آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
23-05-19, 06:44 AM
| #11 | ||||
 
|  اللهم صلي وسلم على سيدنا محمد...رطبوا السنتكم بالصلاة على النبي .. 《 البارت الرابع》 ٤ في بيت أبومحمد " عيوش رجعت من بيت حلوم..وأنا ناويه اكلم أبوي ..وأعتذر منه على رفعت الصوت في وجهه ..وكل كلامي مهما صار أهو أبوي.. وللأمانه ابوي ما كلمني بشي ..ولا أجبرني على شي ..غير إنه وافق على زواجي من ذاك الشايب..كان بإمكاني أقول له رفضي ..بدون صياح وصوت عالي ..حسبي الله عليك يا بليس ضحكت علي..وزعلت أبوي مني.." دخلت ورميت عبايتي..في الصاله وكانت نوير ومنور..جالسين قبال "t.v" يتابعون البؤساء..يالله ياذا الكرتون على كثر ما ينعاد ما نمل منه .. لو في وقت غير ذا كان لازقه في التلفزيون..لكن عندي إلي مشغلني في ذا الوقت..سألت البنات عن أبوي إذا موجود أو لا /بنات أبوي رجع ؟ هزوا لي براسهم 'إيه' ..مو فاضين لي ذي الوقتx /وينه طيب؟!!..ما ردوا علي منسجمين..ولاهم حاسين فيني اختهم مهمومه وحالتي حاله وهم.. مالت بس.. رحت وقفت قبال الشاشة..ابيهم ينتبهون لي ويجاوبوني ..ماحسيت غير منور طيرت المخده في جبهتي.. ياربي ذي البزر ما تحترم أحد..هذا وانا اختها الكبيره..بس يالله بتحمل شوي .. منور بعصبيه /وجع ابعدي عن الشاشة ..نبي نشوف إحناx نوير وهي تحاول تشوف الشاشه /من جد ابعدي ما نشووف .."تأشر بيدها عالكنبه" تعالي أجلسي تابعي معنا ..فاتك كثير والله ..مسكينه يا كوزيت حزنت عليها بصراحه ..بقولك بها بس بعدين الحين خليني أشوف .. "حطيت يدي على رأسي..ياربي أنا وين وهذولي الخبلات وين؟؟.." "صرخت فيني منور هذيك الصرخه..إلي بغيت اطير من قوتها.." منور بصرخه /ابعديييييييي عن الشاشة يا*** "لاوفوق ذي الصراخ سبه.. معفنه تشبه وجهها..والله بخاطري أخذ الجزمه و احشي بها فمها الحيوانه ذي.. قلت وانا معصبه /وربي يا منور ..لو ما تاكلين هواء وتنطمين ..وربي لأخليك تندمين .. "منور حاولت تتكلم ..تبي ترد أم لسان طويل ..بس لازم اسكتها لأن مو وقتها ابد..قلت بعصبية اكبر علشان تخاف وتنطم .. "وانا ارفع إصبعي بعلامة السكوت" عيوش /انكتمي ولا حرف..ياويلك أسمع صوتك فاهمه؟..بزران آخر زمن.. "منور سكتت مو علشان أنا عصبت عليها!!!..لا ؛لأني بعدت عن الشاشة..أم لسان طويل م ينقدر عليها وانا مو فاضيه لها ذي الوقت.. قربت من نوير وانا اسألها بخفوت /نوير أبوي كيف يوم جاء..معصب ولا عادي؟! نوير / لا مو معصب ..لكن واضح إن مزاجه مو رايق قلت بعجله / يختي مو لازم يكون يضحك و رايق.. نوير بغباء / ياكلبه ..ابوك ما تبغينه يفرح ؟!! عيوش / لا مو سالفه كذا.. بس انا الحين أهم شي عندي..يكون مو معصب يعني اقدر احاكيهx نوير /إيه تقدرين تحاكينه .."وبحزن " حبيبي أهو متضاييق... وواضح عليه بالحيييييل عيوش تنهدت وفي خاطري "ومنهو رايق فينا اليوم يا نوير".. تنهدت وقلت /الله يعين ..يالله أنا بدخل عنده أدعي لي.. نوير ببتسامه تشجع أختها فيها / روحي الله ييسر دربك...ويفرج كربكx بادلتها الإبتسامة ورحت ..متجهه لغرف النوم تحديدا ..غرفه أبوي ..وصلت لباب الغرفه ووقفت شوي..اخذ نفس والله حسيتني رايحه للحرب..مو رايحه أعتذر من ابوي واقول له عن رفضي.. لما كنت واقفه عند الباب سمعت ..صوت أمي وكأن به صيحه ..للأمانه خفت عليها ليش امي تبكي ..لكن سمعت شي خلاني اتصلب في مكاني..أسمعو وشهو.. " أم عيوش وصوتها به صيحه /تكفى ياعبدالله ..تكفى لا تسويها ..وتحرق قلبي وقلوب بناتك.. أبوعيوش ببحه /خلاص يافاطمه ..ما فيه حل غير كذا ..والرجال طلب المستحيل.. وأنا قلت لك من الأول مستحيل عايشه توافق.. وانا اصلا مو موافق عليه ..بس إنتي الله يهداك أصريتي.. إلا وتاخذين رايها وتعلمينها بالموضوع..وهه وش استفدنا من معرفتها ؟؟..ما استفدنا شي غير انها فكرت فيه بالشينه.. أم محمد /طيب خذ ذهبي .."وهي تأشر عليه..وهي لابسته"..السلسال ذا والبناجله.. والخواتم حقتي كلهم خذها..وبيعها أكيد بتجيب قيمه..تسكت ذا الرجال لين تدبر الباقي.. "البنجل تعرفونه صح؟؟ ..المهم هو سواره كبيره تنلبس في اليد..كل الحريم الكبار عندهم منها ..وإلي بتتزوج زوجها لازم يجيب لها عشره بناجله ومن الثقيله بعد هذا غير الطقم و السلاسل و و و <هههههههههه عطيتكم "سالفنا" يعني طريقتنا ههههه ..المهم نرجع لأم عواشه " أبو عواش ضاق صدره وهو يشوف كيف حرمته تبي تساعده ..وبتعطيه اي شي بس لا يروح السجن ..لكن ما قدرت المبلغ كبييييير مره كبيير.. "قرب منها بعد ما كان عند خزانه الملابس ..يجمع اقراضه المهمه ..عشان ياخذها معه إذا راح يسلم نفسه..قرب منها وحب رأسها وبهدوء /خلي ذهبك عندك .. وتراه ما يزين إلا عليك "يغمز لها يبي يروقها شوي" وبذات لا حركتي يدك وطلع هذاك الصوت..ههههه "أم عيوش استحت " ابو عواش /هههههههههه..استحيتي!! ترا خلاص تزوجنا وانتهينا.. راح الحياء وحركاتك إلي إنتي خابرتها"ورجع يغمز لها ..<أيا الشايب ههههههههههههههههههههههههه ههههههههههههههههههههههههه هههه"x أم عيوش /هههههههه هههه أبوعويش / إيه اضحكي ؛وشلك بالزعل من شوي ..ضيقتي صدري أم عيوش بترجي /لاتروح والله إن نضيع بعدك...بتعتمد على من اذا رحت ؟هاه .. بتوكل علينا من محمد !!!.. محمد ليته يتأمن على روحه عشان تأمنه على البيت وعلي أنا و خواته أبوعويش /بوكل عليكم الله ..وهو خير وكيل .. أم عيوش / ونعم بالله "وبمحاوله " خذ ذهبي ابوعويش لاحول / لو بستفيد منه كان اخذته..لكن ما منه فايده ..علشان كذا خليه لك ..تنفعي به وقت حاجتك لا طولت في السجن ..والرجال طلبه واضح ..إما فلوسه تكون في جيبه ذا الأسبوع ..ولا تكون مهر لعيوش.. وانا بروح اسلم نفسي للشرطه ..قبل يورطني مع أسامة .. عند عيوش "ظلمت الدنياء بعيوني ..ورجولي مو قادره تشيلني ..اخ يايبه ..والله إني ظلمتك بافكاري الشينه.. لعب علي إبليس يوم فكرت فيك بذاك الشكل وهذيك الطريقه البشعه..ليت الله خذاني قبل اغلط في حقك.. ليت لساني انشل قبل اصرخ في وجودك.. صدقت ياتاج راسي.. ما استفدت مني شي غير إني جرحتك وجرحت كبريائك ..يوم اقول عنك طماع وتحب الفلوس .. وتبي تزوجتي لشايب عشانه بطران ..ياجعلني للبط إلي يبط راسي ..يوم افكر فيك كذا .." " قررت ادخل عنده للغرفه بعد ما بلعت الصدمه وعيت تنبلع ..حاولت ابتسم واكون طبيعية قدر المستطاع .. ودقيت على الباب .. ثواني وجاء صوت أمي وهي تقول مين بصوت شوي عالي " تنحنحت /احم اح..انا عيوش =================== إستراحه الخراااب "الروايح النتنه معبيه المكان..وصوت الاغاني واصل للربع الخالي ..الناس الضاله متواجدين وبكثره..يسأل عنهم الصف الأول صلاة الفجر ...الله يهديهمx يحس بتعب في كل جسمه ...ادمن الشراب ولا عاد به بصيره ...محتاج يشرب ولو رشفه ...يبي يرتاح راسه بينفجر من قوه الصداع ..خليل رفض يعطيه ..ولا عنده فلوس ويشتري.. راتبه التقاعد خلص ولا صرف منه على البيت ريال واحد..كله راح في ذا السم إلي يشربه.. قرب منه وهو ينتفض وبترجي /تكفى تكفي يا خليل تعطيني ولو كاسه وحده تكفى طلبتك يا خليل راسي بينفجر ..ريحني الله يخلييييك ريحني خليل بقرف من ذا إلي شوي ويبوس رجله عشان يعطه من السمم إلي يتسممونه.. /عندك فلوس؟؟x أبوحلوم /لا ما عندي لكن وعد..أول ما ينزل الراتب راح اعطيكx خليل بسخريه /ههههههههههههه إذا نزل الراتب هاه ؟؟..اسمع ياقلبي ما راح اعطيك لين تدفع لي القديم كم لي وانا اشربك ببلاش.. على اساس تزوجني بنتك ..وشكلك نسيت السالف اصلا .. ابو حلوم /لا ما نسيت والله مانسيت.. بزوجك حلوم وغبن عنها بعد ..بس انت الحين عطني قارورة .. وأبيك تصبر علي شوي خليل بضحكه /خلاص تم انا بصبر شوي ..وانت اصبر لين تستلم الراتب أوك؟! أبوحلوم/ما اقدر والله ما اقدر اصبر دقيقه...حتى اصبر لين ينزل الراتب .. رجيتك رجيتك يا خليل تعطيني ولو كاسه ...ما عاد بي حيل واصبر واللهx ما عاد.. خليل ضحك وهو يشوف صاحبه اسامه وهو واقف عند الباب وباين عليه معصب..والعصبيه واصله عنده ألف x اسامه جلس وهو يتافف/اوووف وش هاليوم المخييييييسسسسسس خليل ببتسامه يضربه على كتفه /افاااا ليه وش فيك؟ اسامه يبعد يد خليل عنه /البضاعه ذي نشبت في حلقي محد اشتراها ..والمشكله اني دفعت فيها كثييير خليل /ههههههههههههههههههههههههه ههههههههههههههههههههههههه أبوحلوم /خليل يا خليل عطني وريحني الله يخليك خليل لف عليه وبعصبيه وهو يرفع اصبعه /اقول انكتم لا اسمع لك حس "ورجع يناظر اسامه * خليل / ليه ناشبه في حلقك مب المعتاده كبتاجون ؟!!!! اسامه /لا مب المعتاده نوع جديد..وبعدين ذا وشعنده كذا وش يبي؟؟ خليل /يبي يشرب ولاني معطيه ولا نقطة ..وهو يلعب علي وعدني يزوجني بنته وسحب ..وانا خلاص ما راح اعطيه ولا رشفه لين يسدد إلي عليه اسامه يهز راسه/الله يالدنيا اخوه يلعب بالفلوس لعب وهو جالس يتشحت كاسه خمر..عطه عطه واعتبرها صدقه أو زكاة ههههههههههههههههههههههههه ههههههههههههههههههههههههه خليل يهز راسه بلا / لا ما راح اعطيه أبوحلوم لف لأسامه بعد ما كان جالس عند خليل "جلسه ارضيه " /تكفى تقنعه يعطيني ..تكفى وانا ابوك أسامه ضحك بقرف ثم قال/ اول شي تخسي تكون ابوي ..ثاني شي تبشر لكن اول بوس إيدي "مد يده في وجه ابو حلوم..وباسها صح حس بالذل لكن يهون عند الم راسه .. أسامه ابتسم ثم مد يده الثانيه..وباسها أبوحلوم" اسامه ببتسامه /الحين انت تستاهل ..ويلت قوم أطلع برا وانا اجيبه لكx أبوحلوم بشك /أسألك صدق راح تجيبه؟؟ اسامه بصرخه /اقول قوم اقلب وجهك ما بقى إلا إنت تحلفني ..قوم انقلع قبل اغير رأيي "ابو حلوم قام بسرعه وكل همه يشرب لجل يخف عليه الالم" خليل برفعة حاجب / من جدك إنت بتعطيه !!! اسامه هز راسه بإيه وهو يطلع من جيبه كيسه صغيره فيها بودره.. اخذ كاس وفرغ محتوى الكيس كله فيه،، ثم صب فوقه من الخمر وذوب البودره فيها خليل رفع حواجبه بذهول من إلي يشوفه /من جدك انت ؟؟ بتذبح الرجال وتبتلش فيه الكميه كبيرهx اسامه بلا مبالاة /ما عليك *وصرخ على أبوحلوم * تعااااااااااااال ياصالح "جا صالح وشرب الكوب دفعه وحده ..طالع اسامه وهو يبي زياده" اسامه وقارورة الهاري في يده / هههههههه تبي زياده يال*****..تعال تعال ازيدك تستاهل ما شاء الله ههههههههههههههههههههههههه ههههههههههههههههههههههههه جاب له الكاسه.. أخذها أسامه وهو يشوف بقايا من البودره في اطراف الكاس...صب فوقها ومده لصالح ..إلي شربه من دون لا يسمي ههههههههههههههههههههههههه ههههههههههههههههههههههههه المهم شوي إلا وصالح يمسك راسه ويهذي..وبين كل كلمه وكلمه تطلع آه ..اسامه وخليل ما اهتموا له انشغلوا يسولفون في اشغالهم الاهم منه ومن حياته بالنسبة لهم طبعا شوي وطاح صالح من طوله في الارض وهو ينتفضx خليل واسامه التفتوا عليه مفجوعين من قوه الطيحه ...قربوا منه بسرعه بعد ما سكنت حركتهx خليل بذعر / انت وش سوييييت ؟؟ الرجال مات صح؟؟! اسامه يناظر صالح وهو متورط/والله مدري؟؟ خليل بغضب/قلت لك ما راح يتحمل الكميه كبيره..بس انت ما تفهمx اسامه بعصبية /خليل بالله عليك تراني مب ناقص جلسوا يحاولون فيه يصحى ..وعيا يصحى..وبعد جهد جهيد فاق من إغمائه أسامه يسند صالح لجل يوقف بثبات/خليل تعرف بيته؟؟؟ خليل باستغراب/ايه اعرفه وش فيه ؟؟ اسامه /تعرفه اجل قم خلنا نوديه قبل يموت علينا ... =================== بيت ابومحمد. "أم عيوش استغربت منها ..وقامت تفتح الباب" /هلا يمه بغيتي شي؟؟ عويش حاولت اسوي نفسي مستحيه /إيه ؛ابوي هنا يمه؟ ام عيوش عقدت حواجبها بضيق /ايه هنا وش تبغين؟! "عيوش تضايقت من سوؤال امها وطريقه كلامها ..معها وكانها ما تبغاها تشوفه أو تكلمه..صح هي زعلته والحين جت تبي تعتذر له عن غلطتها!! " عيوش بتوتر من نظرات امها /ابيك في موضوع وهو بعد ابيه يسمعني ..ممكن أدخل؟؟! أم عيوش / ايه ممكن بس ..إذا الموضوع بيكدره لا تدخلين..مو ناقص اهو عويش / لا إن شاء الله ما يكدره "بعدت امي عن الباب ..عشان ادخل.. دخلت وانا احس مفتشله من أبوي..وجتني دوخه لما أبتسم في وجهي وهو يقول..." ابوعايشه ببتسامه /حيا الله عيوش نورت الغرفه..الحمدلله وانتي جيتي ولا كان جيتك أنا قلت بسرعه /اخسي إلا انا تتعنى وتجيني..انت تامرني وانا إلي اجيك يالغالي..وان أبو عويش قاطعها وببتسامه حانيه /قبل لا تقولين أي شي..انا آسف ولا راح اجبرك تتزوجي سالم..وانا من الاول ما كنت بجبرك على شي ..وربي يشهد علي يا عيوش ..بس اهو خطب واحنا عطيناك خبر عن خطبته لك ..وخلاص وصلني ردك وبكرا إن شاء الله اوصله له.."مسك يدي" بس المهم لا تزعلين " لا لا تكفي يا يبه لا .. طلبتك لا تتأسف لي والله ..انا إلي مفروض اعتذر مو انت..إنت ما غلطت ليش تتاسف؟؟..انا الغلطانه وانا إلي لازم تعتذر مو إنت..ياطيب قلبك يا يبه ويا سذاجه تفكيري فيك ..جيتك بتكلم معك بقولك شي بعتذر منك ..بطلبك السماح بس إنت ما عطيتاني فرصه .. ماعطيتني فرصه واقول لك.. أنا آسفة سامحني ..تأسفت مني وانا الغلطانه" "وانا جالسه اعاتب نفسي ..حسيت بشي دافي على خدودي الإثنين..وكان ايد ابوي ..إيه يدين ابوي تمسح دموعي إلي سالت من غير لا احس فيها" أبوعويش /لا يا يبه ليه الدموع !!هاه ليه تبكين؟؟ عيوش زادت دموعي مع سؤاله .. ودموعي صار لها صوت ..وصوت عالي بعد..لما بكيت أبوي ضمني مدري انا إلي ارتميت بحضنه..شديت عليه بكل قوه امتلكتها ذيك الوقت ..وطلعت قهري مني من نفسي في البكي.. "بعد جهد جهييد قدرت اتمالك نفسي واسكت " أبوعويش بمرح / الظاهر إني سالتك ليش تبكين..ما قلت لك أبكي!!! شكلك سمعتيني غلط "ضحكت عيوش وأبو عيوش وأم عيوش الي كانت مستغربه؛ومستغربه من اول ما دخلت عيوش عندهم " /ههههههههههههههههههههههههه ههههههههههههههههههههههههه أم عيوش / ايه وش موضوعك عواشه؟؟ "عيوش؛انا سكتت مو عارفه كيف ابدي بالسالفه ..ابوي يترقب وشهو الموضوع أم عيوش / يالله يمه قولي نسمعك.. "وناظرت زوجها" عواش تقول عندها موضوع تبي تقوله ..ونكون انا وانت موجودين أبوعويش مسك يدي وبتشجيع /يالله قولي نسمعك "عيوش ياربي وش ذا احس متوتره ألف..والغرفه مدري وش بها فجاة صارت حاره..يارب ساعدني " عيوش/اممم انا ..أول شي انا أسفه ..لاني عليت صوتي عليكم.. وربي ندمانه ولاهو قصدي يوم قلت هذاك الكلام كله .. والله ما اقصد شي "وبدت الدموع تاخذ طريقها" ابو عيوش بحنيه / ادري مو قصدك ..وهذاك الكلام قلتيه وانتي معصبه ..وانا نسيته اصلا ولاني زعلان منك .. ..وامك مو بعد مو زعلانه صح يافاطمه ام عيوش / ايه صححححح "عيوش دموعها تزيييييد" ابو عيوش /هه امك مو زعلانه وانا مو زعلان ..ليه الدموع هاه ليه؟؟.. "مسح لها دموعها للمره الثانيه وهو يقول ..." أبوعويش / يالله عيوشتي وش موضوعك؟..وبالله عليك بدون دموع طيب؟؟ عيوش مسحت دموعي ..وانا اسب نفسي في داخلي الف مره ..على الي قلته وإلي كنت مخططه أقوله..x وقلت ببحه /انا انا ....أ آ ..انا موافقه اتزوج سالمx "قلت ذي الكلمتين إلي نشبت في حلقي ..لحد ما طلعو بالغصب ..ونزلت راسي بسرعه ما ابي اشوف شي" أبوعويش مستغرب ..ومستغرب كثيير ..كيف وافقت شكى انها عرفت شي ..عن دينه "ناظر زوجته بستفسار "شاف الصدمه مغطيتها مت أولها لاخرها ..ابدا ما توقعتها توافق.. وهي إلي بغت تحرق البيت.. لما قالت لها عنه سبحان الله يغير من حال إلى حال" "سألني أبوي وتوترت من سؤاله زود ما انا متوتره " أبوعويش /موافقه!!!!! ليشششش؟؟ رفعت راسي له وبصوت يا دوب انا سمعته قلت /ايه م م موافقه "ورجعت نزلت راسي بعد ما شفت الصدمه والشك في عيون ابوي" أبوعويش /ارفعي راسك ..نا ظريني وعيدي كلامكx "عيوش صراحة خفت من ابوي ..ندري وش فيه تغيرت نبرته من الحنان للحده ..رفعت راسي لما قال ناظريني وعيدي كلامك مره ثانيه..رفعت راسي ببطء ..وشفته ساكت ينتظر مني اعيد كلامي ..بلعت ريقي وحاولت اسوي نفسي مستحيه.. عشان ابعد الشك عن ابوي ..احسه عرف انه صار عندي علم بدينه لذا السالم جعل ما يسلم به عظمx عيوش /موافقه أتزوج من س سس سالم ..وسويت حركه بلها براسي يقال مستحيه ..مالت علي وعلى سالم قبلي ..عله الطاعون قولوا آمينx أبوعويش /ليه ليه وافقتي!! ..وش إلي غير رأيك هاه؟؟ مو كنتي رافضه ..وتقولين شايب وما ينفع لك..وش صار ووافقتي ؟"وبسخريه"كبرتي ولا هو صغر وصارت اعماركم متوافقه.. "وبحده"عايشه امك قايله لك شي؟ "عواش بخوف هزت راسها بلا "x ابوعيوش /أجل وش إلي غير رأيك؟ "عيوش شوي واموت من الخول والتوتر ..الله يهديك يا يبت والله خوفتني ...ويارب سامحني على الكذب إلي بقوله "x عيوش /حلمت "ابوها عقد حواجبه وش حلمت" عيوش تواصل الكذبه /حلمت اني اتزوجه واجيب ولد ..و و إنت تسميه عمر "وهي تأشر على ابوها" أبوعويش مستغرب من عويش ومن حلمها /انا اسميه ؟!!!!!!! "عويش هزيت راسي بإيه وانا متورطه في ذي الكذبه..إلي ما لأمها داعي " أبوعويش /طيب عشان حلمتي تقومي توافقي؟؟؟! عيوش ياليل وش ذي الورطة /لا ب بببس انا حلمت ..وبعد الحلم صليت إستخارة و وارتحت "ختمت كلامي ببتسامه موجوعه تأملت إن يحسوها ابتسامه حياء..قلبي يصرخ بلا مو موافقه ولا ابيه ..وعقلي يقول راحت أبوك واخوانك بس مو تنسين نفسك.. اخ يا عقلي انا مو مهمه المهم ابوي لا يدخل السجن ..وامي لا تنقهر وخواتي لا يضيعون.." ابوعيوش صد عنها وطلع من الغرفه ومن البيت بكبره...ضاق صدره بنته بتتزوج سالم ..النذل في نظره ..وده يرفضه بس ما بيده شي بنته موافقه ..وشافته بالحلم وجابت له الولد إلي يتمناه بعد..ومستخيره ومرتاحه يعني ربي دلها وريحها له .. الله يوفقك يا عيوش ويهديك ويهدي لك يابوك "ويهدي لك..يعني يهدي لها أو يسخر لها .سالم مثلا ..يسمع كلامها ويحبها وكذا " ==================== في بيت حليمان¿ " بعد ما طلعت عواش من عندي..كانت الساعه جايه على سبعه أو ثمانيه .. شوي واذن العشاء ..صليت وجلست شوي ..وكان البيت هادي لدرجه الموت .. ابوي له مده مو مبين يجي ينام ..وإذا صحى يرجع للمكان إلي جاء منه ..كذا حياتي من بعد وفات أمي الله يرحمها ..وانا شبه وحيده في بيتنا..بس الحين اهون من قبل ..خالتي وبناتها استقروا هنا..بعد ما كانوا في النادر يجون للرياض..المهم بعد ما صليت جلست شوي وحسيت فيني نوم!!..والعجيب انه يوم انسدحت في فرشتي ...طار النوم وربي كلابه وقهر..سرحت شوي وانا اتذكر..كلامي مع عواشه ..حبيبتي والله حزنت عليها..وربي ما توقعت خالي عبدالله يجبرها.."تنهدت" والله يابنت خالتي مقرودات إحنا ..ههه وانا بعد شكل ابوي ناوي يزوجني ..والله يستر على مين..كان بودي افضفض لك واقول لك أشياء كثيييييره...كان بودي تسمعيني يا عواش..وتسانديني تعطيني جرعه من الإيجابية ..طلعتي مو فايته عني ..وتبغين من يساندك ويوقف معك ..الله يفرج همك ويفكك كربك يارب.. قلت بستفيد من وقتي واقوم اتوضىء ..وأصلي لي ركعتين تنفعني ..واقراء قرآن .. " رحت للحمام *الله يكرمكم* وتوضيت ..خلصت ونويت أطلع بروح لغرفتي ..لكن وقفت!! ايه وقفت سمعت صوت رجال !! غريبه الصوت غريب مره ..شوي والصوت وضح اكثر وكأنهم داخلين للبيت!! "سمعت صوت غليض يثير الاشمئزاز ..شوفوا وش قال..^ ".....ناظر لابو حلوم وببتسامه كل معاني الخبث انرسمت فيها / خلنا ندخله يموت في بيته على الأقل ..وبسخريه^ يلحق ناديهx قال الثاني وواضحه الضحكه في صوته / يلحقها على جهنم إن شآء الله ههههه "ضحك وضحك معه الثاني .. يا الله وش نوعهم من بشر ..الله يهديك يا يبه يوم تماشي هالاشكال .." خليل بخبث قرب من أسامه..ومسك ابو حلوم وقال/خلاص أنا بدخله ..وإنت انتظرني بالسيارة "وهو ياشر على السياره" أسامه رفع حاجبه وابتسم على خبث خليل .. عارف وشهي نيته /لا لا موكذا ياخليل ههههههههههx خليل غمز له بخبث / نظره شرعيه هههههههههههه أسامه / عساها تعجبك بس هههههههه خليل يناظر ابو حليمه إلي دايخ و مو داري عنهم وعن نوياهم القذره /إذا أبوها ذا ماينخاف منها "وبغيره او مدري وش" شايب لكنه مويون ال*** اسامه وهو يطالع ابو حليمه / صدقت ال****** ذا مزيون ..لكن وش يدريك يمكن ما طلعت عليه !!وطلعت شينه يمكن على امها؟!! خليل /هههههههههه لا متأكد مزيونه.. ولا فيه احد بعقله يغلط مع وحده شينه؟!!..اكيد انها جميلة وتغري ههههههه أسامه /ههههه أجل بالتوفيق ..وانتبه تتأخر هههههههههههههههههههههه "راح جلس في السياره ينتظره" " دوخه، دوخه، دووووخه...احس بطيح من طولي ..حرااام عليهم وش قاعدين يقولون .."قربت خطواتهم لباب الصاله..يعنيي خلاص بيدخلون البيت " ياويلي ياويلي ..وين اتخبى منهم ؟؟..جلست ادور في مكاني مو عارفه وين اروح ابي احمي نفسي ..والله لو يشوفوني إن ما اسلم الليله..حسبي الله عليكم حسبي الله..يارب يارب ساعدني يارب..يارب مالي غيرك .. في آخر لحظه ركضت للمطبخ ..بخبي نفسي فيه ..وقفت في ثواني قليله افكر وين احط نفسي..وبسرعه رحت وراء الثلاجه كان فيه زباله كبيره وبجمبها جكوك او دبات كبيره للمويا ..المهم تخبيت وراها وسحبت غطاء الزباله وحطيته على راسي..ع اساس محد يشوفني ..يا الله ما تتخيلوا قد إيش مرعوبه ..كنت اسمع صوت الابواب لما تنفتح ويدي على قلبي ..خايفه يجي للمطبخ ويحصلني..يارب يارب ما يجي للمطبخ يا رب ..ادعوا معي ادعوا.. "دخل خليل وهو يجر في أبوحلوم معه...وقف به عند اقرب كنبه ..وقال له يجلس عليها أو بالاصح دفه لحد ماطاح عليها...دارت عيونه في الصاله إلي تحتوي بيبان كل الغرف الموجوده في البيت.."حك ذقنه وهو يناظر أبوحلوم إلي يهذي ولا هو داري عن شي" راح لاقرب باب وفتحه بهدوووء وهو يطل براسه لداخل الغرفه..كانت الغرفه مظلمه وواضح انه ما فيها احد بس حب يتأكد وشغل النور ..شاف الغرفه وكانت للضيوف ..مجلس بسيط جيدا يدل على بساطه اصحابه ..او على فقرههم بالنسبه للكنبات المهتريه ..والسجاد البالي والطاولات إلي من زمن جدي . قفل الباب بنفس الهدوووووء بعد ما خاب ولا حصلها وراء ذا الباب..توجه للباب الثاني وفتحه وكانت غرفه حلوم..ابتسم وهو يشوف ملابسها على السرير والفرش معفوس واضح كانت موجوده..اخذ لفه في الغرفه وه يتفحص ادق التفاصيل ..بعد ما قفل الباب <حسبي الله عليك يالخبيث قال بصوته المقرف /اطلعي ياحلوه عارف انك هنا ... ماسمع جواب واكيد ماراح يسمع حتى لو كانت موجوده .. قرب من السرير ونزل راسه تحته ..وهو يناظر يبي يشوفها بس ما فيه احد ...ارتفع وراح يفتح الخزانه الصغيره ..ولا شاف غير كم قطعه تلبسها حلوم...اخذ نفس وطلع من الغرفه بقهر ..لين متى بيجلس يدورها ..طلع للصاله وهو يناظر ثلاث ابواب..هي اخر امله إثنين لها ابواب واحد واضح من شكله انه حمام ..وواحد لا نفس بيبان الغرف الباقيه ..اما الثالث بس فتحه من دون باب ..وهو المطبخخخخخخ فتح الباب القريب منه وكان باب حمام الله يكرمكم ..ولا حصل احد فتح الغرفه الثانيه إلي هي غرفه ابو حلوم ..كانت مرتبه وكان راعيها مسافر.. ناظر تحت السرير وفي الخزانه ولا حصلها ...هنا عصب جدx طلع وصفق الباب باقوا ما عنده ..وقف في الصاله شوي ثم سمع صوت جاي من المطبخ ...عندها بانت إبتسامته الخبيثه ..وتوجه للمطبخ بسرعه وx و و و و و وx و و و و و و و وعطوني توقعاتكم خلص البارت<هههههههههههههههههه� �هههههههههههه ههههههههههههههههههههههههه هههههه اللهُمَّ أبعث الراحة إلى قبره، اللهُم أرهِ مقعده من الجنة اللهُمَّ آمين 🌿. سبحانك اللهم وبحمدك اشهد أن لا إله إلا انت استغفرك واتوب إليك🍃 | ||||
|
|
23-05-19, 06:48 AM
| #12 | ||||
| صباحكم خير حبيباتي💓💓 تم تنزيل الفصل الثاني والثالث والرابع من الرواية،، لان مسافره لمكه المكرمه بعد شوي فاحتمال ما يمديني انزل الفصوول لذلك نزلت مرة واحده،، قراءة ممتعة حبيباتي + لاتحرموني من ردودكمممم 💓💓💓. | ||||
|
|
|
24-05-19, 06:37 AM
| #15 | ||||
| السلام عليكم ورحمة الله وبركاته كيفكم حبيباتي؟؟ إن شاء الله طيبين؟ اامممم شفت نفسي فاضية ومو جاييني النووم فقلت ليش ما انزل البارت الحين؟؟.. صدق ليش ما انزله! صراحةً ما حبيت اخليكم للفضول.. لان قد جربت هالشي انه اترقب او انتظرر.. وبعض الكاتبات الله يسعدهمم يطولون لين ما ينزلوا التكملة،، صح ذا شي حلو ويحمسس ألف... اامم مدري وش اقول بس انا مافيني صبر... لكن من اليوم بحاول اصبر وبتعلم للصبر.. اليوم الجمعة بنزل البارت الخامس والجمعة الجاية السادس بإذن الله +علشانك ياعهدد يلا ماراح اطول عليكمم حبايبييي "البارت الخامس " "٥" إبتسم إبتسامة كان الخبث ظاهرها وباطنها ،ابتسم لمعصيته، لعذابه المُهلك في ذلك اليوم ،يوم يُسأل فيه عن كل صغيرة وكبيرة،يوم لاتنفع مالٌ ولا بنون ،يوم يفر المرء من أخيه من أمه، ويفر أيضاً من أبيه، هل كان يحسب حسابه أم لا؟ تقدم في خطواته وكلما إقترب إزدادت إبتسامته اتساعًا "إلتفت يمينًا ثم يسارًا" وكأنه يبي يستكشف مطبخهم،لا لا مايبي يستكشف المطبخ وش يبي فيه؟ يبيها هي مايبي شي غيرها يبي يشوفها يبي يدمرها ويضيعها ويقضي عليها! في سبيل "متعته"وإشباع رغباته الحقيره.. زادت خطواته إتساعاً وصار يقرب منها صار قبالها مباشرةً،،بلّل شفتيه بلسانه،،وابتسم إبتسامة جانبية واستمر في التقدم. تتسارع نبضات قلبها ،تتعرق جبينها ترتعش يداها..! خائفةٌعلى شرفها ،عذريتها ،عفتها،مستقبلها! ،وقبل كل هذا خوفا من خالقها خوفا من غضبهِ ،خوفا من أن يهتز عرشُ الرحمن بسببها وإن لم تكن راضيةً عن هالشيئ ،فهذا كبيرةٌ من كبائر الذنوب وإن كان غصبًا عنها،وبغير رضاها. بلعت ريقها بصعوبه،حطت ايديها الثنتين على فمها تمنع صرختها من الخروج حليمان: يارب طلبتككك تحميني.. يارب أنا ضعيفه.. عاجزه عن حماية نفسي.. راجية حمايتك ورحمتك بي.. يارب ياربي ياحبيبي ،يارب إن ارادني بسوء فأصرفه عني بقدرتك.. ،يارب إحفظني من فوقي ومن تحتي وعن يميني وعن شمالي وأعوذ برحمتك من ان اغتال من تحتي يارب تساعدني يارب "كانت دموعها تسيل بجنون وبالغصب حابسه صوت شهقاتها" ،اللهم إجعل بيني وبينه سدًا،اللهم إجعل بيني وبينه سدًا،اللهم إجعل بيني وبينه سدًا يارب العالمين. "حست بخطواته تقترب منها ارتجفت اطرافها بقوووه وانعصر قلبها ،ضاق تنفسها خطواته قريبه منها حيييييييل فتحت عيونها إلي كانت مغمضتها بشدّه، وتمنت إنها ما فتحتها بعد ماشافته واقف قبالها… عند سلمان في الإستراحة سلمان جالس معهم بجسده فقط، بينما تفكيره وعقله كله في مكان آخر خارج محيط الإستراحه مكان بعيد عنها كُل البُعد مره يسرح في الماضي بتفاصيله الموجعه وإتهاماته الباطله ،بظلمه الفاجع! ومرات في الحاضر المُر ،القاسي، العنيد! الواقف بينه وبين حلمه ومستقبله إلي سرح كثييير في تخيل تفاصيله الجميله!! إلي رسمها وتفنن في رسمها إبتدأت رسمته ببتسامه عريضة جدًا ثم بدأ يرسم ملامح هذه التفاصيل ،رسم كيف بيعوضها عن الكل كيف بيكون مصد السعادة بالنسبه لها كيف يخليها تضحك بصوت عالي جدا وعد نفسه بتخليصها من ماضي علق في ملامحها على هيئة حزن يوجع قلبها وقلبه أكثر!! يحسها مكسووره،، كلام اخته عنها وعن حالها عالق في راسه و مسبب له وساوس كثييره مو قادر يتخلص منهاx تنهد وهو يفكر في طريقة يرضي فيها حاضره أو مستقبله مو مهم ايش المهم يتعدل إلى متى هالإعوجاج؟ إلى متى هالحظ منسدح طفش من هالحال إلي هو عليه ،لكن وش الحل؟ مايدري العلم عند الله عقد حواجبه وهو يحس بشعور غريب! قريب جداً من الخوف حط يده على صدره وهو متعجب من هالشعورر!! تمتم بضيق(أستغفرالله العلي العظيم وأتوب إليه،أستغفر الله العلي العظيم وأتوب إليه) إقترب منه بهيبته وهدوءه المعتاد،حط يده على كتف سلمان وشد عليه وهو يقول ببتسامه لطيفة: إليِّ ماخذ علقك مدري قلبك يتهنّئ "وغمزله" سلمان طالعه بذبول إبتسامه :حيا الله أبو غازي ،مآشاءالله متئ وصلت؟x :رفع حاجبه الأيمن وبسخريه طالع ساعته إلّي تحتل معصمه الأيسر وقال:x تقريباً تقريباً إذا ماكنت مخطي " وبعبط".. وإذا ساعتي ماخانتني فأنا واقف هِنا.. من ثانية إلى جزء من الثانية.. يعني مو من زمان لا تحاتي ابدًا.. سلمان إبتسم وهو عارف إنه من زمان جاء.. بس هو ما حس عليه.. وكمل معه إستعباطه! :اجل كويس،تفضل أجلس خل نقوم بواجبك.. أبو غازي :لا فيك الخير والله.. بتقوم بالواجب.. "وبقهر"بالله انت وش في بالك؟ .. وش شاغل مخك المعفن ذا؟.. لي ساعتين هناوانت ولا حاس بأحد.. علي راح وإجا وبيرجع يورح... وعمر نام وشبع نوم... وانت ابد مو حاس بأحد..عجزت استوعب انت موجود معنا او لا!.. أحمد بجديه: صدق سلوم وش فيك يارجال؟.. لاتقلقنا عليك قول وش فيك.. وش إلي قالب حالك كذا... ناقصك شي محتاج شي؟ أهلك محتاجين؟ ترانا حنا بالخدمه نعين ونعاون.. مجيد بستهبال: إي والله صادق أحمد.. حنا نعين ونعاون.. لكن إن كان دين إلي مكدرك فهي النحشه وأولنا أحمد.. لان مافيه اطفرر منه،، امس معبي له سياره بانزين.. يمشي فيها لمبتها مولعه ههههههههههههههههههههههههه ههههههههههههههههههه خاليه علي عقد حواجبه :إي والله أحمد وين العشاء؟.. ابد مو زينه تجي بهالوقت ويدك خاليه علئ ماقال عمر!.. سعود: ياعيال وش فيكم أحمد مايسويها ويجي يده خاليه..! هو بس يمكن قال يبي يسألكم وش تبون العشاء.. عشان يشتري على هواكم نفس ما انتم تبون،ولاّ يابوخالد؟ أحمد بقهر: ايالــ* ***** ياللي مافيكم خير أنا البخيل؟!! ولا أنا إلي انحاش من خويي بسبة الفلوس؟يالـ* ** وتبون عشاء هاه وربي ماتذوقونه مني يالـ* *** العيال يضحكون وأحمد عصب زود وبصرخه: انطموا يالـ* **ماقلت نكته انا سلمان وهو ماسك ضحكته على أحمد.. إلي دايم يستفزونه.. وهو بسرعه يعصب.. واصحابه ما تحلا لهم الجلسه.. إلا إذا عصبوه..! سلمان :ما عليك منهم يابوخالد ولاتزعل تراهم يمزحون معك.. وانت رجال والنعم وانا والله إن كان محتاج فأنتم أخواني مابستحي منكم.. وبطلب إلي أبي وأدري ما بتقصرون عمر وهو يمسح وجهه وخلل شعره بأصابعه وقال : مع حبي وتقديري وإحترامي الشديد جداً جداً لك ياسلمانوه إذا كنت محتاج فلوس لاتطلبني والله إن ماتلقئ بجيبي غير التراب وانت بالكرامة،، الوالد هاليومين ضاغط علي ضغطه بنت كلب الله وكيلك ما يعطيني الريال إلا بطلعة الروح يبيني اتوظف ،لكن إن تبغاني في شيٍّ ثاني "وهو يغمزله" هوشه ولا شيٍّ من هالقبيل والله إن تلقاني بالصفوف الأماميّه وانا اعين واعاون ادري فيك مهفّه كف واحد إلا انت مغشي عليك بس تطمن مخاويلك رجال يفرك خشوم المطانيخ بالقاع فرك. علي :هههههههههههههههههههههههه� �هههههههههههههههههههههههه� � استغفرالله هذا كله ومع إحترامك الشديد جدا جدا ،أجل كيف لو ماهوب جدا جدا؟!! سلمان بغيض: إي والله إني محتاجك ياعمر لكن اصبر علي ،وتطمن فلوس غاسل يدي منك إنت بالذات لان أدري فيك جالس على الصدقات سعود بمحارش :هههههههههههههههههههههههه� �هههوالله يردها لك ياعمر وبإهانه بعد عمر بقهر: اقول انطم انت بس مسوي تفتن الحين،،المهم سلمان وش الهوشه إلي تحتاجني فيها والله إني تحمست بالذات انه من زمان معاد تضاربت مع احد وبخاطريي اتضاارب أحمد بسخريه: والله ياعمر شكل جلدك يحكك ومن زماان ما تصفقت وناوي تتصفق الحينه ههههههههههههههههههههههههه ههههههههههههههههههههههههه عمر طالعه بغيييييض ثم طنش سلمان بسخريه: لا بتتضارب ولابخليها بخاطرك إن شاءالله.. بس انت خلك جاهز وقت ما اطلبك تجي عمر: من الحين جاهز لو تبيي ابوغازي وهو رافع حاجبه اليمين: ماشاءالله ،وقدامي بعد اقول إنت وياه والله إن ما تعقلون وتبطلون حركات البزران غير أتلّكم تل للتوقيف ،ولا إلي يبي حقه يجي يشتكي للشرطة وياخذ حقه بالقانون.. مو بالهواش والمضاربه ومن هالاساليب الهمجيه الديره بها قانون. عمر بتريقه: اهوووووو الضابط حسام شاد حيله علينا ونسي عمره زماان سعود بتشجيع: كفففو والله يابوغازي كفو علمهم هالمخابيل، وبعدين عمر وش تقصد بزمان؟! حسام بقهر :اي بعلمهم وبعلمك انت قبلهم والحين قول لي وش جايبك الإسبوع إلي فات للمركز؟ هاه ولا قلت حسام بإجازه فرصتي اتمشكل مع الناس وادخل واتوسط بإسمه واطلع والله لو اني موجود وقتها،، ولا لو وصلني خبرك بدري كان خليتك تخيس اسبوع في التوقيف سعود بفشله وتبرير بارد: اجل الحمدلله وانت مو موجود ، وبعدين انا ما غلطت الرجال صدمني واعدم سيارتي وفوقها ينافخ علي تبيني اسكت له!! لا والله ماني سعود لو سكتت حسام :ماشاءالله عليك الله لايضرك بس "وبعصبيه"ياخي خاف ربك انت إلي جيت عرض للرجال وكسرت سيارته وفوقها ضربته وكسرت عظامه وآخر شي تقول هو الغلطان؟! اتقي الله يا مسلم! عمر بشماته: ياعيال شوفوا وجه سعود الفشلانني ههههههههههههههههههههههههه ههههههههههههههههههه كلهم ضحكوا عليه بستثناء سلمان إلي راح بعيييد عنهم "بعقله وتفكيره" حسام لاحظ شروده عنهم وهز راسه بضيق على صاحبه القريب له ، ،عجز يعرف وش فيه ووش إلي مكدره وهو رافض يقول . أحمد طالع سلمان ثم حول نظره لحسام وغمزله وقال: يلا ياعيال قوموا عازمكم عالعشاء وعلى حسااااابي عمر رمى فروته وهو يقول: مابغيت يارجال سعود بثقه: وش إلي مابغا؟ ابو خالد هذي عادته الطلاقه منه وفيه ماهي بغريبة عليه أحمد ابتسم بستفزاز: اي صادق الطلاقه عادتي وما جبت شي جديد ، لكن انثبر ماكنك حبيبي انتثبر،، العزيمه هذي ماهي بلك انت وياه ،، انا عزم حسام وسلمان بسسسسسس عمر سكت يقال مصدوم وهو صدق مصدوم سعود وبيستغلها فرصه: ياعيال شوفوا صدمة عمر ههههههههههههههههههههههههه ههههههههه مجيد: لا لا احمد ماتسويها علي بدراما :احمد لا لا يااحمد تكفئ لا لا تصدمني فيككك وبصرخه احممممد تكفئ لا يا احمد لا احمد :لا انصدم وانصدم بعد واسويها ونصصص وربع وثلث وواحد كامل، ماغير انثبر بس المهم يلا ياحسام ويا سلمان قبل لا نتأخر زياده و تقفل المطاعم سلمان :يلا كلكم وعلي هالعزيمه اليووم وهو يطالع وجه احمد المعترض احمد: لا والله ماتجي عزيمه فوق عزيمتي والتفت للعيال،،وانتوا لا تفرحون منتم برايحين زحف من هنا عمر بعصبيه رماه بقارورة الموياا وبصرخه: اقول ضف وجهك احسنلك ،مسوي تذلنا بعزيمتك ذي ولا بنموت بدونها حنّا ،،يلا تقلع اشوفف يلا أحمد ضحك بستفزازز: ههههههههههههههههههههه أبشرر من عينييييي اضف وجهي بس انت لا تززعل ،يلا فمان الله. حسام طالع سلمان وبملامح هادئة :يلا قبل يتراجع احمد عن كلامه سلمان ببتسامة :اسكت اسكت لا يسمعك يفصل علينا أحمد إلتفت عليهم وبشبه عصبيه: يعني لين متئ بنتظركم أنا؟ زايد ابد ماله داعي نتأخر زيادة لان الوقت متأخر والدنيا زحمه يادوب نحصل طاولة مرتبة بمكان مرتب "وبغمزة" ناوي ادلعكم اليوم يلا..قبل اغير رأيي واوديكم عند مشتاق سلمان بسرعه : دخيلك لا والله النار شابة فيني من غير.. أحمد بضحكه : أجل استعجل راحوا العيال علئ امل يقدرون يسحبون هرج من سلمان ويعرفون وش فيه ،لكن سلمان متحفظ جدا ما عطاهم فرصة ،لكن يمكن مع شوية إلحاح منهم يستجيب لهم!!! رد عليه بصوت واثق يكبت خلفه "غيض وقهر" وده يسوي شي بس ما يبغئ أحد يتضرر ويجلس بغبنته وحسرته بعدها.. أهو عارف مع من يتعامل وعارف كمية الخسّه والحقارة الموجودة في هالشخص بس لازم يضبط اعصابه لمصلحته ومصلحة عائلته … انفتح الخط وهو يسمع صوته إلي يبغضه بشده وهو يقول "ألوو" بسرعه بدون اي مقدمات قال بثقه وهو قرفان في داخله: خلاص الحين تقدر تحمد ربك "وبسخريه" وتسجد شكر لله. الطرف الثاني : بعد الجوال من اذنه وطالع الشاشه يبي يتأكد من اسم المتصل "ابوعيوش" رفع حاجبه بغيض غريبه وش فيه هذا يكلمني كذا؟.. من متى وصلت له الثقه ذي! ،لا وفوق ذا صوته في شي من السخريه وكأنه يقلل من قيمتي، يلا بصبر عليك واشوف وش عندك الحين وبعدها يصير خير معك يالـ* ** رفع الجوال لأذنه وقال بصوت قوي مغتاض : حامد ربي من قبل اشوف وجهك ،وسجود الشكر انت إلي لازم تسجده لاني صابر عليك لهالحين ،وانت ماعطيتني كلمه وبستفزاز ..لايكون مو حاب تتعامل معي؟!! الظاهر واحشك أمسامه؟! أبومحمد ارتفع ضغطه من هالانسان بس ملزوم يصبر عليه قال وهو يبي يستفزه: أفا هذا وأنا بصير عمك كذا تكلمني؟ والله كنت احسبك تعرف بالأصول ياسالم. سالم ابتسم برضا يعني الحين يبي يعلمني بموافقتها بس من ورا التريلات هههههه يقال كبرياءه يمنعه يقولها عادي ،،يلا المهم اتزوجها وغصب عنه بعد قال ببرود :تصدق كنت عارف انك بتستخدم عقلك وتفكر صح ولو مرة في حياتك،، المهم الحين أن الزواج بنفس ماحددت انا نهاية هالاسبوع. ابومحمد استغفر ربه بقهر وهو يحاول يسيطر على غضبه: لا لا ياسالم الزواج موب نهاية هالاسبوع الزواج في الوقت إلّي أقوله لك أنا سالم سكت وهو حده مقهور ووده يفجر ابومحمد على هالاسلوب الجديد إلي طالع له فيه ،، لان موب معتاد منه شي غير الاحترام والسمع والطاعة. ابومحمد: اسمع يا سالم ابيك تفهم إنه وافقت موافقه مبدئيه فقط ،يعني لاتتحمس كثير ،، وانتظر مني ادق عليك عشان تروح تسوي التحاليل ثم نتفق على الملكه إذا ربي أراد،، والحين بقفل لان مو فاضي عندي أشيآء مهمه ..وقفل بوجهه من غير ما يسمع رده رمى جواله بقهر وهو ياخذ نفس ويكتمه في صدره .. منقهر من هالزواج مايبيه مايبيه يتم ولاهو قادر يمنعه أستغفر ربه(استغفرالله العلي العظيم واتوب إليه استغفر الله العلي العظيم واتوب إليه) وراح يتوضئ يمكن يهدء شوي . عند سالم : ناظر شاشة الجوال بصدمه.. قفل في وجهي؟!! لايكون هالغبي صدق نفسه انه عمييي؟ طيب طيب يصير خير ياعبدالله .. صرخ بقهر :أنس أنس دخل انس بسرعه وهو يستغفر ويطلب من الله الصبر :هلا ابو نايف أمر ابونايف وهو ناوي على شر : روح جيبلي تقارير من موظفين الشركه كامله بتاريخ 12 من الشهر الماضي ، ،وياليت تقول لأي واحد مو مجهز تقريره يلملم اغراضه ويتسهل موناقص خساير انا "وبخرصه" وش فيك واقف كذا مثل الأهبل اخلص علي يلاااااااا انس بصبر طلع من دون ما يقول شيئ. ===== في بيت أبو محمد،، عيوش منسدحه في الصاله في وسط إزعاج أخواتها وأخوها محمد إلي مايجلس معاهم إلا وتهاوشوا معه علئ اتفه الأسباب ،،رافعه رجولها على نهاية الكنبه وتفكر في الشي إلي سوته صح ولا غلط ،، :ياربي أنا وش سويت فنفسي؟ والله شكلي بضيع عمري مع هالشايب الـمعفن زايد خبيييث الله لايوفقه ..نكد عيشتنا لكن والله إني لك ياهالشايب وربي لأطلع حرتي وحرة ابوي من بين عيونك وتشوف أجل أنا عيوش بنت عبدالله اتزوجك إنت ياشايب العايب ..طيب طيب ياسالم "وبقرف" ييييع حتئ إسمه يجيب الهم الـ* ** ياربي مو متخيله حركته مع ابوي وكيف يضغط عليه ويستغل ضعفه بحقاارة اوووف عيوش أحسن لك انسحبي منتي بقده هذا خبيث.. لا لا عيوش ابوك يستاهل تضحين عشانه وعشان اخوانك بعد يستاهلون وانتي قويه بتقدرين تاخذين حقكك منه قطع عليها تفكيرها صراخ منور في وجه نوير : يعني أموت جوع علشان حضرتك شبعانه ومالك خلق تطبخين ؟ والله إن ماتسويلي أكل إن أعلم أبوي عليك يالعوبه .. وبعدين تذكري أنا كم مره أنفذلك طلباتك وأجيبلك مويا وأشغل لك التلفزيون وكل ماقلتيلي شي أسويه لك والحين يوم اطلبك ترفضين وربي مو على كيفك بتقومين يعني بتقومين "ولفت حول نفسها بقهر" ياربي انتوا وش ؟ ماتحسون؟ بطونكم وش فيها ما تجوعون؟ آخر شي الـس نوير تحط يدها على فمها تسكتها :خلاص خلاص تكفين اسكتي والله بسويلك أكل وكل شي تبينه بس انطمي وربي راسي صدع منك ومن صوتك ذا تقول صفارة إنذار أعوذ بالله منور تبعد يد نوير عن فمها :قولي ماشاءالله يالخايسه،، حتى صوتي مابيسلم منك الحين كفايه معدتي إلي راحت فيها بسببك وسبب كسلك يالكوالا نوير وهي تشوف عيوش إلي تطالعهم بدون اي ملامح أو تعابير :طيب خلاص ماشاءالله تبارك الله لاقوة إلا بالله عليك وعلى صفارتك أقصد حنجرتك مدري صوتك ،والحين وش تبين من أكل؟ منور بتفكير :اممممممم ابغئ أبغئ نوير قاطعتها وقالت :خلاص لاتفكرين بنسوي باشاميل وانا بسوي المكرونه وعيوش بتسوي اللحم وإنتي بتسوين الصوص "وبحزم"ولا أبغئ اسمع أي إعتراض منور ضربت رجلها بالارض وهي معترضه :لا لا انا قلت انتي تطبخين ،،وبعدين انا ما اعرف عيوش بدون نفس :وانا ما ابي أكل زايد مابطبخ شي نوير تخصرت :لا لا حبيبتي انتي وياها بتطبخون وانتوا بنات ابوكم ، ،"ولفت لعيوش"ما تبغين تاكلين بكيفك لا تاكلين زايد وفرتي لكن ما تبغين تطبخين هذي مو بكيفك ابد ،، ورجعت تطالع منور ،،وانتي ماتعرفين تتعلمين الحينه مو شي صعب ويلا قدامييي عيوش بسخريه: عجبتيني يالمديره ،،اجل موبكيفي ابد؟!!!! نوير وهي إلي تبي تطلع إختها من عالم السرحان وهي تطالع منور: والله إلي خلاني اقوم يقدر يخليك تقومين انتي بعد عيوش فهمت عليها وقامت :والله ابدد ابد مالي خلقها ،،علشان كذا بقووم نوير وهي تطالع منور: ههههههههههههههههههههههههه هههههه منور طالعتها بطرف عينها ثم أقفت عنها وبغرور : اقول روحي سوي الاكل وانتي ساكته بس،، عيوش ونوير طالعوا بعض وهزوا رؤسهم بلا،، وهم يآئسين من اختهم ومن القوة إلي فيها همست نوير وهي تناظر بعييييييد :هذا وبعدك صغيرة أجل لو تكبرين وش بتسوين؟؟ عيوش : تدرين المفروض إنا نصير مثلها ،، ولانسمح لأي شخص انه يفرض علينا شي أو يغصبنا على شي ،، ولا نمشي إلا بشي إحنا نبيه مو مغصوبين عليه. نوير عقدت حواجبها ومسكت وجه عيوش وبحنيّه : عيوش ياعمري إذا ماتبين تتزوجي من سالم أبوي ماحيغصبك على شي إنتي ماتبينه،، كوني واثقه من هالشي عيوش هزت رأسها بلا وهي تبعد يد نوير عنها :أدري إن ابوي مستحيل يغصبني على الزواج ولاّ غيره ،، وانا وافقت على هالزواج وياليت ماعاد تفتحي هالسيره معيييي تمام؟ نتهدت نوير بخفوت :تمام ،بس ودي أعرف ليش وافقتي عليه وانتي قبلها كنتي بتموتين ولا تتزوجينه والحين فجأة وافقتي "واشرت على صدر عيوش" انا عارفه إنك انتي من داخلك مو موافقه،، قوليلي وش إلي جابرك توافقين؟؟!! سكتت عيوش عندها رغبه في الكلام ودها تفضفض بس خايفه لو جا ابوها وسمعها وقتها لو تموت ماتزوجت سالم ،، وخايفه تقول لنوير وتفهم غلط او أي شييي ،،وهي عارفه نوير متهوره ومستحيل تتوقعي ردة فعلها نوير بعد ماطال سكوت عيوش عقدت حواجبها هزت راسها بتساؤل ؟؟؟ :قولي يلا عيوش لفت وجهها وقالت : مافي شي أقوله والحين يلا نروح نسوي الأكل حراام اختك جوعانه .. ودخلت للمطبخ بسرعه نوير لحقتها وهي تبي تعرف وششش فييها،، وش سالفة اختها تحس إن وراها شيي قوي اجبرها توافق . ========= في بيت أبو حلوم.. عقد حواجبه وهو معطي ظهره "للزباله" وينها؟ كيف أختفت بهالسرعة؟!! رن جواله وكان صوته عالي جدا بالنسبه لهدوء البيت طنش وهو مستمر في البحث عنها لكن المتصل كان مُصرر رفع الجوال بقهر وهو يفتح الخطط وبعصبيه : نعمممم؟ وش تبي؟ اسامه ضحك بستفزازز :ههههههههههههههه اقول يلااا بسسسرعه تطلع ،وبخبث مبطن لكن ما خفي على صاحبه! ،، ومبروك اللافي ههههههههههههههههههههههههه هههههه خليل بقهررر :اللافي؟ اسامه :إيه اللافي،، قدها حملت أصلاً ولّا هالوقت كله تمقل فيها!؟ يلا اطلع ولا ناوي تنام هنا؟ههههههههههههههههههههه ههههههههههه خليل غمض عيونه وهو مغتاض : اسامه ماحصلتها اسامه بعدم تصديق : خليل اطلع ،اكيد إنك خفت الحين من طاري الحمل.. وقمت تقول ماحصلتها..! خليل بسرعه اطلعع ولا ترا بروح وما انتظرك... معك دقيقة وحده خليل قفل بوجهه وطلع وهو مقهوور هذا وش فيه مريض ولا وش ،، طلع وترك الباب مفتوح فيه قهر مايعلم به إلاّ الله.. ركب سيارة أسامه وضرب الباب بقوة وملامح القهر واضحه عليه. أسامه صرخ بغضب : كسرت الباب يا ابن ******* .. شوف لو ينكسر الباب والله لأكسر عظامك . خليل : اقول انطم ما ابي اسمع حسك .. وتراك صدعتت راسي بسيارك الخرده ذي.. إلّي لو بعتها وبعتك فوقها ما جبتوا قيمة جزمه ..اصلا مين الغبي إلّي بيشتريكم؟ أسامه ضحك ببرود : ههههههههههههههههههههههههه هههههههه معذور معذور "يالزاني" أقصد المعرس . خليل طالعه بغيض .. وسكت هذا المجنون ما لازم نزعله ..لأن زعله شيين وممكن يوديني بستين داهيه. الله ياخذه أنا وش إلّي خلّاني اجيبه معي؟ الحين بيمسكها علي وكل من قام وقعد بيرددها ويهدد فيها.. مو بعيده عليه... أسامه ابتسم برضا يعني الحين خليل خايف .. هههههه والله إنه خبل.. وأعتلت ضحكته المقرفة في أرجاء السيارة :هههههههههههههههههههههههه� �هههههه خليل طالعه بقهرررر ورفع حاجبه بتسآؤل : خير وش فيك؟!!! أسامة ببتسامة واسعة : جعل مايضحك غيرييي ههههههههههههههههههههههههه هههههه ووجهه مخطوووف من...!!! ؟ ======== عند حُسام& رفع جواله وهو يشوف الرساله إلّي وصلته تو "بشر تكلم سلمان؟ قال شي؟ طلعتوا بفايدة منّه ولاّ؟ " حسام : "لا ماقدرنا مو راضي يتكلم" علي : "كنت متوقع" حسام بشك : " علي انت تعرف وش فيه صح؟ " علي قرأ وطنش حسام تنرفز من حركته كتب بسرعة : " أنا أدري إنك عارف وش فيه سلمان؟ " " علي بسرعة قول أحسن لك" علي : " آسف ما أقدر أقول لأن هالشيء خاص في سلمان وسلمان ما يبي يقول على أي أساس أتكلم أنا؟ " " + ما ابي سلمان يزعل منّي؛ آسف حسام " حسام طنشه وهو متنرفز سلمان : تفكيره متشتت بين القهر والحسره وشعور الخوف إلي مو قادر يعرف سببه ، يحس بضياع كيف يتقبل فكرة إن حليمان تصير ملك غيره كييف؟!! والله تبطي ياخليل تبطي وتنول ظفرها وأنا حي على هالارض زفر بقهر يبي يوصل لحل مو قادرر ابد ابد مو قادرر ========== في بيت أبومحمد'' البنات في المطبخ يجهزون الأكل للآنسه منّور عيوش كل شوي سرحااانه تفكر في حياتها الجديدة كيف بتكون وكيف بتتأقلم معها وأشياء كثييييييرة مجهولة بالنسبة لها.. نوير تحاول تفهمها تبي تعرف وش فيها، تبي تشاركها همها و تخفف عنها، بس عيوش مو معطيتها مجال أبدًا في النهاية حاولت تنسيها الموضوع وجلست تسولف معها في عالم السوشال ووش فيه من جديد، أخبار، مشاهير، نجوم، فنانين إلخ... بينما هم منسجمين في السوالف، رن الجرس وأندق الباب بضربات ضعيفة، مهزوزة، تآئهه.. عيوش ونوير يطالعون بعض مستغربين مين إلي ممكن يجي في هالوقت المتأخر؟!! راحت عيوش تفتح الباب وانصدمت من الشخص جالس تحت في الأرض بشكل يثير الشفقة، بلعت ريقها بخوف وهي تحاول تبعد كل الاحتمالات السيئه عن بالها مدت إيدها بتردد و.... ********** " اللهُم ارح قلبه، اللهُم اسكب الطمأنينة في روحه وقبره ، انت تعلم يا الله انت وحدك ترى ما يشعُر به عبدك تحت التراب. " سبحانك اللهم وبحمدك اشهد ان لا إله إلا أنت أستغفرك وأتوب إليك. ردودكم +توقعاتكم +رأيكم في الرواية لحد الحين؟؟ التعديل الأخير تم بواسطة um soso ; 26-05-19 الساعة 10:29 AM | ||||
|
|
|
24-05-19, 12:40 PM
| #16 | ||||||
| نجم روايتي 
| السلام عليكم ورحمة الله وبركاته..... فصل جميل... امممم لو ماخاب ظني فأعتقد اللي داقه الجرس... هي حليمه... والله أعلم... هههه.... الرواية جميلة.... موفقة بإذن الله ... لك مني أجمل تحية ..... | ||||||
|
|
|
24-05-19, 10:19 PM
| #17 | |||||||
| نجم روايتي و كنزسراديب الحكايات ونجمة كلاكيت ثاني مرةوقاصة هالوين وشاعرة متألقة بالمنتدى الأدبي 
| الفصول جميله جدا هادئ مع أحداثها المثيره عزيزتي ... ابدعتي غلاتي سدددوم 😍😍 اممم مره متشوقه الفصول القادمه ومصير عيوش وحليمه والكل فالكل رائع هنا سلمتي عزيزتي ووقفت غلاتي ...... تحياتي لك ❤ | |||||||
|
|
|
29-05-19, 02:11 AM
| #19 | |||||
| اقتباس:
امممممممم صححححححح بس مين قال لك؟ ههههههههههههه مرورك الأجمل جميلتييي سعيدة فيك يا قلبي ❤. | |||||
|
|
|
29-05-19, 02:13 AM
| #20 | |||||
| اقتباس:
مرورك الأروع والأجمل عيني، سعيدة فيك جدااا غلاااتي🍯🍯. | |||||
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
