خيانة زمن/ للكاتبة نور الشمس ، عراقية (مكتملة)

[لامارا]

الفصل التاسع

………………………

شايف من تفارگ وادم اعزاز
ويظل گلبك ع الشباچ يخفگ

تگدر تطبگ اكبر باب بالكون
وجفن مابيك نص الليل تطبگ

………

بين قسم وقسم من المستشفى وبين المختبرات الخارجيه ساعات تاكل بينه مو الوكت ياكلها
احس الوكت طال حيل اريد اعرف النتيجه
عيني ع كرار هو هم مثلي متاني النتائج
وطلع منهن تقرير الناظور يبيين اكوو كتله بداخل المعده وقرر ياخذ منها خزعه ونتائجها تبيين بعد سبوعين
والطبيب شرح انو ممكن منتقل للغدد اللمفاويه بداخل البطن
كرار ماحچه اي شي احسه متوقع عنده شي
بس انه اتفاجأت وناقشت الطبيب ع انو كيف يكون العلاج من يامرحله نبدي بالعلاج
وگال نتتظر النتائج بس ضروري العلاج بأسرع وكت

طلعنه وكرار گال

السمعته بيني وبينك ابد مااريد احد يدري

..لاتهتم كرار ماكو شي مااله علاج

..الله كريم ماهر متوفع انه لأن البيه ماينحمل انه گوه حامله وادري بروحي مو طبيعي ومخليها ع الله من زمان معدتي تأذيني بس صار سنه زاد وجعها ويوميه انام معلعل

..وليش ماعالجت ليش متهاون بصحتك سنة كامله حامل وجع ماينحمل شلون انت حملته

..هو عمر خلصان اعالج بيمن وبيش وشعندي انه ..هم اهل الملايين مافادهم علاجهم وسفرهم يمته مالله ياخذ امانته اختك وبنتي امانتك

..گول يالله كرار بعد النتائج ماطالعه سويتها صدگ انت وجنك متأكد
ولاتهتم امشيك ع افلوس والله بس خل الله يفرحنه بنتائجك

..ماتقصر والله بس انه شبه متأكد.. هسه وصلني للبيت ارتاح وحدي والعصر اجيكم اشوف سرور ويسر

..تعال وياي ارتاح يمهم مستحي مني انت

..لا اريد اظل وحدي لاتخوفها گلها ماكو شي وسهله شغلته

..ان شاءالله سهله

..الله كريم

وصلته البيته وطلعت للبيت شراح اگلها هاي التشوف الدنيا بعيونه
احس گلبي مغييم وبي حسره مكتومه وراسي يدوي معقوله صدگ بي شي مامبيين عليه بس الضعف هو حيل ضعفان ابالنا من الهم وزعل اهله عليه

يمكن مرضه الي مضعفه
انوب ازداد حقدي ع ابو اضعاف

اخخ الدنيا مو عادله ابد تنصف الاعوج وتعوج وي العدل الوم بروحي هم من قسيت وي اختي لو محاجيها من زمان وشايفه مااعوفه واخذه غصب مثل ماخذيته اليوم
جان ملحكين ع المرض ابداياته حتى لو حميد خطر رفعه لازم يرفع جزء من المعده وياه لو كلها وشيخلوله بديل ماادري

خابرت وسام مخنوگ حيل واريد يسألي ع اطباء زينين ابغداد قبل فتره عمه يراجع بالحارثيه ويگول كلهم اطباء زينين ومختبراتهم مضبوطه

قريب البيتنه حاجيته جاي بسيارة حسين هي بالاصل سيارة اخوو بس دوم عنده وهو عرض عليه اخذها كال شغلتكم اطوول وبيها فره مو مال تكسي وبهذله الولد خلف الله عليه مامقصر وياي ابد حتى الگاع ماعايفها

صوت وسام وهو يگول الوو گطع صفنتي

..هلا وسام

..هلاوين بالنسيب شلونك اخبارك

..والله اخباري مو تمام

..شبي صوتك احسك مخنوگ شنهي الطاري ع بالك

..اگلك اريد تسألي عمك ع طبيب زين بالحارثية ع الجهاز الهضمي

.. المن ولك عدكم مريض

..جريت حسره واحس حتى الكلمه صعب اگولها

وسام كرار مريض عنده ورم بالمعده وشاكين بي مو زين وان شاءالله مو صحيح

..لا عليك الله كرار كرار ..صدگ تحچي ولد شاب ولك وينه ووين الورم

..انه ادري بعد لاتشوف البيه والله محتار انوب هاي بنته بعد ماصارلها عشر ايام صارت مخنوگ حيل الله يساعده هوو شني اباله شيفكر

..ولك اگول متغيير حيل الله لايوفق عمك من وراهم ابنهم اتمرض سهله اهله مگاطعينه وهم بخير وهو حسره عليه كلشي يشتغل اسطى عد واحد زعطوط مو بعمره يتأمر عليه وهو ابن. عز مااتحمل بهذله
والحسين قهرتني مايستاهل والله
شوف اخذ العنوان واتصل بيك وشوكت ماتحتاجني عد عيناك انه مايحتاج اعيدها كل يوم

..اخوي وغالي انه هم ماعندي غيرك بس فدوه استعجلي حتى نحجز بين مايطلعن التحاليل

..عادي احجزلك وتحاليلك هنا مايمشن عدهم ترى يعيدوهن كلهن استعجلوو وروحو احسن

..ها دبرلي حجز يرحم اهلك ونروح ان شاءالله

طبيت للبيت عيني ع سرور من شافتني فزت مبينه متانيتني

..بشر ماهر فدوه شگالولكم

..ماكو شي لايظل بالج عنده قرحه وشكم يوم واخذه البغداد يتعالج هناك احسن

..قرحه يعني الها علاج

..اي يمكن عمليه لان العلاج مافاده.. حجيت هيج اريد امهد الموضوع وحتى لو رحنه وصدگ حولونه عملية عدها علم سهله
انوب اريد اسكتها ماكو

..سرور گولي يالله خويه عليش هالبجي عمليه سهله بس ادعيله

..فدوه ودوني اله هسه ..زينه مابيه شي انه خل اروح يمه بعد مااظل هنا مااگدر

..شوفي اهدي هسه وكافي دموع مو زين عليج وهو راح يجي گال ارتاح واجي اشوفهن اذا زينه وبيچ حيل روحي وياه تردين اخذي امي وياج تبات بكيفج سوي الي يريحج بس لاتخلينه وحده مريض ويستاحش عليكم


..حچايته الاخيره زيدت خوفي ودموعي رسمن الهن درب ع خدي

ماهر بغلاة امي عندك كرار حالته صعبه
جر حسره وجاوبني

..وغلاة امي مااعوفه ولا اعوفج وماارتاح الا وباذن الله مطلعه من هالشده ويردلج ذاك كرار نفسه

..عمليته شوكت

..ماادري الطبيب يقرر المكان المتضرر يستأصله لان علاجه مافاد القرحه

..عليك الله هي قرحه لو غيرها

سويت روحي ماسمعت حطيت ايدي بالگاع وگمت

..ماهر سمعتني لا تسوي روحك ماسمعت وليش من گمت حطيت ايدگ بالگاع تسند روحك من يمته انت كبرت وصرت ماتعين روحك كرار مريض وبي شي مو زين موو

..انتبهت الروحي الكالته صح انه وكرار ماعدنه ذيج العلاقه بس حيل تأذيت عليه واحس حيلي مهدود

.خويه لاتفاولين عليه حجزنه عد دكتور زين ونشوف هسه ماكو شي ماله علاج المعده جي حساسه هو تأذه منها

..لميت غراضي مخبوصه واطرافي ترجف
وصلني فدوه بعد مااظل هنا

..خلي يرتاح تعبان هسه

من كالي هيچ گعدت ع حيلي ابچي

مايرتاح والله اذا وحده مايرتاح

..لمي غراضچ اوصلچ وبالليل امي تجي يمچ

..حتى لو وحدي عادي

..لا مو عادي اتعبين

طلعت منها وعيون امي متانيه جواب مني
گتلها روحي يمه عاوني سرور تلم غراضها تروح الزلمتها محتاجها

..شبي نسيبك يمه

..تعبان يمه مريض ادعيله

رحت الغرفتي وصحت زينب

..زنوبه حضريلي هدوم افوت للحمام كبل لااوصل سرور البيتها

..حاضرات من عيوني ..بس خطيه بعد ماصار الها هواي هناك منو الها هنا انه وخالتي يمها

..ماترتاح اذا ظلت يومين وترد هنا بس اخذ زلمتها ترد يمجن

..بي شي مو زين هوو ليش هيج مخبوصين وهي مساع تگول يظل للصبح متأذي منها لو هاجت

احس روحي مخنوگ ومهموم وماعندي واحد اشكيله وشگله وانه اكثر المعذبني ضميري جلبت بزعل وتالي الزعل شفاد لو عارف علته من وكت ماادري نصيبه لو نصيب اختي لو مكتوبلي اظل دوم وحيد
عود حسبته اخوو وگلت كثروو ربعي ..

سألته وماجاوبني عيونه حزينه ولمعت دمعه بطرف عينه بس ادري بطبعه مستحيل ينزلها
گربت عليه حضنته

..گول يالله ان شاءالله علاجه سهل انه شفتك هيج وخفت جا سرور شيصير بيها

بعد عني ولزم وجهي وباس راسي

..ادعيلها الله يحفظلها راعي بيتها

جنت انصحه مايزعل ومن سمعته نزلت دموعي
حذرني مااخليها تشوفني ابجي واسوي روحي ماادري بشي

..

سرور ..

ماادري رغم خوفي ووجع گلبي عليه والدنيا الاحسها دارت بيه كرار احلى شي بدنيتي كلها رغم مرارة وحدتنه بس جانت ايامنه حلوه وهاديه
ومن اتمرض الهسه اته افكر والح عليه وابالي مرضه مو سهل بس ابعد هالفكره من بالي واكول مايصلح افكر هيج
اليوم ومن عيون ماهر شفت بعيونه مرسوم طريق الي صعب ووعر لازم امشي

طلعت منهم ومخليه كل الاحتمالات ابالي
قويت روحي وطول الطريق اوصي بروحي بالچ تبچين مايتحمل دموعج مااريد ازيد تعبه

طوولنه واحنه ندگ الباب گلبي وجعني والخوف سيطر عليه
يارب دخيلك
عيني ع ماهر ذب الجنط من ايده واطفر الباب فتح الباب الي وشيفتح الجوه لگيناه مردود مامقفول

فتنه بهمه لگيناه گبال الحمام متمدد واثار دم ع ملابسه ويمه

لطمت وجهي وماهر اشرلي اسكت غسله وذب ملابسه وكال جيبيلي هدومه بساع اخذه

فاتح عيونه ويشوفنه بس شبه فاقد مايحجي ابد حتى الصوت الجان يطلع منه بونين راح

شاله وسام وطلع وانه شبعت بچي وحدي وره ساعه اجت امي وصار كلشي مكشوف النه

ماهر ماخذه مستشفى مشكليله مغدي ومنطينه علاج وقتي
ثاني يوم ماصبر طلع بي البغداد
وبدينه وي مرحله جديده

ماهر ..

بدينه بفحوصات وتحاليل واعتبروه حاله طارئه وعمليته اتحددت
وبكلمه من الطبيب ظل بالي يمها وادعي كون عنليته اطول

گال راح ندخله عملية اذا شفنه اكو نتيجه ونكدر نسيطر نكمل ضغلنه اذا انتشاره واسع والنتيجه مابيها امل نبقي كلشي ونستخدم وياه العلاج

من دخلوو صالة العمليات اجه ابالي يوصل خبر الاهله كلشي يصير مهما يكون لازم عدهم علم وكلفت عليهم من عمامي
مرت نص ساعه اتنفست الطبيب ماطلع اكو امل عشر دقايق وطلع خبرني انو الي نسوي مايفيده بشي يبقى ع العلاج الكيمياوي الورم منتشر واصل الباقي اعضاء جسمه
گعدت ع حيلي

ماادري شكد مر وانخبصو الاطباء وصار استنفار
نص ساعه تقريبا وعلنو وفاته
احس بروحي بحلم واتمنى اصحا منه خابرت عمامي وبلغتهم
كل شويه واحد يوجهني المكان اروح واسوي هيج واقدم هيج وامشي واحس بالي مو يمي بس رجليني تقودني

ماادري شكد مر من الوكت وصار اهله ابو واخوانه وامه
الظاهر جايين ع عمليته مايدرون بوفاته شفتهم واتمنيت الموت ماخذهم كلهم وماخذ حقدهم ومخلص الدنيا من شرهم
مشيت بعيد عنهم
وكفت شويه واجت امه گبالي تدعي شسويت بي ياظالم

الله لايوفقك حرمتونه منه الله لايرضا عليك ولا على اختك
اجاها حاتم اخذها بعيد واتقدمتلهم انه

..الله لايوفقكم انتم حزمة اخوان مابيكم الي يشد الظهر هسه جايين تبجون هسه
اليشوفكم يگول ماكو هيج محنه بينكم ولكم الصارله كله من قهركم

ابوو علي اشبع بفلوسك خلها تفيدك هسه
تدرون بي من يمته مريض تدرون شياكل شيشرب
تدرون عنده بنيه عمرها 13يوم
تدرون بياحال هو
ولكم والله لو ماالخوف من الله جا حته دفنته بدون مااكلكم واخليكم بحسرته

هو حتى انه مثلكم
صار اشهر من حاچيته بس انه مو مثلكم والله مو مثلكم لو عندي مثله ماافرط بي
خل نسيبك يفيدك هسه ظل بحسرة رضاه مات وهو زعلان ووصاني تظلون بعيدين عن مرته وبنته

حچيت البگلبي وهم بس صوت بچيهم يعله
سكتت واحس كلشي اكوله مو قليل
رجعنه بي لولايتنه والدنيا چانت مگلوبه فاتحته ابوه مسويها والخاطره وكفت بيها بدون مااحاجيهم وسرور ظلت ابيتها ماطلعت منه والنسوان نص يمها ونص يم امه

الي يشوف الذبايح الي نذبحت والعزا الصار مايكول محد بحاله من جان عايش
مات بسراه حتى بمرضه ماتعب احد مامتوقع بساع يموت ولاادري بيدي اخذته الموته
ساعات اكول قضاء وقدر وساعات اكول لو عايفه ابيته احسن بس ع الاقل سويتله الاكدر عليه

تلث ايام ماشايف سرور وعندي شوفتها اصعب من ساعة دفنته
رحتلها واسمع نعاري امي الها ويمها خالاتي جايات ومن الكرايب اترخصت منهن ادخلها
چنت مغطي وجهي بلفة جماغي طبيت عليها واشوف حالها هذا الحلم هسه عرفت تفسيره
تحچي وصوتها ماينسمع اريد اسمع حچيها مااكدر صوتها رايح
وجهه مابي مكان مابي اثر
حضنتها حيل واول مره ابچي بنحيب وصوت عالي
اعرف معزته عندج

هذا العفتي علموده كلشي وهو عاف كلشي تالي الموت ماخلاكم

اتذكرت اخر حچايات اله گبل العمليه

..ماهر راجع ع الاراضي وطلعهن من الدوائر المركزيه مو من الناحيه ترى هنه بعدهن باسمك

..ضحكت وحاجيته ولك خل اشوف حرارتك لو هاي هلوسه گبل العمليه شبيك كرار يااراضي

..راجع ومعليك وامانتك سرور وبنتي ابوي مايخليهم

..مااريد اضوجك جا خوش قسمت تقسيم ..لاتفكر ماعليك اطلع سالم وسهله

حضنتها وگتلها انه اخوج وابوج وسندچ وماتحتاجين احد ولااخلي بنتج بعازة احد وعد عليه للموت محد اله عليج حچايه ابد

طلعت منها وانه اوصي امي بعدها بتعب نفاسها وجتها صدمه لا ع البال ولا ع الخاطر

ومرت اربعين يوم بتعبهن گوه قنعتها تجي وتعوف بيتها اخذتها وراه مارجعو اهله من زيارته وخليتها براحتها وياه ومشيت عنها ابعيد اشوفها وبس طولت وهيه تعاتب وتشكي وتبچي

شبيده ع روحه وتعاتبينه

رجعت وقررت اسوي الكاله عليه وره اربعينه باسبوع
راجعت السجلات بيهن اختلاف من شكم سنه محذوفه اسماء ابوي واخواني
وكالولي راجع الدوائر المركزيه ورحت صدگ بعد ماسألت عليها ولكيت الطابو الاصلي بأسم ابوي
ماحچيت حتى الامي ماردتهم يدرون ويتلاحكون ارواحهم

الحد ماكملت المعامله ووصلت للمحكمه وراحلهم التبليغ

هنا لازم استعد المعركه جديده
وبدت بيناتنه الحرب بس حربهم خاسره هالمره

رجعت للبيت امي سالتني

..ماهر شمسوي بعمامك

..اليرضي الله يمه

..يمه غير اعرف الي ابالك شنهي

..يمه المرحوم گبل عمليته گال ترى الاراضي باسمك والتزوير بسمن الناحيه يوهمني باوراقي حتى مااطالبهم كال راجع من الدوائر المركزيه تلكه كلشي مثل ماهو وره اربعينه اتحركت والكاله صدك قدمت عليهم بلاغ واليوم وصلهم
رادت تحجي وانه اصلا نااعرف الخطوه الحايه شنهي كلنه انعرف قانون الحكومه ماماشي عدنه كون ماكو سند مااطلع حگ منهم
ماردت الكلام يطول سأاتها ع سرور
الت مثل ماهي لاتاكل لاتشرب وبتها خلف الله ع مريتك گايمه بيها

..سهله يمه ترتاح وترجع مو سهله حگها

رحت الغرفتي اشرتلي زينب مااحچي اتنوعت يسر نايمه ع جربايتي

..فدوه يروحلج خالج والله عهد عليه مااخليج تحسين انتي يتيمه
دنكت عليها بست راسها

اتحركت وزينب ظلت تتأفأف

..شبيچ ولچ عود نوميها ردود انتي صوجج حاطتها هنا وتردين ماتدني نفسي وابوسها

..خطيه والله تبجي كوه نامت عدها مغص يمكن عمتي تكول ممغوصه انه مااعرف شبيها

..خل ارتاح واخذج ونروح للطبيب نشوفها العصر

..تعاي انتي البارحه شردتي تگولين الي

..سكتت وبكلبي البارحه گوه شجعت روحي اكله وكلي اجليها هسه شراح اكول

..شو تعاي يمي ليش صافنه ادري هالفتره مو مثل گبل وياج بس والله مية سالفه ابالي وحيل حيل تعبان خلف الله ع حسين ووسام كايمين بشغلي وهمزين عطله چان الله يعلم شصار بيه
بس انتي مكانج هنا ترى بكلبي مو اهمال مني والله بس اعرفج اصيله وعاذرتني صح لو لا

گربت حشكت روحي يمه اتمددت صرنه اثنينه بجهه زغيره وباقي المكان اليسوره

فتحلي ايده وحضني لو تدرين باللبيه بس سرور شوفتها اتهد حيلي

..ادري والله عاذرتك وهي الله يساعدها ترى مو سهله محد متوقع هيج يموت بسرعه

..هو الموت بكل وكت محد متوقعه ماادري بعد شيريد ياخذ منها ابوها اخوانها وزلمتها خايف عليها حيل

..الله يصبرها بس انت شبيك

..انه اريد اعرف البارحه شردتي مني

..كوه اتشكعت وحجيتها ردت تاخذني طبيب احس كلياتي يوجعني

..من التعب والفره سهله العصر اثنينجن اخذجن خليني انام

طلعت منه ورحت اشوف عمتي وسرور وابالي همزين لكيتلي حجه انه شاكه بروحي حامل صار شهرين من جيابة سرور الهسه ماجايتني الشهريه والي صار ماخلاني افرغ واكول حتى الامي
وخاف اكله ويفرح ويطلع ماكو شي انه سمعانه مو شرط حمل اذا بطت

صار العصر ورحنه بنفس البنايه طبيب اطفال دخلناله سوه وانطانه قطرات الها وكال مابيها شي يخوف طبيعي هالشي
خليتها بايد ماهر الي حيل متعلق بيها ودخلت الطبيبه نسائيه ومن حجيتلها من شوكت ماحولتني تحليلي اصلا كالت اخذلج سونار
گالت ماما حامل شهرين ونص رجعت ركزت اكثر من مره وصوت االي بالسونار گالت بالنبض اثنين اعتقد توم خل اشوف
رجعت طولت وهي تشوف بالشاسه وتحرك الجهاز ع بطني
گالت حامل بتوم وكتبتلي مثبت احتيطا وعلاج وكالت ترجعيلي كل شهر
طلعت طايره من الفرح
اخذت يسر وحاچيته

..ماهر انه حامل بتوم

..ظل يصلي على محمد ويرجع يسألني متاكده

اجاوبه متاكده

..كالتلج لاتتحركين

..لا ماگالت گالت كلشي طبيعي

..الحمدلله الف الحمدلله

..وصلنه للبيت واشوف هوسة زلم ونسوان
واصوات عاليه
گال خلي يسر جوه عباتج وفوتي بدون ماينتبهون

وهوه راح يتصايح وياهم متت خوف من طبيت وشفت سرور كوه مجتفتها عمتي تريد تطلع تهد عليهم

اريد اعرف شكوو شصار طببت البنيه الغرفتي

طبت وراي سرور

..زينب لو تنگلب الدنيا بنتي ماتطلع من غرفتج دير بالج

يتبع

[لامارا]

الفصل العاشر

………… ......

ماهر..

اتقدمت عليهم بعد مابعدت زينب اتظاهرت بالبرود والهدوء بمشيتي وانه اشوفهم گدام عيني يطافرون احس بالنار البگلوبهم ومتأكد ع الگيعان والدعاوي مو ع بنت اخوهم صحت عليهم حتى يسمعوني شحچي اصواتهم عاليه ابالهم بالصوت السباعيه

..ياهو الكالكم البيت هذا ماله راعي تتهجمون ع بيتي البيت اله حرمته والي يدوس بيتي ادوس راسه والله ابعد هيچ انت وياه واخذو كشگم ويلله

صاح حاتم واثنين من. اخوانه وامه ايدو حچيه

..ماميتين عليك وع بيتك عدنه بنيه نريد ناخذها

..تاخذون ياهي انتم مالكم شي عندي قسم بالله وبمحمد رسول الله لخلي الدم للرچاب وماانطيها الكم ..لو اعرف اذبح وانذبح وصية كرار تربى بعيد عنكم وبنت كرار عهد عليه ماتشوفوها ولا تعرفونها من البنات

صاحت امه بصوت عالي

.جذاااب جذاااب مايوصي هيچ كرار

..وصاني وخلص ..شني الزين الشافه منكم حتى يوصي عكسه
البنيه بنت اختي.. انه وامها نتكفلها يعجبكم مايعجبكم منا البيتكم شچم طووفه طگوو روسكم بيهن واحد واحد

..انت بأي حق مخليها عندك

..حق انه خالها وعمها من الطرفين كون تريد تحسبها من هذا الباب ..حق هي بنت اختي الماردتوها ابيتكم

حق ابوها الحرمتوو من كلشي بحياته الأخر يوم بعمره وصاني مااعوفها بيدكم لا هي ولا امها

حق انه اكثر واحد يعرف ظلمكم ومااريد بنت اختي تنظلم عدكم ..حق الي حگوك واطلعها من عيونكم حيروو بيهن وعوفو البنيه بحالها

ماالكم بنيه عندي من الأخير

سمعت امه تدعي وتسب وتلعن بيه وبأمي وسرور

..حاتم اخذ امك وروح منا مالنه سلطه ع مره
وانتي ام علي وصي زلمتج يلم جلابه

حاتم ..الجلاب الي تگول عليها هاي الماعاجبتك نسويك اوذر والله مايصبح عليك الصبح

..اليطلع بيدك سوي بس هسه ماتكدرون تسوون كلشي حياتكم هنا بقبضة ايدي هاي
من باجر اشوفكم شكم واحد تنگلونه علي يتوسطلكم خلي ابالك الدعاوي الرفعتهن كلهن بأسم الوالد بأعتبار عندي اوراق ادينه

..ماتستحي انت تخلي عمك بالمحاكم

..لا منين يجيني الحيا طالع ع عمي انه جيناته اتوارثتهن
ولي واخذ گشك لا والله اضيف دعوه جديده ع دعاويكم اخلي المحاكم تلتهي بيكم شچم شهر

بعدهم واكفين عفتهم وطبيت للبيت شفت سرور اسلاحها بأيدها

..ضحكت بوجهه رغم ضوجتي عليها وع حالها وخوفها ع بتها وع حملها المسوولية مو يمها ولا بعمرها

گواها الله اخت ارجال ام يسر
شلچ بي خويه چا انه وين عنچ انه سلاحچ ويمناچ لاتخافين والله وحياة عيونج مااخليهم يطخون اضفرها

شمرت روحها بحضني وبچت
بست راسها ومسحت دموعها

..اذا هيچ غاليه عندچ ومستعده تكتلين الاجلها ليش ياخويه تاركتها بنتچ شنهي ذنبها ليش مامهتمه الها تبچي تضحك تگعد تنام تجوع انتي مو يمها ولا تشوفينها ليش

والله هاي انه وهاي زينب ع گلوبنه احلى من الشهد بس كلنه مانوصل الچ ولا انعوضها حنانچ جربي تخلينها بحضنچ وشوفي عيونها شلون تنظرلج
شوفيها نسخه من ابوها شوفي كرار بيها بعد ماتعوفينها والله ولا تكدرين تغفين ليله بدونها

..شهگت وهي بحضني دفنت راسها مارفعته وشافتني احسها مستحيه من روحها مو بس مني
گومتها واشرت الزينب تجيبلها بتها وتظل يمهن وصحت امي وطلعت عنها

حاچتني امي

..شنهي البالك يمه شلون نحمي اختك وبتها

..خل يحمون ارواحهم يمه هذا حاتم ارعن واجه هداد وره امه واخو ذاك وراه ..مادام ابوهم مو وياهم براسه موال ثاني تعرفينه حيال ويسايس هسه هو يحاسبهم ع الهده بس راح يدخلون يسر ويساوموني بيها ولازم الكالي مخرج يفلسهم من هاي وهاي
خلوني افكر وارتب السوالف ابالي حتى اسولفهن وحده وحده

..احد گالك يردون يسوون گعده

..محد گالي بس هذا الراح يصير عمي اتحاصر من كل مچان وماله بعد بس السياسه وانه هم مو هيين ويدللون

..اختك يمه تتسودن كون ياخذون بنيتها

..ماياخذونها يمه يسر امانة ابوها عندي حتى لو امها انطتها انه ماانطيها لاتخاف بس خل اداريها وتنطيها حگوگها

..الله يرهيك عليهم يمه ويگوي گلبك ويشد يمناك

..الله يسلمج يمه الله يسمع منج

رحت ارتاح شوي بالغرفه ونسيت اگلهم ع حمل زينب اصلا نسيت السالفه كلها طيرو فرحتي الله ياخذهم

صحت زينب

اجت ع نفس مشيتها بهمه من اشوفها تشتغل وتفتر احسها تشتغل بحرورة گلبها حيل حركه بس هادئه والي مثلها مااتصور هادئه بس بعدهي تستحي ومتاتي شوكت اشوف وجهه الثاني يعجبني لا وياهو الأحسن هسه لو ع طبيعتها
حاچتني وانه اتفحصها

..صحتني ارد اسوي عشا

..عوفي العشا تعاي ارتاحي خو ماخفتي من الهوسه مساع

..يمه ياخفت الهسه عظامي ترجف وخوفتني سرور من قفلت علينه الباب انه ويسر

..سرور خايفه ع بتها ومأمنه بيها يمج ..لاتخافين ماكو شي وداعتج ذوله شچم يوم وتشوفيهم يتوسلون

گليلي شمشتهيه اوديلچ

..صفنت شمشتهيه شمشتهيه ماكو شي ابالي هسه
بس اكو شغلات ابالي خل اگولهن هسه اتذكرت ريام بت عمي تگول بالحمل استغل فرحته واطلب كلشي ابتسمت وانه افكر

انتبهت عليه يباوعلي مبتسم

استحيت ونصيت راسي

..مااريد شي مامشتهيه

ضحك ضحكه طويله

..كل هاي الصفنه والأبتسامه الزينت وجهج ومامشتهيه چا لو اشتهيتي شتسوين

گولي التردينه ويجيچ لاتستحين مني

..تريد الصدگ مو منك استحيت استحيت من روحي لأن ردت استغلك
گلتهن ع السريع وماباوعتله جاوبني مبيين من صوته هو ضاحك

..هاا تستغليني شلوون؟

..يعني هسه انه مامشتهيه شي بس سامعه المتزوجات يكولن كلشي ابالجن كولن نريده بالحمل مايعارضوچن ابد

ضحكت وانه اسمعها احس بداخلها طفله

..شوفي هاي الحيله يسونها اليردن شي ومحد بحالهن ولا يسمعهن بس انه غير انه اتمنى يوم اطلبين مني شي
گولي التردينه وبدون استغلال ترى انتي التخسرين انوب انه هم اظل استغلچ شتگولين

..لا مااريد والله مامشتهيه

..تعاي هنا يمي .

اشرتلها تگعد بصفي

اتقربت عليه وگعدت

..شتهو البالچ گبل ومستحيه ماگايلته شنهي الرايدته

..اروح ابات يوم يم اهلي

..چا هذا مشتهاه صدگ تحچين ولچ اكل اكل شنهي ابالج اجيب

..بكيفك

..بس انه مشتهاي غير

..وانه شتريد انت اريد

ضحك بصوت عالي وگال گومي مشتهاي اجلته لشواي وانتي هم اجلي

راح اخابر وسام يجيب عشه ويجي يمنه وباجر تدللين الصبح اوصلج لهلج

اروح اگل الأمي ع حملج

طلعت الأمي گاعده بصف سرور

عيني ع سرور مخليه بتها بحضنها ومركزه بملامحها شبه مبتسمه

حاچيت امي وردت اسمعها واشوفها هي ويانه لو فاصله كلش اجه ابالي اخر ايام اوديها طبيب نفسي عذا بقه هيج احس باقيلها شويه تتخبل

..يمه اخذت زينب للطبيبه وطلعت حامل بتوم

..امي تباركت وصلت ع محمد وظلت تدعيلها وتدعيلي الله يفرحنه بشوفتهم

عيني ع سرور ابتسمت وبدون ماترفع راسها گالت

..مبروك ماهر الله يفرحك بيهم

..الله يبارك بيج بعد اخوج انتي تعاي گعدي يمي

صفنت عليه مااتحركت وخرت من يمها غراض الطفل وانه گعدت يمها

..تردين تزورين

..وين

..وين مايعجبج ناتردين تزورين الأئئمه تزورين المگابر

نزلت دموعها وعينها عليه

..امنيتي ازوره كل يوم بس انه حاده

..ولو حاده جاتموتين تزورين وانتي محتشمه وماتحاجين احد ابد اذا تحبين اتبوشي زوري وارتاحي وتعاي وكل فتره اوديج شگلتي

..الله يحفظك الي

..ويحفظج الي ويگويچ ..سرور انتي قويه البارحه ماشفتي روحج شلون لازمه اسلاحج اريدج تسنديني وانه سند الج دوم مااريد احتار بيج اريدج بكد ماتحبينه توعدينه تربين بنته وماتقصرين وياها
ولا تصيرين ضعيفه ابد

نزلت دموعها ومسحتهن بطرف ايدها

..مو بيدي انه حتى حيل مابيه مااگدر اشيلها اتعب اشيلها شويه احس متوني نار تصير وگلبي يوجعني ورجليني مااتعيني

..نوديج طبيب يشوفچ يجوز فقر دم عندج يجوز تعب وارهاق
اتقوي گوه ع روحچ

..ان شاءالله خويه لايظل بالك

حاچيت امي

..يمه خابرت وسام ووصيته ع عشا يجيب وياه وانتي هم وصيتلج ماصخ
زينب ماخليتها تسوي شي حسيتها مخترعه من الصار وانتي هم لاتسوين ترى انه عطلتها مو هي

..براحتك يمه الله يكثر خيرك

بعدني گاعد يمهم وخابرني حسين

..حي الله ابو علي

..الله محييك ماهر عمك واولاده هنا يم ابوي يردون يوسطونه عليك شمسوي بيهم انت

..ضحكت.. بعدني ماگايل بسم الله شمسوي بعد كلشي مامسوي

..اگلك ابوي هم ماانطاهم مجال من عرف اكو تزوير وگله مامتوقع كل هذا يطلع منك وحجه حجي خلاه مايعرف شيحچي
هسه هو يريد يوسطهم الگعده هصير ابيتنه طرف ثالث

..شوف حسين والنعم منك ومن عمي واخوانك ماكو گعده بغير بيتي لاطرف ثالث ولا خامس انه صاحب حگ هم محگوگين يحولون علي بديواني هنا واحچي اليعجبني ويسمعوني للأخير غيرها لايتعبرن ارواحهم ولا يوصلون ابد

..ميخالف ابلغ ابوي لو هو يخابرك وانت بلغه احسن

..براحتك اذا خابرني ابلغه اذا گالك توصلي خبر كله من الأخير هذا اليريده

..وين هسه انت

..وين ابيتي متاني وسام ساعه ونمرلك اذا فارغ

..ماعندي شي اتانيكم

اجه وسام من شافني باركلي
ضحكت

..ولك شمدريك انت

..اها امي درت وماادري غير سوت اعلان ونشر

..ههههه فرحانه البتها غير

..لا والله يشهد فرحتنه الك اكثر

..بعد اخوك انت ادري والله بدون ماتحلف اكعد هنا وهسه اصيحها اخليها تجيك تشوفك

..هاك اخذ عشاكم وانه هم مييت من الجوع جنت بالشغل ومااكلت هسه عادي عندي افتح العلاليك هنا واكل

..يخسا الجوع افتحهن ولو فتحتهن

صحت زينب

..روحي سلمي ع وسام وسوي اكل بسرعه اخوج جوعان

..من عيوني صار

..سالمات عيونج حبيبيه

سلمت عليه باركلها وحضرت العشه وجاي وكتلها اخذي عشاجن وروحي هناك وي امي وسرور
وانه ووسام طلعنه رحنه نشوف حسين

اتناقشنه بموضوع الگيعان وعمامي
وحجيت كلشي ابالي وايدوني

ثاني يوم خابروني الكعده تصير ابيتي
وعمامي حاضرين ويردون يتفاهمون وياي

بيومها انخبصن امي وزينب تحضير وجايات ومايات وتجهيز
وياي وسام وحسين يقدمون للزلم وانه اتفرغت الهم كعدت بالديوان طبت الناس علينه الدنيا مگلوبه مامخلي واحد اله خاطر عندي ماجايبه وياهم ساده وشيوخ وناس غربه

بدو يحجون حجيهم بالصلح وهالسوالف سمعتهم اريد النتيجه

اخر شي كتلهم شنهي طلبتكم

..تنازل ع عمك وحگك يوصلك

..حگي يوصلني واليوم واخوب انه اقرر اتنازل لو لا

حاجاني واحد من عمامي

..الخاطر ابوك واسم جدك مو حلوه عمك يتجرجر بالمحاكم

..چا مخليتوله خاطر من شرطتوو علي اكعد عدكم وتعرسولي من بناتكم وامي تروح الأهلها وين چان خاطر ابوي

من شرطتوو لو امك لو حلالك والشيخه

..هذاك وكته راح علينه باليوم

..راح بالنسبه الكم انه لليوم عايش وياي هذاك اليوم سنين وانتم تتصرفون بحلالي وحلال اختي وانه ماخليت شغله مااشتغلتها حتى اعيش وماامد ايدي الكم
ياوكت الراح هذا شو حاچيني

واتنازل عن ياهي بيهن

..عن قضية التزوير والأحتيال

لو عن قضية الأبتزاز

لو عن التصرف بأموال القاصرين

ياهي منها اتنازل عنها

خلو ابالكم حتى الفلح المنعو علي حگي انه اشتكي عليهم لو يدرون بظلمكم وياخذون جزاهم لو يشهدون ع تزويركم ويعتبرون من ضحاياكم

..مو هيج الحچي بويه احنه جاين متگلطين عليك وكون النه خاطر يمك خلي الشغله تنحل عشائريا بينك. وبين عمك وعوف الدوله

..مابيها خواطر عمي ابو ياسر ماكوو شي بعيد عن الدوله شلون ارجع الكيعان بأسمي واثبت احتيالهم اذا اسويها مساتر
عليش مستحين هسه مافكرو بيها كبل

حچه السيد الجايبينه

..بويه چاماظل الا هذا الخيار هم يگولون النه ابنيه عدهم نتنازل عنها يتنازلون عن دعاويهم

..كل ابنيه الهم ماعندي البنيه بنت اختي وامها موجوده والوصايه والحضانه الها
لو بيهم خير چا حوو ابوها مات وهو ماراضي عليهم

صاحوو اخوانه بسببكم

..لاسببنه ولا شي انه اصلا ماچنت حاجي حاسبه منهم بس اكو شهود وكلها تشهد حرموو من فلوسهم خلوه يشتغل صانع عد جاهل يتأمر عليه عاش بشرف ومااتنازل الهم ورضخ الظلمهم كرار بحياته طالع منهم وره مامات ماالهم سلطه ع بنته

..الحل شنهوو هسه ماهر مو هيج

..لا هي هيچ كلكم تدرون بالصار محد منكم ادخل اعتذر ع صراحتي بس هذا الصدگ احد منكم گاله ولد يتيم بعد عوده مامشتد تشرطون يعوف امه ليش

..والله كلنه مارضينه وحجينه عليه وكناله الظلم هذا مردوده عليك

..واجه وكته ورد هساع

حاجاني واحد مااعرفه

..وغيرتك تسمحلك تخلي عمك بشيباته وهذا عمره يدخل سجن ومحاكم انگلك ترجع حگوگك بس بمساتر مو هيج فضايح
لو ابوك بمچانه ترضا

..يكرم ابوي يصير بمچانه ويسوي سوايته كلكم تعرفونه وتعرفون اطباعه
ولو انه لا يامح الله انحطيت بهيج موقف وحظي يخليني ابن الواحد مزور ومايهون عليه طبته اشيل القضيه عنه واتحمل تبعاتها

..يعني تريد اولاد عمك يشيلونها

..هم وغيرتهم مايردون ابوهم يتحاكم خل يعترفون هم

..وبنتهم

..ماكو بنتهم هاي اطري عليها هاي الطلايب كلها وافتح صفحات من الطلايب مو صفحه وحده وصية ابوها تتربى عندي وهذا اخر شي اكوله اي سلطه ماالهم ع بت المرحوم لأنهم متبرين من ابنهم وطاردينه بحياته وبنته ماتكون تحت وصايتهم ابد

..مو هيچ الحچي وليدي الحچي اخذ وعطا
امها بعدها بشبابها تاخذ وتشوف دربها والبنيه مصيرها اهلها

..لهنا وانه اگلكم مااسمع بعد ولا حچايه واتعذروني بعد
امها عدتها بعدها ماكامله تلمحون ع زواج مالتيش شوفوو كلكم عمامي واهلنه بيكم اليعرفني وبيكم اليكتفي باسم ابوي
عمري زغير صح بس الدنيا والمصاعب الشفتها كبرتني وخلتني بكربكم وافهم الحچايه التنجاب بالديوان مطروقه گبل گعدتكم هاي السالفه انذكرت هسه بعد ماتنذكر وان انذكرت ذاك الوكت يصير غير حچي وتنوخذ غير حگوگ

نسوانه حراريرنه واحنه اعرف بيهن وادرى

من الاخير بت كرار وصيته عندي لو امها بيدها انتطتها انه مانطيها

وهسه موضوعنه الكيعان منا العگبه امهلكم اروح ارجع ملكية الكيعان وادعي ضد فلان ابن فلان اختاروو الشايب لو ولده بكيفكم
انطوني علم حتى اعرف اثبت الدعوى بأسم ياهو منكم

طلعوو وهم ضايجين مااتنازلت الهم حتى لو قليل وراح وكت التنازلات والدنيا دواره ودارت بيهم هم الظلموو مو انه الظلمتهم

وسام وحسين فرحانين اكثر مني
يكولون منين طلعت حچيك حافظهن بورقه انت

مايدرون البكلبي اكثر ول احجي سنة مااوصف الصار بينه گبل وشلون ذلونه

رجعت الامي وحجيتلها بس ماجبت سالفة زواج سرور

وصيت امي تاخذها ويرحن اتزور وصيت ولد اعرفه اجرته تكسي الهن

بتها ظلت يمنه واتعطلت اردود زينب ماراحت لهلها وهالمره وعدت روحي اخليها تبات خطيه من شافتهن يردن يرحن خافت ع يسر وكالت انه ابقه يمها ومن ترجعون وترتاحون اروح الأهلي
بهذا ابيوم ماطلعت ظليت يمهن

طول الوكت اراقبها وهي تلاعب يسر وهي تنظف وتطبخ

خلصت شغلها وراحت غسلت واجت رضعت يسر وگعدت حسيتها تعبانه

..زنوبه وعد عليه هالنره تباتين عند اهلج ادري يوميه مأخرينج بس والله انه مقدر هالشي

لمعت عيونها بدمعه وگالت

لا عادي ميخالف

..ياعادي شو راح تبچين حگج والله تشتاقيلهم من زمان مارايحه ارتبطي بيسر وبالبيت هم اهلج يردون يشوفونج اكيد هسه مشتاقيلج گلتي اكثر وحده مشتاقتلها اختج مو هيج گلتي

نزلت دموعها وضحكت تغطي عليهن

حضنتها

..ليش البچي هسه

..مشتاقه الأختي حيل هسه ادري بيها مو مهتمه وذابحه روحها تقرا

ضحكت

..تحب الدراسه هي

..بيها جني مال دراسه مو صاحيه ابد

..هسه انتي مشتاقه الها لو تردين تنصبين عليها وتضحكين

..شلون مااشتاقلها غير التوم مالتي

گعدت ع حيلي

..اوگفي اوگفي عندج اخت توم يعني تشبهج

..نسخه مني بيها اختلاف قليل بس اهلي يعرفونه

..لا والله ..وبربج مامسولفتلي رحت لهلج انه وسويتلي سالفه بدون ماادري ضگول ذاك الوكت

..ضحكت ..سالفتيش عود باجر الا اخليها تطلعلك وانه وياها وارد اشوفك تعرفني لو لا

..وعلي اذبحج ديري بالج اذا هيج ازاعلج عد اهلج مااحچي وياج ابد الشغله صارت خطره وتخوف

..هههههه

..اضحكي اضحكي ..صدگ وعدتيني تحجيلي ليش عبالج اخووف ومو حلووو

ضحكت وجاوبته

..ماادري ابن ريف وصاحب وسام ودوم طلايب وي عمامك اسمع اتخيلتك شراني

..اي وهسه ابن الريف شطلع

ادنه عليه وطفرت بعيد عنه اضحك

..يخبل والله يخبل

..شراني موو تعاي اعلمچ الشراني شلونه

..والله اصلا ماكو اخيير منك بس عليك الله لاتجي وراي مو زين اركض جهالك ابطني ترى

..روحي بيچ بخت بيهم ماراح اركض بس الزمج سهله

زينب..

بعد يومين روحت الأهلي لان من اجترعمتي تعبانه هي وسرور ماعفتهن لمن ارتاحن اجيت وهالمره اخذت عهد ابات ليلتين والليله الثالثه بالليل يجيني

رحت الاهلي مشتاقتلهم وطلعت غاليه عدهم وحيل فرحوو بيه حارو شنو يسوولي وكل مااشوف واحد يكلي شمشتهيه

وهاي مرت حسام خطيه اتمنيتها تحمل كل شهر تكول حامل وتطلع مو حامل لو تنتظر وتسكت احسن الها انوب من شافتهم مهتمين بيه ماطلعت من غرفتها ابد

وهاي مريم جني الدراسه بعده ماراحمها بس شويه احسن حاجتني وسألتني ع احوالي بس احسها مو طبيعيه
كل شويه وسألتني

..زوجج حبيتي لو لا

جاوبتها
..طبعا احبه واموت عليه

..ضرار بعدج تفكرين بي

..خايبه دولي انتي وياه مو عيب عليج افكر بي شنوو جنت يعني ابن عمي ولان يكولون انتي اله مخليته ابالي

تعاي انتي ليش تسألين

..هيج فضول مو اكثر

..متأكده

..دولي مو صوجج صوج التحجي وياج عود اتزوجت وسوت نفسها تفتهم براسي والله يالله تردين تصيريلي مرت حسام الثانيه

..عوفچ من هاي السالفه بربچ بعد اشوي اريدچ تسلمين ع ماهر نطلع انه وياج سوه ونلبس سوه اريد اعرف يفرق بيناتنه لو لا

..خايبه ولي شبيج انتي صاحيه

..باعي باقيه يومين هنا اگضيلج شكم مصلحه كوي ترتيب كنتور بس سويلي الاريده

..عابت شمدريج كنتوري يريد ينفجر لو تورطت وفتحته يتكومن عليه الملابس

..ادري بيج قابل غريبه عنج اني فالحه بالقرايه وبس

وصدگ اجه ماهر گال انطيج مصرف خاف ترحين وي امج للسوگ
هاي بعد ماوصاني ستين مره انتي وامج مو وحده غيرها

من اجه طلعناله اثنينه نفس الحجاب والشال وسلمنه سلام واحد

..السلام عليكم

وعليكم السلام

گالها ورفع راسه مركز بينه
شويه وظلت عينه ع مريم

..شلونچ خويه اخبارج
هي هم جاوبته وراحت

اشرلي بطرف ايده

..تعاي

..ضحكت وكفت يمه متخوفه

..ها

..وجعاا بگلب عدوچ عبالج مااعرفج

طلع هو وانه خربانه ضحك وامي درت واخواني وحجو عليه بعدج جاهل وماتكبرين
خلوني اخذ راحتي يمكم شبيكم

خلصت يومي ونسه بين اهلي واخواني ضحك وشقه
وذكريات ومقالب ورجعت ذيج زينب بينهم
حسيت روحي بدون قيود

دك تليفوني بالليل

جاوبته ورحت بغرفتنه صوته نعسان مبيين

..الوو

..هلا

..هلا بيك شلونگ

..حال الضيم كليلي شلون انام هسه

..طفي الضوه وتنام

..كلشي طافي وهاي المصيبه لو مبقي احسن
شلونج

..انه زينه الحمدلله

..مشتاقلج وانتي ولايمي متأكد لاهيه بأهلج

..لا والله هم مشتاقتلك

..ماترحميني واجيج هسه اخذج

..وين تجي نص الليل شتگول

..اكول ماانام الا وشعر غزالتي مغطيني

..وشلون چنت تنام گبل

..ماچانت عندي هيج نعمه وهسه اتعودت شلون هسه

..ماادري انت شتريد

..اريدج

..تعال اخذني

..هاا؟

..والله انت شتريد بكيفك

..لا بويه عيب من اهلچ بس ظلي نسولف انه وياج من انعس انطمر وانتي نوم العوافي

..اسم الله ليش هيج تگول

..تدرين وراي طلايب باجر ماادري شلون تفض

..تقصدك عمامك

..اي اكو بلاوي غيرهم

..منو راح يتحمل القضية

..حاتم

..يعني فضت بعد ليش مهموم

..ماادري مامرتاح للشغله

..توكل ع الله والله كريم

..ونعم بالله وانتي صحتج شلونها علاجج اخذتي

..اي اخذته الحمدلله زينه

..الحمدلله ..لمي شعرج اليوم لاتحلينه

..اتعودت احله

..بداعة الغوالي لمي لاتحلينه بس يمي

..وعيونك لميته ومااحله ادلل

..ماكو دلال مثل دلالج نامي حبيبه تصبحين ع خير

..وانت من اهل الخير حبيبي

سديت التليفون وفزيت ع صوت مريم

..هلا هلا وين امي وين اخواني خلي يشوفون الوجه الثاني الزينب
عزه بعينج ع هالادب ولا متوقعتج انتي

..خايبه فززتيني وطيرتي مشاعري كلها عابت هالوجه
مو صوجج صوجي حاجيته يمج عبالي نايمه

ظلت تضحك وتذكرني بعنادي وسوالفي وياهم

..يا وقابل انتو وهو سوا خايبه روحي هذا الحبيب

..اذكرج بلطمج بالخطوبه

..لا حبيبتي مااريد ذكرياتج

نمت وانه افكر بي واحس مو مرتاحه بمكاني ادري غير صار سنين انه عايشه هنا وهذي غرفتي

كعدت الصبح هوسه يمنه ووسام كعدني ع السريع
لمي غراضج اخذج البيتج انتي وامي

..احس رجليني ماتت ..وسام شبيك

..مابيه ع السريع اتحضري ماكو شي ماهر خابرني كال روح للبيت ع مااكمل شغلي بالمحكمه لاتخلي امي وسرور وحدهن ماادري شصاير
بس مااكدر اروح وحدي عاد انتي وامي وياي


يُتبع...

[لامارا]

الفصل الحادي عشر

……….

زينب..

اخذنه وسام ورحنه ع السريع وشفنه هوسه اباب البيت نسوان هواي وياهم ولد اثنين
امي من النوع الشاطره بهيج مواقف ماترتبك
گالت شو اتغشي وطبت بينهن

..شو خاله ميلن يمه بنتي هنا شصاير شكوو

ماحاچنها والتهن بمصايحهن
اني هم حشكت روحي ودخلت عمتي بنص الحوش تصيح

.البي خير منكم يعتب الباب مره لو زلمه اله انبت هالخنجر بنص گلبه

غدارين هذا طبعكم دوم تدرون بماهر ماهو هنا تردون تولونه تخسون مالكم حكم عليه ولا على بزري

طبت امي ومن شافتنه اتشجعت عمتي وطلعت من كتلها وسام هنا
احس روحي بعالم وانه اشوف منا يتهددن ومنا يتهددن

بنات شابات اثنين وياهن امهن لاتمل ولاتهجع ماجنها ابنها توه مييت ولاجنها مكسوره عليه مدري فراگه ولان زعلان منهم مسببلها ردة فعل غريبه احسها تريد تكاون وبس ومحروگ گلبها هم الله يساعدها بس ماتدري جاي تأذي

دتهددن بحجة يشوفن بتهم وسرور تكول يردن ياخذنها قافله الباب عليها هيه وبتها
وياهن ولد اثنين من شافو سرور مانعتهن تشوفهن رادو يهجمون
شنو تمنعنه من بنت اخونه نشوفها

وسام كلهم اهنا وحدكم كافي..

ممنوع واحد يخطي خطوه

اسمع واحد حاجاه يكله وانت شيسمونك شعليك

گاله اختي هنا وممنوع واحد منكم يفوت اجيت صدفه نشوفها وانتم تتهجمون وزلمتها ماهو هنا الي حگ حتى اكاومكم هسه
طلايبكم بينكم الزلم تحلها وعيب نسوانكم يطلع حسها واذا ماتردون حلها وتردون المشاكل اختي اي شي يصيرلها حتى لو هبطه سببتولها وصار بيها شي
انتم كبالنه ومانسكت

جان يحاجيهم بصوت تالي وفرها عليهم بغير طريقه ماكالهم ماهر وداني لان ماله حق وبوكتها من سألته كال خفت يطلعون حجي ع حماتج وهي مو ناقصه

المهم اخذوهن وراحن والرجفه بعدها بينه
وسام خابر ماهر ومكمل شغلته ومشتكي
وحاتم معترف انو هو مسوي كلشي بدون مايدري ابوو ومستغل عدم معرفته
وهم مقابلين عمه يطلع الا بكفاله ع ماتكمل التحقيقات والقضاء يثبت الحكم بس حاتم بالسجن ماطالع

اجه ماهر يريد بس يوصل ومن. وصلنه ماشرح كلشي بسرعه طلع وراح الباقي العمام وكلهم تشوفولي صرفه وحل وي عمي وولده ونسوانهم

والكل انخبصوو من شافو يهدد ويتوعد

وودو ع بيت عمه وبلغوو لو اتعرض احد منهم البيت ماهر يصير الحجي غير شكل وبلغوهم لازم يصير اجتماع ونشوف الشيخه المن تصير بعد الي صار ماتبقى عدكم

من رجع ماهر وسألناه كال شكيت من اتصالاتهم اكو شي لأن انخبصوو وهم هناك وعيونهم جانت عليه الظاهر عمي ماراضي بس هم مايسمعون حجايته

خابرت وسام وفهمته احتياط مو اكثر وطلعو صدگ زين ولحگ عليكم
حسين جان وياي وماااكدر وحدي هناك بس غير مره لو راجعت اخلي حسين قريب الكم ع الاقل هم ابن. عمنه مالهم حق يحجون

بيومها امي راحت الضهر هي ووسام واني بقيت وراحت عليه اجازتي عود اليوم خالاتي يجن يباتن يشوفني وبنات عمتي هم اول مره ابات وره زواجي
بس من شفته تعبان غلست
حضرتله الحمام
ورتبت نفسي من طلع اني واكفه ع المرايه اعدل بشعري

حضني من ظهري وراسه برگبتي

..يبنيه تدرين شكثر مشتاگ اخخخ اتربعتي بگلبي والله

..واني اكثر والله مشتاقه هواي

..هاا؟ماضايجه يعني چي انگطعت اجازتج

..مو ضايجه بس خطيه خالاتي وبنات عمتي عود متجمعات يباتن يمي يشوفني

..ها تعاي هسه خل افض شوگي ونسولف بعدين

…… ..

..سرور

من سمعت بجيتهن قفلت عليه وع بنتي الباب اعرفهن ماعدهن مانع ياخذنه ويمشن ويحرگن گلبي مايدرن بنار گلبي التسعر ع فراگ حبيب وسند شخص من طفولتي اشوفه روح الروحي ينعشها
محد حاس بيه منهم بس هو يدري بغلاته عندي شلون انطته روحه يتركني

سديت عليه الباب وگعدت اشكي وابجي غمضت عيوني واتخيله كبالي بذاك طوله الحلوو بذيج عيونه التنظرلي نظره تختلف عن نظرات الناس الي حتى اقربهم الي مو مثله

اليلوموني اعله طيفك من اچلب بي
گلهم لايلوموني
انا العايش على الله وجية طيوفك
واگول بخير لو رادوو ينشدوني

سديت بابي عليه وخليت طيوفي تاخذني اله مو هي التجيبه الي حتى باحلامي ودي انه الأتعناه لأن اعرف مامنه جيه بعد
نمت وسلمت روحي الخيالي وحتى طيوفي عاندتني مثل دنياي وماخذتني ولاجابت منه خبر

گعدت ع صوت بچية بنتي گعدت سويتلها حليب
وسمعت صوت دكة الباب

وهالمره ادري مو امي لأن اخر مرت من دگت كتلها عوفيني انه من اكتفي اطلع وحدي

گبل لا احچي واكول ياهوو

اجاني صوته

..سرور فتحي بابج احاجيچ

فتحت الباب وطلعت وعيوني تريد تشوفه
مو ذاك ماهر الاعرفه متغيير هواي كبران وطولان
وعيونه تنظرلي بعطف رغم قوتهن وحدة النظره البيهن
الزمن يغير ادري بهاي سمعانتها هسه انه شنوو المتغيير بيه

حاجاني وهو عينه عليه

..تعاي اطلعي من هاي غرفتج وبعد لاتقفلينها بالي يمج ظل شني كل هذا نوم بنتج شبعيها وجيبيها ارد اشوفها هالحلوه

گال اخر كلمه ابسمه من شافها

..طلعت وراه بعد ماكملت ممة يسر اخذتها مني زينب ترضعها وگالت يريدج ماهر روحيله وخليها يمي من تشبع ابدل الها واجيبها اله يريدها

رحت وراه وافكاري تودي وتجيب

..تعاي سرور خل نحچي ..شوفي عمامج رحتلهم وحاجيت باقي العمام وهددتهم وحذرتهم اذا احد يتعرض بعد ويوصل هنا يصير الحچي مو خوش

واتحددت كعده.. الشيخه تنسحب منهم بس راح يتكلف بيها عمنه ابو حسين عمره مناسب ومتفرغ الها وهو واعي وحكيم وبعد ماالهم اي سلطه لا عليج ولا ع غيرج
بس انتي فكي شويه ولاتجبنين نهار كامل حابسه روحج والله رادو يشوفونها

..لأن خفت ياخذنها

..مو من حقهم مو بكيفهم ياخويه القانون والعشاير وياج انتي ماعندج ثقه بيه طفله رضيعه ماتنوخذ منج

..نزلت دموعي وانه احاجي

عندي والله بس الخوف ذابحني كرار وخلاني محتاره حتى بروحته ماوادعني ولا وصه احد بيه من اهله وخلاهم يرحموني

شهگت ونزلت دموعي احسهن نار ع خدي
خله ايده ع متني واخذني الحضنه

..اترحميله وادعيله هو محتاجچ اكثر هسه شبيده ع روحه وتعاتبين هو الموت بكيف احد
بعدين وصاني بيج وابنته وانتن بعيني وانه هم مااحتاج وصيه غير اختي انتي

غيري من روحج سرور اتقوي هيج تتمرضين وعافيتج تروح منج
ماتتذكرين امي وصبرها انتي من هاي جزعتي شتگول هي شتحچي
وهسه الهم كاتلها عليج هالمره تموت من وراج اذا صارلج شي الخاطرها عيني روحچ وعينيني

..ان شاءالله بس اهم شي بنتي ماتنوخذ مني

..انتي وبنتج بهالشارب والله ماانطيها لو اعرف انطي روحي

مسحت دموعها واجت زينب وبيدها يسر

اخذتها بحضني وانه اشم ريحتها اطييب من كل العطور احسها انزرعت بگلبي ولو شفتها اشوف وجه ابوها بأخر ساعاته وهو يوصيني بيها
انطيتها الامها وصحت زينب

اجت وتريد تعرف شنو مهمتها الجايه احسها مستعده دوم وبكل وكت الكل طلب ينطلب منها

..حضري روحچ اوديچ الاهلج كملي اجازتج واجيج
خلي خالاتج يشوفنج

فرحت حيل وسألتني ما مصدگه

..هسه؟

..اي هسه حسين بالباب حتى يوصلنه
خل اخلص من هالطلايب واشتريلي سياره بعد ماترهم هيج انظل

حضرت روحها وطلعت بعد مافهمت امي وامي خطيه گالت خلها ترتاح
بس وصيها ع كيفها حركتها زايده والتوم ماهم مثل الواحد يصير حملهم اخطر
طول الدرب اوصي بيها

وصلتها ولكيت اخوانها وولد عمها مجتمعين ومن شافوني هلو ورحبوو بعدها وابوها سألني متفاجأ
شعجب جايبها
گتله انه اريدها ترتاح هناك الطلاييب تخوفها بيناتكم تأمن
وهم سألوني وناقشوني وصحت وسام واتفاهمنه ع الصار

رجعت للبيت تعبان بس حطيت راسي ع المخده نمت

ثاني يوم رجعت اراجع ع الكيعان ومن دائره الدائره ولازم تأييد ولازم تصريح
خلص الدوام ومامكمل كل الاجرائات

رجعت هلكان
خابرني حسين ع موعد الأجتماع باجر العصر

وهالمره قررت اروح بغير هيأه وحضرت غير تحضير
طلعت اشتريتلي چماغ وعگال وعباه
وضبطتهن وحضرتهن الباجر
من شافتهن امي حيل فرحت بيه
احس روحي هسه يلله استاهل البسهن واكول انه فلام صدگ من طلعت حگي من صارت چلمتي مسموعه بين العمام

ثاني يوم اخر كشخه كشخت واتوجهت للاجتماع

واحس البيه مو شكلي متغيير واللبس ضايفلي لا احس نفسي المتغيره وانه الأضيف القوه اللبسي ولو واحد شافني مايكول لباسة تالي وكت يگول كدها فلان ابن فلان طلع حگه من حلگ الذيابه

دخلت سلمت بصوت عالي الكل ظلت عيونهم عليه
اشرلي عمي ابو حسين اكعد بصفه افتريت الديوان من اليمنه وگعدت بصف عمي ابو حسين بعد ماكملنه
وطال الحجي وعرض وصار عمي ابو حسين شيخ عمامه بهذا الوكت لس مايموخذ قرار الا بشورة الكل من العمام الموجودين وماكو بعد غريب يتدخل بينه

طلعت فرحان حيل صار اسنين احلم بهاللحظه وشلون اشوف وجوهم بهذا الحال
مو بس حقد وشماته لا
مظلوم واحس بعدالة الله نصفتني

طلعت گبل النسابتي خابرت مريتي وكلي شوگ الها
طلبت منها تحصر روحها اجيها اخذها
ورجعت خابرت وسام وحجيتله الصار
چان متانيني ع نار حتى يعرف اخبارهم
وصلت البابهم اتاني طلعتها
مستعجل مو مال گعده وگبل چم يوم شايفهم وبهذا الوكت هم لا ابوها ولا اخوانها موجودين حتى انزل اسلم عليهم

…

زينب ..

بيوم الوداني البيت اهلي فرحانه حيل چنت وصلت ولكيت خالاتي جايات اثنين منهن وبعد بنات عمتي
خالاتي اعمارهن قريبه الأعمار الولد
من يگعدون سوا جنهن صديقات الهم لو خوات يخلصنها ضحك وسوالف وهنه متعودات يجن يم امي لأن هي الجبيره بمكان امهن الله يرحمها
سألني ع طبعهم وعيشتهم گتلهم كلش زينين بس هالايام الحزن مأذيهم خطيه وحتى اني اتعايشت وياهن واحزن الحزنهم واحس گلبي يوجعني ع سرور وبتها
وانوب المشاكل الصارت هم حيل اثرت بينه بس شي ع شي مرتاحين

هنه هم خطيه اندعلهم الله يفرجها عليهم
واخواني گالولهن ماهر ماينخاف عليه سبع وزين يسوي الطلايب ياخذ حگه بيها اذا رجعتله الكيعان وخيراتها الله يزيد رزقه ويوسعها عليه اكثر
احسن مما يسكت ويشوف حلاله منهوب
اني هم من سمعت كلامهم شويه ارتاحيت واحس روحي فخوره بي

اجت مريم وگدامهم گالت وهي تضحك

..ست زنوبيا عيني خاف فلتي منها ذاك اليوم اطلبج كوي ملابس وتسفيط گومي سويهن هسه حبابه

..دروحي يمعوده سقط حقج بذاك اليوم

..ابد ولايسقط والله طيحتهن كلهن وماكو مجال تفرشن بي انتي وحبايبچ مو محسبات حسابجن تنامن يمي لو لا

..عوووذه عوذذه منچ يالخبيثه چان بقيتيهن الباچر يعني بربج اعوف هاي اللمه واكوم احير بزعابيلج

دار علينه حسام هو چان مركز وي خالتي ويضحك وياها دار علينه بعد ماطال الجدال

..خيرجن شكوو عليمن هالهوسه مريم احترمي اختج كبرت وراح تصير ام افلان

..حركتلها حواجبي واشرتلها بأيدي موتي
موتي حرگه

..ردت وهي تضحك لا والله ام افلان ع روحها مو عليه انه وياها نفس العمر وترى هي وعدتني من وادت تختبر ماهر يعرفها لو لا

ضحكوو هم وخالاتي ضحكن وحسام وجهلها الكلام

مادام انتي واعدتها وطالبه منها هيج طلب مستاهله روحي حيري بيهن

..ترى اجيت ارتاح يمكم انه

..روحي هاي السوالف ماتفيدج انتن متعودات ماكو شي لله كلها مصالح

..اروح ارتبهن بس شرط تتحولون هناك يمي

..ليش لا گوموو

گام حسام وكلهم دارو وياه وصارو حشك وضحك وسوالف اذكرو السوالف القديمه كلها

شويه واجو بسام ووسام وجايبين كرزات ونساتل وظلينه سهرانين حتى بعد ماخلصت تسفيط وترتيب الكتب والملابس والملازم والاوراق الزايده العدها

وظليت هم اضحك عليها وع هوسها بالدراسه الوحيده الي من عدنه هيج تحب تدرس صح كلهم مكملين بس مو مثل طموحها

ثاني يوم گعدت راسي يوجعني من السهر واحس نفسي تلعب ومالي خلگ اكوم

بعد فتره اتحسنت ورجعت الطبيعتي
العصر اجونه بيت عمي وياهم ضرار سلمت وفتت وهم ظلو ع العشه وي الولد
بعد العشه كملت غسل المواعين ورحت للمطبخ اخذي مي اشرب علاج شفت خيال من الشباك طلعت
واشوف مريم وي ضاري واكفه هي وهو بطوله مخيم عليها مخلي ايده ع الحايط وعبالك منصي جسمه عليهم الاثنين وضعهم يربك مبتسمين وسوالفهم همس

مااتفاجأت لان من اخر سؤال سألتني ولحت عليه حسيت عدها شي ناحيته
بس الحيرني شلون مامحسبه احساب لخواني يشنقونها والله وحتى ضرار تخرب صداقتهم وخوتهم وياه
ظليت حايره ابيين الهم اني ادري وشفتهم
لو اغلس وخاف يطلع احد من اخواني سمعت صوت خطوات قريبه للمطبخ

كحيت بقوه هي فزت وهو ابتعد شويه وراح ناحية باب الشارع سوه نفسه يخابر
اجت وجهه اصفر ومرعوبه المشكله
بسام واكف يمي مااكدر احاجيها خزرتها بعيني راحت الغرفتها ولحكتها

..لچ عزه بعينچ لو شايفينج اخوانچ شتگولين

..محد يشوفني بس اسكتي انتي مامسوين شي بس جاي نحچي

..شتحچين مسويه روحچ فقيره وبالچ يم الدراسه وبس وكل البلاوي بيچ انتي شايفه لو عرفو اهلچ شيصير

..كاتلچ اهلي انتي لو بعده ابالچ ورايدته وانقهرتي من. شفتي يحبني

..انچبي اريد منوو شكد لااريده ولا شي وافرحلكم اصلا بس اكو باب يدگه مو هيچ

..بعده مامفكر بالزواج هسه واني عندي دراسه مامستعجلين مثلج ع العرس

..چا انچبي ولاتنزلين روس اخوانج وتشعلين حرب العمام

..معليج بيه افتهمتي لا والله افر السالفه عليج واكول غيرانه مني وماتريد رجلها

..شگد ادب سز مو صوچچ صوچي اني الخايفه عليج

طلعت ضايجه منها حيل وخايفه عليها العوبه ماتفكر ولا عدها عقل

حرت شسوي وشلون اتصرف

هذا مبيين مو اول مره والميانه قويه بينهم
كل هاي الولد لاهي احترمتهم ولاهو احترم وجودهم وخله حرمه البيت عمه

سفت فون امي وبي ارقامهم كلهم خاص رقمه تحتاجه تسأله ع الادويه مرات

جربت اتصل بي ماعدها رصيد
اخذت رقمه وخابرته مني

سلمت عليه وهو هم مبيين عينه مكسوره وخجلان

گتله شتگول الأخواني لو عرفو بيك انت ابن عمها المفروض اكثر واحد تخاف عليها واكف هيج وكفه وياها لو بمكاني شايفك حسام لو بسام لو باقي اخواني شيسوون

جاوبني گال

..والله يزينب ماابالي مو زين بس منتظرها تكبر وتكمل دراستها وهي الي

..وبعد شگد الهذا الحجي تخلصونها گعدات
اذا صدگ بگلبك معزه للولد ابتعد عنها ع الأقل احطب خطوبه رسميه وابقو مخطوبين

سديت التليفون وماانطيته مجال يكمل
ماحاجيتها ومانمت يمها اصلا ثاني يوم هم ماشفتها زعلانه من حجيها وماخذه بخاطري منها

الضهر خابرني ماهر وفرحت بي راح يجيني وظل بتلي يم هاي العوبه تتخيل بعدني احب ضرار وغيرانه منها

رن تليفوني اخذت غراضي وطلعت بعد ماسلمت ع امي اخواني بشغلهم وابوي هم
طلعتله فرحانه ومشتاقتله حيل وهو هم

وصلنه للبيت بعد ماسلمت وسألتني عمتي ع اهلي وشفت يسر وامها رحت الغرفتي ارتب نفسي

شويه واجه ماهر گال

..زينب انطيني تليفونج

جاوبته ع الميز يمك
حاچاني بنبره حاده ورافع حاجبه بس بهدوء

..هذا الرقم نهايته 800 مالتمن

..هاا

..الرقم المن وليش متصله عليه بهيج ساعه متأخره

..ماادري مو انه

اتصل عليه وفتح مايك جاوب ضرار واحي رجليني ماتت

..ها زينب ..الوو زينب

..مو انتي موو

..رجعت الوره واريد اشرحله الساني انربط

يتبع ..

[لامارا]

البارت 12

…………… .… .

گلوله لو صار العصر
چم حزن يشغل بالها
گلوله ماتدري الصدگ
تمسح دمعها بشالها

بعد ماجبت زينب من اهلها طلعت اخابر حسين اريده بشغله اكلفه بيها خاف باجر اراجع يجي هوو بمكاني اباب البيت يظل او قريب للبيت عينه ع عايلتي

وره ماحاچيته ووالولد گال تدلل لايظل بالك
فتت للبيت واجتني رساله من رقم غريب

..راقب تليفون زوجتك وشوف اتصالاتها والوقت المتصله بي

اجت ابالي ذوله من ولد عمي مايخلونها تعدي ع خير ويردون يقلقون راحتي بهاي الشغله ماعندي شك بمرتي صار فتره ماشفت عليها شي ابد

حفظت الرقم اشوفه المن هذا ووين يريد يوصل بهذا حچيه

اجتني رساله ثانيه

..اتأكد منها اذا نكرت معرفتها بي معناها كذابه امنعها من الاتصال وبس مانريد شي غير هذا

من حچيها مبيين هاي بنيه ومن صيغة كلامها غيرانه من اتصالاتها
وارجع اگول ولد ويريد يغثني
رحت سألتها عليه اخذته منها وفعلا اكو رقم غريب متصله عليه بوقت متأخر وفترة الاتصال دقيقتين ونص
سألتها والزاد فضولي ارتباكها نكر السانها بس عيونها تگول تعرفه وخايفه من ردة فعلي

اتصلت بي وردت اعرف ولد بنيه
خاف واحد منهم واصلها مهددها بشي رايد شي يخصني منها وخافت عليه وحبت تتفاوض وياه مية فكره اجت ابالي
لو شخص هي تعرفه وماتريد انه ادري

من صوته ولد ويعرفها كلش زين

اعصابي تلفت وانه اريد اعرف هذا منو وعلاقته شنوو وشصاير حتى تخابره بهيج وقت

..ماتعرفينه موو

رجعت للخلف الحد ماظهرها صار ع الكنتور وبعد ماكدرت تتراجع اكثر

..احچي ولچ ياهو هذا وشراد منچ لاتخبليني مهددج بشي اكو شي ماادري بي تعرفينه انتي هو خابرج انتي الخابرتي بالبدايه منين جبتي رقمه احچي

غطت وجها بايديها رافعتهن حمايه بحركه سريعه صارت وره الچربايه

..ادري مااوصلچ هناك يعني لاتخليني حظج اطيحه تعااااي هنا واحچيلي

صحت بعلو صوتي گعدت للگاع وهي تبچي

..ولچ احچي گاص راسج هسه انه شعندج متصله بس هاي الارد اعرفها

..بس اسمعني احچيلك

..هو انه اريدچ تحچين احچي ترى اعصابي تلفت لاتلفين ولا ادورين اريدها من الأخير

..الرقم رقم ابن عمي ضرار

..هاا ابن عمچ انتي؟ وليش مخابرته

..هيچ ابن عمي مابيها شي

..لاتخليني انزل عمامج وي عمامي مابيها شي شني ولچ بالثنتين بالليل تخابرينه مابيها شي هسه من اكسر عظامج احد يلومني احچي الصدگ زينب هاي ماتقنعيني بيها مخابرته ليش؟

..شنوو شحچي

..احچي الصدگ متأكده ابن عمج لو واحد من طرفي متصل بيج خاف مهدديج احجي

..والله والله محد من گرايبك ابد ابن عمي ضرار والنبي هو

..ومن يمته علاقاتكم هيچ بأنصاص الليالي تخابرين
تحچين عدل يازينب لا والله ماتعرفيني شسوي
الهسه لازم روحي عنچ گوه

..والله صارت شغله وخابرته

..اي لهنا خوش حچي شني الشغله التخليج تتصلين ع واحد بس لأن ابن عمج وانتي مره بذمة رجال وتدرين بيه هالسوالف ماهي عندي ولاترهم ابيتي

..بچيت بعد ماشفته يتقدم احسه يريد يذبحني

والله يحب مريم وهي تحبه وشفتهم واگفين سوه وخابرته احذره اذا درو اخواني تصير جبيره گتله ابتعد عنها

يمه علبة مكياج ع الميز من سمعني شالها وشمرها عليه بقوه بعدتها بأيدي بس احس مفصل الكف انفسخ وصار مكانه احمر

..وانتي شعليج بهاي السوالف شعلييج

صاح بعلو صوته خلاني ارجف

..ولچ انتي غبيه لو استهتار هذا انتي شني وتدخلين بهاي السوالف مصلح صايره انتي چا نصحتي اختج ترحين تخابرين الولد ياادب سز ماخليتي اعتبار لا الي ولا النفسچ بالله شكتيله ونصحتي

تدرين بيه اتخبل من هاي السوالف وادري انتم مثلنه ماعدكم اختلاط شلون تتصرفين من كيفج
بيچ بخت بالتوم مربطين اديني عنچ

انه اعلمچ زينب يصير خير هسه اشوف شغلي وبعدين التفتلج

طلع من الغرفه وطبگ الباب قوي اكيد سمعو صياحه بس لاعمتي ولا سرور يدخلون خاص من هو عصبي الكل يلزم الصمت

باوعت الايدي حمره وزاد وجعها اكثر لفيتها وامسح دموعي الهسه مامصدگه لهنا وعافني اتخيلته راح يموتني

بس هوو شمدري شو اجه من الباب يريد التليفون
معقوله مريم مخابرته ماتسويها مو الهاي الدرجه

طوول ومااجه طفيت الاضويه وبدلت ولميت شعري وحاولت انام ماكدرت صار الوكت متأخر وهو ماجاي اكيد بالديوان كاعد لو بالبيت

ضجت وانه افكر شعليه هسه انه واخابر اجتني مشكله مو ع البال واخاف انوب يظل دوم متخوف مني والهسه شكوك ابالي منو المتصل وكايله
لو بس مفهمني

للفجر يلله نمت وهو مابين

گعدت الصبح مابيه ارفع راسي احسه يريد يطگ من گد مابچيت حتى عيوني منفوخه غير الم بطني وظهري من الخوف الحسيت بي الهسه ماراح مني الوجع
ايدي من احركها بيها وجع مبينه مفسوخه بس الشد فايدها شويه من فليته لونها صاير زراگ خفيف

رجعت شديتها وغسلت وبدلت وطلعت صبحت ع عمتي

ورحت اساعدها شافت ايدي وسألتني كتلها مفسوخه

افتر واحس راسي يريد يطگ ودوخه قويه ملازمتني قلق وتفكير
منين عرف بالصار
صدفه احد گايله
ماگدرت اسأل عمتي عليه خاف افتح ع روحي باب
واطلع انه الغلطانه تالي

الي عرفته رايح مراجع اليوم واجه ومافهمت كلشي بس چان نار وعصبي مبيين عيونه حمر البياض مختلط باللون الأحمر وحواجبه تنذر بالشر غير الهدوء البي الي ينذر بالعاصفه القادمه

ابتعدت عنه گد مااگدر

الحد العصر سرور بغرفتها وعمتي لحت وياه بالسؤال شنو الي مغيرك وشبيك هيج صاير نار وماتتحاجه

ابتعدت عنهم بس بقيت واكفه قريبه للباب اسمع راح يجيب سيرتي وموضوعي لو لا

اتنهد وگالها

..يمه تعبت من البشر وتعبان من روحي ماادري شگول خليها بالگلب احسن

ومثل كل أم گلبها محروگ ع ابنها اصرت تعرف وهي اتخفف عنه بدعائها وتشجيعها

گلها

..تدرين سالفة تزوير الگيعان كرار يدري بيهن مو توه يدري بيهن صار اكثر من سنة ونص يعني من طب ابيتي قبل وفاته بأشهر وصرنه اخوه ونسيت كلشي صار..
ظل ضام عليه هالموضوع بس حتى مايأذي ابو ولايأذي اخوانه
حتى بزعله وياهم ماانطه بيهم ومانصفني ولو مو خوفه من الله وراد يبري ذمته بأخر ساعات اظل انه ادورلي زله عليهم واتعب واتعب يلله عود اكدر اخذ حگي بس الله يعلمشلون دربي جان
وتدرين هم ماخذين احتياطهم وشگد فلوس دافعين حتى يسترون السالفه بس ماخليت احد اعرفه ماوجهته بهاي السالفه

الله يرحمه ويغفرله بس مانصفني ولانصف مرته وطلع حگها بحياته الا لمن وازاه الموت سنة ونص هو وياهر عايضين بالعوز والحاجه وهو ماحرك ساكن
حتى بزعله عن اهله ماانطه بيهم ولا اثر عليهم
كل مااكول الله اخذ اخواني بس انطاني اخوان دنيا وحسبته ذيج الفتره منهم والله صار حاله حال حسين ووسام عندي واعز والهسه واليوم من دريت ماحقدت عليه الله يشهد يظلون اهله بس حزت بخاطري حيل واتمنيته يمي واعاتبه واطوول حيل بعتابي

اتفاجأت عمتي بكلامه وظلت تسأل بي شمدريك وشلون عرفت

گلها شيفيدج اذا عرفتي متأكد من الموضوع لو مامتأكد مااحجي بي وخليها بيني وبينج ولاتسمع سرور بهاي السالفه ابد

بگد ماجنت مصدومه فرحت يعني مو انه السبب بضيكة خلگه

فرحت ورتبت نفسي وصرت عادي اگعد وياهم واشوفه بس هو ابد مايباوعلي ولاعبالك يشوفني
رجعت الضوجتي ورجع تفكيري يحاصرني
يومين هو ماطب الغرفه بس يبدل ويطلع ويستغل الفتره الماموجوده بيها بالغرفه

يومين واحس بعد اكو عقاب اليه وجاي يستوني ع نار هادئه غير الأهانه الحسيت بيها من اشوفه ينام بغير غرفته وحسس الكل اكو خلاف بيناتنه

صرت لا اكل ولا اشرب ونفسيتي حيل تعبت
امي خابرتها وسألتها اريد مريم گالت تگول مشغوله بعدين احاچيها
احتاريت اگل الأمي لو اسكت وخاف تطلع غير سالفه عليه

التفكير والضوجه دمرن نفسيتي احس طول الوكت متوتره

اكو اتصالات تجي وخبصه وي كل اتصال احس تطلع روحي خاف شي جديد اليه انوب يأذيني اكثر

ثالث يوم سألتني عمتي شعدكم بچيت وانه اشكيلها من الصار وحچيتلها ابن عمي احتاجيته بشغله واتصلت عليه وهو ماقبل وحاسبني وبعده مستمر

امه ماقبلت كالت ولو خابرتي تبطلين مايرادلها هيج كون مايرضا يحذرج انوب لاتخابرين احد بس مو هيج يتسودن

حجت وهي ماتعرف التفاصيل ويمكن. لو تدري بالليل بذاك الوقت متصله والسبب علاقة اختي بي هم تحچي عليه وتلومني

رجعت تقنعني معناها يحبني وهذا الي يسوي من غيرته عليه
وانه اشوفه ماطايقني ابد خاص هالأيام

مر اسبوع ع هذا الحال اخر شي تعبت
الخوف من الجاي اخذ من حيلي حيل
وانه زغيره مهما كان ماعندي ذيج الأفكار الي اتخليني اخلي يطلب الصلح بنفسه او شلون ابررله موقفي
احس روحي تايها وماكو من يرشدني

تركت المقويات وعلاجي ومالي خلگ كلشي وبيوم من جهلي وحركة گلبي اتعمدت اغسل وانام وشعري مبلل وانه فاتحه المكيف وغطا قليل اريد انتقم منه ومن روحي

الفجر احس بلاعيمي يبست واريد ابلع ريگي مااگدر جست اطراف شعري ناشفه والوسط والفروه بعدهن مي ومثلج من البرد
احس عيوني بيهن حرگه قويه وتقفل شويه شويه
لزمتني رجفه وسخونه قويه

صرت اوون وانجبرت اجر الغطه واتغطه
طفيت المكييف
وعيوني قفلت غصب عني بس مااگدر انام من الوجع البيه بلاعيمي واعظامي الي صارت تتون عليه
اجه الصبح اخذ ملابسه وطلع بدون حتى ماينتبهلي
اتأخرت بنومتي للضهر اجت سرور تشوفني احس بيها بس چني فاصله
مثل النايم ويسمع حچي اليمه لا هو نايم مرتاح ولاهو گاعد
اجت عمتي احس كشفني وبرودة الكمادات گمزتني سرور بتها بچت حاچت امها وراحت

حاولت خالتي تگعدني ماگدرت مو بس لأن مريضه لا چنت انه اريد اتمرض اريد اشوف معزتي مثل الجاهل الي يريد يجذب انتباه اهله
اريد اشوفه يهتم لو لا اريد احسسه الصارلي بسببه
السويته مايسوى كل هذا
شدعوه هيچ قاسيعليه وحنين وي الكل ماينام اذا مايشوف عمتي
واذا بيوم ضغطها لو سكرها متخربط يگعد من نومه مرتين تلاثه بس يشوف نفسها ويرجع
لو سرور من يحسها مكتأبه يحير شيسويلها ويظل يوصي بيه ع طول

ليش وياي هيج شنو السويته غلطت واعترفت وضربتني وحاسبتني مو كافي عليه اصلا هواي

نمت وصحيت ع صوته وهو يسأل امه من يمته هيچ تعبانه وليش ماتخابروني

جاوبته عمتي خابرناك ومارديت وحچتله

..بهاي الفتره السخونه خطره عليها ومرتك حامل وانت ماتدري عنها وحاير بدنياك وتارك بنت الناس حاگرها چي طفله وماتعرف تتحيل لو چي اهلها اعزاز عندك ومقدرها التقدير اخوها
هذا تقدير وسام عندك شامر اخته هالشمره
لو ادري بيك هيج عگلك وي بنات الناس مااخليك. تتزوج

چانت ترزل بي بصوت هادئ مو بصياح
ماحچه شي ابد وخانتني دمعه نزلت من طرف عيني بس وجهي مو عليه چان ناطيته ظهري
ورجعت استسلمت للنوم وانه احس الكمادات تتغير

صرت اوون بدون مالسيطر ع روحي

حچه هو بصوت واضح بس هالمره صوته حرك بداخلي قهر ماصاير منه ذكرني بأهماله الي مو هيج الغيره ويدري بالسببب الاتصلت بي وگلت راح يفهمني
بس يهدأ

خله ايده ع جبيني وگال

..من. شوكت چنتي رايده ابن عمچ هذا؟
وشنو الي غثچ وخلاچ اتهددينه چي رايد اختچ

..انه بفراشي واحس الدنيا افترت بيه ماگدرت احچي اي شي

..انه الهسه مامصدگ الحچي بس اريد اگلچ. شغله اكو من اهلچ يريد يخرب بيتچ وانه ابتعدت عنچ حتى اعرف اتصرف لأن والله حتى لو مامقتنع بهذا الحچي من اشوفچ كبالي ماارحمج مو بيدي اكو نار بصدري
بس انه متعود ع المصايب عيشة الراحه ماتوالمني

..نزلت دموعي وي رجفتي طلع صوت شهكاتي

..لاتبچين والله وروح ابوي واخواني من فكرت بالزواج لادت شكل ولا جمال ردت وحده تصوني وتربي ولدي تربيه صالحه وردتلي مخوول زين وماكو احسن من وسام واخوانه
من. اتزوجتج من اول ليله انزرعتي بگلبي وحبيتچ حب بس الله يدري بي
والهسه وداعة الي ابطنچ حبچ مانگص ذره ولا عندي شك بيچ بس شيقنع النار الي بگلبي حتى وانه مامصدگ هي تلهب من السوالف التجيني

مااريد بس اعرف الرقم المن وانه اتصرف
والذاك الوكت اتحمليني

بچيت وماجاوبت اي شي العصر هو وعمتي اخذوني للطبيبه وانطتني كومه علاج ورجعت
رجع وياي بالغرفه
بس انه صرت انطي ظهري وبعدت ع طرف السرير
حيل ضايجه منه وضوجتي اكثر من اختي اكيد هي بس لااگدر اگله بيها خفت يصدگها اكثر ولا اگدر اطفي نار الغدر الشبت بين ضلوعي
هو يگول نار بصدري
انه شگول
مو المفروض يعرفني هو وشافني اغلب المواقف يضحك عليه لأن جاهله بيهن وماعندي خبره بكلشي
ويگلي ميخالف اعلمچ مهرتي بريئه

هسه هيج يگلي
تركته وابالي شغله اسويها اذا طال الموضوع اكثر من يومين

…

ماهر ..

الرقم حظرته ودخلي رقم ثاني
وهالمره مواضيعه اخطر

..الي صار مرتك اتحب ابن عمها وانجبرت عليك
والظاهر بعده ابالها

احس الدم صعد الراسي يفور بي

اتصلت ماجاوب ينطي رفض
وديت رساله

..كافي لغوه وعيب عليكم هالسوالف عرفت الموضوع كله وشلله عائليه بينهم مو اكثر مرتي حچتلي كلشي

..شگالتلك بالله گالتلك رايد اختي وانه حيل انقرت وغرت منها ورحت اهدده يعوفها

..شوف ومحمد اندمك ع هذا حچيك وماني ابن ابوي اذا ماجبتك سحل وكتها اعلمك الگلته من الصح

..بدون تهديد وافهم خلي مرتك بعيده وهذا هوو

شمرت التليفرن من ايدي صار كل وصله بمكان

كعدت دقايق افرك براسي اريد اهدأ
شحچي وشگول شلون اطلعه بدون فضايح

گعدت ع حيلي لميت التليفون اريد الرقم والرسائل اثبات اتسرعت بس لا مايشتغل

رجعت كلشي المكانه بس الشاشه مفطوره زين اگدر احتفظ بيهن

كلامه صار يدور براسي
وكل مااشوفها ابعد عنها
لاأگدر اسألها ادري بروحي من اشوف ارتباكها افقد واخاف اذيها وانه مچتف روحي تچتف عنها

اتجاهلتها الحد اليوم الي اتمرضت بي
اسبوع كامل وانه مامرتاح لا ابعدها ولابگربها اشوف راحه

رحت اشوفها وحچيتلها الصار ومن دموعها عرفت هي شگد متأذيه من بعدت عني وحشت روحها بطرف الچربايه عرفت هي زعلانه مني

ماتدري بيه الدنيا من بنت شخصيتي ترست گلبي قساوه ومو اي موقف يهزني ولا انه تفكيري مثل تفكيرها لو تفكير اولاد جيلي هواي عندي اختلافات والها اسباب

احس الجرح كرامتها وحاول يخرب صورتها يمي جرح كرامتي وشكك برجولتي
اريد بس طرف خيط يوصلني الهذا الرقم وصاحبه

حتى وسام شچم مره رادني اتحججت بشغل وماشفته خفت احچيله والسالفه تكبر
اتصلت بالشركه اعرف الرقم المن هذا
گالو الا بلاغ بمركز الشرطه
زين البلاغ شگول بي
وهم يردون اثبات ودليل خو مو اكول طعنو بشرفي

تركت التفكير واخذناها للطبيب وانطتها علاج
بيومها خابر وسام وشاك بشي

..ولك ليش ماتجي ولاتگلي تعال انت سامع شي مزعلينك من شي

..لاهاي ولا هاي ابالي سالفه ومخبوص بيها

..راح اجيك هسه

..هلا بيك تعال

بعد ماعندي حل الا اشووفه الرقم بلكي احد من معارفهم
صار اليوم تاسع ع السالفه لانومتي نومه ولاكاعد براحه

اجه وسام وبين الچاي والماي وسؤاله عن زينب وجوابي اله جانت مريضه وصارت احسن راد يشوفها وحاچيت سرور تبلغها تجي الأخوها تشوفه

ربع ساعه مرت وانه اراوغ اخر شي
بديت افتح الموضوع صوت زينب سلمت رفعت راسي اشوفها

اتفاجأت لابسه عبايتها وبيدها جنطة ملابسها

..وسام خويه انه اروح وياك

..جاوبناها نفس الوكت هو بكلمة

..هلا بيچ

وانه بأستغراب حچيت

..وين ؟

گلتها وگمت الها

..شو ماسمعت عيدي وين ؟

… .

..

يُتبع...

[لامارا]

البارت 13

……
..ووين عيدي ماسمعت؟

وسام استغرب حركته وعينه صارت عليه وعلى ماهر

..خير شبيكم شكو شصاير

باوعلي ماهر وگال

..اخذي هاي وروحي الدارچ

يقصد ع الجنطه

رجع حاجاه ماهر

..گبل لاتروح اريد افهم شبيكم شصاير وهي وين رايحه وانت ماتدري يعني ماگالتلك

..هسه احچيلك كلشي اصلا انه چان موضوعي هذا

..زينب مسويه شي
حچاها وعينه عليه يريد يتأكد
جاوبه ماهر

..لا مو هيچ
شوف وسام صار تسع ايام من يوم الجبت زينب منكم وانه ماشايف الراحه اريد اعرف ياهو اله مصلحه بخراب بيت اختك

..شصاير هسه غير افهم يااخت منهن زينب تقصد يخرب بيتها ليش؟

..طلعتله جهازي وگتله

هاك استلم اقرأ بنفسك وشوف وياريت تعرف الرقم المن لأن ماظل عقل براسي

باوعت الزينب ع وگفتها ودموعها تجري

..تعاي اگعدي وسدي الباب خل نفهم كلنه

اتقدمت اگعد وعيني ع وسام الي انفتحت عيونه بقوه وادينه صارت ترجف
رفع راسه يباوعلي
وحاچه ماهر

..انت مصدگ هالحچي يعني

..لا مامصدگ بس بگلبي نار تلهب اريد اطفيها وماتطفا لمن اعرف الاسباب الي تخلي وواحد لو وحده يطعن بوحده قريبه الهم ومنهم وبيهم

..انت شتقصد عود من اهلي!

..ماكو غيرها

..ماهر شني سالفتك شبيك اهلي شني مصلحتهم انت تعقلها

..انه هاي الأرد اعرفها

..وشمدريك الي يراسلك منهم

..ياهو الگالهم باتصالها بضرار اذا ماسامعينها لو يعرفونها لو هو ابن عمك لو واحد منهم

رفع راسه وسام الي وعيونه احسها تريد تطلع باوعلي بغضب

..ولچ يعني انتي صدگ مخابره ضرار بهاي الساعه شعندج؟

رجفت عظامي اذا عرفو ينهون مريم بس ماهر ماانطاني مجال انكر وجاوب

..هاي اتفاهمنه عليها واتصالها مابي غلط بس الوكت متأخر وحذرتها تنعاد وعرفت هالشي مايرضيني

..لا شو هاي ماتمشي عندي تعاي احچيلي ضرار شني سالفته وشني علاقتج حتى تتصلين ياما عدنه بنات عم ماشفت يوم وحده اتصلت عليه تسأل لا وانوب بالثنتين

انخرس الساني بس دموعي وشهگاتي تبينلهم اني ع قيد الحياة حتى عيوني غمضتهن

حاچه ماهر وهو يتوعد

..بروح اهلك ساكت انت ع اتصالها لو عرفت السبب وماتريد تگوله

..السبب المفروض مااكوله بس مااعرف السالفه اذا ماحچيت بس امشي عليك اخوو زينب واحلفك بچفوفه ماتتهور وتمشي وياي بعقل الحد مانعرف كلشي لاتنسى الغلط وارد الهيج اعمار

..غلط؟ ولچ زينب شمسويه انتي ليش ماتحچين

..ماغلطانه خلك منها
زينب اتصلت بأبن عمك تحذره يبتعد عن اختها التوم خافت عليها منكم الظاهر هو رايدها وشايفتهم يتحاجون حجي عادي لاتباوع هيج زينب ماعرفت تتصرف خابرت الولد تنصحه عود

من جبتها اجني هاي الرسائل وانه هم احتاريت وماعرفت اسوي كلشي تربطت اديني ورجليني الرقم ماينعرف الا بلاغ وفضيحه وذني مااريدهن بس ماارتاح اذا مااعرف السالفه ياهو الوراها چنت شاك بأولاد عمي
انوب طلعت سالفه لا ع البال ولا ع الخاطر

..سهله ماهر خلي مرتك عندك والك الصافي الرقم اخذته ويصير خير

..تعال وسام خلنه نتفاهم مو هيچ

..الك الصافي گتلك

طلع وسام والشر يطاير من عيونه
احس عظامي صارت اطگ بعد وراي حساب منا ماهر مناك وسام واكيد امي واخواني
الله لاينطيك ضرار لو انت خايف الله ابنت عمك ماصار هيج لو اختي سامعه مني

بقيت بمكاني وعيني للكاع محتاره
صاحني بأسمي الي فاقدته بصوته صار ايام ماسامعته
يلفض اسمي غير عن البقيه مو مثل مااهلي يصيحوني يفتح النون بلفضه

..زينَب گومي الدارج وهاي بعد لاتعيدينها هالمره اعديها

رفعت عيني خليتها بعينه اتعمدت ماانزلها

..لا اروح احسن شكوو باقيه هنا وشنهي ظلتي اذا رجلي مايباوع برجهي ولا عاتب باب داري ولا سائل ع احوالي
ظلتي هنا شني وعليمن ابقى مامسويه مكسوره انه حتى اظل بسدك وانت ساترني واتحمل اهانه منك

..السانچ الخاطر الله كفي احسن ..گتلچ اتحمليني گتلچ لو لا

..مامجبوره اتحمل نومتك بره الغرفه وكلها تدري بينه متزاعلين مامجبوره اتحمل اتهامك الي

..ماتاهمچ انه خليها ابالچ لا تلوصين بالحچي التاهمج انتي تعرفينه وماجاي تگولين حتى نفهم

..محد اله مصلحه يضرني

..اي محد انه اتبله عليچ!

..ماهر انت ارتاحيت هسه من سولفت الوسام ع مريم هسه يصير بيها شي من وراك تتحنل ذنبها

..ولچ انتي تمساتين وشايله هم الكل وعايفتني وعايفه روحچ ولچ نار اته بگلبي ماتخمد ياضرار يااختچ شبيچ انتي انه شاك بيهم هم الهم ايد بهاي الشغله ليش ماتفمرين انتي عگلچ وين

..انت بيك عقدة غدر الأقارب وظلمهم وتريد اتطلع الناس كلها مثلك

..هذا السانچ الچ يوم اگصه بيه عقده صرت ولچ حيوانه انتي وغبيه اذا ماطلع اليتصل منچ وبيچ اگص ايدي وكتها گولي بيك عقده
وهسه يطبچ طووب ترحين تظلين ماتهميني وحچيي وي اخوانچ مو وياچ

طلع من البيت وبعد ماعدت حچيي وردة فعله مرات بدماغي حسيت روحي خربت الدنيا هو ماانطه بيه وفاهمني گدام وسام بس الحقيقه هو جان معاقبني وهذا الضوجني سوه روحه متفهم ومفضل عليه وع اهلي انو سامع هيج حجي وممصدگ
مايدرون بأهماله ومعاملته وشلون انقهر من اشوف نظرات سرور وعمتي وهنه يحسن البيناتنه مشكله چبيره
ومحد منهم ادخلت وحاولت تصلح الامور بحجة يحترمن قرار ماهر وهو اعرف
متأكده عمتي سألت ماهر بس ماادري هو حاچيلها الصح لو لا

رحت الغرفتي ورجعت النفس النقطه
بس الي يگوله الرسائل والحچي شنو قصده مريم تسويها لو اشوفها بعيني مااصدگ اكيد اكوو غلط

بقيت بغرفتي ماطلعت احس روحي متهومه
شويه وانفتح الباب
عمتي گالت اخوچ بسام اجه عليچ يريدچ وزلمتج يدري يعني روحي وياه مترخص منه

..الخوف اتملكني واجت ابالي ماهر حچالهم الگلته وگايلهم اخذوها مااريدها بعد
احس دمي نشف
طلعت ورجليني تخط الخوف من الجاي اكنر ضي قالقني
سالفه ماتسوا هلكد كبرت وبعد الله اليعلم بنتائجها
والسبب ماهر لو عندهثقه بيه ومتفهمني ماصار كل هذا

طلعت البسام هذا مايتفاهم ابد
وعيونه مابشرتني بخير
ماشالهن عني طول الطريق
قريب مانوصل گال

..شوفي ولچ الكل موجودين تحچين الصدگ احسن الچ ترى حتى رجلج هنا ابري وده عليه
انريد نعرف شني القصور القصرناها وياجن

..مامسويه شي والله حچيتها ونزلت دموعي

..هسه كلشي يبيين ويصير خير

دخلت للبيت عبالك عبالك موديني الحبل المشنقه
اول مره احس بيت اهلي موحش وطبته كربت روحي
فتت للاستقبال اصواتهم عاليه
احس صارت على عيوني غشاوه اريد اشوف الموجودين ماگدرت اركز غمضت عيني ووگفت ثواني
ع صوت ابري،رجعت الواقعي

..تعاي بويه فوتي خل نفهم

..نزلت دموعي بنبرته بعدني احس اكوو امان

فتحت عيوني گدامي مريم حالتها حاله ومرت وسام مو اقل منها
اتملكني الخوف واتخيلت جايني الدور
ارتعشت اطرافي ولزمت الباب بأيدي

صاحتني امي

تعاي يمه گعدي ابوچ واخوانچ يسألونچ

ظليت اتسائل بگلبي يسألوني لو جايني الدور ينهوني مثلهن حتى الدم متيبس باطراف خشومهن
وعيونهن مليانه دموع وحمارهن طاغي

كوه اتقدمت وگعدت ابداية الباب محضره نفسي الكلشي وبدون شعثر اديني امتدت البطني
راح يرحمونكم ويعوفوني الخاطركم مثل ابوكم
لو ابوكم تفكيره يختلف بيكم

لحظات حسيت روحي محتاجه ماهر يحميني ع الاقل يحمي الي ابطني

حچه ابوي بعصبيه وصوته الجهور خلاني افقد اخر امل الي بالأمان ابينهم

..اي زينب احچي متصله ع ابن عمچ بانصاص الليالي عليش وشنهو رادتج منه وانتي مره بذمة رجال وتدرينه ماعدنه هاي ولاعد زلمتج

لو بغير وكت يمكن راهمه بس بالليل شنهي الوازاج ع اتصاله

عيوني صارت ادور لمحت نظره بعيون وسام يأيدني احچي يأشرلي براسه واطراف حواجبه
حسيته يحذرني اغير كلامي

انبلع صوتي وانه ارد اجاوب
جاوبته كوه من شفت الموضوع حيل ماثر بالكل

..يابه والله ادري اتسرعت وماحسبتها صح والمفروض انه معليه بس الخاطركم والخاطر اختي خفت عليها حاجيته يبعد عنها من شفته يحاجيها بوحده وكالت رايدني كتله لو تخطب لو تبعد گبل لااخواني يعرفرن وتصير طلايب

..حاچاني وسام وعينه ع مرته ومريم

يعني هذا الگلتي لو غير شي گلتي

..والله العظيم مستعده احاف بالقرءان هذا الگلته

..حاچه مرته وگلها عيدي الگلتي النه مساع گدامها

ارتبكت مرته وهي تعبانه من الضرب گالتله
مااريد اعيد اذا انتو ماصدگتوني ليش اعيد

..راسچ امرده بايدي والله احچي احسن الج والغيرج

..زينب جذابه سمعتها تگل الضرار انه احبك والهسه نفسي بيك حرام عليك تخطب اختي اتركها لو ابلغ اخواني واگلهم ضاحك عليها

لطمت صدري وانه اسمعها

..والله والله مو هيج وداعتج يمه مو هيج والله جذابه ولچ حرام عليچ والنبي مو هيج وسام بسام لاتصدگون سألوو ضرار وكلوله شگالتلك

رد عليه حسام وهو يتوعد المرته وحسيته مصدكني

..هذا هوو لهنا الفضايح كافيه لانسأل ضرار ولا غيره

مريم حچت وهي تناشغ

..يعني صدكتوها وماصدگتونه اثنينه احنه مجذب وهي صح
دومكم تفرقون بمحبتك دوم هي الاخت الحنينه الشاطره السبعه وانه المعقده المابيه فايده غير كتابي
حتى من اجيكم متفوقه وهي كسلانه ماحسستوني بفرحه حتى لاتزعلونها

..هي تحچي وانه اصوات بچيي علت ماتوقعه كل هذا بگلبها عليه
انصدمت وانه اسمعها تكمل حچيها

كتلكم دوم چانت تسولف بضرار وتكول هو عريس المستقبل دومها عينها عليه والسبب منكم بزغرنه گلتولها انتي اله بس هو يريد شهاده ومااملها

حچيت بقهري احس روحي جاهله متهومه وماتعرف ادافع عن نفسها من الصدمه

..انچبي ياحقيره ولچ هاي انتي هيچ تكولين عليه انه عيني ع ضرار ولچ جنه جهال واهلنه يحجون وكلتي يريد شهاده ونسيت السالفه اصلا هاي السوالف عيب تحچينها

حاچتني وهي مقهوره اكثر مني

..لتسوين نفسچ فقيره لو حچيچ صح وسوالف قديمه ماحاجيتي بالليل وهددهي يتزوجني وسمعتج مرت اخوج صدفه وگالتلي

..الله ينتقم منجن اثنينجن والله مو هيج الحچي

..جذابه انتي تنكرين سوالفچ متعوده ع الحيله

..اني هيج مريم شمسويتلج ولچ

صاح ابوي كافي ولچن اريد افهم بيش غلطت وياجن ماربيتجن قصرت بأكلجن بشربجن ماشفتن حنان مني تنزلن راسي تالي عمري انه واخوانجن الحزمه ماوگفنه بعينجن
لو ظالات لا اخو يراقب لا ابو يحاسب شتسوون

انهضمت ع ابوي ومنه بعده مامصدكني
غطيت وجهي بأيديني وصرت ابچي بأعلى صوتي واحس العبره خانگتني خفت يطردني ومايرضا عليه طول عمري

حاجه وسام ابوي وكله يابه من رخصتك

..مرت حسام مو ع اساس سامعه باذنها ومريم ع اساس كل جيه تشكيلها زينب ندمانه جي رضت بماهر خل يحلفن بكتاب الله حچيهن صح اذا حلفن بكتاب الله نتصرف غير تصرف

.دارت بيه الدنيا وانه اسمع الحچي الگايلاته عني واتذكرت حچي ماهر وردي اله والله بمعري ماجنت اتوقع الغدر من اقرب ناسي احتي توأمي سلون يصير واحنه مترابطين بكلشي حتى من راسيها ياذيها ياذيني حتى الضوجه من تضوج هي لو اني اثنينه نحس نفس الاحساس شنو الدخل بيناتنه وصار كل هذا

صاحهن حسام وابوي ايد وسام وكلهن روحن اتوضن وتعالن حلفن

راحن بكل صلافه وكل مايخطن خطوه
احس الموت اقرب عليه من حبل الوريد

اجن ووگفن گبال ابري مدت ايدها مريم وعاد عليها الحچي وسام احلفي
كل جيه الزينب تبچي من زواجها وتشكيلج منه ومتندمه لان وافقت وهي ماتريده الهسه

رجفت ايدها وبچت واتراجعت گالت مااحلف

..يعني جدب ماگايله

..بچت اكثر وسكتت

واتوجه حسام المرته احلفي بعافيتج وصحتج سمعتي زينب هيج حاجت ضرار وهددته تفضحه اذا حاول يخطب مريم لأن هي تحبه

..خلت ايدها ع القرءان باقي مسافة اصبع تلامسه وانه احس روحي طلعت صحت عليها

ولچ والله يعثرج كتاب الله يدمرج وينهيج ولچ حرام تصيعين روحچ من وراي حتى لو تكرهيني بس الحلف لا ولچ يبهذلچ والله

رجفت ايدها وگعدت مانكرت كلامها بس كالت مااحلف اخاف
كلها وسام يعني الگلتي مو صح

..يجوز اني ماسمعتها زين بس مامجذبه عليها

باوعلي وحسيته راد يحلفني واتراجع اتقدمت انه
وگتلهم انه احلف
اريد اخلي ايدي وابوي گال لا تحلفونها هذا هوو صدكتها حامل والحلف صح غلط مو بصالحها سترو ع اولاد الناس اهلهم فرحانين بيهم لاتعمون عليه من وره سوالف نسوان رايدلهن تأديب

عمي ابن حموله وسكت كل هاي المده

من سمعت ابوي هيج مصدكني اتملكني خوف بفرحه بأحباط واحساس صعب وصفه وانه احس بكره اقرب الناس الي اختي بت عمي ليش وشنو الصار يخليهن هيج يشوفني

اريد اگعد احس الظلام حاوطني وبعدني عن اخواني وامي
احس روحي اريد اصيح امي وماتسمعني
جني اشرلها وماتباوعلي

ماحسيت ع روحي الا وانه بنص اخواني وامي وماهر وي ماصحيت اجه خطواته سرعت من شافني وبعد بسام عني صار بمكانه
وهو يطلب من وسام يحضر سياره ينقلني

بعدني بحجابي رفعوني
وبس شمرو عباتي عليه سندني ماهر وحسام وصعدوني بالسياره
گعد هم يمي ووسام بالصدر
وصلنه المستشفى وتحاليل وطلع هبوط بالضغط والسكر
شكلولي مغذي مالح حلوو وطلبو مني انتبه اكثر النفسي
رجعت ووسام اصر انو يوصلني للبيت ريرجع عليهم يفتهم منهم غير وكت لأن ابري مودي عليه يفهمه ويعتذر منه
وصلني للبيت ودخلني بأيده الغرفتي مافهم مني شي ولا راد يفهم
بس دموعي چانت كافيه تخلي يفهم كسرة خاطري منين وشنو الاحساس الي بداخلي
ظلت عينه عليه واحسه يريد يسأل وخايف

نطقت بخجل منه وگتله

..الگلته صح الغدروني اقرب ناسي هسه شتريد تگول عني گول غبيه ثوله بس انه احبها والله واتمنالها كل خير غير يكولون الگلوب سواجي وتحس نفس الاحساس الي يحب والي يكره واني عنذي هي اغلى من روحي شلون هيچ يصير
شلون

..بعدچ زغيره انتي ماتعرفين الدنيا وطعناتها شنو الخلاج تعرفينها هي يجوز مو صح

..سمعتها باذني تجذب بلساني وگبالي

..وماسألتي روحچ شني الخلاها تسوي هيچ

..سألت وماعندي جواب

..الشيطان لو دخل بين اثنين يخرب
والأهل اذا يفرقون هم يأثر وانتي عند اهلچ غير انه منتبه الهم كل وكت ع ذكر السانهم هذا هم سبب
خل اهلج يراجعون ارواحهم ويفهمون الخلل وين شني الخلاها هيج تگول عنچ

ع العموم انه الهسه ماعرفت الرقم المن وماعرفت الموضوع شكم طرف بي
كوه عليه رحت ومن شفتج متأذيه نسيت كلشي وماهمني بس انتي
وهسه ماذام انتهى الموضوع وعرفتوه كافي وابوج اجنبه الاحراج مني ويكفي وسام يشرحلي

ارتاحي انتي وانتبهي الروحچ بعد لاتهتمين

..بعدك مامصدگ

..ماجذبتج انه ابد بس انتي مافهمتيني

سكتت وماردت اسأله زعلان مني ع الحجي بعده مقرر يبعد عني خليته ع راحته وظلت الافكار براسي
اجن يمي عمتي وسرور
وابد ماسألني وهذا الشي يخليني،محرجه منهن طول وكتي يمكن لو يعرفن احسن ويمكن هو مايحب يدخل احد بمشاكلنه
خليت كلشي يمشي مثل ميريد هوو

نمت وگعدت ع حركة الجربايه وهو يتمدد يمي

فتحت عيوني اريد اتأكد بس من التعب انفتح ربع منهن
دار عليه وباسني بگصتي جريت نفس احس توني اتنفست نزلت دمعتي وانه احشك راسي بصدره

..يفدوج عمامي يابعدهم

ابتسمت وغفيت براحه

....

سرور ..

مرت الايام وخلصت فترة عدة الارمله
وبقيت ابيتي بيوم ماهر عنده مراجعات بالمحكمه
ويسر حرارتها من الليل مرتفعه مافادها علاجها
كل شويه اخلي كمادات واغسل الها
صارت بالعشره ونص الصبح وماهر ماجاي
احتاريت وامي تكلي غسليلها
گاعده مگابلتها واشوفها صارت ترجف وعيونها غارت شبتها متشنجه كلها
ركضت بيها بدون مااحس الباب الحوش وانه اصيح

يمه الحگيلي بتي ماتت
كلبت الدنيا صياح وطلعت بدون عباه بس شالي ع راسي مشمور شمر
طلعت حافيه اتلفت اريدلي احد يساعدني
وماادري بروحي شسوي

حسيت واحد اخذها مني وطببني يدفع بايده
وهو يصيح عمه

..ستريها بهدمها وخلها تجي ..بساع البت لاتروح من ايدينا

بلاوعي مني اتصورته من اهلها

..جيب بنتي ماتاخذها جيبها

..اجيبها بس البسي عباتج انه اسوق مااشيلها انتي اخذيها بس بساعج

طولت نظي عليها وانه احس بيها شي مو طبيعي
معقوله هاي مرت المرحوم

درت ع صوت عمتي وهي تصيح

..حسين يمه مالك غرض بيها استعجل فدوه البت انشمرت


يُتبع...

[لامارا]

البارت 14

ماهر..

بعدني الهسه مشغول بمعاملات اثبات الگيعان وترجيعهن تعبت واني افتر دوائر الدوله من مكان المكان جهه تذبني الجهه تأيد من جهه ختم من جهه موافقه من جهه

هذا غير طلعتي الاولى الصبح للمحكمه چانت قضية حاتم مرفوعه والجلسات الأولى بدت بس نفس الحكومه طويل وممل بصراحه
رغم هذا مامليت
بس اريد اخلص وارتاح الدوام راح يبدي ومو مثل هسه فارغ ع گد شغلي واموري الباقيه اگضيها
لا الدوام ياخذ هواي من وكتي
والمشاكل الي متعبتني ارتاحيت من سالفة عمامي طلعلي موضوع زينب

اتذكرت من رجعت الوسام وگتله انت تكفيني جنبني اعتذار ابوك الرجال احبه انه واعتز بي گبل لايصير نسيبي
مو حلوه اگعد واتاني منه اعتذار ع شي صعب يگوله مهما يكون الموضوع حساس حيل
ووگفاتهم وياي اول شبابي ماانساها ابد
شغلي وفلوسي وشدة عودي كله بفضلهم الكل سندوني الخاطر صحبة اخوهم وشافوني شاطر واريد اثبت روحي

گلت الوسام جنبني احراج ابوك وهو ابوي وماله داعي اعتذاره مني ولا اعتذارك انه مارايد اعتذار انه اريد اعرف السالفه
وماكو اقرب منك الي يحچيها اذا انت معتبر روحك اخوو مرتي انه من اسنين معتبرك اخوي وظلت بكيفك عاد انت شتشوفني اتصرف

مسح وجهه بقهر وطلع جگاره شعل جمرتها واخذ منها نفس عيني على الجمره وبداخلي مثلها جمرات تسعر رغم البرود الي محاوطني

اول مره مايباوع بوجهي وهو يحچي

..مايحتاج احچيلك انت اتعرفني اكثر من روحي انه انت وانت انه
انه وياك واحد وحتى بطبيعتنه صرنه نتشابه حتى حچاياتي يختلفن عن احچايات اهلي
انه منتميلك بدون شعور مني
اخ واكثر من اخ أنت صديق غالي وشعوري اتجاهك وتعبيري بصداقتك ماكو كلام يوفي

احلى شي جنبت ابوي الأحراج والصراحه زين تسوي لأن انه وعلاقتي بيك وقربي منك واحس الچلمات عاصيات الساني مايساعدني احچيهن

الصار كله غيرة بنات

واستمر بكلامه وحچالي كلشي فهمت منه حسام هجر مرته تأديب الها داخل البيت حتى ميطلع حچي زايد
ومريم مخلصينها گوه من ايد ابوها بعد مامعترفه انو زوجة حسام جايتها وگايلتلها سمعت اختج تهدده تكله لتتزوج مريم
والثانيه بأيد حسام اعترفت انو هي سمعت اتصالها بس اتحذره اخوانها يعرفرن واذا تريدها اخطبها
بس قبلها سمعت البنات بيناتهن يحجن وسوتلها موضوع بدافع غيره وكره مو اكثر

حيل انصدمت من عرفت الصار وبيينت على وجهي الصدمه
گتله شني الي يخليهن يحقدن اثنينهن ويتمنن خراب بيتها وهي مو يمهن ومن صارت عندي لليوم حتى جياتها الكم معدوده ع الاصابع

جاوب زينب السان وجانت بلسانها ماخذتهن خاص مرت حسام شتسوي من حركه تردلها الصاع صاعين بشغل البيت وسوالف النسوان هاي
جنه نوصيها تتركها ومرات نضحك ع سوالفها ونأيدها بداخلنه لأن ذيج مستاهله بس ماعبالنه توصل الهيج مرحله بيهن

اما مريم كلنه مصدومين عمرهن كله متصافيات وحبايب خوات وتوأم بعد مابينهن شي يخليها تحقد هالحقد
بس عمت ع روحها الدوام ابوي منعها منه وراح تشوف الويل منا لمن ينسى

جاوبته انه بقناعه دائما ابالي التفرقه بين الأخوه تولد حقد
وهذا الشي حتى امي نبهتها عليه اول مااجت سرور بعد وفاة المرحوم وگتلها خلي اهتمامج بيها اكثر هي مكسوره وانه اعرف معزتج بس طبع البنيه تحب الحنيه اكثر

گتله غيروو معاملتكم الها والمدرسه اذا بطلتوها منها معناها كملتوو بنيان اساس الحقد الي بگلبها وراح تعمروه وتخربون عليها وعليكم

فتره ورجعوها الدوامها حرامات هذا عمر ويجي يوم ويتصالحن هيه وزينب والگلوب تنجلي
انه مو يمكم واجيكم صدف ومنتبه معاملتكم الها تختلف وكل اهتمامكم بزينب
وحتى لو انجاب اسمها ماتذكرونها بس بحبها الزايد للدراسه حد التعقيد لو تكولون فاهيه ماتعرف شي وهذا الشي من تحجونه كدامي وكدام غيري
يولد حقد بگلبها وهذا اول بوادره
نصحتك انه وانتم كيفكم

منصي راسه ماحچه شي لاايد ولا رفض فكرتي
وسألني سؤال بعيد عن هذا

..وضعك انت وزينب هسه شنوو

..شنوو؟ شنوو شبي وضعنه يعني انه من البدايه گتلك ماصدگت بس هم بداخلي نار اريد اعرف السالفه مادام مابيها طرف ابن عم لو احد ثاني هذا هوو انه ابالي ابن عمك طرف

..لا والله هذا ضرار انت ماتعرفه مو مال هيج سوالف وحسابه هم يجي وكته بس هسه خل تبرد الشغله احاسبه ع غيرها هاي مااله ايد بيها ابد

..الرقم المن.. او الرقمين اقصد

..واحد رقم أمي جابته ع اساس اسيا بي خدمه وطلع مابي شمرته بدون استعمال ضمته وماخذاته هنه
والثاني هم بالبيت هنه ثولات ابالهن محد يعرفهن لو انت ماتوصلها النه

..ماكو اثوول من اختك العندي ..حچيتها بقهر وانه اتذكر حچيها الي عن عقدتي من الاقارب

رفع عينه الي

..شبيها

..اگلها منج وبيج يعرفنج ويردون يخربون بيتج ماتصدگ وطلعت انه معقد وبيه عقده هم

..ختولي السانها ينگص ..جريت نفس وكملت حچاياتني الاحسهن عظم بالزردوم

..ماهر اخر مره اسألك وضعك وياها شنو فهمت الصار لو ابالك شي وخجلان تريد اخذها فتره يمنه تريد تحچي احچي بس لاتحملها زعل بعد كافي بداعتي عندك ترى الشافته مو شويه

..وين تاخذها انت صاحي؟ زوج اليخليها تبات يمكم هي مره خليتها ورا الزواج وهاي تاليها
لابويه مريتي عندي لازعل ولا شي هاي الامور حلها بيناتنه لايظل بالك
رجعت للبيت ومن يومها اتصل بي مايرد
ولا هو اتصل
صار شگد وهو بعده خجلان مني مدري شصايبه
گطعت ذاكرتي واتصلت عليه وهالمره وديتله رساله

..وسام وعلي لو مااجيت هالمره انه وياك مو صلح دوم ..

اخليك تنگل علي ازلام يابو ازلام ومااراضا وافشلك ادري انت شييمك ومن تالي صرت ماتحاجيني وماتجاوب تعال عشاك يمي اختك تريد تشوفك

وصلت للبيت البيبان مسدوده شعجب!
فتحت الباب الجوه مقفول من داخل

دگيت الباب وطلعتلي زينب تبچي
خفت عليها وعلى الي ابطنها
سألتها

..شبيچ يوجعج شي

..بچيت وجاوبته وينك ماهر منتظرتك ماعندي رصيد اخابرك خابر عمتي شوفها وين يسر ماتت بأيد امها مدري لحگوو عليها مدري لا

..شنو ولچ شبيها يسر وين امها ياهوو اخذهن

..ماادري ماادري يمكن حسين بس سرور اتخبلت وعمتي لحكتها

..سدي بابج عليج انه رايح الهم وانتي هسه اشوف احد يجيج خاف انطو ول اوديچ بيت اهلج ترحين

..لا لا مااروح هنا اتانيكم

..چا سدي بابج وانه اشوف حلها
طلعتوخابرت وسام وهالمره رد عليه

..الوو والله ذيج الفتره كلها مالي خلگ ومشغول ومستحي منك ..

جاي يحچي گطعت كلامه

..شوف هذا مو وكته بعدين نسولف انه رايح للمستشفى وحسين وامي هناگ گبلي وي بنت كرار حالتها مو زينه ومحد يم زينب
وسام اعتمد علي تروح يمها

..سهله هاي روح وعود من توصل طمّني ع بت المرحوم

..الله كريم ان شاءالله ماكو شي

خابرت حسين وجاوب اول رنه

..ها هلا ماهر

..هلا ابو علي شصار يسر شلونها ووين انتم انه جايكم

..بمستشفى… المركزي حولونه عليه دخول وهسه خلصنه الاجرائات وشافها الطبيب عدها شمره ورايدلها مراقبه يگول تلث ايام دخول يعني يباتون لو ترجع تجيب كم غرض احسن

..قريب الكم هسه من زمان طلعت سهله ارجع بعد شواي ..حسين بعد اخوك عينك عليها ترى امها مو شاطره بهالسوالف

..لاتوصي بعيوني امها يمها والتحاليل والأوراق عندي انه احتار بيهن لاتخاف

..بعد اخوك ماتگصر

………

حسين ..

عيني عليها وكاسره خاطري حالتها الرجفه ماخذتها كل جسمها يختض چنها هي المشموره مو بتها
دموعها يطيحن مثل الخرز
سواد عيونها النازل على وجناتها

اتمنيت الله يطول عمر بتها الخاطر كسرتها وهاي دموعها انه كسرت خاطري بيهن حشا لله يردها
عين عليها وعين ع الطريق

وصلنه المستوصف اول مشافوها انخبصوو وانطونه تحويل المستشفى عام مسافه ساعه عنه وبهاي الساعه المفروض ماترجع الها الشمره
اخذتهم وصعدت وهالمره سقت بسرعه اقرب للجنون بحياتي مااتهور واسوق سريع بس الحاله جانت تتطلب احس حياة البنيه بأيدي وامها باقي ذره بعقلها ذره ممكن بأي لحظه تنهار
شويه وبدت الام تعاتب نفسها وحظها بصوت مسموع وهي تطلب من الله يحفظلها بتها لو ياخذ عمرها
بعد ماشفتها انهارت وامها تصبر بيها وهي ناسيه كل الحواليها وصلت بعتابها الكرار تگله اذا ناوي تاخذ احد وراك اخذني انه ولاتخبلني وتخليني هيج اطلع خسرانه لامنك ولا من بتك
احس اعتابها گطع گلبي

..خويه كولي ياالله هسه نوصل وكلشي تمام بس صيري سباعيه مايصير هيچ

وصلته ونزلنه بسرعه بعد ماشافوها وطلبو التحاليل
والفحوصات احتاروو منين يلكولها وريد اخذتها من امها ماتتحمل شوفتها وهم يجربون اديها ورجليها والدم ترس اديهم ومالاكين الى ان تعبو وتعبوها

اخذت تحاليلها بعد ماحجزو سرير الها والامها طلبت منها ترتاح وعمتي تعبت وهي تراقب كتلها كعدي يمها وانه اكمل كلشي

اخذت الاوراق والتحويل افتحلها طبله
ورحت اخذت نتائج التحاليل وانتظرت الطبيب يجي يشوف واقدمله النتائج
شكلولها مغذي حل وقتي وعلاج سريع

اجه الطبيب بعد ساعه وحولنه القسم ثاني غير الطوارئ دخول تلث ايام
بالطابق الثالث چان

اخذتهن وصعدت استقرت هنا وعرفت من الاطباء عدها شمره ولازمها علاج مستمر واقل حراره تأذيها

گعدت امها ع السرير وبتها بحضنها وعمتي تعبت وانطوها علاج سكر ونامت ع سرير بصفها مؤقت
وگفت مقابيلها وعيني ع دموعها الماوگفت ولا نشفن

البنيه تعبت شفايفها بيض ونومتها ادل على مرضها حيل متعمقه بنومتها عبالك فاقده
مركز بيها وتارك الدنيا وانه افكر بحكمة ربي بهاليتيمه وامها وحالهم

رفعت عينها العيني نزلتها بعد ماتأكدت انه اراقب يسر وعيني عليها
گالت
..الطبيب شگال فدوه اكو امل تعيش

..اتعيش ان شاءالله وتشوفينها عروس.. يكول علاج تستمر عليه فتره انحددها بعدين من خلال المراجعات بس اهم شي حراره ماكو ابد يرادلها تعب ومداراه وانتي گدها ان شاءالله

..ان شاءالله ..گلتها ورجعت بذاكرتي هذا حسين من جنه جهال جنه كلنه سوه عرب وحده وولد عم وگرايب ولعبنه وشقانه سوه بس من كبرنه احنه انمنعنه من الطلعه وهم هم مايفوتون بيوتنه

گتله ..

.خويه اعذرني صيحت عليك مساع عبالي من عمامها تريد تاخذها نسيت حتى اركز جنت ماواعيه ع روحي بس بعدين حسيت ع روحي واتفشلت وياك اعذرني خويه ورحم الله والديك لو ماتلاحگتنه جان الله يعلم بحالي

..عاذرج انه ..ومامنخي عليج ابن عمچ انه ومو غريب وماهر اخوي وهو الكلفني بيكم وانه خادم اله والكم

..خادم ربك تسلم

شويه ودك تليفونه گال انه نازل ماهر وصل
وانه من سمعت باسم ماهر دموعي سيل نهران صارن وماوگفن ابد
مهضومه حيل من وكتي ومن حالي وبس هالبنيه عندي طالبتها من الله تظل الي واظل طول عمري اباريها واسعد گلب كرار بتربيتها واوفيله بكل خطوه اخطيها وياها

شويه وفات ماهر جان الخوف تارس عيوته هو حيل متعلق بيها ويحبها مو بس علمودي من شافني حضني وايده ع راسي مسح دموعي وگال

..كافي صيري سباعيه بنتج محتاجه ام قويه مو كل هزه تنكتج
ودار ع حسين وطلب منه ياخذ عمتي ويروح للبيت ويظل هو وياي فهمه حسين بالليل يمنعون الزياره والدخول بس للأم او مرافقه وحده من النساء انت شلون تحلها

جاوبه انام بره ومن تحتاجني تتصل عليه

گتله ماجايبه تليفوني

گال حسين اروح انه اجيبلكم غراض وغطا وياهن التردونه شوف شيحضرون الك اوصل عمتي وارجع ابات وياك مااخليك

ماهر مارضا وحاول وياه بس اصر يرجع ويبات
ومرن تلث ايام هم يرحون يغسلون يبدلون ويرجعون بالنهار اكثر شي هو موجود ماهر بعده يراجع
وبالليل هو وماهر
انه اختنگت من جو المستشفى واشوف اشكال حالات يمي مدري انقهر عليهم مدري ع حالي

من طلعنه اريد بس اوصل وافوت الحمام صح ودتلي زينب ملابس بس ماارتاحيت بيهن احس روحي مو نظيفه ومكسره من الكعده هم

وصلنه للبيت ولاكتني زينب بدموعها حضنتها وبجيت وامي
وفهمتهم انو علاج تبقى عليه تلث اشهر واروح اراجع الطبيب بعيادته
واشوف يستمر عليه لو يبدله لو نگطعه نهائي

مرت ايام وانه مراقبه حتى نفسها اگعد من نومي اشوفها تتنفس حرارتها زينه لو لا
ساعه متواصله ماانامها
طلعت من دائرة حزني وصار كل اهتمامي بنتي
اشوف كرار بعيونها اذا مرتاحه مرتاح واذا تتعب اتذكر ايام تعبه من ينام وبس ونينه ينسمع
نذرت ايامي الها وفاء الحب ابوها الي

………… .

زينب..

بعد ماطلع ماهر نص ساعه واجاني وسام حيل خايفه من شوفتهم اهلي وناسي بعدني مجروحه بعدني خايفه بعدني فشلانه منهم

فتحت الباب بعد ماسمعت صوته وهو يهديني

..لاتخافين خويه انه وسام زنوبه اجيت يمج اظل خابرني ماهر باله يمج

فتحت الباب وهو فتح ذرعان زرعت روحي بحضنه لف ايد عليه والثانيه سد الباب بيها

حضني حيل وهو يبوس خدي

..شلونج زنوبه ماهر شلونه وياچ

..الحمدلله زينه وماهر كلش زين

..الحمدلله

..چاليش دموعج نازله ومتغيره هيج

..بچيت وگتله يسر خفت عليها هاي انه هم اتعودت عليها وغاليه عليه حيل اذا مااشمها يوميه والعبها ماارتاح غير ايام هي تنام يمي

..هسه ماهر يوصل ويخابرنه ان شاءالله خير ادعيلها

رحت ضيفته وظليت افتر شغلت الماطور ترست التانكيات
وغسلت الحوش ورتبت الخطار ووسام ع كعدته يباوع بتليفونه
دك ماهر ع وسام وگال مدخليهم تلث ايام راح تجي عمتج
وماهر يرجع وحسين وياه يظل
وانه اظل يمجن خاف تحتاجن شي

ضجت ع سرور خطيه وينها ووين حالها انوب مستشفى ودوختها

يلله اهم شي بنتها

ثاني يوم وسام راح الشغله وانه عمتي يمي
اندگت الباب خليت حجاب ع راسي وصحت

..منوو

صوت ابوي سمعته وفرفحت روحي عبالي بعد مايباوع بوجهي السويناه بي مو قليل صح انه مالي ذنب بس حطيت روحي بموقف مو حلو المفروض هم يتصرفون
رد عليه بصوته الاعرفه من اصوات الناس كلها

..انه بعد ابوچ فتحي بابج لاتخافين

..فتحت الباب وحضنته طببني جوه بالحوش
فتح الباب ودخل المسواگ ترس الحوش

گال زلمتج ماهو هنا وانه هم ابوو مو بس ابوج
اخذي فوتي جوه واترخصيلي من عمتج اسلم بالباب واروح

صحت عمتي اتشكرت منه وهو كلها ماكو داعي احنه اهل
راح ابوي وفرحتي ماسايعتني ياربي اهلنا شنسويلهم ونجازيهم محتارين بهمنه عدهم ووبيوتنه من اتزوجنه

طلعو من المستشفى وحيل افرحت بطلعتهم وحضرت كلشي الحمام الهم والأكل ادري بيهم گضوها لفات وماهر اكل البره مايحبه يكول نفسي ماتتقبله خاص القريب ع المستشفيات ماادري ليش نفسه تكش منه

حيل مشتاقه الشوفته ومفتقدته بعد الصار وحس بكسرتي من اختي دللني وحاول يعوضني وكل مايشوفني ضايجه يحجي وياي لمن يهديني ويگلي كافي تفكرين بغيري وانه يمج فكري بيه

ضحكت اذا انت يمي شكوو مفكره بيك غير انت يمي

.. مايصير يعني چاليش انه من اشوفچ افكر بيچ اكثر واتمنى ازرعج هنا بين الضلوع

اخذني بأيده وضعت بحضنه وهو يضحك عليه چي مستحيه منه

رجعني من ذاكرتي صوته وهو يكول

..اه هسه يلله ارتاحيت من طبيت غرفتي وشفت شتلتي الحلوه مزروعه بيها ومزينتها متانيتني موو

..ضحكت واندرت عليه اتقدمتله ونصه عليه باسني بادلته البوسه ع الخد

..مشتاقتلي الحلوه مبينه من ملگاها

..مشتاقتلك هواي

..هواي؟ هاي الهواي شگد
گالها وايده تلامس خصري من وره ثوبي الفيزون هو ضييگ بس مفصل جسمي والبسه عادي لان محد عدهم شريد البس مايعارض بس كون محتشم طول واردان عيب من عمتي بس اذا مخصر عادي

احس جسمي كله قشعر من لمسته شنجت روحي
وغمضت حسيت انفاس حاره قريبه الرگبتي وايد شالت شالي المشمور ع متوني وشمره بعيد عني لامست شفافه شامة رگبتي قريب ع عظمة كتفي البارزه قليل فتحت عيوني وحسيت شدد قبضة ايده ع خصري والثانيه انمدت القراصتي شالها وطاح شعري وغطه راسه وشفافه تتجول بنفس المكان
رخيت جسمي وحاچيته بصوت اقرب للهمس

..ماهر غدا…

..عوفي الغده انه اريد احلي يلله اكل

… ......

سرور ..

مرت فتره وماهر رجع الدوامه مسائي والصبح للمعاملات والمحاكم طولت وسالفتهم سالفه وعمي وده ع ماهر ووسط ناس هواي يتنازل عن حاتم
ويبقي بس الحق العام وماهر مايتناقش بهذا الموضوع ابد بيوم الضهر امي رايحه الناس عدها واجب وياهم وابنها خطيه مستشهد صاحبة امي من زمان وصحبتهن حلوه شالت بغير منطقه وماگطعت وي امي .. امي حيل اتأذت عليها ابيتنه ولطمت ع الولد وهي توصف جماله وطوله وشلون التراب يضمه نزلت دموعي وانه اتذكر كرار وكل شاب يموت باي سبب اتذكر موته الراح من عدنه غفل ماعبالي هيج بساع يروح عبالي يطوول واتمنيته متعبني بمداراته وسهرانه عليه هواي وادعيله واصليله واوفي انذورتي من يطيب
بهذا اليوم امي راحت وظليت الحزني وهمي
اندكت الباب وزينب طلعت وكالت عمتج بالباب تريد تفوت وياها واحد
كتلها المن فتحتي الباب مارضيت عليها وخفت ع بنيتي شتريد مني كارهتني گبل وهسه جيتها ماوراها خير ابد
لبست حجابي وحشمت روحي

وصيت زينب تخابر ماهر وتگله
ماحصلته واتذكرت موصيني من احتاج شي نخابر حسين بعدت الفكره من بالي وتشجعت ورحت
وحماي هم فات هذا مو علي هذا سيف وعلي شويه اعقل وأهدأ هذا مثل حاتم يموتون ع المهادد عود يخوفون هم

سلمت وكعدت وضيفتهم وتانيت الدره تنطقها

گالت اريد اشووف البنيه گالوو مريضه شجاج بنيه وماحافظتي عليها

گتلها الحمدلله ع كل حال وهسه احسن صارت

وسكتت رحت جبت بنتي واجيت وهي بجت من شافتها وعمها هم ظل يبوسها وعيونهم انترست دموع مقدره حزنهم بس يظلون دوم مايعرفون يتصرفون لابحياته ولا بمماته والدموع مو كافيه تبيين محنة البشر اكو مواقف تحتاج المحنه ووتترجم بيها المحنه شكل مواقف
شويه وگالت

..وين اميهر ماالله هداه يتنازل

..عمه مالي غرض بهاي السوالف انه ..انتم وياه

..عم بنتج المفروض ماتخلينه لو كبرت تكرهكم لو ناوين تضمون عمايلكم عنها

..لو بيدي اضم كلشي موتت ابوها واهله مگاطعينه وطلايب عمامها واخذهم حگ خالها كلهن اضمهن بس شيضمهن عنها اول وتالي تدري

..اخخخ كله منه عمت عيني مااخذ حچايتي ودگ عليج وانتي لافود ولازود انوب اتعيير بينه شماخذين منكم ماتگليلي كل الاخذناه مايسوا سجن يوم واحد الحاتم بهالحر عمت عين امه وعين اليكرهه

سكتت وماجاوبت احسها تريد تسويلي طلابه

گالت هسه انه جيتي عبالي امج هنا اريد اخطبج
السيف كوه قنعته ورضا بيج

..يا خطبه عمه لو اموت مااتزوج لاسيف ولاغيره

..جا انطينه بنيتنه

خفت حيل ورجفت اطرافي وقررت اسايرها بس شلون
وحبيبة امها چنها حست فرفحت بيدي كتلها عمه اروح انطيها المرت خالها تنطيها ممه وانه وياج نتفاهم
عيني ع سيف مدنگ مبيين هو هم مجبور صدگ

وديتها وخابرت حسين يجي وفهمته عمتي جايه تورطني وتريد توكعني بحجيها وياها سيف وتريد تخطب ومااعرف شجاوب خايفه ياخذونها مني

جاوبني بعد مافهم بصعوبه مني رد بصوت عالي وانخبص اكثر گال دقايق وانه وامي يمكم حتى محد يحس انتي مخابرتني لايجلبولهم بسالفه جديده لاتجيبين طاري الجيتي مفهوم

جاوبته اي
ورجعت يمها وهالمره جان حجيها اقوى من شافت ضعف مني بداية كلامها وانه اعرفها عمتي وكحه ومتعوده تمشي احجايتها وفهمت سكوتي انه قابله ودخلت بالتفاصيل

دگات كلبي زادت كتلها

..عمه بس انه مارضيت بعدني

..وبكيفج ماترضين

..وليش ارضا

..اذا مارضيتي بنيتج ناخذها وانتي عرسي عساج تاخذيلج عربنجي زبال مني بحالج

..مااخذ بعد المرحوم اي واحد ماارضا برجال ابد مهما كان ومهما يصير افهموني انه امها اربيها وعمري كله الها ولاتخافون محد غريب يربيها

..هاي سوالف.. سنه وتعشكين اخوج ينطيج بتنه تربا عد غرب شنهي رايج

اعصابي تلفت وجاوبتها

..ابو بتكم انتو ميتين عليه يلله بعد بنته ابووه يتوسل رضاكم وخليتو مات بقهر زعلكم وبحسرةشوفتج انتي امه ماحنيتي عليه شحنن گلبچ ع بنته هسه

اجاني صوت صيف بعصبيه گال

..لاتحاجين امي هيچ لا اگص السانج اصواتنه علت وانه اجاوبه

..ماعاش الي يطخني ولك انت منو وتهددني ابيت اخوي وانه مرت اخوك وعرضه

..واكسر راسچ هم امي تادبي من تحاجينها

فزيت ع صوت عالي رج الحيطان رج

وهو يصيح

..سيف من الله يطيح حظك ياغيره سز تتهدد ع بت عمك وارملة اخوك ابيت اخوها ياناقص ولك ماعرضلك عيونه

عيونه يطفرن شرار من العصبيه وهذا هم گام اتحضر للعركه منا

حاجاه سيف وهو يكله شنهي جيتك انت متعود اطب هتا بالوكت اليعجبك

..تخسه ماناقص انه مثلك امي اجت تشوف الحجيه وسمعت صوتك العالي وانت تتهدد ع مره مااتحملت وطبيت وهاي امي تشهد

شتشوف روحك هسه سبع يعني وانت وامك مستغلين غياب اهلها

..سبع وغصباً عليك

..تعال اشوفك راس السبع شلون ينداس

خفت حيل وسديت اذاني وعيوني واته اترقب عركتهم

اتقدم حسين وهو يأشر بأيده

..اطلع من البيت بساع وحسابك بعدين مو هنا تجيب ابوك واخوانك وتجي الماهر يم الشيخ واتذكروو القوانين الحطها عليكم لو اتعرضتوو البيته وهسه يلله اطلع ومطرود وگول حسين طردنه

يتبع….

[لامارا]

البارت 15

……

..يلله بره وعود گولو حسين طردنه

طلعوو وهم يصيحون ويحجون عمتي انهدت تدعي وتسب ماتحترم احد ولاتحترم عمرها حسين ابد ماحاچاها جنه مايسمعها وحتى عمتي ام حسين ماادخلت ابد بس گالت عيب ام علي عيب داده الولاد بينهم انتي لااطلعين حسج الزلم تحلها

وهي ولاتسمع وظلت تدعي ادعيه انخمشت گلوبنه من سمعناها رديت بگلبي اسم الله

وعمتي ماسكتت گالتلها فالج عليج وشرج بعيد و الله يكفينه شرج ان شاءالله بيش طالبه هاليتيمات ووليانهن انوب رديتي على وليدي جي سبع ومايرضا بالعيبه وطبتكم وصياحكم عليها واخوها ماهو هنا هاي عيب بحگكم وحگها

طلعوو وحسين طلع وياهم اتنفست براحه
الحمدلله عدت

اتشكرت من عمتي ودعيت الله يحفظه خلصني من همهم ووگفته هاي ماانساها ابد
ظلت هي يمي وصبرت عليه
ونزلت دموعي بقهر عبالك هسه يلله حسيت بوحدتي يعني اقل فرصه يلكوها يهجمون عليه بس عرفو بماهر ماهو هنا استغلو الموقف

بجيت وودي كرار يمي واعاتبه ودي اسمعه عتابي
اجت زينب مخطوف لونها وخجلانه جي فوتتهم
مالج ذنب كتلها واخذت بنتي منها واجت ابالي ابيات

اثاري الابو ياناس خيمه
يفيي على ابناته وحريمه

بجيت ع حال هالطفله من هسه يوميه متهددين عليج لو كبرتي شيسوون
اخخ يايمه مثل حظ امج حظج لو بينه حظ لا انه اترملت ولا انتي اتيتمتي

طلعت عمتي بعد ماهدأت الاجواء
اجه ماهر واول دخلته مبيين مايعرف شي دخل سلم وفات
وانوب شيطلع الجلمات مني وامي بعدها ماجايه
خفت يتسرع واصير انه سبب بطلايب جديده الاخوي وهو البي كافي
سلمت عادي وكلت ياكل ويكمل واكله

دخل مثل كل مره سأل زينب

..الحمام حاضر

زينب كلتله حاضر

اخذ ملابسه وفات رجعت الغرفتي محتاره شلون ابدي وياه خاص بموضوعي وي عمامي الهسه عيني مكسوره منه واحس كل ماتصير مشكله يلومني بدون ماينطق او بداخلي اكول هو الهذا السبب مانعني عنهم من البدايه
جنت ابالي كلهم مثل كرار ويحملون طيبة گلبه من عاشرتهم يلله عرفتهم واعرفت كرار هو الوحيد البينهم يحمل صفات الطيب

شگول الماهر وشنو الي يصيرله بسببي هو مشاكله الهسه ماخلصانه بعد مشاكلي وراه
بس اني اخته وين اروح وهو مامتعاجز مني

سمعت صوته طلع من الحمام يحاجي مرته يريد غده
قررت مااطلع لمن يخلص
بس زينب ماصبرت الظاهر
لأن صوته وردة فعله وهو يصيحني خلتني ارجف

..سرور تعاي هنا اريد افهم

رحت منصيه راسي واحس وعيني مكسوره حيل منه اتذكرت كل سوالفه گبل من جان يمنعني عنهم
واتخيلت هالمره يگلي هذا سوء اختيارج للناس الغلط وخليتي مصيرج انتي وبنتج بأيدهم

مارفعت راسي رغم انفاسه جانت مسموعه وهو ياخذ هوه ويزفره بطريقه تبيين عصبيته

..نتر بيه وهو يگول انه شگايل الج

غمضت عيني واتخيلت الكلام الخايفه منه راح اسمعه

عاد كلامه بتأكيد السؤال

..انه شگايل الچ ؟گايل لاتخافين گايل الحضانه الچ قانون وعشاير گايلج لا تضعفين لو لا شنهي معناها افوت واكعد وانتي ماتحجين ومتاخيتني اتزقنب يلله
يعني لو مازيتب منبه عليها تگلي كلشي يصير والا اتصرف غير تصرف اتخلني ع عماي للعصر عود ارتاح
انه شايف الراحه ؟
المثلي يرتاح يعني
ويني ووين الراحه الخاطر الله
امشي انتي انطيني هدومي بساع اشوفلهم حل هالنواقيص ذول خو جبروني عليهن كلهن ماخلولهم خط رده وياي

راحت مرته تجيبله هدومه وهو رجع سألني

حسين ياهي منجن خابرت عليه

نصيت راسي وبصوت يرجف جاوبته

..انه اتوازيت وخابرته

..زين وطلعتي تفكرين وماخفتي وضميتي راسج هم
اريد اعرف انتي بنت شيوخ انتي ولج انتي امچ فاخر
منين جايبه هذا الخوف شو ماجنتي تخافين شسواج هيج

طلع هو ونزلت دموعي
صدگ ماجنت هيج ولا جنت اخاف وعنادي ماجنت اتنازل عنه
بس انه انكسرت والينكسر شيرده مثل ماجان

ماهر..

خابرت حسين وانه صاير نار وگتله انه جاي العمي وخلي يودي عليهم والشروط الحطيتها تتنفذ لاوحگ الله اسوي بيوتهم گاع
ترى مليت وانه اعبر الهم ومحمد انوب ماارحم ومااخلي حرمه الحرمه ولا الزلم

گال تعال ويصير خير وياك انه لاتهتم

رحت العمي واجتمعو عمامي والشباب الشهدتهم كلهم بذيج الكعده وحجيت شروطي يمهم
حاجيت عمي وهالمره هو گال شتريد يتنفذ عايلين
ونستاهل مكسور مث مثل الاول المنصب خلاه يطغا
ومن انسحب منه الناس صارت تذمه وجنهم توهم عرفوه سالب حگ ايتام وگبل ماجانو يدرون الناس هم ع المصالح وهذا انه شفته گبل واعرف الذله اكبر عقاب لأبن ادم

گتله تكتبون ورقه وهسه گدام الشيخ والعمام
مضبطه عشائريه تتعهدون بيها محد منكم يطالب ابنت المرحوم لا اليوم ولا بعد اسنين والا استخدم الخيار الثاني والكل موافقيني عليه اجليكم منا وبتنه بالقانون هم عند امها لانها رضيعه

اتنازلو وظلو ببيوتكم احسن وترى الورقه هاي لاتقذم ولاتأخر مجرد تذكير الكم والله بت كرار ماانطيها لو على كص رگبتي

حاجاني عمي الي هو جدها

..مادام امها مامتزوجه تشل عدها

..البنيه عندي تتزوج ماتتزوج هي عندي انه خالها عمها واربيها وصية ابوها هاي عندك بخت تمنع امها تتزوج وهي شابه

..تاخذ من اولادي كون تريد

..لو بس هم ماانطيهم

..بتنه ماتربا عند الغريب

..ماكو غريب يربيها تظل عندي وهي بنتي تكبر وهي تقرر وين تريد وكون رادتكم ننطيها

سكت والديوان صار هوسه كل اثنين يتناقشون بكتر
ركزت وياه ووي ولده گال

..هذا هوو نتعهد

.شغله ثانيه وكدام. عمامي احجيها من تهدولكم مره تلعلع بالباب والشارع وتسب وتلعن وماترد بحجة مره ماهي حلوه بحگم هذي ولا دوم ابن ادم يعبرلها عدنا نسوان وعدهن لسن بس شحدها اليطلع حسها ماصايره هاي يوميه مطالب ومصايح وتعالو سكتوو وعبرو مو دوم الحكمه موجوده اوكات تمر بالن ادم يتيه رايه ويتصرف عمس مايريد

فهمها هو وگال عمتك مره جبيره حسبة. امك

..ميخالف بس امي ماهي مثلها

حاول يغير الموضوع وهو يحاجي عمي الشيخ ابو حسين

..وانت ابو حسين ترضاها الابنك يطردهم من بيت عمهم وهو ماله غرض بيها السالفه واحنه اهل واگرب منكم

جاوبه عمي ابو حسين

..الكربه ماهي بالاسماء والانساب حسين وماهر اخوان وهم دمنه واحد وابني مثل ماكال حس ابنك العالي وهو يتهدد خلاه يفوت وهذا لو صاير عند الغرب هم يفزع الحرمه كون يسنع صايحها واكو واحد مسترجل عليها ويتهدد مثل ماسوه ابنك
الك عين وتعاتب ماعاتبت ابنك وعلمته
شلون الخطبه تصير واخوها ماهو حاضر

سمعت عمي يحجي واتفاجأت كالو هدو بس محد جابت طاري خطبه
اكول يلنح للزواج
احس بدمي فرر وصحت بيهم

..كل عگلكم تخطبونها الواحد منكم
ولكم هو الزين مالتكم وانه ماانطيته برضاي وانتو لو هسه تنطبگ هاي ع هاي
اشرت ع السماع والگاع

..لو تنطبگ هاي ع هاي مانطيكم اسم مره مو مره كامله

وحگ هو علي هالمره حجيت انوب سلاحي هو اليحجي وشيصير خلي يصير
الكل گالوو حگه والشافه منكم مو قليل وبتكم خلها عند امها وخالها يربيها ماهر مو غريب حتى مستنكفين منها ومادام هاي وصية المرحوم وحسين يشهد على وصيته اكثر من مره يحجيها گباله تتنفذ
والورقه توقعونها الجد والعمام
بشهودنه وتوقيعنه الكل

كملت الورقه ووقعتها ورجعت احس شي خانگني
بالطريق خابرت وسام گتله انت وين انه جايك

رحتله وبدل مااشكيله هالمره هو شكالي وطلعت سالفاه سالفه
الأخ عاشگ واموره متخربطه
ضحكت وگتله ها يالنچر صادوك

..عز الله صادوني واحس لاليلي ليل ولانهاري نهار ولك من امر بشارعهم حتى هوا الله يختلف بريتي
وعلي اخذها اخذها لو تصير بنت الباشا

..غير اعرفها بتمن حتى افهم شگلك

..هو انا مااعرفها تريد انت تعرفها

..چا مو صاحي انت كون تحي وحده وماتعرف هي ياهي وبتمن

..اعرفها لا تخاف صار شهرين مراقبها وروحي تفزفح لو شفتها

..خايب شگلك كون شهرين وماعارفها بتمن وياهم اهلها ولك لو انا چاعرفت حتى نسابة اهلها وعمامها
عني زواج هذا مو لعبه واهم شي ألأصل ترى الساس نداس

..هسه انت وكت محاضراتك تعال امشي صار وكت جيتها

..وكتيش هذا وهسه تجي وين تروح هي

..ماادري يمكن تدرس خصوصي ويمكن دوامها مسائي

..انت وسام صاحبي لو ضاربك دنار بمخك ولك كلشي ماتعرف عنها شبساع حبيت

..وهو الحب بكيفي وكيفك ولازم اعرف يلله اقرر غير هيج يدهل ارواحنه وگلوبنه غصب عنه

..اتابع افلام هواي انت الحياة مو هيج اهم شي عگلك ثابت وتقرر منو تحب وليش وماكو احلى من الحب بعد الزواج

..دروح انت قافل عوفك من هذا واسكت وصلت المحبوبه

عيني ع وسام فصل من الدنيا كلها وعيني عليها البنيه حلوه حيل ومارفعت عينها بس من رادت تتعدانه ركدت ع وسام جنها تدري بي يحبها ومتأكده لو هو اتخبل گال

..خل نلحگها من ابعيد

..لابويه انه هذا حدي وياك اعراض عالم هاي تريد تبلينه انت طلعو اخوانها ابوها هي بس السمعه ظاله تريد اطيرها وياك

..خايب شبساع بعتني هيج من بعيد مانحسس احد

مشيت وياه بعد شارعين اكثر من راس الشارع الي متانيها بي هواي مسافه عن اهله
دخلت للبيت اندليناه تاتينه احد يطلع منه ماكو
واتي يوم ردنه نعرف بي احد لا
ماكو بس البنيه تروح وترجع لا رجال جبير لا شاب لاجهال لانسوان
گتله ولك خاف گاعده وحدها هاي

..انت ظل اقلقني وسدها بوجهي فدنوب اكو بتيه هتا يمناطقنا تكعد وحدها مستحيل

..چا ماتگلي اهلها مواه عدلين

..شمدريني هسه شرايك شلون اوصل الها

..والله ماادري انه مااعرف بهاي السوالف

..چاشتعرف بس للطلايب

..احنه اهلها الطلايب الي بس الحب گبل الزواج وهاي السوالف مال الشباب مااعرفلها انه حبيت وره العرس وماكو احلى من هيج

..ظل انت كلساع ذكرني بحبك افتهمتك تحب اختي دريت ترى

..چامستحي منك شفايتلك ع الحب بس اذا اتريد احچيلك ليش وشلون و..

..لادخيلك خلي تجربتك الك بعد اخوك احير بروحي عود ردتك عون

..بهاي السوالف مالفيد والله ليش اجذب عليك واسجعك واته بداخلي اضحك عليك ياحب هذا وانت ملتدري الله وين حاطك لاتعرف اهلها لا وضعها لاطبتها لاطلعتها ماتكلي شلرن تحب شخص مجهول

..وانه بيدي

..لا بيدي ماهو بيدك ..انت مو زغير اعرف بروحك براحتك بس حاول تعرف كلشي گبل لاتتأمل زايد

..امشس نسأل عنهم نشوفلنه حجه ونسأل

……

سرور…

بيومها امي اجت ودرت وراحت البيت عمي ابو خسين تتشكر منه ومن عمتي ومن رجعت گالت مارضا وگال

.. عمه زعلتيتي منج رايد شكر انه واجبي هذا وماله داعي الشكر اقل شي اسوي

وعمتي فاهمه الموضوع من حسين وشلون ماهر محاجيهم والمضبطه السووها عليهم وبعد مالهم حق ع يسر ابد وبشهود الجميع لأن ماهر مااجانه من عدهم وطالع وتركتاه لأن جان عصبي حيل رهو من يعصب يبعد رجع بالليل متأخر امي جانت نايمه وطلع الشغله الصبح ورجع بدل وراح الدوامه مسائي.
رجع اتغده وحجه الامي قليل بدون تفاصيل وصاح مرته ونام ساعه والعصر طلع شويه نفسيته متغيره ومرتاح وكال اشوف الگاع گبل المغرب واجي
اجه وره ساعه لاعب يسر وصاحني انطاني مصرف رباس راسي وگال عذريني البارحه صحت عليج مو قصدي بس ردتج قويه ولاتظلين هيج انه مادايملج
خوفتني حچايته صايره حيل اخاف من هيچ حچي
دعيتله الله يحفظك ويخليك دوم النه

مرت ايام واشوفه يتعب حيل بس مايشكي دوامه شغله كاعه الطلايب والمعاملات بعدهي بس ارتاح من المحاكمه والقضايا خلاله محامي

مرته كبرت بطنها ودخلت شهرها الخامس بس چانت اقل شي تفحط يمكن لأن توم

حسين صار دوم يجينه لو ياخذ واراق للمحامي رايدهن صدفه بوكت دوام ماهر لو بوكت ماهر موجود يسهرون سوه هو ووسام وصرته عادي مانتكلف منه بس نلبس محتشم ويسلم ويكعد مرات للمطبخ يفوت ساخذ جاي لذا جماعة ماهر هنا هو يضيفهم بس لبد مليرفع عينه ولا نتقييد منه

بيوم ماادري عدنه احد اني لأن حزينه دوم شالي ع راسي بس مرات مالفه عدل طلعت وره يسر صارت تزحف وتروح للحوش ومرات الگاها تريد تخلي تراب بحلگها من الحديقه
طلعت اركض وراها وصحت عليها

.. لا ماما لا

دنگت اشيلها بعدني مامدنگه اجاني صوته
بس چان متضايق گال

..خليها خليها گومي انه اشيلها وبعد لااطلعين هيچ اكو ولد هنا انتبهي

خذيتها لأن مالحكت اگوم بس ضجت من حجايته عبالك متعمده ..گتله بنتر

..ماادري اكو احد هنا دوم انه منتبهه الروحي ومايحتاج تنبهني جان سديتو بابكم لو گلتوو

خزرني بعينه عفته ورحت

احساعصابي ترجف اول مره يحسسني واحد انه ارمله وعليه شي ولازم انتبه التصرفاتي حسسني متعمده اسوي هيج حتى اجذب انتباه

هذا شبي ياهو الاكول خيير ينجلب عليه نظرة عينه ضوجتني اكثر من حچايته عبالك موخوش انه والله ياربي

حاجيت زينب تدري احد هنا

گالت اي توني كملت الهم الگهوه واخذها ماهر وگال حضري الچاي لحسين يشرب چاي

..يستاهل گلتها بگلبي وفتت خليت يسر يم امي وطلعت ارتب المطبخ وهوسته اكيد ماهر يعطلهم ع العشه ومرته حامل ووحدها خطيه وجاي تتعب حيل
رتبت المطبخ وهي هم وياي بس جانت تعبانه حيل من اجه وشافها هيچ كلها لتسوين شي اودي من بره

وانتي روحي ارتاحي

بقت هيه تفتر بالمطبخ گتلها روحي اتمددي واته احضر التحضيرات الباقيه

خطيه اتشكرت مني وراحت
رغم هواي فرق بيني وبينها بس احبها واحسها اختي وحيل عاقبه اشوفها هواي تتحمل عصبية ماهر ماتحاجي ابد بعدين هو يحس ع نفسه ويرضيها حتى لو ماجانت زعلانه
امي هم دائما تعلمها وهي من النوع التتعلم الحچايه متنعاد عليها بعد وهذا الشي مخبي ماهر يموت عليها ومبيين حبه الها وشلون متعلق بيها

..زينب…

بعد الصار ابد ماعتبت بيت اهلي بس اخابر امي وابري واخواني ووسام دوم عدنه صادق خسين وي ماهر وصارو مايتفاركون كل يومين هم سوا

دخلت بشهري الخامس وحيل اتعب من اقل شي نفسي يتخربط وصرت مااكمل شغله الا ارتاح شويه يلله رجليه بدت تورم واحس بروحي حيل تعبانه وانه بداية حملي هيج شيصير بيه لو اتقدم حملي اكثر

ماهر اغلب وكته اعصاب بسبب الضغوط العليه شغل دراسه مشاكل يجي صاير نار مايتحاجه ابد اقدر الهوه بي ومااحاجي نهائيا بس ابيتله صوجتي من يرتاح وابقه بعيده عنه مره من المرات طلع بقه متأخر ومن اجه
بس شفته دخل گمت من فراشي تركته اله
ورحت بعيد عنه گعدت بعدها طلعت بس سرور وعمتي ينامن من وكت متعودات
طلعت بالمطبخ گعدت

اجه هوه مبيين يدور عليه شافني گاعده وحدي بالمطبخ

..هاي ليش هنا گاعده

..مضوجتك بگعدتي اكوم. عادي

..تعاي شبيچ؟ گالها وحرك ايده رافع حاجبه

..اني مابيه شبيه ردتك ترتاح مو اكثر

..ارتاح؟ يعني من تخليني وحدي ارتاح مثلا

..انت هيچ تريد ماهر

فهم قصدي ولانت ملامح وجهه

..انه راحتي يمج تعاي حبيبه لانبدي بالحرب البارده ادري بيچ حمامة سلام انتي شلچ بالحرب والخطط هاي

..مافهمت عليك شتقصد اكثر المرات ماافهم ترى مرات هيج عقلي يوگف ..گلتها واته اتذكر من حاجيته وهو ضايج گالي ماتفهمين انتي من اكلج عوفيني عوفيني وروحي عقلج واكف يعني

الا تضوجيني ازيد مو مااريد اضوجج ولا اضوج غيرج سوي مثل مايسوون امي واختي يعرفن طبعي انتي هم عرفيني

بوكتها جاوبته انه لا امك ولا اختك انه مرتك وعلاقتي بيك تختلف لازم اخفف عنك گال من اتركيني وحدي خففتي عني

ظلن حجاياته ابالي رغم صوته العالي ماجاوبته شي طلعت وتركته وحده ولازم صدك افهمه شسوي ماالي غيره

بس هم مااكدر اعديها بدون مااحسسه بغلطته وياي

..حك راسه من الخلف وظل يتلفت خاف احد موجود لو عمتي وسرور يسمعنه

..تعاي بالغرفه افهمج قصدي تعاي حبيبه

..دنگت ع رجليني المورمه ادلك بيهن بدون ماانتبه اله حيل يوجعني ومااريد اباوع بعيونه واضعف شغلت روحي بيهن

..شبيهن رجلينج

غطيتهن وجاوبته مابيهن يوجعني شويه

..تعاي اشوف

..روح ارتاح ماهر شويه واجي وراك

دنك عليه باس راسي وحضني ورجع باس گصتي ووجناتي ظل يوزع برساته بهدوء
گال

..والله عقلج جبير وانتي العاقله وانه مرات يوكف عقلي من التفكير اتحمليني

..هو انه متحملتك

..بس احس انتي زعلانه

..لا بس طبعك يحيرني تريد بوكت ضوجتك ابتعد مهنا جنت بحاجتك وبوكت راحتك تريد مني بدون ماتحس الي بداخلي اتريد احاجيك اخفف عنك اريحك واسمع منك انه مااعرف اعيش،بتناقض هيج حاول تلزم اعصابك وانه هم افهمك ومااذيك والله خلها ابالك انه اهم شي عندي راحتك

..وانه هم راحتج تهمني وماعندي غيرج حبيبه تعرف البيه وتعرف ضلون ارتاح بين اديها وانسى كلشي انتي الغاليه زنوبه

ارتخت اعصابي وانه استقبل منه احلى واجمل الكلام وغصت بين احضانه
فزينه ع صوت عمتي تكح الظاهر جايه تشرب مي

..داركم ضاگت عليكم يمه ..گالتها بضحكه حيل استحيت وهو ضحك وگلها

..اي والله يمه ضاكت هالحلوه ماخذه ع خاطرها مني والرضا صار هنا همزين اجيتي نبهتينه نسينه ارواحنه وماندري وين

..ضحكت وگالتله زين تسوي مو بالساهل تحصلها تزعل كيفك وترضا كيفك جاشنهو شكالولك ماتعرف نكضكم ايدك التوجعك عدها

ضحك هوو وگومني كمت كوه من ثگلي

رجعت من ذاكرتي ع صوته اجه وجماعته راحوو

ركزت بعيونه اشوف واهسه شلونه
ابتسم من شافني

..البطه شلونها شنهي الي متعبها

..ضحكت ..الحمدلله زينه بس الورم ذابحني عود بعدني مواصله الاشهر الاخيره

..الله يسهل لاتهمين زايد

..الله كريم
گمت غسلت ورتبت نفسي واجيت يمه شعري ماتشفته تعبانه

فتحلي ايده خليت راسي ع صدره ونمت براحه

…

وسام ..

ايام واشهر اتعدت وانه اريد الزملي خيطع هاي البنيه ماكو اخر شي حسيتها لغز واتورطت بيها حتى ماهر نصحني انسى بس موبيدي انسى
كل مااصفن تجي ابالي بيوم طگت روحي ربوكت جيتها طلعت وياها وصرت متأكد هي هم تريد شوفتي مبينه من نظراتها

باوعت يمنه يسرى ماكو احد
حاچيتها ونسيت كلشي العيب والحرام والغيره الي تمنعني بس الله يعلم بداخلي انه رايدها صدگ بس اريد اعرف اي شي عنها بدون نقدمات حاجيتها

..بنت الناس ماترحميني وتگليلي سالفتچ

..دارت عليه وهي خايفه ومتفاجأه ..تتلفت جنها تريد تعرف حچيي الها لو لا

رجعت باوعت وگلتلها

..كافي ترى وربج مليت صار اشهر اريد اعرف انه وين ورايح انتي شني قصتج

..بصوت يرجف جاوبت ..انت وياي

..چا وي خيالي صدگ تحچين هو انه تاليتي متسودن

ضحكت هي وگالت

.. روح خويه فدوه تريد تبليني انت

..هو انه اتبليت شبليج بس اريد اعرف انتي شني سالفتج وبتمن واهلج ياهم

..كل هذا تريد اتعرفه مااعتقد يخصك بشي،

..لايخصني بس انطيني فرصه

..روح فدوه لاانذبح من وراك خليني هيج كافيه خيري شري

..شو اسمج الله عليج مااعوفج والله انه هم مدري شجاني وجلبت بيج

..مل عقلك انطي اسمي روح يمعورد ترى ادري صار اشهر عينك عليه بس ماافيدك والله اتقذ روحك وخلصها مني لاتشوف شكلي ترى واقعي نار وتلهم كل من اجه صوبي

راحت سريع واجو ناس ماكدرت استمر بمشيي خفت العالم تحس بس اريد اعرف قصتها شنوو وانه ليش هيج حبيتها اشفت منها ياريت عندي عقلية ماهر جان هسه انه مرتاح من هاي الهوسه البراسي

… ..

حسين…

بعد الموقف الصار وشلون التجأت الي صار كل تفكيري بيها يربي شلون صعبه والله بت عمي وارملة ابن عمي واعز صحباني واخوها بغللة اخواتي واكثر هالنفس الدنيه التدني ع هيج وحده شنوو دبارها

مالي غير جهاد النفس وحسب مايگولون اهل العلم اصعب جهاد هو جهاد النفس

ظليت رغم روحاتي الهم وعللقتي الي قوت اكثر اجبر عيوني تنزل بس مالي سلطه ع دگات گلبي مجرد يمر خيالها من يمي حتى لو ماشفتها احس بيها
هواي حاولت انسى واترك مشاعري ع جهه الحد لليوم الشفتها دنگت والصراحه فقدت السيطره عن نفسي بيها وصارت ردة فعلي قويه اتجاها والظاهر زعلت
بعد الصار ايام ولته اتعذر ماهر ماامدر اجيك تعال انت مرات يجي مرات مايكدر المهم خخفت رجلي وماشفتها بس شغلت بالي اكثر جنت اسمع الممنوع مرغوب وماادري منعي التفسي عنها يزيد حبها بگلبي ويزيد لهفتي الها

اصريت ادفن حبها بگلبي عيب عليه احب ارملة جان رجلها صاحبي واخوي واكثر ايام وانه احارل اعدل علاقته وي ماهر من كد مااحبه واشوفه متأذي انوب اروح ابماهر اكله اريد اختك الجانت مرت اخوي وصاحبي والله گلبي هاويها گبل لاادور سنة زلمتها
لعبت روحي من روحي وحيل حيل كرهت الموضوع هذا وصار ردة فعلي البعد وبين نفسي المامتقبله ولبي الفارضها علي صرت اصارع

بيوم انه بگيعان ابوي دگ تليفوني جاوبت

اجاني صوتها تبچي

..حسين الحگ ماهر متعرض الحادث

اريد اتأكد من الاثنين الحچايه النگالت والصرت السمعته
تركت كلشي ورحت البيتهم اريد افهم

ماكو احد يمهم لا اكو هوسه لا صوت دميت الباب وطلعت هي وعيونها حمر

..الحك حسين واحد خابرنه وگال انتو اهله مسجلكم البيت الولد مدعوم وباقي بمكانه بالشارع ونقلتاه لفلان مستشفى امي تموت اذا گتلها ومرته هم تروح من ادينه هي واطفاله ماگلت الاحد بس الك

..لاتخافين ولاتحجين سدي الباب عليجن وانه اشرف وظلي ع اتصال وياي

… .

يتبع ..

[لامارا]

البارت 16

طلعت مستعجل وادعي ربي كون مابي شي اتصلت بتليفونه وجاوبني وسام عرفته من صوته

..هلا حسين هسه وصلت زين ماهر لاتخاف بس يمكن. عنده كسور بعد الطبيب مامتأكد من مكان الكسر

..الحمدلله الله يبشرك بالخير ..ياهو السوه الحادث ماعرفت

..بعد ماادري بكلشي خل يطلع من قسم الاشعه واسأله زين هو منتبه بس متأذي حيل خايفين ع اضلاعه بس كون مابيهن كسر والباقي سهل اذا رجلين ادين سهلات بس الضلع شيجبره

..ولك انه ابالي هذا الناقص سيف واخوانه خاف هم وراها

..ماادري والله حادث بقصد لو شغله عرضيه خل يطلع ونشوف

..يلله انه جايك بالطريق

سديته من ماهر وخابرتها وگبل لاتحجي واسمع نبرتها المتكسره واتعذب بسرعه حجيت

..ماهر زين وصاحي وكسور بسيطه عنده لاتخافون وحاولي عمتي لاتدري منا لمن انطلعه بلكي اليوم يطلع

..الحمدلله الف الحمدلله ..ظليت اردد بيها بدون وعي انتبهت وره فتره هو ساكت بس الخط مفتوح يسمع گطعت الخط
وصار لازم زينب تدري اترددت احجيلها هالأيام تعبانه
واحسها ماتتحمل هيج خبر مجربه هذا الخوف ومااتمنى احد يجربه ابد

رحتلها واحاول اقوي نفسي وابديلها من الاخير ماهر زين بس عنده كسر بسبب حادث

هيج رتبت الكلام. ع اطراف الساني
دگ تليفونها وجاوبت وهي تصفي الطامطه خلتها وغسلت ايدها ومن لطمتها ع صدرها وصوتها المرعوب عرفت احد خبرها الصار

نزلت دموعي من. شفت دموعها وهي تسأل

..يمه منو گلج فدوه شبي هو ووين هسه شمدريني انه وتسأليني شمدريني يمه متأكده عدل

طاح تليفونها وگعدت بالكاع وسندت ظهرها ع الكاونتر
ضربت خدودها بخوف

..يمه ماهر ولج ماهر مدعوم خايبه ماهر مدعوم مدري عدل مدري لا ولج شلون شسوي گليلي شسوي

..مابي شي والله هسه خابرت حسين وكال زين ولاتخافون ويطلع بعد اشوي ويانه

..لاتجذبين عليه عليج الله انتي شمدريج جنتي تدرين
امداني اسمع بجيج عبالي ع المرحوم ولج ليش ضامه عني كليلي شسوي هسه وين اروح مااظل كاعده خل اروحله

..وين ترحين مايرضا والله خابري اخوج يشوفه

خليني اخابر وسام وحسام اكيد امي درت منهم بس شو هي تسألني اذا وياه هم ماخابرتهم ولج خاف انتي تجذبين عليه وهو بي شي

..اجذب عليج شني خايبه اذا بي شي اكعد هيج يمج. اسم الله عليه غير اتخبل هو انه شعندي غيره بس والله حسين حلف كال مابي شي تعاي نخابر اردود

رجعت اخابر وهي لزمتها رجفه

صرت اقارن بيني وبينها المر عليه قواني وخله عندي صلابه لو هي قوه خارجيه بسبب الشفته اخواني تلاثه ابوي ورجلي صرت اتعامل وي الموقف بصلابه رغم الخوف التارس گلبي

اشوف زينب انتهت حتى وجهه صار اصفر
اخذت تليفوني وحاجيت حسين وفتحت المايك

..ها ام يسر لاتخافين والله زين بس كسر برجله عنده وايده وخلع بسيط بالكتف الايمن

..شهكت بخوف وايدي ع صدري كل هذا ومابي شي ومالازم اخاف يكدر يحجي وينه هسه

..جوه يعالجونه بعدين اخلي يحاجيكم ام يسر ارتاحوو ماكو شي والله ..اكدت عليها بعد ماسمعت شهكات مرته وبجيها

..سد الخط وزاد بچي زينب ونوحها وصرت ابجي وياها سوده عليه كسر وخلع ودوامه وشغله

اجت امي وكت تجدد وضوئها هالأيام معتكفه سوده عليه بعد ايام ذكرى وفاة اخواني فاخر وسامر
وهي بهاي الأيام تتأثر حيل بس هي قوية ودائما تحمد الله وتگول الحمدلله على كلشي
باوعت علينه وسألتني

..مرت اخوچ شبيها موجوعه شني

جاوبتها مرتبكه نزلت عيني منها لايمه ماكو شي اتذكرت اخواني وبچيت

..سرور گولي شعدچن

عله صوت زينب وهي تبچي گالتلها عمه ماهر اندعم وايده ورجله مكسوره

صاحت امي بصوت

..يمه وليدي يمه ..ماهر يمه عمت عين امك
ولچ مات اخوچ ولچ صدگتي مدعوم كلهم هيج كالولي گالولي فاخر مكسور كالولي سامر رجله متعوره وينهم هسه وليش كلهم يرحون مني

عباتي وين ولجن ياهو يعيني

اول مره اشوف امي هيچ تنهار شكد حجينه وحلفنه ماصدگت ولاتسمعنه حتى بوفاة اخواني
چانت اقوى

صاحت بصوت ولطمت وجهه ولك ماهر يمه كلشي ولا انت هالمره اموت وماننشال الا اثنينه

بچينه وياها وعلت اصواتنه بيتنه جبير وجيرانه ابعاد محد يسمعنه
اتوسلت بيها اخابر حسين ووسام هم وياه صاحت وبجت

..حتى اخوان ماعنده يوگفوله ولك يمه وحيدي بس انت البقيت ولك والي امك انت وين تريد

طلعت للحديقه وتعبت ماكدرت تكمل للباب
نحبت بصوت عالي وهي تنعى

..يمه خوارديات والله ولد واخوارديات
عدمن نبات ..عدمن انبات
وبعد شالوو اهلنا وعدمن انبات

من نعت حتى انه خفت صدگ هيج كالولنه گبل
شفت امي گوه تجر نفس
والعبره مكسره بصدرها وصوت نحيبها المتگطع
ومرته الگطعت روحها صدگت ماهر بي شي واحس كل القوة الجانت عندي راحت
كملت نعيها وهي تگول

لاله ماتحملين من حملينه ماتحملين
لاله چاوين تمشين
يالمامش زلم
چاوين تمشين

انگلب بيتنه صياح ونحيب وحسينه صدگ محد النه محد دگ بابنه وشافنه شويه وگامت امي واخذت عبايتها ومشت

صحت عليها يمه وين

..اشوف وليدي مااكعد لمن يطببونه عليه بخشبه
هيج اخوانج گعدت اتانيهم يجوني بطولهم ذاك وتالي حتى شوف ماشفتهم

..صحت عليها يمه هم محولينه المستشفى هناك روحي وخابري وسام لو حسين يدليج والله يكولون زين

..لمن اشوفه بعيني يلله اصدگ وساعتهااعلگلي رايه بيضه الوجه الله واحني چفي هذا الماحنيته من اسنين

طلعت امي واحنه دموعنه تصب وحچايات امي ادور بروسنه رجعت خابرت اخوها وبس گال الها الوو
ظلت تبچي بصوت عالي وهو يحاجيها

..خويه لاتخافين ماكو شي والله وحق علي مابي شي زين بس تعبان جا خليته يحاجيج

..وسام فدوه هو عدل

حاچته وهي تشهگ

..گولي ياالله عدل جا بي شي واجذب عليج واحجي وياج هيج شبيج انتي شصاير يمكم شنهي هالنحيب هذا

..وسام عمتي اجتكم للمستشفى ومامصدگه ماهر عدل وگلبت الدنيا ومحد وياها فدوه اتصل بيها لا اطيح بالشارع ومحد يدري بيها

..المن تكولن الها ولو هي ماتنضم هسه انه اتصرف روحي وصيري سباعيه

زينب..

ظليت بين الخايفه وبين الي مصدگه وسام هو صاحبه مايحاجيني هيجي لو صاير شي صدگ

خوف وحشه وقلق رجفه باعظامي اريدها اوگف ماكو حيلي انهد احس جسمي مايعيني حتى ع الوگفه شويه وخابرني وسام جاوبته بلهفه

اجاني صوته واحس بگلبي طلع من بين ضلوعي من گد مادكاته سرعت اختلطن دموعي وضحكتي

..الوو

..بچيت بصوت ..خفت مصيره مثل اخوانه وابوو

..زين انه لاتخافون

يحجي بصوت تعبان وتگطع صوته انات خفيفه

..لاتبجين بويه ماكو شي

غلق الخط واكتفه بذني الكلمتين وانه بضحكه وبجيه صحت سرور بعد ماراحت تسكت بتها

..سرور حاجاني ماهر ..حاجاني من وسام زين وسمعت صوته والله بس سوده عليه تعبان وموجوع

..يمه فدوه اروحله الف الحمدلله عمت عيني راحت امي كون تشوفه لاتموت من رعبتها كون تحس بي بخير امي راح يصير بيها شي والله

..وسام مخابرها ومخليه ياحاجيها وهسه راح ينزل الها البوابة المستشفى يلاگيها

ارتاحينه بس الرعبه بعدهي بينه وبيومها للعصر واحس الرجفه بعدهي بعظامي مافاكتني

لااكل لا شرب اجتنه عمتي ام حسين وصبرتنه
وولدها هم رايحين اخوان حسين وباقي ولد عمهم الي يحبون ماهر حتى عمه ابو حسين بنفسه رايح

الحد العصر گالو مايطلع يراقبونه خاف اكو نزف داخلي
وبالليل الصدمه من اجه حسين جايب عمتي
گال الكسر بالرجل مصبوب بس الايد لازم بعد اسبوع يسويها بلاتين
لان العظم متهشم
وخطيه وصل عمتي ورجع يبات يمه

رغم صعوبتها وخوفنه بس كلنه الحمدلله ومن سألنه ع الحادث جوابه ميعرف ولاركز ولا احد عارفهم
هو طالع من شغله للشارع يعبر للصيدليه يجيب حليب اليسر حتى من يرجع ياخذه وياه وبس صيدلية وحده الصبح مفتوحه وعابر الها وراسا جايته السياره بسرعه ضاربته وماشيه

مر الليل عليه شطوله لا اكدر انام ولا اكدر اظل كاعده التعب اتمكن من جسمي والورم الي برجلي تعبني

ثاني يوم من الصبح گمت اتحضرنه الطلعته
طبخنه وحضرنه كلشي وزاد تعبي والم ظهري سرور وياي واكثر الشغل هيه سوته
وعمتي مهدود حيلها من رعبتها من عرفت وضغطها وسكرها مومستقرين
بس ماعافتنه وكامت ويانه وسوت الگدرت عليه وحضرت الها رايه بيضه وطاسه حنه
ومن. وصل طلعتله محنيه الراية بجفها
وكدام الزلم كلها بصوت عالي وعيونها تدمع

گالتله

هلابك يبعد امك هلابك
ثريا ويخمط اليوا غيابك

حتى بفرحتها هم كالتها بطور الحزين
بجت هي وعمتي ام حسين وباقي جيرانه الاجن يتباركلها ي طبته وهنه يهلهن السلامته

اني وسرور حدنه باب المطبخ ماطلعنه ومن قربو طبينه بس لمحته احس روحي ارتاحيت سانديينه وسام وحسين ودخلوه وياهم ابو حسين وباقي عمامه وولدهم.

ظلينه انحضر ودخلو ناس من جديد اجه حسين اخذ الضيافه وكال

..اجوو ابو علي وولده يتحمدوله ع السلامه
حسبو حسابهم وحضرو ضيافه بعد

طلع حسين وسرور گالت احس هم ورا السالفه يجوز انتقمو منه جي ماانطاهم يسر

..معقوله يسوونها ليش

..ماادري بس سيف يسويها واحد مستهتر هو بسببه صارت العركه وطردنه عمي وانه والمرحوم سوده عليه

..الله لايوفق كلمن جان السبب اذا همواذا غيرهم

..امين يارب

كملنه تحضير والنسوان هم يم عمتي بيومها امي وخالاتي اجني وخففن عني شويه بس احس هلكنه
ساعتين وهم جوه وصبينه الغده وعمتي السهمت
شربو جايهم وطلعو بقو حسين وياه
ووسام
شويه وجابوه ساندينه وسام انسحب من شافنه وشاف سرور وانه من شفته نزلت دموعي وضحكتي تارسه وجهي وسرور گدامهم راحت عليه حضنته گالتله

..عساك سالم ويخطاك السوء عمري ع عمرك خويه اروح فدوه الطولك انه

..باسها براسها ومسح بيده الثانيه عليه
اتقدم عليه وحاجه احسين اخذ راحتك ابو الشباب ماقصرت
هسه البنات يوصلني ارتاح

بعده ماداير وجهه
رحت اله وشمرت روحي بحضنه ايد ملفوفه برگبته ماارتاحيت بحضتته ودي ازرع روحي بين اضلوعه بچيت بعدني عنه وباسني بگصتي

..كافي دموع ترى عدل بعدني شو متغيره وتعبانه مريضه انتي؟

…… ..

..حسين

سالت ماهر ع الحادث وگال ماادري ومااجيب طاري لمن اتاكد مااريد احجي وانه ماعندي اثبات بس الدعمه كتاله الله شگفها وطيحتي صارت ع الرصيف والاشجار ماصارت ع الشارع چا طاكتني سياره ثانيه مفلشتني

..الف الحمدلله عدت ان شاءالله واذا الك حگ يطلع

كملنه الأجرائات وبالي يمها وبعد مااجت امه وبنعاويها فطرت گلوبنه
خابرت امي تروح يمهن الله يعلم بحالها هسه

عمتي ماسكتت لمن شافته وحجه وياها يلله حته بعد ماوسام خلاها اتخابره اجت مامصدكه الخوف البيها مالومها عليه الله يعينها الموت واجع گلبها امرار وبنفس الطريقه

بهذا اليوم ظليت وياه انطوه مسكنات ونام ووسام. هم ماعافني وهذا سالفته سالفه
تليفونه كل شويه بيده واحسه منتظر اتصال من احد
حاجيته

..شبيك ماتكلي ترى قلقتني لاتكلي أهل ماهر بعدهم الهسه قلقانين ويتصلون

..لايخوي انه هم محتار بضيمي الحمدلله ماهر زين وارتاحو من سمعو صوته بس محتار بهمي حسين اريدك اتعيني ماهر يدري ومافادني بشي

..خير شعندك تدلل كون اگدر

اتردد يلله حچه الموضوع تنهد وگال

.. شوف انه معجب بوحده وراقبتها مو معجب جني حبيتها وعلي مااتخيل اعوفها وماافكر بيها بس مااعرف من ياباب ادخل وشلون اعرف شوراها وهي غامضه

..صفنت عليه ..سالفتك هاي يرادلها خلگ انت تعرف اهلها

..لا بس اعرف الشايب الساكنه عنده

..ادري الشايب ابوها جدها يعني شعرفت عنه

..لا اهلها تروحلهم يوميه العرفته ام وابو وخوات متزوجات ماعدها اخوان وهيج شي واهلها مامعروفين هنا توهم جايين ماصار سنة ومامختلطين باحد

..چا هذا الشايب منين انوب

..انه ادري غير اريد اعرفله راس خيط ماكوو

..ولك انت طركاعتك تختلف ادري اذا لا جد لاخال لا عم شنهي ظلتها يمه خاف تطلع مرته ولك

..لا ولك شسالفه.. شايب منتهي كلش

..ماالها غير سالفه چا وين اكو بنيه تسكن وي غريب والله شايب وتداري بهاي مناطقنه مستحيل

..خايب ردتك عون

..خويه انت طايح طايح بس طيح على رجليك مو على راسك غير تعرف السالفه حتى تشوف دربك

..وشلون اشوف دربي وانه من اشوفها اتيه بيها واحاجيها وتنطيني الغاز لاراحمتني ولا انه بيه خير واكول تولي

..والله ماادري شكلك ..حجه ماهر الظاهر جان كاعد

گال وهو يضحك بتعب وخدران من المسكنات

..لاتگله هذا انهبل من تالي ارگعه بهاي الطبله اليمك بلكي الله يصحا انه سالفته مامرتاحلها

حاچاه وسام وهو يضحك.

..انت ارجع نام خويه ارتاح مو يمك السالفه

غمض عيونه بتعب بس حسيته كاعد
حاجيت وسام بصوت ناصي اريده ينام تعبان

..وسام صدك سالفتك ماراهمه يعني الشايب ماكو طريقه تعرف بيها اهله هو منين اهلها ناس جدد هذا هم جديد مامعقوله

..والله ماادري احتاريت شلون ادخله من ياباب لاعنده ولد واسوي روحي طالبهم هو مگطوع ماكو احد يجي الظاهر بس هي اشوفها

..زين تجي بليل بنهار

..ماادري تجي العصر تقريبا بس مدري تظل لو ترجع لهلها

..ادري انت من راقبتهم ماشفتها طلعت وره العصر

...لا بس انه ماابطي هواي بشارعهم خاف اسببلها شي

.. اصبرلي يصير ماهر زين وانه بطريقتي اعرف كلشي عن هذا الشوييب بس انت ابتعد عنها هالفتره لا تاخذ وتنطي وياها

..الله كريم ..هسه انه هم مو بحالها خلي يصير ماهر زين والله كريم

سكت وسام ومن شكالي حسيته ارتاح زين انه المن اشكي ضيمي البگلبي وياهو اليريحني

المن اگول

أگول الامي تتسودن هي ابالها تخطبلي من البنات وتمشي وتتخير انوب اجيبلها ارمله ومو ارمله عاديه لا مرت ابن عمي وعدها بنيه لازم اتكفلها

لو شگد ماتحبها ادزي بيها تتمنالي بت بيت خاص هي تلح ع الزواج ومتانيه ادور السنة للمرحوم وتخطب

ماتري شفكر ووين راح بيه گلبي

حطيت اديني ع راسي ماادري وين تاليها وشلون تصفه

اتذكرت نبرة صوتها وتليفوني بي تسجيل مكالمات ع طول يسجل وانه الصراحه مخلي البرنامج متعمد مرات يخابروني ع مود شغلات ابوي يدخل بيها ومرتين صارت وحاجيت ابوي والوسطوني نكرو نص
الكلام بعد ماطلعو هم غلطانين كالو احنه مو هيج حجينه بالعكس الظاهر حسين مافاهم السالفه

صرت اسجل واسمعه الابوي منهم والينكر اطلعله تسجيله العالم صارت ماتتأمن حتى التوگفله وتمدله ايدك يلويها لو توازه اهم شي يطلع هوه سلامات

طلعت ع اساس ادخن

اخذت تليفوني وجكايري ونزلت بره للحديقه دخنت وانه اسمع مكالماتها وحده وحده
كلهن تخابرني بوكت ماتكون محتاجه احد
لو تدرين شگد انه محتاجج تكرهيني يمكن ادريها مو سهله وعيتها طافيه بيها الحياة العافت اهلها علموده تگدر تنساه الاجلي صعب كلش

سمعت واكتفيت ورجعت للمستشفى صار نص الليل وانتهى مفعول المسكن

ماهر صار يوون بصوت عالي ويشكي من وجع چتفه وايده

صاح وهو يگول

..اخخخخ ياطاهر يخوي
شگد مااحنه يمه وماعفناه بوكت الشده الهوه بيها اتذكر اخوانه واقربهم اله جان طاهر الله يرحمه عمره قريب اله وبيناتهم صداقه

گمت عليه انه ووسام نريد نساعده ونتمنى نشيل الوجع عنه

..ها ماهر شيوجعك اصيح الطبيب

..ولكم وجع چتفي موتني ماينحمل وايدي ودي يگصونها والله ..تلاحگوني بمسكن مااكدر بعد

طلع وسام بسرعه يريدله طبيب ماكوو رجع شاف ونه جاي يزيد وصوته صار يعله

طلع وكايليله الطبيب نايم داك. الباب حيل مكعده

كعد الطبيب وماقابل كال ناطي طبيبه هذا هوو ميصير هيج ماكو خصوصيه للطبيب يصيح ويأشر بايده عبالك محمل العالم منية عكس الي جانو موجودين قبله جانو حيل انسانيين

سكت وسام يريده يكمل شغله اشرلي اسكت

ماكدرت اسكت وجاوبته

..دكتور لاتشوفنه ولد عرب وعبالك مانفهم انت المايصير هيج هذا وكت خفارتك مو وكت تنام وتمنن ع المرضا ترى ماعندي مانع اشتكي والله واسويها سالفه جبيره
ولد يوون من الوجع شتريد نباوعله ونسكت لمن اتكمل نومتك

سكت الطبيب وماحاجه حسين بعد ماشاف اعصابه تالفه وخاف صدك يسويها لو يسوي شي اكثر

انطاه علاجه شويه هدأ ونام
ثاني يوم طلعناه ونفس الشي كتبله ابر ومسكنات
وننتظر اسبوع ويسوي العمليه

بيوم الطلع اجته العمام كلها ومنهم عمه ابو علي وولده وباقي عمامه سلمو عليه وماحاجاهم ابد حالهم حال الباقي بس مااهتملهم مثل مااهتم الابوي وباقي العمام

ظلوو ع الغده وبعد الغده راحوو كناله روح ارتاح واكيد اهله يردون يشوفونه
اخذناه وسام الباب الصاله وانسحب وانه ظليت سانده اجت شمرت روحها ودموعها تنزل وتدعيله اتمنيت ملامحي تنشاف واكدر اتحكم بيهن خفت اتفضح ويبيين الي بداخلي اتمنيت هواي اشياء صعب تحقيقها

بقيت يمهم هالايام بس بالليل اعوفه واخر ابره اضربها اله بثنعش واروح

بهاي الايام حسيت روحي منهم والاحراج خف بس من اشوفها كلشي بيه يتخربط

وره يومين صادفت دورة سنة الولد وسوو ثواب مثل كل مره بس انه واخواني اتكفلنه كلشي وهالمره عمتي كالت ماازورهم منا لمن يصير ماهر زين ونروح كلنه

بس بيومها خطيه بجت ونعت قليل گالت مايصلح ع ماهر وخطيه هو راد يسمع نعيها وگالها سمعيني يمه مثل كل سنة اريد ارتاح هالمره صعب ارتاح وانه مازايرهم

وع نعاويها ذكرناهم كلنه وبجينه ام وفاقده تظل دوم يتجدد بگلبها الحزن

كمل الاسبوع وماهر ابد مامرتاح الالم ذابحه وصارت حتى المسكنات ماتفيده

ييوم العمليه طلعنه والطبيب مفهمه هي سهله وماتخوف رحنه مرتاحين

دخل صالة العمليات وتليفوناتنه ماسكتت لا انه ولا وسام جانو وياه اخوانه حسام وبسام وابوهم خطيه ماعافوه بيومها

چنت كل مايدگ التليفون دگات گلبي تزيد متوقعها هي بس بعد اخر موقف صار بيناتنه يمكن ملتحتك بيه ولاتحاجيني يمكن بالغت بغيرتي عليها وفهمتها مني خطأ ويمكن فهمتني صح وقررت تبعد
بس شلون وانه احس روحي ادمنت وحبيت اكون ملجأها بعد اخوها

اتصلت عمتي ملت الوو وابالي اگول بلكي هي

حاجتني عمتي تسأل

..يمه لاتخافين دخل العمليات مايطول ويطلع بس يطلع اخابركم والله لو بيدي جايبج ومااخليج اتانينه بس غير هو كدامج مارضا واكد عليج ماتجين
ميخالف يمه سهله من يطلع ويصحا انه اجيج اخذج سهله

بس انتم شلونكم يعني اقصد البنات كلهن لايخافن اي زين هو زين الله كريم

وره فتره طلع من العمليات وبعدها صحا وكال لاتجيب امي الطبيب كال العصر عذا يريد يطلع ماكو اشكال

طلعنه بي وهالمره رجعت اتقييد من شفت نظراتها اخر مره جانت تعاتبني وحسستني بدنائة نفسي

ظلينه يمه وهو الظاهر البنج بعده مأذي والطبيب استعجل من طلعه ظل يتقيأ ويصيح

..راسي حيل دايخ والدنيا ادور بيه

خابرنه طبيبه وكال عادي وخل ياخذ علاجه

حسيته نام ارتاح وهالمره ظلينه يمه نداري ع للاقل اول يوم

كل مااريد اجيب حاجه من جوه اصيح كبل لاافوت وانطيهم علم. من ادخل مااشوفها

بليلتها اجت عمتي خايفه وگالت بنت كرار صايره نار وامها راح تموت تخاف تجيها الشمره فدوه ياهو منكم يوصلها

گلت الوسام انت ظل وانه اروح اعرف حالتها صارت كدامي

اخذتها رطلعت ماهر نايم مايدري وعمتي راحت ويانه طول الطريق عيني تراقبها رغم تعبي بهاي الايام حيل تعبت بس جنت اتمنى اكدر امحي خوفها
مارفعت عينها عليه وهالمره بالغت بلفتها العبايه وضيعت ملامحها التسر روحي ومنعت شوفتها عني

وصلنه ونزلوو حرارتها
اكثر من مره ارد احاجيها علمود تحاليل تبتعد عني وتحاجي امها تفهمني ونص الحجي لاعمتي فاهمته وتفهمها ولا انه جلي اعرف التريده هي والتحجي عمتي الي شني
زين عوفي كلشي علاج بنتج عرفي

حاجيت عمتي تسأل الممرضه ع المغذي اشرتلها نهاية الممر تحاجيها
كتلها جبيره وتحترمج وتجي

استغليت الموقف حتى احاجيها

..ام. يسر هذا شيسمونه انه الطبيب يريد مني تفاصيل وانه جاي افهمج تعليمات عمتي شتعرف من ذني انتي ليش كارهتني اريد اعرف

..انه شنوو شبيه

حجتها بارتباك

..ليش هيج كارهتني ؟

يتبع ..

[لامارا]

البارت 17

..ليش هيچ كارهتني؟

نزلت عيني منه واترددت بجوابي

..اني ما.... ماكارهتك متوهم انت بس احاول ابتعد عنك وانت تدري ليش

..لا ماادري

..انت ليش تساعدني

..غير بت عمي وعرضي اكو واحد يعوف بت عمه بشدتها وين ترحين يعني للغربه تفزعلج الغربه احسن مني؟

..يعني معتبرني اختك وبت عمك موو

حجتها رافعه حاجبها بتحدي وجنها تريد تتأكد من شي او تريد تكشفني
جاوبتها وراوغت بجوابي

..معتبرج بت عمي واخت اخوي وصاحبي

..وارملة اخوك وصاحبك مو هيج

عيني بعينها بيها نظرة حزن وانكسار خلتني اكره روحي وكرهت الموقف الي انحطيت بي
رجعت اكدت عليه

..مو صح

..صح الله يرحمه.. اتحمليني الخاطر بنته اليوم وجاوبيني وامشي للطبيب واحجيله اعراضها وبعدها احاول اريحج مني گد مااگدر وعذريني اذا زعلتج لو كدرت خاطرچ بس صدگي قصدي غير

تركتها وصرت كد مااكدر ابتعد صار لازم اخلي حد الكلشي
الموضوع مو بهالسهوله هي حقها زوجها واتحبه وتركت اهلها على موده
وهو نفس الشي

اني غلط.. حبي الها غلط مشاعري غلط كلي غلط
عمري كله ماسويت شي الا احسبله حساب
الا هذي ابد ماحاسبلها حساب احب وافكر بوحده مثل وضعها زائد صداقتي وحبي الزوجها قبل الي هو ابن عمي وصديقي عد مااتخلو الكل عنه انه جنت وياه بس هو نفسه عزيزه ومايحچي ولايشكي وجودي وياه مثل عدمه ماگدرت اساعده بشي

كملت وياي وانه امشي بمسافه عنها واريد الطبيب يكتبلنه خروج ونخلص
الطبيب الخفر گال يجي الاخصائي الصبح ويكتبلكم خروج او لا
تركتها هي وعمتي وطلعت بره

عرفت تلميحها وشكي صح هي تحاول تذكزني بالموقف الصار وماتريدني افكر بيها يعني فهمت قصدي من الغيره شنوو
تذكرت الصار
ثاني يوم الطلع بي ماهر اجوو خطار وعمامنه والصب يمهم بالمطبخ هي تصب وعمتي تسهم اللحم ع الصياني

انه واگف بالباب استلم. واسلم اخواني ووسام واخوانه هم موجودين تعبانين بيومها الطبخ احنه تكفلناه بره بس من الهوسه دخلنه الاكل يمهن يرتبنه
عيني عليها وعين ع الباب اشوف الوراي لاياخذون راحتهم ويوصلون قريب الها
كومتها وكعدتها وتدنيگتها كلساع حيل وترتني
كل ماترفع عينها اشرلها ع شالها تعدله لو ردن ثوبها اتنزله اخر شي مااتحملت
رحت يمها وگتلها

..انطيني انه اصب وانتي ابعدي هناك روحي حضري غير شي لو ترحين جوه احسن احنه نكمل كلشي

..لا مشكور انه اكمل

..شتكملين عوفي من ايدج هسه انخلصه يلله گومي انطيني مجال بس بعدي عن الباب هيج هناك صيري

..انت شني سالفتك

حچتها بهمس رديت عليها بنفس النبره

..شسالفتي بعد ..ليش هيج تتنوعيلي شبيچ

..معليك بيه بعد ترى انه مو غبيه

ظليت اليوم كله وانه افكر بكلمة مو غبيه

وهسه هم رجعت افكر بكلمتها وطلعت فعلا مو غبيه انه الغبي يوم حبيتها وهي بعدها مجروحه غبي لأن مانحجت اضم حبي واخفي عنها
وارجع اسأل روحي
انه شبدر مني خوفي عليها وحرصي مو بيدي ليش كارهتني واجاوب روحي مو بيدي حبيتها
بس بيدي اضم حبي بگلبي وابعد
واحاول گد مااگدر حتى بيتهم ماادخله بس خل ماهر يصحا ويصير زين واريحها من شوفتي

....

سرور..
خوفي ع بنتي خلاني انجبر اروح وياه
واني اخذت عهد ع روحي بعد مااسمحله يشوفني حتى
حيل كرهته من حسيته يفكر بيه غير تفكير ومن نظرات عيونه وحرصه المبالغ بي حسيت بنيته وياي هو لو حريص صدگ جان منع نفسه وهو يعرف حبي الكرار ويعرف حب كرار الي

المشكله الكل مقتنعين انو هو مات ومتعايشين وي موته الا انه مايدرون احسه بكل يوم هو وياي وكل ليله من انام احس انفاسه يمي اغفى ع هذا الخيال
اشكيله واحسه يسمعني ويشاركني همي

المثلي يموتلها هيج انسان يموت عليها وعاف كلشي الاجلها

وموته سلب كل حياتها شلون تگدر تنساه وتعيش حياتها عادي بدونه وتحسه ماضي من حياتها

اليوم حسين بعد ماابتعدت عنه كد مااكدر حس ع نفسه وفهمته هو شنو بالنسبه الي وحسسته بأن هو خاين اخو وصديقه نظراتي چانت كافيه اترجم كلامي اله

تذكرت موقف وي حبيبي اليردوني بهاي الفتره انساه وانه لو ينطوني عمرين فوگ عمري ماراح انساه ولا افكر ولا اسمح النفسي بهالشي

تذكرت بيوم جنت ضايجه وابجي ع اهلي مشتاقه الهم اعرف بروحي غلطت بحقهم بس ماغلطت باختياري مثل ماضنوو

رفع وجهي وبأطراف اصابعه مسح دموعي

..ليش هيچ تعذبيني بدموعج شسويلج حتى انشف هالدموع وماتفكرين بغيري انتي لو تدرين شگد احبج جان گلتي اهم شي هم سالمين والعندي يكفيني

حچاها بضحكه ضحكت ع حجايته لأن راد يضحكني يقصد اكتفي بيه وبس

..تبچين عليه هيچ وماتنسيني مثلهم لو تنسيني بساع وانه مو مثل اهلج

..اسم الله ياساتر ليش ابجي عليك انت يمي واحلى شي بالدنيا وجودك اهلي مستحيل التقي بيهم بعد مااضنهم يسامحوني

..ماطولهم عدلين وسالمين ادعي الله يحفظهم مصير الحي يتلاگه بس الي يموت نأيس منه اهلي واهلج يجي يوم والله يهديهم مااذيناهم احنه والله يعرف نيتنه شنو حبينه بحلال الله لاحرام ولا عيب شنو ذنبنه بمشاكلهم

گطعت صفنتي بچية يسر
مسحت دموعي المغرگه خدي بدون مااحس بيهن احس عيوني مجرحه وتحرگني

،،شگل الروحي لو حنت تريد وجوهكم يمها،،

گمت الها واشوف حسين من ابعيد عينه عليه
يجبرني اكرهه واكره نفسي من انجمع وياه
اعرف نيته واعرف الي اباله
اخاف يجي يوم وانجبر عليه وساعتها الموت اهونلي من زواجي وخاص هو بالذات

مرت الساعات وهو بعيد عنه من الباب الردهه يشوفنه ويرجع ويحاجي امي اذا راد شي
اجه الطبيب وقرر خروجنه وانطاني ادويه وتعليمات والحمدلله عدت حالة يسر بخير وسلامه
احس النعاس اتمكن مني ونمت بالطريق
گعدت وامي تنبهني وصلنه نزل ويانه بالباب مادخل وگال الامي انه اروح للبيت ارتاح
ماهر امرله بعدين
اتشكرت منه امي

ومن دخلنه توه ماهر گاعد يمه وسام ومرته انه مادخلت عليهم رحت الغرفتي واسمعه يسأل امي وين جنتو وجاوبته

ماطلعت بيومها للعصر تعبانه نايمه وبنتي وياي نامت

العصر گعدت وطلعت. اشوف ماهر
من شافني صاحني يمه وسألني ع يسر
گتله الحمدلله صارت احسن وبس تكعد اجيبها الك
طلعت اتهرب من سؤاله احسه حاس بيه لان حيل حيل مغثوثه واحس روحي باقيلي شويه وانفجر
مشتاقه اروح ازوره مشتاقه اروح البيتنه واشوف مكانه وغرفتنه كلشي خليته مثل ماهو بس مارايحه للبيت من يوم الاجيت منه وطلعت مكسورة جناح

اول مره احس روحي محتاجه اتمدد بمكانه واشتم بقايا عطره
صدگ يعني هيج وبعد ماترجع وهيج بعدك اكو من يفكر بيه
هذا صاحبك هذا الجنت دوم وياه اول ماخله عينه عليه
صح ماحاجي بس انه احس بي نفس نظراتك گبل اليه بس كرهتهن بگد ماحبيتهن منك
محتاجتك حيل حيل شني اليبرد نار گلبي هسه ماكو بس شوفتك

لا احد يشبهك ..

أستيقظت وأنا احتاجُك أكثر
هذا الصباح مهمل كورقة على رصيف تركلها الريح
لم اسمع صوتك

كُل الذين قالو لي صباح الخير.. لايشبهونك
كلماتهم لاتأسر قلبي
لاتجعلني أبتسم للصباح كما يجب

حتى اناملهم لاتشبه يدك
عندما مرروها على راحة يدي

وعيونهم لم تلمع فيها ملامحي كنجمة في السماء

……… ..

زينب ..

امي واخواني ابد ماتركونه وحتى ابوي يتصل ويجي ويصبر عليه وموصي امي بيه شايفني تعبانه
التعب حيل صار يبيين عليه مااعرف ليش گمت اشك بروحي بيه شي وصرت اوهوس مامعقوله الحامل هيج تحس يعني مو طبيعي
بسرعه افحط احس روحي تنسلب مني وگلبي تخف دكاته وترجع تزيد بقوة ماادري شني حالتي
وموعد طبيبتي فات من اول اسبوع الحادث ماهر
وخطيه سرور هم مشغوله ابنتها وخايفه عليها من كلشي رغم تساعدني قبل بس بعد ماصخنت بتها وراحت للمستشفى ماادري شجاها انعزلت وحتى امها خافت عليها رجعت الوضعها الاول

ماهر بعد عمليته بيومين والدوخه ملازمته بس احسن صار ع العلاج
وثالث يوم گل الوسام روح الدوامك وشغلك مااحتاجك اتعودت هيج وادبر روحي

ووصاه شوف شغلتك انت وحسين لاتظل تايه وعود بلغوني لو طلعتو بنتيجه

ماعرفت شغلتهم شنوو
بس حسين ع طول يتواصل وياه اتصال ومااجه بعد بس من يريد يجي احد من جماعته بالدوام مرتين ماهر اتصل بي واجاه وهو قام بواجبهم واني الي انطي الضيافه سرور ابد ماطلعت من سمعت بي جاي
بس عمتي يمي ماتركتني وخطيه التگدر عليه تسوي
من طلعو حسين ماتأخر وراهم وماهر سأل عمتي صاير شي وانه ماادري حسين سامع حجايه

عمتي گالتله لا منين يسمع الا من عمامك علمود اختك احنه وليدنه حسين شيسمع منه
ماجاوبها وطول بسكته
وقرر ييومها ينام بالغرفه يمي

سوده عليه بالگوه يگوم ايده ورجله عكس مكسورات
الايد اليمنه المفروض يسند نفسه عليها بيها العمليه ورجله كوه يثبتها ويجرها جر زائد وجع چتفه الي ماذي

بس فرحت راح ينام بغرفته وينور داره مثل مايسميها

حرصت انطي علاجه بوكته واريحه كد مااكدر
اتمدد ع الجربايه وانه افتر يمه ارتب الميز ورتبت الملابس بالنهار جنت مشغوله ودخلتهن بس مارتبتهن

حاجاني وتليفونه بايده اليسرى الثانيه مبيين مامتعود عليها كوه مسيطر بلزمته

..تعاي عوفي من ايدج خليني اشوفج ليش هيج تعبانه حيل ومتغيره ترحين ترتاحين يم اهلج خاف هنا يجون ناس واتعبين

..تعبانه من الحمل غير ومن رعبتي وخوفي عليك بس مااروح المكان ابقى يمك مااعوفك

..خفتي عليه صدگ

حچاها وهو مبتسم

..يا هذا سؤال بالله شلون ماخفت عليك غير الدنيا ضلمت بعيني لاتذكرني الهسه الرعبه بيه

..تعاي يمي مشتاقلج هسه بس اشوفج ليش هيج بعيده علي طول اليوم تفترين منا ومنا مالي حصه بيچ انه

..رحتله واحس بهاي الفره البسيطه فحطت
گعدت بصفه من الجهه الثانيه
اشرلي اتقرب عليه اكثر

چان ساند ظهره بمخاد رفع ايده حركها ع راسي

..شبيچ هيچ كوه تجرين النفس رحتي الطبيبتج انتي شگالتلج كل مااريد اسألج تختفين من يمي

..لا مارحت التهينه وماصار مجال اروح

..صدگ تحجين مراجعه شهريه وگالتلج ضروري تراقب مي الاطفال ونبضهم شلون ماترحين اخر مره مو اكدت عليج تراجعين ع الموعد وتعيدين التحاليل

..اي صح بس والله ماصار مجال ابد

..باچر تاخذج امي وترحين لاتتهاونين بصحتج انتي والي ابطنج انتي امانتي وهم امانتج وكل واحد منه يحافظ عليها ترى انه حيل بحاجتهم والله

لمعت عيونه وهو يحجيها حاولت مااخلي بأمل لان مااعرف شنو هم اخر مره مابينو.
كتله

..منو يكول ولد يجوز بنات

..وحتى البنات نعمه من الله شبيهن وهم انه بحاجتهن
هسه اهم شي صحتج ماعاجبتني

..صحتي لو انه صرت مااعجبك ترى كوه مصبره روحي ادري والله ورم رجليني وبطني وكبرها وصايره العب النفس بس مااتحمل تلمحلي هيج اضوج والله اصلا مو زين راح تصير اب انوب ماعاجبتك

..ههههههه اكلتيني بلسانج طالعلج السان والله.. ياهو الگال ماعاجبتني صاحتلي انتي بعدين شايفتني هله هسه انه رجال مكسر لكمه ماانطي الروحي لو ماانتي توكليني بأيدج
بعدين عليمن ضايجه واحسج صدگ مقهوره والله تخبلين بكل حالاتج خليج قوية لاتتاثر نفسيتج ع كلشي الحمل مرحله وتعدي ع خير ان شاءالله عيشيها بفرحه وبطلي الكئابه ماتلوگلك
وهسه شيلي عني المخده الثانيه اريد اتمدد وتعاي يمي

..بس اگعد عدل ادهنلك چتفك حتى تنام مرتاح الطبيب كاتبلكياه قبل النوم

عدل گعدته ونزعته تيشيرته بصعوبه اخاف اذي ايده حيل يربكني وضعه
خليتله علاجه واحس كل مااخلي ايدي ع المكان الي يأذي يفز متوجع ويرجع يرخي اعصابه

..الله لايوفقه السببلك هذا الألم

..الله كريم يطلع ونعرفه ان شاءالله

بعد ماكملت اتمدد وگلي غسلي اديج وتعالي انتظرج

ثاني يوم گعدت قبله سويت الريوك بس عمتي كاعده خطيه سالتني عليه ومن كتلها زين ارتاحت
سألتها طلعت متريگه وشاربه علاجها

كعد واني احضر ومن صاحني رحتله انطيته ملابسه
وسندته كوه ماذب كل ثگله عليه
لزم الحايط وع كيف مشه تركته براحته
شويه واجه حاجه عمتي وصبح عليها وگالها سرور وين ليش مااشوفها وياكم بيها شي مريضه
حاجته عمتي محتاره

..والله يايمه ماادري اختك شبيها بس جنها رجعت اول ماجانت وكل مااحاجيها تريد تظل وحدها

..خير ان شاءالله من تگعد خل تجيني احچي وياها
راح المكانه اخذت الريوك انطي اللفه وبايده الثانيه ياكلها
اخذ علاجه وصاح عمتي كلها اريدج تاخذين زينب للطبيبه واخلي وسام يوصلكم العصر

گالتله ان شاءالله مااخليها اخذها

مر الوكت شغل وفره وكل شويه اشوفه لايضوج ونفسيته تتعب الحد هسه الحمدلله هادئ من يعصب يصير ماينطاق ومايطيق احد يمه
وخايفه من يطول الوكت وهو كاعد نوصل الهالحال واكثر
شغله اخواني تكفلو بي وكلوله امن
والكاع حسين واخوانه ماعايفينها
بس دوامه وكال اخابر ع المحاضرات يكتبوها ويودوها اله

رحت العصر للطبيبه
وبعد ماشافتني وحچيتلها كل الي احسه كتبتلي تحاليل وسويتهن

گالت ارتاحي التعب رالاجهاد يسببلج خفقان عندج فقر دم ونقص بالحديد وكتبتلي علاج وگالت وضع الاطفال طبيعي وهم اولاد

فرحت حيل ونسيت كل تعبي وحتى العلاج ماركزت وياه شوكت اخذه اصلا ماعدت اسمع شي اتخيل ردة فعله وبس

بشرت عمتي وباستني وخطيه دموعها نزلت طلعنه وسام كتله زينه وهم زينين واكتفيت بهذا القدر من الجواب وهو هم

رجعت للبيت ودي اشوفه لگيت يمه جماعه وحسين يمه وسرور حيل مزعوجه ومتوتره حتى ماكدرت احاجيها من شفتها تلاشت فرحتي عيونها مليانه دموع ومبينه باجيه هواي
رحت ذبيت عبايتي ورجعت يمها استحي احاجيها مااعرف ابدي وياها بهيج مواضيع مو جريئه ماگدرت اسالها
شويه واجه حسين وبيده صينيه هو الثاني عاگد الحواجب ومن شافني سلم عليه وگلي بعد اخوج
اريد منج انتي تحضريلي الضيافه بعد بس وجبة جاي ثانيه وماي اريد

كتله صار ادلل هو راح وهي طلعت ورجعت الغرفتها

من رجع وره شويه سألني

..ام يسر شبيها خو مابتها مريضه

جاوبته
..لا الحمدلله بس هي هالايام مالها خلگ

اخذ الصينيه من ايدي وراح
وبس طلعو طلع وياهم

دخلت الماهر فرحانه وهو من شافني ابتسم

..ياهلا اجيتو بشري شگالتلج

..ولد .اثنينهم ولد

ضحك هو وفتحلي ايده رحت الحضنه باسني وگال الحمدلله الله يتمم ويجون بالسلامه سولفيلي عنج انتي شلونج

..اني عندي فقر دم حاد وعندي نقص حديد وها نسيت عندي ومل بكلياتي الاثنين

..كل ذني عندج الله يساعدج وانطتج علاج

..انطتني ومن فرحتي نسيت اركز وياها ماادري شوكت ينوخذ

..شاطره مو بيدج ..شوفي بلكي مأشره عليه

..اي يمكن اشرت

..تاكدي حتى نشوف شلون تستخدمينه

بعده يحجي ودك تليفونه جاوب ومن ملامه وياها مبيين بنيه حاجاها برسميه وشكرها
بس هي طولت وياه بالكلام وحسيته يحاول يخاصر وياها وحجالها وضعه الطاهر سائلته

من سده سألته وجاوب

..زميله وياي وگالت اني اكمل المحاضرات الك وانطيهن الوسام يوصلهن الك

..وليش بنيه ماكو ولد يكتبون محاضرات

..بدينه ان شاءالله.. عوفي اي وركزي بعلاجج وجيبي اشوف

....

..سام

بعد ماحاجاني حسين والتهيت بوسام حاولت ابعد عنها بس ماكدرت اول ماصارتلي فرصه رحت احس بيها شي يجذبني غصب عني احس مقاومتي الحبها فشلت واسأل روحي اكو هيج حب لو انه مو طبيعي بس شوفتها غيرت حالي لو ناطيتني مجال لو محاجيتني شيصير بيه
اذا ع الجمال صح جميله بس وياي بالدوام احلى واجمل ماياثرن بيه ابد

شكد وصوني وحذروني وانه حذرت روحي
نسيت كلشي بأول نظره منها وهالمره
اصريت اعرف شي عنها

..مامليتي وانتي تشوفيني يوميه مزروع هنا ماصدكتي بحبي الج لو مااحبج صدگ جا مليت ورحت صار اشهر وانتي ماتحسين شجاج

جاوبتني بضحكه

.. والله عبالي مليت صار فتره ماكو

..عندي ظرف منعني اجيج بس كافي عاد بس اريد اعرف وضعج واخطبج والله انه نيتي بيضه ترى

..ماافيدك والله

..شلون يعني اريد افهم انتي متزوجه

..شفايتلي متزوجه صدگ تحجي روح فدوه لاتبليني خليني كافيه خيري شري

..يمعوده شنو سالفتج اخذي رقمي وانتظر منج اتصال احسن مااسببلج اشكال بس ريحيني واحجيلي وضعج واوعدج مااذيج ابد

اخذته وراحت وبيومها انتظر منها اتصال كل مايرن تليفوني احس گلبي يوگف لحظات

ساعه دعش بالليل اتصلت
گلت الوو وانه مترقب صوتها وابالي اكول بس لايطلع واحد من ربعي مغير رقمه انعل اصل اصله
رجعت گلت

..الوو

..هلوو مااعرف اسمك تدري

..وانتي بس اسمي الهامج انه مااعرف كلشي عنج
ياريت تريحيني وتحجيلي قصتج شنوو

..عوفني من قصتي وگلي انت صدگ عود تحبني لو ناصب عليه ومجرد بنيه ورايدها لعب

..لا والله وداعة امي رايدج صدگ بس غير اعرف كلشي عنج

..شتعرف وانه مااعرف روحي بتمن

..شلون يعني

..يعني ربيت وكبرت ابيت واعرف امي وابوي بس طلعت مو بتهم حزوره هاي موو

..مو بتهم شلون چا بتمن الرجال الجبير هذا انتي بنته

..مو انه اريد اشرد من ضيمي انت منين طلعتلي لاتسألني هيج فدوه ع الاقل هسه

..جا شلون رايج اظل انه هيج. محتار تدرين احس بروحي مو صاحي بيه شي والله متعلق بيج وماادري ليش وشلون

..بحياتي محد متعلق بيه انت منين طلعتلي حظك الجابك لو حظي

..يمكن حظي ..بس احسج قويه وجريئه يعني مااحسج مرتبكه اكو شي مار عليج بحياتج لاتفهمين قصدي غلط مو علاقات وهيج لا اقصد متعايشه وي الناس ووضعج مامأثر بيج

..يمكن صح ..يس خلي نتفق هسه نصير اصدقاء واترك فكرة زواج خل نتصادق وتعرف كلشي عني يمكن تغيير رايك

..ويمكن اصر اكثر

..مااعتقد

..ليش

..مو گلنه مانسأل هسه

يتبع ...

[لامارا]

البارت 18

مساء الخيرات حبايب
… ..

طبعا اتأخرت بالتنزيل لان لكيت بس الف كلمه من اصل ٢٩٠٠ ورجعت اكتب من جديد وصل قريب ال ٣٠٠٠ عذروني حبايب ع التأخير

هذي القصة اكثر قصة اخفقت بمواعيد تنزيلها بسبب ظروفي وهفوات الوات باد
ممتنه منكم ومن صبركم عليه شاكره متابعتكم ودعمكم وتشجيعكم ومقدره هذا الشي

……………………………………… .

أحبابي الگبل لاأبدي بديهم
جفوني والحدر ضلعي بديهم
الزموو چفي وغفه الخنصر بديهم
اندهنه الاربعه ولاگام اليه

،،للمبدع أياد عبدالله الأسدي،،

…………………… .

حسين..

حاولت ابتعد وتعبني گلبي وگدرت اتحمل واصبر بس ماهر چان بحاجتي بس اوصل دارهم انسى كلشي وانسى الوعود الگلتها الروحي والها

اتمنى تعرف گلبي النبض بحبها مو انه ولا بيدي غصب عني لو الي سلطه عليه اطلعه وبموس اشرحه واخلي يتوب من حبها ليش من اگرب دارهم حتى دكاته تختلف ليش هالضعف البيه
وهيه ماطايقتني بيوم الاجيت علمود ماهر
اجوه ربعه ورادني يمه
هي چانت تحضر الضيافه كل نظره منها تحسسني بذنب دموعها الماليه عينها واثار المدامع الحرگت روحي كل هذا الوجودي يمها لو اكو سبب اتمنيت اعرف وارتاح
ومنو يگول ارتاح يمكن عذابي يزيد اكثر
قررت ماابقى وصدگ اول ما طلعوو اترخصت من ماهر صاحني

..تعال حسين گبل لاتروح حالك ماعاجبني بيك شي

..لايخوي شبيه متوهم انت

..احد مزعلك ليش احسك مامرتاح وگوه انه مچلبلك
وانت گبل ماتتركني وتتحجج حتى نكعد سويه وننجمع وانه صرت مثلك احب گعدتك وسوالفك شجاك هسه اكو شي گول

..مو هيچ مهران وداعتك انت بالگلب والروح وبالي يمك ولو بيدي اخدمك عمر ومااتعاجز منك ابد بس عندي شغل اگضي. وگاعك هم ماعايفها

..تولي الگاع اريد اشوفك وعلي اشتاقيتلك ومنا مختنگ من گعدتي هاي واحس وراك سالفه ولك خاف انت ووسام مادبرتوها وحليتو شغلتكم هو الثاني هم مايحجي صاير

..اوو هذا نسيبك هم شاخط ولك ماينطي مجال يريدها حار بحار يريد گبل يخطب مايسولفلك يدريك تلومه

..شيخطب عرفتوها انتوو هذا الحچي جديد منين جابه شو ماادري

..محد يدري بعده ماحاجي بس انه مانصحته

..عرفها هو منين هي.. بتمن

..يمعود شعرف سألها وسولفتله قصه خوش مألفتها انه ماارتاحيت الها ابد وحاولت اطيحها تنطيني مجال لا ..بس خفت ياخذها بغير قصد ونتخارب تالي بس مانصحته ابد

..اهلها منين عرفتوهم

..شبيك يااهل ع اساس اهلها ذابينها عدهم بنات هواي وذوله ربوها ومن كبرت خلوها تشتغل خدامه للشايب هذا الگاعده عنده .. بس عقلي يكلي وراها غير سالفه

..كل هذا ووسام يريد يتزوجها شو يخربط هذا توه جان هنا شو ماحجه صدك يحجي باجر خابرلياه وتعالو سوه هنا خل يجيني وجني ماادري بشي اعرف شلون اجرجره وخل اوگف ع رجليني ويصير خير هذا يورط روحه لو يموت ابو مايرضا ولا يخطبله

..الله كريم باجر اخابره ونتفق ارتاح انت وانه اترخص

طلعت وبالي يمها هي تشوفني واحد خاين
وانه اشوفها شي حلوو بحياتي وطاهر
منا هي المامطيتني وجه ومنا امي وابوي الي يلحون ع عرسي
وكوه جاي اتحجج واكلهم مامستعد سنة سنتين يلله
التفكير ذبحني اخواني يسألوني شنو المغيرني مااكدر اكول واحجي احس الكل يبوم بيه والملامه اتحملها واوكف بوجه الكل لو احس بيها نتيجه بس هسه بهذا الوضع لا ماكو نتيجه مغثه وبس

ثاني يوم صدك اتفقت وي وسام ورحنه الماهر وهو گدر يسحب منه كلام كدامي ولاعبالك يدري وانه حاجيله
خله وسام يحجيله كلشي
حاجاه ماهر هالمره بجديه

..انت مقتنع بحجيك هذا ..تحبلك وحده اهلها ذابينها لأن عدهم هواي بنات ..ربوها ناس خلوها تشتغل وتخدم وتكعد نهار كامل ومامتأكد اذا تبات يم شايب هم.. الي براسك عقلو لو شنهو

..ماهر لاتلومني شوف انه احبك وادري مااقنعك لهذا مجنبك الموضوع مااريدك تضوجني اضوج. منها كلها الا انت

..مو قصة اضوجك انه لو مااحبك اكلك براحتك بس بالعقل والمنطق هاي شعرفت عنها

..اعرف كلشي عنها حجتلي وضعها كله وشلون اهلها تخلوو عنها والربوها طماعين ويردون منها وتشتغل حتى تساعدهم وتجازي تربيتهم

..ولك عوفك من هذا كله انت مقتنع بيها يعني معتنق بتربيتها وشلون اهلها شامرينها زين مو ذنبها انه وياك ذنب اهلها الذبوها والربوها بس ماتعتقد الها تأثير ع بيتك ع جهالك ع مستقبلك. تشوفها اهل تكون ام اولادك

..اي وشني اليمنع

..هواي امور تمنع

..ماهر اريدك وياي انه

..هو وياك انه لأن وياك ماجاي اجاملك زين تعرف اهلها ذولاك تعرف ساسهم شنو تأثيرهم ع ولدك
حسين ماتحچيلك كلمه

..كلهن حجيتهن ومايقتنع شسويله

حچه وسام

..ماهر كل هذا مايمنعني واهلي احاول اقنعهم بس اريدك انت وياي مو انت تلوم بيه

..واذا طلع الشايب زلمتها

..مستحيل

..والله اذا طلع زلمتها بيك بخت چا شني گعدتها وياه

..ماهر لاتصعبها علي شايب بكد جدها

..اي بكد جدها مااطببه حمام مااداري ماتلبسه تساعده مقتنع انت بهاي السالفه اتأكد منها اذا صدك ناوي خل تفكر تطلگ وتخلص بس بالاول لاتورط البنيه حاجي ابوك وعمامك يلله ولو مااتمنيتلك. هيج زواج بس انت براحتك بعد

..اليسمعك يكول متأكد متزوجته

..اي متأكد ماكو اهل يعوفولهم شابه يم رجال حتى لو شايب اذا مايخافون من الله يخافون من حجي الناس احنه ماعايشين بأوربا كلنه ولد ولايه ونعرف ناسنه وتفكيرهم

..يعني ؟

..يعني البنيه ضامه عنك هسه انت لاتبينلها تدري بس گلها اريد اجيج اخطبج اذا وافقت اتوكل اذا ماطلت هي براس الشايب وخلص بعد لاتناشقشني ترى فتيت گلبي فت
ماجاي تفهم انت تدري بكل هذا بس گلبك عامي عقلك وماتريد تصدگ

..ماهر وحق الله احبها وگلبي يوجعني من اسمع كلامك حتى لو مقتنع بي صدك بس احسه سجاجين بگلبي

..والله هذا الحب كله انه مااقتنع بي ادري تحب ميخالف بس غير الشخص ملائمك ملائم ظرفك اتعرف الي تريده الحب وحده مو كافي يمته تقتنعون انت واكثر شباب هذا الوكت والله ماكو احلى من الزواج والحب يجي بعدين بس شحجي وياك بعد براحتك
حسين شتگول رايي صح لو لا الحب بعد الزواج احلى لو هذا الي يسمونه حب وهو مرض مامنه بس اذيه

..صفنت ع سؤاله مايدري بحالي مو احسن من حال وسام جاوبته بعد مافكرت واترددت بجوابي حسيته راح يكشف عندي شي ماهر ذكي

..اكيد بعد الزواج احلى بس ماهر لاتلومه انت مامجرب هالعذاب احمدلله واشكره ترى مو بيده بس يكدر ينسحب اذا الوضع مايناسبه اما حبه الها محد يلومه عليه لان مو متقصد هو مسير مو مخيير

..وانت وضعك شني

..وضعي تمام.. عوفك من وسام ومني احتمال هلي الفتره حاتم يصعد يتحاكم

حجيتها وردت اغيير الموضوع

..وصعدتهم لاتسولفلي بي ..الوصيتك عليه وكتلك اتأكدلي منه سويته

..بعد مامتأكد خل اضبطها عدل

..اي بعد اخوك اعتمد عليك حتى اذا صدگ الشاكين بي هالمره اللعب يحله

..لاتتوازه عليهم هوو اكيد بيها لعب انت ارتاح ومنا لمن تكوم بسلامه الله كريم

..الله كريم

طلعو الولد بعد ماحجينه كلشي وسام فهمته يختبرها
وبعدها يحاجي اهله ووعدته اساعده گد ماأكدر

بعدها صحت سرور يمي
سألتها شلونها شمحتاجه كالت زينه وماكو شي بس احسها تعبانه ومامرتاحه

صحت امي حاجيتها تروح تزور اخواني وتاخذ سرور تزور زلمتها وتذب حسرتها وشوگها وترجع وهي مرتاحه
وگتلها انه من اطيب اروح ازور اخواني وابوي

بس اخذيها هي وشوفي ياهو يروح وياجن عمتي ام حسين باقي عماتي تتفقين وي خالاتي بكيفج انه يمي زينب ولو ردت شي الولد موجودين اخابرهم مايگصرون.

اقتنعت امي وصدگ بعد يومين راحن
بيومها ظليت بغرفتي وزينب تروح. وترجع عليه تكمل شغلها وترجع صحتها

..زينب تعاي هنا بسج شغل ماكافي نامي ارتاحي تهلكين هيج هو ياهو هنا اليوم بس انه وياج وانه عاذرج تعاي

..مابقى شي حبيبي اكمل واجيك

..بالج لايصيرلج شي انتي والحبايب انتبهي الروحج

..من هسه صارو حبايب وانه انتي وبس

..بويه انتي الروح وهم بعدج شتردين بعد

..سلامتك شويه واجيك

رحت اكمل باقي شغلي واخذتلي وياي ملابس اغسل واروح يمه كلي ريحة طبخ وتراب من التنظيف جنت اسوي الحوش بره والحديقه نظفتها هم

طولت بين ماكملت
فتت للحمام غسلت وطلعت اسمعه يخابر وهو من زمان يخابر ابالي وسام بس شو يكلها الله يسلمج ربي يخليج ماقصرتي وكلام مرات رسمي مرات من ضحكته مبينه بينهم ميانه
بقيت اباوعله من الباب ع وكفتي وشعري ينگط مي
اشرلي انشفه

لفيته بخاولي وهي مستمره قربت صوتها ناعم وتحجيله تفاصيل يومهم كله ومنو سأل عليه ومنو لا

ساعه يلله كمل اتصالها احس عيوني طلعن وهو انتبهلي وصار بس يريد يصرفها

..تعاي شبيج ادفي

..منيه هاي بالله

..لاتتخوصريلي هيج واوكفي عدل هاي زميله بالدوام
وجاي تسأل عني وتفهمني ع المحاضرات الي موديتهن الي بيد وسام وانتي تعرفين الموضوع

..لا والله

.. اي والله ..وگلت اوكفي عدل واحجي عدل هاي السالفه ماحبها ترى

..ياسالفه ..رفعت حاجبي اله احاجي بحرگه

..مال تسوين روحج رقيب عليه وتدريني مااحب هالسوالف مو خوف منج ..احترمج احبج مااحب غيرج ولابيوم اجرحج بس بدلي هالنبره واعقلي هاي اكثر من مره جاي تبينيلي هالشي ع اساس انه مهتم الغيرج ومن خزرة عينج هاي اخاف واضم عنج واعتذر..
انه اتزوجت حتى ماانطي مجال الروحي مو هسه وره الزواج اظل ادور

..انت ماتريد بس هي من ملحتها واتصالاتها مبينه تريد علاقه وجاي كوه تلزگ روحها الك

..عيب تتهمين بنات الناس مابينت هالشي اتصال عادي

..بنات الناس مو انه گايلتلهن اتصلن بولد الناس لو يستحن ماحطت روحها بهيج موقف رجال متزوج تخابرك ساعه شكوو شتحجي اريد افهم

..اوووهووو ياطلابة الطلابه شلون بيج كافي غيره اعقلي

..هسه انه صرت مخبله ورايدني اعقل عادي يعني بنات الناس تخابر زميل الها بس انه من خابرت ابن عمي گلبت الدنيا عليه انت حلال وغيرك حرام

..انچبي لااطولين السانج هاي وحد وذيج وحد

..لا مو وحد انتم تحللون عليكم تحرمون ع غيركم اذا هيج عادي اني هم عندي ولد عم وخوال ثكرايب اكثر من زملاء دراسه وانوب هم احاجيهم من تطلع انت وتضوج وحدك وماتحب احد يسولف وياك بعد مالح عليك عليمن الصداقه مسموحه

..كتلج انچبي كافي ملحه لاتخليني اطحن تليفونج طحن حاطه روحج وياي انتي

..لا مو وياك وي بنت الناس الدافعتلها

..كافي كتلج مو شفتيني مكسر طال السانج لاتخبليني عليج

عفته ورحت احس بگلبي نار بس حجيت الي بگلبي الغيره ذبحتني يعاملني ابرود ومايرضا عليها وانه كل هذا واصير اتبله ع بنات الناس مو من حقي اغار لو اشكي لا لازم انجب واسكت

ماكدرت اطوول بوحدي رحت للغرفه بس بعيد عنه اشوفه شيحتاج

شامر كل الغراض اليمه بالكاع
سويت نفسي مامهتمه ولميتهن ورتبت الغرفه
وهو غمض عيونه تظاهر بالنوم ادري بي لو مامريض جان طلع

صبيتله غده
گال

..شيلي

..باوعتله صاير نار.. اريد اكل

..كومي اكلي وحدج

..هاي غرفتي ومااطلع منها

..ومن. اشوكت تاكلين بيها غرفتج كومي طلعي وشيلي هاي وياج

اشر ع الصينيه

..مااطلع من مكاني

..دفع شكو شي يمه للكاع فززني صوت الگزاز

..مااذلعين وتعاندين تدرين بيه مكسر واظل غصب عني يمچ وتدرين بيه من اتعصب اظل وحدي ناويه تحرگين اعصابي انتي فوگ ماهي محترگه زعطوطه عقل ماكو ورعنه افهمج اريد ماتفتهمين شسويلج
هيج ميلي عني خل انه اولي اطلع

..وين تطلع ابقى انه طالعه

..ميلي هيج لاابتلي بيج انه وين وانتي وين

..دومك انت متحمل كلشي ومظلوم وانه اطلع غلطانه وجاهله منو گلك تتزوجلك جاهله انه جاهله وادري بروحي شجابرك عليه

..ولچ كافي اسكتي انتي اتخبلتي شبيچ

..هو منو الكبر الموضوع انه لو انت

..لا اله الا الله وتالي شلون

..ظليت اباوعله ودموعي تجمعت وهو صاير نار
كوه يجر بروحه يريد يطلع

..ابقى انت انه طالعه الله يخلصك مني ان شاءالله ويخلصني

..ولچ شبيج انتي شغاثج هو تليفون وسفتيني لاحجبت شي ولا هي تجاوزت حدها انتي يصير تردين. تخبليني ناقص مشاكل انه

..هذا هوو كافي

..بكيفج انه تشرطين عليه ساعه تحجين ساعه كافي

..شفته وگف ع حيله وكوه سند ايده

هذا هوو براحتك انه جاهله وزعطوطه والله يخلصك مني ان شاءالله وجيبلك وحده عاقله وفاهمه

..ظلي الغي لاتسكتين

طلعت من الغرفه وهو يصيح وراي

..تعاي وينج تعاي هنا زينب

رحت الغرفة عمتي نمت بيها وانه ابجي ودايره وجهي ع الحايط

مخنوگه حيل ودي اشوف امي اخواتي بيت اهلي
مشتاقه الحياتي القديمه لا مسوولية لاتفكير لاوجع لاثگل
صدگ حجيه انه طفله شنو الجبرني ع الزواج بهذا العمر كل حجايه احسبلها حساب يلله احجيها كل تصرف مني ادرسه زين يلله اتصرف حتى مايكولون طفله احاول ازيد من طاقتي حتى محد يگول بعدهي جاهله رغم هذا الصح انه هواي امور اجهلها بس جاي اتعلمها واجتهد بيها

بس السويته مو غلط اكو وحده ماتغار على رجلها شني الي موازي ع المحاضرات الا منها ادري هي اتبرعت وساعدت بس مو هيج تلح
حتى لو نيتها طييبه هو لازم يقدر مشاعري
بچيت وبچيت اسمه يصيح

..وينج تعاي وين رحتي

بچيت اكثز قررت مااطلع هو يكدر يعتمد ع روحه شويه شويه
تركته وظليت اتگلب الى ان نمت

فزيت العصر كلش هو ماكو گمت لگيته طالع من الغرفه بس بعدهي بهوستها رتبتها وشلت الكزاز كلاص ودولكة مي جانت يمه ع الميز اتذكرت من شمرها

طلعت اذب الزبل سمعت صوت وسام يمه خفت بس لايحاجي شويه وصاحني حاجاني عادي كدامه كال

.. ماكعدناج كتله تعبانه سويلنه جاي وحضري روحج حتى ترحين وياه

فتحت عيوني ع وسعهن

دار ع وسام تعبانه ورايدلها ترتاح يومين تلاثه تحس روحها مكتفيه تجي

وسام كله

..مو وكتها تعوفك هسه خلي اطيب انت وعود ترتاح بعدين بس هسه محتاجها انت

..لا خليها هي تعبانه ومشتاقه الكم صار اشهر مارايحه من ذيج السالفه حاولو تصلحون الامور حتى هي ترتاح

..سهله خل تجي هي كلشي يتصلح وظلت بكيفها شتريد محد يجبرها عسه ابوي يفرح بجيتها

باوعلي وسام يلله حبيبه استعجلي راح تضلم الدنيا

باوعت الماهر بعيوني اسأله اتجاهل نظراتي ورجع يسولف وي وسام

بعد مابيها مجال اعوفه واروح شنو عود كاسر عيني بزعلتي وي مريم عباله مااوصل اهلي طول عمري وكاسر عيني بيهم

حتى جاي ماسويت رحت لميت الي ملابس بجنطه زغيره
ولبست عباتي ورحت

.. جهزت وسام يلله خل نروح

..يلله نروح ..ماهر انت ياهو يمك الليله

..اهلي جايين بالدرب وانه هم اخلي حسين يبات يمي اريده بشغله وهم نتونس

طلع وسام گبلي طلعت وراه صوت ماهر صاحني

..زينب روحي شكم يوم ارتاحي غيري من نفسيتج شوفي اهلج يمكن ترتاحين ويقل الضغط عليج ترى شكوكج صايره مو طبيعيه الحد هسه اگول تفسيتها تعبانه واكو ضغط عليها وماجاي تفسر صح
انه لا من هاي الشباب الي تشوفيني فارغ الهالسوالف ولا انه الخفيف الالحك هلي وذيج
لاعبالج بس الاتصال شفتي وحجيتي ترى هالسوالف ابالج من كبل الاتصال وادري بيج تراقبين تليفوني وادورين وساكت وجنت اكول تشوفني وتأمن بعد بس كل ماالج تتخبلين عقلي گايلج انه بس وياج ارتاح ليش حتى هاي استصعبتيها عليه

..انت تتحجج والدليل وديتني حتى تاخذ راحتك اخذ راحتك شگد ماتريد بعد ماتهمني اته ابيت اهلي وجيه لهنا بعد مااجي انت طلعتني بدون سبب وبيت اهلي مايتعذرني عود يصيرون جهالك وتعال شوفهم اخذهم بكيفك

..ليش تخليني اغلط شوفي حجيج وحچيي وميزي كلامج وكلامي وراح تشوفين منو الغلطان تلوميني من اكول جاهله

طلعت وانه هالمره متحلفه ماارجعله ولااكول ودوني واحجي الاهلي سبب جيتي وليش ماهر خابر وسام
حتى ياخذني

رحت للبيت وجنت متخوفه اشوف مريم. وهم قررت اشوفها اتجاهلها اكيد راح تشمت بيه هي ومرت حسام
احس اعصابي تلفت والتقلصات ذبحتني
دخلت وسلمت عليهم استغربو جيتي وسام كلهم ماهر يكول تعبت ولازمها راحه ومشتاقتلكم وتريد تشوفكم وهمه ماصدكو يحمدون باخلاقه وذيبته ويتشكرونه ويوصوني ع حملي الخاطره ماجنهم جهالي واني امهم واخاف عليهم وع صحتي انقهرت ازيد من قهري لو تدرون

اجيت احجي شنو السبب الخلاه يحجي وي وسام ويخابره حتى ياخذني اجن مرت حسام ومريم ووراهن وسام يردن يعتذرن مني اشرت الهم جنت مقهوره وذبيت قهرتي بيهن

..اعتذارجن واصل وهذا حدجن ماكو شي بيني وبينجن هذا هوو لااحاجيجن ولاتحاجني

حسام حجه واشرله ابوي عوفها وكلهن روحن
انتبهت الايدي ترجف ودموعي نزلت

حاولو اهلي يغيرون الموضوع مارادو يطولون بي

ابوي سأل وسام

انت كلت الماهر ابوي يريد يشوفها

اجيت احاجي واكله غير توه شرحلك السبب والصح مو وسام حاجاه هو خابره علمود بنت الناس المحترمه بس مشكلتي اخجل من ابوي

فاجأني جواب وسام

..اي يابه كتله ابوي يكول خل يقنعها ويحاول يرضيها ويليين گلبها علينه ومن اطيب انت تجي وطلعت صدفه هي تعبانه وكايلها روحي الاهلج شوفيهم وارتاحي

..الحمدلله ..كالها ابوي ودار عليه

يابه البيت بيتج تزعلين من ذني المايسون تگطعين وي ابوج وامج گلبنه مشلوع عليج. وانتي بعيده وزلمتج فاهمنه وعاذرنه وانتي تتعززين علينه يوميه اريد اجيج اخذج بس وضع ماهر مايسمح يحتاجج وردته يقنعج للأيام التجي بس خلف الله عليه وداج اليوم لاتبطين ارتاحي يوم وروحي باجر الرجال مايلگه راحته بس يم مرته

عافني وطلع شلون حرجني وانه ناويه اتوبه هو طردني مو وداني اشوفكم لكاها حجه عليه
اصلا لو بيدي ماارجع

صار الليل وظليت اتگلب من هسه اشتاقيتله ماارجع واطلك والله خوش وقاومت اذا هسه ومحتاره منو غطاه منو دهنله متنه

ظليت اتگلب عيوني مقاومه وانه اريد انام اجتني رساله

..سوادينج خفت زادت
مخبله تعرفيني شگد احبج ليش تشلعين گلبي وانه اعصابي طافره من الكعده ومية حسبه ابالي
مييت ع هالسوالف انه شايفتني هيج فارغ
بس سيف وموضوعه شاغل تلث ارباع دماغي
ورجليني وايدي مربطتني تجين تزيدينها عليه انتي

..تاليتي مخبله موو

..عفتي هاي الجريده كلها وركزتي ع هاي لو مامخبله ماعجبتج بس هاي من الكتبته ..مخبله واحلى نخبله بحياتي كافي تفكير وحرك اعصاب ارتاحي وشوفي اهلج واشبعي منهم

..اي اشبع منهم هو انه مطوله هنا

..براحتج

نمت واحس روحي مرتاحه لان ضوجته مبيين من اخر رساله اله براحتج حاف يعني جوابي غثه

گعدت ثاني يوم ع صياح وهوسه

وسام. وابويه واول مره اسمع صوت وسام. بحضور ابوي هيج يعله

..وسام ..
بعد ماحاجاني ماهر بفتره وشفتها هواي غامضه قررت اسوي الكاله

..خابرتها وهالمره مثل ماكالي بدون مااطول گتلها اريد هذا الشهر اخطبج

خافت حيل وارتبكت من جوابها دخل الشك. والخوف الكلبي

..لا وسام مو هيج بعد مامستعده

..مامستعده الشنوو البنات يكيفن من واحد يريدهن صدك انتي شبيج نازه

..اني مو مثلهن اختلف

..شني اختلافج بالله ماتفهميني صار اشهر انه وياج مول حيه ودرج اكول وصلتلها اوصل مرحله وياج ترجعين. تنزليني درجات شبيج شني سالفتج

..ماكو سالفه والله بس اخاف من اهلي

..يااهل ذوله خطبه اكلج كايلج انهبج انه شبيج مو بس انتي تفكرين باهلج انه هم ومستعد الهم ومستعد اواجه بس اريد اعرف انتي ليش تمانعين شعندج

..انت شو كل شويه وكتلي شعندج تشك بيه شنوو

..بت الحلال اشك بيج اكلج اخطبج

باوعي اليوم تفهميني كلشي ماتفهميني اجي للشايب الانتي ابيته واستفسر منه واريح روحي واريحج

..انت تريد تفضحني

..الرايد خطبه يفضح انتي كليلي سالفتج ليش تخليني بأمل انتي متزوجته هذا الشايب كولي

..والله انت مو صاحي بعد لاتحاجيني ابد

..مااحاجيج بس اجيج ويصير خير

رحت للشارع قريب الهم وصلت اتعرضلي ولد

..انت شعندك كل فتره هنا

..شارع ابوك وانه ماادري لو انه تيهت دربي افتريت بهولكم

..انتبه الروحك ولاتخربط زايد

..اي ولو ماانتبهت

..ماتدري شيصيرلك بعد عن الحجي وبيته افتهمت

حجايه منه وحجايه مني تضاربنه
ررجعت للبيت الصبح اتفاجات بوجود ابوي واول ماشافني هد عليه يريد يطكني من شافني اتراجع وظل يغلط عليه وع روحه يحجي ضجت منه وعليه مااعرف شواصله بس الفهمته واصله شي مو زين عني

يتبع…