آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
08-07-19, 12:45 AM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  البارت التاسع ~~~~~ عمر / توفو منال صرخت / كييف رؤى / لا لا مستحيل مستحييل انهارت عالارض و قعدت تبكي بكاء يقطع القلب الكل زعلوا عليها منظرها من جد يقطع القلب قربت منها منال لتهديها بس رؤى بعدت عنها رؤى وهي تبكي / بعدي عني بعدي ما بدي ياكي ما بدي ما بدي قامت ركض لغرفتها و قفلت الباب طلعت وراها منال منال من ورا الباب / رؤى حبيبتي لا تساوي بنفسك هيك حرام إلين / بنتي افتحي الباب و ظلو يحاولون معها انها بتفتح الباب بس من دون جدوى ------ & بعد مرور شهر & رؤى دائما حابسة نفسها بغرفتها و ما بتطلع الا للضرورة و الباقي على حالهم ~~~~~ المساء إلياس / امي رؤى ما طلعت من غرفتها ؟ إلين / لا يا ابني ما طلعت عمر / الله يكون بعونها و يصبرها الكل / امين دخل مجد للبيت مجد / اهليين عمر / مرحبا قعد معهم شوي و بعدها طلع لغرفته و بطريقه مر من غرفة رؤى مجد / رؤى رؤى كانت جالسة عالسرير و تشوف صور أمها و أبوها لما سمعت صوته دق قلبها بقوة مجد / رؤى افتحي الباب رؤى / ما بدي ما بدي شوف حدا تنهد مجد و توجه لغرفته ~~~~~ منال / انا طالعة شوف رؤى يمكن ترضى تفتحلي عمر / أي روحي يا بنتي ~~~~~ عند رؤى كانت قاعدة و سرحانة تتذكر كل لحظاتها مع أمها و أبوها رؤى بنفسها / تركتوني مثل ما تركني اياد و الكل ليش هيك عم بخسر يلي بحبهن لييش قطع سرحانها صوت دق الباب منال / رؤى حبيبتي افتحي الباب رؤى / ....... منال / بتعرفي البنات بالجامعة مشتاقينلك و كل يوم يسألوني عنك رؤى / مو مهم منال / طيب عالاقل انزلي كلي شي ما بيصير هيك رؤى / منال ما بدي ما بدي شي ~~~~~ هدى / أي هههههه بتستاهل نورهان / ماتوا أمها و أبوها مرة وحدة هدى / هههههه يا حرام.... بتعرفي رح حاول اقنع أمي انو نروح بكرا عند خالة الين نورهان / أوكي و خبريني شو بيصير معك هدى / أوكي باي نورهان / بااي سكرت من عندها و نزلت تكلم أمها ~~~~~ يوم جديد تعلن عنه أشعة الشمس ~~~~~ عند رؤى فاقت بكير اليوم و كانت قاعدة بغرفتها مثل العادة بس حست بعطش شديد و طلعت من الغرفة متوجهة للمطبخ الصغير يلي بهذا الطابق ~~~~~ أما مجد كان نازل تحت ليفطر بس انتبه لرؤى مشى بسرعة و لحقها و مسك أيدها و لفها له انصدم من شكلها كان وجهها شاحب مجد / رؤى ليش عم تساوي بحالك هيك رؤى / ................. مجد / رؤى بيكفي اذا مو عشانك عشان امك و ابوك برأيك لو كانو عايشين و شافوك بالهحالة رح ينبسطو اكيد لأ بعرف انك زعلانة و هذا شي اكيد بس مو لازم توقفي حياتك خلص عيشي حياتك نزلت الدموع من عيون رؤى و راحت ركض لغرفتها رؤى بنفسها / هو معو حق بس.... تنهدت و قالت / خلص أنا لازم عيش حياتي راحت تحممت و ظلت تقريبا ساعة و نصف و بعدها طلعت جهزت نفسها و نزلت ما كان في بالصالة غير إلين رؤى / صباح الخير خالة إلين بفرح / صباح النور بنتي و اخيرا طلعتي رؤى ابتسمت و ما حكت شي أما إلين نادت الخادمات و قالتلهم يجهزو الاكل لرؤى أكلت رؤى و ظلت مع إلين بالصالة ~~~~~ بالجامعة بالكافتيريا كانو قاعدين بطاولة مايا / أممم يعني لحد هلأ ما طلعت منال / لا والله سيرين / حالتها صعبة والله عبير / أي صح ~~~~~ بالشركة إلياس / أممم الاجتماع بعد ساعتين صح السكرتيرة / أي أستاذ إلياس / اوكي طلعت السكرتيرة إلياس / أممم شراكتنا مع هالشركة رح تربحنا كثيير ~~~~~ دخل البيت و هو يحكي بالموبايل مجد / ( امممم ما بعرف...... طيب انت شو رايك....... لا لا حبيبي ما اخذت اجازة عشان ساعدك بالشغل...... " جلس على الكنب وكمل كلامه"ههههههه طيب طيب...... أي بعرف سمعت عن هي الشركة....... ليك بدك رأيي الغي اجتماع اليوم و اعقد صفقة مع هي الشركة..... اوكي باي ) نزل الموبايل و رفع راسه و انصدم لما شاف رؤى رغم انها نزلت وتجهزت كان باين الحزن بعيونها مجد / رؤى !!! إلين / هلأ لانتبهت مجد / ههههه كنت عم بحكي مع إلياس و ما انتبهت " التفت لرؤى " كيفك ؟؟؟ رؤى / منيحة ابتسم لها و انشغل بموبايله ~~~~~ بالجامعة عبير / يلا بنات اجا سعيد باااي مايا و منال / باي منال / اففففف وينو هالسواق الغبي مايا / شوي شوي عالمسكين منال / صارلي ساعة عم انتظر شوفي الكل راحو مايا / اي ساعة ما صارلنا خمس دقايق ... لا يكون الوقت توقف ياويلي منال / مايا بلا هبالك هلأ اي صح انتي مع مين رح تروحي ؟؟ مايا / اتصلت عالسواق شوي و يوصل شوي و وصل سواق مايا مايا / هاا ليكو اجا منال بخوف / افففف والله هذا تأخر كثيير مايا / قالتلي رؤى انك خوافة بس ما توقعت لهالدرجة منال / بلا سخافة هذا شكلو ما رح يجي احسن شي اتصل على مجد مايا / اخوك الحلو منال رفعت حاجب / و انتي وين شفتيه ؟؟ مايا / بالحفلة و سألت رؤى عنو بس ما بظن انو هاد هو امم مو متذكرة اسمو بس ما بظن انو مجد منال / إلياس ؟؟؟!! مايا/ اي اي هو منال / هممممم و اتصلت على مجد منال / اففففف موبايلو مقفل مايا / طيب اتصلي على الثاني منال / بحاول ( الوو.. أي.. لا بس السواق ما اجا.. طيب ابعثلي سواق من الشركة.. اها أوكي .. يلا باي ) منال / خلص شغلو و رح يجي مايا / اها طيب بستنى معك منال / منشان تشوفي حبيب القلب مايا / و لك اي حبيب قلب بس منشان ما تظلي لحالك منال / ههههههه ~~~~~ ....... / سيييرين سيرين / نعم بابا مراد / بنتي عمك مبارح اجو من السفر سيرين / أي بعرف ماما قالتلي مراد / و بكرا رح يجو لعندنا سيرين / طيب بعد شوي قامت سيرين / عن اذنك بابا مراد / اذنك معك طلعت لغرفتها و اتصلت ببنت عمها سارة سارة / الوو سيرين / مرحبا سوير سارة / كم مرة بدي قلك انو اسمي سااااااااااارة مو سوير سيرين / ههههه طيب طيب ما قلنا شي " سكتت شوي و بعدها قالت بحماس " عمي بكرا رح يجي لعندنا سارة بخبث / عمي ولا ابن عمي ؟ سيرين / ههههه الاثنين سارة / والله ما بعرف شو عاجبك فيه سيرين / بحبو بحبو بحبو سارة / ههههه خلص لا تموتي علينا ~~~~~ منال / ليكو إلياس اجا مايا / اوكي باي حبيبتي منال/ ما بدك تشوفي حبيب القلب مايا / انقلعي ~~~~~ ركبت بالسيارة إلياس وهو يشغل السيارة / مين هي ؟ منال بابتسامة خبيثة / ليش عم تسأل ؟؟ إلياس / مجرد فضول منال / هممممم هي مايا إلياس / أها ~~~~~ فتح البيت و دخلوا صرخت منال / رؤى مجد / اااااي اذني منال / ههههههه و راحت ضمت رؤى بقوة إلياس وهو يجلس / شوي شوي عالبنت خنقتيها منال / اشتقنالك يا حلوة إلياس / أي والله رؤى/ خلص ما عاد بترككن ولا دقيقة ~~~~~ و انتهى اليوم عادي على كل ابطالنا ~~~~~ & يوم جديد & كالعادة يلي راح للجامعة و يلي راح لشغلو ~~~~~ بالجامعة نورهان / مو كنتو رح تروحو عن مجد هدى/ ماما ما رضت نورهان / اها ~~~~~ بطاولة أخرى ياسمين / و اخيرا شرفتي انسة رؤى رؤى / جننتوني من الصبح ياريت ظليت بالبيت كان احسن عائشة / لا خلص حبيبتي بس كنا قلقانين عليك رؤى / يا روح قلبي انتي ~~~~~ ...... / اهلين حبيبتي ميرنا بدلع / اشتقتلك حياتي ...... / و انا كمان اممم شو رايك نلتقي بكرا ميرنا بزعل / ليش مو المسا ...... / مشغول و ما بقدر ميرنا / طيب بشوفك بكرا سكر من عندها وبداخله / هه مصدقة اني بحبها المسكينة.... انا ما في بقلبي غير هديك الحلوة ااه بس ايمتا تصير لي ~~~~~ نهاية البارت بانتظار آراءكم و توقعاتكم و الى اللقاء في البارت القادم | ||||
|  |
|
17-07-19, 10:05 AM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 10 ~~~~~ بالجامعة و تحديدا بالقاعة الطلاب قاعدين يستنو عبير / واااو بنات شكل الدكتور ما رح يجي عائشة / بس مبارح قال عندنا درس مهم مايا التفتت عليها و هي تقلد الدكتور / بكرا عندنا درس مهم " رجعت لصوتها " و لك شبك لازم تفرحي لانو ما جا ياسمين / بعدين مين قال انو ما جا عائشة / صراحة انا بدي يجي لاني بحب هالمادة منال / و انا كمان مايا / افففف بموت و بعرف شو عاجبكم بالدروس منال التفتت على رؤى / رورو ليش ساكتة رؤى سرحانة / .............. عبير و هي تحرك يدها قدام رؤى / رورو رؤى / هاااه مايا / شو رورو القط بلع لسانك رؤى / لا بس سرحت شوي مايا / بنات شو رايكم نطلع من الجامعة عائشة / و المحاظرات مايا / عادي يا قلبي اصلا ما باقي غير محاظرتين منال / حتى لو مايا / اي اسطفلو انا بطلع يعني بطلع عبير بحماس / انا معك ياسمين / و انا كمان لاني مليت مايا / و انتي رؤى ؟؟ رؤى رفعت اكتافها بعدم اهتمام / معكم عبير / حلوووو بهاللحظة دخل طالب و قالهن انو الدكتور غايب اغلبية الطلاب طلعو للكافيتيريا ينتظرو وقت المحاظرة يلي بعدها ~~~~~ رؤى / ليكها السيارة هنيك ياسمين / وااااو هي سيارتك رؤى / اي عبير / يا حظك حلوة كثيييير رؤى/ ههههههه مايا باستهبال و هي تمسك قلبها / وااااي قلبي الصغير لا يتحمل البنات / هههههههه ~~~~~ نورهان / يعني ما لقيتي وقت الا هلأ هدى/ افففف ما بقدر بعد الجامعة بخاف بابا او اخي يجو ياخدوني لهيك اتفقت معو هلأ نورهان / طيب طيب هدى / خلص بس بحكي معو و برجع نورهان / اوكي عم استناك ~~~~~ منال و هي قاعدة بطاولة بالكافيتيريا مع عائشة / الغبية طالعة عائشة / مين قصدك منال / مين غير هدى يعني عائشة / ههههههه منال ابتسمت ثم نزلت راسها و قعدت تفكر قطع عليها تفكيرها صوت عائشة / لساتك متذكرته رفعت راسها / والله ما قدرت انساه حاولت كثيير بس ما قدرت بحبو والله بحبو عائشة بحنان / بعرف حبيبتي بس هو راح لازم تتقبلي الواقع منال تنهدت و ما قالت شي " عائشة اقرب وحدة لمنال لانهن بيعرفو بعض من لما كانو صغار و كمان عائشة مثل منال هادية و خجولة و تهتم بدراستها و خوافة شوي يعني شخصيتها مو قوية بعكس مايا و رؤى مايا مرحة لابعد حدود و معروفة بهبالها اما رؤى كمان مرحة ولا لطيفة لكن بنفس الوقت شخصيتها قوية و واثقة من نفسها ما تسمح لاحد يهينها او يغلط عليها و عنيدة لدرجة ما بتتصورونها " سيرين / أهلا بنات منال و عائشة / اهلييين و قعدت معهم ~~~~~ بالسيارة رؤى كانت حتشغل السيارة بس قطع عليها صوت مايا مايا / بنات هديك مو هدى البنات كلهن التفتو ما عدا رؤى يلي ماهتمت عبير / رؤى شوفي لفت رؤى بملل بس استغربت من الشاب يلي عم تحكي معه هدى مايا / مين هالشاب رؤى بعدم اهتمام / اكيد واحد من الشباب يلي بتعرفهن مايا بسخرية / عأساس بتحب ابن عمك رؤى/ هه اصلا يلي بترمي نفسها عالشباب توقعي منها اي شي شغلت السيارة رؤى/ بنات وين بدكن تروحو مايا / خذينا لشي حديقة رؤى / اوكي ~~~~~ هدى/ مثل ما اتفقنا الشاب بخبث / اوكي و البضاعة حلوة هدى / و انا بجبلك شي مو حلوو الشاب / طيب متى هدى / بعدين بخبرك المهم انتبه و اصحك تكتشف انك من طرفي الشاب / اتفقنا و رجعت للجامعة ~~~~~ بالشركة بمكتب إلياس إلياس / بتعرف صاحب الشركة يلي عملت معه الاجتماع اليوم حسيت و كإني بعرفه من زمان طريقة حكيه و اسلوبه مألوف مجد / يمكن عم بتتوهم او مشبه ......المهم شو صار اتفقتو إلياس/ اي حكينا شوي عن الشغل و بعد كم يوم رح نعمل اجتماع ثاني مجد / اها طيب إلياس/ انا خلصت شغلي خلينا نطلع مجد / طيب يلا و طلعو من الشركة بعد ما مرو على عمر و إلياس طول الوقت يفكر بصاحب الشركة " كل شي نفسه اسلوبه و هدوئه و ضحكته حتى صوته..... لالا شو عم احكي اكيد مجرد صدفة " نفض راسه من هالافكار و كمل طريقه مع مجد ~~~~~ رؤى / بنات يلا خلونا نرجع مايا / مر الوقت بسرعة ركبو السيارة و رجعو للجامعة و قعدو بالكافتريا عبير / باقي ربع ساعة عإنتهاء المحاظرة رؤى / انا رايحة عالحمام راحت رؤى و بطريقها مرت على شباب صارو يتغزلو فيها ما اهتمت لهم و كملت طريقها و لما كانت راجعة واحد من الشباب بصوت عالي / بتشوفي يا حلوة ان ما خليتك لي انا التفتت عليه و ناظرته من فوق لتحت باحتقار ثم لفت و رجعت للبنات ~~~~~ نهاية البارت بانتظار آراءكم و توقعاتكم و الى اللقاء في البارت القادم | ||||
|
| |
|
24-07-19, 12:28 AM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 11 ~~~~~ المساء بغرفة سيرين سيرين / منيح انكن جيتو سارة / اكيد بجي لشوف حبيب قلب سيرين سيرين / بلا غلاظة كيف طالع شكلي ؟ سارة / بتجنني سيرين ابتسمت و ما حكت شي ~~~~~ بسيارة فيها شخصيات جديدة اول مرة نشوفها ناريمان / يا اولاد اهدو رغد / امي احكي مع ابنك مروان / ههههه شو دخلني اذا انتي خوافة رغد / اففففف غبي مروان / ههههه مثلك عامر / خلصنا بكفي خناق يلا انزلو مروان بخاطره " و اخيرا وصلنا اااه مشتاقلها مووووت " نزلو من السيارة و دقو الجرس سلمو على الموجودين و يلي هم مراد و اخوه اي عم سيرين و ابناءهم و بعدها جلسو الصبايا و الشباب " مروان و ريان اخو سارة "مع بعض بجهة و الكبار بجهة مروان /شو كيفكن بنات سارة / الحمد لله تمام اما سيرين فما ردت لانها كانت مجمدة مكانها حبيب الطفولة قاعد جنبها مروان بابتسامة / و انتي سيرين كيفك ؟؟ سيرين بتوتر / اا تمام و انت مروان / بخير و ظلو يحكو مع بعض مروان كان ملاحظ انو رغد تكلم سيرين بغرور و من دون نفس بس قال بعدين بيسألها " بالحقيقة رغد من زمان ما تحب سيرين و بعد ما سمعتها تحكي مع سارة و عرفت انها تحب اخوها كرهتها اكثر " ~~~~~ & يوم جديد & بمنزل جديد اول مرة نزوره ميرنا / اففففف شو قصدك ليزا / قصدي انو يمكن يكون عم يخدعك يعني ميرنا / انا واثقة فيه هو ما رح يخدعني ليزا / حبيبتي انا كمان كنت بحبو لجان بس شفتي شو ساوا ميرنا / بس مو نفس الشي ليزا / براحتك ~~~~~ بالجامعة نورهان / دبرتي رقم رؤى هدى / اي بس شو بدنا نساوي فيه نورهان / هلأ مو انتي رح تلتقي بمجد هدى / اي نورهان / لكان اسمعيني لما تلتقي فيه ابعثي مسج لرؤى انو تجي لهداك المكان و هيك هي بتكرهو و هو بيكرهها هدى / امممم اي والله فكرة حلوة لكان انا بكرا بتصل بمجد نورهان / اوكي حلو ~~~~~ بشركة جديدة و يلي هي شركة شريك إلياس السكرتيرة / استاذ تفضل هالاوراق لازمهن توقيعك ...... / طيب ما عندي اجتماعات اليوم السكرتيرة / لا استاذ ....... / اوكي شكرا ~~~~~ رؤى / منال انا بروح للمحل دقيقة و راجعة منال / اوكي اصلا هالسواق ما رح يجي هلأ اكيد بيطول مثل العادة رؤى / اوكي انا رايحة و راحت لتشتري من دون ما تحس بيلي كان عم يراقبها و لما كانت راجعة حست باحد يمسك ايدها التفتت و كان شاب حست بانها شايفته من قبل بس ما اهتمت كان كل همها تفك ايدها بس مافي امل سحبها بقوة و اخذها لجهة ما فيها ناس و لزقها بالجدار و قرب منها و طبع بوسة على خدها اما رؤى فكانت مجمدة مكانها و ما حست الى بيلي ضرب الشاب بوكس قوي و لما جا الشاب بيرد البوكس مسك ايدها و لواها و بعدها التفت لرؤى و مسك ايدها و مشاها معه شوي و بعدها وقف رؤى / س سسعيد سعيد / انتي منيحة؟؟ رؤى و هي تحاول تحبس دمعتها / اي اي منيحة .... شكرا سعيد / ولايهمك...... بتعرفيه لهاد ؟؟ رؤى هزت راسها بالنفي و ما حكت شي كملو مشي حتى وصلو لعند البنات ~~~~~ وصلو لعند البنات و البنات استغربو لما شافوهن مع بعض عبير / انتو وين كنتو؟ سعيد / كنت جاي لهون و شفتها بالطريق عبير / اها طيب نمشي سعيد / يلا ركب سعيد سيارته و عبير ودعت البنات و راحت منال / رورو شبك رؤى / هاه منال / شبك انتي رؤى / لالا ولا شي منال / طيب ما رح نمشي رؤى / مو رايقة سوق اتصلي بالسواق منال و هي مستغربة من انقلاب رؤى / طيب!!! ~~~~~ بكوفي قريب من الجامعة هدى / ساويت يلي قلتلك عليه جاك / اي هدى / حلوو ورجيني الصور جاك و هو يمدلها مجموعة صور / تفضلي هدى بابتسامة خبيثة / حلوووو "ومدتله مبلغ من المال" هذا حقك جاك اخذ المال و راح اما هدى ظلت تقلب بالصور و بعدها اتصلت بنورهان نورهان / الوو هدى / رح طييييير من الفرحة الصور معي هلأ نورهان /ههههه طيب شوي شوي هدى / هههههه والله مبسوطة نورهان / حلو لكان بكرا ساوي مثل ما اتفقنا اوكي هدى / اووووكي و اخيرا بنتخلص منها نورهان / يلا حبيبتي انا لازم سكر هدى / ليش وينك انتي نورهان بتوتر / اا بالبيت .... ييلا بااي و سكرت من دون ما تنتظر رد هدى اما هدى فاستغربت من هالشي و من توتر نورهان ~~~~~ قاعد بغرفته على سريره و يفكر فيها ما غابت عن باله و لا دقيقة مستغرب من كل هالتفكير فيها حتى هو مو لاقي تفسير لهالشي بس الشي الوحيد يلي يعرفه انه كان رح يجن لما شاف هداك الشاب يبوسها كان ممكن يقتله بهديك اللحظه لو ما مسك اعصابه " اااه بس لو اعرف مين هداك الشاب و شو بدو منها " قطع على تفكيره صوت طرق الباب رد / ادخل دخلت عبير و هي تقول / داخلة من دون عزيمة يا حلو سعيد / شو بدك عبير / افففف تعال العشا جاهز سعيد ابتسم لاخته و نزل لتحت ~~~~~ بالليل الكل نام ما عداها هي يلي ما قدرت تنام و ما رضى النوم يزورها حاولت تنام بس من دون فايدة تفكيرها مشوش رؤى " مين هداك انا متأكدة اني شايفتو بس وييين وييين افففف و شو بدو مني وو سعيد شو جابو لهنيك يلا منيح انو اجا عالاقل ساعدني من هداك الواطي " و كملت تفكيرها و هي محتارة و مو قادرة تتذكر وين شايفة هداك الشاب ~~~~~ يوم جديد بالجامعة قاعدة تحاول تركز بالمحاظرة و هي مو قادرة تفتح حتى عيونها بسبب قلة النوم مايا يلي كانت قاعدة جنبها / رؤى شو صايرلك رؤى / ولا شي بس بدي نااام مايا / ههههههه اكيد سهرانة مبارح رؤى / لا قولي ما نمت ابدا مبارح مايا / هههههههههههههههه رؤى / ولك اسكتي كل هاد ضحك مايا وهي تحاول تحبس الضحكة / لا بس تخيلت رؤى كيس النوم ما بتنام غريبة هههههههههه رؤى / هيييييييه انتي مايا ظلت تضحك و مو قادرة توقف حتى طردتها الدكتورة من المحاظرة و هي ولا همها هالشي اصلا اخر همها الدراسة هي ورؤى ~~~~~ اما رؤى فابتسمت و بداخلها ضحكة على رفيقة عمرها رغم انها اعتادت على البنات هون بالجامعة و ارتاحتلهن بس بتظل مايا رفيقة عمرها من لما كانو صغار كانو مع بعض و هي الوحيدة يلي ما تخبي عنها شي ~~~~~ انتهت المحاظرة و طلعو للكافيتريا عبير /هههه مايا بدي اسألك على شو كنتي عم تضحكي ؟؟ مايا تذكرت شكلها و رجعتلها نوبة الضحك رؤى / افففففف ليش حكيتي هي اذا ضحكت ما بتسكت لبكرا الصبح مايا / هههه لالا خلص بسكت رؤى / انا رايحة اشتري اكل احسنلي من القعدة معكم مايا / استني بجي معك و راحو سوا مايا / رورو شو رايك تجي عندي بالبيت اليوم رؤى / اليوم مايا / اي اليوم شبك رؤى / اممممم اوكي مو مشكلة مايا صرخت و ضمت رؤى بقوة رؤى / هههههه جنيتي مايا / والله مليت هداك البيت مافيه غيري و الخدم ~~~~~ نورهان / يعني خلص بيجي هدى / اي بيجي نورهان / اتصلتي على رؤى هدى / لا و بعدين ما رح اتصل رح ابعثلها مسج نورهان / اي احسن هدى / اي صح مبارح ليش سكرتي بسرعة نورهان تلعثمت / اااا لا لا ولا شي بس كنت مشغولة شوي هدى / اها ~~~~~ ........ / رغد يا رغد وينك رغد / نعم مامي ناريمان / وينك صارلي ساعة عم دور عليكي رغد / كنت بالحديقة ناريمان / ليش ما رحتي للجامعة اليوم رغد / اميييي والله تعبانة و مالي خلق ناريمان / طيب طيب اخوكي وينه رغد / ليش هو كمان ما راح ناريمان / ما بعرف عنكن انتو كل واحد بمكان سمعو صوت من وراهم / مين هدول يلي كل واحد بمكان ناريمان / و اخيييرا شرف مروان بيك مروان / اووهووو شو صاير كمان رغد / انت ليش ما رحت للجامعة ؟ مروان رفع حاجب / و انتي ليش ما رحت ؟؟ رغد بغرور مصطنع / لاني اكبر منك مروان / لا يا حلوة ما حزرتي انا اكبر رغد / لا انا ناريمان / خلصنا بلا خناق و امشو قدامي عالغذا ~~~~~ لما كانت طالعة من الجامعة و نيتها تروح مع مايا لبيتهم اجتها رسالة فتحت موبايلها و انصدمت بمحتوى الرسالة ~~~~~ نهاية البارت بانتظار آراءكم و توقعاتكم و الى اللقاء في البارت القادم | ||||
|
| |
|
29-07-19, 09:10 AM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 12 ~~~~~ رايحة بخطوات سريعة عالكوفي المكتوب بالمسج رغم انها ما صدقت بس ما بتعرف ليش رايحة لهنيك رجعت ذاكرتها لورا شوي لما شافت المسج " تعالي يا حلوة لكوفي...... و شوفي مجد مع مين قاعد ههههه مسكينة انتي عشقانتو و هو مو مهتم فيك " هي شو قصدها و مين هي اصلا و صلت للكوفي و انصدمت من يلي عم تشوفه /" لا لا مو معقول عأساس بيكرهها طلع كلو كذب " نزلت دمعتها غصب " و انا شو دخلني يصطفلو " و وقفت تاكسي رايحة لبيت مايا ----- اما جوا عندهم فهي كانت مبسوطة لانها معاه أما هو فمو متحمل وجوده معها مجد / خلصيني هدى شو بدك مني و شو هالموضوع يلي بيخص رؤى هدى بابتسامة / هه اكيد رح تنصدم لما تعرف شو مساوية بنت عمك مجد بنفاذ صبر / احكي يلي عندك و خلصيني هدى و هي تطلع الصور من حقيبتها / تفضل شوف بنفسك ~~~~~ مايا / شلون يعني رؤى / شبك عم قلك كان قاعد معها مايا / ايي و اذا كان قاعد معها مو ضروري يكون بينهن شي رؤى / هو قايل انو بيكرهها فليش قاعد معها مايا / والله ما بعرق رؤى / اذا بيحبها يقول عادي بس مو يقول انو يكرهها مايا / طيب انتي ليش معصبة رؤى / مو لشي خلص انسي مايا / رؤى لتكوني بتحبيه رؤى / لا اكيد لا مايا / بس تصرفاتك بتقول غير هيك رؤى / بلا سخافة مايا / رؤؤى رؤى بعصبية/ طيب بحبو اي بحبو بس شو الفايدة اذا هو بيحب غيري و بدت دموعها تنزل و مايا تحاول تهديها ~~~~~ منال / رؤى راحت تنام عند مايا لما سمع اسمها رجع تذكر الصور قام رايح لغرفته / لا تصحوني عالعشا سالتها و هي مشغول بالها على ابنها / شبو اخوك اليوم منال / ما بعرف من لما رجع و هو مو على بعضو اما هو بغرفته قاعد يفكر بالصور يلي شافهم " معقولة رؤى تساوي هيك " تذكر صورها مع الشاب و هو يبوسها " لا لا بس الصور..... اكيد في شي مستحيل رؤى تساوي هيك اي مستحيل " ~~~~~ يوم جديد بجامعة ثانية قاعد مع رفيقه انس / طيب اذا بتحبها هي ليش عم بتساوي هيك مروان / بتسلى بس المهم اني بحبها و قريبا رح احكي مع امي عشان تخطبلي ياها و بعد ما اتخرج بنتزوج انس / طيب بعد ما تتزوجو رح تستمر هيك مروان / اكيد لا وقتها غير لانها بتكفيني انس / براحتك ~~~~~ بشركة عمر عمر / يعني خلص اتفقتو إلياس / اي و بكرا بنوقع العقد عمر / حلو لكان بنحدد معهن موعد بهالايام منشان نتفق عكل تفاصيل الشغل إلياس / اي حتى انا كنت مفكر هيك ~~~~~ المساء بغرفة سيرين سيرين / معقولة سارة / اي انا هذا لي شفته بعيونه سيرين / بتتوقعي يكون بيحبني سارة / اي ليش لا سيرين / ياريييت بكون اسعد انسانة وقتها سارة / اوووهووو عالحب سيرين / ههه يلا باي امي عم تناديني سكرت منها و نزلت تشوف امها ~~~~~ جاك / و شو يلي بيضمنلي انك ما تخوني الاتفاق نورهان / يعني انا شو إلي مصلحة ساوي هيك جاك / و شو بيعرفني نورهان / ليك انا بعرف بكل المخطط و اصلا انا يلي قلت لهدى عالفكرة انا بدي منك صورك مع رؤى و هدى جاك / صور رؤى طيب بس صوري مع هدى شو بدك فيهن نورهان / افففف انت عطيني الصور راح تاخذ المبلغ و صدقني هدى ما راح تعرف شي جاك / طيب بس ياويلك لو احد عرف شي نورهان ابتسمت بخبث و اخذت الصور منه ~~~~~ عالعشاء مجد كان يحاول يحكي مع رؤى بس هي كانت تجاوبه باجابات مختصرة لانها ما بدها تحكي معه خلصو العشاء و طلع كل واحد بغرفته و رؤى ما وقفت تفكير ابد " طيب يمكن مايا معها حق اي اذا كان قاعد معها مو بالضرورة انو بيحبها اي اكيييد " و طلعت من غرفتها نازلة لتحت ~~~~~ اما مجد كان عم يحكي مع ابن خاله ....../ هههه طيب لا تصرع راسي خوذ احكي معها مجد / هههه اي اعطيها التلفون و بعد شوي سمع صوت بنت خاله الصغيرة / ملحبا مجد ~~~~~ بهالوقت كانت رؤى مارة بغرفته و سمعت حديثه ( اهلين بالحلوة...... كيفها حبيبتي...... لاااا زعلانة علي ...... ليش .... طيب يا عمري بكرا من الصبح بجي لعندك حلو هيك ..... ههههه طيب ) تجمدت مكانها من الحكي يلي سمعته " يعني كلشي صحيح كلشي صحيح هو عنجد بيحبها " رجعت لغرفتها و سكرت الباب و انهارت انقهرت منه كثييير ظلت تبكي حتى نامت ~~~~~ ...... / جيسيي جيسيي جيسي / نعم مروان بيك مروان / شو وين امي و رغد جيسي / راحو لبيت مراد بيك مروان / طيب روحي " حلو كثيييير اكيد راحو يخطبوها " طلع من البيت و هو مبسوط ~~~~~ سيرين بالجامعة قاعدة تفكر في كلام رغد تذكرت الكلام يلي قالته لها ( ليكي والله والله يا سيرين ما رح اخليك تتهني مع اخي لعبتي بعقله بس مستحيل اسمحلكن تكونو لبعض لهيك احسنلك تبعدي عنه ) " هي شو قصدها انا اصلا ما بيني و بين مروان اي شي بس والله خايفة هي ممكن تعمل اي شي " ~~~~~ بتركيا بمنزل جديد بس شخصيات مو جديدة خديجة / يعني رايح رامز / اي امي بكرا بروح ملك / طيب خذني معك رامز / هذا يلي ناقص سلمى / خالتي احكي معو والله اشتقت لرؤى و بدي شوفها خديجة / انا ما دخلني رامي / وين بدك تروحي انتي كمان سلمى / ما دخلك رامي / سكري ثمك احسن ما قوم سكرلك ياه خديجة / خلص يا اولاد رامز / انا طالع خديجة / الله يحفظك يا ابني رامي / و انا كمان بطلع احسنلي من القعدة معكم ملك / احسن بنرتاح منك ~~~~~ نهاية البارت بانتظار آراءكم و توقعاتكم و الى اللقاء في البارت القادم | ||||
|
| |
|
10-08-19, 08:39 PM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 13 ~~~~~ سيرين / شوو امها / اي حبيبتي اليوم اجت ناريمان و رغد و حكو معي بالموضوع ؛ ليكي حبيبتي فكري منيح و استخيري و خبريني جوابك هزت راسها و طلعت لغرفتها و هي تفكر " معقولة خطبني يعني بيحبني مثل ما بحبو يااااي مبسوطة كثييير " اخذت موبايلها و اتصلت على بنت عمها و صديقتها سارة ~~~~~ وصل للندن تعبان كثييير و ما بيفكر بغير النووم راح عالفندق يلي حاجز فيه من قبل وصل عالفندق فكر يتصل برؤى بس غير رايه و قرر بكرا يحكي معها ~~~~~ يوم جديد اعلنت عنه اشعة الشمس التي تسللت لغرف ابطالنا قام من النوم و هو يحس بنشاط خلص قرر يساوي يلي بباله و اليوم رح يساويه اخذ شاور سريع و طلع بدل ملابسه و نزل لتحت شاف امه و ابوه قاعدين ....../ جواد ما بدك تفطر جواد / لا امي رايح عالجامعة ....../ طيب الله يوفقك طلع من البيت و هو متحمس للي بيساويه ( متذكرين جواد ولا نسيتوه رح يكون له دور كبير بقصتنا ) ~~~~~ بالكافيتريا مايا / انتي متأكدة رؤى / اي متأكدة هو نفسو الشب يلي كان مع هدى مايا / كيف يعني و شو بدو منك رؤى / ما بعرف ما بعرف مايا / معقولة هدى تكون ورى هالشي رؤى / بسس ليش و شو رح تستفيد و بالاساس شو علاقتها بهداك الشب مايا بهمس / بنحكي بعدين البنات اجوو نطت عبير / شو عندكم تتهامسون مايا / هههه عم نحكي عنك عبير شهقت / عني مايا / ههههههه اي كنا عم نقول عبير حلوة و مافي احلى منها عبير بغرور مصطنع / اييي هييك ~~~~~ إلياس / اي مجد / يعني خلص اتفقتو إلياس / اي رح يجي عندنا بالبيت هو و مساعدو مجد / اوكي ~~~~~ مسك موبايلو و اتصل عليها و بعد عدة رنات ردت ....../ الوووو رامز / اهليييين رؤى / مين معي رامز / لاااا ما عرفتيني رؤى بشك / رامز ؟؟!!!! رامز / اي رامز بشحمه و لحمه رؤى / كيييفك اشتقتلك كثيييير رامز / هههه و انا كمان بس والله اذني محتاجها رؤى / لكان هيك ما تسأل عني ابدا رامز / لاااا و كتعويض عندي لك مفاجأة رؤى / شووو رامز / انا بلندن رؤى / كذاااااب رامز / لاااا انتي شكلك ناوية تخسريني اذني رؤى / عنجد انت هون رامز / اييي لكان عم امزح و اتصلت فيك منشان نلتقي رؤى / اممم هلأ ما بقدر عندي محاظرة بعد شوي و بس اطلع بتصل فيك رامز / اوكي بااي ~~~~~ منال / مين هاد رؤى / ابن خالتي هون بلندن مايا / اي واحد فيهن رؤى / رامز مايا / لاااا هذاك المغرور هوون رؤى / اي هههههه عبير / حلوو؟؟؟ رؤى / ايي بيطير العقل ~~~~~ انتظرها لحد ما قامت و راح وراها جواد / رؤى رؤى / اووه جواد كيفك جواد / منيح ممكن نحكي شوي رؤى / اكييد و راحت معه للكافيتيريا جواد / اممم رؤى انا بدي قلك شي ووو ما بدي ردك هلأ فكري و قليلي رؤى / شو في جواد / اممم رؤى انا انا بحبك رؤى / ....... ~~~~~ رؤى مصدومة / ........... جواد / شوفي انا ما بدي جوابك هلأ فكري منيح و ... رؤى قاطعته و هي تبلع ريقها خايفة من يلي رح تساويه / و وو ... جواد بحنان / شو احكي رؤى / و وو اناا ككمان ببحبك جواد بفرحة / جد !! رؤى / اي جواد تنهد براحة / ريحتيني اما رؤى ابتسمت و ما حكت شي ~~~~~ سيرين / اممم ماما ........ / نعم حبيبتي سيرين / اممم اناا ااا ..... امها حست انها منحرجة فحبت تساعدها / شو حبيبتي فكرتي بموضوع ابن عمك سيرين / اي ووو انا موافقة ...... / مبروك حبيبتي ------- بكوفي رؤى / و لك رمووووز مشتاقتلك مووووت رامز / رموز بعينك اسمي رامز رؤى / المهم احكيلي كيف خالتي و الكل رامز / بخير و يسلمو عليك رؤى / مشتاقتلهم رامز / خلص من لما اجيت و انتي مشتاقتلهم و مشتاقتلهم رؤى / افففف الحق علي يلي عم عبر عن شوقي ~~~~~ وليد : افف جوعان انزل اشتريلنا شي مجد / لااا لا يكون خدام ابوك و انا مو عارف وليد / يلااا على حسابي مجد / اذا هيك بنزل وليد / يالطماع و نزل مجد للمطعم و اخذ وجبتين و لما كان عم بيحاسب تفاجأ بيلي شافو ....شاف رؤى مع رامز دفع الحساب و طلع و هو مشوش " معقولة رؤى هيك معقول هي مثل ما حكت هدى اففففف " ركب السيارة و هو مو حاس بيلي جوله و كل يلي عم بيفكر فيه هو رؤى وليد / مجد ...مجد ....هييييه مجد / هاااه شو بدك وليد / صارلي ساعة اناديك مجد/ خيير وليد / افففف يعني ما عرفت تجيب الا هالوجبة جد ما عندك ذوق مجد / اففف مو فاضيلك انا وليد / مجد شو بك شو صارلك حكالو مجد يلي صار وليد / يا حبيبي يا مجود هلأ اذا شفتها مع شاب مو معناتو انو حبيبها مجد / لكان شلون بتفسرلي بالاول الصور و هلأ قاعدة مع شاب و ضحكهن مالي المحل وليد / والله ما بعرف شو بدي قلك ~~~~~ مايا / كيييييف !!!!! رؤى بعدت السماعة / خييير فقعتي اذني مايا / و لك يا هبلة انتي شو عم تحكي رؤى ببرود / يلي سمعتيه مايا / انتي غبية ولا شو كيف بتقوليلو انك بتحبيه رؤى / و شو فيها اذا يلي بحبو مو مهتم فيني بجرب مع جواد يمكن اقدر احبه مايا / انا بسكر احسنلي و سكرت و هي معصبة من تصرف رؤى ~~~~~ بعد مرور اسبوعين رؤى/ الو حبيبي وينك ....../ عند الكوفي حياتي عم بستناك رؤى / اوكي جاية باااي و سكرت و راحت للكوفي جواد / اهلييين بالحلوة رؤى / اهليين جواد جواد / كيفك رؤى / تمام و انت جواد / مشتاقلك رؤى / و انا كمان .... يلا خلينا نروح للجامعة جواد / يلا و راحو سوا ~~~~~ بعدما وصلو للبيت ...... / تفضل ....... /يسلمو و فاتو عالصالة ~~~~~ نهاية البارت بانتظار آراءكم و توقعاتكم و الى اللقاء في البارت القادم التعديل الأخير تم بواسطة لامارا ; 14-08-19 الساعة 02:15 AM | ||||
|
| |
|
14-08-19, 02:16 AM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 14 ~~~~~ مايا / يعني رايح اليوم رؤى / اي و بعد شوي رح اطلع منشان ودعه عبير / يا حظك هذاك الحلو ابن خالتك مايا / مشكلتو مغروور رؤى / هههه حرام عليك مايا / عم بحكي الحقيقة رؤى / طيب بنات شو رايكن تروحو معي منشان تتعرفو عليه عبير بسرعة / موافقين مايا / لااا انا ما بدي اجت منال / شو يلي ما بدك عبير / رايحين نشوف ابن عمها لرورو منال / اها و ما رح تعزموني رؤى / ههه لا اكيد انتي معزومة مايا / روحو وحدكن انا مابدي رؤى / لا بتروحي و غصب عنك يلا قومي و بعد اقناع البنات وافقت تروح منال/ بنات ما بتعرفو عائشة ليش ما اجت مايا / لا اتصلت فيها الصبح منشان نجي سوا ما ردت عبير / امم ياسمين شبك ساكتة ياسمين / نعسااانة بدي نام عبير / يعني ما رح تروحي معانا ياسمين/ لااا تعبانة ~~~~~ نورهان بنفسها /" هه حقك تفرحي مو عارفة شو رح يصير " هدى / و سمعت انو ما عم يحكو مع بعض هه اكيد صدق انو رؤى تطلع مع شباب نورهان / ايي بتستاهل هدى / اكييد لكان تقرب من حبيبي و بسكتلها ~~~~~ ......./ اهلا وسهلا بحبيبتي كيفك سيرين بخجل / تمام و انت مروان / تمام لما سمعت صوتك سيرين / ....... مروان / ههههه تسلملي الخجولة سيرين / مروااااان مروان / عيون مروان سيرين / يلا باااي مروان / هههه باي يا قلبي ~~~~~ رغد ( اخت مروان ) / امي والله انها ما تناسبه ناريمان / افف و بعدين معك انتي اخوك بيحبها و بدو ياها رغد / بس انا ما بحبها ناريمان / ليش انتي يلي رح تتزوجيها ولا اخوك رغد / اخي بس انا ما اتحمل تكون هديك مرت اخي ناريمان / خلص هب بنت عمك و رح تصير مرت اخوك رغد / افففف و قامت طلعت غرفتها رغد " ما رح اسمحلها تتهنا بمروان مستحيل " ~~~~~ ميرنا بدلع / حبيبي اشتقتلك ...... / و انا كمان يا عمري ميرنا / اي واضح و الدليل انك ما عم تتصل فيني ....../ لا حبيبتي ليش الزعل بس انشغلت شوي ميرنا / اممم ...... / خلصنا حبيبتي يكفي زعل ميرنا بدلع / طيب ....... / ايي هيك ~~~~~ رؤى و هي تجلس / مرحبا رمووز ..... اقعدو بنات جلسو مايا و عبير ( منال ما اجت معهم لانها حبت تطمن على عائشة ) عبير / مرحباا رامز / اهلين " و شاف في مايا " و انتي مافي مرحبا مايا / اففف مرحبا رامز / ههههه اهلين رؤى / هذي رفيقتي عبير و هذي مايا بتعرفها رامز و هو يطالع مايا بنص عين / اي بعرفها مايا / خيييير ليش هالنظرة رامز بغرور / حكيتي معي مايا / لااا اصلا انا ما بحكي مع امثالك رامز / هههه اي بيكون احسن عبير / خلص يعني رح تظلو تتخانقو لف لعبير و ابتسم و ظلو يحكو مايا / يلا رورو احنا بنمشي عبير بهمس لمايا / لاا ليش خلينا معو سمعها رامز و مسك ضحكته اما هي قامت مجبرة و طلعو من المطعم رامز / هههه رفيقتك هذي مجنونة رؤى / هههه لسا ما شفت شي رامز / يلا رورو انا لازم روح طيارتي بعد ساعة و انتي انتبهي لنفسك رؤى / رح اشتقلك رامز / و انا اكثر والله و ودعو بعض و رجعت رؤى عالبيت ~~~~~ مجد / اي اكيد و اتوقع الصفقة بتكون مربحة ....../ حتى انا رأيي هيك إلياس / لكان خلص اتفقنا ~~~~~ رؤى و هي داخلة للبيت سمعت صوت شاب مو غريب عليها طلعت للحديقة و طلت من النافذة و انصدمت بيلي شافته رؤى / إإ ..إ..... و اغمي عليها و وقعت عالارض ~~~~~ نورهان / لاا ليش شو صاير هدى / جد ما دريتي رؤى طلعت تحب جوااد نورهان / مين جواد هدى / جوااد يلي معنا بالجامعة نورهان بتعجب / عنجد هدى / اي والله حتى انا استغربت كثيير نورهان / يعني طلعت ما بتحب مجد هدى / اي بس مو مشكلة انا المهم عندي اني بعدتها عن طريقي و قريبا بحصل على مجوودي نورهان " اي باحلامك يا حقيرة " / اي صح حبيبتي هدى / يلا نونو انا بسكر و بعدين بنحكي نورهان / اوكي بااي هدى / باايات نورهان بعد ما سكرت " مو معقولة رؤى تحب جوااد كنت مفكرة انها تحب مجد اففف مؤ معقولة اذا طلع هالحكي صحيح رح يفضى الجو لهدى .... لا مستحيل انا ما رح اخليها تتهنى رح انتقم منها عكلشي " ~~~~~ رغد / اي حبيبتي هيك صار غيداء بغيرة لانها تحب مروان / اي مو معقولة يروح يخطب هذيك رغد / اي والله ما بعرف شو عاجبو فيها غيداء / بس انتي لازم توقفي بوجه هالزواج مو معقولة تسمحي لهالشي يصيير رغد / اي اكيد بس ما بعرف شو بدي ساوي غيداء / انا عندي فكرة رغد / اسمعيني لازم ........ ~~~~~ بالمستشفى مجد و الياس مصدومين من يلي سمعوه و مو قادرين يستوعبو انو يلي قدامهم و شريكهم بالشغل يلي عملو معو عدة اجتماعات يطلع ابن عمهم و اخوها لرؤى اياد يلي فكروه ماات من سنتين و اياد نفسه كان مصدوم و بنفس الوقت فرحان كثير لانه لقى عيلته و اخته اخييرا تعب و هو يدور عليهم بس من دون فايدة و لما فقد الامل لقاهم و بالصدفة صحيح حزن لانو امو و ابوه ماتو بس فرحته بشوفة اخته نسته ~~~~~ داخل ركض عالمستشفى هو و زوجته مو مصدق الخبر يلي سمعه وصل لمكانهم و شافه شاف ابن اخوه يلي فقده راح ناحيته و ضمه بكل قوته و بعده ضمته الين يلي كانت تعتبره مثل ابنها عمر / كيفك يا ابني شو صار معك احكيلي اياد حكالهن كلشي صار معه من لما انخطف لهلأ الين / طيب كيفها رؤى مجد بتوتر / والله ما بعرف لسا ما طلع الدكتور ظلو يستنو حتى طلع الدكتور اياد / طمني دكتور شلونها اختي الدكتور / الحمد لله بس هي اغمي عليها من اثر صدمة تلقتها مجد / طيب نقدر نشوفها الدكتور / اي بس انتبهوا تحكو معها باي شي يقلقها او يزعلها دخلوا كلهم عندها و تحمدولها بالسلامة و بعد شوي طلعوا و ما ظل عندها غير اياد رؤى / اياد اياد / اي حبيبتي رؤى / انت رجعت اياد / اي رجعت و ما رح اتركك مرة ثانية رؤى / وعدني اياد / بوعدك ~~~~~ رغد / و الله و جبتيها غدوو غيداء / اي لكاان انا غيدااء رغد / و ايمتا بتبدي بالخطة غيداء / ما بعرف المهم هلأ اعطيني رقم مروان و بعدين بنشوف و عطتها الرقم ~~~~~ خالد / عنجد الياس / اي هذا لي صار خالد / قصة غريبة فعلا الياس / اي بس المهم بالخير التقينا خالد / اي ...... امير ليش ساكت امير / نعسان خالد / اي على فكرة ما سالتلي عن هديك البنت امير / سالت اسمها سيرين خالد / يعني هذا يلي عرفته اسمها وبس امير / و لك اسكووت بصعوبة قدرت اعرف اسمها من هدى الياس / مين هي خالد / هي رفيقة هدى و بصراحة البنت عاجبتني الياس / اوووهووو خالد عم يحب خالد شاف فيه بنص عين الياس / يعني هي بتدرس مع هدى امير / اي الياس / اكيد رؤى بتعرفها ... بسألك عنها خالد / اي والله تسوي خير الياس / منشان تعرف اهميتي امير / ههههه ~~~~~ نهاية البارت بانتظار آراءكم و توقعاتكم و الى اللقاء في البارت القادم | ||||
|
| |
|
29-09-19, 09:17 AM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 15 ~~~~~ مروان كان بالبيت عم يحكي مع امه و رن تلفونه برقم غريب استغرب و قام من عندهن و طلع للحديقة مروان / الو ....... بدلع / اهليين مروان / مين معي ......./ معجبة فييك مروان بسخرية / هه قلتيلي معجبة موو ....... / اي مروان / اها حلو وشو اسمك ....... بكذب / اسمي مرام مروان / اسم حلو يا مرام ...... / يسلمو مروان / يلا يا حلوة بسكر الحين ........ / اوكي بااي مروان " هه قال معجبة اي مو مشكلة بتسلى ما وراي شي ههههه " ~~~~~ من جهة ثانية ......" والله ما توقعت بهالسهولة بيقتنع اي مو مشكلة يا مروان رح خليك خاتم اباصبعي و بتشوف كيف رح تحبني" ~~~~~ بعد ثلاث ايام بمنزل اياد بالصالة اياد / متأكدة انك مرتاحة رؤى / اي متأكدة خلص كم مرة سألتني اياد / هذا جزاتي اني خايف عليكي رؤى / ههههههه اي لا تخاف ...... امم صح اياد حكيلي يعني انت وين كنت و كيف كنت عايش اياد تنهد / بتتذكري لما خطفوني يلي كانو مدينين ابي رؤى / اي بذكر وقتها اتصلو على بابا و قالو انهن قتلوك اياد / اي هنن كانو رح يقتلوني بس قدرت اهرب ولما كنت اركض صار معي حاذث سيارة " سكت شوي كأنه يتذكر و بعدها قال " و بعدها ما بعرف شو صار بس لما صحيت لقيت نفسي بالمشفى و كان معي رجال كبير بالعمر وقتها كنت فاقد الذاكرة و مو متذكر حتى اسمي و الرجال خلاني عندو و اهتم فيني و عشت سنة عندو و كنت معتبرو مثل ابي بس بعد هالسنة بديت اتذكر بس ذكرياتي كانت مشوشة يعني كانت تمر علي صوركم بس ما كنت اعرف مين انتو و حكيت للعم عدنان و هو اخذني عالدكتور و قالي انو يمكن استعيد ذاكرتي انا فرحت طبعا و بعد مدة تذكرتك و تذكرت ابي و امي بس اما عمي و الباقي ما كنت متذكرهم و من مدة العم عدنان سلمني شركتو يلي هون بلندن و بعدها عملت شراكة مع شركة عمي و الباقي انتي بتعرفيه رؤى / يالله كل هذا صار معك اياد / اي والله " و قال بمرح " يلا اتركينا من هالحكي شو رايك تنامي عندي اليوم رؤى / اي بنام ليش لا و اتصلت عبيت عمها لتخبرهم ~~~~~ مجد كان بصالة بيتهم عم يفكر برؤى مقهور كثيير لانو بعد ما اكتشف انو بيحبها طلعت بتحب غيرو و مو مهتمة فيه سمع التلفون عم يرن و قام منشان يرد رفع سماعة التلفون و خفق قلبو بقوة لما سمع صوتها رؤى / الوو مجد / ااا اهلين رؤى / اا مجد مجد يتظاهر بالبرود / اي في شي رؤى / لا بس متصلة خبركن اني بنام عند اياد اليوم مجد / اها اوكي رؤىس / يلا باي سكرت و هي قلبها يخفق بقوة حاولت تتناسى و قعدت مع اخوها ~~~~~ عبير / سعيييييد تعال العشا جاهز سعيد انتبه من سرحانه / جاي جااي عبير / بشو كنت سرحان هاا اعترف سعيد" لو تعرفي اني سرحان "/ و شو دخلك عبير بمكر / اها ما بدك تحكي لكاان سعيد / امي قولي لبنتك تسكت احسنلها امه / عبيير خلص تركي اخوك بحالو عبير / اففففف سكتت سكتت سعيد / اي احسن شافت فيه بنص عين و ما ردت ~~~~~ جواد / طيب ايمتا بتطلعي رؤى / اليوم المسا رح يطلعوني جواد / اوكي حبيبتي و الحمد لله عسلامتك مرة ثانية رؤى/ يسلمو حبيبي جواد / يلا قلبي بشوفك بعديين رؤى / اوكي بااي ظلت شوي بعدها نامت ~~~~~ طل براسه من الباب و لما تاكد انها نايمة دخل عندها جلس عالكرسي يلي جنب السرير و ظل عم يتأمل فييها مشتألها كثيير من زماان ما قعدوا و حكوا انحنى قبل جبينها و طلع من الغرفة ~~~~~ نهاية البارت بانتظار آراأكم و توقعاتكم و الى اللقاء في البارت القادم | ||||
|
| |
|
29-09-19, 09:18 AM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| مشغوولة جدا حاليا فما حقدر ارد على تعليقاتكم بس لي عودة لها اكيد قراءة ممتعة البارت 16 ~~~~~ بالجامعة رؤى / اممم ما بعرف مايا/ شو هي ما بتعرفي بتظلي ببيت عمك ولا بتروحي عند اخوكي رؤى / والله ما بعرف اياد قلي كذا مرة انو اسكن عندو بسس مايا / بس شوو رؤى / ما بعرف ....خلص البنات اجو بنحكي بعدين عبير و هي تجلس / هااااي مايا / هاايات رؤى / وين عائشة و ياسمين عبير / والله يا رورو ما بعرف عنهن ..... اي صح بسألك ابن خالتك هذاك كييفو مايا / ههههه لسا ما نسيتيه عبير / لا والله ....بنات تخيلو كذا نتزوج انا ويااه اااه رؤى / ههههه عبير و رامز هههه ما بيركبو اصلا شخصياتكم مختلفة يعني ما بتتفقو عبير / اففف انا قلت تخيلو تخيلوو بسس مايا / طيب طيب...... ميمي ليش ساكتة منال / نعساانة كثيير رؤى / احسن قلتلك نامي بس ما سمعتيلي تستاهلي منال / خلص اما مو قادرة بروح البيت مايا / و المحاضرات منال / اصلا ما رح اقدر ركز و انا هييك رؤى / بتحبي روح معك منال / لا ما في داعي بتصل بالسواق رؤى / اوكي ~~~~~ طلعت من الجامعة و اتصلت بالسواق و قعدت تنتظره بس طول عليها فقالت بتتمشى شوي لبين ما يوصل ~~~~~ بشركة عمر و بالتحديد بمكتبه السكرتيرة / استاذ عمر في رجال برا بدو يشوفك عمر / ما قال مين هو السكرتيرة / لا ما قال عمر / طيب خليه يفوت السكرتيرة / حاضر طلعت و بعد شوي دخل شاب باين عليه بعمر الياس و اياد ....... / السلام عليكم عمر / و عليكم السلام تفضل ........ جلس بالكرسي يلي مقابل المكتب عمر / عفوا بس مين انت ......... / تقدر تقول فاعل خير و طلع من جيبه ظرف و حطه فوق المكتب و طلع فتح عمر الظرف و هو مستغرب من هالشاب و انصدم من محتواه ~~~~~ كانت تتمشى بجانب الجامعة تستنى السواق و فجأة وقفت سيارة جنبها التفتت لها و اتفاجأت بالشاب يلي كان بالسيارة منال / ايااد اياد ابتسم / اهلين منال شو عم تساوي هون منال / تعبت و طلعت من الجامعة وعم استنا السواق اياد / سلامتك اركبي لوصلك منال / لا ما في داعي اياد / لاا في داعي يلا اركبي انا بالاساس رايح لبيتكم منشان نحكي انا و عمي بالشغل منال / اذا هيك. اوكي و ركبت جنبه و هي متوترة " الحمد يلي رجعك لنا سالم والله كنت حاسة انك ما متت " و هو كمان كان فرحان كيف ما يفرح و حبيبة الطفولة معه بالسيارة ~~~~~ وصلوا عالبيت و نزلو من السيارة فتحت منال الباب بمفتاحها و دخلوا الين / اهلين اهلا و سهلا باياد اياد / اهلين فيك خالتي الين / كيفك اياد / الحمدلله و انتو الين / الحمد لله ......و انتي شو جايبك من الجامعة منال / تعبت نعسانة كثيير الين / لاا ياا و ليش تسهري اذا هيك منال / اميي خلص انا رايحة ارتاح الين / اي روحي روحي و دخلت هي و اياد للصالة اياد / عمي مو هون الين / لا ما إجا اياد / غريبة قالي انو رح يكون هون منشان نحكي بالشغل الين / معناتا بعد شوي بيجي سمعو صوت الباب الين / هاذ اكيد هو مجد / مرحبا الين / هذا انت مجد / ليكون مو مرحب فيني اياد / هههه لا بس فكرناك عمي مجد / هههه... اياد عندنا خير شو جايبك اياد / لا اطردني احسن مجد / عم اسأل ولا حرام اياد / لاا حلال ..... جاي شوف عمي منشان الشغل بعد نصف ساعة الين / مجد مو كأن ابوك طول مجد / اي والله اياد / رح اتصل عليه اتصل كذا مرة بس ما رد مجد / استنى رح اتصل انا اتصل فيه و بعد عدة رنات رد مجد / مرحبا بابا عمر / اهلين مجد استغرب من نبرة صوته بس قال يمكن تعبان من الشغل / ويينك اياد عم يستناك عمر بعصبية لما سمع اسمه / قلو يروح انا ما رح اجي و سكر الخط اياد / هااه شو قال مجد / قال انو ما رح يجي بس نبرة صوته كانه زعلان اومعصب خايف يكون صايرله شي الين بخوف / مثل شو يعني مجد / والله ما بعرف اياد / لا انشاء الله خير الين و مجد / انشاء الله ~~~~~ خالد / عم تحكي جد الياس / اي سألت رؤى و هي يلي قالتلي انهاانخطبت خالد / اففف شو هالحظ الياس / خل اذاراحت سيرين في غيرها خالدتنهد / اي الياس ضربه على كتفه و لك خلص خلود خالد / طيب طيب ليش الضرب ~~~~~ سيرين / اكيد حبيبي مروان / لكان بمر عليك و نروح سيرين / طيب بس بسأل بابا بالاول مروان / اوكي حياتي و اكيد عمي رح يوافق سيرين / يلاا بااي مروان / باايات حبي سكرت منه و نزلت للصالة سيرين / بابا مراد / نعم سيرين / امم اتصل فيني مروان هلا و قلي انو بدو نطلع انا مراد / طيب اطلعو يا بنتي هذا بيصير زوجك ~~~~~ كان مسرع بالسيارة كثيير مو مصدق يلي. شافه بالصور محتار مين الرجال يلي جابله الصور و ايمتا هي الصور بس الاهم مصدوم كثييير من ابن اخو مو قادر يصدق انو اياد ممكن يساوي هيك شي ~~~~~ نهاية البارت بانتظار آراءكم و توقعاتكم و الى اللقاء في البارت القادم | ||||
|
| |
|
29-09-19, 09:19 AM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| اسفة اسفة اسفة جدا على التأخير يلي صار عارفة دي المرة زودتها بس حابتكم تعرفوا انو يلي بيصير مو بيدي ضغط الدراسة و كلشي حوليني مخليني مو قادرة اركز بشي ححاول قدر الامكان ارجع التزم مثل قبل موعدنا حيكون كل سبت او احد ان شاء الله و لو كان البارت جاهز من قبل فممكن احطه قراءة ممتعة للجميع البارت 17 ~~~~~ بوسط سرعته الزائدة عن اللزوم و ذهنه المشوش ما انتبه للشاحنة يلي جاية نحوه حاول يبعد عنها لكن صدم بعمود الكهرباء و سقط العمود عالسيارة و طبعا الزجاج انكسر و وقع عليه و صار وجهه كلو دم تجمع الناس ليشوفو شو صاار و اتصلو بالاسعاف و بعد مدة وصل الاسعاف و حملوه و بسرعة عالمشفى ~~~~~ ميرنا / و انا كمان حياتي شو رايك نطلع اليوم ...... / اسف حبيبتي مشغول اليوم كثيير ميرنا / يعني شغلك اهم مني ....../ لا بس والله ما بقدر اليوم ميرنا / اوكي مثل ما بدك ...... / يلا بشوفك بعدين سكر منها و اتصل بخطيبته و حبيبته / الوو قلبي سيرين / اهليين مروان مروان / شو جاهزة حبيبتي سيرين بخجل / اي حبيبي مروان / اوكي 5 دقائق و بكون عندك سيرين / اوكي عم استناك ~~~~~ غيداء / اي كلشي ماشي تمام و مثل ما بدنا رغد / يعني حكى معك غيداء / اي اصلا اكيد واقع بحبي ما بتصدقي مغرقني بحبو رغد / طيب ما طلب يشوفك غيداء / لا لسا رغد / اها المهم نبعد سيرين عنو غيداء / اي و هذا يلي رح يصير ~~~~~ اياد / شوو الياس / اي والله انا و امي و منال رايحين عالمشفى هلأ اياد / و رؤى ?? الياس / راح مجد ليجيبها من الجامعة و بيلحقونا بعدين اياد / طيب انا جااي الياس / اوكي سكر منه و التفت على امه و اخته يلي مقطعين حالهن بكي تنهد و رجع يطلع عالطريق و هو يدعي ربه يكون ابوه بخير ~~~~~ بسيارة مروان مروان / هههه يعني بظلي ساكتة سيرين / امم ما عندي شي احكي فيه مروان / ههه طيب انزلي وصلنا نزلو من السيارة و دخلو عالمطعم و جلسو عطاولةكانت مجهزة بجو رومنسي طبعا مروان كان حاجز الطاولة و طالب يجهزونها من قبل ~~~~~ طلعت من الجامعة و كانت رح تتصل بالسواق بس اتفاجأت بسيارته قدامها رؤى / مجد !! مجد / اي اركبي رؤى / انت لييش جااي في شي مجد / اركبي و بفهمك رؤى بعد ما ركبت / هااه شو صاير مجد / بصرااحة بابا صار معو حادث و هو هلأ بالمستشفى رؤى / شوو و نزلو دموعها غصب عنها هذا عمها و بمثابة ابوها اما مجد ما تحمل يشوفها بهي الحالة حتى بعد ما عرف انها تحب غيره ما قدر ينساها و لساتو بيحبها ~~~~~ وصلو على المستشفى و لمح اخووه من بعييد و راح عنده مجد / هااه كيفو بابا الياس / ما بنعرف شي لسا ما طلع الدكتور و راح جلس جنب امه و حاول يهديها و مجد راح جلس جنب رؤى يلي كانت حالتها حالة مو قادرة تتخيل انها ممكن تخسر عمها بعد وفاة امها و ابوها ما بقيلها غيره صحيح في خالاتها بس هو تعودت علييه و صار مثل ابوها و اعز كماان مجد / رؤى خلص اهدي رؤى / كييف بدك ياني اهدا كييف كل يلي بحبهن عم يروحو مجد / اشششت لا تقولي هييك رؤى / لييش هيك عم يصيير معي انا شو ساوييت شو ذنبي و دخلت بنوبة بكاء و مجد ضمها و حاول يهديها و ظلت تبكي بصدره بعد شوي هديت و انتبهت على حالها و قامت و هي منحرجة / اا اسفة ااناا مجد / مو مشكلة المهم هديتي تنهدت و ما حكت شي بعدها اجا اياد / هااه طمنوني مجد / الدكتور صارلو ساعات جوا و لسا ما طلع اياد اطلع على مناال و حزن على حالها و بعدها شاف اخته يلي واضح عليها الحزن و خاصة بالنسبة اله لانه بيعرف ادييش هي متعلقة بعمه ~~~~~ سيرين / و انا كماان مروان / تسلملي الخجولة سيرين / مرواان خلص مروان / هههه طيب قلبي جاات بتحكي بس شافته ارتبك و سرح بشي وراها التفتت بس ماكان في غير بنتين داخلين للمطعم سيرين / مرواان فيك شي مروان بتوتر / هااه لا ما في شي سيرين / متأكد مروان / اي اي حبيبتي ~~~~~ غيداء / مرحبا رغد / اهليين غدو ... كيفك غيداء / تماام....... رغوود اخوك بالبيت رغد / اهاا قولي هييك متصلة منشان حبيب القلب غيداء / صارلي ساعة عم اتصل بالاول قفل الخط بوجهي و هلأ سكر تلفونه رغد / بصراحة غدو مروان طالع مع سيرين غيداء / افففف يعني انا شاغلة بالي علييه و هو مع هدييك الحية رغد / لا تزعلي حبيبتي و انتي كمان تغلي علييه و بس تحكو ساويي حالك زعلانه غيداء / طيب بحاول اناا لازم انجح بخطتي لازم فرقهن و بعدها مروان بيظل لالي رغد / اي اكييد غيداء / يلا بااي و سكرت الخط " لكان هي الغبية تاخذ مني مروان مستحيل اسمحلها رح خلييك تحبني و تموووت علي و بتشوف يا مروان " ~~~~~ بعد عدة سااعات طلع الدكتور و طبعا الكل ركض عنده بس انتبهو عملامحه يلي ما تبشر بالخير الياس / خيير دكتور بابا شو صارله الدكتور / الوالد تجاوز مرحلة الخطر بسس مجد / بس شو الدكتور سكت شوي اياد / احكي يا دكتور الدكتور / بصراحة هو بسبب الحاذث صاار معه شلل و ما رح يقدر يمشي ووو يمكن كمان ما يقدر يحكي مرة ثانية الكل انصدم بالخبر الين اغمي عليها و اولادها و رؤى و اياد ما كانو اقل منها حملوها و دخلوها لغرفة و عطوها مهدئ لترتاح ~~~~~ طلعت من المطعم مجروحة و مقهورة مو مصدقة يلي شافته حبيبها يلي وثقت فييه يساوي معها هييك كييف قدر يخونها عأساس بيحبها نزلت دموعها غصب عنها ركبت تاكسي و راحت عالبيت ~~~~~ نهاية البارت بانتظار آراءكم و توقعاتكم و الى اللقاء في البارت القادم | ||||
|
| |
|
06-10-19, 11:54 PM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 18 ~~~~~ دخلت بخطوات سريعة عالمشفى خايفة عرفيقتها و نصفها الثاني وصلت لمكانهم راحت ركض لرؤى و ضمتها بكل قوتها مايا / رؤى حبيبتي انتي منييحة رؤى / كييف بدي كون منييحة كيييف مايا / خلص حبيبتي اهدي رؤى / مو مصدقة يا مايا الدكتور قال انه ممكن ما يمشي ولا يحكي مايا / اششت قلبي هي حكمة الله و هو بدو يختبركن هييك انتي لازم تكوني قوية ما بيصيير تضعفي هييك بهذا الوقت كاان الياس طالع من الغرفة و سمع كلامها و اعجبه تفكيرها و سرح فيها " مو واضح علييها بتبين طايرة و من دوون تفكيير " مايا انتبهتله و توترت و هو كمان مايا / ااا رؤى ويين منال و خالة الين رؤى / جواا بالغرفة خالتي اغمي عليها مايا / الله يكوون بعونها و رفعت عيونها و شافته من بعييد طالع من المستشفى ما بتعرف شوو هالشعوور يلي بيجيها لما تشوفه رغم انها ما بتعرفة و لقاءاتهم قليلة جداا ~~~~~ بالليل قاعدة بغرفتها محتارة مو فاهمة ليش مروان ارتبك لما دخلو البنتين بعدها البنت نظرت فييها بحقد طلعت تبكي و لحقتها رفيقتها " معقولة تكون البنت تعرف مرواان او بينهم شي لا لا مو معقولة شو هالافكار يا سيرين " نامت و هي تفكر بهذييك البنت ~~~~~ مروان / و لك كم مرة بدي عييد حكيي عم قلك هدييك رفيقة ميرنا ببكاء / اها منشان هييك ما حكييت معي و كاني مو موجودة و ارتبكت لما شفتني مروان / طيب لويين بدك توصلي هلأ ميرنا / ما بدي اوصل لشي بس عنجد ما توقعتك تكذب علي و تخوني مروان بعصبية / اففف اي خلص اي هدييك حبيبتي و خطيبتي و انتي مجرد تسلية منييح هييك وسكر الخط بوجهها " هذا يلي ناقصني الحمد لله كنت خايف انفضح قدام سيرين " ~~~~~ ميرنا / اهئ سكر الخط ليزا/ قلتلك كل الشباب مثل بعضهن ما بيهتمو لمشاعرنا ميرنا / من دوون ما يهتم قالي انها خطيبتو و دفنت راسها بحضن صديقتهاو ظلت تبكي ~~~~~ بسيارة وليد وليد / عنجد سمير / اي والله وليد / طيب خلينا نمر عليه بالمستشفى قبل ما نروح للمطار سمير / اووك وليد / و ما عرفتو كيف حالته هلأ سمير / مجد قالي انه لسا ما فااق وليد / اها الله يشفيه ~~~~~ خالد كان قاعد بغرفته سرحاان فيها من اول ما شافها مو قادر ينساها سيطرت على كل حواسه حتى بعد ما عرف انها مخطوبة ~~~~~ نورهان / هلأ انت اخذت المبلغ شو بدك منيي جاك / بدي اعرف شو بدك تساوي بالصور نورهان / مو شغلك انت شغلك انتهى و هلأ شغلي اناا جاك / طيب بدي اسألك بخصوص هديك البنت نورهان / قصدك رؤى ... هه شكلك صدقت جاك / اي البنت حلوة كثيير نورهان / ما في مجال البنت عندها حبيبها جاك / افف طيب باي باي و سكر الخط نورهان " اففف كلشي لازم يحشر نفسه فييه ..... هلأ مجد ابووه مريض و مو فاضي بس لما تنتهي هالمشكلة رح ورجييه هالصور و بتشوفي يا هدى رح انتقم على كلشي ساويتيه فيني " تذكرت لما كانت بالاولى متوسط كييف احترق بيتهن و ماتو امها و ابوها و اخوها الصغيير و كلو بسببها هي هي دمرت حيااتها " ..... / نونو بليييز العبي معي نورهان / اففف مازن مو فاضيتلك و طلعت من البييت تاركة اخوها يبكي و كانت ناوية لما ترجع تراضيه ما عرفت انها ما رح تشوفه بعد اليوم" نزلو دموعها لما تذكرت هذا الحاذث سمعت صوت خالتها تناديها مسحت دموعها بسرعةو نزلت نورهان / ترا انتي رايحة لمشفى مو لحفلة هدى / اففف بعرف بعرف ~~~~~ سمعت موبايلها يرن فتحت شنطتها و اخذت الموبايل و ردت رؤى / الوو جوااد / الوو قلبي كييفك صحيح يلي سمعتو رؤى / اي صحيح جوااد / الله يشافيه طيب كيفو هلأ رؤى / ما بعرف لسا ما في شي جدييد جواد / طيب و انتي كيفك رؤى / كييف بدك كون يعني جوااد / خلص حبيبتي لازم تكوني قوية رؤى / ما بقدر يا جواد ما بقدر جواد / لا بتقدري مو هي رؤى يلي بعرفها رؤى تنهدت و ما حكت شي جواد / يلا حياتي انا بسكر هلأ انتبهي لنفسك رؤى / اوكي باي غمضت عيونها و سندت راسها عالكرسي بعد شوي حست بحدا قعد جنبها التفتت و كان اياد اياد / خالتي اتصلت فيني من شوي و هنن جايين رؤى / لييش ليتعبو حالهن اياد / قلتلها بس هي مصرة رؤى / الكل جااي اياد / اي الكل رؤى / طيب ~~~~~ نهاية البارت بانتظار آراءكم و توقعاتكم و الى اللقاء في البارت القادم | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
