آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
30-09-19, 02:50 AM
| #21 | ||||
 
|  تسلم يدك ياقمر والله انك مبدددعة ماشاء الله وكاتبه متميزة حبيت اسلوبك كثيييير وقريت لك قبل كذا قريبه للقلب افكارك متجددة واسلوبك مميز احب الكتابات الواقعيه فيه احساس حلو وفطرة يارب اشوفك في القمة دوم امنياتي لك بالتوفيقزحبيبتي👍🏻 محبتك نسنوسه😍 | ||||
|  |
|
04-10-19, 05:18 PM
| #24 | ||||||||
| مراقبة عامة ومشرفة منتدى الروايات المنقولة  
| مساء الخيرات .. هذا الفصل التاسع رغم قصره قلت انزله هنا مع أني منزلته أساساً بالواتباد لكن بما أن الفصل الجديد الليلة اوبكره بنزله لكم.. قرأت رد أحد المتابعات وأنها حبت روايتي لأنها قريبه من الواقع .. أنا إنسانة واقعية وماراح أكتب إلا من واقع او قريبة منه مع أني احياناً اشطح بخيالي لكن شطحه معقولة مالكم بالطويلة وأنا اختكم هذا تصبيره للفصل القادم قراءة ممتعة.❤😌 ————- أريحيني على صدرك لأني مُتعب مثلك دعي اسمي و عنواني و ماذا كنت سنين العمر تخنقها دروب الصمت و جئت إليك لا أدري لماذا جئت؟ فخلف الباب أمطار تطاردني شتاء قاتم الأنفاس يخنقني وأقدام بلون الليل تسحقني وليس لدي أحباب ولا بيت ليؤويني من الطوفان وجئت إليك تحملني رياح الشك..للإيمان فهل أرتاح بعض الوقت في عينيك؟ أم أمضي مع الأحزان؟ وهل في الناس من يعطي بلا ثمن..بلا دين..بلا ميزان؟ ، فاروق جويدة // توجهت له وهو واقف ينظر لها اقتربت وهي تبكي بأنهيار :ليييش لييش رحت عني لييش تبي تقهرني قفلت الجوال وانا كنت بسمع بس صوتها وتروح يمهم ليييش ؟؟! نذذذل اكرهههك اكررهك اخذت تضربه على صدره ببكاء مسك يديها بقوه ليحتضنها محاولاً تهدئتها .. جلوي بعد صمت وبعد أن هدئت قليلاً ولكنها لازالت تبكي :رحت أخلص لي أعمال معلقه ،ورجعت لكن شفت جدك وهو اللي عطاني هالصندوق ولولا هالأعمال كان مارحت .. حنين وهي تتذكر الأموال الطائلة التي بتلك الغرفة:وش أعمالك ذي هاه قلي وش؟ جلوي وقد ابتعد عنها واقفاً موليها ظهره ووجه إلى الأرفف المليئة بالكتب :قلت لك أعمال مالك بالطويلة حنين بقهر:أنت تتاجر في المخدرات ولا الأسلحه اكييييد عملك مو نظيف جلوي وهو يمسك فكها بقوة:لا أسمعك تعيدين هالحكي مره ثانية حنين ببكاء:يعني صدق ؟ جلوي وقد أغضبتهُ قليلاً:أكييد لا ومالك شغل في أعمالي والحين أنقلعي فوق وعيني لاتشوفك حنين تنهض خارجه :أحسسن ولكن سرعان ما استدارت وعادت للمكتب واخذت اللابتوب والذاكرة التي على الطاوله جلوي وهو يأخذ اللاب منها:اتركييه احتاجه حنين بقهر ضربت قدمها على الأرض :الله ياخذك جلوي بغضب شديد:انقللللعي لاتخليني اتوثم فيك اذلفي حنين لاتستطيع التحكم بنفسها عندما تغضب وصلت الباب وقبل أن تخرج أخذت ساعة ذات طراز كلاسيك صغيرة كانت على طاوله بقرب الباب ألتفتت إليه ورمتها بقوة حتى اصابت كتفه وهربت جلوي بصدمه:يابنت اللذين تعااالي ولكنها هربت للأعلى للمرسم الخاص بها وأغلقت على نفسها الباب .. استعاذ بالله من الشيطان هذه الطفلة ستأتي بأجله همس معاتباً لنفسه:احسسن تستاهل ولافيه واحد عاقل يحب له طفله استتتغفرالله هدئ قليلاً كلماتها أتت على الوتر الحساس يريد التخلص من هذا الأمر الذي لازمه طيلة ثمان سنين ..أتت رسالة على هاتفه الأخر ليقرأها ثم تنفس بعمق ثم نهض وذهب للأعلى أرتدى ملابس سوداء واخذ قناع بيده ..خرج بعد أن أرتدى القناع من البوابات الخلفية كي يضمن أن لا أحد يراه ركب السيارة التي كانت تنتظره بالشارع المُقابل سيارة مظلله ألقى السلام على الرجل الذي بجانبه أحد أهم عناصر الأمن في الأردن ماهر من أم سعودية وأب أردني جلوي:السلام عليكم ورحمة الله الفريق أول ماهر:وعليكم السلام ورحمة الله هلابك ..كيف حالك جلوي:والله ماني بخير ،ماعاد فيني طاقه للتحمل الفريق اول ماهر:راح الكثير مابقى الا القليل أنت تعرف أن فرانك يمثل شبكة كبيرة من تجار المخدرات والأسلحه في الشرق الأوسط وهو المفتاح الوحيد حاول تكسب ثقته ولاتتصرف من راسك أنت تعتبر عنصر من عناصر الأمن حتى لو كنت مجهول جلوي:خير إن شاء الله ،كيف الأمن على أهلي الفريق أول ماهر:تطمن موفرين الأمن اللازم وأختك وعيالها كلهم بخير جلوي:الحمدلله،ترى علاقتي هالفترة مع فرانك مش ولابد الفريق أول ماهر بهدوء :حاول تصلح الأوضاع لأن فيه اجتماع بينهم حاول تجيب تفاصيله .. جلوي بتنهد :خير إن شاء الله الفريق أول ماهر:خذ هذي السماعة اذا دخلت قدرت تدخل الأجتماع ألبسها وشعرك لاتقصه لأجل يغطي عليها وهذي كاميرا صغيره كذلك ثبتها في مقدمة راسك واترك هاتف التواصل مفتوح على طول جلوي ينزل من السيارة:تمام لاتشيلون هم غادرت سيارة الفريق أول ماهر الهاشم لمقر ادارة مكافحة المخدرات بعمان.. ليعود جلوي ادراجه ويرتدي لباسه ويضع السماعة والكاميرا بخزانته بمكتبه وذهب للقاء فرانك ويبر ليصلح الأوضاع بينهما وكسب ثقته مجدداً.. *** تعاقب الليل والنهار ليمُر شهراً كاملاً بحزنهِ وفرحه بضحكاتهِ وبكاءه بضيقهِ على البعض وفرجه على الأخرون وهكذا هي الحياة التي تدور عجلتُها كل يوم .. في أحد أكبر السجون في منطقة الرياض وبعد منتصف الليل كان ساجداً للواحد القهار للعدل للحي القيوم ويبكي بكاءَ المظلوم الذي سُلب حُلمهُ أمامُ عيناه بين ليلةٍ وضُحاها ويدعوا دعاءِ المظطر.. بين فرحة القبول في أعرق جامعات أميركا ووثيقة التخرج بدرجة الدكتوراه ومرور سنينها بأنتظار فرحةٍ كهذا أمسى بين أحضان عائلته بفرحة منتظراً الصباح ليبدى عملة في جامعة الملك سعود ليصبح على رجال الشرطه في وجهه واخذهِ امام انظار والدته بتهمة تهريبُ المخدرات ..ابشع تُهمه على الأطلاق مخدرات !! وكيف؟!!! وهو الذي كان من أشد المعارضين حتى لشُرب الخمر ..تُهمه فضيعه اردتهُ بين أربعةِ جدران مظلمه وقتلت حُلمه أمام عيناه.. رفع رأسهُ من السجود بعد أن افرغ ما ألم بهِ ذكرى وألام ومرارةِ ظُلم بعد أن رجع لمرقده كان بجانبهُ مُسن قام وجلس بجانبه ثم همس له:والله الذي لاإله إلاهو أنها بتفرج ياولدي توكل عليه وحده ثنيان:ولاغيره أحد ..الله ينتقم من الظالم ابو عبدالله:مايبلا الله العبد إلا انه يحبه ..علمني وش قهرك ياولدي؟ ثنيان بعد تنهيدة قويه:والله ياعم أني مالي علاقه بالمخدرات ولا اعرف طريق اهلها درست بأمريكا ورجعت بشهادة الدكتوراه واصبحت على هالتهمه اللي كسرت ظهري وهذي خامس سنة بين ذا الجدران فقد عملي وتخلوا عني الأحباب والأصحاب والقرايب طبطب على كتفه ابو عبدالله:ماتخلى عنك إلا اللي مايستاهلون طيبك خلان الرخا واجد وانا عمك ثنيان:الله المستعان وأنت ياعم وش جابك هنا عساها ماهي بكايده؟! ابو عبدالله :ديون ماديون اعرست بنتي الصغيرة القعده ونقص عليها مهرها وتدينت لي من رجالٍ من جماعتي خمسة عشر الف ولاقدرت اوفيها وهذا انا هنا بسببها ثنيان:الله يفرج لك قطع محادثتهم صوت حارس السجن بصوته العالي :ثنيان خالد زياارة استأذن من المسن الذي اصبح رفيقٌ له بعد سجن عاماً كاملاً لوحده وضعت القيود بيده ليدخل المكان المخصص للزيارة تقدم منه الزائر وقبل انفه لزام:وش حالك؟ ثنيان:والله ياخوك من سوء لأسوأ تعببت ماعاد اتحمل لزام بإبتسامه:واللي يقولك أنها فُرجت ثنيان بإمل:شلون؟ لزام:اسبوع ولا اسبوعين وبيشملك عفو ثنيان بفرحه؛انت صادق لزام:اي والله ماجاك الا الصدق ثنيان بفرحه شديدة سقط على الارض ساجداً وهو يحمد الله ويبتهل له رفع لزام من الأرض عندما سمع بكاءه الشديد لزام بأخوية:ياولد قمم اساساً الجهات العليا ماكانوا مصدقين هالتهمه ثنيان بضحكة قهر:ويومهم مو مصدقينها ليه خمس سنواات لييه لزام بعقلانية:الأدلة اللي بسيارتك ألجمتهم وش تبيهم يسوون ثنيان بعد صمت:وش اللي تغير الحين؟ لزام:تم القبض على مجموعة اشخاص وخلال التحريات والتحقيقات اعترفوا انهم سوو هالشيء انتقاماً من جلوي ثنيان بإبتسامة على ذكراه:عمري كله فدا لأبو سعد لزام بضيق:يخسى ثنيان:ولد ماتعرف وش وراه ولاعمره تخلى عن اصحابه أنا متأكد أن ما ابعده عنا إلا شيٍ كايد لزام بضيق شديد:اقطع سيرته تبي شي تامر على شي؟! ثنيان:ايي ولاعليك امر ابي استخدم جوالك مده بهاتفه بعد أن انهى امره ..اخذ هاتفه لتعقبه رسالة من احد البنوك تحويل لزام بإستغراب:ليش محول لي وش تبي اسوي فيها ثنيان:شف الشايب اللي معي عليه دين 15 ألف عطها صاحبها لزام:زيين ابشر مع ان مالي دخل في هالمركز لكن ابشر بروح للضابط بعد ما اسحبها ثنيان:بيض الله وجهك ..نهض بعد أن اتى العسكري ليعيده لسجنه .. *** جامعة الملك سعود -كلية الحقوق خرجت من قاعة الأختبارات هي وصديقتها احتضنتها بفرح شديد لتهمس سارة:واخيييراً خلصنا اخر اختبار سندس:الحمدددلله ياربي مو مصدقه مرره فرحانة سارة:وش رايك نسوي حاجه عمل خير يعني شكر لله سندس:اممم فكره حلوة سارة وهي تلم شعرها الطويل:شرايك نزور دار ايتام وكذا نفرح الاطفال سندس:تم ونشتري لهم ملابس والعاب وصلوا البوابة للخروج سارة:يلاا تم اسمعي بما أننا نعتبر مُحاميات وش رايك نفتح لنا مكتب خاص سندس: لاا اصبري الأفضل نشتغل بمكان له سمعته تعرفين في الدول شيء اسمه نقابة المحامين نشتغل معهم فترة بعدين نشتغل لحالنا لأجل ناخذ شهادة في رفع اخلاقيات المهنة.. سارة: اي الله لو ناخذه من لندن ولا نيويورك 🧡🤦🏻♀ سندس :فكرة جبارة بس مين بيروح معنا لزام طول عمره مشغول وابوي بعد لكن لزام بيضبط امورنا لو نشتغل بمكان في وزارة الداخلية سارة بمزح:اخخخ لزام فيها خلاص متطمنه على مستقبلي.. سندس تضربها بحُب:هههههههههههههه انتي حماره ولا ايش مو تقولين ولد عمك خطبك سارة بتمثيل:وخزيااااه نسيت صويلح ههههههههههه على طارية كلمي ابوك في قصة نقابة المحامين بلندن انا ابوي عادي بيروح معي وان تزوجت صويلح بيروح معي من ورى خشمه لاشغل ولامشغه سندس تغطي وجهها: ههههههههههه مجنونة انتي شوية احترام ع الاقل للشخص اللي بيكون زوجك اسمعي شرايك نروح الليلة مول نتسوق ونتعشا سارة: ههههههههههه اوك بروح اتسبح وازيل تعب السنين وانام وبتصل فيك سندس:اوكيه ونطلع كلنا امك وامي كذا جلسه حلوة سارة:تممم *** خلال ثلاثون يوماً فقط استقر فياض واخواته بمنزلهم الجديد بالرغم من معارضة مرام لهذا الأنتقال وجعل فيض تلتقي بهناء وتصبحن صديقات وكأنها صدفه وهي خلافُ ذلك 😂😂😂اسمحوا لي ضحكت من جنون ولدي المهم ... خرج فياض وفيض من الباب فلديها موعد في أحد العيادات الخاصة كانوا سيقلون المصعد لو أنه رأها تصعد الدرج ليدفع فيض امامه متوجهين للدرج وهو يهمس فياض :اااه ياقلبي فيض :خييير شفيك بغيت تطيحني فياض تجاوزها لينزل ويمر بجانب هناء التي تصعد ما أن تجاوزها حتى اغمض عيناه وتنفس حُباً لهناء ابطئ خطواته وهو يسمع حديث فيض بينما هناء كانت تتحدث بهمس تمنى لو أن صوتها عالي قليلاً صعد سيارته ودقات قلبه سريعةً بعض الشيء صعدت فيض بجانبه وهي تبتسم:هههههههه ياعيني على حركات الحُب تدري شتقول فياض بضياع:وش؟ فيض:تقول لي اخوك ذا اذا مر من عندي خنقني بريحة عطره وع فياض يمثل العصبيه وهو ينزع عقاله :يازين من يهفك به ،تعقبين ماهي بطويلة لسان مثلك فيض:ههههههههههههههههههه امزح عازمتني انا ومرام ع العشاء فياض بتنهيده:لبببى زوجتي السنعة ولبى طوايفها فيض:من قال بتصير زوجتك هاه؟!بعدين تراها طبيبه يعني في عملها اختلاط وأنت متحجر وغيور ماتناسبون بعض فياض بعقل وهدوء :المحترمه وأنا اخوك محترمه واللي تهمس لك بالسلام وماسَمَعَتْ صوتها الرجال ماعليها منقود ..أنا ماني بمتحجر صح غيور لكن غيرتي بحدود فيض بإبتسامة:الله الله طلع الشايب اللي داخلك بالله نبي الرجل المزوح فياض: ههههههههههههههههههه وين عيادتك فيه بس؟ فيض:في حي النفل طريق الملك علدالعزيز مخرج 5 فياض:الحين أنتي كل شهر عيادة والله وجبت السيارة والرخصه مشاويرك كثيره فيض:ههههههههههههه لا بس يمدحون هالعيادة فياض:طيب كم يبي لك من ساعة فيض:ساعتين تقريباً فياض:تمام أجل بطلع أنا والعقيد لكوفي واذا خلصتي اتصلي فيض :الله لايحرمنا منك بعد أن نزلت ذهب ليمر بطريقة أحد الحارات كانت تتبعه أحدى السيارات من نوع جيمس سوداء كاتمة لاحظ أنها تتبعه فعلاً عندما دخل الحارة الثانية فتح هاتفه والتقط رقم اللوحه وارسله لأحد زملائه ما أن اغلق الهاتف حتى قطع سيره سيارتان من نفس النوع نزل منها عدد من الأشخاص يرتدون الأسود تماماً وعلى وجوههم أقنعه سوداء كذلك دخل معهم في عراك كانوا هما المنتصرين فالكثرةُ تغلب الشجاعة قيدوا يديه وقدميه وأخذوه معهم وهو فاقداً للوعي . *** - ماراجعت الفصل ادمحوا الزله يالربع 😂😔💔🚶🏻♀🌱 | ||||||||
|
| |
|
04-10-19, 05:22 PM
| #25 | ||||||||
| مراقبة عامة ومشرفة منتدى الروايات المنقولة
| مساء الخير جميعاً فصل لطيف خفيف إن شاءالله يعجبكم أعتذر على التأخير وقراءة ممتعه 💛💛 // " عَيْناكِ دَفْقَةُ السَّنا وَرَقْصَةُ المُنى اللَّوْنُ فِيهِما مَرابعُ الجَمالْ أحْبَبْتُ فِيها مَنابعَ الوَفا وَرُحْتُ ثُمَّ غِبْتُ في مسارِحِ الخيالْ لِلّهِ مَن رَنا يُجمِّل الدُّنا الْفَنُّ قّدْ جَنَى لأنَّكِ المَنالْ إطْلالَةُ الضُّحى وَفَجْرُنا صَحَا في عَيْنِكِ امَّحى تَوَهُّجُ اللآلْ. " || كان جالساً بمكتبه لينهي بعض الأوراق المتعلقه بأحدى شركاته ليرسلها لوالد لازم ولكن دخلت عليه حنين ليصرخ بها لعلها تخرج فهي تزعجه كثيراً بالأونة الأخيرة جلوي بنرفزه:زمرد اطلعي برى تشوفيني مشغول حنين بعناد:زمرد يعنني معصب مو بطالعه شبتسوي؟ جلوي:افففف قسم بالله ماتحصلين خير اطلعي تراك شوشتيني كلها ورقتين بخلصها اطلعي حنين بعناد تجلس على الأريكة السوداء الطويله:لااااا على قلبك لما تسمعني جلوي :اطلعي حنين بطفوله ترفض كما الأطفال بينما هو فعلاً اصبح مشوشاً واجتمعت الضغوط عليه من جميع النواحي وعندما يغضب لايعي مايفعل نهض بعصبيه بعد أن رمى علبه زجاجيه كان بها عدة اقلام على الجدار لتشهق حنين خوفاً ولسان حالها يقول (تستاهلين خلي طولة لسانك تنفع اقترب منها لتتراجع للخلف بخوف:خلاص والله والله ما ازعجك بطلع بطلع ليشدها من شعرها بقوه لتصرخ باكية حنين:اي اي خلاص فكني دفعها للخارج واغلق باب المكتب بقوة مسكت شعرها من الخلف بألم المتبعثر لتهمس بقهر:الله ياخذك حمار عصبي مريم وهي تمر بجانبها:هو في حمير تعصب وحمير لأ ربنا يهديكي حنين:اخخ شعري كنت ابغى اطلب منه نسافر لندن بس الحمدلله خرجت من عنده باقل الأضرار مريم:هههههههههه عايزاني اقوله حنين:لاا لا خلي هالكلام بيني وبينك بعدين خلاص طابت نفسي ما ابغى اسافر ايش مسوين عشاء الليلة؟ مريم بحب:مسوية محاشي يحبها قلبك حنين:عسى مسويه ورق عنب بعد ؟ مريم: ااااه اكيدد حنين:كويس الله يسلم يدينك خلاص بروح اتابع لي فلم او شيء لما يطلع البغل هذا مريم :ههههههههههههه انتي بتقولي ايه مره حمار ومره بغل يابنتي لايسمعك دنتي عارفه انه مايحبش الكلام المش كويس ابداً حنين:ماراح يسمع ارتاحي اذونه فيها بلا لكن اصبري وربي ما اخليه بسوي له حاجه تخليه ينسى نفسه باقيه بقلبي سفرته للرياض من دوني مريم وهي تتجه للمطبخ الرئيسي :ربنا يصلحكو ويحفظكم لبعض حنين مشت متجهه لصالة السينما المصغره سمعت صوته وهو ينادي من داخل المكتب ويقول:تعالي يا ام لسان حنين فتحت شعرها واخذت وضعية الركوع وجعلت شعرها امامها ونفضتهُ بقوة ثم اعادته للخلف وكأنها لم تسمع وذهبت لتبحث عن فلم مناسب بعد ساعة من اندماجها بالفلم رفعها من شعرها لتصرخ:اخخخ شعري فك فكه انت انهبلت على الاخر جلوي برواق وبعد ان جلس بجانبها:ههههههههههههههههه شسوي شعرك يغري اني امسكه كذا حنين التفت له بعصبيه:شعري صار يتقطع من كثر ماتشده كذا بقصه والله جلوي:ياويلك تقصينه حنين:خلني ارجع لأمي والله ان اقصه واقصك من حياتي جلوي بتجاهل:وش قصة هالفلم؟ حنين :واحد مرره مجرم خطف البنت من اهلها عشانه حبها وهم رفضوا يزوجونه لها جلوي:هههههههههههههههههههه� �ههههههههههههه يعننني اقط نغزات ترى اهلك زوجوك لي وهم فرحانين بعد حنين:والى متى وحنا هنا ؟متى نرجع للرياض خلاااص سنتين ونص كفايه جلوي بجدية وهو يضع يده خلف عنقها ليشدها له :خلاص هانت اصبري كم شهر بس حنين بعبره :دايم تقول كذا مافي جديد! جلوي تغييراً للموضوع:وش رايك نسافر نغير جو لندن أو فرنسا ولا نروح يم أختي ام هاجر في لوس أنجلوس حنين تصغر عينها:لندن هاه قالت لك مريم جلوي:هههههههههههه لا محد قالي زوجتي واعرف وش في خاطرها حنين:لاتنطلي علينا هذه الحركات ،وبعد عادي نروح لهن كلهن جلوي :الطمع مو زين يابنت نايف حنين:ووه لبى نايف وطواريه نهض جلوي قبل أن تستريل في الحديث وينتهي بالبكاء همس وهو خارجاً من صالة السينما :على الأسبوع الجاي أن شاءالله بنسافر بس اضبط اعمالي هنا حنين ابتسمت ابتسامه واسعة بالرغم من أنها لاتعشقه كما يعشقن النساء ازواجهن فقط القليل من الود والأحترام فهي متخذه قراراً لارجعة منه عندما تعود لأحضان عائلتها ستتركه يفعل المستحيل كي يسعدها وهي سعيدة ولكن ليست تلك السعادة التي تجعلها تعشقه فما فعله ذنبٌ لايغتفر في نظرها *** بحديقة العليا بالرياض قُبيل صلاة العشاء كانت جلسه دافئة عائلية متكونه من دلال وطفلها الذي يلعب بالقرب منهم وأم ثنيان المرأة المسنة اللطيفه وسارة التي أحبتها كثيراً همست سارة بحماس فقد كانت والدة ثنيان تقص عليهما قصة زواجها من الحبيب الذي اختارته من بين كل الرجال :ايوى ياخاله وكيف تزوجتم؟! ام ثنيان بإبتسامة وحنين للحبيب المتوفي:اييه ياملي مابوه حد يوافق على عرسنا كله عشان خاطر شليويح فرحت لمه وقلت لوه يابن عمي انا ماودي بك وكان الله يرحمه رجلٍ شهم من قلت لوه اني ماودي بك راح لم ابوي وقاله زوجوها خالد والله انوه رجل كفو وأنا الشاهد الأول الله يجعل عظيماتهم الجنة واعرسنا ورزقنا الله ثنيان ومن ثم فارس ومروة الله يصلح لهم حالهم ويهديهم دلال عندما رأت دموعها اجتمعت بعينيها همست:امين ويرزقك برهم ويجعلك تشوفين ثنيان قريب سارة لتغيير الموضوع عندما رأتها تمسح دموع عيناها بطرف شيلتها:والله ياخاله قصة حبكم تصلح رواية أجل ولد الجيران والمزرعة كانت مكان المواعيد الغرامية فضحكت ام ثنيان من قلب واردفت قائله:هههههههههههه ماقلت لتس أني طحت بحفرةٍ بالمزرعة والمسيكين توهق دلال بضحكة من قلب سبقت سارة التي كادت أن تسقط على ظهرها:هههههههههههههههه عسى ابو ثنيان ماهو هو اللي طلعك منها ام ثنيان:ههههههههههه لا تسانت أخته قريب حولنا وصوت لمها وهي الله يجزاها الخير طلعتني من عقبها بأسبوع سير على أبوي وخطبني سارة:هههههههههههههههههه الله ياخاله الله يعيد ذيك الأيام وألقى لي حبيب مثلتس دلال تضربها على جنبها بعصا اسفنجية كانت لعبدالله ابنها:ياللي ماتستحين على وجهك وصالح مو مالي عينك ساره:هههههههههههههههههههه� �ههههه ابو وجهه انساه وش اسوي ام ثنيان:ههههههه الله يجمع بينكم بخير يلا يابنياتي ماقصرن هنا خلونا نروح لم البيت دلال وهي تحمل ابنها لتضعه بالكرسي المخصص له:يلا وأنا بعد عند مناوبه الساعه ست ابغى انام بدري سارة بمرح :والله أنا عاطلةٍ باطله أن تسان زوجة خالد بتقص علي قصص تسذا بجي معكم دلال:لا ارجعي بيتكم اشغلي نفسك في شي ماقصرتي من ظهر وانتي عندنا ولا روحي دوري صور صويلح وتمقليه ههههههههههههههه ام ثنيان:خلصن القصص اللي معي تسان تبي اقصص عليتس وش سوينا ليلة الدخله عشان تستفيدين ليحمر وجه سارة ويجتمع الدم بوجهها تحدثت بصوت مرتجف:لااا وشش ابي في ليلتكم خلاص رجعوني لأمي ام ثنيان:ههههههههههههههههههه� �هه والله اللي عاد بوه ليلٍ اقشر قافيتس دلال:هههههههههههههههههههه� �ههههههههه احسن تستاهلين ماجاك خلي طولة لسانك تنفعك سارة وهي تنهض للسيارة :ياكلمة ردي مكانك خلاص ماعاد ابي مجالسكم والله لااخليكم تفقدوني ام ثنيان بعفوية :ياويحي عنتس انحنت دلال لتساعدها على النهوض:يلا يايمه قومي عطيني يدك صعدن السيارة ثم عادوا للمنزل ودلال تشعر بشيء ثقيل على صدرها لاتعلم ماهو احساس ليس بجيد خائفة من أن يعود من جعلها جسدها ندبات وجروح على مر سنين .. **** بعد أربع ساعات كانت بملاذها الوحيد وصدر الأخت الأم الحنونة كانت تبكي وتشهق بقوة فيض:مرااام تكفين مرام انا متأكده فياض فيه شيء مو عوايده تكفييين مرام بخوف مخفي وتمسح على شعرها ودقات قلبها تزيد:بس ياروحي اهدي خليني افكر ان شاءالله مافيه الا العافيه فيض تبتعد عنها :وش مافيه الا العاافيه اقولك اتصلت فيه خمسين مره وانتي بعد ولا رد علينا والله فيه شي والله ركضت لغرفته وفتحت مكتبه وبحثت بين اوراقه لعلها تجد رقم زملائه او اي شخص يهمه الا مر لحقت بها مرام لتراها تبحث بجنون وعدم تركيز :وش تسوين يامجنونه اهدي!! فيض:ادور رقم صديقه ولا شيء ولا ذاك العقيد اللي دايم معه انا متأكده ان فيه بلا مرام :فيض الله يهديك تراك جالسه تخرشيني انتي تعرفين فياض دايم له حركات كذا تلقينه مع اصحابه ولهى معهم فيض:مرااام افهميني فياض مستحيل يتركني بالعياده كل ذا الوقت مستحيل انتي تعرفين فياض دايم حريص في هذا الأثناء طُرق الباب لتتحدث مرام:هه شفتي اكيد هذا هو ذهبت مرام لتجد هناء بالباب لتتحدث هناء بعد ان ازاحت الطرحه من وجها:مساء الخير كيفكم ،وينكم تأخرتم أمي تنتظركم من وقت مرام بعدم فهم:ليش؟ هناء بإبتسامك :ماقالت لك فيض أن أمي عازمتكم على العشاء؟ مرام بضحكة ظاهريه بعكس التوتر الداخلي :الله يهديها اكيد نست هناء:يلا هيا والله أمي جالسه تسوي العشاء من قبل المغرب مرام:إن شاءالله ربع ساعة ونحن عندكم اغلقت الباب بعد ذهاب هناء لتعود لفيض همست معاتبة:ليش ماقلت أن هناء وامها عازمينا على العشاء ياشينه جالسين ينتظرونا من وقت فيض بأختناق:يارررببي مرام انا وين وانتي وين روحي أنتي انا مو رايحه مرام بحزم:يلا عن الدلع قومي البسي وهيا غسلي وجهك وحطي شوية ميك اب الحرمة جالسه تشتغل من مغرب وانتي ساكته فيض:اووف اتركينا من ميثاليتك مرام ماني في حال اكل او قهوة مرام بعصبيه بعض الشيء:ولا كلمه زايده بتروحين وتتقهوين وتتعشين وتبتسمين قدري تعب ام هناء ع الاقل يلا معك خمس دقايق بس فيض:طيب خلاص لاتهاوشيني كذا خرجت مرام من الغرفة دون ان ترد على كلامها بعد ربع ساعة كانوا قد دخلوا شقتهم التي تعج برائحة البخور والقهوة لتفز والدة هناء عند رؤيتهم مرحبةً :يامرحبا يالله حيهم والله ان شوفتكم تسعدني يامرحبا ومسهلا تو مازان خاطري احتضنت مرام بشده وكأنها ابنتها ردت مرام :الله يسلمك ياخالة أنتي والله شوفك يسر العين ومجالسك يسر القلب كيف حالك طمنيني عنك كيف صحتك ام هناء:الحمدلله بخير ونعمه يابنيتي كيف حالكم أنتم كيف حال وخيك عساه بخير هُنا انفجرت فيض بالبكاء لم تستطع منع نفسها خرجت من المجلس لاتعلم الوجهه لحقت بها هناء بينما والدتها تحوقل سألت مرام ماذا يحدث؟ لتخبرها ماجرى وظنون فيض المخيفه همست لتهدئة الوضع ام هناء:مافيه إلا العافيه إن شاءالله رأت هناء تمسك فيض بيدها بعد أن هدئت قليلاً اشارت بيدها ام هناء:فيض يامي تعالي عندي هنيا ازاحت العصا التي تسندها جانباً ثم وضعت يدها حول اكتاف فيض لتشدها ناحيتها واسترسلت في حديثها الذي يبعث الطمأنينة ومن ثم انهته بمزاح لطيف :وخيك مافيه إلا العافيه إن شاءالله ولاتخافين يابنتي اللي محافظ على صلاته ومتوكل على ربه فالله حافظه من كل شر وريحي بالك وطمني قلبك والله أني اودعكم عند الله كل يوم وكأنكم عيالي الله يرضى عليك لاتفكرين بالأمور اللي تضيق خاطرك فكري بالزين دايم ماتدرين خاف انه معرس من وراكم ولهى مع حرمته ابتسمت فيض :الله يطول بعمرك على طاعته لااا قصة الحرمة نبيك تنقينها انتي له .. لتسلط انظارها على هناء بخبث وتلك تشير لها بعيناها وحواجبها بمعنى لما تحدقين بي هكذا!!! ام هناء بضحكة:يبشر والله يتخير بس وانا اخطبها له مرام:الله يمتعك بالصحة والعافية ويجزاك خير اكملوا سهرتهم وعند حلول الساعة الثانية عشر بعد منتصف الليل استأذنوا وعادوا لشقتهما وهم غياب فياض لم يجعل لعينيهما أن تهتنئ بالنوم مما جعل مرام تتصل بالمركز تسأل عنه ليجيبها العقيد ساير مباشرة وبهدوء:قفلوا الباب عليكم كويس ونحن بنجيكم ومن ثم أغلق السماعة دون كلام زياده كان العقيد وبعض زملاءه في غرفة مليئة بالشاشات والأجهزة يبحثون عن شارة هاتف فياض ألتفت لأحدهم وسأله:لزام وينه ليش ماجا؟ -لزام في إجازه اليوم ويقول بيروح للشرقية العقيد:اتصل عليه خله يحضر الآن ضروري يعرف اللي صار رن هاتفه بعد أن أنهى كلامه ليذهب لجهة المكتب ويرد على الأتصال .. بينما مرام جلست على الأريكة وتساقط دمع عيناها بشده الآن أيقنت أنه ليس بخير عندما رأتها فيض بكت بصوت عالي جداً واحتضنتها وهي تشهق وبين بكائها:تأكدتي الحين أنا..قققلت أن فيه شيء بكت مرام بصوت مرتفع قليلاً وصدرها يهبط ويرتفع من الخوف بعد نصف ساعة استعادت وعيها واستجمعت نفسها على طرقات الباب الخفيفه لايجهلها مركز فياض الحساس رُبما من بالباب أحد يكن لهُ الكراهييه والحقد مسكت فيض بيدها وهي تهمس لها بالصمت أدخلتها غرفتها وأغلقت الباب واقفلتهُ من الخارج وبكائها يعلو أرتدت عبائتها ودخلت غرفة فياض وأخذت المسدس الصغير الخاص به اقتربت من الباب وهي تهمس بـ من عند الباب؟! *** أشوف أني صرت أحب الصور المرفقه وإلى الآن لم أجد صورة شخص تمثل جلوي 🌞🚶🏻♀ - إلى اللقاء 💛🌱 | ||||||||
|
| |
|
08-10-19, 04:22 PM
| #26 | ||||||
| سلام عليكم قرأت روايتك و سعدت بها جدا و اصدقك قولا روايتك بذات احتاجها في وقت زهدت فيه تذوق عبق روايات أجد روايتك تاسرني لتعيدني إلى عالمها من جديد أتمني أن تكملي فيها ولا تتراجعي غيرك يرا في رواياتك ملاذ فلا تخذلي قرائك عزيزتي اعجبتني روايتك جدا قصة حنين و جلوي تجذب أكثر شيء واصلي و أعدك بنظرتي ان روايتك لن تقف هنا بل ستصل لابعد افق فقط أنت اكتبي و تمتعي و متعينا معك اتمنى حقا وصول روايتك للاعلى فهي تستحق وفي أخير سرني ان اكون من متابعين روايتك تقبلي مروري و دمتي ❤ | ||||||
|
| |
|
18-10-19, 01:05 AM
| #29 | ||||
| السلام عليكم الرواية كثير حلوة وتسلمى عبير على هالابداع على فكرة انا متابعاكى من ايام صوت المطر كنه تعاتيب خلان ومعجبة جدا باسلوبك واهنيكى على اختيار مواضيعك اللي بتطرحيها من خلال الرواية اكيد كل رواياتك حلوة بس هاي انا حاسة انها الاجمل انا ضحكت من جد ومن قلبي والله على شيئين في الرواية اول شي ان احدى بطلاتك اسمها على اسمي والثانى لما تكتبي بلهجة اهل الاردن مو زابطة معك بس حلوة والله اما الصور في الوتباد روووعة وقريبة من الابطال ما عدى ام ثنيان والجد ام ثنيان ما بعرف ليش لما بقراء فقرتها بتخيل الفنانة اسمهان توفيق اما الجد كبير كثير في الصورة .... عموما كل شي حلو ورائع ونتمنى نكمل للنهاية في انتظارك ... تحياتي | ||||
|
| |
|
21-10-19, 11:37 PM
| #30 | ||||||||
| مراقبة عامة ومشرفة منتدى الروايات المنقولة
| الفصل الحادي عشر // مرحبا ياجميلات مساء الخير أولاً أتمنى تعذروني على التأخير لأنني طالبه جامعية على ابواب التخرج فدائماً انشغل مشاريع بحوث اختبارات فترات وإلى آخره ثانياً طالع لي سن العقل ومجننني تعرفون عاد ألم الأسنان💔😭مايكون لي نفس حتى اداوم لكن إن شاءالله تتم هالرواية على أتم وجه 😌💕 حاجه أخيرة أمواج الخريف شنو اسمك عشان أحب البطله بكل مافيها😂 يكفي أنك تقرين لي من زمان سعيدة جداً بـ هالشيء الصورة اللي تمثل جد حنين بصراحه مالقيت صوره مناسبه لكن حطيت هالصورة لأنه كان يقبل العلم لأوضح قوة ولاء الجد للوطن بالنسبه لأم ثنيان الفنانه اسمهان طويله ومليانه وقويه بعد فيمديها تصفق بنتها لين تدخل تحت سابع ارض😂😂😂🤦🏻♀ فما اشوفها مناسبه زياده على ذلك سبق شفت مقطع لمسنه وبنتها ترميها فلامسني هالشيء😢💔 بالنسبه للهجة الأردنيه يخرب بيت عدوي استاهل من قال لي اتفلسف هاه ههههههههههههههههه أنا قبل اتابع مسلسلات اردنيه بدويه واخذت منهم المهم انتم اقروها بلهجتكم إن شاء الله في يومٍ ما ازور الأردن واكل المنسف بطريقته التقليدية واجلس عندكم شهر واتعلم اللهجه على اصوله وقراءة ممتعه لكم . 😂💛💕🌚 // "لا أحملُ العُقَد القديمةَ فالسلامُ على ضياعكِ من دمي سكتَ الكلامْ فلتأذني لي مرةً أخرى لأعُلنَ سرَّ غربتنا وسرَّ حكايةٍ عبرتْ موشحةً بأغطيةِ الظلامْ قالوا حرامْ .. فقلتُ إنْ نبقى حرامْ حزنٌ يجرُ الحزنَ يأسٌ دائمٌ خوفٌ عذابٌ مُنتقى ، زيفٌ وألوانُ الكآبةِ بانسجامْ لا تنتهي قصصُ الهوى دوماً بوردٍ أحمرٍ أو أبيضٍ أو غصنِ زيتونٍ وأسرابِ الحمامْ نحن ارتضينا قصةً أُخرى" //// أرتدت عبائتها ودخلت غرفة فياض وأخذت المسدس الصغير الخاص به اقتربت من الباب وهي تهمس بـ من عند الباب؟! دقات قلبها تتزايد تكاد تختنق بخوفها حاولت الهمس بمين عند الباب ولكن حبالها الصوتيه خانتها .. صرخت وسقط السلاح من يديها عندما كسر الباب بقوة سقطت ارضاً وهي تبكي ليهمس من الباب بهلع بعد أن ألتف بجسده للجهه الأخرى :السموحه والله كنت خايف عليكم انا لزام خوي فياض تطمني بعد أن استجمعت نفسها قليلاً سألته مرام بخوف :فياض حي؟ لزام بهدوء:إن شاءالله أنه بخير الحين ممكن تتجهزون بحطكم عند أمي الوضع مايحتمل التأخير بكت مرام وهي التي كانت منبع للقوة والتحمل للعائلة ليستعجلها لزام:عجلي يابنت الحلال البكي ماين.... قطع كلامه عندما سمع صراخ فيض وضربها للباب لزام بتوجس:وش فيها اختك؟ نهضت مرام وذهبت لها لتفتح الباب لتخرج فيض وشعرها مشعث وهي تبكي احتضنت مرام وهي تتحدث بأنتِ بخير وأين فياض لما بكت مرام سقطت على ركبتيها وهي تبكي نافيةً ماجاء على بالها لتصرخ بها مرام وتحاول نهوضها:قومي قققووومي مافيه شي طيب بخير قومي فيض ببكاء:اااا والله كنت حاسه ابغى ابوووي اخوي حبيبي تكفييين مرام بموت بموت مرام:ياروحي بس لاتقطعين قلبي استودعته الله استودعته الله فيه هذي الأثناء تحدث لزام بقلق:يااابناات بسرعه الله يرضى عليكم مرام:ان شاءالله دقايق بس فيض:ايش وش يبغى وبن بنروح؟ مرام:قومي ياعمري ياروحي البسي عباتك بعد عشر دقائق كانوا بسيارة لزام بالخلف كاد أن يحرك سيارة لو أنه تذكر و همس بحبيبة فياض لنفسه ولكن فيض فهمته لتفتح هاتفها وترسل لها بأن تنتبه لنفسها ولاتخرج من المنزل بينما لزام عزم على أن يأتيهم غداً ويأخذهم معه كذلك وصل منزل والديه ليقول:تفضلوا حياكم الله الوالدة بإنتظاركم ما ان نزلوا من السيارة حتى ذهب مسرعاً للمركز مشت مرام وفيض بهدوء وخجل ودموع فيض قد أغرقت نقابها استقبلتهم والدته المسنة فهي كانت بإنتظارهم منذُ أن اخبرها لزام ماحدث فقد كان بجانبها عندما ورده الأتصال من المركز ام لزام:حي الله ضيوفي يامرحبا تفضلوا يمي من هِنا عندما دخلوا اخذتهم مباشرةً لقسم الضيوف لتقول :ارتاحوا هذا قسم معزول عن البيت واعتبروه بيتكم واخيكم إن شاءالله انه بخير مرام:الله يجزاكم خير لكن بالله عليك أن عرفت شصاير طمنيني مسحت على ظهرها بحنان بالغ ام لزام:إن شاءالله ناموا وريحوا ومن اصبح افلح وانا امك بينما لزام وصل المركز ليدخل وروحه مختنقه بشده لزام:هاه بشرو شصار العقيد ساير :عرفنا قبل شوي مكان سيارته و أن فياض أرسل لأحد الزملاء رقم لوحه أحدى سيارتهم لزام بهدوء:وين سيارته بروح العقيد:راحوا الشباب يكفون لزام بصراخ:لااا وين الموقع انا بروح وارسلوا لي العقيد هز رأسه يميناً وشمالا وهو يرى مغادرة لزام ركضاً:يارب لاتمتحنا في فياض يارب انه في ودائعك بعد ساعة من المسير وصل لزام الموقع وكان سيارات الشرطة مطوقه بالمكان دخل سيارته ورأى هاتفه وبعض اعراضه شماغ عقال كبك بقايا قهوته منسكبه.. التفت لمكان العراك ليرى سبحته ساقطه على الأرض اخذها ووضعها في جيبه وبعد أن سحبوا سيارته همس لزام لأحد رجال الأمن :مافيه كميرات مراقبه شيء هنا؟ رجل الأمن:لا طال عمرك هذي حارة لاتصلها جميع الخدمات للأسف فمن المستحيل أنه يكون فيه كميرات مراقبه ضرب بيده على سيارته بقهر وحسره بعد عدة ساعات وبعد أن تم استنفار الجهات المختصه والبحث والتحريات تم ايجاد السيارة التي ابلغ عنها فياض بأحد المعارض وكانت بأسم شخص كبير بالسن تم استدعاءه وقال بأني من استأجرها حفيده وليس له ادنى معلومةً عنه فقد كان اخر عهد به عندما ذهب معه لإستأجارها الأسبوع الماضي العقيد ساير بن منصور:طيب ياعم خابر له مكان يروح له او يزوره بشكل متكرر استراحة شباب ولاشيء اجاب ويده ترتفع بأرتجاف:والله يولدي ماخبر شي يزورني بين فتره وفتره ولاادري وينه هو وش هو مسوي علموني؟ عسى ماهو بشيٍ كايد لزام ضاغط على اعصابه كاد ان ينفجر ليشد ساير على يده ثم اجابه:توكل على الله ياعم ماهو شيٍ كايد قاطع له اشاره بعد ان خرج برفقة احد العسكر الذي يرافقه اخذ لزام الكأس الزجاج ليقذف به بأتجاه العقيد ساير بتهدئة:استهد بالله يارجال بنوزع رجالنا حوالي بيت جده وبنمسكه من يوم يجي لزام بثوره:ومتىىى يجيي هاه تظن انهم ماراح يعذبونه ماخطفوه الا يبون شي ماراح يخلووونه الله اعلم وش بيسوون له.. سقط على ركبتيه ليجهش بكاءاً ضعفاً وحسره لينصدم ساير يعلم انهم اصحاب منذُ امد ولكن لم يتوقع بكاءه مسك كتفه ليهمس :تبكي يالزام! لزام:وليش ما ابكي وليش هذا فياض هذا اخوي اللي ماجابته امي اااه صدري ضايق انا بروح مع الدوريات اللي يدورونه اكيد انهم بمكان مهجور ماني جالس انتظر لما يقتلونه ولا يسوون له عاهه مستديمه نهض ساير ليضع مسدسه على خصره ثم خرج قائلاً:وانا بعد مشينا نبحث عنه لحالنا بينما هناك عند فياض الذي اصبح لهُ أربع وعشرون ساعةً على أحد الكراسي مربط ومجروح عدة جروح سطحيه بوجهه ويديه دخل أحدهم ليهمس بفحيح :هاه ماعندك نية تتكلم عنه مايستاهل التضحيه فتح عينه بصعوبه وهمس بأمل:بيجيك قريب ويدعس على خشمك :ههههههاهههها ضحكتني يامسكين شوف كله رصاصه بين عيونك وتودع الدنيا مافيه احد يستاهل تحميه فياض بسخريه:مسكين كلها مسألة وقت تحسب انك بتسلم منها والله لايدخلون عليك لو أنك بحضن امك لعب بأعصابه فياض كثيراً دفعه ليسقط على ظهره ويضرب رأسه بحافة طاوله خلفه تحدث ذاك بغضب:كنت ناوي ما ادخل الحريم باللعبة بس شكلك ماراح تتكلم إلا لما نجيب اللي غيرت بيتك عشانها الحبيبة اللي انت خابر ههههههههههه اعمض عيناه بشده وتنفس بعمق كيف علموا عن هناء كييف ! احس بسائل لزج دخل إلى اذنه وما كان سوى الدم الذي نزف من رأسه عندما ضرب بالطاولة همس يناجي الله :ياارب انهم في ودائعك يارب لاتمتحنني في محارمي لاتذوقني قهر الرجال يالله شعر بإغماءة فجأة عندما عاد احدهم ليعدل وضعيته .. مر أسبوعاً كاملاً على الأحداث لا زال البحث مستمراً عن فياض لم يخلو هذا الأسبوع من تعذيبه وحرمانه الأكل والشرب لساعاتٍ طوال *** وفي مكان اخر اخذت حقائبها لتتجه للباب الخلفي متحدثه :ابغى اعرف ليش كل هذا هاه؟ جلوي بهدوء:قلتي ابغى اسافر لندن قلنا تمام ماتبين تدلين الغرفه حنين :بسم الله خلااص برووح للسيارة بينما جلوي تنهد ثم خرج من الباب الرسمي رفع انظاره للجهه المقابله ليرى بعض رجال فرانك يراقبونه كالعادة صعد السيارة وكأنه لم يراهم ألتقى بحنين بالطائرة وضع يده خلف كتفيها ليشدها جهته وبإبتسامه تشعُ حباً:حي الله حبيبتي واخبارك حنين برفعة حاجب:حبيبتك اللي طردتها قبل شوي ولا اللي اخذتها من بيت ابوها جلوي:هههههههههههه حبيبتي في كل وقت وكل مكان حنين:ايي كويس اسمعع ابغى اروح كل مكان واتقهوى في كل مقاهي لندن واتسوووق وكككل حاجه اشتتتقت لأجواء لندن كثير جلوي بإبتسامة وهو ينظر لها كيف تتحدث بطفوله:ماطلبتي شي اللي تبين بنروح كلل مكان حتى اعرف مكان مختص بأنواع الشاي مكان مررره رايق بنروح له كم لي من حبيبة وحده زمردتي وبس حنين تضرب على يده:اسمي حنيين حنيييين جلوي:ههههههههه واحلى حنين بالعالم بما أن الرحلة طويلة شرايك اقولك قصة؟ حنين بضحكه ثم وضعت رأسها على كتفه :تمام يلااا جلوي: اممم بقولك قصة صارت مع واحد من أصحابي قصة حقيقية حنين:اهم شي مايكون فيها جن ورععب ترى اخاف جلوي بحب:لاا مافيها جن ..هذا الله يسلمك صاحبي ناصر تزوج بعد ما تخرج من الجامعه طبعاً يشتغل بشركات ابوه وبنفس الوقت كان يدرس المهم بعد ماتخرج تزوج بنت صاحب ابوه طبعاً بطلب من ابوه هو ماكان يحب البنت بس لأجل ابوه المهم بعد وقت تعرف على شخص من جهة العمل وتطورت علاقتهم مرره توفي ابوه الله يرحمه ووقف معه في العزاء وقفة رجال مرت الشهور والايام وصار هالشخص يزوره بإستمرار ببيته وبالشركة صار صديق له يقول له كل اسراره صار بمكانة اخ في يوم من الأيام وفي الليلة اللي رزق فيها ببنت راح معه لأجتماع مايدري عن ماهية الإجتماع شيء ابداً وكان يقوله إنه عمل بزنس وإلى أخره المهم في ذاك الوقت دوهم المكان من قبل الأمن لكن ناصر هرب مع بعض الرجال منهم صاحبه وصاحب الإجتماع وهو مايدري ليش هربوا.. حنين بإندماج:ها وبعدين شصار؟ جلوي:ابد والله طلع هالأجتماع اجتماع كبار تجار المخدرات والأسلحة حنين بشهقه وهي تضع يدها ع فمها:وصااحبك مايعرف جلوي :للأسف لا وكانوا مصورينه معهم ومهددينه يعني لابسته الجريمة بعد فترة ما استجاب انه يشتغل معهم صاروا يهددونه في زوجته وبنته وامه حنين بعبره:الله ياخذهم ليش كذا؟ جلوي:ماودي اكمل اعتبري انه تخلص منهم بشكلٍ ما حنين وهي تشد على ذراعه:لا كملل لي وش صار جلوي بعد وقت وبحروف متقطعه وبألم:ابد نفذوا تهديدهم وتسبب في مقتل عائلته حنين بشهقة بكاء:امه زوجته بنته كلهم جلوي:ايه سوو لهم حادث مدبر ويهددونه في اخوه وعياله الآن وصار يشتغل معهم مجبر حنين:الله لايسامحهم ليش ماراح للشرطه؟؟ جلوي:هذا اللي سواه لكن بعد ست سنوات عمل معهم لكن مع ذلك حالف أغلظ الأيمان يقتل رئيس العصابة .. حنين:وبعدين وش صار عليه؟!! جلوي:ابد والله كان له صديق من ايام الثانوي صديق حقيقي كان يخاف عليه من الهوى في يوم من الأيام شاف بنت اخوه مدري بنت عمته بالصدفه مدري شتقرب له المهم انه خطبها وتزوجها حنين بصدمه:غبببي ذا ولا يتغابى متوهق مع عصابة وبعد يتزوج جلوي:من ناحية غبي فهو غبي وغبي جداً بس على قوله الحُب غصب يصير عن الأنسان حنين بتفكير:تكفى لاتقول انك صاحبه ومتزوج بنت اختك جلوي:هههههههههه لاا شدعوه المهم أنه يشتغل مع العصابة ومن وراهم مع الشرطه حنين:يعني جاسوس جلوي:كلمة جاسوس مو كويسة خلينا نقول مخبر عميل اللي هي وبس والله قريب إن شاءالله يمسكون الراس المدبر ادعي انه مايصير له شي.. حنين:يارب حراام حزنت عليه كيف تحمل مقتل عائلته لاشعورياً شد عليها جلوي وتنهد بعمق ثم همس :بنام شوي !! حنين شدت على يديه وقلبها يؤلمها على صاحبه هي لاتعلم بإن القصه ماهي إلا قصته هو ربما أراد التمهيد لها فقد قاربت الحقيقه تنكشف ويتضح كل شيء .. تبقى على الوصول لمطار هيثرو مايقارب الساعة وأمامهم مالا يعلمه جلوي ربما تجمع الصدفة حنين بعائلتها في أحد الأحياء أو الشوارع أو المقاهي من يعلم؟! قررت والدتها ووالدها الذهاب مع سندس المده المقرره عليها في عمل نقابة المحامين بلندن أربعة أشهر بما أنها ليست بالمدة الطويلة أرادت والدتها أن تكون بجوارها وتشجعها على ذلك .. **** في مكان أخر وصل الطائف بعد أربع ساعات وتوجه لمنزل أخته يريد مفاجئتها ومفاجأة والدته الحبيبة اشتاق لها كثيراً اشتاق لرائحة الحنا بشعرها لرائحة دهن العود الذي اهداه لها في أحد الأعياد احتفظت به والدته لسنوات طوال.. لم يجد فارس ربما سافر لمكان ما مع عائلته وصل المنزل ليطرق الباب فتحت له مروة بشهقه اعتقد انها شهقة فرح ولكنها خلاف ذلك.. احتضنها بحب وسألها عن حالها واحوالها ثم همس بشوق عارم يجتاح صدره ثنيان:وين امييي ويين مروة بخوف:حياك اخوي تعاال تفضل ارتاح دخل ليرى ابنة اخته ذات الثمانية اعوام احتضنها واخذ يحذفها بالسماء وهو يقول:هذي وعد كبرتي ياحلووه يااااه خمس سنوات علمي فيك ثلاث سنوات ...لأ لأ لأ ليش البكاء ماني غريب انا خالك مروة اخذت ابنتها منه:ثنيان الله يهديك البنت ماعرفتك وانت وهاللحية ماتنعرف جلس وقال بفرح وصوت مرتفع:وين أمي يممممه يام ثنيان يالغاااليه يالحبيبة أناا جيت جلست مروة بجانبه وهمست بإرتجاف وتعرق شديد دليل على كذبها :ثنيان ياقلبي أمي تعبت الفترة الأخيرة لينتفض بخوف:جعلها فيني ولافيها وينهي عسى ماهي بالمستشفى بكاء كاذب دموع تماسيح :تطلبك الحل ثنياان وقف لاشعوريا:لاااا انتي شتقولين ؟!! شدها بذراعيها بقوة ونفضها :لاتفاااولين على أمييي لاااااا بسم الله عليها جعلني قبلها مروة:ثنيااان عورتني فك ييدي اقول لك تطلبك الحل صابتها سكته قلبيه لأن الفترة الأخيرة ضعف قلبها كثير دفعها للخلف بقوة حتى سقطت على الأريكة وخرج يشعر بضيييق يكتم أنفاسه ذهب لمكان بعيد عن الأعين ثم بكى بكاااء شديد كيف تموت ولا أحد يخبره لايصلي عليها ولايحملها على أكتافه لايضعها في اللحد ولايستودعها الله من عذاب القبر ومن وحشته كييف بكى لمدة ساعتين متواصله ؟؟! تورمت أجفانه جف حلقه بقى مكانه حتى أظلم الليل عليه.. بينما في منزل مروة كان زوجها يصرخ بها :كيييف تقولين له كذذا انهبلللتي تموتين امك وهي حييه وينه الحييين انجنيييتي على الأخر كان قلت عند فارس قلتي اييي شي الا الموت ماتخافين الله ورب البيت اللي سويتيه شفتي بنتك اللي حاضنتها تردها لك صحيح مابيها عندي ببيتي بس ماهو لـ هالدرجة مارضيت عنك لما حطيتيها بدار المسنين لكن مشيتها قلت يطلع ولدها وياخذها لكن توصل هالمواصيل حسبي الله عليك من حرمه.. وخرج غاضباً منها ومن هول ماحدث لايستطع التصديق بأن هذذه زوجته اللتي عاش معها خمسة عشر عاماً .. ذهب للبحث عن ثنيان اتصل بجمييع هواتفه لكنها مغلقه ولا يجد منه رد.. **** ألتقيكم قريباً يا أحبه. 💛 | ||||||||
|
| |
|
| أدوات الموضوع | |
| انواع عرض الموضوع | |
|
|
4Likes
.png)
العرض العادي
