آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
24-06-19, 01:51 AM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  البارت 19 ..يابه غير افهم شكوو حجيتها وعيني عليه عيونه تلهب وحيله خاينه اتخيله لو بحيله اكيد يسوي الماشايفه منه بيوم ..ولك هذا تالي رباي وتعبي .هاي تاليتك وسييم تفتر وره بنات الناس وانوب متزوجه وباليها ماتخاف الله انت ماخفت الله بخواتك ماخفت الله بيه ..انه لاحگ متزوجه وبنات الناس شسالفتك يابه ياهو الگالك والله مامسويها ولا اسويها ..ولك الرجال بشيباته اجاني كثر خيره مبيين خيير وشكالي منك وگال انه رجال شايف ضيم وشايف اشكال وهذا تصرف شباب طايشه ..يگول عندي بنيه ومسمايه بأسمي وانه حاميها من اهلها خلي ابنك بعيد عنها لايجرها للغلط مثل الواحد وطگني ع راسي لابيه اسأل ولاافهم احس الدنيا ضاگت حيل بيه يعني صدك متزوجه چاليش ماگالتلي ليش تورطني بحبها اكثر وتعترفلي هي تحبني والكلام الحلوو ولهفتها واتصالاتها كلها تمثيل؟ هاي تاليتي هم گلبي انعاب بحب مامنه رجا وكله هموم وهم طايح من عين اهلي وناسي گعدت ع حيلي وخليت راسي بين رجليني واستعديت اسمع كل رزاله منهم وكل غلط وكل نصيحه بأي شكل كانت ومابررت انه رايدها وجان ضني بيها غير خفت اشوف بعيونهم نظرة عطف وخفت اتسمه الغشيم وهذا اللقب يلازمني ويكسر روحي اكثر صدگ انه غشيم.. بكلشي شاطر وكلشي احسبله حساب حتى احچايتي من احچيها بجمع ابوي ابن ناس اجواد مربينه على زينات اهلنه ومايوم واحد منه سوه الموزينه واجت الابوي احچايه.. الا اليوم واجته مني وحچايه چبيره هم كلشي محسبله حساب الا هاي ماانطيت العقلي مجال يفكر بيها گلبي عماني وسيرني على هواه سمعتهم كلهم وسمعت حجيهم وملامتهم صوتي ماطلع ولا الي وجه احچي بالحالتين انه الخسران اذا مضحوك عليه واذا ماشي بدرب اعوج وارد اجرها وياي بعد ماطال الكلام منهم وطال سكوتي وانه منزل راسي نهاية الكلام چانت حركه من ابوي سواها الي احس ماكو شي يدل على استحقاري اكثر منها وگدام اخواني وامي ويمكن حتى خواتي لمن تفل عليه وهو يلعن اليوم الصرت بي ويطلب مااشوفه وجهي ماطوله موجود چانت هذي النهاية الوسام القديم وبداية مرحله ثانيه ماالها علاقه بحياتي گبل طلعت من البيت وانه متاني صوت واحد منهم يكلي تعال لاتطلع امي اخواني اي صوت يخلي عندي امل ارجع طلعت محتار وين اروح وعدمن هم لاوموني وانه الوم ياهو الوم روحي لو الومها لو الوم الصدفه الحطتها گبالي لو الوم الدنيا الصار بيها البشر مايعرف الصدگ من الجذب ولايعرف الي يحب والي يمثل الحب وشلون تكون المشاعر تمثيل رفعت راسي للسما ..يااارب بضيم وقهر گلبي تبليها ابلواي وتسعر صدرها بنار صدري ..دعيت بهذا دعائي واحس بگلبي انوجع اكثر وحاولت ارضي گلبي بتكملة دعائي مثل الي يريد يدور عذر الروحه يارب اوجع گلبها اذا چانت تمثل عليه الشوگ واحميها وابعد عنها كل شخص يأذيها اذا چانت مظلومه والصارلها غصب واحس بهذا عذري رضيت روحي بس طلعت اوجعها اكثر من وعيت على روحي شگد غشيم وياها الهسه مامقتنع بدربي غلط الهسه مستمر بأغلاطي مشيت بخطوات تايهه وين اروح اشكي المن وسام يزيد لومي وانه مااريد اللوم لو حسين الي ياما نصحني وماصدگته مااروح الاحد واظل وحدي واداوي جروحي بروحي بس ظل ابالي سؤال محيرني اريد اعرف ليش ماگالتلي وانه من البدايه گتلها اريد اعرف كلشي عنچ ومستعد اوگف وياج تالي اول مافشلتني هي واول ماكسرت روحي هي لييش تضم عليه ليش توهمني حتى الشاب الي اتعاركت وياه مبيين هي موديته حتى ما اوصلها والله لو حاچيتلي مااذيها ويظل حبي الها من ابعيد لبعيد الا اذا رادت خلاص جنت مستعد اخلصها بس الزاد همي وجرحي جذبها عليه وشلون. استغفلتني جذابين مثل الغيم عشرته وي السما مده وأنا شاتلهم بروحي واساجيهم من الرمده ماعندي طبع فلاح من يشتل الورده يرد على الورده مثل طبع اللحد گلبي اليطب شيطلعه من عنده الطلع من گلبي ارده يجوز انا بس دمعي ماارده ويا دمعي اعذرني من اتطيح ومنك تشكي المخده هذا المستحا الخلاك فوگ اخدودي تتبده مستحي من روحي من كرامتي الي انهانت من الناس الي اتمنيت طول عمري اظل انه السبع الشهم بعينهم من الناس الي يهموني عمري ماهمني الغريب بكثرهم مستحي من شيبات ابوي وانه گدامه مخيير بين اثنين واثنينهن يوجعن لو اسكت واصير بعينه ولد طالع عن الطريق ونسى اخلاق اهله لو غشيم واغم وانضحك عليه واتقشمر وهذا العار يظل ملازمني ويمكن اصير مثله مثل هواي امثال عدنه ع ناس مثل وضعي وجانت تنطرق للضحك مو اكثر احس النار البگلبي شط الغراف مايطفيها ……………………… . زينب .. فزيت ع صياح ابوي ووسام بالبدايه صوته عله بس من سمع حچي ابوي گعد وخله راسه بين رجلينه وسكت مانطق كلمه وهو مبيين چان متعارك وحتى اخواني جايين وره ابوي وسادين محلاتهم مبينه السالفه چبيره مو عتب عادي ولا مشكلة شباب عاديه انصدمت من عرفت السالفه ابد مو يم وسام هو حيل ثگيل ومؤدب معقوله يسوي هيج حجه ابوي وغلط واخواني لاموه وزادو بحجيهم هي هاي طلعاتك هاي اشغالك التكضيها شغيرك شجرالك حجو حجي هواي مااحب اذكره جرحو هواي وسام نفسه عزيزه وابد مابرر الواحد بيهم بس مامصدكه يطلع منه هيج وحسيت هذا هواي عليه نزلت دموعي لمن شفت ابوي تفل عليه وطرده وهو من هاي وطفر طلع من بينه ومحد منهم صاح وراه بعد ماطلع حاجيت امي ليش محد منكم كله لاتطلع كالت مقهورين وابوج واصله الخشمه خفت يطيح علينه ويصيرله شي خلي يبردون ويرجعونه انه ادري بعملته هاي امي هم ظلت تلوم عليه وانه حيل انكسر خاطري عليه وخفت وين يروح هسه اخابر ماهر لو افضحه ع الخالي ويطلع مو يمه صبرت وگلبي ماكلني عليه ومنا مريم والثانيه المكروهه كلساع يردن يجني واتلافاهن ابد مو وكتهن وادري بروحي لو انهديت بيهن وحجيت بعد محد يسكتني اسكت احسن وهذا السكوت اتعلمته بعد مااتزوجت وصرت اسكت على ماهر وعصبيته يمكن صار طبع بيه بس مرات اوصل مرحله مااكدر اسكت مثل ماصار امس وشلون حاجيته والهسه مامتندمه ماغلطت بحقه انه بس ردته يشوف روحه والمايرضا اليه ليش يرضاه الغيري الا اذا يدري هذا غلط وعادي يسوي بس بالي يمه منو انطاه علاجه اكله عمتي وسرور اجن بعدهن عمتي رويحة حلال وهي ع بالي اتصلت عليه طولت متردده ارد لو لا ولو رديت شگول وشني عذري منها امنتني ع البيت وع ماهر ووصتني عليه الف مره شراح اكلها اخر شي گلت اكلها هو وداني كوه واحجي كلشي انه ماغلطانه راد ينگطع الخط وفتحته اخر شي بس گلت الوو اجاني صوتها التعبان مبينه هواي تعبانه ..هلا عمه زنوبه شلونج شلون صرتي من سمعت نبرة صوتها ارتبكت وجاوبتها واريد افهم هي شواصلها مبيين خايفه عليه من نبرة صوتها واهتمامها ..بخير عمه الحمدلله انتو شلونكم سرور يسر ..الحمدلله شبعنه مغمه واجينه ياعمه شلونه واحنه هناك ..جرت نفس قوي احس موجوع گلبها كملت حچيها وياي ..سوده عليه شلون طحتي ماهر شلع گلبي من گال طاحت اباب الحمام وخابرت اخوها ياخذها ترتاح يومين هي ماتعرف الكعده وانه هم كتله زين تسوي ..غمضت عيوني ارتاحيت فهمت السالفه هذا شمسوي بكيفه يسوي افلام كتلها .. الحمدلله عمه هسه احسن صرت والاطفال زينين يتحركون لاتخافين .. احاجيها واحرك بيدي وشفايفي عشت الدور وصرت اكثر منه ماشاءالله ننفع نكمل بعض سيناريو واخراج ..اي فدوه يمه بالج ع روحج وانتي ظلي شگد ماتكدرين ماهر ماعليه انه واخته يمه ارتاحي واحنه هم نجيج ..لاعمه الحمدلله زينه انه الله كريم سلمي ع سرور سديته منها وانه افكر بالله شگال الروحه من حاجاها هيج ولو اجتني وحجت هالحجي يم اهلي شصير انه على ياهو اجذب وديتله رساله ..بالله شكلت الروحك من خرعت عمتي هيچ وخليتها تخابرني وعبالها طايحه وتوصي بيه مو حرام عليك تخوفها شويه واجتني رساله منه ..چا شگلها مريتي اجتها سوادينها بضهريه وحچت حچي اكبر منها والسانها صار مترين علي شافتني مكسر ووحيد لا ام ولااخت وانه يتيم من زمان وحگرتني ضحكت بداخلي اتخيلته مبتسم ويكتبها ..انه مسودنه والساني مترين وانت اليتيم المسكين خطيه فقير تنام وعشاك ماكول ..احلى سوادين والله بس بوكتها انه روحي طافره لو شويه الي خلگ جا اتونست عليج بس الجايات هواي مو اكلج السانج طولان تصنفين عود عشاي ماكول ..انت دومك اعصابك طافره ومامتحمل احد وشايل الدنيا على راسك شوكت اعصابك هاديه ماشفت هدوئك اجتني رساله وضجت من قريتها يمكن فهم غير شي ..شسوي الحظي متمنيها انه شيلة الدنيا على راسي هي الدنيا تركض وراي ركاض خيل ..والله محد يحس بيه وداعتج البيه ماينحجي وانتي ابالج انه محملها زياده وهي مو بس محملتني خانگتني خنگ اذا انتي اقرب وحده اليه هيج تگولين الله اليعلم الناس اشايفتني حاولت اكسر وياه بالكلام وبلكي تتصلح انه مو قصدي شي بس صدگ هو دومه مهموم ومايتحاجه ..ادري خوما جديده عليك السالفه مو گلنه ننسه والله طلع حقك وكافي هموم وتفكير زايد ..القديم مامدور بي بالي كله بالجديد ..شنو يعني مافهمت ..احسن لاتفهمين ..خايبه مشتاق وعلي شلون بيه اظل هيج تحنين؟ ..ذبيتها بيه هو منو الگال روحي انوب انه الأحن ..ردتج ترتاحين بشوفة اهلج نعمة وجودهم يمج تخليج تشوفين الدنيا ماتسوه حزن على غير سوالف ..اي خوش راحه وانه گلبي محترگ بروح اعزازك خابرتك اردود ..وروح اعزازي لا ولو خابرت بعد ماانطيها مجال ترتاحين هسه لو تظلين تفكرين بيها ..عليك الله هي حلوه يعني. ترى صوتها يلعب النفس ..ههههه مو احلى منج بس للامانه صوتها حلوو ..يا حلوو اصلا عبالك منشوله ..اي هي منشوله ..لازم گالتلك تكتبلها علاج دكتور ماهر من شوكت صاير تفحص وتفهم على المرضا اتصل عليه وانه اعصابي تفور متت قهر من بروده وكلامه عنها فتحت الخط ..ها ماتروح تكمل علاجها بعد اجاني صوت ضحكته بكهكهه گطعها يجر النفس گوه ..يابويه اروح فدوه لليغار وداعتج هي هذا صوتها بس اريد اضحك والله هيج تغارين عليه يعني تحبيني ولچ مو بس رجال حي الله ..انت ليش تحب تقهرني وتحرگ اعصابي ترى مو وكتك والله مليانه قهر وتعب وحتى گلبي يوجعني من وراك حچيتهن وبچيت مااتحملت اكابر اكثر احس الدموع مدري منين طلعت والله الموقف مو مال ابجي شجاني ..هااا صدگ عود تبچين شبيچ يابويه تصدگين. اشوف غيرج انتي وين عقلج .. ومصدكه تحلالي غيرچ مره انه وهي وكل وحده تضوجين منها نروح فدوه الدمعتج لاتحرگين روحي راح اجيج انه والله وحگج علي بس اسكتي اسمع كلامه وزاد بچيي ..يابه كافي حبيبه شجرالج وديتج عبالي ترتاحين ونفسيتج تتغير شجاج انوب بچي تبچين صدگ جذب ..هسه اخلي حسين يجيبني واذا رجلي مكسوره امشيلج على راسي ام اولادي الغاليه شكم زنوبه عندي هو بس انتي العزيزه مسحي دموعج حبيبه ترى بالضيم وراج انه والله ..لاتجي انت تعبان ..حتى لو اخلي حسين يجيبني مااخليج اليوم ماتنامين بعيد عني ..لا انه اجيك والله لاتجي خاف ابوي يشك بشي البي كافي اليوم اتعارك هو وسام وطرده حتى بچيت عليه ..ع وسام قصدج .ليش شبي ..ماادري رجال شاكيله عود وسام ملاحك وحده متزوجه مافهمت بس ابوي طرد وسام وعاركه وهو ماحجه ولانكر سوده عليه طلع مكسور خاطر بس انه مااصدك وسام عنده هيچ اسوالف ..اوكفي اوكفي متزوجه شني ..البنيه عود متزوجه رجال جبير وهو شاكي الابوي ..وسام هسه وين ..طالع ماندري بي ..من. شوكت هذا الحجي ..الصبح اتعاركوو ..خليني اشوفه وين وانتي لو اجيج لو اخابر بسام يوصلج ..اي عادي بس منو گلك اني رضيت .تجين وارضيج وتدللين وحگج عليه ..بس ظل بالي يم وسام خل افتهم واحاجيج ....... ماهر.. اتصل بي تليفونه مغلق هذا العرفته وهذا الحذرته منه ياما گتله سالفتها مو خاليه گتله لاتتعلق بيها هيج گتله تأكد يلله تحبها زياده يعني معقوله واحد يحب هيج بدون مايعرف شي عن محبوبه وبدوون مايشوفه يلائمه لا ..هذا مو حب لعنه هاي چا اذا هذا الحب عليمن العالم كاتله روحها عليه ظل بالي يمه وكل شويه اتصل وانه اذكر وگفاته الي وحده وحده وسام سبع ونشمي ثگيل وموزون ونفسه ابيه اكيد يصعب عليه يشوف حاله هيج خطيه هو حيل يقدس ابوه ومتأكد الموقف الي انحط بي ياثر ع نفسيته واخوانه هواي يحترمهم صعب يشوف نفسه طاح من عينهم عدنه هاي عيبه وعيبه جبيره من واحد يلحگله بت مو انوب مسمايه باسم رجال مرات اطير عليها اركاب هاي السالفه وابيوت كامله تحترك وعوائل تتشيل بسبب غلطة من واحد لو وحده بس الرجال شعجب هيج سادها بس شاكي هالبنيه سر وصار عندي فضول اعرف سالفتها شني ايست منه يرد وعرفته يريد يظل على راحته المغرب صار خابرني بسام وانه التهيت بسالفة وسام وماعرفت بزينب تجي لا ولا كلفت بسام بجيبتها الا من شفت اسمه على تليفوني حاجيته سألني ع وسام گتله ماشفته وسويت روحي ماادري مهما يكون مو مال احرجهم بمعرفتي اكيد همه عدهم اخوهم مسويله سالفه مامرغوبه گالي ابوي كالي وصل زينب انه جايكم بالطريق گتله هلا بيك. وكلت السرور تحضر عشاه اجه وماقبل يبقى اتحجج بشغل والضوجه مبينه عليه ماحبيت الح عليه اكثر راح وگمت انه اجر خطواتي وساند روحي للحايط كوه رحت للغرفه واسمعها تسلم ع امي وتبوس سرور بس مبيين من صوتها فحطانه وتعبانه ظليت امتانيها شويه واجت فتحت الباب واحس بگلبي يريد يحضنها بدل اديني الوحده منهن ساند روحي وگاعد گوه والثانيه مشدوده الرگبتي فتحتلها ايدي الصاحيه وانه گاعد ع طرف الچربايه ..شلونها الزعلانه ..هو كل وحده تزعل تصير هيج حلوه والمزعلها يظل يغم روحه كلساع ضحكت واتقدمتلي جريت ايدها وكعدتها يمي حضنتها بأيد وبستها بشوگ جريت اطراف شعرها شميته ..اخخ ياريحة الجنه مشتاگلج گد رحمة الله وعطفه وانه اسف واعتذر اعيدها بعد لو كافي ..لا كافي گلتها وضحكت بس بعيوني دموع لمعت وحسيتهن ع الحافه ماادري ليش اريد ابجي كوه حبستهن وهو يمسح ع راسي مخليه ايدي ع بطني رفعها وباسها ..حبيبه لاتضوجين مني وروح الغوالي الخلوني بهمي وسكنو ذيج الگاع غلاج يختلف عندي وماكو وحده بغلاتج ولا تجي وحده ربع منج احس كل مشاعر الحب ال الله خلقها بيه صارن الج وبيج هو انه شفت الراحه يم غيرج ماعرفت الراحه الا من عرفتج بعد لاتصدكين اخونج ماهي اطباعي ولا الي بيها الله شاهد ..حضنته حيل احس مشتاقتله وماجنها ليله ويوم الفارگته بيهن ..سولفيلي شصار وسام ليش غالق جهازه ..ماادري بس لاصايرله شي ومحد منه يدري ..مايصيرله سبع وسام اذا كل واحد ابو عاركه واخوانه لاموو. يصيرله شي جامظل واحد بالدنيا تصير هاي سهله وهم حگهم وهو الله يعينه موقفه صعب بس المفروض يفهمهم ..شو جنك تدري بسالفته ..ادري بس انتو ماتدرون هي مو هيج اخوانج انه افهمهم بس خل اشوفه اول واحجي وياه ونحجي كلشي الابوج ارتاحي هسه لاتفكرين بشي اتمددت وخليت راسها بحضني واحس انشالت جبال من همومي مرات الراحه تكون على هيئة بشر ابساطته وعفويته يصير بلسم الروحك وانه هيچ اشوف زينب رغم مرات احسها مره معدله واكبر من عمرها ومرات احسها طفله وتدلل على گلبي وصرت احب دلالها وطفولتها واحب ترتيبها وعدالتها بس مرات انه بالي مشغول واعصابي ماتتحمل هذا عيبي وانه اعرفه واقر بي اعصابي تخرب الاول والتالي بأبتسامه صرت اتأمل ملامحها الحمل مغيرها ومتعبها وصرت احسب يوم يوم الها اشوكت ترتاح وتخلص من هالثگل الي جاهدها لزمت اطراف خشمها بخفه سحبته ..بوجهچ عيون هواي خلني مااشوف ماشايف انه عيون وصلن للزلوف ضحكت وغطت وجهه حمرة خجل عدلت گعدتي وطلبت منها تخلي مخاد وراي ..بعدج تستحين مني ..ضحكت اي مو بيدي بس صدگ هذا الدارمي المن ..اكيد مو الي الشاعره بس مايحظرني اسمه ..مجامله هاي موو ..لاوالله عيونچ تخبل ..مو بحلاة عيونك وكبرهن بس لو شويه تفك عگدة الحاجب ولو صرت احبها ..هالله هالله هذا غزل اعتبره مهرتي كبرت وصارت تتغزل ..غطيت عيوني اضحك حسيت شفافه ع شفافي ..مغطيه العيون والوجنات ومخليه الحلقوم للضوگ …….. حسين .. گاعد ابين اهلي واخواني ومثل كل مره فتحت امي موضوع الزواج وهالمره اجت من باب اكبر شايفتلي بنيه من عمامنه والنه خوله عدهم والبنيه موظفه جديده بالصحه خريجة معهد تقني صحة مجتمع احس امي حافظه الكليشه واكو من امحفظها عدل والله.. شمدريها بقسمها والمعهد واسمه واختصاصها بعد ضحكت وانه اسمع نبرة صوتها وشلون توصفها الي وتحتار شلون تختار احلى الكلام خليتها على راحتها تكمل واشرتلها ع كاظم اخوي هو هم هسه متعيين معلم بس شويه ابعيد عن بيتنه ضحك كاظم وهو يكول مبيين رايد بس تخلص شكو بيها يمه فكري بيه هذا متعافي ضاجت امي وتأفأفت وهي تأشر الابوي بعيونها يحاجيني ونجحت حركتها وحاجاني الوالد ..بويه حسين ماكافي كبرت وماعندك شي وهي هاي الحياة وهاي سنتها زواج واطفال وعايله ماتستقر بدونهن ..ميخالف بويه بس بعد مامفكر هسه ليش اظلم بنات الناس ..وليش تظلمهن يابويه شعوزك انت ..عوزي القناعه بعد مامقتنع اتزوج وافتح بيت واصير مسؤول منهم هاي مو كافيه ..لا هي القناعه الاصل براحتك بويه بس خاف تگول ترى اخوانك يردون اذا هيج ارخصهم ..يتوكلون والف عافيه عليهم وافرحلهم اكثر من فرحتي بروحي دگ تليفوني ونقاش امي بعده مفتوح وحچايتي ماقنعتها جاوبت واجاني صوت ماهر يسأل على وسام ومن نبرة صوته عرفت السالفه مو عاديه الدنيا ليل ومتأخر الوكت وسام شعنده يمي هو بهيج اوكات حتى لو نتلاگه يم ماهر مو يمي بحكم ماهر نسيبه ويروحله بكل وكت طلعت وامي تصيح وراي اشرد اشرد ظل هيج شالع گلبي حتى نومة عيني طايره من وراك تانيت اخوانك وابوك وظليت كاعده حتى يقنعونك عشتوو هو انه المشلوع گلبي مو غيري ومثل كل مره وانه اتوجه الهم احس بشي يمشي وي دمي يذكرني بيها صور خيال الها احس بفرحه وياها غمته بكلبي وانه اتذكر اجفاها بس وصلتهم دگ تليفوني ماهر ردت ارفضه وجاوبت ..انه ابابكم ..هلا بيك وسام اجاني ردت اطمنك خل اشوفه شبي وين انت بالديوان الجبير لو بالبيت ..بالبيت تعال هسه يطلعلك وسام يفتحه لو تظل عليه اوصلك وي اذان الفجر ..ضحكت وكتله هانت ماظل شي وتخلص من تجبير رجلك طلعلي وسام وهالمره متحول من السمار العادي للسمره الداكنه مثل مانسمي مطعون ..ياهلا بالغالي عليش تخوفنه يخوي ..اخخخ ياحسين فدوه اروحلك لاتسأل ولاتلوم نفس الكلته الماهر اگوله الك ..يجرالك بس ارتاح انت وكلشي سهل مايصعب شي ربك مايخلي حمل مطروح دخلنه وبدل مانحجي وندخل بتفاصيل اتحولت گعدتنه الشكاوي من نوع ثاني وصارت جلسه شعريه بداها ماهر بابيات ياصديقي المرتضى حرب وبعدها اجاه الرد من وسام وهو يشكي همومه بأبو ذيات وكملتها انه أغنية مجروحين الياس خضر مجروحين وجرح البينه يادنيا والله يكفينه ولو ندري الحب هموم ولو ندري الناس تلوم يادنيا ماحبينا يادنيا ماحبينا كملتها وكملو بابياتهم كلمن شكه حاله وكل الحافظينه والحچيناه مثل الملح ينرش على جروحنه بليلتها مانمنه الا وجه الصبح ساعات گعدت وراي اشغال لازم اگضيهن هم نايمين خليتهم وطلعت صارت بوجهي محبوبتي وگبل لاينطق الساني عيوني فضحت البيه سلمت ومامتوقعها ترجع السلام ومن رجعته عليه حسيت روحي ملكت الدنيا كلها بيومها واهسي غير ومزاجي حيل عالي مرت ايام ووسام يم ماهر بالليل ومايرضا احد يدخل بينه وبين اهله حتى ماهر وماهر هم مالح عليه مايجي الا تالي الليل ويخلصها جكاير وساكت واحنه نضحك. ونسولف يمه ساعه نعاتب ولايهتم بيوم دگ تليفونه وي دگته شمره ع الحايط فززنه وتليفونه اتفلش عفناه ماحجيناه ليش وشلون احسه هواي متغيير ونفسيته ع الحافه واقل كلمه منه يكول ادري قشمر وغشيم بس لاتلوموني قررنه نتركه ايام براحته بليلتها ابوه مودي اخوانه عليه وكبل لايحجون. شي گايلهم من باجر ارجع وخلص لاتحجون شي وعادي انه اصلا مو زعلان بس مستحي من ابوي ومنكم هم هم رايدين يلومونه اكثر ومن شايفينه هيج ساكتين مرت ايام وسام رجع وماهر يكول من اخابره مايحجي كد السؤال وبس ولاصار يمر ويوصل بهاي الفتره ماهر رجله فتح تجبيرها وصار احسن ويداوم وايده هم اتحسنت بس ماتتحمل تعب وثكل لازم يحافظ عليها فتره وانه مثل ماانه متعذب ومعلگ بالنص لا انه الهلي ولا انه الحبيبي لا انه الراضي امي ومريحها ولا حاضي بمحبوبتي لو شايف بيها مجال اصبر لو اعرف اصبر عمر كامل انه هسه وعندي صبري عليها احلى من الشهد …… . ماهر .. بيوم رجعت من الدوام وهالمره متحلف اروح الوسام واشوفه شبي وشني الخلاه يبعد عني وعن اخوانه وعن كل الناس ليش العزله وياهو يستاهل رجعت للبيت تعبان وعليه ضغط الشغل المتكوم والدوام وامتحاناتي الصادفت وي بداية دوامي بعد الحادث دخلت البيت ورحت اخذ ملابسي من الغرفه هالايام زينب تعبانه حيل شفت امي تروح وترجع ع الغرفه مالتي ..ها يمه رايده شي كولي ..مرتك وين يمه ..ماادري جانت هنا ليش ..جنها عدها ولاده خطفة وجها هيج تگول ..ضحكت يمه سونارات ودكتورات ومايعرفن ساعتها انتي تعرفينها من خطفة وجها لاتفكرين حسب تسهيل الله ..اضحك انت شمعرفك ولك يمه صفره وبوجهه جيابه والله مااعرف انه وانت تعلمني ..لاتقلقيني فدوه اروحلج شوفيها خل اخذها اذا هيج ترى خرعة سرور بعدهي بيه خل اخذها ماطول بعدني مامبدل صاحتها امي وحاجتها ..عمه خل ناخذج لاتعاندين حاجيتها انه عليش تعاند غير الها تردين يلله زينب حضري روحج خل نروح شخسرانين … يُتبع... | ||||
|  |
|
24-06-19, 01:54 AM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 20 مساء الهيل حبايبي بارت مفاجأ الكم بما انو انتو اطلبوني اعتبروه اول تسديده للطلب هههههه ........................... طلعت واخذت الجنطه منها صعدت امي بالصدر يمي وهي صارت وراي خليت المرايه عليها اباوع بوجهه صدگ متغيره بس يمكن زاد خوفها اكثر بطلعتنه من شفت دموعها متجمعه بعيونها خوفي عليها زاد واحس گلبي يوجعني من كثر ما افكر بيها وشنو الي راح يمر بيها وتحسه عيني عليها صديتهن عنها خاف اضعف اكثر ياارب بجاه حبيبك محمد اختبرتني هواي وهواي فقدت اعزاز احفظلي مريتي وجهالي ردهم الي سالمين يارب حاجتني بهمس ..ماهر فدوه اريد امي خلينه انمر عليها ..حبيبه سهله خل نشوف وضعج وشتگلج الطبيبه انه اروح اجيبلج امج مااخليج والله بس انتي لاتخافين وياج الله الاحسن من كل بشر ..الله كريم بس ترى صارت عندي الام مدري من الخوف مدري صدگ صارت عندي ولاده سمعتها امي ودارت عليها ..بعد احسن عمه ان شاءالله خير ساعات وتعدي وانتي سباعيه هسه تذبين حملج وترتاحين بجاه ام البنين الله يسهلج وتكومين انتي والويلاد بالسلامه حاجيتها اني وعيوني عليها من المرايه ..شني يعني هسه انتي تتوجعين اسوق اسرع .. تردين امي ادور يمج لاتسكتين احجي حتى نعرف البيج ..لا قليل والله مو كلش مغصات قليله ..الله كريم الله يسهل وصلنه المستشفى ودخلنه صالة الولاده وسألنه ع طبيبتها جانت موجوده الي متابعه حالتها من بداية حملها دخلن هنه وامي وياهن جوه بالانتظار وانه بره منتظر منهن خبر يفرحني طلعتلي امي ..ها يمه بشري ..خير ان شاءالله تكول عدها ولاده بس تتأخر يعني بعد وكت كتلها نطلع ماقبلت گالت توم ويرادلهم مراقبه النبضهم ع طول حتى اذا اضطرينه لو صار شي لاسامح الله نحوول عمليه وحتى طبيبتها ماراح تتركها راح تظل وياها .الله كريم هيه زينه هسه ..اروح اجيب امها ..اي يمه جيبها تحتاجها هسه خطيه خافت وانخطف لونها من شافت ال يجيبن ..يمه فدوه عينج عليها ولاتخلينها وحدها وخليهن يدارنها وانطي فلوس لو رادن تعالي وكوليلي واليامرن بي حاضر بس لاتظل وحدها وحاجيها لاتخاف زياده خاف ياثر عليها ..يمه مريتك هم سباعيه صح بعدهي زغيره بس ع فطرتها هيه سباعيه ماينخاف عليها وانت ادعيلها ..ماعندي غير الدعاءالله كريم ..انه اروح اجيب عمتي واجي مااطول هاج ذني خليهن جوه ايدج كلشي يصير خاف تحتاجين شي طلعتلها فلوس انطيتها ورحت اجيب عمتي بالدرب خابرت وسام ..هلا وسام ..هلا ماهر شلونك ..الحمدلله اكلك انت بالبيت لو بشغلك هسه ..لاشعندي بالبيت بشغلي اكيد گول ..عمتي وين موجوده رايدها واتصل عليها جهازها مغلق زينب عدها ولاده وتريدها يمها ..ها ماادري والله تلكاها بالبيت وين تروح وحتى لو يم خوالي عمامي خل يخابرونها وتروحلها وين انتم اجيكم ..لا يخوي كمل شغلك شتسوي انت جاي رايد عمتي انه ..شوف راح اوديلك رقم ابوي وانت حاجي هو يعرف وينها ويخليها تلحكگ اذا مو وياك ..راح اوصلكم انه رقم ابوك شگله فشله يخوي انت حاجي ..لا مااحاجي انه ..زعلان شني ..لا مازعلان بس مااكدر احاجي ..ودي يلله ..تركته ومو وكت اتجادل واتناقش وياه اجاني الرقم وكلت اذا مالگيتها اخابر الحمدلله اول مادكيت الباب هي طلعتلي اول ماشافتني گالت ..هلا يمه زنوبه وين ..هلا شلونج يمه ..بالمستشفى عدها ولاده وتريدج يمها اجيت اخذج ..عمت عيني الله يسهل الها فدوه عمه بس البس جواريبي وعباتي واجيك ..اي عمه بس ع السريع خاف يحتاجون شي طلعت عمتي اخذتها ورحنه بالطريق گالت وعلي هاي اختها كلساع وگالتلي يمه خابريها شوفيها احس بيها شي 3 سكتت وماعلقت يمكن امها نست السوته معقوله هيج تحس بيها زين ليش رادت تخرب بيتها وتشوه صورتها طردت من بالي هالافكار وصفيت بالي الها وبس وماكو ع الساني وگلبي بس الدعاء وصلت المستشفى ووصلت عمتي للصاله بعد مداخلها اصلا بقاعة الانتظار والاصوات الي اسمعتها زادت خوفي عليها الله يساعدها هي حاولت امييز صوتها من بينهن ماكو الها صوت شويه وطلعت امي گالت توها يلله زاد وجعها والطبيبه تكول هي والليل روح يمه روح ارتاح انت ..شرتاح يايمه صدك تحجين هو انه كعده مااعرف اكعد ..بعدين شني الحد الليل تظل متوجعه الحد الليل هواي هيج يعني هي كل وحده لو جي توم ..لا يمه الله يسهل هي كل وحده هيج هاي اوجاع خفيفه القويات تالي يجن ومنها وتجيب لايظل بالك ..هسه هي تحجي كاعده نايمه وينها شتسوي ..تتمشه شويه لايظل بالك احنه يمها يايمه رحمه يخلنه نفوت وياها ربك مايطردن الله هاديهن شفت الامهات تفوت وي بناتهن ..يمه لاتخلينها ظلي يمها وعينج عليها مرت الساعات بثگلها ومن صرت امييز صوتها واسمع صرخاتها واحس بعذابها قررت اطلع ومااظل مااريد اسمعها اكثر رحت بعيد عنها واتعذبت اكثر رجعت النفس المكان ع الاقل احس بيها وصوتها يطمني وصار الليل واتعدت ساعه اثنعش بعد انهارت اعصابي وانه صرت اشوف كل الوياها واهلهن وياي طلعو وحتى الاجو وراها طلعن وهي بعدهي الخوف اتملكني ووديت وحده من الممرضات ع امي اجت امي تعبانه مبيين عليها ..يمه شني السالفه مو حاله هاي بس هي ظلت لو اكو وياها ترى متت خوف كل الاجن وراها ووياها طلعن صيحيلي دكتورتها خل تحولها عمليات حتى صوتها راح صار ساعات وهي على نفس الحاله ..مابقالها شي يمه كول يالله خلي دكتورتها تشوف شغلها ماعايفتها والله كلساع تشوفها بالجهاز وكاسره خاطرها جي زغيره وبجر وبتوم هم ..يمه خايف عليها والله وخاف همه يختنكون هم ..شو يكولون ام التوم العمليه اضمن الها ..غير طبيبتها اعرف بحالتها ..يااعرف وهاي اتعده نص الليل واحنه هنا من الضهر ..خل اشوفها وارجعلك ربع ساعه وطلعت امي تبباركلي وهي تبوسني ..مبارك يمه ماهر جابتهم اثنينهم بخير وسلامه بس ودوهم للخدج اولادك يكولون زينين بس يرادلهم راحه شويه ..ياالله ..الف الحمدلله گلتها وجريت نفس براحه ورفعت شعري بأيدي وبالي يمها ..يمه زينب شلونها ..زينه يمه بس بعدهي تعبانه هسه ترتاح ..ارتاح انت بعد امك ع فرد وگفه من الضهر الهسه ..راح تعبي يمه ماعدت احس بي ارد اشوفهم هسه زينب اكدر اشوفها ..لا يمه من تطلع يلله نسوان هواي بالصاله مو وحدها رحت اشوفهم واحس الفرحه البگلبي جني توني مولود وخالي من كل هم وماشايف ضيم بعمري اتجمعت الدموع بعيني من شفتهم يبجون ومثل كل مره عاندن مانزلن الحد الي اتذكرت بيهن ابوي ولو جان عايش شلون جانت فرحته هسه كملت اجرائات التسجيل الي عرفته بين واحد وواحد سبع دقايق الجبير سميته محمد والازغر منه علي بعد ساعات كتبولنه الخروج وانه بس اريد اشوفها حضرت السياره وجبتها قريب الباب الخروج بعد مااترخصت من الحرس الواگفين بالباب طلعت وهي على كرسي ومعينه وياهن تدفعها قربت عليها بست راسها وخدها باركتلها وساعدتها تصعد بالسياره ومن وضعيتها وصعوبة حركتها عرفت شگد هيه متأذيه وتعبانه مامتفقين هي تروح وياي لو الاهلها وخليت الخيار الها رغم. امنيتي جانت تروح وياي حتى اشبع شوف منها ومن اولادي بعد الي صار صرت استصعب طبتي عليهم واكيد ماراح اخذ راحتي مثل بيتي عمتي گالت وين نروح هسه البيتنه البيتك ..بكيفها عمه وين ترتاح هي اهم شي راحتها حاجتها امي بكيف زنوبه ولو اتمنى تجي وياي واحطها بعيني والله انه وسرور مانخليها بعازة ابد وانتي امها وياها ماهر وليدج لاعدنه شايب تستحين منه ولا احد يضايگكم دارت عليها امها ..شتكولين يمه وين تردين بكيفج انتي عيني عليها واشرت عليه وياهم يمه البيتنه اروح وانتي تعاي وياي ابتسمت براحه حسيتها تحس بيه وتدري بيه اكثر وكت محتاجها اريدها گبال عيني واشبع شوف منها ومن اطفالنه الدنيا ليل وحتى الفجر بعده ماطر ساعه تلاثه بالليل وصلنه ولكينه سرور مجهزه كلشي بالغرفه حتى كواريك الاطفال باركتلي وعيونها مدمعه من الفرح ..عبالي نلكاج نايمه وينشلع گلبنه بالباب ..يا وانه عيني اخذت نوم غير من الفرحه طارت نومة عيني مستعده يومين اظل گاعده بدون ماتغمض عيني من الفرحه فدوه حبايبي يخبلون ..خو ماخفتي ترى ماخليتج وحدج انه وصيت حسين والحد جيتنه هو ينطر البيت ..لاماخفت ..سكتت وابالي حسين ابتله بيه وانه اريده يبعد عني ويتركني واحنه ماتاركينه بعد اخر مره التقينه بيها ماادري ليش الحزن البعيونه ضوجني عليه واول مره حسيته بروحي انه قاسيه وياه من سلم رديت السلام وابتعدت عنه وصرت افكر ماراح اهاجمه ابد هو خوش ولد بس يستاهل وحده احسن مني تحبه وكلبها بس اله انه مستحيل اصير اله لو احس بي قررت اصرف بس بدون مااجرحه ... . زينب .. بعد تعب ساعات الحمدلله جبت بسلامه احس الله كتبلي عمر جديد احس بلاعيمي مجرحه من. وعيت ع روحي استحيت من امي وعمتي ع صوتي وصياحي وحچيي عليهم شجاني فقدت ماادري بعد ماجبتهم واحس كل تعبي راح مني بس بقيت اعاني من. اوجاعي واحس جسمي كله نحيل عبالك طايحه من عماره وعظامي متكسره طلعت ومن شفت عيون ماهر والفرحه البيهن زادت فرحتي اكثر حسيت بلهفته وخوفه عليه مبيين حيل خايف لان السواه مامتوقعته يسوي من نصه عليه وباسني كدام الكل بره المستشفى وشلون سندني وصعدني رغم ايده بعدهي ماتتحمل ثگل بس ماعافني شالني شيل من الكرسي للسياره بس اني ساعدت نفسي ونزلت رجليني يمكن عباله تكرمت مو بس جبت اول ماوصلنه البيت سرور مجهزه غرفه غير غرفتي ماكدرت اكلها اريد بغرفتي تعبانه واريد بس اوصل وانام اتمددت بتعب صحت امي ادلكلي رجليني ماجاي احس بيهن حتى الورم بعده نفسه شويه واجه ماهر مبدل ومبيين غاسل دنيا ليل وبارده جانت صح مو برد الشته القوي بس بداياته كتله بارده عليك مااهتم كال الامي نامي ارتاحي عمه انه يمها مد ايده ع رجليني يدلك بيهن سحبتهن بتعب .. لا عوفهن تعبت انت روح نام ..خليهن محد تعب كثرج.. شتعبت انه شسويت انتي نامي ارتاحي ومعليج بيه ترى وراج گعده الذوله الاسباع تعبانه بس مااكدر انام غمضت عيني اتظاهرت النوم وانه اسمع امي تضحك عليه والله ياربي مو يمي وكلساع تغفين وانه اطلگ شصحاج هسه راح تفضحني سمعت عمتي تكلها والله سباعيه هي بس اول صوت الها اتلفت عبالي وحده يمنه ولا ابالي هذا حسها زينب هنا عدنه مكمله بس خطيه من ضيمها طلع حسها وصياحها وامي تكلها لا والله انه عرفتها تفضحنه السانها ماتلزمه ماكدرت اسكت اكثر فتحت عيوني وحاجيتها ..ها يمه شو صحيتي جا كلساع ماخذتلج غفوه مساع وشخرتي باذني اصلا بعنادج اصيح اريدج تكعدين المن نايمه يمي وانه اتلوه .. نامي هسه لو راحت النومه الا تفضحيني يلله ترتاحين ضحكن هنه وعيني صارت ع ماهر عيونه عليه بس نظرته جانت غير نظرة بيها الف كلمه ماتنگال استحيت منه وهو ابتسم ..يفضحنج عليمن غير من اول صوت عرفته الج محد يلومج غير من الوجع البيج جانن ميتات خوف عليج هسه من فرحتهن يضحكن لاتهتمين بجه واحد منهم والهسه مااعرف منو محمد ومنو علي عاد امي گالت محمد ملبسته ازرگ وعلي هدومه بيهن خضار ضحكت وانه اظل بس ع هاي افرق بينهم لو انوب امييز رضعت واحد منهم بصعوبه كوه سرور لازمته الي احسها مهمه كلش صعبه كعد الثاني وهم يبجي وماهر كال جايب حليب خل سرور تسويله وامي وامه اعترضن بشده كالن خل يصبر ماعليه شي اهم شي الصمغه ولازم هسه ياخذها وعود انوب اذا ماسيطرت عليهم انطوهم حليب بس هسه لا نفذنه الاوامر بدون نقاش نامو واني هم استسلمت للنوم ثاني يوم فزيت ع هلاهل عمتي ام حسين وهي اطش الچكليت ع ماهر وعمتي ياصلوات طالكين حبلانين والچكليت عليهم من شافتني كعدت خطيه ذبت عليه ودنكت تتباركلي وتباوسني اخذتهم وهي تهوسلهم يلريحتك ريحة ورد هبت عليه بلبرد يلريحتك ريحة هيل هبت عليه بليل يلريحتك ريحة ياس هبت عليه وع الناس شافت بت سرور تزحف عليهم تباوع من بعيد وكل شويه تروح الخالها متعوده عليه وحتى اباه تگله مرات لان هو مرات يكلها تعاي بابا هاج بابا اتذكر اول ماكالها مارضيتله كتله خاف سرور تتحسس بس هوه كال لا بالعكس انه مااريد احسسها انه خال وبس لوحتله بايدها ابا شالها هو يبوس بيها ووصه عليها سرور وراح گلها انتبهيلها خاف تغار خطيه وصاح عمتي يمه ماادري شوصته رجعت قريب عليه وسرور سحبتها عوفي الولد ولج تعاي يمي ماما ام حسين اخذتها حضنتها وهي تهوسلها يا ام الولد لتفرحين ناخذه ونخليج خاليه ام الوليد اشحصلت وام البنيه الغاليه ويا ام الولد لاتفرحين غرفه وجهاز تخسرين وانتي بالگاع اتنامين وهم على الجربايه ضحكنه ع هوساتها واتحولت السوالف كالت ..عبالي احاجي ماهر اشكيله من حسين مايرضا يعرس بالله هذا الولد شنهي اباله ماادري اخاف عليه انوب خافنه معكود ردت عليها عمتي لا اسم الله عگدتيش بس هذا موديل شباب هالوكت صاير مايردون العرس عوده يتونسون يلله ..شيتونس ياخيه هو وين رايح من الشغل للبيت للگيعان حتى تعيين وي حظه ماكوو اخوانه وراه واتعيونوو بس هو مدري ليش شالع گلبي وگلبه وره فتره رادت تروح خلت فلوس جوه راس كل واحد منهم ورادت تكوم وعمتي ماقبلت گالت ماهر وصاني مااطلعين وهل جاب الذبايح وياهن طباخ وهسه بنياتج واولادج يلحكونج هو بس انتن واهلها شعدنه احنه من كثر كرابتنه اليردونه ونريدهم رجعت نمت من تعبي مااحس بروحي گعدت ع صوت مريم وخالاتي اجن خالاتي يبوسن بيه ويتحمدن ع السلامه ومن كعدن اجت مريم وعيونها متروسه دموع ومخنوكه حيل اصلا انه البارحه باخر طلكات حسيت روحي راح اموت وبريتها الذمه وسامحتها بس اكيد الزعل مو بسهوله يروح اتقدمت عليه وبادلتها الحضن وهي شبعت بجي وعمتي وام حسين عبالهن جي جبت وبس ويصبرن بيها ظلن ويكلها مايصلح كولي الحمدلله صرتي خاله اتمنيت اكلها كلمه وحده وبس ليش؟ بس مو وكتها وادري جواب هالكلمه مو مختصر مثلها واول مره اشوف اثنين من خوات حسين انه شايفه بس المتزوجات بعرسي وجبن عمتي ووجبني بس اليوم اكو اثنين اجن. وياها وحده بكدي وحده اكبر خطيه كامن وي سرور للمطبخ يحضرن وحتى خالاتي ماكعدن هنه من النوع الشاغولات واجتماعيات واترخصن من عمتي يساعدنهم وعمتي بسيطه كيفت بلمتهن طبعها ماتتنحس من الخطار احس الاجواء اجواء فرح عبالك عرس مو ولاده احنه ماعدنه هيج حته لو وحده جابت مو هيج نسوي اول مره هيج اشوف ماهر حتى عصاير وچكليت جايب وسام جاي وياه واخواني هم معزومين خلصت العزيمه والكل راحو وماشفت ماهر الا بالليل نصه عليه باسني رفع الغشاوه عنهم وشافهم باسهم من عصايبهم .. فدوه انه الريحتكم بعد ايام ماهر بين دوامه وشغله ولو رجع هواي يهتم بيه وبيهم وانتقلنه الغرفتنه صار يهتم بيهم وياي وطيه من اسهر يضوج عليه مرت فتره وماهر احسه هواي اتغيير من يشوفهم البسمه ماتفاركه ويضحك الاي سبب وحيل يهتم بيه وبتعبي طلع اربعينهم وبهلي الفتره هواي نزل وزني من الرضاعه ورم الحمل راح ورجع جسمي مثل اول تقريبا صرت احس روحي خفيفه ورجعت النشاطي اجه هو ولكاني اشتغل ومنومتهم گوه دخل للغرفه صحت عليه ..ماهر عليك الله لاتكعدهم مالحكت عليه فاتح الضوه ومبوسهم وهو يكلي ..دخيل الله لاتحلفيني مااصبر ..يبو كعدتهم وانه ماعول ينامون واخلص شغلي مو صوجك صوج التحضر اجواء الك ضحك بصوت عالي ..هاي سهله شالهم وصاح ..يمه سرور وينجن البارحه انه وجنتج للصبح مانمنه ننطر عليهم وهسه مااشوف دربي اريد ارتاح اخذوهم يمكم شويه اجت سرور تاخذهم وانه من فشلتي جلبت بيهم ..لا سرور خليهم والله يشاقه ..ماتامنين انتي بينه والله بعيني اخليهم نامي ارتاحي الله عليج هو هم خطيه يتعب دوام. وشغل وهاي اخر ايام امتحاناته وراه تخرج خلي يرتاح اخذهم يمي اخذتهم وراحت وكفت اباوعله وهو يفتح قميصه ويضحك ..شبيج مو جنتي خايفه تخرب ترتيباتج هسه شوفيني الترتيبات شلونها ..انت مو تريد تنام نام احسن الك وانه اروح يمهم ..ماكلت انام گلت ارتاح وراحتي وياج چا انتي ماتدرين براحتي يمج ..ضحكت تدري انت مصلحجي مرات ..ها انعم الله عليج همزين مرات مو دوم ..اذا انه مصلحچي انتي شيسمونج يالگاطعه بيه لحظات واجيج بس اغسل واجي وعود نتفاهم طلع هو وانه بدلت وعدلت مكياجي وطوخته اكثر ثوبي بعد بي ضيگ ضويه عبالي من جبت يرجع مثل ماجان جاي اعدل بثوبي وهو فات الخاولي ع متنه ابتسم من شافني ..ترى صاير احلى عليج .. ..عبالي ارجع نفس القياس لازم اغيير كلشي هسه ..هسه انه اقيس واقرر يتغيير لو لا كالها بغمزه ومد ايده يريد يلزمني فزيت من حركته وضحكت بصوت عالي ..رفع حاجبه وهو ياشرلي اشتعلت روحج ع هالضحكه فضحتينه يتبع .. | ||||
|
| |
|
25-06-19, 01:16 AM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 21 مساء المحبه .. رجعت وياكم من جديد اسفه على تأخيري الكم وانتظاركم وشوقكم ولهفتكم البارحه رجعت بعد العصر للبيت وتعب الطريق مخلاني افكر اكتب اليوم كملت الكم كتابه مع انو عند ابني امتحانات وصارعت الوقت حتى اكدر اكتبلكم بارت قريب لل 3000 كلمة شكراً الكم والسعة صدوركم …………………… .. حسين .. بعد حادث ماهر صار شغلنه الشاغل نعرف ياهو الوراه ردنه طرف للخيط نعرف الوراه هو متأكدين مقصود ومو حادث عرضي لان متعني عليه والسياره اصلا مابيها ارقام حسب كلام الشهود بهذا الوكت صرت اراقب سيف وين يروح وبيمن يلتقي وماهر گال اكيد مراقبني لو مخلي عينه عليه اسوي روحي ماشاك بأحد وانسى السالفه كلها مرت اشهر وصرت اعرف كل تحركاته واكو جماعه شاك بيهم لأن كل فتره يجون يطلبون منه شي ويرحون اشهر يختفون ويرجعون وهم مو مناه مبيين من غير مناطق اجه ابالي اعرفهم واعرف علاقته بيهم هذا صار شغلي زائد گيعانه ومرات گاع ماهرالي صارت المكينه البيها مسيطره على الكيعان وكل الي يردون سگايه الگاعهم صارو يكروها بفلوس وهالشي فاد ماهر وخلاه يفكر يشتري ويوسع گيعانه اكثر خاص بعد مارجعله گيعان ابوه الي خله بيها نص من الفلح القديمين ونص غيرهم مرات اروح اشرف اذا هو ماموجود يوصيني لأن الفلح بعدهم جدد ورايدلهم واحد يشوف ياهو اليفيد وهمه الكاع ياهو المايفيد بيهم وهيج مخلص وكتي حتى ماافكر يجيني الليل وغصب عني تصير هي گبال عيوني صوتها مرات يتراوالي اسمعه .. واتخيل اسمع اسمي بصوتها واحلم تصير تحبني لو تتقبلني ع الأقل وتصير ابيتي واشوفها غلاها وقيمتها عندي وعدت روحي ابتعد وبأبتعادي صرت اقترب بتفكيري بيها اكثر وعدت روحي انسى ونسيت وعدي ومانسيتها صرت اروحلهم كل يوم مرات اكتفي بمعرفة وجودها قريب مني هذا يكفيني ومرات اركز واشغل كل حواسي بس حتى اسمع صوتها حتى لو هالصوت چان موجه البتها گبل جنت اسمع دارميات عن العشاگ شلون يحبون اولاد الحبيبه ع محبتها وتالي انه صرت منهم واتمنى الي بكلبي يطلع حتى لو ابيات اكدر انظمها اشكي بيها العلتي المحد عارفها غيري وغيرها بتها صارت دوه الروحي من احضنها احس حاضن شي منها وكبرت احلامي وصرت اتخيل يجي يوم وتتقبل وبتها تصير بنتي وصرت اتصرف على هذا الأساس. كل جيه الي اجيبلها شي بسيط صارت تفرح من تشوفني واحسها تعلقت بيه مثل مامتعلق بأمها حن گلب بتها عليه وگلبها اقسى من الحجر طفله وگدرت تميز محبتي بگلبها وروحها وگلب امها قافلته وروحها حابسته الشخص غالي عليه مو بس عليها التفكير بي يأذيني بكدها واكثر شلون احب مرته وليش هي بالذات. واقنع روحي واكول بس هو توفى والحياة گدامها وهي اولى تعيشها براحه وتفك حزنها وتترك ذكرياتها المره حتى بوكت أفراحها چنت اتمنى اخذ كلشي اليسر الي صرت احسها قطعه من روحي حتى ماهر انتبهلي شلون احبها وفسرها على محبة ابوها وصداقتي وياه گبل مايدري باحساسي شنوو ولايدري بحبي الدافنه بگلبي ايام هيج واشهر اروحلهم واخاف اشوفها تصعب عليه نظراتها يصعب عليه اشوفها مستزغرتني تصعب عليه روحي وكرامتي انه رجال احب بس كرامتي ماتسمحلي اذل روحي واتحمل نظرات الذل بعيونها ماگدرت ابتعد بس اكدر اظاهر بالبرود الغلفت روحي بي صرت امثل حتى على روحي ايام شفتها وبيينت الها هي غلطاته بفكرتها وشكها وارجع واحن والوم كلبي والوم الوكت الخلاها بهذا الوكت كبالي وخله كلبي متولع بيها بيوم بعد اشهر طويله چنت رايحلهم السبب ابو علي عمهم الي هو جد يسر مطالب بشهادة الوفاة مال كرار الي جانت عد ماهر وعد سرور ورايد يسويله قسام. شرعي ويقسم البيت الي هو ورث بنته الوحيد هذا الطلع بي كرار من الدنيا بيت حتى بنيانه مو كامل لا مبيض ولا ملبوخ چان بعده ماكامل وابوه طرده واضطر يكعد بي ع بساطته بوكتها ماهر گال يطبهم مرض خل يبيعوه وحصة مرته وبنته المحكمه تقررها بيومها انه وياه گاعدين نتناقش وارد اشرحله شروط البيع ودخلت علينه هي بكامل حجابها ونفس نظرات الحزن بعيونها ونفس المدامع الي كل مره من اشوفهن احس گلبي ينشگ نصين نزلن گبالي ودي امسحهن بيدي واحتويها واسحك على كل راس يسبب حزنها بدون سلام گالت ..ماهر مااريد البيت ينباع ..شلچ بي سرور ينباع ويولي عايزه عليه انتي ..ماهر افهمني البيت انه اشتري ..سرور فكينه منهم ومن كلشي يربطنه بيهم البيت مالج رده بي تشتري عليش وهيج ابالج يبيعونه الچ ناس الحقاره تمشي بدمهم تگليلهم هذا دوا الي يضيعوه خويه خليج گويه والبيت هذا بكبره الج والبنتج لاتصدكين بيوم اخليج بحاجة بيت ابد اخذي حصتج وازودج عليها من حصتج من كيعان ابوج بس خل تزيد ارباحهن ونوگف على رجلينه واشتريلج احسن گاع وابنيلج احسن بيت بأسمج الج والبنتج وعد مني بعد شتردين ..اريد بيت كرار البناه الي وكلشي سواه مثل مااريد ..ياخيتي عوفي هو صاحبه وينه البيت شلج بي هم رايدين بيعته خلهم يبيعوه بچت بقوة وعينها عليه حسيتها تترجاني ادخل ومثل ماجنت ناوي افهم ماهر وبعدنه بمجرى الحديث ودخلت هي وگطعت سالفتي الناوي احجيها وجهت كلامي الماهر وعيني الها اطمنها ..ماهر ترى البيت ماينباع بي حقوق قاصرين ومو بكيفه عمك يبيع عيني عليها فرحت وگعدت گبالي وهي توجهلي السؤال ..حسين فدوه انت متأكد بگد امنيتي اسمع اسمي بصوتها بهذا الاهتمام وهالطريقه بس الموضوع هذا بالذات واهتمامها بي مثل اليفتح الجرح ويذر بي ملح ويزيد الجروح جروح اكثر بكد ماريحتها بكلامي اشتعلت نار بصدري اكثر وانه اشوفها ع حيطان خاليه وبيت بس طابوگ مستعده تسوي كلشي وتحارب وتكاون بس حتى تحافظ عليه لأن ذكرى من الشخص التحبه كملت كلامي بعد ماتحسرت حسرة طويله ع حالها وحالي ..البيت ماينباع الا يخلولها مبلغ مالي يضمن حقوقها وحصتها برعاية القاصرين وهذا الشي صعب ع بيت ابو علي هسه حالهم مو زين وكل العدهم ذبوه للمحامين الحاتم وقضية كيعانكم بعد مااتخلو عنهم اصحابهم والمقربين بقى الاختيار الثاني البيت ماينباع لمن تبلغ وتدخل السن القانوني وهذا الكلام متأكد منه انتو خلوهم ينصدمون ..فدوه اروحلك صدگ تحچي اكتفيت بالسكوت وانه اسمع الفدوه منها وبداخلي افديت الها روحي الكل حرف طلع من عدها طولت صفنتي عليها وطلعني من صفنتي صوت ماهر وهو يگلي متأكد انت مسحت وجهي وانه اجر نفس وازفره بصعوبه .. اي متأكد طلع ماهر يخابر ويسأل اكثر وانه عيوني محاوطه ملاكي انتبهت النظراتي وبعدتهن عنها اتشكرتني وهي ناويه تگوم احس بعد مابيه امثل والبرود البيه اتحول النار بركان هاج بيه وحركني وحرك كل ذره بيه بصوت حزين تعبان حاجيتها ..وين؟ گلتها ومو واعي للگلته والاريد اكوله لو واعي كلش زين واغشم روحي بحجة المو واعي احجي كلشي وياها داخلي يتصارع وياي اتناقض وي افكاري ويبدي صراع بين كلبي وعقلي ومثل ماعروف البقاء للأقوى والنتيجه ضعف عقلي بدون ردة فعل منها باوعتلي وهي منتظره شرد اكول ..بعدج كارهتني ..لا ابد جاوبت وهي تتفحص ملامحي وتعدل اطراف حجابها النازل على جيدها يستره ..بس انه بعدني مثل ما جنتي شاكه واكثر ركزت بعيوني لحظات وطلعت وعافتني ابحر بأفكاري وتتلاطم بيه مثل مركب زغير بين امواج موجه تشمرني اعله موجه نقذني من افكاري صوت ماهر الي حسيته يلومني ..يمعود صار يومين وانه ابالي اخلص منهم وفرحت طلعت صدگ سالفتك هاي.. لو ماكايل الها ومخليني اخلص منهم ومن ورثهم ومااريد شي يربطنه سوا ..خطيه ماهر لاتقسي وياها البيها كافيها ..شقسي يمعود انه الخاطرها اريدها تنسى ..وتتخيل بساع تگدر تنسى غلطان ماهر اختك اصيله والاصيل ماينسى مهما صار .. ماكو شي ماينسي حسين الدنيا والمواقف والناس تنسي كلشي .. گربهم اذيه ومتأكد ماراح يعوفونها والله شوف اذا مو يوميه يطلعون سالفه ..الله كريم ..انت شسالفتك ماتكلي ..انه شبيه بعد ..احس وراك شي شبيك حسين سولف ..بلعت ريگي بخوف بس لاحس عليه چا انه هيج مفضوح دخيل الله مو وكتها ماهر يعرف كلشي هسه جاوبته وانه اضيع الموضوع عيني ع الباب واجت رويحتي الزغيره ..مابيه ماهر تعبان من كلشي شسولف ادوخ وسوالفي مابيهن حظ انت تعرفهن ..ضحكت وانه اشوفها توها باديه تخطي تفتح اديها توازن روحها وتمشي .. تعاي حبيبة عمها الحلوه تعاي الحضني اخذتها وانه ابوسها والعبها شلونها الغاليه ولك ماهر ولدك التوم بعدهي تكتلهم ضحك وهو يجاوبني ..والله كل ماتشوفهم يمي لو تشوفني العبهم وهم بفراشهم يناغون مدري شلون تخمشهم بحركه وحده تبجيهم اثنينهم وهاي يوميه هيج صرنه نلزم حراسات ومايفيد وياها ..ولچ ليش ياعمي ليش وياهم دادا حلوين يحبونج لو كبرو ذوله تنخيهم كبل لاتكملين حچايتج زلمه ابن ابوه اليگابلهم ويگلهم هذا انه تندمين من تكبرين ع طكج الهم اخذج نروح نشتري ونرد اطلعين وياي بالعن رفرفت بأيدها وهي تضحك اترخصت من ماهر واخذتها اشتريتلها وفريتها ورجعتها من الباب ورجعت خفت اسمعلي حجايه من امها متوقعها ماترضا وكل مره اخذها اتونس وياها واونسها واتوقع يوم تنفجر بيه وتحاجيني ضحكت وانه اتخيل خزرة عينها وهي تحلسبني ع محبتي البتها عود اذا حاجتني هالمره اجاوبها واكلها احب امها وامها جافيتني واعوض محبتي الامها بيها ضحكت اكثر وانه اتخيلها شترد وشتكول الي هزيت راسي متٱسف الحالي المتونس بخيالي حتى الغضبها مني فرحان بس جي تعاتبني وياخيال البيه لشوكت تظل تنسج مثل نسج بيوت العنكبوت تاليه بنفخة هوه رايح هيج احس تروح حسباتي ……… .. وسام… مرت اشهر وانه احس شي بداخلي انكسر من ناحية اهلي صعب يرجع مو بس بداخلي حتى بوجوهم اشوفه اكثر وكتي صار بره يمكن هم نسوو بس انه مانسيت حتى خواتي صرت استحي اخلي عيوني بعيونهن الوحيده امي ماجنت مستحي منها بكد مامقهور بداخل نفسي من موقفها اكول الكل حقهم والبشر معامله والانسان بيده يضيع قدر نفسه وابوي واخواني الهم الظاهر بنظرهم انه ضيعت قدري بس امي المفروض هي تحس بيه تعرفني انه شنوو تبقى ام ويحن گلبها ع ابنها حتى لو مذنب امي صارت حالها حالهم واكثر مرت اشهر وهي مثل ماهي ماحسستني انو هيه حاسه بوضعي مايوم كالت ماكل جوعان اشهر مافرق عدهم لاكاعد وياهم على سفره ولاماكلي لكم من البيت وحتى واخواني وابوي مرتاحين البعدي عنهم محد منهم حاول يرجعني الذاك وضعي ظليت انه بشغلي احسب الحسابات واصفي القوائم وبوكت الحسابات انطيهن حالي حال اي عامل وبالبيت اشارك بمصرف مثل ماتوزع علينه كبل جنت انطيهن الابوي لو الامي وهسه صرت اخليهن ع الثلاجه وهي تعرف مكانهن وتاخذهن ماهر وحسين حاولت انسحب منهم لان مااتحمل ملامه بس مرات روحي اطگ عليهم وغصب عني رجليني تاخذني ومن اشوف بعيونهم حچي ووجوهم تبيين اليردون يحجونه اكوم بدون مقدمات واطلع گبل لايبدون بالبدايه جانو يتوسلون يحجون حتى اظل يمهم ومن ضافو هالشي يزعجني صارو يهتمون الراحتي وبس محد بيهم سألني مرتاح بس احس الحچي خانكني والبيه فاض ورايد حضن دافي اشكيله رغم صداقتنه نفسها بس ارواحنه ماعادت مثل ماهي كل واحد بينه همه شكل الحبيبه الطلعتلي بليله ويوم خلت عقلي وكلبي يتوحدن بحبها مايوم عقلي حاسب كلبي وكله اتريد فكر وشوف حچيها ينعقل يتصدك القاهرني من وعيت الروحي وعدت حچيها ابالي اشوف الجاهل يفكر ويكول ليش وشلون انه شبيه وين وديت روحي صرت ادقق وضعها واحاول الكالي جواب الكل سؤال مر عليه بفترة الصحوة الصارتلي بعد الموقف الي خليت روحي بي الي عرفته عنها اسمها ثريا مو مثل ماكالت امها وابوها ذابينها لا الموضوع مو هذا الموضوع اهلها متبنينها من باب جامع ومن هي زغيره مخلينها تبيع بالسوگ وتفتر على البيوت اتبيع حاجات مطبخ وهيج شغلات داخله للسوك بزغرها ومستمره بفترة المراهقه لادارسه ولاشايفه مدرسه بحيتها الحجي المتزوجها طلع رجال متمكن وتاجر مثل ماعرفت وولده مسافرين ومستقرين بالخارج بيوم رايح الصاحبه بالسوگ وشايفها متحرشين بيها وهي حلوه وبعدها زغيره صايحها وفاهم منها منين هي ووين اهلها وحاجيتله وبعد فتره مودي ع ابوها وشارحله الموقف.. وكايل ابوها عادي المهم نعيش تكدر تحمي روحها متعامل وي الموضوع ابرود الرجال متعصب وصاحبه كايله عوفه ترى هاي مو اول مره يصيرلها هيج مره مرتين الحجي شايفها يم نفس الرجال وسائلها على وضعها وحاجيتله كلشي واعدها ينقذها بعد فتره متقدم طالب ايدها ومشتريها من اهلها شراية وهذا الحچي السمعته من اكثر من واحد بالسوك من معارف الحجي بعد ماكتلهم اني رايدها اذا بنته وناوي اخطبها حجولي السالفه وكالو هالسالفه معروفه عند اهل السوك كلهم وحتى للمرسه ع كبر دخلها قصتها ضوجتني وحيل حرگت گلبي لو ادري بيها من البدايه ماحبيتها ولو حاجيتلي بعد ماحبيتها ومامجذبه عليه جاحبيتها اكثر بس هسه ماادري البيه شني حقد كره على طعنتها الي وشلون خلتني بهالموقف ومافهمتني وخلته هو يروح الابوي ويتهمني بمعرفتي انو هي على ذمته البيه جروح هواي سببها جرحها الجبير الي وبعدها اتفرع الأهلي اخواني امي وناسي ونفسي الضحكه ماعادت تزور وجهي الا القليل واكتفي بأبتسامه وبعد بيه ذاك الحنين الوكت جنت اعد بي الدقايق والثواني حتى اشوفها بعد بيه الحنين الدگات گلبي الجنت احس بيها الانفاسي التتسارع وانه المح طولها تركت شغلي وجربت اشوفها واخذتني رجليني غصب لدروبها وحنت روحي الذابحها الحنين وكتلت حنينها بلومها بعد ماشفت طولها ولمحت نص وجهه اتمنيت اجلد روحي سبعين جلده وماافكها لمن. اتكول التوبه بيومها رجعت بيه كئابة اول يوم فراك واول يوم صدمه كعدت براس شارعنه خابرت ماهر حسيت روحي ذاك المراهق اليشكيله كلشي اول سنه اتصاحبنه دك تليفونه بصوت مخنوك حاجيتك ..ماهر تتذكر من جنت تگول اخخ وهاي الاخخ المثلي مايكولها الاخخ للعنده اخوو من يكولها كون يفز من كاعه ويفزعله ست اخوان عندي وعنت علي جلماتك حسيت بيها اليوم وعفت اخواني واتعنيتك ..اتذكر ردك الي وكتلي انه اخوك اهد البيدي وكدامك نفسي ودمي ولحمي وهسه انه اكولها الك مالي ونفسي ودمي والحمي كلهن كدامك وسوم الوجع العدوك وين وانت واجيك ..شتجيني دنيا نص الليل حچايتك هاي كافي رافتلي جروحي والله هسه ارتاحيت ابو محمد عساك سالم ..وسام وين انت اليوم من الصبح ماكوو ..بهالدنيا وين اولي زين واكو واحد فكدني ..اهلك كلهم فاكدينك كبل شويه ابوك خابرني ..اي مو تليفون ماعندي حكهم يخابرونك خابروك مو خوف عليه لا يردون يشوفوني وين اهلي مقتنعين انه ولد طلعت عن الطريق ويردون يعرفون دروبي باجر اجيك اريد اشوفك انت وحسين وارد احجيلك فاض البيه واتبده ..الله كريم ارتاح هسه ..الدنيا ماهي دار راحه مو هيج جنت تكلي ..الامير يكول ماهو انه الدنيا مو دار راحه ولادار عز العبره بالخاتمه وسوم هاي فتره وتعدي اتجاوزها بطل انت هذا اختبار ..الله كريم خويي اخذ راحتك بوسلي الاسباع وسلم على امهم ..تدلل ابوس امهم واسلم عليهم ..ضحكت على سوالفه ووعدته اروحلهم واشوفهم رجعت للبيت فتحت الباب بهدوء مامتعطل الهيج وكت البيت ضلمه فتحتوالباب الداخلي بفتحته اجاني بوكسي بين. ضلوعي لحظات احس الهوا ضاع عليه وانه اشوف حسام كبالي وباقي اخواني وابوي يكله كسره هالسافل راح يجيبلنه العار دفعت حسام كل قوتي رفعت ايدي طكيته حسيت اخواني دارو عليه بيهم جروني وبيهم جروو وسام عني هوسه وراسي افتر اريد افهم ليش اسمع ابوي يصيح ..شمه ضوف ريحته خو ماجايني سكران فوك الحبوب اليشربها ……………………………… . ماهر... امتلت دنياي بيهم محمد وعلي احسهم هديه من الله وعوضني الله بيهم الاعبهم احير شلون اخلص كلشي وارجع اشوفهم صار ارتباطي بأمهم اقوى رغم تتعب واحسها هلكانه بس ماتحسسني بتعبها ابد واحس نفسي انه مساعدها اخذهم منها امي سرور الكل ماعايبيها بيوم اتمرضت هي ارتفعت حرارتها بالليل حسيتها تجوي لااكدر اخذها مستشفى الوكت متأخر لاعندي علاج الها ظليت اسويلها كمادات وضعت بينها وبينهم كل شويه جاهل يبجي احس روحي بساعة عجزت عنهم وكرهت حتى روحي كلشي مااعرف اسويلهم وانه يوميه خابص روحي طلعت صفر يم اهتمامها كعدت سرور واجت اخذتهم وسهرت عليهم ثاني يوم اخذتها والحمدلله ع العلاج اتحسنت جانت افلاونزه واثرت بيها بعدها صرت احس بمعاناتها بس هم اريد منها صرت اشتاق الشعرها صارت تتعاجز منه والضيگ وكتها تلمه بدون اهتمام منها بيوم طگت روحي ع اهتمامها گبل رايدها شويه تلتفتلي جانت مسجله قائمه بالطلبات صفنت عليها وانه اقراهن ..حليب ..ممات ..حفاضات ..كلينس ..بوطره ..وووو القائمه اطول مابيها حاجه الها تفرحني بيهن حاجيتها بقهر ..اگلج بس هاي طلباتج ماعندج شي منا منا بعد ..شنو عود ناصب عليه هواي قصدك موو والله مو الي الجهالك ..اي وبعد ..هذا هوو ..هذا هو؟ وهذا شغلنه صار شراد محمد وشجيب العلي ماعندج بعد واحد يرادله شي منا منا ..لاتنصب عليه ادري قصدك هواي بس هاي احتياجاتنه انه وسرور اليسر هم ..ولچ انتي جلبتي بيهم انتي ماتردين شي ..لا مااريد اهم شي هم حبايبي ..اي ليش لا اهم شي هم عليج الله صار شگد ماحالتلي شعرج ولامشتم بي الريحه الاحبها ..ياا وهاي شعليها بهاي الريحه قوية واخاف عليهم يتحسسون من المخمريه بعدهم زغار وشعري مالي خلگ احله شيمشطه الي ويسرحه بعد مايتكعد وهو محلول ليله كامله ..زينب انتبهي الروحج حبابه ولدي احبهم وحكج تهتمين بيهم متعبينج اثنينهم بس انه هم حگي عليج ولو كل فتره تبينين الي اهتمام وتغيرين من روحج ماصارت هاي انه انگل بس الهم راح اجيب غراض الج ومن اليوم سوي جدول بيني وبينهم فهمتي ..بس لاتغار منهم عليك الله تغار من ولدك ..خايبه انجبي مو غيره تنبيه الج هذا عاذرج واكول حقها ومحد يتعب تعبج بس انه هم اتعب وهم اريد ارتاح وانتي تدرين براحتي وين الف مره كايلج راحتي يمج ..شفته مقهور ويحجي صدك ماحاجيته سكتت وبعد ماطلع هو جانت الدنيا العصر نومت الجهال وخليتهم يم سرور انه بشغلي حيل سريعه كلبت الغرفه وغيرت فرشتها وسويت تغييرات بيها ورحت للحمام غسلت وطلعت شسورت وخليت مكياج وجهزت نفسي جبت الجهال من سرور رضعتهم وخليتهم كاعدين يمي اتمددت احس ظهري حيل يوجعني من التعب ومن كد مااشيلهم متوني متشنجه دخل عاكد حواجبه وكال فوتي غراضج روحي شوفيهن كمت اله وانه انزل باطراف ثوبي الگصير ابتسمت اله لفيت ادينه ع خصره وهو منطيني ظهره يبدل ..شهالحنيه النزلت عليج شو ميلي ارد ابدل ..حقك عليه والله بس انت تعرف وضعي وحالتي ماعبالي تلومني اكلت اكثر واحد يعذرني انت دار عليه وهو يتفحصني ..مالمتج انه بس حبيت انبهج لأن احبج لو مااحبج ماانبهج واخليج براحتج ماتهميني ..اريد احجي خله ايده ع شفتي واخذني بين احضانه وبادلته اللهفه والشوق بالليل متأخر جنت بين ادينه ودك تليفونه ركزت وي صوت الي يخابر وهالعاده الصايره بيه من كد الغيره وجنت متحلفه ياويله لو تطلع ذيج نفسها الهسه باقي صوتها ابالي صرت وسام اجاني وحسيت بخنكه من صوته من كلامه حسيته مقهور وبعده يعاني من وكت الصار الموقف من اهلي وياه ختمها وسام بضحكه وياه وبوسه الي بين خدي وشفتي لأن جنت بحضنه ضحكت واستحيت من حجايته وهو يكلي اخوج وصاني ابوسج واسلم على ولدج ..والله مو هيج وصاك تبوسهم وتسلم عليه ..هههه مو زين البوسه صارت الج شيفتهمون من البوسه هم خليها الج احسن يتبع… | ||||
|
| |
|
25-06-19, 01:18 AM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 22 مساء المحبه ❤ …………… .. وسام .. بالفتره الاخيره هواي چنت ادخن والحسرة الي بگلبي احس منها يضيگ النفس عندي چنت اخذ علاج وقتي بس بدون مااروح الطبيب والتزم بعلاجه اشتريته من الصيدليه وكت الحاجه استخدمه اكثر شي قبل ماانام بعد ماطگني حسام وادافعت وياه واخواني جرجروني كلام ابوي وعيونهم الي تلومني هوسه ماگدرت اركز اباوع بوجوهم مثل الكامره السريعه التخطف ع وجوهم هيج عيوني جانت تشوفهم الطگه مكانها گطع النفس صرت گوه اجر النفس كثرة الجگاير اثرت عليه وصرت مااتحمل مدافع قوي ويمكن حالتي النفسيه هم الها اثر صرت اشهگ الهوا بقوه احس روحي اختنگت دفعتهم عني نزلت جسمي بوضعية ركوع اديني على ركب رجليني اريد اجر نفس شهكت بقوه وانه ارفع راسي واجر اطراف تيشيرتي اريد هوا اشرلهم واسمع ابوي شاك بيه سكران ضاع الهوا عني كحيت بقوا والكحه شكلت عندي وصلت حد اريد اتقيأ گوه كمت سندت روحي للحايط وطلعت بره اباب مدخل الهول ماكدرت اتقدم اكثر گعدت ع ركبي وصرت اذب الي بصدري وخانگني حسيت ايد ع ظهري سندتني مابيه ادفعهم عني وكاره وجودهم يمي وانه بهالحال كعدت ورجعت راسي ع الباب جريت نفس شفت بسام يمي وبيده بطل ماي دفعته عني وگمت واشوف ابوي يتقدملي ..اشسالفتك انت ولك تريد تموتني ماتگلي شبيك ولك ماجنت هيج ليش ذبيت من راسك اكيد هذا من السم التاخذه ..وگفت ع المغسله غسلت وجهي ونزلت راسي جوه البوري احس نار بيه تلهب من رجلي الاعلى راسي بعده ابوي مستمر يحجي حاجاه بسام ..كافي يابه ماتشوف حاله شجلبتوله ماتگلي ظل اسمع حچي هذا وذاك وضيعوه من اديكم الف مره گتلكم عوفوه براحته ماتقتنعون ظل ابوي يحجي ويلوم بينه كلنه ويحجي تضحيته وتربيته النه وليش تخلون اليسوه والمايسوه يجي يحجي براسي ويصير ادمي وينصحني اعيد تربيتي ولك وسام ليش هيج شقصرت وياك اريد احجي احس بلاعيمي مجرحه والنفس يصعب عليه حسيت روحي محتاج جكاره دورت بجيوبي طلعت باكيتي بداخله مخلي الجداحه طلعتها ووفتحتها ايدي ترجف اول مره ادخن يم ابوي وحسام دائما احترام الهم ماادخن يمهم وهمه يدرون بيه ادخن بس احس روحي مااكدر بعد مد ايده حسام يريد ياخذها ..وسام ذبها ماتشوف حالك انت ..اشرت بيدي اله عوفها سحبت نفس منها واثنين رجعتلي الخنگه والگحه بس احس روحي ارتاحيت شمرتها من ايدي وانه اتنوعلهم ابوي اخواني واخيرا ع الهوسه لحگتهم امي وهي الثانيه طاحتلي غلط وحچي ماادري اشايفين عليه تعبت من كلشي گتلهم ..شتردون مني مو خوش ادمي كسرو عصاتي واتبروو مني وهسه اريحكم مني للأبد بس خل احجيلكم كلشي اول وعليمن انتم مححليني منيه اجر نفس بصعوبه واحجي بقهر وبحركه ..اتحملت ملامتكم الي على اساس انه مصاحبلي متزوجه وملاحگها وجبتلها السمعه والروحي وماحسبت حساب عرض ناس ولاعرضي بس حتى ماكون بعيونكم ضعيف وقشمر وتالي انتو ماخليتو شي مالزگتو بيه هاي تاليها حسام اطگني انه هذا خوفك عليه وحمايتك الي ياهو بيكم حاس بيه ويعرف الي صاروياي شنهو وياهو منكم كعدله بيوم ليله وكال حالك مايعجب تعال احجيلنه شبيك هذا ابوي الفاهم كلشي وياكم وساندكم وي حظي صار يشوفني عدوو مو ولد طفرت دمعه من عيني وعزت عليه دنكت راسي حيل بس حتى محد يشوفها وانه اسمع حجيهم ..انت شناقصك شقصرنه وياك انت عازل روحك عنه مالكيت تحب الا متزوجه ومن هذا الحجي الي خله امي تصف وياهم وتساعدهم كطعت حجيهم وانه اترجاهم ..كافي ملامه بس خلوني الغي وانتي يمه ماقصرتي لاانتي ولا ابوي انه ولد عاق وفدوه الكم اعتبروني متت منا وجاي اول شي البنيه حبيتها ماانكر بس ماجنت اعرف بيها متزوجه وماهر وحسين يعرفرن وضعي نصحوني وكلبي العايب ماسمع منهم وعقلي بذاك الوكت غيبته البنيه شرحتلي حياتها شكل وطلعت شكل ثاني اتحملت تشوفوني غلطان بس ماردت تشوفوني قشمر ع اساس انه بمجتمع ينسى اغلاط الولد وانه ولد وگلت فتره وينسون كلشي ونرجع مثل ماجنه احمل نفسي ذنب مامرتكبه بس مااريد عيونكم تشفق عليه لو اصير مثل بينكم قشمرته بنيه اي انه قشمر حبيت وردت اخطب ومن فاتحتها بخطوبه اجاك زلمتها وصار الي صار بعدها انتو گلولي انه شنو السويته يخليكم هيج تعاملوني اشهر وانه مااحط عيني بعينك يابه مستحي منك حيل وجنت منطيك العذر واكول حگه اشهر واريد واحد من السته ذولي يكلي احجيلنه البيك والي صار عادي درس واتعلم منه كلها صارت شيوخ براسي ونسو كل واحد منهم اله قصه ومحد من عدكم ملاك انه تعبت وهذا حدي وياكم لاابوي احتواني ولااخوه سندوني ولا ام عرفت درب للمحنه وياي اتحملوني للصبح وهذا اخر يوم بي انه يمكم وبعدها شتردون گولو بس خلو ابالكم كل كلمه منكم الله عليها رقيب ويحاسب ومثل مايحاسب الولد ع عقوقه الهم الاهل هم مطالبين بحقوق اولادهم ياسكر هذا الجايين تشمونه بهدومي وياحبوب بعد التتهموني بيها وياهو الشافها حاجتني امي ..يمه غير من خوفهم عليك لاتكول ياحبوب انه بعيني شفتهن ليش يمه ادمر روحك ..مارفعت راسي الها وبجيبي جان شريط بيوتادين عرفتها تقصده طلعته الها بعد مااخذت منه حبايه شمرته عليهم ..هذا الشافته امي وحجتلكم عنه موو كالتلكم حبوب ورديه وناعمه وانتو ماصدگتوو هذا بيوتادين اشربه الضيق النفس من احتاجه بعد شعدكم شكاوي وشكوك عني احس روحي ارتاحيت من حجيت كل البيه وشفت وجوهم شلون جانت مصدومه مابيهم واحد كلف نفسه واتأكد بس من راجعت ابالي الصار اشتعلت النار اردود بيه گمت عنهم ورحت الغرفتي الم بغراضي اتمنى اطيح دموعي واخلص من الحسرة البگلبي حسيت الباب انفتحت وابوي واخواني بعده يمشون ذبيت من ايدي كلشي وعيني صارت عليهم ..ياربي والله احبه انه اكثر واحد بيهم من بعد حسام متعلق بأبوي وهو متعلق بيه كل شغله جنت اكضي وكل شي يريده يكلفني بي جريت نفس بقوة ونزلت عيني منهم ..ماراح اضايقكم بعد اصلا ماراح ابقى هنا والمحل انه مراجع كل حساباته وماريد شي منه غير حگي حتى اكدر اثبت رجلي بغير مكان وافتحلي مشروع جديد ارتاح واريحكم ..بويه وسام شنهي البيك انت ولك تلومني فوگ الحجي اليوصلني عنك اشكال ومن ربعك وناسك .. فوگ عزلتك وتأخيرك تالي تجي امك تكول لگيت حبوب بغرفته وانت منا متأخر خلتني مااشوف دربي منها واجيت اخوانك رادو يتأكدون منها طلعت ذابتهن عود حتى ماتاخذهن بس من وصفها الهن خفت وحگي من اخاف عليك ..هذا هو حجي راح اريحك واريح روحي واخلصك من هاي الناس بس ياناس الي شايفه شي عليه ياهو البيهم احسن مني دليني بيهم وخلهم يحجون گبالي انه تعبان بعد مااتحمل اكثر كلشي بصفحه والصار اليوم بصفحه عمري ماراح انساه واجذب عليك لو گتلك انسى ..لاتنسى بس ماتطلع الايام تثبتلك تفكيرنه الصالحك ..لاحجي لهنا وهذا حدي ومثل ماگتلك ع راحتك عود الالي عدكم انطونياه مااوازيكم انه واصلا مالي ظله هنا بعد اشوف وين الله يكتبلي عيشه ..لاتزرف گلبي ولك اذا زعلان مني اگوم احب راسك هسه ..رفعت عيني ع ابوي وشيباته المزيده هيبته گمت من مكاني من شفته جاي عليه ..لاحجي ابد لاتحب على راسي ولا انه زعلان منك ماازعل منكم كلكم بس مااوعدكم انسى وماراح اظل والله انه هم اريد ارتاح خلوني براحتي ..صرت حجي وسام من يمته انت تگولها وين بويه ويابه ..هسه انت زعلان حگك بس انه اليوم گلبي برد من عرفت سالفتك وحسيت انه هذا المربي لا الحچي الگالوه صح ولا انت مصاحب مره متزوجه هي مغررتك حسب ماتكول وانت مو قشمر بويه هذا الراد يصير گول ياالله واهدأ وانه وذول اخوانك كلنه من محبتك هيج اتصرفنه وخوفنه عليك ايام وانت عازل روحك اكلك مو هنا شربك مو هنا انه ادري وين تروح ويجون ناس يكلولي مرافك شله مستگعديلهم وحده يصرفون عليها وهي تخدمهم وتونسهم فوگ سالفة الشايب الاجه ع مرته ..هسه انت لو تخلوني اشتعل بناري لو تكلولي ياهم ذول الناس الماعدهم شغل غيري ..تريد اتروح اطالب ادري هاي خلها عليه وتجيك اخبارهم ..مايهم حجي همه مايهموني اذا القريب مني يصدگ الصوج مو بس بيهم انه تربيتك وحسام يعرفني وبسام وهشام ياهو منهم شايف عليه شي جان مخلي واحد منهم يراقبني اذا هيج هامكم حجي الناس ..صارت بعد كلها صادفت وي عزلتك كلنه يجوز هذا الدرب الغير اطباعه .. وليدي حسام يريد يجيك هسه وخلو الزعل يولي كلشي بينكم يتصلح اخوه انتوو تصير هاي الامور وانه ابوك وابديها واعتذر منك وشتريد انه حاضر ..ابد لايجيني ولايوصل يمي اذا ع الزعل ماازعل بس عوفوني وحدي ..استمريت انزل بغراضي وجمعتهن كلهن عز عليه ابوي يطلع وانه مامنطي من روحي وراضي بس مو بيدي واحس نفسيتي صفر ومااتحمل كلشي بعد الصبح بدون سلام طلعت منهم خابرت ماهر ارد اشوفه وحجيتله كلشي صار طلب مني اخلص اليوم يمه واترك سالفة السفر ورديت عليه تخرج واتخرجنه ماكو شي يربطني هنا لاتخاف اجيك اشوفك عود كل فتره حاجي حسين اليوم نخلصه يمك وباجر انه اروح البغداد هناك اشوفلي شغله واستقر فتره البين ماتتغير نفسيتي يجوز ارجع ويجوز تحلالي الگعده هناك رحت الماهر من الصبح وبيومها عاف شغله واتفرغلي عافني وي زينب ساعه وحدنه بحجة يروح يگضيله شغل شكيتلها كلشي وواستني بدموعها وهي تكول صدك ماتكدر تنسى ولاراح تنسى انه وياك ماادري ليش الاذيه اجتنه من اقرب الناس النه غيرت الموضوع وانه اسألها عن وضعها وي التوم وشلون تتعامل وياهم جاوبتني بضحكه ..صح تعب بس ماكو احلى منهم ومن سعادتي بيهم خاص من يناغولي ويضحكون وياي انسى تعبي كله شويه واجه ماهر وحجيتله كلشي مخططله ابالي ومثل كبل من جنه نحجي ننسى كلشي ونغوص بهمومنه ونختمها بضحكه وسالفه نحاول نغطي بيها همنه الحد الليل اجانه حسين وهالمره عكس عادته ضايج والدنيا طالعه من روحه اشرت الماهر بحاجبي وهو بأيده اشرلي يعني مايدري حاجاه ماهر ..ابن العم شنهو البيك اليوم حالك ماهو عاجبني ..حسب رايكم الشرب محرم بكل حالاته لو جائز بوكت ماواحد يريد يفصل من هالدنيا الغبره ضحكنه بصوت كتله اذا عليه احلل الك ولايهمك ..مو مال ضحك ترى واصله الخشمي والله ..ادري رجال انه بعد ايام يصير عمري سبعه وعشرين يعني اعرف شريد وشلون اعيش الهسه مامقتنعين انه مو ذاك الاول الجاهل الي ينفذ كلام اهله بدون مايعرف ليش وشلون حاجاه ماهر ..ادري غير افهم شبيك اليوم كلكم شكاويكم من اهلكم عمي كولو يا الله وحگ هو علي اتمنى روحي انه بمكانكم انتم بنعمه ماحاسين بيها غير من خوفهم عليكم وحرصهم هيج يتصرفون حتى لو الطريقه غلط بس النتيجه وحده انتو تهمونهم كولو الحمدلله غيركم رايد ربع من العدكم لاكلشي وتحسبوله الف حساب وتاخذون موقف ملامة الاهل خوف وملامة الغربه مذله ..ماهر ادري كل الگلته صح بس هم اطگ مرارتك والله مللوني واحس روحي شاطت عرس كاظم بعدله شهر وكاظم انه كوه قنعته يتزوج ونفسها الرايدتها امي جنه الها غير يفكون عني انوب تعال وعرس وي اخوك بنفس اليوم ادري انه المن اقنع بي لمن طحت صفح غير حتى يخلصني انوب ملحتهم زادت عليه ..وماتعرس انت شعوزك البگدك عدهم اولاد شمتاني ..متاني فرج الله شغاثكم انتم ..درت ع وسام بالله هذا شحاجي اجي اشكيله يزيد عليهم وسام ..انت ليش ماتعترف وتكول رايدلي وحده واذا رايد ليش ماتاخذها شمعطلك يخوي عيني ع ماهر واسمع حجي وسام ماادري ليش انحرج من اشوف ماهر وينفتح هيج موضوع احس مسويلي ذنب جليت صوتي وحجيت ..شوف هذا الثاني انه صوجي اجيتكم اروح انحر ارض الله الواسعه واشكي البيه للشجر هم يحس احسن منكم ضحك ماهر وهو يعطل بيه ..تعال يخوي لاتعرس ظل طول عمرك اعزب اهلك هم مشتبهين وحايرين بيك ولك والله تتندم انوب ع هذا تأخيرك ..جريت حسره بگلبي جاوبته هو انه هسه واتندم ع كل يوم وساعه اگضيها وهي مو يمي بس شسوي لاهي التقتنع ولا انه الشايف غيرها جاوبته ..الله كريم الوكتها منو يگول اتندم ………………………… .......... سرور… بعد مااعترفلي حسين بشكي مضبوط ردت بس اوخر من. يمه طلعت واحس گلبي انقبض ودگاته زادت گعدت بغرفتي افكر شنو الجديد شبيه ادري بي هو رايدني بس هالمره اعترف بلسانه الي عبالي اكرهه المفروض اكرهه بس مواقفه الزينه وياي وي امي واخوي ماخلتله كره بگلبي بس مستحيل اصير اله ومستحيل انطي امل لو واحد بالمية اجت ابالي نظراته حسيته كاسر خاطري هسه اشاف مني وحبني العب النفس والهم والحزن مغير ملامحي الاسوود الطامه روحي بي والعزله مخليتني منطويه شنو البيه حبه يستاهل احسن مني هو بعده شاب والف من تتمناه بس انه ابد مايملي گلبي وعيني غير كرار واصلا مااحس روحي اناسبه ارمله وعندي بنيه وهو ولد شاب وابن شيخ ومعروف بولايتنه محد يرضاله ياخذني اجه ابالي لو فاتحني بالموضوع غير مره اتشجع وافهمه كلشي. انه رفضي اله العدة اسباب بيه مو بي هو هو ماقاصره شي انه الماوالمه بيومها اخذ يسر ورجعت عليه فراحنه مشتريلها ومونسها تضحك وتأشرلي ع الباب فرحت غيرت من نفسيتها هالايام الغيره ذابحتها وتأذي محمد وعلي واته استحي من ماهر وزينب واتحسس زياده گبل يومين طگيتها بدون وعي مني احس روحي مثگله عليهم وبنتي كوه متحملينها كلساع خامشتلها واحد منهم صح مايحجون بس ادري بيهم يضوجون ع جهالهم بعدهم زغار واول فرحتهم من بچت ودموعها ترست عيونها وابجيتها صاحت بابا وهي تبجي وتشكي كابلتها وشبعت بجي ظليت احضن بيها بستها بكل مكان حتى ترضا عني اتخيلت ابوها ضايج مني هسه وملامح وجهه معقوجه مثل عادته من يزعل گبل ظليت اطك بأيدي واعتذر منه بصوت عالي اسمعها واحس هو يسمعني ..اسفه يابعد عمري تنگص ايدي ان شاءالله اذا مديتها ع بنتك بعد.. والله وعدتك اخليها بعيني وهي بعيني بس ماادري شجاني كله منك صايره مااتحمل كلشي .. كرار جفاك وبعدك ضعفني خلاني مااعرف شريد ولااعرف اتصرف بيومها نمت واتحلمت بي زعلان مني وضايج عليه حتى وانه غلطانه گبل لااعتذر منه بالحلم هو الرضاني حضني وباس راسي اتنفست عطره واحس روحي ارتاحيت ماحاجاني بس وصاني بيسر وكلي اليفرحها يفرحني كعدت بيومها احس روحي جني صدك شايفته وشبعانه منه من اجتني يسر واتأشرلي على حسين بالباب اجه ابالي يعخي هسه هو فرحك اكيد وانت تحس بيها بس تحس بي هو رايدني تبقى تحبه مثل گبل لو تضوج منه وتزعل يارب خليني احلم بي واشوف احساسه جبرت روحي انام وانه متأمله احلم بي واشوف حسين بعده عنده غالي لو مصدوم منه كعدت من النوم متأخره واحس روحي مخنوكه ماحلمت بي ولا اعرف ردة فعله معقوله بطل يفكر بيه وتفكيره بس ابنته ومن ضوجتها ضاج بس انه مااهمه بعد بيومها اختنكت حيل حاولت الوم حسين ماكدرت خطيه هو الحد هسه مامسوي شي ولا مأذيني واهله مايخلونه يتاني اكيد يردون يزوجونه كمت من مكاني عدلت روحي ولبست حجابي وطلعت حتى بالبيت ومحد يمنه دومني لابسته لكيت عمتي ام حسين وتسولف الامي ع عرس كاظم ابنها وتجهيزاته وتشكيلها من حسين رافض يتزوج تكول شاكه بي مربوطه قسمته وسألت ع شيخ يفكها اله اريد افرح بي وامي تكلها شوفي ان شاءالله ماعليه شي انتي توهوسين والشباب هسه اكثرها ماتريد العرس كمت من يمهن ماادري ليش حسيت روحي مستحيه وعبالك انه سبب طلعت للمطبخ زينب موجوده عادتها من العصر تحضر للعشه وتحب تستغل نومة جهالها لو وجودهم يم ابوهم مرات اكلها ارتاحي بنومتهم بس هي ماتعرف تكعد وتكول راحتي من اشتغل سألتها ع حمودي وعلاوي گالت يم ابوهم وحسين وسام يمهم اليوم يمكت يباتون هنا گتلها هلا بيهم وكمت احضر وياها لبن ومقبلات وفاكهه ماهر متسوك وبعده المسواك مو كله امرتب شويه وطلعت عمتي ام حسين شكد عطلتها امي ماقبلت تظل وگالتلها ابو حسين مااخلي وحده عشاه ودواه بالليل هدوء صار زينب بغرفتها هي وجهالها نامو وهي راحت ترتاح وامي نامت ويسر هم طلعت اباب المطبخ للحديقه شويه احس روحي مختنكه سمعت صوت حسين وهو يغني جذبني صوته والكلمات كلش حلوه خلتني اسمع غصب عني رغم صوته ماجان عالي حيل كعده ابيناتهم بس هم متعودين هيج ركزت وياه اسمع يگولون غني بفرح وانه الهموم اغناي بهيمه زرعوني ومشوو وعزو عليه الماي نوب انطفي ونوبه اشب تايه ابنص الدرب تايه واخذني الهوا لارايح ولا جاي يگولون غني بفرح دولاب فرني الوكت وخميت الولايات الغربه صاروو هلي وخلاني الشمات ومابين شوگ وصبر خلصن اسنين العمر احرگ اخطوط العتب وانثرها وي الريح وانسى محاچي العشگ يابو شعر تسريح والعمر شمعه انطفت كل السوالف گضت چنت انه اشوفك گمر وهلال من ابعيد ولمن وصلتك شفت حزنك بيوم العيد واعرفت ظلمه العمر وياك يالماتمر ………… حسين… بعد ماحجينه البگلوبنه ماهر گال حسين سمعنه شي يفرح ومن البيه وهمومي الذابحتني حتى الصاحبي مااكدر احجي ولا الاهلي شگلهم احب وياهي الاحبها ماجان ابالي ارد عليه الا بهاي الاغنيه شكيت البيه بدون ما احجي موضوعي هم فهموني وكل واحد منهم ع كل بيت منها جرله حسرة كل واحد منه راح بخياله وي الشخص المحتاجه ماهر اجه اباله اهله واخوانه و وسام حس الابيات تقصده وانه اخخ يا انه غنيت وهالمره غير عن كل مره حسيتها تسمعني بلكي اكسر خاطرها ومن تشوفني تغيير نظرتها الي ماشفت عيونها مره الا لو جانت حزينه لو حچيي وياها مايعجبها وسام وهو يدخن حاجاني ..صدك تحجي هاي اغنيتك شعلتني بيها شعل وين الفرح بيها ماتگلي حاجاني ماهر ..ولك لو ماكايلك غني صدگ اشتعلت شعل وكل موقف قديم مر على بالي وكل شوگ بيه اتحرك ابتسمت الهم ..وع اساس شلونكم انتوو منين اعرف الفرح وانه سوالفك تارسه راسي وگلبي هو هذا اليوالمكم شسويلكم جاوبني ماهر وهو ياشرلي بايده ..هاك شوف گص ايدي منا لو ماتطلع وراك سالفه وضامها عنه مااعرفك انه صارلك مده متغيير وهذا التغيير ماطول بي حزن وضيم ماكو غير هذا الي تسمرنه حب وهو ضيم وشلعان گلب وين الحب يي ماادري شنهي حلاته هم مااعرف عليمن الوادم تتمناه كون اليحب مثلكم ماطلعت هاي كملوو مسامركم اشوف اولادي واجيكم وعود البيت بيتكم لو اردلكم لو لا ضحكنه كتله لا ترد ابد شتلگه يمنه طلع ماهر سكتنه وماكو مجال للحجي كلمن بيده تليفونه شغلنه ارواحنه مرت فتره واحنه نتگلب بفراشاتنه حاجاني وسام ..حسين اكلك شي انه شاك بيك تحب ويمكن اعرفها وانه محتار بيها شلون ترهم مو بس انت الله يعينك وبس رفعت عيني عليه فاتحهن متعجب وابالي مية حسبه منين عرف وشلون ..لاتستغرب هيج بس ملاحظك واحساس هو مو اكثر يمكن اي ويمكن لا ..ياهي ابالك كلي واكلك اي لو لا توه يريد يحجي واجه ماهر سكتنه ودرناله نفس الحجايه ..مو ع اساس ماترد ..ماهان عليه اخليكم ضحك شويه وگال ..تردون الصدگ شردت من صيتهم ماوراهم نوم اجي يمكم احسن ضحكنه وراحت علينه سالفتنه بعد ماوسام سافر البغداد ثاني يوم ماكدرت افهم ياهي الي اباله وشلون دره ومن وراه ايام وانه ماواصل بيت ماهر احس روحي مفضوح ساعات اكول لا وسام اباله غير سالفه ظلينه ع التليفون وعرفت هو هناك يشتغل بس شغله مو مستقر بعده ومامرتاح مرت الايام وقرب عرس كاظم وكلنه التهينه بي كبل يومين من العرس جنه انحضر للحنه وباعتبار اول واحد يعرس منه عرسه ثگيل يومين انه ماشايف البيت بس وكت النوم وياي ماهر واخواني ووسام وعذني يجي علمود العرس فرحان حيل واتمنى عرسي يصير مثل عرسه بس وي الي ابالي مو وي غيرها بيوم الحنه نذبح بالذبايح وامي صاحتني طبيت مدمه محزم بدشداشتي گالولي تريدك امك وتكول هسه يجي رحت شفتها واكفه بالمطبخ وبنات هواي وراها وبالبيت لمحت يسر بيد امها شايلتها واكفه تنطيها ماي قريب ع امي وگفتها حاجيت امي بعد ماسلمت ..گولي يمه مستعجل وراي شغل الراسي عيني عليها شافتني يسر ضحكت واشرتلي بأيدها رفعت ايدي الها ..هلا يابعد عمج خاف ادمرج افرغلج واخذج ادللي عيون امها صارت عليه احس روحي فرت من بين ضلوعي خفت يبيين عليه والنسوان ماتصدگ تلگفلها سالفه وهنه هم يلكفن هالسوالف بساع ومو بعيد يألفن رجعت امدت ع امي شنهي الي تريده اجت قريب عليه اشرتلي ع بنيه واگفه تغسل ع المغسله ..ينه حسين فدوه شرايك بهاي بنية ابن عمك شوفها جنها كمر ونادره وتنحط بالگلب عيني خطفت ع السالبه عگلي وگلبي شفتها مدنگه ومتأكده سمعت مو بس هي حتى عماتي القريبات من امي ادري امي بس مشاورها هيج عوزها تصيح بسماعه ..صدگ تحجين ينه جايبتني وعايف البيدي ع هاي السالفه جا عليمن هوستنه وصيتنه صار شهر يوميه يازعلانه وارضيج ياطالعه روحي واتا الطالع وتنطيني وعد ماتحجين جاماتجوزين مني بروح اعزازج طلعت وهي زعدت بالحجي ادري هسه انه مو مشكله شگالت الروحها من حجت كدام البنيه ماكالت تستحي ماترضا مايعجبها والله عليها سوالف ام حسين هزيت ايدي مدري اضحك مدري انقهر اجت ابالي جا ليش نزلت راسها لو مخليتني اشوف عيونها شيحجن بساعتها التهيت بالحنه وبعدها بالعرس وره يومين انه بالولايه رايح بشغله علمود الكيعان خابرني كاظم ..حسين وينك الحك ماهر يتهدد ع سيف يريد يكتله دك بيت عمه وماحصل سيف النذل شارد ..اووو شحجيت وياه انه مو گتله اصبر ..وينه هسه هوه ياهوو يمه ..كلنه يمه وابوي راح الابو علي اظن راح يشيلهم بس هالمره هم معاندين ..عليش معاندين على صخام وجهم مادام هيج وصار بيها مزامط مايلام بيهم ماهر وانه جاي وياه والا احرك بيوتهم عليهم يتبع… | ||||
|
| |
|
25-06-19, 01:38 AM
| #25 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 23 ماهر .. امس تأكدنه هذا النذل متفق وي ذوله ع دعمتي واذيتي بعد ما جايينه ومامنطيهم اليردوه لأن العار مفلس الانذال مثل شاكلته بعد ماشردوو اتصلو بيه وفهموني ياهو الوره الحادث مالتي وليش وانو هم هاي شغلتهم عصابات مأجوره صرت نار اريد احركهم حرك حسين الليل كله يوصي بيه لاتتسرع النذل ماهو عند اهله لاتخسر خلينه ناخذ حگنه عدل وهو صدگ ماجان هنا ثاني يوم طلعت اجيب احتياجات لأولادي مالي خلگ وطالعه الدنيا من عيني وحتى اهل بيتي مايعرفون بالسالفه احس بركان نار بيه ماتخمد ياربي شيردون مني مو دمروني ماكافي هالحقد هذا ادري شراضعين ماكو واحد بيكم حن گلبه ع دمه مهما يكون انه ابن عمكم اشكال شفت منهم اذيه مااتمنيت الهم الموت ابد تالي هو يريد يموتني والله ماانطيته سرور عمت عيني اذا خليته يشوف اضفرها النذل هذا خلوني حتى اشك بحوادث ابوي واخواني لو مااخواني ناس الداعمتهم واجو فصلوو وابوي بحياته طيح فصلهم كالهم هذا قدر وابنكم هم مييت بعد الفصل ماله داعي جا كلت هم ورا موتتهم طاهر اخذته روجة الماي وكدام جماعته ومحد بيهم لحگ بي يطلعه جانت الروجه قويه ولفته وحتى من دورناه بطينه واحنه مالاكينه الحد ماايسنه وطلعتله امي نادته المغرب يلله طوف وابوي اجته غيبوبة السكر وهو يسوق وصار الي صار يارب كل مااريد انسى واكول كافيني هموم وقهر والراحو يم ربهم هو اليتكفلهم ويتكفلني تطلعلي سالفه تخليني اتمنى اكومهم بيدي من گبورهم واشد ظهري بيهم مية فكره ابالي ساعه ودي اهجم بيتهم عليهم ساعه اكول اكتله خلص وهو البدا والبادي اظلم وساعه أگول اولادي يتيهون بعدي وامي ومرتي واختي ياهو الهن وسيف مايستاهل يضيع عمري من وراه اكسر رجله واشيلهم واخلص من جورتهم للابد ومااريد شي يربطني بيهم تعبت ع ماوصلت المكان القاصده ماادري شلون وشوكت وصلت اخذت الاريده ورجعت السيارتي برجعتي للبيت واشوف سيارة اباب بيتنه وصلت قريب الها شكيت بيها شايفها هالسياره وصلت قريب اله من شافني ارتبك وشخط سيارته حيل شياطين الدنيا كلها اتجمعت براسي نزلت حتى الغراض مانزلتهن طبيت دفرت الباب حيل طلعت الكنتوري كبل اخدت سلاحي وسحبته وانه بالبيت اسمع هوسه وصياح امي وزينب واشوف سرور مجلبه بيه ماواعي الكلشي دفعتها حيل وطلعت وانه اتوعدلهم واغلط بصياح صعدت سيارتي وابابهم رميت وانه اصيح ..وينه هذا النذل سيف اطلع موتك ع ايدي ياجبان ولك عار تروح فدوه للمره هم لو عاركت تسوي التكدرله تصيح تغلط تخرمش ماتأجرلها ناس يكتلون تريد تكتلني تعال گابلني وينكم انذال والله الليله ماتليل ومنكم نفر ظال بهالبيت الا اهجمه ع روسكم بعدني اصيح واحجي ولا واحد منهم طلع بس صياح النسوان اسمعه واجاني بعدين صوت ابوو الي هو عمي وهو يصيح ..ياهو اليمك انت تريد تذبحنه شفتني شايب وولدي ماكو تستكوي عليه انه وحريمي ..شايب انت؟ الشيطان يشيب وانت مثل ماانت ولدك لو بيهم خير وبيك جا ربيتهم وعلمتهم الي يريد يعارك يروح ملاكه مو يوديلي عصابه يدعمني ويموتني لو بي خير خل يطلعلي مراجله ماطلع عمي وراح صوته التموو كاظم واخوانه وابوهم عمي ابو حسين الولد كوه اخذوو سلاحي وخذوني وعمي طب يفتهم سالفة سيف شنهي رديت واحس النار بعدهي بيه تفور ماارتاحيت ولا ارتاح الا اسگطه بيدي هالنذل هذا شيريد بعد يراقب بيتي طبينه البيت امي اتلگتني تبچي ماباوعتلها مااريد اضعف اريد هالمره اطلع حگي من عيونهم سامحتهم هواي مااذيتهم بس اخذت الألي عدهم وهالمره اطلع اذيتي كلها بيهم واذيهم اكثر واعلمهم مو كل مره اكول كافي واسامح گعدت هم يسألون وكلمه اجاوبها وعشره اسكت واكتفي بالسكوت ماكو كلام يريح گلبي احس راسي يريد يطگ وگلبي الهم وصل بي اخر مرحله وعقلي صار يتذكر الجديد وي القديم كسرتي ووكفتي ابينهم وهم يشرطون عليه اعوف امي لو الشيخه وختم ابوي وصفينه من كلشي عدا البيت غير كسران الخاطر واتهددهم علي هم واولادهم لاويت الزمن ملاوه بگد ماخذلني اتحديته وصرت وكبرت وحقدت وكلت الحقد يولي اخذ حگي ومااذيهم اكثر بس هم مايردون الا الاذيه واليردوه يجرالهم شگد سامحت شگد اتغاضيت جان بيدي اذلهم واكتفيت بحگ الله وبس من غير المذله والمهانه كل هالسوالف ادور ابالي الديوان انترس وكلها تسأل فات حسين وسلم واستلم هو المهمه وجاوب عني وشلون راقبناه والبارحه الوصلنه من العصابه شني بسبب باقيتلهم دفعه مامنطيها ومختلف عليهم الانذال شاردين وخبرو عليه وكل الموجودين مارضا اجو كاظم وعمي ابو احسين وهالمره نبرته متغيره من اول كلمه وياي ماحسيته نفسه عمي ابو حسين الي كل مره ساندني حجه وهو يباوعلي بعين الزغيره وكال عمك ماراضي ويكول انه اريد حكي منه وحك بناتي وحتى چناين عندي من غير عشاير اهلهن هسه يطالبون ماهر بحك بناتهن وخرعتهن وهو ماعنده دليل ع ابني ..گتله هذا حچي عمي ورايك انت شنهو يگول ..انه اگول عمك حگه الاولى تفهمه يلله اتهد كبل لااحچي حچه حسين وگال ..اعلى مابخيلهم يركبونه وحگ داحي الباب هالمره انه الاسوي بيته رماد وخلي سبع من اولاده يگابلني ولده مستهترين اكل الحرام خلاهم ينجلبون بي خير خل يضبهم مخليهم جلاب سايبه ويدور اصول يعرف الأصول هوو خزره ابو ماراضي عليه وگله ..اسكت انت ماعليك هالسالفه يم صاحبها ويمي ..ماحجه حسين بس حسيته احتقن تنوعت بوجهم اكو شكم واحد من عمامنه هم مارضين ع حسين يردون الموضوع يهدأ وهو بنظرهم يزيده وهالمره انه الحجيت بصوت عالي وواضح للكل ..الله ابو الخير عليكم ع راسي انتو وجمعتكم وهالمره انه الأكلكم العنده موقف ويريد يوكف وياي هلا بي والماعنده وخايف من ازمورهن وطگ الرصاص يطلع سكته بدون لايحچي واحاجي سنين كلكم اتعرفون الصارلي محد منكم وگف وكفه كبالهم وكالهم وين وجوهم هذا ابن اخوكم ابنكم لاهيج تعاملوه محد كلكم طبقتو المقولة لا ارى لا اسمع لا اتكلم الي خايف يطلع منها ويسوي مثل ماسوه گبل وتراب ابوي اعذره وماشيل عليه بس الدايس بساطي ويجي يدافعلهم هالمره يعذرني ديوان ابوي لأن راح يتغير الحچي ويصير بي حچي ماينگال لا بديوان ولا الأهل الدواوين يصير الحچي حچي ولد شوارع الناس غمان. واريد انه انزل الهالمستوى وانزل شكوو واحد جاي يدافعلهم بحجة صلة الارحام وهسه صار مفتي براسي يريد يطبقها هذا اخر حجي عندي اليسمعه ظلت بكيفه علت الاصوات وصارت الكعده بين الي يأيد والي يندد ويشوفني اتجاوزه حدي هواي بيهم انطوني الحگ وشافو الحچي هالمره يختلف ابد ماابالي احچي الگلته ولا اتمنيت بيوم اوصله بس البيه خلاني مااعرف اتصرف ولا اراعي نفسي ومكانتي ومكانة غيري بس ردت گلبي يرتاح حجه عمي ابو حسين وهو يگول طلباتك شنهي من الاخير ..تنكسر عصاة سيف واليوم وتجمع العشيره كلها ع كسره واولهم ابوه والا اخذ حگي من ابوه مربع وبعدين عود انه وياه نتصافه رد عليه بعدم رضا .. مو حل هذا ابو محمد انت تريد اهله يكسروه حتى تتولاه انوب احنه نريد نحلها مانريد دموم بين العمام ..مو هذا الحل اساساً هذا واحد من شروطي والباقيات هم كلهن يتنفذن واولهن يجلون منا ماواحد يظل منهم لانسوان ولازلم حذرتهم ومافاد وياهم شافوني عديت هواي گالو ع كد الايد حجه عمي ابو حسين ..لا عمي مو هيج الحجي وحشاك انت مصلصل وابن ابوك شحده اليشوفك بالعين الزغيره انه افكسها اله بس ياوليدي نحل سالفة سيف انت ماتتورط بي احنه نتولاه يفصلك وابو يجازي لو نخبر عليه الدوله ..سالفة الدوله هاي ماتمشي وياي لاتجيبون طاريها يمي وفصلهم ماعايز عليه ..جا تكتل ابن عمك ع نية ناويها وماصارت لو مكها مثلك الوادم تتكاتل ..اكتله؟ والله لو ماولدي عرضو گبال عيني اكتله هو واليطلعله ..بي خير يبعد روحه عني وانه ادوره الاخر يوم الكاه الكاه والبدوي اربعين سنة اخذ ثاره وكال استعجلت اتركه يوم يومين سنة سنتين هم يجي يوم ويطيح بيدي وين يروح ..انت هسه الي تريده شنهوو حتى انحلها ماانظل محزمين احنه ناس تحرسك ناس تحرس بيت عمك مهما يصير عمام وعيب تصير دموم بينه ..الدم هم الرخصوه ماهو انه ..ميخالف يبوك بس الحل انه اكول عمك يشيل ونكتفي بهاي وبس لانهدر دم ولانكسرهم من العشيره لو كسرنه سيف معناه نكسر اهله وياه وانه مااطشر العشيره علمود انت متخالف وي عمك وغيرك متخالف وي ابن اخوو طلايبكم مو للكسر توصل يشيلون وماتشوفهم هذا الحل وبعد لااطولها ناس احنه بشيباتنه انتم بهذا عمركم تتحكمون بيه كمت الحيلي .. وهالمره عمي تعذرني اليريد يتخارب وياي يطلب مني هالطلب ..افا ابو محمد انت تعرف معزتك عندي بس خلنه نحلها بعقل ..وهالمره بالذات ياعمي العقل مااريده شكد حاولو قفلت ع هاي ومن رافض عمي الكسر ورافض الشيله وكايل خل يسوي اليطلع بأيده والكبار شكد حاولو وياه ووياي ومالكوو حل تاليها ظلت ناس رايحه ناس راجعه اني قفلت وهم قفلوو بليله مخلين الولد يمي عود يهدوني وعمي ابو حسين راح البيته بعد ماتعب منه واثنينه جنه معندين وهو حسيته مساندهم وحيل حز بخاطري جاانه حركت السباب وطالبنه بالشيخه وكلفتك بيها حتى تصير وياهم حيل المني موقفه واعتبرتها خيانه جديده الي بس جنت متامل الي ابالي يطلع غلط الحد الليل اخذت سلاحي وحسين كال انه وياك كاظم جان عريس وراجع البيته راح وياي حسين واحد من اخوانه الزغار وگفت اباب بيتهم ودكيتهم بالرصاص حتى يطلعون منا وينفذون الاريده وهذا الاجراءالثاني الي لازم ينوخذ بعد شروطي الرفضوها الظاهر جانو متحضرين الرمي صار علينه من كل مكان ظليت بوگفتي ارمي نسيت روحي وحقدي اتحكم بيه اسمع حسين وحارث يصيحون ..ماهر تعال كافي خلينه نروح متحضرين الجلاب اطلع اطلع بسيارتك كافي ماسمعت منهم واحس روحي حتى لو انكتل المهم ماانسحب منهم صوبتلي واحد منهم ماادري بس سمعت صيحته من صاح واليمه راحوله حسيت حسين جرني من ايدي حيل والرمي صار گصي علينه بعدنه نمشي واتصوب حسين بأيده حيل ارتبكت وخفت عليه ..شو خلني اشوفها ميل ايدك عنها ..لاتخاف يخوي شخط من فوگ ماهي بيدي لاتخاف اطلع بسيارتك بساع ..اخذك للمستشفى ..يامستشفى ولك مابيها شي شخط مشخوطه جرح بسيط لاتخاف امشينه البيت كبل الدنيا ليل واكو مضمد يمنه بس لازم نروح البيته وهذا حسين عند كلت اروح للبيت واودي ع المضمد يجي بعدنه ماواصلين البيت والسيارات جانت موجهه علينه من شافونه وكفت واولهم جان عمي ابو حسين وهالمره جان ماخذ بخاطره مني وحيل معصب خاص من شاف حسين مصووب حسيت بي حملني المسوولية طبيت كبلهم للديوان مااسمع من احد ولااريد اسمع واصلا مااريد احد يحملني منيه اجاني صوت عمي ابو حسين بعد ماجان يتفاهم وي ولده الظاهر لامهم ع طلعتهم وياي جنت كاره روحي ومن سمعته مااتحملت اسكت بعد واجامل ..ماهر ماجنت اشوفك هيج متسرع لو رايح انت وواحد من الولد شنهو عذرك ..عذري عذر كل واحد يحامي عن روحه وعرضه عذري الدم بالدم والبادي اظلم اكو اقوى من هذا العذر؟ عذري استهانتهم بيه واذا ع ولدك عمي اعذرني واحسبها عليه وكون رايد انه افصلهم غلط اخذهم وياي ومن اليوم ابلغهم انه بدرب وهم بدرب وبعد الكل يطلع منها ويخليها بيني وبينهم ياكاتل يامكتول وانتو اتكتروو وارتاحوو ..لا مانتكتر منها بعد مادخلنه بيها وهالمره كسرهم بيدي اسوي بس انت اسمع كلام ولاتتصرف من كيفك ..عمي گبل ساعات ماجنت تريد تكسر الا شيخ يتكفلهم ومارضيت تشگ العشيرة هسه من شفت دم ابنك اخذتكم الحمية اكثر موو من اگلكم الصواب مايوجع الا صاحبه ماتصدگوني البينكم سووه الي اسوي انه براسي ومحد اله كلمة علي وهذا حدي وياكم كلكم عوفوني انسوني مثل گبل سنين شرجعنه سوه احنه خوتنه وي حسين وهاي الشباب وهسه صرت خطر عليهم حتى الخوه هاي ظلت يمهم يردونها انه رايدهم مايردونها حالهم حال الراحوو حجوو باقي العمام ..هذا حبيرك لاتحاجي هيج عيب عليك نقدر غيضك بس لاتتماده وي شيخك ..جبيري على عيني وراسي وانه ماممتمادي اليتماده اليطلب مني اتغاضى عن حكي الي وصل حد موتي والهسه ايدي عابت وماتحمل ثگل من وراه والي تگرل عليه شيخي انه الشيخته ماهو غيري وانه هم شيخ ابن شيخ ماني ابن الفلاح اليفلح كيعانكم سنين وانه ساكت ومامحمل احد مسوولية وانتم جنكم ماتدرون وتعرفون كلشي اجه وكت تغلسون ع سيف واهله مثل ماغلستوو ع وضعي ختمتها بهذا الحجي بيهم انطوني الحگ وبيهم لاموني واعتبروني متجاوز ع الكباريه حجيت هالحجي كله وبعدين انتبهت حسين ماهو هنا سألت عليه گالو راح يضمد ايده طلعت وراه ارد الحگه خابرني ..شني هذا السمعته ماهر صدگ طالع من گلبك هالحچي ..ماظلي گلب حسين انت بعينك شفت وسمعت ابوك گبل ساعات رافض نكسرهم ومشه كلامهم ويكلي مانريد دم وهسه من شاف دمك ع زندك صار يهدد ويتوعد من اگلكم السند اهل ابو واخوان ماتصدگوني وروح طاهر ومعزته وعظم يومه عليه كلها بصفحه الصار وياي گبل وهسه وابوك وخذلانه الي بصفحه ثانيه ماادري ليش انه وابوي النمدله ايده نكرمه اول مايتقوى يرد بطبر يطبر ادينه مدري ملحنه ماصخ مدري مانوزن امورنه زين وين العيب بينه لو بيهم لو بالزمن الصرت بي ..ابو محمد بعد اخوك هدي انت مفتهمه غلط ابوي ماينطي بيك ..لا انطه عز الله ورخصني حيل اعذرني يخوي انه هم رحت زايد اول وتالي يظل ابوك ومن اليوم المحبه موجوده تظل دوم بيناتنه بس انه وياك بالطلايب والوگفات هذا حدنه لايصيرلك شي من وراي انت هم عند اهلك عزيز ..ماهر ماعوفك ابد وحگ الموت المكتوب علينه دمي گبل دمك ورگبتي فدوه الرگبتك ابوي ع عيني وراسي بس انه وياك وان مانصفك انه وياك ماهو وياه للموت اخوك واكثر يشهد الله ..الله يحفظك ويطوول عمرك بعيد عنك ان شاءالله انه عود جايك هسه ايدك شلونها ..زينه يخوي بس خياط بسيط وضمدتها مابيها شي وعلي الليله مايطلع عليهم صبح وهم ببيوتهم حضر روحك وانه جايك ..الله كريم ارتاح هسه واشوف تاليها خلهم الليله هسه متوقعين نردلهم خل بايسون ويدللون بعد ماكووشي يوگفني شويه وصارو الكبار ينسحبون حجيي ماعجبهم حسين احه واخوانه كاظم كوه خليته يروح عريس ومرابط وياي باقي الشباب ظلوو نصهم خابرني وسام ..ابو محمد محتاج شخبارك انه جايك هسه ..ابد لاتجي ولاتوصل والله اريدك سالم ضامك للعازات خلها بيناتنه انت من غير عمام ويحگونك ..ولك هم عندي ثار وياهم مو بس انت ..شعندك بعد شجابهم عليك ..طلع الحجي العليه بالسوگ كله منهم ..لاياانذال اخه اخذلك حگك ميخالف لاادخل اهلك بيها هاي تكبر ويلوون ايدي بيكم خلوني انه وياهم مهنا يكون يسمونه عمام وهم غلطانين بحگي لانضيع هاي بهاي ..يعني مااجيك ..لاتجي ولاتوصل ابد ياهو گالك ع طلابتنه ..صدفه خابرت اكلك عليهم وماترد وحاجيت ام محمد وكالتلي بالسالفه الصارت ..وانت ياهو الكالك هم المطلعين الحجي ..هسه خابرني بسام وفهمني جان يتصل وماارد عليه واليوم راسلني كال بعد ماسألت الحجو كلهم وحلفتهم واحد يذبني ع الثاني وطلعو عمام ماهر السبب ..الله يسوود وجوهم ماينذرون بس بالموزينات ..حسين يمك ..اي اتصوب مساع حاك حاجي اسمعه يحاجي ويوصي وحسين يجاوب وهو مختنك وضايج ازيد مني من موقف ابوه ثاني يوم طلعت عليهم من جديد وهالمره بشكل اقوى وشباب اكثر راحوو وياي بحيث طلعت نسوانهم تلوح بالعبي وطلبن الحمايه وكالن دخيل وكفنه الرمي وطلبنه يطلعون كدامنه وطلعوو هم شاطرين السووه البارحه يشاغلونه بي عمي والود شاردين وطالات بس النسوان سحبت الولد ووصيتهم يوصلونهن للمكان اليردنه القرية خوالهم اكيد مايلتقن بزلمهن خاف ينعرفن واتحددت جلسة شيوخ بعد يومين من الصار وشرطت الكسر والشيله وبيوتهم تنباع حتى مايفكرون يردون الهن عمي ابو حسين مارضا عليه وطول الكعده ماانطيت فرصه الاحد يحجي وحجيت الاريده وكلت اليضغط علي اتنازل هالمره ازيد اكثر واطالب بفصل يكسر اركابهم رادو الشيوخ خاطر الهم وكتلهم خاطركم الفصل طايح الكم وفلس واحد مااخذ تكلولي عوف الباقيات اسوي الفصل مربع احس هالمره انتفضت حتى ع روحي اسبوع انه لاشايف الراحه ولا النوم ولا اولادي ولا عايلتي اسبوع بس اسبح ابدل ارجع للديوان وناس اتطب وناس تطلع خلصت وكل شروطي اتنفذن واحس بنشوة نصر مو عاديه حسين ابد ماعافني يوم وسام ماصبر واجه وساندني وكال حتى لو عشايرنه صعب تتدخل بس المواقف والخوه اكون انه سند الك موجود يمك هذا يكفي بيوم الطلابه خلصت طبيت البيت مرتاح واحس روحي ابن ابوي صدگ وكل هالزلم البالديوان ماواحد منهم غلبني وكدر يمشي عليه راي اشوف اني واكفه متلهفه وزينب تفرك باصابيعها من شافتني فزت وسرور وكفت كلهن خايفات محتارات سلمت براحه وكتلهن تعبان لاتسألن بس كلشي ردته اتنفذ وع اكبر شارب بيهم بعدهن يحجن حاجيت زينب ..زينب حبيبه حضريلي حمام واكل اريد اتغده وارتاح ردت علي مثل كل مره ..من عيوني ..عشاهن سالمات العيون وراعيتهن حجيت وانه مبتسم عيني عليها وهي تمشي احسها تمشي ع گلبي ماجن اسبوع التهيت بي وماشفتها وشبعت منها مهره ومثل مامتمني يمكن الوحيده هي الاجتني من الله بدون تعب ماصبرت اظل كاعد تمي تعرفني من اتعب ماتسألني تدري بيه ارتاح واحجيلها الاريد احجي والمااريد احجي ماتسألني عنه ابد ماعدها فضول باقي النسوان ويمكن تستخدمه وي غيري وتعرف الاخبار كمت وراها ذبيت الچماغ والعگال من راسي وعلكت العبايه وطلعتلها لاگتني اباب الحمام طالعه منه بعد ماجانت تحضره خليت اديني ع الباب ..وين يالمهره ابتسمت وهي تأشرلي ..فدوه العمرك منا عمتي وسرور خليني اروح اجهز غداك بين ماتكمل ..عوفي عمتج تفرحلي والله مره جبيره فرحتها شكبرها يم الله تنحسبلج لو طبيتي هسه وي ابنها وريحتي بعد تعب اسبوع ضلوعي يوجعني بايدج يطيبن شتكولين ؟ ضحكت وانه اشوف عيونه تتوسلني ونبرة صوته منصيها ..عمتي مفرحتها بغير سوالف خادمتها بعيني وخايفه الله بيها شرايك انت تخاف الله بيه وتجنبني هالاحراج ..عليش احراج يابويه جديده انتي لو بعدج بأول اسبوع ابيتنه هسه انه شردت منج ردت اتكاسريلي الماي الله اليعلم نيتج وين راحت ..هههههه خطيه ابد بس هدي نيتك لازم ماتندل الحار من البارد ضحك وهو يوخر ايده عن طريقي مشيت وحسيته سحبني وصوت الباب انقفل بسرعه عجيبه فتحت عيوني مستغربه السرعه العنده وايدي ا گلبي ضحك وانفكت عگدت حاجبه ..هو اليشوف هالطول والحسن هذا يعرف الحار من البارد مو زين اعرف واندل بيتنه ضحكت وهوو سحبني جوه الدوش بهدومي فتحه عليه شهگت ..هسه شلون شيطلعني هيج ..ماراح اطلعين هيج اطلع انه وانتي وراي وهدومج انه اجيبها وين لاكيه هيج دلال اكو احد جايبلج هدومج كبل ضحكت ..لا والله هم خلف الله عليك ..تعرفين شي ..شنوو ..تعرفين بروحج احلى شي صار بعمري وتدرين حتى الاحبج هاي احسها بحضورج مالها معنى والبگلبي الج شي اكبر سكتت واتي استمع اله واستمتع بنطراته وحركاته الي اسرتني من نفسي وطغت ع خجلي وخوفي وخلتني انسى انه وين غمضت عيني بين صوت المي وهمسه وبين دفو كلامه ودفوو لمساته وانفاسه ..مهرتي تحبيني ..احبك اكيد ..مرتاحه وياي همستله ..هواي مرتاحه ..وانتي راحتي تدرين ..اليوم شمغيرك هيج ..المغيرني هواي امور اتغيير بس الگلته الج كله بيه وحاسه مو تصنع مني مرت دقايق ماتنعد ولو عديتها تنعد عمر سمعت كلام مسامعته بوقت كنت محتاجته حيل حتى ارتاح اني جنت تعبانه وي تعبه وارتاحيت من شفته هيج مرتاح ومتغيير مزاجه هواي صوت اطفالنه اربكني خله المنشفه ع متنه بعد مالبس ملابسه بجامه وفانيلا مايطلع بالبيت بدونهن احترام السرور ووجودها بالبيت رغم هي مثل النسمه همها بس ع كدها متحمل غيرها هم حيل اضوج من اشوفها تعزل نفسها بوكت متكون مهمومه ومن ترتاح تحب تسولف وتشاقي وتساعد طلع بعد ماسمع صوت الجهال دار وجهه عليه وهو يضحك ..تدرين ناسي عندي خلفه ولج خو ماتحطيلي شي ..ضحكت مثليش يعني ..انه ادري جاي يحجي ويطلع زار وجهه وصارت بوجهه سرور طالعه من الغرفه الثانيه القويبه الغوفتنه هو هذا الحمام الاقرب الغرفتنه حسيت حيل ارتبك وهي هم راحت بسرعه نزل راسه وفات شويه وانطاني الملابس طلعت ابدل رحت انشف شعري وطلبت احضرله الغده لكيته متغيير مزاجه وكال مااشتهي نشفي شعرج وجيبي جهالج وتعاي رحت جبتهم بوسهم وخلاهم يمه ورفع عينه عليه وگال ..شوفي من تشوفيني اروح زايد نبهيني انه رجال ومو مثل المره احسب الكلشي احساب انوب انتي نبهيني لااتماده هيج ..مافهمتك شنو قصدك يعني ..يعني الي صار مالازم يصير سكتت بس حيل ضجت انه ماجبرتك بالعكس مااريد هالشي كدامهم وهو يعرف صح مو حرام وزوجي ومامسوين غلط بس عيب وانه طبعي خجوله سكتت وانه اسمعله ..انه ماادري شجاني استخفيت نسيت والله ابد مااجه ابالي سرور وماردتها بيوم تشوفنه هيج ..ماهر لاتخبلني شسوينه احنه بعدين اشوفك تحملني المسؤولية انه شعليه ..مو يمج انتي بس المفروض تنبهيني اني مشتاقلج وعقلي قفل عليج نسيت وجودها وكسرة خاطرها المفروض نراعي مشاعرها ..هسه شنو اتريد اسوي اروح اعتذر منها حجيتها وانه احس اعصتبي ترجف منه مو منها احس كبر الموضوع ..انتي ماتفهمين انه كل ذيج الفتره مراعيها وحتى كلمه حلوه احرص مااسمعج يمها بعده يحجي ويريد يكمل كلامه قاطعته ..منتبه النفسك جاي اتهيني وجاي تصورلي عرضت نفسي عليك وورطتك لو لا ..ترى عادي متزوجين يعني شنوو مثلا غلطنه لو انت هيج ناوي الساعه الحلوه تعيشني وراها ايام بمراره ..ليش تصيحين ..لأن كلامك مو منطقي ابد ماجبرتك انه ع شي ..صوتچ ولچ لاتتمادين تعلميني المنطق انتي مالمتج انه لمت روحي وكتلج المفروض تنبهيني ..وليش انبهك اصلاً السويناه حرام ..انتي مو صوجج صوجي انه عبالي تفهميني ولج اختي ارمله والمفروض اراعي الله بيها ومو بس اراعيها بلبس واكل ومكان تنام بي المفروض اراعي مشاعرها مكسورة خاطر هي ..وهاي هسه انت تراعي مشاعرها وفرحان ماتسمعني كلمه حلوه يمهم تخاف عليها ماراعيت مشاعري من حجيتلي هالحجايه ..شمقصر وياج انه شبيج جاي احجيلج المفروض نتعامل يمها بحذر ..وليش كل هذا خايف عليها هيج زوجها اذا تشوفها ماتتحمل... بعد جاي اكمل كلامي واكله ماتتحمل تكون وحيده ماحسيت بس ع طرف ايده لخ بيها وجهي شفتي وخشمي صارن يصبن دم وكفت مستغربه السواه وايدي جوه خشمي وهو ينگط ..طاحظج عبالي صدگ عاقله واشاركج افكاري واريدج تساعديني تالي هيج تگليلي اكوو وحده تگل الزوجها زوج اختك اذا تشوفها ماتتحمل مربايه التحجي هيج شفتيها مامتحمله هي لو انه وحدي افكر بيها چي شابه ومااتهنت طلع بعد ماركع الباب بقوة الموقف الخلاني بي ابد ماكدرت احجي شي حتى دمعه مانزلت طلعت غسلت وهي شافتني اجت وكفت يمي ..حبيبتي شبيج شبي خشمج ولج بس لامريضه ولج من فرتج وتعبج اكلج ارتاحي ماترتاحين ظلي دوم اركضي لمن اطيحين خل اصيح ماهر ..نزلت دموعي وكتلها لا عوفي اني انضربت بالباب يتبع... | ||||
|
| |
|
25-06-19, 01:53 AM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 24 جمعه مباركه ممتابعيني الأعزاء ❤ ………………… زينب.. فتت جووا للغرفه الجهال بجوو وانه خليت كلنس ع خشمي وطرف شفتي ادري انه شحجيت ويكلي اكو مربايه تكل الرجلها هيج اني قصدي اذا يشوفها ماتتحمل الوحده يمكن. هو اخذها بغير قصد عباله قصدي ماتتحمل بدون رجال لأن تشوفنه سوا عزه خليت اديني ع حلكي مصدومه بس لافهم هذا قصدي عزه بعيني والله ابد مو هذا قصدي هوه نيته مو صافيه وبكيفه يفسر الامور اصلا هو خايف هي تفكر هيج الزلم عباله مثل تفكيرهم هي والا اصلا سرور ماكو منها بس لاتسمع اني هيج قاصده عنها هو مايكول اكيد بس انه شكول لو سامعتني ومفتهمه قصدي مثل اخوها ضيع عليه فرحتي بي انه الك والله عمت عيني اذا طخيتلك راس وسامحتك بسرعه سهله ماهر مثل ماانت تكابر اني مو قليلة شر بس المؤدبه تشوفونها ضعيفه جاي ارضع بحمودي ومخليه الممه العلاوي هيج ابادلهم واحد ع ممه وواحد ع صدري والرضعه الثانيه عكس هيج اعتبر نفسي ممقصره وياهم اثنينهم فات هو وعينه عليه باوعلي وركز ع شفتي تركته جني مااشوفه شبعت الجهال وطلعتهم ورحت يم سرور ويسر لعبتها شويه لان تغار من الجهال عفته بالغرفه مارحت يمه وكتلهم اجيت حتى ينام براحه صار فتره مانايم العصر التهيت بالمطبخ والتحضيرات وخطاره الاجوو وبين المي والجاي مشه الوقت وصار العشه وهو حتى عشه ماراد تركته براحته وفتت الغرفتي بدلت ثوبي بثوب قصير ومريح ورفعت شعري ذيل حصان عالي بس هو كلش طويل ويضوجني مرات ودي اكصه لو ماحكم القوي غسلت وجهي وخليت مرطب الوجهي ومرطب الشفتي دهنت اديني وهو فات كملت ع راحتي واكفه ع المرايه وهو عينه عليه جان كاعد ع طرف الجربايه حتى اخذ الجهال يلعبهم بجو بدون كلام اخذتهم كل واحد لمكانه بعد ماغسلتلهم وبدلتلهم وشبعتهم ناموو جريتلي فراش ونمت بالگاع قريب الكاروك الجهال اتمددت حاجاني هو ..وين؟ تعاي ماجاوبته بس احس اختنگت حيل ..تعاي هنا خل نحچي ..بنتر جاوبته مااجي الاي مكان وخليني بهمي الله يرضا عليك.. هذا هوو انت التريده شنوو ظل راعي اختك وانه بعيده عنك وهي صديقتي واحبها ترى بس ابد نفسيتها مو الانت مفكرها اعرفها اكثر منك اني ..هم عليتي صوتج يابه انتي ليش ماتجوزين من الصوت العالي وتدرين بيه اكثر شي يستفزني ليش تصيحين ..تعاي نسولف گعدي ..مو وكت سوالف خليني هيج ..تعاي نحچي گلت.. الله عليج ترضيها الحچايه الگلتيها الروحج خلي بمكاني اي واحد يرضا تكولين ع اخته ماتتحمل زوجها! ..هيج تشوفينها سهله الحچايه كاتله روحها ع الرجال هي شايف عليها شي انه وهيج خايف عليها وتردين انتي استرها حتى مااثر عليج واجرحج لأن ماادللج يمها ..رجعنه النفس السالفه ماگلت هيج انه مو هذا قصدي وداعة ولدي قصدي اذا ماتتحمل الوحده انت بالك راح بعيد والله مو هذا قصدي وينگص الساني اذا يجيب طاريها بحجايه سرور تستاهل كل خير واتمنالها السعاده بكل وكت هسه عوفني بحالي الله يرضا عليك خليني مجبوبه وساكته مو واصله لهنا عندي منك مو من غيرك وحق الله هاي طگتك الي ودمي الخليته يطلع وبكل برود تعوفني وتطلع بدون ماتفهم مني وتفهمني مااسامحك عليه والله الحاكم بيني وبينك مااخلي بشر يحكم حكم الله يكفيني حجيتها بقهر وانه مركزه بعيونه وعيني مغوركه حسيته اتفاجأ بيه صفن مطوول عليه وگال ..الله يعلم بيه شگد احبج ورايد خاطرج ومن حاجيتج حاجيتج بنبره هاديه وردتج تحتويني انتي وتهونين عليه ماادري شجاج وگبيتي انه مالمتج ومبيين من نبرة صوتي اترجيتج وطلبت منج طلب وگتلج انه اشتاقيتلج وقفلت عليج انوب نبهيني يعني مو ع الصار احجي ع البعدين خاف انسى انتي انطيني اشاره ردتج عون اليه مو اكثر ولو مااعرف علاقتج بيها مااطلب هذا الطلب منج بس ادري انتن مثل الخوات وخاطرها يهمج اشوف علاقتجن حلوه ومن كتلج انه حريص مااسمعج كلمه حلوه كدامها مو قصدي اهينج تعاي واحلفج بجفوف العباس اكوو يوم قللت من قيمتج يم امي لو سرور لو اي بشر ثاني اهلج اهلي باقي الناس جاوبته ..لا ..اكو يوم هنتج بيني وبينج حجيت عليج صحت غير المشكله ذيج الصارت ..لا ..جا ليش تشوفيني مقصر وحجايتي هاي استفزتج شكم مره كايلهم احمدالله بس عليها وع طيبة كلبها هدية الله الاجتني واحلى هداياه كايل هيج لو ماكايل ..هزيتله راسي اي ..جاليش تشوفينها اهانه الج وتقصير مني جي كتلج احرص مااسمعج كلمه حلوه مثل حبيبتي عمري لو حجاية غزل تنگال بين الزوج والزوجه بس يعني مابيين احبج الا اكول ذني كدام احد بيناتنه مايكفينه هذا الحجي ..لان ماله داعي انت مفكر زياده ..لا والله مو زياده انه افكر بيها انتي ماتعرفينها جر نفس وكمل كلامه ..ماتعرفين سرور هاي شلون جانت شعله بالبيت حركه وعناد ونشاط جانت تحبه حيل اتخلت عن الكل ومااتخلت عنه وادري بيها تحب زلمتها وتفتقده ومن تسمع هالحجي تحن اله اكثر وانه اريدها بس تنسى وتعيش الروحها بعدهي طفله سرور ماعاشت هيج ايام حتى بزواجها ماتهنت جانت تنوح علينه الكل جار عليها غلطت وعاقبناها وتالي زمانها جار عليها اكثر انه من تقصيري وياها گبل واحساسي بالذنب حسيت بيها والا والله ثقتي بأختي كافيه وادري بيها مايهزها الي افتهمته من حجايتج ..بس والله انه مو هذا القصدته انت فهمت غلط ..انه فهمت غلط وانتي فهمتيني غلط انه من حاجيتج طلبت منج لالمتج ولانبهتج انه ردت تذكريني وكتلج احنه الزلم ماننتبه الهيج امور ع العموم هسه ارتاحي وخاف انه عايز خلي الله يعابيني وياخذ حگچ مني ولچ والله وعظمته لو تدرين البگلبي والوجع البي مادعيتي علي من گلبج بس اريد من الله كون دعائج يتحقق واخلص من دنياي كلها الماشفت بيها راحه من صرت لليوم انتي تشوفيني ظالم وغيرج يشوفني انغريت من كبرت وصار عندي فلوس وناس تشوفني حاقد وتردوني هيج انسان عادي حالي حال العاش حياة طبيعيه محد منكم حاط روحه بمكاني انه مو مغرور انه الدنيا عجنتني عجن وخلتني احجي البگلبي بدون مااجمله يمكن غلطت مافهمتج قصدي عدل بس جنت هادئ واسولف وياج سوالف لاصيحت عليج ولا حجيتلج بصيغة لوم انتي الصيحتي وهاي كم مره انبهج الصوت العالي يستفزني يخليني ماافكر صوتج اتعودي لاتعلينه واحجي التردينه بس اختاري التحچي وميزي اول .. انه ماشايفتك مغرور بس انت صدگ تاخذ موقف بساع وهاي السوالف اجيت ضايج منها من الكعده وذبيتها بيه شافوك حاقد يجوز لأن ماهونت شويه بطلباتك ..ماذبيت بيج شي يشهد الله اجيت الج ملهوف وانه مو ناقص واطلع حرگتي بيج ولا جبان وانحگر يم غيرج ويمج اتقاوه انه اخذت حگي من بين عيونهم والي يشوفني حاقد هذا الله مالاجم گلبه لو ملجوم مثلي ماكال هيج دعائج عليه كافي يبيينلي الي بگلبج ع العموم فهمتج الي ابالي واذا ع الطگه انه اعتذر وحگج يم الله هو يتولاني ويطلع حوبتج ومن باجر ادفع كفاره لف راسه ونام وانه مثل سمجه متزوهره اتگلب بمكاني حجيه وجع گلبي حيل هو صح راد يراعي مشاعر اخته بس مو وكتها اختار الوكت الغلط يعني بعدني شعري مامنشفته وحسيته ندمان زين انه شعليه تطلب مني هالطلب مانمت الوجه الصبح ماادري شگد غفيت بس مو هواي ربع ساعه يمكن واسمع صوت الباب انفتح فتحت عيني باوعته مبدل وطالع بعد دنيا وكت وين رايح حتى مو وكت گعدته مااهتميت وظليت نايمه كعدت ع موعد كل يوم سويت ريوگ واخذت الجهال يم بيبيتهم تفرح بيهم وتلعبهم وتناغيهم عيوني ادوره وانه اسوي الريوگ حجت عمتي ..عمت عيني ماهر طلع من فجر الله حتى لااكل لگمه ولاشرب جاي اتوسلت بي اسويله ومارضا رايح يزور اخوانه وابوو سمعتها وسويت روحي ادري يعني بهاي روحته راح للنجف بيش الساعه هسه لازم وصل اخابره اشوفه لو اغلس لا مااخابر ليش اخابر ع شنوو كملت شغلي بين طبخ وتنظيف المطبخ كعدت سرور اكلتلها لگمه وكامت اتنظف البيت طلعت انه للحوش انظفه يمه احس امتوني يطيحن وهو مامخلص اندگت الباب صوت حسين هذا حاجيته من ورا الباب ..اتفضل ابو علي عمتي هنا فوت ..ابو علي اسمه هنا ماشي هيج اكثر من حسين واني احترام اله مااحاجي بسمه ..هلا خويه ام محمد ابو محمد وين تليفونه مغلق يطلعلي.. ماموجود هو؟ ..لاماموجود راح للنجف اليوم ..ها الله وياه ..محتاجين شي ..سلامتك خويه الله يحفظك ..الله يسلمج طلع وسرور جانت جايه تشوفني يمكن محمد يريدني لأن شايلته هي ..ها ياهو بالباب ..هذا حسين جاي يريد ماهر ..ياا وامي تريده تريد تفتهم منه سالفة الگعده البارحه شو مدري ياهو مخابرها كايلها الشيوخ زعلانين من ماهر مااتساهل الاجلهم وعمي ابو حسين حيل ماخذ بخاطره وتريد تشوف الصار لأن ماهر ماحجالها هيج انتي مافهمتي منه شي ..لا والله ابد شتعرفين اخوج يسولف بهيج سوالف بس كال انحلت والردته اتنفذ ..اخخ من الله ينتقم منك ياسيف على الاذيه الاذيتها النه والله مانعول نخلص من المشاكل خاص ماهر لحد يلومه ابد.. زين يسوي وياهم ماكو طريق للاذيه وياه ماسلكوه ماانسى فتره ظل بيها وحده حتى انه اتخليت عنه وشفت مصلحتي وعفته وتالي حوبته بيينت بيه وخلتني اشوف الدنيا شلونها من تجور وتجفي نزلت دمعتها واني ودي ابجي وياها وحسيت بيها هي هم محمله نفسها ذنب عافت اخوها بيوم مو بس هوو! شلون تگضي وهم واحد يشكيلي شعوره شلون مأذي الثاني اخذت منها حمودي وكتلها فوتي بدت الشمس تعله ولاتحجين هيج ترى هو ضايج عليج اكثر منج ماادري شني الصاير گبل بس الاعرفه انتي مختاره ابن عمج وهو اختارج يعني مامسوين غلط الحمدلله الله اعرف واحكم وهذا المكتوبلج مو شرط حوبة احد .. الاهل مهما يطغون ويزعلون ع بتهم مايتمنون اذيتها وي كلامي وياها ودمعاتها مثل الخرز يطيحن من عينها للگاع حنيت الأهلي حيل صار هواي ماشايفتهم وسوده عليه ابوي حيل متأثر ع وسام وزعلته امي تگول حتى اكل ماياكل وظال ع العلاج كوه خاص من عرف السالفه بيها عداوه من عمام ماهر كتلها خل يخابره مايكول وسام بس كالت مارضا وكال خلوه براحته اشتاقيت اروح اشوفه يجي ماهر واخلي يوديني بس اني مزاعلته شلون اگله ارد اروح الأهلي خلي يجي والله كريم صار الضهر عمتي خابرت ماهر وهي ماتسمع الا تفتح سماعه خارجيه حاجاها بصوت تعبان ومخنوگ ..هلا يمه ..هلا يبعد امك وين وصلت … بعدني يمهم يمه مارديت يجوز اظل الليله ..وين يمهم يبعد امك شتحصل لو طولت ايام ولك يمه گوم الشمس تذبحك روح ارتاح مهران يمه لاتشلع گلبي عليك شمس المگبره تكتل يمه لاتتمرض اروح فدوه الطولك كافي شفتهم وذبيت البگلبك ماتحصل شي بعد ..والله جني گاعد بنصهم ومدلل بينهم ماشوفهم طابوگ يمه ..فدوه اروحلج يمه انعيلي شويه وريحيني طلعت سرور ماظلت خافت تفقد وامها تتأثر اكثر اصلا هو مايخلي عمتي تعزل روحها وتحزن وانه مرات من اسمعها بسكته وهي تكضي شغله بيدها تنعالهم بينها وبين روحها وتبجي ولو دره بيها مرتفع ضغطها يكلها اكيد باجيه ويظل يصبر عليها اليوم الله اليعلم الي بگلبه شنو وطلب منها بنفسه وهي ماصدگت گعدت يمها ونزلت دموعي ع اول ونه وشهگه جرتها وهي تگول وصلنه المگبره واتفاركينه دفنه الأخوو وعنه مشينه لو بأدينا لو بادينا يمهم بگينه وبالمگبره بصفهم بنينه سمعت صوته عله بنحيب وحمودي بچه ع صوت بيبيته اساسا هو يبچي الگلبه صخر اخذته وعفت علاوي هذا مايهتم يحبها من تلوليه بس محمد يبچي ومن تشوفه يبچي تگول يطلع حنين مايتحمل صوت الحزن طلعت وظل بالي يمه وصوت عمتي طول وياه ياربي احس گلبي وجعني وانه لاشايفه ابوه ولا اخوانه الله يساعد عمتي طلعتلها وانطيتها ماي وصبيتلها غداها مارادت تاكل گتلها علمود علاجج اكلت شويه وشربت علاجها خليتها ترتاح ورحت اشوف سرور ويسر تلعب يمي العابها مكومتها امها الها سرور ماطلعت من سمعت نعاوي امها وطلب اخوها رحت الغرفتها لگيت عيونها قطعة حمار وتشهگ وبيدها مجموعة صور گعدت بصفها وشوفتني ولد ابيض طويل وشكله هيبه الصوره چانت لاف چماغه لف ولابس دشداشه ومحزم بسلاحه ورافع طرف دشداشته بأيده وكفته صايره صفح بس شگد حلوو شكله گالت هذا فاخر اخوي الجبير والصوره الولد اسمر عيونه كبار ومكحله گالت هذا سامر وشوفتني باقي الصور وبيهن اكثر شي صور ماهر وي ولد حيل يشبهه بس الولد ابيض وملامحه انعم واهدأ مو قاسي بملامحه سألتها عليه گالت هذا طاهر هذا مو بس اخوو الماهر هذا روحه من الدنيا عمر كامل مااتفارگوو ابد الحد الموت يلله فارگهم جانت الدنيا گبل حلوه عايشينها بطيش مدللين وابونه مامقصر ويانه ابد ماخذينها لعب وضحك وشقه وجنه لو شفنه واحد يلوم دنياته نضحك عليه شبيها الدنيا اصلا حلوه شفت صور ابوهم شكله هيبه ومبيين وقور اليوم هذا حيل ضجت وظليت مكتأبه وهو مااجه وانه اتندمت جي مارايحه الاهلي صار هواي شو حيل خفت يمه اسم الله عليهم وجودهم بالدنيا كافي ربي يحفظ اخواني وابوي وامي وربي مايشوفني بيهم مكروه الله يساعد عمتي شگد صبوره ماهر.. بعد الصار حيل چنت ضايج ومخنوگ ومحتاج اروح الأحباب گلبي الليل كله مانمته امثل النوم والفجر صليت وطلعت وصلت المگبره وبديتها بسورة الفاتحه هديتها الهم وسورة ياسين وبعدها اختنگت وانه اشوفهم اعز ناسي اربعتهم هنا وابالي ابيات ارددها تهزهز ياگبر وانفض ترابيك وعزيز الروح هالنايم ترى بيك اجانه العيد وعيونه ترابيك اشحلات العيد من نگعد سويه عيوني ع اساميهم واحد واحد واتخيل اشكالهم گدامي وذيج ايامنه الراحت وحلاوتهن وهيبتنه بوجود ابوي ودلاله احس روحي مختنك حيل والحسرة بعدها بيه وي مااتصلت امي خنگتني العبره وانه افكر بحالها ماگول بس الله يعين گلبها حاجتني وحسيت روحي محتاجها وطلبت منها تسمعني تراتيل الحزن بصوتها طلعت عبرتي وي اول ونه جرتها بجيت وارتاحيت طلبت مني ارجع وعدتها ارجع بس ارتاح اكثر زرت الامام صليت وارتاحيت وسألت شيخ ع الصار ودفعت كفاره حتى ماانطي النفسي مجال واعيدها احراجي كافي واته اشرح شلون طگيتها والسبب تافه هي تكول مو قاصده وانه فهمتها غلط وهي هم فهمت طلبي منها غلط واعتبرته اهانه الها وانو انه محملها مسؤولية وهذا مو صح يشهد الله ماجان هذا قصدي ردتها تساعدني وتنبهني ابعد ااي يضوجها مو اكثر اشوفها مكسورة. خاطر ودومها حزينه اتمنالها تتزوج مو مااتمنى بس ادري ماراح تتقبل لمن تنسى ولو قليل وتكدر تتعايش وتفهم الها حياتها وكدامها عمر طويل هي وبتها ومحد دايم الاحد احس هيج مواقف بيني وبين مرتي حتى لو مو مقصوده تحرك بداخلها الحنين الزوجها مو الأي شخص ولا بقصد مو زين قصدت بس انه محروم من الاخ والاب واكو مشاعر تصير گدامي تخليني احن الأيامهم ابسط شي موضوع وسام رغم هو زعل ع اهله واخوانه بس انه من شكالي انعصر گلبي واتمنيت بيوم. يرجعون وهيج يخافون علي ويحاسبوني وانه راضي هذا شي يضوج وانه تمنيته شلون لو موقف احلى اكيد اتمناهم اكثر من هذا الباب انه اريد ابعد هالشي عنها لاقصدي اهين مرتي ولا قصدي افضل اختي عليها هي تعرفني وتعرف تفكيري انه مو من هذا النوع ابد اصلا مخلي حدود بالبيت للكل تعاملي وي امي بحدود وي مرتي بحدود واختي نفس الشي وهذا الاشوفه صح يجوز غيري يشوفه غلط بس هاي قناعتي اتفاجأت منها من ثارت وعله صوتها ع شي اصلا ميسوه انوب انه اريد افهمها الظاهر خلبصتها اكثر وافتهمت انو انه مفضل عليها وناوي احرمها لان اختي محرومه وبس! وكلمتها الاخيره هي الي استفزتني واتسرعت وطگيتها بس حجايتها حيل اذتني وماارتاحيت لمن حلفتلي ماكان هذا قصدها الي ضوجني اكثر وجرحني دعائها عليه ركعت للبيت وصلت المغرب كلش فتت للبيت هي بالمطبخ سرور يمها سلمت سلام عام وبس سرور ردت امي جانت تصلي ويمها التوم نصيت هليهم بستهم كاعدين بفراشهم رحت غسلت وصليت وبعد الصلاة سلمت ع امي بالي يمها من بعد ماطلبت منها اتندمت خاف تتمرض بس الحمدلله شفتها زينه حسيتها تريد تسألني اتي تعبان اترخصت ورحت لفيت راسي وطفيت الضوا ونمت ماگعدت الا ثاني يوم وطلعت بين السوگ وواجبات الفواتح والعصر كضيتها بالگيعان رجعت بالليل لگيتها متانيتني ..اصبلك اكلك ..بكيفج ..كلتها واحس راسي يريد ينفجر جابتلي اكلي اكلت ومالي نفس الكلشي جفاها مامتعود عليه ابد كملت اكل واخذت حبايتين راس ونمت … . حسين… بعد الي صار ابوي اخذ موقف من ماهر وانه اشوف ماهر عنده حگ ومو مال يجاملون براسه واته هم ماجاملت ابوي وكتله الحگ وي ماهر وهو حتى عليه ماراضي امي ماجازت عني وقررت تخطبلي واتفاجأت من كالولي مفاتحه اهل البنيه وجايه تخبرني انه وابوي هنا اتخبلت وبدون اي مقدمات كتلها ..انه مااتزوج هاي ورايد وحده ثانيه طلعيني من حساباتج يمه وخليني بحالي ..ياهي الي ابالك گلي عليها وانه اخطبها ولك انه متفلحطه عليك وانت رايد يوم عيد ارد اشوف رادتك والله ازفها الك بيدي ..عوفي سالفتها يمه بعدين اگلج ..امشية عليك الله ومحمد گلي ياهي التريدها مسحت وجهي ولحيتي بقهر غير يعوفوني حجه ابوي كلها ياهي ماطول محاجيه اهل البت خلي اطلعلها حجه جا تريد انت وامك تفشلونه وي الناس ..انه مايلها تخطب ليش تسودنوني مثل مافتحت سالفتها تسدها ..گلها ياهي الي اتريدها ومحد يجبرك الاعذار هواي نتعذر ..رايد سرور بت عمي ابو فاخر عيني ع امي سكتت وفاجأني صوت ابوي صاح ..كل عقلك انت لو تكاطير للسما مااخليك تاخذها …………… زينب.. طول زعلنه ايام لاهو يحاجيني ولا انه هو اعتبر حجيه الي من فهمني قصده واعتذاره عن طكتي كافي واعتبر نفسه معتذر وبعد كافي وانه اشوف ذاك اعتذاره مو كافي من كتله الله تلحاكم. بيني وبينك حسيته اخذ ع خاطره مني وزعل خليته ع زعلته وظليت ع زعلي مر اسبوع بعد مااجه من الزياره ياكل يشرب اغسل هدومه كلشي اسوي بدون مااحاجي وهو هم يجيب طلباتي المتعوده عليهن بدون مايحاجيني وحتى مايأمرني ويسخرني بشي كلشي يريده بأيده ياخذه بس ابد ماحسس اهله بزعل اكو بينه يمكن عمتي حست مني لأن انه اعصابي تلفت وصرت ع اي شي اصرخ ع الجهال واحجي بنتر حتى اذا السالفه ماتستاهل احس اكو ضغط عليه قررت احاجي بس مو اعتذر لا بيوم اجه بالليل يريد ينام حاجيته ..ماهر باوعلي بدون مايحجي ..اريد اروح الأهلي ..شفت نظرته تغيرت تلاحگت الموقف وكتله ..مسيره اشتاقيت الهم رد عليه بدون اهتمام ..ماامنع ولا مانعج عنهم روحي شوكت ماتردين حضري روحج اوديج ..بس ابات وارتاح كم يوم ..براحتج حجاها وعدل مخدته ونام وانه احس الخنگه كتمت صدري شو هذا مامهتم! يتبع… | ||||
|
| |
|
25-06-19, 10:50 PM
| #27 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 25 مساء الورد حبايبي ❤ بارت مفاجأ بس مليان مليان سحكات استعينوو بمترجم لان النهايه كتبتها واني احضر گهوه وجاي 😁 ……… . يبوو شسوي هسه اني عبالي من اگله اريد اروح ويرضيني ويگلي روحي بس لتباتين مااتحمل غيابج مثل كل مره يكلي شكد متردين روحي بس لتباتين اتعودت ع وجودج يمي شمرت الغطه عني وگعدت يابه شگد مغرور وميقبل عمامه يكولون عنه مغرور مگايلتها عليك قبل بس انت صدگ مغرور وشايف نفسك هم شصاير لو راضيتني لا وانوب هو زعلان لأن دعيت عليه يعتبرني حاقده عليه بس اني بوقتها وكلت اسم الله عليه وطلبت من الله يسامحه جريت نفس قوي وزفرته يايمه احس گلبي يوجعني مااعرف ودي اسوي شي مااكدر اروح واحنه هذا وضعنه ومااريد اتنازل فززني صوته وهو يگول ..شكوو هنا حيه تنافخ شني هالصوت هذا حيه تلدغك ان شاءالله بس كون مو سامه اسم الله عليك من سمها عابت والله عرفني بس يغشم نفسه اني الك والله ولا اتنازل لأن اني مو غلطانه لو غلطانه غصب عني اعتذر منه اجيت اذب نفسي ع المخده وانطمر شمرت نفسي وراسي طگ قاعدة الكاروك بقوة بحيث احس عصافير صارت تطاير فوگ راسي ماردته يشمت بيه ماطلعت صوتي گال شكوو اليوم حيايه وبزازين شعندي بالله يعني نظل هيج ماانام باوعتله بحقد.. قليل اشوف ملامحه مو واضحه مخليه ضوا خافت كلش للجهال ينكت صايرر كه كه ترى متضحك اصلا وينك ووين التحشيش انت شمعرفك بي گتله ..بطلت مااروح البيت اهلي باچر ماجاوبني متت قهر ..ترى مااروح مو تگعدني من الصبح وتگلي حضري روحج ..براحتج ترحين لا التردينه سوي ..يعني هيج بكيفي بعد مايحتاج اخذ رايك بشي مادام كلشي براحتي انوب اسوي اليعجبني هذا هوو ..اي سوي اليعجبج اكوو يوم مانعج من شي انه ..اي هواي شغلات مبيين انت تنسى ليش ماتاخذلك علاج وتتلاحك نفسك ع النسيان الصاير يجيك ..من اگلج السانج طولان وصوتج عالي تجفصين ازيد وتوازيني ع المغثه ..شناسي مثلا مامنعتج بس من الجنتي ممنوعه منه ابيت اهلج اصلا اختلاط وي گرايب ماكوو اذا ولد يعني كد المناسبات والارقام بس حذرتج منهن بعد اكو شي مانعج ذكريني مادام ذاكرتج قويه ..هاي انت ليش بسرعه تلوف الشغله عليه وتصير عصبي بدون داعي وتسوي صوتك ناصي عود محترمني بس تعرف نفسك تستفزني جاي اسولف اني مو اكثر ..اي سولفي ليش لا عدل گعدته وعلگ لايت باوعتله مركز بيه ..اي گولي ليش ماترحين شغيير رايج ..هيچ عاجبني ..ماعاجبج شي بعد منا منا نظرات عيونه اتغيرت وهو يباوعلي ويحجي نزلت راسي خجلانه بس شنو ناويه ابيع ثگل كمل كلامه وگال ..كولي يعني حتى انام وانه مرتاح لابزونه يمي لا منافخ باذني باوعتله بحقد وصدگ اختنگت سكتت ماحجيت شي اصلا ماكو شي ينحجي واحد مستفز ويتحكم بصوته وهدوئه من يحاجيني ومن اعصب اني ويعله صوتي اصير مو خوش واستفزه اتمددت وجريت الغطه ع راسي بدون مااحجي احس حروره بصدري والله يدري بيه شكد احبه وادري بي يحبني هي حجايه وحده خلي يكلي فهمتج غلط وسامحيني مو يكلي الله ياخذ حقج وادفع كفاره شنو من رضا هذا طبيعتي من اعصب اجر نفس قوي وازفره ومن وره حجيه حتى النفس گطعته حسيت الغطه انجر بهدوء وقبل لا عيوني تلمحه باسني بگصتي ..هذا راسج ابوسه وكسر بيدي بعد اذا مديتها عليج هاي بوسة اعتذار وبأيده لزم وجهي وخرته عنه صارت البوسه بين خدي وشفايفي .. وهاي بوسة صلح وشتريد ام حمودي اني حاضر تحشم وانه افصل مدري شجاني ونزلت دموعي وطلعت العبره المتكسره بصدري اهماله الي كل هالفتره حيل جرحني والاكثر لان فهم حجايتي غلط وفهمته وبقى على نفس الموقف ماغير بي شي ..هسه الدموع ليش الظاهر انتي مرتاحه للزعل خلصانه من ماهر وطلباته موو اتمدد بصفي ودار عليه واخذني بين اديه بادلته الحضن ودفنت راسي بصدره ..صح گايلج احب شعرج بس مو اكثر من وجهج ليش ضامه الوجنات ومخليه الشعر يمي خل اشبع من وجهج وامسح دموعج بأيدي لاتبجين مايلوكلج الزعل ام عين صلفه ولج اسبوع انتي نظره وحده ماتنطيني عنوديه اكثر من عنادي شگد قاومت حتى اشوف تاليها وياج وضعفت من حسيت بيج مختنگه وتتحججين وتكركعين طلعتي مو هينه ابد تدرين كلشي ولا اشوف احد يخصني هيج مخنوك انه انطيتج مجال اشوفج مرتاحه وردت ارتاح هم وكلت يجي وكتها ويطيح الزعل بس بعمري مامعتذر الاحد اول اعتذار قدمته الج يصير بعينج هذا وبعد تحترميني مثل مااحترمج وصوتج مايعله عليه لو لا هذا اختبار الج هم ختم كلامه ابوسة بين عيوني وبعدها اني اعتذرت منه اذا فاهم غلط بليلتها حجينه الي انقصده بصورة اوضح واهدأ وحجالي المضوجه والضغوط الي صارت عليه وشلون ابو حسين متغيير عليه وحسين كايله اكو من كاعد يحجون براسه ويكلوله الناس تشوفك واجهه وهو اليتحكم بالعشيره بعدها تركنه كل همومنه والي يشغل بالنه ونسينه الدنيا وشفنه الحلوو بيها حبنه وتواصلنه وانو الزعل مرات يولد ساعات حلوه بعد الرضا منها الي نشعر بيها واحنه وي بعض ومنها الي نفهمها ونتعلم منها دروس وهذا الي صار ويانه نمت بين اديه واثنينه جنه بالكاع گعدت من نومي متكسره لان الفراش ضيگ ونومتنه مامرتاحين بيها اتحركت عنه اشوف الجهال اول مره مايكعدون تالي الليل ذولي هم گلبهم ع ابوهم يوميه واني زعلانه كل شويه مكعديني اليوم من رضا ابوهم حلتلهم النومه جاي اشوفهم بوستهم كعد علاوي ضحكت بوجهه حبيبي صباح الخير احلى علاوي بالدنيا شلته اريد ابدل اله وارضعه گبل لايكعد حمودي يخبصنه شفت ماهر گاعد يحرك بأيده گال ..صباح الخير على احلى غزال بالدنيا ..صباح النور حبيبي شبيها ايدك ..ايدي خدرانه من نومة الحلوو عليها طول الليل بس ترى صدگ نومتنه مو مريحه بس احلى نومه والله ضحكت گعد حمودي وهذا بدون تفاهم يباوع للحواليه اذا احد يمه يسكت واذا لا يبچي ويعگد الحاجب گتله استلم گعد ابو الحاجب المعگود شوف هذا الورد شلون يضحك حتى يحسسك بحلاوة الصبح طالع ع امه وجهه بشوش فديت علاوي الطالع عليه ..ع اساس هم مو توم متماثل ويختلفون وهذا عليج وذاك عاگد حاجبه ترى بسمارج وصل ليش تخليني اعوجه وارجعه عليج من الصبح حجاها بضحك ضحكت وشردت عنه بعد ماشفته متوجه عليه ..بختج بولدج عيب منهم جا علمتج شلون تبسمرين حضريلي هدومي اريد اسبح وانتي هم كملي العندج حتى اوديج الأهلج ..هاا مااروح اليوم ..لا روحي عيب من اهلج خاف عبالهم انه مانعج وباتي هم ويمته ماترتاحين خابريني واجيج ..والله من تگلي باتي اضوج ..عمي لاتباتين تعاي اكيف انه ..بس اهلي مشتاقه الهم ..هسه انه شگلج؟ شو انتي ماجنتي هيج شجاج عقلج زغران التردينه سوي واذا مابتي بعد احسن ماكو احلى من هيج على گلبي ..خوش جااروح العصر مو هسه ..يعني اطلع للسوگ والعصر اوديج ..اي براحتك التهيت بماهر وبعد ماطلع كملت تبديل للجهال وشبعتهم عفتهم وخليت اللحم ع النار بين مااتريگ لكيت سرور مكمله تنظيف خليت الملابس بالغساله وبديت احضر الغده واغسل المواعين كملت شغلي ورحت غيرت فرشة الجربايه ونظفت الغرفه رتبت ملابس الجهال والجنط رايحه الاهلي يومين عبالك اشهر ترمز وممات وملابس كومه يمكن لو شافوني يخترعون اجه الضهر اني مكمله كلشي اتغدينه وخلصنه هو بقى يم عمتي ابينهم موضوع ومبيين خاص بينهم طلعنه اني وسرور رحت الغرفتي سبحت من ريحة الطبخ لبست ثوب قصير وناعم حليت شعري وخليت مكياج نومت الجهال وظليت بالغرفه شويه واجه مبيين اباله موضوع زبس ماحجه من گمت من يمه شلت الجنطه جانت قريب اله دنكت عليها وخليتها قريبه للباب رفع راسه عليه ابتسم جرني عليه ..انتي جنج ماناويه تشوفين اهلج وتردين تحمليني ذنبهم ضحكت ..ليش عود ..ليش؟ وتسألين ليش! هسه تعرفين فلتت من بين اديه اضحك ..شوف الجنط محضرتهن لو ماناويه اروح احضر جنط اني باوع للجنط مستغرب ..ليش ولچ شكد ناويه تظلين ..يومين ..كولي شهرين ماتاخذين هدومي وياج ..شرايك اخذك انت ..تاخذيني وين ولچ ..ههههههههه ..صوتچ دومچ فاضحتني ……… .. حسين .. اتفاجأت بردة فعل ابوي جنت متوقع امي شو اني ساكته وابوي طلع كل الي بگلبه ..مالگيت غيرها تعشگها هم ارمله وهم عدها بنيه وهم اخت ماهر هو هسه ومچلوب علينه لو ناسبك شيسوي ..حشاه بويه لاتحچي هيج على ماهر مايستاهل منك هذا الحچي انت تلومه جي اخذ حگه محد عايش عيشته گبل ولا مر عليه الصارله بعدين بويه اذا ارمله مايعيبها شي وبتها بنت اخوي وصاحبي وهم ابن عمي ماهو غريب وانه لو ردت زواج ماطوله برضاة الله محد يشرط علي اتزوج ياهي وبتمن الأريدها اخذها بس برضاتها وترى البنيه ماتدري ولا اخوها يدري ادري لو خطبت هسه ماراح ترضا بعده جرحها جديد ..تكسر حچايتي انت هاي كبرتك اول ماكبرت عليه وهذا مجازاتي الك تصف وي ماهر ضد ابوك وهو مايحشم احد ولايسمع حچي الاكبر منه انوب تجيبلي اخته وتاخذها انت ليش شگاصرك وتاخذلك عزبه ..ارمله بويه وبعدها زغيره وهذا انر الله عليها هسه هي راضيه وانت عرضتلي ..ويحلالها ماترضا هو ياهو اليگلبها من باجر اودي ع عمامها يعقدونها الاحوان رجلها ويربون بتهم وانن خل امك تخطبلك ..اذا صدگ سويتها ساعتها انت التخسر لأن اكتلي واحد منهم وعيونك الي يگربلها لو اسمع واحد جايب اسمها بحچايه قسم بالله اگلب عاليها واطيها ومادام صار هيج الحچي انه من اليوم احاچي اخوها عليها … .. زينب.. العصر اخذني ماهر وگبل لااطلع خابرت امي شو احس امي ارتبكت وگالت هسه يعني جايين طلعتي بعدج ..لا يمه هسه راح اطلع ..خوش يمه هلا بيكم طلعت بعد ماتأنقت اني وجهالي واحد بيدي وواحد بأيد ابوه وحتى من ساق خله محمد بحضنه بس يسوق ع كيفه ومركز حيل بالطريق اباوع الروحي بالمرايه عدلت روحي هواي حتى اهلي يشوفوني شلون مدللة ومرتاحه هم ابالهم عيشتنه صعبه عود لأن مو بالولايه بس اني حيل مرتاحه الحمدلله وشنو الأطلبه ماهر مايقصر يجيبه وبدون مايتململ بالعكس يفرح من اطلب اشياء تخصني يحب اعتني بنفسي ع طول حاجاني وهو عينه تتنقل بيني وبين الطريق ..تخبلين بويه خبلتي المرايه كافي.. انوب شدهتيني خليني اشوف دربي عفت الدرب وشليت اتنوعلج ..غير اريد اروح لهلي ..ادري اهلج ماشايفينج جايينج خطابه اليوم ..هههه بطلت يلله مالازم ..زنوبه وديلي صورهم بعد اشواي وعود خابريني بالليل مو من لگه احبابه نسه اصحابه ..هو انه اگدر انساك انت هنا بالگلب والعين ..شرايج منا ونرجع انه مو گد هذا الكلام وصلنه للبيت دخل سلم ربع ساعه وطلع وانه انطلقت بالبيت يايابه مشتاقه الكل مكان بي مريم سلمت عليها عادي بس بعده گلبي ماطايب منها امي فرحت بيه ومرت حسام هالمره عند اهلها ابوي لگيته متغيير ومريض فرح بيه وبجهالي كل شويه يبوسهم حسيته حيل مقهور ومامرتاح خابرت وسام بعد مارحت الغرفتي بعد السلام گتله اته لبيت اهلي وابوي كلش مريض وتعبان وموصيهم محد يكلك يكول مااريد اجبره ع مواصلتي خطيه گال باچر من الفجر انه اطلع واجي ع راسي مو ع رجليني ماكلت الاهلي خابرته گلت خلي يجي ويشوفونه يفرحون بي گعدت يم امي تلعب بالجهال وفرحانه بيهم ومريم هم كل شويه تلاعبهم وهم يضحكولها ويباوعون الها ويرجعون يباوعولي خلو اخواني يضحكون عليهم وكل شويه مقشمرينهم وره العشه اشوف امي ومريم انخبصن صاحتني امي ع جهه ..يمه زنوبه الي صار صار اختج خسرت السنة مدرستها راحت عليها وانتن خوات مهما كان لاتخربين عليها فرحتها وترحين الاخوانج توزينهم ..يا يمه عليمن شنو السالفه غير افهم ..هسه جايه مرت عمج وعمج وابنهم يخطبون مريم الضرار تتزوج وتكمل عدهم ..ومايخطبونها الف عافيه اني شكوو! ليش عود اخرب عليها شنو علاقتي ..خاف تذكرين اخوانج وخاص وسام ماطوله ماموجود خل تمشي قسمتها ترى هو الوحيد الحلف ماتصير اله ولاننطيها وحتى ابوج وانه ناويه اقنعه ..لايمه هذا هوو انه شعندي وياها هيج شايفتني گلبي اسود ..ادري بيج بعد امج بس كلت خاف كلشي يصير احاجيج ام البنتها مو تكولين الاحد ..لا يمه هذا هوو طلعت باركت المريم وانتظرتهم يجون وضيفت مرت عمي بالليل خالاتي اجن ومبيين يعرفن ويسألن شصار وامي جاوبتهن بعد ماحاجيت ابوهن والله اليعلم شيقنعه حيل اتقهرت كلها تدري وانه لا وخايفات مني بعد من طلعن خالاتي بالليل خابرت ماهر ..هلا ..هلا بيك حبيبي تگدر تجي تاخذني ..ها شبساع حنيتي ..حنيت بعد تگدر تجي لو لا ..شبيج ضايجه اجيج ليش لا … . حسين.. بعد حچي طال بيناتنه وعرض وعلت بيها اصواتنه حاولت اعوف ابوي يبرد ماظليت يم ابوي وبالليل رجعت وانفتح الموضوع من جديد وهددني نفس التهديد طلعت منه ناوي اخطبها من ماهر واكله اصبر عليها وشيصير خل يصير وصلت يمه واريد احاجي دك تليفونه عافتي وطلع شويه وكال تعال وياي نجيب ام محمد يمن اهلها بالطريق مااتحملت حاجيته ..ماهر شوف عندي وياك موضوع مو تزعل عليه بس انه رايد اختك ع سنة الله ورسوله عينه صارت بعيني متعجب ولاتضغط عليها انه مستعد اصبر اسنين يتبع… | ||||
|
| |
|
25-06-19, 11:02 PM
| #28 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 26 مساء الهيل احلى متابعين ……………… ولاتضغط عليها مستعد اصبر عليها سنين .. گلت هالجمله وعيني عليه اتفاجأ ونظراته اخترقت عقلي عبالك فسر كلامي اكو شي بينه غلطت واتسرعت بهذي الجمله كملت كلامي اوضحله ..شوف يعني اقصد اكيد ماراح توافق لأن جرحها جديد بس انه شاريها.. انت شتگول انه گبل كلشي اخوك واتقبل اي شي منك خفف السرعه وطبگ سيارته ع رصيف الشارع باقي قليل ونوصل نسابته نظراته ربكتني وهو يحاول يقرأ افكاري ..ابو علي اخو غالي انت مو اخو عادي لا اخو دنيا وگفاتك ماانساهن وافرح اذا صارت من نصيبك بس من الأخير جاوبني أنت رايدها راده لو هيج خطوبه والسلام اذا رايدها سولف وانه هم اسولف العندي ..واذا خطبه عاديه اگلك ماتفيدك اتعبك انت اخوي وهي اختي وانه احجي المصلحتكم الأثنين اتحيرت بسؤاله وهو جاوبني وماتركلي مجال اخليها ع الثانيه احس صوتي بدا يخفت وگطرات العرگ غزت گصتي حاولت اخفق التوتر الصابني جريت نفس واتشجعت وحاجيته ..انت تثق بيه انه متأكد وثقتك بأختك اكثر مو هيج ..سالفة الثقة هاي منتهين منها وثقتي بيها اكثر من ثقتي بروحي اما ثقتي بيك هذا لازم انت تعرفه وتتصرف ع اساسه زاد احراجي منه وزييد اصراري اكثر ..ثقتك بمحلها واذا ع الخطبه انه رايدها ومارايد غيرها ولاتسألني ليش انه مااعرف.. وغير هذا ماكو شي بيني وبينها اخاف من صدها اكثر من خوفي من مواجهتك بهذا الكلام.. ادري الي ابالها وگلبها مو بالسهوله تنساه بس شسوي الروحي وانه مااشوف غيرها لاتتنوعلي هيج ادري عيب احجي بس يشهد الله مو بيدي وهيج محبه ربانيه وع الفطره وبدون شوف اصلا صار شكد مايصدف نتشاوف وحتى جياتي اخففها البيتك واحاول لقائنه يكون خارج الهذا السبب انه هم ماارضاها لا الروحي ولا الها ..هواي اخذت راحتك بالحجي ابو علي گلنالك اخو بس مو هيج ..مع هذا تدلل انه افاتحها بالموضوع واشوف ردة فعلها ولا تتوقع مني اجبرها ..انه اصلا مارايدك تجبرها بس رايد تنطيني مجال ولو شفتها مو مستعده للحجي خلي الموضوع بيني وبينك وتمر فتره اكثر وبعدين حاجيها ..لا هيج ماترهم انت هم يجوز تشوف حياتك اذا ماصارت ليش ترتبط بيها ..مالك غرض انه مطيح من حياتي الها عشر اسنين وبعدها الله كريم ..جاهيج كلناها ؟ ..چا غير احچيلك البگلبي وانطيك من الاخير ..واهلك يدرون ..دروو ..اي ؟ ..شنهو ال اي؟ ..مارضوو موو ..وانه شيهمني ..چاانت ماكو شي يهمك ..ماهر بداعة اولادك لاتشلع گلبي هو بس اليوم احاجيك وبعد مااجيب سيرتها الا انت تفاتحني ويشهد علي الله واذا تريد حتى عتبة بابك مااوصلها ..شسالفتك شحجيت انه وماتعتب بابي ..حگك يخوي بس وحگ هذا الله وظلام ليله مو بيدي مدري شلون رهمت وصارت وفكرت بيها ..الله كريم يصير خير ان شاءالله كملنه الطريق وصلنه بيت اهلها نزل هوو ومن الباب خابرها طلعله بسام وحاول يدخلنه اثنينه ماهر گله مستعجل وياي حسين هم مو مال نعطله واصلا الوكت متأخر غير مره اجيكم …… . زينب… اترجيت ماهر يجيني ومن صوتي حس اكو شي مضوجني ماحبيت ابينله احس اكو غصه بداخلي وصعب احجيها الزوجي مهما يكون اهلي مااكدر انطي بيهم خاص كدامه حاولت اريح اعصابي واخفي الحزن من ملامحي ماگلت الاهلي اروح بس اغراضي نفس ماهنه مالحكت اغير بيهن لو يتخربطن لميتهن ع السريع رتبت الجهال ولبست شالي وحضرت عباتي شويه واجه بسام متفاجأ ..زنوبه انتي مو على اساس تباتين شو ماهر بالباب يريدج ..اي اني خابرته الجهال شلعو گلبي مكانهم متغير وخف ماينامون ..ماطلعت هاي يعني كل التتزوج مثلج ماتنشاف بالسنة حسنه وهم جاي وراج ياخذج ماتخليني احاجي يخليج اليوم ..وداعتك هو اصلا كلي ابقي شكد ماتردين بس الجهال مااكدر انومهم هنا ماتشوفهم الهسه كاعدين يوميه هيج وكت نايمين ..انتي شبيج شو اجيتي مرتاحه وزينه ليش هسه معقوجه خاف هوه مخابرج وجابرج ع الروحه الله عليج احجي الصدك بعده يحجي وفات حسام وهشام وبقو على وگفتهم مأيدين حجي بسام ..والله مو هيج اني وديت عليه وخابرته هو بالعكس لو عليه يوميه يجيبني مايگول ..چا انتي هيج بايعتنه ..حسام انتو اغلى من روحي مو بايعتكم وغير مره اجيكم وتدللون اليوم ذوله اتنحسوو ابوي نايم فاتت امي ومريم جانت اصلا موجوده يمكن حست ماسألتني ليش ولا حاجتني احس الحاجز كبر ابيناتنه رغم الصار بس انه احبها حيل وفرحانتلها والله زعلي مو منها من امي حسيتها مصدكه انه اغار وخربت عليها مو قصدي احميها من مخابرتي الضرار امي حاولت وياي وشافوني مصره گلها حسام عوفوها براحتها غير مره تعوضنه رجلها واكف هسه عيب منه عطلناه ووياه ابن عمه هم سلمت عليهم وطلعت اخر نظره الامي بيها غورگت عيوني بالدموع رسمت ابتسامه ع وجهي وطلعت عيونه مركزه بيه يباوعلي متفحص .. ها شلونج ..الحمدلله زينه اخذ من ايدي محمد وانطه علاوي لحسين كاعد بالصدر سلمت عليه وصعدت والجهال عدهم والجنط ماهر صعدهن سلم عليه حسين ..شلونج ام محمد خويه ..الله يخليك الحمدلله بخير ..دومج بخير ان شاءالله حركت السياره سكتوو وانه افكر شراح اكول الماهر ماتعبر عليه جيتي هيج ضحكت سمعته يحاجي محمد يبوس بي وهو يسوق ..هلا بالچان مسير عد خواله يستاهلون خوالك تروحلهم وتستاهل انت خوال مثلهم مشتاق الذاك خالك بذات جنها حلتله بغداد والبيها جاوبته مبتسمه وفرحانه بكلامه ..وسام باجر يجي من الفجر ..ها؟ ..والله كتله ابوي تعبان ومريض ..وهو صدگ مريض؟ ..اي والله كلش ..چا ليش ماتحچين غير تگليلي امر اشوفه اسلم عليه هالايام ماكو كلت يريد يرتاح والولد مكفين بالشغل ماادري بي مريض والله حتى العصر من جنت يمهم ماشفته ..ماادري نسيت اكلك ..باجر امر عليه ان شاءالله ظل يحاجي محمد ويلاعب علاوي من يمه وصلنه للبيت سلمت ع سرور جانت تريد تنام بس منتظره ماهر حتى يقفل البيبان سلمت عليها وفتت گالت .. شعجب رجعتو ماهر گال يباتون وانه استوحشتكم ويسر هم كل شويه وتتحجج ع البچيه ..حبيبتي زين كايمه تحبهم يعني ..غصبا عليها ينحبون بعد عمري حبايبي ..چا ماهر وين ..واكف بالباب وي حسين جان وياه ..ها ..جا خل انام جنت خايفه تاخذني نومه ومحد يفتحله الباب راحت تنام وانه رحت خليت الجهال ذبيت عباتي وشالي وبدلتلهم وومن تعبهم بسرعه ناموو احس حيل ارتاحيت بغرفتي رغم شكد مشتاقه الاهلي وفرحت بروحتي بس هنا راحتي غير اخذت ملابس للنوم مريحات وحلوات ورحت اغسل احس بنار جواي اطفيها بمي وتبرد بلكي اهدأ حيل جرحتني امي وهاي اول مره تسويها وياي دائما اني اقرب الها معقول الزواج بعدني لو هي مصدكه انه خبيثه واخرب حياة اختي زين فوك غلطتها وياي لو ما ماهر زين ويقدر وعرف انه شنو من خلال عشرتي ماصدك حجيها عني وخربت بيتي هي حتى مابررتلي غلط اختي ولاكالتلي هيج حاجيتها وهيج سويت غلست ع الموضوع جان مغلسه هسه المفروض تعرف مااسويها طلعت من الحمام ونشفت شعري ورتبتها ومكياج وماهر بعده ماجاي معقوله وي حسين بعده لو اباله شي وجاي يختلي بروحه الله يستر من هاي عزلته مايبقى وحده ساعه الا اكو شي بقيت انتظره دخل وابتسم من شافني ..نامو السباع ..اي ناموو من اول ماجينه ..وامهم الحلوه شمگعدها الهسه ابتسمت .. متانيه ابوهم السبع الجبير ضحك وهو يجر مقدمة شعري بخفه ..وابوهم حيل فرحان بجيتهم وجية امهم وانه محتار شلون انام بالغرفه اليوم وماكو لاانتي ولا هم والله البيت وحشه حيطانه تاكلني ولج صار هواي مارايحه اتعودت عليج ماترحين ودوم يمي ..هو انه هم ماكدرت ابات وخابرتك ..چا ليش النونه معكوفه ياهو مزعل رويحتي ..لا منو يزعلني بالعكس ..تعاي هنا اشر على حضنه ولفني عليه ..شبيج ..مابيه ..براحتج مابيج مابيج ولو وجهج يكول بيج شي وضامته ع العموم ماكو شي يسوه تضوجين وخاص من اهلج مادامهم بخير ومرتاحين كلشي منهم يهون وماكو عليهم خوف وخلي ابالج ماكو احن منهم عليج باس راسي وابتسم ..بس انه ضحكت بعد ماريحني كلامه واعرف الي يقصده من حجيه شنوو يمكن فسر ضوجتي من مريم والي صار گبل وراد يبينلي انو مادام هم بخير مايسوى الزعل ويمكن صح كلامه هو مايسوى اتشجعت وحاجيته ..زين انت وين جنت ليش عايفني ساعه وحدي وانت تكول مشتاق وعمتي وسرور نايمين يعني ماكو اهم مني ..وليش ياهو گالج انه مصنف الاهم والمهم وانتي ظاله بالاخير .كلكم مهمين عندي وكلكم غالين وكل واحد غلاوته ماتنزل من الثاني لأن ماكو مقارنه بينهن امي حاجتي الها واهميتها غير واختي نفس الشي وحاجتي منج ووجودج بالنسبه الي غير انطي للمواقف اهميه اي بس الاشخاص كلكم اهم وكل وحده منجن ماتعوض مكانها الثانيه الا امي صدك الدنيا كلها ماتعوضها بس ماكو مقارنه بينجن حتى اكعد اصنف واتعامل ع هالاساس ولاتعتقدين مخليج انه مرتبه اخيره بهالبيت انتي سلطانة گلبي وهو الحاكم اكو اكثر من هيج ضحكت بانزعاج من جر طرف خشمي وبنفس الوكت فرحتي غطت ع ضوجتي ..احبك بگد استقراري وراحتي يمك ..وانه شگول هسه ع هذا الحچي المعدل اوديج يوميه الاهلج حتى تجين. تسمعيني الدرر وداعة عيونج حبج مو كثر حبي وفرحتي بيج ..احد گايلك انت عندك موهبه تبدل مواضيع ..هههههه لا بس انتي ليش عود؟ ..اني سألتك وين جنت يعني اريد اعرف ليش عازل روحك اخاف من عزلتك هاي وانت طببتنه بغير سوالف قشمرتني بيهن جر حسره وقربني عليه اكثر ..حسين رايد سرور ..هاا صدك والله ..اي والله ..وانت شتگول ..لو عليه ماكو احسن منه ..بس هاي شيقنعها ..الله كريم خو ماتبقى كاعده هيج بس الصدگ مااعتقد ترضا بسرعه بعد ماصايرله سنتين ..اشوفها والله كريم ثاني يوم الصبح عمتي شافتني مانايمه زين وي الجهال الفجر كعدو متنحسين گالت انه اطبخ عمه وانتي ارتاحي اليوم عدلي غرفتج مو دوم ركض وي هالتوم ماتلحگين ولو لحكتي من يجي رجلج مالج خلگه من التعب اتشكرت منها ورحت اعدل غرفتي هي مابيها شي انه دوم ايدي بيها قررت اتمدد نمت وي نومتهم ماادري اخذتني غفوه دگ تليفوني جاوبت بدون مااركز ع الرقم كل بالي ماهر ع جيه هو ..بس مرات يريد مني شي احضره لو يسألني شاريد بعد مگايله الوو اجاني صوت امي عصبيه ..سويتيها ولچ ليش هيچ يمه عود وصيتج زينه هاي من اتخاربو عمامج وي اخوانج ونص اخوانج. وي ابوج ناس معارضه وناس راضيه ارتاحيتي من علگتيها ..شني يمه شبيج شسالفه مافهمت ..مافهمتي تسوين روحج فقيره ولج اجه وسام. وراضه ابوج واخوانج طاحو عليه ورضوه وهو ابوج فتح سالفة الخطوبه وياهم وهو هاج وكلب البيت كلاب وبسام وهشام وياه وساندوه وابوهم صار وياهم بس حسام رادها تصير وكلهم ضده من وراج ليش طلعتي انتي مخابرته حتى يجي يخربها نزلت دموعي وانه اسمع صوتها وابجي وهي مستمره تصيح ..ادري ماخفتي الله الخاطر جهالج جان عديتيها لاتطلع حوبتها بيهم ولج شبعت كتل ومغمه كلنه صرنه ضدها ومارضينه ع السوته وماتت بيدين اخوانج والله حياها واشهر وانه مااحاجيها بس كافي البنت راح تموت انتي ماتحسين بيها مو التوم مالتج هي لادوام انحرمت منه لحد من اخوانج يحاجيها تالي ابن عمها رايدها نمنعها منه جا خو نكتلها وندفنها احسن حتى انتي ترتاحين بجيت بصوت عالي ..يا يمه شبيج انه شكوو شعليه والله مالي غرض بالعافيه عليها خل تتزوج اول من يفرحلها بعد مامكمله كلامي انكطع الاتصال شمرت تليفوني ومن حركتي لطمت وجهي بقهر انفتح الباب وي لطمت وجهي وصوت بجيي العالي بعبرات متكسره ..ياالله دخيلك شبيج ولج ياهو المات حجاها بخوف وانه من حركتي وفشلتي اتمنيت انه الميته شراح اگله هسه خاف يفهمها غير شي عله صوت بچيي واتقرب عليه يبعد اديني الدافنه وجهي بيهن ..غير اعرف شبيج گلبي وكف يمعوده احجي الخاطر الله ..مابيه شي محد مييت والله لاتخاف باوع بالغرفه وشاف تليفوني مشمور وبطاريته بصفحه وهو بصفحه ..هسه تسولفيلي لو شلون فورتي دمي ترى شحجي ياربي گتله وسام جاي ومصالح ابوي ..اي؟ ..ووو شسمه احجي واشهك ..اي شصار يعني اريد افهم انتي شبيج مو احترگت معدتي الخاطر ربج ياهو الغاثج احجي شنهو الصار هسه غير تعوفين البجي وتبطلين النوح وتحجين ..ضرار ابن عمي خاطب مريم عيونه فتحهن ع وسعهن وايده الچانت لازم ايدي قوه لزمته وحسيت جاي يزيد بالضغط عليهن خفت منه حيل وباستعجال كملت حچيي لايفهم بجيي وحسرتي غلط حجيت ع السربع ..ضرار خطب مريم واليوم صادف جية وسام مرضي ابوي ومن داري كالب الدنيا ومتعاركين اخواني بينهم ناس يردون ينطون ناس لا هيج فهمت من امي وهي محملتني الذنب تكلي انتي وزيتي وسام حتى ماينطيها هد ايدي ..بس هاي ..اي ..چا وانتي شعليج بيهم حتى توزين وسام ..انه ادري هو انه شعليه ..امج شنهي عذرها وتتهمج هيج اشافت منج ماراضيه ع الخطوبه انتي ..وانه شعليه اصلا اول وحده اباركلها بس البارحه وصتني مااحاجي اخواني واخليهم يعارضون الخطوبه وكلها تدري بالخطوبه گبلي البارحه اني دريت صدفه ولو مارايحه الهم محد يگلي لمن تكمل ..ادري وليش ابالهم انتي تعارضين حجاها بعصبيه خفت غمضت عيوني وايدي ع گلبي ..مااعارض والله شعليه انه واعارض هي امي فاهمه غلط ..اذا فاهمه غلط ليش تضوجين فهميها انتي الصح ..افهمها بس جرحتني حيل حسيتها مصدكه انه خبيثه ومااحب الخير الاختي انه هيج ماهر تعقلها اسويها جرني الحضنه ومسح بأيده على راسي ..گومي جهزي روحج ترحين وياي ..وين؟ ..كومي وماعليج شفته مقهور اكثر مني ومية فكره ابالي اكيد ضاج من موضوع ضرار وخطوبته وعلاقتي بي بدلت ع السريع وحتى الجهال عفتهم گال السرور رايحين ع السريع ونرجع عينج ع الولد طلعت وهو گايدني من ايدي ومبيين عليه حيل عصبي بالطريق خابر وسام ساله اذا بالبيت هو لو لا جاوبه بالبيت كله جاييك انه مو تطلع احس عظامي صارت ترجف شراح اگل الأهلي اصلا غلط ادخله بينهم حاجيته ماهر شناوي تسوي ..الج الصافي ماعليج ..لاتدخل فدوه ..هذا الحچي الأهلج گولي لايدخلونه بمشاكلهم بتهم عدهم ينطونها لا انتي شنهو؟ هيج انتي تحكمين زلم وانه ماادري ؟ لو شنهي ابال امج من حجيها انتي جنتي رايده ضرار ..هم لو رايدته عرستي.. هم كافي صح لو لا بجيت بقوه واحس ايديني رجفت من العصبيه والخوف والقلق الي ذابحني ..رايدته شني شبيك ماهر ..ولج مو انه الأكول هذا قصد اهلج لو انه غلطان وما فاهم قصدهم انه اعرفج اكثر منهم والله ..اذا تعرفني خل نرجع وعوف السالفه ..وداعتج ماتخلص الا انحطلها حد وروحتنه بصالح اختج من احاجيهم انه ينطوها وانه اعرف شلون احاجيهم ماانطي بيج والله بالعكس بعد محد يجيب الج طاري وانتي مسمايه بأسمي حتى اهلج مو من حقهم يتهمونج ع الاقل احترام الي .. نحاجيهم بدون زعل نفهم ونفهمهم ..يعني ماراح تصير عصبي وتتركني هناك ليش ماخليتني اجيب الجهال تريد تحرمني منهم الله عليك بروح اهلك احجي اموت بدونهم انه والله مالي ذنب امي وحدها مدري شلون اتفكر ..خايبه ماتنجبين انتي انه وين وانتي وين ولج انه مصدك بحجيهم واحرمج من ولدج شو انتي تمسلتين وصلنه واحس رجليني كوه يعينني طبيت عليهم ومن وعيوني وطبتنه عليهم بالضهريه حسيتهم خافو عبالهم بيناتنه مشكله سلم عليهم ماهر وانه هم وگعدني يمه ابوي سأل ماهر خو ماكو شي ..لا عمي ماكو شي ان شاءالله بس ياريت تصيحولنه عمتي ومريم والحجي يصير يمهن انه هاي جيتي من الشغل وطبيت ع غرفتي اريد ارتاح لگيتها تملخ بروحها وصوت بجيها هد حيلي خفت صاير للجهال لو الاحد منكم شي وتالي من سألتها طلعت السالفه سهله مايرادلها وجوهم كلهم تباوع الي والماهر ..امي صاحها ابوي بصوت اجت واتفاجأت بيه وبماهر حسيتها خافت ماهر فاهم السالفه غلط وجاي يشمرني عليهم سلمت ورد عليها السلام ..عمه عود هاي بنتج وانتي اتعرفينها يعني انه الصارت عندي امس اعرفها اكثر منج ليش هالحجي سهل ينگال من ام البتها؟ دموعي ظلت تصب وبكد ماضايجه من امي ضجت عليها صارت بهالموقف ماهر والصار اله بحياته خلاه انسان قاسي اهم شي يطلع حقه بدون مايراعي الطرف الثاني حسيت بورطة امي بين اخواني وابوي كمل كلامه وهو يحلفهم مشي عليكم الله ومحمد وعلي زينب محاجيه واحد منكم تعارضون خطوبة ابن عمكم من اختكم ..عينهم عليه وع امي وكلهم ردوو لا ..وسام انت احجي زينب حاجتك تعارض خطوبة اختها ..ماهر شسالفتك احجي بدون لا تلف وادور ..السالفه صارت گبل وانه موتتها وماحاجيت غيرك وكتلك اخوانك اخواني وابوك ابوي وماااريدهم يشرحولي ويحجولي وينحرجون مني انه مو غريب وافضالكم مغطيتني وسوء فهم وصار ومشكله واتعديناها بعد شني الداعي نرجع النفس السالفه هاي اختكم يمكم مثل ماعندي ثقه بيكم وبخوتكم ثقتي بيها اكثر وشگد ماعدكم بيها ثقة انه ازود باضعاف اذا الي خاطر يمكم هاي جيتي عليكم اترجاكم وهي هم تحاجيكم وتفهمون منها اذا الولد ماعدكم اعتراض على اخلاقه والسبب بس سوء الفهم الصار وبسببه مراعين زينب ورفضتو انه وهي نكلكم انطوو ومن طيب خاطر واول من يباركلكم احنه بعد ماكلت الهم الي اريده بردت اعصابهم هم خافو من غيرها امها كالت انه ماقصدي هيج هي فهمت غلط بس ادري هم الخاطرها يرفضون الولد خوش ولد ورايد البنيه ماكو عذر بس زعل زينب وكتلها لاتكليلهم عبالي ماراضيه ودروو منها ورفضوو زينب ماطلعلها صوت بس دموعها تجري وصوت شهگاتها يعله حاجاها ابوها ..بويه زنوبه عاب گلب الي يزعلج انتي وين اكو بطيبتج الله رزقج ع نيتج رجال ابن اصول لاتبجين بويه رفعي راسج وانه صدگ رفضت الخاطر السوته بيج كونج انني راضيه انطيها وتولي عساها لاردت حاجوها اخوانها وهي دفنت راسها بين ادينها وماطلع منها صوت غير صوت بجيها المتگطع حجيت انه ..اذا تردون تفرحونها وتبردون گلبها صدگ انطوها وعزمونه ع المشيه ابتسمت واشرت الوسام يجي يمها كعد بصفها واخذ راسها وباسه ..وحگ هو علي لو يموتون ماناوي انطيها والخاطر هالدموع راح انطيها وتولي بس لاتزعلين كافي ام دميعه صرتي ام وبعدج ع نفس طبعج حجوو وياها هواي وهي ابد ماترد اترخصت منهم وكتلهم عفنه الولد لايبجون مامتعودين امهم تعوفهم طلعت بعد ماامها رضتها وباستها واعتذرت مني وفهمتني قصدها من الگالته .. مو اقصد غيرانه بس كلت بعد اكو بخاطرها من اختها ورادت تنتقم منها شمدريني بسوالف البنات كلت تسوي مثل ماذيج سوت جاوبتها ..هو نفس الشي عمه هاي انتي وياها بعد ظلت يمجن شكم يوم وترضا مابين الأم وبتها زعل اخذتها وطلعنه الدنيا الضهر مو مال اونسها لو العصر بيها مجال جان غيرت من نفسيتها ..شلونج هسه ارتاحيتي ..لا هسه يحجون ع امي ..لا مايحجون هسه ينطون اختج وهم مرتاحين ..ماهر يمكن انت صدك تعرفني اكثر من اهلي ضحكت ..اكثر من الدنيا كلها جااهلج شيعرفون منج رجعنه للبيت لگينه محمد وعلي يبچون وامي وسرور محتارات بيهم كتلهم ابوها تعبان ورادت تشوفه ومااخذناهم لان ماناوين انطول امي شافت عيونها وارمه ظلت تدعي الابوها وكالتلها يمه لاتنطيهم من صدرج هسه انطيهم ذني الممات مو زين عليهم ينمغصون وارواحهم تگلب واسبحي وذبي الي بصدرج فرغي وع حايط رشي كون مايطيح للكاع وينداس حرام هاي نعمه وتشح كون تنشمر وتنداس ابعديها ع الحايط وبعدها يلله ترضعين ضحكت ع سوالفهن مرات مااقتنع بيا جريت نفس براحه احس ارتاحيت من اخذت حقها وبينتلهم موقفها وماخليت احد يزعلها لو يتهمها حتى لو اهلها مادامها تخصني ومرتي ومسمايه بأسمي ماارضا ينحجي عليها العصر بعد مابيها مجال فاتحت سرور صحتها الوحدنه وحاجيتها ..تعاي هنا نسولف حسيتها مرتبكه وخايفه من شي ..ماهر الله عليك خو مايردون بنتي ..اگعدي ياهو يريدها تظلين انتي دوم بهالخوف ياهو الياخذها وانه موجود ..الله يحفظك النه والله خفت عبالي هاي سالفتك ..لا خيولون مو هيج ..خويه انتي بعدج شابه والعمر كدامج والدنيا مااتدوم الاحد ولامضمونه وانه مادام يمج حاميج بس ياهو الضامن روحه وشنهي مصيرج وانتي وحيده ..اسم الله عليك عمرك طويل ويومي گبل يومك ان شاءالله لاتحجي هيج ..محد ضامن روحه وانتي شابه وبعده العمر كدامج اليمته تظلين دافنه روحج بحزنج نزلت راسها جنها افتهمت ..لاتنزلين راسج سولفي انه مااجبرج بس ابينلج الدنيا ماتوكف على احد هاي احنه متنه وره ابوج واخوانج عشنه وعرسنه وخلفنه صح لو لا ..بس انه وگفت عندي ..انتي موگفتها ..سرور حسين طالب ايدج وهو شاريج ويكول بتها بنتي واحطها بعيوني وشتريد وتطلب انه حاضر ..صدگ تحجي ماهر انت بلسانك تكلي هالحجي وانت تعرف حسين وعلاقته بكرار وتعرف كرار شنو بالنسبه الي ليش تخليني اكرهه ..ماسوه الحرام ولا عيب طالبج بالحلال تكرهينه عليش ياخويه هي كلمه لو اي لو لا الولد ماينكره مامسوي الموزين ..ماله داعي تسألني اصلا اكيد لا هو يستاهل احسن مني الله يرزقه ابنت الحلال ..يجوز هو شايفج انتي احسن فكري زين وبعدها گولي ..لاتضغط عليه فدوه ..مااضغط ابد وهو هم طلب مني مااضغط عليج براحتج ..الله يجازي خير ويرزقه بالتستاهله اروح البنتي انه ..براحتج خويه روحي خابرت حسين وفهمته اتقبل الموضوع وعبالك يعرف هذي النتيجه مرت ايام وسام رجعت علاقته بأهله بس رجع شغله ابغداد كال مرتبط شهر اكمله واجي وعلاقتي بحسين نفسها عندي ثقه بي واعرفه مايخون الزاد والصحبه بس هو صار مايريد يجي البيت يخلي لقائاتنه خارج البيت وحته بيت اهله مااروح بسبب والده وتغييره المفاجأ بيوم رجعت البيت من الشغل اسمع صوت بجي سرور ونواح امي الي ماتصدگ من تلكالها فرصه وبجي الجهال وحيرة زينب بيهم سلمت وسألتهم ..شكو شصاير زاد بجيهن وعيني ع زينب هي الثانيه عيونها تجري بس بهدوء ..شكوو شصار ..عمامك ودو بلاغ بأسم عمك جد يسر مطالب رفع وصايه عن امها اله ..ها ..وبكيفه هو ياخذ وصاية امها منها شنهي التمسلت هذا يتبع… | ||||
|
| |
|
25-06-19, 11:13 PM
| #29 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 27 ماهر.. گعدت احتاريت شسوي انه عندي ورقه تثبت انو هم ماالهم علاقه بيها بس الورقه عشائريه والي يتكفلها لازم ابو حسين وابو حسين الفتره الاخيره مدري شجاه وگلب عليه بس هذا حق الله واكو شهود مو بكيفه يتبرا تعبان وراحه ماكوو احس عقلي وگف هاي السالفه مالها حله منا لمن تكبر البنيه يلله نخلص منهم ويمكن مانخلص اخذت تليفوني ورحت للديوان خابرت الي يسمونه عمي بدون سلام وكلام سألته ..هاي السالفه جديده سالفة الحضانه من الاخير انت شرايد احجي وخلينه نفهم اجاني صوته الصرت اكرها اكثر من كلشي مكروه بالدنيا ياربي البشر مايتعض مايگول كافي ادري حوبتنه شخلت بيك خسرت بيتك ولدك واحد مات واحد سجن واحد شارد كيعانك الاخذتهن بالحرام راحت صحتك كاعد تروح شويه شويه بعد بيمن متكبر انت حجه وانه انتظر جوابه ..اختك تريد تعرس بعد مالها حق بالبنيه ..اتعرس ماتعرس انه اتفقت وياك البنيه عندي وانه الاتكفلها ..اذا رايده العرس خل ترضا بعلي عم البت يتكفلها ..انت تحجي صدگ مامليت من الطلايب يعني كل عقلك انه انطيك سرور اردود لو اسلمك بتها الحضانه الها واريد اشوف واحد ياخذها لعبه بيدكم هي يوم سيف يوم علي والله اضفرها مايشوفونه ..شوف بدال المحامي انحط عشره مو احنه الي انخلي اعراضنه بيد غير ازلام اختك رايده اتعرس ونست زلمتها بهالسرعه بالعافيه عليها خل تولي بس بتنه لا ..الورقه العندي اتحگك ماالك حگ علينه ..الورقه نگعها واشرب مايها شيخك ابو حسين الشيخته انت عليه بنفسه گالي ماتاكل عندي الدنيا افترت بيه ذوله متفقين من وراي واكيد ابو حسين ماراضي بخطبة حسين وهو البلغهم يصير خير اثنينكم انه اراويكم مو انه التنلوي ذراعي ..ليش ماتكتبون هذا رايكم وتنگعونه انتم وتشربون مايه غير ابو حسين عندي هواي شهود وشيوخ العشاير والفرايض الكبار تحكم بينه وبينكم والمحكمه انسه سالفتها عيب عليك توگف ارملة ابنك محاكم اتقي الله وراك گبر كافي ..هذا العندي تاخذ علي تظل بنتها عدها ماتاخذه تظل ماتاخذ غيره ..وهي هم مافكره بعرس والگلك مخطوبه مايدري هي رفضت عيب عليكم يوميه مثل سدره وهازينها بتكم شگد راح يصير عمرها راح تصير سنتين اشهر وتقبط السنتين اكو واحد منكم يوم سأل عليها تعرفون شكلها ليش ماتخافون الله انتم حوبتنه گبل شخلت بيكم يلله بعد رادين ع هاليتيمه الطفله ..انتم الحرمتونه منا تعيرني بموت ابني انت عود هاي حوبتك ..منعناك نوبه بس انت شسويت درت وجهك وارتاحيت بعد ماهمك لو رايدها صدك تحاول وبالنسبه الابنك هو حرامات خيرة اولادك راح بيها ..الموت مابي عار وشماته اذكرك مااعيرك انه ولد مات ولد شارد ولد مسجون بعد شتريد بنيه مطلگه بعد شتريد اكثر من هيج مو بيتك بيدك هجمته ..طلاگها بسببك الله لايرضا عليك ..ههههه جديده هاي بسببي! انه شنهو بيها عمي خاف الله كافي.. سرور ماتزوج اسحب الدعوه واكفينه شرك وخلينه ابعاد احسن ترى والله روحي طالعه ومالي خلگ مجالب مثلكم وهالمره جيله احطها بيك وعشره بولدك واخلص روحي واخلص العالم من شركم ..هاي تربيتك تحاجي عمك هيج ويكولون مربى مسجل المخابره انه ارد اسمعهم حجييك للفرايض التزامط بيهم ..عمه العماكم ان شاءالله سمع الدنيا كلها ماتهموني كرهتوني بعيشتي كافي اخلص واكول خلصت واطلعولي بيك زود وسمعه وشتريد تسوي سوي انت وكل واحد يوگف وياك گطعت التليفون وخابرت حسين احس راسي يريد يطگ ..الوو ..حسين انت خطبت والبنيه رفضت صح لو انه غلطان ..ها ماهر شبيك؟ ..جاوبني گتلك رفضت لو لا ..اي صح كتلي ليش صاير شي ..ترى عيب والله عيب اگول عمي وجبير وماناسي معروفه بيوم بس هو نسى كلشي رايح موصل العمامي سرور تريد تعرس وكايلهم اخذو بتكم ماهر ورقته ماتاكل عندي وانه اوگف وياكم هذا الفهمته من حجيهم هاي السالفه مو تفشل عليك الله يسويها عاقل ليش بيش اذيته انه زين سرور شمسويتله البنيه شنهي ذنبها شجاها العالم ماتخاف الله وانه اظل هيج دوم اطالب ومكتوب علي الاطالبهم من دمي ويتسمون عمامي هسه لو غرب هم اكول اهون التالي شنهي گلي حتى اسوي واخلص ..ماهر انت متأكد ..ولك يامتأكد انه روحي طالعه هسه وعلي ودي ارتكبلي جريمه بس ماعندي احد يظل وراي اعوف هاي اليتامه كوم وراي المن ياهو يتكفل بيهم والله هيج عيشه بذل ومطالب وحركان دم ماتراد وعساها لاطالت كاره روحي بالقرآن اريد تمر عليه سنه بدون طلايب ومكاون وياهم ماكو بربك يريد سرور العلي انه انطي سرور العلي ليش انه كرار ومندوم عليه لليوم رغم هو زين بس عذبها وياه وعذبنه وهاي نتايجها من كتلها حاقدين يظلون للدوم ويعذبونج ويعذبوني وماترتاحين وياهم انه من هذا معارض گبل اخخخ اخخخ شبيدي بعد صارت غصبا عليه وتالي انه معلعل بيها ..ماهر ع كيفك انه افهم السالفه واجيك …… حسين .. سديت التليفون ورحت الابوي احس كل عصب بيه نط وكلشي بيه اتشنج دگات گلبي ماعدت اسيطر عليها واتفاسي صارت تتسارع هاي تاليها انوب تجيها الطلايب مني ومن وراي فتت عليهم كلهم موجودين اخواني وخواتي وامي حاجيته كبل لايروح ينام لان العصر يخلصها بالديوان وحاولت كوه اضبط اعصابي واخمد النار البيه ..بويه ماهر هسه خابرني يريد يفهم انت صدگ مبلغ اهل كرار بسرور عود تريد اتعرس وكايلهم اخذو بتكم وانه اساعدكم ورقة ماهر ماتمشي عندي ..مو هيج كتله البنيه انخطبت وناويه اتعرس ماتظل دوم وهو كال اخطبها العلي اولى بيها وگتله حگك وصدگ ماهر ورقته ماتاكل هم عمام البنت مو بكيفه يتكفلها ويمنعهم عنها ..مو بكيفه شني هو غير انت اول من وقع ع الورقه ..وقعت وشفتها غلط گبل جان مكسور وردنه نرضي خفنه يسويله طلايب اكثر هسه طلايبهم گضت والحگ يرد الاصحابه بتهم وجنتهم شيردون يسوون خلهم يسوون ..صدگ يعني هذا يطلع منك هو ياهو الخطبها انه والبنيه رفضت بعد ياعرس ؟ ومالتيش ياخذها علي وحگ هو علي بيدي اكتله واكتل كل واحد يطلع وراه وعود ظل اركض وراي بالسجون وسدد افصول افعالي ..انت ماتستحي شجلبت بهالسالفه جاعد اتهددني انت ناسي انه ابوك ..بنيه خطبتها انه ورفضت.. تروح تشيش الوادم عليها ليش ماهر شني الموزين السواه الك وهيج تجازي ..ولك ماهر طغى انجلب ماياخد حجاية احد يمشي حجايته گوه وهو ابن تلاثه وعشرين توه حاسب روحه زلمه ومكبر روحه گوه ويريد يمشي كلامه علينه ..صاحب حگ بويه وصاحب الحگ يمشي ويطلب بزوده جا تريده ينداس حدر رجولهم ..انت تقيسها بالعمر ماهر صاحب عقل والمشاكل كبرته گبل عمره ..صاحب حگ بس مو هيج انتقم مو بأنصاف وحتى هدر دم سيف مو من حگه وانه يجي يوم وارجعه للعشيره ..هسه انعال ياهو جاب طاريه خليني بسالفتي مثل ماشعلتها اطفيها لاوحگ الله ترى لاعبالك تضغط علي حتى اعرس وانت اتهدي الوضع لو عشر اسنين يحرم عليه العرس الغيرها حتى من الاخير ترتاح واريد اشوف ابن ابو الي يگرب صوبها وداعة راسك لخلي الدم للرجاب ومو انه الاكول احجايه ماانفذها اذا سويت الي ابالك خطيتي وخطاياهم برگبتك عله صوتي وصاحو اخواني كاظم.. حسين شجرالك مو هيج هاي انت العاقل هيج تتصايح وي ابوي شبيك اتخبلت ..ولكم انه راح اتخبل ابوكم شجراله ابوحسين ..انت انضرب مخك الله اليعلم شسوتلك هالبت وانت اربعه وعشرين ساعه يمهم خلتك ماتشوف دربك ومكيف يكلي رافضه خايب تريد تذلك ياالأغم ماحسبالي انت هيج تاليتك ..اكله البنيه شوف ماتشوفني لا يطلع عليها حجي من وراك بويه عيب الي تگوله والله عيب هاي انت المفروض تستر انوب تفضح بيها شمسويه البنيه هي طولها ينشاف؟ يمه يرضيج حچيه وانتي تعرفيها ..لايمه حشاها من الموزين والله حجيت لمن خشب الساني كتله البنيه ماترضا وعوفها وخلك وي ابنك اقنعه هو هي شعليها ..مااريد عمي مااريد العرس كله مااريده لامنها ولا من غيرها هسه سد سالفتها ولاتفشلني وي صاحبي وابن عمي ..شرط تخطب من باج ر ..وابو الفضل وكسر ظهر اخوو بيومه شايف لو تعلگني اتعلگ واحيا واموت واحيا واموت وارد احيا مااخطب ولا اسوي التردونه ..تطلع من بيتي وماالك بي مجان ..والبيت هم مااطلع منه كيعانكم وبيوتكم كلها بتعبي محد بولدك تعب كثري كلهم ع الجاهز يجيهم محد كعد الفجر وبيده اكتابه ويروح يشرف ع الفلح بوكت الكري والسگي بوكت الزرع والحصاد جنت ادرس وماعايفهن واتخرجت واتفرغت الهن كلشي الي بي ومااطلع الا وانه رايد الطلعه ..ولك انه زلم ماتعاندني ووتتگابح وياي تاليتك انت من وره وحده رايدها هيج تعلي حسك ..مو من وراها اكلك رفضت البنيه ماتريد هسه انه مااخذها بس ارد اچفيها شري ..مالي غرض بيهم هم وعمهم بيناتهم اگرب رگعت الباب حيل وطلعت واسمعه يحجي عليه واخواني يهدون بي شراح اگل الماهر شنهو عذري منها اذا چانت گبل مارايدتني هسه تشوفني سبب مشكله وراح تكرهني مالي غير ماهر يفهمني رحتله صاير نار فهمته وكتله انه وياك بكلشي بس مااريدها اتعرف السبب انه مااريدها تكرهني ع الأقل حچيت الحچي الغاص بي وغصتي بملبي اتحمله نظرات اخوها واحراجي بس حتى مااشوف الكره بعيونها بيوم رغم نظراته الي ماگال شي سكت وسكوته خوفني بعدين كال هذا هو هي ماطول مامتزوجه ماياخذون بتها اسبوع المشاكل من الصبح لليل انطالب واصواتنه تعله الحد الي قرروو بعد زواج امها المحكمه تحكم وماهر كلهم زواج ماكو ولو رادت هم البنيه ماانطيها واصر على رأيه ماهر وجه الابوي ضربه قويه من طلعه من السالفه كلها ..وگلهم ابو حسين ماعليه عمي الجبير واحترام اله مااريد ادخله الحجي وياي وبس حسيت ابوي اتفشل وانحرج وفوگ هذا ماگدر يسوي الي اباله وماكدر يجبر ماهر ينطي سرور حتى يخلص منها گبل عبالي امي الماترضا ابوي شجاه وليش هيج يفكر ماادري بس بعد السواه ماهر وماانطه بي وجنبه المشاكل اتغير واتفشل وظل ساكت بس مطمن ماتصير سرور الي وره المشكله بشهرين يلله شفتها وماكدرت اخلي عيني بعينها بسرعه طلعت واحس يتصارع بداخلي شوگي وحنيني وانه مربط من كل صوب … سرور.. مثل كل مره ماهر ابتله بيه وابنتي واحس روحي صرت ثگل عليه فوگ مسؤوليته وجهاله وبيته وشغله اليتعب بي انوب الطلايب الي ماتاركتني اتذكرت من حذرني منهم وجنت اكله انت حاقد هالمره كلهم اتخلوو عنه بس حسين ظل سانده بوكتها اتمنيت اكدر اجبر روحي واعيش حياتي واختاره بس صعب كلش صعب مجرد ماافكر احس اكره روحي كرار عايش بيه ويملك كل ذره بيه حتى من افكر فكره بسيطه الوم روحي الف مره شلون سمحت الروحي بس جي شفت وكفاته وي ماهر صرت اشوفه سند الماهر واريده سند الي بس مو زواج اتذكرت بيوم الي ماهر اتخلو عنه كل الي يعرفهم من الكبار الي جانو يسندوه الظاهر متفقين بيناتهم اول مره يجي محتار ويشكي الامي حاله وشلون يتصرف بوكتها امي گالتله لاتعاديهم يمه يغلبوك فشلهم وكلهم عمامي الكبار احترام الهم ماارد اشغلهم بالطلايب يوميه هذا الموضوع بيني وبينكم وصدگ ماهر سواها وبلغهم البنيه تظل عند امها واي واحد ماله حق ياخذها منها وماتزوج لا علي ولاسيف ولا غيرهم رايده بتها وبس عمي ابو حسين والكبار كايلين مادام ماتتزوج بتها محد ياخذها بوكتها ماهر ضاج من حجايته بس انه شفت حجيه صح مادام انه عنده وابيت ابوي بنتي محد ياخذها زينب… المشكله الصارت تعبت ماهر حيل وكلنه تعبنه وياه من اشوفه متحير ويجر حسرات احس روحي تريد تطلع شبيدي اسوي واساعدك واخفف عنك بوكتها عمتي كدرت تساعده شكد عجبني عقلها وحكمتها واتمنيت امي لو تملك ذره منه حسام ورطته بزواجه لايمه ولاتلائمه وتعبان حيل من مشاكله بسام رايد بت خالتي جان ويوميه يكلها فاتحيهم ومن يمها تكله بعد وكتها الحد ماانخطبت البنيه واتزوجت وظل الهسه يلوم بيها وسام ومشكلته مريم والي صارلها والسوته بيه كل بسب امي لو محتويتها ومفكره بيها ليش تحب العزله وعازله نفسها مصار كل هذا بعد مشكلتي وي اهلي بفتره علنو الخطوبه وخابروني عزموني ورحت باركت واديت الواجب ورحت والحلوو امي نست الي صار واستقبلتني برحابة صدر بدون ماتبررلي ولو شي قليل مطولت خطوبتهم شهرين اتزوجو وبالعرس ماهر اصر احضر واروح يمهم حنه وعرس كال يعتبرونج صدك حاقده لو مارحتي شفتها حيل فرحانه بوجودي ومثل كل اخت اتحركت مشاعري وفرحتي ماكدرت اغطي عليها من شفتها تجهز وتحضر شكو شي بنفسي اتعلمه بزواجي علمتها عليه وحاجيتها بيوم الحنه بالليل كلام اخت الاختها وامنيات اتمنيتها تتحقق دعيتلها من گلبي براحة البال والسعاده حضنتني وعيونها مليانه دموع وطلبت مني اسامحها وادعيلها ومااشيل بكلبي عليها بادلتها نفس الحضن ونفس الدموع واحس بحضنها انزالت همومي اختي وتوأمي واعز من روحي يمكن بيوم دخل الشيطان بينه بس جذور المحبه موجوده وقررنه انجدد اغصانها وتنبت خير ومحبه ان شاءالله ابوي صحته جاي تتعب اكثر ووسام صح رجع وياهم بس عازل روحه واختلاطه وي ابوي وبسام اكثر الي عرفته من ماهر البنيه محاجيته الوسام ومحاوله تستمر وياه بعلاقتهم ورافض بعد ماعارف كلشي منها الرجال متزوحها بس مواصلها ابد وهي كايلتله اطلب الطلاك ونتزوج بس كايلها رغم احبج جنت بس لو كايلتلي هذا الحجي من اول ماجان وصلنه لهنا وانه بهيج وضع صعب استمر وياج وناهي الموضوع بس احسه بعده مجروح وبعيونه نظرات الحزن حياتنا انه وماهر حلوه امشينها مرات هو يستوعب خبالاتي من اغار عليه مشكلتي المااكدر اتخلص منها تليفونه كل رقم يتصل اساله منو وليش وشيريد الرمز الا اعرفه ولو بدله تقوم القيامه بيومها مرات يتحملني مرات يعصب ومن يعصب تكبر مشكلتنه ونزعل ايام ويرجع هو يرضيني رغم عصبيته ابد مامد ايده عليه بعد بس السبب مو بس هو يضبط اعصابه لا اني من اشوفه وصل حد عصبيته ابتعد عنه لمن يهدأ مرت الايام بتعبها وبحزنها وسعادتها علي ومحمد صارو اعمارهم تلث سنين ويسر كبرت وصارت تفهم ودائما تكل الامها ليش بابا ماهر يبات يم علي ومحمد واني مايبات يمي ولا يمج يعني يحبهم اكثر منه وتكعد سرور تفهمها انو ماهر بابا الهم بس هو خالج وخاله زينب زوجته بس اني اخته ومايصير يبات اله بغرفته ويم زوجته هي طفله يادوب عمرها تلث سنين وعشر اشهر لو اقل وصارت سرور تعاني من غيرتها رغم هي تحب الجهال وتحبنه بس تحس بنقص والي مضوج سرور اكثر تعلقها بحسين وخاص بعد الكلام الي صار يطلع وعرفته كل الاقارب حسين يحب سرور وماراضي يتزوج غيرها وكل ماشافو بتها عنده الكلام يزود طبعا بداية الحجي طلع مت بيته ومن نسوان اخو بالذات بالبدايه من سمعنه اني وعمتي ماخبرنه سرور بعدها بمناسبه من الماسبات عرفت وصارت نار بيومها اجه العصر ياخذها ومنعت طلعتها وياه ماهر مايعرف السبب ولايدري بالحجي الصاير اجه عليها يريد يقنعها لگاها صايره نار جنت واكفه يمها واحاول اهدئ بيها خاص من شفت ماهر متوجه عليها خفت تحجيله وتصير مشاكل حاجاها هو ..جيبي البنيه تروح ويانه ماتشوفينها مفرفحه من البجي شبيج غير انه والولد هم رايحين ..ماتروح هي ماتريد تروح وياك تريد تروح وي حسين وانه مااخليها كافي متعوده عليه هيج حتى مايصير ..ادري حسين غريب جديده هي غير ذوم نطلعهم سوه هي جي تشوف الولد ماينطونها مجال عليه تروح لحسين يدللها غير جاهله شمعرفها ..وهذا مو صحيح ختولي ماتروح البنيه اتعلگت بيد خالها شالتها امها بقوة وشمرتها ع الگاع وجهه انضرب بالكاع بس رفعته خشمها وحلكها كلهن دم ماهر من شافها اتخبل شلتها اني وركضت بيها للمغسله وهو طل يغلط ويصيح عليها وصلت بي راد يمد ايده عليها وكوه لزمها ..الله يطيح حظج ياادب سز راح تعقدين البنيه كافي تردين تموتين موتي انتي خبلتيها البنتج يتبع… .. | ||||
|
| |
|
26-06-19, 02:43 PM
| #30 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بارت ٢٨ ﻣﺴﺎﺀ ﺍﻟﺨﻴﺮ ﺣﺒﺎﻳﺐ ﺍﻟﺒﺎﺭﺕ ﺑﺪﻭﻥ ﺗﻌﺪﻳﻞ ﺣﺎﻭﻝ ﻳﻤﺪ ﺍﻳﺪﻩ ﻋﻠﻴﻬﺎ ﻭﻭﮔﻒ ﺻﻴﺢ ﻋﻠﻴﻬﺎ ﺍﻧﻬﺎ ﺭﺕ ﮔﻌﺪﺕ ﻉ ﺭﺟﻠﻴﻬﺎ ﺗﺒﭽﻲ ﺻﺎﺡ ﻋﻠﻴﻪ ﺷﻠﻮﻧﻬﺎ ﺍﻟﺒﻨﻴﻪ ﺑﺪﻟﻴﻠﻬﺎ ﻭﺍﻧﻄﻴﻨﻴﺎﻫﺎ ﻣﺎﺍﺧﻠﻴﻬﺎ ﻳﻤﻬﺎ ﺑﻌﺪ ﻟﻤﻦ ﺗﺮﺗﺎﺡ ﻭﺗﺼﺤﺎ ﺍﻟﺮﻭﺣﻬﺎ ﺑﺪﻟﺘﻠﻬﺎ ﻟﮕﻴﺖ ﺳﺮﻭﺭ ﻉ ﮔﻌﺪﺗﻬﺎ ﻭﻉ ﻧﻔﺲ ﺍﻧﻬﺎﻳﺮﻫﺎ ﻭﺑﭽﻴﻬﺎ ﻭﻣﺎﻫﺮ ﻭﺍﮔﻒ ﻗﺮﻳﺐ ﺍﻟﻬﺎ ﺧﻔﺖ ﻣﻦ ﺷﻔﺘﻪ ﺑﻬﺎﻟﺤﺎﻝ ﻋﺼﺒﻲ ﻋﺎﮔﺪ ﺣﻮﺍﺟﺒﻪ ﻳﺒﺎﻭﻋﻠﻬﺎ ﺑﺨﺰﺭﻩ ﺣﺎﻭﻟﺖ ﺍﺑﻌﺪﻩ ﻋﻨﻬﺎ ﺍﻋﺮﻓﻪ ﻣﺎﻳﺘﻔﺎﻫﻢ ﺍﺫﺍ ﻳﻔﻘﺪ ﺍﻋﺼﺎﺑﻪ ﺣﺎﺟﻴﺘﻪ .. ﻣﺎﻫﺮ ﺍﺧﺬﻫﺎ ﻭﻳﺎﻙ ﺷﻮﻳﻪ ﺍﺷﺘﺮﻳﻠﻬﺎ ﻭﻃﻠﻌﻬﺎ ﻭﺍﻟﻮﻟﺪ ﻋﻴﺐ ﻣﻨﻪ ﻫﻢ ﻭﺍﮔﻒ ﺑﺎﻟﺒﺎﺏ ﻣﺴﺢ ﻭﺟﻬﻪ ﻭﮔﺎﻟﻬﺎ ﺗﻌﺎﻱ ﺑﺎﺑﺎ ﻳﺴﺮ ﺍﺧﺬﻫﺎ ﺑﺄﻳﺪﻩ .. ﻭﺩﺍﺭ ﻋﻠﻰ ﺳﺮﻭﺭ ﺣﺎﭼﺎﻫﺎ ﺑﻬﺪﻭﺀ .. ﺍﺭﺗﺎﺣﻲ ﻭﺷﻮﺍﻱ ﻧﺴﻮﻟﻒ ﺣﺎﻟﺘﭻ ﻫﺎﻱ ﺑﻌﺪ ﻣﺎﻳﻨﺴﻜﺖ ﻋﻠﻴﻬﺎ ﻃﻠﻊ ﻣﺎﻫﺮ ﻭﺑﺄﻳﺪﻩ ﻳﺴﺮ ﻭﻳﻨﺘﻈﺮﻭﻧﻪ ﻣﺤﻤﺪ ﻭﻋﻠﻲ ﻳﻢ ﺣﺴﻴﻦ ﻋﻠﻪ ﺑﭽﻴﻬﺎ ﺑﺼﻮﺕ ﻋﺎﻟﻲ ﻭﻇﻠﺖ ﺗﻠﻄﻢ ﻉ ﻭﺟﻬﻪ ﺑﻘﻬﺮ .. ﺳﺮﻭﺭ ﺍﺷﺒﻴﭻ ﺍﺗﺨﺒﻠﺘﻲ ﺍﻧﺘﻲ .. ﺷﺠﺎﺝ ﻳﻤﻌﻮﺩﻩ ﻉ ﺍﻟﺤﭽﻲ ﺧﻠﻲ ﻳﻮﻟﻦ ﻳﺎﻫﻲ ﺍﺣﺴﻦ ﻣﻨﺞ ﻭﺗﻬﺘﻤﻴﻠﻬﻦ ﺯﺍﺩ ﺑﭽﻴﻬﺎ ﻭﻫﻲ ﺗﺸﻜﻲ .. ﮔﻠﻴﻠﻲ ﺷﺴﻮﻱ ﻛﻞ ﻫﺎﻟﻘﻬﺮ ﻭﺍﻟﻀﻴﻢ ﺍﻷﻧﻪ ﺑﻲ ﻭﺍﺳﻤﻊ ﺣﭽﻲ ﻓﻮﮔﺎﻫﺎ .. ﻣﻨﺎﻙ ﻋﻤﺎﻣﻲ ﻭﺣﭽﻴﻬﻢ ﺍﻟﻴﻮﺻﻠﻨﻲ ﺳﻬﺎﻡ ﻭﻣﻨﺎ ﻧﺴﻮﺍﻥ ﺍﺧﻮ ﺣﺴﻴﻦ ﻣﺎﻣﻘﺼﺮﺍﺕ ﻣﺎﻳﺘﺰﻭﺝ ﻫﻮ ﺑﻴﺶ ﻃﺎﻟﺒﻨﻲ ﺧﻞ ﻳﺘﺰﻭﺝ ﺣﺘﻰ ﺍﻟﻌﺎﻟﻢ ﺗﺠﻮﺯ ﻣﻨﻲ .. ﺳﺮﻭﺭ ﺗﺮﺩﻳﻦ ﺍﻟﺼﺪﮒ ﺍﻧﺘﻲ ﻏﻠﻄﺎﻧﻪ ﺑﻌﺪﺝ ﺷﺎﺑﻪ ﺭﺍﺡ ﻳﺼﻴﺮ ﺍﺭﺑﻊ ﺳﻨﻴﻦ ﻭﺍﻛﺜﺮ ﻭﺍﻧﺘﻲ ﻣﻌﻠﮕﻪ ﻫﻴﺞ ﻫﻢ ﻛﺎﻓﻲ ﺍﻟﻠﻪ ﻳﺮﺣﻤﻪ ﻛﺮﺍﺭ ﻭﺍﻟﺤﻲ ﺍﻭﻟﻰ ﻣﻦ ﺍﻟﻤﻴﻴﺖ ﺑﻨﺘﺞ ﺧﻄﻴﻪ ﻣﺎﺗﺸﻮﻓﻴﻬﺎ ﺗﺤﺐ ﺍﻫﺘﻤﺎﻡ ﻭﺗﺮﻳﺪ ﻋﺎﺋﻠﻪ ﺗﺤﺲ ﺑﻴﻬﺎ ﻣﺜﻠﻬﺎ ﻣﺜﻞ ﺑﺎﻗﻲ ﺍﻟﺠﻬﺎﻝ ﺗﻨﺘﺒﻪ ﺍﻟﻜﻠﺸﻲ ﺑﻨﺘﺞ ﺫﻛﻴﻪ ﻓﻜﺮﻱ ﺑﻴﻬﺎ ﺟﻴﺒﻴﻠﻬﺎ ﺍﺧﻮﻩ .. ﺯﻳﻨﺐ ﺍﻧﺘﻲ ﺷﺘﺤﺠﻴﻦ ﻭﻟﺞ ﻫﻮ ﺭﺍﻳﺢ ﻣﻦ ﺑﺎﻟﻲ ﺣﺘﻰ ﺍﻛﺪﺭ ﺍﺷﻮﻑ ﻏﻴﺮﻩ ﻫﻮ ﺍﻧﻪ ﻧﻔﺴﻲ ﻣﺎﻣﺼﺪﮔﻪ ﻣﻴﻴﺖ ﺷﻠﻮﻥ ﺍﺧﻠﻲ ﺭﺟﺎﻝ ﻏﻴﺮﻩ ﻳﺠﻴﺴﻨﻲ ﺍﺷﻠﻮﻥ ﺍﺗﻌﺎﻳﺶ ﻭﻳﺎﻩ ﺍﻭﺭﻁ ﺭﻭﺣﻲ ﺍﻭﺭﻃﻪ ﻣﺤﺪ ﺑﻴﻜﻢ ﻓﺎﻫﻤﻨﻲ ﺍﺗﻤﻨﻰ ﻭﺍﻟﻠﻪ ﺍﺗﻤﻨﻰ ﺍﻧﺴﺎﻩ ﺑﺲ ﻣﻮ ﺑﻴﺪﻱ ﺍﺗﻤﻨﻰ ﻣﺜﻞ ﻏﻴﺮﻱ ﻋﺎﺩﻱ ﺍﺗﻘﺒﻞ ﻭﺍﻋﻴﺶ ﻭﻳﻈﻞ ﺫﻛﺮﻯ ﺣﻠﻮﻩ ﺍﺑﺎﻟﻲ ﺑﺲ ﻣﺎﺍﻛﺪﺭ ﻣﺎﺍﻛﺪﺭ ﻣﻮ ﺑﻴﺪﻱ ﻭﺑﻨﺘﻲ ﻛﺴﺮﺕ ﻇﻬﺮﻱ ﺍﺣﺲ ﺭﻭﺣﻲ ﻓﺎﺷﻠﻪ ﻛﻠﺸﻲ ﺑﻴﻪ ﻏﻠﻂ ﻻ ﺑﺮﻳﺖ ﺍﻫﻠﻲ ﻭﺟﺎﺯﻳﺘﻬﻢ ﻭﻻ ﺍﻧﻪ ﺍﻟﺒﻴﻪ ﺣﻆ ﻭﺣﻮﻳﺖ ﺭﺟﻠﻲ ﻭﻻ ﻧﺠﺤﺖ ﺑﺄﻣﻮﻣﺘﻲ ﺑﻨﺘﻲ ﺟﺎﻱ ﺍﺧﺴﺮﻫﺎ ﺷﻮﻳﻪ ﺷﻮﻳﻪ ﮔﺎﻣﺖ ﻣﺎﺗﺮﻳﺪ ﺍﻟﮕﻌﺪﻩ ﻳﻤﻲ .. ﺳﺮﻭﺭ ﻫﻲ ﻃﻔﻠﻪ ﻃﺒﻌﺎ ﻣﺎﺗﺮﻳﺪ ﺍﺫﺍ ﺍﻧﺘﻲ ﺗﻜﻤﻠﻴﻦ ﺷﻐﻠﺞ ﺗﺠﻴﻦ ﺍﻟﻐﺮﻓﺘﺞ ﻟﻮ ﺗﺒﺠﻴﻦ ﻟﻮ ﺗﻜﺘﺒﻴﻦ ﺷﺘﺴﻮﻱ ﻳﻤﺞ ﻫﻲ ﺣﺘﻰ ﻟﻌﺐ ﻣﺎﺗﻠﻌﺒﻴﻬﺎ ﺍﻟﺒﻨﻴﻪ ﺗﺮﻳﺪ ﺍﻫﺘﻤﺎﻡ ﺍﻛﺜﺮ ﺍﻧﻲ ﻭﻟﺪ ﻭﺍﺛﻨﻴﻨﻬﻢ ﻧﻔﺲ ﺍﻟﻌﻤﺮ ﻭﻣﻄﻠﻌﻴﻦ ﺭﻭﺣﻲ ﻭﻣﺘﻌﺒﻴﻨﻲ ﻭﻣﺨﻠﻴﺘﻠﻬﻢ ﻭﻛﺖ ﺍﻟﻌﺒﻬﻢ ﺑﻲ ﻭﺍﻓﺮﺡ ﻣﻦ ﺗﺠﻲ ﺗﻠﻌﺐ ﻭﻳﺎﻫﻢ ﻭﺣﺘﻰ ﻫﻲ ﺗﻔﺮﺡ ﺑﺲ ﻣﺎﺗﻌﻮﺽ ﺍﻫﺘﻤﺎﻣﺞ ﻫﺬﺍ ﻏﻴﺮ ﺍﺑﻮﻫﻢ ﻣﻦ ﻳﺠﻲ ﻳﻠﻌﺒﻬﻢ ﻟﻤﻦ ﻳﺘﻌﺒﻮﻥ ﻏﻴﺮ ﻋﺪﻫﻢ ﻃﺎﻗﻪ ﻭﻳﻦ ﻳﺮﺣﻮﻥ ﻭﻟﻮ ﺷﺎﻓﺖ ﻣﺎﻫﺮ ﻳﻠﻌﺒﻬﻢ ﺗﻠﻌﺐ ﺑﺲ ﺗﺮﻳﺪ ﺷﺨﺺ ﻳﻬﺘﻢ ﺑﻴﻬﺎ ﻫﻴﻪ ﺍﻛﻮ ﺑﻌﻤﺮﻫﺎ ﻣﺎﻳﻬﺘﻤﻮﻥ ﻻ ﻳﻔﻬﻤﻮﻥ ﺑﺲ ﻫﻴﻪ ﻻ ﻛﻠﺸﻲ ﺗﻨﺘﺒﻪ ﺍﻧﺘﻲ ﺗﺮﺩﻳﻦ ﺑﻨﺘﺞ ﻭﻳﺎﺝ ﻋﻤﺘﻲ ﻣﻦ ﺗﺤﺎﺟﻴﺞ ﺗﺰﻋﻠﻴﻦ ﺍﻧﻲ ﻣﻦ ﺍﺟﺮﺏ ﺍﺧﺬﻫﺎ ﺗﻜﻮﻟﻴﻦ ﻟﺤﺪ ﺗﺪﺧﻞ ﺍﺭﻳﺪ ﺍﻋﻠﻤﻬﺎ ﻭﺍﺳﺤﺐ ﻧﻔﺴﻲ ﺍﺫﺍ ﻇﻠﻴﺘﻲ ﻫﻴﺞ ﺻﺪﮒ ﺗﺨﺴﺮﻳﻦ ﺑﻨﺘﺞ ﮔﻠﻴﻠﻲ ﺷﺴﻮﻱ ﻛﻞ ﻋﻤﺮﻫﺎ ﺍﺭﺑﻊ ﺳﻨﻴﻦ ﻭﻣﺎﺟﺎﻱ ﺍﺳﻴﻄﺮ ﻋﻠﻴﻬﺎ ﻭﻻ ﺍﻋﺮﻓﻬﺎ ﺷﺘﺮﻳﺪ ﻫﺴﻪ ﺍﻋﻮﺿﻬﺎ ﻋﻦ ﻛﻠﺸﻲ ﺑﺲ ﺧﻞ ﺗﺘﺮﻙ ﺣﺴﻴﻦ ﻭﺍﻧﺘﻲ ﻓﻬﻤﻲ ﻣﺎﻫﺮ ﻉ ﺍﻟﺤﺠﻲ ﺑﻐﻴﺮ ﻃﺮﻳﻘﻪ ﺣﺘﻰ ﻳﻔﻬﻢ ﻟﻴﺶ ﺍﻣﻨﻌﻬﺎ ﻫﻢ ﻋﺒﺎﻟﻬﻢ ﺍﻧﻪ ﺭﺍﺿﻴﻪ ﻭﺍﺭﻳﺪ ﺑﻨﺘﻲ ﺗﺘﻌﻮﺩ ﻋﻠﻴﻪ .. ﻣﻴﺨﺎﻟﻒ ﺍﮔﻠﻪ ﻭﻧﺤﺎﻭﻝ ﻧﺸﻐﻠﻬﺎ ﻭﺍﻧﺘﻲ ﺍﻧﺘﺒﻬﻴﻠﻬﺎ ﺑﺲ ﻟﻴﺶ ﻣﺎﺗﻔﻜﺮﻳﻦ ﺑﺤﺴﻴﻦ ﺗﺨﺴﺮﻳﻨﻪ ﻭﺍﻟﻠﻪ ﻭﻟﺞ ﺭﺍﻳﺪﺝ ﻭﻣﺴﺘﻌﺪ ﻳﺴﻮﻳﻠﺞ ﻛﻠﺸﻲ ﺣﺘﻰ ﺗﺮﺿﻴﻦ .. ﺍﺩﺭﻱ ﻭﺑﺎﻟﻌﺎﻓﻴﻪ ﻉ ﺍﻟﻲ ﺗﺼﻴﺮ ﻣﻦ ﻧﺼﻴﺒﻪ ﺧﻮﺵ ﻭﻟﺪ ﻭﻣﺎﻳﺘﻌﻮﺽ ﺑﺲ ﺍﻧﻲ ﻣﻮ ﺑﻴﺪﻱ ﻣﺎﺍﺗﻘﺒﻞ ﺯﻭﺍﺝ ﺍﺑﺪ .. ﺍﻟﻠﻪ ﻳﺒﺮﺩ ﮔﻠﺒﺞ ﺍﻥ ﺷﺎﺀﺍﻟﻠﻪ ﻋﻔﺘﻬﺎ ﻭﻣﺎﺣﺎﻭﻟﺖ ﺍﻛﺜﺮ ﺍﺻﻼ ﺍﻟﻴﻮﻡ ﻟﻮ ﻣﺎ ﺍﻟﺼﺎﻳﺮ ﻭﻳﺎﻫﺎ ﻣﺎﺗﻘﺒﻞ ﺗﺴﻤﻊ ﺣﺠﺎﻳﻪ ﺑﻬﺬﺍ ﺍﻟﻤﻮﺿﻮﻉ ﺑﺲ ﻣﻦ ﻗﻬﺮﻫﺎ ﺣﺠﺖ ﻃﻠﻌﺖ ﻳﻢ ﻋﻤﺘﻲ ﻫﻲ ﻫﻢ ﻣﻠﺖ ﻣﻦ ﺍﻟﺤﺠﻲ ﻭﻱ ﺳﺮﻭﺭ ﻭﺑﻌﺪﻳﻦ ﻋﺎﻓﺘﻬﺎ ﺧﺎﺑﺮﺕ ﻣﺎﻫﺮ ﻭﺭﻩ ﻓﺘﺮﻩ ﮔﺎﻝ .. ﺍﻟﺠﻬﺎﻝ ﺯﻳﻨﻴﻦ ﻫﻲ ﺷﻠﻮﻥ ﺻﺎﺭﺕ .. ﺍﻟﺤﻤﺪﻟﻠﻪ ﺯﻳﻨﻪ ﺍﺣﺴﻦ ﻫﺴﻪ .. ﺍﻟﺤﻤﺪﻟﻠﻪ .. ﻣﺤﺘﺎﺟﻪ ﺷﻲ ﺍﺟﻴﺐ ﻭﻳﺎﻱ .. ﻻ ﺳﻼﻣﺘﻚ . ﻫﺎﻷﻳﺎﻡ ﺍﺣﺲ ﺭﻭﺣﻲ ﺗﻌﺒﺎﻧﻪ ﻭﺷﺎﻛﻪ ﺑﺮﻭﺣﻲ ﺣﺎﻣﻞ ﻭﺍﺧﺎﻑ ﺍﺣﻠﻞ ﻭﻳﻄﻠﻊ ﺻﺪﮒ ﺍﻟﻔﻜﺮﻩ ﻭﺣﺪﻫﺎ ﺩﻣﺎﺭ ﺍﻟﻲ ﺟﻬﺎﻟﻲ ﻭﻛﺤﻴﻦ ﻭﺣﺮﻛﻴﻦ ﺑﺸﻜﻞ ﻭﻳﺎﺩﻭﺏ ﺍﻋﻤﺎﺭﻫﻢ ﺗﻠﺚ ﺳﻨﻴﻦ ﻭﻛﻢ ﺷﻬﺮ ﻛﻞ ﻣﺮﻩ ﻣﺎﻫﺮ ﻳﻔﺘﺢ ﻭﻳﺎﻱ ﻣﻮﺿﻮﻉ ﺍﻟﺤﻤﻞ ﻭﺍﺗﻌﺐ ﻭﺍﻧﻲ ﺍﺗﻮﺳﻞ ﺑﻲ ﻳﺄﺟﻠﻪ ﻭﺍﺧﺮ ﺷﻲ ﻳﻘﺘﻨﻊ ﻣﻦ ﻳﺸﻮﻓﻨﻲ ﺻﺪﮒ ﺧﺎﻳﻔﻪ ﺷﻠﻮﻥ ﺑﻴﻪ ﺍﺫﺍ ﻃﻠﻊ ﺍﻛﻮ ﺣﻤﻞ ﺻﺪﮒ .. ﻫﻮ ﺑﺬﺍﻙ ﺣﻤﻠﻲ ﻣﺎﻋﻨﺪﻱ ﺷﻲ ﻻﺍﻃﻔﺎﻝ ﺍﺭﻛﺾ ﻭﺭﺍﻫﻢ ﻻ ﻣﺴﺆﻟﻴﺔ ﻫﺎﻟﮕﺪ ﻭﺣﻴﻞ ﺍﺗﺨﺮﺑﻄﺖ ﺍﻭﺿﺎﻋﻲ ﺟﺎﻱ ﺍﻓﻜﺮ ﻭﺍﺗﺼﻠﺖ ﺑﻴﻪ ﻣﺮﻳﻢ ﺟﺎﻭﺑﺘﻬﺎ .. ﺍﻟﻮﻭ ﻫﻠﻮ ﻣﺮﻳﻮﻣﻪ ﺷﻠﻮﻧﺞ .. ﺍﻟﺤﻤﺪﻟﻠﻪ ﺯﻳﻨﻪ ﺯﻧﻮﺑﻪ ﺍﻧﻲ ﺣﺎﻣﻞ .. ﻋﺰﻩ ﻳﺒﻮﻭ ﺣﺎﻣﻞ ﺻﺪﮒ ﺗﺤﺠﻴﻦ ﻭﻟﭻ .. ﻋﺎﺑﺘﻠﺞ ﺷﺒﻴﺞ ﺧﺮﻋﺘﻴﻨﻲ ﺣﺎﻣﻞ ﺗﺮﻯ ﻣﻮ ﻏﻴﺮ ﺷﻲ ﻭﺧﻞ ﺍﺫﻛﺮﺝ ﻣﺘﺰﻭﺟﻪ ﺍﻧﻲ ﻭﺍﻟﻠﻪ ﻣﺘﺰﻭﺟﻪ .. ﻋﺎﺑﺘﻠﺞ ﻭﻟﺞ ﺍﺑﻨﺞ ﺯﻏﻴﺮ ﺗﻮﻩ ﻋﻤﺮﻩ ﺳﻨﺔ .. ﻳﻮﻭ ﻗﺎﺑﻞ ﺑﺄﻳﺪﻱ ﺭﺯﻕ ﻣﻦ ﺍﻟﻠﻪ ﺷﺒﻴﻜﻢ ﺗﻠﻮﻣﻮﻥ ﺑﻴﻪ ﺷﻮ ﺍﻧﻲ ﻓﺮﺣﺎﻧﻪ ﻭﻣﺴﻴﻄﺮﻩ ﻭﺍﻧﺘﻮ ﺗﻠﻮﻣﻮﻥ .. ﻻﺯﻡ ﺿﺮﺍﺭ ﻫﻢ ﻣﺎﻗﺎﺑﻞ .. ﺍﻱ ﻳﮕﻮﻝ ﺍﺗﻌﺒﻴﻦ .. ﺍﻱ ﻭﺍﻟﻠﻪ ﺣﻘﻪ ﺧﺮﺏ ﺣﻈﻲ ﺭﺟﻠﺞ ﻣﺎﻳﺮﻳﺪ ﻭﺍﻧﺘﻲ ﻛﺎﺗﻠﻪ ﺭﻭﺣﺞ ﻉ ﺍﻟﺤﻤﻞ ﻭﺍﻧﻲ ﻳﻮﻡ ﻋﺮﻛﻪ ﻭﻱ ﻣﺎﻫﺮ ﻭﻳﻮﻡ ﺍﺗﻮﺳﻞ ﻭﺍﺩﻟﻞ ﺑﻲ ﺑﺲ ﺣﺘﻰ ﻳﻨﺴﻰ ﺍﻟﺴﺎﻟﻔﻪ .. ﺷﺪﻋﻮﻩ ﻋﻠﻴﺞ ﺍﺫﺍ ﺭﺟﻠﺞ ﺭﺍﻳﺪ ﻣﺎﺗﺤﻤﻠﻴﻦ ﺷﻜﻮﻭ ﻋﻨﺪﺝ ﻗﺎﺑﻞ ﻣﺜﻠﻲ ﺍﺩﺍﻭﻣﻴﻦ ﺷﻮ ﺍﺩﺍﻭﻡ ﻭﺍﺭﺟﻊ ﻟﻠﺒﻴﺖ ﻭﺍﻫﺘﻢ ﺑﻲ ﻭﺍﺣﻈﺮﻟﻪ ﻛﻠﺸﻲ ﻭﻣﺎﻣﺘﻌﺎﺟﺰﻩ ﻣﻨﻪ ﻭﻻ ﺍﺛﺮ ﻋﻠﻰ ﺩﺭﺍﺳﺘﻲ .. ﻣﺎﻳﺄﺛﺮ ﻷﻥ ﺍﻧﺘﻲ ﻣﺘﻔﺮﻏﻪ ﺍﻟﺪﺭﺍﺳﺘﺞ ﻭﺑﺲ ﺣﺘﻰ ﺍﺑﻨﺞ ﺗﻠﻜﻲ ﺳﺒﺤﺎﻥ ﻭﻣﺒﺪﻝ ﻭﻧﻈﻴﻒ ﻭﻣﺎﻛﻞ ﻭﺍﻟﻌﺼﺮ ﻫﻮ ﺟﻮﻩ ﻋﻮﺩ ﺑﻮﻛﺖ ﺍﻟﻠﻌﺐ ﻋﻠﻴﺞ ﺷﺘﺤﻀﺮﻳﻦ ﺑﻌﺪ ﺑﺲ ﺧﻮ ﻣﺎ ﺍﻟﺜﺎﻧﻲ ﻧﻔﺲ ﺍﻟﺸﻲ ﻣﻨﻮ ﻛﺎﻟﺞ ﻣﺎﻳﻤﻠﻮﻥ ﻟﻴﺶ ﻳﻤﻠﻮﻥ ﺍﺑﻦ ﺍﺑﻨﻬﻢ ﻭﺍﻧﺘﻲ ﻫﻢ ﺳﻮﻱ ﻫﻴﺞ ﻣﺎﻃﻮﻝ ﻋﻨﺪﺝ ﺣﻤﺎﺗﺞ ﻻ ﺯﻭﺍﺝ ﻭﻻ ﺷﻲ ﺧﻞ ﺗﺪﺍﺭﻱ ﺟﻬﺎﻟﺞ ﻭﺧﻠﻔﻲ ﻣﺪﺍﻡ ﻭﻳﺎﺝ ﺍﺣﺪ ﺍﺻﻼ ﺍﻧﺘﻲ ﻏﺒﻴﻪ ﻭﻣﺤﻤﻠﻪ ﺭﻭﺣﺞ ﺍﺯﻳﺪ ﻣﻦ ﻃﺎﻗﺘﺞ ﺷﻜﻮﻭ ﺫﺍﺑﺤﻪ ﻧﻔﺴﺞ ﺧﻠﻴﺞ ﺍﻟﺮﺟﻠﺞ ﻭﺟﻬﺎﻟﺞ ﻭﺍﻟﻄﺒﺦ ﻭﺍﻟﺘﻨﻈﻴﻒ ﻋﻠﻴﻬﻢ .. ﺩﺭﻭﺣﻲ ﺍﻧﻲ ﻫﺬﺍ ﻃﺒﻌﻲ ﻣﻦ ﮔﺒﻞ ﻻﺍﺗﺰﻭﺝ ﻣﺎﺗﺬﻛﺮﻳﻦ ﺍﺑﻴﺖ ﺍﻫﻠﻲ ﺟﻨﺖ ﻫﻴﺞ ﺑﻌﺪﻳﻦ ﺣﻤﺎﺗﻲ ﺧﻄﻴﻪ ﻫﻲ ﺗﻌﺒﺎﻧﻪ ﻭﺣﺪﻫﺎ ﺣﻼﻝ ﺣﺮﺍﻡ ﺍﺗﻌﺒﻬﺎ ﻭﻳﺎﻱ ﻭﺍﻟﺒﻨﻴﻪ ﻫﻢ ﻣﺎﻣﻘﺼﺮﻩ ﺗﻨﻈﻒ ﻭﺍﺫﺍ ﺷﺎﻓﺖ ﺍﺧﻮﻫﺎ ﺟﺎﻱ ﺗﻌﺒﺎﻥ . ﻟﻮ ﺿﺎﻳﺞ ﺗﺎﺧﺬ ﺍﻟﺠﻬﺎﻝ ﻳﻤﻬﺎ ﻭﺗﻜﻠﻲ ﺍﻫﺘﻤﻲ ﺑﻲ ﻭﻣﺎﻫﺮ ﻫﻢ ﻳﻮﺻﻴﻨﻲ ﺩﻭﻡ ﺑﻴﻬﺎ ﺍﺭﻭﺡ ﺍﺧﺒﺚ ﻋﻠﻴﻬﺎ ﺗﺮﺩﻳﻦ .. ﺍﻧﻲ ﮔﻠﺖ ﺧﺒﺜﻲ ﺷﺒﻴﺞ ﺍﻧﺘﻲ .. ﻫﺬﺍ ﺍﻟﻲ ﺍﻓﺘﻬﻤﺘﻪ ﺍﺫﺍ ﻣﻮ ﺧﺒﺎﺛﻪ ﺍﺳﺘﻐﻼﻝ ﺑﻌﺪﻳﻦ ﻋﻮﻓﺞ ﻣﻦ ﻫﺎﻱ ﺍﻧﻲ ﺍﺻﻼ ﺷﺎﻛﻪ ﺑﺮﻭﺣﻲ ﺣﺎﻣﻞ .. ﻭﻳﻦ ﺍﻟﻠﻪ ﻭﺻﺪﻙ ﺍﻃﻠﻌﻴﻦ ﺣﺎﻣﻞ ﻭﺍﺗﺸﻤﺖ ﺑﻴﺞ ﺻﺎﺭ ﺳﺎﻋﻪ ﺗﺮﺯﻟﻴﻦ ﺑﻴﻪ ﺗﺎﻟﻲ ﺷﺎﻛﻪ .. ﺍﻱ ﺷﺎﻛﻪ ﻭﻣﻴﺘﻪ ﺧﻮﻑ ﺑﻌﺪﻳﻦ ﺍﻧﻲ ﻭﻳﺎﺝ ﺳﻮﻩ ﺟﻬﺎﻟﻲ ﺍﻛﺒﺮ ﻭﻳﻔﺘﻬﻤﻮﻥ ﺣﺘﻰ ﺍﻟﺤﻤﺎﻡ ﻳﺮﻭﺣﻮﻥ ﻣﻌﻠﻤﺘﻬﻢ ﻣﻮ ﺯﻏﺎﺭ ﺑﺲ ﻫﻢ ﺣﺮﻛﻴﻦ .. ﻫﻬﻬﻬﻪ ﺍﻱ ﻓﺪﻭﻩ ﺻﺪﮒ ﺣﺮﻛﻴﻦ ﺍﺗﺬﻛﺮﺕ ﻣﻦ ﻃﺸﺮﻭ ﻋﻼﺝ ﺍﺑﻮﻱ ﻭﻣﻦ ﺩﺭﻩ ﺑﻴﻬﻢ ﺟﻬﺎﻟﭻ ﺳﻜﺖ ﺩﻭﻣﺞ ﻋﻨﺪﻩ ﺗﺨﺘﻠﻔﻴﻦ .. ﺍﻱ ﺻﺢ ﺍﺧﺘﻠﻒ ﻣﺴﺠﻠﻲ ﻋﻤﺎﺭﻩ ﺑﺎﺳﻤﻲ ﻭﻋﺎﻳﻔﺞ ﻏﻴﺮ ﻫﻢ ﻳﺤﺒﻮﻩ ﻭﻣﺤﺒﺒﻴﻦ ﺍﺭﻭﺍﺣﻬﻢ ﺧﻮ ﻣﺎﻣﺜﻞ ﺍﺑﻨﺞ ﻳﺒﺠﻲ ﻣﻨﺎ ﻟﻤﻦ ﻳﺠﻲ ﺍﺑﻮﻩ ﻭﻳﺎﺧﺬﻩ ﻳﺒﺎﺕ ﻭﻳﺎﻩ ﺍﻧﻲ ﻣﺎﺷﺎﻳﻔﻪ ﻭﻟﺪ ﺑﻬﺎﻟﻌﻤﺮ ﻳﺘﻌﻠﻖ ﺑﺄﺑﻮﻩ ﺍﻛﺜﺮ ﻣﻦ ﺍﻣﻪ .. ﺣﺒﻴﺒﺘﻲ ﻫﺬﺍ ﺍﻟﺼﺢ ﺍﺧﺬ ﺭﺍﺣﺘﻲ ﺍﻗﺮﺍ ﺍﺗﺤﻀﺮ ﺍﻟﺰﻭﺟﻲ ﻭﺍﺑﻮﻩ ﻭﻋﻤﺎﻣﻪ ﻳﺤﻴﺮﻭﻥ ﺑﻲ ﺍﺻﻼ ﻣﻮﻧﺴﻬﻢ .. ﺑﺮﺍﺣﺘﺞ ﺑﻌﺪ ﺍﻧﻲ ﺍﺭﻭﺡ ﺍﺣﻀﺮ ﻟﻠﻌﺸﻪ .. ﺭﻭﺣﻲ ﻭﻇﻠﻲ ﻫﻴﺞ ﺣﻴﺮﻱ ﺑﺎﻟﻌﺎﻟﻢ ﻭﻋﻮﻓﻲ ﺭﺟﻠﺞ ﻫﺴﻪ ﻳﺪﻭﺭ ﻏﻴﺮﭺ ﻇﻠﻲ ﺍﻧﺘﻲ ﺧﺪﻣﻲ ﺑﻴﻬﻢ .. ﻋﺎﺑﺘﻠﭻ ﺩﺭﻭﺣﻲ ﺧﺎﺩﻣﻪ ﻣﻨﻮ ﻗﺎﺑﻞ ﻏﻴﺮ ﺭﺟﻠﻲ ﻭﻋﻤﺘﻲ ﻣﺮﻩ ﺟﺒﻴﺮﻩ ﻇﻠﺖ ﻉ ﻟﮕﻤﺔ ﺳﺮﻭﺭ ﻭﻫﻲ ﻫﻢ ﺗﺴﺎﻋﺪ ﺑﺘﻨﻈﻴﻒ ﺍﻟﻤﻄﺒﺦ ﺑﺎﻟﻠﻴﻞ ﺑﻌﺪﻳﻦ ﺯﻭﺟﻲ ﻣﺎﻋﺎﻳﻔﺘﻪ ﺭﻳﺤﻲ ﺑﺎﻟﺞ ﺳﺪﻳﺘﻪ ﻣﻨﻬﺎ ﻭﺍﺣﺲ ﻫﻮﺍﻱ ﺗﺪﺧﻞ ﻭﺗﻠﻮﻡ ﺑﻴﻪ ﻉ ﺍﻗﻞ ﺷﻲ ﻭﺗﺤﺎﻭﻝ ﺗﻐﻴﺮ ﻣﻦ ﺷﺨﺼﻴﺘﻲ ﺗﺮﻳﺪﻧﻲ ﺍﺷﺒﻬﻪ ﺷﻜﻞ ﻭﻃﺒﺎﻉ ﻭﺍﻧﻲ ﻭﻳﺎﻫﺎ ﻫﻮﺍﻱ ﻧﺨﺘﻠﻒ ﻣﻦ ﺍﻟﺪﺍﺧﻞ ﺑﺲ ﺍﻟﺸﻜﻞ ﻳﻮﺣﺪﻧﻪ ﻣﺮﺍﺕ ﺍﺭﻳﺪ ﺍﺭﺩﻫﺎ ﻗﻮﻱ ﺑﺲ ﺍﻛﻮﻝ ﻣﺎﺍﺭﻳﺪ ﺍﺧﺴﺮﻫﺎ ﻣﻬﻤﺎ ﻳﻜﻮﻥ ﻣﺎﻋﻨﺪﻱ ﺍﺧﺖ ﻏﻴﺮﻫﺎ ﻭﻫﻲ ﻣﻮ ﻗﺼﺪﻫﺎ ﺗﺨﺮﺏ ﻋﻠﻴﻪ ﻋﻮﺩ ﻣﻬﺘﻤﺘﻠﻲ ﻭﺍﻣﻲ ﻋﻠﻰ ﻛﺪ ﺍﻟﺴﺆﺍﻝ ﻭﻛﻞ ﻭﺣﺪﻩ ﺑﻴﻨﻪ ﺗﺤﺐ ﺗﺤﺠﻲ ﺍﻻﻧﺴﺎﻧﻪ ﻗﺮﻳﺒﻪ ﻣﻨﻬﺎ ﺣﺘﻰ ﻟﻮ ﺷﻐﻼﺕ ﺑﺴﻴﻄﻪ ﺷﺎﻏﻠﺘﻬﺎ ﻻﻥ ﺧﺼﻮﺻﻴﺎﺗﻲ ﻭﺍﻟﻲ ﻳﺼﻴﺮ ﺑﻴﻨﺎﺗﻨﻪ ﺍﻧﻲ ﻭﻣﺎﻫﺮ ﺍﻻﻱ ﻭﺍﺣﺪ ﻣﺎﺍﺣﺠﻴﻬﻦ ﻣﻦ ﺷﻔﺘﻪ ﻫﻮ ﺣﺘﻰ ﺍﻣﻪ ﻭﺍﺧﺘﻪ ﻣﺎﻳﺨﻠﻴﻬﻦ ﻳﻌﺮﻓﻦ ﻣﺮﺍﺕ ﻣﻦ ﺻﻮﺗﻲ ﺍﻟﻌﺎﻟﻲ ﻳﻌﺮﻓﻦ ﺍﻛﻮ ﺷﻲ ﺑﺲ ﻣﺎﻳﺴﺄﻟﻦ ﻭﻟﻮ ﺷﺎﻓﻨﻲ ﺿﺎﻳﺠﻪ ﻳﺨﻔﻔﻦ ﻋﻨﻲ ﺷﻐﻞ ﻟﻮﻳﺎﺧﺬﻥ ﺍﻟﺠﻬﺎﻝ ﻭﻳﻜﻠﻠﻲ ﺻﺒﺮﻱ ﻭﻫﺴﻪ ﻫﻮ ﻳﺮﺿﻴﺞ ﺑﺲ ﺍﻟﻤﺸﻜﻠﻪ ﺍﻏﻠﺐ ﺍﻟﻤﺸﺎﻛﻞ ﺍﻟﻲ ﺗﺼﻴﺮ ﺑﻴﻨﻪ ﺷﻐﻠﺔ ﻏﻴﺮﻩ ﻭﺍﻧﻲ ﺍﻛﻮﻥ ﻏﻠﻄﺎﻧﻪ ﺑﻴﻬﺎ ﻷﻥ ﻫﻮﺍﻱ ﺍﻟﺢ ﻭﺍﺫﺍ ﻋﺼﺒﺖ ﺣﻴﻞ ﻭﻣﺎﺍﻧﻄﺎﻧﻲ ﺗﻠﻴﻔﻮﻧﻪ ﺍﻇﻞ ﺍﺧﺮﺑﻂ ﻳﺰﻋﻞ ﻋﻠﻴﻪ ﻭﻣﺴﺘﻌﺪ ﻳﺒﻘﻰ ﺯﻋﻼﻥ ﺷﻬﺮ ﻻﻟﺒﺲ ﻻﻋﻄﻮﺭ ﻻﻣﻜﻴﺎﺝ ﻭﻻ ﻣﻦ ﺍﺟﺮﺏ ﺍﻏﺮﻱ ﻳﺒﻘﻰ ﻗﺎﻓﻞ ﻟﻤﻦ ﺍﻋﺘﺬﺭ ﻭﺍﻗﺮ ﺑﺎﻟﻐﻠﻂ ﻳﻠﻠﻪ ﻳﺮﺿﺎ ﺍﻟﻬﺬﺍ ﺍﻟﺸﻲ ﺻﺮﺕ ﺍﺗﺠﻨﺐ ﺯﻋﻠﻪ ﻫﻮﺍﻱ ﻭﺍﺣﺎﻭﻝ ﺍﻫﺘﻢ ﺑﻲ ﻭﺑﺮﺍﺣﺘﻪ ﺭﻏﻢ ﻫﻮ ﻣﺎﻋﻨﺪﻩ ﺳﻮﺍﻟﻒ ﻣﻮ ﺯﻳﻨﻪ ﺍﺑﺪ ﻭﺍﺻﻼ ﻫﻤﻮﻣﻪ ﻣﻜﻔﻴﺎﺗﻪ ﻭﺷﺎﻏﻼﺗﻪ ﺑﺲ ﻣﺎﺍﺩﺭﻱ ﻟﻴﺶ ﺍﺿﻮﺝ ﻣﻦ ﺍﺷﻮﻑ ﺑﻨﻴﻪ ﺗﺨﺎﺑﺮﻩ ﻟﻮ ﺑﺤﺠﺔ ﺷﻐﻠﻪ ﺗﺴﺘﻔﺴﺮ ﻋﻠﻴﻬﺎ ﻭﻫﻲ ﻣﻦ ﺯﻣﻴﻼﺕ ﺍﻟﺪﻭﺍﻡ ﻗﺒﻞ ﻟﻮ ﻏﻠﻂ ﺑﺎﻟﺮﻗﻢ ﻟﻮ ﻓﻴﺲ ﻭﺗﺮﻳﺪ ﺻﺪﺍﻗﻪ ﻋﺎﺩﻳﻪ ﺍﻛﻠﻪ ﻣﺎﻛﻮ ﺻﺪﺍﻗﻪ ﺑﻴﻦ ﻣﺮﻳﻪ ﻭﺭﺟﺎﻝ ﻣﻬﻤﺎ ﻛﺎﻥ ﺗﺘﺤﻮﻝ ﺍﻟﻌﻼﻗﻪ ﻟﻮ ﻣﻨﻚ ﻟﻮ ﻣﻨﻬﺎ ﻳﻜﻠﻲ ﻣﺎﻋﻨﺪﺝ ﺛﻘﻪ ﺑﻴﻪ ﻭﻣﻦ ﻫﺎﻱ ﺍﻟﻜﻠﻤﻪ ﻭﺗﻌﻠﮓ ﺑﻴﻨﺎﺗﻨﻪ ﻧﺴﻴﺖ ﺣﭽﻲ ﻣﺮﻳﻢ ﺍﻭ ﺍﺻﻼ ﻣﺎﺍﺭﻳﺪ ﺍﻓﻜﺮ ﺑﻲ ﺭﺣﺖ ﺍﺣﻀﺮ ﺍﻟﻌﺸﻪ ﻋﺸﻴﺖ ﻋﻤﺘﻲ ﺑﻌﺪ ﺍﻟﺼﻼﻩ ﻭﺍﻧﺘﻈﺮﻧﻪ ﻣﺎﻫﺮ ﺍﺟﻪ ﻫﻮ ﻭﻳﺴﺮ ﻭﺍﻟﺠﻬﺎﻝ ﻭﺍﻭﻝ ﺩﺧﻠﺘﻬﺎ ﺍﺟﺖ ﺍﻻﻣﻬﺎ ﺗﺮﻛﺾ ﺗﺴﻮﻟﻒ ﺷﻨﻮ ﻣﺸﺘﺮﻳﻠﻬﺎ ﻋﻤﻮﻭ ﺣﺴﻴﻦ ﺣﻀﻨﺘﻬﺎ ﺍﻣﻬﺎ ﺧﻄﻴﻪ ﺿﺎﻳﺠﻪ ﻋﻠﻴﻬﺎ ﺣﻴﻞ ﻭﻧﺪﻣﺎﻧﻪ ﺣﺎﺟﻴﺖ ﻣﺎﻫﺮ .. ﺣﺒﻴﺒﻲ .. ﻫﺎ ﻳﺮﻭﺣﻲ .. ﺗﺘﻌﺸﻪ .. ﺍﺫﺍ ﺍﻧﺘﻮ ﺟﻮﻋﺎﻧﻴﻦ ﻧﺘﻌﺸﻪ ﻭﺍﺫﺍ ﺑﻴﻬﺎ ﻣﺠﺎﻝ ﺧﻠﻲ ﻳﺒﺪﻟﻮﻥ ﺣﻤﻮﻭﺩﻱ ﻭﻋﻠﻲ ﻭﻳﺮﺗﺎﺣﻮﻥ ﺑﻴﻦ ﻣﺎﺍﺣﺎﺟﻲ ﺳﺮﻭﺭ ﻭﺍﺭﺟﻌﻠﺞ ﺣﺎﻭﻟﺖ ﺃﻋﻄﻠﻪ ﻣﺎﻳﺮﻭﺣﻠﻬﺎ ﺣﺘﻰ ﺍﺣﺠﻴﻠﻪ ﺑﻬﺪﻭﺀ ﻉ ﺍﻟﺤﺠﻲ ﺍﻟﺴﺎﻣﻌﺘﻪ ﺳﺮﻭﺭ ﻭﻫﻮ ﻫﺬﺍ ﺍﻟﻲ ﻏﺎﺛﻬﺎ ﻣﻦ ﺣﺴﻴﻦ ﻣﻮ ﺷﻲ ﺛﺎﻧﻲ ﺧﻔﺖ ﻳﻔﻬﻤﻬﺎ ﻏﻴﺮ ﺷﻲ ﻛﺘﻠﻪ .. ﻋﻨﺪﻱ ﺣﺠﻲ ﻭﻳﺎﻙ ﻧﺤﺠﻲ ﺑﺎﻻﻭﻝ ﻭﺍﻧﻮﺏ ﺷﻮﻑ ﺳﺮﻭﺭ ﻏﻤﺰﺗﻠﻪ ﺑﻄﺮﻑ ﻋﻴﻨﻲ ﺍﺟﺎﻧﻲ ﻣﺒﺘﺴﻢ ﻓﺮﺣﺖ ﻣﺒﻴﻴﻦ ﻣﺮﺗﺎﺡ ﺷﻮﻳﻪ ﻫﻤﺰﻳﻦ .. ﻫﺎﻱ ﺍﻟﻐﻤﺰﻩ ﺷﻮ ﻋﺠﺒﺘﻨﻲ ﻳﺎﻫﻮ ﻣﻌﻠﻤﺞ ﻭﻟﺞ .. ﺿﺤﻜﺖ ﺍﻛﻮ ﻭﺍﺣﺪ ﻋﻠﻤﻨﻲ ﻋﻠﻴﻬﺎ .. ﺯﻳﻦ ﻫﺬﺍ ﺍﻟﻮﺍﺣﺪ ﻳﻐﻤﺰﻫﺎ ﺑﻐﻴﺮ ﻭﻛﺖ ﻭﻳﺮﻳﺪ ﻏﻴﺮ ﺷﻲ ﺍﻧﺘﻲ ﻫﻢ ﻫﺬﺍ ﺍﻟﺮﺍﻳﺪﺗﻪ .. ﺿﺤﻜﺖ ﻭﺣﺎﻭﻟﺖ ﺍﻛﺘﻢ ﺿﺤﻜﺘﻲ ﺩﻭﻣﻬﺎ ﺗﻌﻘﺪﻩ ﺻﻮﺗﻲ ﻋﺎﻟﻲ ﺑﺎﻟﻀﺤﻜﻪ .. ﻻ ﻣﻮ ﻧﻔﺲ ﺍﻟﺸﻲ ﻭﻳﻦ ﺭﺍﺡ ﺑﺎﻟﻚ .. ﻻﺗﺴﺘﺤﻴﻦ ﻋﺎﺩﻱ ﺣﻘﺞ ﻫﺬﺍ ﻭﺍﻟﻌﺸﻪ ﻃﻔﻲ ﻣﺎﻻﺯﻡ ﻧﺘﻌﺸﻪ ﺗﻌﺎﻱ .. ﺍﻭﮔﻒ ﺑﺲ ﻻﺻﺪﻛﺖ ﺳﺎﻟﻔﺘﻲ ﻏﻴﺮ .. ﻣﻴﺨﺎﻟﻒ ﺍﻟﺨﺎﻃﺮ ﺍﻟﻐﻤﺰﻩ ﺍﺳﻤﻊ ﻭﻫﻢ ﻣﺎﺍﻃﻠﻊ ﺧﺴﺮﺍﻥ ﺑﺎﻟﺤﺎﻟﺘﻴﻦ ﺭﺣﺖ ﻭﺭﺍﻩ ﻭﺍﻧﻲ ﺣﺎﻳﺮﻩ ﺷﻠﻮﻥ ﺍﺣﺠﻲ ﻳﺎﺭﺏ ﻳﺒﻘﻰ ﻣﺘﻔﻬﻢ ﻭﺑﻬﺎﻟﻬﺪﻭﺀ ﻓﺎﺕ ﻟﻠﻐﺮﻓﻪ ﻭﺍﻧﻲ ﻭﺭﺍﻩ ﮔﻌﺪ ﻉ ﻃﺮﻑ ﺍﻟﺠﺮﺑﺎﻳﻪ .. ﺍﺣﺠﻲ ﺷﻨﻬﻮ ﻣﻮﺿﻮﻋﺞ ﺑﺲ ﻛﻮﻥ ﺑﻲ ﺧﻴﺮ .. ﺷﻮﻑ ﻫﻮ ﻣﺎﻝ ﺧﻴﺮ ﻻ ﻭﺍﻟﻠﻪ ﻣﺎﺑﻲ ﺧﻴﺮ ﺑﺲ ﺿﺮﻭﺭﻱ ﺍﺣﺠﻲ .. ﻳﺎﺍﻟﻠﻪ ﺩﺧﻴﻠﻚ ﺍﺣﺠﻲ ﺍﺳﻤﻊ .. ﺷﺴﻤﻪ ﻳﻌﻨﻲ … ﺁﺁ .. ﺷﻮﻑ ﻣﻮ ﺗﻌﺼﺐ ﺑﻬﺪﺍﻭﻩ .. ﺧﺎﻳﺒﻪ ﺍﺣﺠﻲ ﺑﺤﺎﻝ ﮔﻠﺒﻲ ﺧﻔﮓ ﻉ ﺍﻟﻐﻤﺮﻩ ﺗﺎﻟﻴﻬﺎ ﻣﺒﻴﻨﻪ ﺳﺎﻟﻔﻪ ﺗﺸﻌﻞ ﺷﻴﺐ ﻋﻤﺎﻣﻲ .. ﻫﻬﻬﻪ ﺍﻱ ﻭﺍﻟﻠﻪ ﺗﺸﻌﻠﻬﻢ ﺷﻌﻞ ﺑﺲ ﺧﻠﻴﻚ ﻭﻳﺎﻱ ﻫﻴﺞ .. ﻭﺷﻌﻠﺘﻬﻢ ﺍﺣﺠﻲ .. ﻣﺴﻮﻳﺘﻠﺞ ﻃﺮﮔﺎﻋﻪ ﻭﻳﻤﺘﻪ ﺍﻧﻪ ﺷﺎﻏﻠﺘﻚ ﺑﻄﺮﺍﮔﻴﻌﻲ ﻭﻣﺤﺘﺎﺭ ﺷﻠﻮﻥ ﺗﺴﺪﺳﺪﻟﻲ .. ﻭﻋﻠﻲ ﺗﺪﻭﺳﻴﻦ ﺑﺎﻟﺒﻄﻦ ﻣﺎﻣﺴﻮﻳﻪ ﺑﺲ ﺍﺑﺪ ﻣﺎﺷﺎﻳﻔﺞ ﻫﻴﺞ ﺍﺟﻪ ﺍﺑﺎﻟﻲ ﻣﺴﻮﻳﺘﻠﺞ ﻣﺼﻴﺒﻪ ﺑﻮﻳﻪ ﺣﺘﻰ ﻟﻮ ﻣﺴﻮﻳﻪ ﺍﻟﺞ ﺍﻻﻣﺎﻥ ﺑﺲ ﺍﺣﺠﻲ .. ﺷﻮﻑ ﻉ ﺳﺎﻟﻔﺔ ﺳﺮﻭﺭ .. ﺷﺒﻴﻬﺎ ﻣﺴﻮﺩﻧﻪ ﻭﺻﺎﻳﺮﻩ ﻣﺎﺗﻨﻄﺎﻕ ﻭﻟﻮ ﻣﺎﺗﻜﺴﺮ ﺧﺎﻃﺮﻱ ﻭﺍﻟﻠﻪ ﻣﺎﺍﺳﻜﺘﻠﻬﺎ ﺗﺴﻜﻂ ﺑﺘﻬﺎ ﺣﺮﺍﻡ ﻋﻠﻴﻪ ﺍﺷﻮﻑ ﻫﻴﺞ ﻭﺳﺎﻛﺖ ﺍﻧﻪ ﺍﺭﺩ ﺍﺣﺎﺟﻴﻬﺎ ﺍﺭﺩ ﺍﺷﻮﻑ ﺷﺒﻴﻬﺎ .. ﺑﺎﻭﻉ ﻫﻲ ﻣﺎﺗﺮﻳﺪ ﺑﺘﻬﺎ ﺗﺘﻌﻠﻖ ﺑﺤﺴﻴﻦ ﻭﻻﺗﺮﻳﺪﻩ ﻳﺸﻮﻓﻬﺎ ﺑﻌﺪ .. ﺍﺩﺭﻱ ﺍﻟﺰﻟﻤﻪ ﺷﻤﺴﻮﻳﻠﻬﺎ ﻫﻢ ﺣﻈﻪ ﻫﺬﺍ ﻻﻳﻤﻬﺎ ﻻ ﺣﻮﺍﻟﻴﻬﺎ ﺍﺗﻮﺭﻁ ﺧﻄﺒﻬﺎ ﺍﻟﺒﻲ ﻣﻜﻔﻲ ﺍﻧﻮﺏ ﺍﻛﻠﻪ ﻣﺎﺍﺭﺿﺎﻟﻚ ﺗﻠﻌﺐ ﺟﺎﻫﻠﻪ ﺍﻣﻬﺎ ﻣﺎﻧﻌﺘﻬﺎ .. ﻣﺎﻫﺮ ﺣﻘﻬﺎ ﻭﺍﻟﻠﻪ ﺗﺮﻯ ﻧﺴﻮﺍﻥ ﺍﺧﻮﺍﻧﻪ ﻣﺴﻮﻟﻔﺎﺕ ﻟﻠﻜﺮﺍﻳﺐ ﻛﻠﻬﻢ ﺣﺴﻴﻦ ﻣﺎﻳﺘﺰﻭﺝ ﻷﻥ ﻳﺮﻳﺪﻫﺎ .. ﻫﺎ؟ .. ﻭﺍﻟﻠﻪ ﻭﺍﻧﻮﺏ ﻛﺎﻳﻼﺕ ﻫﻲ ﺟﺎﻱ ﺗﺨﻠﻲ ﺑﻨﺘﻪ ﻳﻤﻪ ﺣﺘﻰ ﺗﺘﻌﻮﺩ ﻋﻠﻴﻪ ﻭﺗﺴﺤﺒﻪ ﺍﻟﻬﺎ .. ﺍﻧﺘﻲ ﺻﺪﮒ ﺗﺤﺠﻴﻦ ﻟﻮ ﺗﺤﻠﻴﻼﺗﺠﻦ ﻫﺎﻱ ﻣﻨﻴﻦ ﺳﻤﻌﺘﻲ ﻭﻫﻲ ﺗﺪﺭﻱ .. ﺍﻱ ﺩﺭﺕ ﻭﻛﻠﻨﻪ ﻧﺪﺭﻱ .. ﺍﻱ ﻭﺗﺎﻟﻲ ﻭﻳﺎﻫﺎ ﻫﺎﻱ .. ﻫﻲ ﺷﻌﻠﻴﻬﺎ .. ﻣﺎﺗﺮﺿﺎ ﺑﻲ ﺷﻌﻮﺯﻩ ﺣﺴﻴﻦ ﻭﻳﻦ ﺗﻠﮕﻪ ﺍﺣﺴﻦ ﻣﻨﻪ ﺍﻟﺤﺪ ﺍﻟﻴﻮﻡ ﺧﻄﺒﻬﺎ ﻣﻨﻲ ﻭﻫﺎﻱ ﺑﺘﻬﺎ ﺷﻜﺘﻠﻪ ﺗﻜﻠﻪ ﺍﻣﻲ ﻣﺎﺗﺤﺒﻨﻲ ﻭﺍﻃﮕﻨﻲ ﻭﺭﺟﻊ ﻓﺘﺢ ﻣﻮﺿﻮﻋﻬﺎ ﻭﻳﺎﻱ ﻭﻣﺼﺮ ﻳﺘﺎﻧﻴﻬﺎ ﺗﺎﻟﻴﺘﻲ ﻣﺘﺨﺎﺭﺏ ﻭﻳﺎﻩ ﻭﻫﻲ ﺍﻟﺴﺒﺐ .. ﺗﺘﺨﺎﺭﺏ ﻭﻳﺎﻩ ﻟﻴﺶ .. ﺍﺫﺍ ﻫﺬﺍ ﺍﻟﺤﺠﻲ ﺍﺗﻮﺳﻊ ﻭﻭﺻﻞ ﺍﻟﻌﻤﺎﻣﻲ ﻭﻃﻠﻌﻮﻭﺣﺠﻲ ﺍﺷﻜﺎﻝ ﺷﮕﻮﻝ ﺍﻧﻪ ﻻ ﻫﻮ ﺍﻟﺮﺍﺿﻲ ﻳﺘﺰﻭﺝ ﻭﻳﻌﻮﻓﻬﺎ ﻭﻻ ﺍﺷﻮﻓﻪ ﻻﻋﺐ ﺑﺬﻳﻠﻪ ﺣﺘﻰ ﺍﻟﻮﻣﻪ ﻭﻟﺪ ﻣﻦ ﺑﻌﻴﺪ ﻟﺒﻌﻴﺪ ﻭﻻ ﻫﻲ ﺍﻟﻤﻠﻴﻨﻪ ﺭﺍﺳﻬﺎ ﻭﻣﻔﻜﺮﻩ ﺍﺑﺘﻬﺎ ﻉ ﺍﻷﻗﻞ ﻭﺣﺪﻩ ﻏﺒﻴﻪ ﻣﺎﺗﻔﻜﺮ ﺷﺴﻮﻳﻠﻬﺎ ﻫﻮ ﻳﺤﺠﻲ ﮔﻠﺖ ﺑﮕﻠﺒﻲ ﻟﻮ ﻳﺪﺭﻱ ﺑﻌﻤﺎﻣﻪ ﻳﺪﺭﻭﻥ ﻭﺍﺷﻜﺎﻝ ﻳﺤﺠﻮﻥ ﺣﺘﻰ ﻋﻠﻴﻪ ﻳﻜﻮﻟﻮﻥ ﻣﺼﺎﺣﺐ ﻟﻠﺮﺍﻳﺪ ﺍﺧﺘﻪ ﻭﻳﻄﺒﺒﻪ ﻭﻳﻄﻠﻌﻪ ﻭﻛﻮﻣﻪ ﺣﺠﻲ ﻣﻦ ﺳﻤﻌﺘﻪ ﻋﻤﺘﻲ ﺍﺭﺗﻔﻊ ﺿﻐﻄﻬﺎ ﻭﺍﻧﻪ ﺍﻟﺨﻮﻑ ﺫﺑﺤﻨﻲ ﻻﺗﺮﺟﻊ ﻟﻠﻄﻼﻳﺐ ﺍﺭﺩﻭﺩ ﮔﺘﻠﻪ ﻣﻮ ﺑﻴﺪﻫﺎ ﻣﺎﻧﺎﺳﻴﻪ ﺭﺟﻠﻬﺎ .. ﻣﺎﺗﻨﺴﺎﻩ ﺍﺫﺍ ﻇﻠﺖ ﻫﻴﺞ ﻣﺎﺗﻨﺴﺎﻩ ﻭﺗﺎﻟﻴﻬﺎ ﺗﺘﺴﻮﺩﻥ ﻭﺗﻤﻮﺕ ﻣﻦ ﻫﻤﻬﺎ ﻭﻫﺎﻱ ﺑﺘﻬﺎ ﻻﻫﻲ ﻣﻦ ﺍﻡ ﻭﻻ ﻣﻦ ﺍﺑﻮ ﻣﺎﺻﺎﺭﺕ ﻫﺎﻱ ﻧﺴﻮﺍﻥ ﻳﺎﻣﺎ ﺗﺮﻣﻠﺖ ﺗﻈﻞ ﺗﻨﻮﺡ ﺩﻭﻡ ﺗﺪﻓﻦ ﺭﻭﺣﻬﺎ ﻣﺜﻠﻬﺎ ﻫﻲ ﺣﺘﻰ ﺣﺠﺎﺑﻬﺎ ﻣﺎﺗﻨﺰﻋﻪ ﻋﻮﺩ ﺣﺰﻳﻨﻪ ﺳﻮﺍﻟﻒ ﺳﻮﺗﻬﻦ ﺍﻣﻬﺎ ﻣﺎﻣﺴﻮﻳﺘﻬﺎ ﻋﻠﻰ ﺍﺭﺑﻊ ﺍﺯﻻﻡ ﻛﺮﺍﺭ ﺯﻟﻤﺘﻬﺎ ﻋﻠﻰ ﻋﻴﻨﻲ ﻭﺭﺍﺳﻲ ﺑﺲ ﻣﻮ ﺍﻏﻠﻰ ﻣﻦ ﺍﻟﺮﺍﺣﻮﻭ ﻳﺤﭽﻲ ﺑﻘﻬﺮ ﻭﺣﺮﮔﻪ ﻋﻮﺩ ﺣﺎﻭﻟﺖ ﺍﺧﻔﻒ ﻋﻨﻪ ﺑﺲ ﻣﺮﺍﺕ ﺍﺟﻔﺺ ﻛﺘﻠﻪ .. ﺑﺎﻟﻨﺴﺒﻪ ﺍﻟﻚ ﻣﻮ ﺍﻏﻠﻰ ﺑﺲ ﻫﻲ ﻋﺪﻫﺎ ﺭﺟﻠﻬﺎ ﺍﻏﻠﻰ ﺻﻔﻦ ﻋﻠﻴﻪ ﻟﻤﻌﺖ ﻋﻴﻮﻧﻪ ﺑﺤﺰﻥ ﻋﺒﺎﻟﻚ ﺷﻮﻳﻪ ﻭﻳﺒﺠﻲ ﮔﺎﻝ .. ﺍﻱ ﺻﺢ ﻣﻮ ﺍﻏﻠﻰ ﺍﻟﺴﻮﺗﻪ ﻋﻠﻤﻮﺩﻩ ﻣﺎﻳﺘﺴﻮﻯ ﻏﻠﺘﻪ ﻉ ﺍﻟﻜﻞ ﺑﺲ ﺣﻆ ﻣﺎﻋﺪﻫﺎ ﻭﺭﺍﺡ ﻣﻨﻬﺎ ﺷﺒﻴﺪﻱ ﻋﻠﻴﻬﺎ ﺧﻞ ﺗﺨﻨﻚ ﺭﻭﺣﻬﺎ ﻭﺗﻤﻮﺕ ﻭﺭﺍﻩ ﺍﻟﻠﻪ ﻳﺒﺮﺩ ﮔﻠﺒﻬﺎ ﺍﻧﻲ ﻣﻮ ﻫﻴﺞ ﻗﺼﺪﻱ ﺑﺲ ﺗﺮﻯ ﺍﻟﺮﺟﺎﻝ ﻏﺎﻟﻲ ﻣﻬﻤﺎ ﻳﻜﻮﻥ ﻣﻮ ﺑﺴﻬﻮﻟﻪ ﺗﻨﺴﺎﻩ ﺍﻟﻠﻪ ﻳﻌﻠﻢ ﺑﮕﻠﺒﻬﺎ .. ﻳﻌﻨﻲ ﻟﻮ ﻣﺘﺖ ﻣﺎﺗﻨﺴﻴﻨﻲ .. ﺍﺳﻢ ﺍﻟﻠﻪ ﻣﺎﻫﺮ ﻻﺗﮕﻮﻝ ﻫﻴﺞ ﺍﻥ ﺷﺎﺀﺍﻟﻠﻪ ﺍﻧﺸﻴﻴﺐ ﺳﻮﻩ ﻭﺍﻏﻤﺰﻟﻚ ﻭﺗﺘﻌﺬﺭﻧﻲ ﻣﺎﺑﻴﻚ ﺣﻴﻞ ﻫﻬﻬﻬﻪ .. ﭼﺎ ﺗﻌﺎﻱ ﻣﺎﻃﻮﻟﻨﻲ ﺑﺤﻴﻠﻲ …… .. ﺳﺮﻭﺭ .. ﮔﺎﻋﺪﻩ ﺍﺑﻮﺱ ﺍﺑﻨﺘﻲ ﺑﻌﺪ ﻣﺎﻧﺎﻣﺖ ﺑﺤﻀﻨﻲ ﻭﺍﻟﻮﻡ ﺑﺮﻭﺣﻲ ﺷﻠﻮﻥ ﻫﻴﺞ ﻃﻜﻴﺘﻬﺎ ﺷﺠﺎﻧﻲ ﺑﺲ ﻻﺗﺎﻟﻴﺘﻲ ﺍﺧﺴﺮ ﻛﻠﺸﻲ ﻣﻦ ﻋﻤﺎﻳﻠﻲ ﻭﻋﻘﻠﻲ ﺍﻟﻤﺎﺟﺎﻱ ﻳﻔﻜﺮ ﺣﻤﻮﺩﻱ ﻭﻋﻼﻭﻱ ﻳﻤﻨﻪ ﻣﻦ ﺍﻟﻠﻌﺐ ﻫﻢ ﻏﻔﻮ ﺍﺟﺖ ﺍﻣﻬﻢ ﺧﺬﺗﻬﻢ ﺗﻨﻮﻣﻬﻢ ﺣﺎﺟﺘﻨﻲ .. ﺳﺮﻭﺭ ﻻﺗﻀﻮﺟﻴﻦ ﻫﻴﺞ ﺍﻟﻠﻪ ﻳﺒﺮﺩ ﮔﻠﺒﺞ ﻭﻳﻔﺮﺣﺞ ﺑﻴﻬﺎ ﻣﻦ ﺗﻜﺒﺮ .. ﻃﻔﻠﻪ ﻫﻲ ﻣﺎﺗﻀﻮﺝ ﻣﻨﺞ ﻛﺎﻓﻴﻬﺎ ﻫﺬﺍ ﺣﻀﻨﺞ ﻧﺰﻟﺖ ﺩﻣﻌﺘﻲ ﻏﺼﺐ ﻋﻨﻲ ﻃﻠﻌﺖ ﻫﻲ ﻭﻋﺎﻓﺘﻨﻲ ﻣﻠﻮﻭ ﻣﻦ ﺣﺰﻧﻲ ﻭﺩﻣﻮﻋﻲ ﺍﺻﻼ ﺍﻧﻪ ﻣﻠﻴﺖ ﻣﻦ ﺭﻭﺣﻲ ﺑﺲ ﺷﺴﻮﻱ ﺍﺗﻤﻨﻰ ﺍﺗﻐﻴﻴﺮ ﺑﺲ ﺻﻮﺭﺗﻪ ﻣﺎﺗﻔﺎﺭﮔﻨﻲ ﻭﺍﻟﻴﻮﻡ ﻣﺎﺍﮔﺪ ﺍﻧﺎﻡ ﺍﺧﺎﻑ ﻳﺠﻴﻨﻲ ﺑﻄﻴﻒ ﻳﻌﺎﺗﺒﻨﻲ ﻭﺍﻧﻪ ﻣﺎﺍﺗﺤﻤﻞ ﻣﻨﻪ ﻋﺘﺐ ﻭﺯﻋﻞ ﺣﺘﻰ ﻟﻮ ﻧﻈﺮﻩ ﻣﺮ ﺍﻟﻠﻴﻞ ﻭﮔﻌﺪﺕ ﻃﺎﺭﺩﻩ ﺍﻟﻨﻮﻡ ﻣﻦ ﻋﻴﻮﻧﻲ ﺳﻤﻌﺖ ﺻﻮﺕ ﺗﻠﻴﻔﻮﻧﻲ ﺻﺎﻳﺮﻩ ﻣﺎﺍﻃﻴﻘﻪ ﺣﺘﻰ ﻫﻮ ﻭﻳﺎﻫﻮ ﻳﺨﺎﺑﺮﻧﻲ ﻋﻠﻴﻪ ﺍﻣﻲ ﻟﻮ ﺍﻣﺎﻫﺮ ﻣﺮﺍﺕ ﻣﻦ ﻫﻮ ﻃﺎﻟﻊ .. ﻣﻨﺰﻟﻪ ﺑﻲ ﺑﺮﺍﻣﺞ ﻋﻮﺩ ﺍﻏﻴﻴﺮ ﻣﻦ ﻧﻔﺴﻴﺘﻲ ﺑﺲ ﺗﺰﻳﺪ ﺍﻻﻣﻲ ﺍﻛﺜﺮ ﺍﺩﺧﻞ ﺍﻟﻴﻮﺗﻴﻮﺏ ﺍﺭﻭﺡ ﻭﻳﻦ ﻣﺎﻛﻮ ﻣﻘﻄﻊ ﻳﺸﺮﺡ ﺣﺎﻟﺘﻲ ﻋﻮﺩ ﺍﻓﺮﻍ ﻫﻤﻲ ﺍﻟﻜﻲ ﺭﻭﺣﻲ ﻣﻠﻴﺎﻧﻪ ﻫﻤﻮﻡ ﺍﻛﺜﺮ ﺍﺟﺖ ﺭﺳﺎﻟﻪ ﺛﺎﻧﻴﻪ ﻓﺘﺤﺘﻬﺎ ﺭﻗﻢ ﻏﺮﻳﺐ ﺍﻭﻝ ﺭﺳﺎﻟﻪ ﻣﻜﺘﻮﺏ .. ﺍﻟﺴﻼﻡ ﻋﻠﻴﻜﻢ .. ﻋﺴﺎﻛﻢ ﺑﺨﻴﺮ ﻭﻋﺎﻓﻴﻪ ﺻﻔﻨﺖ ﻫﺬﺍ ﻣﻨﻮ ﻭﻣﻨﻴﻦ ﻫﺎﻱ ﺍﻟﺮﺳﺎﻟﻪ ﻗﺮﻳﺖ ﺍﻟﺜﺎﻧﻴﻪ .. ﺑﺮﻭﺡ ﺍﺧﻮﺍﻧﺞ ﺍﺭﻳﺪ ﺍﺣﺎﺟﻴﺞ ﻭﺧﻠﻴﻨﻲ ﺑﺮﺍﺣﺘﻲ ﻟﻸﺧﺮ ﻻ ﺗﺤﺠﻴﻦ ﺷﻲ ﺑﺲ ﺍﺳﻤﻌﻲ ﻣﻨﻲ ﺭﺍﺡ ﺍﺧﺎﺑﺮ ﻭﺗﺮﻯ ﺍﻧﻪ ﺣﺴﻴﻦ ﻳﺒﻮﻭ ﺣﺴﻴﻦ ﺷﻴﺮﻳﺪ ﻣﻨﻲ ﻇﻞ ﮔﻠﺒﻲ ﻳﺪﮒ ﺑﻘﻮﺓ ﺧﻮﻑ ﻭﺭﻋﺐ ﻣﺎﺍﺩﺭﻱ ﻟﻴﺶ ﺍﺧﺎﻑ ﻣﻦ ﺍﻓﻜﺮ ﺑﻲ ﺍﺧﺎﻑ ﺑﻴﻮﻡ ﺍﻧﺠﺒﺮ ﻋﻠﻴﻪ ﺍﺗﺼﻞ ﻣﺮﻩ ﻭﻣﺮﺗﻴﻦ ﻣﺎﺭﺩﻳﺖ ﺍﺟﺖ ﺭﺳﺎﻟﻪ .. ﺷﻮﻓﻲ ﻏﺎﻳﺘﻲ ﻭﻳﺎﺝ ﻫﺎﻟﻤﺮﻩ ﻏﻴﺮ ﻭﺍﺑﺪ ﻣﻮ ﺍﻟﻲ ﺍﺑﺎﻟﺞ ﻭﺩﺍﻋﺘﺞ .. ﺍﻧﺴﻲ ﺍﻟﻲ ﺑﮕﻠﺒﻲ ﻭﺍﻟﺴﺎﻣﻌﺘﻪ ﻋﻨﺪﻱ ﺣﺠﻲ ﻭﻳﺎﺝ ﻻﺗﺨﺎﻓﻴﻦ ﻣﻮ ﻣﺮﺍﻫﻖ ﺍﻧﻪ ﻭﺍﻛﻌﺪ ﺍﺧﺎﺑﺮ ﻭﺍﻟﻠﻪ ﻳﺸﻬﺪ ﺍﻫﻮﺍﻱ ﺍﺗﺮﺩﺩﺕ ﻳﻠﻠﻪ ﻗﺮﺭﺕ ﺍﺧﻄﻲ ﻫﻴﺞ ﺧﻄﻮﻩ ﺭﻏﻢ ﻣﺨﻠﻲ ﻋﻴﻮﻥ ﻣﺎﻫﺮ ﺑﺲ ﻷﻥ ﻏﺎﻳﺘﻲ ﺗﺨﺘﻠﻒ ﺿﻤﻴﺮﻱ ﻣﺮﺗﺎﺡ ﺍﺫﺍ ﻣﺎﺗﺮﺩﻳﻦ ﺍﺧﺎﺑﺮ ﻭﻣﺎﻳﻌﺠﺒﺞ ﺗﺴﻤﻌﻴﻦ ﺻﻮﺗﻲ ﺭﺩﻱ ﻋﻠﻴﻪ ﺑﺮﺳﺎﻟﻪ ﻣﺎﺍﺩﺭﻱ ﺷﺠﻨﺖ ﺍﺣﺲ ﺑﺬﻳﺞ ﺍﻟﻠﺤﻈﺔ ﺑﺲ ﺟﺎﻥ ﺍﻟﺘﻠﻴﻔﻮﻥ ﻳﻬﺘﺰ ﺑﻴﺪﻱ ﻣﻦ ﻛﺜﺮ ﺭﻋﺸﺘﻬﺎ ﺟﺎﻭﺑﺘﻪ .. ﻣﺎﻓﻬﻤﺖ ﺍﻧﺖ ﺷﺮﺍﻳﺪ .. ﺑﻨﺘﺞ ﻟﻴﺶ ﻫﻴﺞ ﻭﻳﺎﻫﺎ ﺍﺣﺲ ﻋﻴﻮﻧﻲ ﻏﻮﺷﺖ ﺑﺎﻟﺪﻣﻮﻉ ﻛﺘﺒﺘﻠﻪ ﻣﺎﻫﺮ ﮔﺎﻟﻚ .. ﻻ ﻭﺍﻟﻠﻪ ﻣﺎﮔﺎﻝ ﺍﺑﺪ ﻭﻻ ﺳﺎﺋﻠﻪ ﺍﻧﻪ ﻣﺎﻋﻨﺪﻱ ﺟﺮﺃﻩ ﺍﺳﺄﻟﻪ ﻋﻨﺞ ﻭﺍﻛﻠﻪ ﻟﻴﺶ .. ﺍﺭﻳﺪ ﺍﺳﻤﻌﻬﺎ ﻣﻨﺞ ﻫﻲ ﺷﻜﺖ ﺗﮕﻠﻲ ﺍﻣﻲ ﻣﺎﺗﺤﺒﻨﻲ ﺍﻟﻴﻮﻡ ﺑﻄﻠﺖ ﻭﺍﻃﻚ ﺑﻴﻪ ﻟﻴﺶ ﻭﻳﺎﻫﺎ ﺷﻨﻬﻮ ﺫﻧﺒﻬﺎ ﻫﺎﻟﻄﻔﻠﻪ ﺑﭽﻴﺖ ﻭﺍﻳﺪﻱ ﺻﺎﺭﺕ ﺗﺮﺟﻒ ﺍﻛﺜﺮ .. ﻣﺎﺍﻟﻬﺎ ﺫﻧﺐ ﻏﻴﺮ ﺍﻧﻪ ﺍﻣﻬﺎ .. ﻭﺍﻧﺘﻲ ﻣﻮ ﺫﻧﺐ ﻭﺍﻣﻬﺎ ﻭﻣﺪﺍﺭﻳﺘﻬﺎ ﻭﺻﺎﻳﺮﺗﻠﻬﺎ ﺍﻡ ﻭﺍﺏ ﺑﺲ ﻟﻴﺶ ﺍﻃﻜﻴﻨﻬﺎ ﻫﻴﺞ ﺍﻧﺘﻲ ﺍﻃﻠﻌﻴﻦ ﺣﺮﮔﺔ ﮔﻠﺒﺞ ﺑﻴﻬﺎ ﺯﻳﻦ ﺍﻧﻪ ﺍﺷﻮﻑ ﻇﺮﻭﻓﺞ ﺯﻳﻨﻪ ﺧﺎﻟﻬﺎ ﺍﻣﺪﻟﻠﻬﺎ ﻏﻴﺮ ﺍﻣﻬﺎﺕ ﺷﺎﻳﻔﺎﺕ ﺍﻟﺬﻝ ﻭﻳﺘﺤﻤﻠﻦ ﺍﻟﻄﮓ ﺑﺪﻝ ﻋﻦ ﺟﻬﺎﻟﻬﻦ ﺍﻧﺘﻲ ﺷﻨﻬﻮ ﺍﻟﺠﺎﺑﺮﺝ ﻉ ﻃﮕﻬﺎ ﻫﻴﺞ ﺣﺘﻰ ﺷﻔﺘﻬﺎ ﻣﺸﮕﻮﮔﻪ...قصص عراقيه حقيقيه من واقعنا.روعه الطائي ﺍﻧﻪ ﺍﻟﻤﻔﺮﻭﺽ ﻣﺎﻟﻲ ﻏﺮﺽ ﺭﺟﺎﻝ ﻣﺘﻜﺘﺮ ﺍﻧﺘﻲ ﺍﻡ ﻣﺎﺍﺣﺎﺳﺒﺞ ﺑﺲ ﻣﺎﺗﺪﺭﻳﻦ ﺑﻐﻼﺓ ﻫﺎﻟﻄﻔﻠﻪ ﻋﻨﺪﻱ ﻋﻠﻴﺞ ﺑﺪﺍﻋﺔ ﻛﻞ ﻏﺎﻟﻲ ﺩﺍﺭﻳﻬﺎ ﻭﻓﻜﺮﻱ ﺍﻟﻒ ﻣﺮﻩ ﮔﺒﻞ ﻻﺗﻤﺪﻳﻦ ﺍﻳﺪﺝ ﻋﻠﻴﻬﺎ ﻭﺍﻧﻪ ﻫﺎﻱ ﺍﺧﺮ ﻣﺮﻩ ﺍﺭﺍﺳﻠﺞ ﻭﺍﻋﺘﺒﺮﻳﻨﻲ ﻧﺎﺻﺢ ﻣﻮ ﺍﻛﺜﺮ .. ﻣﻨﻴﻠﻚ ﺭﻗﻤﻲ .. ﻋﻨﺪﻱ ﻟﻴﺶ ﻣﻬﺘﻤﻪ ﻣﺎﺍﺿﺎﻳﻘﺞ ﺑﻌﺪ ﺍﻟﻌﻨﺪﻱ ﺳﻮﻟﻔﺘﻪ .. ﻃﮕﻴﺘﻬﺎ ﺑﺴﺒﺒﻚ .. ﺳﺒﺒﻲ ﺍﻧﻪ؟ ﻟﻴﺶ ! .. ﻓﺪﻭﻩ ﻋﻮﻑ ﺑﻨﺘﻲ ﻭﺑﻌﺪ ﻻﺗﻮﺩﻱ ﻋﻠﻴﻬﺎ ﺍﺑﺪ ﻭﻻﺗﻌﻠﻘﻬﺎ ﺑﻴﻚ ﺍﻣﻨﻌﻬﺎ ﻣﻨﻚ ﻭﻣﺎﺗﺮﺿﺎ ﺍﻻ ﺗﺸﻮﻓﻚ ﻭﺍﻧﻪ ﺍﻟﺒﻴﻪ ﻛﺎﻓﻴﻨﻲ .. ﻫﻴﺞ ﺍﻧﻪ ﻣﻀﻮﺟﺞ ﺍﻟﻬﺬﺍ ﺍﻟﺤﺪ ﻛﺎﺭﻫﺘﻨﻲ ﺗﻤﻨﻌﻴﻦ ﻃﻔﻠﻪ ﻣﻨﻲ ﻟﻴﺶ ﺍﻛﻠﻬﺎ؟ .. ﻣﻮ ﻫﻴﺞ ﻭﺍﻟﻠﻪ ﺑﺲ ﺍﻟﺤﺠﻲ ﺯﺍﺩ ﺣﺴﻴﻦ ﺟﻨﺎﻳﻨﻜﻢ ﻣﺎﻣﺨﻠﻴﺎﺕ ﺍﺣﺪ ﻣﺎﻛﺎﻳﻼﺕ ﺍﻟﻪ ﺣﺴﻴﻦ ﻳﺮﻳﺪ ﺳﺮﻭﺭ ﻭﻣﺎﻳﺮﺿﺎ ﻳﺘﺰﻭﺝ ﻭﻫﻲ ﻣﺨﻠﻴﻪ ﺑﺘﻬﺎ ﻋﺪﻩ ﺣﺘﻰ ﺗﻌﻮﺩﻩ ﻋﻠﻴﻬﺎ ﺍﻛﺜﺮ .. ﻣﻨﻴﻠﭻ ﻫﺬﺍ ﺍﻟﺤﭽﻲ .. ﺳﻤﻌﺘﻪ ﺑﺄﺫﻧﻲ ﻭﺳﻤﻌﺖ ﺍﻻﻗﻮﻯ ﺑﻌﺪ ﺑﺲ ﺷﺤﭽﻲ ﻭﺷﮕﻮﻝ ﺍﻛﻞ ﺑﺮﻭﺣﻲ ﻭﻃﻠﻌﺖ ﺣﺮﻛﺘﻲ ﺍﺑﻨﺘﻲ .. ﻭﺗﻤﻨﻌﻴﻨﻬﺎ ﻣﻨﻲ؟ ﺍﻋﻮﻓﻬﺎ ﺍﻧﻪ ﻣﻦ ﺑﺎﺟﺮ ﺍﺑﺪ ﻣﺎﺍﻭﺩﻱ ﻋﻠﻴﻬﺎ ﺍﻟﺨﺎﻃﺮﺝ ﺑﺲ ﺣﺘﻰ ﺗﺮﺗﺎﺣﻴﻦ ﻭﻣﺎﺗﻀﻮﺟﻴﻦ ﻭﺗﻀﻮﺟﻴﻨﻬﺎ ﺑﺲ ﻫﻲ ﺍﻃﺎﻟﺐ ﺍﺗﺸﻮﻓﻨﻲ ﻫﺬﺍ ﺣﻞ ﺑﺮﺍﻳﺞ ﻣﻨﻌﻬﺎ ﻋﻨﻲ ﺣﻞ ﻟﻠﺤﺠﻲ .. ﻋﻨﺪﻙ ﻏﻴﺮ ﺣﻞ .. ﻋﻨﺪﻱ ﺑﺲ ﻣﺎﻳﺮﺿﻴﺞ .. ﻭﺍﺫﺍ ﻉ ﺍﻟﺤﭽﻲ ﺳﻬﻠﻪ ﺍﻧﻪ ﺍﻋﺮﻑ ﺷﻠﻮﻥ ﺍﺗﺼﺮﻑ ﺑﺲ ﺍﻧﻪ ﻫﻢ ﻣﺮﺑﻂ ﻣﻮ ﺑﻴﺪﻱ ﺍﻟﮕﺎﻟﻮﻩ ﻣﻮ ﺟﺬﺏ ﻭﻣﺎﺍﻛﺪﺭ ﺍﻧﻜﺮ ﺍﻟﺒﻴﻪ ﻭﺍﺟﺬﺑﻬﻢ ﺑﺲ ﺍﻛﺪﺭ ﺍﺳﻜﺘﻬﻦ ﻋﻨﺞ ﻭﻣﺎﻳﻜﻮﻥ ﺧﺎﻃﺮﺝ ﺍﻻ ﻃﻴﻴﺐ ﻓﻲ ﺍﻣﺎﻥ ﺍﻟﻠﻪ .. ﻣﺴﺤﺖ ﺩﻣﻮﻋﻲ ﻭﻇﻠﻴﺖ ﺍﻓﻜﺮ ﺑﻜﻼﻣﻪ ﻫﻮ ﻳﺤﺐ ﻳﺴﺮ ﻫﻴﺞ ﺻﺪﻙ ﺯﻳﻦ ﺷﻨﻮ ﺍﻟﺠﺎﺑﺮﻩ ﻋﻠﻴﻪ ﻟﻴﺶ ﻫﻴﺞ ﻳﺤﺒﻨﻲ ﺷﻨﻲ ﺍﻟﺸﺎﻓﻪ ﻣﻨﻲ ﻣﺎﺑﻴﻪ ﺷﻲ ﻳﺴﺘﺎﻫﻞ ﻭﻻ ﺍﻧﻪ ﺍﻻﻛﺪﺭ ﺍﺑﺎﺩﻟﻪ ﻳﺎﺭﺏ ﺷﺴﻮﻱ ﺳﺎﻋﺪﻧﻲ ﻳﺎﺍﻟﻬﻲ ﺑﻠﻴﻠﺘﻬﺎ ﻣﺎﻧﻤﺖ ﻟﻠﺼﺒﺢ ﺍﻓﻜﺮ ﺑﺤﺠﻲ ﺣﺴﻴﻦ ﻭﺧﺎﻳﻔﻪ ﻣﻦ ﻃﻴﻮﻑ ﻛﺮﺍﺭ ﺗﻌﺎﺗﺒﻨﻲ … . ﺣﺴﻴﻦ .. ﺑﻌﺪ ﺗﻔﻜﻴﺮ ﻃﺎﻝ ﻭﺗﻌﺐ ﻋﻘﻠﻲ ﻭﮔﻠﺒﻲ ﺣﺎﭼﻴﺘﻬﺎ ﺭﻏﻢ ﺭﺳﺎﺋﻠﻬﺎ ﻣﺨﺘﺼﺮﻩ ﺑﺎﻟﺮﺩ ﺑﺎﺭﺩﻩ ﺍﻟﻤﺸﺎﻋﺮ ﺍﻟﺘﻤﺲ ﻣﻨﻬﻦ ﺟﻔﻪ ﺍﺣﺴﻬﺎ ﮔﻮﻩ ﻣﺘﺤﻤﻠﺘﻨﻲ ﺑﺲ ﻓﺮﺣﺘﻲ ﻭﺍﻧﻪ ﺍﻗﺮﻫﺎ ﺍﺳﻤﻬﺎ ﺗﻮﺳﻊ ﺍﻟﻜﻮﻥ ﺍﻟﺤﺪ ﺍﻟﻲ ﻃﻠﺒﺖ ﻣﻨﻲ ﺍﺑﻌﺪ ﻋﻦ ﺑﻨﺘﻬﺎ ﺍﺣﺲ ﺍﻟﺴﻤﺎ ﻃﺎﺣﺖ ﻋﻠﻴﻪ ﻭﻃﺒﻜﺖ ﻋﻠﻴﻪ ﻭﻱ ﺍﻟﮕﺎﻉ ﻋﺬﺭﻫﺎ ﺟﺎﻥ ﺣﭽﻲ ﺍﻟﻨﺎﺱ ﻣﻌﺬﻭﺭﻩ ﻫﻲ ﺑﺲ ﻣﺎﺗﺤﺲ ﺑﺎﻟﺒﻴﻪ ﻛﻞ ﺍﻟﺤﺠﻮﻩ ﺻﺪﻙ ﺑﻴﻦ ﻓﺘﺮﻩ ﻭﻓﺘﺮﻩ ﻃﻼﻳﺐ ﺍﺗﻪ ﻭﺍﻫﻠﻲ ﻭﺣﺘﻰ ﺍﻟﺒﻴﺖ ﺻﺮﺕ ﻧﺎﺍﻃﻴﻘﻪ ﺍﻟﻬﺬﺍ ﺍﻟﺴﺒﺐ ﺍﺗﺰﻭﺝ ﺧﻠﻨﻪ ﺍﻧﺪﻭﺭﻟﻚ ﺍﺧﻮﺍﻧﻚ ﺍﺯﻏﺮ ﻣﻨﻚ ﻭﻋﺮﺳﻮ ﺍﺛﻨﻴﻦ ﻋﺪﻫﻢ ﻭﻟﺪ ﻭﺍﻟﺜﺎﻟﺚ ﺣﺎﻳﻪ ﺑﺎﻟﺪﺭﺏ ﺭﺍﺡ ﺗﻌﺒﺮ ﺍﻝ 30 ﻭﺍﻧﺖ ﺑﻌﺪﻙ ﻣﺎﻧﻌﺮﺱ ﻭﻳﻮﻣﻴﻪ ﻫﺎﻱ ﺍﻟﻤﺸﻜﻠﻪ ﻭﺍﺭﺟﻊ ﻭﺍﻛﻠﻬﻢ ﻣﺎﺍﺭﻳﺪ ﻭﻳﻔﺘﺢ ﺍﺑﻮﻱ ﻭﻳﺎﻱ ﺗﻔﺲ ﺍﻟﻤﻮﺿﻮﻉ ﺍﻟﺨﺎﻃﺮﻫﺎ ﻧﺎﺗﺮﻳﺪ ﺑﻌﺪﻙ ﺍﺗﺤﺒﻬﺎ ﻧﺎﺍﻛﺪﺭ ﺍﻧﻜﺮ ﺍﻧﻪ ﻫﺎﻱ ﻃﺒﻴﻌﺘﻲ ﺍﻟﻲ ﺍﺑﺎﻟﻲ ﻭﺍﺭﻳﺪﻩ ﺍﺣﺠﻲ ﺍﻛﻠﻬﻢ ﺍﻱ ﺍﺭﻳﺪﻫﺎ ﻭﻣﺎﺗﺮﻳﺪﻧﻲ ﻭﻣﻦ ﺑﺎﺟﺮ ﻟﻮ ﺭﺿﺖ ﺍﻋﺮﺱ ﻭﺑﺘﻬﺎ ﺻﺪﮒ ﻣﻦ ﺍﺷﻮﻓﻬﺎ ﻭﺍﺣﻀﻨﻬﺎ ﻭﺍﺷﻮﻑ ﻣﺤﺒﺘﻲ ﺑﻌﻴﻮﻧﻬﺎ ﺍﺗﺄﻣﻞ ﺧﻴﺮ ﻭﺍﺣﺴﻬﺎ ﻣﺜﻞ ﺍﻟﻤﺴﻜﻦ ﺍﻷﻻﻣﻲ ﺍﻟﻠﻴﻞ ﻛﻠﻪ ﻣﺎﻧﻤﺖ ﻭﺣﺴﻴﺖ ﺍﺧﺮ ﺍﻣﻞ ﻋﻨﺪﻱ ﺭﺍﺡ ﺍﻓﻘﺪﻩ ﺍﺫﺍ ﺣﺘﻰ ﺑﺘﻬﺎ ﺗﮕﺬﻉ ﻭﺻﻠﻬﺎ ﻭﻳﺎﻱ ﻭﻳﻦ ﺍﺭﻳﺪ ﺍﻧﻪ ﻭﻻﻭﻳﻦ ﺍﺻﺒﺮ ﻭﺷﻠﻮﻥ ﺍﺳﻜﺖ ﺍﻟﻨﺎﺱ ﻋﻨﻬﺎ ﻻﺍﻛﺪﺭ ﺍﻧﺰﻝ ﻭﺍﻋﺎﺭﻙ ﻭﺍﺣﺎﺳﺐ ﻭﻻﺍﻛﺪﺭ ﺍﻋﺒﺮﻫﺎ ﺍﺫﺍ ﺣﺎﺳﺒﺖ ﺭﺍﺡ ﻳﻜﻮﻟﻮﻥ ﺷﻜﺘﻠﻪ ﻭﺍﻧﻮﺏ ﺗﻄﻠﻊ ﻣﺮﺍﻓﺠﺘﻨﻲ ﻣﻮ ﺑﺲ ﺍﺣﺒﻬﺎ ﻣﻦ ﺑﻌﻴﺪ ﻭﺍﻟﺤﺠﻲ ﻳﺰﻳﺪ ﺳﻜﺘﺖ ﻭﺑﺎﻟﻲ ﺍﺩﺑﺮﻟﻬﻦ ﺳﺎﻟﻔﻪ ﻭﻣﻨﻬﺎ ﺍﺣﺠﻲ ﺑﻜﻴﻔﻲ ﻭﺣﭽﻴﻲ ﻳﺼﻴﺮ ﻭﻱ ﺯﻟﻤﻬﻦ ﻣﺎﻫﻮ ﻭﻳﺎﻫﻦ ﺫﻭﻟﻲ ﺳﻬﻼﺕ ﻭﺗﻔﻜﻴﺮﻱ ﺑﻴﻬﻦ ﻭﺭﺍﻩ ﻧﺘﻴﺠﻪ ﺍﻻ ﺿﻴﻤﻲ ﻫﺬﺍ ﻣﻨﻴﻦ ﻣﺎﺍﻓﻜﺮ ﺑﻲ ﻳﻌﺬﺑﻨﻲ ﻣﺜﻞ ﻭﺍﺣﺪ ﺑﻴﻦ ﺍﻟﻐﺮﻳﮓ ﻭﺑﻴﻦ ﺍﻟﺤﺮﻳﮓ ﺍﻃﻠﻊ ﺍﺣﺘﺮﮒ ﺍﻇﻞ ﺍﻏﺮﮒ ﻟﻬﻤﻲ ﻭﺍﻣﻮﺕ ﻫﻴﺞ ﺍﻧﻪ ﻣﺘﻌﺬﺏ ﺑﻴﻬﺎ ﻣﻦ ﺍﻓﻜﺮ ﺍﻧﺴﺎﻫﺎ ﻧﺎﺭ ﻭﺗﻠﻬﺐ ﺑﻴﻪ ﻭﻣﻦ ﺍﻇﻞ ﺍﻫﻴﺞ ﺍﺣﺲ ﻫﻤﻮﻣﻲ ﺟﺎﻱ ﺗﺨﻨﮕﻨﻲ ﻭﺗﺎﻟﻴﺘﻲ ﺣﺘﻰ ﺍﻟﻨﻔﺲ ﻳﺼﻌﺐ ﺍﺟﺮﻩ ﻳﺎﺍﻟﻬﻲ ﺍﻟﭽﺎﻥ ﺑﻴﻪ ﻣﺮﺽ ﺍﺷﻔﻴﻨﻲ ﻣﻪ ﻟﻮ ﺗﻨﻄﻴﻨﻲ ﺍﻟﺪﻭﻩ ﻭﻫﻴﭻ ﺍﻧﻪ ﺗﺎﻳﻪ ﺑﻴﻬﺎ ﻭﺑﻌﺪ ﻣﺎﺣﺎﭼﻴﺘﻬﺎ ﺗﻬﺖ ﺍﻛﺜﺮ ﺗﻬﺖ ﻭﺍﻟﭽﺎﻥ ﻟﺪﺭﻭﺑﻚ ﻳﺰﺗﻨﻲ ﻋﻤﻪ ﻭﺍﻟﮕﻤﺮﻩ ﺑﺎﻟﻈﻠﻤﻪ ﻳﺎﺯﺗﻨﻲ ( ﺟﺎﺯﺗﻨﻲ ) ﺍﻋﻤﻪ ﻭﮔﻤﺖ ﺍﺳﻤﻊ ﺍﺟﺪﺍﻣﻚ ﻳﺰﺗﻨﻲ ( ﺟﺰﺗﻨﻲ ) ﺍﻋﻠﻪ ﻃﮕﺖ ﺭﺟﻠﻚ ﺍﺩﻭﻯ ﺍﻟﺸﻮﮒ ﺑﻴﻪ ……… ﻣﺎﻫﺮ .. ﻳﻮﻣﻴﻦ ﻭﺍﻧﻪ ﺍﻓﻜﺮ ﺑﺎﻟﺤﭽﻲ ﺍﺫﺍ ﻫﺬﺍ ﺣﭽﻲ ﺍﻟﻨﺴﻮﺍﻥ ﻣﻌﻨﺎﻫﺎ ﺯﻟﻤﻬﻦ ﺗﺪﺭﻱ ﺍﻛﺜﺮﻫﻦ ﻣﺎﻳﻀﻤﻦ ﺣﺠﻲ ﻫﻨﻪ ﺣﻠﻴﻦ ﻟﻮ ﺣﺴﻴﻦ ﻳﻌﺮﺱ ﻭﻳﺴﺪ ﺣﻠﻮﮒ ﺍﻟﻨﺎﺱ ﻟﻮ ﺳﺮﻭﺭ ﺗﺮﺿﺎ ﻭﺗﺤﺎﻭﻝ ﺗﺘﻌﻮﺩ ﻋﻠﻰ ﺣﺴﻴﻦ ﻭﺗﺎﺧﺬﻩ ﺍﻟﺤﭽﻲ ﻣﻦ ﻳﻄﻮﻝ ﻭﻳﺘﻔﺮﻉ ﻳﻮﺻﻞ ﻟﻠﻌﺮﺽ ﺗﺼﻴﺮ ﺍﻟﻨﺎﺱ ﺗﻨﻬﺶ ﻟﺤﻢ ﺍﺑﻦ ﺍﺩﻡ ﺑﺪﻭﻥ ﻣﺎﺗﺪﺭﻱ ﻫﻴﭻ ﺍﻧﻪ ﺍﺣﺲ ﺑﺮﻭﺣﻲ ﻣﻮ ﺑﺲ ﺣﭽﻲ ﺳﻤﻌﺘﻪ ﺍﺣﺲ ﺑﺮﻭﺣﻲ ﻣﻨﻴﻦ ﻣﺎﺍﻟﺘﻔﺖ ﻣﺤﺎﺻﺮ ﻭﻣﺤﻄﻮﻁ ﺑﻴﻦ ﺫﻳﺎﺑﻪ ﺗﻨﻬﺶ ﺑﻴﻪ ﺳﻮﻳﺖ ﺭﻭﺣﻲ ﻣﺎﻣﻬﺘﻢ ﻭﺍﺧﺘﻲ ﻣﺎﺣﺎﺟﻴﺘﻬﺎ ﺧﻔﺖ ﺍﻗﺴﻲ ﻋﻠﻴﻬﺎ ﺍﻛﺜﺮ ﻭﻫﻲ ﺍﻟﺒﻴﻬﺎ ﻣﻜﻔﻴﻬﺎ ﺍﻓﻤﺮ ﺍﺣﺠﻲ ﻭﻳﺎﻫﺎ ﺑﻌﻘﻞ ﻭﺍﺷﻮﻑ ﺗﺎﻟﻴﻬﺎ ﺷﻠﻮﻥ ﺗﺼﻔﻰ ﻭﻳﻤﻜﻦ ﺑﻌﺪﻫﻲ ﻫﻲ ﺯﻋﻼﻧﻪ ﻣﻨﻲ ﻉ ﻏﻠﻄﺘﻲ ﻭﺻﻴﺎﺣﻲ ﻋﻠﻴﻬﺎ ﺑﺲ ﻣﻦ ﺷﻔﺘﻬﺎ ﺍﻧﻬﺎﺭﻳﺖ ﺣﺴﻴﺖ ﺑﺘﻬﺎ ﻋﻠﻰ ﻳﻮﻡ ﺗﻤﻮﺕ ﺑﻴﺪﻫﺎ ﻭﻫﺎﻱ ﻣﻮ ﺍﻭﻝ ﻣﺮﻩ ﺍﻃﻜﻬﺎ ﻣﺘﺄﻛﺪ ﺩﻭﻥ ﺍﻟﮕﻪ ﺑﻴﻬﺎ ﺍﺛﺎﺭ ﻭﻣﻦ ﺍﺳﺄﻝ ﻳﺘﻌﺬﺭﻥ ﻳﺎ ﺑﺎﻟﻮﻟﺪ ﻳﺎﻃﺎﺣﺖ ﺍﺣﺴﻬﺎ ﺟﺎﻱ ﺍﺩﻣﺮ ﺭﻭﺣﻬﺎ ﻭﺑﺘﻬﺎ ﻫﻲ ﻟﻮ ﺳﺒﺎﻋﻴﻪ ﻣﺎﺍﺟﺒﺮﻫﺎ ﺍﺑﺪ ﻳﺎ ﻣﺎﻧﺴﻮﺍﻥ ﺍﺗﺮﻣﻠﻦ ﻭﺍﺯﻏﺮ ﻣﻦ ﻋﻤﺮﻫﺎ ﻭﺭﺑﻦ ﻭﻛﺒﺮﻥ ﺑﺲ ﻫﻲ ﺿﺎﻳﻌﻪ ﻭﻉ ﻳﻮﻡ ﺗﻀﻴﻊ ﺑﺘﻬﺎ ﺍﺫﺍ ﻇﻠﺖ ﻫﻴﺞ ﻳﺮﺍﺩﻟﻬﺎ ﻭﺍﺣﺪ ﻳﺼﺤﻴﻬﺎ ﻳﺮﺍﺩ ﺗﻨﺴﻰ ﺍﻭ ﺗﺘﻨﺎﺳﻪ ﺍﻟﻤﻬﻢ ﺗﻌﻴﺶ ﻛﺎﻋﺪ ﺍﻓﻜﺮ ﺑﺤﺎﻟﻬﺎ ﻭﺍﺟﺎﻧﻲ ﺍﺷﻌﺎﺭ ﺑﺎﻟﻔﻴﺲ ﻃﻠﺐ ﺻﺪﺍﻗﻪ ﻣﻦ ﺻﻔﺤﻪ ﻓﺎﺭﻏﻪ ﻭﺍﻧﻪ ﺍﻭﻝ ﺻﺪﻳﻖ ﺧﻠﻴﺘﻬﺎ ﻻ ﺗﺄﻛﻴﺪ ﻭﻻ ﺣﺬﻑ ﺍﺭﻳﺪ ﺃﺗﺄﻛﺪ ﻧﺺ ﺳﺎﻋﻪ ﻭﺍﺟﺘﻨﻲ ﻉ ﺍﻟﺨﺎﺹ ﺍﺷﺎﺭﻩ ﺍﺗﺎﻛﺪﺕ ﻣﻦ ﺍﻷﺳﻢ ﻣﺒﻬﻢ ﻻﻫﻮ ﻭﻟﺪ ﻻﻫﻮ ﺑﻨﺖ ﻭﺍﻟﺼﻮﺭﻩ ﻭﺭﺩ ﺍﺗﺤﻴﺮ ﻫﺎﻱ ﺍﻟﺴﺎﻟﻔﻪ ﺷﻠﻮﻥ ﺍﻋﺮﻓﻪ ﻫﺴﻪ ﺗﺮﻛﺘﻪ ﻭﻟﻌﺒﺖ ﺍﻟﻮﻟﺪ ﻳﻄﮕﻮﻥ ﺑﻴﻪ ﻭﻳﺮﺩﻭﻧﻲ ﺍﻫﺠﻢ ﻋﻠﻴﻬﻢ ﭼﺎﺍﺍﻧﺘﻢ ﺣﺘﻰ ﺑﻠﻌﺒﻜﻢ ﻃﻼﻳﺐ ﻣﺎﻛﺎﻓﻲ ﻃﻼﻳﺐ ﺍﺑﻮﻛﻢ ﻣﺎﻝ ﻣﻨﻬﻦ ﻭﻳﺎﻫﻢ ﺍﻧﺴﻰ ﺍﻫﻤﻮﻣﻲ ﻭﺍﺭﺩ ﺫﺍﻙ ﺍﻟﺰﻏﻴﺮ ﺍﻟﺠﺎﻥ ﻣﺪﻟﻞ ﺑﻌﻤﺮﻫﻢ ﻓﺰﻳﺖ ﻉ ﺿﺮﺑﺔ ﻋﻜﺲ ﺑﺨﺎﺻﺮﺗﻲ ﺩﺭﺕ ﻋﻠﻴﻬﺎ ﺍﺿﺤﻚ .. ﺳﺘﺮﻙ ﻳﺎﺍﻟﻠﻪ ﻫﺬﺍ ﺩﻻﻟﺞ ﺑﺎﻟﻠﻴﻞ ﻋﻮﺩ ﻣﻘﺒﻠﺖ ﻫﺎﻱ ﻟﻮ ﺷﻨﻲ .. ﺍﻱ ﻭﺍﻟﻮﺟﺒﻪ ﺍﻟﺮﺋﻴﺴﻴﻪ ﻋﺮﻛﻪ ﺩﺳﻤﻪ .. ﺍﻟﭻ ﺧﻠﮓ ﺍﻧﺘﻲ ﻛﻞ ﻫﺎﻱ ﺍﻟﻜﺸﺨﻪ ﻭﺍﻟﺠﻤﺎﻝ ﻭﻭﺭﺍﭺ ﻋﺮﻛﻪ ﻣﺎﺗﺨﻠﻴﻨﻬﺎ ﻣﻦ ﻏﻴﺮ ﻧﻮﻉ .. ﻣﺎﻫﺮ ﻛﺎﻓﻲ ﺍﺳﻤﻌﻨﻲ ﻣﻮ ﻛﻠﻪ ﺿﺤﻚ .. ﻫﺎﺍ ؟ ﻫﻴﺞ ﺻﺎﺭﺕ ﺍﻟﺴﺎﻟﻔﻪ ﺻﺪﮒ .. ﺍﻟﻒ ﻣﺮﻩ ﺍﮔﻠﭻ ﺻﻮﺗﺞ ﻻﺗﻌﻠﻴﻨﻪ ﻫﺴﻪ ﺍﻧﻪ ﺯﻟﻤﻪ ﻭﺍﮔﺎﺩ ﺑﺪﻳﻮﺍﻥ ﻭﺍﺗﺼﺎﻳﺢ ﻭﻱ ﺍﻟﻨﺎﺱ ﺍﻣﻮ ﻳﻮﻡ ﺻﺤﺖ ﻋﻠﻴﺞ ﻣﺎﺍﺭﻳﺪ ﺍﻫﻴﻨﺞ ﺑﺼﻮﺕ ﺍﻟﻌﺎﻟﻲ ﻭﺍﺳﻤﻊ ﻏﻴﺮﻧﻪ ﺍﻟﻲ ﻳﺼﻴﺮ ﻟﻴﺶ ﻣﺎﺗﻔﻜﺮﻳﻦ ﺍﻧﺘﻲ ﻟﻮ ﻋﺎﺟﺒﺞ ﺗﻬﻴﻨﻴﻨﻲ ﺍﻧﺘﻲ .. ﻓﺮﻫﺎ ﻋﻠﻴﻪ ﻣﺜﻞ ﻛﻞ ﻣﺮﻩ .. ﺷﺠﺮﺍﻟﺞ ﻫﺴﻪ ﻭﺍﺗﺨﺒﻠﺘﻲ ﺷﻜﻮﻭ ﻭﻟﺪﺝ ﻛﺎﻋﺪﻳﻦ ﻛﺎﻓﻲ ﺳﻜﺘﻲ ﻭﺑﻌﺪﻳﻦ ﺍﻧﺴﻮﻟﻒ ﻟﻮ ﺗﺤﺠﻴﻦ ﺑﻬﺪﻭﺀ ﻭﺍﺳﻤﻊ .. ﻳﺎﻫﺪﻭﺀ ﺍﻧﺖ ﻟﻴﺶ ﻣﺎﺗﺤﺲ ﺑﻴﻪ ﻟﻴﺶ ﻛﻞ ﻣﺮﻩ ﺗﻘﺸﻤﺮﻧﻲ .. ﻣﻦ ﺍﻻﺧﻴﺮ ﺍﺣﭽﻲ ﻭﺻﻮﺗﭻ ﺍﺫﺍ ﻋﻠﻪ ﻣﺎﺗﻠﻮﻣﻴﻦ ﺍﻻ ﺭﻭﺣﺞ .. ﻻ ﻭﺍﻟﻠﻪ ﻟﻴﺶ ﻣﺎﺗﺨﻠﻴﻨﻲ ﺍﺷﺎﻭﺭﻙ ﻭﺍﻛﻠﻚ ﻫﺎﻱ ﺍﻟﺮﺳﺎﻟﻪ ﻣﻨﻴﻦ ﺟﺎﻳﺘﻚ .. ﻭﺍﻧﻪ ﺷﻜﻢ ﻣﺮﻩ ﮔﺎﻳﻠﺞ ﻣﺎﻟﺞ ﻏﺮﺽ ﺑﺘﻠﻴﻔﻮﻧﻲ ﻭﻻﺗﺴﺘﺨﺪﻣﻴﻦ ﻫﺬﺍ ﺍﻻﺳﻠﻮﺏ ﻭﻳﺎﻱ ﻭﺍﻧﻄﻴﻨﻲ ﺍﺷﻮﻓﻬﺎ ﺣﺘﻰ ﺍﻋﺮﻓﻬﺎ ﻣﻨﻴﻦ .. ﺍﻱ ﺣﺘﻰ ﺗﺎﺧﺬ ﺭﺍﺣﺘﻚ .. ﺍﻱ ﻣﺜﻞ ﻣﺎﮔﻠﺘﻲ ﻫﺴﻪ ﺧﻠﻴﻨﻲ ﺍﺧﺬ ﺭﺍﺣﺘﻲ ﻭﻇﻠﻲ ﺍﻧﺘﻲ ﺑﻬﺎﻱ ﺍﻟﺴﻮﺍﺩﻳﻦ ﺍﻟﺒﻴﺞ ﻣﺎﺍﺣﺎﺟﻴﺞ ﻫﺴﻪ ﺑﺲ ﮔﺎﻋﺪ ﺗﻌﻤﻴﻦ ﻋﻠﻰ ﺭﻭﺣﺞ ﻣﺎﺗﻌﺮﻓﻴﻦ ﺷﻠﻮﻥ .. ﺍﻧﻮﺏ ﺍﻧﻲ ﺍﻟﻐﻠﻄﺎﻧﻪ ﻭﺍﻟﻠﻪ ﻭﻻﺍﺳﻜﺖ … ﺍﺷﺸﺶ ﻻﺗﻮﺍﺯﻳﻨﻲ ﺍﺳﻜﺘﺞ ﺑﻐﻴﺮ ﻃﺮﻳﻘﻪ ﺍﻟﺤﺪ ﻫﺴﻪ ﻫﺎﺩﻱ ﺍﻧﻪ ﻭﺑﻌﺪ ﺑﻴﻪ ﺧﻴﻮﺭﻳﻪ ﺭﺳﺎﻟﻪ ﺟﺎﻳﺘﻨﻲ ﺷﻔﺘﻬﻤﺘﻲ ﻣﻨﻬﺎ ﻭﺟﺎﻳﻪ ﻫﺎﺩﻩ ﻋﻠﻴﻪ .. ﺷﻔﺘﻬﻢ ﺍﺫﺍ ﻫﻲ ﻣﺘﻐﺰﻟﻪ ﺑﻴﻚ ﻭﺗﺘﺬﻛﺮ ﺣﺒﻬﺎ ﺍﻟﻌﺬﺭﻱ يتبع #روووعه | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
2Likes
العرض العادي
