالكم شخباركم علومكم احم احم مرحبابكم الساع فالبارت قبل الاخير ^_^ ان شاء الله يعيبكم وطبعا ترقبون النهايه على حماس لوول بس ماعليه تحمسوا وين البروبلم البارت الاخير ان شاء الله فاول ايام العيد العصر لوول *_* المهم بخليكم ويا البارت احم احم دفوشه البارت شوي قصير لانه الباقي كله فالنهايه لوول المهم الجزء الحادي عشر طبعا سواف انصدم من اللي سمعه شهوده: هي ياسواف هذا اخوي سعيد سواف: ومن متى هالكلام؟! شهوده: من زمان من قبل لا ارمسك سواف: ياسلام شي طيب الصراحه اقولج انا بسكر الحينه شهوده: وين بتسير سواف: انتي ماعليج مني وين بسير شهوده: نزين ابا اعرف وسمعت صوت طوط طوط ( سواف سكر فويهها ) سيف من العصبيه ماشاف حد اتصل حق سعيد سعيد: هلا بوهناد ( طبعا سعيد ماكان يعرف شي عن السالفه) سواف: سعود انت وين سعيد: بل حشى لا سلام ولا كلام سيده سعود انت وين سواف: سعود انت وين سعيد: انا فالعين مول ويا الشله سواف: خلاص دقايق واكون عندك وسكر على طول من دون مايسمع سعود شو قاله شهوده فهالوقت كانت تتصل بسعود بس هو ماكان يرد عليها لانه ويا ربعه ومايبى يرمس اخته جدامهم دقايق ووصل سيف وشاف سعود ويا الشله يالسين سواف: السلام عليكم الجميع: وعليكم السلام حي الله بوهناد سواف: سعيد تعال شوي ع صوب اباك فموضوع الكل سكتت وماعلق عالموضوع لانه مبين على سيف انه معصب وايد نش سعيد وراح هو وسيف فمكان ابعد شوي عن مكان الشله سعيد: خير سواف شو صاير لك شكلك هب طبيعي سواف: وبكل قواة عين تسالني شو صاير؟ سعيد: ليش انا شو مسوي؟ سواف: وبعد تسالني شو مسوي وجنك مب مسوي شي سعيد عصب ورفع صوته: سوافوه قول شو صاير بلا لف ودوران سواف: اللي صاير ياولد العم انك تكلم اختي من ورايه بس هذا اللي صاير وانا يوم اني حبيت اختك قلت لك اياها فالويه ماحشمت لاني اعدك شرات اخوي واعز ربعي صارحتك عسب ماتنصدم عقب بس انت شوف شو سويت تكلم اختي ومن قبل لا اقولك بعد اني احب شهوده وانا فخبر خير الكل يدري وانا شرات الاطرش فالزفة وحتى يوم هيه رفضت حميد نحن قلنا ماعليه يمكن هيه صدق ماتفكر فالزواج احينه بس هيه كانت تباك انته وماتبى حميد سعيد من الصدمة سكت ماعرف شو يقول او كيف يبرر موقفه لانه صدج كان غلطان ولو سواف سوى فيه نفس هالحركة مابيعيبه سواف: اشوفك ساكت اصلا شو بتقول مافي عندك شي بتقوله بس ياحسافه وربي ياحسافه ونش سواف عنه وراح على طول حتى من دون مايسلم عالشله الشله مستغربين اول مره سواف يكون معصب جذا وانه يروح حتى من دون مايقولهم فوداعه الرحمن وسعيد ساكت وصاخ وماعرف شو يسوي وكلهم يسالونه شو صاير يقولهم ماصاير شي عقب نش سعيد واستاذن من ربعه وراح البيت شهوده كانت تتصل حق سواف بس كله مغلق خافت واتصلت على شويخ بس شويخ قالت لها انه للحين ماوصل البيت واول ماوصل سعود البيت سالته عن سواف اذا كان عنده ولا شافه وخبرها شو صار وقاللها انه ماشافه ولا رد يتصل له هالليله كلها محد رقد سواف كان رايح المبزرة ويالس بروحه ويفكر بالشي اللي سواه صح ولا لا طبعا الشي اللي سواه سواف محد يقدر يلومه لانه خايف على اخته ولانه بعد اللي سواه سعيد مب صح انه يخبي على سواف بعد لو انه حد غريب مب مشكله بس هذا ولد عمه ويعتبره ربيعه كيف مايقوله ويخبي عنه وجنه يالس يسوي شي غلط شهوده مارقدت وطول الوقت تفكر فسواف ووين ممكن يكون ااذا ماكان فالبيت سعيد مارقد ويالس يفكر كيف بيبرر موقفه جدام سيف وشويخ كانت تحاتي اخوها وسعيد لانه اليوم ماسمعت صوته ابد وماكلمته كلهم على هالحال الساعه 5 الفير الكل صلى وراح يرقد الا شهوده وسيف سيف اول ماخلص صلاه فتح تلفونه وشاف الرسايل اللي مطرشتنهن شهوده وطرشلها مسج: انا بخير لا تحاتين مافيني شي والحين برد البيت وبرقد سمحيلي بس مالي خاطر ارمس حد شهوده تفهمت الموقف ومااتصلت بس زين انها تطمنت عليه وعقب رقدت واليوم اللي عقبه الكل مرتبك والكل يحاتي ردة فعل سواف بس هو كان راقد على كثر ما تعب البارحه ولانه ماكان راقد ونش على صلاة العصر نش وهو رايق يعني هدى شوي عقب سالفه امس شاف تلفونه لقى 20 مكالمه من سعيد و3 مسجات نش وتسبح وتلبس وراح يصلي وعقب اتصل حق سعيد سعيد اول ماشاف رقم سواف فز فزة ورد بسرعه سعيد: هلا هلا سواف سواف: اهلين بوعسكور علومك ( هنيه سعيد ارتاح شوي) سعيد: يسرك الحال ومن صوبك سواف: ترتوبيشن سعيد: انت وين سواف: والله توني ناش وراد من المسيد حتى ماتغديت ولا كلت شي سعيد: خلاص عيل انا عازمنك تزهب دقايق وامر عليك سواف: خلاص ترتوب يلا نتلاقى سعيد: مع السلامه وسواف راد البيت شاف شويخ وبعده ويهها احمر من ضرب البارحه وشوي متورم سواف: شويخ شحالج شويخ:................. سواف: فديتج سمحيلي تراني البارحه عصبت وتضايجت وكانت واصله حدي ماشفت حد جدامي ومن حقي بعد تراني ما سويت هالشي الا اني اخاف عليج وابا مصلحتج شويخ: لا عادي مسموح انا الغلطانه اللي ما خبرتك سواف: لا مب انتي الغلطانه مافي بنت بتصارح اخوها بهالشي سعيد الدب هو الغلطان وعطيته دوره والحين عازمني عالغدى اكيد يبى يستسمح بس انا راح اقهره شوي شرات هو ماقهرني البارحه شويخ: هههه غدى هالحزة وبتقهره لوول عندك اياه سواف: غريبه وقفتي وياي ضد حبيبج شويخ: انا تراني بعد البارحه تضايجت لانك انت انقهرت انت اخوي وتاج راسي ومالي حد غيرك انت ومحمد من عقب وفات الوالد سواف: الله يرحمه ويغمد روحه الجنه نزين انا بسير الحين اكيد هو برع يالس من الصبح يتصل شويخ: الرب حافظنك وركب سواف السياره وراح ويا سعيد طبعا طول الدرب سوالف بس لا سعيد فتح الموضوع ولا سواف عقب الغدى سواف: انا اعرف انك ما عازمني ع سواد عيوني عازمني عسب تستسمح من البارحه صح ولا انا غلطان؟ سعيد: هيه صح ياولد العم السموحه منك انا وربي ما كنت اقصد اني اخبي عليك بس انا ماشفت انها يت الفرصه المناسبه اني اخبرك والصراحه كنت خايف من ردة فعلك سواف: شو يعني بتكون ردت فعلي عيل انا خبرتك عن شهوده ولا هذا معناته اني اثق فيك وانته لا سعيد: لا حشى والله اثق فيك وانت ولد عمي مالي بد عنك بس عاد يعني خلاص انا استسمحت واعترف اني غلطان وهاي بوسه ع راسك ونش وباس سواف على راسه سواف: زين يوم اعترفت انك غلطان بس ترى انا ما بسامحك بسهوله وانا بخطب شهوده قبل لا تخطب شويخ بخليك تنقهر شوي شرات ماقهرتني البارحه سعيد: افاااااا عاد جذا تعاقبني لا حرام عليك ولد العم حس فيني انا متعذب من زماااااااان ارحم خفوقي دخيلك سواف: ههههههههه احسن تستاااااااااهل سعيد: يعني انت مصر سواف: مصر وبقوة بعد عسب تحرم تخبي علي شي سعيد: يبوك خلاص حرمت ما بخبي عليك شي بس دخيلك خل خطوبتك وخطوبتي بنفس اليوم سواف: اووه صدق انت متعذب سعيد: اخ بس لو تعلم بحالي سواف: تكسر الخاطر ياخي خلاص بفكر فالموضوع سعيد: فديت سوافي انا سواف: له له قاموا يدلعوني ههههههه سعيد استانس وسواف بعد واتفقوا انه يخطبون وتكون الملجه بنفس اليوم الخطبه استوت وطبعا الكل كان مستانس وشاق الحلج وخاصه سعوود لانه هو اول واحد متعذب فيهم ولانه خاطره فشويخ من زمان ويتمنى انه تكون قربه اليوم قبل باجر الكل كان يتزهب حق الملجة وحتى الرياييل مخترشين لوول صوالين وحمام مغربي ومادل شو والبنات طبعا يختارن الفستان والصالون وووالخ الكل مستانس حتى اليهال يرقصون ويولون من الفرح ليلة الملجة: الكل مستانس وشهوده وشويخ كانن متعدلات فصالون بتافيا وكل وحده تقول الزين عندي كل وحده طالعه قمرر والكل يمدحون في شهوده وشويخ وهن مستحيات من كثر ما يطالعنهن الحريم طبعا فالملجه هم كانوا عازمين اهلهم وجيرانهم واغلى ناسهم سعيد وسواف متكشخين لازم معاريس هههه وكانوا يستانسون يوم حد يباركلهم يت اللحظه وقلب شهوده يدق بقو وشيخه بعد دخل اول شي سعيد احم احم دش ووقفت شويخ ومنزلة راسها وترجف من الخوف وسلم عليها سعيد وباسها على راسها وقاللها بصوت واطي ( فديتج شويخ وربي احبج ) واستحت شويخ اكثر ونزلت راسها ويلس وياها وصور كمن صورة وعقب لبسها الدبله ويوم هو يلبسها قاللها ( فديتج اخيرا صرت حلالج ياربي كم بعيش) وشويخ صاااخه وماترمس ويلس عندها شوي وكله يتغزل فيها والبنت مستحيه من خاطر وقبل لا يروح ( شويخ فديتج انا الحينه بسير ماتبين تقوليلي شي ) شويخ ( احبك ) سعيد تخبل حط ايده على قلبه قال بصوت عالي ااااخ قلبي الكل ضحك هههههه وعقب باسها على راسها وظهر ويا دور سواف ودش وباسها على راسها وقاللها ( ماتوقعت حلاتج تتعدى حلات القمر ) استحت شهوده لوول ويلس وياها شوي وحاطين اغاني واليهال يرقصون ومستانسين عقب لبسها الدبله ( مبروك عليج انا ياعمري ) قالت شهوده ( الله يبارك فيك حبيبي ) سواف( هاه شو ماسمعت عيديها دخيل والديج) ( حبيبي ) ( فديت روحج انا بس كم بعيش ) ( الله يعطيك طولت العمر ياربي) ( وياج يالغلا) ويلس شوي وعقب راح كانت ليله ولا اروع وطبعا الحبايب الاربع ما رقدوا وتموا يرمسون بعض لين الفير عقب صلوا ورقدوا وحددوا العرس بيكون فالصيف وباقي عن العرس 6 اشهر لوول طبعا الرياييل مافيهم صبر بس لازم عسب يتزهبن الحريم يبالهن وقت وكان كل واحد يخطط ويا حرمته وين بيقضون شهر العسل ويوم بييبون عيال شو بيسمونهم ووالخ شرات مايحلمون كل زوجين وهم يتزهبون حق العرس كان اكثر شي سعيد اللي يوصلهن لانه سواف كان يرتب امور فالشركه وجيه وفيوم من الايام بعد مرور شهر كان سيف معصب ويتضارب ويا واحد من الشركه لانه ماخر الشغل ويلس يتضارب وياه وعصب وودر الشغل ورد البيت ورقد وعقب نش العصر ويلس ويا شويخ ومحمد هو وعياله ويلس يسولف وياهم شوي وقاللهم بيسير يشوف سعيد من زمان ماشافه اتصل حق سعيد وقاله انه بيلاقيه فبيت قوم سعيد راح بيتهم وشاف سعيد وسولف وياه شوي وشاف حرمته طبعا وسلم عليها عقب ترخص منهم وظهر الله جمع الحبايب مع بعض وكل واحد فيهم يتريا متى تعدي هالشهور على خير ويصيرون قرب بعض تحت سقف واحد ^_^ شو تتوقعون من الاحداث اليديده بتستوي؟ والعرس ترى بيتاجل بس ليش؟ هل بتدخل ويانا شخصيه يديده فالقصة ؟ وبس ماعرفت اكتب اساله غير لوول المهم تريوا شو للي بيستوي ولي شالعرس بيتاجل فالبارت الاخير والنهايه اللي اتمنى انها تعيبكم فاول ايام عيد الفطر السعيد وعيدكم مبارك مقدما لوول &_& | ||||||||
|
| |
|
21-05-19, 08:11 PM
| #13 | ||||||||
| مراقبة عامة ومشرفة منتدى الروايات المنقولة
| مرحب احم احم عيـٍـٍـٍـٍـٍـٍـٍـٍـٍـٍـٍـ ٍـٍـٍـٍـٍـٍـٍـٍـٍـٍـٍـٍـٍ ـٍـٍـٍـٍـٍـٍـٍـٍـٍدگم مبأرگ ۆعساگم من عـٍـٍـٍـٍـٍـٍـٍـٍـٍـٍـٍـٍ ـۆۆۆادهـ وشرات ما وعدتكم عيديتي هي البارت الاخير لوول اتمنى لكم قضاء وقت ممتع مع رعوي لوول الجزء الثاني عشر بعد ماظهر سيف حس بضيجه اتصل ع ربيعه ( واحد غير سعيد ) ومارد عليه وهو يسوق فجأة انفجر عليه التاير ودارت به السيارة وماقدر يتحكم فيها وكانت يايه شاحنه وضربت فيه بقوة لدرجه انه دعاميه الشاحنه طاحت فالارض واللكسز انقسمت نصين طبعا راعي الشاحنه ماياه شي بس سياره سيف راحت بالكامل وللحين محد يعرف على صلاة العصر صلت شويخ العصر ويلست فحجرتها لانه سلامه كانت راقده ومحمد ويا عياله وحرمته فالحجره رن تلفون شويخ سعيد: السلام عليكم شويخ: وعليكم السلام ورحمة الله وبركاته هلا بوعسكور سعيد: شويخ شحالج شويخ: يسرك الحال ومن صوبك سعيد:شويخ بقولج شي شويخ: خير شو صاير شو فيك سعيد: سيف اخوج سوى حادث شويخ: شو؟ وين مسوي حادث وهو بخير وين هو الحين سعيد: انا بروحي ما اعرف انا اتصلولي واتصلت حق محمد اخوج بس مايرد قلت بتصلج انتي تشوفينه هو وين شويخ: هو فالبيت سعيد: سمعي روحي قوليله بسرعه وخليه يتلبس وينزل انا بكون عند الباب بعد دقايق شويخ: اوكي يلا باي وسكرت شويخ على طول هالمره كانت غير عن كل مره هالمره شويخ حست انه فيه شي صح انه مب اول مره سيف يسوي حادث بس هالحادث غير راحت ووعت محمد وخبرته ونش وتلبس ونزل وكان سعيد يترياه تحت وركب السياره شويخ كانت تحاتي اخوها اول شي هم قالوا انه مودينه مستشفى الجيمي وكل شوي طبعا شويخ تتصل فمحمد وتساله وصل ولا لا قاللها لا وقاللها انه حولوه توام وشويخ حاطه ايدها على قلبها ومتروعه حدها طلعت شمه حرمة محمد وهيه شكلها متغير الف درجه ودخلت العيال فالحجره ويت تيلس ويا شويخ شويخ كانت الدنيا تدور فيها وفدقيقه تخيلت انه سيف مات بس تتريا حد يقولها انه مات وكل ما ايي هالتفكير فبالها تقول لا ان شاء الله ان شاء الله سيف يرد لنا بالسلامه شرات كل مره اتصلت مره ثانيه حق محمد قالت له ما وصلت قاللها لا قالت له من الضيجه : عنبوه انت وين رايح بوظبي للحين ماوصلت من متى وانت طالع وللحين ماوصلت حشى مب مستشفى توام هذا هذا لو رايح انت بوظبي كان وصلت وسكرت ومن الضيجه وعقب يلست تتريا اتصال محمد اتصل محمد وشويخ ردت وحطت السماعه ع اذنها ماقالت الوه محمد وهو يصيح: شويخ سيف مات شويخ: لا تقول محمد: والله العظيم انه مات اقولج انا شفته بعيوني وسكرت شويخ ويلست تصيح شويخ: لا حرااااااااااااام لالالالالالالالالالا لا يا سيف لا حرااااااااام سيف لالالالالالالالا حرااااااام سيف ليش رحت عني ليش حرااااااااااام ويلست تصيح وتصيح وتصيح بصوت عالي من قو الصدمه وتصيح وتصيح وتصيح وشمه ماقدرت تسويلها شي ولا حتى قدرت تقوللها شي ونشت سلامه طبعا من صياح شويخ وشمه خبرت سلامه شو السالفه عقب 5 دقايق هدت شويخ وقالت وينه ابا اشوفه ابا اشوفه اقولكم ابا اشوفه اتصلت حق محمد على طول وقالت له ابا اشوفه قالها نزين خلي حد ييبج يت ام شمه وشلت شويخ وسلامه وراحن وشمه تمت ويا العيال فالبيت راحوا المستشفى دخلت شويخ هيه وسلامه وام شمه وياهم دخلن قسم الحوادث وفيه هناك رياييل وايد بس شويخ ما انتبهت حق حد وماكان يهمها حد كانت بس تبى تشوف سيف اخوها دخلت ولقت عمها داخل عالارض ويصيح واخوها محمد وسعيد وخالتها وهيه تصيح وسيف كان ملحف كامل وعالكرفايه دخلت وايدها ترجف تبى تشوفه راحت تفتح عنه اللحاف وشافت ويهه فيه دم وطاحت عالارض وتصيح كان الموقف رهيب الله يبعده عن كل مسلم شويخ كانت افكارها مشتته عالاخير مب مصدقه انه اللي شافته هو سيف اخوها ومب مصدقه انه توفى خلاص وانه رب العالمين خذ امانته عقب 10 دقايق سلامه يت حق شويخ وهيه تصيح قالت لها استسمحي من اخوج وسلمي عليه ويلا نروح البيت كبست عليه وباسته على راسه وهيه تصيح: سيف حبيبي اسمحلي فديتك اسمحلي دخيلك اسمحلي وانا مسامحتنك دنيا واخره وراحت ركبت السياره وعقلها متشتت ماتعرف شو تسوي ماتعرف بشو تفكر ماتعرف بشي خاطرها يكون هالشي حلم وحد يوعيها من رقادها لكن للاسف هذا مب حلم للاسف هذا هو الواقع وصلت البيت اول ما دخلت من الصاله لقت حريم جيرانهم كلهن فالصاله ويوم شافتهن صاحت يعني هذا عزى يعني لا مفر سيف مات مات كلهن ين يسلمن عليها ويحضننها عسب تحس بشويه حنان كانت تصيح وتصيح وتصيح ماتبى حضن حد تبى حضن سيف وابوها تبى حضن سيف تبى حضن سيف بس سيف مات سيف راح فذمة رب العالمين اذن المغرب وتعوذت من ابليس وتوضت وصلت وردت فالميلس عسب العزى والحريم يين ويروحن وتقرى قران عن اخوها وتدعيله هالليله شويخ ماقدرت ترقد محمد طبعا كان وياه سعيد وغسلوه وكفنوه ودفنوه وعقب ردوا البيت وشهوده يت وهيه عارفه بالخبر ومنصدمه يت ويلست ويا شويخ وهيه تصيح من صوب وشهوده من صوب منو اللي تواسي منوه منوه اللي حزنها اكبر من منوه حالت صمت ومحد يرمس يوم راحن كل الحريم طبعا شهوده وامها بيرقدن اليوم فبيت شويخ وسعيد رقد فالمجلس وياهم شويخ: استغفر الله يارب يارب ارحمني دخيلك يارب ليت يومي كان قبل يومه شهوده: شويخ لا تقولين جذا شويخ: شو لا اقول جذا شويخ استغفر الله يارب قبل توفى ابوي الله يرحمه وسيف وقف ويايه انا من اول ما انولدت وانا اشوف سيف اخوي واعز انسان لي عقب ابوي كيف تبيني اتخيل اني انش باجر واشوف البيت بدون سيف يا شهد انا اعرف انج كنتي تحبين سيف بس انتي حبيتيه يومين وانا من اول ما انولدت حبيته حسسني بانه الوحيد اللي عنده اخت حبني شرات مايحب الريال بنته دلعني ودللني وماكنت اطلبه شي الا وسواه لي ما اقدر اتخيل البيت بدونه وربي ما اقدر شهد: شويخ بس الله يهديج بس ارحميني وارحمي حالج اذكري ربج واتدعيله اتدعيله ياشويخ شويخ سكتت وتمت تقرى عنه قران وهيه ساكته شويخ الله ابتلاها وهيه كانت تصيح لايام وتهدي شوي وتذكر ربها وتقرى قران كل ما حست بالضيج الكل كان واقف وياها سعيد وشهد ومحمد اخوها وحرمت محمد وكلهم هيه مافقدت واحد هيه فقدت اثنين فقدت ابوها واخوها وما مر بينهم وايد هيه فقدت اعز واغلى ناسها شعورها محد يقدر يوصفه تحاول تواسي عمرها لو انها ماتبى تعيش فدنيا ما فيها ابوها وسيف ابوها راح وخلالها سيف وسيف راح منو بقالها يمكن كان احيانا وجود سعيد يواسيها يمكن كان يخفف شوي من الامها كانت تشتكيله وتصيح وهو يحاول يهديها مرت الايام... طبعا الكل نسى سالفه العرس والعرس تاجل الين عقب سنه وشويخ كملت دراسه حاولت تكمل حياتها طبيعي محمد طبعا الحين صار الريال الوحيد اللي فالبيت كانت شويخ تحاول توقف وياه وتساعده شوي ^_^ لو مب ماديا عالاقل معنويا حطوا دريول عسب يكون وياهم لو لا سمح الله استوى شي وكملوا الايام عقب 6 اشهر كانت اجازة بين الكورسين وشويخ عقب هالاجازة بيكون كورس التخرج حقها هيه وشهوده وعقب التخرج بتعرس شويخ شويخ تعبت وايد وتحملت وايد عسب تكون قرب سعيد يعني من متى وهيه تحبه وكانت تتمنى قربه لكن انتوا ادرى باللي استوى وبالظروف اللي استوت لهم فهالليه كانت شهد ويا شويخ فبيتهم وطبعا شهد تحس انه البيت بيتها تتصرف فيه عادي راحت على طول حجره شيخه ودشت مالقتها دقت على باب الحمام لانها سمعت صوت الماي قالت لها شويخ اتسبح صبري شوي يلست شوي شهد وعقب ملت قالت صح ليش ما اروح اسلم على خالوه سلامه ومشت ومادقت الباب لانه محد بيكون غير سلامه فالحجره شي طبيعي فتحت الباب وحاطه الدبدوب ع ويهها شهد: خالوه سلامه قولي منو اللي ياي يسلم عليج اليوم قولي منو اللي اشتاق لج وتوله على سوالفج وياي يقعد وياج ومل من كثر ما ييلس ويا شويخ ونزلت الدبدوب بس لا تخبرينها بتزعل و................. سكتت ووقفت الحبيبه انصدمت لانها شافت ريال فحجرة سلامه حميد: خالتج سلامه محد فالمطبخ شهد من القفطه ماعرفت شو تقول شهد: هيه اعرف قصدي شوسمه السموحه ماكنت اتحرى حد موجود حميد: لا بالحل وطلعت شهوده وهيه قاااااااافطه وربعت حجره شويخ ودخلت وسكرت الباب واول ما طلعت شويخ من الحمام شهد: يالدبه ويا هالراس لج حماره مره ثانيه مابيي وياج شويخ: بسم الله خير شو فيج شو صاير ليش مابتيين شهوده: ويا هالراس لج ليش ما قلتي لي انه حد ويا خالوه سلامه شويخ: حد منو؟ شهوده: شدراني انا شويخ: نزين وصفيلي شكله شيبه شباب شو شهوده: امممم واحد حليووو شباب اسمراني شوي خشمه طويل شويخ: بس عرفته شهوده: منو؟ شويخ: هذا حميد شهوده: حميد ولد اخو خالوه سلامه اللي كان يباج شويخ: هي هوه شهوده: يالفضيحه شويخ: لا فضيحه و لا شي بخبر سلامه وهيه بتستمح منه وفحجره سلامه يت سلامه من المطبخ ودشت الحجره اقول حميد ابويه قوم خل نروح الصاله ونش حميد وراح الصاله وشاف انه الفواله محطوطه هناك حميد: عمتي بتخبرج؟ سلامة: تخبرني فديتك حميد: منو البنت اللي تقولج خالوه سلامه ودومها ويا شويخ سلامه: هييه هذي بنت علي هاي اخته سعيد اللي بياخذ شويخ حميد: ايواا ماشاء الله عليها حلوة ورزينه سلامه: هيه ماشاء الله عليها ودك بس ما تنش يوم تسولف وياك حميد: والله زين عيل شرايج تخطبيها لي سلامه: انت من صدقك جان من صدقك قول وبخطبها حقك اليوم قبل باجر حميد: عمتي بلاج لا يعني بتقول ماصدق هذا لا بخبر ابوي وتروحين انتي وابوي تخطبونها حقي سلامه: ان شاء الله ياوليدي والله ودي افرح بك واشوفك معرس حميد: ان شاء الله وعقب اسبوع اهل حميد يو بيت قوم شهوده وشهوده ماتعرف شي عن السالفه وعقب ما راحوا العرب يا سعيد عند شهوده شهوده: هلا بوعسكور غريبه من وين طالعه الشمس اليوم بوعسكور: طالعه من الشرق يعني من وين عنبوه الحين انا حضرتي بوعسكور بلحيتي وشنبي وطولي وعرضي ياي عندج تقولين هالرمسه صج ماتستحين شهوده: السموحه منك شيخنا امر تدلل شاي قهوه نسكفيه امر بس انت بوعسكور: ايوا جيه انتي حرمه رزينه مابا شي ابا اشاورج فشي شهوده: نزين اسمعك بوعسكور: العرب اللي يايين اليوم يبون يخطبونج حق ولدهم شهوده: منو هم هذيلا العرب؟ بوعسكور: اخو سلامه ياي يخطبج حق حميد ولده شهوده: اللي كان يبى شويخ؟ بوعسكور: استغفرك يارب شهوده: سمحلي سعود والله ماكنت اقصد بوعسكور: لا عادي هيه هوه شهوده: لا سعود ما اقدر بوعسكور: شو هو اللي ماتقدرين شهوده: كيف تباني اواقف وهو قبل كان يبى شويخ شو بتقول شويخ عني وبعدين نسيت اني فيوم من الايام كنت حرمت سيف اخوها؟ بوعسكور: الله يرحمه بس الحي ابقى من الميت وبعدين الين متى انتي ما بتعرسين وبتفكرين فسيف سيف خلاص مات والله يرحمه وقلت لج الحي ابقى من الميت وسيف ما يرضيه ترى اللي قاعده انتي تسوينه الحين شهوده: ماعليه نزين يصير خير لا تحتشر علي هم ما يبون الرد احينه يبونه عقب اسبوع اصبر عليه سعود ما بغى يزودها عليها لانها تمت تصيح يوم تذكرت سيف: خلاص ان شاء الله انتي فكري زين وصلي استخاره طلع سعود من الحجره وعلى طول اتصل بشويخ وخبرها السالفه شويخ قالت له ماعليك انا برمسها وبالباجر شويخ راحت بيتهم عسب ترمس شهوده وسولفن ويا بعض كالعاده عقب بدت شويخ تفاتحها فالموضوع شويخ: شهوده ابا ارمسج فسالفه تخصج واباج ما تتضايجين من الرمسه اللي اقولها شهوده: افا عليج شويخ تعرفين اني ما اقدر ازعل عليج شويخ: فديتج والله عيل سمعي شهوده: اسمع كلي اذان صاغيه ^_^ شويخ: شهوده انا سعيد خبرني انه حميد ياي يخطبج وانتي متردده عسب سيف وعسبتي وانا هالشي ما اباه يشغل باالج من ناحيتي انا والله ودي اشوفج عروس وافرح فيج ومن ناحيه اخوي سيف الله خذ امانته والله يرحمه ويغمد روحه الجنة والحي ابقى من الميت واذا انتي تعتبريني اختج صدق واعز من اختج وافقي على حميد انتي وانا نعرف انه حميد ريال والنعم وما يتفوت وانتي عارفه ليش انا رفضته وبعدين الريال ما يعيبه شي ومابتلاقين احسن منه شهوده: والله ما اعرف شو اقولج يا شويخ مع انج ريحتيني بهالرمسه بس بعد هاي عشره عمر مب يوم ويومين انا بفكر وبصلي صلاة الاستخاره وان شاء الله مايصير الا كل خير شويخ: ان شاء الله وانتي خذي راحتج ولا تستعيليين وانا بيني وبينج ابا اعرس انا وياج فنفس الليله ^_^ شهوده: ان شاء الله -- ومر الاسبوع والكل يترقب رد شهوده طبعا شهوده تستحتي من سالم اخوها فراحت حق سعود سعود: هلا شهوده هلا باختي العزيزة قربي قربي شهوده: قريب سعود: هاه اخبار علوم شهوده: تمام ومن صوبك سعود: نحمد الله شهوده:........ سعود: هههههههه اونج مستحيه ادريبج يايه بتقولين لي الرد ترى اليوم اخر يوم ومر اسبوع ههههههه شهوده: ويا هالراس لك يالدب حشى يا انت ما اقدر اخبي شي سعود: لا ماتقدرين انا اخوج وانا اللي مربيج شهوده: الله يخليك ولا يحرمني منك يارب سعود: ولا يحرمني منج بعد شهوده: نزين انا صليت استخاره وو.. سعود: وشو بسرعه قولي انج مواقفه شهوده: ههههههههه هيه سعود: هيه يعني موافقه شهوده: بعد هيه هههههه سعود: فديتج والله ونش وحبها على راسها يعله مبارك عليج وتراج مابتلاقين احسن من حميد شهوده: الله يبارك فحياتك يارب سعود: خلني اخبر سالم يرد عالريال شهوده: حشى مستعيل سعود: هيه مستعيل ههههههه اباج تعرسين وافتك منج شهوده: لا والله بتم ع راسك جيه انا ما بتفتك مني سعود: ههههههه يلا تشااااااااو يالعروس شهوده: الله يهديك ويزيدك عقل وطبعا اتصلت شهوده وخبرت شويخ ماتقدر تخبي عليها وراح سعيد وخبر سالم واتصل سالم حق محمد ابو حميد وقاله انه البنت موافقه واتفقوا انه الملجه عقب اسبوعين واستوت الملجه وكان الكل مستانس وشويخ خانقتنها العبره شرات هالمره شافت شهوده بهالجمال وكان المعرس سيف بس حاولت انها ماتصيح عسب ما تحسس شهوده بشي كانت شهوده روووعه بذيج اليوم يلست ويا الحريم والكل يمدح فيها وفحلاها ورزانتها عقب صورت وبعدين دش حميد دش حميد وباسها على راسها وشهوده طبعا هالمره مب شرات ويا سيف لانه سيف كانت تحبه وترمسه خف المستحى منها بس حميد تقريبا هاي ثاني مره ترمسه حميد: ماشاء الله عليج سبحان الله ما احلاج شهوده استحت ونزلت راسها حميد: وربي يوم تستحين تطلعين احلى وعقب لبسها الدبله وصور وياها شوي وعقب نش بيظهر نزل راسه وهمس لها: يا بنت الناس تراج خبلتي بي من اول ما شفتج ولا تزيديني خبال خليني اروح صاحي عن المعازيم وشهوده ابتسمت شوي حميد: ابتسامتج عذاب يلا انا بخليج احينه ^_^ شهوده: ربي يحفظك وراح حميد وتمت الملجه على خير وبعد الملجه حميد خذ رقم شهوده وتم يرمسها شهوده حست احساس غير ماكد حسته من قبل حتى ويا سيف الله يرحمه يمكن لانه هالحب غير ويمكن لانه حميد اسلوبه غير عن سيف بس اللي تعرفه شهوده انه حميد استوى كل عمرها وطبعا هيه ما نست سيف ومحد يقدر ينسى الحب الاول وكل ما تتذكره تدعيله وباقي 5 شهور عن العرس وشويخ وشهوده يتجهزن حق العرس ويهتمن بدروسهن مب مهملات شي تخرجن شويخ وشهوده وفليله تخرجهن وصلت باقة ورد لبيت قوم شويخ يابت الخدامه الباقه وعطتها لشويخ شويخ اول ماشافت الورد تبسمت وقالت سعيد مايفوت فرصه ولقت فيها كرت ومكتوب فيها: ألــــــــــف مبروووووووك التخرج يا أغلى وأعز أخــــــــت فالدنيا عقبال ما نشوفج عروووووس ونشوف عيالج يارب ^^ أخوج محمـــــــد شويخ يوم قرت الباقه صاحت واستانست فنفس الوقت محمد كان يبى يهتم فيها شرات ماكان سيف وابوه الله يرحمهم يهتمون فيها ماكان يباها تحس بانها فاقده شي وعقب يتها مره ثانيه الخدامه وقالت لها تعالي المجلس شمه حرمت محمد تباج وشويخ لبست شيلتها وراحت كانت تتحرى انه في حريم فالمجلس واول مادشت المجلس لقت الدنيا ظلام! عقب ولعن الليتات وشافت شمه ومحمد وعيالهم وسالم وحرمته وعياله وشهوده وسعيد وسلامه كلهم متجمعين ويغنون لها نجحنا والله وفقنا شويخ فرحت من خاطر يوم شافت هاللمه الحلوة وانهم مسوين لها حفله صغيره حلوة ^_^ والكل سلم عليها حتى اليهال وباركولها ويلسوا سوالف وضحك وعقب قطعت شويخ الكيكه وكلوا كلهم منها وتموا الين الساعه 12 سالم وسعيد وشهوده ترخصوا عسب يروحون البيت ومحمد وحرمته وعياله وسلامه راحوا يرقدون شويخ راحت حجرتها وكانت مستانسه حدها ^_^ كانت تتمنى انه هاليوم يكون ابوها وسيف موجودين بعد عسب يشاركوها فرحتها بس هذا حكم القدر الله يرحمهم ويغفر لهم وكان عقب شهر العرس &_& والكل يتزهب حق العرس من صغار الين كبار ^^ وحان وقت ليله العمر لشويخ ولشهوده شويخ طبعا احساسها غير شويخ كانت تتمنى هالشي يصير قبل 4 سنين شويخ كانت تحب سعود من خاطرها كانت تموت عالارض اللي يمشي عليها سعيد كان بحياتها كل شي واغلى شي كانت تحبه حب لدرجه الخبال كانت تحب سعيد حب لا انكتب فالقصص ولا استوى فالافلام الهنديه كانت تضحي بكل شي واي شي عسب خاطره كانت تحرم نفسها من اشياء تحبها بس على شان خاطره كانت تضحك وياه دايم وما تحاول انها تضايج به كان كل ما يضايج بها تعاتبه شوي وعقب ترد ترمسه عادي ماكد زعلته من اول ماعرفته لليوم ( لو انها تضايجت من حركه البنت اللي اتصلت ) بس بعد مب هيه اللي زعلته كانت تكتم مشاعرها وغضبها يوم تسمع صوته كانت مب مقصره وياه فشي ابد وسعيد كان دايم يقوللها هالشي يقوللها انها مب مقصره وياه وانه هو يحس عمره انه صدق معرس بالنسبه لسعيد هو مقصر بحق شويخ ماكان يتصل دايم ولا يسال شراتها وكانت شويخ دايم تعذره هالشي اللي خلى سعيد يتخبل عليها وعلى قلبها الطيب وانه مهما سوى هيه تسامحه وتطوف له ولا تتضايج منه كان يحاول انه مايقصر بس بحكم شغله فالشركه وظروفه وانه هو طبعا ريال ظهراته وطلعاته وايد ومايقدر يكلمها جدام ربعه كانت شويخ تقدر ظروفه الشي اللي كان يحسس شويخ انه سعيد يحبها صج هو ووقوفه يمها يوم توفى ابوها واخوها كان واقف وياها فكل شي فالحزن قبل الفرح فالضيج قبل السرور كان دايم الدوم وياها ولو ماقدر يطرش شهوده عسب شويخ ماتحس انها وحيده وعسب تحس انه فيه حد يحبها ويهتم فيها سعيد كان يتريا هاليوم بفارغ الصبر سعيد يحب شويخ وايد لو انه ما اثبت هالشي بافعاله بس لانه ماكان يعرف يثبت لها بس شويخ تعرف انه هو يحبها يكفي انه يقولها احــــــ ب ـــــــج وهالكلمه تطلع من خاطره شهوده كانت مستانسه ومرتبكه مع انها كانت ترمس حميد عالتلفون بس مع ذلك كانت مرتبكه واللي يربكها اكثر انه حميد يحبها وااااايد يحبها وايد وايد لدرجه هيه ماكانت تتوقع ولا تحلم حد يحبها جيه حميد كان شاق الحلج ومستانس حده اخيرا البنت اللي حلم فيها دوم بتستوي حرمته وام عياله اخيرا بيلتقي وياها بدون اي حواجز بدون تلفون بدون مايكون حد يالس وياهم اخيرا بيقدر يرتمي فحظنها وبيعبر لها عن كثر حبه بلسانه وهم ويا بعض وهيه وياه وهو ماسك ايدها بيقولها عن مدى حبه وبيقولها شكثر هو تعذب الين ما يا هاليوم فالصاله كان العرس في صاله زاخر العرس كان فخم فخم وترتيب وكل الناس مدحوا العرس ومستانسين ويتريون العرايس ينزلن تعشوا المعازيم وعقب 10 دقايق دشت شويخ كانت تمشي وتطالع المعازيم والكل كان يطالعها ويسمي بالله عليها كانت ملكة فهاليوم كانت نظراتها وابتساماتها تطيح الطير من السما كانت ملامحها هاديه وويهها بريء براءة الطفوله وصلت الين الكوشه وصوروها وين الحريم وسلمن عليها عقب دش سعيد ووياه محمد يا سعيد وباسها على راسها وقال لها مبروك شويخ: الله يبارك فحياتك وعقب ياها محمد مبروك يالعروس مبروك شويخ ارتمت فحظنه وحرقت ودمعت عينها الله يبارك فيك يا اخوي محمد: شويخ اليوم عرسج لا تخلين مكان لهالدموع ولو كان ابوي وسيف موجودين اليوم كانوا فرحوا لج صدقيني سعيد: فديتج لا تصيحين الليله ليلتنا وانا ما بخليج بروحج هذا وعد مني لج ومسح دمعتها بايده وحط ايده بايدها وشويخ هدت شوي وصور وياها ويت سلامه وسلمت عليه وامه وسلمت عليهم وعقب سعيد قال حق شويخ مسولج مفأجأة شويخ: شو من المفاجآت؟ سعيد: فديتج اذا قلت لج مابتصير مفأجأة بس انتي تريي شوي نش سعيد وقال حق المغنيه لو سمحتي شوي ابا المايك وعطته المايك وشويخ طبعا منصدمه وتقول فخاطرها الله يستر بس وما يفضحنا سعيدوه سعيد: مرحب الساع بكل من يا وحضر شاكر لكم حضوركم ومشاركتكم فرحتنا بهاليوم وانا بهاليوم اللي مابينعاد حبيت اهدي حبيبت قلبي واللي بتصير ام عيالي فالمستقبل شويخ صفقوا الحريم وشل سعيد هالشله وكان صوته عذااااب وكان يشلها وهو يطالع شويخ وشويخ فهاللحظه نست المعازيم ونست الكل وتمت تتامل فسعيد وهو يشلها وتقول فخاطرها فديتك والله الشله كانت: أشتـٍـٍٍـاق لگـ ۆأבــٍـٍـٍـٍٍـن لگـ ۆأنته عمـٍـٍٍـٍـٍري ۆأدريبـٍـٍٍـٍـٍـگ أنگـ مثلـٍـٍـٍـٍـٍي تشتـٍـٍـٍـٍـٍـٍاق ۆتح ـٍـٍـٍـٍـٍـٍـن ۆاللي بصدري تـٍــٍـٍدري شاللي بصـٍـٍـٍـٍـٍـٍـٍـدري هذا خفۆقـٍـٍـٍـٍـٍـٍـٍـٍـٍي گأن مأ خاننـٍـٍـٍـٍـٍـٍـي الظـٍـٍـٍـٍـٍـٍـٍـٍـٍن حبـٍـٍـٍـگ مع دمـٍـٍـٍـي يا محبۆبـٍـٍـٍي يسـٍـٍـٍـٍٍـٍـٍـٍـٍـري فـ ع ـرۆقي في شريـٍٍاني يا صـغ ـٍـٍـير الٍـٍـٍ س ـٍـٍـٍـن بدري على غيـٍـٍـٍـٍــرگ يذۆبنـٍــٍـٍي بـٍٍـٍـٍـٍدري من غيـٍـٍــرگ اللي ساگـ ن عيۆني بس مـٍـٍـٍـٍـن بس شل هالمقطع وقال وسلامتكم الكل صفق له حتى شويخ صفقت له ^_^ وعقب دشت شهوده وكانت هيه الثانيه ملكه بجمالها وبابتسامتها الشفافه العذبه وصلت للكوشه وسلم عليها سعيد وقال لها: مبروك شهوده عقبال ما نشوف عيالج شهوده: الله يبارك فيك بوعسكور ومبروك عليك انت بعد سعيد: الله يبارك فحياتج يلا متى بيي سلوم الدب يسلم عليج وعليه ابا اظهر شهوده ضحكت: شفيك مستعيل صبر نزين الين ما ايي ريلي وبنظهر ويا بعض سعيد: لا مابا بنسير قبلكم ههههه وعقب تغطت شويخ ودخل سالم سلم على شهوده وسعيد وظهر ظهر سعيد وشويخ راحوا غرفه التصوير وصوروا وفهالوقت يا حميد وابوه ودشوا وسلموا على شهوده وعقب التصوير راح ابو حميد وتم حميد ويا شهوده حميد: شهوده شهوده: هلا حميد: ممكن ازخ ايدج فديتج شهوده: هيه عادي حميد: واصلا منو قال لو قلتي لا بخليج شهوده:ههههههه حميد: يعلني ماخلى من هالضحكه يارب شهوده: ولا خلاني الرب منك سعيد وشويخ ركبوا السياره وشهوده وحميد راحوا يصورون وعقب راحو السياره وزفوهم مضوا هالليله ففندق قصر الامارات والليله اللي عقبها شويخ وسعيد راحوا باريس وشهوده وحميد راحوا لندن مضوا احلى شهر عسل فالعالم سعيد وشويخ كانوا مستانسين وايد وخلاص استووا اثنين مايفرقهم احد وشهوده وحميد تقربوا من بعضهم اكثر واكثر وصاروا احلى عروسين بالدنيا بعد شهر العسل ردوا البلاد وتجمعوا كلهم فبيت واحد ^_^ عقب سنتين شويخ ربت ويابت حمد وسيف ( تؤام) وشهوده يابت علي فنهاية هالقصه المتواضعه اللي خطها قلمي حبيت اكتب لكم كمن نصيحه يمكن تفديكم فالمستقبل لوول أول نصيحه: الكل لازم يرضى بحكمة ربه وبالقدر هذا قدر وكل اللي يصير لنا قدر ومتكوب لنا من قبل لا ننولد هالشي اكيد كلكم تعرفونه مايحتاي اقوله بس اذا صار لكم الموقف لا سمح الله وفقدتوا ناس كنتوا تعزونهم وايد بتحسون باحساس غير شرات اللي حسته شويخ يمكن نحن نشوف هالاشياء ويمكن مانحس بنفس معااناتهم بس لو مرينا بنفس موقفهم اكيد بنحس خاصه اذا كان هالانسان غالي على قلبكم وايد ونصيحه نصيحه نصيحه اخويه اغتنموا الفرصه اليوم قبل باجر صاروحوا اللي تحبونهم بهالشي سواء كانوا من اهلكم ولا من غير اهلكم حتى لو كان ابوك او اخوك مافيها شي صارحه بهالشي وهو حي وعايش ع ويه هالدنيا ترى عقب يوم يتوفى مابتقدر تقوله هالشي ومابتقدر تصارحه بحبك له . لا تخلي هالوقت ايي وصارحه بهالشي لا فيها عيب ولا مستحى ولا انها بتقلل من قدرك اذا صارحت اخوك او اختك وقلت لهم احبكم. امك ولا ابوك وقلت لهم احبكم. ربعكم فالمدرسه وفكل مكان وقلت لهم احبكم ما بتخسر شي والله احم احم جنها النصيحه الاولى وايد طويله ماعلينا النصيحه الثانيه: اللي يحب يسامح يا ناس يا اوادم اذا رب العالمين اللي خلقنا وخلق هالكون كله يسامح ويغفر لكل الذنوب الا الشرك تصوروا كل الذنوب نحن شو نيي جدامه ؟ نحن جدامه ولا شي نحن مخلوقين وهو الخالق فنصيحه اخويه سامحوا اللي تحبوهم واللي ما تحبوهم سامحوهم مافي شي يستاهل انكم تزعلون وما تسامحون عليه وماييوز الزعل فوق الثلاث ايام وربي هالدنيا ماتسوى انته اليوم عايش وربيعك عايش وياك ما تضمن اذا باجر يكون عايش ولا لا سامحه واستسمح منه كل يوم ما تدري متى ربك ياخذ امانته نزين النصيحه الثالثه والاخيرة: اللي يحب انسان يضحي بكل شي واي شي على شانه ما يستغلي شي عليه يبى يمضي الوقت كله وياه يبي يسمع صوته وضحكته وهمسته وكلامه يبي يكون قربه دايم الدوم مايبي يفارقه لو مهما صار واهم شي الثقه بين الاثنين هذا اهم شي لازم البنت تثق فالريال اللي تحبه وهو نفس الشي اذا ماشي ثقه ترى ماشي حب والثقه دليل الحب حتى لو صارت مواقف تخليكم احيانا تفقدون هالثقه لا تتسرعون بالحكم وتنهون علاقه حب كانت بينكم والحب احلى شي فالحياه! عطوا نفسكم فرصه تفكرون وعطوا الطرف الثاني وقت عسب تسمعون السالفه وتفهمونها لا تظلموهم ان بعض الظن اثم ولا تظلمون عماركم وتنهون حب عشتوا فيه احلى ايام عماركم وبس السموحه عالقصور انتهـ ــــــــ ــــــــــــــــ ــــــــــــــــــــ ـــــــــــــــــــــــــ ـــــــــــــــــــــــــ ــــــــت | ||||||||
|
| |
|
23-05-20, 08:32 PM
| #15 | ||||||||||
| مشرفة منتدى الروايات والقصص المنقولةومنتدى الـروايــات الـعـربـيـةوعضو مميزفي القسم الطبي وفراشة الروايات المنقولةومشاركة بمسابقة الرد الأول ومحررة بالجريدة الأدبية 
|  | ||||||||||
|
| |
|
| أدوات الموضوع | |
| انواع عرض الموضوع | |
|
|
.png)
العرض العادي
